ထားဝယ်ဖွံ့ဖြိုးမှုအဖွဲ့ ပတ်ဝန်းကျင် ထိန်းသိမ်းရေး ထိုင်းဝန်ကြီးချုပ်ကို ပန်ကြား

08 ဇန်နဝါရီ 2012
မသင်းသီရိ

ထားဝယ်ရေနက်စီမံကိန်းတွင်း ထိုင်းနိုင်ငံဘက်ကနေ တည်ဆောက်မယ့် စက်ရုံတွေဟာ ဒေသခံတွေအတွက် ကျန်းမာရေး ထိခိုက်မှု နဲ့အတူ သဘာဝပတ်ဝင်းကျင် ပျက်ဆီးမှုတွေပါ ဖြစ်စေတာမို့ ကန့်ကွက်ကြောင်း ထားဝယ် ဖွံ့ဖြိုးတိုးတက်ရေးအဖွဲ့က ထိုင်းဝန်ကြီးချုပ် ယင်းလပ် ရှင်နာဝပ် ဆီ လိပ်မူပြီး အိတ်ဖွင့်ပေးစာ တစ်စောင် ပေးပို့လိုက်ပါတယ်။ ထားဝယ်အထူး စီးပွားရေးဇုန် စီမံကိန်းကြောင့် ဒေသခံကျေးရွာတချို့ ရွေ့ပြောင်း ပေးနေရတာမျိုးတွေလည်း ရှိသလို နစ်နာမှုတွေလည်း ကြုံနေကြရတယ်လို့လည်း ဒေသခံတွေက ဆိုပါတယ်။ ဒီအခြေအနေ အပြည့်အစုံကို မသင်းသီရိက တင်ပြထားပါတယ်။

တနင်္သာရီတိုင်း၊ ထားဝယ်ခရိုင် ရေဖြူမြို့နယ်မှာ အကော်အထည်ဖော်နေတဲ့ ထားဝယ် အထူး စက်မှုဇုန် ရေနက်ဆိပ်စီမံကိန်းမှာ ကျောက် မီးသွေးသုံး ဓာတ်အားပေးစက်ရုံ၊ သံမဏိစက်ရုံနဲ့ ရေနံချက်စက်ရုံအပြင် ဓာတ်မြေသြဇာ စက်ရုံတွေကို ထိုင်းနိုင်ငံက Italian-Thai Development ကုမ္ပဏီက ဦးဆောင် တည်ဆောက်နေတာ ဖြစ်ပါတယ်။ ဒီစက်ရုံတွေဟာ ဒေသခံတွေရဲ့ကျန်းမာရေးကို ထိခိုက်စေ မှာ ဖြစ်သလို သဘာဝပတ်ဝန်းကျင်ကို အကြီးအကျယ် ထိခိုက်မှုရှိနေတယ် ဆိုတာကို သိဖို့အတွက် အိပ်ဖွင့်ပေးစာ တစ်စောင်ကို ထားဝယ် ဖွံ့ဖြိုးတိုးတက်ရေးအဖွဲ့က ထိုင်းဝန်ကြီးချုပ် ယင်းလပ် ရှင်နာဝပ် ဆီကို ဇန်န၀ါရီလ ၇ ရက်နေ့က ပေးပို့ခဲ့တာပါ။

ဒီစီမံကိန်းအတွက် ဇန်န၀ါရီလ ၆ ရက်နေနဲ့ ၇ ရက်နေ့တွေမှာ ထားဝယ်ဒေသတွင်း ပြုလုပ်နေတဲ့ အစည်းအဝေးကို တက်ဖို့ ရောက် နေကြ တဲ့ ထိုင်းနိုင်ငံက ဘဏ္ဍာရေးဝန်ကြီး၊ စွမ်းအင်နဲ့ ပို့ဆောင် ဆက်သွယ်ရေးဌာနက ၀န်ကြီးတွေကတဆင့် ထိုင်းဝန်ကြီးချုပ်ဆီကို ပေးဖို့အတွက် သူတို့ရဲ့ သဘောထား တင်ပြချက်စာကို တဆင့်ပေးပို့ခဲ့တာ ဖြစ်သလို ရန်ကုန်က ထိုင်းသံရုံးကိုလည်း ပို့ခဲ့တယ်လို့ ထားဝယ် ဖွံ့ဖြိုးတိုးတက်ရေးအဖွဲ့က ကိုလေးလွင်က ပြောပါတယ်။

“ကျနော်တို့က ထိုင်းဝန်ကြီးချုပ်ကို အိပ်ဖွင့်ပေးစာ ပေးတာကတော့ ကျနော်တို့ဒေသမှာ စိမ်းလန်းစိုပြေ ပြီးတော့ အဓွန့်ရှည်တဲ့ တိုးတက် မှုမျိုးကို ကျနော်တို့ လုပ်ချင်တယ်။ ခုနကပြောတဲ့ ကျောက်မီးသွေးစက်ရုံတွေ၊ သံမဏိစက်ရုံတွေ၊ ရေနံချက်စက်ရုံတွေ ဆိုတာက chemical တွေဆိုတော့ အဲဒါမျိုးတွေကိုတော့ မကြိုက်ဘူးပေါ့။ အဲဒါတွေက သဘာဝပတ်ဝန်းကျင်ကို ထိခိုက်မယ်၊ ကျန်းမာရေး ထိခိုက် မယ်။ အဲဒီလိုမျိုးတွေကို မလုပ်ဖို့ ကျနော်တို့က ပြောတာပါ။ ရေနက်ဆိပ်ကမ်းက တာဝန်ခံကို ၀င်ပေးပါတယ်။ အဲဒီ အစည်းအဝေး လုပ် တဲ့နေ့မှာပဲ။ ကျနော်တို့က ကျန်တဲ့ဟာတွေကိုတော့ အီးမေးနဲ့ ပို့ပါတယ်။ သူတို့ အီးမေးလိပ်စာတွေကိုရော ပို့ပါတယ်။ စာကတော့ လက် ထဲပေးတာပါ။”

ဒါ့အပြင် ဒီစီမံကိန်းကြောင့် အိုးအိမ်နေရာ ရွေ့ပြောင်းမှုတွေလည်း ရှိနေပြီး ဒေသခံတွေမှာ နေအိမ်ခြံမြေတွေ အတွက် ထိုက်တန်တဲ့ လျော်ကြေးမရတာ အဆင်မပြေတာတွေလည်း ဖြစ်နေပါတယ်။ အခုဆိုရင်ပဲ ထားဝယ် လောင်းလုံမြို့နယ်ထဲက ညောင်ပင်ဆိပ်ရွာကို မကြာခင်ရက်ပိုင်းတွေတွင်းမှာ ရွာလုံးကျွတ် ရွေ့ပြောင်းဖို့ အာဏာပိုင်တွေက ထပ်ခါတလဲလဲ လာပြောနေပေမဲ့ ရွာသားတွေအတွက် ကြိုတင် နေရာစီစဉ်ပေးတာ မရှိသလို ဆုံးရှုံးကြရတောမယ့် သူတို့ရဲ့ လယ်ယာကိုင်းကျွန်းနဲ့ ခြံတွေအတွက်လည်း လျော်ကြေးကိစ္စ တိတိကျကျ ဘာမှပြောဆိုတာ မရှိဘူးလို့ ညောင်ပင်ဆိပ်ရွာက ဆရာတော်က မိန့်ပါတယ်။ ဒါကြောင့် ရွာသူရွာသားတွေဟာ စိုးရိမ်မှုတွေ ဖြစ်နေကြတယ်လို့ ဆရာတော်က အခုလို မိန့်ပါတယ်။

“အခုဆိုလို့ရှိရင် သူတို့လာပြောတာ တစ်ပတ်လောက် ရှိသွားပြီ။ မကြာမကြာ လာ လာပြောတယ်။ ဆင်းရမယ် ဆင်းရမယ်… ဆိုပြီး သူတို့က အာဏာနဲ့ လာ လာပြောတယ်။ အဲဒါ ရွာသူရွာသားတွေက ကြောက်တယ်။ နားလည်း နားမလည်ဘူးပေါ့။ တောသူ တောင် သားတွေ ဆိုတော့။ အဲဒါနဲ့ပဲ ကြောက်နေရတယ် ဒကာမကြီး။ နောက်တော့ နေရာ ပေးမယ်လို့ သူတို့က ပြောတယ်။ သူတို့ ပေးမယ် လို့တော့ ပြောတယ်။ သို့သော်ငြားလည်း မရေမရာစကားပေါ့။ ဥပဇ္ဇင်းတို့ ညောင်ပင်ဆိပ်ရွာမှာက တောသူတောင်သားတွေ လယ်ယာ ကိုင်းကျွန်းပဲ လုပ်စားတယ်။ အဲဒီမှာ သီဟိုခြံရှိတယ်၊ ရာဘာခြံရှိတယ်။ အဲဒါ သူတို့စီးပွားရေးနဲ့ သူတို့ ဘိုးစဉ်ဘောင်ဆက် အစဉ်ထာဝရ နေလာခဲ့တာ။ အဲဒါကို ဘယ် ပြောင်းချင်မှာလဲ ဒကာမကြီး။”

ထားဝယ် ရေနက်စီမံကိန်းကြောင့် ပြောင်းရွေ့ဖို့ ဖိအားပေးခံနေရတဲ့ ညောင်ပိတ်ဆိပ်ရွာက အခြေအနေကို ညောင်ပင်ဆိပ်ရွာ ဆရာတော် မိန့်ခဲ့တာဖြစ်ပါတယ်။ ဒေသဆိုင်ရာ အာဏာပိုင်တွေဘက်ကတော့ နစ်နာထားသူတွေကို ဇန်န၀ါရီလထဲမှာ ထိုက်တန်တဲ့ လျော်ကြေးတွေ စပေးမယ်လို့ ပြောနေပေမဲ့ လက်ရှိမှာ သူတို့သတ်မှတ်ထားတဲ့ ကြေးဟာ တန်ရာတန်ကြေး မဖြစ်ဘဲ နစ်နာမှုတွေ ရှိနေတယ်လို့လည်း ဝေဖန်သံတွေ ထွက်နေပါတယ်။

ထားဝယ် စီးပွားရေး အထူးစက်မှုဇုန် စီမံကိန်းတွင်းမှာ အဓိက ဇုန် ၅ ခုပါဝင်ပြီး သံမဏိစက်ရုံ၊ ဓာတ်မြေသြဇာစက်ရုံ၊ ကျောက်မီးသွေး သုံး ဓာတ်အားပေးစက်ရုံ အပြင် အကြီးစား စက်မှုလုပ်ငန်းတွေ ပါဝင်သလို ရေနံနှင့် သဘာဝဓာတ်ငွေ့ဆိုင်ရာ စက်မှုလုပ်ငန်း၊ ရာဘာ စက်ရုံနဲ့ ရေနံဓာတုအခြေပြု စက်မှုလုပ်ငန်း၊ ဆေးဝါး ထုတ်လုပ်ရေး၊ ကွန်ပျူတာ ဆက်စပ်ပစ္စည်း ထုတ်လုပ်ရေး အပါအ၀င် အသေးစား စက်မှုလုပ်ငန်းတွေလည်း ပါဝင်မှာဖြစ်ပါတယ်။

Ref: ဗွီအိုအေ

Read More...

Collapse...

အီရန်သမ္မတ လက်တင်အမေရိက လေးနိုင်ငံ ခရီးနှင်

08 ဇန်နဝါရီ 2012

အီရန် သမ္မတ မာမွတ် အမာဒီနီဂျက် (Mahmoud Ahmadinejad) ဟာ လက်တင် အမေရိကား နိုင်ငံတွေကို ၅ ရက်ကြာခရီး တနင်္ဂနွေ နေ့ မှာ စတင်လိုက်ပါပြီ။ ဒီခရီးစဉ်ဟာ အီရန်ရဲ့ အငြင်းပွားဖွယ် နျူးကလီးယား အစီအစဉ်တွေနဲ့ ပတ်သက်ပြီး စီးပွားရေး ပိတ်ဆို့မှုတွေ တင်းတင်း ကျပ်ကျပ် လုပ်လာတဲ့အပေါ်မှာ အီရန်အစိုးရ အကြပ်ရိုက်နေတဲ့ အနေအထားကို ပြသလိုက်တာလို့ အမေရိကန် အစိုးရ အရာ ရှိတွေက ပြော ဆိုလိုက်ပါတယ်။

မစ္စတာ အမာဒီနီဂျက်ဟာ ဗင်နီဇွဲလား (Venezuela) ကို ပထမဆုံး သွားရောက်မှာ ဖြစ်ပြီး အဲဒီနောက်မှာတော့ နီကာရာဂွါ (Nicaragua) ၊ ကျူးဘား (Cuba) နဲ့ အီကွေဒေါ (Ecuador) နိုင်ငံတွေကို ခရီးဆက်မှာ ဖြစ်ပါတယ်။ အီရန် သမ္မတက ဒီလေးနိုင်ငံက ခေါင်းဆောင် တွေကို အမျိုးသားရေး စိတ်ဓာတ်ရှိသူတွေအဖြစ် ပြောဆိုတာကို ကိုးကားပြီး အီရန် အစိုးရ သတင်းဌာနတွေက ဖော်ပြကြပါတယ်။

လတ်တလော နှစ်တွေမှာတော့ အီရန် သမ္မတဟာ လက်ဝဲယိမ်း၊ အမေရိကန် ဆန့်ကျင်ရေး လက်တင် အမေရိကား ခေါင်းဆောင်တွေ၊ အထူးသဖြင့် ဗင်နီဇွဲလား သမ္မတ ဟူဂိုချားဗက်ဇ် (Hugo Chavez) နဲ့ ပလဲနံပ သင့်နေတာအပေါ် စိုးရိမ်တဲ့အကြောင်း အမေရိကန် အစိုးရက ပြောဆိုပါတယ်။ သောကြာနေ့တုန်းကတော့ လက်တင် အမေရိကား နိုင်ငံတွေအနေနဲ့ အီရန်နိုင်ငံနဲ့ အရောတ၀င် မလုပ်ကြဖို့ အမေရိကန် အစိုးရ အရာရှိတွေက သတိပေးလိုက်ပါတယ်။

အမေရိကန် နိုင်ငံခြားရေး ၀န်ကြီးဌာန ပြောရေးဆိုခွင့် ရှိသူ ဗစ်တိုးရီးယား နျူလန် (Victoria Nuland) ကတော့ အီရန်အနေနဲ့ မဟာမိတ် တွေ ရလာဖို့ ဆိုတာကို မမျှော်လင့်ဖို့ ပြောဆိုလိုက်ပါတယ်။ ဒီခရီးစဉ်အတွင်းမှာတော့ မစ္စတာ အမာဒီနီဂျက်ဟာ ဗင်နီဇွဲလား သမ္မတ မစ္စတာ ချားဗက်ဇ်နဲ့ တွေ့ဆုံမှာဖြစ်ပြီး နီဂါရာဂွာ သမ္မတ ဒန်နီရယ် အော်တီဂါ (Daniel Ortega) ရဲ့ ကျမ်းသစ္စာကျိန်ဆိုပွဲကို တက်ရောက် ဖို့ ရှိပါတယ်။

Ref: ဗွီအိုအေ

Read More...

Collapse...

အာဖဂန်အကျဉ်းသားများကို အမေရိကန် ညှဉ်းပန်း နှိပ်စက်ကြောင်း စွပ်စွဲ

07 ဇန်နဝါရီ 2012

အာဖဂန်နိုင်ငံ အကျဉ်းထောင်တွေအပေါ် အမေရိကန် ကြီးကြပ်ကွပ်ကဲနေတာနဲ့ ပတ်သက်လို့ သမ္မတ ဟာမစ်ခါဇိုင်း (Hamid Karzai) ဖွဲ့ထားတဲ့ ကော်မရှင်က ပြင်းထန်တဲ့ စွဲချက်တွေတင်ပြီး ဝေဖန် ပြောကြားလိုက်ပါတယ်။

မြို့တော် ကဘူးလ်ရဲ့ မြောက်ဘက် ဘက်ဂရမ် (Bagram) လေတပ် အခြေစိုက်စခန်းအတွင်းက အကျဉ်းထောင်မှာ ဖမ်းဆီး ထိန်းသိမ်း ခံထားရတဲ့ အာဖဂန် အကျဉ်းသားတွေကို အမေရိကန်တို့က ညှဉ်းပန်း နှိပ်စက်မှုတွေ ပြုလုပ်နေတယ်ဆိုပြီး အဲဒီကော်မရှင်က စနေနေ့မှာ ထုတ်ပြန်တဲ့ အစီရင်ခံစာထဲမှာ စွပ်စွဲ ပြောဆိုထားတာပါ။

အစီရင်ခံစာထဲမှာ အသေးစိတ် ဖော်ပြထားတာမျိုးတော့ မရှိပါဘူး။ ဒါပေမဲ့ သူတို့ကို ဖမ်းဆီး ထိန်းသိမ်းထားတဲ့ ကာလအတွင်း ရှေ့နေနဲ့ တွေ့ခွင့်မပေးတာ၊ ဓာတ်ငွေ့တွေအသုံးပြုပြီး ညှဉ်းပန်း နှိပ်စက်တာတွေ အပါအ၀င် အကြောင်းအချက်များစွာနဲ့ အကျဉ်းသားတွေက တိုင်ကြားကြတယ်လို့ ကော်မရှင်အဖွဲ့ဝင် မိုဟာမတ်အမင်အမာဒီ (Mohammad Amin Ahmadi) က သတင်းထောက်တွေကို ပြောပါ တယ်။ တချို့ အကျဉ်းသားတွေဆိုရင် သူတို့မှာ ဘာအပြစ်မှ မရှိဘူးဆိုတာ သိပြီးနောက်မှာ ဆက်လက် ထိန်းသိမ်းထားခြင်း ခံခဲ့ရတဲ့ အကြောင်း တိုင်ကြားခဲ့ကြတယ်လို့ သူက ပြောပါတယ်။

အာဖဂန်သမ္မတ ဟာမစ် ခါဇိုင်း အရင်က တောင်းဆိုထားခဲ့ဖူးသလိုပဲ အကျဉ်းထောင်တွေကို အာဖဂန် အာဏာပိုင်တွေလက်ထဲ လွှဲ ပြောင်း ပေးဖို့ ကော်မရှင်ဥက္ကဋ္ဌ ဂူလ် ရာမန်ခါဇီ (Gul Rahman Qazi) ကလည်း အမေရိကန် အာဏာပိုင်တွေထံ တောင်းဆိုလိုက် ပါတယ်။

ကော်မရှင်အဖွဲ့ဝင်တွေက သတင်းမီဒီယာတွေကို ထုတ်ဖော် ပြောဆိုပြီးမှပဲ အမေရိကန် အာဏာပိုင်တွေ အနေနဲ့ အဲဒီ အစီရင်ခံစာကို လက်ခံ ရရှိခဲ့တယ်လို့ ကဘူးလ်မြို့မှာရှိတဲ့ အမေရိကန်သံရုံး ပြောခွင့်ရပုဂ္ဂိုလ်က အေပီသတင်းဌာနကို ပြောပါတယ်။ အကျဉ်းသားတွေ ညှဉ်းပန်း နှိပ်စက်ခံရတယ်ဆိုတဲ့ စွပ်စွဲချက်တိုင်းကို အမေရိကန်တို့အနေနဲ့ စုံစမ်း စစ်ဆေးမှု ပြုလုပ်တယ်လို့ အဲဒီ သံရုံး ပြောခွင့်ရပုဂ္ဂိုလ် က ဆိုပါတယ်။

Ref: ဗွီအိုအေ

Read More...

Collapse...

ပါကစ္စတန် သမ္မတဟောင်း ပြည်တော်ပြန်လာရင် ဖမ်းမည်

07 ဇန်နဝါရီ 2012

ပါကစ္စတန်သမ္မတဟောင်း ပါဗက်ဇ်မူရှာရက်ဖ် (Pervez Musharraf) အနေနဲ့ ပြောထားတဲ့အတိုင်း တိုင်းပြည်ကို ပြန်ဝင်လာရင် အဖမ်း ခံရမှာ ဖြစ်ပါတယ်။ အစိုးရအနေနဲ့ တည်ဆဲဥပဒေတွေနဲ့အညီ သူ့အပေါ် ဖမ်းဝရမ်း ထုတ်ထားတဲ့အတိုင်း တိုင်းပြည်ကိုပြန်ရောက်တာနဲ့ ဖမ်းဆီး ထိန်းသိမ်းမယ်လို့ အစိုးရ အကျိုးဆောင်ရှေ့နေ ချောင်ဒရီဇူလ်ဖီကာ အလီ (Chaudhry Zulfiqar Ali) က သတင်းထောက်တွေ ကို စနေနေ့မှာ ပြောပါတယ်။

သမ္မတဟောင်း မူရှာရက်ဖ် အပေါ် ဖမ်းဝရမ်းထုတ်ထားတဲ့အထဲ ၂၀၀၇ ခုနှစ်က ၀န်ကြီးချုပ်ဟောင်း ဘနာဇီယာဘူတို (Benazir Bhutto) ကို လုပ်ကြံသတ်ဖြတ်မှုနဲ့ ဆက်နွယ်နေတဲ့ စွပ်စွဲချက်လည်း ပါဝင်ပါတယ်။ ၀န်ကြီးချုပ်ဟောင်း ဘူတို လုပ်ကြံ သတ်ဖြတ်ခံရမှုဟာ ပါကစ္စ တန် တာလီဘန်တွေရဲ့ လက်ချက်ဖြစ်တယ်လို့ မစ္စတာ မူရှာရက်ဖ်က ပြစ်တင် ပြောဆိုထားပါတယ်။ ဒါပေမဲ့ အဲဒီ လုပ်ကြံသတ် ဖြတ်မှုမှာ သူကိုယ်တိုင် ပါဝင်နေတယ်လို့ အစိုးရ ရှေ့နေတွေက ပြောပါတယ်။

မစ္စတာ မူရှာရက်ဖ်ဟာ ပါကစ္စတန်က ထွက်သွားတဲ့ ၂၀၀၈ ခုနှစ်ကစလို့ လန်ဒန်မြို့နဲ့ ဒူဘိုင်းတို့မှာ နေထိုင်နေတာပါ။ သူ့အနေနဲ့ ပါက စ္စတန်နိုင်ငံကို မကြာခင် ပြန်လာလိုတဲ့အကြောင်း သူကိုယ်တိုင်ကရော၊ သူနဲ့ နီးစပ်သူတချို့ကပါ အရိပ်အမွက် ပြောဆိုနေခဲ့တာပါ။

မစ္စတာ မူရှာရက်ဖ်အနေနဲ့ အခုလနှောင်းပိုင်းမှာ တိုင်းပြည်ကို ပြန်လာလိုတဲ့အကြောင်း ပါကစ္စတန် ရုပ်မြင်သံကြား သတင်းဌာနတစ်ခုကို ပြောခဲ့တယ်လို့ အေပီသတင်းတစ်ခုမှာ ဖော်ပြထားပါတယ်။ သူပြန်လာမယ့်ရက်ကို မကြာခင် ကြေညာမယ့်အကြောင်း သူနဲ့ နီးစပ်သူ တွေကလည်း ပြောပါတယ်။

သူ့အနေနဲ့ ပြည်ပမှာ နေထိုင်နေတယ်ဆိုပေမဲ့လည်း ပါကစ္စတန်နိုင်ငံအတွင်းမှာရှိတဲ့ ပါကစ္စတန် နိုင်ငံလုံးဆိုင်ရာ မူစလင်အဖွဲ့ချုပ်ပါတီကို ဦးဆောင်နေဆဲ ဖြစ်ပါတယ်။ သူ့အနေနဲ့ ပါတီကို ဦးဆောင်ပြီး ရွေးကောက်ပွဲမှာ ၀င်ရောက် ယှဉ်ပြိုင်လိုတဲ့အကြောင်း ပြောဆိုနေခဲ့တာပါ။

Ref: ဗွီအိုအေ

Read More...

Collapse...

ဓါးစားခံ အီရန်သင်္ဘောသားများ အမေရိကန်ရေတပ် ကယ်တင်

07 ဇန်နဝါရီ 2012

အာရေဗျပင်လယ်ထဲမှာ ပင်လယ်ဓားပြတွေ ဖမ်းဆီးထားတဲ့ အီရန် ၁၃ ဦးကို အမေရိကန်ရေတပ် သင်္ဘောတစ်စီးကနေ ကယ်တင်ခဲ့ပါ တယ်။ အမေရိကန်ရေတပ်က အီရန် သင်္ဘောသားတွေကို ကယ်တင်ခဲ့တာနဲ့ ပတ်သက်ပြီး အီရန်အစိုးရက ကြိုဆိုတယ်လို့ အီရန် နိုင်ငံခြားရေး ၀န်ကြီး ဌာန ပြောခွင့်ရပုဂ္ဂိုလ်က ဆိုပါတယ်။

ပါရှန် ပင်လယ်ကွေ့ထဲကို အမေရိကန် သင်္ဘောတွေ ပြန်မလာနဲ့လို့ အီရန်ကနေ သတိပေးခဲ့ပြီး ရက်ပိုင်းအကြာမှာပဲ ပင်လယ်ဓားပြတွေက ဓါးစာခံအဖြစ်ဖမ်းထားတဲ့ အီရန်နိုင်ငံသားတွေကို အမေရိကန်ဘက်က ကယ်တင်ခဲ့တာပါ။ Al Molai လို့ ခေါ်တဲ့ အီရန် ငါးဖမ်းသင်္ဘော တစ်စီးကနေပြီး သူတို့အဖမ်းခံထားရတဲ့ အခြေအနေ၊ အကြောင်းကြားချက်ကို ကြာသပတေးနေ့က ရရှိခဲ့ပြီးနောက်ပိုင်း အဲဒီသင်္ဘောကို ရှာတွေ့ခဲ့တာလို့ အမေရိကန်ရေတပ်က မနေ့ကပဲ ကြေညာခဲ့ပါတယ်။

အမေရိကန် ရေတပ်သင်္ဘော USS Kidd က တပ်ဖွဲ့တစ်ခုက အဲဒီ ပြန်ပေးဆွဲခံထားရတဲ့ အီရန်သင်္ဘောဆီ သွားရောက်ခဲ့ပြီး ပင်လယ် ဓားပြ ၁၅ ဦးကို ဖမ်းဆီးခဲ့တယ်လို့ ဆိုပါတယ်။ အဲဒီအီရန် သင်္ဘောဟာ ပင်ဓါးပြတွေ လက်ထဲရောက်နေတာ တစ်လကျော် ရှိနေပြီ လို့လည်း အမေရိကန်ရေတပ်က ပြောပါတယ်။ အဲဒီသင်္ဘောကို ပင်လယ်ဓားပြတွေက သူတို့ရဲ့ဌာနချုပ် အဖြစ် ထားပြီး သူတို့ရဲ့ လုပ်ငန်း တွေကို လုပ်နေတာလို့လည်း ဆိုပါတယ်။

အီရန်သင်္ဘောသားတွေကို အစားအစာနဲ့ ဆေးဝါးတွေကို ပေးထားပြီး အခုသူတို့တွေဟာ အီရန်နိုင်ငံကို ပြန်နေကြပြီလို့ ဆိုပါတယ်။ အဲဒီ သင်္ဘောသားတွေကတော့ အခုတလောဖြစ်နေတဲ့ အီရန်နဲ့ အမေရိကန်အကြား တင်းမာမှုတွေနဲ့ပတ်သက်ပြီး သိကြပုံမရဘူးလို့လည်း အမေရိကန်ရေတပ်က ပြောပါတယ်။

ပါရှန်ပင်လယ်ကွေ့မှာရှိတဲ့ ဟောမုဇ်ရေလက်ကြားကို ပိတ်ပစ်မယ်လို့ မကြာခင်ကပဲ အီရန်က ခြိမ်းခြောက်ထားတာပါ။ အမေရိကန် လေယာဉ်တင်သင်္ဘောတွေ အဲဒီဒေသမှာ လှုပ်ရှားသွားလာတာတွေ မလုပ်ဖို့လည်း အီရန်က သတိပေးထားပါတယ်။ အမေရိကန် ဘက်ကတော့ ပါရှန်ပင်လယ်ကွေ့ထဲက သူတို့ရဲ့လှုပ်ရှားမှုတွေကို ပုံမှန်အတိုင်း ဆက်ပြီးလုပ်နေမယ်လို့ ပြောထားပါတယ်။

Ref: ဗွီအိုအေ

Read More...

Collapse...

မြန်မာအစိုးရနဲ့ ချင်းအမျိုးသားတပ်ဦး အပစ်ရပ်သဘောတူ

07 ဇန်နဝါရီ 2012
ကိုမိုးဇော်

ချင်းအမျိုးသားတပ်ဦး (CNF) က ဇန်န၀ါရီလ ၅ ရက်နဲ့ ၆ ရက်နေ့တွေမှာ ချင်းပြည်နယ် မြို့တော် ဟားခါးမှာ အပစ်အခတ် ရပ်စဲရေး အတွက် ဆွေးနွေးကြရာမှာ ဇန်န၀ါရီလ ၅ ရက်နေ့က ပြည်နယ်အစိုးရအဆင့်နဲ့ အဓိက ဆွေးနွေးပြီး ဇန်န၀ါရီလ ၆ ရက်မှာတော့ ပြည် ထောင်စုအဆင့်နဲ့ အဓိက ဆွေးနွေးခဲ့တယ်လို့ ဒီဆွေးနွေးပွဲကို ပါဝင် တက်ရောက်ခဲ့တဲ့ အစိုးရအာဏာပိုင်တစ်ဦး ပြောဆိုတာကို ကိုးကား ပြီးတော့ ဗွီအိုအေ သတင်းထောက် ကိုမိုးဇော်က သတင်းပေးပို့ထားပါတယ်။

ဇန်န၀ါရီလ ၆ ရက်နေ့ နောက်ဆုံး ဆွေးနွေးပွဲမှာတော့ အပစ်အခတ် ရပ်စဲရေးအတွက် နေ့ခင်း ၂ နာရီ လောက်မှာ သဘောတူ လက်မှတ် ရေးထိုးခဲ့ပါတယ်။ ဒီလို လက်မှတ်ရေးထိုးရာမှာ ချင်းပြည်နယ် အစိုးရဘက်က နယ်စပ်ဒေသ လုံခြုံရေးဝန်ကြီး ဗိုလ်မှူးကြီးဇော်မင်းဦးက ဦးဆောင် လက်မှတ် ရေးထိုးခဲ့ပြီး CNF ဘက်တော့ တွဲဘက် အထွေထွေအတွင်းရေးမှူးချုပ် ဒေါက်တာ ဆလိုင်းရွှေခါးက ဦးဆောင် လက်မှတ်ထိုးခဲ့ပါတယ်။

အသိသက်သေတွေ အဖြစ်ကတော့ မြန်မာအစိုးရဘက်က မီးရထားပို့ဆောင်ရေးဌာန ပြည်ထောင်စုဝန်ကြီး ဦးအောင်မင်း၊ သစ်တောနဲ့ သဘာဝပတ်ဝန်းကျင်ရေးရာ ၀န်ကြီး ဦးဝင်းထွန်း၊ ချင်းပြည်နယ် ၀န်ကြီးချုပ် ဦးဟုန်းငိုင်းတို့ ပါဝင် လက်မှတ်ရေးထိုးခဲ့ပါတယ်။

ဒီဆွေးနွေးပွဲမှာ နှစ်ဘက် အပစ်အခတ် ရပ်စဲဖို့အပြင် ထန်တလန်မြို့မှာ CNF ရဲ့ ဆက်ဆံရေးရုံး ဖွင့်လှစ်ဖို့ သဘောတူညီခဲ့ပြီး မတူပီနဲ့ တီးတိန်မြို့တွေမှာ ဖွင့်လှစ်ဖို့တော့ ဆက်လက် ဆွေးနွေးသွားမှာဖြစ်ပါတယ်။ ဒါ့အပြင် လက်နက်မပါဘဲ နယ်မြေဖြတ်သန်းခွင့် ပြုရေးနဲ့ ပြည်ထောင်စုအဆင့်နဲ့ မကြာခင် ဆက်လက်ဆွေးနွေးဖို့ ဆိုတာတွေကို သဘောတူညီခဲ့ပါတယ်။

CNF အဖွဲ့ဟာ ၁၉၈၈ ခုနှစ်၊ မတ်လမှာ အိန္ဒိယ-မြန်မာ နယ်စပ်ဒေသမှာ စတင် ဖွဲ့စည်းခဲ့တာဖြစ်ပြီး ၈ လေးလုံး ဒီမိုကရေစီရေး လှုပ်ရှား မှုအပြီးမှာ ချင်းကျောင်းသားတွေက ဦးဆောင်ပြီး ကိုယ်ပိုင်ပြဌာန်းခွင့် ရရှိရေး၊ ဖက်ဒရယ်ပြည်ထောင်စု တည်ဆောက်ရေး၊ တန်းတူ ညီမျှရေး အတွက် ၂၃ နှစ်ကြာ အစိုးရကို လက်နက်ကိုင် တော်လှန်ခဲ့တဲ့အဖွဲ့ ဖြစ်ပါတယ်။ ၂၀၀၇ ခုနှစ်မှာ CNF နဲ့ မြန်မာစစ်အစိုးရအကြား အပစ်အခတ် ရပ်စဲရေးအတွက် ဆွေးနွေးခဲ့ဖူးပေမဲ့ မအောင်မြင်ခဲ့ပါဘူး။

Ref: ဗွီအိုအေ

Read More...

Collapse...

အမေရိကန် အရာရှိကြီး ၂ ဦး မြန်မာပြည်သွားမည်

06 ဇန်နဝါရီ 2012
ဒေါ်ခင်မျိုးသက်

အမေရိကန်နိုင်ငံရဲ့ မြန်မာနိုင်ငံဆိုင်ရာ မူဝါဒရေးရာ ညှိနှိုင်းရေးမှူး ဖြစ်တဲ့ အထူးကိုယ်စားလှယ် ဒဲရက်မစ်ချဲလ်နဲ့ အမေရိကန်နိုင်ငံခြား ရေးဌာနက လူကုန်ကူးမှု တိုက်ဖျက်ရေးဆိုင်ရာ သံအမတ်ကြီး လူးဝစ်ဆီဒါဘက်ကာ (Luis CdeBaca) တို့ဟာ ဇန်န၀ါရီလ ၉ ရက်၊ တနင်္လာနေ့မှာ မြန်မာနိုင်ငံကို သွားရောက်ကြမယ်လို့ အမေရိကန် နိုင်ငံခြားရေးဌာနက ပြောပါတယ်။ ဒီခရီးစဉ်အတွင်း နိုင်ငံရေး ပြုပြင် ပြောင်းလဲမှုသာမက ဒဏ်ခတ်ပိတ်ဆို့မှုအတွက် အကျုံးဝင်နေတဲ့ လူကုန်ကူးမှု၊ အလုပ်သမား အခွင့်အရေး၊ နယ်စပ် ဒုက္ခသည် အရေး တွေကိုပါ လေ့လာသုံးသပ်ဖို့ရှိတယ်လို့ သိရပါတယ်။ မြန်မာနိုင်ငံကို စီးပွားရေး ပိတ်ဆို့ အရေးယူ ဒဏ်ခတ်မှုတွေ ချမှတ်ထားတဲ့ အမေ ရိကန် နိုင်ငံက တိုက်ရိုက်ထိတွေ့ ဆက်ဆံမှုတွေကို မကြာခင်လတွေအတွင်းမှာပဲ တိုးမြှင့်လုပ်လာခဲ့တာပါ။

ဒီဇင်ဘာ လဆန်းပိုင်းက အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံကို သွားရောက်ခဲ့ပြီးတဲ့နောက် အတူ လိုက် ပါသွားခဲ့တဲ့ အထူးကိုယ်စားလှယ် ဒဲရက်မစ်ချဲလ်ဟာ မကြာသေးခင်ကပဲ ဒေသတွင်း အင်အားကြီး သုံးနိုင်ငံဖြစ်တဲ့ တရုတ်၊ ဂျပန်နဲ့ တောင်ကိုရီးယားနိုင်ငံတွေကိုပါ သွားရောက်ပြီး မြန်မာနိုင်ငံ ပြုပြင်ပြောင်းလဲရေးအတွက် ပူးပေါင်း ဆောင်ရွက်မှုတွေရအောင် ကြိုး စားခဲ့ပါတယ်။ ရှေ့သီတင်းပတ်ထဲမှာတော့ မြန်မာနိုင်ငံကို ထပ်မံသွားရောက်ဖို့ ရှိတယ်လို့ အမေရိကန် နိုင်ငံခြားရေးဌာန ပြောခွင့်ရက ဗွီအိုအေကို ပြောပါတယ်။

“မြန်မာနိုင်ငံဆိုင်ရာ အမေရိကန် မူဝါဒ ညှိနှိုင်းရေးမှူးဖြစ်တဲ့ အထူးကိုယ်စားလှယ် ဒဲရက်မစ်ချဲလ်ဟာ မြန်မာနိုင်ငံနဲ့ ထိုင်းနိုင်ငံ မြောက် ပိုင်း မြန်မာနယ်စပ် ဒေသကို ဇန်န၀ါရီလ ၉ ရက်နေ့ကနေ ၁၃ ရက်နေ့တွေမှာ သွားမှာပါ။ နိုင်ငံခြားရေးဝန်ကြီး ကလင်တန်ရဲ့ ဒီဇင်ဘာ ခရီးစဉ် နောက်ဆက်တွဲ လုပ်ငန်းတွေအတွက် နေပြည်တော်မှာရော ရန်ကုန်မှာပါ တာဝန်ရှိသူတွေနဲ့ တွေ့ဆုံမှာဖြစ်ပါတယ်။ မစ္စတာ မစ် ချဲလ်ဟာ မြန်မာနိုင်ငံ အပူပိုင်းဒေသက အသေးစား ငွေချေးလုပ်ငန်း အစီအစဉ်တွေနဲ့ တခြား ဖွံ့ဖြိုးရေးလုပ်ငန်းတွေကိုပါ ကြည့်ဖို့ သွား မှာဖြစ်ပါတယ်။”

မစ္စတာ မစ်ချဲလ်ဟာ ထိုင်းနိုင်ငံမြောက်ပိုင်းက မြန်မာနယ်စပ်ဒေသမှာ မြန်မာဒုက္ခသည်တွေအတွက် အကူအညီတွေ ပေးနေတဲ့ အဖွဲ့ တွေအပြင် ထိုင်းအရာရှိတွေနဲ့ပါ တွေ့ဆုံပြီး မြန်မာဒုက္ခသည်တွေရဲ့အရေးကိုပါ စမ်းစစ်ဖို့ရှိပါတယ်။ အမေရိကန်နိုင်ငံက မြန်မာနိုင်ငံ အပေါ် အရေးယူဒဏ်ခတ်မှုတွေ ချမှတ်ထားတာမှာ နိုင်ငံရေး ဖိနှိပ်မှုသက်သက်ကြောင့်တင် မဟုတ်ဘဲ ဘာသာရေးဖိနှိပ်မှု၊ မူးယစ် ဆေးဝါးနဲ့ လူကုန်ကူးမှုဆိုင်ရာ ပြဿနာတွေအပြင် ကလေးစစ်သားနဲ့ အလုပ်သမားဆိုင်ရာ လူ့အခွင့်အရေး ချိုးဖောက်မှုတွေပါ ပါဝင် တာမို့ ဒီ အရေးယူဒဏ်ခတ်မှုတွေကို ဖြေလျှော့ပေးနိုင်မယ့် အနေအထား ရှိမရှိ အမေရိကန်နိုင်ငံဘက်က လေ့လာစမ်းစစ်ဖို့ လိုပါတယ်။ အခု မစ္စတာ မစ်ချဲလ်နဲ့အတူ လူကုန်ကူးမှု တိုက်ဖျက်ရေးဆိုင်ရာ အမေရိကန်အရာရှိပါ မြန်မာနိုင်ငံကို လာရောက်မယ်လို့ ဆိုပါတယ်။

“လူကုန်ကူးမှု တိုက်ဖျက်ရေးဆိုင်ရာ သံအမတ် လူးဝစ်ဆီဒါဘက်ကာ ကတော့ ဇန်န၀ါရီလ ၉ ရက်နေ့ကနေ ၁၁ ရက်နေ့အထိ မြန်မာ နိုင်ငံကို သွားမှာပါ။ မြန်မာနိုင်ငံက လူကုန်ကူးမှု အခြေအနေတွေကို ကိုယ်တိုင်ကြည့်ဖို့အပြင် မြန်မာအစိုးရရဲ့ လူကုန်ကူးမှု တိုက်ဖျက်ရေး ကြိုးပမ်းချက်တွေကို ဘယ်လို အကူအညီပေးနိုင်မလဲ ဆိုတာကိုပါ စမ်းစစ်မှာပါ။ နေပြည်တော်မှာ မြန်မာနိုင်ငံဆိုင်ရာ အထူးကိုယ်စား လှယ် ဒဲရက်မစ်ချဲလ်နဲ့အတူ မြန်မာအစိုးရ တာဝန်ရှိသူတွေကို တွေ့ဆုံတဲ့အခါ နယ်မြေ ကျော်ဖြတ်ပြီး လိင်ဖျော်ဖြေမှုနဲ့ ဆက်နွယ်တဲ့ လူကုန်ကူးမှုအပြင် အလုပ်သမားတွေရဲ့ အခြေအနေ တိုးတက်မှုဆိုင်ရာတွေကို ဆွေးနွေးဖို့ရှိပါတယ်။”

လူကုန်ကူးမှု တိုက်ဖျက်ရေးဆိုင်ရာ သံအမတ်ကြီး ဆီဒါဘက်ကာ ဟာ ရန်ကုန်မှာ အစိုးရမဟုတ်တဲ့ NGO အဖွဲ့အစည်းတွေ၊ နိုင်ငံတကာ အဖွဲ့အစည်းတွေနဲ့ မြန်မာအစိုးရရဲ့ လူ့အခွင့်အရေး ကော်မရှင်နဲ့ပါ တွေ့ဆုံဖို့ရှိတယ်လို့ ဆိုပါတယ်။

မစ္စတာ မစ်ချဲလ်နဲ့ သံအမတ်ကြီး ဆီဒါဘက်ကာတို့အပြင် အမေရိကန် အောက်လွှတ်တော်အမတ် ဂျိုးဇက်ခရိုလီ (Joseph Crowley) ဟာလည်း ရှေ့သီတင်းပတ်ထဲမှာပဲ မြန်မာနိုင်ငံကို သွားရောက်မှာ ဖြစ်ပါတယ်။ မြန်မာနိုင်ငံက အခြေအနေတွေကို ကိုယ်တိုင်ကိုယ်ကျ လေ့လာဖို့နဲ့ ပြုပြင်ပြောင်းလဲရေး လမ်းကြောင်းပေါ် ဆက်သွားရေး မြန်မာအစိုးရကို တိုက်တွန်းအားပေးဖို့ လာရောက်မယ့်အကြောင်း၊ ပြုပြင်ပြောင်းလဲရေး လမ်းကြောင်းမှာ အစိုးရက တချို့တ၀က် လုပ်ဆောင်ထားပြီးဖြစ်ပေမဲ့ နောက်ထပ် လုပ်ဆောင်ဖို့ လိုတာတွေ ရှိနေသေးကြောင်းနဲ့ နှစ်ပေါင်းများစွာ မိမိလေးစားခဲ့ရတဲ့ ဒေါ်အောင်ဆန်းစုကြည်နဲ့ တွေ့ဆုံဖို့ မျှော်လင့်နေပါတယ်လို့ ဇန်န၀ါရီလ ၆ ရက်နေ့ နေ့စွဲနဲ့ ထုတ်ပြန်တဲ့ ကြေညာချက်မှာ မစ္စတာ ခရိုလီက ပြောပါတယ်။

မစ္စတာ ခရိုလီဟာ မြန်မာ့ဒီမိုကရေစီရေးကို အစဉ်တစိုက် ထောက်ခံအားပေးလာခဲ့သူ ဖြစ်ပြီး မြန်မာစစ်အစိုးရ အဆက်ဆက်ကို အပြင်း အထန် ဝေဖန်ပြောဆိုလေ့ရှိသူ ဖြစ်ပါတယ်။ သူဟာ ၁၂ နှစ်အတွင်း မြန်မာနိုင်ငံကို ပထမဆုံး လာရောက်မယ့် အမေရိကန် အောက် လွှတ်တော်အမတ် ဖြစ်ပါတယ်။

Ref: ဗွီအိုအေ

Read More...

Collapse...

ရွေးကောက်ပွဲဝင်ရေး ကြိုးပမ်းဦးမယ့် ဒေါက်တာ တူးဂျာ

January 6, 2012

ကချင် လွတ်လပ်ရေးအဖွဲ့ (KIO) ခေါင်းဆောင်ဟောင်းနှင့် ကချင်ပြည်နယ် တိုးတက်ရေး ပါတီ (KSPP) ခေါင်းဆောင် တဦးဖြစ်သူ ဒေါက်တာ မနန် တူးဂျာသည်ကြားဖြတ် ရွေးကောက်ပွဲတွင် တသီးပုဂ္ဂလ အနေနှင့် ကချင်ပြည်နယ် မိုးကောင်းမြို့နယ်မှ ၀င်ရောက် ယှဉ်ပြိုင်ရန် ပြင်ဆင်ထားသည်။

KSPP ပါတီသည် ၂၀၁၀ ရွေးကောက်ပွဲတွင် ၀င်ရောက် အရွေးခံခွင့်မရခဲ့ပေ။ KSPPကို ၂၀၀၉ ခုနှစ် မတ်လတွင် စတင် ဖွဲ့စည်းခဲ့ပြီး KIO ခေါင်းဆောင်ဟောင်းတချို့လည်း ပါဝင်သည်။

ထို ပါတီခေါင်းဆောင် ဒေါက်တာ တူးဂျာကို ဆက်သွယ်၍ ကြားဖြတ်ရွေးကောက်ပွဲ ၀င်မည့် အကြောင်းနှင့် လတ်တလော ကချင်
ပြည် နယ်အတွင်း ဖြစ်ပွားနေသော တိုက်ပွဲ အခြေအနေများကို ဧရာဝတီ သတင်းထောက် သန်းထိုက်ဦးက မေးမြန်းထားပါသည်။


မေး ။ ။ အန်ကယ် ကြားဖြတ်ရွေးကောက်ပွဲကို ကချင် ပြည်နယ် မိုးကောင်းမြို့နယ်မှာ ၀င်ရောက်ယှဉ်ပြိုင်မယ်ဆိုတာ ဟုတ်ပါ သလား။

ဖြေ။ ။ ဟုတ်ပါတယ်၊ အန်ကယ်က ကြားဖြတ် ရွေးကောက်ပွဲဝင်မယ်၊ တသီးပုဂ္ဂလ အနေနဲ့ မိုးကောင်းမြို့နယ်မှာ၊ အခုတော့ မှတ်ပုံ မတင် ရသေးဘူး ပြင်ဆင်နေတယ်၊ ပြည်ထောင်စု ရွေးကောက်ပွဲ ကော်မရှင်က သတ်မှတ်ပေးထားတဲ့ ရက်ကဒီလ ၁၆ရက် ကနေ ၃၀ ကြားမှာ မှတ်ပုံတင်ရမယ်။ ဒါကတော့ ဒီလိုပါ အရင်က အန်ကယ် နေခဲ့တဲ့ မြို့တမြို့လည်း ဖြစ်တယ်။ အသိမိတ်ဆွေလည်းများတယ်၊ အခုဒီမှာ လစ်လပ်နေတာ ၃ နေရာပဲ ရှိတာကိုး။ ဖားကန့်၊ ဗန်းမော်၊ မိုးကောင်းရယ် ဆိုတော့ မိုးကောင်းကို အန်ကယ်က ပိုပြီး တော့မှ စိတ်ဝင်စားတယ်၊ ဗန်းမော် ဆိုတာက မိုးကောင်း လောက်တော့ မဖြစ်ဘူး၊ အန်ကယ် အတွက်က ဝေးလည်း နည်းနည်း ဝေးနေတယ်၊ မိုးကောင်းက အန်ကယ်နဲ့ နီးနီးကပ်ကပ်လေးရှိတယ်၊ အသိမိတ်ဆွေလည်း များတယ်။

မေး။ ။ အရင်က ၂၀၁၀ ရွေးကောက်ပွဲမှာ ၀င်ပြိုင်ဖို့ မှတ်ပုံ တင်ခဲ့တယ်၊ ပါတီထောင်ခွင့် မရဘူး၊ ဒီတခါ အစိုးရက ခွင့်ပြုမယ်လို့ ယုံကြည်လား။

ဖြေ။ ။ ဒီတခေါက်တော့ လူကြီးတွေက အန်ကယ်အပေါ်မှာပိုပြီးနားလည်ကြလိမ့်မယ်လို့ ထင်တယ်လေ၊ အချိန်ကလည်း တနှစ် ကျော်ကြာ သွားပြီး အခြေအနေတွေကလည်း အမျိုးမျိုးပြောင်းသွားပြီး အန်ကယ် ဘယ်လိုနေ ထိုင်နေတယ် ဆိုတာ လူကြီး တွေလည်း သိတယ်။ အဲဒါကြောင့် အန်ကယ်ကို သူတို့ စာနာထောက်ထားပြီး စဉ်းစားပေးလိမ့်မယ်လို့ ကောင်းကောင်း ယုံကြည်ပါတယ်။ အန်ကယ်က ဥပဒေ ဘောင်အတွင်းမှာ ရိုးရိုးသားသားပဲ နေထိုင်တယ်၊ ဘယ်အဖွဲ့ အစည်းနဲ့မှ အဆက်အသွယ် မရှိဘူး ဆိုတာကို အစိုးရက ကောင်းကောင်း သိရှိကြပြီလို့ အန်ကယ်ထင်တယ် အဲဒါကို ပြောတာပါ။

မေး။ ။ အစောပိုင်းကတော့ ပါတီမထောင်တော့ဘူး ပြောခဲ့တယ်၊ အခုမှ ဘာဖြစ်လို့ စိတ် ပြောင်းသွားတာလဲ။

ဖြေ။ ။ ဒါကတော့ ဒီလိုပါ အရင်ကတော့ အန်ကယ်က နည်းနည်း ဇဝေဇ၀ါ ဖြစ်နေတယ်၊ ဖြစ်နေတဲ့အပိုင်းက ပါတီ ပြန်ထောင်ရေး မထောင်ရေး၊ ဒါတွေကလည်း မပတ်သက်တော့ဘူး ဆိုတော့ အခုဟာက ပါတီထောင်ဖို့ ဆိုတာက အန်ကယ် ဆန္ဒ မရှိသေးဘူး၊ မစဉ်းစားဖြစ်ဘူး၊ တခြားလူတွေပဲ လုပ်ကြပါစေလို့ အခုအန်ကယ်က နိုင်ငံရေး ဆက်လုပ်မယ်၊ ကြားဖြတ်ရွေးကောက်ပွဲဝင်ဖို့ စိတ် ၀င်စားလာတာပါ။

မေး။ ။ တကယ်လို့ ကြားဖြတ်ရွေးကောက်ပွဲမှာ အန်ကယ်အနေနဲ့ အရွေးခံရပြီး လွှတ်တော်ထဲမှာ ရောက်ခဲ့ရင် ကချင်နဲ့ အစိုးရနဲ့ တိုက်နေတဲ့ကိစ္စ၊ ဒုက္ခသည်တွေ အရေး ဘယ်လောက် အတိုင်း အတာအထိ ဖြေရှင်းနိုင်မှာလဲ။

ဖြေ။ ။ လွှတ်တော်ကို ရောက်သွားပြီ ဆိုလို့ရှိရင်တော့ လွှတ်တော်ရဲ့ လုပ်ထုံးလုပ်နည်းတွေ အဲဒီမှာရှိမှာတယ်၊ လုပ်ထုံးလုပ်နည်း အတိုင်း အန်ကယ်က လုပ်နိုင်သမျှကို လုပ်ဖို့ စဉ်းစားထားတယ်၊ လုပ်ထုံးလုပ်နည်းနဲ့အညီ တင်ပြစရာရှိတာ တင်ပြမယ်၊ ကြိုးစားပြီး လုပ်ဆောင်ဖို့ ဆန္ဒရှိတယ်၊ အန်ကယ် အနေနဲ့ တသီးပုဂ္ဂလအနေနဲ့ ရောက်သွားမယ်ဆိုတော့ အမတ်အနေနဲ့ တင်ပြခွင့်တော့ ရှိကြ မှာပဲ၊ အန်ကယ် အနေနဲ့လည်း တင်ပြမှာပဲ၊ ပါတီ အားမရှိပေမယ့် တင်ပြတဲ့ဟာကို မှန်ကန်နေလို့ ရှိရင်တော့ တခြား အမတ်တွေလည်း ထောက်ခံအားပေးနိုင်တာပဲလေ၊ အန်ကယ် တင်ပြတဲ့ ဥစ္စာလည်းပဲ တယောက်မဟုတ် အများကြီးရှိလာနိုင်တာပဲ၊ လိုလားချက် ပြည့်ဝနိုင်မှာပေါ့လေ၊ အဲဒီလိုတော့ မျှော်လင့်ထားတာ ရှိပါတယ်။

မေး။ ။ တခြား တိုင်းရင်းသား ဒေသတွေထက် ကချင်ဒေသ တခုတည်းကို အစိုးရက သဲကြီးမဲကြီး တိုက်ခိုက်နေတာ ဘာကြောင့် လို့ ထင်လဲ။

ဖြေ။ ။ ပြောမယ်ဆိုလို့ရှိရင်တော့ အချင်းချင်း ညှိနှိုင်းတဲ့အပေါ်မှာပဲ မူတည်တယ်လို့ အန်ကယ်မြင်တယ်၊ ဟိုဘက်ဒီဘက် လိုလား ချက်ပေါ့လေ၊ သဘောထား နည်းနည်း ကွဲလွဲနေတဲ့ဟာကို တူညီအောင် လုပ်တဲ့ တွေ့ဆုံဆွေးနွေးတဲ့ နေရာမှာ အားနည်းနေ သေး တယ်လို့ မြင်တယ်။ အဲဒါကြောင့်မို့လို့ ဖြစ်တာပါ၊ မကြာမကြာ တွေ့ပြီးတော့မှ နားလည်မှု ပိုတည်ဆောက်လာနိုင်မယ်၊ သဘော ထား တူညီမှုရလာမယ်ဆိုရင် ပြေလည်သွားနိုင်ပါတယ်။ တွေ့ဆုံဆွေးနွေးမှု အပေါ်မှာ လိုနေသေးလာပေါ့၊ အန်ကယ် အဲဒီလိုပဲ မြင် တယ်။ တွေ့ဆုံဆွေးနွေးတဲ့နေရာမှာ တဘက်က လိုလားတဲ့ အချက်ရော၊ တဘက်က လိုလားတဲ့ အချက်နဲ့ ဒါကို ရင်ကြား မစေ့နိုင် ဘူး၊ ရင်ကြားစေ့အောင် တူညီလာအောင် တွေ့ဆုံဆွေးနွေးတဲ့ နေရာမှာ အားနည်းတာကို ပြောတာပါ။

မေး။ ။ ထိုးစစ်ရပ်ဖို့ သမ္မတ ဦးသိန်းစိန်က ညွန်ကြားခဲ့တယ်၊ အဲဒီအပေါ် ပြည်သူလူထုကလည်း ကြိုဆိုတယ်၊ ဒါပေမယ့် ညွန်ကြား ပြီးနောက်ပိုင်းမှာ တိုက်ပွဲ အကြိမ် ၁၀၀ ကျော်လောက်ဖြစ်တယ်၊ ဘာကြောင့်လို့ထင်လဲ။

ဖြေ။ ။ ဘာပဲ ဖြစ်ဖြစ် သမ္မတကြီးက ညွန်ကြားထားပြီး ဖြစ်တဲ့ အတွက်ကြောင့် သမ္မတကြီး ညွန်ကြားတဲ့အတိုင်း ဖြစ်လာရမှာပဲလို့ အန်ကယ် အဲဒီလိုပဲ မြင်တယ်။

မေး။ ။ အစိုးရ ငြိမ်းချမ်းရေး ဖော်ဆောင်ရေး ကိုယ်စားလှယ်တွေက တိုင်းရင်းသား အဖွဲ့တွေကို ၃ နှစ် အတွင်း ငြိမ်းချမ်းရေး ရအောင် ဆောင်ရွက်မယ်လို့ ပြောတယ်။ တကယ်ဖြစ်နိုင်မယ် ထင်လား။

ဖြေ။ ။ အဲဒီ သုံးနှစ် အတွင်းဆိုတာက အပြီးအငြိမ်း သဘောကို ပြောတာ ထင်တယ်၊ တကယ်လုပ်မယ် ဆိုရင်တော့ ဖြစ်နိုင်ပါတယ်၊ ဖြစ်နိုင်တယ်ဆိုတာက တွေ့ဆုံဆွေးနွေးတဲ့ အပေါ်မှာပဲ မူတည်တယ်၊ တွေ့ဆုံဆွေးနွေးတဲ့ နေရာမှာ အပေးအယူ မျှတမယ် ဆိုရင်တော့ နားလည်မှု ရှိကြမယ်၊ ယုံကြည်မှု တည်ဆောက်ကြမယ်ဆိုရင်တော့ ဖြစ်သွားနိုင်တယ်၊ အန်ကယ်မြင်တာက ၂ နှစ် အတွင်းလည်း ဖြစ်နိုင်တယ်၊ ၃ နှစ် အတောအတွင်းဆိုတာ ကောင်းကောင်းဖြစ်နိုင်ပါတယ်။

အန်ကယ်က နိုင်ငံရေး စိတ်ဝင်စားတယ် ဆိုတော့ နိုင်ငံရေးကိစ္စနဲ့ ပတ်သက်ပြီး အဓိက တိုင်းပြည်မှာ ပြုပြင်ပြောင်းလဲရေးကို အရှိန် အဟုန်နဲ့ လုပ်မယ်ဆိုရင် ပြည်တွင်း ငြိမ်းချမ်းရေးက အရေးကြီးတယ်၊ ဒါကြောင့်မို့ ပြည်တွင်းငြိမ်းချမ်းရေးကို အစိုးရနဲ့ သက်ဆိုင်ရာ အဖွဲ့အစည်းများပေါ့လေ၊ ညှိညှိ နှိုင်းနိုင်းနဲ့ အပြန်အလှန်၊ အပေးအယူ၊ အတိုးအလျှော့ ဒီသဘောမျိုးနဲ့ ပြည်တွင်း ငြိမ်းချမ်းရေးကို အောင်အောင်မြင်မြင်နဲ့ အမြန်တည်ဆောက် စေချင်တယ်။

အထူးသဖြင့် အန်ကယ်ကတော့ တိုင်းပြည်အကျိုး၊ ပြည်သူလူထု အကျိုးကို အတတ်နိုင်ဆုံး ထမ်းဆောင်ချင်တယ်။ ဒါကြောင့် ဥပဒေ လမ်းကြောင်းအတိုင်း နိုင်ငံရေး ပြုပြင်ပြောင်းလဲရေးမှာ လိုက်ပြီးတော့ အန်ကယ် တတ်နိုင်တဲ့ တနေရာကနေ ပြည်သူ လူ ထု အကျိုးကို ထမ်းဆောင်ချင်တယ်၊ အားလုံးကိုလည်း သဘောပေါက်နားလည် စေချင်ပါတယ်၊ ကြားဖြတ် ရွေးကောက်ပွဲဝင်ဖို့ စဉ်းစားတာလည်း ဒါအဓိကပဲ၊ ရတဲ့အချိန် အတောအတွင်းမှာ အခွင့်အရေး ရမယ်ဆိုလို့ရှိရင်တော့ အန်ကယ် ဆန္ဒရှိသလို အများပြည်သူ အကျိုးကို ထမ်းဆောင်ချင်တဲ့ ဆန္ဒရှိပါတယ် ဆိုတာကို အားလုံးကိုတော့ အသိပေးချင်ပါတယ်။

Ref: ဧရာဝတီ

Read More...

Collapse...

ချင်းတပ်နှင့်အစိုးရ အပစ်ရပ်ရေး သဘောတူ

ခင်ဦးသာ
January 6, 2012

ချင်းအမျိုးသား တပ်ဦး (CNF) နှင့် အစိုးရ၀န်ကြီးများသည် ချင်းပြည်နယ်မြို့တော် ဟားခါးတွင် ယနေ့ တွေ့ဆုံပြီး အပစ်အခတ် ရပ်စဲရေး သဘော တူညီလိုက်ကြောင်းသိရသည်။

CNF သည် အိန္ဒိယ မြန်မာ နယ်စပ် အခြေစိုက် လက်နက်ကိုင်အဖွဲ့တခု ဖြစ်သည်။

“ပထမ အဆင့်အနေနဲ့ အပစ်အခတ် ရပ်ဖို့ ကိစ္စ အဓိက ဆွေးနွေးတယ်၊ ထာဝရ ငြိမ်းချမ်းရေးတို့၊ နိုင်ငံရေး ဆွေးနွေးမှုတွေက ဖြည်ဖြည်း သွားမှာပါ၊ အသေးစိတ် အချက် အလက်တွေကို နှစ်ဘက်စလုံးက ကြေညာသွားမှာပါ” ဟု အစိုးရ၀န်ကြီးတဦးက ဧရာဝတီကို ပြောသည်။

နှစ်ဖက် တွေ့ဆုံရာတွင် အစိုးရဘက်မှ မီးရထားဝန်ကြီး ဦးအောင်မင်း၊ သစ်တောရေးရာ ၀န်ကြီး ဦးဝင်းထွန်း၊ ချင်းပြည်နယ်၊ နယ်စပ် ရေးရာ ၀န်ကြီး ဗိုလ်မှူးကြီး ဇော်မင်းဦးတို့ ပါဝင်သည်။


CNF အဖွဲ့မှ ဒေါက်တာရွှေခါး၊ ဒေါက်တာ ဆလိုင်းအင်ဒရူး ငွန်ကျုံးလျန်၊ ပူးရားလ်နှင်း၊ ပူဆောလမွန်၊ ဆလိုင်းပီတာလျန် စသည့်တို့ ပါဝင်ကြောင်း သိရသည်။

တွေ့ဆုံဆွေးနွေးမှုသည် ပြည်တွင်း ငြိမ်းချမ်းရေးအတွက် အထောက်အကူ ဖြစ်လိမ့်မည်ဟု ချင်းအမျိုးသားပါတီ ဥက္ကဋ္ဌ ဦးဇိုဇမ်က ဆို သည်။

“ထာဝရငြိမ်းချမ်းရေး ရလိမ့်မယ် လို့တော့ မပြောရဲသေးပါဘူး၊ ဒါပေမယ့် သားစဉ် မြေးဆက် ငြိမ်းချမ်းရေး အတွက်တော့ ဘယ်လိုပုံစံနဲ့ပဲ ဖြစ်ဖြစ် ဆွေးနွေးရမှာပါ” ဟု ရန်ကုန်တွင် နေထိုင်သော ဦးဇိုဇမ်က ပြောသည်။

အိန္ဒိယနယ်စပ်မှ ရောက်လာသော CNF ကိုယ်စားလှယ် အဖွဲ့ဝင်များ ဟားခါးမြို့သို့ ပြီးခဲ့သည့် ရက်အနည်းက ရောက်ရှိစဉ် ဒေသခံ ပြည်သူများက သောင်းသောင်းဖြဖြ ကြိုဆိုခဲ့ကြကြောင်း ချင်းသတင်းဌာန ခိုနူမ်းထုန်တွင် ရေးသားထားသည်။

CNF သည် ယခင် စစ်အစိုးရနှင့် ၁၉၉၇ ခုနှစ်တွင် တကြိမ် ဆွေးနွေးခဲ့ကြောင်း သိရသည်။

၁၉၈၈ ခုနှစ်တွင် စတင် ဖွဲ့စည်းခဲ့သော CNF သည် မြန်မာနိုင်ငံ၏ အင်အား အနည်းဆုံးသော လက်နက်ကိုင်အဖွဲ့များတွင် ပါဝင်သည်။

ယခုအချိန်တွင် လက်နက်ကိုင်အင်အား မည်မျှရှိသည်ကို မသိရသေးပေ။

၁၉၈၉ ခုနှစ်တွင် CNF တပ်ဖွဲ့ဝင် ၇၀ ခန့်သည် ကချင် လွတ်လပ်ရေး တပ်မတော် KIA ထိန်းချုပ်ရာ ဒေသသို့ သွားရောက်ပြီး လက်နက် ကိုင် သင်တန်း တက်ခဲ့သည်ဟု သိရသည်။

Ref: ဧရာဝတီ

Read More...

Collapse...

ထိုးကျွေးလိုက်ရသော နွမ်းကြေဘဝများ

အောင်သက်ဝိုင်း
January 6, 2012

မီးရောင်မှိန်ပျပျ ထွန်းထားတဲ့ ၁၀ ပေ ပတ်လည် အခန်းကျဉ်းလေးထဲမှာ ဆယ်ကျော်သက်အရွယ် မိန်းကလေးငယ် ၂ ဦး မွေ့ရာတခုစီ ပေါ်မှာ လဲလျောင်း နေကြပါတယ်။လေအေးပေးစက်က ထုတ်လွှတ်နေတဲ့ အအေးငွေ့တွေကြောင့် အခန်းတွင်းမှာ အေးစိမ့်နေပေမယ့် မိန်းကလေး နှစ်ဦးစလုံး စွပ်ကျယ်ပုံစံ အင်္ကျီ လက်ပြတ်တွေနဲ့ ဂျင်းဘောင်းဘီရှည် ၀တ်ဆင်ထားကြတယ်။

မှိန်ပျပျအလင်းရောင်ကြောင့် သူတို့ရဲ့ မျက်နှာကို ကောင်းကောင်းမမြင်ရပေမယ့် သူတို့ဆီက စူးစူးရှရှ ပြင်းလွန်းတဲ့ ရေမွှေးအနံ့တွေက လေအေးစက် တပ်ထားတဲ့ အခန်းတခုလုံးကို ဖုံးလွှမ်းနေတယ်။ အသက် ၅၀ ကျော်အရွယ် အမျိုးသားနှစ်ဦး အခန်းထဲကို လှမ်းဝင်လာ တဲ့အချိန်မှာ မိန်းမငယ် နှစ်ဦးစလုံး လဲလျောင်းနေရာကထလို့ “မင်္ဂလာပါ” ဆိုတဲ့ မြန်မာလို မပီမသ နှုတ်ဆက်သံနဲ့ ခရီးဦးကြို ပြုလိုက် ကြတယ်။


မိန်းကလေးနှစ်ဦးက အမျိုးသားနှစ်ဦးကို သူတို့ရဲ့ မွေ့ရာနှစ်ခုပေါ်မှာ လဲလျောင်းခိုင်းပြီး အမျိုးသားနှစ်ဦးရဲ့ ခြေဖ၀ါးတွေကို တစ်ရှုးနဲ့ သုတ်ပေးကာ စတင်နှိပ်နယ်ပေးပါတယ်။ ၁၅ မိနစ်လောက်အကြာမှာ အမျိုးသားနှစ်ဦးရဲ့ဘေးမှာ မိန်းမငယ်နှစ်ဦးပါ လဲလျောင်းလုံး ထွေးသွားပြီး မွေ့ရာနှစ်ခုကြားမှာ အနက်ရောင် လိုက်ကာစ တခုက ကာဆီးသွားပါတယ်။ အဲဒီအချိန် အခန်းတွင်းမှာရှိနေတဲ့ မှိန်ပျပျ အလင်းရောင်က လူလုံး သဲသဲကွဲကွဲမမြင်ရတဲ့အထိ အရမ်းမှောင် မိုက်သွားခဲ့ပါပြီ။

မိန်းကလေးနှစ်ဦးက ရန်ကုန်မြို့မှာ အနှိပ်ခန်းအမည်ခံ ဖွင့်လှစ်ထားတဲ့ ပြည့်တန်ဆာလုပ်ငန်းမှာ လုပ်ကိုင်နေကြတဲ့ အလုပ်သမလေးတွေဖြစ်ပါတယ်။

ရန်ကုန်မြို့တော်မှာ ကာရာအိုကေ၊ တည်းခိုခန်း၊ အနှိပ်ခန်း အမည်ခံပြီး ပြည့်တန်ဆာလုပ်ငန်း လုပ်ကိုင်ဖွင့်လှစ်မှု တနေ့ထက်တနေ့ ပိုမိုတိုးပွားလာနေပါတယ်။

လမ်းမတွေ၊ ရပ်ကွက်တွေ၊ ဈေးတွေ၊ ကားဂိတ်တွေ၊ ရုပ်ရှင်ရုံတွေအောက်မှာ ပုံစံ အသွင် အမျိုးမျိုးယူ လုပ်ကိုင်ကြတဲ့ ပြည့်တန်ဆာတွေရှိ နေသလို ကြီးမားလှတဲ့ တိုက်တာအဆောက်အဦးတွေပေါ်မှာ အမည်အမျိုးမျိုးခံ ဖွင့်လှစ်ထားတဲ့ တရားမ၀င်၊ တရားဝင် စီးပွားရေး အမည်တပ် လုပ်ငန်းကြီးတွေမှာ လုပ်ကိုင်ကြတဲ့ ပြည့်တန်ဆာတွေလည်း မနည်းလှပါဘူး။

အထူးသဖြင့် တရားမ၀င် အနှိပ်ခန်းတွေက ပြည့်တန်ဆာလုပ်ငန်းကို ကြီးကြီးမားမား ကျယ်ကျယ်ပြန့်ပြန့်ဖြစ်စေတဲ့ အမည်ခံ လုပ်ငန်းတွေဆိုရင် မမှားနိုင်ပါဘူး။

ရန်ကုန်မြို့လယ်ခေါင်နဲ့ ဆင်ခြေဖုံးနေရာတွေအထိ ဖွင့်လှစ်နေကြတဲ့ အနှိပ်ခန်းဆိုတဲ့ လုပ်ငန်းတွေက တကယ်တော့ ကျန်းမာရေး အတွက် ညောင်းညာလို့ နှိပ်တဲ့အနှိပ်ခန်းမျိုးတွေ မဟုတ်သလို အဲဒီ အနှိပ်ခန်းတွေကို လာကြတဲ့သူတွေကလည်း အနင်းအနှိပ် ခံချင် လို့လာကြတဲ့ သူတွေမဟုတ်ပါဘူး။ အခကြေးငွေပေး လိင်ပျော်ပါးနိုင်တဲ့ အဲဒီလို အမည်ခံ အနှိပ်ခန်းတွေ ဖွင့်နိုင်ဖို့ကိုလည်း ဒေသခံ အာဏာပိုင်၊ ရဲနဲ့ အုပ်ချုပ်ရေးအဖွဲ့အစည်းတွေကို အနှိပ်ခန်းပိုင်ရှင်တွေက လာဘ်ငွေအရင်းအနှီး ကြီးကြီးမားမားပေး ဖွင့်လှစ်ရ တာဖြစ် ပါတယ်။

“ဆိုဖီ” လို့ သူ့ကိုယ်သူ မိတ်ဆက်တဲ့ အသက် ၂၅ နှစ်အရွယ် မိန်းမငယ်က ကမာရွတ်မြို့နယ်၊ လှည်းတန်းဈေးအနီး အထပ်မြင့် တိုက် ခန်းကျယ်ကြီးတခုမှာ ဖွင့်လှစ်ထားတဲ့ အနှိပ်ခန်းတခုက အလုပ်သမ ဖြစ်ပါတယ်။ မြန်မာစကား ဝဲဝဲနဲ့ သူရဲ့အသံကို ကြားတာနဲ့ ဆိုဖီက တိုင်းရင်းသူတယောက်မှန်း သိသာစေပါတယ်။

“ဒီအလုပ်ကို လုပ်ဖြစ်ခဲ့တာ ၃ နှစ်ကျော်သွားပြီ။ ၂၀၀၆ ခုနှစ် ရန်ကုန် စရောက်တုန်းက သူနာပြု အကူသင်တန်း တက်တယ်။ သင်တန်း ဆင်းပြီးတော့ ဆေးခန်းတခုမှာ အကူသူနာပြုအဖြစ် အလုပ်ဝင်တယ်။ လစာ ၃ သောင်းခွဲရတယ်။ ဒါပေမယ့် အိမ်ကိုပြန်ပို့ဖို့ ဘယ်လိုမှ မလုံလောက်ဘူး။ အဆောင်နေ သူငယ်ချင်းက လစာကောင်းတဲ့အလုပ် လုပ်မလားဆိုပြီး ခေါ်လာရာက ဒီလုပ်ငန်းခွင်ထဲ ရောက်လာခဲ့ တယ်။ ပထမတော့ နှိပ်ပေးရတယ်လို့ပဲ မှတ်ခဲ့တာ။ သူငယ်ချင်းက မေးတယ်၊ နှိပ်တာတခုတည်းနဲ့တော့ တလကို ၅ သောင်းအပြင် ပိုမရဘူး။ ငွေရွှင်တဲ့သူ ဘောစိ (သူဌေး) တွေလာရင် ဘာမစဉ်းစားနဲ့ ကိုယ်လိုချင်သလောက် တောင်း၊ ပြီးတော့ တနာရီလောက် အတူတူအိပ်ပေးလိုက်ဆိုတာနဲ့ အဲဒီကစပြီး ဒီအလုပ် လုပ်ဖြစ်သွားတာ” လို့ ဆိုဖီက သူ့ရဲ့ အနှိပ်သမဘ၀ အစကို ပြောပြပါတယ်။

ဆိုဖီက ကချင်ပြည်နယ် မြစ်ကြီးနားက လာရောက်တာဖြစ်ပြီး သူ့မှာ မိသားစု ခြောက်ဦးရှိတယ်လို့ဆိုပါတယ်။ သူ့မိဘနှစ်ဦး အပါအ၀င် မောင်နှမလေးဦးရှိတဲ့ သူ့မိသားစုမှာ သူက အကြီးဆုံးသမီးပါတဲ့။ ၁၀ တန်းမအောင်တဲ့အချိန် မိသားစု စားဝတ်နေရေး မပြေလည်လို့ ရန်ကုန်တက် အလုပ်လုပ်ရာကနေ ဒီအလုပ်ကို လုပ်ဖြစ်သွားခဲ့တာပါ။

အကူသူနာပြုဘ၀က တလ ၃ သောင်းခွဲနဲ့ အိမ်ကို ငွေပြန်ပို့ဖို့ နေနေသာ ကိုယ့်ဝမ်းဝအောင်တောင် မစားနိုင်ခဲ့ရာက အနှိပ်ခန်း အလုပ် သမဘ၀မှာတော့ သူ့ဘ၀ အများကြီးအဆင်ပြေလာပြီလို့ ဆိုဖီက ဆိုပါတယ်။

“တလကို နှစ်သိန်း အိမ်ပြန်ပို့နိုင်တယ်။ မိဘတွေလည်း ဘာအလုပ်လုပ်မှန်း မသိဘူး၊ မေးလည်း မမေးဘူး။ ဒီအလုပ်က ကိုယ့် အတွက်ရော အိမ်အတွက်ရော အရမ်း အဆင်ပြေတယ်” လို့ သူက ပြောတယ်။

ဆိုဖီက အနှိပ်ခန်းလာတဲ့လူတိုင်းနဲ့ အတူညအိပ်ရတာမျိုးမဟုတ်ဘဲ အနှိပ်ခန်းကို ပုံမှန်လာ ငွေဖြုန်းနိုင်တဲ့၊ သောက်စားမူးယစ်နိုင်တဲ့ ငွေကြေးတတ်နိုင်သူတွေကိုသာ အဓိကထား လိင်ဖျော်ဖြေမှုပေးရတာလို့ ဆိုပါတယ်။ သူ့အနေနဲ့ ရွေးချယ်ပိုင်ခွင့် ဆို တဲ့ လွတ်လပ်မှုတခု ရှိတယ်လို့ ဆိုဖီက ဆိုတယ်။ ဒါက လမ်းမတွေပေါ်က ပြည့်တန်ဆာ ညဥ့်ငှက်လေးတွေထက်သာတဲ့ အခွင့်အလမ်းတခုပါလို့ သူက ပြောပါ တယ်။

“အနှိပ်ခန်းဆိုတာက လူမျိုးစုံပဲ။ ကိုယ်က လူတိုင်းနဲ့ အိပ်တာမျိုးမဟုတ်ဘူး။ တချို့လူတွေက လာအနှိပ်ခံ၊ ဟိုကိုင်၊ ဒီကိုင်လုပ်၊ မုန့်ဖိုးပေး၊ ပြန်သွားကြတယ်။ အဓိက ပုံမှန်ဖောက်သည်ကိုပဲ အဓိက အားထားရတာ။ ဖား (သူဌေး) တကောင် ရထားပြီဆိုရင်လည်း ကိုယ့်အတွက် ရော၊ အနှိပ်ခန်းအတွက်ရော အများကြီးအဆင် ပြေတယ်။ အနှိပ်ခန်းမှာ ဖား သုံး၊ လေးကောင် ချိတ်ထားနိုင်တဲ့ သူဆိုရင် သိပ်မပင် ပန်းတော့ဘူး” လို့ ဆိုဖီက ဆိုတယ်။

“ဆိုဖီ” လို တိုင်းရင်းသူ မိန်းကလေးမျိုးတွေ ရန်ကုန်မြို့ရဲ့ အနှိပ်ခန်း တော်တော်များများမှာ ရှိနေပါတယ်။ မရမ်းကုန်းမြို့နယ် သမိုင်း လမ်းဆုံအနီးမှာ ဖွင့်လှစ်ထားတဲ့ အနှိပ်ခန်းတခုမှာဆိုလည်း အနှိပ်သမ စုစုပေါင်း ၄၇ ဦး ရှိပါတယ်။ ဘုရင့်နောင်၊ အောင်မင်္ဂလာကားဂိတ်၊ ဒဂုံဧရာအဝေးပြေးလို လူစည်ကားတဲ့ကားဂိတ်တွေ၊ ရန်ကုန်မြို့လယ်ခေါင်၊ မြို့စွန်စတဲ့ မြို့နယ်ပေါင်းစုံမှာ အနှိပ်ခန်း ထောင်ချီရှိနိုင် တယ်လို့ ကားပွဲစားတွေက ဆိုပါတယ်။

“ဘုရင့်နောင် လမ်းဆုံနားမှာတင် မရှိဘူးဆိုရင် အနှိပ်ခန်းရော၊ တည်းခိုခန်းရော၊ ကာရာအိုကေရော တရာလောက်ရှိမယ်။ အဲဒါတွေ အကုန်လုံးကလည်း ဇယားရွှေ့ (လိင်ပျော်ပါး) လို့ ရတဲ့နေရာတွေချည်းပဲ” လို့ ကားပွဲစားတဦးက ပြောတယ်။

ဒါပေမယ့် အနှိပ်ခန်းတွေကတော့ အဓိက ပြည့်တန်ဆာလုပ်ငန်းရဲ့ အချက်အချာလို့ ဆိုပါတယ်။ အနှိပ်သမလေးတွေ၊ KTV ဆိုင်တွေက အလုပ်လုပ်နေတဲ့ မိန်းကလေးတွေထဲမှာ ချင်း၊ ရခိုင်၊ ရှမ်း၊ ကရင်၊ ကချင်၊ ပအို့ဝ် စတဲ့ တိုင်းရင်းသူတွေ အများကြီးရှိနေတယ်လို့ ပုံမှန် သွားရောက်လေ့ရှိတဲ့ ဘုရင့်နောင်က ကားပစ္စည်းရောင်းဝယ်ရေး စီးပွားရေးသမားတဦးက ဆိုတယ်။

“တချို့ဆိုရင် မြန်မာစကား နားမလည်ဘူး။ ကိုယ်လုပ်ခိုင်းချင်တဲ့အရာကို အမူအရာနဲ့ လုပ်ပြခိုင်းရတယ်” လို့ အဲဒီ စီးပွားရေးသမားက ဆိုပါတယ်။

ရန်ကုန်မြို့မှာရှိတဲ့ အနှိပ်ခန်းတွေ တော်တော်များများမှာ ၁ နာရီအနှိပ်ခံရင် ၀န်ဆောင်မှုကို လိုက်လို့ ၂၅၀၀ နဲ့ ၃၅၀၀ အကြား ဈေးနှုန်း သတ်မှတ်ထားပါတယ်။ ဒါပေမယ့် ဒီဈေးနှုန်းက သာမန်နှိပ်ပေးတဲ့ ၀န်ဆောင်မှုပဲရမှာဖြစ်ပြီး လိင်ပျော်ပါးချင်လို့ရှိရင်တော့ အနည်းဆုံး ၁၅၀၀၀ လောက်ပေးရတယ်လို့ သိရပါတယ်။

အနှိပ်ခန်းမှာ လာရောက်အလုပ်လုပ်တဲ့ မိန်းကလေးတွေမှာ ဧရာဝတီတိုင်း၊ အိမ်မဲ၊ မအူပင်၊ လပွတ္တာ၊ ဒေးဒရဲစတဲ့ နာဂစ်ဒေသ ကျေးရွာ တွေက မိန်းကလေးတွေပါသလို တည်ငြိမ်အေးချမ်းမှုမရှိတဲ့ ကချင်၊ ရှမ်း၊ ကရင်ပြည်နယ်ဘက်တွေက မိန်းကလေးတွေပါတယ် လို့ ဆိုပါတယ်။ ဖွံ့ဖြိုးမှု နှေးကွေးတဲ့ ချင်း၊ ရခိုင်လို ဒေသက မိန်းကလေးတွေလည်း ရှိပေမယ့် အရေအတွက်အားဖြင့် နည်းတယ်လို့ သိရ ပါတယ်။

အနှိပ်ခန်းအများစုက နယ်ဒေသတွေက လာရောက်တဲ့ မိန်းကလေးတွေကိုပဲ လိုလိုလားလား အလုပ်ခန့်ချင်ကြပြီး နယ်ဒေသက မိန်း ကလေးတွေက အလုပ်ပြောင်းရွှေ့မှု အလွန်နည်းတာကြောင့် အလုပ်ခန့်ချင်ကြတာလို့ သိရပါတယ်။

“အနှိပ်ခန်းတွေမှာ နယ်က မိန်းကလေးတွေ ဘာလို့ ပိုပိုများလာလဲဆိုတော့ နယ်က မိန်းကလေးတွေက ရန်ကုန်ရောက် အထည်ချုပ်တို့ ဘာတို့ ၀င်လုပ်၊ ရတဲ့လစာနဲ့ ဘယ်လိုမှ မလောက်ဘူး။ မလောက်တော့ ထွက်ပေါက်ရှာရင်း တချို့လည်း အနှိပ်ခန်းရောက်၊ တချို့လည်း KTV ရောက်၊ တချို့တွေကတော့ လမ်းပေါ်မှာ အချိန်ပြည့် ပြည့်တန်ဆာဘ၀တွေဆီ ရောက်ကုန်ကြတာ။ အဓိက စားဝတ်နေရေးပဲ” လို့ အနှိပ်ခန်းတခုက မန်နေဂျာတဦးက ဆိုပါတယ်။

အနှိပ်ခန်းရောက်လာတဲ့ မိန်းကလေးတွေရဲ့ဘ၀က လမ်းမတွေပေါ်က ဘ၀တွေထက်စာရင် အများကြီး လုံခြုံတယ်လို့ အဲဒီမန်နေဂျာက ဆိုပါတယ်။

“လမ်းမပေါ်မှာဆိုရင် စောင့်ရှောက်ပေးမယ့်လူ မရှိဘူး။ အနှိပ်ခန်းမှာ အလိုမတူရင်၊ ပြဿနာရှိရင် အနှိပ်ခန်းဘက်က တာဝန်ယူရှင်း ပေးရတာ။ ဖောက်သည်က မူးပြီး ရမ်းလို့ရှိရင်လည်း Waiter တွေက ဆွဲထုတ်သွားတာပဲ။ လမ်းပေါ်က ဘ၀ထက်တော့ အများကြီး သာပါတယ်။ တခုတော့ရှိတယ်။ အလုပ်က ၂၄ နာရီမှာ ၁၈ နာရီလောက်လုပ်ရတယ်။ အိပ်ချိန်နည်းတယ်။ သူလုပ်နိုင်ရင် လုပ်နိုင် သ လောက် အကျိုးအမြတ် ကျန်မယ်။ လစာက တသောင်း၊ လူတယောက် တဆက်ရှင် (တနာရီ) ၂၅၀၀ နဲ့ နှိပ်ရင် နှိပ်တဲ့မိန်းကလေး အတွက်က အနည်းဆုံး ငါးရာရတယ်၊ ဧည့်သည်က ပေးတဲ့ မုန့်ဖိုးရှိတယ်။ တကယ်လို့ ဧည့်သည်နဲ့ မိန်းကလေးနဲ့ အဆင်ပြေလို့ ကိစ္စ (လိင်ပျော်ပါး) ဖြစ်ရင်လည်း အနှိပ်ခန်းဘက်က ရသလို မိန်းကလေး ဘက်ကလည်း ရတယ်။ ဘယ်လိုပြောပြော မိန်းကလေး တ ယောက်ကို တလနှစ်သိန်းခွဲ အနည်းဆုံး ပြေးမလွတ်ဘူး။ ဒါ နေစရိတ်၊ စားစရိတ်ငြိမ်း” လို့ အဲဒီမန်နေဂျာက ပြောပါတယ်။

အနှိပ်ခန်း မန်နေဂျာရဲ့အဆိုအရ အနှိပ်ခန်းတွေနဲ့ အနှိပ်သမ ပြည့်တန်ဆာလေးတွေရဲ့ ဘ၀က အဆင်ပြေလှတယ်လို့ ထင်စရာရှိပါတယ်။ တကယ်တော့ အမြဲတမ်း အဆင်ပြေနေတာတော့ မဟုတ်ပါဘူး။

၂၀၁၀ ရွေးကောက်ပွဲအကြို အောက်တိုဘာလနဲ့ ရွေးကောက်ပွဲကျင်းပတဲ့ နိုဝင်ဘာလမှာ ရန်ကုန်တိုင်းတတိုင်းလုံးက အနှိပ်ခန်းတွေကို ပိတ်ထားဖို့ သက်ဆိုင်ရာ မြို့နယ်ရဲစခန်းတွေက အကြောင်းကြားခဲ့တဲ့အပြင် အစိုးရသစ်တက်ပြီး ဧပြီလနဲ့ မေလမှာလည်း အနှိပ်ခန်း တွေကို ဖမ်းဖို့ ရန်ကုန်တိုင်းအစိုးရက စီမံချက်ချတာကြောင့် အနှိပ်ခန်းတွေ လနဲ့ချီ ပိတ်ခဲ့ရပါတယ်။

အဲဒီလို ပိတ်သွားတဲ့အချိန်မှာ အနှိပ်သမတွေ ဘယ်လို ၀င်ငွေနဲ့ နေထိုင်စားသောက်ကြပါသလဲ။ အဖြေကတော့ ရှင်းပါတယ်။ လမ်းမ တွေပေါ်မှာ အချိန်ပြည့် ပြည့်တန်ဆာ၊ ညဥ့်ငှက်လေးတွေအဖြစ် အသွင်းပြောင်း ရုန်းကန်ရတာတွေ ရှိတယ်လို့ အနှိပ်သမလေးတွေက ဆိုပါတယ်။

ဆိုဖီက စီမံချက်ရှိလို့ အနှိပ်ခန်းတွေ လနဲ့ချီပိတ်ရရင် သူ့ရဲ့ပုံမှန်ဖောက်သည်တွေကို ဆက်သွယ်ပြီး အပြင်မှာ အော်ဒါ (ပြည့်တန်ဆာ) လိုက်ဖြစ်ခဲ့တယ်တဲ့။ ဒါပေမယ့် သူရဲ့မိတ်ဆွေ အနှိပ်သမ တချို့ကတော့ လမ်းမပေါ်မှာ အချိန်ပြည့် ပြည့်တန်ဆာအလုပ်ကို မဖြစ်မနေ လုပ်ခဲ့ရတယ်လို့ ဆိုပါတယ်။

“စီမံချက်ဆိုရင် အလုပ်က လနဲ့ချီနားရတယ်။ ကိုယ်က ပုံမှန်ဖောက်သည်တွေကို ဖုန်းဆက်ပြီး အကူအညီတောင်း။ သူတို့နဲ့ ပြန်ဆက် သွယ် ရတယ်။ ဒါပေမယ့် ဖောက်သည်နဲ့ ပြန်ဆက်လို့ မရတဲ့သူတွေက လမ်းပေါ်ပဲ ထွက်ရတာပဲ။ အဲဒီအချိန်မျိုးမှာ ရွေးချယ်စရာမရှိဘူး။ တချို့ဆိုရင် ထမင်းစားရရင်တော်ပြီ ဆိုပြီး ခေါ်ရာလိုက်တာပဲ။ စီမံချက်မကြောက်လို့ဖွင့်တဲ့ အနှိပ်ခန်းတွေဆီမှာ သွားလုပ်တဲ့သူတွေ လည်း လုပ်ကြတယ်။ အဲဒီအနှိပ်ခန်းတွေက ရဲဖမ်းခံရတာများတယ်။ အဖမ်းခံရရင် ပြည့်တန်ဆာမှုနဲ့ ထောင်ချခံရမှာ။ မှုခင်းဂျာနယ်ထဲမှာ အနှိပ်ခန်းမှာ အတူလုပ်ဖူးတဲ့ သူငယ်ချင်းသုံးယောက် အဖမ်းခံရတဲ့သတင်းတောင် ဖတ်လိုက်ရတယ်” လို့ ဆိုဖီက ဆိုပါတယ်။

တရားမ၀င် အနှိပ်ခန်းဆိုတဲ့နေရာမှာလည်း နှစ်မျိုးရှိပြီး သက်ဆိုင်ရာ မြို့နယ်ရဲတပ်ဖွဲ့ကို လိုင်းကြေး သိန်းချီပေးဖွင့်တဲ့ အနှိပ်ခန်းနဲ့ လိုင်း ကြေးမပေးဘဲ ခိုးဖွင့်တဲ့ အနှိပ်ခန်းရယ်လို့ နှစ်မျိုးရှိတယ်လို့ သိရပါတယ်။

အနှိပ်သမလေးတွေအနေနဲ့ အလုပ်ရွေးချယ်တဲ့နေရာမှာ လိုင်းကြေးပေး၊ မပေးကိုလည်း အမြဲစုံစမ်းပြီး လိုင်းကြေးပေးတဲ့ အနှိပ်ခန်းမှာ သာ ကြာကြာ အလုပ်လုပ်လေ့ရှိတယ်လို့ သိရပါတယ်။

သန်းခေါင်ယံ ရန်ကုန်မြို့ရဲ့ နီယွန်ရောင်ထိန်ထိန်ညီးနေတဲ့ ကားလမ်းမကြီးတွေပေါ်မှာ လူသူကင်းရှင်း နေပြီဖြစ်ပေမယ့် မှိန်ပျပျ မီး အလင်းရောင် အနှိပ်ခန်းတွေမှာတော့ သက်ဝင်လှုပ်ရှားမှု တွေရှိနေဆဲ ဖြစ်ပါတယ်။

Ref: ဧရာဝတီ

Read More...

Collapse...

စတိတ်ရှိုးတွေ ဘုံပျောက်တော့မလား၊ နိုင်ငံတကာအဆင့်မီ စင်မြင့်မှာ ချီးမြှင့်မယ့် ၂၀၁၀ အကယ်ဒမီ

မစပ်စု
January 6, 2012

သုဝဏ္ဏအားကစားရုံကြီးမှာ စင်တင် ဖျော်ဖြေခွင့်တွေ ပိတ်ပြီ

မြန်မာနိုင်ငံမှာ စင်တင်ရှိုးပွဲပေါင်းများစွာ လက်ခံကျင်းပပေးနိုင်ခဲ့တဲ့ ဇာတ်ရုံအဖြစ် အသုံးပြုနေကျ သုဝဏ္ဏ မိုးလုံ လေလုံ အားကစားရုံကြီး ကတော့မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ မြန်မာနိုင်ငံရဲ့ အကြီးကျယ်အခမ်းနားဆုံး ပြည်ထောင်စု တိုင်းရင်းသားရံပုံငွေ ဖျော်ဖြေပွဲကြီးနောက်ပိုင်းမှာ ဘယ်ဖျော်ဖြေပွဲကိုမှ လက်မခံနိုင်တော့ဘူးလို့ သိရပါတယ်။

ဒီလို ရှိုးပွဲများကို လက်ခံကျင်းပပေးခဲ့လို့ ဇာတ်ရုံကြီးအနေနဲ့ ပျက်ဆီး ယိုယွင်းခဲ့ရတာဖြစ်တဲ့အတွက် အားကစား ပွဲတွေကလွဲလို့ ဘယ်ပွဲ မျိုး ကိုမှ လက်ခံကျင်းပခြင်း မပြုတော့ကြောင်းနဲ့ မြန်မာနိုင်ငံမှာ မကြာခင် နိုင်ငံတကာ ဆီးဂိမ်းပြိုင်ပွဲတွေ ကျင်းပတော့မှာဖြစ်လို့ အခုလို ကျင်းပခွင့်မပြုတော့တာပါလို့ အားကစားကွင်းရုံ ညွှန်ကြားရေးမှူး ဦးကျော်စန်းက မြန်မာတိုင်းမ်စ် ဂျာနယ်ကို ပြောလိုက်ပါတယ်။


အဲဒီ မိုးလုံလေလုံ အားကစားကွင်းမှာ ရှိုးပွဲတပွဲ ကျင်းပတော့မယ်ဆိုရင် အသုံးပြုခအဖြစ် ကျပ် သိန်း ၄၀ ပေးရတာပါ။ ဒါ့အပြင် ဇာတ်ရုံ ထဲက ခုံတွေကို နံပါတ်တပ်မယ်ဆိုရင်လည်း နံပါတ်တပ်ခ တခုံကို ၁၀ ကျပ်နှုန်းနဲ့ ပေးရပါတယ်။ ဇာတ်ရုံ ထဲမှာ ရှိပြီးသားထိုင်ခုံတွေအပြင် နောက်ထပ်ထိုင်ခုံတွေ ထပ်ထိုးမယ်ဆိုရင်တော့ ခုံစီခအဖြစ် သီးသန့် ထပ်ပေးရပြန် ပါတယ်။ အဲဒီလို ရှိုးပွဲတွေ ကျင်းပပြီးလို့ အပျက်အစီး တစုံတရာ ရှိခဲ့မယ်ဆိုရင်လည်း ဒဏ်ကြေးအဖြစ် ထပ်မံပေးရပါ သေးတယ်။ အဲဒီတော့ ဒီသုဝဏ္ဏမိုးလုံလေလုံ အားကစားရုံမှာ ပွဲတခါလုပ်တော့မယ်ဆိုရင် ဇာတ်ရုံအသုံးပြုခ အနေနဲ့ ကျပ် သိန်း ၄၀ အထက်မှာ ရှိပါတယ်။

ဇာတ်ရုံပျက်စီးလို့ ဆက်လက် အသုံပြုခွင့် မပေးတော့ဘူးဆိုတော့ အသုံးပြုခတွေကို နေရာလပ်မကျန် ကောက် ခံထားလို့ ဒီရရှိတဲ့ ငွေ ကြေးတွေနဲ့ ဇာတ်ရုံပြင်ဆင်ဖို့ အသုံးမပြုတော့ဘူးလားလို့ မေးခွန်းထုတ်ချင်စရာပါ။

“ပွဲတပွဲ မနက်ဖြန်ရှိရင် အဲယားကွန်းကို ဒီနေ့တည်းက ကြိုဖွင့်ထားရတယ်။ နို့မိုဆိုရင် မအေးဘူး။ လူတွေ တကယ် များလာတော့လည်း အဲယားကွန်းက ဘယ်ရောက်နေမှန်းတောင် မသိပါဘူး။ ချွေးတလုံးလုံးနဲ့ ပွဲကြည့်ရတာပါပဲ” လို့ ရှိုးပွဲ စီစဉ်သူ တဦးက ပြောပါတယ်။

နိုင်ငံတကာမှာလည်း အခုလို စင်တင်ဖျော်ဖြေပွဲတွေကို ကျင်းပတယ်ဆိုရင် ပရိသတ်ပေါင်း သောင်းချီ၊ သိန်းချီ လာ အားပေးကြ တဲ့ အတွက် အားကစားရုံတွေ ဘောလုံးကွင်းတွေထဲမှာ ကျင်းပကြရတာ ထုံးစံပါ။

သုဝဏ္ဏမိုးလုံလေလုံ အားကစားရုံမှာ ဆက်လက်ပြီး ဖျော်ဖြေပွဲတွေ လုပ်ခွင့်မရတော့တာက လက်ရှိ ဖြစ်ပျက်နေတဲ့ အခြေအနေမှန် တွေကို လွတ်လွတ်လပ်လပ် ပြောဆို ပြက်လုံးထုတ်ခဲ့ကြတဲ့ ပြေတီဦး ဖောင်ဒေးရှင်း ရန်ပုံငွေပွဲ၊ မုဒိတာလွင်ပြင် အငြိမ့်ပွဲတွေကြောင့် လို့လည်း အတည်မပြုနိုင်တဲ့ သတင်းတွေ ထွက်ပေါ်နေပါသေးတယ်။

အဲဒီလို အားကစားရုံတွေမှာ ဖျော်ဖြေပွဲတွေ ကျင်းပခွင့်မရပြန်တော့ စင်တင်ဖျော်ဖြေပွဲတွေ အဓိက တင်ဆက်လို့ ရနိုင်မယ့် အမျိုးသား ဇာတ်ရုံ ကျပြန်တော့လည်း ယဉ်ကျေးမှု အနုပညာတွေ တက်ဆင်နေတဲ့ဇာတ်ရုံမှာ ခေတ်ပေါ် တေးသီချင်းတွေ တင်ဆက်တာကို လက် မခံနိုင်ဘူးလို့ ယဉ်ကျေးမှုဝန်ကြီးတဦးက ပြဌာန်းခဲ့ပြန်တော့ တင်ဆက်ခွင့် မရကြ ပြန်ပါဘူး။

ဒါ့အပြင် မကြာသေးမီကလည်း အဲဒီအမျိုးသားဇာတ်ရုံကြီးက ပုဂ္ဂလိက ပိုင်ပဲဖြစ်တော့မလိုလို ဆိုတဲ့ သတင်းတွေ ထွက်ပေါ် ခဲ့သေး ပါတယ်။

ခေတ်နဲ့အညီ ပြောင်းလဲတိုးတက်ဖို့အတွက် ကြိုးစားနေကြရတဲ့ ပေါ့ပ်၊ ရော့ခ်၊ ပန့်ခ် စတဲ့ ဂီတတွေက ခေတ်နဲ့အမီ ဘယ်လို တိုးတက် အောင် ဖန်တီးရင် ကောင်းမလဲလို့ မစဉ်းစားရဘဲ လွတ်လွတ်ကင်းကင်း ဘယ်နေရာမှာ ဘယ်လို ဖျော်ဖြေ တင်ဆက် ရပါ့မလဲ ဆိုတာ ကိုသာ အဓိက စဉ်းစားရွေးချယ်ရမလို ဖြစ်နေပါပြီ။

စတိတ်ရှိုးတွေ ဘုံ မပျောက်ပါစေလို့ ဆုတောင်းရင်း…။

နိုင်ငံတကာအဆင့်မီ LED စင်မြင့်နဲ့ ၂၀၁၀ အကယ်ဒမီ

မြန်မာ့ရုပ်ရှင် လောကသားတွေရဲ့ အကြီးမားဆုံးမျှော်လင့်ချက် တခုဖြစ်တဲ့ အကယ်ဒမီ ပေးပွဲကြီးရဲ့ စင်မြင့်ကို ပြီးခဲ့တဲ့ အင်ဒိုနီးရှား ဆီးဂိမ်းဖွင့်ပွဲမှာ အသုံးပြုခဲ့တဲ့ LED စင် ဒီဇိုင်းပုံစံ အမျိုးအစားနဲ့ ဆောက်လုပ်ဖို့ စီစဉ်နေတယ်လို့ သိရပါတယ်။

အရင်က အကယ်ဒမီပေးပွဲစင်မြင့်ကို သစ်သားနဲ့ ဆောက်လုပ်ခဲ့ရာကနေ အခုလို လေးဘက်လေးလံ မြင်နိုင်တဲ့ LED စနစ် ဒီဇိုင်းပုံစံနဲ့ ပထမဆုံးအကြိမ် ပြုလုပ်ခြင်း ဖြစ်ပါတယ်။

၂၀၁၀ ပြည့်နှစ်အတွက် အကယ်ဒမီပေးပွဲကြီးရဲ့ စင်မြင့်ကို နိုင်ငံတကာ အဆင့်မီ ပြောင်းလဲ တည်ဆောက်မယ် ဆိုပေမယ့်လည်း ဒီ အဆင့်မီ စင်မြင့်ကြီးပေါ်မှာ တက်ရောက် ပေးအပ်မယ့် မြန်မာ့ရုပ်ရှင် ဇာတ်ကားတွေနဲ့ မြန်မာ့ရုပ်ရှင် အဆင့်အတန်းက နိုင်ငံတကာ အဆင့်မီဖြစ်နေရဲ့လား၊ နိုင်ငံတကာအဆင့်မီ ဖန်တီးခွင့်တွေ ရနေပြီလား ဆိုတာကိုတော့ မေးခွန်းထုတ်စရာပါ။

ဒီလို အဆင့်အတန်း မြင့်တဲ့ ဖန်တီးမှုတွေ လုပ်နိုင်ဖို့ဆိုရာမှာလည်း လွတ်လပ်စွာ ဖန်တီးနိုင်ခွင့် ရှိရဦးမှာပါ။

လွတ်လပ်စွာ ဖန်တီးခွင့်တွေ ရလာကြဖို့အတွက် မြန်မာ့ရုပ်ရှင်လောကသားတွေ အနေနဲ့ သက်ဆိုင်ရာကို ၀ိုင်းဝန်းတိုင်ပင် ပြောဆိုခဲ့ကြ တာတွေလည်း မကြာသေးခင်ကာလက ဖြစ်ပေါ်ခဲ့တာ အားလုံးအသိပါ။ အဲဒီပြောဆိုမှုတွေကို သက်ဆိုင်ရာက ဘယ်လို ဖြေရှင်း လုပ် ဆောင်ပေးမယ် ဆိုတာကတော့ အခုထက်ထိ အဖြေ မသိရသေးတာတော့ အမှန်ပါ။

ဒါထက် လွတ်လပ်စွာ ဖန်တီးနိုင်ခွင့် တွေနဲ့အတူ လွတ်လွတ်လပ်လပ် ဖန်တီး တင်ဆက်သွားနိုင်ခဲ့လို့ အဆင့်အတန်း မြင့်လှတဲ့ ဇာတ် လမ်း တိုတွေ၊ Documentary ဇာတ်ကားတွေ Animation ဇာတ်ကားတွေကို ဖန်တီးတင်ဆက်သွားနိုင်တဲ့ ရုပ်ရှင်ပွဲတော် တခုလည်း မကြာသေးခင်ကမှ ကျင်းပပြီးစီးခဲ့တဲ့အပြင် ပြသခဲ့တဲ့ ဇာတ်ကားတွေကို ကြည့်ခြင်းအားဖြင့် လွတ်လပ်စွာ ဖန်တီးနိုင်ခွင့် အကျိုးကျေးဇူး ရလဒ်ရဲ့ တန်ဖိုးကြီးမားမှုကို တွေ့မြင် နိုင်မှာပါ။

ဒီရုပ်ရှင်ပွဲတော်မှာ ပရိသတ် အကြိုက်အနှစ်သက်ဆုံး ဆုကို ရရှိခဲ့တဲ့ “အဲ့ဒီအခန်းဖြတ်” ဇာတ်ကားရဲ့ ဖန်တီးရှင် ဒါရိုက်တာ ၀ိုင်းက သူရ ခဲ့တဲ့ ဆုတံဆိပ်ပုံစံကို ကြည့်ကာ “ရိုးရိုးလေးပဲနော်၊ ရွှေတွေ၊ ကြယ်တွေလည်း မပါဘူး။ ရိုးမှာပေ့ါ လူထုက ပေးတာကိုး” လို့ ဆုပေးပွဲ အခမ်းအနားမှာ ပြောသွားပါသေးတယ်။

အခုလို မြန်မာ့ရုပ်ရှင် အကယ်ဒမီပေးပွဲ စင်မြင့်ကို ဆောက်လုပ်ဖို့ စီစဉ်နေပေမယ့်လည်း အကယ်ဒမီ ပေးပွဲကြီး ကတော့ ဘယ်နေ့ ဘယ်ရက် ကျင်းပမယ် ဆိုတဲ့ သတင်းအသံ သဲ့သဲ့တောင် မကြားရသေးပါဘူး။

“အရင်က ဒီဇင်ဘာမှာ လုပ်မယ်လို့ အသံကြားတယ်၊ အခု ဘာသံမှ မကြားတော့ဘူး” လို့ အလင်းတန်း ဂျာနယ်၊ ရွှေအမြုတေ မဂ္ဂဇင်းနဲ့ ဖူးငုံမဂ္ဂဇင်းရဲ့အယ်ဒီတာချုပ် ဦးဝင်းငြိမ်းက ဆိုပါတယ်။

မြန်မာ့ရုပ်ရှင် အကယ်ဒမီပေးပွဲကို အရင်က ရန်ကုန်မြို့မှာ ကျင်းပနေရာကနေ ၂၀၀၇ ခုနှစ်ကစလို့ နေပြည်တော်ကို ပြောင်းရွှေ့ ကျင်းပခဲ့ တာပါ။

ဒီနှစ် အကယ်ဒမီပေးဖို့အတွက် ရုပ်ရှင်ဇာတ်ကား စုစုပေါင်း ၁၅ ကား ရှိနေပါပြီ။

ကဲ ဒီ ၂၀၁၂ မှာကျင်းပမယ့် ၂၀၁၀ ပြည့်နှစ်အတွက် အကယ်ဒမီပေးပွဲကြီးမှာ အဆင့်မြင့်ဇာတ်စင် အသစ်ကြီးနဲ့ အတူ ဘယ်လို အဆင့် အတန်းမြင့်မြင့် ရုပ်ရှင်ဇာတ်ကားကြီးတွေကို ပေးအပ်ချီးမြှင့်မလဲ ဆိုတာကတော့ မကြာမီ လာမည်၊ ဖန်သားပြင်မှာ ရှု လို့ပဲ ပြောပါရစေ။

Ref: ဧရာဝတီ

Read More...

Collapse...

အကျဉ်းသားလွှတ်မှ ဒဏ်ခတ်မှု ရပ်မည်

January 6, 2012

နိုင်ငံရေးနှင့် ဆက်နွယ်သူများအား ဆက်လက် ထိန်းသိမ်းထားပါက မြန်မာနိုင်ငံအပေါ် ချမှတ်ထားသော ဥရောပသမဂ္ဂ၏ စီးပွားရေး ပိတ်ဆို့မှုများ၊ ဒဏ်ခတ်မှုများကိုဖယ်ရှားပေးမည် မဟုတ်ဟု ရန်ကုန်တွင် ရောက်နေသော ဗြိတိန် နိုင်ငံခြားရေး ၀န်ကြီး ၀ီလျံဟိတ်က ယနေ့ ပြောကြားလိုက်သည်။

ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား နေအိမ်တွင် သွားရောက် တွေ့ဆုံ ဆွေးနွေးအပြီး သတင်းထောက်များနှင့် တွေ့ဆုံ စဉ် ထိုသို့ ပြောလိုက်ခြင်းဖြစ်သည်။

“နိုင်ငံရေး ယုံကြည်မှုကြောင့် အကျဉ်းကျနေတဲ့လူတွေ ရှိနေသမျှ ဒီနိုင်ငံက ဒီမိုကရေစီနိုင်ငံ ဖြစ်ပြီလို့ ပြောဖို့ ခက်ပါတယ်။ နိုင်ငံရေး အကျဉ်းသားတွေ အားလုံး လွှတ်ပေးမှု ဆိုတာ ဥရောပသမဂ္ဂရဲ့ ကန့်သတ်မှုတွေ ဖယ်ရှားဖို့ အရေးပါတဲ့ အချက် ဖြစ်ပါတယ်” ဟု ၀န်ကြီးက ပြောသည်။


လက်ရှိအစိုးရက ပြုလုပ်နေသည့် ပြုပြင် ပြောင်းလဲမှုများကို နိုင်ငံတကာ နည်းတူ ဗြိတိန်ကလည်း ထောက်ခံသည်ဟု ဆိုသည်။

ယမန်နေ့က နေပြည်တော်တွင် သမ္မတ ဦးသိန်းစိန် အပါအ၀င် အစိုးရ ခေါင်းဆောင် အများအပြားနှင့် တွေ့ဆုံခဲ့ပြီး ဦးသိန်းစိန်သည် ရိုးသားပြီး အပြောင်းအလဲ ပြုလုပ်လိုပုံရသည်ဟု ၀န်ကြီးက ပြောသည်။

သို့သော်လည်း စစ်ပွဲဖြစ်ပွားနေသော တိုင်းရင်းသားဒေသများသို့ လူသားချင်း စာနာမှုဆိုင်ရာ အကူအညီ ပိုမို ပေးပို့ခွင့်ပြုရေး အပါအ၀င် အပြောင်းအလဲ များစွာ လုပ်ဆောင်ရန် လိုအပ်သေးကြောင်း ၀န်ကြီး ၀ီလျံဟိတ်က ဆိုသည်။

ယနေ့ သတင်းစာရှင်းလင်းပွဲအတွင်း ၀န်ကြီး နှင့် ဒေါ်အောင်ဆန်းစုကြည် နှစ်ယောက်လုံးက အစိုးရ၏ ဒီမိုကရေစီ ဖော်ဆောင်ရေး လုပ်ငန်းစဉ် အတွက် နိုင်ငံရေး အကျဉ်းသား အားလုံး လွှတ်ရန်၊ တိုင်းရင်းသားများနှင့် ငြိမ်းချမ်းရေး ဖော်ဆောင်ရန်၊ သန့်ရှင်း မျှတသော ကြားဖြတ် ရွေးကောက်ပွဲ ကျင်းပပေးရန် လိုအပ်သည် ဟု ပြောဆိုကြသည်။

ဒေါ်အောင်ဆန်းစုကြည်က ဦးသိန်းစိန်အစိုးရ၏ ပြုပြင်ပြောင်းလဲရေး လုပ်ငန်းစဉ်များကို ယုံကြည်နေမှုကြောင့် မေးခွန်း အထုတ်ခံ နေရသည်ဟု ရှင်းပြသည်။

“ကျမကို (မကြာသေးမီက) ရှပ်ရှင်ပွဲတော်မှာ သတင်းထောက် တယောက်က လာမေးတယ်။ အိမ်မက်ထဲမှာ ပျော်မွေ့နေသလားလို့ မေးတယ်။ မဟုတ်ပါဘူး။ ကျမတို့ ရည်မှန်းချက် ပန်းတိုင် ရှိတယ်။ ဘယ်လို လုပ်ရမယ် ဆိုတာ သိတယ်။ ရိုးရိုးလေး ပြောရင် အလုပ် လုပ်ဖို့ လိုအပ်တယ်။ ကျမတို့ အိမ်မက်တွေ တကယ် ဖြစ်လာအောင် အလုပ်လုပ်ဖို့ လိုအပ်ပါတယ်” ဟု ဒေါ်အောင်ဆန်းစုကြည်က သတင်းစာ ရှင်းလင်းပွဲတွင် ပြောသည်။

“ကျမတို့မိတ်ဆွေရဲ့ ကူညီအားပေးမှုနဲ့ ကျမတို့ ပြည်သူတွေရဲ့ အိမ်မက်တွေကို တကယ် ဖြည့်ဆည်းပေးနိုင်မှာပါ” ဟုလည်း ဒေါ်အောင် ဆန်းစုကြည်က ၀န်ကြီး ၀ီလျံဟိတ်နှင့် ပူးတွဲ ပြုလုပ်သော သတင်းစာ ရှင်းလင်းပွဲတွင် ပြောလိုက်သည်။

ဝီလျံဟိတ်သည် ဒေါ်အောင်ဆန်းစုကြည်နှင့် ယမန်နေ့ကလည်း တကြိမ် တွေ့ဆုံပြီး ဖြစ်သည်။

သူ၏ ၂ ရက်ကြာ ခရီးသည် ရာစုနှစ်ဝက်ကျော်အတွင်း ဗြိတိန် နိုင်ငံခြားရေး ၀န်ကြီး တဦး၏ ပထမဆုံးမြန်မာပြည် ခရီးစဉ် ဖြစ်သည်။

မကြာသေးခင်က မြန်မာအစိုးရ ဖော်ဆောင်ခဲ့သည့် ပြုပြင်ပြောင်းလဲမှုများကြောင့် ခရီးစဉ် ပေါ်ပေါက်လာရခြင်း ဖြစ်ကြောင်း ဗြိတိန် နိုင်ငံခြားရေးဌာန၏ တနင်္ဂနွေနေ့ ထုတ်ပြန်ချက် တစောင်တွင် ဖော်ပြထားသည်။

ဤအတောအတွင်း ဥရောပသမဂ္ဂက ရန်ကုန်မြို့တွင် ကိုယ်စားလှယ်ရုံး ဖွင့်ရန် နေပြည်တော်နှင့် သဘောတူချက် ရပြီး ဖြစ်ကြောင်း ကြေညာလိုက်သည်။ ရန်ကုန်ကိုယ်စားလှယ်ရုံးက အကူအညီပေးမှု အစီအစဉ်များ စီမံ ခန့်ခွဲရေး၊ နိုင်ငံရေးဆွေးနွေးမှုများအား အားပေး မြှင့်တင်ရေး တို့ကို ဆောင်ရွက်သွားမည်ဟု ဥရောပသမဂ္ဂ အရာရှိတဦးက သတင်းဌာနများကို ပြောသည်။

မြန်မာပြည်အား လူ့အခွင့်အရေး အခြေအနေများကြောင့် ဒဏ်ခတ်ပိတ်ဆို့မှုများ ချမှတ်ထားသည့် ဥရောပသမဂ္ဂသည် မကြာသေးမီက ဖြေလျော့မှုတချို့ကို ပြုလုပ်ခဲ့သည်။

ပြီးခဲ့သည့် ဧပြီလတွင် မြန်မာအစိုးရ ဝန်ကြီးတချို့ကို ဥရောပသို့ ၀င်ရောက်ခွင့်ပြုခဲ့ခြင်းဖြင့် ပြည်ဝင်ခွင့် ပိတ်ပင်မှုကို ယာယီ လျှော့ပေါ့ ပေးခဲ့သည်။

Ref: ဧရာဝတီ

Read More...

Collapse...

ဒဲရစ် မစ်ချယ်လ် မြန်မာနိုင်ငံ ထပ်သွားဦးမည်

January 6, 2012

မြန်မာနိုင်ငံဆိုင်ရာ အမေရိကန် အစိုးရ အထူးကိုယ်စားလှယ် မစ္စတာ ဒဲရစ် မစ်ချယ်လ်သည် လာမည့်အပတ်အတွင်း မြန်မာနိုင်ငံ သို့ စတုတ္ထအကြိမ်အဖြစ် ထပ်မံသွားရောက်မည် ဖြစ်သည်။

ဒဲရစ် မစ်ချယ်လ်သည် ဇန်န၀ါရီ ၉ ရက်မှ ၁၃ ရက်အထိခရီးစဉ်အတွင်း ထိုင်းနိုင်ငံနှင့်မြန်မာနိုင်ငံသို့ သွားရောက်မည် ဖြစ်ကြောင်း အမေရိကန် နိုင်ငံခြားရေးဝန်ကြီးဌာနက ပြောသည်။

မြန်မာနိုင်ငံ ခရီးစဉ်တွင် အမေရိကန် အစိုးရ၏ မြန်မာနိုင်ငံအပေါ်ထားရှိသော တိုက်ရိုက် ထိတွေ့ဆက်ဆံရေး မူဝါဒ အရ အစိုးရ ထိပ်ပိုင်း ခေါင်းဆောင်များ၊ နိုင်ငံရေး သမားများနှင့် တွေ့ဆုံဆွေးနွေးမှုများ ပြုလုပ်ရန်ရှိကြောင်း၊ ဒီဇင်ဘာ လဆန်းက သွားရောက် ခဲ့သော နိုင်ငံခြားရေးဝန်ကြီး မစ္စ ဟီလာရီ ကလင်တန် ခရီးစဉ်နှင့် ဆက်စပ်ကြောင်းလည်း ပါရှိသည်။


ဒဲရစ် မစ်ချယ်လ်သည် မြန်မာနိုင်ငံ အပူပိုင်းဇုန် ဖွံ့ဖြိုးရေးလုပ်ငန်းများနှင့် အသေးစားချေးငွေ အစီအစဉ်အတွက် ပုဂံ သို့လည်း သွားရောက်မည် ဖြစ်သည်ဟု အမေရိကန် နိုင်ငံခြားရေးဝန်ကြီးဌာနက ဆိုသည်။

ထို့အပြင် ဒဲရစ် မစ်ချယ်လ်သည် ထိုင်းနိုင်ငံ မြောက်ပိုင်းသို့ သွားရောက်၍ ဒေသဆိုင်ရာ အာဏာပိုင်များ အပါအ၀င် ထိုင်း-မြန်မာ နယ်စပ်ရှိ ဒုက္ခသည်များကို အကူအညီ ပေးနေသူများနှင့်လည်း တွေ့ဆုံရန် အစီအစဉ် ရှိကြောင်း သိရသည်။

မစ္စတာ ဒဲရစ် မစ်ချယ်သည် မြန်မာနိုင်ငံဆိုင်ရာ အထူးကိုယ်စားလှယ် အဖြစ် ၂၀၁၁ ခုနှစ် သြဂုတ်လ ၁၅ ရက်နေ့မှ စတင်၍ ထမ်း ဆောင်ခဲ့သည်။

၎င်းသည် မြန်မာနိုင်ငံသို့ ပထမဆုံးခရီးစဉ်အဖြစ် စက်တင်ဘာလ အတွင်းက ရောက်ရှိခဲ့ပြီး အစိုးရအဖွဲ့ဝင်များ၊ ဒေါ်အောင်ဆန်း
စုကြည်အပါအ၀င် အတိုက်အခံခေါင်းဆောင်များနှင့်လည်း တွေ့ဆုံ ဆွေးနွေးခဲ့သည်။ အောက်တိုဘာ လကုန်ပိုင်း ဒုတိယ ခရီးစဉ်
နှင့် နိုဝင်ဘာ လဆန်း၌ တတိယ ခရီးစဉ်အဖြစ်လည်း သွားရောက်ခဲ့သေးသည်။

ဒဲရစ် မစ်ချယ်လ်၏ ယခုခရီးစဉ်နှင့် တပြိုင်တည်း အမေရိကန်နိုင်ငံခြားရေး ဌာနမှ လူမှောင်ခိုကုန်ကူးမှု ဆိုင်ရာ အဆင့်မြင့် အရာရှိ Luis CdeBaca သည်လည်း မြန်မာနိုင်ငံသို့ ဇန်န၀ါရီ ၉ ရက်မှ ၁၁ ရက်အထိ သွားရောက်မည်ဖြစ်သည်။

၎င်းသည် မြန်မာအစိုးရ၏ လူမှောင်ခိုကုန်ကူးမှု တိုက်ဖျက်ရေး ဆောင်ရွက်မှုများနှင့် မြန်မာနိုင်ငံတွင်း လူမှောင်ခိုကုန်ကူးမှု အခြေ အနေ များကို လေ့လာဆောင်ရွက်ရန် သွားရောက်ခြင်း ဖြစ်ကြောင်း သိရသည်။

Luis CdeBaca သည် နေပြည်တော်၌ ဒဲရစ် မစ်ချယ်လ်နှင့်အတူ မြန်မာအာဏာပိုင်များကို တွေ့ဆုံပြီး အလုပ်သမားအရေးနှင့် နိုင်ငံ ဖြတ်ကျော် လိင် ကုန်ကူးမှုဆိုင်ရာများကို ဆွေးနွေးရန် အစီအစဉ်ရှိသည်ဟု ဆိုသည်။

ရန်ကုန်မြို့တွင် နိုင်ငံတကာ အဖွဲ့အစည်းများ၊ NGO အဖွဲ့များ အပါအ၀င် အစိုးရ အမျိုးသား လူ့အခွင့်အရေး ကော်မရှင်နှင့်လည်း တွေ့ဆုံမည်ဖြစ်ကြောင်း သိရသည်။

Ref: ဧရာဝတီ

Read More...

Collapse...

သမ္မတထက် အကလ အရေးပါပုံ ၀ီလျံဟိတ်ကို ၈၈ မျိုးဆက်ပြော

အေးလဲ့
ဇန်နဝါရီလ ၀၆ ရက် ၂၀၁၂ ခုနှစ်

တိုင်းပြည်၏ အရေးပါသောဆုံးဖြတ်ချက်များတွင် သမ္မတထက် အမျိုးသားကာကွယ်ရေးနှင့် လုံခြုံရေးကောင်စီ (အကလ) ပို၍ အရေးပါ ကြောင်း ဗြိတိန်နိုင်ငံခြားရေးဝန်ကြီး မစ္စတာ ဝီလျံဟိတ်နှင့် တွေ့ဆုံစဉ် ရှင်းလင်းပြောပြခဲ့သည်ဟု ၈၈ မျိုးဆက် ကျောင်းသားအဖွဲ့က ပြော သည်။

သောကြာနေ့ မွန်းလွဲပိုင်းက မစ္စတာဟိတ်နှင့် ဗြိတိန် သံအမတ်ကြီးနေအိမ်တွင် တနာရီခန့်ကြာ တွေ့ဆုံခဲ့စဉ် ပြောကြားခဲ့ခြင်းဖြစ်ကြောင်း ၈၈ မျိုးဆက်အဖွဲ့မှ ကိုမြတ်သူက မဇ္ဈိမကို ပြောသည်။

“နိုင်ငံရေးအကျဉ်းသားလွှတ်ဖို့ ကိစ္စရပ်တွေမှာကော၊ ပြည်တွင်းစစ် ရပ်စဲဖို့ကိစ္စရပ်တွေမှာကော ကြည့်မယ်ဆိုရင် တကယ့်အာဏာက သမ္မတဆီမှာ မရှိဘဲနဲ့ အမျိုးသား လုံခြုံရေး ကောင်စီဆီမှာ ရှိနေတဲ့အတွက်ကြောင့်မို့၊ အဲဒီအမျိုးသား လုံခြုံရေး ကောင်စီ မှာကလည်း အများစုက တပ်မတော် ခေါင်းဆောင်တွေ ဖြစ်တဲ့အတွက်ကြောင့်မို့ လို့ ဗမာပြည် ပြုပြင်ပြောင်းလဲမှု လုပ်တဲ့အခါမှာ သူတို့တွေက သဘောတူမှသာ၊ စိတ်ဝင်စားမှသာလျှင် ပြုပြင် ပြောင်းလဲမှုတွေ ပိုပြီး လွယ်ကူချောမွေ့နိုင်လိမ့်မယ်လို့ ကျနော်က သူ့ကိုရှင်းပြခဲ့တာပါ” ဟု သူက ပြောသည်။


ထိုသို့တွေ့ဆုံရာတွင် ၈၈ မျိုးဆက် ကျောင်းသားအဖွဲ့မှ ကိုမြတ်သူ၊ မဇင်မာအောင်၊ ကိုမြတ်ကို တို့ပါဝင်ပြီး တသီးပုဂ္ဂလအနေဖြင့် ကိုမျိုး ရန်နောင်သိန်း၊ ကိုဖြိုးမင်းသိမ်း၊ လူရွှင်တော် ဇာဂနာ တို့က မစ္စတာ ဝီလျံဟိတ်နှင့် ဗြိတိန် သံအမတ်ကြီးနေအိမ်မှာ တွေ့ဆုံခဲ့ခြင်း ဖြစ် သည်။

ဆွေးနွေးမှုတွင် ကြားဖြတ်ရွေးကောက်ပွဲကိစ္စ၊ တိုင်းရင်းသားအရေး၊ နိုင်ငံရေး အကျဉ်းသားကိစ္စ၊ လူသားချင်း စာနာထောက်ထားမှု ကူညီထောက်ပံ့ပေးရေးဆိုင်ရာ ကိစ္စများကို ဆွေးနွေးသွားခဲ့ကြောင်း သိရသည်။

“တိုင်းရင်းသားအရေးကိစ္စမှာလည်း ထိုင်းနယ်စပ်တလျှောက် စစ်ဘေးကြောင့် အိုး၊ အိမ်၊ ရာမဲ့ ထွက်ပြေးနေရတဲ့ ဒုက္ခသည်ပြစ်မထားဖို့ ဆွေးနွေးကြတယ်။ ဒုက္ခသည်စခန်းအတွက် ပေါင် ၂ သန်း သုံးမယ်ဆိုတဲ့အကြောင်းကို ဝန်ကြီးက ပြောသွားတယ်” ဟု ကိုမျိုးရန် နှောင်သိန်းက မဇ္ဈိမကို ပြောသည်။

ထို့ပြင် မစ္စတာဟိတ်က မြန်မာနိုင်ငံ စီးပွားရေးပိတ်ဆို့မှုဆိုင်ရာ ကိစ္စနှင့်ပတ်သက်လို့ ၈၈ ကျောင်းသားအဖွဲ့တို့ရဲ့ သဘောထား အမြင် ကိုလည်း တောင်းဆိုသွားခဲ့ကြောင်း “အဲဒီအပေါ်မှာ သဘောထားမျိုးစုံ ရှိပါတယ်။ စီးပွားရေးပြဿနာကိုတော့ ဖြေရှင်းပေး သင့်တယ် ဆိုတဲ့ သဘောထား အားလုံးရှိကြပါတယ်။ ကျနော်ကတော့ မြန်မာနိုင်ငံမှာ စီးပွားရေးအရ တရုတ်စီးပွားရေးသမားတွေက ကြီးစိုးနေ ကြတယ်။ သူတို့တွေ ကြီးစိုးနေတော့ ဆန်ရှင်မရုတ်သိမ်းသေးလည်း သူတို့တွေပဲ အကျိုးအမြတ်ရရှိနေမှာပဲ။ အဲဒီတော့ စစ်မှန်တဲ့ ဈေး ကွက်စီးပွားရေးစနစ်၊ လိုအပ်တဲ့ နည်းဥပဒေတွေ ချမှတ်ပြီးရင် လာသင့်တယ် လို့ ပြောဆိုခဲ့ပါတယ်” ဟု ကိုမျိုးရန်နောင်သိန်းက ပြော သည်။

နိုင်ငံတကာ အသိုင်းအဝိုင်းများအနေဖြင့် မြန်မာ့ဒီမိုကရေစီ ပြုပြင်ပြောင်းလဲမှုတွင် ၈၈ မျိုးဆက်ကျောင်းသားအဖွဲ့နှင့် NLD တို့ ဘယ်လို ပူးပေါင်းဆောင်ရွက်ကြမယ်ဆိုတာကို အထူးစိတ်ဝင်တစား မေးမြန်းခြင်းခံရကြောင်းလည်း ကိုမျိုးရန်နောင်သိန်းက ပြောသည်။

Ref: မဇ္ဈိမ

Read More...

Collapse...

တည်ငြိမ်မှု မရှိသော တည်ဆဲ ဥပဒေများနှင့် စီးနေသော သံယောဇဉ်များ

နှင်းပန်းအိမ်
ဇန်နဝါရီလ ၀၈ ရက် ၂၀၁၂ ခုနှစ်

ဇန်နဝါရီ မနက်ခင်းဟာ မြူနှင်းတွေကြားမှာ ချောင်းကြည့်နေတယ်။ ရေဒီယိုက သတင်း ကြေညာသံတွေက ကျမကို စိတ်ခံစားမှုတွေ အများကြီးပေးပြီး မြန်မာပြည်တွင်းကို ခေါ်ဆောင် သွားတယ်။

နှစ်သစ်မှာ ဘဝသစ်တွေစဖို့ အကျဉ်းထောင်ထဲက နိုင်ငံရေးအကျဉ်းသားတွေကို ကြိုဆိုဖို့ သူတို့ရဲ့မိသားစုနဲ့ သူတို့ကို ချစ်ခင်သူ တချို့ ဟာ အကျဉ်းထောင်တွေရှေ့မှာ စုရုံးရောက်ရှိနေကြတယ်။ ၂၀၁၀ မှာ မြန်မာပြည်ရဲ့အပြောင်းအလဲဟာ ရုတ်တရက် အမြန်ရထား တ စင်းရဲ့ အရှိန်မျိုးနဲ့ ပြောင်းလဲသွားတယ်လို့ ဆိုကြပါတယ်။ နိုင်ငံရေးအကျဉ်းသားတွေကို ဇန်နဝါရီနဲ့ ဖေဖော်ဝါရီမှာ နှစ်သုတ် ခွဲလွှတ် မယ်လို့ အစိုးရ တာဝန်ရှိသူ မီးရထားဝန်ကြီး ဦးအောင်မင်းက သတင်းမီဒီယာတွေမှာ အတိအလင်း ပြောဆိုခဲ့တာကိုး။

အကျဉ်းထောင် အသီးသီးရှေ့က လူတွေအားလုံး စိတ်အားထက်သန်မှုနဲ့ ထောင်ဗူးဝရှေ့ကို အာရုံစူးစိုက်ထားကြတယ်။ သူတို့ အားလုံး ဟာ သမ္မတ ဦးသိန်းစိန်အစိုးရသစ် ဆိုတဲ့ ခေတ်စနစ်ထဲကို အတင်းတွန်းပို့ခြင်း ခံထားရသူတွေပါ။ ဗူးတံခါးကနေ ထွက်ပေါ်လာမယ့် သူတွေကို မျှော်လင့်နေကြတဲ့ အကျဉ်းကျ မိသားစုတွေရဲ့ ခံစားမှုမျိုးစုံပါတဲ့ ဓာတ်ပုံတွေကို ရုပ်သံသတင်းတွေမှာ၊ အင်တာနက် သတင်း တွေမှာ ကြားဖြတ်သတင်းအနေနဲ့ ဖော်ပြခဲ့ကြပါတယ်။

ဒီဓာတ်ပုံတွေထဲမှာ သံဆူးကြိုးနဲ့ သစ်သားဘောင်ကို ကျော်ပြီး အကျဉ်းထောင်ဗူးဝကို ကြည့် နေတဲ့ အမေအိုတယောက်ရဲ့ ဓာတ်ပုံ ကိုကြည့်ပြီး ကျမရင်ထဲ ထိထိခိုက်ခိုက် ဖြစ်ခဲ့ရပါတယ်။

အမေအိုရဲ့ မျက်လုံးမှာ မျှော်လင့်ချက်အပြည့်နဲ့ပါ။ ဆံစတွေက နေလောင်ပြီး ဦးခေါင်းမှာ ဆီနဲ့ကင်းကွာနေတာ နှစ်ပေါင်းကြာနေပုံရတယ်။ ပါးရေတွေတွန့်ပြီး ဇရာရဲ့အရေးအကြောင်းတွေ ပြည့်နေတဲ့ အမေအိုဟာ ခေတ်စနစ်သာ ကောင်းခဲ့ရင် တရားဓမ္မအားထုတ်ပြီး ကျောင်းသင်္ခန်းထဲ နေရမယ့်အရွယ်ပါ။ ခုတော့ အကျဉ်းထောင်ရှေ့မှာ ရောက်ရှိနေပြီး သူ့ခင်ပွန်း၊ သူ့သား၊ သူ့မြေး တယောက်ယောက်ကို မျှော်လင့်နေပုံရတယ်။

အမေအိုရဲ့ မျက်လုံးထောင့်စွန်းမှာ မျက်ရည်စတွေ သီသီဝေ့နေတယ်။ အမေအိုရဲ့မျက်နှာ အမူအယာဟာ ခေတ်စနစ်ရဲ့ လျှို့ဝှက်ချက်ကို ရှာဖွေသိရှိလိုက်ရလို့ အတော်ပင်ပန်းနွမ်းနယ်နေပုံ ရပါတယ်။ ဒါပေမယ့် သူ ပြန်မသွားဘူး။ နေညိုချိန်၊ ထောင်ဗူးဝပိတ်ချိန်ထိ ဒီနေရာ ကနေ ရပ် စောင့်နေမယ်လို့ ကျမခံစားမိတာနဲ့အတူ အမေအို ဆန္ဒပြည့်ဝပါစေလို့ ဆုတောင်းမိပါသေးတယ်။ အမေအိုရဲ့ မျှော်လင့်ချက် ဟာ အမေအိုနဲ့ ထပ်တူရှိပါစေ။ အဲဒီမျှော်လင့်ချက်က အမေအိုအတွက် အဓိကကျစေတဲ့ ခွန်အားဖြစ်နေလို့ပါပဲ။

လွန်ခဲ့တဲ့ အနှစ်လေးဆယ်လောက်မှာ အဲဒီအမေအိုလိုမျိုး ကျမအဘွား ဒေါ်သန်းရွှေ ဟင်္သာတ အကျဉ်းထောင်ရှေ့သွားပြီး သူ့သားကြီး (ကျမဦးကြီး)အတွက် ထောင်ဝင်စာ တွေ့ခဲ့ဖူးတယ်။ သူ့သားကြီး လွတ်လာမယ် ထင်လို့ ထောင်ဗူးဝရှေ့မှာ သွားစောင့်ခဲ့ဖူးတယ်။

ကျမအဘွားက ဟင်္သာတအကျဉ်းထောင်မှာ နိုင်ငံရေးမှုနဲ့ အကျဉ်းကျခံနေရတဲ့ သားကြီး အတွက် ထောင်ဝင်စာပို့နိုင်ဖို့ အင်္ဂပူခရိုင်၊ ထူးကြီးကျေးရွာလေးကနေ မီးရထားစီးပြီး သွားရပါတယ်။ သူ့သားကြီး ကြိုက်တတ်တဲ့ ထန်းလျက်နဲ့ ပေါက်ပေါက်ဆုပ်၊ သနပ်ဖက် ဆေးပေါ့လိပ်၊ ငါးသလဲထိုး ကြော်၊ ကြက်သားကြော်လေးတွေကို ကြိုတင်စုဆောင်းပြီး ထောင်ဝင်စာတွေ့ရတာပါ။ ဒီအတွက် ကျမ အဘွားက မုန့်ပျားသလက် လုပ်ရောင်းရတာပါ။

သူ့သားငယ် ကျမဖေဖေက အဲဒီအချိန်မှာ ကိုကိုးကျွန်း အကျဉ်းစခန်းမှာ အကျဉ်းကျ ခံနေရချိန်ပါ။ ဖေဖေ့ကို လူပျောက်ရှာခဲ့ရတာ ဘွားဘွားနဲ့မေမေ ၃ နှစ်ကြာခဲ့ပါတယ်။ ကိုကိုးကျွန်း ကနေ ဖေဖေ ခြောက်လ တကြိမ်ပို့တဲ့ ဗလာစာမျက်နှာတရွက် အပြည့်ရေးထားတဲ့ စာလုံး သေးသေးလေးတွေကနေ “အမ ခင်ဗျား ကျန်းမာအောင်နေပါ၊ ကျနော် အမကို လက်အုပ်ချီ ကန်တော့ပါတယ်” ဆိုတဲ့စာကြောင်း လေးကို ခဲတံကို တံတွေးဆွတ်ပြီးဘွားဘွားက ထင်ရှားအောင် လုပ်ထားပါတယ်။ ဖေဖေ့ကို ဘွားဘွားက သတိရတိုင်း သူ့ချွေးခံအင်္ကျံ အိတ်ထဲက စာလေးကို အမြဲ ထုတ်ကြည့်တတ်ပါတယ်။

သားကြီးကိုသာ ထောင်ဝင်စာမှာ လူကိုယ်တိုင်တွေ့နိုင်ပြီး သားငယ်ကို လူကိုယ်တိုင်တွေ့ခွင့် မရတဲ့အခါ ဘွားဘွားက ဖေဖေ့ကိုယ်စား ကျမကို မြေးတွေထဲမှာ ပိုပြီးဂရုဏာသက်ခဲ့ပုံရပါတယ်။ သားကြီးနဲ့ သားငယ်ကို တလှည့်စီ ပူပန်နေရတဲ့ ကျမအဘွားဟာ အမြဲတမ်း ငေးငိုင်နေခဲ့ပါတယ်။ သူ့ရဲ့ဆင်းရဲမှုကို သူရင်ဆိုင်နိုင်ခဲ့တာ သူ့သားတွေ ထောင်က ပြန်လွတ်လာမယ့်နေ့ဆိုတဲ့ မျှော်လင့်ချက်နဲ့ပါ။

တနေ့မှာ ကျမအဘွားက ခံတောင်းထဲ သားကြီးအကြိုက် စားစရာတွေထည့်၊ ရထားစီးပြီး ဟင်္သာတထောင်ကို သွားပါတယ်။ ထောင်ဗူးဝ မှာ စာရင်းပေးပြီး အကျဉ်းဦးစီးဝန်ထမ်းတွေ နာမည်ခေါ်ချိန်ကို စောင့်နေရပါတယ်။ ညနေသာ စောင်းသွားရော အဘွားနာမည်ခေါ်တာ မကြားခဲ့ရဘူးတဲ့။ ဝန်ထမ်းတွေကတော့ “ခေါ်တယ်.. အမေကြီး မကြားတာ” လို့ လွယ်လင့်တကူပဲ ဖြေကြပါတယ်။ ဒါပေမယ့် ထောင်ဝင် စာကတော့ ပိတ်သွားပါပြီ။

ဒီတော့ အဘွားက အကျဉ်းဦးစီးဝန်ထမ်းတွေကို တောင်းပန်ပါတယ်။ “လူလေးတို့ရယ် အမေကြီးကို တွေ့ခွင့်ပေးပါ” တဲ့။ ဝန်ထမ်းတွေ ဆီမှာ နူးညံ့တဲ့၊ လူသားဆန်တဲ့ အသဲနှလုံး ရှိပုံမရဘူး။ အဘွား ထောင်ဝင်စာ မတွေ့ခဲ့ရပါဘူး။ အဘွားရဲ့မိခင်စိတ်ကိုတော့ အကျဉ်းဦးစီး ဝန်ထမ်းတွေ တားဆီးလို့မရခဲ့ပါဘူး။

ကျေးတောသူ ကျမအဘွား သားအတွက် ထောင်ဝင်စာထည့်လာတဲ့ ခံတောင်းကိုရွက် ဟင်္သာတ အကျဉ်းထောင်အုတ်ရိုးကိုပတ်ပြီး သူ့သားကြီးကြားလိမ့်နိုးနဲ့ “သူငယ်ရေ သူငယ့်ဆီ အမ လာခဲ့တယ်။ သူငယ်သိအောင် အမပြောတာ” လို့ အော်ခဲ့ပါတယ်တဲ့။ အဘွားရဲ့နှလုံးသားကို ချေမွခံပြီးမှ ထွက်လာတဲ့ဒီအသံဟာ ခုချိန်ထိ ကျမတို့ဆီ ပဲ့တင်ပြန်နေတုန်းပါ။

ခေတ်ရိုင်းစနစ်ရိုင်းက အဘွားကို ကြင်နာနူးညံ့မှု၊ သိမ်မွေ့မှုတွေ မပေးခဲ့ပါဘူး။ မိသားစု အသိုက်အမြုံ၊ မိခင်ရင်ခွင်ထဲက သားနှစ် ယောက်ကို ဆွဲထုတ်ပြီး ခွဲခွာခြင်းနဲ့ စောင့်မျှော်ရခြင်းဆိုတဲ့ ခါးသီးမှုကိုပဲ ပေးခဲ့ပါတယ်။

အကျဉ်းထောင်ထဲမှာ နှစ်ပေါင်းများစွာနေခဲ့ပြီးမှ လွတ်မြောက်လာတဲ့ သားငယ်ကိုလည်း အဘွား တွေ့မသွားခဲ့ရပါဘူး။ မုဆိုးမ ကျမအဘွား လည်ချောင်းကင်ဆာရောဂါနဲ့ လူ့လောကကြီးကနေ ထွက်ခွာသွားခဲ့ရပါတယ်။

ကျမဖေဖေကတော့ သူ့မိခင် အသက်ရှင်နေသေးတယ်အထင်နဲ့ “အမ ခင်ဗျာ” လို့ အစချီပြီး ၆ လတကြိမ် ကိုကိုးကျွန်းကနေ စာပို့ခဲ့ပါတယ်။

ဖေဖေ အကျဉ်းထောင်က လွတ်မြောက်လာတဲ့အခါ ဘွားဘွားနောက်ဆုံးထွက်သက်မှာ ဝတ်ခဲ့တဲ့ ပဒုမ္မာ ရှန်သားအင်္ကျီလေးနဲ့ ဖေဖေ့ လက်ရေးနဲ့ ရေးထားတဲ့စာတွေကို သိမ်းထားတဲ့ ချွေးခံ အင်္ကျံလေး၊ သရက်ထည် ပွင့်ရိုက် အညိုလေးကိုပဲ အလွမ်းပြေ တွေ့ရပါ တော့တယ်။

အဘွားလက်ထက်ကနေ သူ့မြေး ကျမခေတ်အထိ ထောင်ဝင်စာတွေ့ခဲ့ရတာဟာ ကံတရားကြောင့်၊ ဝဋ်ကြွေးကြောင့် မဟုတ်ပါဘူး။ တည်ဆဲ လူနေမှုစနစ်ကြောင့်ပါ။

ဘဝတူ အကျဉ်းကျ မိသားစုတွေထဲက အမေအိုတွေကို ကျမကူညီခဲ့ဖူးပါတယ်။ ကလေးမြို့ အကျဉ်းထောင်မှာ အကျဉ်းကျခံခဲ့ရတဲ့ ကိုစောဝင်း မိခင်၊ ဘူးသီးတောင် အကျဉ်းထောင်မှာ အကျဉ်းကျခံ ခဲ့ရတဲ့ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ် ကိုခွန်မြင့်ထွန်း မိခင်၊ ပူတာအို အကျဉ်းထောင်မှာ အကျဉ်းကျခံရင်း ကျဆုံးသွားတဲ့ ကိုခင်မောင်လွင် မိခင်။ သူတို့တွေရဲ့သားအပေါ်ထား တဲ့ မိခင်မေတ္တာ၊ သံယောဇဉ်တွေက အင်မတန်မှ ကြီးမားလှပါတယ်။

ကိုစောဝင်း မိခင်ကြီး ဒေါ်မြရီဟာ အသက် ၈၀ ကျော်အထိ သားကို ထောင်ဝင်စာတွေ့ခဲ့ ရတာပါ။ မဟာမြိုင်၊ ယာကြီးလမ်း၊ ဂန့်ဂေါလမ်း ဆိုတဲ့ တောတောင်အထပ်ထပ်ကို ကျော်ပြီး သားရှိရာ ကလေးမြို့ အကျဉ်းထောင်အထိ ထောင်ဝင်စာ လစဉ်တွေ့ခဲ့သူ။

တောတောင်ထဲက၊ ကျေးလက်လမ်းအို၊ တောလမ်းအိုကြီးတွေကို ဖြတ်ရတဲ့အခါ ဆယ်ဘီးကား ဘီးရာ နက်နက်ကြီးထဲမှာ ကားမောင်း တော့ ဒေါ်မြရီ မျက်စိစုံမှိတ်လို့ ဘုရားစာ ရွတ်နေရတယ်။ အရိုးအဆစ်တွေ လှုပ်ခါယိမ်းထိုးအောင် ကားလမ်းကြမ်းတာမို့ လမ်းခုလတ်မှာ အမေကြီး တခုခုဖြစ်သွားရင် ဆိုတဲ့အတွေးက ကားသမားနဲ့ ခရီးသည်ရော ကျမတို့ပါ စိုးရိမ်ပူပန်ခဲ့ရတာ။

ဝန်နဲ့မမျှ ရုန်းနေရတဲ့ကားရဲ့ စူးစူးဝါးဝါး မြည်သံဟာ အမေကြီးရဲ့ သားအပေါ်မှာထားတဲ့ စိုးရိမ်ပူပန်မှုစိတ်ကို မကျော်လွှားနိုင်ခဲ့ပါဘူး။ နေရဉ္စရာမြစ်နဲ့ ချင်းတောင်တန်းတွေ ဝန်းရံထားတဲ့ ကလေးမြို့အကျဉ်းထောင် အုတ်ရိုးကို မြင်ရရင်ပဲ လမ်းခရီး ၃ ရက်ကြာ ပင်ပန်းခဲ့တဲ့ အမေအိုရဲ့ ခန္ဓာကိုယ် လန်းဆန်းသွားခဲ့တာ။ ထောင်ဗူးဝကို လျှောက်သွားနေတဲ့ အမေကြီးရဲ့ ခြေလှမ်းတွေကို တောင်ဝှေးက ကူပံ့ပေး ခဲ့သလို သံယောဇဉ်ကြိုးကလည်း ကူပံ့ပေးခဲ့ပါတယ်။

ကလေးမြို့အကျဉ်းထောင်မှာ အကျဉ်းကျခံရင်း ကျဆုံးသွားတဲ့ လသာမြို့နယ် အဖွဲ့ချုပ်လူငယ် ကိုခင်မောင်မြင့်ရဲ့ မိခင်ကြီး ထောင်ဝင် စာလာတွေ့ရင် လူတွဲနဲ့လာရသူပါ။ သားရဲ့ဈာပန တည်းခိုရာ အိမ်ရှေ့ ရတနာပုံအိမ်ကြီးကအဖြတ် ကတ္တရာလမ်းပေါ် လူတွဲမပါဘဲ သား ဇောနဲ့ပြေးထွက်လာပြီး “သားငယ် အမေ့ကိုပါ သားနဲ့တခါထဲ ခေါ်သွားပါသားရယ်” ဆိုတဲ့အသံ ကလေးမြို့ မြို့လူထုကိုတင် ရင်ဆို့စေ တာမဟုတ်ဘဲ ကမ္ဘာမြေကြီးပါ ရင်ဆို့သွားရတယ်။ အဲဒီနေ့ ကိုခင်မောင်မြင့် ဈာပနချရာ သင်္ချိုင်းမြေမှာ မိုးရေတွေနဲ့ ရွှဲရွှဲစိုသွားတယ်။

ကလေးမြို့အကျဉ်းထောင်ထဲမှာ ထောင်ဒဏ် ၅၉ နှစ်နဲ့ ၁၉၉၈ ခုနှစ်ထဲက အခုချိန်ထိ အကျဉ်းကျခံနေရတဲ့ ကျောင်းသားလူငယ် ကိုအေးအောင်ရဲ့ဖခင် ဦးသောင်းစိန်ရဲ့ မှတ်တမ်းစာအုပ်မှာ သားငယ်မှာလိုက်တဲ့ စကားနဲ့ သားအတွက်စားစရာ စာရင်းတွေ ပြည့်နေ သလို သောကတွေလည်း ပြည့်နေပါလိမ့်မယ်။ အသက် ၆၀ ကျော်ကနေ ယနေ့အချိန်ထိ ထောင်ဝင်စာတွေ့နေရတဲ့ ဖခင်အိုရဲ့ မေတ္တာ ဟာ သားငယ်အတွက် စိတ်ခွန်အားပါပဲ။

“ဖေဖေ ဒီတခေါက်လာရင် သားအတွက် လေ့လာစရာ စာအုပ်တွေ ယူခဲ့ပေးပါ။ သားအတွက် လေ့လာစရာတွေ နောက်ကျနေပြီ” ဆိုတဲ့ သားငယ်စကားကို ပြန်ပြောပြပြီး ထောင်ဝင်စာကအပြန် လေးဘီးကားပေါ်မှာ ကိုအေးအောင် ဖခင် ဦးသောင်းစိန် ငိုကြွေးခဲ့ပါတယ်။

ကျမ နှလုံးသားထဲမှာ အဲဒီအသံတွေ ခုချိန်ထိကြားယောင်နေတုန်းပါ။

ယနေ့အချိန်ထိ အကျဉ်းထောင်ရှေ့မှာ နိုင်ငံရေး အကျဉ်းကျ မိသားစုတွေကို တွေ့နေရခြင်းက တည်ဆဲလူနေမှုစနစ်ရဲ့ မရိုးသားမှု၊ ရက်စက်မှုဆိုရင် မှားမယ်မထင်ပါဘူး။

နိုင်ငံရေးအကျဉ်းကျ မိသားစုတွေရဲ့ သံယောဇဉ်ကတော့ မြန်မာပြည်အကျဉ်းထောင်အနှံ့မှာ စီးဆင်းနေဆဲပါပဲ..........။

Ref: မဇ္ဈိမ

Read More...

Collapse...