ဝိမုတ္တိ

Monday, October 1, 2012

မလေးရှားလူသားချင်းစာနာကူညီရေးအဖွဲ့ မြန်မာနိုင်ငံသို့ထွက်ခွာ

2012-09-29

ရခိုင်ပြည်နယ်က ဒုက္ခသည်တွေကို ကူညီရေးအတွက် မလေးရှားနိုင်ငံက ပူထရာ ၀မ်း မလေးရှားအသင်းရဲ့ လူသားချင်းစာနာ ကူညီရေးအဖွဲ့ ပထမအသုတ်ဟာ စနေနေ့ ညနေပိုင်းက မြန်မာနိုင်ငံကို ထွက်ခွာလာခဲ့ပါတယ်။

အဖွဲ့ဝင်(၁၄) ဦးပါ အဲဒီရှေ့ပြေးအဖွဲ့မှာ ဆရာဝန်တွေနဲ့ သတင်းမီဒီယာသမားတွေ ပါဝင်တယ်လို့ သိရပါတယ်။ ပူထရာဝမ်း မလေးရှား ပင်မအဖွဲ့ဟာလည်း နောက်လေး ငါးရက်အကြာမှာ ရောက်ရှိလာမှာ ဖြစ်ပါတယ်။

ရှေ့ပြေးအဖွဲ့က ပဋိပက္ခဖြစ်ပွားခဲ့တဲ့နေရာတွေကို သွားရောက်ပြီး ကျန်းမာရေးအခြေစိုက် စခန်းတစ်ခု ကြိုတင် ထူထောင်ထားမှာ ဖြစ်ကြောင်း အဖွဲ့ဥက္ကဋ္ဌက ပြောပါတယ်။

ဒီလုပ်ငန်းမှာ စုစုပေါင်း လူ (၅၀) ပါဝင်မှာဖြစ်ပြီး မိမိတို့အနေနဲ့ လူမျိုးဘာသာမခွဲခြားဘဲ ကူညီသွားမှာ ဖြစ်ကြောင်းလည်း ပြော ဆိုပါတယ်။ စားနပ်ရိက္ခာနဲ့ ဆေးဝါးပစ္စည်းတွေ အပါအ၀င် ကူညီရေးပစ္စည်း တန်ချိန် ၅၀၀ ဟာလည်း အောက်တိုဘာလ (၂) ရက်နေ့မှာ ရောက်ရှိမယ်လို့ ဆိုပါတယ်။

Ref: အာရ်အဖ်အေ

ရခိုင်ပြည်နယ် ပဋိပက္ခ သတိရှိရှိကိုင်တွယ်ရန် ကုလအတွင်းရေးမှူးချုပ်ပြောကြား

2012-09-29

မြန်မာနိုင်ငံ ရခိုင်ပြည်နယ်က ပဋိပက္ခဟာ ပြည်တွင်း ပြုပြင်ပြောင်းလဲရေး လုပ်ငန်းစဉ်တွေအပေါ် ထိခိုက်စေနိုင်တဲ့အပြင် တိုင်း ပြည် နယ်နိမိတ်ကို ကျော်လွန်ပြီး တခြားနိုင်ငံတွေဆီအထိပါ သက်ရောက်မှုတွေ ရှိလာနိုင်တဲ့အတွက် သတိရှိရှိနဲ့ ကိုင်တွယ် ဖြေရှင်းဖို့ အရေးကြီးကြောင်း ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက ပြောလိုက်ပါတယ်။

OIC ခေါ် အဖွဲ့ဝင်နိုင်ငံ (၅၇) နိုင်ငံပါ အစ္စလာမ်မစ် ပူးပေါင်းဆောင်ရွက်ရေးအဖွဲ့ ဥက္ကဋ္ဌနဲ့ မနေ့က တွေ့ဆုံခဲ့ရာမှာ အဲဒီလို သတိပေး ပြောကြားခဲ့တာပါ။

(၆၇) ကြိမ်မြောက် ကုလသမဂ္ဂအထွေထွေ ညီလာခံအပြီး သမ္မတ ဦးသိန်းစိန်နဲ့ မစ္စတာ ဘန်ကီမွန်းတို့ တွေ့ဆုံခဲ့ရာမှတော့ ရခိုင်ပြည်နယ် ပြဿနာနဲ့ ပတ်သက်ပြီး ရပ်ရွာဒေသတွင်း ရှိနေကြသူ အချင်းချင်းသဟဇာတဖြစ်အောင် နေထိုင်နိုင်ရေး၊ ပြဿနာ ဖြစ်ပွားရတဲ့ အကြောင်းရင်း ဇာစ်မြစ်တွေကို ဖယ်ရှားရေး စတာတွေကို ရေတို ရေရှည် ရှုထောင့်တွေကနေ နည်းလမ်းရှာ ကိုင် တွယ်ဖြေရှင်းသွားဖို့ ဆွေးနွေးခဲ့ကြပြီး ရခိုင်အရေးကို ပြေလည်သည်အထိ ဖြေရှင်းသွားမယ်လို့ သမ္မတ ဦးသိန်းစိန်က ကတိက၀တ် ပြုခဲ့ကြောင်း ကုလသမဂ္ဂ ပြောခွင့်ရသူ မာတင် နီဆာကီက ပြောဆိုပါတယ်။

ဒါ့ပြင်ကချင်ပြည်နယ်က လူမျိုးစု လက်နက်ကိုင်တွေနဲ့ ဖြစ်ပွားနေတဲ့ တိုက်ပွဲတွေရပ်တန့်ဖို့ အတွက်လည်း အားလုံးပါဝင်ပြီး လက်တွဲ ညီညီ ဆောင်ရွက်သွားဖို့လည်း ဘန်ကီမွန်းက တိုက်တွန်းခဲ့ပါတယ်။

Ref: အာရ်အဖ်အေ

တက္ကသိုလ် ဆရာ ဆရာမများအသင်း ဖွဲ့စည်းခွင့်ပြု

2012-09-28

နိုင်ငံတော်အစိုးရသစ် တက်လာပြီးတဲ့နောက် အစိုးရဝန်ထမ်းတွေကို အဖွဲ့အစည်း ဖွဲ့စည်းခွင့်အဖြစ် ပထမဆုံးအနေနဲ့ တက္ကသိုလ် ဆရာ ဆရာမများ အသင်းသုံးခုကို ဖွဲ့စည်းခွင့်ပြုတဲ့ လက်မှတ်တွေကို သက်ဆိုင်ရာ ခရိုင်တာဝန်ရှိသူတွေက အလုပ်သမားရုံး တွေမှာ ဒီကနေ့ ညနေပိုင်းက ခေါ်ယူထုတ်ပေးခဲ့တယ်လို့ RFA က စုံစမ်းသိရပါတယ်။

အရှေ့ပိုင်းတက္ကသိုလ် ဆရာ ဆရာမများအသင်း ဖွဲ့စည်းခွင့်ရရှိတာနဲ့ ပတ်သက်ပြီး အရှေ့ပိုင်းတက္ကသိုလ်မှ ဆရာဦးသန်းထိုက်က RFA ကို အခုလိုပြောပါတယ်။

"အသိအမှတ်ပြုလက်မှတ် ကျွန်တော်တို့ ဒီနေ့ပဲ ရပါတယ်ခင်ဗျ။ မှတ်ပုံတင်အရာရှိချုပ် မျိုးအောင်လက်မှတ်နဲ့ ထုတ်ပေးပါတယ် ခင်ဗျ။ ပထမဦးဆုံးအနေနဲ့ ကျွန်တော်တို့ကတော့ ဆရာ ဆရာမများ အားလုံးက ဆွေးနွေးနိုင်တဲ့ဥစ္စာမျိုးတွေ၊ ကျွန်တော်တို့ servey တွေလုပ်မယ်။ သူတို့ဆီက အသံတွေကျွန်တော်တို့နားထောင်မယ်။ နောက်ထပ်ဖြစ်နိုင်စရာ ရှိတာတွေကို ကျွန်တော်တို့ ဆွေးနွေးပွဲတွေလုပ်မယ်။ နောက်ပိုင်းမှာ ပညာရေးနဲ့ ပတ်သက်တဲ့နည်းဥပဒေတို့ ဝင်ရောက်ပြီးတော့ အကြံဥာဏ်ပေးတဲ့ ဥစ္စာမျိုး တွေထိ ကျွန်တော်တို့လုပ်ဖို့ ရည်ရွယ်ထားပါတယ်"

ရန်ကုန်တက္ကသိုလ်၊ ဒဂုံတက္ကသိုလ်နဲ့ အရှေ့ပိုင်းတက္ကသိုလ် (တာဝ) တို့မှာ ဖွဲ့စည်းထားတဲ့ တက္ကသိုလ်ဆရာ ဆရာမများအသင်း တွေဟာ ပြီးခဲ့တဲ့ ဇူလိုင်လထဲက သက်ဆိုင်ရာ အလုပ်သမားရုံးတွေမှာ အသင်းအဖွဲ့ ဖွဲ့စည်းခွင့်တွေ လျှောက်ထားခဲ့တာဖြစ်ပြီး နှစ် လမပြည့်မီ ရက်ပိုင်းအလို ဒီကနေ့မှာတော့ တရားဝင်ဖွဲ့စည်းခွင့် အသိအမှတ်ပြုလက်မှတ်တွေကို ထုတ်ပေးခဲ့တာ ဖြစ်ပါတယ်။

Ref: အာရ်အဖ်အေ

ရုရှစွမ်းအင်ကုမ္ပဏီ မြန်မာနှင့်ပူးတွဲလုပ်ကိုင်ရန် ပြင်ဆင်နေ

2012-09-28

မြန်မာအပေါ် ချမှတ်ထားတဲ့ စီးပွားရေးပိတ်ဆို့မှုတွေကို အမေရိကန်က ဖယ်ရှားလိုက်ပြီးတဲ့နောက် နိုင်ငံ့သဘာဝ အရင်းအမြစ်တွေ ထုတ်ယူရေးအတွက် မြန်မာအစိုးရက လုပ်ငန်းလေလံတွေ ခေါ်ယူနေချိန်မှာ ရုရှားကုမ္ပဏီတွေကလည်း မြန်မာ့ရေနံနဲ့ သဘာဝ ဓာတ်ငွေ့လုပ်ငန်းမှာ ကဏ္ဍတစ်ရပ် ထူထောင်နိုင်ဖို့ တာစူနေပြီလို့ ရန်ကုန်မြို့ ရုရှသံရုံးက ပြောဆိုကြောင်း Bloomberg သတင်း က ဖော်ပြပါတယ်။

အမေရိကန်ရဲ့ စီးပွားရေးပိတ်ဆို့မှုအပေါ် တလျှောက်လုံး ကန့်ကွက်ခဲ့တဲ့ ရုရှနိုင်ငံဟာ အခုလို အမေရိကန်ရဲ့ ပိတ်ဆို့မှုတွေ ရုပ်သိမ်း လိုက်တဲ့အပေါ် ကြိုဆိုကြောင်း ရုရှကုမ္ပဏီတွေဟာ မြန်မာ့စွမ်းအင် ၀န်ကြီးဌာနနဲ့ ဆွေးနွေးနေပြီး သတင်းအချက်အလက်တွေနဲ့ နိုင်ငံ ခြားရင်းမြှုပ်နှံမှု အခြေအနေတွေကို လေ့လာနေကြကြောင်း၊ ရုရှစွမ်းအင် ကုမ္ပဏီကြီးဖြစ်တဲ့ OGZD ဟာ မြန်မာနဲ့အတူ ပူးတွဲလုပ် ကိုင် ဖို့ ပြင်ဆင်နေကြောင်း သတင်းမှာ ဖော်ပြထားပါတယ်။

Ref: အာရ်အဖ်အေ

ကချင်ငြိမ်းချမ်းရေးကွန်ရက် ခေါင်းဆောင်နှစ်ဦးကို တရားရုံးမှာ စတင်စစ်ဆေး

2012-09-28

အပြည်ပြည်ဆိုင်ရာ ငြိမ်းချမ်းရေးနေ့ စက်တင်ဘာ (၂၁) ရက်နေ့မှာ တစ်နိုင်ငံလုံး စစ်ပွဲရပ်တန့်ရေးကို ရန်ကုန်မြို့ လမ်းတွေ ပေါ်မှာ လမ်းလျှောက်ဆန္ဒပြခဲ့ကြတဲ့ ကချင်ငြိမ်းချမ်းရေး ကွန်ရက်က ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (အယ်လ် ခေါန်ထွဲ) တို့ကို ငြိမ်းချမ်းစွာ စုဝေးခွင့်နဲ့ ငြိမ်းချမ်းစွာ စီတန်းလှည့်လှည်ခွင့် ဆိုင်ရာ ဥပဒေပုဒ်မ (၁၈)နဲ့ ဒဂုံမြို့နယ်တရားရုံးမှာ ဒီကနေ့ စတင် စစ်ဆေးခဲ့ပါတယ်။

ဒဂုံမြို့နယ် တရားသူကြီး ဒေါ်ခင်သန့်စင်က ကချင်ငြိမ်းချမ်းရေး ကွန်ရက်က ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (အယ်လ်ခေါန်ထွဲ)တို့ကို ဥပဒေကြောင်းအရ အာမခံထားပေးမယ့် လူပုဂ္ဂိုလ်(၂)ဦး တောင်းဆိုပါတယ်။

ဦးမရန်ဂျော်ဂွန်းတို့က တခြားလူပုဂ္ဂိုလ်တွေကို အာမခံမထားဘဲ မိမိကိုယ်မိမိပဲ အာမခံတာဝန်ယူမယ့် အကြောင်းပြောပြီး ကိုယ်တိုင် ခံဝန်ချက် ရရှိအောင် ကြိုးစားခဲ့တာကို RFA ကို အခုလိုပြောပါတယ်။

"ဒီကိစ္စမှာ ကျွန်တော်တို့က ခံယူချက်ကောင်းကောင်းနဲ့ နိုင်ငံငြိမ်းချမ်းရေးအတွက် ပြည်သူတစ်ယောက်ရဲ့ တာဝန်အနေနဲ့ ပါဝင် တာဖြစ်တယ်။ အဲ့ဒီအတွက်ကြောင့် ကျွန်တော်တို့ဟာ တရားခံ မဟုတ်ဘူး။ မှားတယ်လို့ လုံးဝမယူဆဘူး။ အဲ့ဒါကြောင့် မထွက် ပြေးဘူး။ ဘယ်နေရာပဲရောက်ရောက် လာမှာပဲ။ ကိုယ်ပိုင်ခံဝန်ချက်ပဲ ကျွန်တော်တို့ လိုချင်တယ်။ ကျွန်တော်တို့ တောင်းဆိုတော့ သူက ကိုယ်ပိုင်ခံဝန်ချက်နဲ့ ပက်သက်တဲ့ စာချုပ်ကို ထပ်ချုပ်တယ်။ ကိုယ်ပိုင်ခံဝန်ချက် ဖြစ်သွားမှာ ဖြစ်တဲ့အတွက် ကိုယ့်ကိုယ် ကိုယ် တာဝန်ယူတဲ့အကြောင်း လက်မှတ်ထိုးခဲ့တယ်"

ကချင်ငြိမ်းချမ်းရေးကွန်ယက်က ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (အယ်လ်ခေါန်ထွဲ) တို့ကို ဒဂုံမြို့နယ် ရဲအုပ် ဦးထွန်းထွန်းဝင်းက တရားလိုပြုလုပ် တိုင်ကြားခဲ့တာပါ။

ဒီကနေ့မှာတော့ ဦးမရန်ဂျော်ဂွန်းတို့က မိမိကိုယ်မိမိ တာဝန်ယူတဲ့ ကိုယ်တိုင်ခံဝန်ချက်ရယ်၊ အာမခံကြေး ၁၀ သိန်းနဲ့ တရားရုံး မှာ လက်မှတ်ထိုးခဲ့ပြီး ဒီအမှုကို လာမယ့် အောက်တိုဘာလ(၁၀)ရက်နေ့ ရုံးချိန်း ပြန်လည်သတ်မှတ်လိုက်တယ်လို့ သိရပါတယ်။

Ref: အာ၇်အဖ်အေ

မြန်မာ့ပို့ကုန်လုပ်ငန်း ချက်ခြင်းထိုးတက်သွားဖို့ မဖြစ်နိုင်သေး

2012-09-28

မြန်မာနိုင်ငံက ထွက်ကုန်တွေ တင်သွင်းခွင့် ပိတ်ပင်ထားတာကို ပြန်လည်ရုပ်သိမ်းဖို့ အမေရိကန် ပြည်ထောင်စုက ဆုံးဖြတ်လိုက် တာကြောင့် မြန်မာ့ အထည်ချုပ်လုပ်ငန်းနဲ့ စိုက်ပျိုးရေးကဏ္ဍတွေ ဦးမော့လာနိုင်စရာရှိပေမဲ့ မြန်မာ့ ပို့ကုန်လုပ်ငန်းဟာ ချက်ခြင်း လက်ငင်း ထိုးတက်သွားမယ်လို့ မျှော်လင့်လို့ မရနိုင်သေးကြောင်း လေ့လာသူတွေက ပြောကြပါတယ်။

အခုလို မြန်မာ့ထွက်ကုန်တွေကို ဖွင့်ပေးလိုက်တဲ့အတွက် တချို့ကဏ္ဍတွေက ပို့ကုန်တွေ အခြေအနေ အများကြီး ပိုကောင်းသွား မှာမို့ ပြည်တွင်းစီးပွားရေးနဲ့ အလုပ်အကိုင် အခွင့်အလမ်းတွေလည်း အထိုက်အလျောက် တိုးတက်လာမှာပါ။

ဒါပေမဲ့ ရေရှည်မှာ ကျွမ်းကျင်လုပ်သား ရှားပါးတဲ့ ပြဿနာတွေက ရှိနေပါသေးတယ်လို့ IHS Global Insight သုတေ သနအဖွဲ့က ပြောပါတယ်။ Maplecroft စီးပွားရေး သုတေသနအဖွဲ့ကလည်း မြန်မာနိုင်ငံရဲ့ အားသာချက်တစ်ခုကတော့ လုပ်အားခ ဈေးပေါပေါ ရနိုင်တာပါပဲ။

ဘင်္ဂလားဒေ့ရှ်၊ ကမ္ဘောဒီးယားတို့ထက် လုပ်အားခပိုပြီး ဈေးချိုနေပါသေးတယ်။ ဒါပေမဲ့ လျှပ်စစ်ဓာတ်အား မလုံလောက်တာ၊ အလုပ်သမားအခွင့်အရေး ဆိုးဆိုးရွားရွား ချိုးဖောက်တာတွေက စိုးရိမ်စရာ ဖြစ်လာဖွယ်ရှိပါတယ်လို့ ပြောဆိုပါတယ်။

ဒါ့ပြင် မြန်မာ့စီးပွားရေးမှာ စစ်တပ်ရဲ့ အခန်းကဏ္ဍနဲ့ အာဏာပိုင်တွေနဲ့ နီးစပ်သူတွေရဲ့ သြဇာကလည်း ပြဿနာတစ်ရပ် ဖြစ်နေ ကြောင်း၊ မြန်မာနိုင်ငံရဲ့ လက်ဝါးကြီးအုပ် စီးပွားရေးပုံစံကနေ ကုန်သွယ်မှု ဖြေလျှော့ရေး ဆောင်ရွက်တဲ့နေရာမှာ စစ်တပ်ရဲ့လွှမ်း မိုးမှု အားကောင်းနေမယ့်အရေးကို အမေရိကန်ပြည်ထောင်စုက သတိကြီးကြီး ထားနေမှာ ဖြစ်ကြောင်းလည်း လေ့လာသူတွေက သုံးသပ်ဝေဖန်ကြပါတယ်။

Ref: အာရ်အဖ်အေ

သမ္မတဦးသိန်းစိန်နဲ့ ဗွီအိုအေ သီးသန့်တွေ့ဆုံ မေးမြန်းခန်း

ဦးသန်းလွင်ထွန်း
29.09.2012

သတင်းမီဒီယာတွေဟာ ကိုယ့်တိုင်းပြည်ရဲ့ သိသင့်တဲ့ ကိစ္စတွေကို ကြော်ငြာပေးရာ ရောက်တဲ့ အတွက် ကျေးဇူးတင်တယ်လို့ သမ္မတဦးသိန်းစိန်က ပြောလိုက်ပါတယ်။ ကုလသမဂ္ဂ အထွေထွေ ညီလာခံမှာ မိန့်ခွန်းပြောဖို့ အမေရိကန် ပြည်ထောင်စုကို လာခဲ့တဲ့ သမ္မတဦးသိန်းစိန်ရဲ့ ခရီးစဉ်အပြီး ဗွီအိုအေ မြန်မာပိုင်းက သီးသန့် တွေ့ဆုံ မေးမြန်းခဲ့စဉ်မှာ ခုလို ပြောခဲ့တာ ဖြစ်ပါ တယ်။ သမ္မတရဲ့ ခရီးစဉ်အတွင်း ဒေါ်အောင်ဆန်းစုကြည်နဲ့ နယူးယောက် မြို့မှာ တွေ့ဆုံခဲ့တဲ့ကိစ္စ၊ လွှတ်တော်နဲ့ ချိန်ခွင်လျှာညှိ အုပ်ချုပ်တဲ့နေရာမှာ တွေ့ရတဲ့ အခက်အခဲ၊ စီးပွားရေး အကျိုးအမြတ်တွေကို အခွင့်ထူးခံတွေပဲ မခံစားရအောင် ဘယ်လို ကာ ကွယ်မလဲ ဆိုတဲ့ အမေးတွေကို သမ္မတဦးသိန်းစိန်က ဖြေကြားခဲ့ပါတယ်။ ဗွီအိုအေ ဌာနမှူး ဦးသန်းလွင်ထွန်းနဲ့ သမ္မတဦးသိန်း စိန်တို့ သီးသန့် တွေ့ဆုံမေးမြန်းထားတာ ဖြစ်ပါတယ်။

သမ္မတကြီးရဲ့ ကုလသမဂ္ဂ အထွေထွေညီလာခံ မိန့်ခွန်းက မြန်မာနိုင်ငံရဲ့ ပြုပြင် ပြောင်းလဲမှုတွေကို တကမ္ဘာလုံးက၊ နိုင်ငံပေါင်း စုံက၊ နိုင်ငံ ခေါင်းဆောင်တွေက နေပြီးတော့ အသိအမှတ် ပြုမှုတွေ ရသွားစေတဲ့ အားလုံး လှိုက်လှိုက်လှဲလှဲ ချီးကျူးရတဲ့ မှတ် ကျောက်တင်နိုင်တဲ့ မိန့်ခွန်းပါ။ ဒီနေရာမှာ သတိထားမိတာက အခုလို ပြောဆိုသွားတဲ့ နိုင်ငံရေး ပြုပြင် ပြောင်းလဲမှုတွေမှာဆိုရင် အဂတိလိုက်စားမှုနဲ့၊ သမ္မတကြီးလည်း အရင် ပြောဖူးပါတယ်။ ဥပဒေ စိုးမိုးရေးကိစ္စတွေပါ။ တဆက်တည်းမှာပဲ လွှတ်တော်ထဲမှာ ဆိုရင် ဒေါ်အောင်ဆန်းစုကြည်က နေပြီးတော့ တရားဥပဒေ စိုးမိုးရေး ကော်မရှင် ဆိုတာကို ခေါင်းဆောင်မှု တာဝန်ယူထား နေ ပါပြီ။ အဲဒီတော့ ဒေါ်အောင်ဆန်းစုကြည် ဦးဆောင်တဲ့ တရားဥပဒေ စိုးမိုးရေး ကော်မရှင်ကို သမ္မတကြီးတို့ အစိုးရအဖွဲ့ အနေနဲ့ ဘယ်လိုများ ကူညီပံ့ပိုးမှုတွေ၊ ပူးပေါင်း လုပ်ဆောင်မှုတွေ လုပ်သွားမလဲ ဆိုတာ သိပါရစေ။ -

“ဒီကိစ္စနဲ့ ပတ်သက်လို့ လွှတ်တော်ကလည်း ဒါ သူတို့ လုပ်သင့်လုပ်ထိုက်တဲ့ ကိစ္စ ဖြစ်ပါတယ်။ နောက်တခါ ဒေါ်အောင်ဆန်း စုကြည် ကလည်း rule of law ဆိုပြီးတော့ အမြဲတမ်း ပြောလေ့ပြောထ ရှိတယ်။ ပြောလေ့ပြောထ ရှိတဲ့အတွက်ကြောင့် တရားဥပဒေ စိုးမိုးရေး၊ အဂတိလိုက်စားမှုတွေနဲ့ ပတ်သက်ပြီးတော့ ဒီဟာက ကျနော်တို့ရဲ့ ရည်မှန်းချက်လည်း ဖြစ်ပါတယ်။ အဲဒီ တော့ ကျနော်တို့ အစိုးရဘက်ကလည်း လုပ်တယ်။ လွှတ်တော်ကလည်း ဒီလို ၀ိုင်းပြီးတော့ လုပ်ပေးတော့ ဒါက ဘာပဲဖြစ်ဖြစ် ကောင်းတဲ့ အလားအလာ တခု ဖြစ်တယ်ပေါ့။”

ဒီကော်မရှင်အနေနဲ့ သမ္မတကြီးရော၊ နောက်ပြီးတော့ ဒေါ်အောင်ဆန်းစုကြည်ပါ ပြည်ပခရီး ထွက်နေတဲ့အချိန်မှာ ရန်ကုန်တိုင်း တွင်းမှာ ရှိတဲ့ တချို့ ရဲစခန်းလေးတွေကို သွားပြီးတော့ ကြည့်တယ်။ တရားသူကြီးအဖွဲ့တွေနဲ့ ဆွေးနွေးတယ် ဆိုတာလည်း ကျနော်တို့ ကြားပါတယ်။ အဲဒီနေရာမှာ တချက်ပေါ့နော်၊ ဒါကတော့ လက်တွေ့ ဖြစ်တဲ့ ကိစ္စလေးတွေပေါ့။ မိသားစု တစုကို ဖမ်းထားပြီးတော့ အာမခံမပေးတဲ့ ကိစ္စမျိုးတွေကို တွေ့ရတယ် ဆိုတာမျိုး ကြားပါတယ်။ ဒါမျိုးတွေနဲ့ ကြုံလာရင် အစိုးရအဖွဲ့အနေနဲ့ ဘယ်လိုများ တုံ့ပြန် ဆောင်ရွက်သွားဖို့ အစီအစဉ် ရှိလဲခင်ဗျ။ -

“ဒီကိစ္စက ကျနော် ထင်တယ်၊ ဥပဒေ အတိုင်းပဲ ကျနော်တို့ လုပ်ကြရမယ့်ကိစ္စ ဖြစ်ပါတယ်။ ဥပဒေနဲ့ မညီညွတ်တာကို လုပ်တဲ့ အတွက်ကြောင့် ဒီအဖွဲ့ကနေ သွားပြီးတော့ ရဲစခန်းတွေကို ကြည့်တယ်၊ မှန်တယ် ပြုတယ် ဆိုရင် ဒါကို ဥပဒေအတိုင်း ဖြစ် အောင် ကျနော်တို့က အစိုးရပိုင်းက ဆောင်ရွက်ဖို့ ရှိပါတယ်။”

ဒေါ်အောင်ဆန်းစုကြည်နဲ့ ပတ်သက်လို့ပေါ့နော်၊ သမ္မတကြီး အနေနဲ့ ဒီပြည်ပခရီးကို မထွက်ခင်မှာလည်း မကြာသေးခင်က ဒေါ်အောင် ဆန်းစုကြည်နဲ့ တွေ့ဆုံခဲ့တာ ရှိပါတယ်။ အလားတူပဲ ပြည်ပကို ရောက်တဲ့အခါမှာလည်း အထူးတလည် ဒေါ်အောင် ဆန်း စုကြည်က သမ္မတကြီးကို လာပြီးတော့ နှုတ်ဆက် ဂါရ၀ပြုတာ တွေ့ရပါတယ်။ အဲဒီတော့ ဘယ်လို အကြောင်းတွေနဲ့ ထူးထူးခြားခြားလေးများ ပြည်ပမှာရောက်တုန်း ဆွေးနွေးဖြစ်တယ်ဆိုတာ သိပါရစေခင်ဗျ။ -

“သူတို့ကတော့ ကျနော့်ကို အကြီးအကဲ တယောက်အနေနဲ့ သူလည်း ဒီမှာရောက်နေတယ်၊ ကျနော်ကလည်း ဒီ UN ရဲ့ အထွေ ထွေညီလာခံမှာ မိန့်ခွန်းပြောဖို့ လာတယ်ဆိုတော့ သူကတော့ လာပြီးတော့ တွေ့ဆုံ နှုတ်ဆက်တဲ့သဘောပါ။ ဘာမှတော့ ထွေ ထွေထူးထူး တိုင်ပင်တာ ပြောတာတွေ မရှိပါဘူး။ နှုတ်ဆက်တဲ့သဘောပါပဲ။”

စောစောတုန်းက ကျနော် ပြောတဲ့အထဲမှာ လွှတ်တော်ရဲ့ ကော်မရှင်တွေပေါ့နော်၊ လွှတ်တော်ရဲ့ ကော်မရှင်တွေ ကိစ္စမှာ ထူးခြား တဲ့၊ မြန်မာနိုင်ငံရဲ့ သက်တမ်း နုနယ်သေးတဲ့ ဥပဒေပြု လွှတ်တော် အခြေအနေနဲ့ သမ္မတကြီးတို့ရဲ့ ပြုပြင် ပြောင်းလဲမှုတွေကို တစိုက်မက်မက် လုပ်နေတဲ့ အစိုးရအဖွဲ့ကြားထဲမှာ အများ အမြင်ပေါ့နော်၊ အပြင်ဘက်ကအမြင်မှာ နည်းနည်း တင်းမာမှုတွေ ရှိနေတယ် ဆိုတဲ့ သဘောပေါ့နော်။ လွှတ်တော်ကော်မရှင်တွေကို ပြည်ထောင်စုအဆင့် ထားရှိရေးကိစ္စနဲ့ ပတ်သက်ပြီးတော့ ငြင်းကြခုန်ကြတဲ့ ပုံစံလေးတွေ ဖြစ်တယ်။ နောက် အခြေခံဥပဒေဆိုင်ရာ ခုံရုံးအဖွဲ့ကို နုတ်ထွက်ခိုင်းလိုက်ရတဲ့ အခြေအနေမျိုးတွေ ဖြစ်ခဲ့တော့ တချို့ဆိုရင် ဒါကို ဖွဲ့စည်းပုံ အခြေခံဥပဒေ crisis ပေါ့နော်၊ ပြဿနာကြီးတရပ် လို့တောင် ပြောချင်တဲ့သူတွေ ရှိနေကြတယ်ခင်ဗျ။ အဲဒီတော့ ဒါနဲ့ ပတ်သက်လို့ သမ္မတကြီးရဲ့ အမြင်ကို ရှင်းပြပေးပါလား။ -

“ဖွဲ့စည်းပုံ အခြေခံဥပဒေမှာ ပြဿနာတရပ် ရှိလာလို့ရှိရင်၊ နောက်တခါ ဒီ ဖွဲ့စည်းပုံ အခြေခံဥပဒေက တာဝန်ပေးထားတဲ့ ဖွဲ့စည်း ပုံ အခြေခံဥပဒေဆိုင်ရာ ခုံရုံးကနေ ဒီပြဿနာကို ဖြေရှင်းပေးဖို့ တာဝန် ရှိပါတယ်။ အဲဒီတော့ ဒီ အခြေခံဥပဒေ ခုံရုံးကနေပြီး တော့ ဖြေရှင်းပေးတဲ့ ကိစ္စတခုကို လွှတ်တော်ကနေ မှန်တယ် မှားတယ်၊ ဒါကတော့ သူတို့ပဲ ဆုံးဖြတ်ပြီးတော့ လိုက်နာ လုပ် ဆောင်ရမယ့် ကိစ္စတွေ ဖြစ်ပါတယ်။ အဲဒီတော့ မှားတယ်ဆိုရင်လည်း ဒါ သူတို့ရဲ့ အများစုနဲ့ မှားတဲ့အကြောင်း၊ မှန်တယ်ဆိုလို့ရှိ ရင်လည်း ဒါ သူတို့ရဲ့ အပိုင်းပါပဲ။ ဒီကိစ္စကြောင့် ကျနော်တို့နဲ့တော့၊ အစိုးရပိုင်းနဲ့တော့ ပြဿနာ မရှိဘူး။ သို့သော်လည်း ပထမ ဒီကိစ္စနဲ့ ပတ်သက်ပြီးတော့ ခုနကလို ဒီလူတွေ ထွက်သွားရအောင် ဖြစ်မယ့်အစားပေါ့လေ။ တခြား ထွက်ပေါက် တခု ရှိပါသေး တယ်။ ဒီထွက်ပေါက်ကတော့ ခုနကလို လွှတ်တော်မှာ ဖွဲ့စည်းပုံ အခြေခံဥပဒေမှာ အခန်း (၂၀) မှာ ပြဌာန်းထားတယ်။ amendment ပေါ့။ ပြင်ဆင်လို့ ရတယ်။ အဲဒီတော့ ဖွဲ့စည်းပုံ အခြေခံဥပဒေထဲမှာ တိတိကျကျနဲ့ မပါဘူးဆိုရင် တိတိကျကျ ပါအောင် ထပ်ပြီးတော့ ထည့်လို့ရတယ်။ ကျနော်ကတော့ ဒီဟာလေး လမ်းကြောင်းလေးတော့ ပေးလိုက်ပါတယ်။ သို့သော်လည်းပဲ ဒီအဖွဲ့အစည်းနှစ်ခုဟာ သီးခြား ဆောင်ရွက်ပေးထားတဲ့ အဖွဲ့အစည်း နှစ်ခုဖြစ်တဲ့အတွက်ကြောင့် ကြိုက်တဲ့ နိုင်ငံရေး လမ်းကြောင်း ကို သူတို့ ရွေးချယ်သွားခြင်းပဲ ဖြစ်ပါတယ်။”

သမ္မတကြီးရဲ့ ကုလသမဂ္ဂ မိန့်ခွန်းမှာပဲ ကျနော် သတိထားမိတဲ့အချက်က အရင်အစိုးရဟာ စစ်တပ်နဲ့ အုပ်ချုပ်တဲ့၊ အမိန့်အာဏာနဲ့ အုပ်ချုပ်တဲ့ အစိုးရ၊ အခုဆိုရင် အရပ်သား အစိုးရ အနေနဲ့ ဥပဒေပြု အဖွဲ့တွေ၊ အတိုက်အခံတွေနဲ့ ချိန်ခွင်လျှာ ညှိပြီးတော့ အုပ် ချုပ်ရတဲ့ အစိုးရပုံစံမျိုး ဖြစ်လာပြီဆိုတော့၊ ဒီလို အထူးသဖြင့် လွှတ်တော်နဲ့ ချိန်ခွင်လျှာ ညှိပြီး အုပ်ချုပ်ရတဲ့ အနေအထားမျိုးမှာ ဘယ်လို အခက်အခဲမျိုးတွေ ရှိနေလဲ။ -

“အမှန်ကတော့ လွှတ်တော်ကလည်း ဥပဒေပြုရေးအပိုင်းမှာ သီးခြား လုပ်ဆောင်ခွင့် သူ့မှာရှိတယ်။ သူ့ရဲ့ အဓိက တာဝန်ကတော့ ဥပဒေပြုရေး အပိုင်းပေါ့လေ။ ကျနော်တို့ အစိုးရပိုင်းဆိုတာက အုပ်ချုပ်ရေး အပိုင်းပေါ့။ အဲဒီတော့ ဒီ ဖွဲ့စည်းပုံ အခြေခံဥပဒေ အရ မဏ္ဍိုင်ကြီး သုံးခုပေါ့။ ဥပဒေပြုရေးအပိုင်း၊ အုပ်ချုပ်ရေး အပိုင်းနဲ့ တရားစီရင်ရေး အပိုင်း ဆိုပြီးတော့ ဒီလို ခွဲခြားပြီးတော့ သတ်မှတ်ပေးထားပါတယ်။ အမှန်ကတော့ ကိုယ့်အလုပ် ကိုယ်လုပ်ကြတဲ့အပိုင်းပါပဲ။ သို့သော်လည်း တခုနဲ့တခုက ထိန်းကျောင်း ပေး ဖို့ ဆိုတဲ့ဟာကလည်း ဖွဲ့စည်းပုံ အခြေခံဥပဒေထဲမှာ ပါပါတယ်။ အမှားအယွင်း မရှိရအောင်၊ အစိုးရအဖွဲ့ကလည်း ခုနကလို တချို့ကိစ္စတွေ လွှတ်တော်ကို ထောက်ပြစရာရှိတာ ထောက်ပြရမှာဖြစ်သလို၊ လွှတ်တော်အပိုင်းကလည်း အစိုးရအဖွဲ့ကို ထောက်ပြ ရမှာ ဖြစ်ပါတယ်။ ဒါကို ဖွဲ့စည်းပုံ အခြေခံဥပဒေအရ အကောင်အထည်ဖော် ဆောင်ရွက်ခြင်းပဲ ဖြစ်တယ်လို့ ကျနော်တို့ ခံယူထား ပါတယ်။”

သမ္မတကြီးရဲ့ အခု ကုလသမဂ္ဂ ညီလာခံနဲ့ တိုက်ဆိုင်ပြီးတော့ လာတဲ့ အမေရိကန် ခရီးစဉ်က အောင်မြင်မှုတွေ တော်တော်ကြား ရပါတယ်။ အထူးသဖြင့် သမ္မတကြီး ဒီမှာရှိနေတုန်းမှာပဲ မြန်မာနိုင်ငံရဲ့ ပို့ကုန်တွေကို ပိတ်ဆို့ထားတဲ့ ကိစ္စ နဲ့ပတ်သက်ပြီးတော့ ပယ်ဖျက်ပေးမယ် ဆိုတဲ့ ကြေညာချက်လည်း ထွက်ပါတယ်။ ဒီလို ပို့ကုန်တွေ ပိတ်ဆို့ထားမှု ပယ်ဖျက်လိုက်ပြီဆိုရင် မြန်မာနိုင်ငံ မှာရှိတဲ့၊ တချို့က စိုးရိမ်နေတယ်ပေါနေ့ာ်၊ cronies လို့ခေါ်တဲ့ အခွင့်ထူးခံ လူနည်းစုပဲ အသာစီး ရယူပြီးတော့ စီးပွားလမ်းဖြစ် သွားမယ့် ပုံစံမျိုး မဖြစ်အောင်ဆိုရင် သမ္မတကြီးရဲ့ အမြင်က ဘယ်လိုများ ကူညီဆောင်ရွက်ဖို့ ရှိမလဲ။ -

“ဒီဟာကတော့ ကျနော်တို့ investment law နဲ့သွားပြီးတော့ ဆိုင်ပါတယ်။ အဲဒီတော့ investment law မှာလည်း ကိုယ့်နိုင်ငံသား၊ နောက်တခါ နိုင်ငံခြားသား စသည်ဖြင့်ပေါ့လေ။ နိုင်ငံငခြားကနေ လာပြီးတော့ ရင်းနှီးမြှုပ်နှံတယ် ဆိုရင် ကျနော် တို့ က မူဝါဒ ပေးထားပါတယ်။ တစ်အချက်ကတော့ ကိုယ့်နိုင်ငံသားတွေရဲ့ အကျိုးစီးပွားကို မထိခိုက်စေရဘူး။ နှစ်အချက်ကတော့ ကိုယ့်နိုင်ငံရဲ့ ဂုဏ်သိက္ခာကို မထိခိုက်စေရဘူး။ ဥပမာ - အနောက်နိုင်ငံတွေကနေ လာပြီးတော့ လက်ဝါးကြီး အုပ်သွားတာ၊ တရုတ်ကပဲ လာပြီးတော့ စီးပွားရေး လုပ်ငန်းတွေမှာ လက်ဝါးကြီး အုပ်သွားတာ ဆိုရင် နိုင်ငံလည်း သိက္ခာကျတယ်လေ။ အဲဒီ တော့ ကိုယ့်နိုင်ငံရဲ့ ဂုဏ်သိက္ခာလည်း မထိခိုက်စေရဘူး။ နောက်တခုကတော့ အချုပ်အချာ အာဏာပေါ့။ အဲဒီတော့ အချုပ်အချာ အာဏာ ဆိုတော့ နိုင်ငံရေးသမားနဲ့ စီးပွားရေးသမားဟာ သိပ်ပြီးတော့ အချိတ်အဆက် လုပ်ပြီးတော့မှ လှုပ်ရှားရတဲ့သဘော ရှိပါ တယ်။ ဥပမာ - နိုင်ငံရေးသမားကလည်း မဲရွေးဖို့ဆိုရင် စီးပွားရေးသမားဆီက လိုတဲ့ငွေကို အလှူခံရတာတွေ၊ လက်ခံရတာတွေ၊ ဒါတွေ ရှိတာပေါ့။

ဒါမှမဟုတ်ရင် နိုင်ငံရေးသမား အာဏာရတဲ့အခါမှာလည်း စီးပွားရေးသမားကို ပြန်ပြီးတော့ နေရာပေးရတာတွေလည်း ရှိတာပေါ့။ သို့သော်လည်း ဒီဟာတွေက သိပ်ပြီးတော့ ထဲထဲဝင်ဝင်နဲ့ သိပ်ပြီးတော့ များလာလို့ရှိရင် စီးပွားရေးသမားက အချုပ်အချာ အာဏာ မှာလာပြီးတော့ ချုပ်ကိုင်တဲ့ သဘောမျိုးတွေ သက်ရောက်နိုင်တယ်။ ဒါကြောင့်မိုလို့ အချုပ်အချာအာဏာကိုတော့ မထိခိုက်စေ ရဘူး။ နောက်တခုကတော့ သဘာဝပတ်ဝန်းကျင်ကို ကျနော်တို့ မပျက်ယွင်း စေရဘူး။ ဘာဖြစ်လို့လဲဆိုတော့ ရှိသမျှ အကုန် ထုတ် ယူပြီးတော့ အကုန်လုပ်သွားလို့တော့ မဖြစ်ဘူး။ ဘာဖြစ်လို့လဲ ဆိုတော့ ကျနော်တို့ သားစဉ်မြေးဆက် ချန်ထားခဲ့ရဦးမှာ။ ဒါကြောင့်မိုလို့ ရင်းနှီးမြှုပ်နှံမှု အပိုင်းနဲ့ ပတ်သက်ပြီးတော့ လာပြီးတော့ ဒီလို ရင်းနှီးမြှုပ်နှံခြင်းအားဖြင့် ကိုယ့်တိုင်းရင်းသားရဲ့ အကျိုးစီးပွားကို ထိခိုက်စရာ အကြောင်းမရှိပါဘူး။ ကျနော်တို့ ဒါကို အကာအကွယ် ပေးထားပါတယ်။ နောက်တခုကလည်း investment law နဲ့လည်း အကာအကွယ် ပေးထားတယ်။”

အခု ဒီခရီးစဉ်အတွင်းမှာဆိုရင် သမ္မတကြီးဟာ ပြည်ပမှာရှိနေတဲ့ ပြည်ပ မီဒီယာတွေနဲ့ရော၊ မြန်မာလို အသံလွှင့်နေတဲ့ မြန်မာ မီဒီယာ တွေနဲ့ရော တော်တော်လေးကို အချိန်ပေးပြီးတော့ တွေ့ဆုံခဲ့တာတွေ ရှိပါတယ်။ အဲဒီတော့ ဒီလို မီဒီယာတွေရဲ့ အခန်း ကဏ္ဍနဲ့ ပတ်သက်ပြီးတော့၊ ပြည်တွင်းမှာရှိတဲ့ မီဒီယာတွေကိုလည်း လွတ်လပ်ခွင့်တွေ ပေးနေတယ်ဆိုတာ ကျနော်တို့ ကြားရပါ တယ်။ သမ္မတကြီး အနေနဲ့ ရှေ့ဆက်ပြီးတော့ ဘာတွေ ဖြစ်စေချင်လဲ၊ ဘာတွေမြင်ချင်လဲ ဆိုတာ သိပါရစေ။ -“အမှန် က တော့ ဒီ မီဒီယာတွေကတော့ အများသောအားဖြင့်တော့ ကိုယ့်တိုင်းပြည်ရဲ့ သိသင့်သိထိုက်တဲ့ ကိစ္စတွေကို ကြော်ငြာပေးတဲ့ သဘောပါ။ ကြောငြာပေးတဲ့ သဘော ဖြစ်တဲ့အတွက်ကြောင့် တိုင်းပြည်အနေနဲ့ ကျနော်တို့အနေနဲ့တော့ ကျေးဇူးတင်ရတာပေါ့။ မီဒီယာကို ကျေးဇူးတင်ရမယ့်သဘော ကျနော်တို့ ရှိပါတယ်။ ဒီလို တွေ့ဆုံ ပြောကြားပြီးမှပဲ ခင်ဗျားတို့ ခုနကလို ထုတ်ပြန်လိုက် တဲ့ဟာ၊ လွှင့်လိုက်တဲ့ ဟာတွေက အများပြည်သူ သိရှိမယ်၊ နားလည်မယ်၊ သဘောပေါက်သွားမယ် ဆိုတာ ဘာပဲဖြစ်ဖြစ် ကျနော်တို့ကတော့ ကျေးဇူးတင်ပါတယ်။”

ဒီနိုင်ငံမှာဆိုရင် အထူးသဖြင့် အမေရိကန်မှာပေါ့နော်၊ နိုင်ငံခြားရေးဌာန ဆိုရင် နိုင်ငံခြားရေးဌာနအလျောက် နေ့စဉ် သတင်း ထုတ်ပြန်ချက် ရှိပါတယ်။ နောက်ပြီးတော့ အိမ်ဖြူတော် ဆိုရင်လည်း အိမ်ဖြူတော်ရဲ့ နေ့စဉ်သတင်း ထုတ်ပြန်တာ ရှိပါတယ်။ အလားတူပဲ သမ္မတကြီး ကိုယ်တိုင်လည်း လိုအပ်ရင် လိုအပ်သလို သတင်းစာ ရှင်းလင်းပွဲတွေ လုပ်လေ့ရှိပါတယ်။ နောက်ပိုင်း မှာရော သမ္မတကြီး အနေနဲ့ အချိန်ပေးနိုင်ရင် ဒါမျိုးတွေ လုပ်ပေးဖို့ ရှိနိုင်မလား။ -

“အမှန်တော့ ကျနော်တို့က ဒီမိုကရေစီ အလေ့အကျင့်လေး တဖြည်းဖြည်းနဲ့ ရင့်ကျက်လာရင် ဒါတွေက ကျနော်တို့ လုပ်သွား ရမယ်။ အခုကတော့ ဒီမိုကရေစီ အတွေ့အကြုံတွေ၊ အလေ့အကျင့်တွေကလည်း တနှစ်ခွဲကာလအတွင်း ဆိုတော့ အတော်လေး ကျနော်တို့က နုနယ်ပါသေးတယ်။ နောင်ကျရင်တော့ ဒီမိုကရေစီ ကျင့်စဉ်နဲ့အညီ ဒါတွေ လုပ်သွားရမှာပါ။”

သမ္မတကြီးအနေနဲ့ အမေရိကန် ပြည်ထောင်စုကို သီးသန့် နိုင်ငံတော် အလည်အပတ် ခရီးစဉ် ထပ်လာဖို့ရော ရှိပါသေးသလား။ -

“လောလောဆယ်တော့ မရှိပါဘူး။”

ကျေးဇူးတင်ပါတယ်ခင်ဗျ။

Ref: ဗွီအိုအေ

အီဂျစ်ရှိ အမေရိကန် အမျိုးသမီး ခရစ်ယာန်ဘာသာရေး မစ်ရှင်အဖွဲ့တွေကို သတိပေး

30.09.2012

မူစလင်တွေအများစုရှိတဲ့ အီဂျစ်နိုင်ငံမှာ အမေရိကန် အမျိုးသမီး ခရစ်ယာန်ဘာသာရေး မစ်ရှင်အဖွဲ့တွေ အနေနဲ့ အကြမ်းဖက် တိုက်ခိုက်ခံရနိုင်တဲ့ အန္တရာယ်ကို သတိထားကြဖို့ ကိုင်ရိုမြို့မှာရှိတဲ့ အမေရိကန် သံရုံးက သတိပေးချက် ထုတ်ပြန်ပါတယ်။

အကြမ်းဖက်သမားတွေဟာ အမေရိကန် အမျိုးသမီးမစ်ရှင်အဖွဲ့ တွေကို ပစ်မှတ်ထားနေတယ် ဆိုတဲ့ ယုံကြည်ရတဲ့ အထောက် အထားတွေ ရှိထားတယ်လို့ သံရုံး ၀က်ဘ်ဆိုက် ကြေညာချက်မှာ ဖော်ပြ ပါတယ်။ အီဂျစ်မှာရှိတဲ့ အမေရိကန် နိုင်ငံသားတွေ အနေနဲ့ သူတို့ လုံခြုံရေးအတွက် အထူး သတိထား နေကြဖို့ လိုအပ်သလို၊ ကြိုတင် ပြင်ဆင်မှုတွေ လုပ်ထားကြဖို့လည်း သံရုံးက တိုက်တွန်းပါတယ်။

အမေရိကန် သံတမန်တွေ အနေနဲ့ အရေးပေါ် အခြေအနေ ကြုံလာရင် ဆက်သွယ် အကူအညီယူနိုင်ဖို့ STEP လို ခရီးသွား လုံခြုံရေး အစီအစဉ်အတွက် အွန်လိုင်းပေါ်မှာ ၀င်ရောက် စာရင်းသွင်းထားကြဖို့ လည်း အမေရိကန်နိုင်ငံသားတွေကို တိုက်တွန်း နေပါတယ်။

မူစလင် အများစုရှိတဲ့ အီဂျစ်လူဦးရေ ၈၃ သန်းရဲ့ ၁၀ ရာခိုင်နှုန်းဟာ ခရစ်ယာန်ဘာသာဝင်တွေ ဖြစ်ပြီး၊ ခွဲခြား ဆက်ဆံခံရတယ် ဆိုပြီး တိုင်တန်းမှုတွေ ရှိခဲ့ပါတယ်။ အီဂျစ်နိုင်ငံတွင်း ခရစ်ယာန် ဘာသာဝင်တွေ ဟာ ဘာသာရေးအရ ဖိနှိပ် အကြမ်းဖက် ခံရ တာမျိုးတွေ ရှိတယ် ဆိုပြီးတော့လည်း လူ့အခွင့်အရေး အဖွဲ့တွေက ပြောကြပါတယ်။

Ref: ဗွီအိုအေ

ဘင်္ဂလာဒေ့ရ်ှ Cox's Bazaar မှာ ဘုန်းကြီးကျောင်းအချို့ တိုက်ခိုက်ခံရ

30.09.2012

ဘင်္ဂလားဒေ့ရ်ှနိုင်ငံ အရှေ့တောင်ပိုင်းက Cox’s Bazaar မှာ အခု တနင်္ဂနွေနေ့ အစောပိုင်း ဒေါသဖြစ်နေကြတဲ့ ရာနဲ့ချီတဲ့ မူစလင် လူအုပ်က ဗုဒ္ဓဘာသာ ဘုန်းတော်ကြီးကျောင်း အနည်းဆုံး ငါးကျောင်းနဲ့ အိမ်အချို့ကို မီးတင်ရှို့ခဲ့ကြပါတယ်။ Facebook လူမှုကွန်ယက်မှာ အစ္စလာမ်ဘာသာ ဆန့်ကျင်ရေး ဓာတ်ပုံတပုံကို ဗုဒ္ဓဘာသာဝင်တဦးက ဖော်ပြခဲ့တာမို့ မူစလင်တွေဘက်က ဒေါသ ဖြစ်ခဲ့ကြတာပါ။

မြန်မာနိုင်ငံနဲ့ နယ်ချင်းစပ် အဲဒီ Cox’s Bazaar မှာရှိတဲ့ ဒေသခံ ဗုဒ္ဓဘာသာဝင် တဦးဟာ မူစလင်တွေ အထွဋ်အမြတ် ထား တဲ့ ကိုရမ်ကျမ်းစာကို မထေမဲ့မြင်လုပ်တဲ့ ဓာတ်ပုံ ဖော်ပြခဲ့တယ်လို့ အကြမ်းဖက်မှုမှာ ပါဝင်နေတဲ့ ဒေါသထွက်နေတဲ့ မူစလင် တဦး က ပြောပါတယ်။

စနေနေ့ ညနေပိုင်းကတည်းက ဒီအတွက် မူစလင်တွေ အဲဒီမှာ ဆန္ဒပြခဲ့ကြတာပါ။ အခု တနင်္ဂနွေနေ့မှာပဲ အခြေအနေတွေကို တည်ငြိမ်အောင် ထိန်းထားနိုင်ပြီလို့ ရဲတပ်ဖွဲ့ကတော့ ပြောပါတယ်။ အဖမ်းအဆီးနဲ့ အထိအခိုက် သတင်းတွေတော့ မရသေးပါဘူး။

Ref: ဗွီအိုအေ

တိဘက်ဒေသ လွတ်မြောက်ရေး မီးရှို့ဆန္ဒပြသူသေဆုံး

30.09.2012

တရုတ်အစိုးရရဲ့ အုပ်စိုးမှုကို ဆန့်ကျင်တဲ့ အနေနဲ့ နိုင်ငံ အနောက်ဘက် Qinghai ဒေသမှာ တိဘက် အမျိုးသားတဦး ကိုယ့် ကိုယ်ကို မီးရှို့အဆုံးစီရင် သွားတဲ့အတွက် လုံခြုံရေး တင်းကျပ်ထားတယ်လို့ တိဘက်လှုပ်ရှားသူ အသိုင်းအ၀ိုင်းက ပြောပါတယ်။ Yushu တိဘက် ကိုယ်ပိုင်အုပ်ချုပ်ခွင့်ရ ခရိုင်မှာရှိတဲ့ Zadoi မြို့နယ်မှာ စနေနေ့က အဆုံးစီရင်မှု ဖြစ်ပွားခဲ့တာလို့လည်း ဗွီအို အေကို ပြောပြခဲ့ကြတာပါ။

အသက် ၂၇ နှစ် အရွယ်ရှိ Yungdung ဆိုသူဟာ တိဘက်ရိုးရာ ၀တ်စုံကို ၀တ်ဆင်ပြီး တရုတ်ဈေးဆိုင်တွေရှေ့ ဖြတ်လျှောက် ပြီး မီးရှို့သတ်သေခဲ့တာလို့ Yushu ဒေသခံတွေနဲ့ အိန္ဒိယနိုင်ငံ မြောက်ပိုင်း ဒရမ်ဆလာအရပ်က တိဘက်အရေး လှုပ်ရှားသူ အသိုင်းအ၀ိုင်းက ပြောပါတယ်။ မသေမီမှာ တိဘက်ဒေသ လွတ်မြောက်ရေးနဲ့ တရုတ်အစိုးရဟာ တိဘက် ဘာသာရေးကို ဖျက် ဆီးနေတယ် ဆိုတဲ့ ကြွေးကြော်သံတွေ အော်ဟစ်ခဲ့တယ်လို့လည်း ပြောပါတယ်။

အခုသေဆုံးမှုနဲ့ပါဆိုရင် ၂၀၀၉ ခုနှစ် ကတည်းက တရုတ်နိုင်ငံ တိဘက်ဒေသမှာ ကိုယ့်ကိုယ်ကို သတ်သေကြတဲ့ လူပေါင်း ၅၂ ယောက်အထိ ရှိသွားပါပြီ။ ဒီအထဲမှာ ၄၂ ယောက် ကတော့ သေဆုံးတဲ့အထိ ဖြစ်ခဲ့ရတယ်လို့လည်း အဝေးရောက် တိဘက် အစိုးရက ပြောပါတယ်။

Ref:

တိုင်ဖွန်းမုန်တိုင်းကြောင့် ဂျပန်မှာ လူအများအပြား ဒဏ်ရာရ

30.09.2012

ဂျပန်နိုင်ငံ အိုကီနာဝါ တောင်ပိုင်းဒေသ တလျှောက်မှာ မီးတွေပျက်ပြီး ဒါဇင်နဲ့ ချီတဲ့လူတွေကို ဒဏ်ရာစေခဲ့တဲ့ အားပြင်းတဲ့ တိုင်ဖွန်းမုန်တိုင်း Jelawat ဟာ အခု ဂျပန် ကုန်းတွင်းပိုင်း ကို အင်အားပြင်းထန်စွာနဲ့ ၀င်ရောက် တိုက်ခတ် နေပါတယ်။

တနင်္ဂနွေနေ့ ကုန်းတွင်းပိုင်းကို ၀င်ရောက်ချိန်မှာ ပြင်းအား တနာရီကို မိုင် ၆၀ ကျော်နှုန်းနဲ့ တိုက်ခတ်နေပြီး မြောက်ဘက်ကို ဆက်လက် ရွေ့လျား နေတာမို့ တိုကျိုမြို့တော်ကို ဖြတ်သွားမယ် လို့ မျှော်လင့်ရပါတယ်။

အိုကီနာဝါကို မုန်တိုင်း ဖြတ်သန်းနေချိန်မှာ မုန်တိုင်းဒဏ်ကြောင့် အမျိုးသားတဦး ပင်လယ်ထဲ မျောပါ သွားခဲ့သလို လူပေါင်း ၁၄၀ ကျော် လောက်လည်း ဒဏ်ရာတွေ ရခဲ့ကြတယ်လို့ ဂျပန် NHK သတင်း မှာ ဖော်ပြထားပါတယ်။

ဂျပန်နိုင်ငံ အလယ်ပိုင်းက နာဂိုရာ (Nagoya) မြို့မှာ ရေလွှမ်းမိုးမယ့် အန္တရာယ် ရှိနေတာမို့ ဒေသခံ ၅ သောင်းလောက်ကို ဘေးလွတ်ရာ ရွှေ့ပြောင်းပေးခဲ့ပါတယ်။ ထောင်နဲ့ချီတဲ့ ဒေသခံတွေဟာ မီးမရဘဲ နေနေရပါတယ်။

တိုင်ဖွန်းမုန်တိုင်း Jelawat ဟာ တနင်္လာနေ့ အစောပိုင်းမှာတော့ ပစိဖိတ် သမုဒ္ဒရာထဲကို ဦးတည်ရွေ့သွားဖို့ ရှိပြီး ကုန်းတွင်း ပိုင်းက မထွက်ခင်မှာ ဂျပန်နိုင်ငံ မြောက်ပိုင်းဒေသကို ဖြတ်သန်းသွားဖို့ ရှိတယ်လို့ ခန့်မှန်းထားပါတယ်။

Ref: ဗွီအိုအေ

ထားဝယ်စီမံကိန်း အရှိန်မြှင့်ရန် မြန်မာ-ထိုင်း ပူးတွဲကော်မတီ ဖွဲ့မည်

စက်တင်ဘာလ ၂၈ ရက် ၂၀၁၂ ခုနှစ်

အမေရိကန်နိုင်ငံ၊ နယူးယောက်မြို့သို့ ရောက်ရှိနေကြသော ထိုင်းဝန်ကြီးချုပ် ယင်လပ်ရှင်နာဝပ်ထရာ နှင့် မြန်မာသမ္မတ ဦးသိန်း စိန် တို့သည် ထားဝယ်ရေနက် စီမံကိန်းကို အရှိန်အဟုန် မြှင့်တင်ရန် အတွက် အဆင့်မြင့် ညှိနှိုင်းဆောင်ရွက်ရေး ကော်မတီတ ရပ် ကို ထိုင်းနှင့်မြန်မာ ပူးတွဲဖွဲ့စည်းရန် ကြာသပတေးနေ့က သဘောတူညီခဲ့ကြသည်။

ဘဏ္ဍာရေး အခက်အခဲများ ကြုံတွေ့နေရသည့် စီမံကိန်း ရှေ့ဆက်နိုင်ရေးအတွက် နှစ်နိုင်ငံထိပ်တန်း အစိုးရ အရာရှိများ ပါဝင် ကြသည့်‘အဆင့်သုံးဆင့်’ပါဝင်သော အုပ်စုများအား စုစည်း ချိတ်ဆက်၍ လုပ်ဆောင်ရန် ဖြစ်သည်။

‘အဆင့် သုံးဆင့်’ ပါဝင်သည့် စနစ်တွင် မြန်မာ ဒု-သမ္မတ နှင့် ထိုင်း ဒု-ဝန်ကြီးချုပ်နှင့် ဘဏ္ဍာရေး ဝန်ကြီးဖြစ်သူ ကစ်တီရတ် နရနောင်း Kittiratt Na-Ranong တို့ ဦးဆောင်သည့် ပူးတွဲကော်မတီ၊ ထိုင်းနိုင်ငံ အမျိုးသား စီးပွါးရေးနှင့် လူမှုဖွံ့ဖြိုးရေး ရုံးမှ ဦးဆောင်သည့် ညှိနှိုင်းရေး ကော်မတီတခုနှင့် အခြေခံ အဆောက်အအုံများ၊ စက်မှုဇုန်များ၊ စွမ်းအင်များ၊ လူမှုဖွံ့ဖြိုးရေး၊ တရား ဥပဒေရေးရာနှင့် ဘဏ္ဍာရေးတို့ကို စီမံဆောင်ရွက်ရန်အတွက် ကော်မတီခွဲ ခြောက်ခုတို့ ပါဝင်သည်ဟု သတင်းတရပ်က ဆိုကြောင်း ထိုင်းနိုင်ငံထုတ် ဘန်ကောက်ပို့စ် သတင်းဆောင်းပါး တပုဒ်တွင် ရေးသား ဖော်ပြထားသည်။

ထို ကော်မတီခွဲများအား နှစ်နိုင်ငံမှ သက်ဆိုင်ရာ ဝန်ကြီးများက ဦးဆောင်ကြလိမ့်မည်ဟု ဆိုသည်။

“ဒီနှစ် နိုဝင်ဘာမှာ ကမ္ဘောဒီးယားမှာ လုပ်မယ့် အာဆီယံ ထိပ်သီးအစည်းအဝေးမှာ ထိုင်း နဲ့ မြန်မာဟာ စီမံကိန်း အစီအစဉ်ကို ကြေညာပါလိမ့်မယ်။ ပြီးတော့ ဘန်ကောက် [ထိုင်း] အစိုးရဟာ မကြာခင်မှာ ပထမဆုံး အစည်းအဝေး ကို လက်ခံကျင်းပ ပါလိမ့်မယ်” ဟု သတင်းရပ်ကွက် တခုက ဆိုသည်။

အစည်းအဝေးများတွင် ထည့်သွင်းဆွေးနွေးကြမည့် အခြား ကိစ္စရပ်များတွင် ရန်ကုန် သီလဝါ ဆိပ်ကမ်း၌ အထူးစီးပွါးရေးဇုန် တခု ထူထောင်ရေးတွင် ထိုင်းနိုင်ငံအနေဖြင့် မြန်မာနိုင်ငံနှင့် ပူးပေါင်းဆောင်ရွက်ရန် ကိစ္စရပ်လည်း ပါဝင်သည်ဟု ဆိုသည်။

ထားဝယ်စီမံကိန်းတွင် ထားဝယ်ရေနက် ဆိပ်ကမ်း တည်ဆောက်ခြင်း၊ သဘောင်္ကျင်း အဆောက်အဦးများ တည်ဆောက်ခြင်း၊ ရေနံဓါတုစက်ရုံဇုန် တည်ထောင်ခြင်း၊ ရေနံသန့်စင်စက်ရုံ တရုံ၊ သံမဏိစက်ရုံနှင့် လျှပ်စစ် ဓါတ်အားပေး စက်ရုံများ တည် ဆောက်ခြင်း၊ ထားဝယ်-ဘန်ကောက် အဝေးပြေးလမ်းမ နှင့် ရထားလမ်း ဖောက်လုပ်ခြင်းများအပြင် ကားလမ်းနှင့် ရထားလမ်း တလျှောက်တွင် ရေနံပိုက်လိုင်းတခု သွယ်တန်းခြင်းတို့ ပါဝင်သည်ဟု သဘောတူညီချက်က ဆိုထားသည်။

၂ဝ၁၈ ခုနှစ်တွင် ပြီးစီးလိမ့်မည်ဟု အကြမ်းဖျင်း ခန့်မှန်းထားသည့် ထားဝယ်စီမံကိန်းတွင် သံမဏိ စက်ရုံများ၊ ရေနံသန့်စင်ရေး စက်ရုံများ၊ ရေနံဓါတုစက်ရုံဝင်းတခုနှင့် လျှပ်စစ် ဓါတ်အားပေး စက်ရုံများ ပါဝင်မည့်အပြင် အချက်အချာ ဗျူဟာကျသည့် ထား ဝယ် ရေနက် ဆိပ်ကမ်းကိုလည်း တည်ဆောက်မည်ဖြစ်ရာ အရှေ့တောင်အာရှနှင့် ပစိဖိတ် ဒေသများအတွက် မလက္ကာ ရေလက် ကြားကို ဖြတ်ရန် မလိုတော့ဘဲ ပိုမိုတိုတောင်းသော သယ်ယူပို့ဆောင်ရေး လမ်းကြောင်းတခု ဖြစ်လာမည် ဖြစ်သည်။

မြန်မာနှင့် ထိုင်းနိုင်ငံတို့သည် မကြာသေးခင်ကလည်း တောင်ဘက်စွန်းရှိ ထားဝယ် အထူးစီးပွါးရေးဇုန်နှင့် ဘန်ကောက်မြို့ တောင် ဘက် ချောင်ဘူရီ နယ်ရှိ Laem Chabang စက်မှုဇုန်တို့အကြား ဆက်သွယ်ရေးလမ်းကြောင်း တည်ထောင်ရန် သဘောတူညီ ခဲ့ကြပြီး ဆွေးနွေးမှုများမှာ ဇူလိုင်လထဲတွင် ပြီးဆုံးခဲ့သည်။

Ref: မဇ္ဈိမ

ဘိန်းစာရွက် အန္တရာယ် မွန်ပြည်နယ်မှာ ပိုမိုဆိုးရွားလာ

ကွန်းချမ်း
စက်တင်ဘာလ ၂၈ ရက် ၂၀၁၂ ခုနှစ်

မွန်ပြည်နယ်အတွင်းရှိ လူငယ်များအကြား တွင်ကျယ်စွာ သုံးစွဲနေသည့် ဘိန်းစာရွက်ခေါ် စိတ်ကြွ မူးယစ်ဆေးရွက်တမျိုးကို သက် ဆိုင်ရာတို့က ထိရောက်စွာ ကိုယ်တွယ်ဖြေရှင်းခြင်း မရှိသေးကြောင်း ပြည်နယ် လွှတ်တော်ကိုယ်စားလှယ် ဦးနိုင်ဦး ကပြောသည်။

ဘိန်းစာရွက်နှင့် ပတ်သက်၍ ယမန်နှစ် စက်တင်ဘာလက လွှတ်တော်သို့ တင်ပြခဲ့သော်လည်း ထူးခြားမှု မရှိခြင်းကြောင့် တနင်္လာ နေ့က စတင်ကျင်းပသည့် ပထမအကြိမ် မွန်ပြည်နယ်လွှတ်တော် စတုတ္ထပုံမှန် အစည်းအဝေးတွင် ထပ်မံမေးမြန်း တင်ပြခြင်း ဖြစ် သည်ဟု ဆိုသည်။

“မနှစ်က ကျနော် တကြိမ် တင်ပြတော့ ဖမ်းတာ၊ အပင်ကို ဖျက်ဆီးတာ နည်းနည်းတော့ ရှိတယ်။ ဒါပေမယ့် ပြတ်ပြတ် သား သား အရေးယူတာ မရှိဘူး။ အခုလည်း ဒီ ဘိန်းစာရွက်ကို မူးယစ်ဆေးဝါးအဖြစ် သတ်မှတ်ထားခြင်းရှိ မရှိ၊ မူးယစ်ဆေးလို့ သတ်မှတ်ထားရင် ဘယ်လိုအရေးယူမှု ရှိလဲလို့ ကျနော် မေးခဲ့ပါတယ်” ဟု ဦးနိုင်ဦး က ပြောသည်။

ဘိန်းစာရွက် သုံးစွဲ ရောင်းချမှုကို ကိုင်တွယ်ရန်အတွက် ၎င်း၏ မဲဆန္ဒနယ်မှ မြို့နယ် အထွေထွေ အုပ်ချုပ်ရေးမှူး၊ မြို့နယ် ရဲမှူး များနှင့် ညှိနှိုင်းခဲ့သော်လည်း ဘိန်းစာရွက်သည် မူးယစ်ဆေးဝါးတွင် အကျုံးမဝင်သေးသည့် အတွက် ပြတ်ပြတ်သားသား ကိုင်တွယ် ၍ မရသေးကြောင်း ၎င်းတို့က ပြောကြားခဲ့သည်ဟု သံဖြူဇရပ်မြို့နယ် အမှတ် (၂) မဲဆန္ဒနယ်မှ ဦးနိုင်ဦး ကပြောသည်။

သို့သော်လည်း ဘိန်းစာရွက်ကို ကျန်းမာရေး ဝန်ကြီးဌာနမှ မူးယစ်ဆေးအဖြစ် သတ်မှတ်ကြေညာပြီး ဖြစ်၍ ဖမ်းဆီး အရေးယူမှု များ ဆက်လက် လုပ်ဆောင်သွားမည် ဖြစ်ကြောင်း တနင်္လာနေ့ လွှတ်တော်မှ ပြန်လည် ဖြေကြားခဲ့သည်။

ထိုင်းနိုင်ငံတောင်ပိုင်း၊ ဖူးကစ်ဒေသတွင် သွားရောက်လုပ်ကိုင်ကြသည့် မွန်ပြည်နယ်မှ ရာဘာစေးခြစ် လုပ်သားများ က ထိုဒေသမှ ဘိန်းစာရွက် အကိုင်းအခက်ကို သယ်ဆောင်လာခဲ့ပြီး နေအိမ်နှင့် ဥယျာဉ်ခြံတွင် စိုက်ပျိုးခဲ့ရာမှ သုံးစွဲသူ တစထက်တစ များလာ ကာ စီးပွားဖြစ် ရောင်းချလာခြင်း ဖြစ်သည်။ ထိုင်းတွင်လည်း ထိုဘိန်းစာရွက်ကို မူးယစ်ဆေးဝါးအဖြစ် သတ်မှတ်ထားသည်။

ဘိန်းစာရွက်ကို ၂ဝဝ၉ ခုနှစ် နှောင်းပိုင်းတွင် မွန်ပြည်နယ်၌ စတင်သုံးစွဲလာခဲ့ပြီး ယခုအခါ သံလွင်မြစ် တောင်ဘက် ငါးမြို့နယ် ဖြစ်သည့် မော်လမြိုင်၊ ကျိုက်မရော၊ မုဒုံ၊ သံဖြူဇရပ်နှင့် ရေးမြို့နယ်မှ အရပ်သား လူငယ်များသာမက တက္ကသိုလ်နှင့် အထက် တန်းကျောင်းသားများပါ သုံးစွဲလာကြပြီဟု ဦးနိုင်ဦး က ပြောသည်။

“ဟိုတုန်းကဆို ကျောင်းသားတွေ လူငယ်တွေ ဆေးသုံးတယ်ဆိုတာ ကြားဖူးရုံလောက်ပဲ။ အခုတော့ မျက်မြင်ပဲ။ ရွာဘက်မှာဆို အသက် ၁၅ နှစ်ကနေ ၂၅ အထက် လူငယ်တွေ ဒီဘိန်းစာရွက် ဆေးရည် မသုံးတာ မရှိသလောက်ပဲ” ဟု သူက ပြောသည်။

မုဒုံနှင့် သံဖြူဇရပ်တွင် ၂ဝ၁ဝ ခုနှစ်က ဘိန်းစာ တရွက်လျှင် ကျပ် ၅ဝ ဖြင့် အလွယ်တကူ ဝယ်ယူနိုင်သော်လည်း သုံးစွဲသူ များပြားလာ၍ ယခု တရွက် ၂ဝဝ မှ ၃ဝဝ ကျပ်သို့ ရောက်ရှိလာပြီဟု သုံးစွဲသူ လူငယ်တဦး က ပြောသည်။

ဘိန်းစာရွက်ကို ကျိုချက်ထားသည့် သတ္တုရည်သည် ခါးသက်သက် အရသာရှိပြီး ချောင်းဆိုးပျောက်ဆေးရည်၊ ကော်ဖီမစ်၊ မီး ချောင်း အတွင်းမှ ပြဒါးမှုန့်၊ ခြင်ဆေးခွေ ပြာမှုန့်၊ အချိုရည်တို့ဖြင့် ရောစပ်သောက်သုံးခြင်းဖြင့် တဖြည်းဖြည်း ယစ်မူးကာ အ အေးဒဏ်၊ အမောဒဏ်ကို ခံနိုင်ပြီး ကိုယ်လက်ပေါ့ပါး လန်းဆန်းသည်ဟု ထိုလူငယ် ကပင် ပြောပြသည်။

ပေါက်ဈေး ၆,ဝဝဝ ကျပ် ရှိပြီး အဝယ်ခက်ကာ အဖမ်းအဆီးများသည့် ယာဘခေါ် စိတ်ကြွဆေးကို သုံးစွဲရာမှ ငွေပြတ်ချိန် များတွင် ဘိန်းစာရွက်ကို အစားထိုး သုံးစွဲလာကြခြင်း ဖြစ်သည်ဟု ဆိုသည်။

“ဒီအပင်က ဆေးဖက်ဝင်တဲ့အတွက် ကျနော်တို့ဘက်မှာ ဖမ်းတာ မရှိသေးဘူး။ ရေးမြို့နယ်ဘက်က တပတ်ဆိုရင် ၆ သိန်းဘိုး လောက် လာဝယ်တယ်” ဟု မုဒုံမြို့နယ်မှ ထိုလူငယ်က ပြောသည်။

တနင်္သာရီတိုင်း၊ မြိတ်၊ ထားဝယ်ဒေသဘက်ရှိ ရေလုပ်သားများကလည်း ဘိန်းစာရွက်ကို အမောဒဏ် ခံနိုင်ရန် အသုံးပြုကြပြီး၊ အချို့မှာ ဆီးချို၊ သွေးတိုးနှင့် ကိုယ်လက် ကိုက်ခဲခြင်းကို သက်သာစေရန် တိုင်းရင်းဆေးအဖြစ် အသုံးပြုကြသည်ဟု ထိုဒေသတွင် သွားရောက်လုပ်ကိုင်ခဲ့ဖူးသူ ရေလုပ်သားဟောင်းတဦးက ပြောသည်။ သို့သော် လည်း ယခုလူငယ်များ သုံးစွဲသကဲ့သို့ ရောစပ်သုံးစွဲ ခြင်း မဟုတ်ဘဲ အရွက်ကို ဝါးစားခြင်းသာ ဖြစ်သည်ဟု ဆိုသည်။

ဘိန်းစာရွက်ပင်သည် ကြီးထွားမှုနှုန်း မြန်ဆန်သည့် နှစ်ရှည်ပင်ဖြစ်ပြီး၊ နှစ်နှစ်အရွယ်တွင် အရွက်ကို စတင်သုံးစွဲနိုင် သည်ဟု ဆိုသည်။ ထိုင်းနိုင်ငံတောင်ပိုင်းတွင်လည်း ထိုဘိန်းစာရွက်ကို ရာဘာခြစ် လုပ်သားများက တွင်ကျယ်စွာ အသုံးပြုကြသည်ဟု ဆိုသည်။

ရုက္ခဗေဒ အခေါ်အရ Mitragyna specious အပင်အမျိုးအစား ဖြစ်သည့် ထို ဘိန်းစာရွက်ကို ထိုင်းဘာသာအားဖြင့် “ကရထောင်” ဟု ခေါ်ဆိုပြီး အရှေ့တောင်အာရှတွင် အလေ့ကျပေါက်ပင်အဖြစ် တွေ့ရှိရသည်ဟု ဆိုသည်။

ကရင်အမျိုးသားအစည်းအရုံး KNU နှင့် မွန်ပြည်သစ်ပါတီ NMSP ထိန်းချုပ်နယ်မြေများ၌ ထိုဘိန်းစာရွက်ပင်ကို မူးယစ်ဆေးဝါး အဖြစ် တားမြစ်ထားသည်။

“ကျနော် တွေ့ထားသလောက်ဆိုရင် များများသုံးတဲ့ လူငယ်တွေဟာ ဦးနှောက်က ပုံမှန် မဟုတ်တော့ဘူး။ မသောက် ရရင် မနေနိုင်လောက်အောင် စွဲတယ်။ မနှစ်က ကျနော် လွှတ်တော်မှာ တင်ပြီး အပင်တွေကို လိုက်ခုတ်လို့ သူတို့ရွာ မှာ မရှိရင် တခြားရွာမှာ လိုက်ရှာဝယ်တယ်။ စိုက်ထားတဲ့ ခြံတွေမှာ လိုက်ခိုးတယ်” ဟု လွှတ်တော်ကိုယ်စားလှယ် ဦးနိုင်ဦး က ပြောသည်။

Ref: မဇ္ဈိမ

ကချင်အမျိုးသမီးတဦး ပျောက်ဆုံးမှု အမှန် ဖော်ထုတ်ပေးရန် KWAT တောင်းဆို

ဖနိဒါ
စက်တင်ဘာလ ၂၈ ရက် ၂၀၁၂ ခုနှစ်

၁၁ လကြာ အစိုးရ စစ်တပ်မှ ဖမ်းဆီးသွားပြီးနောက် ယခုထိ ပျောက်ဆုံးနေသော ကချင်အမျိုးသမီး ဒေါ်ဆွမ်လွတ် ရွယ်ဂျား နှင့် ပတ်သက်၍ စုံစမ်းစစ်ဆေးကာ မှန်ကန်စွာ တရားစီရင်ပေးရန် သမ္မတ ဦးသိန်းစိန်ထံ ကချင်အမျိုးသမီး အစည်းအရုံး KWAT က တောင်းဆိုလိုက်သည်။

ပြီးခဲ့သည့်နှစ် အောက်တိုဘာလ ၂၈ ရက်နေ့က မြောက်ပိုင်းတိုင်း စစ်ဌာနချုပ်(မပခ) လက်အောက်ခံ လွယ်ဂျယ် မြို့နယ်၊ လွယ်လုံတောင် မုဘွမ်အခြေစိုက် တပ်ရင်း (၃၂၁) တပ်သားများက မိုးမောက်မြို့နယ်၊ လွယ်ဂျယ်မြို့နယ်ခွဲ၊ ခိုင်ဗန်း ကျေးရွာနေ ဒေါ်ဆွမ်လွတ်ရွယ်ဂျား အား ဖမ်းဆီးသွားခြင်းနှင့်ပတ်သက်၍ အမှုမှန် ပေါ်ပေါက်ရေးနှင့် မျှတသော တရားစီရင်မှု ဖော်ဆောင်ပေး ရန်ရန် အိတ်ဖွင့်ပေးစာ ပေးပို့လိုက်ခြင်း ဖြစ်သည်။

“ကျမတို့ အမှန်တရားကို လိုချင်တယ်။ သတ်လိုက်ပြီဆိုရင်လည်း သတ်လိုက်ပြီ ဆိုတာ သိချင်တယ်။ ခု သူတို့ လိမ်နေတယ်။ ခုတော့ တရားမျှတမှုက မပြောနဲ့ အမှန်တရားတောင် မပေါ်ဘူး။ အမှန်တရား ပေါ်ပေါက်မှ တရားမမျှတမှု ရှိမယ်လေ” ဟု KWAT မှ တာဝန်ရှိသူ ဒေါ်မွန်းနေလီ က မဇ္စျိမကို ပြောသည်။

ဒေါ်ရွယ်ဂျား၏ အမှုကို ကုလသဂ္ဂ လူ့အခွင့်အရေး အထူးကိုယ်စားလှယ် မစ္စတာ ကွန်တားနား၏ အဖွဲ့မှ KWAT ထံ လာရောက် မေးမြန်း မှုများ ရှိခဲ့ပြီးဖြစ်၍ တုံ့ပြန်မှု ရှိမည်ဟု မျှော်လင့်ကြောင်း ဒေါ်မွန်းနေလီက ဆက်ပြောသည်။

“တခုခု လုပ်ဆောင်ပေးမယ်လို့ မျှော်လင့်တယ်။ ကုလသမဂ္ဂ ဒီလူ့အခွင့်အရေး ကိုယ်စားလှယ် တွေကလည်း မေးမြန်းတာတွေ ရှိတယ်ဆိုတော့ သူတို့ဘက်က တခုခု တုံ့ပြန်မယ်လို့ မျှော်လင့်တယ်” ဟု ဒေါ်မွန်းနေလီ က ဆိုသည်။

လာရောက်ဖမ်းဆီးသည့် တာဝန်ရှိသူများကို အရေးယူပေးရန် နေပြည်တော်ရှိ ပြည်ထောင်စု လွှတ်တော် တရားချုပ်ရုံးသို့ ခင်ပွန်းဖြစ်သူ ဦးဒေါင်လွမ်း က တင်ပြခဲ့သော်လည်း တရားရုံးက လျှောက်ထားခွင့်မရခဲ့သည့်အပြင် အထောက်အထား ခိုင်လုံမှု မရှိဟုဆိုကာ ပယ်ချခဲ့သည်။

စွပ်စွဲထားသည့်အတိုင်း ဒေါ်ဆွမ်လွတ် ရွယ်ဂျားကို ဖမ်းဆီးထားခြင်း မရှိကြောင်း မပခ လက်အောက်ခံ တပ်ရင်း ၃၂၁ မှဗိုလ်ကြီး ကျော်ကျော်ဌေးနှင့် ခလရ ၃၇ မှဗိုလ်မှူး ဇေယျာအောင်တို့ ဖေဖော်ဝါရီလ ၂၃ ရက်နေ့က လျှောက်လဲ ချက်ပေးခဲ့သဖြင့် တရား ရုံး ချုပ်က ပယ်ချလိုက်ခြင်း ဖြစ်သည်။

“တရားသူကြီးသည် စွပ်စွဲခံရသူများဘက်မှ ထွက်ဆိုသော ထွက်ဆိုချက်တခုတည်းကို အခြေခံ၍ ဆုံးဖြတ်ခဲ့ခြင်း ဖြစ်သည်။ ထိုပြစ် မှုအား ဒေသခံ အာဏာပိုင်များထံသို့ မည်သည့်အခါမှ တင်သွင်းတိုင်ကြားခဲ့ခြင်း မရှိဟုတရားသူကြီးက အစီရင်ခံစာတွင် မှားယွင်း စွာ ဖော်ပြခဲ့သည်” ဟု အိတ်ဖွင့်စာတွင် ပါရှိသည်။

ဖမ်းဆီးခံရသူ၏ ယောက္ခမသည်လည်း ပြည်နယ်ဝန်ကြီးချုပ်၊ ဗန်းမော်ခရိုင် အုပ်ချုပ်ရေးမှူးနှင့် တပ်ရင်း ၃၂၁ တပ်ရင်းမှူးများထံသို့ အသနားခံစာ တင်သွင်းခဲ့သည်။

Ref: မဇ္ဈိမ

အစိုးရ လုပ်ရပ်များအပေါ် တိုင်းရင်းသားများ သံသယရှိကြောင်း အမေရိကန်ကို ပြော

ဖနိဒါ
စက်တင်ဘာလ ၂၈ ရက် ၂၀၁၂ ခုနှစ်

မြန်မာအစိုးရ၏ ငြိမ်းချမ်းရေး ဖော်ဆောင်မှု လုပ်ငန်းစဉ်များ လက်တွေ့ လုပ်ဆောင်ရာတွင် တိုင်းရင်းသားများအနေနှင့် မေးခွန်း ထုတ်စရာ သံသယများ ရှိနေဆဲ ဖြစ်ကြောင်း ထိုင်းနိုင်ငံ အခြေစိုက် တိုင်းရင်းသား မဟာမိတ်အဖွဲ့အစည်းများက ပြောဆိုလိုက် သည်။

နယူးယောက်မြို့တွင် အမေရိကန် နိုင်ငံခြားရေးဌာန အရာရှိကြီးများနှင့် တွေ့ဆုံစဉ် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC နှင့် ပြည်ထောင်စု မြန်မာနိုင်ငံ အမျိုးသားကောင်စီ NCUB တို့မှကိုယ်စားလှယ် များက ပြောဆို ခဲ့ကြခြင်း ဖြစ်သည်။

အရှေ့အာရှနှင့် ပစိဖိဆိုင်ရာ အမေရိကန် လက်ထောက် နိုင်ငံခြားရေးဝန်ကြီး ကာ့တ်ကင်းဘဲ Kurt Campbell ၊ လက် ထောက် ဒု-နိုင်ငံခြားရေးဝန်ကြီး ဂျိုးဇက်ဝိုင်ယွန်တို့ အပါအဝင် အမေရိကန် အစိုးရအရာရှိများနှင့် စက်တင်ဘာလ ၂၄ ရက်နေ့က တွေ့ဆုံ ဆွေးနွေးခဲ့ကြခြင်း ဖြစ်ကြောင်း NCUB ၏ အမေရိကန် ပြည်ထောင်စု ဒါရိုက်တာ ကိုမိုးချမ်း က ပြောသည်။

“တိုင်းရင်းသားတွေက အပစ်အခတ် ရပ်စဲရေး မအောင်မြင်တဲ့ ကိစ္စတွေ၊ ကချင်နဲ့ ရှမ်းမှာ တိုက်နေတဲ့ကိစ္စတွေ၊ စစ်အစိုးရက ဒီအချိန်အထိ လူတွေကို ခွဲခြား ဆက်ဆံပြီးတော့မှ အုပ်ချုပ်နေသလားဆိုတဲ့ မေးခွန်းတွေ သူတို့မှာ ရှိနေတယ်။ အစိုးရ ဆက်ဆံ နေတဲ့ ပုံစံက အမြဲတမ်း ခွဲထုတ်ပြီးတော့မှ တောင်ပိုင်းမှာတော့ ငြိမ်းချမ်းရေးလုပ်တယ်။

မြောက်ပိုင်းမှာတော့ ကချင်နဲ့ ရှမ်းကို ထိုးစစ်ဆင်နေတယ်ဆိုတော့ ဘာသဘောလဲဆိုတာ သူတို့မှာလည်း မေးခွန်းတွေ မေးဖို့ ရှိနေပါတယ်။ ဒီကိစ္စနဲ့ ပတ်သက်လို့ သံသယကြီးစွာ ရှိနေပါတယ်” ဟု မဇ္စျိမကို ပြောသည်။

NCUB ဥက္ကဋ္ဌ၊ UNFC ဒု- ဥက္ကဌ ဒေးဗစ်သာကဘော ဦးဆောင်သည့် တိုင်းရင်းသား ကိုယ်စားလှယ်အဖွဲ့တွင် UNFC အထွေထွေ အတွင်းရေးမှူး (၂) ဗိုလ်မှူးကြီး ခွန်ဥက္ကာ၊ နိုင်ငံခြားရေး အဖွဲ့ဝင် Sao Swy Mangrai၊ UNFC အဖွဲ့ဝင် ကချင်လွတ်လပ်ရေး အဖွဲ့ KIO မှ ဗိုလ်မှူးကြီး လအောင်နှင့် ကိုမိုးချမ်းတို့ ပါဝင်သည်။

သမ္မတ ဦးသိန်းစိန်၏ လုပ်ဆောင်ချက်များအပေါ် ကြိုဆိုသော်လည်း တိုင်းရင်းသားအရေး ဖြေရှင်းမှုတွင် လက်တွေ့ ကျကျ အကောင်အထည်ဖော်ရန်နှင့် သမ္မတသည် ကာကွယ်ရေး ဦးစီးချုပ် လက်အောက်ခံ တပ်မတော်၏ သြဇာလွှမ်းမိုးမှု ရှိလားဆိုသည့် မေးခွန်းများ ရှိနေပြီး သံသယရှိနေကြောင်း သူက ဆိုသည်။

“တပ်မတော်ပေါ်မှာ သြဇာလွှမ်းမိုးမှု မရှိဘူးဆိုရင် အနာဂတ် အောင်မြင်ပါ့မလား။ အထူးသဖြင့် အပစ်အခတ်ရပ်စဲရေး ကိစ္စတွေ၊ နိုင်ငံရေးစကားပြောမယ့် ကိစ္စတွေ အောင်မြင်ပါ့မလားဆိုတဲ့ မေးခွန်းတွေက တိုင်းရင်းသားခေါင်းဆောင် တွေမှာ ရှိနေပါတယ် ဆို တာတွေ ပြောတယ်” ဟုကိုမိုးချမ်း က ပြောသည်။

သမ္မတ ဦးသိန်းစိန်က နေပြည်တော်သို့ လာရောက်ရန် KIO အားတရားဝင် စာဖြင့် ဖိတ်ခေါ်ခြင်း မရှိသေးဘဲ ဝန်ကြီး ဦးအောင် မင်း ကသာ မီဒီယာများတွင်သာ ပြောဆိုခြင်း ဖြစ်သည်ဟု KIO မှ ဗိုလ်မှူးကြီး လအောင်က ရှင်းပြခဲ့သည်ဟု သိရှိရသည်။

လက်ရှိ ကချင်ပြည်နယ်အတွင်း အစိုးရစစ်တပ်၏ လူ့အခွင့်အရေး ထိုးဖောက်မှု မှတ်တမ်းများကိုလည်း တင်ပြနိုင်ခဲ့ သည်ဟု ဆို သည်။

ကိုယ်စားလှယ်များသည် ၆၇ ကြိမ်မြောက် ကုလသမဂ္ဂ ညီလာခံ တက်ရောက်နေသော ကုလအဖွဲ့အစည်းများနှင့် လည်းတွေ့ဆုံ ခွင့် ရရန် ကြိုးစားနေပြီး

မြန်မာ့အရေး စိတ်ဝင်စားသော NGO များနှင့် အမေရိကန်နိုင်ငံတွင် နေထိုင်နေသော တိုင်းရင်းသားများနှင့် တွေ့ဆုံ ဆွေးနွေး ခဲ့ကြသည်။

မြန်မာ့အရေးနှင့် ပတ်သက်၍ လှုပ်ရှားဆောင်ရွက်ပေးနေသော အမေရိကန်နိုင်ငံ အထက်လွှတ်တော်အမတ် ဂျွန်ကယ်ရီယွန်းနှင့် လည်း တွေ့ဆုံ ဆွေးနွေးနိုင်ခဲ့သည်ဟု ဆိုသည်။

ယခု ခရီးစဉ်သည် တိုင်းရင်းသားတပ်ပေါင်းစု သဘောဆောင်သည့် UNFC နှင့် NCUB တို့၏ ပထမဆုံး ပူးတွဲခရီးစဉ် ဖြစ်သည်။

ယင်းအဖွဲ့နှစ်ဖွဲ့ ခေါင်းဆောင်များသည် မတ်လအတွင်းက အစည်းအဝေးတခု ကျင်းပ၍ အစိုးရအား ၂ဝ၁၅ ခုနှစ်မတိုင်မီ နိုင်ငံ ရေး ပြဿနာများနှင့် ပတ်သက်၍ ဖြေရှင်းပေးရန် ဆုံးဖြတ်နိုင်ခဲ့သည်ဟု သိရသည်။

NCUB ကို တိုင်းရင်းသားလက်နက်ကိုင် အဖွဲ့အစည်းများ၊ ၁၉၉ဝ လွှတ်တော် ကိုယ်စားလှယ်များ၊ ထိုင်း-မြန်မာ နယ်စပ် အခြေ စိုက် ဒီမိုကရက်တစ် အတိုက်အခံများဖြင့် ၁၉၉၂ ခုနှစ်က စတင်ဖွဲ့စည်းခဲ့သည်။

UNFC ကို တိုင်းရင်းသား အဖွဲ့အစည်း ၁၂ ဖွဲ့ဖြင့် ၂ဝ၁၁ ခုနှစ် ဖေဖော်ဝါရီလက စတင်ဖွဲ့စည်းခဲ့ခြင်း ဖြစ်သည်။

နိုင်ငံရေးပြဿနာများကို ဆွေးနွေးဖြေရှင်းနိုင်ရေးအတွက် ဗုဒ္ဓဟူးနေ့ကလည်း သမ္မတ ဦးသိန်းစိန်ထံသို့ UNFC မှ အိတ်ဖွင့်ပေးစာ တစောင် ပေးဖို့ထားသည်။

၎င်း အိတ်ဖွင့်ပေးစာတွင် အစိုးရ၏ ပြည်ထောင်စုအဆင့် ငြိမ်းချမ်းရေးဆွေးနွေးခြင်းပါ အချက် ၈ ချက် အနက် အမှတ် (၅)၊ (၆)၊ (၇) နှင့် (၈) တို့ ဖြစ်သော ပါတီထောင်၍ ရွေးကောက်ပွဲဝင်ရေး၊ ၂ဝဝ၈ ဖွဲ့စည်းပုံကို လွှတ်တော်အတွင်းမှ သဘောတူ ဆောင်ရွက်ရေး၊ ထာဝရ ငြိမ်းချမ်းရေး အတွက် ဥပဒေဘောင် အတွင်းသို့ အပြီးအပိုင်ဝင်ပြီး ဖွဲ့စည်းပုံနှင့် အညီ တန်းတူညီတူ နေထိုင်သွားလာလုပ်ကိုင် စားသောက်ရေးနှင့် ဖွဲ့စည်းပုံဥပဒေနှင့်အညီ တခုတည်းသော လက်နက်ကိုင် အဖွဲ့အစည်းအဖြစ် အသွင် ပြောင်းရေးကို ညှိနှိုင်းဆောင်ရွက်ရေး ဆိုသည့် အချက်များမှာတန်းတူခြင်း၊ လွတ်လပ်ခြင်းနှင့် မျှတခြင်း မရှိ၍ လက်မခံနိုင်ကြောင်း ဆိုထားသည်။

ထိုအချက်များသည် နိုင်ငံရေးအရ ဆွေးနွေးဖြေရှင်းခြင်း မပြုသေးမီ တိုင်းရင်းသား လက်နက်ကိုင် အဖွဲ့အစည်းများကို ချုပ်ကိုင်ပြီး လိုသလို ပုံသွင်းနိုင်ရန် စီမံထားသော အချက်များ ဖြစ်သည်ဟု ရှုမြင်သည်ဟု ဖော်ပြထားသည်။

Ref:

Subscribe to: Posts (Atom)

အပေါ်သို့