မိတ္တီလာအရေးအခင်း ဒုက္ခသည်တွေကို ကုလ အကူအညီပေးမည်

မခင်ဖြူထွေး

25.03.2013
မိတ္ထီလာခရိုင်တွင်း ပြီးခဲ့တဲ့ရက်ပိုင်းက အကြမ်းဖက် အဓိကရုဏ်း တွေကြောင့် အိုးအိမ်မဲ့ခဲ့ရသူ ၁ သောင်း ၂ ထောင်ကျော်ရှိနေပြီး ဒီလူတွေအတွက် လိုအပ်တဲ့ အကူအညီတွေ ပေးနိုင်ဖို့ ကုလသမဂ္ဂက အချက်အလက် ရှာဖွေစုဆောင်းမှုတွေ လုပ်နေတယ်လို့ ကုလသမဂ္ဂက ပြောပါတယ်။ မိတ္ထီလာမြို့က အကြမ်းဖက်မှုတွေ တခြားမြို့ရွာတွေကို ပျံ့နှံ့မသွားအောင် အစိုးရက ထိန်းသိမ်းဆောင်ရွက်နေပေမဲ့လည်း မြို့နယ်တချို့ ပျံ့နှံ့ခဲ့တာလည်း ရှိပါတယ်။ ရန်ကုန်မြို့မှာလည်း မနေ့ကစလို့ လုံခြုံရေး တိုးမြှင့်ချထားမှုတွေ ရှိတဲ့အကြောင်း ဒေသခံတွေက ပြောပါတယ်။ ဒီအခြေအနေ အပြည့်အစုံကို မခင်ဖြူထွေးက တင်ပြထားပါတယ်။

ရွှေဆိုင်တခုမှာ အချင်းများရာကနေ စခဲ့တဲ့ မိတ္ထီလာခရိုင်တွင်း အကြမ်းဖက် ဆူပူမှုတွေကြောင့် အိုးအိမ်မဲ့ ဒုက္ခရောက်နေသူပေါင်း ၁ သောင်းကျော်ရှိနေပြီး ဒီလူတွေကို လိုအပ်တဲ့ အကူအညီ တွေ ပေးနိုင်ဖို့အတွက် ကုလသမဂ္ဂ အဖွဲ့တွေက ကြိုးပမ်းနေတဲ့ အကြောင်း ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရသူ မာတင် နားစကီး (Martin Nesirky) က တနင်္လာနေ့ ပုံမှန်သတင်းစာရှင်းလင်းပွဲမှာ ပြောသွား ခဲ့ပါတယ်။

“ပြီးခဲ့တဲ့ သီတင်းပတ်က မန္တလေးတိုင်း ဒေသကြီး မိတ္ထီလာခရိုင်မှာ ဖြစ်ပွားခဲ့တဲ့ အကြမ်းဖက် မှုတွေအတွင်း လူပေါင်း ၁ သောင်း ၂ ထောင်လောက် အိုးအိမ်မဲ့ခဲ့ရတယ် လို့ မြန်မာ အစိုးရက ခန့်မှန်းတဲ့အကြောင်း ကုလသမဂ္ဂ လူသားချင်း စာနာထောက်ထား မှုဆိုင်ရာရုံးက ပြောပါတယ်။ ဒုက္ခရောက်နေတဲ့သူတွေကို အာဏာပိုင်တွေက အစားအစာနဲ့ ရေ ဖြန့်ဝေပေးနေပါတယ်။ ကုလသမဂ္ဂ လူသားချင်း စာနာထောက်ထား မှုဆိုင်ရာရုံး၊ ကုလသမဂ္ဂ ကလေးများအတွက် ရန်ပုံငွေအဖွဲ့ UNICEF နဲ့ ကမ္ဘာ့စားနပ် ရိက္ခာအဖွဲ့ အပါအ၀င် အဖွဲ့တွေကလည်း လိုအပ်နိုင်မယ့် အကူအညီတွေနဲ့ ပတ်သက်လို့ အချက်အလက် စုဆောင်းရှာဖွေတာတွေ လုပ်ဆောင်နေပါတယ်။”

မြန်မာနိုင်ငံမှာရောက်နေတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ အထူးအကြံပေးပုဂ္ဂိုလ် ဗွီဂျေး နမ်ဘီးယား (Vijay Nambiar) ဟာလည်း လူပေါင်း ၃၀ ကျော် သေဆုံးတဲ့အထိ အကြမ်းဖက်မှုတွေ ပြင်းထန်ခဲ့တဲ့ မိတ္ထီလာမြို့ကို တနင်္ဂနွေနေ့က သွားရောက်ကြည့်ရှုခဲ့ပြီး ကယ်ဆယ်ရေးစခန်းတွေမှာရှိတဲ့ အိုးအိမ်မဲ့ ဒုက္ခရောက်နေသူတွေကို တွေ့ဆုံခဲ့သလို၊ ဘာသာ ရေးခေါင်းဆောင်တွေနဲ့လည်း တွေ့ဆုံ ခဲ့တာပါ။

အသက်အိုးအိမ် ဆုံးရှုံးမှုတွေ ဖြစ်ခဲ့တဲ့အပေါ်မှာ စိတ်မကောင်းဖြစ်ရကြောင်း ကြေညာချက် ထုတ်ပြန်ခဲ့သလို ဒီအကြမ်းဖက်မှုတွေကို ကျူးလွန်သူတွေကို အပြစ်ပေး အရေးယူဖို့လည်း မစ္စတာ နမ်ဘီးယားက တိုက်တွန်းပြောကြားခဲ့ပါတယ်။

မိတ္ထီလာမြို့က အကြမ်းဖက်မှုတွေ တခြားမြို့ရွာတွေကို ပျံ့နှံ့မသွားအောင် အစိုးရက ထိန်းသိမ်းဆောင်ရွက်နေပေမဲ့လည်း မြို့နယ်တချို့မှာ အကြမ်းဖက်မှုတွေ ပျံ့နှံ့ခဲ့ပါတယ်။

မန္တလေးတိုင်းဒေသကြီး ရမည်းသင်းခရိုင်မှာ တနင်္ဂနွေနေ့ညပိုင်းက အုပ်စုလိုက် အကြမ်းဖက် မီးရှို့မှုကြောင့် ဘာသာရေး အဆောက်အဦး တလုံးနဲ့ လူနေအိမ် ၅၅ လုံး မီးလောင် ပျက်စီးခဲ့တဲ့အကြောင်းနဲ့ ဒီအကြမ်းဖက်မှုမှာ ပါဝင်ပတ်သက်တယ်လို့ ယူဆရသူတွေကိုလည်း ဖမ်းဆီးထားတဲ့အကြောင်း မြန်မာအစိုးရသတင်းစာမှာ တနင်္လာနေ့က ဖော်ပြခဲ့ပါတယ်။

နေပြည်တော်မြောက်ဘက် တပ်ကုန်းမြို့မှာလည်း တနင်္ဂနွေနှောင်းပိုင်းက အကြမ်းဖက် မီးရှို့တာတွေ ဖြစ်ခဲ့ပြီး လူနေအိမ် ၄ လုံးနဲ့ ဗလီငယ်တခု မီးလောင် ပျက်စီးခဲ့တဲ့အကြောင်း ရိုက်တာသတင်းက ဖော်ပြပါတယ်။

ရန်ကုန်မြို့မှာတော့ ဘာသာရေး အဓိကရုဏ်းတွေနဲ့ မတည်မငြိမ်ဖြစ်အောင် လှုံ့ဆော်တဲ့ ကောလဟာလ သတင်းတွေ ပျံ့နှံ့နေတာကြောင့် ဒေသခံတွေ စိုးရိမ်ထိတ်လန့်နေရကြောင်း ဒေသခံတချို့က ဗွီအိုအေကို ပြောပါတယ်။

မင်္ဂလာတောင်ညွှန့်မြို့နယ်ဘက်မှာ ကောလဟာလ ပြောဆိုမှုတွေကြောင့် မနေ့ကညပိုင်းက လူတွေ ရုတ်ရုတ်သဲသဲဖြစ်ခဲ့ပြီး ဈေးဆိုင်တချို့ စောပိတ်သွားခဲ့တာ ရှိပေမဲ့ အကြမ်းဖက် တဲ့အထိတော့ ဘာအခြေအနေမှ မရှိခဲ့ဘူးလို့ မြို့ခံတွေနဲ့ လုံခြုံရေး တာဝန်ရှိသူတွေက ပြောပါ တယ်။ လောလောဆယ် ရန်ကုန်မြို့က စစ်ဆေးရေးဂိတ်တွေ အပါအ၀င် နေရာတချို့မှာ လုံခြုံရေး တင်းတင်းကြပ်ကြပ် ချထားတဲ့အကြောင်း ဒေသ ခံတွေက ပြောပါတယ်။

မြန်မာနိုင်ငံမှာ အခုလို ဘာသာရေး အဓိကရုဏ်းတွေ အရင်ကလည်း ဖြစ်ခဲ့ဖူးပေမဲ့ ၂၀၁၁ ခုနှစ် သမ္မတဦးသိန်းစိန် အစိုးရ တက်လာပြီးနောက်ပိုင်း အဆိုးရွားဆုံး ပြန်ဖြစ်လာခဲ့ တဲ့ ဖြစ်ရပ်တွေလည်း ဖြစ်ပါတယ်။

ပြီးခဲ့တဲ့နှစ်ကလည်း ရခိုင်ပြည်နယ်တွင်း ဒေသခံရခိုင်လူမျိုးတွေနဲ့ မူဆလင်တွေ ကြား ဖြစ်ပွားခဲ့တဲ့ အကြမ်းဖက်မှုတွေအတွင်း လူပေါင်း ၁၀၀ ကျော် သေဆုံးခဲ့ရသလို လူပေါင်း သိန်းနဲ့ချီ အိုးအိမ်မဲ့ ဒုက္ခရောက်နေကြရဆဲလည်း ဖြစ်ပါတယ်ရှင်။


Ref: ဗွီအိုအေ

Read More...

Collapse...

မိတ္ထီလာမြို့ခံတွေလုံခြုံရေးအတွက် စိုးရိမ်နေဆဲ

မအေးအေးမာ
25.03.2013

မန္တလေးတိုင်း မိတ္တီလာမြို့မှာ သွေးထွက်သံယို ဆူပူမှုတွေ ဖြစ်ပွား ခဲ့ပြီးနောက် အခြေအနေတွေ တည်ငြိမ်စ ပြုလာပေမဲ့ ဒုက္ခသည်တွေနဲ့ မြို့ခံတွေကတော့ လုံခြုံရေးအတွက် စိတ်မအေးနိုင်သေး ဘဲ ဖြစ်နေကြပါတယ်။ အခုအခါ ထောင်ဂဏန်း ချီရှိတဲ့ မူဆလင် ဒုက္ခသည်တွေကိုတော့ မြို့ခံတွေသာမက တခြားလူမှုရေး အဖွဲ့အစည်းတွေကပါ ၀ိုင်းဝန်း ကူညီစောင့် ရှောက်နေကြရတာပါ။ မိတ္ထီလာနဲ့ အနီးအနားမြို့တွေက နောက်ဆုံးအခြေအနေတွေကိုတော့ မအေးအေးမာက သတင်းပေးပို့ထားပါတယ်။

မိတ္ထီလာမြို့ ရွှေဆိုင်တဆိုင်ကနေ စတင်ဖြစ်ပွားခဲ့ရတဲ့ အကြမ်းဖက်မှုတွေအတွင်း အာဏာပိုင်တွေ ထုတ်ပြန်ခဲ့တဲ့ အရေအတွက်ထက် ပိုပြီးတော့ ထိခိုက်သေဆုံးမှုတွေ ရှိနိုင်တယ်ဆိုပြီး မြို့ခံတွေက တွက်ဆထားပါတယ်။ အကြမ်းဖက်မှုတွေကြောင့် ဒုက္ခသည်တွေကြား အစ္စလာမ်ဘာသာဝင်တွေ အများဆုံးရှိနေ တယ်ဆိုပြီး မြို့ခံတွေက ဆိုပါတယ်။ ဒုက္ခသည်တွေကို အကူအညီပေးနေတဲ့ မြို့ခံတဦးကတော့

“ဒုက္ခသည်တွေကို ခရိုင်အားကစားကွင်းရယ်၊ နောက်တခုက တီတီစီကျောင်းဝင်းရယ် အဲ့ဒီနေရာမှာတော့ သူတို့ ထားထားတယ်။ ခရိုင်အားကစားကွင်းမှာက အစိုးရအဖွဲ့ အစည်းတွေ ပြောတာကတော့ ထောင်ပိုင်းလောက်ရှိတယ်။ ဒါပေမဲ့ ကျနော် သွားကြည့်တဲ့အချိန်မှာတော့ တော်တော်များပါတယ်။ ၆ ထောင် ၇ ထောင်လောက်ရှိမယ်လို့ ကျနော်တို့ ခန့်မှန်းပါတယ်။ အစ္စလာမ်ဘာသာဝင်တွေ များပါတယ်။ အိမ်တွေ မီးထဲပါသွားတဲ့ မီးဘေးသင့် မြန်မာဗုဒ္ဓဘာသာဝင် ဒုက္ခသည်တွေလည်း အဲ့ဒီမှာရှိပါတယ်။ ဒုက္ခသည်တွေဆီကို သွားရောက်ပြီးတော့မှ ကိုယ့်ဘက်က တတ်နိုင်သလောက်လေး လှူဒါန်းမယ်ဆိုရင်တော့ လှူဒါန်းလို့ရပါတယ်။ အဲ့ဒီမှာ လောလောဆယ် ရဲတွေကနေပဲ လုံခြုံရေးအနေနဲ့ ချထားပေးတာရှိပါတယ်။”

မိတ္ထီလာပြည်သူ့ အကျိုးဆောင်ကွန်ရက်က ဒေါ်မြင့်မြင့်အေးကတော့ မိတ္ထီလာမြို့မှာ အကြမ်းဖက်မှုတွေကြောင့် စိုးရိမ်ရတဲ့အခြေအနေမှာ ရှိနေဆဲပဲလို့ ဆိုပါတယ်။

“ဒီကနေ့ နောက်ဆုံးအနေအထားက စစ်အုပ်ချုပ်ရေးဝင်တယ်လို့ ပြောပေမဲ့ ဗမာတွေလည်းပဲ အခုအချိန်မှာ စိတ်မအေးရသေးဘူး။ ကိုယ့်လမ်းကိုယ်ကို ပြန်ပြီးတော့ လုံခြုံရေးတွေ ယူနေရတုန်းပဲ။ ညဘက်ကို မီးစုန်းပစ်မလားဆိုပြီး စိုးရိမ်ရတာတွေ ရှိသေးတယ်။ မူဆလင်တွေကလည်း ကိုယ့်အိမ်ကိုယ် ပြန်မလာရဲသေးဘူး။ ပြန်လာဖို့ ကျတော့လည်း သူတို့မှာလည်း စိုးရိမ်ပူပန်မှုတွေ ရှိနေတယ်။ ကျမလေ့လာလိုက်ကြည့် တဲ့အခါမှာ မူဆလင်တွေ ပိုင်တဲ့အိမ်တွေက တော်တော်လေး မရှိသလောက်ကို ပျက်စီးသွားတယ်။ လမ်းမတန်းတွေမှာရှိတဲ့ တိုက်ကြီးတွေ၊ တိုက်ကြီးတွေဆိုရင် အထဲမှာလည်း ဘာပစ္စည်းမှကို မရှိတော့ဘူး။ မီးရှို့ပြီးတော့ နောက်ပိုင်း လုတာတွေရောပေါ့နော်။ မီးတွေလောင်နေတဲ့ ချမ်းအေးဆိုတဲ့ ရပ်ကွက် ဆိုလို့ရှိရင် မူဆလင်ရပ်ကွက် အပိုင်း ၁၊ ၂၊ ၃၊ ၄ ဆိုပြီး အပိုင်း ၄ ပိုင်းပိုင်းထားတယ်။ အဲ့ဒါဆိုရင် ပြားပြားဝပ်တွေ မီးတွေ အကုန်လောင်ထားတာ”

အကြမ်းဖက်မှုတွေကို ကိုယ်တိုင်မြင်တွေခဲ့ရတဲ့ မြို့ခံကတော့ သူရှေ့မှာတင် သတ်ဖြတ်မှု တွေနဲ့ အလောင်းတွေကို မီးရှို့ဖျက်စီးမှုတွေကို မြင်ခဲ့ရကြောင်း ဒီ့အတွက် သေဆုံးမှုဟာ အစိုးရခန့်မှန်းချက်ထက် ပိုနိုင်တယ်လို့ဆိုပါတယ်။ ဒေသခံတွေ သဘောကတော့ ဒုက္ခသည်တွေကို မောင်းထုတ်ဖို့အထိ မုန်းတီးတဲ့အခြေအနေ မရှိတဲ့အကြောင်း ပြောပြ ပါတယ်။

“သူတို့ရေးထားတာကတော့ ၃၀ ကျော်ပေ့ါ။ ကျနော်တို့ အထင်ကတော့ အဲ့ဒီထက် ပိုမှာပါ။ တချို့နေရာတွေမှာကျတော့ မီးကလည်း အရမ်းလောင်၊ မီးလောင်မှုကလည်း ဖြစ်ပွားနေ
တော့ ရိုက်သတ်ပြီး မီးလောင်နေတဲ့ အိမ်တွေထဲ ပစ်ထည့်တဲ့ဟာမျိုးတွေ၊ စာရင်းမပေါ် တဲ့ ဖြစ်စဉ်တွေလည်း အများကြီးရှိတယ်။ လူသတ်မှုပေါ့။ အများကြီးရှိပါတယ်။ အဲ့ဒီတော့ ၃၀ ကျော် မကပါဘူးခင်ဗျ။ သတ်ဖြတ်တဲ့နေရာမှာလည်း လက်က အတော်လေး ယဉ်ပါးတဲ့ပုံစံမျိုးတွေပေါ့။ အဲ့ဒါမျိုးတွေတော့ တော်တော်များများ ကျနော်တို့ ကြုံတွေ့ခဲ့ရတယ်ပေါ့။ ဒုတ်နဲ့ ရိုက်တဲ့နေရာမှာရော၊ ဓားနဲ့ထိုးတဲ့နေရာမှာတွေရောက ဘယ်သူ့ကိုမှ ဂရုမစိုက်တော့ဘဲနဲ့ ဒီဥစ္စာကြီးကို လုံးဝ မုန်းတီနာကြီးပြီး လုပ်နေတဲ့ ပုံစံမျိုးတွေ ပေါ်လွင်နေတယ်။ အငြိုးအတေး တွေနဲ့ လုပ်နေတဲ့ ပုံကြီးတွေ ပေါ်လွင်နေ တာပေါ့။ ပဋိပက္ခဖြစ်လာပြီးဆိုမှ လုံးဝကြီး မောင်းထုတ်မယ်ဆိုတာတော့ လုံးဝ မဖြစ်နိုင် ဘူးလို့ ကျနော်တို့ကတော့ ထင်ပါတယ်။ လူတွေလည်း အသက်ဆုံးရှုံးခဲ့ရတယ်။ အိုးအိမ်တွေလည်း ပစ်ပြီးတော့မှ ဒုက္ခတွေ အများကြီးရောက်နေတဲ့အချိန်မှာ ကျနော်တို့ ထပ်ပြီးတော့မှ မြို့ခံလူထုကလည်း လုံးဝ လက်မခံဘူးဆိုရင် ဒီပြဿနာ ကြီးက လုံးဝ ဖြေရှင်းလို့ရမှာမဟုတ်ဘူးလို့ ကျနော့်အနေနဲ့ မြင်တယ်ဗျ။ အကုန်လုံးကတော့ လောလောဆယ် စိုးရိမ်နေတဲ့ အခြေအနေမှာပဲ တွေ့နေရတယ်။ စစ်တပ်က ရောက်လာ တာတော့ ရောက်လာတာပေါ့နော်။ ကျနော်တို့ အခုချိန်မှာ မြို့ခံတွေကတော့ ကိုယ့်ရပ်ကွက်တွေ ရပ်ကွက်တွေမှာ လမ်းတွေမှာ ကင်းစောင့်နေရတာမျိုးတွေ ရှိပါတယ်။ အရေးပေါ် အခြေအနေ ချထားတယ်ဆိုပေမဲ့ စစ်တပ်ကလည်း မြို့ထဲက တချို့နေရာလေးတွေမှာတော့ အစောင့်ချထားတာလေးတွေရှိပါတယ်။ ညဘက်ဆိုရင်တော့ စစ်ကားပတ်တယ်။ ဒါပေမဲ့ မြို့ခံတွေကတော့ ကိုယ့်ရပ်ကွက် ကိုယ့်နေရာကိုယ် လုံခြုံဖို့ကတော့ လမ်းတွေမှာ စောင့်နေရတယ်။ ကျနော်တို့ကိုယ်တိုင်လည်း လုပ်နေရတယ်ပေါ့ အဲ့ဒါမျိုး။”

ပြီးခဲ့တဲ့ ဗုဒ္ဓဟူးနေ့ကစပြီး ရုန်းရင်းဆန်ခတ် အကြမ်းဖက် အဓိကရုဏ်းတွေ ဖြစ်ခဲ့ပြီးတော့ လူတွေ သေဆုံး ဒဏ်ရာရခဲ့တဲ့ မိတ္ထီလာမြို့ကို ကုလသမဂ္ဂ အတွင်းရေးမှူးချုပ်ရဲ့ မြန်မာ
နိုင်ငံဆိုင်ရာ အထူးအကြံပေးပုဂ္ဂိုလ် ဗွီဂျေး နမ်ဘီးယား (Vijay Nambiar) ဟာ တနင်္ဂနွေနေ့က သွားရောက်ခဲ့ပါတယ်။

သူဟာဒုက္ခသည်တွေကို တွေ့ဆုံပြီး အားပေးခဲ့ပါတယ်။ လက်ရှိမှာတော့ မြန်မာအစိုးရ အနေနဲ့ အကြမ်းဖက်မှုတွေ ဖြစ်ခဲ့ရတဲ့ မိတ္ထီလာလိုပဲ ၀မ်းတွင်း၊ မလှိုင်၊ သာစည် စတဲ့နေရာတွေ မှာလည်း အရေးပေါ်အခြေအနေတွေ ထုတ်ပြန်ထားရပါတယ်။

အလားတူပဲ တမြို့နဲ့တမြို့့ကူးစက်မှုတွေ ဖြစ်လာတာမျိုး ရေရှည် မလုံမခြုံ ဖြစ်နေရမယ့် အခြေအနေမျိုး ဖြစ်လာမှာကို မလိုလားဘူးလို့ ဒေသခံတွေက ပြောဆိုကြပါတယ်။

မိတ္ထီလာမြို့မှာ လူသေဆုံး ထိခိုက်မှုတွေအတွက် ကန့်ကွက်တဲ့အနေနဲ့ တက်ကြွလှုပ်ရှားသူ အစ္စလာမ်ဘာသာဝင်တွေက မလေးရှားနိုင်ငံ ကွာလာလမ်ပူမြို့က မြန်မာသံရုံးရှေ့မှာ ဆန္ဒပြခဲ့ကြပြီး လူနည်းစုတွေကို အကာအကွယ်ပေးဖို့လည်း တောင်းဆိုတိုက်တွန်းသွားကြ ပါတယ်။


Ref: ဗွီအိုအေ

Read More...

Collapse...

နိုင်ငံတကာအကူအညီ ၁၃ ဘီလီယံအစီအစဉ် Cyprus လက်ခံ

25.03.2013

စီးပွားရေး ပြိုလဲကျမှုကို ကာကွယ်ဖို့အတွက် နိုင်ငံတကာ ငွေချေးငှားသူတွေက ကူညီတဲ့ ၁၃ ဘီလီယံ ငွေကြေး အထောက်အပံ့ကို လက်ခံခဲ့တဲ့အကြောင်း Cyprus သမ္မတ နီကိုးစ် အန်နတာ စီယာဒီးစ် (Nicos Anastasiades) က ပြောပါတယ်။

တနင်္လာနေ့ညက နိုင်ငံကို မိန့်ခွန်းပြောကြားရာမှာ ဒီလိုရွေးချယ်ဖို့ ဆုံးဖြတ်လိုက်ရတာဟာ မလွယ်ကူကြောင်းပြောပါတယ်။ Mediterranean ကျွန်းမှာရှိတဲ့ ဘဏ်တွေ အင်္ဂါနေ့မှာ ပြန်ဖွင့် မှာဖြစ်ပြီး ငွေကြေး အမြောက်အမြား ထုတ်ယူမှုကိုတော့ တားမြစ်ထားပါတယ်။

ဒါပေမဲ့လည်း သိပ်မကြာမယ့်အချိန်မှာ ပြန်လည်ဖွင့်ပေးမှာ ဖြစ်တဲ့ အကြောင်း သူက ပြောပါတယ်။ ဒီလိုငွေကြေး အကူအညီ ရရှိတဲ့အတွက် ငွေကြေး ခ၀ါချမှုကို ရှောင်လွှဲနိုင်မှာ ဖြစ်ပြီး ယူရိုငွေကြေး ဆက်လက် သုံးစွဲနိုင်မှာ ဖြစ်ပါတယ်။

ဒါပေမဲ့လည်း ငွေကြေးအကူအညီနဲ့ ပတ်သတ်ပြီး ပုံစံမျိုးစုံနဲ့ သက်ရောက်မှုရှိမှာပါ။

Cyprus ဘဏ်မှာ ငွေကြေးအများအပြား အပ်နှံထားတဲ့ ချမ်းသာကြွယ်ဝတဲ့ ရုရှားတွေရဲ့ ငွေအချို့ကတော့ တရားမ၀င် ငွေကြေးအဖြစ် ရောက်ရှိမှာ ဖြစ်ပါတယ်။

ဒါပေမဲ့ ရုရှားဝန်ကြီးချုပ် ဒက်မထရီ မက်ဗီးဒက်ဗ် (Dmitry Medvedev) ကတော့ Cyprus နိုင်ငံအနေနဲ့ ငွေကြေးပမာဏ များတဲ့သူတွေအပေါ် ၃၀ ရာခိုင်နှုန်း အခွန်ကောက်ခံဖို့နဲ့ ငွေကြေးအာမခံ လုပ်မထားတဲ့ ဒေါ်လာ ၁ သိန်း ၃ သောင်းကျော် ပိုင်ဆိုင်သူတွေကို အခွန်ကောက်ဖို့ သဘောတူထားကြောင်း ပြောပါတယ်။ ဂျာမန် ၀န်ကြီးချုပ် အန်ဂျလာ မာကဲ (Angela Merkel) ကတော့ အခုလို ငွေချေးတဲ့ကိစ္စနဲ့ ပတ်သတ်ပြီး ဒါဟာ မျှတပါတယ်လို့ ပြောပါတယ်။

ဥရောပ ဗဟိုဘဏ်ရဲ့ နောက်ဆုံး သတ်မှတ်ထားချိန်အရောက်မှာ ဘရတ်ဆဲမှာ ဒီလို သဘောတူညီမှု ရရှိခဲ့တာဖြစ်ပါတယ်။ ဘယ်လိုသဘောတူညီချက်မှ မရဘူးဆိုရင်တော့ ဗဟို ဘဏ်အနေနဲ့ Cyprus ကို အရေးပေါ် ငွေကြေးအကူညီပေးမှုကို ဖြတ်တောက် မှာဖြစ်ပြီး အခုလို ပြေလည်သွားတဲ့အတွက် အရေးပေါ်ငွေကြေး ဆက်လက် ပေးသွားမှာ ဖြစ်ပါတယ်။


Ref: ဗွီအိုအေ

Read More...

Collapse...

တာလီဘန်နဲ့ ဆွေးနွေးဖို့ အမေရိကန်နဲ့ အာဖဂန် သဘောထားတူညီ

25.03.2013

တာလီဘန် အကြမ်းဖက်အဖွဲ့တွေနဲ့ ငြိမ်းချမ်းရေး ဆွေးနွေးပွဲဖို့အတွက် အမေရိကန် ပြည်ထောင်စုအနေနဲ့ မဟာမိတ် အာဖဂန်နိုင်ငံနဲ့ နားလည်သဘောတူမှုတွေ ရှိပါတယ်လို့ အမေရိ ကန် နိုင်ငံခြားရေးဝန်ကြီး ဂျွန် ကယ်ရီ (John Kerry) က ပြောလိုက် ပါတယ်။

အာဖဂန်နိုင်ငံ Kabul မြို့တော်မှာ တနင်္လာနေ့က အာဖဂန်သမ္မတ ဟာမက် ခါဇိုင်း (Hamid Karzai) နဲ့အတူရှိနေစဉ်မှာ နိုင်ငံခြားရေး ၀န်ကြီး ဂျွန် ကယ်ရီ (John Kerry) က အခုလို မှတ်ချက်ချ ခဲ့တာဖြစ်ပါတယ်။

အမေရိကန် နိုင်ငံခြားရေးဝန်ကြီးက အာဖဂန်နိုင်ငံကို တနင်္လာနေ့ အစောပိုင်း က လေယာဉ်နဲ့ ရောက်လာတာဖြစ်ပါတယ်။ တာလီဘန်တွေ ငြိမ်းချမ်းရေး ဆွေးနွေးပွဲကို လာဖို့ကလွဲလို့ အမေရိကန်က တခြား စိတ်ဝင်စားတဲ့အချက် မရှိဘူးဆိုတဲ့စကားကို အာဖဂန်သမ္မတ ဟာမက် ခါဇိုင်း (Hamid Karzai) က လက်မခံဘူးဆိုတာ သူယုံတယ်တယ်လို့ မစ္စတာ ကယ်ရီ က ပြောဆိုပါတယ်။

အာဖဂန်ကို ဆန့်ကျင်ပြီး အမေရိကန်နဲ့ တာလီဘန်တွေက လျို့ဝှက် ကြံစည်နေတယ် ဆိုတဲ့ ဒီလအစောပိုင်းက သတင်းတွေအပေါ် အမေရိကန်နဲ့ မြောက်အတ္တလန္တိတ်စာချုပ် အဖွဲ့ NATO က ပြင်းပြင်းထန်ထန် ကန့်ကွက်ခဲ့ပါတယ်။ အမေရိကန် ကာကွယ်ရေးဝန်ကြီး ချက် ဟေဂဲလ် (Chuck Hagel) တာဝန်စထမ်းဆောင်ချိန် အာဖဂန်နိုင်ငံကို ပထမဆုံးအကြိမ် လာခဲ့စဉ်က အဲ့ဒီသတင်းတွေကို မှတ်ချက်ပေး ပြောဆိုခဲ့ပါတယ်။ အဲ့ဒီနောက် လုံခြုံရေး အကြောင်းပြချက်ကြောင့် သူတို့နှစ်ဦး ပူးတွဲသတင်းစာရှင်းပွဲကို ဖျက်သိမ်းခဲ့ရပါတယ်။

ဒါပေမဲ့ တနင်္လာနေ့က အမေရိကန်နိုင်ငံက ထိန်းသိမ်းထားတဲ့ အကျဉ်းသားတွေထဲ က နောက်ဆုံးတယောက်ကို အာဖဂန်အစိုးရကို လွှဲပြောင်းပေးပြီးတဲ့နောက် ကောင်းမွန်တဲ့ အခြေအနေမှာ ရှိပါတယ်လို့ သမ္မတ ခါဇိုင်း ကပြောဆိုခဲ့ပါတယ်။


Ref: ဗွီအိုအေ

Read More...

Collapse...

ဘာသာရေးအကြမ်းဖက်မှု ဒီမိုကရေစီ လုပ်ငန်းစဉ်များ ထိခိုက်နိုင်ကြောင်း အစိုးရ သတင်းထုတ်ပြန်

2013-03-26

ဘာသာရေးအကြမ်းဖက်မှုတွေဟာ ဒီမိုကရေစီပြုပြင်ပြောင်းလဲရေးနဲ့ ဖွံ့ဖြိုးတိုးတက်ရေး လုပ်ငန်းတွေကို ထိခိုက်စေနိုင်ကြောင်း အစိုးရက သတင်းထုတ်ပြန် သတိပေးလိုက်ပါတယ်။

မတ်လ (၂၅) ရက်နေ့စွဲနဲ့ ကြေညာခဲ့တဲ့ သတင်းထုတ်ပြန်ချက်မှာ အစိုးရအဖွဲ့အနေနဲ့ လူမျိုးရေး၊ ဘာသာရေး အကြမ်းဖက်ဖို့လှုံ့ဆော်မှုတွေ အပါအဝင် အကြမ်းဖက်မှု အားလုံးကို ဖွဲ့စည်းပုံ အခြေခံဥပဒေ၊ တည်ဆဲဥပဒေတွေနဲ့အညီ အစွမ်းကုန် တားဆီးကိုင်တွယ်ဆောင်ရွက်သွားမှာဖြစ်ကြောင်း၊ အကြမ်းဖက်မှု၊ မီးလောင်မှုနဲ့ အဓိကရုဏ်းတွေကြောင့် အိုးအိမ် စွန့်ခွာခဲ့ရတဲ့ ဒုက္ခသည် ပြည်သူတွေရဲ့ အရေးပေါ် စားဝတ်နေရေး၊ လုံခြုံရေးကို အပြည့်အဝ ကူညီဆောင်ရွက်သွားမှာဖြစ်ပြီး၊ လုံခြုံရေးအခြေအနေ တည်ငြိမ်လာတာနဲ့အမျှ ဒုက္ခသည် ပြန်လည်နေရာချထားရေးကို အမြန်ဆုံး ဆောင်ရွက်သွားမှာဖြစ်ကြောင်း၊ လူသားချင်းစာနာရေး အကူအညီတွေကို လူထုအခြေပြု အဖွဲ့အစည်းတွေ၊ ပုဂ္ဂလိကတွေ၊ နိုင်ငံတကာ အဖွဲ့အစည်းတွေနဲ့ လက်တွဲဆောင်ရွက်သွားမယ့်အပြင်၊ ပဋိပက္ခကြောင့် ခံစားထိခိုက်ခဲ့ရတဲ့ လူ့အဖွဲ့အစည်း တွေအကြား ယုံကြည်မှု ပြန်လည်တည်ဆောက်နိုင်မယ့် ဆွေးနွေးမှုတွေ၊ စိတ်ခံစားချက်တွေကို ကုစားနိုင်မယ့် အလုပ်ရုံ ဆွေးနွေးပွဲတွေကို အကောင်အထည်ဖော် ဆောင်ရွက်သွားမှာဖြစ်ကြောင်း၊ နိုင်ငံတော်က အရှိန်အဟုန်မြှင့် ဆောင်ရွက်နေတဲ့ ဒီမိုကရေစီ ပြုပြင်ပြောင်းလဲရေးနဲ့ ဖွံ့ဖြိုးတိုးတက်ရေး လုပ်ငန်းတွေကို ထိခိုက်မယ့် အကြမ်းဖက်တာတွေ၊ ဘာသာရေး အစွန်းရောက်တာတွေကို ရှောင်ရှားကြဖို့ တိုက်တွန်းကြောင်း ဖေါ်ပြထား ပါတယ်။

အခုအခါ ပဋိပက္ခဖြစ်ပွားခဲ့တဲ့ ဒေသတွေမှာ အခြေအနေ တည်ငြိမ်လာနေပြီလို့ ဒေသခံတွေကပြောပါတယ်။

မိတ္တီလာမြို့နယ် လွှတ်တော်အမတ် ဦးဝင်းထိန်က မိတ္တီလာမြို့မှာ အကြမ်းဖက်တိုက်ခိုက်တာတွေ၊ မီးရှို့တာ တွေမရှိတော့ပါဘူး၊ လုံခြုံရေးအခြေအနေ တိုးတက်လာနေပါပြီ၊ ဈေးဆိုင် တွေပြန်ဖွင့်နေပြီး အဝေးပြေး ဘတ်စ်ကားတွေလည်း ပြန်ပြေးနေပြီဖြစ်ပါတယ်၊ အဓိကပြဿနာကတော့ ဗုဒ္ဓဘာသာဝင်တွေနဲ့ အစ္စလာမ် ဘာသာဝင်တွေကြား အရင်ကလို ဆက်ဆံ ရေးမျိုး ပြန်လည်ထူထောင်နိုင်ရေးပဲဖြစ်ပါတယ်လို့ ပြောကြားခဲ့ ကြောင်း AFP သတင်းက ဖေါ်ပြပါတယ်။

Ref: အာရ်အဖ်အေ

Read More...

Collapse...

သတင်းထောက်တွေ လုံခြုံရေး ဦးစားပေး အဆင့်ဆောင်ရွက်ဖို့ CPJ တိုက်တွန်း

2013-03-26

မြန်မာနိုင်ငံမှာ အစိုးရအနေနဲ့ သတင်းထောက်တွေရဲ့ လုံခြုံရေးကို ဦးစားပေးအဆင့်မှာ ထည့်သွင်း ဆောင်ရွက် ဖို့ အရေးကြီးကြောင်း အမေရိကန်ပြည်ထောင်စု နယူးယောက်အခြေစိုက် CPJ ခေါ် သတင်းထောက်များ ကာကွယ်စောင့်ရှောက်ရေး ကော်မတီက တိုက်တွန်းလိုက် ပါတယ်။

မတ်လ (၂၀) ရက်နေ့က မိတ္တီလာမြို့မှာ ဖြစ်ပွားခဲ့တဲ့ ဘာသာရေး အဓိကရုဏ်းအတွင်း သတင်းယူနေသူ သတင်းထောက်တွေကို အကြမ်းဖက်ဖျက်ဆီးနေသူတွေက ခြိမ်းခြောက်ခဲ့ကြပြီး၊ ကင်မရာ စတဲ့သတင်း ထောက်သုံး ပစ္စည်းတွေကိုလည်း ဖျက်ဆီးခဲ့ကြတယ်လို့ CPJ ရဲ့ ထုတ်ပြန်ကြေညာချက်မှာ ဖေါ်ပြပါတယ်။

ဘာသာရေး အဆောက်အအုံတွေအပါအဝင် နေအိမ်တွေကို အကြမ်းဖက် ဖျက်ဆီးနေကြတဲ့ လက်နက်ကိုင် ဆောင်ထားသူတွေက သတင်းထောက်တွေကို ဓါတ်ပုံမရိုက်ဖို့၊ ဖုန်းနဲ့သတင်း မပေးဖို့ ဟန့်တားခဲ့ကြတဲ့အပြင် လက်နက်တွေနဲ့ ခြိမ်းခြောက်ပြီး ကင်မရာတွေကို သိမ်းဆည်း၊ Memory card တွေကို ထုတ်ယူသွားခဲ့ကြ ကြောင်း၊ ပြည်တွင်း ပြည်ပ သတင်းဌာနတွေ အတွက် သတင်းယူနေကြသူ သတင်းထောက်အများအပြားက ဒီဖြစ်ရပ်တွေကို ကိုယ်တွေ့ကြုံခဲ့ကြရကြောင်း၊ သတင်းထောက်တချို့နီးရာ ဘုန်းတော်ကြီးကျောင်းတွေမှာ ခိုလှုံခဲ့ကြရပြီး၊ နောက်ဆုံး ရဲတပ်ဖွဲ့က ကူညီကယ်ထုတ်သွားခဲ့ရကြောင်း ကြေညာချက်မှာ ဖေါ်ပြထားပါတယ်။

အခုလို သတင်းထောက်တွေကို ခြိမ်းခြောက်နှောက်ယှက်တဲ့အပေါ် ပြင်းပြင်းထန်ထန်ရှုတ်ချကြောင်း CPJ ရဲ့ အရှေ့တောင်အာရှ ဆိုင်ရာ ကိုယ်စားလှယ် ရှောင်ခရစ်စပင်က ပြောကြား လိုက်ပြီး၊ ပဋိပက္ခဖြစ်ပွားရာ ဒေသ တွေကို သွားရောက်ပြီး သတင်းတာဝန်ထမ်းဆောင်နေကြတဲ့ သတင်းထောက်တွေရဲ့လုံခြုံရေးကို တာဝန်ယူဖို့ အစိုးရမှာ တာဝန်ရှိကြောင်း၊ ဦးသိန်းစိန် အစိုးရအနေနဲ့ သတင်းမီဒီယာ ကာကွယ်စောင့်ရှောက်ရေးကို ဦးစားပေးနေရာမှာ မထားတဲ့အတွက် အထူးစိုးရိမ်မိကြောင်းလည်း ပြောဆိုလိုက်ပါတယ်။

Ref: အာရ်အဖ်အေ

Read More...

Collapse...

မန္တလေးက ကျူးကျော်အိမ်ရှင်တွေကို ရုံးတင်စစ်ဆေး

2013-03-25

မန္တလေးမြို့၊ ချမ်းမြသာစည်မြို့နယ်၊ မြရည်နန္ဒာရပ်ကွက်မှာရှိတဲ့ ကျူးကျော်အိမ်တွေကို အခုမတ်လအတွင်း မြို့တော်စည်ပင်သာယာရေးကော်မတီက ဖယ်ရှားရှင်းလင်းရာမှာ ပြန်လည်ဟန့်တားခဲ့တဲ့ ဒေသခံ ၁၂ ဦးကို တရားစွဲဆိုပြီး ဒီကနေ့ ချမ်းမြသာစည်မြို့နယ် တရားရုံးမှာ ရုံးတင်စစ်ဆေးခဲ့ပါတယ်။

ဒေသခံတွေကို မြို့နယ်ရဲတပ်ဖွဲ့မှူးက ပုဒ်မ (၃၅၃) ဝတ္တရားနှောင့်ယှက်မှု၊ ပုဒ်မ(၁၁၄) အားပေးကူညီမှု၊ ပုဒ်မ(၄၄၇) ပိုင်နက်ကျူးလွန်မှုစတဲ့ ပုဒ်မတွေနဲ့ တရားလို ပြုလုပ်တိုင်ကြား ခဲ့တာဖြစ်ပါတယ်။ တရားစွဲခံရတာနဲ့ ပတ်သက်ပြီး ဒေသခံ ဒေါ်ရှမ်းမက RFA ကို အခုလို ပြောပါတယ်။

“တကယ်နေဖို့နေရာ လိုအပ်လွန်းလို့သာ ကျမတို့ကဝင်တာ၊ သူတို့ကို တော်လှန်တာလည်း မရှိဘူး၊ ပုန်ကန်တာလည်း မရှိဘူး၊ ဘာတစ်ခုမှ ကျမတို့ တုတ်ဓားဆွဲပြီးတော့ လုပ်တာ လည်းမရှိဘူး၊ အခုကျမတို့က သူတို့ရဲ့လုပ်ငန်းကို နှောင့်ယှက်ပါတယ်ဆိုပြီးတော့မှ ကျမတို့ကို ပြန်ပြီးတရားစွဲတာ”

ဒီနေ့ရုံးမှာ တရားစွဲဆိုခံရသူတွေထဲက ၁၁ ဦးကို ကိုယ်တိုင်ခံဝန်ချက်နဲ့ အာမခံပေးခဲ့ပြီး ကျန်တဲ့ ၁ ဦးကိုတော့ တရားရုံးကို ရောက်မလာတဲ့အတွက် အာမခံမပေးခဲ့ပါဘူး။ ဒီအမှုကို လာမယ့်ဧပြီလ ၈ ရက်နေ့မှာ ပြန်လည်ရုံးချိန်းခေါ်ဆိုထားပါတယ်။

အဲ့ဒီကျူးကျော်အိမ်တွေကို ပြီးခဲ့တဲ့နှစ်က အာဏာပိုင်တွေက မြေတူးစက်တွေနဲ့ အဓမ္မဖယ်ရှား ရှင်းလင်းခဲ့ပေမယ့် ဒီနေရာမှာပဲ မိသားစု ၃၀ လောက်က ပြန်ပြီးအခြေချနေထိုင်ခဲ့ကြ ပါတယ်။ အဲ့ဒီအတွက် အာဏာပိုင်တွေက အခုလ ၃ ရက်နေ့မှာ ထပ်မံဖယ်ရှားရှင်းလင်းခဲ့တာကို ဒေသခံတချို့က ပြန်ပြီးဟန့်တားခဲ့ကြတာပါ။

Ref: အာရ်အဖ်အေ

Read More...

Collapse...

မိတ္ထီလာမှာ ဒုက္ခသည်တွေအတွက် လှူဒါန်းသူတွေ များလာ

2013-03-25

မိတ္ထီလာမြို့မှာ ၃ရက်ကြာ ဖြစ်ပွားခဲ့တဲ့ အဓိကရုဏ်းကြောင့် အိုးအိမ်ဆုံးရှုံးခဲ့ရတဲ့ အစ္စလာမ်ဘာသာဝင်နဲ့ ဗုဒ္ဓဘာသာဝင် ဒုက္ခသည်တွေကို နိုင်ငံရေးပါတီတွေနဲ့ လူမှုရေးအသင်း အဖွဲ့တွေက မတ်လ ၂၅ရက် ဒီကနေ့မှာ ရောက်ရှိလှူဒါန်းနေကြပါတယ်။

မန္တလေးမြို့အခြေစိုက် ဘာသာပေါင်းစုံကနေ လှူဒါန်းလိုက်တဲ့ ပစ္စည်းတွေ သယ်ဆောင်ပြီး မိတ္ထီလာမြို့ကို ရောက်ရှိလာတဲ့ မေမြို့ အာရှအလင်းရောင် ဆရာတော် ဦးစိန္တက ဦးဆောင်တဲ့အဖွဲ့က အလှူပစ္စည်းတွေကို ဘာသာရေးခွဲခြားမှုမရှိပဲ နှစ်ဖက်လုံးကို ပေးအပ် သွားမယ်လို့ ဆရာတော်က RFA ကို မိန့်ပါတယ်။

“အခုလို မိတ္ထီလာကို လာရတာက ပြီးခဲ့တဲ့ရက်ပိုင်းက အခင်းဖြစ်လိုက်တဲ့နေရာမှာ ဒုက္ခရောက်သွားတဲ့ ဗုဒ္ဓဘာသာဝင် မြန်မာတွေရော အစ္စလာမ်ဘာသာဝင် မြန်မာတွေရောပေါ့နော်၊ သူတို့အတွက် တတ်နိုင်သလောက် အလှူအတန်းတွေလာပြီးတော့ လုပ်ပေးတာပါ၊ လှူလိုက်တာကလည်း မန္တလေးမြို့ပေါ်က ဘာသာပေါင်းစုံက လှူလိုက်တာပါ၊ အထူးသဖြင့် အစ္စလာမ်ဘာသာဝင်တွေက ဘုန်းကြီးတို့ကို ပိုပြီးတော့လှူတာတွေ့ရပါတယ်၊ ဒါတွေကိုလည်း ဒီမှာရှိတဲ့ ဒုက္ခရောက်နေတဲ့ ဘယ်ဘာသာမဆို ဘုန်းကြီးတို့က လှူဒါန်းပေးမှာပါ”

မိတ္ထီလာမြို့ခံ ၈၈ မျိုးဆက်ကျောင်းသားများအဖွဲ့ကတော့ မကျီးကုန်း၊ သမုန်းကုန်း၊ မင်္ဂလာဇေယုံကျောင်းတွေမှာရှိတဲ့ ဒုက္ခသည်တွေကို ဆန်၊ ရေသန့်ဘူး၊ မိုးကာ၊ စောင်၊ အ၀တ် အစားတွေကို သွားရောက်လှူဒါန်းခဲ့ပါတယ်။

အဲဒီအဓိကရုဏ်းကြောင့် သေဆုံးသူ ၃၂ ဦးရှိပြီး၊ ဒေသခံ ၉၆၀၀ ကျော် ဒုက္ခသည်တွေဖြစ်ခဲ့ရတယ်လို့ နိုင်ငံပိုင်သတင်းစာတွေမှာ ဖော်ပြထားပါတယ်။

အစ္စလာမ်ဘာသာဝင်တွေရဲ့ ဒုက္ခသည်စခန်းတွေကို ခရိုင်အားကစားကွင်း၊ အမှတ် (၁) အထက်တန်းကျောင်း၊ ပညာရေးကောလိပ်စတဲ့ နေရာတွေမှာ အာဏာပိုင်တွေက ဖွင့်လှစ်ပေး ခဲ့ပါတယ်။ ဗုဒ္ဓဘာသာဝင် ဒုက္ခသည်တွေကိုတော့ မကျီးကုန်းကျောင်း၊ သမုန်းကုန်းကျောင်းစတဲ့ ဘုန်းတော်ကြီးကျောင်းတွေမှာ နေထိုင်နေကြပါတယ်။

Ref: အာရ်အဖ်အေ

Read More...

Collapse...

ရန်ကုန်တိုင်းဒေသကြီး မှာ ဈေးဆိုင်တွေ ပိတ်ချိန် သတ်မှတ်

2013-03-25

ရန်ကုန်တိုင်းဒေသကြီးအတွင်း စားသောက်ဆိုင်၊ မီနီမားကတ်စတဲ့ ဈေးဆိုင်တွေကို ဒီကနေ့ညကစပြီး ည ၉ နာရီ နောက်ဆုံးထားဖွင့်လှစ်ရမယ်လို့ ရန်ကုန်တိုင်းဒေသကြီး အစိုးရအဖွဲ့က ဒီကနေ့ မတ်လ ၂၅ ရက်နေ့မှာ အမိန့်ထုတ်ပြန်လိုက်ပါတယ်။

ပုဇွန်တောင်မြို့နယ် အုပ်ချုပ်ရေးမှူးတစ်ဦးကတော့ အခုလိုထုတ်ပြန်တာဟာ အမိန့်ပုံစံမျိုးထက် သူတို့မြို့နယ်တွေမှာဆိုရင် ဆိုင်တွေကိုအသိပေးထားတာလို့ပြောပါတယ်။ ဒါ့အပြင် ဒီလိုဆောင်ရွက်ချက်ဟာ အများပြည်သူတွေ လုံခြုံရေးအတွက်ဖြစ်တယ်လို့ ပုဇွန်တောင်မြို့နယ် အုပ်ချုပ်ရေးမှူးက RFA ကို ပြောပါတယ်။

တကယ်လို့ အခုလိုအမိန့်ထုတ်ပြန်တာကို မလိုက်နာတဲ့ ဈေးဆိုင်တွေရှိရင်လည်း အရေးယူဖို့မရှိပဲ အပြုသဘောနဲ့စည်းရုံးသွားမယ်လို့ အဲဒီအရာရှိကပြောပါတယ်။ ရန်ကုန်မြို့ တစ်ချို့ နေရာတွေမှာဖြစ်တာက နည်းနည်းအကျယ်ချဲ့ ပြောဆိုနေတာတွေများနေတဲ့အတွက် အခုလိုဆိုင်တွေကို စောစောပိတ်ခိုင်းတာသာဖြစ်ကြောင်းလည်း အဆိုပါအရာရှိက RFA ကို ပြောပါတယ်။

မတ်လ ၂၄ ရက် မနေ့ညကလည်း ရန်ကုန်တိုင်းအတွင်း အစ္စလမ်ဘာသာဝင်တွေ အများစုနေထိုင်တဲ့ မင်္ဂလာတောင်ညွှန့်မြို့နယ်မှာ လူစုလူဝေးနဲ့ဆူပူဖို့ ကြိုးစားခဲ့တာတွေရှိတယ် လို့သိရပါတယ်။

Ref: အာရ်အဖ်အေ

Read More...

Collapse...

ကရင်ပြည်နယ် ငြိမ်းချမ်းရေး လုပ်ငန်းစဉ်အတွက် ဒေါ်လာ ၁၁ သန်း လှူဒါန်း

2013-03-25

ဂျပန်နိုင်ငံအခြေစိုက် အစိုးရမဟုတ်တဲ့ NGO အဖွဲ့အစည်းတစ်ခုဖြစ်တဲ့ Japan Platform အဖွဲ့က ကရင်ပြည်နယ်ရဲ့ ငြိမ်းချမ်းရေး နဲ့ ပြန်လည်ထူထောင်ရေး စီမံကိန်းတွေအတွက် အကူအညီ အမေရိကန် ဒေါ်လာ ၁၁ သန်းပေးအပ်ပွဲကို ရန်ကုန်မြို့ ဂျပန်သံရုံးမှာကျင်းပခဲ့ပါတယ်။

အဲဒီထောက်ပံ့ကြေးတွေကို သုံးနှစ်အတွင်း အကောင်အထည်ဖော် ဆောင်ရွက်သွားမှာဖြစ်တယ် လို့ မြန်မာနိုင်ငံ ငြိမ်းချမ်းရေးနဲ့ ပြန်လည်ထူထောင်ရေး လုပ်ငန်းဗဟိုဌာနရဲ့ ဥက္ကဌ ပြည်ထောင်စုဝန်ကြီး ဦးအောင်မင်းက ပြောပါတယ်။

“စာချုပ်မှာ ဒေါ်လာ ၁၁ သန်းဖိုးရှိတဲ့ ထောက်ပံ့ အကူအညီတွေကို ၃ နှစ်အတွင်းမှာ ကရင်ပြည်နယ် ကို ထောက်ပံ့ဖို့ အစီအစဉ်တွေလည်းပါ ပါတယ်၊ အစိုးရသစ်လက်ထက်မှာ အလှူရှင် တွေက ကာယကံရှင်တွေဆီကို သူတို့စိတ်တိုင်းကျ တိုက်ရိုက်လှူလို့ရတဲ့စနစ်မျိုးကို ဆောင်ရွက်နေပါတယ်၊ စာချုပ်ချုပ်ဆိုပြီး နောက်ပိုင်းမှာ အသေးစိတ်အစီအစဉ်တွေကိုတော့ ဆက် လက်ဆွေးနွေးသွားမှာဖြစ်ပါတယ်”

ဒီအခမ်းအနားမှာ ပြည်ထောင်စုဝန်ကြီး ဦးအောင်မင်းအပါအ၀င် Japan Platform အဖွဲ့အစည်း ကိုယ်စားလှယ် Ms. Keiko Kiyama၊ မြန်မာနိုင်ငံဆိုင်ရာ ဂျပန်သံရုံးက သံအမတ်ကြီး Mikio Numata နဲ့ ငြိမ်းချမ်းရေးနဲ့ ပြန်လည်ထူထောင်ရေးလုပ်ငန်း ဗဟိုဌာန အမှုဆောင်ညွှန်ကြားရေးမှူး ဦးကျော်စိုးလှိုင်တို့ သဘောတူလက်မှတ်ရေးထိုးခဲ့ကြတာဖြစ်ပါတယ်။

အခုလိုထောက်ပံ့မှုပြုတာဟာ လာမယ့် ဧပြီလကနေ ၂၀၁၆ခုနှစ် မတ်လအထိ ပြုလုပ်သွားမယ့် စီမံကိန်းတွေအတွက်လို့ဆိုပါတယ်။

ပြီးခဲ့တဲ့ မတ်လ ၂၂ ရက်နေ့ကလည်း မြန်မာနိုင်ငံဆိုင်ရာ ဂျပန်သံအမတ်ကြီး မစ္စတာ Mikio Numata က အမေရိကန် ဒေါ်လာ ၆.၅ သန်းခန့်နဲ့ ညီမျှတဲ့ ဂျပန်ယန်းငွေ ၆၅၁ သန်းကို ကရင်ပြည်နယ် ငြိမ်းချမ်းရေး လုပ်ငန်းစဉ်နဲ့ ပြည်လည်နေရာချထားရေးအတွက် ပေးအပ်ခဲ့တယ်လို့သိရပါတယ်။

Ref: အာရ်အဖ်အေ

Read More...

Collapse...

လက်နက်ကိုင် ဝ,အဖွဲ့က ကိုယ်ပိုင်အုပ်ချုပ်ခွင့်ရ ပြည်နယ် တောင်းဆို

မတ်လ ၂၅ ရက် ၂၀၁၃ ခုနှစ်

ဝ,ပြည် သွေးစည်းညီညွတ်ရေး ပါတီ/တပ်မတော် (UWSP/UWSA)မှ ကိုယ်စားလှယ် တဦးက ဝ,ကိုယ်ပိုင် အုပ်ချုပ်ခွင့်ရ ပြည်နယ် တောင်းဆိုကြောင်း Shan Herald Agency for News (SHAN) သတင်းတရပ်တွင်
ဖေါ်ပြထားသည်။

UWSA မှ ပြင်ပဆက်ဆံရေးဆိုင်ရာ လက်ထောက် ပြောရေးဆိုခွင့်ရှိသူ ရှောင်ဆမ်ကွန် (Xiao Samkun)က လားရှိုးမြို့တွင် တွေ့ဆုံဆွေးနွေးနေကြသည့် ရှမ်း-ကယား ယုံကြည်မှု တည်ဆောက်ရေး ကွန်ဖရင့်တွင် မတ်လ ၂၁ ရက်နေ့က ပြောကြားခြင်း ဖြစ်သည်။

မတ်လ ၂၀ ရက်နေ့မှ စတင်၍ သုံးရက်တာ ကျင်းပခဲ့သော အဆိုပါ ညီလာခံသို့ သမ္မတရုံးဝန်ကြီး ဦးအောင်မင်း တက်ရောက်ခဲ့ပြီး ရှမ်းနှင့် ကယားပြည်နယ်မှ ပါတီနှင့် အဖွဲ့ အစည်းပေါင်း ၂၂ ဖွဲ့ တက်ရောက်ရာ UWSA ၏ ရပ်တည်ချက် အနေအထားကို တရားဝင် ဆွေးနွေးခဲ့ကြခြင်း မရှိဟု Shan Herald က ဖေါ်ပြသည်။

တိုင်းရင်းသား အဖွဲ့များအနေဖြင့် ဘုံသဘောထားအမြင် ရှာဖွေရန်လိုအပ်သည်ဟု SHAN အယ်ဒီတာချုပ် က ဆိုသည်။

“ဝ,က ကိုယ်ပိုင်အုပ်ချုပ်ခွင့်ရ ပြည်နယ် တောင်းနေပါတယ်။ ဒါသူတို့အခွင့်အရေးပါ။ ဝ,ရဲ့ တောင်းဆိုမှုကို ဆန့်ကျင်မယ့်သူတွေလည်း ရှိပါတယ်။ သူတို့ (အခွင့်အရေး)ကိုလည်း ပိတ်ပင်လို့ မရပါဘူး” ဟု ဦးခွန်ဆိုင်း က ပြောသည်။

ထို့ပြင် ခွဲထွက်ခြင်းမပြုသည့် အဖြေတရပ်ရရန် ဆွေးနွေးသင့်သည်ဟုလည်း ၎င်းက ဆက်ပြောသည်။

ရှမ်း-ကယား ညီလာခံသို့ ရှမ်း၊ ကယန်း၊ ကရင်နီ၊ လားဟူ၊ ကိုးကန့်၊ ဝ၊ တအောင်း (ပလောင်)၊ ဓနု၊ အင်း စသည့် လူမျိုးများမှ နိုင်ငံရေးပါတီ ၁၀ ခု၊ လက်နက်ကိုင် အဖွဲ့အစည်း ၁၁ ဖွဲ့တို့မှ ကိုယ်စားလှယ်များနှင့် လေ့လာသူ လူမှုအဖွဲ့အစည်း ၂၂ ဖွဲ့ ပါဝင်ရာ စုစုပေါင်း ညီလာခံ တက်ရောက်သူ ၂၀၀ ခန့် ရှိသည်။ ဗြိတိန်၊ အမေရိကန်၊ အင်ဒိုနီးရှားနှင့် ဘရူနိုင်းနိုင်ငံ သံရုံး များမှ သံတမန်များလည်း တက်ရောက်ခဲ့ကြသည်။

UWSA မှာ ၁၉၈၉ ခုနှစ်တွင် ဗမာပြည်ကွန်မြူနစ်ပါတီမှ ခွဲထွက်ခဲ့သည်။

၂ဝ၁၁ ခုနှစ်၊ စက်တင်ဘာလ ၆ ရက်နေ့တွင် အစိုးရနှင့် အပစ်အခတ်ရပ်စဲထားသည့် UWSA သည် စစ်သည်အင်အား သုံးသောင်းကျော်ရှိကာ ပန်ဆန်းမြို့တွင် ဌာနချုပ် ဖွင့်လှစ်ထားရှိ သည့် အင်အားအကြီးဆုံးသော တိုင်းရင်းသား လက်နက်ကိုင်အဖွဲ့ ဖြစ်သည်။

၂ဝဝ၈ ဖွဲ့စည်းပုံအရ ဝ,ကိုယ်ပိုင်အုပ်ချုပ်ခွင့်ရ တိုင်းကို မြို့နယ် ၆ မြို့နယ်ဖြင့် ဖွဲ့စည်းထားပြီး ၂ဝ၁ဝ ခုနှစ် ရွေးကောက်ပွဲ တွင် နှစ်မြို့နယ်သာ ကျင်းပနိုင်ခဲ့သည်။

Ref: မဇ္ဈိမ

Read More...

Collapse...

ပဋိပက္ခများ ဖြစ်ပွားနေသည်ဟု ကောလာဟလများကြောင့် လူများစိတ်နှောင့်အယှက် ဖြစ်နေ

ခိုင်ခိုင်၊ စောဇင်ညီ
မတ်လ ၂၅ ရက် ၂၀၁၃ ခုနှစ်

မင်္ဂလာ တောင်ညွှန့်မြို့နယ်အတွင်း မင်္ဂလာဈေးနှင့် ယုဇနပလာဇာ တဝိုက်ရှိ ဆိုင် အများအပြားကို ယနေ့မွန်းလွဲပိုင်းတွင် ဆိုင်ရှင်များပိတ်သိမ်းနေသည် ဟူသော ထွက်ပေါ်နေသော ကောလာဟလ များကြောင့် လူအများကြား စိတ်အနှောင့်အယှက် ဖြစ်နေကြောင်း ယုဇနပလာဇာတွင် ဆေးဆိုင်ဖွင့်ထားသူ တဦးက မဇ္ဈိမသို့ ပြောသည်။

၎င်းက “ကျွန်မတို့ ဘာမှမကြားပါဘူး။ ဈေးမှာ ဆိုင်ပိတ်ထားတာတော့ နည်းနည်းရှိတယ်။ စိတ်အနှောင့်အယှက် ဖြစ်တယ်။ အဲလိုတွေ ကြားရတာကြောင့် ဈေးရောင်းရတာ သိပ် အဆင်မပြေနိုင်ဘူး” ဟု ဆိုသည်။

ယနေ့မနက်ပိုင်းတွင် ထွက်ပေါ်နေသော ကောလာဟလများကြောင့် လူအများ စိုးရိမ်စိတ်များ ဖြစ်ပေါ် နေကြကြောင်း၊ လူများအကြား စိုးရိမ်စိတ် ဝင်နေခြင်းမှ လွဲ၍ အခြားသော ပဋိပက္ခများ ဖြစ်ပွားခြင်း မရှိကြောင်း တာမွေရဲစခန်း တာဝန်ရှိသူတဦးပြောသည်။

အဆိုပါ တာမွေရဲစခန်းမှ တာဝန်ရှိသူက “ဘာမှမဖြစ်ပါဘူး ။ ကောလာဟလတွေပါ။အခုလည်း လုံခြုံရေးတွေ အပြည့်ချထားပါတယ်။ အင်အားကတော့များတယ် ။ ကျွန်တော်တို့စခန်း ရယ် နီးစပ်ရာမြို့နယ်က အင်အားတွေလဲ ပေါင်းထားပါတယ်” ဟု ဆိုသည်။

မင်္ဂလာတောင်ညွှန့်မြို့နယ်တွင် နေထိုင်သူ မဇင်မာကလည်း “ကျွန်မတို့ အခုလေးတင် ဈေးကပြန်လာတာ ဘာမှမဖြစ်ပါဘူး။ ဆိုင်ပိတ်တယ်ဆိုတာလည်း တော်တော်နည်းပါတယ်။ အကုန်လုံးအေးဆေးပါ” ဟု ဖြေကြားခဲ့ သည်။

ယုဇနပလာဇာနှင့် မင်္ဂလာဈေး အစရှိသော ဈေးများမှာ ကောလာဟလများကြောင့် ညနေ သုံးနာရီ မတိုင်ခင်ကပင် စိုးရိမ်စိတ်နှင့် ပိတ်သွားကြသည်ဟု အိမ်ခြံမြေ အကျိူးဆောင် တဦးက ပြောသည်။

“တဦးစ နှစ်ဦးစပိတ်ရာကနေ အကုန်ပိတ်ကုန်တာ။ အရင်ကလဲ ကောလာဟလတွေကြားတော့ စောစောပိတ်ကုန် တာ။ အိမ်ခြံမြေဈေးကွက်လဲ အဲဒီလိုတွေ ကောလာဟလကြောင့် ဈေးဆိုင်ရမဲ့ကိစ္စတွေလဲ ပျက်ကုန်တယ်” ဟုမဇ္ဈိမသို့ ပြောသည်။

ထိုကောလာဟလများ ထွက်ပေါ်နေခြင်းသည် သွေးထိုးလှုံ့ဆော်မှုများကြောင့် ဖြစ်နိုင်ကြောင်း ရန်ကုန်တိုင်း ဒေသကြီး ကွပ်ကဲရေးမှူး ဒုရဲအုပ်တဦးက ဆိုသည်။

“သူ့အပိုင်းအလိုက် လုံခြုံရေးယူထားပါတယ်။ ကျွန်တော်တို့ဆီတော့ ဘာသတင်းမှ မတက်သေးပါဘူး။ ကောလာဟလ သတင်းတွေပါ။ တဖက်မှာ သွေးထိုးတာတွေ ပါရင်ပါနိုင်ပါတယ်” ဟု ၎င်းက မဇ္ဈိမသို့ ပြောသည်။

ရန်ကုန်တိုင်းဒေသကြီးအတွင်း သက်ဆိုင်ရာ နယ်မြေများအတွင်း လုံခြုံရေးများ ချထားကြောင်း အမှန်တကယ် ဖြစ်ပေါ်လာပါကလည်း နီးစပ်ရာ မြို့နယ်ရဲတပ်ဖွဲ့များမှ အကူအညီ များယူ၍ ဖြေရှင်းမည်ဖြစ်ကြောင်း အဆိုပါ ဒုရဲအုပ်မှဖြေကြားခဲ့သည်။

Ref: မဇ္ဈိမ

Read More...

Collapse...

ရှမ်းမြောက်ပိုင်းတွင် အစိုးရတပ် လှုပ်ရှားမှုရှိ၊ ပလောင်၊ KIA တို့နှင့် တိုက်ပွဲဖြစ်

ဖနိဒါ
မတ်လ ၂၅ ရက် ၂၀၁၃ ခုနှစ်

ရှမ်းပြည်နယ် မြောက်ပိုင်းအတွင်း အစိုးရ စစ်တပ်မှ စစ်ရေးလှုပ်ရှားမှုများ ရှိနေ၍ ၎င်းတို့တပ်များနှင့် တိုက်ပွဲများ ဖြစ်ပွားခဲ့သည်ဟု ပလောင်ပြည်နယ် လွတ်မြောက်ရေး တပ်ဦး (PSLF)မှ အထွေထွေ အတွင်းရေးမှူး မိုင်ဘုန်းကျော် က ပြောသည်။

မန်တုံ၊ ကုတ်ခိုင်၊ နမ်ဆန်၊ မိုင်းလုံ၊ မိုးမိတ်၊ နမ့်ခမ်းမြို့နယ်များအတွင်း အစိုးရ၏ အရှေ့မြောက်တိုင်း စစ်ဌာနချုပ် လက်အောက်ခံ ကျောက်မဲမြို့နယ် စစ်ဆင်ရေးနှင့်ကွပ်ကဲရေး (စကခ) ၁ နှင့်သိန္နီ (စကခ) ၁၆ လက်အောက်ခံ တပ်ရင်းများမှ စစ်အင်အား အနည်းဆုံး ၂,၀၀၀ ကျော်မှ ၃,၀၀၀ ခန့်ထိ လှုပ်ရှားနေပြီး မတ်လ ၂၃ ရက်နေ့ထိ တိုက်ပွဲများ ဖြစ်ပွားခဲ့သည်ဟု မိုင်ဘုန်းကျော် က မဇ္စျိမကို ပြောသည်။

“ကျနော်တို့ တအာင်းဒေသမှာ သူတို့ အစိုးရ စစ်ကြောင်းတွေက တဖက်ကို ၃၊ ၄၊ ၅၊ ၆ ကြောင်း ပုံမှန်ရှိတယ်။ ထိုးစစ် လှုပ်ရှားနေတဲ့ ကိစ္စတွေကို သမ္မတ ဦးသိန်းစိန်တို့၊ ဦးအောင်မင်းတို့ အနေနဲ့ မြန်မာ့တပ်မတော်ကို ညွန်ကြားချက်တွေ ထုတ်သင့်တယ်။ တကယ်ငြိမ်းချမ်းရေး လုပ်ချင်တယ် ဆိုရင် ဒီလို မလုပ်သင့်ဘူး။ နိုင်ငံရေး ပြုပြင်မှု လုပ်တဲ့ ဦးသိန်းစိန်အနေနဲ့ အထူးစဉ်းစားသင့်တယ်” ဟု ပြောသည်။

ယခုကဲ့သို့ တအာင်း (ပလောင်)ဒေသအတွင်း အစိုးရ စစ်တပ်များ ထိုးစစ်ဆင် လှုပ်ရှားလာမှုအပေါ် ပြင်းထန်စွာ ရှုံ့ချကြောင်း မတ်လ ၂၂ ရက်နေ့က PSLF မှ ကြေညာချက် တစောင် ထုတ်ပြန်ခဲ့သည်။

မတ်လ ၂၁ ရက်နေ့ကလည်း ကွတ်ခိုင်မြို့နယ် အနောက်ဘက် နမ့်လိတ်တောင်ကြောတွင် အစိုးရတပ်ရင်း ၅၀၂ တပ်ဖွဲ့နှင့် အခြား တပ်ရင်းအင်အား ၂၀၀ ခန့်သည် PSLF နှင့် ကချင် လွတ်မြောက်ရေးတပ် KIA ပူးပေါင်းတပ်များ အကြား တိုက်ပွဲဖြစ်ပွားခဲ့ကြောင်း မိုင်းဘုန်းကျော်က ဆိုသည်။ ထိုတိုက်ပွဲတွင် အစိုးရတပ်မှ ၁၀ ဦးကျော် ကျဆုံးခဲ့ပြီး ၎င်းတို့တပ်မှ ထိခိုက် ကျဆုံးမှု မရှိခဲ့ဘဲ မတ်လ ၂၃ ရက်နေ့တွင်လည်း တိုက်ပွဲထပ်မံ ဖြစ်ပွားခဲ့သည် ၎င်းက ဆိုသည်။ ထို တိုက်ပွဲများနှင့်ပတ်သက်၍ မဇ္ဈိမက သီးခြားအတည်ပြုချက် မရယူနိုင်သေးပေ။

တနင်္ဂနွေနေ့ ညနေပိုင်းတွင် KIA တပ်မဟာ ၄၊ တပ်ရင်း ၁၇ နယ်မြေ၊ ဂမ်မင်ဘွမ်တွင် အစိုးရ တပ်ဖွဲ့များနှင့် တိုက်ပွဲဖြစ်ပွားခဲ့ပြီး ယနေ့ နံနက် ၆ နာရီ ချိန်တွင်လည်း တိုက်ပွဲ ထပ်မံ ဖြစ်ပွားနေသည်ဟု KIA သတင်းရပ်ကွက် တခုမှ ဆိုသည်။

ပြီးခဲ့သည့် ရက်သတ္တပတ်အတွင်း တအာင်းတပ်ဖွဲ့နှင့် အစိုးရတပ်တို့အကြား တိုက်ပွဲပေါင်း အနည်းဆုံး ၄ ကြိမ် ဖြစ်ပွားခဲ့သည်။ ၂၀၁၂ ခုနှစ်အတွင်း အစိုးရတပ်များနှင့် တိုက်ပွဲ အကြိမ် ပေါင်း ၅၀ ကျော် ဖြစ်ပွားခဲ့ပြီး ယခုနှစ် မတ်လအတွင်း တိုက်ပွဲပေါင်း ၂၀ ကျော် ဖြစ်ပွားခဲ့ကြောင်း PSLF က ဆိုသည်။

မတ်လ ၂၃ ရက်နေ့က မန်တုံမြို့တွင် စတင်ကျင်းပနေသော ၁၁ ကြိမ်မြောက် “တအာင်း စာပေနှင့်ယဉ်ကျေးမှု ညီလာခံ” သို့ လူဦးရေ သုံးသောင်းကျော် တက်ရောက်နေပြီး ၎င်းတို့၏ လုံခြုံရေးအတွက် အထူးစိုးရိမ်ကြောင်း မိုင်းဘုန်းကျော်က ပြောသည်။ အင်္ဂါနေ့တွင် ညီလာခံ ပြီးဆုံးမည် ဖြစ်သည်။

ပလောင်ပြည်နယ် လွတ်မြောက်ရေးတပ် PSLA သည် ၁၉၆၃ ခုနှစ် ကတည်းက စစ်အစိုးရအား လက်နက်ကိုင် တော်လှန်ခဲ့သော်လည်း ၂၀၀၅ ခုနှစ်နောက်ပိုင်းတွင် လက်နက်ချခဲ့သည်။ တချို့အဖွဲ့ဝင်များက ၁၉၉၂ ခုနှစ်တွင် PSLF ကို ဖွဲ့စည်း၍ ကွတ်ခိုင်၊ မန်တုံ၊ နမ်ခမ်း၊ နမ်ဆန်၊ မိုင်းလုံ၊ မိုးမိတ်မြို့နယ်များတွင် တပ်ရင်း ၆ ရင်းဖြင့် လှုပ်ရှားနေသည်ဟု သိရသည်။

Ref: မဇ္ဈိမ

Read More...

Collapse...

ဓလေ့အယူအဆကြောင့် ယင်းတလဲလူမျိုး လူဦးရေနည်းပါး

စောဇင်ညီ
မတ်လ ၂၅ ရက် ၂၀၁၃ ခုနှစ်

ကယားပြည်နယ် ကရင်နီ လူမျိုးစုတွင် ပါဝင်သော ယင်းတလဲ လူမျိုးများသည် ဓလေ့ အယူအဆကြောင့် လူဦးရေ နည်းပါးမှု ရှိလာကြောင်း ဖားဆောင်းမြို့နယ် ၀မ်အောင်းရွာမှ ယင်းတလဲ ဒေသခံများက ပြောသည်။

အသက် ၆၂နှစ်အရွယ် ယင်းတလဲ အမျိုးသမီးက “ကျွန်မတို့ လူမျိုးတွေက အခြားဒေသက လူမျိုးတယောက်နဲ့ လက်ထပ်သွားရင် သူ့ကို ယင်းတလဲလို့ ကျွန်မတို့ လူမျိုးကြားမှာ သိပ်လက်မခံချင်ကြတော့ဘူး” ဟု ရှင်းပြသည်။

ယင်းတလဲ လူမျိုးများသည် ရှမ်းပြည်နယ်နှင့် ကယားပြည်နယ်တို့ နီးစပ်သည့် ကယားပြည်နယ် ဖားဆောင်းမြို့နယ်ရှိ ၀မ်အောင်းရွာနှင့် အနီးပတ်ဝန်းကျင် ရွာများတွင် နေထိုင်ကြ သူများဖြစ်သည်။

ထိုလူမျိုးများသည် ကယားပြည်နယ် (ကရင်နီပြည်) စတင် တည်ထောင်စဉ်ကတည်းကပင် ရှိခဲ့ကြသည့် “ဖဘံ့” စော်ဘွားအမျိုးအနွယ်ဝင်းများ ဖြစ်ကြပြီး ယခင်က လူဦးရေ အများအပြား ရှိခဲ့ရာမှ ယခုလူ ၉၀၀ ခန့်သာ ကျန်ရှိတော့ကြောင်း ကယားပြည်လမ်းပန်း ဆက်သွယ်ရေး ဝန်ကြီး ဦးချစ်လှက ဆိုသည်။

“သူတို့က ကယားပြည်နယ်ရဲ့ လူမျိုးကြီးတွေ ဖြစ်ခဲ့ပါတယ်။ အရင်စော်ဘွားမျိုးတွေ ရှိကတည်းက စော်ဘွား အနွယ်ဝင်တွေပါ။” ဟုဦးချစ်လှ က ပြောသည်။

ယခင်ကယားပြည်နယ် လွိုင်ကော်မှ ဖားဆောင်းမြို့သို့ လမ်းပန်းဆက်သွယ်ရေး အလွန်ခက်ခဲသော်လည်း ယခုအခါ ၇၅ မိုင်သာသွားရောက်ရကြောင်း လမ်းပန်းဆက်သွယ်ရေး ၀န်ကြီး၏ ပြောကြားချက်အရ သိရသည်။

ထို့အပြင် ယင်းတလဲ လူမျိုးများသည် ဆွေမျိုးအချင်းချင်းချစ်ကြိုက်ခြင်း အချို့မှာ မြို့တက်၍ ကယားလူမျိုးအဖြစ်သာ ခံယူလိုက်ခြင်းတို့ကြောင့် လူမျိုးစု နည်းပါးသွားခြင်းဖြစ်ကြောင်း ဦးချစ်လှက ဆက်လက်ပြောသည်။

ထိုသို့ လူမျိုးစုနည်းပါးသွားသည့် အတွက်ဓလေ့စရိုက်အချို့လည်း ပျောက်ကွယ်သွားကြောင်း သိရသည်။

ဝန်ကြီး ဦးချစ်လှက “ယင်းမလဲ လူမျိုးတွေမှာ အရင်က အမဲလိုက်တဲ့ ဓလေ့စရိုက်ရှိကြတယ်။ အခုတော့ အဲဒါတွေ ပျောက်ကွယ်သွားတယ်” ဟု ဆိုသည်။

ယင်းတလဲ လူမျိုးများသည် ဗုဒ္ဒဘာသာနှင့် နတ်ကိုးကွယ်သူများ ဖြစ်ကြပြီး ဂျီသားနှင့် ဆတ်သားစသည့် အသားများ ဓလေ့စရိုက် အယူအဆအရ မစားသုံးကြကြောင်း ယင်းတလဲ ဒေသခံများမှ သိရသည်။

ယင်းတလဲ လူမျိုးများတွင် အမျိုးသမီးဦးရေ ပိုမိုများပြားပြီး တောင်ယာ လုပ်ငန်းလုပ်ကိုင်ကာ နှမ်းစိုက်ပျိုးမှုနှင့် ဝက်မွေးမြူမှု အများအပြား လုပ်ကိုင်ကြောင်း ဒေသခံများမှ သိရသည်။

Ref: မဇ္ဈိမ

Read More...

Collapse...

ရခိုင်အမျိုးသမီးများလည်း သမ္မတဖြစ်နိုင်ဟု ဦးအေးသာအောင် ပြော

သိန်းလှိုင်
မတ်လ ၂၅ ရက် ၂၀၁၃ ခုနှစ်

ရခိုင်အမျိုးသမီးများလည်း နိုင်ငံ့ ထိပ်တန်းခေါင်းဆောင် ဖြစ်နိုင်ကြောင်း ရခိုင်ဒီမိုကရေစီအဖွဲ့ချုပ် အထွေထွေအတွင်းရေးမှူး ဦးအေးသာအောင်က ပြောကြားလိုက်သည်။

ရန်ကုန်တိုင်း၊ စမ်းချောင်းမြို့နယ်ရှိ အာရက္ခဖောင်ဒေးရှင်းရုံး၌ မတ်လ ၂၅ ရက်နေ့ မနက်ပိုင်းက ကျင်းပသော ရခိုင်အမျိုးသမီး ခေါင်းဆောင်များ အရည်အသွေးမြှင့် သင်တန်းဆင်းပွဲ အပြီးတွင် ဖောင်ဒေးရှင်း နာယကလည်း ဖြစ်သည့် ဦးအေးသာအောင်က ပြောဆိုလိုက်ခြင်း ဖြစ်သည်။


“ခေါင်းဆောင် အရည်အသွေးမြှင့် သင်တန်း သုံးခု လုပ်ခဲ့ရာမှာ ဒီသင်တန်းကို ပထမဆုံး အမျိုးသမီးသီး သန့်လုပ်ခဲ့ ရတာက ရခိုင်အမျိုးသမီးတွေလည်း နိုင်ငံခေါင်းဆောင် သမ္မတ ဖြစ်နိုင်တာပဲ။ ရခိုင်ပြည်နယ်မှာ လူဦးရေ ထက်ဝက် ကျော်ဟာ အမျိုးသမီးတွေ ဖြစ်နေတာရယ်၊ နောက်တချက်က အရင်က သင်တန်းခေါ်လိုက်ရင် အမျိုးသား အများစုပဲ ရောက် လာတဲ့အတွက် အခုလို အမျိုးသမီး သီးသန့် ခေါ်ရတာ ဖြစ်တယ်။

သူတို့တွေရဲ့ကိုယ်ရည်ကိုယ်သွေးတွေကို နိုင်ငံရေးအပါအဝင် နယ်ပယ်ကဏ္ဍအသီးသီးမှာ ပါဝင်ဆောင်ရွက်နိုင်ဖို့ ကျနော်တို့က ပံ့ပိုးပေး ကြရပါမယ်” ဟု မဇ္ဈိမကို ပြောသည်။

မတ်လ ၁၂ ရက်နေ့မှ စတင်ခဲ့သည့် သင်တန်းတွင် ရခိုင်ပြည်နယ် ၁၇ မြို့နယ်နှင့် ဧရာဝတီတိုင်း အမာမြို့နယ်တို့မှ သင်တန်းသား ၂၁ ဦး တက်ရောက်ကာ စာရေးဆရာမ ဂျူး၊ ရုပ်ရှင်မင်းသမီးကြီး အကယ်ဒမီ (ဒေါ်) ဆွေဇင်ထိုက် တို့အပါအဝင် တိုင်းရင်းသား သင်တန်း ဆရာ/ဆရာမ ၁၀ ဦးတို့က ကူညီသင်ပြပေးခဲ့ခြင်း ဖြစ်သည်။

“အမျိုးသမီးတွေ မဖြစ်မနေ လုပ်ရမယ့် တာဝန်တွေ၊ အမျိုးသမီးအခွင့်အရေးတွေ၊ သူတို့နဲ့ သက်ဆိုင်တဲ့ နိုင်ငံတကာ ဥပဒေတွေ၊ မီဒီယာလုပ်ငန်းတွေ၊ အိမ်မှုလုပ်ငန်းတွေ ဖြစ်တဲ့ ဆပ်ပြာ၊ ခေါင်းလျှော်ရည်၊ အဖျော်ရည် လုပ်နည်းတွေက အစ ပို့ချသင်ကြား ပေးပါတယ်”ဟု မင်းသမီးကြီး ဆွေဇင်ထိုက် က ဆိုသည်။

“တပါတီ အာဏာရှင်အောက်မှာ နိုင်ငံရေးလုပ်ခွင့် လုံးဝ မရခဲ့ဘူး။ တိုင်းရင်းသားတွေအနေနဲ့က ပိုဆိုးတယ်။ ရခိုင်အမျိုး သမီးတွေဆို အဆိုးဆုံးပေါ့။ ဒါကြောင့် ရခိုင်လူငယ်တွေ အမျိုးသမီးတွေ နိုင်ငံရေးမှာ ပါဝင်လာဖို့၊
နိုင်ငံရေးပါတီတွေမှာ တက်တက်ကြွကြွ ဝင်ရောက်လုပ်ကိုင်လာဖို့အတွက် ဒီသင်တန်းတွေကို ကျနော်တို့ ဖွင့်ပေးနေတာပါ” ဟု သင်တန်းရည်ရွယ်ချက်ကို ဦးအေးသာအောင် က ပြောပြသည်။

အခမ်းအနားတွင် နာယက ဦးအေးသာအောင် အပြင် ရခိုင်စာပေနှင့်ယဉ်ကျေးမှုအဖွဲ့မှ ဒေါ်စောခင်တင့်၊ အမျိုးသမီးအဖွဲ့ဥက္ကဋ္ဌ ဒေါ်တင်မေအောင်တို့က ရခိုင်သမိုင်းနှင့် ရခိုင် အမျိုး သမီးများအကြောင်းကို ဟောပြော ဆွေးနွေးခဲ့ကြသည်။

သင်တန်းအတွက် ကုန်ကျစရိတ်များကို အမေရိကန်ရောက် အာရက္ခ၏ နိုင်ငံတကာ ကိုယ်စားလှယ် ဒေါက်တာ အရှင်နာယက မှ တာဝန်ယူ ဆောင်ရွက်ပေးပြီး အလားတူ သင်တန်းများ ဆက်လက်ဖွင့်လှစ်ပို့ချသွားမည်ဟု လုပ်ငန်းဖော်ဆောင်ရေးအဖွဲ့ဝင် ဦးမျိုးကျော်က ပြောသည်။

အာရက္ခဖောင်ဒေးရှင်းကို ၂၀၁၂ ခုနှစ်မှစ၍ လူငယ် အရည်အသွေး မြှင့်တင်ရေး၊ ဆင်းရဲနွမ်းပါးသူများ ပညာသင် ထောက်ပံ့ရေး၊ မိဘမဲ့ကလေးများ ပြုစုစောင့်ရှောက်ရေး၊ ဘေး အန္တရာယ်ကျရောက်ရာ ဒေသများသို့ ထောက်ပံ့ လှူဒါန်းရေး တို့ကို လုပ်ဆောင်ရန် အာရက္ခဖောင်ဒေးရှင်းကို ပြည်တွင်းပြည်ပရှိ ရခိုင်လူမျိုးများက ဖွဲ့စည်းထားခြင်း ဖြစ်သည်။

Ref: မဇ္ဈိမ

Read More...

Collapse...