27 ဇွန် 2012
ကိုသားညွန့်ဦး
မြန်မာနိုင်ငံကို ကူညီကြမယ့် အကူအညီတွေ၊ ရင်းနှီးမြှုပ်နှံမှုတွေဟာ ပြုပြင်ပြောင်း လဲရေး လုပ်ငန်းစဉ်တွေကို အထောက်အကူဖြစ်စေဖို့ ပြင်ဆင် ဆောင်ရွက်ကြပါလို့ မြန်မာ့ဒီမို ကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ပြင်သစ်နိုင်ငံကို ရောက် နေတဲ့ ဒေါ်အောင်ဆန်းစုကြည်ဟာ မနေ့ညနေပိုင်းက ပြင်သစ်နိုင်ငံခြားရေးဝန်ကြီးနဲ့တွေ့ဆုံပြီး ပြင်သစ်နိုင်ငံခြားရေးဝန်ကြီး ရုံးထဲမှာ အမှတ်တရ လွတ်မြောက်ရေး သစ်ပင် စိုက်ပျိုးခဲ့ပါတယ်။ မနေ့ညနေပိုင်း ပြင်သစ်နိုင်ငံခြားရေးဝန်ကြီးနဲ့တွေ့ဆုံပြီး သတင်းစာ ရှင်းလင်းပွဲ ပြုလုပ်တဲ့ အခြေအနေနဲ့ပတ်သက်လို့တော့ ကိုသားညွန့်ဦးက တင်ဆက်ပေးမှာပါ။
ဒေါ်အောင်ဆန်းစုကြည်ဟာ ပြင်သစ်နိုင်ငံမှာ ဒုတိယနေ့အဖြစ်နဲ့ မနေ့ညနေ ပိုင်းကတော့ ပြင်သစ်နိုင်ငံခြားရေး ၀န်ကြီး Laurent Fabius နဲ့ တွေ့ဆုံပါတယ်။ ပြင်သစ် နိုင်ငံခြားရေးဝန်ကြီးက နိုင်ငံအကြီးအကဲတွေကို ကြို သလို ပြင်သစ်နိုင်ငံခြားရေးရုံးမှာ ဒေါ်အောင် ဆန်းစုကြည်ကိုလည်း တခမ်းတနား ကြိုဆိုခဲ့ပါတယ်။ ဒေါ်အောင် ဆန်းစုကြည်ကလည်း နိုင်ငံခြားရေးရုံးထဲမှာ အမှတ်တရ လွတ် မြောက်ရေးသစ်ပင် စိုက်ပျိုးပေးခဲ့ပါတယ်။ အဲဒီ မှာ ပြင်သစ်နိုင်ငံက နာမည်ကျော်ရုပ်ရှင်သရုပ်ဆောင်တွေနဲ့ အကျော်အမော်အချို့ လည်း တက်ရောက်ပါ တယ်။ ခေါင်းဆောင်နှစ်ဦး တွေ့ဆုံအပြီးမှာတော့ နိုင်ငံခြားရေးရုံးအပြင်မှာ သတင်းထောက်တွေနဲ့ တွေ့ဆုံကြ ပါတယ်။ နိုင်ငံခြားအကူအညီတွေဟာ ပြုပြင်ပြောင်းလဲရေးလုပ်ငန်းစဉ်ကို အထောက်အကူပြုဖို့ ဖြစ်သင့်တယ် လို့ ဒေါ်အောင်ဆန်း စုကြည်က ပြောဆိုသွားပါတယ်။
“ရင်းနှီးမြှုပ်နှံမှုတွေနဲ့ ဖွံ့ဖြိုးရေးအတွက်ပဲဖြစ်ဖြစ် လူသားချင်းစာနာမှုနဲ့ပဲ ဖြစ်ဖြစ် ပေးမယ့်အကူအညီတွေ ဟာ ပြုပြင်ပြောင်းလဲရေး လုပ်ငန်းစဉ်တွေကို အထောက်အကူဖြစ်စေဖို့၊ ဒီလုပ်ငန်းတွေနဲ့ ကိုက်ညီဖို့ သေသေ ချာချာ ပြင်ဆင်ဆောင်ရွက်သင့်ပါတယ်။ လွတ် မြောက်မှု၊ တန်းတူညီမျှမှုနဲ့ စုစည်းညီညွတ်မှု ဆိုတာတွေ ကို ပြင်သစ် လူမျိုးတွေနဲ့ ပြင်သစ်အစိုးရကို ပြောနေစရာတောင် လိုမယ် မထင်ပါဘူး။ ဒါပေမယ့် ကျမတို့ အတွက်တော့ တကယ့်ကို ဇွဲနပဲနဲ့ အရှည်သဖြင့် လုပ်ဆောင်လို့ ရလာမယ့် ဆုလာဘ်မျိုး ဖြစ်နေ ပါတယ်။“
မြန်မာနိုင်ငံရဲ့ အခြေအနေဟာ ၂၀၁၅ ခုနှစ်အထိ အတော်လေး သတိထားရဦးမယ့် အခြေအနေဖြစ်တယ် လို့ နိုင်ငံတကာကို သတိပေး ပြောဆိုသွားပါတယ်။
“၂၀၁၅ နောက်တကြိမ် အထွေထွေရွေးကောက်ပွဲတွေဖြစ်လာတဲ့အခါနဲ့ အဲဒီမတိုင်ခင်အတွင်း နောက်ထပ် သုံးနှစ်ကာလအတွင်းမှာ အတော်လေး သတိထားကြရဦးမှာပါ။မြန်မာနိုင်ငံဟာ စစ်မှန်တဲ့ ဒီမိုကရေစီနည်း ကျတဲ့၊ လွတ်လပ်ပြီး မျှတတဲ့ ရွေးကောက်ပွဲတွေရှိတဲ့ နိုင်ငံဖြစ်ချင်ကြပါတယ်။ ကိုယ့်တိုင်းပြည်ရဲ့ ကံကြမ္မာကို ကိုယ်ကိုယ်တိုင် ပုံသွင်း ဖန်တီးယူနိုင်တဲ့ အနေအထားရောက်ပြီလို့ မြန်မာ ပြည်သူတွေ ပြောနိုင် တဲ့ နှစ်တနှစ်ဖြစ်လာဖို့လိုပါတယ်။”
ညပိုင်းမှာတော့ ပြင်သစ်နိုင်ငံခြားရေးဝန်ကြီးက ဒေါ်အောင်ဆန်းစုကြည်ကို ညစာတည်းခင်းဧည့်ခံပါတယ်။ ဒီမတိုင်ခင် မနက်ပိုင်း ကတော့ ပါရီမြို့တော်ဝင်အပ်နှင်းတဲ့ ပါရီမြို့ရဲ့ ဂုဏ်ထူးဆောင်မြို့တော်သူဆု ကို ဒေါ်အောင်ဆန်းစုကြည် တက်ရောက်လက်ခံယူ ခဲ့ပါတယ်။
ဒီကနေ့ ပြင်သစ်နိုင်ငံခရီး တတိယနေ့မှာတော့ ဒေါ်အောင်ဆန်းစုကြည်ဟာ ပြင်သစ်ရဲ့ နာမည်ကျော် ဆော်ဘွမ်းတက္ကသိုလ်မှာ လူငယ်ကျောင်းသားတွေနဲ့ အမေးအဖြေ တွေ့ဆုံ စကားပြောဖို့ စီစဉ်ထားပါတယ်။
နှစ်ပေါင်း ၂၄ နှစ်အတွင်း ပထမဆုံးအကြိမ် ဥရောပခရီးစဉ်အဖြစ် ဇွန်လ ၁၃ ရက်နေ့မှာ စတင်ခဲ့ တဲ့ ဒေါ်အောင်ဆန်းစုကြည်ဟာ ပြင်သစ်နိုင်ငံ မတိုင်မီမှာတော့ ဆွစ်ဇာလန်၊ နော်ဝေ၊ အိုင်ယာလန်နဲ့ ဗြိတိန်နိုင်ငံတွေကို သွားရောက်ခဲ့ပြီး ၁၉၉၁ ခုနှစ် ကတည်းက ပေးအပ်ထားတဲ့ နိုဘဲလ် ငြိမ်းချမ်းရေးဆု အပါအ၀င် ဂုဏ်ထူးဆောင်ဆုတွေကို လက်ခံရယူခဲ့ပါတယ်။ အစိုးရအကြီးအကဲတွေ လွှတ်တော် တာဝန်ရှိ သူတွေနဲ့လည်း ခရီးစဉ်တလျှောက် တွေ့ဆုံခဲ့ပါတယ်။ ပြင်သစ်နိုင်ငံ ခရီးစဉ်အစအဖြစ် အင်္ဂါနေ့က ရောက် လာချိန်မှာတော့ နိုင်ငံအကြီးအကဲတွေကို လက်ခံ ကြိုဆိုလေ့ရှိသလို Elysee နန်းတော်မှာ သမ္မတ Francois Hollande က ညစာနဲ့ ဧည့်ခံကြိုဆိုခဲ့သလို ဗြိတိန်နိုင်ငံ ခရီးစဉ်အတွင်းမှာလည်း ဗြိတိသျှလွှတ်တော်မှာ သမိုင်းဝင်မိန့်ခွန်း ပြောဆိုခဲ့ပါတယ်။
Ref: ဗွီအိုအေ
Read More...
Collapse...
2012-06-28
သူ့အနေနဲ့ တိုင်းပြည်ကို ဦးဆောင်ခွင့်ရရင် ဦးဆောင် လုပ်ကိုင်သွားမှာဖြစ်ကြောင်း ဒေါ်အောင် ဆန်းစုကြည်က ပြင်သစ်နိုင်ငံ ပဲရစ် မြို့တော်မှာ မနေ့က သတင်းထောက်တွေရဲ့ အမေးကို ဖြေကြား ရာမှာ ပြောသွားခဲ့ပါတယ်။
တိုင်းပြည်ကို ဦးဆောင်လုပ်ကိုင်သွားဖို့ အဆင်သင့် ပြင်ထားပါသ လားလို့ အေအက်ဖ်ပီိ သတင်းထောက်က မေးမြန်းတာကို ဒေါ်အောင် ဆန်းစုကြည်က အခုလို ပြန်လည်ဖြေကြားခဲ့တာ ဖြစ်ပါတယ်။
ဒီမိုကရေစီကို ယုံကြည်တဲ့ ဘယ်နိုင်ငံရေးပါတီ ခေါင်းဆောင်မဆို ကိုယ့်ကိုယ်ကို တိုင်းပြည်ကို ဦးဆောင်သွားနိုင် ဖို့ ပြင်ဆင်ထားရမှာ ပါပဲလို့ ဒေါ်အောင်ဆန်းစုကြည်က ဖြေဆိုခဲ့ပါတယ်။
ဒါပေမယ့် သူ့အနေနဲ့ ဒီကိစ္စကိုပဲ အမြဲစဉ်စားပြီး လုပ်နေတာတော့ မဟုတ်ပါဘူးလို့လည်း ပြောကြားခဲ့ပါတယ်။ ပစ္စုပ္ပန်မှာ လုပ်စရာရှိတဲ့ အကြောင်းကိစ္စတွေကိုပဲ အဓိက အာရုံထား လုပ်ကိုင်နေကြာင်း၊ ဒါပေမယ့်လည်း ဒီပစ္စုပ္ပန်ဟာ အနာဂတ်မှာ ဖြစ်ပေါ်လာနိုင်တဲ့ အ ကြောင်းအရာတွေနဲ့ ဆက်စပ်နေမှာပဲ ဖြစ်တယ်လို့ ထည့်သွင်း ပြောဆို ခဲ့ပါတယ်။
ဒေါ်အောင်ဆန်းစုကြည်ဟာ ဥရောပခရီးစဉ် ပြီးဆုံးပြီ ဖြစ်တဲ့အတွက် ဒီကနေ့ မြန်မာပြည်ကို ပြန်တော့မှာ ဖြစ်ပါတယ်။
Ref: အာရ်အဖ်အေ
Read More...
Collapse...
2012-06-28
မြန်မာနိုင်ငံ ဗဟိုဘဏ်အနေနဲ့ ငွေကြေးဆိုင်ရာမူဝါဒကို လွတ်လွတ်လပ်လပ် ချမှတ်ကျင့်သုံးနိုင်ခွင့် ရရှိဖို့ အသင့်စောင့်စားနေကြောင်း ဗဟိုဘဏ် လက်ထောက် အုပ်ချုပ်ရေးမှူး ဦးမောင်မောင်ဝင်းက ပြောကြားလိုက်ပါတယ်။
လွတ်လပ်တဲ့ ဈေးကွက် စီးပွားရေးစနစ်ရဲ့အဓိက လက္ခဏာတစ်ရပ်ဖြစ်တဲ့ အမှီအခိုကင်းတဲ့ ဗဟိုဘဏ် ပေါ်ပေါက်လာရေးဟာ ကမ္ဘာက မြန်မာ့စီးပွားရေးအပေါ် ယုံကြည်မှု ပိုရလာနိုင်စေတဲ့ နောက်ထပ်ခြေလှမ်းဖြစ်ပါတယ်။
မြန်မာနိုင်ငံမှာ ငွေကြေး တည်ငြိမ်မှုရှိလာပြီဆိုရင် ရင်းနှီးမြှုပ်နှံသူတွေအနေနဲ့ စိတ်ချလက်ချ လာရောက်ကြမှာပါလို့ ဦးမောင်မောင်ဝင်း က အေအက်ဖ်ပီ သတင်းကို ပြောပါတယ်။
အခုဆိုရင် ဗဟိုဘဏ် ဥပဒေသစ်မူကြမ်းဟာ ရှေ့နေချုပ်ရုံးကို ရောက်ရှိနေပြီလို့ ဆိုပါတယ်။ ရှေ့နေချုပ်ရုံးက စစ်ဆေးသုံးသပ်ပြီး၊ နောက်တဆင့်အနေနဲ့ လွှတ်တော်ကို တင်ပြလို့ လွှတ်တော်က သဘောတူတယ်ဆိုရင် မြန်မာနိုင်ငံ ဗဟိုဘဏ်ဟာ အစိုးရ ဘဏ္ဍာ ရေးဝန်ကြီးဌာနနဲ့ သီးခြားကင်းလွတ်သွားပြီး၊ ငွေကြေးဆိုင်ရာ မူဝါဒကို လွတ်လွတ်လပ်လပ် ချမှတ်နိုင်မှာ ဖြစ်ပါတယ်။
ဗဟိုဘဏ်က ဘဏ်အတိုးနှုန်း အတင်အချ ဆုံးဖြတ်တဲ့ ငွေကြေးဆိုင်ရာ မူဝါဒကိုချမှတ်ပြီး၊ ဘဏ္ဍာရေးနဲ့ အခွန်ဝန်ကြီးဌာနကတော့ ပြည်တွင်းငွေကြေးတန်ဖိုး၊ ငွေလဲနှုန်း၊ အသုံးစရိတ် ဘတ်ဂျက် စတဲ့ ဘဏ္ဍာရေးမူဝါဒကို ဆောင်ရွက်ရပါတယ်။
စီးပွားရေး ဖွံ့ဖြိုးမှုအတွက် အဲဒီလို လုပ်ငန်းနှစ်ခုကို ခွဲခြားပြီး တစ်ခုကိုတစ်ခု အပြန်အလှန် ထိန်းကျောင်းတဲ့စနစ် ဖြစ်ဖို့လိုပါတယ်။ ဒီအတွက် ဗဟိုဘဏ်မှာ သီးခြားလွတ်လပ်ခွင့်နဲ့ လုပ်ပိုင်ခွင့်တွေ ရှိဖို့လိုပါတယ်။
ဒါပေမဲ့ ဒီကိစ္စဟာ နေ့ချင်း ညချင်း ဖြစ်လာမယ်လို့တော့ မျှော်လင့်လို့ မရကြောင်း၊ ဗဟိုဘဏ်မှာ အမှန်တကယ် ကျွမ်းကျင် နားလည်တဲ့ ၀န်ထမ်းတွေ အများအပြား လိုအပ်နေကြောင်း လက်ထောက် အုပ်ချုပ်ရေးမှူး ဦးမောင်မောင်ဝင်း က ပြောပါတယ်။
Ref: အာရ်အဖ်အေ
Read More...
Collapse...
2012-06-28
မြန်မာနိုင်ငံ ငြိမ်းချမ်းရေး ဖော်ဆောင်ရေးအဖွဲ့ ဒုတိယ ဥက္ကဋ္ဌ ပြည်ထောင်စု ၀န်ကြီး ဦးအောင်မင်းနဲ့အဖွဲ့ဟာ ရခိုင်ပြည် လွတ်မြောက်
ရေး ပါတီ (ALP) နဲ့ ထိုင်းနိုင်ငံ ဘန်ကောက်မြို့ Grand Four Wings ဟိုတယ်မှာ မနေ့မနက်ပိုင်း က တွေ့ဆုံ ဆွေးနွေးခဲ့ပါ တယ်။
အဲဒီလိုတွေ့ဆုံရာမှာ အရင်ပြည်နယ်အဆင့် ဆွေးနွေးခဲ့စဉ်က သဘောတူခဲ့တဲ့ အချက်တွေကို လက်တွေ့ ဆောင်ရွက်တဲ့နေရာ မှာ တွေ့ကြုံရတဲ့ အခက်အခဲတွေကို ဆွေးနွေးခဲ့ကြတယ်လို့ ALP အထွေထွေအတွင်းရေးမှူး ဒေါ်စောမြရာဇာလင်းက ပြောပါတယ်။
"ဥပမာ ဆက်သွယ်ရေးရုံး ဖွင့်တဲ့ကိစ္စတွေမှာ ဆိုလို့ရှိရင် ရဲဘက်ဆိုင်ရာက စောင့်ကြည့်တဲ့ အပိုင်းတွေရှိ တယ်။ ထောက်လှမ်းရေးပိုင်း က စောင့်ကြည့်တဲ့ အပိုင်းတွေရှိတယ်။ ဆိုတော့ ရုံးလုပ်ငန်းတွေအတွက် ကြိုးစားရတဲ့ သူတွေအတွက်ကတော့ စိတ်အနှောင့် အယှက် တွေဖြစ်တယ်။ အဲဒီကိစ္စတွေကို အစိုးရပိုင်းကနေပြီးတော့မှ ကူညီစေချင်တဲ့ အပေါ်မှာ ကျွန်မတို့ဆက်လက် ဆွေးနွေးတာ ရှိပါ တယ်။ ပြီးလို့ရှိရင် မြန်မာ တစ်နိုင်ငံလုံးကို ရခိုင်လွတ်မြောက်ရေး ပါတီနဲ့ ဆိုင်တဲ့ လူပုဂ္ဂိုလ်တွေ၊ ရဲဘော်တွေ လွတ်လပ်စွာ သွားလာလှုပ်ရှားခွင့် ရရှိဖို့ ဆိုတဲ့အပေါ်မှာ ကျွန်မတို့ အနေနဲ့ ထပ်မံဆွေးနွေးတာ ရှိပါတယ်"
ဒါ့အပြင် အခုလတ်တလော ရခိုင်ပြည်နယ်တွင်းက ဒုက္ခသည်တွေကို သွားရောက်အကူအညီပေးရေး ကိစ္စတွေလည်း ဆွေးနွေးခဲ့ ကြောင်း ဒေါ်စောမြရာဇာလင်းက ပြောပါတယ်။ ပြည်ထောင်စုဝန်ကြီး ဦးအောင်မင်းတို့ဘက်က ပြန်လည်ဆွေးနွေးချက် တွေနဲ့ ပတ်သက်ပြီးတော့လည်း -
"ကောင်းပါတယ်။ အပြုသဘောဆောင်တဲ့ ဆွေးနွေးမှုတွေ အများကြီးရှိတယ်လို့ ကျွန်မအနေနဲ့ သုံးသပ်ပါတယ်။ ဘာဖြစ်လို့လည်း ဆိုလို့ရှိရင် ကျွန်မတို့ ဘက်က အခက်အခဲတွေ တင်ပြတဲ့ အချိန်မှာ သူတို့တွေက နည်းလမ်းတွေပေးတယ်။ တချို့နေရာမှာ ကျွန်မတို့ အနေနဲ့ ဆက်သွယ်ရေးရုံးတွေ ဖွင့်လို့မရတဲ့ နေရာတွေမှာလည်းပဲ စီးပွားရေးရုံးတို့ ဘာတို့ စတင်လုပ်ဆောင်လို့ရတယ်။ ပြီးလို့ရှိရင် အနာဂတ်တချိန်ချိန်မှာလည်း စိတ်ကောင်း စေတနာကောင်းတွေနဲ့ နှစ်ဦးနှစ်ဘက်အားလုံး အတတ်နိုင်ဆုံး ကြိုစားပြီးတော့မှ ရခိုင် ပြည်အရေး၊ ရခိုင်ပြည်သူ လူထုတရပ်လုံးရဲ့ သာယာဝပြောရေးနဲ့ မြန်မာနိုင်ငံတစ်ခုလုံးရဲ့ ငြိမ်းချမ်းရေး ဖော်ဆောင်မှု လုပ်ငန်းစဉ်တွေကို အားလုံး အတူတကွ ပူးပေါင်းဆောင်ရွက်ကြမယ်ဆိုတဲ့ ဆွေးနွေးမှု များစွာပါပဲ၊ ဒီနေ့ဆွေး နွေးတာကတော့"
မကြာခင်လပိုင်းတွေက ALP အဖွဲ့ဟာ စစ်တွေမြို့မှာ ရုံးခွဲသွားရောက် ဖွင့်လှစ်ခဲ့ရာမှာ ဒေသခံတွေက သောင်းသောင်းဖြဖြ ကြို ဆို ခဲ့ကြပါတယ်။ မြန်မာပြည်တွင်းမှာ အခြေမစိုက်သေးပေမဲ့ ပလက်ဝ၊ ကျောက်တော်နဲ့ တခြားသင့်တော်တဲ့ နယ်တွေဘက်မှာ လည်း ALP ရုံးခွဲတွေ ဖွင့်လှစ်ဖို့ စီစဉ်နေတယ်လို့ သိရပါတယ်။
မနေ့က တွေ့ဆုံဆွေးနွေးပွဲမှာ ALP ဒုဥက္ကဋ္ဌ ခိုင်စိုးနိုင်အောင်၊ အတွင်းရေးမှူး ဒေါ်စောမြရာဇာလင်း၊ ငြိမ်းချမ်းရေး ဆက်သွယ်ရေး တာဝန်ခံ ခိုင်အေးလင်းနဲ့ ၀န်ကြီး ဦးအောင်မင်း၊ ၀န်ကြီး ဦးခင်ရီနဲ့အဖွဲ့တို့ ပါဝင်ကြပါတယ်။ နောက်တစ်ကြိမ် ပြည်ထောင်စုအဆင့် ဆွေးနွေးပွဲကို နှစ်ဘက်အသင့်ဖြစ်တဲ့အချိန်မှာ တွေ့ဆုံဆွေးနွေးမယ်လို့ သိရပါတယ်။
Ref: အာရ်အဖ်အေ
Read More...
Collapse...
2012-06-28
ပြည်သူ့လွှတ်တော်ဥက္ကဋ္ဌ သူရ ဦးရွှေမန်းနဲ့ ၈၈ မျိုးဆက် ကျောင်း သားများအဖွဲ့တို့ တွေ့ဆုံဖို့ ရှိတယ်လို့ သတင်းရရှိပါတယ်။
ဒီကိစ္စနဲ့ ပတ်သက်လို့ ၈၈ မျိုးဆက် ကျောင်းသားများအဖွဲ့ကို ဆက်သွယ်မေးမြန်းကြည့်တဲ့ အခါမှာ ကိုကိုကြီးက RFA ကို အခုလိုပြော ပါတယ်။
"ကျွန်တော်တို့ အနေနဲ့ကပေါ့လေ၊ ဒီမှာ နိုင်ငံပြုပြင်ပြောင်းလဲနေတဲ့ အချိန်မှာ ဒီအားလုံးပေါ့၊ ထိတွေ့ဆက်ဆံဖို့လိုတယ် ဆိုတဲ့ သဘော ထား က ရှိပြီးသားပါ"
တွေ့ဆုံပွဲ ဘယ်တော့လုပ်မယ်၊ ဘာတွေပြောဆိုဖို့ ရှိတယ်ဆိုတဲ့ အသေးစိတ် အစီအစဉ်ကို ထုတ်ဖော်ပြောဆိုမှု မရှိပါဘူး။ ဒီလို တွေ့ဖြစ်ခဲ့ရင် ဒါဟာ ကိုမင်းကိုနိုင်၊ ကိုကိုကြီး ဦးဆောင်တဲ့ ၈၈ မျိုးဆက် ကျောင်းသားများအဖွဲ့နဲ့ သူရ ဦးရွှေမန်းတို့ရဲ့ ပထမဆုံး တွေ့ဆုံမှု ဖြစ်ပါတယ်။
မြန်မာနိုင်ငံ ဒီမိုကရေစီ အသွင်ကူးပြောင်းရေးအတွက် သက်ဆိုင်သူ လူပုဂ္ဂိုလ်တွေ၊ အဖွဲ့အစည်းတွေ အားလုံးပါဝင်ဖို့ ကုလသမဂ္ဂနဲ့ နိုင်ငံတကာအသိုင်းအဝိုင်းက မြန်မာအစိုးရကို လွန်ခဲ့တဲ့နှစ်တွေ ကတည်းက တိုက်တွန်းထားသလို၊ မြန်မာအစိုးရဘက် ကလည်း တိုင်းရင်းသားအဖွဲ့တွေ၊ ပြည်ပအခြေစိုက်အဖွဲ့တွေနဲ့ တွေ့ဆုံနေတာတွေ ရှိပါတယ်။
ပြီးခဲ့တဲ့ ရက်ကလည်း မီးရထားဝန်ကြီး ဦးအောင်မင်းနဲ့ လူဝင်မှုကြီးကြပ်ရေး ဝန်ကြီး ဦးခင်ရီတို့ ဦးဆောင်တဲ့ ငြိမ်းချမ်းရေး ဖော်ဆောင် မှုအဖွဲ့က ပြည်ပရောက်အဖွဲ့တွေနဲ့ ထိုင်းနိုင်ငံမှာ တွေ့ဆုံခဲ့ပါတယ်။
Ref: အာရ်အဖ်အေ
Read More...
Collapse...
2012-06-28
UNHCR လို့ခေါ်တဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး အကြီးအကဲဖြစ်သူ Mr. Antonio Guterres ဟာ ဇူလိုင်လ ဆန်းပိုင်း အတွင်း မြန်မာနိုင်ငံကို သွားရောက်ပြီး အစိုးရတာဝန်ရှိသူတွေနဲ့ တွေ့ ဆုံမယ်လို့ သိရပါတယ်။
ဆွစ်ဇာလန်နိုင်ငံ ဂျီနီဗာမြို့မှာ ကျင်းပနေတဲ့ ကုလသမဂ္ဂ ဒုက္ခသည် များ မဟာမင်းကြီးရုံး UNHCR အုပ်ချုပ်ရေးအဖွဲ့ နဲ့ နိုင်ငံတကာ အစိုးရတွေကြား ဆွေးနွေးပွဲမှာ ပြီးခဲ့တဲ့ အင်္ဂါနေ့က မြန်မာခရီးစဉ် သွားရောက်မယ့် အကြောင်း ပြောကြား ခဲ့တာဖြစ်ပြီး မြန်မာနိုင်ငံနဲ့ ထိစပ်နေတဲ့ နယ်စပ်တလျှောက်မှာ ရှိတဲ့ ဒုက္ခသည်တွေကို မူရင်းဒေသတွေမှာ ပြန်လည်နေရာချထားရေး ဆွေးနွေးမယ်လို့ ဆိုပါတယ်။
UNHCR နဲ့ မြန်မာအစိုးရတို့ အဲဒီကိစ္စ ဆွေးနွေးရာမှာ စဉ်းစားဆင်ခြင် စရာတွေ ရှိနေသေးကြောင်း ဂျီနီဗာက UNHCR အစည်းအဝေးကို တက်ရောက်လေ့လာနေတဲ့ လူ့အခွင့်အရေး လှုပ်ရှားသူ ချင်းအမျိုးသမီး မချယ်ရီဇာဟောင်းက ပြောပါတယ်။
"ဒီဒုက္ခသည်တွေကို နေရာပြန်လည်ချထားရေး အဲတာက အခုလောလောဆယ်မှာ မဖြစ်နိုင်သေးဘူးလို့ ကျွန်မတို့ကတော့ ထင်တယ် လေ။ ဘာဖြစ်လို့လည်းဆိုတော့ မြန်မာနိုင်ငံမှာက စစ်တပ်တွေက နေရာတိုင်းမှာ ရှိနေသေးတယ်။ Cease fire လုပ်ရင်လည်းပဲ ဟိုနေ ရာမှာ တိုက်ပွဲပြန်ဖြစ်လိုက်၊ ဟိုနေရာမှာ ပြန်ပြီးပစ်ခတ်ကြလိုက် ဖြစ်နေတဲ့ အချိန်မှာ ဒီဒုက္ခသည်တွေကို ပြန်ပို့ဖို့ မသင့်တော်ဘူး။ နောက်တစ်ခုက တချို့နေရာတွေမှာ မြေမြုပ်ဗုံးတွေ ရှိနေတဲ့ နေရာတွေမှာ လည်း ကောင်းကောင်းမရှင်း ရသေးဘူး။ နောက်တစ်ခု က ပြန်သွားလို့ရှိရင် ဒုက္ခသည်တွေရဲ့ စားဝတ်နေရေး ဘဝဖူလုံရေး လုပ်ပေးဖို့လိုတယ်။ အဲတာတွေ ကျွန်မတို့ တင်ပြမှာ"
မြန်မာနိုင်ငံကို သွားရောက်လည်ပတ်မယ့် UNHCR အကြီးအကဲ Mr. Antonio Guterres ဟာ ပေါ်တူဂီနိုင်ငံ ဝန်ကြီးချုပ်ဟောင်း ဖြစ်ပြီး ၂၀၁၀ခုနှစ် ဧပြီလတုန်းက UNHCR မဟာမင်းကြီးအဖြစ် အရွေးချယ်ခံ ခဲ့ရတာ ဖြစ်ပါတယ်။
Ref: အာရ်အဖ်အေ
Read More...
Collapse...
2012-06-28
တော်ဝင် ဆောက်လုပ်ရေး စီမံကိန်းမှာ အလုပ်လုပ်ကိုင်နေကြတဲ့ အလုပ်သမား နှစ်ထောင်နီးပါးဟာ လုပ်အားခ တိုးမြှင့်ရရှိရေးအတွက် ဒီကနေ့ စတင် ဆန္ဒပြနေကြပါ တယ်။
ဆန္ဒပြ အလုပ်သမားတွေဟာ ရန်ကုန် အင်းစိန်မြို့နယ် အောင်ဇေယျ တံတားအနီး၊ ပေါက်တောရပ်ကွက်မှာ တော်ဝင်ကုမ္ပဏီ က ဆောက် လုပ်နေတဲ့ တန်ဖိုးနည်း အထပ်မြင့်အိမ်ယာ စီမံကိန်းက ကုမ္ပဏီဝန်ထမ်းတွေ ဖြစ်ပါတယ်။
အလုပ်သမားတွေက နေ့စားခကို နေ့ချင်းပြီး ရှင်းပေးဖို့၊ လုပ်ငန်းခွင် သင်တန်းတက်ဖို့ အကြောင်းပြပြီး လုပ်ငန်းခွင်ကနေ ထုတ်ပယ်တာ တွေကို ရပ်တန့်ပေးဖို့၊ လုပ်ခလစာ တိုးပေးဖို့နဲ့ အချိန်ပိုကြေးပေးဖို့ စတဲ့ အချက်တွေ အပါအဝင် စုစုပေါင်း ၁၄ ချက် တောင်းဆိုထား ပါတယ်။
အင်းစိန်မြို့နယ် အလုပ်သမားရေးရုံး တာဝန်ရှိသူတွေက ကုမ္ပဏီနဲ့ အလုပ်သမားတွေအကြား ဖြစ်ပေါ်နေတဲ့ မပြေလည်မှုတွေကို လာ ရောက်ညှိနှိုင်း ပေးခဲ့ပေမယ့် အလုပ်သမားတွေရဲ့ တောင်းဆိုချက်တွေကို တော်ဝင်ဆောက်လုပ်ရေး ကုမ္ပဏီဘက်က အခုချိန်ထိ လိုက် လျောတာ မရှိသေးဘူးလို့ သိရပါတယ်။
အခု ဆောက်လုပ်ရေးကုမ္ပဏီ ဝန်ထမ်းတွေရဲ့ ဆန္ဒပြတောင်းဆိုမှုဟာ မြန်မာနိုင်ငံက ဆောက်လုပ်ရေး လုပ်သားတွေရဲ့ ပထမဆုံး ဆန္ဒပြ တောင်းဆိုမှု ဖြစ်ပါတယ်။
Ref: အာရ်အဖ်အေ
Read More...
Collapse...
2012-06-28
ရခိုင်ပြည်နယ်က အခြအနေတွေဟာ တင်းမာနေဆဲဖြစ်ပြီး ရခိုင်နဲ့ မွတ်ဆလင် နှစ်ဘက်ကြားမှာ စစ်တပ်က လုံခြုံရေး တင်းတင်းကျပ် ကျပ် ယူထားရဆဲ ဖြစ်တယ်လို့ အဲဒီကိုရောက်ရှိနေတဲ့ ၈၈ မျိုးဆက် ကျောင်းသားများအဖွဲ့ကပြောပါတယ်။
ဒီလ ဇွန်လ (၂၀) ရက်နေ့ ကတည်းက ရောက်ရှိနေတဲ့ ၈၈ မျိုးဆက် ကျောင်းသားများအဖွဲ့က မနီလာသိန်းနဲ့အတူ ရောက်ရှိနေတဲ့ မမီးမီးက အခြေအနေတွေကို အခုလို ပြောပြပါတယ်။
"ရခိုင်ပြည်နယ်မှာကတော့ လောလောဆယ် ဒီနောက်ဆုံး အခြေအနေကတော့ ရခိုင်နဲ့ သူတို့ မွတ်ဆလင်တွေကို သူတို့ သီးခြား ထားထား ပြီးတော့ ကြားထဲကနေပြီးတော့ စစ်တပ် ခံပြီးတော့ လုံခြုံရေးအနေနဲ့ ထားထားတာကိုတွေ့ရပါ တယ်။ နောက်ပြီးတော့ အခုလက်ရှိမှာလည်း စခန်းတွေမှာလည်း အလှူရှင်တွေ လာရောက်လှူဒါန်းနေတယ်ပေါ့နော်။ ဒါပေမဲ့ ပုဂ္ဂလိက အလှူရှင်တွေက များပါတယ်။ အစိုးရဘက်က လှူဒါန်းတာဆိုလို့ အနည်းငယ်သာ တွေ့ရပါသေးတယ်။ နောက် WFP ရဲ့ ဆန်အိတ် လှူဒါန်းမှုတော့ ရှိတယ်"
ရခိုင် ဒုက္ခသည်စခန်းတွေကို သွားရောက်ကြည့်ရှုခဲ့သလို မနေ့က သဲချောင်းရွာနားမှာရှိတဲ့ မွတ်စလင် ဒုက္ခသည်စခန်းတွေကို လည်း ပြည်နယ် အစိုးရရဲ့ ခွင့်ပြုချက်နဲ့ သွားရောက်လေ့လာခဲ့တယ်လို့ မမီးမီးက ပြောပါတယ်။
အဲဒီစခန်းတွေမှာ ဒုက္ခသည်တွေကို အစိုးရက တာဝန်ယူပြီး ဆန်အိတ်တွေ ဝေပေးနေသလို မြန်မာနိုင်ငံ ဆရာဝန်များအသင်း၊ ကြက်ခြေနီအသင်းတွေကလည်း ဆေးဝါးကုသရေးအပိုင်းမှာ ကူညီဆောင်ရွက်ပေးနေတာတွေကို မြင်တွေ့ခဲ့ရတယ်လို့ မမီးမီးက ဆိုပါတယ်။
၈၈ မျိုးဆက် ကျောင်းသားများအဖွဲ့ရဲ့ ရခိုင်ပြည်နယ် ခရီးစဉ်ကို သက်ဆိုင်ရာ ပြည်နယ်အစိုးရ တာဝန်ရှိသူတွေကလည်း ပူးပေါင်း ဆောင် ရွက်တယ်လို့ မမီးမီးက ပြောသွားပါတယ်။
တချိန်ထဲမှာလည်း ရခိုင်ပြည်နယ်က ဘေးဒုက္ခရောက် ပြည်သူတွေအတွက် အထက်ဗမာပြည် အလှူရှင်တွေက ကာလတန်ဖိုး သိန်း ထောင့်နှစ်ရာဖိုးလောက်ရှိတဲ့ အလှူပစ္စည်းနဲ့ ငွေတွေ လှူဒါန်းလိုက်တယ်လို့ သတင်းရရှိပါတယ်။
ဒီအလှူကို မန္တလေးမြို့ပေါ်နဲ့ စစ်ကိုင်း၊ မြင်းမူမြို့တွေက ပြည်သူနဲ့ လူမှုရေးအဖွဲ့တွေ စုပေါင်းလှူဒါန်းတာဖြစ်ပြီး မန္တလေးမြို့အခြေစိုက် ဗြဟ္မစိုရ်အသင်းက ကမကထပြုလုပ်တာပါ။ အလှူပစ္စည်းတွေ စစ်တွေမြို့ ရောက်နေပြီ ဆိုတဲ့အကြောင်းနဲ့ ပစ္စည်းတွေသွားပို့တဲ့ လမ်း ခရီးက အခြေအနေကို ဗြဟ္မစိုရ်အသင်း ဥက္ကဋ္ဌ ဒေါက်တာဝင်းမြင့်က RFA ကို ပြောပါတယ်။
ဒီအလှူတွေအပြင် မန္တလေးမြို့ အခြေစိုက် စိမ်းရောင်စို သဘာဝပတ်ဝန်းကျင် ထိန်းသိမ်းရေးအဖွဲ့ကလည်း ရခိုင်ပြည်နယ်က ဒုက္ခသည်တွေအတွက် အလှူရအောင် ဆောင်ရွက်နေပြီး မနက်ဖြန်မှာ အလှူရှင်တချို့ ပေးအပ်မှာကို လက်ခံဖို့ရှိတယ်လို့ အဖွဲ့ခေါင်းဆောင် ဦးငြိမ်းချမ်းက ပြောပါတယ်။
အလားတူပဲ မြန်မာနိုင်ငံ ရုပ်ရှင်အစည်းအရုံးက ပဋိပက္ခတွေ ဖြစ်နေတဲ့ဒေသက ဒုက္ခသည်တွေကို ငွေကြေးနဲ့ ပစ္စည်းတွေ ကူညီဖို့ ကြိုးပမ်းနေရာမှာ လာမယ့် ဇူလိုင်လ (၁) ရက် တနင်္ဂနွေနေ့ကျရင် ရုပ်ရှင်မင်းသား၊ မင်းသမီးတွေကိုယ်တိုင် စစ်တွေမြို့ကို သွား ရောက်ပြီး ဒုက္ခသည်တွေကို ကူညီလှူဒါန်းမှာ ဖြစ်ပါတယ်။
အဲဒီလို လုပ်ဆောင်နိုင်ဖို့ ရခိုင်ပြည်နယ် စစ်တွေမြို့ကို ကြိုတင်ရောက်နေတဲ့ မြန်မာနိုင်ငံ ရုပ်ရှင်အစည်းအရုံး နာယက ဒါရိုက်တာ စံရွှေမောင် ခေါ် ဦးအောင်လွင်ကို ကိုဥာဏ်ဝင်းအောင်က ဆက်သွယ်မေးမြန်းထားပါတယ်။
Ref: အာရ်အဖ်အေ
Read More...
Collapse...
2012-06-28
၂၀၁၂ ပြည်သူ့ဂုဏ်ရည်ဆု ဆန်ခါတင် ဆုရွေးချယ်ခံခဲ့ရသူ ၅ ဦးကို ဂုဏ်ပြုတဲ့ အခမ်းအနားတရပ်ကို ရန်ကုန်မြို့ တော်ဝင်နှင်းဆီခန်းမ
မှာ ဒီကနေ့ နေ့လည်က ကျင်းပခဲ့ပါတယ်။
အခမ်းအနားမှူး ရုပ်ရှင်သရုပ်ဆောင် အကယ်ဒမီ ဒေါ်ဆွေဇင်ထိုက်က ပြည်သူ့ဂုဏ်ရည်အဖွဲ့ကိုယ်စား သ၀ဏ်လွှာဖတ်ကြားပြီး ဒီနှစ် အတွက် ရွေးချယ်ခဲ့တဲ့ ဆန်ခါတင် ၅ ဦးရဲ့ ပြည်သူ့အကျိုးပြုလုပ်ငန်းတွေ လုပ်ကိုင်ခဲ့တဲ့ မှတ်တမ်း ဗီဒီယိုတွေကို ပြသပြီး ဂုဏ်ပြုဆု ချီးမြှင့်ခဲ့ပါတယ်။
အခမ်းအနားမှာ ဆန်ကာတင်ဆုရခဲ့တဲ့ လူပုဂ္ဂိုလ်အဖွဲ့အစည်းတွေကို နိုင်ငံရေး လူမှုရေးနဲ့ စာပေနယ်က လူပုဂ္ဂိုလ်တွေက အဖွဲ့ကိုယ်စား ဆုလက်မှတ် ပေးအပ်ခဲ့ပါတယ်။
NLD လူမှုအထောက်အကူပြု အဖွဲ့ကိုယ်စား ဦးဝင်းထိန်ကို စာရေးဆရာ မောင်မိုးသူက ဆုချီးမြင့်ခဲ့သလို သုခရိပ်မြုံ လူငယ် ပရဟိတ ဂေဟာ ကိုယ်စား စာရေးဆရာမ စုထားကို ဦးဝင်းတင်က ဆုပေးအပ်ခဲ့ပါတယ်။
သုခဆေးခန်းက ဒေါ်သန်းမြင့်အောင်ကို ရွှေအမြုတေ အယ်ဒီတာချုပ် ဦးဝင်းငြိမ်း၊ အလုပ်သမားနဲ့ လယ်သမားအရေး ဆောင်ရွက်သူ ရှေ့နေ ကိုဖိုးဖြူကို ၈၈ မျိုးဆက် ကျောင်းသားများအဖွဲ့က ကိုမင်းကိုနိုင်၊ ကချင်လူမှုရေးလုပ်ဆောင်သူ လဖိုင်နော်မိန်း ကိုယ်စား ကိုဧရာမောင်မောင်ကို ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းတို့က ဆုလက်မှတ်တွေ ပေးအပ်ခဲ့ကြပါတယ်။
ဒီနှစ်အတွက် ပြည်သူ့ဂုဏ်ရည်ဆု ရရှိခဲ့တဲ့ ကချင်တိုင်းရင်းသား လဖိုင်နော်မိန်းဟာ လူမှုရေးလုပ်ငန်းတွေအပြင် Kachin land News သတင်းဌာနရဲ့ သတင်းထောက်ချုပ် အဖြစ်လည်း ဆောင်ရွက်ခဲ့သူ ဖြစ်ပါတယ်။ ဒီနှစ် ဇန်နဝါရီလမှာ ကချင်ပြည်နယ်မှာ ဖြစ်နေတဲ့ တိုက်ပွဲတွေကို သွားရောက် သတင်းယူနေခဲ့စဉ်မှာ သေနတ်ကျည်ဆံ ထိမှန်တဲ့ဒဏ်ရာကြောင့် ခန္ဓာကိုယ်တစ်ခုလုံး မလှုပ်ရှားနိုင် တော့ ဘဲ ဒုက္ခိတဘ၀ ရောက်ခဲ့ရသူ ဖြစ်ပါတယ်။
ပြည်သူ့ဂုဏ်ရည်ဆုကို မြန်မာနိုင်ငံထဲမှာ လူမှုရေးလုပ်ငန်းတွေကို ကိုယ်ကျိုးစွန့် ဆောင်ရွက်နေသူတွေကို ဂုဏ်ပြုကူညီဖို့အတွက် ၂၀၀၉ ခုနှစ်မှာ အမေရိကန် ပြည်ထောင်စုရောက် မြန်မာနိုင်ငံသားတွေက ပြည်သူ့ဂုဏ်ရည် အသင်းကို စတင်တည်ထောင်ခဲ့ပြီး နှစ်စဉ်ပေးအပ်နေတာ ဖြစ်ပါတယ်။
Ref: အာရ်အဖ်အေ
Read More...
Collapse...
28 June 2012
စောခါးစူးညား
အပစ်အခတ်ရပ်စဲရေးကာလဖြစ်သော်လည်းကရင်ပြည်နယ် သံတောင်မြို့နယ်တွင် မြန်မာအစိုးရစစ်တပ်၏ ပစ်ခတ်ခံရသူများ ရှိနေသည် ဟုဒေသခံ လူထုများက ပြောသည်။
ထိုဒေသရှိမြန်မာအစိုးရတပ်မ(၆၆)လက်အောက်ခံခြေလျင်တပ်ရင်း(ခလရ-၁)သည် ဇွန်လ ၂၃ရက်နေ့က ဆန်သွားဝယ်၍ ပြန်လာ သော ဟီဒေါ်ခေါ် နှင့် သေခိုဒဲရွာသား၎ဦးကို ပစ်ခတ်သကဲ့သို့ တောင်ယာခင်းတွင် စုပေါင်းမြက်ခုတ်ထွင်ရှင်းလင်းနေသောဟီဒေါ်ခေါ်ရွာနှင့် ၀ါးစိုး ရွာသား ၁၀ဦးကျော်အားပစ်ခတ်ခဲ့ကြောင်းဟီဒေါ်ခေါ်ရွာမှ စောထူးဝေါ်က ကေအိုင်စီသို့ ပြောသည်။
“၂၃ရက်နေ့ မနက် ၁၀နာရီမှာ ကော်သေးဒဲရွာမှာဆန်သွားဝယ်ပြီးအပြန်လမ်း ၀ါ့ဘောဒေးမှာအဲဒီလူတွေကိုအစိုးရတပ်ကပစ်တာပါ။ ညနေ ၃နာရီမှာ တောင်ယာမှာရှိတဲ့ သူတွေကိုထပ်ပစ်တယ်။ ထိတာတော့ မရှိဘူး။ ဆန်ထမ်းလာတဲ့သူတွေ အပစ်ခံရရာမှာအထုတ် အပိုးတွေ တောထဲမှာပဲကျန်ခဲ့လို့နောက်နေ့သွားပြန်ရှာကြည့်တော့ မိုးရေစိုလို့စားမရတော့ဘူး။”ဟုသူကပြောသည်။
ဒေသခံလူထုများသည် စစ်မှန်သည့် နယ်မြေအေးချမ်းမှုကို လိုချင်ကြသော်လည်းအပစ်အခတ်မရပ်စဲ မီကာလကဲ့သို့ပင် အလုပ်အကိုင်၊ အသွားအလာလွတ်လွတ်လပ်လပ် မရှိဘဲအစိုးရတပ်များကိုကြောက်လှန့်နေရဆဲဖြစ်ကြောင်းစောထူးဝေါ်က ဖြည့်စွက်ပြောဆိုသည်။
သံတောင်မြို့နယ်သည် ကရင်အမျိုးသားအစည်းအရုံး -KNU တောင်ငူ ခရိုင်၏ ထိန်းချုပ်နယ်မြေအတွင်းတွင် ရှိသောကြောင့် ယင်းကိစ္စ နှင့် ပတ်သက်၍ တောင်ငူခရိုင်မှ အမည်မဖော်လိုသူ KNU တာဝန်ရှိပုဂ္ဂိုလ်တဦးကယခုလိုပြောဆိုသည်။
“ဒါကတော့ လုံးဝ မဖြစ်သင့်ဘူး။ အပစ်ရပ်တဲ့အချိန်မှာရွာသားတွေရှိတဲ့နေရာကို ၀င်လာပစ်တယ်ဆိုတော့ စိတ်ကုန်တယ် လို့ပဲမှတ် ချက်ပေး ချင်တယ်။”ဟု၎င်းက ပြောသည်။
ထို့အပြင် ဒေသခံလူထုများပစ်ခတ်ခံရပြီးနောက် ဇွန်လ ၂၄ရက်နေ့တွင် ကယား(ကရင်နီ)ပြည်နယ်နှင့် KNU တောင်ငူခရိုင်နယ်စပ်ရှိ မြန်မာအစိုးရ၏ အောင်မြင်တပ်စခန်းဟောင်းတွင်ဟယ်လီကော်ပတာ လေယာဉ် တစ်စီးသည် ခေါက်တုန့်ခေါက်ပြန်ဝဲပျံနေသည်ဟုလည်း သူကဆက်ပြောသည်။
နောက်ဆုံးသတင်းအရယနေ့ ဇွန်လ ၂၈ရက်နေ့တွင် သံတောင်မြို့နယ်အတွင်းရှိဝါးစိုးရွာ၏ အနီးတ၀ိုက်တွင် တပ်မ(၆၆) လက်အောက် ခံတပ်များဆက်လက်တပ်စွဲထားသကဲ့သို့ ရေသိုးကြီးရွာဘက်မှာလည်းအင်အား ၁၀၀ ခန့် ထပ်တိုးလာသည်ဟု KNU တောင်ငူ ခရိုင် ကပြောသည်။
ဗိုလ်မှူးချုပ် ၀င်းဘိုရှိန် ဦးဆောင်သည့် တပ်မ(၆၆)သည် လက်အောက်ခံတပ်ရင်း ၁၀ ရင်းရှိပြီးလက်ရှိKNU တောင်ငူခရိုင်တွင် ၇ရင်း လှုပ်ရှားနေသည်ဟုသိရသည်။
Ref: ကေအိုင်စီ
Read More...
Collapse...
နေမျိုး
ဇွန်လ ၂၈ ရက် ၂၀၁၂ ခုနှစ်
ရန်ကုန်တိုင်း၊ မင်္ဂလာဒုံ စက်မှုဇုန် ၁ ရှိ Fsmoso စက်ရုံဆန္ဒပြ အလုပ်သမားများ၏ လစာတိုးပေးရေး ကိစ္စကို ဇွန်လ၂၈ ရက်နေ့က ဗိုလ်တထောင်မြို့နယ် အလုပ်သမား ခုံသမာဓိရုံးတွင် ကြားနာခဲ့ရာ ပြေလည်မှု မရရှိသေးကြောင်း သိရသည်။
တောင်းဆိုချက်များအနက် အဓိကကျသည့် အခြေခံလစာနှင့် ရှားပါးစားရိတ် တိုးပေးရေး တောင်းဆိုချက် အား ခုံသမာဓိရုံးမှ ဆုံးဖြတ်နိုင်ခြင်းမရှိ၍ ဖြစ်ကြောင်း အလုပ်သမား ကိုယ်စားလှယ် မဟေမာန်ချစ်က ပြောသည်။
“ခုံသမာဓိက ၃ ခုပဲကြားနာပေးမယ်ပြောတာလေ။ ပထမ အချက်က Supervisor(အလုပ်သမားကြီးကြပ်သူ) တွေက ကြမ်းတမ်းစွာ ပြောဆိုတာ၊ မပြောဆိုဖို့။ နောက်တချက်က ခွင့်ကိစ္စ။ အဲဒီအချက်တွေ ပြေလည်တယ်။ နောက်ဆုံး အချက် အခြေခံလစာ တိုးပေး ရေး ကိစ္စကတော့ သူတို့ ဆုံးဖြတ်လို့မရဘူး ဖြစ်နေတယ်တဲ့။ မင်္ဂလာဒုံမြို့နယ်ရုံးကို ချပေးလိုက်တယ်” ဟု မဇ္ဈိမကို ပြောသည်။
ဇွန်လ ၂၆ ရက်နေ့ အင်္ဂါနေ့က အလုပ်သမားရေးဌာနမှ ညွှန်မှူး ဦးဝင်းရှိန်၏ တိုက်တွန်းချက်ဖြင့် ဆန္ဒပြ အလုပ်သမား များ စက်ရုံး အတွင်း ပြန်ဝင်ကာ ပုံမှန် အလုပ်လုပ်ကိုင်ခဲ့ပြီး ခုံသမာဓိအဖွဲ့၏ ဆုံးဖြတ်ချက်ကို စောင့်ဆိုင်းနေကြခြင်း ဖြစ်သည်။
ညွန်ကြားရေးမှူး ဦးဝင်းရှိန် အလုပ်သမားများ၏ သဘောတူညီချက်ဖြင့် ပထမအဆင့်က အမြင့်ဆုံးလုပ်ခ ၈ သောင်း ကျော်၊ ဒုတိယ အဆင့် ၇ သောင်းကျော်၊ အနိမ့်ဆုံးလုပ်ခလစာ ၆ သောင်းကျော်နဲ့ တိုးမြှင့်ပေးရန် ဇွန်လ ၈ ရက်နေ့က ညှိနှိုင်းခဲ့သော်လည်း လုပ်ငန်း ရှင်ဘက်မှ တိုးမပေးနိုင်ကြောင်း အကြောင်းပြန်ခဲ့၍ ခုံသမာဓိအဖွဲ့သို့ တင်ပြကြခြင်း ဖြစ်သည်။
“အခြေခံလစာကို တရက် တထောင်နှုန်းေ တာင်းထားတာ။ သူ ပေးလောက်တယ်လို့ တွက်ထားတာ။ ဘာဖြစ်လို့ မပေးလဲမသိဘူး။ လူကြီးတွေက သူတို့ ဆုံးဖြတ်လို့ မရဘူး ပြောတယ်။ လူကြီးတွေက ကိုယ့်ဘက်ကနေ ရှင်းပေးမှာလို့ တွက်ထားတာ။ ထင်သလို ဖြစ်မလာတော့ အားလုံးက စိတ်ဓါတ်ကျတယ်။ ဆက်လုပ်သွားမှာပါ။ နောက်ဆုံးအဆင့် နေပြည်တော်ခုံသမာဓိအထိ တက်မှာပါ။ အလုပ်သမား သမဂ္ဂဖွဲ့ဖို့ရှိတယ်။ စာရွက်စာတမ်းတွေ၊ အလုပ်သမား ထောက်ခံချက်တွေ သက်ဆိုင်ရာကို တင်ပြသွားမယ်” ဟု မဟေ မန်ချစ်က ဆိုသည်။
စက်ရုံမန်နေဂျာနှင့် အလုပ်သမားများ မင်္ဂလာဒုံမြို့နယ် အလုပ်သမားရုံးတွင် ဆက်လက် ဆွေးနွေးသွား မည်ဖြစ်ကာ မန်နေဂျာဘက်မှ ပြန်လည်တိုင်ပင်ဦးမည်ဟု ပြောဆိုကြောင်း သိရသည်။
အလုပ်သမားများကလည်း အလုပ်သမားရေးရာ တတ်ကျွမ်းနားလည်သည့် အလုပ်သမားများနှင့် တိုင်ပင်ကာ အကြံဉာဏ် ရယူ ဆောင်ရွက်သွားမည်ဖြစ်ပြီး အလုပ်ရှင်ဘက်မှ အခြေခံလစာ တိုးမြှင့်ပေးမယ်လို့ မျှော်လင့်ကြောင်း မဇ္စျိမကို ပြောဆိုသွားသည်။
ဂျပန်နိုင်ငံသားပိုင် Famoso စက်ရုံတွင် အလုပ်သမား ၆၅၄ ဦး ရှိပြီး လုပ်ခ တိုးမြှင့်ရေးအတွက် ဇွန်လ ၈ ရက်နေ့မှ စတင်ဆန္ဒပြ တောင်းဆိုခဲ့ခြင်း ဖြစ်သည်။
Ref: မဇ္ဈိမ
Read More...
Collapse...
ဝေစန္ဒာ
ဇွန်လ ၂၈ ရက် ၂၀၁၂ ခုနှစ်
ဥရောပ ငါးနိုင်ငံသို့ ၁၆ ရက်ကြာ ခရီးလှည့်လည်ပြီး ဇွန်လ ၃၀ ရက်နေ့တွင် ရန်ကုန်မြို့သို့ ပြန်လည် ရောက်ရှိလာမည့် အမျိုးသားဒီမို ကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်အား လူအမြောက် အများဖြင့် ကြိုဆိုရန် စီစဉ်လျက်ရှိကြောင်း သိရသည်။
ဒေါ်အောင်ဆန်းစုကြည် အား ရန်ကုန် အပြည်ပြည်ဆိုင်ရာ လေဆိပ်မှ တက္ကသိုလ်ရိပ်သာလမ်း နေအိမ် လမ်းတလျှောက် ဝဲယာတွင် အင်္ကျီ အနီရောင်များ ဝတ်ဆင်ကာ ခွပ်ဒေါင်းအလံနှင့် မြန်မာနိုင်ငံအလံများ ကိုင်ဆောင်၍ ပြည်သူ များက ကြိုဆိုရန် စီစဉ်နေသည်ဟု စီစဉ်နေသူတဦးဖြစ်သည့် နိုင်ငံရေး အကျဉ်းသားဟောင်း ဦးနေမျိုးဇင် က ပြောသည်။
“ပြည်သူလူထုကြီးကို ကိုယ်စားပြုပြီး နိုင်ငံအတွက် ဂုဏ်ယူဖွယ် ဆောင်ရွက်ခဲ့သူကို ပြည်သူ တသန်းခန့်က ဂုဏ်ပြုကြိုဆိုကြမှာပါ” ဟု မဇ္ဈိမကို ပြောသည်။
ဒေါ်အောင်ဆန်းစုကြည် ပြန်ရောက်ရန် နှစ်ရက်အလိုတွင် ကြိုဆိုမည့် လူပေါင်း သိန်းဂဏန်းအထိ စာရင်းရရှိထား သည်ဟု ဗိုလ်ကြီး ဟောင်း ဦးနေမျိုးဇင်နှင့်အတူ စီစဉ်နေသူများက ပြောသည်။
“အခုတောင် စာရင်းပေးထားတဲ့သူတွေက အတော်များနေပြီ။ အချို့ဆို ဟိုတယ်တခုလုံးက ဝန်ထမ်းတွေက ကြိုဖို့ရှိပါတယ်” ဟု generation wave မှ တာဝန်ရှိသူတဦးက ပြောသည်။
အနောက်နိုင်ငံများတွင် နိုဘယ်ငြိမ်းချမ်းရေးဆု အပါအဝင် ဂုဏ်ထူးဆောင်ဘွဲများ လက်ခံရယူပြီး ပါလီမန်များ၊ ကမ္ဘာ့နိုင်ငံ ခေါင်းဆောင် များက တလေးတစား ကြိုဆိုဂုဏ်ပြုခြင်းခံရသော မြန်မာ့ ဒီမိုကရေစီခေါင်းဆောင်အား ပြည်သူများကလည်း ဂုဏ်ယူစွာကြိုဆို ကြ သည်ကို ကမ္ဘာက သိစေရန် လုပ်ဆောင်ခြင်းဖြစ်သည်ဟု စီစဉ်သူများက ဆိုသည်။
ယခုကဲ့သို့ ကြိုဆိုရေးစီစဉ်ရာတွင် လူမှုရေးအဖွဲ့အစည်းများ အပါအဝင် G Wave မှ လူငယ်များ၊ နိုင်ငံရေးပါတီများ၊ တိုင်းရင်းသား အဖွဲ့အစည်းများကပါ ကူညီဆောင်ရွက်ပေးနေခြင်း ဖြစ်ကြောင်း သိရသည်။
Ref: မဇ္ဈိမ
Read More...
Collapse...
ဖနိဒါ
ဇွန်လ ၂၈ ရက် ၂၀၁၂ ခုနှစ်
မီးရထားဝန်ကြီး ဦးအောင်မင်း ဦးဆောင်သော အစိုးရ ငြိမ်းချမ်းရေး ကိုယ်စားလှယ်အဖွဲ့၏ ထိုင်းနိုင်ငံ ငြိမ်းချမ်းရေး ခရီးစဉ်တွင် အမျိုး သမီး များအဖွဲ့ချုပ် (မြန်မာနိုင်ငံ) WLB နှင့် ဘန်ကောက်မြို့တွင် ကြာသပတေးနေ့က တွေ့ဆုံခဲ့သည်။
WLB နှင့် ပထမဆုံးအကြိမ် ပြုလုပ်သော ဆွေးနွေးပွဲတွင် နိုင်ငံလုံးဆိုင်ရာ အမျိုးသမီး ညီလာခံ ကျင်းပပေးနိုင်ရေးနှင့် ပြုပြင်ပြောင်း လဲမှု များ အတူတကွ အကောင်အထည် ဖော်သွားရန် စသည်တို့ကို တင်ပြခဲ့သည်ဟု WLB အထွေထွေ အတွင်းရေးမှူး ဒေါ်တင်တင်ညို က ပြောသည်။
“ပြည်တွင်းပြည်ပ အမျိုးသမီးတွေ ပိုမိုအားကောင်းလာအောင် အမျိုးသမီးညီလာခံကြီးတွေ ပြုလုပ်ချင်ပါတယ်။ အခုအချိန်ကနေ စပြီး တော့ အမျိုးသမီးတွေ အချင်းချင်းကြားမှာ အစည်းအဝေးတွေ၊ တွေ့ဆုံမှုတွေ ပုံမှန်ဖြစ်လာနိုင်တဲ့ အနေအထားတခုကို သူတို့အနေနဲ့ စဉ်းစားပေးဖို့၊ ဖန်တီးပေးဖို့၊ အဲဒီညီလာခံကနေတဆင့် ဘယ်လို ဝိုင်းဝန်း လုပ်ဆောင်ကြမယ် ဆိုတာတွေ ဆွေးနွေးနိုင်အောင် အဲဒီလို ညီလာခံက လို အပ်တယ်” ဟု မဇ္စျိမကို ပြောသည်။
ပြည်တွင်းပြည်ပရှိ အမျိုးသမီးများနှင့်၊ လွှတ်တော်အတွင်းရှိ အမျိုးသမီး ကိုယ်စားလှယ်များ အားလုံး ပါဝင်သည့် အဆိုပါ ညီလာခံမှ ငြိမ်းချမ်းရေးလုပ်ငန်းများ၊ ဖွံ့ဖြိုးတိုးတက်မှုများ ရှိလာရန် စွမ်းအင်မြှင့်တင်ရေးများ ပြုလုပ်နိုင်ရေး၊ ဦးဆောင်မှု ကဏ္ဍများတွင် ဝိုင်းဝန်း လုပ်ဆောင်ကြရေးများ ဆွေးနွေးမည်ဟု WLB က ဆိုသည်။
ဝန်ကြီး ဦးအောင်မင်း အနေနှင့်အမျိုးသမီး၊ အမျိုးသား တန်းတူရေးကို အလေးထားကြောင်းနှင့် အမျိုးသမီးများ ပါဝင်လာမှု အခန်းကဏ္ဍ များအပေါ် အသိအမှတ် ပြုကြောင်း ပြောဆိုခဲ့သည်ဟု ဒေါ်တင်တင်ညိုက ပြောသည်။
“ဦးအောင်မင်းက ငြိမ်းချမ်းရေး ဖြစ်စဉ်တွေ ပိုပြီးတော့ မြန်ဆန်လာအောင် နှစ်ဘက်စလုံး ပါဝင်လာအောင် ကြားထဲ ကနေ တွန်းပေးတဲ့ အဖွဲ့အစည်း ပုံစံမျုိးတွေ ဖြစ်စေချင်တယ်။ အဲဒါလည်း ခုလက်ရှိ ကျမတို့ လုပ်နေတဲ့ လုပ်ငန်းစဉ်ပဲ လေ။ သူကလည်း အဲဒီလို ပြော တယ်ဆိုတော့ ပိုပြီးတော့ ကောင်းတာပေါ့။ ပိုပြီးတော့ အားဖြစ်စေတယ်” ဟု ဆိုသည်။
ထို့ပြင် ဒုက္ခသည်များ ၎င်းတို့၏ ဆန္ဒအလျှောက် နေရပ်သို့ ပြန်မည့် အစီအစဉ်များ ပြုလုပ်ပေးရန်နှင့် ယင်းလုပ်ငန်းစဉ် များတွင် WLB အနေဖြင့် ပူးပေါင်း ဆောင်ရွက်နိုင်ကြောင်း ဆွေးနွေးခဲ့သည်ဟု ဒေါ်တင်တင်ညိုက ပြောသည်။
ဤသို့ ပထမဆုံးအကြိမ် တွေ့ဆုံဆွေးနွေးမှုအပေါ် အားရကျေနပ်မှုရှိပြီး အစိုးရဘက်မှ ဆွေးနွေး ပြောဆိုမှုများသည် စစ်မှန်သည့် ဆွေးနွေးမှုဖြစ်သည်ဟု ယုံကြည်ထားလိုကြောင်း ဒေါ်တင်တင်ညိုက ပြောသည်။
ဆွေးနွေးပွဲတွင် WLB မှ အထွေထွေ အတွင်းရေးမှူး ဒေါ်တင်တင်ညို၊ သဘာပတိအဖွဲ့ဝင်များ ဖြစ်သော မစံပယ်အောင်၊ မနိုင်နိုင်း၊ အကြံပေး ဒေါ်ရှယ်လီတို့ တက်ရောက်ခဲ့ကြသည်။
ကချင်ဒုက္ခသည်များကို ကူညီခွင့်ပေးရန် တင်ပြချက်အပေါ် ဝန်ကြီး ဦးအောင်မင်းက အကူအညီအဖွဲ့များ ပေးနေ ကြောင်းနှင့် အကူ အညီများ ရရှိရေးအတွက် ကချင် လွတ်လပ်ရေးအဖွဲ့ KIO နှင့် ငြိမ်းချမ်းရေး အမြန်ဆုံး လုပ်ရမည်ဟု ပြောဆိုခဲ့သည်။
ဦးအောင်မင်း ဦးဆောင်သော ငြိမ်းချမ်းရေးအဖွဲ့များသည် ရခိုင်ပြည် လွတ်မြောက်ရေး ပါတီ ALP နှင့် ဘန်ကောက်မြို့ တွင် ဆက်လက် တွေ့ဆုံခဲ့ရာ ပြည်ထောင်စုအဆင့် ရှေ့ဆက်လုပ်ရမည့် ငြိမ်းချမ်းရေး လုပ်ငန်း စဉ်များကို ဆွေးနွေး ခဲ့ပြီး ပြီးခဲ့သည့် ဧပြီလက ပြည်နယ် အဆင့် တွေ့ဆုံမှုတွင် မရှင်းလင်းသည့်ကိစ္စများ ဆက်လက် ဆွေးနွေးခဲ့သည်ဟု ဝန်ကြီး ဦးခင်ရီ က သည်။
လေးရက်တာအတွင်း ထိုင်း-မြန်မာ နယ်စပ်ရှိ အဖွဲ့အစည်းများစွာနှင့် တွေ့ဆုံ ဆွေးနွေးခဲ့ရမှုများအပေါ် ကောင်းသည့် လက္ခဏာဆောင် ကြောင်း အစိုးရ ငြိမ်းချမ်းရေး ကိုယ်စားလှယ်အဖွဲ့ ခေါင်းဆောင်တဦးဖြစ်သည့် လူဝင်မှုကြီးကြပ်ရေး ဝန်ကြီး ဦးခင်ရီက ပြောသည်။
“Positive (အပေါင်းလက္ခဏာ)ပေါ့နော်။ သမ္မတကြီးက တတိုင်းပြည်လုံး ငြိမ်းချမ်းချင်တယ်။ ကျနော်တို့ကလည်း ဒီကိစ္စ ကို အကောင် အထည် ဖေါ်ပေးတယ်။ ဖော်ပေးတာက စားပွဲဝိုင်းပေါ်မှာ ထိုင်ပြီး အကောင်အထည်ဖော်တာ မဟုတ်ဘူး။ တိုင်းရင်းသား လက်နက်ကိုင် အဖွဲ့အစည်းများကလည်း စိတ်ရောကိုယ်ပါ လာပြီး ဆွေးနွေးကြတယ်ဆိုတော့ ဒီထက် ကောင်းတာ မရှိတော့ဘူး။ အင်မတန် အပြု သဘော ဆောင်တဲ့၊ အပေါင်းလက္ခဏာဆောင်တဲ့ တွေ့ဆုံဆွေးနွေးမှုလို့ ကျနော်တို့ ပြောလို့ ရပါတယ်” ဟု မဇ္စျိမကို ပြောသည်။
Ref: မဇ္ဈိမ
Read More...
Collapse...
ဟင်္သာနီ (မွန်မြေ)
ဇွန်လ ၂၈ ရက်
အစိုးရမှ ‘ပင်လုံကဲ့သို့ ကျယ်ပြန့်သော ညီလာခံ’ ဟု ခေါ်ဆိုနေသည့် လွှတ်တော်ပြင်ပ နိုင်ငံရေး တွေ့ဆုံဆွေးနွေးပွဲ တရပ်အား ၂ဝ၁၄ ခုနှစ် မတိုင်မီ ပြုလုပ်သွားရန် ရှိကြောင်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ဦးအောင်မင်း က မဲဆောက်၌ ဒီမိုကရေစီ အင်အားစုများ၌ တွေ့ဆုံစဉ် ပြောကြားသွားသည်။
“၂ဝ၁၂ ဒီဇင်ဘာ မတိုင်မီ စနိုင်ဖို့ ကြိုးစားမယ် နောက်အကျဆုံး ၂ဝ၁၄ မှာ ဖြစ်ရမယ်လို့ ပြောသွားတယ်။ အဲဒီ အစည်းအဝေးမှာ ငြိမ်း ချမ်းရေးအဆင့် ဒုတိယ အဆင့်မှာ မကြေလည်တဲ့ ကိစ္စတွေကို ဆက်ဆွေးနွေးမယ်။ အစိုးရက ဆုံးဖြတ်ပေးလို့ ရတဲ့ဟာ တခါတည်း သဘောတူမယ်၊ အဆုံးအဖြတ် ပေးခွင့် မရှိတဲ့ဟာကို လွှတ်တော်ကို ဆက်လက် တင်ပြမယ်” ဟု မြန်မာ့ဒီမိုကရေစီအဖွဲ့ချုပ် FDB မှ ဒေါက်တာ နိုင်အောင်က ပြောသည်။
ဇွန်လ ၂၆ ရက်နေ့က မြန်မာ့ဒီမိုကရေစီအဖွဲ့ချုပ် FDB အပါအဝင် အခြား ဒီမိုကရေစီ အင်အားစုများနှင့် ဦးအောင်မင်း ဦးဆောင်သည့် အစိုးရ ငြိမ်းချမ်းရေးကိုယ်စားလှယ်အဖွဲ့တို့ တွေ့ဆုံခဲ့သည်။
ယခု အစိုးရသည် ၂ဝ၁၅ ခုနှစ်၌ သက်တမ်း ကုန်ဆုံးမည် ဖြစ်၍ ထိုမတိုင်ခင် လွှတ်တော်ပြင်ပ ဆွေးနွေးပွဲအား မဖြစ်မနေ လုပ်ဆောင် သွားရန် ဆန္ဒရှိကြောင်း ဝန်ကြီးက ပြောသည်။
အဆိုပါ လွှတ်တော်ပြင်ပ တွေ့ဆုံပွဲ၌ မြန်မာနိုင်ငံရှိ တိုင်းရင်းသား ၁၃၅ မျိုးကို ကိုယ်စားပြုသည့် အဖွဲ့အစည်းများ၊ နိုင်ငံရေး ပါတီများ၊ NGO အဖွဲ့အစည်းများ၊ လူထု လူတန်းစား အလွှာပေါင်းစုံမှ ကိုယ်စားလှယ်များ တက်ရောက်ကြဖွယ် ရှိသည်ဟု ဝန်ကြီးမှ ပြောကြား ခဲ့သည်။
ပထမအဆင့်အဖြစ် အဖွဲ့အစည်း အားလုံးနှင့် အပစ်အခတ် ရပ်စဲရေး သဘောတူညီချက် ရရှိရေးကို ဦးစားပေး ဆောင်ရွက်သွားမည် ဟု ဦးအောင်မင်းမှ ပြောသည်။ ပြီးမှသာလျှင် လွှတ်တော် ပြင်ပ ဆွေးနွေးပွဲအား ဆက်လက် အကောင်အထည် ဖော်သွားရန် ရှိသည်ဟု ဆိုပါသည်။
တိုင်းရင်းသား အဖွဲ့အစည်းများ၊ ပြည်တွင်း နိုင်ငံရေး အဖွဲ့အစည်းများနှင့် ပြည်ပရောက် ဒီမိုကရေစီ အင်အားစုများကမူ အဆိုပါ လွှတ် တော်ပြင်ပ ဆွေးနွေးပွဲအား အစောဆုံး လုပ်စေလိုသည့် သဘောထား ရှိကြသည်။
သို့သော် စစ်မှန်သည့် အမျိုးသား ရင်ကြားစေ့ရေးအား အပီအပြင် ဖော်ဆောင် နိုင်ရန်အတွက် လုပ်ထုံး လုပ်နည်းများ ရှင်းလင်း တိ ကျရန် လိုသေးကြောင်း ဒေါက်တာနိုင်အောင် က ပြောသည်။
“အခု သူတို့ပြောတာက လွှတ်တော် ပြင်ပမှာ လုပ်မယ့် ဆွေးနွေးပွဲကြီးကို ပြောတာ။ ကျနော်တို့ ပြောချင်တာက Process (လုပ်ငန်း စဉ်)အရ ဘယ်လို လုပ်ရမလဲ ဆိုတာနဲ့ ပတ်သက်ပြီး သူတို့ဘက်က ရှင်းရှင်းလင်းလင်း ဖြေကြား သွားတာတော့ မရှိသေးပါဘူး။ နိုင်ငံရေး အနှစ်သာရအားဖြင့် အားလုံး ပူးပေါင်းပါဝင်နိုင်ဖို့ လိုအပ်ပါတယ်။ တိုင်းပြည်ကို ပြန်လည် တည်ဆောက်ဖို့ဆိုတဲ့ ကိစ္စမှာ အား လုံးက တန်းတူညီတူနဲ့ ပီပီပြင်ပြင် ပူးပေါင်း ပါဝင်တဲ့ အနှစ်သာရ ရှိရမယ်။ ဒါမှသာလျှင် စစ်မှန်တဲ့ နိုင်ငံတော် တည်ဆောက်ရေးကို သွားလို့ရမယ်” ဟု မဇ္ဈိမကို ပြောသည်။
သို့သော် လိုအပ်သည့် လုပ်ငန်းစဉ်များမှာ လုပ်နည်းလုပ်ဟန်သာ ဖြစ်၍ နှစ်ဦးနှစ်ဖက် နားလည်မှု ရှိပြီးလျှင် အကောင်အထည် ဖော်နိုင် ဖွယ်ရှိကြောင်း ငြိမ်းချမ်းရေး အကျိုးဆောင် ဦးညိုအုန်းမြင့် က ပြောသည်။
“အခုမှစပြီး ဘယ်လို ပူးပေါင်းဆောက်ရွက်မယ် ဆိုတဲ့အပေါ် အခြေခံအမြင်နဲ့ ယူဆချက် တွေကို ဆွေးနွေးကြတဲ့ အဆင့်ပဲ ရှိပါတယ်။ နိုင်ငံ ပြန်လည် ထူထောင်ရေးအတွက် ချမှတ်ထားတဲ့ Building Process သုံးရပ်မှာ တယောက်နဲ့ တယောက် ယုံကြည်မှု တည် ဆောက် မှုက အင်မတန် မှလည်း အရေးကြီးပါတယ်။ ကျန်တဲ့ လုပ်ထုံး လုပ်နည်းတွေ က ဆွေးနွေးညှိနှိုင်း အကောင်အထည် ဖော် ကြရင် ဖြစ်လာနိုင်တဲ့ ကိစ္စတွေ။ ဒါပေမယ့် တဖက်နဲ့တဖက် ယုံကြည်မှု မရှိသေးဘဲနဲ့တော့ ဘယ်လိုမှ ညှိနှိုင်းနိုင်ကြမှာ မဟုတ်ပါဘူး။ ဒီယုံကြည်မှု တည်ဆောက်တဲ့ လုပ်ငန်းစဉ်ကလည်း အရေးကြီးတဲ့ လုပ်ငန်းစဉ်တရပ်လို့ ကျနော် မြင်ပါတယ်” ဟု မဇ္ဈိမကို ပြောသည်။
လွှတ်တော်ပြင်ပ ဆွေးနွေးပွဲ မတိုင်မီ လုပ်ငန်းခွဲသဘော သက်ဆိုင်ရာ ကဏ္ဍအလိုက် အကြို ဆွေးနွေးမှုများ ပြုလုပ် သွားရန် ရှိကြောင်း သိရသည်။ သို့သော် ထိုလုပ်ငန်းစဉ်များ ဖြစ်မြောက် လာရန်အတွက် အစိုးရ၌ ခက်ခဲမှု ရှိနိုင်သလို ဒီမိုကရေစီ အင်အားစု၊ တိုင်းရင်း သားများ ဘက်၌လည်း အခက်အခဲ ရှိနိုင်ကြောင်း နှစ်ဖက် စလုံးမှ သုံးသပ် ထားသည်။
ဝန်ကြီး ဦးအောင်မင်းနှင့် ဝန်ကြီး ဦးခင်ရီတို့ ဦးဆောင်သည့် ခုနှစ်ဦးပါ အဖွဲ့သည် ထိုင်းနိုင်ငံ လေးရက် ခရီးစဉ်အတွင်း ဒီမိုကရေစီ အင်အားစုများ၊ လူမှုရေး အဖွဲ့အစည်း၊ အမျိုးသမီး အဖွဲ့အစည်းများ စုစုပေါင်း ၁၈ ဖွဲ့နှင့် တွေ့ဆုံခဲ့သည်ဟု အကျိုးဆောင် ဦးညိုအုန်း မြင့်က ဆိုပါသည်။ ကြာသပတေးနေ့ ညနေ၌ ဝန်ကြီးနှင့်အဖွဲ့သည် ထိုင်းနိုင်ငံမှ မြန်မာနိုင်ငံ သို့ လေကြောင်း ခရီးဖြင့် ပြန်လည် ထွက် ခွာမည် ဖြစ်သည်။
Ref: မဇ္ဈိမ
Read More...
Collapse...
မျိုးသန့်
ဇွန်လ ၂၈ ရက် ၂၀၁၂ ခုနှစ်
လုပ်အားခ တိုးမြှင့်ပေးရန်၊ လုပ်အားခ အချိန်မှန်ပေးချေရန်နှင့် လုပ်ငန်းခွင် သာယာရေး ဆောင်ရွက်ပေးရန်တို့ ပါဝင်သည့် တောင်းဆို ချက် ၁၆ ချက်ဖြင့် ရန်ကုန်တိုင်း၊ အင်းစိန်မြို့နယ် တော်ဝင် ဆောက်လုပ် ရေးကုမ္ပဏီ လုပ်သားများက ကြာသပတေးနေ့တွင် ဆန္ဒ
ပြကြသည်။
အင်းစိန်မြို့နယ်၊ ပေါက်တောရပ်ကွက် ဖန်စက်လမ်း မုဒိတာအိမ်ယာ အမှတ် ၂ မှ ဆောက်လုပ်ရေးလုပ်သား ၇ဝဝ ခန့်က တော်ဝင် ကုမ္ပဏီ သို့ တောင်းဆိုကြခြင်း ဖြစ်သည်။
အလုပ်ရှင်မှ လုပ်အားခ ပုံမှန်မပေးခြင်းကြောင့်လည်း အခက်အခဲများ ဖြစ်ပေါ်နေရသည်ဟု ဆန္ဒပြ အလုပ်သမားတဦး က မဇ္ဈိမကို ပြော သည်။
“သမီးတို့က တနေ့လုပ်မှ တနေ့စားရတာ သမီးတို့မှာ အကြွေးတွေ ဝိုင်းနေပြီ။ အမှန်အတိုင်း ပြောပြတာ။ သမီးတို့ကို မရှင်းပေးတာ သုံးပတ်ရှိပြီ။ သမီးတို့ အခန်းတွေလည်း ပြန်ပြင်ပြီးနေရတာ တသောင်းကျော် ကုန်တယ်။ လိုင်းခန်းကြေး ကလည်း တသောင်းကျော် ပေးရတယ်။ မပေးနိုင်တော့ သမီးတို့ကို လိုင်းခန်းကနေ ဆင်းခိုင်းတယ်” ဟု မဇ္ဈိမကို ပြောသည်။
အလုပ်သမားတို့၏ တောင်းဆိုချက်များတွင် အလုပ်ပိတ်ရက်ကို ကြိုတင် အကြောင်းကြားရန်၊ ကြိုပို့ကားများ စီစဉ် ဆောင်ရွက်ပေးရန်၊ လုပ်ငန်းခွင်အတွင်း ခွဲခြားဆက်ဆံခြင်း မပြုရန်၊ သက်ကြီး အလုပ်သမားများနှင့် ကိုယ်ဝန်ဆောင် အလုပ်သမား အမျိုးသမီးများအတွက် ခံစားခွင့်များပေးရန်တို့လည်း ပါဝင်သည်။
အဆိုပါ ဆန္ဒပြပွဲကို အလုပ်သမားညွှန်ကြားမှုဦးစီဌာန ဦးစီးအရာရှိ၊ မြို့နယ် ညှိနှိုင်းဖြန်ဖြေရေးအဖွဲ့ အတွင်းရေးမှူး ဦးတင်နိုင် က အလုပ် သမားနှင့်အလုပ်ရှင်တို့ကြား ညှိနှိုင်းပေးခဲ့ပြီး ဆန္ဒထုတ်ဖေါ်မှုကို ခေတ္တရပ်ဆိုင်းထားလိုက်သည်။
ဆန္ဒထုတ်ဖေါ်ပွဲသို့ တိုင်းရင်းသား စည်းလုံးညီညွတ်ရေးပါတီမှ ရန်ကုန်တိုင်း အလုပ်သမားရေးရာ ဒုတိယ တာဝန်ခံ ဦးအောင်စိုး လည်း လာရောက်ညှိနှိုင်းပေးခဲ့သည်။
“သူတို့ရဲ့ လိုလားချက်တွေကို ငြိမ်းချမ်းစွာ တင်ပြပါ။ အလုပ်သမားနဲ့ ပိုင်ရှင်နဲ့ ပြဿနာ မဖြစ်အောင်၊ အလုပ်သမားတွေ ကလည်း တည်ဆဲဥပဒေတွေ မဖေါက်အောင် ကျနော်တို့ လာရောက် ညှိနှိုင်းတာပါ။ ကျနော်တို့ ပါတီတွေကိုလည်း အလုပ်သမား အလုပ်ရှင် ပြဿနာရှိရင် သွားရောက်ညှိနှိုင်းပေးပါဆိုတဲ့ တာဝန်ပေးချက်ရှိပါတယ်” ဟု ဦးအောင်စိုးက မဇ္ဈိမကို ပြောသည်။
၈၈ မျိုးဆက်ကျောင်းသားများအဖွဲ့မှ ကိုဇော်ဇော်မင်းလည်း အဆိုပါ ဆန္ဒထုတ်ဖေါ်ပွဲသို့ ရောက်ရှိ ညှိနှိုင်းပေးခဲ့ပြီး “လောလောဆယ် မှာတော့ ခိုင်မာတဲ့ဥပဒေတရပ် မရှိသေးသရွေ့ ဒီအလုပ်ရှင် အလုပ်သမားပြဿနာတွေ ဖြစ်နေဦး မှာပဲ။ အလုပ်သမားတွေရဲ့ အခြေခံ လစာနဲ့ ပတ်သက်ပြီးတော့ ခိုင်မာတဲ့ ဥပဒေ မရှိသေးတဲ့အတွက်လည်း ပါတယ်။ လွှတ်တော်ကနေ ဥပဒေတွေကို မြန်မြန်လေး ချ မှတ်ဖို့လိုတယ်” ဟု ပြောသည်။
မုဒိတာအိမ်ယာ အမှတ် (၂) ကို ဇန်နဝါရီလမှစ၍ တော်ဝင် ဆောက်လုပ်ရေး ကုမ္ပဏီမှ စတင်ဆောက်လုပ်ခဲ့ပြီး အခန်းပေါင်း တ ထောင်ကျော် ပါဝင်ဖွဲ့စည်းထားသည်။ ရှစ်ထပ် အမြင့်ရှိမည်ဖြစ်သည့် အဆိုပါ အဆောက်အဦးကို အဆောင် A နှင့် B ဟူ၍ အဆောင် နှစ်ဆောင် ခွဲထားသည်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88