နိုင်ငံတကာ ကလေးပန်းချီပြပွဲ မန္တလေးမှာ ဖွင့်လှစ်

2012-08-13

မြန်မာနိုင်ငံမှာ ပထမဆုံးကျင်းပတဲ့ နိုင်ငံတကာ ကလေးပန်းချီပြပွဲကို မန္တလေးမြို့ ၆၉ လမ်းနဲ့ ၃ရ လမ်းထောင့်မှာရှိတဲ့ DREAMLAND ART STUDIO ပြခန်းမှာ ဒီကနေ့ စတင်ဖွင့်လှစ်လိုက်ပါတယ်။

သြဂုတ်လ ၁၆ ရက်နေ့ အထိ ၅ ရက်ကြာ ပြသသွားမှာဖြစ်ပြီး ဂျပန်၊ ကိုရီးယား၊ ဗီယက်နမ်၊ ဘင်္ဂလားဒေ့ရှ်၊ မွန်ဂိုလီးယား၊ ထိုင်ဝမ်၊ အိန္ဒိယ၊ မြန်မာစတဲ့ နိုင်ငံအသီးအသီးက ကလေးငယ်တွေရဲ့ ပန်းချီကားလက်ရာပေါင်း (၅၀၀) ကျော် ခင်းကျင်း ပြသ ထားတယ်လို့ သိရပါတယ်။

မြန်မာနိုင်ငံက ကလေးသူငယ်တွေအတွက် အကျိုးများစွာ ဖြစ်ထွန်းနိုင်တာကြောင့် ဒီလိုပြပွဲမျိုးတွေကို တခြားနယ်မြို့တွေမှာပါ ကျင်းပသွားမယ်လို့ ပြပွဲစီစဉ်သူ ပန်းချီပညာရှင် ဆရာ စူးမြင့်သိန်းက RFA ကို ပြောပါတယ်။

"ဒီပြပွဲတွေ လုပ်တယ်ဆိုတာက မန္တလေးလို ရန်ကုန်လို မြို့ကြီး ပြကြီးတွေမှာကသာ မြင်တွေ့ကြတာကိုး၊ နယ်တွေက ဒါမျိုးတွေ မရှိတဲ့ အခါကျတော့ နယ်တွေမှာပါ ကျွန်တော်တို့ ဒီကလေး ပန်းချီ ဖွံ့ဖြိုးတိုးတက်ဖို့ အစီအစဉ်နဲ့ နယ်တွေမှာ သွားပြီးပြပါမယ်။ လောလောဆယ်တော့ ကျွန်တော်က အခုဟာ ရှမ်းပြည်မြောက်ပိုင်းကို အရင်ဦးစားပေးထားပါတယ်။ ပြီးရင် ကျွန်တော် ကချင် ပြည်နယ် သွားမယ်။ မြန်မာနိုင်ငံ အလယ်ပိုင်းကို မုံရွာတို့၊ ဒီမိထ္ထီလာတို့ဘက်ကို ကျွန်တော် ခရီးဆက်မယ်ပေါ့နော်။ ရှမ်းပြည် ဘက်ကို ကျောက်မဲ၊ သီပေါ၊ လားရှိုး၊ နမ့်ခမ်း အဲဒီဘက်ကို သွားမယ်။ ပြသရုံတင် မဟုတ်ဘဲနဲ့ ပို့ချခြင်း အစီအစဉ်ပါ ပါတယ်။ ပို့ချမယ်။ သူတို့ကို ပန်းချီဆေးပစ္စည်းတွေ အခမဲ့ဝေမယ်။ အဲဒီမှာတင်ပဲ ဒါရိုက် ရေးခိုင်းပြီးတော့ ရေးပြီးသားကားကို ဒီကပါသွားတဲ့ နိုင်ငံတကာက ကလေးတွေနဲ့ တွဲပြီးတော့ ပြမယ်"

ဒီကနေ့ ပြပွဲကို မြန်မာမှုဒီဇိုင်း သုတေသီ ဆရာဦးအေးမြင့်၊ ပံသုစန္ဒာ ပန်းချီသင်တန်း ဆရာမ ဒေါ်ချိုချိုအောင်၊ ပန်းချီခိုင်ထွန်းစတဲ့ နာမည်ရ ပန်းချီဆရာတွေ၊ မန္တလေးမြို့ခံ ပန်းချီပညာရှင်တွေ၊ ကျောင်းသား မိဘတွေနဲ့ ကျောင်းသူ ကျောင်းသားတွေ အပါအ၀င် ပရိသတ် (၂၀၀) လောက် တက်ရောက်ခဲ့ကြပါတယ်။

ဒီပြပွဲကို ကျောင်းသား၊ ကျောင်းသူ၊ ကလေးငယ်တွေ ကျယ်ကျယ်ပြန့်ပြန့် သိရှိရေးအတွက် အစိုးရကျောင်းအားလုံးကို ဖိတ်ကြား ထား တယ်လို့လည်း ဆရာ စူးမြင့်သိန်းက ပြောပါတယ်။

Ref: အာရ်အဖ်အေ

Read More...

Collapse...

ဘေဒူဖ ဒုက္ခသည်စခန်းမှာ ကျန်းမာရေးဆိုးရွား

2012-08-13

ရခိုင်ပြည်နယ် စစ်တွေမြို့နဲ့ ၅ မိုင်ကျော် ကွာဝေးတဲ့ ဘေဒူဖ ဘင်္ဂါလီ ရိုဟင်ဂျာ ဒုက္ခသည်စခန်းမှာ အစာအဟာရ ပြတ်လတ်မှုနဲ့ ကျန်းမာရေးအခြေအနေ ဆိုးရွာနေတာကြောင့် ကလေးသူငယ်နဲ့ လူကြီးတွေအပါအ၀င် သေဆုံးသူတွေ ရှိနေတယ်လို့ စုံစမ်း သိရှိရပါတယ်။

ဝမ်းပျက် ၀မ်းလျောနဲ့ သွေးလွန်တုတ်ကွေး ကူးစက်ရောဂါတွေ ခံစားနေရပြီး သေဆုံးသူ ဦးရေ ၁၀ ဦးကျော်ရှိပြီလို့ ဒုက္ခသည် တစ်ဦးက ပြောပါတယ်။

"ကျွန်မတို့ဆီမှာလေ တဲတွေ၊ အများအားဖြင့် ဒုက္ခရောက်တာကတော့ တဲတွေပေါ့နော်။ တဲတွေက မြေစိုက်ဆိုတော့ အောက်မှာ အခင်းမရှိဘူး။ မိုးကလည်း တအားရွာတယ်။ နောက်တဲတွေက မိုးလည်းယိုသေးတယ်၊ အပေါ်ကနေ မိုးလည်းမလုံဘူး။ အပေါ်က လည်း မိုးယို၊ အောက်ကလည်း မိုးစိုဆိုတော့ ကလေးတွေ အအေးမိပြီးတော့ ဖောရောင်နေတာတွေ အများကြီးပဲ။ အခုထိဆိုရင် ကျွန်မတို့ဆီမှာ ၁၀ ကျော်၊ ၁၂ ယောက်လောက် သေပြီ။ လူကြီးရော၊ ကလေးရော။ နောက်ဝမ်းပျက် ဝမ်းလျှောတွေလည်း ဖြစ်သေးတယ်။ နောက်ဆေးခန်းကလည်း ပုံမှန်မဖွင့်ဘူး။ တစ်ရက်ကို တစ်နာရီလောက်ပဲ၊ တစ်ပတ်မှာ ၂ ရက် ၃ ရက်၊ အဲ လောက်ပဲ ဖွင့်တယ်။ သူတို့က အရေးကြီးလူနာ ရှိရင်တောင်မှ လူနာကို ပြီးအောင် ဆေးမကုပေးပဲနဲ့ ပြန်သွားတာတွေလည်း ရှိတယ်။ ဥပမာ drip သွင်းနေတယ်ဆိုရင် drip ပြီးအောင်တောင် မသွင်းရသေးဘူး ကလေးလေးက။ ပြန်ရတော့မယ် ဆိုပြီးတော့ drip ကိုဖြုတ်ပြီးတော့ ပြန်သွားတယ်။ အဲဒီလိုမျိုးတွေ ရှိတယ်။ ဆေးက ပုံမှန် မဟုတ်ဘူး။ ဆေးခန်း ကလေ။ ဒါကြောင့် လူတွေ ဆေးခန်းလည်း ပုံမှန်မပြဘူး။ ဒုက္ခ ရောက်နေတာတွေကတော့ အများကြီးပါပဲ"

အထူးသဖြင့် စားနပ်ရိက္ခာတွေ ပုံမှန်မရတဲ့အတွက် အစာအဟာရ ပြတ်လတ်မှုနဲ့ ကြုံတွေ့နေရတယ်လို့ ဆိုပါတယ်။

"စားနပ်ရိက္ခာကတော့ WFP ကပဲ လာပို့တာပါ။ အာဏာပိုင်တွေဆီကတော့ လူကြီးလာမယ်ဆိုရင် ဥပမာ ဒုတိယ သမ္မတလာ မယ်ဆိုရင် ဒုတိယ သမ္မတလာတဲ့ အချိန် ဓာတ်ပုံရိုက်ဖို့၊ ပေးဖို့ အဲဒီလိုမျိုး ဆန်၊ ခေါက်ဆွဲခြောက် အဲဒီလိုမျိုး ထားထားတယ်။ အဲဒီလိုမျိုး နည်းနည်းပါးပါး၊ ပြည့်ပြည့်စုံစုံ လူဦးရေ အစုံရအောင်၊ အိမ်ထောင်စုအစုံ ရအောင်တော့ မဟုတ်ဘူး။ အဲဒီလိုမျိုး ပေးတာတွေရှိတယ်"

ဒုက္ခသည်စခန်းမှာ သေဆုံးသူစာရင်းနဲ့ ပတ်သက်လို့ ရန်ကုန် ကုလသမဂ္ဂ လက်အောက်ခံအဖွဲ့အစည်းတွေကို အာအက်ဖ်အေက စုံးစမ်းမေးမြန်းနေဆဲ ဖြစ်ပါတယ်။ ဘေဒူဖ ဒုက္ခသည်စခန်းဟာ လွန်ခဲ့တဲ့ ဇွန်လ စစ်တွေမြို့မှာ ပဋိပက္ခတွေဖြစ်ပြီး ထွက်ပြေးလာတဲ့ ဘင်္ဂါလီ-ရိုဟင်ဂျာတွေအတွက် ခိုလှုံဖို့ အာဏာပိုင်တွေက ယာယီဒုက္ခသည်စခန်းအဖြစ် သတ်မှတ် ခွင့်ပြုထားတာ ဖြစ်ပါတယ်။ လက်ရှိမှာတော့ တဲပေါင်း ၈၀၀ ကျော်ရှိပြီး ရွက်ဖျင်အဆောင်တွေလည်း ဆောက်လုပ်နေတယ်လို့ သိရပါတယ်။

ဒီအတောအတွင်း ဘင်္ဂါလီ ရိုဟင်ဂျာ အရေးနဲ့ ပတ်သက်ပြီး သမ္မတ ဦးသိန်းစိန်ရဲ့ ပြောဆိုချက်တွေကို ထောက်ခံကြောင်း ရန်ကုန်မှာရှိတဲ့ UNHCR ရုံးရှေ့မှာ သြဂုတ်လ ၃ ရက်နေ့က ဆန္ဒပြခဲ့ကြသူတွေအပေါ် တရားစွဲဆိုထားတဲ့ အမှုကို စမ်းချောင်း မြို့နယ် တရားရုံးမှာ ဒီကနေ့ စတင် စစ်ဆေးပါတယ်။

ဆန္ဒပြပွဲ ဖြစ်မြောက်ရေး စီစဉ်ခဲ့တဲ့ ကိုအောင်ကျော်ကျော်၊ ကိုဝင်းခန့်၊ ကိုမျိုးမင်းစိုးနဲ့ မိမိတို့ ၄ ဦးကို သက်ဆိုင်ရာရဲ့ ခွင့်ပြုချက် မရဘဲ ဆန္ဒပြရန် စီစဉ်မှု ပုဒ်မ (၁၈) နဲ့ တရားစွဲဆိုထားကြောင်း တရားစွဲဆို ခံထားရသူတွေထဲက တစ်ဦးဖြစ်တဲ့ ကိုအောင်နိုင် ထွန်းက RFA ကိုပြောပါတယ်။

အဲဒီနေ့က ဆန္ဒပြပွဲအတွက် အင်တာနက် ဖေစ့်ဘုတ်ကနေ ချိတ်ဆက်ပြီး လူစုဖို့ စီစဉ်ခဲ့တာနဲ့ ပတ်သက်လို့ စမ်းချောင်း မြို့နယ် ရဲစခန်းမှာ ထိန်သိမ်းထားစဉ် ကာလအတွင်း အာဏာပိုင်တွေက သူတို့ကို မေးမြန်းခဲ့တယ်လို့ သိရပါတယ်။ ဒီအမှုကို လာမယ့် သြဂုတ်လ ၁၆ ရက်နေ့မှာ ထပ်မံစစ်ဆေးမှာ ဖြစ်ပါတယ်။

Ref: အာရ်အဖ်အေ

Read More...

Collapse...

ဘင်္ဂါလီရိုဟင်ဂျာအတွက် ဒေါ်လာ သန်း ၅ဝ ကူညီဖို့ ဆော်ဒီဘုရင် အမိန့်ထုတ်ပြန်

2012-08-13

မြန်မာနိုင်ငံက ဘင်္ဂါလီ ရိုဟင်ဂျာတွေအတွက် ဆော်ဒီအာရေးဗီးယား ဘုရင် Abdullah က အမေရိကန်ဒေါ်လာ သန်း ၅၀ အကူအညီပေးဖို့ မနေ့က အမိန့်ထုတ်ပြန်လိုက်ပါတယ်။

ဆော်ဒီအာရေးဗီးယား အစိုးရ သတင်းဌာနက ရိုဟင်ဂျာ မူဆလင်တွေဟာ လူမျိုးတုန်း သတ်ဖြတ်မှုတွေ၊ အဓမ္မ ပြောင်းရွှေ့ခံ ရမှုတွေ၊ အဓမ္မ ပြုကျင့်ခံရမှုတွေ အပါအ၀င် လူ့အခွင့်အရေး ချိုးဖောက်မှုတွေ ခံနေရတယ်လို့ ပြောဆိုကြောင်း သိရပါတယ်။

တခြားသတင်း တစ်ပုဒ်မှာတော့ မြန်မာနိုင်ငံက မူဆလင် ရိုဟင်ဂျာ အရေးကို စိုးရိမ်ကြတဲ့ ဗြိတိန်အပါအ၀င် တခြားနိုင်ငံတွေ အနေနဲ့ ဘင်္ဂလားဒေ့ရ်ှနိုင်ငံကိုပဲ ဖိအားပေးနေတာမျိုး မဟုတ်ပဲ မြန်မာအစိုးရနဲ့ တိုက်ရိုက် ပြောဆိုကြဖို့ ဘင်္ဂလားဒေ့ရ်ှ ၀န်ကြီးချုပ် Mrs. Sheikh Hasina က ပြောလိုက်ပါတယ်။

ဒီအတောအတွင်း ရခိုင် တိုင်းရင်းသားများ တိုးတက်ရေးပါတီ (RNDP) က မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ် ကင်တားနား (Tomas Qintana) ရဲ့ မြန်မာပြည် ခရီးစဉ်အပြီး ရခိုင်ပြည်နယ်အရေး ပြောဆိုချက်တွေကို ကန့်ကွက်လိုက်ပါတယ်။

သြဂုတ်လ ၁၂ ရက်နေ့ ရက်စွဲနဲ့ ထုတ်ပြန်တဲ့ RNDP ရဲ့ကြေညာချက်တွေထဲမှာ 'ရိုဟင်ဂျာ'ဆိုတဲ့ စကားလုံးကို တောမတ်(စ်) ကင်တားနားက သုံးနှုန်းပြောဆိုတာဟာ ရခိုင်လူမျိုးတွေရဲ့ သမိုင်း အစဉ်အလာနဲ့ ဖြစ်တည်မှုကို အသိအမှတ်မပြုရာ ရောက်နေတဲ့ အတွက် အဲဒီ စကားလုံးကို သုံးနှုန်းခြင်းမပြုဖို့ တိုက်တွန်းထားကြောင်း ရခိုင် တိုင်းရင်းသားများ တိုးတက်ရေးပါတီ (RNDP) အတွင်းရေးမှူး ဦးခိုင်ပြည်စိုးက RFA ကို ပြောပါတယ်။

"မစ္စတာ ကင်တားနား ပြန်သွားတဲ့ အခါမှာ လေယာဉ်ကွင်းမှာ သတင်းစာရှင်းလင်းပွဲ လုပ်သွားတယ်လေ။ အဲဒီသတင်းစာရှင်း လင်း ပွဲမျာ "ရိုဟင်ဂျာ" ဆိုတဲ့ ဟာကို သုံးသွားတဲ့ အချက်တစ်ချက်ရယ်၊ ခွဲခြားဆက်ဆံခြင်း ခံနေရတယ်ဆိုတဲ့ အချက်တစ် ချက်ရယ်၊ ၁၉၈၂ ဥပဒေကို ပြန်လည် သုံးသပ်သင့်တယ်ဆိုတဲ့ အချက် ၃ ချက်၊ ကင်တားနားပြောသွားတဲ့ အချက် ၃ ချက် ပေါ့ဗျာ။ အဲဒီအချက် ၃ ချက်ကို ကျွန်တော်တို့က ကန့်ကွက်တဲ့ အနေနဲ့ သဘောထား ထုတ်ပြန်တာပါ"

၁၉၈၂ ခုနှစ် မြန်မာနိုင်ငံသား ဥပဒေ (Burma Citizenship Law) ကို ပြန်လည် သုံးသပ်ပေးရန်ဆိုတဲ့ တောင်းဆိုခြင်းနဲ့ ပတ်သက်လို့လည်း နိုင်ငံတစ်နိုင်ငံရဲ့ အတည်ပြု ပြဋ္ဌာန်းထားတဲ့ ဥပဒေကို လေးစားလိုက်နာဖို့ တိုက်တွန်းကြောင်း၊ ဒါ့အပြင် မစ္စတာ ကင်တားနားဟာ ပဋိပက္ခ ဇာစ်မြစ်ကို တစ်ဖက်သတ်အမြင်နဲ့ ဖိအားပေး ပြောဆိုခြင်းကြောင့် အဖြစ်မှန်တရား ပေါ်ထွက် နိုင်စရာ အကြောင်း မရှိတဲ့အတွက် ကမ္ဘာ့ကုလသမဂ္ဂ အနေနဲ့ သမာသမတ်ကျတဲ့ အထူး ကိုယ်စားလှယ်တစ်ဦး ပြောင်းလဲ တာဝန်ပေးအပ်ဖို့ တောင်းဆိုကြောင်း RNDP ပါတီရဲ့ ကြေညာချက်မှာ ဖော်ပြ ထားပါတယ်။


Ref: အာရ်အဖ်အေ

Read More...

Collapse...

လူ့ဘောင်သစ် ဒီမိုကရက်တစ်ပါတီ ဦးတည်ချက် အသစ်တစ်ခု ထပ်မံတိုးချဲ့

2012-08-12

လူ့ဘောင်သစ် ဒီမိုကရက်တစ်ပါတီ အထူးအစည်းဝေးက မူလရှိပြီးသား နိုင်ငံရေး ဦးတည်ချက်တွေအပြင် အစဉ် ဖွံ့ဖြိုးတိုးတက် သော လူ့အဖွဲ့အစည်း တည်ဆောက်ရေးဆိုတဲ့ ဦးတည်ချက် အသစ်တစ်ခုကို ထပ်မံတိုးချဲ့လိုက်တယ်လို့ သိရပါတယ်။

လူ့ဘောင်သစ်ပါတီရဲ့ မူလတည်ရှိနေတဲ့ နိုင်ငံရေး ဦးတည်ချက်တွေဖြစ်တဲ့ စစ်အာဏာရှင်စနစ် အကုန်အစင် ဖျက်သိမ်းရေး၊ ဒီမိုကရေစီနဲ့ လူ့အခွင့်အရေးကို အပြည့်အဝ အာမခံနိုင်ရေး၊ ငြိမ်းချမ်းရေးနဲ့ အမျိုးသားများရဲ့ တန်းတူရေးနဲ့ ကိုယ်ပိုင်ပြဋ္ဌာန်းခွင့်ကို အာမခံနိုင်သော ပြည်နယ်ပေါင်းစု ပြည်ထောင်စု တည်ဆောက်ရေး စတာတွေအပြင် အသစ်ထပ်မံ ပြဋ္ဌာန်းလိုက်တဲ့ ဦးတည်ချက်နဲ့ ပတ်သက်လို့ ပါတီအထွေထွေ အတွင်းရေးမှူး ဦးငွေလင်းက ပြောပါတယ်။

သြဂုတ်လ ၆ ရက်စတင်ပြီး ၆ ရက်ကြာ ကျင်းပခဲ့တဲ့ လူ့ဘောင်သစ်ပါတီ အစည်းအဝေးကို နိုင်ငံတကာရောက် ပါတီဝင်များ အပါအဝင် အဖွဲ့ဝင် (၅၀) ကျော် တက်ရောက်ခဲ့ပြီး၊ ဗဟိုစည်းရုံးရေး ကော်မတီ အစည်းအဝေးနဲ့ ပါတီလုံးဆိုင်ရာ အထူး အစည်းအဝေးဆိုပြီး ၂ ပိုင်းခွဲ ပြုလုပ်ခဲ့တာ ဖြစ်ပါတယ်။

ဒီအစည်းအဝေးကနေ ဥက္ကဋ္ဌ ဦးအောင်မိုးဇော်၊ ဒု ဥက္ကဋ္ဌ ဦးရင်ထွေးနဲ့ အထွေထွေ အတွင်းရေးမှူး ဦးငွေလင်းတို့ ဦးဆောင်တဲ့ ဗဟိုစည်းရုံးရေး ကော်မတီကို အဖွဲ့ဝင် ၁၅ ဦးနဲ့ ပြန်လည်ရွေးချယ် ဖွဲ့စည်းခဲ့ပြီး ဒီဗဟို စည်းရုံးရေး ကော်မတီမှာ ယခင် ဗကသ (နိုင်ငံခြားရေးကော်မတီ)က ဦးမင်းနိုင်၊ မြန်မာအမျိုးသမီး သမဂ္ဂများ အဖွဲ့ချုပ်မှ ဒေါ်နိုးနိုးထက်စံနဲ့ ဗကသ ခေါင်းဆောင်ဟောင်း ဦးတင်အေးတို့အပြင်၊ လူ့ဘောင်သစ် လူငယ် ခေါင်းဆောင်များ ဖြစ်တဲ့ မမေဘယ်ထူးနဲ့ ကိုနေမင်းတို့ကိုလည်း ကော်မတီဝင်အဖြစ် တိုးချဲ့တာဝန် ပေးအပ်ခဲ့တယ်လို့လည်း ဦးငွေလင်းက ပြောပါတယ်။

လူ့ဘောင်သစ် ဒီမိုကရက်တစ်ပါတီကို ၁၉၈၈ ခုနှစ် ဒီမိုကရေစီ အရေးတော်ပုံအပြီး အောက်တိုဘာလ (၁၄) ရက်နေ့မှာ ဗမာ နိုင်ငံလုံးဆိုင်ရာ ကျောင်းသားသမဂ္ဂ အဖွဲ့ဝင်တွေနဲ့ ဦးမိုးသီးဇွန်က စတင်တည်ထောင်ခဲ့တာ ဖြစ်ပြီး ၁၉၉၂ ခုနှစ် နိုဝင်ဘာလ ၇ ရက်နေ့မှာတော့ ထိုင်း မြန်မာနယ်စပ်ကို ပြောင်းရွှေ့ ရပ်တည်ခဲ့တာ ဖြစ်ပါတယ်။

Ref: အာရ်အဖ်အေ

Read More...

Collapse...

သမ္မတ ဦးသိန်းစိန်နဲ့ ဒေါ်အောင်ဆန်းစုကြည် ထပ်မံတွေ့ဆုံ

2012-08-12

နိုင်ငံတော်သမ္မတ ဦးသိန်းစိန်နဲ့ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့ ဒီကနေ့ နေပြည်တော်မှာ တတိယ အကြိမ်မြောက် တွေ့ဆုံခဲ့တယ်လို့ NLD ပါတီရဲ့ ပြောခွင့်ရပုဂ္ဂိုလ် ဦးအုန်းကြိုင်က RFA ကို အတည်ပြု ပြောကြားပါတယ်။

"၉ နာရီမှာ တွေ့တာ သေချာတယ်။ ဟိုတခါတုန်းက တိုင်းရင်းသားတွေနဲ့ တွေ့ခဲ့တဲ့ နေရာမှာ တွေ့တာပါ။ ဟိုဘက်ကပဲ သတင်း ထုတ်ပါလိမ့်မယ်။"

ဒီကနေ့ တွေ့ဆုံမှုမှာ စက်မှုဝန်ကြီး ဦးစိုးသိန်းနဲ့ မီးရထားဝန်ကြီး ဦးအောင်မင်းတို့ ပါဝင်ကြောင်း၊ သမ္မတ ဦးသိန်းစိန် အနေနဲ့ မတူတာတွေ ဘေးဖယ်ပြီး၊ နိုင်ငံနဲ့ လူမျိုးအတွက် တူညီတာတွေ ပူးပေါင်း လုပ်ဆောင်ဖို့ ရည်ရွယ်ချက်နဲ့ တွေ့ဆုံတာ ဖြစ်ကြောင်း နိုင်ငံတော် သမ္မတရုံးက အကြီးတန်းအရာရှိ တစ်ဦးက RFA ကို ပြောပါတယ်။

သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ဟာ ၂၀၁၁ ခုနှစ် သြဂုတ်လက တစ်ကြိမ်၊ အခုနှစ် ဧပြီလက တစ်ကြိမ် နေပြည်တော် သမ္မတ အိမ်တော်မှာ တွေ့ဆုံခဲ့ကြပါတယ်။

သမ္မတ ဦးသိန်းစိန်ဟာ ပြီးခဲ့တဲ့ သတင်းပတ်တွေ အတွင်း နိုင်ငံရေးပါတီ အများအပြားနဲ့ တွေ့ဆုံခဲ့ပြီး များမကြာခင် မှာလည်း ကိုမင်းကိုနိုင် ခေါင်းဆောင်တဲ့ ၈၈ မျိုးဆက် ကျောင်းသားတွေနဲ့ ဆက်လက် တွေ့ဆုံဖို့ ရှိတယ်လို့ သိရပါတယ်။

Ref: အာရ်အဖ်အေ

Read More...

Collapse...

(၆၂) နှစ်မြောက် ကရင့်အာဇာနည်နေ့ ယခင် ဒီကေဘီအေ ဦးဆောင် ကျင်းပ

2012-08-12

ဒီကနေ့ကျရောက်တဲ့ (၆၂) နှစ်မြောက် ကရင့်အာဇာနည်နေ့ အထိမ်းအမှတ် အခမ်းအနားကို ကရင်ပြည်နယ် အတွင်းမှာ ယခင် ဒီကေဘီအေ နဲ့ ကလိုထူးဘော ကရင်အစည်းအရုံး (KKO) အဖွဲ့က ဦးဆောင် ကျင်းပခဲ့ပြီး ဒေသခံ ကရင်တိုင်းရင်းသား (၂၀၀၀) ကျော် တက်ရောက်တယ်လို့ သိရပါတယ်။

ကရင်ပြည်နယ် ကြာအင်းဆိပ်ကြီးမြို့နယ် ကျိုက်ထိုမြို့နယ်ခွဲ ပူရေကျေးရွာမှာ ယခင် ဒီကေဘီအေ အမှတ် (၉၀၂) တပ်ရင်းက ဦးဆောင်ကျင်းပခဲ့တာ ဖြစ်ပါတယ်။

ယခင် ဒီကေဘီအေ အဖြစ် မိခင်ကေအဲန်ယူ ကနေ ခွဲထွက်ခဲ့ပြီး နောက်ပိုင်း နှစ်ပေါင်း (၁၈) နှစ်ကျော်ကြာ တရားဝင် မကျင်း ပနိုင်ခဲ့တဲ့ ကရင့်အာဇာနည်နေ့ အခမ်းအနား ဒီကနေ့ ကျင်းပနိုင်ခဲ့တာ ဖြစ်ပါတယ်။ ကျင်းပရတဲ့ ရည်ရွယ်ချက်ကို တိုးတက်သော ဒီမိုကရေစီ ကရင့် အမျိုးသားတပ်မတော် (DKBA) ရဲ့ ဒုတိယ ဗိုလ်မှူးကြီး စောစန်းအောင်က အခုလို ပြောပါတယ်။

"အဓိက ရည်ရွယ်ချက်က ကျနော်တို့ စောဘဦးကြီးက ကရင့်ခေါင်းဆောင်ကောင်းပီသတယ်။ ကရင်အမျိုးသား အပေါ် သစ္စာရှိရှိ ပေါ့လေ။ မူလေးချက်ကို ချမှတ်ပြီးလုပ်ဆောင်တယ်။ ကျဆုံးတဲ့ သြဂုတ်လ (၁၂) ရက်နေ့ရောက်တိုင်း ကရင့်အာဇာနည်နေ့လို့ ကျနော်တို့ သတ်မှတ်တယ်။ စောဘဦးကြီးနှင့် တကွ ဗိုလ်ချုပ်စိုင်းကေ အပေါင်းအပါ တပ်ဗိုလ်တပ်မှူး ရဲဘော်တွေကိုပေါ့လေ။ ကျနော်တို့ အာဇာနည်နေ့မှာ သူတို့ပြန်ပြီးတော့ ဂုဏ်ပြုဦးညွတ် အလေးပြုတယ်ပေါ့။"

ကရင့် အာဇာနည်နေ့ အခမ်းအနားကို ကရင်အမျိုးသားအစည်းအရုံး ကေအဲန်ယူ ဥက္ကဋ္ဌ ဗိုလ်ချုပ်ကြီး တာမလာဘောက သ၀ဏ် လွှာ ပေးပို့ခဲ့သလို ကရင်အဖွဲ့အစည်း အသီးသီးကလည်း သ၀ဏ်လွှာတွေ ပေးပို့ခဲ့ပါတယ်။

ကရင်ခေါင်းဆောင်တွေရဲ့ သ၀ဏ်လွှာတွေထဲက အဓိက အကြောင်းအရာနဲ့ ပတ်သက်လို့ ကလိုထူးဘော ကရင်အစည်းအရုံး (KKO) ရဲ့ အထွေထွေအတွင်းရေးမှူး စောဂုဏ်အောင်က အခုလို ပြောပါတယ်။

"အာဇာနည်နေ့မှာ ဒီနေ့ ခေါင်းဆောင်တွေ ပြောကြားတာကတော့ အခုချိန်က အပစ်ခတ်ရပ်စဲ ရေးကာလပဲ ဖြစ်သေးတယ်။ ထာဝရငြိမ်းချမ်းရေးက မရရှိသေးဘူး။ အဲဒီထာဝရ ငြိမ်းချမ်းရေး မရရှိသေးတဲ့အပေါ်မှာ စောဘဦးကြီးရဲ့ မူလေးချက်ကို ခိုင်ခိုင် မာမာ ဆုပ်ကိုင်ပြီးတော့မှ ကျနော်တို့ ထာဝရငြိမ်းချမ်းရေးကို ဆက်ပြီးတော့ လျှောက်လှမ်းသွားဖို့အတွက် အဓိက ဇောင်းပေးပြီး တော့ ပြောသွားတာပါ။"

ကရင့် အာဇာနည်ခေါင်းဆောင် စောဘဦးကြီးရဲ့ မူလေးချက်ကတော့ (၁) ကရင်တွေ လက်နက်ချစကား မပြောရ။ (၂) ကရင့် လက်နက် ကရင့်လက်ထဲမှာ ရှိရမယ်။ (၃) ကရင့်ကံကြမ္မာ ကရင်ဖန်တီးရမယ်။ (၄) ကရင်ပြည်ကို အသိအမှတ်ပြုရမယ် ဆိုတဲ့ အချက်တွေကို ကိုင်စွဲပြီး ထာဝရငြိမ်းချမ်းရေး ဖော်ဆောင်ဖို့ ဒီကနေ့ ကရင့်အာဇာနည်နေ့မှာ ကရင်ခေါင်းဆောင်တွေက ကရင် တိုင်းရင်းသား ပြည်သူတွေကို တိုက်တွန်းခဲ့တယ်လို့ သိရပါတယ်။

Ref: အာရ်အဖ်အေ

Read More...

Collapse...

အပြည်ပြည်ဆိုင်ရာ လူငယ်များနေ့ တောင်ကြီးမှာ ကျင်းပ

2012-08-12

ဒီကနေ့မှာ ကျရောက်တဲ့ အပြည်ပြည်ဆိုင်ရာ လူငယ်များနေ့ (International Youth Day) အခမ်းအနားကို ရှမ်းပြည် နယ် တောင်ပိုင်းက လူငယ် အဖွဲ့အစည်းတွေ စုပေါင်းပြီး ဒီကနေ့ တောင်ကြီးမြို့မှာ ရှိတဲ့ ရှမ်းစာပေနဲ့ ယဉ်ကျေးမှုခန်းမမှာ တရား ၀င် ကျင်းပခွင့်ရခဲ့တယ်လို့ သိရပါတယ်။

မြန်မာနိုင်ငံတွင်းမှာရှိတဲ့ လူငယ်တွေ အနေနဲ့ အခွင့်အရေး အခွင့်အလမ်းတွေ အပြည့်အ၀ ရရှိပြီး ပြည်ထောင်စု ငြိမ်းချမ်းတိုး တက်ရေးမှာ အခန်းကဏ္ဍတစ်ရပ် အဖြစ် ပါဝင်လုပ်ဆောင်နိုင်ဖို့ ရည်ရွယ်ပြီး မနက် ၉ နာရီခွဲမှာ အပြည်ပြည်ဆိုင်ရာ လူငယ် များနေ့ အခမ်းအနား ကျင်းပခဲ့တာဖြစ်တယ်လို့ ဖြစ်မြောက်ရေး ကော်မတီဝင်တစ်ဦး ဖြစ်တဲ့ ကိုဝင့်ထယ်ကောင်းမြတ် က အာအက်ဖ်အေ ကို အခုလို ပြောပါတယ်။

"ဒီနှစ်မှာပဲ ကျနော်တို့က ခွင့်ပြုချက်တွေ ဘာတွေ သေချာတောင်းပြီးတော့ ပြည်နယ် အစိုးရကလည်း ခွင့်ပြုပေးပါတယ်ဗျ။ ကျနော်တို့ လူငယ်အဖွဲ့အစည်း ပေါင်းစုံက ကျနော်တို့ ခေါင်းဆောင်ပိုင်း လူငယ်တွေ အကုန်လုံးစုပြီး ဒီ World Youth Day ဆိုတာ မြန်မာနိုင်ငံမှာလည်း ရှိနေတယ်ဆိုတာကို ကျနော်တို့ လူငယ်တွေကို ချပြတယ်၊ ပြီးတော့ လူငယ်တွေရဲ့ ပေါင်းစည်းမှုတွေ ကို ကျနော်တို့က ဖော်ထုတ်ပေးတယ်၊ တစ်ယောက်ကို တစ်ယောက် ခင်မင်ရင်းနှီးလာဖို့ပေါ။့ ပြီးလို့ရှိရင် သူတို့ရဲ့ capacity တွေ မြင့်တက်လာဖို့အတွက် လူငယ်တွေရဲ့ ရင်ဖွင့်သံကို ကျနော်တို့က ဖော်ထုတ်လိုက်တဲ့ သဘောပါပဲ၊"

ဒါ့အပြင် မြန်မာနိုင်ငံမှာရှိတဲ့ လူငယ်ထု တစ်ရပ်လုံးကို ကိုယ်စားပြုတဲ့ အဖွဲ့တွေ ဒေသ အသီးသီးက လူငယ်တွေ ပါဝင်တဲ့ ကိုယ် စားပြုအဖွဲ့ ဖြစ်လာစေဖို့နဲ့ မြန်မာနိုင်ငံရှိ တိုင်းရင်းသားပေါင်းစုံ ပါဝင်တဲ့ လူငယ်ညီလာခံ ကျင်းပလာနိုင်ပြီး လူငယ်တွေရဲ့ လက်ရှိ အဓိက လိုအပ်ချက်တွေကို ဖော်ထုတ် ဆောင်ရွက်နိုင်ရန် ရည်ရွယ်ကျင်းပခဲ့တာ ဖြစ်တယ်လို့ ဆိုပါတယ်။

အခမ်းအနား ကျင်းပနိုင်ဖို့ အတွက်ကိုတော့ ရှမ်းပြည်တောင်ပိုင်းမှာ ရှိတဲ့ လူငယ်အဖွဲ့အစည်း ၆ ဖွဲ့က ကိုယ်စားလှယ် ခေါင်းဆောင် တွေ စုစည်းပြီး ကော်မတီတစ်ရပ် ဖွဲ့စည်းလုပ်ဆောင်ခဲ့တာ ဖြစ်သလို ဒီကော်မတီကနေ ရှမ်းပြည်နယ်က လူငယ်ဖွံ့ဖြိုးရေးတွေမှာ အဓိက ဆက်ပြီး ဦးဆောင်ပါဝင် လှုပ်ရှားသွားမှာ ဖြစ်တယ်လို့ ကိုဝင့်ထယ်ကောင်းမြတ် က ပြောပါတယ်။

"ကျနော်တို့က အဖွဲ့အစည်း တစ်ဖွဲ့ချင်းစီလည်းပါတယ်၊ ဗုဒ္ဓဘာသာ လူငယ်၊ ပအိုဝ်း လူငယ်ပေါ့နော်။ အဲ့လိုမျိုး အဖွဲ့ပေါင်းစုံ ကျနော် တို့ အဲန်အယ်လ်ဒီ ကလည်း လူငယ် ပါတယ်ပေါ့၊ ဒါပေမယ့် ကျနော်တို့က အဲ့ဒီ အရောင်တွေကို ဖယ်လိုက်တယ်၊ ဖယ်လိုက်ပြီးတော့ လူငယ်ဆိုတဲ့ ခေါင်းစဉ်အောက်မှာပဲ လှုပ်ရှားတယ်၊ နောက်ပိုင်းဆိုရင်တော့ ဒီကော်မတီလေးကတော့ ဆက်ရှိနေမယ်။ ပြီးတော့ ဒီ ရှမ်းပြည်နယ်ရဲ့ လူငယ်ဖွံ့ဖြိုးရေး လုပ်ငန်းတွေ ဆက်လုပ်ဖို့ရှိပါတယ်၊ အဲ့ကျရင်လည်း ဒီကော်မတီ လေးနဲ့ပဲ ဆက်ပြီး လုပ်ဆောင်သွားပါမယ်။"

အခု ညပိုင်းမှာတော့ ရှမ်းစာပေနဲ့ယဉ်ကျေးမှု ခန်းမမှာ ညစာနဲ့ကျွေးမွေး ဧည့်ခံမှာဖြစ်ပြီး လက်မှတ်တစ်စောင်ကို လူတစ်ယောက် ကျပ်တစ်ထောင်နှုန်းနဲ့ ရောင်းချပေးသွားမှာဖြစ်ပါတယ်။ ရရှိတဲ့ ငွေတွေကိုတော့ ကချင်ပြည်နယ်က စစ်ပြေး ဒုက္ခသည်တွေကို အကူအညီ ပေးသွားမယ်လို့ သိရပါတယ်။


Ref: အာရ်အဖ်အေ

Read More...

Collapse...

မြိတ်ခရိုင် တက္ကသိုလ် ကျောင်းသားသမဂ္ဂ ဖွဲ့စည်းမှု အာဏာပိုင်များ လိုက်လံစုံစမ်း

2012-08-12

တနင်္သာရီတိုင်း မြိတ်ခရိုင် တက္ကသိုလ် ကျောင်းသားများ သမဂ္ဂကို သြဂုတ်လ ၁၁ ရက်နေ့က ဖွဲ့စည်းခဲ့ပြီးနောက် ဒီကနေ့ တနဂ င်္နွေ နေ့ မနက်မှာ သက်ဆိုင်ရာ အာဏာပိုင်တွေက ကျောင်းသား ခေါင်းဆောင်တွေကို လိုက်လံစစ်ဆေး မေးမြန်းနေ တယ်လို့ သိရပါ တယ်။

သမဂ္ဂရဲ့ အတွင်းရေးမှူး တာဝန်ယူထားသူ ကိုစိုးသင့်ထွန်း ကို ဒီကနေ့ မနက်ပိုင်းက စစ်ဆေး မေးမြန်းခဲ့ပြီး အလုပ်အမှုဆောင် အဖွဲ့ဝင် တချို့ကိုလည်း လိုက်လံမေးမြန်းတယ်လို့ ဥက္ကဋ္ဌ အဖြစ် တာဝန်ယူထားတဲ့ ကိုအုပ်စိုးထွန်း က ပြောပါတယ်။

"ဒီနေ့မနက်က လိုက်လံမေးမြန်းနေတယ်။ အတွင်းရေးမှူး တာဝန်ယူထားတဲ့ ကိုစိုးသင့်ထွန်း ကိုလာမေးတယ်၊ အက်စ်ဘီ နဲ့ စရဖ ကပေါ့။ နာမည်တော့ ကျနော် မသိဘူးခင်ဗျ၊ မင်းတို့က ဘာဖြစ်လို့ ဒီလိုလုပ်လဲပေါ့၊ မင်းတို့ရဲ့ အထက်မှာ ဘယ်သူရှိလဲပေါ့ဗျား၊ ဒီလိုမျိုးပေါ့။ သူ့ရဲ့ ကိုယ်ရေးမှတ်တမ်းတွေနဲ့ ကျောင်းမှာရှိတဲ့ ကိုယ်ရေးမှတ်တမ်းတွေရော မှတ်သွားတယ်၊ နောက် အမှုဆောင်တွေ ကိုလည်း လာမေးသွားတယ်လို့ ကြားတယ်၊ ဖမ်းဆီးတာတော့ မရှိဘူးခင်ဗျ။"

မြိတ်ခရိုင် တက္ကသိုလ် ကျောင်းသားများ သမဂ္ဂ အဖွဲ့ဟာ တက္ကသိုလ်အတွင်း လွတ်လပ်တဲ့ ကျောင်းသားလွတ်တော် တစ်ရပ် ပေါ် ပေါက်ရေး၊ ငြိမ်းချမ်းရေး၊ ဒီမိုကရေစီ ပညာရေးနဲ့ စစ်မှန်သော ဒီမိုကရေစီစနစ် ဖော်ဆောင်ရေးတွေ အတွက် ကျောင်းသားထု အကျိုးပြု လုပ်ငန်းစဉ်တွေ ချမှတ် လုပ်ဆောင်သွားနိုင်ဖို့ ရည်ရွယ်ဖွဲ့စည်းခဲ့တာ ဖြစ်တဲ့အတွက် ဒီကိစ္စတွေကို ရင်ဆိုင်ဖြေရှင်း သွား မှာ ဖြစ်တယ်လို့ ကိုအုပ်စိုးထွန်း က ပြောပါတယ်။

"ကျနော်တို့ လုပ်ချင်တဲ့ ဆန္ဒက အခွင့်အရေးကို မျှော်ကိုးလို့ လုပ်တာမဟုတ်ဘူး။ လုပ်သင့်လုပ်ထိုက်တဲ့ အလုပ်လို့ထင်လို့ ကျနော် တို့ လုပ်တာ၊ ကျောင်းသားသမဂ္ဂက ဒါ ဗမာပြည်မှာ မရှိတာ ကြာပြီလေဗျ၊ ကျောင်းသားမှာဆိုတာ ကျောင်းသားသမဂ္ဂ တော့ ရှိသင့်တာပေါ့ဗျာ။ လယ်သမားမှာဆိုတာ လယ်သမား သမဂ္ဂ ဆိုတာရှိတယ်ဗျ၊ ကျောင်းသားသမဂ္ဂ ဆိုတာ မရှိဘူး၊ ဒါ ကြောင့် ကျနော်တို့က လိုအပ်တယ်ထင်လို့ ကိုယ့်ဟာကို ဖွဲ့တာ၊ ကျနော်တို့ ကျောင်းသားတွေရဲ့ ဆန္ဒအတိုင်း ကျနော်တို့ လုပ်တာ ဗျ၊ ကျနော်တို့ ကျောင်းသားတွေမှာ ကျောင်းသားလွတ်တော်မျိုးပေါ့။ ပေါ်ပေါက်စေချင်တယ်၊ ပြီးတဲ့အခါ ကျနော်တို့ ကျောင်းမှာရှိ တဲ့ ချို့တဲ့တဲ့ ကျောင်းသားတွေပေါ့နော်။ ဒီကျောင်းသားတွေ အတွက်ကို ကျနော်တို့က အကူအညီပေးချင်တဲ့ စိတ်ရှိတယ်။"

မြိတ်ခရိုင် အတွင်းက တက္ကသိုလ်တွေ ဖြစ်တဲ့ နည်းပညာ တက္ကသိုလ်၊ ကွန်ပြူတာ တက္ကသိုလ် နဲ့ ၀ိဇ္ဖာသိပ္ပံ တက္ကသိုလ်တို့ ပူးပေါင်းပြီး မြိတ်ခရိုင် တက္ကသိုလ် ကျောင်းသားများ သမဂ္ဂ ကို စနေနေ့က ဖွဲ့စည်းခဲ့တာဖြစ်ပြီး ဥက္ကဋ္ဌ အဖြစ် ကိုအုပ်စိုးထွန်း၊ ဒုဥက္ကဋ္ဌ အဖြစ် ကိုဇင်မိုးဝေ တို့ အပါအ၀င် အလုပ်အမှုဆောင် ၂၅ ဦးနဲ့ ဖွဲ့စည်းခဲ့တာ ဖြစ်ပါတယ်။

Ref: အာရ်အဖ်အေ

Read More...

Collapse...

KIO နဲ့ ဆက်သွယ်မှု ပုဒ်မတပ်ဖမ်းဆီးခံရသူ ၇၀ ကျော်ရှိ

2012-08-12

ကချင်ပြည်နယ်အတွင်း ပြီးခဲ့တဲ့ နှစ်ကုန်ပိုင်းကစလို့ ဒီကနေ့ ထိ KIO ကချင်လွတ်မြောက်ရေးအဖွဲ့နဲ့ အဆက်အသွယ် ရှိတယ် ဆိုပြီး မတရားအသင်းနဲ့ ဆက်သွယ်မှု ပုဒ်မ ၁၇(၁) နဲ့ ဖမ်းဆီးခံထားရသူ အယောက် (၇၀) ကျော်ရှိနေပြီလို့ ပြည်နယ် တရား ရုံးနဲ့ နီးစပ်သူတွေထံက စုံစမ်းသိရပါတယ်။

ပုဒ်မ ၁၇ (၁) တပ်ပြီး နည်းမျိုးစုံနဲ့ စစ်ဆေးရာမှာ လုံးဝ အပြစ်မရှိသူတွေကို ရမန်ကာလအတွင်း တခြား ပုဒ်မတွေနဲ့ ပြောင်းလဲစွဲဆိုပြီးနောက် ပြစ်ဒဏ် ချမှတ်နေတယ်လို့လည်း အကျိုးဆောင် ရှေ့နေတွေက ပြောပါတယ်။ ဖမ်းဆီး စစ်ဆေးပြီး ဖြောင့်ချက်ယူရာမှာ နှိပ်စက်မှုတွေ အပါအ၀င် အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ရှိနေတယ်လို့ အကျိုးဆောင် ရှေ့နေတစ်ဦးက RFA ကို ပြောပါတယ်။

"၁၇ (၁) နဲ့ စွဲဆိုခံရတဲ့သူ တော်တော်များနေတယ်ပေါ့နော်။ များသောအားဖြင့်က ပြစ်မှု အမှန်တကယ် မကျူးလွန်ဘဲ စွဲဆိုခံ ရတဲ့ပုံစံကို ကျနော် တွေ့ရတယ်။ ဖမ်းဆီးတဲ့ ပုံစံကလည်း လူ့အခွင့်အရေး တော်တော် ချိုးဖောက်တဲ့ ပုံစံ တွေ့ရတယ်။ နှိပ်စက် ညဉ်းပန်းပြီးမှ ပြစ်မှု ၀န်ခံခိုင်းတယ်။"

ပြောင်းလဲစွဲဆိုပြီး ပြစ်ဒဏ် ချမှတ်လေ့ရှိတဲ့ ပုဒ်မတွေကတော့ ထောင်ဒဏ် (၃) နှစ်အထိ အပြစ်ပေးနိုင်တဲ့ ခြိမ်းခြောက် ပိုက်ဆံ တောင်းယူမှု ပုဒ်မ (၃၈၄)၊ ထောင်ဒဏ် (၁၀) နှစ်အထိ အပြစ်ပေးနိုင်တဲ့ အပြင်းအထန် နာကျင်စေမည်ဟုခြိမ်းခြောက်ကာ ပိုက်ဆံ တောင်းယူခြင်း ပုဒ်မ (၃၈၆) တို့ ဖြစ်တယ်လို့ သိရပါတယ်။

ပြည်နယ်တရားရုံးက အမှုတစ်မှုကို (၈) လကနေ (၉) လအထိ အချိန်ယူ စစ်ဆေးလေ့ရှိတဲ့ အပြင် ရုံးချိန်းသွားရတဲ့ မိသားစု ဝင် အများစုဟာ စစ်ပြေးဒုက္ခသည် စခန်းတွေကနေ လာရောက်ကြရတာ ဖြစ်တဲ့အတွက် အင်မတန် ဒုက္ခရောက်ကြရ တယ်လို့ ဒီအရေးကိစ္စတွေကို ကူညီ ဆောင်ရွက်ပေးနေတဲ့ မြစ်ကြီးနားမြို့က နောက်ဆုံးနှစ် ဥပဒေ ကျောင်းသူ တစ်ဦးက RFA ပြောပါတယ်။

"ဒီ ၁၇ (၁) နဲ့ ဖမ်းထားတဲ့ မိသားစုတွေက ၀င်ငွေ မရှိဘူး။ သူတို့ က နေ့စားသွားတယ်လေ။ ဒါပေမဲ့ တခါတလေမှ နေ့စားရှိ တယ်။ တခါသွားရင် ၂၅၀၀ ပဲ ရတယ်။ ရုံးချိန်က တစ်လမှာ ၄ ခါ သွားရတယ်။ ထောင်ဝင်စာက တပတ်ကို တကြိမ်ဆိုတော့ တစ်လကို ၈ ခါ သွားရတယ်။ တစ်ခါသွားရင် တစ်သောင်းလောက် ကုန်တယ်။ သူတို့ အရမ်းဒုက္ခရောက်တယ်။ "

လောလောဆယ်အထိ မတရားအသင်းနဲ့ ဆက်သွယ်မှု ပုဒ်မတပ်ပြီး ဖမ်းဆီးခံထားရသူတွေထဲက တရားရုံးကို ရောက်တာ ၂၆ မှုရှိပြီး၊ အမိန့်ချမှတ်လိုက်တာ ၁၀ မှုပဲ ရှိတယ်လို့ ဆိုပါတယ်။ ကျန်တဲ့သူ အများစုကတော့ ရှေ့နေ မငှားနိုင်တဲ့အတွက် မြစ်ကြီး နား ထောင်ထဲမှ ထိန်းသိမ်းခံထားရတယ်လို့ သိရပါတယ်။ မတရားသင်း ဆက်သွယ်မှု ပုဒ်မ ၁၇ (၁) နဲ့ ထောင်ချခံရသူ အများ စုဟာလည်း အမျိုးမျိုး နှိပ်စက်ညှဉ်းပန်းမှုဒဏ်ကို မခံနိုင်လို့ ဝန်ခံလိုက်ကြသူတွေ ဖြစ်တယ်လို့ သိရပါတယ်။

အခုလို တရားစွဲဆို ပြစ်ဒဏ်ချနေတာနဲ့ ပတ်သက်လို့ ပြည်နယ်တရား လွှတ်တော်ရုံးကို RFA က ဆက်သွယ်ခဲ့ပေမယ့် တစုံ တရာတုံ့ပြန်မှု မရရှိသေးပါဘူး။


Ref: အာရ်အဖ်အေ

Read More...

Collapse...

မောင်တောမြို့နယ် သင်ထောက်ကူ ပစ္စည်းအတွက် ရန်ပုံငွေ ဂီတဖျော်ဖြေပွဲ လုပ်မည်

2012-08-12

ရခိုင်ပြည်နယ်မှာ ဖြစ်ပွားခဲ့တဲ့ ဘာသာရေး ပဋိပက္ခ တွေကြောင့် ပျက်စီးခဲ့ရတဲ့ စာသင်ကျောင်းတွေ ပြန်လည် ဆောက်လုပ်နိုင်ဖို့ အတွက် ရန်ပုံငွေ ဂီတဖျော်ဖြေပွဲ တစ်ခုကို သြဂုတ် ၁၉ ရက်နေ့ ည ၆ နာရီကနေ ည ၁၁ နာရီထိ ရန်ကုန်မြို့ အမျိုးသား ကဇာတ်ရုံမှာ ပြုလုပ်မယ်လို့ ရခိုင်အမျိုးသား ကွန်ရက်က ဦးတင်ထူးအောင်က RFA ကို ပြောပါတယ်။

ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေ အတွင်း မောင်တောမြို့နယ်မှာ ရှိတဲ့ အစိုးရ စာသင်ကျောင်း (၅) ကျောင်း ဖျက်ဆီး ခံခဲ့ရတာကြောင့် ပညာသင်ကြားရေး ထိခိုက်ခဲ့ရတဲ့ ကလေးငယ် (၇) သောင်း (၈) ထောင်ကျော် အတွက် ပညာသင်ယူနိုင် ရေးနဲ့ သင်ထောက်ကူ ပစ္စည်းတွေ ပြန်လည် ဝယ်ယူနိုင်ရေးတို့ အတွက် အခုလို ရန်ပုံငွေ ဂီတဖျော်ဖြေပွဲ ပြုလုပ်ရတာ ဖြစ် တယ် လို့ ဦးတင်ထူးအောင်က ပြောပါတယ်။

မောင်တောမြို့နယ်က ကလေးတွေ ပညာပြန်လည် သင်ယူနိုင်ဖို့ အတွက် ရန်ပုံငွေ ဂီတဖျော်ဖြေပွဲကို ရခိုင်အမျိုးသား ကွန်ရက်၊ ဖွံ့ဖြိုးရေးမဏ္ဍိုင် အဖွဲ့နဲ့ Wave Myanmar အဖွဲ့တို့က ပူးပေါင်း စီစဉ်တာ ဖြစ်ပြီး နာမည်ကျော် အဆိုတော်များ ဖြစ်ကြတဲ့ ထူး အယ်လင်း၊ နော်နော်၊ L. လွန်းဝါ၊ ချမ်းချမ်း၊ ရတနာမိုင်နဲ့ ရခိုင် အဆိုတော် ဖြစ်တဲ့ ကိုဝင်းကိုခိုင်တို့က ပါဝင်ကူညီ သီဆိုကြ မယ်လို့ သိရပါတယ်။

Ref: အာရ်အဖ်အေ

Read More...

Collapse...

ရခိုင်ပြည်နယ် တင်းမာမှု ဖြေရှင်းရေး ဗြိတိန်ကူညီ

13.08.2012

ရခိုင်ပြည်နယ်အတွင်းမှာ ဖြစ်ပွားခဲ့တဲ့ အကြမ်းဖက်မှုတွေနဲ့ပတ်သက်လို့ သီးခြားလွတ်လပ်တဲ့ စုံစမ်းစစ်ဆေးမှုတွေ လုပ်ဆောင်ဖို့ ဗြိတိန် နိုင်ငံခြားရေးဝန်ကြီး William Hague က မြန်မာအာဏာပိုင်တွေကို တိုက်တွန်းလိုက်ပါတယ်။

ရခိုင်ပြည်နယ်အရေးကိစ္စမှာ သီးခြားလွတ်လပ်တဲ့ စုံစမ်းမှုတွေလုပ်ပြီးတော့ တာဝန်ရှိသူတွေကို ဖော်ထုတ် အရေးယူဖို့၊ လူမျိုးရေး အခြေခံအပေါ်မှာ မတရားဖမ်းဆီးခံရသူတွေ ပြန်လွှတ်ပေးဖို့ စတဲ့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စတာကင်တာနားရဲ့ တောင်းဆိုချက်အပေါ် သူ့အနေနဲ့ အပြည့်အ၀ထောက်ခံပြီးတော့ လူ့အခွင့်အရေး အသိအမှတ်ပြု လေးစားတဲ့ ကိုင်တွယ်ဖြေရှင်းမှုမျိုး လုပ်ဆောင်ဖို့လည်း နိုင်ငံခြားရေးဝန်ကြီး Hague က မြန်မာအာဏာပိုင်တွေကို တိုက်တွန်းပါတယ်။

မြန်မာနိုင်ငံတွင်းမှာ အပြောင်းအလဲတွေ ပြုပြင်မှုတွေ ပေါ်ထွန်းလာချိန်မှာ၊ အခုလိုမျိုး ရခိုင်ပြည်နယ် အတွင်းဖြစ်ခဲ့တဲ့ အကြမ်း ဖက်မှု တွေဟာ စိုးရိမ်စရာဖြစ်မိတယ်လို့လည်း ဆိုပါတယ်။ ပြဿနာတွေ ပြေလည်အောင်လို့ ထိန်းထိန်း သိမ်းသိမ်းလုပ် ဆောင် ကြဖို့လည်း အဲဒီမှာ ရှိတဲ့ လူမှုအသိုင်းအ၀ိုင်းတွေကို တိုက်တွန်းတဲ့ အကြောင်းလည်းဖော်ပြထားပါတယ်။

မြန်မာနိုင်ငံမှာ ပြုပြင်ပြောင်းလဲမှုတွေနဲ့ နိုင်ငံရေးတိုးတက်မှုတွေကြောင့် နိုင်ငံတကာက အထူးသဖြင့် အနောက်နိုင်ငံတွေက အာရုံ စိုက် ချီးကျူးမှုခံနေရချိန်မှာပဲ အခုလိုမျိုး ရခိုင်ပြည်နယ်တွင်းမှာ လူမျိုးရေး အကြမ်းဖက်မှုတွေဖြစ်လာတဲ့နောက် အနောက်နိုင်ငံ တွေနဲ့ ကုလသမဂ္ဂရဲ့ စိုးရိမ်မှုတွေ ထွက်ပေါ်လာခဲ့တာဖြစ်ပါတယ်ရှင်။

Ref: ဗွီအိုအေ

Read More...

Collapse...

ရေဘေးသင့် မနီလာမြို့တော် မိုးဒဏ်ခံရ

13.08.2012

ဖိလစ်ပိုင်နိုင်ငံမြောက်ပိုင်းမှာ မုတ်သုန်မိုး သည်းသည်းထန်ထန် ရွာသွန်းနေတာကြောင့် မြို့တော် မနီလာနဲ့ အနီးတ၀ိုက်မှာ ရေကြီး ပြီးတော့ အပျက်အစီးတွေ ဆိုးဆိုးဝါးဝါး တိုးများနေပါတယ်။ လူပေါင်း ၉၀ ကျော် သေဆုံးခဲ့ရတဲ့ မုန်တိုင်းတိုက်ခတ်ပြီးလို့ တပတ် အကြာ တနင်္လာနေ့က မနီလာမြို့တော်မှာ မိုးတွေသည်းထန်စွာ ရွာသွန်းနေပါတယ်။

မုတ်သုန်မိုးတွေသယ်ဆောင်လာတဲ့ တိမ်တိုက်တွေဟာ အပူပိုင်းမုန်တိုင်းရဲ့လေပင့်ပေးတာကြောင့် နိုင်ငံမြောက်ပိုင်းမှာ မိုးသည်း ထန်စွာ ရွာသွန်းနေတာဖြစ်တယ်လို့ အစိုးရမိုးလေ၀သဌာနကပြောပါတယ်။ မိုးလေ၀သဌာနက ပစိဖိတ် သမုဒ္ဒရာအတွင်းက ကျွန်း တွေအပါအ၀င် နိုင်ငံမြောက်ဖက်စွန်းမှာရှိတဲ့ ခရိုင် ၇ ခုကို မုန်တိုင်း သတိပေးချက် ထုတ်ပြန်ထားပါတယ်။

အနိမ့်ပိုင်းမှာရှိတဲ့ အရပ်တွေမှာ နေထိုင်သူတွေကို ပြောင်းရွှေ့ပေးဖို့အတွက် ကယ်ဆယ်ရေးလုပ်သားတွေ အဆင်သင့် ပြင်ထား တယ် လို့ အစိုးရတာဝန်ရှိသူတွေက ပြောပါတယ်။ အဲဒီဒေသတွင်း တချို့လူတွေဟာ ရေကြီးတဲ့အတွက်ကြောင့် ရွှေ့ပြောင်းနေခဲ့ရပြီး မကြာခင်ကမှ နေအိမ်တွေကို ပြန်ပြီး ရောက် လာကြသူတွေဖြစ်ပါတယ်။

သတင်း ၂ ပတ်ကြာ မုတ်သုန်မိုးကြောင့် လူပေါင်း တစ်သန်းကျော်ဟာ နေအိမ်တွေကို စွန့်ခွာ ထွက်ပြေးခဲ့ကြရတယ်လို့ မြို့ပြ ကာကွယ်စောင့်ရှောက်ရေးဌာနရဲ့ အကြီးအကဲ ဘန်နစ်တို ရားမိုးစ် ကပြောပါတယ်ခင်ဗျာ။


Ref: ဗွီအိုအေ

Read More...

Collapse...

ထိုင်းရောက် အလုပ်သမား စာရင်းကွာ

ကိုဇော်ဝင်းလှိုင်
13.08.2012

ထိုင်းနိုင်ငံမှာ တရားဝင် ၀င်ရောက် အလုပ်လုပ်နေကြတဲ့ အလုပ်သမား အရေအတွက်က တစ်လအတွင်းမှာ ရှစ်သိန်းလောက် လျော့သွားတဲ့ အကြောင်း ထိုင်းအလုပ်သမားဝန်ကြီးဌာနရဲ့ နောက်ဆုံး ထုတ်ပြန်တဲ့ စာရင်းတွေက ဖော်ပြပါတယ်။ ဒါပေမယ့် လို့လည်း ဒါက တကယ်တမ်းမှာ အလုပ်သမားတွေ လျော့နည်း သွားတာမျိုး မဟုတ်ဘဲ စာရင်းအင်းလွဲချော်တာ ဖြစ်နေတာမို့လို့ စနစ်တကျရှိအောင် ဒီ့ထက်ပိုပြီးတော့ ဆောင်ရွက် သင့်တယ်လို့ အလုပ်သမားရေး ဆောင်ရွက်နေသူတွေက ထောက်ပြနေကြ ပါတယ်။ ဒီအကြောင်းစုံကိုတော့ ဘန်ကောက် ရောက်နေတဲ့ ၀ိုင်းတော်သား ကိုဇော်ဝင်းလှိုင်က စုံစမ်းထားပါတယ်ရှင်။

ဟုတ်ကဲ့ပါ။ ထိုင်းအလုပ်သမားဝန်ကြီးဌာနက သူ့နိုင်ငံထဲမှာ တရားဝင် လာရောက် အလုပ် လုပ်နေကြသူတွေကို အလုပ်သမား မှတ်ပုံတင်ပြီးတော့ စာရင်းဇယားနဲ့ မှတ်တမ်းပြုစုထားတာပါ။ ဒါပေမယ့် အဲဒီ့ စာရင်းဇယားတွေဟာ ပုံမှန် အားဖြင့်တော့ တိကျ မှန်ကန်မှု မရှိဘူးလို့ ထိုင်းနိုင်ငံ မဟီဒေါ တက္ကသိုလ်မှာ ရွေ့ပြောင်းနေထိုင်ကြသူများ အကြောင်း သုတေသန ပြုနေသူ Andy Hall က ပြောပါတယ်။

“သူပြောသွားတာကတော့ အစိုးရရဲ့ စာရင်းဇယားတွေက အရမ်းကို နားလည်ရ ခက်စေပါတယ်တဲ့။ နောက် သောကြာနေ့တုန်း က ဘန်ကောက်မှာ လုပ်သွားတဲ့ အစည်းဝေးတခု မှာလည်း အလုပ်သမား ၀န်ကြီးက အခုလို လူ ရှစ်သိန်းလောက် စာရင်း ကွာနေတဲ့ ကိစ္စကို အတည်ပြု ပြောကြား သွားပါတယ်တဲ့။ ဒါကြောင့် အလုပ်သမား ၀န်ကြီးဌာန အနေနဲ့ အဲ့ဒီလို ဘာကြောင့် ဖြစ်ရတယ် ဆိုတာကို ရှင်းလင်းပြဖို့ တာဝန်ရှိတယ်လို့ သူထင်ပါတယ်လို့ ပြောသွားတာပါ။”

တကယ်တော့ ထိုင်းနိုင်ငံမှာ လာအလုပ်လုပ်ကြတဲ့ တရားဝင် အလုပ်သမားတွေ ကိုယ်တိုင်က အလုပ်ရှင်ရဲ့ ထိန်းချုပ် ထားမှုကို ခံနေရကြရတာကြောင့် အလုပ်သမားကဒ်တွေ ဆင့်ပွား လုပ်လာကြရာက အခုလို စာရင်း ဇယား ကွာဟမှုတွေ ဖြစ်လာတာလို့ ထိုင်းနိုင်ငံရောက် မြန်မာ အလုပ်သမားတွေ အရေး အကျိုးဆောင် ပေးနေသူ ဦးကျော်သောင်းက ပြောပါတယ်။

“အဲ့ထိုင်းမှာက ဘာလဲဆိုရင် အလုပ်သမားတယောက်မှာ ဂဏန်းဆယ့်သုံးလုံး နံပါတ် တချို့နှစ်မျိုးရှိတယ်၊ တချို့သုံးမျိုးရှိတယ်။ ဘာ့ကြောင့်ရှိနေလဲ။ ထိုင်းမှာပြဋ္ဌာန်းထားတဲ့ ဒီ ရွှေ့ပြောင်း အလုပ်သမား ဆိုင်ရာဥပဒေမှာက အလုပ်သမားတယောက် အလုပ်ရှင် အသစ် ပြောင်းမယ် ဆိုလို့ ရှိရင် အလုပ်ရှင်အဟောင်းက ခွင့်ပြုမှ ပြောင်းလို့ရတယ်။ နံပါတ်နှစ်က ဘာလည်း ဆိုလို့ ရှိရင် အဲ့ဒီ အလုပ်သမား တယောက်ဟာ အလုပ်သမားကို လွယ်လင့်တကူ ပြောင်းလဲလို့ မရအောင် အပြီး ချည်ပြီး တုတ်ပြီး ထိုင်း ဥပဒေမှာ ပြဋ္ဌာန်းထား တာဖြစ်တယ်။ ဒါကြောင့်မို့လို့ အလုပ်သမားတွေက ဘာလုပ်လဲ ဆိုရင် အရင်ရှိတဲ့ စာရွက်ကို မသုံးတော့ဘဲ နောက် အလုပ်ရှင် အသစ်နဲ့ အသစ် အပြောင်းအလဲ လုပ်လိုက်တယ်။ ဒါပေမယ့် ထိုင်း အလုပ်သမား ဝန်ကြီးဌာနမှာ စာရင်း ရုံးချုပ်မှာ ကြည့်လိုက်တဲ့ အချိန်အခါမှာ နောက် နာမည်တမျိုးနဲ့ နောက်နံပါတ်တလုံးနဲ့ အလုပ်သမား ဖြစ်နေတယ်။ အမှန်က အဲ့လူတ ယောက် တည်းပဲ။ အဲ့ဒါမျိုး အဲ့ဒါမျိုး နှစ်ယောက် သုံးယောက် လေးယောက် ပြောင်းသွားတိုင်း ပြောင်းသွားတိုင်း အလုပ်သမား တယောက်ဟာ နံမည်နှစ်ခု သုံးခု နံပါတ် သုံးခုလေးခုနဲ့ ဖြစ်နေတယ်။ နောက်တချက်က အလုပ်သမားတွေသေသွားတယ် အလုပ် သမားတွေ ပြန်သွားတယ်။ ဒီလူတွေဟာ ထိုင်းမှာ အဲ့ဒီ ထောရော့စံပဲ ထပ်နေလို့ခေါ်တဲ့ အလုပ်သမား ဂဏန်းနံပါတ် တစ်သုံးလုံး ထဲမှာ ကျန်နေခဲ့တယ်။ ဒါကြောင့်မို့လို့ဒီလူတွေဟာ ပျောက်နေတယ်လို့ ကျွန်နော်ကတော့ သုံးသပ်တယ်ဗျ။ ထိုင်းမှာပြဋ္ဌာန်း ထား တဲ့ ဥပဒေကြောင်း အရက ဒီ အလုပ်သမားတွေအနေနဲ့ ဘယ်လိုမှ မရင်ဆိုင် နိုင်တဲ့ အတွက် အသစ်ပဲ အသစ်ပဲ အသစ်ပဲ ပြောင်းသွားပြီးတော့ အဲ့ဒီစာရင်းတွေက ရှိနေတယ်။ လူတစ်ယောက်ထဲမှာ သုံးလေးခုလောက်ရှိနေတယ်။ အဲ့ဒါကြောင့် အဲ့ဒီလူတွေ ပျောက်နေတာဖြစ်တယ်။"

ဒီအလုပ်သမားတွေဟာ မိမိသဘောဆန္ဒနဲ့ ထိုင်းနိုင်ငံထဲမှာ လွတ်လပ်စွာ ရွေ့ပြောင်း အလုပ်လုပ်ခွင့် မရတဲ့ အပြင် လုပ်ငန်းရှင် အဟောင်းက အလုပ်သမားအခွင့်အရေး ကာကွယ်တဲ့ရုံးမှာ သွားပြီးဖြစ်ဖြစ်၊ အလုပ်သမား ရှာဖွေရေးရုံးမှာ ဖြစ်ဖြစ် တရားဝင် ပြောင်းလဲ ပေးပြီးမှသာ လုပ်ငန်းရှင်အသစ်ထံကို သွားနိုင်ကြတာပါ။

“အလုပ်သမားတယောက်ဟာ လုပ်အားခ မူလ သတ်မှတ်ထားတဲ့ အတိုင်း မရလို့ပဲဖြစ်ဖြစ် အစိုးရ တရားဝင် ပြဋ္ဌာန်းထားတဲ့ အလုပ်ချိန်ထက် ပိုလွန်လို့ပဲဖြစ်ဖြစ် ပြောင်းချင်တယ် ပြောင်းချင်တာ ရှိတာပေါ့ဗျာ။ ဒါမှမဟုတ် အစတုန်း ကတော့ ရတဲ့နေရာမှာ ဝင်လုပ်လိုက် ပြီးတော့နောက် ကိုယ့်မိတ်ဆွေတွေ ကိုယ့်ရွာသားတွေ ကိုယ့်မိသားစုတွေနဲ့တွေ့တဲ့အခါမှာ အတူတူ သွားချင်တာ တွေလည်းရှိတာပေါ့၊ သဘာဝတရားအရ။”

မြန်မာအလုပ်သမားရေး ဆောင်ရွက်နေတဲ့ ဦးကျော်သောင်း ပြောပြခဲ့တာပါ။ ဒါဟာ တရားဝင် အလုပ်သမား လက်မှတ်နဲ့ အလုပ် လာလုပ်ခွင့် ပြည်ဝင်ခွင့် ဗီဇာကိုင်ဆောင်ထားသူတွေဖြစ်ပါတယ်။ တရားမ၀င် အလုပ်လုပ်နေကြသူတွေ အဖြစ်ကတော့ ဒီထက် အဆပေါင်းများစွာ ဆိုးရွားပြီး လုပ်ခအနှိမ်ခံရတာ၊ ပွဲစားက ဖြတ်ခုတ်တာ၊ အလုပ်ရှင်က နှိပ်စက်တာတွေ အပြင် လူမသိ သူမသိ အသတ်ခံခဲ့ရတဲ့ မြန်မာနိုင်ငံသား တွေလည်း မရေမတွက်နိုင်အောင် ရှိနေတာပါ။

ထိုင်းနိုင်ငံရဲ့ ရွေ့ပြောင်းအလုပ်သမား မှတ်ပုံတင်စံနစ်ဟာ ကွန်ပြူတာနဲ့ စံနစ်တကျ ကိုင်တွယ် လုပ်ဆောင်နေတယ် ဆိုပေမယ့် လည်း အခုလို စာရင်းဇယားတွေ အများကြီး ကွာဟနေတဲ့ အဖြစ်ကို ကြည့်ခြင်းအားဖြင့် ဒီ စံနစ်ကို တိကျ မှန်ကန်မှုရှိလာအောင် အများကြီး ပြင်ဆင်ရဦးမယ်လို့ အလုပ်သမားအရေး ဆောင်ရွက်နေသူတွေက ပြောပါတယ်။

မြန်မာအစိုးရ ပြည်ထောင်စု အလုပ်သမားဝန်ကြီး ဦးမောင်မြင့် ထိုင်းနိုင်ငံကို ရောက်နေတဲ့အချိန်မှာ ပြောသွားတဲ့ စာရင်းဇယား တွေအရ ကတော့ တရားဝင်ရော တရားမ၀င်ရော မြန်မာနိုင်ငံကနေ ထိုင်းနိုင်ငံအတွင်းမှာ လာရောက် အလုပ်လုပ်ကိုင်နေကြသူ ၃ သန်းထက်မနည်း ရှိနေတယ်လို့ ဆိုပါတယ်။ အဲဒီအထဲမှာ ယာယီ အလုပ်လုပ်ကိုင်ခွင့် ကဒ်ပြား လုပ်ထားပြီးသူ တစ်သန်း လောက် ရှိပြီး မလုပ်ရသေးသူကတော့ ၆ သိန်းလောက် ရှိတယ်လို့ သိရပါတယ် ခင်ဗျား။


Ref: ဗွီအိုအေ

Read More...

Collapse...

နေရပ်ပြန်ဖို့ ကချင်ဒုက္ခသည်တွေ စိုးရိမ်

ကိုမိုးဇော်
13.08.2012

တရုတ်နိုင်ငံတွင်း ရောက်နေတဲ့ ကချင်ဒုက္ခသည်တွေကို မြန်မာနိုင်ငံထဲကို ပြန်နိုင်အောင် စီစဉ်ဖို့ တရုတ်အစိုးရက ကချင်လွတ် မြောက်ရေး အဖွဲ့ကို တိုက်တွန်း နေပါတယ်။ ဒါကြောင့် ကေအိုင်အိုက ရွှေ့ပြောင်း ပေးဖို့ စတင်ပြင်ဆင် နေပေမယ့်လို့ ဒုက္ခ သည် တွေကတော့ ပြောင်းရွှေ့ကြဖို့ ဆန္ဒမရှိကြဘဲ ဖြစ်နေပါတယ်။ ဒါနဲ့ပတ်သတ်လို့ကတော့ ဆက်သွယ်စုံစမ်းထားတဲ့ ဗွီအိုအေ သတင်းထောက် ကိုမိုးဇော်က ထိုင်းနိုင်ငံကနေ အခုလို သတင်းပေးပို့ထားပါတယ်။

ဟုတ်ကဲ့။ တရုတ်နိုင်ငံ ရွှေလီခရိုင် ညောင်တောင်းမြို့နယ် အတွင်းမှာ ဒုက္ခသည်စခန်း ခြောက်ခုရှိပြီး စုစုပေါင်း ကချင်ဒုက္ခသည် လေးထောင်းငါးရာလောက် နေထိုင်နေတာဖြစ်ပါတယ်။ ဒီဒေသဟာ ဗန်းမော်- လွိင်ကျယ်- နမ့်ခမ်း ကားလမ်းရဲ့ တစ်ဖက်ခြမ်းမှာ တည်ရှိတာဖြစ်ပါတယ်။ တရုတ် အာဏာပိုင်တွေက ဒုက္ခသည်တွေကို ပြောင်းရွှေ့ဖို့ တိုက်တွန်းနေတဲ့ အကြောင်းကို ကေအိုင်အို ဒုက္ခသည်ရေးရာ တာဝန်ခံ ဦးဒွယ်ပီဆာက အခုလို ပြောပါတယ်။

“တရုတ်အစိုးရဘက်က ဒါ ပြန်ခိုင်းတာတော့ ကြာပြီ။ ဒါပေမယ့် အရင်တုန်းက ကျွန်တော်တို့ အတွက်က အခက်အခဲ အများကြီး ရှိတယ်။ မတတ်နိုင်ဘူး ဆိုမှ ခဏ တောင်းပန်ထားတယ်။ ဆိုတော့ ထပ်ခါ ထပ်ခါ ပြန်ဖို့ တောင်းဆိုလာတော့ ကျွန်တော်တို့ အရှေ့ပိုင်းတိုင်း ကော်မတီကို ၀ိုင်းပြီး အစီရင်ခံပါ ဆိုရင်။ ဇူလိုင်လကုန် လောက်မှာ တစ်ခါ နှစ်ခါ သူတို့က သွားတွေ့တယ်။ သွားတွေ့တော့ တစ်လအတွင်းမှာ လူထုကို ပညာပေး ပြီးတော့မှ ပြန်ခေါ်ရမလား ဆိုပြီးမှ လက်ခံထားတဲ့ သဘောမှာရှိတယ်။”

KIOဖက်ကတော့ တရုတ် အာဏာပိုင်တွေက တိုက်တွန်း တာကြောင့် နောင်တောင်း စခန်းနဲ့ ၁၆မိုင် လောက် အကွာ KIO ထိန်းချုပ်ရာ လနာဇွပ် ဒေသမှာ စခန်းသစ် ဆောက်လုပ်ဖို့ ပြင်ဆင်ထားသလို ဒီရက်ပိုင်းတွေ အတွင်းမှာ တော့ ဒုက္ခသည်တွေ ပြောင်းရွှေ့ရေးအတွက် သွားရောက် ဆွေးနွေးဖို့ ရှိနေပါတယ်။ စခန်း ပြောင်းရွှေ့ဖို့ကို တော့ လူထု သဘောထားပေါ်မှာ မူတည်ပြီး ဆောင်ရွက်မှ ဖြစ်မယ်လို့ ဦးဒွဲပီဆာက ဆက်ပြောပါတယ်။

“ လူထုက ဘယ်လိုပြောလာမလဲ လူထုအခြေအနေက ဘယ်လိုလဲ ဒါတော့ အခြေအနေက မသိသေးဘူးလေ။ လူထုက လက်ခံ နိုင်ဖို့ ပြင်ဆင်ထားတဲ့ နေရာကို မပြောင်းချင်ဘူး ဆိုရင် နည်းနည်းတော့ အခက်အခဲ တော့ ရှိမှာပေါ့။ ဒါက အတင်းအဓမ္မ မောင်းထုတ်လည်း မရဘူး။ အဲ့သလိုဖြစ်တယ်ဆိုတော့ နည်းနည်းတော့ ခက်တာပေါ့။"

နောင်တောင်း ဒုက္ခသည်စခန်းက အမျိုးသမီးတစ်ယောက်ကတော့ လောလောဆည် စခန်းပြောင်းဖို့ စေခိုင်း လာတာတော့ မရှိ သေးကြောင်း ပြောပါတယ်။

“ ဒီပြောင်းဖို့ ရွှေ့ဖို့ ကိစ္စဆိုတာ အရင်ကတော့ ရှိပါတယ်။ အခု လောလောဆယ် မရှိပါဘူး။ ကျွန်မတို့ဒီမှာ အေးဆေးပါ။ နေမြဲပါ ပဲရှင့်။ ကျွန်မတို့က ဒီမှာ ရောက်တာ တစ်နှစ် နီးပါးရှိပါပြီရှင့်။"

အခြား ဒုက္ခသည် တစ်ဦးကတော့ မိုးတွင်း ကာလဖြစ်တာနဲ့ ကလေးတွေရဲ့ ပညာရေးအတွက် ပြောင်းရွှေ့ဖို့ ခက်ခဲကြောင်း ပြောပါတယ်။

“အခုကတော့ မိုးတွင်းလည်း ဖြစ်နေတယ်။ အခု ကျွန်တော်တို့ ကမ့်မှာကျတော့ အသက်ကြီး ရွယ်အိုတွေလည်း ရှိတယ်။ ပြီး တော့ ဒီမှာ ကျောင်းသူ၊ ကျောင်းသားတွေကလည်း သူတို့ ကျောင်းဆောင်တွေ ပေးပြီးတော့ သူတို့ကျောင်းဖွင့်တယ်။ ဆိုတော့ ကျောင်းသားတွေက ပညာရေးမှာ ထိခိုက်သွားနိုင်တာပေါ့။ အဲ့တာကို ကျွန်တော်တို့ စိုးရိမ်ပြီးမှ အထက်ကလူကြီးတွေကို ဒီနှစ် ပညာရေး ကုန်တဲ့အထိ ဒီမှာပဲ ဆက်နေခွင့် တောင်းချင်တယ်လို့ ပြောတာပဲ။”

အခုအခါ နောင်တောင်စခန်းမှာ ကျောင်းသား ကျောင်းသူ ၈၀၀လောက် ရှိတာဖြစ်ပါတယ်။ နောင်တောင်းစခန်းဟာ သူတို့ရဲ့ မူလကျေးရွာတွေ အနီးမှာပဲ တည်ရှိတာကြောင့် မပြောင်းရွှေ့လို တာကလည်း တကြောင်း ဖြစ်နေပါတယ်။ လောလောဆယ် သူတို့ရဲ့ နေရပ်ရင်း ကျေးရွာကို မပြန်နိုင်သေးတဲ့ အခြေအနေကိုတော့ သူက အခုလို ဆက်ပြောပါတယ်။

“ရွာဖက်ကိုတော့ သွားနေလို့ မရသေးဘူးလေ။ အခုကျွန်တော်တို့ရဲ့ ရွာတွေကတော့ ဗမာစစ်တပ်တွေက နေရာယူ ထားတယ်ဆို တော့ သွားနေလည်း ကြောက်စရာကြီးပေါ့ အန္တရာယ်ရှိတယ်ပေါ့။ သူတို့က ဘယ်အချိန်မှာ လူပ်ရှား လာမလဲ ဆိုတာကျွန်တော် တို့က ကောင်းကောင်းမသိဘူး ဆိုတော့ ။ ပြီးတော့ ကေအိုင်အိုဘက် ကလည်း မိုင်းတွေ ဘာတွေ ထောင်ထားတာ ရှိတယ်။ ပြီးတော့ မြန်မာအစိုးရ စစ်တပ်ဘက်ကလည်း မိုင်းတွေ ဘာတွေ ထောင်ထားတာ ရှိတယ်။ ကျွန်တော်က ဟိုမှာ သွားနေလို့က မဖြစ်သေးဘူးပေါ့။”

ဦးဒွဲပီဆာကတော့ ဒီရက်ပိုင်းတွေအတွင်း အဲဒီဒေသဖက်မှာ တိုက်ပွဲဖြစ်တာတွေ ရှိနေဆဲဖြစ်တယ်လို့ ပြောပါတယ်။ နောင်တောင် ဒုက္ခသည်စခန်းဟာ အရင်နှစ် စခန်းစဖွင့်ချိန်မှာ လူဦးရေ ၆၀၀၀လောက် ရှိပြီး တချို့တွေက တခြားအရပ်တွေကို ပြောင်းရွှေ့ကုန် တာကြောင့် အခုအခါ ၄၅၀၀လောက်ပဲ ကျန်ရှိတာ ဖြစ်ပါတယ်။

မြန်မာ အစိုးရနဲ့ KIO အကြား တနှစ်ကျော်ကြာ ဖြစ်ပွားတဲ့ စစ်ပွဲကြောင့် အခုအခါမှာ ဒုက္ခသည် ၇သောင်းလောက်ဟာ တရုတ် မြန်မာ နယ်စပ်နဲ့ မြန်မာပြည်က မြို့ကြီးတွေမှာ ခိုလှုံနေကြရပါတယ်။ တရုတ် မြန်မာနယ်စပ် KIO ထိန်းချုပ်ရာ ဒေသမှာတော့ ၅သောင်း လောက် ရှိနေတာ ဖြစ်ပါတယ်။ အစိုးရနဲ့ KIO အကြားမှာ ငြိမ်းချမ်းရေး အတွက် ဆွေးနွေးတာတွေ ရှိပေမဲ့ အခုထိ တော့ မအောင်မြင်သေးပါဘူး။

ဒီလို မြန်မာနိုင်ငံဘက်က လက်နတ်ကိုင် ပဋိပက္ခတွေကနေ ထွက်ပြေးလာသူတွေကို တရုတ်အစိုးရက လက်မခံဘဲ မောင်းထုတ် နေတဲ့ သတင်းတွေ ထွက်ပေါ်လာပြီးနောက်မှာ စစ်ပြေးဒုက္ခသည်တွေကို ကာကွယ်ဖို့ လူ့အခွင့်အရေးစောင့်ကြည့်ရေး အဖွဲ့က တိုက်တွန်းပြောဆိုခဲ့သလို တရုတ်အစိုးရဘက်ကလည်း လူသားချင်းစာနာတဲ့ အကူအညီတွေ ပေးနေကြောင်း တုန့်ပြန်ပြော ဆို ထားပါတယ်။


Ref: ဗွီအိုအေ

Read More...

Collapse...

ဆီးရီးယား လေယာဉ် ပစ်ချခံရမူ ဗီဒီယို သူပုန်တွေဖြန့်ချီ

13.08.2012
ဆီးရီးယားအစိုးရတိုက်လေယာဉ်ကို ပစ်ချလိုက်တဲ့ ဗီဒီယို နဲ့ လေယာဉ်မောင်းတဲ့သူကို ဖမ်းဆီးထားတဲ့ ဗီဒီယိုကို ဆီးရီးယား သူပုန်တွေက ပြသလိုက်ပါတယ်။ တချိန်တည်းမှာပဲ၊ အစ္စလာမ် ပူးပေါင်းဆောင်ရွက်မှု အဖွဲ့ကလည်း ဆီးရီးယားနိုင်ငံကို အဖွဲ့ထဲ ကနေ ထုတ်ပစ်ဖို့ အဆိုပြုတာကို နိုင်ငံခြားရေးဝန်ကြီးတွေက သဘောတူလိုက်ကြပါတယ်။

သူပုန်တွေရဲ့ အဲဒီဗွီဒီယိုနဲ့ ပတ်သက်ပြီးတော့ သီးခြားအတည်ပြုချက်တော့မရသေးပါဘူး။၊ အတိုက်အခံတွေက YOUTUBE မှာ တနင်္လာနေ့က တင်လိုက်တဲ့ ဗီဒီယိုမှာတော့ သေနတ်ပစ်သံအကျယ်ကြီး နဲ့ အတူ၊ လေယာဉ်မီးလောင်နေတဲ့ပုံ နဲ့ မီးခိုးလုံးကြီး နောက်ကနေ ထွက်နေတာကို ပြထားပါတယ်။

ဒါကို ခပ်လှမ်းလှမ်းမှာရှိတဲ့ သူတစ်ယောက်ကလည်း အဲလို ပျက်ကျသွားတဲ့အပေါ်မှာ အောင်ပွဲခံနေပြီးတော့၊ အဲဒီလေယာဉ်ဟာ မိုဟာဆန်မြို့ကို ပျက်ကျသွားတယ်လို့ ပြောပါတယ်။ အဲဒီနောက် လေယာဉ်မောင်းတဲ့သူကို တခြားလက်နက်ကိုင်တွေက ၀ိုင်းထား တဲ့ပုံကိုလည်း YOUTUBE မှာပြထားပါတယ်။

ဆီရီးယားသူပုန်တွေက အစိုးရစစ်လေယာဉ်ကို ပစ်ချလိုက်တယ်လို့ ပြောလိုက်တဲ့တချိန်တည်းမှာပဲ ၊ အဲဒီလေယာဉ်ဟာ စက်ပိုင်း ဆိုင်ရာ ချွတ်ယွင်းမှုဖြစ်ပြီး လေယာဉ်မောင်းတဲ့သူလည်း လေယာဉ်ကနေ ခုန်ထွက်လိုက်တာဖြစ်တယ်လို့ ဆီရီးယားအစိုးရ သတင်း မီဒီယာတွေကတော့ တနင်္လာနေ့မှာ ပြောလိုက်ပါတယ်။

တချိန်တည်းမှာပဲ မက်ကာမှာအင်္ဂါနေ့ကျရင် ညီလာခံကျင်းပဖို့ပြင်ဆင်နေကြတဲ့ OIC နိုင်ငံခြားရေး ၀န်ကြီးတွေကလည်း ဆီးရိးယား နိုင်ငံကို အဖွဲ့ထဲကနေ ထုတ်ပစ်ဖို့ ဆုံးဖြတ်လိုက်ပါတယ်ခင်ဗျာ။


Ref: ဗွီအိုအေ

Read More...

Collapse...