နှစ်ဘက်စလုံးမှ သေနတ်အပါအ၀င် လက်နက်မျိုးစုံ နှစ်ထောင်ကျော် ရခိုင်ပြည်နယ်၌ သိမ်းဆည်း

မိုးဝေ ရခိုင်ပြည်နယ်(မြစ်မခ)
8 Nov, 2012

နိုဝင်ဘာလဆန်းပိုင်းမှစ၍ ရခိုင်ပြည်နယ်၌ လက်နက်များသိမ်းဆည်းအပ်နှံရန် ညွှန်ကြားချက် ထုတ်ပြန်ပြီးသည့်နောက် ဒေသန္တ ရ လုပ်သေနတ်( ၁၇၆)လက်၊လှံ(၄၄၇)ချောင်း၊လေး(၉၃)လက် ၊မြှား(၅၄၅)ချောင်း၊ ဂျင်ကလိ(၁၁၃၀)ခု၊ လေးခွ (၂၈၉)လက် သိမ်းဆည်းရမိခဲ့ကြောင်း ရခိုင်ပြည်နယ် ရဲတပ်ဖွဲ့မှူုးရုံးမှ သိရသည်။

“အပ်နှံတာက နှစ်ဘက်လုံးပါ၊ မူဆလင်တွေလည်း ပါသလို ဒေသခံတွေလည်း ပါတယ်”ဟု မင်းပြားဒေသခံတစ်ဦးက ပြောသည်။

ရခိုင်ပြည်နယ်အဝှမ်း (၃)ရက် အတွင်း ဓား၊လှံ၊လက်နက်များအား အောက်တိုဘာ (၃၁)ရက်နေ့တွင် နိုင်ငံပိုင်သတင်းစာများ တွင် လက်နက် ဥပဒေ ပုဒ်မ-၄(ဃ)အရသေနတ်၊ လှံစွပ်၊ ဓားလွယ်၊ ဂျင်ဂလိ၊ ဓားမြှောင်၊ လှံ၊ လေး/မျှားတို့ကို နိုဝင်ဘာလ (၃)ရက်နေ့အတွင်း နီးစပ်ရာ ရဲစခန်း၊လုံခြုံရေး အဖွဲ့များထံသို့ အပ်နှံရမည်ဖြစ်ပြီး သတ်မှတ်ရက်အတွင်း အပ်နှံခြင်းမရှိပါက ဥပဒေနှင့်အညီ အရေးယူသွားမည်ဟုသတင်းထုတ်ပြန်ထားခဲ့သည့် နောက်ပိုင်းတွင် ဒေသခံအချို့က အပ်နှံလာခြင်း ဖြစ်သည်။

“မင်းပြားမှာတော့ ရဲစခန်းအပ်လာတာတော့ မရှိဘူး တပ်က တစ်ဆင့်ဘဲ အပ်လာကြတာပါ၊အပ်တဲ့ အခါမှာ ရပ်ကွက်အုပ်ချုပ် ရေး မှူးတွေက သိမ်းဆည်းရမိ ၊အပ်နှံတဲ့ပစ္စည်းတွေကို ကျနော်တို့ဆီ လာအပ်တာပါ၊”ဟု မင်းပြားမြို့မှ ရဲအရာရှိတစ်ဦး က ပြောပြသည်။

အပ်နှံသိမ်းဆည်းရမိသည့်မြို့နယ်များမှာ ပဋိပက္ခဖြစ်ပွားခဲ့သည့် ဒေသများဖြစ်သည့် မင်းပြား၊ မြောက်ဦး၊ ပေါက်တော၊ စစ်တွေ ၊ ကျောက်တော်၊ ရသေ့တောင်၊ ဘူးသီးတောင်၊ ကျောက်ဖြူ ၊မြေပုံ မြို့နယ်တို့်မှ ဒေသလုပ် လက်နက်များ၊ ဒုတ်၊ ဓါး၊မြှားများ အပ်နှံ ရရှိခဲ့ခြင်းဖြစ်သည်။

ထို့အပြင် ညွှန်ကြားချက် မထုတ်ပြန်မီ ဒေသလုပ်သေနတ်(၁၈၀) လက်၊ဓါး(၃)ချောင်း၊ လှံ(၇) ချောင်း၊ လေး(၁)လက်၊ ဂျင်ကလိ(၂၁)ခု၊လေးခွ(၃)ကို သိမ်းဆည်းရခဲ့ကြောင်းကိုလည်း သိရသည်။

Ref: မြစ်မခ

Read More...

Collapse...

လက်တွေ့နှင့် ဌာနဆိုင်ရာစာရင်းကွဲလွဲနေမှုအား ငါးလုပ်ငန်းထောက်ပြ

ယမင်း (မြစ်မခ)
8 Nov, 2012

မြန်မာနိုင်ငံသားငါးကဏ္ဍ၌ ထုတ်လုပ်မှုကျဆင်းနေသော်လည်း ၀န်ကြီးဌာနများရှိ ငါးထုတ်လုပ်နိုင်မှုပြ စာရင်းဇယားမှာမူ မြင့်တက်ေ နကြောင်း မြန်မာနိုင်ငံ ငါးလုပ်ငန်းအဖွဲ့ချုပ်က သိရှိရသည်။

“အခုက supply နည်းပြီး Demand များလို့ ငါးရှားသွားတဲ့ အနေအထားဖြစ်နေပေမယ့် ငါးဦးစီးရဲ့ စာရင်းဇယားမှာ ငါး ထုတ်လုပ်မှုက မြင့်နေတယ်။ လူတစ်ဦးချင်း ငါးစားသုံးမှုမှာ အမြင့်ဆုံး ဖြစ်နေတယ်။ ငါးတွေ ရှုံးလို့ မမွေးနိုင်ဘူး။ အဲ့ဒါလျော့ ရမယ့်အစား ကိန်းဂဏန်းတွေက တိုးနေတယ်” ဟု မြန်မာနိုင်ငံ ငါးလုပ်ငန်းအဖွဲ့ချုပ်မှ ဦးဝင်းကြိုင်က ပြောသည်။

ယခုကဲ့သို့ ၀န်ကြီးဌာနများတွင် ဖော်ပြထားသော စာရင်းဇယားများသည် မှန်ကန်မူမရှိပါက စားသုံးမူ ဈေးကွက်၊ ထုတ်လုပ်မူ ဈေးကွက် ထိခိုက်မူများ ရှိလာနိုင်ခြင်းကြောင့် ထုတ်လုပ်နိုင်မူပြ ဇယားများအား မှန်ကန်စွာ ဖော်ပြနိုင်ရန် လိုအပ်လျှက်ရှိကြောင်း ၄င်းက ဆက်လက်သုံးသပ် ပြောကြားသည်။

“မှန်ကန်တဲ့ စာရင်းဇယားတွေ တိတိကျကျ သိဖို့လိုတယ်။ အခြေခံကိန်းဂဏန်းတွေ၊ စာရင်းတွေက မှားနေရင် ၊ကွဲလွဲနေရင် လက်တွေ့မှာ မလွယ်ကူနိုင်ပါဘူး။ တကယ့်လက်တွေ့မှာ စာရွက်အတိုင်း ကွာဟနေတာကြောင့် ဈေးနှုန်း အဆမတန်မြင့်သွားပြီး တိုင်းပြည်ရိက္ခာထုတ်လုပ်နေတဲ့ သားငါး ကဏ္ဍမှာ အခက်အခဲတွေကို ရင်ဆိုင်နေရတာ” ဟု မြန်မာနိုင်ငံ ငါးလုပ်ငန်းအဖွဲ့ချုပ်မှ ဒေါက်တာစန်းလှက ပြောသည်။

မြန်မာနိုင်ငံတွင် အစားအသောက်အသားထွက်ကုန် ပစ္စည်း၊ ရေထွက်ကုန်များနှင့် လယ်ယာထွက်ကုန်များ အား နိုင်ငံတကာ စံချိန်စံညွှန်း များနှင့်အညီ အဆင်ပြေစွာ ကုန်သွယ်မှု ပြုလုပ်နိုင်ရေးအတွက် ကြိုတင်ပြင်ဆင်ဆောင်ရွက် ရမည့် ဥပဒေဖြည့် စွက်ရေးဆွဲခြင်း၊ လိုအပ်သည့် ဌာနများ ပြင်ဆင် ဖွဲ့စည်းခြင်း၊ ဓါတ်ခွဲခန်းများ၊ ခေတ်မှီစက်ပစ္စည်းများ၊ လူ့အရင်းအမြစ်များ အားဖြည့်ခြင်းနှင့် အမျိုးသား စံချိန်စံညွှန်းရေးဆွဲသတ်မှတ်ခြင်းများ ပြုလုပ်သင့်ကြောင်း စီးပွားရေးလုပ်ငန်းရှင်များက သုံးသပ် ပြောဆိုကြသည်။

“အခုဆို အစာတွေရှားနေပေမယ့် ကိန်းဂဏန်းတွေက မလျော့သွားဘူး။ လွှတ်တော်ထဲမှာလည်း စားသုံးသူ ကာကွယ်ရေးဥပဒေတို့၊ စံချိန်စံညွှန်းဥပဒေတို့ကို လွှတ်တော်ထဲမှာ ရေးဆွဲနေပြီ။ ဒီလိုရေးဆွဲတဲ့နေရာမှာ ဥပဒေနဲ့မညီညွတ်ရင် စားသုံးသူအတွက် ရောဂါ ရနိုင်လို့ ဘယ်လိုအရေးယူမယ် ဆိုတာတွေပါ ထည့်ဆွဲ သင့်တယ်။ သားငါးကဏ္ဍမှာ ဆော့ဝဲလ် ထုတ်ဖို့လိုတယ်။ဒါမှလည်း Data အမှန် ပေးနိုင်မယ်၊ ”ဟု ရေထွက်ပစ္စည်းနှင့် ပို့ကုန်လုပ်ငန်းရှင်ဒေါ်တိုးနန္ဒာတင်မှ ပြောသည်။

ထို့အပြင် သက်ဆိုင်ရာဝန်ကြီးဌာနများအနေဖြင့် စာရင်းဇယားများကို နည်းစနစ်ကျစွာ မှတ်သားထားရှိ ဖော်ပြပေးရန် လိုအပ် ကြောင်းကိုလည်း ၄င်းက အကြံပြုပြောကြားခဲ့သည်။

နိုင်ငံတော်အစိုးရအနေဖြင့် တိုင်းပြည်၏ စီးပွားရေးလုပ်ငန်းများအား ဖန်တီးပုံဖော်ပေးရန် လိုအပ်ကြောင်း၊ စီးပွားရေးပြုပြင်ပြောင်း လဲမှု၌ ကဏ္ဍအလိုက် ဦးစီးဌာနများ၏ စီးပွားရေးဆိုင်ရာ လုပ်ငန်း အဖွဲ့များဖြင့် ပြုပြင် ပြောင်းလဲမှသာ စီးပွားရေးတိုးတက် လာမည်ဖြစ်ကြောင်း ကိုလည်း စီးပွားရေး လုပ်ငန်းရှင်များက အကြံပြုပြောဆိုကြသည်။

Ref: မြစ်မခ

Read More...

Collapse...

နိုင်ငံတကာ ဝေဖန်ချက်များနှင့်ပတ်သက်၍ ဒေါ်အောင်ဆန်းစုကြည်က ကြေညာချက်ထုတ်ပြန်

ဝင့်သင်ဇာကျော်(မြစ်မခ)
8 Nov, 2012

ရခိုင်ပြည်နယ်အတွင်း ဖြစ်ပွားနေသော ပဋိပက္ခနှင့် ပတ်သက်၍ နိုင်ငံတကာမှ ပြောဆိုနေသော ဝေဖန်ချက် များအပေါ် ဒေါ်အောင်ဆန်းစုကြည်က နိုဝင်ဘာ(၇)ရက်နေ့က ကြေညာချက် တစ်စောင် ထုတ်ပြန်ခဲ့ကြောင်း ဒီချုပ်ပါတီလွှတ်တော် ကိုယ်စားလှယ်များထံက သိရှိရသည်။

“ရခိုင်အရေးက လွှတ်တော်အရေးဖြစ်တယ်၊ ရခိုင်ကိစ္စက သာမာန်ကိစ္စမဟုတ်ဘူး၊ နိုင်ငံတော်သမ္မတ ကလည်း ပြတ်ပြတ် သားသား ပြောထားတာလည်း မရှိဘူး၊ နောက်တစ်ခုက ဒေါ်အောင်ဆန်းစုကြည် ပြည်ပခရီးသွားတော့ နိုင်ငံတကာက မွတ်ဆလင်အတွက် မရပ်တည်ပေးဘူး လစ်လျူရှုထားတယ် ဆိုပြီး ဝေဖန်ပြောနေကြတယ် အဲ့တော့ နိုဝင်ဘာ (၅)ရက်နေ့က တိုင်းရင်းသားကိုယ်စားလှယ်တွေနဲ့ တွေ့တော့ ဆွေးနွေးဖြစ်ကြတယ်၊”ဟု ဒီချုပ်ပါတီမှ ပြည်သူ့လွှတ်တော် ကိုယ်စားလှယ် ဦးမင်းသူက ပြောသည်။

အဆိုပါ ပဋိပက္ခအား ဖြေရှင်းနိုင်ရန် တိုင်းရင်းသားအားလုံးတွင် တာဝန်ရှိပြီး ပြည်ထောင်စုအရေး အတွက် လူသားတိုင်းဝိုင်း ၀န်းကူညီဖြေရှင်းသင့်သည်ဟု ဒေါ်အောင်ဆန်းစုကြည်က တိုင်းရင်းသား ကိုယ်စားလှယ်များ တွေ့ဆုံပွဲ၌ ပြောကြားခဲ့ကြောင်း သိရသည်။

အဆိုပါတွေ့ဆုံပွဲကို နိုဝင်ဘာ(၅)ရက်နေ့က နေပြည်တော် စည်ပင်ဧည့်ရိပ်သာတွင် ပြုလုပ်ခဲ့ပြီး တိုင်းရင်းသား ကိုယ်စားလှယ် များနှင့် တွေ့ဆုံဆွေးနွေးခဲ့သည့် ရခိုင်အရေးကိစ္စရပ်များကိုလည်း ထုတ်ပြန်သည့် ကြေညာချက်တွင် ဖော်ပြခဲ့သည်။

လူအများစုနှင့် လူအနည်းစုဟူ၍ လည်းကောင်း လူမျိုးရေးနှင့်ဘာသာရေးကိုအခြေခံ၍ လည်းကောင်း ခွဲခြားဆက်ဆံခြင်းမပြုပဲ လူသားအားလုံးက လူ့အခွင့်အရေးများကို လေးစားလိုက်နာကြရန် တာဝန်ရှိ ကြောင်း အဆိုပါ ရခိုင်ပြည်နယ်တွင် ဖြစ်ပွားနေသော ပဋိပက္ခနှင့် ပတ်သက်၍ တိုင်းရင်းသား ကိုယ်စားလှယ်အချို့နှင့် တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည်တို့၏ သဘောထား ထုတ်ပြန်ချက်တွင် ဖော်ပြပါရှိသည်။

အဆိုပါတွေ့ဆုံပွဲ၌ ဒေါ်အောင်ဆန်းစုကြည်နှင့် ချင်း၊ ရခိုင်၊ မွန်၊ ရှမ်း၊ ဖလုံစဝေါ၊ ကရင်နှင့် တအာင်း(ပလောင်) ပါတီဝင် တိုင်းရင်းသားကိုယ်စားလှယ်များနှင့် တွေ့ဆုံပွဲတွင် တိုင်းရင်းသားရေးရာ ကိစ္စရပ်များနှင့် ပတ်သက်၍ ဆွေးနွေးခဲ့ကြောင်း သိရှိရသည်။

"ဒေါ်အောင်ဆန်းစုကြည်ကလည်း တိုင်းရင်းသားတစ်ဦး ဖြစ်သည့်အတွက် ရခိုင်ပြည်နယ်အတွင်း ပဋိ ပက္ခဖြစ်ပေါ်နေခြင်းကို ရပ်တန့်နိုင်ဖို့အတွက် ၀ိုင်းဝန်း ကူညီဆောင်ရွက်ပေး နိုင်လိမ့်မည်လို့ ယုံကြည် ပါတယ်"ဟု ရခိုင်တိုင်းရင်းသားများ တိုးတက် ရေးပါတီမှပြည်သူ့လွှတ်တော်ကိုယ်စားလှယ် ဒေါ်ခင်စော ဝေက ပြောသည်။

ဒေါ်အောင်ဆန်းစုကြည် ဦးဆောင်သည့် ပြည်သူ့လွှတ်တော်တရားဥပဒေစိုးမိုးရေးနှင့် တည်ငြိမ် အေးချမ်းရေးကော်မတီနှင့် တိုင်း ရင်းသားလွှတ်တော်ကိုယ်စားလှယ်များ ပူးပေါင်း၍ ရခိုင်ပြည်နယ်မှ အကြမ်းဖက် ပဋိပက္ခတွေများနှင့်ပတ်သက်၍ တိုင်းရင်းသား ကိုယ်စားလှယ်အချို့နှင့် သဘောထား ကြေညာချက်ထုတ်ပြန်ခဲ့ခြင်းဖြစ်သည်။

Ref: မြစ်မခ

Read More...

Collapse...

တော်ဝင် သစ်အချောထည်စက်ရုံမှ အလုပ်သမားများ ၁၄ ရက်နေ့မြောက် ဆန္ဒပြ

ကျော်ဇင်မန်း(မြစ်မခ)
8 Nov, 2012

ရန်ကုန်တိုင်းဒေသကြီး ရွှေပြည်သာမြို့နယ်အတွင်းရှိ တော်ဝင်မိသားစု(Taw Win Family CO;LTD) သစ် အချောထည်စက်ရုံ မှ အလုပ်သမား(၂၂၀)ခန့်မှာ တောင်းဆိုထားသည့်အချက်(၅)ချက်မရရှိသဖြင့် ဆန္ဒပြမှု(၁၄) ရက် မြောက်နေ့တွင် မရမ်းကုန်း မြို့နယ်အတွင်းရှိ အလုပ်သမားဝန်ကြီးရုံးရှေ့တွင် ငြိမ်းချမ်းစွာဆန္ဒပြတောင်း ဆိုခဲ့ကြောင်း သိရသည်။

“အရင်နေ့တွေကတော့ စက်ရုံထဲမှာပဲဆန္ဒပြခဲ့ကြတာပါ။ အစပိုင်းကတော့ စက်ရုံပိုင်ရှင်ဘက်က ကိုယ်စားလှယ် တွေနဲ့ ညိုနှိုင်း တာတွေ လုပ်သေးတယ်။ နောက်ပိုင်း ညှိနှိုင်းမှုတောင်မလုပ်တော့လို့ ဒီထိရောက်လာပြီး ငြိမ်းချမ်းစွာဆန္ဒ ထုတ်ဖော်တာပါ”ဟု ဆန္ဒပြပွဲတွင် ပါဝင်သူ အလုပ်သမားတစ်ဦးက ပြောသည်။

ဆန္ဒပြအလုပ်သမားများ တောင်းဆိုထားသော အချက်(၅)ချက်မှာ (၁)စက်ရုံရှိ အလုပ်သမားများ၏ ဆန္ဒမပါပဲ အပြင် ဆိုဒ်သို့ မပို့ရန်၊ (၂) အလုပ်သမားများ၏ သဘောတူညီချက်မရှိပဲ စည်းကမ်းချက်များ မထုတ်ပြန်ရန်၊ (၃)စက်ရုံ အတွင်း ၀င်ခွင့်မပေး သောအလုပ်သမား များအား Onduty ပေးရန် လုပ်ခပေးရန်၊ (၄)E/C စာချုပ် အမြန်ချုပ် ဆိုရန်နှင့် (၅) လူမှုဖူလုံရေးကဒ် တစ်ပတ်အတွင်း ထုတ်ပေးရန်တို့ ဖြစ်ကြောင်း သိရသည်။

“စက်ရုံမှာက စည်းကမ်းချက်တွေအရမ်းများတယ်။ ဥပမာ စက်ရုံအတွင်းမှာ ကွမ်းမစားရဘူးလို့ စည်းကမ်းထုတ် ထားတယ်။ ဒါကိုလက်ခံတယ်။ မနက်အလုပ်လာလို့ လမ်းမှာစားပြီး အလုပ်ထဲရောက်လို့ ပါးစပ်မှာနီနေရင် ပိုက်ဆံဖြတ်တယ်။ အဲလို မျိုး တွေရှိတယ်”ဟု အလုပ်သမားတစ်ဦးက ရှင်းပြသည်။

ဆန္ဒပြပွဲတွင် အလုပ်သမားအင်းအား(၂၀၀)၀န်းကျင်ပါရှိပြီး အစာငတ်ခံဆန္ဒပြသော အလုပ်သမား(၁၀) ဦးလည်းပါ ရှိကြောင်း သိရသည်။

“အစာငတ်ခံဆန္ဒပြတဲ့သူ(၁၀)ဦးပါတယ်။ သူတို့အခုလိုပြနေတာ (၁၄)ရက်လောက်ရှိနေပြီ။ ဆေးရုံတင်ရတဲ့ သူတွေ လည်းရှိ ပါတယ်”ဟု ဆန္ဒပြပွဲကို ပါဝင်ကူညီပေးသူတစ်ဦးကပြောသည်။

အဆိုပါဆန္ဒပြပွဲသို့ ရန်ကုန်ပြည်သူ့အကျိုးဆောင်ကွန်ယက်၊ အလုပ်သမားအခွင့်အရေးလှုပ်ရှားသူများအဖွဲ့နှင့် လယ် သမားအရေးများ တွင် လိုက်ပါကူညီဆောင်ရွက်ပေးနေသူ ဦးဝင်းချိုတို့ လာရောက်အားပေး ကူညီခဲ့ကြကြောင်းလဲ သိရသည်။

Ref: မြစ်မခ

Read More...

Collapse...

အစာကုန်ကြမ်းရှားပါးနေခြင်းကြောင့် မွေးမြူရေးသမားများ ရပ်တည်ရန် ခက်ခဲလာ

ယမင်း(မြစ်မခ)
8 Nov, 2012

ဆန်သစ်ပေါ်ချိန် မြန်မာ့မွေးမြူရေးကဏ္ဍ၌ အစာဈေးနူန်းများ မြင့်မားနေခြင်း၊ သားပေါက်ဈေး မြင့်မား နေခြင်းနှင့် ခြံဖမ်းဈေး ကျဆင်းနေခြင်းကြောင့် လုပ်ငန်းရှင်များအနေဖြင့် ဆက်လက်ရပ်တည်ရန် ခက်ခဲလာပြီဖြစ်ကြောင်း မွေးမြူ ရေးလုပ်ငန်း အဖွဲ့ချုပ်က သိရှိရသည်။

"အခုက မွေးစရိတ်၊ ကုန်ကျစရိတ်တွေကလည်း များတယ်။ ရောင်းတဲ့အချိန်ကျတော့ ကုန်ကျစရိတ်နဲ့ ခြံဖမ်းဈေးက ကွာနေတော့ ဆုံးရှုံးမှုတွေ ဖြစ်လာတယ်။ နောက်လုပ်ငန်းရပ်တည်ဖို့အတွက် တော်တော် လေး အကြပ်အ တည်းဖြစ်လာတယ်"ဟု မွေးမြူရေး လုပ်ငန်းအဖွဲ့ချုပ်၊ အသားတိုးကြက်ထုတ်လုပ်သူများ အသင်း ဥက္ကဌ ဒေါက်တာ ဒေါ်လှလှသိန်းက ပြောသည်။

မွေးမြူရေးကဏ္ဍ၌ ကုန်ကြမ်း အစာအခက်အခဲများနှင့် မွေးမြူရေးကဏ္ဍ ဘက်စုံတိုးတက်ရန် အတွက် နေပြည်တော် မွေးမြူရေး နှင့် ရေလုပ်ငန်းဝန်ကြီးဌာန၌ မွေးမြူရေးဆောင် ရွက်လိုသူများအတွက် လိုအပ်သော အရင်းအနှီးများ ပံ့ပိုးဆောင်ရွက်ပေးသွား မည်ဖြစ်ကြောင်း ပြည်ထောင်စုဝန်ကြီး ဦးအုန်းမြင့် က နိုဝင်ဘာ(၂)ရက်နေ့တွင် ပြောကြား ခဲ့ကြောင်း သိရှိရသည်။

"အခုဖြစ်နေတဲ့ အခက်အခဲက အစာကုန်ကြမ်းရှားပြီး ဈေးတက်နေတဲ့ အတွက်ပါ။ အဲဒါကြောင့် လုပ်ငန်းတွေအတွက် ထိခိုက်လာ တယ်။ ဟိုတနေ့က ၀န်ကြီးပြောသွားတဲ့ ရင်းနှီးမူပံ့ပိုးသွားမယ်ဆိုတာ ကောင်းပါတယ်"ဟု ကြက်မွေးမြူ ရေးလုပ်ငန်းရှင်တစ်ဦးက ပြောဆိုသည်။

နိုဝင်ဘာလဆန်းပိုင်းတွင် ကြက်သားပေါက် တစ်ကောင်လျှင် (၄၀၀)ကျပ်၊ အစာကုန်ကြမ်းဖြစ်သော ပြောင်းဆန် (၅၄)ပိသာဝင် တစ်အိတ်လျှင်(၃၃၀၀၀)ကျပ်၊ စကွဲ တစ်ပြည်လျှင် အောက်ထစ် ကျပ် (၄၀၀)၀န်းကျင် အထိ ဈေးပေး ၀ယ်နေရကြောင်း ၄င်းက ဆက်ပြောဆိုသည်။

လက်ရှိအချိန်တွင် ဆန်သစ်ပေါ်ချိန်ရောက်ရှိနေပြီး ဆန်ဈေးနူန်းများ ကျဆင်းနေသော်လည်း မွေးမြူရေး ကုန်ကြမ်းစကွဲ ဈေးနူန်းမှာ ကျဆင်းမူမရှိသေးကြောင်း လုပ်ငန်းရှင်များထံက သိရသည်။

“မြန်မာနိုင်ငံသားငါးထွက်ကုန်တွေ မြင့်မားလာ ဖို့ဆိုရင် အခြေခံကတော့ အစာက စတာပဲ။ အစာရှား ပါးနေလို့ မွေးမြူရေး သမားတွေ မထုတ်လုပ်နိုင်တာဆိုရင် နိုင်ငံတော်အတွက် နစ်နာမှုတွေ ရှိနိုင်တဲ့ အတွက် ဒီပြသနာကို ၀ိုင်းအဖြေရှာဖို့ လိုပါတယ် ” ဟု မြန်မာနိုင်ငံငါးလုပ်ငန်းအဖွဲ့ချုပ်မှ သဘာပတိ ဒေါက်တာစန်းလှက ပြောသည်။

လက်ရှိတွင် စပါး(၁)တင်းလျှင် ကျပ်(၃)သိန်း ခွဲ ပေါက်ဈေးရှိကြောင်းနှင့် စကွဲကုန်ကြမ်းများအား ဧရာဝတီတိုင်း ဒေသကြီးမှ မှာယူမှုများကြောင်းနှင့် ဆန်ကွဲနံပါတ် (၁/၂)မှာ တစ်ပြည် ကျပ်(၅၀၀) ၀န်းကျင်ရောက်ရှိ နေခြင်းဖြစ်ပြီး မွေးမြူရေးအစာ ကုန်ကြမ်း အသုံးပြု မှုမှအပ အခြားလုပ်ငန်းအချို့၌သာ စကွဲသုံးစွဲမှုရှိသည့် အတွက် ဆန်ကွဲဈေး မြင့်တက်နေရခြင်းဖြစ် ကြောင်း ဘုရင့်နောင်ဈေးကွက် အတွင်းမှ ကောင်းမြတ်စံ ဆန်ဆိုင်က သိရ သည်။

Ref: မြစ်မခ

Read More...

Collapse...

ဆန်ဈေး ကျလာသော်လည်း အခြား စားသုံးကုန်များ ဈေးတက်နေဆဲ ပူတာအို

ငြိမ်းချမ်း(မြစ်မခ)
7 Nov, 2012

ကချင်ပြည်နယ် မြောက်ပိုင်း ပူတာအိုမြို့၌ ယခင်လများက ဆန်နို့ဆီတစ်ဘူးလျှင်(၅၀၀)ကျပ်ဖြင့် ရောင်းချနေခဲ့ရာမှ နိုဝင်ဘာလမှ စ၍ တစ်ထောင်ဖိုး ဆန်နို့ဆီ(၅)ဘူးနှုန်းသို့ လျော့ချ ရောင်းချလာကြောင်း ဒေသခံများထံက သိရသည်။

လက်ရှိအချိန်တွင် ကောက်သစ်စပါးများ ပေါ်ချိန်ဖြစ်၍ ဆန်အတွက် ယခင်ကဲ့ စိတ်ပူစရာမလိုသော်လည်း ကျန်စားသုံးကုန်ဈေးနှုန်း များမှာ အလွန်မြင့်တက်လျှက်ရှိကြောင်း ဒေသခံများထံက သိရသည်။

“အရင်လတွေတုန်းက ဆန်နို့ဆီတစ်ဘူးကို ငါးရာပေးရတယ်၊ အခု တစ်ထောင်ဖိုး နို့ဆီဘူး ငါးလုံးဆိုတော့ မဆိုးဘူးလို့ပြောရ မှာပေါ့၊ ဒါပေမဲ့အခြားစားသောက်ကုန်ပစ္စည်းတွေက အဆမတန်ဈေးတက်နေတယ်” ဟု ပူတာအို NLD ပါတီမှ ဦးရောစီက ပြောသည်။

မြစ်ကြီးနားနှင့်ပူတာအိုသို့ ဆက်သွယ်ထားသော လမ်းတံတားများအား ဖောက်ခွဲဖျက်ဆီးလိုက်သောကြောင့် ကားလမ်းကြောင်းများ ပြတ်တောက်၍ စားသောက်ကုန်ပစ္စည်းအ၀င်နည်းပါးခြင်းကြောင့် ယခုကဲ့သို့ ဈေးနှုန်း မြင့်တက်ရခြင်းဖြစ်ကြောင်းကိုလည်း သိရသည်။

ပူတာအိုဈေး၌ ကြက်ဥတစ်လုံးလျှင်(၅၀၀)ကျပ်၊ မုံညှင်းဆီ တစ်ပုလင်းလျှင်(၁၂၀၀)ကျပ်၊ ဆား(၅၀)သား တစ်ထုပ်လျှင် (၁၀၀၀)ကျပ်၊ကြက်သွန်နီ(၁)ပိသာလျှင်(၂၀၀၀)ကျပ် စသည့်နှုန်းများဖြင့် အသီးသီးရောင်း ချလျက် ရှိခြင်းဖြစ်သည်။

အိမ်ဆောက်ပစ္စည်းများမှာ (၆)ပေ အပါး သွပ်တစ်ချပ်လျှင်(၄၅၀၀)မှ(၅၀၀၀)ကြား ရှိပြီး၊ဘိလပ်မြေတစ်အိတ် လျင်(၃၅၀၀၀) မှ(၃၈၀၀၀)အထိ ဈေးရှိကြောင်းကိုလည်း သိရသည်။

စက်တင်ဘာလမှစ၍ ကားလမ်းများ ပြတ်တောက်ခဲ့ခြင်းကြောင့် ပူတာအိုသို့ ဆန်နှင့်အခြားကုန်ပစ္စည်းများ တင်ပို့ရာတွင် လေယာဉ်လမ်းမှ တင်ပို့နေရပြီး လေယာဉ်၌ ဆန်အိတ်ပေါင်း(၆၅၀)အထိသာ တင်ဆောင်၍ ရကြောင်းကိုလည်းသိရသည်။

ထိုသို့ လေယာဉ်လမ်းကြောင်းမှ တင်ပို့ရသောကြောင့် ကုန်ပစ္စည်းဈေးနှုန်းများမှာ မြင့်တက်ရခြင်းဖြစ်ကြောင်း ပူတာအိုမှ ကုန်စုံ ဆိုင်ဖွင့်လှစ်ထားသူတစ်ဦးက ဆိုသည်။

“ကားလမ်းတွေကောင်းရင်တော့ ပစ္စည်းတွေလည်း များများဝင်လာပြီဆိုရင် ဈေးနှုန်းတွေလည်းကျမှာပါ၊ အခုက ပစ္စည်းလည်း ရှားတယ်၊ နောက်ဝင်လာတဲ့ပစ္စည်းတွေက လေယာဉ်လမ်းကြောင်းကနေ လာတော့ စရိတ်များတယ်လေ”ဟု ကုန်စုံဆိုင်ရောင်း ချသည့် ဦးဝင်းမောင်က ပြောသည်။

စက်တင်ဘာလနှင့်အောက်တိုဘာလများ၌ ပူတာအိုဒေသခံများအနေဖြင့် ဆန်ရှားပါးမှုနှင့် ကြုံတွေ့ခဲ့ရပြီး ၀ါးမြစ်၊ပိန်းဥ၊ ပြောင်းဖူး စသည်များကို စားသုံးခဲ့ရသည်အထိဖြစ်ခဲ့ရကြောင်း ဒေသခံတို့က ဆိုသည်။

ပူတာအိုမြို့ပေါ်၌ လူဦးရေ နှစ်သောင်းဝန်းကျင်နေထိုင်ကာ ပူတာအိုခရိုင်၌ တပ်ရင်း(၁၀)ခု အခြေစိုက်၍ စုစုပေါင်းလူဦးရေ (၂)သိန်းဝန်းကျင်ရှိသည့် ဒေသတစ်ခုဖြစ်သည်။

Ref: မြစ်မခ

Read More...

Collapse...

ကျူးကျော်များကို ဂရမ်မြေ ပေးတော့မည်

ဇွဲထက်
November 8, 2012

ရန်ကုန်တိုင်းဒေသကြီးအတွင်း သိန်းနှင့်ချီပြီးရှိနေသည့် ကျူးကျော်နေထိုင်သူများကို တရားဝင် နေထိုင်ခွင့် (ဂရမ်မြေ) နေရာအစားပေးရန် ရန်ကုန်တိုင်း စည်ပင်သာယာရေး ကော်မတီမှ တိုင်းဒေသကြီးလွှတ်တော် ဥပဒေ ကော်မတီဝင်များနှင့် ညှိနှိုင်း စီစဉ်နေကြောင်း သိရသည်။

ကျူးကျော် နေထိုင်သူများ ပြဿနာ ဖြေရှင်းနိုင်ရေးအတွက် ဥပဒေတရပ် ရေးဆွဲပြဌာန်းသင့်ကြောင်း ဒေါပုံမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသောင်းစိန် အဆိုကို လွှတ်တော် ဥက္ကဋ္ဌ၏ ခွင့်ပြုချက်ဖြင့် ရန်ကုန်မြို့ စည်ပင်သာယာရေး ကော် မတီတွင် တာဝန်ရှိသူများက အောက်တိုဘာ ၂၃ ရက်နေ့တွင် ဆွေးနွေးခဲ့ကြကြောင်း တိုင်းဒေသကြီး လွှတ်တော် ဥပဒေ ကော်မတီဝင် ဦးအေးသိန်းက ပြောသည်။

ရန်ကုန်တိုင်း ဒေသကြီးအတွင်း မြို့နယ် ၄၅ မြို့နယ်၌ ၄၄ မြို့နယ်တွင် ကျူးကျော် နေထိုင်သူများရှိနေပြီး မြို့နယ်တိုင်းတွင်ကျူးကျော်ဆိုင်ခန်းများ မပါဘဲ အနည်းဆုံး ကျူးကျော် တဲ၊ အိမ်၊ အဆောက်အဦး ၅ ပုံ ၁ ပုံစီခန့် ရှိနေကြောင်း တိုင်းဒေသကြီး လွှတ်တော် ဥပဒေ ကော်မတီမှ ခန့်မှန်းခြေ အတည်ပြုထားသည်။

“မြေချ ပါမစ်လည်းမရှိဘူး၊ ဂရမ်လည်း မရှိဘူးဆိုရင် မြေချပါမစ်တွေ၊ ဂရမ်တွေရအောင် ကျူးကျော်နေထိုင်တဲ့ မိသားစုတွေ၊အိမ်ထောင်စုတွေ၊ နေအိမ်တွေ ကော်မတီဖွဲ့ပါ၊ စည်ပင်သာယာရေး ကော်မတီကို အမြန်ဆုံးတင်ပါ” ဟု ဦးအေးသိန်းက ဆိုသည်။

ပဉ္စမအကြိမ် တိုင်းဒေသကြီး လွှတ်တော် အစည်းအဝေးမပြုလုပ်ခင် ရန်ကုန်တိုင်း ဒေသကြီးအတွင်းရှိ ကျူးကျော်နေထိုင်သူများသည် အစုအဖွဲ့များ၊ ကော်မတီများဖွဲ့စည်းပြီး ရန်ကုန်မြို့ စည်ပင်သာယာရေး ကော်မတီသို့ အသိပေးစာ တင်ထားရမည်
ဖြစ်ကြောင်း သိရသည်။

“နေမြဲတိုင်း ထိုင်မြဲတိုင်းပဲ နေချင်တာပေါ့။ နိုင်ငံတော်ရဲ့ တရားဝင်အမိန့် ဖြစ်လာရင်တော့ အဘတို့က လွန်ဆန်လို့မရဘူး။ အဖေအမေ၊ အဖိုးအဖွားကအစ ဗမာဗုဒ္ဓဘာသာအစစ်၊ ဗမာပြည်မှာမွေးထားတာ။ ဒီနေ့ အဘရဲ့ မိသားစုအနေနဲ့ ဗမာပြည်မှာ မည်သည့်နေရာမဆို နေထိုင်ခွင့် တနေရာ ရှိကိုရှိရမယ်” ဟု သာကေတမြို့နယ် ၆ ရပ်ကွက် အနောက်တွင် ၁၅ နှစ်ကျော်
ကျူးကျော် နေထိုင်လာခဲ့သည့် အသက် ၆၀ ကျော်အရွယ်ရှိ ဦးတင်သိန်းက ဧရာဝတီသို့ ပြောသည်။

သာကေတမြို့နယ် ၆ ရပ်ကွက် အနောက်တွင် ကျူးကျော်နေထိုင်သည့် အိမ်ထောင်စု ၁၁၅ စု၊ အိမ်ခြေ ၁၁၀ နှင့် လူဦးရေ ၇၁၇ ဦးကျော် ရှိပြီး ၁၉၈၈ ခုနှစ် ပြည်လုံးကျွတ် အရေးအခင်းပြီး နောက်ပိုင်းတွင် စတင်နေထိုင်လာခဲ့သူများ ဖြစ်ကြောင်း သိရသည်။

ခေတ်အဆက်ဆက် ပြောင်းရွှေ့ပေးရန်နှင့် ဖျက်သိမ်းပေးရန် အမိန့်ပေး ထုတ်ပြန်ခဲ့သော်လည်း နေစရာနှင့်လုပ်ကိုင် စားသောက် ရန် အခက်အခဲ ရှိခြင်းကြောင့် လက်ရှိနေရာတွင် နှစ်ကာလ ကြာမြင့်စွာ ကြောက်လန့်မှုများဖြင့် နေထိုင် လာခဲ့ရကြောင်း ကျူးကျော်နေ ပြည်သူများက ဆိုသည်။

“ပြောင်းတဲ့လူတွေက ကြိုက်ရင်ကောင်းတာပေါ့။ ကျနော်တို့ မြေယာတွေမှာလည်း ကျူးကျော်တွေ ရှိနေတယ်။ ကျူးကျော်တွေဖယ်မရတော့ စည်ပင်သာယာရေး ကော်မတီက ဒါတွေ ရှင်းပေးမယ်ဆိုရင်လည်း ကောင်းပါတယ်။ တချို့ကျတော့ ကျူးကျော်
ပေမယ့် တိုက်တွေ တဲတွေ ပြန်လုပ်ပေးတယ်။ သူတို့ဘာတွေ ပြန်လုပ်ပေးမယ် ဆိုတာတော့မသိဘူး။ ကောင်းအောင် စီစဉ်ပေးရင်တော့ ကောင်းတာပေါ့” ဟု တန်ဖိုးနည်း အိမ်ရာများ တည်ဆောက်နေသည့် တော်ဝင် မိသားစုကုမ္ပဏီ ဥက္ကဋ္ဌ ဦးကိုကိုထွေး
က ဧရာဝတီသို့ ပြောသည်။

မြေရာပိုင်ဆိုင်ခွင့် မရှိဘဲ နှစ်ကာလကြာမြင့်စွာ ကျူးကျော် နေထိုင်လာခဲ့သူများကို လက်ရှိ အစိုးရသစ်လက်ထက်တွင် တရားဝင် နေထိုင်ခွင့် ပေးတော့မည်ဆိုသည့် သတင်းနှင့် ပတ်သက်ပြီး အတည်ပြုချက်ရယူရန် ရန်ကုန်တိုင်း ဒေသကြီး စည်ပင်သာယာရေး ကော်မတီသို့ ဧရာဝတီက ဆက်သွယ် မေးမြန်းခဲ့သော်လည်း တိကျသည့် အတည်ပြုပြောဆိုခြင်း မရှိခဲ့ပေ။

Ref: ဧရာဝတီ

Read More...

Collapse...

အမေရိကန် သမ္မတ အိုဘားမား ပြန်လည် အရွေးခံရမှု အပေါ် အမြင်များ

November 7, 2012

အမေရိကန်ပြည်ထောင်စုတွင် နိုဝင်ဘာလ ၆ ရက်နေ့က ကျင်းပသည့် ၂၀၁၂ ခုနှစ်အတွက် ရွေးကောက်ပွဲ၌ လက်ရှိ သမ္မတ အိုဘားမား က ပြိုင်ဘက် သမ္မတလောင်း မစ်တ် ရွန်မ်နေ(Mitt Romney)ကို မဲအသာစီးဖြင့် အနိုင်ရရှိသွားပြီး ယင်းအနိုင် ရရှိမှုအပေါ် မြန်မာ့နိုင်ငံရေး အသိုင်းအ၀ိုင်းက ကြိုဆိုလိုက်ကြသည်။ အိုးဘားမား အနိုင်ရရှိမှုက မြန်မာ့ဒီမိုကရေစီ ပြုပြင် ပြောင်း လဲရေး နှင့် မြန်မာ့ နိုင်ငံရေး အပေါ် မည်သို့မည်ပုံ သက်ရောက်မှု ရှိနိုင်မည်ကို တိုင်းရင်းသားများနှင့် ပြည်တွင်း နိုင်ငံရေး အသိုင်း အ၀ိုင်း အား ဆက်သွယ်မေးမြန်း စုစည်း ဖော်ပြလိုက်ပါသည်။

ဦးဝင်းတင်
အမျိုးသား ဒီမိုကရေစီ အဖွဲ့ချုပ်(NLD) နာယက

ကျနော့် အမြင်ကတော့၊ ကျနော်ကတော့ ၀မ်းသာတယ်။ ဘာဖြစ်လို့လဲဆိုတော့ အမေရိကားဆိုတာက ကျနော်တို့ငယ်ငယ်တုန်းက မြင် ခဲ့တဲ့ပုံစံအရဆိုရင် တကယ်ကို အသားအရောင်ခွဲခြားမှုနဲ့ လွှမ်းမိုးတဲ့ တိုင်းပြည်ပေါ့ဗျာ။ အဲဒီလို နိုင်ငံမျိုးမှာ ကျော်ကြားတဲ့ ထင်ရှား တဲ့ နိုင်ငံရေးသော်လည်းကောင်း၊ စီးပွားရေးသော်လည်းကောင်း၊ လူမှုရေးအားဖြင့်သော်လည်းကောင်း၊ တခြားအားကစား တို့မှာ သော်လည်းကောင်း တိုးတက်ပြောင်းလာပေမယ့် လူမည်းတွေက ဘယ်တော့မှ နေရာမရဘူး။ သူ့တို့ လူ့အဖွဲ့အစည်းကိုက လက် မခံဘူး။ အဲဒီကနေ ပြောင်းလဲလာပြီးတော့ အခု သမ္မတ အိုဘားမား နိုင်တယ်။ အိုဘားမားနဲ့ပတ်သက်လို့လည်း ဝေဖန်ချက် တွေအများကြီးရှိတယ်ပေါ့။ အလုပ်လက်မဲ့ ပြဿနာတွေ၊ စီးပွားရေး၊ စစ်ရေး ပြဿနာတွေ နဲ့ ပတ်သက်လို့ ဝေဖန်ကြတယ်။ ဒီလိုပြဿနာတွေ အများကြီးကြားကနေ အိုဘားမားက တပတ်တည်းနဲ့ပြုတ်သွားနိုင်တယ်။ သူသာ ပြုတ်သွားရင် လူမည်းတွေရဲ့ ရှေ့နိုင်ငံ ရေး အလားအလာကလည်း အများကြီးလျော့ပါး သွားမယ်။ ကျနော်တို့ နိုင်ငံအတွက် ဒီမိုကရက်တစ် အင်အားစုတွေက အများကြီး အကူအညီ ပေးတယ်။ အထူးသဖြင့် NLD တို့ဘက်ကနေ ရပ်တည်ပေးတယ်ဆိုတော့ ဘာပဲပြောပြော အိုးဘားမားနိုင် တာ ကောင်း တယ်လို့ပဲ မြင်ပါတယ်။

ကိုမင်းကိုနိုင်
၈၈ မျိုးဆက် ကျောင်းသားများ ခေါင်းဆောင်
တကယ်တော့ အမေရိကန်သမ္မတ အပြောင်းအလဲက ကျနော်တို့အပေါ် ကြီးကြီးမားမား သက်ရောက်မှုလို့ မမြင်ဘူး။ ကျနော် တို့ပြည် တွင်းမှာ ညီညီညွတ်ညွတ်နဲ့ ကျနော်တို့နိုင်ငံသားတွေ အတူတူအလုပ်လုပ်နိုင်ရင် တိုးတက်မှာပဲ။ သို့သော် အိုဘားမားက ကျနော်တို့တိုင်းပြည်ကို လာဖို့အစီအစဉ်ရှိတယ် ဆိုတော့ နောက်ထပ်ဆက်ခံမယ့် သမ္မတဖြစ်တယ်ဆိုတော့ ဆက်ပြီးတော့ အ လုပ်လုပ် တဲ့ အခါ၊ ပြောဆိုတဲ့အခါမှာ ပိုပြီးတော့ အားရှိတာပေါ့။ ဘာပဲဖြစ်ဖြစ်ပါ ပြည်သူလူထုက ရွေးချယ်တင်မြှောက်လိုက် တဲ့အပေါ်မှာ အဆုံးအဖြတ် ကို တည်တည်ကြည်ကြည် ခံယူကြတယ်။ အနိုင်ရတဲ့သူနဲ့ အရေးနိမ့်တဲ့သူတွေက လွှတ်တော်ထဲမှာ ဆက်ပြီးတော့ လက်တွဲ အလုပ် လုပ်ကြဦးမယ်။ အဲဒီ နမူနာကောင်းတွေကို ကျနော်တို့ယူသင့်တယ်။ လက်ရှိ အိုဘားမားအစိုးရနဲ့ ဒီက အစိုးရနဲ့က ဆက်ဆံရေး ကောင်းထားပြီးသား ဆိုတော့ သူဆက်ရှိနေတာက ဆက်ဆံရေး ပိုကောင်းမယ်လို့ မျှော်လင့်ရ မယ်လို့ ထင်ပါတယ်။

ဦးခွန်ထွန်းဦး
ရှမ်း တိုင်းရင်းသားများ ဒီမိုကရေစီ အဖွဲ့ချုပ်(SNLD) ဥက္ကဋ္ဌ
အိုဘားမား ရသွားတာ ကောင်းပါတယ်။ ကျနော်တို့ တိုင်းရင်းသားတွေရဲ့ ပြဿနာက မပြီးသေးဘူး။ သူ့အနေနဲ့ ပါဝင်ဆောင်ရွက် သွားရင် ကောင်းတာပေါ့။ တိုင်းရင်းသား အရေးကလည်း မပြီးပြတ်သေးဘူး ဆိုတော့ ဆက်ပြီးတော့ လုပ်ဆောင်နေရတယ်။ အမေရိကန်နဲ့ မြန်မာ ဆက်သွယ်ရေး ကောင်းလာမယ်။

ဦးသိန်းညွှန့်
သင်္ဃန်းကျွန်း မြို့နယ် ပြည်သူ့ လွှတ်တော် ကိုယ်စားလှယ်နှင့် အမျိုးသား ဒီမိုကရေစီသစ် ပါတီ ဥက္ကဋ္ဌ
ကျနော်အနေနဲ့ သမ္မတ အိုဘားမား သမ္မတဟောင်းကနေ သမ္မတအဖြစ် ပြန်ရွေးခံရတာကို ကြိုဆိုတယ်။ အမေရိကန်ပြည်ထောင် စုရဲ့သူတို့ပြည်တွင်းရေးမှာ ရွေးကောက်ပွဲကာလမှာ အိုဘားမားရဲ့စွမ်းဆောင်မှုနဲ့ ပတ်သက်လို့ ပြောကြဆိုကြတာတွေ ရှိတယ်။ ကျနော်တို့ကတော့ ကျနော်တို့နိုင်ငံရေး မြန်မာ-အမေရိကန် ချစ်ကြည်ရေး အဆင့်မြင့်နေတဲ့ကာလမှာ အိုဘားမားက ကျနော်တို့ တိုင်းပြည် အကြောင်း ထဲထဲဝင်ဝင် သိတယ်။ အိုဘားမား သမ္မတ အဖြစ် အရွေးချယ်ခံရတာက ကျနော်တို့ အမျိုးသား အကျိုး စီးပွား အတွက် အထောက်အကူဖြစ်မှာ ဖြစ်တဲ့အတွက် အိုဘားမား အနိုင်ရတာကို ကျနော် ၀မ်းသာတယ်။ ကျနော်တို့ တိုင်းပြည် အကျိုးအတွက် မျှော်လင့်ချက်တွေ အားကောင်းလာပါတယ်။

ဦးဇော်အေးမောင်
ရခိုင်ရေးရာဝန်ကြီး၊ ရန်ကုန်တိုင်း ဒေသကြီး အစိုးရ
ရခိုင် တိုင်းရင်းသားများ တိုးတက်ရေး ပါတီ(RNDP)
အိုဘားမားပြန်ပြီးတော့ သမ္မတ အဖြစ် ပြန်ရတာကို ကြိုဆိုပါတယ်။ သမ္မတ အိုဘားမားက ကျနော်တို့ နိုင်ငံကို ပိတ်ဆို့ထားတဲ့ အရာ တွေကို အများကြီး ဖြေလျှော့ပေးတယ်။ သမ္မတ ဦးသိန်းစိန်ကိုလည်း အမေရိကန် ဖိတ်ခေါ်တယ်။ အဖယ်ခံရတဲ့ လူကြီး တွေကိုလည်း ဗီဇာပြန်လုပ်ပေးတယ်။ အခုဆိုရင် မြန်မာနိုင်ငံနှင့် အမေရိကန် စီးပွားရေး စစ်ရေးတွေ ပူးပေါင်းလုပ်ဆောင်ဖို့ အားလုံးခွင့်ပြု ပေးတယ်။ သူက အပြုသဘောမျိုး အစပျိုးထားတော့ နောင်လာမယ့် ၄ နှစ်မှာ ကျနော်တို့နိုင်ငံအတွက် ဒီမိုက ရေစီလမ်းကြောင်း ကိုရောက်အောင် အပြုသဘောမျိုးနဲ့ အားလုံးဝိုင်းပြီး ကူညီကြမှာပါ။ အမေရိကန်နိုင်ငံက ကျနော်တို့နိုင်ငံကို ဆက်ပြီး ကူညီပံ့ပိုး ပေး သွားမယ်လို့ ယူဆပါတယ်။

ဦးလှမောင်ရွှေ
နိုင်ငံတော် သမ္မတ ၏ အမျိုးသား စီးပွားရေးနှင့် လူမှုရေး အကြံပေး ကောင်စီဝင်နှင့် ငြိမ်းချမ်းရေး အကျိုးဆောင်

ဒီဘက်ကလူတွေက စဉ်းစားတာကတော့ ဘားရက် အိုဘားမားအနေနဲ့ သူ့ရဲ့အရင်သက်တမ်းတုန်းက သူအောင်မြင်ခဲ့တာတွေမှာ မြန်မာနိုင်ငံရေး အပြောင်းအလဲကလည်း သူတို့ရဲ့အောင်မြင်မှုတခုလို့ မြင်ကြ မှာပေါ့။ မြန်မာဘက်က လူတွေ အတွက်တော့ အိုဘားမား သမ္မတပြန်ဖြစ်တော့ အမေရိကန်-မြန်မာ ဆက်ဆံရေးအတွက် အစက ပြန်စ စရာမလိုတော့ဘူး။ သူရဲ့ နိုင်ငံခြား ရေးဝန်ကြီး ဌာနက အရင်ကတည်းက မြန်မာနိုင်ငံနဲ့ ထိတွေ့ဆက်ဆံမှုရှိထားပြီးသားဖြစ်တော့ နားလည်နေပြီးသာဖြစ်တယ်။ မကြာခင်မှာ သမ္မတ အိုဘားမားကလည်း ဒီကိုလာဖို့ရှိနေတော့ သူတို့ပေါ်လစီကလည်း ရှိပြီးသား ဖြစ်နေတော့ ဆက်ဆံရေးမှာ ပိုပြီးတော့ မြန် ဆန် လာမယ်။

ဦးဇိုဇမ်
ချင်း အမျိုးသား ပါတီ ဥက္ကဋ္ဌ
ကျနော်တို့ ရဲ့ဒီမိုကရေစီ အပြောင်းအလဲအတွက် သူ့အစိုးရနဲ့ လုပ်လက်စဟာတွေ ဆက်ပြီးတော့ အားတခုအနေနဲ့ရမယ်လို့ ထင် ပါတယ်။ ကြိုဆိုပါတယ်။ သူ့ရဲ့လုပ်ငန်းတွေ ဆက်လက်ပြီးတော့ အဆင်ပြေမယ်လို့ ထင်ပါတယ်။ ပိုကောင်းလာမယ်လို့ မျှော်လင့် ချက် များလာတာပေါ့။

ဦးသုဝေ
ဒီမိုကရက်တစ် ပါတီ (မြန်မာ) ဥက္ကဋ္ဌ
အမေရိကန်မှာရှိတဲ့ သမ္မတလောင်းနှစ်ဦးက သူတို့တိုင်းပြည်မှာ ထိပ်ထိပ်ကျဲတွေပဲ။ ဘယ်သူနိုင်နိုင် သူတို့ အတွက်တော့ ကောင်း တာပဲ။ မြန်မာနိုင်ငံအတွက် ကြည့်ရင် ကျနော်တို့တိုင်းပြည်နဲ့ ဆက်ဆံရေး အခြေအနေ ကောင်းလာတာက အိုဘားမား လက် ထက် မှာဖြစ်တာပေါ့။ ဒီအရှိန်လေးတွေ မပျက်စေချင်ဘူး။ ဒီအရှိန် ပိုကောင်းလာမယ်။ ဆက်ပြီးတော့ အိုဘားမားပဲ ဆက်နိုင် တော့ မြန်မာ့ ဒီမိုကရေစီ အရေး ဆက်ကောင်းသွားလိမ့်မယ် လို့ထင်ပါတယ်။

ဦးခင်မောင်ဆွေ
အမျိုးသား ဒီမိုကရေစီ အင်အားစု ပါတီ(NDF) ဥက္ကဋ္ဌ
ကျနော်တို့ကတော့ အိုဘားမားနိုင်တာ ကြိုဆိုတယ်။ မြန်မာပြည်သူတွေလည်း ကြိုဆိုကြလိမ့်မယ့်လို့ ယုံကြည်ပါတယ်။ မြန်မာနိုင်ငံ ဒီမိုကရေစီအရေးအတွက် ပိုပြီးတော့ လမ်းကြောင်းသွားတဲ့အခါ ပြည်သူ၊ အုပ်ချုပ်သူတွေ၊ နိုင်ငံရေးအဖွဲ့အစည်းတွေ၊ လူထု လူ တန်းစား အဖွဲ့အစည်းအသီးသီးနဲ့ အမေရိကန်အစိုးရနဲ့က အတော်အတန် အတိုင်းအတာတခုအထိ ထင်သာမြင်သာ ရှိသွားတဲ့ အနေအထား ရှိနေပြီ။ တဖက်နဲ့ တဖက်နဲ့ လေ့လာမှုတွေရှိပြီးသား အိုဘားမားဆက်ရှိခြင်းက မြန်မာနိုင်ငံကို နားလည်ပြီးသား ဖြစ် လို့ ဒီမိုကရေစီအတွက် အလားအလာတွေ ကောင်းနေတယ်။ တကယ်လို့သာ အိုဘားမားမနိုင်ဘဲ သူ့ပြိုင်ဘက် သမ္မတလောင်းနိုင် သွားရင် မြန်မာနိုင်ငံကို ပြန်လေ့လာရဦးမယ်။ အဲဒီလိုဆိုရင် ၂ နှစ်လောက်က မြန်မာကို ပြန်လေ့လာသုံးသပ်တာတွေလုပ်မှာပဲ။ အဲဒါဆိုရင် စီးပွားရေးပိတ်ဆို့မှုရုပ်ဖို့၊ အမေရိကန်ရင်းနှီးမြုပ်နှံမှု တွေလာဖို့တို့ ဒီကိစ္စတွေက တော်တော်ခက်ခဲနိုင်သေးတယ်။ အိုးဘားမားနိုင်ခြင်းက မြန်မာ့ဒီမိုကရေစီပြောင်းလဲမှုနဲ့ မြန်မာ့ နိုင်ငံရေးအတွက် အတော်ကို ကိုက်ညီလိမ့်မယ်လို့ ထင်ပါတယ်။

ဒေါ်ဘောက်ဂျာ
ကချင် အရေး လှုပ်ရှားသူ နှင့် Vision of Peace ဥက္ကဋ္ဌ
လူဖြူလူမည်း ပြဿနာတွေရှိခဲ့တဲ့ နိုင်ငံမှာ သမ္မတ အိုဘားမား ဆက်နိုင်တဲ့အတွက် အဖိနှိပ်ခံလူမျိုးတွေအတွက် အားတက်စရာ ဖြစ် တာပေါ့။ အိုဘားမားအနေနဲ့ သမ္မတအဖြစ် ဆက်ပြီးရပ်တည်တဲ့အခါမှာ တရားမျှတဖို့ လိုပါတယ်။ ကိုယ့်ရဲ့လူမျိုး၊ ကိုယ်ရဲ့ ဘာသာ ကိုပဲ ကြည့်မယ်ဆိုရင်တော့ တိုင်းပြည်အတွက် မကောင်းဘူး။ အဲဒါကြောင့် အခုလိုတက်လာတဲ့အပေါ်မှာ ၀မ်းသာတယ်။ ဂုဏ်ယူ တယ်။ သမ္မတတယောက် အနေနဲ့ တရားမျှတဖို့ လိုအပ်တယ်။ အနိုင်ရတိုင်းမှာ ဆုံးဖြတ်တဲ့အခါမှာ တဖက်သတ် မဆန်ဖို့ သူ့ရဲ့စိတ်ဆန္ဒ အရ သူ့ရဲ့ဘာသာကိုပဲ အားထားခြင်း မဟုတ်ဘဲ မျှမျှတတလေး လုပ်သွားစေချင်တယ်။ မြန်မာနိုင်ငံအရေးမှာ သမ္မတ အိုဘားမား ဘာတွေလုပ်နေသလဲဆိုတာ ကျမတို့ တိတိကျကျမသိရဘူး။ လုပ်ဆောင်နေတဲ့ အပေါ်မှာ မကျေနပ်ဘူး။ မြန်မာပြည် အရေး အပေါ်မှာ တဖက်သတ် ဆန်နေတယ်။ သူတို့ရဲ့စစ်တပ်နဲ့ မြန်မာစစ်တပ်နဲ့ လေ့ကျင့်ဖို့ လုပ်တာတွေ၊ တိုင်းရင်းသားအရေးကို သိပ်ပြီးတော့ ခံစားချက်မရှိဘူး။ အဲလိုမျိုးတွေဖြစ်နေတော့ အိုဘားမား တက်လာပေမယ့် ကျမတို့ နိုင်ငံအတွက် နည်းနည်း စိုးရိမ် စရာ တောင် ဖြစ်နေတယ်။

ဒေါက်တာ မနန် တူးဂျာ
ကချင် ပြည်နယ် တိုးတက်ရေး ပါတီ(KSPP)
အိုဘားမားနိုင်တာ သဘောကျတယ်။ သူက ကျနော်တို့ ဒီမိုကရေစီ ပြုပြင်ပြောင်းလဲရေး၊ ပြည်တွင်းငြိမ်းချမ်းရေးအတွက် သူက မြင် ထားပြီးသားလေ။ သူ့လူတွေလည်း အများကြီး လွှတ်ထားတယ်။ လက်ရှိသံအမတ်ကြီးလည်း တော်တော်လေး သိနေပြီ။ ဟီလာရီ ကလင်တန် လည်း သိနေပြီလေ။ ဒီအစိုးရပဲ ဆက်ရှိနေမှာဆိုတော့ အစက ပြန်လုပ်စရာမလိုဘူး။ လုပ်စရာရှိတာကို ဆက်လုပ်သွားရုံပဲ။

အိုဘားမားနိုင်တာ မြန်မာနိုင်ငံအတွက် ကောင်းတယ်။ အခုငြိမ်းချမ်းရေးအတွက် အမေရိကန် သံအမတ်က တော်တော်လေး ကို လေ့လာနေတယ်။ ငြိမ်းချမ်းရေးရရှိဖို့ ပြည်တွင်းစစ် ရပ်စဲရမယ်။ ပြည်တွင်းစစ် ရပ်စဲရေး တိုင်းရင်းသားတွေရဲ့ လိုလားချက်၊ တွေ့ဆုံဆွေးနွေးရေးကို သူတို့ အားပေးတယ်။ သူတို့က အရှိကို အရှိတိုင်း အမှန်ကိုအမှန်တိုင်း ဘက်မလိုက်ဘဲ အားပေးမှာလို့ထင် တယ်။ ကျနော်တို့နိုင်ငံအနေနဲ့က ငြိမ်းချမ်းရေး တည်ဆောက်တဲ့နေရာမှာ ပိုပြီးတော့ ပွင့်လင်းမြင်သာလာမယ်။ ပိုပြီးတော့ ငြိမ်းချမ်းရေး တည်ဆောက်တဲ့နေရာမှာ အထောက်အကူပြုမယ်။ မှန်မှန်ကန်ကန် ဖြစ်လာမယ်။

ဦးစောမိုးမြင့်
ကရင် ပြည်သူ့ ပါတီ တွဲဖက် အထွေထွေအတွင်းရေးမှူး
အိုဘားမား ရသွားတာ ကောင်းပါတယ်။ မြန်မာနိုင်ငံရဲ့ ပိတ်ဆို့ထားတဲ့ စီးပွားရေးကို ပြန်ဖြေလျှော့ ပေးခဲ့တယ်။ သူ ရသွားတော့ လည်း မြန်မာ့အရေးကို အစကနေ ပြန် မဆွေးနွေးရတော့ဘူးပေါ့။ အမေရိကန်နဲ့ မြန်မာ ဆက်ဆံရေးက ပြန်ကောင်းလာမှာပါ။ မြန်မာပြည်က စစ်အရာရှိတွေကို အမေရိကန်က စစ်ရေးသင်တန်း ပြန်ပေးမယ်ဆိုတာ ကောင်းပါတယ်။

သာလွန်ဇောင်းထက် နှင့် နန်းဆိုင်နွမ် ပူးပေါင်း တင်ပြသည်။

Ref: ဧရာဝတီ

Read More...

Collapse...

၁၉၈၂ မြန်မာနိုင်ငံသား ဥပဒေ ပယ်ဖျက်ရေး အဆို ကန့်ကွက်သူများ

ခင်ဦးသာ
November 7, 2012

မြန်မာ နိုင်ငံသားဖြစ်မှု ဥပဒေ (၁၉၈၂ ခုနှစ်) ကို ပယ်ဖျက်ပေးရန် အဆိုအား အမျိုးသားလွှတ်တော်၌ တင်သွင်းရာ ကန့်ကွက် သူ များပြားသည့်အတွက် မှတ်တမ်းအဖြစ်သာ ထားကြောင်း သိရသည်။

လက်ရှိ မြန်မာနိုင်ငံသား ဥပဒေ ၁၉၈၂ ခုနှစ် အား ပယ်ဖျက်၍ ခေတ်နှင့်အညီ ပြန်လည်ရေးဆွဲရေး အဆိုကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ၏ စစ်ကိုင်းတိုင်း မဲဆန္ဒနယ် အမှတ် (၇)မှ ဦးတင်မြ က တင်သွင်းခြင်းဖြစ်သည်။ ထိုအဆို အား ကိုယ်စားလှယ် ၁၀ ဦး ၀န်းကျင်က ဆွေးနွေးကြပြီး ရခိုင်၊ မွန်၊ ရှမ်း စသည့် တိုင်းရင်းသား ကိုယ်စားလှယ်များက အဆို ကို ကန့်ကွက်ကြသည်။

ယင်းအဆိုနှင့်ပတ်သက်ပြီး လူဝင်မှု ကြီးကြပ်ရေးနှင့်ပြည်သူ့အင်အား ၀န်ကြီးဌာန ၀န်ကြီး ဦးခင်ရီ ကလည်း လက်ရှိအစိုးရ လက်ထက်မှ စ၍ ခေတ်နှင့်မညီတော့သည့် ဥပဒေများကို တခုပြီးတခု ပြင်ဆင်နေကြောင်း၊ ၁၉၈၂ ဥပဒေတွင်လည်း လုပ်ထုံး၊ လုပ်နည်း စာသား တချို့နှင့်ငွေကြေး သတ်မှတ်ချက်များမှာ ခေတ်နှင့်မညီတော့သည့်အတွက် ပြင်ဆင်နိုင်ရန် စီစဉ်ဆောင်ရွက် လျက်ရှိကြောင်း ပြန်လည် ရှင်းလင်း တင်ပြသည်။

၁၉၈၂ ခုနှစ် ဥပဒေသည် ၆ နှစ်ကျော်အထိ အချိန်ယူပြီး ဥပဒေ ပညာရှင်များ ကွင်းဆင်း၍ လူထုလူတန်းစား အားလုံးကို ချပြ ကာ ပြန်လည် စိစစ် ဆန္ဒခံယူ၍ ရေးဆွဲ အတည်ပြုထားခြင်း ဖြစ်ကြောင်းလည်း ၀န်ကြီး ဦးခင်ရီ ကဆိုသည်။

ရခိုင်တိုင်းရင်းသားများ တိုးတက်ရေးပါတီ(RNDP) မှ အမျိုးသား လွှတ်တော် ကိုယ်စားလှယ် ဦးကျော်ကျော် ကလည်း ၁၉၈၂ ခုနှစ် ဥပဒေသည် မြန်မာ တနိုင်ငံလုံးသို့ နိုင်ငံခြားမှ တရားမ၀င်ခိုးဝင်လာသည့် တိုင်းတပါးသားများ လွှမ်းမိုးမှု အန္တရာယ် ကို ကာကွယ်ပေးထားသည့် ဥပဒေ တရပ်ဖြစ်ကြောင်း၊ ရခိုင်ပြည်နယ်အတွက်သာ မက တနိုင်ငံလုံးမှ တိုင်းရင်းသားများအတွက် လိုအပ်ကြောင်း၊ ဖျက်သိမ်း အသစ်ရေးဆွဲမည်ဆိုပါက တိုင်းရင်းသားများအတွက် နစ်နာမည်ဖြစ်ကြောင်း တင်ပြ ဆွေးနွေး သည်။

မွန်ဒေသလုံးဆိုင်ရာ ဒီမိုကရေစီပါတီ မှ ဒေါက်တာ ဗညားအောင်မိုး ကလည်း ထိုဥပဒေသည် ပြင်ဆင်ရန် မလိုအပ်သကဲ့သို့ ပယ်ဖျက်ရန်လည်း မလိုအပ်ကြောင်း၊ ထို့ကြောင့် အဆိုကို ကန့်ကွက်ကြောင်း ဆွေးနွေးသည်။

၁၉၈၂ နိုင်ငံသား ဖြစ်မှု ဥပဒေတွင် ၁၉၄၈ ခုနှစ် ဇန်န၀ါရီလ ၄ ရက်နေ့မတိုင်မီ နိုင်ငံတွင်း ရောက်ရှိနေထိုင်သည့်သူများမှ နိုင်ငံ တွင်း မွေးဖွားသည့် သားသမီးများသည် နိုင်ငံသား လျှောက်ထားနိုင်ကြောင်း ပြဌာန်းထားသည်။

အကယ်ဤ နိုင်ငံသားဖြစ်ခွင့်ပြုခံရသူ မိဘနှစ်ပါးအနက် တဦးဦးသည် နိုင်ငံသားအဖြစ် ဆုံးရှုံးလျှင် အသက် ၁၈ နှစ်မပြည့်သေး သူ သားသမီးနှင့် ၁၈ နှစ်ပြည့်ပြီး နိုင်ငံသား ကတိသစ္စာ မပြုရသေးသူ သားသမီးများသည်လည်း နိုင်ငံသားဖြစ်ခွင့်မှ ရပ်စဲခံရ မည်ဖြစ်ကြောင်း ဥပဒေက ဆိုထားသည်။

ထိုဥပဒေ၌ နိုင်ငံသား တဦးဦးသည် မဟုတ်မမှန် ဖော်ပြခြင်း သို့မဟုတ် ဖုံးကွယ်ခြင်းဖြင့် နိုင်ငံသားအဖြစ် ရရှိပါက နိုင်ငံသား အဖြစ်မှ ရုပ်သိမ်းခြင်း ခံရမည့်အပြင် ထောင်ဒဏ် ၁၀ နှစ်နှင့် ငွေဒဏ် ကျပ် ၅ သောင်း ကျခံစေရန် ဖော်ပြထားသည်။

မြန်မာနိုင်ငံ၏ နယ်မြေ တခုခု၌ ၁၈၂၃ ခုနှစ်(မြန်မာ သက္ကရာဇ် ၁၁၈၅ ခုနှစ်) မတိုင်မီ ကာလမှစ၍ ပင်ရင်းနိုင်ငံအဖြစ် အမြဲနေ ထိုင်ခဲ့ကြသော ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်း စသည့် တိုင်းရင်းသားများနှင့်မျိုးနွယ်စုများသည် မြန်မာ နိုင်ငံ သားများ ဖြစ်ကြောင်းလည်း ပြဌာန်း ထားသည်။

Ref: ဧရာဝတီ

Read More...

Collapse...

ရန်ကုန်တွင် ရှမ်းတိုင်းရင်းသား အဖွဲ့များ၏ ပထမဆုံးညီလာခံ ကျင်းပမည်

နန်းဆိုင်နွမ်
November 7, 2012

အစိုးရအဖွဲ့များအတွင်းရှိ ရှမ်းတိုင်းရင်းသားများနှင့် အစိုးရနှင့်ငြိမ်းချမ်းရေး သဘောတူ လက်မှတ်ရေးထိုးထားသည့် ရှမ်းလက် နက်ကိုင် အဖွဲ့များအကြား ယုံကြည်မှု တည်ဆောက်နိုင်ရန်အတွက် ရှမ်းတိုင်းရင်းသားများ၏ ပထမဆုံး ညီလာခံကို နိုဝင်ဘာ လကုန်တွင် ရန်ကုန်မြို့ရှိ ငြိမ်းချမ်းရေးစင်တာတွင် ကျင်းပသွားမည်ဟု သိရသည်။

အဆိုပါ ညီလာခံတွင် အစိုးရနှင့် လက်နက်ကိုင် အဖွဲ့အစည်းများ၊ နိုင်ငံရေးပါတီများအကြား ယုံကြည်မှု တည်ဆောက်ရေး၊ စီးပွားရေး၊ နိုင်ငံရေး ရှုထောင့်အမြင်နှင့် မူးယစ်ဆေးဝါးတိုက်ဖျက်ရေး၊ ကျန်းမာရေး၊ လူထုအခြေပြု အဖွဲ့များ၏ ငြိမ်းချမ်းရေး ဖော်ဆောင်ရာတွင် ပါဝင်နိုင်မည့် နည်းလမ်းများ စသည်တို့ကို အဓိကထား ဆွေးနွေးသွားမည်ဟု ရှမ်းအမျိုးသားများ ဒီမိုကရေ စီအဖွဲ့ချုပ်(SNLD) ပါတီ ဥက္ကဋ္ဌ ဦးခွန်ထွန်းဦးက ဧရာဝတီသို့ပြောသည်။

“ညီလာခံကို အယောက် ၁၂၀ လောက်တော့ ခန့်မှန်းထားတယ်။ အစိုးရနဲ့ ငြိမ်းချမ်းရေးသဘောတူ လက်မှတ်ထိုးထားတဲ့ အဖွဲ့ တွေက လူတွေကိုလည်း ဖိတ်ထားတယ်။ ရှမ်းပြည်နယ် တပြည်လုံးနဲ့ ဆိုင်တဲ့ကိစ္စတွေ အဖြေထွက်မယ်။ ပြီးတော့ ရှမ်းပြည်နယ် လူထု သဘောဆန္ဒတွေ ထွက်လာမယ်လို့တော့ မျှော်လင့်ပါတယ်” ဟု ဦးခွန်ထွန်းဦးက ဆိုသည်။

ထို ညီလာခံတွင် ဒုတိယ သမ္မတ ဒေါက်တာစိုင်းမောက်ခမ်း၊ သမ္မတရုံးဝန်ကြီးများ ဖြစ်သည့် ဦးအောင်မင်း၊ ဦးစိုးသိန်း၊ အစိုးရနှင့် ငြိမ်းချမ်းရေး သဘောတူညီထားသည့် ရှမ်းလက်နက်ကိုင် ၄ ဖွဲ့၊ ရှမ်းနိုင်ငံရေးပါတီ ၃ ခု၊ ရှမ်းစာပေနှင့် ယဉ်ကျေးမှုကော်မတီ၊ ရှမ်းလူမှုအဖွဲ့အစည်း စုစုပေါင်း ၁၂ ဖွဲ့နှင့် ပြည်ပ ပညာရှင်များကိုပါ ဖိတ်ကြားထားကြောင်း ၎င်းက ထပ်လောင်းပြောသည်။

ရှမ်းလက်နက်ကိုင် အဖွဲ့အစည်း ၄ ဖွဲ့တွင် ရှမ်းပြည်တပ်မတော် မြောက်ပိုင်း (SSA/ SSPP)၊ ရှမ်းပြည်တပ်မတော် တောင်ပိုင်း (SSA/ RCSS)၊ မိုင်းလား (NDAA – ESS) နှင့် စိန်ကျော့ပြည်သူ့စစ် အဖွဲ့များ ပါဝင်ပြီး နိုင်ငံရေးပါတီ ၃ ခုတွင် SNLD၊ ရှမ်းတိုင်းရင်းသားများ ဒီမိုကရက်တစ်ပါတီ (SNDP) နှင့် တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) တို့ ပါဝင်မည် ဟုလည်း သိရသည်။

အဆိုပါ ရှမ်းညီလာခံနှင့်ပတ်သက်ပြီး SNDP ဥက္ကဋ္ဌ ဦးစိုင်းအိုက်ပေါင်းက “ကျနော်ကတော့ အဲဒီပွဲကို တက်ဖြစ်မှာ မဟုတ်ဘူး။ ဒါပေမယ့် ကျနော်တို့ပါတီကတော့ အဲဒီညီလာခံကို လေ့လာသူ အနေနဲ့ တက်မယ်။ ငြိမ်းချမ်းရေးအတွက် ယုံကြည်မှု တည် ဆောက်ကြတာ ဆိုတော့ကောင်း ပါတယ်” ဟု ဧရာဝတီသို့ ပြောသည်။

ညီလာခံတွင် ဆွေးနွေးမည့် အကြောင်းအရာများကို ရှမ်းပြည်နယ်၊ ကချင်ပြည်နယ်၊ စစ်ကိုင်းတိုင်းနှင့် မန္တလေးတိုင်း တို့ရှိ ရှမ်းတိုင်းရင်းသား အများစုနေထိုင်သည့် ဒေသများသို့ အဖွဲ့ ၄ ဖွဲ့ခွဲကာ ကွင်းဆင်း လေ့လာလျက်ရှိပြီး နိုဝင်ဘာလ ၁၈ ရက်နေ့အပြီး သဘောထား ကောက်ယူသွားမည်ဟုလည်း သိရသည်။

မူဆယ်ရှမ်း လူမှုအဖွဲ့အစည်းမှ ရှမ်းတိုင်းရင်းသား တဦးအား ဧရာဝတီ သတင်းဌာနမှ ဆက်သွယ်မေးမြန်းရာ “တိုင်းရင်းသား တွေအတွက် တန်းတူညီမှု အခွင့်အရေး ရဖို့၊ ရှိဖို့ လိုတယ်။ ဘာဖြစ်လို့လဲ ဆိုတော့ တန်းတူညီမှုဆိုတာ ပြောနေတာပဲ ရှိတာ၊ ရှမ်းပြည်နယ် ရွာသားတွေဆိုရင် Human Right ဆိုတာ ဘာမှန်းကို မသိကြသေးဘူး။ ပြီးတော့ အခုဆိုရင် ရှမ်းပြည်နယ်မှာ မူးယစ်ဆေးဝါး အထွက်အများဆုံးဖြစ်ပြီး သုံးစွဲသူလည်း ၂၅ ရာခိုင်နှုန်းလောက် မြင့်တက်လာတယ်။ ဒါတွေကို အဓိက ဆွေးနွေး ရင် ကောင်းပါတယ်” ဟု ပြောသည်။

ပြီးခဲ့သည့် ဇူလိုင်လ အတွင်း သမ္မတ ဦးသိန်းစိန်က ဦးခွန်ထွန်းဦးအား ခေါ်ယူတွေ့ဆုံခဲ့ပြီး ပြည်တွင်း ငြိမ်းချမ်းရေး ရေရှည် တည်တံ့ရန်နှင့် ဒီမိုကရေစီ ပြုပြင်ပြောင်းလဲရေး လုပ်ငန်းစဉ်များတွင် တိုင်းရင်းသား ခေါင်းဆောင် တဦးအနေနှင့် ဝိုင်းဝန်း လုပ်ဆောင်ပေးရန် တိုက်တွန်းခဲ့ကြောင်း သိရသည်။

ပြည်ထောင်စု ငြိမ်းချမ်းရေးကော်မတီ ဒုတိယဥက္ကဋ္ဌ ဦးအောင်မင်းကလည်း မကြာမီတွင် တိုင်းရင်းသားလက်နက်ကိုင် အဖွဲ့များ ရန်ကုန်သို့ လာရောက်ပြီး ငြိမ်းချမ်းရေးစင်တာတွင် တိုင်းရင်းသားများအရေး၊ ငြိမ်းချမ်းရေး စသည်တို့ကို ဆွေးနွေးနိုင်ရန် ဖိတ် ခေါ်သွားမည် ဖြစ်ကြောင်း နိုဝင်ဘာ ၃ ရက်နေ့က ဒီမိုကရေစီမဟာမိတ် ၁၁ ပါတီနှင့် တွေ့ဆုံပွဲတွင် ပြောကြားခဲ့သည်။

Ref: ဧရာဝတီ

Read More...

Collapse...

ကမ္ဘာ့ဘဏ် ဗျူဟာ ပွင့်လင်းမှုမရှိကြောင်း မြန်မာ လူထုအခြေပြု အဖွဲ့များ ဝေဖန်

လဖိုင်
November 7, 2012

မြန်မာနိုင်ငံသို့ ချေးငွေနှင့် အကူအညီများပေးရန် ဆောင်ရွက်နေသည့် ကမ္ဘာ့ဘဏ်၏ မဟာဗျူဟာမှာ မြန်ဆန်လျှို့ဝှက်လွန်ပြီးပွင့်လင်းမြင်သာမှု မရှိကြောင်း ပြည်တွင်း အခြေစိုက် မြန်မာလူထု အခြေပြု အဖွဲ့အစည်းများက ပြောဆိုဝေဖန် လိုက်ကြသည်။

ရန်ကုန် ကမာရွတ်မြို့နယ် လှည်းတန်းရှိ COMREG ရုံးခန်းတွင် ကျင်းပသော စိမ်းရောင်စို၊ စိမ်းလန်းပြင်ဦးလွင်၊ Community Management Center ၊ Dawe Development Association ၊ Generation Wave၊ ပဒုမ္မာ၊ အသင်းအဖွဲ့ များ၏ ပြုပြင်ပြောင်းလဲမှုနှင့် အနာဂတ်မြန်မာပြည်၊ Peace Network ၊ အင်းစိန်လူငယ်များ အဖွဲ့ အစရှိသည့် လူထု အခြေပြု အဖွဲ့အစည်း ၂၃ ခု ပူးပေါင်း ကျင်းပ ပြုလုပ်သည့် သတင်းစာရှင်းလင်းပွဲတွင် အထက်ပါအတိုင်း ပြောဆိုလိုက်ကြခြင်း ဖြစ်သည်။

သမ္မတဦးသိန်းစိန် အစိုးရလက်ထက်တွင် ထင်သာမြင်သာရှိသော နိုင်ငံရေး ပြုပြင်ပြောင်းလဲမှုများ ရှိလာပြီးနောက် ကမ္ဘာ့ ဘဏ်သည် ၂၀၁၂ ခုနှစ် သြဂုတ်လတွင် မြန်မာနိုင်ငံသို့ တရားဝင် ပြန်လည်ဝင်ရောက်ခဲ့ပြီး ၄ လ အကြာတွင် အမေရိကန် ဒေါ်လာ သန်း ၈၀ တန် လူထုအခြေပြု ဖွံ့ဖြိုးတိုးတက်ရေး စီမံချက် (Community Driven Development) နှင့် မြန်မာ နိုင်ငံတွင် ဆောင်ရွက်မည့် ၁၈ လ ကြားဖြတ် မဟာဗျူဟာ ထွက်ပေါ်လာကြောင်း၊ ကမ္ဘာ့ဘဏ်သည် မြန်မာနိုင်ငံအတွက် မဟာ ဗျူဟာ ရေးဆွဲရာတွင် လူ့အခွင့်အရေး၊ ပဋိပက္ခ၊ သဘာဝပတ်ဝန်းကျင် ဆိုင်ရာ ဆန်းစစ် လေ့လာချက်များကို ပြုလုပ်ကာ ပြည်သူများထံ ချပြ ရေးဆွဲရမည် ဖြစ်သော်လည်း အဆင့်ကျော် ပြုလုပ်ခဲ့ကြောင်း အဆိုပါ လူထု အခြေပြု အဖွဲ့အစည်းများက ဆိုကြသည်။

“ကျမတို့နဲ့ ကမ္ဘာ့ဘဏ် ဒါရိုက်တာအဖွဲ့ ဖေဖော်ဝါရီလမှာ တွေ့တုန်းက မြန်မာနိုင်ငံအတွက် အချိန်ယူ လေ့လာဦးမယ် ပြောတယ်။ ဧပြီမှာ ထပ်တွေ့တော့လည်း ဘာအစီအစဉ်မှ မရှိဘူးပဲ ပြောတယ်။ နောက်တော့ မြန်မာနိုင်ငံအတွက် ကြားဖြတ် မဟာဗျူဟာ ထွက်လာတယ်။ အရမ်းမေးမှ ပြောတယ်။ ဘာကြောင့်ဒီလောက် လျှိ့ဝှက် နေရတာလဲဆိုတာ မေးစရာ ရှိလာပါတယ်” ဟု ယင်းသတင်းစာ ရှင်းလင်းပွဲသို့ ဧည့်သည်တော်အဖြစ် ဖိတ်ကြားခံထားရသည့် ထိုင်းနိုင်ငံ အခြေစိုက် လူထု အခြေပြု အဖွဲ့ တခုဖြစ်သော Burma Partnership အဖွဲ့မှ မခင်ဥမ္မာက ပြောသည်။

၁၈ လစာ ကြားဖြတ် မဟာဗျူဟာ ရေးဆွဲခြင်းနှင့် ပတ်သတ်ပြီး ကမ္ဘာ့ဘဏ်က ၎င်းတို့ချမှတ်ထားသည့် မူဝါဒများကိုပင် လိုက်နာမှု မရှိခဲ့ကြောင်း မြန်မာ့အရေး ဆောင်ရွက်နေသူ မခင်ဥမ္မာက ဆိုသည်။

ကမ္ဘာ့ဘဏ်အုပ်စုသည် မြန်မာနိုင်ငံသို့ ၂၀၁၂ သြဂုတ်လတွင် ၀င်ရောက်ခဲ့ပြီး ၄ လအကြာတွင် ရပ်ရွာအခြေပြု ဖွံ့ဖြိုးတိုးတက်ရေး စီမံချက် (CDD)၊ မြန်မာနိုင်ငံတွင် ၁၈ လအတွင်း ပြုလုပ်သွားမည့် ကြားဖြတ်မဟာဗျူဟာများကို ရေးဆွဲခဲ့သည်။

မြန်မာနိုင်ငံမှ အရပ်ဘက် လူ့အဖွဲ့အစည်းများက ကမ္ဘာ့ဘဏ်၏ မြန်မာနိုင်ငံဆိုင်ရာ ကိုယ်စားလှယ် ခန်သန် ရှန်ကာ (Kanthan Shankar) နှင့် အောက်တိုဘာ ၁၉ ရက်နေ့က တွေ့ဆုံစဉ်က မည်သည့်အစီအစဉ်မှ ပြုလုပ်ရန်မရှိသေးကြောင်း၊ စောင့်ကြည့် နေသေးကြောင်း ပြောဆိုခဲ့သော်လည်း အောက်တိုဘာလ ၂၂ ရက်နေ့ကမူ CDD စီမံချက် ပြုလုပ်မည့် အကြောင်းကို ၎င်းတို့၏ ၀က်ဘ်ဆိုက် တွင် တင်ခဲ့ကြောင်း တွေ့ရသည်။

မြန်မာနိုင်ငံတွင် အင်တာနက်ကို လူဦးရေ၏ ၀. ၂ ရာခိုင်နှုန်းသာ အသုံးပြုနိုင်သေးကြောင်း၊ ကမ္ဘာ့ဘဏ်သည် ၎င်းပြုလုပ်မည့်
စီမံကိန်းများကို ဒေသစကားနှင့် တင်ပေးရမည်ဖြစ်သော်လည်း ဘာသာပြန်ရန် နှောင့်နှေးခဲ့ကြောင်း ကမ္ဘာ့ဘဏ် လှုပ်ရှားမှု များကို စောင့်ကြည့်နေသည့် Community Management Center အဖွဲ့မှ ကိုစည်သူမောင်က သတင်းစာရှင်းလင်းပွဲတွင် ပြောဆို ဝေဖန်လိုက်သည်။

၆ နှစ် သက်တမ်းအတွင်း ဒေါ်လာသန်း ၈၀ ထောက်ပံ့မည့် CDD စီမံကိန်းကို အောက်တိုဘာလ ၂၅ ရက်နေ့တွင် ဘုတ်အဖွဲ့ကို အတည်ပြုရန် တင်ခဲ့ပြီး တပတ်ခန့်အကြာ နိုဝင်ဘာ ၁ ရက်နေ့တွင် ဘုတ်အဖွဲ့က အတည်ပြုခဲ့ကြောင်း၊ ပုံမှန်အားဖြင့်မူ ဘုတ် အဖွဲ့က အတည်မပြုမီ ပြည်သူများ သိနားလည်စေရန် ဖွင့်ချကာ ပြန်လည် ဆွေးနွေးမှုများ ပြုလုပ်ရန် ၁ လခန့် အချိန်ယူ သင့်ကြောင်း ၎င်းက ဆိုသည်။

“ဘာလို့ ပြည်သူတွေနဲ့ တွေ့ဆုံဆွေးနွေးပွဲတွေ မလုပ်တာလဲဆိုတော့ ဒီစီမံကိန်းလေးက သေးသေးလေးမို့လို့ မလိုဘူးလို့ ပြောပါ တယ်” ဟု ကိုစည်သူမောင်က ဆက်ပြောသည်။

ကမ္ဘာ့ဘဏ်က ချပေးမည့် အကူအညီများသည် အစိုးရမှ တဆင့် စီးဆင်းမည်ဖြစ်သောကြောင့် ထိုအလှူငွေများကို နိုင်ငံရေး အတွက် အသုံးချခြင်းများ ဖြစ်ပေါ်လာမည်ကို စိုးရိမ်ကြောင်း Dawei Development Association မှ ကိုဘိုဘိုက ဆိုသည်။

“ရွာသားတွေက ဒီအစီအစဉ်အကြောင်း သိချင်မှ သိမယ်၊ အဲဒီအချိန်မှာ နိုင်ငံရေး ပါတီတခုခုက လူတွေက အခွင့်အရေးယူ ဆောင်ရွက်ရင်း နိုင်ငံရေး အမြတ်ထုတ်သွားနိုင်တဲ့ အခြေအနေတွေလည်း ရှိပါတယ်” ဟု ကိုဘိုဘိုက ဆိုသည်။

မစ္စတာ ခန်သန် ရှန်ကာ ကမူ ကမ္ဘာ့ဘဏ်အနေဖြင့် အစိုးရကို ဒေါ်လာသန်း ၈၀ အားလုံး ပေးလိုက်မည်း မဟုတ်ကြောင်း၊ စီမံကိန်း တခုခြင်းစီအတွက် ငွေစာရင်း ဖွင့်ထားပြီး ကုန်သွားသည့် ငွေများကို ပြန်ဖြည့်မည့် ပုံစံဖြင့် ပြုလုပ်သွားမည် ဖြစ်ကြောင်း CDD စီမံကိန်း၊ ကြားဖြတ် မဟာဗျူဟာတို့နှင့် ပတ်သက်ပြီး ပြုလုပ်ခဲ့သည့် သတင်းစာရှင်းလင်းပွဲတွင် ပြောခဲ့သည်။

ကမ္ဘာ့ဘဏ်သည် ၎င်းတို့ ဆောင်ရွက်လျက်ရှိသည့် လုပ်ငန်းများနှင့် ပတ်သတ်ပြီး လုံလောက်သော ပွင့်လင်းမြင်သာမှု ရှိရန် လိုအပ်သော်လည်း မြန်မာ့အရေးနှင့် ပတ်သက်လျှင် နှုတ်ဆိတ် နေလေ့ရှိကြောင်း မခင်ဥမ္မာက ဆိုသည်။

“အရမ်းမေးမှ ပြောတယ်။ ဘာကြောင့် ဒီလောက် လျှို့ဝှက်နေရတာလဲ ဆိုတာ မေးစရာ ရှိလာပါတယ်” ဟု သူက ဆက်ပြောသည်။

မြန်မာ အရပ်ဘက် လူ့အဖွဲ့အစည်းများသည် နုပျိုတက်ကြွကာ တိုင်းပြည်ကို တိုးတက် စေလိုသူများဖြင့် ဖွဲ့စည်း ထားသည်ဟု မြင်ကြောင်း မစ္စတာ ခန်သန် ရှန်ကာ က ပြောဆိုခဲ့သည်။

“သူတို့နဲ့ တွေ့ရတာ ကျနော်သဘောကျပါတယ်။ နောင်လည်း တွေ့သွားဖို့ရှိပါတယ်” ဟု ၎င်းက ပြောသည်။

ကမ္ဘောဒီးယားနိုင်ငံတွင် ကမ္ဘာ့ဘဏ် ဆောင်ရွက်ချက်များကြောင့် အခြေခံ လူတန်းစားများ အထူးဒုက္ခရောက်ခဲ့ပြီး တိုင်ကြားမှု များ ရှိခဲ့သဖြင့် နောက်ဆုံးတွင် ကမ္ဘာ့ဘဏ်က ၎င်းတို့ ဆောင်ရွက်နေသည်များကို ရပ်တန့်ခဲ့ရကြောင်း သိရသည်။

ကမ္ဘာ့ဘဏ်၏ ချေးငွေရရှိခဲ့သည့် အုပ်ချုပ်သူများနှင့် နီးစပ်မှုရှိသည့် ခရိုနီ ကုမ္ပဏီ များသည် နိုင်ငံ၏ သစ်တောရာခိုင်နှုန်း ၃၀ ကို ခုတ်ယူခဲ့သောကြောင့် ကမ္ဘောဒီးယား နိုင်ငံသားများက မကျေနပ်ဘဲ တိုင်ကြားရန် နေရာများသို့ တိုင်ကြားခဲ့ရာ စစ်ဆေး ရေးအဖွဲ့က စစ်ဆေး အတည်ပြုနိုင်ခဲ့သောကြောင့် ကမ္ဘာ့ဘဏ်က ၎င်း ဆောင်ရွက်နေသည့် လုပ်ငန်းများကို ရပ်ဆိုင်းခဲ့သည်။

မြန်မာနိုင်ငံသည် ကမ္ဘာ့ဘဏ်နှင့် အာရှဖွံ့ဖြိုးရေးဘဏ်သို့ ပေးရန် အကြွေး ဒေါ်လာသန်း ၉၀၀ ရှိနေပြီး ၎င်းအကြွေးများကို ဖြေရှင်းနိုင်ရန်အတွက် ကြားဖြတ် မဟာဗျူဟာ ချမှတ်ခဲ့ခြင်းဖြစ်သည်။

ကမ္ဘာ့ဘဏ်၏ ဆောင်ရွက်ချက်များကို နိုင်ငံတကာ ကုမ္ပဏီများက စောင့်ကြည့်နေလေ့ရှိပြီး ကမ္ဘာ့ဘဏ် ၀င်ရောက်ခြင်း
အဆင်ပြေမှသာ တခြားသော ရင်းနှီးမြှုပ်နှံမူများ ၀င်ရောက်လာလေ့ရှိကြောင်း၊ ကြွေးဟောင်းများကျေမှသာ ကြွေးသစ်များကို ချေးယူနိုင်မည်ဖြစ်ကြောင်း သိရသည်။

“ကမ္ဘာ့ဘဏ်ဆိုတာကလည်း ဘဏ်ပဲလေ၊ ငွေချေးပေးတာပဲ၊ အလကားပေးတာ မဟုတ်ပါဘူး။ အဲဒီငွေတွေကို နိုင်ငံတော်က ဆပ်ရမှာ။ နိုင်ငံတော်ဆိုတာလည်း ပြည်သူတွေပဲဆိုတော့ ပြည်သူတွေပဲ ပြန်ဆပ်ရမှာပါ” ဟုမခင်ဥမ္မာက ပြောသည်။

Ref: ဧရာဝတီ

Read More...

Collapse...

ကချင်ပြည်နယ် ငြိမ်းချမ်းရေး နိုင်ငံရေးသမားများလည်း လိုလား

ကျော်ခ
November 7, 2012

တစ်နှစ်ခွဲကျော်ကြာ စစ်ပွဲများ ဆက်တိုက်ဖြစ်ပွားနေသော ကချင်ပြည်နယ်ကို ငြိမ်းချမ်းရေးရရှိလိုကြောင်း ယင်းဒေသ တွင်းရှိ နိုင်ငံ ရေးသမား များက ပြောဆိုကြသည်။

အစိုးရတပ်များက ကချင်ပြည် လွတ်လပ်ရေး တပ်မတော်(KIA)အပေါ် ခုခံရုံမှအပ ထိုးစစ်ဆင်ခြင်း၊ တိုက်ခိုက်ခြင်း မရှိကြောင်း ပြောသည်။

သို့သော် ဒေသခံများအနေဖြင့် စစ်မြေပြင်ကို ကိုယ်တိုင်ကြုံတွေ့ ခံစားနေရကြောင်း အမျိုးသား ဒီမိုကရေစီ အင်အားစု ပါတီ (NDF) ပါတီ ၏ ကချင်ပြည်နယ် ခေါင်းဆောင် ဒေါ်ဘောက်ဂျာ က ပြောပြသည်။

“စစ်တပ်ဘက်က ထိုးစစ်တွေက တကယ်ရှိနေတာ၊ ဒုက္ခသည်တွေ ဘယ်လောက် ဒုက္ခရောက်နေကြတယ် ဆိုတာ၊ ဒေသခံတွေ အသိ ဆုံးပဲ၊ အခု ငြိမ်းချမ်းရေးကိစ္စမှာလည်း အစိုးရဘက်က တကယ်ရိုးသားတယ်၊ မှန်ကန်တယ် စေတနာထားတယ်ဆိုရင်တော့ ဖြစ် လာနိုင်စရာ ရှိပါတယ်၊ ငြိမ်းချမ်းရေးအတွက် အချိန်ဆွဲနေစရာမလိုဘူး၊ စောင့်နေစရာမလိုဘူး၊ အဓိက ကတော့ သမ္မတ အနေနဲ့ တိုင်းရင်းသားတွေ အပေါ်မှာ စေတနာထားဖို့၊ ရိုးသားဖို့ လိုအပ်တယ်၊ အဲဒါဆိုရင် ဒီပြဿနာက ၅ မိနစ်အတွင်းတောင် ပြေလည် သွားနိုင်ပါတယ်”ဟု ဒေါ်ဘောက်ဂျာ က ဧရာဝတီသို့ ပြောသည်။

ပြီးခဲ့သည့် အောက်တိုဘာ ၃၀ ရက်နေ့က ကချင်ပြည် လွတ်လပ်ရေး အဖွဲ့(KIO) နှင့် အစိုးရ ငြိမ်းချမ်းရေးအဖွဲ့တို့ တရုတ်-မြန်မာ နယ်စပ် ရွှေလီမြို့တွင် တွေ့ဆုံခဲ့ကြသည်။ သို့သော် စစ်ရေးအရ ဆွေးနွေးရန် နှစ်ဘက် စစ်ဘက် ဆိုင်ရာခေါင်းဆောင်များ တက် ရောက်နိုင်ခြင်းမရှိ၍ သဘောတူညီချက် တစုံတရာ မရရှိဘဲ ဆွေးနွေးပွဲများ ဆက် လုပ်သွားရန်သာ ပြောဆိုနိုင်ခဲ့ကြသည်။ ထို့နောက် တိုက်ပွဲများလည်း ဆက်လက် ဖြစ်ပွားလျက်ရှိသည်။

အစည်းအဝေးတွင် မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းထွန်းနောင် က တပ်ပိုင်းဆိုင်ရာကိစ္စရပ်များ အဆုံးအဖြတ် ပေး ဆွေးနွေးနိုင်မည့် ဗိုလ်မှူးချုပ် ဂွန်မော် တက်ရောက်နိုင်ခြင်းမရှိသည့်အတွက် ကာကွယ်ရေး ၀န်ကြီးဌာန အထူးစစ်ဆင်ရေး မှူး ဒု ဗိုလ်ချုပ်ကြီး မြင့်စိုး တက်ရောက်နိုင်ခြင်း မရှိကြောင်း၊ ဆွေးနွေးနိုင်မည့် အခွင့် အရေး လက်လွှတ် ဆုံးရှုံးခဲ့ရသည့်အတွက် စိတ် မကောင်းဖြစ်ရကြောင်း၊ ၎င်း အနေဖြင့် တိုက်ပွဲများ လျော့နည်း အောင် ပြုလုပ်ခဲ့ကြောင်း ဆွေးနွေး ပွဲ၌ ပြောသည်ဟု ဆိုသည်။

ထို့အပြင် တပ်မတော် ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင် သည် ငြိမ်းချမ်းရေးကို အလေးထားသူဖြစ် ကြောင်း၊ ထို့အတူ ၎င်းတို့ အနေဖြင့် ၂၀၁၁ ခုနှစ် ဒီဇင်ဘာလ ၁၀ ရက်နေ့တွင် သမ္မတ ဦးသိန်းစိန်၏ အမိန့်ညွှန်ကြားချက် အတိုင်း လိုက်နာ ဆောင်ရွက်ကြောင်း ယနေ့ချိန်အထိ ၎င်းတို့ဘက်မှ ခုခံယုံမှလွဲ၍ တိုက်ခိုက်ခြင်းမရှိကြောင်း ဗိုလ်မှူးချုပ် ထွန်းထွန်းနောင် က အစည်းအဝေးတွင် ပြောဆိုခဲ့ကြောင်း သိရသည်။

KIA အပေါ်တိုက်ခိုက်ခြင်းမရှိဟု ယင်းသို့ပြောဆိုမှုအပေါ် ဒေသတွင်းနေထိုင်သော ဒေါ်ဘောက်ဂျာ၊ KIO ခေါင်းဆောင်ဟောင်း နှင့် ကချင်ပြည်နယ် တိုးတက်ရေး ပါတီ(KSPP) ခေါင်းဆောင် တဦးဖြစ်သူ ဒေါက်တာ တူးဂျာ နှင့် တရုတ်-မြန်မာနယ်စပ် အခြေစိုက် မြန်မာ့အရေး လေ့လာသူ ဦးအောင်ကျော်ဇောတို့က မဟုတ်မှန်ကြောင်း တုံ့ပြန် လိုက်ပြီး အစိုးရဘက်မှ ထိုးစစ် များပြုလုပ်နေ ခြင်းကို ဒေသခံများလည်း တွေ့မြင်နေကြကြောင်း ထုတ်ဖော် ပြောဆို ကြသည်။

ဒေါက်တာ တူးဂျာ က ဆက်လက်ပြီး အစိုးရနှင့် KIO တို့ နှစ်ဘက်လုံး ငြိမ်းချမ်းရေးလိုလားနေသည်ဟု မြင်ကြောင်း၊ ယခု တစ်ကြိမ် ဆွေးနွေးပွဲကို အစ ယူပြီး စစ်မှန်သည့် ငြိမ်းချမ်းရေး ကိုဖော်ဆောင်နိုင်မည့် လမ်းများ ရှာဖွေ လုပ်ဆောင်စေလိုကြောင်း ဧရာဝတီ သို့ ပြောသည်။

“ငြိမ်းချမ်းရေးကိုတော့ နှစ်ဘက်စလုံး လိုချင်ကြတာပဲ၊ ဒါကြောင့် စစ်မှန်တဲ့ ငြိမ်းချမ်းရေးကို ရရှိရာ ရရှိကြောင်း နည်းလမ်းတွေ ကို တော့ ရှာကြရမှာပဲ၊ စစ်မှန်တဲ့ ငြိမ်းချမ်းရေးက ဘာလဲ၊ ဘာတွေကိုဖြေရှင်းလို့ရှိရင် ရနိုင်တယ်ဆိုတာ၊ ငြိမ်းချမ်းရေးက အဓိက ဖြစ် တယ် ဆိုတာ၊ သမ္မတ ကိုယ်တိုင်ကလည်း ပြောနေပြီ၊ အဖွဲ့အစည်း အသီးသီးကလည်း ပြောနေပြီး ဒါပေမယ့် အတုအ ယောင် ငြိမ်းချမ်းရေး ဆိုရင်တော့ အကျိုးရှိမှာမဟုတ်ဘူး”ဟု ဒေါက်တာ တူးဂျာကဆိုသည်။

KIO နှင့် အစိုးရအဖွဲ့တို့ တွေ့ဆုံရာ၌ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒု ဥက္ကဌ သမ္မတရုံး ဝန်ကြီး ဦးအောင်မင်း က နောက်တကြိမ်တွင် နိုင်ငံရေးဆွေးနွေးကြမည်ဟု ပြောခဲ့သော်လည်း ဖြစ်မြောက်ရန် ခက်ခဲသော အနေအထား သို့ ရောက်ရှိသွားကြောင်း အစည်းအဝေးတက်ရောက်သူ အစိုးရ အဖွဲ့ဝင် တဦးက ဧရာဝတီသို့ ပြောသည်။

“စစ်တပ်ကနေ တပ်တွေဆုတ်ပေးဖို့ နဂိုက သူတို့ (KIO) က တောင်းတယ်၊ တောင်းလို့ ဦးအောင်မင်းက အပင်ပန်းခံပြီး တပ်တွေ ဆုတ်ပေးဖို့ ခေါ်လာတယ်၊ ခေါ်လာတော့လည်း ဘာပြောလဲဆိုတော့ နိုင်ငံရေးဆွေးနွေးမယ်ကြီး ပြောနေတော့ ဦးအောင်မင်း က လည်း တော်တော့ကို စိတ်ဓာတ်ကျသွားပုံရတယ်၊ နိုင်ငံရေးဆွေးနွေးမယ်ဆိုတဲ့ ကိစ္စကလည်း ဖြစ်မြောက်ဖို့က ရင်လေးစရာ ဖြစ်နေပြီ”ဟု သူက ပြောဆိုသည်။

ဆွေးနွေးပွဲတွင် အစိုးရက အပစ်ရပ်ရေးကို အဓိကထားဆွေးနွေးလိုသော်လည်း KIO က နိုင်ငံရေးအရ အသေအချာဆွေးနွေးရန် ဆန္ဒရှိကြောင်း၊ ထို့အပြင် အစိုးရဘက်မှ ခေါ်ဆောင်လာမည့် ဒု ဗိုလ်ချုပ်ကြီး မြင့်စိုး၏ လုပ်ပိုင်ခွင့်အာဏာများကိုလည်း ကြိုတင် အကြောင်းကြားထားခြင်း မရှိသည့်အတွက် လွဲချော်မှုတချို့ဖြစ်သွားခဲ့ကြောင်း အစည်းအဝေးတက်ရောက်ခဲ့သူ ဦးအောင်ကျော်ဇော ကပြောသည်။

“အခုဖြစ်တဲ့ ပြဿနာမှာ ဦးအောင်မင်းတို့က ဘာတွေ ဆွေးနွေးမယ် ဆိုတာကြိုမပြောထားဘူး၊ ကိုမြင့်စိုးနဲ့ ပတ်သက်ပြီးပြောတာ ကြို တင်ရှင်းပြ မထားတာလည်း ပါတယ်၊ နောက်တခုက ဦးအောင်မင်းက မီဒီယာတွေ မှာပြောနေတဲ့ ဒီအစည်းအဝေးနဲ့ ပတ်သက် လို့ သူ့ရည်ရွယ်ချက်က နိုင်ငံရေးကိစ္စနောက်ရောက်ပြီးတော့ တပ်ပဲ အဓိက ထား ပြောတာကိုး၊ ဒါကြောင့်မို့ သူလည်းတပ်ကို ခေါ်လာ တာ”ဟု ဦးအောင်ကျော်ဇော က ပြောဆိုသည်။

ဆွေးနွေးပွဲသို့ ဒု ဗိုလ်ချုပ်ကြီး မြင့်စိုး တက်ရောက်နိုင်ခြင်းမရှိသော်လည်း မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်း ထွန်းနောင် အပါအဝင် ဒေသတွင်းရှိ တပ်ပိုင်းဆိုင်ရာ တာဝန်ရှိသူများ တက်ရောက်လာသည်ကို တိုးတက်မှု တရပ်အဖြစ် ရှုမြင် ကြောင်း ဦးအောင်ကျော်ဇော က ဆက်ပြောသည်။

ဝန်ကြီး ဦးအောင်မင်းက နိုဝင်ဘာလ ထဲတွင် နှစ်ဘက်ပြန်ဆုံကြပြီး နိုင်ငံရေးအရဆွေးနွေးချင်ကြောင်း ပြောဆိုသော်လည်း KIO က မူ ကြိုတင်ကန့်သတ်ချက် ထားသော ဆွေးနွေးပွဲမျိုး မဖြစ်လိုကြောင်း ဗိုလ်မှူးချုပ် ဂွန်မော် က ဧရာဝတီသို့ ပြောသည်။

“ဘယ်လို ပုံစံ ဆွေးနွေးကြမလဲ ဆိုတာကို သဘောတူကြရင် အချိန်မရွေး တွေ့လို့ရပါတယ်။ ကျနော်တို့ ဘက်ကနေ ပြောထား တာ ကတော့ ၂၀၀၈ အခြေခံဥပဒေ အောက်ကို ၀င်ပါ၊ ရွေးကောက်ပွဲ ၀င်ပါလို့ ကြိုတင် ကန့်သတ်ချက်နဲ့ လုပ်ထားရင် ရှေ့ကို ဆက်ပြီး ဆွေးနွေးရတာ အခက်အခဲ ရှိနိုင်တယ်။ အဲဒီလို ကြိုတင် ကန့်သတ်ချက်တွေ မထားဘဲနဲ့ နိုင်ငံရေး ဆွေးနွေးကြမယ်၊ ဆွေးနွေးတဲ့ အခါကျမှ ဘယ်လို ပုံစံမျိုးနဲ့ ဆွေးနွေးမလဲ၊ ဒါကို အဲဒီဆွေးနွေးပွဲမှာ ညှိနှိုင်းချင်တယ်”ဟု သူက ပြောပြသည်။

ယမန်နေ့ထုတ် အစိုးရ စစ်တပ်အာဘော် မြဝတီသတင်းစာ၌ ရခိုင်ပြည်နယ် ပဋိပက္ခနှင့် ပတ်သက်ပြီး ရေးသား ထားသော “အမှန် တရား ဘက်တွင် တပ်မတော် ရှိပါသည်” ဆိုသည့် ဆောင်းပါးတွင် တပ်မတော်အနေဖြင့် အငြင်းပွားဖွယ် တစုံတရာ ရင်ဆိုင်လာရပါက နိုင်ငံတော်ဖွဲ့စည်းပုံ အခြေခံ ဥပဒေဘက်မှ မားမားမတ်မတ် ရပ်တည် သွားမည်ဆိုသည်ကို အခိုင်အမာ ပြောကြား လိုကြောင်း ဖော်ပြထားသည်။

Ref: ဧရာဝတီ

Read More...

Collapse...

၁၄ကြိမ်မြောက် KSCကရင်ကျောင်း သားဟောင်းများ ပြန်လည် တွေ့ ဆုံနှုတ်ဆက်

7 November 2012
စဖန်းရှောင်း (ကေအိုင်စီ)

ယနေ့ကျရောက်သော ၁၄ကြိမ်မြောက် ကရင်ကျောင်းသားကျောင်းသူဟောင်းများ ပြန်လည် တွေ့ ဆုံနှုတ်ဆက်ပွဲနှင့် ထူးချွန် ကျောင်းသားများအား ဆုချီးမြှင့်သည့် အခမ်းအနားကို ယနေ့မနက် ၈နာရီခွဲမှ ၁၀နာရီအထိ ကရင်ပြည်နယ် ဘားအံမြို့ အမှတ်-၄ရပ်ကွက်ရှိ ကရင်ကျောင်းသူကျောင်းသားများ ရိပ်သာ(KSC)တွင် ကျင်းပခဲ့သည်။

မြန်မာနိုင်ငံရှိ အနယ်နယ်အရပ်ရပ်သို့ ရောက်ရှိနေသော ကရင်ကျောင်းသားဟောင်းများက ပြန်လည်ဆုံစည်းကြကာ တစ်ဦး နှင့်တစ်ဦး အမြင်ချင်းဖလှယ်နိုင်သည့်အပြင် အမျိုးသားရေးစိတ်ဓာတ်များကို ပြန်လည်နှိုးဆော်ပေးသည့်အနေဖြင့် အခမ်းအနား ကျင်းပရခြင်းဖြစ်သည်ဟု အခမ်းအနားဖြစ်မြောက်ရေး ဦးဆောင်သူတစ်ဦးက ကေအိုင်စီသို့ ပြောသည်။

၎င်းက “နေရာဒေသ အသီးသီးကို ရောက်ရှိနေကြတဲ့ ကျောင်းသားဟောင်းတွေ ဒီလိုအခမ်းအနားမျိုးမှာ ပြန်တွေ့ရတဲ့အခါကျ တော့ ကိုယ့်ရပ်ရွာရဲ့အခြေအနေကို တစ်ယောက်နဲ့တစ်ယောက် အမြင်ချင်း မလှယ်လို့ရတယ်။ နောက်ပြီး ကိုယ့်ကရင်သူငယ် ချင်း အချင်းချင်းပြန်တွေ့ရတော့ ၀မ်းသာတာပေါ့”ဟု ပြောဆိုသည်။

ထို့အပြင် KSC တွင် နေထိုင်၍ ၂၀၁၁-၂၀၁၂ ပညာသင်နှစ်အတွက် တက္ကသိုလ်ဝင်စားမေးပွဲ၌ ထူးချွန်အောင်မြင်ခဲ့ကြသူ ကျောင်းသူကျောင်းသား ၄၇ဦးကို ထိုရိပ်သာမှ ဂုဏ်ပြုမှတ်တမ်းလွှာပေးအပ်ခဲ့သည့်အပြင် ယင်းတို့အနက် (၁)ဘာသာဂုဏ်ထူး ဖြင့် အောင်မြင်ခဲ့သူ ဆယ်ဦးအား ကျပ်ငွေနှစ်သောင်းနှင့် ရိုးရိုးအောင်မြင်သူများအား ကျပ်ငွေတစ်သောင်းစီ ချီးမြှင့်ခဲ့သည်။

ကရင်ကျောင်းသားများရိပ်သာ ပညာရေးတာဝန်ခံ ဆရာထွန်းအေးက “အခုလိုဆုချီးမြှင့်လိုက်တဲ့အတွက် ကျောင်းသူကျောင်း သားလေးတွေရဲ့ ကြိုးစားမှုကို အသိပြုရာရောက်သလို နောက်ကျောင်းသားလေးတွေအတွက်လည်း အားကျ အတုယူစရာ ဖြစ် စေပါတယ်”ဟု ပြောသည်။

တစ်ဆက်တည်းမှာပင် ကရင်ပြည်နယ်၏ အထင်ကရ ပုဂ္ဂိုလ် တောင်ကလေး ဆရာတော် ဦးပညာသာမိမှလည်း ကရင် ကျောင်း သား ကျောင်းသူများအား တိုက်တွန်းသည့် သ၀ဏ်လွှာတစ်စောင်ကို ၎င်းအခမ်းအနားသို့ ပေးပို့ခဲ့သည်။

ယနေ့ပြုလုပ်သည့် အခမ်းအနားတွင် ကရင်ပြည်နယ် ၀န်ကြီးများဖြစ်ကြသည့် ၀န်ကြီးချုပ် ဦးဇော်မင်း၊ လမ်းပန်းဆက်သွယ်ရေး ၀န်ကြီး စောခင်မောင်မြင့်၊ လျှပ်စစ်ဝန်ကြီး စောကြည်လင်း တို့အပါအ၀င် ကရင်အမျိုးသမီးဖွံ့ဖြိုးရေးအဖွဲ့များ၊ ကရင်ပြည်နယ်ရှိ ကရင်လူမှုအခြေပြုအဖွဲ့အစည်း(CBO)များ၊ နိုင်ငံတကာ အစိုးရမဟုတ်သော အဖွဲ့အစည်း-INGO များ၊ ကျောင်းသူကျောင်းသား များနှင့် လူထုပရိဿတ်စုစုပေါင်း ၃၅၀ကျော် တက်ရောက်ခဲ့ကြသည်ဟု သိရသည်။

ကရင်ပြည်နယ်အတွင်းရှိ ပညာသင်ကြားရန် အခက်အခဲရှိသူများအတွက် အဆင်ပြေစေရန် ရည်ရွယ်၍ ကရင်ကျောင်းသူ ကျောင်း သားများရိပ်သာ(KSC) ကို ဖားအံမြို့တွင် ၁၉၇၀ပြည့်နှစ်၌ ကရင်ရှေးဟောင်စာပေများ ပြန်လည်ဖော်ထုတ်ရေးအဖွဲ့မှ လူပုဂ္ဂိုလ် အချို့က စတင် တည်ထောင်ခဲ့ခြင်းဖြစ်သည်။

၂၀၀၂ခုနှစ်တွင် ဂျပန်နိုင်ငံမှ စေတနာရှင်များ၏ ပံ့ပိုးမှုဖြင့် လက်ရှိ လေးထပ်ကျောင်းဆောင်ကို နေရာပြောင်းလဲ ဖွင့်လှစ်နိုင်ခဲ့သ လို ယခုပညာသင်နှစ်တွင် ၉တန်းနှင့် ၁၀တန်း ကျောင်းသားကျောင်း သူဦးရေ ၂၇၀ဦး ခိုလှုံကာ ပညာသင်ကြားလျှက်ရှိပြီး ၁၉၉၉ခုနှစ်မှစတင်ကာ ကရင်ကျောင်းသူကျောင်းသားဟောင်းများ ပြန်လည်တွေ့ဆုံနှုတ်ဆက်ပွဲနှင့် ထူးချွန်ကျောင်းသားများ အား ဆုချီးမြှင့်ပွဲကို ယခုအချိန်ထိ နှစ်စဉ် ကျင်းပလာခဲ့ခြင်း ဖြစ်သည်။

Ref: ကေအိုင်စီ

Read More...

Collapse...

ဓါတ်ငွေ့ပိုက်လိုင်းကြောင့် ပလောင်ဒေသတွင် မြေဧက ၂သောင်းကျော် အသိမ်းခံရ

7 November 2012
စောခါးစူးညား

သျှမ်းပြည်မြောက်ပိုင်းရှိ ပလောင်လူထုများနေထိုင်ရာ မြို့နယ် ၆ခုတွင် ရွှေသဘာဝ ဓါတ်ငွေ့ပိုက်လိုင်းကြောင့် ကျေးရွာ ၅၁ရွာမှ ဒေသခံများသည် မြေယာဧက နှစ်သောင်းကျော် သိမ်းဆည်းခံရသည်ဟု တအာင်း(ပလောင်) ကျောင်းသားနှင့် လူငယ်များအ စည်းအရုံး-TSYO က ယနေ့ အစီရင်ခံစာတစ်စောင် ထုတ်ပြန်၍ သတင်းရှင်းလင်းပွဲကိုပါ ထိုင်းနိုင်ငံ မဲဆောက်မြို့တွင် တစ်ပြိုင် နက် ပြုလုပ်ခဲ့သည်။

“ပိုက်လိုင်းအိပ်မက်ဆိုး”ဟု အမည်ရှိ ယင်းအစီရင်ခံစာကို အင်္ဂလိပ်၊ မြန်မာ၊ ထိုင်း၊ တရုတ် လေးဘာသာဖြင့် ထုတ်ဝေခဲ့ခြင်းဖြစ် ပြီး ၂၀၁၀ခုနှစ်၊ ဒီဇင်ဘာလမှ ၂၀၁၂ခုနှစ်အထိ နမ့်ခမ်း၊ နမ္မတူ၊ ကျောက်မဲ၊ သီပေါ၊ မန်တုံနှင့် နောင်ချိုမြို့နယ်အတွင်းရှိ မြန်မာ အစိုးရ၏ ရေနံနှင့် သဘာဝဓါတ်ငွေ့လုပ်ငန်းနှင့် တရုတ်နိုင်ငံ အမျိုးသားကော်ပိုရေးရှင်းကုမ္ပဏီတို့၏ မြေယာသိမ်းယူမှုများကို ၂နှစ် နီးပါး ကွင်းဆင်းမှတ်တမ်းပြုစုထားခြင်း ဖြစ်သည်။

TSYO ၏ သဘာဝပတ်ဝန်းကျင် တာဝန်ခံ မိုင်းအမ်းညိုး(Mai Amm Ngeal)က “ဒီအသိမ်းခံရတဲ့ မြေဧကတွေဟာ ယာယီ သိမ်း နဲ့ အပြီးသိမ်းဖြစ်ပါတယ်။ မြေယာတွေ အများသိမ်းခံရတာကတော့ နမ္မတူမြို့နယ်ထဲက ရွာတွေဖြစ်ပါတယ်။ ရွာ ၂၃ရွာ တွေ့ရှိရ တယ်”ဟု ကေအိုင်စီသို့ ပြောသည်။

အသိမ်းခံရသည့် မြေယာများသည် လက်ဖက်၊ ရာသီသီးနှံများစိုက်ပျိုးသော မြေဧကများ အပါအ၀င် မထွန်ယက်သော မြေယာ များနှင့် လယ်ယာမြေယာများ ပါဝင်ပြီး တိကျသည့် လျော်ကြေးများ သတ်မှတ်ထာခြင်း မရှိကြောင်း သိရသည်။

၎င်းအပြင် TSYO အစီရင်ခံစာအရ ရွှေသဘာဝဓါတ်ငွေ့နှင့် ရေနံပိုက်လိုင်းစီမံကိန်းကြောင့် သျှမ်းပြည်နယ်တွင် မြန်မာစစ်တပ် အင်အား တပ်ရင်း ၂၆ခုအထိ တိုးချဲ့လာမှုများရှိသကဲ့သို့ ဒေသခံပြည်သူ ထောင်ပေါင်းများစွာသည်လည်း မြေယာသိမ်းဆည်းခံ ရမှုနှင့် အတင်းအဓမ္မ လုပ်အားပေးခိုင်းစေမှုများ ဆက်လက် တည်ရှိနေသည်ဟု ဖော်ပြထားသည်။

“နိုင်ငံတကာ အသိုင်းအ၀ိုင်းများက မြန်မာအစိုးရကို နိုင်ငံရေးပြုပြင်ပြောင်းလဲမှု ဖော်ဆောင်နေတယ်လို့ ယုံကြတယ်။ ဒါပေမယ့် လက်ရှိ သျှမ်းပြည်နယ်မြောက်ပိုင်း ရွှေသဘာဝဓါတ်ငွေ့ပိုက်လိုင်းတလျှောက် တိုက်ပွဲတွေ ဆက်ဖြစ်နေတော့ ဒေသခံလူထုတွေ ရဲ့ အသက်ရှည်ရပ်တည်မှုဟာ စိုးရိမ်နေရတယ်”ဟု မိုင်းအမ်းညိုးက ဆက်လက် ပြောဆိုသည်။

သျှမ်းပြည်မြောက်ပိုင်း ပလောင်ဒေသတွင် အခြေစိုက်သည့် မြန်မာအစိုးရစစ်တပ်များသည် ကချင်လွတ်မြောက်ရေးတပ်မတော် (KIA)၊ တအာင်း အမျိုးသားလွတ်မြောက်ရေးတပ်မတော်(TNLA) အပါအ၀င် သျှမ်းပြည်တပ်မတော်-မြောက်ပိုင်း(SSA-N)တို့နှင့် တိုက်ပွဲများ ဖြစ်ပွားခဲ့ကြသည်။

လတ်တလောအချိန်တွင် သဘာဝဓါတ်ငွေ့နှင့် ရေနံပိုက်လိုင်းစီမံကိန်းသည် ၆၅ရာခိုင်နှုန်း ပြီးစီးသွားပြီး စီမံကိန်းလုပ်ငန်းအား လုံး ပြီးစီးပါက မြန်မာအစိုးရသည် လာမည့် နှစ်ပေါင်း ၃၀အတွင်း ခန့်မှန်းခြေ အမေရိကန် ဒေါ်လာသန်းပေါင်း ၂၉ဘီလီယံ အကျိုး အမြတ်ရရှိမည်ဟု TSYO ၏ အစီရင်ခံစာတွင် ထည့်သွင်းထားသည်။

ရွှေသဘာဝဓါတ်ငွေ့နှင့် ရေနံပိုက်လိုင်းစီမံကိန်းကို တည်ဆောက်ရန် မြန်မာအစိုးရနှင့် တရုတ်အစိုးရတို့က ၂၀၀၈ခုနှစ်၌ သဘော တူညီမှုရရှိခဲ့ပြီး ၂၀၀၉ခုနှစ်တွင် ပိုက်လိုင်းကို မြန်မာနိုင်ငံ အနောက်ဘက်ကမ်းရိုးတန်းမှ ရခိုင်ပြည်နယ်၊ မကွေးတိုင်း၊ မန္တလေး တိုင်းနှင့် သျှမ်းပြည်နယ်တို့ကို ဖြတ်သန်းကာ တရုတ်နိုင်ငံ ယူနန်ပြည်နယ်သို့ စတင် သွယ်တန်းဆောက်လုပ်ခဲ့ခြင်းဖြစ်သည်။

မြန်မာနိုင်ငံတွင် တိုင်းရင်းသားအားလုံး ငြိမ်းချမ်းရေး၊ တရားမျှတရေးနှင့် တန်းတူရေး အပါအ၀င် ပလောင်အမျိုးသားတစ်ရပ်လုံး နှင့် လူငယ်များ၏ လူမှုအဆင့်အတန်း အခြေအနေ တိုးတက်စေရန် ရည်ရွယ်၍ TSYO ကို ၁၉၉၈ခုနှစ်၊ ထိုင်း-မြန်မာနယ်စပ်တ နေရာတွင် ဖွဲ့စည်းခဲ့သည်။

Ref: ကေအိုင်စီ

Read More...

Collapse...

၅၇ကြိမ်မြောက် ကရင်ပြည်နယ်နေ့ ဖွင့်ပွဲ အခမ်းအနား ကျင်းပ

7 November 2012
ဖိုးခွါးလေး

ကရင်ပြည်နယ်၊ ဘားအံမြို့တွင် နိုဝင်ဘာလ ၇ရက်နေ့(ယနေ့)တွင် ကျရောက်သည့် (၅၇)ကြိမ်မြောက် ကရင်ပြည်နယ် နေ့ဖွင့်ပွဲ အခမ်းအနားကို ယနေ့မနက် ၇နာရီမှ ၈နာရီခွဲအထိအမှတ်(၄)ရပ်ကွက်ရှိ ပြည်နယ် (သီရိ)ကွင်း၌ ကျင်းပပြီးစီးခဲ့သည်။

၎င်းဖွင့်ပွဲတွင် ကရင်ပြည်နယ်လွှတ်တော်ကိုယ်စားလှယ်များ၊ ပြည်နယ်ဝန်ကြီးအစိုးရအဖွဲ့များ၊ ကရင်အမျိုးသားအစည်းအရုံး (KNU) ခေါင်းဆောင်များ၊ ငြိမ်းချမ်းရေးအဖွဲ့ခေါင်းဆောင်များနှင့် တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA)ခေါင်း ဆောင်များ အပါအ၀င် လူပရိဿတ်ပေါင်း ၆၀၀ကျော် တက်ရောက်ခဲ့ကြကြောင်း သိရသည်။

ပြည်နယ် လူမှုရေးနှင့် စီးပွားရေးဝန်ကြီး ဦးစိုင်းချစ်လှိုင်က “ဒီနှစ်မှာ ခေါင်းဆောင်တော်တော်များများ တက်ရောက်လာကြပါ တယ်။ အခုလိုမျိုး ငြိမ်းချမ်းရေးကာလမှာ အဝင်အထွက်တွေ ရလာကြပြီးဆိုတော့ KNU မိသားစုတွေ အကုန်လုံး ထင်သာမြင် သာ လာနေကြတာကို တွေ့ရတယ်”ဟု သူက ကေအိုင်စီသို့ ပြောသည်။

အဆိုပါ ကရင်ပြည်နယ်ပွဲကို ယနေ့ညမှ စတင်၍ နိုဝင်ဘာလ ၁၁ရက်နေ့အထိ ငါးရက်ကြာ ပြုလုပ်ကျင်းပသွားမည်ဖြစ်ပြီး ဖျော် ဖြေရေးအစီအစဉ်များအရ ကရင်ဇာတ်၊ မြန်မာဇာတ်၊ ခြင်းလုံး၊ လက်ဝှေ့ပွဲ့များနှင့် ကရင်ရိုးရာဒုံးအကပြိုင်ပွဲများဖြင့် ယှဉ်ပြိုင်ပြု လုပ်သွားမည် ဖြစ်သည်။

ထို့အပြင် အစိုးရ၏ ဌာနဆိုင်ရာများက ပြခန်းများ ဖွင့်လှစ်ထားခြင်းနှင့် ဈေးပွဲတော်များကိုလည်း ယခင်နှစ်များကဲ့သို့ ယခုနှစ်တွင် ပြုလုပ်ခဲ့ကြသည်။

ယခုနှစ် ပြည်နယ်ပွဲတွင် ကော့ကရိတ်၊ ကြာအင်းဆိပ်ကြီး၊ မြဝတီနှင့် ကျန်မြို့နယ်အသီးသီးမှ ၀င်ရောက်ယှဉ်ပြိုင်ကြသည့် ဒုံးအ ဖွဲ့ ၁၃ဖွဲ့ရှိပြီး ယင်းဒုံးအဖွဲ့တစ်ဖွဲ့ချင်းစီအတွက် ပြည်နယ် အစိုးရက ၅ရက်အတွင်း စားစရိတ်အတွက် ကျပ် ၅သိန်း ထောက်ပံ့ပေး သည်ဟု ဦးစိုင်းချစ်လှိုင်က ဆက်လက် ပြောဆိုသည်။

Ref: ကေအိုင်စီ

Read More...

Collapse...