မိထ္ထီလာ ဒုက္ခသည်များအတွက် အိမ်များ ပြန်ဆောက်ပေးရန် ၈၈ စီစဉ်နေ

ခိုင်ခိုင်
မတ်လ ၂၅ ရက် ၂၀၁၃ ခုနှစ်

မိတ္ထီလာမြို့မှ အဓိကရုဏ်းဒဏ်ခံ ဒုက္ခသည်များအတွက် အိုးအိမ် အစားထိုး ဆောက်လုပ်ပေးရန် ၈၈ မျိုးဆက် ကျောင်းသားများက စီစဉ်နေကြောင်း မြို့ခံ ကျောင်းသား ခေါင်းဆောင် တဦးက ပြောသည်။

“ဆင်ခြေဖုံး ရပ်ကွက်တွေမှာ ရှိနေတဲ့ ဒုက္ခသည်တွေအတွက် လေးပင်-သုံးခန်း အိမ် ဆောက်ပေးဖို့ စီစဉ်နေပါတယ်။ ဒေသပေါက်ဈေး တွက်ချက်နေပါတယ်။ အိမ်ထောင်စုအလိုက် မီးလောင် ပျက်စီးသွားတဲ့ အိမ်တွေကို မှတ်တမ်း တွေနဲ့ စာရင်းပြုစုနေပါတယ်။ အိမ်တလုံးစာကို သွပ်မိုး၊ ပျဉ်ခင်း၊ ထရံကာ၊ အဲလိုပုံစံမျိုးတွေ ဆောက်ဖို့ ကျနော်တို့ အစီအစဉ် ချ ထားပါတယ်” ဟု မိတ္ထီလာမြို့မှ ၈၈ မျိုးဆက် ကျောင်းသား ကိုထိန်မင်းခိုင် က မဇ္ဈိမကို ပြောသည်။

မီးလောင်သွားသည့် မြေနေရာများတွင်သာ အိမ် ပြန်လည်ဆောက်ပေးနိုင်မည်ဟု ဆိုသည်။

မတ်လ ၂၀ ရက်နေ့မှ စတင်ဖြစ်ပွားခဲ့သည့် မိထ္ထီလာ အဓိကရုဏ်းကြောင့် လူ ၁၀ ဦးထက်မနည်း သေဆုံးခဲ့ရပြီး အိုးအိမ်အများအပြား မီးရှို့ဖျက်ဆီးခံခဲ့ရသည်။

လက်ရှိ အခြေအနေမှာ တည်ငြိမ်လျက်ရှိသော်လည်း ခရိုင်အားကစားကွင်း၊ အထက ၁၊ အထက ၃၊ အထက ၅ နှင့် ပညာရေးကောလိပ်တို့တွင် ဖွင့်လှစ်ထားသော ဒုက္ခသည်စခန်းတွင် လူဦးရေ ၉,၆၄၄ ခန့်ရှိပြီး ဘုန်းကြီးကျောင်း ၁၆ ကျောင်းတွင် ခိုလှုံနေသော ဒုက္ခသည် ၃,၀၀၀ ကျော် ရှိနေသည်။

၎င်းတို့ ပြန်လည်နေရချထားရေးအတွက် ၈၈ မျိုးဆက် ကျောင်းသားများနှင့် ဆက်သွယ်ပြီး လှူဒါန်းနိုင်ရန် ရန်ကုန်ရှိ ကိုမင်းကိုနိုင် (ဖုန်း ၀၉၄၂၅၂၉၇၇၃)နှင့် မိထ္ထီလာမြို့မှ ဒေါက်တာ စန်းလှိုင် (ဖုန်း ၀၉၄၃၀၉၂၃၄၈)တို့ထံသို့ ဆက်သွယ်နိုင်ကြောင်းနှင့် အလှူရှင်အချို့ လာရောက်လှူဒါန်းလျက် ရှိကြောင်းလည်း ကိုထိန်မင်းခိုင် က မဇ္ဈိမသတင်းဌာနသို့ ပြောကြားသွား သည်။

အစိုးရအနေနှင့်လည်း ဒုက္ခသည်များ၏ အရေးပေါ် စားဝတ်နေရေး လုံခြုံရေးကို အပြည့်အဝ ကူညီဆောင်ရွက်သွား ကာ အခြေအနေ တည်ငြိမ်လာသည့်နှင့်အမျှ ပြန်လည်နေရာ ချထားရေးကို အမြန်ဆုံးဆောင်ရွက်သွားမည်ဟု ထုတ်ပြန်ကြေညာလိုက်သည်။

ထို့အတွက် အစိုးရအနေနှင့် လူထုအခြေပြု အဖွဲ့အစည်းများ၊ ပုဂ္ဂလိကများ နိုင်ငံတကာ အဖွဲ့အစည်းများနှင့် လက်တွဲဆောင်ရွက်သွားမည်ဖြစ်ကာ ပဋိပက္ခကြောင့် ခံစားထိခိုက်နေရသည့် လူ့အဖွဲ့အစည်းများကြား ယုံကြည်မှု ပြန်လည်တည်ဆောက်နိုင်မည့် ဆွေးနွေးမှုများနှင့် စိတ်ခံစားမှုများကို ကုစားနိုင်မည့် အလုပ်ရုံဆွေးနွေးပွဲများကို အကောင်အထည်ဖော် ဆောင် ရွက်သွားမည်ဟု အစိုးရ သတင်းထုတ်ပြန်ရေးအဖွဲ့က မတ်လ ၂၅ ရက်နေ့စွဲဖြင့် ကြေညာသည်။

Ref: မဇ္ဈိမ

Read More...

Collapse...

အစိုးရအနေနဲ့ လုံခြုံရေး တိုးမြှင့်ဆောင်ရွက်ဖို့ တောင်းဆို

2013-03-24

ကိုးကွယ်ယုံကြည်သူအမျိုးမျိုး စုပေါင်းနေထိုင်နေကြတဲ့ မြန်မာနိုင်ငံမှာ ပြည်သူအားလုံး ချစ်ကြည်ငြိမ်းချမ်းစွာ နေထိုင်ကြဖို့၊ အစိုးရအနေနဲ့ လုံခြုံရေးကိစ္စ တိုးမြှင့်ဆောင်ရွက်ဖို့ ဘာသာ ပေါင်းစုံ ချစ်ကြည်ညီညွှတ်ရေးအဖွဲ့က ဒီကနေ့ သဘောထား ကြေညာချက်တစ်ရပ် ထုတ်ပြန်ခဲ့ပါတယ်။

နှစ်ဦးနှစ်ဖက် ချစ်ချစ်ခင်ခင် ပြန်လည်နေထိုင်ကြဖို့အတွက် ကြေညာချက်ထုတ်ပြန်ရတာဖြစ်ကြောင်း ဘာသာပေါင်းစုံ ချစ်ကြည်ညီညွှတ်ရေးအဖွဲ့ ခရစ်ယာန်ဘာသာ အတွင်းရေးမှူး ဒေါက်တာ သာဥာဏ်က RFA ကို ပြောပါတယ်။

"ယခုဖြစ်တာ သာမာန်အရောင်းအဝယ် အငြင်းပွားမှုပဲလေ အဲ့ဒါဘာသာရေးအထိ နွယ်သွားစရာ အကြောင်းမရှိဘူး၊ အဲ့လိုမဖြစ်အောင် ဘာသာဝင်တွေအားလုံး ငြိမ်းငြိမ်းချမ်းချမ်း ဖြေရှင်းဖို့ပဲ၊ ဘာကြောင့် ဒီလိုဖြစ်နေရတာလဲ၊ ဘာကြောင့် တစ်ယောက်နဲ့ တစ်ယောက် အဆင်မပြေချင်နေရတာလဲ အဲ့ဒီအဓိအကြောင်းအရင်းကိုရှာဖို့ ကြိုးစားပါမယ်"

ဘာသာပေါင်းစုံက ခေါင်းဆောင်တွေပါဝင်တဲ့ အဲဒီထုတ်ပြန်ကြေညာချက်မှာ အစိုးရဘက်က နှစ်ဖက်ပြည်သူတွေရဲ့ လုံခြုံရေးကိုထားရှိဖို့၊ ဒီကိစ္စတွေရပ်တွေကို ဥပဒေကြောင်းအရ စစ်ဆေးအရေး ယူဆောင်ရွက်ပေးဖို့၊ ပြည်သူလူထုအနေနဲ့ မေတ္တာကို အခြေခံပြီး ငြိမ်းချမ်းစွာနေထိုင်ဖို့၊ မလိုလားအပ်တဲ့ ပဋိပက္ခတွေမှာ မပါဝင်ကြဖို့နဲ့ ဥပဒေမဲ့လုပ်ရပ်တွေမှာလည်း မပါဝင်ကြဖို့ မေတ္တာရပ်ခံထားပါတယ်။

Ref: အာရ်အဖ်အေ

Read More...

Collapse...

မန္တလေးတိုင်းဒေသကြီးနဲ့ ပဲခူးတိုင်းဒေသကြီးတွေ မှာ နေအိမ်မီးရှို့ဖျက်ဆီးမှု ဖြစ်ပွား

2013-03-24

မန္တလေးတိုင်းဒေသကြီးနဲ့ ပဲခူးတိုင်းဒေသကြီးတွေမှာ မတ်လ ၂၄ ရက်နေ့ ညပိုင်းက နေအိမ်မီးရှို့ဖျက်ဆီးမှုတချို့ ဖြစ်ပွားခဲ့တယ်လို့ RFA က စုံစမ်းသိရပါတယ်။

မန္တလေးတိုင်း တပ်ကုန်းမြို့နယ် ရွာသစ်ကြီးကျေးရွာ အနော်ရထာရပ်ကွက်မှာ ဗလီတစ်ခုအပါအဝင် အိမ်ငါးလုံး ဖျက်ဆီးခံရတဲ့အတွက် နေပြည်တော်က ရဲတပ်ဖွဲ့တွေကိုပါခေါ်ယူပြီး အခြေအနေကို ထိန်းသိမ်းနေရတယ်လို့ အဲဒီနေရာကို ရောက်ရှိနေတဲ့ ရဲအရာရှိတစ်ဦးက RFA ကို ပြောကြားပါတယ်။

"ဒီနေ့ည သူတို့လာဖျက်စီးလို့ ပလီတစ်လုံးအပါအဝင် အိမ်လေးငါးခြောက်လုံးပါသွားတယ်။အခုတော့ သက်ဆိုင်ရာလူကြီးတွေ ဝိုင်းဝန်းထိန်းသိမ်းလို့ ငြိမ်သွားပါပြီ၊ ရဲတပ်ရင်းတော့ မဟုတ်ဘူးပေါ့၊ နေပြည်တော်ဘက်က ရဲတပ်ဖွဲ့ဝင်တွေ တော်တော်များများလာကြပါတယ်"

မနေ့ညကပဲ အမည်မသိ လူအုပ်စုတွေက ရွာသစ်ကြီးကျေးရွာ အနော်ရထာရပ်ကွက်၊ မြဝတီရပ်ကွက်နဲ့ ဗိုလ်မင်းရောင်ရပ်ကွက်တွေမှာ ဆူပူမှုတွေ ဖြစ်ပွားအောင် လှုံ့ဆော်သွားခဲ့ တယ်လို့ တပ်ကုန်းမြို့နယ် မီးသတ်တပ်ဖွဲ့ဝင် အရာရှိတစ်ဦးက ပြောပါတယ်။

"လုံခြုံရေးရောက်သွားတဲ့နေရာဆို သူတို့က ထွက်ပြေးတယ်၊ ဟိုဘက်ဝိုင်းလိုက်၊ ဒီဘက်ဝိုင်းလိုက် အဲ့လိုဖြစ်နေတာ၊ အနော်ရထာရယ်၊ မြဝတီရယ်၊ ဗိုလ်မင်းရောင်ရယ် ဒါလောက်ပဲ"

ပဲခူးတိုင်း အုတ်ဖိုမြို့နယ် အိုးသည်ကုန်းကျေးရွာမှာလည်း အမည်မသိ လူအုပ်စုတွေ ဝင်ရောက်လာပြီး ရုန်းရင်းဆန်ခတ်ဖြစ်အောင် လုပ်ဆောင်နေတာရှိတဲ့အတွက် နယ်မြေခံ စစ်တပ်အကူအညီနဲ့ သွားရောက် ထိန်းသိမ်းနေတယ်လို့ သာယာဝတီခရိုင်ရဲတပ်ဖွဲ့အရာရှိတဦးက RFA ကိုပြောပါတယ်။

"ကျတော်သိသလောက်ကတော့ သူတို့ဆီမှာသွားတာ အရပ်သားတွေက နည်းနည်းစုနေလို့ ကျတော်တို့ဆီကနေ ရဲတပ်ဖွဲ့ဝင်တွေ၊ စစ်တပ်တွေ အင်အားနဲ့ သွားဖြေရှင်းလိုက်တော့ ပြီးသွားပါပြီခင်ဗျ၊ ဘာမှမဖြစ်တော့ပါဘူး"

မန္တလေးတိုင်းနဲ့ ပဲခူးတိုင်းတွေမှာ စနေ့နေ့ ညက ဖြစ်ပွါးခဲ့တဲ့ ဆူပူမငြိမ်မသက်မှု သတင်းတွေဖြစ်ပါတယ်။

Ref: အာရ်အဖ်အေ

Read More...

Collapse...

မိတ္ထီလာမြို့ အဓိကရုဏ်း ဖြေရှင်းရေး ဆွေးနွေးမှု မူ ၆ ချက်ချမှတ်

2013-03-24

မိတ္ထီလာမြို့မှာ ဖြစ်ပွားခဲ့တဲ့ အဓိကရုဏ်းနဲ့ ပက်သက်ပြီး သမ္မတ ဦးသိန်းစိန်၊ ပြည်သူ့လွှတ်တော် ဥက္ကဌ သူရ ဦးရွှေမန်းနဲ့ ပြည်သူ့လွှတ်တော် တရားဥပဒေစိုးမိုးရေးနဲ့ တည်ငြိမ်အေး ချမ်းရေး ကော်မတီ ဥက္ကဌ ဒေါ်အောင်ဆန်းစုကြည်တို့သုံးဦး မနေ့ကတွေ့ဆုံ ဆွေးနွေးခဲ့ပါတယ်။

အဲဒီဆွေးနွေးပွဲမှာ သဘောတူညီချက် ၆ ချက် ရရှိခဲ့တယ်လို့သိရကြောင်း မြန်မာနိုင်ငံလုံးဆိုင်ရာ အစ္စလာမ်သာသနာရေးရာ ကောင်စီဌာနချုပ် တွဲဖက်အထွေထွေ အတွင်းရေးမှူး ဦးဝဏ္ဏရွှေက RFA ကိုပြောပါတယ်။

"ဦးသိန်းစိန်ရယ်၊ ဒေါ်အောင်ဆန်းစုကြည် ရယ်၊ ပြည်သူ့လွှတ်တော် ဥက္ကဌကြီး သူရဦးရွှေမန်းရယ် သဘောတူထားတဲ့ဟာကို တင်ပြတယ်၊ အဓိက နံပါတ် ၁ အချက်က တရားဥပဒေ စိုးမိုးရေးကို ထိထိရောက်ရောက် ဆောင်ရွက်သွားမယ်ဆိုတဲ့ကိစ္စ ဒီအဖြစ်မျိုးကို နောက်နောင်မဖြစ်အောင် ထိန်းသိမ်းကာကွယ်သွားမယ်ဆိုတဲ့ကိစ္စ"

ဒါ့အပြင် ဒုက္ခသည်တွေ အမိုးအကာအောက်ရောက်ရှိစေဖို့နဲ့ အမြန်ဆုံးသူတို့အိမ်သူတို့ ပြန်နိုင်အောင်စီစဉ်ပေးဖို့၊ အစိုးရ၊ ကုလသမဂ္ဂ၊ ဘာသာရေးနဲ့ လူမှုရေးအဖွဲ့အစည်းတွေ ညှိနှိုင်းပြီး ဒုက္ခသည်တွေကို ထောက်ပံ့ဆောင်ရွက်ဖို့နဲ့ လူမှုအဖွဲ့အစည်းနှစ်ခုအကြား ယုံကြည်မှုပြန်လည်ဖြစ်ပေါ်လာအောင် ဆွေးနွေးညှိနှိုင်း ပူးပေါင်းဆောင်ရွက်ကြဖို့စသဖြင့် သဘောတူညီ ခဲ့ကြတယ်လို့ဆိုပါတယ်။

မနေ့ညနေကလည်း ကုလသမဂ္ဂအတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဗီဂျေးနမ်ဘီယားနဲ့ ပြည်ထောင်စု အစိုးရအဖွဲ့ဝင်တွေ၊ လွှတ်တော်ကိုယ်စားလှယ်တွေ၊ ဘာသာ ရေးခေါင်းဆောင်တွေဟာ မိတ္ထီလာမြို့မှာ တံခါးပိတ်အစည်းအဝေးတစ်ရပ်ပြုလုပ်ခဲ့ပြီး၊ အလားတူအဓိကရုဏ်းတွေ နောက်နောင်မဖြစ်ပွားရေးအတွက် အကြံပြုဆွေးနွေး ခဲ့ကြတယ်လို့ သိရပါတယ်။

ပြန်လည်ထူထောင်ရေးကိစ္စတွေဆောင်ရွက်ဖို့အတွက် ကမ္ဘာ့ကုလသမဂ္ဂကလေးများရန်ပုံငွေအဖွဲ့၊ ကမ္ဘာ့စားနပ်ရိက္ခာအစီအစဉ်စတဲ့ နိုင်ငံတကာ NGO အဖွဲ့တွေ အခုမိတ္ထီလာမြို့ကို စတင်ရောက်ရှိနေပြီလို့လည်းသိရပါတယ်။

Ref: အာရ်အဖ်အေ

Read More...

Collapse...

ပုံနှိပ်ဥပဒေမူကြမ်း လွှတ်တော်က အတည်ပြုပြဌာန်းဖို့ ဦးအောင်ကြည် ပြောကြား

2013-03-24

ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးအောင်ကြည်က ပုံနှိပ်ဥပဒေမူကြမ်းကို လွှတ်တော်ကနေ ဆက်လက်အတည်ပြုပြဌာန်းနိုင်ဖို့ ဆောင်ရွက်သွားမယ်လို့ မနေ့က မြန်မာနိုင်ငံ စာနယ်ဇင်းကောင်စီ ခေါင်းဆောင်တွေနဲ့ တွေ့ဆုံရာမှာ ပြောကြားလိုက်ပါတယ်။

ဥပေဒထွက်လာဖို့အတွက် လွှတ်တော်ကနေ နောက်ဆုံးလုပ်ဆောင်သွားဖို့ပဲရှိကြောင်း ပြည်ထောင်စုဝန်ကြီး ကပြောခဲ့ကြောင်း တွေ့ဆုံဆွေးနွေးပွဲကို တက်ရောက်ခဲ့တဲ့ မြန်မာနိုင်ငံ စာနယ် ဇင်းကောင်စီအဖွဲ့(ယာယီ) အတွင်းရေးမှူး ဦးကျော်မင်းဆွေက RFA ကို ပြောပါတယ်။

"ဝန်ကြီးက ပုံနှိပ်ဥပဒေကို ဆိုင်းငံ့တော့မပါဘူး၊ ရုပ်ဆိုင်းတာလည်းမဟုတ်ဘူး၊ ရုပ်သိမ်းတာလည်းမရှိဘူး၊ အဲ့ဒါလုံးဝ မရှိပါဘူးတဲ့၊ ပြည်ထောင်စုလွှတ်တော်ကလည်း လက်ခံထားပါတယ်တဲ့၊ နောက်တစ်ခါ ပြည်ထောင်စု လွှတ်တော်ကလည်း ဥပဒေကြမ်းကော်မတီကို ချပေးထားပါပြီ တဲ့၊ ပြည်သူ့လွှတ်တော်ကိုလည်း ချထားပေးပါပြီတဲ့၊ ပြည်သူ့လွှတ်တော်ကလည်း စပြီးဆွေးနွေး နေပါပြီတဲ့၊ ဥပဒေကြမ်းကတော့ လွှတ်တော်တင်တဲ့ ပြောစရာမလို ဘူးပေါ့နော်"

မြန်မာနိုင်ငံ စာနယ်ဇင်းကောင်စီ (ယာယီ) အနေနဲ့ ဒီဥပဒေကြမ်းမှာပါဝင်တဲ့ အချက်တွေအနက် မှတ်ပုံတင်အရာရှိ လက်ထဲကို တရားစီရင်ရေးနဲ့ အုပ်ချုပ်ရေးအာဏာတွေ ဝကွက်ပေးအပ် ထားတဲ့အချက်ကို အဓိကထားကန့် ကွက်ခဲ့တယ်လို့ ဦးကျော်မင်းဆွေက ပြောပါတယ်။

ပြည်ထောင်စုဝန်ကြီးက အခုဆွဲထားတဲ့ ဥပဒေကြမ်းကို နောက်နောင်မှာ ကြိုက်သလောက် ပြင်ဆင်နိုင်ကြောင်း ပြော ဆိုခဲ့တယ်လို့လည်း သိရပါတယ်။

Ref: အာရ်အဖ်အေ

Read More...

Collapse...

ရမည်းသင်းမြို့အနီး ရွာတန်းရွာ မီးရှို့ခံရ

2013-03-24

မတ်လ ၂၃ ရက်နေ့ ည ၈ နာရီခန့်က ရမည်းသင်းမြို့အနီး ရွာတန်းရွာမှာ မီးရှို့ခံရတဲ့အတွက် အဲဒီရွာက ပလီတစ်လုံးအပါအဝင် အိမ်ခြေ ၄၀ ကျော် မီးလောင်ကျွမ်းခဲ့တဲ့အပြင်၊ ဖျက်ဆီးခံရတဲ့ အိမ် ၇ လုံးရှိတယ်လို့ ရမည်းသင်းမြို့နယ် မီးသတ်တပ်ဖွဲ့က ဦးစီးအရာရှိ ဦးစိုးနိုင်က RFA ကိုအခုလိုပြောပါတယ်

"ည ၉ နာရီမှာ မီးလောင်တယ်လို့ သတင်းရလို့၊ ရမည်းသင်းမီးသတ်က တပ်ဖွဲ့ဝင်သုံးဦးနဲ့ မီးသတ်ယာဉ်တစ်စီးထွက်ခွာပြီး မီးငြိမ်းသတ်ခဲ့ပါတယ်၊ ပြောရင်တော့ ရှို့တာပေါ့၊ မီးသတ် သမားတွေကိုလည်း အဝေးကလေးခွနဲ့ ပစ်တာတွေ ရှိပါတယ်။"

ခုလိုမီးရှို့ခံရတာမှာ ဒေသခံတွေက ရှို့တာမဟုတ်ဘဲ ကား ၃ စီးဖြင့် လာရောက်သူတွေက ရှို့တာဖြစ်တယ်လို့ ရမည်းသင်းရဲတပ်ဖွဲ့နဲ့ နီးစပ်သူတွေထံက သတင်းရကြောင်း ရှေ့နေ ဦးအောင်သိန်းက ပြောပါတယ်။

"ပြည်သူ့ရဲနဲ့ ကျတော်တို့ ညီတစ်ယောက်နဲ့ ပြန်ချိတ်မိတော့ ရွာတန်းကိုရှို့တာ ကားသုံးစီးနဲ့လာတယ်၊ ပြီးတော့ နေပူကုန်းကို လာပြီးရှို့တယ်၊ နေပူကုန်းက ပြန်လည်ခုခံတဲ့အတွက် အဲ့ကားသုံးစီးက ပြန်ပြီးတော့ ထွက်သွားတယ်၊ ရမည်းသင်းတပ်ဖွဲ့က သတင်းရတော့ နောက်ကလိုက်တော့ အမြန်လမ်းမပေါ် ကားသုံးစီးထွက်ပြေးတယ်လို့ နောက်ဆုံးသတင်းရပါတယ်၊ အဲ့ဒီမှာ သက်ဆိုင်ရာခရိုင် အာဏာပိုင်တွေနဲ့ မီးသတ်က သွားငြိမ်းရာမှာ နှိမ်နင်းတယ်လို့လည်း သတင်းရပါတယ်၊ ရမည်းသင်းမှာတော့ လတ်တလော တည်ငြိမ်တယ်လို့တော့ သတင်း ရပါတယ်၊ ၁၁ နာရီလောက်ထိပေါ့ ခုတော့မသိသေးပါဘူး"

အခုမီးရှို့မူမှာ ပါဝင်ပတ်သက်သူ ၁၀၀ ခန့်ရှိကြောင်း ရမည်းသင်းမြို့ ခရိုင်ရဲတပ်ဖွဲ့က အရာရှိတဦးကလည်း ပြောပါတယ်။ ဒီသတင်းနဲ့ ပတ်သက်ပြီး သီးခြားအတည်ပြုချက် မရရှိသေး ပါဘူး။

Ref: အာရ်အဖ်အေ

Read More...

Collapse...

ဒုက္ခသည် နေရာချရေးကိစ္စ တောင်ကုတ်တွင် လူ ၃၀၀ ဆန္ဒပြ၊ သုံးဦး အရေးယူခံရ

သိန်းလှိုင်
မတ်လ ၂၃ ရက် ၂၀၁၃ ခုနှစ် ၂၀ နာရီ

တောင်ကုတ်မြို့တွင် ရခိုင် အရေးအခင်းလွန် နောက်ပိုင်း အစိုးရ၏ ဒုက္ခသည်များ ပြန်လည် နေရာချထားခြင်း အစီအစဉ်များအပေါ် မကျေနပ်၍ မတ်လ ၂၃ ရက်နေ့ မနက်ပိုင်းက လူ ၃၀၀ ခန့်က လမ်းလျှောက် ဆန္ဒပြရာ ခွင့်ပြုချက် မရှိဘဲ လုပ်ဆောင်ခဲ့ကြ၍ ဦးဆောင်ပါဝင်သူ သုံးဦးအား ဒေသဆိုင်ရာ အာဏာပိုင်တို့က အရေးယူထားကြောင်း တောင်ကုတ်မြို့ ရခိုင် လူမှု ကွန်ယက် တာဝန်ရှိသူများက ပြောသည်။

မနက် ၉း၄၀ နာရီမှ ၁၀း၁၅ နာရီထိ တောင်ကုတ်မြို့ လမ်းများပေါ်တွင် စီတန်းလှည့်လည် ဆန္ဒပြခဲ့ကြခြင်း ဖြစ်သည်။

“ယာယီဒုက္ခသည် စခန်းက လူတွေကို အိမ်တွေ ဆောက်လုပ်နေရာချထား ပေးမယ်ဆိုရင် ပထမဆုံး သူတို့တွေကို နိုင်ငံသား ဟုတ်မဟုတ် စီစစ်ဖို့လိုတယ်။ ဒီလို ဥပဒေနဲ့အညီ မဟုတ်ဘဲ တဖက်သတ် ဆုံးဖြတ်လုပ်ကိုင်နေတာကြောင့် ကျနော်တို့ ဆန္ဒ ဖော်ထုတ်ရခြင်း ဖြစ်တယ်” ဟု ရခိုင်လူမှုကွန်ယက်အဖွဲ့ဝင် ကိုဇေယျကျော် က ဆိုသည်။

ဒုက္ခသည်များအတွက် ဆောက်လုပ်ပေးမည့် အိမ်များမှာ လုံးချင်းအိမ်များဖြစ်ကာ တူရကီနိုင်ငံမှ လှူဒါန်းထားပြီး ပဋိပက္ခဖြစ်ပွားရာ မြို့နယ်များတွင် ဆောက်လုပ်သွားမည်ဟု သိရှိထားရကြောင်း ကွန်ယက် ခေါင်းဆောင်များက ပြောသည်။

ခွင့်ပြုချက်မရဘဲ ဆန္ဒပြသည့်အတွက် ရခိုင် လူမှုကွန်ယက်မှ ခေါင်းဆောင် သုံးဦးဖြစ်သော ဦးစိုးဝင်း၊ ဦးသန်းလွင်စိုး နှင့် ဦးမင်းထွန်းတို့အား သက်ဆိုင်ရာမှ အရေးယူထားသည်။

“ညနေ ၃ နာရီလောက်မှာ ကျနော်တို့အားလုံး ရုံးကို ရောက်တယ်။ မြို့နယ် ရဲတပ်ဖွဲ့မှူးက ဥပဒေအရ အရေးယူရတာလို့ ပြောတယ်။ ကျနော်တို့ သုံးယောက်ကို အာမခံ နှစ်ယောက်စီနဲ့ ခံဝန်လုပ်ပြီးတော့ ညနေ ၄ နာရီကျော်လောက်မှာ ပြန်လွှတ်ပေးလိုက်တယ်” ဟု ဦးစိုးဝင်း က မဇ္ဈိမကို ပြောသည်။

“ကျနော်တို့က ဥပဒေနဲ့အညီ လုပ်ချင်ခဲ့တာပါ။ ဒါကြောင့်လည်း ခွင့်ပြုချက် ရဖို့အတွက် အဆင့်ဆင့်တင်ပြခဲ့တယ်။ ဒါပေမယ့် သက်ဆိုင်ရာက အားလုံး ပယ်ချခဲ့တယ်။ ကျနော်တို့တွေ ပြည်သူတွေရဲ့ ဆန္ဒနဲ့အညီ နောက်ဆုံးမှ ဒီလမ်းကို ရွေးခဲ့တာပါ။ ဥပဒေအရ အရေးယူထားတယ် ဆိုရင်လည်း ဥပဒေအရ ရင်ဆိုင်ရုံပဲပေါ့ဗျာ” ဟု ၎င်းက ဆက်ပြောသည်။

ဆန္ဒပြခွင့်ကို မတ်လ ၁၅ ရက်နေ့တွင် မြို့နယ်ကို တင်ပြခဲ့ရာ မတ်လ ၁၇ ရက်နေ့တွင် မြို့နယ်က ပလပ်ခဲ့သည်။ မတ်လ ၁၈ ရက်နေ့တွင် ပြည်နယ်သို့ အယူခံရာတွင်လည်း မတ်လ ၂၁ ရက်နေ့တွင် ပြည်နယ်ရဲမှူး ကိုယ်စား ဒု-ရဲမှူးကြီး အောင်ကျော်ဦး လက်မှတ်ရေးထိုး၍ ပလပ်ခဲ့သည်ဟု ဆိုသည်။

ထို့ပြင် မတ်လ ၇ ရက်နေ့မှစ၍ စစ်တွေ၊ မြောက်ဦး၊ ကျောက်တော်၊ မင်းပြား၊ ရသေ့တောင် မြို့နယ်များတွင်လည်း ဆန္ဒဖော်ထုတ်ပွဲများ ကျင်းပခဲ့ရာ ဥပဒေနှင့်အညီ သက်ဆိုင်ရာ အာဏာပိုင်များ၏ ခွင့်ပြုချက်အရ ပြုလုပ်ခြင်း မဟုတ်၍ ဆန္ဒပြပွဲများ၌ ဦးဆောင်ပါဝင်သူ အနည်းဆုံး ၆ ဦးကို သက်ဆိုင်ရာ မြို့နယ် ရဲတပ်ဖွဲ့မှူးများက အရေးယူထာရှိပြီး ၎င်းတို့အား မခံဖြင့်ပြန် လွှတ်ပေးထားကြောင်း သိရသည်။

စစ်တွေဆန္ဒပြပွဲကို စီစဉ်မှုဖြင့် ယာယီထိန်းသိမ်းခံရရာမှ အာမခံဖြင့် ပြန်လွတ်လာသူ စစ်တွေလူမှုကွန်ယက်
ခေါင်းဆောင် ဒေါ်ညိုအေးက “ဒီနေ့အထိတော့ အာမခံနှင့် လွှတ်ပေးထားတဲ့ ဆန္ဒပြခေါင်းဆောင်တွေကို အာဏာပိုင်ဘက်က တယောက်မှ နောက်ထပ် ဆက်သွယ်တာမျိုး မရှိသေးဘူး” ဟု ပြောပြသည်။

အမျိုးသားဒီမိုကရေစီအဖွဲ့ချုပ်မှ တောင်ကုတ်မြို့နယ် အတွင်းရေးမှူး ဦးမင်းအောင် ကလည်း ဆန္ဒဖော်ထုတ်ခြင်းမှာ ဖွဲ့စည်းပုံ အခြေခံဥပဒေအရ နိုင်ငံသားတိုင်းရပိုင်ခွင့်ရှိပြီး အစိုးရအနေနှင့် ပွင့်လင်းမြင်သာမှု မရှိ၍ ယခုလို ဆန္ဒပြမှုများနှင့်ရင်ဆိုင်နေရကြောင်း ပြစ်တင်ဝေဖန်လိုက်သည်။

“ရခိုင်မှာ ဆန္ဒဖော်ထုတ်မှုတွေကို ကြည့်ရင် အစိုးရရဲ့ ပွင့်လင်းမြင်သာမှုနဲ့ အများကြီး သက်ဆိုင်နေတယ်။ သမ္မတ ဦးသိန်းစိန် က နိုင်ငံသားဖြစ်မှု ဥပဒေနဲ့အညီ ဆောင်ရွက်မယ် ပြောတယ်။ လက်တွေ့ ဆောင်ရွက်တဲ့အခါ ပွင့်လင်း မြင်သာမှု မရှိဘူး။ ဒီကြားထဲ အခု စစ်တွေမှာ လုံးချင်းအိမ် ၅၀၀၀ဆောက်မယ်ဆိုတာကို ဒေသခံ ရခိုင်လူမျိုးတွေဟာ သတင်းအရပဲ သိလာရတယ်။ အစိုးရဆီက ဒီကနေ့ထိ မသိရသေးဘူး။ ဒါဟာ ပွင့်လင်းမြင်သာမှု မရှိတာကို ပြနေတာ။ ဒီလိုပွင့်လင်းမှုမရှိလို့ ဆန္ဒပြပွဲတွေ ဖြစ်လာရတာပဲ”ဟု ဦးမင်းအောင် က ဆိုသည်။

ဆန္ဒပြခွင့်နှင့်ပတ်သက်၍ ပြည်နယ်နှင့် တိုင်းအလိုက်၊ တနေရာနှင့်တနေရာ ကျင့်သုံးပုံချင်း မတူကြသလို၊ ခွင့်ပြုချက် ပေးခြင်း မပေးခြင်းမှာလည်း ဥပဒေအပေါ် မူမတည်ဘဲ အာဏာပိုင်များ အပေါ်၌သာ တည်နေသည်ဟု ၎င်းက ဝေဖန်ထောက်ပြသည်။

ထို့အပြင် ရခိုင်ဒီမိုကရေစီအဖွဲ့ချုပ် (ALD) အထွေထွေအတွင်းရေးမှူး ဦးမျိုးကျော် ကလည်း “နိုင်ငံသား ဟုတ် မဟုတ်တောင် ကွဲကွဲပြားပြား မသိဘဲ ဘယ်လို လုပ်နေရာချမလဲဗျာ။ ဒီကိစ္စ ALD က နဂိုကထဲက ပြောပြီးသား။ ဥပဒေနဲ့အညီ အမြန်စီစစ်ပါ။ နိုင်ငံသား ဖြစ်သင့်တဲ့လူ ဖြစ်ရမယ်။ နိုင်ငံသား လက်မှတ် ရှိပြီးသား ဖြစ်ပေမယ့် မှန်မှန်ကန်ကန် ရထားတာ ဟုတ်မ ဟုတ် စီစစ်ဖို့ လိုမယ်။ တကယ်လို့ မတော်မတရားနည်းနဲ့ နိုင်ငံသားလက်မှတ် ရထားတဲ့သူတွေရှိရင် သူတို့တွေကို နိုင်ငံသား မဟုတ်သူတွေနဲ့အတူ Camp (ဒုက္ခသည်စခန်း) မှာ ထားဖို့ ပြောခဲ့တယ်။ ဒါဟာ ALD ရဲ့ မူပဲ” ဟု ဆိုသည်။

ရခိုင်ပြည်နယ်အတွင်း ယမန်နှစ် ဇွန်လမှ စတင် ဖြစ်ပွားခဲ့သော ပဋိပက္ခများကြောင့် အသက် အိုးအိမ် ဆုံးရှုံးပျက်စီး ခဲ့ရပြီး အောက်တိုဘာနှင့် နိုဝင်ဘာလများက ကမ္ဘာ့အစ္စလာမ် ပူးပေါင်း ဆောင်ရွက်ရေး အဖွဲ့ (OIC) ရုံး မြန်မာနိုင်ငံ တွင် လာဖွင့်မှုအား ဆန့်ကျင်သည့် ဆန္ဒပြမှုများမှာ ရခိုင်ပြည်နယ်မှသည် အခြားမြို့များသို့ ပြန့်နှံ့သွားခဲ့ရပြီးနောက် ယခု ဆန္ဒပြမှုများမှာ ရခိုင်ဒေသ၏ တကျော့ပြန် ဆန္ဒပြမှုများ ဖြစ်သည်။

Ref: မဇ္ဈိမ

Read More...

Collapse...

မိတ္ထီလာ အရေးအခင်း တင်းကြပ်စွာ ထိန်းသိမ်းရန် ကုလနှင့် AI တို့ တိုက်တွန်း

မတ်လ ၂၂ ရက် ၂၀၁၃ ခုနှစ်

မိတ္ထီလာမြို့နယ်တွင် စိတ်မကောင်းဖွယ်ရာ လူသေဆုံးရမှုနှင့် ဖျက်ဆီးမှုများအတွက် လွန်စွာ ဝမ်းနည်းရပါကြောင်း ရန်ကုန်မြို့သို့ ကြာသပတေးနေ့ ညနေက ရောက်ရှိလာသည့် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေးအရာရှိ ဗီဂျေ နမ်ဘီးယား က ပြောဆိုလိုက်သည်။

“အသက်ဆုံးရှုံးမှုများနှင့် အကြမ်းဖက်မှုများ ထပ်မံမဖြစ်ပေါ်စေရန် အာဏာပိုင်များက တင်းကျပ်စွာ ဆောင်ရွက်ပြီး လူမှုအစုအဖွဲ့များကြား ညီညွတ်အဆင်ပြေကြစေရန် တိုးမြှင့် ဆောင်ရွက်မှုနှင့် လူထုအတွင်း ငြိမ်းချမ်းရေးနှင့် တည်ငြိမ်မှုရှိရေးကို ဆက်လက် လုပ်ဆောင်ရန်မှာ အရေးအကြီးဆုံး ဦးစားပေးအလုပ် ဖြစ်သည်” ဟု ၎င်း၏ ကြေညာချက်တွင် ပါရှိသည်။

မတ်လ ၂၀ ရက်နေ့က ရွှေဆိုင်တခုတွင် အငြင်းပွားရာမှ စတင်ခဲ့သည့် ပဋိပက္ခမှာ အဓိကရုဏ်း အသွင် ကျယ်ပြန့် လာခဲ့ပြီး အုပ်စုလိုက် အကြမ်းဖက် တိုက်ခိုက် သတ်ဖြတ်မှုများကြောင့် လူ ၁၀ ဦးထက်မနည်း သေဆုံးခဲ့ရသည်။

“ယင်းကိစ္စမှာ လူမှုအဖွဲ့အစည်းအတွင်းမှ အဖွဲ့အစည်း အသီးသီးတွင် တာဝန်ရှိပါသည်။ ဘာသာရေး ခေါင်းဆောင်များနှင့် အခြားလူမှုအစုအဖွဲ့ခေါင်းဆောင်များက မိမိတို့အဖွဲ့ဝင်များအား အကြမ်းမဖက်ကြရန်၊ တရားဥပဒေကိုလေးစားပြီး ငြိမ်းချမ်းရေးအတွက် ဝိုင်းဝန်း ဆောင်ရွက်ကြရန်လည်း တိုက်တွန်းရမည်” ဟုဆိုသည်။

အာဏာပိုင်များအနေဖြင့် စဉ်ဆက်မပြတ် သတိဝီရိယ ရှိရန် လိုအပ်သော်လည်း အခြေအနေ တည်ငြိမ်သွားမည်ဟု မျှော်လင့်ကြောင်း မစ္စတာ နမ်ဘီးယား က ထုတ်ပြန်ကြေညာသည်။

ထို့ပြင် အပြည်ပြည်ဆိုင်ရာ လွတ်ငြိမ်းချမ်းသာဖွင့်အဖွဲ့ (AI)ကလည်း အာဏာပိုင်များအနေနှင့် အကြမ်းဖက်မှု အန္တရာယ်နှင့် ရင်ဆိုင်နေရသော လူ့အဖွဲ့အစည်းကို ထိထိရောက်ရောက် ကာကွယ်သင့်ကြောင်း မတ်လ ၂၁ ရက်နေ့က တိုက်တွန်းလိုက်သည်။

“နောက်ဆုံး ရရှိတဲ့ သတင်းတွေကတော့ စိတ်ပူစရာပါပဲ။ အခုဆိုရင် မွတ်ဆလင် ဘာသာဝင်များနဲ့ ဗုဒ္ဗဘာသာဝင် များကြား ဘာသာရေးအရ တင်းမာမှုတွေဟာ နိုင်ငံရဲ့ ဒေသအတော် များများကိုပါ ကူးစက်လို့ နေပါပြီ။ အာဏာပိုင် များကနေပြီး ဒီအခြေအနေကို တွေ့ကြုံ ခံစားနေရတဲ့ သူတွေကို အမြန်ဆုံး ကာကွယ်မှု မပေးနိုင်ရင် နောက်ဆက်တွဲ ပိုပြီး ဆိုးရွားတဲ့ အကြမ်းဖက်မှုတွေ ဖြစ်လာနိုင်ပါတယ်” ဟု အာရှပစိဖိတ်ဆိုင်ရာ AI ဒုညွှန်ကြားရေးမှူး Issabelle Arradon က သတိပေး ပြောဆိုသည်။

ဆက်လက်၍ “အခု ဖြစ်နေတဲ့ ကိစ္စတွေကို မှန်မှန်ကန်ကန်နဲ့ အမြန်ဆုံး စုံစမ်းစစ်ဆေးနိုင်မှသာ အခြေအနေကို ထိန်းသိမ်းနိုင်မှာ ဖြစ်တယ်” ဟုလည်း ဆိုသည်။

အစ္စလာမ် ဘာသာဝင်တို့၏ ဗလီများ၊ အစိုးရ အဆောက်အဦများနှင့် လူနေအိမ် အများအပြား မီးရှို့ဖျက်ဆီးခံရသော မိထ္ထီလာ အဓိကရုဏ်းမှာ ၂၀၁၂ ခုနှစ်၊ ဇွန်လမှ စတင်ခဲ့သည့် ရခိုင် ပြည်နယ်တွင်း ပဋိပက္ခများမှ ဆက်လက်ဖြစ်ပေါ် လာသည့် တင်းမာမှုများကြောင့် ဖြစ်သည်ဟု AI က ဆိုသည်။

“မြန်မာ အာဏာပိုင်တွေမှာ ပြည်သူတွေရဲ့ အသက်အိုးအိမ်စည်းစိမ် လုံခြုံမှုကို ကာကွယ်ပေးရမယ့် တာဝန် ရှိပါတယ်။ တဆက်တည်းမှာပဲ လူမျိုးစုတိုင်းကို ခွဲခြားခြင်း မရှိဘဲ သူတို့ရဲ့ လုံခြုံရေးကို အာမခံပေး နိုင်ရမယ်။ ဒီအကြမ်းဖက်မှု သံသရာကြီး ဆက်မလည်ပတ်နေစေဖို့ရာ သိပ်ကို အရေးကြီးပါတယ်” ဟု Arradon က ဆက်လက် ပြောကြားသည်။

ပြဿနာများ စတင်ဖြစ်ပွားသည့် မတ်လ ၂၀ ရက်နေ့မှ စတင်ကာ ပုဒ်မ ၁၄၄ ထုတ်ပြန်ထားပြီး ရဲများက စောင့်ကြပ်လျက်ရှိကာ အာဏာပိုင်များ၊ ကျောင်းသားခေါင်းဆောင်များ၊ သံဃာတော်များ၊ ရပ်မိရပ်ဖများနှင့် နိုင်ငံရေးပါတီများကလည်း ဝင်ရောက် ထိန်းသိမ်းပေးလျက် ရှိသည်။

ရခိုင် ပြည်နယ်တွင်း ဖြစ်ပွားခဲ့သော လူမှုပဋိပက္ခများနှင့်ပတ်သက်၍ စုံစမ်းစစ်ဆေးရန် ကော်မရှင် တရပ်အား ၂၀၁၂ ခုနှစ်၊ သြဂုတ်လတွင် ဖွဲ့စည်းခဲ့ပြီး ၎င်းစစ်ဆေးမှု ရလဒ်များကို ယခု မတ်လကုန်တွင် သမ္မတထံ တင်ပြကာ တရားဝင် ထုတ်ပြန်မည် ဟု AI က ခန့်မှန်းထားသည်။

Ref: မဇ္ဈိမ

Read More...

Collapse...

နည်းပညာ ဈေးကွက်တွင် အစိုးရ ပေါ်လစီနှင့် ဥပဒေ အရေးပါဟု Google ပြောဆို

စောဇင်ညီ
မတ်လ ၂၂ ရက် ၂၀၁၃ ခုနှစ်

မြန်မာနိုင်ငံ နည်းပညာဈေးကွက်တွင် အစိုးရ၏ ပေါ်လစီနှင့် နည်းပညာနှင့် ပတ်သတ်သော ဥပဒေများမှာ အလွန်ပင် အရေးပါကြောင်း မတ်လ ၂၂ ရက်နေ့က ရန်ကုန်မြို့တွင် ပြုလုပ်ခဲ့သော သက်ဆိုင်ရာ နယ်ပယ်အချို့မှ လူငယ်များနှင့် တွေ့ဆုံပွဲတွင် Google အမှုဆောင် ဥက္ကဋ္ဌ အဲရစ် ချမစ် (Eric Schmidt) က ပြောကြားလိုက်သည်။

“အစိုးရရဲ့ ပေါ်လစီနဲ့ စည်းမျဉ်းစည်းကမ်း ဥပဒေမှာ နည်းပညာ ဈေးကွက်အတွက် အလွန် အရေးပါပါတယ်။ စီးပွားရေးဈေးကွက်မှာ စီးပွားရေးသမားနဲ့ လိုအပ်နေတဲ့ ပြည်သူအတွက် အကျိူးရှိနိုင်ပါတယ်” ဟု ဆိုသည်။

အိုင်တီကဏ္ဍမှာ အစိုးရ အနေဖြင့် ပွင့်လင်းမြင်သာစွာ ရှိသင့်ပြီး အင်တာနက် ဥပဒေ ရှိနိုင်မည် ဆိုပါကလည်း ပိုမို၍ ဂူဂဲလ်အတွက် အဆင်ပြေကြောင်း ၎င်းက ဆိုသည်။

ဂူဂဲလ် ဥက္ကဋ္ဌနှင့် အဖွဲ့ လာရောက်ခြင်းမှာ ပထမဆုံးဖြစ်ပြီး မြန်မာနိုင်ငံ၏ အခြေအနေကို လာရောက်လေ့လာရန်နှင့် လူငယ်များ၏ ပညာရေးကဏ္ဍအား ဆွေးနွေးရန်၊ အစိုးရ တာဝန်ရှိသူများနှင့် တွေ့ဆုံရန်ဖြစ်ကြောင်း ဆက်သွယ်ရေးနှင့် ပြည်သူ့ရေးရာ အရာရှိ Amy Kunrojpanya က ပြောသည်။

“ကျမတို့ အနေနဲ့ မြန်မာနိုင်ငံကို လာရောက်ပြီးတော့ မြန်မာအကြောင်းကို နားထောင်မယ်။ လေ့လာမယ်။ အဲဒီအထဲကမှ သင့်တင့်လျောက်ပတ်တဲ့ အလုပ်အကိုင်မျိူးကို ဖန်တီးပေးနိုင်မယ်” ဟု ဆိုသည်။

ယခုအချိန်တွင် မြန်မာနိုင်ငံ၌ အင်တာနက် အသုံးပြုသော လူဦးရေ နည်းပါးသေးပြီး အဆိုပါ ဂူဂဲလ် ကုမ္ပဏီ ဝင်လာသည့် အချိန်၌ အင်တာနက် သုံးသူ အဆင်ပြေအောင် လုပ်ပေးနိုင် မည် ဖြစ်ကြောင်းလည်း Amy Kunrojpanya က ပြောသည်။

ပုဂ္ဂလိက ကဏ္ဍကို ဖွံ့ဖြိုးတိုးတက်အောင် လုပ်ရန်နှင့် လိုအပ်ချက်များကို လေ့လာသုံးသပ်ပြီးလျှင် နိုင်ငံ၏ သက်ဆိုင်ရာ အခန်းကဏ္ဍများမှ ပူးပေါင်းလုပ်ဆောင် ပေးရန်လိုအပ်ကြောင်း ဂူဂဲလ် ဥက္ကဋ္ဌက မှတ်ချက်ပေးသည်။

ဂူဂဲလ်ကုမ္ပဏီသည် နိုင်ငံ အများအပြားတွင် ရုံးခွဲများ ဖွင့်လှစ်ထားသော်လည်း ၎င်းတို့ လွတ်လပ်စွာ လုပ်ကိုင်နိုင် သည့် နိုင်ငံများတွင်သာ ဝင်ရောက်လုပ်ကိုင်ခြင်းဖြစ်ကြောင်း မြန်မာနိုင်ငံ ကွန်ပျူတာ လုပ်ငန်းရှင်များ အသင်းမှ တာဝန်ရှိသူက ပြောသည်။

ထို့ကြောင့် မြန်မာနိုင်ငံတွင် နည်းပညာနှင့် ပတ်သတ်သော ဥပဒေများ လွတ်လပ်စွာ ရှိပါမှ လာရောက် ရင်းနှီးမြုပ်နှံ နိုင်ကြောင်း ကွန်ပျူတာ ပညာရှင်အသင်းမှ အတွင်းရေးမှူး ဦးသောင်းစုငြိမ်း က ပြောသည်။

“မြန်မာနိုင်ငံမှာ ဥပဒေအရ လွတ်လပ်မှ။ အစိုးရက ဥပဒေအရ လွတ်လပ်ခိုင်မာတဲ့ ဥပဒေကို ရေးဆွဲရမယ်။ ဥပမာ အွန်လိုင်းမှာ ဈေးဝယ်မယ်။ အမှားအယွင်း ရှိရင် ဘယ်ဥပဒေနဲ့ တရားရုံးမှာ ဘယ်လို စစ်ဆေးရမယ် စတာတွေကို အစိုးရက ရေးဆွဲဖို့ လိုမယ်” ဟု ဆိုသည်။

ထို့ပြင် အစိုးရ အနေဖြင့် နည်းပညာ အဆောက်အအုံများ ထပ်မံတည်ဆောက်ရန် လိုအပ်ပြီး ၎င်းကို အစိုးရမှ လုပ်ခွင့်ပြုပါက ပုဂ္ဂလိက ကုမ္ပဏီများ တည်ဆောက် သွားနိုင်ကြောင်း ဦးသောင်းစုငြိမ်း က ဆက်လက်ပြောဆိုသည်။


မြန်မာနိုင်ငံအတွက် ဂူဂဲလ်နေဖြင့် အနာဂတ်တွင် ရည်ရွယ်ချက်များရှိကြောင်း ယနေ့ MICT PARK တွင်ပြုလုပ်သော ပွဲတွင် ဂူဂဲလ် ဥက္ကဋ္ဌ အဲရစ် ချမစ်က ပြောကြားခဲ့သည်။

လွန်ခဲ့သော ဒီဇင်ဘာလကလည်း အငြင်းပွားဖွယ်ဖြစ်သော မြောက်ကိုရီးယား ခရီးစဉ်ကို မစ္စတာ ချမစ် သွားရောက် ခဲ့ဖူးပြီး ယခု အာရှခရီးစဉ်တွင် မြန်မာနိုင်ငံသို့ ဝင်ရောက်လာခြင်း ဖြစ်သည်။

Ref: မဇ္ဈိမ

Read More...

Collapse...

သဘောတူညီချက်များဖြင့် ရှမ်းနှင့် ကယား ညီလာခံ ပြီးဆုံး

ဖနိဒါ
မတ်လ ၂၂ ရက် ၂၀၁၃ ခုနှစ်

တိုင်းရင်းသားအားလုံး၏ ကိုယ်ပိုင်ပြဋ္ဌာန်းခွင့်ရှိသော ဖယ်ဒရယ် ပြည်ထောင်စု တည်ဆောက်ရန်၊ ဖွဲ့စည်းပုံအခြေခံ ဥပဒေ ပြင်ဆင်ရန် သို့မဟုတ် အခြေခံ ဥပဒေအသစ်တရပ် ရေးဆွဲရန်၊ ပင်လုံညီလာခံကို အခြေခံသော ညီလာခံကြီး တရပ် ကျင်းပသွားရန်တို့ အပါအဝင် အချက် ၄ ချက်ကို ရှမ်းနှင့် ကယား ညီလာခံ တက်ရောက်လာသော ကိုယ်စားလှယ်များ သဘောတူလိုက်ကြသည်။

လားရှိုးမြို့ရှိ လားရှိုးမိုတယ်တွင် ကျင်းပသော ရှမ်းပြည်နယ်နှင့် ကယားပြည်နယ်မှ နိုင်ငံရေပါတီများနှင့် လက်နက် ကိုင် အဖွဲ့အစည်းများ၏ “ငြိမ်းချမ်းရေးအတွက် ယုံကြည်မှု တည်ဆောက်ခြင်း ဆွေးနွေးပွဲ” ခေါင်းစဉ်ဖြင့် သုံးရက်ကြာ ညီလာခံ ကျင်းပ အပြီးတွင် သောကြာနေ့က သတင်းစာရှင်းလင်းပွဲ ပြုလုပ်၍ ထိုကဲ့သို့ ထုတ်ပြန်လိုက်ခြင်း ဖြစ်သည်။

“တိုင်းရင်းသားတွေ ကိုယ်၌က ကိုယ့်ကြမ္မာကိုယ် ဖန်တီးခွင့် မရသေးလို့၊ ဗဟိုချုပ်ကိုင်မှု အားရှိပြီးတော့ ပြည်နယ်တွေရဲ့ လုပ်ဆောင်ပိုင်ခွင့်တွေ နည်းနေတယ်။ တိုင်းရင်းသားတွေ ကိုယ်တိုင် ဖန်တီးယူလို့ မရသေးဘူး။ ဒါကြောင့် ဒီကိုယ်ပိုင်ပြဋ္ဌာန်းခွင့်ကို ထပ်ခါ ထပ်ခါ တောင်းဆိုရတာပါပဲ” ဟု ဦးဆောင်ကျင်းပသော ရှမ်းတိုင်းရင်းသားများ ဒီမိုကရေစီအဖွဲပချုပ် SNLD ပြောရေးဆိုခွင့်ရှိသူ ဦးစိုင်းလိတ် က ပြောသည်။

၂၀၁၂ ခုနှစ်၊ နိုဝင်ဘာလက ကျင်းပသော ညီလာခံတွင် ရှမ်းပြည်နယ်မှ လက်နက်ကိုင်အဖွဲ့ လေးဖွဲ့၊ နိုင်ငံရေးပါတီ သုံးခုနှင့် အခြား ရှမ်းလူမှုအဖွဲ့အစည်းများသာ ပါဝင်ဆွေးနွေးခဲ့သည်။

ယခုညီလာခံတွင် ဖိတ်ကြားထားသော အဖွဲ့အစည်းပေါင်း ၂၅ ဖွဲ့မှ ၂၁ ဖွဲ့ ပါဝင် တက်ရောက်လာသဖြင့် ပိုမို ကျယ်ပြန့်သော တိုင်းရင်းသားများ၏ သဘောထားအား ထုတ်ပြန်နိုင်ခြင်းနှင့် လက်နက်ကိုင် အဖွဲ့အစည်းများမှ ကိုယ်စားလှယ်များ ကိုယ်တိုင် တက်တက်ကြွကြွ ပါဝင် ဆွေးနွေးလာ၍ ယခင် ညီလာခံထက် အားသာချက် ဖြစ်သည်ဟု သူက ပြောသည်။

“အစိုးရနဲ့ အပစ်အခတ် ရပ်စဲထားတဲ့ အဖွဲ့အစည်းတွေ ကိုယ်တိုင် တက်တက်ကြွကြွ ပါဝင်ဆွေးနွေးလာတာ
တွေ့ရတယ်။ နောက် အမျိုးသမီးများရဲ့ နိုင်ငံရေးကိစ္စနဲ့ လူမှုရေးကိစ္စမှာ ပါဝင်လှုပ်ရှားလာတာ တွေ့ရလို့ အရင်ညီလာခံထက် ပိုမိုအားသာလာတဲ့အချက်ပါပဲ” ဟု မဇ္စျိမကို ပြောသည်။

ညီလာခံ တက်ရောက်ခဲ့သော ကယန်းအမျိုးသားပါတီမှ အထွေထွေအတွင်းရေးမှူး ဦးနန်းရီက “ကျနော်တို့ ထုတ်ပြန်တဲ့အတိုင်း တနိုင်ငံလုံး တိုင်းရင်းသားတွေရဲ့တန်းတူရေးနဲ့ ကိုယ်ပိုင် ပြဋ္ဌာန်းခွင့်ရမှ ထာဝရ ငြိမ်းချမ်းရေးရမယ်။ ဒီအတိုင်းပဲ တဆင့်ပြီး တဆင့်လုပ်သွားဖို့ ကြိုးစားသွားမယ်ဆိုတဲ့ ရည်ရွယ်ချက် ရှိတယ်” ဟု ပြောသည်။

တိုင်းရင်းသားဒေသများအတွင်း အစိုးရ စစ်တပ်များ အင်အား တိုးချဲ့မှုများနှင့် တိုက်ခိုက်မှုများ ပြုလုပ်ခြင်းသည် အပစ်အခတ် ရပ်စဲထားသော အခြေအနေအား ထိခိုက်စေသဖြင့် နိုင်ငံရေး နည်းလမ်းအရ တွေ့ဆုံဆွေးနွေး အဖြေရှာသင့်ကြောင်းလည်း သဘောတူခဲ့သည်။

ထို့ပြင် ဘာသာရေး၊ လူမျိုးရေး၊ အဓိကရုဏ်းများ ဖြစ်ပွားစေရန် ဖန်တီးလှုပ်ဆော်သော မည်သည့် ပုဂ္ဂိုလ်၊ အဖွဲ့အစည်းကို မဆို ပြင်းထန်စွာ ရှုံ့ချကြောင်းလည်း ပါရှိသည်။

ယခုကဲ့သို့ ညီလာခံအား ဆက်လက် ကျင်းပနိုင်ရန် ကြိုးပမ်းသွားကြမည်ဟုလည်း သဘောတူညီခဲ့ကြသည်။

ရှမ်းနှင့် ကယားပြည်နယ် အတွင်းရှိ ရှမ်း၊ ကယန်း၊ ကရင်နီ၊ လားဟူ၊ ကိုးကန့်၊ ဝ၊ တအောင်း (ပလောင်)၊ ဓနု၊ အင်း စသည့်လူမျိုးများမှ နိုင်ငံရေးပါတီ ၁၀ ခု၊ လက်နက်ကိုင် အဖွဲ့အစည်း ၁၁ ဖွဲ့တို့မှ ကိုယ်စားလှယ်များနှင့် လေ့လာသူ လူမှုအဖွဲ့အစည်း ၂၂ ဖွဲ့ ပါဝင်ရာ စုစုပေါင်း ညီလာခံ တက်ရောက်သူ ၂၀၀ ခန့် ရှိသည်။

ငြိမ်းချမ်းရေးလုပ်ငန်းများ ဆောင်ရွက်နေသည့် သမ္မတရုံး ဝန်ကြီး ဦးအောင်မင်းနှင့် လျှပ်စစ်ဝန်ကြီး ဦးခင်မောင်စိုး၊ သစ်တောဝန်ကြီး ဦးဝင်းထွန်း၊ ငြိမ်းချမ်းရေး စင်တာမှ ဦးလှ မောင်ရွှေ၊ ဒါရိုက်တာ အဖွဲ့ဝင် ဒေါက်တာ မင်းဇော်ဦးနှင့် ဦးအောင်နိုင်ဦးတို့လည်း ညီလာခံ ပထမနေ့တွင် တက်ရောက်ခဲ့ကြသည်။

ဦးအောင်မင်း၏ ပထမနေ့ မိန့်ခွန်းတွင် ငြိမ်းချမ်းရေး ရရှိရန် အထူးလိုအပ်နေသဖြင့် အခက်အခဲ ကြုံတွေ့နိုင် သော်လည်း တိုင်းရင်းသားများနှင့် တပ်မတော်အစိုးရကပါ ငြိမ်းချမ်းရေး ဖော်ဆောင်ရေး လုပ်ငန်းတွင် ပါဝင် ပူးပေါင်းရန် လိုအပ်ကြောင်း ပြောဆိုခဲ့သည်။

Ref: မဇ္ဈိမ

Read More...

Collapse...

FEC များကို ရက် ၉၀ အတွင်း ဒေါ်လာနှင့် ကျပ်ငွေတို့ဖြင့် ပြန်လဲပေးမည်

ခင်မျိုးသွယ်
မတ်လ ၂၂ ရက် ၂၀၁၃ ခုနှစ်

မြန်မာနိုင်ငံတော် ဗဟိုဘဏ်အနေဖြင့် နိုင်ငံခြား ငွေလဲလက်မှတ် (FEC) များကို ဧပြီလ ၁ ရက်မှ ဇွန်လ ၃၀ ရက်အတွင်း ပြန်လည်ရွေးနုတ်ယူမည်ဟု မတ်လ ၂၁ ရက်က ထုတ်ပြန် ကြေညာခဲ့သည်။

၁၉၉၃ ခုနှစ်က ထုတ်ဝေခဲ့သော FEC များကို ပြန်လည်ရုတ်သိမ်း မည်ဖြစ်ရာ နိုင်ငံခြားငွေ ရောင်းဝယ်သည့် လုပ်ငန်းလိုင်စင်ရှိသူထံ ငွေသားဖြင့် လဲလှယ်ခြင်းအပြင် လဲလှယ်လိုသူ၏ စာရင်းဖွင့်ထားသော ဘဏ်ရှိ အမေရိကန်ဒေါ်လာငွေ စာရင်းသို့ ထည့်သွင်းပေးခြင်း၊ လဲလှယ်သူအမည်ဖြင့် ဘဏ်တွင် သက်ဆိုင်ရာနိုင်ငံခြား ငွေစာရင်း အသစ် ဖွင့်လှစ် ထည့်သွင်း ခြင်းဖြင့်လည်း လဲလှယ်နိုင်သည်။

ထို့ပြင် “ငွေလဲကောင်တာများရဲ့ နိုင်ငံခြားငွေ ဝယ်ဈေးနှုန်းနဲ့ ပြောင်းလဲတွက်ချက်ရရှိတဲ့ ကျပ်ငွေကို လဲလှယ်သူ ဖွင့်လှစ်ထားတဲ့ ကျပ်ငွေစာရင်းသို့ ထည့်သွင်းခြင်း၊ လဲလှယ်သူ အမည်နဲ့ သက်ဆိုင်ရာဘဏ်မှာ ကျပ်ငွေစာရင်း အသစ်ဖွင့်လှစ် ထည့်သွင်းခြင်း၊ ဒါမှမဟုတ် ကျပ်ငွေနဲ့ ငွေသား ထုတ်ပေးခြင်းကို လဲလှယ်သူရဲ့ ဆန္ဒနဲ့အညီ ဆောင်ရွက်ပေးမှာ ဖြစ်ပါတယ်” ဟု ဗဟိုဘဏ်မှ တာဝန်ရှိသူ တဦးက ပြောသည်။

FEC များကို လဲလှယ်ပေးရန် သတ်မှတ်သည့် ကနဦးကာလ ပြီးဆုံးသည့် ဇူလိုင်လ ၁ ရက်မှ စတင်၍ နိုင်ငံခြားငွေ လက်မှတ်သုံးစွဲခွင့် မပြုတော့ပေ။

သို့သော် ကနဦး သတ်မှတ်ကာလအတွင်း အကြောင်းအမျိုးမျိုးကြောင့် အပ်နှံ လဲလှယ်နိုင်ခြင်း မရှိသူများ အတွက် ဇူလိုင် ၁ ရက်မှ ၂၀၁၄ ခုနှစ်၊ မတ်လ ၃၁ ရက်အထိ ကာလကို အထူး ကိစ္စတစ်ရပ်အဖြစ် ဆောင်ရွက်ပေးသွားမည် ဟုလည်း ဗဟိုဘဏ်က ကြေညာသည်။

ထိုသို့ အထူးရက်များ သတ်မှတ်လဲလှယ်ပေးခြင်း၏ နောက်ပိုင်းတွင် FEC လဲလှယ်ပေးခြင်းကို ဆောင်ရွက်ပေးမည် မဟုတ်ပေ။

ထိုသို့ ဗဟိုဘဏ်၏ ထုတ်ပြန်ချက် မတိုင်မီ လက်ရှိ လှည့်လည် သုံးစွဲနေသော FEC ယူနစ်ပေါင်း ၃၀.၉၂ သန်း ကျော်က်ို တန်ဖိုးညီ အမေရိကန်ဒေါ်လာ သို့မဟုတ် ကျပ်ငွေဖြင့် လဲလှယ်ပေးမည်ဟု မတ်လ ၂၀ ရက်က ကျင်းပသည့် ပြည်ထောင်စု လွှတ်တော်တွင် အတည်ပြုခဲ့ပြီး ဖြစ်သည်။

“နိုင်ငံခြားငွေလဲလှယ်နှုန်း စနစ်သစ်အရ နိုင်ငံခြားငွေ လက်ဝယ်ထားရှိခြင်း၊ ကိုင်တွယ်သုံးစွဲခြင်း၊ လွှဲပြောင်းပေးချေ ခြင်းများ ပြုလုပ်နိုင်သဖြင့် အစိုးရ၏ စီးပွားရေးစနစ်အတွင်း FEC အား ကြားခံအဖြစ် သုံးစွဲရန် မလိုအပ်တော့တာ တွေ့ရှိရပါတယ်” ဟု ထိုနေ့ လွှတ်တော် ပြည်ထောင်စုဝန်ကြီး ဦးဝင်းရှိန် က ပြောကြားသွားသည်။

“မြန်မာနိုင်ငံမှာ USD၊ FEC၊ ကျပ်ငွေ ဆိုပြီး ငွေကြေးပုံစံ သုံးမျိုး ဖြစ်ခဲ့တယ်။ ကမ္ဘာ့ ငွေကြေးရန်ပုံငွေအဖွဲ့ရဲ့ ပြဋ္ဌာန်းချက် အပုဒ် ၄ အရ ငွေကြေးသုံးစွဲတဲ့ပုံစံက တမျိုးပဲ ဖြစ်ရမယ်။ ဒါကြောင့် ၂၀၁၄ မှာ အဲဒီကိစ္စတွေကို ပြီးအောင် လုပ်ရပါမယ်လို့ သိထားပါတယ်” ဟု မြန်မာနိုင်ငံတွင် ပြုလုပ်သည့် ကမ္ဘာ့ငွေကြေး ရန်ပုံငွေအဖွဲ့၏ ရှင်းလင်းပွဲများသို့ တက်ရောက်ခဲ့သူ မြန်မာနိုင်ငံ သြဂဲနစ်အစုအဖွဲ့ ဥက္ကဋ္ဌ ဦးနှင်းဦး က ပြောသည်။

ဗဟိုဘဏ် FEC ပြန်လည်ရွေးနုတ်ရေး အစီအစဉ်အရ ဖြစ်ပေါ်လာနိုင်သည့် အခက်အခဲများကိုလည်း စီးပွားရေး လုပ်ငန်းရှင် တဦးက ထောက်ပြထားသည်။

“FEC ၈၇၆ ကျပ်ဆို ဒေါ်လာလည်း ၈၇၆ ကျပ်ပဲ။ ဖလှယ်နှုန်းက တူမယ်။ အခုလို လဲလှယ်ပေးမယ် ဆိုတော့ အပြင်မှာ FEC ကို မယူတော့တာမျိုး၊ ဈေးနှိမ်တာတွေ ဖြစ်လာနိုင်ပါတယ်။ FEC က အပြင်မှာ ဈေးထိုးကျလာနိုင်တယ်။ ပြီးတော့ နိုင်ငံခြား ငွေစာရင်း အသစ်ဖွင့်ပြီး ဘဏ်မှာ ထည့်ခိုင်းတာမျိုးက လူတိုင်း နားမလည်နိုင်ဘူး။ နည်းနည်းလေး မရှုတ်သင့်ဘဲ ရှုတ်နေတာကြောင့် ဈေးမကစားသင့်ဘဲ ကစားမှာ စိုးရိမ်ရတယ်။ ဖြစ်သင့်တာက FEC ကို ဒေါ်လာနဲ့ အချိန်မရွေး လဲလှယ်ခွင့် ရှိသည်လို့ ကြေညာလိုက်ရင် မရှုတ်ထွေးနိုင်တော့ဘူး” ဟု စီးပွားရေး လုပ်ငန်းရှင် ဦးက်ိုကိုထွေး က ဝေဖန် အကြံပြုသည်။

Ref: မဇ္ဈိမ

Read More...

Collapse...

“ပွဲဖျက်ပြီးတော့ ကယ်တင်ရှင် ဝင်လုပ်မှာလား”

ခိုင်ခိုင်
မတ်လ ၂၂ ရက် ၂၀၁၃ ခုနှစ်

မတ်လ ၂၀ ရက်နေ့က ရွှေဆိုင်တဆိုင်တွင် အငြင်းပွားရာမှ စတင်၍ အဓိကရုဏ်း တခုအဖြစ် ကျယ်ပြန့်သွားခဲ့ရသည့် မိထ္ထီလာ ရာဇဝတ်မှုကြီးများမှာ ၂၀၁၂ ခုနှစ်က ရခိုင်ပြည်နယ် ပဋိပက္ခများ နောက်တွင် အဆိုးရွားဆုံးသော အဖြစ်အပျက်ကြီးတခု ဖြစ်ခဲ့သည်။

အုပ်စုဖွဲ့၍ အားနည်းသူကို အနိုင်ကျင့်သတ်ဖြတ်မှုများ၊ မီးရှို့ဖျက်ဆီးမှုများဖြင့် အမှောင်လွှမ်းသော မိထ္ထီလာ နေ့ရက်များမှာ ပုဒ်မ ၁၄၄ ထုတ်ပြန်ရရုံနှင့် မပြီးဘဲ အရေးပေါ်အခြေအနေ အဖြစ် အကြေညာလိုက်သည်အထိ အခြေအနေ ဆိုးရွားခဲ့ရ သည်။

အခင်းဖြစ်ပွားရာ မိထ္ထီလာသို့ အခြေအနေ ဝိုင်းဝန်းထိန်းသိမ်းရန် သွားရောက်ခဲ့ကြသူများထဲတွင် ၈၈ မျိုးဆက် ကျောင်းသား ခေါင်းဆောင်များလည်း ပါဝင်သည်။

ကိုယ်တိုင် သွားရောက်ခဲ့သည့် ကိုမင်းကိုနိုင်အား ၎င်းမြင်တွေ့ခဲ့ရသည့် အခြေအနေနှင့် အလားအလာကို သုံးသပ် ပေးရန် မဇ္ဈိမက တွေ့ဆုံမေးမြန်းခဲ့သည်။

အကြမ်းဖက်မှု၊ မတရားမှုများ ကျယ်ပြန့်ကြီးမားလာရပုံနှင့် လုံခြုံရေး တာဝန်ရှိသူများ၏ အားနည်းချက်များကို ကိုမင်းကိုနိုင် က ထောက်ပြ အကြံပြုထားပြီး ၎င်းတို့ အတွေ့အကြုံအရ ထိုသို့သော အဖြစ်အပျက်များ ဖြစ်လာနိုင်ချေ ရှိကြောင်း ကြိုတင်စိုးရိမ် တွေးထင်ခဲ့သည်ဟု ကိုမင်းကိုနိုင် က အစချီ ပြောပြထားသည်။

မိတ္ထီလာကို ရောက်ရောက်ချင်း ဘယ်လို အနေအထားတွေနဲ့ ကြုံတွေ့ခဲ့ရလဲ။

မင်း။ ။ ကျနော်တို့ လွန်ခဲ့တဲ့ ရက်ပိုင်း၊ လပိုင်းကတည်းက စိတ်ထဲမှာ စိုးရိမ်ပူပန်မှုတွေ ရှိခဲ့တယ်။ အဲဒါတွေက မိတ္ထီလာမှာ စဖြစ်တယ်။ ဘယ်နေရာမှာ ဖြစ်မယ်ဆိုတာ မသိတာ စိတ် ထဲမှာ စိုးရိမ်ပူပန်မှုတွေကတော့ အုပ်စုဖွဲ့ တိုက်ခိုက်မှုတွေတော့ ဖြစ်လာတော့မယ်လို့တော့ ကျနော်တို့ရဲ့ အသက် ၅၀၊ နိုင်ငံရေး အသက် ၂၅၊ ထောင်သက် ၂၀၊ အဲဒီ အတွေ့အကြုံက တခုခု ဖြစ်လာတော့မယ်လို့ ထင်နေခဲ့တာ။ မိထ္ထီလာမှာ စဖြစ်တယ် ဆိုတော့ အတိုင်းအဆကို ကျနော် မေးလိုက်တယ်။ ပြောတာက လိုအပ်နေတယ်၊ အရေးကြီးတယ်ဆိုတော့ ကျနော်တို့ ညတွင်းချင်း လိုက်သွားတယ်။

ပြဿနာတွေကို ဘယ်လိုညှိနှိုင်းခဲ့ရလဲ။

မင်း။ ။ လူတွေ ပိတ်မိရင် အရေးကြီးတယ်။ ကယ်ဆယ်ရေးက အဓိကပဲ။ ခရိုင် အုပ်ချုပ်ရေးမှူးနဲ့ အဆက်အသွယ် ရတယ်။ ကျနော်တို့တွေ တိုင်းဒေသကြီး ဝန်ကြီးလည်း ရှိနေတဲ့ အတွက် သွားတွေ့တယ်။ ဝန်ကြီးချုပ် ဦးရဲမြင့်နဲ့ အဖွဲ့တွေနဲ့တွေ့ပြီးတော့ လူထုကို စည်းရုံးသိမ်းသွင်းပေးဖို့ ပြောတယ်။ သူတို့တွေကလည်း ဖြေရှင်းဖို့ကို တက်တက်ကြွကြွ ရှိပါတယ်။

လူတယောက်ကို အစစ်ဆေး မေးမြန်းမရှိ ဥပဒေမဲ့ သတ်ဖြတ်နေတဲ့ကိစ္စ၊ ဥပဒေမဲ့ အိုးအိမ်တွေ ဖျက်ဆီးနေတာကို ဘာမှ အထွေအထူး အမေးအမြန်း လုပ်နေစရာမလိုဘူး။ ကျနော်တို့ လူသားဝါဒအရ ချက်ချင်းလက်ငင်း ကာကွယ်ပေးဖို့ ပါပဲ။

လုံခြုံရေးတွေက အထက်အမိန့် မရသေးတဲ့အတွက် ဘာမှ မလုပ်ဘဲ ရပ်ကြည့်နေတယ် ဆိုတဲ့အပေါ် ဘယ်လိုမြင်လဲ။

မင်း။ ။ တခုတော့ ရှိတာပေါ့ဗျာ။ အမိန့်မရဘဲ လူတွေရဲ့ အသက်ကို ကယ်မိမယ်၊ ရာဇဝတ်သားကို ဖမ်းလိုက်မယ် ဆိုရင် ဘာဖြစ်သွားမလဲပေါ့။ သူတို့ကိုယ်တိုင်လည်း သိဟန် မတူပါဘူး။ ဘယ် ဥပဒေမှ လည်း ကျနော်တို့ တိတိကျကျ ပြဋ္ဌာန်းထားတာ မတွေ့ရဘူး။ လက်နက်ကိုင် အဖွဲ့အစည်းတွေရဲ့ ပုံမျိူး သူတို့တွေရဲ့ အသက်ဟာ အမိန့်နာခံမှု ဖြစ်နေတယ်။ အဲတော့ တချို့ကိစ္စတွေဟာ ရှုတ်ထွေးနက်ရှိုင်းပေမယ့် မျက်စိရှေ့မှာတင် လက်နက်မျိုးစုံ ကိုင်ထားပြီးတော့ လူ တယောက်ကို အစစ်ဆေး မေးမြန်းမရှိ ဥပဒေမဲ့ သတ်ဖြတ်နေတဲ့ကိစ္စ၊ ဥပဒေမဲ့ အိုးအိမ်တွေ ဖျက်ဆီးနေတာကို ဘာမှ အထွေအထူး အမေးအမြန်း လုပ်နေစရာမလိုဘူး။ ကျနော်တို့ လူသားဝါဒအရ ချက်ချင်းလက်ငင်း ကာကွယ်ပေးဖို့ ပါပဲ။ ပြီးတော့မှ ပြည်သူလူထုရဲ့ အသက်အိုးအိမ်ကို ကာကွယ်မှုနဲ့ ကြိုးစင်ကို တက်ဆိုရင်လည်း တက်ဖို့ အဆင်သင့်ပါပဲ။

လက်ရှိ ဖြစ်ပေါ်နေတဲ့ အဓိကရုဏ်းအပေါ် ဘယ်လိုသုံးသပ်လဲ။

မင်း။ ။ သက်သက် ညှာညှာ စဉ်းစားမယ်ဆိုရင်တော့ တော်တော့်ကို အားမရစရာ ကောင်းပါတယ်။ ကျနော်တို့ အပြန်မှာ ဆိုရင် ဓါတ်ဆီဆိုင် တဆိုင်မှာ ကင်ဒိုဓါးကိုင်ပြီးတော့ ဆိုင်ကယ်တစီးနဲ့ တယောက်ထဲ ရမ်းနေတာကို
တွေ့ရတယ်။ အုပ်ချူပ်ရေးပိုင်းက၊ လုံခြုံရေးပိုင်းက လူတွေက ဒီအတိုင်းကို မတ်တပ်ရပ် ကြည့်နေကြတာ။ ဒီပုံအတိုင်းဆို အမိန့်တစုံတရာ စောင့်စရာ မလိုတော့ဘူး။ ဘာကြောင့်လဲ ဆိုတော့ တရားဥပဒေ စိုးမိုးရေ ဆိုတာဟာ လက်နက်ကိုင်ပြီးတော့ ချိူးဖောက်နေပြီ ဆိုရင် အဲဒီဓါတ်ဆီဆိုင်ကို ကာကွယ်ပေးထားရမယ်။ အဲဒါကို ရဲတွေက ဘာလို့ ဝိုင်းပြီး ကြည့်နေတာ လဲ။ ရဲတပ်ဖွဲ့ဝင်တွေက အမိန့်မရလို့ပြောတယ်။ ကျနော့် သဘောကတော့ အမိန့်မလိုပါဘူး။ အမိန့်မရဘဲနဲ့ ရာဇဝတ်ကောင် တကောင်ကို ဖမ်းလိုက်လို့ အပြစ်ပေးမယ်ဆိုရင် ကြိုးစင် တက် ဖို့ပဲ ရှိတော့တယ်။ ဒီလောက် လက်နက်တွေနဲ့ ရမ်းကားနေတာတွေကို မသိလို့လည်း မဟုတ်ဘူး။

အဲဒါတွေက သိပ်သံသယဖြစ်ဖို့ ကောင်းတယ်။ နောက် တခုက တားထားတဲ့ ဒိုင်းတွေ ကြားထဲကနေ တိုးဝှေ့ပြီး ဝင်သွားကြတာတွေ ရှိတယ်။ ငြိမ်းချမ်းစွာ ဆန္ဒပြနေတဲ့ လူတွေတုန်း ကတော့ ဆက်ဆံ ပုံက တမျိုး၊ အခုလို ဖျက်ဆီးနေ ကြတာကျတော့ တမျိူးနဲ့ဗျာ။ စိတ်အပူရဆုံး လို့တော့ မဟုတ်ဘူးဗျ။

တသက်လုံးမှာ ကျနော်တို့က ဘာသာလူမျိူးပေါင်းစုံနဲ့ ချစ်ချစ်ခင်ခင် တွဲပြီးတော့ နေခဲ့တာပါ။ အဲဒီအစဉ်အလာ ဆိုတဲ့ဟာတွေ ပျောက်သွားပြီးတော့ သံသယတွေနဲ့ တချိန်လုံး မအေးချမ်းမှုတွေ ဖြစ်လာနိုင်တာတွေကိုလည်း စိုးရိမ်ရတယ်။ စိုးရိမ်မှုတွေကတော့ ပြောလို့ ကုန်မှာ မဟုတ်တော့ဘူး။

ကျနော် ခေါင်းစဉ်ခွဲ ပြောရမယ်ဆိုရင် ကျနော်တို့တွေဟာ ဘဝတွေကို ပေးဆပ်ပြီး သုညဘဝကနေ ပြီးတော့ အစက နေပြန်စရတာ။ အခုကတော့ ဖျက်ဆီးခံ ရတာတွေနဲ့ စိုးရိမ်စရာ ဖြစ်နေတယ်။ တယောက်နဲ့ တယောက် မျိုးတုံး သတ်ဖြတ်ပစ်ဖို့ ဆိုတာမျိုး တိုင်းရင်းသား လူမျိုးတွေရဲ့ စိတ်ထဲမှာ ဘယ်တုန်းကမှ မရှိခဲ့ဘူး။ မရှိခဲ့တဲ့ အပေါ်မှာ အဲလိုမျိုး လုပ်နေပါတယ်လို့
အစွပ်စွဲခံရပြီးတော့ နိုင်ငံတကာ အသိုင်းအဝိုင်းနဲ့ ကျနော်တို့နဲ့ နားလည်မှု လွဲနေတယ်။ မဖြစ်သင့်တဲ့ အရာတွေ၊ ဒုက္ခတွေ နောက်ထပ် အကြပ်အတည်း ပေါင်းစုံတွေ ရင်ဆိုင်ရမှာ တွေး ပူမိတယ်။ တသက်လုံးမှာ ကျနော်တို့က ဘာသာလူမျိူးပေါင်းစုံနဲ့ ချစ်ချစ်ခင်ခင် တွဲပြီးတော့ နေခဲ့တာပါ။ အဲဒီအစဉ်အလာ ဆိုတဲ့ဟာတွေ ပျောက်သွားပြီးတော့ သံသယတွေနဲ့ တချိန်လုံး မအေးချမ်းမှုတွေ ဖြစ်လာနိုင်တာတွေကိုလည်း စိုးရိမ်ရတယ်။ စိုးရိမ်မှုတွေကတော့ ပြောလို့ ကုန်မှာ မဟုတ်တော့ဘူး။

ဝါဒဖြန့်မှုတွေက ဘယ်လောက်အထိ အကျိူး သက်ရောက်မှု ရှိသွားမလဲ။

မင်း။ ။ အထူးသဖြင့် အွန်လိုင်း စာမျက်နှာတွေမှာ ပျံ့နှံ့နေတဲ့ အရာတွေက ရေးတဲ့သူ၊ တင်ထားတဲ့ လူတွေက ကိုယ်လုပ်တဲ့ဟာကို ကိုယ်တာဝန်ယူတယ်။ အဲဒီလိုမှ မဟုတ်ရင် သူ့ရဲ့ နာမည်နဲ့ မတင်ထားတဲ့ လူတွေ တွေ့အကြောင်း ထိုင်ပြီး မကောင်းပြောမယ်။ ညစ်ညမ်းတာတွေ ရေးမယ်။ အကောင်းဘယ်လောက်ပဲ လုပ်လုပ် မဟုတ်တမ်းတရား စွပ်စွဲမှာပေါ့။ အဲတော့ အွန်လိုင်းမှာ တက်လာတဲ့ သတင်း (သို့) ဝါဒဖြန့်ချီမှုတွေကို မျက်စိမှိတ်ပြီးတော့ မယုံပါနဲ့၊ ဓါတ်ပုံတွေက အစ လုပ်ကြံလို့ ရနေတာကိုဗျာ။

ကမ္ဘာ့ တနေရာမှာဗျာ သတ်ဖြတ်ခဲ့တဲ့ ဟာကိုမြန်မာပြည် တနေရာလို့ ပြောမယ်ဆိုရင်လည်း ယုတ္ထိရှိအောင် လုပ်လို့ ရနေတယ်။ တတ်နိုင် သမျှကတော့ ဆန်းစစ်ဖို့ လိုပါတယ်။

ဘယ်လောက်အထိ သက်ရောက်နိုင်လဲဆိုတော့ တိုင်းပြည် ပျက်သွား တဲ့အထိ ဖြစ်နိုင် ပါတယ်။ ကျနော်တို့ အားလုံးရဲ့ ဉာဏ်အမြော်အမြင် ရှိမှုနဲ့ တဦးကို တဦးအပြန်အလှန် ထိန်း ကြောင်း နိုင်မှုတွေနဲ့ပဲ ဒီကိစ္စကို ကာကွယ်နိုင်ပါလိမ့်မယ်။

အထူးသဖြင့် အွန်လိုင်း စာမျက်နှာတွေမှာ ပျံ့နှံ့နေတဲ့ အရာတွေက ရေးတဲ့သူ၊ တင်ထားတဲ့ လူတွေက ကိုယ်လုပ်တဲ့ဟာကို ကိုယ်တာဝန်ယူတယ်။ အွန်လိုင်းမှာ တက်လာတဲ့ သတင်း (သို့) ဝါဒဖြန့်ချီမှုတွေကို မျက်စိမှိတ်ပြီးတော့ မယုံပါနဲ့၊ ဓါတ်ပုံတွေက အစ လုပ်ကြံလို့ ရနေတာကိုဗျာ။

အစိုးရကို ဘယ်လိုအကြံပေးချင်လဲ၊ ဘာတွေလုပ်ဖို့ လိုနေတယ်လို့ ပြောချင်လဲ။

မင်း။ ။ ရဲတွေ၊ လုံထိန်းတွေက အထက်က အမိန့်မပေးရင် ရပ်ကြည့်ဆိုရင်လည်း ကြည့်နေတာပဲ မနာခံလို့ မရဘူး ။ သူတို့ရှေ့မှာ လက်နက်တွေ ကိုင်ပြီးတော့ သွားလာနေကြတာကို ဘုရားသွားဖို့ ပန်းကလေးတွေ လက်မှာ ကိုင်သွားသလိုပဲ ရပ်ကြည့်နေတာ။ အကုန်လုံး တုံ့နှေးတုံ့နှေးပဲ။ ပွဲဖျက်ပြီးတော့မှ ကယ်တင်ရှင် ဝင်လုပ်မှာလားလို့ တွေးမိတယ်။

ဖြည့်စွက်ပြောချင်တာများ ရှိသေးလား။

မင်း။ ။ အရေးတကြီး လိုအပ်ချက်က ကိုယ့်အိမ် လုံခြုံရေးကို ဂရုစိုက်ကြဖို့။ ဂရုစိုက်တယ် ဆိုတဲ့နေရာမှာ သံသယ အခြေခံပြီးတော့ ရန်သူရှာတာမျိူး မဖြစ်စေရဘူး။ ကျနော်တို့ ဈေးထဲမှာ တယောက်နဲ့တယောက် ပုခုံးချင်း တိုက်မိမှာပဲ။ အဲဒီအခါမျိုး ဘယ်ဘာသာဝင်က ဘယ်ဘာသာဝင်ကို တိုက်မိတယ် ဆိုတာမျိူး မဖြစ်ပါစေနဲ့။ ရိုးသားလား ရည်ရွယ်သလား ဆိုတာတော့ သေသေချာချာ ပိုင်းခြားရလိမ့်မယ်။ သူတို့ ကိုယ်တိုင်မှပဲ သိလိမ့်မယ်။ အဲဒီကနေပြီးတော့ ပျံ့ပြီးတော့ နည်းဗျူဟာက ပြောင်းလဲတာတွေ ရှိနိုင်ပါတယ်။

နောက်တချက်ကတော့ ဝါဒဖြန့်မှုတွေပါ။ ဒီနေရာမှာ ဘယ်သူက ဘယ်သူကို ဘာတွေ လုပ်သွားလဲ ဆိုတာမျိုး အဲဒါတွေကို သေချာ ဆန်းစစ်ပါ။ တကယ်အကြံအစည် တခုခု ရှိနေတဲ့ လူတွေဟာ အဲဒီနည်းတွေကို သုံးပါတယ်။ အဲဒီတော့ ကျနော်တို့ဟာ ဘာမဆို ဆန်းစစ်မှ ရပါမယ်။ ကာကွယ်တာနဲ့ အတူသွားပြီးတော့ ကျူးကျော် တိုက်ခိုက်တာ ကို ခွဲခြားနိုင်ရပါမယ်။

Ref: မဇ္ဈိမ

Read More...

Collapse...

နိုင်ငံတိုးတက်မှုအတွက် အင်တာနက်လိုင်း ပိုမိုကောင်းမွန်ရန် အရေးကြီးဟု Google ဥက္ကဋ္ဌ ပြော

ငြိမ်းပြည့်စုံ
March 24, 2013

အင်တာနက်လိုင်းများနှင့် ဆက်သွယ်ရေးလမ်းကြောင်းများ ပိုမိုကောင်းမွန်လာမည် ဆိုပါက နိုင်ငံ၏ တရားဥပဒေ အင်အား ယခုထက် ကောင်းလာမည်ဖြစ်ပြီး ထိုအချက်သည် နိုင်ငံ တိုးတက်မှုအတွက် အလွန်အရေးကြီးသည့် အခြေခံ အကြောင်းတရား တခု ဖြစ်ကြောင်း Google ကုမ္ပဏီ၏ ဥက္ကဋ္ဌဖြစ်သူ Mr. Eric Schmidt က ပြောသည်။

“မင်းတို့အစိုးရ ပြောင်းလဲလိုက်တဲ့ နိုင်ငံရေးဟာ မယုံနိုင်စရာပဲ။ ပြီးတော့ တခြား နိုင်ငံတကာမှာလိုမျိုး ကိုယ့်နိုင်ငံရဲ့ အင်တာနက် ဆက်သွယ်ရေးနဲ့ သတင်းစာတွေ ကောင်းလာအောင် လုပ်ပေးနေတာကလည်း အင်မတန် စိတ်လှုပ်ရှားဖို့ ကောင်းပါတယ်” ဟု သူက ဆိုသည်။


Google ကုမ္ပဏီ၏ ဥက္ကဋ္ဌဖြစ်သူ Eric Schmidt သည် မြန်မာနိုင်ငံသို့ လာရောက်ပြီး အနာဂတ် ခေါင်းဆောင်များ (လူငယ်များ) နှင့် တွေ့ဆုံပွဲ အခမ်းအနားတခုကို MICT ၌ ယနေ့ ကျင်းပ ပြုလုပ်ခဲ့ပြီး အထက်ပါအတိုင်း ပြောကြားခဲ့ခြင်း ဖြစ်သည်။

မြန်မာနိုင်ငံသို့ Eric Schmidt လာရောက်သည့် ကာလသည် အလွန်တိုတောင်းသောကြောင့် ယခုထက် အချိန်ပိုရမည် ဆိုပါက အဆင်ပြေနိုင်မည် ဖြစ်ကြောင်း မြန်မာဘလော့ဂါ တဦးဖြစ်သူ ကိုနေဘုန်းလတ်က ပြောသည်။

“သူလာရတာ အချိန်တော့နည်းတယ်။ အချိန် ပိုပေးပြီး လာတယ်ဆိုရင် နယ်ပယ်စုံက လူတွေနဲ့ တွေ့စေချင်တာ။ ဘာပဲပြောပြော အခုလိုလုပ်ပေးတာက ဘာမှမလုပ်ဖြစ်တာထက် စာရင် ကောင်းပါတယ်” ဟု ၎င်းက ဆိုသည်။

Eric Schmidt မြန်မာနိုင်ငံသို့ လာရောက်ခြင်းကြောင့် နည်းပညာများနှင့် ပတ်သက်သည့် တိုးတက်မှုများကို မြင်တွေ့ လိုကြောင်း ကိုနေဘုန်းလတ်က ၎င်း၏ဆန္ဒကို ထပ်ပြောသည်။

“လူငယ်တွေနဲ့ လာတွေ့တယ်။ ဒီနိုင်ငံမှာ ဖြစ်ပျက်နေတာတွေကိုလည်း သူက လေ့လာထားပုံရတယ်။ ဒါကို အခြေခံပြီး အန်တီစု (ဒေါ်အောင်ဆန်းစုကြည်) နဲ့ သွားတွေ့တဲ့အခါမှာလည်း ပူးပေါင်းဆောင်ရွက်မှုတွေ ဖြစ်လာနိုင်တယ်” ဟု ကိုနေဘုန်းလတ်က ဆက်လက်ပြောသည်။

ထိုသို့ မြန်မာနိုင်ငံနှင့် Google ကုမ္ပဏီတို့ ပူးပေါင်းဆောင်ရွက်မှုများ ရှိလာမည်ဆိုပါက မိမိတို့ တိုင်းပြည်အနေဖြင့် နည်းပညာနှင့် ပတ်သက်သည့် တိုးတက်မှုများကို ယခုတနှစ်အတွင်း၌ပင် မြင်တွေ့လာရဖွယ် ရှိနိုင်ကြောင်း သူက ဆိုသည်။

MCF (Myanmar Computer Federation) ဥက္ကဋ္ဌ ဦးခွန်ဦးကလည်း မိမိတို့နိုင်ငံသို့ Google ကုမ္ပဏီ ဥက္ကဋ္ဌ လာရောက်ခြင်းကြောင့် နိုင်ငံအတွက် ကြီးမားသည့် တိုးတက်ပြောင်းလဲမှုများ ဖြစ်လာနိုင်မည်ဟု ထင်ကြောင်း ပြောသည်။

“လောလောဆယ် Eric Schmidt နဲ့ အတိအကျ ဆွေးနွေးထားတာ မရှိသေးဘူးဆိုတော့ ဘယ်လိုစလုပ်ကြမယ် ဘယ်လို ပူးပေါင်းမှုတွေ လုပ်ကြမယ်ဆိုတာကို ကျနော် ဖြေဖို့ ခက်ပါသေးတယ်” ဟု ၎င်းက ဆက်ပြောသည်။

Google ဥက္ကဋ္ဌ မြန်မာနိုင်ငံသို့ လာရောက်ခြင်းသည် အလည်အပတ်ခရီးစဉ် တခုဟု ပြောနိုင်သကဲ့သို့ ပြည်သူများ၏ လိုအပ်ချက်များ၊ စကားသံများကို နားထောင်လို၍ လာရောက် ခြင်းလည်း ဖြစ်သည်ဟု Google ကုမ္ပဏီ၏ အင်ဒိုချိုင်းနားဒေသ ဆက်သွယ်ရေးနှင့် ပြည်သူ့ဆက်ဆံရေး တာဝန်ခံ Mrs. Amy Kunrojpanya က ရှင်းပြသည်။

“မြန်မာပြည်ကို ဘာတွေကူညီပေးမလဲဆိုတာ ပြောဖို့ အချိန်စောပါသေးတယ်။ အခုလာလည်တဲ့ ခရီးစဉ်က ပြည်သူတွေရဲ့ ပြောသံတွေ နားထောင်မယ်၊ လေ့လာမယ်။ အကောင်းဆုံးက ပြည်သူတွေကို ဘာတွေ ကူညီသင့်တာလဲ ဆိုတာ မေးမယ်” ဟု သူက ဆိုသည်။

Ref: ဧရာဝတီ

Read More...

Collapse...

ပဋိပက္ခ မိတ္ထီလာ

မန်းသားလေး
March 23, 2013

ဈေးအရောင်း အဝယ်တခုကနေ စတင်ခဲ့တဲ့ မိတ္ထီလာ အဓိကရုဏ်းတွေ စဖြစ်လာပြီးနောက် မတ်လ ၂၁ ရက်နေ့မှာ မန္တလေးကနေ မိတ္ထီလာမြို့ကို သွားတဲ့ ကား ၃ စီးပဲ တွေ့ရပါ တော့တယ်။ မနက် ၈ နာရီကျော်လောက် မန္တလေးကနေ ထွက်လာပြီး မိတ္ထီလာကို နေ့လည် ၁၁ နာရီလောက် ရောက်တဲ့အခါ မိတ္ထီလာမြို့ အဝေးပြေးဝင်းအထိ ကားတွေ ဝင်လို့ မရတော့ပါဘူး။

အဲဒီမြို့နားက အထက်တန်းကျောင်းပေါက်ဝထိပ်မှာပဲ ကာတွေက ရပ်ပေးပါတယ်။ ကားပေါ်က ဆင်းဆင်းချင်း အဲဒီနားမှာ ကားတချို့ကို မီးရှို့ဖျက်ဆီးထားတာကို စမြင်လိုက်ရတယ်။ အဝေးမှာ မီးလောင်နေလို့ မီးခိုးလုံးတွေ တက်နေတာကိုလည်း ကားပေါ်က ဆင်းပြီးတာနဲ့ လှမ်းမြင်နေရတယ်။


အပျက်အစီးတွေကို ဓာတ်ပုံ မှတ်တမ်းရိုက်ကူးနေစဉ် ဆုံမိတဲ့ ဒေသခံတဦးကို အကူအညီတောင်းပြီး သူ့ဆိုင်ကယ်နဲ့ အဝေးပြေးကားဝင်း ဘက်ကို ထွက်လာတော့ ခုန မီးခိုးတွေ ထွက်နေတဲ့ နေရာက မိတ္ထီလာ ခရိုင် စာရင်းစစ်ရုံးဖြစ်နေပါတယ်။ အဲဒီမီးလောင်ရာနဲ့ မလှမ်းမကမ်းမှာ လူအုပ်စုတစုလည်း ရှိနေပါတယ်။

အဲဒီအချိန်မှာပဲ မွတ်စလင် ဖြစ်ပုံရတဲ့ အမျိုးသား ၃ ဦး ဦးဆောင်တဲ့ ကလေးနဲ့ အမျိုးသမီးတွေ အပါဝင် လူ ၃၀ လောက်ဟာလည်း ကားလမ်းအတိုင်း ထွက်ခွာသွားနေတာကို မြင်ရ ပါတယ်။ ခုနက လူအုပ်ကတော့ ရန်ပြုတာမျိုး မတွေ့ရပါဘူး။

စာရင်းစစ်ရုံးဝန်းကျင် မီးလောင်နေတာကို ဓာတ်ပုံနဲ့ ဗီဒီယို ရိုက်ရင်း ပတ်ဝန်းကျင်ကို အကဲခတ်တော့ ရဲ၊ မီးသတ် စတာတွေ တဦးမှ ရှိမနေတာကို သတိပြုမိပါတယ်။ မီးကတော့ အရှိန်အဟုန်နဲ့ လောင်နေပါတယ်။

မီးလောင်တဲ့ ဝန်းကျင်က ဒေသခံတွေကို မေးကြည့်တော့ ဒီ စာရင်းစစ်ရုံး အနောက်ဘက်က မွတ်စလင် အိမ် ၂ အိမ် မီးလောင်ရာကနေ မီးတွေ ကူးကုန်တာလို့ ပြောကြပါတယ်။ ဘယ်သူက ရှို့သလဲမေးတော့ သူ့တို့ဖာသာ ရှို့ပြီး ထွက်ပြေးတော့ အိမ်နီးချင်းတွေက လိုက်ရိုက်ကြတယ်လို့ ပြောပေမယ့် တကယ်ပဲ ဒီအတိုင်း ဟုတ် မဟုတ် အတည်ပြုနိုင်တဲ့ အခြေအနေ မပေးဘူး ဖြစ်နေပါတယ်။

အဲဒီလိုနဲ့ ဓာတ်ပုံ ဆက်ရိုက်နေတုန်း တုတ်တွေ၊ ဓားတွေ ကိုင်ထားတဲ့ လူတစု ပေါက်ချလာပြီး ရန်ပြုမယ့် အရိပ်အယောင်တွေ တွေ့ရပါတယ်။ ကျနော်က သတင်းထောက်ပါလို့ ရှင်းပြပေမယ့် ကျနော့် ကင်မရာကိုပါ ရိုက်ခွဲမယ်လို့ ပြောလာပါတယ်။ ကျနော်က ပြေလည်အောင် တောင်ပန်ပြီး အဲဒီနေရာက အမြန် ထွက်ခွာခဲ့ပါတယ်။ ရှေ့ဆက်ဖို့လည်း မရေရာသေးတာကြောင်း အနီးက အိမ်တအိမ်မှာ ခွင့်တောင်းပြီး ဝင်ရောက် ခိုလှုံရပါတယ်။

ခိုလှုံနေတဲ့ အိမ်ကနေ လှမ်းကြည့်တော့ မွတ်စလင် လူတစုနဲ့ ဗုဒ္ဓဘာသာဝင် လူတစုတို့ အဝေပြေးကားဝင်းကို သွားတဲ့ လမ်းပေါ်မှာ ရင်ဆိုင်တွေ့နေကြတာကို မြင်ရပါတယ်။ သေချာ မမြင်ရလို့ အိမ်ထဲကနေ ထွက်ကြည့်တော့ တဖက်နဲ့တဖက် အပြန်အလှန် ခဲတွေ၊ တုတ်တွေနဲ့ ပစ်ကြတာလောက်ကလွဲပြီး ဆိုးဆိုးဝါးဝါး တိုက်ခိုက်ကြတာမျိုးတော့ မတွေ့ရပါဘူး။

အပြင်မှာ အကြာကြီးထွက်ကြည့်လို့ မဖြစ်တာနဲ့ အိမ်ထဲပြန်ဝင်ခဲ့ရပါတယ်။ နောက်ပိုင်းတော့ ခုနက ရင်ဆိုင်နေတဲ့ လူနှစ်စု အုပ်စုကွဲသွားကြောင်း သိရပါတယ်။ ဗုဒ္ဓဘာသာလူစုက ကားဝင်းရဲ့ ဆန့်ကျင်ဘက်ကို ထွက်ခွာသွားပါတယ်။

အဲဒီအချိန်မှာပဲ ကားဝင်းအနီးမှာ မီးလောင်နေတာကို မြင်ရပြီး အဲဒီနေရာက မိတ္ထီလာမြို့ နာရီစင်အနီး ဗလီတခုလို့ သိရပါတယ်။

ခိုလှုံတဲ့အိမ်မှာ ၄ နာရီလောက် ကြာပြီးနောက် မိတ္ထီလာမြို့ အမှတ် (၂) ရဲစခန်းကို ထွက်လာခဲ့ပါတယ်။ ရဲစခန်းရောက်တော့ ကျနော်တို့ သွားရေးလာရေးအတွက် အကူအညီတောင်း ပါတယ်။ ဒါပေမယ့် ရဲတွေကိုယ်တိုင်က စခန်းကနေ အပြင်ကို သိပ်မထွက်ရဲ ဖြစ်နေလို့ အကူအညီမပေးနိုင်ဖြစ်နေပါတယ်။

လုံခြုံရေး အကူအညီတောင်းချင်ရင် ခရိုင်ရဲတပ်ဖွဲ့ဆီမှာ သွားတောင်းဖို့ ပြောတော့ မိတ္ထီလာမြို့ အနောက်ဘက်ပိုင်းက ခရိုင်ရဲတပ်ဖွဲ့ရုံကို ဆက်သွားရပါတယ်။ ခရိုင်ရုံးရောက်တော့ မန္တလေးတိုင်းဒေသကြီး ဝန်ကြီးချုပ် ရောက်နေပြီး အစည်းအဝေးလုပ်နေတယ်လို့ သိရပါတယ်။

အဲဒါနဲ့ ခရိုင်ရုံးထဲက ပြန်ထွက်လာပြီး မြို့ အနောက်ဘက်ခြမ်းကို ဆက်ထွက်လာခဲ့ပါတယ်။ ခရိုင်ရဲတပ်ဖွဲ့ရုံးနဲ့ ကိုက် ၁၀၀ အကွာလောက်မှာ သံဃာတချို့နဲ့ လူတစုက လာသမျှ ကား တွေကို တားပြီး စစ်ဆေးနေပါတယ်။ သူတို့လက်ထဲမှာလည်း တုတ်တွေ၊ ဓားတွေ ကိုင်ထားပါတယ်။ အနီးမှာလည်း ဂျစ်ကားတစီးနဲ့ ဆိုင်ကယ် ၂ စီးကို မီးရှို့ထားတာ တွေ့ရတယ်။

အဲဒီကနေ ရှေ့ဆက်သွားတော့ ဘုန်းကြီးတချို့နဲ့ လူတချို့က လမ်းတလျှောက်ရှိ ဘယ်သူဘယ်ဝါ ပိုင်ဆိုင်မှန်း မသိရတဲ့ ဆိုင်ခန်းတွေထဲကိုဝင်၊ ပစ္စည်းတွေကို ဖျက်ဆီး၊ အပြင်ဆွဲထုတ်ပြီး လမ်းမပေါ်မှာ မီးရှို့နေတာ တွေ့ရပါယ်။ လမ်းမရဲ့ နေရာတော်တော်များများမှာ ဆိုင်ကယ်တွေ၊ ပစ္စည်းတွေ မီးလောင်နေတာကို တွေ့ရပါတယ်။

အဲဒီနောက် ခရိုင်ရဲတပ်ဖွဲ့ရုံးကို ပြန်လာခဲ့ပြီး ညနေ ၆ နာရီကျော်လောက်မှာ မန္တလေးတိုင်း ဝန်ကြီးချုပ်နဲ့ တွေ့ဆုံခွင့် ရပါတယ်။

ဒီအခြေအနေအထိ ဘာကြောင့်ဖြစ်ရသလဲလို့ ဝန်ကြီးချုပ် ဦးရဲမြင့်ကို မေးတော့ တောကြောင်တွေကြောင့်လို့ ဖြေပါတယ်။ ဒီလို အခြေအနေတွေကို ကောင်းကောင်းမွန်မွန် ပြန်ဖြစ်အောင် အတတ်နိုင်ဆုံး လုပ်ဆောင်ပါမယ်လို့လည်း ပြောပါတယ်။

ရဟန်းတချို့နဲ့ လူတချို့က ကားတွေကို တားဆီးစစ်ဆေးတာ၊ ကားနဲ့ လူ တချို့ကိုရော ရိုက်နှက်ဖျက်စီးတာတွေကို ခရိုင်ရဲတပ်ဖွဲ့ ရုံးပေါ်ကနေ မြင်နေရပါတယ်။ ကျနော်လည်း ခရိုင်ရဲတပ်ဖွဲ့ ရုံးပေါ်ကနေ ဓာတ်ပုံ လှမ်းရိုက်ပါတယ်။

ခနနေတော့ မန္တလေးတိုင်း ဝန်ကြီးချုပ်က အဲဒီ ရဟန်းနဲ့ လူတွေရှိတဲ့ ဘုန်းကြီးကျောင်းဆီကို ခြေလျင်သွားတွေ့ပါတယ်။ ကျနော်လည်း ကင်မရာနဲ့ ဗီဒီယိုကင်မရာတွေ လွယ်ပြီး မန္တလေးတိုင်း ဝန်ကြီးချုပ် ဦးရဲမြင့်နဲ့ အတူတူ လိုက်သွားပါတယ်။

မန္တလေးတိုင်း ဝန်ကြီးချုပ် ဦးရဲမြင့်က အခြေအနေတွေ တည်တည်ငြိမ်ငြိမ် ဖြစ်သလောက် ရှိနေကြောင်း၊ တပည့်တော်တို့လည်း အတတ်နိုင်ဆုံး ကြိုးစားနေကြောင်း၊ ဖြစ်နေတဲ့ အခြေအနေတွေပေါ်မှာ အတတ်နိုင်ဆုံး တရားဥပဒေ စိုးမိုးရေးကို လုပ်ဆောင်သွားမှာ ဖြစ်ကြောင်း ရဟန်းသံဃာများကို လျှောက်ထားပါတယ်။

ရဟန်းသံဃာတော်တွေက ဘာသာခြားများက စလို့ လုပ်ဆောင်ရတာ ဖြစ်ကြောင်း၊ မိတ္ထီလာ ပဋိပက္ခစတင်တဲ့ ရွှေအရောင်းအဝယ် ရန်ပွဲကို မသိတဲ့ တခြားဒေသက သံဃာတပါးကို ကြိုးတုပ်၊ ရိုက်နှက်၊ မီးရှို့တဲ့အတွက် လုပ်ဆောင်တာဖြစ်ကြောင်း မန္တလေးတိုင်း ဝန်ကြီးချုပ် ဦးရဲမြင့်ကို ပြန်ပြောပါတယ်။

ဝန်ကြီးချုပ် ဦးရဲမြင့်ကတော့ ဖြစ်ပျက်သွားတဲ့ ကိစ္စတွေအပေါ် တရားဥပဒေအရ အတတ်နိုင်ဆုံး ကြိုးစားဆောင်ရွက်မယ်လို့ လျှောက်ထားပြီး ပြန်ထွက်ခဲ့ပါတယ်။

ကျနော်က ဘုန်းကြီးကျောင်းမှာ ဆက်နေခဲ့ပြီး ခုနက သံဃာတပါး သတ်ဖြတ်ခံရမှုကို မျက်မြင်သက်သေများ ရှိမရှိ စုံစမ်းပါတယ်။ ရဟန်း ၂ ပါးနဲ့ လူ ၁ ဦးက မြင်တွေ့ကြောင်း ပြောပြကြပါတယ်။ ဖြစ်စဉ်အသေးစိတ်ကိုတော့ အတည်ပြုနိုင်ခြင်း မရှိပါဘူး။

ခရိုင်ရဲတပ်ဖွဲ့အနီး ဝန်ဇင်းဟိုတယ်မှာ တည်းခိုခဲ့ပြီး အဲဒီညမှာတော့ မီးရှို့တာ၊ ဆူပူတာ၊ လူအုပ်စုတွေ လှည့်လည်တာ မတွေ့ရပါဘူး။

နောက်တနေ့ မတ်လ ၂၂ ရက်နေ့ မနက် ၈ နာရီမှာ ခရိုင်ရဲတပ်ဖွဲ့ရုံးကို ရောက်တော့ ရဲကားတွေ အသင့်ပြင်ထားတာကို တွေ့ရပါတယ်။ ရဲတပ်ဖွဲ့တွေကိုလည်း လည်စီးအနီးတွေနဲ့ တွေ့ရပါတယ်။ မန္တလေးတိုင်း ဝန်ကြီးချုပ် ဦးရဲမြင့်ကို အခြေအနေတွေ တွေ့ဆုံ မေးမြန်းပါတယ်။

အဲဒီအချိန်မှာပဲ မိတ္ထီလာမြို့ အရှေ့ဘက်မှာ ပြည်တွင်း၊ ပြည်ပ သတင်းထောက် ၉ ဦး မြို့ထဲ ဝင်လာချိန် ပြဿနာ ပေါ်ကြောင်း၊ ဘုန်းကြီးတချို့နဲ့ လူတချို့က သတင်းထောက်များရဲ့ ကင်မရာများကို သိမ်းယူပြီး ပြဿနာ ရှာကြောင်း ကြားသိရပါတယ်။

သတင်းထောက်တွေက ရှင်းပြပေမယ့် သူတို့ကို အမှတ် (၂) ရဲစခန်းအနီးက ဘုန်းကြီးကျောင်းတခုမှာ ခေါ်ယူထားခဲ့ကြောင်း ကြားရပါတယ်။

သတင်းထောက်တွေကို ပြဿနာရှာတဲ့ အုပ်စုက မြို့အရှေ့ဘက်ကနေ အနောက်ဘက်ကို ကူးလာပြီး လမ်းတလျှောက် တွေ့သမျှ ကားတွေကို စစ်ဆေးကြကြောင်း သိရပါတယ်။

ခရိုင်ရဲတပ်ဖွဲ့ ရုံးထဲကနေ ဓာတ်ပုံတွေ၊ ဗီဒီယိုတွေ လှမ်းရိုက်တဲ့အခါ အပြင်ဘက်က လူတချို့က သတင်းထောက်တွေကို ကြိမ်းဝါးမှုတွေ လုပ်ကြပါတယ်။

၁၀ နာရီခွဲလောက်မှာ ရဲ လုံခြုံရေး ကားတွေနဲ့အတူ လိုက်ပါပြီး သတင်းယူရပါတယ်။ မနေ့က နာရီစင်နားက မီးလောင်ခဲ့တဲ့ ဗလီနားမှာ အိမ်တွေ မီးကူးစက်နေတာ တွေ့ရပါတယ်။

လမ်းတလျှောက်လုံး ဆိုင်ကယ်တွေကို မီးရှို့ဖျက်ဆီးထားတာ တွေ့ရပါတယ်။ မီးလောင်တဲ့ နေရာတွေကို မီးသတ်က မီးငြှိမ်းနိုင်အောင် လမ်းနှစ်ဖက်ကို ပိတ်ဆို့ပြီး ရဲက လုံခြုံရေး ယူပေးရပါတယ်။

အနီးဝန်းကျင်မှာ တုတ်၊ ဓားတွေ ကိုင်ထားတဲ့ လူစုတွေကို မြင်ရပါတယ်။ အိမ်ရှင်တွေကတော့ နေအိမ်ကို စွန့်ခွာ ထွက်ပြေးကုန်ပြီလို့ ယူဆရပါတယ်။ မြို့ထဲမှာ လူမရှိသလောက်ပါပဲ။ လက်နက်ကိုင် လူ ၂၀ တစု၊ လူ ၁၀ ဦး တစု စသဖြင့် ဟိုဟိုဒီဒီလောက်ပဲ တွေ့ရပါတယ်။

မြို့တွင်း ဆိုင်ခန်းတော်တော်များများ ပျက်စီးနေပြီး မီးလောင်ထားတဲ့ အဆောက်အဦးတွေကလည်း တော်တော်များပါတယ်။ လာရာလမ်းမှာ ဆိုင်ကယ်နဲ့အတူ မီးလောင်သေဆုံးနေတဲ့ အလောင်း ၂ လောင်းလည်း တွေ့ရပါတယ်။

ရဲတပ်ဖွဲ့တွေက အကြမ်းဖက်၊ မီးရှို့သူတွေကို ဖမ်းဆီးဖို့ ဦးစားမပေးနိုင်ပဲ ဖြစ်နေပါတယ်။ မန္တလေးတိုင်း ဝန်ကြီးချုပ် ဦးရဲမြင့် မနက်က ပြောခဲ့သလိုပဲ မီးလောင်တာကို အရင် မငြိမ်းရင် တမြို့လုံး ပြာကျသွားနိုင်တဲ့အတွက် မီးငြိမ်းသတ်ရေးကို ဦးစားပေးနေရလို့ပါ။

မီးသတ်ကား ၄ စီးက ရေးဖြန်းနေချိန် ကျန် ၂ စီးက အသင့်ပြင်နေပါတယ်။ ဒါပေမယ့် မီးကို မီးသတ်တပ်ဖွဲ့က မနိုင်လောက်အောင် ဆိုးဝါးနေပါတယ်။ လမ်းတဖက်တချက်မှာ မီးက တပြိုင်တည်း လောင်နေပြီး ဂတ်စ်အိုးပေါက်ကွဲသံလို ပေါက်ကွဲသံတွေလည်း ကြားနေရပါတယ်။

ဒီတနေရာမှာ မီးငြိမ်းသတ်နေတုန်း နောက် ၁ နာရီလောက်အကြာမှာ မြို့ရဲ့ အနောက်ဘက် တနေရာမှာ မီးထပ်လောင်တယ်လို့ သတင်းရောက်လာပြန်ပါတယ်။ အဲဒါနဲ့ ရဲရော မီးသတ်တပ်ဖွဲ့ပါ ၂ ဖွဲ့ခွဲပြီး အဲဒီကို သွားရပြန်ပါတယ်။

အနောက်ဘက်မှာ မီးလောင်နေတာက မွတ်စလင်အများစုရှိတဲ့ ချမ်းအေးရပ်ကွက်လို့ ဆိုပါတယ်။ အနီးမှာ ဗုဒ္ဓဘာသာဝင်မိသားစုအိမ် ၁၀ လုံးခန့် ရှိကြောင်း၊ အိမ်တွေကို မီးကွင်းပစ်ရာကနေ မီးကူးစက်လောင်ကျွမ်းကုန်ကြောင်း ရပ်ရွာခံတဦးက ပြောပါတယ်။

ဒါပေမယ့် မီးသတ်ကားတွေ၊ မီးသတ်တပ်ဖွဲ့တွေ မီးလောင်တဲ့ ရပ်ကွက်ထဲ ဝင်လို့ မရဖြစ်နေပါတယ်။ လမ်းက မကျယ်တဲ့အပြင် ချိုင့်ဝှမ်းနေရာ ဖြစ်နေပါတယ်။

အဲဒီလို ဖြစ်နေတုန်း မြို့ထဲမှာ ပြဿနာတက်ပြီး ဘုန်းကြီးကျောင်းထဲ ပိတ်မိနေတဲ့ သတင်းထောက် ၉ ဦးအကြောင်း ခရိုင်ရဲမှူးက ကျနော့်ကို စုံစမ်းမေးမြန်းပါတယ်။ ကျနော်လည်း သိထားတဲ့အတိုင်း စစ်ဆေးရေး လူစုနဲ့ ပြဿနာတက်ပုံ၊ ဘုန်းကြီးကျောင်းမှာ ခိုလှုံနေရပုံတွေကို သိသလောက် ပြောပြရပါတယ်။

နောက်တော့ အဲဒီ ရဲမှူးကိုယ်တိုင် ဦးဆောင်ပြီး ရဲတပ်ဖွဲ့ဝင် ၈ ဦးနဲ့အတူ ပိတ်မိနေတဲ့ သတင်းထောက်တွေကို သွားခေါ်ထုတ်၊ သူတို့တည်းခိုတဲ့ ဟိုတယ်မှာ ပစ္စည်းတွေ ယူစေပြီး ခရိုင်တပ်ဖွဲ့ရုံးကို ခေါ်လာခဲ့ရပါတယ်။

တချို့သတင်းထောက်တွေက ညနေ ၃ နာရီခွဲလောက်မှာ ရန်ကုန်ကို ပြန်ဆင်းဖို့ ပြင်ကြပြီး တချို့က ခရိုင်ရဲတပ်ဖွဲ့ ရုံးအနီးက ဟိုတယ်မှာ တည်းဖို့ ပြင်ကြပါတယ်။ ဒါပေမယ့် ဟိုတယ် သတင်းထောက်တွေကို လက်မခံလိုပါဘူး။ ဘာဖြစ်လို့လဲဆိုတော့ အကြမ်းဖက်မယ့်သူတွေက သတင်းထောက်တွေကို အကြောင်းပြုပြီး သူတို့ ဟိုတယ်ကို ရန်ရှာမှာစိုးလို့ပါ။ ဒါပေမယ့် ပြေလည်အောင် ပြောဆိုပြီး တည်းခိုခွင့်ရပါတယ်။

သတင်းထောက် တချို့လည်း ရဲတွေနဲ့အတူတူ မြို့ထဲ တခေါက် ပြန်ထွက်ကြပါတယ်။ ရဲမှူးက တုတ်၊ ဓားလက်နက် ကိုင်ဆောင်သူတွေကို ဖမ်းဖို့၊ လက်နက်တွေကို သိမ်းဆည်းဖို့ အမိန့်ပေးတာ သိရပါတယ်။ ပစ္စည်းသည်ယူနေတဲ့ မသင်္ကာသူတွေ တွေ့ရင်လည်း စစ်ဆေးဖို့ ညွှန်ကြားပါတယ်။

ရဲတပ်ဖွဲ့တွေလည်း ရှာဖွေ ဖမ်းဆီးရေးတွေကို ဖိဖိစီးစီး စလုပ်ကြပါတယ်။

နောက်ဆုံး အခြေအနေမှာတော့ သိရသလောက် သေဆုံးသူ ၁၀ ဦးရှိပြီး အတွင်းလူနာ ၂၅ ဦး ရှိနေတယ်လို့ မိတ္ထီလာဆေးရုံးကြီးကနေ သိရပါတယ်။

Ref: ဧရာဝတီ

Read More...

Collapse...

မိတ္ထီလာဒုက္ခသည်များ အတွက် ကူညီကယ်ဆယ်ရေး စတင်

ထက်နိုင်ဇော်
March 23, 2013

မန္တလေးတိုင်း၊ မိတ္ထီလာမြို့တွင် ၃ ရက်ကြာ ဘာသာရေးနှင့် လူမျိုးရေး အဓိကရုဏ်းများ ဖြစ်ပွားပြီးနောက် ယနေ့တွင် အခြေအနေများ အေးဆေး တည်ငြိမ်သွားပြီဖြစ်ပြီး အကြမ်း ဖက်မှုများကြောင့် ထွက်ပြေးတိမ်းရှောင် နေရသော ဒုက္ခသည်များအတွက် ကူညီကယ်ဆယ်ရေးလုပ်ငန်းများ စတင်နေပြီဖြစ် ကြောင်း သိရှိရသည်။

သမ္မတ ဦးသိန်းစိန်က မိတ္ထီလာ ခရိုင်တွင် ယမန် နေ့က အရေးပေါ် အခြေအနေ ထုတ်ပြန်ကြေညာပြီး စစ်တပ်၏ အကူအညီကိုပါ ရယူခြင်းတို့ ဆောင်ရွက်ပြီး နောက် မိတ္ထီလာတွင် အကြမ်းဖက်မှု၊ မီးရှို့မှု၊ အုပ်စုဖွဲ့ တိုက်ခိုက် သတ်ဖြတ်မှုများ လုံးဝ မရှိတော့ဘဲ လုံးဝ အေးဆေးတည်ငြိမ်သွားကြောင်း၊ မိတ္ထီလာမြို့နယ် ခရိုင် အားကစားကွင်း၊ အမှတ် ၁ ရဲစခန်းဝင်းနှင့် နီးစပ်ရာ ဘုန်းကြီးကျောင်းများတွင် ခိုလှုံနေကြသော ဒုက္ခသည် ၄၅၀၀ ထက်မနည်း ကို ယနေ့တွင် စစ်တပ်နှင့်ရဲများက အစိုးရအခြေခံပညာ အထက်တန်းကျောင်းများသို့ ပြောင်းရွှေ့ နေရာ ချထားပေးခြင်း စတင်လုပ်ဆောင်နေပြီဟု သိရှိရသည်။


အစိုးရက ကယ်ဆယ်ရေးစခန်းများ ဖွင့်လှစ်ပြီး ဒုက္ခသည်များအတွက် စားနပ်ရိက္ခာ၊ ကျန်းမာရေး နှင့် လိုအပ်ချက်များ စီစဉ်ပေးနေကြောင်း၊ ရန်ကုန်မြို့မှ လေယာဉ်တစီးနှင့် ကယ်ဆယ်ရေး ပစ္စည်းများ ပို့ခဲ့ကြောင်း၊ မိမိနေအိမ်များသို့ ပြန်လိုသော ဒုက္ခသည်များကိုလည်း သက်ဆိုင်ရာ လုံခြုံရေး တာဝန်ယူလိုက်ပါ ပို့ဆောင်ပေးလျက်ရှိကြောင်း တရားဝင် သတင်းထုတ်ပြန်သည်။

“ဒီနေ့တော့ အခြေအနေတွေ အားလုံး တည်တည်ငြိမ်ငြိမ်ပဲ။ တပ်ကလည်း တမြို့လုံးမှာ လုံခြုံရေးယူ ထားပေးတယ်။ ခရိုင်အားကစားကွင်းက ဒုက္ခသည်တွေကို စာသင်ကျောင်းတွေမှာ နေရာ ချထားပေးနေတယ်။ စားနပ်ရိက္ခာ၊ အကူအညီတွေလည်း ၀င်လာနေတာ တွေ့ရတယ်။ ခရိုင်အားကစားကွင်းကြီးက ဟင်းလင်း ပြင်ကြီးဆိုတော့ ဒုက္ခသည်တွေကို အရိပ်အကာရှိတဲ့ စာသင်ကျောင်းတွေဆီ အာဏာပိုင်တွေက ရွှေ့ပေး နေတယ်” ဟု မိတ္ထီလာမြို့တွင် ရောက်ရှိနေသော ဧရာဝတီ သတင်းထောက်က ပြောသည်။

မိတ္ထီလာ ဒုက္ခသည်များ အတွက် အရေးတကြီး လိုအပ်ချက်မှာ အစားအစာနှင့် သောက်ရေ ဖြစ်ပြီး စောင်၊ ခြင်ထောင်နှင့် ဖိနပ်များလည်း လိုအပ်နေကြောင်း၊ ဒုက္ခသည်များအတွက် အိမ်သာများလည်း လိုအပ်နေကြောင်း၊ ဒုက္ခသည်များသည် အိမ်သာလုံလောက်မှု မရှိသောကြောင့် ၀မ်းလျှော၊ ၀မ်းပျက်သူ အချို့ရှိလာကြောင်း ဒုက္ခသည်များကို ကူညီ ကယ်ဆယ်ရေးလုပ်နေသော မေတ္တာ Campaign မှ မအမာနီက ပြောသည်။

“၀မ်းရောဂါ စပြီလို့ ပြောလို့ရတယ်။ တယောက်စ နှစ်ယောက်စ ဖြစ်နေတာ တွေ့တယ်။ ကျမတို့ပါလာတဲ့ ၀မ်းပိတ်ဆေးနဲ့ ရေသန့်တွေကိုတော့ ဒုက္ခသည်တွေကို အကုန်ဝေလိုက်ပြီ” ဟု မအမာနီက ပြောသည်။

မိတ္ထီလာမြို့နယ် ကျန်းမာရေးဌာနမှ တာဝန်ရှိသူများကမူ ဒုက္ခသည်များအတွက် လုံလောက်သော ဆရာဝန်၊ ကြက်ခြေနီနှင့် ကျန်းမာစောင့်ရှောက်မှု လုပ်ငန်းများ လုပ်ဆောင်ပေး လျက်ရှိနေပြီး ၀မ်းရောဂါ အကြီးအကျယ် ဖြစ်ပွားမှု မရှိသေးကြောင်း ဧရာဝတီသို့ ပြောသည်။

မန္တလေးတိုင်း အမျိုးသားဒီမိုကရေစီ အဖွဲ့ချုပ်ကလည်း ဒုက္ခသည်များ အတွက် လိုအပ်သော ဆန်၊ ခေါက်ဆွဲခြောက်များ လာရောက်လှူဒါန်းပြီး မိတ္ထီလာမြို့ပေါ်မှ စေတနာရှင်များက စုပေါင်းပြီး ဒုက္ခသည်များ အတွက် စားနပ်ရိက္ခာများ လှူဒါန်းကြကြောင်း သိရှိရသည်။

မိတ္ထီလာမြို့ပေါ်တွင် စစ်တပ်က စစ်ကား ၇ စီးဖြင့် မြို့တွင်းသို့ ၂ နာရီ ခြား တကြိမ် ကင်းလှည့် လျက်ရှိပြီး မြို့ အချက်အချာကျ နေရာများနှင့် တမြို့လုံးတွင် လက်နက်ကိုင် စစ်သားများ ဖြန့်ကျက်ချထားကြောင်း သိရှိရသည်။

မိတ္ထီလာမြို့တွင် အခြအနေများ တည်ငြိမ် လာသော်လည်း ဒုက္ခသည် အများစုမှာ မိမိတို့နေထိုင်ရာ နေအိမ်များသို့ မပြန်ရဲကြသေးဘဲ စိုးရိမ်မှုများဖြင့် ထိန့်လန့်နေကြဆဲ ဖြစ်ကြောင်း မြို့ခံများနှင့် ဒုက္ခသည်များက ဧရာဝတီသို့ ပြောသည်။

“တချို့က အရမ်းကြောက်နေတော့ မပြန်ရဲကြသေးဘူး။ လူကို မီးရှို့တာတွေ သူတို့ရှေ့မှာတင် ဖြစ်သွားခဲ့တာ ဆိုတော့ ထိတ်လန့်နေကြတယ်” ဟု မိတ္ထီလာမြို့ခံ မကေဦးမေက ပြောသည်။

မိတ္ထီလာမြို့မှ မွတ်စလင် ဒုက္ခသည်တဦးဖြစ်သူ ကိုကျော်စွာက “ဒုက္ခတွေ ရောက်လှပါပြီ။ ကယ်ဆယ်ရေး စခန်းကို မနေ့က ရောက်တာ။ ဘုန်းကြီးတွေ နဲ့ ဒေသခံတွေ လိုက်ပို့တာ။ အကူအညီရပါတယ်။ ကျနော်တို့က ဘယ်သူ့ကိုမှ ဒုက္ခမပေးဘူး။ အခုလို ဖြစ်တာမျိုးလည်း မကြုံဖူးသေး ဘူး။ ခြေမ မကောင်း ခြေမ၊ လက်မ မကောင်း လက်မ အရေးယူပေးပါ။ ဗုဒ္ဓဘာသာဝင်တွေက ကူညီကြပါတယ်” ဟု ဆိုသည်။

မြန်မာနိုင်ငံသို့ ရောက်ရှိနေသော ကုလသမဂ္ဂ အထွေထွေ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဗီဂျေးနမ်ဘီယား သည် မတ်လ ၂၄ ရက်နေ့တွင် သမ္မတရုံးဝန်ကြီး ဦးအောင်မင်း၊ ရန်ကုန်အခြေစိုက် အစ္စလမ်ဘာသာရေး အဖွဲ့အစည်း ခေါင်းဆောင်များနှင့်အတူ မိတ္ထီလာမြို့သို့ သွား ရောက်ပြီး သံဃာတော်များ၊ ဘာသာရေး ခေါင်းဆောင်များ အပါအ၀င် ဒုက္ခသည်များကို သွားရောက် တွေ့ဆုံမည် ဖြစ်သည်။

မိတ္ထီလာတွင် ဖြစ်ပွားသော အကြမ်းဖက်မှုများကြောင့် လူ ၁၁ ဦးသေဆုံးပြီး လူနေအိမ်၊ ဘာသာရေး အဆောက်အအုံများ၊ ဈေးဆိုင်များ၊ ပညာရေးမှူးရုံးတရုံး၊ ဆိုင်ကယ်နှင့် မော်တော် ကားများ ဖျက်ဆီးခံခဲ့ရကြောင်း ယနေ့ထုတ် အစိုးရသတင်းစာများတွင် ဖော်ပြထားသည်။

Ref: ဧရာဝတီ

Read More...

Collapse...