2013-01-15
စစ်ကိုင်းတိုင်း အင်းတော်မြို့နယ် နဘားဘူတာအနီး တံတား ၂ ခုကြားမှာ ဇန်နဝါရီ ၁၄ ရက်နေ့ည ၈ နာရီခန့်လောက်က ပြင်းအားကြီး ဗုံးတစ်လုံး ပေါက်ကွဲခဲ့လို့ ရထားလမ်း အဆက်အသွယ် ပြတ်သွားခဲ့ပါတယ်။
ဒီပေါက်ကွဲမှုကြောင့် ခရီးသည်တွေအသေအပျောက် မရှိသလို မီးရထားတွေလဲ ထိခိုက်ပျက်စီးခြင်းမရှိပါဘူး။
ဒါပေမယ့် အင်းတော်မြို့နယ်တွင်းရှိ လူနေအိမ်တွေပါ တုန်ခါသွားပြီး မြို့ခံ လူထုတွေ အထိတ်တလန့်ဖြစ်ကုန်ကြရတယ်လို့ အင်းတော်မြို့နယ် NLDအဖွဲ့ဝင်တစ်ဦးက RFA ကို ပြောသွားပါတယ်။
" ကျွန်တော်တို့ ဘူတာကိုသွားစုံစမ်းတဲ့အခါမှာ ဗုံးပေါက်ကွဲတာမှန်တယ်၊ မနေ့က နဘားဘူတာမှာ ရပ်နားထားရတဲ့ မြစ်ကြီးနား-မန္တလေးအမြန်ရထားဟာလည်း ဒီနေ့ညနေ ၃ နာရီလောက်မှာပဲ မန္တလေးကို ဆက်လက်ထွက်ခွားသွားပါတယ်၊ ဗုံးပေါက်ကွဲ တဲ့နေရာကို သက်ဆိုင်ရာက ညတွင်းချင်းပဲ ပြန်လည်ပြင်ဆင်ခဲ့တာကြောင့် မီးရထားလမ်းကလည်း ပြန်လည်ကောင်းမွန်သွားပြီး ပုံမှန်သွားလာနိုင်နေပြီ"
ဗုံးပေါက်ကွဲမှုကြောင့် မန္တလေး-မြစ်ကြီးနားသွား ရထားလမ်းတံတားနဲ့ကပ်လျက်ရှိတဲ့ နဘားကနေ ကသာသွားတဲ့ ရထားလမ်း တံတားတွေရဲ့ သံတိုင်တွေကွေးကောက်ပျက်စီးသွားတယ်လို့ သိရပါတယ်။
ဗုံးပေါက်ကွဲမှုကြောင့် ဒီကနေ့ မွန်းလွဲပိုင်းအထိ ရထားတွေ အသွားအလာ ရပ်ဆိုင်းထားရပါတယ်။
ဒီဗုံးပေါက်ကွဲ မှုနဲ့ပတ်သက်လို့ ဘယ်သူ၊ ဘယ်အဖွဲ့အစည်းမှာတာဝန်ရှိသလဲဆိုတာကို မေးကြည့်တဲ့အခါ ဦးရှင်းသန့်က အခု လိုပြောပါတယ်။
" ညကြီးမိုးချုပ်လည်းဖြစ်တယ်၊ သက်သေကလည်းမရှိတော့ အခုဒီဗုံးပေါက်ကွဲမှုက ပြောဖို့တော့ အတော်ခက်ပါတယ်"
Ref: အာရ်အဖ်အေ
Read More...
Collapse...
2013-01-15
မြန်မာအစိုးရတပ်က KIA ကို ဦးတည်တိုက်ခိုက်နေတဲ့စစ်ပွဲကို ချက်ချင်းရပ်ပြီး၊ တွေ့ဆုံ ဆွေးနွေးရေးပြန်စဖို့ အစိုးရနဲ့ အပစ် အခတ်ရပ်စဲထားတဲ့ တိုင်းရင်းသား လက်နက်ကိုင်တွေ ဖြစ်တဲ့ UWSA ၊ SSPP/SSA နဲ့ မိုင်းလားအဖွဲ့တို့က တောင်းဆိုတဲ့ ကြေညာချက် တစောင်ကို ဇန်နဝါရီလ ၁၀ ရက်နေ့နေ့စွဲနဲ့ ထုတ်ပြန်လိုက်ပါတယ်။
သမ္မတဦးသိန်းစိန်ရဲ့ဦးဆောင်မှုနဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေ ဆောင်ရွက် နေတဲ့အတွက် နိုင်ငံတကာကချီးကျူး နေချိန်မှာ အရင်စစ်အစိုးရခေတ်က ပုံရိပ်ဟောင်း တွေထင်ဟပ်ခြင်း မရှိအောင် သတိပြုဖို့နဲ့ အခုလို အရေးကြီးတဲ့အလှည့် အပြောင်း ကာလမှာ အစိုးရအနေနဲ့ တိုင်းရင်းသားတွေနဲ့ စစ်မှန်တဲ့ယုံကြည်မှု တည်ဆောက်သွားဖို့လိုတယ်လို့ အဖွဲ့ ၃ ဖွဲ့ရဲ့ ဒီကနေ့ ထုတ်ပြန် တဲ့ ကြေညာချက်မှာ တိုက်တွန်းထားပါတယ်။
ဒါ့အပြင် နှစ်ပေါင်း ၆၀ ကျော် တိုင်းရင်းသားပြဿနာတွေကို စစ်ရေးနဲ့ဖြေရှင်းလို့ မပြေလည်ခဲ့တဲ့ သမိုင်းအတွေ့အကြုံကြောင့်၊ ဒီနေ့ကာလမှာလဲ ပြည်တွင်းပြဿနာ တွေကိုစစ်ရေးနဲ့ဖြေရှင်းတာလုံးဝဆန့်ကျင်တယ်လို့လဲ အဖွဲ့ ၃ ဖွဲ့ရဲကြေညာချက်မှာ ပါရှိပါတယ်။
Ref: အာရ်အဖ်အေ
Read More...
Collapse...
2013-01-15
ကချင်ပြည်နယ် ဖားကန့်မြို့ စစ်ဗျူဟာကုန်းနဲ့ ကေအိုင်အေတပ်တွေ အခြေစိုက်တဲ့ လမောင်ကုန်းနဲ့ မှော်မောင်းကုန်း ပတ်ဝန်း ကျင် တွေဘက်ကနေ ဒီကနေ့ မနက်ပိုင်း ၁၀ နာရီခွဲလောက်က လက်နက်ကြီး၊ လက်နက်ငယ် ပစ်ခတ်သံအချို့ကို ကြားပြီး
နောက်ပိုင်း နေ့လည်ပိုင်းကနေစပြီး ဖားကန့်အထက်တန်းကျောင်းကို ပိတ်လိုက်ရတယ်လို့ စုံစမ်းသိရှိရပါတယ်။
ဖားကန့်အထက်တန်းကျာင်းဟာ ဗျူဟာကုန်းအနီးမှာ ရှိတဲ့အတွက် သက်ဆိုင်ရာ ဆရာ၊ ဆရာမတွေ ကျောင်းသူ၊ ကျောင်းသား တွေ လုံခြုံရေးအတွက် စိုးရိမ်ပြီး ပိတ်လိုက်တာလို့ လက်ရှိအခြေအနေတွေနဲ့ ပတ်သက်ပြီး ဖားကန့်မြို့နယ် NLD ပါတီက ဦးဟန်မြင့် က RFA ကို အခုလိုပြောပါတယ်။
" မနက်ကလက်နက်ကြီးသံတွေ ကြားလို့ စာသင်ကျောင်းတွေကို နေ့လည်ကပဲပိတ်လိုက်ပါတယ်၊ ဗျူဟာကုန်းနဲ့လည်းနီးတယ်လေ၊ ပြည်သူလူထုတွေ စိတ်ချမ်းချမ်းသာသာစားနိုင် သောက်နိုင်အောင် ကျွန်တော်တို့ကတော့ ငြိမ်းချမ်းရေး အမြန်ရချင်တယ်"
အစိုးရတပ်တွေ အခြေစိုက်တဲ့ ဖားကန့်ဗျူဟာကုန်းနဲ့ မျောက်ဖြူရွာတွေကနေ ဖားကန့်မြို့ရဲ့ မြောက်ဘက်နဲ့ အရှေ့မြောက်ဘက် ၁ မိုင်ကနေ ၄ မိုင်အကွာအဝေးမှာရှိတဲ့ ကေအိုင်အေတပ်တွေ အခြေစိုက်ရာ လမောင်ကုန်း၊ မှော်မောင်းလျန်၊ ဆိုင်းဂျာဘွမ်၊ ဗလခ၊ မှော်မောင်းကုန်းစတဲ့ ရွာတွေဘက်မှာ အပြန်အလှန် ပစ်ခတ်တိုက်ခိုက်သံအချို့ကို ဒီကနေ့မနက်ပိုင်းမှာ ကြားရတယ်လို့ ဒေသခံ တွေက ဆိုပါတယ်။
Ref: အာရ်အဖ်အေ
Read More...
Collapse...
2013-01-15
ထိုင်း-မြန်မာ နယ်စပ်အခြေစိုက် လူ့ဘောင်သစ်ဒီမိုကရက်တစ်ပါတီ ဟာ နိုင်ငံရေးပါတီအဖြစ် မှတ်ပုံတင်မယ်လို့ လူ့ဘောင်သစ် ဒီမိုကရက်တစ်ပါတီရဲ့ အထွေထွေအတွင်းရေးမှူး ဦးငွေလင်းက ပြောကြားလိုက်ပါတယ်။
တရားဝင်ပါတီအဖြစ် မှတ်ပုံတင်ခွင့်ရပြီ ဖြစ်တဲ့အကြောင်းကို ဦးငွေလင်းက ဒီနေ့ ရန်ကုန်မြို့၊ ဗိုလ်တစ်ထောင်မြို့နယ်မှာရှိတဲ့ Home ခန်းမမှာကျင်းပတဲ့ သတင်းစာရှင်းလင်းပွဲမှာ အခုလို ပြောကြားခဲ့ပါတယ်။
"ကျွန်တော်တို့ပါတီကို န.အ.ဖ အစိုးရက ၂၁နှစ်တိတိ နယ်စပ်ဒေသကို တွန်းပို့ထားတယ်၊ အခုအစိုးရက အပြောင်းအလဲများကို ဆောင်ရွက်တဲ့အခါမှာ ကျွန်တော်တို့ပါတီက ဗဟိုအစိုးရအဖွဲ့နဲ့ ညှိနှိုင်းဆောင်ရွက်ပြီးတဲ့အခါမှာ တရားဝင်ပါတီအဖြစ် မြေပေါ်မှာ ပြန်လည်ရပ်တည်တော့မှာဖြစ်တယ်"
မြန်မာ့နိုင်ငံရေးအပြောင်းအလဲကို လာရောက်လေ့လာတဲ့ လူ့ဘောင်သစ်ဒီမိုကရက်တစ်ပါတီရဲ့ ပြည်တွင်းလေ့လာရေး ကိုယ်စား လှယ်အဖွဲ့ဟာ ပြည်တွင်းခရီးစဉ်နဲ့ပတ်သက်ပြီး ရှင်းလင်းပွဲတစ်ရပ်ကို ဒီကနေ့ကျင်းပရာမှာ ထည့်သွင်းပြောကြားခဲ့တာဖြစ်ပါတယ်။
လူ့ဘောင်သစ်ဒီမိုကရက်တစ်ပါတီရဲ့ ပြည်တွင်းခရီးစဉ်မှာ အစိုးရတာဝန်ရှိသူတွေ ပြည်ထောင်စုရွေးကောက်ပွဲကော်မရှင် ဥက္ကဌတို့နဲ့ တွေ့ဆုံဆွေးနွေးပြီးတဲ့အတွက် မကြာခင် ပြည်တွင်းမှာ ပြင်ဆင်ရေးရုံးကို တည်ထောင်မှာဖြစ်ပြီး နောက် ၆လလောက်ဆိုရင် ပြည်တွင်းမှာ တရားဝင်ရပ်တည်နိုင်ဖို့ မှတ်ပုံတင်နိုင်မှာဖြစ်တယ်လို့ ဒီကနေ့တွေ့ဆုံပွဲမှာ ဦးငွေလင်းက ပြောကြားခဲ့ပါတယ်။
လက်ရှိ ၂၀၀၈ဖွဲ့စည်းပုံအခြေခံဥပဒေကို လက်မခံပေမယ့် တည်ဆဲဥပဒေတွေအရ တရားဝင်ပါတီအဖြစ် မှတ်ပုံတင်မှာဖြစ်ပြီး ဖွဲ့စည်းပုံအခြေခံဥပဒေပြင်ဆင်ရေးကို လွှတ်တော်တွင်းနဲ့ လွှတ်တော်ပြင်ပ ပူးပေါင်းလုပ်ဆောင်သွားမယ်လို့ ဆိုပါတယ်။
လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း ဦးဆောင်တဲ့ ကိုယ်စားလှယ်အဖွဲ့ဟာ ဒီဇင်ဘာလ ၂၆ရက်နေ့က ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေး ဦးဆောင်တဲ့အဖွဲ့နဲ့ တွေ့ဆုံခဲ့ပြီး နိုင်ငံရေးပါတီအဖြစ် မှတ်ပုံတင်ရေးတို့ကို ဆွေးနွေးခဲ့တယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-01-15
ကချင်ပြည်နယ် ဖားကန့်ကျောက်စိမ်းတွင်းဒေသ လုံးခင်း ပတ်ဝန်းကျင်ကျေးရွာ တဝိုက်မှာ အစိုးရတပ်နဲ့ ကေအိုင်အေ တပ်တွေ အကြား လတ်တလော ဖြစ်ပွားနေတဲ့ စစ်ပွဲတွေကြောင့် လုံးခင်းနဲ့မှော်စီစာကျေးရွာက ကယ်ဆယ်ရေးစခန်း (၇) ခုမှာ လာ ရောက် ခိုလှုံကြတာကြောင့် ဒုက္ခသည်တွေ နှစ်ဆခန့် ပိုတိုးလာပါတယ်။
ဒီရက်ပိုင်းမှာ စစ်ပွဲအရှိန်အဟုန်ပိုမြင့်နေတာကြောင့် လမ်းပန်းဆက်သွယ်ရေးတွေ ပိတ်ဆို့ထားတဲ့အတွက် နေရပ်ပြန်ဖို့ အခက် အခဲဖြစ်နေတယ်တာကြောင့် သက်ဆိုင်ရာ တာဝန်ရှိသူတွေအနေနဲ့ ကူညီပေးစေချင်တယ်လို့ လုံးခင်းဒေသက ဘုန်းကြီးကျောင်းမှာ ခိုလုံနေပြီး ဖားကန့်ကျောက်စိမ်းတွင်းမှာ အလုပ်လုပ်ကိုင်နေတဲ့ ကိုဇေယျာက RFA ကို အခုလို ပြောပါတယ်။
"ကချင်ပြည်နယ်ဖာကန့် လုံးခင်းကျေးရွာအုပ်စုမှာ အစိုးရစစ်တပ်နဲ့ KIA စစ်တပ်တို့ ၁၃ ရက်နေ့မနက်ကစလို့ တိုက်ပွဲတွေဖြစ် ပွားနေတဲ့အတွက် လမ်းတွေပိတ်ထားပါတယ်၊ ဖားကန့် ကျောက်စိမ်းတွင်းတွေမှာ လာရောက်အလုပ်လုပ်ကိုင်နေသူတွေ အိမ်ပြန် လို့မရဘူးဖြစ်နေပါတယ်"
အဲ့ဒီဒုက္ခသည်တွေကို လုံးခင်းဒေသခံ ရပ်မိရပ်ဖတွေ၊ ဈေးသူဈေးသားတွေ၊ ကျောက်သမားတွေနဲ့ စေတနာရှင်ပြည်သူတွေက ဟင်းသီးဟင်းရွက်၊ ဆန်နဲ့ အလှူငွေ စုစုပေါင်း (၂၅)သိန်းခန့် လှူဒါန်းခဲ့တယ်လို့ ကိုယ်တိုင်သွားရောက်လှူဒါန်းခဲ့တဲ့ လုံးခင်း ကျေးရွာက ရပ်မိရပ်ဖ တစ်ဦးဖြစ်သူ ဦးတင်စိုးက RFA ကိုပြောပါတယ်။
" မနက်ကလက်နက်ကြီးသံတွေ ကြားလို့ စာသင်ကျောင်းတွေကို နေ့လည်ကပဲပိတ်လိုက်ပါတယ်၊ ဗျူဟာကုန်းနဲ့လည်းနီးတယ်လေ၊ ပြည်သူလူထုတွေ စိတ်ချမ်းချမ်းသာသာစားနိုင် သောက်နိုင်အောင် ကျွန်တော်တို့ကတော့ ငြိမ်းချမ်းရေး အမြန်ရချင်တယ်"
နယ်မြေမလုံခြုံတဲ့အတွက် ကထန်၊ ဆန်ခါ၊ မားဆား၊ ကုဋေမှော်၊ မဇွပ်ယန်စတဲ့ ရွာတွေဘက်က ဒေသခံပြည်သူတွေဟာ လုံးခင်းနဲ့ မှော်စီစာကျေးရွာက ဗုဒ္ဓဘာသာဘုန်းကြီးကျောင်းတွေနဲ့ ခရစ်ယာန်ဘုရားရှိခိုးကျောင်းတွေက ကယ်ဆယ်ရေးစခန်း တွေမှာလာ ရောက်ခိုလှုံနေကြတာ အခုဆို လူဦးရေ တစ်ထောင်ကျော်ရှိပြီလို့ သိရပါတယ်။
Ref: အာရ်အဖ်အေ
Read More...
Collapse...
2013-01-15
၁၉၈၃ ခုနှစ်က ရန်ကုန်မြို့ အာဇာနည်ဗိမ္ဗာန်မှာ တောင်ကိုရီယား အစိုးရအဖွဲ့ဝင်တွေဗုံးခွဲတိုက်ခိုက်ခံရမှုနဲ့ ပတ်သက်ပြီး အောက် မေ့ဖွယ် အထိမ်းအမှတ်တခု ထားရှိဖို့ မြန်မာနဲ့ တောင်ကိုးရီးယား အစိုးရတို့ သဘောတူညီလိုက်တယ်လို့ သိရပါတယ်။
တောင်ကိုရီးယားသမ္မတ ချန်ဒူးဝှမ်နဲ့ အစိုးရဝန်ကြီးတွေ အာဇာနည်ကုန်းကို လာရောက် အလေးပြုချိန် မှာ မြောက်ကိုရီးယား အထူးကွန်မန်ဒို တပ်ဖွဲ့ဝင်တွေရဲ့ ဗုံးခွဲလုပ်ကြံမှုကြောင့် တောင်ကိုးရီးယား ဒု-သမ္မတ နဲ့ နိုင်ငံခြားရေးဝန်ကြီး အပါအဝင် အရာရှိ ၁၇ ဦး သေဆုံးခဲ့ပါတယ်။
ဗုံးကွဲခဲ့တဲ့နေရာနဲ့ မလှမ်းမကမ်းက စတုရန်းမီတာ ၂၆ဝ ရှိတဲ့ မြေကွက်လပ်ကို အထိမ်းအမှတ်နေရာ ဆောက်လုပ်ဖို့ မြန်မာ အစိုးရက ခွင့်ပြုထားတယ်လို့ သံတမန် သတင်းတွေကို ကိုးကားပြီး ဒီကနေ့ထုတ် Chosun သတင်းမှာ ဖော်ပြထားပါတယ်။
အဲဒီ အထိမ်းအမှတ်ကို ဗုံးကွဲခဲ့ တဲ့ အနှစ် ၃ဝ မြောက်ဖြစ်တဲ့ လာမယ့် အောက်တိုဘာ ၉ ရက်နေ့မှာ ဖွင့်လှစ်နိုင်ဖို့ တောင် ကိုးရီးယားက စီစဉ်နေ တယ်လို့လည်း သိရပါတယ်။
Ref: အာရ်အဖ်အေ
Read More...
Collapse...
2013-01-15
ကုန်ဈေးနှုန်းကျဆင်းရေး ဦးဆောင်လှုပ်ရှားသူ ကိုထင်ကျော်ရဲ့ တရားဥပဒေစိုးမိုးရေးဆိုင်ရာ သတင်းစာရှင်းလင်းပွဲကို ရန်ကုန်မြို့၊ ကျောက်တံတားမြို့နယ်၊ မြန်မာ ဂျာနယ်လစ်ကွန်ရက် ရုံးခန်းမှာ မနေ့ညနေပိုင်း က ပြန်လည်ကျင်းပခဲ့ပါတယ်။
ပြီးခဲ့တဲ့ ဇန်နဝါရီလ ၁၃ရက် တနင်္ဂနွေနေ့က တော်ဝင်နှင်းဆီခန်းမမှာကျင်းပဖို့ စီစဉ်ခဲ့ပေမယ့် ရိုးရိုးလေး ကုမ္ပဏီပိုင်ရှင် ဦးသိန်း နိုင် ဦးဆောင်တဲ့ လူတစ်စုက ကိုထင်ကျော်ကို ဝင်ရောက်ရိုက်နှက်ခဲ့တဲ့အတွက် သတင်းစာရှင်းလင်းပွဲ ပျက်သွားခဲ့ရပါတယ်။
အဲဒါကြောင့် မြန်မာဂျာနယ်လစ်ကွန်ရက်ရုံးခန်းမှာ ပြန်လည်ကျင်းပခဲ့တာဖြစ်ပါတယ်။
တရားဥပဒေစိုးမိုးရေးကို စိန်ခေါ်နေမှုများခေါင်းစဉ်နဲ့ပြုလုပ်တဲ့ အဲဒီသတင်းစာရှင်းလင်းပွဲမှာ ပြည်သူ့ဝန်ထမ်းတွေ လစာရိက္ခာဖူလုံမှ အဂတိလိုက်စားမှုတွေ ကင်းဝေးပြီး တရားဥပဒေစိုးမိုးမှုရှိမှာ ဖြစ်တယ်လို့ ကုန်ဈေးနှုန်းကျဆင်းရေးအဖွဲ့ခေါင်းဆောင် ကိုထင်ကျော် က ပြောကြားခဲ့ပါတယ်။
"ပြည်ထဲရေးဝန်ထမ်းတွေ ဘာကြောင့်လာဘ်စားလဲဆိုရင် အခြေခံလစာ သုံးသောင်းခွဲပဲရတယ် ရဲဝန်ထမ်းတစ်ယောက်ရဲ့လစာ သုံးသောင်းနဲ့ဆိုရင် ခုနစ်သောင်းတောင်မပြည့်ဘူး ပြီးတော့ ၂၄နာရီ တာဝန်ထမ်းဆောင်ရတယ်၊ အဲဒီတော့ ပြည်ထဲရေးဝန်ထမ်း တွေရဲ့လစာကို ထိုင်းနိုင်ငံက ရဲတစ်ယောက်ရဲ့လစာကို မှီအောင်ပေးပါ၊ ရဲဝန်ထမ်းတစ်ယောက်က လစာသုံးသိန်းလောက်မရပဲနဲ့ အဂတိလိုက်စားမှုတွေက လုံးဝမပျောက်ဘူး"
ဒါ့အပြင် အာဏာပိုင်တွေနဲ့နီးစပ်သူ ခရိုနီစီးပွားရေးသမားကြီးတွေက ကဏ္ဍပေါင်းစုံမှာ ချုပ်ကိုင်နေတာကြောင့် မြန်မာနိုင်ငံမှာ တရားဥပဒေစိုးမိုးမှု အားနည်းတာဖြစ်တယ်လို့လည်း ကိုထင်ကျော်က ပြောကြားခဲ့ပါတယ်။
ဒီပွဲကို ပြည်တွင်း၊ ပြည်ပသတင်းထောက်တွေနဲ့ ဒေသဆိုင်ရာအာဏာပိုင် စုစုပေါင်း ၅၀ ဝန်းကျင် တက်ရောက်ခဲ့ကြပါတယ်။
Ref: အာရ်အဖ်အေ
Read More...
Collapse...
2013-01-15
ကချင်ပြည်နယ် ငြိမ်းချမ်းရေးအတွက် အမျိုးသားလွှတ်တော်မှာ အဆိုတစ်ခု တင်သွင်းမယ်လို့ ကချင်ပြည်နယ် မဲဆန္ဒနယ် အမှတ် (၁)၊ အမျိုးသား လွှတ်တော် ကိုယ်စားလှယ် ဦးခက်ထိန်နန်က မနေ့က ပြည်ထောင်စုလွှတ်တော် အစည်းအဝေး ခေတ္တနားစဉ်မှာ သတင်းမီဒီယာတွေကို ပြောကြားခဲ့ပါတယ်။
"ငြိမ်းချမ်းရေးနဲ့ ပတ်သက်တဲ့အဆိုကို စတုတ္ထအကြိမ်မှာတင်ထားတယ်၊ ဆွေးနွေးခွင့်ပြုလိုက်ပြီဆိုတော့ အမျိုးသားလွှတ်တော် စတဲ့နေ့မှာ ဆွေးနွေးဖို့ရှိပါတယ်၊ စတုတ္ထပုံမှန်အစည်းအဝေးတုံးကတော့ နိုင်ငံတော် သမ္မတ ဦးဆောင်ပြီးတော့ ငြိမ်းချမ်းရေးကို ကြိုးစားနေတဲ့အချိန်ဆိုတော့ ခဏလေးဆိုင်းပေးပါအုံးဆိုလို့ ဆိုင်းပေးခဲ့တယ်၊ အခုအရေးအကြီးဆုံးအချိန်မှာ ဆွေးနွေးခွင့်ရလာတယ်"
လာမယ့် ပဉ္စမအကြိမ်မြောက် အမျိုးသားလွှတ်တော်မှာ ဆွေးနွေးမယ့် အဆိုနဲ့ ပတ်သက်ပြီး ဦးခက်ထိန်နန်က RFA ကို အခု လိုပြောပါတယ်။
"အစက လက်နက်ငယ်နဲ့တိုက်ခိုက်တာဆိုတော့ ငြိမ်းချမ်းရေးရအောင်ဆိုပြီး ကြိုးစားပြီး ဆွေးနွေးတယ်၊ ဆွေးနွေးရင်းနဲ့ လက်နက် ကြီးဖြစ်လာတယ်၊ နောက်တော့ ဟက်စကီး၊ ဟက်စကီးကနေ တိုက်လေယာဉ်တွေဖြစ်လာတယ်၊ ကျွန်တော်အမြင် ကတော့ အစိုးရနဲ့ KIA/ KIO တို့က ထိပ်တိုက်ဆွေးနွေးရင် ပဋိပက္ခတွေပိုပြီးကြီးလာမယ်၊ အဲ့ဒီတော့ နှစ်ဖက်လုံးက လေးစားတဲ့ ယုံကြည် အားကိုးထိုက်တဲ့ လူတွေပါတဲ့ ငြိမ်းချမ်းရေး ဆွေးနွေးရေးအဖွဲ့တွေနဲ့ ဆွေးနွေးရင်ပိုအစဉ်ပြေမယ်"
ကချင်ပြည်နယ်အရေးနဲ့ ပတ်သက်လို့ ဇန်နဝါရီလ (၁၁) ရက်နေ့ကလည်း မြစ်ကြီးနား မဲဆန္ဒနယ် လွှတ်တော် ကိုယ်စားလှယ် ဦးသိန်းဇော်က ပြည်သူ့လွှတ်တော်မှာ အရေးကြီးအဆိုတစ်ရပ်တင်သွင်းခဲ့ပြီး၊ ပြည်သူ့ လွှတ်တော်ကလည်း ပြည်ထောင်စုငြိမ်းချမ်း ရေးဖော်ဆောင်ရေးဗဟိုကော်မတီနဲ့ KIO/KIA ကို တိုက်တွန်းချက် တစ်ရပ်ထုတ်ပြန်ခဲ့ပါတယ်။
Ref: အာရ်အဖ်အေ
Read More...
Collapse...
ဒေါ်ခင်မျိုးသက်
14.01.2013
အမေရိကန်အခြေစိုက် Human Rights Watch နိုင်ငံတကာ လူ့အခွင့်အရေးစောင့်ကြည့်ရေး အဖွဲ့ကြီးက ၀ါရှင်တန်ရုံး အကြီးအကဲ Tom Malinowski ဦးဆောင်တဲ့ ကိုယ်စားလှယ်အဖွဲ့ဟာ အခုမြန်မာနိုင်ငံကို ရောက်ရှိနေပါတယ်။ လူ့အခွင့် အရေး ချိုးဖေါက်မှု သိသိသာသာ ရှိနေသေးတဲ့ မြန်မာနိုင်ငံရဲ့ လက်ရှိအနေထားကို လေ့လာစုံစမ်းမယ့် ဒီအဖွဲ့က တပါတ်ကျော် နေထိုင်ပြီး အစိုးရတာဝန်ရှိသူတွေနဲ့ အဖွဲ့အစည်းအသီးသီးက လူ့အခွင့်အရေးလှုပ်ရှားသူတွေနဲ့ တွေ့ဆုံမှာဖြစ်ပါတယ်။ သတင်း အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဝါရှင်တန်ရုံးအကြီးအကဲ Tom Malinowski ဦးဆောင်တဲ့ Human Rights Watch လူ့အခွင့်အရေးစောင့်ကြည့်အဖွဲ့ကြီးက အဖွဲ့ဝင် ၁၀ ဦးကျော်ပါတဲ့ ကိုယ်စားလှယ် အဖွဲ့ဟာ မြန်မာနိုင်ငံမှာရောက်ရှိနေပြီး အစိုးရတာဝန်ရှိသူတွေအပါအ၀င် အဖွဲ့အစည်း အသီးသီးနဲ့ တွေ့ဆုံဖို့ ရှိတယ်လို့ လူ့အခွင့်အရေးစောင့်ကြည့်အဖွဲ့ရဲ့ အာရှဒေသ လက်ထောက်ညွှန်ကြားရေးမှုး Phil Robertson ကVOA ကိုပြောပါတယ်။
“အစီအစဉ်အတိအကျကိုတော့ မသိရသေးပါဘူး။ ဒါပေမယ့် အစိုးရတာဝန်ရှိသူတွေ၊ သံရုံးနဲ့ ကုလသမဂ္ဂအဖွဲ့အစည်းတွေအပြင် NGO အဖွဲ့တွေနဲ့ပါတွေ့ဆုံဖို့ ရှိပါတယ်။ သူတို့ဟာ မြန်မာနိုင်ငံက လက်ရှိအခြေနေကို စုံစမ်းလေ့လာကြမှာဖြစ်ပါတယ်။ အဓိက ကတော့ ကျွန်တော်တို့စိတ်ပူတဲ့ လူ့အခွင့်ရေး အခြေအနေကိုပါ။”
အခုလို လက်ရှိမြန်မာနိုင်ငံရဲ့ အနေအထားကို စုံစမ်းလေ့လာရာမှာ မြန်မာနိုင်ငံအကြောင်း ဂဃနဏ သိတဲ့ သူတွေ ဦးဆောင် လာရောက်တာမို့ အကျိုးရှိတဲ့ခရီး အဖြစ်မျှော်လင့်ထားကြောင်းပြောပါတယ်။
“အဖွဲ့ကိုဦးဆောင်တဲ့သူက Tom Malinowski ပါ။ သူကကျွန်တော်တို့ရဲ့ ၀ါရှင်တန်ရုံး အကြီးအကဲပါ။ ဒါ့အပြင် အဖွဲ့ထဲမှာ မြန်မာနိုင်ငံက လူ့အခွင့်အရေးနဲ့ ပါတ်သက်တဲ့ ကဏ္ဍအစုံကိုလေ့လာဖို့ အဖွဲ့ဝင်တွေ အများကြီးပါပါတယ်။ ဆယ်ယောက်လောက်ပါ။ မြန်မာနိုင်ငံအကြောင်း သေသေချာချာ သိတဲ့ Tom Malinowski ရော မြန်မာနိုင်ငံနဲ့ ပါတ်သက်ပြီးနှံ့စပ်တဲ့ David Mathieson ပါပါတာမို့ အခုခရီးစဉ်ဟာ အကျိုးရှိတဲ့ ခရီးဖြစ်မယ်လို့မျှော်လင့်ပါတယ်။”
မြန်မာနိုင်ငံမှာ အရပ်သားအစိုးရတက်လာခဲ့ပြီးတဲ့ နောက်ပိုင်း နိုင်ငံတကာနဲ့ တံခါးဖွင့် ဆက်ဆံလာသလို ပြည်တွင်းမှာ လည်း ဒီမိုကရေစီရေး အပြောင်းအလဲတွေ အများအပြား လုပ်ဆောင်လာခဲ့တာမို့ အာရှဒေသတာဝန်ခံတဦးအနေနဲ့ ဒီအပြောင်း အလဲဟာ ခရီးဘယ်လောက် ရောက်နေပြီထင်ပါသလဲ။
“မြန်မာနိုင်ငံမှာ လူ့အခွင့်အရေးချိုးဖေါက်မှု ပြဿနာတွေ အများကြီး သိသိသာသာ ရှိနေပါသေးတယ်။ တချို့နေရာတွေမှာ တိုးတက်မှုတွေရှိတယ်လို့ပြောလို့ရပေမယ် တချို့နေရာတွေမှာဆိုရင် သိပ်မတွေရရပါဘူး။ ဥပမာ သတင်းမီဒီယာထိမ်း ချုပ် မှုကိုကြည့်ရင် အရင်ကထက် နဲနဲ ပိုကောင်းလာတာတွေ့ရပါတယ်။ ဒါပေမယ့် တိုင်းရင်းသားဒေသတွေ မှာ မြန်မာစစ်တပ် လှုပ်ရှားတဲ့ အပိုင်းကိုကြည့်ရင် ကချင်လိုဒေသမျိုးမှာ တကယ် ဆိုးနေတာတွေ့ရပါတယ်။ ဥပဒေအပိုင်း ကိုကြည့်ရင်လည်း နှစ်ရှည်လများ အကျဉ်းကျနေတဲ့ အတိုက်အခံတွေနဲ့ တက်ကြွလှုပ်ရှားသူတွေအတွက် ဥပဒေဆိုတာ စာအုပ်ထဲမှာပဲရှိ နေပါသေး တယ်။ ဘာမှပြောင်းလဲတာ မတွေ့ရပါဘူး။”
လူ့အခွင့်အရေးစောင့်ကြည့်အဖွဲ့ကြီးအနေနဲ့ မြန်မာနိုင်ငံမှာ ဒီမိုကရေစီ ကောင်းကောင်း ရနေပြီလို့ ပြောနိုင်ဖို့ အများကြီးလို သေးတယ်လို့ ထင်ကြောင်းလဲပြောပါတယ်။ ဒါပေမယ့် အခုခရီးစဉ်မှာ မြန်မာနိုင်ငံထဲက အဖွဲ့အစည်းမျိုးစုံနဲ့ တွေ့ဆုံဆွေးနွေးနိုင်တဲ့ အခွင့်အလမ်း ပိုရလာတာမို့ အကျိုးရှိတဲ့ ခရီးဖြစ်မယ်လို့ ပါမျှော်လင့်ထားကြတာပါ။
Ref: ဗွီအိုအေ
Read More...
Collapse...
15.01.2013
တရုတ်နိုင်ငံမှာရှိတဲ့ စိတ်ဓာတ်ပြန်လည်ပြုပြင်ရေးလုပ်ပေးစခန်းတွေကို အဆုံးသတ် ပိတ်သိမ်းတော့ မယ်ဆိုတဲ့ ကိစ္စနဲ့ ပတ်သက်ပြီး အစိုးရထံကနေ ညွှန်ကြားချက်တစုံတရာမလာတဲ့အတွက် အဲဒီစခန်းတွေကို ဆက်လက်လည်ပတ်နေဆဲပဲလို့ ပြည်နယ်အစိုးရ အရာရှိ တွေက ပြောပါတယ်။
အစိုးရပိုင်ဖြစ်တဲ့ Global Times သတင်းမှာ အနည်းဆုံးပြည်နယ် ၆ ခုက အာဏာပိုင်တွေ ရဲ့ ပြောဆိုချက်တွေကို ကိုး ကားပြီးပြောဆို ထားပါတယ်။
အရင်တပတ်အတွင်း ပေါလစ်ဗျူရိုအဖွဲ့ဝင် မင်ဂျန်ဇူးပြောတဲ့ အချက်ကို ကိုးကားဖော်ပြခဲ့ရာမှာ ဆယ်စုနှစ်နဲ့ ချီကြာမြင့်ပြီဖြစ်တဲ့ အဲဒီစခန်းတွေကို ဒီနှစ်ကုန်ပိုင်းမှာ ရပ်ဆိုင်းတော့မယ်လို့ အစိုးရသတင်းမီဒီယာမှာ ပါရှိခဲ့ပေမဲ့ နောက်ပိုင်းမှာ အဲဒီသတင်းတွေကို ပြန်ရုပ်သိမ်းခဲ့ပါတယ်။ အဲဒီ ပြန်လည်ပြုပြင်ရေးလုပ်အားပေးစခန်းတွေဟာ နိုင်ငံတကာ စံနှုန်းနဲ့ မကိုက်ညီဘူးလို့ လူ့အခွင့်အရေး လှုပ်ရှားသူတွေက ကာလကြာရှည် ဝေဖန်ပြောဆိုခဲ့တာပါ။ တရုတ်အစိုးရကလည်း အဲဒီစံနစ်ကို ပြောင်းလဲဖို့ နှစ်ပေါင်းများစွာ စဉ်းစား ဆွေးနွေးခဲ့ပါတယ်။
ပြည့်တန်ဆာ၊မူးယစ်ဆေးသုံးစွဲသူနဲ့ အသေးစားရာဇ၀တ်မှုကျူးလွန်သူတွေအပေါ် အာဏာပိုင်တွေ ကနေပြီး တရားရုံးမတင်ဘဲ ၄ နှစ်အထိ အဲဒီစခမ်းတွေမှာ ထိမ်းချုပ်လေ့ရှိပါတယ်။ အတိုက်အခံတွေ ဘက်ကတော့ အဲဒီစခန်းတွေဟာ အစိုးရအပေါ် ဝေဖန်သူတွေ၊ နိုင်ငံစွန့်ခွာထွက်ပြေးသူတွေကို အဲဒီစခန်းတွေမှာ ဖမ်းဆီးချုပ်နှောင်ပြီး ညှင်းပန်း နှိပ်စက်တယ်လို့ ပြောဆိုပါတယ်။
ဥပဒေပညာရှင်တွေကတော့ အစိုးရက အဲဒီစခန်းတွေကို ပြန်လည် ပညာပေးလုပ်အားပေးတဲ့စံနစ် ကနေ ပညာပေးပြုပြင် တဲ့စံနစ်ကို ပြောင်းလဲ ကျင့်သုံးနိုင်ခြေရှိတယ်လို့ သုံးသပ်ကြပါတယ်။
Global Times သတင်းစာမှာ ပြည်နယ် ၄ ခုမှာ အဲဒီစံနစ်ကို စံပြအဖြစ် ပြောင်းလဲ ကျင့်သုံးနေပြီ လို့ ဖော်ပြထားပြီး အဲဒီအစီအစဉ်ဟာ တရားခံတွေ တရားရုံး ရင်ဆိုင်ရာမှာ ပိုမိုချောမွေ့စေတယ်လို့ ပါရှိပါတယ်။
Ref: ဗွီအိုအေ
Read More...
Collapse...
15.01.2013
ပါကစ္စတန်နိုင်ငံ၊ အစ္စလမ်မာဘတ် မြို့ မှာ ဒီကနေ့မနက်က အစိုးရဖြုတ်ချရေး တောင်းဆို ဆန္ဒပြကြ တဲ့အချိန်မှာပဲ နိုင်ငံ တော်တရားရုံးက အဂတိလိုက်စားမှု တခုနဲ့ ၀န်ကြီးချုပ် Raja Pervez Ashraf ကို ဖမ်းဆီးမိန့် ထုတ်လိုက်ပါတယ်။
ရေနဲ့စွမ်းအင်ဝန်ကြီးအဖြစ် တာဝန်ယူစဉ်ကာလက အဂတိလိုက်စားမှုတွေ ကျူးလွန်မှုတွေ ရှိတယ် ဆိုတဲ့စွဲချက်နဲ့ အခု ၀န်ကြီးချုပ် Ashraf ကို ဖမ်းဆီးခဲ့ တာဖြစ်ပါတယ်။ Asraf အပြင် နောက် ၁၅ ဦး ကိုလည်း ဖမ်းဆီးခဲ့ရာမှာ ပုဂ္ဂလိက ဓာတ်အားထုတ် စက်ရုံတွေနဲ့ ဆက်နွယ်မှုရှိခဲ့တယ်လို့ အစိုးရ အရာရှိတွေကို ကိုးကားပြီး ပါကစ္စတန်ရုပ်သံလွှင့် သတင်းမီဒီယာမှာ ပါရှိပါတယ်။
Asraf ဟာ ဓာတ်အားထုတ်စက်ရုံတွေ တည်ဆောက်ရာမှာ လာဘ်စားမှုတွေရှိတယ်လို့  စွပ်စွဲခံရ ပါတယ်။ Asraf ကတော့ ဒီ စွပ်စွဲချက်အပေါ် ငြင်းဆိုပါတယ်။ အခုလို ၀န်ကြီးချုပ်ကို ဖမ်းဆီးမိန့် ထုတ်ပြန်လိုက်တဲ့အတွက် အစိုးရနဲ့တရားရုံးအကြား တင်းမာ မှုတွေ ပိုအရှိန်မြင့်တက်လာလိမ့်မယ်လို့ အကဲခတ်တွေက သုံးသပ်ပါတယ်။
ထင်ရှားတဲ့ ဘာသာရေးခေါင်းဆောင် ထာဟာ အူလ် ခါဒရီ (Tahir-ul Qadri) က အစိုးရဆန့်ကျင်ရေး၊ အဂတိလိုက်စားမှု ဆန့်ကျင်ရေး ဆန္ဒပြတာတွေကို ပါလီမန် လွှတ်တော်တ၀ိုက်မှာ ဆက်လုပ်ကြဖို့ သူ့အပေါ် ထောက်ခံသူတွေကို တိုက်တွန်းပါတယ်။
ဆန္ဒပြသူတွေဟာ ခါဒရီ ပုံပါတဲ့အလံတွေကို ကိုင်ဆောင်ပြီး ချီတက်နေချိန်မှာ စစ်သုံး ရဟတ် ယာဉ်တွေက ပျံသန်းစောင့်ကြည့် နေပါတယ်။ မနက်စောစောပိုင်းကတော့ ဆန္ဒပြသူတွေကို လုံခြုံရေးတပ်ဖွဲ့တွေက မျက်ရည်ယိုဗုံး သုံးပြီးလူစုခွဲတာ၊ ခြောက်လှန့် ပစ်ခတ်တာတွေလုပ်ခဲ့ပါတယ်။
Ref: ဗွီအိုအေ
Read More...
Collapse...
15.01.2013
ဆီးရီးယားနိုင်ငံက အကြီးဆုံးမြို့ဖြစ်တဲ့ အလက်ပို (Aleppo) က တက္ကသိုလ်တခုမှာ ပေါက်ကွဲမှု ၂ ခု အင်္ဂါနေ့က ဖြစ်ပွားခဲ့ပြီး လူ ၅၂ ယောက် ထက်မနည်း သေဆုံးခဲ့ကြောင်း တက်ကြွ လှုပ်ရှားသူတွေက ပြောပါတယ်။
ဒီပေါက်ကွဲမှုနဲ့ပတ်သက်ပြီး ဘယ်သူကမှတော့ သူတို့လက်ချက် ဖြစ်တယ်ဆိုပြီး ကြေညာတာမျိုး မရှိဘူးလို့လည်း ဗြိတိန် အခြေ စိုက် ဆီးရီးယား လူ့အခွင့်အရေး စောင့်ကြည့် အကဲခတ်အဖွဲ့က ဗွီအိုအေကို ပြောဆိုခဲ့သလို သေဆုံးသူ အရေအတွက် လည်း ပိုများမယ်လို့ မျှော်လင့် ရကြောင်း ပြောဆိုခဲ့ပါတယ်။
ဆီးရီးယား အစိုးရပိုင် ရုပ်မြင်သံကြားကတော့ ဒီပေါက်ကွဲမှုဟာ အကြမ်းဖက်သမားတွေ လက်ချက်လို့ပြောခဲ့ပေမဲ့ အသေးစိတ်ကို ပြောဆိုတာမျိုး မရှိသလို ထိခိုက် သေဆုံးသူ အရေအတွက်ကိုလည်း အတိအကျ မပြောခဲ့ပါဘူး။
ပေါက်ကွဲမှု ဖြစ်ရတဲ့အကြောင်းရင်းကို ရှင်းရှင်းလင်းလင်း မသိရသလို - အတိုက်အခံနဲ့ အစိုးရကြားမှာလည်း အပြန်အလှန် အပြစ်ဖို့နေကြတာပါ။ ဆီးရီးယားနိုင်ငံရဲ့ စီးပွားရေးမြို့တော် အလက်ပို (Aleppo) ဟာဆိုရင် ပြီးခဲ့တဲ့နှစ် ဇူလိုင်လကစလို့ အတိုက်အခံ သူပုန်တွေက စစ်ဆင်ရေးတွေ စတင် ဆင်နွှဲလာရာက အကြမ်းဖက် တိုက်ခိုက်မှုတွေ ခံနေရတဲ့ မြို့တမြို့ပါ။ အခုပေါက်ကွဲမှု ဖြစ်ပွားတဲ့ တက္ကသိုလ်ကတော့ အစိုးရထိန်းချုပ်ထားရာ နယ်မြေတွင်းမှာ ရှိနေတာဖြစ်ပါတယ်။
Ref: ဗွီအိုအေ
Read More...
Collapse...
သူရစိုး
15.01.2013
(၈) လေးလုံးအရေးအခင်းနောက် ပေါ်ပေါက်ခဲ့ပြီး ထိုင်း-မြန်မာနယ်စပ် မှာ နှစ်ပေါင်း နှစ်ဆယ်ကျော်ကြာ အခြေစိုက်ထားခဲ့တဲ့ လူဘောင်သစ်ဒီမိုကရစ်တစ်ပါတီက ပါတီ ပြန်လည်မှတ်ပုံတင်ဖို့ အစိုးရတာဝန်ရှိသူတွေနဲ့ နှုတ်အားဖြင့် သဘောတူထားကြောင်း နဲ့ ရှေ့လုပ်ငန်း စဉ်တွေဆောင်ရွက်ဖို့အတွက်ဆက် ဆံရေးရုံးကို ရှေ့လထဲမှာ ဖွင့်သွားဖို့ ရှိနေ ပါတယ်။ သူတို့ပါတီအနေနဲ့ ၂၀၀၈ ဖွဲ့ စည်းပုံအခြေခံဥပဒေကို ဘ၀င်မကျပေမဲ့ အပြောင်း အလဲတွေကို အနှစ်သာရရှိရှိ ပြောင်းလဲအောင် လုပ်ဆောင်ဖို့ဆိုရင် လူထု ကြားထဲမှာ ပြန်ရပ် တည်ဖို့လိုတာကြောင့် အခုလို ပါတီကို ပြန်ပြီး မှတ်ပုံတင်ဖို့ ဆုံးဖြတ်ရတာဖြစ်တယ်လို့လည်း ပါတီရဲ့ ပြောခွင့် ရသူတွေက ဒီကနေ့ ထုတ်ဖော်ပြောကြားပါတယ်။ ဒီသတင်းအပြည့်အစုံကို ဗီအိုအေ မြန်မာပိုင်းအစီအစဉ်ရဲ့ ရန်ကုန်အခြေစိုက် သတင်းထောက် ကိုသူရစိုးက တင်ပြပေးထားပါတယ်။
လူ့ဘောင်သစ် ဒီမိုကရက်တစ်ပါတီ ကိုယ်စားလှယ်အဖွဲ့ဟာ မြန်မာပြည်ကို ရောက်နေတာ တလလောက်ရှိနေပြီး အစိုးရရဲ့ ငြိမ်း ချမ်းရေးဖော်ဆောင်ရေးအဖွဲ့နဲ့ ဒီမိုကရေစီ အင်အားစုတွေ နဲ့ တွေ့ဆုံဆွေးနွေးပြီးတဲ့နောက်မှာ အခုလို ထုတ်ဖော် ကြေညာ လိုက် တာဖြစ်ပါတယ်။ မကြာမီမှာ ပါတီကို တရားဝင် ပြန်လည်မှတ်ပုံတင်မယ့် အကြောင်းကိုတော့ ပါတီရဲ့ အထွေထွေ အတွင်းရေးမှူး ဦးငွေလင်းက အခုလို ပြောပါတယ်။
“အစိုးရနဲ့ညှိနှိုင်းပြီးပြီ။ နှုတ်ကတိလည်း ကျနော်တို့ ရထားပြီးပြီ။ အဲဒီနှုတ်ကတိအရ ကျနော်တို့ ဘာမဆို ဆောင်ရွက်လို့ ရပြီဖြစ်ပါတယ်။”
ပါတီဗဟိုကော်မတီဝင်ဖြစ်တဲ့ ဦးဇော်ဇော်ထွန်းကတော့ ဘာကြောင့် အခုလို မှတ်ပုံတင်ဖို့ ဆုံးဖြတ်ရသလဲဆိုတာကို အခုလိုရှင်း ပြပါတယ်။
“၂၀၀၈ ကို လက်မခံနိုင်ပေမယ့် ဘာကြောင့် ပါတီ မှတ်ပုံတင်ရသလဲဆိုတော့ လက်ရှိအခြေ အနေမှာ ကျနော်တို့ ပါတီက ၂၁ နှစ်ကြာအောင် လူထုနဲ့ဝေးခဲ့တယ်။ နယ်စပ်ဒေသမှာ အခြေစိုက် ခဲ့ရပါတယ်။ အခုနပြောသလို အပြောင်းအလဲတွေကို အနှစ်သာရ ရှိရှိ ပြောင်းလဲအောင် လုပ်ဆောင်နိုင်ဖို့ဆိုရင် ပါတီကို လူထုကြားထဲမှာ ပြန်ရပ်တည်ဖို့ လိုပါတယ်။ အဲဒီအတွက် လတ်တလော မှာတော့ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကို ပြင်ရေးဆိုတဲ့ လုပ်ငန်းကို ပဲ ဆောင်ရွက်ဖို့အတွက် ကျနော်တို့ ဒီလို ပါတီ မှတ်ပုံတင်ဖို့ ပြန်စဉ်းစားရတာပါ။”
လူထုခေါင်းဆောင် ဒေါ်အောင်ဆန်းစုကြည်ကိုတော့ ခေါင်းဆောင်အဖြစ်နဲ့ သဘောထားပြီး ပါတီရဲ့အဓိက မဟာမိတ် အဖြစ် အမျိုးသားဒီမိုကရေစီအဖွဲချုပ် NLD ပါတီကတော့ တပ်ဦးမှာ ရှိနေမှာဖြစ်ပါတယ်။ ၈၈ မျိုးဆက် ကျောင်းသားတွေ အပါအ၀င် တခြား ဒီမိုကရေစီရေး နဲ့ငြိမ်းချမ်းရေးကို လိုလားသောအဖွဲ့အစည်းတွေနဲ့ မဟာမိတ်ပြုလုပ်သွားမှာ ဖြစ်တယ်လို့လည်း ပါတီ ခေါင်းဆောင်တွေက ပြောခဲ့ပါတယ်။
အစိုးရက လာမဲ့ရွေးကောက်ပွဲမှာ ကျင့်သုံးနိုင်ခြေရှိတယ်လို့ ပြောဆိုနေကြတဲ့ ရွေးကောက်ပွဲမှာ အချိုးကျ ကိုယ်စားပြုမှု စနစ်ကို တည်ဆဲဥပဒေအောက်က ဆောင်ရွက်ရတာဖြစ်တဲ့အတွက် မူအရ မငြင်းပေမဲ့ မြန်မာပြည်အတွက် ဒီ အချိုးကျ မဲပေးစနစ် ကျင့် သုံးဖို့ အဆင်သင့် မဖြစ်သေးဘူလို့ ဦးဇော်ဇော်ထွန်းက အခုလိုပဲရှင်းပြပါတယ်။
“ဘယ်လို အခြေအနေတွေပဲဖြစ်နေ ဖြစ်နေ ကျနော်တို့က တရားဝင်မှတ်ပုံတင်ပြီးပြီဆိုရင်တော့ လက်ရှိ တည်ဆဲ ဥပဒေ အောက်က ပါတီရပ်တည်ရေးအတွက် စဉ်းစားရမယ့် ကိစ္စတွေ ရှိပါတယ်။ အခုနက ကျနော်တို့ ရဲဘော်ပြောခဲ့သလို PR (Prooptional Ratio) စံနစ်နဲ့ ပတ်သက်ရင် မူအရ ကျနော်တို့ မငြင်းပါဘူး။ ဒါပေမဲ့ ဗမာပြည်လက်တွေ့က PR စံနစ်ကို ကျင့်သုံးဖို့ အဆင်သင့်မဖြစ်သေးဘူးလို့ ကျနော်တို့ယူဆပါတယ်။”
ပြည်ပမှာ နေထိုင်နေပြီး တခြားနိုင်ငံသားခံယူထားတဲ့ပါတီခေါင်းဆောင်တွေအနေနဲ့ သက်ဆိုင် ရာနိုင်ငံသား ခံယူထား တာကို စွန့်လွတ်ကြဖို့နဲ့ နိုင်ငံတော်အစိုးရကလည်း သူတို့ကို နိုင်ငံသား ကဒ် ပြန်ထုတ်ပေးဖို့ကို သဘောတူထား တယ်လို့လည်း ပြော ပါတယ်။
လူ့ဘောင်သစ် ဒီမိုကရက်တစ်ပါတီကို ၁၉၈၈ အောက်တိုဘာလ ၁၄ ရက်နေ့မှာ ဗမာနိုင်ငံလုံးဆိုင်ရာကျောင်းသား သမဂ္ဂများ အဖွဲ့ချုပ် အထွေထွေအတွင်းရေးမှူး ဦးမိုးသီးဇွန်က ဦးဆောင်ဖွဲ့စည်းခဲ့ပြီး ၁၉၉၀ ခုနှစ်မှာ စစ်အစိုးရက ပါတီဆိုင်းဘုတ်ကို ဖြုတ် ခဲ့တဲ့အတွက် KNU ထိန်းချုပ်နယ်မြေဖြစ်တဲ့ မာနယ်ပလောကို ပြောင်းရွှေ့ခဲ့တာ ဖြစ်ပါတယ်။
Ref: ဗွီအိုအေ
Read More...
Collapse...
ပန်းမြတ်ဇော်
၁၅ ရက် ၂၀၁၃ ခုနှစ်
တေးရေးဆရာများ၏ မူပိုင်ခွင့်အား ကာကွယ်ရန်နှင့် မူရင်းအဆိုတော်တို့ကို ဦးစားပေးလိုသည့် ရည်ရွယ်ချက်ဖြင့် သီချင်းများကို ခွင့်ပြုချက်မယူဘဲ ထုတ်လွှင့်သွားသည့် MRTV4 ရုပ်သံလိုင်းအား တရားစွဲဆိုရန် ပြင်ဆင်နေသည်ဟု တေးရေးဆရာ ကေအေတီ က ပြောသည်။
ယင်းသို့ တရားစွဲဆိုရခြင်းမှာ MRTV4 နှင့် Channel ရုပ်သံလိုင်းများ၏ ကုမ္ပဏီဖြစ်သော Forever ကုမ္ပဏီအုပ်စုက ဦးစီးကျင်းပသည့်ပွဲနှစ်ပွဲတွင် တေးသံရှင်အချို့သည်အကြောင်းကြားခြင်းမရှိဘဲ သီချင်းသီဆို အသုံးပြုခြင်းကြောင့် ဖြစ်ပြီးယင်းပွဲ များကို MRTV4 နှင့် Channel 7 ရုပ်သံလိုင်းများက ထုတ်လွှင့်ခဲ့ရာ ခွင့်ပြုချက် မယူဘဲ ထုတ်လွှင့်မှု ကြောင့်လည်း တရားစွဲဆိုခြင်းဖြစ်သည်ဟု ကေအေတီ က ပြောသည်။
ယင်းကုမ္ပဏီ အုပ်စုက ဒီဇင်ဘာလ ၃၁ ရက်နေ့တွင် ကျင်းပသည့် Count Down 2013 ပွဲတွင် Channel7 ရုပ်သံ
လိုင်းက စီစဉ်သည့် အိပ်မက်ဆုံရာ သီချင်းဆိုပြိုင်ပွဲ၏ ဆုရတေးသံရှင်တဦးဖြစ်သူ ရဲသွေးနောင်က ကေအေတီရေးပြီး အဆိုတော် ဂျီလတ် သီဆိုထားသည့် ''ကြိုနေစေချင်တယ်''သီချင်းကို အသိပေးအကြောင်းကြားခြင်း မရှိဘဲသီဆိုခြင်းကြောင့်ဟု ကေအေတီ က ပြောသည်။
ယင်းအပြင် လွတ်လပ်ရေးနေ့ ပျော်ပွဲရွှင်ပွဲတွင်လည်း အိပ်မက်ဆုံရာဆုရ တေးသံရှင် တဦးဖြစ်သူ နန်းထက်ထက်သူ က အဆိုတော်လေးဖြူ၏ ''နောက်ဆုံးရထား'' သီချင်းကိုသီဆိုခဲ့ရာ တေးရေးနှင့် တေးဆိုတို့အား အသိပေးခြင်းမရှိ ဟုလည်း ကေအေတီက ဆိုသည်။
ထို့အပြင် ပွဲစီစဉ်တင်ဆက်သူများကလည်း သတ်မှတ်ထားသည့် အခကြေးငွေ တစုံတရာကို သက်ဆိုင်သည့်တေးရေးနှင့် တေးဆိုတို့အား မပေးဘဲ ပြုလုပ်ခဲ့ခြင်းကြောင့်တေးရေးဆရာ မူပိုင်ခွင့်ကို ကာကွယ်ရန်အတွက် တရားစွဲဆိုခြင်း
ဖြစ် သည်ဟု ယင်းက ဆက်လက်ပြောသည်။
ကေအေတီက '' MRTV 4က တာဝန်ရှိသူတွေကရော အဆိုတော်တွေကပါ ဘာမှအသိမပေးဘဲ ခွင့်ပြုချက်မတောင်း
ဘဲ လုပ်ကြတာပါ။ တကယ်လို့ ခွင့်တောင်းခဲ့မယ်ဆိုလည်း ခွင့်ပြုဖို့မရှိဘူး။ ကျနော်ကိုယ်တိုင်လည်း မူပိုင်ခွင့်ကို ကာကွယ် ရာရောက်အောင် မူလသီဆိုထားတဲ့သူရဲ့သီချင်းကို နောက်တယောက်ကို ပေးဆိုတာမျိုးလည်း မရှိခဲ့ဖူးဘူး။ ဒီလိုဆိုလိုက်တော့ အဆိုတော်ကလည်း ကျနော်ပဲ ပေးဆိုခိုင်းလိုက်သလိုမျိုး ထင်နိုင်တယ်။ ဒီသီချင်းက ကာရာအိုကေတောင် မထွက်ခဲ့ဘူး။ ဒါကို ရဲသွေးနောင်ကဆိုလိုက်တော့ ရဲသွေးနောင်ဆိုတယ်လို့ပဲ လူတွေကသိကြ မှာ။ အဆိုတော်ဂျီလတ် ဆိုတယ်လို့တောင် သိကြမှာ မဟုတ်ဘူး။ ရဲသွေးနောင်ကတော့ အဆိုတော် ဂျီလတ်ဆီ ဖုန်းဆက်တောင်းပန်တယ်လို့ ပြောတယ်။အမှန်တော့ အဆိုတော်တွေ ထက် အစီအစဉ် ပြုလုပ်တဲ့သူတွေ ကိုယ်တိုင်က သိသင့်တယ်'' ဟု ပြောသည်။
ယင်းသို့ ဆောင်ရွက်ခြင်းမှာတစ်ဦးတည်းအနေဖြင့် ဆောင်ရွက်ခြင်းဖြစ်ပြီး တေးရေးဆရာများကိုယ်စား ပထမဆုံး စတင်လုပ် ဆောင်ခြင်းဖြစ်သည်ဟုလည်း ကေအေတီကပြောသည်။
အဆိုပါကိစ္စနှင့်ပတ်သက်ပြီးစီစဉ်ဆောင်ရွက်သူဖြစ်သည့် Channel 7 ရုပ်သံလိုင်းက တာဝန်ရှိသူတဦးက''ဒီကိစ္စနဲ့ ပတ်သက် ပြီး ဖြေရှင်းနေပါတယ်။ တာဝန်ခံ လိုက်လုပ်ပေးတဲ့ အဖွဲ့တဖွဲ့လည်း ရှိနေပါတယ်။ သူတို့ဘက်က တခုခုဖြစ်တယ်ဆိုရင် ဖြေရှင်း ပေးသွားမှာပါ''ဟု ပြောသည်။
Ref: မဇ္ဈိမ
Read More...
Collapse...
မြတ်ကျော်သူ
ဇန်နဝါရီလ ၁၅ ရက် ၂၀၁၃ ခုနှစ်
အစိုးရအဖွဲ့ဝင် ပြည်ထောင်စုဝန်ကြီး စုစုပေါင်း၏ ၃ဝ ရာခိုင်နှုန်းသည် အမျိုးသမီးဖြစ်စေရေးအတွက် လွှတ်တော်တွင် အဆိုတင် သွင်း၍ ကြိုးပမ်းမည်ဟု ရခိုင်လူမျိုး အောက်လွှတ်တော်အမတ် ဒေါ်ခင်စောဝေက မဇ္ဈိမကိုပြော သည်။
''အမျိုးသမီးတွေဟာ အခုရှိနေတာထက် ပိုပြီး လုပ်နိုင်ကြပါတယ်၊ ဒီထက် ပိုပြီးတော့ အရည်အချင်းတွေ ရှိနေပါ တယ်။ ဒါပေမယ့် ရောက်နေတဲ့နေရာတွေ မကောင်းတဲ့အတွက် ပြသခွင့်မရကြတာပါ၊ အမျိုးသမီးတွေရဲ့ လုပ်ပိုင် ခွင့်ကို ဒီထက်တိုးမြှင့်ဖို့ လိုပါတယ်''ဟု ဒေါ်ခင်စောဝေကဆိုသည်။
ရွေးကောက်မည် ဆိုပါက ဝန်ကြီးများ၏ ၃ဝရာခိုင်နှုန်းကို အမျိုးသမီးများ ဖြစ်စေရေးအတွက် ဥပဒေအဖြစ် ပြဌာန်းရန် ၎င်းက အဆိုတင်သွင်းမည်ဖြစ်ပြီး ထိုအဆိုကို လွှတ်တော်အတွင်းရှိ အမျိုးသမီးအမတ်များကလည်း ဝင်ရောက်ဆွေးနွေးသွားကြမည်ဟု ဆိုသည်။
ယင်းအဆိုကို ၂ဝ၁၂ ခုနှစ်ဇူလိုင် ၄ ရက်ကပင် လွှတ်တော်သို့ တင်ထားခြင်းဖြစ်ပြီး ယခုကျင်းပနေသည့် ဆဋ္ဌမ အကြိမ် လွှတ်တော်တွင် ဆွေးနွေးနိုင်မည်ဟု မျှော်လင့်ရကြောင်းနှင့် ယခုအဆိုသည် သမ္မတရုံးနှင့် ဆိုင်သည့် အတွက် ကြန့်ကြာနေခြင်း ဖြစ်နိုင်ကြောင်း ၎င်းကပြောသည်။
ကျင်းပဆဲဖြစ်သည့် လွှတ်တော် တွင် အမျိုးသားစီမံကိန်းဆိုင်ရာကိစ္စများ၊ ဘတ်ဂျက်ဆိုင်ရာကိစ္စများ၊ကချင်ပြည် နယ်ကိစ္စများ၊ လယ်ယာမြေ၊ အင်းနှင့်ဆိုင်သည့် ကိစ္စများနှင့်အရေးကြီးမေးခွန်းများ များပြားနေသဖြင့် ယခု အမျိုးသမီးများ ဝန်ကြီးဖြစ်ရေးအဆိုကို ဆွေးနွေးနိုင်ခွင့်မှာဖြစ်နိုင်ခြေ နည်းပါးလျက်ရှိသည်။
ယခုအဆို အောင်မြင်သွားပါက ဝန်ကြီးများကို လွှတ်တော်တွင်း၊လွှတ်တော်ပဟူ၍ ခွဲခြားမနေဘဲ အရည်အချင်းရှိသူ၊ ဝန်ကြီးရာထူး ဖြစ်သင့်ဖြစ်ထိုက်သူများကို အမှန်တကယ်ရွေးချယ်၍ ခန့်အပ်စေလိုကြောင်း ဒေါ်ခင်စောဝေက မှတ်ချက်ပြုသည်။
ယခုကဲ့သို့ ဝန်ကြီး ၃ဝ ရာခိုင်နှုန်းကို အမျိုးသမီးဖြစ်စေရေးအဆိုအပေါ် လူ့အခွင့်အရေးနှင့် အမျိုးသမီး အခွင့်အရေး အတွက် ဆောင်ရွက်နေသော ငြိမ်းဖောင်ဒေးရှင်းမှ ဒေါ်ချင်းချင်းက''ကျွန်မအမြင်ကတော့ ဒါတကယ် ဖြစ်သင့် ဖြစ်ထိုက်တဲ့ကိစ္စပါပဲ။ ဒီနေ့ထိ လွှတ်တော်တွင်းမှာရော အပြင်မှာပါ အမျိုးသမီး အခွင့်အရေး အကြောင်းပြောကြတာ ဒီနေ့ထိ သိပ်ထင်ထင်ရှားရှား မမြင်ကြရဘူးလေ'' ဟု ဆိုသည်။
''ဒီလိုအမျိုးသမီးဝန်ကြီးတွေဖြစ်လာမယ်ဆိုရင်တော့ အမျိုးသမီးတွေရဲ့ အခွင့်အရေးဟာ အရင်ကထက် ပိုပြီးတော့ ကောင်းလာ မှာပေါ့''ဟု၎င်းထပ်လောင်းပြောသည်။
လက်ရှိတွင် လူမှုဝန်ထမ်းပြန်လည်နေရာချထားရေးဝန်ကြီးဌာနပြည်ထောင်စုဝန်ကြီး ဒေါ်မြတ်မြတ်အုန်းခင် တစ်ဦးသာ အမျိုးသမီး ပြည်ထောင်စုဝန်ကြီးရှိပြီး၎င်းသည်လည်းနှစ်ပေါင်း၆ဝအတွင်းပထမဆုံးအမျိုးသမီးဝန်ကြီး ဖြစ်သည်။
ဒု-ဝန်ကြီး အနေဖြင့်လည်းစီမံ/စီးပွားဝန်ကြီးဌာနမှ ဒေါက်တာခင်စန်းရီ ၊ လူမှုဝန်ထမ်းဝန်ကြီးဌာနမှဒေါ်စုစုလှိုင်၊ ပတ်ဝန်းကျင်/ သစ်တောဝန်ကြီးဌာနမှ ဒေါက်တာ သက်သက်ဇင်၊ ကျန်းမာရေးဝန်ကြီးဌာနမှဒေါက်တာ သိန်းသိန်းဌေးတို့ ငါးဦးသာရှိသည်။
ပြည်ထောင်စုလွှတ်တော်တစ်ရပ်လုံးအနေဖြင့် အမျိုးသမီးပါဝင်မှုနည်းပါးလျက်ရှိပြီး ၄.၅ ရာခိုင်နှုန်းရှိသည်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88