စစ်လက်ကျန် ဗုံးများ ရန်ကုန်တွင် ရှိနေဆဲ

ခင်မျိုးသွယ်
နိုဝင်ဘာလ ၂၅ ရက် ၂၀၁၂ ခုနှစ်

လူဦးရေ သန်း ၆ဝ ကျော် ရှိနေသည့် ရန်ကုန်မြို့တွင် စစ်လက်ကျန် ဗုံးများ ရှိနေဆဲ ဖြစ်ကြောင်း ဘူမိဗေဒပညာရှင်များနှင့် အသက် ၆ဝ အထက် ရန်ကုန် ဒေသခံများက ဆိုသည်။

“ဒုတိယ ကမ္ဘာစစ်အပြီး စစ်လက်ကျန် ဗုံးတွေကို ရန်ကုန်မြို့ရဲ့ နေရာအတော်များများမှာ ရှိနေပါတယ်။ မကြာသေးခင်က စမ်းချောင်းမြို့နယ်အတွင်းမှာ ကလေးတယောက် မြေကြီးတူးရင်း စစ်ကျန်ဗုံးတလုံး တွေ့တဲ့ သတင်းတပုဒ် ဖတ်လိုက်ရတယ်” ဟု ရန်ကုန် တက္ကသိုလ်၊ ဘူမိဗေဒဌာနမှ ကျောင်းဆရာတဦးက ပြောသည်။

အလားတူ ၂ဝ၁၁ ခုနှစ်ကလည်း ကုမ္ပဏီကြီးတခုက ကမ်းနားလမ်းကို တိုးချဲ့ဖေါက်ရင်း ပန်းဆိုးတန်းလမ်း ဝန်းကျင် အရောက်တွင် စစ်လက်ကျန် ဗုံးတလုံး တွေ့ရှိခဲ့သည်။

ဒုတိယကမ္ဘာစစ်အတွင်းက စစ်လက်ကျန်ဗုံးများကို ရန်ကုန်မြို့ရှိ ယခင် ကပစ နေရာနှင့် အင်းလျားလိတ် ဝန်းကျင်တွင် လည်း ကောင်း၊ မင်္ဂလာဒုံမြို့နယ် ယခင် ရော်ဘာခြံ - လျှပ်စစ်စက်ရုံနေရာ ဝန်းကျင်တွင် လည်းကောင်း ရှိနေသည်ဟု ဘူမိဗေဒပညာရှင် ဦးစိုးသိန်း က ဆိုသည်။

“၁၉၇၈ ဝန်းကျင်လောက်က လှိုင်မြို့နယ် မီးသတ်စခန်း အနောက်ဘက် စက်မှုဌာနပိုင် တိုက်တွေ ဆောက်ဖို့ မြေကြီးတူးတုန်း က စစ်လက်ကျန်ဗုံးတွေ အများအပြား တွေ့ခဲ့ရတယ်။ တီအီးကားနဲ့ လေးငါးစီး တိုက်ထုတ်ခဲ့ ရတယ်။ လက်ထဲမှာ ကင်မရာ မရှိတော့ မှတ်တမ်းမတင်နိုင်ခဲ့ဘူး။ အဲ့ဒီတုန်းက ကျနော်က တက္ကသိုလ်မှာ အလုပ်စဝင်ကာစပေါ့” ဟု ဒဂုံတက္ကသိုလ် ဘူမိဗေဒဌာန အငြိမ်း စားပါမောက္ခ ဆရာကြီး ဦးစိုးသိန်း က ပြောသည်။

ဂျပန်ခေတ်က ဗုံးများကို မွန်ပြည်နယ်၊ မော်လမြိုင်မြို့နှင့် ကျိုက်မရောမြို့ကြားရှိ ရွာသစ်ရွာနှင့် မင်းရွာကြားရှိ ရော်ဘာတောထဲ တွင် စက်ရုံတည်ကာ ထုတ်လုပ်ခဲ့ကြောင်း မှတ်တမ်းများအရ သိရသည်။

“ရွာသစ်ရွာနှင့် မင်းရွာကြား ရော်ဘာတောထဲမှာ စက်ရုံတည်ပြီး ဗုံးတွေ ထုတ်ခဲ့တယ်။ အဲဒီနေရာက မော်လမြိုင် လေယာဉ်ကွင်း နဲ့ လည်း နီးတယ်။ စက်ရုံက ထုတ်တဲ့ ဗုံးတွေကို လေယာဉ်ပေါ်တင်ပြီး မြန်မာပြည်အနှံ့ ဗုံးတွေ လိုက်ကြဲတယ်။ ဗုံးတွေ ကောင်းမ ကောင်း လည်း အဲ့ဒီနားမှာ စမ်းသပ်ဖောက်ခွဲသေးတယ်” ဟု မော်လမြိုင်ဇာတိ အသက် ၇ဝ ကျော် ဦးသာအောင် က ပြောသည်။

လွတ်လပ်ရေးရပြီးစအချိန်က ကျိုက်မရောကားလမ်းနံဘေးရှိ ရွာတရွာတွင် မိသားစု မီးလှုံရင်း မီးပုံအောက်မှ စစ်လက်ကျန် ဗုံးတလုံး ပေါက်ကွဲကာ မိသားစုတစုလုံး သေဆုံးခဲ့ရကြောင်း ကျိုက်မရော ဒေသခံများ၏
ပြောပြချက်အရ သိရသည်။

“ရွာသစ်နဲ့ မင်းရွာကြားက ရော်ဘာတောထဲမှာ ဗုံးတွေ ခွဲထားတဲ့ ကျင်းအဟောင်းတွေ ရှိနေပါသေးတယ်” ဟု ဦးသာအောင် က ဆက်ပြောသည်။

အကယ်၍ ဗုံးများရှိနေသည့် မြေပြင်ပေါ်တွင် အပူပေးခြင်း မီးဖိုခြင်းများ ပြုလုပ်မိပါက မြေအောက်ရှိ ဗုံးများမှာ မြေပြင်ပေါ်ရှိ အပူရှိန်ကြောင့် ပေါက်ကွဲမှု ဖြစ်ပွားနိုင်ကြောင်း ဘူမိဗေဒပညာရှင်များက သတိပေး ပြောကြား သည်။

Ref: မဇ္ဈိမ

Read More...

Collapse...

တိုင်းရင်းသား ဒီဂရီကောလိပ် ကျောင်းသားများ ဆက်လက် ဆန္ဒပြမည်

ဖနိဒါ
နိုဝင်ဘာလ ၂၃ ရက် ၂၀၁၂ ခုနှစ်

မန္တလေးတိုင်း၊ ပြည်ကြီးတံခွန်မြို့နယ်ရှိ တိုင်းရင်းသားများ ဖွံဖြိုးတိုးတက်ရေး ဒီဂရီ ကောလိပ်တွင် ပြန်လည် ပညာသင်ယူခွင့် မရမချင်း စစ်ကိုင်းတိုင်း၊ ရွာသစ်ကြီးကျောင်းသစ်မှ ကျောင်းသား ၅၀၀ ခန့်က ဆက်လက် ဆန္ဒပြသွားမည်ဟု သိရသည်။

ပြောင်းရွှေ့ခံရသော ရွာသစ်ကြီးတွင် နေထိုင်ရေး၊ ပညာသင်ကြားရေး အဆင်မပြေမှုများ ရှိသဖြင့် ကြာသာပတေးနေ့ ည ၇ နာရီမှ စတင်ကာ ၎င်းတို့၏ ပစ္စည်းအထုပ်အပိုးများကို သယ်ဆောင်၍ မူလ ပြည်ကြီးတံခွန် မြို့နယ်ရှိ ကျောင်းသို့ လမ်းလျှောက် ဆန္ဒပြ ခဲ့သည်။

သောကြာနေ့ မွန်းလွဲ ၁၂ နာရီချိန်မှစ၍ ပြည်ကြီးတံခွန်ကျောင်းရှေ့ အပေါက်ဝမှ ကားလမ်း တလျှောက်တွင် ကျောင်းသား များက တိုင်းရင်းသား ရိုးရာဝတ်စုံများ ဝတ်ဆင်ကာ ဒူးထောက်၍ ငြိမ်းချမ်းစွာ ဆန္ဒပြနေကြပြီး မူလကျောင်းအား ပြန်လည်တက်ခွင့် ပေး မည်ဟု တစုံတရာ အဖြေ မရမချင်း ဆက်လက် ဆန္ဒပြကြမည် ဖြစ်ကြောင်း မြို့ပြအင်ဂျင်နီယာ ကျောင်းသား ရှမ်းတိုင်းရင်းသား ကိုသိန်းကိုကိုအောင် က ပြောသည်။

“ကျနော်တို့ ကျောင်းပြန်ပေးမယ်ဆိုတဲ့ အဖြေမရမချင်း နေပူခံပြီးတော့ ထိုင်စောင့်နေတာပါ။ ကျနော်တို့ ခံစားချက်ကို လူကြီးတွေ အားလုံးသိစေချင်တဲ့သဘော လမ်းလျှောက်မယ်။ ကျနော်တို့ အခဲအခဲတွေ အများကြီးရှိတယ်။ အရင် ကျောင်းတော်ကြီးကိုပဲ ဆက် လက် ပညာသင်ကြားချင်တာ” ဟု မဇ္ဈိမကို ပြောသည်။

မွန်းလွဲပိုင်းတွင် နယ်စပ်ရေးရာဝန်ကြီးဌာန ဒုတိယ ဝန်ကြီး ဗိုလ်ချုပ်ဇော်ဝင်း လာရောက်၍ ကျောင်းသားများ ဆန္ဒအတိုင်း အထက် ဝန်ကြီးဌာနသို့ တင်ပြမည်ဟု ပြောဆိုထားသည်ဟု ကိုသိန်းကိုကိုအောင် က ပြောသည်။

ကျောင်းသားများက ရွာသစ်ကြီးကျောင်းသို့ မပြောင်းရွှေ့လိုကြောင်း သမ္မတ ဦးသိန်းစိန်ထံ အသနားခံစာ နှစ်ကြိမ် တိုင်တိုင် တင်ပြခဲ့သော်လည်း မည်သည့် တုံ့ပြန်မှုမှ မရရှိခဲ့ဘဲ အခက်အခဲ အမျိုးမျိုးနှင့် ရင်ဆိုင်နေရသဖြင့် ယခုကဲ့သို့ ဆန္ဒပြရခြင်း ဖြစ်သည်ဟု ဆိုသည်။

အဆိုပါ ဒီဂရီကောလိပ်အား ၂ဝဝဝ ခုနှစ်က စတင်ဖွင့်လှစ်ခဲ့ပြီး သိပ္ပံ၊ ဝိဇ္ဇာနှင့် နည်းပညာများ သင်ကြားပေးနေရာ အမှတ်စဉ် ၁၁ ထိ ရှိခဲ့ရာမှ ၂ဝ၁၁ ခုနှစ်၊ စက်တင်ဘာလတွင် ရွာသစ်ကြီးကျေးရွာသို့ နယ်စပ်ရေးရာ ဝန်ကြီးဌာန၏
နှုတ်မိန့်ဖြင့် ပြောင်းရွှေ့ခံခဲ့ရသည်။

အစိုးရက တိုင်းရင်းသားအရေးအား ဦးစားပေးနေသည်ဟု ပြောသော်လည်း တိုင်းရင်းသား၏ ပညာရေးကို လစ်လျူရှု ခံနေရသည်ဟု ကျောင်းသားများ ခံစားနေရပြီး ၁၂ နှစ်တိုင်တိုင် ပြည်ထောင်စု စိတ်ဓါတ်ဖြင့် တည်ဆောက်ထားသည့် မူရင်းကျောင်းအား ဆက် လက် ထိန်းသိမ်းကာကွယ်စောင့်ရှောက်လိုသည့် ဆန္ဒရှိကြသည်ဟု ကိုသိန်းကိုကိုအောင် က ပြောသည်။

ရွာသစ်ကြီးလို နေရာမျိုးတွင် ခေတ်မီနည်းပညာများကို လေ့လာသင်ယူရသည်မှာ အခက်အခဲရှိပုံကို အင်ဂျင်နီယာ ကျောင်းသား ရှမ်းလူမျိုး ကိုအောင်မင်းသန့် က “မြို့နဲ့ အလှမ်းမဝေးတဲ့ နေရာ၊ နည်းပညာတွေ အလွယ်တကူ သင်ယူနိုင်တဲ့ နဂိုနေရာမှာ ဆက် သင်ယူလိုတယ်။ IT ခေတ်ဆိုတော့ ဖွံ့ဖြိုးတိုးတက်တဲ့ နည်းပညာကို တတ်နိုင်သလာက် လေ့လာချင်တယ်။ မြို့ပြရဲ့ ဖွံ့ဖြိုးတိုးတက်မှု တွေ ကျနော်တို့ လေ့လာချင်တယ်။ ဖွံ့ဖြိုး တိုးတက်နေတဲ့အချိန်မှာ ကျနော်တို့က မြို့ပြနဲ့ အလှမ်းဝေးနေရာမှာ လေ့လာနေရာ တယ်ဆိုတော့ အရမ်း ခက်ခဲတယ်” ဟု မဇ္စျိမကို ပြောသည်။

ဝေးလံခေါင်ဖျားသည့် တိုင်းရင်းသားဒေသများမှ တက္ကသိုလ်စာမေးပွဲအောင်မြင်သူများ အစိုးရဝန်ကြီး ဌာနတိုင်းတွင် ပြန်လည် တာဝန်ထမ်းဆောင်ရေး ရည်ရွယ်၍ အဆိုပါ ကောလိပ်အား တက်ရောက်လာခြင်းဖြစ်၍ မြို့ပြ ဖွံ့ဖြိုး တိုးတက်မှုအား လေ့လာခွင့် ရလိုသည်ဟု သူက ဆိုသည်။

အကြောင်းပြချက် မသိရဘဲ ရုတ်တရက် ရွာသစ်ကြီးသို့ ပြောင်းရွှေ့ရသဖြင့် ဆရာ/ဆရာမ များလည်း များစွာ အခက်အခဲနှင့် ရင်ဆိုင်ရသည်ဟု ဆရာမ တဦးက ပြောသည်။

“သူတို့ ဖွံ့ဖြိုးနေတဲ့ အခြေအနေမှာ သူတို့ကို သူစိမ်းချိုး ချိုးလိုက်သလိုပါဘဲ။ ကျမတို့ အရမ်းခံစားရတယ်။ ကျမတို့ ဘက်ကလည်း အဆင်မပြေမှုတွေ များသလို၊ ကလေးတွေ အတွက်လည်း အရမ်းသနားမိတယ်။ သူတို့တွေက အရမ်း တက်လာတယ်လေ။ ကလေးတွေ ပညာဆက်သင်တယ်။ ဒါပေမယ့် သွားရေးလာရေးရော၊ နေရေးထိုင်ရေးရော ခက်ခဲလာတာကို တွေ့နေရလို့ စိတ်ညစ်ရတယ်” ဟု မဇ္စျိမကို ပြောသည်။

ဆန္ဒပြသူများအား အစိုးရ စစ်ကား သုံးစီး အင်အားအပြည့်နှင့် လာရောက်စောင့်ကြည့်နေသလို ထိုကောလိပ် ကျောင်းသား များ လုံခြုံရေးအတွက် ယင်းတို့၏ ဆရာ၊ ဆရာမများလည်း စောင့်ကြည့်နေသည်ဟု ဆရာမ ပြောသည်။

အစားအသောက်အတွက် တရက်လျှင် လူတဦး ၁၅ဝ ကျပ် ထောက်ပံ့ပေးသော်လည်း လုံလောက်မှု မရှိသဖြင့် ကျောင်းသား များ ကိုယ့်နည်းကိုယ့်ဟန်ဖြင့် ဖြေရှင်းနေရကာ ယခုနှစ် ဘတ်ဂျက်တွင် ကျောင်းသားတဦးလျှင် ကျပ် ၅ဝဝ စီပေး မည်ဟု သိရ သော်လည်း ယနေ့ထိ ထောက်ပံ့ခြင်း မရှိသေးကြောင်း သူက မဇ္စျိမကို ပြောသည်။

ရွာသစ်ကြီးကျောင်းတွင် လျှပ်စစ်မီး မလုံလောက်ခြင်း၊ ဖုန်းဆက်သွယ်မှု ခက်ခဲခြင်း၊ အင်တာနက် မရရှိခြင်း၊ သင်ထောက်ကူ ပစ္စည်းများ ထားသိုရန် နေရာ မလုံလောက်ခြင်း၊ နေအလင်းရောင် ရရှိမှု နည်းခြင်း၊ မြို့ပြ ယဉ်ကျေးမှုဆိုင်ရာများ လေ့လာခွင့်များ မရှိခြင်းတို့ကြောင့် ယခုကဲ့သို့ ကျောင်းသားများ ဆန္ဒပြရသည်ဟု မန္တလေးမြို့မှ အမျိုးသားဒီမိုကရေစီအဖွဲ့ချုပ် အဖွဲ့ဝင် ကိုမျိုးနိုင်က ပြောသည်။

“သူတုိ့က နယ်စပ်ဒေသကနေ လာပြီးကျောင်းလာတက်တော့ မြို့ပြယဉ်ကျေးမှုကို သိချင်တာ။ အရင်ကျောင်းက သူတို့ ကိုယ်တိုင် စိုက်ပျိုး၊ ပြုစုခဲ့တဲ့ ဥယျာဉ် တော်တော်စုံတယ်။ အဲဒီကျောင်းမှာ ကောင်းတာက ကျောင်းအုပ်ကြီး ကနေ ဆရာမတွေအဆုံး စု ပေါင်းရှင်ပြုတာတို့၊ အားလုံး ညီညီညွတ်ညွတ်နဲ့ ဆောင်ရွက်ခဲ့ကြတာ။ အဲဒီ အနေအထား ကနေ ပျက်သွားတာ။ ကလေးတွေက အဲဒါကို Feeling ဖြစ် (ခံစား)သွားတာ”ဟု သူက မဇ္စျိမကို ပြောသည်။

ထို ပြည်ကြီးတံခွန်ကျောင်းအား မန္တလာ ကောလိပ်ကျောင်း ဟူ၍ ဖွင့်လစ်မည်ဟု ကြားသိရသည်ဟု ကျောင်းသား များက ဆိုသည်။

ထိုကောလိပ်ကျောင်းတွင် ဝေးလံခေါင်ပါးသည့် နယ်စပ်ဒေသများမှ ကချင်၊ ရှမ်း၊ ချင်း၊ ကရင် စသည့် တိုင်းရင်းသား လူမျိုး ၃၃ မျိုးမှ ကျောင်းသား ၅ဝဝ ကျော် ပညာ သင်ကြားနေပြီး ဆရာ၊ ဆရာမများနှင့် ဝန်ထမ်း ၁ဝဝ ခန့် ရှိသည်ဟု သိရှိရသည်။

Ref: မဇ္ဈိမ

Read More...

Collapse...

ဒေါ်အောင်ဆန်းစုကြည်က ‘Burma’ လို့ပဲ ဆက်ခေါ်မည်

နိုဝင်ဘာလ ၂၃ ရက် ၂၀၁၂ ခုနှစ်

မြန်မာနိုင်ငံအား အင်္ဂလိပ်လို ခေါ်ဝေါ်ရာတွင် Myanmar အစား Burma ဟုသာ ဆက်လက် ခေါ်ဝေါ်သုံးစွဲသွားမည်ဟု အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ထုတ်ဖော် ပြောဆိုလိုက်သည်။

တိုင်းတပါး အစိုးရများက မြန်မာနိုင်ငံအား Myanmar ဟု အင်္ဂလိပ်လို ခေါ်ဝေါ်နေကြသည်ကို စိတ်ပျက်မိကြောင်း လည်း နယူးဇီလန် ဝန်ကြီးချုပ်နှင့် ကြာသပတေးနေ့က နေပြည်တော်တွင် တွေ့ဆုံစဉ် ပြောကြားလိုက်ခြင်းဖြစ်သည်။

“ကျမကတော့ နိုင်ငံအမည်ကို ပြည်သူတွေက ဘယ်လို သတ်မှတ်ခေါ်ဝေါ်ချင်တယ်ဆိုတာ မဆုံးဖြတ်မချင်း (အင်္ဂလိပ်လို) Burma လို့ပဲ အမြဲဆက်ခေါ်နေမှာပါ” ဟု ဒေါ်အောင်ဆန်းစုကြည်၏ ပြောစကားအား ကိုးကား၍ ANI နှင့် နိုင်ငံခြား သတင်းဌာနများတွင် ရေးသားဖော်ပြထားသည်။

မြန်မာနိုင်ငံအား အင်္ဂလိပ်လို ခေါ်ဝေါ်ရာတွင် Burma ဟု လွတ်လပ်ရေးခေတ် တလျှောက်လုံး သတ်မှတ် ခေါ်ဝေါ် လာခဲ့ရာမှ ၁၉၈၉ ခုနှစ်၊ ဗိုလ်ချုပ်မှူးကြီး စောမောင် ဦးဆောင်သည့် နဝတ စစ်အစိုးရ လက်ထက်တွင် Myanmar ဟု ပြောင်းလဲပစ်ခဲ့ခြင်း ဖြစ်သည်။ ထိုစဉ်က ပြည်သူ့ လွှတ်တော်ဟူ၍ မရှိခဲ့ဘဲ အမည် အတော်များများကို စစ်အစိုးရ က ပြောင်းလဲ သတ်မှတ်ခဲ့ခြင်းဖြစ်သည်။ ထို့သို့ စစ်အစိုးရက ‘ဗမာ’ ‘မြန်မာ’ အပါအဝင် အမည် ပြောင်းလဲခေါ်မှုများ အား ထိုစဉ်က ကျောင်းသားခေါင်းဆောင် တဦးက “ဗုဒ္ဓ ကိုလည်း မုဒ္ဓလို့ ပြောင်းခေါ်ရမလိုပဲ” ဟု သရော်ဝေဖန်ခဲ့ဖူး သည်။

လက်ရှိ ၂ဝဝ၈ ခုနှစ်၊ နိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေတွင်လည်း Myanmar ဟုသာ သုံးစွဲထားသည်။

ဒေါ်အောင်ဆန်းစုကြည်ကလည်း ပြည်ပခရီးစဉ်များတွင် အင်္ဂလိပ်လို မိန့်ခွန်းများ ပြောရာတွင်လည်းကောင်း၊ သတင်းထောက်များနှင့် မေးဖြေပြုရာတွင်လည်းကောင်း အင်္ဂလိပ်လို Burma ဟုသာ တသမတ်တည်း သုံးစွဲလာ ခဲ့သည်။

ထို့ကြောင့် မြန်မာနိုင်ငံကို Burma ဟု သုံးနှုန်း ပြောဆိုခြင်း မပြုဘဲ အခြေခံဥပဒေ အခန်း (၁) ပုဒ်မ (၂) တွင် ဖော်ပြ ထား သည့်အတိုင်း ပြည်ထောင်စု သမ္မတ မြန်မာ နိုင်ငံတော် (သို့မဟုတ်) မြန်မာနိုင်ငံဟုသာ ခေါ်ဆို သုံးနှုန်းရန် ရွေးကောက်ပွဲ ကော်မရှင်က ဇွန်လ ၂၈ ရက်စွဲဖြင့် ကြေညာချက်တရပ် ထပ်မံထုတ်ပြန် သတိပေးခဲ့သည်။

ဒေါ်အောင်ဆန်းစုကြည်ကို ထိုင်းနိုင်ငံ ဘန်ကောက်မြို့တွင် ကျင်းပသည့် ကမ္ဘာ စီးပွားရေးဖိုရမ်တွင် Burma ဟု သုံးစွဲခဲ့ခြင်းကြောင့် ထိုသို့ မသုံးနှုန်းရန် ဇွန်လ ၁ ရက်နေ့ ရက်စွဲဖြင့် ရွေးကောက်ပွဲ ကော်မရှင်က ပထမအကြိမ် အကြောင်းကြားခဲ့သေးသည်။

သို့သော် ဒေါ်အောင်ဆန်းစုကြည်၏ လတ်တလော အိန္ဒိယခရီးစဉ်တလျှောက်လုံးတွင် Burma ဟုသာ သုံးစွဲခဲ့ပြီး ဆက်လက်၍လည်း ပြည်သူလူထုက မဆုံးဖြတ်မချင်း ဤသို့ပင် ဆက်လက် ခေါ်ဝေါ်သုံးစွဲသွားမည်ဟု ထပ်လောင်း ပြောဆိုလိုက်ခြင်း ဖြစ်သည်။

အတိုက်အခံ နိုင်ငံရေးအဖွဲ့အစည်းအချို့၏ အင်္ဂလိပ်လို အမည်များတွင်လည်း Burma ဟုသာ သုံးစွဲထားသည်။ ဥပမာအားဖြင့် All Burma Students’ Democratic Front (ABSDF)၊ Federation of Trade Unions of Burma (FTUB)၊ Communist Party of Burma (ဗကပ) ၊ Forum for Democracy in Burma (FDB) စသဖြင့် ရှိကြပြီး Democratic Voice of Burma (DVB) သတင်းနှင့်ရုပ်သံဌာနလည်း ရှိသည်။

Ref: မဇ္ဈိမ

Read More...

Collapse...

ခေါင်းဆောင် လေးဦး ရိုက်နှက်ဖမ်းဆီး၊ ရွှေလုပ်သားများ ချီတက်ဆဲ

ကွန်းချမ်း
နိုဝင်ဘာလ ၂၃ ရက် ၂၀၁၂ ခုနှစ်

နေပြည်တော်သို့ လမ်းလျှောက်ချီတက်နေကြသည့် မိုးထိမိုးမိ ရွှေလုပ်သားများအား တောင်ငူခရိုင် ရဲတပ်ဖွဲ့မှူး၏ မေတ္တာရပ်ခံချက် အတိုင်း မြို့လှမြို့အရောက်တွင် သုံးရက်ကြာ ရပ်နားပေးခဲ့သော်လည်း ပြန်လည်ချီတက်သည့် သောကြာနေ့တွင်ပင် ခေါင်းဆောင်များ ရိုက်နှက် ဖမ်းဆီးခံလိုက်ရကြောင်း ရွှေလုပ်သားများ က ပြောသည်။

တောင်ငူခရိုင်၊ မြို့လှမြို့အထွက် ရေနီစက္ကူစက်အနီးအရောက် နံနက် ၁ဝ နာရီ ဝန်းကျင်တွင် ရဲတပ်ဖွဲ့ဝင် ၂၀၀ ခန့်နှင့် အရပ်ဝတ် ၂၅ ဦးခန့်က ဝင်ရောက်ရိုက်နှက်ကာ လုပ်သား ခေါင်းဆောင် လေးဦးကို ဖမ်းဆီးသွားခြင်း ဖြစ်သည်။

“စက္ကူစက်နား ရောက်တဲ့အခါကျတော့ ရဲတွေက ဒိုင်းတွေနဲ့ ကာပြီးတော့ လမ်းကို ပိတ်လိုက်တယ်ရှင့်။ လူဝတ်တွေ က ကျမတို့ ခေါင်းဆောင်တွေကို လက်သီးနဲ့ ထိုး၊ နံပါတ်တုတ်တွေ၊ လက်ထိပ်တွေနဲ့ ဝင်ရိုက်ပြီး ရုန်းရင်းဆန်ခတ် ဖြစ်ပြီးတော့ ဖမ်းသွား တယ်ရှင့်” ဟု ချီတက်ဆန္ဒပြရာတွင် ပါဝင်သည့် မအိမွန်ကျော် က မဇ္ဈိမကို ပြောသည်။

အဖမ်းခံရသည့် ရွှေလုပ်သား ခေါင်းဆောင်များမှာ ကိုရဲရင့်ထွန်း၊ ကိုနိုင်ဝင်း၊ ကိုနေအောင်ထက်နှင့် ကိုစောနောင် တို့ ဖြစ်ကြသည်။

နိုဝင်ဘာလ ၈ ရက်နေ့မှ စတင်ကာ ရန်ကုန်မြို့မှ နေပြည်တော်သို့ လမ်းလျှောက်ချီတက်လာကြစဉ် ၁၃ ရက်မြောက် ဖြစ်သည့် မြို့လှမြို့အရောက်တွင် ခရိုင် ရဲတပ်ဖွဲ့မှူးက သမ္မတ၏ အာဆီယံအစည်းအဝေး တက်ရောက်နေမှုနှင့် အမေရိကန်သမ္မတ၏ မြန်မာပြည်ခရီးစဉ်များကြောင့် ချီတက်မှုကို ၃ ရက်ဆိုင်းငံ့စေခဲ့ပြီး ဆက်လက် ချီတက်သည့် အခါ အကူအညီပေးသွားမည်ဟု ပြောဆိုခဲ့ဖူးသည်။

“အဲဒီတုန်းက ခင်ဗျားတို့ သုံးရက် နားနေမယ်ဆိုရင် ဒီဘက် သွားရေး လာရေးကိစ္စအတွက် သူတို့ (ခရိုင်ရဲတပ်ဖွဲ့မှူး) တာဝန်ယူ တယ်လို့တော့ ပြောခဲ့တယ်ခင်ဗျ။ အဲဒီလို ပြောခဲ့ပေမယ့်လို့ အခုအချိန်မှာတော့ သူတို့က လုပ်ချင်တာကို လုပ်နေတယ်ခင်ဗျ” ဟု ရွှေလုပ်သား ကိုမြင့်ရီ က မဇ္ဈိမကို ပြောသည်။

ဖမ်းဆီးခံရသည့် ခေါင်းဆောင်များကို မြို့လှမြို့ဘက်သို့ ကားဖြင့် တင်ဆောင်သွားပြီး မည်သည့်နေရာတွင် ထိန်းသိမ်းထားသည်ကို မသိရသေးကြောင်း ရွှေလုပ်သားများက ပြောသည်။

ခေါင်းဆောင်များ ဖမ်းဆီးခံရပြီးနောက် ရွှေလုပ်သားများ ခေတ္တရပ်နား တိုင်ပင်ဆွေးနွေးကြပြီး နေပြည်တော်သို့ ဆက်လက်ချီ တက်ရန် ဆုံးဖြတ်ခဲ့ကြသည်ဟု ဆိုသည်။

“ကျမတို့က တဗိုလ်ကျရင် တဗိုလ်တက်တဲ့ စနစ်နဲ့ ရည်မှန်းချက်ပန်းတိုင် ဖြစ်တဲ့ နေပြည်တော်ကို ရောက်အောင် သွားမှာပါရှင့်” ဟု ရွှေလုပ်သားခေါင်းဆောင် ကိုရဲရင့်ထွန်း၏ ဇနီးဖြစ်သူ မအိမွန်ကျော် က ပြောသည်။

ကုမ္ပဏီနှင့် လုပ်သားများအကြား သဘောတူညီထားချက်များကို ကုမ္ပဏီဘက်မှ အပြည့်အဝ မလိုက်နာသည့် အတွက် ရွှေလုပ်သား များက ရန်ကုန်မြို့၊ ကမာရွတ်မြို့နယ်၊ တက္ကသိုလ်ရိပ်သာလမ်းရှိ ကုမ္ပဏီရုံးရှေ့တွင် ဆန္ဒ ဖော်ထုတ်ခဲ့ရာ ပြေလည်မှု တစုံတရာ မရရှိသည့်အတွက် မိုင် ၂၇ဝ ခန့် ကွာဝေးသည့် နေပြည်တော်သို့ အမျိုးသား ၆၉ ဦးနှင့် အမျိုးသမီး ၇ ဦး ပါဝင်သည့် ရွှေလုပ်သား ၇၆ ဦးတို့က လမ်းလျှောက် ချီတက်ခဲ့ခြင်း ဖြစ်သည်။

ကြာသပတေးနေ့တွင် ရွှေလုပ်သားများ စခန်းချရာ မြို့လှမြို့ ဓမ္မရောင်ခြည် ဘုန်းတော်ကြီးကျောင်းသို့ ကုမ္ပဏီ ဥက္ကဋ္ဌ ဦးစိုးထွန်းရှိန် ကိုယ်တိုင် အလုပ်သမားခေါင်းဆောင်များနှင့် လာရောက်စေ့စပ်ညှိနှိုင်းသော်လည်း အလုပ်သမားဘက် က လက်မခံခဲ့ဟု အလုပ် သမားများက ပြောသည်။

လက်ရှိတွင် ချီတက်ဆန္ဒပြသည့် ရွှေလုပ်သားများ နေပြည်တော် ရောက်ရန် မိုင် ၃ဝ ခန့် ကွာဝေးသည့် ရေနီမြို့သို့
ရောက်ရှိနေပြီ ဖြစ်ကြောင်း သိရသည်။

နိုဝင်ဘာလ ၂၅ ရက်နေ့တွင် နေပြည်တော်သို့ ရောက်ရှိလိမ့်မည်ဟု ခန့်မှန်းထားပြီး နေပြည်တော်ရှိ သတ္တုတွင်း ဝန်ကြီးဌာနရုံး နှင့် ပြည်သူ့လွှတ်တော်ရုံးတွင် ၎င်းတို့ ခံစားနေရသည့် အခက်အခဲများကို တင်ပြတောင်းဆိုသွားမည့်ပြင် သမ္မတ အိမ်တော်သို့လည်း အသနားခံ တင်ပြသွားမည်ဟု ရွှေလုပ်သားများ က ပြောသည်။

Ref: မဇ္ဈိမ

Read More...

Collapse...

လယ်တီ ထီးတော်နှင့် စိန်ဖူးတော် ဦးအောင်မင်း လှူလို

ဟင်္သာနီ (မွန်မြေ)
နိုဝင်ဘာလ ၂၅ ရက် ၂၀၁၂ ခုနှစ်

စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်း ကြေးနီစံမံကိန်း ဧရိယာအတွင်းရှိ လယ်တီဆရာတော် ဘုရားကြီး၏ သိမ်မှ ထီးတော်နှင့် စိန်ဖူးတော်အား လှူဒါန်းလိုကြောင်း ဝန်ကြီး ဦးအောင်မင်း က သံဃာတော်များကို လျှောက်ထားလိုက်သည်။

သပိတ်စခန်း ခြောက်ခု အထိ ဖွင့်လှစ်ထားပြီး “လက်ပံတောင်း ကြေးနီစီမံကိန်း ရပ်ဆိုင်းရေး” အတွက် ဆန္ဒပြနေကြ သည့် ဒေသခံများအား နိုဝင်ဘာလ ၂၃ ရက်နေ့ ညနေ ၄ နာရီမှ ၆ နာရီ ကျော်ကျော်အထိ သမ္မတရုံး ဝန်ကြီး ဦးအောင်မင်း၊ စစ်ကိုင်းတိုင်း သတ္တုတွင်းဝန်ကြီး ဦးသိန်းထိုက်နှင့် National Economic and Social Advisory မှ ဦးလှမောင်ရွှေတို့ သွားရောက်၍ တွေ့ဆုံခဲ့စဉ် ထိုသို့ လျှောက်ထားခဲ့ခြင်း ဖြစ်သည်။

“ဒေသခံတွေမှာလည်း သူတို့ဒေသခံရဲ့ လိုအပ်မှုကို ပြောပါတယ်။ သံဃာတော်တွေ ဘက်ကလည်း သံဃာတွေရဲ့ လိုအပ်မှုတွေကို ပြောတယ်။ ပံ့ပိုးကူညီတဲ့ လူတွေကလည်း ပြောတယ်။ အဲဒါတွေ အားလုံးကို ဝန်ကြီး ဦးအောင်မင်းက မှတ်သားထားတယ်။ အဲဒီမှာရှိတဲ့ လယ်တီ ဆရာတော်ဘုရားရဲ့ စိန်ဖူးတော်ဟာလည်း အနည်းငယ် ပျက်တယ်လို့ သံဃာတော်တွေဘက်က ပြောတယ်။ အဲဒါကို ဝန်ကြီးအနေနဲ့ သံဃာတော်တွေ လက်ခံရင် အဲဒီ ထီးတော်နဲ့ စိန်ဖူးတော်ကို လှူချင်ပါတယ်လို့ ပြောတယ်” ဟု ဦးလှမောင်ရွှေ က မဇ္ဈိမကို ပြောသည်။

ကြေးနီစီမံကိန်း ဖျက်သိမ်းရေးအတွက် သပိတ်စခန်း ဖွင့်၍ ဆန္ဒပြမှုမှာ ရှစ်ရက် ကြာပြီဖြစ်ပြီး နေ့ညမပြတ် သံဃာတော်နှင့် ဒေသခံ ပြည်သူများ အင်အား ၂,ဝဝဝ ကျော်ဖြင့် ဆန္ဒပြလျက် ရှိသည်။

၎င်းတို့အား သွားရောက် တွေ့ဆုံရခြင်းမှာလည်း အချက်အလက်များ စုဆောင်းနိုင်ရန် ဖြစ်သည်ဟုလည်း ဆိုသည်။

“ဝန်ကြီး ဦးအောင်မင်း ကတော့ သမ္မတရုံး ဝန်ကြီး အနေနဲ့ အဲဒီမှာ သက်ဆိုင်ရာ တိုင်းဒေသကြီး အစိုးရအဖွဲ့တွေကို ကူညီဖြေရှင်း ပေးနေတယ်။ သူ့အနေနဲ့ကလည်း ထပ်ပြီးတော့ အချက်အလက်တွေ ရအောင်လို့ ဆိုတာမျိုး ဆင်းတွေ့ တာပါ” ဟု ဦးလှ မောင်ရွှေ က ဆက်ပြောသည်။

ထိုသို့ သပိတ် စခန်း ဖွင့်လှစ်၍ ဆန္ဒပြသူ များထဲတွင် သံဃာ တော်များ၊ ဒေသခံ ကျေးရွာသူ၊ ရွာသားများ၊ အကျိုးဆောင် ကွန်ယက်များ၊ လက်ပံတောင်းတောင် အကျိုး စီးပွား ကာကွယ်ရေး ကော်မတီ၊ ဗကသ ကျောင်းသား များ ပါဝင်သည်။

“ဝန်ကြီး ဦးအောင်မင်း ကတော့ စီမံကိန်းနဲ့ ပတ်သက်ပြီးတော့ အခု သပိတ်စခန်းတွေ တောင်းဆိုနေတဲ့ဟာ သူ့အနေနဲ့ ချက်ခြင်း ဆောင်ရွက်ပေးလို့ မရပါဘူး။ နိုင်ငံတော် သမ္မတကို တင်ပြပေးမယ်လို့ ပြောတယ်။ ဒီဘက်က ဒေသခံတွေ ကတော့ လက်ပံတောင်း စီမံကိန်း လုံးဝ မဖျက်သိမ်းသရွှေ့ သပိတ်စခန်းတွေကိုလည်း မဖျက်ဘူး။ ဒီစီမံကိန်း ဖျက်ပြီးမှပဲ အိမ်ပြန်မယ် ဆိုပြီး တပ်စွဲ ထားတယ်” ဟု ပင်မ သပိတ်စခန်းတွင် ရောက်ရှိ နေသည့် ဝိဇ္ဇာ/သိပ္ပံ တက္ကသိုလ် ကျောင်းသားများ ကွန်ယက်မှ တာဝန်ခံ ကိုသောင်းထိုက် က မဇ္ဈိမကို ပြောသည်။

သပိတ်စခန်းများကို ပုသိမ်-မုံရွာ ကားလမ်း မကြီးဘေး လက်ပံတောင်းတောင် တက်သည့် လမ်းတွင် ရှိပြီး ဆက်လက် ၍ မြန်မာ ဝမ်ပေါင် ကုမ္ပဏီ ရှေ့တွင် တခု၊ ကျုံပျော်ဘက်မှ လက်ပံတောင်းတောင်သို့ တက်သည့် နေရာတွင် တခု၊ တောင်ပေါ်တွင် အလယ် ဂိတ် တခု၊ လယ်တီ ဆရာတော်ဘုရားကြီး သီတင်းသုံးသည့် နေရာတွင် တခု၊ တောင်ပေါ် တွင် လုပ်ငန်းများ လည်ပတ်နေမှုကို လိုက်လံဟန့်တားသည့် အဖွဲ့မှ တခု ထားရှိသည်။

ပင်မ စခန်းတွင် ရှစ်ရက် တိုင်ဆန္ဒပြ မှုတွင် ပါဝင်ခဲ့သည့် ဒေသခံတဦးကလည်း “ဆန္ဒပြ သူတွေကို လှည့်လည်ပြီး ဆေးဝါး ကူညီ ကုသပေးနေတဲ့ ဆရာဝန်တွေ ရှိပါတယ်။ ရိက္ခာ ကတော့ တသီး ပုဂ္ဂလ ကနေပြီးတော့ သံဃာတော်တွေ လာရောက် လှူဒါန်း ဆက်ကပ်တာ၊ လူတွေကို ကျွေးတာ ရှိတယ်။ ဆန်၊ ဆီ၊ ရေ အဲလိုမျိုး ရိက္ခာတွေ လာလှူတဲ့ လူတွေ ရှိပါတယ်။ အာဏာပိုင် တွေဘက်က ဒီလို ရိက္ခာ ပို့တဲ့ ကားတွေကို တားမြစ်တာမျိုး ရှိပါတယ်။ အဲဒီအခါကျတော့ သံဃာတော်တွေက ပြောရတာမျိုးတို့ သူတို့ကိုယ်တိုင် လိုက်ပို့တာမျိုးတော့ ရှိပါတယ် ခင်ဗျ” ဟု ကိုတင်ဇော် က မဇ္ဈိမကို ပြောသည်။

လက်ပန်းတောင်းတောင် ကြေးနီ စီမံကိန်းသည် ယခင် နအဖ စစ်ကောင်စီလက်ထက် ကပင် ဦးပိုင်ကုမ္ပဏီ လီမီတက် (Myanmar Economic Holdings Ltd- MEHL) နှင့် တရုတ်နိုင်ငံ ဝမ်ပေါင် ကုမ္ပဏီတို့အကြား ချုပ်ဆိုခဲ့သည့် စီးပွားရေးစီမံကိန်းတခု ဖြစ် သည်။

၎င်းတို့သည် ထိုကြေးနီ စီမံကိန်းအတွက် ဒေသခံ လယ်သမားများ၏ လယ်ယာမြေ ဧက ၇,၈ဝဝ ကျော် သိမ်းပိုက် လိုက်သဖြင့် လယ်သမားများ မကျေနပ်၍ ဇွန်လမှ စတင်ကာ ဆန္ဒပြပွဲများ၊ သပိတ် မှောက်ပွဲများ ဖြစ်ပွားနေခြင်း ဖြစ်သည်။

Ref: မဇ္ဈိမ

Read More...

Collapse...

ရခိုင်ပြည်နယ် အတွက် ကုလထောက်ပံ့လေယာဉ် ထွက်ခွါလာ

နိုဝင်ဘာလ ၂၃ ရက် ၂၀၁၂ ခုနှစ်

ရခိုင်ပြည်နယ်ရှိ အိုးအိမ်အဲ့ ဒုက္ခသည်များအတွက် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ ယာယီတဲများ သည်ဆောင်လာသည့် ပထမ လေယာဉ်သည် ဒူဘိုင်းမြို့မှ သောကြာနေ့ နံနက်တွင် ထွက်ခွါလာပြီ ဖြစ်သည်။

ဒုက္ခသည် ၁၇,၅ဝဝ အတွက် မိသားစုဆံ့ ယာယီတဲ အလုံးပေါင်း ၃,၅ဝဝ သယ်ဆောင်လာသည့် လေယာဉ်နှစ်စီး ယခုသီတင်း ပတ်အကုန်တွင် မြန်မာနိုင်ငံသို့ ဆိုက်ရောက်ရန် စီစဉ်ထားကြောင်း ကုလ အရာရှိအား ကိုးကား၍ လဘနွန် အခြေစိုက် The Daily Star သတင်းတရပ်တွင် ရေးသားထားသည်။

“ခိုလှုံစရာဟာ အလွန်အရေးကြီးပါတယ်။ အိုးအိမ်မဲ့သူတွေအတွက် အရေးတကြီး လိုအပ်ချက်ကတော့ လုံခြုံတဲ့ နေရာပါပဲ” ဟု UNHCR ပြောရေးဆိုခွင့်ရှိသူ Adrian Edwards က ဆွစ်ဇာလန်နိုင်ငံ ဂျီနီဗာမြို့တွင် သတင်းထောက် များအား သောကြာနေ့က ပြောကြားလိုက်သည်။

အာရပ်စော်ဘွားများ ပြည်ထောင်စု၊ ဒူဘိုင်းမြို့တော်မှာ UNHCR ၏ အရေးပေါ်သိုလှောင်ရာ ဌာနေတခု ဖြစ်သည်။

အောက်တိုဘာလအတွင်း တကျော့ပြန် ဖြစ်ပွားခဲ့သည့် လူမှုအသိုက်အဝန်း ပဋိပက္ခကြောင့် လူဦးရေ ၁၁၅,ဝဝဝ ကျော်မှာ အိုးအိမ်မဲ့ ဖြစ်ခဲ့ရပြီး လက်ရှိ ကယ်ဆယ်ရေးစခန်းများတွင် မဆံ့နိုင်ပေ။

ထိုသူများအတွက် နေထိုင်ရာ၊ အစားအသောက်မပါသော အကူအညီ၊ စခန်းများနှင့် စီမံခန့်ခွဲမှုအတွင်တင်ပင် ၂ဝ၁၃ ခုနှစ်၊ ဇွန်လ အထိ အမေရိကန်ဒေါ်လာ ၂၄.၃၅ သန်း လိုအပ်နေသည်ဟု ဆိုသည်။

ယနေ့အထိ လူဦးရေ ၅ဝ,ဝဝဝ အတွက် UNHCR မှ အစားအသောက် မပါသော ကယ်ဆယ်ရေးပစ္စည်းများ ထောက်ပံ့ပေး ထားသည်။

Ref: မဇ္ဈိမ

Read More...

Collapse...

ပြည်ထဲရေးဝန်ကြီးဌာနနဲ့ မှောင်ခိုစက်သုံးဆီ တင်သွင်းမှု အရှုပ်တော်ပုံ

သာလွန်ဇောင်းထက်
November 23, 2012

ပုံမှန်အားဖြင့် အဆိုတွေ၊ မေးခွန်းတွေ မြောက်မြားစွာကို မေးကြ၊ ဖြေကြနဲ့ နေ့စဉ် အလုပ်များနေတဲ့ ပြည်သူ့လွှတ်တော် အစည်း အဝေး ခန်းမဆောင်ကြီးမှာ နိုဝင်ဘာလ ၂၁ ရက်နေ့ကတော့ အဆိုတခုတည်းနဲ့တင် လွှတ်တော်တခုလုံး အလုပ်ရှုပ် ဗြောင်းဆန် သွားခဲ့ပါတယ်။

အကြောင်းကတော့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၊ လှိုင်မြို့နယ် မဲဆန္ဒနယ်က ပြည်သူ့ လွှတ်တော် ကိုယ်စားလှယ် ဒေါက်တာဝင်းမြင့်ရဲ့ “တရားမ၀င် ကုန်စည်များ ၀င်ရောက်နေမှုနှင့် တရားမ၀င် ခိုးထုတ်နေမှု များအား ပြည်ထောင်စု အဆင့် ကော်မတီတရပ် ဖွဲ့စည်း၍ ဥပဒေနှင့် အညီ ထိထိရောက်ရောက် အရေးယူ ဆောင်ရွက်ပေးပါရန်” ဆိုတဲ့ အဆိုကို တင်သွင်းလိုက်လို့ ပါပဲ။

ဒီအဆိုကို တင်သွင်းတဲ့ နေရာမှာ ဒေါက်တာ ၀င်းမြင့်က သာမန် အဆိုတင်သွင်းတဲ့ ပုံစံမျိုး မဟုတ်ဘဲနဲ့ မှောင်ခို စက်သုံးဆီတွေ တရားမ၀င် တင်သွင်းနေတာကို ကိန်းဂဏန်းတွေ၊ အထောက် အထား ဓာတ်ပုံတွေနဲ့တကွ အတိအကျ ထောက်ပြ လိုက်တာဖြစ်လို့ အဆိုကို တာဝန်ယူ ရှင်းလင်းပေးရမယ့် အစိုးရ ၀န်ကြီးတွေ တော်တော် များများ အလုပ် ရှုပ်ကုန်ပါတယ်။

၂၀၁၂ ခုနှစ် နိုဝင်ဘာလ အတွင်းမှာ ပြည်တွင်း ထိပ်တန်းစီးပွားရေး ကုမ္ပဏီတွေ ဖြစ်တဲ့ ရွှေသံလွင်၊ ရာဇာမင်း၊ ကံလင်းသူ၊ မြေပြန့်သား၊ မြန်မာ့စည်းစိမ် ကုမ္ပဏီကြီးတွေက တန်ချိန်ထောင်ချီဆံ့တဲ့ ဆီတင်သင်္ဘောကြီးတွေနဲ့ တရားမ၀င်မှောင်ခို စက်သုံး ဆီတွေ ပြည်တွင်းကို ခိုးသွင်းနေတာကို အထောက်အထားတွေနဲ့ ဒေါက်တာဝင်းမြင့်က လွှတ်တော်ကို တင်ပြလိုက်တာပါ။

လိုင်စင်အရ စက်သုံးဆီ တန် ၅၀၊ ၁၀၀ လောက်သာ တင်သွင်းခွင့်ပြုထားတာကို တန်ချိန်ထောင်နဲ့ချီပြီး အခေါက်ခေါက်အခါခါ မှောင်ခို တင်သွင်းခဲ့ကြတာကို သက်ဆိုင်ရာက အရေးယူမှု မရှိဘူးလို့ ဆိုပါတယ်။

အချက်အလက် အခိုင်အမာ၊ သက်သေ အထောက်အထား အစုံအလင်နဲ့ တင်ပြလေတော့ တာဝန်ရှိသူတွေကို မစစ်ဆေးကြဘူးလား၊ အရေးမယူကြဘူးလားဆိုတဲ့ မေးခွန်းတွေလည်း ထွက်ပေါ်လာပါတယ်။

ဒီမေးခွန်း ထွက်လာတဲ့အချိန်မှာ ပြည်ထဲရေးဝန်ကြီးဌာန ဒုတိယ၀န်ကြီး ရဲချုပ် ကျော်ကျော်ထွန်းက ရဲတွေအနေနဲ့ တရားမ၀င် စက်သုံးဆီ တင်သွင်းနေတဲ့ သင်္ဘောတွေကို စစ်ဆေးလို့မရပါဘူးလို့ ပြန်ဖြေတယ်။

ဘာကြောင့်လဲ ဆိုတော့ ၂၀၀၉ ခုနှစ်တုန်းက ပြည်ထဲရေး ၀န်ကြီးဌာနက ထုတ်ပြန်ထားတဲ့ စက်သုံးဆီတင် သင်္ဘောတွေကို ရဲတွေအနေနဲ့ တားဆီးစစ်ဆေး ပိုင်ခွင့်မရှိဘူးဆိုတဲ့ အမိန့်ကြောင့်ပါတဲ့။

၂၀၀၉ ခုနှစ်ဆိုတာက စစ်အာဏာရှင် အစိုးရ အုပ်စိုးနေချိန်ဖြစ်လို့ ပြည်ထဲရေးဝန်ကြီးအဖြစ် တာဝန်ထမ်းဆောင်နေတဲ့ ဗိုလ်ချုပ် မောင်ဦးက ဒီအမိန့်ကို ဘာကြောင့်ထုတ်တာလဲ ဆိုတာကလည်း မေးခွန်းထုတ်စရာ ဖြစ်လာပါတယ်။

အဲဒီအမိန့်က ဘာကြောင့် သမ္မတ ဦးသိန်းစိန် အစိုးရသစ် အုပ်ချုပ်နေတဲ့ ၂၀၁၂ ခုနှစ်အထိ အသက်ဝင်နေ ရပါသလဲ၊ လက်ရှိ ပြည်ထဲရေးဝန်ကြီးဌာန အနေနဲ့လည်း ဘာကြောင့် ၂၀၀၉ ခုနှစ်က အမိန့်ကို ဆက်လက်လိုက်နာ ကျင့်သုံးနေရပါသလဲ ဆိုတာတွေက လွှတ်တော် ကိုယ်စားလှယ်တွေ တော်တော်များများ သိချင်နေခဲ့ကြတဲ့ အချက်တွေ ဖြစ်ပါတယ်။

ရဲချုပ် ကျော်ကျော်ထွန်းကတော့ အရင် ပြည်ထဲရေးဝန်ကြီးဌာနက ဒီအမိန့်ကို ထုတ်ခဲ့ရတာ အကြောင်းရင်းရှိတယ် ဆိုပြီး အချက် တချို့ကို ရှင်းလင်းပါတယ်။

၂၀၀၉ ခုနှစ် ခေတ်အခြေအနေ အချိန်အခါအရ လမ်းဘေးဆီဆိုင်တွေ ပပျောက်ရေးအတွက်၊ နောက်တချက်က ကုန်စည်စီးဆင်းမှုကို အနှောင့်အယှက် ဖြစ်မှာစိုးလို့ ဆိုတာတွေကြောင့်ဖြစ်တယ်လို့ သူက ဆိုပါတယ်။

ဒီအချက် ၂ ချက်ကို လွှတ်တော်မှာ ရဲချုပ် ကျော်ကျော်ထွန်းက ရှင်းပြလိုက်ချိန်မှာ လွှတ်တော်ထဲ လှုပ်လှုပ်ရှားရှား ဖြစ်သွားတယ်လို့ သိရပါတယ်။

တပ်မတော်သား လွှတ်တော် ကိုယ်စားလှယ်တွေနဲ့ တခြား ပြည်သူ့လွှတ်တော် ကိုယ်စားလှယ်တွေရဲ့ တိုးတိုးတမျိုး၊ ကျယ်ကျယ်တဖုံ၊ ပြောသံ၊ ဆိုသံ၊ ဝေဖန်သံနဲ့ ရယ်သံတွေကြောင့် လွှတ်တော်က သက်ဝင်လှုပ်ရှားခဲ့တယ်လို့ ဆိုရမှာ ဖြစ်ပါတယ်။

“ရဲချုပ် ကျော်ကျော်ထွန်း ဖြေရှင်းတဲ့အချက်က ကျိုးကြောင်းဆီလျော်မှု မရှိတော့ လွှတ်တော်ထဲမှာ လှုပ်လှုပ်ရှားရှား ဖြစ်သွားတာ၊ အသံတွေ ထွက်လာတာပေါ့” လို့ ပြည်သူ့လွှတ်တော် ကိုယ်စားလှယ်တဦးက ဧရာဝတီကို ပြောပါတယ်။

၂၀၀၉ ခုနှစ်တုန်းက ပြည်ထဲရေးဝန်ကြီးဖြစ်ခဲ့တဲ့ ဗိုလ်ချုပ်မောင်ဦးက အခုအချိန်မှာ နေပြည်တော် တပ်ကုန်းမြို့နယ် ပြည်သူ့ လွှတ်တော် ကိုယ်စားလှယ် ဦးမောင်ဦးအဖြစ်နဲ့ လွှတ်တော်ထဲမှာ ရှိနေပေမယ့် မှောင်ခို တရားမ၀င် စက်သုံးဆီ အရှုပ်တော်ပုံကို တစုံတရာ ဖြေရှင်းခြင်း မရှိပါဘူး။

ဘာကြောင့်များ ပြည်ထဲရေးဝန်ကြီးဌာနက စက်သုံးဆီသင်္ဘောတွေ မဖမ်းရဆိုတဲ့ အမိန့်ထုတ်ခဲ့တာလဲဆိုတာ စိတ်ဝင်စားစရာ ဖြစ်သလို၊ ပြည်ထဲရေး ၀န်ကြီးဖြစ်ခဲ့တဲ့ ဗိုလ်ချုပ်မောင်ဦးရဲ့ ဘ၀ကောက်ကြောင်း ကလည်း စိတ်ဝင်စားစရာပဲလို့ လွှတ်တော် ကိုယ်စားလှယ်တွေက ဆိုကြတယ်။

၂၀၀၄ ခုနှစ်မှာ စစ်ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ဦးခင်ညွန့် ဦးဆောင်တဲ့ ထောက်လှမ်းရေးအဖွဲ့ ဖြုတ်ချခံ လိုက်ရတဲ့အတွက် အဲဒီတုန်းက ပြည်ထဲရေးဝန်ကြီး ဗိုလ်မှူးကြီး တင်လှိုင်လည်း ရာထူးက ဖယ်ရှားခံလိုက်ရပါတယ်။ ၂၀၀၄ ခုနှစ် နိုဝင်ဘာ ၅ ရက်နေ့မှာ ပြည်ထဲရေးဝန်ကြီးသစ်အဖြစ် ဗိုလ်ချုပ်မောင်ဦးက စတင် တာဝန် ထမ်းဆောင်ပါတယ်။

ဗိုလ်ချုပ်မောင်ဦးက ဗိုလ်သင်တန်း အပတ်စဉ် ၁၃ ဆင်းဖြစ်ပြီး ပြည်ထဲရေး ၀န်ကြီးမဖြစ်ခင် ရခိုင်ပြည်နယ်၊ အနောက်ပိုင်းတိုင်း စစ်ဌာနချုပ် တိုင်းမှူးအဖြစ် တာဝန်ယူခဲ့သူပါ။

စစ်တပ် အသိုင်းအ၀န်းရဲ့ အဆိုအရ သူက အငြိမ်းစား ဗိုလ်ချုပ်မှူးကြီး ဦးသန်းရွှေနဲ့ နီးစပ်သူဖြစ်ပြီး ဦးသန်းရွှေရဲ့အားကိုးရတဲ့ တပည့်တဦးလည်း ဖြစ်ခဲ့ဖူးတယ်လို့ သိရတယ်။

ဗိုလ်ချုပ်ကြီးဟောင်း ဦးခင်ညွန့် ပြုတ်သွားပြီးတဲ့နောက်မှာ ဗိုလ်ချုပ်မှူးကြီး သန်းရွှေက ပြည်ထဲရေးဝန်ကြီးအဖြစ် ဗိုလ်ချုပ် မောင်ဦးကို ယုံကြည် စိတ်ချစွာ ခန့်ထားခဲ့တာ ဖြစ်တယ်လို့ စစ်တပ်အသိုင်းအဝန်းက ဆိုပါတယ်။

၂၀၁၀ ပြည့်နှစ် ရွေးကောက်ပွဲ မကျင်းပခင်မှာ ဗိုလ်ချုပ်မောင်ဦးက လူဝင်မှု ကြီးကြပ်ရေးဝန်ကြီး တာဝန်ကိုပါ ပူးတွဲထမ်းဆောင်ခွင့် ရရှိခဲ့ပါတယ်။

၂၀၁၁ ခုနှစ် မတ်လ ၃၀ ရက်နေ့မှာတော့ ဗိုလ်ချုပ်မှူးကြီး သန်းရွှေက နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ (နအဖ) ကို ဖျက်သိမ်းခဲ့ပြီး ဗိုလ်ချုပ်မောင်ဦးလည်း ၀န်ကြီး တာဝန်တွေကနေ အလိုအလျောက် အနားယူခဲ့ရပါတယ်။

သမ္မတ ဦးသိန်းစိန် အစိုးရ တက်လာချိန်မှာတော့ ၀န်ကြီး ပြန်မဖြစ်တော့ဘဲ လွှတ်တော်ထဲမှာ တပ်ကုန်းမြို့နယ် ပြည်သူ့လွှတ်တော် ကိုယ်စားလှယ်၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ဗဟို အလုပ်အမှုဆောင် ဦးမောင်ဦး အဖြစ် တာဝန် ထမ်းဆောင် နေပါတယ်။

၂၀၀၉ ခုနှစ်က ပြည်ထဲရေး ၀န်ကြီးဌာနက ထုတ်ပြန်ခဲ့တဲ့ စက်သုံးဆီသင်္ဘောတွေ မဖမ်းရ၊ မစစ်ဆေးရ ဆိုတဲ့ အမိန့်အတွက် တာဝန်အရှိဆုံးသူက အဲဒီအချိန်က ပြည်ထဲရေးဝန်ကြီးလို့ လွှတ်တော်ကိုယ်စားလှယ် တချို့က ဆိုပါတယ်။ လွှတ်တော်ထဲမှာ ရှိ်နေတဲ့ ဦးမောင်ဦးအနေနဲ့ သူတာဝန်ယူချိန်က ဖြစ်ပျက်ခဲ့တာကို ရှင်းလင်းပြသသင့်တယ်လို့ လွှတ်တော် ကိုယ်စားလှယ်တွေက ပြောနေ ကြပါတယ်။

“ရဲချုပ် ကျော်ကျော်ထွန်းက မှောင်ခိုစက်သုံးဆီ သင်္ဘောတွေ မဖမ်းရဆိုတဲ့ အမိန့်ကို ထုတ်ပြန်ခဲ့တဲ့အကြောင်း ပြောတုန်းက ဦးမောင်ဦး မျက်နှာမကောင်းဘူး” လို့ ပြည်သူ့လွှတ်တော် ကိုယ်စားလှယ် တဦးက ဧရာဝတီကို ပြောပါတယ်။

ဦးမောင်ဦးအနေနဲ့ ကိုယ်ထုတ်ထားတဲ့အမိန့် ဘယ်လိုကြောင့် ထုတ်ခဲ့ရတယ်၊ ဘယ်သူက ထုတ်ခိုင်းတယ် ဆိုတာကို ရှင်းလင်း တင်ပြခဲ့ရင် သူ့အတွက် အများကြီး ဂုဏ်သိက္ခာ တက်နိုင်မယ်လို့ သုံးသပ်သူတွေလည်း ရှိပါတယ်။

တရားမ၀င် မှောင်ခိုစက်သုံး ဆီတင်သွင်းကြတဲ့ ကုမ္ပဏီကြီးတွေမှာ ရွှေသံလွင်လို ထိပ်တန်း ထိပ်ထိပ်ကြဲ ကုမ္ပဏီကြီးတွေ ပါဝင် နေတာက အားလုံးကို အံ့အားသင့် စိတ်လှုပ်ရှားစေတယ်လို့ ဆိုပါတယ်။

“ရွှေသံလွင်လို ကုမ္ပဏီကြီးတောင် ပါတယ်ဆိုတော့ အားလုံးလည်း အံ့သြမင်သက်ကုန်တယ်။ ဟိုအရင် စစ်အစိုးရ ခေတ်တုန်းက ဆိုရင်တော့ အံ့သြချင်မှ အံ့သြမယ်။ အခု အစိုးရသစ် လက်ထက် ဒီမိုကရေစီခေတ်ကို သွားနေတဲ့အချိန်မှာ ဒါမျိုးဖြစ်တာလေ” လို့ နိုင်ငံရေး အကဲခတ်သူတဦးက သုံးသပ်တယ်။

ဒေါက်တာဝင်းမြင့်ရဲ့ အဆိုအရ တရားမ၀င် မှောင်ခို စက်သုံးဆီသင်္ဘောတွေ မဖမ်းဆီးတဲ့အတွက်ကြောင့် တနှစ်ကို ကျပ်ငွေ ဘီလီယံ ၆၀ လောက် နစ်နာတယ်လို့ လွှတ်တော်ကို တင်ပြပါတယ်။ ဒါပေမယ့် နိုင်ငံတော်အနေနဲ့ အခွန်နစ်နာမှုက ဒေါက်တာ ၀င်းမြင့် တင်ပြတဲ့ ကိန်းဂဏန်းထက် အများကြီး ပိုနိုင်တယ်လို့ လွှတ်တော် ကိုယ်စားလှယ်တွေက ဆိုကြပါတယ်။

“မသိလိုက်တဲ့ တရားမ၀င် မှောင်ခိုစက်သုံးဆီ တင်သွင်းမှုတွေ ဘယ်လောက်များ ရှိလိုက်မလဲ။ ၂၀၀၉ ခုနှစ်က ထုတ်ပြန်ခဲ့တဲ့ အမိန့်ကြောင့် ၂၀၁၂ ခုနှစ် နိုဝင်ဘာလအထိ ဘယ်လောက် မှောင်ခို စက်သုံးဆီတွေ ၀င်ခဲ့သလဲ။ အခု ဒေါက်တာဝင်းမြင့် ပြောတဲ့ တနှစ် အခွန်ဘီလီယံ ၆၀ ဆိုတာ အနည်းဆုံး ဆုံးရှုံးတဲ့ ပမာဏပဲဖြစ်မှာပါ” လို့ ပြည်သူ့လွှတ်တော် ကိုယ်စားလှယ် တဦးက ဆို ပါတယ်။

ဒေါက်တာဝင်းမြင့်ရဲ့ အဆိုနဲ့ပတ်သက်ပြီး ပြည်သူ့လွှတ်တော် ဥက္ကဋ္ဌ သူရဦးရွှေမန်းရဲ့ ကိုင်တွယ်ပုံကို လွှတ်တော် ကိုယ်စားလှယ် အများစုက သဘောကျကြတယ်လို့ သိရပါတယ်။

သူရဦးရွှေမန်းက တရားသူကြီး တယောက်လို ၀န်ကြီးတွေကို မေးခွန်းထုတ်တယ်၊ အဖြေတောင်းတယ်၊ ရှင်းခိုင်းတယ်၊ ဒါပေမယ့် ဘာကြောင့် ပြည်ထဲရေးဝန်ကြီးဌာနက ၂၀၀၉ အမိန့်ကို ထုတ်ခဲ့သလဲဆိုတဲ့ နောက်ကြောင်း ပြန်လှည့် မေးခွန်းမျိုးတော့ မမေးခဲ့ပါဘူး။

သူရဦးရွှေမန်း ကိုယ်တိုင် ဗိုလ်ချုပ်ကြီးအဖြစ် တာဝန်ထမ်းဆောင်ပြီး ဦးဆောင် အခန်းကဏ္ဍက ပါဝင်ခဲ့တဲ့ စစ်အစိုးရ ခေတ်တုန်းက အမိန့်တခုမို့ ပြန်ပြီး မေးခွန်း မထုတ်ချင်တော့တာလား၊ မြားဦး ကိုယ့်ဘက်ပြန်လှည့် လာမှာစိုးလို့ စိုးရိမ်လို့လား ဆိုတာ ကွဲကွဲပြား ပြား မသိနိုင်ပေမယ့် သူရဦးရွှေမန်းရဲ့ ပုံစံက တရားဥပဒေ စိုးမိုးရေးကို စိတ်ပါလက်ပါ လုပ်ချင် ကိုင်ချင်စိတ် ရှိနေတယ်လို့ လွှတ် တော် ကိုယ်စားလှယ်တွေက ဆိုကြတယ်။

“သူရဦးရွှေမန်းကတော့ ဒေါက်တာဝင်းမြင့်အဆိုနဲ့ သက်သေ အချက်အလက်တွေကို ကြည့်ပြီး ၀န်ကြီးတွေ ရှင်းပါလို့ ပြတ်ပြတ် သားသား ပြောတယ်။ ၀န်ကြီးတွေ အားလုံးလည်း ငြိမ်ပြီး အမှားကို မတတ်သာတဲ့အဆုံး ၀န်ခံရသလိုမျိုး မျက်နှာငယ်တွေနဲ့။ သူရဦးရွှေမန်း ကိုင်တွယ်ပုံကိုတော့ အားလုံးက သဘောကျတယ်” လို့ လွှတ်တော် ကိုယ်စားလှယ်က ပြောတယ်။

တချို့ လွှတ်တော် ကိုယ်စားလှယ်တွေကတော့ နှစ်ပေါင်း ၂၀ ကျော်ကြာ အုပ်ချုပ်ခဲ့တဲ့ စစ်အစိုးရ လက်ထက်အတွင်းက အရှုပ် တော်ပုံတခုကို လွှတ်တော်တွင်းမှာ တင်ပြလာတာမို့ ဒါက စစ်မှန်တဲ့ ဒီမိုကရေစီစနစ်ကို သွားတဲ့နေရာမှာ ပွင့်လင်း ကောင်းမွန်တဲ့ အလားအလာတခုလို့ မြင်ကြတယ်။

ဥပဒေ ပညာရှင်တွေကတော့ စစ်အစိုးရ လက်ထက်အတွင်းက အရှုပ်တော်ပုံကို ဥပဒေနဲ့ အရေးယူဖို့ဆိုတာ မဖြစ်နိုင်ဘူးလို့ ဆိုကြပါတယ်။ အဓိကက ၂၀၀၈ ခုနှစ်ဖွဲ့စည်းပုံ အခြေခံဥပဒေမှာ နောက်ကြောင်းပြန် တရားစွဲဆိုတာမျိုး၊ အရေးယူတာမျိုး မလုပ်ရဘူးဆိုတဲ့ ပြဋ္ဌာန်းချက် တိတိကျကျ ပါရှိနေတာကြောင့်လို့ ဆိုပါတယ်။

၂၀၀၈ ခုနှစ် ဖွဲ့စည်းပုံ အခြေခံဥပဒေ၊ အခန်း ၁၄၊ ကူးပြောင်းရေး ကာလ ပြဋ္ဌာန်းချက်၊ ပုဒ်မ ၄၄၅ မှာ အစိုးရသစ်အနေနဲ့ ယခင်အစိုးရ ထုတ်ပြန်ထားတဲ့ မူဝါဒ၊ လမ်းညွှန်မှု၊ ဥပဒေ၊ နည်းဥပဒေ၊ စည်းမျဉ်း၊ အမိန့်ပြန်တမ်း၊ ကြေညာချက်၊ ဆောင်ရွက်ချက်၊ တာဝန်တွေ၊ ရပိုင်ခွင့်တွေကို ဆက်ခံရမယ်။ ယခင် အစိုးရအဖွဲ့၊ အဖွဲ့ဝင်တဦးဦးရဲ့ တာဝန်အရ ဆောင်ရွက်ချက်တွေအပေါ် အကြောင်းပြုပြီး တရားစွဲဆိုခြင်း၊ အရေးယူခြင်း မရှိစေရ ဆိုတဲ့ အချက် ပြဋ္ဌာန်းထားပါတယ်။

ပုဒ်မ ၄၄၅ ကြောင့် တိုင်းပြည် မွဲပြာကျစေခဲ့တဲ့ နှစ်ပေါင်း ၂၀ ကျော်အတွင်း မသမာမှု၊ အကျင့်ပျက်ခြစားမှု အရှုပ်တော်ပုံတွေကို ကျူးလွန်ကြတဲ့ အာဏာရှိ၊ အာဏာမဲ့ လူတန်းစားအားလုံး တရားရုံးမရောက်ဘဲ အေးချမ်းစွာ နေထိုင်နိုင်ကြမှာ ဖြစ်တယ်လို့ ဥပဒေပညာရှင်တွေက ဆိုပါတယ်။

စစ်အစိုးရလက်ထက် နှစ်ပေါင်း ၂၀ အတွင်းမှာ ဗိုလ်ချုပ်မောင်ဦးနဲ့ မှောင်ခိုစက်သုံးဆီ အရှုပ်တော်ပုံလို အမိန့်တွေထုတ်၊ ညွှန်ကြား ချက်တွေထုတ် လုပ်ကိုင်ခဲ့တဲ့ တရားမ၀င်စီးပွားရေးတွေကြောင့် နိုင်ငံတော်အတွက်အတွက် ဆုံးရှုံးခဲ့ရတာတွေ၊ ပြည်သူ့ဘဏ္ဍာ ဆုံး ရှုံးခဲ့ရတာတွေ ဘယ်လောက်များ ရှိလိုက်မလဲဆိုတာ စဉ်းစားစရာပဲလို့ နိုင်ငံရေး လေ့လာသူတွေက ဆိုကြတယ်။

နှစ်ပေါင်း ၂၀ အတွင်းမှာ သဘာဝသယံဇာတ ပေါကြွယ်ဝတဲ့ မြန်မာနိုင်ငံက ဒေါ်လာ ဘီလီယံချီအကြွေး ပေးဆပ်စရာ ရှိတဲ့အပြင် ပညာရေး၊ ကျန်းမာရေး၊ လူမှုရေး နယ်ပယ်အသီးသီးမှာ နိမ့်ကျပြီး အဆင်းရဲဆုံး နိုင်ငံ စာရင်းဝင်ခဲ့ပါတယ်။

လွှတ်တော်ကိုယ်စားလှယ် တဦးကတော့ စစ်အစိုးရ လက်ထက် အတိတ်က အဖြစ်အပျက်တွေကို အရေးမယူနိုင်ရင်တောင် အနာဂတ် မျိုးဆက်သစ်တွေအတွက် လေ့လာနိုင်တဲ့ သမိုင်းတခုဖြစ်အောင် မှတ်တမ်းတင်နိုင်ဖို့ ဒီမိုကရေစီလိုလားတဲ့ လွှတ်တော်အမတ်တွေ အားလုံး ကြိုးပမ်းသင့်တယ်လို့ ဆိုပါတယ်။

ဒီလိုလုပ်ဆောင်မှသာ အာဏာရှင်စနစ်ကြောင့် ဘယ်လောက် တိုင်းပြည်အဖြစ်ဆိုး၊ အထိနာရတယ်ဆိုတဲ့ သင်ခန်းစာကို နောင်မျိုး ဆက်သစ်တွေ သိရှိနားလည်နိုင်မယ်လို့ သူက ပြောပါတယ်။

တိုင်းပြည်နဲ့ လူမျိုးအပေါ် မသမာမှု၊ ခြစားမှုတွေ လုပ်ခဲ့တဲ့ သူတွေအနေနဲ့လည်း ကိုယ့်အမှားကိုယ်သိပြီး ၀န်ခံမှုတွေ လုပ်ခြင်းဖြင့် ဒီမိုကရေစီနိုင်ငံသစ် ထူထောင်ရေးကို ပူးပေါင်းပါဝင် ဆောင်ရွက်သင့်တယ်လို့ သူက သုံးသပ်တယ်။

တရားမ၀င် မှောင်ခိုစက်သုံးဆီ အရှုပ်တော်ပုံလို သဘာဝဓာတ်ငွေ့နဲ့ ရေနံအရှုပ်တော်ပုံ၊ ကျောက်စိမ်းနဲ့ ကျောက်မျက်ရတနာ အရှုပ် တော်ပုံ၊ လယ်မြေယာမြေ မတရားသိမ်းမှု အရှုပ်တော်ပုံ၊ ကားပါမစ်၊ ဆီပါမစ် အရှုပ်တော်ပုံ စတဲ့ စစ်အစိုးရလက်ထက် မသမာတဲ့ အရှုပ်တော်ပုံ မြောက်မြားစွာကို ဖော်ထုတ်နိုင်ခြင်း၊ မဖော်ထုတ်နိုင်ခြင်းက ဒီမိုကရေစီခရီးလမ်း ဘယ်လောက် ပေါက်ပြီလဲ ဆိုတာကို ပြသနိုင်မယ့် သက်သေတွေဖြစ်လာမှာ ဖြစ်တယ်လို့ လွှတ်တော်ကိုယ်စားလှယ်တွေက ဆိုကြပါတယ်။

ဒေါက်တာဝင်းမြင့်ရဲ့ အဆိုကတော့ ပြည်သူ့လွှတ်တော်မှာ ကန့်ကွက်သူမရှိ အောင်အောင်မြင်မြင် အတည်ပြုနိုင်ခဲ့ပြီး တရားမ၀င် မှောင်ခို စက်သုံးဆီတွေ ၀င်ရောက်မှုကို တားဆီးနိုင်မယ့် အရိပ်အရောင်များစွာ ဖြစ်ထွန်းစေခဲ့ပါပြီ။

Ref: ဧရာဝတီ

Read More...

Collapse...

ကျောင်းမပြောင်းလို၍ တိုင်းရင်းသား ကျောင်းသား ၃၀၀ ကျော် ဆန္ဒဖော်ထုတ်

ရန်ပိုင်
November 23, 2012

ပြည်ထောင်စု တိုင်းရင်းသား လူငယ်များ စွမ်းရည်ဖွံ့ဖြိုးရေး ဒီဂရီကောလိပ်မှ ကျောင်းသစ်သို့ ပြောင်းရွေ့ခံရသည့် ကျောင်းသား ၃၀၀ ကျော်က ယနေ့နံနက် ၁၂ နာရီခန့်တွင် မန္တလေးမြို့ ရှားတောလေးရွာ မူလ ကောလိပ်ကျောင်းဟောင်း ရှေ့တွင်ထိုင်ကာ ဆန္ဒဖော် ထုတ်ကြောင်း သတင်းရရှိသည်။

အဆိုပါ တိုင်းရင်းသား ကျောင်းသားများသည် မကြာသေးမီက မန္တလေးမြို့မှ စစ်ကိုင်းရွာသစ်ကြီး တိုင်းရင်းသားဖွံ့ဖြိုးရေးသိပ္ပံ တက္ကသိုလ်သို့ ပြောင်းရွေ့ခံရခြင်းကြောင့် ယမန်နေ့ည ၇ နာရီခန့်မှ စတင်ကာ မိုင် ၃၀ ခန့် ဝေးသည့် မန္တလေးကျောင်းဟောင်းသို့ ၎င်းတို့ပိုင် ပစ္စည်းများကို သယ်ပိုးကာ လမ်းလျှောက်ချီတက်လာသူများဖြစ်သည်ဟု မန္တလေးမြို့ခံများက ဆိုသည်။

“တိုင်းရင်းသား ရိုးရာဝတ်စုံတွေဝတ်ပြီး ကျောင်းပေါက်ဝမှာ နေပူထဲ ထိုင်နေကြတယ်။ ဘာမှလည်း မစားဘူး၊ မနေ့ကတည်းက လမ်းလျှောက်လာကြလို့ ပင်ပန်းနေတယ်” ဟု သွားရောက်ကြည့်ရှု့သူ မန္တလေးမြို့ခံတဦးက ပြောသည်။

ကျောင်းသားများ၏ မကျေနပ်ချက်များကို ပြည်ထောင်စု နယ်စပ်ရေးရာ ၀န်ကြီးဌာန ဒု ၀န်ကြီး ဗိုလ်ချုပ် ဇော်ဝင်းလာ ရောက်ကာ မေးမြန်းသည်ဟု အဆိုပါမြို့ခံက ဆိုသည်။

စစ်ကိုင်းရွာသစ်ကြီးကျောင်းတွင် နေထိုင်သွားလာမှု အဆင်မပြေသည့်အတွက် မန္တလေးမြို့အနီးရှိ မူလ ကျောင်းတွင်သာ ဆက်လက် နေလို၍ တောင်းဆိုရခြင်းဖြစ်ကြောင်း၊ တောင်းဆိုချက်များ မရမချင်း ဤနေရာ၌ ဆက်လက်နေထိုင်နေမည် ကျောင်းသားများက ဆိုကြောင်း သိရသည်။

ကျောင်းသားများ၏ စားဝတ်နေရေးအတွက် မန္တလေးမြို့ခံ ၈၈ မျိုးဆက်ကျောင်းသားများအဖွဲ့၊ ဗမာနိုင်ငံလုံးဆိုင်ရာ ကျောင်းသားများ သမဂ္ဂ (ဗကသ) စသည့်အဖွဲ့များက ကူညီပေးနေကြောင်း သိရှိရသည်။

အဆိုပါ ကျောင်းသားများသည် ယနေ့ညနေ ၃ နာရီတွင် ကျောင်းဝင်းအပြင်သို့ ထွက်ပြီး ဆန္ဒပြမည်ဖြစ်သည့်အတွက် ကျောင်း ရှေ့တွင် လုံထိန်းများနှင့် ရဲတပ်ဖွဲ့ဝင်များ အသင့်အနေအထား ရောက်ရှိနေပြီး သံဆူးကြိုး အကာအရံများလည်း ချထားသည်ဟု သိရသည်။

ထို့အပြင် မန္တလေးတိုင်း ဥပဒေအရာရှိ တဦးမှလည်း ဆန္ဒပြမည်ဆိုလျှင် သက်ဆိုင်ရာ အာဏာပိုင်များထံသို့ ကြိုတင်ခွင့်တောင်း ရသည်ဆိုသည့် ဥပဒေ အချက်အလက်များကို ရှင်းလင်းထားသည့် စာများဝေငှနေကြောင်း မြို့ခံက ပြောသည်။

မဖွံ့ဖြိုးသေးသည့် နယ်စပ်ဒေသများရှိ တိုင်းရင်းသားလူငယ်များအတွက် ရည်ရွယ်ကာ ပြည်ထောင်စုတိုင်းရင်းသား လူငယ်များ စွမ်းရည်ဖွံ့ဖြိုးရေး ဒီဂရီကောလိပ်ကို ပြီးခဲ့သည့် ၂၀၀၀ ပြည့်နှစ်က ရန်ကုန်-မန္တလေး ကားလမ်းနံဘေးရှိ ရှားတောကျေးရွာအနီး ဖွင့်လှစ်ခဲ့ခြင်းဖြစ်သည်။

Ref: ဧရာဝတီ

Read More...

Collapse...

မောင်တော ပဋိပက္ခ ဒေါက်တာ ထွန်းအောင်ကို ထောင်ဒဏ် ၁၂ နှစ်ချ

ခင်ဦးသာ
November 23, 2012

ရခိုင်ပြည်နယ်အတွင်း ပဋိပက္ခများ စတင်ခဲ့သည့် မောင်တောမြို့ အကြမ်းဖက်မှုကို ဦးဆောင်သူဟု စွပ်စွဲချက်ဖြင့် ဖမ်းဆီးခံထား ရသော ဒေါက်တာ ထွန်းအောင် (ခေါ်) နုရ်ဟောက်အား စစ်တွေခရိုင် တရားရုံးက နိုဝင်ဘာလ ၂၁ ရက်နေ့တွင် ထောင်ဒဏ် ၁၂ နှစ် ချမှတ်လိုက်ကြောင်း သတင်းရရှိသည်။

ဒေါက်တာ ထွန်းအောင်အား အရေးပေါ် အက်ဥပဒေ ပုဒ်မ (၅ ည) ဖြင့် ၇ နှစ်၊ ပြစ်မှုဆိုင်ရာ ဥပဒေပုဒ်မ ၁၅၃ (က) ဖြင့် ၂ နှစ်၊ ပြစ်မှုဆိုင်ရာ ဥပဒေပုဒ်မ ၅၀၅ (ဂ) ဖြင့် ၂ နှစ်တို့ဖြင့် စုစုပေါင်း ၁၁ နှစ်၊ ကြိုးမဲ့ကြေးနန်း အက်ဥပဒေ ပုဒ်မ ၆ (၁) ဖြင့် ၁ နှစ် သီးခြား ချမှတ်ခံရသည်။

သို့သော် ပထမ ဥပဒေပုဒ်မများအတွက် စုစုပေါင်း ၁၁ နှစ်အနက် ၇ နှစ်သာ ကျခံရမည်ဖြစ်ပြီး ကြိုးမဲ့ကြေးနန်း အက်ဥပဒေအရ ၁ နှစ်နှင့် စုစုပေါင်း ၈ နှစ် ကျခံရမည်ဟု တရားရုံးနှင့်နီး စပ်သူတချို့က ပြောသည်။

“သီးခြားစီချမှတ်မယ်ဆိုရင် ပုဒ်မ ၃ ခု အတွက် ၁၁ နှစ်ကျတယ်။ ဒါပေမယ့် တပေါင်းတည်းချမှတ်တဲ့ အတွက် ၇ နှစ် ပဲကျခံရ မယ်” ဟု တရားရုံးနှင့်နီးစပ်သူတဦးက ဧရာဝတီကို ပြောသည်။

ဒေါက်တာထွန်းအောင်အား တရားစွဲဆိုရာတွင် မှတ်ပုံတင်အတု ပြုလုပ်မှုနှင့် လိမ်လည်မှု ပုဒ်မ ၄၂၀၊ ၄၆၈ အမှုများလည်း ပါဝင်ပြီး၊ ထိုအမှု ပုဒ်မတို့အား တရားသေလွှတ်ပေး လိုက်ကြောင်းသိရသည်။ ၎င်းသည် နိုင်ငံခြားငွေ တရားမ၀င် ကိုင်ဆောင် လဲလှယ်မူ ပုဒ်မဖြင့်လည်း ပြီးခဲ့သည့်လ အနည်းငယ်က ထောင်ဒဏ် ၃ နှစ် ချမှတ်ခံ ထားရသေးသည်။

ဒေါက်တာ ထွန်းအောင်သည် အစ္စလမ်ဘာသာရေး ခေါင်းဆောင်တဦးဖြစ်ပြီး တောင်ကုတ်မြို့၌ မွတ်စလင် ၁၀ ဦး အသတ်ခံရမှု အတွက် မောင်တောမြို့ရှိ ဗလီကျောင်းတခုတွင် ဇွန်လ ၈ ရက်နေ့က ဆုတောင်းပွဲ ပြုလုပ်ရန်နှင့် ပြဿနာ တစုံတရာ မဖြစ်ပွားရန် တာဝန်ယူသည်ဟု အာမခံချက်ပေး၍ ဒေသဆိုင်ရာ အာဏာပိုင်များထံ တင်ပြခဲ့ရာ ခွင့်ပြုပေးခဲ့သည်။ သို့သော် ထိုဆုတောင်းပွဲ အပြီး နာရီပိုင်းအတွင်း အကြမ်းဖက်မှု ဖြစ်ပွားခဲ့သည့်အတွက် ၎င်းအား ဖမ်းဆီးခဲ့သည်။

မောင်တော အကြမ်းဖက်မှုနှင့် ဆက်စပ်၍ မောင်တော ဒေသအခြေစိုက် ကမ္ဘာ့စားနပ်ရိက္ခာ အစီအစဉ် (WFP) နှင့် ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး (UNHCR) မှ ၀န်ထမ်း တချို့ကိုလည်း ဖမ်းဆီးခဲ့သော်လည်း နိုင်ငံတော်သမ္မတ၏ လွတ်ငြိမ်းချမ်းသာခွင့် အမိန့်ဖြင့် ပြန်လွှတ်ပေးခဲ့သည်။

ဒေါက်တာ ထွန်းအောင်၏ သမီးဖြစ်သူ UNHCR ၀န်ထမ်း ဒေါ်မြနန္ဒာအောင်ထံမှလည်း မသင်္ကာဖွယ်ရာ စာရွက်စာတမ်း အထောက် အထားများ သိမ်းဆည်းရမိသည်ဟုဆိုကာ ဇွန်လ ၁၀ ရက်နေ့က စစ်တွေလေဆိပ်၌ ခေတ္တ ထိန်းသိမ်းခဲ့ပြီးနောက် ပြန်လွှတ်ပေး ခဲ့သည်။

မြန်မာ-ဘင်္ဂလားဒေ့ရှ် နယ်စပ်တွင် အမည်မသိ လက်နက်ကိုင် အဖွဲ့၏ ဖမ်းဆီးခံရသော အစိုးရတပ် စစ်သည် ၃ ဦးနှင့် ဒေါက်တာ ထွန်းအောင် လွှတ်ပေးရေး အလဲအလှယ်လုပ်ရန် အဆိုပါ လက်နက်ကိုင်အဖွဲ့က တောင်းဆိုနိုင်သည်ဟု မောင်တောမြို့တွင် ကောလာ ဟလများ ထွက်ပေါ်နေသည်။

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရန် တာဝန်ထမ်းဆောင်နေသည့် တပ်မတော် ဆောက်လုပ်ရေးတပ်မှ တပ်သား ၃ ဦးအား အမည်မသိ လက်နက်ကိုင် အကြမ်းဖက်အဖွဲ့က ယခုလဆန်းတွင် ဖမ်းဆီးခဲ့ပြီး အရပ်သားတဦးကို ပစ်သတ်ခဲ့သည်။

မောင်တောဒေသ၌ ယခုအခါ တည်ငြိမ်နေသော်လည်း ဒေသခံများ သွားလာရေးအတွက် လုံခြုံရေး စိတ်မချရသေးကြောင်း၊ မောင်တောဒေသနှင့် ဘင်္ဂလားဒေ့ရ်ှနယ်စပ် တလျှောက်ကိုလည်း ပြီးခဲ့သည့် ၂ ရက်ခန့်မှ စတင်၍ လုံးဝ ပိတ်ထားပြီး စစ်တပ် အင်အား တိုးမြှင့်ချထားသည်ကို တွေ့ရကြောင်း ဒေသခံများက ပြောသည်။

မောင်တောနယ်စပ်၌ ဖမ်းဆီးခံထားရသည့် မြန်မာစစ်သည် ၃ ဦး ပြန်လည် ရရှိရေးအတွက် မြန်မာ-ဘင်္ဂလားဒေ့ရှ် နှစ်နိုင်ငံ စစ်တပ်တို့အကြား ဆွေးနွေးညှိနှိုင်းနေကြပြီး အဖမ်းဆီးခံ စစ်သည်များ မည်သည့်ဒေသတွင် ရှိသည်ကို မသိရသေးပေ။ ထိုကိစ္စနှင့် ပတ်သက်၍ အစိုးရက မည်သို့ ဆောင်ရွက်နေသည်ကို ပြီးခဲ့သည့်ရက်အတွင်း အခမ်းအနားတခုတွင် နယ်စပ်ရေးရာဝန်ကြီး ဒုတိယ ဗိုလ်ချုပ်ကြီး သိန်းဌေးအား ဧရာဝတီက မေးမြန်းရာ ထိုကိစ္စသည် ကာကွယ်ရေးဝန်ကြီးဌာနနှင့် သက်ဆိုင်သည့် ကိစ္စဟုသာ ဖြေဆို သည်။

ထို့အတူ ရခိုင်ဒေသတွင်း ပဋိပက္ခများ နောက်ကွယ်တွင်လည်း ကြိုးကိုင်နေသည့် အဖွဲ့အစည်းများရှိသည်ကို ခိုင်လုံသော အထောက် အထားများ ရရှိထားကြောင်း၊ ဆက်လက် စုံစမ်းနေဆဲ ဖြစ်၍ မဖော်ထုတ်သေးကြောင်းလည်း ၀န်ကြီးက ဆိုသည်။

Ref: ဧရာဝတီ

Read More...

Collapse...

သတင်းသမား ၂ ဦး အပါအ၀င် ၃၉ ဦး အင်း ဖျက်ဆီးမှုဖြင့် အမှုဖွင့်ခံရ

သန့်စင်ငြိမ်းချမ်း
November 23, 2012

ဧရာဝတီတိုင်း ဒေသကြီး ပုသိမ်ခရိုင် ကျောင်းကုန်းမြို့နယ် အတွင်းရှိ ကညွတ်အိုင် အင်းအား ဖျက်ဆီးသည်ဟူသော စွပ်စွဲချက် ဖြင့် သတင်းထောက် ၂ ဦး အပါအ၀င် လူ ၃၉ ဦးကို အင်းသူကြီး ဖြစ်သူက ကျောင်းကုန်းမြို့နယ် ရဲစခန်းတွင် အမှုဖွင့်ထားကြောင်း သိရ သည်။

ကညွတ်အိုင်အင်း ၏ အကာအရံများကို ကျောင်းကုန်းမြို့နယ် သဲခုံ၊ ဆိပ်ဖူးနီနှင့် လှေကားချောင် ကျေးရွာများမှ ရေလုပ်သား ၂၀၀ ခန့်က ယခုလ ၁၉ ရက်နေ့တွင် ၀င်ရောက်ဖြုတ်ချရာ၌ ဦးဆောင်သူ၊ အားပေးသူများနှင့် အခင်းဖြစ်ချိန်၌ အနီးတွင် ရှိနေသည့် သတင်းထောက် ၂ ဦးကိုပါ အမှုဖွင့်ထားခြင်း ဖြစ်သည်။

“လူ ၃၉ ယောက်ကို ရမန်(တရားရုံးချိန်း)ပေးထားတယ်။ အဲဒီအထဲမှာ ဦးဆောင်သူ၊ အားပေးသူတွေနဲ့ မီဒီယာသမားတချို့ လည်း ပါတယ်။ လူတဦးချင်းစီရဲ့ ပါဝင်ပတ်သက်မှုနဲ့ လှုံ့ဆော်မှုအပေါ် မူတည်ပြီး ဥပဒေအတိုင်း ဆက်လက်ဆောင်ရွက်သွားမှာပါ”ဟု ပုသိမ် ခရိုင် အုပ်ချုပ်ရေးမှူး ဦးအေးမောင်ကြည်က ဧရာဝတီကို ပြောသည်။

အမှုဖွင့်ခံထားရသည့် သတင်းထောက်၂ ဦးမှာ Burma VJ Media မှ တီဗီ သတင်းထောက် ကိုမျိုးကျော်(ခ) ကိုညီထွေးနှင့် New Day မီဒီယာမှ မကြည်ငြိမ်းသော် တို့ ဖြစ်သည်။

ထို လူ ၃၉ ဦးစလုံးကို ပုဒ်မ ၄၄၇ ၊ ၄၂၇ ၊ ၃၄ တို့ဖြင့် အမှုဖွင့်ထားသည်။

ပုဒ်မ ၄၄၇ မှာ သူတပါးပိုင်နက်ကို ကျော်နင်းဝင်ရောက်မှုဖြစ်ပြီး ပုဒ်မ ၄၂၇ မှာ သူတပါး အကျိုးစီးပွား ဖျက်ဆီးမှုဖြစ်သည်။ ပုဒ်မ ၃၄ မှာ ပြစ်မှုကျူးလွန်စေရန် အားပေးအားမြှောက် ပြုခြင်းနှင့်ပတ်သက်၍ အရေးယူသည့်ပုဒ်မ ဖြစ်ကြောင်း သိရသည်။

ကညွတ်အိုင်အင်းသို့ သတင်းသွားယူသော ကိုမျိုးကျော်(ခေါ်) ကိုညီထွေးနှင့် မကြည်ငြိမ်းသော်တို့အား အခင်းဖြစ်ပွားသည့် ယခုလ ၁၉ ရက်နေ့ ညနေပိုင်း တွင် ကျောင်းကုန်း ရဲတပ်ဖွဲ့က ခေါ်ဆောင်သွားပြီး အဆိုပါ ပုဒ်မများဖြင့် အမှုဖွင့်၍ ည ၁၂ နာရီခန့်တွင် ခံဝန်ဖြင့် ပြန်လွှတ်ပေးခဲ့ပြီး ကျောင်းကုန်း တရားရုံးတွင် ဆက်လက် အမှုရင်ဆိုင်ရမည်ဟု Burma VJ Media ၏ ထုတ်ပြန်ချက်တွင် လည်း ဖော်ပြထားသည်။

“အင်းဖျက်ဆီးမှုနဲ့ ပတ်သက်သူ ၃၉ ဦးကို စစ်ဆေးပြီးသွား ပါပြီ။ စစ်ဆေး ပေါ်ပေါက်ချက်အပေါ် မူတည်ပြီးတော့ တရားစွဲသင့် မစွဲ သင့် ဆုံးဖြတ်သွားမှာ ဖြစ်ပါတယ်။ စွပ်စွဲချက် မခိုင်လုံတဲ့လူတွေကို လွှတ်ပေးမှာပါ”ဟု ပုသိမ်ခရိုင် ရဲတပ်ဖွဲ့မှူး ဒု ရဲမှူးကြီး
ဦးဇော် ၀င်းကျော် က ဧရာဝတီကို ပြောသည်။

ရေလုပ်သားမည်သူမဆို တနိုင်တပိုင်ငါးဖမ်းနိုင်သည့် ရေပေါ်ရေလျှံကာလ ကုန်ဆုံး၍ အင်းဂရန် လုပ်ငန်း စတင် အသက်ဝင်သည့် ယခုလ ၁၈ ရက်နေ့တွင် အင်းသားကြီးက ကညွတ်အိုင်အင်းအား အင်းပိတ်ကာငါးဖမ်းခဲ့ပြီးနောက် အနီးဝန်းကျင် ကျေးရွာများမှ ရေ လုပ်သားများက ၁၉ ရက် နေ့လယ်ပိုင်းတွင် အင်းအတွင်း ၀င်ရောက်၍ အင်းလေလံ အောင်ထားသူ အင်းသူကြီး ရှေ့မှာပင် အင်း ၏ အကာအရံများကို ဖွင့်ချခဲ့ကြခြင်း ဖြစ်သည်။

အင်းဂရန် ကာလမှာ တန်ဆောင်မုန်း လဆန်း(နိုဝင်ဘာ)မှ တန်ခူးလ(ဧပြီ)အထိ ဖြစ်ကြောင်း သိရသည်။

အင်းသူကြီး ဦးမှုံကြီးက“နေ့လယ် ၁၁ နာရီလောက် သူတို့ရောက်လာတယ်။ ကျနော့်ကို ဘာမှမပြောဘူး။ လာညှိတာလည်း မရှိဘူး။ တောင်းဆိုတာလည်း မရှိဘဲ ကျနော့်မျက်စိရှေ့မှာတင် အင်းကို ဖျက်ဆီးသွားတာပါ။ ကျနော်တို့မှာ စိတ်မကောင်းစွာနဲ့ပဲ ထိုင်ကြည့် နေရ တယ်”ဟု ပြောပြသည်။

ယင်းအင်းနှင့်ပတ်သက်၍ ရေလုပ်သားများအား အင်းသူကြီးက ရေချိုငါးလုပ်ငန်းဥပဒေအတိုင်း အခွန်လွတ်ကိရိယာ၁၆ မျိုးဖြင့်
အင်းဂရန်ကာလ မတိုင်မီ ငါးဖမ်းခွင့်ပေးခဲ့သည်။ သို့သော် ရေလုပ်သားများက ပိုက်ဖြင့်ငါးဖမ်းခွင့် တိုးမြှင့်တောင်းဆိုသည့်အတွက်
ဆင်းရဲ နွမ်းပါးသူများကို ခွင့်ပြုပေးခဲ့ကြောင်း သိရသည်။

“လက်ရှိဖြစ်သွားတဲ့အနေအထားက ဦးမှုံကြီးက အင်း စဆယ်တဲ့အချိန်မှာ ရေပေါ်ရေလျှံ သမားအဖွဲ့တွေက လမ်းကြောင်းပိတ်သွား တယ်။ ဒီအတွက် သူတို့က ဆက်ပြီးတော့ လွတ်လွတ်လပ်လပ် ရှာဖွေစားသောက်ချင်တဲ့အတွက် တောင်းဆိုတယ်။ တောင်းဆိုရင်း နဲ့ ကိုယ်ထိလက်ရောက် ပါသွားတာပေါ့။ ဟိုဘက်က တရားဝင် အင်းကန့်တာကို ဖျက်ဆီးလိုက်တော့ ဖျက်ဆီးတဲ့လူက ကျူးလွန် မှု ဖြစ်သွားတာပေါ့”ဟု ခရိုင် အုပ်ချုပ်ရေးမှူးက ပြောသည်။

ကျောင်းကုန်းမြို့နယ် အုပ်ချုပ်ရေးမှူး ကိုမျိုးကျော်ကျော် ကလည်း အင်း ပြဿနာနှင့်ပတ်သက်၍ အင်းသူကြီးနှင့် ရေလုပ်သားများ အကြား ပြီးခဲ့သည့် ၂ လအတွင်း ၂ ကြိမ်တိုင် ညှိနှိုင်းပေးခဲ့ပြီး အခွန်လွတ် ကိရိယာ ၁၆ မျိုးအပြင် ပိုက်ဖြင့်ပါ ငါးဖမ်းနိုင်ရန် ရေ လုပ် သားများဘက်မှ ညှိနှိုင်းပေးခဲ့ကြောင်း ပြောဆိုသည်။

ယခုပြဿနာ ဖြစ်ပွားရခြင်းသည် ဥပဒေနှင့် အညီ လုပ်ကိုင် ဆောင်ရွက်မှု မရှိခြင်းများကြောင့် ဖြစ်ရသည်ဟုလည်း ဆိုသည်။

အင်းထဲတွင် ငါးရံ့၊ ငါးမြစ်ချင်း၊ တလားဗီးယားစသည့် ငါးများမွေးမြူထားပြီး ယင်း ငါးများ၏ တန်ဖိုးမှာ ကျပ် သိန်း ၆၀ ခန့်ရှိ ကြောင်း အင်းသူကြီး က ပြောသည်။

“အင်းရဲ့ အကာအရံတွေ ဖယ်လိုက်တော့ ငါးတွေက မည်းခနဲ အုပ်လိုက်ကြီး အကုန် ထွက်သွားတာမြင်ရတော့ ကျနော် အတော့်ကို စိတ်မကောင်းဘူးဗျာ။ ရင်တွေတုန်ပြီး ဒူးကို ညွတ်ကျသွားတာပဲ”ဟု အင်းသူကြီး ဦးမှုံကြီးက ပြောသည်။

ကညွတ်အိုင်အင်းမှာ ၁၉၉၇ ခုနှစ်မှ ၂၀၀၄ ခုနှစ်အထိ ဦးမှုံကြီးက ၈ နှစ်ဆက်တိုက် လုပ်ကိုင်ခဲ့ပြီးနောက် ဧရာရွှေဝါ ကုမ္ပဏီက ၂၀၀၄ ခုနှစ်မှ ၂၀၁၁ ခုနှစ်အထိ လုပ်ကိုင်ခဲ့သည်။ ထို့နောက် ယခုနှစ်တွင် ဦးမှုံကြီးက ကျပ် ၆၅ သိန်းဖြင့် လေလံအောင်ခဲ့သည့် အတွက် ပြန်လည် လုပ်ကိုင်နေခြင်း ဖြစ်သည်။

ဧရာဝတီ တိုင်းဒေသကြီးတွင် အင်းသူကြီးနှင့် ရေလုပ်သား၊ အင်းသူကြီးနှင့် လယ်သမားများကြား ပဋိပက္ခနှင့် တင်းမာမှုများဖြစ်ပွား နေသည့် အင်းပေါင်း ၅ ခုထက်မနည်း ရှိနေသည်ဟု လယ်သမားနှင့် ရေလုပ်သားများအား လိုက်ပါကူညီပေးနေသော လူ့အခွင့် အရေး စောင့်ကြည့် ကာကွယ်ရေး ကွန်ရက် က ပြောသည်။

ဧရာဝတီ တိုင်းဒေသကြီး အတွင်း အင်းပေါင်း ၁၇၀၀ ကျော်ရှိရာ ဘဏ္ဍာငွေ အများဆုံး ရှာဖွေပေးနေသည့် လုပ်ငန်းလည်း ဖြစ် သည်။

ပြီးခဲ့သည့် ၂၀၁၁-၂၀၁၂ ဘဏ္ဍာရေးနှစ်အတွင်း ကျပ် သိန်းပေါင်း ၄၉,၀၀၀ ကျော် ရှာဖွေပေးနိုင်ခဲ့ကြောင်း တိုင်းအစိုးရ အဖွဲ့ ဘဏ္ဍာ ရေး ၀န်ကြီးဌာန ၏ စာရင်းများအရ သိရသည်။

Ref: ဧရာဝတီ

Read More...

Collapse...

ကြေးနီစီမံကိန်း ပြဿနာ ကော်မတီဖွဲ့ စစ်ဆေးရန် လွှတ်တော် ဆုံးဖြတ်

ကျော်ခ
November 23, 2012

စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ် လက်ပံတောင်းတောင် စီမံကိန်း ရပ်တံ့ရေးတောင်းဆိုမှုများနှင့် ပတ်သက်ပြီး စုံစမ်းစစ်ဆေးရေး ကော်မတီအဖွဲ့ ဖွဲ့၍ စစ်ဆေးရန် ယနေ့ ပြည်သူ့လွှတ်တော် အစည်းအဝေးက သဘောတူ ဆုံးဖြတ်လိုက်ကြသည်။

ထိုစီမံကိန်းနှင့် ပတ်သက်၍ ဒေသခံ တောင်သူများနှင့် လူမှုအဖွဲ့အစည်းများက နှစ်ဝက်ကျော်ကြာ ဆန္ဒပြ တောင်းဆိုမှုများကို ဖြေရှင်းဆောင်ရွက်ပေးရန် အမျိုးသားဒီမိုကရေစီ အဖွဲ့ချုပ် (NLD) မှ စစ်ကိုင်းတိုင်းဒေသကြီး၊ ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က အရေးပေါ် အဆိုတင်သွင်းခဲ့ပြီး လွှတ်တော်က သဘောတူ ဆုံးဖြတ်ခဲ့ခြင်းဖြစ်သည်။

“ဒေါ်ခင်စန်းလှိုင်က ပြည်သူတွေ ထိခိုက်နစ်နာမှုတွေ ဖြစ်နေတဲ့အတွက်ကြောင့် ဒါတွေကို ကျယ်ကျယ်လောင်လောင် အော်နေကြ တယ်၊ စုံစမ်းစစ်ဆေးမှု လုပ်သင့်တယ်ဆိုတဲ့ အဆိုကို ကော်မတီတရပ်ဖွဲ့ပြီး စုံစမ်းစစ်ဆေးဖို့ ဆုံးဖြတ်လိုက်ကြတယ်။ အဲဒီတော့ ပြည်ထောင်စုအစိုးရက တိုက်တွန်းတာပေါ့” ဟု ရခိုင်တိုင်းရင်းသားများ တိုးတက်ရေးပါတီ (RNDP) မှ ပြည်သူ့လွှတ်တော် ကိုယ်စားလှယ် ဦးဘရှိန်က ဧရာဝတီသို့ ပြောသည်။

NLD အမတ်၏ အဆိုကို ကာကွယ်ရေးဝန်ကြီး ဒု ဗိုလ်ချုပ်ကြီး ဝေလွင်က ကြေးနီစီမံကိန်းနှင့် ပတ်သက်၍ စနစ်တကျ ဥပဒေ စည်းမျဉ်းစည်းကမ်းများဖြင့် လုပ်ဆောင်ကြောင်း၊ ဒေသခံ ရွာသူရွာသားများကိုလည်း အထောက်အပံ့များ ပေးကြောင်း၊ လူမှုရေး၊ ကျန်းမာရေး၊ ပညာရေး ကိစ္စရပ် အသီးသီးကိုလည်း စောင့်ရှောက်မှု ပေးထားကြောင်း ပြည်သူ့လွှတ်တော်၌ ရှင်းလင်းသည်။

သို့သော်လည်း ပြည်သူများအနေဖြင့် ယခုကဲ့သို့ တောင်းဆိုလာမှုများအပေါ် အငြင်းပွားစရာ ဖြစ်နေသည့်အတွက် စစ်ဆေး ဆုံးဖြတ်သင့်ကြောင်း လွှတ်တော်က သဘောတူဆုံးဖြတ်လိုက်ခြင်း ဖြစ်သည်။

“ဗိုလ်ချုပ် (ကြီး) ဝေလွင်က ဒီကိစ္စနဲ့ပတ်သက်ပြီး သူတို့ဘက်က ဥပဒေနဲ့အညီ လုပ်ဆောင်ပေမယ့် ပြည်သူတွေက တောင်းဆိုမှု ရှိလာတဲ့အတွက် လွှတ်တော်က တစုံတရာ အဆုံးဖြတ်ချက်ချ လုပ်မယ်ဆိုရင်လည်း မငြင်းဘူးဆိုတဲ့ သဘောမျိုးပြောတဲ့ အတွက် ကြောင့် တခါတည်း ဆုံးဖြတ်ချက်ချလိုက်တယ်။ လွှတ်တော်က ဒီဆုံးဖြတ်ချက်ကို သမ္မတဆီကို သဝဏ်လွှာပို့လိုက်မှာပေါ့၊ မနက်ဖြန်ပို့လိုက်ရင် သန်းဘက်ခါ ဆက်လုပ်ဖို့ရာက သူတို့ရဲ့ အစီအစဉ်ပဲလေ” ဟု ဦးဘရှိန်က ပြောသည်။

စစ်ဗိုလ်ချုပ်များ ဦးစီးသော စီးပွားရေး ဦးပိုင်လီမိတက်နှင့် တရုတ်ကုမ္ပဏီတို့က ကြေးနီစီမံကိန်းအတွက် ဒေသခံတို့၏ လယ်ယာ မြေများကို အဓမ္မသိမ်းယူခြင်း၊ သဘာဝ တောင်တန်းများကို ဖျက်ဆီးခြင်းနှင့် စီမံကိန်း အညစ်အကြေးများကြောင့် ကျန်းမာရေး ထိခိုက်မှုများကြောင့် ဒေသခံများနှင့် လူမှုအဖွဲ့များက နှစ်ဝက်ကျော်ကြာ ဆန္ဒပြလာခဲ့ပြီး ယခုအခါ စီမံကိန်း လမ်းကြောင်းများကို ပိတ်ဆို့ဆန္ဒပြသည်အထိ အရှိန်မြင့်တက်နေသည်။

လက်ပံတောင်းတောင် ကြေးနီစီမံကိန်းနယ်မြေ၌ လယ်ယာမြေ အသိမ်းခံထားရသည့် ဒေသခံပြည်သူများ၊ ရဟန်းသံဃာများ၊ လူထုအခြေပြု အဖွဲ့အစည်းများမှ အင်အား ၁၀၀၀ ကျော်ကလည်း သပိတ်စခန်း ၅ ခုအထိ တိုးမြှင့်ကာ ကြေးနီစီမံကိန်း ဖျက်သိမ်းရေး၊ ၀မ်ပေါင်ကုမ္ပဏီ ဖျက်သိမ်းရေး၊ ဦးပိုင်ကုမ္ပဏီ ဖျက်သိမ်းရေး ဒို့အရေး စသည့် ဆောင်ပုဒ်များနှင့် ကြွေးကြော် ဆန္ဒပြနေသည်။

အဆိုပါ သပိတ်စခန်းများကို စီမံကိန်း အဝင်အထွက်လမ်းမကြီး၊ ဝမ်ပေါင်ကုမ္ပဏီရှေ့နှင့် လယ်တီဆရာတော်ဘုရားကြီး သတင်း သုံးခဲ့ဖူးသည့် သိမ်ကျောင်းဆောင်တို့၌ ဖြန့်ကြက်ဖွင့်လှစ်ထားပြီး စီမံကိန်း လည်ပတ်စေမည့် လမ်းကြောင်းများကို ပိတ်ဆို့ကာ သပိတ်ဆင်နွှဲနေကြသည်။

“အခု သပိတ်က အရှိန်ထပ်မြှင့်လိုက်ပြီး သပိတ်စခန်း ၅ ခုဖြစ်သွားပြီ။ ဒီလက်ပံတောင်းတောင် ကြေးနီစီမံကိန်း လုံးဝ ရပ်ဆိုင်း သွားတဲ့အထိ တောင်းဆိုသွားကြဖို့ အားလုံးက သဘောတူကြပြီး ဖြစ်တယ်” ဟု သပိတ်ဆင်နွှဲသည့်အထဲတွင် ပါဝင်သူ ပြည့်သူ့ အကျိုးဆောင်ကွန်ရက် အဖွဲ့ဝင် ကိုအောင်စိုးက ဧရာဝတီသို့ ပြောသည်။

အဆိုပါ လက်ပံတောင်းတောင် ကြေးနီစီမံကိန်းအတွက် စီမံကိန်း ပတ်ဝန်းကျင်ရှိ ၀က်မှေး၊ ဆည်တည်း၊ ကန်တောနှင့် ဇီးတော စသည့် ရွာပေါင်း ၂၆ ရွာမှ လယ်မြေဧက ၇၈၀၀ ကျော် သိမ်းဆည်းခံထားရသည်။ စီမံကိန်းရပ်ဆိုင်းရေး ဆန္ဒပြတောင်းဆိုမှုများ မေလမှစ၍ ဆက်တိုက် ဖြစ်ပေါ်ခဲ့သည့်အတွက် ထိုဒေသ၌ ဇူလိုင်လ ၂၃ ရက်မှ စတင်ကာ ပုဒ်မ ၁၄၄ ထုတ်ပြန်ထားသည်။

၂၀၁၀ ဒီဇင်ဘာလထဲတွင် ဓာတ်သတ္တုရှာဖွေ စမ်းသပ်ရန် ဖြတ်သန်းသွားလာရေးအတွက် လမ်းကြောင်းကျသည့် သီးနှံစိုက်ခင်းများကို ၃ နှစ်စာ လျော်ကြေးအဖြစ် ကျပ် ၅ သိန်း ၂ သောင်း နှုန်းဖြင့် ပြောဆိုခဲ့သော်လည်း နောက်ပိုင်းတွင် မြေယာလျော်ကြေး အဖြစ် ပေးချေခဲ့ခြင်းဖြစ်ကြောင်း၊ စစ်ကိုင်းတိုင်းဝန်ကြီးချုပ် ဦးသာအေးကိုယ်တိုင် ပြောဆိုခဲ့ပြီးနောက် ဒေသခံတို့ယာမြေများ သိမ်းယူခံ လိုက်ရခြင်းဖြစ်သည်။

အဆိုပါ ကြေးနီစီမံကိန်း လုပ်ငန်းခွင်များမှ စွန့်ပစ်ပစ္စည်းများ၊ ဆာလဖြူရစ် အက်စစ် စက်ရုံတို့ကြောင့် ဒေသတ၀ိုက်တွင် သဘာဝ ပတ်ဝန်းကျင်ထိခိုက်မှု၊ ကျန်းမာရေးဆိုင်ရာ ထိခိုက်မှုများရှိကြောင်း သဘာဝ ပတ်ဝန်းကျင်ထိန်းသိမ်းရေး အဖွဲ့များကလည်း ထောက်ပြ ဝေဖန်မှုများ ရှိသည်။

ဆားလင်းကြီး မြို့နယ်အတွင်းရှိ ကြေးစင်တောင်နှင့် လက်ပံတောင်းတောင် ဒေသများရှိ ကြေးနီစီမံကိန်းများအား စီးပွားရေး ဦးပိုင်ကုမ္ပဏီနှင့် တရုတ်ကုမ္ပဏီများ ဖြစ်သည့် ၀မ်ပေါင်၊ မြန်မာ ယမ်စီ ကုမ္ပဏီများက၂၀၁၁ ခုနှစ် နှောင်းပိုင်းမှစတင်၍ ကြေးနီ တူးဖော်မှု လုပ်ဆောင်နေခြင်း ဖြစ်သည်။

ဆားလင်းကြီး ကြေးနီစီမံကိန်းအပြင် မုံရွာတွင်လည်း ကြေးနီ စီမံကိန်းတခုရှိကာ တရုတ် ကုမ္ပဏီများက ပါဝင်လုပ်ကိုင်လျက် ရှိကြောင်း သိရသည်။ မုံရွာကြေးနီ စီမံကိန်းသည် မြန်မာနိုင်ငံတွင် အကြီးဆုံး ကြေးနီ စီမံကိန်းတခုဖြစ်ပြီး ယခင် မြန်မာအစိုးရ အမှတ် (၁) သတ္ထုတွင်း ၀န်ကြီးဌာနနှင့် ကနေဒါအခြေစိုက် အိုင်ဗင်ဟိုးကုမ္ပဏီ (Ivanhoe Mines) တို့ ပူးပေါင်းဖွဲ့စည်းထားသော မြန်မာ အိုင်ဗင်ဟိုး ကြေးနီ ကုမ္ပဏီလီမိတက် (Myanmar Ivanhoe Copper Company Limited – MICCL) က လုပ်ကိုင် ခဲ့ခြင်း ဖြစ်သည်။

ထို MICCL အား ၂၀၀၉ ခုနှစ်တွင် အမေရိကန်ဘဏ္ဍာရေး ၀န်ကြီးဌာနက တားမြစ်ထားသည့် ကုမ္ပဏီများစာရင်းတွင် ထည့် သွင်းခဲ့သည်။

Ref: ဧရာဝတီ

Read More...

Collapse...

တင်းမာမှုကြားက မျှော်လင့်ချက်မဲ့ဆဲ ကချင်ဒုက္ခသည်များ

နန်းသီရိလွင်
November 24, 2012

မထင်မှတ်ဘဲ ရွာချလိုက်တဲ့ ဆောင်းတွင်းမိုး ဖွဲဖွဲစိပ်စိပ်ကြားမှာ အပြာရောင် မိုးကာမိုး၊ ၀ါးထရံဖြစ်သလို ကာရံထားတဲ့ တဲကုပ် ကုပ်လေးတွေ ငြိမ်သက်နေတယ်။ ညနေစောင်းလာလေ အအေးဓာတ်က ပိုလာလေဆိုတဲ့ ဒေသမှာ မိုးကလည်း ရွာ၊ အအေးဒဏ်က ကာကွယ်စရာ မီးဖိုကလွဲလို့ ဘာမှ မရှိပါဘူး။

နေရာက တရုတ်-မြန်မာ နယ်စပ်အနီး၊ တရုတ်နိုင်ငံဘက်အခြမ်း ယူနန်ပြည်နယ်ထဲက ယင်ဂျန်းဆိုတဲ့ မြို့ကနေ ၆ နာရီလောက် ကားစီးရတဲ့ တောင်ပေါ်ဒေသ တနေရာမှာပါ။ မြန်မာနိုင်ငံဘက်ဆိုရင် ကချင်ပြည်နယ် အရှေ့ဘက်ခြမ်း ၀ိုင်းမော်မြို့နယ်နဲ့ နီးစပ် တဲ့နေရာ ဖြစ်ပါတယ်။ မဂါးယန်လို့ ခေါ်တဲ့ အဲဒီနေရာမှာ ကချင်ပြည်နယ်က စစ်ဘေးဒုက္ခကြောင့် ထွက်ပြေးလာတဲ့ ကချင်ဒုက္ခသည် ၂၀၀၀ ကျော် နေထိုင် ခိုလှုံလျှက်ရှိပါတယ်။ ပင်လယ်ရေပြင်အထက် အမြင့်ပေ ၅ ထောင်ကျော်မှာ တည်ရှိပြီးတော့ မဂါးယန်ကို သွားဖို့ လမ်းရယ်လို့ မည်မည်ရရမရှိဘဲ တရုတ်နိုင်ငံက သစ်ထုတ်လုပ်ဖို့ ဖောက်လုပ်ထားတဲ့ သစ်ထုတ်လမ်းကို အသုံးပြုနေရပါတယ်။ ဒုက္ခသည်တွေ အများစုကလည်း သစ်ထုတ်လုပ်ရေး လမ်းရဲ့ လမ်းဘေးတဘက်တချက် တောင်စောင်းတွေမှာ ဖြစ်သလို တဲထိုးနေ ထိုင်နေရပါတယ်။

“လမ်းပန်း ခက်ခဲတော့ အကူအညီပစ္စည်းက မရောက်လာတာ များတယ်။ အဓိက စားရေးအတွက်ပဲ အလျဉ်မီအောင် လုပ်နေရ တယ်။ ကျန်တာကတော့ ဖြစ်သလိုပဲ ဖြေရှင်းလိုက်တာ များပါတယ်” လို မဂါးယန် ဒုက္ခသည်စခန်းက စခန်းတာဝန်ခံတဦး က ပြောပါတယ်။

မဂါးယန်ကို ရောက်ဖို့ တရုတ်နိုင်ငံ ယင်ဂျန်းကနေ ခါ့ရှန်ဆိုတဲ့မြို့ကို ကားနဲ့သွားနိုင်ပြီးတော့ ခါ့ရှန်ကနေ ဆိုင်ကယ်တက္ကစီနဲ့ ခရီး ဆက်မှ ရမှာပါ။ လမ်းခရီးက ကားလမ်းမဟုတ်တဲ့ သစ်ထုတ်လမ်းဖြစ်တဲ့အပြင် တောင်တက်လမ်းလည်း ဖြစ်ပါတယ်။ မိုးရွာနေရင် ကားလမ်းချော်မှာ မြေပြိုမှာကိုလည်း စိုးရိမ်ရတယ်လို့ ဆိုပါတယ်။

“ကျမတို့ဆီလာဖို့ ခက်တဲ့အတွက် တော်ရုံအဖွဲ့အစည်း မလာပါဘူး။ အဓိက ဆန်နဲ့ ဆေးဝါးကို KBC (ကချင်နှစ်ခြင်းခရစ်ယာန် အဖွဲ့ချုပ်) နဲ့ KIO က ပေးနေပါတယ်။ ဒါပေမယ့် ကျမတို့ထက်က ခက်ခဲတဲ့နေရာတွေ ရှိနေတယ်။ ကျမတို့ ဆန်နဲ့ ဆေးဝါး ရတယ်။ တချို့ နေရာတွေမှာ ဆန်နဲ့ဆေးဝါးမပြောနဲ့ ကျန်းမာရေးစောင့်ရှောက်ပေးမယ့် ဆရာမတောင် မရှိပါဘူး” လို့ မဂါးယန်ဒုက္ခသည် စခန်းက တာဝန်ကျ ဆရာမ မသိန်းဝမ်က ပြောပါတယ်။

၂၀၁၁ ခုနှစ် ဇွန်လကတည်းက ဖြစ်ပွားခဲ့တဲ့ မြန်မာအစိုးရ တပ်မတော်နဲ့ ကချင်လွတ်မြောက်ရေး တပ်မတော် (KIA) တို့ရဲ့ တိုက်ပွဲတွေကြောင့် ကချင်ပြည်သူ ၁ သိန်းနီးပါး နေရပ်စွန့်ခွာ ထွက်ပြေးနေရသူများအဖြစ် ဒုက္ခသည်စခန်းများမှာ ခိုလှုံနေကြ ရပါတယ်။ ဒုက္ခသည် ၁ သိန်းနီးပါးလို့ ခန့်မှန်းထားတဲ့ အထဲက ၆ သောင်းကျော်ဟာ KIA ထိန်းချုပ်ထားတဲ့ နေမြေများအတွင်းမှာ နေထိုင်နေကြရပြီးတော့ ၃ သောင်းကျော်ကတော့ အစိုးရ ထိန်းချုပ်နယ်မြေများမှာ တည်ရှိနေပါတယ်။

တိုက်ပွဲ ပြင်းထန်တဲ့ ဒေသတွေက နီးစပ်ရာ လုံခြုံမယ်လို့ ထင်ရတဲ့ ဒေသတွေကို အသက်လုပြေးရတဲ့အတွက် စစ်ပြေးသူအများစုဟာ ပစ္စည်းများများစားစား မသယ်နိုင်သလို နေရာရွေးခြယ်ခွင့်လည်း မရှိကြပါဘူး။ KIA ထိန်းချုပ် နယ်မြေဘက် ရောက်သွားတဲ့ ဒုက္ခ သည်တွေကို KIA, တရုတ်အစိုးရနဲ့၊ တခြားသော လူသားချင်း စာနာထောက်ထားမှုဆိုင်ရာ နိုင်ငံတကာ အဖွဲ့အစည်းတချို့က ထောက်ပံ့သလို၊ မြန်မာအစိုးရ တပ်မတော်ဘက် ရောက်လာတဲ့ ဒုက္ခသည်တွေကိုလည်း ကချင်ပြည်နယ် အစိုးရ၊ ပြည်ထောင်စု အစိုးရနဲ့ NGO, INGO တွေက အကူအညီပေးနေကြပါတယ်။ ဒါပေမယ့် လမ်းပန်းဆက်သွယ်ရေး အခက်အခဲ၊ လုံခြုံရေးအခက်အခဲ ကြောင့် ကူညီထောက်ပံ့မှု လိုအပ်သလောက် မရဘဲ အခက်အခဲကြီးကြီးမားမား ကြုံနေရတဲ့ ဒုက္ခသည် စခန်းတွေလည်း အများကြီး ရှိနေပါတယ်။

“လမ်းသာတဲ့နေရာတွေ ဥပမာ မြစ်ကြီးနား၊ ၀ိုင်းမော် လာတာများတယ်။ ကန်ပိုက်တီးမှာ ဆင်ကြိုင်ဆိုတာ တော်တော်လေး ချို့ချို့တဲ့တဲ့နေရတဲ့ စခန်းတခုရှိတယ်။ ကန်ပိုက်တီး တံတားက ကျိုးသွားတော့ စက်သီးနဲ့ ကူးရတယ်။ တခါတည်း လုံလုံလောက် လောက် လာလှူကြဖို့ ဦးဇော်ဇော်တို့၊ ဦးအောင်ကိုဝင်းတို့ အဲလိုလူတွေကို မေတ္တာရပ်ခံရတယ်” လို့ ကချင်ပြည်နယ် လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ၀န်ကြီး ဒေါ်ဘောက်ဂျာက ဧရာဝတီကို ပြောပါတယ်။

ကချင်ပြည်နယ်အစိုးရရဲ့ စာရင်းအရ အစိုးရ ထိန်းချုပ်နယ်မြေဘက်မှာ ဒုက္ခသည်စခန်း စုစုပေါင်း ၈၄ ခုရှိပြီး စစ်ပြေးဒုက္ခသည် ဦးရေ ၃၁၆၂၅ ဦးအထိ ရှိတယ်လို့ ဆိုပါတယ်။ မြစ်ကြီးနား၊ ၀ိုင်းမော်၊ ဗန်းမော်၊ ရွှေကူ၊ လွယ်ဂျယ်၊ မိုးကောင်း၊ မိုးညှင်း စတဲ့ ဒေသတွေက လမ်းသာတဲ့အတွက် ပြည်တွင်းက လူမှုရေးအဖွဲ့ငယ်များရဲ့ ထောက်ပံ့မှုရော၊ ပြည်နယ်အစိုးရရဲ့ ထောက်ပံ့မှုနဲ့ တခြား အထောက်အပံ့များကို အခက်အခဲမရှိ ရယူနိုင်တယ်လို့ ဆိုပါတယ်။ ကန်ပိုက်တီး၊ ပန်ဝါ၊ မိုးမောက်၊ မံစီ စတဲ့ ဒေသတွေဟာ လမ်းပန်းဆက်သွယ်ရေးနဲ့ လုံခြုံရေး အခြေအနေတွေကြောင့် အကူအညီပစ္စည်းတွေ ပို့ဖို့ ခက်နေတယ်လို့ ဒေါ်ဘောက်ဂျာက ဆိုပါတယ်။

“ပန်ဝါမှာက တိုက်ပွဲက အဆက်မပြတ်ဖြစ်နေတော့ မသွားရဲကြဘူး။ မံစီလို နေရာမျိုး ကျတော့လည်း ရဟတ်ယာဉ်နဲ့ သွားမှရမယ့် နေရာမျိုးတွေရှိတယ်။ အဲဒီအပြင် ကူညီထောက်ပံ့ဖို့က အကန့်အသတ်နဲ့ပဲ ရနေတော့ ကိုယ်လက်လှမ်းမီတဲ့ နေရာတွေမှာကိုပဲ မလောက်ငနိုင်တဲ့အတွက် ပိုဝေးတဲ့နေရာကို ဆက်သွားဖို့က အခက်အခဲအများကြီး ရှိပါတယ်” လို့ KIA က တာဝန်ရှိသူတဦးက ပြောပါတယ်။

KIA နဲ့ ကချင်လွတ်လပ်ရေးအဖွဲ့ (KIO) က ကောက်ယူထားတဲ့ စာရင်းတွေအရ KIA ထိန်းချုပ်နယ်မြေထဲမှာ ဒုက္ခသည်စခန်း စုစုပေါင်း ၂၁ ခုထိရှိပြီး လူဦးရေက ၆၃၅၀၀ ခန့် ရှိမယ်လို့ သိရပါတယ်။ KIA ထိန်းချုပ်နယ်မြေအတွင်းက ဒုက္ခသည် အများ စုကတော့ KIA ဌာနချုပ်တည်ရှိရာ လိုင်ဇာ အနီးတ၀ိုက်နဲ့ တရုတ်နိုင်ငံ နယ်စပ်တလျှောက်မှာ လို့သိရပါတယ်။ လိုင်ဇာ အနီး တ၀ိုက်က ဒုက္ခသည် စခန်းတွေကိုတော့ KIO က လျှပ်စစ်မီးနဲ့ ဒုက္ခသည် ကလေးများရဲ့ပညာရေးအတွက် ကျောင်းဆောက် ပေးတယ်လို့ ဆိုပါတယ်။ နယ်စပ်တလျှောက်မှာတော့ KIO ရဲ့ အကူအညီအပြင် နိုင်ငံတကာ အဖွဲ့အစည်းတချို့ရဲ့ အကူအညီနဲ့ တရုတ်နိုင်ငံရဲ့ အကူအညီတချို့လည်း ရရှိနေတယ်လို့ ဆိုပါတယ်။

“တရုတ်က တိုက်ရိုက် ကူညီတာမျိုးတော့ မလုပ်ဘူး။ ဘာသာရေးအရ ကူညီပါတယ်။ KBC လို အဖွဲ့တွေက တဆင့်လှူတယ်။ နောက် ပြည်တွင်းက အဖွဲ့လေးတွေလည်း ဒီကို လှူတာတွေ ရှိပါတယ်။ အထောက်အပံ့များလို့ ကျနော်တို့မှာ လောက်ငှတယ်ဆိုတာ မရှိပါဘူး။ လိုအပ်ချက်က အမြဲ အဆိုးဆုံးအဆင့်မှာ ရှိနေတယ်” လို့ လိုင်ဇာအနီး ဂျယ်ယန်း ဒုက္ခသည်စခန်းက တာဝန်ခံ ဦးဘရန်ရှောင်က ပြောပါတယ်။

KIO ထိန်းချုပ်နယ်မြေအတွင်းက နမ်ခမ်ဂျော်စခန်း၊ ပလောင်စခန်း၊ မဂါးယန်စခန်း စတဲ့စခန်းတွေနဲ့ ပါဟောင်၊ လူဟောင် စတဲ့ ဒေသတွေမှာ ဆိုးရွားတဲ့ အခြေအနေရှိနေပြီးတော့ မြန်မာတပ်မတော် အစိုးရဘက်က တရုတ်-မြန်မာ နယ်စပ် မှတ်တိုင် ၆၊ မှတ် တိုင် ၈ ဒေသတွေဟာ အလွန်အေးတဲ့ ဒေသတွေဖြစ်တဲ့အတွက် အခြေအနေ စိုးရိမ်ဖွယ်ရှိတယ်လို့ ကချင်ငြိမ်းချမ်းရေးကွန်ရက်က မအားခါန်က ပြောပါတယ်။

“ကျမတို့ဘက်က အထောက်အပံ့ မရောက်နိုင်တဲ့ နေရာတွေကို UNHCR (ဒုက္ခသည်များဆိုင်ရာ မဟာမင်းကြီးရုံး)၊ KBC, KNFS လို အဖွဲ့တွေကတဆင့် ထောက်ပံ့နေပါတယ်။ ဒါပေမယ့် ကျမတို့ ကိုယ်တိုင်ကိုယ်ကျ သွားတာနဲ့တော့ မတူနိုင်ဘူး။ KIA ဘက်ကိုလည်း ကျမတို့ အကူအညီပေးချင်ပါတယ်။ သူတို့က လက်မခံတာတော့ ကျမတို့လည်း မတတ်နိုင်ဘူး” လို့ ဒေါ်ဘောက်ဂျာက ဆက်ပြော ပါတယ်။

ထိုင်းနိုင်ငံအခြေစိုက် ကချင်အမျိုးသမီး အစည်းအရုံး (KWAT) ကလည်း ကချင်ဒုက္ခသည်များအတွက် ကုလသမဂ္ဂ အပါအ၀င် နိုင်ငံတကာ အဖွဲ့အစည်းများရဲ့ အကူအညီဟာ အခြေခံအစားအသောက် လိုအပ်ချက်ရဲ့ ၄ ရာခိုင်နှုန်းသာ ရရှိနေတယ်လို့ ၂၀၁၂ အောက်တိုဘာလ ၂ ရက်နေ့ ရက်စွဲနဲ့ အစီရင် ခံစာတစ်စောင် ထုတ်ပြန်ခဲ့ပါတယ်။ အဲဒီ အစီရင်ခံစာမှာ KIO ထိန်းချုပ်နယ်မြေ အတွင်းက စစ်ပြေးဒုက္ခသည် ၆ သောင်းကျော်အတွက် လိုအပ်တဲ့ အကူအညီရဲ့ ၃ ရာခိုင်နှုန်းကို ကုလသမဂ္ဂမှ ရရှိပြီးတော့ ၁ ရာခိုင်နှုန်းဟာ နိုင်ငံတကာ NGO တွေဆီက ရရှိတယ်လို့ ဖော်ပြထားပါတယ်။

“ကချင်ကို သူတို့ကိုယ်တိုင် သွားလှူဖို့ လုံခြုံရေးအရ အဆင်မပြေဘူး။ ပြည်ထောင်စု အစိုးရက ခွင့်မပြုဘူးဆိုတာတွေက ဆင်ခြေ တွေပါ။ တကယ်သွားနိုင် လုပ်နိုင်တဲ့ ပြည်တွင်း အဖွဲ့အစည်းတွေကတဆင့် ထောက်ပံ့ရင် ဖြစ်နိုင်ပါတယ်” လို့ ကချင်ငြိမ်းချမ်းရေး ကွန်ရက်မှ မအားခါန်က ဆိုပါတယ်။

ကချင်ပြည်နယ်အတွက် ပြည်တွင်းကနေ အဖြူရောင်တွဲလက်များ၊ ကချင်ငြိမ်းချမ်းရေး ကွန်ရက်၊ စိမ်းရောင်စို (မန္တလေး)၊ ပန်းရဲ့လမ်း အစရှိတဲ့ အဖွဲ့တွေက ပုံစံအမျိုးမျိုးနဲ့ အလှူငွေရှာဖွေတာ၊ ကိုယ်တိုင် သွားရောက်လှူဒါန်းတာတွေကို လုပ်နေပါတယ်။

စစ်ပွဲကာလ တနှစ်ကျော်အပြီး စစ်ဘေး ပုန်းရှောင်သူတွေ ကိုယ့်အိမ်ကိုယ် ပြန်ချင်ကြပေမယ့် မြန်မာအစိုးရ တပ်မတော်ရော KIA နှစ်ဘက်စလုံးက စစ်ရေးအရ အလျှော့ပေးမယ့်ပုံ မပေါ်သေးပါဘူး။ ငြိမ်းချမ်းရေး ဆွေးနွေးပွဲ တရားဝင် တွေ့ဆုံမှုရော၊ တရားမ၀င် တွေ့ဆုံမှုပါဆိုရင် ၁၀ ကြိမ်အထိ လုပ်ခဲ့ကြပေမယ့် တိကျသေချာတဲ့ သဘောတူညီချက်မျိုး အခုအချိန်ထိမရသေးဘဲ တဖက်နဲ့တဖက် သံသယ ကြီးထွားနေဆဲဖြစ်ပါတယ်။

Ref: ဧရာဝတီ

Read More...

Collapse...

“မြန်မာနိုင်ငံမှာ အမျိုးသမီးတွေ ဒီထက် နောက်ကောက် ကျန်လို့ မရတော့ဘူး”

November 24, 2012

နယ်စပ်အခြေစိုက် အင်အားစုများဖြင့် ပူးပေါင်းဖွဲ့စည်းထားသော မြန်မာ့အရေး ပူးပေါင်းဆောင်ရွက်ရေး အဖွဲ့ (Burma Partnership) ၏ တာဝန်ခံဒေါ်ခင်ဥမ္မာသည် မြန်မာပြည်သို့ အောက်တိုဘာ ၂၅ ရက်တွင် လာရောက် လေ့လာခဲ့သူဖြစ်သည်။ ဒေါ်ခင်ဥမ္မာသည် ထိုင်းနိုင်ငံအခြေစိုက် အမျိုးသမီးများ အဖွဲ့ချုပ် – မြန်မာ (WLB) ကို တည်ထောင်ခဲ့သူ တဦးလည်း ဖြစ်သည့်အပြင် မြန်မာနိုင်ငံ အဝေးရောက်ညွန့်ပေါင်း အစိုးရ (NCGUB) တွင် အမျိုးသမီး ရေးရာ တာဝန်ခံအဖြစ် ကုလသမဂ္ဂ နှင့် နိုင်ငံတကာ အစိုးရများအား မြန်မာ့အရေးနှင့် ပတ်သက်၍ စည်းရုံးလှုံ့ဆော်မှုများ ဆောင်ရွက်ခဲ့သူလည်း ဖြစ်သည်။

ဒေါ်ခင်ဥမ္မာ၏ မြန်မာပြည်တွင်း လတ်တလော လေ့လာချက်များထဲမှ မြန်မာပြည်တွင် လက်ရှိဖြစ်ပေါ်နေသည့် လူ့အခွင့်အရေး၊ အမျိုးသမီး ရေးရာနှင့် မြန်မာပြည်အရေး အခြေအနေတို့နှင့် ပတ်သက်၍ ဧရာဝတီ သတင်းထောက် နန်းဆိုင်နွမ်က တွေ့ဆုံ မေးမြန်းခဲ့ပါသည်။

မေး။ ။ နှစ်ပေါင်း ၂၀ ကျော် ကြာပြီးမှ မြန်မာပြည်ကို ပြန်ရောက်လာတဲ့ အချိန်မှာ ဘယ်လို ထူးခြားမှုတွေ တွေ့ရလဲ။

ဖြေ။ ။ မြင်ရတာကတော့ ဟိုနှစ် ၂၄ နှစ်ထက် စာရင် ဆက်သွယ်ရေး ကောင်းလာတာ တွေ့ရတယ်။ လမ်းပန်း ဆက်သွယ်ရေး တွေကတော့ ထင်သလောက် မကောင်းဘူး။ ပြင်ပ အဆောက်အဦးတွေ တိုးတက်လာတာတော့ တွေ့ရတယ်။ ရန်ကုန်ဆိုရင် တချို့ ဟာတွေ ဆုတ်ယုတ်သွားသာ တွေ့ရတယ်။ ဥပမာ – ရန်ကုန်မြို့လယ်ခေါင်၊ ဆူးလေး တ၀ိုက်ဆိုရင် လွန်ခဲ့တဲ့ နှစ် ၂၀ ထက် ကျမ ထင်ထားတာထက် ပိုဆိုးနေတယ်။ ပြီးတော့ ချမ်းသာတဲ့သူတွေက အရမ်းချမ်းသာ
နေတယ်။ ဘာလဲဆိုတော့ တခါမှမကြားဖူးတဲ့ သန်းထောင်ချီ ပေးပြီးတော့ အိမ်ငှားတဲ့ ကိစ္စပါပဲ။ သာမန်ပြည်သူတွေ အခြေခံ ပြည်သူတွေ နေ့စဉ် လုပ်စားနေရတဲ့ ဘ၀ကတော့ လွန်ခဲ့တဲ့ ၂၄ နှစ်နဲ့ ဘာမှ မကွာပါဘူး။ သူတို့ ၀င်ငွေနဲ့ လူတန်းစေ့လေး နေနိုင်စားနိုင်ရင်တော့ ကောင်းတာပေါ့။ ဒါဆို တိုးတက်လာတယ် ပြောနိုင်တယ်၊ ဒါပေမယ့် အခုထိတော့ အဲဒီလို မနေနိုင်ဘူး။

ပွင့်ပွင့်လင်းလင်း ပြောရမယ်ဆိုရင် ကျမ ၀မ်းနည်းတာကတော့ လွန်ခဲ့တဲ့ နှစ် ၂၀ ကျော်မှာ အနောက်နိုင်ငံက စီးပွားရေး ပိတ်ဆို့ထားတယ်လို့ ပြောပေမယ့် မြန်မာနိုင်ငံကို စီးပွား မပိတ်ဆို့ဘဲနဲ့ စီးပွားရေး လာလုပ်တဲ့ တရုတ်လိုမျိုးတွေလို ကြီးကြီးရှိနေသလို ချေးငွေတွေ၊ အလှူငွေတွေ အများကြီး ရှိပါတယ်။ ကျမတို့နိုင်ငံရဲ့ သဘာဝ သံယံဇာတ ပေါကြွယ်ဝမှုလည်း အခုချိန်ထိ မဆင်းရဲသေးပါဘူး။ သူများနိုင်ငံကိုတောင် ရေနံထုတ်ရောင်းနေရ၊ သဘာဝဓာတ်ငွေ့တွေ ထုတ်ရောင်းနေရတာပဲ။ တကယ်တော့ မဆင်းရဲပါဘူး။ ဒါပေမယ့် ပြည်သူတွေက ၂၄ နှစ်အတွင်း ဘာလို့ သူများထက် နောက်ကျ ဆင်းရဲ နေသေးတာလဲ။ ဗိုလ်ချုပ်နေ၀င်း လက်ထက်တုန်းက ထုတ်ရောင်းတဲ့ တွင်းထွက် ပစ္စည်းနဲ့ ယှဉ်လိုက်ရင် ဘာမှ
မယှဉ်သာဘူး။ ဒါဆိုရင် အဲဒီရောင်းလိုက်တဲ့ ဟာတွေ ဘယ်သူ့လက်ထဲ ရောက်သွားတာလဲ ဆိုတာ မေးချင်တယ်။

အဲဒီလောက် မဆင်းရဲသင့်ဘဲ ဆင်းရဲသွားတာဟာ နိုင်ငံတကာက စီးပွားရေး ပိတ်ဆို့လို့ မဟုတ်ဘူး။ ဘယ်သူတွေက ပိုချမ်းသာပြီး ဘယ်သူ့လက်ထဲ ရောက်သွားလဲ။ မြန်မာနိုင်ငံကို လေယာဉ် မဆင်းမီ မြင်ရတဲ့ မြေတွေကြည့်ပြီး ဒီမြေတွေ ဘယ်သူ့လက်ထဲ ထက် ရောက်သွားမှာလဲ ဆိုတာ သွေးပူနေရပါတယ်။

မေး။ ။ မြန်မာပြည်ကို လာရတဲ့ ရည်ရွယ်ချက်ကို ပြောပြပါလား။

ဖြေ။ ။ အဓိကကတော့ လောလောဆယ်ရှိနေတဲ့ အပြောင်းအလဲကို ကျမ ကိုယ်တိုင် ပြည်သူဆီကနေ ကြားချင်တယ်၊ မြင် ချင်တယ်။ ရန်ကုန်မှာရှိတဲ့ ပြည်သူတွေဆီက ကြားတာနဲ့ နယ်မှာရှိတဲ့ ပြည်သူတွေဆီကရယ်၊ ပြီးတော့ ဗမာနဲ့ တိုင်းရင်းသားတွေ အကြားမှာ ကြားရတဲ့ စကားသံက မတူတာတွေ အများကြီး ရှိတယ်။ ကျမ ကိုယ်တိုင် အဲဒီ အသံတွေကို သေသေချာချာ မှတ်တမ်း ယူချင်လို့၊ အဲဒါကို ကျမ တာဝန်ယူထားတဲ့ အတိုင်း နိုင်ငံတကာ အသိုင်းအ၀န်း အကြားမှာ မှန်မှန်ကန်ကန်နဲ့ ပြည်သူပြောတဲ့ အတိုင်း မချွင်းမချန် တင်ပြခြင်တယ်။

မေး။ ။ ဒေါ်ခင်ဥမ္မာအနေနဲ့ မြန်မာပြည်လာတဲ့ ဒီကာလအတွင်း ရောက်ခဲ့တဲ့မြို့ ဘယ်နှမြို့ ရှိလဲ။

ဖြေ။ ။ သွားတာကတော့ ရန်ကုန်အပါအ၀င် ၃ မြို့ပါ။ မန္တလေးနဲ့ တောင်ကြီးပေါ့။ ဒါပေမယ့် မန္တလေးတုန်းက ဆိုရင် ကျမဆီ ရောက်လာတဲ့ သူတွေက မကွေး၊ နေပြည်တော်၊ စစ်ကိုင်း၊ ရှမ်းပြည်နယ် (မြောက်ပိုင်း)၊ ကချင်ပြည်နယ်၊ နောက် မန္တလေး
မြို့အနီးတ၀ိုက်က လူတွေ အများကြီးပါပဲ။ တောင်ကြီးမှာဆိုရင် ဟိုပုံး စတဲ့ အဝေးကြီးက လူတောင်လာတယ် ထင်တောင် မထင်ဘူး။

မေး။ ။ ရန်ကုန်အပြင် ဘာဖြစ်လို့ အဲဒီနှစ်မြို့ကို ရွေးချယ်ခဲ့တာလဲ။

ဖြေ။ ။ သီးသန့်ကြီး ရွေးလိုက်တာ မဟုတ်ဘူး။ ဘာကြောင့်လဲ ဆိုတော့ မြန်မာပြည်မလာခင်က နယ်ကိုသွားဖို့ စဉ်းစားပြီးပါပြီ။ ရန်ကုန်က ဘာပဲဖြစ်ဖြစ် ကျမရောက်တဲ့အခါ ကြည့်လိုက်တော့ NGO တွေ၊ ပြီးတော့ Civil Society တွေ အားကောင်းတယ်။ နောက် အခွင့်အလမ်းတွေ အရမ်းများတယ်။ ဒါပေမယ့် အမြဲတမ်းတောက်လျှောက် ကျမတို့ နိုင်ငံဖြစ်နေခဲ့တာ ရန်ကုန်မြို့ကြီးပြကြီးမှာ ရှိတဲ့ လူတွေနဲ့ ကျေးလက်ဒေသမှာရှိတဲ့ ပြည်သူကြားထဲမှာ၊ အထူးသဖြင့် တိုင်းရင်းသားဒေသတွေမှာ ရှိတဲ့ တိုင်းရင်းသားပြည်သူတွေ ကြားထဲမှာရတဲ့ အခွင့်အလမ်းတွေ အမြဲတမ်းပဲ မယှဉ်နိုင်အောင် ကွာဟချက်ကြီးတယ်။

ဒီကာလမှာ ကျမတို့က ကိုယ့်နိုင်ငံ က ဟန်ချက်ညီညီနဲ့ အားလုံးကို ဖွံ့ဖြိုးရေး အတူတူ သွားနိုင်ကြဖို့ ဆိုရင် ဘယ်နေရာမှ ချန်ခဲ့လို့မရဘူး။ အထူးသဖြင့် ဒီကာလမှာ ဖွံ့ဖြိုးရေးတို့၊ ဘာတို့ဆိုရင် ဦးစားပေး လုပ်ငန်းဖြစ်သွားပြီ။ ဦးစားပေး လုပ်ငန်းက ဟိုအရင်တုန်းက ကမ္ဘာ့ဘဏ်တို့ ဘာတို့ ငွေချေးပြီး၊ ဖွံ့ဖြိုးရေး အတွက်ဆိုပြီး၊ တိုင်းရင်းသားဒေသ ဖွံ့ဖြိုးရေးဆိုပြီး လုပ်ခဲ့ကြတာပဲ။ ဒါပေမယ့် အခုထိ ဘာမှ မဖွံ့ဖြိုးသေးဘူး။ အခုကာလမှာလည်း နာမည်ကတော့ ပြည်သူတွေ ဖွံ့ဖြိုးရေး၊တိုင်းရင်းသားဒေသ မဖွံ့ဖြိုးတဲ့နေရာ ဖွံ့ဖြိုးရေးပြောပြီးတော့ တကယ်လုပ်ရင် ဆုံးဖြတ်ချက်က ဘယ်သူလဲ၊ ဘယ်လို ဆုံးဖြတ်ချက် ချမှာလဲ ဆိုတာ မူတည်တယ်။

ကျမ စိတ်ပျက်မိတာဘာလဲ ဆိုတော့ အခု နိုင်ငံတကာ အသိုင်းအ၀န်းက နေပြီး ကျမတို့ မြန်မာနိုင်ငံကို အကူအညီတွေ အများကြီး ပေးနေတဲ့အချိန်မှာ အဲဒီပေးတဲ့ အကူအညီက ရန်ကုန်က ပြည်သူတွေပဲ သိလို့ မရတော့ဘူး။ နယ်က လူတွေ၊
တိုင်းရင်းသား ပြည်သူတွေပါ သိဖို့လိုတယ်။ ဖွံ့ဖြိုးရေး လုပ်တဲ့ အခါမှာ တိုင်းရင်းသားဒေသကို အဓိက ပစ်မှတ်ထားပြီး လုပ်ကြမှာဆိုတော့ တိုင်းရင်းသား ပြည်သူတွေ၊ ခေါင်းဆောင်တွေ ကနေ ပါဝင်ဆုံးဖြတ်ဖို့ လိုလာပါပြီ။ ဘာဖြစ်လို့လဲ
ဆိုတော့ သူတို့ ဒေသက သူတို့ အသိဆုံး၊ သူတို့ ရွေးချယ် ဆောင်ရွက်သင့်တယ်။ ကျမကတော့ ကျမသိတဲ့ သတင်း အချက်အလက်တွေ သူတို့ဆီပို့တယ်၊ နောက်ပြီး သူတို့ဆီက ရှိတာတွေကို ယူသွားမယ်ဆိုတဲ့ ဆန္ဒပါပဲ။

မေး။ ။ ကျမက အမျိုးသမီး အခွင့်အရေးကို အဓိက လုပ်ဆောင်နေတယ် ဆိုတော့ လက်ရှိ မြန်မာပြည်က အမျိုးသမီး တွေကို ဘယ်လိုမြင်လဲ။

ဖြေ။ ။ မြန်မာနိုင်ငံက အမျိုးသမီးတွေကို ပြောမယ်ဆိုရင် စီးပွားရေး၊ လူမှုရေး၊ နိုင်ငံရေး ဘ၀တွေမှာ ပါဝင်မှု အများကြီး နည်းနေသေးတယ်။ ဒါပေမယ့် လာမယ့် ကာလမှာ လမ်းပွင့်နိုင်မယ်လို့ မျှော်လင့်ပါတယ်။ ဒေါ်အောင်ဆန်းစုကြည် အပါအ၀င်
လောလောဆယ် နိုင်ငံရေး လောကထဲမှာ ရှိနေတဲ့ အမျိုးသမီးတွေ ရှိပါတယ်။ ဒါပေမယ့် ဒီလောက်နဲ့ မလုံလောက်သေးဘူး။ အထူးသဖြင့် နိုင်ငံရေး ကဏ္ဍဆိုတာ နိုင်ငံတခုရဲ့ လူ့အဖွဲ့အစည်းတစ်ခုရဲ့ ဆုံးဖြတ်ချက်တွေကို ချတဲ့ နေရာမျိုးဖြစ်တယ်။
ဒါ ကြောင့် လူဦးရေ တ၀က်ကို ကိုယ်စားပြုတဲ့ အမျိုးသမီးတွေ ပါဝင်မှု အားကောင်းဖို့ လိုအပ်တယ်။ လွှတ်တော်မှာလား၊ နိုင်ငံရေး ပါတီမှာလား၊ အစိုးရ ဌာနတွေမှာလား၊ အဲဒီအထဲမှာ အမျိုးသမီးတွေ ဒီထက် အများကြီး ပါဝင်ဖို့ လိုပါတယ်။ပါဝင်လာအောင် အများကြီး ကြိုးစားရအုံးမယ်။

တချိန်တည်းမှာပဲ အခု ကာလမှာ စီးပွားရေး အရမ်းဆိုးဝါးတဲ့ အခါကျတော့ ဒီအမျိုးသမီးတွေကို ကျမမြင်ရတာ အရမ်း ၀မ်းနည်း တယ်။ လေယာဉ်ကွင်းကနေ စလာတဲ့ညမှာပဲ လမ်းမှာ စကတ်တိုနဲ့ ကားတားတဲ့ ကလေးတွေ ငယ်ငယ်လေးပဲ ရှိသေးတယ်။ အမှန်ပြောရရင် Sex Worker ဆိုတဲ့ ဘ၀နဲ့ ရပ်တည်နေတဲ့ အမျိုးသမီးတွေရဲ့ အခွင့်အရေးကို ယုံကြည်တဲ့ လူတယောက်အနေနဲ့ အစ်မ လက်ခံတယ်။ အမျိုးသမီး တယောက်က ကိုယ့်ခန္ဓာကိုယ်ကို ရင်းပြီး လုပ်မယ်ဆိုရင်တောင် သူ့မှာလည်း ဂုဏ်သိက္ခာ ရှိရ မယ်လေ။ အဲဒီလိုလုပ်နိုင်ဖို့ လူ့အသိုင်းအ၀န်းက ဖန်တီး ပေးနိုင်ရမယ်လေ။ လောလောဆယ် တော့ တို့နိုင်ငံမှာရှိတဲ့ ဥပဒေ ကြောင်းအရ ပြင်ရမယ့် ကိစ္စတွေ၊ ပြည့်တန်ဆာ ဥပဒေဆိုတာ ရှိတယ်။ သူက မ်ိန်းကလေးတွေကို ကာကွယ်ပေးတဲ့ ဥပဒေမဟုတ် ဘဲနဲ့ စီးပွားရေး မကောင်းလို့၊ ဘ၀နိမ့်ကျလို့ ကြုံသလို ဘ၀ ဖြတ်သန်းနေတဲ့ မိန်းကလေး တယောက်ကို ဒီဥပဒေက မကာကွယ် ပေးတဲ့အပြင် သူက ပိုတောင် ဖိနှိပ်သလို ဖြစ်နေတယ်။ အဲဒီဥပဒေကို တို့က မဖြစ်မနေ အမှန် ပြင်ရမယ့် ဥပဒေပါဆို တော့၊ Sex Worker တွေကို တချို့နိုင်ငံက တရားဝင် ခွင့်မပြုဘူး၊ တချို့နိုင်ငံက တရားဝင် ခွင့်ပြုတယ်။ ဒါကတပိုင်းပေါ့။ ဒါ ဒီလူ့ အသိုင်း အ၀န်းရှိ လူမှုအသိုင်းအ၀ိုင်းရဲ့ ယဉ်ကျေးမှု ထုံးစံအရ ဘယ်လောက် လက်ခံလဲ။ ဒါပေမယ့် သူတို့ကို ကာကွယ်ဖို့တော့ ကြိုး စားရမယ်။

အမျိုးသမီး ဘ၀တွေကို မြှင့်တင်ပေးဖို့အတွက် လိုအပ်တဲ့ သူတို့ ကျောင်းတက်ဖို့၊ ကျောင်းတက်ခွင့်ရရင် Sex worker လုပ်ချင်မှ လုပ်တော့မယ်၊ ရွေးချယ်ခွင့်မရှိလို့ အဲဒီလိုလုပ်တဲ့အတွက် သူတို့ကို ကာကွယ်ပေးဖို့ အစိုးရ တရပ် ရှိဖို့၊ ဥပဒေရှိဖို့ လိုပါတယ်။

မေး။ ။ သမ္မတ အိုဘားမား ဒေါ်အောင်ဆန်းစုကြည် ခြံထဲမှာ ပြောသွားတဲ့ မိန့်ခွန်းထဲကလို အမျိုးသားနဲ့ အမျိုးသမီး တန်းတူညီမှု တန်ဖိုးကိစ္စကို မြန်မာပြည်မှာ ဘယ်လိုဖြစ်နေတယ်လို့ ခံစားရလဲ။

ဖြေ။ ။ အမျိုးသားနဲ့ အမျိုးသမီးဆိုတာ ခန္ဓာဗေဒအရ တည်ဆောက်ပုံချင်းသာ မတူတာပါ။ အမျိုးသမီး တယောက်က အထူးသဖြင့် သား၊ သမီးတွေ၊ မျိုးဆက်ပြန့်ပွားရေး ကိစ္စတွေအတွက် အရေးပါသလို ဘယ်လိုပဲဖြစ်ဖြစ် ပုခုံး နှစ်ဘက်ကြား ခေါင်းပေါက်တဲ့ သူဖြစ်တယ်။ လူ့ အသိုင်းအ၀န်းမှာ ယောက်ျား မိန်းမ ၂ မျိုး ကြားထဲမှာ တမျိုးထက် တမျိုးက ပို အခွင့်အရေး ရတယ်ဆိုတာ မဖြစ်သင့်ပါဘူး။ မြန်မာနိုင်ငံမှာ အမျိုးသမီးတွေ ဒီထက် နောက်ကောက် ကျန်လို့ မရတော့ဘူး။ ဒီထက်ပို နောက်ကောက်ကျန်ရင် မြန်မာနိုင်ငံရဲ့ အမျိုးသားတွေ ဘယ်လောက် တော်တော် မြန်မာပြည်ရဲ့ ဖွံ့ဖြိုးမှု ကဏ္ဍမှာ ဟန်ချက်ညီမှု ရှိမှာမဟုတ်ဘူး။

မြန်မာပြည်က အမျိုးသားနဲ့ အမျိုးသမီး ခွဲခြားနေမှုကတော့ သမိုင်းကြောင်းအရ ပြောရရင် တော်တော်ရှည်မယ်။ သမိုင်းက
ဘယ်လိုပဲ ဖြစ်နေဖြစ်နေပါ၊ အခါကာလ သမိုင်းကြောင်းကို အခြေခံပြီး အမျိုးသမီးတွေ ပညာရေး၊ ကျန်းမာရေး၊ နိုင်ငံရေးနဲ့ စီးပွားရေးကဏ္ဍ အသီးသီးမှာ ဥပဒေကြောင်း ကာကွယ်မှု အခွင့်အရေးတွေ နည်းနေတယ်၊ အရမ်းကြီး ဖိနှိပ် ခံနေရသေးတယ်။ အဲဒါတွေကို အမျိုးသားတွေရဲ့ နားလည်မှု၊ သိမြင်မှု၊ ပံ့ပိုးမှုတွေ အများကြီး လိုအပ်တယ်။ အမျိုးသမီး တွေရဲ့ ဘ၀ မြင့်မားလာဖို့၊ အခွင့်အရေးရဖို့ လူ့အဖွဲ့အစည်းထဲမှာ ကိုယ်စွမ်းဉာဏ်စွမ်း ရှိတာနဲ့အမျှ ယောက်ျားတွေနဲ့ တန်းတူ လူ့အဖွဲ့အစည်း ဖွံ့ဖြိူးရေးအတွက် ဘယ်လောက်အထိ လုပ်ဆောင်နိုင်လဲ။ လောလောဆယ်တော့ အမျိုးသားတွေ ကိုယ်တိုင် နားလည်ပေးရမယ်၊ လမ်းဖွင့်ပေးရမယ်၊ ပူးပေါင်း ဆောင်ရွက် ပံ့ပိုးပေးရမယ်။ အမျိုးသမီးတွေကလည်း အမျိုးသားတွေထက်
၂ ဆ၊ ၃ဆ ကြိုးစား လုပ်ဆောင်သင့်တယ်။

လက်ရှိ မြန်မာနိုင်ငံက ပညာရေးစနစ်မှာ အမျိုးသားအမှတ်နဲ့ အမျိုးသမီးအမှတ် ကန့်သတ်ချက် ထားတဲ့အပေါ်ရော၊
အဲဒီစနစ်က ဘယ်နိုင်ငံမှ မရှိဘူး။ တချို့နိုင်ငံက အမျိုးသမီးနဲ့ အမျိုးသား လုပ်အားခ ခွဲတာတော့ ရှိတယ်။ အဲဒါတောင် ဥပဒေ ပြန်ပြင်ဖို့ လုပ်နေပါတယ်။ အဲဒီ အမှတ်ကိစ္စလည်း ပြောင်းရမယ်။ တော်တော်လည်း ခွဲခြားတာ ခံရတယ်။

မေး။ ။ မြန်မာပြည်က အမျိုးသမီး ရေးရာ အဖွဲ့တွေနဲ့ရော တွေ့ဖြစ်သေးလား။

ဖြေ။ ။ ဒီတခါလာတာက အမျိုးသမီး ရေးရာအတွက် ဦးစားမပေးလိုက် ရဘူး။ လူ့အခွင့်အရေးကိုပဲ ဦးစားပေးလိုက်တယ်။ တိုက်ရိုက် ပတ်သတ်နေတဲ့ လူ့အခွင့်အရေး ချိူးဖောက်မှုတွေနဲ့ပဲ မဖြစ်မနေ ဆွေးနွေး လိုက်ရပါတယ်။

မေး။ ။ အစိုးရရဲ့ လူ့အခွင့်အရေး ကော်မရှင်နဲ့ရော တွေ့ဖြစ်သေးလား။

ဖြေ။ ။ သူတို့ စဖွဲ့ကတည်းက တွေ့ဖို့ ကြိုးစားတယ်။ ဒါပေမယ့် တွေ့ခွင့်လည်း မပေးဘူး။ စာတွေလည်း အခါခါ တင်ပါတယ်၊ မရခဲ့ပါဘူး။ လူ့အခွင့်အရေး ကော်မရှင်နဲ့ တွေ့ခွင့်မရတဲ့ အပေါ် အစ်မအနေနဲ့ ဘာပြောချင်ပါသလဲ။ ကျမတို့ကို သူတို့ အနေနဲ့ တံခါးဖွင့်ပေးပါလို့ ပြောချင်ပါတယ်။ လူ့အခွင့်အရေးဆိုတဲ့ စကားကို သုံးပြီးကတည်းက အာဏာရှင် မဟုတ်တော့ဘူးလေ။အာဏာရှင် ဆိုရင်တော့ ဘယ်သူ့ကိုမှလည်း မေးမနေတော့ဘူး။ ဒါပေမယ့် လူ့အခွင့်အရေးဆိုတဲ့ စကားလုံးကို ပြောပြီးတော့ ပြည်သူရဲ့ အခွင့် အရေးအကြောင်း ပြောမယ့်ကိစ္စကို တံခါးမဖွင့်ပေးရင်တော့ ဒါဟာ တကယ်ကို ဟန်ပြ လုပ်ပြတာ ဖြစ်သွားပြီ။ အဲဒါ မဖြစ်သင့်ဘူး။

မေး။ ။ မြန်မာပြည်ဟာ လူ့အခွင့်အရေး ချိုးဖောက်မှု အများကြီး ခံနေရတဲ့ နိုင်ငံလို့ ထင်လား၊ လက်ရှိ အခြေအနေကိုရော ဘယ်လိုမြင်ပါသလဲ။

ဖြေ။ ။ အရမ်းကြီး ထူးထူးခြားခြား ပြောလို့ရတာကတော့ နိုင်ငံရေးနဲ့ ပတ်သတ်ပြီးတော့ ပြောခွင့်ဆိုခွင့်။ အရင်တုန်းကဆိုရင် လ္ဘက်ရည်ဆိုင်မှာ နိုင်ငံရေးအကြောင်း ပြောခွင့်မရဘူး။ အခုဆိုရင် ပြောလို့ရတယ်။ ဒါဟာ ကောင်းပါတယ်။ ဒီထက်ပိုပြီးတော့ စိတ်ကို ဒုန်းဒုန်းချလို့တော့ မရသေးဘူး။ ဥပဒေကြောင်းအရ ဖိနှိပ်မှု ဥပဒေတွေ ရှိနေသေးတယ်။ ငြိမ်းချမ်းရေးနေ့က ကိစ္စ လုပ်သွားတဲ့ လူငယ်တွေ ဖြစ်နေတာတွေ၊ တရားဥပဒေ ရင်ဆိုင်နေရတာတွေ၊ မဖြစ်သင့်ဘူးလေ။

မေး။ ။ အမေရိကန်သမ္မတ အိုဘားမား ရန်ကုန်တက္ကသိုလ်ထဲမှာ မိန့်ခွန်းပြောသွားတာဆိုတော့ ရန်ကုန်တက္ကသိုလ်ကြီး တံခါးပြန်ဖွင့်မယ်လို့ ယုံကြည်လား။

ဖြေ။ ။ အခုတော့ မခံစားရသေးဘူး။ ဒါပေမယ့် ပြန်ဖွင့်မယ်လို့ မျှော်လင့်တယ်။ ဖွင့်ပါစေလို့ ဆုတောင်းတယ်။ စိတ်မချမ်း သာတဲ့ ကိစ္စတခုက မန္တလေး ရတနာပုံ တက္ကသိုလ်၊ တောင်ကြီးတက္ကသိုလ်။ အပြင်ကကြည့်ရင် ဆိုင်းဘုတ် တပ်ထားတာ မဆိုင်သူ မ၀င်ရဆိုတာ မဖြစ်သင့်ဘူး။ အဲဒါမြင်ရတော့ အရမ်း စိတ်မကောင်းဘူး။ အကန့်အကန့် ခွဲထားတယ်ဆိုတာ ထောင်ပဲရှိတယ်။ တက္က သိုလ်ဆိုတာ နိုင်ငံခေါင်းဆောင်တွေ၊ လူ့အသိုင်းအ၀န်းကို မွေးထုတ်ပေးတဲ့ နေရာမှာ အဲဒီလိုတော့ မလုပ်သင့်ဘူး။ အိုဘားမား လာပြီးနောက်မှာတော့ ရန်ကုန်တက္ကသိုလ်ရင်ပြင်ကို ပြန်ဖွင့်မယ်လို့ ထင်ပါတယ်။ မျိုးဆက်တွေရဲ့ လျှောက်လမ်း ခြေချရမယ့်နေရာ တွေမှာ ကြိုးတွေနဲ့ နှောင်ဖွဲ့တဲ့အရာ စပြီး ဖြေဖျောက်မှု ဖြစ်လာမယ်လို့ မျှော်လင့်ပါတယ်။

မေး။ ။ ဒေါ်ခင်ဥမ္မာတို့ တည်ထောင်ထားတဲ့ ထိုင်းနိုင်ငံ အခြေစိုက် WLB က မြန်မာပြည်မှာ အခြေစိုက်ဖို့ ရှိပါသလား။

ဖြေ။ ။ မြန်မာပြည်မှာ WLB အခြေစိုက်ဖို့အတွက် လုပ်ဖော်ကိုင်ဘက် အားလုံးက ဆန္ဒရှိပါတယ်။ လာမယ့် ၂၀၁၅ ခုနှစ် ရွေးကောက်ပွဲမှာ အစိုးရ အနေနဲ့ ဘယ်လောက်အထိ မှန်မှန်ကန်ကန် လုပ်ဆောင်သွားလဲဆိုတာကို ကြည့်ပြီးတော့ ပြန်ဝင် လာမှာပါ။

Ref: ဧရာဝတီ

Read More...

Collapse...

စည်ပင် တန်ဖိုးနည်း အိမ်ရာ ဆောက်လုပ် ရောင်းချမည်

ညိမ်းပြည့်စုံ
November 24, 2012

ရန်ကုန်မြို့တော် စည်ပင်သာယာရေး ကော်မတီက အလယ်အလတ်တန်းစား ပြည်သူများအတွက် ရည်ရွယ်၍ ရန်ကုန်တိုင်း ဒေသကြီးအတွင်း တန်ဖိုးနည်း အိမ်ရာများ ဆောက်လုပ်ရောင်းချ ပေးသွားမည်ဖြစ်ကြောင်း သတင်းရသည်။

အဆိုပါ တန်ဖိုးနည်းအိမ်ရာ စီမံကိန်းအတွက် တင်ဒါခေါ်ယူ၍ ပုဂ္ဂလိက ဆောက်လုပ်ရေးလုပ်ငန်းများကို လုပ်ကိုင်ခွင့် ပေးသွားမည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ တွဲဖက်အတွင်းရေးမှူး ဦးကျော်စိုးဦးက ပြောသည်။

ယင်း အိမ်ရာစီမံကိန်းများကို ဒဂုံမြို့သစ်မြောက်ပိုင်းမြို့နယ်တွင် ဗိုလ်ဗထူး အိမ်ရာစီမံကိန်း၊ ဗိုလ်မင်းရောင် အိမ်ရာ စီမံကိန်း၊ ပင်လုံ အိမ်ရာစီမံကိန်း စုစုပေါင်း အိမ်ရာစီမံကိန်း ၃ ခု၊ ဒဂုံမြို့သစ်တောင်ပိုင်းမြို့နယ်တွင် ဧရာဝတီ အိမ်ရာစီမံကိန်းနှင့် ဒဂုံမြို့သစ် အရှေ့ ပိုင်း မြို့နယ်တွင် Housing Estate at University အမည်ဖြင့် ဆောင်ရွက်မည် ဖြစ်ကြောင်း သိရသည်။

တန်ဖိုးနည်းအိမ်ရာများအား ၂၀၁၅ ခုနှစ်မှစ၍ အခန်းတခန်းလျှင် အနည်းဆုံး ကျပ် သိန်း ၁၄၀ ခန့် သတ်မှတ်ထားပြီး စရံငွေ ကျပ် သိန်း ၂၀၊ ၃၀ ဝန်းကျင် နှင့် လစဉ် ကျပ် ၅ သောင်းခန့်ကို နှစ်ရှည်ပေး အရစ်ကျစနစ်ဖြင့် ရောင်းချပေးသွားမည် ဖြစ်ကြောင်း စည်ပင်သာယာရေး ကော်မတီက ပြောသည်။

အဆိုပါ အိမ်ရာစီမံကိန်းအား လစဉ် အရစ်ကျငွေ ပေးသွင်းရုံဖြင့် နေအိမ်ပိုင်ဆိုင်နိုင်မည်ဖြစ်သောကြောင့်၊ အိမ်ပွဲစားများ၊ ဝယ် ရောင်း သမားများ၏ ဈေးကစားခြင်းကြောင့် မြေဈေးမြင့်မားမှုများကို အထိုက်အလျောက်ထိန်းနိုင်မည်ဖြစ်ကြောင်းလည်း ဦးကျော်စိုးဦးက ပြောဆိုသည်။

“ရန်ကုန်မှာက နေထိုင်သူ လူဦးရေ တိုးလာတာနဲ့ အမျှ အိမ်ရာလိုအပ်ချက်တွေ ပိုရှိလာတယ်။ ဒါကြောင့် အခုလို အိမ်ရာ စီမံကိန်း ကို ဖော်ဆောင်တာပါ။ ဒီ အိမ်ရာစီမံကိန်းကြောင့်လည်း အလုပ်အကိုင် အခွင့်အလမ်းများ ရရှိလာနိုင်မှာပါ”ဟု ၎င်းက ဆိုသည်။

ရန်ကုန်တိုင်း ဒေသကြီး လွှတ်တော်ကိုယ်စားလှယ် ဒေါ်ညိုညိုသင်း က“ဒီ အိမ်ရာတွေကို ၁၅ နှစ်၊ နှစ်၂၀ အရစ်ကျစနစ်နဲ့ ရောင်းချမှာ ဆိုတော့ တလကို ၅ သောင်း၊ ၆ သောင်းလောက်ပဲ ပေးပြီး နေနိုင် တော့မယ်။ ဒါက ပြဿနာမဟုတ်ဘူး။ ပြဿနာက ဘာလဲဆိုတော့ စရံငွေကို သိန်း၂၀၊ ၃၀ ပေးနိုင်ဖို့ပါ”ဟု ပြောဆိုသည်။

ထို့ကြောင့် စရံငွေပေးရမည့် ကျပ် သိန်း၂၀၊ ၃၀ အား ဘဏ်က ယုံကြည်စွာဖြင့် ငွေထုတ်ချေးရန် မိမိဘက်ကလည်း ယုံကြည်မှု ရှိစေရန် ကြိုတင်၍ ငွေစုဆောင်းထားသင့်ကြောင်း ၎င်းကအကြံပေး ပြောကြားသည်။

ထိုတန်ဖိုးနည်းအိမ်ရာ စီမံကိန်းကို မြေဧက ၁၉၀ ဒသမ ၂၉ တွင် အထပ်မြင့်တိုက် ၆ ထပ်မှ ၁၂ ထပ် အဆောက်အအုံ ပေါင်း ၃၅၄ လုံး၊ အခန်းပေါင်း ၉၅၂၈ ခန်း တည်ဆောက်သွားမည် ဖြစ်ကြောင်း သိရသည်။

“ဒီစီမံကိန်းက အခြေခံလူတန်းစားတွေအတွက် မဟုတ်ဘူး။ အလယ်အလတ်တန်းစားပြည်သူတွေအတွက် ဆောင်ရွက်မယ့် စီမံ ကိန်းပဲဖြစ်တယ်။ ဘယ်လိုပဲဖြစ်ဖြစ် ဒီ စီမံကိန်းက ကောင်းမွန်တယ်လို့ မြင်ပါတယ်”ဟု ဒေါ်ညိုညိုသင်းက ဧရာဝတီသို့ ပြောသည်။

ထို့ပြင် နိုင်ငံတကာတွင်လည်း အိမ်တလုံး ပိုင်ဆိုင်လိုသူများသည် သိန်း၂၀၊ ၃၀ ခန့် စုဆောင်းပြီး ငွေပေးသွင်းကာ အရစ်ကျ ငွေချေ စနစ်ဖြင့် ၀ယ်ယူကြသကဲ့သို့ ယခု စည်ပင်မှ တည်ဆောက်မည့် တန်ဖိုးနည်းအိမ်ရာ၏ နှုန်းထားသည် နိုင်ငံတကာမှ နှုန်းထားများ အတိုင်းပင် ဖြစ်သည် ဟု ၎င်းက ဆိုသည်။

တန်ဖိုးနည်းအိမ်ရာများသည် သာမန်အခြေခံလူတန်းစားများ ဝယ်ယူနိုင်သည့် ဈေးနှုန်းများမဟုတ်ဘဲ ဈေးနှုန်းမြင့်မားမှု ကြောင့် အလယ်အလတ်တန်းစား ပြည်သူများသာ ဝယ်ယူနိုင်သည်ကို အများဆုံးမြင်တွေ့နေရသည်။

တော်ဝင်မိသားစုဆောက်လုပ်ရေး ကုမ္ပဏီမှ ဦးကိုကိုထွေးက“တန်ဖိုးနည်းအိမ်ရာတွေ ဈေးကြီးတာက မြေဖိုးတွေထည့်တွက် ထား ရလို့ပါ။ မြေဖိုးကို ဈေးသက်သက်သာသာရရင်၊ အစိုးရ က မြေဖိုးမယူရင်၊ ဆောက်လုပ်ရေးကုမ္ပဏီတွေကလည်း အရှုံးခံပြီး ဆောက် မယ် ဆိုရင် တန်ဖိုးနည်းအိမ်ရာ တွေက ဈေးသက်သာလာမှာပါ”ဟု ပြောသည်။

အဆိုပါ တန်ဖိုးနည်းအိမ်ရာစီမံကိန်းနှင့် ပတ်သက်ပြီး အိမ်ခြံမြေ အကျိုးဆောင်လုပ်ငန်း လုပ်ကိုင်နေသူအများစုကလည်း စည်ပင်မှ တင်ဒါပေး၍ တည်ဆောက်မည့်အိမ်ရာစီမံကိန်းသည် အခြေခံလူတန်းစားများအတွက် အဓိက ဖြစ်သင့်ပြီး ယခု တန်ဖိုးထက် နည်း သင့်ကြောင်း ပြောဆိုကြသည်။

Ref: ဧရာဝတီ

Read More...

Collapse...

အစိုးရက အရန်ဆန် တန် ၂ သောင်း ၀ယ်မည်

သန့်စင်ငြိမ်းချမ်း
November 24, 2012

နိုင်ငံတော်တွင် အရန်ဆန် ထားရှိရေးအတွက် အစိုးရက တိုင်းဒေသကြီး ၃ ခုမှ ဆန်တန်ချိန် ၂ သောင်း ၀ယ်ယူသွားမည် ဖြစ်ကြောင်း နိုင်ငံတော် အရန်ဆန်ထားရှိရေး ကြီးကြပ်မှုကော်မတီ၏ ထုတ်ပြန်ချက်အရ သိရသည်။

အရန်ဆန်အတွက် ဧည့်မထ၊ ပုလဲသွယ်နှင့် ဆင်းသွယ်လတ် အမျိုးအစားများကို ရန်ကုန်တိုင်းဒေသကြီးမှ ဆန်တန်ချိန် ၁ သောင်း၊ ဧရာဝတီတိုင်းဒေသကြီးမှ တန် ၆၀၀၀ နှင့် ပဲခူးတိုင်းဒေသကြီးမှ တန် ၄၀၀၀ ၀ယ်ယူသွားမည် ဖြစ်သည်။

လက်ရှိတွင် အရန်ဆန်ထားရှိရေး ကြီးကြပ်မှုကော်မတီက တိုင်းဒေသကြီး ၃ ခုတွင် အရန်ဆန်အတွက် တင်ဒါများ ခေါ်ယူလျှက်ရှိပြီး ဈေးနှုန်းအဆိုပြုလွှာများကို ယခုလ ၂၆ ရက် နောက်ဆုံးထားကာ မြန်မာနိုင်ငံ ဆန်စပါးအသင်းချုပ်သို့ ပေးပို့ရန် ညွှန်ကြားထားသည်။

သို့သော် အရန်ဆန်ကော်မတီ၏ တင်ဒါစည်းကမ်း တင်းကျပ်မှုကြောင့် ဧရာဝတီတိုင်းဒေသကြီးရှိ ဆန်ကုန်သည်များ တင်ဒါ လျှောက်ထားရန် အခက်တွေ့နေကြောင်း တိုင်းဆန်စက်လုပ်ငန်းရှင်အသင်းက ပြောသည်။

“အရန်ဆန် တင်ဒါစည်းကမ်းတွေက အရမ်းတင်းကျပ်နေတော့ ဒီကလူတွေ တင်ဒါ မတင်ရဲဘူး ဖြစ်နေတယ်။ တင်ရမယ့်ရက်ကလည်း အရမ်းနီးကပ်နေတော့ အချိန်ကလည်း သိပ်မရဘူး။ တင်ဒါအောင်ခဲ့ရင် ဆန်တွေကို ရန်ကုန်ပို့ရမှာလား။ နယ်မှာသွင်းရမှာလား ဆိုတာလည်း မသိရဘူး။ ဒီလိုအခက်အခဲတွေ ရှိနေတယ်” ဟု ဧရာဝတီတိုင်းဒေသကြီး မြန်မာနိုင်ငံ ဆန်စက်လုပ်ငန်းရှင်များအသင်း ဥက္ကဋ္ဌ ဦးဝင်းမြင့်လှိုင်က ဧရာဝတီကို ပြောသည်။

အရန်ဆန်ကော်မတီက ဧရာဝတီတိုင်းမှ ဧည့်မထဆန် တန် ၅၀၀၀ နှင့် ဆင်းသွယ်လတ်ဆန် တန် ၁၀၀၀ တင်ဒါခေါ်ယူထားရာတွင် ဆန်များသိုလှောင်မည့်နေရာ ဖော်ပြမထားသည့်အတွက် ဆန်လုပ်ငန်းရှင်များမှာ တင်ဒါဈေးနှုန်းသတ်မှတ် လျှောက်ထားရန် အခက်တွေ့နေကြကြောင်း သိရသည်။

တင်ဒါရရှိသူသည် လုပ်ငန်းအတွက် စပေါ်ငွေ ၁၀ သိန်း ပေးသွင်းရမည်ဖြစ်ပြီး တင်ဒါစည်းကမ်း လိုက်နာခြင်းမရှိပါက ယင်းစပေါ်ငွေကို ဆန်ကော်မတီက သိမ်းယူမည်ဖြစ်သည်။

ထို့အပြင် ဆန်ပေးသွင်းရာတွင် အရည်အသွေးမပြည့်မီဟု ကော်မတီက သတ်မှတ်ပါက ယင်းဆန်များကို ပိုင်ရှင်က ပြန်လည် သယ်ယူသွားရမည်ဖြစ်ပြီး ၃ ရက်အတွင်း အရည်အသွေးပြည့်မီသည့် ကုန်ပစ္စည်းဖြင့် အစားထိုးပေးရမည် ဖြစ်သည်။

ကုန်ပစ္စည်းပေးသွင်းရာတွင် သတ်မှတ်ချိန်ထက် ၃ ရက်နောက်ကျပါက ဒဏ်ကြေးများ ပေးဆောင်ရန် သတ်မှတ်ထားပြီး ၄ ရက်နောက်ကျပါက အာမခံငွေ သိမ်းယူခြင်းအပြင် လုပ်ငန်းရှင်ကိုပါ နာမည်ပျက်စာရင်း သွင်းမည်ဖြစ်ကြောင်း တင်ဒါ စည်းကမ်းများတွင် ဖော်ပြထားသည်။

“တင်ဒါစည်းကမ်းတွေက တဖတ်သတ်ဖြစ်နေတယ်။ မျှတမှု မရှိဘူးပေါ့ဗျာ။ ဒီစည်းကမ်းတွေနဲ့ဆိုရင် ဒေသခံ ဆန်စက်လုပ်ငန်းရှင်တွေ ကုန်သည်တွေ အလုပ်မလုပ်နိုင်ကြဘူး။ အောက်ခြေကလူတွေ အလုပ်မဖြစ်ဘဲ အထက်က ကုမ္ပဏီကြီးတွေပဲ အလုပ်ဖြစ်မယ့် ပုံစံမျိုးဖြစ်နေတယ်။ အရန်ဆန်က အလန်ဆန်ဖြစ်နေတယ်ဗျ” ဟု ပုသိမ်မြို့မှ ဆန်စက်လုပ်ငန်းရှင်တဦးက ပြောသည်။

ပြီးခဲ့သည့်နှစ်တွင် စပါးဈေးနှုန်း အလွန်အမင်း ကျဆင်းနေသည့်အတွက် တောင်သူများအကြီးအကျယ် အရှုံးပေါ်ခဲ့ကြရာ ဈေးနှုန်းပြန်တက်လာစေရန် ရည်ရွယ်၍ အစိုးရက နိုင်ငံတော်အတွက် အရန်ဆန်များ ၀ယ်ယူခြင်းဖြင့် ဈေးနှုန်းထိန်းပေးခဲ့သည်။ ယမန်နှစ်၏ မိုးစပါးဈေးနှုန်းမှာ တင်း ၁၀၀ လျှင်၂ သိန်း ၈ သောင်းကျပ်သာ ပေါက်ဈေး ရှိခဲ့သည်။

ယခုနှစ်တွင် နိုင်ငံတော်အရန်ဆန် ၀ယ်ယူရခြင်းရည်ရွယ်ချက်ကို တိတိကျကျ မသိရသည့်အတွက် အောက်ခြေရှိ တောင်သူလယ်သမားများနှင့် ကုန်သည်စက်ပိုင်များအတွက် အကျိုးရှိမည် မထင်ကြောင်း ဦးဝင်းမြင့်လှိုင်က ပြောသည်။

“သဘောကတော့ ဒေသခံလုပ်ငန်းတွေ တောင်သူတွေ ဈေးနှုန်းတည်ငြိမ်ရေးအတွက် မဟုတ်တော့ဘူး။ သူတို့ရည်ရွယ်ချက်က နိုင်ငံတော်အတွက် အရန်ဆန်သီးသန့်ပဲ ၀ယ်တယ်ဆိုတော့ နိုင်ငံတော်ကတော့ အရန်ဆန်တွေ ရသွားမှာပေါ့။ ဒါပေမယ့် ကျန်တဲ့ဒေသတွေအတွက် သူတို့မှာ ရည်ရွယ်ချက်မပါရင် ကျန်တဲ့လူတွေ မရဘူးပေါ့” ဟု ပြောသည်။

နိုင်ငံတော်အရန်ဆန် ၀ယ်ယူခြင်းဖြင့် ဈေးကွက်အတွင်း ဆန်နှင့်စပါးဈေးနှုန်းများ မြင့်တက်လာဖွယ် ရှိနေသည်ဟု သူက ဆိုသည်။ လက်ရှိတွင် စပါးတင်း ၁၀၀ လျှင် ၄ သိန်း ၂ သောင်းကျပ် ပေါက်ဈေး ရှိနေသည်။

နိုင်ငံတော်မှ လက်ရှိခေါ်ယူထားသည့် အရန်ဆန်တင်ဒါအတွက် ဧရာဝတီတိုင်းမှ လျှောက်ထားလိုသူ နည်းပါးနေကြောင်း သိရသည်။

ယမန်နေ့က ပုသိမ်မြို့ရှိ ဧရာပုသိမ် ဆန်စပါးအထူးပြု ကုမ္ပဏီရုံးခန်းတွင် အရန်ဆန်ဝယ်ယူရေးအတွက် အစည်းအဝေးတရပ် ပြုလုပ်ခဲ့ရာ တိုင်းဒေသကြီး ဆန်စက်လုပ်ငန်းရှင် အသင်းဝင်များက တင်ဒါ စည်းကမ်းများနှင့် ပတ်သတ်၍ တောင်းဆိုချက် ၈ ချက်ကို ဖော်ထုတ်တောင်းဆိုခဲ့ကြသည်။

ဆန်များသိုလှောင်မည့်နေရာ သတ်မှတ်ပေးရန်၊ တင်ဒါပိတ်ရက်နီးကပ်နေ၍ ထပ်မံရွှေ့ဆိုင်းပေးရန် စသည်တို့ အပါအ၀င် တောင်း ဆိုချက် ၈ ချက်ကို တိုင်းဒေသကြီးဝန်ကြီးချုပ် ဦးသိန်းအောင်၊ ရန်ကုန်ရှိ မြန်မာနိုင်ငံ ဆန်စပါးအသင်း အဖွဲ့ချုပ်နှင့် နေပြည်တော်ရှိ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနများကိုပါ တင်ပြသွားမည်ဟု ဦးဝင်းမြင့်လှိုင်က ပြောသည်။

ယမန်နှစ်တွင် အစိုးရက တနိုင်ငံလုံးမှ အရန်ဆန်တန်ချိန် ၄၅,၀၀၀ ၀ယ်ယူခဲ့သည်။ တိုင်းပြည်အတွင်း ရေကြီးခြင်း၊ ငလျင်လှုပ်ခြင်း၊ မုန်တိုင်းတိုက်ခြင်းစသည့် သဘာဝဘေးဒဏ်များ ကြုံတွေ့ရသည့်အခါ အစိုးရက အရန်ဆန်များထုတ်ယူပြီး ကယ်ဆယ်ရေးရိက္ခာအဖြစ် အသုံးပြုလေ့ရှိသည်။

Ref: ဧရာဝတီ

Read More...

Collapse...