မေလ ၀၉ ရက် ၂၀၁၂ ခုနှစ်
ရန်ကုန်တိုင်း၊ ရွှေပြည်သာ စက်မှုဇုန်ရှိ Grand Royal အရက် ထုတ်လုပ်သည့် စက်ရုံမှ လုပ်သားများက သောက်ရေ အလုံအလောက်ရရှိရေး၊ ကြိုပို့ယာဉ် ထား ရှိပေးရေးနှင့် အခြေခံ လစာကိစ္စတို့နှင့် ပတ်သက်၍ မြောက်ပိုင်းခရိုင် အုပ်ချုပ်ရေးမှူးရုံးသို့ ဗုဒ္ဓဟူးနေ့က တင်ပြတောင်းခံမှုများ ပြုလုပ်ထားကြောင်း အလုပ်သမား များ ကိုယ်စား Bottling အုပ်စုမှ ကိုဝင်းဇော်မင်းက ပြောသည်။
“သောက်ရေက စက်ရုံမှာ အလုပ်ခန်းတခုကို ၂၀ လီတာဗူး တဗူး ပေးတယ်။ လူက ၂၀၀ လောက် ရှိတာဆိုတော့ အဆင်မပြေဘူး။ ကြိုပို့ကိစ္စကကျတော့ မနက် OT ဆင်းခိုင်းရင် ကလေးတွေ လာရသွားရတာ အဆင်မပြေတဲ့ကိစ္စတွေ ရှိတယ်။ မနက် ၇ နာရီဆိုတော့ ဝေးတဲ့လူတွေနဲ့ သွားရတာ အရမ်းခက် တယ်။ အဆိုး ဆုံးက မနက် ၇ နာရီဆို ၅ မိနစ် နောက်ကျတာနဲ့ ဝင်လို့မရတော့ဘူး။ ဒီလို ဝင်လို့မရရင် ရက်ကြေးရယ် အပိုဆုကြေးရယ် ဖြုတ်တယ်” ဟု ကိုဝင်းဇော်မင်း က ပြောသည်။
ထိုအခွင့်အရေးများ ရရှိနိုင်ရန်အတွက် စက်ရုံတွင်း ညှိနှိုင်းဆွေးနွေး ဆောင်ရွက်သော်လည်း ထိရောက်သောအဖြေ မရရှိသဖြင့် သက်ဆိုင်ရာ ခရိုင်အုပ်ချုပ် ရေးမှူးရုံးသို့ တင်ပြညှိနှိုင်း ဆောင်ရွက်ရန် စီစဉ်ရခြင်း ဖြစ်ကြောင်း သိရသည်။
“ဒီနေ့လည်း စက်ရုံမှာ ညှိဖို့ခေါ်တာ မနက် ၁ဝ နာရီက။ ကျနော်တို့က မညှိတော့ဘူး။ ဒီ အလုပ်သမားညွှန်ကြားမှု ဦးစီးဌာနမှာပဲ ညှိမယ်ဆိုပြီး လာကြတယ်။ ဒီမှာအုပ်စု ၁ နဲ့ အုပ်စု ၂ နှစ်ခု ပေါင်းဖို့ လုပ်ထားတယ်။ လူ ၅၀၀ ဝန်းကျင်လောက်တော့ ရှိနေပြီ” ဟု ပြောသည်။
တောင်းဆိုချက်များအတွက် အင်္ဂါနေ့က အုပ်စု ၁ မှ ညှိနှိုင်းဆောင်ရွက်ခဲ့ရာတွင်လည်း အဆင်ပြေမှု မရရှိကြောင်း သိရသည်။
“ဒီလိုဖြစ်နေတာတွေက ဥပဒေ လိုအပ်ချက်လို့ မြင်တယ်။ အခြေခံလစာ သတ်မှတ်ချက် မရှိတော့ ပြောရတာခက် တယ်။ ကျနော်တို့မှာ တလလုံးပေါင်းမှ လစာ လေးသောင်း လောက်ပဲ ရတယ်။ အခြေခံလစာဆိုရင် သုံးသောင်းကျော်ပဲ ရှိတယ်” ဟု ဝန်ထမ်းတဦးက ပြောသည်။
၎င်း Grand Royal စက်ရုံသည် ရွှေပြည်သာ စက်မှုဇုန် တည်ဆောက်စဉ်ကတည်းက တည်ထောင်ထားခဲ့သည်။
လှိုင်သာယာ စက်မှုဇုန်ရှိ Hi-mo ဆံပင်တု စက်ရုံမှ အမျိုးသမီး အလုပ်သမားများကလည်း အခြေခံလစာ တိုးမြှင့်ရေး အပါအဝင် ၇၈ ချက်ပါ တောင်းဆိုချက် များဖြင့် မရမ်းကုန်းမြို့နယ် အလုပ်သမားရုံး၌ ဗုဒ္ဓဟူးနေ့တွင်ပင် ဆန္ဒပြ အရေးဆိုလျက် ရှိကြသည်။
အလုပ်သမားပေါင်း ၁,၈၀၀ ခန့်ရှိသည့် ထိုစက်ရုံတွင်မူ အများစုမှာ အခြေခံလစာအဖြစ် ကျပ် ၈,၅၀၀ သာ ရရှိကြပြီး ၃ သောင်းခွဲအထိ ရရှိရန် တောင်းဆို နေကြခြင်း ဖြစ်သည်။
Ref: မဇ္ဈိမ
Read More...
Collapse...
09 မေ 2012
ကိုသားညွန့်ဦး
မြန်မာနိုင်ငံရဲ့ ပြုပြင်ပြောင်းလဲမှုတွေကို ကုလသမဂ္ဂ အထွေထွေ ညီလာခံအနေနဲ့ အသိအမှတ်ပြုပြီး တိုးတက်မှုတွေ ပိုရှိလာအောင် ကုလသမဂ္ဂအနေနဲ့ ဘယ်လို ကူညီဆောင်ရွက်ပေးနိုင်မလဲ သုံးသပ် အဖြေထုတ်ဖို့ အတွင်းရေးမှူးချုပ်ဘန်ကီမွန်းက ကုလသမဂ္ဂ အထွေထွေ ညီလာခံကို တိုက်တွန်းလိုက် ပါတယ်။ မြန်မာ နိုင်ငံရဲ့ နိုင်ငံရေးအသွင်ကူးပြောင်းမှု အောင်မြင်မှုရအောင် နိုင်ငံတကာအနေနဲ့ ၀ိုင်းဝန်းကူညီကြဖို့ကိုလည်း တိုက်တွန်းသွားပါတယ်။ ဒီအကြောင်း ကိုသားညွန့်ဦး က တင်ဆက်ပေးပါ့မယ်။
အတွင်းရေးမှူးချုပ် သူ့ရဲ့ မြန်မာနိုင်ငံ နောက်ဆုံးခရီးစဉ်နဲ့ ပတ်သက်လို့ ကုလသမဂ္ဂအထွေထွေ ညီလာခံကို မနေ့က ရှင်းပြပြီး လက်ရှိ မြန်မာနိုင်ငံတွင်း ပြောင်း လဲ မှု တွေကို အသိအမှတ်ကြဖို့ တိုက်တွန်းခဲ့တာပါ။ တိုးတက်မှုတွေ ပိုရှိလာအောင်လည်း ဘယ်လို ၀ိုင်းကြ၀န်းကြမလဲဆိုတာ နည်းလမ်းစဉ်းစားကြဖို့ အထွေထွေ ညီလာခံကို အတွင်းရေးမှူးချုပ် ဘန်ကီမွန်းက တိုက်တွန်းခဲ့ပါတယ်။
“ကုလသမဂ္ဂ အထွေထွေညီလာခံနဲ့ နိုင်ငံတကာ အသိုင်း အ၀ိုင်းက မြန်မာနိုင်ငံနဲ့ ပတ်သက် ပြီးတော့ နှစ်ပေါင်း ကြာရှည်စွာ စိုးရိမ်ပူပင်နေတဲ့ အချက်အတော် များ များကို မကြာခင်က ပြုပြင်ပြောင်းလဲ မှုတွေ လုပ်လာပါပြီ။ မြန်မာနိုင်ငံတွင်း ပြုပြင်ပြောင်းလဲမှုအခြေအနေတွေဟာ မခိုင်မာသေးဘူးဆိုတာ လက်ခံရမှာ ဖြစ်သလိုပဲ အထွေထွေ ညီလာခံအနေနဲ့ တိုးတက်မှုတွေကို တစုံတရာ အသိအမှတ် ပြုရမှာ ဖြစ်ပါတယ်။ ဒီ ပြုပြင်ပြောင်းလဲမှု လုပ်ငန်းတွေကို အတွင်းရေး မှူးချုပ် ရုံးအနေနဲ့ ဘယ်လို အကူအညီတွေ ပေးသွားနိုင်မလဲဆိုတာကိုလည်း သုံးသပ် စဉ်းစားရမှာဖြစ်ပါတယ်။”
မစ္စတာဘန်ကီမွန်း မြန်မာနိုင်ငံခရီးစဉ်အတွင်း ပြည်ထောင်စုလွှတ်တော်ကို တက်ရောက်ပြီး မိန့်ခွန်း ပြောခဲ့ တာပါ။ ဒါဟာ နှစ်ပေါင်း ဆယ်စုနှစ် နဲ့ ကြာတဲ့ မြန်မာလွှတ်တော်အတွင်း မိန့်ခွန်းပြောတဲ့ ပထမဆုံး နိုင်ငံခြား ဧည်သည်လည်းဖြစ်ပါတယ်။ ဒီခရီးစဉ်ဟာ သူရဲ့ ပထမဆုံး မြန်မာနိုင်ငံတော်သစ်ကို သွားတဲ့ ခရီးစဉ်လို့ အတွင်းရေးမှူးချုပ်က တင်စားခဲ့ပါတယ်။
“ကျနော် မြန်မာနိုင်ငံကို သွားရောက်တာ ဒီတခေါက်ပါဆိုရင် သုံးကြိမ်မြောက်ဖြစ်ပေမယ့် ရွေးကောက်ပွဲ အပြီး အရပ်သား အစိုးရတရပ် ဖွဲ့စည်းပြီး မြန်မာ နိုင်ငံသစ်ကို သွားရောက်တာ ဒါ ပထမဆုံး အကြိမ်ဖြစ်ပါ တယ်။”
ခရီးစဉ်အတွင်းဟာ မြန်မာသမတ ဦးသိန်းစိန်နဲ့ အစိုးရအဖွဲ့ဝင်တွေ အာဏာပိုင်တွေကိုရော ဒီမိုကရေစီ ခေါင်းဆောင် ဒေါ်အောင်ဆန်းစု ကြည်နဲ့ အခြား နိုင်ငံ ရေးပါတီတွေ လူမှုအဖွဲ့အစည်းတွေ ကိုပါ တွေ့ဆုံခွင့် ရခဲ့တယ်လို့ အတွင်းရေးမှူးချုပ်က ပြောပါတယ်။ အထူးသဖြင့်တော့ သူ မြန်မာပြည် ရောက်နေစဉ် အတွင်း လွှတ်တော် တက်ရေးမှာ ကျမ်းသစ္စာဆိုရေးကိစ္စ မကျေမလည်ဖြစ်နေတာကို ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် ဘက်က ပြေလည်အောင် အလျှော့ပေးလိုက်တဲ့အပေါ်မှာ ကျေနပ်နှစ်သိမ့်မိတယ်လို့ အတွင်းရေးမှူးချုပ် ဘန်ကီမွန်းက ပြောပါတယ်။ မြန်မာနိုင်ငံတွင်းမှာ အခုလို ပြုပြင်ပြောင်းလဲမှုတွေ တွေ့လာရပေမယ့် အခြေအနေတွေက ခိုင်ခံ့မှုမရှိသေးဘူးလို့လည်း အတွင်းရေးမှူးချုပ်က သတိပေးပါတယ်။
“မြန်မာနိုင်ငံတွင်း အရေးကြီးပြုပြင်ပြောင်းလဲမှုတွေ ရှိနေပေမယ့်လည်း ဒီ ပြုပြင်ပြောင်းလဲမှုတွေဟာ မခိုင်မာဘဲ အချိန်မရွေး ပြန် ပျက်ယွင်းသွားနိုင်ပါတယ်။ နိ်ုင်ငံတကာ အသိုင်းအ၀ိုင်းအနေနဲ့လည်း အခု ပြုပြင်ပြောင်းလဲမှုတွေအပေါ်မှာ အပြုသဘော ပြန်လည် တုံ့ပြန်ခဲ့ကြပါတယ်။ မြန်မာနိုင်ငံအပေါ် စီးပွားရေးအရ အရေးယူပိတ်ဆို့မှုတွေကို နိုင်ငံအတော်များများက ပြန်လည် ရုပ်သိမ်းတာ၊ ဆိုင်းငံ့တာတွေ လုပ်ခဲ့ကြပါတယ်။ မြန်မာနိုင်ငံ အသွင်ကူးပြောင်းမှုတွေ အောင်မြင် နိုင်အောင် ဒီထက်ပိုပြီး တုံ့ပြန်ဆောင်ရွက်ကြဖို့ လိုအပ်ပါတယ်။”
ပြီးခဲ့တဲ့ မြန်မာခရီးစဉ်အတွင်းမှာတော့ ကုလသမဂ္ဂနဲ့ မြန်မာနိုင်ငံအကြား ပူးပေါင်းဆောင်ရွက်မှုတွေ ပိုဖြစ်လာဖို့ကိုလည်း နှစ်ဘက် သဘောတူ ခဲ့ကြတယ်လို့ အတွင်းရေးမှူးချုပ်က ပြောပါတယ်။ မြန်မာနိုင်ငံ အပေါ် နိုင်ငံတကာ အပြုသဘောတုံ့ပြန်ကြဖို့ တိုက်တွန်းသလိုပဲ ကုလသမဂ္ဂ အနေနဲ့ကလည်း သူ့လုပ် ဆောင် ရမယ့် အပိုင်းကနေ မြန်မာ့နိုင်ငံရေး တိုးတက်မှုအတွက် ကူညီဆောင်ရွက်ဖို့ ပိုင်းဖြတ်ထားတယ်လို့လည်း ဆိုပါတယ်။
Ref: ဗွီအိုအေ
Read More...
Collapse...
09 မေ 2012
မြန်မာနိုင်ငံအတွင်းက ပြုပြင်ပြောင်းလဲမှုတွေကို ထောက်ခံတဲ့အနေနဲ့ ဆွစ်ဇာလန်နိုင်ငံ က လည်း မြန်မာနိုင်ငံအပေါ် အရေးယူပိတ်ဆို့ထားမှုတွေကို ရုပ်သိမ်းပေး လိုက်ပြီလို့ AFP သတင်း တရပ်မှာ ဖော်ပြပါတယ်။
ဒါပေမယ့်လည်း မြန်မာ့နိုင်ငံရေးအခြေအနေ ပြန်ပြီးဆိုးဝါးလာမယ်ဆိုရင်တော့ အရေးယူမှုတွေ ကို ပြန်ပြီးလုပ်မယ်လို့လည်း ဖော်ပြထားပါတယ်။
မြန်မာနိုင်ငံအတွင်း ဖိနှိပ်ချုပ်ခြယ်ရာမှာ အသုံးပြု ဆက်နွယ်နေတဲ့ လက်နက်ပစ္စည်းရောင်းချမှု ပိတ်ပင်ထား တာက လွဲပြီးတော့ တခြားအရေးယူမှုတွေ အားလုံးကို ပြန်လည်ရုပ်သိမ်းလိုက်ပြီလို့ ဆွစ်ဇာလန်နိုင်ငံက စီးပွားရေးဆိုင်ရာ SECO ရုံးကြေညာချက်ကို ကိုးကားပြီးတော့ ဖော်ပြတာပါ။
မြန်မာနိုင်ငံအတွင်းမှာ မကြာခင်က တွေ့လာရတဲ့ နိုင်ငံရေးဖြစ်ထွန်းမှုတွေကို ဆွစ်ဇာလန် အစိုးရကကြိုဆို ပြီးတော့ ဒီလိုမျိုး ပြုပြင်ပြောင်းလဲမှုတွေကြောင့် အရေးယူမှုတွေကို ပြန်လည်ရုပ်သိမ်းဖို့ လိုလားတယ်လို့ SECO ကြေညာချက်မှာ ဖော်ပြပါတယ်။
ပြီးခဲ့တဲ့ ဧပြီလ ၁၈ ရက်နဲ့ ၂၅ ရက်နေ့တွေမှာ ပြုလုပ်တဲ့ အစိုးရအဖွဲ့ရဲ့ အစည်းအဝေးအတွင်းမှာ အခုလို မြန်မာနိုင်ငံအပေါ် အရေးယူမှုတွေကို ရုပ်သိမ်းဖို့ ဆွစ်ဇာလန်ဝန်ကြီးတွေက ဆုံးဖြတ်ခဲ့ကြ တာဖြစ်ပြီးတော့ ဒါကို ဆွစ်ဇာလန်ရဲ့ စီးပွားရေးဆိုင်ရာ ပြည်ထောင်စုဝန်ကြီးဌာနကနေပြီးတော့ ဆက်ပြီးတော့ ရေးဆွဲ အကောင်အထည်ဖော်ဖို့ လွှဲအပ်ခဲ့တာလို့ ဆိုပါတယ်။
ဥရောပသမဂ္ဂ၊ EU အနေနဲ့လည်း ပြီးခဲ့တဲ့လကပဲ မြန်မာနိုင်ငံအပေါ် အရေးယူပိတ်ဆို့မှုတွေကို ဆိုင်းငံ့ ထားခဲ့ပါတယ်။ အလားတူပဲ ကနေဒါ၊ သြစတြေးလျား စတဲ့နိုင်ငံတွေကလည်း မြန်မာနိုင်ငံအပေါ် အရေးယူမှုတွေကို လျှော့ချခဲ့ပါတယ်။ ဂျပန်နိုင်ငံကလည်း မြန်မာနိုင်ငံရဲ့ ပြုပြင်ပြောင်းလဲမှုကို ထောက်ခံ အားပေးတဲ့အနေနဲ့ြုမန်မာနိုင်ငံက တင်ရှိနေတဲ့ ကြွေးမြီ အမေရိကန်ဒေါ်လာ ၃.၇ ဘီလီယံကို လျှော်ပေးခဲ့ပါတယ်။
Ref: ဗွီအိုအေ
Read More...
Collapse...
09 မေ 2012
ကိုမိုးဇော်
တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေးဆွေးနွေးမှုတွေ အဆင့် တိုးမြှင့်ဖို့အတွက် အစိုးရ ဘက်က ငြိမ်းချမ်းရေးဖော်ဆောင်ရေး အဖွဲ့ ကို ပြုပြင် ဖွဲ့ စည်းလိုက်ချိန်မှာ ကချင်ပြည်နယ်အတွင်းမှာတော့ တိုက်ပွဲတွေ က ပြင်းထန်နေဆဲဖြစ်ပါတယ်။ ကချင်လွတ်မြောက်ရေးအဖွဲ့ KIO အဖွဲ့ရဲ့ ဌာနချုပ်ရှိရာ လိုင်ဇာ ဒေသအနီးမှာ အများစုဖြစ်ပွားနေပြီး အစိုးရ တပ်တွေက တရုတ်-မြန်မာနယ်စပ်မှာ အခြေစိုက် ထားတဲ့ KIO အဖွဲ့ရဲ့ တပ်စခန်းတွေအားလုံးကို ထိုးစစ်ဆင်ဖို့ ဖြန့်ကျက်ထားတဲ့အနေအထားမှာ ရှိနေကြောင်း KIOအဖွဲ့ရဲ့ ပြောရေးဆိုခွင့်ရှိသူက ပြောပါတယ်။ ကချင်ပြည်နယ်အတွင်းက တိုက်ပွဲတွေ ရဲ့ နောက်ဆုံးအခြေ အနေကို ထိုင်းအခြေစိုက်သတင်းထောက် ကိုမိုးဇော်က တင်ပြထားပါတယ်။
ကချင်လက်နက်ကိုင်အဖွဲ့ဖြစ်တဲ့ KIO/KIA နဲ့ မြန်မာအစိုးရအကြား ၁၇ နှစ်ကြာ အပစ်ရပ်ပြီးတဲ့နောက် တိုက်ပွဲတွေပြန်စလာတာဟာ ဒီကနေ့ဆိုရင် ၁၁ လပြည့် လာပြီ ဖြစ်ပါတယ်။ တိုက်ပွဲတွေစဖြစ်ပြီးတဲ့နောက် အပစ်အခတ်ရပ်စဲဖို့အတွက် အစိုးရဘက်က ပြည်နယ် အဆင့်၊ ပြည်ထောင်စုအဆင့် ကိုယ်စား လှယ်တွေနဲ့ KIO အကြား အနည်းဆုံး ၆ ကြိမ်လောက် တွေ့ဆုံဆွေးနွေးခဲ့ပေမဲ့ ဒီကနေ့အထိ တိုက်ပွဲတွေက ပြင်းထန်နေဆဲ ဖြစ်ပါတယ်။
လက်ရှိ ကချင်ပြည်နယ်အတွင်းက တိုက်ပွဲအခြေအနေတွေကိုတော့ KIO ရဲ့ပြောရေးဆိုခွင့်ရှိသူ ဦးလနန်က အခုလို ပြောပါတယ်။
“နေ့တိုင်းတော့ တိုက်ပွဲတွေဖြစ်နေတယ်ခင်ဗျ။ ဒီမေလအတောအတွင်းမှာ မနေ့ကထိ ၈ ရက်နေ့အထိ တိုက်ပွဲပေါင်းက အနည်းဆုံး ၄၆ ကြိမ် ရှိ သွားပြီခင်ဗျ။”
လောလောဆယ် ဖြစ်ပွားနေတဲ့တိုက်ပွဲတွေဟာ ဗဟိုဌာနချုပ်ဒေသတွေမှာ ဖြစ်နေတယ်လို့ ပြောပါတယ်။
“ဗဟိုဒေသလို့ ပြောလို့ ရမယ်ခင်ဗျ။ ဗဟိုဒေသလို့ ပြောတဲ့နေရာမှာ ကျနော်တို့ရဲ့ ဗဟိုဌာနချုပ်ဖြစ်တဲ့ ပါဂျောင်ဘက်မှာ တိုက်ပွဲကတော့ သုံးရက်လောက် ဆက်တိုက်ဖြစ်နေပြီ။ တကယ်လို့များ ဆက်ပြီးတော့ တိုက်ပွဲပြင်းထန်လာမယ်ဆိုရင် ပါဂျောင်ဒေသအတွက်ရော စိုးရိမ်စရာတွေ အများကြီး ဖြစ်လာနိုင် မယ်လို့ ထင်တယ်။ နောက်ပြီးတော့ တပ်မဟာ ၅ ရဲ့ နောက်ဘက်ခြမ်းနားမှာ ဒီ ဒေါ့ဖုန်းယန်အထက်မှာလည်း မနေ့ကဆို တိုက်ပွဲ အတော် ပြင်းထန်တယ် ခင်ဗျ။ ပန်ဝါဖက်မှာလည်း တိုက်ပွဲက ရှိတယ်။ ဒါပေမဲ့ တရက်မှာ ဘယ်နှစ်ကြိမ်လောက်ဖြစ်တယ် ဆိုတာ နောက်ဆုံးသတင်းတွေတော့ မရသေးဘူး။ ဖြစ် တာတော့ ဖြစ်နေတယ်။ ပါဂျောင်ကတော့ ကျနော်တို့ရဲ့ ဗဟိုဌာနချုပ်ပေါ့ဗျာ။ လိုင်ဇာကတော့ ဒေသဖွံ့ဖြိုးရေးလုပ်ဖို့အတွက် လိုင်ဇာမှာ ကျနော်တို့ သွားရေး လာရေး အဆင်ပြေဖို့ အတွက် လိုင်ဇာမှာ ရုံးတွေဆင်းပြီးတော့ ဖွင့်ကြတာ။ အမှန်တကယ်တော့ ပါဂျောင်ဆိုတာ ကျနော်တို့ ဌာနချုပ်ပါ။”
ဒေါ့ဖုန်းယန်မြို့နယ်ဘက်က KIA ပန်စွန်စခန်းကို မနေ့က အစိုးရတပ်တွေ က လက်နက်ကြီးတွေနဲ့ ပစ်ခတ် တိုက်ခိုက်ခဲ့တာကြောင့် KIA ဘက်က ဆုတ်ခွာပေးခဲ့ရပါတယ်။ ဒီစခန်းဟာ လိုင်ဇာဒေသ ကာကွယ်ရေး အတွက် အရေးပါတဲ့လမ်းကြောင်းမှာ တည်ရှိတာဖြစ်ပြီး အစိုးရဘက်က ဒီစခန်းကို သိမ်းပိုက်ပြီးတဲ့ နောက် ထပ်မံ ထိုးစစ်ဆင်လာရင် တိုက်ပွဲတွေ ပိုပြင်းထန်လာနိုင်တယ်လို့ ဦးလနန်က သုံးသပ်ပါတယ်။ ဧပြီလ ၂၉ ရက်နေ့ ကတော့ အစိုးရရဲ့ ပြည်ထောင်စု ဆွေးနွေးရေအဆင့် ငြိမ်းချမ်းရေးအဖွဲ့ ခေါင်းဆောင် မီးရထား ဝန်ကြီး ဦးအောင်မင်းက KIO ဌာနချုပ် ကို သိမ်းပိုက်မှာမဟုတ်ကြောင်း ပြောဆိုခဲ့သလို KIO ဘက်က လည်း အစိုးရနဲ့ ငြိမ်းချမ်းရေးဆွေးနွေးပွဲတွေ ပြန်စနိုင်ဖို့အတွက် စာပေးပို့ထားပါတယ်။
လောလောဆယ်မှာ အစိုးရတပ်ဘက်က နယ်စပ်ဒေသက KIA တပ်စခန်းတွေကို ဖြန့်ပြီး ထိုးစစ်ဆင်မယ့် အနေအထားရှိနေတယ်လို့လည်း ဦးလနန်က ပြောပါတယ်။
“သူတို့က နယ်စပ်ဘက်ကို အားလုံးကို တပြိုင်တည်း ထိုးစစ်ဆင်မယ့် သဘောပါ။ ပါဂျောင်ဘက်မှာလည်း ထိုးစစ်လုပ်လာမယ်။ ဗဟိုဌာန လောလောဆယ် အထိုင်ဖြစ်နေတဲ့ လိုင်ဇာဘက်မှာလည်း ထိုးစစ် လုပ်လာမယ်။ နောက် တပ်ရင်း ၁၅ နဲ့ တပ်ရင်း ၂၅ ပတ်ဝန်းကျင် တာပိန်ရေအားလျှပ်စစ်ဘက်မှာလည်း သူတို့ ထိုးစစ်လုပ်လာဖို့ ရှိတယ်။ အဲဒီဘက်မှာလည်း ၃ ရက်နေ့အတောအတွင်းမှာ တပ်မတခု ၀င်ရောက် လာတယ်ခင်ဗျ။ အားလုံးက နယ်စပ်ဘက်ကို စစ် မျက်နှာမူပြီးမှပဲ နယ်စပ်စည်းပေါ်မှာ စစ်မျှားဦးက အဲဒီဘက် လှည့်လာကြတယ်။ ဒါကို ကြည့်ခြင်းအားဖြင့် နေရာဖြန့်ပြီး စစ်ဆင်ရေးလုပ်လာတဲ့ သဘောပါ။”
အစိုးရဘက်ကတော့ KIO က စာပေးပို့တာကို လက်ခံရရှိကြောင်း အကြောင်းပြန်ကြားပေမဲ့ ဘယ်နေ့မှာ ထပ်မံဆွေးနွေးမယ်ဆိုတာတော့ ပြန်ကြားတာ မရှိသေးပါဘူး။ မေလ ၃ ရက်နေ့မှာတော့ ငြိမ်းချမ်းရေး ဖော်ဆောင်ရေး အဖွဲ့ကို ဒုသမ္မတ ဦးစိုင်းမောက်ခမ်းက ဦးဆောင်ပြီး ပြန်လည်ဖွဲ့စည်း လိုက်ပါတယ်။ ဒါဟာ တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေးဆွေးနွေးရာမှာ အဆင့်တိုးမြှင့်ဆွေးနွေးသွားဖို့ အတွက်ရည်ရွယ်တယ်လို့လည်း ဆိုပါတယ်။
KIO ဘက်ကတော့ လက်ရှိ စစ်ရေးပြင်ဆင်နေတဲ့အခြေအနေကြောင့် အစိုးရစစ်တပ်ဘက်က တစုံတရာ ထိုးစစ်ဆင်ပြီးမှ အသစ်ဖွဲ့တဲ့ ငြိမ်းချမ်းရေး ဖော်ဆောင် ရေးအဖွဲ့နဲ့ ဆွေးနွေးမယ့် အလားအလာရှိနိုင်ကြောင်း သုံးသပ်ပါတယ်။
“သူတို့ဘက်မှာ ငြိမ်းချမ်းရေးညှိနှိုင်းရေးအဖွဲ့ကို ပြန်လည်ပြင်ဆင်ဖွဲ့စည်းတယ်ဆိုတဲ့ အချိန်နဲ့ တပြေးညီပေါ့ဗျာ။ စစ်အင်အားတိုးမြှင့်တာတွေ လုပ်လာကြ တယ်။ သူတို့စီစဉ်ချက်က ဘာလဲဆိုတော့ ဒီအချိန်တိုကာလ အတောအတွင်းမှာ သူတို့ အရှိန်အဟုန်နဲ့ ထိုးစစ်ဆင်လာဖို့ ရှိတယ် ဒီလို မြင်ရတယ် ခင်ဗျ။ အဲလို အတိုင်းအတာတခုအထိ ထိုးစစ်လုပ်လာပြီးတဲ့နောက်ပိုင်းကျမှ သူတို့ အသစ်ဖွဲ့စည်းလိုက်တဲ့ ငြိမ်းချမ်းရေး ကိုယ်စားလှယ်အဖွဲ့တွေက ကျနော်တို့ ဘက်ကို အကြောင်းကြားတာမျိုးရှိလာလိမ့်မယ်။ အခုထက်ထိတော့ သူတို့ဘက်က ဘယ်လိုဖွဲ့စည်းထားတယ်ဆိုတာမျိုး ကျနော်တို့တရားဝင် သိရှိရတာမျိုး မရှိသေးဘူး။”
ကချင်ပြည်နယ်အတွင်း အခု နောက်ဆုံး တိုက်ပွဲတွေဖြစ်ပွားနေတာကိုတော့ အစိုးရဘက်က တရားဝင် သတင်းထုတ်ပြန်တာ မရှိပါဘူး။ ပြီးခဲ့တဲ့ရက်တွေ အတွင်း မြစ်ကြီးနား-မန္တလေး ရထားလမ်းမှာ ဗုံးကွဲ တာတွေနဲ့ မြစ်ကြီးနားမြို့ပေါ်မှာ ဗုံးကွဲတာတွေကိုတော့ KIA ရဲ့လက်ချက် ဖြစ်တယ်လို့ အစိုးရ သတင်း စာတွေမှာ ဖော်ပြပါတယ်။
KIA နဲ့ အစိုးရတပ်တွေအကြား ဖြစ်ပွားနေတဲ့ ၁၁ လကြာ တိုက်ပွဲအတွင်းမှာတော့ ဒေသခံပြည်သူ ၆ သောင်းကျော်ဟာ တရုတ်-မြန်မာနယ်စပ်နဲ့ ကချင် ပြည်နယ်က မြို့ကြီးတွေကို ထွက်ပြေး တိမ်းရှောင်နေကြရပါတယ်။ ပြီးခဲ့တဲ့ ရက်ပိုင်းတွေအတွင်း ပန်ဝါနဲ့ပါဂျောင်ဘက်တွေမှာ တိုက်ပွဲတွေ ပြင်းထန်ခဲ့ တာကြောင့် ရာနဲ့ချီတဲ့ ဒုက္ခသည်တွေဟာ တရုတ်နယ်စပ်ဘက်ကို ထပ်မံထွက်ပြေးနေပါတယ်။
Ref: ဗွီအိုအေ
Read More...
Collapse...
09 မေ 2012
အမေရိကန်ပြည်ထောင်စုမှာ လိင်တူချင်း လက်ထပ်ပေါင်းသင်းချင်တဲ့ စုံတွဲတွေကို လက်ထပ်ခွင့်ပြုသင့်တယ် လို့ သူ ယူဆတဲ့အကြောင်း အမေရိကန်သမ္မတ ဘာရက်ခ် အိုဘားမားက ပြောလိုက်ပါတယ်။
ဒါကြောင့်မို့လို နိုဝင်ဘာမှာကျင်းပမယ့် သမ္မတရွေးကောက်ပွဲမတိုင်ခင်မှာတော့ ဒီကိစ္စဟာ အမြင် အယူအဆ ကွဲပြားနိုင်တဲ့ အနေအထား ဖြစ်သွားစေပါတယ်။ သူက ABC ရုပ်မြင်သံကြားနဲ့ တွေ့ဆုံမေးမြန်းခန်းတခုမှာ ဒီလိုမျိုး ပြောသွားတာဖြစ်ပါတယ်။ အရင်တုန်းကတော့ လိင်သူချစ်သူတွေ လက်ထပ်တာကို မဖြစ်နိုင် သေးဘူး၊ ဒါပေမယ့် ဒီကိစ္စနဲ့ပတ်သက်ပြီး သူ့ရဲ့အတွေးအခေါ်တွေဟာ ပြောင်းလဲလာနေတယ်ဆိုပြီး သမ္မတအိုဘားမား က ပြောခဲ့ဖူးပါတယ်။
အခုတော့ မစ္စတာအိုဘားမားက ဒါဟာ သူ့ရဲ့ကိုယ်ပိုင် ထင်မြင်ယူဆချက်ဖြစ်တဲ့အကြောင်း၊ သူဟာ မိသားစုတွေ၊ မိတ်ဆွေအပေါင်းအသင်းတွေနဲ့ နှစ်ပေါင်းများ စွာ ဒီကိစ္စကို ဆွေးနွေး ပြောဆိုလာပြီးတော့မှ အခုလို အယူအဆဖြစ်လာတာ ဖြစ်တဲ့အကြောင်း ABC ရုပ်/သံဌာနကို ပြောသွားပါတယ်။
အခုလို မစ္စတာအိုဘားမားရဲ့အယူအဆကို အမျိုးသား၊ အမျိုးသမီး လိင်တူချင်း စိတ်ဝင်စားတဲ့အဖွဲ့ကြီးက ကြိုဆိုလိုက်ပါတယ်။ ဒီလိုမျိုးထောက်ခံချက်ပေးတဲ့ ပထမဦးဆုံးသမ္မတအဖြစ်နဲ့ သမိုင်းဝင်သွားပါပြီလို့လည်း ပြောဆိုထားပါတယ်။
Ref: ဗွီအိုအေ
Read More...
Collapse...
09 မေ 2012
လူ ၄၆ ယောက် တင်ဆောင်လာတဲ့ ရုရှားဂျက်လေယာဉ်တစီးဟာ အင်ဒိုနီးရှားနိုင်ငံရဲ့ မြို့တော် ဂျကာတာ အနီးမှာ ပျောက်ဆုံးသွားတယ်လို့ တာဝန်ရှိသူတွေက ပြောပါတယ်။
ဗုဒ္ဓဟူးနေ့၊ နေ့လည်ပိုင်းမှာ အစမ်းပျံသန်းပြနေတဲ့ Sukhoi Superjet ၁၀၀ အမျိုးအစား ဂျက်လေယာဉ်ဟာ ဂျကာတာမြို့ရဲ့တောင်ဘက်မှာ ပျံသန်းနေရာကနေ ဒေသ စံတော်ချိန် နေ့လည်နှစ်နာရီလောက်မှာ ရေဒါ အတွင်းက ပျောက်ဆုံးသွားတာ ဖြစ်တယ်လို့ လေယာဉ်ကို လိုက်လံရှာဖွေနေတဲ့ ကယ်ဆယ်ရေးအဖွဲ့ရဲ့ တာဝန် ရှိသူတွေက ပြောပါတယ်။
ခရီးသည် ၁၀၀ ကိုတင်ဆောင်နိုင်ပြီးတော့ အလယ်အလတ်အကွာအဝေး မောင်းနှင်နိုင်တဲ့ လေယာဉ်ဟာ အစမ်းပျံသန်းပြနေတဲ့ ဒုတိယလေယာဉ်ဖြစ်ပြီးတော့ မြို့ရဲ့တောင်ဘက်က တောင်တန်းတွေထူထပ် တဲ့ နေရာမှာ ပျောက်ဆုံးသွားတာဖြစ်ကြောင်း အင်ဒိုနီးရှား ပို့ဆောင်ရေး ဝန်ကြီးဌာနက ပြောရေးဆိုခွင့် ရှိသူရဲ့ ပြောဆိုချက်ကို ကိုးကားပြီးတော့ ပြင်သစ်သတင်းဌာနက ဖော်ပြထားပါတယ်။
ပျောက်ဆုံးသွားတဲ့လေယာဉ်ပေါ်မှာ လိုက်ပါသူတွေဟာ ဖိတ်ကြားထားတဲ့ ဧည့်သည်တွေဖြစ်တယ်လို့ ဆိုပါတယ်။ လေယာဉ်ဟာ အမြင့်ပေ ၁၀,၀၀၀ နီးပါး ကနေ ၆ ထောင်နီးပါးကို ပြုတ်ကျသွားခဲ့တယ်ဆိုတဲ့ အကြောင်း အဆက်အသွယ်ရစဉ်က သိရှိခဲ့ရတယ်လို့ တခြားတာဝန်ရှိသူတဦးက ပြောပြပါတယ်။ အဲဒီ လေယာဉ်ကို အာရှတောင်ပိုင်းနဲ့ အလယ်ပိုင်း ကာဇီကစ္စတန်၊ ပါကစ္စတန်နဲ့ မြန်မာနိုင်ငံတွေမှာ စမ်းသပ်ပြသမှုတွေ မကြာခင်တုန်းက ပြုလုပ်ခဲ့တဲ့အကြောင်း ရုရှားရဲ့ Itar-Tass သတင်းဌာနက ဖော်ပြခဲ့ ပါတယ်။
Ref: ဗွီအိုအေ
Read More...
Collapse...
09 မေ 2012
နိုင်ငံတကာသုံး GPS စနစ်ကို အနှောင့်အယှက်ပေး မှုနဲ့ မြောက်ကိုရီးယား အစိုးရကို တောင်ကိုရီးယားနိုင်ငံက ကုလသမဂ္ဂမှာ တရားဝင် တိုင်တန်းစာ တင်သွင်း တော့မှာဖြစ်ပါတယ်။
တောင်ကိုရီးယားနိုင်ငံမှာ သုံးစွဲနေတဲ့ GPS စနစ်ကို မြောက်ကိုရီးယားဘက်က ၁၂ ရက် ဆက်တိုက် နှောင့်ယှက်မှုတွေ လုပ်နေတာမို့ ဒါကို ဆက်ပြီး သည်း မခံ နိုင်တော့ဘူးလို့ တောင်ကိုရီးယား အစိုးရက ပြောပါတယ်။ ဒီကိစ္စအတွက် မကြေနပ်ကြောင်း အကြောင်းကြားစာကို မြောက်ကိုရီးယား အစိုးရ၊ ITU နိုင်ငံတကာ ဆက်သွယ်ရေးသမဂ္ဂနဲ့ ICAO နိုင်ငံတကာ အရပ်ဘက် လေကြောင်း အဖွဲ့တွေကို ပေးပို့ခဲ့တယ် လို့ ကူးသန်းသွားလာရေး ၀န်ကြီးဌာန၊ လေ ကြောင်းဆက်သွယ် ရေး ဒါရိုက်တာ Kim Choon-oh က VOA ကိုပြောပါတယ်။
မြောက်ကိုရီးယား အစိုးရအနေနဲ့ ဘယ်လိုတုံ့ပြန်မယ်ဆိုတာ အပြောရခက်ပေမယ့် ဒီလို အနှောင့် အယှက်ပေးနေတာတွေ ရပ်တန့်သွားစေဖို့ သိပ်အရေးကြီး တယ်လို့ ဆိုပါတယ်။ ပြီးခဲ့တဲ့နှစ်ကလည်း အခုလိုတိုင်တန်းခဲ့ပေမယ့် သူတို့ လုပ်ဆောင်တာ မဟုတ်ဘူးလို့ မြောက်ကိုရီးယားက ငြင်းဆိုခဲ့တာမို့ ဒီနှစ်တိုင် တန်း ချက်ကိုလည်း ဒါမျိုးပဲ တုံ့ပြန်လိမ့်မယ်လို့ ထင်ကြောင်းပြောပါတယ်။
ဒါမျိုး အနှောင့်ယှက်ခံရမှုတွေနဲ့ ပတ်သက်ပြီး လက်ရှိ နိုင်ငံတကာ သဘောတူညီချက်တွေမှာ ပစ်ဒဏ်ခတ် အရေးယူတာမျိုး မရှိသေးဘူးလို့လည်း ဆိုပါ တယ်။ မြောက်ကိုရီးယားက GPS စနစ်ကိုနှောင့်ယှက်တယ် လို့ တောင်ကိုရီးယားက စွပ်စွဲတာ သုံးကြိမ်ရှိပြီ ဖြစ်ပေမယ့် အခုတကြိမ်ဟာ ရက်အကြာ ဆုံး ဖြစ်ပါတယ်။
တောင်ကိုရီးယားနိုင်ငံက ရေကြောင်း၊ လေကြောင်း ကွပ်ကဲမှုတွေ အတွက် အနှောက်ယှက်ခံရမှုတွေကို ဧပြီလ ၂၈ ရက်နေ့ကစပြီး တွေ့နေရကြောင်း အာဏာပိုင်တွေက ပြောပါတယ်။ တောင်ကိုရီးယား နိုင်ငံ မှာ အခြေချထားတဲ့ အမေရိကန်တပ်တွေမှာလည်း အနှောင့်ယှက်ခံရမှုတွေ ရှိနေပေမယ့် အခုထိ တရားဝင် မှတ်ချက်ပေး ပြောဆိုတာမျိုး မရှိသေးပါဘူး။
Ref: ဗွီအိုအေ
Read More...
Collapse...
2012-05-09
မြန်မာနိုင်ငံမှာ ဒီမိုကရေစီစနစ် တည်ဆောက်နေပြီဆိုရင် ကျောင်းသားသမဂ္ဂဆိုတာ တည်ရှိရမှာဖြစ်လို့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့
ချုပ် ပွင့်ပွင့်လင်းလင်း တည်ရှိရေးကို ဥပဒေကြောင်းအရ အတတ်နိုင်ဆုံးကူညီမယ်လို့ ဒေါ်အောင်ဆန်းစုကြည်က ဗကသများအဖွဲ့ချုပ် အမှုဆောင် တွေကို ပြောကြား လိုက်ပါတယ်။
ဒေါ်အောင်ဆန်းစုကြည်က ဒီနေ့မနက် ၁၁ နာရီလောက်မှာ ဗကသများအဖွဲ့ချုပ် ခေါင်းဆောင် (၉) ဦးကို တက္ကသိုလ်ရိပ်သာလမ်း နေအိမ်မှာ လက်ခံ တွေ့ဆုံခဲ့ပြီး အခုလို ပြောဆိုတာပါ။
ဒါ့အပြင် ကျောင်းသားတွေ ရင်ဆိုင်နေရတဲ့ အခက်အခဲတွေကိုလည်း တတ်နိုင်သလောက် ပြေလည်အောင် ကူညီဖြေရှင်းပေးမယ်လို့ ပြောဆိုကြောင်း ဗကသများအဖွဲ့ချုပ် ပြန်ကြားရေးတာဝန်ခံ ကိုသီဟဝင်းတင်က RFA ကိုအခုလို ပြောပါတယ်။
" ပထမဦးဆုံးမှာ သူပြောတဲ့ ဥစ္စာကတော့ ပြည်သူတွေ ခံစားကြုံတွေ့ရတဲ့ ဝေဒနာတွေပေါ့နော်။ ဒုက္ခတွေ၊ ပြဿနာတွေကို ပြောဆိုဆွေးနွေးထားတယ်။ ပြီးတော့ ကျွန်တော်တို့ ဒီကျောင်းသားကိစ္စနဲ့ ပတ်သက်ပြီးတော့ နိုင်ငံတကာက ကျောင်းသား သမဂ္ဂတွေရဲ့ ဖွဲ့စည်းပုံကို လေ့လာနိုင်ဖို့အတွက် သူကူညီ ပေးမယ်လို့ ကျွန်တော်တို့ကို ပြောတယ်။ ဒီကျောင်းသားသမဂ္ဂဆိုတာ တရားဝင် ဖြစ်ပြီးသားဆိုတာကို သူ့အနေနဲ့လည်း လက်ခံတယ်ပေါ့နော်။ ဒီမိုကရေစီ နိုင်ငံ ဆိုလို့ရှိရင် ကျောင်းသားသမဂ္ဂ ဆိုတာ ရှိကိုရှိရမယ်ပေါ့နော်။ အဲဒီဥစ္စာတွေကို သူက ဆက်ပြီးကူညီသွားမယ်။ ပိုပြီးတော့ တရားဝင် ပွင့်ပွင့်လင်းလင်း ဖြစ်လာနိုင်အောင်ပေါ့နော်။ ပြီးတော့ အခုလောလောဆယ်မှာ ကျွန်တော်တို့တွေ အကုန်လုံးက ကျောင်းတက်ခွင့် ပိတ်ပင်ခံထားရတယ်။ ဒီကိစ္စနဲ့ ပတ်သက် ပြီး ကျောင်းပြန်တက်ခွင့်ရအောင် သူ့အနေနဲ့ ဥပဒေအရ ပြန်ပြီးကူညီပေးနိုင်မယ်လို့ သူကပြောပါတယ်"
ကိုလိုနီခေတ် လွတ်လပ်ရေး ကြိုးပမ်းမှု ကာလကတည်းက တည်ရှိခဲ့တဲ့ ကျောင်းသားသမဂ္ဂတွေကို ၁၉၆၂ ခုနှစ်နောက်ပိုင်း အဆောက်အဦးလည်း ဗုံးခွဲဖျက်ဆီးခံရ၊ အဖွဲ့တည်ရှိခွင့်လည်း ပိတ်ပင်ခံခဲ့ရပေမယ့် ခေတ်အဆက်ဆက် ကျောင်းသားတွေက သမဂ္ဂကို လျှို့ဝှက်ဖွဲ့စည်းပြီး လက်ဆင့်ကမ်း သယ်ဆောင်လာရာမှာ ၁၉၈၈ ခုနှစ်မှာတကြိမ် ကျောင်းသားထုရှေ့မှာ ပြန်လည်ဖွဲ့စည်းနိုင်ခဲ့ပါတယ်။
အဲဒီနောက်ပိုင်း စစ်အစိုးရရဲ့ဖိနှိပ်မှုကြောင့် ဗကသများအဖွဲ့ချုပ်ဟာ ပွင့်ပွင့်လင်းလင်း တည်ရှိခွင့် မရပေမယ့် ၂၀၀၇ မျိုးဆက် ကျောင်းသားတွေက ဆက်လက် ဖွဲ့စည်းလုပ်ကိုင်ခဲ့ပြီး၊ အခုအစိုးရရဲ့ အုပ်ချုပ်ရေးစနစ်အောက်မှာ ကျောင်းသားသမဂ္ဂတွေ ဒေသအလိုက် ပွင့်ပွင့်လင်းလင်း တည်ရှိနိုင်ဖို့ ကြိုးစားနေကြပါတယ်။
Ref: အာရ်အဖ်အေ
Read More...
Collapse...
2012-05-09
အမျိုးသားဒီမိုကရေစီ အဖွဲ့ချုပ် ပါတီပြန်လည် ဖွဲ့စည်းရေးအတွက် နာယက ဦးတင်ဦး ဦးဆောင်တဲ့ အဖွဲ့ဝင် ၉ ဦးပါ ဗဟို ကော်မရှင်တစ်ရပ်ကို NLD က ဒီကနေ့ စတင်ဖွဲ့စည်းလိုက်ပါတယ်။
အမျိုးသားဒီမိုကရေစီ အဖွဲ့ချုပ်ရဲ့ ပြည်နယ်၊ တိုင်း၊ မြို့နယ်နဲ့ ကျေးရွာ အဆင့်ဆင့် ကော်မရှင် ဖွဲ့စည်းရေးဆိုင်ရာ ညီလာခံ ကျင်းပနိုင်ရေးအတွက် ဗဟိုကော်မရှင် တစ်ရပ်ကို ဖွဲ့စည်းလိုက်တာလို့ NLD က ဒီကနေ့ ကြေညာချက် ထုတ်ပြန်လိုက်တာပါ။
ညီလာခံကျင်းပရေး ဗဟိုကော်မရှင်အနေနဲ့ ပါတီတွင်း အာဏာအဆင့်ဆင့် ပြန်လည်ဖွဲ့စည်းရေးကို အဓိက ဆောင်ရွက်မှာ ဖြစ်ကြောင်း ပြန်ကြားရေးတာဝန်ခံ ဦးဥာဏ်ဝင်းက ပြောပါတယ်။
ဒီဗဟိုကော်မရှင်မှာ ဥက္ကဋ္ဌ အဖြစ် ဦးတင်ဦး၊ အတွင်းရေးမှူးအဖြစ် ရှေ့နေကြီး ဦးဥာဏ်ဝင်း၊ အဖွဲ့ဝင်တွေအဖြစ် ဦးဟန်သာမြင့်၊ ဦးသိန်းဦး၊ ဦးစိုးဝင်း၊ ဦးမျိုးညွန့်၊ ဒေါ်လဲ့လဲ့၊ ဒေါ်မြင့်မြင့်စိန်နဲ့ ဒေါ်ခင်စောမူတို့ ပါဝင်ပါတယ်။
ကြားဖြတ်ရွေးကောက်ပွဲ အနိုင်ရပြီးနောက် ပါတီဝင် စုဆောင်းရေး၊ ပါတီပြန်လည်ဖွဲ့စည်းရေးအတွက် NLD က ဆက်လက်ဆောင်ရွက်တာ ဖြစ်ကြောင်း သိရ ပါတယ်။
Ref: အာရ်အဖ်အေ
Read More...
Collapse...
2012-05-09
မြန်မာနိုင်ငံအပေါ် ချမှတ်ထားတဲ့ ပိတ်ဆို့ အရေးယူမှုတချို့ကို ပြန်လည် ရုပ်သိမ်းတော့မယ်လို့ ဆွစ်ဇာလန် အစိုးရက မနေ့က ကြေညာလိုက်ပါတယ်။
ဧပြီလအတွင်း ၀န်ကြီးများ အစည်းအဝေးတွေကနေ ဆုံးဖြတ်ခဲ့တာ ဖြစ်ပါတယ်။ ဆုံးဖြတ်ချက်အရ လက်နက်နဲ့တကွ ဖိနှိပ်ရေးမှာ အသုံးပြုနိုင်တဲ့ တခြား ပစ္စည်းတွေ ရောင်းချတာကလွဲပြီး၊ ကျန်တဲ့ ပိတ်ဆို့မှုတွေကို ရုပ်သိမ်းမှာ ဖြစ်တယ်လို့ စီးပွားရေးဆိုင်ရာ အတွင်းဝန်ရုံးက ဗုဒ္ဒဟူးနေ့က ပြောပါတယ်။
မြန်မာနိုင်ငံမှာ အခုလပိုင်းတွေအတွင်း အပြုသဘောဆောင်တဲ့ ဖြစ်ပေါ်ပြောင်းလဲမှုတွေကို ဆွစ်ဇာလန် အစိုးရက ကြိုဆိုပြီး၊ အဲဒီပြုပြင်ပြောင်းလဲမှုတွေကို အားပေးထောက်ခံတဲ့အနေနဲ့ ပိတ်ဆို့မှု တချို့ကို ပြန်လည် ရုပ်သိမ်းဖို့ ရည်ရွယ်ထားပါတယ်လို့ အတွင်းဝန်ရုံး ကြေညာချက်မှာ ဖော်ပြပါတယ်။
ဒီဆုံးဖြတ်ချက်ဟာ ဒီကနေ့ ကြာသပတေးနေ့မှာ အသက်ဝင်မှာ ဖြစ်ပါတယ်။ ဒါပေမဲ့ မြန်မာ့နိုင်ငံရေး အခြေအနေ အဆိုးဘက်ကို ရုတ်တရက် ပြန်ပြောင်း သွားမယ် ဆိုရင်တော့ ပိတ်ဆို့မှု ရုပ်သိမ်းချက်ကို ပြန်လည်ပယ်ဖျက်မယ်လို့ ဆိုပါတယ်။
Ref: အာရ်အဖ်အေ
Read More...
Collapse...
2012-05-09
ကရင်ပြည်နယ် ဘုရားသုံးဆူမြို့မှာ မနေ့ညက လက်နက်ကိုင်လူ (၆) ဦးက ရပ်ကွက်အတွင်း ဝင်ရောက်လာပြီး လူ (၅) ဦးကို ဖမ်းဆီးခေါ်ဆောင် သွားတဲ့အတွက် မြို့သူမြို့သားတွေ အထိတ်တလန့် ဖြစ်နေကြတယ်လို့ သိရပါတယ်။
M 22 တလက်၊ M 16 လေးလက် မောင်းပြန်တွေ ကိုင်ဆောင်ထားတဲ့ ပျောက်ကြား စစ်ဝတ်စုံဝတ်၊ ဦးထုပ်ဆောင်းထားတဲ့ လူတစုက ဘုရားသုံးဆူမြို့နယ်၊ အမှတ် (၂) ရပ်ကွက်၊ ငုဝါလမ်းသွယ် (၁၀) နဲ့ (၁၁) ကြားကို ညပိုင်း ၈ နာရီခွဲလောက်မှာ ရုတ်တရက် ဝင်ရောက်လာပြီး ကိုသက်ဦး၊ ကိုဝေယံ၊ ကိုဘိုဘို၊ ကိုမောင်နဲနဲ့ မသီတာတို့ (၅) ဦးကို လက်ပြန်ကြိုးတုတ် ဖမ်းဆီးခေါ်ဆောင်သွားတယ်လို့ ထွက်ပြေးလွတ်မြောက်လာသူ မျက်မြင်ဒေသခံတဦးက ပြောပါ တယ်။
သေနတ်သမားတွေက တွေ့တဲ့လူကို ဖမ်းဆီးခေါ်ဆောင်သွားတာ ဖြစ်တယ်လို့လည်း ဆိုပါတယ်။ အဖမ်းခံရသူတွေထဲမှာ လက်ကိုင်ဖုန်းရှိသူ ပါသွားတဲ့ အတွက် သူတို့ဆွေမျိုးတွေကို ဖုန်းဆက်သွယ်ပြီး လက်နက်ကိုင် ပြန်ပေးသမားတွေက ထိုင်းဘတ်ငွေ (၅) သိန်းနဲ့ ပြန်ရွေးရမယ်လို့ ပြောကြောင်း အဖမ်း ခံရသူတဦးနဲ့ ဆွေမျိုးတော်စပ်သူ တဦးက ပြောပါတယ်။
“အခု ဒီပြန်ပေးက ရပ်ကွက်မှာ နေတဲ့သူတွေကို တွေ့ရင်တွေ့တဲ့သူကို ဆွဲခေါ်သွားတယ် ဆိုတော့လေ၊ မရှိဆင်းရဲသားတွေသက်သက် ဖြစ်နေတယ်ခင်ဗျ။ တနေ့လုပ်မှ တနေ့စားရတဲ့ အလုပ်သမားတွေလည်း ပါတယ်။ မချမ်းသာလို့ဘဲ အခန်းကျဉ်းကျဉ်းလေးထဲမှာ ဌားနေရတဲ့ မိသားစုတွေထဲကလည်း ပါသွား တာတွေ ရှိတယ်ခင်ဗျ။ မနေ့ညက ဖမ်းဆီးခေါ်ဆောင်သွားတယ်။ တညလုံးပေါ့နော်။ ကျွန်တော်တို့ ဖုန်းနဲ့ စကားပြောလို့ ရလို့ သိရသမျှလောက်က တည လုံးလည်း ဘာမှမစားရဘူး။ နောက်ပြီးတော့ လမ်းချည်းပဲတောက်လျှောက် လျှောက်နေရတယ်တဲ့ခင်ဗျ။ မနက်ကတော့ ဟိုကနေပြီးတော့ ဘာပြောလဲဆို တော့ ဘယ်ကိုရောက်နေမှန်းတော့ မသိဘူး။ ဒါပေမယ့် တောထဲတောင်ထဲမှာပဲ တဦးလျှင် ဘတ်(၅)သိန်းလို့ ပြောတယ်"
ဘုရားသုံးဆူ အုပ်ချုပ်ရေးပိုင်း အာဏာပိုင်တဦးကတော့ ဓားစာခံတွေရဲ့ လုံခြုံမှုကို စိုးရိမ်လို့ ဒီကိစ္စကို ရဲစခန်းမှာ အမှုဖွင့် တိုင်ကြားခြင်း မရှိသေးဘူးလို့ ပြောပါတယ်။
ဘုရားသုံးဆူမှာ အခုလို ပြန်ပေးဆွဲတာ ဒီနှစ်ထဲမှာ (၂) ကြိမ် ရှိပြီဖြစ်ပြီး ပြီးခဲ့တဲ့ ဖေဖော်ဝါရီလ (၁၄) ရက် ချစ်သူများနေ့ကလည်း အခုလို လက်နက်ကိုင် ပြန်ပေးသမားတွေက သမီးရည်းစားအတွဲ နှစ်တွဲနဲ့ ကိုသိန်းဆိုသူတို့ကို ဖမ်းဆီးခေါ်ဆောင်သွားပြီး ရွှေတကျပ်သားနဲ့ ဘတ်ငွေ ၁ သောင်း တောင်းဆိုခဲ့ ကြောင်း၊ အခုတခေါက်မှာတော့ တဦးကို ဘတ်ငွေ (၅) သိန်း တောင်းတဲ့အတွက် လူတွေစိုးရိမ်ထိတ်လန့်ပြီး အလုပ်အကိုင်တောင် မသွားရဲအောင် ဖြစ်နေ ကြောင်း ဒေသခံတွေက ပြောဆိုနေကြပါတယ်။
Ref: အာရ်အဖ်အေ
Read More...
Collapse...
2012-05-09
ရန်ကုန်တိုင်း လှိုင်သာယာ စက်မှုဇုန် အမှတ် (၄) မှာရှိတဲ့ Hi-Mo High-Art ဆံပင်တုစက်ရုံ အလုပ်သမားတွေက အခြေခံလုပ်ခလစာ တိုးပေးဖို့နဲ့ အခြား အလုပ်သမား ရပိုင်ခွင့်တွေ ရရှိဖို့အတွက် ဒီနေ့ ဆန္ဒပြခဲ့ကြပါတယ်။
ဒီကိစ္စနဲ့ ပတ်သက်လို့ ဆန္ဒပြ အလုပ်သမားတွေရဲ့ ကိုယ်စားလှယ် မအေးမြတ်မွန်က RFA ကို အခုလို ပြောပါတယ်။
" အခု ညီမတို့တောင်းထားတာက အခြေခံလစာ တိုးဖို့အတွက်နဲ့ ခွင့်မပေးတာတွေပေါ့နော်။ အဲဒီအတွက်နဲ့ လာခဲ့တာပါရှင့်။ အခြေခံလစာက ညီမဆိုလို့ရှိရင်၊ လေးနှစ်ကျော်ပြီပေါ့နော်။ ၁၂၀၀၀ ပဲရတယ်ရှင့်။ ညီမတို့က ဖြစ်နိုင်လို့ရှိရင် ၃၀၀၀၀ လိုချင်တယ်။ တခြားစက်ရုံတွေနဲ့ ယှဉ်မယ်ဆိုရင် ညီမတို့လစာက အရမ်း နည်းတယ်။ ညီမတို့မိသားစုအတွက် ဘယ်လိုမှ မဖူလုံနိုင်ဘူး။ အဲတာကြောင့်မို့လို့ အခုလိုမျိုးလုပ်ရတာပါ"
Hi - Mo High-Art စက်ရုံမှာ အလုပ်သမား ၁၈၀၀ ကျော်လောက် ရှိနေပြီး ပိုင်ရှင်က ကိုရီးယားလူမျိုးတဦး ဖြစ်သလို ပိုင်ရှင်အမည်ခံထားသူက မြန်မာ နိုင်ငံသားတဦး ဖြစ်တယ်လို့ ဆိုပါတယ်။
စက်ရုံမှာ နှစ်ရှည်အလုပ်သမားတွေကိုသာ အခြေခံလုပ်ခလစာ တစ်သောင်းကျော်ပေးပြီး၊ ကျန်အလုပ်သမားတွေက ရှစ်ထောင်နဲ့ ကိုးထောင်လောက်ပဲ ရကြတယ်လို့ အလုပ်သမားတွေက ပြောပါတယ်။
ဒါ့အပြင် အလုပ်သမားတွေ နေထိုင်ရတဲ့အဆောင်၊ စားသောက်ရတဲ့ အစားအစာတွေကလည်း ညံ့ဖျင်းလွန်းတဲ့အပြင် နေရပ်ပြန်ဖို့ ခွင့်ရက်ရှည်မပေးတဲ့ ကိစ္စ တွေလည်း တောင်းဆိုထားတယ်လို့ ဆိုပါတယ်။
ဒီကိစ္စတွေကို ဖြေရှင်းပေးဖို့ လှိုင်သာယာအလုပ်သမားရုံးက လက်မခံတဲ့အတွက် မရမ်းကုန်းမြို့နယ် ၈ မိုင် လမ်းဆုံနားမှာရှိတဲ့ အလုပ်သမား ပြဿနာ ဖြေရှင်းရေးရုံးမှာ သွားရောက် တိုင်ကြားကြတယ်လို့လည်း သိရပါတယ်။
Ref: အာရ်အဖ်အေ
Read More...
Collapse...
2012-05-09
ကြားဖြတ်ရွေးကောက်ပွဲ မဲမသမာမှုတွေကို ဖော်ထုတ်ခဲ့တာဟာ လွတ်လပ်ပြီး တရားမျှတတဲ့ ရွေးကောက်ပွဲတခု ဖြစ်လာရေးအတွက်သာ ဖြစ်ကြောင်း အမျိုးသားဒီမိုကရေစီ အဖွဲ့ချုပ်က ဒီကနေ့ ပြောကြားလိုက်ပါတယ်။
ဧပြီလ ၁ ရက်နေ့ ရွေးကောက်ပွဲအတွင်း ဆန္ဒမဲလက်မှတ်တွေမှာ ဖယောင်းသုတ်ထားတာတွေ တွေ့ရှိခဲ့တဲ့အတွက် NLD ပါတီက တိုင်ကြားခဲ့တဲ့အမှုနဲ့ ပတ် သက်လို့ ဖော်ထုတ်စစ်ဆေးအပြီး မှန်ကန်မှုမရှိဘူးလို့ ရွေးကောက်ပွဲ ကော်မရှင်က သတင်းထုတ်ပြန်လိုက်တာနဲ့ ပတ်သက်ပြီး NLD ပြောရေးဆိုခွင့်ရှိသူ ဦးဥာဏ်ဝင်းက အခုလို တုံ့ပြန်လိုက်တာပါ။
" စုံစမ်းတွေ့ရှိချက်အရ ဖယောင်း မသုတ်ထားသော်လည်းပဲ ဖယောင်းသုတ်ထားသကဲ့သို့ ပြောင်ချောနေလို့၊ ရေးခြစ်မရလို့၊ အတင်းခြစ်တဲ့ ပယ်မဲတွေ အများကြီး တွေ့ရတယ်။ အဲတာကြောင့် အဲဒီလို တွေ့တဲ့အတွက် အန်ကယ်လ်တို့ရဲ့ ကန့်ကွက်တင်ပြချက်က အဓိပ္ပာယ်ရှိတဲ့ တင်ပြချက်လို့ အန်ကယ်လ်တို့ ပြောချင်တယ်။ နောက်တခုက အန်ကယ်လ်တို့ တစုံတခု ဖော်ထုတ်တယ်၊ သတင်းထုတ်ပြန်တယ်၊ ရွေးကောက်ပွဲ ထိခိုက်စရာ ရှိတယ်ဆိုရင် ရွေးကောက်ပွဲ တရားမျှတမှု လိုလားတဲ့ လူတွေအားလုံး လုပ်ရမယ်တာဝန်ပဲ။ ဒါတွေဖော်ထုတ်ဖို့ အန်ကယ်လ်အဲတာ ပြောချင်တယ်"
ကြားဖြတ် ရွေးကောက်ပွဲကာလ မြို့နယ် ၁၀ မြို့နယ်မှာ ရေးခြစ်မရအောင် ဖယောင်းသုတ်ထားတဲ့ ဆန္ဒမဲလက်မှတ်တွေကို မဲရုံမှူးက ဝေပေးခဲ့တယ်ဆိုပြီး NLD ပါတီက တိုင်ကြားချက်ဟာ မဟုတ်မမှန်ကြောင်း၊ ဒီဖြစ်စဉ်အတွက် တရားဝင် တိုင်တန်းသူလည်း မရှိကြောင်း၊ ဒီတိုင်တန်းချက်ဟာ သတင်းအခြေ အမြစ်မရှိတဲ့ တဆင့်ကြားစကား၊ ထင်မြင်ယူဆချက်တွေသာ ဖြစ်ကြောင်း ကော်မရှင်ရဲ့ ထုတ်ပြန်ချက်မှာ ဖော်ပြထားပါတယ်။
မြန်မာနိုင်ငံရဲ့ တိုးတက်ဖြစ်ပေါ် ပြောင်းလဲမှုတွေကို နိုင်ငံတကာက စောင့်ကြည့်နေတဲ့ ကာလအတွင်း အခုလို မမှန်မကန် စွပ်စွဲပြောဆိုမှုတွေဟာ မြန်မာနိုင်ငံ ရဲ့ ရွေးကောက်ပွဲ ဂုဏ်သိက္ခာ ကျဆင်းစေတဲ့အတွက် အရေးယူသင့်ကြောင်း သုံးသပ်တင်ပြမှုတွေ ထွက်ပေါ်လာကြောင်းလည်း ကြေညာချက်မှာ ဖော်ပြ ထားပါတယ်။
မဲမသမာမှုတွေနဲ့  ပတ်သက်ပြီး စွပ်စွဲ တိုင်တန်းချက်အပြင် အမျိုးသားဒီမိုကရေစီ အဖွဲ့ချုပ် အနိုင်ရ လွှတ်တော်ကိုယ်စားလှယ် လေးဦးအပေါ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ကန့်ကွက်မှုတွေကိုလည်း NLD အနေနဲ့ တန်ပြန် တရားရင်ဆိုင်သွားမှာ ဖြစ်ကြောင်း ပြောကြားသွားပါတယ်။
Ref: အာရ်အဖ်အေ
Read More...
Collapse...
2012-05-09
ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ကို ပြည်ထောင်စု ရွေးကောက်ပွဲ ကော်မရှင်က ပါတီ ပြန်လည်တည်ထောင်ခွင့် ပြုလိုက်ကြောင်း မေလ ၈ ရက်နေ့ မနေ့က အကြောင်းကြား လာတယ်လို့ ပြောရေးဆိုခွင့်ရှိသူ ဦးစိုင်းလိတ်က ပြောပါတယ်။
SNLD ပြန်လည်တည်ထောင်ခွင့် ရဖို့အတွက် ပါတီအကြီးအကဲ ဦးခွန်ထွန်းဦး အပါအ၀င် ပါတီတည်ထောင်လိုသူ ၁၅ ဦးအမည်နဲ့ လျှောက်ထားခဲ့တာ ဖြစ်ပါတယ်။
ပါတီရဲ့ ဖွဲ့စည်းပုံ၊ အလံ၊ အမှတ်အသား စတာတွေကို ပြည်ထောင်စု ရွေးကောက်ပွဲ ကော်မရှင်ထံ တင်ပြရမှာဖြစ်ပြီး ရက်ပေါင်း ၃၀ အတွင်းမှာ ပြည်ထောင်စု ရွေးကောက်ပွဲ ကော်မရှင်က အသိအမှတ်ပြုပေးရမှာ ဖြစ်ပါတယ်။
အဲဒီနောက်မှာ ပါတီရဲ့ ဦးဆောင်ကော်မတီတွေကို ရွေးချယ်ရမှာ ဖြစ်တယ်လို့ ဦးစိုင်းလိတ်က ပြောပါတယ်။ SNLD ပါတီဟာ ၁၉၉၀ ခုနှစ် အထွေထွေ ရွေး ကောက်ပွဲတုန်းက ဒုတိယအများဆုံး အနိုင်ရခဲ့တဲ့ပါတီ ဖြစ်ပါတယ်။
နောက်ပိုင်းမှာ ပါတီခေါင်းဆောင် ဦးခွန်ထွန်းဦးနဲ့ ခေါင်းဆောင်အတော်များများကို စစ်အစိုးရက ထောင်ဒဏ်နှစ်ရှည် ချမှတ်ခဲ့ပါတယ်။ ဦးခွန်ထွန်းဦးနဲ့ ခေါင်း ဆောင်တွေ ပြန်လည် လွတ်မြောက်လာပြီးမှာ အခုလို ပါတီမှတ်ပုံတင်ဖို့ ဖြစ်လာတာပါ။
Ref: အာရ်အဖ်အေ
Read More...
Collapse...
09 May 2012
ကချင်ပြည်နယ် ဗန်းမော်-လွယ်ဂျယ်လမ်းမပေါ် မြန်မာအစိုးရစစ်ကြောင်း ၂ ကြောင်းအား ကချင်လွတ်မြောက်ရေးတပ်ဖွဲ့ (KIA) မှ မေ ၇ ရက်၊ တနင်္လာနေ့က ပဒေသာမိုင်းများဖြင့် တိုက်ခိုက်ခဲ့ရာ အစိုးရစစ်သား ထိခိုက်ကျဆုံးမှု များကြောင်း KIA က ဆိုသည်။
ဗန်းမော် (မန်မော်)မှ လွယ်ဂျယ်သို့ တက်လာသည့် အစိုးရစစ်ကြောင်းကို လော့မွန် (Law Mun) နှင့် စိန်လုံ (Sinlum) ကြား ၂ နေရာတွင် ပဒေသာမိုင်း များဖြင့် KIA တပ်မဟာ ၃ စစ်သားများနှင့် KIA အရပ်သား တပ်ဖွဲ့များက ပူးပေါင်းတိုက်ခိုက်ခဲ့သည်ဟု တပ်မဟာ ၃ အရာရှိများဆိုသည်။
ယင်း မိုင်း ပဒေသာ တိုက်ခိုက်မှုတွင် မြန်မာစစ်သား ၄၀ နီးပါး ကျဆုံးပြီး အများအပြား ဒဏ်ရာရရှိခဲ့သည်ဟု ဒေသခံများနှင့် KIA တပ်မဟာ ၃ အရာရှိများက KNG ကချင်သတင်းဌာနသို့ ပြောသည်။
ရှေ့ရက် တနင်္ဂနွေနေ့ကလည်း ဗန်းမော်-ကိုင်ထိပ်-နမ့်ခမ်းလမ်းကြောင်းတွင် အင်အား ၁၀၀ နီးပါးရှိ မြန်မာစစ်တပ် တပ်မ ၉၉ စစ်ကြောင်းအား ၂ နေရာတွင် KIA တပ်ရင်း ၁ နှင့် ၂၇ တပ်ဖွဲ့များမှ ခြုံခိုတိုက်ခိုက်ခြင်းများ ပြုလုပ်ခဲ့သည်။
တိုက်ခိုက်မှုတွင် စစ်ကြောင်းမှူးအပါဝင် မြန်မာစစ်သား ၃၀ ကျော် ကျဆုံးပြီး အချို့ဒဏ်ရာရရှိသည်ဟု KIA တပ်ရင်း ၁ နှင့် ၂ အရာရှိများဆိုသည်။
ယင်း စစ်ကြောင်းသည် ကိုင်ထိပ်စခန်းမှ နမ့်ခမ်းသို့ ထွက်သွားစဉ် အင်အား ၁၀၀ နီးပါးရှိသော်လည်း တိုက်ခိုက်ခံရပြီးနောက် မူလစခန်းသို့ ပြန်လာသော စစ်သား ၄၀ လောက်သာရှိသည်ဟု မျက်မြင်သက်သေများ က KNG ကချင်သတင်းဌာန သို့ ပြောသည်။
မတ်လ က သမ္မတဦးသိန်းစိန် အစိုးရနှင့် ကချင်လွတ်မြောက်ရေးအဖွဲ့ (KIO) ကြား နိုင်ငံရေးစကားပြောရန် တွေ့ဆုံခြင်း ကျဆုံးပြီးနောက် ဧပြီ ၁ ရက်နေ့မှ ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် နှစ်ဖက်စစ်ပွဲအရှိန် တက်လာသည်။
Ref: ကေအဲန်ဂျီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88