တော်ဝင်အလုပ်သမားများ လွတ်မြောက်ရေး သတင်းစာ ရှင်းလင်း

2013-05-20

ပြီးခဲ့တဲ့ ရက်ပိုင်းက ပိုင်နက်ကျူးလွန်မှုနဲ့ ဖမ်းဆီးခံရတဲ့ တော်ဝင်သစ်အချောထည်စက်ရုံက အလုပ်သမား ၁၂ ဦး အမြန်ဆုံးလွတ်မြောက်နိုင်ဖို့အတွက် အဖမ်းခံထားရသူတွေရဲ့ မိဘတွေနဲ့ စက်ရုံအလုပ်သမား တချို့က ၈၈ မျိုးဆက် (ငြိမ်းချမ်းရေးနဲ့ ပွင့်လင်းလူ့အဖွဲ့အစည်း) ရုံးမှာ ဒီကနေ့ သတင်းစာရှင်းလင်းပွဲ ပြုလုပ်ခဲ့ပါတယ်။

အဖမ်းခံထားရတဲ့ အလုပ်သမား ၁၂ ဦး အမြန်ဆုံးလွတ်မြောက်ဖို့နဲ့ အလုပ်ထုတ်ခံထားရတဲ့ အလုပ်သမား ၂၀၀ ကျော် အတွက် အလုပ်ရှင်ဘက်က နစ်နာကြေးပေးဖို့ အကူအညီ တောင်းတာ ဖြစ်တယ်လို့ အလုပ်သမား ကိုယ်စားလှယ်တစ်ဦးဖြစ်တဲ့ မလဲ့လဲ့ဝင်းက RFA ကို ပြောပါတယ်။

ဒါ့အပြင် အဲဒီအလုပ်သမား ၁၂ ဦးဟာ မတရားဖမ်းဆီးခံထားရတာဖြစ်ပြီး အမှုမှန်ပေါ်ပေါက်အောင်လည်း ကြိုးစားသွားမယ်လို့ မလဲ့လဲ့ဝင်းက ပြောကြားခဲ့ပါတယ်။

ရွှေပြည်သာမြို့နယ် ဝါးတစ်ရာစက်မှုဇုန်က တော်ဝင်သစ်အချောထည်စက်ရုံမှာ စက်ရုံတာဝန်ရှိသူတွေရဲ့ ခွင့်ပြုချက်မရဘဲ စက်ရုံထဲဝင်ရောက်ခဲ့တဲ့ အလုပ်သမား ၄၂ ဦးကို လှော်ကားရဲစခန်းက ပုဒ်မ(၄၅၂) ပိုင်နက်ကျူးလွန်မှုနဲ့ တရားစွဲဆိုခဲ့ပြီး အခုလ ၁၄ ရက်နေ့ညက အလုပ်သမား ၁၂ ဦးကို ဖမ်းဆီးသွားခဲ့တာ ဖြစ်ပါတယ်။

သူတို့တွေကို တရားရုံးကနေတဆင့် အင်းစိန်ထောင်ကို ပို့လိုက်ပြီး လာမယ့်မေလ ၂၈ ရက်နေ့ကို နောက်ထပ်ရုံးချိန်း ချိန်းဆိုထားပါတယ်။

Ref: အာရ်အဖ်အေ

Read More...

Collapse...

မိတ္ထီလာ အဓိကရုဏ်းနဲ့ ပတ်သက်ပြီး အရေးပေါ် အစည်းအဝေးခေါ်ယူ

2013-05-20

မိတ္ထီလာ အဓိကရုဏ်းနဲ့ ပတ်သက်ပြီး နိုင်ငံတော်သမ္မတက အရေးပေါ်အခြေအနေ ကြေညာထားတာ ရက်ပေါင်း ၆၀ ပြည့်တာကြောင့် အခြေခံ ဥပဒေပြဌာန်းချက်အရ ဒီကိစ္စကို ဆွေးနွေးဖို့ ဒီနေ့ မှာ ပြည်ထောင်စု လွှတ်တော်အရေးပေါ် အစည်းအဝေးကို စတင်ခဲ့ပါတယ်။

ဒီနေ့ အစည်းအဝေးမှာ ပြည်ထောင်စုဝန်ကြီး ဦးဆန်းဆင့်က အဲဒီအရေးပေါ်ဥပဒေကို ဆက်လက်ထားရှိဖို့ အဆိုတင်သွင်းသွားပါတယ်။

ဒုက္ခသည်တွေအားလုံး သက်ဆိုင်ရာ နေအိမ်တွေပြန်ရောက်မှသာ သမ္မတထုတ်ပြန်ထားတဲ့ ပုဒ်မ ၁၄၄ အရေးပေါ်ဥပဒေကို ရုတ်သိမ်းသင့်ကြောင်း မိတ္ထီလာမြို့နယ် ပြည်သူ့လွှတ်တော် ကိုယ်စားလှယ် ဦးဝင်းထိန်က အခုလိုပြောပါတယ် ။

"ဒုက္ခသည်တွေက မွတ်စလင်ဒုက္ခသည်တွေရော ဗုဒ္ဓဘာသာ ဒုက္ခသည်တွေရော စခန်းမှာရှိနေသမျှ ကာလပတ်လုံးက အခြေအနေက ပုံမှန်ပြန်မဖြစ်သေးဘူး၊ သူတို့ပြန်ရောက်မှသာလျှင် ပုဒ်မ ၁၄၄ ကို ပြန်လည်ရုတ်သိမ်းဖို့ တိုက်တွန်းတာပေါ့၊ အဲ့ဒါက တစ်လဖြစ်ရင်ဖြစ်မယ် နှစ်လဖြစ်ရင်ဖြစ်မယ် အကန့်အသတ်ထားတာတော့ ကျွန်တော်တို့ မထောက်ခံဘူး၊ ရပ်ကွက်လိုက် ရပ်ကွက်လိုက် ကင်းစောင့် တာတွေ ဘာတွေက အဲ့ဒါတွေကြောင့်ဖြစ်တာ၊ မီးလန့်တာတွေဖြစ်တယ်၊ မှောင်ရိပ်ခိုပြီးမှ ချဉ်းကပ်တာတွေကရှိတယ်၊ ဘယ်သူက ချဉ်းကပ်ပြီး ဘယ်လိုလုပ်နေတယ်ဆိုတာက ခုထိဖော်ထုတ်လို့ မရသေးဘူး၊ ဒါတွေက ရပ်ကွက်လိုက်ဖြစ်ပြီဆိုတာနဲ့ အကုန်လုံးက ညမှာကျီးလန့်စာ စားဖြစ်ရတော့တာပဲ၊ အဲ့ဒါတွေရှိနေတဲ့အတွက်ကြောင့်မို့ ကျွန်တော်က ၁၄၄ ကို ဆက်ထားစေချင်တာ"

မိတ္တီလာမြို့ မှာ အဓိကရုဏ်းတွေ ဖြစ်ပွားခဲ့တဲ့ မတ်လ ၂၂ ရက်နေ့မှာ နိုင်ငံတော်သမ္မတ ဦးသိန်းစိန်က မိတ္တီလာ၊ ဝမ်းတွင်း၊ မလှိုင်နဲ့ သာစည်မြို့နယ်တွေမှာ အရေးပေါ် အမိန့် ထုတ်ပြန်ခဲ့ပါတယ်။

အဲဒီလို အရေးပေါ်အခြေအနေ ကြေညာပြီး ရက်ပေါင်း ၆၀ ပြည့်ရင် ပြည်ထောင်စုလွှတ်တော် အရေးပေါ်အစည်းအဝေး ခေါ်ယူရမယ်လို့ ပါရှိကြောင်းသိရပါတယ်။

မိတ္ထီလာနဲ့ မြို့နယ်တချို့မှာ ထုတ်ပြန်ထားတဲ့ အရေးပေါ်အမိန့်ကို ဆက်လက်ထားရှိ သင့်- မသင့် ဆိုတာကို မနက်ဖြန် ပြည်ထောင်စုလွှတ်တော် အစည်းအဝေးမှာ ဆုံးဖြတ်မှာ ဖြစ်ပါတယ်။

Ref: အာရ်အဖ်အေ

Read More...

Collapse...

တရုတ်သံအမတ်ကြီး မဒေးကျွန်းကို လာရောက်လေ့လာ

2013-05-20

မြန်မာနိုင်ငံဆိုင်ရာ တရုတ်သံအမတ်ကြီး Mr. Li Junhua ဟာ ရခိုင်ပြည်နယ် ကျောက်ဖြူမြို့နယ်၊ မဒေးကျွန်းကို မနေ့က နေ့လည်ပိုင်းမှာ လာရောက်လေ့လာပြီး ဒေသခံတွေ နဲ့ တွေ့ဆုံခဲ့တယ်လို့ သိရပါတယ်။

သံအမတ်ကြီးနဲ့အတူ အဖွဲ့ဝင် ၂၀ ခန့် လိုက်ပါလာပြီး မဒေးကျွန်းမှာရှိတဲ့ တရုတ်နိုင်ငံပိုင် CNPC ရုံးကနေတစ်ဆင့် ပြိန်ရွာမှာရှိတဲ့ ဘုန်းတော်ကြီးကျောင်းမှာ ဒေသခံ ၅၀ လောက်နဲ့ တွေ့ဆုံခဲ့တာဖြစ်တယ်လို့ မဒေးကျွန်းဒေသခံတစ်ဦးက RFA ကို ပြောပါတယ်။

"ကျနော်တို့ မဒေးကျွန်းကို သူကစိတ်ဝင်စားတယ်၊ မဒေးကျွန်းက ရေမြေရေခံကောင်းတယ်တဲ့၊ သူတို့ မဒေးကျွန်းကအရမ်းကို တိုးတက်လာမယ်ပေါ့၊ နောက်မှာ မဒေးကျွန်းဟာ တော်တော်လေး အဆင်ပြေ လာမယ်ပေါ့ပြောတယ်၊ ကျနော်တို့ကမေးတယ်၊ မဒေးကျွန်းကို လာရင်းကိစ္စ ဘာကိစ္စလဲမေးတယ်၊ သူကဒီဟာမဖြေဘူးဗျ၊ မဒေးကျွန်းကို ရောက်ဖူးချင်လို့လာတာ ဒီလိုပုံစံမျိုးပြောတယ် "

သံအမတ်ကြီးရဲ့ အခုခရီးစဉ်ဟာ ပြီးခဲ့တဲ့လက မဒေးကျွန်းပေါ်မှာ ဖြစ်ပွားခဲ့တဲ့ CNPC ရုံးရှေ့ ဆန္ဒပြတောင်းဆိုမှုတွေအပြီး ပထမဆုံးအကြိမ် လာရောက်လည်ပတ်တာဖြစ်တယ်လို့လည်း သိရပါတယ်။

ကျောက်ဖြူမြို့နယ် မဒေးကျွန်း ဒေသခံတွေအနေနဲ့ မဒေးကျွန်းပေါ်မှာ တည်ဆောက်နေတဲ့ တရုတ်ရေနံပိုက်လိုင်း စီမံကိန်းကြောင့် ထိခိုက်နစ်နာမှုတွေအတွက် ပြီးခဲ့တဲ့ ဧပြီလ ၁၈ ရက်နေ့က CNPC ရုံးရှေ့မှာ ဆန္ဒပြတောင်းဆိုခဲ့ကြပြီး အခုလက်ရှိမှာ တောင်းဆိုချက်ထဲမှာပါဝင်တဲ့ ကျေးရွာချင်းဆက် မြေသားလမ်းတွေကို အစိုးရက စတင်ဖောက်လုပ်ပေးနေပြီဖြစ်တယ်လို့ ဒေသခံတွေက ပြောပါတယ်။

Ref: အာရ်အဖ်အေ

Read More...

Collapse...

ဝမ်ဟောင်ဟန်း အထည်ချုပ်စက်ရုံ အလုပ်သမားများ လုပ်ခလစာ တိုးမြှင့်ရေး ဆက်လက်ဆန္ဒပြ

2013-05-20

ရန်ကုန်တိုင်း၊ လှိုင်သာယာမြို့နယ်၊ လှိုင်သာယာစက်မှုဇုန် ၄ မှာ ရှိတဲ့ ဝမ်ဟောင်ဟန်း အထည်ချုပ်စက်ရုံက အလုပ်သမား ၆၀၀ ကျော်ဟာ လုပ်ခလစာ တိုးပေးဖို့အတွက် ၅ ရက်မြောက်နေ့အဖြစ် ဒီကနေ့မှာ ဆက်လက်ဆန္ဒပြတောင်းဆိုနေပါတယ်။

အလုပ်ရှင်ဘက်က လုပ်ခလစာကို အနည်းငယ်တိုးပေးခဲ့ပေမယ့် အလုပ်သမားတွေက သူတို့တောင်းဆိုချက်အားလုံး အလုပ်ရှင်ဖက်က လက်ခံလာအောင်အထိ ကြိုးစားသွားမယ်လို့ စက်ရုံအလုပ်သမ မခင်သန္တာဦးက RFA ကို ပြောပြပါတယ်။

"ပထမက နေ့စားခပေးထားတာ ၇၂၀ အဲ့ဒါညီမတို့ နောက်ထပ် ၄၀၀ တိုးတောင်းထားတယ်ပေါ့နော်၊ ထောက်ပံ့ကြေး ပထမပေးထားတာ ၁၂၀၀ဝ၊ နောက်ထပ် ၈၀၀၀ တိုးတောင်းထားတယ် ညီမတို့ ပထမဝမ်တိန်ထိုးရတယ်၊ ၁၀ နှစ်ထိမှတ်ထားတာ၊ အလုပ်ခွင်မှာ ရေသွန်မိတာလည်း ဝမ်တိန်ထိုးရတယ်၊ မုန့်ခိုးလာတာဆိုလည်း ဝမ်တိန်ထိုးရတယ်၊ မှန်ကြည့်နေရင်လည်း ဝမ်တိန်ထိုးရတယ်၊ အဲ့ဒါဝမ်တိန် ၃ ခါပြည့်သွားပြီဆိုရင် သူတို့ကဖြုတ်လိုက်တယ်"

အလုပ်သမားတွေ တောင်းဆိုထားတဲ့အချက်တွေထဲက နေ့စဉ်လုပ်ခ ၄၀၀ တိုးတောင်းတာကို ၂၀၀ တိုးပေးပြီး၊ ထောက်ပံ့ကြေး ၈၀၀၀ တောင်းတာကို ၅၀၀၀ တိုးပေးမယ်လို့ အလုပ်ရှင်ဘက် က ပြန်လည်ပြောထားပေမယ့် တောင်းဆိုချက်အားလုံး အပြည့်အဝရတဲ့အထိ တောင်းဆိုသွားမယ်လို့ အလုပ်သမားတွေက ဆိုပါတယ်။

ဒါ့အပြင် ဆေးခွင့်ယူတဲ့အခါမှာ နေ့စဉ်လုပ်အားခထဲက မဖြတ်တောက်ဖို့၊ လုပ်ငန်းခွင် စည်းကမ်းချက်တွေကိုလည်း အလုပ်ရှင်သဘောအတိုင်း ထုတ်ပြန်တာမျိုးမဟုတ်ပဲ အလုပ်သမားတွေနဲ့ ညှိနှိုင်းဆောင် ရွက်ပေးဖို့၊ အလုပ်သမားတွေရဲ့ အခြေခံအလုပ်သမားသမဂ္ဂကို အလုပ်ရှင်ဖက်က ရှောရှောရှူရှူလက်ခံပေးဖို့ စတဲ့အချက်တွေကို တောင်းဆိုနေကြတာလို့ ဆိုပါတယ်။

အခုလ ၁၆ ရက်နေ့က စတင်ဆန္ဒပြတောင်းဆိုရာမှာ ဝမ်ဟောင်ဟန်းစက်ရုံအလုပ်သမား ၁၁၀၀ ကျော် ပါဝင်ခဲ့ပေမယ့် ဒီကနေ့မှာတော့ အလုပ်သမား ၆၀၀ သာ ကျန်တော့တယ်လို့ သိရပါတယ်။

Ref: အာရ်အဖ်အေ

Read More...

Collapse...

မြန်မာ့ပညာရေး အထောက်အကူပေးဖို့ သမ္မတ ပန်ကြား

မခင်ဖြူထွေး

21.05.2013
မျိုးဆက်သစ် လူငယ်တွေအတွက် ပိုမိုကောင်းမွန်တဲ့ အနာဂတ် တည်ဆောက်နိုင်ဖို့ သူ့အစိုးရအနေနဲ့ ပြုပြင်ပြောင်းလဲမှုတွေ လုပ်ဆောင်ခဲ့တယ်လို့ အမေရိကန် ပြည်ထောင်စုမှာ ရောက်နေတဲ့ မြန်မာသမ္မတ ဦးသိန်းစိန်က ပြောလိုက်ပါတယ်။ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းတွေမှာ နိုင်ငံတကာ အသိုင်းအ၀ိုင်း၊ အထူးသဖြင့် အမေရိကန်လို နိုင်ငံကြီးတွေက ကူညီပံ့ပိုးဖို့လည်း သမ္မတ ဦးသိန်းစိန်က မနေ့က ၀ါရှင်တန်ဒီစီမြို့တော် Johns Hopkins တက္ကသိုလ်၊ နိုင်ငံတကာ လေ့လာရေးဌာနမှာ မိန့်ခွန်းပြောကြားရင်း တိုက်တွန်း ပြောသွားခဲ့ပါတယ်။ ဒီအကြောင်းကိုတော့ သမ္မတ ဦးသိန်းစိန်ရဲ့ ဆွေးနွေးပွဲကို ကိုယ်တိုင် သွားရောက် သတင်းယူခဲ့တဲ့ မခင်ဖြူထွေးက တင်ပြထားပါတယ်။

“မြန်မာပြည်ရဲ့ အသွင်ကူးပြောင်းရေးနဲ့ အမေရိကန်-မြန်မာ နှစ်နိုင်ငံ ဆက်ဆံရေး” လို့ ခေါင်းစဉ်ပေးထားတဲ့ ဒီဆွေးနွေးပွဲမှာ သမ္မတ ဦးသိန်းစိန် က ပြီးခဲ့တဲ့ ၂ နှစ်တာ ကာလအတွင်း သူ့အစိုးရအနေ နဲ့ ပြုပြင်ပြောင်း လဲရေး လုပ်ငန်းတွေ အများအပြား ဆောင်ရွက်ခဲ့တဲ့အကြောင်းနဲ့ ဒီလို လုပ်ဆောင်ခဲ့တာဟာ မျိုးဆက်သစ် လူငယ်တွေအတွက် ပိုမိုကောင်းမွန်တဲ့ အနာဂတ်တစ်ခု တည်ဆောက်နိုင်ဖို့ အတွက် ဖြစ်တယ်လို့ ပြောသွားခဲ့ပါတယ်။

“ကျနော်တို့အစိုးရအနေနဲ့ လွန်ခဲ့တဲ့ ၂ နှစ်က စပြီး ဆောင်ရွက် အကောင်အထည် ဖော်လာခဲ့တဲ့ ပြုပြင်ပြောင်းလဲရေး လုပ်ငန်းစဉ်များရဲ့ ရည်ရွယ်ချက်တွေကတော့ တစ်ခုတည်းပဲ ရှိပါတယ်။ ကျနော်တို့ မျိုးဆက်သစ် လူငယ်တွေအတွက် ပိုမို ကောင်းမွန်တဲ့ အနာဂတ်၊ ပိုမိုကောင်းမွန် ပြည့်စုံတဲ့ ဘ၀တစ်ခု ဖန်တီးပေးနိုင်ဖို့ ရည်ရွယ်ချက်ပဲ ဖြစ်ပါတယ်။ ကျနော်တို့ အစိုးရဟာ ပြည်သူ့အစိုးရ ဖြစ်တယ်လို့ ခံယူထားတာနဲ့အညီ ပြည်သူတွေရဲ့ဘ၀ကို မြှင့်တင်နိုင်ဖို့အတွက် ပြည်သူဗဟိုပြု ဖွံ့ဖြိုးတိုးတက်ရေး လုပ်ငန်းတွေကို အစွမ်းကုန် ကြိုးစား အကောင်အထည်ဖော် ဆောင်ရွက်လျက် ရှိနေပါတယ်။ လာမယ့် ၂၀၁၅ ခုနှစ် ရွေးကောက်ပွဲမှာ ဒီမိုကရေစီ နည်းလမ်းကျ ပေါ်ပေါက်လာမယ့် အစိုးရသစ်အတွက် အခြေခံကောင်းတွေ ဖန်တီးပေးနေတာလည်း ဖြစ်ပါတယ်။ ကျနော်တို့ရဲ့ ဒီမိုကရေစီအရေး အောင်မြင်စေဖို့အတွက် အမေရိကန်အစိုးရ၊ လွှတ်တော်၊ အရပ်ဘက် လူ့အဖွဲ့အစည်းများမှ လက်ရှိ မြန်မာ့ နိုင်ငံရေး အခြေအနေနဲ့ အကိုက်ညီဆုံးဖြစ်တဲ့ အကူအညီတွေကို ပွင့်လင်းမြင်သာမှု ရှိရှိ ပေးအပ်သွားဖို့လည်း မေတ္တာရပ်ခံ လိုပါတယ်။”

အမေရိကန်နဲ့ မြန်မာ နှစ်နိုင်ငံ ဆက်ဆံရေးနဲ့ ပတ်သက်လို့တော့ သမ္မတ ဦးသိန်းစိန် က အခုလို ပြောသွားခဲ့ပါတယ်။

“သမိုင်းကြောင်း အစဉ်အလာများအရ ကျနော်တို့ မြန်မာနိုင်ငံနဲ့ အမေရိကန် ပြည်ထောင်စုတို့ဟာ နှစ်ပေါင်း ၁၅၀ ကျော်ကြာ ဆက်ဆံရေးတွေ ရှိခဲ့တာ အထင်အရှား တွေ့မြင်ရမှာ ဖြစ်ပါတယ်။ ဒါတွေ ကိုထောက်ရှုပြီး ကျနော်တို့အနေနဲ့ မြန်မာ-အမေရိကန် နှစ်နိုင်ငံ အစိုးရများအကြား ရင်းနှီးတဲ့ မဟာမိတ်များအဖြစ်နဲ့ လက်တွဲလုပ်ဆောင်ပြီး မြန်မာ-အမေရိကန် ဆက်ဆံရေး စာမျက်နှာသစ်ကို ဖွင့်လှစ် လိုပါတယ်။ မြန်မာပြည်သူများနဲ့ အမေရိကန်ပြည်သူများအကြားလည်း ရင်းနှီးတဲ့ မိတ်ဆွေများအဖြစ် ခင်ခင်မင်မင် ဆက်ဆံသွားကြဖို့လည်း တိုက်တွန်းလိုပါတယ်။ ကျနော်တို့ရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းများ အောင်မြင်အောင် မိတ်ဆွေတို့ရဲ့ ကူညီထောက်ပံ့မှုများကိုလည်း မျှော်လင့်လျက် ရှိနေပါတယ်။ အမေရိကန် ပြည်ထောင်စုမှာရှိတဲ့ ထိပ်တန်း တက္ကသိုလ်ကြီးတွေရဲ့ အကူအညီ၊ အမေရိကန် စီးပွားရေး လုပ်ငန်းရှင်များရဲ့ အကူအညီတွေကိုလည်း ရရှိနိုင်မယ်လို့ ယုံကြည်မျှော်လင့်လျက် ရှိနေပါတယ်။”

အခုလို သမ္မတ ဦးသိန်းစိန်အနေနဲ့ အမေရိကန် တက္ကသိုလ်တစ်ခုမှာ ကိုယ်တိုင်လာရောက်ပြီး မိန့်ခွန်းပြောကြားတာဟာ မြန်မာနိုင်ငံရဲ့ ပညာရေးကဏ္ဍကို မြှင့်တင်နိုင်ရေး အထောက်အကူတွေ ရဖို့နဲ့ မြန်မာနိုင်ငံရဲ့အခြေအနေနဲ့ပတ်သက်ပြီး နိုင်ငံတကာက ပိုမို နားလည်လာအောင် ရှင်းပြချင်တဲ့အတွက် ဖြစ်တယ်လို့ သမ္မတရဲ့ ပြောခွင့်ရသူ၊ မြန်မာနိုင်ငံ ပြန်ကြားရေးဌာန ဒုတိယ၀န်ကြီး ဦးရဲထွဋ်က ပြောပါတယ်။

“သမ္မတကြီးအနေနဲ့က ကျနော်တို့ နိုင်ငံရဲ့ ပညာရေးကဏ္ဍကို မြှင့်တင်ချင်တယ်။ မြှင့်တင်ချင်တဲ့အခါမှာ ကျနော်တို့က ပညာတော်သင်တွေ လွှတ်သလိုပဲ၊ ဒီက တက္ကသိုလ်တွေကို ကျနော်တို့ မြန်မာနိုင်ငံမှာ လာပြီးတော့ ကျောင်းခွဲတွေ ဖွင့်စေချင်တယ်။ မြန်မာနိုင်ငံရဲ့ ပညာရေးကဏ္ဍမှာ အမေရိကန်နိုင်ငံက ပညာရေး အဖွဲ့အစည်းတွေ ပိုမိုပါဝင် ပူးပေါင်းဖို့အတွက် ဖိတ်ခေါ်တဲ့စကားကို ဒီမှာ လာပြောပြတယ်။ ဒါက ပထမရည်ရွယ်ချက်ပေါ့။ ဒုတိယတစ်ခုကတော့ လက်ရှိ ကျနော်တို့ မြန်မာနိုင်ငံမှာ ဖြစ်ပေါ် ပြောင်းလဲနေတဲ့ ပြုပြင်ပြောင်းလဲမှုတွေနဲ့ ပတ်သက်လို့ အမေရိကန်နိုင်ငံရဲ့ ပညာရှင်အသိုင်းအ၀ိုင်းမှာ နားလည် တဲ့သူလည်း ရှိတယ်။ တချို့ကလည်း သံသယတွေ ရှိနေသေးတယ်။ ဆိုတော့ ဒီ သံသယတွေ ပြေပျောက်သွားပြီးတော့မှ မြန်မာနိုင်ငံဟာ ရှေ့ကိုပဲ သွားနေတယ်။ ကျနော်တို့ ပြုပြင်ပြောင်းလဲရေးဟာ ဘယ်တော့မှ နောက်ကြောင်း ပြန်လှည့်ဖို့ မရှိတော့ဘူး။ ဒီလို သွားတဲ့အခါမှာ ကျနော်တို့ စွမ်းအားနဲ့ချည်းပဲ သွားမယ်ဆိုရင်တော့ အချိန် ပိုကြာနိုင်တယ်။ ဒီလိုဟာကို မြန်မြန် ရောက်စေချင်တယ် ဆိုရင်တော့ နိုင်ငံတကာ အသိုင်းအ၀ိုင်းရဲ့ ပါဝင်ကူညီပံ့ပိုးမှုတွေ လိုတယ်ဆိုတဲ့ သတင်းစကားကိုလည်း ပါးချင်တဲ့အတွက်ကြောင့်မို့လို့ ဒီနေရာမှာ လာပြီးတော့ ဒီမိန့်ခွန်းကို ပြောတာပါ။”

အခုလို သမ္မတဦးသိန်းစိန် ကိုယ်တိုင် အမေရိကန် တက္ကသိုလ်တစ်ခုကို လာရောက်ပြီး မြန်မာနိုင်ငံအကြောင်း ပြောကြားတာဟာ မြန်မာနဲ့ နိုင်ငံတကာ တက္ကသိုလ်တွေကြား ပိုပြီး ထိတွေ့မှု ရရှိစေသ လို၊ မြန်မာနိုင်ငံ ပညာရေးအတွက် အထောက်အကူ ဖြစ်လာနိုင်တဲ့အတွက် အားရစရာ ကောင်းတယ်လို့ မနေ့က Johns Hopkins တက္ကသိုလ် အခမ်းအနားကို တက်ရောက်ခဲ့တဲ့ မင်္ဂလာမြန်မာအဖွဲ့ ရဲ့ညွန်ကြားရေးမှူး ဒေါက်တာ ဖုန်းဝင်း က ပြောပါတယ်။

“တစ်ခုကတော့လေ ဒီလို တက္ကသိုလ်တွေကို လာပြီးတော့၊ ကိုယ့်ရဲ့ မူဝါဒတွေကို ပြောတယ်ဆိုတော့ ဘာပဲပြောပြော ကျနော်တို့ မြန်မာနိုင်ငံရဲ့ ခေါင်းဆောင် တစ်ယောက်က ဒီလို စပြီးတော့ ပြောလာ တဲ့အတွက်ကြောင့် သိပ်ကောင်းတဲ့ အစဉ်အလာပေါ့နော်။ ဒါမျိုးပွဲတွေ အများကြီး နိုင်ငံတကာမှာပဲဖြစ်ဖြစ်၊ မြန်မာပြည်မှာပဲဖြစ်ဖြစ် ဖြစ်လာပါစေလို့ ကျနော့်စိတ်ထဲ အရင်ဆုံး ဖြစ်တယ်ပေါ့နော်။ နောက်တစ်ခု အားရမိတာကတော့ ဒီလို တက္ကသိုလ်တွေမှာ ပြောတဲ့အခါကျတော့ ပိုပြီးတော့ ပညာရေးကို အားပေးတဲ့ သဘောမျိုး ရောက်ပါတယ်။ ပညာရေးကို အားပေးတဲ့နေရာမှာ၊ ဒီလိုအဆင့်မြင့် ပညာရေးပေါ့နော်၊ တက္ကသိုလ် ပညာရေးကို အားပေးတဲ့ သဘောမျိုး ရောက်တဲ့အတွက် ကျနော်တို့က ပိုပြီးတော့ ၀မ်းသာပါတယ်။ ဘာဖြစ်လို့လဲဆိုတော့ တက္ကသိုလ်တွေ မြန်မာပြည်မှာ ကောင်းလာပြီးတော့၊ မြန်မာပြည် တက္ကသိုလ်တွေကနေပြီးတော့ တကယ့်ကို နိုင်ငံအတွက် အသုံးကျမယ့် ပညာရှင်တွေ မွေးထုတ်နိုင်မယ်ဆိုရင် ကျနော်တို့ မြန်မာနိုင်ငံက ရေတို မဟုတ်ဘဲနဲ့ ရေရှည်မှာ အများကြီး ပြောင်းလဲတိုးတက်လာမယ်၊ ဖွံ့ဖြိုးတိုးတက်လာမယ်၊ ရေရှည်ကောင်းမယ်လို့ ကျနော် မျှော်လင့်တယ်။ ဒါကြောင့်မို့ ကျနော်ကတော့ တော်တော်လေး အားရပါတယ်။”

သမ္မတဦးသိန်းစိန်ဟာ မနေ့က Johns Hopkins တက္ကသိုလ်မှာ မိနစ် ၂၀ ကြာလောက် မိန့်ခွန်းပြောခဲ့တာ ဖြစ်ပါတယ်။ မြန်မာနိုင်ငံ လက်ရှိ ဖော်ဆောင်နေတဲ့ နိုင်ငံရေး ပြုပြင်ပြောင်းလဲမှုတွေ၊ ရင်ဆိုင်ရတဲ့ အခက်အခဲတွေကို ရှင်းလင်းတင်ပြခဲ့တာ ဖြစ်သလို၊ နိုင်ငံတကာ အသိုင်းအ၀ိုင်းအနေနဲ့ မြန်မာနိုင်ငံ ပြုပြင်ပြောင်းလဲရေး လုပ်ငန်းတွေမှာ ၀ိုင်းဝန်း ကူညီပေးဖို့ ကိစ္စတွေကို အဓိက တိုက်တွန်း ပြောကြား သွားခဲ့ပါတယ်။


Ref: ဗွီအိုအေ

Read More...

Collapse...

သမ္မတ အိုဘားမားနဲ့ သမ္မတ ဦးသိန်းစိန် အိမ်ဖြူတော်ပူးတွဲ သတင်းစာရှင်းလင်းပွဲ

21.05.2013
အမေရိကန် ပြည်ထောင်စုကို နှစ်ပေါင်း ၅၀ နီးပါးအတွင်း ပထမဆုံး တရားဝင်ခရီးစဉ်အဖြစ် စနေနေ့က ရောက်လာခဲ့တဲ့ မြန်မာသမ္မတ ဦးသိန်းစိန်ဟာ မနေ့က တနင်္လာနေ့မှာတော့ အမေရိကန်သမ္မတ အိုဘားမားနဲ့ သမ္မတ အိမ်ဖြူတော်မှာ တွေ့ဆုံခဲ့ကြပါတယ်။ ဒီလို တွေ့ဆုံချိန်မှာ မြန်မာနိုင်ငံရဲ့ နိုင်ငံရေး၊ စီးပွားရေးဆိုင်ရာ ပြုပြင်ပြောင်းလဲမှု၊ လူ့အခွင့်အရေးအပြင် တိုင်းရင်းသား ပဋိပက္ခနဲ့ ဘာသာရေး တင်းမာမှု ပြဿနာတွေကို ဖြေရှင်းဖို့ အရေးကြီးတဲ့အကြောင်း ဆွေးနွေးခဲ့ကြတယ်လို့ သိရပါတယ်။ ဆွေးနွေးပွဲအပြီး သမ္မတ အိမ်ဖြူတော်မှာ သမ္မတနှစ်ဦးတို့ ပူးတွဲ သတင်းစာ ရှင်းလင်းပွဲကိုလည်း ကျင်းပခဲ့ပါတယ်။ အပြည့်အစုံကိုတော့ အခုပဲ နားဆင်ကြည့်ကြရအောင်ပါ။

သမ္မတ အိုဘားမား
“ကျနော့်အနေနဲ့ သမ္မတကြီး ဦးသိန်းစိန်ကို အမေရိကန် ပြည်ထောင်စုကိုရော၊ အိမ်ဖြူတော်ကိုရော ကြိုဆိုပါတယ်။ မနှစ်ကဆိုလို့ရှိရင် အမေရိကန် သမ္မတတစ်ဦးအနေနဲ့ ပထမဆုံး မြန်မာနိုင်ငံ ကို ရောက်ခဲ့တဲ့ အတွက်ကြောင့် ကျနော် ဂုဏ်ယူပါတယ်။ အဲ့တော့ သမ္မတကြီးအနေနဲ့လည်း ဒီကို လာနိုင်တဲ့အတွက်ကြောင့် ဒါဟာလည်း နှစ်ပေါင်း ၅၀ အတွင်းမှာ ပထမဦးဆုံး လာရောက်တဲ့အတွက်ကြောင့် ကောင်းပါတယ်။ အဲ့တော့ ဒီ နှစ်ပေါင်း ၅၀ ကြားထဲမှာတော့ ကျနော်တို့မှာ နှစ်ဘက် တင်းမာမှုလေးတွေ ရှိခဲ့ပါတယ်။ အခု ဒီလို ပြောင်းလဲသွားရတဲ့ကိစ္စက သမ္မတ ဦးသိန်းစိန်ရဲ့ ခေါင်းဆောင်မှုနဲ့ ဒီမိုကရေစီ လမ်းကြောင်းပေါ်ကို စီးပွားရေးအရရော၊ နိုင်ငံရေးအရရော ပြုပြင်ပြောင်းလဲမှု လုပ်တဲ့အတွက် ဖြစ်ပါတယ်။”

“လွန်ခဲ့တဲ့ ၂ နှစ်အတွင်းမှာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေလည်း လွတ်လာပြီးတော့ ဒေါ်အောင်ဆန်းစုကြည် ကိုယ်တိုင်ကလည်း အခုဆိုလို့ရှိရင် နိုင်ငံရေးလုပ်နေပါပြီ။ အဲ့တော့ အခုဆိုလို့ရှိရင် နိုင်ငံရေးအရ လွှတ်တော်ကလည်းပဲ အားလုံး ပါဝင်နိုင်အောင် ပါဝင်ဆောင်ရွက်နိုင်အောင် လုပ်နေပါပြီ။ မြန်မာနိုင်ငံ အကျိုးအတွက် နောက် အင်မတန်မှ ယုံကြည်လောက်တဲ့ ရွေးကောက် ပွဲလည်း ကျင်းပပြီးခဲ့ပါပြီ။ အဲ့တော့ သမ္မတကြီး ဦးသိန်းစိန် အနေနဲ့ကလည်းပဲ အင်မတန်မှ ရှည်ကြာလှတဲ့ လူမျိုးစုပြဿနာတွေ၊ ပဋိပက္ခတွေကို ဖြေရှင်းဖို့အတွက် လုပ်နေပါတယ်။ နောက်ပြီးတော့ လည်း ပဲ မြန်မာပြည်သူ လူထုတွေအားလုံး လေးစားရမယ့် ဥပဒေတွေလည်းပဲ ဖော်ဆောင်ဖို့ လုပ်နေပါပြီ။ ဒီလို ပြုပြင်ပြောင်းလဲမှုတွေ အများကြီး လုပ်ခဲ့တဲ့အတွက်ကြောင့် အမေရိကန်ပြည်ထောင်စုကလည်းပဲ ချမှတ်ခဲ့တဲ့ ပြစ်ဒဏ်ပေးမှုတွေ ဘာတွေ အားလုံးပေါ့လေ ကုန်သွယ်ရေး ပိတ်ဆို့မှုတွေကို ကျနော်တို့ လျှော့လိုက်ပါပြီ။ နောက်ပြီးတော့ တခြားနိုင်ငံတွေကလည်း အလားတူ လျှော့လိုက်ပါပြီ။”

“အဲ့ဒီလို လုပ်ကိုင်ဆောင်ရွက်မှုတွေကြောင့် ဒါဟာ ဘာကို ပြသလဲဆိုရင် နိုင်ငံတကာကနေပြီးတော့ မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်မှုအတွက် ဘယ်လို ကျယ်ကျယ်ပြန့်ပြန့် လုပ်နိုင်တယ်ဆိုတဲ့ သဘောကို ပြပါတယ်။ မြန်မာနိုင်ငံမှာ ကုန်သွယ်ရေးရော၊ ရင်းနှီးမြှုပ်နှံမှုရော လုပ်လိုက်တဲ့အခါကျလို့ရှိရင်တော့ အလုပ်အကိုင်တွေလည်း ပေါများလာပြီးတော့ အကုန်လုံးက အဆင်ပြေသွားဖို့ ရှိပါတယ်။ အဲ့တော့ သမ္မတကြီး ဦးသိန်းစိန် ပြောသလိုပါပဲ ဒါက အင်မတန်မှ ရှည်လျားတဲ့ ခရီး ဖြစ်ပါတယ်။ အဲ့တော့ တော်တော်လေးတော့ လုပ်ယူရပါလိမ့်မယ်။”

“သမ္မတကြီး ဦးသိန်းစိန်ကတော့ နောင်ကို ဆက်ပြီးတော့ နိုင်ငံရေး အကျဉ်းသားတွေကိုလည်း လွှတ်ပေးမယ်။ နောက်ပြီးတော့ လူမျိုးစု ပြဿနာတွေ ဖြစ်နေတဲ့ ကိစ္စတွေမှာလည်းပဲ အပစ်အခတ် ရပ်စဲယုံတင်မဟုတ်ဘဲနဲ့ သူတို့လည်း နိုင်ငံရေးမှာ ပါဝင်ပူးပေါင်းနိုင်အောင်၊ ဆောင်ရွက်နိုင်အောင် လုပ်မယ်လို့ ပြောသွားပါတယ်။ မြန်မာနိုင်ငံထဲမှာရှိတဲ့ မူဆလင်တွေအပေါ်မှာ အကြမ်းဖက်မှုတွေ ဖြစ်တဲ့ ကိစ္စနဲ့ပတ်သက်လို့လည်း ကျနော် သမ္မတကြီးနဲ့ ဆွေးနွေးခဲ့ပါတယ်။ အဲ့တော့ ဒီဟာနဲ့ပတ်သက်ပြီးတော့ သူတို့ အိုးမဲ့အိမ်မဲ့ ဖြစ်သွားတဲ့ ပုဂ္ဂိုလ်တွေ၊ နောက်ပြီးတော့ ဒုက္ခရောက်နေတဲ့ ပုဂ္ဂိုလ်တွေနဲ့ပတ် သက်ပြီးတော့ ဆက်လက်ပြီးတော့ အကူအညီ ပေးဖို့အတွက် ကျနော်တို့ သဘောတူကြပါတယ်။ နိုင်ငံတကာကလည်း ကူညီပေးနေတာ ဖြစ်ပါတယ်။ နောက်တစ်ခုကတော့ သူတို့ကို လေးလေးစားစားနဲ့ သူတို့ကို ဆက်ဆံဖို့ကိစ္စတွေလည်း ပါပါတယ်ခင်ဗျ။”

“သမ္မတကြီး ဦးသိန်းစိန်ကို ကျနော်ဆွေးနွေးတဲ့အခါမှာ ပြောတာကတော့ တခြားနိုင်ငံတွေမှာ ဖြစ်သလိုပဲပေါ့ ဒါက အားလုံး လေးလေးစားစားနဲ့ လုပ်မယ် ကိုင်မယ်ဆိုလို့ရှိရင် စီးပွားရေးအ ရရော၊ နိုင်ငံရေး အရာရော အားလုံး အဆင်ပြေပြေနဲ့ တခါတည်း ပြုပြင်ပြောင်းလဲမှုတွေ လုပ်လို့ရှိရင် အောင်မြင်မှာပါ။ နောက်ပြီးတော့ ကျနော်တို့ဆီက USAID ကနေပြီးတော့ အကူအညီပေး ဆောင်ရွက်နေတဲ့ ကိစ္စနဲ့ ပတ်သက်ပြီး ဒါကတော့ လယ်ယာစိုက်ပျိုးရေးကဏ္ဍမှာ အဲ့ဒါတွေ တိုးတက်အောင် လုပ်နိုင်ဖို့အတွက် ကျနော်တို့ လုပ်နေပါတယ်။ ဒါ့အပြင် ရန်ကုန်-မန္တလေး လမ်းမကြီး ပြုပြင်ဖို့ကိစ္စလည်း ကျနော်တို့ လုပ်ကိုင်ဆောင်ရွက်နေပါတယ်။ သမ္မတကြီး ဦးသိန်းစိန်တို့အနေနဲ့လည်း အာဆီယံနဲ့ရော၊ အရှေ့အာရှ ပစိဖိတ် နိုင်ငံတွေနဲ့ပါ ဆောင်ရွက်နေတာကိုလည်း ကျနော်တို့ အားပေးပါတယ်။ ကျနော်တို့ အနေနဲ့ကလည်း အဲ့ဒါမျိုးတွေကို ဆက်ပြီးတော့ လုပ်ပြီးတော့ တိုးတက်အောင် ဆောင်ရွက်ပေးချင်ပါတယ်။ အဲ့တော့ သမ္မတကြီးကို ကြိုဆိုပါတယ်။ သမ္မတကြီးရဲ့ ဦးဆောင်မှုနဲ့ ဒီ လမ်းကြောင်းသစ်ကို သွားနေတဲ့ကိစ္စမှာ အောင်အောင်မြင်မြင်ဖြစ်အောင်လည်း ကျနော်တို့က အားပေးပါမယ်။ တချိန်တည်းမှာပဲ ဒါကလည်း အင်မတန်မှ ရှည်လျားတဲ့ခရီး ဖြစ်တဲ့အတွက်ကြောင့် ဒီလိုပဲရှိပါလိမ့်မယ်။”

သမ္မတ ဦးသိန်းစိန်
“သမ္မတကြီး မစ္စတာ အိုဘားမားကို ကျနော့်အနေနဲ့ ကျေးဇူးတင်ပါတယ်။ ကျနော် ဒီ ၀ါရှင်တန်ဒီစီကို ပထမဆုံးအကြိမ် ရောက်ဖူးတာဖြစ်သလို၊ ဒီ White House ကိုလည်း ပထမဆုံးအကြိမ် ရောက်ဖူး တာဖြစ်ပါတယ်။ အခုလို ကျနော်တို့နှစ်ယောက် ရင်းနှီးပွင့်လင်းစွာနဲ့ တိုင်ပင်ဆွေးနွေးခွင့်ရတဲ့အတွက်ကြောင့် ကျနော့်အနေနဲ့ များစွာ ၀မ်းမြောက်ဂုဏ်ယူမိပါတယ်။ အဲ့တော့ ကျနော်တို့ မြန်မာနိုင်ငံနဲ့ အမေရိကန် ပြည်ထောင်စုဟာ ၁၉၄၇ ခု လွတ်လပ်ရေး မရခင်ကတည်းက သံတမန်ဆက်သွယ်မှု ရှိခဲ့တဲ့ နိုင်ငံတွေဖြစ်ပါတယ်။ ဟိုတုန်းကလည်း နိုင်ငံအကြီးအကဲတွေ လာရောက်လည်ပတ်မှုတွေ ရှိခဲ့ပါတယ်။ အမှန်တော့ သမိုင်းကြောင်းအရ ကျနော်တို့ ရင်းနှီးပြီးသား နိုင်ငံတွေဖြစ်ပါတယ်။ သို့သော်လည်းပဲ ကျနော်တို့ အကြောင်းကြောင်းတွေကြောင့် ကျနော်တို့ နှစ်နိုင်ငံ ဆက်ဆံရေးဟာ ခုနကလို အခက်အခဲတွေ ဒါတွေနဲ့ ကျနော်တို့ ကြုံတွေ့ရတာတွေ ရှိပါတယ်။ ကျနော်တို့ဆိုလို့ရှိရင် နှစ်ပေါင်း ၅၀ အတွင်းမှာ မြန်မာနိုင်ငံရဲ့ အကြီးအကဲ တစ်ယောက်အနေနဲ့ အခုလို ကျနော်တို့ အမေရိကန်ကို လာခွင့် ကျနော်တို့ ရတာဖြစ်ပါတယ်။ သမ္မတကြီး ဖိတ်ကြားပေးတဲ့အတွက်ကြောင့် အခုလို လာရောက်နိုင်ခြင်းလည်း ဖြစ်ပါတယ်။ အဲ့တော့ မြန်မာနိုင်ငံမှာ ဒီကနေ့ ဒီမိုကရေစီ စနစ်ကိုလည်း ပြောင်းလဲပြီးတော့ ကျနော်တို့ ကျင့်သုံးနေပြီဖြစ်တဲ့အတွက်ကြောင့် အမေရိကန် ပြည်ထောင်စုနဲ့လည်း နိုင်ငံရေးစနစ်ခြင်း တူညီမှု ကျနော်တို့ ဒါ ရှိနေပြီလို့ ပြောလို့ရပါတယ်။”

“အဲ့တော့ နှစ်နှစ်တာကာလအတွင်းမှာ ကျနော်တို့ရဲ့ အစိုးရသက်တမ်းဟာ နှစ်နှစ် ကျနော်တို့ ရှိသွားပါပြီ။ နှစ်နှစ်တာကာလအတွင်းမှာ နိုင်ငံရေး ပြောင်းလဲမှုတွေ၊ စီးပွားရေး ပြောင်းလဲမှုတွေ၊ ဒါတွေကို ကျနော်တို့ ကြိုးပမ်းပြီးတော့ ဆောင်ရွက်ခဲ့ပါတယ်။ ကျနော်တို့မှာ ဒီမိုကရေစီနဲ့ပတ်သက်ပြီးတော့ အတွေ့အကြုံတွေ အလေ့အကျင့်တွေ ကျနော်တို့ ဒါ နည်းပါသေးတယ်။ အောင်မြင်မှုတွေ ရှိခဲ့သလို အခက်အခဲတွေ၊ စိန်ခေါ်မှုတွေ ဒါတွေလည်း ကျနော်တို့ ကြုံတွေ့နေရပါတယ်။ ကျနော်တို့မှာ ရှိပါတယ်။ ကျနော်တို့ရဲ့ ကြိုးပမ်းဆောင်ရွက်မှုတွေကို ကျနော်တို့ အသိအမှတ်ပြုတဲ့အနေနဲ့ အမေရိကန်နိုင်ငံနဲ့ ဆက်ဆံရေး အခုလို ပြန်လည်ပြီးတော့ ကောင်းမွန်ဖို့အတွက် သမ္မတကြီးရဲ့ မူဝါပြောင်းလဲ သတ်မှတ်ပေးမှုအပေါ်မှာ မူတည်ပါတယ်။ ဒါကြောင့် သမ္မတကြီးကိုလည်း ကျနော်တို့ နှစ်နိုင်ငံရဲ့ ဆက်ဆံရေးကို စတင်ပြီးတော့ ကျနော်တို့ ဖော်ဆောင်ပေးတဲ့ ပုဂ္ဂိုလ်တစ်ယောက်အနေနဲ့ အင်မတန်မှ ကျေးဇူးတင်ပါတယ်။ ကျနော်တို့လို ဖွံ့ဖြိုးစ ဖွံ့ဖြိုးဆဲနိုင်ငံ တစ်နိုင်ငံအနေနဲ့ အခုလို ကျနော်တို့ စနစ်ကို ပြောင်းလဲတဲ့အခါမှာ အခက်အခဲတွေ မျိုးစုံ ကျနော်တို့ ရှိပါတယ်။ ဒီအထဲမှာ ကျနော်တို့ ခုနက ဆင်းရဲနွမ်းပါးမှုနှုန်းတွေ မြင့်မားနေတာတွေ၊ နောက်တခါ အလုပ်အကိုင် အခွင့်အလမ်းတွေ နည်းပါးနေတာ နောက်တခါ လူတွေရဲ့ ဒီမိုကရေစီ အတွေ့အကြုံ ဒီမိုကရေစီ အလေ့အကျင့်တွေ ကျနော်တို့ နည်းပါးနေတာတွေ၊ နောက်တခါ ကျနော်တို့မှာ အလယ်အလတ်တန်းစားတွေ၊ အရည်အချင်းရှိတဲ့ အလယ်အလတ်တန်းစားတွေ ဒါတွေ ကျနော်တို့ နည်းပါးနေတဲ့အတွက်ကြောင့်မို့ နိုင်ငံတော်ကို ပြောင်းလဲထူထောင်တဲ့အခါမှာ ခုနကလို ကျနော်တို့ အခက်အခဲ မျိုးစုံတွေ ကျော်ဖြတ်ပြီးတော့ ကျနော်တို့ ဆောင်ရွက်နေရပါတယ်။ သို့သော်လည်းပဲ တချို့ အခက်အခဲတွေကို ကျနော်တို့ စာနာထောက်ထားပြီးတော့ အမေရိကန် သမ္မတကြီးအနေနဲ့ တချို့ဟာတွေကို ကူညီဆောင်ရွက်ပေးနေတဲ့အတွက်ကြောင့် ကျနော်တို့ ဒါ အခက်အခဲတွေကို ကျော်လွှားနိုင် တဲ့ အခြေအနေတွေလည်း ကျနော်တို့ ရှိလာပြီဖြစ်ပါတယ်။”

“အဲ့တော့ သမ္မတကြီးနဲ့ ကျနော်တို့ အခု ဆွေးနွေးကြတာက စောစောက သမ္မတကြီး ပြောသွားသလိုပါပဲ ဥပဒေရေးရာကိစ္စတွေ ဒါတွေ ကျနော်တို့ ပါဝင်ပါတယ်။ နောက်တခါ ကျနော်တို့ တရားဥပဒေစိုးမိုးရေး အပိုင်းတွေ၊ နောက် ရဲတို့ တပ်တို့ အရည်အသွေးတွေ ကျနော်တို့ မြင့်မားရေးကိစ္စတွေ၊ နောက်တခါ ဆင်းရဲနွမ်းပါးတဲ့ တောင်သူလယ်သမားတွေရဲ့ ဘ၀ကို မြှင့်တင်ပေးမယ့် ကိစ္စတွေ၊ နောက်တခါ ပညာရေး၊ ကျန်းမာရေး ဒီကိစ္စတွေ ကျနော်တို့ ကဏ္ဍစုံ ဆွေးနွေး ကျနော်တို့ အမြင်ချင်း ဖလှယ်နိုင်ခဲ့ပါတယ်။ သမ္မတကြီးဆီကနေလည်း ခုနလို မြန်မာနိုင်ငံအပေါ်မှာ သဘောထားတွေ၊ အမြင်တွေ၊ သိရှိရတဲ့အ တွက်ကြောင့် ကျနော်တို့တွေ များစွာ ဒီဆွေးနွေးပွဲကတော့ အကျိုးရှိတဲ့ ပွဲဖြစ်ပါတယ်။ ကျနော်တို့ရဲ့ ခရီးစဉ်ကလည်း အင်မတန်မှ အကျိုးရှိတဲ့ ခရီးစဉ်တစ်ခု ဖြစ်တယ်လို့ ပြောချင်ပါတယ်။ ကျနော်တို့ ဒီမိုကရေစီရှေ့ကို ဆက်လက်ပြီးတော့ ရှင်သန်ဖွံ့ဖြိုးဖို့အတွက် ကျနော်တို့ ဒီ နိုင်ငံရေး ပြုပြင်ပြောင်းလဲမှုတွေ၊ စီးပွားရေး ပြုပြင်ပြောင်းလဲမှုတွေ၊ ဒါတွေကို ကျနော်တို့ လုပ်နေပါတယ်။ နိုင်ငံရေးနဲ့ စီးပွားရေးဆိုတာ တစ်ခုနဲ့တစ်ခု ကျနော်တို့ ခွဲခြားလို့ မရပါဘူး။ ကျနော်တို့ ခွန်အားနဲ့ ကျနော်တို့နိုင်ငံအတွက် လုပ်နေသလို တဘက်ကလည်း ကျနော်တို့ကို ထောက်ခံအားပေးတဲ့ ပြည်ပရဲ့ ခွန်အားတွေကိုပါ ကျနော်တို့ ရယူပြီးတော့မှ ကြိုးပမ်းဆောင်ရွက်နေပါတယ်။ ပြောချင်တာကတော့ ဒီမိုကရေစီစနစ် ရှေ့ကို ဆက်လက်ပြီးတော့ ရှင်သန်ဖွံ့ဖြိုးဖို့အတွက် သမ္မတကြီး မကြာခဏ ပြောဖူးသလိုပါပဲ Forward ဆိုတဲ့အတိုင်းပဲ ကျနော်တို့ရဲ့ ဒါ Move Forward ဆိုပြီး ဆက်ပြီးတော့ သွားမှာဖြစ်ပါတယ်။ အားလုံးကို ကျေးဇူးတင်ပါတယ်ခင်ဗျ။”


Ref: ဗွီအိုအေ

Read More...

Collapse...

မြန်မာနိုင်ငံ ပြုပြင်ပြောင်းလဲရေးအတွက် အမေရိကန် အထောက်အကူပေးမည်

21.05.2013

သမ္မတ ဦးသိန်းစိန်ဟာ မနေ့တုန်းက သမ္မတ အိုဘားမားနဲ့ အိမ်ဖြူတော်မှာ တွေ့ဆုံစဉ်မှာပဲ အမေရိကန် နိုင်ငံခြားရေး ဌာနကနေ မြန်မာနိုင်ငံနဲ့ပတ်သက်ပြီးတော့ အကူအညီတွေပေး ဆောင်ရွက်နေတဲ့ ကိစ္စကို ကြေညာချက်တစ်ရပ် ထုတ်ပြန်ပါတယ်။

လက်ရှိ သမ္မတ ဦးသိန်းစိန်ရဲ့ အရေးပါတဲ့ ပြုပြင်ပြောင်းလဲမှုတွေကို အမေရိကန် ပြည်ထောင်စုအနေနဲ့ အသိအမှတ် ပြုတဲ့အကြောင်း ပြော ဆိုပြီးတော့ မြန်မာနိုင်ငံတွင်းက နိုင်ငံရေး၊ စီးပွားရေး၊ လူမှုရေး အထွေထွေ အသွင်ကူးပြောင်းရေးလုပ်ငန်းတွေ အရှိန်အဟုန် ကောင်းလာစေဖို့အတွက် အမေရိကန် ပြည်ထောင်စုအနေနဲ့ ကူညီဆောင်ရွက်ပေးနေတဲ့ အထောက်အပံ့ကိစ္စတွေကို ဖော်ပြတာပါ။

ဒီအထဲမှာတော့ အမေရိကန် အစိုးရ အေဂျင်စီတွေ၊ အဆင့်မြင့် ပညာရေးဆိုင်ရာ အဖွဲ့အစည်းတွေ နောက် အမေရိကန် စီးပွားရေး လုပ်ငန်းကြီးတွေ အစိုးရမဟုတ်တဲ့ အဖွဲ့အစည်းတွေအနေနဲ့ အကူ အညီတွေ ပေးပြီးတော့ မြန်မာအစိုးရနဲ့ ပူးတွဲ ဆောင်ရွက်မှုတွေ လုပ်သွားနေသလိုပဲ အမေရိကန်အစိုးရပိုင်းအနေနဲ့လည်း မြန်မာအစိုးရနဲ့ရော အခြား အရပ်ဘက်ဆိုင်ရာ လူမှုအဖွဲ့အစည်းတွေနဲ့ပါ ပူးတွဲလုပ်တဲ့ အစီအစဉ်တွေ နိုင်ငံခြား အထောက်အပံ့တွေကို ပေးသွားဖို့လည်း ပါရှိပါတယ်။

လာမယ့် ၂၀၁၅ ခုနှစ် ရွေးကောက်ပွဲဟာ ယုံကြည်စိတ်ချရပြီးတော့ လွတ်လပ်မျှတမှု ရှိဖို့အတွက် ရွေးကောက်ပွဲဆိုင်ရာ အကူအညီတွေ ပေးသွားမယ်ဆိုတာ ပါရှိသလိုပဲ ပညာရေးဆိုင်ရာနဲ့ပတ် သက်ပြီးတော့ နိုင်ငံခြားမှာ Fulbright Program အပြင် ရန်ကုန်မှာရှိတဲ့ အမေရိကန်သံရုံးအနေနဲ့ မြန်မာကျောင်းသားတွေအတွက် အမေရိကန် တက္ကသိုလ်၊ ကောလိပ်တွေမှာ ၀င်ရောက်နိုင်ဖို့ လိုအပ်တဲ့ အချက်အလက်တွေ ဆောင်ရွက်တာမျိုးတွေ လုပ်ဆောင်နေတယ်ဆိုတဲ့ကိစ္စလည်း ပါရှိပါတယ်။

တချိန်တည်းမှာပဲ ပညာရေးဆိုင်ရာ ပူးပေါင်းဆောင်ရွက်မှုတွေ၊ စီးပွားရေးဆိုင်ရာ ပူးပေါင်းဆောင်ရွက်မှုတွေ လုပ်ဖို့ ပါရှိသလိုပဲ အခြား လူထု အထောက်အကူပေးရေး အစီအစဉ်တွေ ဆောင် ရွက်နေတဲ့အကြောင်းကိုလည်း ရေးသားဖော်ပြထားပါတယ်။


Ref: ဗွီအိုအေ

Read More...

Collapse...

အစ္စလာမ်ဘော်ဒါဆောင်ကျောင်း မီးရှို့ခံရမှု စုံစမ်းစစ်ဆေးပေးဖို့ PHR အဖွဲ့ တောင်းဆို

မေစန္ဒီ
21.05.2013


ပြီးခဲ့တဲ့ မတ်လက မိတ္ထီလာမြို့ အဓိကရုဏ်းအတွင်း အစ္စလာမ်ဘော်ဒါဆောင်ကျောင်း တစ်ကျောင်း မီးရှို့ခံခဲ့ရမှုကြောင့် ဆရာ၊ ဆရာမတွေ အပါအ၀င် ကလေးငယ် စုစုပေါင်း ၂၄ ယောက် သေဆုံးခဲ့ရပါတယ်။ ဒီကိစ္စနဲ့ပတ်သက်ပြီး အမေရိကန် ပြည်ထောင်စု နယူးယောက်မြို့မှာရှိတဲ့ Physicians for Human Rights လူ့အခွင့်အရေးအဖွဲ့ကြီးက အစီရင်ခံတစ်စောင် ထုတ်ပြန်လိုက်ပြီး ဒါကို အသေးစိတ် စုံစမ်းစစ်ဆေးပေးဖို့ တိုက်တွန်းလိုက်ပါတယ်။ အပြည့်အစုံကို မမေစန္ဒီက တင်ပြထားပါတယ်။

ကျောင်းသား ၁၂၀ ရှိတဲ့ အစ္စလာမ် ဘာသာရေး ကျောင်းတစ်ကျောင်း မီးရှို့ခံရမှုအတွင်း ဆရာ၊ ဆရာမ ၄ ဦးအပါအ၀င် ကလေး အယောက်၂၀ ထက်မနည်း သေဆုံးခဲ့ရတာနဲ့ပတ်သက်ပြီး အမေရိကန် နိုင်ငံမှာရှိတဲ့ Physicians for Human Rights PHR လူ့အခွင့်အရေးအဖွဲ့ကြီးက စုံစမ်းစစ်ဆေးမှုတစ်ရပ် ပြုလုပ်ခဲ့ပါတယ်။ ဒီစုံစမ်းစစ်ဆေးမှုအတွက် PHR အဖွဲ့ကြီးက မီးလောင်မှုအတွင်း လွတ်မြောက်ခဲ့သူ ကလေးငယ်တွေနဲ့ အနီးနားမှာရှိတဲ့ မျက်မြင်သက်သေတချို့ကို PHR အဖွဲ့ကြီးက တွေ့ဆုံမေးမြန်းမှုတွေ လုပ်ခဲ့ပါတယ်။

အခုလို အပြစ်မဲ့ ကလေးငယ်တွေ ရက်ရက်စက်စက် သေဆုံးမှုတွေကို မဖော်ထုတ်ခဲ့ဘူးဆိုရင် ပိုပြီး ဆိုးရွားတဲ့ လူ့အခွင့်အရေး ချိုးဖောက်မှုတွေ ပေါ်ပေါက်လာနိုင်တယ်လို့ ဒီအစီရင်ခံစာထဲ မှာ ဖော်ပြထား ပါတယ်။ ဒီအစီရင်ခံစာကို ဦးဆောင် ရေးသားပြုစုခဲ့သူ ရစ်ချတ် စော်လွန်မ် (Richard Sollom) က မြန်မာနိုင်ငံကို ကိုယ်တိုင် သွားရောက်ပြီးတော့ တွေ့ဆုံ မေးမြန်းမှုတွေ လုပ်ခဲ့ပါတယ်။ သူနဲ့ ဆက် သွယ် မေးမြန်းတဲ့ အခါမှာတော့ -

“မီးလောင်တဲ့အထဲက လွတ်လာတဲ့ ကလေးတွေနဲ့ ဆရာဆရာမတွေကို မေးကြည့်တဲ့အခါ သူတို့ အားလုံး က ဒီအကြောင်းကိုပဲ ထပ်ခါတလဲလဲကြားခဲ့ရတယ်။ မင်္ဂလာဈေးရုံရပ်ကွက်က သူတို့ကျောင်းကို ဒုတ်တွေ၊ အချွန်တွေ၊ ဓါးတွေ၊ သံပိုက်တွေ ကိုင်ထားတဲ့သူတွေက ကျောင်းကို မီးရှို့ခဲ့ပြီး ကျောင်းသားတွေကို မောင်းထုတ်ခဲ့တယ်ဆိုပြီးပြောပါတယ်။ ဒါဟာ မတ်လ ၂၀၊ ၂၁ ရက်နေ့တုန်းက မိတ္ထီလာ မြို့ တ၀ှမ်းမှာ လူနေအိမ်တွေ၊ ဈေးဆိုင်တွေ အများအပြား ဆုံးရှုံးပျက်ဆီးခဲ့တဲ့ မွတ်စလင် ဆန့်ကျင်ရေး အကြမ်းဖက်မှုတွေထဲကတခုဖြစ်ပေမယ့် ဒါကိုသေသေချာချာဖော်ထုတ်ခဲ့ခြင်းမရှိခဲ့ပါဘူး။”

မျက်မြင်တွေရဲ့ အဆိုအရ ဒီအကြမ်းဖက်မှုမှာ တာဝန်ရှိ ရဲတွေက ကလေးငယ်တွေကို ကာကွယ်ခြင်းမပြုခဲ့ဘဲ ဒီကိစ္စကို ၀င်ရောက် ဖြေရှင်းခြင်း၊ အပြစ်ကျူးလွန်သူတွေကို ဖမ်းဆီးခြင်း မပြုခဲ့ဘူးလို့ ဒီအစီရင်ခံစာထဲမှာ ဖော်ပြထားပါတယ်။ ဒီအစီရင်ခံစာဟာ မြန်မာသမ္မတ ဦးသိန်းစိန် အမေရိကန် ပြည်ထောင်စုကို တရားဝင်ခရီး လာရောက် လည်ပတ်နေတဲ့အချိန်မှာ ထွက်လာတာလည်း ဖြစ်တဲ့ အတွက်ကြောင့် ဒီလို အခါသမယမှာ သမ္မတ ဦးသိန်းစိန်အနေနဲ့ မြန်မာနိုင်ငံမှာ ဖြစ်ပေါ်နေတဲ့ လူ့အခွင့်အရေး ချိုးဖောက်မှုတွေကို ဥပေက္ခာ ပြုမထားသင့်ဘူးလို့ ရစ်ချတ် စော်လွန်မ် (Richard Sollom) က ပြောပါတယ်။

ဒါ့ပြင် တနင်္လာနေ့မှာ သမ္မတ ဦးသိန်းစိန်နဲ့ အမေရိကန် သမ္မတ အိုဘားမားနဲ့ တွေ့ဆုံတဲ့အခါမှာလည်း မြန်မာနိုင်ငံမှာရှိတဲ့ လူနည်းစု လူမျိုးကွဲ၊ ဘာသာကွဲတွေရဲ့ အခွင့်အရေးတွေကို လေးစားဖို့ သမ္မတ အိုဘားမားအနေနဲ့ တိုက်တွန်းသင့်တယ်လို့ သူက ပြောပါတယ်။

“အခုအချိန်မှာ မြန်မာနိုင်ငံအပေါ်မှာ အမေရိကန်အစိုးရရဲ့ အရှိန်အ၀ါက ကြီးမားနေပါတယ်။ ၂၀၁၀ ရွေးကောက်ပွဲ ပြီးကတည်းက စီးပွားရေး အထောက်အပံ့တွေ၊ နိုင်ငံရေး အကူအညီတွေ ပေးခဲ့ပါတယ်။ ကျနော်တို့ Physicians for Human Rights အနေနဲ့ အမေရိကန်ရဲ့ အရှိန်အ၀ါကို ပြဖို့ မြန်မာနိုင်ငံမှာ နိုင်ငံရေး ပြောင်းလဲမှုဟာ စံသတ်မှတ်ထားတဲ့ အဆင့်ရောက်တဲ့အထိ အရေးယူ ပိတ်ဆို့မှုတချို့ ရှိသင့်တယ်လို့ ထင်ပါတယ်။ ဒီမိုကရေစီလမ်းစဉ်ရဲ့ ပထမခြေလှမ်းတွေထဲမှာ လူ့အခွင့်အရေး ချိုးဖောက်မှုတွေကို အဆုံးသတ်ဖို့နဲ့ အစ္စလာမ်ဘာသာ ဆန့်ကျင်ရေးတွေ၊ ဘာသာရေး ဆန့်ကျင်ရေးတွေကို ထုတ်ဖော်ပြောဆိုဖို့နဲ့ ပြစ်မှု ကျူးလွန်သူတွေကို အရေးယူဖို့ လိုအပ်ပါတယ်။”

ဒါ့ပြင် ကုလသမဂ္ဂအနေနဲ့လည်း ဒီအကြမ်းဖက်မှုနဲ့ပတ်သက်ပြီး စုံစမ်းစစ်ဆေးမှု ပြုလုပ်သင့်တယ်လို့ သူက ပြောပါသေးတယ်။

“ဂျနီဗာမှာရှိတဲ့ ကုလသမဂ္ဂ လူ့အခွင့်အရေး ကောင်စီအနေနဲ့ ဒီအဖြစ်အပျက်နဲ့ ပတ်သက်ပြီး စုံစမ်းစစ်ဆေးရေး ကော်မရှင်လုပ်ဖို့ လိုအပ်ပါတယ်။ ဘာလို့လဲဆိုတော့ မြန်မာအစိုးရအနေနဲ့ သေသေချာချာ စုံစမ်းစစ်ဆေးမှုတွေ လုပ်တာမရှိဘဲ အကြမ်းဖက်မှုမှာ ပါဝင်တဲ့ မူဆလင်တချို့ကိုပဲ ထောင်ဒဏ် ၁၄ နှစ် ချမှတ်ထားပြီးတော့ ဒီကိစ္စနဲ့ပတ်သက်ပြီး ပြစ်မှုကျူးလွန်တဲ့ ဗုဒ္ဓဘာသာဝင်တွေကို စုံစမ်းစစ်ဆေးခြင်း တရားစွဲဆိုခြင်း မရှိခဲ့ပါဘူး။ ဒါကြောင့် ကုလသမဂ္ဂအနေနဲ့ လွတ်လပ်တဲ့ စုံစမ်းစစ်ဆေးမှု ကော်မရှင် ဖွဲ့စည်းဖို့ လိုအပ်တာ ဖြစ်ပါတယ်။”

မြန်မာအစိုးရနဲ့ အပြည်ပြည်ဆိုင်ရာ အဖွဲ့အစည်းတွေအနေနဲ့ တိုင်းရင်းသားတွေနဲ့ ဘာသာကွဲ လူနည်းစုတွေကို အကာအကွယ်ပြုဖို့ လူ့အခွင့်အရေး စုံစမ်းစစ်ဆေးမှုတွေ၊ သတင်းထောက်တွေနဲ့ လူသားချင်း စာနာမှုဆိုင်ရာ ၀န်ထမ်းတွေကို အတားအဆီးမရှိ ၀င်ရောက်ခွင့် ပြုသင့်တယ်လို့လည်း အစီရင်ခံစာထဲမှာ ထည့်သွင်း အကြံပြုထားပါတယ်။ နောက်ပြီး မြန်မာအစိုးရအနေနဲ့ သူ့လုံခြုံရေးတပ်ဖွဲ့ကို အရေးမယူမခြင်း တခြား လုံခြုံရေး အထောက်အပံ့တွေ မပေးဖို့လည်း အစီရင်ခံစာထဲမှာ ထည့်သွင်းဖော်ပြထားပါတယ်။

Ref: ဗွီအိုအေ

Read More...

Collapse...

ဘာသာရေးလွတ်လပ်ခွင့် စိုးရိမ်ရတဲ့နိုင်ငံတွေစာရင်းထဲ မြန်မာပါဝင်

ကိုသားညွန့်ဦး

21.05.2013
ကမ္ဘာ့နိုင်ငံအရပ်ရပ်မှာ ပြီးခဲ့တဲ့နှစ်အတွင်း ဘာသာရေး လွတ်လပ်ခွင့်ဟာ စိန်ခေါ်အကဲစမ်း ခံခဲ့ရတယ်လို့ အမေရိကန်ပြည်ထောင်စုက ထုတ်ပြန်ပြောဆိုပါတယ်။ အစိုးရတွေကြောင့် သည်းခံနားလည်မှုမရှိတဲ့ ပတ်ဝန်းကျင် အခြေအနေတွေ ဖြစ်ပေါ်ခဲ့ပြီး၊ အဲ့ဒီကနေ အမုန်းတရားတွေ၊ အကြမ်းဖက်မှုတွေ ပေါ်ပေါက်စေခဲ့တယ်လို့ အမေရိကန် နိုင်ငံခြားရေးဌာနက ထုတ်ပြန်တာပါ။ မြန်မာနိုင်ငံကဆိုရင်လည်း ဘာသာရေး လွတ်လပ်ခွင့်အရ စိုးရိမ်ရတဲ့ နိုင်ငံစာရင်းထဲမှာပဲ အမေရိကန်ပြည်ထောင်စုက ထည့်သွင်းထားပါတယ်။ ဒီအကြောင်း အပြည့်အစုံကိုတော့ ကိုသားညွန့်ဦး က တင်ပြထားပါတယ်။

နိုင်ငံတွေမှာ ဘာသာရေး လွတ်လပ်ခွင့်တွေ ချိုးဖောက်ခံနေရတဲ့ တချိန်တည်းမှာပဲ အစိုးရ တာဝန်ရှိသူတွေဘက်က ကျူးလွန်မှုတွေဟာ အရေးယူမခံရဘဲ ကင်းလွတ်ခွင့် ရနေတယ်လို့ အမေရိကန် နိုင်ငံခြားရေး ဌာနရဲ့ နိုင်ငံအရပ်ရပ် ဘာသာရေး လွတ်လပ်ခွင့်ဆိုင်ရာ နှစ်ပတ်လည် အစီရင်ခံစာထဲမှာ ဖော်ပြထားပါတယ်။ ဒါ့အပြင် ဘာသာရေး လွတ်လပ်ခွင့်ဆိုင်ရာ ဥပဒေတွေကို အကောင်အထည်ဖော် ကျင့်သုံးရာမှာ မမျှတမှုတွေနဲ့ ကန့်သတ်ချက်သစ်တွေ ထုတ်ပြန်တာတွေကိုလည်း ထောက်ပြ ဝေဖန်ထားပါတယ်။

ဘာသာရေး လွတ်လပ်ခွင့်ဆိုတာဟာ လူသားတိုင်းရဲ့ မွေးရာပါ အခွင့်အရေး ဖြစ်ပေမဲ့လည်း မကြာခဏဆိုသလိုပဲ ကန့်သတ်ချုပ်ချယ် ခံနေရတယ်လို့ အမေရိကန် နိုင်ငံခြားရေးဝန်ကြီး ဂျွန်ကယ်ရီ (John Kerry) က ပြောပါတယ်။ ကမ္ဘာအနှံ့အပြား ဘာသာရေး လွတ်လပ်ခွင့်ဆိုတာဟာ အမေရိကန် ပြည်ထောင်စုအတွက် စိုးရိမ်စရာ အမျိုးသား လုံခြုံရေးကိစ္စ ဖြစ်တယ်လို့လည်း မစ္စတာ ကယ်ရီ က ပြောပါတယ်။

“တိုင်းပြည်တွေမှာ ဘာသာရေး လွတ်လပ်ခွင့်ကို ထိပါး စော်ကားတာဟာ သူတို့ ပစ်မှတ်ထားတဲ့ လူတွေကိုပဲ တဖက်သတ် ခြိမ်းခြောက်တာ မဟုတ်ပါဘူး။ ဒါဟာ အဲဒီ တိုင်းပြည်ရဲ့ ကိုယ်ပိုင် တည်ငြိမ်မှုကို ခြိမ်းခြောက်တာပါ။ ဒါမျိုးတွေကို နေရာ အတော်များများမှာကို တွေ့ရပါတယ်။ ဘာသာရေး လွတ်လပ်ခွင့်ကို ထိပါးတယ် ဆိုတာဟာ အမေရိကန် ပြည်ထောင်စုအတွက် လူ့ဂုဏ်သိက္ခာ ကျင့်ဝတ်ဆိုင်ရာ ရပ်တည်ချက်အရရော၊ မဟာဗျူဟာမြောက် အမျိုးသား လုံခြုံရေးအရပါ စိုးရိမ်စရာ ဖြစ်ပါတယ်။”

ဘာသာရေး လွတ်လပ်ခွင့်တွေကို ချိုးဖောက်နေတဲ့ ဘာသာရေး ပုတ်ခတ်စော်ကားမှုကို အရေးယူတဲ့ ဥပဒေ၊ ဘာသာကူးပြောင်းမှုကို အရေးယူတဲ့ ဥပဒေတွေကို တိုးပြီး ကျင့်သုံးလာတာတွေဟာ ခွဲခြားဆက်ဆံမှု ပုံစံတရပ် ဖြစ်လာတယ်လို့ မစ္စတာ ကယ်ရီ က ပြောပါတယ်။

ဘာသာရေးအရ ပုတ်ခတ် စော်ကားတယ်ဆိုတဲ့ စွဲချက်နဲ့ အရေးယူခံရတဲ့ နိုင်ငံတွေမှာဆိုရင် ဆော်ဒီအာရေးဗီးယား၊ အီဂျစ်၊ လစ်ဗျား၊ တူနီးရှား၊ အီရန်နဲ့ အီရီသရီယား စတဲ့ နိုင်ငံတွေ ကို ဝေဖန်ထားပါ တယ်။ မြန်မာနိုင်ငံတွင်း ဘာသာရေး ချုပ်ချယ် ကန့်သတ်မှုတွေ ရှိတဲ့အပေါ်မှာလည်း ဒီအစီရင်ခံစာထဲမှာ ဝေဖန် ဖော်ပြထားပါတယ်။

အဓိကအချက်ကတော့ မူဆလင်လူနည်းစုတွေအပေါ် ချုပ်ချယ်ကန့်သတ်တဲ့ ကိစ္စပါ။ မြန်မာနိုင်ငံတွင်းမှာ အပြောင်းအလဲတွေ တွေ့လာရပေမဲ့ ဘာသာရေး လွတ်လပ်ခွင့်ဆိုင်ရာ အပြောင်းအလဲတွေ သိပ်မတွေ့ရသေးဘူးလို့ နိုင်ငံခြားရေးဌာနရဲ့ ဘာသာရေး လွတ်လပ်ခွင့်ဆိုင်ရာ အထူးသံအမတ်ကြီး စူဇန် ဂျွန်စန် ကွတ် (Suzan Johnson Cook) က မနေ့က သတင်းစာ ရှင်းလင်းပွဲမှာ ပြောသွားပါတယ်။

“ကျမတို့ ပြောထားတဲ့အတိုင်းပါပဲ အထူးသဖြင့် မြန်မာနိုင်ငံမှာ စီးပွားရေးနဲ့ တခြား ပြောင်းလဲလာတဲ့ လက္ခဏာတွေ တွေ့ရပေမဲ့ ဘာသာရေး လွတ်လပ်ခွင့်ဆိုင်ရာ ပြောင်းလဲမှုကတော့ သိပ်မတွေ့ရသေးပါဘူး။ ကျမတို့နိုင်ငံက အဆင့်မြင့် ကိုယ်စားလှယ်တွေဖြစ်တဲ့ နိုင်ငံခြားရေးဝန်ကြီးတွေ၊ လက်ထောက် နိုင်ငံခြားရေးဝန်ကြီးတွေ သွားတဲ့အခါတိုင်း မြန်မာအစိုးရနဲ့ တွေ့ဆုံတဲ့အခါ ဘာသာရေး လွတ်လပ်ခွင့်ကိစ္စတွေကို ဆက်ပြီး ဆွေးနွေးပြောဆိုခဲ့ပါတယ်။ ဒီအချိန်မှာတော့ ဘာသာရေး လွတ်လပ်ခွင့်နဲ့ပတ်သက်လို့ တိုးတက်မှု မရှိသေးဘူးလို့ ပြောရပါလိမ့်မယ်။”

ဘာသာရေး လွတ်လပ်ခွင့်တွေကို ဆိုးဆိုးရွားရွား ချိုးဖောက်မှုတွေရှိနေတဲ့ နိုင်ငံစာရင်းတွေကို စာရင်းပြုစုဖို့ အမေရိကန် ပြည်ထောင်စုရဲ့ ဘာသာရေး လွတ်လပ်ခွင့်ဆိုင်ရာ ဥပဒေမှာ ဖော်ပြ ပါရှိပါတယ်။ အဲ့ဒီ Interanional Religious Freedom Act ဥပဒေမှာဆိုရင် ဘာသာရေး ချိုးဖောက်မှု ဆိုးဆိုးရွားရွားရှိတဲ့ တိုင်းပြည်တွေ CPC စိုးရိမ်ဖွယ်ကောင်းတဲ့ နိုင်ငံတွေဆိုပြီး စာရင်းပြုစုထားပါတယ်။ ဒီအထဲ မှာ မြန် မာနိုင်ငံက ၁၉၉၉ ခုနှစ်ကတည်းက ထည့်သွင်းခံခဲ့ရတာ အခုထိ ဖြစ်ပါတယ်။

အမေရိကန် ပြည်ထောင်စု သမ္မတ ဘရက်ခ် အိုဘားမား (Barack Obama) အပါအ၀င် အမေရိကန် ထိပ်တန်း အရာရှိကြီးတွေ မြန်မာအာဏာပိုင်တွေနဲ့ တွေ့ဆုံတဲ့အခါတိုင်းမှာလည်း မကြာခင်နှစ်တွေ အတွင်းက ဖြစ်ပျက်ခဲ့တဲ့ ဘာသာရေး အဓိကရုဏ်းတွေနဲ့ ပတ်သက်လို့ စိုးရိမ်ပူပင်ကြောင်း၊ တရားဥပဒေ စိုးမိုးရေးနဲ့၊ အာဏာပိုင်တွေရဲ့ ကျူးလွန်မှုတွေကို ဖော်ထုတ်အရေးယူဖို့ ဆိုတာတွေကို မပြတ် တိုက်တွန်းနေခဲ့တာ ဖြစ်ပါတယ်။


Ref: ဗွီအိုအေ

Read More...

Collapse...

ဒေါ်လာဈေး မြင့်တက်မှုကြောင့် စက်သုံးဆီနှင့် အခြေခံစားကုန်များ ဈေးတက်

ညိမ်းပြည့်စုံ| May 20, 2013

အမေရိကန်ဒေါ်လာနှင့် မြန်မာငွေ လဲလှယ်နှုန်းထားတွင် ဒေါ်လာတန်ဖိုး တရိပ်ရိပ် မြင့်တက်လာမှုကြောင့် ပြည်ပမှ တင်သွင်းသော စက်သုံးဆီ အပါအ၀င် သွင်းကုန်များ၏ ဈေးနှုန်းများ မြင့်တက်လာပြီး တခြားသော အခြေခံ စားသောက်ကုန်များ ဖြစ်သည့် ဆန်နှင့်ဆီ ဈေးနှုန်းများပါ လိုက်ပါ မြင့်တက်လာကြောင်း သိရှိရသည်။

ကုန်စည် သယ်ယူပို့ဆောင်ရေးနှင့် ကုန်ထုတ် လုပ်ငန်းများအတွက် အဓိက အားထားနေရသော ပြည်ပမှ သွင်းကုန်တခု ဖြစ်သော စက်သုံးဆီ ဈေးနှုန်းများမှာ ဒေါ်လာတန်ဖိုး မြင့်တက်မှုကြောင့် ရက်ပိုင်းအတွင် ဈေးတက်လာကြောင်း၊ စက်သုံးဆီ အသုံးပြုရသည့် လုပ်ငန်းများ၊ တင်သွင်းရသည့် လုပ်ငန်းများ၊ ကုန်ပစ္စည်းများမှာ ဈေးနှုန်း မြင့်တက် လာရခြင်း ဖြစ်ကြောင်း မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များအသင်းချုပ်မှ စီးပွားရေးလုပ်ငန်းရှင် ဒေါက်တာ မောင်မောင်လေးက ပြောသည်။

“စက်သုံးဆီ ဈေးတက်လာတာ၊ ဒေါ်လာဈေးတွေ အတက်အကျ ကြမ်းလာတာကို သတိထားမိတယ်။ အမှန်ဆို ဒီလို အတက်အကျ ကြမ်းတာကြောင့် ဈေးနှုန်းသတ်မှတ်ရတာတွေ ခက်လာမယ်၊ အခုလို သွင်းကုန်ကို အားကိုးနေရတဲ့ အချိန်တွေမှာ စက်သုံးဆီတွေ ဈေးတက်သွားတဲ့ အတွက် သွင်းကုန်တွေနဲ့ တခြား ကုန်စည်တွေပါ ဈေးတက်လာတယ်။ အခုလို ဈေးတက်တာကလည်း ခေတ္တ ယာယီသဘောလောက်ပဲ ထင်ပါတယ်။ ဈေးကွက်နဲ့ ဝယ်လိုအားကြောင့်သာ ဖြစ်တယ်လို့ ကျနော်ထင်ပါတယ်” ဟု ဒေါက်တာမောင်မောင်လေးက ရှင်းပြသည်။

လက်ရှိတွင် အစိုးရက စက်မှုဇုန်များ အားလုံးကို လျှပ်စစ်မီး ၂၄ နာရီ ရက် အကန့်အသတ်မရှိ ဖြတ်တောက်ထားကြောင်း၊ စက်မှု လုပ်ငန်းရှင်များသည် စက်သုံးဆီများကိုသာ အသုံးပြု၍ အဓိက လုပ်ငန်း လည်ပတ်နေရကြောင်း၊ စက်သုံးဆီ ဈေးနှုန်းများ မြင့်တက် လာမှုကြောင့် ထုတ်လုပ်မှု စရိတ်ပါ မြင့်မားလာကြောင်း စက်မှုလုပ်ငန်းရှင် အများစုက ဆိုကြသည်။

ဒီဇယ်ဆီ တပေပါလျှင် ကျပ် ၁ သိန်း ၉ သောင်းကျော် ရှိရာမှ ကျပ် ၅ သောင်းခန့် ထပ်မံ မြင့်တက်သွားကြောင်း၊ စက်သုံးဆီ ဈေးနှုန်း မြင့်တက်နေမှုကြောင့် စက်မှုလုပ်ငန်းတချို့ လုပ်ငန်းရပ်နားထားကြောင်း သိရှိရသည်။

“ဈေးကြီးပေးပြီး စက်သုံးဆီတွေကို ဝယ်နေရတဲ့ ပိုက်ဆံတွေက ကျနော်တို့ရဲ့ အမြတ်တွေပေါ့။ အခုတော့ အမြတ်ထဲကနေ စက်သုံးဆီတွေကို ဈေးကြီးပေးပြီး ဝယ်နေရသလို ဖြစ်နေတယ်။ အခုလို တဒေါ်လာကို တထောင်ကျပ် မပြည့်သေးတဲ့ အချိန်မှာတောင် ဒီလို ဂယက်တွေ ဖြစ်နေတယ်။ တဒေါ်လာ တထောင်ကျော်ပြီးတော့ ဒီထက် များလာမယ်ဆိုရင် ဘယ်လိုတောင် ဖြစ်လာမလဲ မသိဘူး။ တချို့လုပ်ငန်းရှင် တွေဆိုရင် မီးစဖြတ်ကတည်းက လုပ်ငန်းနားလိုက်ကြတယ်။ တချို့ကြတော့လည်း မနားဘဲ တင်းခံပြီးလုပ်နေကြပေမယ့် အခုလို ဈေးနှုန်းတွေ တက်လာတော့ မတောင့်ခံနိုင်ကြတော့ဘူး။ ကျနော့်အသိတွေထဲက တချို့တွေဆို လုပ်ငန်း ခဏ နားထားရတယ်” ဟု ဒဂုံတောင် စက်မှုဇုန် ၁ ရှိ SNW အထွေထွေ စက်မှုလက်မှု လုပ်ငန်းမှ လုပ်ငန်းရှင် ဦးစိုးနိုင်ဝင်းက ပြောသည်။

စက်သုံးဆီဈေးနှုန်း မြင့်တက်မှုကြောင့် သယ်ယူပို့ဆောင်ရေး စရိတ်နှင့် တခြား စရိတ်များပါ မြင့်တက်လာရာ နောက်ဆက်တွဲ အနေဖြင့် ဈေးကွက်တွင် အခြေခံ စားသောက်ကုန်များဖြစ်သည့် ဆန်၊ ဆီ၊ ပဲတို့၏ ဈေးနှုန်းများ မြင့်တက် လာကြောင်း သိရှိရသည်။

စားအုန်းဆီ ဈေးနှုန်းသည် တပိဿာ ကျပ် ၁၄၀၀ ဝန်းကျင်မှ ၁၅၂၅ ကျပ်အထိ မြင့်တက်လာပြီး ဆန်ဈေးနှုန်း များမှာလည်း တရိပ်ရိပ် မြင့်တက်လာနေကြောင်း ဈေးကွက်အတွင်းမှ စုံစမ်းသိရှိရသည်။

“ဆန်ဈေးတွေက ၁၁ ရက်နေ့လောက်အထိကို ပေါ်ဆန်းတအိတ်ဆိုရင် ၃ သောင်းဝန်းကျင်ပဲ ရှိနေပေမယ့် အခုဆိုရင် ၃ သောင်း ၄ ထောင်ကျော်နေပြီ၊ ဖျာပုံဆိုရင် ၂ သောင်း ၉ ထောင်၊ မြောင်းမြရှယ်ဆိုရင် ၃ သောင်းအထိ တက်လာတယ်။ ရောင်းတဲ့သူတွေ ကတော့ အခုကတည်းက ဝယ်လှောင်နေကြပြီ။ ရှေ့ဆက် ဒီထက်ပိုပြီး ဈေးမတက်ခင် ဝယ်ထားကြတာ ပိုများလာတယ်” ဟု ဘုရင့်နောင်မှ ဆန်ကုန်သည် ကိုထွန်းထွန်းက ပြောသည်။

အမေရိကန်ဒေါ်လာ တန်ဖိုးမြင့်တက်လာသည်နှင့် အမျှ စက်သုံးဆီနှင့် အခြေခံ စားသောက်ကုန် ဈေးနှုန်းများ ဆက်လက်မြင့် တက်မည်ဟု စီးပွားရေး လုပ်ငန်းရှင်များနှင့် စီးပွားရေး ပညာရှင်တချို့က သုံးသပ်ပြောဆိုသည်။

ယနေ့ နိုင်ငံခြားငွေ လဲလှယ်ရောင်းဝယ်သည့် ဈေးကွက်တွင် အမေရိကန်တဒေါ်လာကို မြန်မာငွေ ၉၄၇ ကျပ်အထိ ဈေးနှုန်း အမြင့်ဆုံး မြင့်တက်သွားကြောင်း ဈေးကွက်အတွင်းမှ စုံစမ်းသိရှိရသည်။

Ref: ဧရာဝတီ

Read More...

Collapse...

လုံချည်များဖြင့် လွတ်မြောက်ခြင်း

ပေါလ် ဗရီးဇ်နှင့် လ၀ီဝမ်| May 20, 2013

မြန်မာနိုင်ငံတွင် တံခါးဖွင့်ဝါဒ ကျင့်သုံးလိုက်သဖြင့် နိုင်ငံရပ်ခြားမှ အတွေးအခေါ် အယူအဆများ၊ ဖက်ရှင်ဒီဇိုင်းများ နိုင်ငံတွင်းသို့ ၀င်ရောက်လာသည်။ ထို့အတူ နိုင်ငံခြားသားများလည်း နိုင်ငံတွင်းသို့ ပိုဝင်လာနေခဲ့သည်။

မြန်မာနိုင်ငံသို့ လာရောက် လည်ပတ်ကြသည့် နိုင်ငံခြားသားများက မြန်မာ့ယဉ်ကျေးမှုများကို စိတ်ဝင်စားလာကြသဖြင့် မြန်မာ့ရိုးရာ ပုဆိုး လုံချည်များကို ၀တ်ကြည့်ခြင်းသည် ခရီးသွား နိုင်ငံခြားသား များကြား ခေတ်စားလာသည်ဟု ဆိုနိုင်ပါသည်။

လုံချည်ဝတ်ထားသည့် နိုင်ငံခြားသား ခရီးသွား အများအပြားကို ရန်ကုန်မြို့ရှိ ရွှေတိဂုံစေတီ တော် မြတ်ကြီးတွင် တွေ့မြင်နိုင်ပါသည်။

ဒတ်ခ်ျ် လူမျိုး ခရီးသွား သော်စတင်းရိုးဘက်က လုံချည်သည် အပူပိုင်းဒေသ အတွက် သင့်တော်သည့် အ၀တ်အစားဖြစ်သည်ဟု ချီးမွမ်းသည်။

“ကျနော်တို့ ရွှေတိဂုံစေတီကို လာတုန်းက ဘောင်းဘီနဲ့ဗျ။ ဒါပေမယ့် လုံချည်ဝတ်ရတာ ပိုပြီးသင့်တော်မယ်လို့ ကျနော် ထင်တယ်” ဟု ညီမ ဖြစ်သူနှင့် အတူ ခရီးထွက်လာသည့် ကျောင်းသား လူငယ် တဦးကလည်း ပြောသည်။သူက “ဒီလို ပူတဲ့ ရာသီမှာ လုံချည်ဝတ်ရတာ ပိုပြီး သက်သောင့် သက်သာရှိတယ်။ နောက်ပြီး လေ၀င်လေထွက်လည်း ကောင်းတယ်” ဟူ၍၎င်း၊ “လုံချည် စ ၀တ်တုန်းကတော့ ခပ်ခက်ခက်ပေါ့။ ခဏခဏ ကျွတ်ကျတယ်။ ဒါပေမယ့် လူတွေက ၀တ်ပုံဝတ်နည်း ပြပေးတယ်။ တခုပဲ ပြောစရာ ရှိတယ်၊ လုံချည်မှာ အိပ်ကပ် မပါတာပဲ” ဟု၎င်း ပြောဆိုသေးသည်။

အနောက်နိုင်ငံသား အမျိုးသား တဦးအဖို့ အထည်စနှင့် တူသော အ၀တ်အစားကို ၀တ်ဆင်ရသဖြင့် တမျိုး ဖြစ်မနေဘူးလားဟု မေးကြည့်ရာ “ဒါကလည်း အ၀တ်အစားနဲ့ ပတ်သက်ပြီး ကိုယ်ဘယ်လို ရှုမြင်သလဲ ဆိုတဲ့ အပေါ် မူတည်တယ်။ စကော့တလန်တွေလည်း မြန်မာလုံချည်နဲ့ တူတဲ့ ဒူးဆစ်လောက် အရှည် Kilt ဆိုတာကို ၀တ်ကြတာပဲ လေ” သော်စတင်းရိုးဘက်က ဆိုသည်။

လုံချည်ဝတ်ဆင်ခြင်းက နိုင်ငံခြားခရီးသွားများအကြား ရေပန်းအစားဆုံး ဖြစ်လာသည်ဟု ရွှေတိဂုံစေတီတော်တွင် အမှတ်တရ ပစ္စည်းနှင့် အ၀တ်အစားရောင်းသူ များက ပြောဆိုသည်။

ရွှေတိဂုံစေတီတော် အရှေ့ဘက်စောင်းတန်းရှိ ဆိုင်ပိုင်ရှင် ကိုဇော်မျိုးထက်က “နိုင်ငံခြားသားတွေကို တပတ်မှာ ၇ ထည်လောက် ပုံမှန်ရောင်းရတယ်။ တခါတလေများဆိုရင် ၁၀ ထည် ၁၅ ထည်အထိ ရောာင်းရတဲ့ ရက်တွေလည်း ရှိတယ်။ နိုင်ငံခြားသားတွေက အုပ်စုလိုက်ရောက်လာပြီး တယောက် တထည် ၀ယ်သွားကြတာပါ” ဟု ပြောသည်။

လုံချည်လာဝယ်တဲ့ နိုင်ငံခြားသား အများစုက သြစတြေးလျ၊ အီတလီနှင့် ပြင်သစ် နိုင်ငံတွေမှ လာရောက် လည်ပတ်သူများ ဖြစ်တယ်လို့ ဆိုပါတယ်။

“လုံချည် ဘယ်လို ၀တ်ရတယ် ဆိုတာ သူတို့ကို ကျနော်က ပြပေးရတယ်။ ပထမဆုံး လုံချည်ရဲ့ ဘယ်ဘက်ကို ခေါက်လိုက်၊ နောက် ညာဘက်ကို ခေါက် ပြီးတော့ ချည်လိုက် စသဖြင့် ပြောပြပေးရတယ်။ သူတို့ ဘာဖြစ်လို့ လုံချည်ကို ကြိုက်သလဲ ဆိုတော့ လုံချည်ဝတ်ရင် လမ်းလျှောက်ရတာ လွယ်တယ်၊ လေ၀င်လေထွက်လည်း ကောင်းတယ်။ မြန်မာနိုင်ငံကို လာလည်တုန်း မြန်မာတွေရဲ့ လူနေမှု ပုံစံကို ခံစားချင်ကြတာ” ဟု ကိုဇော်မျိုးထက်က ရှင်းပြသည်။

မန္တလေးတွင် ရက်လုပ်သည့် လုံချည်တထည် တန်ဘိုးမှာ အမေရိကန် ဒေါ်လာ ၃ ဒေါ်လာခန့် ကုန်ကျသည်ဟု ဆိုသည်။

“နိုင်ငံခြားသားတွေ လုံချည်ဝတ်တာ ကြည့်လို့ ကောင်းတယ်။ သူတို့က တောသားတွေလို လုံချည်ကို တိုတို ၀တ်တယ်။ မြို့သားတွေက ခြေမျက်စေ့ အထိ လုံချည်ကို ရှည်ရှည်ဝတ်တယ်လေ” ဟု ကိုဇော်မျိုးထက်နှင့် စပ်တူလုပ်ကိုင်သူ သူငယ်ချင်းက ပြုံးရင်း ပြောသည်။

တိုင်းရင်းသားများ ဒေသများ အပါအ၀င် မြန်မာနိုင်ငံ ဒေသ အသီးသီး၌ အမျိုးသမီးရော အမျိုးသားများပါ လုံချည်ဝတ်ဆင်ကြပြီး အထူး အခမ်းအနားများတွင် ပိုးလုံချည် ၀တ်ဆင်လေ့ ရှိသည်။

ထို့အပြင် စစ်အစိုးရ အဖွဲ့ဝင် ဗိုလ်ချုပ်ကြီးများသည် ၂၀၁၀ ပြည့်နှစ် ဇွန်လတွင် ၎င်းတို့၏ စစ်ယူနီဖောင်းမှ တိုက်ပုံအင်္ကျီအဖြူ နှင့် ပိုးလုံချည်ကို ပြောင်းလဲ ၀တ်ဆင်ခဲ့ကြပြီး လွှတ်တော်နှင့် အစိုးရ အခမ်းအနားများတွင် ၀တ်ဆင်လာခဲ့ခြင်းကလည်း လူတကာပြောရသည့် ဖက်ရှင်အပြောင်းအလဲဖြစ်သည်။

မြန်မာလူမျိုးများ လက်ရှိ ၀တ်ဆင်နေသည့် လုံချည်မှာ အိန္ဒိယမှ မြန်မာနိုင်ငံသို့ ရောက်ရှိလာခြင်း ဖြစ်သည်။ ယောက်ျားများ အတွက် ပုဆိုးဟု ခေါ်ပြီး မိန်းကလေးများအတွက် ထဘီဟု ခေါ်ဆိုသည်။

၁၉ ရာစု ကိုလိုနီခေတ်တွင် မြန်မာနိုင်ငံ၌ အုပ်ချုပ်ရေး တာဝန်လာရောက် ထမ်းဆောင်သူ ဂျိမ်းဂျော့စကော့ James George Scott က ၎င်း ၁၈၈၂ ခုနှစ်၌ ရေးသားသည့် ဂန္ထ၀င်စာအုပ် “မြန်မာ- သူတို့ဘ၀ နှင့် သူတို့ လိုအင်များ” တွင် မြန်မာတို့၏ ရိုးရာအ၀တ်အစား အကြောင်းကို ပထမဆုံး ရေးသား ဖော်ပြခဲ့သည်။

မြန်မာ အ၀တ်အစားမှာ ရိုးစင်း လှပ၍ ရှုချင်စဖွယ် ရှိကြောင်း၊ ပုဆိုး ဆိုသည်မှာ ပိုးထည်စ ဖြစ်ပြီး ခန္ဓာကိုယ်ကို ပတ်၍ ၀တ်ဆင်ရသည့် အ၀တ်အစားမျိုး ဖြစ်သည်။ ခန္ဓာကိုယ် အရှေ့ပိုင်းရှိ ပုဆိုးစကို ကျစ်၍ ကျန်နေသည့် အစကို ပခုံးပေါ် ကြော့မော့စွာ တင်ထားရသည်။ သို့မဟုတ် ခေါက်၍ ခါး၌ ချိတ်ထားရမည် ဟု စကော့က ရေးသားထားသည်။

ဝတ်ဆင်မှုစတိုင် ပြောင်းခဲ့ပြီ ဖြစ်သော်လည်း လုံချည်ဝတ်ဆင်ရသည်ကို တန်ဖိုးထား လက်ခံသည့် နိုင်ငံခြားသား နောက်တဦးမှာ ဒီမိုကရက်တစ် မြန်မာ့အသံမှ ၀က်ဘ်ဆိုက် အယ်ဒီတာ ဒေးဗစ် စတောက် ဖြစ်သည်။

“လုံချည် ၀တ်ရတာ သက်သောင့်သက်သာ ရှိတယ်၊ အေးတယ်၊ ရာသီဥတုနဲ့လည်း လိုက်ဖက်တယ်၊ စတိုင်ကျတယ်” ဟု ၎င်းက ဧရာဝတီသို့ ပြောသည်။ ၎င်းက ဆက်၍ “လွန်ခဲ့တဲ့ သုံးနှစ်က အားလပ်ရက်ခရီး အဖြစ် ရန်ကုန်ကို ရောက်တုန်း ရောက်ခိုက် လုံချည် ၀တ်ကြည့်တော့ လွတ်လပ် ပေါ့ပါးတဲ့ လူတယောက်လို ခံစားရတယ်” ဟု ပြောသည်။

“ယောက်ျား တယောက် စကတ်ဝတ်မယ် ဆိုရင် လူတိုင်းက ဒီလူတော့ တခုခု လွဲနေပြီလို့ ယူဆတဲ့ ယဉ်ကျေးမှု ရှိတဲ့ အရပ်က ကျနော် လာတာပါ။ မြန်မာနိုင်ငံမှာတော့ ဒီလို မဟုတ်ဘူး။ ဒီလို ၀တ်တာဟာ မှန်တယ်လို့ ပြောရမယ်” ဟု ဒေးဗစ်စတောက်က ပြောသည်။

၎င်းအပြင် မြန်မာလူမျိုးတို့၏ အကောင်းဘက်က မြင်တတ်တဲ့ သဘာဝကိုလည်း ပြန်ပြောပြပါသည်။

“ကျနော်က အပြာရောင် လုံချည်ကို ၀တ်တယ်၊ ကျနော့် သူငယ်ချင်းက နီညိုရောင် ကို ၀တ်တယ်။ ကျနော်တို့ ၂ ယောက် လမ်းမပေါ် လျှောက်နေတုန်း အမျိုးသား တယောက်ရောက်လာပြီး ချောတယ် လို့ပြောသွားတယ်။ ကျနော် ကတော့ ဒီလို ပြောတာဟာ ကျက်သရေ ရှိလိုက်တာ လို့ ပြောတာလို့ ယူဆပါတယ်” ဟု ဒေးဗစ်စတောက်က ပြောပြသည်။

Ref: ဧရာဝတီ

Read More...

Collapse...

“နောက်ကျော ဓားနဲ့ အထိုးခံခဲ့ရတာ”

May 20, 2013

၉ နှစ်တာမျှ နိုင်ငံတော် စာရင်းစစ်ချုပ်၊ ပြည်ထောင်စု စာရင်းစစ်ချုပ် အဖြစ် တာဝန်ထမ်းဆောင် ခဲ့ပြီး ယခုလက်ရှိ မွန်ပြည်နယ် ဘီးလင်းမြို့အဝင်တွင် အောင်ပြည့်စုံ အမည်ရှိ ထမင်းဆိုင်ကို ဦးစီးဖွင့်လှစ် လုပ်ကိုင်နေသည့် အငြိမ်းစား ဗိုလ်ချုပ် လွန်းမောင် (ယခု ဦးလွန်းမောင်) ၏ ပြည်ထောင်စု စာရင်းစစ်ချုပ် တာဝန်မှ အနားပေးခံခဲ့ရသော ဖြစ်ရပ်နှင့် ပတ်သက်၍ ဧရာဝတီ သတင်းထောက် မေခက သွားရောက်တွေ့ဆုံ မေးမြန်းခဲ့ပါသည်။

မေး။ ။ လက်ရှိရွေးချယ်ခဲ့တဲ့ ဘ၀က ဦးလွန်းမောင်အတွက် အံဝင်ခွင်ကျတဲ့ ဘ၀တခုလို့ ပြောလို့ရပါသလား။

ဖြေ။ ။ ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်မှာ ငယ်ငယ်က ဘ၀ ကြမ်းသလောက် မကြမ်းပါဘူး၊ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ ဘ၀မှာ နေပျော်နေဖို့ လိုပါတယ်။ အခုအချိန်မှာ ဒီအလုပ်အတွက် အချိန်တောင် မလောက်ပါဘူး။

မေး။ ။ နိုင်ငံတနိုင်ငံလုံးရဲ့ စာရင်းစစ်ချုပ် တယောက် ဘ၀ကနေ ဒီလိုမျိုး ဈေးရောင်းရတဲ့ ဘ၀တခုနဲ့ ဖြတ်သန်းဖို့ ဘယ်လိုစိတ်ကူး ရခဲ့တာလဲ။ အရင်ကတည်းက စိတ်ကူးထားခဲ့တာလား။

ဖြေ။ ။ ပြောင်းသွားတဲ့ ရည်ရွယ်ချက်ကတော့ ဒီလိုပါ။ နိုင်ငံတော်က အနားပေးလိုက်တယ် ဆိုတော့ နားလိုက်တာပေါ့။ နားချိန်မှာ အေးအေးဆေးဆေး နားချင်ပေမယ်လို့ အမျိုးသမီးရဲ့ လုပ်လက်စ ဒီဆိုင်လုပ်ငန်းကြီးရှိတော့ ကိုယ်က တယောက်တည်းကို လွှတ်ရုန်းလို့ မရဘူး။ မရတဲ့အခါ သူ့အလုပ်ကို ထောင့်ပေါင်းစုံ ဟာတဲ့ နေရာတွေမှာ လိုက်ဖြည့်ပြီး လုပ်ပေးတာပေါ့။ စားပွဲထိုး ၅ ယောက်လိုရင် အဲဒီနေရာကို ငါရအောင် လုပ်မယ်ဆိုတဲ့စိတ်နဲ့ နောက်ဆုံး ဗုန်းဗုန်းလဲသွားတဲ့ အထိပေါ့။ တချိန်တုန်းက နိုင်ငံ့ တာဝန်တွေ ထမ်းဆောင်နေတဲ့ အချိန်တုန်းကလို မိသားစုနဲ့နေလည်း မိသားစုတာဝန် ကျေရ မယ်ဆိုတဲ့ စိတ်နဲ့ လုပ်ဖြစ်ခဲ့တာ။ အမျိုးသမီးကလည်း ကိုယ်မပါဘဲ တယောက်တည်း ပင်ပန်းနေခဲ့ရတာ ၁၀ နှစ်ကျော်ရှိပြီ။ ကိုယ်က အခု ဝင်လုပ်တာ လပိုင်းပဲ ရှိသေးတယ်။

မေး။ ။ နိုင်ငံတာဝန် ထမ်းဆောင်တာနဲ့ မိသားစုတာဝန် ထမ်းဆောင်တာ ဘယ်ဟာပိုခက်ခဲလဲ။

ဖြေ။ ။ ဒါကတော့ ရိုးစင်းတာပေါ့။ ဒါက ခက်ခဲပေမယ့် ခေါင်းမသုံးရဘူးပေါ့။ ဘာလို့လဲ ဆိုရင် အဆင့်နိမ့်တာကိုး။ တပ်တာဝန် ကတော့ ဒီထက် အဆင့်မြင့်တာပေါ့။ တပ်မှာလည်း အမြင့်ဆုံးပေါ့ တပ်မတော် စစ်ဆေးရေး အရာရှိချုပ် လုပ်ခဲ့တာကိုး။ တပ်တာဝန်ကတော့ ကြီးတာပေါ့။ ကြီးတော့ ဦးဏှောက်စားရတာပေါ့။ ဒီဟာကတော့ ရိုးစင်းတဲ့ ဘ၀လေးပါ။

မေး။ ။ ဒီဘ၀ကိုကော ကျေနပ်နှစ်သက်ရဲ့လား။

ဖြေ။ ။ ကျေနပ်တာပေါ့။ ကြိုက်လို့ပဲ အခု ဖြတ်သန်းတာပေါ့။ အခုက ၀တ္တရား ကျေပွန်အောင် လုပ်တာမျိုးမဟုတ်ဘူး။ စေတနာနဲ့ လုပ်တာပေါ့။ ဒီမှာ အသေးစိတ်ကအစ ကိုယ်တိုင်လုပ်တယ်။ ထန်းလျက် ထည့်တာကအစ သေချာထည့်တယ်။ စားပွဲကအစ ဝင်သုတ်တယ်။ ဒီလိုမျိုး ဖြတ်သန်းရတာက ဘာပဲပြောပြော စေတနာနဲ့ လုပ်ဆောင်နေတာမို့ စိတ်ချမ်းသာ နေရတာပေါ့။

မေး။ ။ အောက်ခြေသိမ်း အလုပ်ကို လုပ်ဆောင်တော့ အရင်ဘ၀နဲ့ တော်တော် ကွာဟသွားပြီ။ ဒီလိုအချိန်မျိုးမှာ အခက်အခဲ မရှိဘူးလား။

ဖြေ။ ။ ပြောရရင် ဒီမှာ ခဏခဏ တပည့်တွေ လာစားတယ်။ နောက် ကိုယ့်သူငယ်ချင်းတွေ လာစားတယ်။ တခါတလေ တပည့်ဝိုင်းတွေကို သန့်ရှင်းရေး လုပ်ပေးရင် သူတို့က မစားရဲတော့ဘူး။ ကိုယ်က ပြောရတယ်၊ ငါ ဘာမှ မဟုတ်ဘူးလို့။ ဒီမှာက အဝေးပြေး ကားတွေက ၁ နာရီခြား၊ ၂ နာရီခြား လာတာဆိုတော့ အားချိန်မရှိဘူး။ ဒီအချိန်မှာ ငါသိတဲ့လူ ပါမှာပဲ ဆိုတဲ့စိတ်မျိုး မရှိဘူး။ ငါ့အလုပ် ငါလုပ်တယ်၊ နောက် ဒီအပေါ်မှာလည်း ဘာခံစားချက်မှ မရှိပါဘူး။

မေး။ ။ ဗိုလ်ချုပ်လွန်းမောင် အနေနဲ့ ဖြတ်သန်းရချိန်နဲ့ ဦးလွန်းမောင်အနေနဲ့ ဖြတ်သန်းရချိန် ဒီမှာ ကြုံလာတဲ့ လူတွေရဲ့ ဆက်ဆံမှု ဘယ်လိုကွာခြားလဲ။

ဖြေ။ ။ ကွာတယ်၊ တော်တော် ကွာတယ်။ ကိုယ့်ကို သိသူကတော့ အရင်က ဆက်ဆံမှုအတိုင်းပဲ ရှိပါတယ်။ လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိ တယ်။ တော်တော်ကို မာနချနိုင်လို့ တော်တာ။ တော်တော်ကို မာနချရတယ်။ တခါကဆို မန္တလာမင်း ဒရိုင်ဘာက ဆိုင်ရှေ့မှာ တိုးရစ်ကား လာရပ်ထားတာကို တဘက်ကို ရွှေ့ဖို့ မပြောလို့ ကားမရှင်း ထားရ ကောင်းလားဆိုပြီး ရန်လာတွေ့တယ်။ စော်ကားခံရတာတွေ အရမ်းများတယ်။ တော်တော် သည်းခံရတယ်။ ဟိုးတချိန်တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန်ကုန်မေ့ လိုက်တော့မယ်။ ငါ အခု ဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန်တယောက်လို ငေါက်ငမ်း သွားတာမျိုးတွေတောင် ရှိတယ်။

မေး။ ။ နှစ် ၄၀ ကျော် တိုင်းပြည် အုပ်ချုပ်ခဲ့တဲ့ စစ်တပ်ရဲ့ သြဇာရှိတဲ့ လူတွေထဲမှာ တယောက် အပါအဝင် ဖြစ်ခဲ့တော့ လက်ရှိ အခြေအနေကို လက်ခံဖို့ လွယ်ကူခဲ့ရဲ့လား။

ဖြေ။ ။ ခက်တာတော့ တော်တော် ခက်ခဲတယ်။ ငယ်ငယ်ကတည်းက ခန္တီပါရမီ ရှိခဲ့တယ်လို့ ပြောရမှာပါ။ နောက်တခုက ဘ၀လည်း မမေ့ခဲ့တာပါမယ်။ နောက် မာနကတော့ ထားလို့တော့ မရဘူးပေါ့။ မာနကို ဘယ်မှာမှ မထားချင်တာ။ ကိုယ်လည်း ဆင်းရဲတဲ့ ဘ၀ကနေ တက်လာခဲ့တယ်။ အဖေကော အမေကောက ရှမ်းတွေ၊ မြန်မာစကား မတတ်ဘူး၊ ကိုယ်လည်း ရှမ်းစကားပဲ တတ်ခဲ့တာ၊ ဒီလိုဘ၀ကနေ ကိုယ်က ဗိုလ်ချုပ်ဖြစ်လာခဲ့တာ။ အောက်သက် ကျေခဲ့တဲ့ လူတယောက်ပါ။ နောက် ဒီဘ၀ကို ဘယ်တော့မှ မမေ့ခဲ့ဘူး။ ရာထူး ကြီးခဲ့ပေမယ့် သိပ်ပြီး မက်မက်မောမော မရှိခဲ့တော့ ခံသာပါတယ်။ အရင်က ဘ၀ကို သိပ်တွယ်တာ တပ်မက်နေတဲ့သူ ဆိုရင်တော့ ဘယ်ခံသာမလဲ။

မေး။ ။ ဗိုလ်ချုပ်ဘ၀မှာ ကြုံခဲ့ရတဲ့ အချိန်ရှားပါးမှုနဲ့ အခု လက်ရှိဘ၀ အချိန်ရှားပါးမှု ဘယ်ဟာက ပိုပြီး ကျေနပ်ဖို့ ကောင်းတယ်လို့ ထင်လဲ။

ဖြေ။ ။ ပြောရရင် အခုအချိန်က လူပင်ပန်းတယ်။ ဗိုလ်ချုပ် ဘ၀ကျတော့ ပိုတည်ငြိမ်တာပေါ့။ လူကြီးဆိုတော့လေ။ ကိုယ်က အောက်က ကလေးတွေ တင်လာတဲ့ စာရင်းကို နိုင်ငံတော်အဆင့် မှန်မမှန် စစ်ပြီး လက်မှတ်ထိုးရတာ။ ကိုယ့်ထက် ကလေးတွေက ပိုအလုပ်များတယ်။ ဘယ်တော့မှ ဂုဏ်ယူမပြောဘူး။ ကိုယ် တခွန်းခိုင်းရင် သူတို့မှာ အလုပ်တွေရှုပ်ရပြီ။ တာဝန်ကြီးပေမယ့်လို့ အဆုံးအဖြတ် ပေးတဲ့အခါပဲ တာဝန်ယူရတော့ အဆုံးအဖြတ် မမှားဖို့ဘဲ။ ဒီမှာကျတော့ ဒီလို မဟုတ်ဘူးလေ။ တကယ့်ကို အချိန်ရှားတာ။

မေး။ ။ အနားပေးခံရတဲ့ အပေါ်မှာ ဘယ်လိုကြောင့် အပေးခံခဲ့ရတာလဲ။ အပြင်မှ သတင်းတွေ မျိုးစုံထွက်နေတော့ ကာယကံရှင်ကပဲ အမှန်တရားတခု ပြောပေးပါလား။

ဖြေ။ ။ ဒီကိစ္စတွေကို ပြန်မပြောချင်တော့ဘူး။ စေတနာအမှားပေါ့။ တချို့သော သူတွေက ကိုယ့်စေတနာကို ကိုယ်ကျိုး သုံးခဲ့ကြတော့ ကိုယ်က ခံရတာပေါ့။ ဒီအပေါ် အာဃာတ မထားဘူး။ သမ္မတ ဘက်က ကြည့်တော့ မှန်တာပေါ့။ ကိုယ်စစ်ခဲ့တဲ့ စာရင်းတွေကို လွှတ်တော်က တဂျီဂျီ တောင်းခဲ့တယ်။ ဒါတွေက စစ်ပြီးသားတွေပဲလေ။ လွှတ်တော် ကလည်း ပေါ်လာခါစ ဆိုတော့ အလုပ်ကမရှိဘူး။ ဒီစာရင်းတွေ ရမှ ငွေစာရင်း ကော်မတီက အလုပ်လုပ်ရမှာ။ ဒီတော့ စစ်ပြီးသားတွေ ပေးလိုက်တယ်။ ဒါကို အစည်းအဝေးမှာ အသုံးချရမှာကို လွှတ်တော် ကိုယ်စားလှယ်တွေကို ဖြန့်လိုက်တယ်။ ကိုယ်က အဲဒီအချိန် အိန္ဒိယရောက်နေတာ။ ပြန်ရောက်တော့ သူငယ်ချင်း တင်အောင်မြင့်ဦးက ဘတ်ဂျက်ကိစ္စ ၀ိုင်းကူပေးဆိုလို့ ကူညီပေးနေတာ၊ ဘာမှမသိလိုက်ရဘူး။ နောက်ကျော ဓားနဲ့ အထိုးခံခဲ့ရတာပေါ့။

မေး။ ။ ဒီစာရင်းတွေက အစိုးရ ထိပ်ပိုင်းတာဝန်ရှိသူတွေကို တော်တော်လေး တုန်လှုပ်သွားစေတဲ့ စာရင်းတွေ ဖြစ်ခဲ့တယ်၊ ဒါတွေကြောင့် အပြောင်းအလဲတချို့ ဖြစ်ခဲ့တယ်လို့ ပြောနိုင်လား။

ဖြေ။ ။ တပ်မတော် တုန်းကလည်း ငွေစာရင်းကွာတာတွေ အများကြီးပဲ။ တပ်မတော် စစ်ဆေးရေး အရာရှိလည်း လုပ်ခဲ့တာကိုး။ နိုင်ငံတော် စာရင်းစစ်ချုပ်ဆိုတာ တပ်မတော် အောက်မှာ လုပ်ခဲ့ရတာကိုး။ အမုန်းခံပြီး ၀န်ကြီးတွေကို တွယ်ခဲ့ရတာ။ ပြည်သူတွေ မသိခဲ့ဘူး။ ကုန်ကုန်ပြောရရင် ၀န်ကြီး တော်တော်များများ ကတော့ ၀မ်းသာမှာပါ။ ဘာကြောင့်ဆို ကိုယ့်ကို တော်တော် မုန်းကြတာ။ ကိုယ်တွယ်ခဲ့တာ မနည်းဘူး။ စကားမပြောတဲ့ ၀န်ကြီးတွေ အများကြီးပဲ။ လက်ရှိ နေပြည်တော် ၀န်ကြီးချုပ်တို့၊ သတ္ထုတွင်းကတို့ ဆိုရင် စကားတောင် ပြောတာ မဟုတ်ဘူး။

မေး။ ။ ဦးလွန်းမောင်ရဲ့ အဖြစ်အပျက်ကို မှန်လွန်းလို့ ရွာပြင်အထုတ်ခံရတဲ့ အဖြစ်တခုလို့ မြင်မိလား။ အပြင်မှာ တချို့က အဲဒီလိုပဲ ပြောနေကြလို့ပါ။

ဖြေ။ ။ ကိုယ်မှန်တယ်လို့ မပြောပါဘူး။ ယူသော် ရ၏ပေါ့။ မှန်တယ်လည်း မပြောဘူး၊ မှားတယ်လည်း မပြောဘူး။ သုံးသပ်သူ အပေါ်မှာပဲ မူတည်တာပေါ့။ ပထမတော့ စိတ်မကောင်း ဖြစ်ရ တာပေါ့။ နောက်တော့ နားချိန်တန်လို့ နားရတာ လို့ပဲ တွေးတယ်။ ဒီအပေါ် ဘာမှ စိတ်ထဲမထားတော့ဘူး။ မှန်တယ်ထင်ပြီး လုပ်ခဲ့လည်း တဘက်က ကိုယ့်ကိုမငဲ့တော့ ဘာမှ မပြောလိုပါဘူး။ အဓိက မငဲ့ခဲ့သူကတော့ သူရ ဦးရွှေမန်းပေါ့။ သူက ကိုယ့်နောက်ကျော ဓားနဲ့ ထိုးခဲ့သူပေါ့။ သူနဲ့က ဟိုးငယ်ငယ် ကတည်းက၊ ဗိုလ်လောင်းထဲက သူက ၁၁၊ ကိုယ်က ၁၂။ မိုးကောင်းမှာလည်း အတူတူ တာဝန်ကျခဲ့တာ။ သို့သော် ကိုယ်မြင်တာက သူတို့မှာ အာဏာအတွက် ဆန္ဒရှိနေသေးတယ်၊ ကိုယ်ကတော့ မရှိတော့ဘူး။ ဒါကြောင့် ဒီလိုနေနိုင်တာပေါ့။

မေး။ ။ အခု အဖြစ်အပျက်နဲ့ ပတ်သက်လို့ သမ္မတ အပေါ်မှာကော ဘယ်လိုမြင်လဲ။

ဖြေ။ ။ သူနားလည် ပါလိမ့်မယ်လေ၊ သူ့အပိုင်းတော့ သိပ်မပြောလိုပါဘူး။ သူလုပ်သင့်တယ် ထင်လို့ လုပ်ခဲ့တယ်လို့ပဲ မြင်ပါတယ်။ ကိုယ်ကတော့ ဘာမှ မပြောလိုတော့ပါဘူး။

မေး။ ။ နောက်လာမယ့် ရွေးကောက်ပွဲကျရင်ကော ပုံစံတခုအနေနဲ့ ၀င်လာဖို့ရှိသေးလား။ ပါတီနိုင်ငံရေး လုပ်ဦးမလား။

ဖြေ။ ။ မရှိဘူး။ စထွက်လာခဲ့ ကတည်းက စစ်စွပ်ကျယ်တောင် မ၀တ်တော့ဘူးလို့ ဆုံးဖြတ်ထားတာ။ တိုက်ပုံလည်း ဘယ်တော့မှ မ၀တ်တော့ဘူးလို့ ဆုံးဖြတ်ထားတယ်။ အလုပ်လုပ်တော့ စွပ်ကျယ်အဖြူက အပေတေ မခံလို့ စစ်စွပ်ကျယ် ၀တ်ဖြစ်တာ၊ နို့မို့ဆို ၀တ်ဖြစ်မှာ မဟုတ်ဘူး။

မေး။ ။ စစ်သား တယောက်ဘ၀ကို စိတ်နာခဲ့လို့လား။

ဖြေ။ ။ မရှိဘူး။ စိတ်လည်းမနာဘူး။ တခါတလေ စိတ်နာစရာတွေ ရှိခဲ့လည်း ချက်ချင်း ဖျောက်ပစ်တယ်။ ကိုယ်ဖြစ်ခဲ့တာ ၀ဋ်ရှိလို့ပေါ့။ ဘာမှ မပြောလိုပါဘူး။ သတင်းမှာ ပါလာမှ ကိုယ်ပါတယ် သိတာ။ ကြိုလည်း မသိခဲ့ဘူး။

မေး။ ။ နောက်ဆုံးမေးခွန်း အနေနဲ့ လက်ရှိပြောင်းလဲလာတဲ့ နိုင်ငံရေးအပေါ် ဘယ်လိုမြင်မိပါသလဲ။

ဖြေ။ ။ အကောင်း မြင်ပါတယ်။ ကောင်းတဲ့ဘက်ကို ဦးတည်တယ်လို့ပဲ မြင်တယ်။

Ref: ဧရာဝတီ

Read More...

Collapse...

လွှတ်တော်တွင် စစ်တပ်က ကိုယ်စားလှယ်များ ရှိသင့်သေးသည်ဟု သမ္မတ ဦးသိန်းစိန် ပြော

လင်းသန့်
May 20, 2013

မြန်မာ့လွှတ်တော်များတွင် တပ်မတော်က ၂၅ ရာခိုင်နှုန်း ပါဝင်နေခြင်းသည် လတ်တလောတွင် ရှိသင့်ကြောင်း သမ္မတ ဦးသိန်းစိန်က ပြောကြားလိုက်သည်။

နှစ်ပေါင်း ၅၀ အတွင်း မြန်မာခေါင်းဆောင်တဦး၏ ပထမဆုံး တရားဝင်ခရီးအဖြစ် အမေရိကန် ပြည်ထောင်စုသို့ ရောက်ရှိနေသော သမ္မတ ဦးသိန်းစိန်က မေလ ၁၉ ရက်နေ့က ၀ါရှင်တန်ရှိ ဗီအိုအေ သတင်းဌာနတွင် ပြုလုပ်သည့် နယ်ပယ်စုံမှ မြန်မာ အသိုင်းအ၀ိုင်းများနှင့် တွေ့ဆုံမေးမြန်းခန်းတွင် ထိုကဲ့သို့ ပြောကြားသွားခြင်း ဖြစ်သည်။

“တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ ရာခိုင်နှုန်း ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်။ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ ပါးလာမယ်၊ နည်းပါးလာမယ်၊ ဒီလိုပဲ မြင်မိပါတယ်” ဟု သမ္မတ ဦးသိန်းစိန်က ဗီအိုအေ ဌာနမှူး ဦးသန်းလွင်ထွန်း၏ မေးခွန်းအပေါ် ဖြေကြားသွားသည်။

သို့သော် ဒီမိုကရေစီ ရင့်ကျက်လာသည့်နှင့်အမျှ လွှတ်တော်တွင် တပ်မတော် ပါဝင်မှု လျော့နည်းလာမည်ဖြစ်ပြီး ၂၀၀၈ ခုနှစ် ဖွဲ့စည်းပုံ အခြေခံဥပဒေသည် စွပ်စွဲ ပြောကြားသကဲ့သို့ လူတစုအတွက် မဟုတ်ကြောင်း၊ လူအများ ထောက်ခံ တည်ပြုထားခြင်းဖြစ်ကြောင်း၊ သို့သော် ဖွဲ့စည်းပုံ အခြေခံ ဥပဒေ ပြင်ဆင်ရေးနှင့် ပတ်သက်၍လည်း လုပ်ထုံးလုပ်နည်းအရ ပြင်ဆင်နိုင်ကြောင်းလည်း ဦးသိန်းစိန်က ပရိသတ်တဦး၏ မေးခွန်းအပေါ် တုံ့ပြန်ဖြေဆိုခဲ့သည်။

“ဖွဲ့စည်းပုံ အခြေခံ ဥပဒေဆိုတာ သော့ခတ်ထားတဲ့ သံမဏိမျိုး မဟုတ်ပါဘူး။ သူ့မှာ ပြင်ဆင်နိုင်တဲ့ Amendment (ပြင်ဆင်ဖြည့်စွက်ချက်အခန်း) ပါ ပြီးသားဖြစ်ပါတယ်။ အဲတော့ ဖွဲ့စည်းပုံ အခြေခံ ဥပဒေကို ပြင်ဆင်မယ် ဆိုရင် ဒီ Amendment သူ့မှာ လုပ်ထုံးလုပ်နည်းတွေ ရှိပါတယ်။ ဒီလုပ်ထုံးလုပ်နည်းတွေအတိုင်း ကျနော်တို့ ပြင်ဆင်လို့ ရပါတယ်” ဟု သူက ဆိုသည်။

သမ္မတ ဦးသိန်းစိန်က မြန်မာနိုင်ငံကို ဒီမိုကရေစီ ဖော်ဆောင်နေချိန်၌ အမေရိကန်ပြည်ထောင်စုသို့ လာရောက်ရခြင်းတွင် မြန်မာနိုင်ငံအား အမေရိကန် ပြည်ထောင်စုက စီးပွားရေး ပိတ်ဆို့ဒဏ်ခတ်မှုကိစ္စလည်း ပါဝင်ကြောင်း ဦးသန်းလွင်ထွန်း၏ မေးခွန်းအပေါ် တုံ့ပြန်ဖြေကြားသည်။

“ကျနော်တို့ ဒီမိုကရေစီကို လိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ် ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့ စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေး ဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲ အတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်” ဟု သမ္မတ ဦးသိန်းစိန်က ဆိုသည်။

အမေရိကန် သမ္မတ မစ္စတာ ဘားရက် အိုဘားမားနှင့် အိမ်ဖြူတော်၌ တွေ့ဆုံသည့်အခါ အမေရိကန်၏ ရင်းနှီးမြှုပ်နှံမှုနှင့် ပညာရေး၊ ကျန်းမာရေး၊ နည်းပညာကဏ္ဍများတွင် အမေရိကန် အကူအညီများရရေး အစရှိသည့် အကြောင်းများလည်း ပါဝင်ကြောင်းလည်း သိရသည်။

“ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဖက်ဖက်ကနေပြီးတော့ ကျနော်တို့ နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့် ဟာတွေကို ဖြေရှင်း ပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီး (အိုဘားမား) နဲ့တွေ့ဖို့ ဖြစ်ပါတယ်” ဟု သူက ဆိုသည်။

မြောက်ကိုရီးယားနှင့် ဆက်ဆံရေးနှင့် ပတ်သက်၍ သမ္မတ ဦးသိန်းစိန်က “မြောက်ကိုရီးယားကို ကျနော်တို့ ဆက်ဆံရတာတွေ ရှိပါတယ်။ ဟိုတုန်းက ကျနော်တို့ကို အကုန် ပိတ်ဆို့ထားတဲ့ အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရ တက်လာတဲ့အခါမှာ စစ်ရေးအားဖြင့် ဆက်သွယ်မှုတွေ လုံးဝမရှိပါဘူး” ဟု ဆိုသည်။

အဆိုပါ ကိစ္စနှင့် ပတ်သက်သည့် သံသယကြောင့် အမေရိကန်အနေဖြင့် မြန်မာကို စီးပွားရေး ဒဏ်ခတ်ပိတ်ဆို့မှု လုံးဝ ဖယ်ရှားပေးရေးတွင် စောင့်ကြည့်ဦးမည်ဟု ယူဆကြောင်းလည်း သူက ဆက်ပြောသည်။

မြန်မာနိုင်ငံသည် သဘာဝ သယံဇာ ပေါကြွယ်ဝ၍ ရင်းနှီးမြှုပ်နှံလိုသူများလည်း ရှိကြောင်း၊ သို့အတွက် နိုင်ငံခြား ရင်းနှီးမြှုပ်နှံမှု ဥပဒေကို ခက်ခက်ခဲခဲ ရေးဆွဲ ပြဌာန်းထားကြောင်း သမ္မတ ဦးသိန်းစိန်က ဆိုသည်။

သမ္မတ ဦးသိန်းစိန်က မြန်မာ့နိုင်ငံရေး ပြုပြင်ပြောင်းလဲမှုတွင် ပြည်သူ့ဆန္ဒအပေါ် မူတည်ပြီး နိုင်ငံရေးတွင် အားလုံး ပူးပေါင်း ပါဝင်ဆောင်ရွက်ရေးကို ဖော်ဆောင်ပါမည်ဟုလည်း ထပ်လောင်း ကတိပေးစကား ပြောကြားသည်။

“နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေး အကျဉ်းသားတွေ လွှတ်ပေးတာ ပြုပေးတာက အစပေါ့” ဟု သူက ဆိုသည်။

နိုင်ငံတွင် နှစ်ပေါင်း ၆၀ ကျော်ကာလ လက်နက်ကိုင် ပဋိပက္ခများအပေါ် ပြည်သူများက ငြီးငွေ့နေပြီဖြစ်ပြီး တိုင်းပြည်ငြိမ်းချမ်းရေး ဖော်ဆောင်မှု လုပ်ငန်းစဉ်များကိုလည်း ဆက်လက် အကောင်အ ထည်ဖော်သွားမည် ဖြစ်ကြောင်းလည်း ကတိပေးခဲ့သည်။

ထို့အပြင် သမ္မတ ဦးသိန်းစိန်က ဒီမိုကရေစီသက်တမ်း နုနယ်နေသေးချိန်ဖြစ်၍ လက်ပံတောင်းကိစ္စတွင် ဖြစ်ပေါ်ခဲ့မှုသည် မမျှော်လင့်ဘဲ ဖြစ်သွားခဲ့ရကြောင်း၊ ဆန္ဒဖော်ထုတ်ခွင့်များလည်း ရှိပြီး တချို့ကိစ္စများတွင် အရေးယူရသည်လည်း ရှိသည်ဟု ဆိုသည်။

မကြာသေးမီက မတည်ငြိမ်မှု၊ ရခိုင်ပြည်နယ်မျ အကြမ်းဖက် တိုက်ခိုက်မှုများသည် သာမန် အခြေအနေမျိုးမှ ကြီးထွားလာခြင်း မဟုတ်ကြောင်း၊ အဓိကရုဏ်း ဖြစ်စဉ်များတွင် ဥပဒေ ချိုးဖောက်သူများကိုလည်း အရေးယူမှု ရှိကြောင်း၊ အဆိုပါကိစ္စ အစီရင်ခံစာ ထုတ်ပြန်ပြီးဖြစ်ကြောင်း ဒေါက်တာ ကျော်ရင်လှိုင်ကလည်း သမ္မတ ကိုယ်စား မေးမြန်းမှုကို ဖြေဆိုသည်။

သမ္မတ ဦးသိန်းစိန်သည် ၀ါရှင်တန်ဒီစီရှိ မြန်မာသံရုံးတွင် မြန်မာမိသားစုများနှင့် တွေ့ဆုံခဲ့ပြီး ပြုပြင်ပြောင်းလဲရေး ဖော်ဆောင်နေမှုများကို ရှင်းလင်း ပြောကြားခဲ့ပြီး နိုင်ငံပြန်လည် တည်ဆောက်ရေး တွင် ပြည်ပရောက် မြန်မာများပါ ကူညီရန် ဖိတ်ခေါ်ခဲ့သေးသည်။

အမေရိကန်ရောက် မြန်မာ့အရေး တက်ကြွလှုပ်ရှားသူတချို့က လက်ရှိ ပြုပြင်ပြောင်းလဲရေးကို စစ်မှန်သည့် ပြုပြင်ပြောင်းလဲရေးဖြစ်လိုကြောင်း၊ လိမ်ညာမှုများ ရပ်တန့်စေလိုကြောင်း သမ္မတ ဦးသိန်းစိန်ကို ကန့်ကွက်ဆန္ဒပြသည်ဟု သိရသည်။

“ကျနော်တို့ ဆန္ဒပြတာ စစ်မှန်တဲ့ ပြုပြင်ပြောင်းလဲရေးတွေ အမြန်ဆုံးလုပ်ဖို့ပါ” ဟု ဆန္ဒပြပွဲတွင် ပါဝင်သည့် ကိုဇော်ဝင်းက ပြောသည်။

သမ္မတ ဦးသိန်းစိန်အနေဖြင့် အမေရိကန် ခရီးစဉ်တွင် သမ္မတ အိုဘားမားနှင့် တွေ့ဆုံမှုသည် မြန်မာပြည်သူများ အတွက် အကျိုးများသင့်ကြောင်း၊ စစ်တပ်၏ မြန်မာ့နိုင်ငံရေးတွင် ပါဝင်နေမှုကို ရုပ်သိမ်း သွားမှသာ မြန်မာပြည်သူများ အမှန်တကယ် အကျိုးဖြစ်ထွန်းမည်ဖြစ်ကြောင်း သူက ဆက်ပြောသည်။

သမ္မတ ဦးသိန်းစိန်အား အိမ်ဖြူတော်၌ သမ္မတ အိုဘားမားက လက်ခံတွေ့ဆုံမည့်ကိစ္စနှင့် စပ်လျဉ်း၍ အမေရိကန် ပြည်ထောင်စု၏ မြန်မာနိုင်ငံအပေါ် အလေးထားမှုကို ပြသရာရောက်၍ ၀မ်းမြောက် ဖွယ် ဖြစ်သော်လည်း လူ့အခွင့်အရေး ချိုးဖောက်မှုများနှင့် ပြုပြင်ပြောင်းလဲရေး လုပ်ငန်းစဉ်များ အောက်ခြေထိ သက်ရောက်မှု မရှိသေးသည့်အပေါ် မြန်မာအစိုးရကို အမေရိကန်က အခွင့်အရေးပေးခြင်း သည် စောနေသေးကြောင်း ဝေဖန်နေကြသူများလည်း ရှိသည်။

Ref: ဧရာဝတီ

Read More...

Collapse...

မြောက်ပိုင်း ABSDF တွင် ကိုထွန်းအောင်ကျော် အသတ်ခံခဲ့ရမှု မိခင်ဖြစ်သူက အမှုဖွင့်

ရန်ပိုင်| May 20, 2013

လွန်ခဲ့သည့် နှစ် ၂၀ ကျော်က စစ်ထောက်လှမ်းရေးဟု စွပ်စွဲသတ်ဖြတ်ခံခဲ့ရသည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) မြောက်ပိုင်းဒေသ ဥက္ကဋ္ဌ ကိုထွန်းအောင်ကျော်၏ အမှုနှင့် ပတ်သက်ပြီး မိခင်ဖြစ်သူ ဒေါ်တင်မမက မန္တလေးတိုင်း ချမ်းအေးသာဇံမြိုနယ် အမှတ် (၈) ရဲစခန်းတွင် ပြီးခဲ့သည့် သောကြာနေ့က အမှုဖွင့်လိုက်ကြောင်း သိရသည်။

အမှတ် (၈) ရဲစခန်းမှူးက လက်ခံခဲ့ပြီးနောက် မန္တလေးတိုင်း ရဲတပ်ဖွဲ့နှင့် မြန်မာနိုင်ငံ ရဲတပ်ဖွဲ့သို့ တင်ပြပြီး စုံစမ်းစစ်ဆေးမှုများကို စတင် ဆောင်ရွက်နေပြီဖြစ်ကြောင်း သိရသည်။

အဆိုပါအမှုနှင့် ပတ်သက်၍ ABSDF မြောက်ပိုင်း တပ်ဖွဲ့ဝင်တဦးဖြစ်ခဲ့ပြီး အဖမ်းခံခဲ့ရာမှ လွတ်မြောက်လာသည် ကိုညီညီကျော် ကိုလည်း သက်သေအဖြစ် ချမ်းအေးသာဇံရဲစခန်မှ ဆင့်ခေါ်ထားသည်ဟု သိရှိရသည်။

“ကျနော်တို့ အနေနဲ့တော့ လက်စားချေဖို့၊ တရားစွဲဖို့ မရည်ရွယ်ပေမယ့် ရဲဘော်ရဲဘက်တွေရဲ့ မိသားစုတွေက အမှုအတွက် လိုက်ပါဆောင်ရွက်ဖို့ အကူအညီတောင်းရင်တော့ ဆောင်ရွက်ပေးရမှာပါ။ တချို့က မျက်မြင်သက်သေ၊ တချို့က တိုက်ရိုက်ပါဝင် ပတ်သက်သူတွေရှိပါတယ်” ဟု ကိုညီညီကျော်က ဆိုသည်။

ကိုထွန်းအောင်ကျော် အပါအ၀င် ၁၅ ဦးမှာ ၁၉၉၁ ခုနှစ် ဖေဖော်ဝါရီလ ၁၂ ရက်နေ့ လူအများရှေ့တွင် တပြိုင်နက်တည်း အသတ်ခံရခြင်းဖြစ်ပြီး နိုင်ငံတကာ သတင်းထောက်များ၏ မှတ်တမ်းမှတ်ရာများနှင့် ထိုစဉ်က တာဝန်ယူသူများ၏ ထုတ်ပြန်ချက်များက အကောင်းဆုံး သက်သေများ ဖြစ်လာနိုင်သည်ဟု ၎င်းက ဆက်ပြောသည်။

ထိုစဉ်က အသတ်ခံခဲ့ရသူများ၏ ကျန်ရစ်သော မိသားစုများအနေဖြင့် စီးပွားရေးနှင့် လူမှုရေး ဆိုးကျိုးများအပြင် စိတ်ပိုင်းဆိုင်ရာ ထိခိုက်မှုများကို ယနေ့ထက်တိုင် ခံစားနေရဆဲဖြစ်သည်ဟုလည်း ဆိုသည်။

ချမ်းအေးသာဇံမြို့နယ် အမှတ် (၈) ရဲစခန်းမှ စခန်းမှူးက ကိုထွန်းအောင်ကျော် အသတ်ခံရမှုနှင့် ပတ်သက်၍ အမှုဖွင့်ထားခြင်းမှာ မှန်ကန်သော်လည်း အသေးစိတ်ပြောဆိုရန် ငြင်းဆိုသွားသည်။

၁၉၉၁ ခုနှစ်က ကချင်ပြည်နယ် ပါဂျောင်ဒေသ၌ ဖြစ်ပွားခဲ့သည့် အဆိုပါအမှုတွင် လူပေါင်း ၁၀၀ ကျော် စစ်ထောက်လှမ်းရေးဟု စွပ်စွဲဖမ်းဆီးခံခဲ့ရပြီး စခန်းဥက္ကဋ္ဌ ကိုထွန်းအောင်ကျော် အပါအ၀င် လူ ၃၅ ဦး အသက် သေဆုံးခဲ့ရသည်။ ကျန် လူပေါင်း ၇၁ ဦးမှာ တရုတ်ပြည်ဘက်သို့ ထွက်ပြေး လွတ်မြောက်သွားခဲ့သည်။

အခင်းဖြစ်ပွားစဉ်က ABSDF (မြောက်ပိုင်း) တာဝန်ယူထားသူများမှာ ရဲဘော်မျိုးဝင်း (ကျဆုံး)၊ ရဲဘော်သံချောင်း (သာယာဝတီ ထောင်တွင် သေဒဏ်ကျခံထားရသူ)၊ ကိုအောင်နိုင် (ခ) ရော်နယ် အောင်နိုင်၊ ကိုလဆိုင်း၊ ကိုအောင်သန်း၊ ကိုကျော်ကျော်၊ ကိုသန်းဇော်၊ ကိုဇော်ဇော်မင်း စသူတို့ ဖြစ်သည်ဟု သိရသည်။

အစိုးရသစ်လက်ထက်တွင် အဆိုပါ မြောက်ပိုင်းလူသတ်မှုနှင့် ပတ်သက်ပြီး သက်ဆိုင်ရာ ကာယကံရှင်များနှင့် ဆက်စပ်သူများက ပိုမိုကျယ်လောင်စွာ ပြောဆိုလာခဲ့ကြပြီး စာအုပ်များကို ပါ ရေးသားထုတ်ဝေ လာခဲ့သည်။ ထို့အပြင် အမှုဖွင့် တရားစွဲဆိုမှုများပါ ပြုလုပ်လာခဲ့သည်။

ပြီးခဲ့သည်နှစ်ကပင် ကချင်ပြည်နယ် ABSDF (မြောက်ပိုင်း) တွင် အသတ်ခံရသည့် ဦးစိန်၏ သမီးဖြစ်သူ မစန်းစန်းအေးက ABSDF မှ တာဝန်ရှိသူများကို ရန်ကုန်တိုင်း မြောက်ဥက္ကလာပ ရဲစခန်းနှင့် ကချင်ပြည် ၀ိုင်းမော်ရဲစခန်းတို့တွင် အမှုဖွင့်ခဲ့သည်။

သို့သော် ၄ လခန့် စစ်ဆေးပြီးနောက် သက်သေ မခိုင်လုံသည့်အတွက် အမှုပိတ်ခဲ့ရသည်ဟု ဦးစိန် အသတ်ခံရမှုတွင် သက်သေအမည် တင်သွင်းခြင်းခံရသူများက ဆိုသည်။

အမှုနှင့်ပတ်သက်၍ ၄ ကြိမ်အစစ်ခံရသည့် သာယာဝတီမြို့မှ ကိုကျော်နိုင်ဦး (ခ) ကိုကြောင်က “ဦးစိန်သေတာက ရေခဲတဲ့နေရာမှာ စောင်မပေးဘဲထားလို့ သေတာ။ အချုပ်ခန်းမှာ အတူတူနေပေမယ့် ရိုက်တာနှက်တာကို မတွေ့ရတော့ သက်သေထွက်လို့ မရဘူးလေ။ ဒါကြောင့် အမှုပိတ်ရတာပါ” ဆိုသည်။

ABSDF (မြောက်ပိုင်း) ၌ အသတ်ခံရသူပေါင်း ၃၅ ဦးတွင် တရားဥပဒေအရ အမှုဖွင့်ခဲ့သူများတွင် ကိုထွန်းအောင်ကျော် မိသားစုနှင့် ဦးစိန်၏ မိသားစု နှစ်စုသာ ရှိသေးသည်။

ထောက်လှမ်းရေးဟု စွပ်စွဲသတ်ဖြတ်ခံရသည့် အဖြစ်အပျက်နှင့် ပတ်သက်၍ ABSDF တွင် ဥက္ကဋ္ဌအဖြစ် တာဝန်ယူခဲ့သည့် ကိုမိုးသီးဇွန်၊ ကိုထွန်းအောင်ကျော် (၇၄ မျိုးဆက် ကျောင်း သားဟောင်း) ၊ ဒေါက်တာ နိုင်အောင် တို့ကလည်း အဖြစ်မှန် ပေါ်ပေါက်ရေးကို ပူးပေါင်း ဆောင်ရွက်သွားမည်ဟု ပြီးခဲ့သည့်နှစ် မြန်မာနိုင်ငံသို့ အလည်အပတ် လာရောက်စဉ် ပြောဆို သွားခဲ့သည်။

မြန်မာနိုင်ငံတွင် ဤကဲ့သို့သော အစုလိုက်အပြုံလိုက် သတ်ဖြတ်မှုများ စစ်အစိုးရ အဆက်ဆက်တွင် ဖြစ်ပွားခဲ့သော်လည်း ပြန်လည် ဖော်ထုတ်နိုင်ခြင်း မရှိသေးပေ။

Ref: ဧရာဝတီ

Read More...

Collapse...

မြစ်ဆုံစီမံကိန်း ပြန်စလိုကြောင်း တရုတ်က လေသံပစ်

ခင်ဦးသာ
May 20, 2013

မြန်မာနိုင်ငံသားများ၏ ဆန့်ကျင် ကန့်ကွက်မှုကြောင့် ဆိုင်းငံ့ထားသည့် ဧရာဝတီ မြစ်ဆုံရေအားလျှပ်စစ် စီမံကိန်းအား တရုတ် အစိုးရက ပြန်လည် စတင်လိုကြောင်း အမျိုးသား ဒီမိုကရေစီ အဖွဲ့ချုပ် (NLD ) ကိုယ်စားလှယ်များကို ပြောဆိုသည်ဟု သိရသည်။

တရုတ်ကွန်မြူနစ် ပါတီ၏ ဖိတ်ကြားချက်အရ NLD ပါတီမှ ကိုယ်စားများသည် တရုတ်နိုင်ငံသို့ ယခု လဆန်းပိုင်းတွင် သွားရောက် လည်ပတ်ခဲ့စဉ် မြစ်ဆုံ စီမံကိန်းကို ပြန်လည်ဆောင်ရွက်လိုသည်ဟု တရုတ် အာဏာပိုင်များက ထုတ်ဖော်ပြောဆိုကြောင်း တရုတ်နိုင်ငံသို့ သွားရောက်ခဲ့သော ကိုယ်စားလှယ်အဖွဲ့ ခေါင်းဆောင်နှင့်NLD ပါတီ၏ ဗဟိုအလုပ်မှုဆောင် ကော်မတီဝင် ဦးညီပုက ဧရာဝတီသို့ ပြောသည်။

“နှစ်နိုင်ငံအတွက် အကျိုးရှိမှာ ဖြစ်လို့ မြစ်ဆုံကိစ္စ ပြန်စချင်တယ်ဆိုတာ ရှင်းပြတယ်။ ဒီအတိုင်း မလုပ်ဘဲနဲ့ ထားလိုက်ရင် အချည်းနှီး ဖြစ်သွားမယ် ဆိုပြီးတော့လည်း တရုတ်ဘက်က ပြောတယ်။ ကျနော်တို့ အနေနဲ့တော့ မြစ်ဆုံကိစ္စနဲ့ ပတ်သက်ပြီး အပြန်အလှန် ဆွေးနွေးတာမျိုး၊ သဘောထား မှတ်ချက်ပေးတာမျိုး မရှိခဲ့ပါဘူး” ဟု ၎င်းက ဆိုသည်။

NLD ပါတီသည် အာဏာရ ပါတီအဖွဲ့အစည်း မဟုတ်ကြောင်း၊ ယခု ခရီးစဉ်သည်လည်း နှစ်ပါတီ၊ နှစ်နိုင်ငံ ချစ်ကြည်ရေးနှင့် နှစ်နိုင်ငံပြည်သူများအကြား ချစ်ကြည်ရေးအတွက်သာ ဖြစ်သည်ဟု ရှင်းပြခဲ့ကြောင်း NLD ကိုယ်စားလှယ်က ဆိုသည်။

လက်ပံတောင်း ကြေးနီစီမံကိန်းနှင့် ပတ်သက်၍ ဆောင်ရွက်ပေးနေသော စုံစမ်းရေးကော်မရှင်အဖွဲ့ ခေါင်းဆောင် ဒေါ်အောင်ဆန်းစုကြည် ကိုလည်း ၎င်းတို့အနေဖြင့် လေးစားဂုဏ် ယူကြောင်း၊ ဒေါ်အောင်ဆန်း စုကြည်နှင့် NLD ပါတီကိုလည်း ထောက်ခံကြောင်း တရုတ်အာဏာပိုင်များက ပြောဆိုကြောင်း သိရသည်။

“ဒေါ်စုကိုလည်း ထောက်ခံတယ်၊ NLD ပါတီကလည်း အလားအလာ ကောင်းနေတယ်၊ နိုင်ငံ့တာဝန်တွေ ယူလာနိုင်တယ်။ ဒါကြောင့် ကျနော်တို့ ပါတီနဲ့ ရေရှည် ဆက်ဆံချင်တယ်။ စီးပွားရေးအရလည်း အလုပ်လုပ်လိုတဲ့ အကြောင်းတွေ ပြောတယ်။ သူတို့ ပါတီရဲ့ လုပ်ဆောင်ချက်တွေကိုလည်း အကျယ်တ၀င့် ရှင်းပြတယ်” ဟု ဦးညီပုက ပြောသည်။

တရုတ်နိုင်ငံ၊ ယူနန်ပြည်နယ် အစိုးရ၏ အကြံပေးအဖွဲ့ဖြစ်သော ယူနန် လူမှုသိပ္ပံ အကယ်ဒမီ (Yunnan Academy of Social Sciences) မှ ပါမောက္ခများ ပါဝင်သည့် ကိုယ်စားလှယ်အဖွဲ့သည်လည်း မြစ်ဆုံ စီမံကိန်း အပါအ၀င် တရုတ်နိုင်ငံ၏ ရင်းနှီးမြှုပ်နှံမှု စီမံကိန်းများနှင့် ပတ်သက်၍ ၈၈ မျိုးဆက် ကျောင်းသားများအဖွဲ့နှင့် ရန်ကုန်မြို့၌ ယမန်နေ့က တွေ့ဆုံဆွေးနွေးခဲ့ကြောင်း သိရသည်။

မြန်မာနိုင်ငံ၌ ရင်းနှီးမြှုပ်နှံထားသည့် တရုတ်စီမံကိန်းများ အပေါ် မြန်မာ ပြည်သူများ၏ ဆန္ဒသဘောထားကို တရုတ်ကိုယ်စားလှယ် အဖွဲ့က မေးမြန်းကြောင်း၊ ထို့အတူ တရုတ်ပြည်သူ များနှင့် မြန်မာ ပြည် သူများအကြား ပြည်သူချင်း ထိတွေ့ဆက်ဆံမှု၊ မြန်မာ ပြည်သူများ၏ အကျိုးစီးပွားကို ထိခိုက်မည့် စီမံကိန်းများကို ၈၈ ကျောင်းသားများ အဖွဲ့ကလည်း သဘောမတူကြောင်း စသည်တို့ကိုလည်း ဆွေးနွေး ခဲ့သည်ဟု ၈၈ မျိုးဆက် ကျောင်းသားအဖွဲ့မှ ကိုအံ့ဘွယ်ကျော်က ဧရာဝတီသို့ ပြောသည်။

“မြစ်ဆုံ စီမံကိန်းဟာလည်းပဲ ကန့်ကွက်တာ၊ ဆန့်ကျင်တာကို မြန်မာတပြည်လုံးက ခဏခဏ လုပ်ဆောင်ခဲ့တယ်။ ဒီတော့ ပြည်သူတရပ်လုံးက မလိုလားတာကို ပြန်စမယ်ဆိုရင်လည်းပဲ ပြဿနာတွေက ဆက်လက် ဖြစ်နေဦးမှာပဲ ဆိုတာတွေကို ကျနော်တို့က ရှင်းပြတယ်” ဟု ၎င်းက ဆိုသည်။

မြစ်ဆုံ စီမံကိန်းအား အကောင်အထည်ဖော်ပါက နှစ်နိုင်ငံအတွက် လျှပ်စစ်မီးများ ရရှိမည် မှန်သော်လည်း ဧရာဝတီမြစ်သည် မြန်မာနိုင်ငံသားများ၏ သမိုင်းကြောင်းဆိုင်ရာ တန်ဖိုး မဖြတ်နိုင်သည့် အရာဖြစ်၍ အလေးထား စဉ်းစားဖို့လိုအပ်ကြောင်း၊ ထို့အတူ အနာဂတ် မျိုးဆက်များအတွက်လည်း ထည့်သွင်း စဉ်းစားဖို့ အရေးကြီးကြောင်း ၈၈ မျိုးဆက် ကျောင်းသားအဖွဲ့က ဆွေးနွေးခဲ့သည်ဟု သိရှိရသည်။

“မြစ်ဆုံစီမံကိန်း တည်ဆောက်ရင် နောင်လာနောင်သားတွေအတွက် ဘယ်လောက် အကျိုးကျေးဇူးရှိမလဲ ဆိုတာ အရေးကြီးတယ်။ အဖွဲ့အစည်းတွေ ဆွေးနွေးပွဲတွေ အများကြီးလုပ်ခဲ့ကြတယ်။ ပညာရှင်တွေကလည်းပဲ ဒီစီမံကိန်းဟာ ရေရှည်မှာ အကျိုးမရှိဘူး၊ နောင်မျိုးဆက်တွေ အတွက်လည်းပဲ ဆိုးကျိုးတွေ များမယ်ဆိုတာ ပြောထားပြီးသားကိစ္စပါ” ဟု ကိုအံ့ဘွယ်ကျော် က ဆိုသည်။

ယူနန်ပြည်နယ် အစိုးရ ကိုယ်စားလှယ် အဖွဲ့သည် မိတ်ဆွေ ၁၀ ပါတီမှ ခေါင်းဆောင်များနှင့်လည်း ရန်ကုန်မြို့၌ ယမန်နေ့က တွေ့ဆုံ၍ မြန်မာနိုင်ငံ၌ ရင်းနှီးမြှုပ်ထားသော တရုတ်စီမံကိန်းများနှင့် ပတ်သက်ပြီး ဆွေးနွေးခဲ့ကြကြောင်း အမျိုးသား ဒီမိုကရေစီ အင်အားစု (NDF) ပါတီ ဥက္ကဋ္ဌ ဦးခင်မောင်ဆွေက ဧရာဝတီသို့ ပြောသည်။

ယခင်စစ်အစိုးရ လက်ထက်၌ ချုပ်ဆိုထားသော လက်ပံတောင်းတောင် စီမံကိန်းသည် နှစ်ပေါင်း ၆၀ အထိ ထုတ်လုပ်ပိုင်ခွင့် စာချုပ်ထားခြင်းသည် များလွန်းကြောင်း၊ လက်ရှိ ရင်းနှီးမြှုပ်နှံမှု ဥပဒေတွင် ၃၅ နှစ်သာ ရင်းနှီးမြှုပ်နှံခွင့် ပေးထားကြောင်း၊ ထို့ကြောင့် တရုတ်စီမံကိန်းများနှင့် ချုပ်ဆိုထားသည့် စာချုပ်များကို ပြန်လည် ချုပ်ဆိုသင့်ကြောင်း၊ ၂၀၀၈ ဖွဲ့စည်းပုံတွင်လည်း စာချုပ်များ ပြန်ချုပ်ဆိုပိုင်ခွင့် ဥပဒေကို ပြဌာန်းထားပြီးဖြစ်ကြောင်း စသည်တို့အား တရုတ်ကိုယ်စားလှယ်များနှင့် ဆွေးနွေးခဲ့သည်ဟု သိရသည်။

“နှစ် ၆၀ ဆိုတာ သိပ်များလွန်းတယ်။ နောက်တခုက တရုတ်နိုင်ငံက ထုတ်လုပ်တဲ့ ပစ္စည်းတွေချည်းပဲ မြန်မာနိုင်ငံမှာ လာပြီး ပုံအော ရောင်းနေတယ်။ ဒီတော့ အလုပ်သမား အရင်းအမြစ်ကြီး ဆုံးရှုံးစေ တယ်။ ပြည်တွင်းပေါက်ဖော် ဆက်ဆံရေး ကောင်းဖို့ ဆိုရင် မြန်မာနိုင်ငံမှာလာပြီးတော့ စက်ရုံ၊ အလုပ်ရုံတွေ တည်ဆောက် ထုတ်လုပ်ဖို့ အတွက်လည်းပဲ တရုတ်ကိုယ်စား လှယ်တွေနဲ့ ဆွေးနွေးဖြစ်တယ်” ဟု ဦးခင်မောင်ဆွေက ဆိုသည်။

တရုတ်နိုင်ငံက ရင်းနှီးမြှုပ်နှံထားသည့် ဧရာဝတီ မြစ်ဆုံစီမံကိန်းသည်လည်း မြန်မာနိုင်ငံ အောက်ပိုင်းဒေသများအတွက် ဆိုးကျိုးများ ပေးနိုင်သည့် အတွက်လည်းကောင်း၊ ကချင်တိုင်းရင်းသားများ အလေးအမြတ်ထားသည့် မြစ်ဆုံ အမှတ်အသား ပျောက်ကွယ်သွားမည် ဖြစ်၍ လည်းကောင်း စီမံကိန်း ဆက်လက် လုပ်ဆောင်ရန် မသင့်တော်ကြောင်း ၎င်းက ပြောသည်။

တရုတ်အစိုးရသည် မြစ်ဆုံစီမံကိန်းအတွက် အမေရိကန်ဒေါ်လာ ၃ ဒသမ ၆ ဘီလီယံ ရင်းနှီးမြှုပ်နှံထားပြီး မေခ၊ မေလိခ မြစ်များပေါ်ရှိ ရေကာတာ စီမံကိန်းများအတွက် အမေရိကန်ဒေါ်လာ ဘီလီယံ ၂၀ အထိ ရင်းနှီးမြှုပ်နှံထားသည်။

မြန်မာအစိုးရ အမှတ် ၁ လျှပ်စစ်ဝန်ကြီးဌာနနှင့် တရုတ် CPI တို့တည်ဆောက်နေသော မြစ်ဆုံ စီမံကိန်း ပြီးစီးပါက လျှပ်စစ် ဓာတ်အား မီဂါဝပ် ၆၀၀၀ ထုတ်လုပ်နိုင်မည်ဟု သိရပြီး ထိုစီမံကိန်းများကို၂၀၀၆ ခုနှစ်တွင် နှစ်နိုင်ငံ သဘောတူစာချုပ် ချုပ်ဆိုခဲ့ကာ ၂၀၀၉ ခုနှစ်တွင် CPI ကုမ္ပဏီက ဦးဆောင် တည်ဆောက်ခဲ့ခြင်း ဖြစ်သည်။

ဧရာဝတီ မြစ်ဆုံ စီမံကိန်းကို ပြည်သူများ၏ ဆန့်ကျင် ကန့်ကွက်မှုများကြောင့် ၎င်း၏ သမ္မတ သက်တမ်းတွင် ဆိုင်းငံ့ထားမည်ဟု ၂၀၁၁ ခုနှစ် စက်တင်ဘာလ ၃၀ ရက်နေ့တွင် သမ္မတ ဦးသိန်းစိန်က အမိန့်ဖြင့် ထုတ်ပြန် ကြေညာခဲ့သည်။

Ref: ဧရာဝတီ

Read More...

Collapse...