ကိုရဲမင်းဦး ပျောက်ဆုံးမှု ဥပဒေမဲ့ လုပ်ရပ်ဖြစ်တယ်လို့ AAPP ပြော

2013-04-02

၂၀၀၇ မျိုးဆက်ကျောင်းသားတစ်ဦးဖြစ်သူ ကိုရဲမင်းဦး ပျောက်ဆုံးမှုဟာ သာမန်ပျောက်ဆုံးမှုမဟုတ်ပဲ ဥပဒေမဲ့ မတရားဖမ်းဆီးခံထားရခြင်းဖြစ်ကြောင်း ထိုင်း-မြန်မာနယ်စပ်အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) က ဒီနေ့ကြေညာချက် ထုတ်ပြန်ပြောဆိုလိုက်ပါတယ်။

ကိုရဲမင်းဦးဟာ ကျောင်းသားသမဂ္ဂများအဖွဲ့ချုပ်(ဖြစ်မြောက်ရေး ကော်မတီ)မှာ အတွင်းရေးမှူးအဖြစ် တာဝန်ယူထားသူဖြစ်သလို ၂၀၀၇ ရွှေဝါရောင် သံဃာ့လှုပ်ရှားမှုမှာ ဖမ်းဆီးခံရပြီး ၂၀၁၁ ခုနှစ်မှာ ပြန်လည်လွတ်မြောက်လာသူဖြစ်တယ်လို့ အေအေပီပီရဲ့ ကြေညာချက်မှာ ဖေါ်ပြပါတယ်။

အေအေပီပီအဖွဲ့ရဲ့ တွဲဘက်အတွင်းရေးမှူး ကိုဘိုကြည်က ကိုရဲမင်းဖြစ်စဉ်ကို အခုလို ပြောပါတယ်။

“အဓိကကတော့ ကိုရဲမင်းဦးကို ဖမ်းတဲ့အခါမှာ ဥပဒေနဲ့အညီ ဖမ်းဆီးတာမျိုး မဟုတ်ပဲနဲ့ ဟိုးအရင် အာဏာရှင် အစိုးရအဆက်ဆက်က ဖမ်းဆီးတဲ့ပုံစံမျိုးဖြစ်တယ်၊ ထောက်လှမ်းရေး တွေက လမ်းထိပ်ကနေ စောင့်နေတယ်၊ ပြီးတော့ မိသားစုကိုလည်း ဘာကြောင့်ခေါ်သွားရတယ်၊ ဘာကြောင့်ဖမ်းရတယ် အကြောင်းပြချက်မပေးဘူး၊ နောက်တစ်ခုက ဝရမ်းလည်း မပါဘူး၊ အဲလို ဝရမ်းမပါပဲ ဖမ်းတဲ့အခါကျတော့ တရားဥပဒေအရ ဖမ်းဆီးတာမျိုးမဟုတ်ပဲနဲ့ ပြန်ပေးဆွဲသလို ဖြစ်နေတယ်ခင်ဗျ၊ ဒါဟာ ဥပဒေမဲ့ ဖမ်းဆီးတာဖြစ်တယ်လို့ ကျနော်တို့ သုံးသပ်တယ်”

ပြီးခဲ့တဲ့ မတ်လ ၂၅ ရက်နေ့ည ၉ နာရီမှာ ကိုရဲမင်းဦးတည်းခိုနေတဲ့ ရန်ကုန်တိုင်း ဗဟန်းမြို့နယ် ဦးသာသနာ ကျောင်းတိုက်မှာ အမည်မသိလူတစ်စုက ခေါ်ဆောင်သွားခဲ့ပြီး ပျောက်ဆုံးနေတာ ဖြစ်ပါတယ်။ မတ်လ ၂၆ ရက်နေ့မှာ ဗဟန်းရဲစခန်းမှာ လူပျောက်မှုနဲ့ အမှုဖွင့်ထားကြောင်းလည်း သိရပါတယ်။

Ref: အာရ်အဖ်အေ

Read More...

Collapse...

အမေရိကန် သမ္မတဟောင်း ဂျင်မီကာတာ မြန်မာပြည် ကို ရောက်ရှိ

2013-04-02

မြန်မာနိုင်ငံရဲ့ ဒီမိုကရေစီကူးပြောင်းမှု လုပ်ငန်းစဉ်တွေမှာ အကူအညီပေးနိုင်မယ့် အခြေအနေတွေကို လေ့လာဖို့အတွက် အမေရိကန် သမ္မတဟောင်း Jimmy Carter ဟာ ဒီကနေ့ နေပြည်တော်ကို ရောက်ရှိလာခဲ့ပါတယ်။

သူ့ရဲ့ မြန်မာနိုင်ငံခရီးစဉ်အတွင်း သမ္မတ ဦးသိန်းစိန် အပါအ၀င် မြန်မာအစိုးရထိပ်တန်း ခေါင်းဆောင်တွေ၊ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် အပါအ၀င် နိုင်ငံရေးခေါင်းဆောင်တွေ၊ အရပ်ဖက်လူမှု အဖွဲ့အစည်းအသီးသီးက ကိုယ်စားလှယ်တွေနဲ့ တွေ့ဆုံဖို့ရှိတယ်လို့ သိရပါတယ်။

သမ္မတဟောင်း ဂျင်မီကာတာဟာ ကာတာဖေါင်ဒေးရှင်းကို တည်ထောင်ခဲ့ပြီး ဆင်းရဲတဲ့နိုင်ငံတွေမှာ ပြည်သူ့ကျန်းမာရေး အထောက်အကူပြု စီမံကိန်းတွေ ဆင်းရဲမွဲတေမှု ပပျောက် ရေးလုပ်ငန်းတွေနဲ့ လူ့အခွင့်အရေးနဲ့ ဒီမိုကရေစီ အသွင်ကူးပြောင်းရေး စီမံကိန်းတွေကို ဦးဆောင်နေသူဖြစ်ပါတယ်။

သမ္မတကာတာ မြန်မာနိုင်ငံမလာခင် သူ့ရဲ့ကိုယ်စားလှယ် အဖွဲ့တစ်ဖွဲ့ဟာ မြန်မာနိုင်ငံကိုရောက်ရှိခဲ့ပြီး ၈၈မျိုးဆက်ကျောင်းသားခေါင်းဆောင်တွေနဲ့ တွေ့ဆုံဆွေးနွေးခဲ့သလို မြန်မာ ငြိမ်းချမ်းရေးစင်တာ တာဝန်ရှိသူတွေနဲ့ တွေ့ဆုံညှိုနှိုင်းခဲ့တယ်လို့လည်း သိရပါတယ်။

သမ္မတဟောင်း ဂျင်မီကာတာဟာ အမေရိကန်ပြည်ထောင်စုရဲ့ ၃၉ ယောက်မြောက် သမ္မတဖြစ်ပြီး ၁၉၇၇ ခုနှစ်ကနေ ၁၉၈၁ ခုနှစ်ထိ တာဝန်ထမ်းဆောင်ခဲ့ပြီး၊ ၂၀၀၂ ခုနှစ်က ငြိမ်းချမ်းရေးနိုဘယ်ဆုရရှိသူ ဖြစ်ပါတယ်။

Ref: အာရ်အဖ်အေ

Read More...

Collapse...

လူမျိုးရေး အကြမ်းဖက်မှု ကာကွယ် တားဆီးရေး အပြည့်အဝ မဆောင် ရွက်ခဲ့ကြောင်း ကင်တာနားပြော

2013-04-02

မြန်မာနိုင်ငံမှာ ဘာသာရေး လူမျိုးရေးဆိုင်ရာ အကြမ်းဖက် ပဋိပက္ခတွေ ပေါ်ပေါက်လာနိုင်တဲ့ နိမိတ်လက္ခဏာတွေရှိနေပေမဲ့၊ အစိုးရဟာ ကာကွယ်တားဆီးရေးဆောင်ရွက်မှုတွေကို အပြည့်အဝ မဆောင်ရွက်ခဲ့ဘူးလို့ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် မစ္စတာ တောမတ်စ် ကင်တားနားက ပြောလိုက်ပါတယ်။

အဲဒီ နိမိတ်လက္ခဏာတွေဟာ ပြီးခဲ့တဲ့နှစ် ဇွန်လ ရခိုင်ပြည်နယ်မှာဖြစ်ပွားခဲ့တဲ့ ပဋိပက္ခတွေကတည်းက ရှိနေခဲ့တာဖြစ်ပေမဲ့၊ ဘာသာ လူမျိုး မတူကွဲပြားသူချင်း ခွဲခြားဆက်ဆံတာတွေ၊ အကြမ်းဖက်လုပ်ရပ်တွေ တနိုင်ငံလုံး ပြန့်ပွားမသွားအောင် လုံလောက်တဲ့ ကာကွယ်တားဆီးရေးလုပ်ငန်းတွေဆောင်ရွက်ဖို့ အစိုးရဟာ ပျက်ကွက်ခဲ့တယ်လို့ မစ္စတာ ကင်တားနားက ကြေညာချက်ထုတ်ပြန်ပြောဆိုခဲ့ပါတယ်။

မြန်မာအစိုးရအနေနဲ့ ဒီအကြမ်းဖက်လုပ်ရပ်တွေ ယခုထက်ပိုပြီး ပြန့်ပွားမသွားအောင် လိုအပ်တဲ့အစီအစဉ်တွေ ချက်ချင်းလက်ငင်း ဆောင်ရွက်သင့်ပြီဖြစ်ကြောင်းလည်း ပြောဆို လိုက်ပါတယ်။

Ref: အာရ်အဖ်အေ

Read More...

Collapse...

မီးလောင်၍ ကလေး ၁၃ ဦးသေဆုံးမှု ပွင့်လင်းမြင်သာစွာ ဖော်ထုတ်ပေးစေချင်ဟုဆို

April 2, 2013

ရန်ကုန် ဗိုလ်တထောင်မြို့နယ် ၄၈ လမ်းရှိ အစ္စလမ်ဘာသာရေး စာသင်ကျောင်း မီးလောင်ခဲ့၍ ကလေး ၁၃ ဦးသေဆုံးခဲ့မှုနှင့် ပတ်သက်၍ တိုင်းဒေသကြီးအစိုးရ အနေဖြင့် အဖြစ်မှန် အတိုင်း ပွင့်လင်းမြင်သာစွာ ဖော်ထုတ်ပေးစေချင်ကြောင်း အစ္စလမ်ဘာသာရေး ခေါင်းဆောင်များက ပြောကြသည်။

မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ်မှ တွဲဘက် အတွင်းရေးမှူး ဦးရဲနောင်သိန်းက ကောလာဟလများ ချုပ်ငြိမ်းဖို့ လိုကြောင်း၊ ပွင့်လင်းမြင်သာစွာဖြင့် အမှုကို အမှန်အတိုင်း ဖြစ်စေချင်ကြောင်း ဧရာဝတီသို့ ပြောသည်။

“ကျနော်တို့က တရားခံ မိရေး မမိရေးထက် အမှန်တရား ပေါ်ပေါက်စေချင်တယ်။ ဘယ်လိုပဲဖြစ်ဖြစ် ဒါဟာ လုပ်ကြံမှု ဖြစ်ခဲ့တယ် ဆိုရင်လည်း ဒါဟာ ရန်ကုန်တိုင်း အစိုးရအဖွဲ့က လုပ်တာမဟုတ်ဘူး၊ နိုင်ငံတော် အစိုးရက လုပ်တာမဟုတ်ဘူး၊ ကျနော်တို့နဲ့ ဘာသာမတူသူတွေ လုပ်တာမဟုတ်ဘူး၊ လူရမ်းကား တစုက လုပ်တယ်ဆိုရင် ဒီလူစုကို ဖော်ထုတ် ပေးစေ ချင်တယ်။ ဖြစ်စဉ် အမှန်ကို ဖော်ထုတ်ပေးစေချင်တယ်” ဟု သူက ဆိုသည်။

ဆက်လက်၍ မြန်မာနိုင်ငံလုံး ဆိုင်ရာ မော်လ၀ီ အဖွဲ့ချုပ်မှ အထွေထွေအတွင်းရေးမှူးချုပ် အယ်လ်ဟာဂ်ျ ဦးကျော်စိုးကလည်း ယနေ့တွင် ရန်ကုန်တိုင်းဒေသကြီး အစိုးရအဖွဲ့နှင့် အစည်း အဝေးလုပ်ခဲ့ပြီး စုံစမ်းစစ်ဆေးရေး ကော်မရှင် ဖွဲ့မည်ဟု ပြောခဲ့ကြောင်း ကော်မရှင်ဖွဲ့မည်ဆိုပါက ယခုကိစ္စကို စနစ်တကျ ဖော်ထုတ်နိုင်မည်ဟု ယုံကြည်ကြောင်း၊ စုံစမ်းစစ်ဆေးရေး ကော်မရှင်က စစ်ဆေးပြီးမှသာ အဖြေမှန် ပေါ်လာမည် ဖြစ်သောကြောင့် အစိုးရက သတင်းထုတ်ပြန်သည့် မီးအားမြင့်စက်မှတဆင့် ၀ါယာရှော့ခ် ဖြစ်သည်ဟု သုံးသပ်ခြင်းမှာ ဆန္ဒ စောသည်ဟု ယူဆကြောင်း၊ တိုင်းဒေသကြီး အစိုးရအဖွဲ့က ဖွဲ့ထားသည့် စုံစမ်းစစ်ဆေးရေး ကော်မရှင်က ဖော်ထုတ်မည့် အဖြေသည် အဖြေမှန် ဖြစ်မည်ဟု ယုံကြည်ကြောင်း ဧရာဝတီ သို့ ပြောသည်။

“ကျနော်တို့ အားလုံး အစိုးရအဖွဲ့နဲ့ပဲ ပူးပေါင်းဆောင်ရွက် သွားမယ်လို့ ခံယူထားတယ်” ဟု ၎င်းက ဆိုသည်။

ယနေ့ နံနက် ၃ နာရီခန့်က ရန်ကုန်မြို့ ၄၈ လမ်းရှိ အစ္စလမ် ဘာသာရေး စာသင်ကျောင်း မီးလောင်မှု ဖြစ်ပွားရာ ကလေးငယ် ၁၃ ဦး မီးလောင်ကျွမ်း သေဆုံးသွားခဲ့ကြောင်း အခင်းဖြစ်ပွားရာ နေရာမှ စုံစမ်းသိရသည်။

အစ္စလမ် ဘာသာရေး စာသင်ကျောင်းမှာ နှစ်ထပ်အဆောက်အဦး ဖြစ်ပြီး မီးမှာ နံနက် ၃ နာရီ ခန့်တွင် လှေကား အတက်အဆင်း နေရာမှ စတင် လောင်ကျွမ်းခဲ့ကာ ၃ နာရီ မိနစ် ၂၀ ခန့်တွင် မီးငြိမ်းသွားခဲ့ကြောင်း အခင်းဖြစ်ပွားရာ
နေရာတွင် ရောက်ရှိနေသော မီးသတ်အရာရှိက မီဒီယာများကို ပြောသည်။

မီးမှာ လှေကားအနီး မီးအားမြင့်စက်မှ စတင်လောင်ကျွမ်းခဲ့ခြင်းဖြစ်သည်ဟု ယေဘုယျ သုံးသပ်ထားပြီး အသေးစိတ်ကို ဆက်လက် စုံစမ်းဖော်ထုတ်သွားမည် ဖြစ်ကြောင်း ရန်ကုန် အရှေ့ပိုင်းခရိုင် ရဲတပ်ဖွဲ့မှူး ဦးမြင့်အေးက ရှင်းပြသည်။

“လှေကားလောင်တော့ အပေါ်ထပ်က ကလေးတွေ ပိတ်မိပြီး အောက်ဆင်းလို့ မရဘူး။ အောက်မှ အိပ်တဲ့လူတွေ အားလုံးက လွတ်သွားတယ်” ဟု စာသင်ကျောင်း အနီးတွင် နေထိုင်သူ အစ္စလမ်ဘာသာဝင် တဦးက ပြောသည်။

၄၈ လမ်းတွင် ကားပါကင် လုံခြုံရေးစောင့်သူ ကိုမြင့်အောင်က နံနက် ၂ နာရီ ၄၅ မိနစ်ခန့်တွင် ရေဆာသောကြောင့် အစ္စလမ် ဘာသာရေး စာသင်ကျောင်းအနီးသို့ ရေသွားသောက်စဉ် မီးခိုးများထွက်နေသည်ကို တွေ့ရာ ဘေးအိမ်သို့ နှိုး၍ ပတ်ဝန်းကျင် သို့ အကူအညီတောင်းခံခဲ့ကြောင်း၊ အော်ဟစ်နှိုးသော်လည်း စာသင်ကျောင်းအတွင်းမှ ပြန်လည် အသံမပြုသော ကြောင့် တခြားအိမ်များကို ဆက်တိုက် လိုက်နှိုးခဲ့ကြောင်း ရှင်းပြသည်။

“မီးမလောင်ခင် လမ်းထဲမှာထူးခြားတာ ဘာမှ မတွေ့ဘူး။ ဘယ်သူမှလည်း ဖြတ်မလျှောက်ဘူး။ ဒီတလမ်းလုံးမှာ လုံခြုံရေး အစောင့်က ၃ ယောက်ရှိတယ်။ ကျနော်တို့က ညဘက်လည်း မအိပ်ဘူး။ မိုးလင်းပေါက် ထိုင်စောင့်နေတာ” ဟု သူက ဆိုသည်။

၄၈ လမ်း အစ္စလမ် စာသင်ကျောင်း မီးလောင်မှုသည် လျှပ်စစ်ကျွမ်းကျင်သူ၊ မီးသတ်ကျွမ်းကျင်သူများ၏ စစ်ဆေးချက်များ အရ မီးအားမြှင့်စက် အပူလွန်ကဲရာမှ စတင် လောင်ကျွမ်းချင်းဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက အတည်ပြုပြောကြားသည်။

အဆိုပါ မီးလောင်မှုဖြစ်စဉ်သည် အပေါ်ထပ်နှင့် အောက်ထပ် ဆက်သွယ်ထားသည့် တခုတည်းသော လှေကားဘေးခန်းမှ စတင်လောင်ကျွမ်းခြင်းဖြစ်ပြီး အဆိုပါလှေကားကိုလည်း သော့နှစ်ထပ်ခတ်ထား၍ မီးလောင်ကျွမ်းနေချိန်တွင်လည်း အဆိုပါသော့ကို ဖွင့်မပေးနိုင်ခဲ့သဖြင့် အပေါ်ထပ်ရှိ ကလေး ၁၃ ဦး မီးခိုးမွှန် သေဆုံးရခြင်းဖြစ်ကြောင်း ဆေးရုံမှတ်တမ်း အတည်ပြုချက်အရ ပြောရခြင်းဖြစ်သည်ဟု ယနေ့မနက် ၁၀ နာရီက ရန်ကုန်တိုင်းဒေသကြီးရုံးတွင် အရေးပေါ် ကျင်းပသော သတင်းစာရှင်းလင်းပွဲတွင် အထက်ပါအတိုင်း တိုင်းဝန်ကြီးချုပ်က ပြောဆိုခဲ့သည်။

“ဒီဖြစ်စဉ်မှာ တကယ်တာဝန်ရှိတဲ့ မီးလောင်ခဲ့တဲ့ ဗလီရဲ့တာဝန်ခံနဲ့ တာဝန်ရှိသူကို မီးလောင်မှု၊ လူသေဆုံးမှုတို့နဲ့ အရေးယူဖို့ စီစဉ်နေပါတယ်။ တာဝန်ပေါ့လျော့မှု၊ နှောင့်နှေးကျန့်ကြာမှု၊ အပြစ်ကို ဖုံးချင်တဲ့သဘောနဲ့ မသမာသူတွေက လာရှို့တဲ့ပုံစံမျိုး ကောလာဟလတွေ ပြန့်နေတာပါ” ဟု ၎င်းက ဆက်ပြောသည်။

ထို့အပြင် ဗလီအတွင်း ပြတင်းပေါက်များအားလုံးကို သံတိုင်၊ သံဆန်ကာများ ကာရံထားပြီး အပေါ်ထပ်နှင့် အောက်ထပ် လှေကား၏ သော့ကိုလည်း မီးသတ်ဝန်ထမ်းများ ရောက်မှ ဖျက်ဖွင့်ခဲ့ရကြောင်း၊ သေဆုံးသည့် ကလေးငယ်များမှာ အပြင်မထွက်နိုင်သောကြောင့် သေဆုံးရခြင်း ဖြစ်ကြောင်း၊ လုံခြုံရေးများ၏ အတည်ပြုချက်အရ အဆိုပါမီးလောင်သည့် ညအချိန်များတွင် လူစိမ်းများ ၀င်ရောက်ခြင်း မတွေ့ရသဖြင့် အပြင်ပရောဂ မပါကြောင်း ရန်ကုန်တိုင်းဒေသကြီးမှ ရဲမှူးကြီး ၀င်းနိုင်က ရှင်းပြသည်။

မီးလောင်မှုကြောင့် ပျောက်ဆုံးနေသော ကလေး ၄ ဦးကိုလည်း ပြန်တွေ့၍ ၎င်းတို့မိဘများထံသို့ ပြန်လည် ရောက်ရှိနေပြီဖြစ် ကြောင်း၊ ယခု ပြန့်နေသော ကောလာဟလများကြောင့် မလိုလားအပ်သော ကိစ္စရပ်များ ဖြစ်လာနိုင်သဖြင့် သတင်းသမား များနှင့် ပြည်သူများ သတိပြုစေချင်ကြောင်း ၎င်းက ဆက်ပြောသည်။

“အခု တချို့မြို့နယ်တွေမှာ ဗလီတွေရဲ့ လုံခြုံရေးကြောင့်ဆိုပြီး လိုအပ်တာထက်ပိုတဲ့ အကာရံတွေလုပ်ထားတာ တကယ် တော့ အခုလို သဘာဝ ဘေးအန္တရာယ် တခုခုဖြစ်ရင် မဖြစ် သင့်တာတွေ ဖြစ်လာနိုင်တယ်လို့ ပြောရလိမ့်မယ်။ အခုတော့ ဒီ ဗလီက တာဝန်ရှိတဲ့ သူတွေဖြစ်တဲ့ ဦးဇေယျာဖြိုးနဲ့ ဦးခင်အောင်အေးကို အမှုဖွင့် အရေးယူဖို့လုပ်နေတယ်” ဟု ၎င်းကဆို သည်။

မီးလောင်ကျွမ်းခဲ့သော အစ္စလမ်ဘာသာရေး စာသင်ကျောင်းတွင် အသက် ၇ နှစ်ခန့်မှ ၁၆ နှစ် အထိ ကလေးငယ် ၇၀ ခန့် ရန်ကုန်မြို့ အပါအ၀င် နယ်ပေါင်းစုံမှ လာရောက် ပညာသင်လျှက်ရှိသည်။

ဧရာဝတီသတင်းထောက် ထက်နိုင်ဇော်၊ စနေလင်းနှင့် နန်းသီရိလွင် ပူးပေါင်းရေးသားသည်။

Ref: ဧရာဝတီ

Read More...

Collapse...

အသက် အန္တရာယ်ရှိ ဓာတုပိုးသတ်ဆေးများ စိုက်ပျိုးရေး ဈေးကွက်အတွင်း ပျံ့နှံ့နေ

မေခ| April 2, 2013

နိုင်ငံတကာတွင် တားမြစ်ပိတ်ပင်ထားသော အသက်အန္တရာယ် ထိခိုက်စေနိုင်သည့် ဓာတုပိုးသတ်ဆေး အမျိုးပေါင်း ၃၀ ကျော်ခန့် နိုင်ငံတွင်း၌ တရားမ၀င် ပျံ့နှံ့နေကြောင်း မြန်မာနိုင်ငံ မြေသြဇာ၊ မျိုးစေ့နှင့် စိုက်ပျိုးရေး ဆေးလုပ်ငန်းရှင်များအသင်း ဥက္ကဋ္ဌ ဦးသတိုးဟိန်း ထံမှသိရသည်။

တရားမ၀င် ပိုးသတ်ဆေးများနှင့် ပတ်သတ်၍ တောင်သူလယ်သမား အသင်းမှ ၂၀၁၃ ခုနှစ် ဇန်န၀ါရီနှင့် ဖေဖော်ဝါရီလ အတွင်းတွင် ဈေးကွက်အတွင်းရှိ ဓာတ်မြေသြဇာများနှင့် ပိုးသတ်ဆေးများကို ရှောင်တခင် စစ်ဆေးခဲ့ကြောင်း မတ် ၃၀ ရက်က မြန်မာနိုင်ငံ ဆန်စပါးအသင်း၌ ကျင်းပပြုလုပ်ခဲ့သော ဓာတ်မြေသြဇာနှင့် ပိုးသတ်ဆေးများ၏ စစ်ဆေးတွေ့ ရှိချက်များနှင့် ပတ်သတ်သည့် သတင်းစာ ရှင်းလင်းပွဲ၌ သိရသည်။


“တချို့တောင်သူတွေက တရားမ၀င် ပိုးသတ်ဆေးတွေရဲ့ အန္တရာယ်ကို သိပေမယ့် ဈေးသက်သာလို့ သုံးတာတွေရှိပါတယ်။ တောင်သူတွေဘက်မှာ အသိ ဗဟုသုတတိုးဖို့လည်း လုပ်ဆောင်ပေးဖို့လိုတယ်” ဟု ဦးသတိုးဟိန်းက ပြောသည်။

မြန်မာနိုင်ငံအတွင်းသို့ တရားမ၀င် ပိုးသတ်ဆေး အမျိုးပေါင်း တရာကျော် တင်သွင်းရောင်းချလျှက် ရှိကြောင်းသိရပြီး ထိုကိစ္စနှင့် ပတ်သက်၍ စစ်ဆေးအရေးယူရာ၌ အားနည်းနေ မှုများရှိကြောင်း တောင်သူလယ်သမား အသင်းမှ ဒေါက်တာစိုးထွန်းက ပြောသည်။

“စိုက်ပျိုးရေးကပဲ ဖြစ်ဖြစ်၊ ကုမ္ပဏီတွေပဲ ဖြစ်ဖြစ် စိုက်ပျိုးရေးနဲ့ ပတ်သတ်ပြီး ပညာပေးကြတယ် ဆိုပေမယ့် မြို့ပေါ်ပိုင်းနဲ့နီးတဲ့ ကျေးရွာတွေ လောက်ကိုပဲ ပညာပေးနိုင်တယ်။ ထဲထဲဝင်ဝင် မပေးနိုင်သေးဘူး။ ဒီတော့ အသိပညာ ဗဟုသုတပိုင်း အားနည်းတယ်။ ဒီမှာ ထဲထဲဝင်ဝင် လုပ်ပေးနိုင်ဖို့လိုပါတယ်” ဟု ဓနုဖြူမြို့နယ်မှ တောင်သူ ဦးသိန်းမောင်က ပြောသည်။

လက်ရှိတွင် တရားဝင် မှတ်ပုံတင်ထားသော ပိုးသတ်ဆေးအရေအတွက်မှာ အမျိုးပေါင်း ၂၀၀ ခန့်သာရှိကြောင်း၊ တရားမ၀င် ပိုးသတ်ဆေးများကို ၁၉၉၀ ပြည့်နှစ်က ထုတ်ပြန်ခဲ့သည့် ပိုးသတ်ဆေးဝါးဥပဒေနှင့် ၂၀၀၂ ခုနှစ်က ထုတ်ပြန်ခဲ့သည့် အပင်ပိုးမွှား ကာကွယ်ရေးဥပဒေများအရ အရေးယူနိုင်ကြောင်း မြန်မာ့ လယ်ယာစိုက်ပျိုးရေး ဦးစီးဌာန၊ မျိုးစေ့နှင့် မြေသြဇာ ဌာနမှ ညွှန်ကြားရေးမှူး ဦးတင်အောင်ဝင်းက ပြောသည်။

“မြေသြဇာပိုင်းမှာ အရည်အသွေးနိမ့်တာကို ရောင်းလိုက်ရင် သီးနှံအထွက်နှုန်း လျော့တာပဲရှိမယ်။ ကျန်းမာရေး အတွက်လည်း မထိခိုက်ဘူး၊ စားသုံးသူ မထိခိုက်ဘူး။ ဒါကြောင့်မြေသြ ဇာဥပဒေမှာ ရဲ အရေးပိုင်တဲ့ ဥပဒေမဟုတ်ဘဲ တရားမကြောင်းအရ ဥပဒေအနေနဲ့ ထားတာပါ။ ပိုးသတ်ဆေးကျတော့ မတူဘူး။ တရားမ၀င် တားမြစ်ထားတဲ့ ပိုးသတ်ဆေးတွေ ရောင်း မယ်ဆိုရင် လူ့အသက်ကိုပါ ထိခိုက်စေတယ်။ သုံးစွဲသူကိုကော၊ သုံးစွဲထားတဲ့ သီးနှံကို စားမိသူကိုကော အသက်အန္တရာယ် ထိခိုက် စေပါတယ်။ ဒါကြောင့် ရဲအရေးပိုင် အနေနဲ့ သတ် မှတ်ပြီး ထောင်ဒဏ်ကော၊ ငွေဒဏ်ကော သတ်မှတ်ပြီး အရေးယူပါတယ်” ဟု မြန်မာ့လယ်ယာ စိုက်ပျိုးရေးဦးစီးဌာန စိုက်ပျိုးရေးဌာနမှ ညွှန်ကြားရေးမှူး ဒေါက်တာ ရဲတင့်ထွန်းက ပြောသည်။

လက်ရှိ ဆောင်ရွက်နေသည့် တည်ဆဲဥပဒေများမှာ နိုင်ငံတကာအဆင့်မီ ဥပဒေများဖြစ်ကြောင်း၊ သို့ရာတွင် တောင်သူ လယ်သမားကို ယခုထက် ပိုမိုသော ကာကွယ်စောင့်ရှောက်မှုများ ပေးနိုင်မည့် ဥပဒေများ လိုအပ်နေသေးကြောင်း တောင်သူ လယ်သမားအသင်း ဥက္ကဋ္ဌ ဒေါက်တာစိုးထွန်းက ရှင်းပြသည်။

နိုင်ငံတကာမှ ပိုးသတ်ဆေးများ တရားဝင်မှတ်ပုံတင်ပြီး တင်သွင်းပါက ပိုးသတ်ဆေးများတွင် ပါဝင်သောပစ္စည်း၊ သုံးစွဲရမည့် ပမာဏ၊ သုံးစွဲရမည့် အသေးစိတ် ညွှန်ကြားချက်၊ အရေး ပေါ် သတိပေးကြေညာချက်၊ အဆိပ်သင့်ပါက အရေးပေါ်ကုထုံး စသည့် အချက်များကို မြန်မာဘာသာဖြင့် ပြန်ဆိုပြီးမှသာ ထုတ်ခွင့်ရှိကြောင်း၊ ထိုအချက်များဖေါ်ပြမထားပါက ၎င်းမှာ တရားမ၀င်သည့် အမှတ်တံဆိပ်ဖြစ်ကြောင်း မြန်မာ့လယ်ယာ စိုက်ပျိုးရေးဦးစီးဌာန၊ မျိုးစေ့နှင့် မြေသြဇာဌာနမှ ညွှန်ကြားရေးမှူး ဦးတင်အောင်ဝင်းက ပြောသည်။

“၀င်လာတဲ့ဆေးတွေက နယ်စပ်ကနေ၀င်တာ၊ တရုတ်ဘက်ကကော၊ ထိုင်းဘက်ကကော ၀င်လာတယ်။ အဓိကကတော့ အိမ်နီးချင်းနိုင်ငံတွေက ၀င်နေတာတွေပါ” ဟု မြန်မာနိုင်ငံ မြေသြဇာ၊ မျိုးစေ့နှင့် စိုက်ပျိုးရေးဆေး လုပ်ငန်းရှင်များအသင်း ဥက္ကဋ္ဌ ဦးသတိုးဟိန်းက ပြောသည်။

အဆိုပါ တရားမ၀င် ပိုးသတ်ဆေးအန္တရာယ်နှင့် ပတ်သတ်ပြီး မြန်မာနိုင်ငံ တောင်သူလယ်သမား အသင်းနှင့် မြန်မာနိုင်ငံ မြေသြဇာ၊ မျိုးစေ့နှင့်စိုက်ပျိုးရေးဆေး လုပ်ငန်းရှင်များအသင်းမှ ဈေးကွက်အတွင်းရှိ စိုက်ပျိုးရေးသုံး ပိုးသတ်ဆေး ၈ မျိုးနှင့် မြေသြဇာ ၁၅ မျိုးကို အရည်အသွေးစစ်ဆေးမှုများ ဆောင်ရွက်ခဲ့ကြောင်း ဦးသတိုးဟိန်းထံမှသိရသည်။

“ဓာတ်ခွဲခန်းက လက်ရှိမြန်မာနိုင်ငံမှာ ဓာတ်မြေသြဇာနဲ့ ပိုးသတ်ဆေး စစ်လို့ရတာဆိုရင် ပုဂ္ဂလိကဆို မြန်မာ့သြဘာက ဓာတ်ခွဲခန်းရှိတယ်၊ မြန်မာ့စိုက် ပျိုးရေးမှာ ဓာတ်ခွဲခန်းတခုရှိ တယ်။ သိပ္ပံနဲ့ နည်းပညာဌာနမှာ တခုရှိတယ်။ ဒီစစ်ဆေးတာတွေ ကိုတော့ မြန်မာ့သြဘာနဲ့ စိုက်ပျိုးဌာနမှာရှိတဲ့ ဓာတ်ခွဲခန်းတွေမှာ စစ်ပါတယ်။ စစ်တဲ့နမူနာတွေကို ပုံစံပြောင်းပြီး မသမာမူတွေ မရှိအောင် ကုတ်နံပါတ်တွေတပ် စစ်ခဲ့တယ်။ နောက်ပိုင်း ထိုင်းနိုင်ငံဘက်က ဓာတ်ခွဲခန်းကို ပို့နိုင်ဖို့စီစဉ်နေတယ်” ဟု တောင်သူလယ်သမား အသင်းဥက္ကဋ္ဌ ဒေါက်တာစိုး ထွန်းက ပြောသည်။

ထို့အပြင် မြန်မာနိုင်ငံ အော်ဂင်းနစ်အဖွဲ့ကလည်း ဟင်းသီးဟင်းရွက်များတွင် ဓာတုဗေဒ ဆေးဝါးသုံးစွဲမှု များပြား နေသည့်အတွက် အစိုးရ အနေဖြင့် စိုက်ပျိုးသူများကို ပညာပေးသင့် ကြောင်း၊ ဟင်းသီးဟင်းရွက် များကို ဓာတု ပိုးသတ်ဆေး ဖျန်းပြီး အနည်းဆုံး ၁၅ ရက်ကြာပြီးမှသာ ခူးဆွတ်၍ ဈေးကွက်တွင် ရောင်းချသင့်ကြောင်း၊ စားသုံးသူ များကလည်း ဟင်းရွက် များကို ရေမဆေးဘဲ အစိမ်းစားခြင်း မလုပ်သင့်ဘဲ ရေဖြင့် သေချာစွာဆေးကြော၍ ကျက်သည်အထိ ချက်ပြုတ် စားသောက်သင့်ကြောင်း အကြံပြုပြောကြား ထားခဲ့သည်။

ပြည်တွင်းတွင်၂၀၁၂ – ၂၀၁၃ ဘဏ္ဍာနှစ်အထိ ဓာတ်မြေသြဇာ ၁၁၂၈ မျိုး နှင့် ပိုးသတ်ဆေး ၂၀၀ ကျော် တရားဝင် မှတ်ပုံတင် ဖြန့်ဖြူးခွင့်ပေးထားကြောင်း မြန်မာ့လယ်ယာ စိုက်ပျိုးရေးဦးစီးဌာနမှ စာရင်းများအရ သိရသည်။

Ref: ဧရာဝတီ

Read More...

Collapse...

ဒီမိုကရေစီ သို့မဟုတ် ၂၁ ရာစု ကမ္ဘာသား စိတ်ဓာတ်

ရွှေကူမေနှင်း
April 2, 2013

တတိယလူ ဘယ်သူလဲ

တပေါင်း လပြည့်ညက ဖြစ်သည်။ အချိန်က … ည ၁၀ နာရီဝန်းကျင်။

တက္ကစီ တစီးထဲတွင် ကျမနှင့် စာရေးဆရာမ မိချမ်းဝေတို့သည် နောက်ခန်း၌ စီးနင်းလိုက်ပါလာကြ၏။ ကားမောင်းနေသူ နဘေး မှာကား ဧရာဝတီသတင်းဌာနမှ ကော်ပီအယ်ဒီတာ နိုင်စွမ်းက အဖော်အဖြစ် လိုက်ပါလာခဲ့၏။ ဤအချိန် ဤကာလ မျိုးတွင် ကျမတို့ သည် အမျိုးသမီး အရွယ်ရပြီးသူများ ဖြစ်သော်လည်း တက္ကစီ မစီးရဲကြ၍ ဖြစ်၏။ ထိုနေ့ည အစောပိုင်း၌ ပုဇွန်တောင်မြို့နယ် စင်ကာပူ ကျောင်းတိုက်တွင် ပြုလုပ်သော စာပေဟောပြောပွဲ အပြီး ပြီးပြန်လာကြသော ကျမတို့အား စာပေ ဟောပြောပွဲ ကော်မတီက ကိုနိုင်စွမ်းအား အဖော်အဖြစ် အကူအညီတောင်း လိုက်ပါပို့ပေးစေခြင်း ဖြစ်သည်။


ရန်ကုန်မြို့သည် ငြိမ်သက်လျှက်ရှိသည်။

ည ၁၀ နာရီ ဆိုသည်မှာ စားသောက်ဆိုင်များ ရောင်းကောင်းချိန်၊ ယမကာနှင့် နိုက်ကလပ်များ စည်ကားချိန် ဖြစ်သော်လည်း ယခုညကား တိတ်ဆိတ်နေသည်။ ဆိုင်များအားလုံး သိမ်းပြီးကြပြီ။ မနေ့ညကပင် စတင်၍ ရန်ကုန်မြို့ နယ်နိမိတ် အတွင်း ယမကာနှင့် စားသောက်ဆိုင်များ အားလုံး ည ၉ နာရီ ပိတ်ရန် အမိန့်ထုတ်ခဲ့၍ ဖြစ်လေသည်။

တပေါင်း လပြည့်ည၏ လေညင်းသုန်သုန်နှင့် အေးချမ်း သာယာမှု အစား ကျမတို့ သည် ကျီးလန့်စာစား ဖြစ်နေကြ၏။ ဘာမှ မဖြစ်ပါဘူးဟု အားပေးထားလျှက်နှင့် တခုခုဖြစ်လာလျှင် ဆိုပြီး လမ်းဘေး ၀ဲယာကို အကဲခတ်ကြရ၏။ သွားမည့် နေရာက မိချမ်းဝေ အိမ်ရှိရာ ငမိုးရိပ်ချောင်း တဘက်ကမ်းသို့ အရင်သွားရမည် ဖြစ်သည်။ သူ့ကို ပို့ပြီးလျှင် ကျမ အိမ်ရှိရာ လှည်းတန်းသို့ ပြန်ပတ်ရဦးမည်။ ညအချိန် လမ်းမီးများ ရှိသော်လည်း လူရိပ်လူခြည် ရှင်းနေသော မြောက်ဒဂုံ၏ ဦးဝိစာရ လမ်းထဲတွင် ချောက်ချားဖွယ် တိတ်ငြိမ်နေပေသည်။ စောစောကပင် ကားဆရာက စကားစပ်ပြီးပြောခဲ့၏။

“ကျနော်က ညဘက်မောင်းတဲ့ တက္ကစီသမား ဆိုတော့ ညက ၅၃ လမ်းထဲမှာ ကားထိုးထားတာ၊ လင်းအားကြီး ၃ နာရီ ကျော် လောက်မှာ အိပ်ငိုက်ပြီး မှေးကနဲ ပျော်သွားတယ်။ အိပ် ပျော်နေရင်းက ညာသံပေးပြီး မောင်းလာတဲ့ ကားသံနဲ့ လူသံတွေ ကြားလို့ လန့်နိုးလာခဲ့တယ်။ ကားက လိုက်ထရပ် အမျိုးအစားပါ။ လူအတော်လေး တောင့်တယ်။ အော်ဟစ်ပြီး ဟိုဘက်မှာ ရိုက်နေကြပြီလို့ အော်တာ။ ဒီအခါ ၅၃ လမ်းထဲမှာ ရှိတဲ့ လူတစု ဓားတွေနဲ့ ထွက်လာကြတယ်။ သူတို့က သတိနဲ့ နေနေကြပုံ ရတယ်။ အိမ်တွေထဲက လူတွေတော့ ထွက်မလာကြသေးဘူး။ အိပ်ကောင်းတဲ့ အချိန်ကြီးပဲ။ လမ်းထဲက အော်သံတွေကြောင့် နိုးတော့ နိုးမှာပေါ့။ အိမ်ပေါ်က လှမ်းကြည့်ရင် ကြည့်မှာပေါ့။ ခဏလေးနေတော့ အရေးပေါ် အချက်ပြ ဥသြသံတွေနဲ့ ရဲကားတွေ ရောက်လာတယ်။ အဲဒီအခါ စောစောက အော်ဟစ်နေတဲ့ ကားက မောင်းပြေးသွားတယ်။ ထွက်ပြေးသွားတယ်။ ရဲက ဓားနဲ့လူတွေကို ဖယ်ခိုင်းပြီး လုံခြုံရေးယူလိုက်ကြတယ်။ စောစောက အော်တဲ့ လူတွေကို ဖမ်းဆီးတာမျိုး၊ တခုခု အရေးယူတာမျိုး မတွေ့ရဘူး။ သူတို့နဲ့ ကျနော်က ၀ါး သုံးပြန်လောက်ပဲ ဝေးတာ” ဟု သူပြောသည်။

ကားဆရာလေး၏ စကားကို ကျမတို့ သုံးသပ်ကြ၏။ နိုင်စွမ်းက “ရမည်းသင်းမှာ ဖြစ်ပွားတာလည်း ဒီလိုပဲ။ ဒေသခံတွေ အချင်းချင်း စတာမဟုတ်ဘူးလို့ သိရတယ်။ ညဘက်မှာ အမြန် လမ်းဘက်က ကားတစီး ပြေးဝင်လာရင်း စောစောက ကားဆရာ ပြောသလို ဘာဖြစ်ကုန်ပြီ၊ ညာဖြစ်ကုန်ပြီ၊ ဘယ်သူကိုတော့ သတ်ပစ်နေပြီ ဆိုပြီး အော်ဟစ်ကြတာတဲ့။ အဲဒီမှာ လူတွေနှစ်ဖက်လုံး ထွက်လာပြီး ပြဿနာတွေ ဆက်ဖြစ်ကြတာတဲ့။ တကယ်တမ်း ဒေသခံတွေ အနေနဲ့ အချင်းချင်း ရန်လိုပြီး သတ်ဖြတ်ချင်စိတ် မရှိကြဘူး။ ပြဿနာ ဖြစ်လိုစိတ် မရှိကြဘူး။ အေးအေးဆေးဆေးပဲ နေချင်ကြတာပါ။ ကျနော် ကိုယ်တိုင်လည်း ရမည်းသင်းဇာတိသား။ ဗုဒ္ဓဘာသာဝင်၊ ခရစ်ယာန် ဘာသာဝင်၊ အစ္စလမ် ဘာသာဝင်၊ ဟိန္ဒူဘာသာဝင် သူငယ်ချင်းတွေ အများကြီးပဲ။ ခင်ခင်မင်မင်ပါပဲ။ အချင်းချင်း ဆိုတဲ့ အထိ … မြင်ကြပါတယ်” ဟုဆိုသည်။

အင်း ဒီအတိုင်းဆိုရင် နှစ်ဘက် ပြဿနာ ဖြစ်အောင် တမင် ဖန်တီးနေတဲ့ “ကြားခံ” အုပ်စု ရှိနေတာ သေချာပြီလား။

“ဒါဟာ အဓိကရုဏ်းဖြစ်အောင်လုပ်နေတာပဲ”

“အဲဒါ …ဘယ်သူတွေလို့ထင်လဲ”

“တရားဥပဒေ စိုးမိုးရေးဘယ်မှာလဲ”

အကြမ်းဖက်မှုကို မွေးဖွားပေးတာ အကြမ်းဖက်ခြင်းဖြစ်

ကျမတို့သည် ပြေးလွှားနေသည့် တက္ကစီကားလေး၏ မှောင်ရိပ်ထဲတွင် ကြိုးစားပြီး စဉ်းစားကြ၏။ တိတိကျကျ အဖြေကို ရှာမရကြ။ ယုန်ထင် ကြောင်ထင်နှင့် ဆိုတော့လည်း မှားသွားလျှင် ကောင်းနိုင်ပါဦး မည်လား။ သေချာတာကတော့ မြန်မာ နိုင်ငံ၏ အေးချမ်း သာယာသော ဒီမိုကရေစီ ခရီးကို ဖျက်လို ဖျက်ဆီးလုပ်လိုသူ တစု ရှိနေပြီ ဆိုခြင်းပင်။

ဤအဖြေကို သေသေချာချာ ရရှိပြီ ဆိုသောအခါ ဘာလုပ်ရမည် ဆိုခြင်းက ထင်ထင်ရှားရှား ပေါ်လာပါသည်။

မြန်မာ နိုင်ငံသား အများစုသည် ရိုးသားကြ၏။ ယုံလွယ်ကြ၏။ ပြီးတော့ သွေးပူလွယ် ကြသေးသည်။ သွေးပူခြင်းသည် အမှန် ဘက်သို့ ရောက်ရန် အခွင့်အလမ်း နည်း၏။ အများအားဖြင့် မှားလေ့ရှိသည်။ ဤကဲ့သို့ သွေးပူလွယ်၊ သွေးဆူလွယ် ခြင်းကို အခွင့်ကောင်း ယူကာ ဆူပူခြင်း အဆင့်သို့ ရောက်အောင် သွေးထိုးလှုံ့ဆော်ခြင်း ဖြစ်သည်။ တပြည်လုံး နေရာ အနှံ့အပြား ၌ ဆူဆူပူပူ ဖြစ်နေခဲ့လျှင် ယနေ့ လျှောက်လှမ်း နေသော ခြေလှမ်းများ မည်သည့် နည်းနှင့်မျှ ခရီးတွင်တော့မည် မဟုတ်ချေ။ သည်တော့ ဆူပူအောင် လှုံ့ဆော်နေသူများသည် ဒီမိုကရေ စီ၏ ရန်သူ၊ လူထု၏ ရန်သူ၊ အဖျက်သမား စစ်စစ် ဖြစ်သည်။

ဤမျှ သဘော ပေါက်ကြမည် ဆိုလျှင် နှစ်ဘက်လုံး အချင်းချင်း ရန်မီးမပွားဘဲ ထိန်းသွားနိုင်ဖို့ သေချာသည်။ ၂၀ ရာစု ရူပဗေဒပညာရှင်၊ တွေးခေါ်ပညာရှင်ကြီး အိုင်းစတိုင်းကပြောခဲ့ဖူး၏။

“Violence Breeds Violence” အကြမ်းဖက်ခြင်း သည် အကြမ်းဖက်ခြင်းကို ဖြစ်စေ၏ ဟူ၍ဖြစ်သည်။ ဘက်နှစ်ဘက် ရှိရာတွင် တဘက်က အကြမ်းဖက်ပါက ကျန်တဘက်ကလည်း တူညီသော တုန့်ပြန်မှု ပြုလုပ်လာမည် ပင်ဖြစ်သည်။ သည်တော့ မည်သည့် ဘက်ကမျှ စတင် အကြမ်းမဖက်လျှင် ပြေလည်သွားနိုင် ပါလိမ့်မည်။

လူမျိုး မတူခြင်း၊ ဘာသာ ယုံကြည်မှု မတူခြင်းကို အကြောင်းပြုပြီး အားပြိုင်ခြင်း ဖိနှိပ်ခြင်းသည် အောင်နိုင်မှု အစစ်အမှန် ကို မရနိုင်ပေ။ ဒုတိယ ကမ္ဘာစစ်အတွင်းက ဂျာမနီ အာဏာရှင် ဟစ်တလာသည် ဂျူးများကို မုန်းတီး၏။ နှိပ်ကွပ်၏။ နောက်ဆုံး အကြီးမားဆုံး ရက်စက်မှုအဖြစ် ဂျူးလူမျိုး သန်းပေါင်းများစွာကို အလုံပိတ် အခန်းထဲ ထည့်ပြီး အဆိပ်ငွေ့လွှတ် သတ် ဖြတ် ပစ်ခဲ့သည်။ ထိုသို့ သတ်ပစ်ခဲ့သဖြင့် ဟစ်တလာ အနိုင်ရပါသလားဟု ဆိုလျှင် လုံးဝ အနိုင်မရခဲ့။ မဟာမိတ် အင်အားစု၏ ထိုးစစ်၊ ရုရှားနှင့် နှစ်ဘက်ညှပ်စစ်ဖြင့် ဂျာမနီ ကျဆုံးရ သည်။ ဂျာမနီ ရှေ့တန်းရှိ နောက်ဆုံးတပ်များ လက်နက်ချလိုက် သောအခါ သူ့ကို မည်သူမျှ မသတ်နိုင်အောင် မြေအောက် စခန်း၌ ဇနီး အီဗာနှင့် အတူ နေထိုင်ခဲ့သော ဟစ်တလာသည် သူ့နားထင်ကို ကိုယ်တိုင် သေနတ်နှင့် ပစ်ပြီး အဆုံးစီရင်သွားခဲ့၏။ သူ့ချစ်ဇနီး ကိုလည်း အဆိပ်ထည့်ထားသော ပန်းသီးစားစေပြီး အဆုံးစီရင်ခဲ့၏။ အကြမ်းဖက်သမားတို့၏ လားရာကား မရှုမလှ ကျဆုံးခန်းသာ ဖြစ်၏။

ဂျာမနီ အာဏာရှင်၏ နှိပ်ကွပ်မှုကြောင့် ဂျာမနီတွင် မနေရဲ၍ ထွက်ပြေးရသူများထဲတွင် ဂျူး သိပ္ပံပညာရှင် အများအပြား ပါဝင်ခဲ့၏။ တချို့က အင်္ဂလန်သို့ ပြေးသည်။ နောက် အမေရိ ကသို့ ပြည်ဝင်ခွင့်တောင်းပြီး ၀င်သည်။ တိုက်ရိုက်ခိုလှုံသူများ လည်း ရှိသည်။ အစောပိုင်းတွင် အမေရိကန်သည် ဒုတိယ ကမ္ဘာစစ်ထဲ မပါဝင်ခဲ့သေးဘဲ စစ်လက်နက် ထုတ်လုပ်ရောင်းချ ခြင်းဖြင့် ချမ်းသာလာသည်။ ငွေများကို မသယ်နိုင်သဖြင့် ဒေါ်လာသောင်းတန် ငွေစက္ကူများပင် ရိုက်နှိပ်ရသည် အထိ။ ယင်းနှင့် တပြိုင်တည်းမှာပင် ဂျာမနီမှ ထွက်ပြေးလာသော ဂျူးသိပ္ပံပညာရှင်များကို ကြိုဆို လက်ခံခဲ့သည်။ နေစရာနှင့် လခ ရိက္ခာပေးပြီး သုတေသန ပြုစေသည်။ နာဆာ (NASA) ၏ ရည်မှန်းချက် ဖြစ်သော အနုမြူစမ်းသပ်မှုများ ပြုလုပ်ရန် သမ္မတ၏ သဘော တူညီမှုဖြင့် လျှို့ဝှက်စွာ ပြုလုပ်ခဲ့သည်။ နောက်ဆုံး ဂျပန်က ရန်စကာ ပုလဲဆိပ်ကမ်းကို အလစ်ဝင် ဗုံးကြဲတိုက်ခိုက်လာသည်။ ဤတွင် အမေရိကန် ဒုတိယ ကမ္ဘာ စစ်ထဲ ၀င်လာရသည်။ အမေရိကန်သည် အနုမြူဗုံး စမ်းသပ်မှု အတွက် အဆင့်သင့်နီးပါး ဖြစ်နေပြီး လက်တွေ့ စမ်းသပ်ရန်သာ လိုတော့သည်။ သို့နှင့် အမေရိကန်သည် ၎င်းစမ်း သပ်ဖောက်ခွဲမည့် အနုမြူဗုံး နှစ်လုံးကို ဂျပန်နိုင်ငံ ဟီရိုရှီးမားနှင့် နာဂစကီ မြို့များအပေါ် ကြဲချလိုက်ခြင်းဖြင့် စမ်းသပ်မှုလည်း ပြီးမြောက်သွားသလို၊ ဖျက်အား အလွန် ပြင်းထန်သည့် အနုမြူဗုံးကြောင့် ဂျပန်တို့အားလည်း အထိနာ သွားစေခဲ့ပြီး ကမ္ဘာစစ်ကြီးလည်း အဆုံးသတ်ရလေသည်။ အမေရိကန်သည် ကမ္ဘာ့အချမ်းသာဆုံး နိုင်ငံကြီးအဖြစ် အလံထူထားနိုင်ခဲ့ သည်။ အကြမ်းဖက်ဝါဒ ကိုင်စွဲသူများကား အရှုံးသက်သက်။

ဤသဘာဝကို ထပ်ဆင့် တွေးဆင့် ကြည့်လျှင် ကမ္ဘာစစ်ကြီးပင်လျှင် ငြိမ်းအေး အဆုံးသတ်နိုင်သေးသည်ကို အထင်အရှား တွေ့မြင်နိုင်သကဲ့သို့ အကြမ်းဖက်သူ၏ နိဂုံးကိုလည်း ကွက် ကွက်ကွင်း မြင်နိုင်ပါသည်။ တကယ်တမ်း ဆိုလျှင် မည်သည့် လူမျိုး၊ မည်သည့် ဘာသာဝင်မဆို ရန်လိုခက်ထန်နေကြသည် မဟုတ်ပါ။ မြင့်မြတ်သော ဘာသာရေး အဆုံးအမများသည် ငြိမ်းချမ်းစေလိုခြင်း၊ အချင်းချင်း ငြိမ်းချမ်းစွာ အမှီသဟဲပြု နေထိုင်ဖို့၊ သည်းခံစိတ်၊ မေတ္တာစိတ်၊ ခွင့်လွှတ်စိတ်များ ရှိနေကြဖို့ စသည့် လမ်းညွှန်ထားခြင်းများဖြင့် ပြည့်ဝနေပါ၏။

အလျဉ်းသင့် သဖြင့် အိုင်းစတိုင်း ပြောခဲ့သည့် စကားကို ထပ်မံ ပြောပြလိုသည်။ Violence breeds violence တဲ့။ အကြမ်းဖက်ခြင်းက အကြမ်းဖက်ခြင်းတွေကိုသာ မွေးဖွားပေးသည် ဟူ၏။

လူသား ၀ါဒ အခြေခံလျှင်

၂၀၁၂ တွင် ကမ္ဘာပျက်မည်ဟု သတင်းကြီးခဲ့ဖူး၏။ နေစကြ၀ဠာအတွင်း သို့ ဂြိုဟ်တခု ဦးတည်လာနေကြောင်း၊ ၎င်း ဂြိုဟ် သွားလာနှုန်းနှင့် လမ်းကြောင်းအရ ဆိုလျှင် ၂၀၁၂ အတွင်း ကမ္ဘာဂြိုဟ်ကို ၀င်ရောက် တိုက်ခိုက်ပြီး ကမ္ဘာကြီး အစိပ်စိပ် ကွဲသွားနိုင်ကြောင်း စသည်ဖြင့် ဟောကိန်းထုတ်ခဲ့ကြသည်။

ဤတွင် နာဆာအဖွဲ့သည် အကယ်၍ ယင်းဂြိုဟ် ၀င်လာပါက ကမ္ဘာကို မတိုက်မိစေဖို့ အာကာသ အဝေး တနေရာမှာပင် ကြိုတင် ဖြိုခွင်းပစ်ရန် လက်နက် တပ်ဆင်ထားသည်ဟု ဆိုသည်။ ယင်းအချက်ကို ထပ်ဆင့်ကြည့်လျှင် “အမေရိကန်သာလျှင် ကျန်ရစ်နေစေ၊ ကျန်နိုင်ငံတွေ ပျက်ချင်ပျက်” ဟု သဘောမထား၊ “ကမ္ဘာကို မထိစေရ” ဟု ဆုံးဖြတ် ခြင်းပင် ဖြစ်သည်။ ယင်းသည် ကမ္ဘာသား စိတ်ဓာတ် (Global Spirit) သို့မဟုတ် လူသားဝါဒ (Humanism) ပင် ဖြစ်၏။ နိုင်ငံတိုင်း နိုင်ငံတိုင်း၊ လူမျိုးတိုင်း လူမျိုးတိုင်း ဤကဲ့သို့ လူသားဝါဒကို လက်ကိုင်ထားကြမည် ဆိုလျှင် ဤကမ္ဘာကြီးသည် ငြိမ်းချမ်းသာယာပေမည်၊ အဓွန့်ရှည် တည်တံ့ပေမည်။

ဒီမိုကရေစီ သို့မဟုတ် ၂၁ ရာစု ကမ္ဘာသား စိတ်ဓာတ်

မည်သည့် အကြောင်းနှင့်မျှ ကမ္ဘာကြီး မပျက်စီးစေရ၊ မည်သည့် အကြောင်းကြောင့်မျှ ကမ္ဘာကြီး မဆူပူစေရ ဟူသော ကမ္ဘာချစ်စိတ်ဓာတ် အားလုံး ကိုယ်စီ ရှိကြလျှင် ဤကမ္ဘာလောက် ပျော်မွေ့ဖွယ်ကောင်းသော နေရာ ရှိဦးပါမည်လား။ အားလုံးသည် “လူသား အချင်းချင်း” သာလျှင် ဖြစ်သည်ဟု ယူဆထားလိုက်လျှင် … လူအချင်းချင်း ရမ်းကား အနိုင်ကျင့်လို စိတ် ရှိကြတော့မည် မဟုတ်။ နှစ်ဘက်စလုံး အေးချမ်းမည့် “Win – Win” မူဖြင့် မိမိယုံကြည်ရာ မိမိလုပ်စတမ်း။ တပါးသူအား မထိခိုက် စတမ်းဟု ထပ်ဆင့် တွေးမြင် ကျင့်ကြံအပ်ပါသည်။ ယင်းသည်ပင် ၂၁ ရာစု ကမ္ဘာသား စိတ်ဓာတ်ဖြစ်သကဲ့သို့ ဒီမိုကရေစီ၏ အခြေခံပင် မဟုတ်ပါလား။ ။

(ရွှေကူမေနှင်းသည် ဝတ္ထုတို၊ ဝတ္ထုရှည်၊ ဆောင်းပါး၊ ဘာသာပြန် စသည့် စာပေလက်ရာမျိုးစုံကို ဂျာနယ်၊ မဂ္ဂဇင်းများတွင် ရေးသားနေသူ ဖြစ်ပြီး လုံးချင်း စာအုပ်များစွာကိုလည်း ရေးသား ထုတ်ဝေနေသည့် စာရေးဆရာမ တဦးဖြစ်သည်။)

Ref: ဧရာဝတီ

Read More...

Collapse...

မြန်မာပြည်ရဲ့ တရားဥပဒေ စိုးမိုးရေးမှာ ဘာပြဿနာတွေ ရှိနေလဲ

April 2, 2013

ပြီးခဲ့တဲ့ မတ်လအတွင်းမှာ ဖြစ်ခဲ့တဲ့ မိတ္ထီလာမြို့က ဈေးရောင်းဈေးဝယ် ပြဿနာ အစကနေ ဘာသာရေး အဓိကရုဏ်း ပုံစံ ပြောင်းလဲခဲ့ပြီး ဖြစ်ပေါ်ခဲ့တဲ့ အခြေအနေကို သက်ဆိုင်ရာ အာဏာပိုင်တွေက ချက်ချင်း မထိန်းသိမ်းနိုင်ခဲ့ပါဘူး။ အဲဒီလို မထိန်းသိမ်းနိုင်ခဲ့တာကြောင့် မိတ္ထီလာမြို့မှာ ရက်ကွက်တွေ၊ ဘာသာရေး အဆောက်အအုံတွေ မီးလောင် ပျက်စီးခဲ့ရပြီး လူ ၄၀ ကျော် သေဆုံးခဲ့ကာ သောင်းနဲ့ချီ အိုးအိမ်မဲ့ဘဝ ဒုက္ခသည် အခြေအနေကို ရောက်ခဲ့ပါတယ်။

အဓိကရုဏ်းတွေက မိတ္ထီလာ တမြို့တည်းတင် မကဘဲ ပဲခူးတိုင်းအထိ ပျံ့နှံ့ခဲ့တာကြောင့် ဒေသ တော်တော်များများကို ပုဒ်မ ၁၄၄ ထုတ်ပြန်ကြေညာခဲ့သလို ရန်ကုန်လို မြို့ကြီးနဲ့ အနီးတဝိုက်မှာလည်း အဲဒီကာလက ဈေးဆိုင်တွေကို ည ၉ နာရီ နောက်ဆုံးထား ပိတ်သိမ်းဖို့ ထုတ်ပြန်ခဲ့ရပါတယ်။


ဖြစ်သွားခဲ့တဲ့ အရေးအခင်းတွေကို ပြန်ကြည့်မယ်ဆိုရင် ဘယ်ဘာသာ၊ ဘယ်လူမျိုး ဆိုတာထက် အစွန်းရောက် လူတစုရဲ့ ဖျက်လိုဖျက်ဆီး လုပ်ရပ်တွေဆိုတာ ရှင်းရှင်းလင်းလင်း မြင်တွေ့ကြရပြီ ဖြစ်ပါတယ်။

ဖျက်ဆီးလိုတဲ့ အဲဒီလူတစုရဲ့ နောက်ကွယ်မှာ ကြိုးကိုင်နေသူ တချို့ ရှိနိုင်တယ်လို့လည်း သုံးသပ်သူတွေ ရှိနေပါတယ်။ ဒါပေမယ့် ဒီကိစ္စနဲ့ ပတ်သက်လို့ နောက်ကွယ်က ကြိုးကိုင်သူတွေ မဆိုထားနဲ့ ဆူပူလှုံ့ဆော်မှုကို ဖန်တီးသူတွေ၊ မီးရှို့ဖျက်ဆီးသွားသူတွေကိုတောင် တိတိကျကျ ဖော်ထုတ်နိုင်ပြီဆိုတာ မကြားရသေးပါဘူး။

ပဋိပက္ခ ဖြစ်စဉ်တွေမှာ လုံခြံရေး ထိမ်းသိမ်းဖို့ ရောက်ရှိလာတဲ့ ရဲတပ်ဖွဲ့အနေနဲ့ အခြေအနေကို ထိရောက်စွာ မထိန်းနိုင်တာ၊ အထက်ကို အဆင့်ဆင့် အစီရင်ခံပြီး ညွှန်ကြားချက် တောင်းနေရတာနဲ့ အချိန်လင့်ကုန်တာ၊ ဆူပူဖျက်ဆီးသူတွေကို ဒီအတိုင်းရပ်ကြည့်နေရတာတွေကို ထောက်ပြဝေဖန်မှုတွေ ကျယ်ကျယ်ပြန့်ပြန့် ဖြစ်ခဲ့ပါတယ်။

တရားဥပဒေ စိုးမိုးရေးကို ဖော်ဆောင်မယ့် တာဝန်ရှိသူတွေအနေနဲ့ ပဋိပက္ခတခုကို ထိခိုက်မှု အနည်းဆုံးဖြစ်အောင် ထိန်းသိမ်းနိုင်စွမ်း မရှိသေးတာကို တွေ့ရပါတယ်။ ထို့အတူ ပဋိပက္ခ ဖြစ်ပွားပြီး နောက်မှာလည်း တကယ့် လက်သည် တရားခံကို ဖမ်းမိနိုင်အောင် အားကောင်းတဲ့ လုပ်ဆောင်ချက်တွေကို မမြင်ရသေးပါဘူး။

သမ္မတ ဦးသိန်းစိန်ကတော့ သူ့ရဲ့ မိန့်ခွန်းထဲမှာ ဆူပူမှုတွေနဲ့ ပတ်သက်လို့ ဖြေရှင်းရာမှာ လိုအပ်ရင် တပ်မတော်ရဲ့ အကူအညီကို ရယူသွားမယ်လို့ ပြောပါတယ်။

တိုင်းပြည် ပြုပြင်ပြောင်းလဲရေးနဲ့ ဒီမိုကရေစီ အရေးကို ဖော်ဆောင်နေချိန်ဖြစ်တဲ့ အခုလိုကာလမှာ ဖြစ်ပေါ်လာတဲ့ ဆူပူမှုတွေဟာ တိုက်ဆိုင်မှုလို့ ထင်ပါသလား ….

နောက်ကြောင်းပြန်လှည့်ချင်သူ တချို့ရဲ့ နောက်ကွယ်က ကြိုးကိုင်မှုတွေ ရှိနိုင်လား ….

လက်ပန်းတောင်းတောင် သပိတ်စခန်းမှာ ငြိမ်းချမ်းစွာ ဆန္ဒပြနေသူတွေကို ဖြိုခွင်းရာမှာတောင် လက်နက်တွေ သုံးခဲ့တဲ့ရဲတွေဟာ မိတ္ထီလာမြို့ မီးဟုန်းဟုန်း တောက်လောင်ပြီး သတ်ဖြတ်နေကြချိန်မှာ ဆူပူသူတွေကို ဘာကြောင့် အင်အားသုံးဖြိုခွင်းမှု မပြုတာလဲ ….

ပဲခူးတိုင်းအထိ ပြန့်လာတဲ့ ဆူပူမှု၊ အကြမ်းဖက်မှုတွေကို ထိမ်းသိမ်းရာမှာ လက်ဦးမှု မရှိခဲ့တာတွေ၊ အားနည်းချက်တွေ ရှိနေခဲ့တဲ့အပေါ် ဘယ်လို မြင်ကြသလဲ ….

နောက်ကွယ်က ကြိုးကိုင်သူတွေကို ဖမ်းမမိတာဟာ အဲဒီလူတွေထဲမှာ တရားဥပဒေ စိုးမိုးမှုဆိုတာနဲ့ မသက်ဆိုင်သူတွေ ပါနေလို့လား …. စတာတွေကို ဒီတပတ် ဧရာဝတီ ဖိုရမ်မှာ ဝင်ရောက် ဆွေးနွေးဖို့ ဖိတ်ခေါ်ပါတယ်။

Ref: ဧရာဝတီ

Read More...

Collapse...

မူဆယ်တွင် ရွှေဆိုင် ဓားပြတိုက်ခံရ

နန်းဆိုင်နွမ်
April 2, 2013

ဧပြီ ၁ ရက်နေ့ မွန်းလွဲ ၁၂ နာရီခွဲခန့်က မူဆယ်မြို့ စည်ပင်သာယာ အမှတ် ၁ ဈေး အပေါ်ထပ်ရှိ ရွှင်လင်းရောင် ရွှေဆိုင်ကို ဓားပြတိုက်မှု ဖြစ်ပွားခဲ့ကြောင်း သိရသည်။

ထိုသို့ ဓားပြတိုက်မှု ဖြစ်ပွားခဲ့သည့်အတွက် တခြားရွှေဆိုင်များလည်း ထိတ်လန့်စိုးရိမ်မှု ဖြစ်ကာ ဆိုင်ပိတ်ပြီး အရောင်းအ၀ယ် ရပ်ဆိုင်း ထားလိုက်ရကြောင်း သိရသည်။

ဓားပြများက သေနတ်ဖြင့်ချိန်ပြီး ရွှေများကို လုယူသွားခြင်းဖြစ်ကြောင်းနှင့် သက်ဆိုင်ရာသို့ တိုင်ကြားထားကြောင်း ရွှင်လင်းရောင် ရွှေဆိုင်ပိုင်ရှင် စိုင်းယီလွန်းက ဧရာဝတီသို့ ပြောသည်။


“ဓားပြ သုံးယောက်ပါ။ မျက်နှာကတော့ အုပ်ထားတယ်။ မမြင်ရဘူး။ နှစ်ယောက်ကတော့ သေနတ်ပါတယ်။ သေနတ်နဲ့တော့ ချိန်ပဲချိန်တယ်။ ပြီးတော့အိတ်ထဲကို ရွှေထည့်ပြီး ပြေး သွားပါတယ်။ ခန့်မှန်းခြေတော့ ကျပ် သိန်းတထောင်ကျော်လောက် ပါသွားတယ်” ဟုစိုင်းယီလွန်းက ဆိုသည်။

အဆိုပါ ရွှေဆိုင်ဓားပြတိုက် ခံရမှုကြောင့် မြို့မဈေးအတွင်း ရွှေရောင်းသူများ စိုးရိမ်ကြောက်လန့်နေကြကြောင်း၊ ဓားပြမှု၊ လူယက်မှုတိုင်းတွင် တရားခံ ကိုဖမ်းဆီးနိုင်ခြင်း မရှိခဲ့ကြောင်း မူဆယ်ဒေသခံများက ပြောကြသည်။

မူဆယ်မြို့တွင် မကြာခဏ ဓားပြတိုက်ခံရလေ့ ရှိသည့်အတွက် ရွှေဆိုင်များနှင့် ငွေကြေးလဲလှယ်သည့် လုပ်ငန်း လုပ်ကိုင်သူများသည် ပစ္စည်းများကို အများအပြား မသယ်ဆောင်ရဲ အောင် ဖြစ်နေကြသည်ဟု သိရသည်။

“ဒီလို ခဏခဏ ဓားပြတိုက် လုယက်မှုတွေ ရှိနေတယ်ဆိုတာကလည်း ရဲတွေက တရားခံကို ဖမ်းမမိတာကြောင့်နဲ့ အဲဒီလို လုယူပြီးသွားပြီ ဆိုရင် နယ်စပ်ကိုကျော်ပြီး သွားလို့ရတယ်။ ဒီလို ဖြစ်နေတော့ မူဆယ်ဒေသခံတွေက ဘာဆက် ဖြစ်လာမှာလဲ ဆိုတာ စိုးရိမ်နေကြပါတယ်” ဟု မူဆယ်မြို့ တောင်ရပ်ကွက်နေ စိုင်းအောင်မြင့်က ဧရာဝတီသို့ ပြောသည်။

မူဆယ်မြို့သည် စီးပွားရေးဖြစ်ထွန်းကာ လူမျိုးပေါင်းစုံ၊ လူတန်းစားပေါင်းစုံ လာရောက် နေထိုင် အလုပ်လုပ်ကိုင်ကြသည့် ဒေသဖြစ်ပြီး နယ်စပ်ဒေသ ဖြစ်သော်လည်း သက်ဆိုင်ရာ လုံခြုံရေးအဖွဲ့များ၏ တာဝန်ယူမှုမှာ အလွန် အားနည်းနေကြောင်း၊ ရဲတပ်ဖွဲ့ အနေဖြင့် လုံခြုံရေးကို ကြပ်မတ်စွာ ဆောင်ရွက်သင့်ကြောင်း၊ ဓားပြမှု ဖြစ်ပွားပြီးမှ လိုက်လံစစ်ဆေး ဖေါ်ထုတ်မည့် အစား ယခုကဲ့သို့သော နေရာမျိုးတွင် လုံခြုံရေးအတွက် စနစ်တကျ ကြိုတင်စီစဉ်ထားသင့်ကြောင်း စိုင်းအောင်မြင့်က ဆိုသည်။

ယခုနှစ်အတွင်း ဓားပြမှု ပိုမိုများပြားလာကြောင်းနှင့် ဆိုင်ကယ်ကယ်ရီ သမားများ၊ တရုတ်ငွေ လှဲလှယ်သူများ၊ ကားသမားများနှင့် ရွှေဆိုင်များကို ပစ်မှတ်ထားကာ လုယက်တတ်ကြပြီး လူသတ်မှု ကျူးလွန်သည် အထိ ရဲတင်းစွာ ပြုလုပ်လျက်ရှိကြောင်း၊ ယမန်နှစ်မှ စတင်၍ မူဆယ်တွင် ဓားပြမှုများ သိသာစွာ များပြားလာကြောင်း ရှမ်းပြည်နယ်မြောက်ပိုင်း မူဆယ်မြို့တွင် နေထိုင်သည့် ဒေသခံများထံမှ သိရသည်။

“ဒီလို ဓားပြမှုဖြစ်တိုင်း ရဲတွေဘယ်တော့မှ တရားခံမဖမ်းနိုင်တဲ့ အတွက် ဆက်တိုက်ပြန်ဖြစ်နေတယ်လို့ ယူဆတယ်။ အမှုဖွင့်ထားတာပဲ ရှိတယ်။ တရားခံ ဖမ်းမမိတော့ ဘာထူးမှာလဲ။ မနေ့ကဆိုရင် ရွှေဆိုင်တွေက ကြောက်လို့ ပိတ်ထားရတယ်” ဟု အခင်းဖြစ်ပွားခဲ့သည့် စည်ပင်သာယာအမှတ် (၁) ဈေး အပေါ်ထပ်တွင်ရွှေဆိုင်ဖွင့်လှစ်ထားသည့် အမျိုးသမီး တဦးက ဧရာဝတီသို့ပြောသည်။

ဓားပြမှုများ ဆက်တိုက်ဖြစ်ပွားနေသည့်အတွက် စိုးရိမ်စိတ်ဖြင့် ဆိုင်ဖွင့်နေရကြောင်း၊ သတိဖြင့်နေနေရကြောင်း၊ မိမိလုံခြုံရေးကို မိမိကိုယ်တိုင်တာဝန်ယူနေရကြောင်း၊ ၎င်း အမျိုး သမီးက ပြောသည်။

ယမန်နှစ် ဇန်န၀ါရီလက မူဆယ်မြို့ စံပယ်ရွှေဆိုင် ပိုင်ရှင် သားအမိနှစ်ဦး ဓားပြတိုက် ခံရပြီး တဦးသေဆုံး၍ ပစ္စည်း ကာလတန်ဖိုးငွေ ကျပ်သိန်း ၂၀၀၀ ခန့် ဆုံးရှုံးခဲ့ရသည်။ ယခုနှစ် ဇန်န၀ါရီလတွင်လည်း ကားသမားနှင့် တရုတ်ငွေလဲသည့် အမျိုးသမီး နှစ်ဦး ဓားပြတိုက် လုယက်ခံရမှု ဖြစ်ပွားခဲ့သေးကြောင်း သိရသည်။

သက်ဆိုင်ရာ ရဲစခန်းသို့ ဧရာဝတီက ဆက်သွယ်မေးမြန်းရာ “ပုဒ်မ ၃၉၂ နဲ့ အမှုဖွင့် ထားပါတယ်။ လုံခြုံရေးကိုတော့ အပြည့်အ၀ ယူထားပါတယ်။ အရင် ဓားပြတိုက်မှု ကတော့ တရားခံမတွေ့သေးပါဘူး။ စုံစမ်းဆဲပါ” ဟု ပြောသည်။

Ref: ဧရာဝတီ

Read More...

Collapse...

လက်ပံတောင်း ဒဏ်ရာရ ဆရာတော် သီတဂူ သံဃာ့ဆေးရုံ၌ ကုသမှု ခံယူနေ

ဟင်္သာနီ (မွန်မြေ)
ဧပြီလ ၀၂ ရက် ၂၀၁၃ ခုနှစ်

လက်ပံတောင်း အရေးအခင်း ဒဏ်ရာရ သံဃာများအနက် ဒဏ်ရာ အပြင်းထန်ဆုံး ရရှိခဲ့သူ သံဃာတပါး ဖြစ်သည့် ဦးတိက္ခဉာဏသည် ထိုင်းနိုင်ငံ ဗန်ကောက် စစ်ဆေးရုံမှ ဆင်းလာပြီးနောက် စစ်ကိုင်း တောင်ရိုးရှိ သီတဂူ သံဃာ့ဆေးရုံ၌ ဆက်လက်၍ ကုသမှုများ ခံယူလျက်ရှိနေကြောင်း သားဖြစ်သူ ဒေါက်တာ နေသုခ က ပြောသည်။

“အနာတွေ တော်တော် များများ ကတော့ သက်သာသွား ပြီဗျ။ ဆိုတာက အရေပြားပေါ်မှာ ရှိတဲ့ အနာတွေ တော်တော်ကောင်းသွားပြီလို့ ပြောလို့ရတယ်။ ဒါပေမယ့် ခြေထောက် တွေမှာကတော့ အသားတွေ ကျုံ့ပြီး အကြောတွေ ဆိုင်းနေတယ်လို့ ပြောရမယ်။ ကောင်းကောင်း မလှုပ်ရှားနိုင်သေးဘူး” ဟု မဇ္ဈိမကို ပြောသည်။

လက်ရှိ အနေအထားတွင် ဆရာတော်မှာ ထိုင်ရန်ပင် မလွယ်ကူသေးဘဲ နဂို ပုံမှန်အတိုင်း အကောင်းပကတိ လမ်းပြန်လျှောက်နိုင်ရန်မှာ များစွာ အချိန်ယူရဦးမည် ဖြစ်သည်။

၂၀၁၂ ခုနှစ်၊ နိုဝင်ဘာလ ၂၉ ရက်နေ့ သပိတ်စခန်း ဖြိုခွဲခံရစဉ် မီးလောင် ဒဏ်ရာ ရရှိခဲ့သည့် ခန္ဓာကိုယ်ပေါ်မှ အနာများမှာ သက်သာသွားခဲ့ပြီး ဖြစ်သော်လည်း သုံး၊ လေး လခန့် လှုပ်ရှားမှု မရှိဘဲ ပက်လက် အနေအထားဖြင့် သီတင်းသုံးခဲ့ရ၍ ကြွှက်သား လှုပ်ရှားမှုများ အားနည်းကာ အကြောများလည်း တုံဆိုင်းနေသည့် အနေအထား ဖြစ်သည်ဟု ဒေါက်တာ နေသုခ က ဆိုသည်။

မတ်လ ၂၆ ရက်နေ့ ကတည်းကပင် ဗန်ကောက် မှတဆင့် ရန်ကုန်သို့ ပြန်လည် ရောက်ရှိလာခဲ့ကာ သီတဂူ သံဃာ့ဆေးရုံသို့ ပြောင်းရွှေ့၍ ကုသမှု ခံယူခဲ့သည်။

ထိုင်း စစ်ဆေးရုံ၌ တက်ရောက် ကုသခဲ့စဉ်အတွင်း အရေပြား အစားထိုး ကုသမှုများ ပြုလုပ်ခဲ့ပြီး ဖြစ်သော်လည်း ထိုအရေပြားများ ပုံမှန် အလုပ်လုပ်ခြင်း ရှိမရှိ စသည်တို့ကို ဆက်လက် စောင့်ကြည့်ရဦးမည် ဖြစ်သည်။

“အနာတွေ အကင်းသေအောင် ပျောက်ဖို့နဲ့ အသားတွေ ပြန်တက် ဖို့၊ အရေပြားက သူ့အလုပ်သူ ပြန်လုပ်ဖို့ ဥပမာ ချွေးထွက်တာတွေ ဘာတွေ ပြန်ရှိနိုင်မလား မရှိနိုင်ဘူးလား ဆိုတာမျိုးပေါ့။ အဲဒါတွေကို စောင့်ကြည့်ပြီး ဆက်ကုသရမယ့် အနေအထား ရှိပါတယ်” ဟု ကိုနေသုခ က ဆက်ပြောသည်။

လက်ပံတောင်း သပိတ် စခန်းများ ဖြိုခွင်း ခံရ ပြီးနောက်ဒီဇင် ဘာလ ၁၃ ရက်နေ့တွင် ဦးတိက္ခ ဉာဏ ထိုင်းနိုင်ငံသို့ ရောက်ရှိခဲ့ကာ ပုဂ္ဂလိက ဘန်ကောက် ဆေးရုံ ကြီးတွင် တက်ရောက် ကုသ နေရာမှ ဒီဇင်ဘာလ ၂၅ ရက်နေ့တွင် ထိုင်းအစိုးရ စစ်ဆေးရုံသို့ ပြောင်းရွှေ့ ကုသခဲ့ရသည်။

လက်ရှိ၌မူ သံဃာဆေးရုံ၌ တက်ရောက် ကုသနေသော ဆရာတော်အား ဒေါက်တာ ဒေါ်ဖြူဖြူလွင် က အန္ဒိယနိုင်ငံမှ ဆေးဝါးများဖြင့် အနီးကပ် ကုသပေးနေလျက် ရှိကြောင်း သိရှိ ရသည်။

နိုင်ငံခြား၌ ရက်ရှည် ကုသမှု ခံယူ ရသဖြင့် ဆရာတော် အနေဖြင့် စိတ်ငြီးငွေ့ခြင်း၊ စကားပြောဖော် မရှိခြင်း၊ အဖော်မဲ့ခြင်း စသည့် ခံစားမှုများ ရှိခဲ့ကာ အနာများလည်း သက်သာလာ သဖြင့် မြန်မာပြည်သို့ ပြန်၍ ကုသရန် ဆုံးဖြတ်ရခြင်း ဖြစ်သည်ဟု သားဖြစ်သူ ဒေါက်တာ နေသုခ က မဇ္ဈိမကို ပြောကြားသည်။

Ref: မဇ္ဈိမ

Read More...

Collapse...

ဂျာမန် FNF ဖောင်ဒေရှင်း ဧရာဝတီတိုင်း လွှတ်တော်ကိုယ်စားလှယ်များနှင့် ဆွေးနွေး

ဧပြီလ ၀၂ ရက် ၂၀၁၃ ခုနှစ်

ဂျာမနီနိုင်ငံ Friedrich-Naumann-Foundation မှ မြန်မာနိုင်ငံဆိုင်ရာ ကိုယ်စားလှယ် Mrs KatrinBannamach နှင့် အင်ဒိုးနီရှား ကိုယ်စားလှယ် Mr.Rainer Heufers တို့က ဧရာဝတီတိုင်း လွှတ်တော်ကိုယ်စားလှယ်များနှင့် ဧပြီလ ၁ ရက်နေ့က တွေ့ဆုံကာ ၎င်းတို့နိုင်ငံမှ လွှတ်တော် အခန်းဏ္ဍများ လုပ်ငန်းပိုင်ဆိုင်ရာများကို ဆွေးနွေးကြသည်။

“ဂျာမနီနိုင်ငံကြောင့် ဒုတိယကမ္ဘာစစ်ကို ဖြစ်စေခဲ့တာပါ။ နောက် အဲဒီလိုစစ်မျိုး မဖြစ်သေးပါဘူး။ ဒီမိုကရေစီ စနစ်ဟာ စစ်ကို ကာကွယ်နိုင်မှာပါ။ ဒီမိုကရေစီမှာ တက်တက်ကြွကြွလုပ် နေတဲ့ လွှတ်တော် ကိုယ်စားလှယ်တွေ ရှိသင့်တယ်” ဟု Mrs.KatrinBannamaih က ပြောဆိုသွားသည်။

ပုသိမ်ဟိုတယ်တွင် ညနေ ၃ နာရီမှ ၆ နာရီအထိ ကြာမြင့်သည့် ဆွေးနွေးတွင် တိုင်းလွှတ်တော် ဥက္ကဋ္ဌ ဦးတင်စိုး က လွှတ်တော် ဖွဲ့စည်းထားပုံနှင့် ကိုယ်စားလှယ် အရေအတွက်၊ အချိုးအစားများကို ရှင်းလင်း ပြောပြသွားသည်။

Friedrich-Naumann-Foundation (FNF) မှာ နိုင်ငံပေါင်း ၆၀ တွင် အလုပ်လုပ်နေသည်။

“မတူညီတဲ့နိုင်ငံတွေ အတွေ့အကြုံတွေကို ဖလှယ်ဖို့ ရည်ရွယ်ပါတယ်။ FNF က ဂျာမနီ နိုင်ငံလည်း လုပ်နေတုန်း မျိုးဆက်သစ် လူငယ်တွေကို နိုင်ငံရေးဆိုတာ ဘာလဲကို သိဖို့အတွက် လုပ်ဆောင်နေသလို ဂျာမနီနိုင်ငံမှာတော့ လွှတ်တော်က ဥပဒေပြုရေး၊ ဘဏ္ဍာရေးနဲ့ အစိုးရကို ထိန်းကွပ်ပေးနေတာ။ ဝန်ကြီးချုပ်နဲ့ အစိုးရအဖွဲ ဝင်တွေကို ရွေးချယ်ပေးပါ တယ်” ဟု Mr.Rainer Heufers မှ ရှင်းလင်းပြောကြားသည်။

တိုင်း လွှတ်တော်ကိုယ်စားလှယ်များက သိရှိလိုသော မေးခွန်းများကို FNF ကိုယ်စားလှယ်များက ပြန်လည် ရှင်းလင်း ပြောဆိုဆွေးနွေးခဲ့ကြသည်။

“အခု တွေ့ဆုံဆွေးနွေးပွဲက တခြားနိုင်ငံတွေ လွှတ်တော်က ကိုယ်စားလှယ်တွေ လုပ်ပိုင်ခွင့်တွေနဲ့ လွှတ်တော် ရပ်တည်အဆင့်က ဘာလဲဆိုတာလည်း သိရ၊ နှစ်ပေါင်း ၂၀၀ နီးပါရှိတဲ့ ဂျာမနီနိုင်ငံ လွှတ်တော် အကြောင်းကို သိရှိရသလို မြန်မာနိုင်ငံနဲ့ ပုံတူ အင်းဒိုနီရှား လွှတ်တော်အကြောင်းကိုလည်း သိရှိရပါတယ်” ဟု ရေကြည်မြို့နယ်မှ တိုင်းလွှတ်တော် ကိုယ်စား လှယ် ဒေါက်တာလှမြတ်သွေး က ပြောကြားသည်။

FNF မှာ ၁၉၅၈ ခုနှစ်က ဖွဲ့စည်းခဲ့သည့် လစ်ဘရယ်ဝါဒီ ဖောင်ဒေးရှင်းတခု ဖြစ်ပြီး ဂျာမနီ၏ လွတ်လပ်သော ဒီမိုကရက် ပါတီနှင့် နှီးနွှယ်မှု ရှိသည်။ ပရိုတက်စတင့် ဂိုဏ်းသား Friedrich-Naumann ၏ အယူအဆများကို လိုက်နာသည့်အဖွဲ့ဖြစ်သည်။

နောင်တွင်လည်း ဧရာဝတီတိုင်းလွှတ်တော်တွင် အလုပ်ရုံဆွေးနွေးပွဲများ ပြုလုပ်မည်ဖြစ်ကြောင်း သိရှိရသည်။

Ref: မဇ္ဈိမ

Read More...

Collapse...

ယခုနှစ် ရခိုင်ရိုးရာ အတာသင်္ကြန် စည်ကားမှု နည်းနိုင်

သိန်းလှိုင်
ဧပြီလ ၀၂ ရက် ၂၀၁၃ ခုနှစ်

ပြည်သူများ စားဝတ်နေရေး မပြေလည်မှုနှင့် အာဏာပိုင်များ၏ အားပေးမှု နည်း၍ မကြာမီ ကျင်းပတော့မည့် ရခိုင်ရိုးရာ သင်္ကြန်ပွဲတော်တွင် ပါဝင်ဆင်နွှဲသူ နည်းပါးကာ စည်ကားမှု အားနည်းနိုင်ကြောင်း စစ်တွေမြို့ ရခိုင်ရိုးရာ ဖော်ထုတ်ရေး ကော်မတီမှ တာဝန်ရှိသူများက ခန့်မှန်းနေကြသည်။

“နှစ်တိုင်းလိုပဲ အစဉ်အလာမပျက် စည်ကားအောင် ကျင်းပသွားဖို့ ပြည်နယ်အစိုးရက ကြိုးပမ်းနေတယ်။ ဒါပေမယ့် စီးပွားရေးအရ စစ်တွေမှာ အရပ်ဘက် ရခိုင်ရိုးရာ သင်္ကြန်မဏ္ဍပ် ၁၀ ခုလောက်ပဲ ရှိတော့မယ်။ နောက်ပြီး ငွေကြေး အခက်အခဲကြောင့် ဆင်နွှဲကြမယ့်သူတွေလည်း နည်းသွားမယ်ဆိုတော့ ခါတိုင်းနှစ်တွေလောက် မစည်ကားနိုင်တော့ ဘူး” ဟု ကော်မတီ၏ နာယက ဖြစ်သူ စာရေးဆရာ ဗဂျီးကျော် က ပြောသည်။

စစ်တွေမြို့ ရပ်ကွက်အသီးသီးမှ အုပ်ချုပ်ရေးမှူးများ၊ ရပ်မိရပ်ဖများ၊ လူငယ်အဖွဲ့အစည်းများ စုစည်းလျက် ရခိုင်ရိုးရာ ယဉ်ကျေးမှု အမွေအနှစ်များကို ဖော်ထုတ်ထိန်းသိမ်းရန် အဆိုပါ ကော်မတီအား ၂၀၀၈ ခုနှစ်တွင် စတင် ဖွဲ့စည်းခဲ့ခြင်း ဖြစ်သည်။

ရခိုင်ရိုးရာ သင်္ကြန်ပွဲတော်အား ခေတ်အဆက်ဆက် အစိုးရများ ခွင့်ပြုပုံ ပြောင်းလဲလာခဲ့သည်ဟု စစ်တွေမြို့ ဂန္ထဝင် စာအုပ်တိုက်ပိုင်ရှင် ဦးထွန်းဝင်း က ပြောသည်။

“ဘာပဲပြောပြော မဆလ ခေတ်တုန်းက ဆိုရင် အာဏာပိုင်တွေ ကိုယ်တိုင် ဗဟိုမဏ္ဍပ်မှာ ရခိုင်ရိုးရာ သင်္ကြန် ဆိုပြီးတော့ ရခိုင့်ဟန်စစ်စစ်နဲ့ ကျင်းပခဲ့တယ်။ စစ်တွေ ရပ်ကွက် ၃၀ က အားလုံး မဏ္ဍပ်ထွက်ကြတယ်။ စစ်အစိုးရ ခေတ် ကျတော့ အာာဏာပိုင်တွေက အရပ်ဘက် ရခိုင်မဏ္ဍပ်တွေ အားလုံး ဖျက်ပစ်တယ်။ ဗဟိုမဏ္ဍပ်တခုထဲသာ ထားပြီးတော့ကို မြန်မာ့ရိုးရာ မဟာသင်္ကြန် ဆိုပြီးတော့ ပြောင်းလိုက် တယ်။ အစိုးရသစ်လက်ထက်မှာ ဗဟိုမဏ္ဍပ်ကို မြန်မာ့ရိုးရာ ကျင်းပသလို၊ သုံးရပ်ကွက် မဏ္ဍပ်တခုကျ ရခိုင်ရိုးရာအနေနဲ့ ထွက်ခွင့်ပြုထားတယ်။ အုပ်ချုပ်တဲ့အစိုးရရဲ့ မူဝါဒအပေါ်မှာ လိုက်ပြီး ရိုးရာသင်္ကြန် စည်ကားမှုဟာ ပြောင်းလဲမှု ရှိနေတယ်” ဟု ထောက်ပြပြောဆိုသည်။

ခေတ်လူငယ်များ ရိုးရာနှင့်မညီသော မော်တော်ကားဖြင့် ရေပက်ခံထွက်ခြင်းကြောင့်လည်း ရခိုင်ရိုးရာ အသွင်သဏ္ဍာန်များ ယုတ်လျော့လာခဲ့ရကြောင်း ၎င်းက ဖြည့်စွက်ပြောသည်။

ရန်ကုန်မြို့ ရခိုင်သင်္ကြန်ပွဲကို “လက်ရှိ အနေအထားအရ ဒီနှစ် ရခိုင်သင်္ကြန်ကို စည်ကားဖို့ထက် အစဉ်အလာ မပျက်အောင် ကျင်းပဖို့ ကျမတို့ စီစဉ်နေဆဲ ဖြစ်ပါတယ်။ နံ့သာ သွေးတာနဲ့ ဘုရား ရေသပ္ပာယ်တာကို ရခိုင်ဓမ္မာရုံမှာ လုပ်မယ်။ ရေလောင်း မဏ္ဍပ်တွေကိုတော့ သုဝဏ္ဏကွင်းမှာ လုပ်မယ်။ ဒီနှစ်မဏ္ဍပ် ၆ ခုပဲ စာရင်းရသေးတယ်။ နှစ်တိုင်းနဲ့ စာရင် အရမ်းနည်း သွားတယ်” ဟု ကျင်းပရေးကော်မတီ၏ နာယက ဒေါ်စောခင်တင့် က ပြောသည်။

ရခိုင်သင်္ကြန်မှာ ဘီစီခြောက်ရာစု ဓညဝတီ ပြည့်ရှင် စန္ဒသူရိယမင်း လက်ထက်က မဟာမုနိ ရုပ်ပွားတော်မြတ်အား သွန်းလုပ်စဉ်က နံ့သာရည်ဖြင့် ရေသပ္ပာယ်ကာ ရောင်တော်ဖွင့်ရာမှ ရခိုင်သင်္ကြန် စတင်ခဲ့ကြောင်း ရန်ကုန် ရခိုင်သင်္ကြန်ပွဲကို ကိုးနှစ် ဆက်တိုက် ဦးဆောင် ကျင်းပလာခဲ့သူ ဦးလှမြင့် က ရှင်းပြသည်။ မြန်မာ့ရိုးရာနှင့် ရခိုင်ရိုးရာ သင်္ကြန်ဆင်နွှဲပုံခြင်း အနည်းငယ် ကွဲပြားကြသည်။

“ရခိုင်မှာ ရေပက်ရင် မဏ္ဍပ်ရှေ့မှာ လောင်းလှေကြီးကို ချထားပြီးတော့ လှောင်းလှေထဲက ရေနဲ့အပြန်အလှန် ပက်ကြရတယ်။ ရေပက်ခံ မိန်းကလေးတွေက မဏ္ဍပ်မှာ ဒိုင်ခံရှိနေပြီး ရေလာလောင်းတဲ့ ကာလသားတွေက အလှည့်ကို စောင့်ဆိုင်း လောင်းကြရတယ်။ ရေပက်ခံ မိန်းကလေးတွေနဲ့ ရေလာလောင်းသူ လူပျိုတွေဟာ လှေထဲကရေကို ခွက်နဲ့ အပြိုင်အဆိုင် မျက်နှာချင်းဆိုင် လောင်းရာက တဖက်က ပက်လိုက်တဲ့ ရေဒဏ်ကို မခံနိုင်လို့ မျက်နှာကို လက်နဲ့ သုတ်မိရင်၊ ဒါမှမဟုတ် ပွတ်မိပြီဆိုရင် အရှုံးပေးရတယ်” ဟု ဦးလှမြင့် က ပြောသည်။

ယခုနှစ် ရခိုင့်ရိုးရာ သင်္ကြန်ပွဲတော်ကို စစ်တွေမြို့တွင် ရခိုင်ရိုးရာ ဖော်ထုတ်ရေးကော်မတီက ကြီးမှူး၍ ဧပြီလ ၁၃ ရက်နေ့မှ ၁၇ ရက်နေ့ထိ နံ့သာသွေးခြင်း၊ ဘုရားရေသပ္ပာယ်ခြင်း၊ မိဇံ ကမ်းနားလမ်းရှိ ရခိုင်ရိုးရာသင်္ကြန်မဏ္ဍပ်များ တွင် ရေပက်ခြင်းတို့ကို ပြုလုပ်ကြမည်။

ပြည်နယ်အစိုးရအဖွဲ့ကလည်း ဧပြီ ၁၂ ရက်နေ့မှ ၁၆ ရက်နေ့ထိ မြန်မာ့ရိုးရာ မဟာသင်္ကြန် ပွဲတော်ကို စစ်တွေမြို့၌ ကျင်းပသွားမည် ဖြစ်ကြောင်း သိရသည်။

Ref: မဇ္ဈိမ

Read More...

Collapse...

ရန်ကုန် ဗလီ မီးလောင်မှု လွတ်လပ်စွာစုံစမ်းရေး အာဆီယံ အမတ်များ တောင်းဆို

ဧပြီလ ၀၂ ရက် ၂၀၁၃ ခုနှစ်

ရန်ကုန်တိုင်း၊ ဗိုလ်တထောင်မြို့နယ်ရှိ အစ္စလာမ် ဗလီဝတ်ကျောင်း မီးလောင်မှုနှင့်ပတ်သက်၍ လွတ်လပ်သော စုံစမ်းစစ်ဆေးမှုတရပ် ပြုလုပ်ရန် မြန်မာ့အရေး အာဆီယံ လွှတ်တော် အမတ်များအဖွဲ့ (AIPMC) က အင်္ဂါနေ့တွင် တောင်းဆိုလိုက်သည်။

ဧပြီလ ၂ ရက် နံနက် ၃ နာရီဝန်းကျင်က စတင်လောက်ကျွမ်းခဲ့သော မီးကြောင့် ကလေးငယ် ၁၃ ဦး သေဆုံးခဲ့ရမှု အပေါ် လွန်စွာ စိုးရိမ်ပူပန်ကြောင်း ဖော်ပြလိုက်ပြီး မီးလောင်မှု အကြောင်းရင်းအား အဆောတလျင်၊ စေ့ငုစွာနှင့် ပွင့်လင်းမြင်သာမှုရှိရှိ စုံစမ်းဖော်ထုတ်ရန် အာဆီယံ တဝှမ်း ရွေးကောက်ခံ အမတ်များဖြင့် ဖွဲ့စည်းထားသည့် AIPMC က တောင်း ဆိုလိုက်ကြောင်း ကြေညာချက်တွင် ပါရှိသည်။


“အကယ်၍ ဒီမီးလောင်မှုဟာ မီးရှို့မှု ဖြစ်ပါက တရားမျှတမှု ရှိစေဖို့ အရေးယူ ဆောင်ရွက်ရမှာ ဖြစ်ပြီး ကျူးလွန်သူများကို တရားဥပဒေအရ အရေးယူရမှာပါ။ မီးရှို့မှု မဟုတ်ပါကလည်း မဟုတ်ကြောင်း ရှင်းရှင်း လင်းလင်း သက်သေပြရမှာဖြစ်ပြီး မြန်မာနိုင်ငံသားအားလုံးရဲ့ လုံခြုံရေးနဲ့ နုနယ်သေးတဲ့ ပြုပြင်ပြောင်းလဲရေး လုပ်ငန်းစဉ်ကို ခြိမ်းခြောက်နိုင်တဲ့ အခြေအနေ ဖြစ်တဲ့ လူမျိုးပေါင်းစုံ ဘာသာပေါင်းစုံ ဆက်ဆံရေး ကဏ္ဍမှာ နိမ့်ကျဆိုးဝါးမှုတွေ ဆက်လက် ဖြစ်ပေါ်နေမှာကို ရပ်တန့် တားဆီးဖို့ သက်သေပြရန် လိုအပ်ခြင်း ဖြစ်ပါတယ်” ဟု AIPMC ဥက္ကဋ္ဌ နှင့် အင်ဒိုနီးရှား လွှတ်တော်အမတ် Eva Kusuma Sundari က ဆိုသည်။

ထို့ပြင် ရခိုင်ပြည်နယ်နှင့် မိထ္ထီလာ ပဋိပက္ခမျိုး ထပ်မံမဖြစ်ပွားစေရန် ထိန်းသိမ်းရာတွင် ဒေသတွင်း နိုင်ငံများ၏ အကူအညီ ရယူသင့်ကြောင်း ရေးသားထားသည်။

“လွန်ခဲ့တဲ့ လက မိတ္ထီလာမှာ မြင်တွေ့ခဲ့ရတဲ့ အကြမ်းဖက်မှုတွေ၊ အဲဒီအရင်က ရခိုင်ပြည်နယ်မှာ ဖြစ်ခဲ့တဲ့ အကြမ်းဖက်မှုတွေလိုမျိုး ထပ်မံ ဖြစ်မလာအောင် ရှောင်ရှားနိုင်ဖို့အတွက် ခွဲခြား ဆက်ဆံမှုတွေကို ရပ်တန့်ဖို့နဲ့ ဘာသာရေး အုပ်စုကွဲတွေ အကြားမှာ သည်းမခံမှုတွေကို တိုက်ဖျက်ဖို့ လိုမှာဖြစ်ပြီး မြန်မာအစိုးရအနေနဲ့ ဒေသတွင်း အိမ်နီးချင်းတွေရဲ့ အကူအညီနဲ့ ပြတ်ပြတ်သားသား မျှမျှတတ အလုပ်လုပ်ရမှာ ဖြစ်ပါတယ်” ဟု ၎င်းက ဆက်လက်ပြောဆိုသည်။

ဘေးအန္တရာယ်တွေ ဖြစ်နိုင်ခြေရှိသော အသိုင်းအဝိုင်းအကြားတွင် လုံခြုံမှု အရေးကြီးလှသလို ပုဒ် ၁၄၄ ထုတ်ပြန်ခြင်းနှင့် အခြား ပြင်းထန်သော ဆောင်ရွက်မှများ အသုံးပြုခြင်းနှင့် ပတ်သက်၍လည်း AIPMC အနေနှင့် စိုးရမ်ပူပန်ကြောင်း ကြေညာချက်က ဆိုသည်။

“မကြာသေးခင်က ဖြစ်ပွါးခဲ့တဲ့ ဆူပူမှုတွေနဲ့ ပတ်သတ်ပြီး အစိုးရအနေနဲ့ ငြိမ်းချမ်းတဲ့ အဖြေကိုသာ ရှာဖို့ တိုက်တွန်း ပါတယ်။ လွန်ခဲ့တဲ့ လက မိတ္ထီလာနဲ့ အခြား ဒေသတွေမှာ ဖြစ်ပွါးခဲ့တဲ့ ဆိုးဆိုးဝါးဝါး အကြမ်းဖက်မှုတွေနဲ့ ပတ်သတ်ပြီး ဖြစ်ရတဲ့ အကြောင်းတရားတွေနဲ့ ကျူးလွန်သူတွေကို စုံစမ်းဖော်ထုတ်ဖို့ အတွက်လည်း သက်ဆိုင်ရာ အာဏာပိုင်တွေ အနေနဲ့ ခြေလှမ်း တွေ ချက်ခြင်း စတင်ရမှာ ဖြစ်ပြီး သက်ဆိုင်သူတွေ အနေနဲ့ တာဝန်ယူရမှာ ဖြစ်ပါတယ်” ဟု AIPMC က တောင်းဆိုလိုက်သည်။

မီးလောင်မှုမှာ ဗလီအတွင်းရှိ မီးအားမြှင့်စက်မှ အပူချိန်လွန်ကဲ၍ စတင်လောင်ခြင်းဖြစ်ကြောင်း အာဏာပိုင်များက ပြောဆိုထားသည်။

မီးလောင်မှု အတွက် စုံစမ်းစစ်ဆေးရန် အစ္စလာမ် ဘာသာရေးအဖွဲ့အစည်းများမှ ဘာသာရေး ခေါင်းဆောင်များ ပါဝင်သော စုံစမ်းရေး ကော်မရှင် တရပ်ဖွဲ့စည်းသွားမည်ဟု မြန်မာ မူဆလင် အမျိူးသားရေးရာ အဖွဲ့ချူပ်မှ အထွေထွေ အတွင်းရေးမှူး ဦးကျော်ခင် က မဇ္ဈိမကို ပြောဆိုထားသည်။

Ref: မဇ္ဈိမ

Read More...

Collapse...

အစ္စလာမ် ဘာသာရေးခေါင်းဆောင်များ ပါဝင်သော စုံစမ်းရေး ကော်မရှင်ဖွဲ့မည်

ခိုင်ခိုင်
ဧပြီလ ၀၂ ရက် ၂၀၁၃ ခုနှစ်

ရန်ကုန်တိုင်းဒေသကြီး ၁၀ ရပ်ကွက်၊ ၄၈ လမ်း၊ မ/၁၈၃ ရှိ၊ ဆော်ဒီကီးရား၊ ရေကျော်ဗလီတွင် မီးလောင်မှု အတွက် စုံစမ်းစစ်ဆေးရန် အစ္စလာမ် ဘာသာရေးအဖွဲ့အစည်းများမှ ဘာသာ ရေး ခေါင်းဆောင်များ ပါဝင်သော စုံစမ်းရေး ကော်မရှင် တရပ်ဖွဲ့စည်းသွားမည် ဟု မြန်မာမူဆလင် အမျိူးသားရေးရာ အဖွဲ့ချူပ်မှအထွေထွေ အတွင်းရေးမှူး ဦးကျော်ခင်က မဇ္ဈိမသို့ ပြောသည်။

၎င်းက "စုံစမ်းဖော်ထုတ်ဖို့အတွက် ဦးတို့ဘက်ကလည်း တင်ပြထားပြီးပြီ။ သူတို့ကပြောတော့ ပြောတာပဲ ကော်မတီဖွဲ့ပြီးတော့ အမြန်ဆုံး စစ်ဆေးပေးမယ်လို့တော့ ပြောတယ်" ဟု ဆိုသည်။


စုံစမ်းစစ်ဆေးရန် အစ္စလာမ် ဘာသာရေးအဖွဲ့စည်းများမှ ခေါင်းဆောင်များအပါအ၀င် မီးသတ်ဦးစီးဌာန၊ ရန်ကုန်မြို့တော် လျှပ်စစ်ဓါတ်အားပေးရေးအဖွဲ့နှင့် မြန်မာနိုင်ငံ ရဲတပ်ဖွဲ့မှ တာဝန်ရှိသူများဖြင့် စုံစမ်းစစ်ဆေးရေး အဖွဲ့ဖွဲ့စည်းသွားမည်ဟု သိရသည်။

လူ၁၃ဦး သေဆုံးခဲ့ရသည့် ယနေ့နံနက် ၂ နာရီခွဲ ဝန်းကျင်တွင် ဖြစ်ပွားခဲ့သည့် ရေကျော်ဗလီ မီးလောင်မှုကို စုံစမ်းရေးကော်မရှင် ဖွဲ့စည်းရာတွင် မီးသတ်ဦးစီးဌာနမှ ဒုတိယညွှန်ကြား ရေးမှူး ဦးကြည်ဝင်း၊ ရန်ကုန်မြို့တော် လျှပ်စစ်ဓါတ်အားပေးရေးအဖွဲ့မှ တွဲဖက် အတွင်းရေးမှူး ဦးတိုးအောင်၊ အရှေ့ပိုင်းခရိုင်ရဲ တပ်ဖွဲ့မှ ရဲမှူးကြီး ဦးသက်လွင်တို့ ပါဝင်ကြောင်း မီးသတ်ဦးစီးဌာနမှ တာဝန်ရှိသူတဦး၏ ပြောဆိုချက်အရသိရသည်။

မီးလောင်ကျွမ်းသည့် ဗလီမှာ စာသင်ကျောင်းနှင့် တွဲဖက်ထားပြီး စာသင်ကျောင်းတွင် နွေရာသီ သင်တန်း တက်ရောက်နေသော ကလေးငယ်ဦးရေ ၇၀ ကျော်ရှိကြောင်း အသက်မ သေပဲ ကျန်ခဲ့သည့် ကလေးငယ်များ ကို ညောင်တန်းဗလီသို့ ပို့ဆောင်ထားကြောင်း မီးသတ်ဦးစီးဌာနမှ အဆိုပါ တာဝန်ရှိသူကပင် ဖြေကြားခဲ့သည်။

မီးလောင်ရာတွင် ဗိုလ်တထောင် ဒုတိယမြို့နယ်မှူးနှင့် အဖွဲ့မှသွားရောက် စစ်ဆေးခဲ့ရာ ဗလီအပေါ်ထပ်သို့ တက်သည့် လှေကားခွင်အောက်ရှိ မီးအားမြှင့်စက်အပူလွန်ကဲရာမှ လောင် ကျွမ်းခဲ့ပြီး လှေကားတလျှောက် မီးကူးစက်ပြန့်ပွားနေသည့်အတွက် အပေါ်ထပ် ပိတ်မိကာ စာသင်ကျောင်းသား ၁၃ ဦး မီးခိုးမွှန် မီးလောင်ဒဏ်ရာနှင့် သေဆုံးခဲ့ သည်။ မီးလောင် မှုကြောင့် ဗလီထပ်ခိုး၊ မီးအားမြှင့်စက်နှင့် ဝါယာကြိုး အပါအ၀င် စုစုပေါင်း ကျပ်ငွေ ၈ သိန်းခွဲဖိုး ပျက်စီးဆုံးရှုံးခဲ့ကြောင်း မီးသတ်ဦးစီးဌာနက ယနေ့နေ့လည်တွင် သတင်း ထုတ်ပြန် ထားသည်။

မဇ္ဈိမ မှ ရန်ကုန်ပြည်သူ့ဆေးရုံကြီးသို့ ဖုန်းဆက်မေးမြန်းရာ “မေးမယ်ဆိုရင်စာနဲ့ ရေးပြီးမေးပါ။ ဆရာကြီးက အလုပ်မအားလို့ မဖြေပေးနိုင်ဘူး။” ဟု ရန်ကုန်ပြည်သူ့ဆေးရုံကြီး ရုံးခန်းမှတာဝန်ရှိသူတဦးက ပြောပါတယ်။

Ref: မဇ္ဈိမ

Read More...

Collapse...

မြန်မာ လတ်တလော အရေးနှင့် ပတ်သက်၍ အိုအိုင်စီ စည်းဝေးမည်

April 1, 2013 at 7:24 pm

အစ္စလာမ်မစ် ပူးပေါင်းဆောင်ရွက်ရေး အဖွဲ့ (အိုအိုင်စီ) သည် မြန်မာနိုင်ငံတွင် လတ်တလော ဖြစ်ပေါ်နေသော မွတ်ဆလင်များအား တိုက်ခိုက်နေမူနှင့် ပတ်သက်ပြီး အစည်းအဝေး ပြုလုပ်သွားမည်ဟု သတင်း ရရှိသည်။

၎င်းအစည်းအဝေးကို ဧပြီလ ၁၄ ရက်နေ့တွင် ဆော်ဒီ အရေးဗီးယားနိုင်ငံ ပင်လယ်နီ ဆိပ်ကမ်းမြို့ တစ်ခုဖြစ်သော ဂျီဒက်တွင် ပြုလုပ်သွားမည်ဟု အိုအိုင်စီ ကျေညာချက်တွင် ဖေါ်ပြသည်။

စနေနေ့က ထုတ်ပြန်သော ကျေညာချက်တွင် အိုအိုင်စီ အဖွဲ့ဝင်နိုင်ငံများမှ ၀န်ကြီးများတွေ့ဆုံပြီး မြန်မာနိုင်ငံတွင် လက်ရှိ အစ္စလာမ်ဘာသာဝင်များ အပေါ် တိုက်ခိုက်နေမူများကို ဆွေးနွေးမည်ဟု ဆိုသည်။

ထုတ်ပြန်ကျေညာချက်ထဲတွင် အိုအိုင်စီ အတွင်းရေးမှူး Ekmeleddin Ihsanoglu မှ အိုအိုင်စီ အဖွဲ့ဝင် နိုင်ငံများရှိ နိုင်ငံခြားရေး ၀န်ကြီးဌာနများမှ ဆက်ဆံရေး အရာရှိများ တွေ့ဆုံသွား မည်ဟု ဆိုသည်။

၎င်းပြင်သူက မြန်မာနိုင်ငံတွင် နေထိုင်နေသော မွတ်ဆလင်များအားလုံးကို ရိုဟင်ဂျာ များဟု ဖေါ်ပြပြီး အဆိုပါ ကိစ္စနှင့် ပတ်သက်ပြီး လိုအပ်သော အရေးယူ ဆောင်ရွက်မူများကို လုပ် ဆောင်သွားရန် အဆင်သင့် ရှိကြောင်း ပြောဆိုသည်။

Ref: နိရဉ္စရာ

Read More...

Collapse...

ကျေးရွာအုပ်ချုပ်ရေးမှူး နှုတ်ထွက်ပေးရန် သံတွဲတွင် ဆန္ဒပြ

April 1, 2013
မောင်ရမ္မာ

ရခိုင်ပြည်နယ် သံတွဲမြို့နယ် ဂျိတ္တောကျေးရွာအုပ်ချုပ်ရေးမှူးအား နှုတ်ထွက်ပေးရန် ယနေ့ နံနက်ပိုင်းက အမျိုး သမီးများ ဆန္ဒပြတောင်းဆိုခဲ့သည်ဟု သတင်းရရှိသည်။

ဆန္ဒဖေါ်ထုတ်ပွဲကို ယနေ့ မတ်လ ၃၁ ရက်နေ့ နံနက် ၈ နာရီကျော်တွင် ဂျိတ္တော ကျေးရွာ အုပ်ချုပ်ရေးမှူးအိမ်ရှေ့ နှင့် ဂျိတ္တောရဲစခန်းရှေ့ထိ အမျိုးသမီးအများစုအပါအ၀င် လူပေါင်း ၃၀၀ ကျော်ခန့်က လမ်းလျှောက် ချီတက်ကာ ဆန္ဒဖေါ်ထုတ်ခဲ့ခြင်း ဖြစ်သည်။

ဆန္ဒပြရသည့် ရည်ရွယ်ချက်နှင့် ပတ်သက်ပြီး ဆန္ဒပြတောင်းဆိုရာတွင် ပါဝင်သည့် အမျိုးသမီးတစ်ဦးက နိရဉ္စရာ သို့ ပြောသည်။

“ ကျွန်မတို့ ဂျိတ္တောရွာမှာ ဂါမ ပညတ်အရ (ကျေးရွာစည်းကမ်း) ဗုဒ္ဓဘာသာများသာ နေထိုင်ခွင့် သတ်မှတ်ထား ပါတယ်။ အဲဒါကို သံတွဲ ခြံပြင်ရွာက မူဆလင်အမျိုးသမီး တစ်ဦးက တခြား အမျိုးသား တစ်ဦးနဲ့ လာရောက်နေထိုင် တာကို အုပ်ချုပ်ရေးမှူးကို နေခွင့်မပြုပါနဲ့လို့ ရွာသားတွေက ပြောပေမယ့် အုပ်ချူပ်ရေးမှူးက ခွင့်ပြုထားပါတယ်။ အဲဒါကို မကျေနပ်လို့ ခုလိုဆန္ဒပြတောင်းဆိုရတာ ဖြစ်ပါတယ်။”

ကျေးရွာအုပ်ချုပ်ရေးမှူး ဦးလူလေးအား ကျေးရွာသားများက အဆိုပါ မူဆလင်အမျိုးသမီးကို ကျေးရွာတွင် နေ ထိုင်ခွင့်မပြုရန် တိုင်ကြားသော်လည်း တစုံတရာ လုပ်ဆောင်ပေး ခြင်းမရှိသဖြင့် မတ်လ ၂၉ ရက်နေ့က တကြိ်မ်၊ မတ်လ ၃၀ ရက်နေ့တွင် တကြိမ် ကျေးရွာသားများက မူဆလင် အမျိုးသမီးအား နှင်ထုတ်ခဲ့သည်ဟု ဆိုသည်။

“ ကျွန်မတို့ အုပ်ချုပ်ရေးမှူးကို မူဆလင်အမျိုးသမီးကို ကျေးရွာက နှင်ထုတ်ပေးဖို့ တောင်းဆိုပါတယ်။ အုပ်ချုပ် ရေးမှူးက ဘာမှ မလုပ်ပေးတဲ့အတွက် ၂၉ ရက်နေ့ကတကြိမ်၊ ရွာသားတွေက ၀ိုင်းဝန်း နှင်ထုတ် ခဲ့ပါတယ်။ နောက် ၃၀ ရက်နေ့မှာ အဲဒီ ဘင်္ဂလီအမျိုးသမီးက ဓါတ်ဆီတွေ ယူလာပြီးတော့ ရွာကို ပြန်ဝင်လာတယ်။ နောက် တကြိမ် နှင်ထုတ် လိုက်ကြပါတယ်။ အဲဒီနေ့ ည ၁၂ နာရီကျော်မှာ သံတွဲမြို့မ ရဲစခန်းက လာပြီးတော့ သံသယ ရှိတဲ့ အမျိုးသားနှစ်ဦးနဲ့ အမျိုးသမီးတစ်ဦးကို ဖမ်းဆီး ခေါ်ဆောင်သွားပါတယ်။ အဲဒီ နံနက်မှာဘဲ လူ ၂၀၀ နီးပါး က ရဲစခန်းကို သွားပြီး ချက်ချင်း ပြန်လွှတ် ပေးဖို့ တောင်းဆိုတဲ့အ တွက် ပြန်လွှတ်ပေးလိုက်ပါတယ်။”

ယခုကဲ့သို့ ရဲစခန်းမှ လာရောက်ဖမ်းဆီးခြင်းမှာ ကျေးရွာအုပ်ချုပ်ရေးမှူးမှ မဟုတ်မမှန် သတင်းပေး၍ ဖြစ်ရသည် ဟုဆိုကာ ကျေးရွာလူထုမှ ကျေးရွာ တည်ငြိမ် အေးချမ်းရေးကို မကြည့်ဘဲ ကျေးရွာ ဆူပူအောင် နစ်နာအောင် ပြုလုပ်သည်ဟု ခံယူကာ ကျေးရွာ အုပ်ချုပ်ရေးမှူးကို နှုတ်ထွက်ပေးရန် ဆန္ဒပြ တောင်းဆိုခြင်း ဖြစ်သည်။

ဆန္ဒပြရတွင် “ဘင်္ဂလီအလိုတော်ရိ အုပ်ချုပ်ရေးမှူး အလိုမရှိ ” ” မော်လဝီလူလေး နှုတ်ထွက်ပေး ” “ကျေးရွာ လူထုကို ကိုယ်စားမပြုသော အုပ်ချုပ်ရေးမှူး အလိုမရှိ ” “ကျေးရွာလူထုကို နှောင့်ယှက်နေသော အုပ်ချုပ်ရေး မှူး အလိုမရှိ ” “ရခိုင်ပြည်ကို ရခိုင်လူမျိုးလောက် မည်သူမျှ မချစ် ” အစရှိသော ပိုစတာများကို ကိုင်ဆောင်ကာ ဆန္ဒပြ တောင်းဆိုခဲ့ခြင်း ဖြစ်သည်။

ဆန္ဒဖေါ်ထုတ်ပွဲကို အုန်းဆံကြိုးစက်ရုံအနီးမှ စတင်ပြီး အုပ်ချုပ်ရေးမှူး အိမ်ရှေ့နှင့် ဂျိတ္တော ရဲစခန်း ရှေ့ထိ ငြိမ်းချမ်း စွာ ချီတက် ဆန္ဒပြခဲ့ကြပြီး လူအုပ်စုကြီးသည် မြပြင်ကျေးရွာ အထိ ချီတက် ခဲ့ကြသည်ဟု သိရသည်။

Ref: နိရဉ္စရာ

Read More...

Collapse...