August 23, 2012
ထွန်းထွန်း
ရာမန်ဒန် ဥပုသ်လ အပြီး အိဒ် ပွဲတော်အတွင်း ဘင်္ဂလာဒေခ်ျ့နိုင်ငံတွင် ယာဉ်တိုက်မူကြောင့် လူပေါင်း ၄၂ ဦး သေဆုံးပြီး ၁၈၀ ဒဏ်ရာ ရရှိခဲ့ကြောင်း သိရသည်။
သြဂတ်စ်လ ၂၀ နေ့က ပီးဆုံးခဲ့သော တစ်လကြာ ရာမန်ဒန် ဥပုသ်လ ပြီးဆုံး ပြီးနောက် မူဆလင် ဘာသာဝင် တို့၏ ထုံးတန်း စဉ်လာအရ တရွာနှင့်တရွာ တမြို့နှင့်တမြို့ အလည်အပတ် သွားကြရာတွင် ၅ ရက်အတွင်း ယာဉ်မတော်တဆ တိုက်မူကြောင့် သေဆုံးခဲ့ကြခြင်း ဖြစ်သည်။
အဆိုပါ မတော်တဆမူများမှာ ဘင်္ဂလားဒေ့ခ်ျ နိုင်ငံအတွင်း မြို့နယ် ၁၃ ခုတွင် ဖြစ်ပွားခဲ့သည်ဟု ဆိုသည်။
ဘတ်စကား တိမ်းမှောက်၍ သေဆုံးသူများရှိသလို ကားများ တစ်စီးနှင့် တစ်စီး ခေါင်းချင်းဆိုင် တိုက်ရာမှ သေဆုံးမူများလည်း ရှိကြောင်း၊ ဆိုင်ကယ်နှင့်ကားတိုက်ရာမှလည်း သေဆုံးခဲ့သူများ ရှိကြောင်း ဘင်္ဂလာဒေခ်ျ့ ထုတ် သတင်းစာများက ဆိုသည်။
သန်းနှင့် ချီသော ဘင်္ဂလာဒေခ်ျ့ ပြည်သူများမှာ ရမန်ဒန် ကာလ အပြီး အိဒ် ပွဲတော်အတွင်း ပါဝင် ဆင်နွဲနေကြပြီး ဒက္ကားမြို့ တော်တွင်လည်း နယ်မှ အလုပ်လာလုပ်သူများ မိမိနေရပ်သို့ ပြန်သွားကြသဖြင့် ကားအသွား အလာ ရှင်းကာ တိတ်ဆိတ်ငြိမ် သက်နေကြောင်း သိရသည်။
အစိုးရရုံးများကို ယမန်နေ့ကတည်းက ပြန်လည် ဖွင့်လှစ်ခဲ့သော အများစု ၀န်ထမ်းများမှာ အိဒ်ပွဲတော်တွင် ပါဝင် ဆင်နွဲနေကြ သဖြင့် ရုံးများမှာ ပြန်လည် လည်ပတ်နိုင်ခြင်း မရှိသေးကြောင်း သိရသည်။
Ref: နိရဉ္စရာ
Read More...
Collapse...
August 23, 2012
သြဂတ်စ်လ ၁၉ ရက်နေ့က ရန်ကုန်မြို့ စမ်းချောင်း ရှင်စောပုလမ်းတွင် ပြုလုပ်ခဲ့သော ရခိုင်အမျိုးသားများ ဆန္ဒဖေါ်ထုတ်ပွဲနှင့် ပတ် သက်ပြီး မှားယွင်းစွာ ရေးသားဖေါ်ပြခဲ့သော မဇ္ဈိမ သတင်းဌာန အနေဖြင့် ယခုအခါ အဆိုပါ သတင်းကို အမှန်ပြင်ရေး လိုက်ပြီ ဖြစ်ကြောင်း သတင်း ရရှိသည်။
အင်္ဂလိပ်ပိုင်း ၀က်ဆိုက်စ် စာမျက်နာတွင် Anti Rohingya demonstration Held in Rangoon (ရိုဟင်ဂျာများကို ဆန့်ကျင် ဆန္ဒပြ) ဟု ခေါင်းစည်းတွင် အစပိုင်းတွင် ရေးသား ဖေါ်ပြခဲ့သော်လည်း နောက်ပိုင်းတွင် Arakanese demonstrate against UN, INGOs ရခိုင်အမျိုးသားများက ယူအန်နှင့် အိုင်အန်ဂျီအိုများကို ကန့်ကွက် ဆန္ဒပြ ဟု ရေးသား ဖေါ်ပြခဲ့သည်။
စာသားတွင်လည်း ရခိုင် ၅၀ ခန့်က ရိုဟင်ဂျာများကို ယူအန်နှင့် အိုင်အန်ဂျီအိုများက အကူအညီ ပေးနေမူများကို ရပ်တန့်ရန် ဆန္ဒပြတောင်းဆိုခဲ့သည် အစား ရခိုင်အမျိုးသား ၁၀၀ ခန့်က ခွဲခြား ဆက်ဆံမူများ မပြုလုပ်ရန် ယူအန်နှင့် အိုင်အန်ဂျီအိုများ ဆန္ဒပြတောင်းဆိုဟု ပြန်လည် ပြင်ဆင် ရေးသားခဲ့သည်။
ယခုကဲ့သို့ ပြင်ဆင်ရေးသားပေးမူနှင့် ပတ်သက်ပြီး ဦးဆောင်လူပ်ရှားသူ ကိုစည်သူ၏ သဘောထားကို သိရှိနိုင်ရန် အကြိမ်ကြိမ် ဖုံးဆက်ခဲ့သော်လည်း ဖုံးပိတ်ထားသဖြင့် အဆက်အသွယ် မရရှိခဲ့ပါ။
ယနေ့ နိရဉ္စရာမှ လက်ခံ ရရှိသော စာတစ်စောင်တွင် သံဃာတပ်ပေါင်းစုအဖွဲ့ (ရန်ကုန်တိုင်းဒေသကြီး)မှ အဆိုပါ အမှားများ ရေးသား ဖေါ်ပြမူနှင့် ပတ်သက်ပြီး မဇ္ဈိမ တာဝန်ရှိသူများ အနေဖြင့် တောင်းပန်ရန်နှင့် မတောင်းပန်ပါက သံဃာတော်များ၏ သပိတ်မှောက်မူကို ခံရလိမ့်မည် ဖြစ်ကြောင်း ဖေါ်ပြထားသည်။
၎င်းပြင် စာထဲတွင် သတင်းဌာနများ အနေဖြင့် ရိုဟင်ဂျာအသုံး အနုန်းကို မသုံးဖိုအတွက် ပန်ကြား အပ်ကြောင်းနှင့် နိုင်ငံတော် သမ္မတ သုံးခဲ့သည့် အသုံးအနူန်း ဘင်္ဂလီများဟုသာ သုံး သင့်ကြောင်း ဖေါ်ပြထားသည်။
Ref: နိရဉ္စရာ
Read More...
Collapse...
23.08.2012
နိုင်ငံတကာက ထောက်ပံ့ကူညီရေးအဖွဲ့တွေအပေါ် ဘင်္ဂလားဒေ့ရှ် အစိုးရက တားမြစ်ကန့်သတ်မှုတွေ လုပ်နေတာဟာ မြန်မာနိုင်ငံ ဖက်က ထွက်ပြေးလာတဲ့ ရိုဟင်ဂျာတွေရဲ့ အခြေခံလိုအပ်မှု အခြေ အနေတွေ ပိုဆိုးစေတယ်လို့ လူ့အခွင့်အရေးလေ့လာ မှတ်တမ်း တင်နေတဲ့ Human Rights Watch အဖွဲ့က ပြောလိုက်ပါတယ်။
နယ်စပ်ကနေ ရိုဟင်ဂျာတွေ ထပ်မံဝင်ရောက်လာဖို့ အားပေးရာရောက်တဲ့အတွက် ကူညီထောက် ပံ့မှုတွေ ပေးနေတဲ့ ပရဟိတ အဖွဲ့ သုံးခုကို အကူအညီပေးတာရပ်ဖို့ ဘင်္ဂလားဒေ့ရ်ှအစိုးရက ပြီးခဲ့တဲ့ သီတင်းပတ်က အမိန့်ထုတ်ခဲ့တာ ဖြစ်ပါတယ်။
နယ်စည်းမခြား ဆရာဝန်များအဖွဲ့၊ ငတ်မွတ်မှုတိုက်ဖျက်ရေး Action Against Hunger အဖွဲ့နဲ့ Muslim Aid အဖွဲ့တို့က ဘင်္ဂလားဒေ့ရ်ှနိုင်ငံ၊ Cox's Bazaar မှာရှိနေတဲ့ ရိုဟင်ဂျာ ဒုက္ခသည်တွေ အတွက် သောက်သုံးရေ၊ ကျန်းမာရေးစောင့် ရှောက်မှု၊ မိလ္လာသန့်ရှင်းမှုတို့အပြင် တခြား အခြေခံ လိုအပ်တဲ့ အကူအညီတွေပေးနေတာဖြစ်ပါတယ်။
ဘင်္ဂလားဒေ့ရ်ှအစိုးရဟာ ခန့်မှန်းခြေ နှစ်သိန်းလောက် ရှိနေတဲ့ ရိုဟင်ဂျာ ဒုက္ခသည်တွေရဲ့ အခြေအနေကို အင်မတန် ဆိုးဝါး အောင် လုပ်နေတယ်လို့ Human Rights Watch အဖွဲ့က ဒီနေ့ ကြာသပတေးနေ့မှာ ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။
Ref: ဗွီအိုအေ
Read More...
Collapse...
ကိုဇော်ဝင်းလှိုင်
23.08.2012
လွှတ်တော်ကော်မရှင်တွေနဲ့ အဖွဲ့တွေဟာ ပြည်ထောင်စုအဆင့်မဟုတ်ကြောင်း နိုင်ငံတော်ဖွဲ့စည်းပုံ အခြေခံဥပဒေ ခုံရုံးရဲ့ ဆုံးဖြတ် ချက်ဟာ တည်ဆဲ ဥပဒေတွေကို ဆန့်ကျင်တဲ့လုပ်ရပ်ဖြစ်ကြောင်း အခြေခံဥပဒေခုံရုံးက ပြန်လည်ကြေညာပေးရေးအဆိုကို ပြည် ထောင် စုလွှတ်တော်မှာ ဆွေးနွေးဖို့ ကြာသတေးနေ့မှာ မဲခွဲ အတည်ပြုလိုက်ပါတယ်။
ဒီအဆိုကိုတော့ ပျော်ဘွယ်မဲဆန္ဒနယ်မြေက ပြည်သူ့လွှတ်တော်အမတ် ဦးမြင့်စိုးက ကြားဖြတ် အရေးပေါ်အဆိုအဖြစ်နဲ့ တင်သွင်းပြီး ပြည်ထောင်စုလွှတ်တော်မှာ မဲခွဲ ဆုံးဖြတ်လိုက်ကြတာပါ။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
လွှတ်တော်ကော်မရှင်တွေဟာ နိုင်ငံတော်အဆင့် ဟုတ်မဟုတ်ဆိုတဲ့ အယူအဆနဲ့ပတ်သက်လို့ လွှတ်တော်နဲ့ နိုင်ငံတော် ဖွဲ့စည်းပုံ အခြေခံဥပဒေ ခုံရုံးတို့အကြား အပြန်အလှန် ငြင်းခုန် မှုတွေ ဖြစ်ပေါ်နေတာမှာ ခုံရုံးရဲ့ ဆုံးဖြတ်ချက်ဟာ တည်ဆဲဥပဒေတွေကို ချိုးဖောက်တဲ့ ဆုံးဖြတ် ချက်ဖြစ်ကြောင်း တရားဝင် ထုတ်ပြန်ကြေညာပေးရေး အဆိုကို ဆွေးနွေးကြဖို့ ပြည်ထောင် စုလွှတ်တော် မှာ အများစုရဲ့ မဲဆန္ဒနဲ့ အတည်ပြုလိုက်ကြပါတယ်။
လွှတ်တော်အတွင်း ကြာသပတေးနေ့က မဲခွဲ ဆုံးဖြတ်ခဲ့တဲ့ အခြေအနေတွေကိုတော့ ကျောက်မဲမြို့ မဲဆန္ဒနယ်မြေ ကိုယ်စားပြု SNDP ရှမ်းတိုင်းရင်း သားများ ဒီမိုကရက်တစ်ပါတီက ပြည်သူ့ လွှတ်တော် အမတ်ဦးရဲထွန်းက ပြောပြပါတယ်။
“အဆိုတင်လိုက်တယ်ဆိုတာ ပထမဆုံး အရေးတကြီးအဆိုဖြစ်တဲ့အတွက်ကြောင့် လက်ခံ ဆွေးနွေး မလား၊ မဆွေးနွေးဘူး လား ဆိုတာကို လွှတ်တော်ရဲ့ အဆုံးအဖြတ်ကို ခံယူတဲ့အနေနဲ့ မဲခွဲတာ။ မဲခွဲတော့ သုံးပုံတစ်ပုံ ရလို့ရှိရင် ဒါကို လက်ခံပြီး ဆွေးနွေး ရမယ်၊ အခုရတဲ့မဲက အများကြီး ရတယ် ဆိုတဲ့ အခါကျတော့ ဒါကို လက်ခံဆွေးနွေးဖို့ လွှတ်တော်က ဆုံးဖြတ်လိုက်ပါပြီဆိုပြီး တော့ လွှတ်တော် နာယက-က ကြေညာလိုက်ပြီးတော့ ဆွေးနွေးချင်တဲ့သူတွေ စာရင်း လာပေးနိုင်ပါတယ်၊ တနင်္လာနေ့အထိပေါ့ အဲဒီလို သူက Target Date ပေးလိုက်တယ်။”
တနည်းအားဖြင့်တော့ ဖွဲ့စည်းပုံ အခြေခံဥပဒေ ခုံရုံးအနေနဲ့ သူတို့ရဲ့ လုပ်ဆောင်ချက်နဲ့ပတ်သက်လို့ မှားယွင်းကြောင်း ၀န်ခံပြော ဆိုဖို့ လွှတ်တော်ဘက်ကနေ နောက်ထပ် အခွင့်အရေးတခု ထပ်ပေး လိုက်တာပဲလို့ ဦးရဲထွန်းက ပြောပါတယ်။
“အရေးကြီးတာကတော့ တစ်ချက်ပဲ၊ သူတို့ ဆုံးဖြတ်ခဲ့တာ မှားယွင်းပါတယ်၊ လုပ်ထုံးလုပ်နည်း အရပဲ ဖြစ်စေပေါ့လေ- မှားယွင်း ပါတယ်လို့ ဝန်ခံလိုက်လို့ရှိရင် ဒီပြဿနာဟာ အေးအေးဆေးဆေးနဲ့ ပြီးသွားမှာပါ။”
ကြာသပတေးနေ့က လွှတ်တော်အတွင်း အဆိုတင်သွင်းခဲ့တဲ့သူကတော့ ပျော်ဘွယ် မဲဆန္ဒ နယ်မြေကိုယ်စားပြု ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ပြည်သူ့လွှတ်တော်အမတ် ဦးမြင့်စိုး ဖြစ်ပါတယ်။
ဒီအဆိုကို ဆွေးနွေးပြီးတဲ့အချိန်ထိ ဖွဲ့စည်းပုံ အခြေခံဥပဒေခံရုံးက အမှား ပြင်ဆင်ချက် မထုတ်ပြန်တော့မှသာ လွှတ်တော်ဘက်က Impeachment လို့ခေါ်တဲ့ စွပ်စွဲ ပြစ်တင်ခြင်းကဏ္ဍကို လုပ်ဆောင်မှာဖြစ်တယ်လို့ ဦးရဲထွန်းက ပြောပါတယ်။
“ဆွေးနွေးဖို့အတွက် တနင်္လာနေ့ရဲ့နောက်ပိုင်းမှာ သူတို့ သတ်မှတ်လိမ့်မယ်။ သတ်မှတ်ပြီးတဲ့အခါ အပြန်အလှန်ဆွေးနွေး၊ ဆွေးနွေး ပြီးတဲ့အခါ မဲပြန်ခွဲမှာ။ အဲဒီ မဲခွဲတဲ့နေ့ကျတော့မှ ဒီ အဆို ကို ထောက်ခံတာလား၊ ကန့်ကွက်တာလားဆိုတာ ဆုံးဖြတ်မှာ။ အဲဒီ အဆိုကို ထောက်ခံ၊ ကန့်ကွက် ကြတော့ ရိုးရိုး အသာမဲနဲ့ပဲ ဆုံးဖြတ်မှာဖြစ်တယ်။ ကြားနေတဲ့လူလည်းရှိမယ်၊ ကန့်ကွက်တဲ့လူ လည်း ရှိမယ်၊ အဲဒီမှာ ရိုးရိုးအသာမဲနဲ့ နိုင်သွားတယ် ဆိုရင် ဒီအဆိုဟာ လွှတ်တော်ရဲ့အဆို ဖြစ်သွားပြီးတော့ လွှတ်တော် ကနေ ပြီးတော့ ဒီအဆိုကို သက်ဆိုင်ရာခုံရုံးကို လှမ်းပြီးတော့ အကြောင်းကြားရမယ်။ အကြောင်းကြားတဲ့အခါကျတော့မှ ခုံရုံးကနေ ရပြီး တော့ လွှတ်တော်ရဲ့ အဆိုပြုချက်ကို သူတို့ လက်ခံတယ်ဆိုရင် သူတို့ မှားပါတယ်ဆိုတာကို ဝန်ခံကြေညာချက် ထုတ်လိုက်လို့ရှိရင် ဒီကိစ္စ ဟာ ယေဘုယျအားဖြင့် ချောမွေ့သွားပြီလို့ ပြောနိုင်တယ်။ အဲဒီတော့ ဒီ ခုံရုံးအဖွဲ့ဝင်တွေက မာန်မချဘူးဆိုရင်တော့ သူတို့ လုပ်တာ မှန်တယ်၊ မမှားဘူးဆိုပြီးတော့ ဆက်ပြီးတော့ တင်းခံနေမယ်ဆိုရင်တော့ လွှတ်တော်ကနေပြီးတော့ သူတို့ကို စွပ်စွဲပြစ် တင်တဲ့လုပ်ငန်းကို ဆက်လုပ်ဖို့ အလားအလာ များတယ်။”
ဒီအဆိုကိုတော့ ပြည်ထောင်စုလွှတ်တော်အတွင်း ကြာသပတေးနေ့က မဲပေးခွင့်ရှိသူ လွှတ်တော်အမတ် ၆၂၂ ဦးကနေ ထောက် ခံမဲ ၄၅၂ မဲ၊ ကန့်ကွက်မဲ ၁၅၃ မဲ၊ ကြားနေမဲ ဆယ်မဲနဲ့ အတည်ပြုလိုက်ကြတာပါ။
ဒီအဆိုကို ဆွေးနွေးဖို့ကိစ္စမှာ လွှတ်တော်အမတ်အများစုရဲ့ ထောက်ခံမဲတွေ ရရှိခဲ့ပေမယ့်လည်း တကယ့်တကယ် အရေးယူရေး အတွက် မဲခွဲ ဆုံးဖြတ်တဲ့အခါမှာ လွှတ်တော်ရဲ့ အမတ်အရေအတွက် ၂၅ % ကို ရယူထားတဲ့ တပ်မတော်ကိုယ်စားပြု လွှတ် တော်အမတ်တွေရဲ့ ထောက်ခံမှုပါမှ ဖြစ်နိုင်မှာမို့ သူတို့ရဲ့ ထောက်ခံမှု ရနိုင်ပါ့မလားလို့ လွှတ်တော်အမတ်တွေကြား စိုးရိမ်မှုတွေ ကတော့ ထွက်ပေါ်နေ ပါတယ်ခင်ဗျား။
Ref: ဗွီအိုအေ
Read More...
Collapse...
ကိုဇော်ဝင်းလှိုင်
23.08.2012
ရခိုင်ပြည်အတွင်း ဖြစ်ပွားခဲ့တဲ့ ပဋိပက္ခတွေနဲ့ပတ်သက်လို့ နိုင်ငံတော်သမ္မတရုံးက လွှတ်တော်ကို သ၀ဏ်လွှာနဲ့အတူ သတင်း သုံးသပ်ချက်ကို ပြည်တောင်စုလွှတ်တော်မှာ မှတ်တမ်းတင်မယ့် အစီ အစဉ်ကို ဆိုင်းငံ့လိုက်ပါတယ်။ ရခိုင်ပြည်နယ်အတွင်း ဖြစ် ပွားခဲ့တဲ့ ပဋိပက္ခတွေမှာ ရခိုင်ပါတီနဲ့ မျိုးချစ်တွေရဲ့ သွေးထိုး လှုံ့ဆော်မှုတွေပါတယ်ဆိုတဲ့ သတင်း သုံးသပ်ချက်ကို သ၀ဏ် လွှာ နဲ့အတူ ပူးတွဲ တင်ပြခဲ့တဲ့ သတင်းသုံးသပ်ချက်ကို ပြည်ထောင်စုလွှတ်တော် အစည်းဝေးမစခင် RNDP က ကန့်ကွက်လွှာ တင် သွင်းလိုက်တာကြောင့် အခုလို ဆိုင်းငံ့လိုက်တာဖြစ်ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။
နိုင်ငံတော် သမ္မတရုံးက သြဂုတ်လ ၁၇ ရက် ရက်စွဲနဲ့ ထုတ်ပြန်ပြီး ပြည်သူ့လွှတ်တော်ဥက္ကဋ္ဌထံကို သြဂုတ်လ ၂၁ ရက်နေ့မှာ ပေးပို့ခဲ့တဲ့ သ၀ဏ်လွှာနဲ့အတူ ပူးတွဲပါလာတဲ့ သတင်းသုံးချက်ထဲမှာ ရခိုင်ပြည်နယ်အတွင်း ဖြစ်ပွားခဲ့တဲ့ အကြမ်းဖက် ဆူပူမှုတွေနဲ့ ပဋိပက္ခတွေဟာ RNDP ရခိုင် တိုင်းရင်း သားများ တိုးတက်ရေးပါတီနဲ့၊ ရခိုင်မျိုးချစ်ပုဂ္ဂိုလ်တွေ၊ ဘာသာရေးခေါင်းဆောင်တွေရဲ့ သွေးထိုး လှုံ့ဆော်မှုတွေကြောင့် ဖြစ်တယ်ဆိုတဲ့ သဘောမျိုး အပြစ် ပုံချထားတဲ့အချက်တွေ ပါလာတာကြောင့် အဲဒီ သတင်းသုံး သပ်ချက်ကို ကန့်ကွက်ဖို့ RNDP ပါတီက သြဂုတ်လ ၂၂ ရက် နေ့မှာ ဆုံးဖြတ်ခဲ့တာပါ။
ပြည်ထောင်စုလွှတ်တော်မှာ သမ္မတရဲ့ သ၀ဏ်လွှာနဲ့ အဲဒီ ပူးတွဲသတင်းသုံးသပ်ချက်ကို မှတ်တမ်း တင်ရေးအတွက် သြဂုတ်လ ၂၃ ရက်နေ့ အစီ အစဉ်ထဲမှာ ထဲ့သွင်းထားတာကြောင့် ဒီကနေ့ မနက်ပိုင်းမှာပဲ ကန့်ကွက်လွှာကို တင်သွင်းခဲ့တာလို့ RNDP ပါတီ ခေါင်းဆောင်တွေက ပြောပါတယ်။
အဲဒီနောက် ပြည်ထောင်စုလွှတ်တော် အစည်းဝေး စတင်တဲ့အခါ သမ္မတရဲ့ သ၀ဏ်လွှာကို ဖတ်ကြား မှတ်တမ်းတင်မယ့် အစီ အစဉ်ကို ဆိုင်းငံ့ထား လိုက်ကြောင်း ပြည်ထောင်စုလွှတ်တော် ဥက္ကဋ္ဌ က ကြေညာခဲ့တယ်လို့ RNDP ပါတီက မြေပုံမြို့နယ် ကိုယ်စားပြု ပြည်သူ့လွှတ်တော်အမတ် ဦးဖေသန်းက ပြောပြပါတယ်။
“အဲဒီအချက်တွေကို ကျနော်တို့က ကန့်ကွက်လွှာတင်တာပေါ့ဗျာ။ ဒါကြောင့် အဲဒီအစီအစဉ်ကို လွှတ်တော် နာယက-က အဲဒီလို ကန့်ကွက်တဲ့သူ ရှိလာတဲ့အတွက် အစီအစဉ် နံပါတ် ငါး ကို ရွှေ့ထားလိုက်ပါတယ်ဆိုပြီး ကြေညာသွားပါတယ်။ နောက်နေ့မှ ပြန် ပါမယ်ဆိုတဲ့သဘောမျိုး။ ဘယ်နေ့ ပြန်ပါလာမလဲတော့ မသိဘူးလေ။ ခေတ္တရွှေ့ထားလိုက်တယ်ဆိုပြီးတော့ ကြေညာပါတယ်။ လွှတ်တော် ကိုယ်စားလှယ် တချို့က ကန့်ကွက်လာတဲ့အတွက်နဲ့ ဒီနေ့ သမ္မတကြီးရဲ့ သဝဏ်လွှာကို မှတ်တမ်းတင်မယ့် အစီအစဉ် ကို ရွှေ့ဆိုင်းလိုက်တယ်ပေါ့နော်။ ကျနော်တို့ပါတီက အမျိုးသားလွှတ်တော် ကိုယ်စားလှယ်၊ ပြည်သူ့လွှတ်တော် ကိုယ်စားလှယ်၊ အကုန်လုံး ၁၄ ယောက်ကပေါ့။ အချက် ကိုးချက်နဲ့ ပတ်သက်ပြီးတော့ ကန့်ကွက်လွှာ တင်ထားပါတယ်။ ကျနော်တို့ပါတီကို ကျနော်တို့ ပြည်သူတွေကို စွပ်စွဲထားတဲ့အချက်တွေက တော်တော် ပြင်းထန်နေတဲ့အတွက် အဲဒီအပေါ်မှာ တချက်ချင်း ပြန်ရှင်းပြ ထားပါတယ်။ ”
ပြည်ထောင်စုလွှတ်တော်က အခုလို ဆိုင်းငံ့ထားဖို့ ဆုံးဖြတ်ချက် ချလိုက်တာကိုက သူတို့ရဲ့အဆို တစိတ်တပိုင်း အောင်မြင်တယ်လို့ ယူဆလို့ ရနိုင်ကြောင်းလည်း ဦးဖေသန်းက ဆက်ပြောပြပါတယ်။
“ပြည်သူတွေကလည်း တောင်းဆိုကြတယ်။ ကျနော်တို့ပါတီဝင်တွေကလည်း ဒါတွေဟာ ကျနော်တို့ ပါတီကိုရော၊ သံဃာတော်တွေ ကိုရော၊ ရခိုင်လူထုကိုရော အလွန်အကျွံပဲ အပြစ်ပုံချထားတဲ့ သဘော မျိုး ဖြစ်လို့ ကန့်ကွက်ရမယ်ဆိုတဲ့ တာဝန်ရှိရှိနဲ့ ကျနော်တို့ ကန့်ကွက်တာပဲ။ ဒါပေမဲ့ ဒီအစီအစဉ်ထဲမှာ ဒီအတိုင်း ပြန်ပါလာမယ်ဆိုရင်တော့ ကျနော်တို့က တရားဝင်ကန့်ကွက်ရမှာပေါ့။ အခု တော့ သူတို့က ညှိနှိုင်းပေးတဲ့ အဆင့်ပုံစံမျိုးနဲ့ ခေတ္တရွှေ့ဆိုင်းထားတယ်ဆိုတဲ့ သဘောမျိုး။ အဲဒီတော့ ကျနော်တို့ရဲ့ attention ဟာ တဝက်တပျက် အောင်မြင်တယ်ဆိုတဲ့ သဘောမျိုး ခံယူတာပေါ့နော်။ နောက် ဘယ်လို လုပ်ပြီး ပြန်ပဲဖြည့်မလား၊ ဒီအတိုင်း ပဲပြန်ဖတ်မလား၊ ဒါမှ မဟုတ် ဒီ အစီရင်ခံစာကို သုံးသပ်ချက် ကို ပြန်ပြီးတော့ ရေးမလား၊ တခုခုတော့ သူတို့ဘက်က ပြန်ပြီး တော့ လုပ်ပေးနိုင်တာပေါ့နော်။”
နိုင်ငံတော်သမ္မတကိုယ်တိုင်က သြဂုတ်လ ၁၅ ရက် ရက်စွဲနဲ့ ဖွဲ့စည်းပေးလိုက်တဲ့ ရခိုင်ပြည်နယ် ပဋိပက္ခ စုံစမ်း စစ်ဆေးရေး ကော်မရှင်ထဲမှာ RNDP ပါတီရဲ့ ဥက္ကဌ ဒေါက်တာအေးမောင်ကို အဖွဲ့ဝင်အဖြစ် ထည့်ထားပြီးနောက်မှာ သမ္မတရဲ့ သ၀ဏ်လွှာ ထွက်လာတာပါ။
တကယ်လို့ အခုလို သမ္မတရဲ့ သ၀ဏ်လွှာကို ကန့်ကွက်မှုနဲ့ လွတ်လပ်တဲ့ကော်မရှင်အဖြစ် ရပ်တည်နိုင်မှုကို ထိခိုက်မယ်ဆိုရင် တော့ သူ့အနေနဲ့ စုံစမ်း စစ်ဆေးရေးကော်မရှင်က ထွက်ပေးဖို့ အဆင်သင့်ရှိတယ်လို့ ဒေါက်တာ အေးမောင်က ပြောပါတယ်။
“ကျနော်တို့ရဲ့ ရပ်တည်မှု အခြေအနေကို သိချင်လို့များ၊ လူထုရဲ့ ခံစားချက်တွေ အခြေအနေအမှန်ကို သိစေချင်လို့များ ကျနော် တို့ကို ထည့်ထားသလားဆိုတာ သုံးသပ်ပါတယ်။ တကယ်လို့များ မလိုအပ်ဘူး ဆိုလို့ရှိရင်လည်း အချိန်မရွေး လွတ်လပ်တဲ့ ကော်မရှင်က ထွက်ပေးဖို့ အဆင်သင့်ရှိပါတယ်။ ကျနော်တို့ မပါမှဘဲ လွတ်လပ်တဲ့ ကော်မရှင်အဖြစ် ပီပြင်သွားမယ်ဆိုရင် နုတ် ထွက်သွားဖို့ ဝန်မလေးပါဘူး။ ဒါပေမဲ့ ရခိုင်ဒေသ ရေမြေ အခြေအနေကို ပီပီပြင်ပြင်လေးနဲ့ သုံးသပ်နိုင်တဲ့ ပုဂ္ဂိုလ်တွေ ပါဖို့ လို ပါတယ်။ ကော်မရှင်မှာ ရခိုင်ကို ကိုယ်စားပြုတာ ကျနော် တစ်ဦးပဲ ရှိတယ်။ ဗုဒ္ဓဘာသာကို ကိုယ်စားပြုပါတယ် ဆိုတဲ့ ပုဂ္ဂိုလ် ကလည်း သံဃာထဲမှာလည်း မပါဘူး။ ရခိုင် မျိုးနွယ်စုနဲ့ ပတ်သက်တဲ တတ်သိပညာရှင်တွေကလည်း မပါဘူး။ ”
သမ္မတရဲ့ သ၀ဏ်လွှာကို ပြည်ထောင်စုလွှတ်တော်က မှတ်တမ်းတင်ဖို့ အခု ဆိုင်းငံ့ထားပေမယ့် လည်း နောင်မှာ ပြန်ပြင်ပြီး တင်သွင်းတာမျိုးလည်း လုပ်လို့ ရနိုင်သေးတယ်လို့ လွှတ်တော် အမတ်တွေက ပြောပါတယ်။
လွှတ်တော်ဘက်က၊ ဒါမှမဟုတ် သမ္မတရုံးဖက်က တစုံတရာ စတင် မလုပ်ဆောင်မခြင်းတော့ ဒီကိစ္စ ဟာ ဒီအတိုင်းပဲ ဆက်ရှိ နေဦးမယ်လို့လည်း လွှတ်တော်အမတ်တွေက ပြောပါတယ်။
မူလအစီအစဉ်အရ သြဂုတ်လ ၂၃ ရက်နေ့ ပြည်သူ့လွှတ်တော်အစည်းဝေးကို မနက်ပိုင်းမှာ ပုံမှန် အတိုင်း ကျင်းပဖို့ရှိပေမယ့် လည်း ပြည်သူ့လွှတ်တော် ဥက္ကဌ၊ အမျိုးသားလွှတ်တော်ဥက္ကဌနဲ့ သမ္မတ ဦးသိန်းစိန်တို့ အစည်းဝေးပြုလုပ်နေတာ အချိန်မီ ပြီး မြောက်ခြင်း မရှိတဲ့အတွက် အမတ်တွေ လွှတ်တော် ညီလာခံထဲ အစုံအလင်ရောက်ပြီး အချိန် အတော်ကြာမှ လွှတ်တော်ဥက္ကဋ္ဌ မလာနိုင်တဲ့ အတွက် လွှတ်တော် အစည်းဝေး မကျင်းပဖြစ်တဲ့အကြောင်း အသိပေး အကြောင်းကြားခဲ့တယ်လို့ လွှတ်တော် တက်ရောက်ခဲ့တဲ့ အမတ်တွေက ပြောပါတယ် ခင်ဗျား။
Ref: ဗွီအိုအေ
Read More...
Collapse...
23.08.2012
လူမှုဆက်ဆံရေးကွန်ယက် အင်တာနက်စာမျက်နှာတခုဖြစ်တဲ့ Twitter အနေနဲ့ လူမျိုးစု တင်းမာမှုတွေကို နောက်ထပ်မီးထိုး ပေးနိုင်တယ်လို့ တာဝန်ရှိသူတွေက စိုးရိမ်တဲ့ ဖော်ပြချက်တွေကို မဖြုတ်ပစ်ဘူးဆိုရင် အရေးယူလုပ်ဆောင်မယ်လို့ အိန္ဒိယ အစိုးရ က ခြိမ်းခြောက်လိုက်ပါတယ်။
အိန္ဒိယနိုင်ငံမြောက်ပိုင်း အာသမ်ပြည်နယ်မှာဖြစ်ခဲ့တဲ့ လူမျိုးရေးအဓိကရုဏ်းတွေကို လက်စားချေတဲ့ အနေနဲ့ မူစလင်တွေက တိုက် ခိုက်မယ်ဆိုတဲ့ ကောဠာဟလတွေ အင်တာနက်ပေါ်မှာ ပြန့်နေခဲ့ပြီး တဲ့နောက် အခု ညွှန်ကြားချက်ထွက်လာတာပါ။
အာသံပြည်နယ်က အဓိကရုဏ်းကြောင့် ဇူလိုင်လကတည်းကဆိုရင် လူ အယောက် ၈၀ သေဆုံးခဲ့ ရပြီဖြစ်ပြီး လူဦးရေ သုံးသိန်း အိုးအိမ်စွန့်ထွက်ပြေးနေရပါတယ်။ သတင်းမှားတွေကြောင့် အိန္ဒိယနိုင်ငံ တ၀န်းမြို့တွေက ထောင်ပေါင်းများစွာသော လူတွေဟာ သူတို့မြို့တွေကနေ အာသံပြည်နယ်က အိမ်တွေဆီ ပြီးခဲ့တဲ့သီတင်းပတ်အတွင်း ပြန်သွားခဲ့ကြပါတယ်။
လှုံ့ဆော်နှိုးဆွပြီး အန္တရာယ်ဖြစ်စေတဲ့ ဖော်ပြချက်တွေကို ချက်ခြင်းဖြုတ်ပေးဖို့ အိန္ဒိယအစိုးရက Twitter ကို ကြာသပတေးနေ့ မှာ တောင်းဆိုခဲ့ပါတယ်။ အိန္ဒိယမှာ သုံးစွဲသူ ၁၆ သန်းလောက်ရှိတဲ့ Twitter အင်တာနက်စာမျက်နှာဘက်က တုံ့ပြန်ချက် တ ခုခုတော့ ချက်ခြင်းထွက်မလာသေးပါဘူး။
Ref: ဗွီအိုအေ
Read More...
Collapse...
23.08.2012
ရခိုင်ပြည်နယ်မှာ ပဋိပက္ခတွေဖြစ်ခဲ့တဲ့အပေါ် စိုးရိမ်တဲ့အကြောင်း နိုဘဲလ်ငြိမ်းချမ်းရေးဆုရှင် တိဘက်ဘုန်းတော်ကြီး ဒလိုင်း လားမား က ပြောလိုက်ပါတယ်။
ဘုန်းတော်ကြီး ဒလိုင်းလားမားက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဆီ ရေးသားပေးပို့ခဲ့တဲ့ စာတစောင်ထဲမှာ အဲဒီလို ဖော်ပြထားတဲ့အကြောင်း အိန္ဒိယနိုင်ငံ၊ နယူးဒေလီမြို့တော်ကလာတဲ့ သတင်း တပုဒ်ထဲမှာ ရေးထားတာပါ။
ရခိုင်ပြည်နယ်မှာဖြစ်ခဲ့တဲ့ ပဋိပက္ခတွေကြောင့် အလွန်အမင်း စိတ်မကောင်းဖြစ်ရပြီး အထူး စိုးရိမ်နေဆဲ ရှိတဲ့အကြောင်း ဘုန်းတော် ကြီး ဒလိုင်းလားမားက စာထဲမှာရေးထားတယ်လို့ သတင်းက ဆိုပါတယ်။
အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီးနဲ့တွေ့ဆုံဖို့အတွက် သူ့ရဲ့ကိုယ်စားလှယ် တမ်မ်ပါ ဆာရင်း (Tempa Tsering) ကို ဘုန်းတော်ကြီး ဒလိုင်းလားမားက ညွှန်ကြားထားပြီး တွေ့ဆုံဖို့အတွက် သံရုံးဘက်က မစီစဉ်ရသေးဘူးလို့ သတင်းမှာ ရေးထားပါတယ်။
Ref: ဗွီအိုအေ
Read More...
Collapse...
ကိုသားညွန့်ဦး
23.08.2012
မြန်မာဘက်က စစ်ဘက် အရာရှိတွေဟာ တရုတ်က ဖမ်းဆီးမိထားတဲ့ မူးယစ်ရာဇာ နော်ခမ်း ကို ယူနန်ပြည်နယ်ကို လာ ရောက်ပြီး စစ်ဆေးမေးမြန်းတာတွေ လုပ်ခဲ့တယ်လို့ တရုတ်အာဏာပိုင်တွေ က မနေ့က ထုတ်ပြန်ပါတယ်။
မူးယစ်ဆေးဝါးကူးသန်းရောင်းဝယ်မှုနဲ့ ဆက်လျဉ်းပြီး ရှမ်းအမျိုးသား နော်ခမ်းကို မြန်မာအပါအ၀င် အိမ်နီးချင်းနိုင်ငံအတော် များ များက အလိုရှိနေကြတာပါ။ သူ့အပါအ၀င် ဖမ်းမိထားသူတွေကို တရုတ် သင်္ဘောသားတွေကို သတ်ဖြတ်မှုနဲ့ တရားစီရင်စစ်ဆေး တော့မယ်လို့လည်း တရုတ် အာဏာပိုင်တွေ က ပြောပါတယ်။ အကြောင်းစုံကိုတော့ ကိုသားညွန့်ဦးက ဆက်ပြီး တင်ပြပေးထား ပါတယ်။
မဲခေါင်မြစ်အတွင်း မူးယစ်ဆေးဝါးကူးသန်းရောင်းဝယ်မှု လူသတ်မှုတွေနဲ့ စပ်လျဉ်းပြီး မြန်မာ၊ တရုတ်၊ ထိုင်း၊ လော နိုင်ငံတို့က အလိုရှိနေတဲ့ မူးယစ်ရာဇာနော်ခမ်းကို မြန်မာအရာရှိတွေ တရုတ်နိုင်ငံ၊ ယူနန်ပြည်နယ်ကို သွားရောက်ပြီး စစ်ဆေးမေးမြန်းမှု တွေလုပ်ခဲ့တာဖြစ်ပါတယ်။ ဒါကို တရုတ် ရုပ်သံကနေ ထုတ်လွှင့်ပြသခဲ့ပါတယ်။
မနှစ် အောက်တိုဘာလ ၅ ရက်နေ့ မဲခေါင်မြစ်အတွင်း တရုတ်သင်္ဘောသား ၁၃ ဦး သတ်ဖြတ်မှု မှာ နော်ခမ်းဟာ အဓိက တာဝန်ရှိသူလို့ တရုတ်အာဏာပိုင်တွေဘက်က ယူဆထားကြတာ ပါ။ နော်ခမ်းဟာ ဒီနှစ် ဧပြီလ ၂၅ ရက်နေ့ လောနိုင်ငံတွင်းမှာ ဖမ်းဆီးခံခဲ့ရတာဖြစ်ပြီး တရုတ်နိုင်ငံကို လွှဲပြောင်းပေးအပ်တာခံရပါတယ်။ တရုတ်နိုင်ငံအနေနဲ့တာ့ သူ့ကို ရှေ့လထဲ တရားစီရင် ကြား နာဖို့ ရှိတယ်လို့ ယူနန်ပြည်နယ် ရဲဌာန ဒုတိယအကြီးအကဲ Xian Yanming က ပြောပါတယ်။
“ပြီးခဲ့တဲ့ နှစ် အောက်တိုဘာ ၅ ရက် အမှုကိစ္စနဲ့ပတ်သက်ပြီး လက်နက်ကိုင်အဖွဲ့မှာ ပတ်သက်နေ တဲ့ နော်ခမ်း၊ ရှော်ခမ်း၊ ယင်းလန် နဲ့ အခြားသံသယရှိသူတွေကို နောက်လကျရင် တရုတ်နိုင်ငံထဲမှာ တရားစီရင်ကြားနာသွားမှာ ဖြစ်ပါတယ်။”
အသက် ၄၈ နှစ်အရွယ် မူးယစ်ရာဇာ နော်ခမ်းကို နိုင်ငံတကာရဲတပ်ဖွဲ့ရဲ့ အလိုရှိတဲ့စာရင်းမှာပါ ထည့်သွင်းဖော်ပြထား တာဖြစ်ပါ တယ်။ နော်ခမ်းဟာ မဲခေါင်မြစ်အတွင်း သင်္ဘောတွေကို တိုက်ခိုက်တာ၊ သင်္ဘောသားတွေကို သတ်ဖြတ်တာတွေကြောင့် ရွှေတြိဂံ ဒေသမှာ ပြီးခဲ့တဲ့နှစ် ကာလက နာမည်ဆိုးနဲ့ ကျော်ကြားခဲ့ပါတယ်။
မြန်မာဘက်က အဲဒီ လူသတ်မှုတွေအတွက် သက်ဆိုင်ရာနိုင်ငံတွေနဲ့ အပြည့်အ၀ ပူးပေါင်း ဆောင် ရွက်ခဲ့ပြီး မဲခေါင်မြစ်အတွင်း လုံခြုံရေးဆိုင်ရာကိစ္စရပ်တွေ နယ်စပ်တကြောဖြစ်နေတဲ့ ရာဇ၀တ် မှု နှိမ်နင်းရေး ကိစ္စရပ်တွေမှာပါ ပူးပေါင်းဆောင်ရွက်သွားမယ်လို့ တရုတ်ကို ရောက်နေတဲ့ မြန်မာ စစ်အရာရှိတွေက ပြောခဲ့ပါတယ်။
တရုတ် သင်္ဘောသားတွေ သတ်ဖြတ်ခံရတဲ့အမှုမှာတော့ နော်ခမ်းအပါအ၀င် သူ့ရဲ့အမာခံ အဖွဲ့ ၀င်တွေနဲ့ ထိုင်းစစ်သားအချို့ ပူးပေါင်း ပတ်သက်နေတယ်လို့ တရုတ်ရဲတပ်ဖွဲ့က ပြောပါ တယ်။ နော်ခမ်းဖမ်းဆီးခံရပြီးတဲ့နောက်တော့ သူ့ရဲ့လက်ထောက် စိုင်းအောင်မြတ်နဲ့ နောက်ပါ အဖွဲ့ဝင်အတော်များများဟာ တာချီလိတ်အခြေစိုက် မြန်မာစစ်တပ်ထံမှာ လက်နက်ချခဲ့ကြပါ တယ်။ နောက်လိုက်အဖွဲ့ဝင်တွေကို စစ်ဆေးမေးမြန်းပြီး ပြန်လွှတ်ခဲ့ပေမယ့်၊ စိုင်းအောင်မြတ်ကိုတော့ ကျိုင်းတုံအကျဉ်းထောင်မှာ ဖမ်းဆီး ထ်ိမ်းသိမ်းထားတယ်လို့ သိရပါတယ်။
တရုတ်သင်္ဘောသားတွေ သတ်ဖြတ်ခံရတဲ့အမှုမှာ စိုင်းအောင်မြတ်လည်း ပတ်သက်တယ်ဆိုပြီး တရုတ် နိုင်ငံဘက်က လွှဲပြောင်း ပေးအပ်ဖို့ မြန်မာဘက်ကိုတောင်းခံပေမယ့် မြန်မာ အာဏာပိုင်တွေ က ငြင်းပယ်ခဲ့ပါတယ်။ စိုင်းအောင်မြတ်ဖမ်းမိပြီးနောက် မြန်မာနယ်စပ်မှာရှိတဲ့ နော်ခမ်းရဲ့ ပိုင်ဆိုင်မှု အချို့ကိုလည်း မြန်မာစစ်တပ်က သိမ်းဆည်းခဲ့တယ်လို့ သိရပါတယ်။
စိုင်းအောင်မြတ်ကိစ္စနဲ့ပဲ စပ်လျဉ်းပြီး တရုတ်နိုင်ငံရဲ့ အများပြည်သူလုံခြုံမှုဆိုင်ရာဝန်ကြီး Meng Jianzhu ဟာ ပြီးခဲ့တဲ့ ဇူလိုင် လက မြန်မာနိုင်ငံကို လာရောက်ခဲ့ပါသေးတယ်။ တရုတ်သင်္ဘောသားတွေကို သတ်ဖြတ်မှု ကျူးလွန်သူတွေကို ရုံးတင်စစ်ဆေး ရာမှာ မြန်မာအာဏာပိုင်တွေဘက်က ပူးပေါင်း ဆောင်ရွက်ပေးဖို့ တရုတ်ဝန်ကြီးက တိုက်တွန်းသွားခဲ့ပါတယ်။ နော်ခမ်းနဲ့အဖွဲ့ဟာ ၂၀၀၈ ခုနှစ် ကတည်းကဆိုရင် တရုတ်သင်္ဘောတွေ၊ တရုတ်နိုင်ငံသားတွေနဲ့ တိုက်ရိုက်ပတ်သက်နေတဲ့ လက်နက် ကိုင် ရာဇ၀တ် မှု ၂၈ မှုကို ကျူးလွန်ခဲ့တယ်လို့ တရုတ်ဝန်ကြီးက ပြောပါတယ်။ အဲဒီ အမှုတွေအတွင်းမှာပဲ ၁၆ ဦးသေဆုံးပြီး၊ ၃ ဦး ထိခိုက် ဒဏ်ရာရခဲ့တယ်လို့ ပြောပါတယ်။
မနှစ် အောက်တိုဘာလ ကုန်ပိုင်းကတော့ နိုင်ငံ လေးနိုင်ငံက အဆင်မြင့်ဝန်ကြီးတွေဟာ တရုတ်နိုင် ငံ၊ ဘေဂျင်းမြို့မှာ တွေ့ဆုံပြီး နယ်စည်းဖြတ်ကျော် ရာဇ၀တ်မှုတွေကို ပူးပေါင်းနှိမ်နင်းဖို့နဲ့ မဲခေါင်မြစ် အတွင်း သယ်ယူပို့ဆောင်ရေးလုပ်ငန်းတွေ လုံခြုံရေးကိစ္စ ရပ်တွေအတွက် ဆွေးနွေး သဘောတူညီမှုတွေ ရခဲ့ပါတယ်။ မဲခေါင်းမြစ်ဒေသ ပူးပေါင်းဆောင်ရွက်ရေးအစီအစဉ်အရ မြန်မာ၊ တရုတ်၊ ထိုင်းနဲ့ လောနိုင်ငံတွေဟာ အခုအခါ ထောက်လှမ်းရေး သတင်းအချက်အလက်ဖလှယ်တာ၊ မဲခေါင် မြစ်ကြောင်းတ လျှောက် လုံခြုံရေးအစီအစဉ်တွေ ဆောင်ရွက်တာနဲ့ နယ်စည်းဖြတ်ကျော် ရာဇ၀တ် မှုနှိမ်နင်းရေးကိစ္စတွေကို ပူးတွဲဆောင်ရွက်နေ ပါတယ်။
Ref: ဗွီအိုအေ
Read More...
Collapse...
2012-08-23
သတ္တုတွင်း ၀န်ကြီးဋ္ဌာနက The Voice ဂျာနယ်ကို ပြစ်မှုဆိုင်ရာ ပုဒ်မ ၅၀၀ နှင့် တရားစွဲဆိုမှုအပေါ် စွပ်စွဲချက် တင်သင့် မ တင်သင့်ကို လာမယ့် စက်တင်ဘာလ ၆ ရက်နေ့မှာ အပြီးသတ် စီရင်ချက် ချမှတ်မယ်လို့ ဒီကနေ့ ရုံးချိန်းမှာ တရားသူကြီးက ဆုံးဖြတ်ခဲ့တယ်လို့ အယ်ဒီတာချုပ် ကိုကျော်မင်းဆွေက RFA ကို အခုလို ပြောပါတယ်။
"တရားလို အကျိုးဆောင်ကလည်း တင်သင့်တယ်ဆိုတဲ့အကြောင်း လျှောက်ထားတယ်ပေါ့။ ဒီဘက်က ကျွန်တော့် အကျိုးဆောင် ကလည်း ဒါစွဲချက်မမြောက်ဘူး ဆိုတဲ့အကြောင်း၊ မတင်သင့်ဘူး ဆိုတဲ့အကြောင်း နှစ်ဖက် လျှောက်ထားကျတာပေါ့။ လျှောက် လဲချက် ပေးတာပေါ့၊ အဲဒီ ပြန်လည် လျှောက်ထားတဲ့ဟာကို တရားသူကြီးက လက်ခံနားထောင်တယ်။ နားထောင်ပြီးတော့မှ သူ က ဒါတွေကို သူက ပြန်ပြီးတော့သုံးသပ် စိစစ်ပြီးတော့မှ စက်တင်ဘာ ၆ရက်နေ့ မှာ အဓိက ဆုံးဖြတ်မှာပေါ့။ ဒီဟာကို စွဲချက် တင်သင့် မတင်သင့်ပေါ့"
သတင်းရင်းမြစ်ရယူတဲ့ နေရာက ပြည်သူ့လွှတ်တော် ဖြစ်နေတဲ့အတွက် တကယ်တမ်း ဥပဒေကြောင်းက ကြည့်ရင် အဖြေရှိပြီးသား ပါလို့ ကိုကျော်မင်းဆွေက ဆက်လက်ပြောပါတယ်။
"ကျွန်တော်တို့ရတဲ့ သတင်းရင်းမြစ်က လွှတ်တော်ရဲ့ သတင်းရင်းမြစ်ဖြစ်နေတယ်။ လွှတ်တော်ကိုယ်စားလှယ်တွေဆီက ဖြစ်နေ တယ်။ သတင်းအကြောင်းအရာကလည်း စာရင်းချုပ်ရုံးက ဝန်ကြီးဋ္ဌာနတချို့ရဲ့ ငွေစာရင်းမမှန်မကန် ဖော်ပြမှုတို့ ငွေကြေး အလွှဲ သုံးစားမှုတွေကို သူက စစ်ဆေးပြီးတော့ ပြည်သူ့လွှတ်တော် ငွေစာရင်းကော်မတီကို တင်ထားတဲ့ကိစ္စ။ ကျွန်တော်တို့ဘက် က တော့ ရိုးရိုးစဉ်းစားပြီး လုပ်ထားတဲ့ကိစ္စပေါ့။ တဘက်ကတော့ အဲလိုမဟုတ်ဘူးလို့ ကျွန်တော်ယူဆတယ်။ ဘာဖြစ်လို့လဲဆိုတော့ တကယ်ဆိုလို့ရှိရင် ဥပဒေကြောင်းအရသာ ဆုံးဖြတ်လို့ရှိရင် ဒီကိစ္စဟာ စွဲချက်တင်သင့်လား မတင်သင့်လားဆိုတာ အစကတည်း က ထွက်နေတဲ့ အဖြေပေါ့"
ဒီကနေ့ ရုံးချိန်းဟာ ၁၂ ကြိမ်မြောက် ရုံးချိန်းဖြစ်ပြီး အဲဒီရုံးချိန်းကို ပြည်တွင်း ပြည်ပ မီဒီယာ ၅၀ နီးပါးက press freedom စာတမ်းပါ ဦးထုပ်တွေ ဆောင်းပြီး လာရောက် သတင်းယူခဲ့ကြပါတယ်။
ဒီနှစ်ပိုင်းအတွင်းက မတ်လ ၁၆ ရက်နေ့ထုတ် The Voice ဂျာနယ်စာစောင်မှာ အစိုးရ ၀န်ကြီးဌာနတချို့၏ အလွဲသုံးစားမှုများ စစ်ဆေးတွေ့ရှိ ဆိုတဲ့သတင်းကို ဖော်ပြခဲ့တာနဲ့ ပတ်သက်ပြီး သတ္တုတွင်း ၀န်ကြီးဌာနက မဟုတ်မမှန် စွပ်စွဲရေးသားချက် ဆိုပြီး ထုတ်ဝေသူ အယ်ဒီတာချုပ်နှင့် သတင်းရေးသားသူတွေကို အရေးယူဖို့ ဒဂုံမြို့နယ်တရားရုံးကို ဦးတိုက်လျှောက်ထားခဲ့တာ ဖြစ်ပါ တယ်။
Ref: အာရ်အဖ်အေ
Read More...
Collapse...
2012-08-23
ဇေကမ္ဘာကုမ္ပဏီက အသရေဖျက်မှုနဲ့ တရားစွဲဆိုခြင်း ခံနေရတဲ့ မတူကွဲပြားခြင်းနဲ့ ငြိမ်းချမ်းရေးပါတီ ဥက္ကဋ္ဌ ဦးနေမျိုးဝေ ဒီကနေ့  နေ့လည်က မင်္ဂလာဒုံ မြို့နယ်တရားရုံး တရားသူကြီး ဦးကိုကိုနိုင်ရဲ့ တရားခုံမှာ ပထမဆုံးအကြိမ် ရုံးရှေ့ရောက် အမှုရင်ဆိုင်ခဲ့တယ်လို့ သိရှိရပါတယ်။
ဦးနေမျိုးဝေရဲ့ ရှေ့နေ တစ်ဦးဖြစ်သူ ရှေ့နေများကွန်ယက်မှ ဦးသိန်းသန်းဦးက အခုလို ပြောပြပါတယ်။
"ကနေ့ ကျွန်တော်တို့ ကိုနေမျိုးဝေကို ရုံးရှေ့ရောက်ရပါတယ်၊ မင်္ဂလာဒုံ မြို့ နယ် တရားသူကြီး ဦးကိုကိုနိုင်ရဲ့ခုံမှာ၊ တရားခွင်မှာ ကျပါတယ်။ နောက် ပြစ်မှုကြီး အမှတ် ၇၆၁/၂၀၁၂ ပေါ့ဗျာ။ အဲဒီတော့ ကျွန်တော်တို့ ဒီနေ့ အခု ရုံးရှေ့ကို စွပ်စွဲခံရသူ ဦးနေ မျိုးဝေ ရောက်ပြီးတော့ ကျွန်တော်တို့ အာမခံ လျှောက်တော့လည်း အာမခံပေးရမယ့် အမှုဖြစ်တဲ့အတွက် အာမခံပေးလိုက် ပါ တယ်။ ပေးလိုက်ပြီးတော့ ကျွန်တော်တို့ တရားခွင်မှာ နှစ်ဖက်ရှေ့နေ ညှိနှိုင်းပြီးတော့ နောက် ကျွန်တော်တို့ ၆ ရက်နေ့  စက် တင် ဘာလ ၆ ရက်နေ့ ကို တရားလို စစ်ဆေးဖို့အတွက် ကျွန်တော်တို့ ချိန်းလိုက်ပါတယ်"
ဒီကနေ့ ရုံးချိန်းကို လယ်သမား ၁၅၀ ခန့်အပြင် ကိုဂျင်မီ၊ ကိုထွန်းမြင့်အောင်၊ မနီလာသိန်းတို့  ဦးဆောင်တဲ့ ၈၈ မျိုးဆက် ကျောင်းသားများအဖွဲ့နဲ့ အခြားထောက်ခံသူများ စုစုပေါင်း လူ ၂၀၀ ကျော် တက်ရောက်တယ်လို့ သိရပါတယ်။
ဒီကနေ့ ရုံးချိန်းကို မူလက တက်ရောက်ဖို့ စီစဉ်ထားပေမဲ့ အကြောင်းကြောင်းကြောင့် မတက်ဖြစ်ခဲ့တဲ့ ကိုမင်းကိုနိုင်က ပေးပို့တဲ့ စာလွှာကို ဦးနေမျိုးဝေက အခုလို ဖတ်ပြပါတယ်။
"ကိုနေမျိုးဝေ၊ လေးစားဂုဏ်ယူလျက်ပါဗျာတဲ့၊ ကျွန်တော်ကိုယ်တိုင် မလာတာကလွဲလို့ အားလုံး ခင်ဗျားဘက်က ရှိနေတာ ယုံပါ။ အားမငယ်တတ်တဲ့ ခင်ဗျားအတွက် အားပေးဖို့ မလိုဘူးနော်။ ချစ်ခင်လျှက် မင်းကိုနိုင် ဆိုတဲ့ လက်မှတ်လေးနဲ့"
အာမခံငွေ ဆယ်သိန်းအတွက် တောင်သူလယ်သမား ဦးကျော်စိန်နဲ့ ဦးကျော်မြင့်တို့က ငါးသိန်းစီ အာမခံ သွားကြတယ်လို့ သိရ ပါတယ်။
Ref: အာရ်အဖ်အေ
Read More...
Collapse...
2012-08-23
ရန်ကုန်မြို့ ရွှေပြည်သာ သာဓုကန်ဒေသက လယ်သမား ၇၆ ဦးပိုင် လယ်ယာမြေတွေ သိမ်းယူခံထားရမှုနဲ့ ပတ်သက်လို့ သက် ဆိုင်ရာ ကုမ္ပဏီ ၄၀ က ပိုင်ရှင်တွေနဲ့ လယ်သမားကိုယ်စားလှယ် ၁၁ ဦးတို့ ဒီကနေ့ ဗဟန်းမြို့နယ်က M-3 စားသောက်ဆိုင်မှာ လျော်ကြေးကိစ္စ ညှိနှိုင်းခဲ့ကြရာမှာ ပြေလည်မှု မရခဲ့ဘူးလို့ RFA က စုံစမ်းသိရပါတယ်။
လယ်သမားတွေက လယ်တစ်ဧကကို သိန်း ၅၀ ပေးဖို့ လျော်ကြေး တောင်းဆိုပေမယ့် ကုမ္ပဏီတွေဘက်က ၁၀ သိန်းပဲပေးဖို့ သဘောတူတာကြောင့် ညှိနှိုင်းလို့ မရဖြစ်သွားခဲ့တာလို့ အဲဒီညှိနှိုင်းဆွေးနွေးပွဲ တက်ရောက်ခဲ့တဲ့ တောင်သူကိုယ်စားလှယ် မထက် ထက်ဦးဝေက RFA ကို ပြောပါတယ်။
"ဒီနေ့တွေ့ဆုံပွဲ အခြေအနေက ကုမ္ပဏီပိုင်ရှင်တွေဘက်က ၁၀ သိန်းပေးနိုင်တယ်ပေါ့။ တစ်ဧကကို။ အဲလိုပြောပါတယ်။ ကျွန်မတို့ လယ်သမားတွေက ၁၀ သိန်းဆိုရင် မကျေနပ်နိုင်ဘူး။ ဒါကြောင့် သိန်း ၄၀ အထိတောင်းပါတယ်။ သိန်း ၄၀ အထိတောင်း တဲ့ အခါကျတော့ သူတို့က ပြန်ပြီးတော့ ညှိနှိုင်းပါဦးမယ်။ အိုးအိမ်က လူကြီးတွေကိုလည်း ပြန်ပြောပါဦးမယ် ဆိုပြီးတော့ သူတို့က အစည်းအဝေးကို နောက်တစ်ပတ် ရွှေ့ခိုင်းလိုက်တယ်"
အဲဒီတောင်သူ ၈၀ နီးပါးပိုင်တဲ့ လယ်မြေဧက ၅၀၀ ကျော်ကို သာဓုကန် စက်မှုဇုန် ၉၂ ၊ ၉၃ တည်ဖို့ဆိုပြီးတော့ မြို့ရွာနဲ့ အိုး အိမ်ဦးစီးဌာနက ၁၉၈၈ ခုနှစ်အတွင်း သိမ်းယူခဲ့ပြီးနောက် ပုဂ္ဂလိက ကုမ္ပဏီ ၄ ခုကို ပြန်လည် ချထားပေးခဲ့ပါတယ်။
နောက်ပိုင်းမှာ အဲဒီကုမ္ပဏီ ၄ ခုကနေ အခုလယ်သမားတွေနဲ့ ဆွေးနွေးနေတဲ့ ကုမ္ပဏီ ၄၀ ကို ပြန်လည် ရောင်းချခဲ့တာလို့ သိရတယ်။ ကုမ္ပဏီ ၄၀ က ပိုင်ရှင်တွေနဲ့ လယ်သမားတွေ ဒီကနေ့ တွေ့ဆုံမှုဟာ ၅ ကြိမ်မြောက်လို့လည်း သိရပါတယ်။
Ref: အာရ်အဖ်အေ
Read More...
Collapse...
2012-08-23
စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပန်းတောင်းတောင် ကြေးနီ ထုတ်လုပ်ရေး စီမံကိန်း ဆက်လက် အကောင် အထည်ဖော်ဖို့ အာဏာပိုင်တွေဘက်က ခြံစည်းရိုး ကာရံနေတာကို ဒီကနေ့ ဒေသခံရွာသား ၆၀၀ ကျော်လောက် သွားရောက်ပြီး တည်ဆောက်မှုကို ရပ်တန့်ပေးဖို့ တောင်းဆိုခဲ့ကြပါတယ်။
မြန်မာယန်စီ တရုတ်ကုမ္ပဏီနဲ့ စစ်တပ်ပိုင် မြန်မာ့စီးပွားရေးဦးပိုင် လီမိတက်တို့ ပူးပေါင်း အကောင်အထည် ဖော်နေတဲ့ အဲဒီ စီမံကိန်းကို ဆက်လုပ် မဆောင်ရွက်ဖို့ ဒေသခံတွေနဲ့ နှစ်ဖက်သဘောတူညီမှု ရရှိထားပေမယ့် မကြာသေးမီ ရက်ပိုင်းလောက်မှာ မြေနီတောင်ခြေ အနီးအနားက သိမ်းဆည်းထားတဲ့ မြေနေရာ ၁၀ ဧက ကျော်လောက်ကို ဆက်လက် ခြံစည်းရိုးခတ်နေ တဲ့အ တွက် ဒေသခံတွေက သွားရောက် တားမြစ်ရတာဖြစ်တယ်လို့ တားမြစ်ရာမှာ ပါဝင်တဲ့ ဒေသခံတစ်ဦးက RFA ကိုပြောပါတယ်။
"သိမ်းထားတဲ့လယ်ပေါ်မှာ ခြံစည်းရိုးလာခတ်တယ်ခင်ဗျ။ အဲတာကို ကျွန်တော်တို့က တရားဥပဒေ နည်းလမ်းကျကျ ရှင်းပေးဖို့ တောင်းဆိုတာကို လက်မခံဘူး။ သူတို့တွေက လုံထိန်းအင်အားတွေနဲ့ ဝိုင်းတယ်။ ကျွန်တော်တို့ကို သေနတ်ကိုင်ထားတာက တော့ ၃၅၀ လောက်ပါတယ်။ ဒိုင်းတွေ၊ တုတ်တွေကိုင်ထားတာကတော့ ၁၅၀ လောက်ပါတယ်"
ဒေသခံရွာသားတွေဟာ ဒီကနေ့မှာ အာဏာပိုင်တွေကို အချက်နှစ်ချက် တောင်းဆိုခဲ့ပါတယ်။ ပထမ တစ်ချက်က လက်ရှိ ဒေသခံ တစ်ဦးရဲ့ ရေတွင်း အသုံးပြုနေတာကို မူလပြောထားတဲ့ အတိုင်း ငွေကြေးပေးပြီး သုံးစွဲဖို့နဲ့ ဒုတိယ အချက်အနေနဲ့ အစိုးရနဲ့ ဒေသ ခံကြား ဆွေးနွေး ညှိနှိုင်းနေဆဲ ကာလမှာ လုပ်ငန်းကို အကောင်အထည် မဖော်ဖို့ တောင်းဆိုခဲ့ကြတာ ဖြစ်ပါတယ်။ အဲဒီတောင်းဆိုမှုကိုလည်း အာဏာပိုင်တွေက တင်ပြဆွေးနွေးပေးမယ်လို့ ဒီကနေ့ လာရောက် တားမြစ်စဉ် ပြောကြားသွားတယ်လို့ သိရပါတယ်။
လာရောက်တားမြစ်တဲ့ အထဲမှာ ဆားလင်းကြီး မြို့နယ်အုပ်ချုပ်ရေးမှူးနဲ့ မုံရွာခရိုင် ရဲမှူးကြီးတို့ ပါဝင်ပြီး လုံထိန်းကြီးကြပ်ကား (၃) စီး၊ လုံထိန်းကားကြီး (၄) စီး၊ မီးသတ်ကား (၂) နဲ့ လူအင်အား (၅၀၀) နီးပါးလောက် ပါဝင်တယ်လို့ သိရပါတယ်။
လွန်ခဲ့တဲ့ နှစ်ရက်ကစလို့ လက်ပန်းတောင်းတောင် ကြေးနီစီမံကိန်း ပြန်စမယ်ဆိုပြီး အာဏာပိုင်တွေဘက်က လုံခြုံရေး အယောက် (၁၀၀) လောက်နဲ့ မီးသတ်ကား တစ်စီး လာရောက် နေရာယူထားခဲ့ပြီး မနေ့ကတော့ ကြေးနီ ထုတ်လုပ်ရေး စီမံကိန်း ဆက် လက် အကောင်အထည်ဖော်မယ့် ကိစ္စကို ဟန့်တားဖို့ ကျေးရွာပေါင်း (၁၂) ရွာက ဒေသခံ တစ်ထောင်ကျော်ဟာ လက်ပန်း တောင်းတောင်ကနေ (၄) မိုင်ခွဲလောက်ဝေးတဲ့ ဆားလင်းကြီးမြို့ကို ငြိမ်းချမ်းစွာ ချီတက် လမ်းလျှောက်လာစဉ် လမ်းခုလတ် အရောက်မှာ အာဏာပိုင်တွေရဲ့ တားဆီးပိတ်ပင် ခံခဲ့ရတယ်လို့ သိရပါတယ်။
Ref: အာရ်အဖ်အေ
Read More...
Collapse...
2012-08-23
ထိုင်း မြန်မာနယ်စပ် မြ၀တီနဲ့ မဲဆောက်မြို့တွေကို ဆက်သွယ်မယ့် ဒုတိယမြောက် ချစ်ကြည်ရေးတံတားကို မကြာခင် တည် ဆောက် တော့မယ်လို့ မြန်မာနိုင်ငံ ဆောက်လုပ်ရေး ၀န်ကြီးဌာနက ပြောဆိုကြောင်း ထိုင်းနိုင်ငံထုတ် The Nation သတင်းစာက ဖော်ပြ ပါတယ်။
လက်ရှိ ချစ်ကြည်ရေးတံတားမှာ အသေးစားနဲ့ အလတ်စား မော်တော်ယာဉ်တွေသာ သွားလာနိုင်ပြီး မကြာခင် တည်ဆောက်မယ့် ချစ်ကြည်ရေး တံတားသစ်မှာ တန် ၆၀ အထိ အကြီးစား မော်တော်ယာဉ်တွေ ဖြတ်သန်းနိုင်မယ်လို့ မြန်မာ ဆောက်လုပ်ရေး ၀န်ကြီး ဌာန ညွှန်ကြားရေးမှူး ဦးကျော်လင်းက ပြောဆိုပါတယ်။
ဆောက်လုပ်ရေး ၀န်ကြီးဌာန ဒုတိယ ၀န်ကြီး ဦးကျော်လွင်ကလည်း ဆောက်လုပ်မယ့် နေရာကို သတ်မှတ်ပြီးပြီ ဖြစ်ကြောင်း၊ ၂၀၁၀ ဇွန်လက နှစ်နိုင်ငံ ကိုယ်စားလှယ်တွေ အဆိုပြုခဲ့တဲ့နေရာ သုံးနေရာထဲက လက်ရှိ တံတားရဲ့ မြောက်ဘက် သုံးမိုင် အကွာ နေရာကို ရွေးချယ်ထားကြောင်း ပြောဆိုပါတယ်။
Ref: အာရ်အဖ်အေ
Read More...
Collapse...
2012-08-23
အကြမ်းဖက် ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ်မှာ ညမထွက်ရ အမိန့်ကို ချိုးဖောက်မှုနဲ့ ထိန်းသိမ်းခံခဲ့ရတဲ့ ရခိုင် တိုင်းရင်း သား ၆၀ လောက်ကို ပြည်နယ်တရားရုံးက ထောင်ဒဏ် ၆ လစီ ချမှတ်လိုက်ကြောင်း ထိုင်းနိုင်ငံ အခြေစိုက် ဧရာဝတီ သတင်း ဌာနက ဖော်ပြပါတယ်။
ဇွန်လ ၈ ရက်နေ့ ကစလို့ ပဋိပက္ခတွေ ဖြစ်ပွားခဲ့ပြီးတဲ့နောက် ရခိုင်ပြည်နယ်တွင်းက မြို့နယ် ၆ မြို့နယ်မှာ ညမထွက်ရ ကာဖျူး အမိန့် ထုတ်ပြန်ခဲ့ပါတယ်။ အဲဒီနောက် အကြမ်းဖက်မှုတွေ ထပ်မံ ဖြစ်ပွားခဲ့ပြန်တဲ့ အတွက် ဒီလအစောပိုင်းက နောက်ထပ် မြို့ နယ် ၃ ခုမှာလည်း ကာဖျူးအမိန့် ထုတ်ပြန်ခဲ့ပါတယ်။
ညမထွက်ရ ကာဖျူးအမိန့်ကို ချိုးဖောက်မှုနဲ့ ရခိုင်အမျိုးသား ဖွံ့ဖြိုးတိုးတက်ရေးပါတီ RNDP အဖွဲ့ဝင် ၄ ဦး အပါအ၀င် ထိန်းသိမ်း ခံရသူ ရခိုင် တိုင်းရင်းသား ၈၀၀ လောက်ရှိခဲ့တယ်လို့ သိရပါတယ်။ အဲဒီထဲက ၆၀ လောက်ကို ပြစ်ဒဏ် ချမှတ်ခဲ့တာ ဖြစ် ကြောင်း ဒေသခံတွေကပြောပါတယ်။
RNDP ဗဟိုကော်မတီအဖွဲ့ဝင် ဦးစံလှကျော်ကလည်း ထိန်းသိမ်းခံရသူတွေထဲက အများစုကို ပြန်လွှတ်လိုက်ကြောင်း၊ တချို့ကိုတော့ တရားရုံး ဆိုင်းငံ့အမိန့်နဲ့ နှစ်လလောက် ထိန်းသိမ်း ခံခဲ့ကြရကြောင်း ပြောဆိုပါတယ်။
အလားတူ ရိုဟင်ဂျာဆိုသူ ၁၀ ယောက်လောက်လည်း ထောင်ချခံရကြောင်း၊ တချို့ကို အကြမ်းဖက် ဆူပူအောင် လှုံ့ဆော်မှုနဲ့ ထောင်ဒဏ် ၁၀ နှစ်အထိ ချမှတ်ခံရတယ်ဆိုတဲ့ သတင်းတွေ ရရှိကြောင်း ဧရာဝတီ သတင်းဌာနက ဖော်ပြပါတယ်။
Ref: အာရ်အဖ်အေ
Read More...
Collapse...
စောဇင်ညီ (မြစ်မခ)
23 Aug, 2012
ပြည်ပပို့ကုန်မူဝါဒနှင့်  ပတ်သက်၍ အချို့အချက်များအား ပြုပြင်ပြောင်းလဲသင့်ကြောင်း လွှတ်တော်သို့ တင်ပြထားသော်လည်း ပြုပြင် ပြောင်းလဲခြင်းမရှိသေးသည့်အတွက် ပြည်ပပို့ကုန်လုပ်ငန်းရှင်းများအနေဖြင့် ငွေကြေးနစ်နာမှုများရှိနေကြောင်း သိရှိရသည်။
ပို့ကုန်လုပ်ငန်းရှင်များ နစ်နာသည့် အချို့ အချက်များမှာ ပို့ကုန်တင်ပို့ရန် ကုန်ပစ္စည်းတန်ဖိုးအား နိုင်ငံခြားငွေရှာကာ တင်ပို့မည့် ကုမ္မဏီ အကောင့်ထဲသို့ ထည်သွင်းပြီးမှ တင်သွင်းခွင့်ပြုနိုင်သည့်အချက်ကြောင့်ဖြစ်ကြောင်း ရေထွက်ပို့ ကုန်လုပ်ငန်းရှင် များ အသင်းမှ တာဝန်ရှိသူတစ်ဦး ကပြောသည်။
''ပိုက်ဆံသွင်းပြီးမှ export တင်ရတယ်ဆိုတာ နိုင်ငံတကာမှာလည်းမရှိဘူး။ဒီနိုင်ငံမှာပဲရှိတယ်။ဒီမူဝါဒကြောင့် လည်း လုပ်ငန်း ရှင်တွေဘက် ကအရှုံးပေါ်တာတွေ အများကြီးရှိနေတယ်။ အမှန်က ပိုက်ဆံနောက်မှ သွင်းရတဲ့ မူဝါဒကို ပြောင်းရမှာပါ'' ပာု အ ထက်ပါတာဝန်ရှိသူကပြောသည်။
ပြည်ပပို့ကုန်တင်ပို့ရသည့် ဈေးနှုန်းမှာ တစ်ရက်နှင့် တစ်ရက်ပြောင်းလဲမှုများရှိနေပြီး မြန်မာနိုင်ငံတွင် ငွေစာရင်းသွင်းပြီး တစ်ပတ် ကြာမှ ပြုလုပ်ရသဖြင့် ဈေးနှုန်းကျဆင်းချိန်တွင် နစ်နာမှုများကြုံတွေ့နေရခြင်းဖြစ်သည်ဟု ပို့ကုန်လုပ်ငန်းရှင် တစ်ဦးကပြောသည်။
ထို့အပြင်ဘဏ်များမှ နိုင်ငံခြားငွေဝယ်/ရောင်းလုပ်ငန်များတွင် ဈေးကွာပာမှုများများပြားနေခြင်း၊ ပို့ကုန်အတွက် ချေးငွေအတိုးနှုန်း မသက်သာခြင်း တိုကြာင့် လုပ်ငန်းအခက်အခဲများနှင့် ရင်ဆိုင်နေရကြောင်းကိုလည်း သိရှိရသည်။
'အိတ်စပိုစ်က ကမ္ဘာဈေးကွက်နဲ့ အလုပ်လုပ်နေတာလေ။ အဲဒီတော့ ငွေသွင်းပြီးမှ ကမ္ဘာဈေးကျသွားရင် ကျွန်တော်တို့ဘက်က အနာချည်းပဲ၊ ဥက္ကဌ တင်ပြတော့လည်း အခုချိန်ထိုဘာမှမထူးဘူး'' ပာု ရေထွက်သွင်းကုန်ပို့ကုန်လုပ်ငန်းရှင်များအသင်းမှ ဦးထွန်းပိာန်က ပြောသည်။
ပြည်ပပို့ကုန်မူဝါဒပြောင်းလဲပေးရန် လွှတ်တော်သို့ တင်ပြထားသော်လည်း ထူးခြားမှုမရှိသည့်အတွက် လုပ်ငန်းရှင်များအနေဖြင့် ယခုကဲ့သို့ နစ်နာနေရခြင်းဖြစ်သည်ဟု လုပ်ငန်းရှင်တို့က ဆိုသည်။
Ref: မြစ်မခ
Read More...
Collapse...
ကောင်းမြတ်ဖြိုး ( မြစ်မခ )
23 Aug, 2012
ရန်ကုန်မြို့တွင်းရှိ ဘတ်စ်ကားတစ်စီးလျှင် ပျမ်းမျှခရီးသည်(၁၁၇)ဦး တင်ဆောင်နေရသည့် အတွက် မြို့ပတ်ရထားများအား အဆင့်မြှင့်တင်၍ အချိန်မှန်ထပ်မံတိုးချဲ့ ပြေးဆွဲသင့်ကြောင်းကိုမထသ(ဗဟို)မှ အကြံပြုပြောကြားသည်။
ရန်ကုန်မြို့တွင်း၌ ဘတ်စ်ကားမလုံလောက်မှုတို့ကြောင့် နေ့စဉ်လူကြပ်မှုဒုက္ခများကို ဖြေရှင်းရန် မြို့ပတ်ရထားများကို အားကိုးရန် ဆိုလိုခြင်းဖြစ်သည်။
'မြို့ပတ်ရထားတွေကို အချိန်သတ်မှတ်ချက်လေးနဲ့သွားမယ်၊ ထပ်ပြီးတိုးချဲ့မယ် အဲ့ဒါဆိုရင်ဘတ်စ်ကားကြပ်တာ လျော့နည်းသွား စရာ အကြောင်းရှိပါတယ်၊ ကျွန်တော်ဥာဏ်မှီသလောက်အကြံပြုပြောတာပါ''ဟု မထသ(ဗဟို) တာဝန်ရှိသူတစ်ဦးကပြောသည်။
ရန်ကုန်မြို့တွင်တစ်နေ့တာကာလအတွင်း၌ပြေးဆွဲနေသော ဘတ်စ်ကားစီးရေများမှာ မထသ(ဗဟို)မှ ကောက်ယူထားသော စာရင်း များအရ (၄၅ဝဝ)ဝန်းကျင်ခန့်ရှိပြီး ဘတ်စ်ကားစီးသောလူဦးရေမှာ (၂. ၆)သန်းဝန်းကျင်ခန့်ရှိကြောင်းသိရသည်။
အဆိုပါ လူဦးရေနှစ်သန်းကျော်အား ဘတ်စ်ကားများဖြင့် အချိုးကျကြည့်လျှင် ဘတ်စ်ကားတစ်စီးလျှင် ခရီးတစ်ကြောင်း၌ ခရီး သည်(၁၁၇)ယောက်ခန့်တင်၍ ပြေးဆွဲနေရကြောင်းသိရသည်။
ရန်ကုန်မြို့တွင်းရှိသော ခရီးသည်များနှင့် လက်ရှိပြေးဆွဲနေသောဘတ်စ်ကားများ မညီမျှမှု၏ဘေးထွက်ဆိုးကျိုးအချို့မှာ အထူးကား များလည်း လူပိုတင်နေခြင်း အချို့နေရာများသွားလျှင်ဘတ်စ်ကားအားအချိန်ကြာကြာစောင့်ရခြင်းတို့ ဖြစ်ပေါ်နေကြောင်းသိရသည်။
''ဘတ်စ်ကားစီးရတာက တော်တော်ကြပ်တယ်ဗျ အထူးကားကော၊ရိုးရိုးကားကော ခါတိုင်းဆိုမနက်နဲ့ညနေပဲ ကျပ်တာ၊ အခု ဆိုနေ့လည်နေ့ခင်းပါကျပ်လာတယ်''ဟု ကမာရွတ်မြို့နယ်နေလူငယ်တစ်ဦးကပြောသည်။
ယခုအချိန်၌ ရန်ကုန်မြို့ စည်ပင်သာယာနယ်နိမိတ်အတွင်းရှိ မြို့ပတ်ရထားမှာ တစ်နေ့လျှင် စုစုပေါင်းအသွားအပြန်အကြိမ်ရေ(၇ဝ) ပြေးဆွဲလျက်ရှိပြီး လတ်မှတ်တစ်စောင်လျှင် (၁ဝဝ)ကျပ် ပေးရကာ အသွားအပြန်စီး၍ရကြောင်း မြန်မာ့မီးရထားက သိရှိရသည်။
ထိုကဲ့သို့ ရထားများအချိန်မှန်ပြေးဆွဲခြင်း၊လမ်းကြောင်းများထပ်တိုးခြင်းနှင့် ရထားများအားအဆင့်မြှင့်တင်ခြင်းများ ပြုလုပ်လျှင် ပြည် သူများအနေဖြင့်လည်း ရထားကိုသာအားထား၍စီးကြမည်ဖြစ်ကြောင်း ပြည်သူများထံက သိရှိရသည်။
Ref: မြစ်မခ
Read More...
Collapse...
ကျော်ဇင်မန်း(မြစ်မခ)
23 Aug, 2012
မြန်မာတစ်နိုင်ငံလုံးအတိုင်းအတာအရ လမ်းဘေးခိုးကူးခွေနှိမ်နှင်းရေးစီမံချက်ကြောင့် ယခင်က နိုင်ငံခြားခွေရောင်းချသူအများစုမှာ အလုပ်အကိုင်ပြောင်းလဲလုပ်ကိုင်ရန် အခက်အခဲများရှိနေကြောင်း နှင့် ယာယီအလုပ်လက်မဲ့ဦးရေ တိုးပွားနေကြောင်း အခွေ ရောင်းသူ များထံက သိရသည်။
“ကျွန်တော်ဆိုရင် အရင်ကတည်းက မြန်မာနဲ့ပတ်သက်တာ ဘာတစ်ခုမှမရောင်းဘူး။ညစ်ညမ်းခွေလည်း မရောင်းခဲ့ဘူး။ ကိုယ့်ဘာ သာကို နိုင်ငံခြားဇာတ်လမ်းတွေ သီးသန့်ရောင်းခဲ့တာပါ။ အခုလိုမျိုး သိမ်းကျူံးပြီး အကုန်ပိတ်ခိုင်းလိုက်တော့ ဒုက္ခရောက်သွား တယ်။ လမ်းဘေးဆိုင်တွေတော့ပိတ်ခိုင်းပြီး ကုန်တိုက်တွေမှာ ရောင်းတာကြတော့ ဘာမှမပြောဘူး။”ဟု ဗိုလ်ချုပ်လမ်းပေါ်တွင် အခွေဆိုင်ဖွင့်ခဲ့သူတစ်ဦးက ပြောသည်။
လမ်းဘေးအခွေဆိုင်များ ပိတ်လိုက်ရခြင်းကြောင့် ခွေရောင်းချသူများမှာ ကိုယ်မကျွမ်းကျင်သည့် လုပ်ငန်းပြောင်းလဲ လုပ်ကိုင်ရ သဖြင့် စားဝတ်နေရေး အခက်အခဲများနှင့်ကြုံတွေ့နေရပြီး တစ်ချို့မှာ လက်ရှိအချိန်တွင် အလုပ်လက်မဲ့ဖြစ်နေသည့်အတွက် အလုပ်လက်မဲ့ဦးရေ တိုးပွားလာကြောင်း ကိုလည်း သိရှိရသည်။
“အခုဆိုရင် ဖိနပ်ပြောင်းပြီးရောင်းနေတယ်။ ကိုယ်မကျွမ်းကျင်တဲ့ လုပ်ငန်းဆိုတော့ အဆင်မပြေဘူး။ကျွန်တော့်သူငယ်ချင်း တွေ ဆိုရင် အလုပ်တောင် မရှိတော့ဘူး။ အခွေဆိုင်လေးများ ပြန်ဖွင့်ခွင့် ရမလားဆိုပြီးတော့ စောင့်နေကြတာ။ ရှိစုမဲ့စုပိုက်ဆံလေး နဲ့ရင်းနှီးထား တာဆိုတော့ အလကား ဖြစ်သွားမှာစိုးရိမ်တယ်။ အခုလုပ်ငန်ပြောင်းလုပ်ဖို့တောင် ငွေနှစ်သိန်းကို အတိုးနဲ့ချေးထား ရတယ်’’ ဟု ရွှေဘုံသာလမ်းထိပ်တွင် အခွေရောင်းချခြင်းမှ ဖိနပ်ပြောင်းလဲရောင်းချနေသူ ကိုဖိုးလပြည့်က ပြောသည်။
မြန်မာနိုင်ငံရုပ်ရှင်အစည်းအရုံး အမှုဆောင်သစ်အဖွဲ့နှင့်ပြန်ကြားရေးဝန်ကြီးဦးကျော်ဆန်းတို့ မေလဆန်းပိုင်းကပြုလုပ်သောတွေ့ ဆုံပွဲ တစ်ခုတွင် လမ်းဘေးနိုင်ငံခြားခွေရောင်းချသူများကိုညစ်ညမ်းခွေမှလွဲ၍ ဖမ်းဆီးခြင်းမပြုရန်မှာကြားခဲ့သော်လည်း ရုပ်ရှင် အစည်း အရုံးနှင့် ရဲတပ်ဖွဲ့တို့ ပူးပေါင်းပြီး စီမံချက်များဖြင့် လမ်းဘေးအခွေဆိုင်မှန်သမျှဖမ်းဆီးနေခြင်းကြောင့် ဇူလိုင်လမှစ၍ လမ်းဘေးအခွေရောင်းချသူများအား တွေ့ရှိရတော့ပေ။
''ဖမ်းတဲ့အထဲမှာ နိုင်ငံခြားကားရောင်းချတဲ့သူတွေလည်းပါတယ်။ ဘာလို့လဲဆိုတော့ သူတို့က နိုင်ငံခြားဇာတ်ကားတွေကို ဗန်းပြပြီး နောက်မှာ ခိုးကူးခွေတွေရောင်းချတဲ့ အတွက်ကြောင့်အကုန်လုံးကိုဖမ်းတာပါ'' ဟုမြန်မာနိုင်ငံ ရုပ်ရှင်အစည်းအရုံး မှပြန်ကြား ရေး မှူး ဦးအေးကြူလေးက အတည်ပြုပြောကြားသည်။
ယခုကဲ့သို့ လမ်းဘေးအခွေဆိုင်များကိုဖမ်းဆီးထိမ်းသိန်း နေခြင်းကြောင့်အခွေရောင်းချသူများ ပါမကပဲ နိုင်ငံခြား ရုပ်ရှင်ချစ် ပရိတ် သတ်များပါ အခက်အခဲတွေ့လျက်ကြောင်း သိရသည်။
''ကျွန်တော်ဆို တီဗီစီးရီးတစ်ခုကြည့်နေတာ။ အခုဆိုင်တွေပိတ်လိုက်တော့ ဘယ်မှာ သွားဝယ်ရမှန်းမသိတော့ဘူး။ အရင်က တည်းက နိုင်ငံခြားဇာတ်လမ်းတွေပဲ ကြည့်ခဲ့တာဆိုတော့ အခုလိုမကြည့်ရတော့ စိတ်ထဲမှာ ခုလုခုလုဖြစ်နေတယ်။ ဖမ်းတယ်ဆိုလဲ သူတို့သတ်မှတ်ထားတဲ့ပစ္စည်းရောင်းချတဲ့သူတွေကိုပဲဖမ်းပေါ့။ အခုဟာက မဆိုင်တဲ့သူတွေကိုပါ ဆွဲထည့်နေသလိုပဲ''ဟု သင်္ကန်း ကျွန်းမြို့နယ်မှ ကိုသန့်ဇင်ကပြောသည်။
Ref: မြစ်မခ
Read More...
Collapse...
ဝင့်သင်ဇာကျော် (မြစ်မခ)
23 Aug, 2012
ရန်ကုန်မြို့ပြဖွံ့ဖြိုးမှုစီမံကိန်းအား နှစ် (၄ဝ)စီမံကိန်းဖြင့် မြို့တော်စည်ပင်သာယာရေးကော်မတီ (YCDC) နှင့် JICA (Japan International Cooperation Agency)တို့မှ ပူးပေါင်းအကောင်အထည်ဖော်ဆောင်ရွက်သွားမည်ဖြစ်ကြောင်း သိရှိ ရသည်။
စီမံကိန်းရေးဆွဲရာတွင် ၂ဝ၁၂ခုနှစ် သြဂုတ်လမှ ၂ဝ၁၃ ခုနှစ် ဒီဇင်ဘာလကုန်ပိုင်းအတွင်း အပြီးရေးဆွဲမည်ဖြစ်ပြီး ရန်ကုန်မြို့ရှိ (၃၃)မြို့နယ်တွင် ရေဆိုးသန့်စင်သောစက်ရုံများ ၊ ဂုံးကျော်တံတားများတည်ဆောက်ခြင်း ၊ ရေကြီး ရေလျှံခြင်းများ မဖြစ် ပေါ် အောင် ရေမြောင်းများတိုးချဲ့ခြင်း ၊ ဆိပ်ကမ်းများတိုးချဲ့တည်ဆောက်ခြင်းများနှင့် အခြားသော ဖွံ့ဖြိုးတိုးတက်ရေးအတွက်လိုအပ်သော ကိစ္စရပ်များကို ထည့်သွင်းရေးဆွဲမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရှိရသည်။
''နှစ်(၄ဝ)စီမံကိန်းကို နှစ်ဖက်ပူးပေါင်းရေးဆွဲပြီးရင် လုပ်ငန်းစလုပ်လို့ရပါပြီ၊ အရင်ဆုံးတော့ ဘယ်ဟာတွေကို ဘယ်လို ပြင်ဆင် ဖို့လိုတယ်ဆိုတာတွေကို စီမံကိန်းအဖြစ် ရေးဆွဲတုန်းရှိသေးတယ်'' ဟု ရန်ကုန်မြို့တော် စည်ပင်သာယာရေး ကော်မတီမှ တာဝန် ရှိသူတစ်ဦးက ပြောသည်။
ထိုကဲ့သို့ ပူးပေါင်းဆောင်ရွက်ရခြင်းမှာ နှစ် (၄ဝ)တွင်း မြန်မာနိုင်ငံတွင် လူဦးရေတိုးပွားသာနိုင်သည့် အခြေအနေများ ကြောင့် မြို့ပြစီမံကိန်းအဖြစ် ကြိုတင်ပြင်ဆင်သည့်အနေဖြင့် ပြုလုပ်ရခြင်းဖြစ်ကြောင်း ၄င်းက ဆက်လက်ပြောသည်။
“မြန်မာနိုင်ငံမှာ လူဦးရေကတိုးလာတော့မယ် အဲ့ဒါတွေအတွက် ပြင်ဆင်တဲ့အနေနဲ့ လမ်းပမ်းဆက်သွယ်ရေး ကောင်းမွန်ဖို့ရယ် ၊ သောက်ရေ၊သုံးရေတွေ လုံလုံလောက်လောက်ရဖို့ ရေအရင်းအမြစ်ရရှိအောင် အဓိက ကြိုးပမ်းထားဖို့လိုတယ် ” ဟု ရန်ကုန်မြို့ တော်စည်ပင်သာယာရေးကော်မတီမှ တာဝန်ရှိသူတစ်ဦးက ပြောသည်။
ရန်ကုန်မြို့ပြဖွံ့ဖြိုးမှုစီမံကိန်းတွင် JICA အနေဖြင့် ပူးပေါင်းဆောင်ရွက်မည်ဆိုသော်လည်း ငွေကြေးအားဖြင့် မည်မျှထည့်ဝင်မည်ကိုမူ မသိရှိရသေးပေ။
''အခုက စီမံကိန်းရေးဆွဲနေတဲ့ကာလပဲရှိသေးတယ်ဆိုတော့ JICA အနေနဲ့ ဘယ်လောက်ငွေကြေးကုန်ကျမယ်ဆိုတာလဲ အတိ အကျမသိသေးတော့ ဘယ်လောက်ထည့်ဝင်မယ်ဆိုတာလဲ ပြောလို့မရသေးပါဘူး ''ဟု JICA ကုမ္ပဏီမှ တာဝန်ရှိသူတစ်ဦး က ဖြေကြားပေးခဲ့သည်။
ရန်ကုန်မြို့တော်စည်ပင်သာယာရေးကော်မတီသည် ကနဦးအနေဖြင့် ရန်ကုန်မြို့ရှိ (၈)မြို့နယ်တွင် ရေဆိုးသန့်စင်စနစ်ကို ကျင့်သုံး လျက်ရှိပြီး ကျန်(၂၅)မြို့နယ်ကို JICA ကုမ္ပဏီနှင့် ပူးပေါင်းပြီး ရေဆိုးသန့်စင်စက်ရုံ ဆောက်ပေးရန် အစီအစဉ် ရှိကြောင်း သိ ရှိရပြီး ရေဆိုးသန့်စင်စနစ်အား လသာမြို့နယ် ၊ ကျောက်တံတား၊ မင်္ဂလာတောင်ညွှန့် ၊ ဗိုလ်တထောင် ၊ ပန်းပဲတန်း ၊လမ်းမတော် ၊ ပုစွန်တောင်နှင့် ဒဂုံမြို့နယ်တို့တွင် အသုံးပြုလျက်ရှိသည်။
Ref: မြစ်မခ
Read More...
Collapse...
စည်သူနိုင် (မြစ်မခ)
23 Aug, 2012
၂ဝ၁၃ခုနှစ် ဆီးဂိမ်းတွင် တိုက်ကွမ်ဒိုကစားနည်းအားကစားပြိုင်ပွဲ၌ မြန်မာ နိုင်ငံကိုယ်စားပြုအား ကစားသမားများအနေဖြင့် ရွှေတံဆိပ် ဆုရရှိခဲ့ပါက ဘဝတစ်သက်တာ အာမခံချက်ရစေမည့် ဆုချီးမြှင့်ပေးသွားမည်ဖြစ်ကြောင်း တိုက်ကွမ်ဒို အားကစား အဖွဲ့ချုပ်က ဆိုထားသည်။
''ဆီးဂိမ်းမှာရွှေရတဲ့အားကစားသမားကို ကျပ်သိန်း ၁၅ဝ ဝန်းကျင်လောက် တန်ကြေးရှိတဲ့ အစုရှယ်ယာတွေ ချီးမြှင့်မှာပါ။ သူတို့ အနေနဲ့ တစ်လကို (၂) သိန်းဝန်းကျင်လောက် ထုတ်သုံးနိုင်ပါ လိမ့်မယ်''ဟု တိုက်ကွမ်ဒို အားကစား အဖွဲ့ချုပ်မှ တွဲဖက်အ တွင်း ရေးမှူး ဦးမြသိန်းက ပြောသည်။
အဆိုပါကစားနည်းတွင် Fin ၊ Fly၊ Bantam၊ Feather ၊Light ၊Welter၊ Light Heavy နှင့် Heavy ဟူ၍ ဝိတ်တန်း (၈)တန်းပါဝင်ပြီး Light Heavy နှင့် Heavy ဝိတ်တန်းအတွက် မျိုးဆက်သစ် အားကစားသမား များခေါ်ယူလျက်ရှိကြောင်း သိရသည်။
''ဝိတ်တန်းအားလုံးအတွက်စခန်းသွင်းလေ့ကျင့်ပေးမှာပါ။ အခု ဝိတ်တန်း နှစ်ခုအတွက် အားကစား သမားတွေခေါ်ယူနေပါတယ်။ စခန်းသွင်း လေ့ကျင် နေချိန်မှာလဲ အထွေထွေသုံးဖို့ အတွက် အပို ထောက်ပံ့ငွေပေးအပ်သွားမှာပါ''ဟု ဦးမြသိန်းက ပြောသည်။
ဝင်ရောက်ယှဉ်ပြိုင်မည့် မျိုးဆက်သစ်အားကစားသမားများအား စခန်းသွင်း လေ့ကျင့်ချိန်တွင် နေထိုင်စားသောက်စရိတ်အပြင် အပိုထောက်ပံ့ငွေအဖြစ် တစ်ဦးလျှင်(တစ်လ)ငါးသောင်းကျပ် ထောက်ပံ့ပေးသွားမည် ဖြစ်ကြောင်း ကိုလည်း သိရသည်။
Light Heavy နှင့် Heavy ဝိတ်တန်းနှစ်ခုအတွက် အသက် ၂၄ နှစ် ဝန်းကျင်ရှိ တိုက်ကွမ်ဒို အားကစားနည်း စိတ် ပါဝင်စားသူ မည်သူမဆို စာရင်းသွင်းနိုင်ပြီး အမျိုးသားများအနေဖြင့် အရပ် ၅ ပေ ၁၁ လက်မ ၊ ကိုယ်အလေးချိန် ၁၆၇ ပေါင် ရှိရမည်ဖြစ်ကာ အမျိုးသမီးများအနေဖြင့် အရပ်အမြင့် ၅ ပေ ၈ လက်မ၊ ကိုယ်အလေးချိန် ၁၅ဝ ပေါင် ရှိရမည် ဖြစ်ကြောင်းသိ ရသည်။
စိတ်ပါဝင်စားသူများအနေဖြင့် မြန်မာနိုင်ငံ တိုက်ကွမ်ဒို အဖွဲ့ချုပ် အောင်ဆန်း အားကစားပြိုင်ဝင်း ရန်ကုန်မြို့သို့ စက်တင်ဘာ ၁၅ ရက် နောက်ဆုံးထား စာရင်းပေးသွင်း နိုင်ကြောင်းသိရသည်။
Ref: မြစ်မခ
Read More...
Collapse...
ကိုကိုအောင်
သြဂုတ်လ ၂၃ ရက် ၂၀၁၂ ခုနှစ်
တောင်သူလယ်သမားများ၏ နစ်နာချက်များ အရေးဆိုရန်နှင့် လယ်သမားဘဝ တိုးတက်ရေး ဆောင်ရွက်ရန်အတွက် ဧရာဝတီ တိုင်း၊ မြောင်းမြနှင့် ပုသိမ် မြို့နယ်များတွင် တောင်သူလယ်သမား သမဂ္ဂများ ဖွဲ့မည်ဖြစ်ကြောင်း မြောင်းမြမြို့နယ် သမဂ္ဂ ခေါင်း ဆောင်တဦးက ပြောသည်။
တောင်သူလယ်သမားများ၏ လူနေမှုဘဝ ဖူလုံ တိုးတက်မြင့်မားရေး၊ ဆုံးရှုံးလျက်ရှိသော အခွင့်အရေးကို တောင်းဆို ကာ တိုးတက်သော ခေတ်မီစိုက်ပျိုးရေးစနစ် ဖြစ်လာရေးစသည့် ရည်ရွယ်ချက်များဖြင့် ဖွဲ့စည်းသွားမည်ဟု မြောင်းမြ မြို့နယ် တောင်သူ လယ်သမားများ သမဂ္ဂ အထွေထွေအတွင်းရေးမှူး ဦးသန့်ဇော်ဦး က ပြောသည်။
သမဂ္ဂတွင် ဥပဒေရေးရာ ကော်မတီ၊ ပြန်ကြားရေး ကော်မတီ၊ မြေယာနှင့် ကြွေးမြီပြဿနာ ဖြေရှင်းရေး ကော်မတီ၊ ဘဏ္ဍာ ရေးနှင့် ချေးငွေ ကော်မတီ၊ စည်းရုံးရေး ကော်မတီ၊ သာမှုနာမှု ကော်မတီ နှင့် စာရင်းစစ် ကော်မတီ ဟူ၍ အဖွဲ့ ၇ ဖွဲ့ ပါဝင် မည်ဟု ဗုဒ္ဓဟူးနေ့က မဇ္ဈိမကို ပြောသည်။
သမဂ္ဂဖွဲ့စည်းရေးနှင့် ပတ်သက်ပြီး မြောင်းမြမြို့နယ် တောင်သူလယ်သမားသမဂ္ဂ အနေဖြင့် ဧပြီ ၁၉ ရက်နေ့က လည်းကောင်း၊ ပုသိမ်မြို့နယ်က မတ်လ ၉ ရက်နေ့က လည်းကောင်း သက်ဆိုင်ရာ မြို့နယ် အုပ်ချုပ်ရေးမှူးများထံသို့ စာတင်ပြီး ဖြစ်ကြောင်း ဦးသန့်ဇော်ဦး က ပြောသည်။
ကွယ်လွယ် ကျေးရွာတွင် ယာယီ တည်ထောင်ထားသည့် မြောင်းမြမြို့နယ် သမဂ္ဂတွင် အဖွဲ့ဝင်ပေါင်း ၁,၁ဝဝ ခန့် ရှိနေပြီး ကြက်ပေါင် ကျေးရွာတွင် ယာယီတည်ထောင်ထားသည့် ပုသိမ်မြို့နယ် သမဂ္ဂတွင် အဖွဲ့ဝင်ပေါင်း ၁,ဝဝဝ ခန့် ရရှိပြီးဖြစ်ကြောင်း သိရသည်။
“လယ်သမားတွေ တကယ်ကြုံတွေ့ရတဲ့ ပြဿနာတွေကို ဆောင်ရွက်တဲ့အခါ တဦးချင်းထက် အစုအဖွဲ့နဲ့ ဆောင်ရွက်ရ တာ ပိုကောင်းတယ်။ အကြောက်တရားနဲ့ မွေးဖွားလာတဲ့ လယ်သမားတွေကို မကြောက်အောင်၊ အသင်းဝင်ဖြစ်အာင် စည်းရုံးရတာ မလွယ်ပါဘူး။ ခုတော့ သူတို့အကျိုးအတွက် သမဂ္ဂဖွဲ့ ဆောင်ရွက်တယ်ဆိုတာ နားလည်လာပါပြီ” ဟု ပုသိမ်မြို့နယ်မှ သမဂ္ဂ ပေါ်ပေါက်ရေး ဦးဆောင်လှုပ်ရှားသူ ကိုမျိုးကိုကို က ပြောသည်။
အလားတူပင် အိမ်မဲမြို့နယ်နှင့် လပွတ္တာမြို့နယ်များတွင်လည်း လယ်သမားသမဂ္ဂများ ဖွဲ့စည်းသွားကာ ဧရာဝတီတိုင်း လယ်သမား သမဂ္ဂ ပေါ်ပေါက်သည်ထိ ဆောင်ရွက်သွားမည်ဟု ၎င်းက ပြောသည်။
Ref: မဇ္ဈိမ
Read More...
Collapse...
ဖနိဒါ
သြဂုတ်လ ၂၃ ရက် ၂၀၁၂ ခုနှစ်
သတ္တုတွင်း ဝန်ကြီးဌာန အပါအဝင် ဝန်ကြီးဌာန အချို့တွင် ငွေကြေး အလွဲသုံးစားမှုများ ရှိနေသည်ဟု ရေးသားသည့် အပတ် စဉ်ထုတ် The Voice Weekly ဂျာနယ်အား သတ္တုတွင်း ဝန်ကြီးဌာနမှ အသရေဖျက်မှုဖြင့် စွဲဆိုထားခြင်းကို စက်တင်္ဘာလ ၆ ရက်နေ့တွင် အမိန့်ချမည် ဖြစ်သည်။
ထိုရေးသားချက်များသည် စွပ်စွဲရေးသားထားခြင်း မဟုတ်ကြောင်းနှင့် ချမှတ်မည့် အမိန့်သည် လက်ရှိအစိုးရအား မှတ်ကျောက် တင်မည့် အရေးပါသည့် အချက်ဖြစ်သည်ဟု The Voice Weekly ဂျာနယ် အယ်ဒီတာချုပ် ဦးကျော်မင်းဆွေက ပြောသည်။
“ဝန်ကြီး ဌာနဆိုတာ အစိုးရတဖွဲ့လုံးကို ကိုယ်စားပြုတယ်။ အစိုးရတဖွဲ့ဆိုတာ နိုင်ငံတော်ကို ကိုယ်စားပြုတယ်။ နိုင်ငံတော် ဆိုတာ ကလည်း ပြည်သူလူထု တရပ်လုံး ပါတယ်။ အဲတော့ ဝန်ကြီးဌာန အကျိုးစီးပွားလို့ ပြောလို့ မရဘူး။ ဒါ ပြည်သူလူထု ပါတဲ့ နိုင်ငံတော် တခုလုံး အကျိုးစီးပွား ဖြစ်နေတယ်။ ဒီဟာကလည်း ခိုင်လုံတဲ့ သတင်းရင်းမြစ်ကနေ ရေးတာ” ဟု မဇ္ဈိမကို ပြော သည်။
အကယ်၍ The Voice Weekly ဂျာနယ်မှ သတ္တုတွင်း ဝန်ကြီးဌာအား အသရေဖျက်မှု မြောက်သည်ဟု အမိန့်ချလိုက်
သော်လည်း နေပြည်နေတော်အဆင့်ထိ ဆက်လက် အယူခံသွားရန် အသင့်ပြင်ဆိုထားသည်ဟု ဦးကျော်မင်းဆွေကပြောသည်။
“ကောင်းမွန်သော အုပ်ချုပ်ရေးစနစ်၊ သန့်ရှင်းသော အစိုးရ ဖြစ်ဖို့ဆိုရင် ဒီနိုင်ငံတော်မှာ ရှိတဲ့ ဝန်ကြီးဌာနတွေ ပြည်သူ လူထု တွေမှာ တာဝန်ရှိတယ်။ မီဒီယာတွေကလည်း တာဝန်ရှိတယ်။ နိုင်ငံတော်ကိုယ်စား တာဝန်ထမ်းကြတာချင်း အတူတူ ဒီလိုမျိုး အခြေခံအချက်အလက် ခိုင်ခိုင်လုံလုံနဲ့ ရေးသားတဲ့အပေါ်မှာ တရားဥပဒေနဲ့ ဆုံးဖြတ်ချက်ကို မရောက်ဖို့ ကျနော် အစောကြီး ကတည်းကနေ ပြောခဲ့တယ်။ နိုင်ငံတော်အကျိုး လုပ်တာချင်းအတူတူ မေတ္တာရပ်ခံခဲ့ တယ်။ ဒီလိုမျိုး မဖြစ်အောင် ပြောခဲ့တာကိုမှ ဒီအဆင့်ထိ ရောက်လာတာကိုက ဒါတခုခု ကြားထဲမှာ လွဲချော်နေတယ်လို့ ခံစားရတယ်။ အဆိုးဆုံးထိ မျှော်လင့်ထားပြီးသားပါ” ဟု ဆိုသည်။
ပြည်ထောင်စု စာရင်းစစ်ချုပ်မှ အောက်လွှတ်တော် ငွေစာရင်းကော်မတီသို့ ပေးပို့သော စာမျက်နှာ ၃၆ မျက်နှာရှိ အစီရင်ခံစာပါ အချက်အလက်များကို ရယူ၍ ရေးသားခြင်း ဖြစ်သည်ဟုလည်း ဆိုသည်။
ကြာသာပတေးနေ့ ဒဂုံမြို့နယ် တရားရုံးချိန်းတွင် အသရေဖျက်မှု မမြောက်သဖြင့် ကင်းလွတ်ခွင့်ရှိကြောင်း ဂျာနယ် ဘက်မှ ရှေ့နေ ဦးဝင်းရွှေနှင့် ရှေ့နေ ဒေါ်ခိုင်စန္ဒာတို့က လျှောက်လဲ ချက်ပေးခဲ့ကြသည်။
“စတုတ္ထမဏ္ဍိုင်အနေနဲ့ တာဝန်ထမ်းဆောင်တာ ဖြစ်တယ်။ အဲတော့ ဒီလို အသရေဖျက်မှုတွေကို ကင်းလွတ်ခွင့်ပေးထား တဲ့ ၁ဝ ချက်ထဲက ပထမအချက်နဲ့ သတ္တမအချက်နဲ့ အကျုံးဝင်တယ် စွဲချက် မတင်သင့်ပါဘူး” ဟု ဦးကျော်မင်းဆွေ က ပြောသည်။
သို့သော် တရားလို ရှေ့နေများဘက်မှ ၎င်းဂျာနယ်တွင် ရေးထားချက်များသည် ဝန်ကြီးဌာနများ၏ ဂုဏ်သရေကို ညှိုးနွမ်းစေသဖြင့် စွဲချက်တင်သင့်ကြောင်း လျှောက်လဲချက်ပေးခဲ့ကြသည်။
ယနေ့ တရားခွင်ကြားနာမှုသို့ ပြည်တွင်း သတင်းထောက် ၃ဝ ကျော်က “မီဒီယာ ဖိနှိပ်မှု ရပ် Stop Killing Press” စာတန်းများပါ တီရှပ် အနက်ရောင်များနှင့် “Press Freedom” စာတန်းပါ ဦးထုပ် အနက်ရောင်များ ဝတ်ဆင်၍ တက် ရောက် သတင်းယူခဲ့သည်ဟု သိရသည်။
မတ်လ ၁၂ ရက်နေ့ထုတ် The voice Weekly ဂျာနယ် အတွဲ ၈ အမှတ် ၁၃ က “ဝန်ကြီးဌာန အချို့၏ ကျပ်သိန်းပေါင်း
ထောင်ချီ၍ အလွဲသုံးစားမှု တွေ့ရှိ” ခေါင်းစဉ်ဖြင့် ဂျာနယ် မျက်နှာဖုံးအဖြစ် ဖော်ပြခဲ့သဖြင့် သတ္တုတွင်း ဝန်ကြီးဌာနက သတင်း မမှန်မကန် ဖော်ပြသည်ဟုဆိုကာ ၎င်းဂျာနယ်အား အသေရေဖျက်မှုဖြင့် တရားစွဲဆိုခဲ့ခြင်း ဖြစ်သည်။
အမှတ် (၁) သတ္တုတွင်း ဝန်ကြီးဌာန ပိုင်ဆိုသည့် မုံရွာကြေးနီ စီမံကိန်း၏ အစုရှယ်ယာ ၅ဝ ရာခိုင်နှုန်း(ဒေါ်လာ သန်း ၁ဝဝ တန်ဖိုး)ကို မြန်မာ့စီးပွားရေး ဦးပိုင်လီမိတက်သို့ ရောင်းချခဲ့ရာ ငွေပေးချေရာတွင် ဦးပိုင်လီမိတက်က ပေးချေရမည့် အစား နိုင်ငံခြား ကုမ္ပဏီတခုက ပေးချေခဲ့သည်ဟု The voice ဂျာနယ်က ရေးသားခဲ့သည်။
အကယ်၍ ပြစ်မှုဆိုင်ရာ ဥပဒေ ပုဒ်မ ၅၀၀ အသရေဖျက်မှု မြောက်ပါက ထောင်ဒဏ် ၁ နှစ် သို့မဟုတ် ငွေဒဏ်အားဖြင့် ကျခံရမည် ဖြစ်သည်။
Ref: မဇ္ဈိမ
Read More...
Collapse...
ကွန်းချမ်း
သြဂုတ်လ ၂၃ ရက် ၂၀၁၂ ခုနှစ်
မိုးများ ဆက်တိုက် ရွာသွန်းနေခြင်းနှင့် စစ်တောင်း မြစ်ရေ လျှံခြင်းကြောင့် ပဲခူးတိုင်း၊ ကဝမြို့နယ် သုံးပုံတပုံမှာ တလခန့် ရေလွှမ်းမိုးမှု ခံနေရဆဲ ဖြစ်ကြောင်း ရေဘေးဒုက္ခသည်များကို အကူအညီပေးနေသူ များနှင့် ဒေသခံများက ပြောသည်။
ဇူလိုင်လ ၂၆ ရက်နေ့မှ စတင် ရေလွှမ်းခံရခြင်းကြောင့် ကဝမြို့နယ်အတွင်းရှိ ရွာ ၁၃၆ ရွာအနက် ၄၅ ရွာ ရေလွှမ်းခံရ ကာ လယ်မြေ ဧကပေါင်း ၃ဝ,ဝဝဝ ကျော် ပျက်စီးသွားသည်ဟု ခန့်မှန်းရကြောင်း ရေဘေးသင့် ဒုက္ခသည်များကို အကူအညီ ပေး နေသည့် အမျိုးသားဒီမိုကရေစီအဖွဲ့ချူပ် (NLD) မှ ပဲခူးခရိုင် ကော်မတီဝင် ဦးတင့်လွင် က ပြောသည်။
ကဝမြို့နယ်အတွင်း အုန်းနှဲကျေးရွာအုပ်စုတွင် လယ်မြေ ဧက ၄,ဝဝဝ ခန့် ပျက်စီးသွားခြင်း၊ သက္ကလ ကျေးရွာအုပ်စုတွင် အိမ် ထောင်စု ၄ဝဝ ကျော်မှ လူဦးရေ ၁,၂ဝဝ ကျော် ရေဘေးသင့်ခြင်း စသည်တို့ကို ၎င်းက စုပေါင်းတွက်ချက် ပြောဆိုခြင်း ဖြစ် သည်။
“လယ်တွေပေါ်မှာ ကျနော်တို့ မော်တော် ဖြတ်မောင်းသွားလို့ ရတယ်လေ။ လယ်ထဲမှာ စပါးပင်တွေ မရှိတော့ဘူး။ ရေကြီးတဲ့ ဒေသတွေ အားလုံးမှာ အဲဒီလို ဖြစ်သွားပြီ။ ကြဲခင်းတွေရော၊ စိုက်ခင်းတွေရော အားလုံးက ပျက်သွားပြီ” ဟု ဦးတင့်လွင် က မဇ္ဈိမကို ပြောသည်။
သက္ကလ ရွာမှ ဒေါ်သန်းသန်းအေး ကလည်း “သက္ကလမှာလေ ရေကြီးတာ ရက် ၂ဝ လောက် ရှိသွားပြီ။ စစ်တောင်း မြစ်ရေ ဝင်တာလေ။ အခု စိုက်ပြီးသားတွေပါ ပျက်စီးတယ်” ဟု ပြောသည်။
ထို့ပြင် အိမ်ခြေပေါင်း ၂,၅ဝဝ ကျော်နှင့် လူဦးရေ ၁၅,ဝဝဝ ကျော်လည်း ရေဘေးဒဏ် ခံနေကြရသည်ဟု ရေဘေးသင့် သူများကို အကူအညီပေးနေသည့် ပဲခူးမြို့မှ ကိုဂျမား က ဆိုသည်။
အုန်းနှဲရွာတွင် ဘုရားကြီး၊ ကုသိနာရုံနှင့် ခဲမပြင်ဘုရားများတွင် ကယ်ဆယ်ရေးစခန်း သုံးခုနှင့် အခြား ကျေးရွာအချို့ တွင်လည်း အလားတူ စခန်းများ ဖွင့်ထားကာ ကျေးရွာအများစုမှာ ဘုန်းတော်ကြီးကျောင်းများတွင် ခိုလှုံနေရသည်ဟု အုန်းနှဲကျေးရွာ အုပ်စု ဘက်တွင် အကူအညီပေးနေသည့် ကိုဂျမား က ပြောသည်။
ရေဘေးကြောင့် စာသင်ကျောင်းများ မဖွင့်နိုင်သေးခြင်း၊ အလုပ်အကိုင် ကင်းမဲ့ခြင်းနှင့် ကျန်းမာရေး ချွတ်ယွင်းခြင်း စသည့် ပြဿနာများကိုလည်း မြင်တွေ့နေရကြောင်း အကူအညီပေးနေသူများက ပြောသည်။
“ဖျားနာ၊ ဝမ်းပျက် ဝမ်းလျှော၊ တုတ်ကွေး ရောဂါတွေ ဖြစ်ကြတယ်။ ကျန်းမာရေး စောင့်ရှောက်မှု အားနည်းတာကို တွေ့ရ တယ်” ဟု ကိုဂျမား က ပြောသည်။
သက္ကလ ကျေးရွာအုပ်စုဘက်တွင် အကူအညီပေးနေသည့် ဦးတင့်လွင် က “ဆိုးဆိုးဝါးဝါး ဖြစ်တာက အရေပြားမှာ ခြေတောက် တွေမှာ၊ လက်တွေမှာ ဝဲတွယ်တာပေါ့ဗျာ။ ဝဲစားတဲ့ ရောဂါတွေ တော်တော်များများ ဖြစ်ကြတယ်။ ရေဆိုး ကြောင့်ပေါ့။ အသက် ဘေးအန္တရာယ် ဖြစ်လောက်တဲ့ ဝမ်းရောဂါတော့ မဖြစ်ဘူးခင်ဗျ” ဟု ဆိုသည်။
“အများစုကတော့ အလုပ်အကိုင် မဲ့သွားတဲ့ ပြဿနာ၊ တနေ့လုပ် တနေ့စား သမားတွေပေါ့။ ပျမ်းမျှ ရွာရဲ့လေးပုံ တပုံလောက် အဲဒီလို ဖြစ်နေတာ ရှိတယ်” ဟု သူက ဆက်ပြောသည်။
ရေဘေးသင့်သူများအား ကဝမြို့နယ် ကျန်းမာရေး စောင့်ရှောက်မှု အဖွဲ့မှ သက္ကလ၊ အုန်းနှဲ၊ သံတံခါး စသည့် ဒုက္ခသည် စခန်း များသို့ သွားရောက်ကာ ကျန်းမာရေး ပညာပေး ဟောပြောပွဲနှင့် ဆေးဝါး ကုသမှုများကို ဆောင်ရွက်ပေးနေပြီး ပဲခူးခရိုင် သဘာဝ ဘေးအန္တရာယ် အကူအညီပေးရေး ကွန်ယက်အဖွဲ့၊ ပဲခူးတိုင်း NLD နှင့် အခြား စေတနာရှင်များက လာရောက်ကူညီ ကြသည်။
အလားတူ ပဲခူးတိုင်း ညောင်လေးပင်၊ သနပ္ပင်နှင့် မဒေါက်မြို့နယ်များတွင်လည်း ရေဘေးဒဏ် ခံနေရပြီး စိုက်ခင်းများ ပျက်စီးမှု ရှိကြောင်း သိရသည်။
မိုးလေဝသနှင့် ဇလဗေဒ ညွှန်ကြားရေးမှူး ဦးစီးဌာန ၏ သြဂုတ်လ ၂၂ ရက်နေ့ ထုတ်ပြန်ချက်အရ စစ်တောင်းမြစ်ရေ သည် မဒေါက်မြို့တွင် ၂၄-၇-၂ဝ၁၂ ရက်နေ့မှ စ၍ ၂၉ ရက်ခန့် စိုးရိမ်ရေမှတ် အထက် ကျော်လွန်နေပြီး မြန်မာစံတော် ချိန် ၁၂း၃ဝ နာရီ အချိန် တိုင်းထွာချက်အရ စိုးရိမ်ရေမှတ် အထက် ၁၁၄ စင်တီမီတာ ၃ ဒသမ ၇ ပေခန့် ကျော်လွန် ကာ နောက် သုံး ရက် အတွင်း စိုးရိမ်ရေမှတ် အထက်တွင် ဆက်လက် တည်ရှိနိုင်သည်ဟု ဆိုသည်။
၎င်းပြင် ရွှေကျင်မြစ်ရေသည် ရွှေကျင်မြို့တွင် စိုးရိမ်ရေမှတ် အထက် ၁၇ စင်တီမီတာ (၇ လက္မခန့်) ကျော်လွန်နေပြီး ၂၄ နာရီ အတွင်း စိုးရိမ်ရေမှတ် အောက်သို့ ကျဆင်းနိုင်သည်ဟု ထုတ်ပြန်ထားသည်။
နိုင်ငံတဝှမ်း ပြည်နယ်နှင့် တိုင်းအချို့တွင် ရေကြီးရေလျှံမှု ဖြစ်ပေါ်လျက်ရှိပြီး အဆိုးရွားဆုံးမှာ ၂၆ မြို့နယ် ရှိသည့် ဧရာဝတီတိုင်း ဖြစ်ကာ မြို့နယ် ၁၂ ခုတွင် ရေလွှမ်းမိုးမှု ခံနေရဆဲ ဖြစ်သည်။
Ref: မဇ္ဈိမ
Read More...
Collapse...
သြဂုတ်လ ၂၃ ရက် ၂၀၁၂ ခုနှစ်
ဝါရင့် သတင်းစာဆရာ Thierry Falise ရေးသားထားသော Burmese Shadows ဟု အမည်ရသည့် မြန်မာပြည် အကြောင်း စာအုပ် မိတ်ဆက်ပွဲအား ထိုင်းနိုင်ငံ၊ ဘန်ကောက်မြို့ရှိ နိုင်ငံခြား သတင်းထောက် များ ကလပ်၌ စက်တင်္ဘာလ ၆ ရက်နေတွင် ကျင်းပမည် ဖြစ်သည်။
ဘယ်လ်ဂျီယံ ဇာတိဖြစ်သူ Falise သည် မြန်မာ့အရေးတွင် လက်နက်ကိုင် တော်လှန်ရေး အင်အားစုများနှင့် ဒုက္ခသည်
ရေးရာ များတွင် အထူးလေ့လာထားသူ ဖြစ်သည်။
သူသည် ၁၉၉၁ ခုနှစ် ကတည်းက ဘန်ကောက်မြို့တွင် အခြေချ နေထိုင်ခဲ့ပြီး AP ၊ Times ၊ Newsweek ၊ New York Times The Sunday Express၊ The Sunday Times၊ Far Eastern Economic Review ၊ South China
Morning Post ၊ Asiaweek ၊ L’Express ၊ Le Point ၊Le Monde ၊ Marie Claire ၊ Der Spiegel ၊ Die Welt အပါအဝင် သတင်းစာ ဂျာနယ် များစွာအတွက် သတင်းများ ရေးသားပေးပို့နေသူ ဖြစ်သည်။ ဓါတ်ပုံ အေဂျင်စီ နှစ်ခုဖြစ်သည့် ပဲရစ် ရှိ Gamma နှင့် ဘန်ကောက်အခြေစိုက် OnAsia တို့ကို ကိုယ်စားပြု၍လည်း လုပ်ကိုင်နေသူ ဖြစ်သည်။
သူ၏ အခြား လက်ရာတခုမှာ ပြင်သစ်ဘာသာဖြင့် ထုတ်ဝေခဲ့သော ဒေါ်အောင်ဆန်းစုကြည် အတ္ထုပ္ပတ္တိ Le Jasmin ou la Lune စာအုပ် ဖြစ်သည်။ သူသည် ၂ဝ၁ဝ ခုနှစ်တွင် မြန်မာနိုင်ငံ၏ ရှုပ်ထွေးလှသည့် လူမျိုးစု ပြဿနာများ အကြောင်းကို ဥရောပ ပါလီမန်တွင် ထွက်ဆိုပေးခဲ့ဖူးသည်။
ယခု ထုတ်ဝေမည့် စာအုပ်မှာ ၂၅ နှစ်အတွင်း မြန်မာနိုင်ငံနှင့် ပတ်သက်သည့် ဖြစ်စဉ်များကို အခြေခံ ရေးသားထားပြီး ယခု ကြုံတွေ့နေသည့် အပြောင်းအလဲ ဖြစ်စဉ်များနှင့် ပြည်သူများအပေါ် အကျိုးသက်ရောက်မှုကိုလည်း သရုပ်ဖော် ရေးသားထား သည်။
အရှိအတိုင်းဖြစ်သည့် သရုပ်မှန် အဖြစ်အပျက်များအား ရိုးရိုးရှင်းရှင်း အခိုက်အတန့်များနှင့် ယှဉ်တွဲကာ ပေါ်လွင်အောင် ဖော်ပြ ထားပြီး ပြည်သူများ၏ သတ္တိနှင့် စိတ်ဓါတ် အတိမ်အနက် ကိုလည်း ထုတ်ဖော်ရေးသားထားသည်။
ထို့ပြင် စိတ်ဝင်စားဖွယ်ရာ ကောင်းသည့် ဓါတ်ပုံများတွင် တိုင်းရင်းသား လက်နက်ကိုင် တပ်ဖွဲ့များ၊ တိုင်းရင်းသား တပ်ဖွဲ့ခေါင်း ဆောင်များ၏ ခံစားချက်များ ထပ်ဟပ်နေသည့်အပြင် အစိုးရစစ်တပ်က တွေ့သည်နှင့် ပစ်ခတ်နိုင်သည့် မူဝါဒ ကျင့်သုံးနေခဲ့သော ဒေသများတွင် စွန့်စွန့်စားစား လုပ်ကိုင်နေသည့် လူမှုကူညီရေး လုပ်သားများ၏ စိတ်ဓါတ်များ၊ တောတွင်း စာသင်ကျောင်းများ၏ ပုံရိပ်များနှင့် မြန်မာ့ လူ့အဖွဲ့အစည်းတွင် ဗုဒ္ဓဝါဒက အရေးပါသော အခန်းကဏ္ဍ တွင် ပါဝင်နေကြောင်းလည်း ပုံရိပ်များတွင် ထင် ဟပ်နေပေသည်။
စာအုပ်ဖွင့်ပွဲတွင် Falise က သူ၏ စာအုပ်အကြောင်း အကျဉ်းချုပ် တင်ဆက်မည် ဖြစ်ပြီး ထို့နောက်တွင် အမေးအဖြေ ကဏ္ဍ လည်း ပါဝင်မည်ဖြစ်ကာ ထုတ်ဝေသူ McNidder & Grace စာအုပ်တိုက်မှ Burmese Shadows စာအုပ်များအား
လျှော့ ဈေးဖြင့် ရောင်းချပေးသွားမည် ဖြစ်သည်။
တွဲဘက်ဓါတ်ပုံပြပွဲကိုလည်း စက်တင်္ဘာလထဲတွင်ပင် ပြုလုပ်သွားမည် ဖြစ်သည်။
Ref: မဇ္ဈိမ
Read More...
Collapse...
မျိုးသန့်
သြဂုတ်လ ၂၃ ရက် ၂၀၁၂ ခုနှစ်
သမ္မတဦးသိန်းစိန်၏ သဝဏ်လွှာကို ပြည်ထောင်စုလွှတ်တော်တွင် ကြာသပတေးနေ့က ဖတ်ကြားရန် စီစဉ်ထားခဲ့သော်လည်း သဝဏ်လွှာနှင့်အတူပါရှိသည့် ရခိုင်ပြည်နယ် ပဋိပက္ခဖြစ်စဉ် မှတ်တမ်းတွင် ရခိုင်အမျိုးသားများကို အကြမ်းဖက်လုပ်ဆောင်နေဟန် စွပ်စွဲချက်ကို ရခိုင်တိုင်းရင်းသား တိုးတက်ရေးပါတီ RNDP က သဘောမတူကြောင်း ကန့်ကွက်သဖြင့် ပျက်ပြားသွားခဲ့သည်။
မဇ္ဈိမက လက်ခံရရှိထားသော မှတ်တမ်းမိတ္တူတွင် အသေအပျောက်ရှိခဲ့သော လူမှုအဖွဲ့ ပဋိပက္ခကြီးနှင့် ပတ်သက်၍ ရခိုင်နှင့် ဘင်္ဂါလီများအပေါ် သုံးသပ်ချက်များနှင့် အစ္စလာမ် အစွန်းရောက်ဝါဒကို တိုက်ဖျက်ပြီး လူသားဝါဒ ထွန်းကား စေလိုသော သမ္မတ ဦးသိန်းစိန်၏ ဆန္ဒကိုလည်း ရေရှည်အစီအမံများအဖြစ် တွေ့ရသည်။
အငြင်းပွားစရာ ဖြစ်ခဲ့သော သုံးသပ်ချက်အနက် "ရခိုင်တိုင်းရင်းသားများ၏ အခြေအနေဟူသော" ခေါင်းစဉ်အောက်တွင် စုစုပေါင်း အချက်ကိုးချက် ပါရှိသည့်အနက် ပဋိပက္ခကြောင့် နှစ်ဘက်လုံးတွင် စိတ်ပိုင်းဆိုင်ရာ ထိခိုက်ခံစားလျှက်ရှိပြီး အခွင့်အလမ်းများ ဆုံးရှုံးလျက်ရှိသည်ဆိုသော အချက်မှတပါး ကျန်အချက်များကို အတိုက်အခံ ရခိုင်ပါတီမှ အမတ် ၁၄ ဦးက သဘောမကျခြင်း ဖြစ်သည်။
"နိုင်ငံရေးပါတီများ၊ သံဃာအချို့နှင့် လူပုဂ္ဂိုလ်အချို့တို့ ခေါင်းဆောင်၍ လူမျိုးရေး မုန်းတီးမှုစိတ်ဓာတ်ကို အလွန်အကျွံ မြှင့်တင်ခြင်း၊ လူမျိုးရေးအရ အဆင်အခြင်မဲ့စွာ တိုက်ခိုက်လိုစိတ်ကို လှုံ့ဆော်ခြင်းတို့ ဆောင်ရွက်လျက်ရှိသည်။" ဟု ဖော်ပြထားသလို "ဘင်္ဂါလီ မူဆလင်များအပေါ် အကြမ်းဖက်ရန် အဆက်မပြတ် ကြံစည်လုပ်ဆောင်လျှက်ရှိသည်"ဟု စွပ်စွဲထားသည်။
"အချင်းချင်း တိုက်ခိုက်လိုစိတ်ကို လှုံ့ဆော်ခြင်းဆိုတာ အင်မတန် မြင့်မားတဲ့ စွပ်စွဲချက်ဗျ။ ကျနော်တို့မှာ အကြမ်းဖက်လိုစိတ် လုံးဝမရှိပါဘူး။ အဲဒါကို အကြမ်းဖက်ရန် ကြံစည်နေတယ်ဆိုတော့ ကျနော်တို့ကို အကြမ်းဖက်သမားအဖြစ် အပြစ်တင်နေတော့ ကျနော်တို့က ဘယ်လိုလုပ်ခံနိုင်မလဲ။ ကျနော်တို့က အကြမ်းဖက်သမားလား။ အစဉ်အလာကော ရှိလား။" ဟု RNDP ပါတီမှ ဒေါက်တာအေးမောင်က မဇ္ဈိမကို ပြောသည်။
သုံးသပ်ချက်တွင် နိုင်ငံသားဖြစ်မှု ဥပဒေအရ ရိုဟင်ဂျာဟုလည်း အသိများသော ဘင်္ဂါလီမူဆလင်များ နိုင်ငံသား ဖြစ်နိုင်သည့် အခြေအနေကိုလည်း နားလည် လက်ခံနိုင်ခြင်း မရှိဟု ပါရှိသည်။
ထို့အပြင် ရခိုင်စီးပွားရေး လုပ်ငန်းရှင်အချို့က ပဋိပက္ခကို အခွင့်ကောင်းယူကာ ဘင်္ဂါလီများ၏ စီးပွားရေးလုပ်ငန်းကို အချောင်ယူ ရန် ကြိုးပမ်းနေသည်ဟု စွပ်စွဲထားသည်။
လူဝင်မှုကြီးကြပ်ရေး အရာရှိများ အဂတိလိုက်ကာ ဘင်္ဂါလီများ ခိုးဝင်နေမှုကို ထိရောက်စွာ တားဆီးခြင်းမရှိဟု ရခိုင် အများက စွပ်စွဲသည်ကိုလည်း ထဲ့သွင်းဖော်ပြထားသလို ကုလသမဂ္ဂနှင့် နိုင်ငံတကာ အန်ဂျီအိုများကို အငြိုးထားကာဒေသတွင် မနေရဲအောင် လုပ်ကိုင်လာသည်ဟု ပါရှိသည်။
ထို့အပြင် အာဏာရ ကြံ့ခိုင်ရေးပါတီက မဲရရေးအတွက် ဥပဒေကို မျက်ကွယ်ပြုပြီး ဘင်္ဂါလီများအပေါ် မသင့်မလျော် ဆောင်ရွက် ပေးကြောင်း စွပ်စွဲခြင်းကိုလည်း ဖော်ပြထားသည်။
မှတ်တမ်းအရ မေ ၂၈ ရက်မှ သြဂုတ် ၈ ရက်နေ့အတွင်း ရခိုင်ပြည်နယ်တွင်းရှိ မြို့ရှစ်မြို့နယ်တွင် ဆူပူအကြမ်းဖက်မှု များ ကြောင့် ၈၇ ဦး သေဆုံးခဲ့ပြီး ဒဏ်ရာရသူ ၁၂၀ ရှိခဲ့သည်ဟု သိရသည်။ ဒုက္ခသည်စခန်း ၅၃ ခုတွင် ခြောက်သောင်း တ ထောင်ကျော်ကို စောင့်ရှောက်ထားရကာ အများစုမှာ ဘင်္ဂါလီများ ဖြစ်သည်။
သုံးသပ်ချက်တွင် ဘင်္ဂါလီများနှင့် ပတ်သက်၍ ဘာသာရေး အစွန်းရောက်နှင့် သာမန်လူများ ကွာခြားမှုကို အသိအမှတ်ပြုထားပြီး လူဦးရေ၏ ၇၅ ရာခိုင်နှုန်းဖြစ်သော အမျိုးသမီးနှင့် ကလေးများ၏ အသက်မွေးဝမ်းကျောင်းမှု ခက်ခဲမှုကို ဖော်ပြထားသည်။
အစွန်းရောက် ဘင်္ဂါလီခေါင်းဆောင်များက ဘာသာရေးမှိုင်းသွတ်သွင်း၍ အပြစ်မဲ့သူများကိုဗန်းပြကာ အစ္စလာမ်နိုင်ငံများနှင့် အစွန်း ရောက် အစ္စလာမ် အဖွဲ့အစည်းများထံမှ အလှူခံစားလျက်ရှိသည်ဟု ပါရှိသည်။
"ဒုက္ခဆင်းရဲမှု အခြေအနေကို ဗန်းပြ၍ နိုင်ငံတကာ၏ အမြင်တွင် လူသားချင်းစာနာမှုရှု့ထောင့်မှ အသာစီးရရန် ကြိုးစားလျက် ရှိသည်။" ဟု စွပ်စွဲထားသည်။
ငြိမ်းချမ်းသာယာရေးအတွက် အစိုးရဘက်က ဆောင်ရွက်နေသော လတ်တလောနှင့် ရေရှည်ဖြေရှင်းချက်များကိုလည်း ဖော်ပြ ထားပါသေးသည်။
နှစ်ဘက်ကိုယ်စားလှယ်များပါသော လူဝင်မှုစာရင်းမှန် ရရှိရေးဆောင်ရွက်ခြင်း၊ လုံခြုံရေးတိုးမြှင့်ကာ တရားဥပဒေ စိုးမိုးမှုရှိအောင် လုပ်ခြင်း၊ ကုလသမဂ္ဂနှင့် နိုင်ငံတကာ အန်ဂျီအိုများနှင့် ပူးပေါင်းဆောင်ရွက်ခြင်းသို့ သာမက သတင်းအမှန်များ ထုတ်ပြန်ပေး ခြင်းတို့မှာ လတ်တလောလုပ်ငန်းများတွင် ပါဝင်သည်။
ရေရှည်အစီအမံများအနက် မြန်မာ-ဘင်္ဂလားဒေ့ရ်ှနယ်စပ် ခြံစည်းရိုးတလျောက် ကွန်ကရစ်ပတ်လမ်းများ တည်ဆောက်ရေး၊ လူမျိုးစုများ၏ ထိတွေ့မှုနှင့် ရင့်ကျက်မှုကို ပျိုးထောင်ပေးခြင်း၊ စစ်တွေမြို့ပြ စီမံကိန်း အကောင်အထည်ဖော်ခြင်းနှင့် စစ်တွေ-မောင်တော မြစ်ကူးတံတား တည်ဆောက်ရေးတို့ ပါဝင်သလို ဘင်္ဂါလီများအတွက် ပညာရေး၊ ကျန်းမာရေးနှင့် အသိပညာ ဗဟု သုတ မြှင့်တင်ပေးကာ ပိုမိုပွင်လင်းသော လူ့အဖွဲ့အစည်း ဖြစ်လာအောင် ကူညီပေးခြင်းနှင့် လူသားအရင်းအမြစ် ဖွံ့ဖြိုး ရေးများ လုပ်ရန်တို့ ပါဝင်သည်။
ရခိုင်တိုင်းရင်းသားများနှင့် ဘင်္ဂါလီများအကြား မြေယာခွဲဝေမှု အငြင်းပွားမှု မရှိအောင် ဆောင်ရွက်ရေးနှင့် စီးပွားရေး ဘက်တွင် အိန္ဒိယနိုင်ငံ၊ ဘင်္ဂလားဒေ့ရ်ှနိုင်ငံတို့နှင် ပူးပေါင်းဆောင်ရွက်ရေး စီမံထားကြောင်း ပါရှိသည်။
သင်္ဘောတည်ဆောက်ရေးလုပ်ငန်း၊ လျှပ်စစ်ဓာတ်အားပေးလုပ်ငန်း၊ သဘာဝအခြေပြု ခရီးသွားလုပ်ငန်းများကို အကောင်အထည် ဖော်ပြီး ရခိုင်ပြည်နယ် ဖွံ့ဖြိုးအောင်လုပ်ဆောင်မည်ဟု ပါရှိသည်။
အစ္စလာလမ်ဘာသာရေး အစွန်းရောက် အရင်းအမြစ်များကို ရှင်းလင်းသွားမည်ဟု ဆိုထားပြီး အစွန်းရောက် အစ္စလာမ်ဝါဒီတို့၏ အခြေခံနယ်မြေဖြစ်သော မောင်တောတွင် "အဆမတန်များပြားနေသော ပလီများ၊ အာရဗီကျောင်းများနှင့် မော်လဝီဆရာများ လျော့ချရေး"ကို ဆောင်ရွက်သွားမည်ဟု ပါရှိသည်။
ဘင်္ဂါလီများအကြား လူဦးရေ အလွန်အကျွံ တိုးပွားမှုအပေါ် ကိုင်တွယ်သွားမှာဖြစ်သလို မြန်မာ့ယဉ်ကျေးမှု ထုံးတမ်းစဉ်လာများကို လေးစား ဂုဏ်ယူလာစေရန် ဆောင်ရွက်မည်ဟုဆိုသည်။
Ref: မဇ္ဈိမ
Read More...
Collapse...
မျိုးသန့်
သြဂုတ်လ ၂၃ ရက် ၂၀၁၂ ခုနှစ်
ပြည်သူ့လွှတ်တော်နှင့် အမျိုးသားလွှတ်တော်တို့ ကြာသပတေးနေ့တွင် ဆွေးနွေးရန် အစီအစဉ်များ ချမှတ်ထားပြီးဖြစ်သော်လည်း လွှတ်တော်အစည်းအဝေးများ ဖျက်သိမ်း၍ လွှတ်တော်ဥက္ကဋ္ဌနှစ်ဦးနှင့် သမ္မတဦးသိန်းစိန်တို့ သမ္မတ အိမ်တော်တွင် တွေ့ဆုံဆွေး နွေးလျက်ရှိသည်ဟု နေပြည်တော် သတင်းရပ်ကွက်က ပြောသည်။
ဆွေးနွေးမှုမှာ နံနက် ၁ဝ နာရီက စတင်ပြီး နံနက် ၁၁း၃ဝ အချိန်အထိ မပြီးပြတ်သေးဟုလည်း သတင်းရပ်ကွက်က ဆိုသည်။
ပြည်သူ့လွှတ်တော်အမတ် ဦးရဲထွန်းက လွှတ်တော်နှစ်ရပ်နှင့် အခြေခံဥပဒေဆိုင်ရာ ခုံရုံးတို့အကြား အငြင်းပွားနေခြင်း ကို သမ္မတ ဦးသိန်းစိန်နှင့် ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်တို့ ဆွေးနွေးနေခြင်း ဟု ယူဆကြောင်း မဇ္ဈိမကို ပြောသည်။
ဖွဲ့စည်းပုံ အခြေခံ ဥပဒေ ဆိုင်ရာခုံရုံးက လွှတ်တော်နှစ်ရပ်မှ လွှတ်တော်အမတ်များနှင့် ဖွဲ့စည်းထားသည့် ကော်မတီ၊ ကော်မရှင် များသည် ပြည်ထောင်စုအဆင့်မဟုတ်ဟု ဆုံးဖြတ်ခဲ့ရာမှ စတင်သော တင်းမာမှုသည် ကိုးဦးပါ အခြေခံ ဥပဒေခုံရုံးအဖွဲ့ဝင်များ တာဝန်မကျေဟု လွှတ်တော်တွင် စွပ်စွဲပြစ်တင်ရန် ပြင်ဆင်သည်အထိ ဖြစ်လာခဲ့သည်။
အောက်လွှတ်တော် ဥက္ကဋ္ဌ သူရဦးရွှေမန်းက သမ္မတထံတင်ပြခဲ့သော ခုံရုံးအဖွဲ့ဝင်များ အလိုအလျောက် ရာထူးမှ နှုတ်ထွက်ပေး ရန် ဖိအားပေးရန်အချက်မှာ ပယ်ချခံခဲ့ရပြီး ခုံရုံးအဖွဲ့ဝင်များဘက်ကလည်း ကျူးလွန်မှုမရှိကြောင်း ငြင်းဆိုကြကာ ဆက်လက် တာဝန်ထမ်းဆောင်မည်ဟု ထုတ်ပြောခဲ့သည်။
သမ္မတက ဖွဲ့စည်းပုံအခြေခံဥပဒေကို ပြင်ဆင်ခြင်းဖြင့် ဖြေရှင်းရန် တိုက်တွန်းထားသော်လည်း လွှတ်တော်က စွပ်စွဲပြစ်တင်မှု လုပ် ရန် ပိုမိုအားသန်နေသည်။
လွှတ်တော်ရေးရာကော်မတီများ ပြည်ထောင်စုအဆင့် ဟုတ်၊ မဟုတ်နှင့် ပတ်သက်၍ အခြေခံဥပဒေခုံရုံး၏ မတ်လ အတွင်းက ဆုံးဖြတ်ချက်ကို သွားရောက်ကြားနာခဲ့သူ အောက်လွှတ်တော် ဒုဥက္ကဋ္ဌ ဦးနန္ဒကျော်စွာက လွှတ်တော်သို့ အစီရင်ခံရာတွင် "မှား ယွင်းတဲ့ ဆုံးဖြတ်ချက်ကို တနာရီလောက်ကြာအောင် မတ်တတ်ရပ် နားထောင်ခဲ့ရတာနှင့် မတန်စွာကြားနာ ခဲ့ရပါတယ်။" ဟုပါ ရှိသည်။
ခုံရုံးအဖွဲ့ဝင်များကို စွပ်စွဲပြစ်တင်မည့်အဆိုကို သောကြာနေ့တွင် အမျိုးသားလွှတ်တော်၌ တင်သွင်းရန်ရှိသည်ဟုလည်း အထက် လွှတ်တော်အမတ် ဦးဖုန်းမြင့်အောင်က မဇ္ဈိမကိုပြောသည်။ ကြာသပေးနေ့တွင် လွှတ်တော်နှစ်ရပ် အစည်းအဝေးများကို ဖျက် သိမ်းလိုက်သော်လည်း နေ့လည်တနာရီတွင် ပြည်ထောင်စုလွှတ်တော် ကျင်းပရန်ရှိသည်။
ဖွဲ့စည်းပုံအခြေခံဥပဒေတွင် အဓိပ္ဗါယ်ဖွင့်ဆိုထားခြင်း မရှိသော်လည်း လွှတ်တော်နှစ်ရပ်လုံး၏ နည်းဥပဒေအသီးသီးတွင် လွှတ်တော် ရေးရာကော်မတီများသည် ပြည်ထောင်စုအဆင့် အဖွဲ့အစည်းများ ဖြစ်သည်ဟု ပြဌာန်းထားသည်။
"ပြည်ထောင်စု အဆင့် အဖွဲ့အစည်း ဆိုသည်မှာ ဖွဲ့စည်းပုံ အခြေခံ ဥပဒေအရ ဖွဲ့စည်းသော ပြည်ထောင်စု အစိုးရအဖွဲ့၊ အမျိုး သား ကာကွယ်ရေးနှင့် လုံခြုံရေးကောင်စီ၊ ဘဏ္ဍာရေးကော်မရှင်၊ ပြည်ထောင်စု တရား လွှတ်တော်ချုပ်၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၊ ပြည်ထောင်စုရွေးကောက်ပွဲ ကော်မရှင်၊ ပြည်ထောင်စု စာရင်းစစ်ချုပ်ရုံးနှင့် ပြည်ထောင်စု ရာထူးဝန် အဖွဲ့တို့ကို လည်းကောင်း၊ ပြည်ထောင်စု လွှတ်တော်၊ ပြည်သူ့လွှတ်တော်နှင့် အမျိုးသား လွှတ်တော်တို့က ဖွဲ့စည်းသည့် ကော်မတီ၊ ကော်မရှင်နှင့် အဖွဲ့တို့ကို လည်းကောင်း ဆိုသည်” ဟူ၍ ဖြစ်သည်။
Ref: မဇ္ဈိမ
Read More...
Collapse...
2012-08-22
မကြာသေးခင်က ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ် မြို့နယ်အသီးသီးက ဒေသခံ ခေါင်းဆောင်တွေဟာ ရသေ့တောင်မြို့မှာ စုဝေးပြီး မေယုမြစ်ဝှမ်း ညီလာခံလို့ နာမည်ပေးထားတဲ့ ဆွေးနွေးပွဲ တစ်ရပ်ကို များမကြာခင် ကျင်းပနိုင်ရေးအတွက် ရသေ့ တောင်မြို့ အောင်မြေဗောဓိ အလိုတော်ပြည့် ကျောင်းတိုက်မှာ သြဂုတ်လ ၂၂ ရက် မနေ့က နေ့လည်ပိုင်းက မြို့မိမြို့ဖတွေ အစည်းအဝေးတစ်ရပ် ကျင်းပခဲ့ပါတယ်။
အဲဒီအစည်းအဝေးကို ရသေ့တောင်မြို့ခံ လူထု ၂၀၀ ကျော် တက်ရောက်ခဲ့ပြီး မေယုမြစ်ဝှမ်း ညီလာခံ အောင်အောင်မြင်မြင် ကျင်းပနိုင်ရေးအတွက် လူပေါင်း၂၀ ကျော်ပါဝင်တဲ့ ပင်မကော်မတီ တစ်ရပ်ကို ဖွဲ့စည်းခဲ့တယ်လို့ အဲဒီအစည်းအဝေး တက်ရောက် ခဲ့တဲ့ မြို့ခံ ကိုတေးနွယ်အောင်က ပြောပါတယ်။
အခုဖွဲ့စည်းလိုက်တဲ့ ဒီပင်မ ကော်မတီမှာ မြို့မိ မြို့ဖတွေအပြင် ဌာနဆိုင်ရာနဲ့ နိုင်ငံရေးပါတီတွေက တာဝန်ရှိသူတွေ ပါဝင်ပြီး အဲဒီညီလာခံကို လာမယ့် ရက်သတ္တ နှစ်ပတ်အတွင်း ဖြစ်မြောက်အောင် ကြိုးပမ်း လုပ်ဆောင်သွားမှာ ဖြစ်တယ်လို့ သိရပါတယ်။ ညီလာခံ ကျင်းပမယ့် နေ့ရက်နဲ့ နေရာကိုတော့ လာမယ့် သြဂုတ်လ ၂၄ ရက်နေ့မှာ အသေးစိတ် ထပ်မံ ဆွေးနွေးကြမယ်လို့လည်း သိရပါတယ်။
ဒီညီလာခံမှာ မကြာသေးခင်က ပဋိပက္ခ အကြမ်းဖက်မှုတွေ ဖြစ်ပွားခဲ့တဲ့ ဘူးသီးတောင်၊ မောင်တော၊ စစ်တွေ၊ ကျောက်တော် အပါအဝင် ပေါက်တော၊ မြေပုံ၊ မြောက်ဦး၊ မင်းပြား၊ ရမ်းဗြဲ၊ ကျောက်ဖြူ စတဲ့ မြို့အသီးသီးက မြို့မိ မြို့ဖတွေနဲ့ ပညာရှင်တွေကို ဖ်ိတ်ခေါ်ပြီး ဒေသခံ ရခိုင်လူမျိုးတွေ အဓွန့်ရှည်ရေးနဲ့ ရိုဟင်ဂျာ လူမျိုးတွေရဲ့ လူဦးရေအရ ၀ါးမြိုမခံရရေးတို့အတွက် အဓိက အဖြေရှာ သွားမှာ ဖြစ်တယ်လို့လည်း ညီလာခံ ဖြစ်မြောက်ရေး စီစဉ်သူတွေက ပြောသွားကြပါတယ်။
Ref: အာရ်အဖ်အေ
Read More...
Collapse...
2012-08-22
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ သမ္မတ ဦးသိန်းစိန်နဲ့ ရက်သတ္တနှစ်ပတ်အတွင်းမှာ ဒုတိယအကြိမ် အဖြစ် မနေ့က တွေ့ဆုံ ဆွေးနွေးခဲ့တယ်လို့ နိုင်ငံတော် သမ္မတရုံး ညွှန်ကြားရေးမှူး ဗိုလ်မှူးကြီး ဇော်ထွေးက ပြောပါတယ်။
ဒေါ်အောင်ဆန်းစုကြည်နဲ့ သမ္မတကြီးတို့ဟာ ဗုဒ္ဒဟူးနေ့ ညနေပိုင်းက နေပြည်တော်မှာ တွေ့ဆုံခဲ့ကြကြောင်း ပြောပေမယ့် ဘာတွေ ပြောဆို ဆွေးနွေးခဲ့သလဲဆိုတာ အသေးစိတ်တော့ ဗိုလ်မှူးကြီး ဇော်ထွေးက မပြောပါဘူး။
အနှစ် ၅၀ လောက် စစ်အာဏာရှင်စံနစ်နဲ့ အုပ်ချုပ်လာခဲ့တဲ့ မြန်မာနိုင်ငံရဲ့ ပြုပြင်ပြောင်းလဲရေး ဆောင်ရွက်မှုတွေမှာ ဒေါ်အောင် ဆန်းစုကြည်နဲ့ သမ္မတ ဦးသိန်းစိန်ဟာ အဓိကကျတဲ့ သူတွေ ဖြစ်ပါတယ်။
သူတို့နှစ်ဦးဟာ စုစုပေါင်း ၃ကြိမ် တွေ့ဆုံခဲ့ပြီး ဖြစ်ကာ နောက်ဆုံး တွေ့ဆုံခဲ့တာ သြဂုတ်လ ၁၂ ရက်နေ့က ဖြစ်ပါတယ်။ အဲဒီ တုန်းကလည်း ဆွေးနွေးမှု အသေးစိတ်ကို သတင်းထုတ်ပြန်ခြင်း မရှိပါဘူး။
Ref: အာရ်အဖ်အေ
Read More...
Collapse...
2012-08-22
စစ်ကိုင်းတိုင်း မုံရွာ လက်ပန်းတောင်းတောင် ကြေးနီ ထုတ်လုပ်ရေး စီမံကိန်း ဆက်လက် အကောင်အထည်ဖော်မယ့် ကိစ္စကို ဟန့်တားဖို့ ကျေးရွာပေါင်း (၁၂) ရွာက ဒေသခံ တစ်ထောင်ကျော်ဟာ လက်ပန်းတောင်းတောင် ကနေ (၄) မိုင်ခွဲ လောက် ဝေးတဲ့ ဆားလင်းကြီးမြို့ကို ဒီကနေ့ မနက်ပိုင်းက ငြိမ်းချမ်းစွာ ချီတက် လမ်းလျှောက်လာစဉ် လမ်းခုလတ် အရောက်မှာ အာဏာ ပိုင်တွေရဲ့ တားဆီးပိတ်ပင် ခံခဲ့ရတယ်လို့ သိရပါတယ်။
ဒေသခံတွေဟာ ဆားလင်းကြီးမြို့အနီး ဒူးထောက်ကျေးရွာ အရောက်မှာ ဆက်မသွားဖို့ တားမြစ်ခံရတာလို့ အဲဒီ ဒေသခံတွေအရေး ၀င်ရောက် ကူညီဆောင်ရွက်ပေးနေတဲ့ ကိုဟန်ဝင်းအောင်က RFA ကို ပြောပါတယ်။
ချီတက်လာတဲ့ လူထုကို အာဏာပိုင်တွေက ဟန့်တားပြီးနောက် မြို့နယ် အုပ်ချုပ်ရေးမှူးရုံးမှာ ဆွေးနွေးမယ် အကြောင်းပြပြီး ကျေးရွာ အသီးသီးက ကိုယ်စားလှယ်တွေ ရွေးချယ် ခေါ်ယူသွားခဲ့တယ်လို့ သိရပါတယ်။ မြို့နယ်အုပ်ချုပ်ရေးမှူးရုံးကို ရောက်တဲ့ အခါမှာတော့ တစုံတရာ မဆွေးနွေးခဲ့တာကြောင့် ကျေးရွာ ကိုယ်စားလှယ်တွေ အပါအ၀င် ချီတက်သူအားလုံး ပြန်လာခဲ့ရတယ်လို့ သိရပါတယ်။
မနေ့ကတော့ လက်ပန်းတောင်းတောင် စီမံကိန်း ပြန်စမယ်ဆိုပြီး အာဏာပိုင်တွေဘက်က လုံခြုံရေး အယောက် (၁၀၀) လောက် နဲ့ မီးသတ်ကား တစ်စီး လာရောက် နေရာ ယူထားခဲ့တယ်လို့ ဒေသခံတွေက ပြောပါတယ်။
ဒီစီမံကိန်းကို မြန်မာယန်စီ တရုတ်ကုမ္ပဏီနဲ့ စစ်တပ်ပိုင် မြန်မာ့စီးပွားရေးဦးပိုင် လီမိတက်တို့ ပူးပေါင်း အကောင်အထည် ဖော်နေ တာ ဖြစ်ပါတယ်။
Ref: အာရ်အဖ်အေ
Read More...
Collapse...
2012-08-22
ကမ္ဘာပေါ်မှာ တတိယအကြီးဆုံး ကားအရောင်းဋ္ဌာန ဖြစ်တဲ့ ဂျာမဏီ အခြေစိုက် ဗောက်စ်ဝက်ဂွန်ကား ကုမ္ပဏီဟာ မြန်မာနိုင်ငံမှာ ဈေးကွက် ချဲ့ထွင်ဖို့ အတွက် ဒေသတွင်း တွဲဖက် လုပ်ကိုင်မယ့်သူကို ရှာဖွေနေကြောင်း Asia News Network သတင်းမှာ ဖော်ပြပါတယ်။
ဗောက်စ်ဝက်ဂွန် ကားကုမ္ပဏီဟာ မြန်မာနိုင်ငံအတွင်းမှာ အရောင်းဋ္ဌာန ဖွင့်လှစ်ဖို့အတွက် ထိပ်တန်း မြန်မာစီးပွားရေး လုပ်ငန်း ရှင်တွေနဲ့ ဆွေးနွေးနေပြီး မြန်မာနိုင်ငံအတွင်းမှာ စူပါ မာ့ကက်ကြီးတွေ၊ Shopping Center ကြီးတွေ၊ ကားအရောင်းပြခန်း တွေနဲ့ နိုင်ငံခြား သွင်းကုန်လုပ်ငန်းတွေ လုပ်ကိုင်နေတဲ့ လုပ်ငန်းရှင်ကြီးတချို့ဟာ ဗောက်စ်ဝက်ဂွန် ကုမ္ပဏီနဲ့ ပူးပေါင်းဆောင် ရွက် ဖို့ အလားအလာ ရှိတယ်လို့ နီးစပ်သူတစ်ဦးက ပြောပါတယ်။
ဗောက်စ်ဝက်ဂွန် ကုမ္ပဏီဟာ ၁၉၃၇ ခုနှစ်မှာ တည်ထောင်ခဲ့ပြီး ကုမ္ပဏီထွက် Beetle, Golf နဲ့ Passat ကားမော်ဒယ် တွေနဲ့ လူသိများပါတယ်။ ကုမ္ပဏီဟာ နှစ်စဉ် ကားအစီးရေ ၄ သန်း ပျမ်းမျှ ရောင်းချနေရပါတယ်။
တချိန်ထဲမှာပဲ တောင်ကိုးရီးယား ကားကုမ္ပဏီ နှစ်ခုဖြစ်တဲ့ Hyundai နဲ့ Kia ကားကုမ္ပဏီတွေကလည်း မြန်မာနိုင်ငံက ဒိုင်းမွန်း စတားကုမ္ပဏီကို ဒေသတွင်း ကိုယ်စားလှယ်အဖြစ် ခန့်အပ်ပြီး ပူးပေါင်း လုပ်ကိုင်ဖို့ ဆွေးနွေးနေကြောင်းနဲ့ ကားအ သစ်တွေ တင်သွင်းမှာဖြစ်ကြောင်း ကုမ္ပဏီနဲ့ နီးစပ်သူတစ်ဦးက ပြောကြားလိုက်ပါတယ်။
ဒိုင်းမွန်းစတား ကုမ္ပဏီဟာ လွန်ခဲ့တဲ့နှစ်တွေကတည်းက ဂျပန်နဲ့ တောင်ကိုးရီးယားက ကားတွေကို တင်သွင်းနေတာ ဖြစ်ပါတယ်။ အစားအစာ၊ ဆေးဝါး၊ ဓာတ်မြေသြဇာနဲ့ Shopping Mall မှာ ရောင်းချတဲ့ ပစ္စည်းတွေကို တင်သွင်း၊ တင်ပို့တဲ့လုပ်ငန်း လုပ် ကိုင်ပြီး မကြာသေးခင်ကပဲ အမေရိကန် အချိုရည် Pepsi ကုမ္ပဏီရဲ့ အရောင်း ကိုယ်စားလှယ် ဖြစ်လာပါတယ်။
Ref: အာရ်အဖ်အေ
Read More...
Collapse...
2012-08-22
မန္တလေးတိုင်း၊ ချမ်းမြသာစည်မြို့နယ်၊ မြရည်နန္ဒာရပ်ကွက်အတွင်း ကျူးကျော် အခြေချနေထိုင်သူတွေကို လုံခြုံရေးတပ်ဖွဲ့တွေ မနေ့က အဓမ္မ ဖယ်ရှားဖို့ အကြမ်းဖက် ၀င်ရောက်စီးနင်းရာမှာ ကိုချစ်မိုးဆိုသူကို ရဲတွေက လက်ထိပ်ခတ် ဖမ်းဆီးပြီးနောက် တစ်နာရီကြာလောက် ညှဉ်းပန်း နှိပ်စက်ခဲ့ကြတယ်လို့ သိရပါတယ်။
ကာယကံရှင် ကိုချစ်မိုးက-
"ကျွန်တော့်ကို လက်ထိပ်ခတ်တာ လက်ထိပ်က ၂ ခုဆိုတော့ ဒီကိုရိုက်တာ။ ကုတင်ပေါ်ကနေ ကျွန်တော့် အမေကို ဆွဲချလိုက် တော့ ကျွန်တော့်အမေ အောက်ကလဲသွားတဲ့ အချိန် ကျွန်တော်ကနေပြီးတော့ အမေ့ကို မလုပ်နဲ့ဆိုပြီးတော့ ကျွန်တော်က ဖယ် လိုက်တော့ သူကနေပြီး ကျွန်တော့်ကို ဆွဲပြီးတော့ ရိုက်နှက်ပြီးတော့ လက်ထိပ်ခတ်ပြီးတော့ မြေကြီးထဲကို ခြေဆင်းခိုင်းတယ်။ ခြေမဆင်းလို့ဆိုပြီး ခြေထောက်ကို ဖနောင့်နဲ့ ပေါက်တာ။ ကျွန်တော့် နောက်ကျောတွေရော ကန်တယ်။ နားအုံတွေလည်း ရိုက် တယ်။ ခေါင်းတွေရော၊ ဆံပင်ဆွဲဆောင့်ပြီး မြေကြီးထဲမှာ ခေါင်းကို နှိမ်ထားတယ်။ ပြူတင်းပေါက်က တိုင်နဲ့ ကျွန်တော့်ခေါင်းကို ချတယ်။ နံတွေလည်း သူ့ဘွတ်ဖိနပ်နဲ့ ကျွန်တော့်ကို ကန်တယ်"
သူ့ကို ဖမ်းဆီးနှိပ်စက်နေချိန်မှာ မန္တလေးအခြေစိုက် သတင်း မီဒီယာသမားတွေ ရောက်လာတဲ့အတွက် အာဏာပိုင်တွေက လက် ထိပ်ဖြုတ်ပြီး ပြန်လွှတ်ပေးလိုက်တာကြောင့် သက်သာရာ ရသွားခဲ့တယ်လို့ ကိုချစ်မိုးက ပြောပါတယ်။
မနေ့က အဓမ္မ ၀င်ရောက်စီးနင်းပြီး ရိုက်နက်ခဲ့မှုကြောင့် ဒဏ်ရာရရှိခဲ့သူ (၇) ဦးဟာ မန္တလေး ပြည်သူ့ဆေးရုံ ပြင်ပလူနာဌာနမှာ ကုသမှု ခံယူခဲ့ကြတယ်လို့ သိရပါတယ်။ လူနာ ၆ ဦးက ညတွင်းချင်း ဆေးရုံ ဆင်းလာခဲ့ရပေမယ့် ကိုယ်ဝန်ဆောင် အမျိုးသမီး တစ်ဦးကတော့ ဆက်လက်ကုသမှု ခံယူနေရဆဲပဲလို့ သိရပါတယ်။
သေနတ်နဲ့ အရိုက်ခံရတာကြောင့် သတိမေ့မျောသွားတဲ့ နှလုံးရောဂါသည် ဒေါ်ခင်အုန်းမြင့်ဆိုသူ အမျိုးသမီးကတော့ ဆေးကုသဖို့ စရိတ် မတတ်နိုင်တာကြောင့် မနေ့က ဆေးရုံမတက်ခဲ့ရပေမယ့် ဒီကနေ့မှာတော့ ရပ်ကွက်က ကူညီလှူဒါန်းတဲ့ စရိတ်နဲ့ ဆေးရုံမှာ ကုသမှု ခံယူနေတယ်လို့ သိရပါတယ်။
မနေ့ က ဖြစ်ပျက်ခဲ့တဲ့ အခြေအနေကြောင့် ရပ်ကွက်သားတွေဟာ အချိန်မတော် ၀င်ရောက် အကြမ်းဖက်စီးနင်းခံရမှာ စိုးရိမ် ထိန့်လန့်နေကြတဲ့အတွက် ညလုံးပေါက် မအိပ်ခဲ့ကြဘူးလို့ ရပ်ကွက်သူ အမျိုးသမီးတစ်ဦးက ပြောပါတယ်။
"နောက်တခေါက်ဝင်မယ်။ နောက်တခေါက် ဒီလိုဖြစ်ဦးမယ် ဆိုတော့ ကျွန်တော်တို့အားလုံး တအားကို စိုးရိမ်နေကြပါတယ်။ အကုန်လုံးကလည်း မအိပ်ရဘူး။ ကလေး လူကြီးကအစ ဒီလမ်းပေါ်မှာ နေနေရတယ်။ ကိုယ့်အိမ်ထဲကို ဝင်မအိပ်ရဲလောက် အောင်ကို ဖြစ်နေရတယ်"
မြရည်နန္ဒာရပ်ကွက်ကို လုံခြုံရေး ရဲတပ်ဖွဲ့တွေ ဒီကနေ့ ထပ်မံ လာရောက်စီးနင်းဖို့ ရှိတယ်လို့ မန္တလေးမြို့မှာ မနက်ပိုင်းကတည်းက သတင်းတွေ ကျယ်ကျယ်ပြန့်ပြန့် ထွက်နေပေမယ့် ညနေ (၅) နာရီအထိ လာရောက်မှု မရှိသေးဘူးလို့လည်း သိရပါတယ်။
Ref: အာရ်အဖ်အေ
Read More...
Collapse...
2012-08-22
လယ်ယာမြေ သိမ်းခံထားရတဲ့ လယ်သမားကြီး ၆၀၀ ခန့် ဒီလ ၂၇ ရက်ကျရင် ပြည်မြို့မှာ စီတန်းလှည့်လည် ဆန္ဒပြဖို့  ၁၉ ရက်နေ့က လျှောက်ထားခဲ့တာကို ငြင်းပယ်ကြောင်း ပြည်မြို့နယ် ရဲတပ်ဖွဲ့မှူးရုံးက မနေ့ညက ထုတ်ပြန်ကြေညာ လိုက်ပါတယ်။
ဆန္ဒပြပွဲကို ဦးဆောင်မယ့် သူလည်းဖြစ် ခွင့်ပြုမိန့် လျှောက်ထားသူ တစ်ဦးလည်းဖြစ်သူ ကိုရဲထင်ကျော်က အမိန့်စာ ရရှိပုံကို အခုလို ပြောပြပါတယ်။
"ကျွန်တော်တို့ ကို ၂၁ ရက် ၈ လပိုင်း ၂၀၁၂ ရက်စွဲနဲ့ ပေါ့နော်။ ပြည်မြို့နယ် ရဲတပ်ဖွဲ့ မှူးရုံး ကနေပြီးတော့ပေါ့၊ ဒီငြင်းပယ်တဲ့ အကြောင်းပေ့ါနော်၊ သဘောထား ပြန်ကြားလိုက်ပါတယ်။ ည ၈ နာရီ ၁၀ မိနစ် လောက်က လာပေးရပါတယ်။ ပြည်မြို့နယ် ရဲတပ်ဖွဲ့ မှူးရုံးက ဒီ ကျွန်တော်တို့  ဒု တပ်ကြပ် တစ်ယောက်နဲ့ ပေးခိုင်းလိုက်တာပါ စာအိတ်နဲ့ ပေါ့"
အမိန့်စာထဲမှာ မြို့ နယ်ရဲတပ်ဖွဲ့မှူးက အချက်သုံးးချက် အကြောင်းပြ ငြင်းဆိုခဲ့ရာမှာ ဦးဆောင်မဲ့သူတွေဟာ ပန်းတောင်းမြို့မှာ နေထိုင်သူတွေ ဖြစ်တာရယ်၊ ပြည်မြို့နယ်မှာ လယ်ယာမြေ သိမ်းဆည်းခံရတဲ့ ကိစ္စ ကြီးကြီး ငယ်ငယ် မရှိတာရယ်၊ သိမ်းဆည်း ထား တဲ့ လယ်ယာမြေတွေဟာ သက်ဆိုင်ရာ ဥပဒေနဲ့အညီ ဆောင်ရွက်တဲ့ကိစ္စ ဖြစ်တာရယ်တို့ကြောင့် ငြင်းပယ်တာလို့ ဆိုပါတယ်။
ဒီနောက်ဆုံး အကြောင်းပြချက်ဟာ မိမိတို့ ရဲ့လုပ်ပိုင်ခွင့် ဘောင်ကို ကျော်လွန် အကြောင်းပြခြင်း ဖြစ်ကြောင်း ကိုရဲထင်ကျော်က ပြောပါတယ်။
"ဒီ သိမ်းဆည်းပြီး လယ်ယာမြေများ သည်လည်း သက်ဆိုင်ရာဋ္ဌာနမှ ဥပဒေနဲ့ အညီ ဆောင်ရွက်သည့် ကိစ္စများဖြစ်ခြင်း ဆိုတာ သည် သူတို့ လုပ်ရမယ့် သူတို့ ပြောရမယ့်စကား မဟုတ်ပါဘူး။ သူတို့ အကြောင်းပြရမယ့်ကိစ္စ မဟုတ်ပါဘူး။ ဘာဖြစ်လို့လဲဆို တော့ ဒီလယ်ယာမြေ သိမ်းပြီးသားတွေက ဥပဒေနဲ့ ညီ၏၊ မညီ၏ ပေါ့။ လူသူပိုင်၏၊ မပိုင်၏ ဆိုတာကို ဆုံးဖြတ်ရမည့် တာဝန်နဲ့ လုပ်ပိုင်ခွင့်သည် ပြည်တောင်စုလွှတ်တော် အဆင့်မှာသာလျှင် ရှိပါတယ်။ အခုပုံစံ အရဆိုရင် ကျွန်တော်တို့ ပြည်ထောင်စု လွှတ် တော် ကနေပြီးတော့ လယ်ယာမြေ ပြဿနာနဲ့ ပတ်သက်လို့  ဒီဖြေရှင်းဖို့အတွက် စုံစမ်း စစ်ဆေးရေးကော်မရှင်တွေနဲ့ တွေ့ဖို့ အတွက် အတည်ပြုလိုက်ပြီ ဆိုတော့လေ။ အဲဒီတော့ အဲဒီအပေါ်မှာ သူတို့ပယ်တယ်ဆိုရင် တစ်ခြားနည်းဥပဒေနဲ့ ညီ၏၊ မညီ၏ ပေါ့နော်။ ကျွန်တော်တို့ လျှောက်ထားတဲ့ပုံစံ မှန်၏၊ မမှန်၏ ဆိုတာကို ကြည့်ပြီးတော့ သူတို့ အနေနဲ့ ပယ်ရမယ်လို့ ကျွန်တော်တို့ ယူဆတယ်"
အခုလို ငြင်းပယ်ခံရတဲ့ကိစ္စနဲ့ ပတ်သက်လို့  ပြည်ထောင်စုလွှတ်တော်နဲ့ နိုင်ငံတော် သမ္မတထံ အိတ်ဖွင့်ပေးစာ တစ်စောင်ပေးပို့ တင်ပြမှာဖြစ်ပြီး ဆန္ဒပြပွဲ နည်းဥပဒေအရ တိုင်းရဲတပ်ဖွဲ့မှူးထံ အယူခံတင်ဖို့ ကိုတော့ အာဏာပိုင်များအပေါ် ယုံကြည်မှု မရှိလို့ လောလောဆယ် စဉ်းစားဆဲပဲ ဖြစ်တယ်လို့ သိရပါတယ်။
Ref: အာရ်အဖ်အေ
Read More...
Collapse...
2012-08-22
မြန်မာနိုင်ငံတ၀ှမ်းက လယ်မြေ သိမ်းယူခံထားရတဲ့ တောင်သူ လယ်သမားများအတွက် နေပြည်တော် လွှတ်တော်မှာ ဖွဲ့စည်း ထားတဲ့ မြေယာ ပြဿနာ ဖြေရှင်းရေး ကော်မရှင်ကို ကူညီတင်ပြပေးဖို့ NDF အမျိုးသားဒီမိုကရေစီ အင်အားစုပါတီဝင် (၂၀၀) နီးပါး လောက် ရန်ကုန်မြို့ စီးတီးစတား ဟိုတယ်မှာ ဒီကနေ့ ဆွေးနွေးပွဲ ကျင်းခဲ့ပါတယ်။
သိမ်းယူခံထားရပြီးနောက် အကောင်အထည် မဖော်နိုင်တဲ့ စီမံကိန်းတွေ၊ အခွင့်အရေး ချိုးဖောက်ခံရမှုတွေ အားလုံးကို လွှတ် တော်မှာ တင်ပြနိုင်ဖို့ ဒီဆွေးနွေးပွဲ ကျင်းပရတာ ဖြစ်တယ်လို့ NDF ပါတီ ဥက္ကဋ္ဌ ဦးခင်မောင်ဆွေက ဆွေးနွေးပွဲမှာ RFA ကို ပြောကြားခဲ့ပါတယ်။
"တပ်ရင်း တပ်ဖွဲ့တွေ၊ ကုမ္ပဏီတွေ၊ စက်ရုံတွေကနေပြီးတော့ကာ တကယ်တမ်း သိမ်းထားပြီးတော့ တကယ် အလုပ်မလုပ်ပဲနဲ့ ပြည်သူ့အခွင့်အရေး ဆုံးရှူံးနေတာကို ဖော်ထုတ်ပြီးတော့ ကော်မရှင်သိအောင် ပြောကြားဖို့အတွက် ဒီနေ့ပွဲကို ကျင်းပရခြင်း ဖြစ်ပါတယ်"
အဲဒီ တွေ့ဆုံဆွေးနွေးပွဲကို ရန်ကုန်တိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ ကချင်ပြည်နယ်စတဲ့ ပြည်နယ်နဲ့တိုင်း ဒေသ အသီးသီးက NDF ပါတီဝင်တွေ တက်ရောက် ဆွေးနွေးခဲ့ကြတာ ဖြစ်ပြီး ပြည်တွင်း ပြည်ပ သတင်းမီဒီယာတွေလည်း သတင်း ရယူခဲ့ကြပါတယ်။
Ref: အာရ်အဖ်အေ
Read More...
Collapse...
2012-08-22
မကြာသေးခင်က ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ် ကျောက်တော်မြို့နယ် အတွင်းရှိ ကျေးရွာတွေက အမျိုးသမီးတွေကို အခု ရက်ပိုင်းအတွင်း ဒေသခံ အာဏာပိုင်တွေက ခေါ်ယူ စစ်ဆေးနေတယ်လို့ သိရပါတယ်။
ကျောက်တော်မြို့နယ်မှာ ဒေသခံ ရခိုင်တိုင်းရင်းသားတွေနဲ့ ရိုဟင်ဂျာတွေအကြား ပဋိပက္ခတွေ ဖြစ်ပေါ်ခဲ့ပြီးနောက် ရွှေလှိုင်၊ ဂုတ်ဘီထောင့်၊ ရွာသစ်ကေ၊ ကျောက်ဖြူရွာသစ်၊ တောင်ဘွေ၊ ကသစ်တော စတဲ့ကျေးရွာ တွေက ရွာခံတွေကို အာဏာပိုင် တွေက စစ်ဆေးနေရာမှာ အခုအချိန်အထိ ဖမ်းဆီးခံထားရသူ ၃၀ ကျော် ရှိနေပြီလို့ ဒေသခံတွေကပြောပါတယ်။
အခုရက်ပိုင်းတွေအတွင်း ရွာခံအမျိုးသမီးတွေကိုပါ အာဏာပိုင်တွေက စစ်ဆေးနေတာ ဖြစ်တယ်လို့ ခေါ်ယူမေးမြန်းခံရပြီး နေအိမ် ကိုပြန်လည် ရောက်ရှိလာတဲ့ ရွှေလှိုင်ရွာသူ အမျိုးသမီးတစ်ဦးက RFA ကိုပြောပါတယ်။
ကျောက်တော်မြို့နယ်မှာ ဖြစ်ပွားခဲ့တဲ့ ပဋိပက္ခတွေကြောင့် နေအိမ်ပေါင်း ၃၀၀ ကျော် မီးလောင်ဆုံးရှုံးခဲ့ရပြီး လူဦးရေ ၃၀၀၀ ခန့် ဒုက္ခရောက်ခဲ့ရပါတယ်။ ဒါ့အပြင် စစ်တွေမြို့မှာလည်း အခုအချိန်အထိ ပဋိပက္ခတွေကြောင့် လူဦးရေပေါင်း ခြောက်သောင်းကျော် လောက် ဒုက္ခသည်စခန်းတွေကို ခိုလှုံနေရဆဲ ဖြစ်ပါတယ်။
ဘုန်းတော်ကြီးကျောင်းတွေမှာ ခိုလှုံနေကြရတဲ့ ဒုက္ခသည်တွေအတွက် အစိုးရက သီးခြားစခန်းတွေ ဆောက်လုပ်ကာ ပြောင်းရွှေ့ ပေးနေတာ ရှိပေမယ့် မီးလောင်ခံခဲ့ရတဲ့ အိမ်ရာမြေတွေကိုတော့ ပြန်လည်ပေးအပ်ဖို့ လတ်တလော စီစဉ်ထားတာ မရှိသေးဘူးလို့ ရခိုင်ပြည်နယ် အစိုးရအဖွဲ့ သတင်းပြန်ကြားရေးနဲ့ မှတ်တမ်းပြုစုရေး ကော်မတီ ဥက္ကဋ္ဌ ဦးလှသိန်းက RFA ကို ပြောပါတယ်။
Ref: အာရ်အဖ်အေ
Read More...
Collapse...
နေမျိုး
သြဂုတ်လ ၂၂ ရက် ၂၀၁၂ ခုနှစ်
အိန္ဒိယနိုင်ငံတဝှမ်းတွင် ထွက်ပေါ်လျက်ရှိသော လူမျိုးရေး ပဋိပက္ခများနှင့် ပတ်သက် သည့် ကောလာဟလ သတင်းများကြောင့် ဗုဒ္ဓဂါယာနှင့် ဗာရာဏသီမြို့များရှိ မြန်မာ စာသင်သား ရဟန်းတော်များ အနေဖြင့် အနည်းငယ် စိတ်ပူပန်ခဲ့သော်လည်း အေးချမ်း စွာပင် စာပေသင်ကြား လျက်ရှိကြောင်း သိရသည်။
အိန္ဒိယ အရှေ့မြောက်ပိုင်းရှိ အာသံပြည်နယ်နှင့် မြန်မာနိုင်ငံ ရခိုင်ပြည်နယ်တွင် ဖြစ်ပွားခဲ့သည့် ဒေသခံ တိုင်းရင်းသား များနှင့် မူဆလင် ဘာသာဝင်များအကြား အကြမ်းဖက်မှုများနှင့် တင်းမာနေမှု သတင်းများကြောင့် အိန္ဒိယနိုင်ငံတွင် ပညာသင်ကြား နေ သော ဗုဒ္ဓဘာသာ မြန်မာရဟန်းတော်များအကြား စိုးရိမ်ကြောင့်ကြမှု အနည်းငယ် ဖြစ်ပွားခဲ့ရကြောင်း ဥတ္တရ ပရာဒေ့ရှ် UP ပြည်နယ် ဗာရာဏသီ ဟိန္ဒူတက္ကသိုလ် BHU တွင် တက်ရောက်နေသည့် ဦးနိပုဏလင်္ကာရ က မိန့်ကြားသည်။
“ပြဿနာတွေ ဖြစ်ကြတော့ သတင်းတွေက တော်တော်လေး ကြီးလာတယ်လေ။ အဲဒီအခါကျတော့ တယောက်နဲ့ တယောက် သတိပေးလာကြတယ်။ အရှင်ဘုရားတို့ မြို့ထဲ သွားတဲ့အခါ တပါးတည်း မသွားကြဖို့၊ စိုးရိမ်စိတ်ကတော့ ဒီရက်ပိုင်းမှာ အားလုံး ရှိကြတယ်” ဟု မဇ္ဈိမကို မိန့်ကြားသည်။
ရခိုင်တိုင်းရင်းသားများနှင့် ဘင်္ဂါလီ မူဆလင်များအကြား ဇွန်လအတွင်းက အကြမ်းဖက်မှုများ ဖြစ်ပွားခဲ့သလို အိန္ဒိယနိုင်ငံ အာသံ ပြည်နယ်ရှိ ဘိုရို လူမျိုးစုများနှင့် ဘင်္ဂလားဒေ့ရ်ှမှ ဝင်ရောက်လာသည်ဟု ဆိုသော မူဆလင်များ အကြား ဇူလိုင်လအတွင်း အကြမ်း ဖက်တိုက်ခိုက်မှုများကြောင့် လူပေါင်း ၈ဝ ခန့် သေဆုံးခဲ့ရသည်။
သြဂုတ်လ ၁၁ ရက်နေ့တွင် မုံဘိုင်းမြို့ကြီးရှိ မူဆလင်များ သောင်းနှင့်ချီ၍ ငြိမ်းချမ်းစွာ ဆန္ဒပြကြစဉ် မသမာသူတစုက ဝင်ရောက် အကြမ်းဖက်၍ ရဲတပ်ဖွဲ့ဝင် နှစ်ဦး သေဆုံးခဲ့ရပြီး သတင်းမီဒီယာသမားများလည်း ရိုက်နှက်ခံခဲ့ရသည်။
၎င်းနောက်တွင် အရှေ့မြောက်ပိုင်းရှိ ပြည်နယ်သားများအပေါ် အကြမ်းဖက် တိုက်ခိုက်မည် ဟူသည့် ခြောက်ခြားဖွယ် ခြိမ်းခြောက် မှုများ ကောလာဟလအဖြစ် ဖေ့စ်ဘွတ်နှင့် မိုဘိုင်း မက်ဆေ့ခ်ျများမှတဆင့် ပျံ့နှံ့လာခဲ့သည်။
အစိုးရ တာဝန်ရှိသူများနှင့် ရဲဌာနမှ ထို ကောလာဟလများနှင့်ပတ်သက်၍ စိုးရိမ်ကြောင့်လန့်ခြင်း မရှိရန် ကတိကဝတ် များ ပြုထားသော်လည်း မုံဘိုင်း၊ ဘန်ဂလို၊ ချန်နိုင်း စသည့် ပြည်မကြီးရှိ မြို့များတွင် အရှေ့မြောက်ပြည်နယ်များမှ လာရောက် အလုပ် လုပ်ကိုင်နေသူများနှင့် ကျောင်းသူ ကျောင်းသားများမှာ ၎င်းတို့နေရပ်သို့ သောင်းနှင့်ချီ၍ ပြန်လည် ထွက်ခွါသွားခဲ့ကြသည်။
ထိုသို့သော အခြေအနေတွင် အိန္ဒိယ အရှေ့မြောက် ပြည်နယ်သားများနှင့် ရုပ်သွင်ပြင် ဆင်ဆင်တူသည့် မြန်မာနိုင်ငံသား ဗုဒ္ဓဘာသာ ရဟန်းသံဃာများအနေနှင့်လည်း လုံခြုံရေးအတွက် စိုးရိမ်ဖွယ်ရာ ဖြစ်လာခဲ့ခြင်း ဖြစ်သည်။
“သတင်းတွေက အများကြီး။ ခက်တာက ကောလာဟလတွေ ဖြစ်နေတာဆိုတော့ သတိတော့ ထားပါတယ်။ သတင်းကိုတော့ အမြဲမပြတ် နားထောင်စေချင်တယ်။ ထွက်ပေါ်လာနေတဲ့သတင်းတွေကိုလည်း ချင့်ချိန်ပြီးတော့မှ လက်ခံကြဖို့ပေါ့” ဟု ဘီဟား ပြည်နယ် ဂါယာမြို့ရှိ မဂဓ တက္ကသိုလ်တွင် တက်ရောက်နေသည့် ဦးအရုဏ က မိန့်ကြားသည်။
သို့သော် လက်ရှိအချိန်အထိ လုံခြုံရေး ထိခိုက်စေလောက်သော အရိပ်အယောင် မတွေ့ရသေးဘဲ ကောင်းမွန်စွာ သီတင်းသုံး နေနိုင်ကြောင်းလည်း သိရသည်။
“ဦးပဉ္စင်းတို့ အခုနေတာ နိုင်ငံခြားကျောင်းသား အဆောင်မှာ နေတာလေ။ ဘာသာပေါင်းစုံနဲ့။ မူဆလင်၊ ဟိန္ဒူ၊ ခရစ်ယာန် ဘာသာပေါင်းစုံ စုပေါင်းပြီး နေကြတာပဲ။ မူဆလင်နဲ့ ဗုဒ္ဓဘာသာ ဖြစ်တာမျိုးလည်း ဘာမှ မရှိဘူး။ ဘာသာရေးနဲ့ ပါတ်သက်တဲ့ ပြဿနာ တခုခု မဖြစ်ဖူးသေးဘူး” ဟု ဦးနိပူဏလင်္ကာရ က မိန့်ကြားသည်။
ဟိန္ဒူ- မူဆလင် အဓိကရုဏ်းများ ဖြစ်ပွားခဲ့စဉ်ကလည်း ကျောင်းဆောင်များတွင် အိန္ဒိယအစိုးရမှ လုံခြုံရေး ရဲဝန်ထမ်းများ ထား ရှိကာ စောင့်ရှောက်ပေးခဲ့ဖူးကြောင်းလည်း ဆက်လက်မိန့်ကြားသည်။
မြန်မာ၊ ထိုင်း၊ ကမ္ဘောဒီးယား၊ လာအို၊ ဗီယက်နမ်၊ ထိုင်ဝမ်၊ တိဘက်နှင့် ကိုးရီးယား နိုင်ငံတို့မှ စာသင်သား ရဟန်းတော် အပါး ၃ဝဝ ခန့် ဗာရာဏသီမြို့တွင် ဗုဒ္ဓစာပေများ လာရောက် သင်ကြားလျက်ရှိကြောင်း သိရသည်။
လက်ရှိ ရခိုင်ပြည်နယ်တွင်း ပြဿနာများမှာလည်း “ဘာသာရေးပြဿနာ မဟုတ်ဘူး။ လူမျိုးရေး တခုနဲ့တခု ဖြစ်နေတဲ့ ပြဿနာ ပဲလေ။ ပြေပြေလည်လည် ဖြေရှင်းသွားရင် ပြေလည်သွားမှာပါ။ မလိုလားအပ်တဲ့ ဖွတာတွေ။ သတင်းတွေကို အမှန်အတိုင်း နှစ် ဖက် မျှမေးပြီး လွှင့်ပေးဖို့ပါ” ဟု ဦးနိပုဏ က မိန့်ဆိုသည်။
ဂါယာမြို့တွင်လည်း မြန်မာရဟန်းတော် အပါး ၈ဝ ခန့်ရှိပြီး လုံခြုံရေး စိုးရိမ်စရာ မရှိကြောင်း သိရသည်။
Ref: မဇ္ဈိမ
Read More...
Collapse...
နေလင်းအောင်
သြဂုတ်လ ၂၂ ရက် ၂၀၁၂ ခုနှစ်
မြန်မာနိုင်ငံတွင် စီးပွားရေး ရင်းနှီးမြှုပ်နှံမှုများ ပြုလုပ်နိုင်ရန်အတွက် နိုင်ငံခြားရင်းနှီးမြှုပ်နှံမှု ဥပဒေသစ်ကို စိတ်ဝင်စားစွာဖြင့် စောင့်ကြည့်နေကြေကြာင်း အမေရိကန် စီးပွားရေးလုပ်ငန်းရှင်များက သြဂုတ်လ တတိယအပတ်အတွင်း မြန်မာနိုင်ငံသို့ လာ ရောက်စဉ် ပြောကြားသွားသည်။
“နိုင်ငံခြား ရင်းနှီးမြှုပ်နှံမှု ဥပဒေကို စိတ်ဝင်စားစွာနဲ့ စောင့်ကြည့်နေပါတယ်။ ဘာလို့လဲ ဆိုတော့ ဒါက ကျနော်တို့ အတွက်လည်း အရမ်းအရေးကြီးပါတယ်။ ပြီးတော့ ရင်းနှီးမြှုပ်နှံလိုတဲ့ ကျနော်တို့ ကုမ္ပဏီတွေ အနေနဲ့လည်း ဘယ်လောက် အတိုင်းအတာထိ စီးပွားရေးဆိုင်ရာ လုပ်ငန်းတွေ လုပ်ကိုင်ခွင့်ပြုမယ်ဆိုတာ သိနိုင်မှာပါ” ဟု အမေရိကန် စီးပွားရေးလုပ်ငန်းရှင် မစ္စတာ စီအေ မွန်ခမ် က ပြောသည်။
စင်္ကာပူနိုင်ငံဆိုင်ရာ အမေရိကန် သံအမတ်ကြီးနှင့်အတူ စင်္ကာပူနိုင်ငံမှ ထိပ်တန်း အမေရိကန် စီးပွားရေးလုပ်ငန်းရှင် ၂ဝ ဦး မြန်မာနိုင်ငံသို့ လာရောက်စဉ် သြဂုတ်လ ၁၅ ရက်နေ့က ရန်ကုန်မြို့၌ ပြုလုပ်ခဲ့သည့် သတင်းစာရှင်းလင်းပွဲတွင် ထိုသို့ ပြောကြား သွားခြင်း ဖြစ်သည်။ သတင်းစာရှင်းလင်းပွဲသို့ မြန်မာနိုင်ငံဆိုင်ရာ အမေရိကန်သံအမတ်ကြီး မစ္စတာ ဒဲရစ်မစ်ချယ် လည်း တက် ရောက်ခဲ့သည်။
ထိုခရီးစဉ်တွင် Ford မော်တော်ကား ကုမ္ပဏီ၊ စက်ယန္တရားယားကြီးများ ထုတ်လုပ်သော Caterpillar ကုမ္ပဏီ၊ Hewlet Packard ကော်ပိုရေးရှင်း၊ Citibank၊ Kraft Foods၊ GE Energy၊ Bell Helicopetr၊ Arrow Technologies Pte Ltd အစရှိသော ကုမ္ပဏီများမှ ကိုယ်စားလှယ်များ လိုက်ပါခဲ့ပြီး ဒုတိယ သမ္မတ ဒေါက်တာ စိုင်း မောက်ခမ်း အပါအဝင် အစိုးရအဖွဲ့ဝင်များနှင့် တွေ့ဆုံဆွေးနွေးသွားကြသည်။
၂ဝ၁၂ ခုနှစ်အတွင်း အမေရိကန်စီးပွားရေးလုပ်ငန်းရှင်များ မြန်မာနိုင်ငံသို့ နှစ်ကြိမ် လာရောက်ခဲ့ပြီး ဇွန်လအတွင်းက General Electric ကုမ္ပဏီက ပန်းလှိုင်ဆေးရုံသို့ ဒေါ်လာ နှစ်သန်း တန်ဖိုးရှိ ဆေးရုံသုံး ပစ္စည်းများ ရောင်းချရန် သဘောတူ စာချုပ် ချုပ်ဆိုခဲ့သည်။
“မြန်မာနိုင်ငံရဲ့ ပြုပြင်ပြောင်းလဲရေးတွေထဲမှာ စီးပွားရေးကဏ္ဍ ပြုပြင်ပြောင်းလဲမှုရဲ့ တိုးတက်ရေးအဆင့်တွေမှာ ပူးပေါင်းဆောင်ရွက် ချင်ပါတယ်။ မြန်မာနိုင်ငံမှာ စီးပွားရေးငန်း လုပ်ကိုင်ဖို့က ကောင်းမွန်တဲ့ အခွင့်အလမ်းတွေ ဖန်တီးပေးသလို စိန်ခေါ်မှုတွေလည်း ပါလာပါတယ်။ မြန်မာနိုင်ငံမှာ အပေါ်အမေရိကန်နိုင်ငံရဲ့ စီးပွားရေး ပိတ်ဆို့မှုတွေ လျှော့ချပေးလိုက်တဲ့အတွက် မြန်မာနိုင်ငံကို ရောက်ရှိလာတာဖြစ်တယ်။ ဒါပေမယ့် ရင်းနှီမြှုပ်နှံမှု ဥပဒေ ထွက်လာ ဖို့ကိုလည်း စောင့်ကြည့်နေပါတယ်” ဟုCapterpillar ကုမ္ပဏီ၏ အာရှဆိုင်ရာ ဥက္ကဋ္ဌ Mr Kevin Tienemen က ပြောသည်။
ရင်းနှီးမြှုပ်နှံမှု ကော်မရှင် ဥက္ကဋ္ဌ၊ စက်မှုဝန်ကြီး ဦးစိုးသိမ်းကလည်း လာမည့် သီတင်းပတ်အတွင်း နိုင်ငံခြားရင်းနှီးမြှုပ်နှံမှု ဥပဒေ သစ်သည် ထွက်ရှိလာဖွယ်ရှိကြောင်း ဗီအိုအေ ရုပ်မြင်သံကြား မြန်မာပိုင်းအစီအစဉ်သို့ ပြောကြားသွားသည်။
နိုင်ငံခြားရင်းနှီးမြှုပ်နှံမှု ဥပဒေသစ် ပြဋ္ဌာန်းနိုင်ခြင်း မရှိသေးသောလည်း နိုင်ငံရေး ပြုပြင်ပြောင်းလဲမှု လုပ်ငန်းစဉ်များ ကြောင့် မြန်မာနိုင်ငံသို့ လာရောက် ရင်နှီးမြှုပ်နှံလိုသည့် နိုင်ငံ အများအပြား ရှိနေသည်။
ထိုသို့ နိုင်ငံခြားရင်းနှီးမြှုပ်နှံမှုများ လာရောက်လုပ်ကိုင်ခြင်းသည် ယခုကဲ့သို့ ပြုပြင်ပြောင်လဲမှု ဖော်ဆောင်နေသည့် အချိန်တွင် အကောင်းဆုံးဖြစ်ကြောင်း သံအမတ်ကြီး မစ္စတာ ဒဲရစ် မစ်ချယ် က ဆိုသည်။
Ref: မဇ္ဈိမ
Read More...
Collapse...
ဖနိဒါ
သြဂုတ်လ ၂၂ ရက် ၂၀၁၂ ခုနှစ်
တရုတ်အာဏာပိုင်များ၏ စေခိုင်းချက်အရ တရုတ်နိုင်ငံ နောင်တောင်းခရိုင်၊ ရွှေလီမြို့နယ် အတွင်း ခိုလှုံနေသော ကချင်စစ်ပြေး ဒုက္ခသည်များမှာ ကချင်လွတ်လပ်ရေးအဖွဲ့ KIO နယ်မြေအတွင်းသို့ စတင်၍ ပြောင်းရွှေ့နေပြီ ဖြစ်ကြောင်း ဒုက္ခသည် စခန်း တာဝန်ခံများက ပြောသည်။
နောင်တောင်းခရိုင်အတွင်း ဒုက္ခသည်စခန်း ခြောက်ခုမှ လူဦးရေ ၄,ဝဝဝ ကျော် ရှိရာ ပထမဆုံး အသုတ်အဖြစ် အိမ်ထောင်စု ၁၅ဝ ကျော်မှ လူ ၆ဝဝ ကျော်မှာ KIO ၏ တပ်မဟာ ၃ နယ်မြေ လနာဇွပ် Lana Zup ဒုက္ခသည်စခန်းသို့ ဗုဒ္ဓဟူးနေ့တွင် စတင်ပြောင်းရွှေ့နေခြင်း ဖြစ်သည်။
ဒုက္ခသည်များ ပြောင်းရွှေ့သည့် မှတ်တမ်းရိုက်ကူးရန် ကင်မရာ ကိုင်ဆောင်ခွင့်ကို တရုတ်အာဏာပိုင်များက တားမြစ် ထားသလို ပြောင်းရွှေ့နေကြဆဲမှာပင် စခန်းများကို ဖျက်ဆီးခြင်းများ ပြုလုပ်နေသဖြင့် ဒုက္ခနှစ်ကြိမ် ခံရသလို ခံစားရ သည်ဟု စခန်းတာဝန်ခံ တဦးဖြစ်သူ ဒေါ်မရန်လုလု က ပြောသည်။
“တရုတ် စစ်သားရော၊ ရဲရော အရမ်းများတယ်။ လူတောင် မထွက်သေးခင် သွပ်မိုးတွေ အကုန် ခွာလိုက်ပြီ။ လမ်းဘေး က ငှားနေတဲ့ လူတွေတောင် ပေးမနေတော့ဘူး။ အကုန်လုံးကို မောင်းထုတ်နေတယ်။ စခန်းတွေ အကုန်လုံး လိုက်ဖျက် နေတယ်။ ဓါတ်ပုံ ကင်မရာလည်း ကိုင်လို့ မရဘူး။ ကားတော့ ငှားပေးတယ်” ဟု မဇ္စျိမကို ပြောသည်။
၎င်းက ဆက်လက်ပြီး “သူတို့ နိုင်ငံကနေ မောင်းထုတ်လို့ ပြန်တာကို ခုလို ကျမတို့ကို လူလို သူလို မဟုတ်ဘဲ မောင်းနေ တယ် ဆိုတော့ လူ့အခွင့်အရေး ချိုးဖောက်ခံရသလိုပဲ။ ကျမတို့လည်း နေချင်လို့ နေတာမှ မဟုတ်တာ။ ကျမတို့က သေနတ် ကျည်ဆံ ကြောက်လို့ ကိုယ့်အိုးအိမ်တွေ ပစ်ထားပြီး ဒုက္ခသည်လို လာနေတာ။ နေခွင့် ရခဲ့တာကိုတော့ ကျေးဇူးတင်ပါ တယ်။ အစိုးရတခု ဖြစ်ပြီးတော့ အဲဒီလောက် လုပ်ရက်တယ်။ သူတို့ စိတ်ထဲမှာ လူသားချင်းစာနာ စိတ်တော့ ရှိကြရဲလား” ဟု ခံစား ပြောဆိုသည်။
ထိုစခန်းအတွင်းရှိ ဒုက္ခသည်များအား မြန်မာနိုင်ငံအတွင်းသို့ ပြောင်းရွှေ့ကြရန် ဇူလိုင်လ ၂ဝ ရက်နေ့ကတည်းက တရုတ်အာဏာ ပိုင်များက ပြောဆိုထားပြီးဖြစ်သည်။
ထိုဒုက္ခသည်စခန်းတွင် မူလတန်းကျောင်း ဖွင့်လစ်ထားပြီး ကျောင်းသူကျောင်းသားပေါင်း ၈၆၈ ဦး ရှိနေကာ ကလေးများ ပညာ ရေး ထိခိုက်မည်စိုး၍ ဒုက္ခသည်များက လနာ့ဇွပ်သို့ မပြောင်းရွှေ့လိုကြခြင်း ဖြစ်သည်။
ယခု ပြောင်းရွှေ့လာသည့် နေရာသည် ယခင် တရုတ်လူမျိုးများ ဖဲဝိုင်းအဖြစ် အသုံးပြုရန် ဆောက်လုပ်ထားသည့် အဆောက် အအုံနှင့် ဟိုတယ်ဟောင်း တိုက်တန်းများတွင် နေထိုင်နေရမည် ဖြစ်ပြီး အဓိက မီးဖိုချောင်၊ အိမ်သာများကို ဆောက်လုပ် ရန် လိုအပ်နေကြောင်း သိရသည်။
ကလေးများ ပညာသင်ကြားရေးအတွက် ဖဲဝိုင်းအဆောက်အအုံနှင့် မီးဖိုချောင်အဖြစ် ဆောက်လုပ်ထားသော အဆောက်အအုံအား အကန့်လိုက် ပြုလုပ်ကာ မနက် တကြိမ်၊ ည တကြိမ် စာသင်ကြားပေးသွားမည် ဖြစ်ကြောင်း သိရသည်။
ဒုက္ခသည်များထဲမှ အိမ်ထောင်စု ၁ဝဝ ကျော်မှာ ဝေးလံလှသည့် ဤလနာ့ဇွပ်သို့ မပြောင်းရွှေ့လိုသဖြင့် မိမိဒေသ မန်ဝင်းကြီးသို့ အင်္ဂါနေ့က ပြောင်းရွှေ့သွားကြပြီဟု သိရသည်။
လက်ရှိ မိုးရာသီဖြစ်၍ ကလေးငယ်များ ဝမ်းသွားခြင်း၊ နာစေး၊ ချောင်းဆိုး အနည်းအကျဉ်းဖြစ်ပြီး သက်ကြီးများ အားနည်း၍ ဗီတာမင် အားဆေးများ သောက်သုံးရန် လိုအပ်နေသည်ဟု လနာ့ဇွပ် စခန်းတွင် ဆေးကုသ ပေးနေသည် ဆရာဝန်တဦးက ပြောသည်။
အစိုးရနှင့် KIO တို့ တိုက်ပွဲစတင်ဖြစ်ပွားချိန်မှစ၍ ၄င်းလနာ့ဇွပ် ဒုက္ခသည်စခန်းတွင် ဒုက္ခသည်ပေါင်း ၁,၄ဝဝ ရှိနေပြီး လက်ရှိ ၆ဝဝ ကျော် ထပ်မံ ရောက်ရှိလာခြင်းဖြစ်သည်။ နောက်နေ့တွင်လည်း ဒုက္ခသည်များ ထပ်မံ ပြောင်းရွှေ့ လာကြမည် ဖြစ်သည်။
သြဂုတ်လ ၁၉ ရက်နေ့ကလည်း ဖားကန့်မြို့နယ် KIA တပ်ရင်း ၆ လက်အောက်ခံ တပ်များနှင့် မြန်မာအစိုးရ နမခ လက် အောက်ခံ တပ်မ ၃၃ တပ်ဖွဲ့များအကြား တင်းမာမှုများ ရှိခဲ့သဖြင့် တိုက်ပွဲဖြစ်ပွားမည်ကို စိုးရိမ်ကာ မှော်မောင်း ဘွမ်၊ လမောင် ကုန်း၊ မှော်ဝမ်းကြီး၊ မှော်ဝမ်းကလေးနှင့် သူဌေးချောင်းများမှ ဒေသခံ ၁,ဝဝဝ နီးပါးမှာ ဖားကန့်မြို့ပေါ်ရှိ ကချင်ခရစ် ယာန် ဘုရား ကျောင်းများသို့ လာရောက် ခိုလှုံနေရသည်ဟု အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်လောင်း ဦးဒရှီလဆိုင်း က ပြောသည်။
“တင်္ဂနွေနေ့က KIO နဲ့ အစိုးရတို့ ထိပ်တိုက် ပစ်ခတ်တော့မလိုလို ပြည်သူတွေက ထိတ်လန့်ပြီးတော အစိုးရတပ် မူလရှိတာက ၄ဝ လောက် ရှိတယ်။ ဒါပေမယ့် စစ်ကိုင်း မုံရွာတပ်တွေက အင်အား နှစ်ထောင်လောက် ပြန်ရောက် တယ်လို့ လူတွေက ပြော နေကြလို့ တိုက်ပွဲဖြစ်မှာ ကြောက်လို့၊ KIO ကနေ ဒေသခံတွေ ဒုက္ခရောက်မှာစိုးလို့ ဖားကန့်ကို ခဏရှောင်ပေးဖို့ ပြောလို့ ကက် သလစ်၊ နှစ်ခြင်းဘုရားကျောင်းတွေမှာ ခိုလှုံနေတယ်” ဟု မဇ္စျိမကို ပြောသည်။
သို့သော် ယနေ့ထိ ပစ်ခတ် တိုက်ခိုက်ခြင်း မရှိသေးဘဲ တည်ငြိမ်လျက်ရှိသည်ဟုလည်း ၎င်းက ပြောသည်။
KIO နှင့် အစိုးရတို့ နှစ်ဖက်တိုက်ပွဲကြောင့် အိုးအိမ်စွန့်ခွာ ထွက်ပြေးတိမ်းရှောင်နေရသူ စစ်ပြေးဒုက္ခသည် စုစုပေါင်း ၈ဝ,ဝဝဝ ကျော် ရှိနေပြီ ဖြစ်သည်။ နှစ်ဖက် စစ်ရေးကိစ္စနှင့် ပတ်သက်၍ နှစ်ဖက် စစ်ပိုင်းဆိုင်ရာ ခေါင်းဆောင်များ တွေ့ဆုံမည် ဖြစ်၍ ထပ်မံ တွေ့ဆုံမည့်နေရာ သဘောတူညီမှု မရသေးဘဲ ဖြစ်နေသည်။
Ref: မဇ္ဈိမ
Read More...
Collapse...
လင်းကိုကိုထက်
သြဂုတ်လ ၂၂ ရက် ၂၀၁၂ ခုနှစ်
မြန်မာ ပန်းချီ၊ ပန်းပု အနုပညာရှင် ၇၀၀ နီးပါးရဲ့ လက်ရာတွေကို တစုတစည်းနဲ့ ကြည့်ရှု ခံစားနိုင်မယ့် ပြည်လုံးကျွတ် ပန်းချီ၊ ပန်းပု အနုပညာ ပြပွဲကြီးကို လာမယ့် ဒီဇင်ဘာလအတွင်း ရန်ကုန်မြို့ တပ်မတော် ခန်းမ မှာ ကျင်းပမယ်လို့ သိရပါတယ်။
ပြပွဲရက် အတိအကျ မသတ်မှတ်ရသေးပေမယ့် ငါးရက်ကြာ ကျင်းပသွားဖို့ စီစဉ်ထားတဲ့ ဒီပြပွဲမှာ အနုပညာရှင်တွေ အနေနဲ့ ကိုယ်ဖန်တီးချင်တဲ့ လက်ရာတွေကို အရွယ်အစား ကန့်သတ်ချက် မရှိဘဲ ဖန်တီးခွင့်ရှိပြီး ဝယ်သူရှိရင် ရောင်းချ နိုင်ပါတယ် လို့ မြန်မာနိုင်ငံ ရိုးရာ ပန်းပညာရှင်များအစည်းအရုံး အတွင်းရေးမှူး ဦးနီပိုဦး က ပြောပါတယ်။
ပြပွဲအတွက် ပေးပို့တဲ့ ပန်းချီ၊ ပန်းပုလက်ရာတွေကိုတော့ ထုံးစံအတိုင်း ဆင်ဆာအဖွဲ့က စီစစ်ရွေးချယ်သွားမှာပါ။ အရင်နှစ်တွေ တုန်းကတော့ နိုင်ငံရေးဆိုင်ရာနဲ့ ယဉ်ကျေးမှုနဲ့ မအပ်စပ်တဲ့ လက်ရာတွေကို ပါဝင်ခွင့် မပြုခဲ့ပေမယ့် ဒီနှစ်မှာတော့ ဖြေလျော့ မှုတွေ အတော်လေး ရှိလာမယ်လို့ ဦးနီပိုဦး က ဆိုပါတယ်။ ဒါပေမယ့် စည်းမျဉ်းစည်းကမ်းတွေ တိတိပပ သတ်မှတ်ထား တာ မျိုးတော့ မရှိသေးပါဘူး။
‘မြန်မာနိုင်ငံ ရိုးရာ ပန်းပညာရှင်များ အစည်းအရုံး’ ဆိုတာကတော့ မြန်မာ့ရိုးရာ ပန်း ၁ဝ မျိုး ဖြစ်တဲ့ ပန်းချီ၊ ပန်းတိမ်၊ ပန်းတော့၊ ပန်းတဉ်း၊ ပန်းတမော့၊ ပန်းပဲ၊ ပန်းပု၊ ပန်းရံ၊ ပန်းပွတ်၊ ပန်းယွန်း ပညာရှင်တွေနဲ့ ဖွဲ့စည်းထားတဲ့ အဖွဲ့အစည်း ပါ။
ဒီအဖွဲ့ကနေ ပြပွဲရဲ့ ကုန်ကျစားရိတ်တွေကို ကျခံသွားမှာဖြစ်ပြီး ပါဝင်ပြသသူတွေအနေနဲ့ မိမိရဲ့ပန်းချီကား ရောင်းချရ မယ်ဆိုရင် ရောင်းချလို့ ရမယ့်တန်ဖိုးရဲ့ ၂ဝ ရာခိုင်နှုန်းကို အစည်းအရုံး ရန်ပုံငွေအဖြစ် ပေးရပမှာပါ။ ၂ဝဝ၆ ခုနှစ် တုန်းက ပြပွဲမှာ ပန်းချီ၊ ပန်းပု လက်ရာများ ရောင်းချရငွေဟာ ကျပ်သိန်း ၁၇ဝ ဖိုးခန့် ရှိခဲ့ပါတယ်။
ပြပွဲဝင်တွေအတွက် ကန့်သတ်ချက် တခုကတော့ အစည်းအရုံးဝင်ထားသူများသာ ပါဝင်ခွင့်ရမှာ ဖြစ်ပြီး လက်ရှိအချိန်မှာ အစည်း အရုံးဝင် ၄,ဝဝဝ လောက် ရှိနေတဲ့အတွက် ၂ဝ၁၂ ခုနှစ် အစည်းအရုံးဝင်ကတ် အသစ်လဲထားသူ ၇ဝဝ ခန့်ကိုပဲ ပါဝင်ပြသခွင့် ပေးမှာ ဖြစ်ပါတယ်။
၂ဝဝ၆ ခုနှစ်တုန်းက ပြည်လုံးကျွတ် ပန်းချီ၊ ပန်းပု အနုပညာ ပြပွဲကြီးကို လက်ရာပေါင်း ၁,၅ဝဝ ခန့်နဲ့ မန္တလေးမြို့မှာ ပထမဆုံး အကြိမ်အဖြစ် ကျင်းပနိုင်ခဲ့သလို ဒီနှစ်မှာလည်း လက်ရာပေါင်း ၁,၅ဝဝ ခန့် ကြည့်ရှု ခံစားနိုင်လိမ့်မယ်လို့ ဦးနီပိုဦး က ခန့်မှန်း ထားပါတယ်။
ပြည်လုံးကျွတ် အနုပညာ ပြပွဲကြီးမှာ ပါဝင်ယှဉ်ပြိုင်မယ့် ရန်ကုန်မြို့က အသက် ၃၆ နှစ်အရွယ် ပန်းချီဆရာ ကိုတာယာ ကတော့ ပထမအကြိမ် ပြပွဲကြီးတုန်းက မပါဝင်နိုင်ခဲ့တဲ့အတွက် ဒီအကြိမ်မှာတော့ မှတ်တိုင်တခုအနေနဲ့ ပါဝင်ပြသမယ် လို့ ဆိုပါတယ်။
“မြန်မာတနိုင်ငံလုံးမှာ ရှိတဲ့ လူငယ် ပန်းချီ ကျောင်းဆင်းတွေရော၊ နာမည်ကြီး ပန်းချီဆရာတွေပါ ပါဝင်မယ့်ပွဲ ဆိုတော့ လက်ရာ ပေါင်းစုံ တွေ့ရမှာပါ။ လူငယ်တွေအတွက် အခွင့်အရေး ပိုရလာနိုင်သလို အတွေ့အကြုံ ရှိပြီးသူတွေ အတွက် လည်း သူတို့ရဲ့ ဖန်တီးမှု အသစ်တွေကို ပြသနိုင်မှာပါ။ ဒီလိုပြိုင်ပွဲမျိုးကို နှစ်စဉ် ကျင်းပပေးနိုင်မယ်ဆိုရင်တော့ ပန်းချီ လောကအတွက် အကောင်း ဆုံး ပါပဲ” လို့ ပြောပါတယ်။
ပါဝင်ပြသလိုသူများအနေနဲ့ သြဂုတ်က ၂၅ ရက်နေ့မှ စက်တင်္ဘာလ ၁ဝ ရက်နေ့အတွင်း မိမိရဲ့ ပန်းချီကား၊ ပန်းပု အနုပညာ ပစ္စည်းမှာ ရေးဆွဲထုလုပ်သူ အမည်၊ အနုပညာ ပစ္စည်းအမည်၊ အသုံးပြုသည့် အမျိုးအစား၊ အရွယ်အစား၊ လိပ်စာ နဲ့ ဖုန်းနံပါတ် တွေကို ရေးသားဖော်ပြပြီး အမှတ်(၁၃၁)၊ ကမ္ဘာအေးစေတီလမ်း၊ ဗဟန်းမြို့နယ်၊ ရန်ကုန်မြို့ အနုပညာ အထက်တန်း ကျောင်း (ချင်းချောင်း)ကို ပေးပို့ရမှာ ဖြစ်ကြောင်း သိရှိရတယ်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88