ဝိမုတ္တိ

Showing posts with label သူ့အတွေး သူ့အမြင်. Show all posts

Wednesday, May 15, 2013

မြန်မာသတင်းစာများ ရှင်ပြန်ထမြောက်ခြင်း

သစ္စာနီ
May 15, 2013

ပုဂ္ဂလိက သတင်းစာများ မြန်မာပြည်တွင် ဆိတ်သုဉ်းနေခဲ့သည်မှာ အနှစ်လေးဆယ် ကျော်ခဲ့လေပြီ။ ပါလီမန် ဖ.ဆ.ပ.လ အစိုးရခေတ်က စတုတ္ထ မဏ္ဍိုင်ဟု ဆိုသည်နှင့်လျော်ညီစွာ ပုဂ္ဂလိက သတင်းစာ များသည် အားကောင်းမောင်းသန် အပြိုင် အဆိုင် ရှိခဲ့သည်။ ဗမာ့ခေတ်၊ လူထု၊ မြန်မာ့အလင်း၊ ရန်ကုန်၊ ဟံသာဝတီ၊ ကြေးမုံ၊ အထောက်တော်၊ မိုးကြိုး စသဖြင့်..။ ထိုသတင်းစာများသည် ပြည့်ဝသော မီဒီယာလွတ်လပ်ခွင့် လည်း ရခဲ့ကြသည်။ အစိုးရနှင့် ၀န်ကြီးများကိုပင် ပြောင်ပြောင် တင်းတင်း ဝေဖန်ခဲ့ကြသည်။ သတင်းစာ ဆရာ ဆိုသူများမှာလည်း သိန်းဖေမြင့်၊ ဇ၀န၊ အောင်ဗလ၊ ညိုမြ၊ အထောက်တော် လှအောင်၊ လူထု ဦးလှ စသဖြင့် ထိတ်ထိတ်ကြဲ ပညာရှင်ကြီးများ ဖြစ်သည်။

တော်လှန်ရေး ကောင်စီ အစိုးရ တက်လာပြီး မကြာမီပင် ပုဂ္ဂလိက သတင်းစာများ ပိတ်သိမ်းခံရသည်။ ကြေးမုံ၊ ဟံသာဝတီ၊ မြန်မာ့အလင်းတို့မှာ ပြန်ကြားရေး ၀န်ကြီးဌာန လက်အောက် ရောက်သွား သည်။ ပြည်သူပိုင် သတင်းစာဟု အမည်ခံကာ အစိုးရ၏ ၀ါဖြန့်ချိရေး လုပ်ငန်းကိုသာ ဆောင်ရွက်ကြတော့သည်။ လုပ်သားပြည်သူ့နေ့စဉ် ဆိုသော သတင်းစာလည်း ထုတ်ဝေသည်။ ဒီကတည်းက လူထုသည် သတင်းစာဖတ်လျှင် နာရေးကြော်ငြာကိုသာ ဂရုထားကြတော့သည်။ ထို့ကြောင့် သတင်းငတ်မွတ်နေသော၊ သတင်း အစစ်အမှန် လိုလားသော ပြည်သူတို့သည် ပြည်ပ သတင်းဌာနများ၏ ထုတ်လွှင့်ချက် များကို အားကိုးလာကြတော့သည်။ သူတို့ကမူ ထိုသတင်းဌာနများကို “မိုးလုံးပြည့် မုသာဝါဒ”ဟု ရှုတ်ချသည်။ နိုင်ငံ အရေး တော်ပုံနှင့် ပြုပြင်ပြောင်းလဲရေး လုပ်ငန်းများတွင် ထိုပြည်ပ သတင်းဌာနများ ၏ ထောက်ပံ့မှုများ အထိုက်အလျှောက် ပါဝင် ခဲ့သည်မှာ ငြင်းမရသော အချက်ဖြစ်ပါသည်။

ယခု နိုင်ငံတော်တွင် ဒီမိုကရေစီ အသွင်ကူးပြောင်းရေး လုပ်ငန်းများကို အကောင်အထည် ဖော်နေလေရာ မီဒီယာ လွတ်လပ်ခွင့်လည်း အပါအ၀င် တခုဖြစ်လေသည်။ နိုင်ငံတနိုင်ငံတွင် စာပေ လွတ်လပ်ခွင့် ရှိ မရှိ အကဲဖြတ်ရာ၌ အင်မတန် လွယ်ကူသော အချက် တချက်ရှိ၏။ ထိုနိုင်ငံတွင် ပုဂ္ဂလိကပိုင် သတင်းစာ ဘယ်နှစ်စောင် ရှိသလဲ ဟူသည့် အချက်ဖြင့် ဆန်းစစ်ကြည့်ဖြစ်သည်။ ယခုအခါ နိုင်ငံအတွင်းတွင် မီဒီယာလွတ်လပ်ခွင့် ရှိသည်ကို နိုင်ငံတကာအား သက်သေပြရန် ပုဂ္ဂလိက သတင်းစာများ ထုတ်ဝေခွင့် ပြုခဲ့လေသည်။ ထုတ်ဝေခွင့် ပြုလိုက်သော သတင်းစာ ၂၆ စောင် ရှိကာ လောလောဆယ် ၁၀ စောင်မျှ ထုတ်ဝေဖြန့်ချိနေပြီ ဖြစ်သည်။ နိုင်ငံပိုင်၊ ဌာနဆိုင်ရာပိုင် သတင်းစာများနှင့် ဆိုလျှင် သတင်းစာ အစောင် ၃၀ ကျော်လေသည်။ ကြားသိရသလောက် အရှုံးခံကာ စတင်ထုတ်ဝေနေခြင်း ဖြစ်သည်။ တရက်ကို ၇ သိန်း အရှုံးခံ ထုတ်ဝေကြရသည်။ ထုတ်ဝေသူ တဦးကမူ ပထမနှစ်အတွက် ဒေါ်လာ တသန်း အရှုံးခံမည်ဟု ဆိုသည်။ ကြီးမားသော စွန့်စားမှု ဖြစ်သည်။ ယခု ထုတ်ဝေနေသော၊ နောင်ထုတ်ဝေလတ္တံ့သော သတင်းစာများ အနက် စောင်ရေ ဘယ်လောက်များ ခရီးဆက်နိုင်မည်နည်း။

သတင်းစာနှင့် ထိတွေ့ရသော ပရိတ်သတ်များက သတင်းစာ အများစုမှာ နေ့စဉ်ထုတ် ဂျာနယ်တွေနဲ့ တူနေသည်ဟု မှတ်ချက်ချကြသည်။ သတင်းစာ အတွေ့အကြုံနှင့် အဆက်ပြတ်ခဲ့သည်မှာ နှစ်ကြာ ရှည်နေခြင်းက လက်ငင်း သတင်းစာ ထုတ်ဝေသောအခါ အခက်အခဲဖြစ်၍ လာသည်။ လေလောဆယ် ကျနော့် အမြင်တော့ ဒေးလီးအလဲဗင်း (Daily Eleven) ကို သဘောကျမိသည်။ ပါတီ သတင်းစာ အဖြစ် ဒီလှိုင်း ထွက်ပေါ်လာလျှင် အကဲဖြတ် ကြည့်ရှုရမည်။ အသက်ထင်ရှား ရှိနေသူများတွင် ဦးဝင်းတင်သည် ၀ါရင့်သတင်းစာ ဆရာ စစ်စစ်ဖြစ်သည်။ ကြေးမုံ၊ ဟံသာဝတီ စသော သတင်းစာများကို ဦးစီးထုတ်ဝေ ခဲ့သည်။ မေ ၇ ရက်နေ့က မြန်မာပြည်တွင် ပထမဆုံး ထုတ်ဝေသည့် အခမဲ့ သတင်းစာ မက်ဆင်ဂျာ (Messenger) ထွက်လာသည်။ စောင်ရေ နှစ်သောင်းကျော် ရိုက်သော်လည်း ဆင့်ပါးစပ်နှမ်းပက် သလို ရှိသည်။ အင်္ဂလန်တွင်လည်း ဒီလို လူစည်ကားရာ အရပ်တွင် အလကား ထုတ်ဝေသော အခမဲ့ သတင်းစာတွေ တွေ့ရသည်။ သူတို့က ကြော်ငြာမှ ရရှိသော အမြတ်အစွန်းနှင့် ရပ်တည်နေခြင်း ဖြစ်သည်။

၂၀၀၇ ခုနှစ် စာရင်းများအရ ကမ္ဘာပေါ်တွင် ထုတ်ဝေနေသော သတင်းစာ အမျိုးအစားမှာ ၆၅၀၀ ကျော်ရှိသည်။ စောင်ရေမှာ ၃၉၅ သန်းကျော် ရှိသည်။ ၂၀၀၈ နောက်ပိုင်းတွင် အွန်လိုင်းသတင်းစာများ ထွက်ပေါ်လာသဖြင့် in print ခေါ် ပုံနှိပ်သတင်းစာများ အခက်အခဲ အနည်းငယ်ကြုံနေရလေသည်။ ပုံမှန်အားဖြင့် ဆိုလျှင် သတင်းစာ တစောင်မှာ လက်ငင်း လတ်တလော အဖြစ်အပျက်များ သတင်း အချက်အလက် ဆောင်းပါးများ၊ အယ်ဒီတာ အာဘော်၊ ပြည်တွင်းနဲ့ နိုင်ငံတကာ နိုင်ငံရေး အရေးအခင်းများ၊ နာမည်ကျော်တို့၏ ပုဂ္ဂိုလ်ရေး သတင်းများ၊ ရာဇ၀တ်မှု မှုခင်း၊ လုပ်ငန်းကိစ္စ၊ ဖျော်ဖြေရေး၊ အားကစား၊ ဝေဖန်ရေး၊ အထွေထွေ ကော်လံစား ဆောင်းပါများ စသည်ဖြင့် ပါရှိရပေမည်။ လူကြိုက်များသော (တချို့က လူပြိန်းကြိုက်ဟု ဆိုသည်) သတင်းစာများတွင် အပျင်းပြေစေရန် ပဟေဠိ ကစားကွက် (Croos Word, Sudoku) အကြံပေးစာ၊ အစားအစာ၊ မိုးလေ၀သ သတင်း၊ ရေဒီယို ရုပ်မြင်သံကြား အစီအစဉ်များ၊ ပြဇာတ် ရုပ်ရှင် ရီးဗျူးများ၊ ကာတွန်း ရုပ်ပြ ဇတ်လမ်း စသည်တို့ ပါဝင်သည်။

ပထမဆုံး သတင်းစာမှာ ရှေးခေတ် ရောမနိုင်ငံတွင် ဂျူးလီးယက် ဆီဆာ အမိန့်ဖြင့် ဘီစီ ၅၉ လောက်က ထုတ်ဝေခဲ့သော Acta Diura (Daily Acts) ဖြစ်သည်ဟု ဆိုသည်။ အစိုးရက သတိပေး ထုတ်ပြန် ချင်သော ကြေငြာချက်များကို သတင်းလွှာ အဖြစ် ထုတ်ဝေခြင်း ဖြစ်ကာ လူအများ ဖတ်ရှုနိုင်ရန် လူစည်ကားသော နေရာများတွင် ချထားတတ်လေသည်။

တရုတ်ကမူ အေဒီ ၂ ရာစု ဟန် မင်းဆက်လက်ထက်တွင် Tipao ခေါ် သတင်းစာ ထုတ်ဝေခဲ့သည်ဟု ဆိုသည်။ တန်မင်းဆက်တွင် (Kalyuan Az Bao) Bulletin of the court ကို ထုတ်ဝေခဲ့သည်။ ထိုသတင်းစာမှာ ပိုးထည်ပေါ်တွင် စုတ်ဖြင့် လက်ရေးနှင့် ရေးထားခြင်း ဖြစ်ကာ အစိုးရ အရာရှိများသာ ဖတ်ရှုခွင့် ရကြသည်။

လွတ်လပ်သော မြန်မာနိုင်ငံတွင်မူ အစောဆုံး သတင်းစာကို မင်းတုန်းမင်း ကြီးလက်ထက် ၁၈၇၅ ခုနှစ်က ထုတ်ဝေခဲ့သော ရတနာပုံ (ပုံနှိပ်သတင်းစာ)ဟု သတ်မှတ်ကြသည်။ (အင်္ဂလိပ် အုပ်ချုပ် မှုအောက် အောက်မြန်မာနိုင်ငံတွင် ပထမဆုံး ထုတ်ဝေသော သတင်းစာမှာ ၁၈၃၆ ခုနှစ်တွင် စတင်ထုတ်ဝေခဲ့သည့် သတင်းစာမှာ မော်လမြိုင်ခရွန်နီကယ် (Moulmein Chronicle) ဖြစ်သည်။) ရတနာပုံ အယ်ဒီတာမှာ ဖိုးဝဇီရ ဖြစ်သည်။ မင်းတုန်းမင်းက “ငါမကောင်းရင် မကောင်း ကြောင်း ရေး၊ ငါ့မိဖုရားတွေ မကောင်းရင် မိဖုရားတွေ မကောင်းကြောင်း ရေး” ဟု နှုတ်မှ မိန့်ကာ သတင်းစာ လွတ်လပ် ခွင့် ပေးခဲ့သည်။ သို့သော် ဂုတ်ပေါ်ဓားဝဲနေသော သက်ဦးဆံပိုင်ခေတ်တွင် ဘယ်သတင်းစာဆရာက မင်းနဲ့ မိဖုရား မကောင်း ကြောင်း ရေးရဲပါမည်နည်း။

ယခုတော့ ခေတ်ပြောင်းသွားပြီ။ ဒီမိုကရေစီ ခေတ် ဟုဆိုလေရာ သတင်းစာဆရာများလည်း ရဲရဲဝံ့ဝံ့ ရေးနိုင်လိမ့်မည် ထင်ရပါတော့သည်။

Ref: ဧရာဝတီ

Monday, March 18, 2013

စိတ်လျော်ကြေး ဘယ်လိုပေးမလဲ

သွေး (စစ်ကိုင်း)
March 16, 2013

မတ်လ ၁၁ ရက်နေ့မှာ အများပြည်သူ စောင့်မျှော်နေကြတဲ့ လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်ရဲ့ အစီရင်ခံစာ ထွက်ပေါ်လာခဲ့ပါတယ်။ နောက် ဆက်တွဲ အနေနဲ့ လက်ပံတောင်း ဒေသခံ တွေရဲ့ ငိုကြွေးသံတွေ၊ မကျေမနပ်သံတွေ ကျယ်ကျယ်လောင်လောင် ထွက်ပေါ်လာခဲ့သလို ၀မ်းနည်းနေသူတွေရဲ့ မျက်ရည်တွေ အတွက် စာနာ ကရုဏာသက်မိတာ အမှန်ပါ။

အစီရင်ခံစာ ဖတ်ရှုပြီးတဲ့ နောက်မှာ မြေယာကို ၁ ဧကအတွက် လက်ဖက်ရည် တခွက်ဖိုးတောင် မရှိတဲ့ နှုန်းနဲ့ သိမ်းယူထား တာ တွေ့ရပါတယ်။ ဒေသခံတွေက မျှော်လင့်ချက်၊ ယုံကြည်ချက်တွေကို ယုံပြီးပုံခဲ့တဲ့ ကော်မရှင် ဥက္ကဋ္ဌ ကိုယ်တိုင် ကာလပေါက်ဈေးအတိုင်း မြေလျော်ကြေး ပေးမယ်၊ သတ္တိရှိရှိနဲ့ အပြောင်းအလဲကို ရင်ဆိုင်ဖို့ ကြိုးစားပါလို့ ပြောလာ တဲ့အခါ ဒေသခံတွေရဲ့ စိတ်မှာ ပိုထိခိုက် ကြေကွဲ သွားပါပြီ။

ဒီစီမံကိန်းကို ဆက်လက် အကောင်အထည်ဖော်ဖို့ အကြံပြုတာဟာ နိုင်ငံရဲ့ အနာဂတ် ကောင်းမွန်ဖို့၊ အိမ်နီးချင်း တရုတ်နိုင်ငံနဲ့ ဆက်ဆံရေး ကောင်းမွန်ဖို့ ဖြစ်တယ်လို့ ဆိုပါတယ်။ ဒါပေမယ့် တခြားတဘက်က စဉ်းစားစရာတွေလည်း ရှိလာနေပါတယ်။

ဒေသခံတွေဟာ ကိုယ့်မြေ ကိုယ့်ယာပေါ်မှာ စိုက်ပျိုးပြီး လက်ပံတောင်းတောင်ကြီးကို အမှီသဟဲပြု ဘိုးစဉ်ဘောင်ဆက် များစွာကတည်းက နေထိုင်လာခဲ့တာပါ။ မချမ်းသာပေမယ့် ရသမျှနဲ့ ရောင့်ရဲတင်းတိမ်ပြီး “သခင်စိတ်ဓာတ်”နဲ့ နေထိုင်ခဲ့ကြ တာပါ။ အခုကျတော့ ကိုယ်တသက်လုံး လုပ်ကိုင်စားသောက်လာကြတဲ့ မြေကို မတရား သိမ်းယူခံခဲ့ရတယ်။ ကာလ ပေါက် ဈေးနဲ့ မြေလျော်ကြေး ပေးတယ်ပဲ ထားပါဦး၊ အဲဒီငွေကြေးဟာ ဘ၀ တသက်လုံးအတွက် လုံလောက်မယ့် ငွေကြေး မဟုတ်ပါဘူး။ အလုပ်အကိုင် အခွင့်အလမ်းတွေ ဖန်တီး ပေးမယ် ဆိုတဲ့နေရာမှာ ဘိုးဘေးဘီဘင် ကိုယ့်အရပ် ကိုယ့်မြေကိုယ့်ရေ “သခင်မျိုးဟေ့” စိတ်နဲ့ လွတ်လွတ်လပ်လပ် နေထိုင်ကြီးပြင်းခဲ့ရာကနေ ၀မ်ပေါင်နဲ့ ဦးပိုင်အောက်မှာ အခိုင်း စေခံ အလုပ်လုပ်ရမှာ ဖြစ်ပါတယ်။

နောက်တချက်က မြန်မာအမျိုးသမီးလေးတွေရဲ့ “လုံခြုံမှု” ပါ။ လုပ်ငန်းခွင်မှာ မြန်မာအမျိုးသမီးလေးတွေကို ကာယိနြေ္ဒ ပျက်ပြားစေမယ့် အပြုအမူတွေ ရှိနိုင် မရှိ အာမခံချက် ရှိ မရှိ အမျိုးသမီး တယောက်အနေနဲ့ ကျမ စိုးရိမ်ပိုပါတယ်။ လက်ရှိ အခြေအနေမှာတောင် ကျမတို့ မြန်မာနိုင်ငံသူ အမျိုးသမီးငယ်တွေထဲက တချို့ တရုတ်နိုင်ငံဘက်ကို လူကုန်ကူးခံရပြီး ဇနီးမယား အဖြစ် ရောင်းစားခံနေရတာ အားလုံးအသိပါ။ လူမှုရေးအရ သက်ရောက်မှု ရှိလာနိုင်မယ့် အကျိုးဆက်ကို ကျမတို့ မေ့ထားလို့ မရပါဘူး။

တရုတ်နိုင်ငံမှာ မြို့တော်ပေကျင်းကအစ လေထုညစ်ညမ်းမှုတွေ နှစ်စဉ် ပိုပိုဆိုးနေတာဟာ သဘာဝပါတ်ဝန်းကျင် ထိန်းသိမ်းမှုအပိုင်း အားနည်းတာကို ညွှန်ပြနေတာကြောင့် ကျမ စိုးရိမ်မှုတွေ ဖြစ်ပါတယ်။ အဲဒီတော့ လက်ပံတောင်းတောင် ကြေးနီစီမံကိန်းကို ဆက်ပြီး အကောင်အထည်ဖော်ရာမှာ (အစီရင်ခံစာမှာ ဘယ်လိုပဲ အကြံပြုထားပါစေ) နိုင်ငံတကာ သတ်မှတ်ထားတဲ့ စံချိန် စံညွှန်းတွေအတိုင်း တကယ် လိုက်နာ မလိုက်နာ ဆိုတာ မေးခွန်း ထုတ်စရာ ဖြစ်ပါတယ်။

ကျမ ငယ်ငယ်က ဖတ်ရှုခဲ့ဖူးတဲ့ ကေသီလှိုင် (မောင်လင်းယုန်၊ ရှမ်းပြည် ၏ ကလောင်ခွဲ) ရဲ့ “သံသယ” ဆိုတဲ့ ကဗျာ တပိုင်းတစကို သွားသတိရမိပါတယ်။ “ကြည်ကြည်လင်လင် ရေကိုမြင်လျက်၊ ရေတွင်ဆိပ်ခိုး ပါလေနိုးဖြင့်၊ စိုးရွံ့ မသောက်သာပြီ တကား” တဲ့။ မသန့်ရှင်းတဲ့ လေကို ရှူရှိုက် မသန့်ရှင်းတဲ့ ရေကို သောက်သုံးနေရတဲ့ ဒေသခံတွေရဲ့ ဘ၀ကို ကိုယ်ချင်းစာနာတတ်မယ် ဆိုရင် ကိုယ်ချင်းစာနာတတ်ကြည့်ဖို့ ကောင်းပါတယ်။

ပညာရှင်တွေ၊ ကျွမ်းကျင်သူတွေ ပါတဲ့ ကွင်းဆင်းလေ့လာထားတဲ့ လက်ပံတောင်းတောင် ကွင်းဆင်းလေ့လာတဲ့ လက်ပံတောင်းတောင် အစီရင်ခံစာအတွက် ဖွဲ့စည်းထားတဲ့ ကော်မရှင်မှာ စိတ်ပညာရှင်တွေ မပါတာ သတိပြုမိပါတယ်။ ဒေသခံတွေရဲ့ ရင်ထဲမှာ တောင်ကြီး ပျောက်ကွယ်သွားမှာ စိုးရွံ့တဲ့ စိတ်၊ အနိုင်ကျင့်ခံနေရတယ်လို့ ခံစားနေရတဲ့ စိတ်၊ ကိုယ့်ဇာတိကို ခင်တွယ်တဲ့ စိတ်တွေ ရှိနေတာကို ကော်မရှင်က မေ့များထားခဲ့သလားလို့ တွေးမိပါတယ်။ တကယ်လို့ ကော်မရှင်မှာ စိတ်ပညာရှင်တွေသာ ပါဝင်ခဲ့မယ် ဆိုရင် ရှုမြင်ချက်က တမျိုးတဖုံ ဖြစ်သွားကောင်း ဖြစ်သွားနိုင်ပါတယ်။

ဆန္ဒပြနေကြတဲ့ ဒေသခံတွေဟာ လျော်ကြေး ထပ်လိုချင်လို့၊ ငွေမက်လို့ ဆန္ဒပြနေကြတာ မဟုတ်ဘူးဆိုတာ သက်ဆိုင်သူ တွေ နားလည်စာနာစေချင်ပါတယ်။ “မကျေနပ်လို့ ဆန္ဒပြချင်ရင် ခွင့်ပြုချက်ယူပြီး ဆန္ဒပြပါ”လို့ ပြောဆိုခဲ့တာဟာ ဒေသခံတွေရဲ့ ၀မ်းနည်းစိတ်ထိခိုက်မှုကို ဂရုမစိုက်သလိုများ၊ အလေးမထားရာများ ရောက်နေမလားလို့ တွေးမိပါတယ်။ သူတို့ တတွေ ရင်ဆိုင်နေရတဲ့ ဒုက္ခတွေကို၊ သောကတွေကို သူတို့လောက် ဘယ်သူများ သိနိုင်မှာတဲ့လဲ။

နဂိုကတည်းက ပွင့်လင်းမြင်သာမှု မရှိတဲ့ ဒီစီမံကိန်းရဲ့ အကျိုးဆက်ကို အခု မျိုးဆက်သာမက နောက် မျိုးဆက်တွေပါ ခံစားရမှာပါ။ နိုင်ငံရဲ့ အနာဂတ်အတွက်၊ ဖွံ့ဖြိုးတိုးတက်မှုတွေအတွက် ဆိုရင် ကျမ မေးပါရစေ။

“ကြေးနီ စီမံကိန်းကြီး ပြီးသွားရင် လက်ပံတောင်း ဒေသခံတွေ ဘာလုပ်ကိုင်စားသောက် ရမှာလဲ” “ကြေးနီတူးဖော် တာကြောင့် ပျက်ယွင်း ပျောက်ကွယ်သွားတဲ့ သဘာ၀၀န်းကျင်မျိုး ပြန်ရနိုင်မှာလား” “ကြေးနီဟာ လူမှုအသုံးအဆောင် ထုတ်လုပ်ရေး အတွက်လား၊ လက်နက်ထုတ်လုပ်ရေး အတွက်လား” “ကြေးနီ စီမံကိန်းကြောင့် ကျောင်းနေအရွယ် ကလေးသူငယ်တွေ အားလုံး ကျောင်းတက်နိုင်မှာလား” “ကျန်းမာသန်စွမ်းတဲ့ အနာဂတ် မျိုးဆက်တွေ ဖြစ်လာမှာလား” “တကယ်လို့ မန္တလေးတောင်ကြီးမှာ ပတ္တမြားတွေ ထွက်နေတယ် ဆိုရင် မန္တလေးတောင်ကြီးကို ဖြိုကြမှာလား” “စစ်ကိုင်း တောင်မှာ စိန်တွေ ထွက်တယ် ဆိုရင် စစ်ကိုင်းတောင်ကို တူးဖော်ဖြိုပစ်ကြမှာလား”

ကျမတို့ ငယ်စဉ်က သင်ကြားရတဲ့ ပထ၀ီသင်ခန်းစာထဲက “စံပယ်တောင်၊ ကြေးစင်တောင်၊ လက်ပံတောင်းတောင်” ဆိုတာတွေကို နောင်အနာဂတ်မှာ ပျောက်သွားပါတော့မယ်။ ချင်းတွင်းမြစ် ပျက်စီးသွားခဲ့ရင် ဆက်နွယ်ပြီး ဖြစ်ပေါ်လာတဲ့ သဘာဝပတ်ဝန်းကျင် ယိုယွင်းမှုတွေကို ဒေသခံပြည်သူတွေပဲ ခံစားရမှာပါ။ လယ်ယာမြေတွေ အစားပြန်ပေးခဲ့မယ် ဆိုရင်တောင်မှ အဲဒီ လယ်ယာမြေတွေပေါ်မှာ သဘာဝပတ်ဝန်းကျင် ထိခိုက်မှု မရှိမှ စိုက်ပျိုးနိုင်လို့ ရမှာပါ။ ဒေသခံ ရွာသူ ရွာသားတွေ အနေနဲ့ မိုင်းခွဲသံ ကြားရတိုင်း နှလုံးသားကို အပ်နဲ့ဆွသလို ခံစားရမှာ အမှန်ပါ။

အခုလို အချိန်မှာ ခံစားမှုတွေ မြင့်တက်နေတဲ့ ရွာသားတွေအပေါ် “ဘာလို့ ဆန္ဒပြတာလဲ။ ဘယ်သူ့ အတွက် ဆန္ဒပြတာလဲ” လို့ အပြစ်တင်နေမယ့်အစား စိတ်ရှည်သည်းခံဖို့ လိုပါတယ်။ ဒေသခံတွေ ပြောပြတာကို စိတ်ရှည်လက်ရှည် နားထောင်ပြီးမှ နောက်လုပ်ကိုင်မယ့် အစီအစဉ်တွေကို ပြောပြ ရှင်းပြရမှာပါ။ ဖြစ်နိုင်ရင် နှစ်သိမ့်ဆွေးနွေး အကြံပေးနိုင်မယ့် ပညာရှင် တွေနဲ့ ဒေသခံတွေကို တွေ့ဆုံပေးသင့် ပါတယ်။

ဒေသခံတွေရဲ့ မျှော်လင့်ချက်တွေ ပျက်သုဉ်းသွားမယ် ဆိုရင်၊ သူတို့တတွေရဲ့ မျက်ရည်တွေကို မျက်ကွယ်ပြုထားမယ် ဆိုရင်၊ သူတို့ရဲ့ စိတ်ဒဏ်ရာ ဒဏ်ချက်တွေ ပိုများလာမှာ အသေ အချာပါပဲ။ စိတ်ဒဏ်ရာ ဒဏ်ချက်တွေ၊ စိတ်မချမ်းမြေ့မှုတွေ အတွက် ကိုယ့်လိပ်ပြာကိုယ် လုံနိုင်ကြပါ့မလား။ ကြေးနီတွေ ထွက်နေတာကိုက ဒေသခံတွေရဲ့ ကံဆိုးမှုပေပဲလားလို့ ကျမ စိတ်မသက်မသာ တွေးမိပါတယ်။ “သယံဇာတ ကျိန်စာ” ကြောင့် လက်ပံတောင်းတောင်ကြီး ပျောက်ကွယ်သွားရတော့မှာ ဖြစ်သလို ခံပြင်းနာကျည်းမှုတွေ၊ နာကျင်မှု၊ ကြေကွဲမှုတွေနဲ့ ဒေသခံတွေရဲ့ ဖြူစင်တဲ့ နှလုံးသားမှာ အရောင်တွေ စွန်းထင်း ခံနေရရှာပါပြီ။

သဘာဝတောတောင်နဲ့ လွတ်လပ်မှုတွေ ပျောက်ကွယ်သွားရမှာကို ကြိတ်မနိုင်ခဲမရ ဖြစ်နေရတဲ့ စိတ်ဒဏ်ရာဒဏ်ချက်တွေ အတွက် “စိတ်လျော်ကြေး” ကိုတော့ ဘယ်သူ့ဆီမှာ၊ ဘယ်ရုံးတော်မှာ တောင်းယူရမလဲ။ ဘယ်လိုများ ပေးချေကြမလဲလို့ တွေးတောနေမိပါတော့တယ်။

သွေး (စစ်ကိုင်း)သည် ကဗျာ၊ ၀တ္ထုတို၊ ပန်းချီ ဆောင်းပါးများကို မဂ္ဂဇင်း၊ ဂျာနယ်များတွင် ရေးသားလျက်ရှိသည့် ရန်ကုန်အခြေစိုက် စာရေးဆရာမ တဦးဖြစ်သည်။

Ref: ဧရာဝတီ

Tuesday, February 5, 2013

မြန်မာ ခေတ်သစ် မေရီ အင်တွိုင်းနက်များ

သစ္စာနီ
February 4, 2013

ကမ္ဘာ့သမိုင်းမှာ အင်မတန် နာမည်ကြီးတဲ့ စကားတခွန်း ရှိပါတယ်။ “ပေါင်မုန့် မရှိရင် ကိတ်မုန့် စားနေကြပါလား” ဆိုသော စကားပါ။ ပြောတဲ့သူက လူဝီ ၁၆ ရဲ့ မိဖုရား မေရီအင် တွိုင်းနက်ပါ။ ဒီ ငယ်ငယ်ရွယ်ရွယ် ဘုရင်နဲ့ မိဖုရားက ဗာဆေး နန်းတော်မှာ ၀ိုင်တွေ ချောင်းစီးအောင် ညစာစားပွဲကြီးတွေ ကျင်းပ ပျော်ပါးနေကြတော့ နိုင်ငံက လူတွေ ဆင်းရဲငတ်မွတ် နေကြတာ မသိကြဘူး။

ပါရီက ပေါင်မုန့်တောင် စားစရာမရှိလို့ ငတ်နေတဲ့ လူတွေက နန်းတော်ရှေ့သွားပြီး ပေါင်မုန့် ပေးပါ လို့ အော်တော့ – မေရီက “ဒီလူတွေ ဘာဖြစ်နေတာလဲ၊ ပေါင်မုန့် မရှိရင်လည်း … ကိတ်မုန့် စားနေကြပါလား” လို့ ဆိုသတဲ့။ မစာနာတတ်ပုံများ။ နောက်ဆုံး တော်လှန်ရေး သမားတွေက ဒီလိုစကားတွေ မပြောနိုင်အောင် လျှာဖြတ်ပစ်ရင် ရရဲ့သားနဲ့ (သူ့ခေါင်းထဲက အတွေး အခေါ်တွေပါ မလိုချင်ဘူး ထင်ပါရဲ့) ခေါင်းဖြတ် ပစ်လိုက်ကြတယ်။

၂၁ ရာစု အ၀င် မြန်မာ ဒီမိုကရေစီ နိုင်ငံတော်မှာလည်း ဒီလို မေရီအင်တွိုင်းနက် လက်သစ်တွေရဲ့ လေသံမျိုးတွေ ကြားရ တော့ လူတွေ အံ့အားသင့်ကုန်တယ်။ တိုင်းပြည်ကို တိုးတက် အောင် ပြုပြင်ချင်တဲ့ သမ္မတကြီး၊ ပြည်သူတွေကို “မိဘ ပြည်သူများ” လို့ လေးစားရိုသေတဲ့ သမ္မတကြီး၊ သူ့ အစိုးရကို ကောင်းစေချင်လွန်းလို့ “သန့်ရှင်းသော အစိုးရ” လို့ မကြာခဏ အမည်တပ် တတ်တဲ့ သမ္မတကြီး။ အဲဒီလို သမ္မတကြီးရဲ့ ခေတ်မှာ ဒီလို စကားသံတွေ ကြားရတာကတော့ နားလည်ရ ခက်အောင် ဖြစ်ရပါတယ်။

၂၀၁၃ ခုနှစ် ဇန်န၀ါရီ ၂၈၊ ဓနုဖြူမြို့နယ် လယ်သမားတွေနဲ့ တွေ့ဆုံပွဲမှာ လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာန ပြည်ထောင်စု ၀န်ကြီး ဦးမြင့်လှိုင်က “လယ်သမားတွေ သူတို့ တင်နေတဲ့ (အစိုးရကို ပေးစရာရှိတဲ့) အကြွေးတွေကို ကျေအောင် ထမင်း တနပ်လျှော့ စားကြ” ဖို့ တိုက်တွန်းလိုက်ပါတယ်။ သူက အကြံကောင်း ဆက်ပေးတယ်။ “နေ့တိုင်း ဥပုသ်
စောင့်ကြပေါ့၊ ဒါဆို ညစာလည်း စားဖို့ မလိုဘူး။ အကြွေးလည်းကျေ၊ ကုသိုလ်လည်းရပေါ့ (အမယ် … ဖြဲခြောက် လိုက်သေးတယ်) အကြွေး မကျေရင် သံသရာမှာ သံသရာကြွေးပါပြီး ကျွန်ဖြစ်နေဦးမယ်” တဲ့။

အဲဒါနဲ့ သူလည်း လူထုကြားထဲမျာ “တနပ်စား မြင့်လှိုင်” ဆိုတဲ့ နာမည် ရသွားပါတယ်။ “ဖယောင်းတိုင် ကိုကိုလှိုင်” ဆိုတာ ရှိသေးတယ်။ သမ္မတရဲ့ အကြံပေးက သမ္မတကို အကြံမပေးဘဲ လူတွေကို အကြံပေးတယ်။ “လျှပ်စစ်မီး သက်သာအောင် မီးပိတ်ပြီး ဖယောင်းတိုင် ထွန်းနေကြ” တဲ့။ မဆလ ခေတ်ကလည်း လူတွေ စားဝတ်နေရေး အကျပ်အတည်း တွေ့တော့ လွှတ်တော် အမတ်တဦးက အကြံပေးတယ်။ သူကတော့ “မနက်စာ မစားကြနဲ့” တဲ့။ သူတို့ဆို လွှတ်တော်တက် နေရင် မနက်စာ ထမင်း မစားဘူးတဲ့။ ဘာစားသလဲ မေးတော့ … ပလာ တာနဲ့ ကြက်သားဟင်းပဲ စားတယ် တဲ့။ ငစိန်ဆန်နဲ့ ငပိရည်တောင် မစားနိုင်တဲ့ သူတွေကို မညှာမတာ ပြောပုံသာ ကြည့်တော့။ ဒီတုန်းက မဆလ ခေတ် လွှတ်တော် ကိုယ်စားလှယ် တွေဟာ လွှတ်တော်တက်တဲ့ စရိတ်ကောင်းကောင်း ရကြတယ်။

ဒီနေ့ခေတ် လွှတ်တော် အမတ်တွေလည်း တရက် ငွေ ၁ သောင်းကျပ် ရကြတယ်။ တရက်ငွေ ၁ သောင်းနဲ့ မလောက်ဘူး ပြောလို့ ၁ သောင်းခွဲ တိုးပေးထားရပါတယ်။ ဒါတောင် လွှတ်တော် အမတ် တယောက်က “တိုင်းပြည်ကို ချစ်လွန်းလို့ အလုပ်လုပ်နေတာ၊ လွှတ်တော် ရှိရင် သူ့အတွက် စရိတ်က တနေ့ကို လေးသိန်းခွဲလောက် ကုန်တယ်” တဲ့။ (ကုန်မှာပေါ့ … မိသားစုပါ ခေါ်လာပြီး ဟိုတယ်မှာ တည်းကြ၊ စားသောက် နေကြတာကိုး) လွှတ်တော် အမတ်ကြီးတွေ၊ အစိုးရအဖွဲ့ဝင် ၀န်ကြီးတွေ ဖြစ်နေမှတော့ … သတိဉာဏ်ပညာကို “ချွန်း” လုပ်ပြီး ထိန်းထိန်းသိမ်းသိမ်း ဆင်ဆင်ခြင်ခြင် စကားပြောဆိုသင့် ကြတယ်လို့ ထင်တယ် ခင်ဗျ။ အခုတော့ အရပ်ရပ် နေပြည်တော် ကြားလို့ မတော်တဲ့ စကားတွေ သူတို့မို့ ပြောတတ်တယ် လို့ ချီးမွမ်းရမလားပဲ။ သို့သော် “စကား စကား ပြောပါများ၊ စကားထဲက ဇာတိပြ” ဆိုသလို၊ ဖုံးရအခက် ဖိရအခက် ဖြစ်ကြ ရရင်လည်း မကောင်းဘူး ခင်ဗျ။ စေတနာနဲ့ ပြောရတာပါ။ ကျနော်က ဘာပါတီ အဖွဲ့အစည်း ကျောထောက်နောက်ခံမှ မရှိတဲ့ တကောင်ကြွက်ပါ။

စီမံကိန်းများနှင့် ဘဏ္ဍာဖွံ့ဖြိုးတိုးတက်ရေး ကော်မတီ ဥက္ကဋ္ဌက မကြာခင်က ပြောကြားရာမှာ မြန်မာပြည်မှာ လူ ၁၀၀ မှာ ၂၆ ဦးက ဆင်းရဲတဲ့ လူတွေတဲ့။ အလုပ်လက်မဲ့က လူဦးရေရဲ့ ၄၀ ရာခိုင်နှုန်း ရှိတယ် တဲ့။ အများစုက ဆင်းရဲသားတွေရဲ့ အရေးကို အလေးအနက် ထားကြစေချင်ပါတယ်။

ဟောဗျ။ မကြာခင်ကပဲ ဒုဝန်ကြီး တဦး (လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန) က ပြောလိုက်ပြန်တယ်။ ထားဝယ် စီမံကိန်း အောင်မြင်အောင် ဆောင်ရွက်ဖို့အတွက် ပြည်သူ့စစ်ဖွဲ့ရမယ် တဲ့။ ရန်သူတွေ ပေါ်နေပြီ တဲ့။ သူပြောတဲ့ ရန်သူဆိုတာက ဒေသခံတွေ ထိခိုက်နစ်နာမှု မရှိအောင် ကြားက ကူညီဆောင်ရွက်ပေးနေတဲ့ အရပ်ဘက် ဆိုင်ရာ လူ့အဖွဲ့အစည်းတွေ တဲ့။ ကောင်းရော။ သမ္မတကြီးက တိုင်းပြည်ထူထောင်ရာမှာ အရပ်ဘက် အဖွဲ့အစည်းတွေရဲ့ အရေးပါပုံကို ကောင်းကောင်း သဘောပေါက်ပြီး အရပ်ဘက် အဖွဲ့အစည်းတွေနဲ့ ချစ်ကြည် ရင်းနှီးမှုရဖို့ ဆောင်ရွက်နေတုန်း … ဒီလို စကား ပြောလိုက်တာဟာ လက်နဲ့ရေးတာကို ခြေနဲ့ ဖျက်မယ်ဆိုတဲ့ သဘော သက်ရောက် နေပါတယ်။ ထစ်ကနဲရှိ ခုတ်မယ်၊ ထစ်မယ်၊ ပါးပါးလှီးမယ် ဆိုတဲ့ စိတ်ဓာတ်တွေ ကို စစ်အုပ်ချုပ်ရေးလွန် ခေတ်ထဲ ရောက်တဲ့အထိ သယ်ဆောင်လာဖို့ မကောင်းပါဘူး။ ဦးနေ၀င်းရဲ့ “တပ်ကတော့ မိုးပေါ် ထောင်မပစ်ဘူး။ တည့်တည့် ပစ်မှာ။ နောက် ဆူချင် ပူချင်တဲ့သူတွေ မသက်သာဘူး မှတ် ” ဆိုတဲ့ ၈၈ အကြို လမ်းညွှန်ချက်ကိုပဲ နားထဲ စွဲနေကြသလား မသိဘူး။

ရက်ပိုင်းအတွင်းမှာပဲ အမျိုးသားလွှတ်တော် ကိုယ်စားလှယ် ဦးလှဆွေ (ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ) က ကချင်ပြည်နယ် ပဋိပက္ခနဲ့ ပတ်သက်ပြီး လွှတ်တော်အတွင်း ဆွေးနွေးရာမှာ စစ်သွေး စစ်မာန် အပြည့်နဲ့ “ရွှေလက်နဲ့ ခေါ်တုန်း လာပါ။ ကျည်ဆံ (Bullet) လွှတ်လိုက်တာ မလိုချင်ပါနဲ့” လို့ ခြိမ်းခြောက် သလိုလို ပြောတဲ့အတွက် ငြိမ်းချမ်းရေး လိုလားသူတွေ အကြားမှာ ပွက်လောရိုက်သွားပါတယ်။ ပြီးခဲ့တဲ့ လွှတ်တော်မှာ ကတည်းက သူက ငြိမ်းချမ်းရေး ဖော်ဆောင်ရေး အဖွဲ့က ၀န်ကြီး ဦးအောင်မင်းကို “ကချင်ကို ဘယ်အတိုင်းအတာအထိ သည်းခံနေမှာလဲ” လို့ မေးခဲ့ပါတယ်။ တဆက်တည်း “ရန်ကုန်ကို တက်သိမ်းမှ ကချင်ကို ပြတ်ပြတ်သားသား လုပ်မှာလား” လို့ မေးခဲ့တယ်။

သူက ငြိမ်းချမ်းရေး အကျိုးဆောင် အဖွဲ့ကို အကြံပေးခဲ့တာကတော့ “ကချင်ပြည်နယ်ကို နေဗီဆေးလ်တွေ လွှတ်သင့်တယ်” တဲ့။ “အိုဘားမားဟာ အိုစမာဘင်လာဒင်နဲ့ မညှိနှိုင်းဘူး၊ နေဗီဆေးလ်တွေ လွှတ်ပြီး သတ်ပစ်လိုက်တာပဲ။ ဒါနဲ့ အိုဘားမား လည်း နိုဗဲလ်ယ်ဆု ရခဲ့တာပဲ” တဲ့။ အာရှမှာ အလေးထားရမယ့် စစ်ပွဲဆိုပြီး၊ သီရိလင်္ကာမှာ အလေးထားရမယ့် စစ်ပွဲဆိုပြီး သီရိလင်္ကာမှာ တမီလ် ကျားသူပုန်တွေကို အမြစ်ပြတ် ချေမှုန်းလိုက်တာကိုလည်း ထုတ်ပြသွားပါတယ်။ ငြိမ်းချမ်းရေး ရဖို့ အမြောက်နဲ့ ပစ်ရတယ်တဲ့။

ကြောက်ခမန်း လိလိ၊ အသည်းယားဖွယ် စကားတွေပါပဲ။ ဒါတွေ စိတ်ထဲမှာ ရှိတယ် ထားဦး၊ ထုတ်ဖော်ပြောတဲ့ အထိ ရောက်ရတာကတော့ ကြီးမားတဲ့ အမှားအယွင်းလို့ ထင်ပါတယ်။ ကြမ်းကျွံရင် နုတ်လို့ ရပေမယ့် စကားကျွံရင် အနုတ်ရ ခက်ပါတယ်။ ဒါဟာ ငြိမ်းချမ်းရေး အကျိုးဆောင်အဖွဲ့ရဲ့ ဆောင်ရွက်ရမယ့် လုပ်ငန်းစဉ်တွေကိုလည်း အခက်အခဲ တွေ့စေ နိုင်ပါတယ်။ တဦးက ပြောသေးတယ်။ “ဂျက်တိုက်လေယာဉ်တွေ ၀ယ်ထားတာ ဗုံးကြဲဖို့ပေါ့” တဲ့။ ပြောတဲ့ ပုဂ္ဂိုလ်တွေက တိုင်းပြည်က အာရုံစိုက်ခံနေရတဲ့၊ နေရာရောက်နေတဲ့ ပုဂ္ဂိုလ် တွေ၊ လက်ဘက်ရည်ဆိုင်မှာ ပြောဆိုသလို လွတ်လွတ်လပ်လပ် ပြောတယ် ဆိုပြီး လက်လွတ်စံပယ် သဘောမထား သင့်ပါဘူး။ ဒုတိယ ကမ္ဘာစစ် မဖြစ်မီကတော့ ဘာလင်က ခပ်စုတ် စုတ် ဘီယာ ဆိုင်တွေထဲမှာ “ဟစ်တလာ” ဆိုတဲ့ ငနဲဟာ ဒီလို စကားတွေ ပြောပြီး လက်ခုပ်သံတွေ စုဆောင်းခဲ့ဖူးပါတယ်။ သူ … နောက်ဆုံး ဘာတွေ ဖြစ်ခဲ့သလဲ။ ကျနော်တို့ အားလုံး အသိပဲ။

ဒီမိုကရေစီ နိုင်ငံတော်သစ် ထူထောင်ရေး ခရီးလမ်းမှာ နိုင်ငံတော် သမ္မတကြီး ခမျာ … ဒီမိုး … ဒီလေ … ဒီလူတွေနဲ့ … ဘယ်လို ခရီးသွားမလဲဆိုတာ အင်မတန် စိတ်ဝင်စားစရာ ဖြစ်နေပါတော့တယ် ခင်ဗျား။ ။

(သစ္စာနီသည် ကဗျာ၊ ၀တ္ထုတို၊ ဆောင်းပါး၊ ဘာသာရေး၊ နိုင်ငံရေး၊ သရော်စာ၊ ဘာသာပြန်၊ သိပ္ပံဝတ္ထု၊ အနုပညာ ဝေဖန်ရေး စသည့် စာပေ လက်ရာစုံကို မဂ္ဂဇင်း၊ ဂျာနယ်များတွင် ရေးသားလျက် ရှိပြီး လုံးချင်း စာအုပ်များစွာကိုလည်း ရေးသားထုတ်ဝေလျက်ရှိသည့် စာရေးဆရာ တဦးဖြစ်သည်။)

Ref: ဧရာဝတီ

Friday, January 25, 2013

ပြည်ထောင်စုနေ့အမီ အပစ်အခတ် ရပ်စဲနိုင်မလား

ထက်အောင်ကျော်
January 25, 2013

လာမယ့် ဖေဖော်ဝါရီ ၁၂ ရက်နေ့ဟာ မြန်မာနိုင်ငံရဲ့ ၆၆ ကြိမ်မြောက် ပြည်ထောင်စုနေ့ ဖြစ်ပါတယ်။ ကိုလိုနီ နယ်ချဲ့ ဗြိတိသျှလက် အောက်က လွတ်လပ်ရေး အရယူနိုင်ဖို့အတွက် ပြည်မက ဗမာတွေနဲ့ တောင်တန်း ဒေသက လူမျိုးစုတွေ ( လူမျိုးစုအစား တိုင်းရင်းသား ဆိုတဲ့ စကားလုံးကို မီဒီယာတွေက အသုံးများနေ ပါတယ်) စုပေါင်းတွေ့ဆုံပြီး ရှမ်းပြည်နယ် ပင်လုံမြို့မှာ အဲဒီနေ့က လက်မှတ်ရေးထိုးခဲ့ပါ တယ်။ တနည်းအားဖြင့် ပြောမယ် ဆိုရင်တော့ ပြည်မနဲ့ တောင်တန်း ဒေသကလူတွေ ငြိမ်းချမ်းစွာ ပူးပေါင်းတဲ့နေ့ပေါ့။

ဒါပေမယ့် အခု ၆၆ နှစ်ကြာပြီးတဲ့ အခါမှာတော့ အဲဒီပင်လုံမှာ လက်မှတ်ရေးထိုးခဲ့သူတွေ အချင်းချင်းဟာ အဲဒီပင်လုံနဲ့ သိပ်မဝေးတဲ့အရပ်၊ အတိ အကျ ပြောရမယ်ဆိုရင် ကချင်ပြည်နယ် လိုင်ဇာဒေသမှာ အကြီးအကျယ် စစ်ပွဲဖြစ်နေပါတယ်။ ဘာကြောင့်လဲ။

နိုင်ငံရေးအကဲခတ် အတော်များများကတော့ လွန်ခဲ့တဲ့ ၆၆ နှစ်က လက်မှတ်ရေးထိုးခဲ့တဲ့ ပင်လုံစာချုပ်ပါ အချက်အလက်တွေကို လူများစု ဗမာတွေဘက်က၊ အတိအကျ ပြောရမယ်ဆိုရင် အာဏာကို တလျှောက်လုံး ရယူထားခဲ့တဲ့ မြန်မာ့တပ်မတော်နဲ့ တပ်မတော်ကို ကျော ထာက်နောက်ခံ ယူထားတဲ့ အုပ်ချုပ်သူအစိုးရ အဆက်ဆက်က ပင်လုံစာချုပ်ပါ အချက်လက်တွေကို အကောင်ထည် ဖော်ပေးဖို့ ပျက်ကွက် နေတာကြောင့်လို့ ပြောပါတယ်။

အပစ်ခတ်ရပ်စဲရေး ကာလ ၁၇ နှစ်ကြာပြီးမှ စစ်ပြန်တိုက်နေတဲ့ KIO ကချင်ပြည် လွတ်မြောက်ရေးအဖွဲ့ တာဝန်ရှိသူတွေ ကိုယ်တိုင်ကလဲ KIA ကို နယ်ခြားစောင့်တပ်အဖြစ် အသွင်ပြောင်းမယ့်အစား ပင်လုံစာချုပ်ပါ အချက်လက်တွေကို အကောင်ထည် ဖော်ပးမယ်ဆိုရင် ဒီကိစ္စ အဆင်ပြေသွားလိမ့်မယ်လို့ အတိအလင်း တောင်းဆိုခဲ့ဖူးပါတယ်။

ဒါတွေက သမိုင်းနဲ့ဆိုင်တဲ့ ကိစ္စတွေပါ။ တထိုင်တည်း ဆွေးနွေးလို့ မပြီးနိုင်ပါဘူး။ အချိန်ယူ လုပ်ဆောင် ရမယ့် လုပ်ငန်းစဉ်တွေပါ။ လက်ရှိ အစိုးရဘက်ကလည်း ဒါတွေကို ချက်ချင်း ထလုပ်မယ့်ပုံ မပေါ်သေးပါဘူး။

အစိုးရက ချက်ချင်းထလုပ်မယ့် ကိစ္စကတော့ လာမယ့် ၁၂ ရက် ပြည်ထောင်စုနေ့ကျရင် တနိုင်ငံလုံးအနှံ့ ပြည်ထောင်စုနေ့ အခန်းအနား တွေ ကျင်းပမယ်၊ ညစာစားပွဲ လုပ်မယ်၊ အဲဒီပွဲကိုတက်ဖို့ နိုင်ငံရေးပါတီ ခေါင်းဆောင်တွေကို ဖိတ်မယ်။ ပြီးခဲ့တဲ့ လွတ်လပ်ရေးနေ့ တုန်း ကလဲ ဒါမျိုးလုပ်သွားတာဆိုတော့ အခုလဲ အဲဒီလိုပဲ လုပ်လိမ့်မယ်လို့ ခန့်မှန်းနိုင်ပါတယ်။

ဒါပေမယ့် နိုင်ငံရေးပါတီ ခေါင်းဆောင်တွေ၊ အထူးသဖြင့် လူမျိုးစုပါတီ ခေါင်းဆောင်တွေ ပြည်ထောင်စုနေ့ပွဲကို တက်ပါ့မလား။ တိုက်ပွဲတွေ သိပ်မပြင်းထန်သေးတဲ့ လွတ်လပ်ရေးနေ့ တုန်းကတောင် အထင်ကရ လူမျိုးစု ခေါင်းဆောင်နှစ်ဦး မတက်ဘူးဆိုရင် အခုလို တိုက်ပွဲတွေ ပြင်းထန်နေပြီး အရပ်သားတွေပါ သေဆုံးနေချိန်မှာ အဲဒီဖြစ်စဉ်ကို လျစ်လျူရှုပြီး နေပြည်တော်က ညစာစားပွဲမှာ ရှန်ပိန် လာသောက်ရဲတဲ့ လူမျိုးစုခေါင်းဆောင် ရှိပါဦးတော့မလား။

ကျနော် ဒီလိုပြောလိုက်လို့ ပြည်ထောင်စုနေ့ကို မှေးမိန်အောင် လုပ်တယ်လို့ မထင်လိုက်ပါနဲ့။ တကယ်က ပြည်ထောင်စုနေ့ကို အနှစ် သာရပြည့်ဝစွာ ကျင်းပနိုင်ဖို့ နှိုးဆော်လိုက်ခြင်းသာဖြစ်ပါတယ်။ ပြည်မနဲ့ တောင်တန်းဒေသပဲ ဆိုဆို၊ ဗမာနဲ့ လူမျိုးစုတွေပဲ ခေါ်ခေါ် သေချာတာကတော့ မြန်မာနိုင်ငံ ဆိုတာဟာ နိုင်ငံတွင်းရှိသမျှ လူမျိုးစုအားလုံးနဲ့ နယ်မြေအားလုံးကို စုပေါင်းခေါ်ဆိုထားတာပါ။

ဒါကြောင့် ဗမာအများစုနေထိုင်တဲ့ နေပြည်တော်နဲ့ ရန်ကုန်မှာ ဒီမိုကရေစီအခွင့်ရေး အနည်းအကျဉ်း ရနေရုံနဲ့ မြန်မာနိုင်ငံတခုလုံး အေးချမ်းတည်ငြိမ်နေပြီ၊ တိုးတက်ဖွံဖြိုးနေပြီလို့ ပြောလို့ မဖြစ်နိုင်ပါ။ တနိုင်ငံလုံး ငြိမ်းချမ်းရေးရပြီး တနိုင်ငံလုံးအေးချမ်းတည်ငြိမ် ဖွံဖြိုးတိုးတက်လာမှသာ အားလုံးအဆင်ပြေမှာ ဖြစ်ပါ တယ်။

ဒီမိုကရေစီ အခွင့်အရေးနဲ့ လူမျိုးစုတွေရဲ့ တန်းတူရေးနဲ့ ကိုယ်ပိုင်ပြဌာန်းခွင့် ကိစ္စဟာ တခုနဲ့တခု ခေါင်းနဲ့ ပန်းလို ခွဲမရအောင် ဆက်စပ် နေတယ်ဆိုတဲ့ အယူဆတခုကို ဒီနေရာမှာ ကျနော်တင်ပြချင်ပါတယ်။ လွန်ခဲ့တဲ့ ၂၄ နှစ်ကျော်ကဖြစ်ပွါးခဲ့တဲ့ ၈ လေးလုံး အရေးတော်ပုံကြီး ဖြိုခွဲခံရပြီးတဲ့နောက် နယ်စပ်ဒေသဆီ၊ အတိအကျပြောရမယ်ဆိုရင် လူမျိုးစု လက်နက်ကိုင် သူပုန်တွေ ထိန်းချုပ်ထားတဲ့ ဒေသဆီ ကျနော် အပါဝင် ကျောင်းသားတွေ ထောင် သောင်းချီ ရောက်လာခဲ့ပါတယ်။

ကျနော်တို့ ကျောင်းသားတွေနဲ့ လူမျိုးစုသူပုန်တွေကြား နိုင်ငံရေးအရ နားလည်မှု၊ သဘောတူညီမှုရခဲ့တဲ့ အထဲက အကြီးမားဆုံး နားလည်မှုဟာ ရှေ့မှာပြောခဲ့တဲ့ ”ဒီမိုကရေစီအရေးနဲ့ လူမျိုးစုအရေးဟာ ခေါင်းနဲ့ ပန်းလိုဒွန်တွဲနေတယ်။ နှစ်ခုစလုံးအဆင်ပြေမှ တိုင်းပြည်ငြိမ်ချမ်းမယ်။ ဒီနှစ်ခုကို တပြိုင်တည်းဖြေရှင်း ဖို့လိုတယ်” ဆိုတာပါပဲ။

ဒီကြွေးကြော်သံဟာ တပ်ပေါင်းစုရဲ့ မူဝါဒဖြစ်လာပြီး ဖက်ဒရယ်မူနဲ့ နိုင်ငံသစ် တည်ဆောက်ဖို့ ကျနော်တို့ ကြိုးစားခဲ့ကြပါတယ်။ ဒီကြွေးကြော်သံရဲ့ လုပ်ငန်းစဉ်အဖြစ် ”သုံးပွင့်ဆိုင်ဆွေးနွေးရေး” ဆိုတာပေါ်လာပါ တယ်။

ဒါပေမဲ့ အခုနှစ်တွေ ကြာလာတဲ့ အခါမှာတော့၊ နယ်စပ်က တိုင်းရင်းသားအဖွဲ့ အတော်များများ အပစ်ခတ် ရပ်စဲပြီးနောက်မှာတော့၊ အထူးသဖြင့် ၂၀၀၈ အခြေခံဖွဲစည်းပုံနဲ့ ၂၀၁၀ ရွေးကောက်ပွဲ လမ်းကြောင်း ပေါ်လာပြီးနောက်မှာ၊ အတိအကျပြောရမယ်ဆိုရင် ၂၀၁၂ ခုနှစ် ကြားဖြတ် ရွေးကောက်ပွဲအပြီးမှာ ဒီ ကြွေးကြော်သံ လုံးဝနီးပါး မကြားရတော့ပါဘူး။

လူမျိုးစုအရေးဟာ ဒီမိုကရေစီအရေးထက် ပိုရှုပ်ထွေး ပိုခက်ခဲတယ်လို့ ကျနော်မြင်ပါတယ်။ မြန်မာ့ တပ်မတော်နဲ့ လက်ရှိအစိုးရ (လွှတ်တော် အပါဝင်) ကလည်း ဒီမိုကရေစီအခွင့်ရေးတွေကို အတိုင်းတာတခုထိ ပေးကောင်း ပေးချင်ပေမယ့် လူမျိုးစု အခွင့်အရေး တွေကိုတော့ ပေးချင်ပုံမရသေးပါ။ လူမျိုးစု အခွင့်အရေးကို ဘယ်လိုပေးရမှန်း၊ ဘယ်လို ကိုင်တွယ်ရမှန်း မသိတာကြောင့်လဲ ဖြစ်နိုင်ပါတယ်။

ကျနော် တဦးတည်း အမြင်ကို ပြောရမယ်ဆိုရင်တော့ လူမျိုးစုဒေသဆီ မရောက်ဖူးပဲ၊ လူမျိုးစုတွေနဲ့ အတူ မနေဖူးဘဲနဲ့တော့ လူမျိုးစုတွေရဲ့ ခံစားချက်ကို နားလည်ဖို့ သိပ်မလွယ်ဘူးလို့ ထင်ပါတယ်။ စာအုပ်တွေ ဖတ်ပြီး သီအီုရိအရ နားလည်ကောင်း နားလည်နိုင်ပေမယ့် ”ခံစား ချက်” ကို နားလည်ဖို့ကတော့ လူမျိုးစု တွေနဲ့ အတူနေဖူး၊ အတူလက်တွဲ အလုပ်လုပ်ဖူးမှ ဖြစ်မယ်လို့ ထင်ပါတယ်။

”မဟာဗမာဝါဒကြောင့် ဒီလိုဖြစ်နေတာ၊ မင်းတို့လဲ ဗမာတွေဘဲ” ဆိုတဲ့ စကားလုံးကို ကျနော်တို့တော ထဲရောက်ရောက်ချင်း စကြားရပါ တယ်။ ကျောင်းစာအုပ်တွေ၊ ကျောင်းသားအသိုင်းဝိုင်းတွေမှာ တခါမှ မကြားဖူးတဲ့ စကားလုံးတွေဆိုတော့ သူတို့ ဘာကိုဆိုလိုမှန်း နားကို မလည်ပါဘူး။ ကျောင်းမှာတုန်းက ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းပြည်က ကျောင်းသားတွေနဲ့ အတူတူ နေခဲ့ဖူးပေမယ့် ”မဟာ ဗမာ” ဆိုတဲ့စကားလုံးမျိုး တခါမှ မကြားဖူးခဲ့ပါ။

ကျောင်းမှာတုန်းက သူတို့က လူနည်းစုဖြစ်နေလို့ ရင်ထဲက စကားလုံးတွေကို မပြောရဲတာလား။ ဟော… အခုတောထဲမှာတော့ သူတို့က လူများစုဖြစ်တဲ့အပြင် လက်နက်ကိုင် သူပုန်တွေလည်း ဖြစ်နေပြန်တော့ သူတို့ စိတ်ထဲရှိတာ အကုန်ပြောနေတာ ဖြစ်ပုံရပါတယ်။ ပြည်တွင်းစစ် နှစ် ၆၀ ဒဏ်အတွက် မြန်မာ့တပ်မတော်နဲ့ ဗမာလူများစုကို သူတို့ မကောင်းမြင်နေပါတယ်။ လူများစု ဗမာတွေဘက်က လူနည်းစု တိုင်းရင်းသား လူမျိုးစုတွေအပေါ် ဘာတွေအနိုင်ကျင့်ခဲ့သလဲ။ ကျနော်တို့ တောခို ကျောင်းသားတွေက ဒီအတွက် ဓားစာခံ တွေလား။

တချိန်တည်းမှာပဲ လူမျိုးစု သူပုန်တွေဘက်ကကော ဗမာလူမျိုးနဲ့ မြန်မာ့တပ်မတော်ကို ခွဲခွဲခြားခြား မြင်ရဲ့ လား၊ စစ်တပ်က ဆိုးသမျှကို ဗမာတွေဆိုးတယ်လို့ မြင်နေတာမျိုးလား။ ဆိုလိုတာကတော့ တချိန်က တစုံတဦး၊ အဖွဲ့တဖွဲ့ရဲ့ အမှားဟာ အဲဒီမှာတင် ပြီးသွားတာမျိုး မဟုတ်ဘဲ မျိုးဆက်သစ်တွေပေါ်အထိ အရိပ်မည်း က ထိုးနေပါတယ်။ ဒါကို မျိုးဆက်သစ်တွေက ရှောင်ပြေးလို့ မရပါဘူး။ ရင်ဆိုင်ဖြေရှင်းဖို့ မျိုးဆက်သစ်တွေမှာ တာဝန်ရှိလာပါတယ်။

အကဲခတ်တချို့ရဲ့ အဆိုအရ ABSDF ဟာ ပြည်မက ဗမာတွေနဲ့ နယ်စပ်က လူမျိုးစုသူပုန်တွေကြား နိုင်ငံရေးအရ နားလည်မှုရအောင် လုပ်ပေးနိုင်ခဲ့ဆုံး အဖွဲ့စည်းတခု ဖြစ်တယ်လို့ သိရပါတယ်။ ဗမာပြည် ရဲ့ သက်တမ်း အရှည်ဆုံး နိုင်ငံရေးပါတီတခုဖြစ်တဲ့ ဗမာပြည် ကွန်မြူနစ်ပါတီဝင်ဟောင်း စစ်ရေးအကဲခတ် ဦးအောင်ကျော်ဇော ကိုယ်တိုင် အလားတူ မှတ်ချက်ပေးထားတာကို ပြီးခဲ့တဲ့ ရက်ပိုင်း အတွင်းကပဲ ဂျာနယ်တစောင်မှာ တွေ့လိုက်ရပါတယ်။

ဒါပေမယ့် ABSDF ကိုယ်တိုင် KIA နဲ့တွဲပြီး အစိုးရကို လက်နက်ကိုင် တော်လှန်နေတဲ့အတွက် စစ်ပွဲရပ် ဆိုင်းရေးကိစ္စမှာ ABSDF က ကြားဝင်ဆောင်ရွက်လို့တော့ မဖြစ်နိုင်ပါ။ ဒါဆိုရင် သူတို့နဲ့ မျိုးဆက်တခု တည်းဖြစ်တဲ့ ၈၈ မျိုးဆက်ကျောင်းသားတွေ ကြားဝင်ဆောင် ရွက်ပေးမယ်ဆိုရင် အသင့်တော်ဆုံးလို့ ထင်ပါတယ်။ ကိုမင်းကိုနိုင် ဦးဆောင်တဲ့ ၈၈ အဖွဲ့ဟာ ကချင်အပါဝင် လူမျိးစုလက်နက်ကိုင် ဒေသတွေဆီအထိ ထဲထဲဝင်ဝင်သွားရောက်လေ့လာနေသူတွေဖြစ်ပြီး တိုက်ပွဲကြီးတွေ မစမီအထိ လိုင်ဇာကို ရောက်ခဲ့သူ တွေပါ။

ဒါပေမယ့် အဲဒီခရီးစဉ်အတွင်း ဖမ်းဆီးခံ မြန်မာစစ်သားတွေ ပြန်ပို့ပေးရေးကိစ္စ ၈၈ က ကြားဝင်ဆောင်ရွက် ပေးတာကို စစ်တပ်ဖက်က လက်မခံတဲ့အတွက် သူတို့ရဲ့ကြားဝင်ပေးမှုကို အစိုးရဘက်က လက်ခံ မခံဆို တာမေးခွန်းထုတ်စရာ ဖြစ်လာပြန်ပါတယ်။

ဒါဆိုရင် ဒီစစ်ပွဲကို ချက်ချင်းရပ်ဖို့ တောင်းဆိုနေတဲ့ နေပြည်တော်က လွှတ်တော်အမတ်တွေ ကိုယ်တိုင်ပါဝင်တဲ့ ကိုယ်စားလှယ်အဖွဲ့တခု လိုင်ဇာအထိသွားပြီး ဆွေးနွေးမယ်ဆိုရင်ကော အပစ်ခတ်ရပ်စဲရေး ရလာနိုင်မလား။ အထူးသဖြင့် လူအတော်များများ အကြံပေးနေတဲ့ အတိုင်း NLD ပါတီဥက္ကဌ ဒေါ်အောင် ဆန်းစုကြည်က အဲဒီကိုယ်စားလှယ်အဖွဲ့ကို ဦးဆောင်နိုင်မယ်ဆိုရင် တကယ် အပစ်ခတ်ရပ်စဲပြိး ငြိမ်းချမ်းရေးဆွေးနွေးပွဲတွေ ဖြစ်လာနိုင်မလား။

တချိန်တည်းမှာပဲ အိမ်နီးချင်း တရုတ်အပါဝင် အမေရိကန်၊ ဥရောပသမဂ္ဂ၊ ကုလသမဂ္ဂနဲ့ နိုင်ငံတကာ အစိုးရတွေဖက်က ဖိအားပေးမှုတွေ၊ တောင်းဆိုမှုတွေလဲ ဒီထက်မက အင်အားပါဖို့ လိုမယ်ထင် ပါတယ်။

ဒီဆောင်းပါး ရေးနေစဉ်အတွင်းမှာပဲ လဂျားယန်ဒေသ နယ်မြေရှင်းလင်းမှု စစ်ဆင်ရေးတွေကို ဇန်န၀ါရီ လ ၁၉ ရက်နေ့ကနေ စတင် ရပ်ဆိုင်းလိုက်ပြီ ဖြစ်ကြောင်း အစိုးရပိုင် မီဒီယာတွေက ကြေညာခဲ့ပါတယ်။ ဒါ ပေမယ့် အစိုးရတပ်တွေက သူတို့စခန်းတွေကို ၂၀ ရက်နေ့အထိ ထိုးစစ်ဆင်နေဆဲ ဖြစ်တယ်လို့ KIA နဲ့ ABSDF-NB တပ်တွေက ပြောပါတယ်။

တခါ အစိုးပိုင် သတင်းစာတွေရဲ့ အဆိုအရ ပြည်ထောင်စုအဆင့် ငြိမ်းချမ်းရေးဖော် ဆောင်မှုကော်မတီက KIO ဥက္ကဌဆီ စာပို့ပြီး ငြိမ်းချမ်းရေး ဆွေးနွေးဖို့ ထပ်မံ ကမ်းလှမ်းလိုက်ကြောင်း ဖော်ပြထားပါတယ်။ ၂၀ ရက်နေ့က ရန်ကုန်တိုင်း လွတ်တော်ခန်းမမှာ ကျင်းပတဲ့ အရပ်ဖက် အဖွဲ့စည်းများနဲ့ တွေ့ဆုံပွဲမှာလည်း ကချင်ဒေသ ငြိမ်းချမ်းရေးအောင် ဆောင်ရွက်နေတယ်လို့ သမ္မတကိုယ်တိုင်က ပြောဆိုပြီး ”လိုင်ဇာနဲ့ လက် တကမ်းအလိုရောက်မှ တပ်တွေကို ထိုးစစ်ရပ်ခိုင်းလာတာဟာ တပ်မတော်ဖက်က ငြိမ်းချမ်းရေးကို လိုချင်တယ်ဆိုတာကို သက်သေပြသလိုက်တာ ဖြစ်တယ်” လို့ ပြောသွားပါတယ်။

သမ္မတရဲ့ စကားလုံးအပေါ် နိုင်ငံရေးအကဲခတ်တွေ ဘယ်လိုနားလည်သလဲတော့ မသိပါ။ လူမျိုးစုတွေနဲ့အတူ တွဲပြီး တာဝန်ထမ်းခဲ့ဖူးတဲ့ ကျနော်စိတ်ထဲမှာတော့ ဒီစကားလုံးဟာ အပေါ်စီး သိပ်ဆန်ပြီး ”ငါတို့ပြောနေတဲ့ ငြိမ်းချမ်းရေးကို အခုဆွေးနွေးရင်ဆွေးနွေး၊ မဆွေးနွေးရင် လိုင်ဇာကို အချိန်မရွေး သိမ်းနိုင်တယ်” ဆို ပြီး ခြိမ်းခြောက်လိုက်တယ်လို့ ခံစားရပါတယ်။

ဆိုလိုတာကတော့ လူမျိုးစုတွေဖက်ကနေ တလျှောက်လုံး တောင်းဆိုနေတဲ့ နိုင်ငံရေးပြဿနာကို နိုင်ငံရေးအရ တန်းတူရည်တူ ဆွေးနွေးဖို့ဆိုတဲ့ အချက်နဲ့ လုံးဝ ကွဲလွဲနေပါတယ်။ အင်အားအရ အတိအကျ ပြောရမယ်ဆိုရင် စစ်အင်အားအရ အသားစီးရအောင် အရင်ယူထားပြီးမှ စားပွဲဝိုင်းဆီ လာဆွေးနွေးဖို့ ခေါ်နေတာမျိုးဟာ မလုပ်သင့်တဲ့ကိစ္စ ဖြစ်ပါတယ်။

မြန်မာတပ်မတော်မှာ အင်အားများစွာရှိတဲ့အတွက် လိုင်ဇာကိုသိမ်းပြီး KIA တပ်တွေကို မောင်းထုတ်နိုင် တယ်ဆိုတာ အထူးအဆန်း မဟုတ်ပါဘူး။ ကျန်တဲ့ လူမျိုးစု လက်နက်ကိုင်တွေကိုလဲ ဒီလိုပဲ တိုက်ခိုက် လိုက်၊ ခြိမ်းခြောက် လိုက်၊ ဆွေးနွေး လိုက်လုပ်လာခဲ့ဖူးတာ သမိုင်းမှတ်တမ်းတွေ အထင်အရှား ရှိပါတယ်။

ဒါပေမယ့် ဒီနည်းနဲ့ အဖြေမှန်မရနိုင်ဘူး ဆိုတာကိုလဲ သမိုင်းမှတ်တမ်းတွေက လွန်ခဲ့တဲ့နှစ် ၆၀ အတွင်း အထင်အရှား ရှိခဲ့ပြီးသား ဖြစ် ပါတယ်။ ဒီနေ့ နိုင်ငံရေး အပြောင်းအလဲ ကာလမှာ ရေရှည်ခံမယ့် အဖြေတခုခုကို တွေ့အောင် ရှာဖို့လိုပါတယ်။ အရင်က နည်းဟောင်း တွေအတိုင်း အင်အားသုံး နှိမ်နှင်းတဲ့နည်း၊ ခြိမ်းခြောက် အကျပ်ကိုင်တဲ့နည်းတွေကို ဆက်မသုံးသင့်တော့ပါဘူး။ ဒါက တပ်မတော်နဲ့ လက်ရှိအစိုးရကို ပြောတာပါ။

ပြည်သူတွေ ရွေးချယ်ထားတဲ့ လွှတ်တော် ကိုယ်စားလှယ်တွေနဲ့ ဖွဲ့စည်းထားတဲ့ ပြည်ထောင်စု လွှတ်တော်ကလည်း ဒီကိစ္စကို ရဲရဲဝံ့ဝံ့ပြော သင့်တယ်လို့ ထင်ပါတယ်။ လွတ်တော်အမတ် အတော်များများဟာ ဒီမိုကရေစီအခွင့်ရေးနဲ့ ပတ်သက်ပြီး အတော်များများ ပြောရဲ ဆိုရဲ ရှိလာကြပေမယ့် လူမျိုးစုအရေး၊ ဖက်ဒရယ် အရေးတွေကိုတော့ ပြောဖို့ တွန့်ဆုတ်နေဆဲ ဖြစ်တာကို တွေ့ရပါတယ်။ ဒီအထဲမှာ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကို ပြင်မယ်၊ ဒုတိယ ပင်လုံညီလာခံခေါ်ပြီး လူမျိုးစုအရေးကို ဖြေရှင်းမယ်လို့ ကြွေးကြော်ခဲ့တဲ့ အဓိက အတိုက်အခံ ပါတီခေါင်းဆောင်နဲ့ အမတ်တွေ ပါဝင်နေတာကတော့ တကယ့်ကို မဖြစ်သင့်တဲ့ အခြေအနေလို့ ကျနော်မြင်ပါတယ်။

သက်ကြီးတန်း နိုင်ငံရေးသမားတွေက ဒီလို လက်ရှောင်နေချိန်မှာ ထူးထူးခြားခြား ထွက်လာတဲ့ သတင်း တခုကတော့ ”ငြိမ်းချမ်းရေး လိုလားသူများ” ဆိုတဲ့ ကျောင်းသားလူငယ်အဖွဲ့တခုဟာ ရန်ကုန်ကနေ လိုင်ဇာအထိ ငြိမ်းချမ်းရေးခရီးရှည် ချီတက်မှုကို ဇန်နဝါရီလ ၂၁ ရက်နေ့မှာ စတင်လိုက်ပြီ လို့သိရပါတယ်။ သူတို့နဲ့အတူ အများပြည်သူ ဘယ်လောက် ပါဝင်နိုင်မလဲ။ နိုင်ငံရေးသမားတွေက ဘယ်
လောက်အထိ ၀န်းရံပေး နိုင်မလဲ။

ဒီအဖြေဟာ စစ်ပွဲတွေရပ်ဆိုင်းစေဖို့ နိုင်ငံရေးသမားတွေမှာ ဘယ်လောက်အထိ ဆန္ဒရှိနေသလဲ၊ ထပ် ဖြည့်ပြောရမယ်ဆိုရင် လူမျိုးစု ပြဿနာအပေါ် နိုင်ငံရေးသမားတွေ ဘယ်လောက်အထိ အလေးအနက် ထားသလဲဆိုတာနဲ့ ဆက်စပ်နေပါတယ်။

(စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသားလက်နက်ကိုင် ABSDF အဖွဲ့ဝင်ဟောင်းဖြစ်ပြီး DVB ၏ သတင်းထောက်ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက်ရှိသည်)

Ref: ဧရာဝတီ

Wednesday, January 23, 2013

အင်တာနက် ဋီကာ

သစ္စာနီ
January 23, 2013

အခုတလော ကျနော်သည် အနည်းငယ် ဘ၀င်မြင့်နေသလို ဖြစ်နေပါသည်။ ကျနော့် ဘောင်းဘီ အိတ်ထဲတွင် လက်ကိုင် ဖုန်း တလုံး ထည့်ကာ လျှောက်သွားနေရသော် ကမ္ဘာကြီး တခုလုံး ကျနော့် ဘောင်းဘီအိတ်ထဲ ရောက်နေဘိ သကဲ့သို့ ထင်မြင် ခံစားနေရ၏။ အဘယ်ကြောင့် ဆိုသော် ကျနော့် လက်ကိုင်ဖုန်းသည် အင်တာနက် ချိတ်ဆက် ထားသောကြောင့် ဖြစ်လေသည်။

ကျနော် သိလိုသော အချက်အလက်များ၊ သတင်းများကို ကျနော်သည် ဘတ်စကားပေါ်မှာပင် ဖြစ်စေ၊ လက်ဘက်ရည်ဆိုင်မှာပင် ဖြစ်စေ (ဖုန်း အင်တာနက်ကို ဖွင့်လိုက်ခြင်းဖြင့်) ချက်ချင်းပင် သိနိုင်သောကြောင့် ဖြစ်လေသည်။ နေရာမရွေး၊ အချိန်မရွေး ကျနော်သည် ကမ္ဘာ ကြီးနှင့် အဆက်မပြတ်။ ကျနော့် ဆောင်းပါး အတော်များများကို အင်တာနက်မှ အချက်အလက်များ ရယူကာ ရေးခဲ့သည်။ ကိုယ် လိုချင်တာ ဂူဂဲလ် ရှာဖွေရေးထဲ အမည် ထည့်လိုက်ရုံပင်။

စာကြည့်တိုက် သွားကာ စာအုပ်ရှာရ၊ စာအုပ်လှန်ရ ဒုက္ခက ကင်းဝေးသွားပါသည်။ တခုတော့ ရှိပါသည်။ ကျနော့် အတွက် လတ်တလော အသုံးချရန် လိုအပ်သော အချက်အလက်များ ရှာဖွေဖို့သာ မက ကျနော်က တခြား သိစရာ ကြည့်စရာတွေကို ချော်တောငေါ့ ကာ လျှောက်ကြည့်နေရာ (အွန်လိုင်းပေါ်မှာ ကြည့်စရာ၊ ဖတ်စရာတွေ ကလည်း အင်မတန် များတာကိုး) အချိန်ကုန်ရုံသာမက မျက်စဉ်းပါ ခပ်ရသော အခြေအနေသို့ပါ ရောက်ရှိ နေပါသည်။

ရက်ပိုင်းအတွင်း သိရသော သတင်းအရ ယခုနှစ် အတွင်း ဖုန်းဖြင့် အင်တာနက် ချိတ်ဆက် အသုံးပြုသူ အရေ အတွက်မှာ ၅ သိန်းကျော် ရှိသည်ဟု ဆိုလေသည်။ ဖုန်းနဲ့ အသုံးပြုရတာက ဆိုင်မှာ အသုံးပြုရတာထက် ပို၍ ကွန်နက်ရှင်း ကောင်းတာလဲ ပါမည်။ အင်တာ နက်ဆိုင် အတော်များများ၏ ၀င်ငွေ လျော့ကျသွားကာ ဖုန်း မရှိသူများသာ အသုံးပြုကြ တော့သည်။ တခုတော့ ရှိသည်၊ ဖုန်းကတ် ဖိုးကတော့ ခဏခဏ ကုန်ပါသည်။

သက္ကရာဇ်တွေ ၂၁ ရာစု မပြောင်းခင် ၂၀ ရာစု နှောင်းပိုင်းကပင် ကမ္ဘာကြီးသည် အိုင်တီ (Information Technology) ခေတ်ကြီး ထဲ ခြေစုံပစ် ရောက်ရှိနေခဲ့သည်။ အိုင်တီ နည်းပညာသည် ခေတ်သစ် လူ့အဖွဲ့အစည်းတွင် အရေးပါသော အဆင့်ကိုပင် ကျော်လွန်ကာ လူတိုင်းလူတိုင်း ဘယ်လိုမှ ရှောင်လွှဲမရသော အခြေအနေသို့ ဆိုက်ရောက်လာသည်။ မြန်မာ ပြည်ကလည်း ခြေလှမ်းကျဲကျဲနှင့် အမီလိုက်နေပါသည်။

မလိုက်လို့ မဖြစ်။ တကယ်လဲ အင်တာနက် (အွန်လိုင်း) အသုံးဝင်မှုသည် ခေတ်သစ် လူ့အဖွဲ့အစည်းမှာ အံ့မခန်းဖြစ်၍ နေသည်။ ကျန်းမာရေး၊ နိုင်ငံရေး၊ လူမှုရေး၊ စီးပွားရေး (ဘာသာရေး လည်း မလွတ်) ယဉ်ကျေးမှု အနုပညာပါ မကျန် အင်တာနက်ကို အသုံးပြုနိုင်ပါသည်။ အင်တာနက်တွင် ပေါင်မုန့်ဖုတ်နည်း က အစ နျူကလီးယားဗုံး လုပ်နည်း အထိ အလွယ်တကူ ရှာဖွေလို့ ရသည်။ ဂူဂဲလ်တွင် စုဆောင်းထားသည့် ဖတ်ရှုနိုင်သည့် စာအုပ်ပေါင်း ၇ သန်းကျော်ရှိသည်ဟု ဆိုသည်။ တကယ့်ကို မကုန်နိုင်တဲ့ ဘဏ္ဍာတိုက်ကြီး။

အဲဒါကို ကျနော်တို့ လက်တွေ့ ကျကျ အကျိုးရှိရှိ အသုံးချတတ်ဖို့ သိပ်လိုပါသည်။ မြန်ဂလိပ်ခေါ်သည့် အသံထွက် စာလုံးပေါင်း သည့် ခြေတပေါင်ကျိုး အင်္ဂလိပ်စာနှင့် ချက်တင်ဝင်ရင်း အချိန်ဖြုန်းနေတာတွေ လျှော့ဖို့ကောင်းကြပြီ။ အတော် များများ လူငယ်တွေက အွန်လိုင်းကို ဖူးစာရှင် ရှာတဲ့နေရာလို့ သဘောထားနေကြသည်။ နာမည်ကျော် မိုက်ခရိုဘလော့ဂ် တခုဖြစ်သည့် ဖေ့စ်ဘုတ် (Facebook) အသုံးပြုသူများမှာ ကမ္ဘာတ၀ှမ်း သန်းကိုးရာလောက် ရှိသည်။

မကြာခင်က ဘီဘီစီ (World Service) က နိုင်ငံပေါင်း ၁၉နိုင်ငံမှ အင်တာနက် သုံးစွဲသူ လူတသောင်းကျော်ကို စစ်တမ်းကောက် ယူ မေးမြန်း ကြည့်တဲ့ အခါ အင်တာနက်ဆိုတာ ချစ်သူရှာဖို့ အကောင်းဆုံး နေရာဟု ဖြေဆိုကြသည်ဟု ဆိုသည်။ အထူးသဖြင့် အာရှနိုင်ငံများက အများဆုံး ဖြစ်သည်။ (အိန္ဒိယက ၅၉ ရာခိုင်နှုန်း၊ ပါကစ္စတန်က ၆၀ ရာခိုင်နှုန်း) အိန္ဒိယတွင် လူငယ်များ မှာ မိဘအုပ်ထိန်းသူလက်အောက်မှာ နေထိုင်ကြရသဖြင့် လွတ်လွတ်လပ်လပ် သွားလာ လှုပ်ရှားခွင့် မရဘဲ အင်တာနက် ကို အားကိုးနေ ကြပုံရ၏။ အနောက်နိုင်ငံများတွင် လူငယ်တိုင်း လွတ်လပ်စွာ ဒိတ် (Date) လုပ်ခွင့်ရှိသဖြင့် ဤ အယူအဆက မတွင်ကျယ်။ သြ စတြေးလျမှာ စစ်တမ်းကောက်ကြည့်တော့ အမျိုးသမီး အများစုက အင်တာနက်ကနေ ချစ်ခွင့်ပန်တာ ကို သဘော မကျကြောင်း ထုတ်ဖော်ပြောကြသည်။ အင်တာနက်ကို အသုံးပြုကာ လူလိမ် လူလည်များက မသိနား မလည်သည့် မိန်းကလေးတွေကို လှည့်ဖြားဖျက်ဆီးနေသည့် သတင်းတွေလည်း မကြာခဏ ကြားသိနေရသည်။

မကြာသေးမီက သူ Facebook အသုံးမပြုကြောင်း ဒေါ်အောင်ဆန်းစုကြည်က ထုတ်ဖော် ပြောလိုက်တော့ တချို့က အံအားသင့် ကုန်သည်။ သုံးသူတွေလည်း အချိန်ကုန်သလောက် အကျိုးရှိ မရှိ ပြန်ဆန်းစစ်သင့်သည်။ ကျနော်တို့ အင်မတန် အားကျတဲ့ ပွင့်လင်း လူ့အဖွဲ့အစည်း ထွန်းကားရာ အမေရိကန်၏ လက်ရှိ သမ္မတ အိုဘားမားက သူ့ သမီး ၂ ယောက် (၁၃ နှစ်နှင့် ၁၁ နှစ်)ကို Facebook သုံးစွဲခွင့် ပိတ်ပင်ထားတယ်လို့ ကြေငြာလိုက်တော့ ထူးထူးခြားခြား ဖြစ်ကုန် သည်။

အိုဘားမားက သူ့သမီးတွေဟာ ငယ်ရွယ်သေးတယ်၊ ကျောင်းစာ အပါအ၀င် သူတို့ လုပ်စရာရှိတဲ့ အလုပ်တွေ လုပ်ဖို့ အတွက် မိတ်ဆွေအပေါင်းအသင်း များများမလိုဘူးလို့ အကြောင်းပြသည်။ လူ တယောက်ဟာ သူ့ဘ၀မှာ ရင်ချင်းအပ် ကျောချင်းကပ်နိုင်တဲ့ ကိုယ်ထိလက်ရောက် ပေါင်းသင်း နိုင်မယ့် မိတ်ဆွေ ဆိုတာ လူသုံးဆယ်ထက် ပို မရှိနိုင်ဘူးလို့ စစ်တမ်း တခုက ဆိုလေ သည်။ ဝေမှူး သွင်က ဖေ့စ်ဘုတ်ပေါ်မှာ သူ့ အဆက်အသွယ် ၇၀၀၀ ကျော်ရှိသည်ဟု ပြောဖူးသည်။

ကမ္ဘာကျော် ဆယ်လဘရတီတချို့ကလည်း သူတို့ ဖေ့စ်ဘုတ် မသုံးကြောင်း ပြောဖူးသည်။ ဂျိုလီနှင့် ဘရက်ပစ်တို့ စုံတွဲ ကလည်း သူတို့ကလေးတွေ (မွေးတာတွေရော၊ ကိုယ်တိုင်မွေးတာရော အားလုံးပေါင်း ၆ ယောက်) အင်တာနက်တွင် သူတို့ နာမည် ရှာမရအောင် ပိတ်ထားသည်ဟု ဆိုသည်။ တချို့က ဖေ့စ်ဘုတ်သာ မဟုတ်၊ အင်တာနက်ပါ မသုံးဟု ပြောကြ၏။

ဘာပဲ ဖြစ်ဖြစ် နည်းပညာခေတ်ကြီးထဲတွင် နည်းပညာနှင့် ကင်းကွာနေတာတော့ မကောင်း။ သို့သော် တန်ဆေး လွန်ဘေး ဆိုတာလဲ ဂရုပြုဖို့ ကောင်းနေပြန်သည်။ ဘယ်ကိစ္စမျိုး မဆို ဘေးထွက် ဆိုးကျိုးဆိုတာ ရှိသည်။ အချိန်ပြည့် အင်တာနက် သုံးစွဲနေသူတွေမှာ အထိုင်များတဲ့အတွက် အညောင်းမိသည်။ ထိုင်ရင်း အချိုရည်တွေ သောက်၊ အလွယ်ရ အစားအစာတွေ စား၊ သွားရေစာလောက်နဲ့ပဲ တင်းတိမ်သဖြင့် ကျန်းမာရေး ထိခိုက်လာမည်။ အာဟာရ ပြည့်ဝသော ပုံမှန် အစားအသောက် နှင့် သင့်တင့်သော ကိုယ်လက်လှုပ်ရှားမှု လိုအပ်သည်။ ကျန်းမာရေး သာမက ပတ်ဝန်းကျင်နှင့် အဆက်ပြတ်ပြီး လူမှုဆက်ဆံရေးလည်း ချို့ယွင်းလာမည်။ တကယ့် ကမ္ဘာနှင့် အဆက်ပြတ်လာမည်။ မျက်စိ အပါအ၀င် အာရုံကြောတွေ ထိခိုက်လာမည်။ စာဖတ်စွမ်းရည်၊ စာရေးစွမ်းရည် အပါအ၀င် တခြား စွမ်းရည်တွေ ကျဆင်းလာမည်။ ဒါကြောင့် အင်တာနက်ကို အသုံးမပြုသူ ဖြစ်ပါက မြန်မြန်အသုံးပြုရန် တိုက်တွန်းရင်း ချင့်ချိန် အ သုံးပြုရန်လည်း တဆက်တည်း သတိပေးလိုက်ရပါသည်။

(သစ္စာနီသည် ကဗျာ၊ ၀တ္ထုတို၊ ဆောင်းပါး၊ ဘာသာရေး၊ နိုင်ငံရေး၊ သရော်စာ၊ ဘာသာပြန်၊ သိပ္ပံဝတ္ထု၊ အနုပညာ ဝေဖန်ရေး စသည့် စာပေ လက်ရာစုံကို မဂ္ဂဇင်း၊ ဂျာနယ်များတွင် ရေးသားလျက် ရှိပြီး လုံးချင်း စာအုပ်များစွာကိုလည်း ရေးသားထုတ်ဝေလျက်ရှိသည့် စာရေး ဆရာ တဦးဖြစ်သည်။)

Ref: ဧရာဝတီ

Tuesday, January 15, 2013

အနာဂတ် နိုင်ငံတော်ကို ကယ်တင်ပါ

သစ္စာနီ
January 14, 2013

နိုင်ငံ တနိုင်ငံ ဖွံ့ဖြိုးတိုးတက်ရေးမှာ လူသား အရင်းအမြစ်က အဓိက ကျတဲ့နေရာက ပါဝင်ကြောင်း အခုအခါ လက်ခံလာကြ ပါတယ်။ သယံဇာတတွေ ဘယ်လောက်ပါများ ကြွယ်ဝပါစေ၊ ဒါတွေကို ထုတ်ယူသုံးစွဲနိုင်တဲ့ လူသားအင်အား မရှိဘူးဆိုရင် အဟောသိကံ ဖြစ်နေမှာ အမှန်ပါပဲ။ အဲဒီ လူသား အရင်းအမြစ်တွေဟာ နည်းပညာ အတတ်ပညာနဲ့ အသိတရားတွေ ယဉ်ကျေးမှုတွေ မြင့်မားနေတယ်ဆိုရင်တော့ အတိုင်းထက်အလွန်ပေါ့။ အဲဒီ လူ့အဖွဲ့အစည်း၊ အဲဒီနိုင်ငံ ဟာ ကမ္ဘာ့အလယ်မှာ ရင်ကော့ ခေါင်းမော့နိုင်တဲ့ နိုင်ငံ တနိုင်ငံ ဖြစ်ရမှာ သေချာပါတယ်။

ကျနော်တို့ မြန်မာနိုင်ငံက လူသားအရင်းအမြစ်တွေကို ဖွံ့ဖြိုးတိုးတက်အောင်၊ အခြေအနေ မြင့်မားအောင် ဘာတွေ ဆောင်ရွက် ကြမလဲ။ ပညာရပ်ဖွံ့ဖြိုးမှုတွေ၊ ပညာရေး တိုးတက်မြင့်မားရေးတွေ ဘယ်လိုပဲ နေနေ၊ ကျောင်းနေသင့်တဲ့ ကျောင်းနေရမယ့် ကျောင်းနေအရွယ် ကလေးငယ်တွေကို ကျနော်တို့ စာသင်မပေးနိုင်ဘူးဆိုရင် ကျနော်တို့ လူ့အဖွဲ့အစည်း ဟာ အိတ်ပေါက်နဲ့ ဖားကောက်သလို ဖြစ်နေတော့မှာပဲ။ ကျောင်းဖွင့်စမှာ ကလေးတွေ ကျောင်းထားရေးအတွက် စီမံကိန်းချ ဆောင်ရွက်နေတာ တွေ့ရလို့ ၀မ်းသာမိပေမေယ့် အမှန်အတိုင်းဝန်ခံရရင် တခြား စီမံချက်တွေလိုပဲ “ထင်သာထင် ၊ မ၀င်ဘူး ကျောင်းအမရေ” အဆင့်မှာပဲ ရှိပါသေးတယ်။ (အနည်းဆုံး အလယ်တန်းအဆင့် ပညာရေးကို မသင်မနေရ ပညာရေးအဖြစ် လွှတ်တော်က ဥပဒေ ပြဌာန်းပြီး၊ ဥပဒေနဲ့အညီ တိကျ ထိရောက်အောင် အရေးယူ ဆောင်ရွက်သင့်ပါပြီ။)

တချို့နိုင်ငံတွေမှာတော့ ဒီကိစ္စကို မက်လုံးပေး ဆွဲဆောင်ပြီး ဖြစ်မြောက်အောင် လုပ်ကြတယ်။ ဥပမာ၊ ဆင်းရဲလှပါတယ် ဆိုတဲ့ ဟေတီနိုင်ငံမှာတောင် ကလေးကို ကျောင်းလွှတ်ပေးတဲ့ မိဘတွေကို လစဉ် ဒေါ်လာ ၂၀ လောက် ဆုကြေး အဖြစ် ထောက်ပံ့ ပေး တယ်တဲ့။ အဲဒီ နည်းကို ဗင်နီဇွဲလား၊ ဘရာဇီးနဲ့ မက္ကဆီကို နိုင်ငံတွေမှာလည်း ဆောင်ရွက်နေတယ်။ (တခု ရှိသေး။ ဟေတီနိုင်ငံဟာ ၂၀၁၀ တုန်းက လှုပ်ခဲ့တဲ့ ငလျင်ကြောင့် လူတွေ တော်တော်သေပြီး လူသားအရင်းအမြစ် ဆုံးရှုံးခဲ့ ရတယ်။ အဲဒါတွေကို အစားထိုးဖို့ မျိုးဆက်သစ် လူငယ်တွေကို မွေးမြူနေတာ ဖြစ်ပါလိမ့်မယ်။) မြန်မာပြည်မှာရော မိဘတွေက ကလေး တွေကို ကျောင်းထားပေးချင်အောင် ကျနော်တို့ ဘယ်လို ဆောင်ရွက်ကြမလဲ။

မြန်မာပြည်မှာ ဆန်ရေစပါး ရှားပါးတဲ့ မ.ဆ.လ ခေတ်က ကိုယ့်ရင်သွေးကလေးကို ဆန်ဖိုးရအောင် ကိုယ်တိုင်လိုက်ရောင်း နေတဲ့ မိဘတွေ တွေ့ရဖူးပါတယ်။ အခုလည်း လမ်းပေါ်မှာ ကျပန်းလုပ်ကိုင် စားသောက်ပြီး အသက်မွေးနေတဲ့ ကလေး တွေ၊ လေလွင့်ပြီး တောင်းရမ်းစားသောက်နေတဲ့ ကလေးတွေ၊ ဒီ ကလေးတွေကို လေ့လာသူတွေက မေးမြန်းကြည့်တော့ မိဘတွေ ကိုယ်တိုင်က တောင်းရမ်းခိုင်းတာလို့ ပြောကြပါတယ်။ သတ်မှတ်ထားတဲ့ (ငွေ) စံချိန်မီအောင် မတောင်းနိုင်ရင် ထမင်းအငတ် ထား တာ၊ နှိပ်စက်ရိုက်နှက်တာ ခံကြရတယ်တဲ့။ အများစု ကလေးတွေ ကတော့ လဘက်ရည်ဆိုင်၊ စားသောက်ဆိုင်တွေမှာ စားပွဲထိုး ပန်းကန်ဆေး လုပ်ကိုင်နေကြတာ တွေ့ရတယ်။ မြန်မာပြည်မှာ ၁၆ နှစ် မပြည့်ရင် အလုပ် မလုပ်ရ ဆိုတဲ့ ခိုင်မာတဲ့ ဥပဒေ ရှိနေပေမယ့် ဒီလို ကလေးသူငယ် အလုပ်သမားလေးတွေရဲ့ အရေးကိစ္စကို အရေးယူတဲ့သူ မရှိသေးတာလည်း အံ့သြစရာ ကောင်းပါတယ်။ ဆိုင်ရှင်တွေက ကလေးအလုပ်သမားတွေကို ပိုကြိုက်ကြ တယ်။ လစာ ပေးတဲ့အခါ လူကြီး အလုပ်သမားတွေ ထက် တ၀က်ပဲ ပေးရတယ်။ အဲဒီ ကလေးတွေကို ဆူပူရိုက်နှက် ရင်လည်း ရတယ်။ မကြာခင်က သတင်းတပုဒ်မှာ အရွယ်မ ရောက် သေး တဲ့ ကလေးအလုပ်သမား တယောက်ကို ဆိုင်ရှင်က ရက်ရက်စက်စက် အပြစ်ပေး နှိပ်စက်လို့ သက်ဆိုင်ရာက အရေးယူလိုက်တဲ့ အကြောင်းပါ။

အပြည်ပြည်ဆိုင်ရာက အလုပ်သမားအဖွဲ့ (ILO) ရဲ့ ထုတ်ပြန်ချက်အရ ကမ္ဘာပေါ်မှာ ကလေး အလုပ်သမား အရေအတွက် ၂၁၅ သန်းရှိတယ်တဲ့။ အဲဒီ အထဲက ကလေး အလုပ်သမား သန်း ၁၀၀ ကျော်ဟာ အန္တရာယ်ရှိတဲ့ အလုပ်ခွင်တွေမှာ လုပ်ကိုင်နေကြရ တယ်တဲ့။ မကြာခင်ကပဲ မြန်မာဂျာနယ် တစောင်မှာ အရွယ်မရောက်သေးတဲ့ ကလေး တယောက်ဟာ အင်္ဂတေ မီးဖိုကြီးကို ထမ်းပိုးပြီး ၀ယ်ယူသူရဲ့ အိမ်အရောက် လိုက်ပို့ရာက ချော်လဲတော့ ခေါင်းပိမိပြီး အသက်ဆုံးရှုံး သွားတယ်ဆိုတာ ဖတ်လိုက်ရသေး တယ်။ တကယ်တော့ ဒီ အရွယ် ကလေးတွေဟာ ကျောင်းနေပြီး ပညာသင်ယူနေကြ ရမယ့် အရွယ်တွေပါ။ ဒီကလေးတွေ စာ မတတ် ပေမတတ် အသိဉာဏ်မဲ့ပြီး ကြီးပြင်းလာရင် သူတို့ အနာဂတ်ဟာ ဘာတွေ ဖြစ်လာမလဲ၊ ဖြစ်သွားမလဲ။ သူတို့ဟာ နိုင်ငံရဲ့ အနာဂတ် အရင်းအမြစ်တွေ ဖြစ်တော့ နိုင်ငံ့ အနာဂတ်ဟာ ဘာဖြစ်မလဲလို့ မေးခွန်းထုတ် ရင်လည်း မမှားဘူး။

စာရင်းဇယား တခုအရ ကမ္ဘာပေါ်မှာ ကလေး သန်း ၂၀၀၀ ကျော်ရှိတယ်။ ၅၀ ရာခိုင်နှုန်းသော ကလေး သန်း ၁၀၀၀ ကျော် ဟာ ဆင်းရဲတဲ့ ဘ၀နဲ့ နေထိုင်နေကြရတယ်။ သန်း ၆၄၀ က အိုးအိမ်မရှိတဲ့ လေလွင့် ကလေးငယ်တွေနဲ့ ဒုက္ခသည် စခန်း တွေက ကလေးငယ်တွေပါ။ (လက်ရှိ ကျနော်တို့ နိုင်ငံက ကချင်ပြည်နယ်နဲ့ ရခိုင် ပြည်နယ်က ဒုက္ခသည် စခန်းတွေမှာ ကလေးအရေအတွက် ဘယ်လောက်ရှိပြီလဲ။ သူတို့ ကျောင်းမတက်နိုင်ကြဘူး။ ကချင်ပြည်နယ်မှာဆို တိုက်ပွဲတွေ အဆက်မပြတ် ဖြစ်နေတော့ ဆယ်တန်း စာမေးပွဲ ဖြေဆိုဖို့တောင် ကလေးတွေမှာ အခက်အခဲ ဖြစ်နေပါတယ်။ ဒီတော့ နှစ်ဘက်စလုံးက ဆယ်တန်း စာမေးပွဲ ဖြေဆိုရမယ့် ရက်တွေမှာ လုံးဝ အပစ်အခတ် ရပ်စဲတဲ့ သဘောတူ ကျေညာချက်တွေ ထုတ်ပြန်ဖို့ ကောင်းပါတယ်။)

ဆက်ပြီး ပြောရရင် အဲဒီ သန်း ၁၀၀၀ ကျော်ထဲက ကျန်တဲ့ သန်း ၄၀၀ လောက်ဟာ ရေကောင်း ရေသန့် မသောက်ကြရဘူး။ သန်း ၂၅၀ လောက်က ဆေးကုသခွင့် မရကြဘူး။ ကဲ ဘယ်လောက် ရင်နာစရာ ကောင်းသလဲ။ ကျနော်တို့ ကမ္ဘာကြီးဟာ စစ်အသုံး စရိတ်နဲ့ ၀န်ပိနေတယ်။ တကမ္ဘာလုံး စစ်အသုံးစရိတ်ရဲ့ ၁ ရာခိုင်နှုန်းလောက်ကို လျှော့ချလိုက်မယ် ဆိုရင်တောင် ကမ္ဘာပေါ်က ကလေးတိုင်း ကျောင်းနေဖို့ စရိတ် လုံလောက်တယ်တဲ့။ ကျနော်တို့ နိုင်ငံမှာလည်း စစ်အသုံးစရိတ်နဲ့ ပညာရေး အသုံးစရိတ်က တော်တော်ကွာဟ နေပါတယ်။

ကျနော်တို့ နိုင်ငံမှာ ၁၆ နှစ်အောက် လေလွင့်နေတဲ့ ကလေးတွေကို အသက်အရွယ်အလိုက် လူမှုဝန်ထမ်းဌာန လက်အောက်မှာ ရှိတဲ့ လူငယ်သင်တန်းကျောင်းတွေကို ပို့ပြီး စောင့်ရှောက်ပေးတဲ့ အစီအစဉ် ရှိပါတယ်။ ဒါနဲ့ မလုံလောက် ပါဘူး။ အခုဆို ဒီလို စောင့်ရှောက်ပေးတဲ့ အရပ်ဘက် လူ့အဖွဲ့အစည်းတွေ ပေါ်ပါက်လာပါတယ်။ အဲဒီ ကလေးဂေဟာတွေ မှာ နေ့စဉ် ရောက်ရှိခိုလှုံတဲ့ ကလေးတွေ ရှိတယ်။ သူတို့ကို ထမင်းကျွေးတယ်၊ မုန့်ကျွေးတယ်၊ စာသင်ကြားပေး တယ်။ ဒါက နာတာရှည်ရောဂါကို ဆေးမြီး တိုနဲ့ ကုသတဲ့ သဘောပါပဲ။ အနာဂတ် စီမံကိန်းတွေ ချပြီး တိတိကျကျ ဆောင်ရွက်ရမယ့် အခြေအနေ ရောက်နေပါပြီ။ နိုင်ငံ တော်မှာ ကလေးလူ့ အခွင့်အရေး ကော်မတီဆိုပြီး သီးသန့်ဖွဲ့ ဆောင်ရွက်ရမလို ဖြစ်နေတယ်။ သူတို့ကို ကယ်တင်တာဟာ နိုင်ငံတော်ရဲ့ အနာဂတ်ကို ကယ်တင်တာနဲ့ အတူတူပါပဲ။

(သစ္စာနီသည် ကဗျာ၊ ၀တ္ထုတို၊ ဆောင်းပါး၊ ဘာသာရေး၊ နိုင်ငံရေး၊ သရော်စာ၊ ဘာသာပြန်၊ သိပ္ပံဝတ္ထု၊ အနုပညာ ဝေဖန်ရေး စသည့် စာပေ လက်ရာစုံကို မဂ္ဂဇင်း၊ ဂျာနယ်များတွင် ရေးသားလျက် ရှိပြီး လုံးချင်း စာအုပ်များစွာကိုလည်း ရေးသားထုတ်ဝေ လျက်ရှိသည့် စာရေး ဆရာ တဦးဖြစ်သည်။)

Ref: ဧရာဝတီ

Thursday, December 13, 2012

ရွှေ့ပြောင်းလုပ်သားများအရေး ထိုင်းမူဝါဒကို သုံးသပ်ခြင်း

အန်ဒီဟောလ်
December 12, 2012

အမျိုးသားလုံခြုံရေးနှင့် စီးပွားရေးလိုအပ်ချက် အားပြိုင်မှုများအပေါ် အခြေခံပြီး ထိုင်းအစိုးရ တာဝန်ရှိသူများသည် ယခုအခါတွင် ကမ္ဘောဒီးယား၊ လာအိုနှင့် မြန်မာနိုင်ငံမှ ရွှေ့ပြောင်းလုပ်သားများ တရားဝင် မှတ်ပုံတင် အလုပ်လုပ်နိုင်ရန် နည်းနည်းချင်းစီ လိုက်လျော လုပ်ဆောင်ပေးလာသည်ကို တွေ့ရသည်။ ထိုင်းနိုင်ငံရှိ မှတ်ပုံတင်ထားသော အလုပ်သမားများ၏ အခြေအနေမှာ တရားမဝင်ဖြစ်နေဆဲပင်ဖြစ်ပြီး ခိုးဝင်လာမှုကြောင့် ပြည်နှင်ဒဏ် ပေးခံရဖွယ်ရှိနေသည်။ ရွှေ့ပြောင်းလုပ်သားများ လွတ်လပ်ခွင့် အတွက် လှုပ်ရှားမှုများကို ပြင်းထန်စွာ ကန့်သတ်ချုပ်ချယ်ထားပြီး အလုပ်သမား အခွင့်အရေးများကိုလည်း လုံးဝလျစ်လျူရှု ထား သည်။

၂၀၀၁၊ ၂၀၀၄၊ ၂၀၀၉ နှင့် ၂၀၁၁ ခုနှစ်များတွင် ထိုင်းနိုင်ငံ၏ မှတ်ပုံတင်ပြုလုပ်ပေးရေး အစီအစဉ်မှာ အထောက်အထား၊ အချက်အလက် မပြည့်စုံသော အလုပ်သမားများအတွက် မှတ်ပံတင်ရရန် မဟာအခွင့်အရေး ဖြစ်ခဲ့သည်။ ၂၀၁၁ ခုနှစ်တွင် ရွှေ့ပြောင်းလုပ်သား ၂ သန်းနီးပါး မှတ်ပုံတင်ခဲ့သည်။ တနှစ်အတွင်း တစ်ကြိမ်တည်း အမြောက်အမြား မှတ်ပုံတင်ခြင်းကြောင့် အလုပ်ခေါ်စာ အသစ်ပြန်လုပ်ခြင်း ကိစ္စများမှာ ဝန်ထုပ်ဝန်ပိုး ဖြစ်လာခဲ့သည်။ ရွှေ့ပြောင်းလုပ်သား အမြောက်အမြား အလုပ်ပြောင်း ရွှေ့ခြင်းနှင့် အလုပ်ရှင်များအနေဖြင့် ရှုပ်ထွေးပြီး အဆင့်များလွန်းသော လုပ်ထုံးလုပ်နည်း ပုံစံများကြောင့် တရားမဝင် ပြန်လည် ပြုလုပ်လာကြသည်။

မှတ်ပုံတင်ခြင်းနှင့် ပါမစ်အသစ်လုပ်ခြင်း ဖြစ်စဉ်များမှာ ရှုပ်ထွေးပြီး အဆင့်များလွန်းခြင်းနှင့် အချိန်ကြာခြင်းနှင့် ငွေကြေး အ ကုန်အကျ များခြင်းတို့ကြောင့် ရွှေ့ပြောင်းလုပ်သားများနှင့် အလုပ်ရှင်များမှာ မှတ်ပုံတင်ခြင်းကိုစ္စကို လျစ်လျူရှုလာကြသည်။ မကြာသေးမီကမှ အသစ်ရောက်လာသော လုပ်သားများမှာလည်း မှတ်ပုံတင်လုပ်ရန် မတတ်နိုင်ကြပေ။ ပေးထားသော အခွင့်အရေးများကို ရယူရန် လက်လှမ်းမမီခြင်း၊ မှတ်ပုံတင်မရှိသော အလုပ်သမားများနှင့် အလုပ်ရှင်များကို တွန်းအားမ ပေးနိုင်ခြင်း၊ အရာရှိများနှင့် လူပွဲစားများ၏ အမျိုးမျိုးသော အနှောင့်အယှက်ပေးခြင်းများက မှတ်ပုံတင်ပြုလုပ်လာရန် မဆွဲဆောင်နိုင်ခဲ့ပေ

အိမ်နီးချင်းနိုင်ငံများနှင့် အကြိမ်ကြိမ် ဆွေးနွေးတိုင်ပင်ပြီးနောက် ထိုင်းနိုင်ငံနှင့် မြန်မာ၊ ကမ္ဘောဒီးယား၊ လာအို နိုင်ငံများအကြား အလုပ်သမားများအရေးကိစ္စနှင့် ပတ်သက်၍ နားလည်မှု စာချွန်လွှာ (MoU) ကို ၂၀၀၂-၂၀၀၃ တွင် ရေးထိုးနိုင်ခဲ့သည်။ ၄င်းနားလည်မှု စာချွန်လွှာတွင် တရားမဝင် ရွှေ့ပြောင်းလုပ်သားများ တရားဝင်ဖြစ်ရေးနှင့် ပတ်သက်၍ တိကျသေချာ ကောင်း မွန်သော နည်းလမ်းနှစ်ခု ပါဝင်သည်။ ပထမအဆင့်မှာ မည်သည့် နိုင်ငံသားဖြစ်ကြောင်း စိစစ်ရန် (Nationality Verification – NV) နှင့် ဒုတိယအဆင့်အနေဖြင့် MoU အတိုင်း အကောင်အထည်ဖော် ဆောင်ရွက်ရန် ဖြစ်သည်။

NV က ထိုင်းနိုင်ငံရှိ မှတ်ပုံတင်ထားသော အလုပ်သမားများအား ၄င်းတို့၏ မူရှင်းနိုင်ငံရှိ အချက်အလက်များနှင့် တိုက်ဆိုင် စစ်ဆေး၍ တရားမဝင်ဖြစ်နေခြင်းကို တရားဝင်ဖြစ်အောင် လုပ်ပေးခြင်းဖြစ်သည်။ MoU လုပ်ငန်းစဉ်မှာ ထိုင်းနိုင်ငံအတွင်းသို့ အိမ်နီးချင်းနိုင်ငံများမှ အလုပ်သမားများ တရားဝင်လမ်းကြောင်းများမှ တဆင့် အမှန်တကယ် လုပ်သားလိုအပ်နေသော စက်ရုံ အလုပ်ရုံများတွင် အလုပ်လုပ်နိုင်ရေး ကူညီဆောင်ရွက်ပေးရန် ဖြစ်သည်။

မြန်မာနိုင်ငံအနေဖြင့် ၂၀၀၉ ခုနှစ်ကတည်းကပင် ထိုင်းနိုင်ငံနှင့် တရားဝင် အထောက်အထား ထုတ်ပေးရေး လုပ်ငန်းစဉ်များကို ဆောင်ရွက်နိုင်ခဲ့သည်။ တရားဝင် အထောက်အထား ထုတ်ပေးရေး လုပ်ငန်းစဉ်ကြောင့် ရွှေ့ပြောင်းလုပ်သားများ အနေဖြင့် ယုံကြည်မှု တိုးတက်လာပြီး ၄င်းတို့၏ အခွင့်အရေးများကိုလည်း ရရှိလာနိုင်သည်။ သို့သော် ဗျူရိုကရက်တစ် အုပ်ချုပ်ရေး လုပ်ထုံးလုပ်နည်းများကြောင့် စိန်ခေါ်မှုများရှိလာခဲ့သည်။ လုပ်ငန်းစဉ်နှင့် ပတ်သက်သော သတင်းအချက်အလက်များကို ထင်သာ မြင်သာရှိအောင် မထုတ်ပြန်နိုင်ခြင်း၊ လုပ်ငန်းရှင်များအတွက် ကုန်ကျစရိတ်များခြင်း၊ ကြားပွဲစားများကြောင့် ရွှေ့ပြောင်းလုပ်သား များအနေဖြင့် အကြွေးတင်မည့်ကိန်း ပိုမိုဆိုက်လာခြင်း၊ မူလတိုင်းပြည်၏ နိုင်ငံသားမှတ်ပုံတင်ခြင်း လုပ်ငန်းစဉ်များနှင့် NV လုပ်ငန်း စဉ်တို့ မချိတ်ဆက်မိခြင်း၊ တရားဝင် လုပ်ငန်းစဉ်များ ဆောင်ရွက်ပြီးပါကလည်း ရသင့်ရထိုက်သည့် အကာအကွယ်ပေး ခြင်းစသော အခွင့်အရေးများ မရရှိခြင်းတို့ ဖြစ်လာခဲ့သည်။

ရွှေ့ပြောင်းလုပ်သားများအား မှီခိုနေသူများ (အထူးသဖြင့် ကလေးများ) အထူး များပြားလာသော်လည်း အရွယ်ရောက်ပြီးသော သူများသာ ပုံမှတ်လမ်းကြောင်းအတိုင်း ဆောင်ရွက်မှုတွင် အကြုံးဝင်သည်။ တချို့သော အခွင့်အရေးများအတွက် ကတိပေးသည်ဟု လက်မှတ်ထိုးထားသော်လည်း လက်တွေ့တွင် ကျန်းမားရေး၊ ပညာရေးနှင့် ပတ်သက်၍ လက်လှမ်း မမီနိုင်သေးခြင်းနှင့် ရွေ့ပြောင်း လုပ်သားများနှင့် ပတ်သက်၍ တိကျသော ဥပေဒေများ မရှိသေးခြင်းတို့ကို တွေ့ရသည်။

လွန်ခဲ့သော နှစ် ၂၀ အတွင်း နိုင်ငံခြားလုပ်သားဦးရေ ၅ ရာခိုင်နှုန်းမှ ၁၀ ရာခိုင်နှုန်းရှိသော်လည်း ရေရှည်စီးပွားရေး၊ လူမှုရေး နှင့် လူ့အခွင့်အရေး ရှုထောင့်များမှနေ၍ ရွှေ့ပြောင်းလုပ်သားအားလုံးနှင့် သက်ဆိုင်သော မူဝါဒများ မချမှတ်နိုင်ခဲ့ပေ။ ထိုမူဝါဒများ ချမှတ်ရန် ထိုင်းနိုင်ငံအနေဖြင့် ၂၀၁၁ က ဆွစ်ဇာလန်နိုင်ငံ ဂျနီဗာမြို့တွင် ကျင်းပသော Universal Periodic Review ဖိုရမ်တွင် နိုင်ငံတကာ အသိုင်းအဝိုင်းအား အလွန်အရေးပါသော ကတိတခုအနေဖြင့် ပေးထားခဲ့ပြီး ဖြစ်သည်။

အစိုးရ တာဝန်ရှိသူများကလည်း လူ့အခွင့်အရေး၊ အမျိုးသားလုံခြုံရေးနှင့် ဥပဒေအတိုင်း ဖြစ်ရေးထက် ထုတ်ကုန်စက်ရုံများအတွက် ဈေးပေါ၍ အရည်အချင်း မပြည့်မီသော လုပ်သားများ လိုအပ်မှုကို ပိုမိုဦးစားပေးလာခဲ့သည်။ ထိုင်းနိုင်ငံရှိ ရွှေ့ပြောင်းလုပ်သား များကို အရည်အသွေး မြှင့်တင်ပေးခြင်းဖြင့် မူလတိုင်းပြည်များအတွက် အဖိုးတန်သော လူ့စွမ်းအား အရင်းအမြစ်များ ဖြစ်လာ နိုင်ခြင်းနှင့် ထိုင်းနိုင်ငံ၏ အနာဂတ် ထုတ်ကုန်အတွက် ကုန်ကြမ်းများဖြစ်သည်ဟု မည်သူမျှမရှုမြင်ကြပေ။

မကြာသေးခင်က ရွှေ့ပြောင်းလုပ်သားများ စီမံခန့်ခွဲမှုနှင့် ပတ်သက်၍ ထိုင်းနိုင်ငံအား ပိုမိုဖိအားပေးမှုများ များပြားလာခဲ့သည်။ ရွှေ့ပြောင်းလုပ်သားများ၏ အခွင့်အရေးများ ကျယ်ကျယ်ပြန့်ပြန့် ချိုးဖောက်ခြင်းသည် လူကုန်ကူးမှုကို အားပေးအားမြှောက်ပြု လာသောကြောင့်ဖြစ်သည်။ ထိုင်းနိုင်ငံသည် ဝေးလံသော တိုင်းပြည်များသို့ လူကုန်ကူးမှုများအတွက် ခရီးတထောက်နားရာ သို့မဟုတ် အဓိကက သော့ချက်နိုင်ငံတခု ဖြစ်လာသည်။

ရွှေ့ပြောင်းလုပ်သားများ၏ အခွင့်အရေး ချိုးဖောက်မှုများ၊ လူကုန်ကူးမှုများ၊ ကလေးအလုပ်သမားများကို ထိုင်းနိုင်ငံ၏ အဓိက ပြည်ပပို့ကုန် အလုပ်ရုံများဖြစ်သော ရေထွက်ပစ္စည်းလုပ်ငန်းများ၊ ငါးဖမ်းလုပ်ငန်များ၊ နာနတ်သီးလုပ်ငန်း၊ သစ်သီးနှင့် ရာဘာ လုပ်ငန်းများတွင်သာမက နိုင်ငံ၏ အဓိက အကြီးဆုံး ဝင်ငွေရနေသော ခရီးသွားလုပ်ငန်းများတွင်ပါ တွေ့နိုင်သောကြောင့် ရွှေ့ပြောင်းလုပ်သားများနှင့် ပတ်သက်သော အငြင်းပွားမှုများမှာ နိုင်ငံတကာ ကုန်သွယ်ရေးနှင့်ပါ ပတ်သက်လာခဲ့သည်။

ထိုင်းနိုင်ငံအနေဖြင့် အဆိုပါစိန်ခေါ်မှုများကို တုံ့ပြန်ရာတွင် ပြည့်စုံမှု မရှိသည့်အပြင် အကြောင်းအကျိုး ညီညွတ်သော ပြုပြင် ပြောင်း လဲမှုမရှိဟု လေ့လာစောင့်ကြည့်သူများက ယူဆကြသည်။ ၂၀၁၃ ဇူလိုင်တွင် အမေရိကန်ပြည်ထောင်စုက ထိုင်းနိုင်ငံ အား လူကုန်ကူးမှုနှင့် ပတ်သက်၍ အဆင့် ၃ သတ်မှတ်ရန် ပြင်ဆင်ထားသည်။ အဆင့် ၃ မှာ အနာဂတ် မူဝါဒရေးရာ၊ ကုန်သွယ်မှုနှင့် စီးပွားရေး ပိတ်ဆို့မှုစသော အချက်များနှင့် ပတ်သက်၍ အနိမ့်ဆုံးဖြစ်သည်။

ထိုဖိအားများကြောင့် ထိုင်းအနေဖြင့် ရွှေ့ပြောင်းလုပ်သားများအရေး (အထူးသဖြင့် မြန်မာနိုင်ငံ) ကို ယခင်ကထက် ပိုမိုအာ ရုံစိုက်လာခဲ့ရသည်။ ၄င်းတို့အနေဖြင့် မကျေနပ်သော်လည်း ထိုကိစ္စမှာ လတ်တလော ရေတိုဖြေရှင်းရမည့် ကိစ္စမဟုတ်ဘဲ ရေရှည် အကျိုးကျေးဇူးအတွက်ပါ လိုအပ်ကြောင်း တဖြည်းဖြည်းလက်ခံလာပြီး အိမ်နီးချင်းနိုင်ငံများ၏ ရွေ့ပြောင်းလုပ်သားများ အရေးကို ပိုမိုတာဝန်ယူ လုပ်ဆောင်လာသည်ကို တွေ့ရသည်။

မြန်မာနိုင်ငံ၏ မကြာသေးခင်ကမှ ဖြစ်ပေါ်လာသော ပြောင်းလဲတိုးတက်မှုများကလည်း အနာဂတ်မြန်မာ ရွှေ့ပြောင်းလုပ်သားများ ရရှိနိုင်မှုနှင့် ၄င်း၏ စီးပွားရေးအပေါ် သက်ရောက်နိုင်မှုများအတွက် ထိုင်းနိုင်ငံကို ပိုမိုအာရုံစိုက်လာစေသည်။ သမ္မတ ဦးသိန်း စိန်နှင့် ဒေါ်အောင်ဆန်းစုကြည် (၂၀၁၂ မေလက မဟာချိုင်ရှိ ရွှေ့ပြောင်း အလုပ်သမားများထံ လာရောက်လည်ပတ်မှု) တို့ကလည်း မြန်မာပြည်မှ အလုပ်သမားများကို နေရပ်ပြန်ရန် ပြန်ခေါ်နေသည်။

သို့သော် ထိုင်းနိုင်ငံက ပြည်တွင်းတွင် လတ်တလောရှိနေသော ရွှေ့ပြောင်းအလုပ်သမား တသန်းကျော်ကို ၂၀၁၂ ဒီဇင်ဘာ ၁၄ ရက်နောက်ပိုင်းတွင် ပြည်နှင်ဒဏ်ပေးမည်ဟု ကြေညာလိုက်သည်။ ဒီဇင်ဘာ ၁၄ ရက်နေ့သည် NV လုပ်ငန်းစဉ်၏ နောက်ဆုံး ရက်ဖြစ်နေပြီး အပြည်အပြည်ဆိုင်ရာ ရွှေ့ပြောင်းအလုပ်သမားနေ့ မတိုင်မီ လေးရက်မြောက်နေ့ ဖြစ်သည်။

ထိုင်းအစိုးရမှ နောက်ထပ် ရွှေ့ပြောင်းအလုပ်သမားများ တရားဝင် အထောက်အထား ပြုလုပ်ခြင်းလုပ်ငန်းများကို ထပ်မံခွင့်ပြု တော့မည် မဟုတ်ဘဲ တရားမဝင်ရှိနေသော အလုပ်သမားများအား ပြည်နှင်ဒဏ်ပေးမည်ဟု ကြေညာခဲ့သည်။ နားလည်မှု စာချွန်လွှာအရ ရှေ့ဆက် တရားဝင်ပြုလုပ်ခြင်း လုပ်ငန်းမျာနှင့် ရွှေ့ပြောင်းလုပ်သားများအား စီမံခန့်ခွဲမှု ကိစ္စများကို စားပွဲဝိုင်းထိုင် ညှိုနှိုင်းဆွေးနွေးမှုများ ပြုလုပ်သွားမည်ဟု ဆိုသည်။

အမျိုးမျိုးအဖုံဖုံသော ဥပဒေများနှင့် ရွှေ့ပြောင်းလုပ်သားများအရေး ဆောင်ရွက်သော အစိုးရအရာရှိများကြောင့် အစီအစဉ် များ အားလုံး ပြောင်းလဲသွားနိုင်သည်။ ထို့အပြင် ထိုင်းအစိုးရ၏ မပိုင်နိုင်သော ရွှေ့ပြောင်းလုပ်သား စီမံခန့်ခွဲမှု လုပ်ငန်းစဉ်များ၊ မပြည့်စုံသော ရွှေ့ပြောင်းလုပ်သားဆိုင်ရာ ရေရှည်မူဝါဒများ၊ တရားဥပဒေကို မျက်ကွယ်ပြု၍ ရွှေ့ပြောင်းအလုပ်သမား အခွင့်အရေး ချိုးဖောက်မှုများမှာ ရှောင်လွှဲ၍ မရသော အထောက်အထားများပင် ဖြစ်သည်။

မြန်မာနိုင်ငံအနေဖြင့် ဖြစ်လာမည့် ကိစ္စများကို နားလည်သိရှိ၍ သမ္မတ ဦးသိန်းစိန်က ညှိနှိုင်းဆောင်ရွက်ရန် ပြီးခဲ့သည့်လနှောင်း ပိုင်းက တာဝန်ရှိသူများကို ထိုင်းနိုင်ငံသို့ စေလွှတ်ခဲ့သည်။ ထိုင်းနိုင်ငံကလည်း ထပ်မံ သက်တမ်းတိုးပေးရန် လိုက်လျောတော့မည် မဟုတ်ကြောင်း၊ ပြည်နှင်ဒဏ်ပေး ခံရသူများအတွက် မိမိဖာသာ ဖြေရှင်းရန် ပြတ်ပြတ်သားသား တုံ့ပြန်ခဲ့သည်။ မြန်မာ အလုပ်သ မားဝန်ကြီးအနေဖြင့် ထိုင်းနိုင်ငံသို့ အမြန်ဆုံးလာရောက်၍ ထိုကိစ္စကို ဆက်လက်ဆွေးနွေးသင့်သည်။

ထိုင်းနိုင်ငံအနေဖြင့် ၄င်းတို့နိုင်ငံတွင် လာရောက်လုပ်ကိုင်နေသော အလုပ်သမားများနှင့် ပတ်သက်၍ အိမ်နီးချင်းနိုင်ငံများ အပေါ် ထားရှိရမည့် ဝတ္တရားများကို မစောင့်ထိန်းရုံသာမက ထိုင်းမူဝါဒရေးဆွဲသူများသည် ၄င်းတို့၏ စီးပွားရေးမှာ လာစာနည်း၍ အရည် အသွေး မမီသော အလုပ်သမားများအပေါ် မီခိုနေရသေးသည်ဆိုသည်ကို လူသိရှင်ကြားဝန်ခံရန် ငြင်းပယ်ရေး (သို့မဟုတ်) ယထာဘူတာကျကျ သုံးသပ်ရေး ပျက်ကွက်ခဲ့ကြသည်။

ပြည်နှင်ဒဏ်ပေးခြင်း၏ ဖြစ်လာမည့် နောက်ဆက်တွဲ ဂယက်ကိုလည်း ထိုင်းနိုင်ငံအနေဖြင့် မစဉ်းစားခဲ့ချေ။ လုပ်ငန်းရှင်များက အလုပ်သမားရှားပါးမှုအတွက် ဆန္ဒပြကြပြီး အစိုးရအနေဖြင့် ပြည်နှင်ဒဏ်ပေးပါက အလုပ်သမား အများအပြား အိမ်ပြန်သွားမည်ကို ကြောက်ရွံ့နေကြသည်။ နိုင်ငံတကာ အသိုင်းအဝိုင်းက ရွှေ့ပြောင်းအလုပ်သမားများ၏ အခွင့်အရေး ချိုးဖောက်မှုများနှင့် လူကုန် ကူးမှုများကို အာရုံစိုက်လာနေသော်လည်း ထိုင်းအစိုးရအနေဖြင့် အလုပ်သမားများကို အကြွေးနွံနှင့် လူကုန်ကူးမှု အန္တရာယ်ထဲသို့ တွန်းပို့နေသည်။

ထိုင်းအစိုးရ အဖွဲ့အတွင်းတွင်လည်း ရွှေ့ပြောင်းအလုပ်သမားအရေးနှင့် လူကုန်ကူးမှုကိစ္စများအတွက် တာဝန် ရှိသောသူများကို အပြင်းအထန် ဖိအားပေးးနေသည်။ အမြဲလိုလိုပင် ထိုင်းအစိုးရသည် ရွှေ့ပြောင်း အလုပ်သမားများ မှတ်ပုံတင်ခြင်းကို နောက် ဆုံးရက် သတ်မှတ်ကြေညာပြီး ထောင်ပေါင်းများစွာသော အလုပ်သမားများကို စွပ်စွဲဖမ်းဆီးလေ့ရှိသည်။ တရားမဝင် အလုပ် သမားများအနေဖြင့် ငွေကြေးတတ်နိုင်ပါက ပြန်လွှတ်ပေးခံရသော်လည်း မတတ်နိုင်ပါက ပြည်နှင်ဒဏ်ပေးခံရသည်။

သို့ဖြစ်၍ ထိုင်းနိုင်ငံအနေဖြင့် ဒီဇင်ဘာ ၁၄ ရက်နေ့တွင် ပြည်နှင်ဒဏ်ပေးခြင်း မပြုလုပ်ဘဲ အခွင့်အရေးကို အမိအရ ယူသင့် သည်။ သို့သော် ပါဝင်ပတ်သက်နေသူများအားလုံး (ကုလသမဂ္ဂ အဖွဲ့များ၊ သံတမန်များနှင့် အရေးကြီး အိမ်နီးချင်းနိုင်ငံများ) ညှိနှိုင်းတိုင်ပင်ပြီး ရွှေ့ပြောင်းလုပ်သားများနှင့် ပတ်သက်သော လုပ်ငန်းစဉ်များ ပိုမို အားကောင်းလာစေရန်နှင့် လူ့အခွင့်အရေးနှင့် ရွှေ့ပြောင်းလုပ်သားများနှင့် ပတ်သက်သော ဥပဒေများကို လေးစားလိုက်နာစေရန် လုပ်ဆောင်ရမည်။

ထိုင်းနိုင်ငံနှင့် အိမ်နီးချင်းနိုင်ငံများအတွက် တရားမဝင် ရွှေ့ပြောင်းလုပ်သားများနှင့် ပတ်သက်၍ အမျိုးသားရေး၊ စီးပွားရေးနှင့် လုံခြုံရေးကို လေးစားလိုက်နာသော နည်းလမ်းများ၊ ဖြစ်နိုင်ချေရှိသော မဟာဗျူဟာများ အမြောက်အမြားရှိသည်။

အရေးကြီးသည်မှာ လက်ရှိမြန်မာနိုင်ငံ၏ နိုင်ငံသားစီစစ်ရေး စင်တာ ၇ ခုတွင် မြန်မာနိုင်ငံမှ တာဝန်ရှိသူများမှ တရားမဝင် အလုပ်သမားများအား မှတ်ပုံတင်ပေးခြင်း၊ နိုင်ငံကူးလက်မှတ်များအား ဈေးနှုန်းသက်သာစွာဖြင့် ဆောင်ရွက်ပေးခြင်း များကို လုံခြုံ၍ ထင်သာမြင်သာရှိသော နည်းလမ်းများနှင့် ဆောင်ရွက်ပေးနေသည်။ ၄င်းစင်တာများအနေဖြင့် ရွှေ့ပြောင်းလုပ်သား များသာမက ၄င်းတို့အားမှီခိုနေသောသူများကိုပါ တရားဝင် ဖြစ်ရေး၊ ၄င်းတို့၏ ပညာရေး၊ ကျန်းမာရေးကိစ္စများကိုပါ ဆောင်ရွက်ပေးရန်လိုသည်။

လက်တွေ့မကျသော မှတ်ပုံတင်ခြင်းလုပ်ငန်း နောက်ဆုံးရက်သတ်မှတ်ခြင်း ကြေညာချက်နှင့် အမြောက်အမြား ပြည်နှင်ဒဏ် ပေး ခြင်းမှာ အကြောင်းအကျိုး ခိုင်လုံမှု လုံးဝမရှိပေ။ ယခုလုပ်ရပ်မှာ အဆင်အခြင် ကင်းမဲ့စွာဖြင့် နောက်ဆက်တွဲ ပြဿနာများကို ပိုမိုကြီးထွားလာစေလိမ့်မည်။

ဒီဇင်ဘာ ၁၄ ရက်နေ့ မတိုင်မီ မြန်မာအစိုးရနှင့် ထိုင်းအစိုးရတို့အကြား ပူးပေါင်းညှိနှိုင်း ဆောင်ရွက်မှုများမှတဆင့် ရွှေ့ပြောင်းလုပ် သားများနှင့် ပတ်သက်၍ နှစ်ဦးနှစ်ဖက် အဆင်ပြေသော နည်းလမ်းတခုကို ချမှတ်နိုင်ရန် မျှော်လင့်သည်။ သို့မှသာ ရွှေ့ပြောင်း လုပ်သားများနှင့် ပတ်သက်၍ တရားဥပဒေနှင့် လူ့အခွင့်အရေးများအား လေးစားလိုက်နာမှုများ ပိုမိုတိုးတက်လာစေပါမည်။

(ဘန်ကောက်ပို့စ် သတင်းစာပါ မစ္စတာ အန်ဒီဟောလ် (Andy Hall) ၏ Deadlines, threats against migrants bad for both sides ကို ဆီလျော်အောင် ဘာသာပြန်ဆို ဖော်ပြပါသည်။ မစ္စတာ အန်ဒီဟောလ်သည် ထိုင်းနိုင်ငံ မဟီဒေါလ် တက္ကသိုလ်၊ လူဦးရေနှင့် လူမှုသုတေသနဌာန (IPSR) ရှိ မဟီဒေါလ် မိုက်ဂရေးရှင်း စင်တာ (MMC) မှ နိုင်ငံခြားသား ကျွမ်းကျင်သူပညာရှင်တဦး ဖြစ်သည်။)

Ref: ဧရာဝတီ

Friday, November 30, 2012

ကမ္ဘာ့အလယ်မှာ မြန်မာ့ဆန် တင်ပို့မှု

ခင်မျိုးသွယ်
နိုဝင်ဘာလ ၂၉ ရက် ၂၀၁၂ ခုနှစ်

ကမ္ဘာ့ ဆန်အများဆုံး တင်ပို့နိုင်မှု စာရင်းတွင် မြန်မာနိုင်ငံက နံပါတ် ၉ နေရာတွင် ရှိနေကြောင်း အမေရိကန် လယ်ယာ စိုက်ပျိုး ရေးဌာန (USDA) က ထုတ်ပြန်ထားသည်ဟု မြန်မာနိုင်ငံ ဆန်စပါးအသင်းချုပ်မှ တာဝန်ရှိသူ တဦးက ဆိုသည်။ သို့သော် ဆန် စပါးအသင်းကမူ တန်ချိန် ထိုထက်မက တင်ပို့နိုင်မည်ဟု မျှော်မှန်းထားသည်။

လက်ရှိ ဆန်တင်ပို့မှု အခြေအနေ

“ဘဏ္ဍာနှစ်အတွင်း ဧပြီ ၁ ရက် ကနေ နိုဝင်ဘာလ ၁ဝ ရက်နေ့အထိ ဆန်တန်ချိန် ၈ သိန်းကျော် တင်ပို့ပြီး ဖြစ်ပါ တယ်။ အဓိက က အာဖရိကနိုင်ငံ၊ Ivory Coast ကို ပင်လယ် ရေကြောင်းကနေ တင်ပို့နေပါတယ်။ ဒီနှစ်ထဲမှာ ဆန်တန်ချိန် ၁ သန်းကနေ ၁ သန်းခွဲကြား တင်ပို့နိုင်မယ်လို့ မှန်းထားပါတယ်။ အနည်းဆုံးတော့ ဆန်တန်ချိန် ၁ သန်းတော့ သေချာပေါက် ပို့နိုင်မယ် မှန်းထားပါ တယ်” ဟု ဆန်စပါး အသင်းချုပ်မှ သတင်းနှင့်ပြန်ကြားရေး တာဝန်ခံ ဒေါက်တာစိုးထွန်း က ဆိုသည်။

ပင်လယ်ရေကြောင်းမှ အင်ဒိုနီးရှား၊ ဘင်္ဂလားဒေ့ရှ်၊ ဖိလစ်ပိုင်၊ စင်္ကာပူနှင့် ရုရှားသို့လည်း ဆန်တင်ပို့နေသည်ဟု ဆိုသည်။

တရုတ်ကို တင်ပို့မှု အများဆုံး

“ဆန်တင်ပို့မှုကို နယ်စပ်ကုန်သွယ်ရေးက ခွင့်ပြုခဲ့တဲ့နောက်ပိုင်း တရုတ်နဲ့ ထိုင်းကို နယ်စပ်က တင်ပို့မှု ရှိလာပါတယ်။ ပြည်ပကို တင်ပို့ပြီးတဲ့ ဆန်တန်ချိန် ၈ သိန်းကျော်မှာ တရုတ်နိုင်ငံရဲ့ဝယ်ယူမှုက ၄ သိန်းကျော် ရှိနေပါတယ်” ဟု ဆန်စပါးအသင်းမှ တာဝန် ရှိသူတဦးဖြစ်သည့် ဦးမျိုးသူရအေး က ပြောသည်။

ထိုင်းနှင့်တရုတ်၏ ဝယ်ယူမူတွင် ဆန်အပြင် ဆန်ကွဲတို့ကိုပါ ဝယ်ယူသည်။ ဆန်ကွဲကို စားသောက်ကုန် လုပ်ငန်းများ တွင် အသုံးပြုကြသည်ဟု သိရသည်။

၂ဝ၁၁ ခုနှစ်၊ ဘဏ္ဍာနှစ်အတွင်း နယ်စပ်ကုန်သွယ်ရေးမှတဆင့် ဆန်တန်ချိန် ၁၃၆,၂၃ဝ ရှိခဲ့ကြောင်း နယ်စပ် ကုန်သွယ်ရေး ဦးဌာန၏ မှတ်တမ်းများအရ သိရှိရသည်။

မြန်မာဆန် ဝယ်ယူရန် MOU ရေးထိုးရန်ရှိ

မြန်မာနိုင်ငံမှ ဆန်ဝယ်ယူရန်အတွက် အစိုးရချင်း MOU (နားလည်မှု စာချွန်လွှာ) များ လက်မှတ်ရေးထိုးရန်ရှိသည်။

“အင်ဒိုနီးရှားကတန်ချိန် ၅ သိန်း ဝယ်ယူဖို့ ဒီဇင်ဘာ လကုန်လောက်မှာ MOU ရေးထိုးဖို့ ရှိပါတယ်။ နောက် တရုတ်နဲ့ရော၊ ဘင်္ဂလားဒေ့ရ်ှနဲ့ပါ ဆက်ပြီး လက်မှတ်ရေးထိုးဖို့ ရှိပါတယ်။ ဆန်စပါး တင်ပို့နိုင်မှု အနေအထား ကောင်းလာ မယ်လို့ ခန့်မှန်း နိုင်ပါတယ်။ အာဖရိက က ဝယ်တယ်ဆိုတာ ဒိုနာအေဂျင်စီတွေက တဆင့် ဝယ်လှူတာပါ။ အမေရိကန်ရဲ့ ဒိုနာအေဂျင်စီတွေ အနေနဲ့လည်း မြန်မာဆန်ကို ဝယ်ယူမှု ရှိလာနိုင်ပါတယ်” ဟု ဆန်စပါးအသင်းချုပ် ဒု-ဥက္ကဋ္ဌတဦးက ဆိုသည်။

ဆန် အဓိကတင်ပို့နိုင်ငံ အဖြစ် ရပ်တည်ခဲ့

မြန်မာနိုင်ငံသည် ၁၉၂၃ ခုနှစ်မှ ၁၉၄ဝ ခုနှစ်အတွင်း ကာလများတွင် ဆန်တန်ချိန် ၃ သန်းအထိ ပြည်ပသို့ ရောင်းချ နိုင်ခဲ့၍ ကမ္ဘာတွင် ဆန် အဓိက တင်ပို့ရောင်းချသော နိုင်ငံအဖြစ် ရပ်တည်ခဲ့သည်။ ယင်းကာလများမှာ အင်္ဂလိပ် ကိုလိုနီအစိုးရ အုပ်ချုပ်ချိန် ဖြစ်သည်။

လွတ်လပ်ရေးခေတ် ပါလီမန် အုပ်ချုပ်ချိန် ကာလများဖြစ်သော ၁၉၄၈-၄၉ မှ ၁၉၅၁-၅၂ ကာလများတွင် ဆန်တန်ချိန် ၁.ဝ၆၅ သန်း မှ ၁.၂၄၈ သန်းအထိ တင်ပို့ခဲ့ပြီး ပြုတ်ဆန်များ boiled rice အပါအဝင် ဖြစ်သည်။

ထို့နောက် တော်လှန်ရေးကောင်စီ လက်ထက်တွင် ဆန်စပါးလုပ်ငန်းများအား ပြည်သူပိုင် သိမ်းယူပြီး ဆန်စပါး တင်ပို့မှုကို နိုင်ငံတော်မှ ဆောင်ရွက်ခဲ့ရာ ၁၉၆၂-၆၃ မှ ၁၉၇၃-၇၄ ကာလအတွင်း ဆန်တန်ချိန် ဝ.၁၉၆ သန်းမှ ၁.၄၄၁ သန်းအထိသာ တင်ပို့ ရောင်းချခဲ့သည်။ ၁၉၆၃-၆၄ ခုနှစ်တွင် တန်ချိန် ၁.၄၄၁ သန်း၊ ၁၉၆၄-၆၅ ခုနှစ်တွင် တန်ချိန် ၁.၁၇၆ သန်း နှင့် ၁၉၇၃-၇၄ တွင် တန်ချိန် ဝ.၁၉၆ သန်းသာ ရောင်းချနိုင်ခဲ့ကာ အနိမ့်ဆုံး အဆင့်သို့
ရောက်ရှိလာခဲ့ရသည်။

၁၉၇၄-၇၅ မှ ၁၉၈၇-၈၈ ခုနှစ်အထိ ဆန်တင်ပို့ရောင်းချမှုမှာ ဆန်တန်ချိန် ဝ.၁၆၆ သန်းမှ ဝ.၇၈၇ သန်းအထိ တင်ပို့ရောင်းချ နိုင်ခဲ့ပြီး ၁၉၈၇-၈၈ ခုနှစ်တွင် ဝ.၁၉၆ သန်းသာ တင်ပို့ ရောင်းချနိုင်ခဲ့ရပြန်သည်။

၁၉၈၈ ခုနှစ်နောက်ပိုင်း လယ်ယာ စိုက်ပျိုးရေး ဝန်ကြီးဌာနမှ နွေစပါး-မိုးစပါး စိုက်ပျိုးရေးကို ဆောင်ရွက်ခဲ့ပြီး ၁၉၈၈-၈၉ မှ ၂ဝဝ၂-ဝ၃ ကာလအတွင်း ဆန်တန်ချိန် ဝ.ဝ၂၄ မှ ၁.ဝ၄ သန်းအထိ တင်ပို့လာခဲ့သည်။ ၁၉၉၄-၉၅ ခုနှစ်တွင် တန်ချိန် ၁.ဝ၄ သန်းအထိ အမြင့်ဆုံးတင်ပို့ရောင်းချနိုင်ခဲ့ကြောင်း မှတ်တမ်းများအရ သိရသည်။

လွတ်လပ်စွာ တင်ပို့ရောင်းချခွင့်

၁၉၆၃ ခုနှစ်၊ ဒီဇင်ဘာလမှ စ၍ မြန်မာ့ ဆန်စပါးရောင်းဝယ်မူကို ပြည်သူပိုင် ဆောင်ရွက်ခဲ့ရာက ၂ဝဝ၃ ခုနှစ် ရောက်မှ လွတ်လပ်စွာ ရောင်းဝယ်ခွင့်ပြုခဲ့သည်။ နှစ်ပေါင်း ၄၁ နှစ်ကြာမှ ကမ္ဘာ့ ဆန်ဈေးကွက်နှင့် ပြန်လည်လေ့လာ ဆောင်ရွက်ရသည့် အခြေအနေသို့ ရောက်ရှိခဲ့သည်။

မြန်မာဆန်ကို အာဖရိကမှ အများဆုံး ဝယ်ယူနေ

“မြန်မာနိုင်ငံအနေနဲ့ ဧည့်မထဆန် ၂၅ ရာခိုင်နှုန်း (၂၅ မှတ်) ဆန်ကို အာဖရိကကို အဓိက ရောင်းချနေရတာပါ။ ဈေးကွက်မှာ ထိုင်း၊ ဗီယက်နမ်တို့က ရောင်းချတဲ့ ၂၅ မှတ် ဆန်ဈေးအောက် ဈေးနှုန်းနဲ့ပဲ ရောင်းချရပါတယ်။ ၂ဝ၁၂ ခုနှစ် ၂၅ ရာခိုင်နှုန်း ဆန်ဈေးဟာ ၂ဝ၁၁ ခုနှစ် ဆန်ဈေးအောက် ရောက်သွားတာကို မြန်မာနဲ့ ဗီယက်နမ်ဆန်မှာဖြစ်ခဲ့ပေမယ့် ထိုင်းနိုင်ငံ ထုတ် ဆန်ကတော့ ဈေးအမြင့်ဆုံးအဖြစ် ရရှိရပ်တည်နိုင်တာ တွေ့ရတယ်” ဟု စီးပွား/ကူးသန်း ဝန်ကြီးဌာန အဆင့်မြင့်အရာရှိမှ အငြိမ်းစားယူခဲ့သူ တဦးက ပြောသည်။

မြန်မာနိုင်ငံတွင် စိုက်ပျိုးသည့် ဧည့်မထ စပါးတွင် အထွက်ကောင်းမျိုးများ ပါဝင်ပြီး သီးထပ်ရင်၊ မနောသုခ၊ ကျော်ဇေယျ စပါး များသည် ဧည့်မထ အုပ်စုများ ဖြစ်သော်လည်း ဆန် အပျော့အမာ ကွာခြားမှုရှိသည်။ ဧည့်မထ အုပ်စုဝင် စပါးများကို ကြိတ်ခွဲ၍ ၂၅ ရာခိုင်နှုန်း ဧည့်မထဆန်အဖြစ် ရောင်းချပါက အရည်အသွေး မညီမညာ ဖြစ်နိုင်ကြောင်း၊ ထိုသို့ ကြိတ်ခွဲရောင်းချခြင်းကို စပါးအမျိုး အစားသာမက စားသုံးမှု အရည်အသွေးကိုပါ ထည့်သွင်းစဉ်းစားကာ ဝယ်ယူကြိတ်ခွဲ တင်ပို့ရောင်းချခြင်းကိုပါ ပြောင်းလဲဆောင်ရွက် သင့်ကြောင်း မြန်မာနိုင်ငံ
တောင်သူလယ်သမားအသင်း ဥက္ကဋ္ဌ က ပြောသည်။

လတ်တလော ဆန်ဈေးနှုန်း

နိုဝင်ဘာလလယ် ဆန်ဈေးနှုန်းများမှာ ဧည့်မထဆန် တတင်းခွဲဝင် တအိတ်လျှင် လက်ကားဈေးများမှာ ရန်ကုန်တွင် ၁၅,၃ဝဝ ကျပ်၊ မန္တလေးတွင် ၁၇,၅ဝဝ ကျပ်၊ မော်လမြိုင်တွင် ၁၅,ဝဝဝ ကျပ်၊ တောင်ကြီးတွင် ၁၇,ဝဝဝ ကျပ်၊ ပဲခူးတွင် ၁၄,၅ဝဝ ကျပ်၊ ပြည်တွင် ၁၃,ဝဝဝ ကျပ်နှင့် ရွှေဘိုတွင် ၂၂,ဝဝဝ ကျပ်တို့ ရှိနေပြီး နယ်စပ်မြို့များဖြစ် သည့် မြဝတီ တွင် ၂၆,၄ဝဝ ကျပ်၊ တာချီလိတ်တွင် ၂၁,၆ဝဝ ကျပ်၊ မောင်တောတွင် ၁၈,ဝဝဝ ကျပ် ရှိသည်။

ပေါ်ဆန်း လက်ကားဈေး တအိတ်လျှင် ရန်ကုန်တွင် ၂၁,ဝဝဝ ကျပ်၊ မန္တလေးတွင် ၂၈,၅ဝဝ ကျပ်၊ မော်လမြိုင်တွင် ၂၂,ဝဝဝ ကျပ်၊ မကွေးတွင် ၃၃,ဝဝဝ ကျပ်၊ နေပြည်တော်တွင် ၃၆,ဝဝဝ ကျပ်၊ နယ်စပ်မြို့ မူဆယ်တွင် ၃၉,၆ဝဝ ကျပ်၊ ချင်းရွှေဟော်တွင် ၄၈,ဝဝဝ ကျပ်၊ မြိတ်တွင် ၃၁,၂ဝဝ ကျပ်၊ ကော့သောင်းတွင် ၃၈,၄ဝဝ ကျပ်နှင့် စစ်တွေတွင် ၂၄,၆ဝဝ ကျပ် ဈေးပေါက်သည်။

ကမ္ဘာ့ဈေးကွက်နှင့် မြန်မာဆန်ထုတ်လုပ်မှု

၂ဝ၁၂-၁၃ ဘဏ္ဍာနှစ်အတွင်း ဆန်စပါး စိုက်ဧရိယာမှာ ဟတ်တာ ၇ . ၅၉ သန်းရှိပြီး စိုက်ဧက ၁၉ . ၃ သန်းခန့်တွင် အထွက် ကောင်း စပါးမျိုး ၁၆ မျိုးအနက် မနောသုခ စိုက်ပျိုးမူမှာ ဧရိယာ ၃.၅ သန်းကျော် ရှိနေကြောင်း စိုက်ပျိုးရေး သုတေသန ဦးစီး ဌာနက ဆိုသည်။ ယင်းစိုက်ဧကများမှ ၁ ဧက စပါးတင်း ၅ဝ နှုန်းဖြင့် ခန့်မှန်းပါက စပါးတန် ၁၂ သန်းခန့် ထွက်ရှိမည် ဖြစ်သည်။

ယခင်နှစ်က ပြည်ပတင်ပို့မှုမှာ တန် ၇ . ၇၅ သိန်း ဖြစ်ခဲ့ပြီး ပြည်တွင်း ဝယ်လိုအားမှာ ၉၅ . ၅ ရာခိုင်နှုန်း ရှိနေသည်။

ကမ္ဘာ့ဈေးကွက် ဝယ်လိုအားမှာ… အမေရိကန် စိုက်ပျိုးရေးဌာန၏ ခန့်မှန်း သုံးသပ်ချက်အရ ဝယ်လိုအားမှာ ဆန်တန်ချိန် ၃၆ သန်း ရှိနေသည်။ ယင်းတို့အနက် အာဖရိကမှ ဝယ်လိုအားမှာ ဆန်တန် ၁၁ သန်း ရှိနေပြီး အရှေ့ အလယ်ပိုင်း ဒေသများ၏ ဝယ်လို အားမှာ တန် ၄ သန်းနီးပါး ရှိသည်။ ထို့အတူ မလေးရှားမှ ဆန်တန် ၁ သန်းကျော်နှင့် ဖိလစ်ပိုင်မှ တန် ၂ သန်းကျော် ဝယ်ယူ တင်သွင်းမှု ရှိနေသည်။

ထို့ကြောင့် မြန်မာဆန်စပါးအနေဖြင့် ပြည်ပ ဈေးကွက် ဝေစု ရရှိရေးဆိုင်ရာ ကုန်သွယ်မှုမူဝါဒနှင့် မဟာဗျူဟာများ အား စိုက်ပျိုး ထုတ်လုပ်ရေး ဆိုင်ရာ မူဝါဒများကို ပေါင်းစပ် ချမှတ်သွားရန် လိုအပ်ပြီး ကမ္ဘာ့ဈေးကွက်သို့ တက်လှမ်း နိုင်ရေးနှင့် အာဆီယံ လွတ်လပ်သော ကုန်သွယ်မှုအတွက် ကြိုတင်ပြင်ဆင်ရန် လိုအပ်ကြောင်း စီးပွားရေး ပညာရှင် များက သုံးသပ်ပြောကြားသည်။

Ref: မဇ္ဈိမ

Thursday, November 29, 2012

ပျက်စီးနေသော တရားစီရင်ရေးနှင့် ချည့်နဲ့နေသော မဏ္ဍိုင်များ

သာအောင်
November 28, 2012

မြန်မာနိုင်ငံရဲ့ တရားစီရင်ရေးသမိုင်းဟာ ၁၉၄၈ မတိုင်မီက မြန်မာနိုင်ငံမှာ High Court သာရှိပြီး အယူခံကိုတော့ အိန္ဒိယနဲ့ အင်္ဂလန်ကိုသွားရတယ်။ အဆင့်အနေနဲ့တော့ နိမ့်တာပေါ့။ ၁၉၄၈ လွတ်လပ်ရေးရပြီးတော့ မြန်မာတရားစီရင်ရေးက Common Law Family ထဲမှာပါပြီး တရားစီရင်ရေးဆိုင်ရာ ဥပဒေအခြေခံ မူသဘောတရားတွေ (Legal Principles) နဲ့အညီ ဆောင်ရွက် ခဲ့ကြတယ်။ ဟိုခေတ်က ဥပဒေပညာသင်တဲ့ သူတွေကလည်းများတော့ တတ်ကျွမ်းကြတယ်။ လူအများစုကလည်း တရားစီရင်ရေး အပေါ် လေးစားကြတယ်။ အုပ်ချုပ်ရေးပိုင်းက မတရားဆောင်ရွက်တာတွေကို တရားစီရင်ရေးက ကြပ်မတ် ထိန်းသိမ်းပေးရတယ်။

၁၉၆၂ တော်လှန်ရေးကောင်စီ တက်တော့ အခြေအနေက တဖြည်းဖြည်း လျော့လျဲလာတယ်။ ဒါပေမယ့် တရားစီရင်ရေးကို အာဏာရှင်ကြီး ဦးနေဝင်း ကျော်လို့မရခဲ့ဘူး။ အဲဒီလို ကျော်လို့မရတဲ့အတွက် ဖျက်ဆီးပစ်လိုက်ပါတယ်။ ၁၉၇၄ ဖွဲ့စည်းပုံ အခြေ ခံဥဒေအသစ် ရေးဆွဲတယ်။ ပြီးတော့ ပြည်သူ့တရားစီရင်ရေးဆိုပြီး ဥပဒေက မည်သို့ပင်ဆိုစေကာမူဆိုတဲ့ သဘောတရားနဲ့ နင်းချေ ခဲ့ပါတယ်။

၁၉၇၄ ဖွဲ့စည်းပုံအခြေခံ ဥပဒေအရ ပြည်သူ့တရားစီရင်ရေးကလည်း ပြည်သူ့အကျိုးပြု တရားစီရင်ရေး မဖြစ်ခဲ့ပါဘူး။ တရား စီရင် ရာမှာ အဆင်ပြေအသုံးတည့်မယ့် ကျင့်ထုံးဥပဒေတချို့ကို သုံးတယ်။ သုံးရင်း အဆင်မပြေတဲ့အခါကျတော့ မည်သည့်ဥပဒေက မည် သို့ပင်ဆိုစေကာမူဆိုပြီး ကိုယ်သဘောကိုယ်ဆောင်ပြီး တရားစီရင်တယ်။

၁၉၈၈ မှာတော့ ပြည်သူ့တရားစီရင်ရေးဟာ မြန်မာ့ဆိုရှယ်လစ် လမ်းစဉ်နဲ့အတူ ပြောင်းလဲသွားပါတယ်။ နဝတ/နအဖ ခေတ်တွေမှာ တရားစီရင်ရေးဆိုတာ အုပ်ချုပ်သူတွေရဲ့ တခါတရံ လက်ကိုင်တုတ်၊ တခါတရံ အသုံးချခံ အဆင့်ပါပဲ။

ထောက်လှမ်းရေး တပ်စွယ်မှူးဆိုတဲ့ ကြောက်လိုက်ရတဲ့ တပ်ကြပ်အဆင့်လောက်ကို မောင်မောင်ဘဘ ခေါ်ကြတဲ့အခြေအနေ၊ လွတ်လပ်တဲ့ တရားစီရင်ရေးဆိုတာ လူကြားကောင်း တရားနာကြားကောင်းရုံ အသုံးအနှုန်းသာ ဖြစ်ပါတယ်။ တရားစီရင်ရေးရဲ့ အခြေခံမူတွေ သဘောတရားတွေကလည်း စာအုပ်ထဲမှာ အိပ်ပျော်နေရတာ လေဖြတ်တဲ့လူနာ အိပ်ယာပူနာ ရတော့မယ့် အတိုင်းပါပဲ။

၁၉၈၈ အရေးအခင်းပြီးလို့ နဝတ စစ်အစိုးရလက်ထက်မှာ တိုင်းပြည်ပျက်စီးရတာဟာ ဝန်ထမ်းတွေ အကျင့်ပျက်လို့ လာဘ်စား လို့ဆိုပြီး ထမင်းရည်ပူကို လျှာလွှဲခဲ့ကြတယ်။ ခေါင်းဆောင်မှုညံ့ဖျင်းတာ၊ အရာရှိကြီးကြီးပိုင်းတွေ အကျင့်ပျက် ခြစားတာတွေတော့ တတ်နိုင်သမျှ နည်းနိုင်သမျှ နည်းနည်းပဲ ဖော်ပြခဲ့ကြပါတယ်။

တရားစီရင်ရေးကသာ အုပ်ချုပ်ရေးရဲ့ မတရားမှုတွေကို တည့်မတ်အောင် ဆောင်ရွက်နိုင်ခဲ့မှုတွေကို သာဓကယူပြီး တရားစီရင်ရေးရဲ့ ထိပ်ပိုင်းခေါင်းဆောင်တွေကို အုပ်ချုပ်ရေးပိုင်း တနည်းအားဖြင့် နဝတ/နအဖ ထိပ်ပိုင်းခေါင်းဆောင်တွေ ဝန်ကြီးတွေထက် ရာထူး နိမ့်သူ ဒါမှမဟုတ် သြဇာနာခံတဲ့သူတွေကိုပဲ နေရာပေးခဲ့တယ်။

ဥပဒေကျွမ်းကျင်သူတွေ၊ တရားစီရင်ရေးကို နားလည်သူတွေကိုတော့ လိုအပ်သလို အသုံးတော်ခံရအောင် ထားတယ်။ အထက် ရောက်နေတဲ့ စစ်ဗိုလ်တရားသူကြီးတွေအပြင် အလယ်အလတ် အပါးတော်မြဲ စစ်ဗိုလ်တွေကလည်း ရာထူးယူဖို့၊ နေရာယူဖို့၊ အတွင်းသတင်းပေးဖို့ အတူတကွ ပါလာကြပါတယ်။

နဝတ/နအဖ ခေတ်မှာ အာဏာရှင် စစ်ဗိုလ်တွေ၊ အာဏာရစစ်ဗိုလ်တွေ အပေါင်းပါတွေ၊ အပါးတော်မြဲတွေရဲ့ အသုံးချခံ တရားစီရင် ရေးဟာ အာဏာရှင်တွေ စိတ်တိုင်းကျရေးဆွဲတဲ့ ၂၀၀၈ ဖွဲ့စည်းပုံ အခြေခံဥပဒေဟာလည်းပဲ အနင်းချေခံ၊ အသုံးချခံပါပဲ။ စဉ်းစား ကြည့်လေ၊ ခေတ်အဆက်ဆက် တရားစီရင်ရေး ဆောင်ရွက်ခဲ့တဲ့ တရားရုံးချုပ် အဆောက်အဦကို ဟိုတယ်လုပ်လိုက်တယ်၊ နေရာ မပေးပုံများကတော့ တရားစီရင်ရေးဆိုတာ ဟိုတယ်လုပ်ငန်းလောက် အရေးမပါဘူးပေါ့။

၂၀၀၈ ဖွဲ့စည်းပုံ အခြေခံဥပဒေလို့ အမည်တွင်စေတဲ့ ဥပဒေကို အာဏာရှင်တွေ စိတ်ကြိုက်ရေးဆွဲခဲ့ပြီး အချိန်တွေလည်း အတော် ယူခဲ့တာ မဟုတ်လား။ မပြီးနိုင်မစီးနိုင် ရေးဆွဲနေတဲ့ ဖွဲ့စည်းပုံအခြေခံ ဥဒေကြီးက ပြီးချင်တော့လည်း ချက်ချင်းပြီးသွားတာပါပဲ။ ဘယ်တုန်းကမှ ပြည်သူလူထုကို အလေးထားတာ မရှိခဲ့ပါဘူး။ အဲဒီ ဖွဲ့စည်းပုံဥပဒေကို အတည်ပြုပြန်တော့လည်း အတည်ပြုကြောင်း အမှန်မခြစ်ရင်ဖြင့် ဝန်ထမ်းဆိုရင် အလုပ်ပြုတ်နိုင်တယ်၊ အရပ်သားဆိုရင် စစ်ကြောမေးမြန်းခံရနိုင်ပြီး စီးပွားရေး၊ လူမှုရေး ဒုက္ခ ရောက်နိုင်တယ် … စသည်ဖြင့် စသည်ဖြင့် မကြားနိုးနား ခြိမ်းခြောက်မှုတွေပြုပြီး အတည်ပြုခဲ့ကြတာပါပဲ။

၂၀၀၈ ဖွဲ့စည်းပုံဥပဒေကို အာဏာရှင်စစ်အစိုးရက သူ့နည်းသူ့ဟန်နဲ့ အတည်ပြုပြီးတော့ ရွေးပြီးကောက်တဲ့ပွဲကြီး စပါတော့တယ်။ ဘယ်လောက်တောင်မှ ရွေးပြီးကောက်သလဲဆိုရင် ဝန်ကြီးဟောင်းတွေက ဥပဒေပြုရေးဆိုတဲ့ မဏ္ဍိုင်ကြီးရဲ့ လွှတ်တော်အမတ်တွေတဲ့၊ စီမံခန့်ခွဲရေးမဏ္ဍိုင်ဖြစ်တဲ့ သမ္မတနဲ့ အစိုးရအဖွဲ့က အပါးတော်မြဲတွေ၊ အိမ်တော်ပါတွေ၊ ဘောင်းတော်ညိမ့် စိတ်တော်သိတွေပဲ နေရာပေးထားတာသာ ကြည့်။

တရားစီရင်မှာရော ဘယ်သူတွေလဲ ကြည့်လိုက်တော့ စီမံအုပ်ချုပ်သူ၊ မူဝါဒနဲ့ ညွန်ကြားမယ့်သူက နှစ်သီးစား စစ်ဗိုလ်ကြီးများသာ ဖြစ်ကြပြီး လုပ်ငန်းဆောင်တာတွေ ချောမွေ့စေရန် ဥပဒေနားလည် ကျွမ်းကျင်သူ အရပ်သားများကို အကြံပေးစိစစ်တဲ့ အလုပ်အတွက် ရာထူးနဲ့နေရာလေးပဲ ကျေနပ်စေပါတယ်။

မြန်မာပြည်သူတွေက ၂၀၀၈ ဖွဲ့စည်းပုံနဲ့ လွှတ်တော်နှစ်ရပ်ြဖစ်တဲ့ ဥပဒေပြုအဖွဲ့၊ စီမံခန့်ခွဲရေးအဖွဲ့ဖြစ်တဲ့ သမ္မတနဲ့ အစိုးရအဖွဲ့၊ တရားစီရင်ရေးဆိုတဲ့ မဏ္ဍိုင်ကြီး ၃ ခုကို အပြောင်းအလဲကို လိုလားနေတဲ့ စိတ်ဆန္ဒတွေနဲ့ မတွန်းလှန်နိုင်တဲ့ အခြေအနေတွေကြောင့် မချစ်သော်လည်း အောင့်ကာနမ်းလိုက်ရတာပါ။

ပြည်ထောင်စု လွှတ်တော်နဲ့ အမျိုးသားလွှတ်တော်က လူတွေက ပြည်သူ့ကိုယ်စားပြု ပြည်သူ့ကိုယ်စားလှယ် အစစ်အမှန်တွေ ဖြစ် ရဲ့လား။ ဘယ်သူက ဘယ်သူ့ကို ဘယ်လမ်းကြောင်းရောက်အောင် ဦးဆောင်မှုတွေ၊ တွန်းပို့မှုတွေ လုပ်နေတာလဲ။ စဉ်းစားကြည့်ကြ ပါဦး။

စေ့စေ့တွေးရင်တော့ ရေးရေးပေါ်လာမှာပါ။ လွှတ်တော်က တိုင်းပြည်အနာဂတ် ကောင်းစားမယ့် ဥပဒေတခုမှ မပြဋ္ဌာန်းနိုင်သေးဘူး။ အသစ် မပြဋ္ဌာန်းနိုင်လို့ ပြည်သူလူထုကို ထိခိုက်နစ်နာစေပါတယ်ဆိုတဲ့ ဥပဒေတွေ၊ ဖိနှိပ်ပါတယ်ဆိုတဲ့ ဥပဒေတွေကိုလည်း မဖျက် သိမ်းနိုင်သေးပါဘူး။ ဘာ့ကြောင့် အသစ်မပြဋ္ဌာန်းနိုင်တာလဲ၊ ဘာ့ကြောင့် မဖျက်သိမ်းနိုင်ရတာလဲ။ ထပ်ပြီး အသုံးချစရာ ရှိသေးလို့ လား၊ အသုံးချဦးမှာလား။

အစိုးရအဖွဲ့ ဝန်ကြီးအသစ်တွေကိုလည်း ဘာစီမံကိန်း၊ ညာစီမံကိန်း ရှိပါသလား၊ ဘာပေးမလား၊ ညာပေးမလားလောက်သာ ဝေဖန် မေးမြန်းတယ်။ တကယ်ထောက်ပြရမယ့် အချက်တွေကျ မပါဘူး။ ဝန်ကြီးဟောင်းများက လွှတ်တော် ကိုယ်စားလှယ်ကြီးများ ဖြစ် တာကြောင့်ထင်ရဲ့ … ကိုယ်ရှုးကိုယ် ပတ်မှာစိုးပြီး အရင်ဝန်ကြီးတွေ လုပ်သွားတာပါ၊ အရင်ဝန်ကြီးတွေ အလုပ်မလုပ်တာ ဆိုတာ တွေကို မသိမသာလေး ယဉ်ယဉ်ကျေးကျေး ပါးပါးနပ်နပ် မေးကြ ဖြေကြတယ်။

၈၈ အရေးအခင်းပြီးတော့ ရုံးပြင်ကနားတွေမှာ ချိတ်ထားတဲ့ ဆောင်ပုဒ်တွေကို မှတ်မိကြဦးမှာပေါ့။ လာဘ်ပေးလာဘ်ယူ ဒို့ရန်သူ၊ လာဘ်ပေးရန်မလို ဆိုတာတွေလေ။ အဲဒီလိုဆောင်ပုဒ်တွေနဲ့ စတင်ဦးဆောင်ခဲ့တဲ့ စစ်အစိုးရကြီးဟာ မျိုးချစ်စိတ်အပြည့်နဲ့ တိုင်းပြည် ကြီးကို တည်ထောင်ပြုပြင်လိုက်ကြတာ အတိုင်းတိုင်းအပြည်ပြည်က ကြွေးမြီတွေ လျော်ပစ်တာတောင်မှ မြန်မာပြည်သား တဦးမှာ ကြွေး ၄ သိန်းဆပ်ဖို့ ရှိနေတာပါကလား။ ပါမစ်အရောင်းအဝယ်နဲ့ လုပ်စားတဲ့ Permit economy ရဲ့ သဘောသဘာဝအတိုင်း ခွင့်ပြုချက်ရဖို့ အခွင့်ထူးခံတွေကို ချဉ်းကပ်ရင်း ချမ်းသာသူက ထားစရာမရှိ၊ ဆင်းရဲသူက စားစရာမရှိတဲ့ စီးပွားရေးကွာဟချက် မြင့်မားမှုကို ခါးစည်းခံရင်းနဲ့ ဒီအခြေအနေ ရောက်လာတာပါပဲ။

ဆိုလိုချင်တာကတော့ အဂတိလိုက်စားမှု၊ လာဘ်စားမှု၊ ဌာနတွင်း ခြစားမှု ဆိုတာတွေဟာ ရိုးရာအစဉ်အလာ ဂါရဝပြုမှု ကျေးဇူးတုန့်ပြန်မှုတွေနဲ့ ရောထွေးယှက်တင်ပြီး ရောင်းစားသူရောင်စား၊ ကောင်းစားသူ ကောင်းစားတော့တာပါပဲ။ ဒီလို တိုင်းပြည်နဲ့အဝှမ်း ညစောင့်၊ သန့်ရှင်းရေး၊ မင်းစေပြာတာအစ ရပ်ကွက်လူကြီးအလယ် ထိပ်ခေါင်အဆိုးဆုံး လာဘ်စားမှုကို အပြည့်အဝ လက်ခံကျင့်သုံးခဲ့ကြပါတယ်။ Need driven corruption & greed driven corruption စသည်ဖြင့် စီးပွားရေးပညာရှင် ဒေါက်တာ ဦးမြင့်ကလည်း ခွဲခြမ်းစိတ်ဖြာလေ့လာပြီး ရေးသားခဲ့ပါသေးတယ်။

ဒီလို ထုနဲ့ထည်နဲ့ လာဘ်စားသူတွေထဲမှာ တရားသူကြီး ဆိုသူတွေကရော ဘာသားနဲ့ထုထားလို့ ကျန်ခဲ့မှာတုန်း။ တရားသူကြီး ဆိုတာက မကျေနပ်သူ နှစ်ဖက်မှာ တဖက်ကို အနိုင်ပေးဆုံးဖြတ်ရတာ များတယ်။ ဘောလုံးပွဲလို သရေကျလို့ အချိန်ပို ကန်ရ တာလည်း မရှိတော့ ရှုံးသူက မကျေနပ်ကြဘူးပေါ့။ တရားစီရင်ရေး လုပ်ငန်းစဉ်ဆိုတာ များသောအားဖြင့် ရှည်ကြာတတ်တယ်။ ဒါတွေကို နားလည်သည်းခံနိုင်ဖို့ဆိုတာ ဥပဒေယဉ်ကျေးမှု (Legal Culture) ရှိမှဖြစ်မယ်။ ဥပဒေယဉ်ကျေးမှုမြင့်တဲ့ တိုင်းပြည် တွေမှာ တရားစီရင်ရေးကို အချိန်ကြန့်ကြာမှု စရိတ်မြင့်မားမှုကြောင့် “တရားခွင်ပြင်ပ တခြားနည်းနဲ့ ဖြေရှင်းမှု” (Alternative Dispute Resolution – ADR) ကို ပူးတွဲပြီး ကျင့်သုံးနေကြတယ်။

လာဘ်စားသူချင်းတူပေမယ့် တိုင်းပြည်ကို ဖွတ်ကြောပြာစု ခရုဆံကျွတ်ဖြစ်အောင်တော့ မလုပ်ခဲ့ကြပါဘူး။ လုပ်ခွင့်လည်း မရခဲ့ကြ ပါဘူး။ ဒါပေမယ့် ပြည်သူ့လွှတ်တော်ထဲက ပြောခွင့်လိုင်စင်ရသူ တချို့ကတော့ ပြောလိုက်ကြတာ တရားစီရင်ရေးကြောင့်ပဲ မြန်မာ နိုင်ငံကြီး ချောက်ထဲက မတက်နိုင်တော့သလို။

လွတ်လပ်တဲ့ တရားစီရင်ရေးတို့၊ ဥပဒေပြုရေး၊ တရားစီရင်ရေး၊ အုပ်ချုပ်ရေးတို့ အပြန်အလှန် ထိန်းညှိရေး ဆိုတာတွေကို နားကလည်းမလည် သို့ပေမယ့် တွင်တွင်ပြောပြီး တလွဲလုပ်ဆောင်နေတာဟာ အတော်ကြီးကို စိတ်ပျက်စရာ ကောင်းပါတယ်။

သေချာ ပြန်ဆန်းစစ်မယ်ဆိုရင်ဖြင့် ၈၈ အရေးအခင်းအပြီး နဝတ/နအဖ ခေတ်မှာ ဝန်ထမ်းတွေ လာဘ်စားလို့ တိုင်းပြည်ကြီး ချောက်ထဲကျခါနီး လက်တလုံးအလိုမှာ မလွှဲမရှောင်သာသဖြင့် သိမ်းချင်၍ သိမ်းလိုက်ရတဲ့ တိုင်းပြည် အာဏာယူမှုအတွက် ဆင်တဲ့အကွက်တွေနဲ့ တူမနေပေဘူးလား။

နဝတ/နအဖ စစ်အစိုးရက ဦးနေဝင်း အစိုးရကို ကူးချပေမယ့် တချို့ကိစ္စတွေမှာကျတော့ ခေတ်ချင်းက မတူလေတော့ ပိုတာ တွေရှိသလို လိုတာတွေလည်း ရှိပြန်ရော။ နိုင်ငံတကာမှာ သတင်းဖြန့်ချိရေးလုပ်ငန်းတွေ Media Business တွေရဲ့ အရေးပါ အရာရောက်မှုကို ကောင်းကောင်းနားလည်ပြီး ကောင်းကောင်း အသုံးချနိုင်အောင် အသေးစိတ် အစီအစဉ်ချနိုင်ခဲ့တယ်။

ပြန်ပြီးဆန်းစစ်ကြည့်လေ၊ မြန်မာ့အသံနဲ့ ရုပ်မြင်သံကြားကို အကန့်အသတ်နဲ့ ထားတယ်။ မြဝတီရုပ်မြင်သံကြားကို စစ်တပ်နောက်ခံ အင်အားနဲ့ ထူထောင်တယ်။ ပရော်ဖက်ရှင်နယ် မကျတဲ့ ဂျာနယ်တွေကို ယခင် လူကြီး သားသမီး ဆွေမျိုးရင်းခြာများ၊ ပတ်သက်ရာ ပတ်သက်ကြောင်းများက ထုတ်ဝေခွင့်ရထားတယ်။

တိုင်းပြည်ကို ကယ်တင်ချင်သူတွေ၊ စောင့်ရှောက်ချင်သူတွေကတော့ ရှေ့မျက်နှာ နောက်ထားပြီး မာနတရားကို အများအတွက်ဆိုပြီး ချိုးနှိမ်လို့ပဲဖြစ်ဖြစ် ချဉ်းကပ်ပြီး တတ်အားသရွေ့ ဆောင်ရွက်ကြပါတယ်။ ထိရောက်တာလည်းရှိရဲ့၊ မထိရောက်တာက များပါရဲ့။

ဆိုလိုချင်တာကတော့ ဂျာနယ်တွေစာစောင်တွေ ထုတ်ဝေခွင့်ကို ချုပ်ကိုင်ရတာ သိပ်ပြီးတွက်ခြေကိုက်တယ်။ လုပ်ငန်းတွေကို စိတ် တိုင်းကျ ကျော်အောင်ညာတဲ့ ကြော်ငြာတွေ ထည့်ချင်တိုင်း ထည့်လို့ရတယ်။ ဇနီး၊ ခင်ပွန်း၊ သားသမီး မြေးမြစ်တွေရဲ့ အာဏာစီးပွား ပေါင်းစည်းညီညာတဲ့ အလှူမင်္ဂလာ၊ လက်ထပ်မင်္ဂလာ၊ ဝမ်းမြောက်ကြောင်းကြော်ငြာ စတာစတာတွေကို ဝေဝေဆာဆာ မြိုင်မြိုင် ဆိုင်ဆိုင်ကြီး ကြော်ငြာလို့ ကောင်းတယ်။ လုပ်ပိုင်ခွင့်ရ သူဌေးကြီးများရဲ့ အလှူတော်မှတ်တမ်း ကမ္ဗည်းထိုးပြီး ဘွဲ့ထူးဂုဏ် ထူးတွေ၊ အဆောင်အယောင်တွေ ချီးမြောက်ကြောင်းလည်း ကြော်ငြာလို့ရတယ်။

တိုင်းပြည်ရဲ့ မဏ္ဍိုင်ကြီးလေးရပ်မှာ ဥပဒေပြုရေးက အုပ်ချုပ်ရေးကို လှမ်းကိုင်ချင်တာရယ်၊ ပြည်သူတွေအပေါ် မရိုးသားတာရယ် ကြောင့် အာဏာရှင်တွေ မုန်းတီးနာကျည်းခဲ့တဲ့ သတင်းလောကကို လက်နက်သဖွယ် အသုံးပြုပြီး ဦးနေဝင်း မုန်းတီးခဲ့တဲ့ တရား စီရင်ရေးကို နင်းချေနေတာလား၊ သို့တည်းမဟုတ် ပြည်သူတွေကို လှည့်စားနေတာလား။ ဘယ်ကိုဦးတည်ပြီး ဘာတွေလုပ် နေကြ တာလဲ။

ဦးနေဝင်းက တရားစီရင်ရေးကို မုန်းသလို သတင်းသမားတွေကိုလည်း မုန်းပါတယ်။ ဘယ်လိုပင် သတင်းအမှောင်ချထားပေမယ့် တိုင်းပြည်အပေါ်၊ လူမျိုးအပေါ်၊ သတင်းပညာအပေါ် သစ္စာရှိသူတွေကြောင့် အာဏာရှင်တွေ ပြောင်းခဲ့ရတယ်။ ကံဆိုးတာက အာဏာရှင်တွေဟာ ပုဂ္ဂိုလ်တွေသာ ပြောင်းတယ်၊ အစဉ်အလာနဲ့ မူမပြောင်းတာပါပဲ။ ဦးနေဝင်းက သတင်းသမားတွေကို ထောင် ချတယ်၊ ပြည်နှင်တယ်၊ ထုတ်ဝေမှုတွေ ကန့်သတ်တယ်၊ အမွေခံ အာဏာရှင် နဝတ/နအဖက သတင်းလောကကို ဗိုင်းရပ်စ် ထည့် တယ်။

အခုအခါတော့ မဏ္ဍိုင်ကြီးလေးရပ် အမြန်တည့်မတ်နိုင်ပြီး ပြည်သူပြည်သားအကျိုး သယ်ပိုးနိုင်ကြစေချင်ပါတယ်။

(ဤအတွေးအမြင်ပါ အချက်အလက်များမှာ စာရေးသူ၏ အာဘော်သာ ဖြစ်ပါသည်)

Ref: ဧရာဝတီ

Monday, November 19, 2012

အိုဘားမားရဲ့ ရန်ကုန်ခရီးစဉ်အကြောင်း တစေ့တစောင်း

အောင်ဇော်
November 18, 2012

အမေရိကန်သမ္မတ အိုဘားမားရဲ့ခရီးစဉ်ကို ပြည်တွင်းပြည်ပက စိတ်ဝင်တစားနဲ့ လေ့လာစောင့်ကြည့်နေကြပါတယ်။ ရန်ကုန်က လက်ဖက်ရည်ဆိုင်တွေမှာ ရုံးတွေ ပလက်ဖောင်းတွေမှာ အမေရိကန်သမ္မတရဲ့ခရီးစဉ်အကြောင်း၊ ကြိုရောက်နေတဲ့ Secret Service လုံခြုံရေး အဖွဲ့ဝင်တွေအကြောင်း၊ အိုဘားမားကို သယ်ဆောင်လာမယ့် Air Force One လေယာဉ်ပျံနဲ့ သူစီးမယ့် မော်တော်ကားအကြောင်း တွေလည်းပါဝင်ပါတယ်။

မြန်မာ့အရေး လေ့လာသူတွေရဲ့စကားဝိုင်းတွေ၊ နိုင်ငံတကာ သတင်းစာတွေ၊ မြန်မာပြည်အရေးကို စောင့်ကြည့်လေ့လာသူတွေကတော့ အိုးဘားမားခရီးစဉ်က မြန်မာပြည်ရဲ့ လက်ရှိဖြစ်ပေါ်နေတဲ့ နိုင်ငံရေး ပွင့်လင်းလာမှုကို ဘယ်လောက် အထောက်အကူဖြစ်မလဲ။ သမ္မတဦးသိန်းစိန်အစိုးရ လိုအပ်နေတဲ့ တရားဝင်ဖြစ်မှု Legitimacy ကို အပြီးအပိုင် ပေးလိုက်တာပဲလား၊ အမေရိကန်အစိုးရ အစဉ်အဆက်ပြောခဲ့တဲ့ ဒီမိုကရေစီရေးနဲ့ လူ့အခွင့်အရေးကို လေ့လာပြီးပြောမှာလား၊ ဒါ့အပြင် မြန်မာနဲ့ မြောက်ကိုရီးယားစစ်ရေးအရ ဆက်ဆံမှုကို ဖြတ်တောက်ဖို့ကိစ္စ ထည့်သွင်းဆွေးနွေးမလား စတဲ့ သုံးသပ်ချက်တွေလည်း ရှိနေခဲ့ပါတယ်။ နိုင်ငံရေး အကျဉ်းသားတွေ ဘယ်တော့ ဘယ်လောက်ထပ်လွှတ်ပေးမလဲဆိုတဲ့ မေးခွန်းတွေလည်း ရှိပါတယ်။

အမေရိကန် ထိပ်တန်းသံတမန်တဦးကတော့ သမ္မတအိုးဘားမားရဲ့ မြန်မာပြည်ခရီးစဉ်က လုပ်ကိုလုပ်ဆောင်ရမယ့် ခရီးစဉ်ဖြစ်ပါတယ်၊ ဒါပေမယ့် Controversial အငြင်းအခုံ မဖြစ်ဘူးလို့တော့ ပြောလို့မရပါဘူးလို့ ဆိုပါတယ်။ မနှစ်ကစပြီး မြန်မာနဲ့ အမေရိကန် ဆက်ဆံရေးက ပြန်ပြီးကောင်းလာတယ်လို့ သုံးသပ်လို့ရပါတယ်။ ၂၀၁၁ ခုနှစ်ဒီဇင်ဘာလမှာ အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာပြည်ကို လည်ပတ်ခဲ့တယ်။ မြန်မာအစိုးရဘက်က နာမည်ကြီး နိုင်ငံရေးအကျဉ်းသားတွေကို လွှတ်ပေး ခဲ့တယ်။ တိုင်းပြည်အတွင်းမှာ နိုင်ငံရေး ပွင့်လင်းမှုတွေ ပိုပြီးရှိလာတယ်လို့ ဆိုရမှာပါ။ အမေရိကန်နဲ့ မြန်မာအစိုးရ ကြားမှာလည်း ပထမဆုံး ပူးတွဲပြီး လူ့အခွင့်အရေး ဆွေးနွေးဝိုင်း US-Burma Human Rights Dialogue ကို နေပြည်တော်မှာ မကြာခင်က ကျင်းပခဲ့ပါတယ်။ ဒေါ်အောင်ဆန်း စုကြည်တက်ရောက်ခဲ့ သလို မြန်မာအစိုးရ ထိပ်ပိုင်း အရာရှိကြီးတွေနဲ့ စစ်တပ်အရာရှိကြီး တွေလည်း တက်ရောက်ခဲ့ကြပါတယ်။ အမေရိကန်ဘက်ကတော့ လူ့အခွင့်အရေးနဲ့ ပတ်သက်တဲ့ ဌာနက ထိပ်ပိုင်းအရာရှိတွေအပြင် အမေရိကန်စစ်ဘက်နဲ့ လုံခြုံရေးဆိုင်ရာ အရာရှိကြီးတွေလည်း ပါဝင်တက်ရောက်ခဲ့တာတွေ့ရပါတယ်။

ဒါဟာ မြန်မာ အမေရိကန်ဆက်ဆံရေးရဲ့အချိုးအကွေ့တခုဖြစ်ပြီး ဒီဆွေးနွေးပွဲကို အမေရိကန်ဘက်က အတော့်ကို ကျေနပ်ခဲ့တယ်လို့ သိရပါတယ်။ ဒါ့အပြင် ရွေးကောက်ပွဲမှာ ပြန်ပြီး အနိုင်ရခဲ့တဲ့ သမ္မတအိုဘားမားရဲ့နိုင်ငံခြားရေးပေါ်လစီရဲ့အောင်မြင်မှုကို ပြန်ကြည့် မယ်ဆိုရင် အရှေ့တောင် အာရှမှာတော့ မြန်မာဟာ အတော့်ကို မျက်နှာရတဲ့ အောင်မြင်မှုလို့ အမေရိကန်တွေက သုံးသပ်ရှုမြင်ကြ ပါတယ်။ အိုဘားမား သမ္မတဖြစ်ပြီး ချမှတ်ခဲ့တဲ့ စည်းကမ်းတကျ တွေ့ဆုံနှိုင်းညှိတဲ့ မူဝါဒ Principled Engagement Policy အတိုင်း အရင်က မြန်မာ စစ်အစိုးရ နဲ့ရော ပြည်တွင်း ပြည်ပအတိုက် အခံတွေနဲ့ပါ ထိတွေ့ဆက်ဆံခဲ့တဲ့ ပေါ်လစီရဲ့ရလာဒ်လို့ ပြော လို့ရပါတယ်။

ဒါပေမယ့် မြန်မာပြည်မှာ ဖြစ်ပေါ်နေတဲ့ “Reform” “အပြောင်းအလဲ” ဆိုတာက အကန့်အသတ်နဲ့ပဲ သွားနေတာဖြစ်တယ်။ အိုဘားမားရဲ့ခရီးစဉ်က အခုအချိန်မှာ မသွားသင့်သေးတဲ့ ခရီးစဉ်ဖြစ်တယ်လို့လဲ ဝေဖန်သူတွေ ရှိနေပါတယ်။ မြန်မာအစိုးရက နိုင်ငံရေးအကျဉ်းသားတွေကို ဆက်ပြီး ဖမ်းဆီးထိန်းသိမ်းထားဆဲ ဖြစ်ပါတယ်။ နိုင်ငံတကာနဲ့ သူရဲ့အကြားမှာ အပေးအယူလုပ် ကစားရမယ့်အချိန်တွေမှာ ဒီနိုင်ငံရေးအကျဉ်းသားတွေကို ဓားစာခံတွေလို လွှတ်ပေးပြီးမျက်နှာကောင်းရအောင် လုပ်လေ့ရှိသူဖြစ် တယ်လို့ စွပ်စွဲခံရပေါင်းများခဲ့ပြီ ဖြစ်ပါတယ်။ ကချင်ပြည်နယ်မှာ တိုက်ပွဲတွေဆက်ဖြစ်နေချိန် ရခိုင်ပြည်နယ်မှာ လူမျိုးရေး ဘာသာရေး ပဋိပက္ခတွေတင်းမာနေဆဲအချိန်၊ အကန့်အသတ်နဲ့လုပ်နေတဲ့ နိုင်ငံရေး အပြောင်းအလဲလို့ စွပ်စွဲချက်တွေရှိနေတဲ့ အချိန်မှာ ဘာလို့မြန်မာပြည်ကို သွားရတာလဲလို့ သမ္မတအိုဘားမားကို မေးခွန်းထုတ်ကြတာဖြစ်ပါတယ်။

မြန်မာပြည်အရေး လေ့လာရေးသမားဖြစ်တဲ့ ပရော်ဖက်ဆာ ဒေးဗစ်စတိုင်းဘက်ကတော့ သမ္မတအိုဘားမားက ဒီဒေသတွင်းက ကမ္ဘောဒီယားမှာကျင်းပတဲ့ အစည်းအဝေးကို တက်ဖို့လာရင်း သူရဲ့မဟာမိတ်ဖြစ်တဲ့ ထိုင်းနိုင်ငံကိုဝင်တယ်၊ ပြီးတော့ ပြုပြင်ပြောင်းလဲရေးတွေေ ဖ်ာဆောင်နေတဲ့ မြန်မာနိုင်ငံကို ၀င်တယ်။ တကယ်လို့များ အထက်ပါ တားမြစ်ချက်တွေကြောင့် အမေရိကန်သမ္မတက မြန်မာနိုင်ငံလိုမျိုး နိုင်ငံတွေကို မလည်ပတ်သင့်ဘူးဆိုရင် မလည်ပတ်ဘဲ နေရမယ့် နိုင်ငံတွေ အတော်များများ ရှိသွားမှာပေါ့လို့ ဆိုပါတယ်။

အိုဘားမားရဲ့ခရီးစဉ်မှာ အမေရိကန်အစိုးရရဲ့ အသစ်ချမှတ်ထားတဲ့ အာရှပစိဖိတ်ဒေသတွင်း ဆိုင်ရာ မဟာဗျူဟာတွေနဲ့လဲ သက်ဆိုင်နေတယ်လို့ သုံးသပ်ကြပါတယ်။ အီရတ်နဲ့ အာဖဂန်နစ္စတန်မှာ စစ်ပွဲတွေ အဆုံးသတ်ချိန်မှာ အမေရိကန်က အာရှပစိဖိတ်ကို ဗဟိုပြု (Pivot toward Asia) ဆိုတဲ့ ကြွေးကြော်သံနဲ့ ပြန်ပြီး သူရဲ့ ပစိဖိတ်ပါဝါကို ပြန်ယူမယ်လို့ ကြွေးကြော်ခဲ့တာ ဖြစ်ပါတယ်။ ဒီပေါ်လစီက စီးပွားရေး၊ စစ်ရေးနဲ့ နိုင်ငံရေးအရ သြဇာအာဏာ ဖြန့်ကျက်လာနေတဲ့ တရုတ်ကို ဦးတည်တာလို့ သုံးသပ်ကြပါတယ်။ ဒါပေမယ့် မြန်မာ အမေရိကန် ဆက်ဆံရေး ပြန်ကောင်းလာတာက တရုတ်နိုင်ငံရဲ့အကျိုးစီးပွားကို ထိခိုက်ဖို့ ဆုတ်ယုတ်ဖို့ မဟုတ် ပါဘူးလို့ အမေရိကန်ဘက်က အတိအလင်း ပြောကြားထားခဲ့ပါတယ်။ ဒါပေမယ့် တရုတ်နိုင်ငံကို အများကြီး မှီခိုခဲ့ရတဲ့ အရပ်သား အစိုးရအဖြစ် အသွင်ပြောင်းထားတဲ့ စစ်အစိုးရခေါင်းဆောင်ဟောင်း ဗိုလ်ချုပ်ကြီးဟောင်းတွေကတော့ အမေရိကန်ကြောင့် တရုတ်နဲ့ ဆက်ဆံရေးကို အပျက်ယွင်းခံမှာမဟုတ်ပါဘူး။ မြန်မာကတော့ အင်အားကြီး နှစ်နိုင်ငံစလုံးကို အဆင်ပြေ အောင် ဆက်ဆံသွားမယ်၊ အဲဒီနှစ်နိုင်ငံစလုံးဆီက ရမယ့် အခွင့်အရေးတွေကို ရအောင် ယူမှာပဲလို့ သုံးသပ်မိပါတယ်။

တရုတ်အစိုးရဘက်က မြန်မာ-အမေရိကန်ဆက်ဆံရေး ပြန်ကောင်းလာတာကို ကြိုဆိုတယ်လို့ ယဉ်ယဉ်ကျေးကျေးပြောဆိုတယ်။ ဒါပေမယ့် ပီကင်းအခြေစိုက် နိုင်ငံတကာလေ့လာရေးသုတေသီ ဇူဖန်းက အမေရိကန်အနေနဲ့ မြန်မာပြည်အပေါ် ကြွေးကြော်နေတဲ့ လူ့အခွင့်ရေး၊ ဒီမိုကရေစီရေးလို့ ဆိုနေတာတွေက အပေါ်ယံ သကာရည်လောင်း ပြောနေတာသာ ဖြစ်တယ်။ အဓိက အမေရိကန်ရဲ့ မဟာဗျူဟာအရ မြန်မာဟာ အိန္ဒိယသမုဒ္ဒရာကို ခုန်ပျံကျော်လွှားရောက်ရှိနိုင်တဲ့ တရုတ်ရဲ့ အနောက်ဘက် ထွက်ပေါက် တခုဖြစ် နေတာမို့ အမေရိကန်တွေ မြန်မာအပေါ် ဆက်ဆံရေးပြောင်းလဲလာတာလို့ သုံးသပ်ပါတယ်။

အမေရိကန် အိမ်ဖြူတော်က ကျင်းပခဲ့တဲ့ သတင်းစာရှင်းလင်းပွဲမှာတော့ မြန်မာက အရှေ့တောင်အာရှ အသင်းဝင် နိုင်ငံတနိုင်ငံဖြစ် တဲ့အတွက် အာဆီယံ အဖွဲ့ကြီးနဲ့ ပိုပြီး ပူးပေါင်းဆောင်ရွက်မယ်။ မြန်မာက ပထ၀ီနိုင်ငံရေးအရ အိန္ဒိယသမုဒ္ဒရာနဲ့ထိစပ်နေပြီး သဘာ ၀တွင်းထွက်တွေ ကြွယ်ဝတဲ့နိုင်ငံဖြစ်တဲ့အတွက် အမေရိကန်နိုင်ငံအနေနဲ့ စိတ်ဝင်စားမှုရှိတဲ့အကြောင်းကိုလည်း ထည့်သွင်းပြောကြား သွားခဲ့ပါတယ်။ ဒါက အမေရိကန်အပါအ၀င် အနောက်နိုင်ငံတွေက မြန်မာကို တရုတ်ရဲ့သြဇာအောက်က တဖြည်းဖြည်းနဲ့ ဆွဲထုတ်တဲ့ မဟာဗျူဟာလို့ သုံးသပ်ကြပါတယ်။အဲဒီ သတင်းစာရှင်းလင်းပွဲမှာပဲ Myanmar လို့ မသုံးနှုန်းဘဲ အရင်လိုပဲ Burma လို့ဆက်ပြီး ခေါ်ဝေါ်သုံးနှုန်းသွား တာကိုလည်း တွေ့ရပါတယ်။

မဟာဗျူဟာအရ မြန်မာနဲ့ဆက်ဆံရေး ပုံမှန်ဖြစ်အောင် ကြိုးစားတဲ့ အမေရိကန်ရဲ့အကျိုးစီးပွားကို အသာထားပြီး အိုဘားမားရဲ့ ရန်ကုန် ခရီးစဉ်ရဲ့ ရည်မှန်းချက်က လူ့အခွင့်အရေး၊ ဒီမိုကရေစီရေးနဲ့ ခရီးစဉ်ကို အချိန်တိုအတွင်း အကျိုးသက်ရောက်မှု များများရှိအောင် ကြိုးစားမယ့် သဘောတွေ့ရပါတယ်။ နေပြည်တော်ကို မသွားဘဲ ရန်ကုန်ကိုပဲ ရွေးခဲ့တယ်။ သမ္မတဦးသိန်းစိန်က သမ္မတအိုဘားမားကို ရန်ကုန်မှာတွေ့ရမှာပါ။ ဒါ့အပြင် ၁၉၈၈ ဒီမိုကရေစီအရေးအခင်းကို စစ်တပ်က ရက်ရက်စက်စက် ဖြိုခွင်းပြီးနောက်ပိုင်းမှာ ပိတ်ခဲ့တဲ့ သမိုင်းဝင် ရန်ကုန်တက္ကသိုလ်ကို ရွေးချယ်ပြီး မိန့်ခွန်းပြောမှာဖြစ်ပါတယ်။ တိုင်းပြည်မှာ လိုအပ်နေတဲ့ ပညာရေးကိစ္စကို သူရဲ့သမိုင်း ၀င်မိန့်ခွန်းမှာ ထည့်ပြောကြားမှာ အမှန်ပါပဲ။ လက်ရှိ တာဝန်ထမ်းဆောင်နေဆဲ အမေရိကန်သမ္မတရဲ့ မြန်မာနိုင်ငံကို လာတဲ့ ပထမ ဆုံး သမိုင်းဝင်ခရီးမှာ နယ်ချဲ့ကိုရော ပြည်တွင်းဖြစ် စစ်အာဏာရှင်တွေရဲ့ဖိနှိပ်မှုကို အမြဲတမ်းဆန့်ကျင်ခဲ့တဲ့ သမိုင်းဝင် ရန်ကုန်တက္က သိုလ်မှာ လူ့အခွင့်အရေး၊ ဒီမိုကရေစီနဲ့ ပညာရေးအကြောင်းတွေကိုပြောမှာကိုတော့ သိပ်ဆန့်ကျင်စရာ မရှိဘူးလို့ပဲ မြင်မိပါတယ်။

Ref: ဧရာဝတီ

Monday, November 5, 2012

ရခိုင်အရေး နောက်ဆက်တွဲ မေးခွန်းများ

ဝင်းတင်
November 3, 2012

ရခိုင်အရေး သမ္မတရုံးက ကြေညာချက်တွေ ထွက်လာနေတာ တခုပြီး တခုပဲ။ ဒီလိုထုတ်ပြန်ပေးတာကိုတော့ မဆိုးဘူး ပြောလို့ ရပေမယ့် ဒီပြဿနာကို ချည်းကပ်တာမှာ လူမျိုးရေး၊ ဘာသာရေး အစွဲမပါ ဘဲ လုပ်ဆောင်ကြရမယ်။ စစ်အာဏာရှင် လက်ထက် တုန်းကလည်း အမျိုးသားရေး၊ မျိုးချစ်စိတ်၊ ဇာတိမာန် ဆိုတဲ့ စကားလုံး တွေကို တွင်တွင်ကျယ်ကျယ် ကိုင်စွဲ အသုံးပြုခဲ့တယ်။ ဒါတွေရဲ့ ရိုက်ခတ်မှုက ယနေ့ အချိန်ထိပဲ။ အမျိုးသားရေး ဆိုတဲ့ စကားလုံးကို တွင်တွင်ကျယ်ကျယ် သုံးခဲ့တဲ့ စစ်အာဏာရှင် တွေကြောင့် တိုင်းပြည်လည်း အဖက်ဖက်က ပျက်ဆီးခဲ့ပြီ။

တခါ မျိုးချစ်စိတ်ဆိုတာ စစ်မှန်တဲ့ ပြည်ထောင်စုအတွက် ဆိုပြီး ပြောတာရှိပေမယ့် တိုင်းရင်းသားတွေက ဘယ်လိုဟာကို ပြည်ထောင်စုလဲဆိုတာ မေးခွန်းထုတ်ကြတယ်။ စစ်မှန်တဲ့ ပြည်ထောင်စုမှာရှိတဲ့ အမျိုးသားရေးဆိုတာ ဘာလဲ ဆိုပြီး ဗမာဆိုတာ အပါအ၀င် တိုင်းရင်းသားတွေ အားလုံးကြားမှာ တော်တော် စကားပြောလာရတဲ့ကိစ္စ ဖြစ်လာတယ်။ ဒီနေရာမှာ တိုင်းပြည်ချစ် တာနဲ့ အမျိုးသားရေးဆိုတာ မကွဲပြားကြဘူး။

ရခိုင်ကိစ္စဟာ အမျိုးသားရေးလို့ ပြောလာတယ်။ အမျိုးသားရေး ဆိုတာ တတိုင်းပြည်လုံး အရေးဖြစ်တယ်။ တဖက်ကလည်း ရခိုင် မှာဖြစ်ခဲ့တာတွေက လူမျိုးရေးလည်း ပါလာတယ်။ အမျိုးသားရေးနဲ့ လူမျိုးရေးဆိုတာ မကွဲဘဲ ဖြစ်လာတယ်။ ဒီနေရာမှာ အမျိုး သားရေးအဖြစ် တဖက်နိုင်ငံက ၀င်လာသူတွေဆိုပြီး ဆန့်ကျင်ရေး လုပ်လာတာတွေ ရှိတယ်။ ရခိုင်မှာက ရခိုင်က ရခိုင်လူမျိုး အဖြစ် သူတို့ကိုသူတို့မြင်သလို ဗမာကိုလည်း ဗမာအဖြစ်ပဲ မြင်ကြတယ်။ အခု နောက်ဆုံးဖြစ်တဲ့ ကျောက်နီမော် စတဲ့ ဒေသ တွေဟာ ကမန်တိုင်းရင်းသားတွေလည်း ရှိတဲ့နေရာဖြစ်တယ်။

ကမန်ဆိုတာ ကျနော်တို့ တိုင်းပြည်မှာ နှစ်ပေါင်းများစွာကတည်းက ရှိခဲ့တဲ့ မွတ်ဆလင်တွေ တိုင်းရင်းသားတွေပဲ။ တချို့ ကမန် တွေဆို ရိုးရိုးတန်းတန်း နိုင်ငံသား မရတဲ့သူတွေတောင် ရှိတယ်။ ရှုပ်ထွေးလာတာက ကမန်မွတ်ဆလင် တိုင်းရင်းသားတွေကို ရခိုင်တွေက ဘာဖြစ်လို့ ၀င်တိုက်လဲဆိုတော့ ကမန်တွေကြားထဲမှာ ဘင်္ဂါလီ မွတ်ဆလင်တွေက ၀င်ရောက်လာခဲ့တယ်လို့ ဆိုနေ ကြတယ်။ ဒါတွေက စိုးရိမ်စရာ အခြေအနေတွေ ဖြစ်တယ်။

ကျနော်တို့ အမြဲစိုးရိမ်တာက ရခိုင်ပြည်နယ်ထဲမှာ စစ်အုပ်ချုပ်ရေး တာဝန်ယူတဲ့ အနေအထားကိုပဲ။ အဲဒီအနေအထားကို မရောက် စေချင်ဘူး။ ရခိုင်တွေရော၊ တခြား နယ်မြေခံတွေရောကို နိုင်ငံတော်အစိုးရဆိုတာက အကာအကွယ်ပေးရမယ့် တာဝန်ရှိတယ်။ ဒီနေရာမှာ စစ်အုပ်ချုပ်ရေး တာဝန်ယူတာနဲ့ ဒေသ တည်ငြိမ်အေးချမ်းရေး၊ လုံခြုံရေး၊ အကာအကွယ်ပေးရေးနဲ့ မဆိုင်ဘူး။ စစ်အုပ်ချုပ်ရေးဆိုတာ အန္တရာယ် သိပ်များတယ်။ လွတ်လပ်ရေး ရပြီး ပါလီမန်ခေတ် ၁၉၅၈ ခုနှစ်မှာ သင်ခန်းစာရှိခဲ့တယ်။ စစ်တပ်က အိမ်စောင့် အစိုးရဆိုပြီး လုပ်ခဲ့တယ်။ ၁၉၆၂ နှစ်က စပြီး ဗမာပြည် စစ်အာဏာရှင်အောက် ရောက်ခဲ့တယ်။

အခု တိုင်းပြည် ပြုပြင်ပြောင်းလဲရေး လုပ်နေချိန်မှာ ရခိုင်ပြည်နယ်အရေးဟာ စိုးရိမ်စရာ ဖြစ်လာတယ်။ ဒါကြောင့် ဒေါ်အောင်ဆန်း စုကြည်တို့ အနေနဲ့လည်း တည်ငြိမ်အေးချမ်းမှုကို ရအောင် ပိုင်ပိုင်နိုင်နိုင် ကိုင်တွယ် ဖြေရှင်းဖို့ တိုက် တွန်းပြောကြားနေတာပဲ။ တရားဥပဒေစိုးမိုးရေးအတွက် ဥပဒေကို အကောင်အထည်ဖော်တဲ့ လူတွေက အချိန်မီ အရေးယူဖြေရှင်းကြရမယ့် တာဝန်ရှိတယ်။ ဒါပေမယ့် ဒီတာဝန်တွေ ပေါ့လျော့ခဲ့တယ်။

ဒုတိယ အကြိမ် ပြန်ဖြစ်တာက အစိုးရပိုင်းက အားနည်းမှုတွေ ရှိတယ်။ ဒီကိစ္စ အားလုံးက အစိုးရ အပေါ်မှာပဲ မူတည်တယ်။ အခုလို အခြေအနေဆိုး ထပ်ဖြစ်ဖို့ မသင့်တော့ဘူး။ အစောပိုင်း အစိုးရက စုံစမ်းရေးကော်မရှင်တွေဖွဲ့တယ်။ ပထမ ကော်မရှင်လဲ ဘယ်ရောက်သွားလဲမသိတော့ဘူး။ နောက် ကုလသမဂ္ဂ အပါအ၀င် နိုင်ငံတကာကိုလည်း ရခိုင်ကို သွားခွင့်ပြုတယ်ဆိုတော့ အကောင်းဖက်မျှော်လင့်ထားခဲ့တယ်။ အခုလို အခြေအနေပြန်ဆိုးလာတာတော့ လွဲမှားနေပြီ ဆိုတာ ပြောလို့ရတယ်။ အစိုးရအနေ နဲ့က တရားဥပဒေစိုးမိုးရေး လုံခြုံရေး နဲ့ ပြန်လည် တည်ငြိမ်ရေးကို အလေးပေး လုပ်ရမှာ။ ဟိုဟာ ဖုံး ဒီဟာ ဖုံးဖိထားတာတွေ မလုပ်ပဲ မြင်သာထင်သာ လုပ်ဖို့လိုတာ။

အခု မတည်ငြိမ်မှုတွေကြောင့် စစ်တပ်ပါလာပြီး စစ်အုပ်ချုပ်ရေး ဖြစ်လာတာကို လုံးဝ မလိုလားဘူး။ ဒါကို စစ်အုပ်ချုပ်ရေး တရားမ၀င် မဟုတ်ပါဘူးလို့ ပြောပြီး တကယ်တမ်း စစ်အုပ်ချုပ်ရေး လုပ်နေတာဟာ ရိုးသားမှု ရှိမှ ရှိပါ့မလား ဆိုပြီး ဒီလို တွေးစရာဖြစ်လာခဲ့တယ်။ တဖက်က သမ္မတက ပြုပြင်ပြောင်းလဲရေး လုပ်နေတယ်။ စစ်တပ်က ထောက်ခံတယ်ပြောတယ်။ ရခိုင်မှာ အခုလို ပဋိပက္ခတွေ ထပ်ဖြစ်လာတာဟာ လူထုက စစ်တပ်ကို တောင်းဆိုလာအောင် ဖန်တီးတာလားဆိုတဲ့ ဝေဖန်မှု တွေလည်း ရှိလာနေတယ်။

ဘာပဲပြောပြော တိုင်းပြည်မှာ လုံခြုံရေးကို အကြောင်းပြုပြီး စစ်တပ်က အုပ်ချုပ်ရေးမှာ ပြန်ဝင်လာတယ်ဆိုတာ ကောင်းတဲ့ လက္ခ ဏာတော့ မဟုတ်ဘူး။ တချို့ မသင်္ကာဖွယ်ရာ အချက်တွေလည်း မြင်လာရတယ်။ ဥပမာ ကျောက်နီမော် ကိစ္စလိုမျိုး ဖြစ်တာကို ချက်ချင်း တရား ဥပဒေနဲ့ အရေးယူတာမလုပ်ပဲ လွှတ်ပေးထားတဲ့ သ ဘောမျိုး ဖြစ်နေတယ်။ အဲဒီကနေ အခြေအနေဆိုးဝါး လာတဲ့ အထိ ဖြစ်လာတယ်။ နောက် ဥပမာ OIC အိုအိုင်စီလိုကိစ္စမျိုးပေါ့။ အိုအိုင်စီ ရုံးခွဲဖွင့်ရေး ကိစ္စမှာ ၀န်ကြီးအဆင့်က လက်မှတ်ထိုးတယ်လည်း ပြောတယ်။ ညွှန်ကြားရေးမှူးချုပ်က နားလည်မှု စာချွန်လွှာ လက်မှတ်ထိုးတယ်လည်း ပြောတယ်။ အဲဒီကိစ္စက ပွင့်လင်း မြင်သာမှု မရှိခဲ့ဘူး။ ဘယ်သူက ဘယ်လိုလက်မှတ်ရေးထိုးတယ်ဆိုတာ မသဲကွဲခဲ့ဘူး။

ဟိုဘက် အိုအိုင်စီက ရုံးစိုက်တော့မယ် အစရှိသဖြင့် အစီအမံတွေ လုပ်လာပြီး မြန်မာပြည်သူလူထုသိလာပြီးတော့မှ လူထုက မကျေနပ်တဲ့ အသံတွေ ထွက်လာခဲ့တယ်။ အဲဒီကနေ ပြည်သူလူထုက ဒါကို မလိုလားလို့ အိုအိုင်စီ ရုံးဖွင့်ခွင့် မပြုတော့ဘူးဆိုပြီး ကြေငြာတယ်။ ဒါက လူထုက တောင်းဆိုလာလို့ သမ္မတကြီးက လုပ်ခွင့်မပေးဘူး ရပ်လိုက်လို့ ဆိုတဲ့သဘော လုပ်ခဲ့တယ်။ ရခိုင် တွေ ဘက်မှာလည်း သမ္မတကြီးကောင်းလို့၊ သမ္မတကြီးကယ်လို့ သမ္မတကြီးဟာ အားကိုးရတဲ့သူဖြစ်တယ်ဆိုတော့ သမ္မတကို အမွှန်းတင်နေတာလား။ အဲဒီဟာတွေ အားလုံးက နိုင်ငံရေး ရည်ရွယ်ချက်၊ နိုင်ငံရေး ရည်မှန်းချက်နဲ့ ဖန်တီးယူတာလား ဆိုပြီး တောင် ကျနော် ဒီလိုပဲ တွေးထင်လာတယ်။

အခု ကြေညာချက်တွေ ထုတ်တယ်။ ဟိုလူ လက်ညှိုးထိုး၊ ဒီလူလက်ညှိုးထိုး စသဖြင့် အဖွဲ့အစည်းတွေက နောက်ကွယ်က ကြိုးကိုင် တယ်ဆိုပြီး လုပ်လာတယ်။ ဒါဆို နောက်ကွယ်မှာ စစ်တပ်ကလည်း ခုနကပြောသလို ကယ်တင်ရှင်ကြီး အဖြစ် လူထုက တောင်းဆိုလာအောင်လို့ ကြိုးကိုင်ခဲ့တာရော ရှိမလား၊ ဒီလိုလည်း စဉ်းစားမိပြန်တယ်။ ဘာကြောင့်လည်း ဆိုတော့ တရား ဥပဒေ စိုးမိုးရေးတွေ၊ လူ့ အခွင့်အရေးတွေဆိုတာနဲ့ ချည်းကပ်လုပ်ဆောင်ရမယ့် အစား အခြေအနေကို လွှတ်ပေးပြီး လမ်းမှားကို မောင်းပို့ ခဲ့သလားဆိုပြီး တွေးမိတယ်။ သမိုင်းမှာ ဒါမျိုးတွေက ရှိခဲ့ဖူးလို့ပါ။

ပြောရရင် နောက်ကွယ်က ကြိုးကိုင်နေသူတွေ၊ အဖွဲ့အစည်းတွေ ရှိတယ်ဆိုတဲ့ သမ္မတရုံးက ကြေညာချက်အတိုင်း မရိုး သားမှု တွေ၊ လှုံ့ဆော်မှုတွေ နောက်လက်တွေကတော့ ရှိနေတာအမှန်ပဲ။ ဒီလိုကြေညာချက်ထွက်လာပြီး အရေးယူမယ် ပြောနေတုန်း ဟိုမှာက အကုန်နီးပါး ပြာကျကုန်ပြီ။ သေကြ ကျေကြဖြစ်ကုန်ပြီ။ နောက် စုံစမ်းရေး ကော်မရှင် ဆိုတာမှာလည်း Celebrities (နာမည်ကြီးသူများ) နဲ့သာဖွဲ့ထားပြီး တကယ် ဘာသာရေး၊ လူမှုရေး၊ နိုင်ငံရေး စတဲ့ ဘက်ပေါင်းစုံက လူတွေ မထည့်ပဲ ထားတာကြောင့် အခုထိ အလုပ်မဖြစ်ဘူး။

အခု ကော်မရှင်မှာ ရခိုင်ဘက်ကလူ၊ မွတ်ဆလင်ဘက်က လူ စသဖြင့် ကော်မရှင် အဖွဲ့ဝင်တွေကထဲက သတင်းတွေ ပေါက် ကြား၊ တချို့က ဖောက်ထုတ်ပစ်တာတွေ လုပ်လာတဲ့ သတင်းတွေလည်း ကြားနေရတယ်။ ကော်မရှင် အဖွဲ့ဝင်တွေမှာ ဆန္ဒစွဲ၊ ဂတိစွဲ ဘယ်လောက်ရှိနေလဲ ဆိုတာ ပြောမရနိုင်ဘူး။ ဆန္ဒာဂတိ ကင်းကင်းရှင်းရှင်း ထွက်လာတဲ့ အစီရင်ခံစာမျိုး ဖြစ်မှသာလျှင် မှန်မှန်ကန်ကန် ပြဿနာကို ဖြေရှင်းနိုင်လိမ့်မယ်။ ဒီလိုမှ မဟုတ်ရင် မလွယ်ဘူး။

(အမျိုးသား ဒီမိုကရေစီအဖွဲ့ချုပ် နာယက တဦးဖြစ်သည့် သတင်းစာဆရာဟောင်း ဦးဝင်းတင်က ဖုန်းဖြင့် ဖြေဆိုပြောကြားချက်ကို တည်းဖြတ်ဖော်ပြပါသည်)

Ref: ဧရာဝတီ

Wednesday, October 10, 2012

KNU ကွဲတော့ ဘာဖြစ်လဲ

ရဲနည်
October 10, 2012

ကရင်အမျိုးသား အစည်းအရုံး KNU ဗဟိုက ကရင်အမျိုးသား လွတ်မြောက်ရေး တပ်မတော် KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး၊ ဗဟိုတရားရေးဌာနက ပဒိုဒေးဗစ်ထောနဲ့ လူမှုဝန်ထမ်းနှင့် ကယ်ဆယ်ရေးဌာနတာဝန်ခံ ပဒိုရောဂျာခင်တို့ကို တာဝန် မှ ရပ်စဲလိုက်တာဟာ အကွဲအပြဲ မကြာခဏ ဖြစ်တတ်တဲ့ KNU အဖွဲ့တွင်း နောက်ထပ် ပဋိပက္ခတခု ဖြစ်ပေမယ့် နေပြည်တော် အစိုးရနဲ့ KNU အကြား ခရီးရောက်စပြုနေတဲ့ ငြိမ်းချမ်းရေးလုပ်ငန်း အပေါ် ရိုက်ခတ်သက်ရောက်မှု ရှိရုံသာမက KNU နောက်ဆုံး နာမည်ပျက်ပြီး နိုင်ငံရေးအကျိုးစီးပွား ရုပ်လျော့ဖို့ပဲ ဖြစ်လာနေစေပါတယ်။

တာဝန်က ထုတ်ပယ်ခံထိတဲ့ KNU ကိုယ်စားလှယ်တွေဟာ အစိုးရ ငြိမ်းချမ်းရေး အဖွဲ့ခေါင်းဆောင် သမ္မတရုံးဝန်ကြီး ဦးအောင်မင်း နဲ့ ရင်းနှီးကြတယ်ဆိုပေမယ့် အစိုးရက သွေးခွဲတာဆိုတဲ့ ရှေးရိုးစွဲ ကောက်ချက်ကိုတော့ ဒီတခါ အလွယ်တကူ ပယ်ချရပါမယ်။ အကြောင်းက ဒီလိုလုပ်လို့ KNU ကွဲပြီး ငြိမ်းချမ်းရေး ပျက်ရင် နေပြည်တော်ရဲ့ ငြိမ်းချမ်းရေးဖော်ဆောင်မှု အဖွဲ့ နာမည်ပျက်ရမှာ မို့ပါ။ ပြည်ထောင်စုဝန်ကြီးတွေ ဖြစ်ကြတဲ့ ဦးအောင်မင်း၊ ဦးခင်ရီတို့က ဆွေးနွေးပွဲတခု ရန်ကုန်မှာ အရေးပေါ် ပြုလုပ်ခဲ့ပါတယ်။ ၀န်ကြီးဦးအောင်မင်းက ကရင်တိုင်းရင်းသားများ စည်းလုံးစေချင်ပြီး အစိုးရမှာ တိုင်းရင်းသားတွေကို သွေးခွဲတဲ့ မူဝါဒမရှိ၊ ထာဝရ ငြိမ်းချမ်းရေးရဖို့ ဆက်လုပ်မယ် လို့ ပြောပါတယ်။ KNU က ဖိတ်ခေါ်ရင် ဦးအောင်မင်းနဲ့ ငြိမ်းချမ်းရေးအဖွဲ့ လာရောက် တွေ့ဆုံဖို့အသင့်ရှိနေတယ်လို့လည်း ထုတ်ပြန်ကြေညာပါတယ်။

အခုအတိုင်းဆို KNU က ဦးအောင်မင်းတို့နဲ့ ပြန်စကားမပြောခင် အချင်းချင်း ပြန်စကားပြောပြီး အဖွဲ့ရဲ့ နိုင်ငံရေးခေါင်းဆောင်မှုကို ဘယ်လိုပြန်တည်ဆောက်ပြီး ဘယ်ပုံ ရှေ့စခန်းသွားမယ် ဆိုတာ အရင်ဆွေးနွေးရပါမယ်။ ဖြစ်စဉ်ကို ပြန်ကြည့်ရင် ဥက္ကဌ တာမ လာဘော၊ ဒု ဥက္ကဌ ဒေးဗစ်တာကပေါ၊ အထွေထွေအတွင်းရေးမှူး ဇီဖိုးရာစိန်တို့ ဦးစီးတဲ့ ဗဟိုအလုပ်အမှုဆောင်တွေက စစ်ဦးစီး ချုပ် မူတူးစေးဖိုး၊ ဒေးဗစ်ထောနဲ့ ရောဂျာခင်တို့ကို အဖွဲ့ရဲ့ လုပ်ထုံးလုပ်နည်း စည်းကမ်းတွေကို မလိုက်နာဘူးလို့ စွပ်စွဲ၊ တာဝန် က ရပ်ဆိုင်းပြီး တပ်ဖွဲ့ဝင် အများဆုံးရှိတဲ့ KNLA တပ်မဟာ ၅ တပ်မဟာမှူး ဗိုလ်မှူးချုပ် ဘောကျော်ဟဲနဲ့ စစ်ဦးစီးချုပ် အစား ထိုးခန့်ထားဖို့ ပြင်တယ်လို့ ကရင်သတင်းရပ်ကွက်တွေက ဆိုပါတယ်။

ဒါပေမယ့် KNU ဖွဲ့စည်းပုံအရ တပ်မဟာ ၇ ခုရှိရာ တပ်မဟာ ၂ နဲ့၅ က ဗဟိုနဲ့ ဘောကျော်ဟဲကို လက်ခံပြီး ကျန် ၁၊ ၃၊ ၄၊ ၆၊ ၇ က မူတူးစေးဖောကို ဆက်ထောက်ခံတာမို့တပ် နှစ်ခြမ်းကွဲမယ့် အခြေအနေပါ။ ဒါ့အပြင် ဒီအကွဲအပြဲကြောင့် ဇန်နဝါ ရီထဲမှာ လက်မှတ်ထိုးထားခဲ့တဲ့ အပစ်ရပ်ရေး သဘောတူညီချက် ပျက်ပြီး ငြိမ်းချမ်းရေးလုပ်ငန်းစဉ် နောက်ပြန်လှည့်သွားမလား။ တပ်မဟာအချင်းချင်းကြား အပစ်အခတ်တွေ ရှိလာမလား ဆိုတဲ့ မေးခွန်းတွေဖြစ်လာပါတယ်။

သမိုင်းမှာ အကွဲအပြဲတွေ၊ လုပ်ကြံသတ်ဖြတ်မှုတွေ ရှိတာ ၁၉၉၄ ခု DKBA ခွဲထွက်မှု၊ ၂၀၀၈ ခု ထိုင်းနယ်စပ်မြို့ မဲဆောက်မှာ အထွေထွေအတွင်းရေးမှူး မန်းရှာလာဖန်းကို လုပ်ကြံသတ်ဖြတ်မှုတွေက အထင်အရှားရှိခဲ့တာမို့ ဒီလိုအဖြစ်အပျက်မျိုးတွေ ရှောင်နိုင် ဖို့ ကရင်တပ်တွေကြားမှာ ဩဇာကြီးသူ တပ်မဟာ ၇ မှူး ဗိုလ်မှူးချုပ် ဂျော်နီက တပ်တွေကြား စိတ်အေးအေးထားပြီး သွေးထွက် သံယို မဖြစ်ဖို့ နှိုးဆော်ပြီး ကရင် အရပ်ဘက် အဖွဲ့အစည်းတွေကလည်း စည်းလုံးညီညွတ်ရေး တောင်းဆိုနေပါတယ်။

ခေါင်းဆောင်မှုအတွင်း သဘောထားကွဲတာ ဇန်နဝါရီလအတွင်း ဒေးဗစ်ထောဦးစီးတဲ့ ကိုယ်စားလှယ်အဖွဲ့ အပစ်ရပ်ရေး သဘောတူ လက်မှတ် ဘားအံမှာ ရေးထိုးကတည်းကပါ။ ဒေးဗစ်ထောဦးစီးတဲ့ လက်မှတ်ရေးထိုးမှုဟာ အရေးမပါဘူးလို့ ဇီဖိုးရာစိန်က ကန့် ကွက် ပါတယ်။ ဒါပေမယ့် ဇီဖိုးရာစိန်ဦးစီးပြီး ကိုယ်စားလှယ်အဖွဲ့ နေပြည်တော်၊ ရန်ကုန်နဲ့ ဘားအံတွေကို သွားခဲ့ပြီး ငြိမ်းချမ်း ရေးဆွေးနွေးခဲ့တာတွေကြောင့် အခုလို ငြိမ်းချမ်းရေးလုပ်ငန်းစဉ်မှာ ဆက်အကောင်အထည် ဖော်နေသူတွေကို တာဝန်က ရပ်ဆိုင်း ပစ်တာ နားမလည်နိုင်ဖြစ်ကြရပါတယ်။ KNU ဗဟိုနှင့် စစ်ဦးစီးချုပ်တို့အကြား ပြီးခဲ့သည့်လဆန်းပိုင်းက စပြီး တဘက်နဲ့တဘက် အပြန်အလှန် လေးစားမှု မရှိတော့ဘဲ ကြေးနန်းနဲ့ပဲ နှစ်ဘက်သဘောထားတွေကို ပေးပို့နေခဲ့တယ်လို့ ကရင်သတင်း ရပ်ကွက် တွေ က ဆိုပါတယ်။

“ကရင့်တော်လှန်ရေး”ကို စောင့်ကြည့် ဝေဖန်သူတွေကတော့ DKBA နောက်ပိုင်း ကရင်ငြိမ်းချမ်းရေးအဖွဲ့၊ ငြိမ်းချမ်းရေးကောင်စီ၊ နယ်ခြားစောင့်တပ်ဖွဲ့ အစရှိတဲ့ ကိုယ်ပိုင်ထိန်းချုပ်နယ်မြေ အသီးသီးမှာ နာမည်အမျိုးမျိုးနဲ့ ခွဲထွက်ပြီး ဗဟိုအစိုးရနဲ့ အပေးအယူ လုပ်တတ်တဲ့ နိုင်ငံရေးအလေ့အထ ရှိတာကြောင့် အခုလည်း KNU ထပ်ကွဲနိုင်တယ်လို့ သုံးသပ်နေကြပါတယ်။

ဒီလိုသာ ထပ်ကွဲပြီဆိုရင် စောဘဦးကြီးကစ မန်းဘဇံ၊ စောဘိုမြ၊ မန်းအောင်သန်းလေး၊ မန်းရှာလာဖန်းတို့ အလယ် ဦးစီးတည် ထောင်လာခဲ့တဲ့ ဖယ်ဒရယ် ပြည်ထောင်စု တည်ဆောက်ရေး တိုက်ပွဲဝင်လာခဲ့တဲ့ ကရင်အမျိုးသားအဖွဲ့ချုပ်ကြီးရဲ့ နိုင်ငံရေးဩဇာနဲ့ ပုံရိပ်ဟာ ကရင်တိုင်းရင်းသားများမှာသာမက ပြည်ထောင်စုကြီးအတွင်းက အခြားတိုင်းရင်းသားများကြားမှာလည်း တစတစ ပျောက် ကွယ်ဖို့သာ ဖြစ်လာစေမှာပါ။ အစိတ်စိတ် အမွှာမွှာကွဲနေတဲ့ ကရင်ပြည်နယ်ဟာ အနာဂတ် ဖယ်ဒရယ်ပြည်ထောင်စုအတွက် ဘယ် လိုမှ စံပြပုံစံမဟုတ်မှာက သေချာပါကြောင်း။

Ref: ဧရာဝတီ

Monday, August 20, 2012

“ထွက်ပေါက် မရှိရင် ဖောက်ထွက်ရမယ်”

ကျော်စွာမိုး
August 17, 2012

မြန်မာပြည် စာနယ်ဇင်း လောက ကတော့ ဓားမိုးခံနေရဆဲပါပဲ။ စာနယ်ဇင်း သမားတွေလည်း ဒီဓားအောက်မှာပဲ သတင်းတွေ ရေးသား တင်ပြနေကြရတာပေါ့။

နာမည်ဆိုးဘွဲ့ ရထားတဲ့ စာပေစိစစ်ရေးက “မသင့်လျော်ဘူး” လို့ ယူဆတဲ့ စကားလုံးတွေ၊ ဝါကျတွေနဲ့ စာပိုဒ်တွေကို အခုထိ ဒီဓားနဲ့ ခုတ်ထစ်နေတဲ့အပြင် ဂျာနယ်တွေရဲ့ စီးပွားရေးအရ ရပ်တည်ရေး လမ်းကြောင်းကိုလည်း မကြာမကြာ ဖြတ်တောက်ပစ်နေ တာ တွေ့ရပါတယ်။

သိပ်မကြာသေးခင်က ဆိုရင် စည်းကမ်း ဖောက်ဖျက်တယ်ဆိုပြီး The Voice နဲ့ Envoy ဂျာနယ် ၂ စောင်ကို စာပေစိစစ်ရေး က နှစ်ပတ်ခန့် ထုတ်ဝေခွင့် ပိတ်ပစ်ခဲ့ပါတယ်။ ဒါပေမယ့် ဒီလိုအရေးယူမှုတွေဟာ သိပ်တော့ မထူး တော့ပါဘူး၊ မကြာခဏ ဆို သလို ဂျာနယ်တွေ အကြောင်းပြချက် အမျိုးမျိုးနဲ့ အရေးယူခံနေရတာပါ။

စာပေစိစစ်ရေးဟာ အခုဆို ပိုပြီးစနစ်တကျနဲ့ တင်းကျပ်လာတယ်၊ အထူးသဖြင့် ရခိုင်ပြည်နယ်က အကြမ်းဖက်မှုတွေ စဖြစ်ပြီး နောက်ပိုင်းမှာ အဲ့ဒီလိုဖြစ်လာတယ်လို့ ရန်ကုန်က စာနယ်ဇင်းသမားတွေ ကျနော့်ကို ပြောပြပါတယ်။

တကယ်ဆိုရင် ဒီရခိုင်ပြည်နယ်ကိစ္စကိုပဲ စာပေစိစစ်ရေးက ကန့်သတ်တာ မဟုတ်ပါဘူး၊ ဗိုလ်ချုပ်ကြီးဟောင်းတွေရဲ့ ကျန်းမာရေး အခြေအနေ၊ အလားအလာရှိတဲ့ ဝန်ကြီးနေရာအပြောင်းအလဲတွေ၊ အာဏာရပါတီက အမတ်တွေကို ဝေဖန်တာမျိုး စတဲ့သတင်း တွေကိုလည်း ပိတ်ပင်ခဲ့တာပါပဲ။

ဇူလိုင်လ အစောပိုင်းကဆိုရင် ဒုဗိုလ်ချုပ်မှူးကြီးမောင်အေးရဲ့ ကျန်းမာရေးအခြေအနေနဲ့ ပတ်သက်လို့ ရေးသား ထုတ်ဝေခဲ့လို့ဆိုပြီး Venus နဲ့ The Yangon Times ဂျာနယ်တွေကို စာပေစိစစ်ရေးက ပြင်းပြင်းထန်ထန် သတိပေးခဲ့ပါတယ်။ နောက်တခါ ခွင့်ပြုချက်မရဘဲ ရေးရင် ထုတ်ဝေခွင့် ပိတ်ပစ်မယ်လို့ ခြိမ်းခြောက်တယ်လို့လည်း Venus ဂျာနယ် အယ်ဒီတာ တဦးက ပြောပါ တယ်။

ဘာလို့များ စာပေစိစစ်ရေးက ဒီလောက် အသေးစိတ်လိုက်ပြီး ပြဿနာရှာနေခဲ့ရ တာလည်းဆိုတာ စဉ်းစားစရာပါပဲ။

စာနယ်ဇင်းသမား တွေကတော့ ပြန်ကြားရေးဝန်ကြီး ဦးကျော်ဆန်းနဲ့ သူ့ရဲ့ နောက်လိုက်တချို့ဟာ သမ္မတဦးသိန်းစိန် ဖော်ဆောင် နေတဲ့ ပြုပြင်ပြောင်းလဲရေး လုပ်ငန်းစဉ်မှာ တကယ် ပါဝင်လိုစိတ်ရှိရဲ့လားလို့ မေးခွန်းထုတ်နေကြပါတယ်။

The Voice နဲ့ Envoy ဂျာနယ်တွေ ထုတ်ဝေခွင့် အပိတ်ခံလိုက်ရပြီး နောက်နေ့မှာ မြန်မာဂျာနယ်လစ် ကွန်ရက်နဲ့ မြန်မာ နိုင်ငံ သတင်းစာဆရာများအသင်းက အဲဒီအရေးယူမှုကို ပြန်ရုတ်သိမ်းပေးဖို့ တောင်းဆိုလိုက်ပါတယ်။ ဒီလို ကန့်သတ် ချုပ်ချယ် တာတွေဟာ သမ္မတရဲ့ ပြုပြင်ပြောင်းလဲမှုလုပ်ငန်းစဉ်နဲ့ မကိုက်ညီဘူးလို့လည်း သူတို့ရဲ့ ကြေညာချက်မှာ ဖော်ပြထားပါတယ်။

ဒီမိုကရေစီ ဖော်ဆောင်မှုကို မလိုလားတဲ့ “ရှေးရိုးစွဲဝါဒီတွေ” အစိုးရအဖွဲ့ထဲမှာ ရှိနေတယ်လို့ သမ္မတ ဦးသိန်းစိန်က ဝန်ခံခဲ့ဖူး ပါတယ်။ သတင်းထောက် အများစုကတော့ ဦးကျော်ဆန်းဟာ အဲဒီအထဲက တယောက်ပဲလို့ ယုံကြည် နေကြတာပါ။

မကြာသေးခင်ကလည်း ဦးကျော်ဆန်းနဲ့ပတ်သက်တဲ့ ကောလာဟလတွေ ထွက်ပေါ်ခဲ့ ပါသေးတယ်။ ပြန်ကြားရေးနဲ့ ယဉ်ကျေးမှု ဝန်ကြီးဌာန ၂ ခု ထဲက ပြန်ကြားရေးဝန်ကြီးဌာန တာဝန်ကို လက်လွှတ်ရလိမ့်မယ်၊ ယဉ်ကျေးမှု ဝန်ကြီးဌာန တခုတည်းကိုပဲ ဆက် တာဝန်ယူရလိမ့်မယ် တဲ့။

မီဒီယာသမား အများစုကတော့ အဲဒီလိုတကယ် ဖြစ်လာဖို့ မျှော်လင့်နေပုံ ရပါတယ်။

သမ္မတ ဦးသိန်းစိန်ရဲ့ အစိုးရတက်လာပြီး သိပ်မကြာခင်မှာ မီဒီယာအပေါ် ထားခဲ့တဲ့ ကန့်သတ်ချက်တွေ အတိုင်းအတာ တခုထိ လျော့သွားခဲ့ပါတယ်။ ဒီထက်ပိုပြီး လွတ်လပ်လာလိမ့်မယ် လို့တောင် စာနယ်ဇင်းသမားတွေက မျှော်လင့်ခဲ့ ကြတာပါ၊ သမ္မတက လည်း ကဏ္ဍတိုင်းမှာ ပြုပြင်ပြောင်းလဲမှုတွေ ဆက်လုပ်သွားမယ်လို့ ထပ်တလဲလဲ ကတိပြုခဲ့တာကိုး။

ဒါပေမယ့် မျှော်လင့်ထားသလို မဖြစ်ခဲ့ပါဘူး။ ဦးကျော်ဆန်းသာ သူပြောတဲ့စကား တည်ခဲ့မယ်ဆိုရင် စာပေစိစစ်ရေး ဆိုတာ အခုဆို မရှိတော့ပါဘူး။ ဇွန်လကုန်မှာ စာပေစိစစ်ရေးကို ဖျက်သိမ်းမယ်လို့ သူက ကတိပေးခဲ့တာပါ။

အရင်စစ်အစိုးရကို “မီဒီယာရဲ့ရန်သူ (Enemy of the Press)” လို့ နိုင်ငံတကာ စာနယ်ဇင်းအဖွဲ့တွေက ခေါ်ဝေါ်ခဲ့ကြ ပါတယ်။ အခုလည်း စာပေစိစစ်ရေးက ဆက်လက်ဖိနှိပ်နေတာမို့ လက်ရှိအစိုးရဟာ အရင်စစ်အစိုးရနဲ့ ဘာမှ မကွာဘူးလို့ မှတ်ယူရပါလိမ့်မယ်။

ဒီလို ဖိနှိပ်မှုတွေက စာနယ်ဇင်းသမားတွေရဲ့ စိတ်နဲ့ရုပ် ၂ ခုစလုံးကို တိုက်ရိုက် ဒါမှမဟုတ် သွယ်ဝိုက်ပြီး ချုပ်ကိုင် နေတာပါ။ ကျနော်ကိုယ်တိုင်လည်း မြန်မာပြည်ထဲ ရောက်တဲ့အခါတုန်းက အဲ့ဒီလိုချုပ်ကိုင်မှုမျိုးတွေ ခံစားခဲ့ရပါတယ်။ အဲဒီအခါမှာ ကျနော်တို့ စာနယ်ဇင်းသမားတွေအတွက် အရေးကြီးတဲ့ “Independent ” ဖြစ်ရမယ်၊ “Professional” ဖြစ်ရမယ်ဆိုတဲ့ စကား လုံး တွေဟာလည်း အဓိပ္ပာယ်မဲ့လာပါတော့တယ်။

ဝါရင့်သတင်းစာဆရာကြီး ဦးဝင်းတင်ကို ဧရာဝတီ Face-to-Face အစီအစဉ်အတွက် ရန်ကုန်က သူ့အိမ်မှာ ကျနော် အင်တာဗျူးလုပ်တုန်းကဆိုရင် သူက လက်ရှိ အစိုးရထဲက ဦးဆောင်သူတွေကို “သူခိုးတွေ” လို့ တဲ့တိုးသုံးနှုန်းခဲ့ပါ တယ်။

ဒီအင်တာဗျူးကိုသာ စာပေစိစစ်ရေးတင်မယ်ဆိုရင် အပယ်ခံရဖို့ သေချာပါတယ်။

ဦးဝင်းတင်က အဲဒီလို ပြောလိုက်တဲ့အချိန်မှာ ပြည်တွင်းက ကျနော့်ရဲ့ မီဒီယာ ရောင်းရင်းတွေအပေါ် မိုးထားတဲ့ ဓားကို ကျနော် ကိုယ်တိုင် ခံစားလိုက်မိပါတယ်။ အဲဒီလို စိုးရိမ်ကြောင့်ကြမှုတွေက သတင်းထောက်တွေကို သတ္တိနည်းစေပြီး ကျင့်ဝတ် စောင့်ထိန်း ရမယ့် အပိုင်းမှာလည်း ထိခိုက်စေနိုင်တာကိုး။

အမေရိကန်ပြည်ထောင်စုကို တည်ထောင်ခဲ့တဲ့ သောမတ်စ် ဂျက်ဖာဆင် (Thomas Jefferson) တခါက ပြောခဲ့ဖူးပါ တယ်။ “သတင်းအချက်အလက်ဆိုတာ ဒီမိုကရေစီရဲ့ ငွေအသပြာ (Information is the currency of democracy)” တဲ့။ အဲဒီ ငွေအသပြာကို ထုတ်လုပ်ဖို့ ကျနော်တို့ မြန်မာနိုင်ငံမှာ မီဒီယာလွတ်လပ်ခွင့် လိုပါတယ်။

ဒါပေမယ့် မီဒီယာလွတ်လပ်ခွင့်ရဖို့ အစိုးရအပေါ်ချည်း အားကိုးနေလို့မရပါဘူး။ စာနယ်ဇင်းသမားတွေအနေနဲ့ မိမိတို့လွတ်လပ်ခွင့်ကို မိမိတို့ဘာသာ တိုက်ယူရပါလိမ့်မယ်။

မီဒီယာလွတ်လပ်ခွင့်မရှိရင် သူတို့ရဲ့တန်ဖိုးတွေ ကျသွားပါလိမ့်မယ်၊ သူတို့ရဲ့ ဂုဏ်သိက္ခာလည်း လျော့ပါးသွားပါလိမ့် မယ်၊ ပြီးတော့ သူတို့ရဲ့ အခန်းကဏ္ဍဟာလည်း မေးခွန်းထုတ်စရာ ဖြစ်လာပါလိမ့်မယ်။

နိုင်ငံတခုကို ဒီမိုကရေစီနိုင်ငံအဖြစ် အသွင်ကူးပြောင်းရာမှာ လွတ်လပ်တဲ့မီဒီယာက “စတုတ္ထမဏ္ဍိုင်” အဖြစ်နဲ့ ပံ့ပိုးကြတာပါ။ ဒါပေမယ့် တင်းတင်းကျပ်ကျပ် ဖိနှိပ်ခံနေဆဲဖြစ်တဲ့ မြန်မာမီဒီယာကတော့ ဒီတာဝန်ကို ရာနှုန်းပြည့် မထမ်းဆောင်နိုင်သေးပါဘူး။

ဒီနေရာမှာ ဦးဝင်းတင်က စာနယ်ဇင်းသမားတွေနဲ့ ပတ်သက်ပြီး အကြံပေးခဲ့တာလေးကို ကျနော် အမှတ်ရမိပါတယ်။

“သတင်းထောက်တွေ အပါအဝင် ကျနော်တို့အားလုံးဟာ ဥမင်လိုဏ်ခေါင်းထဲမှာ ရှိနေတုန်းဗျ။ ဒါကြောင့် သတင်း ထောက်တွေ အနေနဲ့ ထွက်ပေါက်မရှိရင် ဖောက်ထွက်ကြရမယ်”

ကျော်စွာမိုးရေးသည့် Time for Media to Seize Freedom ကို ဆီလျော်အောင် ပြန်ဆိုသည်။

Ref: ဧရာဝတီ

၈၈ ကျောင်းသားများ

ယနေ့ဖတ်စရာများ

Wednesday, May 15, 2013

မြန်မာသတင်းစာများ ရှင်ပြန်ထမြောက်ခြင်း

Monday, March 18, 2013

စိတ်လျော်ကြေး ဘယ်လိုပေးမလဲ

Tuesday, February 5, 2013

မြန်မာ ခေတ်သစ် မေရီ အင်တွိုင်းနက်များ

Friday, January 25, 2013

ပြည်ထောင်စုနေ့အမီ အပစ်အခတ် ရပ်စဲနိုင်မလား

Wednesday, January 23, 2013

အင်တာနက် ဋီကာ

Tuesday, January 15, 2013

အနာဂတ် နိုင်ငံတော်ကို ကယ်တင်ပါ

Thursday, December 13, 2012

ရွှေ့ပြောင်းလုပ်သားများအရေး ထိုင်းမူဝါဒကို သုံးသပ်ခြင်း

Friday, November 30, 2012

ကမ္ဘာ့အလယ်မှာ မြန်မာ့ဆန် တင်ပို့မှု

Thursday, November 29, 2012

ပျက်စီးနေသော တရားစီရင်ရေးနှင့် ချည့်နဲ့နေသော မဏ္ဍိုင်များ

Monday, November 19, 2012

အိုဘားမားရဲ့ ရန်ကုန်ခရီးစဉ်အကြောင်း တစေ့တစောင်း

Monday, November 5, 2012

ရခိုင်အရေး နောက်ဆက်တွဲ မေးခွန်းများ

Wednesday, October 10, 2012

KNU ကွဲတော့ ဘာဖြစ်လဲ

Monday, August 20, 2012

“ထွက်ပေါက် မရှိရင် ဖောက်ထွက်ရမယ်”

Monthly Chronology

ကျမ္မာရေး

အားကစား

မဲဆွယ်စည်းရုံးရေးမိန့်ခွန်း

ဒေါ်အောင်ဆန်းစုကြည် ခရီးစဉ်များ

Blog Archive

Subscribe via email

၈၈ ကျောင်းသားများ

ယနေ့ဖတ်စရာများ

Wednesday, May 15, 2013

Monday, March 18, 2013

Tuesday, February 5, 2013

Friday, January 25, 2013

Wednesday, January 23, 2013

Tuesday, January 15, 2013

Thursday, December 13, 2012

Friday, November 30, 2012

Thursday, November 29, 2012

Monday, November 19, 2012

Monday, November 5, 2012

Wednesday, October 10, 2012

Monday, August 20, 2012

Monthly Chronology

ကျမ္မာရေး

အားကစား

မဲဆွယ်စည်းရုံးရေးမိန့်ခွန်း

ဒေါ်အောင်ဆန်းစုကြည် ခရီးစဉ်များ

Blog Archive

Subscribe via email

Subscribe To