ဥရောပပြန် ဒေါ်အောင်ဆန်းစုကြည်ကို သောင်းသောင်းဖြဖြ ကြို

လင်းသန့်
June 30, 2012

ဥရောပခရီးစဉ်အဖြစ် ၁၆ ရက်ကြာပြီးနောက် ပြန်လည်ရောက်ရှိလာတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ရန်ကုန် အပြည်ပြည်ဆိုင်ရာ လေဆိပ်ကနေ နေအိမ်အထိ လမ်းတလျှောက် ပြည်သူလူထုက သောင်းသောင်းဖြဖြ ကြိုဆိုခဲ့ကြပါတယ်။

“မနက်ပိုင်း ပထမပိုင်းလောက်က လေဆိပ်ဝင်းထဲနဲ့ မုခ်ဦးအ၀င် ဂိတ်နားလောက်အထိပဲ လူတွေက ရှိသေးတယ်။ တဖြည်းဖြည်းနဲ့ များလာတာ အန်တီ ရောက်လာတဲ့အချိန် ၁၁ နာရီ ထိုးတော့မယ်ဗျ။ အန်တီ ထွက်လာတဲ့ အချိန်ပေါ့။ အဲဒီအချိန် ကျတော့ စောင့် နေတဲ့ လူတွေက တော်တော့်ကို များနေပြီ။ တလမ်းလုံးလည်း လာကြိုတဲ့ ကားတွေနဲ့ ပိတ်ကုန်တယ်။ နောက် လမ်းတလျှောက် လုံး တက္ကသိုလ် ရိပ်သာလမ်း အိမ်အနားအထိ လူက ထောင်သောင်းချီ ကြိုဆိုကြတာ” လို့ လူမှုရေးလုပ်ငန်းတွေ လုပ်ဆောင်နေသူ ဗိုလ်ကြီးဟောင်း ကိုနေမျိုးဇင်က ဧရာဝတီကို ပြောပါတယ်။

ဒေါ်အောင်ဆန်းစုကြည်ရဲ့ ဥရောပခရီးစဉ် အပြန်လမ်းကို အမျိုးသားဒီမိုကရေစီအဖွဲ့ချုပ် (NLD) ပါတီက ဦးတင်ဦး၊ ဦးဝင်တင် အစရှိတဲ့ ခေါင်းဆောင်တွေသာမက တချို့ မြို့နယ်အလိုက် NLD တွေ၊ စွယ်စုံ အနုပညာရှင် ထွန်းအိန္ဒြာဗို၊ အဆိုတော် သျှီ၊ သရုပ်ဆောင် လူမင်းတို့လို့ ထင်ရှားသူတွေ၊ လူငယ်မျိုးဆက်သစ်တွေ၊ ရပ်ဝေးကလာသူ အရွယ်မျိုးစုံက NLD အလံတွေ ဝှေ့ရမ်းကာ ကြိုဆိုခဲ့ကြ တာပါ။

ဒေါ်အောင်ဆန်းစုကြည် စီးနင်းလိုက်ပါလာတဲ့ TG 303 လေယာဉ် ခရီးစဉ်ဟာ ဒီမနက် ရန်ကုန် စံတော်ချိန် ၈ နာရီခွဲကျော် ဆိုက် ရောက်ရမှာ ဖြစ်ပေမယ့် ခရီးစဉ် အချိန်ရွှေ့လိုက်တာကြောင့် ၁၀ နာရီ ၅၀ မိနစ် ကျမှပဲ ရန်ကုန် လေဆိပ်ကို ဆိုက်ရောက်လာခဲ့တာပါ။

“အန်တီ့ကို ရိပ်ကနဲ မြင်တာနဲ့ လူအုပ်ကြီးက အမေစု ကျန်းမာပါစေ ဆုတောင်းလိုက်သံက ဘ၀ဂ်ညံသွားသလား ထင်ရတယ်၊ ကြက်သီးတောင် ထတယ်။ ဂုဏ်ပြုသင့်တာကို ဂုဏ်ပြုကြတာပါ။ ဘယ်သူ ဆော်သြလို့မှ မဟုတ်ပါဘူး။ အသိစိတ်နဲ့ လူတွေက လာကြိုဆိုကြတာ” လို့ ကိုနေမျိုးဇင်က ဆိုပါတယ်။

ရန်ကုန် အပြည်ပြည်ဆိုင်ရာ လေဆိပ်ကနေ နေအိမ်လမ်းတလျှောက် လမ်းဘေး ၀ဲယာမှာ ကြိုဆိုသူတွေ အပြည့်မြင်ခဲ့ရပြီး NLD ပါတီဝင်တွေသာမက ၀န်ထမ်းတချို့ပါ နိုင်ငံတော်အလံများ ကိုင်ဆောင်ပြီး ကြိုဆိုကြောင်း၊ လူ ၁ သန်း ကြိုဆိုရေး လှုံ့ဆ်ာမှုဟာ နာမည်ကြီးချင်လို့ မဟုတ်ဘဲ အကြောက်တရားများနဲ့ ပိတ်လှောင်ခံနေရတဲ့ ၀န်ထမ်းနဲ့ အခြားနိုင်ငံရေး နယ်ပယ်ပြင်ပက လူတွေ ပါဝင်လာစေဖို့သာ ဖြစ်ကြောင်း၊ ယနေ့ ကြိုဆိုမှု မြင်ကွင်းကြောင့် စိတ်ကြည်နူး ဂုဏ်ယူကြောင်းလည်း နိုင်ငံရေးအကျဉ်းသား ဟောင်း တဦးဖြစ်တဲ့ ကိုနေမျိုးဇင်က ဆက်ပြောပါတယ်။

၈၈ မျိုးဆက် ကျောင်းသား ခေါင်းဆောင် ကိုမာကီးက “ဒေါ်အောင်ဆန်းစုကြည်ဆိုတာ ကျနော်တို့ ဒီမိုကရေစီ အရေးတော်ပုံကြီး အတွက် ခေတ်သမိုင်းက ထိုက်ထိုက်တန်တန် ပေးအပ်လာတဲ့ လက်ဆောင်မွန်ပါ။ အစားထိုးလို့ မရနိုင်တဲ့ ခေါင်းဆောင်ပါ။ လူထုရဲ့ ချစ်ကြည်ညိုမှုကို ထိုက်ထိုက်တန်တန် ရရှိထားတဲ့ လူထုခေါင်းဆောင်ပါ။ အခုလို လူထုက သောင်းသောင်းဖြဖြ ကြိုဆိုကြတာဟာ သူ့အပေါ်မှာ ထားရှိတဲ့ လူထုရဲ့ ယုံကြည်ကိုးစားမှုကို လှစ်ပြလိုက်တာပါပဲ” လို့ ဆိုပါတယ်။

ဒေါ်အောင်ဆန်းစုကြည်အနေနဲ့  မြန်မာကို ကမ္ဘာကသိအောင် လုပ်ပြနိုင်ခဲ့ပါတာနဲ့ နိုင်ငံသားတွေအတွက် တကယ့် သံတမန်ကောင်း တဦး ပီပီ ကမ္ဘာတလွှားက မြန်မာတွေအတွက်ရော၊ မြန်မာပြည်တွင်းက လူတွေအားလုံး အတွက်ရော ကြိုးပမ်းပေးခဲ့တာဖြစ်ကြောင်း၊ ဒီ့အပြင် နိုင်ငံရေး သဘောတရားနဲ့ ဒဿနအမြင်များကိုလည်း နိုင်ငံတကာကို မိတ်ဆက်ပေးနိုင်ခဲ့တာတွေကြောင့်၊ နိုင်ငံတကာက အားကျလေးစားမှုတွေ ရခဲ့တာကြောင့် အခုလို သွားရောက် ကြိုဆိုဂုဏ်ပြုတာလို့ လုပ်ငန်းရှင်တဦးဖြစ်တဲ့ မကလျာက ပြောပါတယ်။

“ဒါက ဂုဏ်ပြုကြိုဆိုထိုက်တဲ့ သူကို ဂုဏ်ပြုတာ မင်္ဂလာတပါးပါ။ နောက် ဒါဟာ သမိုင်းပါ။ ကျမတော့ အရမ်း ဂုဏ်ယူတယ်။ ဒီနေ့ အံ့မခန်းကြိုဆိုတဲ့ လူတွေကိုလည်း အရမ်း လေးစားတယ်။ ကျေးဇူးလည်း တင်တယ်” လို့ သူက ဆိုပါတယ်။

ဒေါ်အောင်ဆန်းစုကြည်ကို လာရောက်ကြိုဆိုသူများ များပြားသလိုပဲ ဝတ်စုံပြည့်နဲ့ လက်နက်၊ ဒိုင်းများ တပ်ဆင်ထားတဲ့ လုံခြုံရေး တပ်ဖွဲ့အင်အားတွေလည်း ရာနှင့်ချီ ချထားပြီး လုံခြုံရေးတင်းကျပ်ထားကြောင်းလည်း သိရပါတယ်။

ဒေါ်အောင်ဆန်းစုကြည်ဟာ နေအိမ်ကို နေ့လယ် ၁၂ နာရီ ၄၀ မိနစ်လောက်မှာ ကောင်းမွန်ချောမောစွာ ပြန်လည် ရောက်ရှိလာပြီး ခရီးပန်းနေလို့ အနားယူနေတယ်လို့ နေအိမ်ခြံဝင်းအတွင်း အနီးကပ် လုံခြုံရေး တာဝန်ယူထားသူ တဦးဖြစ်တဲ့ ကိုကျော်စိုးလှိုင်က ပြောပါတယ်။

လွန်ခဲ့တဲ့ ဇွန်လ ၁၃ ရက်နေ့က ရန်ကုန် စတင်ထွက်ခွာသွားတဲ့ ဒေါ်အောင်ဆန်းစုကြည်ဟာ ဆွစ်ဇာလန်နိုင်ငံ ကမ္ဘာ့ အလုပ်သမား အဖွဲ့ချုပ် ညီလာခံကို တက်ရောက်မိန့်ခွန်းပြောခဲ့ပါတယ်။ အဲဒီနောက် နော်ဝေနိုင်ငံကို ခရီးဆက်ပြီး ၁၉၉၁ ခုနှစ်က ပေးအပ်ထားတဲ့ နိုဗဲလ် ငြိမ်းချမ်းရေး ဆုလက်ခံမိန့်ခွန်းပြောတာ၊ နောက် အိုင်ယာလန် နိုင်ငံ၊ ထိုမှတဆင့် ဗြိတိန်ကို ခရီးဆက်ပြီး ပါလီမန်မှာလည်း သမိုင်းဝင် မိန့်ခွန်းပြောခဲ့ပါတယ်။ နောက်ဆုံး ပြင်သစ်နိုင်ငံကို ရောက်ရှိခဲ့ပြီး အဲဒီကနေ မြန်မာပြည်ကို ပြန်ခဲ့တာပါ။

ခရီးစဉ်တလျှောက် သက်ဆိုင်ရာ နိုင်ငံအကြီးအကဲတွေ၊ ထင်ရှားသူတွေ၊ မြန်မာမိသားစုတွေနဲ့ သမိုင်းတွင်စေတဲ့ မိန့်ခွန်း စကားတွေ လည်း ပြောကြားခဲ့ပါတယ်။

ယနေ့ ပြန်ရောက်လာတဲ့ ဒေါ်အောင်ဆန်းစုကြည်ဟာ လာမယ့် ဇူလှိုင်လ ၄ ရက်နေ့မှာ နေပြည်တော်မှာ ပြန်လည် ကျင်းပမယ့် လွှတ်တော် အစည်းအဝေးများကို ကော့မှူးမြို့နယ် ပြည်သူ့လွှတ်တော်ကိုယ်စားလှယ် တဦးအနေနဲ့ စတင် တက်ရောက်တော့မှာ ဖြစ်ပါတယ်။

Ref: ဧရာဝတီ

Read More...

Collapse...

ဒေါ်စု လွှတ်တော်တက်မယ့်ရက် ရွှေ့ဆိုင်း

01 ဇူလိုင် 2012
မနန္ဒာချမ်း

ဥရောပ ၅ နိုင်ငံခရီး ဆက်တိုက် ထွက်ခဲ့တဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဇူလိုင်လ ၄ ရက်နေ့ နေပြည် တော်မှာ ပြန်လည် ကျင်းပမယ့် ပထမအကြိမ် စတုတ္ထ ပုံမှန်လွှတ်တော်အစည်းအဝေးကို တက်ရောက်ဖို့ ရွှေ့ဆိုင်းခဲ့ကြောင်း ပါတီက အတည်ပြု ပြောဆိုပါတယ်။ ခရီးပန်းလွန်းတဲ့အတွက် ပထမတပတ်ကို လွှတ်တော် အစည်းအဝေး မတက်နိုင်ကြောင်း ပြီးခဲ့တဲ့တပတ်က တင်ပြခဲ့ပြီးနောက် လွှတ်တော်ကလည်း ခွင့်ပြုခဲ့တဲ့အတွက် အခုလို ရွှေ့ဆိုင်းတာဖြစ်တယ်လို့ ဆိုပါတယ်။ အသေးစိတ်ကို မနန္ဒာချမ်း က တင်ပြထားပါတယ်။

အသက် ၆၇ နှစ်ရှိပြီဖြစ်တဲ့ နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ ၁၈ ရက်ကြာ ၅ နိုင်ငံခရီး ဆက်တိုက် သွားရောက်ခဲ့ တဲ့အတွက် ခရီးပင်ပန်းလွန်းတာကြောင့် လာမယ့် ဇူလိုင်လ ၄ ရက် နေပြည်တော်မှာ ကျင်းပမယ့် လွှတ်တော် အစည်းအဝေးကို မ တက်ရောက်နိုင်တာသာ ဖြစ်ပြီး လွှတ်တော်ဘက်ကလည်း ဒါကို ခွင့်ပြု လက်ခံတယ်လို့ အမျိုးသားဒီမိုကရေစီ အဖွဲ့ချုပ် NLD ပါတီ ပြောခွင့်ရပုဂ္ဂိုလ် ဦးဉာဏ်ဝင်းက ဗွီအိုအေကို အခုလို အတည်ပြု ပြောကြားခဲ့ပါတယ်။

“ဟုတ်တယ်။ ခရီးပန်းလာလို့ ၄ ရက်၊ ၅ ရက် နဲ့ ၆ ရက်ကို ကျနော်တို့ ခွင့်ယူထားပါတယ်။ ၄ ရက်၊ ၅ ရက်၊ ၆ ရက်နေ့ကို မတက်ပါဘူး။ နောက်တပတ် ၉ ရက်နေ့က စတက်ပါမယ်။ ကျနော် ဆက်သွယ် မေးမြန်းပြီးပြီ။ ကျနော် ဆက်သွယ် မေးမြန်းပြီးပြီ။ သူတို့ လက်ခံ တယ်လို့ ပြောပါတယ်။”

ခရီးစဉ်ပင်ပန်းလွန်းတဲ့အတွက် ဒေါ်အောင်ဆန်းစုကြည်အနေနဲ့ ပထမတပတ် လွှတ်တော်အစည်းအဝေးကို မတက်ရောက်နိုင်ပေမဲ့လို့ NLD ပါတီ လွှတ်တော်ကိုယ်စားလှယ်တွေ အားလုံးကတော့ တက်ရောက်ကြမှာ ဖြစ်တယ်လို့ ဒေါ်အောင်ဆန်းစုကြည်နဲ့အတူ ဥရောပ ခရီးစဉ်မှာ လိုက်ပါခဲ့တဲ့ ပြည်သူ့လွှတ်တော် ကိုယ်စားလှယ် ဦးဇေယျာသော် က ပြောပါတယ်။

“အမေစုကို ခွင့်ယူဖို့အတွက် ကျနော်တို့ အားလုံးပဲ ၀ိုင်းဝန်းပြီးတော့ တိုက်တွန်းလိုက်တာပါ။ ဘာဖြစ်လို့လဲ ဆိုတော့ ခရီးစဉ်တလျှောက် လုံးလည်း ပင်ပန်းထားတဲ့အတွက်ကြောင့် မိုလို့ အနားယူသင့်တယ်လို့ ကျနော်တို့ တိုက်တွန်းတာပါ။ ကျန်းမာရေး အခြေအနေကြောင့် မဟုတ်ပါဘူးခင်ဗျ။ သွေးအားနည်းလို့ ဆိုတာလည်း မဟုတ်ပါဘူး၊ နောက် တခြား ဘာကိစ္စကြောင့်မှလည်း မဟုတ်ပါဘူး။ ခရီးစဉ်မှာ ခရီးတလျှောက်လုံး ပင်ပန်းလာတဲ့အတွက်ကြောင့်မိုလို့ အဲဒီအတွက် အနားယူသင့်လို့ ကျနော်တို့က အနားယူပါလို့ ၀ိုင်း တိုက်တွန်း လိုက်တာပါခင်ဗျ။ ခွင့်ရက် အနားယူပြီးသွားရင်တော့ အမြန်ဆုံး လိုက်လာမှာပါခင်ဗျ။ ကျနော်တို့က တက်ဖြစ်မှာပါခင်ဗျ။ ကျနော် မနက်ဖြန် သွားမှာပေါ့။ ၂ ရက်နေ့ သွားမှာပါခင်ဗျ။ ကိုယ်စားလှယ်တွေ အားလုံး တက်ဖြစ်မှာပါခင်ဗျာ။”

မနက်ဖြန်မှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ NLD ပါတီက ခေါင်းဆောင်တချို့နဲ့ တွေ့ဆုံဖို့တော့ ရှိတယ်လို့ အန်အယ်လ်ဒီ ပါတီကပြောဆိုပါတယ်။ ဇူလိုင်လ ၉ ရက်နေ့မှာတော့ လွှတ်တော် အစည်းအဝေးကို ပြန်လည်တက် ရောက်မှာဖြစ်ပါ တယ်။

ဆယ်စုနှစ် ၂ ခုနီးပါးကြာ နေအိမ်အကျယ်ချုပ် ကျခံခဲ့ရပြီးနောက် ဥရောပကို ပထမဆုံးသွားရောက်တဲ့ ခရီးစဉ်အဖြစ် ဒေါ်အောင်ဆန်း စုကြည်ဟာ ဆွစ်ဇာလန်၊ နော်ဝေ၊ အိုင်ယာလန်၊ ဗြိတိန်နဲ့ ပြင်သစ် ၅ နိုင်ငံခရီးစဉ်ကို ဇွန်လ ၁၃ ရက်နေ့က စတင်ခဲ့တာပါ။ ပထမဆုံး ဆွစ်ဇာလန်နိုင်ငံကို သွားရောက်ခဲ့ပြီး အဲ့ဒီမှာ ဆွစ်ဇာလန် နိုင်ငံခြားရေးဝန်ကြီး ဒီဒီအေ ဘုဂ်ဟယ်လ်တာ (Didier Burkhalter) နဲ့ ပူးတွဲ ပြုလုပ်ခဲ့တဲ့ သတင်းစာရှင်းလင်းပွဲအတွင်း ရုတ်တရက် နေမကောင်းတဲ့အတွက် သတင်းစာ ရှင်းလင်းပွဲကို ရပ်ဆိုင်းခဲ့ရပါတယ်။ တနေ ကုန် ပင်ပန်းမှုနဲ့ လေယာဉ်ခရီးရှည်ကြောင့် သတင်းစာရှင်းလင်းပွဲအစ မိနစ်ပိုင်းအတွင်းမှာပဲ မူးဝေပြီး နေထိုင်မကောင်း ဖြစ်ခဲ့တာပါ။ အဲ့ဒီနောက်ပိုင်းတော့ ကျန်တဲ့ခရီးစဉ်အားလုံးကို ချောချောမွေ့မွေ့နဲ့ သွားရောက်နိုင်ခဲ့တာ ဖြစ်ပါတယ်။

ဆွစ်ဇာလန်ခရီးစဉ်ပြီးနောက် နော်ဝေနိုင်ငံ အော်စလိုမြို့မှာတော့ ဒေါ်အောင်ဆန်းစုကြည်ကို ၁၉၉၁ ခုနှစ်က ချီးမြှင့်ထားတဲ့ ငြိမ်းချမ်းရေး နိုဘဲလ်ဆုအတွက် နိုဘဲလ် မိန့်ခွန်း ပြောတာပြင် နော်ဝေနိုင်ငံ ဘာဂင်မြို့မှာလည်း Rafto လူ့အခွင့်အရေးဆုကို လက်ခံခဲ့ပါတယ်။

အဲဒီနောက် အိုင်ယာလန်နိုင်ငံဘက် ခရီးဆက်ခဲ့ပြီး နိုင်ငံတကာ လူ့အခွင့်အရေး အဖွဲ့တခုဖြစ်တဲ့ Amnesty International က ချီးမြှင့်တဲ့ Ambassador of Conscience ဆုကို လက်ခံပါတယ်။

နောက်တော့ ဗြိတိန်နိုင်ငံမှာ ဗြိတိန် နိုင်ငံရဲ့ အိမ်ရှေ့စံမင်းသား ချားလ်စ်နဲ့ရော ဗြိတိန်ဝန်ကြီးချုပ် ဒေးဗစ်ကင်မရွန်စတဲ့ ခေါင်းဆောင် တွေနဲ့ တွေ့ဆုံပြီး ဗြိတိန်ပါလီမန်မှာ သမိုင်းဝင် မိန့်ခွန်း ပြောခဲ့ပါတယ်။ ဒါ့အပြင် တိဘက်ခေါင်းဆောင် ဒလိုင်းလားမားနဲ့လည်း လန်ဒန် မြို့မှာ တွေ့ဆုံပြီး ပြင်သစ်နိုင်ငံကို နောက်ဆုံးသွားခဲ့ပါတယ်။

ပြင်သစ်နိုင်ငံမှာတော့ ပြင်သစ်သမ္မတ Francois Hollande၊ သမ္မတဟောင်း နီကိုးလက်စ်ဆာကိုဇီ အပြင် ပြင်သစ်အစိုးရ အဖွဲ့ဝင် တချို့နဲ့လည်း တွေ့ဆုံပြီး မြန်မာ့အရေး ဆွေးနွေးခဲ့သလို ပါရီမြို့တော်သူ ဆုကိုလည်း ဒေါ်အောင်ဆန်းစုကြည် လက်ခံ ရယူခဲ့ပါတယ်။

ဇွန်လ ၂၉ ရက်နေ့မှာတော့ ဥရောပခရီးစဉ်အဆုံးသတ်ပြီး ဇွန်လ ၃၀ ရက်နေ့မှာ မြန်မာနိုင်ငံ ရန်ကုန်လေဆိပ်ကို ပြန်လည်ရောက်ခဲ့ တာပါ။ ရန်ကုန်ကို ပြန်လည်ရောက်ရှိလာတဲ့ ဒေါ်အောင်ဆန်းစုကြည်ကို မြန်မာလူထုကလည်း သောင်းသောင်းဖြဖြနဲ့ ကြိုဆို နှုတ် ဆက်ခဲ့ကြပါတယ်။

Ref: ဗွီအိုအေ

Read More...

Collapse...

အမေရိကန် အရှေ့ပိုင်း မုန်တိုင်း လူ ၁၂ ဦးသေ

01 ဇူလိုင် 2012

အင်အားပြင်းတဲ့ မုန်တိုင်းတခု အမေရိကန်နိုင်ငံ အရှေ့ဘက်အခြမ်းကို သောကြာနေ့ညက ၀င်တိုက်သွားတာကြောင့် လူ ၁၂ ဦး သေဆုံးပြီး ၃ သန်းကျော် လျှပ်စစ်မီး ပြတ်တောက်မှုနဲ့ ကြုံနေရပါတယ်။

တိုင်းပြည် အရှေ့ဘက်ခြမ်းတလျှောက် မကြုံစဖူး ထူးကဲတဲ့ အပူဒဏ်ကို ခံရပြီးနောက် ညပိုင်းမှာ အဲဒီ အားပြင်းတဲ့ မုန်တိုင်း တိုက်ခတ်ခဲ့ တာကြောင့် သစ်ပင်တွေကျိုးကျပြီး လျှပ်စစ်မီးတွေ ပြတ်တောက်ခဲ့တာပါ။ ဒေသခံ ပြည်သူတွေ အခက်အခဲနဲ့ ရင်ဆိုင်နေရတာကြောင့် မြို့တော် ၀ါရှင်တန် ဒီစီ အပါအ၀င် အနီးအနားမှာရှိတဲ့ မယ်ရီလန်း (Maryland)၊ ဗာဂျီးနီးယား (Virginia)၊ ၀က်စ်တ်ဗာဂျီးနီးယား (West Virginia) နဲ့ Ohio (အိုဟိုင်းအိုး) ပြည်နယ်တွေမှာ အာဏာပိုင်တွေက အရေးပေါ် အခြေအနေ ကြေညာခဲ့ပါတယ်။

အရေးပေါ် အခြေအနေ ကြေညာလိုက်ခြင်းအားဖြင့် ပြည်နယ်အုပ်ချုပ်ရေးမှူး အနေနဲ့ အစိုးရမှာရှိတဲ့ ထောက်ပံ့ရေးပစ္စည်းနဲ့ အကူအညီ တွေကို ပြည်သူတွေထံ အလျင်အမြန် ပို့ပေးနိုင်အောင် လုပ်ဆောင်နိုင်မှာ ဖြစ်ပါတယ်။

မုန်တိုင်းကြောင့် ကျိုးကျတဲ့ သစ်ပင်တွေပိပြီး ဗာဂျီးနီးယားပြည်နယ်မှာ ၆ ယောက်၊ နယူးဂျာဆီ (New Jersey) နဲ့ မယ်ရီလန်း ပြည် နယ်တို့မှာ ၂ ယောက်စီနဲ့ အိုဟိုင်းအိုး နဲ့ ကင်န်တက်ကီ (Kentucky) ပြည်နယ်တို့မှာ တယောက်စီ အသီးသီး သေဆုံးခဲ့တာပါ။

ဒီပြည်နယ်တွေမှာ ပြတ်နေတဲ့ လျှပ်စစ်မီးဟာ ရက်အတော်ကြာနိုင်တယ်လို့ သက်ဆိုင်ရာ တာဝန်ရှိသူတွေက ပြောပါတယ်။

Ref: ဗွီအိုအေ

Read More...

Collapse...

ဟောင်ကောင် အုပ်ချုပ်ရေးမှူးသစ် ကျမ်းကျိန်

01 ဇူလိုင် 2012

လူဦးရေ ၇ သန်းရှိတဲ့ ဟောင်ကောင်ရဲ့ အုပ်ချုပ်ရေးမှုအသစ် ဖြစ်လာသူဟာ ဒီကနေ့ ကျမ်းသစ္စာ ကျိန်ဆိုခဲ့ပါတယ်။ ဗြိတ်ိသျှပိုင် ကိုလိုနီကျွန်းနိုင်ငံအဖြစ်ကနေ တရုတ်နိုင်ငံကို ပြန်လည်လွှဲပြောင်း ပေးခဲ့အပြီး (၁၅) နှစ်ပြည့်မြောက်တဲ့ အချိန်မှာကျင်းပတဲ့ အဲဒီ ကျမ်းသစ္စာ ကျိန်ဆိုတဲ့အခမ်းအနားကို တရုတ်သမ္မတ ဟူကျင်းတောင် ကိုယ်တိုင်တက်ရောက်ခဲ့ပြီး လုံခြုံရေးတွေ တင်တင်းကျပ်ကျပ် ချထားတယ်လို့ သိရပါတယ်။

သမ္မတ ဟူကျင်းတောင် က တရုတ်အစိုးရအနေနဲ့ ဟောင်ကောင်ရဲ့ လွတ်လပ်တဲ့ လူမှုအဖွဲ့အစည်းကို ထောက်ခံသလို နိုင်ငံတခု အတွင်း စနစ် ၂ မျိုး ကျင့်သုံးတဲ့မူဝါဒကို ဆက်လက်ကျင့်သုံး အကောင်ထည် ဖော်သွားမယ်လို့ ပြောပါတယ်။

အုပ်ချုပ်ရေးမှူးအသစ် ဖြစ်တဲ့ မစ္စတာလီယောင်ချွန်ယင်း (Leung Chun-ying) ကလည်း သူ့အစိုးရဟာ ဟောင်ကောင် ပြည်သူတွေရဲ့ ဆန္ဒအတိုင်း အကောင်ထည်ဖော် လုပ်ဆောင်သွားမှာပါလို့ ပြောဆိုပါတယ်။

ဒီအတောအတွင်း တကိုယ်တော်ဆန္ဒပြသူတဦးက မတ်တက်ရပ်ပြီး တရုတ်နိုင်ငံမှာ တပါတီ အာဏာရှင်စနစ်ကို ဖျက်သိမ်း ပေးဖို့ဆိုပြီး သမ္မတ ဟူကျင်းတောင်ကို ကန့်ကွက် ဆန္ဒပြခဲ့ပါတယ်။ မကြာခင်မှာ သူ့ကို လုံခြုံရေး ရဲတွေက ခေါ်ဆောင်သွားတယ်လို့ သိရပါတယ်။

အုပ်ချုပ်ရေးမှူး အသစ်ဖြစ်တဲ့ လီယောင်ချွန်ယင်း ဟာ ချမ်းသာကြွယ်ဝတဲ့ စီးပွားပိုင်ဆိုင်မှုဆိုင်ရာ အတိုင်ပင်ခံ တဦးဖြစ်ပြီး သူဟာ အုပ်ချုပ်ရေးမှူးဟောင်း ဒေါ်နယ်လ်ဆန်း (Donald Tsang) ထံကနေ တာဝန်ကို လွှဲပြောင်းရယူ ရမှာဖြစ်ပါတယ်။

အုပ်ချုပ်ရေးမှူးအသစ်ဖြစ်သူ လီယောင်းဟာ ပြည်မကြီးက တရုတ် အစိုးရနဲ့ အလွန်နီးစပ်သူ ဖြစ်တယ်ဆိုပြီး ဝေဖန်တာကို ခံနေရ သူဖြစ်ပါတယ်။

သောင်းပေါင်းများစွာရှိတဲ့ ဟောင်ကောင် ပြည်သူတွေဟာ ဇူလိုင်လ ၁ ရက်နေ့ နှောင်းပိုင်းမှာ လမ်းမတွေပေါ်ထွက်ပြီး ဆန္ဒပြကြဖို့ ရှိနေပါတယ်။ ဒါဟာ ပုံမှန်နှစ်စဉ် ဆန္ဒပြကြတဲ့အတိုင်း တရုတ်နိုင်ငံကနေ ဟောင်ကောင်ကို ပိုမိုလွတ်လပ်ခွင့် ပေးဖို့နဲ့ ဆင်းရဲ ချမ်းသာ ကွာဟမှု တိုးမြင့်လာတာကို မကျေနပ်ကြတဲ့အတွက် ဆန္ဒပြကြတာ ဖြစ်ပါတယ်။

Ref: ဗွီအိုအေ

Read More...

Collapse...

တရုတ်သမ္မတဟူကျင်းတောင် ဟောင်ကောင်အစိုးရသစ် ကျမ်းသစ္စာကျိန်ဆိုပွဲ တက်ရောက်မည်

30 ဇွန် 2012

တရုတ်သမ္မတ ဟူကျင်းတောင်ဟာ ဟောင်ကောင် အစိုးရသစ် ကျမ်းသစ္စာ ကျိန်ဆိုပွဲကို တက်ရောက်မှာဖြစ်ပြီး တရုတ်အုပ်ချုပ်မှု လက်အောက် ပြန်လည် ရောက်ရှိတာ (၁၅) နှစ်မြောက် အထိမ်းအမှတ်တွေ ကျင်းပနေတဲ့ ဟောင်ကောင်ကို သွားရောက်နေပါတယ်။

တရုတ်အစိုးရနဲ့ သဘောထားကွဲလွဲသူ လီဝမ်ယမ်း ဒီလမှာပဲ မသင်္ကာဖွယ် သေဆုံးသွားရမှုနဲ့ ပတ်သက်ပြီးတော့ အကြောင်းပြချက် ပေးဖို့ကို တောင်းဆို ဆန္ဒပြကြသူတွေကိုတော့ ရဲက လူစုခွဲခဲ့ပါတယ်။ သေဆုံးသူ လီ ဟာ အလုပ်သမားအခွင့်အရေး ကြိုးပမ်းသူ တဦးဖြစ်ပြီး ၁၉၈၉ ခုနှစ် တီယာနန်မင် (Tiananmen) ရင်ပြင် ဆန္ဒပြပွဲတွေကို ဦးဆောင်ခဲ့သူတဦးလည်း ဖြစ်ပါတယ်။

သတင်းထောက်တဦးကလည်း သမ္မတ ဟူ ကို တီယာနန်မင် ရင်ပြင် နှိမ်နင်းမှုနဲ့ ပတ်သက်ပြီး မေးခွန်းထုတ်ခဲ့လို့ ခဏ ထိန်းသိမ်းခံခဲ့ရ ပါတယ်။ စနေနေ့က ပြောကြားသွားတဲ့ သမ္မတရဲ့ မိန့်ခွန်းထဲမှာတော့ သမ္မတ ဟူက ဟောင်ကောင်က အစိုးရသစ်ကို ယုံကြည်အား ထားပါကြောင်း ပြောသွားပါတယ်။ တရုတ်ပြည်မကြီးနဲ့ ဟောင်ကောင်ရဲ့ နီးကပ်တဲ့ ဆက်ဆံရေးကိုလည်း သမ္မတက ချီးကျူးသွားတာပါ။

မစ္စတာ ဟူဟာ ဟောင်ကောင်ကို သုံးရက်ခရီးစဉ်အဖြစ်နဲ့ သောကြာနေ့မှာ ရောက်လာတာ ဖြစ်ပြီးတော့ ဒီကနေ့ ကျင်းပမယ့် အစိုးရသစ်ရဲ့ ကျမ်းသစ္စာ ကျိန်ဆိုပွဲကို တက်ရောက်မှာဖြစ်ပါတယ်။

Ref: ဗွီအိုအေ

Read More...

Collapse...

မြန်မာနိုင်ငံဆိုင်ရာ အမေရိကန်သံအမတ် ခန့်အပ်မှု ဆီးနိတ်အတည်ပြု

30 ဇွန် 2012

မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် ခန့်အပ်ဖို့ အမေရိကန်သမ္မတ ဘရက်အိုဘားမား (Barack Obama) အဆိုပြု ထားသူ ဒဲရက်မစ်ချဲလ် (Derek Mitchell) ကို အထက်လွှတ်တော်က အတည်ပြု ထောက်ခံလိုက်ပါပြီ။ သောကြာနေ့က အထက် လွှတ်တော်မှာ မဲခွဲဆုံးဖြတ် အတည်ပြုခဲ့တာ ဖြစ်တဲ့အတွက် မစ္စတာ မစ်ချဲလ် ဟာ ၂၂ နှစ်အတွင်း ပထမဆုံး မြန်မာနိုင်ငံဆိုင်ရာ အမေရိကန်သံအမတ်ကြီး ဖြစ်လာတော့မှာဖြစ်ပါတယ်။

မြန်မာနိုင်ငံဆိုင်ရာ အမေရိကန် မူဝါဒရေးရာ ညှိနှိုင်းရေးမှုးနဲ့ အမေရိကန်သမ္မတရဲ့ မြန်မာနိုင်ငံဆိုင်ရာ အထူး ကိုယ်စားလှယ် တာဝန် ယူခဲ့ရသူ ဒဲရက်မစ်ချဲလ်ဟာ သူရဲ့တာဝန်တွေကို အထူး ကျေပွန်အောင် ထမ်းဆောင်ခဲ့သူတယောက် ဖြစ်ပြီး သူ့ရဲ့ အတွေ့အကြုံ တွေက ဒေသတွင်းအမေရိကန်ရဲ့ အကျိုးစီးပွားကို တိုးမြှင့်နိုင်မယ်လို့ ယုံကြည်ကြောင်း အထက်လွှတ်တော် လူနည်းစုခေါင်းဆောင် ရီပက်ပလီကန် အမတ် မစ်ခ်ျမက်ကောနဲလ် (Mitch McConnell) က ပြောပါတယ်။

မစ္စတာ မစ်ချဲလ်ကို သံမတ်အဖြစ် ခန့်သင့် မသင့်ကို ဗုဒ္ဓဟူးနေ့က အထက်လွှတ်တော် နိုင်ငံခြားဆက်ဆံရေး ကော်မတီမှာ စစ်ဆေး ကြားနာခဲ့စဉ်တုန်းက မစ္စတာ မစ်ချဲလ် က မြန်မာနိုင်ငံနဲ့ အမေရိကန်ပြည်ထောင်စုကြား ထိတွေ့ဆက်ဆံရေး မူဝါဒဟာ အကျိုးဖြစ် ထွန်းပြီး ဒီထက်ပို ရှေ့ဆက် လုပ်ဆောင်ဖို့ လိုတဲ့အကြောင်း ပြောကြားခဲ့ပါတယ်။ သမ္မတ ဦးသိန်းစိန် အစိုးရဟာ အပြောင်းအလဲတွေ လုပ်ဖို့ သန္နိဌာန်ချထားကြတယ် ဆိုတာ ယုံကြည်တယ်လို့လည်း ကြားနာပွဲမှာ သူက ပြောကြားသွားခဲ့ပါတယ်။

မြန်မာနိုင်ငံမှာ ၁၉၈၈ ခုနှစ် လူထု အုံကြွမှုကြီးကို စစ်တပ်က ရက်ရက်စက်စက် နှိမ်နှင်းခဲ့တာကြောင့်ရော၊ ၁၉၉၀ ရွေးကောက်ပွဲမှာ လည်း အနိုင်ရ အမျိုးသားဒီမိုကရေစီအဖွဲ့ချုပ်ကို အာဏာလွှဲ မပေးတာကြောင့်ပါ ၁၉၉၀ ခုနှစ်ကတည်းက စပြီး အမေရိကန်က မြန်မာနိုင်ငံမှာ သံအမတ်ကြီးအဆင့် ထားရှိမှုကို ရပ်စဲခဲ့တာဖြစ်ပါတယ်။ ဒါပေမဲ့ သမ္မတ ဦးသိန်းစိန်အစိုးရက ပြုပြင်ပြောင်းလဲမှုတွေ လုပ်လာတဲ့နောက်ပိုင်း အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ရဲ့ သမိုင်းဝင် မြန်မာနိုင်ငံ ခရီးစဉ်အ တွင်းမှာ သံအမတ်ကြီးအဆင့် ပြန်လည်ထားရှိဖို့ ပြန်လည် ဆွေးနွေးခဲ့တာဖြစ်ပါတယ်။

Ref: ဗွီအိုအေ

Read More...

Collapse...

ဒေါ်အောင်ဆန်းစုကြည်ကို လူထု သောင်းသောင်းဖြဖြ ကြိုဆို

30 ဇွန် 2012
မသင်းသီရိ

ဥရောပ ၅ နိုင်ငံခရီးကနေ ဒီကနေ့ ဇွန်လ ၃၀ ရက် စနေ့ မနက်က ရန်ကုန်မြို့ကို ပြန်ရောက်လာတဲ့ ဒေါ်အောင်ဆန်းစုကြည်ကို NLD ပါတီ အဖွဲ့ဝင်တွေအပြင် လူထုက သောင်းသောင်းဖြဖြ ကြိုဆိုခဲ့ကြပါတယ်။ ဒေါ်အောင်ဆန်းစုကြည်ဟာ အခု ရန်ကုန်က နေအိမ်မှာ ခဏနားနေပြီး ဇူလှိုင်လ ၄ ရက်နေ့ကျရင် နေပြည်တော်မှာ ကျင်းပမယ့် လွှတ်တော် အစည်းအဝေးကို သွားတက်မှာဖြစ်ပါတယ်။ ဒေါ်အောင်ဆန်းစုကြည်ရဲ့ ရန်ကုန်အပြန်ခရီးကို လူထုက ဘယ်လိုကြိုဆိုခဲ့ကြသလဲ ဆိုကိုတော့ မသင်းသီရိက တင်ပြထားပါတယ်။

ဥရောပ ခရီးစဉ်တွေကနေ ပြန်လာတဲ့ ဒေါ်အောင်ဆန်းစုကြည်ဟာ ဒီကနေ့မနက် ၁၀ နာရီခွဲကျော်မှာ ရန်ကုန်လေဆိပ်ကို ရောက်ပါ တယ်။ NLD ပါတီရဲ့ခေါင်းဆောင်တွေ၊ NLD ပါတီဝင်တွေအပြင် ဒေါ်အောင်ဆန်းစုကြည်ကို အားပေးထောက်ခံတဲ့ လူထုနဲ့အတူ အနု ပညာရှင်တွေပါ ရန်ကုန်မင်္ဂလာဒုံ လေဆိပ်အပြည့် လာရောက် ကြိုဆိုခဲ့ကြပါတယ်။ NLD အလံတွေ ဝှေ့ယမ်းပြီး လေဆိပ်ထဲနဲ့ လေဆိပ် အထွက် လမ်းတလျှောက် သောင်းနဲ့ချီတဲ့ လူထုက သောင်းသောင်းဖြဖြ ကြိုဆိုတဲ့မြင်ကွင်းနဲ့ လုံခြုံရေး အခြေအနေတွေ ကိုတော့ မြန်မာပြည်အခြေစိုက် ဂျပန် NHK သတင်းဌာနရဲ့ သတင်းထောက် ကိုသီဟဆွေက အခုလိုပြောပြပါတယ်။

“ဒေါ်အောင်ဆန်းစုကြည်ရဲ့ လေယာဉ်ပျံက နောက်ကျဝင်တယ်။ ၉ နာရီလောက်မှာ လေယာဉ်ဝင်ရမယ့်ဟာကို ၁၀ နာရီကျော် လောက် မှာ ၀င်ပါတယ်။ လေဆိပ်တခုလုံးကလည်း ဒေါ်အောင်ဆန်းစုကြည်ကို လာကြိုတဲ့လူတွေနဲ့ပေါ့ဗျာ။ တခါမှတော့ ကျနော်တို့ ဒါမျိုး မမြင်ဖူးဘူးပေါ့။ ဆင်းလာတဲ့အချိန်မှာလည်း ဒေါက်တာ ဒေါ်အောင်ဆန်းစုကြည် ကျန်းမာပါစေ စသည်ဖြင့် ကြိုဆိုတဲ့အသံတွေ ကလည်း လေဆိပ်တခုလုံး ဟိန်းနေတာပေါ့။ လေဆိပ်ကနေထွက်တဲ့ လမ်းတလျှောက် ဘေးဘီဝဲယာမှာလည်း ကြိုနေကြတဲ့အတွက် လမ်းကလည်း ပိတ်ဆို့သွားတယ်ခင်ဗျ။ လုံခြုံရေးကတော့ ကျနော်တို့ လမ်းတလျှောက်မှာ လုံခြုံရေး ထူထူထပ်ထပ် ချထားတာ တွေ့ ရတယ်။ တင်းကျပ်တယ်လို့တော့ ပြောလို့မရဘူး။ relax တော့ relax ပေါ့နော်။ ဒါပေမဲ့ တလမ်းလုံး အိမ်အထိကတော့ ကျနော်တို့ လမ်းဘေးမှာ ကျနော်တို့ ရဲလုံခြုံရေးတွေ ဓာတ်တိုင်တတိုင် တစုလောက်ကို တွေ့ရပါတယ်။”

မင်္ဂလာဒုံလေဆိပ်နဲ့ လေဆိပ်အထွက် လမ်းတလျှောက် လူထုက NLD အလံတွေ ဝှေ့ယမ်း ကြိုဆိုသလို အိမ်အ၀င် တက္ကသိုလ် လမ်းမကြီး တလျှောက်လည်း လူထုက တိုးမပေါက်အောင် စောင့်ဆိုင်း ကြိုဆိုခဲ့ကြပါတယ်။ ဒါ့အပြင် နေအိမ်ရှေ့မှာ စောင့်နေကြတဲ့ လူထုကိုလည်း ဒေါ်အောင်ဆန်းစုကြည်က ခြံအ၀ကနေ ထွက်ပြီး လက်ပြ နှုတ်ဆက်ပါတယ်။ ဒေါ်အောင်ဆန်းစုကြည်ဟာ ဒီကနေ့ တော့ အိမ်မှာပဲ နားနေပြီး ဇူလှိုင်လ ၄ ရက်နေ့ကျရင် နေပြည်တော်မှာ ကျင်းပမယ့် ပထမအကြိမ် ပြည်သူ့လွှတ်တော် စတုတ္ထ ပုံမှန် အစည်းဝေးကို တက်ဖို့အတွက် နေပြည်တော်ကို ဇွန်လ ၃ ရက်နေ့မှာ သွားမယ်လို့ NLD ပါတီ ဖျာပုံမြို့နယ်ရဲ့ လွှတ်တော် ကိုယ်စား လှယ် ဦးသိန်းဆွေက ပြောပါတယ်။

“ဟုတ်ပါတယ်ခင်ဗျာ။ လွှတ်တော်သွားတက်မှာပါ။ ကျနော်တို့ ၂ ရက် ၃ ရက်ကို သွားကြမှာပါ။ အခုလည်း တချို့ ၂ ရက်နေ့ကစပြီး ထွက်ကြတော့မှာပါ။ ကျနော်တို့ကတော့ ၂ ရက်နေ့ ည သွားမှာပါ။”

NLD ပါတီက လွှတ်တော်ကိုယ်စားလှယ် ဦးသိန်းဆွေက ဇူလှိုင်လ ၄ ရက်နေ့မှာ ဒေါ်အောင်ဆန်းစုကြည် အပါအ၀င် NLD လွှတ်တော် ကိုယ်စားလှယ်တွေ နေပြည်တော်ကို သွားကြမယ့်အကြောင်း ပြောပြခဲ့တာပါ။ ဒေါ်အောင်ဆန်းစုကြည်ဟာ ဥရောပ ၅ နိုင်ငံကို ဇွန်လ ၁၃ ရက်နေ့ကနေ ၂၉ ရက်နေ့အထိ ခရီးထွက်နေတာဖြစ်ပါတယ်။ ဒီခရီးစဉ်တလျှောက် ဥရောပနိုင်ငံတွေက ခေါင်းဆောင်တွေ၊ ဒေသခံ နိုင်ငံသားတွေ အပြင် အဲဒီဥရောပ နိုင်ငံတွေကိုရောက်နေတဲ့ မြန်မာလူထုတွေက ခမ်းခမ်းနားနား ကြိုဆိုခဲ့ကြတာ ဖြစ်ပြီး အခု ရန်ကုန် ပြန် လာစဉ် လူထုရဲ့ ကြိုဆိုမှုဟာလည်း နိုင်ငံအတွက် အင်မတန်ကို ထူးခြားတဲ့ မြင်ကွင်းလို့လည်း သတင်းထောက် ကိုသီဟဆွေက သုံးသပ်ပါတယ်။

“ကျနော်တို့ နိုင်ငံခေါင်းဆောင်၊ တိုင်းပြည်ရဲ့ အရေးကြီးဆုံးပုဂ္ဂိုလ်တွေ၊ နှစ်နိုင်ငံ ချစ်ကြည်ရေးခရီးနဲ့ လာတဲ့ ခေါင်းဆောင်တွေ ကိုမှပဲ ဒီလို ကြိုတဲ့အလေ့အထ ရှိပါတယ်။ ဆိုတော့ ဒီနေ့ကတော့ အဲဒီလို ပုံစံမျိုးပေါ့နော်။ ဒေါ်အောင်ဆန်းစုကြည်နဲ့ NLD ကို ထောက်ခံတဲ့ လူတွေက အဲဒီလို ကြိုဆိုကြတာကို တွေ့ရတာပေါ့နော်။ နောက် နိုင်ငံရေးလှုပ်ရှားမှု တခုလို့တော့ ပွင့်ပွင့်လင်းလင်း ပြောရရင် ကျနော် မြင်တယ်ခင်ဗျ။ ဘာဖြစ်လို့လဲ ဆိုတော့ ဒီ ဥရောပခရီးစဉ်နဲ့ ပတ်သက်လို့ ကျနော်တို့ နိုင်ငံပိုင် မီဒီယာတွေမှာ ဖော်ပြတာ မတွေ့ရ တဲ့ အခါ ကျနော်တို့ ငြင်းကြခုန်ကြတာ နိုင်ငံရေးလောကမှာရော မီဒီယာ လောကမှာရော ကျနော်တို့ ကြားရပါတယ်။ ဆိုတော့ ဒေါ် အောင်ဆန်းစုကြည် ခရီးစဉ်နဲ့ ဒေါ်အောင်ဆန်းစုကြည်ရဲ့ အရေးပါမှုတွေကို တနည်းတဖုံ ထုတ်ဖော်ပြဖို့အတွက်ကို အောင်မြင်တယ်လို့ ကျနော်တို့ ပြောရမှာပါခင်ဗျ။”

မြန်မာပြည် အခြေစိုက် ဂျပန် NHK သတင်းဌာနရဲ့ သတင်းထောက် ကိုသီဟဆွေ သုံးသပ်ခဲ့တာပါ။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒေါ်အောင်ဆန်းစုကြည်ဟာ ခရီးစဉ်အတွင်း ဆွစ်ဇာလန်နိုင်ငံ ဂျနီဗာမြို့တွင် ပြုလုပ်တဲ့ ILO အပြည် ပြည်ဆိုင်ရာ အလုပ်သမားရေးရာ အဖွဲ့ညီလာခံမှာ မိန့်ခွန်းပြောခဲ့သလို နော်ဝေနိုင်ငံ အော်စလိုမြို့မှာတော့ သူ့ကို ၁၉၉၁ ခုနှစ်က ချီးမြှင့်ထားတဲ့ ငြိမ်းချမ်းရေး နိုဘဲလ်ဆုအတွက် နိုဘဲလ် မိန့်ခွန်း ပြောတာပြင် နော်ဝေနိုင်ငံ ဘာဂင်မြို့မှာလည်း Rafto လူ့အခွင့် အရေးဆုကို လက်ခံခဲ့ပါတယ်။

အဲဒီနောက် အိုင်ယာလန်နိုင်ငံဘက် ခရီးဆက်ခဲ့ပြီး အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ (Amnesty International) ကချီးမြှင့်တဲ့ Ambassador of Conscience ဆုကို လက်ခံပါတယ်။ နောက်တော့ ဗြိတိန်နိုင်ငံမှာ ဗြိတိန် နိုင်ငံရဲ့ အိမ်ရှေ့မင်းသား ချားလ်စ်နဲ့ရော ဗြိတိန်ဝန်ကြီးချုပ် ဒေးဗစ်ကင်မရွန်စတဲ့ ခေါင်းဆောင်တွေနဲ့ တွေ့ဆုံပြီး ဗြိတိသျှပါလီမန်မှာ သမိုင်းဝင် မိန့်ခွန်း ပြောခဲ့ ပါတယ်။ ဒါ့အပြင် တိဘက်ခေါင်းဆောင် ဒလိုင်းလားမားနဲ့လည်း လန်ဒန်မြို့မှာ တွေ့ဆုံပြီး ပြင်သစ်နိုင်ငံကို နောက်ဆုံးသွားခဲ့ပါတယ်။ ပြင်သစ်နိုင်ငံမှာတော့ ပြင်သစ်သမ္မတ Francois Hollande၊ သမ္မတဟောင်း နီကိုးလက်စ်ဆာကိုဇီ အပြင် ပြင်သစ်အစိုးရ အဖွဲ့တချို့နဲ့ လည်း တွေ့ဆုံပြီး မြန်မာ့အရေး ဆွေးနွေးခဲ့သလို ပါရီမြို့တော်သူ ဆုကိုလည်း ဒေါ်အောင်ဆန်းစုကြည် လက်ခံခဲ့ပါတယ်။ အခု ဥရောပ ၅ နိုင်ငံခရီးစဉ်တွင်း ဒေါ်အောင်ဆန်းစုကြည်ဟာ ဥရောပရောက် မြန်မာတွေနဲ့လည်း တွေ့ဆုံခဲ့ပါတယ်။

Ref: ဗွီအိုအေ

Read More...

Collapse...

ဦးသိန်းစိန် ဘင်္ဂလားဒေ့ရှ် ခရီးစဉ်ရွှေ့ဆိုင်း

2012-07-01

လာမယ့် ဇူလိုင်လ ၁၅ ရက်နေ့မှာ ဘင်္ဂလားဒေ့ရ်ှ အစိုးရနဲ့ တွေ့ဆုံဆွေးနွေးဖို့ ပြင်ဆင်ထားတဲ့ သမ္မတ ဦးသိန်းစိန်ရဲ့ ဘင်္ဂလားဒေ့ရှ် ခရီးစဉ် ရွှေ့ဆိုင်းလိုက်ပြီ ဖြစ်ကြောင်း ဘင်္ဂလားဒေ့ရ်ှ အစိုးရ နိုင်ငံခြားရေးဌာနက ဒီကနေ့ ပြောကြားလိုက်ပါတယ်။

ခရီးစဉ် ဖျက်သိမ်းလိုက်တာဟာ ရခိုင်ပြည်နယ်မှာ အရေးပေါ် ဥပဒေ ထုတ်ပြန်ထားတာကြောင့် ရွှေ့ဆိုင်းလိုက်တာ ဖြစ်ကြောင်း ဘင်္ဂ လားဒေ့ရ်ှ နိုင်ငံခြားရေးဌာန အရာရှိတွေက အတည်ပြု ပြောကြားတယ်လို့ ဘင်္ဂလားဒေ့ရှ် နိုင်ငံထုတ် bdnews24 အင်တာနက် သတင်းစာက အထူးသတင်း အဖြစ် ရေးသားထားပါတယ်။

အခုလို သမ္မတ ဦးသိန်းစိန်ရဲ့ ခရီးစဉ် ရွှေ့ဆိုင်းလိုက်ပေမယ့် ဇူလိုင်လ တတိယပတ်လောက် မှာတော့ ရောက်ရှိမယ်လို့ ထင်ကြေးပေး ကြောင်း နောက်ထပ် ဘင်္ဂလားဒေ့ရှ် အရာရှိတဦးက ပြောတယ်လို့လည်း ပါရှိပါတယ်။

အာအက်ဖ်အေကတော့ ဒီသတင်းနဲ့ ပတ်သက်ပြီး သီးခြား အတည်ပြုချက် မရရှိသေးပါဘူး။

ဒီကနေ့မနက်မှာတော့ မြန်မာအစိုးရ ဒုတိယ နိုင်ငံခြားရေးဝန်ကြီး နဲ့ အဖွဲ့ဟာ ဘင်္ဂလားဒေ့ရ်ှ နိုင်ငံခြားရေး ၀န်ကြီးဌာန ကိုယ်စားလှယ် တွေနဲ့ ဒါကာမြို့မှာ သမ္မတ ဦးသိန်းစိန်ရဲ့ ခရီးစဉ်နဲ့ ပတ်သက်ပြီး အကြို ဆွေးနွေးခဲ့ကြပါတယ်။

သမ္မတ ဦးသိန်းစိန် ဘင်္ဂလားဒေ့ရ်ှကို လာရောက် လည်ပတ်တဲ့အခါမှာ နှစ်နိုင်ငံ ကုန်သွယ်ရေး၊ လေကြောင်းဆိုင်ရာ ပူးပေါင်း ဆောင်ရွက်မှု၊ အပါအ၀င် ရိုဟင်ဂျာကိစ္စတွေကိုပါ ဆွေးနွေးနိုင်ဖွယ် ရှိတယ်လို့ သိရပါတယ်။

Ref: အာရ်အဖ်အေ

Read More...

Collapse...

တိုင်းရင်းသားဒေသ ဆင်းရဲမွဲတေမှုကြောင့် မတည်ငြိမ်တာတွေ ဖြစ်လာနိုင်

2012-07-01

မြန်မာနိုင်ငံက တိုင်းရင်းသား ပြည်နယ်တွေမှာ ဆင်းရဲမွဲတေမှု ရာခိုင်နှုန်း ကြီးမားလာနေတာဟာ လက်ရှိ မြန်မာအစိုးရက ကြိုးပမ်း နေတဲ့ ပြုပြင်ပြောင်းလဲရေး လုပ်ငန်းစဉ်တွေကို အဟန့်အတား ဖြစ်စေနိုင်သလို လူထုအုံကြွမှုတွေ မငြိမ်မသက်မှုတွေ ဖြစ်လာနိုင်တယ် လို့ အာရှ ဖွံ့ဖြိုးရေးဘဏ် ADB က ဒီကနေ့ သတိပေးလိုက် ပါတယ်။

ဆင်းရဲမွဲတေမှု အခြေအနေကို လေ့လာတဲ့အခါ မြန်မာနိုင်ငံက ပြည်နယ်တွေရဲ့ ဖွံ့ဖြိုးမှု မညီမျှတဲ့ အချက်ကို ထည့်သွင်း တွက်ချက် ရပါ မယ်။ တခြား ဆင်းရဲတဲ့ နိုင်ငံတွေလိုပါပဲ မြန်မာနိုင်ငံက ဖွံ့ဖြိုးမှု မညီမမျှဖြစ်နေတဲ့ အခြေအနေဟာ တိုင်းပြည်ပြန်လည် ထူထောင်ရေး လုပ်ငန်းစဉ်တွေကို အဟန့်အတား ဖြစ်စေနိုင်တယ်လို့ အေဒီဘီအဖွဲ့ ရဲ့ ဒုတိယဥက္ကဋ္ဌ Stephen Groff က မြန်မာနိုင်ငံကို လည်ပတ်အပြီး အပြန်မှာ အေအက်ဖ်ပီ သတင်းဌာနကို ပြောခဲ့ပါတယ်။

ချင်း ၊ ရခိုင် နဲ့ ရှမ်းပြည်နယ်တွေမှာ ရင်ဆိုင်နေရတဲ့ အလုပ်လက်မဲ့ ပြဿနာ၊ စိုက်ပျိုးရေး လုပ်ငန်းတွေ အထွက်နည်းတဲ့ အခြေအနေနဲ့ ရင်ဆိုင်နေရပြီး မြန်မာနိုင်ငံမှာ ဆင်းရဲမွဲတေမှု အများဆုံး လို့ အေဒီဘီက သတ်မှတ်ထားပါတယ်။

စိုက်ပျိုးရေး ကဏ္ဍမှာ အထွက်တိုးအောင် ရင်းနှီးမြုပ်နှံတွေ များလာအောင် ဆောင်ရွက်နိုင်မယ် ပြည်တွင်း ပြည်ပ ဈေးကွက်တွေကို တိုး ပေါက်အောင် ဆောင်ရွက်နိုင်မယ် ဆိုရင်တော့ ဆင်းရဲမွဲတေမှု လျှော့ချပေးနိုင်မယ့် အနေအထား ရှိနေပါသေးတယ်လို့လည်း အေဒီဘီ အကြီးအကဲက ပြောခဲ့ပါတယ်။


Ref: အာရ်အဖ်အေ

Read More...

Collapse...

ဒု နိုင်ငံခြားရေးဝန်ကြီး ဘင်္ဂလားဒေ့ရှ် ကို ရောက်ရှိ

2012-06-30

အစိုးရ ဒုတိယ နိုင်ငံခြားရေး ၀န်ကြီး ဦးမောင်မြင့် ဟာ တနင်္ဂနွေနေ့ နေ့လည်ပိုင်းက ဘင်္ဂလားဒေ့ရ်ှနိုင်ငံ ဒါကာမြို့ ကို ရောက်ရှိခဲ့ပါတယ်။

သမ္မတ ဦးသိန်းစိန် ရဲ့ ဘင်္ဂလားဒေ့ရှ် ခရီးစဉ် မတိုင်ခင် ဒု နိုင်ငံခြားရေးဝန်ကြီး က ကြိုတင်လာရောက်ပြီး သမ္မတ ရဲ့ ခရီးစဉ်အတွင်း ဆွေးနွေး ပြောဆိုကြမယ့် ကိစ္စတွေကို ညှိနှိုင်း အတည်ပြုမှာ ဖြစ်ကြောင်း The Daily Star ဘင်္ဂလားဒေ့ရှ် သတင်းစာက ဖေါ်ပြပါတယ်။

ဒု ၀န်ကြီး ဦးမောင်မြင့်ဟာ ဒီကနေ့ မနက်ပိုင်းမှာ ဘင်္ဂလားဒေ့ရှ် နိုင်ငံခြားရေးဝန်ကြီး မစ္စ ဒီပူမိုနီ ရဲ့ရုံးမှာ နှစ်နိုင်ငံ ဆိုင်ရာ ကိစ္စတွေ ဆွေးနွေးခဲ့ကြရာမှာ ရိုဟင်ဂျာ ဒုက္ခသည် ပြဿနာ၊ စွမ်းအင်၊ စိုက်ပျိုးရေး၊ ပညာရေး၊ ကုန်သွယ်ရေး၊ ခရီးသွားလုပ်ငန်း နဲ့ နှစ်နိုင်ငံ ကုန်းလမ်း၊ လေကြောင်းလမ်း ထူထောင်ရေး ကိစ္စတွေ အဓိက ဆွေးနွေးဖွယ် ရှိတယ်လို့ ဆိုပါတယ်။

ဒါပေမဲ့ မြန်မာနဲ့ ဘင်္ဂလားဒေ့ရှ် အိမ်နီးချင်း နှစ်နိုင်ငံ ဟာ အရင်ကလည်း ဒီလို ကိစ္စမျိုးတွေ ဆွေးနွေးပြီး သဘော တူညီချက်တွေ ချ မှတ် ခဲ့ကြပေမဲ့၊ အများစုက စာရွက်ပေါ်မှာသာ ရှိပြီး လက်တွေ့ အကောင်အထည် ဖေါ်တာ မရှိသလောက် ဖြစ်ကြောင်း The Daily Star က ရေးသားပါတယ်။

Ref: အာရ်အဖ်အေ

Read More...

Collapse...

မြစ်ကြီးနားမြို့ ဗုံးပေါက်ကွဲမှု လူတစ်ဦးသေဆုံး

2012-06-30

ကချင်ပြည်နယ် မြစ်ကြီးနားမြို့မှာ ဇွန်လ ၂၉ ရက် သောကြာနေ့ ညနေပိုင်းက ဗုံးတစ်လုံး ပေါက်ကွဲခဲ့လို့ လူတစ်ဦး သေဆုံးခဲ့တယ်လို့ သိရပါတယ်။

ဗုံးပေါက်ကွဲခဲ့တဲ့ နေရာဟာ မြစ်ကြီးနားမြို့ ဧရာရပ်ကွက် အနီးမှာရှိတဲ့ မိုးလုံလေလုံ အားကစားကွင်း အနီးမှာ ဖြစ်တယ်လို့ မျက်မြင် သက်သေ တစ်ဦးက အာအက်ဖ်အေ ကို ပြောပါတယ်။

"ဟုတ်တယ်၊ ဗုံးပေါက်တယ်၊ ၆ နာရီ ၁၀ မိနစ်လောက်မှာ ကျနော်တို့ ဒီ ဘော်လုံးကွင်းနဲ့ လ၀က ရုံးလမ်းကြား၊ အဲ့ဒီမှာ ဆိုင်ကယ် ပေါ်ကနေ ကွဲတာဗျ၊ လူတစ်ယောက် သေတယ်၊ ပေါက်တဲ့နေရာက မြို့တော်ခမ်းမနဲ့ နီးတယ်၊ ၀န်ကြီးများရုံးနဲ့ ကပ်ရပ်ပဲ။ အမှတ် ၂ ရဲစခန်းနဲ့ ဆိုလို့ရှိရင်လည်း ကိုက် ၂၀၀ လောက်ပဲ ရှိမယ်၊ လူတွေကတော့ အထိတ်တလန့်နဲ့ ဖြစ်တာပေါ့။"

ဗုံးပေါက်ကွဲချိန်ဟာ မိုးလုံလေလုံ အားကစားကွင်းမှာ အုပ်ချုပ်ရေး ဖလား ဘော်လုံး ဗိုလ်လုပွဲ အပြီး ပရိတ်သတ်တွေ ပြန်ချိန်နဲ့လည်း တိုက်ဆိုင်နေတယ်လို့ သိရပါတယ်။

မြစ်ကြီးနား အမှတ် ၁ ရဲစခန်းကို ဆက်သွယ် မေးမြန်းခဲ့ရာ တာဝန်ကျ ရဲအရာရှိ တစ်ဦးက ဗုံးပေါက်ကွဲခဲ့တာ ဟုတ်မှန်ကြောင်း အတည်ပြု ပြောဆိုပြီး ပေါက်ကွဲမှုကြောင့် သေဆုံးခဲ့သူဟာ အသက် ၃၀ အရွယ် တိန်ရောင်နော် ခေါ် မွန်ဂွတ် ဆိုသူဖြစ်တယ်လို့ ပြောပါတယ်။

"ဟုတ်တယ်၊ သူက တိန်ရောင်နော် (ခေါ်) မွန်ဂွတ် အသက် ၃၀၊ ကချင် ခရစ်ယာန်ပဲ၊ သူကတော့ တပ်ကုန်း အမှတ် (၁) ၃၁၉ ထွယ် ဆန် နယ်မြေပေါ့၊ သူက မီးသတ်ဝတ်စုံနဲ့ပေါ့နော်။ ၀တ်လာတာ အပေါ်ကတော့ စွတ်ကျယ် အောက်က ယူနီဖောင်းနဲ့ ဘော်လုံးပွဲ ကြည့်ပြီးတော့ ပြန်ထွက်သွားပြီး အဲ့ဒီ ကျနော်တို့ လ၀က ရုံးအ၀င်နားမှာ သူတစ်ယောက်တည်းပဲ ဘယ်သူမှ မရှိဘူး ဆိုင်ကယ် ကတော့ စုတ်ပြတ်သတ်သွားတာပေါ့နော်၊ ဘော်လုံးပွဲလည်းပြီးရော လမ်းမှာ ကွဲတာပဲ၊ ကွက်တိပဲ၊ ပွဲချင်းပြီးပဲ။"

ဗုံးပေါက်ကွဲခဲ့မှုနဲ့ပတ်သက်ပြီး တရားခံ ဖော်ထုတ်နိုင်ဖို့ အတွက် မြို့နယ် ရဲတပ်ဖွဲ့နဲ့ SB တို့က သေဆုံးသွားသူရဲ့ မိဘတွေနဲ့ သူတို့ အိမ်အ၀င်အထွက် ရှိသူ တွေကို စုံစမ်း မေးမြန်းနေပြီး ဘယ်သူ့ လက်ချက်ဖြစ်တယ် ဆိုတာ မသိရှိသေးကြောင်း အဆိုပါ ရဲအရာရှိက ပြောဆိုပါတယ်။

Ref: အာရ်အဖ်အေ

Read More...

Collapse...

ဒေါ်အောင်ဆန်းစုကြည် လွှတ်တော်တက်မယ့်ရက် ရွှေ့ဆိုင်း

2012-06-30

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဥရောပ ငါးနိုင်ငံ ခရီးစဉ်က ပြန်လာအပြီး ခရီးပန်းတာကြောင့် လာမယ့် ရက်ပိုင်းအတွင်း ပြန်လည် ကျင်းပမယ့် လွှတ်တော် အစည်းအဝေးကို မတက်ရောက်နိုင်သေးကြောင်း ခွင့်တောင်းခံထားတယ်လို့ သိရပါတယ်။

ဇူလိုင်လ ပထမပတ်မှာ ပြန်လည် စတင်မယ့် လွှတ်တော် အစည်းအဝေးကို မတက်ရောက်နိုင်သေးပေမယ့် နောက်တပတ် မှာတော့ တက်ဖြစ်မယ်လို့ အမျိုးသား ဒီမိုကရေစီအဖွဲ့ချုပ် ပြောရေးဆိုခွင့် ရှိသူ ဦးဥာဏ်ဝင်းက ပြောပါတယ်။

"သူက ၄ ရက် ၅ ရက် ၆ ရက် ဇူလိုင်၊ ဒီ ၃ ရက်အတွက်ပဲ ခွင့်ယူထားတာပါ။ အဲဒီခွင်ြ့ပီးရင် သူတက်မှာပါ။"

ခရီးပန်းနေပေမယ့် ဒေါ်အောင်ဆန်းစုကြည်ရဲ့ ကျန်းမာရေး ကောင်းမွန်ကြောင်း သိရပါတယ်။ မနေ့က ဒေါ်အောင်ဆန်းစုကြည်ကို ရန်ကုန်မင်္ဂလာဒုံ လေဆိပ် နဲ့ လမ်းတလျှောက်မှာ ပြည်သူလူထု သောင်းနဲ့ ချီပြီး ကြိုဆိုခဲ့ကြပါတယ်။

ဒေါ်အောင်ဆန်းစုကြည် ခွင့်တောင်းခံထားပေမယ့် ကျန်တဲ့ အန်အယ်လ်ဒီ လွှတ်တော် အမတ် အားလုံး ဒီ သတင်းပတ် အတွင်း ကျင်းပမယ့် လွှတ်တော် အစည်းအဝေးကို တက်ရောက်မှာ ဖြစ်တယ်လို့ သိရပါတယ်။

ပြီးခဲ့တဲ့ ကြားဖြတ် ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ်က လစ်လပ်နေရာ ၄၄ နေရာမှာ ၄၃ နေရာ အနိုင်ရခဲ့ပါတယ်။

Ref: အာရ်အဖ်အေ

Read More...

Collapse...

ဗကသ (အထက်ဗမာပြည်)အား မန္တလေး ထွေ/အုပ် ခေါ်ယူသတိပေး

နေမျိုး
ဇွန်လ ၂၉ ရက် ၂၀၁၂ ခုနှစ်


ဗကသများ အဖွဲ့ချုပ် (အထက်ဗမာပြည်) အား မန္တလေးတိုင်း အထွေထွေအုပ်ချုပ်ရေးမှူးက ၎င်း၏ရုံးတွင် သောကြာနေ့က ခေါ်ယူ သတိပေးခဲ့ကြောင်း သိရသည်။

တိုင်း ထွေ/အုပ် ညွှန်ကြားရေးမှူးမှူး ဦးအုန်းလွင် ဦးဆောင်သည့် တိုင်း ဥပဒေအရာရှိ၊ ရဲမှူး တို့ပါဝင်သည့် အဖွဲ့က ဗကသ များအဖွဲ့ချုပ်မှ ကိုရဲရင့်ကျော် အပါအဝင် ကျောင်းသား ခေါင်းဆောင် လေးဦးအား မှတ်ပုံတင်မထားသည့် ဗကသ ၏ တရား မဝင်မှုနှင့် ကျောင်းသားသမဂ္ဂ အဆောက်အအုံ ဖြိုခွဲခံခဲ့ရသည့် 7 July ရွှေရတုနေ့ ကျင်းပခြင်းကို ခွင့်မပြုနိုင်ကြောင်း ဗကသ (အထက်ဗမာပြည်) ပြန်ကြားရေး တာဝန်ခံ ကိုရဲရင့်ကျော်က ပြောသည်။


“ဗကသ ဆိုတာ တရားဝင်ဖွဲ့စည်းထားခြင်း မရှိသေးတဲ့အတွက် နောက်တခါ 7 July ဆိုတာ အာဇာနည်နေ့လို
ဂေဇက်ဝင် တရားဝင် သတ်မှတ်ပေးထားတဲ့ရက် မဟုတ်တဲ့အတွက် တရားမဝင်တဲ့ ရက်မှာ တရားမဝင်တဲ့ အဖွဲ့အစည်းက ကျင်းပမယ့်ပွဲမို့လို့ သူတို့ ခွင့်မပြုနိုင်ကြောင်း အသိပေးတာ” ဟု မဇ္ဈိမကို ပြောသည်။

ဇွန်လ ၆ ရက်နေ့ကလည်း ဗကသ များအဖွဲ့ချုပ် ပြန်လည်ပေါ်ပေါက်ရေး ကြိုးပမ်းနေကြသည့် ကျောင်းသားများအား ရန်ကုန်တိုင်း အထွေထွေ အုပ်ချုပ်ရေးမှူးက ခေါ်ယူ၍ ထိုကဲ့သို့ပင် အသင်းအပင်း ဖွဲ့စည်းခြင်း ဥပဒေအား ဖတ်ပြကာ သတိပေးခဲ့ဖူးသည်။

၁၉၈၈ ခုနှစ် စက်တင်ဘာလက ထုတ်ပြန်ခဲ့သည့် အသင်းအပင်း ဖွဲ့စည်းခြင်းဆိုင်ရာ ဥပဒေအရ သက်ဆိုင်ရာ၏ ခွင့်ပြုချက် မရရှိဘဲ သမဂ္ဂ၊ အစည်းအရုံး၊ ကလပ်၊ တပ်ဦး စသဖြင့် ဖွဲ့စည်းလှုပ်ရှားပါက ထောင်ဒဏ် ၅ နှစ်အထိ ချမှတ်နိုင်သည်။

ဗကသများအဖွဲ့ချုပ် အထက်ဗမာပြည် အနေဖြင့် “ကျနော်တို့ကတော့ လုပ်ရမယ်လို့ ယူဆတဲ့၊ လုပ်သင့်တယ်လို့ ယူဆတဲ့ အရာတွေကို ဒီလိုဖိအားကြောင့် ဆက်မလုပ်ရဲစရာ မရှိပါဘူး။ ဆက်လုပ်မယ်။ အဆင်ပြေမယ့် နေရာ၊ အချိန်ရွှေးချယ် မယ်။ သေချာတာကတော့ ကျင်းပဖြစ်အောင် ကျင်းပမယ်” ဟု ကိုရဲရင့်ကျော် က ဆိုသည်။

“ပြောင်းလဲမှုတွေကို အထက်ကဘဲပြောနေပြီး အောက်ခြေမှာ ပြောင်းလဲမှု အားနည်းနေတာရယ်၊ အရင်အကျင့်တွေ၊ ထိန်းချုပ် မှုတွေ မပြောင်းလဲသေးဘဲနဲ့ ဆက်လက်ဆုပ်ကိုင်နေတာကိုက ပြောင်းလဲမှုက အားမရစရာပဲ။ ပွင့်လင်းမြင်သာ တဲ့ လမ်းကြောင်း ကနေ လျှောက်ဖို့အတွက် အသိပေးတာ၊ ခွင့်တောင်းတာ တွေ လုပ်တယ်။ ကျနော်တို့က ပွင့်လင်း အောင်လုပ် တယ်။ ဗကသ ကို တရားမဝင်ဘူးလို့ ဘယ်သူကမှ အဆုံးအဖြတ်ပေးလို့ မရဘူး။ ကျနော်တို့ဟာ မှတ်ပုံတင်ခြင်း၊ မတင်ခြင်းတွေနဲ့ တိုက်ရိုက် မပါတ်သက်ဘူး။ ကျနော်တို့အနေနဲ့ ညှိနှိုင်းဆောင်ရွက်ဖို့ မလိုသေးဘူးလို့ တုံ့ပြန်ခဲ့တယ်” ဟု ၎င်းက ဆက်လက် ပြောဆိုသည်။

အကျဉ်းထောင် အသီးသီးမှ ပြန်လည်လွတ်လာခဲ့ကြသည့် ကျောင်းသား ခေါင်းဆောင်များသည် ဗမာနိုင်ငံလုံးဆိုင်ရာ
ကျောင်းသားသမဂ္ဂများ အဖွဲ့ချုပ် ဗဟိုစည်းရုံးရေး ကော်မတီကို ၂ဝ၁၂ ခုနှစ်၊ ဇန်နဝါရီလ ၁၈ ရက်နေ့တွင် ပြန်လည် ဖွဲ့စည်းခဲ့ကြသည်။

၁၉၆၂ ခုနှစ်က အာဏာပိုင်အစိုးရမှ ဖြိုချဖျက်ဆီးခြင်းခံခဲ့ရသည့် ရန်ကုန်တက္ကသိုလ် တကသ အဆောက်အဦး ပြန်လည် တည်ဆောက်ရေးအတွက် ၈၈ မျိုးဆက် ကျောင်းသားများ၊ ၆၂ မျိုးဆက် ကျောင်းသားများ၊ ရှေ့နေများ၊ ဆရာဝန်များ၊ စာရေးဆရာများက ဗကသနှင့် ပူးပေါင်းဆောင်ရွက်လျက်ရှိသည်။

Ref: မဇ္ဈိမ

Read More...

Collapse...

တောင်သူတို့ အခက်အခဲ NDF ကို တင်ပြ

မျိုးသန့်
ဇွန်လ ၂၉ ရက် ၂၀၁၂ ခုနှစ်


မွန်ပြည်နယ်၊ ရှမ်းပြည်နယ်နှင့် ပဲခူးတိုင်း တို့မှ လယ်သမား ၁၀၀ ကျော်ခန့်က လယ်မြေများ သိမ်းယူခံရခြင်း အပါအဝင်၊ လယ်ယာ လုပ်ငန်း လုပ်ကိုင်ရာတွင် တွေ့ကြုံနေကြရသည့် အခက်အခဲများကို အမျိုးသား ဒီမိုကရေစီအင်အားစု NDF ပါတီသို့ သောကြာနေ့က တင်ပြခဲ့ကြသည်။

ရန်ကုန်တိုင်း၊ လမ်းမတော်မြို့နယ် City Star ဟိုတယ်၌ပြုလုပ်သည့် NDF ပါတီဝင်အသစ် လက်ခံပွဲ အခမ်းအနားတွင် လယ် သမားများက ယင်းတို့တွေ့ကြုံခံစားနေရသည့် အခက်အခဲများကို NDF လွှတ်တော်အမတ်များမှတဆင့် လွှတ်တော်သို့ တင်ပြနိုင် ရန် တောင်းဆိုခဲ့ကြခြင်း ဖြစ်သည်။

မွန်ပြည်နယ် ကျိုက်ထိုမြို့နယ် ပျဉ်းကတိုးကုန်းရွာမှ တောင်သူ ဦးမင်းဌေးအောင်က ၁၉၉၆ ခုနှစ်မှ လုပ်ကိုင်ခွင့်ရခဲ့သည့် ကြံ ၁၃၂.၅၈ ဧကကို ပို့ဆောင်ရေး ဝန်ကြီးဌာနမှ သိမ်းယူသွားသည့်အတွက် ထိုမြေများကို လုပ်ပိုင်ခွင့် ပြန်လည်ရရှိ လိုကြောင်း ပြောသည်။

“ပို့ဆောင်ရေး အမည်ခံပြီးတော့ လာသိမ်းသွားတယ်။ ကျနော်တို့ ကြံစိုက်ပြီးတော့ မအောင်မြင်ရင် တခြားသီးနှံ စိုက်ပျိုးခွင့်ပြု မယ်ဆိုပြီးတော့ မြန်မာ့ကြံလုပ်ငန်းက နှုတ်ကတိ ပေးခဲ့ပါတယ်။ အခုကျတော့ ကျနော်တို့ကို အခြားသီးနှံ စိုက်ပျိုးခွင့် မပြုဘဲနဲ့ ၂ဝဝ၇ ခုနှစ်မှာ အကြောင်းပြချက်မရှိဘဲ ကျနော်တို့ကို သိမ်းယူပါတယ်” ဟု အခမ်းအနားတွင် တင်ပြခဲ့သည်။

ထို့အပြင် ပဲခူးတိုင်း၊ ညောင်လေးပင်မြို့နယ်မှ စောမျိုးမင်းလှိုင်ကလည်း လယ်မြေများ ရေကြီး နစ်မြှုပ်မှုများကြောင့် ပျက်စီး ဆုံး ရှုံးမှုများ ဖြစ်ပေါ်နေသည့်အတွက် မြန်မာ့ စိုက်ပျိုးရေးဘဏ်က ထုတ်ချေးထားသည့် စိုက်ပျိုးစရိတ်များကို ပေးချေနိုင်ခြင်း မရှိ သည့်အတွက် နိုင်ငံတော်မှ စိုက်ပျိုးစရိတ်နှင့် ပတ်သက်၍ သင့်တော်သည့် အစီအမံများ ချမှတ်ဆောင်ရွက်ပေးရန် တင်ပြသွား ခဲ့သည်။

ညောင်လေးပင်မြို့နယ် တော်ပသီရွာမှ ဦးအေးလွင်ကလည်း ငါးလုပ်ငန်းဦးစီးဌာမှ ဆည်များလုပ်ကာ ငါးမွေးခြင်း ကြောင့်လည်း လယ်မြေများ ပျက်စီးရသည်ဟု စွပ်စွဲ ပြောဆိုသွားခဲ့သည်။

“ကျနော် အခု အသက် ၄၆ နှစ်ရှိပါပြီ။ ကျနော်တို့ လယ်သမားတွေဟာ တခါမှ စိတ်ချမ်းသာတဲ့ဘဝကို မရရှိခဲ့ပါဘူး” ဟု ဦးအေးလွင်က တင်ပြသွားခဲ့သည်။

လယ်သမားများ၏ တင်ပြမှုများနှင့် ပတ်သက်၍ NDF ဥက္ကဋ္ဌ ဦးခင်မောင်ဆွေက “လယ်ယာကဏ္ဍမှာဖြစ်ပေါ်နေတဲ့ အားနည်း ချက်တွေ ချို့ယွင်းချက်တွေကို အာဏာပိုင်များ သိရှိသွားအောင် တရားဥပဒေဘောင်အတွင်းကနေ ဖြေရှင်းနိုင်အောင်၊ ပါတီကနေ အထောက်အထားတွေနဲ့ သက်ဆိုင်ရာ လွှတ်တော်ကိုလည်းကောင်း၊ လူ့အခွင့်အရေး ကောင်စီကိုလည်းကောင်း ဖြေရှင်းပေးကြဖို့ အချိန်တန်ပါပြီ ဆိုတာကို ကျနော်တို့ တင်ပြသွားပါမယ်” ဟု ကတိပေးခဲ့ သည်။

NDF ပါတီတွင် ၂ဝ၁ဝ ရွေးကောက်ပွဲတွင် လွှတ်တော်ကိုယ်စားလှယ် ၁၆ ဦး အရွေးချယ်ခံခဲ့ရသော်လည်း နောက်ပိုင်း တွင် ပါတီခွဲထောင်ခြင်းများနှင့် ပါတီကူးပြောင်းသွားခြင်းတို့ကြောင့် ကိုယ်စားလှယ် ရှစ်ဦးသာ ကျန်ရှိနေသည်။

NDF ၏ ပါတီသစ် လက်ခံပွဲ အခမ်းအနားတွင် ရှမ်းပြည်နယ်၊ မွန်ပြည်နယ်၊ ကရင်ပြည်နယ်၊ ပဲခူးတိုင်းတို့မှ ပါတီဝင် အသစ် ၁ဝဝ ခန့် တက်ရောက်ခဲ့ကြသည်။

ပဲခူးမြို့ ဦးအေးမြင့် ဦးဆောင်သည့် လမ်းပြကြယ် အဖွဲ့ဝင် ၇၂,ဝဝဝ သည် NDF သို့ လျှောက်လွှာတင်ပြီး ဖြစ်သည်ဟု သိရ သည်။

Ref: မဇ္ဈိမ

Read More...

Collapse...

အစိုးရနှင့် KIO တိုက်ပွဲ ပြင်းထန်နေစဉ် KIO နှင့် UKA ပူးပေါင်း

ဖနိဒါ
ဇွန်လ ၂၉ ရက် ၂၀၁၂ ခုနှစ်

ကချင်လွတ်လပ်ရေးအဖွဲ့ KIO ဌာနချုပ်တည်ရှိရာ လိုင်ဇာမြို့နှင့် ခြောက်မိုင်အကွာရှိ ဒေါ့ဖုန်းယန် မြို့နယ်ခွဲတွင် အစိုးရတပ်နှင့် KIO တပ်တို့ နှစ်ရက်ကြာ တိုက်ပွဲများ ဖြစ်ပွားနေကြောင်း သိရသည်။

ဒေါ့ဖုန်းယန်မြို့နယ်ခွဲ လဂျားယန်ကျေးရွာနှင့် နားလုံကျေးရွာ အကြားတွင် အစိုးရ၏ တပ်အင်အား ၁၀၀ ကျော်ခန့် တက်လာရာမှ တိုက်ပွဲများ ဖြစ်ပွားခဲ့သည်ဟု KIO မှ ဒု-ဗိုလ်မှူးကြီး ဂျီးနောင်က ပြောသည်။

“မနေ့က နားလုံဘက်မှာ မနက်ကနေ ည ၈ နာရီထိ တိုက်နေတယ်။ ဗန်းမော် ဘက်ကရော၊ မြစ်ကြီးနားဘက်က (အစိုးရ တပ်များ) တက်လာလို့ တိုက်ပွဲဖြစ်တယ်။ ဒီမနက်ပိုင်းလည်း ဆက်ဖြစ်နေတယ်” ဟု မဇ္ဈိမကို ပြောသည်။

နှစ်ရက်ကြာ တိုက်ပွဲအတွင်း နှစ်ဖက်လုံးမှ ကျဆုံး ဒဏ်ရာရမှုများ ရှိသည်ဟု KIO ၏ ရှေ့တန်းမှ အရာရှိတဦးက ပြော သည်။

“ကျနော်တို့ဘက်က ဒီမနက် ၈ နာရီ ၁၁ မိနစ်မှာ ဗိုလ်တဦး ကျသွားပြီ။ အစိုးရဘက်ကလည်း တော်တော် ကျတယ်။ တချို့က ဒေါ့ဖုန်းဘက်ကနေ လာတယ်။ တချို့က ရှထန်ပါ ဘက်ကနေ တက်လာတယ်။ မနေ့က တိုက်ပွဲမှာက တဦးကျ၊ တဦး ဒဏ်ရာရတယ်” ဟု သူက မဇ္စျိမကို ပြောသည်။

ထိုသို့ အစိုးရတပ်နှင့် KIO တပ်အကြား တိုက်ပွဲများ နေ့စဉ်လို ဖြစ်ပွားနေစဉ် KIO နှင့် ပြည်ပ အခြေစိုက် ကချင် အမျိုးသား အစည်းအရုံး KNO တို့ ပူးတွဲ လုပ်ဆောင်သွားရန် လိုင်ဇာဌာနချုပ်တွင် နှစ်ရပ်ကြာ တွေ့ဆုံ ဆွေးနွေးခဲ့ကြ သည်။ ထို့နောက် KNO ၏ United Kachinland Army - UKA တပ်ဖွဲ့ကို ရုတ်သိမ်းလိုက်ပြီး KIA တပ်ဖွဲ့နှင့်အတူ ပူးပေါင်းဖွဲ့စည်း လိုက်ကြောင်း ဇွန်လ ၂၈ ရက်စွဲဖြင့် ကြေညာချက် ထုတ်ပြန်လိုက်သည်။

“KIO နှင့် KNO သည် ကချင်အမျိုးသားရေးတွင် အတူလက်တွဲပြီးကာ ပူးပေါင်းလုပ်ဆောင်သွားမှာ ဖြစ်ပြီး လုပ်ကိုင်ရ မယ့် လုပ်ငန်းစဉ်တွေကို စုပေါင်းညှိနှိုင်းပြီ လုပ်ဆောင်သွားမည်။ သဘောတူညီချက်အတိုင်း KNO ကနေ ဖွဲ့စည်းထား တဲ့ UKA ကို ရုပ်သိမ်းလိုက်ပြီး KIA နဲ့အတူ ပူးပေါင်းသွားမည်” ဟု ကချင်ဘာသာဖြင့် ဖော်ပြပါရှိသည်။

အင်အား ရာဂဏန်းရှိ UKA တပ်ဖွဲ့များသည် အများအားဖြင့် အိန္ဒိယ-မြန်မာ နယ်စပ်တွင် လှုပ်ရှားနေသည်ဟု သိရသည်။

ထိုသို့ ပူးပေါင်းလိုက်ခြင်းနှင့် ပတ်သက်၍ “အမျိုးသားရေးအတွက် ပေါင်းလိုက်တာ။ တခုပဲ ဖြစ်အောင် ပေါင်းဖို့ ဆုံးဖြတ်လိုက် တယ်။ ကျနော်တို့က အဖွဲ့တွေ အများကြီး အားလုံး စုစည်းသင့်နေပြီဆိုတာ ကချင်တိုင်းက သိသင့်နေပြီ” ဟု ဒု-ဗိုလ်မှူးကြီး ဂျီးနောင်က ပြောသည်။

ကချင်တိုင်းရင်းသားအရေး နိုင်ငံတကာတွင် ဆောင်ရွက်ရန် KNO ကို ၁၉၉၉ ခုနှစ်က ထူထောင်ခဲ့ပြီးသော်လည်း နောက်ပိုင်း တွင် KIO နှင့် KNO အကြား သဘောထားများ ယှဉ်ပြိုင်သလို ဖြစ်လာခဲ့ရာမှ ၂ဝ၁၁ ခုနှစ် ဇန်နဝါနရီလက သဘော ထား ပြန်လည် ညှိနှိုင်းခဲ့ကြသည်။

KNO ကို ကချင်ကျောက်စိမ်းလုပ်ငန်းရှင် ဒူဝါဘောမ်ဝမ် လရော်က ထိုင်းနိုင်ငံ ဇင်းမယ်မြို့တွင် စတင်ဖွဲ့စည်းခဲ့ခြင်း ဖြစ်ပြီး အဖွဲ့ဝင်များမှာ အမေရိကန်၊ ဂျပန်၊ သြစတြေးလျ၊ ဒိန်းမတ်၊ မလေးရှား၊ အိန္ဒိယ၊ ကနေဒါ၊ ဗြိတိန်၊ နော်ဝေ၊ ဆွီဒင်၊ တရုတ်နှင့် ထိုင်း စသည့် နိုင်ငံများတွင် ရှိသည်။

Ref: မဇ္ဈိမ

Read More...

Collapse...