နိုင်ငံရေး အကျဉ်းသား လွတ်မြောက်ရေး သွေးလှူပွဲ ကျင်းပ

2012-08-26

နိုင်ငံရေးအကျဉ်းသား ဦးရွှေထူးအပါအ၀င် ကျန်ရှိနေသေးတဲ့ နိုင်ငံရေး အကျဉ်းသားတွေ အားလုံး လွတ်မြောက်ဖို့ ရည်စူးပြီး သွေး လှူဒါန်းပွဲ တစ်ခုကို မန္တလေးမြို့ ၅၅လမ်း၊ ၄၀-၄၁လမ်းကြား ရဲမွန်တောင်ရပ်ကွက်မှာရှိတဲ့ ကံတက်ကုန်း မစိုးရိမ်ကျောင်းတိုက်မှာ မြင့်မြတ်ဧရာဝတီလူငယ် လူမှုကွန်ယက်အဖွဲ့က ဦးဆောင်ပြီး ဒီနေ့ မနက်ပိုင်းက ပြုလုပ်ခဲ့ပါတယ်။

သွေးလှူဒါန်းပွဲ ကျင်းပတဲ့ရတာနဲ့ ပတ်သက်လို့ မြင့်မြတ်ဧရာဝတီ လူငယ်လူမှုကွန်ယက်ရဲ့ နာယက ဖြစ်တဲ့ ကံတက်ကုန်း မစိုးရိမ် ကျောင်းတိုက်ရဲ့ ပဓာန နာယက ဆရာတော် ဦးတေဇောဘာသက RFA ကို အခုလို မိန့်ကြားပါတယ်။

"မြင့်မြတ်ဧရာဝတီအသင်းက ၄ လတကြိမ် သွေးလှူဖို့ ရည်ရွယ်ချက်နဲ့ လုပ်တာပါ။ အခုဟာကတော့ ကြားဖြတ်အစီအစဉ် သွေး လှူပွဲပါ။ ဦးရွှေထူးနဲ့ တကွ ကျန်ရှိနေသေးတဲ့ နိုင်ငံရေး အကျဉ်းသားတွေ အားလုံး လွတ်မြောက်ဖို့ ရည်ရွယ်ချက်နဲ့ပါ။ နိုင်ငံတော် အစိုးရက လွှတ်ပေးကြည့်လိုက်စမ်းပါ။ ဘုန်းကြီးတို့ရဲ့ သဘောအရ။ လွှတ်ပေးတဲ့ အစိုးရမှာလည်း ဂုဏ် သိက္ခာရှိ စိတ်ချမ်းသာ သွားမှာပါ။ လွတ်မြောက်တဲ့ ပုဂ္ဂိုလ်တွေလည်း ဂုဏ် သိက္ခာရှိ စိတ်ချမ်းသာသွားမှာပါ။ တိုင်းပြည်နဲ့လူမျိုးကို အကျိုးပြုမယ့် ပုဂ္ဂိုလ် တွေကို ဒီလိုမျိုး အချုပ်အနှောင်ထဲမှာ အကျဉ်းချပြီးတော့ ဒုက္ခရောက်အောင် ခံစားအောင် လုပ်ထားခြင်းသည် တိုင်းပြည်အတွက် ဆုံးရှုံးမှုကို ဖန်တီးခြင်းတမျိုးလို့ ဘုန်းကြီးတို့က နားလည်တယ်။"

ဒီနေ့သွေးလှူဒါန်းပွဲမှာ သံဃာတော်တွေအတွက် အင်္ဂလန်မှာနေထိုင်တဲ့ နိုင်ငံရေး အကျဉ်းသားဟောင်း ပန်းချီဆရာ ကိုထိန်လင်းနဲ့ ဇနီးဖြစ်သူ မြန်မာနိုင်ငံဆိုင်ရာ ဗြိတိသျှ သံအမတ်ကြီးဟောင်း မဥမ္မာ ခေါ် မစ္စ ဗစ်ကီဘိုးမင်း ၊ နိုင်ငံရေး အကျဉ်းသားဟောင်း တွေ အပါအ၀င် ၁၁၁ ဦး လာရောက် လှူဒါန်းခဲ့ကြတယ်လို့ သိရပါတယ်။

သွေးလှူဒါန်းပွဲ အပြီးမှာ ပန်းချီ ကိုထိန်လင်း၊ မန္တလေးအခြေစိုက် ပန်းချီဆရာ ကိုစူးမြင်သိန်း တို့ က သရုပ်ပြအနုပညာ နဲ့ တင် ဆက်ခဲ့ကြပြီး နိုင်ငံရေးအကျဉ်းသား ဟောင်းတွေက ငြိမ်းချမ်းရေး လက်နက် ဆိုတဲ့သီချင်းနဲ့ ဖြေဖျော်ခဲ့ကြပါတယ်။

Ref: အာရ်အဖ်အေ

Read More...

Collapse...

၈၈ မျိုးဆက် အများစု နိုင်ငံကူးလက်မှတ် ထုတ်မပေးသေး

2012-08-26

၈၈ မျိုးဆက်ကျောင်းသား ဦးဆောင်သူတွေ ပြည်ပခရီးသွားလာဖို့ အတွက် နိုင်ငံကူး လက်မှတ်တွေကို အခုချိန်ထိ သက်ဆိုင်ရာ က ထုတ်မပေးသေးဘူးလို့ စုံစမ်းသိရှိရပါတယ်။

ထောင်ဒဏ် (၆၅) နှစ်နဲ့အထက် ချမှတ်ခံခဲ့ရတဲ့ ၈၈မျိုးဆက်ကျောင်းသားအဖွဲ့ဝင် (၁၉) ဦးဟာ လွန်ခဲ့တဲ့ (၅) လလောက် ကတည်းက လျှောက်ထားကြတာ ဖြစ်ပြီး အခုချိန်ထိ နိုင်ငံကူး လက်မှတ်တွေကို ထုတ်မပေးသေးဘူးလို့ ၈၈ မျိုးဆက်ကျောင်း သားများအဖွဲ့ ပြောခွင့်ရသူ မမီးမီးက ဆိုပါတယ်။

"နိုင်ငံသားတိုင်းမှာ တူညီတဲ့ အခွင့်အရေး ရှိရမယ်။ ဒါပေမဲ့ ကျွန်မတို့ဆိုရင် ပတ်စ်ပို့ လျှောက်ထားတာ ၅ လနီးပါးရှိနေပြီ။ ဒီနေ့အထိ လုံးဝ ပတ်စပို့ ထုတ်မပေးသေးဘူး။ ဒီကြားထဲမှာ တချို့လူတွေ ရတဲ့သူရသွားပြီပေါ့နော်။ ထောင်ထဲက ပြန်ထွက်လာ တာချင်းအတူတူ။ အဲဒီတော့ ကျွန်မတို့ ၈၈ မျိုးဆက်တွေ အပေါ်မှာ ဘယ်လိုမျိူး ဆက်ဆံနေသလဲဆိုတာ တွေးစရာ ဖြစ်လာပြီ။ သူတို့စာထဲမှာ ၂၁ ရက်အတွင်းရမယ်ဆိုတာကို အခုချိန်အထိ ဒီ ၆၅ နှစ်တန်းတွေက တယောက်မှ ပတ်စပို့ မရသေးပါဘူး။"

ကိုမင်းကိုနိုင် ကိုတော့ လာမယ့် စက်တင်ဘာလမှာ အမေရိကန် ပြည်ထောင်စုခရီးစဉ် ရှိနေတာကြောင့် သူတဦးတည်းကို ပြီးခဲ့ တဲ့ရက်ပိုင်း အတွင်းက မှတ်ပုံတင်ရုံးကနေ နိုင်ငံကူးလက်မှတ် ထုတ်ပေးခဲ့တယ်လို့ သိရပါတယ်။

ဒီအတောအတွင်း လူ့အခွင့်အရေး လှုပ်ရှားသူ ဥပဒေအကြံပေး ဦးအောင်သိန်းရဲ့ နိုင်ငံကူး လက်မှတ်ကိုလည်း ပြီးခဲ့တဲ့လက ဟောင်ကောင် ခရီးစဉ်က အပြန် ရန်ကုန်မင်္ဂလာဒုံ လေဆိပ်မှာ လူဝင်မှုကြီးကြပ်ရေး အရာရှိတွေက ပြန်လည် သိမ်းဆည်းခဲ့ ပါတယ်။

Ref: အာရ်အဖ်အေ

Read More...

Collapse...

ရခိုင်တိုင်းရင်းသားတွေ မောင်တောမြို့မှာ နေထိုင်ဖို့ စိုးရိမ်နေ

2012-08-25

မြန်မာနဲ့ ဘင်္ဂလားဒေ့ရ်ှနိုင်ငံနယ်စပ် မောင်တောမြို့ပေါ်မှာ နေထိုင်တဲ့ လူနည်းစု ရခိုင်တိုင်းရင်းသားတွေရဲ့ နေအိမ်တွေမှာ အိမ်ခြံ မြေ ရောင်းချမယ့် ဆိုင်းဘုတ်တွေ အခု ရက်ပိုင်းအတွင်း တစတစ တိုးပွားများပြား လာနေရာမှာ မနေ့ကအထိ နေအိမ် တစ်ရာ ကျော် ရှိသွားပြီလို့ သိရပါတယ်။

မောင်တောမြို့ တ၀ိုက်မှာ အခြေအနေတွေ ဆက်လက် တင်းမာနေဆဲဖြစ်ပြီး ရခိုင် တိုင်းရင်းသားတွေဟာ လုံခြုံမှုမရှိတဲ့ အခြေ အနေကို စိုးရိမ်ကြောင့်ကြတဲ့အတွက် ရခိုင်ပြည်နယ်ထဲက နီးစပ်ရာ တခြားမြို့ရွာတွေမှာ ပြောင်းရွှေ့အခြေချနေထိုင်ဖို့ အခုလို အိမ်ခြံမြေ ပိုင်ဆိုင်မှုတွေကို ရောင်းချလာကြတာ ဖြစ်တယ်လို့ မောင်တောမြို့ခံ တစ်ဦးက RFA ကို ပြောပါတယ်။

"ဒီမှာရှိတဲ့ လူဦးရေ အတိုင်းအတာနဲ့ ကြည့်မယ်ဆိုလို့ရှိရင် ကျွန်တော်တို့ ဒေသခံ တိုင်းရင်းသားတွေက အရမ်းအင်အားနည်းတဲ့ အတွက် တနေ့နေ့ တချိန်ချိန်ကျရင် ပြန်ပြီးတော့ အခုဖြစ်သွားတဲ့ အခြေအနေမျိုး ဖြစ်လာမှာကို စိုးရိမ်လာတာပေါ့။ အဲဒီအတွက် ဒီမှာမနေရဲဘဲ ပြောင်းရွေ့တဲ့ သဘောပေါ့"

မြန်မာနိုင်ငံရဲ့ အနောက်ဘက် ခြံစည်းရိုး တံခါးပေါက်တစ်ခု ဖြစ်တဲ့ ရခိုင်ပြည်နယ် မောင်တောမြို့မှာ တစ်ဘက် နိုင်ငံကနေ ခေတ် အဆက်ဆက် တရားမဝင် အခြေချ နေထိုင်လာခဲ့သူတွေက ၉၇ ရာခိုင်နှုန်းအထိ ရှိနေပြီး ဒေသခံ ရခိုင် တိုင်းရင်းသားတွေ က တော့ ၃ ရာခိုင်နှုန်းလောက်ပဲ ရှိတော့တယ်လို့ မြို့ခံတွေက ပြောပါတယ်။


Ref: အာရ်အဖ်အေ

Read More...

Collapse...

ဒေါ်အောင်ဆန်းစုကြည် ကော့မှူးပြည်သူတွေကို သွားရောက်တွေ့ဆုံ

2012-08-25

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ ဒီကနေ့ မနက်က ကော့မှူးမြို့နယ် မဆယ်ဆိပ်ကျေးရွာကို သွားရောက်ပြီး ဒေသခံ ပြည်သူတွေကို တွေ့ဆုံမေးမြန်းခဲ့ပါတယ်။

မြန်မာပြည်သူတွေ ကြုံတွေ့နေရတဲ့ အခက်အခဲတွေဟာ တစ်နေရာနဲ့ တစ်နေရာ တူညီနေကြကြောင်း၊ အလုပ်လက်မဲ့ ပြဿနာ၊ ပညာရေး၊ ကျန်းမာရေးတို့နဲ့ ပတ်သက်ပြီး လုံလုံလောက်လောက် မရှိတဲ့ ပြဿနာများ ဖြစ်ကြောင်း၊ ဒီအခက်အခဲတွေကို ဒေသ မခွဲခြားဘဲ ကူညီပေးမှာ ဖြစ်ကြောင်း၊ တဦးချင်းကို အကူအညီပေးနိုင်မှာ မဟုတ်ပေမဲ့ တတ်နိုင်သမျှ ကူညီသွားမှာ ဖြစ်ကြောင်း ဒေါ်အောင်ဆန်းစုကြည်က ပြောပါတယ်။

ဒီတွေ့ဆုံမှုအပြီးမှာ ဒေါ်အောင်ဆန်းစုကြည်ဟာ မဆည်ဆိပ်ကျေးရွာက ရွှေတံခါး ဘုန်းတော်ကြီးသင် ပညာရေး သင်တန်းကျောင်း ကို သွားရောက် လေ့လာခဲ့ပြီး ကွန်ပျူတာတစ်လုံးကို လှူဒါန်းခဲ့ပါတယ်။

အဲဒီနောက် ကော့မှုးမြို့နယ် NLD ရုံးမှာ ပါတီဝင် လူငယ်တွေနဲ့ ပါတီတွင်း ကိစ္စတွေကို ဆွေးနွေးခဲ့ပါတယ်။

ဒေါ်အောင်ဆန်းစုကြည်ရဲ့ ဒီကနေ့ ကော့မှူးခရီးစဉ်ဟာ လွှတ်တော်ကိုယ်စားလှယ် တာဝန်ယူပြီးနောက် တတိယ အကြိမ်မြောက် သွားရောက်တဲ့ ခရီးစဉ် ဖြစ်ပါတယ်။

Ref: အာရ်အဖ်အေ

Read More...

Collapse...

ရခိုင်ပြည်နယ် ပဋိပက္ခ ဆွေးနွေးမှုများ ဆက်လက်လုပ်ဆောင်

2012-08-25

ပြည်ထောင်စုလွှတ်တော်မှာ မှတ်တမ်းတင်ဖို့သမ္မတ ပေးပို့လိုက်တဲ့ ရခိုင်ပြည်နယ်အရေး သဝဏ်လွှာနဲ့ အတူ ပူးတွဲပါရှိတဲ့ ရခိုင် ပြည်နယ် ပဋိပက္ခဖြစ်စဉ် သတင်းသုံးသပ်ချက် မှတ်တမ်းကို ရခိုင် တိုင်းရင်းသား အမတ်တွေ ကန့်ကွက်လိုက်တဲ့ ကိစ္စနဲ့ ပတ် သက် လို့ သမ္မတရုံးအရာရှိ (၂) ဦးက RNDP အမတ် ၅ ဦးနဲ့ မနေ့ညနေက အလွတ်သဘော တွေ့ဆုံခဲ့တယ်လို့သိရပါတယ်။

ရခိုင်တိုင်းရင်းသား အမတ်တွေ ကန့်ကွက်ထားတဲ့ သတင်းသုံးသပ်ချက်ပါ အချက်တွေဟာ ရုံးအဖွဲ့ဝင်တွေ ရေးပေးလိုက်တာသာ ဖြစ်တယ်လို့ အဲဒီအရာရှိတွေက ပြောတဲ့အကြောင်း တွေ့ဆုံမှုမှာ ပါခဲ့တဲ့ ရခိုင်တိုင်းရင်းသားများ တိုးတက်ရေးပါတီ လွှတ်တော် ကိုယ်စားလှယ် ဦးဘရှင်က RFA ကိုပြောပါတယ်။

ရခိုင်တိုင်းရင်းသားများ တိုးတက်ရေးပါတီက ဒေါက်တာအေးမောင်၊ ဦးဘရှင်၊ ဦးဖေသန်း၊ ဦးထွန်းအောင်ကျော်တို့နဲ့ သမ္မတရုံး အရာရှိ (၂) ဦးက စကားဝိုင်းဖွဲ့ ပြောဆိုဆွေးနွေးခဲ့တာ ဖြစ်ပြီး ဒီဆွေးနွေးချက်တွေဟာ လျှို့ဝှက်စရာ မဟုတ်ကြောင်း ဦးဘရှင်က ပြောပါတယ်

သမ္မတရဲ့သဝဏ်လွှာနဲ့အတူ ပူးတွဲပါရှိတဲ့ ရခိုင်ပြည်နယ် ပဋိပက္ခဖြစ်စဉ် သတင်းသုံးသပ်ချက် မှတ်တမ်းထဲမှာ ရခိုင်အမျိုးသားတွေရဲ့ ဂုဏ်သိက္ခာ ထိခိုက်စေတဲ့အချက် ၉ ချက် ပါတဲ့အတွက် ရခိုင်တိုင်းရင်းသားများ တိုးတက်ရေးပါတီ လွှတ်တော်ကိုယ်စားလှယ် ၁၄ ဦးက ကန့်ကွက်ခဲ့တာ ဖြစ်ပါတယ်။

ဒီအတောအတွင်းမှာပဲ သမ္မတက ဖွဲ့စည်းပေးထားတဲ့ ရခိုင်ပြည်နယ်အရေး စုံစမ်းရေး ကော်မရှင်က ဒုတိယအကြိမ် အစည်း အဝေးကို ဒီနေ့ကျင်းပခဲ့ပြီး အဲဒီကနေ လုပ်ငန်း ကော်မတီဝင်တွေ အတည်ပြုသလို၊ ရှေ့လုပ်ငန်းစဉ်တွေ ဆွေးနွေးကြတယ်လို့ ကော်မရှင်ပြန်ကြားရေး အဖွဲ့ဝင် ၈၈ မျိုးဆက်ကျောင်းသားများ အဖွဲ့က ဦးကိုကိုကြီးက RFA ကို ပြောပါတယ်။

"သတင်းထုတ်ပြန်ချက် အမှတ် (၁) နဲ့ ပတ်သက်ပြီးတော့ ကျွန်တော်တို့ ၀ိုင်းဆွေးနွေးကြတယ်။ ပြီးတော့ ဆပ်ကော်မတီ (၈) ခု ဖွဲ့စည်းထားတဲ့ လူစာရင် ကျွန်တော်တို့ အတည်ြ့ပုတယ်။ ဆပ်ကော်မတီအလိုက် အစည်းအဝေးတွေ လုပ်ရမယ့်နေရာနဲ့ အချိန် တွေ သတ်မှတ်ကြတယ်။"

ရခိုင်ပြည်နယ်အရေး စုံစမ်းရေးကော်မရှင်ရဲ့ အဓိက ပြောရေးဆိုခွင့်ရှိသူ အဖြစ် ဒေါက်တာကျော်ရင်လှိုင် ကို တာဝန်ပေးလိုက်ပြီး၊ သတင်းပြန်ကြားရေး အဖွဲ့ဝင်တွေအဖြစ် မျိုးဆက်ကျောင်းသားများအဖွဲ့က ဦးကိုကိုကြီး၊ လူရွှင်တော်ဇာဂနာနဲ့ သတင်းစာဆရာ မောင်ဝံသတို့က တာဝန်ယူမယ်လို့ သိရပါတယ်။

Ref: အာရ်အဖ်အေ

Read More...

Collapse...

ဘာသာပေါင်းစုံ ငြိမ်းချမ်းရေး ဆုတောင်းပွဲ မန္တလေးမှာ ကျင်းပ

2012-08-25

မန္တလေးမြို့ မဟာမြတ်မုနိ ဒက္ခိဏာရာမ ဘုရားကြီး အလယ်တိုက်မှာ ဘာသာပေါင်းစုံ ငြိမ်းချမ်းရေး ဆုတောင်းပွဲ တစ်ရပ်ကို ဒီကနေ့ ကျင်းပခဲ့ကြောင်း သိရပါတယ်။

တောင်ထီးလင်း ဆရာတော်၊ မိုးထိဆရာတော်၊ မြ၀တီ၊ ကံတက်ကုန်း၊ အာရှအလင်းရောင်၊ ဖောင်တော်ဦးစတဲ့ ကျောင်းတိုက် တွေက ဗုဒ္ဒဘာသာ ဆရာတော်ကြီးတွေ ကြွရောက်ခဲ့သလို အစ္စလာမ်၊ ဟိန္ဒူ၊ ခရစ်ယာန် ဘာသာတွေက ဘာသာရေး ခေါင်း ဆောင်တွေ အပါအဝင် စုစုပေါင်း ပုဂ္ဂိုလ် ၁၀၀ ကျော် တက်ရောက်ခဲ့ပါတယ်။

ဒီ ဘာသာပေါင်းစုံ ငြိမ်းချမ်းရေး ဆုတောင်းပွဲကို မူလက အိုရီယင်တယ်ဟောက်စ် (Oriental House) စားသောက်ဆိုင်မှာ ပိုမိုခန်းနားစွာ ကျင်းပဖို့ စီစဉ်ထားခဲ့တာ ဖြစ်ပေမယ့် အာဏာပိုင်တွေဘက်က ဗုဒ္ဒဘာသာ ဘုန်းတော်ကြီးတွေနဲ့ မသင့်လျော်ဖူး ဆိုတဲ့အကြောင်းပြချက်နဲ့ ငြင်းပယ်ခဲ့တာကြောင့် အကျဉ်းရုံး ကျင်းပခဲ့ရတာ ဖြစ်တယ်လို့ မူဆလင်ညီအစ်ကိုတော်များအဖွဲ့ ခေါင်း ဆောင် ဦးအောင်ဇော်ဝင်းက RFA ကို ပြောပါတယ်။

"နောက်ဆုံးကျတော့ အဆင်ပြေတဲ့ ဘုန်းတော်ကြီးကျောင်းတကျောင်းမှာ ဆွမ်းကပ်လှူဒါန်းရင် အဆင်ပြေမယ်ဆိုပြီး ဒီမှာလာ လျှောက်ပါတယ်။ ဆရာတော် ဦးခေမာစာရက အကူအညီပေးတဲ့အတွက် ခွင့်ပြုတဲ့အတွက်ကြောင့်မို့လို့ အကျဉ်းရုံးသွားတာပေါ့နော်။ လူ ၆ ရာစာပြင်ထားတဲ့ဟာတွေကတော့ ဖျက်လိုက်ရတယ်။"

အခမ်းအနားမှာ တောင်ထီးလင်းဆရာတော်၊ မက်သဒစ်ခရစ်ယာန် ဂိုဏ်းချုပ် ဘုန်းတော်ကြီး၊ အစ္စလာမ်နဲ့ ဟိန္ဒူဘာသာရေး ခေါင်း ဆောင်တွေက ငြိမ်းချမ်းရေးဆိုင်ရာ သြ၀ါဒစကားတွေ မြွက်ကြားခဲ့ပါတယ်။


Ref: အာရ်အဖ်အေ

Read More...

Collapse...

အလုပ်အကိုင် အခွင့်အလမ်းပြပွဲ ကျင်းပ

2012-08-25

မြန်မာစွန့်ဦးတီထွင်လုပ်ငန်းရှင်များအသင်းက ဦးဆောင်ကျင်းပတဲ့ ဒုတိယအကြိမ် အလုပ်အကိုင် အခွင့်အလမ်းပြပွဲကို ဦးဝိစာရလမ်း တပ်မတော်ခန်းမမှာ ဒီကနေ့ ဒုတိယနေ့အဖြစ် ကျင်းပနေပါတယ်။

အလုပ်အကိုင် အခွင့်အလမ်းပြပွဲမှာ လာရောက် လေ့လာအလုပ်လျှောက်ကြတဲ့ လူငယ်တွေဆီက ရတဲ့ အချက်အလက်တွေက တဆင့် နောက်ထပ်လိုအပ်တာတွေ ဆက်လက်ဖြည့်ဆည်း ဆောင်ရွက်ပေးသွားဖို့ ရည်ရွယ်ပြီး ဒီပွဲကိုကျင်းပတာ ဖြစ်ကြောင်း ပွဲကို ဦးဆောင်စီစဉ်တဲ့ မြန်မာစွန့်ဦးတည်ထွင် လုပ်ငန်းရှင်များအသင်းရဲ့ တွဲဖက် အတွင်းရေးမှုး ၂ ဒေါ်သင်းသင်းဆက်က RFA ကိုပြော ပါတယ်။

ပြပွဲမှာ အလုပ်သမား အမြောက်အများ လိုအပ်နေတဲ့ ပြည်တွင်းပြည်ပ ကုမ္ပဏီလုပ်ငန်းရှင် ၁၂၆ ဦးက ဆိုင်ခန်းတွေဖွင့်ကာ လုပ်ငန်းရဲ့သဘောသဘာဝတွေကို ရှင်းလင်းပြသပြီး သူတို့လုပ်ငန်း အတွက် လိုအပ်တဲ့ အလုပ်သမား ရှာဖွေကြပါတယ်။ လုပ်ငန်း အတွက် လိုအပ်တဲ့အရည်အချင်းနဲ့ ကိုက်ညီရင် တခါထဲ အလုပ်ခန့်လိုက်တာမျိုးလည်း ရှိတယ်လို့ ဒေါ်သင်းသင်းဆက်က ပြောပါ တယ်။

ပထမအကြိမ် အလုပ်အကိုင် အခွင့်အလမ်းပြပွဲကို ၂၀၁၂ မတ်လမှာ ပြုလုပ်ခဲ့ပြီး လိုအပ်ချက်အရ တနှစ်ထဲမှာ ခုလို ဒုတိယ အကြိမ် ကျင်းပတာဖြစ်ကြောင်း သိရပါတယ်။ ဦးစီးကျင်းပတဲ့အသင်းက ကောက်ယူထားတဲ့ စာရင်း အရ အလုပ်အကိုင် အခွင့် အလမ်းပြပွဲကို လာရောက်လေ့လာသူတွေထဲမှာ ၂၃ ရက်နေ့မှာ အလုပ်လျှောက်သွားသူ ၃၉၉၀ ရှိပြီး ဒီကနေ့မှာ အလုပ်လျောက် သွားသူ ကတော့ ၈၅၉၀ ရှိတယ်လို့ သိရပါတယ်။ ပြပွဲကို မနက်ဖန်မှာ နောက်ဆုံးနေ့အဖြစ် ဆက်လက်ကျင်းပမယ်လို့ သိရပါ တယ်။

Ref: အာရ်အဖ်အေ

Read More...

Collapse...

PNLO ပထမဆုံးအကြိမ် အပစ်ရပ် လက်မှတ်ထိုး

ကွန်းချမ်း
သြဂုတ်လ ၂၆ ရက် ၂၀၁၂ ခုနှစ်

ထိုင်းနိုင်ငံတွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနှင့် အလွတ်သဘော နှစ်ကြိမ် တွေ့ဆုံခဲ့သည့် ပအိုဝ်း အမျိုးသား လွတ်မြောက်ရေး အဖွဲ့ချုပ် (PNLO) က စနေနေ့တွင် ရှမ်းပြည်နယ် အစိုးရနှင့် ပထမဆုံးအကြိမ် အပစ် အခတ် ရပ်စဲလိုက်သည်ဟု PNLO က ပြောသည်။

PNLO ဘက်မှ ငြိမ်းချမ်းရေး ကိုယ်စားလှယ် ဒုတိယ ခေါင်းဆောင် စစ်ဦးစီးချုပ် ခွန်သူရိန် ဦးစီးသည့် တပ်မှူး သုံးဦးနှင့် ပြည်နယ် အစိုးရဘက်မှ ရှမ်းပြည်နယ် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူ၊ ပြည်နယ် ဥပဒေချုပ် ဦးမောင်မောင် ဦးဆောင်သည့် ကိုယ်စားလှယ်များ လက်မှတ် ရေးထိုးကြခြင်း ဖြစ်သည်။

“PNLO အပါအဝင် တိုင်းရင်းသား လက်နက်ကိုင် အဖွဲ့အစည်းတွေ အပစ်အခတ် ရပ်စဲရေးကို လုပ်ကြတာဟာ နိုင်ငံရေး ဆွေးနွေး ပွဲကို ဦးတည်ပြီးတော့ လုပ်ကြတာ” ဟု PNLO ငြိမ်းချမ်းရေး ကိုယ်စားလှယ် အဖွဲ့ခေါင်းဆောင် ခွန်မြင့်ထွန်း က ပြောသည်။

ရှမ်းပြည်နယ် တောင်ကြီးမြို့ တောင်ကြီး ဟိုတယ်တွင် ပြုလုပ်သည့် တွေ့ဆုံမှုတွင် PNLO ကိုယ်စားလှယ် အဖွဲ့ခေါင်းဆောင် ခွန်မြင့်ထွန်းနှင့် အဖွဲ့ဝင် ၁၀ ဦး တက်ရောက်ပြီး အစိုးရဘက်မှ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ပြည်ထောင်စုဝန်ကြီး ဦးအောင်မင်းနှင့် အမှတ် (၂) လျှပ်စစ်ဝန်ကြီးဌာန ပြည်ထောင်စု ဝန်ကြီး ဦးခင်မောင်စိုးတို့ ဦးဆောင်သည့် ကိုယ်စားလှယ်များ တက်ရောက်ကြသည်။

၎င်းပြင် အမျိုးသားလွှတ်တော် ကိုယ်စားလှယ် နှစ်ဦးနှင့် ပြည်သူ့လွှတ်တော် ကိုယ်စားလှယ် နှစ်ဦးလည်း ငြိမ်းချမ်းရေး ဆွေးနွေး ပွဲသို့ ပထမဆုံးအကြိမ် တက်ရောက်ခဲ့ကြသည်။

စနေနေ့ ဆွေးနွေးပွဲတွင် အဆင့်နှစ်ဆင့် ခွဲထားပြီး ပထမအဆင့် ပြည်နယ် ငြိမ်းချမ်းရေး ဖော်ဆောင်ရေးအဖွဲ့နှင့် ပဏာမ အပစ် အခတ် ရပ်စဲရေးဆိုင်ရာ အချက် ၅ ချက်ကို ဆွေးနွေးကာ သဘောတူ လက်မှတ်ရေးထိုးခြင်း၊ ဒုတိယအဆင့် ပြည်ထောင်စု အဆင့်နှင့် ဆက်လက် ဆွေးနွေးရန်အတွက် အကြိုညှိနှိုင်းဆွေးနွေးခြင်းတို့ ဖြစ်သည်။

အပစ်အခတ် ရပ်စဲရေး သဘောတူချက်အရ PNLO ၏ ဆက်ဆံရေးရုံးများကို ရှမ်းပြည်နယ် တောင်ကြီး၊ မောက်မယ် နှင့် ဆီဆိုင်မြို့ များတွင် ဖွင့်လှစ်ရန် သဘောတူခဲ့ကြပြီး မွန်ပြည်နယ် သထုံမြို့၌ ဆက်ဆံရေး ဖွင့်လှစ်နိုင်ရန် လာမည့် ပြည်ထောင်စု အဆင့် ဆွေးနွေးပွဲတွင် ဆက်လက်ညှိနှိုင်းသွားမည်ဟု ခွန်မြင့်ထွန်း က ပြောသည်။

စက်တင်္ဘာလတွင် ပြည်ထောင်စုအဆင့်နှင့် ဆွေးနွေးရန် လျာထားပြီး အပစ်အခတ် ရပ်စဲမှု ခိုင်မာရေး၊ နှစ်ဖက် တပ်ဖွဲ့ဝင်များ လိုက်နာရမည့် စည်းကမ်းချက်များ သတ်မှတ်နိုင်ရေး၊ ဆက်ဆံရေးရုံး လုပ်ငန်းလည်ပတ်နိုင်ရန်အတွက် ကူညီပံ့ပိုးရေး၊ PNLO/ PNLA တပ်ဖွဲ့ဝင်များ၏ တပ်တည်နေရာ ညှိနှိုင်းရေး၊ မူးယစ်ဆေးဝါး တိုက်ဖျက်ရေးတွင် ပူးပေါင်းဆောင်ရွက်ရေး စသည်တို့ကို ဆွေးနွေးရန် သဘောတူခဲ့ကြသည်။

ဦးခွန်မြင့်ထွန်း ဦးဆောင်သည့် PNLO ငြိမ်းချမ်းရေး ကိုယ်စားလှယ်အဖွဲ့သည် ဇွန်လအတွင်း ငြိမ်းချမ်းရေး တည်ဆောက်နိုင်ရန် ပြည်တွင်းသို့ ဝင်ရောက် လေ့လာခဲ့ပြီး ဇူလိုင်လတွင် အပစ်အခတ် ရပ်စဲရေး ဆွေးနွေးရန်တောင်ကြီးမြို့သို့ ရောက်ရှိခဲ့သော်လည်း ဝန်ကြီး ဦးအောင်မင်း မအားလပ်သည့်အတွက် ဆွေးနွေးပွဲ အကောင်အထည် မပေါ်ခဲ့ကြောင်း PNLO က ပြောသည်။

PNLO ကို ၂၀၀၉ ခုနှစ်၊ ဒီဇင်ဘာလတွင် ပြုလုပ်သည့် ပအိုဝ်း အမျိုးသား ညီလာခံမှ စတင် ဖွဲ့စည်းခဲ့ပြီး ရှမ်းပြည်နယ် နှင့် ကယားပြည်နယ် နယ်စပ်တွင် လှုပ်ရှားလျက် ရှိကာ လက်နက်ကိုင် တပ်ဖွဲ့ဝင် အင်အား ၂၀၀ ကျော် ရှိကြောင်း သိရသည်။

အခြားတိုင်းရင်းသား လက်နက်ကိုင် အဖွဲ့တခု ဖြစ်သည့် ကရင်အမျိုးသား အစည်းအရုံး (KNU) ကလည်း သြဂုတ်လ ၂၇ ရက် နေ့မှ ၂၉ ရက်နေ့ထိ သုံးရက်ကြာ ဘားအံမြို့၊ ဇွဲကပင် ဟိုတယ်တွင် ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်း ကော်မီ တီနှင့် တတိယအကြိမ် ဆွေးနွေးရန် သဘောတူထားသော်လည်း အစိုးရဘက်မှ ရွှေ့ဆိုင်းလိုက်သည့် အတွက် တွေ့ဆုံဆွေး နွေး ရန် အထမမြောက်တော့ကြောင်း သြဂုတ်လ ၂၅ ရက် နေ့စွဲဖြင့် KNU က ထုတ်ပြန်သည်။

“ရွှေ့ဆိုင်းလိုက်တာ မနေ့က ကျမတို့ နှုတ်အားဖြင့် သတင်း ရပါတယ်။ ကျမတို့ဘက်က ဆက်သွယ်ရေး တာဝန်ခံနဲ့ အစိုးရဘက် က ဆက်သွယ်ရေး တာဝန်ခံတို့ တယ်လီဖုန်းနဲ့ ဆက်သွယ်ပြီးတော့ အဲဒီသတင်းကို ကျမတို့ လက်ခံ ရရှိပါတယ်” ဟု KNU ငြိမ်းချမ်းရေး ဆွေးနွေးရေးအဖွဲ့၏ ပြောရေးဆိုခွင့်ရှိသူ နော်မေဦး က ပြောသည်။

အစိုးရဘက်မှ အရေးပေါ် ကိစ္စကြောင့် မအားလပ်သည့်အတွက် ရက်ရွှေ့ဆိုင်းလိုက်ခြင်း ဖြစ်သည်ဟုလည်း သူက ပြောသည်။

KNU အနေနှင့် အစိုးရနှင့် ညှိနှိုင်းတိုင်ပင်ပြီး မှန်ကန်သော စေတနာ သဘောထားအပေါ် အခြေခံကာ နှစ်ဦးနှစ်ဘက်အတွက် အဆင်ပြေမည့် တတိယအကြိမ် တွေ့ဆုံဆွေးနွေးရက်ကို အမြန်ဆုံး အကောင်အထည်ဖော်နိုင်ရန် လုပ်ဆောင်သွားမည်ဟုလည်း KNU ၏ သဘောထား ထုတ်ပြန်ချက်တွင် ပါရှိသည်။

Ref: မဇ္ဈိမ

Read More...

Collapse...

မဇ္ဈိမ ထုတ်ပြန်ကြေညာချက်

သြဂုတ်လ ၂၅ ရက် ၂၀၁၂ ခုနှစ်
မဇ္စျိမ အယ်ဒီတာအဖွဲ့

မဇ္ဈိမပရိသတ်များ ခင်ဗျား

ကျွန်တော်တို့ မဇ္ဈိမ အယ်ဒီတာအဖွဲ့အနေနဲ့ စာဖတ်သူများကို လေးစားစွာ အသိပေးအပ်ပါသည်။ မဇ္ဈိမဝက်ဘ်ဆိုက်သည် DDoS တိုက်ခိုက်မှု ခံနေရပါသည်။ ဘာကြောင့် တိုက်ခိုက်သည်ကိုတော့ အယ်ဒီတာအဖွဲ့အနေဖြင့် တိတိကျကျ အတည်မပြုနိုင်သေးပါ။

မဇ္ဈိမအနေဖြင့် လွန်ခဲ့သော ရက်သတ္တပတ်အတွင်း ရခိုင်ပြည်နယ်အတွင်းဖြစ်ပွားခဲ့သည့် ပဋိပက္ခ သတင်းဖော်ပြမှုနှင့်ပတ်သက်၍ ခြိမ်းခြောက်မှုအချို့ ခံခဲ့ရပါသည်။ သို့ရာတွင် မိမိတို့သည် မိမိတို့၏ ပရော်ဖက်ရှင်နယ် အသက်မွေးဝမ်းကျောင်းမှုဆိုင်ရာ နယ်ပယ် တွင် ခိုင်မာစွာ ဆက်လက်ရပ်တည်ခဲ့ပါသည်။

မဇ္ဈိမအား စတင်တည်ထောင်ခဲ့သော ၁၉၉၈ ခုနှစ် ကတည်းက မြန်မာနိုင်ငံနှင့်ပတ်သက်သော သတင်း၊ အဖြစ်အပျက်များကို ဘက်လိုက်မှုမရှိ၊ တရားမျှတစွာနှင့် လွတ်လပ်စွာ အကဲဖြတ်ဖော်ပြရန် ကြိုးပမ်းခဲ့သည်။ မြန်မာပြည်သူပြည်သားများ ကောင်းကျိုး ချမ်းသာရရှိရေးမှာ ကျွန်တော်တို့၏ အဓိက တွေးတောပူပန်မှုပင်ဖြစ်ပါသည်။

ယခုအချိန်အထိ သတင်းနှင့် လတ်တလောအဖြစ်အပျက်များမှာ သာယာဝပြောရေးနှင့် အမျိုးသား ပြန်လည်သင့်မြတ်ရေးပေါ်တွင် အလေးထား
ရေးသားဖော်ပြသလို အဆိုပါ ကတိတ၀တ်များမှလည်း မည်သည့်အခါမှ သွေဖီမှာလည်း မဟုတ်ပါ။

ယနေ့ကာလသည် လွတ်လပ်ပြီး တာဝန်ခံမှုရှိသော ဂျာနယ်လစ်ဇင် အခန်းကဏ္ဍ အလွန်ပင်အရေးကြီးလှသည်ဟု ယုံကြည်ပါ သည်။ အဘယ်ကြောင့်ဆိုသော် ကမ္ဘာကကာလရှည်ကြာစွာ စိတ်အားထက်သန်စွာဖြင့် ထောက်ခံခဲ့သော သမိုင်းတွင်မည့် ဒီမို ကရေစီအုပ်ချုပ်မှု အခန်းကဏ္ဍကို မြန်မာနိုင်ငံသည် စတင် ကူးပြောင်းလုပ်ဆောင်နေသောကြောင့် ဖြစ်သည်။

ဒီမိုကရေစီဖြစ်ထွန်းကာ သာယာဝပြောသော မြန်မာနိုင်ငံကို အောင်မြင်စွာတည်ဆောက်နိုင်ရန် သတင်းလွတ်လပ်စွာ ဖြန့်ချီခွင့်နှင့် သတင်းအချက်အလက် ရရှိပိုင်ခွင့်တို့သည်လည်း မရှိမဖြစ် လိုအပ်သည်ကို ကျွန်တော်တို့၏ စာဖတ်ပရိတ်သတ်များလည်း သဘော တူညီနိုင်ကြ မည်ဟု မျှော်လင့်ပါသည်။

မဇ္ဈိမအပေါ် စိတ်ဝင်စားမှုနှင့် ထိုထက်မက အရေးကြီးသော မြန်မာနိုင်ငံကို ဒီမိုကရေစီနိုင်ငံသစ် ပေါ်ထွန်းရေးကို မျက်ဝါးထင်ထင် မြင်လိုသော ဆန္ဒအတွက် အထူးပင်ကျေးဇူးတင်ရှိပါသည်။


Ref: မဇ္ဈိမ

Read More...

Collapse...

မဇ္ဈိမ ဝက်ဘ်ဆိုက်များ တိုက်ခိုက်ခံနေရ

မျိုးသန့်
သြဂုတ်လ ၂၅ ရက် ၂၀၁၂ ခုနှစ်

အင်္ဂလိပ်ဘာသာ၊ မြန်မာဘာသာတို့ဖြင့် ရေးသားတင်ပြနေသည့် မဇ္ဈိမ သတင်းဌာန၏ အင်တာနက် စာမျက်နှာများ သောကြာနေ့ မှစ၍ DDoS တိုက်ခိုက်မှု ခံနေရသည်။

“မဇ္ဈိမဝက်ဘ်ဆိုက်သည် DDoS တိုက်ခိုက်မှု ခံနေရပါသည်။ ဘာကြောင့် တိုက်ခိုက်သည်ကိုတော့ အယ်ဒီတာအဖွဲ့ အနေဖြင့် တိတိကျကျ အတည်မပြုနိုင်သေးပါ” ဟု ထုတ်ပြန်ချက်အတွင်း ပါရှိသည်။ ထို့အပြင် “မဇ္ဈိမအနေဖြင့် လွန်ခဲ့သော ရက်သတ္တပတ်အတွင်း ရခိုင်ပြည်နယ်အတွင်းဖြစ်ပွားခဲ့သည့် ပဋိပက္ခသတင်း ဖော်ပြမှုနှင့် ပတ်သက်၍ ခြိမ်းခြောက်မှုအချို့ ခံခဲ့ရပါသည်” ဟုလည်း ကြေညာချက်အတွင်း ဖေါ်ပြထားသည်။

သောကြာနေ့ ညနေပိုင်းမှ စတင်ခဲ့သော DDoS တိုက်ခိုက်မှုကြောင့် မဇ္ဈိမ၏ အင်တာနက် စာမျက်နှာများ ဖွင့်၍ မရတချက် ရ တချက် ဖြစ်နေခဲ့ပြီး စနေနေ့တွင် မြန်မာနိုင်ငံတွင်း အပါအ၀င် အချို့နေရာများတွင် လုံးဝ ဖွင့်မရတော့သည်ကို တွေ့ရှိလာရသည်။

DDoS ဟူခေါ်သည့် Distributed Denial of Services တိုက်ခိုက်မှုသည် ဆာဗာပေါင်း များစွာမှ မဇ္ဈိမဝက်ဘ် ဆိုက် သို့ ဝင်ရောက်ကြည့်ရှုမှု များပြားစွာ ဖြစ်လေဟန် တချိန်တည်း ပို့လွှတ်၍ တိုက်ခိုက်သည့် နည်းလမ်း ဖြစ်သည်။

မဇ္ဈိမ အင်တာနက် စာမျက်နှာသို့ DDoS ပို့လွှတ်ကာ အများဆုံး လာရောက် တိုက်ခိုက်မှု အများဆုံးနိုင်ငံမှာ မလေးရှားနိုင်ငံ ဖြစ်ပြီး အမေရိကန်မှာ ဒုတိယ အများဆုံး ဖြစ်သည်။

အင်္ဂလန်၊ ကနေဒါနိုင်ငံတို့မှလည်း DDoS ပို့လွှတ်ကာ တိုက်ခိုက်လျက် ရှိနေသည်။ အိန္ဒိယနှင့် မြန်မာနိုင်ငံအတွင်းမှလည်း ပို့လွှတ် တိုက်ခိုက်လျက်ရှိသည်ကို တွေ့ရသည်။

မဇ္ဈိမ အင်တာနက် စာမျက်နှာများသည် ၂ဝဝ၇ စက်တင်္ဘာလအတွင်း သံဃာတော်များ ဦးဆောင်သော လူထုဆန္ဒပြချိန်တွင်း၊ ၂၀၀၈ ခုနှစ် နာဂစ် မုန်တိုင်း တိုက်ခတ်မှုအပြီးနှင့် ၂၀၁၀ ရွေးကောက်ပွဲနီး ကာလများတွင်လည်း ယခုကဲ့သို့ DDoS တိုက်ခိုက် မှုမျိုး ကြုံခဲ့ရဖူးသည်။ အင်္ဂလန်၊ ကနေဒါနိုင်ငံတို့မှလည်း DDoS ပို့လွှတ်ကာ တိုက်ခိုက်လျက်ရှိနေသည်။ အိန္ဒိယနိုင်ငံတွင်း တနေ ရာနှင့် မြန်မာနိုင်ငံအတွင်းမှလည်း ပို့လွှတ်တိုက်ခိုက်လျက်ရှိသည်ကို တွေ့ရသည်။

မဇ္ဈိမ အင်တာနက် စာမျက်နှာများသည် ၂ဝဝ၇ စက်တင်ဘာ သံဃာတော်များ ဦးဆောင်သော လူထုဆန္ဒပြချိန်တွင်းနှင့် ၂၀၀၈ ခုနှစ် နာဂစ်မုန်တိုင်းတိုက်ခတ်မှုအပြီးနှင့် ၂၀၁၀ ရွေးကောက်ပွဲနီးကာလများတွင်လည်း ယခုကဲ့သို့ DDoS တိုက်ခိုက်မှုမျိုးကြုံ ခဲ့ရ သေးသည်။

Ref: မဇ္ဈိမ

Read More...

Collapse...

ရခိုင်ပဋိပက္ခ သုံးသပ်ချက်မှတ်တမ်း သမ္မတ သဘောထား မဟုတ်ဟုဆို

မြတ်ကျော်သူ
သြဂုတ်လ ၂၄ ရက် ၂၀၁၂ ခုနှစ်

သမ္မတ ဦးသိန်းစိန်က ပြည်ထောင်စုလွှတ်တော်သို့ ဗုဒ္ဓဟူးနေ့က ပေးပို့သည့် သဝဏ်လွှာနှင့် ပူးတွဲပါ “သတင်းသုံးသပ်ချက် မှတ် တမ်း” သည် သမ္မတနှင့် သမ္မတရုံး၏ သဘောထားမဟုတ်ကြောင်း သမ္မတရုံး ကိုယ်စား ညွှန်ကြားရေးမှူး ဦးဇော်ဌေး (မှူးဇော်) က ၎င်း၏ ဖေ့စ်ဘုတ်စာမျက်နှာတွင် သောကြာနေ့က ရေးသားလိုက် သည်။

သမ္မတ ဦးသိန်းစိန်၏ သဝဏ်လွှာသည် နှစ်ပိုင်းပါရှိပြီး တပိုင်းမှာ ဦးသိန်းစိန်၏ သဝဏ်လွှာဖြစ်ပြီး ကျန်တပိုင်းမှာ “ရခိုင်ပြည်နယ် ပဋိပက္ခဖြစ်စဉ် သတင်းသုံးသပ်ချက် မှတ်တမ်း” ဖြစ်သည်။

အဆိုပါ သတင်းသုံးသပ်ချက်မှာ “ရခိုင်ပြည်နယ်ဖြစ်စဉ်နှင့် ပတ်သက်၍ ပြည်တွင်း၊ ပြည်ပသတင်းဌာနများ၊ အစိုးရ မဟုတ်သော အဖွဲ့အစည်းများ၊ ဝန်ကြီးဌာနများစသည်တို့၏ သတင်းများကို စုစည်းထုတ်နုတ်ထားသည့် နိုင်ငံတော် သမ္မတထံ တင်ပြချက်သာ” ဖြစ်ကြောင်း ညွှန်ကြားရေးမှူးက ဆိုသည်။

“ကျနော့်ရေးသားချက်က သမ္မတရုံး ထုတ်ပြန်ချက်ကို ကိုယ်စားပြုပါတယ်။ ဒီကိစ္စနဲ့ ပတ်သက်ပြီးတော့လည်း ရုံးက ထုတ်ပြန်သွား ဦးမှာပါ” ဟု ဦးဇော်ဌေး က မဇ္ဈိမကို ပြောသည်။

သမ္မတ၏ သဝဏ်လွှာတွင် ရခိုင်ပြည်နယ်တွင် ဖြစ်ပွားခဲ့သည်များနှင့် ပတ်သက်၍ ပျက်စီးဆုံးရှုံးမှုများ၊ ၎င်းတို့အစိုးရ အနေနှင့် လုပ်ဆောင်နေသည့် လုပ်ငန်းများ၊ ဦးတည်ရာ လမ်းကြောင်းကို အနှောင့်အယှက်ပြုသူများကို အရေးယူ ဆောင်ရွက်မှုများ နှင့် သတင်း မီဒီယာအချို့၏ လုပ်ကြံချဲ့ကားမှုများမှ ထင်ယောင်ထင်မှား ဖြစ်စေခြင်းများကြောင့် နှောင့်နှေးကြံ့ကြာမှု ဖြစ်စေလျက်ရှိ ကြောင်းတို့ ပါရှိသည်။

သတင်းသုံးသပ်ချက်တွင် “နိုင်ငံရေးပါတီများ၊ သံဃာအချို့နှင့် လူပုဂ္ဂိုလ်အချို့တို့ ခေါင်းဆောင်၍ လူမျိုးရေး မုန်းတီးမှု စိတ်ဓာတ်ကို အလွန်အကျွံ မြှင့်တင်ခြင်း၊ လူမျိုးရေးအရ အဆင်အခြင်မဲ့စွာ တိုက်ခိုက်လိုစိတ်ကို လှုံ့ဆော်ခြင်းတို့ ဆောင်ရွက်လျက်ရှိ သည်” ဟု ဖော်ပြထားသလို “ဘင်္ဂါလီမူဆလင်များအပေါ် အကြမ်းဖက်ရန် အဆက်မပြတ် ကြံစည်လုပ်ဆောင်လျက်ရှိသည်” ဟုလည်း စွပ်စွဲ ထား၍ လွှတ်တော်တွင် ရခိုင်တိုင်းရင်းသား တိုးတက်ရေးပါတီအမတ် ၁၄ ဦး၏ ကန့်ကွက်ခြင်း ခံခဲ့ရသည်။

ထို့ကြောင့် သဝဏ်လွှာကို ပြည်ထောင်စု လွှတ်တော်တွင် ဖတ်ကြားမည့် အစီအစဉ်ပါ ဖျက်သိမ်းခဲ့ရသည်။

Ref: မဇ္ဈိမ

Read More...

Collapse...

နည်းပညာနှင့် ကွန်ပျူတာတက္ကသိုလ်အချို့ ပညာသင်နှစ်တိုးမည်

တင်ဇာအောင်၊ ရတနာဦး
သြဂုတ်လ ၂၄ ရက် ၂၀၁၂ ခုနှစ်

ကျွမ်းကျင်အတတ်ပညာသည်များ မွေးထုတ်ပေးရေးနှင့် အလုပ်အကိုင် အခွင့်အလမ်း ကောင်းရေးအတွက် ရန်ကုန်နှင့် မန္တလေး တိုင်းရှိ နည်းပညာ တက္ကသိုလ်နှင့် ကွန်ပျူတာ တက္ကသိုလ်များတွင် လာမည့် ပညာသင်နှစ်မှစ၍ လုပ်ငန်းခွင် သင်တန်းများပါ ဖြည့်စွက်သွားမှာဖြစ်၍ ပညာသင်ကာလကို တနှစ် ထပ်မံ တိုးမြှင့်လိုက်သည်။

သိပ္ပံနှင့် နည်းပညာဝန်ကြီး ဦးအေးမြင့် က သြဂုတ်လ ဒုတိယပတ်အတွင်း နေပြည်တော်တွင် ကျင်းပခဲ့သော နည်းပညာ တက္က သိုလ် ကောလိပ်နှင့် သိပ္ပံကျောင်းများ အရည်အသွေး မြှင့်တင်ရေး အစည်းအဝေးတွင် “အဆင့်မြင့်” အဖြစ် ပြောင်းလဲခြင်း နှင့် ပတ်သက်၍ ပြောကြားချက်ကို နိုင်ငံပိုင်သတင်းစာများတွင် ဖော်ပြထားသည်။

ဘွဲ့ရရန်အတွက် ကွန်ပျူတာ တက္ကသိုလ်ကို ပညာသင်ကာလ ငါးနှစ်သို့ ပြောင်းလဲကာ နည်းပညာ တက္ကသိုလ်တွင် ခြောက်နှစ် သင်ရမှာ ဖြစ်သည်။

“ကွန်ပျူတာ တက္ကသိုလ်က ငါးနှစ် ဆိုတော့ နောက်ဆုံးနှစ်မှာ project တင်တဲ့နှစ် ဖြစ်ရမယ်။ အဲဒီနှစ်မှာ လုပ်ငန်းခွင်နဲ့
ပေါင်းကူး ရှိရမယ်။ လုပ်ငန်းတွေက လာပြီး သင်တန်းပေးတာ ဖြစ်ချင်လည်း ဖြစ်မယ်။ ဒါမှမဟုတ် သုတေသန တွဲလုပ်တာလည်း ဖြစ်ချင်ဖြစ်မယ်” ဟု မြန်မာနိုင်ငံ ကွန်ပျူတာ ပညာရှင်အသင်း အတွင်းရေးမှူး ဦးသောင်းစုငြိမ်း က ပြောသည်။

အဆိုပါ ဝန်ကြီးဌာနအောက်တွင် နည်းပညာတက္ကသိုလ် ၃၃ ခုနှင့် ကွန်ပျူတာ တက္ကသိုလ် ၂၅ ခု ရှိသော်လည်း ဘဏ္ဍာငွေ အခက်အခဲကြောင့် ကနဦးတွင် ရန်ကုန်နှင့် မန္တလေးတိုင်း အတွင်းရှိ တက္ကသိုလ်များတွင်ပင် စတင်နိုင်မည် ဖြစ်သည်။

“အဆင့် မြှင့်တင်လိုက်ပြီးတော့ ထူးထူးခြားခြားမဟုတ်ဘဲ အဆင့်မီ သင်ထောက်ကူ ပစ္စည်းတွေ မထောက်ပံနိုင်ဘူး ဆိုရင်လည်း အလကားပါပဲ။ အဲဒါမျိုးတော့ မဖြစ်စေချင်ဘူး။ အခုလို နိုင်နိုင် နင်းနင်း နှစ်ခုလောက်နဲ့ စတာ ကောင်းပါ တယ်” ဦးသောင်းစု ငြိမ်း က ပြောသည်။

အဆင့်မြင့် တက္ကသိုလ်များတွင် သင်ကြားမည့် ဆရာ၊ ဆရာများကိုလည်း မွမ်းမံ သင်တန်းများ ပို့ချပေးသွားမည် ဖြစ်ကြောင်း ဝန်ကြီးက ပြောသည်။

ထိုသို့ လက်တွေ့လုပ်ငန်းခွင်နှင့် ဆက်စပ်ပေးမည့် အစီအစဉ်မှာ ကျောင်းသားများအတွက် အကျိုးရှိနိုင်လိမ့်မည်ဟု စနစ်ဟောင်း ကျောင်းသားများက ယူဆကြသည်။

“ကျနော်တို့ တုန်းကဆို ကျောင်းမှာ သီအိုရီပဲ သိခဲ့တယ်။ အဓိက က လုပ်ငန်းခွင်ထဲ ဝင်နိုင်လောက်အောင် ဖြစ်ဖို့က အရေးကြီး တယ်။ လုပ်ငန်းခွင် သင်တန်းပုံစံ တနှစ် တိုးလိုက်တော့ ကျနော်တို့တုန်းကထက် အများကြီးသာမယ်လို့ ထင်ပါတယ်” ဟု ကွန် ပျူတာ တက္ကသိုလ်ဘွဲ့ရ အသက် ၂၈ နှစ်အရွယ် ကိုရာကျော် က ပြောသည်။

ထို့ပြင် ရန်ကုန် နည်းပညာ တက္ကသိုလ်မှ ဘွဲ့ရခဲ့သူ ကိုစိုစံကလည်း “ကျနော်တို့တုန်းက သင်ကြားရေး ပိုင်းကလည်း အားနည်း တယ်။ အရေးကြီးတာက အလုပ်အကိုင် အခွင့်အလမ်းနဲ့ ပတ်သက်ပြီး ပေါများအောင် လုပ်ပေးစေချင်ပါ တယ်”ဟု ပြောဆိုသည်။

ယခုနှစ်ပညာ သင်နှစ်အတွက် တက္ကသိုလ်ဝင်တန်း အောင်အမှတ် ၄၅ဝ နှင့်အထက် ရရှိသူများ လျှောက်ထားနိုင်ပြီး နည်းပညာ တက္ကသိုလ်အတွက် ကျောင်းသူကျောင်းသား ၂၅ဝ နှင့် ကွန်ပျူတာ တက္ကသိုလ် အတွက် ၂ဝဝ ဦးတို့ကို လက်ခံသင်ကြား သွား မည် ဖြစ်သည်။ လျှောက်လွှာများကို စက်တင်္ဘာလ ၁၂ ရက်နေ့ နောက်ဆုံးထား၍ သက်ဆိုင်ရာ တက္ကသိုလ်အသီးသီးတွင် တင် သွင်းရမည် ဖြစ်သည်။

မြန်မာနိုင်ငံတွင် ၁၉၇၁ ခုနှစ်မှစ၍ တက္ကသိုလ် ကွန်ပျူတာဌာန(UCC)ဟူ၍ စတင်ခဲ့ပြီး ၁၉၈၈ ခုနှစ်တွင် ကွန်ပျုတာ သိပ္ပံနှင့် နည်းပညာ ဌာန (ICST)အဖြစ် ပြောင်းလဲထူထောင်နိုင်ခဲ့သည်။ အဆိုပါဌာနကို ၁၉၉၈ တွင် ရန်ကုန်မြို့၌ ကွန်ပျူတာ လေ့လာ ရေးတက္ကသိုလ် (UCSY)အဖြစ် မြှင့်တင်လာခဲ့သည်။

ယနေ့အချိန်တွင် ကွန်ပျူတာတက္ကသိုလ်များအဖြစ် အထက်မြန်မာနိုင်ငံတွင် မန္တလေး၊ မြစ်ကြီးနား၊ ဗန်းမော်၊ ကလေး၊ မုံရွာ၊ မကွေး၊ ပခုက္ကူ၊ မိတ္ထိလာ၊ လားရှိုး၊ တောင်ကြီး၊ ပင်လုံ၊ လွိုင်ကော်မြို့များတွင် ဖွင့်လှစ်ထားပြီး အောက်မြန်မာနိုင်ငံ တွင် ရန်ကုန်၊ မအူပင်၊ ဟင်္သာတ၊ ပုသိမ်၊ စစ်တွေ၊ ကျိုင်းတုံ၊ ပြည်၊ တောင်ငူ၊ သထုံ၊ ဖားအံ၊ ထားဝယ်နှင့် မြိတ်မြို့ တို့တွင် တည်ထောင် ဖွင့်လှစ်ထားရှိသည်။

Ref: မဇ္ဈိမ

Read More...

Collapse...

ဧရာဝတီ၊ ရန်ကုန်နှင့် ပဲခူးတိုင်းအတွက် မျိုးစပါး ၄၀,၀၀၀ ပံ့ပိုးပေးရန်ရှိ

နေလင်းအောင်
သြဂုတ်လ ၂၄ ရက် ၂၀၁၂ ခုနှစ်

ရေလွှမ်းခြင်းခံရသော ဧရာဝတီ၊ ရန်ကုန်တိုင်းနှင့် ပဲခူးတိုင်း တို့မှ လယ်ယာမြေများတွင် ပြန်လည် စိုက်ပျိုးနိုင်ရန်အတွက် မျိုးစပါး တင်းရေ လေးသောင်းခန့် ပံ့ပိုးပေးနိုင်ရန် စီစဉ်လျက်ရှိကြောင်း မြန်မာနိုင်ငံ ဆန်စပါးအသင်း တာဝန်ရှိသူ တဦးက ပြောသည်။

“ရေကြီးတဲ့ဒေသက တောင်သူလယ်သမားတွေ အခက်အခဲမရှိဘဲ လုံလောက်တဲ့ မျိုးစပါး ရဖို့ ဆောင်ရွက်သွားမယ်။ လိုအပ်နေတဲ့ မျိုးစပါးတွေ ပံ့ပိုးပေးနိုင်ဖို့အတွက် သြဂုတ်လ ၁၉ ရက်နေ့က စပြီးတော့ အဆိုပြုလွှာ ခေါ်ထားပါတယ်။ အဲဒီကနေ ဝယ်ယူပြီး တော့ တောင်သူတွေကို ပြန်ပေးမယ်။ ဆန်စပါး အထူးပြု ကုမ္ပဏီတွေကလည်း သီးခြား ပံ့ပိုးပေး မယ်” ဟု ဆန်စပါးအသင်း ချုပ်မှ အထွေထွေ အတွင်းရေးမှူး ဦးရဲမင်းအောင် က ပြောသည်။

သြဂုတ်လ ၂၃ ရက်နေ့အထိ ရရှိသည့် စာရင်းများအရ ဧရာဝတီတိုင်းတွင် မိုးစပါးစိုက်ဧက ၂၇ဝ,ဝဝဝ ကျော်ရေလွှမ်းခံ ရပြီး ဧက ၅ဝ,ဝဝဝ ကျော် ပျက်စီးခဲ့ရသည်။ ပဲခူးတိုင်းတွင် ရေလွှမ်းခံရသည့် ဧက ၁၇ဝ,ဝဝဝ ကျော်အနက် ဧက ၁ဝ,ဝဝဝ ကျော် အသီးသီး ပျက်စီးခဲ့၍ ထိုတိုင်းနှစ်တိုင်းအတွင်း စုစုပေါင်း စိုက်ဧက ၆ဝ,ဝဝဝ ကျော် ပျက်စီးခဲ့သည်။

အခြေအနေကို ဆက်လက် စောင့်ကြည့်ရန်လိုကြောင်းနှင့် ရေပြန်မကျပါက ပျက်စီးဆုံးရှုံးမှုမှာ ယခုထက် ပိုသွားနိုင် သည်ဟု ဦးရဲမင်းအောင် က ခန့်မှန်းသည်။

အဆိုပါ ဒေသများအတွက် မနောသုခ၊ စင်းသွယ်လတ်၊ စင်းသွယ်မွှေး၊ သီးထပ်ယဉ် စသည့် မျိုးစပါးများကို ဖြန့်ဝေ သွားမှာဖြစ်ပြီး သြဂုတ်လ ၂၄ ရက်နေ့တွင် ပဲခူးတိုင်း အရှေ့ပိုင်းရှိ ကဝ၊ သနပ်ပင် မြို့နယ်တို့တွင် မျိုးစပါး တင်း ၁,ဝဝဝ စတင်ဖြန့်ဝေပေး လျက် ရှိပြီး “ဧရာဝတိုင်း ဘက်ကို ရေကျသွားတဲ့အချိန်မှာ တောင်သူတွေ လိုအပ်မယ့် မျိုးကို ပံ့ပိုးပေးသွားမှာပါ။ ဖြန့်ဝေပေးနိုင်ဖို့ ရေလွှမ်းဒေသတွေမှာ ရေကျမယ့် အချိန်ကို စောင့်ရမှာပါ” ဟု ဦးရဲမင်းအောင် က ဆိုသည်။

စိုက်ဧကများ အချိန်နှင့် တပြေးညီ ပြန်လည် အစားထိုး စိုက်ပျိုးနိုင်ရန်နှင့် တောင်သူများ နစ်နာမှု မရှိစေရန်အတွက် အရေးပေါ် အကူညီမှုအဖွဲ့ကို ဆန်စပါး အသင်းချုပ်က သြဂုတ်လ ၁၄ ရက်နေ့တွင် ဖွဲ့စည်းခဲ့သည်။

ဧရာဝတီတိုင်း၊ ကျုံပျော်မြို့နယ်မှ မိုးစပါး ဧက ၃ဝ ကျော် ရေနစ်မြုပ်သွားသူ တောင်သူ ဦးသန်းဦး ကလည်း ရေပြန်ကျချိန် ခန့်မှန်းမရ၍ မျိုးစပါးအတွက် စိတ်ပူပန်နေရကြောင်း ပြောသည်။

“စပြီး ရေဝင်တဲ့အချိန်တုန်းကတော့ လိုက်ပြီး ဖေါက်ချပေမယ့် မိုးကလည်း နေ့တိုင်း သဲသဲမဲမဲ ရွာနေတော့ မနိုင်တော့ ဘူး။ စပါးတွေက ရှင်နိုင်မှာ မဟုတ်တော့ဘူး။ ရေကလည်း ဘယ်အချိန် ပြန်ကျမှန်း မသိသေးဘူး။ ပြန်စိုက်ဖို့ အတွက် မီပါ့မလား စိုးရိမ်နေရသလို မျိုးစပါး ရှာဖို့အတွက်လည်း စိတ်ပူနေရတယ်” ဟု ဆိုသည်။

လက်ရှိ အနေအထားအရ ရေပြန်ကျနေသော ဒေသများရှိသလို ဆက်လက် ရေလွှမ်းနေဆဲ ဒေသများလည်း ရှိနေသေး ၍ မျိုး စပါးလိုအပ်ချက် ပမာဏကို တိတိကျ မသိသေးကြောင်း နှင့် မျိုးစပါးလိုအပ်ချက် ဖြည့်ဆည်းပေးနိုင်ရန် တိုင်းအစိုးရအဖွဲ့များနှင့် ပူးပေါင်းဆောင်ရွက်သွားမည်ဖြစ်ကြောင်း ဆန်စပါးအသင်းက ဆိုသည်။

မြန်မာနိုင်ငံတွင် နှစ်စဉ် စပါးစိုက်ဧက ၁၅ သန်းနှင့် ၁၆ သန်း အကြားတွင် ရှိပြီး ရေလွှမ်းမှုကြောင့် ပျက်စီးဆုံးရှုံးသည့် စိုက်ဧက ပမာဏသည် ဆန်စပါး ထုတ်လုပ်နိုင်မှုကို လျော့စေနိုင်သည့် သက်ရောက်မှု မရှိနိုင်ကြောင်း ဆန်စပါးအသင်း အထွေထွေ အတွင်းရေးမှူး ဦးရဲမင်းဦး က ပြောဆိုသည်။

Ref: မဇ္ဈိမ

Read More...

Collapse...

လက်နက်မှုဖြင့် ထိုင်းနိုင်ငံသား ရှစ်ဦးကို ထောင် ၇ နှစ်စီ အမိန့်ချ

ကွန်းချမ်း
သြဂုတ်လ ၂၄ ရက် ၂၀၁၂ ခုနှစ်


လက်နက်မှု၊ မူးယစ်ဆေးဝါးမှုဖြင့် စွပ်စွဲခံထားရသည့် ထိုင်းနိုင်ငံသား ကိုးဦးအနက် လက်နက်မှုဖြင့် ရှစ်ဦးကို သောကြာနေ့တွင် ကော့သောင်းမြို့နယ် တရားရုံးက အလုပ်ကြမ်းနှင့် ထောင်ဒဏ် ၇ နှစ်စီ ချမှတ်လိုက်ကြောင်း သိရသည်။

ဇူလိုင်လ ၃၁ ရက်နေ့မှ စတင် ရုံးထုတ် စစ်ဆေးလာခဲ့ရာမှ ပြစ်မှု ထင်ရှားသည်ဟုဆိုပြီး မြို့နယ်တရားသူကြီး ဒေါ်သီတာလှိုင်ချို က စီရင်ချက် ချလိုက်ခြင်း ဖြစ်သည်။

“ပုဒ်မ ၁၉ (က) နဲ့ အလုပ်ကြမ်းနဲ့ ထောင်ဒဏ် ၇ နှစ် ချလိုက်တယ်။ ယောက်ျားသက်သက် ရှစ်ယောက်ကို ချတယ်။ အလုပ် ကြမ်းနော် လျှော့ရက် မရှိဘူး” ဟု တရားရုံးနှင့် နီးစပ်သူတဦးက ပြောသည်။

တနင်္သာရီတိုင်း၊ ကော့သောင်းခရိုင်၊ ခမောက်ကြီးမြို့နယ်အတွင်း တရားမဝင် နိုင်ငံ ကျူးကျော်ဝင်ရောက် နေထိုင်ကာ ရာဘာနှင့် ဆေးခြောက်စိုက်ခင်း စိုက်ပျိုး လုပ်ကိုင်နေသည့် ထိုင်းနိုင်ငံသား ၉၂ ဦးကို ဇူလိုင်လ ၄ ရက်နေ့နှင့် ၅ ရက်နေ့များတွင် ကော့သောင်း အခြေစိုက် ခမရ ၄၃၁ တပ်ရင်းက လက်နက်နှင့်အတူ ဖမ်းဆီးရမိခဲ့သည်။

၎င်းတို့ကို ကော့သောင်းခရိုင် တရားရုံးက တရားမဝင် နိုင်ငံ ခိုးဝင်မှု၊ သစ်တောမှုတို့ဖြင့် ဇူလိုင်လ၂၂ ရက်နေ့တွင် ထောင်ဒဏ် ၃ နှစ်ခွဲစီ ချမှတ်ခဲ့ပြီး ကော့သောင်းမြို့အနီး ၉ မိုင် အကျဉ်းထောင်တွင် ဖမ်းဆီး ချုပ်နှောင်ထားဆဲဖြစ်သည်။

တရားလိုပြ သက်သေများ၏ ထွက်ဆိုချက်များအရ ဖမ်းဆီးစဉ်က အပြန်အလှန် ပစ်ခတ်မှုတွင် တပ်မတော်သား တဦး ကျဆုံးခဲ့ သည်ဟုလည်း တရားရုံးနှင့် နီးစပ်သူက ပြောသည်။

လက်နက်မှုဖြင့် စွပ်စွဲခံထားရသူ ရှစ်ဦး၊ မူးယစ်ဆေးဝါးမှုဖြင့် စွပ်စွဲခံထားရသူ နှစ်ဦးအနက် အမျိုးသားတဦး ဖြစ်သည့် ထမ်ပွင့်လ် မှာ အမှုနှစ်ခုလုံးတွင် ရင်ဆိုင်နေရပြီး ၎င်းတို့အနက် နမ်ကလဲ့ယာ အမည်ရှိ အမျိုးသမီးတဦး ပါဝင်သည်။

ထမ်ပွင့်လ် မှာ ဦးနှောက်သို့ ငှက်ဖျားပိုး ဝင်သည့်အတွက် သတိလစ်ကာ ကော့သောင်း ဆေးရုံကြီးသို့ တင်ထားရဆဲ ဖြစ်ကြောင်း သိရသည်။

တနင်္လာနေ့တွင် မူးယစ်ဆေးဝါးမှုနှင့် ပတ်သက်သည်ဟု စွပ်စွဲထားခံရသူ ထမ်ပွင့်လ် နှင့် နမ်ကလဲ့ယာ တို့ နှစ်ဦးအား မြို့နယ် တရားရုံးတွင် စီရင်ချက် ချဦးမည်ဟု တရားရုံးသို့ သွားရောက် နားထောင်ခဲ့သူ ကော့သောင်းမြို့ခံ ကိုသန်းထွန်း က ပြောသည်။

“သူတို့ကို ဆီးစစ်ထားတုန်းပဲ ရှိသေးတယ်။ ဆရာဝန်က ဆေးစစ်ချက်ကို စောင့်နေတာ” ဟု မဇ္ဈိမကို ပြောသည်။

ထိုင်းနိုင်ငံသားများ၏ အမှုကို လိုက်ပါဆောင်ရွက်ပေးရန်အတွက် ထိုင်း-မြန်မာ နယ်ခြား ကော်မတီမှ ရှေ့နေ နှစ်ဦးကို ငှားရမ်း ပေးထားသည်ဟုလည်း သိရသည်။

ဇူလိုင်လ ၁၀ ရက်နေ့ထုတ် မြန်မာအစိုးရ သတင်းစာတွင် ရာဘာခြံ လုပ်ငန်း လုပ်ကိုင်နေသည့် ထိုင်းနိုင်ငံသားများကို တဲ ၂၃ လုံး၊ M-16 ၅ လက်၊ AR-15 ၂ လက်၊ AK-47 ၂ လက်၊ ဝင်ချက်စတာ ၅ လက်၊ ပွိုင့်-၃၈ ခြောက်လုံးပြူး ၃ လက်၊ ပွိုင့်- ၃၅၇ ခြောက်လုံးပြူး ၁ လက်၊ လုပ်သေနတ်ရှည် ၉ လက်၊ တို ၂ လက်၊ ရှေ့ထွက်မိုင်း ၁ လုံး၊ လက်ပစ်ဗုံး ၁ လုံး၊ ၅ ဒသမ ၅၆ ကျည် ၄၂ တောင့်၊ AK-47 ကျည် ၁၁ တောင့်၊ ပွိုင့် ၃၈ ကျည် ၃၆ တောင့်၊ လုပ်သေနတ်ကျည် ၁၂၅ တောင့်၊ ကျည် အိမ်မျိုးစုံ ၃၂ ခု၊ မြေထိုးစက် ၃ စီး၊ ယာဉ်ငယ်မျိုးစုံ ၁၇ စီး၊ ဘက်ဟိုးယာဉ် ၅ စီး၊ မော်တော်ဆိုင်ကယ် ၂ဝ စီး၊ ရာဘာ ပင် ဧက ၁၅ဝဝ နှင့်အတူ ဖမ်းဆီးရမိကြောင်း ဖော်ပြပါရှိသည်။

တရားခံများကို အကူအညီပေးရန် ဒေသခံ ထိုင်း-မြန်မာ နယ်ခြား ကော်မတီသို့ တာဝန်ပေးထားကြောင်းနှင့် ထိုင်းနိုင်ငံ အနေဖြင့် မြန်မာတရားစီရင်မှု လုပ်ငန်းစဉ်တွင် ဝင်ရောက်စွက်ဖက်မည် မဟုတ်ကြောင်း ထိုင်းနိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် မစ္စတာသာနီ ၏ ပြောကြားချက်ကို ကိုးကားပြီး ထိုင်းနိုင်ငံထုတ် ဘန်ကောက်ပို့စ် သတင်းစာတွင် ဖော်ပြခဲ့သည်။

Ref: မဇ္ဈိမ

Read More...

Collapse...

ရန်ကုန်-ဒလ ကူးတို့သင်္ဘောသစ်များအတွက် ငွေနှင့် နည်းပညာ ဂျပန်ကူမည်

ကျော်ဖုန်းကျော်၊ သိင်္ဂီထွန်း
သြဂုတ်လ ၂၄ ရက် ၂၀၁၂ ခုနှစ်

ရန်ကုန်နှင့် ဒလ ပြေးဆွဲနေသော လက်ရှိ ကူးတို့သင်္ဘောများ နေရာတွင် သင်္ဘောသစ်များ ပြေးဆွဲနိုင်ရန် ငွေကြေးနှင့် နည်း ပညာ အကူအညီများ ပေးမည်ဟု ဂျပန်နိုင်ငံ ရေကြောင်းဗျူရို၏ ဒါရိုက်တာ မစ္စတာ ရှီနီချီရို အိုဆူဘို က ပြောသည်။

“မြစ်ရဲ့ စီးဆင်းမှုကို လေ့လာပြီးတော့ အသင့်တော်ဆုံး ဒီဇိုင်းနဲ့ ပြုလုပ်သွားမှာပါ” ဟု သောကြာနေ့က Chatriun ဟိုတယ် တွင် ပြုလုပ်သည့် ဂျပန်-မြန်မာ ပို့ဆောင်ရေး နည်းပညာ ဆွေးနွေးပွဲတွင် ပြောဆိုလိုက်ခြင်း ဖြစ်သည်။

မြန်မာနိုင်ငံနှင့် ကိုက်ညီသည့် သင်္ဘောဒီဇိုင်းကို လာမည့်နှစ် မတ်လတွင် အခြေခံ အဆင့်များ ပြီးစီးမည်ဖြစ်ကာ သင်္ဘောတည် ဆောက် ချိန် တနှစ်ခန့်သာ ကြာမြင့်မည် ဖြစ်သည်။

ကူးတို့သင်္ဘောများ တည်ဆောက်ရေးအတွက် ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) ကလည်း ချေးငွေများကို မြန်မာအစိုးရအား နှစ်ရစ် ခွဲပေးသွားရန် အစီအစဉ်ရှိသည်ဟုလည်း JICA က ဆိုသည်။

ဂျပန်သင်္ဘော တည်ဆောက်ရေးလုပ်ငန်း သမဝါယမအသင်း၏ အမှုဆောင်ဒါရိုက်တာ ကလည်း ဂျပန်အနေဖြင့် ချေးငွေ များ အပြင် သင်္ဘောတည်ဆောက်သည့် နည်းပညာကိုလည်း အကူအညီပေးမည်ဟု ဆွေးနွေးပွဲတွင် အသိပေးပြောကြား ခဲ့သည်။

လှိုင်မြစ်ကို ဖြတ်သန်းရသည့် ရန်ကုန်-ဒလ ကူးတို့သင်္ဘောများကို စီမံကွပ်ကဲသည့် ပြည်တွင်း ရေကြောင်း ပို့ဆောင်ရေး ၏ မြစ်ဝကျွန်းပေါ်ဌာနခွဲ၏ အဆိုအရ ယင်း ခရီးလမ်းကို ကူးတို့သင်္ဘော နှစ်စီးဖြင့် တနေ့လျှင် ၉၆ ခေါက် ပြေးဆွဲပြီး တခေါက်လျှင် ပျှမ်းမျှ ခရီးသည်ဦးရေ ၅ဝဝ မှ ၇ဝဝ အထိ လိုက်ပါစီးနင်း ကြသည်ဟု သိရသည်။

ခရီးသည် တဦးလျှင် ၅ဝ ကျပ်ပေးချေရပြီး နိုင်ငံခြားသား ခရီးသည်များအတွက်မူ တဦးလျှင် အမေရိကန် ၁ ဒေါ်လာ ကောက်ခံ ကြောင်း ပြည်တွင်းရေကြောင်း၏ စာရင်းဇယားများအရ သိရသည်။

စက်တင်္ဘာလ အတွင်းတွင် ကူးတို့သင်္ဘောများကိစ္စနှင့်ပတ်သက်ပြီး စုံစမ်းလေ့လာရေး အဖွဲ့များ စေလွှတ်၍ အသေးစိတ် သုံးသပ် မည်ဟုလည်း မစ္စတာ ရှီနီချီရို အိုဆူဘို က ပြောသည်။

ဆွေးနွေးပွဲသို့ မြန်မာ ပို့ဆောင်ရေးဝန်ကြီး ဦးဉာဏ်ထွန်းအောင် နှင့် သယ်ယူ ပို့ဆောင်ရေးနှင့်သက်ဆိုင်သော အစိုးရအရာရှိ ကြီးများ တက်ရောက်ခဲ့ပြီး ဂျပန် ပို့ဆောင်ရေးနှင့် အခြေခံအဆောက်အဦဆိုင်ရာ ဒု-ဝန်ကြီး မစ္စတာ တာကရှိ ကီတာမူရာ၊ နည်းပညာဆိုင်ရာ ဒု-ဝန်ကြီး နှင့် ဂျပန် သယ်ယူပို့ဆောင်ရေး စီးပွားရေး လုပ်ငန်းရှင်များ တက်ရောက်ခဲ့ကြသည်။

Ref: မဇ္ဈိမ

Read More...

Collapse...