မြောက်ကိုရီးယား ရန်စမှု ဒေသတွင်း အင်အားကြီး ၃နိုင်ငံသတိပေး

13 မေ 2012

မြောက်ကိုရီးယားဘက်က ရန်လိုတဲ့အပြုအမူမျိုးကို နောင်မှာ သည်းခံမှာမဟုတ်ဘူးလို့ တရုတ်၊ ဂျပန်နဲ့ တောင်ကိုရီးယား နိုင်ငံတို့က ပြောလိုက်ပါတယ်။ မြောက်ကိုရီးယားက နျူကလီးယား စမ်းသပ်ဖောက်ခွဲမှု အသစ်လုပ်ဖို့ ပြင်ဆင်နေတယ်ဆိုတဲ့ စိုးရိမ်မှုတွေ ထွက်ပေါ်နေတဲ့အချိန် ဒီသတိပေး ပြောဆိုချက် ထွက်လာတာပါ။

တရုတ်ဝန်ကြီးချုပ် ၀မ်ကျားပေါင် (Wen Jiabao)၊ ဂျပန်ဝန်ကြီးချုပ် ယိုရှိဟိကိုနိုဒ (Yoshihiko Noda) တို့နဲ့ တရုတ်နိုင်ငံ ဘေဂျင်းမြို့မှာ တွေ့ဆုံအပြီး တောင်ကိုရီးယားသမ္မတ အီမြောင်ဘက် (Lee Myung-bak) က ဒီကနေ့ ပြောကြားလိုက်ပါတယ်။

မြောက်ကိုရီးယားက မအောင်မြင်တဲ့ ဒုံးပျံ ပစ်လွှတ်မှု ပြီးခဲ့တဲ့လအတွင်း ပြုလုပ်ပြီးတဲ့နောက် ကုလသမဂ္ဂ လုံခြုံရေးကောင်စီက ပိတ်ဆို့အရေးယူမှု အသစ်တွေ ထပ်မံ ချမှတ်ခဲ့တာပါ။ ကုလသမဂ္ဂရဲ့ ဆုံးဖြတ်ချက်အရ စမ်းသပ် ပစ်လွှတ်မှု မလုပ်ရဘူးလို့ ပိတ်ပင် တားမြစ်ထားတဲ့ တာဝေးပစ် ဒုံးကျည် စမ်းသပ်ပစ်လွှတ်ခြင်း မပြုလုပ်ရဆိုတဲ့ ပိတ်ပင် တားမြစ်ချက်ကို ချိုးဖောက်ရာရောက်တယ်ဆိုပြီး အမေရိကန်နဲ့ မဟာမိတ်နိုင်ငံတွေက ပြစ်တင် ဝေဖန် ခဲ့ကြတာပါ။

ဒီခေါင်းဆောင် ၃ ဦးဟာ အကောက်ခွန် ကင်းလွတ်တဲ့ ကုန်သွယ်ခွင့်ဆိုင်ရာ ဆွေးနွေးပွဲတွေ အခုနှစ်မကုန်ခင်မှာ စတင်ကြဖို့လည်း သဘောတူခဲ့ကြပါတယ်။ ဒါ့အပြင် ရင်းနှီးမြှုပ်နှံမှုဆိုင်ရာ သဘောတူညီချက်ကိုလည်း ခေါင်းဆောင် ၃ ဦးက လက်မှတ် ရေးထိုးခဲ့ကြတာပါ။

တရုတ်၊ ဂျပန်နဲ့ တောင်ကိုရီးယားတို့ဟာ အရှေ့အာရှတိုက်အတွင်း စီးပွား အကြီးဆုံး ၃ နိုင်ငံလည်း ဖြစ်ပါတယ်။

Ref: ဗွီအိုအေ

Read More...

Collapse...

ညွှန့်ပေါင်းအစိုးရဖွဲ့နိုင်ဖို့ ဂရိသမ္မတ ကြိုးပမ်း

13 မေ 2012

ဂရိနိုင်ငံမှာ ညွန့်ပေါင်းအစိုးရသစ် ဖွဲ့နိုင်ရေးအတွက် နောက်ဆုံး ကြိုးပမ်းတဲ့အနေနဲ့ သမ္မတက အဓိက နိုင်ငံရေးပါတီကြီး ၃ ခုက ခေါင်းဆောင်တွေကို ခေါ်ယူ တွေ့ဆုံနေပါတယ်။

ကွန်ဆာဗေးတစ် ဒီမိုကရက်တစ်ပါတီသစ် ၊ အလယ်အလတ်ဝါဒကို စွဲစွဲမြဲမြဲ ဆုပ်ကိုင်ထားတဲ့ Syriza ပါတီနဲ့ ဆိုရှယ်လစ် PASOK ပါတီက ခေါင်းဆောင် တွေကို သမ္မတ Karolos Papoulias က ဒီကနေ့ ခေါ်တွေ့နေတာပါ။ နောက်ပိုင်းမှာတော့ ပြီးခဲ့တဲ့ မေလ ၆ ရက်နေ့ ရွေးကောက်ပွဲမှာ အနိုင်ရခဲ့ကြတဲ့ ပါတီ ငယ်လေး တွေနဲ့ တွေ့ဆုံဖို့ စီစဉ်ထားတာပါ။

ရွေးကောက်ပွဲမှာ အနိုင်ရခဲ့ကြတဲ့ ပါတီတွေက ညွန့်ပေါင်းအစိုးရ ဖွဲ့နိုင်ခြင်းမရှိတဲ့အတွက် နောက်ထပ် ရွေးကောက်ပွဲ ကျင်းပစရာ မလိုအောင် သမ္မတက ပါတီခေါင်းဆောင်တွေနဲ့ အခုလို တွေ့ဆုံနေတာပါ။ သူ့အနေနဲ့ မျှော်လင့်ချက်သိပ်မရှိဘူးလို့ တနင်္ဂနွေနေ့ တွေ့ဆုံ ဆွေးနွေးအပြီးမှာ PASOK ပါတီ ခေါင်း ဆောင် Evangelos Venizelos က ပြောပါတယ်။

လက်ဝဲယိမ်း ဒီမိုကရက်တစ်ပါတီငယ်လေးတွေက သူတို့နဲ့ ပူးပေါင်းလာရင်တော့ ဒီမိုကရက်တစ်ပါတီသစ်နဲ့ PASOK ပါတီတို့ ၂ ခုပေါင်းပြီး ညွန့်ပေါင်းအစိုးရ ဖွဲ့နိုင်မှာဖြစ်ပေမဲ့ Syriza ပါတီ မပါဘဲ သူတို့ချည်းပဲ လာမပေါင်းလိုဘူး ဆိုပြီး ငြင်းဆိုနေကြတာပါ။

သမ္မတ Papoulias အနေနဲ့ လာမယ့် ကြာသပတေးနေ့အထိ ညွန့်ပေါင်းအစိုးရဖွဲ့ဖို့ အချိန်ကျန်ပါသေးတယ်။ တကယ်လို့ သဘောတူညီချက် တစုံတရာ မရရင်တော့ ဂရိနိုင်ငံမှာ ဇွန်လအတွင်း ရွေးကောက်ပွဲတွေ ပြန်ကျင်းပပေးရမှာပါ။

အကြွေးတွေနဲ့ ပိနေတဲ့ ဂရိအစိုးရအနေနဲ့ နိုင်ငံတကာနဲ့ ဥရောပ အိမ်နီးချင်းနိုင်ငံတွေရဲ့ တောင်းဆိုချက်တွေအတိုင်း အစိုးရအသုံးစားရိတ် လျော့ချရေးဆိုင်ရာ ပြုပြင်ပြောင်းလဲမှုတွေကို လိုက်လျောပေးလိုက်တဲ့အပေါ် သဘောတူညီမှု မရနိုင်ဘဲ ဖြစ်နေတာပါ။

Ref: ဗွီအိုအေ

Read More...

Collapse...

မြောက်ကိုးရီးယား လွှတ်တော်ဥက္ကဋ္ဌ စင်္ကာပူနဲ့အင်ဒိုနီးရှား ခရီးထွက်

12 မေ 2012

မြောက်ကိုးရီးယားအပေါ် ကုလသမဂ္ဂက အရေးယူပိတ်ဆို့ဒဏ်ခတ်မှု အသစ်တွေ ချမှတ်လိုက်တာ သီတင်းနှစ်ပတ် မပြည့်သေးခင်မှာပဲ၊ မြောက်ကိုးရီးယား လွှတ်တော် သဘာပတိအဖွဲ့ရဲ့ ဥက္ကဋ္ဌ ကင်ယုံနမ်း (Kim Yong Nam) ဟာ ထိပ်တန်း စီးပွားရေး အကြံပေးအရာရှိကြီး နှစ်ဦးနဲ့အတူ စင်္ကာပူနဲ့ အင်ဒိုနီး ရှားနိုင်ငံ တွေကို ခရီးထွက်ခွာလာခဲ့ပြီးတော့ မြောက်ကိုးရီးယားမှာ ပြည်ပရင်းနှီးမြှုပ်နှံမှုတွေကို ဖိတ်ခေါ်ဖိ်ု့ စတင် ကြိုးပမ်းနေပုံရတယ်လိူ့ မေလ ၁၂ ရက် AP သတင်း မှာ ရေးသားထားပါတယ်။

ပြီးခဲ့တဲ့ ဒီဇင်ဘာလက မြောက်ကိုးရီးယား ခေါင်းဆောင်ဟောင်း ကင်ဂျုံအီး ကွယ်လွန်ပြီးတဲ့နောက် ကင်ယုံနမ်းဟာ သူ့ရဲ့ ပထမဆုံး ပြည်ပခရီးစဉ်အဖြစ် မနေ့က သောကြာနေ့မှာ စင်္ကာပူကို ရောက်ရှိလာခဲ့ပြီးတော့ မနက်ဖြန် တနင်္ဂနွေနေ့မှာ အင်ဒိုနီးရှားနိုင်ငံကို ခရီးဆက်မှာ ဖြစ်ပါတယ်။ ကင်ယုံနမ်းဟာ မြောက်ကိုရီးယား ခေါင်းဆောင်တွေကိုယ်စား ပြည်ပကို ခရီးထွက်လေ့ရှိသူ ဖြစ်ပါတယ်။

မြောက်ကိုးရီးယားကို Heineken ဘီယာကနေ Hello Kitty လို မိန်းကလေး အသုံးအဆောင်ပစ္စည်းတွေကို စင်္ကာပူလုပ်ငန်းရှင်တွေက တင်သွင်းနေ တာ ဖြစ်သလို ဟမ်ဘာဂါ၊ အမေရိကန်ကြက်ကြော်နဲ့ ဘယ်(လ်) ဂျီယံဝေဖါလို အနောက်တိုင်း အစားအစာတွေကိုလည်း မြောက်ကိုးရီးယားတွေကို စတင် မိတ်ဆက်ပေးနေပါတယ်။ မြောက်ကိုးရီးယားရဲ့ ထွက်ကုန်တွေတင် ပို့ရောင်းချရေးနဲ့ နိုင်ငံခြားက သယံဇာတတွေ မြောက်ကိုးရီးယားကို တင်သွင်းနိုင်ရေး အတွက် အရှေ့ တောင်အာရှ နိုင်ငံတွေဖြစ်တဲ့ စင်္ကာပူနဲ့ အင်ဒိုနီးရှားတို့ရဲ့ အကူအညီကို မြောက်ကိုးကိုးရီးယားက လိုအပ်နေပုံရပါတယ်။

တာဝေးပစ်ဒုံးကျည်တွေ စမ်းသပ်ပစ်လွှတ်ခြင်း မလုပ်ရဆိုတဲ့ ကုလသမဂ္ဂလုံခြုံရေး ကောင်စီက ချမှတ်ထားတဲ့ ဆုံးဖြတ်ချက်ကို မြောက်ကိုးရီးယားက ဖောက်ဖျက်ပြီး ပြီးခဲ့တဲ့ ဧပြီလက မိုးလေ၀သ လေ့လာရေး ဂြိုလ်တုလွှတ်တင်မှု အကြောင်းပြပြီး မြောက်ကိုးရီးယားက မအောင်မြင်တဲ့ ဒုံးပျံ ပစ်လွှတ် ခဲ့တာကြောင့် မြောက်ကိုးရီးယားအပေါ် ကုလသမဂ္ဂက အရေးယူပိတ်ဆို့ဒဏ်ခတ်မှု အသစ်တွေ ချမှတ်ခဲ့တာပါ။ ဒီဒုံးပျံပစ်လွှတ်ခဲ့မှုကြောင့် အမေရိကန် ပြည်ထောင်စု ကလည်း မြောက်ကိုးရီးယားကို စားနပ်ရိက္ခာ တန်ပေါင်းများစွာ ပေးပို့မယ့် အစီအစဉ်ကို ဖျက်သိမ်းခဲ့ပါတယ်။

Ref: ဗွီအိုအေ

Read More...

Collapse...

သမာရိုးကျ ကျား-မ အိမ်ထောင်ပြုမှုထောက်ခံသူ Romney ကို လူကြိုက်များ

12 မေ 2012

အမေရိကန်ပြည်ထောင်စုမှာ ရီပက်ဘလီကန် ပါတီဘက်က သမ္မတလောင်းအဖြစ်နဲ့ ၀င်ရောက် ယှဉ်ပြိုင်မယ့်သူလို့ ပြောလို့ရတဲ့ မစ် ရွန်မနီ (Mitt Romney) ဟာ အမျိုးသမီးနဲ့ အမျိုးသားကြား လက်ထက် ပေါင်းသင်းတဲ့ ဓမ္မတာ အိမ်ထောင်ရေးကိုပဲ ထောက်ခံ ပြောဆိုသွားလို့ စနေနေ့မှာ သမာရိုးကျဝါဒီ ခရစ်ယာန် တက္ကသိုလ်မှာ သူ့မိန့်ခွန်းကို လာနားထောင်ကြတဲ့ ပရိသတ်က အကြီးအကျယ်ကို ထောက်ခံခဲ့ပါတယ်။

ရီပက်ဘလီကန်ပါတီက တကယ့် သမာရိုးကျဝါဒီတွေရဲ့ သံသယမျက်လုံးနဲ့ ကြုံရတတ်တဲ့ မစ္စတာ ရွန်မနီဟာ ဗာဂျီးနီးယားပြည်နယ်က လစ်ဘာတီ တက္က သိုလ် ဘွဲ့နှင်းသဘင် အခမ်းအနားမှာ မိန့်ခွန်းပြောကြားတော့ လူတစ်ယောက်ရဲ့ ကိုယ်ပိုင် သက်ဝင်ယုံကြည်မှုနဲ့ မိသားစုအပေါ်မှာ အလေးအနက်ရှိမှုက ဘယ်လောက် အရေးကြီးလှကြောင်း ပြောသွားခဲ့ပါတယ်။

သမ္မတ ဘရက်အိုဘားမားက အမေရိကန် ပြည်ထောင်စုမှာ လိင်တူချင်း တရားဝင် လက်ထပ်ပေါင်းသင်းမှု ကိစ္စကို ထောက်ခံကြောင်း ပြောသွားပြီးတော့ ရက် ပိုင်းအတွင်းမှာပဲ ဒီလို လိင်တူ လက်ထပ်မှုနဲ့ ပတ်သက်ပြီး မစ္စတာ ရွန်မနီက မှတ်ချက် ခပ်တိုတို ပေးသွားတော့ ပရိသတ် သုံးသောင်းကျော်ထဲက အကြီး အကျယ် ထောက်ခံမှု ရခဲ့တာပါ။

ပြည်နယ် ခြောက်ခုနဲ့ District of Columbia ကပဲ လိင်တူချင်း လက်ထပ်ခွင့်ရှိတဲ့ အမေရိကန် ပြည်ထောင်စုမှာ သမ္မတရဲ့ ထောက်ခံမှုက အငြင်းပွားစရာ ဖြစ်နေပါတယ်။ ပြည်နယ် ၃၁ ပြည်နယ်က ဒါကို တားဆီးထားတာ ဖြစ်ပါတယ်။ ဒါပေမဲ့ ဒီလိုမျိုး လိင်တူချင်း လက်ထပ်မှုကို ထောက်ခံမှုက များလာနေ ပြီးတော့ အရေအတွက်အားဖြင့် ဆိုရင်တော့ မထောက်ခံသူတွေထက် နည်းနည်း ပိုသာနေတာ တွေ့ရပါတယ်။

Ref: ဗွီအိုအေ

Read More...

Collapse...

တရုတ်ပြည် မိုးသီးမုန်တိုင်း လူ လေးဆယ်နီးပါး သေဆုံး

12 မေ 2012

တရုတ်နိုင်ငံ အနောက်မြောက်ပိုင်း တောင်ကုန်းမြေမြင့်ဒေသဖြစ်တဲ့ ဂန်ဆုပြည်နယ် (Gansu Province) မှာ ပြီးခဲ့တဲ့ ကြာသပတေးနေ့ မေလ ၁၀ ရက်နေ့ ညပိုင်းက စလို့ မုတ်သုန်မိုး မုန်တိုင်းကျရောက်ပြီး ဂေါက်သီးဘောလုံးအရွယ် မိုးသီးတွေ ကြွေကျခဲ့တာကြောင့် လူ ၃၇ ဦး သေဆုံးပြီး ၁၈ ဦး ပျောက်ဆုံးနေ ပါတယ်။

ဒီမုန်တိုင်းဒဏ်ကို မနေ့က သောကြာနေ့ညမှာ လူပေါင်း သုံးသိန်းခြောက်သောင်း ခံခဲ့ကြရပြီးတော့ လူပေါင်း သုံးသောင်းကို ရွှေ့ပြောင်း ပေးခဲ့ရပါတယ်။ လူပေါင်း ၄၀ လောက်ဟာလည်း ဒဏ်ရာတွေရပြီး ဆေးရုံ တက်နေကြရပါတယ်။

ဒီမုန်တိုင်းဟာ သီးနှံစိုက် ဧကပေါင်း တစ်သောင်းခုနှစ်ထောင်ငါးရာ ကို ဖျက်ဆီးပစ်လိုက် ပြီးတော့ အိမ်တွေ ပြိုကျပျက်စီးတာ လမ်းပန်းအဆက်အသွယ် ပြတ် တောက်တာနဲ့ လျှပ်စစ်ဓါတ်အားလိုင်းတွေ ပြတ်တောက်တာတွေ ဖြစ်ခဲ့ပါတယ်။ တရုတ် ပြည်သူ့လွတ်မြောက်ရေးတပ်မတော် (People’s Liberation Army – PLA) တပ်ဖွဲ့ဝင်တွေက မုန်တိုင်းကြားမှာ ပိတ်မိနေကြတဲ့ ရွာသူရွာသားတွေနဲ့ သူတို့ရဲ့ ရိက္ခာတွေ ဖြစ်ကြတဲ့ မွေးမြူရေး ကြက် ဘဲ ၀က် တိရစ္ဆာန်တွေကို သယ် ယူ ရွှေ့ပြောင်းပေးနေကြပါတယ်။

Ref: ဗွီအိုအေ

Read More...

Collapse...

မြန်မာ့အပြောင်းအလဲ အမေရိကန်အနီးကပ်စောင့်ကြည့်

11 မေ 2012

မြန်မာနိုင်ငံမှာ ဒီမိုကရေစီရေးကို ရှေ့ရှုပြီး ခြေလှမ်းတွေလှမ်းနေတာနဲ့အမျှ အမေရိကန် ပြည်ထောင်စုက လိုက်လျောညီထွေ တုံ့ပြန်နေပေမဲ့ အပြောင်းအလဲ တွေဟာ အချိန်မရွေး နောက်ကြောင်းပြန်လှည့်နိုင်တဲ့ အလားအလာ ရှိနိုင်တာကြောင့် စိစစ်ချိန်ကိုက်ပြီး ပုံမှန်ပြန်လည် ဆက်ဆံနေတာဖြစ်တယ်လို့ အမေရိ ကန်အကြီးတန်း သံတမန်တဦးက မေလ ၁၁ ရက်၊ သောကြာနေ့က ပြောဆိုလိုက်ပါတယ်။

အမေရိကန်နိုင်ငံခြားရေးဝန်ကြီးဋ္ဌာန မြန်မာနိုင်ငံဆိုင်ရာ ဒုတိယအထူးကိုယ်စားလှယ် Patrick Murphy ကအမေရိကန်က ပြုပြင် ပြောင်းလဲရေးလိုလားတဲ့ မြန်မာအစိုးရနဲ့ ထဲထဲဝင်ဝင် ဆက်ဆံပြီး ပိတ်ဆို့ အရေးယူ ဒဏ်ခတ် မှုတွေ ပိုမို လျှော့ပေးရေး အပါအ၀င် လာမယ့် သတင်းပတ်တွေအတွင်း အထူးအာဏာ ကုန် လွှဲအပ်ခြင်း ခံရမယ့် အမေရိကန် သံအမတ်ကြီးတဦးကိုလည်း တာဝန်ပေးအပ်တော့မှာ ဖြစ်တယ် လို့ ပြောဆိုလိုက်တာ ပါ။

အပြောင်းအလဲတွေ အကောင်အထည်ဖော်နေတာကို အမေရိကန်က ကြိုဆိုကြောင်းနဲ့ အနီးကပ်စောင့် ကြည့်နေတဲ့အကြောင်း ၀ါရှင်တန်အခြေစိုက် Carnegie Endowment for International Peace မှာ ကျင်းပတဲ့ မြန်မာ့အရေးဆွေးနွေးပွဲမှာ မြန်မာနိုင်ငံဆိုင်ရာ အမေရိကန် ဒုတိယ အထူးကိုယ်စားလှယ် ပက်ထရစ်၊ မာဖီက ပြောဆိုခဲ့တာ ဖြစ်ပါတယ်။

မြန်မာ့အပြောင်းအလဲတွေဟာ အာမခံလို့မရသေးကြောင်း၊ ပျက်လွယ်တဲ့အနေအထားနဲ့ ပြည်စုံမှု မရှိသေး ဘူးလို့ Patrick Murphy ကမှတ်ချက်ချပါတယ်။ ဆင်းရဲမွဲတေမှု၊ ရာနဲ့ချီတဲ့ နိုင်ငံရေး အကျဉ်းသားတွေ ရှိနေဆဲဖြစ်ပြီး ကချင်ပြည်နယ်က မပြီးဆုံးသေးတဲ့ စစ်ပွဲတွေကြောင့် နိုင်ငံတည်ငြိမ်မှု မရှိသေးဘူးလို့ ဆိုပါတယ်။

တူညီတဲ့ခြေလှမ်းတွေနဲ့ တုံ့ပြန်မယ့် အမေရိကန်ရဲ့ မူဝါဒအရ ပြုပြင်ပြောင်းလဲရေးတွေကို အသိအမှတ် ပြုပြီး ပိတ်ဆို့မှုတွေကိုလျှော့ပေးနေကြောင်း၊ ဒါပေမဲ့ အမေရိကန်က မြန်မာနိုင်ငံနဲ့ ပတ်သက်ပြီး ၁၉၉၀ ကနေ ၂၀၀၈ ခုနှစ်အတွင်းပြဌာန်းထားတဲ့ ပြည်ထောင်စုဥပဒေ ငါးခုနဲ့ သမ္မတ အမိန့်ပြန်တမ်းလေးခု စတဲ့ ပိတ်ဆို့မှုတွေ ကို ပြန်လည် သုံးသပ်ရာမှာ အမေရိကန် ကွန်ဂရက် လွှတ်တော်နဲ့ မဖြစ်မနေ ပါဝင်ရ မယ့် သက်ဆိုင်သူတွေ တင်မကဘဲ ရှေ့နေ အယောက် ၂၀ လိုအပ်ပြီး သူတို့ တနေကုန်အလုပ် လုပ်ကြရပါလိမ့်မယ်လို့ မြန်မာနိုင်ငံ ဆိုင်ရာ အမေရိကန်ဒုတိယ အထူးကိုယ်စားလှယ် Patrick Murphy က ပြောဆို လိုက်ပါတယ်။

Ref: ဗွီအိုအေ

Read More...

Collapse...

အကျဉ်းကျခံ ယူကရိန်းဝန်ကြီးချုပ်ဟောင်းကို လစ်သူရေးနီးယားသမ္မတတွေ့

11 မေ 2012

ယူကရိန်းနိုင်ငံမှာ အခွန်တိမ်းရှောင်မှု၊ ရုရှားနိုင်ငံကို သဘာဝ ဓာတ်ငွေ့ရောင်းချရာမှာ လာဘ်ယူမှုတွေ နဲ့ ထောင်ဒဏ်(၇)နှစ် ကျခံနေရတဲ့ ၀န်ကြီးချုပ်ဟောင်း မစ္စ၊ ယူလီယာ တိုင်မိုရှဲန်ကို (Yulia Tymoshenko) ကို လစ်သူရေးနီးယားနိုင်ငံရဲ့ သမ္မတ ဒါလီယာ ဂရိုင်ဘောစကိတ် (Dalia Grybauskaite) က မစ္စ တိုင်မို ရှဲန်ကိုရှိရာ အကျဉ်းထောင်ထဲမှာ မေလ(၁၁)ရက်နေ့က သွားရောက်တွေ့ ဆုံခဲ့ပါတယ်။

ဒါဟာ အကျဉ်းထောင်ထဲမှာ မစ္စ၊ တိုင်မိုရှယ်န်ကို ကို နိုင်ငံခြား ခေါင်းဆောင်တစ်ဦးက ပထမဦးဆုံး လာရောက် တွေ့ဆုံမှု ဖြစ်ပါတယ်။

ယူကရိန်းနိုင်ငံမှာ ကျင်းပမယ့် ဥရောပအလယ်ပိုင်းနဲ့ အရှေ့ပိုင်းက နိုင်ငံများရဲ့ ထိပ်သီး ညီလာခံကို တက်ရောက် ဖို့ ဒေသတွင်း နိုင်ငံ့ခေါင်းဆောင်တွေက သပိတ်မှောက်နေကြ တာကနေ ယူကရိန်းအစိုးရနဲ့ ဥရောပတို့ ကြားမှာ ယုံကြည်မှု ပျက်ပြားတဲ့ အရေးအခင်းတစ်ရပ် ပေါ်ပေါက်လာမှာကို ၀န်ကြီးချုပ် ဟောင်း မစ္စ တိုင်မိုရှဲန်ကိုက စိုးရိမ်ပူပန်နေတယ်လို့ လစ်သူရေးနီးယား သမ္မတ ဂရိုင်ဘောစကိတ်က သတင်းထောက်တွေကို ပြောကြားခဲ့ပါတယ်။

ယုံကြည်မှုပျက်ပြားခြင်းဆိုတဲ့ နှင်းခဲလုံးတစ်လုံး ပစ်ပေါက်မိရာ ကနေ နှင်းတောင်ကြီး ပြိုကြလာမဲ့ အရေး ကို သူ့ အနေနဲ့ ရှောင်လွှဲလိုတယ်လို့ မစ္စ၊ တိုင်မို ရှဲန်ကိုက သမ္မတ ဂရိုင်ဘောစကိတ်ကို ပြောကြားခဲ့ပါ တယ်။

ဒေသတွင်းနိုင်ငံတွေရဲ့ ထိပ်သီးညီလာခံကို ယူကရိန်းနိုင်ငံ ပင်လယ်ကမ်းခြေ အပန်းဖြေမြို့ ယော်လတာ (Yalta) မှာ မေလ (၁၁) ရက်နဲ့ (၁၂) ရက်၊ နှစ်ရက် တာ ကျင်းပဖို့ရှိနေပြီးတော့ မစ္စ တိုင်မို ရှဲန်ကို ကို ထောင်သွင်းအကျဉ်းချတာနဲ့ ထောင်တွင်းမှာ အာဏာပိုင်တွေက ကိုယ်ထိလက်ရောက် ရိုက်နှက်ခဲ့ တာ တွေကြောင့် ဂျာမန်သမ္မတ ယိုအာချင် ဂေါက် (Jaochin Gauck) နဲ့ ချက်နိုင်ငံသမ္မတ ဗားဆလပ်စ် ကလော့စ် (Vaclav Klaus) အပါအ၀င် ဥရောပ သမဂ္ဂအဖွဲ့ဝင် နိုင်ငံပေါင်း (၁၀)နိုင်ငံက ခေါင်းဆောင်တွေ က ယော်လတာထိပ်သီးညီလာခံကို မတက်ရောက်ဘဲ သိပ်တ်မှောက်ဖို့ ဆုံးဖြတ်ခဲ့ကြပါတယ်။

ဒါ့အပြင် မစ္စ တိုင်မို ရှဲန်ကိုကို ဂျာမဏီနိုင်ငံမှာ သွားရောက်ဆေး ကုသခွင့်ကို ငြင်းဆိုခဲ့တဲ့ သမ္မတ ဗစ်တာ ယာနူကိုဗစ်(ခ်ျ) (Victor Yanokovych) ရဲ့ ဟူကရိန်း အစိုးရဟာ နိုင်ငံ တကာရဲ့ ပြစ်တင်ဝေဖန်မှုလည်း ခံနေရပါတယ်။

Ref: ဗွီအိုအေ

Read More...

Collapse...

လျှပ်တပြက် မန္တလေး

အောင်ဇော်
May 12, 2012

ဒုတိယအကြိမ် မြန်မာပြည် မပြန်ခင်ကတည်းက မန္တလေးသွားဖို့ကို ခရီးစဉ်ထဲမှာ ထည့်ထားလိုက်ပါတယ်။ ရောက်တဲ့အခါ ကျတော့လည်း ဗီဇာထပ်တိုးရတဲ့ အတွက် ခရီးစဉ်ကို တိုးချဲ့ရတာ အဆင်ပြေသွားပါတယ်။ မန္တလေးကို လွမ်းနေတာ ကြာပါပြီ။ ငယ်ငယ်တုန်းကတော့ အထက်ပိုင်းမှာနေတဲ့ ဆွေမျိုးတွေဆီ ကို အလည်သွားတိုင်း မန္တလေးကို မိဘတွေနဲ့ ရောက်ခဲ့ဖူးပါတယ်။ အဲဒီတုန်းကတော့ စစ်ကိုင်းကို ဝင်တယ်၊ မန္တလေးမှာ နားတယ်၊ မိုးကုတ်ဘက်ဆီကို ကူးတယ်၊ မေမြို့ကိုလည်း သွားလည်တယ်။

ဒီတခေါက်တော့ မန္တလေးမှာ တညပဲ နေလို့ရခဲ့တယ်။ ရန်ကုန်ကနေ မန္တလေးအထိ နေပြည်တော် လမ်းအသစ်အတိုင်း ၇ နာရီ ၈ နာရီလောက် မောင်းရ တယ်။ နေပြည်တော်အထိ ဖောက်ထားတဲ့လမ်းက လိုင်းတွန့်တွေများ၊ ကားမတော်တဆ ဖြစ်တာများတော့ ကားဆရာက အတော်ကို သတိထားပြီး မောင်းပါတယ်။ နေပြည်တော်ကနေ မန္တလေးမြို့ ဝင်တဲ့အထိ လမ်းကတော့ အတော်ကို ကောင်းတယ်။

မြို့ထဲမရောက်ခင်ကတည်းက စာရေးဆရာ ညီပုလေးနဲ့ ဆက်သွယ်ထားတော့ သူ့အိမ်ကို မောင်းကြတယ်။ မန္တလေးကို အာရုံထဲမှာ မမှတ်မိတော့ပါ။ မင်းတုန်းမင်းတရားကြီး တည်ခဲ့တဲ့ နန်းမြို့တော် ရတနာပုံ မန္တလေးဆိုပြီး ကျောင်းစာတွေမှာ သင်ခဲ့ရတဲ့ “အုတ်ကျစ်ကျော်အေး မန္တလေး၊ အင်ကြင်းကြာအုံ ရတနာပုံ” ဆိုတာတွေကို ပြန်ပြီး အမှတ်ရမိတယ်။ ကိုယ့်ထီးကိုယ့်နန်းနဲ့ နေခဲ့ရတယ်ဆိုတဲ့ စိတ်လေးကို သွင်းကြည့်မိတယ်။ ကားဆရာက မန္တလေးမြို့ထဲကို ဝင်ကတည်းက ပေါက်ဖော်လို ရွှတ်နောက်နောက်ပြောပြီး ကားပေါ်မှာပါလာတဲ့ ကျနော်တို့ တတွေကို ဧည့်ခံနေပါတယ်။

မန္တလေးကို ၁၈၅၉ ခုနှစ်မှာ တည်ထောင်ခဲ့တာပါ။ အဲဒီတုန်းကတော့ ရတနာပုံ နေပြည်တော် ရွှေမြို့တော်ဆိုပါတော့။ မင်းတုန်းမင်းက အမရပူရကနေပြီးတော့ မန္တလေးမှာ မြို့သစ်တည်ဖို့ ဆုံးဖြတ်ခဲ့တယ်။ အဲဒီတုန်းက မြို့သစ်တည်တဲ့ အကြောင်းကို အမျိုးမျိုး ရေးသားခဲ့ကြပါတယ်။ မင်းတရားကြီး မက်ခဲ့တဲ့ အိပ်မက် တော်ကြောင့်လို့ အမိန့်တော် ရှိခဲ့ပေမယ့် သမိုင်းဆရာတွေကတော့ အောက်မြန်မာပြည်ကို သိမ်းပိုက်ပြီးဖြစ်နေတဲ့ ဗြိတိသျှနယ်ချဲ့ စစ်သင်္ဘောတွေရဲ့ အမြောက် ဒဏ်က ကင်းလွတ်ရာ ကုန်းတွင်းပိုင်းကို ရွှေ့တယ်လို့ သုံးသပ်ကြတာတွေ ဖတ်ဖူးပါတယ်။

မြန်မာပြည်ရဲ့ သက်ဦးဆံပိုင်ဘုရင်တွေ သူတို့ရဲ့ နန်းတည်ရာ နေပြည်တော်တွေကို ရွှေ့ပြောင်းခဲ့တာ အကြိမ်ပေါင်း ၁၂ ကြိမ်ထက်မနည်း ရှိခဲ့တာဆိုတော့ ဒီလိုရွှေ့ပြောင်းခဲ့တာကလည်း မြန်မာ့သမိုင်းရဲ့ ဖြစ်စဉ်တခုလို့ပဲ ဆိုရမှာပါ။ ဒီဘက်ခေတ်မှာတောင် နေပြည်တော်ဆိုပြီး လူမသိသူမသိ မြို့တော်အသစ် တောကြီးမျက်မည်းထဲ တည်ခဲ့သေးတာပဲ။ တိုင်းပြည်ရဲ့ ဘဏ္ဍာတွေကို ဘယ်လိုသုံးစွဲပြီး တည်ခဲ့တယ်ဆိုတာ အခုထက်ထိ ဘယ်သူမှ ရှင်းရှင်းလင်း မသိကြပါဘူး။

မင်းတုန်းမင်းကတော့ နန်းမြို့တွင်းကို ကျုံးပတ်လည်ဝိုင်းထားပြီး ဘုရင်ရယ်၊ မိဖုရားတွေရယ်၊ ဝန်ကြီးတွေနဲ့ မင်းမှုထမ်းတွေရယ် နေကြပါတယ်။ မင်းတုန်းမင်း
က မြို့ကို မြို့ကွက် သေသေချာချာချပြီး တည်ခဲ့တာပါ။ နန်းတော်ရှေ့ဆရာတင်က “စည်မျက်နှာကဲ့သို့ ညီညာပေသကိုး” လို့ သူ့ရဲ့ မြနန္ဒာသီချင်းထဲမှာ ရေးဖွဲ့ သီကုံးခဲ့ကြောင်း ကွယ်လွန်သွားပြီဖြစ်တဲ့ စာရေးဆရာမကြီး လူထုဒေါ်အမာက ရေးခဲ့တာ ဖတ်မှတ်ခဲ့ဖူးပါတယ်။

ထူးခြားတာက ၁၉ ရာစုနှစ်တုန်းက မင်းတုန်းမင်းဟာ အခု ခေတ်စားနေတဲ့ “ပြုပြင်ပြောင်းလဲရေး” ကို လိုလားတဲ့ ခေတ်မီတဲ့၊ အမြော်အမြင်ရှိတဲ့ မင်းတပါးလို့ သမိုင်းဆရာတွေက ရေးသား မှတ်တမ်းတင်ခဲ့ကြပါတယ်။

မင်းတုန်းမင်းဟာ သူ့လက်ထက်မှာ အိန္ဒိယနဲ့ ဥရောပကို ပညာတော်သင်တွေ လွှတ်ခဲ့တယ်။ လခစားနဲ့ ပေးတဲ့စနစ်၊ ဗြူရိုကရေစီစနစ်ကို တည်ထောင်ဖို့ ကြိုးစားခဲ့တယ်။ စက်ရုံတွေ တည်ခဲ့တယ်။ မြန်မာရဲ့ ပထမဆုံး ကြေးနန်းပို့ နည်းစနစ်ဖြစ်တဲ့ မော့စ်သင်္ကေတ (Morse Code) ကို စပြီး မိတ်ဆက်ခဲ့တယ်။ ဒါ့အပြင် ထူးထူးခြားခြား သူ့ရဲ့လက်ထက်မှာ ပဉ္စမသင်္ဂါယနာ တင်ခဲ့သလို အင်္ဂလိပ်တွေ အုပ်စိုးနေပြီဖြစ်တဲ့ ရန်ကုန်ကိုလည်း သူ့ရဲ့ကိုယ်စားလှယ်တော်တွေ လွှတ်ပြီး ရွှေတိဂုံစေတီတော်ကြီးမှာ ထီးတင်ခဲ့တယ်။ အင်္ဂလိပ်မင်း မတင်နိုင်ဘူး၊ မြန်မာမင်းပဲ တင်နိုင်တယ်လို့ ပြခဲ့တာဖြစ်ပါတယ်။

မင်းတုန်းမင်းက ဗြိတိသျှ သိမ်းထားပြီဖြစ်တဲ့ အောက်ပြည်က သတင်းစာတွေကိုလည်း မှာယူဖတ်ရှုလေ့ရှိတဲ့အတွက် နောက်ပိုင်းမှာ ရတနာပုံသတင်းစာကို ထုတ်ဝေခဲ့တာ တွေ့ရပါတယ်။ အဲဒီမှာ သတင်းစာ လွတ်လပ်ခွင့်နဲ့ ပတ်သက်ပြီး အတော်ကို စိတ်ဝင်စားဖို့ကောင်းတဲ့ ဥပဒေကို ချပေးခဲ့ပါတယ်။ ဒီမှာ ဖတ်လို့ရပါတယ်။ မီဒီယာဥပဒေ ရေးဆွဲနေတဲ့အချိန်ဆိုတော့ မင်းတုန်းမင်းကြီး မိန့်ကြားခဲ့ဖူးတဲ့ “ငါမကောင်း ငါ့အကြောင်းရေး … နန်းတော်ထဲကို တံခါးမရှိ ဓားမရှိ ဝင်စေထွက်စေ” ဆိုတဲ့ စကားကို ဒီနေ့ခေတ်မှာ စတုတ္ထမဏ္ဍိုင်အကြောင်းကို ခဏခဏ ထုတ်ဖော်ပြောဆိုနေတဲ့ အစိုးရပိုင်းက လူကြီးတွေ သိမှတ် အတုယူသင့်ပါတယ်။

မင်းတုန်းမင်းဟာ အနောက်နိုင်ငံတွေနဲ့လည်း ဆက်ဆံရေးကို အဆင်ပြေအောင် ကြိုးစားခဲ့တာ တွေ့ရပါတယ်။ အမေရိကန်၊ ပြင်သစ်၊ အင်္ဂလန် စတဲ့နိုင်ငံတွေနဲ့ သံတမန်ရေးရာ ဆက်ဆံမှုတွေ လမ်းဖောက်ခဲ့သလို ကင်းဝန်မင်းကြီးကိုလည်း သူ့ရဲ့ အထူးသံအဖြစ် ဥရောပနိုင်ငံတွေဆီ စေလွှတ်ခဲ့တတယ်။

အခွန်အကောက်တွေနဲ့ ဘဏ်လုပ်ငန်းကို စတင်ခဲ့သလို ပထမဆုံး ကြေးနန်းစနစ်ကိုလည်း သူ့ရဲ့ခေတ်မှာ စတင်အသုံးပြုခဲ့တာပါ။ ရတနာပုံ ရွှေမြို့တော်နဲ့ အထက်မြန်မာပြည် သူ့ကျွန်ဘဝ ရောက်ခဲ့ချိန်ကတော့ ၁၈၈၅ ခုနှစ်မှာပါ။ မြို့တည်ပြီး ၂၆ နှစ်ပဲ ရှိပါသေးတယ်။

ဗြိတိသျှ အစိုးရလက်ထက်မှာ ရုံးစိုက်ရာမြို့ဟာ ရန်ကုန်ရွှေမြို့တော် ဖြစ်ခဲ့ပါတယ်။ တခု အမှတ်ရမိတာက မန္တလေးမှာရော ရန်ကုန်မှာပါ ဗြိတိသျှအစိုးရက ဓာတ်ရထား တည်ဆောက် တပ်ဆင်ပေးခဲ့တာပါ။ ကားတွေ၊ လူတွေ၊ ဆိုင်ကယ်တွေနဲ့ ပြည့်ပြီး ဖုန်ထူတဲ့ နေပူပူ မန္တလေး ကားလမ်းပေါ်မှာ ဓာတ်ရထား တွေသွားနေတဲ့ ရှေးခေတ်မန္တလေးကို ကြိုးစားပြီး ကျနော် ပုံဖော်ကြည့်မိပါတယ်။

ဆရာမကြီး လူထုဒေါ်အမာကတော့ ပါတော်မူအပြီး ၁၉ နှစ်အကြာမှာ မန္တလေးမှာ ဓာတ်ရထားကို တည်ထောင်တဲ့အကြောင်း၊ အရင်းငွေ ပေါင်စတာလင် ၂ သိန်းနဲ့ စတင်ခဲ့တာဖြစ်ပြီး မြန်မာပြည်ဘုရင်ခံ ဆာ ဒရူး ဘားနီးစ်က အခမ်းအနားနဲ့ ဖွင့်လှစ်ပေးခဲ့ကြောင်း ရေးသားထားတာ မှတ်သားရပါတယ်။

ဒီဓာတ်ရထား လုပ်ငန်းကြီးဟာ တကယ်စနစ်ကျပြီး သေသေသပ်သပ် တည်ဆောက်ထားတဲ့ သယ်ယူပို့ဆောင်ရေး လုပ်ငန်းတခုပါ။ ဒါပေမယ့် ဓာတ်ရ ထားသွားနိုင်တာက ၆ မိုင်ပဲ ရှိတယ်တဲ့။ ဗြိတိသျှအစိုးရက ကျောက်လမ်း မိုင် ၆၀ ခင်းပေးတယ်လို့ သိရပါတယ်။ နောက်ဆုံး မန္တလေးမှာ အမျိုးသားရေး လှုပ်ရှားမှုတွေ အင်အားကြီးလာချိန် မြန်မာအမျိုးသားတွေရဲ့ ဆိုက်ကားငယ်ငယ်တွေလည်း ပေါ်လာချိန်မှာတော့ ဓာတ်ရထားဟာ ခွက်ခွက်လန်နေ အောင်ရှုံးပြီး ရပ်လိုက်ရတာလို့ ဆရာမကြီး လူထုဒေါ်အမာရဲ့ “ရတနာပုံ မန္တလေး” မှာ မှတ်သားရပါတယ်။

မန္တလေးအကြောင်း ရေးမယ်ဆိုရင် ကုန်နိုင်စရာ မရှိပါဘူး။ မလွန်ဈေး ဆန်လှူအသင်းကြီး၊ ဈေးချိုတော်၊ အယ်ဒီတာကြီး ဖိုးဝဇီရနဲ့ ရတနာပုံသတင်းစာ၊ ဈေးကောက်တဲ့ လူမျောက်၊ မန္တလေးမှာ နေသွားတဲ့ ကမ္ဘာကျော် စာရေးဆရာကြီး ဂျော့ဂ်ျအော်ဝဲလ်၊ ဒါတွေအပြင် စစ်ဒဏ်ကို အလူးအလဲ ခံခဲ့ရတဲ့ မန္တလေး၊ ဂျပန်လေယာဉ်တွေရဲ့ ဗုံးဒဏ်ကို မရှုမလှ ခံခဲ့ရတဲ့ မန္တလေး။ ဂျပန်ထွက်ပြီးနောက်ပိုင်း ဗြိတိသျှတပ်တွေနဲ့ မဟာမိတ်တပ်တွေ ဝင်လာတော့လည်း မန္တလေးဟာ မြို့ပျက်ပါပဲ။ အဲဒီတုန်းက တပ်မဟာ ၁၄ ကို ဦးစီးလာတာက ဗြိတိသျှ ဗိုလ်ချုပ်ကြီး စလင်းပါ။ သူ့ရဲ့တပ်ဟာ အိန္ဒိယကနေ ခရီးကြမ်းကိုဖြတ်၊ ချင်းတွင်းမြစ်ကိုကူး၊ တပ်တွေကို ရိက္ခာမပြတ်အောင် ထောက်ပံ့ပြီး မြန်မာပြည်သိမ်းတိုက်ပွဲ ပြင်ဆင်ခဲ့တာပါ။ မိတ္ထီလာကိုသိမ်းပြီးတော့ မန္တလေးကို သိမ်းပါတယ်။

အဲဒီတပ်မှာ ဗြိတိသျှ စစ်သားတွေအပြင် ဂေါ်ရခါးတွေ၊ အိန္ဒိယတွေနဲ့ အာဖရိက စစ်သားတွေလည်း ပါပါတယ်။ နောက်ပိုင်း ယူဂန်ဒါနိုင်ငံမှာ အာဏာရှင် ဖြစ်လာမယ့် စစ်သားလေး အီဒီ အာမင် (Idi Amin) လည်း ပါသလို အမေရိကန် သမ္မတ အိုဘားမားရဲ့ ကင်ညာနိုင်ငံက အဖိုးလည်း အဲဒီတပ်တွေမှာ လိုက်ပါလာခဲ့ပါတယ်။

ရေးမကုန် ပြောမကုန်တဲ့ မန္တလေးပါ။ ဒါပေမယ့် မန္တလေးကို မေ့ထားကြပြီလားလို့ ကျနော် ကားစီးနေရင်း တွေးနေမိပါတယ်။ မြန်မာပြည်ကို ၂၆ နှစ် အုပ်စိုးခဲ့တဲ့ ဦးနေဝင်းရဲ့ ခေတ်မှာလည်း မန္တလေးဟာ အရင်လိုပါပဲ။ ဘာမှ ပြောင်ပြောင်ရောင်ရောင် မဖြစ်ခဲ့ပါဘူး။ နန်းတည်ခဲ့တဲ့ မြို့ဆိုတာကို အသိအမှတ်ပြု မခံခဲ့ရပါဘူး။ ဦးနေဝင်းလည်း သူ့ကိုယ်သူ ဘုရင်စိတ် ပေါက်ခဲ့တယ်ဆိုတာတွေ ဖတ်မှတ်ခဲ့ဖူးပါတယ်။ နောက်ပြီးမှ လျှောချခဲ့တာတွေလည်း ရှိခဲ့ပါတယ်လို့ ဆိုပါတယ်။

နောက်ပိုင်း စစ်အာဏာရှင်တွေ တက်လာတော့လည်း ပိုလို့တောင် ဆိုးသွားပါတယ်။ နယ်ချဲ့ဆန့်ကျင်ရေးကို အကြီးအကျယ် လုပ်ပြချင်တဲ့ ဗိုလ်ချုပ်တချို့က မန္တလေး နန်းမြို့ရိုးနဲ့ နန်းတော်ကို ပြင်ခဲ့ပါတယ်။ ယဉ်ကျေးမှု အမွေအနှစ်ကို ထိမ်းသိမ်းကာကွယ် စောင့်ရှောက်ရမယ်ဆိုတဲ့ အသိနဲ့တော့ မဟုတ်ပါဘူး။ နန်းမြို့ရိုးကျုံးကို ဖော်တာတောင် အတင်းအဓမ္မခိုင်းစေမှုတွေ ရှိခဲ့တာကြောင့် နိုင်ငံတကာက ပြစ်တင်ရှုံ့ချခြင်း ခံခဲ့ရတဲ့အထိ လုပ်ခဲ့တာတွေ ၁၉၉၀ ဝန်းကျင် ကာလတွေက ရှိခဲ့ပါတယ်။

အဲဒီအချိန်မှာ မန္တလေးကို ပေါက်ဖော်အသစ်တွေ မြောက်ပိုင်းဘက်ကနေ ဝင်လာနေပြီ ဖြစ်ပါတယ်။ သူတို့က မြန်မာပြည်မှာနေတဲ့ ပေါက်ဖော်အဟောင်း တွေနဲ့ မတူဘူးလို့ စာရေးဆရာ ညီပုလေးက ကျနော်တို့ကို ရှင်းပြပါတယ်။

မြန်မာပြည်မှာနေတဲ့ တရုတ်လူမျိုးအဟောင်းတွေက မြန်မာတွေ ဖြစ်ကုန်ပြီ၊ မြန်မာ့ထုံးစံ မြန်မာ့ယဉ်ကျေးမှုနဲ့ မြန်မာလိုနေ မြန်မာလိုပြောကြတယ်။ ဒါပေမယ့် တရုတ်ပြည် ယူနန်နဲ့ စီချွမ် ပြည်နယ်ဘက်က လာတဲ့ တရုတ်တွေကတော့ သူတို့ဖာသာ သီးသန့်နေတယ်။ ကျုံးရှေ့က အိမ်တွေ၊ ခြံတွေကို ဈေးကောင်း ကောင်းနဲ့ ပေးဝယ်တယ်။ စီးပွားရေးလုပ်တယ်။ သူတို့က စီးပွားရေးသမားတွေ။ တရုတ်နဲ့ မြန်မာရဲ့ ဆွေမျိုးပေါက်ဖော် ချစ်ကြည်ရေးကို ကြည့်ပြီး ဒါဟာ ရွှေခေတ်ဆိုပြီး ရောက်လာကြတာ ဖြစ်ပါတယ်။ မြန်မာလို မပြောတတ်ပေမယ့် မြန်မာမှတ်ပုံတင် ကိုင်ထားကြတယ်။ အာဏာပိုင်တွေကလည်း အရေးယူခြင်း မပြုတဲ့အပြင် တဖက်တလမ်းကနေတောင် လူကုန်ကူးတဲ့အမှုတွေမှာ ပါဝင်ပတ်သက်နေပုံရပါတယ်။

မန္တလေးမှာတည်းရမယ့် ဟိုတယ်ကို ကျနော်တို့ရောက်တော့ နေစောင်းနေပြီ။ ပစ္စည်းတွေထားပြီး ပြန်ထွက်၊ သွားစရာရှိတာ သွားရမယ်ဆိုတဲ့ အသိကြောင့် ခပ်မြန်မြန်သွက်သွက်ပဲ လှုပ်ရှားရပါတယ်။ သတင်းသမား မျက်စိကတော့ လိုက်ကြည့်နေမိပါတယ်။

ဟိုတယ်ကောင်တာက အမျိုးသမီးတချို့က တရုတ်မတွေနဲ့ ရုပ်ဆင်သလို စကားပြောရင်လည်း တရုတ်သံဝဲတာ သတိထားမိပါတယ်။ ကမ္ဘာလှည့်ခရီး သွားတွေအတွက် လေယာဉ်လက်မှတ်တွေ ခရီးစဉ်တွေ ကြော်ငြာတဲ့ ဆိုင်းဘုတ်ကလည်း မြန်မာ၊ တရုတ် နှစ်ဘာသာနဲ့။ ကျနော်တို့ကားအဆိုက်မှာ ဟိုတယ်ထဲက ထွက်လာကြတာတွေကလည်း ဘောင်းဘီဝတ် တရုတ်တွေ။ ကျနော်ကဧည့်သည် သူတို့က အိမ်ရှင်လိုလို။ ကျနော်တို့ ဘယ်တိုင်းပြည် ရောက်နေတာလဲလို့ ကျနော်တို့အထဲက တယောက်ကနောက်ပြီး မေးသံကို ကြားရပါတယ်။

ကျနော်က ရတဲ့ ၂၄ နာရီမှာ လုပ်ချင်တာတွေက များတော့ ကင်မရာဆွဲပြီး ကားပေါ်ပြန်တက်၊ ဒရိုင်ဘာလေးကို မြို့ပြင် မောင်းခိုင်းရတယ်။ သူက ကျနော့်ကို ပြန်နောက်ပြီး တရုတ်လို “ဟုတ်ကဲ့” လို့ ဖြေတော့ အားလုံး ပွဲကျသွားတယ်။ တွေ့ပါပြီ။ မြန်မာတွေ၊ စက်ဘီးတွေကိုယ်စီနဲ့ အလုပ်ပြီးလို့ အိမ်ပြန်ဖို့ မြို့ပြင် ထွက်လာကြတာ။ ဒီပုံတွေကိုရိုက်ဖို့ စောင့်နေရတာ။

ညကျတော့ ခြင်ပေါတဲ့ မန္တလေးမှာ လူငယ်တချို့နဲ့ ဘီယာသောက်၊ မန္တလေးရဲ့ညကို ခံစားကြည့်တယ်။ မြင်းလှည်းသံနဲ့ ခြူသံတွေ ပျောက်နေတယ်။ မန္တလေးရဲ့နွေက ပူစပ်စပ် အိုက်စပ်စပ်၊ ရပ်ကွက်ထဲမှာ မီးတွေက ခပ်မှိန်မှိန်၊ ဟိုတယ်ပြန်ရောက်တော့ အိပ်မပျော်ဘဲ မန္တလေးရဲ့သမိုင်းကို တွေးနေမိတယ်။

မနက်စောစောကျတော့ တောင်သမန်က ဦးပိန်တံတားဆီ ပြေးကြတယ်။ အဲဒီမှာ မန္တလေးကို ပြန်တွေ့ရတယ်။ တံတားပေါ်က ကိုရင်တွေ၊ ဘုန်းကြီးတွေ၊ စက်ဘီးစီးပြီး သွားနေတဲ့ မန္တလေးသူ မန္တလေးသားတွေရဲ့ ပုံတွေကိုရိုက်၊ စကားပြော။ အပြန်မှာ မန္တလေး တောင်လေးလုံးကျောင်းကို ခဏဝင်။ ဆရာတော် ဦးပညာ (ကိုပညာ – အမရပူရ) ကတော့ ဖျားနေလို့ ခဏပဲ ဖူးတွေ့ခွင့်ရတယ်။ နောက် ဆရာတော်တပါးက သမိုင်းဆရာကြီး ဒေါက်တာ သန်းထွန်းရဲ့ အုတ်ဂူကို လိုက်ပြလို့ ဓာတ်ပုံ ရိုက်ခဲ့ရတယ်။

ဆရာကြီး ဒေါက်တာ သန်းထွန်းကို ဖုန်းကနေတဆင့် ၂၀၀၂-၂၀၀၃ ဝန်းကျင်က အင်တာဗျူး လုပ်ခဲ့ဖူးတယ်။ မြန်မာပြည်မှာ ဆင်ဖြူတော် ရောဂါစပြီး ထနေ တဲ့ အချိန်ဆိုပါတော့။

“ဆင်ဆိုတာ တိရိစ္ဆာန်ပဲကွာ၊ ရှိခိုးစရာ မလိုပါဘူး။ ဆင်ဖြူဆိုတာကလည်း ခရုသင်းစွဲနေတာပဲကွာ” လို့ ဆရာက သူ့ထုံးစံအတိုင်း ပြောလိုက်တော့ ရေဒီယို ကနေ လွှင့်လိုက်တာ သွားပြီးသတိရနေမိတယ်။

ဆရာကြီးက မန္တလေးမှာဆုံးတာ။ တောင်လေးလုံးကျောင်းမှာ ဂူသွင်းတယ်။ ဆရာ့ရဲ့ အုတ်ဂူကို နေရာရွှေ့ခိုင်းလို့ ရွှေ့ပေးရတဲ့အကြောင်းလည်း ဆရာတော် တပါးက ရှင်းပြပါတယ်။ တောင်လေးလုံးမှာ ဆရာကြီး ဦးတင်မိုး အမှတ်တရ ကျောက်တုံးလည်း တွေ့ခဲ့ရပါတယ်။ ကိုယ့်တိုင်းပြည်ထဲ ပြန်ရောက်နေသလို ခံစားရတဲ့ တကယ့် ခံစားမှုအစစ်အမှန်ကို ရလိုက်ပါတယ်။ ဒါပေမယ့် အချိန်က ကြာကြာနေလို့ မရတော့ မဟာမြတ်မုနိ ဘုရားကြီးဆီသွားကြတယ်။ သွားနေ တုန်း ကျနော်တို့ ဂေါဝန်ဆိပ်ကိုတော့ ခဏဝင်ကြည့်ရအောင်လို့ ပါလာတဲ့ မိတ်ဆွေတွေကို အဖော်ညှိရသေးတယ်။

မဟာမြတ်မုနိ မသွားခင် လက်ဖက်ရည်ဝင်သောက်၊ မုန့်တီစား။ စားပွဲထိုကလေးတွေက ငယ်ငယ်လေးတွေ။ ကျောင်းတဖက်၊ အလုပ်တဖက်နဲ့။ မဟာမြတ်မုနိ ဖူးရတာက ဗုဒ္ဓဘာသာ အယူအရတော့ ကုသိုလ်ရပါရဲ့။ ဒါပေမယ့် ကုသိုလ်မရတာကတော့ မန္တလေးက ရှေးဟောင်း အမွေအနှစ်တွေ၊ ဘုန်းတော်ကြီး ကျောင်းတွေ၊ ဘုရားစေတီပုထိုးတွေကို အိမ်တွေ၊ ဈေးဆိုင်တွေ၊ ကွမ်းယာဆိုင်တွေ၊ ကျူးကျော်ရပ်ကွက်တွေက ဝါးမျိုနေတာကို တွေ့တော့ စိတ်အလိုမကျ ဖြစ်မိလို့ပါပဲ။

ဒီအကြောင်းတွေကို နေပြည်တော်မှာ ပြည်ထောင်စုလွှတ်တော် နာယက ဦးခင်အောင်မြင့်နဲ့ အပြန်မှာတွေ့တော့ ပြောပြခဲ့ပါတယ်။ ရွှေတိဂုံဘုရားက စေတီ တချို့မှာ တပ်ဆင်ထားတဲ့ မီးတွေကအစ ထိုင်းနိုင်ငံက နိုက်ကလပ်နဲ့ အရက်ဆိုင်တွေမှာ အလှဆင်တဲ့ မီးတွေလိုပဲ ဖြစ်နေတဲ့အကြောင်း စသဖြင့် ပြောပြခဲ့ ပါတယ်။ သူက အရင်က ယဉ်ကျေးမှုဝန်ကြီး လုပ်ခဲ့ဖူးတာကိုး။ သူ့မှာ အမြင်ရှိတယ်လို့ ထင်တယ်။ ဒါကြောင့် ဒီ အမျိုးသားယဉ်ကျေးမှု လက္ခဏာကိစ္စတွေ ခဏလေး ကြုံတုန်း ဆွေးနွေးမိတာပါ။

မန္တလေးက မြန်မာလူငယ်တွေကတော့ တရုတ်ရဲ့ရန်ကိုကြောက်တဲ့အကြောင်း ပွင့်ပွင့်လင်းလင်းပဲ ပြောကြပါတယ်။ မကြာသေးခင်က ဖြစ်ခဲ့တဲ့ မန္တလေး ကျောက်ဝိုင်းက အဓိကရုဏ်းကိုလည်း မမေ့ကြသေးတာ ကြားခဲ့ရပါတယ်။ မန္တလေးမြို့ထဲမှာ ကွန်ဖျူးရှပ်ကျောင်း ဆိုတာတွေလည်း တွေ့ခဲ့ရပါတယ်။

၁၉၆၇ က မြန်မာနိုင်ငံမှာ တရုတ်-ဗမာ အရေးအခင်း ဖြစ်ခဲ့ဖူးပါတယ်။ ဒီလိုအရေးအခင်းမျိုး ပြန်မဖြစ်နိုင်ဘူးလို့ မပြောနိုင်ကြောင်း မန္တလေးမြို့က ဒေသခံတွေ၊ စာရေးဆရာတွေက သတိပေး ပြောကြားကြပါတယ်။ တရုတ်တွေကလည်း ဒါကိုတွက်ထားပြီး စိုးရိမ်နေပုံရပါတယ်။

လွန်ခဲ့တဲ့ နှစ်ပေါင်း နှစ်ဆယ်အတွင်း တရုတ်ရဲ့ စီးပွားရေးအရ လွှမ်းမိုးမှု၊ လူမျိုးရေး စိမ့်ဝင်ထိုးဖောက်လာမှု၊ နိုင်ငံရဲ့ ရေကာတာ ဆည်ဆောက်တဲ့လုပ်ငန်း၊ ဓာတ်ငွေ့နဲ့ ရေနံပိုက်လိုင်းစတဲ့ စီးပွားရေးလုပ်ငန်းတွေမှာ အကြီးအကျယ် လက်ဝါးကြီးအုပ်ခွင့် ရခဲ့တာတွေ၊ အရင်က ပြည်သူပြည်သားတွေအပေါ် အတင်း အဓမ္မ ရက်ရက်စက်စက် အုပ်ချုပ်ခဲ့တဲ့ ပဒေသရာဇ် စစ်အာဏာရှင်တွေကို တရုတ်က နိုင်ငံတကာမှာ မျက်နှာပြောင်တိုက် ခုခံပြောဆိုခဲ့တာတွေ၊ လက်နက် အင်အား ထောက်ပံ့ပြီး မြန်မာနိုင်ငံမှာ ဖိနှိပ်ရေး သက်တမ်းရှည်အောင် အောက်စီဂျင် သွင်းပေးခဲ့တာတွေကို မြန်မာတော်တော်များများက မျက်စိစပါးမွေး စူးနေခဲ့တာ၊ ရင်ထဲမှာ ခံစားနေခဲ့ရတာကို မန္တလေးမှာ မြင်ရကြားရပါတယ်။

မီဒီယာရဲ့ အခန်းကဏ္ဍဆိုတာ လူမျိုးရေး၊ ဘာသာရေး၊ အဓိကရုဏ်းတွေဖြစ်အောင်၊ မုန်းတီးမှုတွေဖြစ်အောင် လုပ်တဲ့နေရာမှာ ပါဝင်ရမှာ မဟုတ်ပါဘူး။ ဒါပေမယ့် ဒီလိုဖြစ်နေတဲ့ အကြောင်းရင်းတွေ၊ ပြဿနာတွေကို သေသေချာချာ ဝေဖန်ပိုင်းချပြရမှာ ဖြစ်တယ်ဆိုတာကိုလည်း မန္တလေးအပြန်လမ်းမှာ သတိလေးနဲ့ တွေးလာခဲ့မိပါတယ်။

မန္တလေး ဂေါဝန်ဆိပ်ကို ကမန်းကတန်းသွားကြည့်၊ ပြီးတော့ အရမ်းတွေ့ချင်နေတဲ့ ဦးပါပါလေး နှုတ်ခမ်းမွှေး ညီအစ်ကိုများ အငြိမ့်ဆီကို ပြေးရပါတယ်။ သူတို့က လှိုက်လှိုက်လှဲလှဲ ဝမ်းသာအယ်လဲ ကြိုပါတယ်။ ရင်ထဲက စိတ်ထဲက ရင်းနှီးခင်မင်နေပြီး တွေ့ခွင့်မရခဲ့တဲ့ မိတ်ဆွေတွေပါ။

ဦးလူမော်၊ ဦးလူဇော်နဲ့ ဦးပါပါလေးတို့က ချက်ချင်းပဲ ဇာတ်အဝတ်အစားတွေဝတ်ပြီး သူတို့ရဲ့ ပြက်လုံးတွေနဲ့ ကျနော်တို့ကို ဧည့်ခံတော့ တသောသောနဲ့ ဖြစ်နေကြပါတယ်။ သူတို့ ပြက်တာက တရုတ်တွေအကြောင်း၊ သူတို့တတွေ ဇာတ်ကခွင့်ပါမစ် မရသေးတဲ့အကြောင်း၊ ဒေါ်အောင်ဆန်းစုကြည်အကြောင်း၊ အဂတိလိုက်စားမှုတွေအကြောင်း အစုံပါပဲ။

ကျနော်တို့မလာခင် တရက်က မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက် မစ်ချယ် (Derek Mitchell) က သူတို့ဆီ ဝင်လည်တော့လည်း ဒီလိုပဲ ဝမ်းသာအားရ ပြက်လုံးတွေနဲ့ ဧည့်ခံလိုက်တဲ့ အကြောင်းလည်း ပြောပြပါတယ်။ မစ္စတာ ဒဲရက် မစ်ချယ်နဲ့ သူတို့တွေ တွဲရိုက်ထားတဲ့ပုံကို ပုံကြီးချဲ့ပြီး ချိတ်ထားတာ တွေ့ခဲ့ရပါတယ်။ ကားပေါ်ပြန်တက်တော့ နေ့လယ်ဖြစ်နေပါပြီ။ မန္တလေးကို ၂၄ နာရီ ပြန်လာကြည့်ရတာ မဝပါဘူး။

မန္တလေးကို အချိန်ယူ၊ လျှောက်ကြည့်ပြီး စာရေးဦးမယ်လို့ စဉ်းစားရင်း ကားဆရာလေးကို ရန်ကုန်ဘက်ကို ပြန်လှည့်ဖို့ မချင့်မရဲနဲ့ ပြောလိုက်ရပါတော့တယ်။

Ref: ဧရာဝတီ

Read More...

Collapse...

ရန်ကုန်တိုင်းဝန်ကြီးချုပ် ဦးမြင့်ဆွေ ဒု-သမ္မတ ဖြစ်လာမလား

May 14, 2012

ဒု သမ္မတ သီဟသူရ ဦးတင်အောင်မြင့်ဦး ရာထူးမှ နုတ်ထွက်စာ တင်ခဲ့ကြောင်း သတင်းတွေ ထွက်ပေါ်ပြီး ရာထူးနေရာကို အစားထိုးခန့်အပ်ဖို့ ထိပ်ဆုံးက ထင် ကြေးပေးခံရသူများစာရင်းမှာ လက်ရှိ ဒု ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်း၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း၊ ပြည်ထောင်စု ရွေး
ကောက်ပွဲ ကော်မရှင် ဥက္ကဋ္ဌ ဦးတင်အေး၊ ကြည်းရေလေ ညှိုနှိုင်းရေးမှူးဗိုလ်ချုပ်ကြီးလှဌေးဝင်းတို့အပြင် အခုနောက်ဆုံး ရှေ့တန်းကို ထွက်လာသူက ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေပါ။

နေပြည်တော်အစိုးရ သတင်းရပ်ကွက်အဆိုအရ ဗိုလ်ချုပ်ဟောင်း ဦးမြင့်ဆွေဟာ ၂၀၀၈ ဖွဲ့စည်းပုံ အခြေခံဥပဒေအရ တပ်မတော်သား ကိုယ်စားလှယ်တွေက ရွေးချယ်တင်မြှောက်ပြီး ကာကွယ်ရေး ဦးစီးချုပ်ရဲ့ သဘောတူညီမှု ရရှိသူ ဖြစ်ဖို့ အလားအလာကောင်းနေတယ်လို့ သိရပါတယ်။

“သူ့နောက်ကြောင်းက သန့်ရှင်းတယ်။ လူတွေနဲ့ ပြေလည်အောင် ဆက်ဆံတတ်တယ်။ တရင်းတနှီးလည်း ပေါင်းသင်းတတ်တော့ သူ ဖြစ်ဖို့များတယ်” လို့ အမည်မဖော်လိုတဲ့ တပ်မတော်အရာရှိကြီးတဦးက ဧရာဝတီကို ပြောပါတယ်။

ဦးမြင့်ဆွေနဲ့ ရင်းနှီးတဲ့ စီးပွားရေးသမားတဦးကလည်း ဦးမြင့်ဆွေဟာ သမ္မတ ဦးသိန်းစိန်လို လာဘ်စားမှုအနည်းဆုံး စစ်အရာရှိကြီးတွေထဲက တယောက်လို့ ဆိုပါတယ်။ နိုင်ငံရေးနဲ့လည်း မျက်ခြေမပြတ်ဘူးလို့လည်း ပြောပါတယ်။ “ဒါပေမယ့် သူက လူလုံးမပြဘူး။ ခပ်လျှိုလျှို ချည်းကပ်တတ်တာ သူ့သဘာဝပဲ” လို့ ဧရာဝတီကို ပြောပြပါတယ်။

ဦးမြင့်ဆွေကို မကြာသေးမီက ဒေါ်အောင်ဆန်းစုကြည်၊ ဥရောပသမဂ္ဂ နိုင်ငံခြားရေးမူဝါဒရေးရာမှူး ကက်သရင်းအက်ရှတန်တို့နဲ့အတူ ရန်ကုန်မှာ ဥရောပ သမဂ္ဂရုံးသစ်ဖွင့်ပွဲမှာ ဖဲကြိုးဖြတ်ပေးတာ အများက မြင်တွေ့ခဲ့ရပါတယ်။

ဦးမြင့်ဆွေဟာ မွန်လူမျိုး ဖြစ်ပါတယ်။ ၁၉၇၁ ခုနှစ်မှာ မေမြို့စစ်တက္ကသိုလ် အပတ်စဉ် ၁၅ က ဆင်းလာခဲ့ပြီး ရာထူးအဆင့်ဆင့်တိုးလာကာ ၁၉၈၈ နောက် ပိုင်း ရန်ကုန်လုံခြုံရေးအတွက်ဖွဲ့တဲ့ တပ်မ ၁၁ ကို ကိုင်ရတယ်။

ဦးသိန်းစိန်ကို တြိဂံတိုင်းမှူး ခန့်လို့ စစ်ရုံးချုပ်မှာ လစ်လပ်သွားတဲ့ရာထူး (General Staff Officer) စစ်ဦးစီးအရာရှိ ဗိုလ်မှူးချုပ်ကို ဦးမြင့်ဆွေကို ခန့်ခဲ့တယ်။ ဗိုလ်ချုပ်မှူးကြီး သန်းရွှေနဲ့ ဒု-ဗိုလ်ချုပ်မှူးကြီး မောင်အေးတို့ တိုက်ရိုက်ကွပ်ကဲမှုအောက်မှာ အလုပ်လုပ်ရတာပါ။

နောက်ပိုင်းရာထူးအဆင့်ဆင့် တက်လာပြီး အရှေ့တောင်တိုင်းမှူး၊ အယုံကြည်ရဆုံးနဲ့ အထက်မြက်ဆုံး အရာရှိတွေကိုသာ ခန့်လေ့ရှိတဲ့ ရန်ကုန်တိုင်းမှူးထိ ရောက်လာခဲ့တယ်။ (Bureau of Special Operations 5 ) အမှတ် ၅ အထူးစစ်ဆင်ရေးမှူးဖြစ်လာတော့လည်း ရန်ကုန်လုံခြုံရေးကို ကြီးကြပ်ရတာပါပဲ။

ဦးမြင့်ဆွေရဲ့ ရန်ကုန်လုံခြုံရေးတာဝန်တွေထဲမှာ ပြောစမှတ်ပြုစရာတွေ အတော်များပါတယ်။ ၂၀၀၂ မှာ ဦးနေဝင်းနဲ့ မိသားစုတွေကို ဖမ်းတာ၊ ၂၀၀၄ မှာ ဦးခင်ညွန့်နဲ့ ထောက်လှမ်းရေးတွေကို ဖမ်းတာတို့က ထင်ရှားပါတယ်။ ၂၀၀၇ ရွှေဝါရောင်တော်လှန်ရေးမှာလည်း အထက်အမိန့်အရ ရန်ကုန်ကို ကိုင်ရ ပြန်ပါတယ်။ ရုပ်မြင်သံကြားမှာ အများမြင်ရတဲ့ သူ့ တာဝန်က သံဃာတွေကို ဆန်၊ဆီ၊ဆေးဝါးနဲ့ ဝတ္ထုကပ်လှူရတာ ဖြစ်သွားပါတယ်။

၂၀၀၈ နာဂစ် ကူညီထောက်ပံ့ရေးမှာလည်း ဦးမြင့်ဆွေပါပါတယ်။ မုန်တိုင်းသင့်ဒုက္ခသည်တွေအတွက် ထိုင်းနိုင်ငံက လှူလိုက်တဲ့ ပုံးတွေပေါ်မှာ ဦးမြင့်ဆွေ လှူဒါန်းသည်ဆိုပြီး တံဆိပ်ကပ်ထားကြောင်း မြန်မာ့အရေးလှုပ်ရှားတက်ကြွသူတွေဖွဲ့ထားတဲ့ ALTSEAN အဖွဲ့က ရှာရှာဖွေဖွေ တွေ့ခဲ့ရတဲ့အထိပါ။

နောက်ဆုံး စစ်တပ်က မထွက်ရခင် ၂၀၀၉ မှာ ဦးသန်းရွှေက သူ့ကို ကာကွယ်ရေးဦးစီးချုပ် ခန့်နိုင်တယ်ဆိုပြီး သုံးသပ်ပြောဆိုသံတွေ ထွက်လာခဲ့ဖူးပါတယ်။

အခုတခေါက် ဒု-သမ္မတ ရာထူး ဦးမြင့်ဆွေကို တပ်မတော်ကိုယ်စားလှယ်အဖြစ် ရွေးနိုင်စရာ အကြောင်းတွေက အထက်မှာတင်ပြခဲ့သလို အားကောင်းနေ သလို မေမြို့စစ်တက္ကသိုလ် အပတ်စဉ် ၁၉ ဆင်း လက်ရှိ ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး မင်းအောင်လှိုင်က သဘောတူရင်ဖြင့် ဦးမြင့်ဆွေ ရန်ကုန် ကိုစွန့်ပြီး နေပြည်တော်မှာ ရုံးထိုင်ရတော့မှာ ဖြစ်ပါတယ်။

Ref: ဧရာဝတီ

Read More...

Collapse...

The Voice နှင့် သတ္တုတွင်း အမှု အပြီးသတ် ကြားနာမည်

May 12, 2012

The Voice ဂျာနယ်တွင် ဖော်ပြခဲ့သည့် “ဝန်ကြီးဌာန အချို့ ၏ ကျပ်သိန်းထောင်ချီ အလွဲသုံးစားမှုများ စစ်ဆေးတွေ့ရှိ”ဟူသော သတင်း နှင့် ပတ်သက်၍ သတ္ထုတွင်း ဝန်ကြီးဌာနက အယ်ဒီတာချုပ်၊ ထုတ်ဝေသူနှင့် သတင်းရေးသားသူ တို့ကို အသရေဖျက်မှုဖြင့် တရားစွဲဆိုထားရာ မေလ၂၃ ရက်နေ့တွင် အပြီး သတ်ကြားနာ အမိန့်ချမှတ်မည် ဖြစ်ကြောင်း သတင်းရရှိသည်။

မေလ ၁၁ ရက် စတုတ္ထအကြိမ်မြောက် ရုံးချိန်းတွင် သတင်းရေးသားသူအား ဖော်ထုတ်ရန် သတ္တုတွင်းဝန်ကြီးဌာနမှ တောင်းဆိုခဲ့ရာ စာနယ်ဇင်း ကျင့်ဝတ်နှင့် အခြေခံဥပဒေပါ ပြဌာန်းချက်များအရ ဖော်ထုတ်ခွင့် မရှိကြောင်း The Voice Weekly ၏ အကျိုးဆောင် ရှေ့ နေ ဦးသိန်းညွှန့်က လျှောက်လဲချက် ပေးခဲ့ ကြောင်း သိရသည်။

သတ္ထုတွင်းဝန်ကြီးဌာန၏ ရှေ့ နေက ငွေကြေးအလွဲသုံးစားပြုသည်ဆိုသော အရေးအသားသည် သတ္တုတွင်း ဝန်ကြီးဌာန၏ ဂုဏ် သိက္ခာကို ထိခိုက်စေပြီး သတင်းရေးသားသူတွင် တာဝန်ရှိသည့်အတွက် သတင်းရေးသားသူ၏ အမည်ကို ဖော်ထုတ်ပေးရန် တောင်းဆိုခြင်း ဖြစ်သည်ဟု ဆိုသည်။

ရှေ့နေ ဦးသိန်းညွှန့်က“အယ်ဒီတာချုပ် တယောက်အနေဖြင့် သတင်းစာကျင့်ဝတ်ကို လေးစားလိုက်နာသောအားဖြင့် သတင်းရင်းမြစ်နှင့် သတင်းရေးသားသူ အမည်ကို ထုတ်ဖော်ပြောဆို၍ မရကြောင်း၊ စာနယ်ဇင်းကျင့်ဝတ် အမှတ်စဉ် ၅ တွင်ပါရှိသည့် သတင်း စာ သမားတို့သည် မိမိကိုယုံကြည်၍ ထုတ်ဖော်ပြော ဆို လိုက်သော သတင်းရင်းမြစ်တို့၏ လုံခြုံရေးကို အလေးထားသောအားဖြင့် အထူးသိပ်သည်းလျှို့ဝှက်ထားရမည်”ဆိုသည့် အချက်များဖြင့် ရှင်းပြလျှောက် လဲခဲ့ကြောင်း သိရသည်။

“သတင်းက တကယ်တော့ အစိုးရအဖွဲ့ကို၊ ဝန်ကြီးဌာနတချို့ကို ဆော်ဖို့ နှက်ဖို့ အပြစ်တင်ဖို့ ရေးလိုက်တာမဟုတ်ပါဘူး။ အာဏာ သုံးရပ်နဲ့ မီဒီယာတွေက နိုင်ငံတော်နဲ့ နိုင်ငံသားအားလုံးအပေါ်မှာ ပွင့်လင်းမြင်သာဖို့လိုပါတယ်။ တစ်နည်းအားဖြင့် ပြောမယ် ဆိုရင် တော့ ရိုးသားဖြောင့်မတ်ဖို့လိုပါတယ်။ ဝန်ကြီးဌာန တချို့မှာ အလွဲသုံးစားမှုတွေရှိကြောင်း စာရင်းစစ်ချုပ်ရုံးရဲ့ အစီအရင်ခံစာက ပွင့် လင်းမြင်သာမှုအစလို့ ကျနော်တို့ယူဆပါတယ်။ အဲဒါကြောင့် အစိုးရအဖွဲ့ဟာ ဆိုရင်တော့ အခုလိုပွင့်ပွင့်လင်းလင်းနဲ့ အသိပေး လာ ပါပြီလို့ ပြည်သူလူထုကို အသိပေးလိုက်တာပါ။ ဒီအတွက် ကျနော်တို့ လိပ်ပြာသန့်ပါတယ်”ဟု The Voice Weekly ဂျာနယ်၏ အယ်ဒီတာချုပ် ဦးကျော်မင်းဆွေက ပြောသည်။

မေလ ၅ ရက်နေ့က ရန်ကုန်မြို့ Western Park Ruby တွင် ပြုလုပ်သည့် World Press Freedom Day အထိမ်းအမှတ် ညစာစားပွဲတွင် ၎င်းက ထိုသို့ ပြောကြားခြင်း ဖြစ်သည်။

အစိုးရ၀န်ကြီးဌာနနှင့် မီဒီယာ တရားရင်ဆိုင်ရသော ကိစ္စသည် ဥပဒေပြုရေးနှင့် အုပ်ချုပ်ရေး မဏ္ဍိုင်တို့၏ အားပြိုင်မှု၊ အစိုးရအဖွဲ့အတွင်းရှိ ပြုပြင်ပြောင်းလဲလို သူများနှင့် နောက်ပြန်ဆွဲလိုသူများ၏ အားပြိုင်မှုဟု ရှုမြင်ကြောင်း ၎င်းက ဆက်ပြောသည်။

The Voice Weekly ဂျာနယ်ဘက်မှ စာနယ်ဇင်းကျင့်ဝတ်၊ အခြေခံဥပဒေပါ လွတ်လပ်စွာရေးသားဖော်ထုတ်ခွင့် ဆိုင်ရာ ပြဌာန်းချက် များဖြင့် လျှောက်လဲ ပြီး အမှုကို ပလပ်ရန်ကြိုးစားနေကြောင်းလည်း သိရသည်။

ပြီးခဲ့သည့် မတ်လ အတွင်းက ထုတ်ဝေသော The Voice Weekly ဂျာနယ်၌ သတ္တုတွင်း ၀န်ကြီးဌာန အမှတ် (၁) သတ္တုတွင်း လုပ်ငန်း၏ မုံရွာ ကြေးနီ စီမံကိန်းမှ အစုရှယ်ယာ ၅၀ ရာခိုင်နှုန်းကို ဒေါ်လာ သန်း ၁၀၀ ဖြင့် မြန်မာ့စီးပွားရေး ဦးပိုင်လီမီတက်သို့ ရောင်းချခဲ့သည့် ဖြစ်စဉ်တွင် ငွေပေးချေမှုများအား ဦးပိုင်လီမီတက်က ပေးဆောင်ရမည့်အစား နိုင်ငံခြား ကုမ္ပဏီတခုမှ ပေးဆောင်ခဲ့ခြင်းများ ပါဝင်ကြောင်း သတင်းအချက်အလက်များနှင့် ပတ်သက်ပြီး တရား ရင်ဆိုင်နေရခြင်း ဖြစ်သည်။

The Voice Weekly ဂျာနယ်၏ သတင်းသည် ပြည်ထောင်စု စာရင်စစ်ချုပ်ရုံး၏ အစီရင်ခံစာအား ကိုးကား၍ ရေးသားထားခြင်း ဖြစ် သည်။

၂၀၁၁ ခုနှစ်အတွင်း ဆဲဗင်းဒေး သတင်းထောက် မအေးသူစံနှင့် ရုပ်ရှင် သရုပ်ဆောင် ထက်ထက်မိုးဦး၊ Hot News ဂျာနယ် အယ်ဒီတာချုပ် မမ နှင့် ရွှေဂုံတိုင် အထူးကုဆေးရုံ တို့ဖြစ်ပွားခဲ့သော အမှုများသည် မီဒီယာများ ရင်ဆိုင်ခဲ့ရသော အမှုအခင်းများဖြစ် သည်။ ထို အမှုအခင်း ၂ ခု စလုံးတွင် တရားရေး မဏ္ဍိုင်၏ ရပ်တည်ချက်ကို မီဒီယာဘက်က အားမရခဲ့ပေ။

Ref: ဧရာဝတီ

Read More...

Collapse...

ပုသိမ် လယ်သမားသမဂ္ဂဖွဲ့စည်းခွင့် တားမြစ်ခံရ

2012-05-13

ဧရာဝတီတိုင်း ပုသိမ်မြို့နယ် ကြက်ပေါင်တိုက်နယ်က လယ်သမားတွေ စုပေါင်းပြီး လယ်သမားသမဂ္ဂ ဖွဲ့စည်းခဲ့တာကို နည်းဥပဒေ ပေါ်ထွက်လာခြင်း မရှိသေး တဲ့အတွက် ဆိုကာ မြို့နယ်အာဏာပိုင်တွေက တားမြစ်ခဲ့တယ်လို့ သတင်း ရရှိပါတယ်။

လွန်ခဲ့တဲ့ မတ်လ ၃၀ ရက်နေ့က အတည်ပြု ထုတ်ပြန်ခဲ့တဲ့ လယ်ယာမြေ ဥပဒေမှာ တောင်သူလယ်သမားများ သမဂ္ဂ ဖွဲ့စည်းခွင့်ရှိသည်ဟု ဖော်ပြထားတဲ့ အတွက် လယ်သမားတွေက အခုလို ဖွဲ့စည်းခဲ့တာဖြစ်တယ်လို့ ပြောပါတယ်။

မေလ ၁၁ ရက်နေ့က ပုသိမ်မြို့နယ် အာဏာပိုင်အဖွဲ့က လယ်သမားသမဂ္ဂ ဖွဲ့စည်းခွင့် လျှောက်ထားသူတွေကို ခေါ်ယူပြီး ရပ်ဆိုင်းထားဖို့ ပြောဆိုခဲ့ကြောင်း ဦးဆောင်လုပ်ကိုင်နေသူ ဦးမျိုးကိုက ပြောပြပါတယ်။

"သက်ဆိုင်ရာဒေသ အာဏာပိုင်အဖွဲ့အစည်းတွေကို လိပ်မူပြီး ကျွန်တော်တို့ စာတင်ခဲ့တယ်ခင်ဗျ။ ၂၀၁၂ ခုနှစ် မေလ ၁၁ ရက်နေ့မှာ တွေ့ဆုံဆွေးနွေး တယ် ပေါ့။ အာဏာပိုင်အဖွဲ့အစည်းတွေနဲ့၊ သူတို့က ဘာပြောလဲဆိုတော့ ဒီသမဂ္ဂ ဖွဲ့စည်းရေးကိစ္စနဲ့ ပတ်သက်ပြီးတော့ နိုင်ငံတော်က ပြဋ္ဌာန်းပေမယ့် နည်းဥပဒေ လုပ်ထုံးလုပ်နည်းတွေ ထွက်ပေါ်လာတဲ့အထိ စောင့်ပြီးတော့ ဆောင်ရွက်သွားပါ ဆိုပြီးတော့ အသိပေးတယ်ပေါ့နော်။ ကျွန်တော်တို့ကလည်း သိရှိပါတယ် ဆိုပြီးတော့ လက်မှတ်ထိုးခဲ့ပါတယ်။"

ပုသိမ်မြို့နယ် မြို့နယ်အုပ်ချုပ်ရေးမှူး၊ စိုက်ပျိုးရေးဌာန၊ မြေစာရင်းဦးစီးဌာနနဲ့ ကျေးရွာအုပ်ချုပ်ရေးမှူးတို့က သူတို့ရှေ့မှောက်မှာ ခေါ်ယူလက်မှတ်ထိုးခိုင်းခဲ့တာ ဖြစ်ပါတယ်။

လယ်သမားသမဂ္ဂ ဖွဲ့စည်းခွင့်နဲ့ ပတ်သက်ပြီး တရားဝင်ဥပဒေ ပြဋ္ဌာန်းထားပြီး၊ နည်းဥပဒေအဖြစ် အလုပ်သမားသမဂ္ဂ ဖွဲ့စည်းခွင့် နည်းဥပဒေမှာ အကျုံးဝင် တယ်လို့ အလုပ်သမား၊ လယ်သမား အရေး ဆောင်ရွက်နေသူ ရှေ့နေ ဦးဌေးကတော့ ပြောပါတယ်။

"အလုပ်သမား အဖွဲ့အစည်း ဥပဒေထဲမှာပဲ သူတို့က အကျုံးဝင်တာပေါ့လေ။ သူက မြေယာ ဥပဒေမှာတော့ သူက ညွှန်းထားတယ်။ တောင်သူလယ်သမား အဖွဲ့အစည်း ဖွဲ့စည်းနိုင်သည် ဆိုပြီးတော့ သူက ညွှန်းထားတယ်။ ပုဒ်မ ၃၈ မှာဆိုထားတယ်။ ကျွန်တော်တို့ ဥပဒေအမြင်ကျတော့ နည်းဥပဒေ မလိုဘူး ပေါ့ ဗျာ။ အလုပ်သမားထဲမှာဆိုရင် သူက အမြဲတမ်း အလုပ်သမား၊ ယာယီအလုပ်သမား၊ စိုက်ပျိုးရေးအလုပ်သမား၊ အိမ်အကူအလုပ်သမား၊ အစိုးရ ၀န်ထမ်း၊ အသက်မွေးဝမ်းကျောင်းလုပ်ငန်း ဖြစ်ဖြစ်၊ စီးပွားရေးလုပ်ငန်း ဖြစ်ဖြစ် မိမိတို့ လုပ်အားနဲ့ လုပ်ကိုင်သူလို့ အဓိပ္ပာယ် ဖွင့်ဆိုတာကိုး၊ အလုပ်သမားကို၊ အဲဒီတော့ သူက အလုပ်သမားထဲမှာပါတယ်။ နည်းဥပဒေမှာတော့ လယ်သမားနဲ့ ပတ်သက်လို့ တခါ ညွှန်းထားတာက လယ် ၁၀ ဧကနဲ့ အထက်ရှိရင် ပိုင်ရှင်စာရင်းထဲ ပါသွားတယ်။"

ပုသိမ်မြို့၊ ကြက်ပေါင်အုပ်စု လယ်သမားတွေကတော့ လယ်သမားတွေရဲ့ အခွင့်အရေးတွေကို အမှန်တကယ် အကာအကွယ်ပေးနိုင်မယ့် လယ်သမားသမဂ္ဂ တရပ် ပေါ်ထွန်းလာတဲ့အထိ ဆက်လက် ဆောက်ရွက်သွားမှာ ဖြစ်ကြောင်း ပြောဆိုခဲ့ပါတယ်။

Ref: အာရ်အဖ်အေ

Read More...

Collapse...

မန္တလေးတိုင်းအတွင်း အခမဲ့ဆေးခန်း NLD ဖွင့်မည်

2012-05-13

မန္တလေးတိုင်း အတွင်းက ဆင်းရဲနွမ်းပါးတဲ့ ဒေသခံ ပြည်သူတွေအတွက် NLD ပါတီက အခမဲ့ဆေးခန်းတွေ ဖွင့်လှစ်သွားဖို့ ရှိကြောင်း သိရပါတယ်။

လောလောဆယ် မန္တလေးတိုင်း၊ မဟာအောင်မြေမြို့နယ်က ရပ်ကွက် (၃) ခုအတွက် ဒီရက်ပိုင်းအတွင်း အခမဲ့ဆေးခန်းတစ်ခု စတင်ဖွင့်လှစ်သွားမှာ ဖြစ် တယ်လို့ NLD ပါတီရဲ့ မန္တလေးတိုင်း မဟာအောင်မြေ မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးအုန်းကြိုင်က RFA ကိုပြောပါတယ်။

"မဟာအောင်မြေ မဲဆန္ဒနယ်မှာ ရပ်ကွက်ကြီး ၁၈ ရပ်ကွက်လောက် ရှိပါတယ်။ အဲဒီမှာ ရပ်ကွက် ၃-၄ ရပ်ကွက်က ချို့ချို့ငဲ့ငဲ့ ရှိတဲ့သူတွေအတွက် ဒီကျန်း
မာရေး စောင့်ရှောက်မှု လုပ်ငန်းအတွက် အခမဲ့ဆးခန်းတစ်ခု ဖွင့်ဖို့ သူတို့နဲ့ နက်ဖြန်ခါ ညှိမှာ ဖြစ်ပါတယ်။ နေရာလည်း ကြိုတင်ကြည့်ထားပြီးပါပြီ။"

မန္တလေးတိုင်း၊ ပြည်ကြီးတံခွန်မြို့နယ်၊ သမန်းကုန်းရပ်ကွက် NLD ပါတီ ဆိုင်းဘုတ်တင်ပွဲ အခမ်းအနားအပြီး ဦးအုန်းကြိုင်က အဲဒီလို ပြောကြားလိုက်တာ ဖြစ် ပါတယ်။

NLD ပါတီ ပြည်သူ့လွှတ်တော် ကိုယ်စားလှယ်တွေ ဖြစ်ကြတဲ့ ဦးအုန်းကြိုင်၊ ဒေါက်တာဇော်မြင့်မောင်တို့ဟာ NLD ပါတီ ရုံးခန်းဖွင့်ပွဲတွေကို ဒီရက်ပိုင်းအတွင်း လုပ်ဆောင်နေပြီး၊ မကြာခင်မှာ ရပ်/ကျေးအဆင့်ကနေ ဗဟိုအထိ NLD ပါတီညီလာခံတွေ စတင်ကျင်းပမယ့် ကိစ္စနဲ့ ပါတီခေါင်းဆောင်တွေကို ရွေးချယ်တင် မြှောက်ဖို့ အကြောင်းတွေကို လိုက်လံရှင်းပြနေကြောင်း သိရပါတယ်။

Ref: အာရ်အဖ်အေ

Read More...

Collapse...

ချောင်းသာလူနေအိမ် ၂၅၀ ကျော် ၃ လအတွင်း ပြောင်းရွှေ့ပေးဖို့ အမိန့်ပေး

2012-05-13

ဧရာဝတီတိုင်းဒေသကြီး၊ ရွှေသောင်ယံမြို့နယ်၊ ချောင်းသာကျေးရွာက အိမ်ခြေ (၂၅၀) ကျော်ကို ကျေးရွာဥက္ကဋ္ဌ အပါအ၀င် မြေစာရင်းဦးစီးဌာန တာဝန်ရှိ သူတွေ က အစိုးရပိုင်မြေပေါ် ကျုးကျော်နေတယ်ဆိုပြီး ၃ လအတွင်း ထွက်ခွာပေးဖို့ သတိပေးခဲ့တယ်လို့ သိရပါတယ်။

မြို့နယ်မြေစာရင်းဦးစီးဌာန တာဝန်ရှိသူတွေ အပါအ၀င် ဒေသအာဏာပိုင်တွေက ချောင်းသာကျေးရွာသားတွေကို မနေ့က အစည်းအဝေးခေါ်ယူပြီး အမိန့်ပေး ခဲ့ တာ လို့ ရွာခံ ကိုမျိုးဦးက ပြောပါတယ်။

“ကျွန်တော်တို့ ဒီ ဥက္ကဋ္ဌရယ်၊ မြေစာရင်းဦးစီးရယ်၊ ဦးစီးမှူးရယ်၊ စခန်းက နယ်ထိန်းအင်ချက် တယောက်ပါတယ်ပေါ့။ ဒီမြေကြီးပေါ်မှာ လက်ရှိဝယ်နေတဲ့ သူတွေကတဲ့ ဒီနိုင်ငံတော်က (၉၃)ခုနှစ်က နေပြီးတော့တဲ့ သိမ်းထားတဲ့မြေကြီးဖြစ်တဲ့ အတွက်ကြောင့်မို့လို့ လုံးဝဖယ်လိုက်ပါလို့ သူတို့က ဒါမျိုးပြောတယ်။ အိမ်ခြေ (၂၅၀) အကျော်မှာရှိတယ်။ လူဦးရေ (၆၀၀)ကျော် (၇၀၀) ရှိတယ်။ ရက်ပေါင်း (၉၀) ၃လလို့ သူတို့က သတ်မှတ်ပေးတယ်။ အဲဒီသုံးလအတွင်းမှာ မဖျက်ဘူး ဆိုလို့ရှိရင် ထောင်တစ်လ နို့တစ်ထုတ်တယ်။”

ချောင်းသာရွာဒေသဟာ ၂၀၀၀ ပြည့်နှစ်တွေက ပင်လယ်ကမ်းခြေ အပန်းဖြေစခန်းအဖြစ် ဖွင့်လှစ်ခဲ့တဲ့ဒေသ ဖြစ်ပါတယ်။ ဒီကိစ္စနဲ့ ပတ်သက်လို့ မြိ့နယ် မြေစာရင်း ဦးစီးဌာနကို ဆက်သွယ်ခဲ့ပေမယ့် ဆက်သွယ်လို့ မရခဲ့ပါဘူး။

ချောင်းသာရဲစခန်းက တာဝန်ကျ ရဲဝန်ထမ်းကတော့ ပြောင်းရွှေ့ခိုင်းတဲ့ကိစ္စ ရဲစခန်းက မသိကြောင်း ပြောပါတယ်။

Ref: အာရ်အဖ်အေ

Read More...

Collapse...

၈၈ မျိုးဆက်ကျောင်းသားတွေ ဒလမှာ သောက်သုံးရေလှူဒါန်း

2012-05-13

သောက်သုံးရေ ရှားပါးမှုနဲ့ ကြုံနေရတဲ့ ဒလမြို့နယ်ကို ဒီကနေ့ ၈၈ မျိုးဆက်ကျောင်းသားတွေ သွားရောက်ခဲ့ပြီး သောက်သုံးရေ လှူဒါန်းခဲ့သလို ရေရရှိရေး အတွက် ဒေသခံတွေနဲ့ ဆွေးနွေးခဲ့ကြတယ်လို့ သတင်းရရှိပါတယ်။

ဒလမြို့နယ်မှာ မြေအောက်ရေမှာ ရေငံတွေဖြစ်နေတဲ့အတွက် ဒေသခံတွေဟာ နှစ်ပေါင်းများစွာ ကန်ရေကိုသာ အားထားလာခဲ့ရပါတယ်။ အခုအခါ ရာသီ ဥတု ပူပြင်းလာပြီး ကန်ရေတွေ ခန်းခြောက်ကုန်တဲ့ အတွက် သောက်သုံးရေ ပြတ်လပ်မှုနဲ့ ကြုံနေရတဲ့ ပြဿနာကို လေ့လာတွေရှိခဲ့ရကြောင်း ၈၈ မျိုးဆက် ကျောင်း သားခေါင်းဆောင် တစ်ဦးဖြစ်တဲ့ ကိုဂျင်မီက ပြောပါတယ်။

"နှစ်တိုင်း ဒီပြဿနာ ဖြစ်နေတာလေ။ ရေက အဝီစိတွင်းတူးလို့ ရေထွက်ပေမယ့် ရေငံတွေထွက်တယ်။ သောက်သုံးလို့ မရဘူးပေါ့ဗျာ။ သံပေါက်က ရေပိုက် လိုင်းတစ်ခု စီစဉ်ပေးထားတာရှိတာ အဲဒီရေက သုံးလို့ ရပေမဲ့ သောက်လို့မရဘူး။ အဲဒီတော့ ဒလပြည်သူတွေက တလျှောက်လုံး ရေကန်တွေကိုပဲ အားကိုး နေရတယ်။ သက်ဆိုင်ရာ အာဏာပိုင်တွေကနေပြီးတော့ ဒလကို သေသေချာချာလေး ဂရုစိုက်လိုက်ရင် ကျွန်တော် ဖြစ်ပြီလို့ ထင်တယ်ဗျ။ ရေငံကနေ ရေချို လုပ်တဲ့ နည်းပညာတွေလည်း ရှိနေပြီပဲဗျာ။"

ဒီကနေ့ ဒလမြို့မှာ ကိုယ်ထူကိုယ်ထ ဖွဲ့စည်းထားတဲ့ ရေပေးဝေရေးအဖွဲ့တွေကို သောက်ရေသန့်ပုံး အလုံး ၂၀၀၀ လောက်ကိုလည်း ပေးအပ်လှူဒါန်းခဲ့ တယ် လို့ ကိုဂျင်မီက ပြောပါတယ်။

ဒီကနေ့ ဒလမြို့ကို ၈၈ မျိုးဆက် ကျောင်းသားတွေဖြစ်တဲ့ ကိုဂျင်မီ၊ ကိုဇော်မင်း၊ ကိုကိုကြီး စမ်းချောင်း၊ မနီလာသိန်း၊ မမီးမီးတို့ သွားရောက်ခဲ့ကြောင်း သိရ ပါတယ်။

Ref: အာရ်အဖ်အေ

Read More...

Collapse...

အလုပ်အကိုင် အခွင့်အလမ်းဆိုင်ရာ ဟောပြောပွဲ နိုင်ကျဉ်းအဖွဲ့ပြုလုပ်

2012-05-13

နိုင်ငံရေး အကျဉ်းသားဟောင်းများ ဦးစီးပြီး အလုပ်အကိုင် အခွင့်အလမ်းနှင့် အနာဂတ်မြန်မာနိုင်ငံ ခေါင်းစဉ်နဲ့ ဟောပြောပွဲတရပ်ကို ရန်ကုန်မြို့ တော်ဝင်နှင်းဆီခြံ မှာ ဒီကနေ့ မနက်က ကျင်းပခဲ့ပါတယ်။

ဒါ့အပြင် နိုင်ငံရေးအကျဉ်းသား မိသားစုတွေကို အပတ်တိုင်း ပုံမှန်တွေ့ ဆုံနေကြ အစီအစဉ်အရ အခုတပတ်အတွက် မြင်းခြံထောင်က နိုင်ငံရေးအကျဉ်းသား ဒေါက်တာကျော်ကျော်နဲ့ အင်းစိန်ထောင်က ကိုထွန်းမြတ်သူတို့ရဲ့  မိသားစုတွေကို ဂုဏ်ပြုလက်ဆောင်တွေကို ဒီကနေ့ အခမ်းအနားမှာပဲ ပေးအပ်ခဲ့ပါတယ်။

ဒီဟောပြောပွဲက ဟောပြောချက်တွေ၊ မေးခွန်းနဲ့ ဖြေဆိုချက်တွေအပေါ် စုစည်းသုံးသပ်တဲ့ စာတမ်းတစ်စောင်ပြုစုပြီး အစိုးရအဖွဲ့၊ လွှတ်တော်အသီးသီး၊ နိုင်ငံရေး ပါတီတွေနဲ့ လူထုအခြေပြု အဖွဲ့အစည်းနဲ့ ပြည်သူလူထုအကြား စိမ့်ဝင်ပျံ့နှံ့အာင် ဖြန့်ချိပေးပို့မယ်လို့ သိရပါတယ်။

အခမ်းအနားကို မနက် ၈ နာခွဲကနေ ညနေ ၃ နာရီအထိ ကျင်းပခဲ့ရာမှာ ဟံသာဝတီသတင်းစာ ဆရာကြီး ဦးဝင်းတင်၊ ဦးအေးသာအောင် ၊ ရွှေဝါရောင် သံဃာ တွေ၊ ကျောင်းသားအဖွဲ့ အစည်းတွေ အပါအ၀င် စိတ်ဝင်စားသူ ပရိတ်သတ် အင်အား ၄၀၀ နီးပါး တက်ရောက်ခဲ့တယ်လို့  သိရပါတယ်။

Ref: အာရ်အဖ်အေ

Read More...

Collapse...