ဆန္ဒပြအလုပ်သမားခေါင်းဆောင်တချို့ အလုပ်ဖြုတ်ခံရ

04 ဇူလိုင် 2012
မအေးအေးမာ

မကြာသေးခင်လတွေအတွင်းက မြန်မာနိုင်ငံ ရန်ကုန်၊ စက်မှုဇုန်သီးသီးမှာ အလုပ်သမား ဆန္ဒပြမှုတွေ ဖြစ်ပွားပြီး တဲ့နောက် အလုပ် အထုတ်ခံရသူတွေ များလာတဲ့အတွက် အလုပ်သမားရေးကို ဖြေရှင်းတဲ့အခါမှာ အလုပ်သမား ၀န်ကြီးဌာနရဲ့ ဖြေရှင်းမှု နည်းလမ်းဟာ အားနည်းချက်တွေရှိနေတယ်လို့ အလုပ်သမားအရေး ဆောင်ရွက် သူတွေက ထောက်ပြကြပါတယ်။ အခုနောက်ဆုံး အလုပ်သမားတွေ ကြုံတွေ့နေရတဲ့အခြေအနေတွေကိုတော့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

မေလနဲ့ဇွန်လအတွင်း မြန်မာနိုင်ငံစက်မှုဇုန် အလုပ်သမားဆန္ဒပြမှုတွေ ဖြစ်ပြီးတဲ့နောက်မှာတော့ ဆန္ဒပြမှုမှာ ပါဝင် ဦးဆောင်တဲ့ အလုပ် သမားတွေကို အလုပ်ကထုတ်ပယ်မှုတွေ လှိုင်သာယာ စက်မှုဇုန် ၄ မှာဖြစ်ခဲ့ပါ တယ်။

အလုပ်သမားအရေး ဦးဆောင်နေသူ ဦးဌေးက လှိုင်သာယာ စက်မှုဇုန်ထဲမှာတင် စက်ရုံ ၃ ရုံက အလုပ် သမားတွေ အကြောင်းအမျိုး မျိုးနဲ့ ထုတ်ပယ်ခံနေရတယ်လို့ ဆိုပါတယ်။

“အလုပ်သမားတွေကတော့ အခု စက်ရုံအလုပ်ရုံ ကိစ္စတွေ ဖြေရှင်းမှုနောက်ပိုင်းမှာ ပိုင်ရှင်ဘက်က အလုပ် ထုတ်တာတချို့ ရှိတယ် ပေါ့ဗျာ။ အဲဒါတွေတော့ မြို့နယ်ညှိနှိုင်းဖြေရှင်းရေးအဖွဲ့ကို ကျနော်တို့ တင်ခိုင်းထား တယ်ပေါ့။ ပထမဆုံး အစောပိုင်းက ထုတ်တာက တော့ ဦးမြအောင်ပေ့ါဗျာ။ သူက ခွင့်မဲ့ပျက်ကွက်တယ် ဆိုပြီးတော့ နေမကောင်းတာကို ခွင့်မပေးဘဲနဲ့ ထုတ်ပစ်လိုက်တာ။ နောက် ထပ်ကတော့ ထွန်းပိုင် ဘလောက်တုံး စက်ရုံ။ ထွန်းပိုင် ဘလောက်တုံးစက်ရုံက ပြီးခဲ့တဲ့ သပိတ်မှောက်တုန်းက ခေါင်းဆောင်ကို သူက အလုပ်ခန့်ထားရေး သဘောတူစာချုပ်ကို လက်မှတ်မထိုးလို့ ဆိုပြီးတော့ အလုပ်ထုတ်လိုက်တယ်။ အဲဒါကတော့ ၅ ရက်နေ့ ချိန်းထား ပါတယ်။ နောက်တခုကတော့ အအေးခန်းစက်ရုံပေါ့။ အအေးခန်းမှာ လည်း ပြီးခဲ့တဲ့သပိတ်မှောက်တုန်းက အလုပ်သမားပဲ။ အဲလိုပဲ အလုပ်ထုတ်ပစ်လိုက်တာ။”

လှိုင်သာယာ စက်မှုဇုန် (၁)၊ တော်ဝင်မြန်မာ အထည်ချုပ်စက်ရုံ အလုပ်သမား ၄၀ ကျော်ကိုတော့ အသက် မပြည့်လို့ ထုတ်ပစ် လိုက်ရကြောင်း အလုပ်ရှင်နဲ့အလုပ်သမား ဖြန်ဖြေရေး ကိစ္စတွေ ဆောင်ရွက်ပေးနေတဲ့ အလုပ်သမားဥပဒေ စိစစ်ရေး ညွှန်ကြား မှုဦးစီးဌာနက ညွှန်ကြားရေး မှူးချုပ် ဦးဝင်းရှိန်က ဆိုပါတယ်။ ဒါပေမဲ့လည်း အလုပ်ထုတ်ပစ်မှုဟာ အလုပ်သမားဥပဒေပါ အချက် အလက်တွေအတိုင်း မဟုတ်တဲ့ အကြောင်း ဦးဌေးက ဆိုပါတယ်။

“ဥပဒေအရတော့ အလုပ်ရုံဥပဒေမှာပါတယ်။ ၁၃ နှစ်အောက်ကတော့ လုပ်ပိုင်ခွင့်မရှိဘူးပေါ့။ ၁၃ နှစ် အထက်နဲ့ ၁၈ နှစ်ကြားက ဟာတွေ တာဝန်ခံဆရာဝန်က လက်မှတ်ထုတ်ပေးထားရင် ခန့်ပိုင်ခွင့်ရှိတယ်။ သတ်မှတ်ထားတဲ့ ဥပဒေနဲ့အညီ။ အကယ်၍ ကလေး တွေကို အလုပ်ထုတ်ဖို့ ဥပဒေမှာ မပါဘူးဗျ။ ဥပဒေမှာတော့ တာဝန်ခံ ဆရာဝန်က လက်မှတ်ထုတ်ပေးရတယ်။ လက်မှတ်ထုတ်ပေးရင် သက်ဆိုင်ရာ အလုပ်သမားကလည်း ကိုင် ထားရတယ်။ စက်ရုံမှာလည်း ကလေးအလုပ်သမားတွေခိုင်းမယ်ဆိုရင် အများမြင်သာတဲ့ နေရာမှာ ဘယ်နှစ်ယောက်ခိုင်းတယ်၊ ဘယ်လိုအလုပ်မျိုး၊ ဘယ်လိုအခြေအနေမှာ အလုပ်ချိန်တွေကအစ အများမြင် သာအောင် ကပ်ထားပေးရတယ်။ ဒါ အလုပ်ရုံ ဥပဒေမှာပါတယ်။

အကယ်၍ အဲဒါကို မလိုက်နာရင် အရေးယူရမှာက အလုပ်ရုံပိုင်ရှင် ဒါမှမဟုတ် သူတို့လူကို အရေးယူရမှာ။ အခုကျတော့ အဲဒီလို မ ဟုတ်ဘဲနဲ့ ပြီးခဲ့တဲ့ သပိတ်မှာပါတဲ့သူတွေကို အသက်မပြည့်လို့ဆိုတဲ့ အကြောင်းပြ ချက်နဲ့ ထုတ်ပစ်တယ်လို့ ပြောတယ်။ အဲဒါနဲ့ ပတ်သက်လို့ ဥပဒေအယူအဆအရ ကျနော်တို့က ရှင်းပြတာပါ။ အဲဒီလို ထုတ်ပိုင်ခွင့်မရှိဘူး။ ကျနော်တို့ မျက်မြင်အရ ဗမာပြည်မှာက အလုပ်ရှင်နဲ့ အလုပ်သမားရုံးတွေက ဝန်ထမ်းတွေရဲ့ဆက်ဆံရေးက ကောင်းမွန်ပြီးတော့ အလုပ်ရှင်နဲ့အလုပ်သမား ဆက်ဆံရေးက မကောင်းမွန် ဘူး။ အလုပ်သမားနဲ့ အလုပ်သမားရုံးက ဝန်ထမ်းတွေရဲ့ဆက်ဆံရေးက မကောင်းမွန်ဘူး ဖြစ်နေတယ်။ အထူးသဖြင့် ပြောရမယ်ဆိုရင် အဂတိလိုက်စားမှုတွေများတယ်ဆိုရင် အလုပ်သမားတွေက အခွင့် အရေးတွေ ဆုံးရှုံးကြရတယ်။”

တကယ်တော့ အလုပ်သမားတွေအနေနဲ့ ဆန္ဒပြပြီး တောင်းဆိုချက်အတော်များများကို တောင်းခဲ့ကြရာမှာ လုပ်အားခပြဿနာအပြင် တနေ့ ၁၂ နာရီကျော် ခိုင်းစေမှုတွေ၊ အလုပ်သမားတွေရသင့်တဲ့ လူမှုဖူလုံရေး ဥပဒေခံစားခွင့်အတိုင်း မရရှိတာတွေ၊ အလုပ်ရှင်တွေက လိုက်နာ ဆောင်ရွက်ပေးမှု မရှိတာတွေကြောင့်လို့ ဆိုပါတယ်။

“ဆိုလိုတာက စက်ရုံ၊ အလုပ်ရုံ ပိုင်ရှင်တွေဘက်ကနေပြီးတော့ ဥပဒေနဲ့မညီညွတ်တာတွေ ဆောင်ရွက်နေ တာကို သိလျက်နဲ့ သက် ဆိုင်ရာ အလုပ်သမားရုံးက အရာရှိတွေက အချိန်မီ မဆောင်ရွက်ကြတာပေါ့။ အထူးသဖြင့် အလုပ်ရုံဥပဒေရှိတယ်။ အလုပ် တက်ရက်နဲ့ ခွင့်ရက် ဥပဒေတွေရှိတယ်။ နောက် လူမှုဖူလုံရေး ဥပဒေတွေရှိတယ်။ အဲဒီ ဥပဒေတွေက ကြာလှပြီပေ့ါဗျာ။ ၅၁ ခုနှစ်ကတည်းက ပြဌာန်းထားတာ။ လူမှု ဖူလုံရေး ဥပဒေဆိုရင် ၅၄ ခုနှစ်ကတည်းက ပြဌာန်းထားတာ။ အဲဒီဥပဒေတွေကို စက်ရုံတွေက မလိုက်နာ တာကို အလုပ်သမားရုံးက အရာရှိတွေက အရေးယူလို့ရတာပဲ။ အရေးမယူခဲ့ဘူး။ အထူးသဖြင့် ဒီကာလ မှာပေါ့ဗျာ။ အရေးယူတာ မျိုးမရှိဘူး။ အရေးယူတာမရှိတဲ့အတွက် အလုပ်သမားတွေက အခွင့်အရေးတွေ အများကြီး ဆုံးရှုံးကြရတာ။”

အလားတူပဲ မန္တလေးတိုင်းက အောင်စိန် အထည်ဆိုးဆေးစက်ရုံမှာလည်း အလုပ်သမားခေါင်းဆောင် ၁၀ ဦး ဟာ အကြောင်းပြ ချက်မပေးဘဲ အလုပ်ရှင်က အလုပ်ထုတ်ပစ်တာခံခဲ့ရပါတယ်။

အလုပ်သမား ဆန္ဒပြမှုတွေဖြစ်လာနေတာနဲ့ပတ်သက်လို့ လှုံ့ဆော်သူတွေကို အညှိုးထားပြီး အလုပ်ကနေ အကြောင်းအမျိုးမျိုးနဲ့ ထုတ်ပယ်တာဟာ အလုပ်ရှင်နဲ့အလုပ်သမားတွေကြား အမြဲလိုလို ကြုံနေရတာ လည်း ဖြစ်ပါတယ်ရှင်။

Ref: ဗွီအိုအေ

Read More...

Collapse...

ဦးတင်အောင်မြင့်ဦးနေရာ ဒု-သမ္မတသစ်တဦး အစားထိုးမည်

04 ဇူလိုင် 2012
ကိုရဲကျော်အောင်

မြန်မာနိုင်ငံမှာ ဒုတိယသမ္မတ ဦးတင်အောင်မြင့်ဦး ကျန်းမာရေးအခြေအနေကြောင့် ရာထူးကနေ အနားယူမယ် လို့ သတင်းတွေ ထွက်ပေါ် နေခဲ့တာဟာ အခုတော့ အတည်ဖြစ်သွားပါပြီ။ ဒါကြောင့် အစားထိုးခန့်အပ်လာမယ့် ဒုတိယသမ္မတဟာ ပြုပြင်ပြောင်း လဲရေးကိုလိုလားတဲ့၊ ပြည်သူလူထုလက်ခံနိုင်တဲ့ ပုဂ္ဂိုလ်မျိုး ဖြစ်လာဖို့ ပြည်သူ့ လွှတ်တော်ကိုယ်စားလှယ်တွေက မျှော်လင့်နေ ကြ ပါတယ်။ ဒါနဲ့ပတ်သက်တဲ့ အပြည့်အစုံကိုတော့ ရန်ကုန်ကနေ ကိုရဲကျော်အောင်က ဆက်သွယ်မေးမြန်းတင်ပြပေးထားပါတယ်။

လက်ရှိသမ္မတသူရသီဟဦးတင်အောင်မြင့်ဦးအနေနဲ့ ကျန်းမာရေးအခြေအနေအရ ရာထူးက အနားယူ မှာဖြစ်လို့ သူ့နေရာမှာအစားထိုးဖို့ ပြည်ထောင်စုလွှတ်တော်ကနေပြီး (၇) ရက်အတွင်း ဒုတိယ သမ္မတ တစ်ဦးကို ရွေးချယ် နာမည်စာရင်းပေးဖို့ နိုင်ငံတော် သမ္မတက ပြည်ထောင်စု လွှတ်တော်ကို ပေးပို့တဲ့ သ၀ဏ်လွှာ မှာဖော်ပြပါရှိတယ်လို့ ဒီနေ့ လွှတ်တော်တက်ရောက်တဲ့ ကိုယ်စားလှယ်တွေက ပြောပါတယ်။

“ဒုတိယသမ္မတ ဦးတင်အောင်မြင့်ဦးသည် ကျန်းမာရေးချွတ်ယွင်းမှုကြောင့် ၁၈ ရက်၊ ၄ လ၊ ၂၀၁၂ မှ ၁ ရက်၊ ၅ လ၊ ၂၀၁၂ အထိ စင်ကာပူ နိုင်ငံတွင် ဆေးကုသမှု ခံယူခဲ့ပါသည်။ ဆေး ကုသမှု ခံယူရာမှ ပြန်လည်ရောက်ရှိပြီး အနားယူရန်လိုအပ်သဖြင့် ၁ ရက်၊ ၅ လ၊ ၂၀၁၂ မှ၊ ၃၀ ရက်၊ ၆ လ၊ ၂၀၁၂ ရက်အထိ နေအိမ်တွင် ဆေးကုသစောင့်ရှောက်မှု ရည်ညွှန်း (၁) ပါ စာဖြင့် တင်ပြချက်အရ ခွင့်ပြုပေးခဲ့ပါသည်။ ထိုသို့ ဆေးကုသမှု ခံယူနေသော်လည်း သက်သာပျောက်ကင်းမှုမရှိခြင်းကြောင့် အချိန်ကာလတစ်ခု အထိ ဆေးကုသ စောင့်ရှောက်မှုခံယူရန် လိုအပ်ပါသဖြင့် နိုင်ငံတော် ဖွဲ့စည်းပုံအခြေခံဥပဒေ ပုဒ်မ ၇၂ နှင့် ပြည်ထောင်စုအစိုးရအဖွဲ့ ဥပဒေပုဒ်မ ၆၇ တို့အရ ဒုတိယ သမ္မတတာဝန် ထမ်းဆောင်ခြင်းအား ၁ ရက်၊ ၇ လ၊ ၂၀၁၂ ရက်မှ စ၍ နုတ်ထွက်ခွင့်ပြုပါရန် ရည်ညွှန်း (၂) ပါ စာဖြင့် တင်ပြလာပါတယ်။ သို့ပါ၍ လစ်လပ်သွားသော ဒုတိယသမ္မတ ရာထူးနေရာ တွင် ဖြည့်စွက်နိုင်ရေးအတွက် ဆောင်ရွက်နိုင်ပါရန် နိုင်ငံတော် ဖွဲ့စည်းပုံအခြေခံ ဥပဒေပုဒ်မ ၇၃၊ ပုဒ်မခွဲ (စ) ပါ ပြဌာန်းချက်အရ သဝဏ်လွှာပေးပို့အပ်ပါသည်။”


သိန်းစိန်
နိုင်ငံတော် သမ္မတ

ဒုတိယသမ္မတဖြစ်လာဖို့အတွက် လက်ရှိရေပန်းစားနေသူတွေကတော့ အုပ်ချုပ်ရေးပိုင်းက ပြည်ထောင်စု ၀န်ကြီး တစ်ဦး၊ အုပ်ချုပ်ရေး ပိုင်းက ကော်မရှင်ဥက္ကဋ္ဌတစ်ဦးနဲ့ ဥပဒေပြုရေးက လွှတ်တော် ဥက္ကဋ္ဌတစ်ဦး၊ လွှတ်တော်နှစ်ရပ်က ကိုယ်စားလှယ်တစ်ဦးဖြစ်တယ်လို့ ပြည်သူ့လွှတ်တော် ကိုယ်စားလှယ် အသိုင်းအ၀ိုင်းက ထင်ကြေးပေးနေပါတယ်။

ဒါနဲ့ ပတ်သက်ပြီး ရခိုင်တိုင်းရင်းသားတိုးတက်ရေးပါတီမှ ဒေါက်တာအေးမောင်က အခုလိုပြောပါတယ်။

“ကျနော်တို့ ကြားနေတဲ့သတင်းပေါ့နော်- လက်ရှိဝန်ကြီးတဦးလည်းပဲ ဒီ Nomination ထဲမှာ ပါနေတယ်။ အဲဒီလိုပဲ ပြည်ထောင်စု အဆင့် အဖွဲ့အစည်းတခုရဲ့ ဥက္ကဋ္ဌတဦးကလည်း ဒုတိယနေရာမှာ ပါနေတယ်။ အဲဒီလိုပဲ ပြည်သူ့လွှတ်တော်က ကော်မတီတခုက ဥက္ကဋ္ဌတွေလည်း ပါနေတယ်ဆိုတဲ့ သတင်းကတော့ ကျနော်တို့ ကြားနေရတာပေါ့။”

အများက ဒုတိယသမ္မတဖြစ်လာဖို့ ထင်ကြေးနေကြတဲ့သူတွေထဲမှာ ပြည်သူ့လွှတ်တော်ဥက္ကဋ္ဌ ဦးရွှေမန်း ကလည်း ထိပ်ဆုံးမှာ ရှိနေ တယ်လို့ လွှတ်တော်ကိုယ်စားလှယ် အသိုင်းအ၀ိုင်းက ပြောပါတယ်။ ဒါပေမဲ့ ပြည်သူ့လွှတ်တော်အတွင်းက ကိုယ်စားလှယ်အတော် များများကလည်း သူရဦးရွှေမန်းအနေနဲ့ ဒုတိယ သမ္မတနှစ်ဦးထက် ပြည်သူ့လွှတ်တော်ရဲ့ ဥက္ကဋ္ဌတစ်ဦးအဖြစ်သာ ဆက်လက် ရှိ နေစေချင်တာနဲ့ ပတ်သက်ပြီး ပြည်သူ့လွှတ်တော်ကိုယ်စားလှယ် ဦးခိုင်မောင်ရီက အခုလိုပြောပြပါတယ်။

“ကျနော်တို့ ပြည်သူ့လွှတ်တော်ဥက္ကဋ္ဌကြီး သူရဦးရွှေမန်းကို ဒုသမ္မတအဖြစ် ရွေးကောက်မယ်ဆိုတဲ့အခါမှာ လွှတ်တော် ကိုယ်စား လှယ်တွေရဲ့ ရင်ထဲမှာ နည်းနည်းလေး တမျိုးဖြစ်သွားတာ တွေ့တယ်။ ကျနော် အပါအဝင် ပြည်သူ့လွှတ်တော် ဥက္ကဋ္ဌကြီးကို ဒု- သမ္မတအဖြစ် ရွေးချယ်မယ်ဆိုရင် ကန့်ကွက်ကြမယ် လို့ ပြောဆိုနေကြတယ်။”

အသစ်ဖြစ်လာမယ့် ဒုတိယသမ္မတဟာ လက်ရှိသမ္မတဦးသိန်းစိန်ရဲ့ အသွင်ကူးပြောင်းရေးလုပ်ငန်းစဉ်တွေ လက်တွဲညီညီပါဝင် ဆောင်ရွက်တဲ့ ပုဂ္ဂိုလ်တစ်ဦးဖြစ်သင့်တယ်လို့လည်း အမျိုးသား လွှတ်တော် ကိုယ်စားလှယ် ဒေါက်တာအေးမောင်က ပြောပါတယ်။

“တပ်မတော်သားအစုအဖွဲ့က အဆိုပြုတဲ့ပုဂ္ဂိုလ်ဟာ အထူးသဖြင့် ဒီမိုကရေစီဘက်ကို သွားမယ့် ပုဂ္ဂိုလ်တွေ ရဲ့စိတ်ထဲမှာ မှန်းမျှော် ထားတာကို ကြည့်ရင် နိုင်ငံတော်သမ္မတကြီးသွားနေတဲ့ Reform Strategy ကို တပ်မတော်နဲ့အတူတူ သွားနိုင်မယ့်ပုဂ္ဂိုလ်၊ ပြည် ထောင်စုလွှတ်တော်နဲ့ ပြည်ထောင်စုအစိုးရအဖွဲ့နဲ့ အတူတူ သွားနိုင်တဲ့ ပုဂ္ဂိုလ်မျိုး ကို ရွေးမယ်လို့ပဲ ယူဆရပါတယ်။ အများလက် ခံနိုင်တဲ့၊ တပ်မတော်သားတွေ ကိုယ်တိုင်ကလည်း လေးစား ချစ်ခင်တဲ့၊ လက်ခံနိုင်တဲ့ပုဂ္ဂိုလ်မျိုး၊ ပြည်ထောင်စုလွှတ်တော်တခု လုံး ကလည်း ဝမ်းပန်းတသာ ကြိုဆိုကြ မယ့် ပုဂ္ဂိုလ်မျိုး၊ နိုင်ငံသူနိုင်ငံသား အားလုံးကလည်း ကြိုဆိုပြီးကာမှ သမ္မတကြီးနဲ့ အတူတူ ကျနော်တို့ သွားချင်တဲ့လမ်းကြောင်းကို အတူတူသွားချင်တဲ့ ပုဂ္ဂိုလ်မျိုး၊ ပြု-ပြောင်း မြင်သာပြီး အခုနပြောသလို အများ လက်ခံ နိုင်တဲ့ပုဂ္ဂိုလ်မျိုး ဖြစ်ရင်တော့ဖြင့် ပိုပြီး ဝမ်းမြောက်ဝမ်းသာဖြစ်ကြမှာပါ။”

အသစ်ပြန်လည်အမည်စာရင်းပေးသွင်းရမယ့် ဒုတိယသမ္မတရာထူးကို တပ်မတော်သားကိုယ်စားလှယ် ၂၅ ရာခိုင်နှုန်းက ရွေးချယ် မှာဖြစ်ပြီး ဇွန်လ ၁၀ ရက်နေ့မှာ ဒုတိယသမ္မတရာထူးအတွက် အပြီးသတ် အမည် စာရင်း ပေးသွင်းရမှာဖြစ်တယ်လို့ သိရပါ တယ် ခင်ဗျား။

Ref: ဗွီအိုအေ

Read More...

Collapse...

ပစ်ချခံရတဲ့ဂျက် လေယာဉ်မှူးအလောင်းတွေ တူရကီရှာတွေ့

04 ဇူလိုင် 2012

ဆီးရီးယားတပ်ဖွဲ့တွေက ပြီးခဲ့တဲ့လမှာ ပစ်ချခဲ့တဲ့ တူရကီ F-4 ဂျက်လေယာဉ်ပေါ် က လေယာဉ်မှူးနှစ်ယောက်ရဲ့ ရုပ် အလောင်းတွေကို မြေထဲပင်လယ်အရှေ့ပိုင်းက ပင်လယ်ကြမ်းပြင်မှာ ရှာတွေ့ပြီလို့ တူရကီ စစ်ဘက် က ပြောပါတယ်။ ဆီးရီးယားနိုင်ငံတ၀န်းမှာတော့ အကြမ်းဖက်မှုတွေက ဆက်ဖြစ်နေဆဲပါ။

တူရကီကင်းထောက်လေယာဉ်ကို ဇွန်လ ၂၂ ရက်နေ့မှာ ဆီးရီးယားက ပစ်ချခဲ့ပြီးတဲ့နောက် နှစ်နိုင်ငံဆက်ဆံရေး ယိုယွင်းခဲ့ပါ တယ်။ တူရကီနိုင်ငံက အခိုင်အမာ ပြန်တုံ့ပြန်မယ်လို့ သတိပေးထားတာပါ။ ဒါပေမဲ့လည်း ဒီအဖြစ် အပျက်ကနေ လက်နက်ကိုင် ပဋိပက္ခအထိ ဖြစ်လာမှာကိုတော့ မလိုလားဘူးလို့ နှစ်နိုင်ငံစလုံးက ပြောထားကြ ပါတယ်။

ဆီးရီးယားနိုင်ငံမှာ ၁၆ လထဲရောက်လာပြီဖြစ်တဲ့ ပုန်ကန်ထကြွမှုတွေကို ဆီးရီးယားအစိုးရက အကြမ်းဖက်နှိမ်နင်း တဲ့အတွက် အရင် တုန်းက ဆက်ဆံရေးနီးစပ်ခဲ့တဲ့ အိမ်နီးချင်းနှစ်နိုင်ငံအကြား တင်းမာမှုတိုးလာတာ လပေါင်းများစွာ ကြာနေပါပြီ။ ဆီးရီးယားအစိုးရကို ပုန်ကန်နေသူတွေကို နယ်စပ်တလျှောက်မှာ တူရကီက လှုပ်ရှားခွင့်ပေးထား သလို ထောင်ပေါင်းများစွာ သော ဆီးရီးယားဒုက္ခသည် တွေဟာလည်း တူရကီနိုင်ငံထဲက ဒုက္ခသည် စခန်းတွေ မှာ နေထိုင်နေကြပါတယ်။

ဆီးရီးယားစစ်တပ်ထဲက နောက်ထပ် ဗိုလ်ချုပ်ကြီးတဦးဟာလည်း ဗုဒ္ဓဟူးနေ့မှာပဲ အတိုက်အခံဘက်ဆီ ကူးပြောင်း သွားတာ ကြောင့် ဒါဟာ ၁၅ ယောက်မြောက် အဆင့်မြင့်အရာရှိတယောက် တူရကီမြေဘက် ထွက်ပြေးတာ လည်းဖြစ်ပါတယ်။

အစိုးရ ဆန့်ကျင်သူလက်နက်ကိုင်တွေရဲ့ လွတ်လပ်သော ဆီးရီးယားတပ်ဖွဲ့ဆီ ကူးပြောင်းသွားတဲ့ အရာရှိ ၂၅၀ လောက်ကို တူရကီက လက်ခံထားပါတယ်။

Ref: ဗွီအိုအေ

Read More...

Collapse...

လူထုကန့်ကွက်တဲ့ ကြေးနီစက်ရုံ တရုတ်ရပ်ဆိုင်း

04 ဇူလိုင် 2012

တရုတ်နိုင်ငံအလယ်ပိုင်းမှာ ကြေးနီစက်ရုံတခု ဆောက်လုပ်မယ့်အစီအစဉ်ကို တရုတ်အာဏာပိုင် တွေက ဖျက်သိမ်းလိုက်ပါတယ်။

စက်ရုံကထွက်လာမယ့် ညစ်ညမ်းမှုတွေကြောင့် ဒေသခံတွေက အကြီးအကျယ် ဆန့်ကျင်ခဲ့ကြပြီး နောက်မှာ အခုလို အစီအစဉ် ဖျက် လိုက်တာဖြစ်ပါတယ်။ ဆီချွမ်ပြည်နယ် Shifang မြို့က ထောင် ချီတဲ့ မြို့ခံတွေဟာ စက်ရုံဆောက်လုပ်ရေးကို ၃ ရက်ဆက်တိုက် လမ်း ပေါ်ထွက် ဆန္ဒပြခဲ့ကြပါတယ်။

စက်ရုံကထွက်တဲ့ ညစ်ညမ်းလေထုတွေက သူတို့ကျန်းမာရေး အတွက် အန္တရာယ်ဖြစ်မှာကို စိုးရိမ်နေကြတာဖြစ်ပါတယ်။ Shifang အစိုးရက ဒီကနေ့ထုတ်ပြန်တဲ့ ကြေညာချက်ထဲမှာ ကြေးနီစက်ရုံ စီမံကိန်းကို ရပ်ဆိုင်းလိုက်ပြီလို့ ကြေညာခဲ့တဲ့အတွက် ပြည်သူတွေ ဘက်က မမျှော်လင့်ဘဲ အောင်ပွဲရသွားပါတယ်။

ဆန္ဒပြပွဲအတွင်း ဖမ်းဆီးခံခဲ့ရသူ ၂၇ ယောက်ထဲက ၂၁ ယောက်က သူတို့မှားတယ်လို့ ဝန်ခံခဲ့ပြီးတဲ့နောက် ရဲက ပြန်လွှတ်ပေးလိုက်ပါ တယ်။ ကျန် ၆ ယောက်ကတော့ ဆက်လက်အဖမ်းခံထားရဆဲဖြစ်ပြီး မတည်မငြိမ်ဖြစ်အောင် လှုပ်ရှားမှုမှာ ပါဝင်မှုနဲ့ တရားစွဲခံရနိုင် ပါတယ်။ ဆန္ဒပြပွဲတွေအတွင်း ရဲတွေက မျက်ရည်ယိုဗုံးတွေသုံး၊ နံပါတ်တုတ်တွေနဲ့လူစုခွဲခဲ့တဲ့အတွက် အနည်းဆုံး လူ ၁၃ ဦးလည်း ထိခိုက်ဒဏ်ရာ ရခဲ့ပါတယ်။

Ref: ဗွီအိုအေ

Read More...

Collapse...

၂၃၆ ကြိမ်မြောက် အမေရိကန်လွတ်လပ်ရေးနေ့

04 ဇူလိုင် 2012

အမေရိကန်နိုင်ငံ ဗြိတိသျှလက်အောက်က လွှတ်မြောက်ကြောင်း လွှတ်လပ်ရေးကြေငြာစာတမ်း ကြေညာ ခဲ့တာ ၂၃၆ နှစ်မြောက် နှစ်ပတ်လည်အခမ်းအနားတွေကို အမေရိကန်နေရာအနှံ့မှာ ကျင်းပနေကြပါတယ်။

မြို့ကြီး၊ မြို့လေးတွေမှာသာမက တိုင်းပြည်အနှံ့က သန်းပေါင်းများစွာသော အမေရိကန်တွေဟာ လွတ်လပ်ရေးအခမ်းအနား ချီတက် ပွဲတွေ၊ မီးရှုး မီးပန်း ဖောက်ပွဲတွေ၊ မိသားစုအတူ ဆုံစည်းပြီး Picnic ပျော်ပွဲစားထွက်တာတွေကို လုပ်ကြလေ့ရှိပါတယ်။

ဝါရှင်တန်မြို့တော်မှာတော့ ထောင်ပေါင်းများစွာသော ပြည်သူတွေဟာ လွတ်လပ်ရေးကျောက်တိုင်ရှိရာ မြို့လည်ခေါင် မျက်ခင်းပြင်မှာ စုဝေးပြီး တနိုင်ငံလုံးကို ရုပ်မြင်သံကြားက တိုက်ရိုက်ပြသမယ့် လွတ်လပ်ရေး အခမ်းအနား တီးမှုတ် ဖျော်ဖြေပွဲတွေနဲ့ ညဘက်မှာ ပစ် ဖောက်မယ့် မီးရှုး မီးပန်းတွေကြည့်ဖို့ စိုင်းပြင်းနေကြ ပါတယ်။

သမ္မတအိုဘားမားကလည်း အထူးဖိတ်ကြားထားတဲ့ စစ်သည်တွေကို BBQ အသားကင်တွေ၊ သမ္မတရဲ့ အထူး Marine တပ်ဖွဲ့တီးဝိုင်း တွေနဲ့ ဂုဏ်ပြုဧည့်ခံမှာ ဖြစ်ပါတယ်။

၁၈၁၂ ခုနှစ်မှာ အမေရိကန် ပြည်တွင်းစစ်အတွင်း တိုက်ပွဲဖြစ်ပွားခဲ့တဲ့ နေရာတွေမှာလည်း မီးရှုး မီးပန်းတွေကို ပစ်ဖောက်မှာ ဖြစ်ပါ တယ်။ အလားတူပဲ အမေရိကန်နိုင်ငံရဲ့ ပထမဆုံးမြို့တော် ဖြစ်ခဲ့တဲ့ Philadelphia ၊ မယ်ရီလန်းပြည်နယ်ရဲ့မြို့တော် Annapolis နဲ့ နယူး ယောက်မြို့တို့မှာလည်း မီးရှုး မီးပန်းတွေ ပစ်လွှတ်ပြီး လွတ်လပ်ရေးနေ့အခမ်းအနားတွေ ကျင်းပကြမှာ ဖြစ်ပါတယ်။

Ref: ဗွီအိုအေ

Read More...

Collapse...

Monthly News Commentary - June 2012

PDC Monthly News Commentary - June 2012

Read More...

Collapse...

ကုလသမဂ္ဂ နှလုံးလှသံတမန် ဟောင်ကောင် မင်းသား ဂျက်ကီချန်း မြန်မာနိုင်ငံကို သွားမည်

2012-07-03

ကမ္ဘာကျော် ဟောင်ကောင် ကွန်ဖူးအက်ရှင်မင်းသား၊ ကုလသမဂ္ဂ နှလုံးလှသံတမန် ဂျက်ကီချန်းဟာ မြန်မာနိုင်ငံကို ၃ ရက်ကြာ ခရီးစဉ် အဖြစ် အခုသီတင်းပတ်အတွင်း သွားရောက်မှာဖြစ်ပြီး ကလေးသူငယ်များ လူကုန်ကူးခံရမှု တိုက်ဖျက်ရေးနဲ့ ပတ်သက်တဲ့ ကုလသမဂ္ဂ လုပ်ငန်းကို ကူညီသွားမှာ ဖြစ်ကြောင်း ကုလသမဂ္ဂ ကလေးများ ရန်ပုံငွေအဖွဲ့ (UNICEF) က သတင်းထုတ်ပြန် လိုက်ပါတယ်။

ဂျက်ကီချန်းဟာ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန အရာရှိတွေအပြင် မြန်မာနိုင်ငံ လူကုန်ကူးမှု တိုက်ဖျက်ရေး ရဲတပ်ဖွဲ့တို့နဲ့ တွေ့ဆုံပြီး လူကုန်ကူးမှု တိုက်ဖျက်ရေးကို ပိုမိုထိရောက်စွာ ဆောင်ရွက်နိုင်ရေး ကိစ္စများကို ဆွေးနွေးမှာ ဖြစ်ပါတယ်။

သူဟာ မြန်မာနိုင်ငံမှာ ကုလသမဂ္ဂ အထောက်အပံ့နဲ့ ဖွင့်လှစ်ထားတဲ့ လူကုန်ကူးခံခဲ့ရသူ ကလေးငယ်များ အသက်မွေး ဝမ်းကျောင်းမှု သင်တန်းကျောင်းကို သွားရောက်ပြီး လူကုန်ကူးခံရမှုက ပြန်လည် လွတ်မြောက်လာခဲ့တဲ့ ကလေးများနဲ့ တွေ့ဆုံမှာ ဖြစ်ပါတယ်။

ကလေးသူငယ်တွေကို ကုန်ကူးမှုဟာ အင်မတန်ဆိုးဝါးတဲ့ ရာဇ၀တ်မှု တစ်ခုပါ။ အဲဒီကလေးငယ်တွေဟာ တစ်ဘ၀လုံး ကြောက်ရွံ့ စိတ်နဲ့ နေထိုင်သွားရမှာ ဖြစ်ပြီး သူတို့ရဲ့ ကလေးဘ၀ကို ဓားပြတိုက်ခံလိုက်ရတာ ဖြစ်ပါတယ်။

ကလေးသူငယ်တွေဟာ ရောင်းကုန် မဟုတ်ပါဘူး။ ကမ္ဘာပေါ်က ကလေးငယ်အားလုံး အန္တရာယ်ကင်းစေဖို့ ဒီလို ရာဇ၀တ်မှုတွေကို ကြိုးစား တိုက်ဖျက်သွားရမှာ ဖြစ်ပါတယ်လို့ သံတမန်မင်းသား ဂျက်ကီချန်းက ပြောပါတယ်။

ဒါ့အပြင် သူက ကလေးသူငယ်တွေဟာ သူ့တို့ကိုယ်သူတို့ ဘယ်လို ကာကွယ်ရမလဲဆိုတာ သိဖို့ သိပ်အရေးင်္ကြီးပါတယ်။ နိုင်ငံခြား တိုင်းပြည်တစ်ခုခုမှာ အလုပ်ရမယ်လို့ ပြောလာသူတွေကို မယုံဖို့၊ ကိုယ်တခါမှ မသွားဖူးတဲ့နေရာတွေကို တယောက်ထဲ မသွားဖို့၊ ကိုယ်တိုင်နဲ့ မိဘတွေရဲ့ နံမည်အပြည့်အစုံကို သိဖို့၊ ဘယ်မှာနေသလဲ ဆိုတာ ပြောပြနိုင်ဖို့ လိုပါတယ်လို့လည်း ပြောပါတယ်။

ဂျက်ကီချန်းဟာ ကုလသမဂ္ဂ နှလုံးလှ သံတမန်အဖြစ် ၂၀၀၄ ခုနှစ် ကတည်းက ဆောင်ရွက်လာတာ ဖြစ်ပါတယ်။

Ref: အာရ်အဖ်အေ

Read More...

Collapse...

လူပွဲစားဖြင့် မလေးရှားနိုင်ငံ သွားသည့် လီဆူအမျိုးသမီး (၂)ဦး ပျောက်ဆုံးနေ

3 July 2012
နော်ဆဲကလယ်

လူပွဲစားများ၏ ဆက်သွယ်ပေးမှုဖြင့် ကရင်ပြည်နယ်၊ မြ၀တီမြို့မှတဆင့် မလေးရှားနိုင်ငံသို့ တောလမ်းဖြင့်သွားသည့် အသက် ၂၈နှစ်အ ရွယ် အာချီနှင့် အသက် ၂၁အရွယ် အာချာဆိုသူ လီဆူတိုင်းရင်းသူ ညီအစ်မ နှစ်ဦး ပျောက်ဆုံးနေသည်ဟု သိရသည်။

ယခုနှစ်၊ ဧပြီလ ၁၉ရက်နေ့၌ မမွန်ဆိုသူ ပွဲစားနှင့်ချိတ်ဆက်၍ လူတစ်ဦးလျှင် ထိုင်းဘတ်ငွေ ၂၄,၅၀၀ (နှစ်သောင်းလေးထာင်ငါးရာ)ဖြင့် မလေးရှားနိုင်ငံသို့ အလုပ်သွားလုပ်မည့် လူ ၂၄ဦးကို ရန်ကုန်မှ မြ၀တီသို့ ပို့ဆောင်ခဲ့ပြီး ထိုမှတဆင့် ခရီးဆက်ခဲ့ရာ တောလမ်းတနေရာ တွင် အဆိုပါညီအစ်မနှစ်ဦး ပျောက်ဆုံးရာမှ ယနေ့အထိ ဆက်သွယ်မရခဲ့ခြင်းဖြစ်သည်ဟု အတူပါသွားခဲ့သူ ကိုအာဖူက ပြောသည်။

“ပွဲစား မမွန်က သူ့လူတွေနဲ့ မလေးရှားအရောက်ပို့ ပေးမယ်လို့ ပြောပါတယ်။ မြ၀တီကနေ ၂၈ရက်နေ့မှာ ကျနော်တို့ကို လူစုခွဲပြီး ကားနဲ့ ပို့ ကြတယ်။ နောက် မလေးကို တောလမ်းနဲ့ ခရီးဆက်တယ်။ တောလမ်းမှာ ချောင်းကူးဖို့ လူစုခွဲရတဲ့အခါမှာ အာချာကို မတွေ့ရ တော့
ဘူး။ မလေးမှာက သူတို့ညီအစ်မနဲ့ ကျနော်တို့ကို လာကြိုမယ့် အသိတွေရှိတယ်။”ဟု သူက ပြောသည်။

၎င်းတို့အား ထိုသို့ ခေါ်ဆောင်သွားသော ပွဲစားအမျိုးသားမှာ တောထဲတနေရာအရောက် ပျောက်သွားသဖြင့် ကိုအာဖူ အပါအ၀င် ၉ဦးမှာ တစ်ရက်နှင့်တစ်ည ရေမသောက်၊ အစာမစားရဘဲ နေခဲ့ရသည်ဟု သိရသည်။

ဆက်လက်၍ “မေ ၁ရက်နေ့ မနက်မှာ ကုလားအမျိုးသားတစ်ဦးရောက်လာပြီး ကျနော်တို့ကို လာပြန်ခေါ်ပါတယ်။ (ထိုင်းနိုင်ငံ) မဲဆောက် ကို ပြန်ပို့ပေးတယ်။ မင်းတို့ကို လိုက်ပို့ပေးတဲ့လူ ထွက်ပြေးသွားပြီးလို့ ပြောတယ်။ ဒီလိုနဲ့ ကျနော်တို့ မြ၀တီကနေတဆင့် ရန်ကုန်ပြန်ခဲ့ကြ တာပါ။ မပြန်ခင် မေ ၂ရက်၊ ၃ရက်တွေမှာ ပွဲစား မမွန်ဆီသွားတော့ အိမ်တံခါးလည်း ပိတ်ထားပါတယ်။ သူ့ဆီ ဖုန်းဆက်တော့ နောက်နေ့ အာချီနဲ့ အာချာ ညီအမကို သွားခေါ်ပေးမယ်ပြောတယ်။ နောက်တော့ သေပြီး ငါသွားရှာမယ်လို့ပြောပြီး သူ့ဖုန်းက ဆက်မရတော့ပါဘူး။” ဟု ကိုအာဖူက ပြောသည်။

ယင်းကိစ္စကို ကူညီဆောင်ရွက်ပေးနေသော စောတင့်နိုင်မှ မဲဆောက်မြို့ရဲစခန်းနှင့် ဆေးရုံများသို့ သွားရောက်စုံစမ်းပြီး ထိုင်း-မြန်မာ နယ် စပ်ရှိ ရွှေ့ပြောင်းမြန်မာအလုပ်သမားများကိစ္စ ကူညီဆောင်ရွက်ပေးသည့် BLC ၊ ရောင်ခြည်ဦးအလုပ်သမားအဖွဲ့များသို့ အကူ အညီ တောင်းခံထားကြောင်း သိရသည်။

ကိုအာဖူက “မလေးမှာရှိတဲ့ လူတွေကို ဆက်သွယ်တော့လည်း သူတို့ညီအစ်မ မရောက်လာသေးဘူးပြောတယ်။ မဲဆောက်မှာတော့ အမှု ဖွင့်ထားပြီးပါပြီ။ ဇူလိုင်လ ၅ရက်နေ့မှာ မြ၀တီမှာရှိတဲ့ လူကုန်ကူး တိုက်ဖျက်ရေးအဖွဲ့နဲ့သွားတွေ့ပြီး တိုင်ချက်ဖွင့်ပါမယ်။ ပွဲစား မမွန်နဲ့ လမ်းမှာပို့ပေးတဲ့ ကုလားအမျိုးသားတွေကိုလည်း လိုက်ရှာပြီးတွေ့မယ်လို့ စီစဉ်ထားပါတယ်။”ဟု ဆိုသည်။

အာချီနှင့် အာချာသည် ကချင်ပြည်နယ်၊ ပူတာအိုမြို့မှနေ၍ ရန်ကုန်မြို့သို့ ရောက်လာကာ လူပွဲစားများ၏ ချိတ်ဆက်ပေးမှုဖြင့် မြ၀တီ သို့ လာရောက်ကြခြင်းဖြစ်သည်။

လူကုန်ကူးမှုတိုက်ဖျက်ရာတွင် မြန်မာအစိုးရ၏ ကြိုးပမ်းမှုကို ယခင်စောင့်ကြည့်အဆင့် ၃မှ အဆင့် ၂သို့ အမေရိကန်အစိုးရမှ တိုးမြှင့် အသိအမှတ်ပြုလိုက်ကြောင်း လူကုန်ကူးမှုဆိုင်ရာ နှစ်လည်အစီရင်ခံစာကို ကိုးကား၍ မြန်မာပြည်တွင်းထုတ် THE VOICE ဂျာနယ် တွင် ဇွန်လက ဖော်ပြထားသည်။

Ref: ကေအိုင်စီ

Read More...

Collapse...

သမ္မတဦးသိန်းစိန်လွတ်ငြိမ်း ခွင့်ဖြင့် နိုင်ငံရေးအကျဉ်းသား ၂၀ကျော် လွတ်မြောက်လာ

3 July 2012
စောခါးစူးညား

မြန်မာအစိုးရ သမ္မတဦးစိန်၏ လွတ်ငြိမ်းသာခွင့်ဖြင့် အကျဉ်းထောင် အသီးသီးမှ နိုင်ငံသားနှင့် နိုင်ငံခြားသား အကျဉ်းသား စုစုပေါင်း (၈ဝ) ဦးတို့အား ယနေ့ ဇူလိုင်လ ၃ရက်နေ့တွင် လွတ်ပေးခဲ့ရာ နိုင်ငံရေးအကျဉ်းသား ၂၀ကျော် ပါဝင်သည်ဟု သိရသည်။

ထိုင်း-မြန်မာအခြေစိုက် နိုင်ငံရေးအကျဉ်းသားများကူညီစောင့်ရှောက်ရေးအသင်း-မြန်မာနိုင်ငံ(AAPP)၏ အတွင်းရေးမှူး ကိုတိတ်နိုင်က “ဒီနေ့ လွတ်လာတဲ့အထဲမှာ နောက်ဆုံး ကျနော်တို့ ရထားတဲ့ စာရင်းအရ နိုင်ငံရေးအကျဉ်းသား ၂၄ဦးပါတယ်။ အဲဒီအထဲမှာ အမျိုး သမီး ၅ဦးနဲ့ ဘုန်းကြီးတစ်ပါး ပါတယ်။”ဟု ကေအိုင်စီသို့ ပြောသည်။

နိုင်ငံတော် ဖွဲ့စည်းပုံ အခြေခံ ဥပဒေပုဒ်မ ၂၀၄(က) နှင့်အညီ အကျဉ်းထောင် အသီးသီးမှ နိုင်ငံသား အကျဉ်းသား အကျဉ်းသူ ၄၆ဦးနှင့် နိုင်ငံခြားသား အကျဉ်းသား ၃၄ဦးတို့အား ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁ (၁) အရ ၂၀၁၂ ခုနှစ်၊ ဇူလိုင်လ ၃ရက်နေ့မှစ၍ ပြစ် ဒဏ်လွတ်ငြိမ်းခွင့် ပြုခဲ့ကြောင်းနှင့် နိုင်ငံခြားသားများအား ပြည်နှင်ဒဏ်ပေးခဲ့ကြာင်း အစိုးရသတင်းစာတွင် ယမန်နေ့က ထုတ်ပြန်ပြီး နောက် ထိုသို့ လွတ်လာခဲ့ကြခြင်း ဖြစ်သည်။

ယနေ့ လွတ်လာသည့် အကျဉ်းသားများထဲတွင် အများအားဖြင့် ဥပဒေပုဒ်မ ၅(ည)၊ ၁၇/၁၊ ၁၇/၃နှင့် ၁၇/၂၀ တပ်ခံရသူများဖြစ်ပြီး အင်းစိန်၊ မန္တလေး၊ ပူတာအို၊ ကော့သောင်း၊ ထားဝယ်၊ မြစ်ကြီးနား၊ သရက်၊ ကသာ၊ ကလေး၊ မြင်းခြံ၊ ဖားအံ စသည့် အကျဉ်း ထောင် များမှ ဖြစ် ကြောင်း သိရသည်။

ဆက်လက်၍ ကိုတိတ်နိုင်က အစိုးရအနေဖြင့် အကျဉ်းသားများအား လွှတ်ပေးသော်လည်း တိုင်းရင်းသား လက်နက်ကိုင် တော်လှန် ရေး အဖွဲ့များနှင့် ငြိမ်းချမ်းရေးဆွေးနွေးနေချိန်တွင် နိုင်ငံရေး အကျဉ်းသား အနည်းငယ်သာ ပါဝင်သေးသည့်အတွက် အားရကျေနပ်မှု မရှိသေး ကြောင်း ပြောသည်။

“အခု လွတ်လာတာ သိပ်နည်းလွန်းအားကြီးတယ်။ ငြိမ်းချမ်းရေးစကား ပြောနေစဉ်မှာ၊ အမျိုးသား ပြန်လည်သင့်မြတ်ရေး လုပ်ဆောင် နေ တဲ့အချိန်မှာ (ထောင်ထဲမှာ)နိုင်ငံရေးအကျဉ်းသားတစ်ယောက်မှ မရှိမှ ဖြစ်မှာပါ။ နိုင်ငံရေးအကျဉ်းသားတွေကို နည်းနည်း၊ နည်း နည်း လွှတ်ပေးနေတာဟာ ဓါးစာခံအဖြစ် ထားတာဖြစ်တယ်။”ဟု ဆိုသည်။

ယခုနှစ် ဇန်န၀ါရီလ ၁၂ရက်နေ့ကလည်း မြန်မာအစိုးရ သမ္မတဦးသိန်းစိန်၏ ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)ဖြင့် အကျဉ်းသား ၆၅၁ဦးအား လွတ်ငြိမ်းချမ်းသာခွင့်ပေးခဲ့ရာတွင် သျှမ်းတိုင်းရင်းသား ခေါင်းဆောင် ဦးခွန်ထွန်းဦး၊ ၈၈ကျောင်းသားခေါင်း ဆောင် မင်းကိုနိုင် အပါအ၀င် နိုင်ငံရေးအကျဉ်းသား ၂၀၀ဦးကျော် လွတ်မြောက်လာခဲ့သည်။

Ref: ကေအိုင်စီ

Read More...

Collapse...

လွတ်မြောက်လာသူ နိုင်ငံသား အကျဉ်းသားများထဲတွင် ကရင် (၃) ဦးပါဝင်

3 July 2012
စအိုင်သန်

နိုင်ငံတော်သမတ ဦးသိန်းစိန်က ယနေ့ ပြစ်ဒဏ်လွတ်ငြိမ်းချမ်းသာခွင့်ပေးသော နိုင်ငံသား အကျဉ်းသားများစာရင်းတွင် ကရင်တိုင်းရင်း သား ၃ဦး ပါဝင်ပြီး ၎င်းတို့မှာ အင်းစိန်ထောင်မှ ပြန်လည် လွတ်မြောက်လာသူများဖြစ်သည်ဟု သိရသည်။

ထိုသို့ လွတ်မြောက်လာသူ ကရင်အကျဉ်းသားများမှာ စောဖရန်စစ် (ခ) ကျော်ကျော်၊ စောနိုင်ဝင်း (ခ) အလက်ဇန္ဒားနှင့် စောဝီလီ ယမ်တို့ ဖြစ်ကြပြီး ၎င်းတို့အား မတရားအသင်း ဆက်သွယ်မှုပုဒ်မဖြင့် တရားစွဲဆိုကာ ၂၀၁၀ခုနှစ်တွင် ထောင်ချခဲ့ခြင်းဖြစ်သည်ဟု လွတ်မြောက် လာသူထဲမှ စောဖရန်စစ်က ပြောသည်။

“အေဘီ(ABSDF) နဲ့ ဆက်သွယ်တယ်ဆိုပြီး ထောင်ချတာ တနှစ်ကျော် နေခဲ့ရတယ်။ လွှတ်ပေးတာကို ကျေးဇူးတင်ပါတယ်။ သူငယ်ချင်း တွေ ကျန်သေးတယ်။ သူတို့ကိုပါ လွှတ်ပေးစေချင်တယ်”ဟု မှော်ဘီမြို့တွင် နေထိုင်သော စောဖရန်စစ်က ပြောသည်။

ဇူလိုင်လ ၃ရက်နေ့(ယနေ့)တွင် နိုင်ငံတော်သမတက နိုင်ငံသားအကျဉ်းသား ၄၆ဦးအား လွတ်ငြိမ်းခွင့်ပေးခဲ့ပြီး နိုင်ငံခြားသားအကျဉ်း သား ၃၄ဦးအား ပြည်နှင်ဒဏ်ပေးခဲ့သည်ဟု နိုင်ငံပိုင်သတင်းစာများတွင် ဖော်ပြထားသည်။

ဇူလိုင်လ ၃ရက်နေ့ မွန်းလွဲ ၂နာရီအထိ နိုင်ငံရေးအကျဉ်းသား ၂၂ဦး လွတ်မြောက်လာခဲ့ပြီး အများစုမှာ ပုဒ်မ ၁၇(၁)ဖြင့် အရေးယူခံရသူ များဖြစ်သည်ဟု ပြန်လွတ်လာသူများအား ကူညီပေးနေသည့် ၈၈မျိုးဆက်ကျောင်းသားခေါင်းဆောင်တစ်ဦးဖြစ်သူ ကိုပြုံးချိုက ပြော သည်။

“မတရားအသင်းတို့၊ တောတွင်းလက်နက်ကိုင်အဖွဲ့ အစည်းတွေနဲ့ ဆက်သွယ်လို့ ၁၇(၁)၊ ၁၇(၃)တို့ဟာ ဒီအချိန်မှာ ဘယ်လိုမှ အဓိပ္ပါယ် မရှိတော့ပါဘူး။ သူတို့ကိုယ်တိုင် လက်ဆွဲနှုတ်ဆက်ပြီးတော့ ငြိမ်းချမ်းရေးစကားတွေ ပြောနေပြီပဲ”ဟု ၈၈မျိုးဆက် ကျောင်းသားခေါင်း ဆောင် ကိုမင်းကိုနိုင်က ပြောသည်။

အမျိုးသားဒီမိုကရေစီအဖွဲ့ ချုပ်-NLD က ပြုစုထားသော စာရင်းအရ ကျန်ရှိနေသေးသော နိုင်ငံရေးအကျဉ်းသား ၃၃၀ဦးရှိပြီး ထို စာရင်းအ တိုင်း အားလုံးကို လွှတ်ပေးရန် တောင်းဆိုထားကြောင်း အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်က ဇူလိုင်လ ၃ရက် နေ့ သတင်းစာရှင်းလင်းပွဲတွင် ပြောကြားသွားခဲ့သည်။

Ref: ကေအိုင်စီ

Read More...

Collapse...

ရွှေတြိဂံအထက်ပိုင်းဒေသသို့ တရုတ်က ကမ္ဘာလှည့်ခရီးသည်များ လည်ပတ်ခွင့်ပြုမည်

ဇူလိုင်လ ၀၃ ရက် ၂၀၁၂ ခုနှစ်

မြန်မာနိုင်ငံ၊ လာအိုနိုင်ငံ တို့နှင့်ထိစပ်နေပြီး မဲခေါင်မြစ်က တောင်ဘက် ရွှေတြိဂံဒေသ သို့စီးဆင်းသွားသောနေရာ၌ ကမ္ဘာလှည့်ခရီး သည် ဖွံ့ဖြိုးရေး လုပ်ငန်းကို တရုတ်နိုင်ငံက အကြီးအကျယ် ပြုလုပ်တော့ မည် ဖြစ်သည်။ ယခုနောက်ဆုံးပြုလုပ်လိုက်သော အစီ အစဉ်အရ တော တောင်ထူထပ်သော အပူပိုင်းဒေသဖြစ်သည့် ဆစ်ဆောင်ပန်းနားသို့ ခရီးသွား ဧည့်သည် ၁၅.၅ သန်း လာရောက် လည်ပတ်စေရန် လုပ် ဆောင်သွားမည် ဖြစ်သည်။

တရုတ်အစိုးရပိုင် သတင်းဌာနဖြစ်သော ဆင်ဟွာသတင်းဌာန၏ အဆိုအရ ၂၀၁၅ ခုနှစ် တွင် နိုင်ငံခြားသား ခရီးသည် ၅ သိန်း အပါ အဝင် ခရီးသွားဧည့်သည် အများအပြားလာ ရောက်လည်ပတ်စေရန် ဆောင်ရွက်သွားမည် ဖြစ်သည်။

တောင်ဘက်တွင် မြန်မာ၊ လာအိုတို့နှင့် နယ်နိမိတ်ချင်းထိစပ်နေသော ဆစ်ဆောင်ပန်းနား တိုင်းရှမ်းကိုယ်ပိုင် အုပ်ချုပ်ရေးတိုင်း ၏ ဒုတိယအကြီးအကဲဖြစ်သော လုယုံဟော် ၏ အပြောအရ အစိုးရက ဆစ်ဆောင်ပန်းနားဒေသကို တရုတ်နိုင်ငံအနောက်တောင် ဒေသ၏ အဓိက အနားယူ အပန်းဖြေစခန်းတခုအဖြစ် တည်ဆောက်သွားမည်ဟု ဆိုသည်။ ထိုဒေသရှိ လမ်းများနှင့် အမြန်လမ်းမ ကြီးများကို ခေတ်မီအောင်အဆင့် မြှင့်ထားပြီး ဖြစ်သည်။

ဆစ်ဆောင်ပန်းနားဒေသသည် လူလုံးဝခုတ်ထွင်ခြင်း မပြုရသေးသော အပူပိုင်းသဘာဝ သစ်တောရှိသည့်နေရာဖြစ်ပြီး တရုတ်နိုင်ငံ အနောက်တောင်ဒေသတွင်ရှိကာ မြန်မာနိုင်ငံ၊ လာအိုနိုင်ငံတို့နှင့် နယ်နိမိတ်ချင်း ထိစပ်နေသည်။ ယင်းဒေသသည် ဇီဝမျိုးစုံလင် သည့် ဒေသဖြစ်ပြီး တရိစ္ဆာန်မျိုးစုံနှင့် အပင်မျိုးစုံ ကျက်စားပေါက်ရောက်ရာ ဒေသလည်း ဖြစ်သည်။ ထိုအထဲတွင် မျိုးတုံး ပျောက်ကွယ် တော့မည့် အန္တရာယ်ရှိနေသည့် အာရှဆင်များလည်း အပါအဝင် ဖြစ် သည်။ သို့သော် ခရီးသွားလုပ်ငန်းအတွက် အခြေခံ အဆောက် အအုံ များမှာ ဒေသတွင်း အခြားနေရာများနှင့် ယှဉ်လျှင် ခေတ်နောက်ကျနေဆဲ ဖြစ်သည်။

၂ဝ၁၁ ခုနှစ်အတွင်း ဆစ်ဆောင်ပန်းနားဒေသသို့ ပြည်တွင်းခရီးသွားဧည့်သည် ၁၀ သန်းကျော်နှင့် နိုင်ငံခြားသား ကမ္ဘာလှည့်ခရီးသည် ၂၉၀၀၀၀ လာရောက် လည်ပတ်ခဲ့ကြသည်။

နောက် ၅ နှစ်အတွင်း ခရီးသွားဧည့်သည်များ သွားရောက်ကြည့်ရှုနိုင်မည့် နေရာ ၁ဝ နေရာကို တည်ဆောက်သွားမည် ဖြစ်ပြီး ကမ္ဘာ့
အသိအမှတ်ပြု နာမည်ကြီး ဟိုတယ်လုပ်ငန်း ၁ဝ ခုနှင့်လည်း ချိတ်ဆက် လုပ်ကိုင်သွားမည်ဟု အစိုးရ အရာရှိများ၏ အပြောအရ သိရသည်။

ဆစ်ဆောင်ပန်းနား တိုင်းရှမ်းကိုယ်ပိုင်အုပ်ချုပ်ရေးပြည်နယ်သည် ယူနန်ပြည်နယ် တောင်ဘက်အစပ်တွင်ရှိသည်။ အရှေ့ဘက်၊ တောင်ဘက်၊ အနောက်ဘက်တို့တွင် မြန်မာနိုင်ငံ၊ လာအိုနိုင်ငံတို့နှင့် ၉၆၆ ကီလိုမီတာ (၆၁၉ မိုင်မျှ) နယ်နိမိတ်ချင်းထိစပ် နေပြီး အရှေ့တောင်အာရှဒေသသို့ကုန်လမ်းဖြင့်ဝင်ရောက်ရာ တံခါးပေါက်လည်းဖြစ်သည်။ ယင်းဒေသသည် တိုင်းရှမ်း တိုင်းရင်းသား များ၏ဒေသဖြစ်ပြီး ရှေးခေတ်က မင်ပန်းနားရှီး ဟု လူအများသိခဲ့ကြသည်။ ယင်း၏အဓိပ္ပါယ်မှာ အခြားတိုင်းရင်းသား ၁၂ မျိုး၏ အံ့မခန်းသာယာလှပသည့် နိဗ္ဗာန်ဘုံဟု ဆိုလိုသည်။

ဟုန်တွမ်းတောင်တန်းဒေသ၏ တောင်ဘက်စွန်းတွင်ရှိပြီး ၉၅% မှာ တောင်ထူထပ်သောဒေသ ဖြစ်သည်။ ကျင်းဟုန်မြို့ သည် ဆစ် ဆောင်ပန်းနား၏ မြို့တော်ဖြစ်သည်။ လန်ဆန်းမြစ်သည် အဆိုပါ ကိုယ်ပိုင်အုပ်ချုပ်ရေးဒေသ အတွင်း ဖြတ်သန်းစီးဆင်း သွားပြီး လာအိုနှင့် ထိုင်းနိုင်ငံတွင်းရောက်သောအခါ မဲခေါင်မြစ်ဟု ခေါ်ကြသည်။

Ref: မဇ္ဈိမ

Read More...

Collapse...

အင်းစိန်ထောင် နိုင်ငံရေးအကျဉ်းသား ၁၁ ဦးလွှတ်

မျိုးသန့်၊ ဖနိဒါ
ဇူလိုင်လ ၀၃ ရက် ၂၀၁၂ ခုနှစ်

ဦးသိန်းစိန်အစိုးရ၏ သက်တမ်း ၁၅ လအတွင်း အကျဉ်းသား ငါးကြိမ်မြောက် လွှတ်ပေးမှုတွင် အင်းစိန်ထောင်မှ နိုင်ငံရေးအကျဉ်းသား ၁၁ ဦး အင်္ဂါနေ့တွင် ပြန်လည် လွတ်မြောက်လာကြသည်။

အကျဉ်းကျခံနေရသူများမှာ မတရားအသင်း ဆက်သွယ်မှုဖြင့် စွပ်စွဲခံရပြီး ထောင်ဒဏ် ၃ နှစ်မှ ၅ နှစ်အထိ ကျခံနေရ သူများဖြစ်ကြ သည် ဟု ပြန်လည် လွတ်မြောက်လာသူများက မဇ္ဈိမကို ပြောသည်။ လွတ်မြောက်လာသူများတွင် အမျိုးသား ၉ ဦး ပါဝင်ပြီး အမျိုး သမီး ၂ ဦးပါဝင်သည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF၊ ကရင်အမျိုးသားအစည်းအရုံး KNU တို့နှင့် ဆက်သွယ် သည်ဟု စွပ်စွဲကာ အရပ်ဘက် ထောက်လှမ်းရေးမှ စွဲချက်တင်၍ အင်းစိန်ထောင်တွင်း အထူးတရားရုံးမှ ၂ဝ၁ဝ ခုနှစ် နိုဝင်ဘာလ အတွင်း ပြစ်ဒဏ် ချမှတ်ခံခဲ့ရသူများဖြစ်သည်ဟု လွတ်မြောက်လာသူများက ပြောသည်။

"ကျနော်တို့ကို အခု ကြိုပြီးတော့ လွှတ်တယ်ပေါ့။ ဒါပေမယ့် စိတ်ထဲမှာတော့ မဖြေသာပါဘူး။ ကျနော်တို့က ဒီလူတွေနဲ့ သိတယ်ဆိုရုံနဲ့ ကျနော်တို့ အဖမ်းခံရစရာ အကြောင်းမရှိဘူး။ ဒီအမှုကတော့ ကျနော်တို့ကျတာ မတရားဘူးလေ။ ကျနော်တို့ ဆက်သွယ်ခဲ့တယ်ဆို တာလည်း ကျနော်တို့ကို ခိုင်လုံတဲ့ အထောက်အထား မပြနိုင်ပါဘူး။" ဟု ထောင်ဒဏ် ၅ နှစ်ကျခံနေရာမှ ပြန်လည်လွတ်မြောက် လာသူ စောဝီလျံက မဇ္ဈိမကို ပြောသည်။

စောဝီလျံက ယင်းတို့အမှုနှင့် တတွဲတည်းတွင် ပါဝင်ပြီး ဖေါက်ခွဲမှုနှင့် မတရားအသင်း ဆက်သွယ်မှုတို့ဖြင့် စွပ်စွဲခံခဲ့ရပြီး ပြစ်ဒဏ် ၁ဝ ကျော် ကျခံနေရသူများဖြစ်သည့် ကိုကံမင်းသာ၊ ကိုဝင်းမြင့်နှင့် ကိုထွန်းဦးတို့လည်း ကျန်ရှိနေသေးသည်ဟု မဇ္ဈိမကို ပြောသည်။

ပြန်လည် လွတ်မြောက်လာသူ တဦးဖြစ်သည့် စောဖရန်စစ် ကလည်း သူ၏ ထောင်တွင်း အတွေ့အကြုံများအရ တရားစီရင်ရေးစနစ် အားနည်းချက်ကို "အခု ထောင်ထဲမှာ ကျန်နေနခဲ့တဲ့ သူတွေဟာလည်း ပြစ်မှုနဲ့ ပြစ်ဒဏ် မမျှတာ တွေလည်း ရှိနေပါတယ်။ ကိုယ် လုပ်ထားတဲ့ အမှုနဲ့ ကျတဲ့ပြစ်ဒဏ်ကျတော့ ဘာမှမဆိုင်ဘဲ များနေပါတယ်။ အဲဒီလို အမှုမျိုးတွေလည်း ကျနော်တို့ကို ပြန်ပြီး စဉ်းစား စေချင်ပါတယ်။ ဥပမာ လူသတ်မှုဆိုရင် မသတ်ဘဲနဲ့ ထောင်ကျနေသူ တွေ ထောင်ထဲမှာ ကျနော်တို့ တွေ့ခဲ့ရပါတယ်။" ဟု မဇ္ဈိမကို ပြန်လည်ပြောပြသည်။

ဦးသိန်းစိန်အစိုးရ၏ ငါးကြိမ်မြောက်အဖြစ် အကျဉ်းသား လွှတ်ပေးမှုတွင် အင်းစိန်ထောင်မှ ပြန်လည် လွတ်မြောက်လာ ကြသည့် အကျဉ်းသားများမှာ စောဝီလျံ၊ ကိုအေးသိန်း(ခ) ရန်နိုင်၊ ကိုအောင်မိုးဇော်၊ ထွန်းမြတ်သူ၊ ကိုမြင့်ကြိုင်၊ စောဖရန်စစ်၊ ကိုဇော်မင်းအောင်၊ ကိုစောနိုင်ဝင်း၊ အန်ထော်နီ၊ မဇာဏီဦးနှင့် မအေးအေးနွယ်တို့ ဖြစ်ကြသည်ဟု ပြန်လည် လွတ်မြောက်လာသူများက မဇ္ဈိမကို ပြော သည်။

ယင်းအပြင် စစ်ကိုင်းတိုင်း ကလေးထောင်မှ ကိုအေးအောင်၊ မကွေးတိုင်း သရက်ထောင်မှ ကိုသန်းဇင်၊ ကချင်ပြည်နယ် မြစ်ကြီးနား ထောင်မှ ကိုအောင်ကျော်မိုး၊ ပဲခူးတိုင်း ပြည်ထောင်မှ ကိုပြည့်ဖြိုးအောင်၊ မန္တလေးတိုင်း မြင်းခြံထောင်မှ NLD အမတ် ဒေါက်တာ ကျော်ကျော်၊ စစ်ကိုင်းတိုင်း ကသာထောင်မှ ကိုအောင်အောင်ဦးနှင့် မြင်းခြံထောင်မှ ကောရိယို တို့ ခုနှစ်ဦး လွတ်မြောက်လာပြီ ဖြစ်သည်။

“အခုလောလောဆယ်တော့ နည်းနည်းပါးပါးပါတယ်။ အပြင်ရောက်နေပြီ။ ကျနော်ထင်တယ် ၄၆ ယောက်မှာ အယောက် ၂၀ လောက် တော့ ပါသင့်ပါတယ်”ဟု ကိုတိတ်နိုင်က ပြောသည်။

ကိုသန်းဇော်သည် ၁၉၈၉ ခုနှစ် ဇူလိုင်လ ၁၃ ရက်နေ့က ရန်ကုန်တိုင်း သန်လျင်မြို့ ရေနံချက်စက်ရုံ ဗုံးခွဲမှုဖြင့် ဖမ်းဆီး ခံရပြီး သေဒဏ် ချမှတ်ခံရာမှ အကျဉ်းထောင်အတွင်း ၂၃ နှစ်ကျခံပြီးနောက် ပြန်လည် လွတ်မြောက်လာသည်ဟု သိရသည်။

ကိုအေးအောင်သည် ဗမာနိုင်ငံလုံးဆိုင်ရာကျောင်းသားသမဂ္ဂ (ဗကသ) ကျောင်သားဖြစ်ပြီး ပုဒ်မ ၅(ည)၊ ၁၇/၁ နှင့် ၁၇/၂ဝ တို့ဖြင့် ထောင်ဒဏ် ၅၉ နှစ်ကျခံပြီး ပြန်လည် လွတ်မြောက်လာသည်ဟု ကိုတိတ်နိုင်က ပြောသည်။

၂ဝ၁၂ ခုနှစ် အညတရ ဆုရှင် အမျိုးသားဒီမိုကရေစီအဖွဲ့ချုပ်၏ ဒေါက်တာကျော်ကျော်သည်လည်း မကွေးတိုင်း မြင်းခြံထောင်မှ လွတ်မြောက်လာသည်။

အစိုးရသစ်သည် အကျဉ်းသားများကို၂၀၁၁ ခုနှစ် မေလ ၁၆ ရက်နေ့တွင် ပထမဆုံး လွတ်ငြိမ်းချမ်းသာခွင့် ထုတ်ပြန်ခဲ့ သည်။ ၂ဝ၁၁ ခုနှစ် အောက်တိုဘာလ ၁၁ ရက်နေ့တွင် ဒုတိယအကြိမ်၊ ၂ဝ၁၂ ခုနှစ် ဇန်နဝါရီလ ၂ ရက်နေ့တွင် တတိယအကြိမ်၊ ယင်းလ ၁၃ ရက် နေ့တွင် လေးကြိမ်မြောက် ပြန်လည်လွှတ်ပေးခဲ့သည်။

ယခု ငါးကြိမ်မြောက် ပြန်လည်လွှတ်ပေးမှုတွင် နိုင်ငံသားအကျဉ်းသူအကျဉ်းသား ၄၆ ဦးပါဝင်ပြီး နိုင်ငံခြားသား ၃၄ ဦး တို့ပါဝင်သည်ဟု နိုင်ငံပိုင် မြန်မာ့အလင်းသတင်းစာတွင် အင်္ဂါနေ့က ဖေါ်ပြထားသည်။

နိုင်ငံသားအကျဉ်းသားများ လွှတ်ပေးမှုနှင့် ပတ်သက်၍ နိုင်ငံတော် တည်ငြိမ်ရေးနှင့် ထာဝရငြိမ်းချမ်းမှု ဖေါ်ဆောင်ရေး အတွက် လည်းကောင်း အမျိုးသားပြန်လည် စည်းလုံးညီညွတ်ရေးအတွက် လည်းကောင်း နိုင်ငံရေး လုပ်ငန်းစဉ်များတွင် ပါဝင်ခွင့်ရ စေရန် အတွက် ပြစ်ဒဏ်လွှတ်ငြိမ်းခွင့်ပေးခြင်းဟုလည်း သတင်းစာက ရေးသားသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP (B) ၏ ဇွန်လ ၃ဝ ရက်နေ့ ထုတ်ပြန်သည့် စာရင်းများ အရ မြန်မာနိုင်ငံအတွင်း စိစစ်အတည်ပြုပြီး နိုင်ငံရေးအကျဉ်းသား ၄၆၅ ဦး ရှိနေသေးသည်ကို AAPP (B) ၏ အင်တာနက် စာမျက်နှာတွင် ဖေါ်ပြထားသည်။

Ref: မဇ္ဈိမ

Read More...

Collapse...

ရလဒ်ကောင်းမွန်သည့် ခရီးစဉ်ဖြစ်ကြောင်း ဒေါ်အောင်ဆန်းစုကြည် ရှင်းလင်း

ဖနိဒါ
ဇူလိုင်လ ၀၃ ရက် ၂၀၁၂ ခုနှစ်

အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်က ၁၆ ရက်ကြာ သွားရောက်ခဲ့သည့် ဥရောပခရီးစဉ်သည် ကောင်းမွန် သော ခရီးစဉ်ဖြစ်ကြောင်း ယနေ့ ရွှေဂုံတိုင် ရန်ကုန်ရုံးချုပ်တွင် တနာရီခွဲကျော်ကြာ သတင်းစာရှင်းလင်းပွဲ ပြုလုပ်၍ မီဒီယာများကို ရှင်းပြခဲ့ သည်ဟု တက်ရောက်ခဲ့သည့် ပြည်တွင်း သတင်းထောက်တဦးက ပြောသည်။

“ဥပရောပခရီးစဉ်က ကောင်းမွန်တဲ့ခရီးစဉ်တခု ဖြစ်တယ်။ ဒီခရီးစဉ်မှာ မြန်မာနိုင်ငံ ဒီမိုကရေစီခရီးစဉ် ပြုပြင်ပြောင်းလဲ ရေးမှာ အများ အားဖြင့် ကြိုဆိုကြတယ်၊ တတ်နိုင်သလောက် ကူညီမယ်ဆိုတာတွေ ပြောသွားတယ်”ဟု သူက မဇ္ဈိမကို ပြောသည်။

ဒေါ်အောင်ဆန်းစုကြည်သည် ပြီးခဲ့သည့် ဇွန်လ ၁၄ ရက်နေ့မှ ဇွန် ၂၉ ရက်နေ့ထိ ဥရောပ ငါးနိုင်ငံ ဖြစ်သော ဆွစ်ဇာလန်၊ နော်ဝေ၊ အိုင်ယာလန်၊ ဗြိတိန်နှင့် ပြင်သစ်နိုင်ငံများသို့ သွားရောက်ခဲ့သည်ကို ရှင်းလင်းခဲ့ခြင်း ဖြစ်သည်။ သတင်းစာရှင်းလင်းပွဲသို့ ပြည်တွင်း ပြည်ပ သတင်းသမား ၆၀ ကျော်ခန့် တက်ရောက်ခဲ့သည်။

အသက် ၆၇ နှစ် နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်၏ ဥပရောပနိုင်ငံ ခရီးစဉ်အပေါ် မြန်မာပြည် ဒီမိုကရေစီ ပြောင်းလဲရေး အောင်မြင်ရေးကို နိုင်ငံတကာက စေတနာထားပြီး ကူညီသွားမည်ဆိုခြင်းသည် ရလဒ် ကောင်းတခု ဖြစ်သည်ဟု ဗဟိုအလုပ်အမှုဆောင် အဖွဲ့ဝင် ဦးဝင်းတင်က ပြောသည်။

“နိုင်ငံခြားက လူတွေက ကိုယ့်အပေါ်မှာ စေတနာထားတယ်ဆိုတာ ထင်ရှားသိသာတယ်။ ဒါပေမဲ့ ကိုယ့်ဘက်ကလည်း အလုပ်တွေ လုပ်ပြနိုင်မှ ရုပ်လုံးအနေနဲ့ ပေါ်လာမှာဆိုတာ ပြောတယ်။ အစိုးရဘက်ကလည်း ပြောင်းတာ၊ ပြင်တာတွေ လုပ်မယ်။ ကောင်းတဲ့ ရလဒ်လို့ မြင်ပါတယ်။ ရလဒ်ကောင်းက မြန်မာပြည်အပေါ် မေတ္တာထားကြတယ်။ ဝိုင်းကူကြမယ်။ မြန်မာပြည် ဒီမိုကရေစီအရေး အောင်မြင်အောင် ဝိုင်းကူကြမယ်ဆိုတဲ့ ရလဒ်ကောင်းတွေဘဲ” ဟု ဦးဝင်းတင်က ပြော သည်။

မနက်ဖြန်တွင် ကျင်းပမည့် ပထမအကြိမ်လွှတ်တော် စတုတ္ထ ပုံမှန်အစည်းအဝေးသို့ သုံးရက်ကြာ မတက်ရောက်နိုင်ခြင်း မှာ ခရီး ပင်ပန်းလွန်း၍ အနားယူလိုခြင်းဖြစ်ပြီး လာမည့်မည် ဇူလိုင်လ ၉ ရက်နေ့တွင်မူ လွှတ်တော် တက်ရောက်မည်ဟု ရှင်းပြခဲ့သည်ဟု သူက မဇ္စျိမကို ပြောသည်။

သမ္မတ ဦးသိန်းစိန်၏ လွှတ်ငြိမ်းချမ်းသာခွင့်တွင် NLD ပါတီမှာ ပြုစုထားသော နိုင်ငံရေး အကျဉ်းသား ၃၃၀ ကို လွတ်ပေးရန် ဆက် လက် တောင်းဆိုသွားမည်ဟု ဒေါ်အောင်ဆန်းစုကြည်က သတင်းစာရှင်းလင်းပွဲတွင် ပြောဆို ခဲ့သည်။

ဒေါ်အောင်ဆန်းစုကြည်က ဥရောပခရီးစဉ်အတွင်း "မြန်မာ" အစား "ဗမာ" ဟု ခေါ်ဝေါ် သုံးနှုန်းခဲ့မှုနှင့် ပတ်သက်၍ ဖွဲ့စည်းပုံတွင် အင်္ဂလိပ်လို ဖွဲ့စည်းပုံ မရှိသဖြင့် မြန်မာနိုင်ငံ လွတ်လပ်ရေးရပြီး အချိန်မှစ၍ အင်္ဂလိပ်ဘာသာတွင် Burma ဟု သုံးစွဲခဲ့ပြီးနောက် ပြည်သူကို မလေ့လာဘဲ ပြောင်းလဲခဲ့သည်ဟု ရှင်းပြခဲ့ကြောင်း ဦးဝင်းတင်က ပြောသည်။

“ဗမာဆိုတဲ့ အသုံးအနှုန်းနဲ့ ပတ်သက်ပြီးတော့ လွတ်လွတ်လပ်လပ် ပြောမှာဘဲ။ အစိုးရအဖွဲ့ ကိုယ်စားလှယ်အနေနဲ့ သွားမယ်ဆိုရင် မြန်မာသုံးမှာ။ ဒီအသုံးအနှုန်းက အင်္ဂလိပ်လိုမှာ ဖွဲ့စည်းပုံ မရှိဘူး။ ဗမာလို တခုတည်းဘဲ ရှိတယ်။ ဗမာလိုက မြန်မာနိုင်ငံ သူကတော့ စကားပြောရင် ကျမတို့ မြန်မာနိုင်ငံလို့ သုံးပါတယ်။ ဒါပေမဲ့ အင်္ဂလိပ်လို ပြောတဲ့အခါ union of Burma လို့ သုံးမှာဘဲ အဲဒီသဘောဘဲ ပြောတာဘဲ”ဟု ဦးဝင်းတင်က ပြောသည်။

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ အခန်း(၁) ပုဒ်မ ၂ တွင် နိုင်ငံတော်ကို ပြည်ထောင်စု သမ္မတ မြန်မာ နိုင်ငံတော် ဟု ခေါ်တွင်စေရမည် (The state shall be known as The Republic of the Union of Myanmar) ဟု သုံးစွဲရန် ပြဋ္ဌာန်းထားသဖြင့် Burma ဟု သုံးနှုန်းပြောဆိုခွင့် မရှိကြောင်း ကော်မရှင်က သတိပေးခဲ့ သည်။

သတင်းစာရှင်းလင်းပွဲပြီးနောက် ပါတီအလုပ်အမှုဆောင်ကော်မတီ CEC နှင့် ဒေါ်အောင်ဆန်းစုကြည်နှင့် တွေ့ဆုံ၍ ဒေါ်အောင် ဆန်းစုကြည်က အစီရင်ခံခဲ့ကြောင်းနှင့် ပါတီ ညီလာခံ ကျင်းပရေးနှင့် ပတ်သက်၍ ဆွေးနွေးခဲ့သည်ဟု ဦးဝင်းတင်က ပြောသည်။

NLD ပါတီ ညီလာခံကို ယခုနှစ်အတွင်း အပြီး ကျင်းပနိုင်ရေး စီစဉ်နေပြီး အောက်ခြေ အဆင့်ဆင့်တွင် ရပ်ကျေး၊ မြို့နယ်၊ ပြည်နယ်၊ တိုင်း စသည့် ညီလာခံ ကျင်းပရေးကို လာမည့်လတွင် ရပ်ကျေး ညီလာခံများ ကျင်းပရန် ရည်မှန်းထားပြီး ဗဟို ညီလာခံကိုမူ ယခု နှစ်မကုန်မီ ကျင်းပနိုင်ရေး စီစဉ်နေသည်ဟု သူက မဇ္စျိမကို ပြောသည်။

ဇွန်လ ၂၉ ရက်နေ့တွင် ဥရောပခရီးစဉ် အဆုံးသတ်ပြီး ဇွန်လ ၃ဝ ရက်နေ့မှာ မြန်မာနိုင်ငံသို့ ရောက်ရှိလာပြီး သူ့ကို မြန်မာပြည်သူ လူထု သောင်းနှင့်ချီ ကြိုဆိုခဲ့သည်။

Ref: မဇ္ဈိမ

Read More...

Collapse...

အကောင်းဘက်ကို ဦးတည် လာနေတဲ့ နိုင်ငံစာရင်းမှာ မြန်မာပါဝင်

2012-07-02

မြန်မာနိုင်ငံဟာ နိုင်ငံရေး ပြုပြင်ပြောင်းလဲမှုတွေကြောင့် ကမ္ဘာပေါ်က အဆိုးရွားဆုံး အဖိနှိပ် ရက်စက်ဆုံးနိုင်ငံ အဆင့်ကနေ အကောင်း ဘက်ကို ဦးတည်လာနေတဲ့ နိုင်ငံစာရင်းမှာ ရောက်ရှိလာကြောင်း မနေ့က ထုတ်ပြန်တဲ့ Freedom House လူ့အခွင့်အရေးအဖွဲ့ကြီးရဲ့ အစီရင်ခံစာမှာ ဖော်ပြထားပါတယ်။

၂၀၁၁ ခုနှစ်လောက်က စတင်ပြီး နိုင်ငံရေးအရ သဘောထား ပျော့ပြောင်းမှုရှိတဲ့ လမ်းစတွေ ပွင့်လင်းလာခဲ့တဲ့အတွက် အကောင်း ဘက်ကို ဦးတည်လာတယ်လို့ ဆိုပါတယ်။

မြန်မာနိုင်ငံဟာ အဆိုးတကာ့ အဆိုးဆုံးနိုင်ငံတွေ စာရင်းထဲမှာ ပြီးခဲ့တဲ့နှစ်ကအထိ အနှစ်နှစ်ဆယ်မျှ ပါဝင်ခဲ့ပါတယ်။

မြန်မာနိုင်ငံနဲ့အတူ တရုတ်၊ လာအို၊ ချတ်၊ ဘယ်လာရုစ် နိုင်ငံတွေအပြင် လစ်ဗျားနိုင်ငံမှာလည်း အာဏာရှင် ကဒါဖီပြုတ်ကျ သွားခဲ့ တဲ့အတွက် အခြေအနေတွေ အကောင်းဘက်ကို ဦးတည်လာကြောင်း ထည့်သွင်းဖော်ပြထားပါတယ်။

ကမ္ဘာပေါ်က အဆိုးတကာ့ အဆိုးဆုံး နိုင်ငံတွေထဲမှာတော့ အီရိထြီးယား၊ မြောက်ကိုရီးယား၊ ဆီးရီးယား၊ ဆော်ဒီအာရေးဗီးယား၊ ဆူဒန်၊ ဆိုမားလီယား၊ ဥစဘက်ကစ္စတန် စတဲ့နိုင်ငံတွေ ပါဝင်ကြပါတယ်။

အရင်က အကောင်းဘက်ကို ဦးတည်လာနေတဲ့ နိုင်ငံစာရင်းမှာပါခဲ့တဲ့ ဆီးရီးယားနဲ့ ဆော်ဒီအာရေးဗီးယားနိုင်ငံတွေဟာ ပြည်တွင်းဖိနှိပ် မှုတွေကြောင့် အဆိုးတကာ့ အဆိုးဆုံး နိုင်ငံစာရင်းထဲ ရောက်သွားခဲ့ပါတယ်။

Ref: အာရ်အဖ်အေ

Read More...

Collapse...

လူ့ဘောင်သစ် ဒီမိုကရက်တစ်ပါတီ (ပြည်တွင်း) ပြန်လည်စုစည်းရေး ကော်မတီဖွဲ့စည်း

2012-07-02

၈၈ မျိုးဆက် နိုင်ငံရေးအင်အားစုတစ်ခုဖြစ်တဲ့ လူ့ဘောင်သစ် ဒီမိုကရက်တစ်ပါတီ (ပြည်တွင်း) ပြန် လည် စုစည်းရေး ကော်မတီကို ယခင် ပါတီ ၀င်ဟောင်း တွေ နဲ့ မနေ့က ပြန်လည် ဖွဲ့စည်း လိုက်ကြောင်း သတင်းရရှိပါတယ်။

ဒီပြန်လည်စုစည်းရေး ကော်မတီကို မကြာသေးမီကမှ အကျဉ်းထောင် က ပြန်လည် လွတ်မြောက်လာခဲ့တဲ့ ယခင် ဗဟိုအလုပ်မှုဆောင် ကော် မ တီဝင်ဟောင်း ကိုဇေယျက ဦးဆောင်ပါတယ်။

အနယ်နယ်အရပ်ရပ်မှာ ပြန့်ကျဲနေတဲ့ လူဘောင်သစ်ပါတီဝင်တွေ ကို ပြန်လည် စုစည်းနိုင်ဖို့ ဒီကော်မတီကို ဖွဲ့စည်းရတာဖြစ်တယ်လို့ ဦးဆောင်ပါဝင်သူဖြစ်တဲ့ ကိုသီဟက ပြောပါတယ်။

"၁၉၉၀-၁၉၉၁ ကစပြီးတော့ အကြောင်းအမျိုးမျိုးကြောင့် ပုံသဏ္ဌာန် အမျိုးမျိုးနဲ့ ပြန့်ကျဲသွားတဲ့ လူ့ဘောင်သစ် ဒီမိုကရက်တစ် ပါတီရဲ့ အင်အားစုတွေကို ပြန်စုစည်းဖို့ ကြိုးစားသင့်တယ်ဆိုပြီးဖွဲ့တာ၊ အတိုင်းအတာ တစ်ခုအထိ စုစည်းမိပြီ ဆိုလို့ရှိရင် တဘက်ကလည်း နိုင်ငံရေး အခင်းအကျင်းက ပိုပြီးတော့ ပွင့်လင်းပြီးတော့ ဂုဏ်သိက္ခာ ရှိရှိ ရပ်တည်နိုင်တဲ့ အခြေအနေ ရှိတယ်လို့ ယူဆရင် အများ သဘောဆန္ဒအရ ကျွန်တော်တို့ ပါတီတရပ်အဖြစ်နဲ့ ပြန်ရပ်တည်နိုင်ဖို့ ကျွန်တော်တို့ ကြိုးစားမယ်"

ကော်မတီမှာ မြန်မာနိုင်ငံတိုင်းနဲ့ ပြည်နယ်အသီးသီးက ပါတီဝင်ဟောင်း ၂၀ ပါဝင်ဖွဲ့စည်းထားပါတယ်။ အခုလို ပြန်လည် စုစည်း ပြီးနောက် လက်ရှိမြန်မာနိုင်ငံ အမျိုးသား ပြန်လည် သင့်မြတ်ရေး နဲ့ ပြည်သူလူထု အကျိုးကို ၀ိုင်းဝန်းဆောင်ရွက်နိုင်အောင် ကြိုး ပမ်းသွား မှာ ဖြစ်တယ်လို့ ကော်မတီရဲ့ တာဝန်ခံ ကိုဇေယျက အခုလို ပြောပါတယ်။

"ဟုတ်ကဲ့၊ ကျွန်တော်တို့ အနေနဲ့ ဒီအမျိုးသား ရင်ကြားစေ့ရေးနဲ့ ပြည်တွင်း ငြိမ်းချမ်းရေးကို ပိုပြီး ပီပီပြင်ပြင် မြန်မြန်ဆန်ဆန် ဖော် ဆောင်နိုင်ဖို့အတွက် ပထမ ဦးစားပေးရည်ရွယ်ချက် အနေနဲ့ ကျွန်တော်တို့ ဒီလက်ရှိစုစည်းရေး ကော်မတီကို ဖွဲ့စည်းခြင်း ဖြစ်ပါတယ်။ နိုင်ငံ့ရဲ့လက်ရှိ လိုအပ်ချက်တွေအရ အမျိုးသား ရင်ကြားစေ့ရေးနဲ့ ပြည်တွင်းငြိမ်းချမ်းရေးကို ပီပီပြင်ပြင် ဖော်ဆောင်နိုင်မယ်ဆိုရင် ကျန် တဲ့ နိုင်ငံရေး အင်အားစုတွေအတွက်လည်း နိုင်ငံရေး အခွင့်အလမ်းတွေ ပိုမိုပွင့်လင်းလာပြီးတော့ နိုင်ငံရေး လုပ်ကိုင်ခွင့်တွေလည်း ပိုမိုပွင့်လန်းလာလိမ့်မယ်လို့ မျှော်လင့်တယ်"

လူ့ဘောင်သစ် ဒီမိုကရက်တစ်ပါတီဟာ ၁၉၈၈ ခုနှစ် လူထုအုံကြွမှုအပြီး လူငယ်နဲ့ ကျောင်းသားများ နိုင်ငံရေး ဆက်လက်လုပ်နိုင်ဖို့ အတွက် ကိုမိုးသီးဇွန်အပါအ၀င် ဗကသ ခေါင်းဆောင်တချို့က ဦးဆောင် ဖွဲ့စည်းခဲ့တဲ့ နိုင်ငံရေးပါတီ ဖြစ်ပါတယ်။

၁၉၉၁ ခုနှစ်မှာ ကေအန်ယူနဲ့ ဆက်သွယ်တယ်ဆိုတဲ့ စွပ်စွဲချက်နဲ့ စစ်အစိုးရက ပါတီကို တရားဝင်ပါတီ အဖြစ်ကနေ ရပ်စဲခဲ့ပါတယ်။ အခုအခါ လူ့ဘောင်သစ် ဒီမိုကရက်တစ် ပါတီဝင်တွေ ဟာ မြန်မာပြည် အနှံမှာ တင်မက၊ ထိုင်း မြန်မာနယ်စပ်နဲ့ ကမ္ဘာ့နိုင်ငံအသီးသီးမှာ ပျံ့နှံ့ရောက်ရှိနေပါတယ်။

Ref: အာရ်အဖ်အေ

Read More...

Collapse...