ဒေါ်စုနဲ့ ပြင်သစ်သမ္မတ ပူးတွဲသတင်းစာရှင်းလင်းပွဲ

26 ဇွန် 2012
ကိုသားညွန့်ဦး

ပြင်သစ်နိုင်ငံကိုရောက်နေတဲ့ ဒေါ်အောင်ဆန်းစုကြည်ဟာ မနေ့ကတော့ ပြင်သစ် သမ္မတ ဖရန်ဆွာ အော်လန်းနဲ့ တွေ့ဆုံပြီး မြန်မာနိုင်ငံ တွင်း ဒီမိုကရေစီစနစ်ကို အထောက်အကူဖြစ်စေမယ့် ရင်းနှီးမြှုပ်နှံမှုတွေလုပ်ကြဖို့ တိုက်တွန်းသွားပါတယ်။ ဒေါ်အောင်ဆန်းစုကြည်ဟာ ဒီကနေ့ ပြင်သစ်နိုင်ငံ၊ ပါရီမြို့ကို လန်ဒန်ကနေ အဝေးပြေးရထားနဲ့ ရောက်ရှိလာတာဖြစ်ပြီး အဲဒီမှာတော့ ပြင်သစ်တာဝန်ရှိသူတွေ က ကြိုဆိုခဲ့ပါတယ်။ ညနေပိုင်းမှာတော့ ပြင်သစ်သမ္မတ ဖရန်ဆွာ အော်လန်းနဲ့ တွေ့ဆုံပြီး ပူးတွဲသတင်းစာ ရှင်းလင်းပွဲတရပ် ပြုလုပ်ပါ တယ်။ လက်ရှိ မြန်မာ နိုင်ငံရေး အခြေအနေတွေအပြင် ရင်းနှီးမြှုပ်နှံမှုတွေနဲ့ ပတ်သက်လို့ သတင်းထောက်တွေရဲ့ မေးမြန်းချက် တွေကို ဖြေကြားခဲ့ပါတယ်။ အဲဒီ သတင်းစာရှင်းလင်းပွဲ အတွင်း ဒေါ်အောင်ဆန်းစုကြည် ပြောဆိုသွားတာတွေနဲ့ပတ်သက်လို့တော့ ကိုသား ညွန့်ဦးက အကျဉ်းချုပ် တင်ဆက်ပေးပါလိမ့်မယ်။

“တကယ့် ဒီမိုကရေစီအခြေခံဆိုတာလူထုပါ၊ ဒါကြောင့် လူထုကို စွမ်းရည် မြှင့်တင်ပေးမယ့် အကူအညီ မျိုးတွေ လိုအပ်ပါတယ်။ ပြည်သူ လူထုရဲ့ လုပ်နိုင်စွမ်းရည်တွေ ဖွံ့ဖြိုးတိုးတက်လာအောင် လုပ်ပေးမယ့် အကူအညီမျိုးတွေ၊ အခွင့်အလမ်းသစ်တွေ ဖန်တီး ပေးမယ့် အကူအညီမျိုးတွေ လိုပါတယ်။”

မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်တွေမှာ သက်ဆိုင်သူအားလုံး ပါဝင်ဖို့လိုသလို စစ်မှန်တဲ့ အပြောင်းအလဲတွေပေါ်ဖို့ ဆိုရင် လူသစ်တွေနဲ့ လမ်းသစ်ဖောက်ဖို့ လိုမယ်လို့ လည်း မြန်မာ့ ဒီမို ကရေစီခေါင်းဆောင်ဒေါ်အောင်ဆန်းစုကြည်က ပြောသွားပါတယ်။ ဖွံဖြိုးရေး အလေးပေးမလာ၊ ဒီမို ကရေစီ အလေးပေးမလားဆိုတဲ့ ကိစ္စမှာတော့ နှစ်ခုစလုံးဟာ တနွယ်ငယ်တစင်ပါ ဆက်နွယ်နေတယ် ဆိုတာကို ရှင်းလင်းသွားပါတယ်။

“မြန်မာနိုင်ငံအတွက် ဒီမိုကရေစီလိုအပ်နေတဲ့ တချိန်တည်းမှာ စီးပွားရေးအရ ဖွံ့ဖြိုးဖို့လည်း လိုအပ်ပါတယ်။ ဒီမိုကရေစီ လိုအပ်နေတာ ကို ဖွံ့ဖြိုးတိုးတက်မှုနဲ့ အစားထိုးခိုင်းလို့ မရပါဘူး။ ဖွံ့ဖြိုးတိုးတက်မှုတွေဟာ ဒီမို ကရေစီ အုတ်မြစ်ကို ခိုင်မာအောင် အသုံးပြုရပါလိမ့် မယ်။ ကောင်းမွန်ကြံ့ခိုင်တဲ့ လူမှုအဖွဲ့အစည်းတွေ တည်ထောင်နိုင်ဖို့ ဆိုရင် ကျမတို့ နိုင်ငံရဲ့ ဖွံ့ဖြိုးတိုးတက်မှုတွေဟာ နိုင်ငံရေးအရ၊ လူမှုရေးအရ၊ စီးပွားရေးအရ တခုနဲ့တခု အပြန်အလှန် ဆက်နွယ်နေရပါလိမ့်မယ်။ ဒါဟာ သိပ်လွယ်ကူတဲ့ ကိစ္စတော့ မဟုတ်ပါဘူး။ ကျမတို့အနေနဲ့ အာဏာရှင်ဆန်တဲ့ အုပ်ချုပ်ရေးအောက်မှာ နှစ်ပေါင်းများစွာ နေခဲ့ရလိုပါ။ ဒီလို နှစ်တွေ အကြာကြီးနေခဲ့ရပေမယ့် အဲဒီနှစ်တွေမှာ ကျမတို့ရဲ့ လူငယ်တွေ နိုးထပြီး အနာဂတ်ကို တာဝန်ယူဖို့ ပြင်ဆင်ခဲ့ကြတာတွေကတော့ သိပ်ကို အားရစရာကောင်းတဲ့ အချက်ပါ။”

လူငယ်တွေရဲ့အခန်းကဏ္ဍနဲ့ပတ်သက်လို့လည်း ပြောသွားရာမှာ အနာဂတ်အတွက် လူငယ်တွေရဲ့ စွမ်းရည်မြှင့်တင်ဖို့ လိုအပ်ချက်နဲ့ အထူးသဖြင့် လတ်တလောမှာ လူငယ်တွေအတွက် သက်မွေး ၀မ်းကျောင်းပညာရပ်တွေလို အကူအညီမျိုးတွေ လိုအပ်ချက်ကိုလည်း ထည့်သွင်း ပြောသွားပါတယ်။

လူကြီးတွေက ဒီမိုကရေစီအခြေခံအုပ်မြစ်ကို ချပေးနေချိန်မှာ ဒီအုတ်မြစ်ကို ခိုင်ခန့်အောင် လူငယ်တွေ ဘက်က ထိမ်းသိမ်းရမယ်လို့ လည်း ပြောပါတယ်။ လက်ရှိ မြန်မာနိုင်ငံတွင်း အာဏာပိုင်တွေနဲ့ ညှိနှိုင်း ဆက်ဆံရာမှာတော့ ကိုယ်လိုချင်တာကို ရအောင်လုပ် တာ ထက် တိုင်းပြည်အတွက် အကောင်းဆုံးဖြစ်မယ့် အဖြေကို ရှာဖွေ ဆောင်ရွက်နေတယ်လို့ ပြောသွားပါတယ်။ အပေးအယူ စေ့စပ် ညှိ နှိုင်းဖို့ အဆင်သင့် မဖြစ်သေးဘူးဆိုရင်တော့ လက်တွေ့ကျတဲ့ နိုင်ငံရေးလုပ်ငန်းစဉ်ကို ရွေးချယ်ဆောင်ရွက်နေတယ်လို့ ပြော ပါတယ်။

“ပြုပြင်ပြောင်းလဲရေးမှာ ပါတဲ့သူတွေကို ကျမ ယုံကြည်မှု ရှိပါသလားဆိုတော့ ဒီအချိန်မှာ ယုံကြည်မှုဆိုတဲ့ အသုံးအနှုန်းကို ပြောမနေ သင့်ဘူးလို့ ကျမမြင်ပါတယ်။ အလုပ်ဘယ်လောက် လုပ်ကြမလဲ၊ ဒီလို ပြုပြင်ပြောင်းလဲရေးလုပ်ငန်းတွေ လမ်းကြောင်းမှန်ပေါ် ရှိနေဖို့ အတွက် ကျမတို့တော်တော်လေး ခက်ခက်ခဲခဲ အလုပ်လုပ်ကြရပါလိမ့်မယ်။ ပြုပြင်ပြောင်းလဲရေးလုပ်ငန်းစဉ်မှာ ပါဝင်နေတဲ့သူတွေ ဘယ်လောက်အထိ ရိုးသားမှုရှိတယ်ဆိုတာတော့ ကျမ မသိပါဘူး။

သမ္မတ အနေနဲ့ ရိုးသားမှု ရှိတယ်ဆိုတာတော့ ကျမယုံပါတယ်။ တခြားအစိုးရအဖွဲ့ထဲမှာ ပါတဲ့သူတွေ ကိုယ်စားတော့ ကျမ ဘယ်သူ အတွက်မှ မပြောနိုင်ပါဘူး။ အရေးကြီးတာကတော့ ဒီ ပြုပြင်ပြောင်းလဲရေး ဖြစ်စဉ် လမ်းကြောင်း လွဲမသွားအောင်၊ နောက်ပြန်လှည့်မ သွားအောင်ဘဲ ကျမတို့ ၀ိုင်းပြီး ပံ့ပိုးဖို့ပါ။ စစ်တပ်အနေနဲ့လည်း ပြုပြင်ပြောင်းလဲရေးလုပ်ငန်းတွေဟာ ဒီမိုကရေစီလိုလားတဲ့ သူတွေ အတွက်တင် မဟုတ်ဘဲ လူ့အဖွဲ့အစည်းတခုထဲက လူတစုအတွက်တင်မဟုတ်ဘဲ တတိုင်းပြည်လုံးအတွက်ဆိုတာ လက်ခံလာဖို့ လိုပါတယ်။”

နိုင်ငံတကာကူညီမှုတွေနဲ့ပတ်သက်လို့ကတော့ အခု ဥရောပခရီးစဉ်အတွင်းမှာ အာမခံချက်ပေးတဲ့နိုင်ငံတွေ ပူးပေါင်းဆောင်ရွက်လိုတဲ့ နိုင်ငံတွေ တွေ့ခဲ့ရတယ်လို့ ပြောဆိုသွားပါတယ်။ ရင်းနှီးမြှုပ်နှံမှုတွေ ဆိုတဲ့နေရာမှာတော့ ဒီမိုကရေစီစနစ်ကို အားပေးတဲ့ ရင်းနှီးမြှုပ် နှံမှုတွေ လိုချင်တယ်ဆိုတာကို အဓိက ထောက်ပြပြောသွားပါတယ်။

“ရင်းနှီးမြှုပ်နှံမှုအားလုံးကို ကျမ လက်ခံတယ်လို့တော့ မပြောနိုင်ပါဘူး။ ကျမတို့ လိုချင်တာကို ရှင်းရှင်းလင်းလင်း ပြောပြီးသားပါ။ ရင်းနှီးမြှုပ်နှံမှုတွေဟာ ဒီမိုကရေစီကို အထောက်အကူပြုရမယ်၊ လူ့အခွင့်အရေးကို အထောက်အကူပြုရမယ်။ သဘာဝ ပတ်ဝန်းကျင်နဲ့ လူ့အခွင့်အရေးကို ထိမ်းသိမ်းကာကွယ်မယ့် ကျင့်ဝတ် အပြည့်အ၀ စောင့်စည်းမယ့် အခြေခံပေါ်မှာ ရင်းနှီးမြှုပ်နှံဖို့ပါ။”

မကြာသေးခင်က မြန်မာနိုင်ငံအနောက်ခြမ်း ရခိုင်ပြည်နယ်အတွင်းဖြစ်ခဲ့တဲ့ အဓိကရုန်းတွေနဲ့ပတ်သက်လို့ အခြေအနေနဲ့ ဒေါ်အောင် ဆန်း စုကြည်ရဲ့ အမြင်ကိုလည်း မေးမြန်းကြပါတယ်။ ဒေါ်အောင်ဆန်းစုကြည်က ဒါဟာ တရားဥပဒေ စိုးမိုးမှုအားနည်းတာနဲ့ ၀န်ထမ်း အချို့ အကျင့်ပျက်မှု လာဘ်စားမှုတွေကို ဖြေရှင်းဖို့လိုမယ်လို့ ဖြေဆိုသွားပါတယ်။

“အခု လတ်တလော အရင်ဆုံးဆောင်ရွက်ရမှာက တရားဥပဒေစိုးမိုးမှု ရှိလာစေဖို့ပါ။ ရခိုင်ပြည်နယ် မှာဖြစ်နေတဲ့ ကိစ္စမှာ စဉ်းစားစရာ အချက် နှစ်ချက်ရှိပါတယ်။ တခုကတော့ နိုင်ငံသားဖြစ်မှု ဆိုင်ရာ ဥပဒေကိစ္စပါ။ ဒီ နိုင်ငံသားဖြစ်မှု ဥပဒေဟာ နိုင်ငံတကာ စံနှုန်းစံထား နဲ့လည်း ကိုက်ညီရပါလိမ့်မယ်။ မျှမျှတတနဲ့ ထိထိရောက်ရောက်ဖြစ်ဖို့လိုပါတယ်။ ဒါကြောင့်လည်း ဥပဒေစိုးမိုးရေးကိစ္စကို ပြောနေတာ ပါ။ ကြီးကြီးမားမား ပြဿနာဖြစ်နေတာ တချက်က ဘယ်သူက နိုင်ငံသားလဲ ဘယ်သူက နိုင်ငံသား မဟုတ်ဘူးလဲဆိုတာ အငြင်းပွား နေ တဲ့ ကိစ္စပါ။ ဒါကို နိုင်ငံသားဖြစ်မှုဆိုင်ရာဥပဒေအချက်အလက် အကောင်အထည်ဖော်ရေးအပိုင်းတွေနဲ့ပဲ ဆုံးဖြတ်ရပါမယ်။

ဝန်ထမ်းတွေရဲ့ အကျင့်ပျက်လာဘ်စားမှုကလည်း ကြီးမားတဲ့ ပြဿနာပါ။ လူဝင်မှုကြီးကြပ်ရေးဌာနက နယ်စပ်ဖြတ်ကျော်ကိစ္စရပ် တွေ မှာ အကျင့်ပျက်လာဘ်စားမှုတွေရှိတယ်ဆိုပြီးတော့လည်း လူပြောများ ပါတယ်။ ၀န်ထမ်းတွေ ထိထိရောက်ရောက်ကိုင်တွယ် ဆောင် ရွက်နိုင်မယ်၊ ဥပဒေကိုလည်း ထိထိရောက်ရောက် လိုက်နာကျင့်သုံးမယ်ဆိုရင် ပြဿနာအချို့ကို ချက်ခြင်းကိုင်တွယ်နိုင်ပါလိမ့်မယ်။ ဒါပေမယ့်လည်း ဒီလို ကိစ္စမျိုးဆိုတာ နေချင်းညချင်းတော့ ကိုင်တွယ်လို့မရပါဘူး။ အချိန်ယူရပါမယ်။”

ပူးတွဲသတင်းစာရှင်းလင်းပွဲမှာရှိနေတဲ့ ပြင်သစ်သမ္မတ ဖရန်ဆွာ အော်လန်ကတော့ မြန်မာနိုင်ငံရဲ့ ဒီမို ကရေစီပြုပြင်ပြောင်းလဲရေး လုပ်ငန်း တွေကို ပြင်သစ်အနေနဲ့ အတတ်နိုင်ဆုံးကူညီအားပေးသွားမယ် လို့ ပြင်သစ် ဘာသာစကားနဲ့ ပြောခဲ့ပါတယ်။ ပြုပြင်ပြောင်း လဲရေးမှာ ပါဝင် ပတ်သက်နေသူတွေ အားလုံးကို ထောက်ခံ သွားမှာဖြစ်ပြီး မြန်မာသမ္မတ ဦးသိန်းစိန်ကိုလည်း ပြင်သစ်နိုင်ငံကို အ လည် လာရောက်ဖို့ ဖိတ်ကြား လိုက်ပါတယ်။ ပြင်သစ်အခြေစိုက် တိုတယ်ရေနံကုမ္ပဏီအနေ နဲ့ မြန်မာနိုင်ငံတွင်း ရင်းနှီးမြုပ်နှံရာမှာ သဘာဝပတ်ဝန်းကျင်ထိမ်းသိမ်းရေးနဲ့ အလုပ်သမား အခွင့်အရေးတွေကို လေးစား လိုက်နာနေပြီး အကယ်လို့ ဒီအပေါ် မကျေမနပ် တိုင်ကြားမှု ရှိရင်လည်း သူသိလိုတယ် လို့ ဒေါ်အောင်ဆန်းစုကြည်ကို ပြောခဲ့ပါတယ်။

ပြင်သစ်သမ္မတနဲ့အတူ ပူးတွဲသတင်းစာရှင်းလင်းပွဲအတွင်း ဒေါ်အောင်ဆန်းစုကြည်ပြောဆိုသွားတာတွေကို အနှစ်ချုပ် တင်ဆက်ပေး သွား တာပါ။ ဒေါ်အောင်ဆန်းစုကြည်ဟာ ၁၇ ရက်ကြာ ဥရောပခရီးစဉ်အတွင်း အခု ပြင်သစ်နိုင်ငံကို နောက်ဆုံးဝင်ရောက်လာခြင်းဖြစ် ပါတယ်။ အရင် ဆွစ်ဇာလန်၊ အိုင်ယာ လန်၊ နော်ဝေးနဲ့ ဗြိတိန်နိုင်ငံတွေမှာ ဒေါ်အောင်ဆန်းစုကြည် ကို နိုင်ငံအကြီးအကဲတဦးလို နိုင်ငံ တွေက ဆက်ဆံ ကြိုဆိုသလိုပဲ အခု ပြင်သစ်ခရီးစဉ်မှာလည်း နိုင်ငံအကြီးအကဲတဦး လာရောက်သလို ပြင်သစ် သမ္မတနဲ့ ပူးတွဲ သတင်းစာရှင်းလင်းပွဲလုပ်ခဲ့သလို မနေ့ညပိုင်းမှာ ပြင်သစ်သမ္မတ ဖရန်ဆွာအော်လန်း က ဒေါ်အောင်ဆန်းစုကြည်ကို ညစာ သမ္မတရဲ့ Elysee နန်းတော်မှာ ညစာ တည်းခင်း ဧည့်ခံပါတယ်။

လူ့အခွင့်အရေးအတွက် သူမတူအောင် ရုန်းကန်ကြိုးပမ်း တိုက်ပွဲဝင်မှုအတွက် ဒေါ်အောင်ဆန်းစုကြည် ကို ပြင်သစ်နိုင်ငံအနေနဲ့ ဂုဏ်ပြု ကြိုဆိုမှာ ဖြစ်တယ်လို့ ပြင်သစ်နိုင်ငံခြားရေး ဌာနကလည်း ကြေညာခဲ့ ပါတယ်။ ဒီကနေ့မှာတော့ ပြင်သစ်နိုင်ငံခြားရေးဝန်ကြီး Laurent Fabius နဲ့ တွေ့ဆုံပြီး နိုင်ငံခြားရေး အဆောက်အအုံဝန်းထဲမှာ လွတ်မြောက်ရေး အမှတ်တရ သစ်ပင်ကိုလည်း စိုက်ပျိုးဖို့အစီအစဉ် ရှိပါတယ်။ ဒီကနေ့ ညပိုင်းမှာတော့ ပြင်သစ်နိုင်ငံခြားရေးဝန်ကြီးက ညစာ တည်ခင်းဧည်ခံဖို့ရှိပါတယ်။

ဒါ့အပြင် ပြင်သစ်လွှတ်တော်နှစ်ရပ်က ခေါင်းဆောင်တွေ၊ ပြင်သစ်နိုင်ငံရေးခေါင်းဆောင်တွေနဲ့ တွေ့ဆုံဖို့ရှိသလို ပြင်သစ်မှာရှိတဲ့ အစိုးရ မဟုတ်တဲ့အဖွဲ့အစည်းတွေ၊ နောက် မြန်မာအသိုင်းအ၀ိုင်းကိုလည်း သီးခြားတွေ့ဆုံမှာဖြစ်ပါတယ်။ ပါရီမြို့တော်ဝန်ကလည်း အရင် ချီး မြှင့်ထားတဲ့ ဂုဏ်ထူးဆောင်နိုင်ငံသားဆုကို ကိုယ်တိုင် အပ်နှင်းပွဲ အထိမ်းအမှတ်ကိုလည်း ပြုလုပ်ဖို့ရှိပါတယ်။ နောက်ဆုံးနေ့မှာတော့ ပြင်သစ်နိုင်ငံ Sorbonne တက္ကသိုလ်မှာ ကျောင်းသားတွေနဲ့ အမေးအဖြေ ဆွေးနွေးခန်း ပြုလုပ်မယ်လို့လည်း သိရပါတယ်။

ဒီကနေ့မှာတော့ တချိန်က နာဇီဖက်ဆစ်တွေကို ခုခံတော်လှန်ခဲ့တဲ့ နာမည်ကြီး ပြင်သစ်တော်လှန်ရေး သမား အသက် ၉၀ ကျော် အရွယ် Stephane Hessel နဲ့လည်း တွေ့ဆုံမယ်လို့ သိရပါတယ်။ Mr.Hessel ဟာ ဒုတိယကမ္ဘာစစ်ပြီးနောက် နိုင်ငံတကာလူ့ အခွင့် အရေး ဆိုင်ရာ ပဋိဉာဉ်စာတမ်းကို တည်းဖြတ် ပြုစုခဲ့သူတဦးလည်း ဖြစ်ပါတယ်။

Ref: ဗွီအိုအေ

Read More...

Collapse...

ဂျပန်ပင်လယ်စာတင်သွင်းမှု ကိုရီးယား ယာယီရပ်

27 ဇွန် 2012
ကိုကျော်ကျော်သိန်း

ဂျပန်နိုင်ငံကလာတဲ့ ပင်လယ်စာထွက်ကုန် ၃၅ မျိုးကို တောင်ကိုရီးယားနိုင်ငံက ယာယီ ပိတ်ပင်လိုက်ပါတယ်။ ပြီးခဲ့တဲ့နှစ်က ဆူနာမီ ရေလှိုင်းဒဏ်သင့်အပြီး ပေါ်ပေါက်ခဲ့တဲ့ နျူကလီးယား ဓာတ်အားပေးစက်ရုံတွေ ထိခိုက် ပျက်စီးတာကနေ ရေဒီယို အဆိပ်ဓာတ်သင့် မှာကို စိုးရိမ်ပြီး အခုလို ပိတ်ပင်လိုက်တာပါ။

အခုလိုလုပ်လိုက်တာဟာ ဖူကူရှီးမား နျူကလီးယားဓာတ်အားပေးစက်ရုံတည်ရှိတဲ့နား ပင်လယ်ရေပြင်ကနေလာတဲ့ ထွက်ကုန် တွေ ကြောင့် တောင်ကိုရီးယားနိုင်ငံသားတွေ ဘေးဒုက္ခမရောက်အောင် အကာအကွယ်ပေးဖို့ ယာယီ လုပ်ဆောင်တာဖြစ်တယ် လို့ အစား အစာ၊ စိုက်ပျိုးရေး၊ သစ်တောနဲ့ ငါးဖမ်းလုပ်ငန်းဆိုင်ရာ တောင်ကိုရီးယား ၀န်ကြီးဌာနက ပြောပါတယ်။

ဂျပန်နိုင်ငံ အရှေ့မြောက်ဘက်ကမ်းရိုးတန်း ကမ်းလွန်ပင်လယ်ပြင်မှာတည်ရှိတဲ့ ဖူကူရှီးမား နျူကလီးယားဓာတ် အားပေး စက်ရုံဟာ ပြီးခဲ့တဲ့မတ်လက လှုပ်ခတ်ခဲ့တဲ့ငလျင်နဲ့ နောက်ဆက်တွဲ ဆူနာမီရေလှိုင်းဒဏ်ကြောင့် စက်ရုံ တစိတ်တပိုင်း ထိခိုက်ပျက်စီး ပြီး စက်ရုံ နားဒေသတ၀ိုက်မှာ အန္တရာယ်ကြီးလှတဲ့ ရေဒီယိုဓာတ်ရောင်ခြည် သင့်မယ့် အလားအလာ ဖြစ်ခဲ့ရပါတယ်။

ဖူကူရှီးမားဒေသကလာတဲ့ ပင်လယ်စာတွေမှာ ရေဒီယိုအဆိပ်ဓာတ်ပမာဏဟာ တဖြည်းဖြည်းချင်း လျော့ လာနေပေမဲ့လည်း အဲဒီ ဒေသကလာတဲ့ ပင်လယ်ထွက်ကုန် အတော်များများကို မရောင်းချဖို့ ပိတ်ပင် ကန့်သတ်ထားဆဲရှိပါတယ်။

Ref: ဗွီအိုအေ

Read More...

Collapse...

ဗြိတိန်ဘုရင်မကြီး IRA ခေါင်းဆောင်ဟောင်းကို လက်ဆွဲနှုတ်ဆက်

27 ဇွန် 2012

ဗြိတိသျှ အဲလစ်ဇ်ဘက်ဘုရင်မကြီးဟာ ဆယ်စုနှစ်တွေနဲ့ ချီပြီး မြောက်ပိုင်းအိုင်ယာလန်ကို ဗြိတိသျှ လက်အောက်ခံ အဖြစ်ကနေ ခွဲထွက်ရေးအတွက် သွေးထွက်သံယို တိုက်ပွဲဝင်ခဲ့တဲ့ ခွဲထွက်ရေးအဖွဲ့ ရဲ့ ခေါင်းဆောင်ဟောင်းဖြစ်သူနဲ့ သမိုင်း တွင်စေမယ့် လက်ဆွဲ နှုတ်ဆက်မှုပြုလုပ်ခဲ့ပါတယ်။

ဘုရင်မကြီးနဲ့ Irish Republican Army ခေါင်းဆောင်ဟောင်း Martin McGuinness တို့ဟာ ဗုဒ္ဓဟူးနေ့က ဘဲလ်ဖတ်စ် မြို့မှာကျင်းပ တဲ့ သီးသန့် လူမှုရေးအခမ်းနားတခုအတွင်းမှာ လက်ဆွဲနှုတ်ဆက်ခဲ့ကြတာပါ။ Martin McGuinness ဟာ နောက်ပိုင်းမှာ မြောက်ပိုင်း အိုင်ယာလန်နိုင်ငံဆိုင်ရာ ဒုတိယ တာဝန်ခံဝန်ကြီး တဦးဖြစ်လာခဲ့ပါတယ်။

သူတို့နှစ်ဦးရဲ့ လက်ဆွဲနှုတ်ဆက်မှုဟာ ကက်သလစ်ဘာသာ လက်ခံတဲ့ IRA အဖွဲ့ကနေ Protestant ခရစ်ယန် ဗြိတိသျှ စစ်တပ်ကို နှစ်ပေါင်း ၃၀ ကြာပုန်ကန်တိုက်ခိုက်ခဲ့မှု အဆုံးသတ်ခဲ့တဲ့ ၁၉၉၈ Good Friday ငြိမ်းချမ်းရေး သဘောတူညီမှုရဲ့ ၀ိသေသ အမှတ် အသားတခု ဖြစ်ပါတယ်။

ပုန်ကန်တိုက်ခိုက်ခဲ့တဲ့ ကာလအတွင်း လူပေါင်း ၃,၅၀၀ ကျော် သေဆုံးခဲ့ပြီး အဲလဇ်ဘက်ဘုရင်မကြီးရဲ့ ၀မ်းကွဲ အကိုတော်သူ ဒုတိယ ကမ္ဘာစစ် သူရဲကောင်း စစ်သူကြီး လော့မောင့်ဘက်တန်လည်း ပါဝင်သွားခဲ့ပါ တယ်။ မောင့်ဘက်တန်ဟာ သူ့ရဲ့သင်္ဘောကို IRA ရဲ့ ဗုံးထောင် လုပ်ကြံမှုကြောင့် ၁၉၇၉ ခုနှစ်မှာ ကွယ်လွန် သွားတာပါ။

IRA အဖွဲ့ နိုင်ငံရေးလက်ရုံးဖြစ်တဲ့ Sinn Fein က မြောက်ပိုင်း အိုင်ယာလန်ကို ဗြိတိသျှရဲ့ အုပ်ချုပ်နေမှုကို ဆက်လက် ဆန့်ကျင်နေ ပါတယ်။

ဗြိတိသျှဘုရင်မကြီး အဲလဇ်ဘက်နဲ့ ကြင်ယာတော် ဖိလစ် မင်းသားကြီးတို့ဟာ ဘုရင်မကြီးရဲ့ ထီးနန်းသက် နှစ် ၆၀ ပြည့် အထိမ်း အမှတ် အနေနဲ့ မြောက်အိုင်ယာလန်နိုင်ငံ ကို ၂ ရက်ကြာ လည်ပတ်ဖို့အတွက် အင်္ဂါနေ့မှာ ရောက်သွားခဲ့တာဖြစ်ပါတယ်။

Ref: ဗွီအိုအေ

Read More...

Collapse...

ရွေးကောက် တင်မြှောက်ပုံစနစ် ပြောင်းလဲရန် ၁၀ ပါတီ ဆွေးနွေး

မျိုးသန့်
ဇွန်လ ၂၆ ရက် ၂၀၁၂ ခုနှစ်

မြန်မာနိုင်ငံတွင် လက်ရှိအသုံးပြုနေသည့် ရွေးကောက် တင်မြှောက်ပုံ စနစ်သည် မဲဆန္ဒရှင် အားလုံး၏ ဆန္ဒကို ကိုယ်စားမပြုဘဲ ဖြစ်နေ၍ လာမည့်ရွေးကောက်ပွဲများတွင် ‘အချိုးကျ ကိုယ်စားပြုစနစ်’ကို ပြောင်းလဲ အသုံးပြုသင့်ကြောင်း အင်္ဂါနေ့တွင် ပြုလုပ်သည့် ဒီမိုကရေစီ မိတ်ဆွေပါတီများ အစည်းအဝေးတွင် အမျိုးသားဒီမိုကရေစီ အင်အားစု NDF ပါတီမှ ဦးဆောင်၍ တင်ပြခဲ့သည်။

လက်ရှိစနစ်တွင် မဲဆန္ဒနယ်တခုအတွင်း ပါတီနှစ်ခုမှ ကိုယ်စားလှယ်နှစ်ဦး ဝင်ပြိုင်ပါက မဲ တမဲ အသာဖြင့်ပင် အနိုင်ရ သည့်စနစ် ဖြစ်ကာ မဲဆန္ဒရှင်အများစု၏ ဆန္ဒကို ကိုယ်စားမပြုနိုင်၍ ‘အချိုးကျ ကိုယ်စားပြုစနစ်’ ကို ပြောင်းလဲ အသုံးပြုရန် ဆွေးနွေးခြင်းဖြစ် သည်ဟု NDF ဥက္ကဋ္ဌ ဦးခင်မောင်ဆွေက ပြောသည်။

“အခု စနစ်မှာတော့ ၅၁ ရာခိုင်နှုန်း ရတဲ့လူက နိုင်သွားပြီးတော့ ၄၉ ရာခိုင်နှုန်းအတွက် မဲက အလကား ဖြစ်သွားတယ်။ အဲဒါမျိုး မဖြစ် အောင် မျှတတဲ့ ကိုယ်စားပြုမှု ဖြစ်အောင်။ ပါတီစုံ ဒီမိုကရေစီစနစ် ဖေါ်ဆောင်နေတဲ့ ဒီခေတ်မှာ ပါတီစုံ စနစ်နဲ့ ကိုက်ညီတဲ့စနစ်တခုကို အန်ကယ်တို့က ဒီနေ့ တင်သွင်းတာ” ဟု မဇ္ဈိမကို ပြောသည်။

‘အချိုးကျ ကိုယ်စားပြုစနစ်’ သည် ဥပမာအားဖြင့် ကိုယ်စားလှယ်လောင်း ၁ဝ ဦး ဝင်ရောက်ယှဉ်ပြိုင်မည့် မဲဆန္ဒနယ် တွင် ဆန္ဒမဲ ၁ဝဝ,ဝဝဝ ရရှိပါက ကိုယ်စားလှယ်လောင်း တဦးစီအတွက် ခွဲတမ်းမဲ ၁ဝ,ဝဝဝ မဲစီ ရရှိမည် ဖြစ်သည်။ ပါတီ တခုချင်းအလိုက် ရရှိသည့် စုစုပေါင်း ဆန္ဒမဲကို ခွဲတမ်းမဲဖြင့် စားကာ ရလဒ် ကိန်းပြည့်သည် ကနဦးကိုယ်စားလှယ် အဖြစ် သတ်မှတ်ရွေးချယ်သည်။

ဥပမာအားဖြင့် A ပါတီအတွက် ထောက်ခံမဲ ၃၈,ဝဝဝ မဲရရှိပါက ကနဦး သတ်မှတ် ကိုယ်စားလှယ် သုံးယောက်ရှိပြီး မဲကျန် ၈ဝဝဝ မဲဖြစ်နေမည်။ B ပါတီအတွက် ထောက်ခံမဲ ၂၁ဝဝဝ မဲရပါက ကနဦး သတ်မှတ်ကိုယ်စားလှယ် နှစ်ယောက်နှင့် မဲကျန်မှာ ၁ဝဝဝ ဖြစ်နေသည်။ C ပါတီအတွက် ထောက်ခံမဲ ၉,ဝဝဝ မဲရရှိသည် ဆိုပါက ခွဲတမ်းမဲ ၁ဝ,ဝဝဝ ရရှိမည်ဖြစ်သော်လည်း ၁ဝ,ဝဝဝ မဲ မပြည့်ခြင်းကြောင့် မဲကျန်အဖြစ် သတ်မှတ်သည်။

ထောက်ခံမဲအလိုက် အများဆုံးရရှိသည့် ကိုယ်စားလှယ်လောင်းများကို ကိုယ်စားလှယ်အဖြစ် ရွေးချယ်ပြီးနောက် မဲကျန်အများဆုံး ရရှိသည့် ကိုယ်စားလှယ်လောင်းကို ကိုယ်စားလှယ်ဦးရေ ၁ဝ ဦး ပြည့်သည်အထိ ရွေးချယ်သွားရန် ဖြစ်သည်။ ထိုစနစ်အရ အထက် ဥပမာတွင် C ပါတီသည် ထောက်ခံမဲ အနည်းဆုံး ဖြစ်သော်လည်း မဲကျန် ၉,ဝဝဝ မဲဖြင့် အများဆုံးဖြစ်နေခြင်းကြောင့် ထိုပါတီအတွက် အမတ် ၁ နေရာရရှိမည်ဖြစ်သည်။

အဆိုပါနည်းဖြင့် ကနဦးသတ်မှတ် ကိုယ်စားလှယ်တွင် ကိုယ်စားလှယ် ၈ ဦးရှိပါက၊ ကျန်နှစ်ဦးအတွက် မဲကျန်များ အများဆုံးပါတီမှ ကိုယ်စားလှယ်နှစ်ဦးကို ထပ်မံ ရွေးချယ်စေခြင်းဖြင့် လိုအပ်သည့် ကိုယ်စားလှယ်ဦးရေ ၁ဝ ဦးကို ဖြည့်စွက်ခြင်း ဖြစ်သည်။

“မဲဆန္ဒရှင်တွေရဲ့ ကိုယ်စားပြုမှုကို ပါတီတိုင်းက ရနိုင်တယ်။ ပါတီငယ်လေးပဲဖြစ်ဖြစ် လွှတ်တော်ထဲကို ဝင်ခွင့်ရနိုင် တယ်။ ပါတီငယ် လေးမို့ တသီးပုဂ္ဂလမို့ ဥပမာ NLD တို့ ကြံ့ဖွံ့တို့ နိုင်တဲ့နေရာမှာလည်း ကျန်မနေတော့ဘူး။ ကိုယ်စားလှယ်တွေဟာ လွှတ်တော်ထဲကို ဝင်ဖို့ အခွင့်အရေး ရနိုင်တယ်” ဟုလည်း ဦးခင်မောင်ဆွေ က မဇ္ဈိမကို ပြောသည်။

ဒီမိုကရက်တစ်ပါတီ (မြန်မာ) ၏ ဥက္ကဋ္ဌဖြစ်သူ ဦးသုဝေကလည်း ၁၉၉ဝ ရွေးကောက်ပွဲတွင် ‘အချိုးကျ ကိုယ်စားပြုစနစ်’ ကျင့်သုံးရန် တင်ပြခဲ့သော်လည်း အကောင်အထည် မပေါ်ခဲ့၍ ၂ဝ၁၅ ရွေးကောက်ပွဲအတွက် ထပ်မံကြိုးပမ်းခြင်း ကြောင်းဟု မဇ္ဈိမကို ပြောသည်။

“ကျနော်က အဲဒီတုန်းက ဒီစနစ်ကို တင်ပြခဲ့တယ်။ ဒီစနစ်ဟာ ပြည်သူအများစုရဲ့ဆန္ဒ ပါဝင်ပြီးတော့၊ ပြည်သူအများစုကို ကိုယ်စားပြု တဲ့အတွက် ဒါလေးလုပ်ရင် ကောင်းမယ်ဆိုပြီးတော့ ဆန္ဒပြုခဲ့ပါတယ်။ အဲဒီတုန်းကတော့ မဖြစ်ခဲ့ဘူး အခု အဲဒီရဲ့ အဆက်ပေါ့” ဟု ဦးသုဝေက ပြောသည်။

NDF မှ တင်ပြလာသည့် ထိုစနစ်ကို ရခိုင်တိုင်းရင်းသားများ တိုးတက်ရေးပါတီ၊ ရှမ်းတိုင်းရင်းသား ဒီမိုကရက်တစ်ပါတီ၊ မွန်ဒေသလုံး ဆိုင်ရာ ဒီမိုကရေစီပါတီ၊ ဖလုံ-စဝေါ်၊ အမျိုးသား ဒီမိုကရေစီ အင်အားစု၊ ဒီမိုကရက်တစ်ပါတီ (မြန်မာ)၊ ဒီမိုကရေစီနှင့် ငြိမ်းချမ်းရေးပါတီ၊ ပြည်ထောင်စု ဒီမိုကရေစီပါတီ၊ ညီညွတ်ရေးနှင့် ငြိမ်းချမ်းရေးပါတီတို့မှ ခေါင်းဆောင် ၁၄ ဦးတို့က ဝိုင်းဝန်း ဆွေးနွေးခဲ့ကြပြီး ဇွန်လ ၂၈ ရက်နေ့တွင် သဘောထား ထုတ်ပြန်မည် ဖြစ်သည်။

NDF ၏ တင်ပြမှုကို ဒီမိုကရေစီမိတ်ဆွေပါတီများမှ ထောက်ခံပါက ရွေးကောက်ပွဲ ကော်မရှင်ထံ တင်ပြတောင်းဆိုသွား မည်ဟု ဆိုသည်။ ထိုစနစ်ကို ဥရောပနိုင်ငံတချို့တွင် ကျင့်သုံးနေသော်လည်း မြန်မာနိုင်ငံအတွက် လက်ခံ ကျင့်သုံးပါ က မြန်မာတနိုင်ငံလုံးရှိ မဲဆန္ဒနယ်မြေများကို ပြောင်းလဲသတ်မှတ်ရန် လိုအပ်မည် ဖြစ်သည်။

Ref: မဇ္ဈိမ

Read More...

Collapse...

တရုတ်ပြည်ရှိ ကချင်စစ်ပြေးဒုက္ခသည်များ အခက်အခဲ အစီရင်ခံစာ

ဌေးဝင်း
ဇွန်လ ၂၆ ရက် ၂၀၁၂ ခုနှစ်

တရုတ်နိုင်ငံ၊ ယူနန်ပြည်နယ်တွင် ရောက်ရှိနေကြသော မြန်မာနိုင်ငံမှ ကချင် စစ်ပြေး ဒုက္ခသည်များ ရင်ဆိုင်နေရသည့် အခက်အခဲ များကို ရေးသားထားသည့် ‘ယူနန်ပြည်မှာ အထီးကျန်’ Isolated in Yunnan အမည်ရ အစီရင်ခံစာ တစောင်ကို လူ့အခွင့်အရေး စောင့်ကြည့် ရေးအဖွဲ့ HRW မှ ထုတ်ပြန်လိုက်သည်။

ထိုင်းနိုင်ငံ၊ ဘန်ကောက်မြို့ရှိ နိုင်ငံခြား သတင်းထောက်များကလပ်တွင် အင်္ဂါနေ့နံနက်က သတင်းစာရှင်းလင်းပွဲလုပ်၍ ထုတ်ပြန်လိုက် ခြင်းဖြစ်သည်။

စာမျက်နှာပေါင်း ၆၈ ပါ ထိုအစီရင်ခံစာကို ဒုက္ခသည်များ၊ လူ့အခွင့်အရေး ချိုးဖောက်ခံရသူများ၊ ရွာပုန်းရွာရှောင်များ အစရှိသည့် လူ ၁ဝဝ ကျော်နှင့် တွေ့ဆုံမေးမြန်းချက်များကို အခြေခံကာ ရေးသားထားသည်ဟု ဆိုသည်။

ကချင် စစ်ပြေးဒုက္ခသည် ၇,ဝဝဝ မှ ၁ဝ,ဝဝဝ ခန့်သည် စစ်ဘေးစစ်ဒဏ်နှင့် လူ့အခွင့်အရေး ချိုးဖောက်ခံရမှု ဘေးဒဏ်မှ လွတ်မြောက် ရာ လွတ်မြောက်ကြောင်းအတွက် တရုတ်ပြည်တောင်ပိုင်းသို့ ထွက်ပြေးတိမ်းရှောင်ခဲ့ကြသော်လည်း ယူနန်ဒေသတွင် အခက်အခဲ အကြပ်အတည်းများစွာဖြင့် ကြုံတွေ့နေရကြောင်း HRW အာရှတိုက်ရေးရာဌာနမှ လက်ထောက် ဒါရိုက်တာ Phill Robertson က ပြောသည်။

“ယူနန်မှာ ရှိနေတဲ့ ကချင်စစ်ပြေး ဒုက္ခသည်တွေဟာ အခက်အခဲ မျိုးစုံနဲ့ အခုအချိန်မှာ ကြုံတွေ့နေရ ပါတယ်။ အဓိက ကတော့ နေရာထိုင်ခင်းနဲ့ အစားအသောက်ရယ်၊ ရေရယ်ပေါ့။ ပြီးတော့ ဆေးဝါး မလုံလောက်တာတွေပေါ့။ ဒါ့အပြင် အချို့ဒုက္ခသည်တွေကို တရုတ်အာဏာပိုင်တွေက တရုတ်ပြည်ထဲ ဝင်ခွင့်မပြုဘဲ စစ်မက်ဖြစ်ပွါးနေတဲ့ နေရာကို အတင်းအဓမ္မ ပြန်မောင်းထုတ်နေတာက ပိုဆိုးတာပေါ့” ဟု သူက ဆိုသည်။

၂ဝ၁၁ ခုနှစ် ဇွန်လမှ စတင်ကာ ကချင်လွတ်လပ်ရေး တပ်မတော် KIA နှင့် မြန်မာ့တပ်မတော်တို့ အကြား ဖြစ်ပွါးခဲ့ သော စစ်ပွဲများက လွန်ခဲ့သော ၁၇ နှစ်က ၎င်းတို့ ချုပ်ဆိုထားသည့် အပစ်အခတ် ရပ်စဲရေးကို နိဂုံးချုပ်စေခဲ့သည်။

တနှစ်ကျော် ကြာပြီဖြစ်သည့် စစ်ပွဲများကြောင့် ကချင်လူမျိုး ၁၇,ဝဝဝ ခန့်သည် ရွာပုန်းရွာရှောင်များ အဖြစ် စစ်ဘေးမှ လွတ်ရာသို့ တိမ်းရှောင်လျှက်ရှိကြသည်။ ၎င်းတို့သည် KIA ထိန်းချုပ်ရာနေရာများ၊ မြန်မာအစိုးရထိန်းချုပ်ရာ နေရာများ နှင့် တရုတ်ပြည်တွင်းသို့ ဘေးကင်းရန် သွားရောက် နေထိုင်နေကြသည်။

တရုတ် ဗဟိုအစိုးရနှင့် ယူနန် အာဏာပိုင်တို့က ကချင်ဒုက္ခသည်များကို လက်ခံသည်ဟု ဆိုသော်လည်း HRW မှတ်တမ်များအရ အနည်းဆုံး ဒုက္ခသည်အချို့ကို အတင်းအဓမ္မ ပြန်လည်ပို့ဆောင်ခဲ့သည်ကို တွေ့ရှိရကြောင်း Phill Roberson က ဆက်ပြောသည်။

“ကျနော်တို့ရဲ့ မှတ်တမ်းတွေအရ အနည်းဆုံး ဒုက္ခသည် ၃ဝဝ လောက်ကို စစ်မက်ဖြစ်ပွါးနေတဲ့ နေရာကို အတင်းအဓမ္မ ပြန်ပို့ခဲ့ တာကို တွေ့ရတယ်” ဟု ဆိုသည်။

အစီရင်ခံစာတွင် ယူနန်ရှိ အသက် ၂၅ နှစ်အရွယ် ကချင်ဒုက္ခသည်တဦး၏ ပြောဆိုချက်ကိုလည်း ယခုကဲ့သို့ တွေ့ရ သည်။

“အခု ဒီနေရာမှာ နေနေရတာကိုလည်း လုံခြုံလှတယ်လို့ ကျနော် မခံစားရပါဘူး။ ဘာဖြစ်လို့လဲဆိုတော့ စစ်နေတဲ့ နေရာနဲ့ အရမ်းနီးတဲ့ နေရာမှာ နေရတယ်လေ။ စစ်ပွဲတွေက ဆက်ဖြစ်နေတော့ ကျနော်တို့ စိုးရိမ်ပါတယ်။ တကယ်လိုရ တရုတ်ပြည်က ကျနော်တို့ကို လက် မခံဘုးဆိုရင် ကျနော်တို့ ဘယ်ကိုသွားရမလဲ။ ဘယ်လို အသက်ရှင်ရတော့မလဲ” ဟု ပြောကြောင်း ဖော်ပြထားသည်ကို တွေ့ရသည်။

အလားတူ အသက် ၅၁ နှစ်အရွယ်ရှိ ဒုက္ခသည် ကချင်အမျိုးသမီးကြီးတဦး၏ ပြောပြချက်ကိုလည်း “ဒီစစ်ပွဲကြီးက ဒီလိုသာ ဆက်ရှည် နေမယ်ဆိုရင် ကျမတို့အတွက် အခက်အခဲ အကြပ်အတည်းတွေ ဒုက္ခတွေ ပိုကြုံတွေ့ရကြပါမယ်။ ကိုယ့်ရွာကို ပစ်ပြီး ထွက်ပြေးလာရ တော့ စားစရာ မရှိတော့ဘူး။ ဒီမှာ နေနေရတာကလည်း ဘာမှအဆင်မပြေပါဘူး” ဟု တွေ့ရသည်။

ထို့ပြင် ကချင်ပြည်နယ် အခြေအနေများနှင့် စပ်လျဉ်း၍ လူ့အခွင့်အရေး စောင့်ကြည့်ရေးအဖွဲ့နှင့် အင်တာဗျူးလုပ်ခဲ့သူ ကချင်လူမျိုး နှစ်ဦးကို မြန်မာအာဏာပိုင်များက ဖမ်းဆီးကာ ထောင်ဒဏ် ၂ နှစ် ချမှတ်ခံခဲ့ရကြောင်းလည်း ယင်းအစီရင်ခံစာတွင် ဖော်ပြထားသည်။

Ref: မဇ္ဈိမ

Read More...

Collapse...

အိန္ဒိယ-မြန်မာ နယ်စပ်ကုန်သည်ကြီးများ ကုန်သွယ်ရေး စာချွန်လွှာပို့

ဇွန်လ ၂၆ ရက် ၂၀၁၂ ခုနှစ်

နယ်စပ်ကုန်သွယ်ရေး တိုးမြှင့်နိုင်ရန်အတွက် အိန္ဒိယ-မြန်မာ နယ်စပ်ကုန်သည်ကြီးများ သမဂ္ဂမှ တောင်းဆိုချက် ကိုးချက်ပါသော စာချွန်လွှာတစောင်ကို မဏိပူရပြည်နယ် ဝန်ကြီးချုပ်နှင့် ကုန်သွယ်ရေး ဌာနများသို့ ပေးပို့လိုက်သည်။

နှစ်နိုင်ငံ လွတ်လပ်စွာ ကုန်သွယ်နိုင်သည့် ကုန်အမျိုးအမည် အရေအတွက်ကိုလည်း လက်ရှိထက် တိုးမြှင့်သင့်ကြောင်း အကြံပြု တိုက်တွန်းထားသည်။

“လွတ်လပ်သော ကုန်သွယ်မှုစာချုပ်အရ ကုန်ပစ္စည်းအမျိုးအမည် ၄ဝ သာ ခွင့်ပြုထားသည်။ မြန်မာ၏ အခြားသော နယ်စပ်ကုန် သွယ်ဖက်နိုင်ငံများနှင့် ပမာဏအား နှိုင်းယှဉ်စဉ်းစားစားပါက နှစ်နိုင်ငံ ဖလှယ်နိုင်သည့် အရေအတွက် မြှင့်တင်ရနိုင်ပါ သည်” ဟု စာချွန်လွှာအား ကိုးကား၍ Imphal Free Press သတင်းစာတွင် ဖော်ပြပါရှိသည်။

တရုတ်-မြန်မာ နယ်စပ်ကုန်သွယ်ရေးတွင် ကုန်ပစ္စည်းအမျိုးအမည် ၁၁,၆၉၂ မျိုး၊ တိုင်း-မြန်မာ နယ်စပ်ကုန်သွယ်ရေး တွင် ၃,၆၉၉ မျိုးနှင့် ဘင်္ဂလားဒေ့ရှ်-မြန်မာ နယ်စပ် ကုန်သွယ်ရေးတွင် ၆၃ မျိုး လွတ်လပ်စွာ ဖလှယ်နိုင်နေကြသည်။

ကုန်သွယ်မှုနှင့် ခရီးသွားလာရေး လုပ်ငန်းများအတွက် မဏိပူရပြည်နယ် အင်ဖာမြို့တွင် နိုင်ငံကူးလက်မှတ် (Passport) နှင့် ဗီဇာ ရုံးတရုံးကိုလည်း ဖွင့်လှစ်ထားသင့်ကြောင်း အကြံပြုထားသည်။ ထိုသို့အားဖြင့် အနာဂတ်ကာလတွင် မကြာခဏ ကျင်းပလာနိုင်ဖွယ် ရှိသည့် နှီးနှောဖလှယ်ပွဲများ၊ ကန်ဖရင့်များ၊ ကုန်စည်ပြပွဲများနှင့် ကုန်သွယ်ရေး ကိုယ်စားလှယ် ဆွေးနွေးပွဲများအတွက်လည်း အ ထောက်အကူဖြစ်စေနိုင်သည်ဟု ဆိုသည်။

ဝင်ငွေခွန်၊ အရောင်းခွန် စသည်တို့ကို နှစ်အနည်းငယ်ကြာ လျှော့ချပေးခြင်းအားဖြင့် နယ်စပ် ကုန်သွယ်ရေးတွင် ရင်းနှီးမြှုပ်နှံလိုသူများ ကို ဖိတ်ခေါ်သင့်ကြောင်းလည်း အကြံပြုထားသည်။

အဆင်းရဲဆုံးနိုင်ငံများစာရင်းဝင် မြန်မာနိုင်ငံအနေဖြင့် အိန္ဒိယနိုင်ငံမှ ၂ဝ၁ဝ က ကြေညာခဲ့သော အထူး အကောက်ခွန် ခံစားခွင့်တွင် အကြုံးဝင်သည်။ ၂ဝဝ၉ တွင် လက်မှတ်ရေးထိုးထားသော အိန္ဒိယ-အာဆီယံ လွတ်လပ်စွာ ကုန်သွယ်ရေး သဘောတူ စာချုပ် အရ လည်း ခံစားခွင့်ရှိမည် ဖြစ်သည်။

မဏိပူပြည်နယ်ရှိ မိုးရေး-တမူး နှင့် မီဇိုရမ်ပြည်နယ်ရှိ ဇိုးကထား-ရိဖ် တို့တွင် နယ်စပ်ကုန်သွယ်ရေး စီးဆင်းနေပြီး အဓိက လမ်းကြောင်း ဖြစ်သည့် မိုးရေး-တမူးကို ဖြတ်သန်းကာ အရှေ့တောင်အာရှ နိုင်ငံများသို့ ဆိုက်ရောက်မည့် အိန္ဒိယ-မြန်မာ-ထိုင်း အဝေးပြေးလမ်း မ ကြီးကို လေးလမ်းသွားအဖြစ် စတင်တိုးချဲ့လျက်ရှိနေပြီ ဖြစ်သည်။

သို့သော် အိန္ဒိယ အရှေ့မြောက်ပြည်နယ်များအတွင်း သူပုန်များနှင့် သပိတ်တားများကြောင့် နယ်စပ်ကုန်သွယ်ရေးမှာ အနှောက် အယှက်ဖြစ်ရကြောင်း အိန္ဒိယ-မြန်မာ နယ်စပ်ကုန်သွယ်ရေးအသင်း (BTCC) အတွင်းရေးမှူး ဦးအေးကို က ဆိုသည်။

“အခုက ကုန်ကို နေ့စဉ်ပို့လို့မရဘူး။ သူတို့ဘက်က ပိတ်တာဆို့တာများတယ်။ တလကို ရက်ပေါင်း ဆယ်ရက်လောက် က သွားဖို့လာဖို့ ပိတ်တတ်တော့ ကုန်စည်စီးဆင်းမှု ရပ်တာပေါ့ဗျာ။ ကုန်တွေ အချိန်မီ မရောက်ဘူး။ ပျက်ဆီးလွယ်တဲ့ ကုန်ဆို ဆုံးရှုံးကုန်တာပေါ့။ မဏိ ပူပြည်နယ်ဘက်မှာ မတည်ငြိမ်ဘူးလေ။ Law and order (တရားဥပဒေစိုးမိုးမှု)က လိုနေတာပေါ့။ အဲဒါသာ ရှိမယ်ဆိုရင် ဒီလမ်း ကြောင်း ကြီးက သာယာသွားမယ်။ အဲလိုဆိုရင် ကုန်သည်တွေ ပျော်လာ ရင်တော့ အလုပ်လုပ်တာ များမှာပါ” ဟု သုံးသပ်ပြော ဆို ဖူးသည်။

၂ဝ၁၁ ခုနှစ် ဧပြီမှ ဒီဇင်္ဘာလအတွင်းတွင် မြန်မာမှ အိန္ဒိယသို့ နယ်စပ်မှတဆင့် ဒေါ်လာ ၅ ဒဿမ ၉၈၉ သန်း တင်ပို့ခဲ့ ကာ အိန္ဒိယမှ မြန်မာသို့ ဒေါ်လာ ၄ ဒဿမ ၁၄၁ သန်းဖိုး တင်သွင်းခဲ့သဖြင့် နယ်စပ်ကုန်သွယ်မှု ပမာဏမှာ ဒေါ် လာ ၁ဝ ဒဿမ ၁၃ဝ သန်းဖိုး ရှိခဲ့သည်။ ထိုစဉ်တွင် တရုတ်-မြန်မာ နယ်စပ်ကုန်သွယ်မှု ပမာဏမှာ ဒေါ်လာ ၂၁၈၃ ဒဿမ ၂၈၇ သန်း ရှိခဲ့ပြီး ထိုင်း-မြန်မာ နယ် စပ်တွင် ဒေါ်လာ ၂၂၈ ဒဿမ ၆ဝဝ သန်း ကုန်သွယ်ခဲ့ကာ ဘင်္ဂလားဒေ့ရ်ှနယ်စပ် တွင် ဒေါ်လာ ၁၇ ဒဿမ ၃၄၂ သန်းဖိုး အသီးသီး ကုန်သွယ်နိုင်ခဲ့ကြသည်။

အိန္ဒိယ ဗဟိုအစိုးရ၏ “အရှေ့မျှော်ဝါဒ”အရ အာဆီယံနိုင်ငံများမှ အကျိုးအမြတ်များ ရယူနိုင်ရန်အတွက် အင်ဖာမြို့တွင် ပင် အပြည် ပြည်ဆိုင်ရာ ကုန်သွယ်ရေး ဈေးရောင်း စင်တာကြီးတခု အင်ဖာမြို့တွင် တည်ထောင်ရန်လည်း နယ်စပ် ကုန်သည်ကြီးများက တောင်း ဆိုကြသည်။ သို့သော် လက်ရှိတွင် အင်ဖာမြို့ ပုဏ္ဏားဈေးကြီးထဲတွင်မူ တရုတ် ကုန်ပစ္စည်းများသာ လွှမ်းမိုးနေသည်။

လက်ရှိ အိန္ဒိယ-မြန်မာ ကုန်သွယ်မှုပမာဏမှာ ဒေါ်လာသန်း ၁,၅ဝဝ ရှိပြီး ပဲအမျိုးမျိုး၊ သစ်၊ သံနှင့်သံထည်၊ အသေးစား စက်ပစ္စည်း ကိရိယာနှင့် ဆေးဝါး စသည်တို့ ဖြစ်သည်။ ၂ဝ၁၅ တွင် နှစ်နိုင်ငံကုန်သွယ်မှု နှစ်ဆ တိုးမြှင့်ရန် နှစ်နိုင်ငံ ရည်မှန်းထားကြသည်။

Ref: မဇ္ဈိမ

Read More...

Collapse...

ဒေါ်စု ပြင်သစ်ခရီး စတင်

25 ဇွန် 2012
မဆုမွန်

မန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ပြင်သစ်သမ္မတရဲ့ဖိတ်ကြားချက်နဲ့ နိုင်ငံတော် အထူး ဧည့်သည်အဖြစ် ပြင်သစ်နိုင်ငံကို ဒီကနေ့ ရောက်ရှိမှာ ဖြစ်ပါတယ်။ ပြင်သစ်ခရီးစဉ်အတွင်း လူထုခေါင်းဆောင် ဒေါ်အောင်ဆန်းစုကြည်အတွက် ပြင်သစ် အာဏာပိုင်တွေဘက်က ကြိုဆိုပြင်ဆင်ချက်တွေနဲ့ ဂုဏ်ပြုအစီအစဉ်တွေ ကိုတော့ မဆုမွန်က စုစည်းတင်ဆက်ပေးပါမယ်။

ပြင်သစ်သမ္မတရဲ့ အထူးဖိတ်ကြားချက်နဲ့ရောက်ရှိလာမယ့် ဒေါ်အောင်ဆန်းစုကြည်ဟာ ပြင်သစ်နိုင်ငံမှာ ဇွန်လ၂၆ ရက်နေ့ကနေ ဇွန် လ၂၉ ရက်နေ့အထိ နေမှာဖြစ်ပါတယ်။ ဒေါ်အောင်ဆန်းစုကြည်ကို နိုင်ငံတော် အထူးဧည့်သည်အနေနဲ့ ကြိုဆို ကြမှာဖြစ်ပြီး လုံခြုံရေး တင်းကျပ်ထားတယ်လို့ သိရပါတယ်။ ဒီကနေ့ ညနေပိုင်းမှာတော့ ပြင်သစ်သမ္မတ ဖရန်ဆွာ အော်လန်းနဲ့တွေ့ဆုံပြီး ပူးတွဲသတင်းစာ ရှင်းလင်းပွဲလုပ်ဖို့ ရှိပါတယ်။ ညပိုင်းမှာတော့ သမ္မတရဲ့ ညစာတည်ခင်းဧည့်ခံပွဲကို တက်ရောက်မှာဖြစ်ပါတယ်။

လူ့အခွင့်အရေးအတွက် ထူးချွန်ပြောင်မြောက်စွာ တိုက်ပွဲဝင်ခဲ့တဲ့ အမျိုးသမီးတဦး အနေနဲ့ ဒေါ်အောင်ဆန်း စုကြည်ကို ဂုဏ်ပြုသွား မှာဖြစ်သလို မြန်မာ့ဒီမိုကရေစီ အသွင်ကူးပြောင်းရေးအတွက် ပြင်သစ်နိုင်ငံအနေနဲ့ တတ်တတ်ကြွကြွ ထောက်ခံကူညီသွားမယ်လို့ ပြင်သစ်နိုင်ငံခြားရေးဌာနကလည်း မနေ့က ကြေညာချက် ထုတ်ပြန်သွားပါတယ်။

အခု ပြင်သစ်ခရီးစဉ်အတွင်း ဒေါ်အောင်ဆန်းစုကြည်အတွက် ဂုဏ်ထူးဆောင်နိုင်ငံသား ဂုဏ်ပြုဆုပေးအပ်ပွဲ အစီအစဉ် အပါအ၀င် ပြင်သစ်အစိုးရ ထိပ်တန်းခေါင်းဆောင်တွေနဲ့လည်း တွေ့ဆုံဖို့ရှိပါတယ်။

ဇွန်လ၂၇ ရက်နေ့မှာ ပြင်သစ်နိုင်ငံခြားရေးဝန်ကြီး လော့ဒ်ရန့် ဖရပ်ဗျူရပ်စ် Laurent Fabius က နိုင်ငံခြားရေး ၀န်ကြီးရုံး မှာ ဒေါ်အောင် ဆန်းစုကြည်ကို လက်ခံကြိုဆိုပြီး ဂုဏ်ပြုညစာစားပွဲနဲ့ တည်ခင်းဧည့်ခံမှာ ဖြစ် ပါတယ်။ ပြင်သစ်နိုင်ငံခြားရေးဝန်ကြီးနဲ့ ဒေါ်အောင်ဆန်း စုကြည်တို့ဟာ လွတ်မြောက်ရေးအထိမ်းအမှတ် သစ်ပင်ကိုလည်း နိုင်ငံခြားရေးရုံးဝင်းထဲ ဥယျာဉ်မှာ အမှတ်တရ စိုက်ပျိုးဖို့ ရှိတယ်လို့ ပြင်သစ်နိုင်ငံခြားရေး ဌာနက ထုတ်ပြန်ပါတယ်။

လူထုခေါင်းဆောင် ဒေါ်အောင်ဆန်းစုကြည်ကို ပြင်သစ်သမ္မတ ဖရမ်ဆွာအော်လန်းက အီလ်ဇီ Elysee နန်းတော်မှာ လက်ခံတွေ့ဆုံ မှာဖြစ်သလို ပြင်သစ်ပါလီမန်တွင်းမှာလည်း ပြင်သစ်လွှတ်တော်နှစ်ရပ်ရဲ့ ဥက္ကဋ္ဌတွေကလည်း ဂုဏ်ပြုကြိုဆိုဖို့ ရှိပါတယ်။ ပြင်သစ်နိုင်ငံ၊ ပဲရစ်မြို့တော်ဝန်ကလည်း ပြင်သစ်နိုင်ငံရဲ့ ဂုဏ်ထူးဆောင်နိုင်ငံသားဆုကို ဒေါ်အောင်ဆန်းစုကြည်ကို ကိုယ်တိုင် ပေးအပ်ချီးမြှင့်မှာ ဖြစ်ပါတယ်။

မြန်မာ့ဒီကရေစီခေါင်းဆောင် ဒေါ်အောင်ဆန်းစုကြည် ရောက်ရှိလာမယ့်အပေါ် ပြင်သစ်မီဒီယာတွေမှာ သတင်း ဖော်ပြမှုတွေရှိသလို မြန်မာ့ဒီမိုကရေစီရေးကို စိတ်ဝင်တစား အားပေးကူညီခဲ့ကြတဲ့ ပြင်သစ်လူထု ကလည်း စိတ်ဝင်စားမှုတွေ ရှိကြပါတယ်။ ပြင်သစ်နိုင်ငံ၊ ပါရီမြို့လယ်မှာ မြန်မာ့ဒီမိုကရေစီခေါင်းဆောင်ရဲ့ ရုပ်ပုံကားချပ်တွေကို ချိတ်ဆွဲထားတာရှိသလို အရင်ကလည်း မြန်မာပြည်ဒီမိုကရေစီ ရေးကြိုးပမ်းနေတဲ့ ဒေါ်စုရဲ့ ရုပ်ပုံတွေကို ပြင်သစ်နိုင်ငံအတွင်းမှာ ချိတ်ဆွဲဂုဏ်ပြုမှုတွေ ရှိခဲ့တယ်လို့ ပြင်သစ်နိုင်ငံ မှာ နှစ်၂၀ ကျော် ရောက်နေတဲ့ ဦးအောင်ကိုးက ပြောပါတယ်။

“ပြင်သစ်လူထုက စိတ်ဝင်စားမူရှိတာပေါ၊ ဟိုကဆက် ဒီကပြောပေါ့၊ တွေ့ချင်ကြတဲ့သူတွေ အများကြီး ပဲ။ နှစ်ပေါင်း ၂၀ တောင် ဒေါ်စုကိစ္စရော၊ မြန်မာပြည်ကိစ္စရော ဒီမိုကရေစီရရှိရေးဆောင်ရွက်နေတဲ့ အသင်းအဖွဲ့တွေ အများကြီး ရှိတယ်လေ။ တစ်ခုရှိတာက သမ္မတကိုယ်တိုင်ဖိတ်ပြီး သမ္မတကိုယ်တိုင် ကြိုဆိုမယ့်သဘောရှိတယ်လို့ မြင်ယောင်မိတယ်လေ။ ဒေါ်စုကိုတော့ နိုင်ငံတော်ခေါင်း ဆောင်အနေနဲ့ သူ့ရဲ့ဂုဏ်သိက္ခာနဲ့ဆိုတော့ ဖိတ်ကြားတယ်ဆိုတာက သူတို့နဲ့ Level ထားတယ်၊ သူတို့ရဲ့အဆင့်မှာ ထားပြီး ပြုစုတဲ့ သဘောပေါ့။”

ဒေါ်အောင်ဆန်းစုကြည်နဲ့ ပြင်သစ်ကျောင်းသားလူငယ်တွေနဲ့ Sorbonne (ဆိုလ်ဘုန်း) တက္ကသိုလ်မှာ တွေ့ဆုံဖို့ ရှိပြီး မိန့်ခွန်းပြော ကြားဖို့ရှိပါတယ်။ ပြီးတဲ့နောက်မှာတော့ ဒေါ်အောင်ဆန်းစုကြည် ဟာ ပြင်သစ်နိုင်ငံရဲ့ မြန်မာပြည် ဒီမိုကရေစီ ရရှိရေး၊ လူ့အခွင့် အရေး ရရှိရေးနဲ့ လူသားချင်းစာနာမှုဆိုင်ရာ အကူအညီတွေရရှိနိုင်အောင် မြန်မာပြည်ဖွံ့ဖြိုးတိုးတက်ရေး အဘက်ဘက်က ကြိုးပမ်းကူညီပေး ခဲ့ကြတဲ့ အစိုးရမဟုတ်တဲ့ နိုင်ငံတကာအဖွဲ့အစည်းတွေရဲ့ တာဝန်ရှိသူတွေနဲ့ တွေ့ဆုံ ဆွေးနွေးဖို့လည်း ရှိပါတယ်။

ဇွန်လ၂၇ ရက်နေ့မှာတော့ ပြင်သစ်နိုင်ငံခြားရေးဝန်ကြီးဌာနရဲ့စီစဉ်ပေးမှုနဲ့ ပြင်သစ်နိုင်ငံရောက်မြန်မာနိုင်ငံသား ၁၀၀ ကျော်ကို ပြင်သစ် နိုင်ငံပါရီမြို့၊ မြို့တော်ခမ်းမမှာတွေ့ဆုံဖို့ စီစဉ်ထားပါတယ်။ ဒေါ်စုနဲ့ တွေ့ဆုံခွင့်ရမယ့် အပေါ် ပြင်သစ် ရောက် မြန်မာလူထုကလည်း ၀မ်းသာအားရဖြစ်နေကြတယ်လို့ ပြင်သစ်နိုင်ငံကို ကိုးနှစ်ကြာ ရောက်ရှိနေပြီဖြစ်တဲ့ မသန္တာထွန်းက ပြောပါတယ်။

"အရမ်းတွေ့ချင်တာပေါ့အမရယ်၊ မေးခွန်းတောင်မှ မေးခွင့်ရချင်မှ ရမှာ။ လူကအရမ်းများနေတော့ မေးခွန်းတွေက အခု ၂၀ ပဲ လက်ခံ တာ-တဲ့။ မေးခွန်း ၂၀ ထဲမှာ မေးတဲ့သူတွေက များနေတော့ ကျမလည်း ဘာမှတောင် မသိဘူးပေါ့ အမရယ်။ တွေ့တော့ ဝမ်းသာတာ ပေါ့။ အန်တီ့မျက်နှာလေး မြင်ရတာပဲ ဝမ်းသာလှပြီ။ လက်ဆွဲ နှုတ်ဆက်ချင်တာပေါ့ အမရယ်၊ အဲဒါမျိုး နှုတ်ဆက်ခွင့်တောင် ရပါ့မလား မသိဘူး။"

ဒေါ်စုရဲ့ ပြင်သစ်ခရီးစဉ်ဟာ ၂၅ နှစ်အတွင်း ပထမဦးဆုံးသော ဒေါ်အောင်ဆန်းစုကြည်ရဲ့ ဥရောပခရီးစဉ် ၁၇ ရက်ရဲ့ နောက်ဆုံး ခရီး စဉ်ဖြစ်ပါတယ်ရှင်။

Ref: ဗွီအိုအေ

Read More...

Collapse...

မူဘိုင်းအကြမ်းဖက်တိုက်ခိုက်မှု သံသယရှိသူကို ဖမ်းဆီးရမိ

25 ဇွန် 2012

၂၀၀၈ နိုဝင်ဘာလက လူပေါင်း (၁၆၆) ဦး သေဆုံးစေခဲ့တဲ့ အိန္ဒိယနိုင်ငံ၊ မွမ်ဘိုင်းမြို့ အကြမ်းဘက် တိုက်ခိုက်ခံရမှုမှာ ပူးပေါင်းပါဝင် ခဲ့တယ်လို့ မသင်္ကာရသူ အိန္ဒိယနိုင်ငံဖွား ဆာယက်ဒ် ဇာဘီဥဒင် (Sayed Zabiuddin) ခေါ် အဘူဟမ်ဇာ (Abu Hamza)ကို အရှေ့ အလယ်ပိုင်းကနေ အိန္ဒိယကို ဇွန်လ (၂၁) ရက်နေ့ က ရောက်ရှိလာစဉ်မှာ ဖမ်းဆီးလိုက်နိုင်တယ်လို့ အိန္ဒိယအရာရှိတွေက ကြေညာ လိုက်ပါတယ်။

ဒီအတွက် နိုင်ငံခြားရေးဝန်ကြီး အက်-စ်၊ အမ် ခရစ္စနား (S.M. Krishna)က ချီးကျူးလိုက်ပါတယ်။ အဘူဟမ်ဇာဟာ မွမ်ဘိုင်းမြို့ အကြမ်း ဘက်တိုက်ခိုက်မှုကို စီစဉ်ခဲ့တဲ့ ပါကစ္စတန်အခြေစိုက် လက်-ရ်ှကာအီး ထိုင်ဘာ (Lashkar-e-Taiba) အကြမ်းဘက် အဖွဲ့ဝင် တစ်ဦး ဖြစ်ပါတယ်။ သူဟာ သေနတ်သမား (၁၀) ဦးကို ပါကစ္စတန်ကနေ ဖုံးနဲ့ညွှန်ကြားမှုတွေပေးပြီး ဂျူးလူမျိုးတွေ ဆုံဆည်းရာ အဆင့်မြင့်ဟော်တယ်ကြီးတွေနဲ့ လူစည်ကားတဲ့ မွမ်ဘိုင်း ရထားဘူတာရုံကြီးတို့ကို တိုက်ခိုက်ဖို့ စေခိုင်းခဲ့သူ ဖြစ်ပါတယ်။

ဒီတိုက်ခိုက်မှုမှာ သေနတ်သမား (၉) ဦး သေဆုံးခဲ့ပြီး တစ်ဦးတည်း အရှင်ဖမ်းမိသူ အက်ဂ်ျမားလ် ခါဆက်ဘ် (Ajmal Khasab) ကိုလည်း လူသတ် မှု၊ အကြမ်းဘက်မှု၊ အိန္ဒိယနိုင်ငံကို လက်နက်နဲ့တိုက်ခိုက်မှုတွေနဲ့ စွဲချက် တင်ပြီး တရားရုံးကနေ သေဒဏ်ချ မှတ်ထားပါတယ်။

ဒီတိုက်ခိုက်မှုဖြစ်ပွားခဲ့ပြီးတဲ့နောက် ရပ်ဆိုင်းလိုက်ရတဲ့ အိန္ဒိယနဲ့ပါကစ္စတန်တို့ရဲ့ ငြိ်မ်းချမ်းရေးဆွေးနွေးပွဲ လုပ်ငန်းစဉ်ကိုတော့ မကြာ သေးခင်က ပြန်ပြီး စတင်နိုင်ခဲ့ပါတယ်။ အခု ဖမ်းမိထားသူ အဘူဟမ်ဇာဟာ အသက် (၃၀) အရွယ် အိန္ဒိယနိုင်ငံသားဖြစ်ပြီးတော့ မဟာရပ်(ရှ်)တြာပြည်နယ် (Maharashtra State) မှာ မွေးဖွားကြီးပြင်း လာသူဖြစ်တယ်လို့ The Press Trust of India သတင်း ဌာနက ဆိုပါတယ်။

Ref: ဗွီအိုအေ

Read More...

Collapse...

အီဂျစ် အစိုးရသစ် စတင် ဖွဲ့စည်း

25 ဇွန် 2012

အီဂျစ်နိုင်ငံမှာ ပထမဆုံး ဒီမိုကရေစီနည်းလမ်းကျ ကျင်းပခဲ့တဲ့ အရပ်သားသမ္မတ ရွေးကောက်ပွဲ ရလဒ် ကြေညာပြီး တစ်ရက်အကြာ မှာပဲ သမ္မတအသစ် ဖြစ်လာတဲ့ မိုဟာမက်မော်စီဟာ အစိုးရသစ်ကို စတင်ဖွဲ့စည်းနေပါပြီ။ ဒီအစိုးရအဖွဲ့ဟာ အားလုံးပါဝင်တဲ့ အစိုးရ ဖြစ်စေရမယ်လို့လည်း သူက ကတိက၀တ် ပြုထားခဲ့တာပါ။

တနင်္ဂနွေနေ့က ကျင်းပခဲ့တဲ့ ရွေးကောက်ပွဲမှာ ယခင်ဝန်ကြီးချုပ်ဟောင်း အာမက် ရှာဖစ်ကို အနိုင်ရခဲ့ပြီး တဲ့နောက်မှာပဲ မစ္စတာ မော်စီ ဟာ ဒုတိယသမ္မတ အဆင့်တွေ တော်တော်များများပါဝင်မယ်လို့ သူကတိပေးထားတဲ့ အရပ်သား စီမံအုပ်ချုပ်ရေးအဖွဲ့ ဖွဲ့စည်းဖို့ကိုပဲ အာရုံစိုက်နေတာပါ။

နိုင်ငံရဲ့နယ်ပယ်အသီးသီးနဲ့ အဲဒီဒေသမှာတွေမှာ မှီတင်းနေထိုင်ကြတဲ့ အီဂျစ်နိုင်ငံသားအားလုံးရဲ့ အခက်အခဲ အကြပ်အတည်းတွေကို ဖြေရှင်းပေးနိုင်ရေး ဟာ အစ္စလာမ်မစ် သမ္မတသစ် မော်စီအတွက် အခုအချိန်မှာ ရင်ဆိုင်ရမယ့် ခက်ခဲတဲ့ တာဝန်တွေပါ။ အဲဒီအထဲမှာ မွတ်ဆလင်မ်ဘာသာမဟုတ်တဲ့ တခြား ဘာသာဝင်တွေနဲ့ အမျိုးသမီးတွေရဲ့ အကျိုးစီးပွားကို အခြားသူတွေ နဲ့ တန်းတူညီမျှဖြစ်အောင် အကာအကွယ်ပေးဖို့ ကိစ္စတွေလည်း ပါဝင်ပါတယ်။

အခုအချိန်မှာ သမ္မတသစ်မော်စီဟာ မွတ်ဆလင်မ် ညီကိုတော်များအဖွဲ့ နဲ့ သူတို့ရဲ့ပါတီဖြစ်တဲ့ Freedom and Justice လွတ်လပ်မှုနဲ့ တရားမျှတရေး ပါတီ ကနေ နုတ်ထွက်လိုက်ပြီးတော့၊ အခြားပါတီတွေပါဝင်တဲ့ ညီညွတ်တဲ့ အစိုးရတရပ်ဖွဲ့ဖို့ မျှော်လင့်ပါတယ်။

ဒါပေမယ့် အီဂျစ်တော်လှန်ရေးအပြီး ပထမဆုံးဖြစ်လာတဲ့ သမ္မတသစ်အနေနဲ့ အာဏာကို ဘယ်လောက် ဆုပ်ကိုင်ထားနိုင်မလဲဆို တာကတော့ မေးခွန်းထုတ်စရာဖြစ်နေပါသေးတယ်။ ဒီလကုန်ပိုင်းမှာ သမ္မတအသစ်ကို အာဏာလွှဲပြောင်းပေးမယ်လို့ ကတိတွေ ပေးထားပေမယ့်လည်း လက်ရှိ အုပ်ချုပ်နေတဲ့ အီဂျစ်စစ်ကောင်စီ ကတော့ သမ္မတရဲ့အာဏာကို ဆက်ပြီး ထိန်းသိမ်းထားနိုင်ဖို့ နောက်ထပ်ခြေလှမ်းတွေ လှမ်းထားပြီးနေတာ လည်း ဖြစ်ပါတယ်ခင်ဗျာ။

Ref: ဗွီအိုအေ

Read More...

Collapse...

ဒေါ်အောင်ဆန်းစုကြည် နေအိမ်အမွေမှု အယူခံဝင်မည်

25 ဇွန် 2012
မနန္ဒာချမ်း

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နေထိုင်နေတဲ့ ရန်ကုန်မြို့ နေအိမ်ကို ပိုင်ဆိုင်ခွင့် အတွက် လျှောက်ထားခဲ့တဲ့ အကိုဖြစ်သူ ဦးအောင်ဆန်းဦးကို မကြာသေးခင်ကပဲ အနိုင်ပေးခဲ့တဲ့ တရားရုံးရဲ့ ဆုံးဖြတ်ချက်ကို ပြန်ပြီး အယူခံဝင်ဖို့ ပြင်ဆင်နေပါ တယ်။ မြန်မာနိုင်ငံရဲ့ လက်ရှိတည်ဆဲဥပဒေမှာ နိုင်ငံခြား သားတဦးအနေနဲ့ ရွှေ့ပြောင်းလို့ မရတဲ့ အရာတွေကို ပိုင်ဆိုင်ခွင့် မရှိကြောင်း ပြဋ္ဌာန်းချက်အပေါ် အခြေခံ ပြီးတော့ လျှောက်လဲမယ်လို့ ဒေါ်အောင်ဆန်းစုကြည်ရဲ့ ဥပဒေ အကျိုးဆောင် ရှေ့နေတွေက ပြောပါ တယ်။ အသေးစိတ်ကို မနန္ဒာချမ်းက တင်ပြပေးထားပါတယ်။

မိခင်ဖြစ်သူ ဒေါ်ခင်ကြည်ပိုင်ဆိုင်တဲ့ တက္ကသိုလ်ရိပ်သာလမ်းနေအိမ်ကို သားဖြစ်သူ ဦးအောင်ဆန်းဦးရော သမီးဖြစ်သူ ဒေါ်အောင်ဆန်း စုကြည် ပါ တ၀က်စီ ပိုင်ဆိုင်ခွင့် ရှိကြောင်း ရန်ကုန် အနောက်ပိုင်းခရိုင်တရားရုံးရဲ့ ဇွန်လ ၂၂ ရက်နေ့က ဆုံးဖြတ်ချက်ကို ဒေါ်အောင် ဆန်း စုကြည်ရဲ့ ရှေ့နေတွေဘက်က အယူခံဝင်ဖို့ ပြင် ဆင်နေတာပါ။ လက်ရှိ အမေရိကန်ပြည်ထောင်စုမှာ နေထိုင်နေပြီး အမေရိကန် နိုင်ငံသားအဖြစ် ခံယူထားတဲ့ ဦးအောင်ဆန်းဦးဟာ နိုင်ငံခြားသား တယောက်ဖြစ်နေတဲ့အချက်က လက်ရှိ မြန်မာနိုင်ငံရဲ့ တည်ဆဲ အမွေခွဲဝေ ပိုင်ဆိုင်ခွင့်ဥပဒေနဲ့ မကိုက်ညီတာကြောင့် ဒီအပေါ်မှာ အယူခံဝင်သွားမှာဖြစ်တယ်လို့ ရှေ့နေကြီး ဦးဉာဏ်ဝင်း က အခုလို ပြောပြပါတယ်။

“ရန်ကုန် အနောက်ပိုင်းခရိုင် တရားရုံးရဲ့ နောက်ဆုံး ဆုံးဖြတ်ချက်ကို ကျနော်တို့ အယူခံ ဆက်တက်မှာပါ။ ဥပဒေအရ နိုင်ငံခြား သားတဦးဟာ မြန်မာနိုင်ငံရဲ့မြေ အပါအ၀င် နေအိမ်အဆောက်အဦးတွေ ပိုင်ဆိုင်ခွင့် မရှိပါဘူး။ ဘယ်တော့ အယူခံဝင်မယ်ဆိုတဲ့ ရက်ကို ကျိမ်းသေ မပြောနိုင်ဘူး။ တရားရုံးရဲ့ တရားဝင်မိတ္တူစာ ရပြီးမှ အယူခံတက်ရမှာပါ။”

ရှေ့နေကြီး ဦးဉာဏ်ဝင်း ဖြစ်ပါတယ်။ ရန်ကုန်အနောက်ပိုင်းခရိုင်တရားရုံးက အခုလို အမိန့်ချမှတ်ချိန်ဟာ နို ဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်ရဲ့ ဥရောပခရီးစဉ်တွေ ထွက်ခွာနေချိန်နဲ့လည်း တိုက်ဆိုင်နေပြီး ဒေါ်အောင်ဆန်းစုကြည်ဟာ အခု ဗြိတိန်နိုင်ငံ မှာ ရှိနေတာဖြစ်ပါတယ်။ ဦးအောင်ဆန်းဦးဘက် က ဒီ ရန်ကုန်၊ တက္ကသိုလ်ရိပ်သာလမ်း ခြံအမှတ် ၅၄-၅၆ နေအိမ်ကို အမွေခွဲဝေပိုင် ဆိုင်ခွင့် တရားရုံးမှာ အမှုဖွင့်ထားတာဟာ အခုဆိုရင် ၁၁ နှစ် ရှိခဲ့ပြီဖြစ်ပါတယ်။

ဒါ့အပြင် ၂၀၀၉ ခုနှစ်တုန်းကလည်း ဒေါ်အောင်ဆန်းစုကြည်ရဲ့ အကိုဝမ်းကွဲတော်သူ ဦးခင်မောင်အေးကနေ ဒီခြံရဲ့ မြေကွက်တချို့ကို စိတ်ပိုင်း ရောင်းချခဲ့တဲ့အတွက် ဒေါ်အောင်ဆန်းစုကြည်အနေနဲ့ ကန့်ကွက်ခဲ့ဖူး ပါသေးတယ်။

လောလောဆယ် ဥရောပခရီးစဉ် ထွက်ခွာနေတဲ့ ဒေါ်အောင်ဆန်းစုကြည်ကတော့ ဇွန်လ ၂၉ ရက်နေ့မှာ သူ့ရဲ့ ဥရောပခရီးစဉ်အဆုံး သတ်ပြီး ဇွန်လ ၃၀ ရက်နေ့မှာ မြန်မာနိုင်ငံကို ပြန်လည်ရောက်ရှိမှာလည်းဖြစ်ပါတယ်ရှင်။

Ref: ဗွီအိုအေ

Read More...

Collapse...

အီဂျစ်ရွေးကောက်ခံသမ္မတ အစိုးရဖွဲ့ဖို့ပြင်

25 ဇွန် 2012

အီဂျစ်ရွေးကောက်ခံသမ္မတ Mohamed Morsi ဟာ သူ ကတိပြုပြောဆိုထားတဲ့ အားလုံးပါဝင်တဲ့ အစိုးရ တရပ်ဖွဲ့စည်းရေး စတင်လုပ် ဆောင်နေပြီဖြစ်ပါတယ်။ အီဂျစ်နိုင်ငံရဲ့ ပထမဆုံး ဒီမိုကရေစီနည်း ကျ ရွေးကောက်တင်မြှောက်ခံရတဲ့ သမ္မတအဖြစ် ကြေညာခံရပြီး နောက်တရက်မှာပဲ အစိုးရဖွဲ့စည်းရေး လုပ်ဆောင်နေတာပါ။

ဝန်ကြီးချုပ်ဟောင်း Ahmed Shafiq ကို သမ္မတရွေးကောက်ပွဲမှာ တနင်္ဂနွေနေ့က အနိုင်ရခဲ့အပြီး မစ္စတာမော်စီ ဟာ သူ့ရဲ့ အရပ် သား အစိုးရအဖွဲ့ ဖွဲ့စည်းရေး အာရုံစိုက် လုပ်ဆောင် နေတာဖြစ်ပါတယ်။ သူ့ရဲ့အစိုးရအဖွဲ့ထဲမှာ ဒုတိယသမ္မတတွေအဖြစ် လူစုံ ပါဝင်ရေး အပါ အ၀င် လုပ်ဆောင်နေတာလည်း ဖြစ်ပါတယ်။

အစ္စလာမ်မစ်ဝါဒီ ရွေးကောက်ခံသမ္မတဟာ နိုင်ငံတွင်းမှာ အကွဲကွဲအပြားပြားဖြစ်နေတာတွေကို ကုစားရေးနဲ့ အီဂျစ်နိုင်ငံသား အားလုံး ကို စည်းရုံးသိမ်းသွင်းနိုင်ရေးလို ခက်ခဲတဲ့ လုပ်ငန်းတွေနဲ့ ရင်ဆိုင်နေရပါတယ်။ သူဟာ မူဆလင်မ်ညီအကိုတော်များ အဖွဲ့နဲ့ အဲဒီအဖွဲ့က ထူထောင်ထားတဲ့ လွတ်လပ်မှုနဲ့ တရားမျှတရေး ပါတီ ကနေ နှုတ်ထွက်ထားပြီးပြီဖြစ်ပါတယ်။ ဒါဟာဖြင့် ညီညွတ်ရေးအစိုးရ တရပ် ဖွဲ့စည်းရေး မျှော်လင့်ချက်နဲ့ တခြားပါတီတွေကို အချက်ပြလိုက်တဲ့သဘောလည်းဖြစ်ပါတယ်။

ဒါပေမဲ့လည်း အီဂျစ်နိုင်ငံရဲ့ တော်လှန်ရေးကာလလွန် သမ္မတမှာ အာဏာဘယ်လောက်ရှိမှာလဲဆိုတဲ့ မေး ခွန်းတွေကတော့ ရှိနေဆဲဖြစ်ပါတယ်။

အီဂျစ်နဲ့အီရန်နိုင်ငံတို့အကြား ဆက်ဆံရေး ခိုင်မာအားကောင်းချင်တယ်ဆိုပြီး ရွေးကောက်ခံအီဂျစ်သမ္မတ Mohammed Morsi ကပြော တယ်လို့ အီရန်နိုင်ငံပိုင် သတင်းဌာနက ပြောပါတယ်။

အီရန်နိုင်ငံနဲ့ ပိုပြီး နီးကပ်တဲ့ဆက်ဆံရေးရှိမယ်ဆိုရင် ဒေသတွင်းမှာ မဟာဗျူဟာမြောက် ဟန်ချက်ညီ အခြေ အနေကို ဖန်တီးနိုင်မယ် ဆိုပြီးတော့ မစ္စတာမော်စီက ပြောတာကို အစိုးရအာဘော်တပိုင်း Fars သတင်းဌာနက ဒီကနေ့ တနင်္လာနေ့မှာ ကိုးကားဖော်ပြခဲ့တာပါ။ အီဂျစ်နဲ့အီရန်တို့အကြား သံတမန်အဆက်အသွယ် မရှိခဲ့တာ ၁၉၈၀ ပြည့်နှစ် ကတည်းကဖြစ်ပါတယ်။

မစ္စတာမော်စီကို အီဂျစ်သမ္မတရွေးကောက်ပွဲမှာ အနိုင်ရသူအဖြစ် ရွေးကောက်ပွဲကော်မရှင်က မကြေညာခင် နာရီအတော်စောစော တနင်္ဂနွေနေ့မှာ မစ္စတာမော်စီက အဲဒီလို ပြောခဲ့တယ်လို့ သတင်းကဆိုပါတယ်။

အမျိုးသားညီညွတ်ရေးအတွက် လုပ်ဆောင်သွားမှာဖြစ်ပြီးတော့ အီဂျစ်နိုင်ငံဟာ ငြိမ်းချမ်းရေးလိုလား တဲ့နိုင်ငံ ဖြစ်တာကြောင့် အပြည် ပြည်ဆိုင်ရာ သဘောတူညီချက်တွေကို လိုက်နာသွားမယ် လို့ နောက်ပိုင်းပြော ခဲ့တဲ့ သူ့ရဲ့မိန့်ခွန်းထဲမှာ မစ္စတာမော်စီက ပြောသွား ပါတယ်။

အီဂျစ်နိုင်ငံဟာ အစ္စရေးလ်နိုင်ငံနဲ့ ၁၉၇၉ ခုနှစ်က ငြိမ်းချမ်းရေးစာချုပ် လက်မှတ်ရေးထိုးခဲ့တာကြောင့် အစ္စရေး နဲ့ ငြိမ်းချမ်းရေးယူခဲ့တဲ့ ပထမဆုံး အာရပ်ဘ်နိုင်ငံ ဖြစ်ခဲ့ပါတယ်။ အီဂျစ်နိုင်ငံက မူစလင်ညီအကိုတော်များ အဖွဲ့ဟာ အစ္စရေးလ်နိုင်ငံကို အပြင်းအထန်ဝေဖန် တဲ့အဖွဲ့ဖြစ်ပြီး ငြိမ်းချမ်းရေးစာချုပ်ကို မဖျက်ပစ်ပါဘူး လို့ ပြောဖို့ ငြင်းဆန်ထားပါတယ်။

Ref: ဗွီအိုအေ

Read More...

Collapse...

နယ်ခြားကိစ္စဆွေးနွေးဖို့ သမ္မတ ဦးသိန်းစိန် ဘင်္ဂလားဒေ့ရ်ှသွားမည်

25 ဇွန် 2012
ဒေါ်ခင်မျိုးသက်

သမ္မတဦးသိန်းစိန်ဟာ ဂျူလိုင်လလယ်မှာ ဘင်္ဂလားဒေ့ရ်ှနိုင်ငံကို လာရောက်ဖို့ရှိတယ်လို့ ဘင်္ဂလားဒေ့ရ်ှအစိုးရ တာဝန်ရှိသူတွေက ပြောပါတယ်။ အခုလောလောဆယ်မှာ နှစ်နိုင်ငံဆက်ဆံရေး အခြေအနေတွေ တိုး တက် ကောင်းမွန်နေပြီး နယ်စပ်ဒေသမှာလည်း ငြိမ်းချမ်းမှုရှိနေတယ်လို့ ဘင်္ဂလားဒေ့ရ်ှဘက်က ပြော သလို မြန်မာအစိုးရဘက်ကလည်း ရခိုင်ပြည်နယ်ထဲမှာ အရေးပေါ်အခြေအနေ မရုပ်သိမ်းသေးပေမဲ့ တချို့ဒေသတွေက ညမထွက်ရ အမိန့်တွေပါ မရုပ်သိမ်းနိုင်သေးတဲ့အခြေအနေတွေ ရှိနေပေမယ့်လို့လည်း အခြေ အနေဟာ တစစနဲ့ ကောင်းမွန်လာပြီလို့ ဆိုပါတယ်။

အပြည့်အစုံကို ဒေါ်ခင်မျိုးသက်က ဆက်သွယ်မေးမြန်း တင်ပြပေးထားပါတယ်။

မြန်မာသမ္မတဦးသိန်းစိန်ဟာ ဘင်္ဂလားဒေ့ရ်ှနိုင်ငံကို ရှေ့လလယ်မှာ လာရောက်ဖို့ရှိတယ်လို့ ဘင်္ဂလားဒေ့ရှ် နိုင်ငံခြားရေးဝန်ကြီးဌာန အရှေ့တောင်အာရှဆိုင်ရာ ညွှန်ကြားရေးမှူး ဂိုလန်ဆာလ်ဝါရ် (Golam Sarwar) က VOA ကို ပြောပါတယ်။

“ဂျူလိုင်လလယ်လောက်မှာ လာဖို့ ရှိပါတယ်။ အခုလောလောဆယ်မှာ ဒီ့ထက်ပိုမပြောနိုင်ပေမယ့် ဒီကိစ္စ အတွက် ကျနော်တို့ ဆောင် ရွက်နေတယ်ဆိုတာနဲ့ နှစ်နိုင်ငံ အပြုသဘောဆောင်တဲ့ လမ်းကြောင်းပေါ် မှာ ရောက်နေပါတယ်ဆိုတာ ပြောနိုင်ပါတယ်”

သမ္မတဦးသိန်းစိန်ဟာ ဂျူလိုင်လ ၁၅ရက်နေ့ကနေ ၁၇ ရက်နေ့အထိ သုံးရက်ကြာ ဘင်္ဂလားဒေ့ရ်ှနိုင်ငံကို လာရောက်တဲ့အခါ နှစ်နိုင်ငံ နယ်စပ်ဒေသက မတည်မငြိမ်ဖြစ်နေမှုတွေနဲ့ ရိုဟင်ဂျာဒုက္ခသည်တွေ အရေးကို ဆွေးနွေးဖို့ရှိနေတယ်လို့ ရန်ကုန်က မြန်မာနိုင်ငံဆိုင်ရာ ဘင်္ဂလားဒေ့ရ်ှသံအမတ်ကြီးက ပြောကြား ခဲ့ကြောင်းနဲ့ ဦးသိန်းစိန်ဟာ ၀န်ကြီးချုပ် ရှိတ်ဟာစီနာ (Sheikh Hasina) အပါအ၀င် ဘင်္ဂ လားဒေ့ရှ် အစိုးရ အဖွဲ့ဝင်တွေနဲ့ တွေ့ဆုံဖို့ရှိသလို ဒီတကြိမ်မှာတော့ ဘင်္ဂလားဒေ့ရ်ှဘက်က မြန်မာဒုက္ခသည်ပြဿနာနဲ့ ပတ်သက်ပြီး သေသေချာချာဆွေးနွေးဖို့ ရှိတယ် လို့ ဗိုလ်ချုပ် Anup Kumar Chakma ရဲ့ပြောကြားချက်ကို AFP သတင်းကဖော်ပြပါတယ်။

မစ္စတာ ဆာလ်ဝါရ် ကတော့ သမ္မတဦးသိန်းစိန်ရဲ့ခရီးမှာ ဘာတွေဆွေးနွေးမယ်ဆိုတာ ထုတ်မပြောနိုင်သေးပေ မယ့် အခုအချိန်မှာ နှစ်နိုင်ငံ ဆက်ဆံရေး အကောင်းဆုံးအနေထားမှာရှိနေသလို နယ်စပ်အခြေနေဟာလည်း သိပ်ကောင်းနေတယ်လို့ ဆိုပါတယ်။

“အေးအေးချမ်းချမ်းပါပဲ။ သိပ်ကောင်းနေပါတယ်။ နယ်စပ်အခြေအနေသိပ် ကောင်းနေပြီး နှစ်နိုင်ငံဆက်ဆံရေး လည်း အကောင်းဆုံး အနေထားမှာ ရှိနေပါတယ်။”

ရခိုင်ပြည်နယ်ထဲမှာ သမ္မဦးသိန်စိန်က အခုထိ အရေးပေါ်အခြေအနေထုတ်ပြန်ထားဆဲဖြစ်ပြီး စစ်တွေ၊ ကျောက်ဖြူ၊ ရမ်းဗြဲနဲ့မောင်တော အပါအ၀င် တချို့ဒေသတွေမှာ ထုတ်ပြန်ထားတဲ့ ညမထွက်ရအမိန့်ကိုလည်း အခုထိပြန်မရုပ်သိမ်းသေးပါဘူး။

ဒါပေမယ့် အခြေနေတွေဟာ အရင်ကနဲ့မတူဘဲ ကျောင်းတချို့ပြန်ဖွင့်နိုင်ပြီဖြစ်ပြီး တချို့လည်း နေရပ်ပြန်နိုင်တဲ့ အထိ အခြေအနေ တစ တစ ကောင်းလာနေပြီလို့ ရခိုင်ပြည်နယ်မှာ အခြေအနေ ထိန်းသိမ်းနိုင်ဖို့ ဖွဲ့စည်းထား တဲ့ ကွပ်ကဲရေးအဖွဲ့ပြောခွင့်ရ ဦးဝင်းမြိုင်က ပြော ပါတယ်။

“စစ်တွေကလည်း ဒီကနေ့ဆို အကုန်လုံးကောင်းပါပြီ။ တချို့ကျောင်းတွေတောင်မှ ပြန်တက်နေကြပါတယ်။”

မေး။ ။ အခြေနေကောင်းနေတယ်ဆိုတော့ ညမထွက်ရ အမိန့်ထုတ်ထားတာရော ပြန်ရုပ်သိမ်းဖို့ ရှိပါသလား။

“လောလောဆယ် မသိသေးဘူးခင်ဗျ။ ဖြေးဖြေးချင်းတော့ ရုပ်သိမ်းဖို့ ရှိမှာပါ။ တဆင့်ချင်း တဆင့် ချင်းတော့ လျှော့ပေးဖို့ ရှိပါတယ်။ ဒီမှာ အခြေအနေတွေ အကုန်လုံးကောင်းသွားတယ် ဆိုလို့ရှိရင်လည်း တခါတည်း ပြန်ရုပ်သိမ်းဖို့လည်း ရှိရင်ရှိမှာပါ။”

မေး။ ။ ဒုက္ခသည်တွေ သူတို့ အိမ် သူတို့ ပြန်နိုင်ပါပြီလား။

“အဲဒါကတော့ မပြန်နိုင်သေးဘူး။ မီးလောင်ပြင်ဆိုရင် သူတို့ ရှင်းတုန်းလင်းတုန်း ရှိပါသေးတယ်။ ရန်ကုန်က လာတဲ့ မီးသတ်အဖွဲ့တွေနဲ့ ဒီကရှိတဲ့ လူတွေနဲ့ အဲဒီ မီးလောင်ပြင် တွေ အကုန်လုံးကို ရှင်းတုန်း ရှိပါသေး တယ်။”

မေး။ ။ စစ်တွေ အခြေအနေအေးချမ်းနေပြီဆိုတော့ ဘူးသီးတောင်၊ မောင်တော၊ နောက် တခြား ရခိုင်ပြည်နယ် တခုလုံးရဲ့အခြေနေ လေး ခြုံပြီးပြောပြပေးပါ။

“ခြုံပြီးပြောရရင် အကုန်လုံးက ကောင်းနေပါပြီ ခင်ဗျ။ ဘူးသီးတောင်၊ မောင်တောမှာလည်း ကောင်းတဲ့ အပိုင်းတွေ အချို့ကောင်းနေ ပါပြီ။ တချို့ဆိုရွာတွေ ပြန်ကြတယ်။ ဝေးတဲ့ရွာတွေဆို ရိက္ခာပါပေးပြီးတော့ ပြန်ကြတာရှိပါတယ်။”

မေး။ ။ မီးရှို့မှုတွေရောရှိပါသေးလား။ ထပ်ပြီးတွေ့ရသေးလား။

“မီးရှို့မှုကတော့ မရှိတော့ပါဘူးခင်ဗျ။”

မေး။ ။ ကူညီတဲ့ အဖွဲ့တွေက ဘယ်အဖွဲ့တွေ အများဆုံး လာပါသလဲ။

“ဒီမှာ ရန်ကုန်က နာရေးကူညီမှုအသင်းက လာတယ်။ UNHCR က လာတယ်။ သူတို့ မနေ့ကရောက် ကြပြီးတော့ စခန်းတွေကို လိုက်ကြည့် နေပါတယ်။ နောက် WFP ကတော့ ဆန်ထောက်ပံ့ဖို့ အရင်မြေပုံဘက်မှာနေရာကနေ ဒီဘက်ကူးလာပါတယ်။”

မေး ။ စခန်းတွေရဲ့ ကျန်းမာရေးအခြေနေရောဘယ်လိုရှိပါသလဲ။

“စခန်းကျန်းမာရေးကလည်း အားလုံး အခြေအနေကောင်းပါတယ်။ ဆိုးဆိုးဝါးဝါး တခုမှ မရှိပါဘူး။ အပြင်မှာပြောနေသလို ၀မ်းရောဂါ တွေ ဘာတွေလည်း မရှိပါဘူး။ သရက်သီးပေါ်တဲ့အချိန်မှာ ရခိုင်မှာဖြစ်နေကြ ပဲ။ ၀မ်းလျှောတာပဲ ရှိပါတယ်။”

ရခိုင်ပြည်နယ်ရဲ့ အခြေအနေဟာ အချိန်မရွေးပြန်ပြီး ဆူဆူပူပူ ဖြစ်လာနိုင်တယ်လို့ ဒေသခံတွေ ကပြောဆိုသလို ဇွန်လ ၁၀ ရက်နေ့ ကတည်း က ထုတ်ပြန်ထားတဲ့ ရခိုင်ပြည်နယ်အတွက် အရေးပေါ် အခြေအနေကိုလည်း အခုအချိန်မှာ ပြန်ပြီး မရုပ်သိမ်းသင့်သေး ဘူးလို့လည်း အများက ယုံကြည်ကြပါတယ်။

Ref: ဗွီအိုအေ

Read More...

Collapse...

ဒေါ်အောင်ဆန်းစုကြည်နဲ့ ဗြိတိန် ၀န်ကြီးချုပ်ဟောင်း တွေ့ဆုံမည်

2012-06-25

ဗြိတိန်နိုင်ငံ လန်ဒန်မြို့ကို ခေတ္တရောက်ရှိနေတဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ လန်ဒန် စံတော်ချိန် တနင်္လာနေ့ ညနေပိုင်းမှာ ဗြိတိန် ဝန်ကြီးချုပ်ဟောင်း မစ္စတာ ဂေါ်ဒန် ဘရောင်းနဲ့ တွေ့ဆုံဖို့ရှိတယ်လို့ ခရီးစဉ်တွေ စီစဉ်ဆောင်ရွက်နေတဲ့ ဦးခွန်သာမြင့်က RFA ကို အတည်ပြု ပြောဆိုပါတယ်။


မနက်ဖြန် အင်္ဂါနေ့ မှာတော့ ဒေါ်အောင်ဆန်းစုကြည်နဲ့ အဖွဲ့ ဟာ ပြင်သစ်နိုင်ငံကို ခရီးဆက်မှာဖြစ်ပြီး ဇွန်လ ၂၉ ရက်နေ့ မှာ ပြင်သစ် နိုင်ငံကနေ မြန်မာပြည်ကို ပြန်လည်ထွက်ခွာမယ်လို့ သိရပါတယ်။

ပြီးခဲ့တဲ့ စနေ၊ တနင်္ဂနွေ (၂) ရက်ကတော့ ဒေါ်အောင်ဆန်းစုကြည် ဟာ ဗြိတိန်နိုင်ငံက မိသားစုဝင်တွေနဲ့ တွေ့ဆုံခဲ့ပါတယ်။

Ref: အာရ်အဖ်အေ

Read More...

Collapse...

လူမှုကာကွယ်ရေး မဟာဗျူဟာ လိုအပ်နေကြောင်း သမ္မတ ပြောဆို

2012-06-25

မြန်မာနိုင်ငံက အလုပ်လက်မဲ့ ပြဿနာနဲ့ ဆင်းရဲမှု တိုက်ဖျက်ရေး အစီစဉ်တွေမှာ နိုင်ငံတကာက အကူအညီတွေ ပိုပြီးရလာဖို့အတွက် လမ်း ကြောင်းတွေ ပိုပြီးပွင့်လာအောင် အစိုးရအနေနဲ့ ဆောင်ရွက် မှာ ဖြစ်တယ်လို့ ပျဉ်းမနားနေပြည်တော်မှာ ဒီကနေ့ စတင်ကျင်းပနေ တဲ့ လူမှုကာကွယ် စောင့်ရှောက်ရေးဆိုင်ရာ ညီလာခံမှာ သမ္မတ ဦးသိန်းစိန်က ပြောကြားလိုက်ပါတယ်။

နှစ်ရက်ကြာ ကျင်းပမယ့် အဲဒီညီလာခံကို တက်ရောက်နေတဲ့ မင်္ဂလာမြန်မာအဖွဲ့က ညှိနှိုင်းရေးမှူး မမြတ်စုက သမ္မတမိန့်ခွန်းနဲ့ ပတ် သက်လို့ ပြောပြတာက -


"သမ္မတကြီးအနေနဲ့ သူ့အနေနဲ့ပေါ့၊ ဒီမြန်မာနိုင်ငံမှာ အခုတံခါးဖွင့်ပေးနေတယ်ပေါ့နော်၊ တခါးဖွင့်ပေးနေတဲ့ အတွက် ပြည်ပက အကူ အညီပေးဖို့ အဓိကအားဖြင့် အလုပ်လက်မဲ့တွေ၊ ဝင်ငွေနိမ့်ပြည်သူတွေကို အကူအညီပေးဖို့ အတွက်ပေါ့၊ လူမှုရေး အကာအကွယ် လုပ် ပေးဖို့ အတွက်ပေါ့။ နောက်တစ်ခုက တတိယဦးစားပေးပေါ့နော်၊ မက်ခရိုအဆင့် လူမှုရေးတွေကိုလည်း ကောင်းအောင်လုပ်ပေးပါ အဲဒီ လိုပြောသွားပါတယ်ရှင့်"

အခုလို အစိုးရအနေနဲ့ နိုင်ငံတကာ အကူအညီတွေ ပိုပြီးရလာဖို့ လမ်းကြောင်းတွေ ဖွင့်ပေးမယ်ဆိုရင် မြန်မာနိုင်ငံမှာ အကူအညီ လို အပ်နေတဲ့ ကလေးသူငယ်တွေကို အရင်ကထက် ပိုပြီး ကာကွယ် စောင့်ရှောက်လာနိုင်မယ်လို့ မျှော်လင့်ကြောင်းလည်း မမြတ်စုက ပြောပါတယ်။

သမ္မတရဲ့အဖွင့်မိန့်ခွန်းမှာ မြန်မာနိုင်ငံဟာ ဖွံ့ဖြိုးမှု နောက်ကျနေ ဆဲ ဖြစ်တာကြောင့် ကျေးလက်နေ ပြည်သူတွေနဲ့ နယ်စပ်ဒေသက တိုင်းရင်းသား နယ်မြေတွေမှာ ဆင်းရဲမွဲတေမှုဟာ မြို့ပြဒေသတွေနဲ့ ကွာဟမှုတွေ ရှိနေသေးကြောင်း၊ ဒါ့အပြင် ၀င်ငွေကွာဟမှု ကြီးမားနေ တာကြောင့် ဆင်းရဲသားတွေရဲ့ လူမှုဖူလုံရေးအတွက် အားလုံး လက်တွဲ လုပ်ဆောင်မှ ရမယ့်အခြေအနေ ဖြစ်ကြောင်း ထည့်သွင်း ပြောဆိုသွား ပါတယ်။

ဒီညီလာခံကို အမေရိကန်ပြည်ထောင်စု အခြေစိုက် National Democratic Institute နဲ့ ကုလသမဂ္ဂ လက်အောက် UNICEF တို့က ဦးစီးကျင်းပတာဖြစ်ပြီး နိုင်ငံတကာ အဖွဲ့အစည်းတွေ ပညာရှင်တွေနဲ့ အစိုးရ ၀န်ကြီးဌာန ပေါင်းစုံက တာဝန်ရှိသူတွေ အပြင် လူမှုအဖွဲ့ အစည်း ပေါင်းစုံက ကိုယ်စားလှယ်တွေ တက်ရောက်ခဲ့ကြပါတယ်။

Ref: အာရ်အဖ်အေ

Read More...

Collapse...

အလုပ်အကိုင် ရှာဖွေရေး အခမဲ့ဝန်ဆောင်မှု အင်တာနက် ၀က်ဘ်ဆိုဒ် ဖွင့်လှစ်

2012-06-25

မြန်မာနိုင်ငံက အလုပ်သမားတွေအတွက် အလုပ်အကိုင် ရှာဖွေတာနဲ့ ပတ်သက်လို့ နိုင်ငံကျော် အဆိုတော် သားစိုး စီစဉ်တဲ့ ရာသက် ပန် အခမဲ့ ၀န်ဆောင်မှု အင်တာနက် ၀က်ဘ်ဆိုဒ် မိတ်ဆက်ပွဲ အခမ်းအနားကို မနေ့က ရန်ကုန်မြို့ Park Royal ဟိုတယ်မှာ ကျင်းပခဲ့ ပါတယ်။

အလုပ်အကိုင်ရှာဖွေရေးနဲ့ ပတ်သက်လို့ အလုပ်အေဂျင်စီတွေကနေ အခကြေးငွေ မတရားယူနေတာတွေကြောင့် အလုပ်သမားတွေ နစ်နာ ဆုံးရှုံးမှုတွေကို ကူညီဖြေရှင်းပေးနိုင်ဖို့ ရည်ရွယ်ချက်နဲ့ အခုလို အင်တာနက်ဝက်ဘ်ဆိုဒ် ၀န်ဆောင်မှုကို ဆောင်ရွက်ပေးတာ ဖြစ်တယ်လို့ အဆိုတော် သားစိုးက RFA ကို ပြောပါတယ်။


"အလုပ်သမားတွေအတွက် အခမဲ့ ဝန်ဆောင်မှုပေးတဲ့ ကုမ္ပဏီကို ဖွင့်လိုက်တာပါ။ ဝက်ဘ်ဆိုဒ်ကိုပေါ့နော်။ အလုပ်သမားတွေကို ရာသက်ပန် အခမဲ့လုပ်ပေးပါတယ်။ ပြီးတော့ ဒီအလုပ်ရှင်တွေကို တစ်နှစ် အခမဲ့ပေးထားပါတယ်။ ဒီမြန်မာနိုင်ငံမှာက အလုပ်သမား တွေက အလုပ် အေဂျင်စီကိုသွားတဲ့ အခါကျရင် အလုပ်သမားတွေရဲ့ ဝန်ဆောင်ခကို တောင်းတယ်။ ပထမဆုံးရတဲ့ လစာရဲ့ တဝက် အထိကို လိုက်ပြီးတော့ တောင်းတယ်။ တချို့တွေဆိုရင် တစ်လစာတောင် ယူတယ်။ စသည်ဖြင့်ပေါ့နော်။ အဲဒီလိုမျိုး မတရားမှုတွေ ဖြစ်နေတဲ့ အတွက်ကြောင့် ကျွန်တော်က အခမဲ့ ဝက်ဘ်ဆိုဒ် တင်ပေးလိုက်တာပါ။ အဓိက ကတော့ ဒီအလုပ်သမားထုအတွက် ကြိုက် တဲ့အလုပ် အေးအေးဆေးဆေး ကိုယ်ကလိုက်ပြီး ရွေးလို့ရမယ်။ အလုပ်ရှင်တွေ အကြောင်းတွေကိုလည်း ဒီအလုပ်ရှင်တွေက အလုပ် သမားတွေကို ခေါ်မဲ့အခါမှာ သူတို့ရဲ့ ဘက်ဂရောင်း၊ သူတို့ပေးရမဲ့ ပိုက်ဆံ၊ အလုပ်ချိန်စသည်ဖြင့် အကုန်လုံး ပွင့်ပွင့်လင်းလင်း ရေးပြီး တော့ တရားဝင် ခေါ်လို့ရအောင် ကျွန်တော်လုပ်ရမှာပါ။ ဒီကိစ္စ ကိုလည်း အလုပ်သမားဝန်ကြီးဌာနကို မှတ်ပုံတင်ပြီး လုပ်ပေးမှာပါ"

www.myanmarbestjob.com အမည်နဲ့ အင်တာနက် ၀က်ဘ်ဆိုဒ် ဖွင့်လှစ်ထားပြီး ဖေဖော်ဝါရီလ ကတည်းက စတင်ဆောင်ရွက် နေပေမယ့် အခုမှ တရားဝင်ဖြစ်အောင် ကြေညာလိုက်တာလို့ ကိုသားစိုးက ဆိုပါတယ်။

ဒီဝက်ဘက်ဆိုဒ် ဖွင့်လှစ်တာနဲ့ ပတ်သက်လို့ အလုပ်သမားရေးရာ ၀န်ကြီးဌာနကိုလည်း တရားဝင် မှတ်ပုံတင်မှာ ဖြစ်တယ်လို့ ကိုသား
စိုးက ပြောပါတယ်။

ဒ့ါအပြင် နာမည်ကျော် အနုပညာရှင် အများစုပါဝင်တဲ့ မြန်မာချစ်သူအဖွဲ့ကနေ ရခိုင်ပြည်နယ်က ဒုက္ခသည်တွေအတွက် မနေ့က စ တင်ပြီး အလှူငွေတွေကို ကိုယ်တိုင်လည်း ထည့်ဝင်ကြသလို လှူဖွယ်ပစ္စည်းတွေကိုလည်း လက်ခံနေပြီး မကြာခင် ရခိုင်ပြည်နယ်ကို သွားရောက် လှူဒါန်းမှာ ဖြစ်တယ်လို့ ကိုသားစိုးက ပြောသွားပါတယ်။

Ref: အာရ်အဖ်အေ

Read More...

Collapse...