ရွှေပြည်တော်ယောင်တိုင်းဝေး

(အခုတလော မြန်မာ့ဒီမိုကရေစီအရေးဟာ စစ်အာဏာရှင်တွေရဲ့ အခင်းအကျင်းအတိုင်း လိုက်လျှောက် မှသာ အောင်မြင်နိုင်ဖွယ်ရှိကြောင်း ပညာရှင်ဆန်ဆန် သုံးသပ်ပြောဆိုမှုလေးတွေ ကြားနေရပါတယ်။ အများအားဖြင့် တတိယအုပ်စုဝင်များဆီမှ ဖြစ်ပါတယ်။ သူတို့အကြောင်း စဉ်းစားမိရင်း လွန်ခဲ့တဲ့ နှစ်နှစ် ခန့်က ရေးဖူးတဲ့စာလေးကို သွားအမှတ်ရမိပါတယ်)

ရွှေပြည်တော်ယောင်တိုင်းဝေး

‘ဟိုယောင်ယောင်၊ ဒီယောင်ယောင်’ဆိုသော စကားလုံးကား မြန်မာ့လူ့ဘောင်တွင် အလွန် တွင်ကျယ် လှပါသည်။ လူသားတစ်ယောက်ဟူသည် မိမိဘဝတိုးတက်ရေးအတွက်၊ အဖွဲ့အစည်းတစ်ခုဟူသည် အဖွဲ့ပေါ်ပေါက်လာရခြင်း အကြောင်းရင်းအတွက်၊ နိုင်ငံတစ်ခုဟူသည် နိုင်ငံတော်တိုးတက်ရေး၊ နိုင်ငံ သားများ လူနေမှုဘဝ လုံခြုံသာယာရေးအတွက် ရှင်းလင်းသောပန်းတိုင်၊ ပြတ်သားသော ယုံကြည် ချက်၊ ခိုင်မာသော ဆုံးဖြတ်ချက်များ ရှိရပေမည်။ ထိုသို့မရှိလျှင်ကား “ဟိုယောင်ယောင်၊ ဒီယောင် ယောင်” ဖြစ်၍ လူ့ဘောင်လောကအတွက် အကျိုးမရှိသော ဆန်ကုန်မြေလေးများ ဖြစ်တတ်ပါသည်။ ယင်းထက် ပိုဆိုးသည်ကား ထိုသို့သော လူများတွင် ပညာဥာဏ်များ၊ ရာထူးရာခံများရှိပြီး၊ ဆင်ခြင်တုံ တရားမရှိပါက လူ့ဘောင်အတွက် အလွန်တရာ အန္တရာယ်ကြီးလာရခြင်းပင်ဖြစ်သည်။

ယခုနှစ်များအတွင်း၊ မြန်မာ့နိုင်ငံရေး လောကအတွင်း၌ တတိယအုပ်စုဆိုသော အုပ်စုတစ်ခု ပေါ်ပေါက် လာပါသည်။ အဖွဲ့ဝင်အင်အား မများလှသော်လည်း အာဏာရှင်စနစ်အား ပြည်သူလူထုက တွန်းလှန်နေ သည့် တော်လှန်ရေးတစ်ရပ်အား စစ်အစိုးရနှင့် အတိုက်အခံအုပ်စုများ၏ အာဏာလုပွဲ သဏ္ဍာန်ပြောဆို ကာ လူထုနှင့် တော်လှန်ရေးအား ခွဲထုတ်နေမှု၊ အာဏာရှင်လက်ထဲသို့ လူသတ်လက်နက်များ မရောက် သွားစေရန် တားဆီးခြင်း ခြေလှမ်းများဖြစ်သော နိုင်ငံတကာ အရေးယူမှုများအား ကန့်ကွက်မှု စသည့် လုပ်ရပ်များမှာ မြန်မာလူမျိုးများ အနာဂတ်အတွက် သာမကပဲ၊ ရမ်းကားသော အစိုးရလက်ထဲသို့ ရောက်ရှိသွားသော လက်နက်နည်းပညာများမှတဆင့် နိုင်ငံတကာလုံခြုံရေးကိုပါ ထိခိုက်စေနိုင်သဖြင့် ပေါ့ပေါ့တန်တန် သဘောထားရမည့်ကိစ္စတစ်ခု မဟုတ်သည်ကတော့ သေချာလှပေသည်။

အဆိုပါ တတိယအုပ်စုတွင် မည်သို့သော လူအမျိုးအစားများ ပါဝင်နေသည်ကို လေ့လာကြည့်ကြပါစို့။ ပထမအမျိုးအစားမှာ “သေနတ်ကို မိုးပေါ်ထောင်မပစ်၊ တည့်တည့်သာပစ်မည်’ ဆို၍ သန်းပေါင်းများစွာ သောလူထုအား ရုပ်မြင်သံကြားမှ ခြိမ်းချောက်ခဲ့သော ကွယ်လွန်သူ အာဏာရှင်ဟောင်း လက်ထက် ကတည်းက အာဏာရှင် မိသားစုဝင်များနှင့် အကျွမ်းတဝင်ရှိ၍၊ မြန်မာပြည်နှင့် ပြည်ပအား အိမ်ဦးနှင့် ကြမ်းပြင်ပမာ ကူးလူးသွားလာခဲ့ကြသော ပညာရှင်အမည်ခံ နိုင်ငံခြားပါမောက္ခများနှင့် ကထိကများဖြစ် ကြသည်။

ဒုတိယအမျိုးအစားများမှာကား အာဏာရှင်ဟောင်းကြီး၏ ပညာတတ် ဇနီးသည်တစ်ယောက်မှ မွေးမြူ ထားခဲ့သော တပည့်များဖြစ်သည်။ ထိုသူများမှာလဲ နည်းမျိုးစုံသော ထောက်ပံ့မှုများဖြင့်၊ ပြည်ပနိုင်ငံ အရပ်ရပ်တွင် အဆင့်မြင့်ပညာရပ်များ ဆည်းပူးခွင့်ရခဲ့ပြီး မဟာဝိဇ္ဇာဘွဲ့များ၊ ပါရဂူဘွဲ့များ ရရှိခဲ့သူများဖြစ် သည်။

တတိယအမျိုးအစားများကား ထိုသူများထက်ပို၍ ထူးခြားဆန်းကြယ်သူများ ဖြစ်ပါသည်။ သူတို့သည် တစ်ချိန်က မြန်မာ့ဒီမိုကရေစီအရေးတွင် ပြည်တွင်းပြည်ပ၌ တက်ကြွကာလှုပ်ရှားခဲ့ပြီးမှ၊ နအဖ အမျိုး သားညီလာခံအား စတင်ထောက်ခံခြင်း ခြေလှမ်းသစ်နှင့်အတူ ဘက်ပြောင်းသွားသူများ ဖြစ်ပါသည်။ သို့ပေမယ်လဲ ယင်းတို့၏ ဂုဏ်သိက္ခာအတွက် ဘက်ပြောင်းခြင်း မပေါ်လွင်အောင်၊ လူထုအကျိုးကိုလို၍ ဆောင်ရွက်နေသယောင်ယောင် ရောင်တော်ပြန်နှင့် ရောလွှတ်နေကြသူများ ဖြစ်ပါသည်။ ထိုသူများနှင့် ပုဂ္ဂိုလ်ရေးရင်းနှီးခဲ့သော နိုင်ငံတကာသံတမန် အသိုင်းအဝိုင်းနှင့် အဖွဲ့အစည်းများမှ လူတစ်ချို့မှာလဲ ယခင်က မြန်မာ့အရေး ဆောင်ရွက်နေရာမှ ထိုသူများ၏ ဝါဒဖြန့်ချီရေးသမားများ ဖြစ်လာကြပါသည်။ “ပုဂ္ဂိုလ်ခင်မှတရားမင်’ဆိုသော်လဲ၊ အမှားနှင့်အမှန်ကို ခွဲခြားဆုံးဖြတ်သော ဥာဏ်စွမ်းအား နည်းပါးသည် ပင် ဆိုရပေမည်။ မှားနေမှန်းသိပါလျက် ပုဂ္ဂိုလ်ရေးကြောင့် ယုံကြည်ချက် စွန့်သည်ကတော့ မဖြစ်သင့် ပါ။ မိမိ၏ရင်းနှီးသော မိသားစုဝင်ပင်ဖြစ်ပါစေ လိုအပ်လာလျှင်တော့ ပြတ်သားစွာပင် အမှန်တရားဘက် မှ ရပ်တည်ရပေမည်။ ဟိုယောင်ယောင်၊ ဒီယောင်ယောင်လုပ်ရန် လုပ်ကောင်းသည့် ကိစ္စမဟုတ်ပါ။ နောက်ကွယ်တွင် လူ့အသက်များစွာ၊ ဘဝများစွာနှင့် ဆက်စပ်နေပါသည်။

မည်သို့ဆိုစေ၊ အဆိုပါတတိယအုပ်စုတွင်းမှ ပါရဂူဘွဲ့ရထားသူများ၊ မဟာဘွဲ့ရထားသူများ၏ အာဏာရှင် အလိုကျ ပြောဆိုဆောင်ရွက်နေမှုများကြောင့် ပညာရှင်များကို ဖောက်ပြန်တတ်သော လူတန်းစားများ အဖြစ် အချို့က ထင်မြင်ပြောဆိုလာခြင်းမှာ အလွန်ပင် ဝမ်းနည်းစရာကောင်းပါသည်။ ပါရဂူဘွဲ့များ၊ မဟာဘွဲ့များအတွက် လျှောက်လှမ်းရသော ခရီးလမ်းများမှာ အလွန်ပင် ကြမ်းတမ်းလှပါသည်။ ငယ်ရွယ် နုပျိုသော ကာလတလျှောက်လုံးအား၊ အများနှင့်အတူ မပျော်ပါးနိုင်ပဲ သွားလေရာ စာအုပ်တကိုင်ကိုင် နှင့် ကုန်လွန်ရသော နှစ်ရှည်ကာလများ၊ အိပ်ရေးပျက်ရသောညများ၊ စားရန်ပင် အချိန်မပေးနိုင်၍ လွတ် ရသော ထမင်းနပ်များဖြင့် ကြိုးစားကြရသည်။ ထိုပင်ပန်းဆင်းရဲမှုများစွာ ခံပြီးမှလဲ ပညာရှင် တစ် ယောက်အနေဖြင့်၊ ပညာရှင် အသိုင်းအဝိုင်း၏ အသိအမှတ်ပြုခြင်းကို ခံကြရခြင်းဖြစ်ပါသည်။

သို့ရာတွင် ထိုအသိအမှတ်ပြုမှုခံရမှုအား ပညာရှင်အနေဖြင့် လူ့လောကကို အကျိုးပြုရန်သာဖြစ်ပါ သည်။ သက်ဆိုင်ရာ ပညာရပ်များ နောက်ကွယ်တွင် လူ့လောကအား မည်သို့အကျိုးပြုရန် လမ်းညွှန်များ ပါဝင်ပြီးသားဖြစ်ပါသည်။ တလွဲဆံပင်ကောင်း၍ လူ့လောကအား အကျိုးယုတ်စေသူများဘက်မှ ရပ်တည်လိုက်ပါက လူ့လောကအတွက် အလွန်ပင် အန္တရာယ်ရှိလှပါသည်။ မြန်မာနိုင်ငံတွင် အာဏာရှင် အဆက်ဆက်တို့၏ အကွက်ချပြင်ဆင်၍ မျိုးဆက်သုဉ်းစေခဲ့သော စီမံချက်များကြောင့် နိုင်ငံရေး၊ စီးပွားရေး၊ လူမှုရေး၊ ပညာရေး၊ အုပ်ချုပ်ရေး၊ ပေါ်လစီရေးရာများကဏ္ဍ၌ ကျွမ်းကျင်ပညာရှင်များ အလွန်ပင် ရှားပါးလှပါသည်။ ယင်းအပေါ်တွင် အခွင့်ကောင်းယူ၍၊ ကိုယ့်ဘာသာကိုယ် ပြတိုက်သွင်းခံ မြန်မာ့အရေးကျွမ်းကျင် လူတန်းစား သတ်မှတ်ကာ၊ အာဏာရှင်ဘက်လိုက် စကားလုံးများ ပြောဆို၍ တလွဲဆံပင် မကောင်းသင့်ကြပါ။ လူထုဘက်မှရပ်တည်၍၊ တတ်ထားသော ပညာရပ်များကို အကျိုးရှိစွာ သုံးသင့်ကြပါသည်။

နိဂုံးချုပ်ဆိုရသော် တတိယအုပ်စုဝင်များအနေဖြင့်၊ ယုံကြည်ချက်ပျောက်၊ လမ်းစပျောက်ကာ ဟိုယောင် ယောင်၊ ဒီယောင်ယောင်ပြုလုပ်ခြင်းများ၊ အများပြည်သူများ ထင်ယောင်ထင်မှား ဖြစ်အောင် ပြုမူပြောဆို ခြင်းများကို ရှောင်ကြဉ်၍ လူထုအကျိုးကို မျှော်ကိုးသင့်ပါကြောင်း လေးစားစွာ တိုက်တွန်းအပ်ပါသည်။ လူထုအနေဖြင့်လဲ “ရွှေပြည်တော်၊ ယောင်တိုင်းဝေး’ အဖြစ်မျိုးသို့ မကျရောက်ရလေအောင် သတိဥာဏ် နှင့် ယှဉ်၍ သူများယောင်တိုင်း လိုက်မယောင်သင့်ပါကြောင်း ပန်ကြားအပ်ပါသည်။

(ဇန်န၀ါရီလ၊ ၂၀၀၇)

REF: ခင်မမမျိုး

Read More...

Collapse...

စိတ်မပျက်နဲ့ အားတင်းပါ - လူထုစိန်ဝင်း

မတွေ့တာ ဆယ့်လေးငါးနှစ်လောက် ကြာပြီဖြစ်တဲ့ မိတ်ဟောင်း၊ ဆွေဟောင်းတစ်ယောက် လာလည်ပါ တယ်။ သူက ရာထူးကြီးတစ်ခုကနေ ပင်စင်ယူပြီးတဲ့နောက် အနားမယူဘဲ ကုမ္ပဏီတစ်ခုတည်ထောင်ပြီး စီးပွားရေးလုပ်နေတာကြောင့် မတွေ့ဖြစ်ကြတော့တာပါ။ အခုမှ အသက်ကလည်း ၇ဝ ကောင်းကောင်းကြီး ကျော်နေပြီဖြစ်တာကြောင့် သားသမီးတွေလက်ထဲ အားလုံးလွှဲပြီး လုံးလုံးကြီး အနားယူလိုက်တာလို့ ပြောပါ တယ်။

အအိုမြန်လိုက်တာ

‘ကျုပ်တို့ သက်တမ်းကလူတွေ တယ် မတွေ့ရတော့ဘူးဗျ၊ ဆုံးသွားတဲ့လူနဲ့၊ ဘုန်းကြီးဝတ်သွားတဲ့လူနဲ့၊ ရိပ်သာမှာပဲ အမြဲနေတဲ့လူနဲ့ အားလုံးဆုံကြဖို့တော့ မလွယ် တော့ဘူး’

သူက မန္တလေးကိုလည်း ရောက်သေးတဲ့အကြောင်း၊ မိတ်ဆွေဟောင်းတချို့ကို သွားတွေ့ခဲ့တဲ့အကြောင်း ဆက်ပြောပြပါတယ်။ အတော်များများက စိတ်ရော လူပါကျပြီး လူအိုကြီးတွေဖြစ်ကုန်ကြပြီလို့လည်း ပြောပါ တယ်။

‘ကျုပ်တို့ဗမာတွေဟာ ပင်စင်ယူပြီးတာနဲ့ သေဖို့ပဲ စဉ်းစားနေကြလို့နဲ့တူပါရဲ့ဗျာ။ အအိုမြန်လိုက်ကြတာ’

သူက ညည်းသလိုလို စကားဆိုပါတယ်။ သူကတော့ အရွယ်တော်တော်တင်ပါတယ်။ ဖျတ်ဖျတ်လတ်လတ်၊ သွက်သွက်လက်လက် ရှိဆဲပါပဲ။ မကြောင့်မကြ မတောင့်မတ နေနိုင်တာကြောင့်လား မဆိုနိုင်ဘူး။ ၇၆ နှစ် လို့ကို မထင်ရပါဘူး။ ၆ဝ လောက်လို့သာ ထင်ရပါတယ်။ အခုချိန်ထိ ပြည်တွင်းပြည်ပခရီးတွေ သွားနေဆဲပါ ပဲ။ သမီးရှိတဲ့အင်္ဂလန်က ပြန်ရောက်လာတာ တစ်လကျော်ကျော်သာ ရှိသေးတယ်လို့ လည်း သိရပါတယ်။

သူများတွေနဲ့ ကွာလိုက်တာ

သူပြန်သွားတဲ့အထိ ‘အအိုမြန်လိုက်ကြတာ’ ဆိုတဲ့ သူ့စကားကို ဆက်စဉ်းစားနေမိတယ်။ သူများနိုင်ငံက ၇ဝ ကျော် ပင်စင်စားကြီးတွေ စုဝေးပြီး ကမ္ဘာ့လှည့် လည်ပတ်ကြတာတွေ မြင်ရ၊ တွေ့ရတော့ တို့ဆီကနဲ့များ ကွာ လိုက်တာ’ လို့ မကြာမကြာ တွေးမိခဲ့ရတယ်။ ဒီမှာကတော့ မိတ်ဆွေပြောသလို ပင်စင်ယူပြီးတာနဲ့ သေဖို့ပဲ စဉ်းစားနေကြတယ်နဲ့တူပါရဲ့။ မိတ်ဆွေဖြစ်သူလို ပင်စင်ယူပြီး ကုမ္ပဏီမထောင်နိုင်ကြတာလည်း အဓိက အကြောင်းတစ်ရပ် ဖြစ်မယ်ထင်ပါတယ်။ ဘာကြောင့်ပဲဖြစ်ဖြစ် ပင်စင်ယူပြီးပြီဆိုတာနဲ့ လူရောစိတ်ပါ ကျ သွားကြတာတော့ အမှန်ပဲ။ ရပ်ရေး၊ ရွာရေး၊ လူမှုရေးကိစ္စတွေကို တက်တက်ကြွကြွ ပါဝင်လုပ်ဆောင်တတ် သူ တချို့ကလွဲရင် အများစုက အအိုမြန်ကြ၊ အသေမြန်ကြတာကို သတိပြုမိတယ်။

‘ဒုက္ခသုက္ခတွေ များလွန်းလုိ့ အသက်မရှည်ချင်ပါဘူး၊ မြန်မြန်သွားလေ ကောင်းလေပါပဲ’ လို့လည်း ပြော တတ်ကြပါတယ်။ လောကမှာ ဒုက္ခနဲ့ကင်းသူ ဘယ်သူရှိလို့လဲ။ တကယ်က ဒုက္ခက လူကိုသေစေတာ မဟုတ် ပါဘူး။ ဒုက္ခကိုကြောက်ပြီး စိတ်ကျလို့ အသေမြန်ရတာဖြစ်တယ်။

လူငယ်တွေလည်း စိတ်ကျတာပဲ

လူကြီးတွေသာ စိတ်ကျတတ်တာ မထင်နဲ့။ လူငယ်တွေလည်း စိတ်ကျတတ်ကြတာပဲ။ ကျောင်းဆရာ တစ် ယောက်အနေနဲ့ လူငယ်လူရွယ်လေးတွေနဲ့ အထိအတွေ့များလေတော့ ဒီခေတ်လူငယ်လေးတွေ တော် တော်များများဟာ အရွယ်နဲ့ မလိုက်အောင်ကို လောကကြီးကို အဆိုးမြင်ပြီး စိတ်ကျနေတတ်ကြတာကို သတိ ပြုမိပါတယ်။ သူတို့တစ်တွေမှာ လူငယ့်အားမာန်၊ လူငယ့်ဇွဲသတ္တိ အတော်လျော့နည်းကြတယ်။ ဘာမဆို မလုပ်ခင်က အရှုံးပေးစိတ် များနေကြတယ်။ ‘အားမတန် မာန်လျှော့’ ဆိုတဲ့စကား၊ ‘ခါချဉ်ကောင် မာန်ကြီးလို့ တောင်ကြီးဖြိုမယ်ကြံ၊ ခါးကမသန်’ ဆိုစကားမျိုးတွေ လွယ်လွယ်သုံးပြီး အရှုံးပေး၊ အညံ့ခံလိုက်တတ်ကြ တယ်။ အနိုင်မခံ အရှုံးမပေးစိတ်ဓာတ်မျိုး တစ်နေ့တခြား ခေါင်းပါးလာနေတယ်လို့ ထင်မိတယ်။ ထောက်ပြ ပြောဆိုလိုက်ရင်လည်း သူတို့မှာ အကြောင်းပြချက်တွေက တစ်ပုံတစ်ပင်ကြီး။ သူတို့က သူတို့နေထိုင်ရတဲ့ ခေတ်ကြီးတစ်ခုလုံးကို ကျေနပ်ကြတာ မဟုတ်ဘူး။ တချို့လူငယ်များဆိုရင် အဆိုးမြင်စိတ်တွေ လွန်ကဲပြီး ဘယ်လောက်ပဲ ကောင်းတာလုပ်လုပ် ဘာမှအရာရောက်မှာမဟုတ်ဘူး။ ဘာမှမလုပ်ဘဲနေလိုက်တာပဲ အေး တယ်ဆိုတဲ့ အတွေးအခေါ်မျိုးတွေတောင် ရှိနေကြတာတွေ့ရတယ်။

သူတို့က အီရတ်နိုင်ငံတစ်ခုလုံး သွေးချောင်းစီးဖြစ်နေတာကို မနှစ်မြို့သလို ပါလက်စတိုင်းလူမျိုးတွေ ရာစုနှစ် တစ်ဝက်တိုင်တိုင် ဒုက္ခသည်စခန်းတွေမှာ နေထိုင်ခြင်းပြုနေကြရတာကိုလည်း စိတ်မကောင်းကြပါဘူး။ နျူကလီးယားလက်နက်များရဲ့ အန္တရာယ် တစ်နေ့တခြား ကြီးမားသထက် ကြီးမားလာနေတာကို စိုးရိမ်နေကြ သလို ဖန်လုံအိမ်အာနိသင်လွန်ကဲမှုကြောင့် ကမ္ဘာကြီးတစ်ခုလုံး ပေါင်းအိုးကြီးထဲရောက်နေသလို ခံစားနေရ တာကိုလည်း မလိုလားကြပါဘူး။

အနိဋ္ဌာရုံကမ္ဘာကြီး

လူငယ်တွေရဲ့စိုးရိမ်ကြောင့်ကြမှုတွေနဲ့ သူတို့ရဲ့မကျေနပ်ချက်တွေဟာ သဘာဝကျပါတယ်။ မှန်လည်း မှန်ပါတယ်။ ဒီနေ့ ကမ္ဘာကြီးက အနိဋ္ဌာရုံတွေနဲ့ ပြည့်နှက်နေတဲ့ကမ္ဘာကြီးဖြစ်နေတာကိုး။ ကမ္ဘာကြီးရဲ့ ဘယ်ထောင့်ဘယ်နေရာကို ကြည့်လိုက်၊ကြည့်လိုက် တိုက်ခိုက်သတ်ဖြတ်တာတွေ၊ ကြီးနိုင်ငယ်ညှဉ်း လုပ် တာတွေ၊ ဘယ်သူသေသေ ငတေမာပြီးရော လုပ်တာတွေချည်း မြင်တွေ့နေရပါတယ်။ အနိဋ္ဌာရုံတွေ ကင်း စင်တဲ့နိုင်ငံရယ်လို့ လက်ညှိုးထိုးပြစရာ တစ်ခုတောင်မရှိတဲ့ အခြေအနေမျိုး ဖြစ်နေပါတယ်။

ရေအောက်ရောက်သွားနိုင်တယ်

နိုင်ငံရေး၊ စစ်ရေး၊ မျက်နှာစာကို ထားတော့။ စီးပွားရေးမျက်နှာစာကို ကြည့်တော့လည်း မြင်တွေ့နေရတာ တွေက စိတ် မချမ်းသာစရာတွေချည်းပါပဲ။ ဖန်လုံအိမ်အာနိသင်ကြောင့် ဝင်ရိုးစွန်းက ရေခဲတောင်ကြီးတွေ အရည်ပျော်ကျမှုနှုန်း ကြောက်စရာကောင်းလောက်အောင် မြင့်မားနေတယ်။ ဒီအတိုင်းဆက်သွားရင် ပင်လယ်ရေမျက်နှာပြင် မြင့်သထက်မြင့်တက်လာပြီး တချို့နိုင်ငံတွေ ရေအောက်ရောက်သွားနိုင်တယ်လို့ ပညာရှင်များက အကြိမ်ကြိမ် သတိပေးနေကြတာများ ကြားသိနေရတယ်။ စက်ရုံ၊ အလုပ်ရုံတွေက မီးခိုး ထုတ်လွှတ်မှုတွေ ကန့်သတ်တားဆီးဖို့ လိုပြီလို့လည်း ထောက်ပြကြတယ်။

မိုက်တွင်းနက်နေကြ

ဘယ်လိုပဲ ထောက်ပြထောက်ပြ၊ ဘယ်လိုပဲ သတိပေး သတိပေး၊ မီးခိုးတွေ အများဆုံးထုတ်လွှတ်နေတဲ့ စက်မှုနိုင်ငံကြီးတွေက လတ်တလော အကျိုးစီးပွားလေး တစ်ခုတည်းကိုသာ မိုက်မဲစွာကြည့်ရှုပြီး နိုင်ငံတကာ သဘောတူစာချုပ်နဲ့ ထိန်းချုပ်တာကို လက်မခံ ငြင်းဆန်နေကြတယ်။ ဒီလုပ်ရပ်ဟာ အင်မတန် အသိဉာဏ် ကင်းမဲ့ရာကျတယ်။ ဖန်လုံအိမ်အာနိသင်ကြောင့် အိုဇုန်းလွှာ ပါးလျားလာတဲ့ဒဏ်၊ အက်ဆစ်မိုးတွေ ရွာချတဲ့ ဒဏ်၊ ပင်လယ်ရေမျက်နှာပြင် မြင့်တက်လာတဲ့ဒဏ်၊ မုန်တိုင်းကြီးတွေ ကျရောက်လာတဲ့ဒဏ်၊ အပူလှိုင်း၊ အအေးလှိုင်းကြီးတွေ ကျရောက်လာတဲ့ဒဏ် စတဲ့ အန္တရာယ်တွေကို ရင်ဆိုင်ရပြီဆိုလျှင် ဘယ်နိုင်ငံမှ လွတ် ကင်းနိုင်မယ် မဟုတ်ဘူးဆိုတာ သိပါလျက်နဲ့ မိုက်တွင်းနက်နေကြခြင်းသာဖြစ်တယ်။

ဖုန်းဆိုးတောတွေဖြစ်

ဒါတင်မက လတ်တလောအကျိုးစီးပွားလေး တစ်ခုတည်းကိုကြည့်ပြီး မြေပေါ်မြေအောက် သယံဇာတတွေကို အဆီးအတားမရှိ ထုတ်ယူသုံးစွဲနေမှုကြောင့် ကမ္ဘာ့နိုင်ငံအားလုံးလိုလိုမှာ တောတွေပြုန်း၊ တောင်တွေပြိုပြီး တဖြည်းဖြည်းချင်း ကန္တာရ ဖုန်းဆိုးတောတွေ ဖြစ်လာနေတာများလည်း မြင်တွေ့ကြားသိနေရတယ်။ လူတွေ သောင်းသိန်းချီသေကြရတဲ့ ငလျင်လှုပ်မှုကြီးတွေနဲ့ ဆူနာမီလို၊ နာဂစ်လို အန္တရာယ်ကြီးတွေ ဘာ့ကြောင့် ပေါ် ပေါက်လာကြရတာလဲဆိုတာများကို သေသေချာချာ၊ လေးလေးနက်နက် သုတေသနပြုဖို့လည်း ပျက်ကွက် နေကြဆဲဖြစ်တယ်။

ပြဿနာက အန္တရာယ်မဟုတ်

ဒီအချက်တွေကြောင့် လူငယ်တွေက မျက်မှောက်ခေတ်ကြီးကို စိတ်ပျက်လက်ပျက်ဖြစ်နေတာ သဘာဝကျပါ တယ်။ ဒါပေမဲ့လို့ ဒါတွေဟာ တားဆီးကာကွယ်လုိ့ မရနိုင်တာတွေမဟုတ်ဘူးလို့ လူငယ်တွေ သိစေချင်ပါ တယ်။ ပြဿနာတစ်ရပ်ဖြစ်လာ၊ ရှိလာတာဟာ ကြောက်စရာမဟုတ်ပါဘူး။ ပြဿနာရှိနေတာကို ရှိနေတယ် လို့ မသိခြင်းကသာ ကြောက်စရာကောင်းတာဖြစ်တယ်။ ပြဿနာရှိနေမှန်းသိရင် ပြဿနာကို ဖြေရှင်းဖို့ နည်းလမ်း ရှာရမှာပဲဖြစ်တယ်။ ရှာရင် တစ်ချိန်မဟုတ် တစ်ချိန်တော့ တွေ့လာရမှာဖြစ်တယ်။

အနိုင်ရမှာ သေချာတယ်

ဒီနေ့ ကမ္ဘာတစ်လွှားမှာ ပြဿနာမျိုးစုံ၊ အနိဋ္ဌာရုံပေါင်းစုံ ဖြစ်ပွားပေါ်ပေါက်နေတာကို လူတိုင်း တွေ့မြင်နေကြ ရတယ်။ ပြဿနာတွေဖြစ်လာရတဲ့ ဇာစ်မြစ်အကြောင်းရင်းကိုလည်း လူတိုင်းသိကြတယ်။ ဥပမာ-ဖန်လုံအိမ် အာနိသင်ရဲ့ဆိုးပြစ်တွေကို လူတိုင်းသိသလို ဖန်လုံအိမ် အာနိသင်ဖြစ်ပေါ်လာရခြင်းရဲ့ အကြောင်းရင်းကို လည်း လူတိုင်းသိမြင် သဘောပေါက်နေကြတာဖြစ်တယ်။ ဒီတော့ ဘာကြောင့် မဖြေရှင်းနိုင်ရမှာလဲ။ ကမ္ဘာ ပေါ်က စစ်ပွဲကြီးတွေကို ဖန်တီးသူတွေနဲ့ ကမ္ဘာကြီးရဲ့သာယာလှပမှုကို ဖျက်ဆီးနေသူတွေက လက်တစ်ဆုပ် စာလောက်သာရှိတဲ့လူတွေ ဖြစ်ကြတယ်။ ရှိလှမှ ကမ္ဘာ့လူဦးရေရဲ့ ၁ဝ ရာခိုင်နှုန်းပေါ့။ ကျန် ၉ဝရာခိုင်နှုန်းက ညီညာဖြဖြနဲ့ ဝိုင်းဝန်းလုပ်ဆောင်ကြရင် ဒီ ၁ဝ ရာခိုင်နှုန်းရဲ့အန္တရာယ်ကို ဘာ့ကြောင့် မကာကွယ်နိုင်ရမှာလဲ၊ ဒါကြောင့် လူငယ်တွေကိုပြောချင်တယ်။ စိတ်မပျက်ပါနဲ့။ ကမ္ဘာ့လူဦးရေရဲ့ ၉ဝ ရာခိုင်နှုန်းနဲ့ ခိုင်ခိုင်မြဲမြဲ လက်တွဲဆောင်ရွက်ပါ။ နောက်ဆုံးမှာ ကောင်းမြတ်ခြင်းတရားက အနိုင်ရမှာ သေချာပါတယ်။

REF: အမှတ်စဉ် (၁၄၆)၊ (ဇူလိုင်လ ၂၉ ရက်၊ ၂၀၀၈)၊ အခွင့်အလမ်းဂျာနယ်

Read More...

Collapse...

ကန်ထရိုက်စစ်သား - ဂါမဏိ

၁၉၇၉ ခုမှာ မာဂရက်သက်ချာ ဗြိတိန်နိုင်ငံဝန်ကြီးချုပ်ဖြစ်လာပြီးနောက် ပုဂ္ဂလိကပိုင်ပြုလုပ်ရေးဟာ ကမ္ဘာ့ အရင်းရှင် စီးပွားရေးလောကမှာ ခေတ်စားလာခဲ့တယ်။ အရင်းရှင်နိုင်ငံတွေမှာ ပုံမှန်အားဖြင့် အစိုးရက နိုင်ငံပိုင် လုပ်ငန်းအဖြစ် လက်ဝါးကြီးအုပ်ထားလေ့ရှိတဲ့ ကျန်းမာရေးနဲ့ ပညာရေးသာမက စည်ပင်သာယာ အမှိုက်သိမ်း လုပ်ငန်းကအစ လျှပ်စစ်မီးပေးရေးလုပ်ငန်း၊ ရေပေးဝေရေးလုပ်ငန်းကနေ မီးရထားအပါအဝင် အများပြည်သူ ဆိုင်ရာ လမ်းတံတားစီမံခန့်ခွဲရေး လုပ်ငန်းတွေအထိ မာဂရက်သက်ချာက ပုဂ္ဂလိကလုပ်ငန်းရှင်တွေကို ပိုင်ဆိုင် ခွင့် လုပ်ကိုင်ခွင့်တွေ လွှဲအပ်ရောင်းချခဲ့တယ်။ ဒါနဲ့တဆက်တည်း နိုင်ငံတော်အစိုးရတွေရဲ့ အထူးသီးသန့် လုပ်ပိုင် ခွင့် နယ်ပယ်ဖြစ်တဲ့ စစ်တပ်နဲ့ စစ်တိုက်ခြင်းလုပ်ငန်းကိုလည်း ပုဂ္ဂလိကကုမ္ပဏီတွေက ကန်ထရိုက်ယူလုပ်စရာ နယ်ပယ်တခုအဖြစ် ယူဆစဉ်းစားချက်သစ် ပေါ်ပေါက်လာပါတယ်။


တချိန်က ‘ကြေးစားစစ်သား’ လို့ နာမယ်ဆိုးနဲ့ ကျော်ခဲ့သူတွေဟာ ဒီကနေ့မှာတော့ ‘ပုဂ္ဂလိကစစ်ကုမ္ပဏီ’ သို့မ ဟုတ် ‘ပုဂ္ဂလိကလုံခြုံရေးကုမ္ပဏီ’ ဆိုတဲ့ နာမယ်သစ်နဲ့ ဂလိုဘယ်လိုက်ဇေးရှင်းခေတ်ရဲ့ လစ်ဘရယ်ဝါဒသစ် ဈေး ကွက် စီးပွားရေးအောက်မှာ ခန့်ခန့်ကြီး နေရာယူထားကြပါတယ်။ အရင်တုံးကလို နာမယ်မပျက်အောင် အခု အခါမှာ စနစ်တကျနဲ့ အမြင်လှပြီး အထင်ကြီးလောက်စရာ စနစ်ဇယားတွေ၊ ထယ်ထယ်ဝါဝါ လုပ်ထုံးလုပ်နည်း တွေ၊ ပြည်သူ့ဆက်ဆံရေး နည်းနာတွေ PRကျင့်သုံးလာတဲ့ ဒီကုမ္ပဏီတွေကို အင်္ဂလိပ်လို အတိုကောက်PMC (Private Military Company)လို့ လူသိများကြတယ်။ (အီရတ်မှာ လှုပ်ရှားနေတဲ့ ဒီကုမ္ပဏီတွေကို မီဒီယာထဲမှာတော့ ပုဂ္ဂလိကကန်ထရိုက်တွေလို့ ခေါ်ဝေါ်သုံးနှုန်းနေတယ်) ကုမ္ပဏီနာမယ်တွေကိုလည်း သားသား နားနားပေးထားကြတယ်။ ဥပမာ၊ ‘အုပ်ချုပ်ရေးကဏ္ဍအတွက်အဖြေရှာချက်’ လို့ အဓိပ္ပါယ်ရတဲ့ Executive Outcomes ကုမ္ပဏီဟာ ကမ္ဘာ့ကြေးစားစစ်တပ်လောကမှာ နာမယ်ကြီးတယ်။ အခုခေတ်မှာ ပြည့်တန်ဆာကို လိင်လုပ်သားလို့ နာမယ်ပြောင်း၊ ပုံစံပြောင်းပြီး အဆင့်မြှင့်တဲ့သဘောပါပဲ။

အတိတ်က ကြေးစားစစ်သားတွေဟာ ဗြိတိသျှအရှေ့အိန္ဒိယကုမ္ပဏီက ကိုလိုနီတွေ သိမ်းပိုက်ရာမှာပါဝင်ခဲ့သလို အမေရိကန် တော်လှန်ရေးမှာလည်း ဗြိတိသျှဘက်က ငှားရမ်းအသုံးပြုခံရတယ်။ ၂ဝ ရာစုအလယ်ပိုင်း အာဖရိက တိုက်က အမျိုးသား လွတ်မြောက်ရေးစစ်ပွဲတွေနှိမ်နင်းရာမှာ ကြေးစားစစ်သားတွေ အသုံးပြုခဲ့ကြတာကို တကမ္ဘာ လုံး အော့နှလုံးနာခဲ့ကြတယ်။ ကြေးစားစစ်သားတွေရဲ့ ဆိုးသွမ်းမှု အောက်တန်းကျမှုတွေဟာ ဟောလီးဝုဒ်ရုပ်ရှင် တွေရဲ့ ကုန်ကြမ်းတွေဖြစ်ခဲ့တယ်။ အဲဒီတုံးက လှုပ်ရှားခဲ့တဲ့ ကြေးစားစစ်သားတွေဟာ တဦးချင်း ဒါမှမဟုတ် အဖွဲ့ငယ်လေးတွေသာ ဖြစ်ခဲ့ပြီး အမြဲတမ်း (ဝါ) ပုံမှန်စီးပွားရေးလုပ်ငန်းကြီးတခုအဖြစ် ရပ်တည်နေတာမဟုတ်ခဲ့ ဘဲ လုပ်ငန်းပြီးရင် ကိုယ့်အိမ်ကိုယ်ပြန်နေ၊ ရခဲ့တဲ့အခကြေးငွေသုံး၊ ကုန်ရင် တခြားအလုပ်ရှာရတဲ့ အခြေအနေပါ။ ကြေးစားစစ်သားလုပ်နေချိန်မှာလည်း ခိုးကြောင်ခိုးဝှက်နဲ့ အပြင်လူတွေ မီဒီယာတွေမသိအောင် တတ်နိုင်သမျှ လုပ်ရပါတယ်။ ကိုယ် ကြေးစားစစ်သား လုပ်တယ်ဆိုတာ သက်ဆိုင်သူ အဝန်းအဝိုင်း ကျဉ်းကျဉ်းလေးကလွဲပြီး မသိကြပါဘူး။

စစ်အေးလွန် ဂလိုဘယ်လိုက်ဇေးရှင်းခေတ်မှာ စစ်ရေးနဲ့ လုံခြုံရေးလိုအပ်ချက်တွေ ပိုလို့ပိုလို့ရှုပ်ထွေးလာတာ ကြောင့် ဆိုပြီး အစိုးရတွေဟာ အရင်လို လုံးဝဥဿုံ တာဝန်မယူနိုင်တဲ့အတွက် ပုဂ္ဂလိကစစ်ကုမ္ပဏီတွေ ပေါ်လာတာလို့ စစ်ကုမ္ပဏီ ထောက်ခံသူတွေက ပြောပါတယ်။ ဒီလိုအပ်ချက်အသစ်တွေကို အရင် အာဖရိကမှာ ခေတ်စားခဲ့ဖူးတဲ့ ပုံစံဟောင်း ကြေးစားစစ်သားတွေကလည်း မဖြည့်ဆီးပေးနိုင်ဘူးလို့ ဆိုပါတယ်။ ဒါကြောင့် ဈေးကွက်တောင်းဆိုမှုဖိအား၊ နည်းပညာပေါက်ကွဲမှု၊ လူမှုရေးပိုင်း အကြီးအကျယ် ရှုပ်ထွေးပြောင်းလဲမှုတွေ အောက်မှာ ပုဂ္ဂလိကစစ်ကုမ္ပဏီတွေ ကြီးထွားရှင်သန်လာပါတယ်။ စစ်အေးတိုက်ပွဲပြီးဆုံးသွားလို့ စစ်အင်အား တွေ၊ စစ်ဘတ်ဂျက်တွေ လျှော့ချရတာနဲ့ လူမျိုးရေး၊ ဘာသာရေးပဋိပက္ခတွေ ပိုထိန်းမနိုင်သိမ်းမရ ထကြွလာတာ တွေဟာ စစ်ကုမ္ပဏီတွေ ပိုအရေးပါလာစေတဲ့ အကြောင်းတရားတွေ ဖြစ်ပါတယ်။ အမေရိကန် အစိုးရဌာနတခုရဲ့ စူးစမ်းချက်အရ စစ်ကန်ထရိုက်ပေးခြင်းရဲ့ အကြောင်းရင်းတွေက (၁) အတတ်ပညာပိုင်းအရ အထူးကျွမ်းကျင် အရည်အချင်းများရရှိရန် (၂) နယ်မြေဒေသ တချို့မှာ ချထားခွင့်ပြုတဲ့ စစ်သားဦးရေကန့်သတ်ချက်ကို ကျော်လွှား ရန် (၃) ရှားပါးအရင်းအမြစ်များ ချွေတာနိုင်ရန်တို့ဖြစ်ပြီး အစိုးရရဲ့ စစ်ဘက်ဆိုင်ရာကုန်ကျစရိတ် သက်သာရေး ဟာ တိုက်ရိုက် အကြောင်းရင်းမဟုတ်ဘူးလို့ ဆိုပါတယ်။

ကနေ့ခေတ်ရဲ့ ပုဂ္ဂလိကစစ်ကုမ္ပဏီတွေဟာ ခန့်ခန့်ညားညားရုံးခန်းဖွင့် တရားဝင်ဆိုင်းဘုတ်ချိတ်ပြီး စစ်ရေးနဲ့ လုံခြုံရေးဆိုင်ရာ ကျွမ်းကျင်ပညာရှင်များ၊ ပါရဂူများအဖြစ် ‘လူရိုသေရှင်ရိုသေ’ ဗြောင်အတိအလင်း ရပ်တည် နေကြပါတယ်။ တခြားအမျိုးအစား စီးပွားရေးကုမ္ပဏီတွေလိုပဲ ‘ဈေးကွက်’ ထဲမှာ ဒီကုမ္ပဏီတွေဟာ တခုနဲ့တခု ပြိုင်ဆိုင်ပြီး ကိုယ့်လုပ်ငန်း ကိုယ်ကြော်ငြာတာ၊ ဟိတ်ဟန်ထုတ် ဝါကြွားတာတွေလည်းလုပ်ကြတယ်။ ကုမ္ပဏီတခု တခုဟာ ‘ဖောက် သည်’ တွေ အများအပြားအတွက် တပြိုင်တည်း ‘ဝန်ဆောင်’ ပေးနေရတတ်တယ်။ အရင်တုံးက ကြေးစားစစ်သားတွေလို စစ်တိုက်ရုံသက်သက်မဟုတ်တော့ဘဲ တပ်ထောက်ကိစ္စ၊ တပ်လေ့ကျင့်ရေး၊ လုံခြုံရေးနဲ့ထောက်လှမ်းရေး၊ အခြေအနေသုံးသပ် အကဲဖြတ်ရေးတွေအပြင် အကျဉ်းထောင်တွေ ကိုင်တွယ် အုပ်ချုပ်တာ၊ အကျဉ်းသားတွေ စစ်ကြောတာ စတဲ့ အလုပ်အမျိုးမျိုးပါ တာဝန်ယူနေကြတယ်။ အာဖဂန်နဲ့ အီရတ် က ပုဂ္ဂလိက ကန်ထရိုက်တွေဟာ စစ်ရေး-လုံခြုံရေးနဲ့ တိုက်ရိုက်သော်လည်းကောင်း၊ သွယ်ဝိုက်သော် လည်း ကောင်း သက်ဆိုင်တဲ့ လုပ်ငန်းအမျိုးမျိုးအတွက် စီအိုင်အေ အပါအဝင် အမေရိကန်အစိုးရကရော၊ အမေရိကန် စီးပွားရေး ကုမ္ပဏီကြီးတွေကပါ ကန်ထရိုက်ပေး ငှားရမ်းထားတာတွေ ဖြစ်ပါတယ်။ ဒါပေမဲ့ တခြားစီးပွားရေး ကုမ္ပဏီတွေနဲ့ မတူတာက စစ်ကုမ္ပဏီတွေရဲ့ ‘ဝန်ထမ်း’ အများစုဟာ အမြဲခန့် ဝန်ထမ်းတွေမဟုတ်ဘဲ တကမ္ဘာလုံး က အရည်အချင်းမြင့် စစ်မှုထမ်းဟောင်းနဲ့ စီအိုင်အေဟောင်း-အက်ဖ်ဘီအိုင်ဟောင်း အပါအဝင် ရဲမှုထမ်းဟောင်း များကို စာရင်းပြုစု အချက်အလက်သိုမှီးထားရာ ကွန်ပျူတာဒေတာဘေ့စ် တပုံကြီးထဲက လိုအပ်သလို ဆွဲခန့်တာ ဖြစ်တယ်။ ဒီဒေတာဘေ့စ်တွေထဲမှာ တဦးချင်းရဲ့အတွေ့အကြုံတွေ၊ အထူးကျွမ်းကျင်မှုတွေ ပြထားတယ်။ ဒါကြောင့် သက်ဆိုင်ရာလုပ်ငန်းတခုချင်းအတွက် အသင့်တော်ဆုံး ‘ဝန်ထမ်း’ တွေကို ရွေးချယ်ခေါ်ယူနိုင်တယ်။ ကျွမ်းကျင်ပုဂ္ဂိုလ်တွေဟာ တပြိုင်တည်းမှာ စစ်ကုမ္ပဏီအတော်များများရဲ့ ဒေတာဘေ့စ်တွေထဲပါနေပြီး ကန်ထရိုက် လုပ်ငန်းတခုကတခု (ဝါ) ကုမ္ပဏီတခုကတခု အလွယ်တကူပြောင်းရွှေ့ခွင့်ရှိတယ်။ ကန်ထရိုက် ပြီးသွားရင်လည်း အလွတ်တမ်း ကန်ထရိုက်စစ်သားလုပ်ခွင့်ရှိတယ်။ ဒီနေ့ခေတ် စစ်ကုမ္ပဏီတွေရဲ့ ဝန်ထမ်းတွေထဲမှာ အတော် အတန် ဂုဏ်သရေရှိ ပုဂ္ဂိုလ်များပါဝင်တယ်ဆိုပေမဲ့ ၁၉၆ဝ ခုနှစ်တွေတုံးက နာမယ်ပျက်လှတဲ့ ဂလေဂချေ ကြေး စား စစ်သားမျိုးတွေလည်း အများကြီးပါပဲ။

ဂလိုဘယ်လိုက်ဇေးရှင်းခေတ်မှာ စီးပွားရေးလုပ်ငန်းကြီးတွေဟာ Outsourcing လို့ခေါ်တဲ့ ကုမ္ပဏီပြင်ပ လုပ်အားနဲ့ အတတ်ပညာအသုံးချမှုကို အတိုင်းအတာ ကြီးကြီးလုပ်လာသလို အမေရိကန်လို နိုင်ငံအစိုးရတွေဟာ လည်း စစ်ရေးနဲ့ပတ်သက်ပြီး အစိုးရအဝန်းအဝိုင်းပြင်ပက ပုဂ္ဂလိကစစ်ကုမ္ပဏီတွေရဲ့ ကာယအား၊ ဉာဏအား တိုးမြှင့်အသုံးပြုလာမှုကို ၁၉၉ဝ ခုနှစ်များမှာ သိသိသာသာ လုပ်လာပါတယ်။

၁၉၉၁ ပထမပင်လယ်ကွေ့စစ်ပွဲမှာ အမေရိကန်ဟာ တရားဝင်စစ်သား အယောက် ၁ဝဝ မှာ ပုဂ္ဂလိက ကန်ထရိုက် စစ်သား တယောက်နှုန်း သုံးခဲ့တယ်။ နောက်ပိုင်းကာလ ဘော့စ်နီးယား-ဟာဇီဂိုဗီးနားပဋိပက္ခနဲ့ ကိုဆိုဗို အရေး အခင်းကျတော့ နှုန်းထားမြင့်လာရာမှာ လက်ရှိအီရတ်စစ်ပွဲမှာတော့ စစ်သား ၅ဝ ကို စစ်ကုမ္ပဏီကန်ထရိုက် ၁ဝ ယောက်ကျော်နှုန်းဖြစ်လာလို့ အခုဆို အီရတ်မှာ ကန်ထရိုက်စစ်သား သုံးသောင်းကျော်ရှိနေပါတယ်။ ၂ဝဝ၃ မေလမှာ “အီရတ်စစ်ပွဲ ပြီးဆုံးသွားပြီ” လို့ သမတဘွတ်ရှ် ကြေညာပြီးနောက် လုံခြုံရေးကန်ထရိုက်တွေ အီရတ် နိုင်ငံထဲ ဒလဟောဝင်လာပါတော့တယ်။ မရေရာတဲ့ လုံခြုံရေးအနေအထားကြောင့် အမေရိကန်စစ်အင်အားတွေ ပြန့်ကျဲသွားပြီး အီရတ်ရုပ်သေးစစ်တပ်နဲ့ ရဲကလည်း အားမကိုးရတဲ့အခါ ပုဂ္ဂလိက လုံခြုံရေးကုမ္ပဏီတွေဟာ တိုက်ရေးခိုက်ရေးဘက် ပိုရောက်လာရပါတယ်။ အဘူဂရစ် အကျဉ်းထောင်ဖြစ်ရပ်တွေဟာ အမေရိကန်စစ်သား တွေရဲ့ အခန်းကဏ္ဍသာမက ကန်ထရိုက်တွေရဲ့ အနေအထားကိုပါ ပွင့်ကျစေခဲ့သလို အီရတ်သူပုန်တွေက ဖမ်းမိ ပြီး ခေါင်းဖြတ်ခံလိုက်ရတဲ့ ကန်ထရိုက်လေးယောက်ကြောင့် စစ်ကုမ္ပဏီတွေကို လူအများ အာရုံစိုက်လာပါတယ်။

အခုအခါ အီရတ်မှာ ပုဂ္ဂလိကလုံခြုံရေးကုမ္ပဏီတွေ ဒါဇင်နဲ့ချီပြီး လှုပ်ရှားနေကြရာမှာ စရိတ်စကသက်သာပြီး အမြတ်များများ ကျန်အောင်နဲ့ ဒေသအနေအထားကျွမ်းဝင်အောင် ဒေသခံအီရတ်လူမျိုးတွေကိုလည်း အလုပ်ခန့် ကြတယ်။ အီရတ်မှာ အကြီးဆုံးစစ်ကုမ္ပဏီတခုဖြစ်တဲ့ ‘စတီးဖောင်ဒေးရှင်း’ မှာ ဝန်ထမ်းသုံးပုံနှစ်ပုံဟာ အီရတ် လူမျိုးတွေဖြစ်သလို ယခင်ဆဒ္ဒမ်ဟုစိန် စစ်သားဟောင်းတွေက လုပ်နေတဲ့ ဒေသခံအီရတ်လုံခြုံရေးကုမ္ပဏီ ပေါက်စတွေလည်း ပေါ်နေပါပြီ။ ဒါပေမဲ့ အီရတ်မှာရှိတဲ့ ပုဂ္ဂလိက လုံခြုံရေးကျွမ်းကျင်သူ တွေထဲက တသောင်း နီးပါးလောက်ဟာ ယခင် တောင်အာဖရိက အသားအရောင်ခွဲခြားရေးခေတ်မှာ လူမည်းတွေကို အကြီးအကျယ် ရက်ရက်စက်စက်နှိပ်ကွပ်ခဲ့ပြီး အခုတော့ ရင်ကြားစေ့ရေးကော်မရှင်ဆီက လွတ်ငြိမ်းချမ်းသာခွင့်ရထားတဲ့ တောင်အာဖရိကစစ်သားဟောင်းတွေ ပုလိပ်ဟောင်းတွေဖြစ်ပါတယ်။ တခြား ကန်ထရိုက်စစ်သားတွေကတော့ ချီလီအာဏာရှင် ပီနိုရှေး၊ ယူဂိုစလပ်အာဏာရှင်မီလိုဆီဗစ်တို့ရဲ့ စစ်သားဟောင်းတွေအပြင် အဇ္ဇရေးနဲ့ ယခင် တောင်အမေရိက အာဏာရှင်နိုင်ငံတွေက စစ်သားဟောင်း ပုလိပ်ဟောင်းတွေ အများအပြားပါဝင်ကြတယ်။

အမေရိကန်ကာကွယ်ရေးဝန်ကြီး ဒေါ်နယ်ရမ်းစဖဲလ်က ပင်မစစ်လုပ်ငန်းတာဝန်တွေကိုတော့ ကန်ထရိုက်မပေး ဘူးလို့ ပြောခဲ့ပေမဲ့ လက်တွေ့မှာတော့ ကန်ထရိုက်စစ်သားတွေဟာ အစုံလုပ်နေရပါတယ်။ အကြောင်းရင်းက တော့ စစ်ကန်ထရိုက်တွေဟာ အမေရိကန်ဘီ-၂ ဗုံးကြဲလေယဉ်နဲ့ အပေချီရဟပ်ယဉ်လို အဆင့်မြင့်လက်နက် စနစ်တွေ ကိုင်တွယ်နိုင်တဲ့ အတတ်ပညာကျွမ်းကျင်မှု မျိုးရှိကြသလို သော့ချက်ကျတဲ့ ငြိမ်းချမ်းရေးထိန်းသိမ်းရေး နဲ့ အစိုးရအုပ်ချုပ်မှု တည်ဆောက်ရေးတာဝန်တွေကိုလည်း လုပ်ပေးနိုင်ကြလို့ဖြစ်တယ်။ စစ်တပ်အပြင် ရဲကိုပါ သင်တန်းပေးနိုင်ရုံမက ရဲတပ်ဖွဲ့တည်ဆောက်ရေးလည်း လုပ်ပေးနိုင်တယ်။ သိကြတဲ့အတိုင်း ကန်ထရိုက်တွေဟာ ထောက်လှမ်းရေးလုပ်ငန်းတင်မက သုံ့ပန်းစစ်ကြောရေးလည်းလုပ်နေတယ်။ တချို့စစ်ကန်ထရိုက်တွေဟာ စစ်ပွဲ အတွေ့အကြုံရှိမှုကြောင့် တိုက်ပွဲဇုံထဲဖြတ်ပြီး အရေးကြီး ပစ္စည်းတင်ကုန်ကားကြီးတွေအတွက် ယဉ်မောင်းအလုပ် လုပ်သလို တချို့ကန်ထရိုက်တွေကျတော့ စကားပြန်အလုပ်လုပ်တယ်။ အမေရိကန်နိုင်ငံထဲမှာလည်း တက္ကသိုလ် အရံတပ် (ယူတီစီ) သင်တန်းကို ပုဂ္ဂလိကစစ်ကုမ္ပဏီက တာဝန်ယူနေတယ်။

လွတ်လပ်စွာပြိုင်ဆိုင်တဲ့ ဈေးကွက်စီးပွားရေးစနစ်အောက်က ပုဂ္ဂလိကစစ်ကုမ္ပဏီဆိုပေမဲ့ ၂ဝဝ၃ ခုနှစ် အီရတ် နိုင်ငံမှာ ရေနံတွင်းတွေ ပြန်လည်တည်ဆောက်ရေး လုံခြုံရေးလုပ်ငန်းကို တင်ဒါမခေါ်ဘဲ ကဲလော့ဂ်-ဘရောင်း-ရူ့တ် စစ်ကန်ထရိုက်ကို တိုက်ရိုက်ပေးလိုက်တယ်။ ဒီစစ်ကုမ္ပဏီဟာ ဒုသမတ ဒစ်ချေနီရဲ့ ဟယ်လီဘာတန် ရေနံ တူးကုမ္ပဏီလက်အောက်ခံ ကုမ္ပဏီခွဲဖြစ်ပါတယ်။ ဒီလို အနေအထားမျိုးမှာတော့ စစ်ကုမ္ပဏီတွေကို ကန်ထရိုက် ပေးတာဟာ စစ်သားအစစ်တွေသုံးတာထက် အကုန်အကျများလို့ အစိုးရနဲ့ ပင်တဂွန်ကို ဝေဖန်ပြစ်တင်ကြတယ်။ အီရတ်စစ်ပွဲလေ့လာချက်အရ တချို့ကန်ထရိုက်တွေဟာ တလကို လစာ ဒေါ်လာ ၂ဝဝဝဝ တောင်ရတယ်။ ဒါဟာ ရှေ့တန်းထွက်စစ်သားတယောက်လစာထက် အနဲဆုံးသုံးဆရှိနေပါတယ်။ ကန်ထရိုက်တွေကို ဒီလောက်ကြီး ပေး ထားတာ တကယ်အကျိုးအမြတ်ရှိမရှိ တန်မတန်ကိုတော့ စနစ်တကျ စူးစမ်းလေ့လာထားတာ မရှိသေးပါဘူး။ လက်ငင်း ကန်ထရိုက်စရိတ်ကြီးပေမဲ့ ကန်ထရိုက်စစ်ပွဲဆင်နွဲခြင်းကြောင့် စစ်တပ်အနေနဲ့ နောက်ဆုံးမှာ စစ်သားစု ဆောင်းရေး၊ လေ့ကျင့်ရေးနဲ့ နေရာချရေးပိုင်းမှာ အကုန်အကျသက်သာသွားမယ်လို့ ထောက်ခံသူတချို့က ဆိုကြ တယ်။ တဖက်ကကြည့်ပြန်တော့လည်း ကန်ထရိုက်အများစုဟာ မူလကနဦးစစ်သားဘဝတုန်းက အမေရိကန် အစိုးရက ခေါ်ယူလေ့ကျင့်ပေးခဲ့တဲ့ ကျေးဇူးကိုလည်း ပြန်ကြည့်သင့်တယ်လို့ မကျေနပ်သူတွေက ဝေဖန်နေတယ်။ အခုလို စစ်ကုမ္ပဏီတွေရဲ့ ဝင်ငွေကောင်းတဲ့ ကန်ထရိုက်အလုပ် သွေးဆောင်မှုကြောင့် စစ်သားတွေကို အမြဲတမ်း တပ်မတော်ထဲ ရေရှည်ထိန်းထားနိုင်ဖို့ ခက်လိမ့်မယ်လို့လည်း အမေရိကန်စစ်တပ်ထိပ်ပိုင်းတွေ သာမက ဗြိတိန် နိုင်ငံမှသည် ချီလီနိုင်ငံအထိ နိုင်ငံအများအပြားက စစ်ဗိုလ်ချုပ်တွေ စိုးရိမ်ပူပန်နေကြတယ်။ ရာစုနှစ်တခုကျော် ဗြိတိသျှစစ်တပ်မှာ ကြေးတမ်းစားစစ်မှုထမ်းခဲ့တဲ့ ကမ္ဘာကျော် ဂေါ်ရခါးလူမျိုး နီပေါနိုင်ငံသားတွေဟာလည်း အခု အခါ ‘ဂေါ်ရခါး လုံခြုံရေးအစောင့်များ’ လို့နာမယ်ပေးထားတဲ့ ပုဂ္ဂလိကစစ်ကုမ္ပဏီတခု တည်ထောင်ထားရုံမက တခြားစစ်ကုမ္ပဏီတွေမှာလည်း စာရင်းသွင်း ‘ဝန်ဆောင်မှု’ ပေးနေကြလို့ ဗြိတိန်စစ်တပ်က ရတက်မအေး ဖြစ်နေ ပါတယ်။ အဲဒီ ဂေါ်ရခါးစစ်ကုမ္ပဏီကို ဆီယာရာ လီယွန်းပြည်တွင်းစစ်မှာ အစိုးရဖက်က ငှားခဲ့သေးတယ်။

ကြေးစားစစ်သားဘဝကနေ စစ်ကုမ္ပဏီဖြစ်လာတဲ့အခါ ကုမ္ပဏီပီပီ ဈေးကွက်ထဲနာမယ်ကောင်းရရေး၊ တနည်း အားဖြင့် ဖောက်သည်များများ ရေရှည်ရရေးကို လုံးပမ်းလာရတယ်၊ ဒါကြောင့် အရင်ခေတ်က ကြေးစားစစ်သား တွေလို နာမယ်ဆိုးလို့မဖြစ်ဘဲ ကျင့်ဝတ်တွေ လုပ်ဟန်တွေ ဂရုစိုက်ရတယ်လို့ ဆိုကြပေမဲ့ အီရတ်နဲ့အာဖဂန် အတွေ့အကြုံက အဲဒီအပြောကို ချေဖျက်နေပါတယ်။ ‘အုပ်ချုပ်ရေးကဏ္ဍအတွက် အဖြေရှာချက်’ ဆိုတဲ့ စစ် ကုမ္ပဏီဟာ ဆီယာရာလီယွန်းအစိုးရရဲ့ မြို့တော်ကာကွယ်ရေးတာဝန် ထမ်းဆောင်နေစဉ် မိမိဝန်ဆောင်ခရဖို့ အဓိကကျတဲ့ စိန်တွင်းတွေကာကွယ်ရေးအတွက် အရည်အချင်းနိမ့်ကျလှတဲ့ ဆီယာရာလီယွန်းစစ်တပ်အစား ဒေသခံပြည်သူ့စစ်တွေကို အားကိုးခဲ့တာကြောင့် ပြည်သူ့စစ်တွေ ခေါင်းထောင်လာပြီးနောက်ပိုင်းမှာ စစ်တပ်နဲ့ တင်းမာမှုတွေ အာဏာသ်ိမ်းမှုတွေဖြစ်၊ ငြိမ်းချမ်းရေးဆွေးနွေးပွဲတွေ ကမောက်ကမဖြစ်စေတဲ့အထိ ရှုပ်ထွေးမှု တွေဖြစ်ခဲ့လို့ နာမယ်အတော်ပျက်သွားခဲ့တယ်။ ဗြိတိသျှစစ်ကုမ္ပဏီတခုဖြစ်တဲ့ ‘လိုဂိုစစ်ထောက်’ ကုမ္ပဏီကတော့ အီကွေတိုးရီးယဲဂီနီနိုင်ငံမှာ အာဏာသိမ်းဖို့ကြံလို့ ဇင်ဘာဘွေနိုင်ငံမှာ ကုမ္ပဏီ ‘ဝန်ထမ်း’ ၇ဝ ဖမ်းခံခဲ့ရတယ်။ ဒီအာဏာသိမ်းရေးအကြံအစည်ကို အမေရိကန်အစိုးရက ကြိုသိပေမဲ့ ဟန့်တားမှုလုံးဝမလုပ်ခဲ့ပါဘူး။ အမေရိကန် အစိုးရက ဘော်လကန်ဒေသမှာ ရဲတွေသင်တန်းပေးဖို့ ကန်ထရိုက်ပေးထားတဲ့ အမေရိကန်စစ်ကုမ္ပဏီ ‘ဒိုင် ကော်ပိုးရေးရှင်း’ ဟာလည်း ပြည်တန့်ဆာကုန်ကူးမှု အရှုပ်တော်ပုံထဲ ပါဝင်ပတ်သက်ခဲ့တယ်။ ဒါပေမဲ့ ကန်ထရိုက် တွေရော အမေရိကန်အစိုးရပါ နိုင်ငံတကာဥပဒေနဲ့ အရေးယူတော့မခံရပါဘူး။

စစ်ကန်ထရိုက်တွေဟာ မိခင်တိုင်းပြည်အစိုးရကို ကိုယ်စားပြုပြီး နိုင်ငံခြားရေးပေါ်လစီကို ဖော်ဆောင်ပေးတာ လည်း လုပ်တယ်။ ၁၉၉၄ မှာ ခရိုအေးရှားအစိုးရက ‘နိုင်ငံတကာ စစ်ဘက်ပညာသည်ရင်းမြစ်များ’ ဆိုတဲ့ အမေရိကန်စစ်ကုမ္ပဏီကိုငှားပြီး စစ်ရေးအကြံပေးမှုနဲ့ လေ့ကျင့်သင်တန်းပေးမှု လုပ်စေခြင်းဖြင့် အမေရိကန် အစိုးရအတွက်ပါ အကျိုးရှိခဲ့တယ်။ ၁၉၈၆ မှာ ‘ကာကွယ်ရေးစနစ်များလီမိတက်’ ဆိုတဲ့ ဗြိတိသျှစစ်ကုမ္ပဏီဟာ မိုဇမ်ဘစ်အစိုးရစစ်တပ်ကို လေ့ကျင့်သင်တန်းပေးခဲ့လို့ ဗြိတိန်နိုင်ငံရဲ့ နိုင်ငံခြားရေးပေါ်လစီ အမြတ်ထွက်ခဲ့တယ်။ အီရတ်မှာ ကန်ထရိုက်စစ်သားလေးယောက် အသတ်ခံရတဲ့အခါ အပြစ်မဲ့အရပ်သား ပုဂ္ဂလိက ကန်ထရိုက်တွေ ကို အကြမ်းဖက်သမားတွေက ရက်ရက်စက်စက်သတ်သွားတယ်ဆိုပြီး စီးပွားရေးကန်ထရိုက်လိုလိုနဲ့ ရောကြိတ် ဝါဒဖြန့် အမြတ်ထုတ်တာလည်းရှိတယ်။

လက်ရှိအီရတ်နိုင်ငံမှာ စစ်ကန်ထရိုက်တွေကို အီရတ်တရားဥပဒေအရ အရေးယူခွင့်မရှိဘဲ မိခင်တိုင်းပြည် ဥပဒေ ကသာ သက်ရောက်ခွင့်ရှိတယ်လို့ ပြဋ္ဌာန်းထားတာဟာလည်း ၂ဝ ရာစုအစပိုင်း ကိုလိုနီခေတ်တွေကို သတိရစရာ ဖြစ်နေတယ်။ ကုလသမဂ္ဂကချတဲ့ နိုင်ငံတကာဥပဒေဟာ အစိုးရကိုဖြုတ်ချဖို့ကြံတဲ့ ပုံစံဟောင်းကြေးစားစစ်သား ကိုသာ ရည်ညွှန်းထားပါတယ်။ ယေဘူယျအားဖြင့် ပုဂ္ဂလိကစစ်ကန်ထရိုက်တွေအပါအဝင် ကြေးစားစစ်သားတွေ ကို စစ်သုံ့ပန်းအဆင့် သတ်မှတ်မပေးသော်လည်း လက်ဝဲသူပုန်အဖွဲ့တဖွဲ့ဖြစ်တဲ့ ‘ကိုလမ်ဘီယာတော်လှန်ရေး တပ်မတော်’ FARC ကတော့ ၂ဝဝ၃ တုန်းက သူတို့ဖမ်းမိတဲ့ အမေရိကန်စစ် ကန်ထရိုက်တွေကို သုံ့ပန်းအဆင့် သတ်မှတ်ပေးခဲ့တယ်။ အမေရိကန်အစိုးရကတော့ ဒီတော်လှန်ရေးအဖွဲ့ကို စစ်တပ်တခုအဖြစ် အသိအမှတ်မပြုဘဲ အကြမ်းဖက်အဖွဲ့အဖြစ်၊ ပြန်ပေးသမားတွေအဖြစ်သာ တရားဝင်ဆက်လက်သတ်မှတ်နေတယ်။

စစ်ကုမ္ပဏီတွေကို အစိုးရတွေကတင် ကန်ထရိုက်ပေးငှားရမ်းတာမဟုတ်ဘဲ နိုင်ငံလွန်စီးပွားရေးကုမ္ပဏီကြီးတွေ၊ အင်ဂျီအိုတွေကလည်း ငှားကြတယ်။ ကုလသမဂ္ဂကတောင် ထောက်ပံ့ကယ်ဆယ်ရေး ယဉ်တန်းတွေ စောင့် ရှောက်ဖို့ ငှားတာရှိသလို သတင်းဌာနတွေကလည်း လုံခြုံရေးအတွက် ငှားကြတယ်။

အခုလို နယ်မြေတခုထဲမှာ မတူတဲ့လုပ်ငန်းအမျိုးမျိုးအတွက် အသီးသီးအသက ငှားကြတဲ့အခါ မတူတဲ့ ရည်မှန်း ချက်တွေနဲ့ မတူတဲ့လှုပ်ရှားမှုတွေဖြစ်လာတော့ ပြဿနာတွေပေါ်လာတယ်။ အီရတ်မှာ အမေရိကန်စစ်တပ် တိုက်ပွဲဖြစ်ရင် ပုဂ္ဂလိကကန်ထရိုက်တွေ စစ်ကူလိုက်ပေးပေမဲ့ ကန်ထရိုက်တွေ တိုက်ပွဲဖြစ်တဲ့အခါကျတော့ အမေရိကန်တပ်က စစ်ကူမလိုက်လို့ ကန်ထရိုက်လေးယောက် ခေါင်းဖြတ်သတ်ခံရတယ်လို့ စွပ်စွဲတာလည်း ရှိ တယ်။

အခုအခါ လူတချိုရက ကုလသမဂ္ဂငြိမ်းချမ်းရေး ထိန်းသိမ်းရေးလုပ်ငန်းတွေကို ပုဂ္ဂလိကကန်ထရိုက်တွေ ငှား လုပ်ဖို့အထိတောင် ပြောကြတယ်။ ဒါပေမဲ့ ဒါဟာ သက်ဆိုင်ရာ တတိယကမ္ဘာနိုင်ငံအစိုးရတွေ၊ တတိယကမ္ဘာ စစ်တပ်တွေကို နှိမ်ရာရောက်မှာဖြစ်လို့ လက်တွေ့ဖြစ်မလာနိုင်ပါဘူး။ လောလောဆယ်မှာ အီရတ်က ကန်ထရိုက် စစ်ပွဲကတော့ အမေရိကန်အစိုးရကို အကျိုးပြုနေပါတယ်။ အမေရိကန်အစိုးရက စစ်ကန်ထရိုက်တွေ ငှားသုံးတဲ့ အတွက် စစ်တပ်ကိစ္စတွေမှာ ကွန်ဂရက်လွှတ်တော်ကို ဖြတ်သန်းရတဲ့ပြဿနာ ရှောင်ကွင်းနိုင်ပြီး စစ်တပ်တွေထဲ ကြုံရတဲ့ ခေါင်းပူစရာပြဿနာမျိုးတွေကိုလည်း ခေါင်းခံစရာမလိုတော့ဘဲ ဖြစ်သွားစေပါတယ်။ ဒါ့ကြောင့် ယနေ့ ကမ္ဘာမှာ စစ်ကုမ္ပဏီတွေရဲ့ အကြီးဆုံးဖောက်သည်ဟာ အမေရိကန်နိုင်ငံဖြစ်နေပါတယ်။

နိုင်ငံတော်အစိုးရတွေ လက်ဝါးကြီးအုပ်ထားလေ့ရှိတဲ့ စစ်ကိစ္စကို အခုလို နိုင်ငံလွန်ကုမ္ပဏီကြီးတွေ၊ အင်ဂျီအိုတွေ က ပုဂ္ဂလိကစစ်ကုမ္ပဏီတွေကတဆင့် ဝင်ရောက်လုပ်ခွင့်ရှိလာလို့ ပဋိပက္ခဖြေရှင်းရေးတွေ ပိုရှုပ်ထွေးလာပါတယ်။ ဒါကြောင့် လုံခြုံရေးအခြေအနေတွေ ပိုမတည်မငြိမ်ဖြစ်လာ၊ ဒီအခါ ပုဂ္ဂလိကစစ်နဲ့ လုံခြုံရေးကုမ္ပဏီတွေကို ပို လိုအပ်လာနဲ့ ဂျာအေး သူ့အမေရိုက်နေပါတော့တယ်။

ဘယ်လိုပဲဖြစ်ဖြစ် စစ်ကုမ္ပဏီတွေကို အခကြေးငွေကြီးကြီး ပေးငှားနိုင်တာက အစိုးရတွေ၊ စီးပွားရေးလုပ်ငန်းရှင် ကြီးတွေနဲ့ သူတို့နဲ့ ပုလင်းတူဗူးဆို့ရောင်းရင်းတွေသာ ဖြစ်နေပါတယ်။ နာမယ်ကိုယ်၌က အုပ်ချုပ်ရေးကဏ္ဍ အတွက် အဖြေရှာချက်ဆိုမှတော့ အုပ်စိုးသူလူတန်းစားတွေ အကျိုးသက်သက်အတွက်ပဲ ထူထောင်ထားတာ ရှင်း နေပါတယ်။ ဒါကို မကျေနပ်သူတွေက ဆန္ဒပြအရွဲ့တိုက်တဲ့အနေနဲ့ အင်တာနက်ထဲမှာ ‘ပစ္စည်းမဲ့လူတန်းစား အတွက်အဖြေရှာချက်’ Proletarian Outcomes လို့ နာမယ်တပ်ထားတဲ့ ပုဂ္ဂလိကစစ်ကုမ္ပဏီတခု ထူထောင်ဖွင့်လှစ်ထားကြောင်းနဲ့ ဒီကုမ္ပဏီဟာ ကမ္ဘာတလွှားက အာဏာရှင်အစိုးရတွေဆန့်ကျင်ရေး၊ အဖိနှိပ်ခံ ပြည်သူတွေရဲ့ ဒီမိုကရေစီနဲ့ လူ့အခွင့်အရေးအတွက် လက်နက်ကိုင်တိုက်ပွဲနည်းနာတွေ၊ မြို့ပြသပိတ်မှောက်ဆန္ဒ ပြပွဲနဲ့ နိုင်ငံရေးအံတုမှုနည်းနာတွေကို အခကြေးငွေယူပြီး အဆင့်မြင့်မြင့်လေ့ကျင့်သင်တန်းပေးမယ်၊ အစိုးရတွေ ဖောက်ပြန်ရေးသမားတွေလာငှားရင် ဘယ်တော့မှမလိုက်ဘူးဆိုပြီး ‘ဤကုမ္ပဏီကြောင့် ပြီးမြောက်အောင်မြင်ခဲ့တဲ့ တော်လှန်ရေးအုံကြွမှုများ ဓါတ်ပုံမှတ်တမ်း’တွေနဲ့ အတည်ပေါက် ဝက်ဘ်ဆိုက်တင် စိတ်ဖြေသိမ့်မှုရှာခဲ့ကြပါတယ်။

ဒီလိုနဲ့ပဲ ပုဂ္ဂလိကစစ်ကုမ္ပဏီတွေသာမက ပုဂ္ဂလိကနိုင်ငံရေးကုမ္ပဏီတွေ၊ ကန်ထရိုက်နိုင်ငံရေးသမားတွေပါ ပေါ် လာပြီး လူလည်ကြီးများ ပိုကြီးပွားကြအုံးမှာ မြင်ယောင်မိပါတယ်။

(ရည်ညွန်း။ ။ ၂ဝဝ၄ ဇူလိုင်/သြဂုတ်လထုတ် နိုင်ငံခြားရေးပေါ်လစီ မဂ္ဂဇင်းပါ ဂျော့ဝါရှင်တန်တက္ကသိုလ် တွဲဘက်ပါမောက္ခ ဒီဘိုးရားအေဗန့် ၏ ဆောင်းပါး)

Read More...

Collapse...

လူရွှင်တော် ဇာဂနာနှင့် ကိုဇော်သက်ထွေးတို့ကို ထောင်ဒဏ်များ ထပ်မံချမှတ်

စစ်အစိုးရက နှစ်ရှည်ထောင်ဒဏ် ချမှတ်ခံထားရပြီးသော ထင်ရှားသည့် လူရွှင်တော် ကိုဇာဂနာကို ယနေ့တွင် ထောင်ဒဏ် ၁၄ နှစ်၊ အားကစား အယ်ဒီတာ ကိုဇော်သက်ထွေးအား ထောင်ဒဏ် ၄ နှစ် ထပ်တိုး၍ ပြစ်ဒဏ်များ ချမှတ်လိုက်ကြောင်း မိသားစုဝင်များကပြောသည်။

ကိုဇာဂနာနှင့် ကိုဇော်သက်ထွေး (ဓာတ်ပုံ - ဧရာဝတီ)

ကိုဇာဂနာကို ဗီဒီယို အက် ၃ နှစ် အပါအ၀င် ပုဒ်မ ၅၀၅(ခ) ၂ နှစ် ၊ ၁၇/၂ အရ ၅ နှစ် ၊ ၅၀၅(ခ) ၂ နှစ် နှင့် ၂၉၅(က) ၂ နှစ် ပေါင်း ၄ နှစ် တို့ဖြင့် ထောင်ဒဏ် စုစုပေါင်း ၁၄ နှစ် ကို အင်းစိန်ထောင် အထူးတရားရုံးက ယနေ့ ချမှတ်လိုက်သည်ဟု ခယ်မဖြစ်သူ မငြိမ်းကပြောသည်။

ကိုဇာဂနာသည် နိုဝင်ဘာ ၂၁ ရက်နေ့က ချမှတ်သည့် ထောင်ဒဏ် ၄၅ နှစ် နှင့် ပေါင်းလျှင် စုစုပေါင်း ထောင်ဒဏ် ၅၉ နှစ် ကျခံရမည်ဖြစ်သည်။

ကိုဇာဂနာနှင့် အမှုတွဲ ကိုဇော်သက်ထွေးကိုလည်း ပုဒ်မ ၅၀၅(ခ) ၂ နှစ် နှင့် ၂၉၅(က) ၂ နှစ် ပေါင်း ၄ နှစ် ယနေ့ ထပ်တိုး၍ ချမှတ်လိုက်ရာ နိုဝင်ဘာ ၂၁ ရက်နေ့က ချမှတ်ထားသည့် ထောင်ဒဏ် ၁၅ နှစ်နှင့် ပေါင်းလျှင် ၎င်း သည် ထောင်ဒဏ် ၁၉ နှစ် ကျခံရမည်ဖြစ်သည်။

ယခုကဲ့သို့ ထောင်ဒဏ်များ ထပ်မံချမှတ်လိုက်ခြင်းနှင့်ပတ်သက်၍ ကိုဇော်သက်ထွေး၏ ဇနီး မခိုင်ချိုက အလွန် စိတ်ပျက်မိကြောင်း ပြောဆိုသည်။

“အခုဟာက တရားတယ်၊ မတရားဘူးဆိုတာ အားလုံးကလည်း သိနေကြပါပြီ၊ ကျမအမျိုးသားက နာဂစ်ကိစ္စ လုပ်နေရင်းနဲ့ ဖြစ်သွားတာဆိုတော့ ဒီတခါမှာတော့ လုံးဝမျှော်လင့်မထားဘူး၊ အလှူအတန်းကိစ္စ လုပ်နေရင်း ဖြစ် သွားတာဆိုတော့လည်း ကျမ ဒီထောင်ဒဏ်အပေါ်ကို တော်တော်လေးကို စိတ်ပျက်မိပါတယ်၊ ကောင်းတာလုပ် ရင်း ဖြစ်ရတာ ဖြစ်တဲ့အတွက် ကောင်းတာတွေပဲဖြစ်လာလိမ့်မယ်လို့ မျှော်လင့်ထားပါတယ်”ဟု မခိုင်ချိုက ဧရာဝတီသို့ ပြောပြသည်။

အယူခံဝင်နိုင်ရန် ရှေ့နေများနှင့် တိုင်ပင်၍ အတတ်နိုင်ဆုံး ကြိုးစားသွားမည်ဟုလည်း ၎င်းက ဆက်ပြောသည်။

ကိုဇာဂနာ ၊ ကိုဇော်သက်ထွေးတို့နှင့်အတူ နိုဝင်ဘာ ၂၁ ရက်နေ့က ထောင်ဒဏ် ၁၅ နှစ်ချမှတ်ခံရသော ကိုသန့် ဇင်အောင်ကိုလည်း ယနေ့ ဗီဒီယို အက် အရ ထောင်ဒဏ် ၃ နှစ် တိုး၍ ချလိုက်သောကြောင့် ၎င်းသည်လည်း စုစုပေါင်းထောင်ဒဏ် ၁၈ နှစ် ကျခံရမည်ဖြစ်ကြောင်း သိရသည်။

ကိုဇာဂနာ၏ ခယ်မ မငြိမ်းက“စွဲထားတဲ့ ပုဒ်မတွေတော့ အကုန်ပြီးသွားပါပြီ၊ ထပ်မတိုးရင်တော့ ပြီးသွားပြီပေါ့”ဟု ပြောသည်။

အဆိုပါ ကိုဇာဂနာနှင့် ကိုဇော်သက်ထွေးတို့သည် ဆိုင်ကလုန်း လေဘေး ကူညီကယ်ဆယ်ရေးလုပ်ငန်းများကို အတူ လုပ်ကိုင်ခဲ့ကြသူများဖြစ်ပြီး ၎င်းတို့ကို ပုဒ် ၅၀၅(ခ)၊ ၁၇/၁၊ စသည့် ပုဒ်မများ အပါအ၀င် ပုဒ်မ ၇ ခုဖြင့် အာဏာပိုင်များက စွဲဆိုထားခဲ့သည်။

ကိုဇာဂနာကို လွန်ခဲ့သည့် ဇွန်လဆန်းပိုင်းက ရန်ကုန်မြို့ စမ်းချောင်းမြို့နယ်ရှိ နေအိမ်တွင် အာဏာပိုင်များက ဖမ်းဆီးခဲ့ပြီး လေဘေးကယ်ဆယ်ရေးလုပ်ငန်းများ မှတ်တမ်းတင် စီဒီဓာတ်ပြားတချပ်၊ ရမ်ဘိုအပိုင်း ၄ ရုပ်ရှင် စီဒီ၊ စိန်စီသောည စီဒီ၊ ကွန်ပျူတာ ဟတ်ဒစ်တလုံး၊ အမေရိကန်ဒေါ်လာ ၁၀၀၀ နှင့် အက်ဖ်အီးစီ ၃၀ တို့ကို သိမ်းယူ သွားခဲ့သည်။

ကိုဇော်သက်ထွေးကိုမူ ဇွန်လ ၁၃ ရက်နေ့က မြန်မာနိုင်ငံ အလယ်ပိုင်း မကွေးမြို့တွင် ဖမ်းဆီးခဲ့ခြင်းဖြစ်သည်။

ကိုဇာဂနာ၊ ကိုဇော်သက်ထွေးတို့နှင့် အမှုတွဲဖြစ်သော ကိုတင်မောင်အေးကိုလည်း နိုဝင်ဘာ ၂၁ ရက်နေ့က ထောင်ဒဏ် ၂၉ နှစ် ချမှတ်ထားသည်။

နိုဝင်ဘာ ၂၄ ရက်နေ့ကလည်း မျိုးဆက်သစ် လူငယ်များ အစည်းအရုံးအဖွဲ့(GW)မှ ကိုတင်မျိုးထွတ် ခေါ် ကိုကျော်ဦး နှင့် ကိုစောမောင်တို့ ၂ ဦးကို လ၀က ပုဒ်မ ၁၃/၁ ၊ တရားမ၀င် အဖွဲ့အစည်း ပုဒ်မ ၁၇/၁ တို့အရ ထောင်ဒဏ် ၈ နှစ် ချမှတ်ခဲ့သည်။

ယင်းသို့ ပြစ်ဒဏ်ချမှတ်ခြင်းများသည် တဖက်သတ် မတရား ချမှတ်ခြင်းဖြစ်ကြောင်းနှင့် ငြိမ်းချမ်းသောနည်းလမ်း များဖြင့် ဆန္ဒထုတ်ဖော်ခဲ့သော မျိုးဆက်သစ်လူငယ်များကို ယခုကဲ့သို့ မတရား ဖမ်းဆီးထောင်ချနေရုံဖြင့် နိုင်ငံ တွင်း ပဋိပက္ခများ ပြေလည်သွားမည် မဟုတ်ဘဲ စစ်အစိုးရအနေနှင့် ပိုမိုအင်အားကြီးမားသော လှုပ်ရှားမှုများနှင့် သာ ရင်ဆိုင်ရမည်ဖြစ်ကြောင်း ယမန်နေ့တွင် GW အဖွဲ့က ကြေညာချက် ထုတ်ပြန်ထားသည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ) ၏ ပြောဆိုချက် အရ စစ်အစိုးရက ယခုလအတွင်း နိုင်ငံရေးအမှုလိုက်ရှေ့နေများအပါအ၀င် ထင်ရှားသည့် ကျောင်းသားခေါင်း ဆောင်များ၊ စာနယ်ဇင်းသမားများ၊ အနုပညာရှင်များ၊ သံဃာတော်များ စသည့်နိုင်ငံရေးလှုပ်ရှားသူ ၁၄၃ ဦးကို ထောင်ဒဏ်များ ချမှတ်ခဲ့ပြီး နိုင်ငံရေးအကျဉ်းသား ၁၀၀ ကျော်ကို ထောင်ပြောင်းရွှေ့ခဲ့ကြောင်း သိရသည်။

ကိုစိုး
REF: ဧရာဝတီ

Read More...

Collapse...

ခေါင်းဆောင်မှု၏ အနက်အဓိပ္ပာယ်ကို ရှာဖွေခြင်း

(က)
ခေါင်းဆောင်မှု သို့မဟုတ် Leadership ဆိုသော စကားလုံးကို နေရာအတော်များများတွင် လူတိုင်းနီးပါးလောက် ကြားဖူးကြမည် ဖြစ်သည်။ နေရာဒေသကိုလိုက်၍ ကြားပုံကြားနည်း ကွာခြားမည်။ အချိန်အခါနှင့် လူပုဂ္ဂိုလ်ပေါ် မူတည်၍ မြင်ပုံမြင်နည်း ကွာခြားမည်။ မည်သို့ပင်ဖြစ်စေ ခေါင်းဆောင်မှုဆိုသော ဝေါဟာရတစ်ရပ်သည် လူ့ လောက၊ လူ့အဖွဲ့အစည်းအတွင်း ပုံသဏ္ဍာန်အမျိုးမျိုးဖြင့် ရပ်တည်လုပ်ဆောင်နေကြသော လူစုလူဝေး၊ အဖွဲ့ အသင်းနှင့် လူမျိုး၊ နိုင်ငံ အစရှိသည့် အရာအားလုံးတို့အတွက် မရှိမဖြစ် အရေးကြီးသော အရာတစ်ခု ဖြစ်ခြင်းကို မူ ကမ္ဘာဦးကတည်းက လူသားတို့ လက်ခံလာခဲ့ကြပြီး ဖြစ်၏။

(ခ)
စာဆန်ဆန်၊ ဟိုအချက် ဒီအချက်များအား ကိုးကား မပြောမှီ ခေါင်းဆောင်ကောင်း တစ်ယောက်၏ အင်္ဂါရပ်များကို မိမိကိုယ်တိုင် မိမိ ဆန္ဒများပေါ်တွင် အခြေတည်၍ စိတ်ကူး သတ်မှတ် ကြည့်နိုင်သည်။

ပထမဆုံး အချက်အနေဖြင့် ခေါင်းဆောင်ဟူသည် အားလုံးတို့ထက် လူမှုရေး၊ စီးပွားရေး၊ နိုင်ငံရေးတို့တွင် အမြင် ကျယ်ပြန့် နှံ့စပ်သူ ဖြစ်ရမည်။ ယေဘူယျဆန်အောင် ပြောလိုက်ခြင်း ဖြစ်၏။ ဆိုလိုရင်းမှာ ခေါင်းဆောင်နှင့် ခေါင်းဆောင်လုပ်သူ အဖွဲ့အစည်း၏ သက်ဆိုင်ရာ နယ်ပယ်တွင် အမြင်ကျယ်ကျယ်ပြန့်ပြန့် ရှိရန်ကို ဆိုလိုခြင်း ဖြစ်သည်။ ခေါင်းဆောင်လုပ်သူ ကိုယ်တိုင်ကမှ နွားခြေရာခွက်ထဲလောက်ကို မျက်စိတစ်ဆုံး ကြည့်ရှုနေလျင် နောက်လိုက်အပေါင်းတို့ကား စုံလုံးကန်းရန်သာ ရှိတော့၏။

ဒုတိယအချက်အနေဖြင့် မိမိသိသကဲ့သို့၊ မိမိမြင်သကဲ့သို့ အမြင်များအား မိမိနောက်လိုက်အပေါင်းတို့အား သိရှိ နားလည်လာအောင်၊ မြင်တတ်၊ ကြည့်တတ်လာအောင် ပြောဟောခြင်း၊ သင်ကြားပြသခြင်း၊ ကြည့်ရှုစောင်မခြင်း တို့အား ပြုလုပ်သင့်၏။ သို့မဟုတ်လျင် မိမိနှင့် နောက်လိုက်တို့ကြား အမြင်မတူညီမှုကြောင့် မည်သည့်အခါမှ နားလည်မှု၊ သဘောတူညီမှု ရရှိလိမ့်မည်မဟုတ်ပဲ ထိုအဖွဲ့အစည်းသည်လည်း မည်မျှပင် အင်အားကြီးမားသည် ဖြစ်စေ စုံးစုံးမြုပ်၊ ကျရှုံးလိမ့်မည်သာ ဖြစ်၏။

တတိယအချက်အနေဖြင့် ခေါင်းဆောင်ဟူသည် မည်သည့်အခြေအနေ၌မဆို အဖွဲ့အစည်း၏ အကျိုးစီးပွားအပေါ် တွင် အမြဲသစ္စာရှိပြီး၊ အစဉ်သရွေ့ ရိုးသားဖြောင့်မတ်ကာ တည်ကြည်မှု ဂုဏ်သိက္ခာနှင့် ရဲရင့်ပြည့်စုံသူ ဖြစ်ရမည်။ အဖွဲ့အစည်းဆိုရာတွင် Company တစ်ခုဆိုလျင်လည်း Company တစ်ခုအလျောက်၊ အဖွဲ့အသင်း ဆိုလျင်လည်း အဖွဲ့အသင်းအလျောက် နောက်ဆုံး နိုင်ငံ၊ ကမ္ဘာနှင့် ချီကာ သူ၏ တာဝန်ခံရမှု၊ တာဝန်ယူရမှုတို့အပေါ်တွင် မူတည်၍ အဆိုပါ အဖွဲ့အစည်း၊ မြို့ပြ၊ နိုင်ငံ၊ ကမ္ဘာ တစ်ခုလုံး အပေါ်တွင် ရဲရဲရင့်ရင့် သစ္စာရှိသူ ဖြစ်ရမည်ဟု ဆိုလို၏။ လိုတစ်မျိုး၊ မလိုတစ်မျိုး၊ လိုအပ်သလိုထားသော သစ္စာနှင့် ရိုးဖြောင့်မှုကို အသုံးချကာ ကိုယ်ကျိုးရှာ ခြင်း၊ သူရဲဘောကြောင်ခြင်းသည် ခေါင်းဆောင်သူ၏ အင်္ဂါရပ်မဟုတ်ပေ။

(ဂ)
ဤနေရာတွင် တစ်ချက်ကို မြှုပ်ထားခဲ့သည်ကို တွေးတောကြည့်နိုင်သည်။ အချို့သော ခေါင်းဆောင်မှု၏ အရည် အချင်းနှင့် ပတ်သက်၍ အဓိပ္ပာယ်ဖွင့်ဆိုသူများက ခေါင်းဆောင်ဟူသည် အများ လေးစားဖွယ်ဖြစ်သော သူတစ်ဦး ဖြစ်ရမည် စသည်ဖြင့် သတ်မှတ်ကြသည်များကိုလည်း ဖတ်ရှုလေ့လာဖူးခဲ့၏။ အမှန်တွင် ရိုးသားဖြောင့်မတ်ခြင်း၊ မိမိ၏ သက်ဆိုင်ရာ လူ့ဘောင်အဖွဲ့အစည်းအပေါ်တွင် အမြဲသစ္စာရှိခြင်းနှင့် ကိုယ်ကျိုးမကြည့်၊ ရဲရင့်စွန့်စားခြင်း စသော အင်္ဂါရပ်များတို့ တစ်ဆက်တစ်စပ်တည်း ပြည့်စုံနေလျင်ပင် ထိုကဲ့သို့သော လူမျိုး၌ လူတိုင်းလေးစားဖွယ် ရာ အရည်အချင်းများ အလိုအလျောက် ရှိလာမည်မှာ မလွဲဧကန်ပင် ဖြစ်ပြီး ထိုကဲ့သို့သော ခေါင်းဆောင် ကိုယ်၌ လည်း လူတိုင်းအား သူ့သွေး၊ ကိုယ့်သား မခွဲခြားပဲ လေးစားစွာ ဆက်ဆံတတ်ခြင်း ဟူသော အရည်အချင်း တစ်ရပ် မုချရှိနေလိမ့်မည်ဖြစ်သည်။

ထိုမှတစ်ပါး မိမိ၏ ကိုယ်ကျိုးစီးပွားအတွက် အသုံးချရန် နောက်လိုက်အဖွဲ့အစည်းနှင့် လူထု၏ လေးစားမှုကို ရရှိအောင် တမင်တကာ လုပ်ယူဖန်တီးခြင်းကား တစ်ဖက်မှ ပြန်စဉ်းစားကြည့်လျင် တစ်ဖက်လှည့်နှင့် လိမ်လည် လှည့်ဖျားဖို့ ကြိုးစားနေခြင်းပင်ဖြစ်ပြီး ရည်ရွယ်ချက်မှာလည်း ကိုယ်ကျိုးအတွက်သာ ဖြစ်သောကြောင့် ထိုကဲ့သို့ လုပ်ယူသော လေးစားမှုသည်လည်း မည်မျှ ကြာမြင့်စွာ ခံလေမည်နည်း။ ထိုသို့သော လူမျိုးအားလည်း မည်သူက ခေါင်းဆောင်ဟု သတ်မှတ်လေမည်နည်း။

(ဃ)
အမှန်တော့ ခေါင်းဆောင်ဆိုသူများသည်လည်း တစ်သီးတစ်ခြားစီနှင့် တစ်မျိုးတစ်ဘာသာစီ ဖြစ်ထွန်းမွေးဖွားလာ သူများ မဟုတ်ကြချေ။ ကိုယ့်ကိုယ်ကို ခေါင်းဆောင်ဟူ၍လည်း မည်သည့်အခါမှ သတ်မှတ်ထားခဲ့ကြသူများ မဟုတ်ကြ။ သူတို့၏ တမင်တကာ လျို့ဝှက်မထားသော လျှို့ဝှက်ချက်များကား အမြင်ကျယ်ပြန့်မှု၊ အစဉ်တစ်စိုက် ရိုးသားရဲရင့်မှုနှင့် ကိုယ်ကျိုးမရှာ လူ့အဖွဲ့အစည်းအပေါ်တွင် အမြဲသစ္စာစောင့်သိမှုတို့ပင် ဖြစ်ကြ၏။ အံ့သြဖွယ် မှန်ကန်ချက်တစ်ခုကား အထက်ပါ အချက်သုံးချက်ခန့်ကို လူတိုင်း အသေအချာ၊ ပယ်ပယ်နယ်နယ် လိုက်နာ ကျင့်သုံးနိုင်ကြမည်ဆိုလျင် လူတိုင်း ခေါင်းဆောင်များချည်း သာတည်း။ သို့ဖြစ်၍ ၎င်းကဲ့သို့သော အဖွဲ့အစည်း တွင် နောက်လိုက်ဘယ်မှာနည်း ဟု ဂွကျကျလည်း ထပ်မံ မေးမြန်းရန် မလိုအပ်။ ထိုကဲ့သို့ လူတိုင်း တည်ကြည် ဖြောင့်မတ်ကာ၊ မိမိသက်ဆိုင်ရာ အဖွဲ့အစည်း၊ လူ့လောကအတွက် သစ္စာရှိသူ၊ ကိုယ်ကျိုးစွန့်လိုသူချည်းများသာ ဖြစ်ကြလျင် ထိုသို့သော လောက၊ အဖွဲ့အစည်းအတွင်းတွင် ခေါင်းဆောင်၊ နောက်လိုက် ဟူသည် ဝေါဟာရ တစ်ရပ်အဖြစ်သာ ကျန်ရှိလိမ့်မည် ဖြစ်ပြီး အခြားသော သူသာသည်၊ ကိုယ်နာသည်ဟူသည့် အယူအဆများ၊ အဓိပ္ပာယ်များ သာမန်လူ့အဖွဲ့အစည်းများ အတွင်းမှာကဲ့သို့ အဆိုပါ ဝေါဟာရများ နောက်မှ လိုက်ပါလာရန် မရှိ တော့ပေ။

ထိုသို့သော လောက၊ အဖွဲ့အစည်းအတွင်းတွင် အချင်းချင်း လုပ်ကိုင်၊ ပြောဆို၊ ဆက်ဆံ ဆောင်ရွက်ရာတွင် လည်း လူတိုင်း၏ ထားရှိသော အခြေခံစိတ်ဓာတ်များ မြင့်မားမှုကြောင့် ခေါင်းဆောင်မှု ပေးသူနှင့် လိုက်ပါ လုပ်ဆောင်သူတို့ ကြားတွင် ကြီးမားသော ကွာဟချက်များ မရှိတော့ပဲ တစ်ဦးနှင့် တစ်ဦး အပြန်အလှန်လေးစားမှု ဖြင့်သာ ပွင့်လင်း၊ လွတ်လပ်စွာ လုပ်ကိုင်ဆောင်ရွက်ကြပေလိမ့်မည်။ တစ်ခုတည်းသော ဘုံခံယူချက်နှင့် တစ်ကြောင်းတည်းသော ဘုံရပ်တည်ချက်ဖြစ်သည့် မိမိသက်ဆိုင်ရာ လူ့ဘောင်အဖွဲ့အစည်း၏ အကျိုးစီးပွား အပေါ်တွင် သစ္စာစောင့်သိမှု၊ ကိုယ်ကျိုးမငဲ့မှု ဟူသော အချက်က မည်သူ့ကို မဆို ခေါင်းဆာင် လုပ်ရသည်ဖြစ်စေ၊ နောက်လိုက် လုပ်ရသည်ဖြစ်စေ တူညီသော ကျေနပ်၊ ဝမ်းမြောက်၊ ဂုဏ်ယူမှုကို ပေးစွမ်းလိမ့်မည်ဖြစ်၏။

(င)
သို့ဖြစ်ရာ ခေါင်းဆောင်မှု၏ နောက်ဆုံး အန္တိမ အဓိပ္ပာယ်ကား အသို့နည်း။ မိမိဦးဆောင်သော လူ့အဖွဲ့အစည်း တစ်ခုလုံးရှိ လူသားအားလုံးကို ခေါင်းဆောင်တို့၏ စိတ်ဓာတ်နှင့် ခေါင်းဆောင်တို့၏ အမူအကျင့်များ ရရှိ ဖြစ်ပေါ် လာအောင် လေ့ကျင့်၊ပြုစုပျိုးထောင်၊ ဦးဆောင်မှုပေးခြင်း ဖြစ်သည်ဟု အဓိပ္ပာယ်ဖွင့် ဆိုလို၏။ အရှင်းလင်းဆုံးနှင့်၊ အထင်ရှားဆုံး ဥပမာကား ရှိခဲ့ပြီးချေပြီ။ ကြီးကျယ်သော ခေါင်းဆောင်နှင့် မြင့်မြတ်သော အဖွဲ့အစည်း။

မည်သူတို့နည်း။ ငယ်မည် သိဒ္ဓတ္ထ ဟု တွင်သော ဂေါတမ ဗုဒ္ဓ နှင့် သူ၏ နောက်ပါ အဖွဲ့အစည်း တပည့်သာဝက သံဃာများပင်တည်း။ ဂေါတမ ဗုဒ္ဓ ကား သူတည်ရှိခဲ့ရာ ကာလ ဘီစီ - ၅၆၃ မှ ဘီစီ - ၄၈၃ ၊ သက်တမ်း - နှစ်ပေါင်း (၈၀) အတွင်း ဤ လောက၊ ဤ လူ့ဘောင်အတွင်း အအောင်မြင်ဆုံးနှင့် အငြိမ်းချမ်းဆုံးသော အဖွဲ့ အစည်းတစ်ခုကို ဂရုဏာ၊ လေးစားမှုနှင့် ငြိမ်းချမ်းမှုတို့ကို အရင်းပြု၍ ခိုင်ခံ့စွာ ဦးဆောင်လမ်းပြ တည်ထောင် သွားခဲ့ချေသည်။ သူမြင်သကဲ့သို့ သူဟောခဲ့သည်။ သူသိသကဲ့သို့ သူပြောခဲ့သည်။ မချွင်းမချန် အားလုံး အမှန် တရားများသာ ဖြစ်ကြောင်း။ သို့သော် သူလုပ်ခဲ့၊ သူဟောခဲ့သည်များကား သူ့ကိုယ်ကျိုးမဟုတ်၊ ခေါင်းဆောင် ဖြစ်လို၍ မဟုတ်။ လောကအကျိုး၊ အများအကျိုး မျှသာ။ ထို့အပြင် သူပြောတိုင်း၊ ယုံကြည်လောက်သော သူပြော တိုင်း၊ စာထဲပေထဲပါသည်ဟုပြောတိုင်း မျက်စိမှိတ် ယုံစရာမလို၊ ကိုယ်တိုင် လေ့လာသုံးသပ်ပြီး၊ လက်ခံမှ ယုံဟူ သော ရဲရဲတောက် ပြောကြားချက်များ အပါအဝင် သူဟောသော၊ သူပြောသော စကားများအတွင်း၌ပင် သူကဲ့သို့ သော ကြီးကျယ်၊ မြင့်မြတ်သူ ဖြစ်လိုလျင် ဖြစ်နိုင်သောနည်းများကလည်း ပါချေသေး၏။ မည်မျှလောက် ကြီး ကျယ်သော ခေါင်းဆောင် ပါပေနည်း။

(စ)
အနှစ်ချုပ်ရလျင် ခေါင်းဆောင်မှု၊ ခေါင်းဆောင်၊ ခေါင်းဆောင်ကျင့်ဝတ် စသည့် အရာအားလုံးတို့သည် ကမ္ဘာ တည်သရွေ့၊ လူ့ဘောင် အဖွဲ့အစည်းများ တည်ရှိသရွေ့ လူသားတို့၏ လိုအပ်ချက်အရ တည်ရှိနေကြဦးမည့် အရာများဖြစ်ကြ၏။ ဤနေရာတွင် ခေါင်းဆောင်လုပ်သူသည် ဦးစွာ မိမိကိုယ်တိုင် ကမ္ဘာ့ဆန်သော (တစ်ချိန်ချိန် တွင် စကြာဝဠာဆန်လာနိုင်ပြီး၊ ယခုပင် အစပျိုးနေချေပြီ) အမြင်မျိုး၊ အသိဥာဏ်မျိုး ရှိရန်လိုအပ်ပြီး မိမိသိသကဲ့ သို့ မိမိ နောက်ပါ အဖွဲ့အစည်းသိရှိအောင်၊ မိမိမြင်သကဲ့သို့ မိမိနောက်လိုက်လူများ မြင်တတ်အောင် သင်ကြား၊ ဦးဆောင် လမ်းပြတတ်ရန် လိုအပ်မည်ဖြစ်သည်။ မည်သူတစ်ဦးတစ်ယောက်နှင့်မဆို လေးစားမှုကို အရင်းခံသော လွတ်လပ်၊ ပွင့်လင်းသည့် ဆက်ဆံရေးမျိုး ထားရှိအပ်၏။ အဆုံးစွန်သော အဓိပ္ပာယ်ကား မိမိ၏ လူ့အဖွဲ့အစည်း တစ်ခုလုံးကို ခေါင်းဆောင်တို့၏ အရည်အချင်းမျိုး နားလည်၊ ဖြစ်ပေါ် တည်ရှိလာအောင် ရည်ရွယ်လုပ်ဆောင်နိုင် သော လွန်စွာမှ ကြီးကျယ်မြင့်မြတ်သည့် ခေါင်းဆောင်မှုမျိုး ပေးခြင်းပင်တည်း။

မှော်ဆရာ
၀၅.၁၁.၂၀၀၈ (ဗုဒ္ဓဟူးနေ့)

REF: Myanmar Entrepreneur Group

Read More...

Collapse...

နာမည်ကြီး စီးပွားရေးသမား မောင်ဝိတ်ကို ထောင် ၁၅ နှစ်ချ

မူးယစ်ဆေးဝါးမှုဖြင့် ဖမ်းဆီးအရေးယူထားသော နာမည်ကြီး စီးပွားရေး လုပ်ငန်းရှင်တဦးဖြစ်သူ မောင်ဝိတ်ကို ထောင်ဒဏ် ၁၅ နှစ် ချမှတ်လိုက်ကြောင်း ရန်ကုန်မြို့မှ ရှေ့နေ အသိုင်းအ၀န်း အပါအ၀င် မိသားစုနှင့် နီးစပ်သူများက ပြောသည်။

ပြီးခဲ့သည့် အပတ်က အင်းစိန်ထောင် အထူးတရားရုံးတွင် အဆိုပါ မောင်ဝိတ်ကို ပြစ်ဒဏ် ၁၅ နှစ် ချမှတ်လိုက်ခြင်းဖြစ်သည်ဟု ရန်ကုန်မြို့မှ ရှေ့နေတဦးက ပြောဆိုသည်။


“၁၅ နှစ် ချလိုက်တာကတော့ သေချာတယ်”ဟု အထက်ပါ ရှေ့နေက ပြောသည်။

ထိုသို့ မောင်ဝိတ် ပြစ်ဒဏ် ၁၅ နှစ် ကျခံရသည်ကို သိရှိသော်လည်း ယခုလောလောဆယ် အင်းစိန် ထောင်တွင် ရှိမရှိကိုမူ ၎င်း မသိရှိကြောင်း Maung Weik and Family co.,Ltd မှ အမျိုးသမီးဝန်ထမ်း တဦးကလည်း ပြောသည်။

“ကုမ္ပဏီမှာ အခု ဘယ်သူမှ မထိုင်သေးပါဘူး၊ မိသားစု ဖုန်းနံပါတ်လည်း ပေးလို့မရပါဘူး၊ အခု လောလောဆယ် မိသားစု က ဖုန်းလက်ခံ စကား မပြောဘူးလို့သိရပါတယ်”ဟု ၎င်းက ပြောသည်။

ယခု မောင်ဝိတ် ပြစ်ဒဏ်ချမှတ်ခံရခြင်းနှင့် ပတ်သက်ပြီး ဧရာဝတီက ဇနီးဖြစ်သူ မယဉ်မင်းသီအား ဆက်သွယ် မေးမြန်းခဲ့သော်လည်း တစုံတရာ ပြန်လည်ဖြေကြားခြင်း မပြုဘဲ ဖုန်းချသွားခဲ့သည်။

ယင်းမောင်ဝိတ်ကို ဇွန်လအတွင်းတွင် အပေါင်းအပါ ၆ ဦးနှင့် အတူ သက်ဆိုင်ရာက အက်တာစီ ဆေးပြား သုံးစြွဲ့ဖန့်ချိမှုဖြင့် ဖမ်းဆီးခဲ့ပြီးနောက် လမ်းမတော် ရဲစခန်းက မယ (ပ) ၂/၀၈ ၊ မူး/စိတ် ပုဒ်မ ၁၅/၁၆ (င)/၂၁ စသည့် ပုဒ်မများဖြင့် တရားစွဲဆိုခဲ့သည်။

မောင်ဝိတ်နှင့် အတူ ဖမ်းဆီးခံရသူများမှာ မလေးရှားနိုင်ငံသား Mr. Peter Too Huat Haw အပါအ၀င် မောင်နေထွန်းလွင် ၊ မောင်အောင်မင်း ၊ မောင်ကျော်ဖုန်းနိုင် ၊ မောင်ကျော်လှိုင်နှင့် မောင်ကျော်ကျော် ၀င်း တို့ဖြစ်ကြောင်း ဇူလိုင်လအတွင်းက မြန်မာတိုင်းမ်ဂျာနယ်တွင် ဖော်ပြထားသည်။

အသက် (၃၅) နှစ်ရှိ မောင်ဝိတ်သည် ၂၀၀၃ ခုနှစ်မှ စတင်၍ Mr. Peter Too Huat Haw ထံတွင် အက်တာစီဆေးပြားများ ၀ယ်ယူ သုံးစွဲခဲ့ရုံမက ကုမ္ပဏီနှစ်ပတ်လည်နေ့များ ၊ မွေးနေ့ပွဲများတွင် တခြား သူများကိုပါ ဖြန့်ဝေသုံးစွဲစေခဲ့သောကြောင့် အရေးယူခံရခြင်းဖြစ်သည်ဟုလည်း သိရသည်။

ယင်းမူးယစ်ဆေးဝါးများကို အများဆုံး သုံးစွဲသူများမှာ နာမည်ကြီး အနုပညာရှင်များနှင့် စစ်ဗိုလ်ချုပ်ကြီး များ၏ သားသမီးများဖြစ်သည်ဟု သတင်းများထွက်ပေါ်ခဲ့ပြီး ဆေးပြားတပြား၏ တန်ဖိုးမှာ ကျပ် ၆၀၀၀၀ ၀န်းကျင်ရှိသည်ဟု ဆိုသည်။

လူပြောများနေသော သတင်းများအရ ဗိုလ်ချုပ်မှူးကြီး သန်းရွှေ၏ မြေး နေရွှေသွေးအောင် ခေါ် ဖိုးလပြည့်သည် ယင်း အက်တာစီဆေးပြားများ သုံးစွဲနေသည်ကို မိဘများ သိရှိသွားခဲ့ရာမှ စတင်၍ မူးယစ်ဆေးဖြန့်ချိသူများနှင့် ဆက်စပ်သူအားလုံးကို ခေါ်ယူစစ်ဆေးရာတွင် မောင်ဝိတ် အပါအ၀င် ဒု ဗိုလ်ချုပ်ကြီး ရဲမြင့်၏သား အောင်ဇော်ရဲမြင့် စသည့် စစ်တပ်အကြီးအကဲများနှင့် နီးစပ်သူများကိုပါ မဖြစ် မနေ ဖမ်းဆီးမှုများရှိခဲ့သော်လည်း အောင်ဇော်ရဲမြင့်ကိုမူ ယခုအချိန်အထိ အရေးယူမှုမရှိသေးကြောင်း သိရသည်။

မူးယစ်ဆေးဝါး သုံးစွဲခြင်း ၊ လက်ဝယ်ထားရှိခြင်း ၊ ရောင်းဝယ် ဖြန့်ချိခြင်းများပြုလုပ်ပါက ထောင်ဒဏ် ၅ နှစ် ၊ ၁၀ နှစ် နှင့် တသက်တကျွန်းအထိ ပြစ်ဒဏ်ချမှတ်နိုင်ကြောင်း စစ်အစိုးရက ထုတ်ပြန်ကြေညာ ထားသည်။

ကိုစိုး
REF: ဧရာဝတီ

Read More...

Collapse...

နိုင်ငံရေး အကျဉ်းသားများကို ထောင်အပြောင်းအရွှေ့ ဆက်လက်ပြုလုပ်

စစ်အစိုးရက ဖမ်းဆီးထားသည့် သံဃာ ၂ ပါး အပါအ၀င် နိုင်ငံရေး လှုပ်ရှားသူ ၅ ဦးကို မကြာသေးခင် က ပြစ်ဒဏ်များချမှတ်၍ ယနေ့တွင် အင်းစိန်ထောင်မှ ဝေးလံသည့် နယ်ထောင်များသို့ပြောင်းရွှေ့လိုက် ကြောင်း ထောင်ဝန်ထမ်း အသိုင်းအ၀န်းမှ သိရသည်။

အင်းစိန်ထောင် (ဓာတ်ပုံ - flickr.com/clkr)

၂၀၀၇ ခု စက်တင်ဘာ ရွှေဝါရောင်တော်လှန်ရေးနှင့် ပတ်သက်ပြီး ဖမ်းဆီးထားသော သင်္ဃန်းကျွန်းမြို့ နယ် မဂ္ဂင်ကျောင်းတိုက်မှ ဦကောဝိဒနှင့် ဦးစန္ဒာသီရိတို့ကို ရခိုင်ပြည်နယ် ဘူးသီးတောင် ထောင်သို့ လည်းကောင်း၊ အမျိုးသားဒီမိုကရေစီအဖွဲ့ချုပ်(အန်အယ်လ်ဒီ) လူငယ်အဖွဲ့ဝင် ကိုသိန်းဆွေ နှင့် ဗကသ မှ ကိုစည်သူမောင်တို့ကို စစ်တွေထောင်သို့လည်းကောင်း ပြောင်းရွှေ့လိုက်သည်ဟု အင်းစိန်ထောင် ၀န်ထမ်းတဦးကပြောသည်။

ထို့အပြင်တခြားသော နိုင်ငံရေးလှုပ်ရှားသူ အမျိုးသမီးတဦးဖြစ်သည့် မထားထားသက်ကိုလည်း ပဲခူး ထောင်သို့ ပြောင်းရွှေ့လိုက်သည်ဟု ဆိုသည်။

ယခုအပတ် တနင်္လာနှင့် အင်္ဂါနေ့များတွင်လည်း စစ်အာဏာပိုင်များက ပြစ်ဒဏ်ချခံရသည့် နိုင်ငံရေး လှုပ်ရှားသူ ၃၀ ကျော်ကို အင်းစိန်ထောင်မှ နယ်ထောင်များကို ပြောင်းရွှေ့ခဲ့သည်ဟုလည်း အထက်ပါ ထောင်ဝန်ထမ်းက ပြောဆိုသည်။

တချိန်တည်းတွင်ပင် ထောင်ဒဏ် ၃ နှစ်မှ ၅ နှစ် ကျခံရပြီးသည့် ၈၈ မျိုးဆက်ကျောင်းသားအဖွဲ့မှ ၁၃ ဦး ကိုလည်း ယမန်နေ့နှင့် ယနေ့တွင်ရုံးထုတ်ကြောင်းနှင့် လာမည့်သောကြာနေ့တွင် ထပ်မံ၍ ပြစ်ဒဏ် ချမှတ်နိုင်ဖွယ်ရှိကြောင်း သိရသည်။

ထို့အပြင် ထောင်ဒဏ် ၆ နှစ် ခွဲ ချမှတ်ခံရပြီးသော ဗကသ အဖွဲ့မှ ကျောင်းသားလူငယ် ဒီငြိမ်းလင်း ကို လည်း ပဲခူးတိုင်း ထန်တပင်မြို့နယ် တရားရုံးတွင် ယနေ့ရုံးထုတ်သော်လည်း ထပ်မံ၍ ပြစ်ဒဏ် ချမှတ်မှု မပြုလုပ်သေးကြောင်း ရန်ကုန်မြို့မှ နီးစပ်သူတဦးကပြောသည်။

လေဘေးဒုက္ခသည်များကို ကူညီကယ်ဆယ်ရေး ပြုလုပ်သူများအပါအ၀င် စစ်အစိုးရက ဖမ်းဆီးထားသူ လူ ၄၀ ခန့်ကို ထပ်မံ၍ ပြစ်ဒဏ်များ ချမှတ်နိုင်ဖွယ်ရှိကြောင်းလည်း ထောင်ဝန်ထမ်းအသိုင်းအ၀န်းက ပြောဆိုသည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ၏ ပြောဆိုချက်အရ စစ်အစိုးရက ယခုလအတွင်း နိုင်ငံရေးအမှုလိုက်ရှေ့နေများအပါအ၀င် ထင်ရှားသည့် ကျောင်းသားခေါင်းဆောင်များ၊ စာနယ်ဇင်းသမားများ၊ အနုပညာရှင်များ၊ သံဃာတော်များ စသည့် နိုင်ငံရေးလှုပ်ရှားသူ ၁၄၃ ဦးကို ထောင်ဒဏ်များ ချမှတ်ခဲ့ပြီး နိုင်ငံရေးအကျဉ်းသား ၁၀၀ ကျော်ကို ထောင်ပြောင်းရွှေ့ခဲ့ကြောင်း သိရသည်။

REF: ဧရာဝတီ

Read More...

Collapse...

အညာဒေသတချို့မှာ ကြက်ဆူပင်တွေကို ခုတ်နေကြ

ကြက်ဆူပင်မှာ လောင်စာထုတ်ယူမယ့် မဟာစီမံကိန်းဟာ အခုအခါမှာ ပျက်လုပျက်ခင်ဖြစ်နေကြောင်း ပြည်တွင်း က လာတဲ့သတင်းများအရသိရပါတယ်။ အချို့ဒေသများမှာ စစ်အစိုးအရာရှိကြီးများကို ကြက်ဆူဆီမှာ လောင်စာ ထုတ်ယူပုံကို အဖြစ်သဘောမျိုးပြသခဲ့သော်လည်း တကယ်တမ်းဖြစ်ဖြစ်မြောက်မြောက်ဘာမှ မလုပ်နိုင်ကြသေး ကြောင်း၊ အထက်မြန်မာပြည်ဒေသတချို့မှာတော့ ကြက်ဆူပင်များကို ခုတ်ပြီးဖျက်ဆီးနေကြကြောင်း သတင်းရရှိ ပါတယ်။

အခုလို ကြက်ဆူပင်များကိုခုတ်ပြီး ဖျက်ဆီးနေကြခြင်းဟာ ကြက်ဆူပင်များမှာ နေထိုင်လေ့ရှိတဲ့ မြွေစိမ်းမြီး ခြောက်ကြောင့်ဖြစ်ကြောင်း၊ မြွေစိမ်းမြီးခြောက်ရဲ့ ဦးခေါင်းဟာ တြိဂံပုံရှိပြီး အရည်တပေခန့်ရှိကြောင်း၊ ခန္ဓာကိုယ် အနောက်ဘက်ပိုင်း အမြီးအနီး ၁ လက်မ ကျော်ကျော်ခန့်က မြွေအရေခွံခြောက်လိုဖြစ်နေကြောင်း၊ မြွေစိမ်းမြီး ခြောက်ဟာ ကြက်ဆူပင်မှာ နေထိုင်လေ့ရှိကြောင်း၊ ခန္ဓာကိုယ်အရောင်ဟာ အစိမ်းဖျော့ရောင်ဖြစ်ပြီး လုံးပတ်က လူကြီးလက်မခန့်သာရှိတဲ့အတွက် သစ်ပင်နဲ့ရောနေပြီး သာမာန်အားဖြင့်မတွေ့နိုင်ကြောင်းသိရပါတယ်။

အထက်မြန်မာပြည်ရှိအချို့ဒေသများမှာ ကြက်ဆူပင်မှာနေထိုင်တဲ့ မြွေစိမ်းမြီးခြောက်ကိုက်ပြီး သေဆုံးသူ ၈ ဦးခန့် ရှိနေကြောင်းသိရပါတယ်။ မြွေစိမ်းမြီးခြောက်ဟာ အဆိပ်ပြင်းတဲ့မြွေမျိုးဖြစ်ပြီး ရရှိတဲ့သတင်းများအရ အကိုက်ခံရ သူအားလုံး အသက်ဆုံးရှုံးခဲ့ကြောင်း၊ သက်ဆိုင်ရာဆေးရုံတွေက အဲဒီသတင်းကိုဖုံးကွယ်ထားပြီး ကွယ်လွန်သွား သူတွေရဲ့ မိသားစုများကလည်း သေဆုံးမှုကို ပွင့်ပွင့်လင်းလင်းမပြောရဲကြကြောင်း၊ မိတ်ဆွေများနဲ့ ရပ်ကွက်သူ ရပ်ကွက်သားများကသာ တိုးတိုးတိတ်တိတ် ပြောဆိုနေကြကြောင်းလည်းသိရပါတယ်။

အခုလိုဖြစ်ပွားကြပြီးနောက် ကြက်ဆူပင်များကိုခုတ်ကာ ထင်းမီးအဖြစ်သုံးစွဲသော်လည်း ညှော်နံ့ထက်တဲ့အတွက် သုံးစွဲလို့မရကြောင်း၊ ကြက်ဆူစေ့ကလည်း များများစားစားမထွက်ရှိတဲ့အပြင် ကြက်ဆူပင် စိုက်ပျိုးဖို့ အတင်း အကြပ်ဖိအားပေးခဲ့တဲ့ ဒေသခံစစ်တပ်မိသားစုများကိုယ်တိုင် ကြက်ဆူပင်များကို ခုတ်လှဲနေကြပြီဖြစ်ကြောင်း၊ လောင်စာဆီ စီမံကိန်းအလားအလာမရှိတော့တဲ့အတွက် ဒေသခံစစ်တပ်အကြီးအကဲတွေကိုယ်တိုင် ကြက်ဆူပင် စီမံကိန်းအပေါ် စိတ်ဝင်စားမှုမရှိတော့ကြောင်း သတင်းများရရှိပါတယ်။

အခုအခါမှာ မြွေစိမ်းမြီးခြောက်အန္တရယ်ကိုကြောက်ရွံ့တဲ့ ဒေသဆိုင်ရာ အာဏာပိုင်အဖွဲ့အချို့ကလည်း သူတို့ရုံး အနီးတဝိုက်မှာစိုက်ထားတဲ့ ကြက်ဆူပင်များကို ခုတ်ထွင်ရှင်းလင်းပြီးဖြစ်ကြောင်း၊ ရပ်ကွက်အချို့မှာလည်း ကြက် ဆူပင်များကိုခုတ်ပစ်ကြပြီဖြစ်ကြောင်း၊ ရေရှားပါတဲ့ အထက်မြန်မာပြည်မှာ ကြက်ဆူပင်များကို ရေလောင်းကာ တခုတ်တရစိုတ်းပျိုးခဲ့ကြရပြီးနောက် ကြက်ဆူပင်ပေါ်က မြွေစိမ်းမြီးခြောက်ကြောင့်အသက်ဆုံးရှုံးမှုများဖြစ်ပေါ် လာတဲ့အတွက် ဒေသခံများ ဒေါသထွက်နေကြကြောင်း အထက်မြန်မာပြည်မှာ နေထိုင်သူတဦးက ဘားမား တူဒေးကို ပြောပြပါတယ်။

မိတ်ဆွေတဦးကတော့ အခုအဖြစ်အပျက်နဲ့ပတ်သက်ပြီး ”ပြည်သူတွေရဲ့အချိန်တွေ၊ လုပ်အားတွေကို အလဟ ဿ ကုန်ဆုံးစေတဲ့ အဲဒီလိုစီမံကိန်းတွေက တိုင်းပြည်ရဲ့ အခြေအနေကို ပိုမိုဆိုးရွားအောင်လုပ်တာပဲ။ ကြက်ဆူ ပင်တွေ စ စိုက်ကတည်းက ကျွန်တော်တို့တွေပြောပါတယ်။ ဒါတွေဟာ ဘာမှ အကျိုးမရှိဘူးဆိုတာ။ ခက်တာက အဲဒီလို အကျိုးမရှိတာတွေ လုပ်ပြနေရတာကို တိုင်းပြည်အကျိုးအတွက်လုပ်တယ်လို့ ထင်သူတွေက ထင်နေကြ တော့ ခက်တာပဲဗျ။” လို့ မှတ်ချက်ပြုပါတယ်။

REF: Burmatoday

Read More...

Collapse...

အရေးနိမ့်ခဲ့ရသော မြန်မာ့ အကြမ်းမဖက် တော်လှန်ရေး (အပိုင်း ၁) - နော်မန် ရိုဘက်စ် စပီရီ

ရန်ကုန်နှင့် တခြားမြို့ကြီးများတွင် ဖြစ်ပွားခဲ့သည့် အကြမ်းမဖက် ဆန္ဒပြပွဲများကို မြန်မာစစ်အစိုးရ ဖြိုခွင်းချေမှုန်းခဲ့သည်မှာ တနှစ်လည်ခဲ့ပြီ ဖြစ်သည်။

ဤဆန္ဒပြပွဲများက လူအများ မျှော်လင့်မထားဘဲ ပေါ်ပေါက်လာကြပြီး၊ နိုင်ငံရေးအရ ပြုပြင်ပြောင်းလဲရေးကို တောင်းဆိုခဲ့ကြသည်။

(ဓာတ်ပုံ - မြတ်မိုးမောင်/ဧရာဝတီ)

သံဃာတော်များ ဦးဆောင်သည့် ဆန္ဒပြပွဲများကြောင့် မြန်မာလူထုများ ခံစားနေရသည့်အရေးကို ကမ္ဘာက အချိန် တို အတွင်းမှာပင် အာရုံပြုလာမိစေခဲ့သည်။ အလားတူပင် ဤဆန္ဒပြပွဲများအပြီး ပေါ်ထွက်လာသည့် ရလဒ် ကြောင့် အတိုက်အခံများ ရေရှည်ကြာ အသုံးပြုခဲ့ကြသည့် အကြမ်းမဖက်သော မဟာဗျူဟာက စစ်အစိုးရကို ပြောင်းလဲလာစေရေးအတွက် အလုပ်မဖြစ်နိုင်ကြောင်း သက်သေထင်ရှား ပြသခဲ့သလို၊ မြန်မာစစ်အစိုးရအဖို့ လည်း အကြမ်းဖက်မှုကို အသုံးချလိုက်ခြင်းသည် ၎င်း၏ အားနည်းပျော့ညံ့မှုကို ပြသလိုက်ရာ ရောက်စေခဲ့သည်။

ဤဆန္ဒပြပွဲများသည် စီးပွားရေးအကျပ်အတည်းကြောင့် အလိုအလျောက်ပေါ်ပေါက်လာသည်ဟု အပြင်ပန်းက မြင်ရန် ရှိသော်လည်း၊ အမှန်တွင် ပြည်တွင်းနှင့် ပြည်ပရှိ အတိုက်အခံ အင်အားစုများက စစ်အစိုးရကို အံတုနိုင်ရန် နှစ်ရှည်လများ ပြင်ဆင်ခဲ့သည့် အစီအစဉ်များ၏ ရလဒ်အဖြစ် ပေါ်ထွက်လာချက်ပင် ဖြစ်သည်။ စစ်အစိုးရကို ဆန့်ကျင်နေကြသည့် အတိုက်အခံများကို မြန်မာ့လွတ်လပ်ရေးဗိသုကာတဦးဖြစ်သည့် ဗိုလ်ချုပ်အောင်ဆန်း၏ သမီးဖြစ်သူ ဒေါ်အောင်ဆန်းစုကြည်က ဦးဆောင်နေပြီး သူမက နိုင်ငံရေးပြုပြင်ပြောင်းလဲမှုများ ဖြစ်ပေါ်လာစေရန် အတွက် အကြမ်းမဖက်နည်းနှင့် ဆောင်ရွက်မည်ဟု သံန္နိဌာန်ချမှတ်ထားသူ တဦးလည်း ဖြစ်သည်။ ဤယုံကြည် ချက်ကြောင့်ပင် သူမအပေါ် ကမ္ဘာက လေးစားကြည်ညိုကြရပြီး ငြိမ်းချမ်းရေးနိုဘဲဆု အပ်နှင်းချီးမြှင့်ခံရသူလည်း ဖြစ်သည်။ ဒီမိုကရေစီအရေးတောင်းဆိုသည့် ဆန္ဒပြသူများကို ၁၉၈၈ ခုနှစ်တွင် စစ်သားများက ပစ်ခတ် သတ်ဖြတ်ခဲ့ကြပြီးနောက် ဆယ်စုနှစ် ၂ ခုအကြာ ပြန်ကြည့် လိုက်သောအခါ သူမ ဦးဆောင်သည့် အကြမ်းမဖက် တော်လှန်ရေးတွင်လည်း သိသာထင်ရှားသည့်ရလဒ် ပြစရာမရှိဖြစ်နေရသည်။

ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ် (NLD) က ၁၉၉၀ ပြည့်နှစ် ရွေးကောက်ပွဲ တွင် တောင်ပြိုကမ်းပြို အနိုင်ရရှိခဲ့ပြီး၊ ဤအချက်က အတိုက်အခံများအတွက် နိုင်ငံရေးအရ စိတ်ကြီးဝင် ဂုဏ်ယူ ဖွယ် အချက် ဖြစ်စေခဲ့သည်။ ရွေးကောက်ပွဲရလဒ်အတိုင်း အသိအမှတ်ပြုရန် စစ်အစိုးရကငြင်းဆန်ခဲ့သော်လည်း NLD ပါတီနှင့် အနည်းစုသော အတိုက်အခံ တက်ကြွလှုပ်ရှားသူများအဖို့ ဤရွေးကောက်ပွဲရလဒ်ကြောင့် တရားဝင်မှု ရစေခဲ့သည်။ အတိုက်အခံ အများစုက ယနေ့တိုင် ရွေးကောက်ပွဲရလဒ်ကို အသိအမှတ်ပြုပေးရန် တောင်းဆိုချက်ကို သဲကြီးမဲကြီး ဆက်လက်ဆုပ်ကိုင်ထားဆဲရှိသည်။ သို့သော်လည်း တနှစ်ပြီးတနှစ် ဖြတ်သန်း လာသည်နှင့်အမျှ တရားဝင်မှုကလည်း ပါးလျလာနေခဲ့သည်။ ရွေးကောက်တင်မြှောက်ခံထားရသည့် ကိုယ်စား လှယ်များ၏ ၂၀% က ဤနှစ်များအတွင်း သေဆုံးခဲ့ပြီဖြစ်ပြီး၊ ကျန် ၄၀% မှာ နှုတ်ထွက်ခြင်းရှိသလို၊ ထုတ်ပယ် ခံရခြင်းလည်း ရှိခဲ့သည်။

အတိုက်အခံများဟု ဆိုရာ၌ အမျိုးမျိုးသော နိုင်ငံရေးအဖွဲ့အစည်းများ ပါဝင်ပါသည်။ ၎င်းအဖွဲ့များအနက် ထင်ရှား သည့် ဒေါ်အောင်ဆန်းစုကြည်၏ အစ်ကိုဝမ်းကွဲတော်စပ်သူ ဒေါက်တာစိန်ဝင်းဦးဆောင်သည့် အမျိုးသား ညွန့်ပေါင်းအစိုးရ (NCGUB)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)၊ မြန်မာ နိုင်ငံ ဒီမိုကရေတစ် မဟာမိတ်အဖွဲ့ချုပ် (DAB) ၊ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) (NLD-LA) စသည့် အဖွဲ့များ ပါဝင်ကြပါသည်။

ထို့အပြင် တပ်ပေါင်းစုအဖွဲ့များလည်း ရှိနေကြသေးသည်။ ဥပမာ မြန်မာနိုင်ငံ ဒီမိုကရက်တစ် မဟာမိတ်အဖွဲ့ချုပ် (DAB)၊ ပြည်ထောင်စု မြန်မာနိုင်ငံ အမျိုးသားကောင်စီ (NCUB) စသည့် တပ်ပေါင်းစုများတွင် နိုင်ငံရေးအဖွဲ့မျိုးစုံ နှင့် တိုင်းရင်းသား သူပုန်လက်နက်ကိုင်အဖွဲ့များ ပါဝင်ဖွဲ့စည်းထားကြပါသည်။ ဤအဖွဲ့များက အနောက်နိုင်ငံရှိ အဖွဲ့များဖြစ်ကြသည့် လွတ်လပ်သည့်လူ့ဘောင်အဖွဲ့ (OSI) နှင့် အမျိုးသားဒီမိုကရေစီ ဖွံ့ဖြိုးရေးအဖွဲ့ကြီး (National Endowment for Democracy) စသည်တို့ထံမှ သိသိသာသာ ပံ့ပိုးကူညီမှုများ ရနေကြပါသည်။

ဤအဖွဲ့အများစုက ဒေါ်အောင်ဆန်းစုကြည်၏ ဦးဆောင်မှုကို နာယူကြပြီး နိုင်ငံရေးအပြောင်းအလဲများသည် အကြမ်းမဖက်သည့် နည်းလမ်းဖြင့်သာ ရနိုင်သည်၊ ဤသို့လည်း ရယူရမည်ဟု ယုံကြည်ထားကြသူများ ဖြစ်သည်။ ဤအယူအဆကို နယူးယောက်မြို့နှင့် ဂျီနီဗာ အခြေစိုက် အယ်လ်ဗတ် အိန်းစတိန်း အင်စတီကျု (Albert Einstein Institute) ကလည်း ပို၍ခိုင်မာလာစေရန် တွန်းပို့ပေးခဲ့ပါသည်။ ၁၉၉၄ ခုနှစ်တွင် ၎င်းအဖွဲ့က ပံ့ပိုး ကျင်းပသည့် မြန်မာ့ဒီမိုကရေစီရေးအတွက် နိုင်ငံရေး အန်တုမှုသင်တန်းနှင့် ဆွေးနွေးပွဲများကို မြန်မာဒီမိုကရေစီ အတိုက်အခံအဖွဲ့များအတွင်း လာရောက် ဆွေးနွေးပို့ချခဲ့ကြပြီး သင်တန်းတက်ရောက်သူများတွင် ABSDF, NLD-LA, DAB, NCGUB စသဖြင့် အဖွဲ့အစည်းများမှ ကိုယ်စားလှယ်များ ပါဝင်တက်ရောက်ခဲ့ကြသည်။ ဤသို့အရေးပါ သည့် သင်တန်းများကို လာရောက်ပို့ချခဲ့သူမှာလည်း အဖွဲ့တည်ထောင်သူ ဒေါက်တာ ဂျင်းရှပ် (Gene Sharp) ကိုယ်တိုင်ဖြစ်သည်။

ဒေါက်တာဂျင်းရှပ်ကိုယ်တိုင်ကိုယ်ကျ မြန်မာအတိုက်အခံများနှင့် ဆက်စပ်ပတ်သက်နေမှုကို စစ်အစိုးရ၏ အတွင်း ရေးမှူး - ၁ ဗိုလ်ချုပ်ကြီးခင်ညွန့်က ၁၉၉၇ ခုနှစ်၊ ဇွန်လ သတင်းစာရှင်းလင်းပွဲတွင် နာမည်ဖော်ပြ၍ တိတိကျကျ စွပ်စွဲလာခဲ့သည်။ အကြမ်းဖက်သမားများကို နိုင်ငံရပ်ခြားက ကူညီထောက်ပံ့နေသည်ဟု ပြောဆိုစွပ်စွဲခဲ့သည်။ တကယ်တော့ ပြစ်တင်ရှုံ့ချရမည့်အစား ဗိုလ်ချုပ်ခင်ညွန့်က ဂျင်းရှပ်ကို ဂုဏ်ပြုရန်ပင် သင့်သေးသည်။ အကြောင်း မှာ အကြမ်းမဖက်ရေး အယူအဆကို လာရောက်ဟောပြော မြှင့်တင်ပေးနေသူ ဖြစ်သောကြောင့်ပင်။

အတိုက်အခံအင်အားစုများက အကြမ်းမဖက်နည်းကို ဆုပ်ကိုင်နေကြစဉ်တွင် စစ်အစိုးရအဖို့ အကြောက်တရားကို တဦးတည်း ချုပ်ကိုင်ချယ်လှယ်ခွင့် ရသွားစေခဲ့သည်။ ဤသို့ အကြောက်တရားဖြင့် စိုးမိုး၍ ၎င်း၏ အနေအထား ကို ပိုမိုခိုင်မာစေခဲ့သည်။ မြန်မာလူမျိုးများ၏ ဘ၀ကို နောက်မျိုးဆက်များစွာတိုင် ဖျက်စီးခွင့်ရစေခဲ့ပြီး အချို့သော ဖြစ်ရပ်များတွင် စစ်အစိုးရလက်ချက်ကြောင့် အသက်ဆုံးရှုံးရမှုများလည်း အများအပြား ရှိခဲ့သည်။ ထိုထက်ဆိုရ လျှင် အကြမ်းဖက်မှုကြောင့် ဖြစ်လာမည့်အကျိုးဆက်များကို ပစ်ပယ်ခဲ့သောကြောင့်လည်း စစ်အစိုးရကို ဆွေးနွေး ပွဲစားပွဲခုံပေါ်သို့ ရောက်လာစေရန် တွန်းပို့နိုင်မည့်အင်အားတခုကို လက်လွတ်ဆုံးရှုံးခဲ့ကြရသည်။

ထိုထက်ပိုသည်မှာ အကြမ်းမဖက်မှုကို အလေးပေးမြှင့်တင်ခဲ့ခြင်းကြောင့်လည်း စစ်အစိုးရကို အန်တုမည့် အတိုက်အခံ အင်အားစုများအကြား ညီညွတ်ရေးကို အားလျော့စေခဲ့သည်။ ဗိုလ်ချုပ်ခင်ညွန့်၏ ပရိယာယ်ကြွယ်ဝ မှုအောက်တွင် တိုင်းရင်းသား လက်နက်ကိုင်အင်အားစုအများ လက်နက်ချခဲ့ကြသည်။ သူတို့အဆိုအရ "အလင်း ၀င်" ခဲ့ကြသည်။ အနည်းဆုံး အပစ်အခတ်ရပ်စဲရေး အဆင့်အတန်းကို လက်ခံအောင် စစ်အစိုးရက စွမ်းဆောင် နိုင်ခဲ့သည်။ ဤအဖွဲ့များအတွက် ဗိုလ်ချုပ်ခင်ညွန့်က မက်လုံးအမျိုးမျိုးပေး၍ အသုံးပြုခဲ့သလို၊ တိုင်းရင်းသားအဖွဲ့ ခေါင်းဆောင်များ၏ ပူးပေါင်းဆောင်ရွက်မှုကို ရရှိရန်လည်း စစ်အစိုးရက လုပ်ဆောင်နိုင်ခဲ့သည်။ အကြမ်းမဖက် ရေး နည်းနာကို မြှင့်တင်ခဲ့ခြင်းကြောင့်လည်း ၎င်းအဖွဲ့ခေါင်းဆောင်များအနေနှင့် လာဘ်လာဘများ မျှော်ကိုး လက်ခံရန် ပို၍ အဆင်ပြေစေခဲ့သည်။

စစ်အစိုးရက တိုင်းရင်းသားသူပုန်အဖွဲ့များနှင့် အပစ်အခတ်ရပ်စဲရေး သဘောတူညီမှု ရရှိအောင် စွမ်းဆောင်နိုင်မှု ကြောင့် တဖက်တွင် အတိုက်အခံအင်အားစုများအတွင်း အကွဲအပြဲကို အမြဲခြောက်လှန့်ခံနေခဲ့ကြရသလို၊ အကျိုး စီးပွားအရ မတူကွဲပြား ပဋိပက္ခ ဖြစ်စရာများလည်း ပေါ်ပေါက်လာစေခဲ့သည်။ အမှန်တကယ် အပြောင်းအလဲကို ပေါ်ပေါက်ကောင်း ပေါ်ပေါက်လာစေနိုင်သည့် "ရွှေဝါရောင်တော်လှန်ရေး" ကို တိုင်းရင်းသား လက်နက်ကိုင်အဖွဲ့ များက မပူပေါင်းခဲ့ကြသလို၊ နောက်ပြန်ဆွဲသလို ရှိစေခဲ့သည်။ သူတို့အများက ရွှေဝါရောင်တော်လှန်ရေးကို ထိုင် ၍ စောင့်ကြည့်နေကြသည်။ ဖြစ်နိုင်သည်မှာ အကယ်၍ လက်နက်ကိုင် ပုန်ကန်ထကြွမှုများသာ ပြန်ဖြစ်လာပါက သူတို့၏ သတ္တုတွင်းနှင့် အခြား စီးပွားရေး အကျိုးစီးပွားများ ပျက်စီးဆုတ်ယုတ်ရချည့်ဟု တွေးထင်နေခြင်းလည်း ဖြစ်နိုင်ပါသည်။ နောက်ဆုံးရလဒ်မှာ စစ်အစိုးရက လက်နက်မဲ့ ဆန္ဒပြသူများနှင့် သံဃာများအပေါ် စစ်တပ် အင်အားကို ထင်သလိုသုံး၍ ချေမှုန်းနိုင်ရန် ဖြစ်စေခဲ့တော့သည်။

ကိုယ်ကျိုးစီးပွားများနှင့် လောဘဖြစ်လာစေသည့် မက်လုံးများကြောင့် ထိခိုက်ရသည်မှာ အပစ်အခတ်ရပ်စဲရေး အုပ်စုများနှင့် ငြိမ်းအဖွဲ့များမှသာမဟုတ်။ မြန်မာစစ်တပ်နှင့် ရှေ့တန်းကွင်းထဲတွင် လက်တွေ့တိုက်ပွဲဝင်နေကြသည့် တိုင်းရင်းသားလက်နက်ကိုင် အချို့အပေါ်တွင်ပါ သက်ရောက်မှု ရှိလာစေခဲ့သည်။ ထိုင်းစစ်တပ်၏ အဆင့်မြင့် အရာရှိတဦး၏ အဆိုအရ စစ်အစိုးရက ရတနာ-ရဲတံခွန်ဓါတ်ငွေ့ပိုက်လိုင်းများမှ ဆက်လက်၍ အကျိုးအမြတ် ထုတ်ယူနိုင်ခြင်းမှာ ၎င်းဒေသရှိ သူပုန်တပ်ဖွဲ့များကလည်း စစ်အစိုးရထံမှရော၊ ထိုင်းအာဏာပိုင်များထံမှပါ ငွေကို ယူ၍ တိတ်တဆိတ်ခွင့်ပြုထားသောကြောင့်ဟု ဆိုသည်။ ဤသို့ငွေယူ၍ အများအတွက် ထိခိုက်နစ်နာ အကျိုး ပျက်ဖွယ်ဖြစ်သည့် ဓါတ်ငွေ့ပိုက်လိုင်းကို ခွင့်ပြုထားကြပါသည်။ စစ်အစိုးရအတွက် နိုင်ငံခြားဝင်ငွေ နောက်ထပ်ရရှိ စေမည့် တတိယပိုက်လိုင်းကို ထိုဒေသတွင်ပင် ယခုနှစ် ခြောက်သွေ့ရာသီ၌ ထပ်မံတည်ဆောက်ကြဦးမည်ဟု သတင်းများ ရရှိထားပါသေးသည်။

REF: ဧရာဝတီ

Read More...

Collapse...

ဒေါ်စုကို Club of Madrid အဖွဲ့က ဂုဏ်ထူးဆောင် အဖွဲ့ဝင်အဖြစ် ရွေးချယ်

ဒီမိုကရေစီ တိုးတက်ပြန့်ပွားရေး ရည်ရွယ်ချက်ဖြင့် ကမ္ဘ့ထိပ်တန်း နိုင်ငံခေါင်းဆောင်ဟောင်းများ၊ ပညာရှင်များနှင့် ဖွဲ့စည်းထားသည့် စပိန်နိုင်ငံအခြေစိုက် “Club of Madrid” အဖွဲ့က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဂုဏ်ထူးဆောင် အဖွဲ့ဝင်အဖြစ် ရွေးချယ်လိုက်ကြောင်းသိရသည်။

၎င်းအဖွဲ့၏ ဒါရိုက်တာတဦးဖြစ်သည့် နော်ဝေးနိုင်ငံသမ္မတဟောင်း Kjell Magne Bondevik က “ဒေါ်အောင်ဆန်း စုကြည်ကို ကမ္ဘာက အလေးထားရတဲ့ အကြောင်းကတော့ သူ့နိုင်ငံ သူ့ပြည်သူတွေ လွတ်လပ်ရေးအတွက် ကျနော်တို့ရဲ့ လွတ်လပ်မှုကိုအသုံးပြုပြီး ဆောင်ရွက်ပေးဖို့ စွမ်းဆောင်နေသူ တဦးဖြစ်လို့ပါပဲ” ဟု ပြောသည်။

သူက ဆက်လက်ပြီး “ဒီမိုကရေစီကို ဦးတည်တဲ့ ပထမဆုံးခြေလှမ်းအနေနဲ့ ဒေါ်အောင်ဆန်းစုကြည် အပါအဝင် ဖမ်းဆီးထားသော နိုင်ငံရေးအကျဉ်းသား ၂၀၀၀ ကျော်ကို ခြွင်းချက်မရှိ ချက်ချင်းလွှတ်ပေးဖို့ မြန်မာစစ်အစိုးရကို ထပ်မံ တောင်းဆိုပါတယ်” ဟုလည်း ပြောသည်။

အဆိုပါ “Club of Madrid”ကို ဒီမိုကရေစီ တိုးတက်ပြန်ပွားရေးရည်ရွယ်ချက်ဖြင့် ၂၀၀၁ ခု အောက်တိုဘာလ က စပိန်နိုင်ငံတွင် ပြုလုပ် သော ဒီမိုကရေစီ အသွင်ကူးပြောင်းရေးဆွေးနွေးပွဲမှ စတင်ဖွဲ့စည်းခဲ့ခြင်းဖြစ်သည်။

ယင်းဆွေးနွေးပွဲတွင် အမေရိက၊ ဥရောပ၊ အာဖရိက၊ အာရှ စသည့် နိုင်ငံများမှ နိုင်ငံ့ခေါင်းဆောင် ၃၅ ဦးနှင့် ကမ္ဘာတ၀န်းရှိ ပညာရှင်များ၊ မူဝါဒရေးရာ ကျွမ်းကျင်သူများ ၁၀၀ ကျော် တက်ရောက် ဆွေးနွေးခဲ့ကြကြောင်း သိရသည်။

ယခုနှစ် ဧပြီလအတွင်းကလည်း အမေရိကန်အထက်လွှတ်တော်က အရပ်သားများကို ချီးမြှင့်သည့်ဆုများထဲမှ အမြင့်ဆုံး ရွှေတံဆိပ်ဆု ကို ဒေါ်အောင်ဆန်းဆုကြည်အား ဂုဏ်ပြုချီးမြှင့်ခဲ့သည်။ ၎င်းသည် နိုဘဲလ်ငြိမ်ချမ်းရေးဆု အပါအဝင် နိုင်ငံတကာဆုပေါင်းများစွာကို ရရှိထားသူလည်းဖြစ်သည်။

ဒေါ်အောင်ဆန်းဆုကြည်သည် ၁၉၉၀ ခုနှစ်တွင် နော်ဝေးနိုင်ငံက နိုဘဲလ်ငြိမ်းချမ်းရေးဆုကို လက်ခံရရှိထားသော်လည်း ကမ္ဘာ့ နိုဘဲလ်ငြိမ်းချမ်းရေးဆုရှင်များထဲတွင် တဦးတည်းသော နေအိမ်အကျယ်ချူပ် အကျဉ်းချခံနေရဆဲဖြစ်သည်။

သူသည် ၂၀၀၃ ခုနှစ်မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်ကာ နေအိမ်အကျယ်ချူပ်ဖြင့် ထိန်းသိမ်းခံဘဝဖြင့် ၅ နှစ်ပြည့်ပြီဖြစ်သော်လည်း စစ်အစိုးရက ယခုနှစ်မေလတွင် အကျယ်ချူပ်သက်တမ်း တနှစ် ထပ်မံတိုးခဲ့သည်။ ၁၉၈၉ ခုနှစ်မှစ၍ ယနေ့အထိ နေအိမ်အကျယ်ချူပ် နေရချိန်စုစုပေါင်း ၁၃နှစ်ရှိပြီဖြစ်သည်။

ထို့အတူ ထိုင်းနိုင်ငံအခြေစိုက် အမျိုးသမီးများအဖွဲ့ချုပ် မြန်မာနိုင်ငံ (WLB) ကိုလည်း အမေရိကန်အခြေစိုက် Medeleine K.Albright Grant အဖွဲ့က 2008 Albright Grant ဆုကို ချီးမြှင့်မည်ဖြစ်ကြောင်း သိရသည်။

၎င်းဆုကို ချီးမြှင့်ခြင်းသည် ကမ္ဘာပေါ်ရှိ အမျိူးသမီများ၏ နိုင်ငံရေးအသိစိတ်ကို နိုးကြားမြှင့်တင်သည့်အနေဖြင့် အမျိုးသမီးအဖွဲ့အစည်း များကို ထောက်ပံ့ချီးမြှင့်ခြင်းဖြစ်သည်။

WLB သည် တိုင်းရင်းသားအမျိုးသမီးအဖွဲ့အစည်း ၁၂ ဖွဲ့တို့ဖြင့်ဖွဲ့စည်းထားပြီး ၁၉၉၉ ဒီဇင်ဘာလ ၉ ရက်နေ့တွင် ဖွဲ့စည်းသည့် ပထမဆုံး အမျိုသမီးအဖွဲ့အစည်းဖြစ်သည်။

WLB သည် အမျိုးသမီးများ၏ အရည်အချင်းမြှင့်တင်ခြင်းစသည့် အမျိုးသမီးများ နိုင်ငံရေးတွင် ပါဝင်လုပ်ကိုင်လာစေရန်အတွက် လှုပ်ရှား ဆောင်ရွက်နေသည့် အဖွဲ့အစည်းလည်း ဖြစ်သည်။

အေးလဲ့
REF: ဧရာဝတီ

Read More...

Collapse...

နိုင်ငံခြားသားပိုင်အပ်ချုပ်စက်ရုံ အလုပ်သမားများ ပိုင်ရှင်အရိုက်ခံနေရ

ပြီးခဲ့သည့် သီတင်းပတ်အတွင်းက ရန်ကုန်မြို့ ရွှေပြည်သာစက်မှုဇုန်ရှိ ကိုရီးယားအမျိုးသားပိုင် စက်ချုပ်အလုပ်ရုံမှ စက်ရုံစူပါဗိုက်စာ မြန်မာအမျိုးသမီးတဦး အလုပ်သမားများ အခွင့်အရေး မရသည့်အတွက်ဆိုပြီး နုတ်ထွက်သွားခဲ့ သည်။

ကိုရီးယားအမျိုးသားများဖြစ်သော မစ္စတာလီနှင့် မစ္စတာဝိန်း ဆိုသူတို့ ပိုင်ဆိုင်သည့် အဆိုပါစက်ရုံတွင် အလုပ် လုပ်ကိုင်နေကြသော အလုပ်သမများအနေဖြင့် တလလျှင် အခြေခံလစာ (၃၅,၀၀၀) ကျပ်သာရရှိပြီး တနေ့လျှင် အလုပ်သမတဦးအနေဖြင့် အထည် (၆၀) ပြည့်အောင် ချုပ်ပေးရသည်ဟု အလုပ်မှနုတ်ထွက်ခဲ့သူ စူပါဗိုက်စာ မနီနီမာက ပြောသည်။

ထိုသို့သတ်မှတ်ထားသော ကိုယ်တာကို ပြည့်အောင်မအပ်နိုင်ပါကလည်း ပိုင်ရှင်များက အလုပ်သမများအား ဆူပူ ကြိမ်းမောင်းရိုက်နှက်ကြသည်ဟုလည်း သိရှိရသည်။ ယင်းသို့ ရိုက်နှက်ခံရကြောင်း အမည်မဖော်လိုသည့် အလုပ် သမတဦးက “ကျမတို့ အလုပ်သမတယောက်ကို တနေ့ကို အထည် (၆၀) အပ်ရပါတယ်။ တကယ်လို့ ကျမတို့ မအပ်နိုင်ရင် အနည်းဆုံးတော့ အဆူအဆဲခံရပါတယ်။ တခါတလေမှာဆိုရင် အရိုက်ခံရတာလည်းရှိပါတယ်” ဟု ခေတ်ပြိုင်သို့ ပြောကြားခဲ့သည်။

အဆိုပါကိစ္စနှင့် ပတ်သက်၍ စက်ရုံပိုင်ရှင် မစ္စတာလီအား ခေတ်ပြိုင်က ဆက်သွယ်မေးမြန်းရာ စက်ရုံပိုင်ရှင် အနေဖြင့် တစုံတရာပြန်လည်ဖြေကြားခြင်းမရှိဘဲ ဖုန်းချသွားခဲ့သည်။

စက်ရုံတွင် စုစုပေါင်း အလုပ်သမား (၁,၀၀၀) ကျော်ရှိပြီး အလုပ်သမားများသောက်ရန်အတွက် ရေသန့်ဘူးကြီး (၆၀) ကိုသာ ထားရှိပေးသည့်အတွက်လည်း အလုပ်သမားများအနေဖြင့် သောက်ရေအတွက် အခက်ဖြစ်နေကြရ သည်ဟု နုတ်ထွက်လာသူ စူပါဗိုက်ဇာ မနီနီမာက ပြန်လည်ပြောကြားခဲ့သည်။ အလုပ်ဆင်းချိန်မှာလည်း နံနက် (၉) နာရီမှ ည (၁၀) နာရီအထိဆင်းကြရပြီး နေ့လယ်စာစားချိန်အဖြစ် မိနစ် (၃၀) သာ နားချိန်ပေးသည်ဟုဆို သည်။

မနီနီမာက လုပ်ငန်းခွင့်အခြေအနေများကို ဆက်လက်ရှင်းပြရာ “ကျမတို့ အလုပ်သမတွေ အနေနဲ့ အလုပ်ခွင်မှာ ထိခိုက်ဒဏ်ရာရခဲ့ရင်လည်း တရုတ်နီ လိမ်းဆေးသာပေးပြီး မည်သည့် ဆေးကုသခွင့်ကိုမျှမရရှိကြောင်း၊ စက်ရုံ တွင် သောက်သုံးရေ မလုံလောက်လို့ အိမ်ကနေ ရေဘူးထည့်လာရင်လည်း ထည့်လာခွင့်မရှိဘူး။ တကယ်လို့ ထည့်လာရင်လည်း ဒဏ်ငွေ (၅,၀၀၀) ကျပ်ကို ဖြတ်တာခံရပါတယ်။ အခြားသော နာမကျန်းကိစ္စနဲ့ အလုပ်ပျက် ရင်လည်း တရက်ပျက်ခ ဒဏ်ငွေ (၅,၀၀၀) ကျပ်ကို ပေးဆောင်ရပါတယ်။ အဆိုးဆုံးကတော့ ကျမတို့ဟာ မြန်မာ အမျိုးသမီးတွေဖြစ်တာကြောင့် အလုပ်ကိုသွားတဲ့အခါ ပါးမှာ သနပ်ခါးကို လိမ်းသွားကြပါတယ်။ ဒါဟာလည်း မြန်မာ့ယဉ်ကျေးမှုတခုပါ။ ဒါပေမယ့် အလုပ်ကိုရောက်တဲ့ အခါမှာတော့ သနပ်ခါးလိမ်းလာတဲ့ အလုပ်သမကို ပိုင်ရှင်များက ခေါ်ပြီး ဆီချေးတွေပေနေတဲ့ အ၀တ်ကို ရေစွတ်ပြီး အတင်းဆွဲဖျက်တာကို ခံကြရပါတယ်။ ကျမတို့ လုပ်ခဲ့တဲ့ အဲဒီ (UVI) အထည်ချုပ်စက်ရုံမှာ အလုပ်သမားအခွင့်အရေးဆိုလို့ ဘာတခုမှ မရခဲ့ပါဘူး။ ကျမလို စူပါ ဗိုက်ဇာတယောက်တောင် ဒီလိုအဖြစ်တွေနဲ့ ကြုံခဲ့ရတယ်။ ဒါကြောင့်မို့လို့လည်း ကျမနုတ်ထွက်ခဲ့တာပါ” ဟု ပြော သည်။

မြန်မာနိုင်ငံတွင်း လာရောက်လုပ်ကိုင်နေကြသော နိုင်ငံခြားသားပိုင် စက်ရုံများအနေဖြင့် မြန်မာအလုပ်သမားများ အပေါ်တွင် ယခုကဲ့သို့ ဆက်ဆံရေးများ ထားရှိနေသော်လည်း အလုပ်သမားများအနေဖြင့် သူတို့ကို ကူညီနိုင်စရာ နေရာ၊ ကူညီမည့်သူမရှိ ဖြစ်နေကြောင်းလည်း သိရှိရသည်။

မြင့်မိုးဇော်
REF: ခေတ်ပြိုင်

Read More...

Collapse...

သံဃာတော်များကို စစ်အစိုးရ ဖြိုခွဲရန်ကြံစည်

နိုင်ငံတော်သံဃမဟာနယက (မဟန) အဖွဲ့ (၄၇) ပါးစုံညီအစည်းအဝေးကို နိုဝင်ဘာ (၂၂-၂၃) ရက်နေ့တို့တွင် ကျင်းပခဲ့ရာ ယင်းအစည်းအဝေးသည် နအဖက မဟနကို လက်ကိုင်တုတ်ပြုကာ သံဃာတော်အင်အားကို ဖြိုခွဲရန် ကြံစည်ခြင်းသာဖြစ်ကြောင်း ရန်ကုန်မြို့ရှိ ပရိယတ္တိစာသင်တုိက်ကြီးတခုမှ ဆရာတော်တပါးက မိန့်ဆိုသည်။

ဆရာတော်က “မြန်မာနိုင်ငံမှာ သံဃာအင်အားက (၅) သိန်းကျာ်ရှိနေပြီး စစ်သားဦးရေနဲ့ အပြိုင်ဖြစ်နေတော့ နအဖက သံဃာဦးရေကို လျော့ချဖို့ ကြံစည်နေတယ်။ စက်တင်ဘာအရေးအခင်းအပြီးမှာ ဒီကိစ္စကို ကိုင်တွယ်ဖို့ ကြိုးစားလာကြတာ ဖြစ်မယ်။ ဒါ့ကြောင့် သံဃာတွေအနေနဲ့ကလည်း ဒီကိစ္စကို သတိထားကြရတော့မယ်” ဟု မိန့်တော်မူသည်။

ယင်းအစည်းအဝေးတွင် သာသနာရေးဝန်ကြီး ဗိုလ်မှူးချုပ် သူရမြင့်မောင်က ထေရ၀ါဒ ဗုဒ္ဓသာသနာတော်နှင့် မညီသော ရေးသားခြင်း၊ ဟောပြောခြင်း၊ ပြသခြင်း၊ ပြုလုပ်ခြင်းများကို အရေးယူတားဆီးကာကွယ်ရန် ဆောင် ရွက်ခွင့်ရှိဟု လျှောက်ထားခဲ့ပြီး (၅) သိန်းကျော်မျှသော သံဃာထုကြီးကိုလည်း ဘုရားဥပဒေ၊ နိုင်ငံတော်ဥပဒေ၊ အဖွဲ့အစည်းဥပဒေ၊ လူမှုဥပဒေများနှင့် အညီအညွတ်ဖြစ်အောင် ထိန်းသိမ်းစောင့်ရှောက်ပေးရပါသည်ဘုရားဟု လည်း ထည့်သွင်းလျှောက်ထားခဲ့သည်။

“သံဃာ့အထက်မှာ ဘုရားဥပဒေပဲရှိတယ်။ ဘုရားရှင်ပညတ်ထားတဲ့ ၀ိနည်း သိက္ခာပုဒ်တွေပဲရှိတယ်။ ၀ိနည်း သိက္ခာပုဒ် မစောင့်ထိန်းတဲ့ ပုဂ္ဂိုလ်သာ သံဃာအဖြစ်က လျော့ကျပြီး တခြားသော ဥပဒေဘောင်တွေအောက် ရောက်ရှိသွားမယ်။ သံဃာ့အပေါ်မှာ နိုင်ငံတော်ဥပဒေ၊ လူမှုဥပဒေဆိုတာတွေနဲ့ ထိန်သိမ်းပေးရတယ်ဆိုတာ အဓိပ္ပာယ်ကို မရှိဘူး။ ၀ိနည်းသိက္ခာပုဒ်ကို စောင့်ထိန်းနေသမျှ၊ ပါရာဇိက မကျသမျှ သံဃာဟာသံဃာပါပဲ။ ဒီလို သံဃာတွေကို ဖမ်းဆီးနှိပ်စက် ညှဉ်းပန်းတာဟာ သံဃာကို ဖမ်းဆီးနှိပ်စက် ညှဉ်းပန်းတာပဲဖြစ်တယ်” ဟု ဆရာ တော်က ဆက်လက်မိန့်ဆိုသည်။

အခြားဆရာတော်တပါးကလည်း “သူတို့က ကြီးသောအမှုငယ်စေ၊ ငယ်သောအမှု ပပျောက်အောင် ဆောင်ရွက် ပေးနေတယ်လို့လည်း ဆိုထားတယ်။ ဒါဆိုရင် ပခုက္ကူ သံဃာတော်တွေ ကိစ္စမှာ ဘာဖြစ်လို့ မတောင်းပန်ခဲ့တာ လဲ။ တောင်းပန်လိုက်ရင် ပျောက်ပျယ်သွားမယ့်ကိစ္စကို ဘာဖြစ်လို့ မလုပ်ခဲ့တာလဲ။ မဟန ကရော ဘာဖြစ်လို့ မတိုက်တွန်းခဲ့တာလဲ” ဟု မေးခွန်းထုတ်တော်မူသည်။

အဆိုပါအစည်းအဝေးတွင် မဟန ဥက္ကဋ္ဌ မကွေးဆရာတော် ဘဒ္ဒန္တကုမာရက သာရဏီယသြ၀ါဒကထာ မြွက်ကြား ရာ အချို့ ရဟန်းများကလည်း ထေရ၀ါဒ ဗုဒ္ဓသာသနာမှေးမိန်ကွယ်ပျောက်၍ မဟာယန သာသနာ ဖြစ်ပေါ် အောင် လုပ်ဆောင်နေကြသည်ကိုလည်း ကြားသိနေရပါသည်ဘုရား။ ထိုအဓမ္မ၀ါဒကို ပြန်လည်ဟောပြောနေမှု၊ အဓမ္မ၀ါဒ စာအုပ်စာတမ်းများကို မိတ္တူကူး၍ ဖြန့်ချိနေမှု စသည်တို့ကို သက်ဆိုင်ရာမှ စုံစမ်းစိစစ်၍ ဖော်ထုတ် အရေးယူသင့်ပြီဖြစ်ကြောင်းကိုလည်း လျှောက်ထားအပ်ပါသည်ဘုရား ဟူ၍ ထည့်သွင်းပြောဆိုခဲ့မှုအပေါ် “ဒီကိစ္စ က သံဃာတော်တွေကုိ သူတို့မကျေနပ်ရင် မကျေနပ်သလို အရေးယူဖို့ ကြိုတင်လမ်းကြောင်းထားတဲ့ သဘောပဲ။ အတိုက်အခံလုပ်တဲ့ သူတွေကို ဗုံးခွဲမှုနဲ့ ပတ်သက်တယ် ဘာညာဆိုပြီး စွပ်စွဲသလိုပေါ့။ သံဃာတွေကိုလည်း စွပ်စွဲပြီး ဒကာ၊ ဒကာမတွေ ထင်ရောင်မြင်မှားဖြစ်အောင် လုပ်လို့ရအောင် ကြိုတင်လမ်းကြောင်းထားတာမျိုးပဲ။ စာအုပ်စာတမ်းတွေဆိုလည်း ဘယ်စာအုပ်တွေဖြစ်တယ်ဆိုတာ အတိအလင်း မဖော်ပြသေးဘဲ အဆုတ်၊ အတက် လုပ်လို့ရအောင် ချန်လှပ်ထားသေးတယ်” ဟု သံဃာတော်တပါးက သုံးသပ်ပြောဆိုသည်။

“နောက်ပြီး သူတို့က ပြည်တွင်းသံဃာတွေ သံဃာ့ဥသျှောင်အဖွဲ့နဲ့ ဆက်သွယ်နေတာတွေက်ိုလည်း မကြိုက်ဘူး။ နိုင်ငံမှာ မဟန တဖွဲ့တည်းရှိတယ်။ မဟနနောက်ကိုပဲ လိုက်ရမယ်ဆိုတဲ့ သဘောမျိုးပဲ။ ဒါပေမယ့် မဟန ကိုယ်တိုင်က နအဖ အလိုကျ လိုက်လုပ်နေရတယ်။ ဒီလျှောက်ထားချက်တွေ၊ သြ၀ါဒကထာတွေဆိုတာလည်း နအဖ ရေးထားသမျှ ဖတ်ပြနေကြရတာပါ။ အများဆုံးရေးတာက အကြံပေးပုဂ္ဂိုလ်ဆိုတဲ့ အံ့မောင်ပဲ။ သူက သန်းရွှေရဲ့ အကြံပေးလည်းဖြစ်တယ်” ဟု ဆက်လက်မိန့်ဆိုသည်။

နအဖ အနေဖြင့် ၂၀၀၇ စက်တင်ဘာ ပတ္တနိက္ကုဇ္ဇန ကံဆောင်ပွဲအပြီး သံဃာတော်များအပေါ် သဘောထား တင်းမာမှုများရှိပြီး ၎င်းတို့ သတင်းစာများတွင် သံဃာတော်များနှင့် စပ်လျဉ်းသော သတင်းများ၊ ဓာတ်ပုံများကို ထည့်သွင်းခွင့် မပြုတော့ကြောင်း၊ ယခု ၎င်းတို့ လက်ကိုင်တုတ်ပြုမည့် မဟန အစည်းအဝေး ဓာတ်ပုံများကိုပင် ယခင်နှစ်များကကဲ့သို့ သံဃာတော်များ၏ပုံကို ထင်ရှားစွာ မဖော်ပြတော့ကြောင်း သံဃာတော်များက ထောက်ပြ မိန့်ဆိုသည်။

ထေရ၀ါဒနှင့် မညီသော ဆောင်ရွက်မှုများကို အရေးယူသွားမည်ဆိုသော သာသနာရေးဝန်ကြီးသည် ဆဌမ အကြိမ် မဟန အစည်းအဝေးဖွင့်ပွဲအပြီးတွင် ယင်းနေ့မှာပင် ကျင်းပသော ၂၀၀၈-၂၀၀၉ ဟာဂျီလောင်းများ ဂုဏ်ပြုပွဲနှင့် ဒီပါဝလီ ညစာစားပွဲများသို့ တက်ရောက်ခဲ့ပြီး နေ့စဉ်ထုတ်သတင်းစာများကလည်း ယင်းသတင်းနှင့် ဓာတ်ပုံများအား သတင်းစာမျက်နှာထိပ်ပိုင်းက ဖော်ပြပေးခဲ့ကြသည်။

မင်းနိုင်သူ
REF: ခေတ်ပြိုင်

Read More...

Collapse...

အမိန့်မချခင် (၁၀) မိနစ်အလို၌ ရေးသားထားသော ဇေယျာသော် နှိုးဆော် ချက်,,,

REF: ကိုထိုက်

Read More...

Collapse...