စစ်တပ်သိမ်း မြေဧက ၂,၇၀၀ ကယား လယ်သမားများ ပြန်ရလို

ဖနိဒါ
ဧပြီလ ၀၁ ရက် ၂၀၁၃ ခုနှစ်

ကယားပြည်နယ်၊ ဖရူဆိုးမြို့နယ်တွင် အမှတ် (၁၄) တန်းမြင့် စစ်လေ့ကျင့်ရေးကျောင်း တည်ဆောက်ရန်အတွက် အစိုးရစစ်တပ်မှ သိမ်းယူထားသော မြေယာများအား တောင်သူများက
ပြန်လည်ရလိုကြောင်း တောင်သူလယ်သမား ကော်မတီက တောင်းဆိုလိုက်ကြသည်။

၂၀၁၁ ခုနှစ်ဆန်းပိုင်းက သိမ်းယူထားသော လယ်မြေဧက ၂,၇၀၀ အား မူလပိုင်ရှင် တောင်သူ လယ်သမား ၁,၇၀၀ ကျော်က ပြန်လည် ရလိုကြောင်း ခိုလျှေဆို တောင်သူလယ်သမား ကော်မတီ တာဝန်ခံ ခူးသဲရယ် က ပြောသည်။

“ဒေသခံ တောင်သူတွေက ဒီမြေကိုဘဲ လိုချင်တယ်။ အရင်တခေါက် ယူလိုက်တဲ့ တန်ဖိုးကလည်း တောင်သူတွေ အတွက်ဘာမှ စားဝတ်နေရေး ဖိုလုံမှုပေးတဲ့ အနေအထားမရှိတဲ့အတွက် ကျနော်တို့မြေပဲ လိုချင်တယ်ဆိုပြီးတော့ အစိုးရကို အကြောင်းကြားလိုက်တယ်” ဟု မဇ္စျိမကို ပြောသည်။

၂၀၁၂ ခုနှစ်၊ ဇူလိုင်လက လယ်ဧက ၆၈၀ ကျော်အတွက် တဧကလျှင် ၅ သောင်းနှုန်းဖြင့် တောင်သူများကို လျော်ကြေးပေးခဲ့သော်လည်း ကျန်ဧကများအတွက် လျော်ကြေး မရသေးပေ။

ထိုနှစ် ဒီဇင်ဘာလအတွင်းက ပြည်နယ်ဝန်ကြီးများနှင့် ခရိုင်မှူးများက ကျန်မြေများထဲမှ ဧက ၆၈၀ ကျော်အတွက် တဧကလျှင် ၁ သိန်းခွဲဖြင့် လျော်ကြေးပေးမည်ဟု ပြောဆိုလာသော် လည်း တောင်သူများက ၎င်းတို့၏ မြေယာကိုသာ ပြန်လည်ရယူလိုကြသည်ဟု ခူးသဲရယ်က ပြောသည်။

၎င်းမြေယာများသည် မာခရောရှေ့နှင့် မြို့မကျေးရွာအုပ်စု နှစ်ခုမှ မာခရောရှေ့၊ လောဂျာ၊ လောခူးခို၊ ဒေါလောခူ၊ ခိုရာခို၊ ဒေါဒထုန်း ကျေးရွာများမှ ဒေသခံတောင်သူများ ပိုင်ဆိုင်ပြီး အဓိကအားဖြင့် စပါး၊ မြေပဲ၊ ပြောင်း စသည့် သီးနှံ့များ စိုက်ပျိုးကြသည်ဟု ဆိုသည်။

ဧပြီလ ၁ ရက်နေ့တွင် လွိုင်ကော်မြို့၌ တောင်သူ ၅၀၀ က ဆန္ဒပြရန် ကယားပြည်နယ်ရုံးသို့ မတ်လ ၂၂ ရက်နေ့က စာတင်ခဲ့သော်လည်း မြို့နယ် ရဲတပ်ဖွဲ့မှူးက ခွင့်ပြုချက် မပေးခဲ့ကြောင်း ခူးသဲရယ်က ပြောသည်။

ထို့ကြောင့် ခိုလျှေဆို တောင်သူလယ်သမားကော်မတီမှ ဦးဆောင်၍ မာခရောရှေ့ ကျေးရွာ အုပ်စုတွင် ယမန်နေ့က ဒေသခံများ၏ ဆန္ဒမဲပေးပွဲ ပြုလုပ်ခဲ့သည်။ အသက် ၁၈ နှစ် ပြည့်ပြီးသူ ဒေသခံ လူဦးရေ ၅၆၄ ဦး လာရောက် မဲပေးသည့်ထဲမှ ၅၀၉ ဦးက စစ်လေ့ကျင့်ရေးကျောင်း တည်ဆောက်နေခြင်းအပေါ် ကန့်ကွက်မဲ ပေးခဲ့သည်ဟု ထိုကော်မတီက ထုတ်ပြန်ခဲ့သည်။

သိမ်းယူထားသော မြေယာများ ပြန်လည် ရရှိရန်နှင့် တည်ဆောက်ပြီးစီးပြီးသော စစ်လေ့ကျင့်ရေးကျောင်း အဆောက်အအုံများကို လူထုအကျိုးပြုသော အခြားလုပ်ငန်းများနှင့် အစားထိုး အသုံးပြုရန်တို့ ထုတ်ပြန်ချက်တွင် ထည့်သွင်းဖော်ပြထားသည်။

“ကျနော်တို့က လူထုက ကန့်ကွက်တယ်။ အလိုမရှိဘူးဆိုတဲ့ အဖြေလည်း အတိအကျ ရခဲ့ပြီဆိုတော့ ဆက်လက်ပြီး သမ္မတဆီမှာရော၊ ပြည်နယ်ဝန်ကြီးချုပ်မှာရော ကန့်ကွက်စာ၊ တောင်း ဆိုချက်တွေ စာတင်မယ်။ နောက် ကျနော်တို့ စာတင်ထားတဲ့ စီတန်း လှည့်လည်ဖို့ကိုလည်း ဆက်လက် အယူခံဝင်ပြီး ဆောင်ရွက်သွားဖို့ရှိပါတယ်” ဟု ခူးသဲရယ်က ပြောသည်။

ခိုလျှေဆို တောင်သူလယ်သမား ကော်မတီမှာ ဒေသခံ ပြည်သူများအပေါ် လူ့အခွင့်အရေး ချိုးဖောက်မှုနှင့် ပတ်သက်၍ အကာအကွယ်ပေးနိုင်ရန် ရည်ရွယ်၍ ၂၀၁၂ ခုနှစ် သြဂုတ်လက ဖွဲ့စည်းခဲ့သည်ဟု သိရသည်။

လူမှုရေးလုပ်ငန်းများတွင် ပါဝင်လှုပ်ရှားနေသော ပုဂ္ဂိုလ်များ၊ ကျေးရွာအတွင်း သြဇာရှိသော ပုဂ္ဂိုလ်များ အပါအဝင် ၁၇ ဦးဖြင့် စတင်ဖွဲ့စည်းခဲ့ပြီး စစ်လေ့ကျင့်ရေးကျောင်း၏ အရှေ့ ဘက်ရှိ ဘိုးဘွားစဉ်ဆက် ခေါ်ဝေါ်ခဲ့သော ခိုလျှေဆိုတောင်၏ အမည်အား အစွဲပြု၍ အမည်ပေးထားခြင်း ဖြစ်သည်ဟု သိရသည်။

Ref: မဇ္ဈိမ

Read More...

Collapse...

သံတွဲ၊ ဂျိတ္တောတွင် ဆန္ဒပြမှု ဦးဆောင်သူကို ထိန်းသိမ်း၊ လုံခြုံရေး တိုးမြှင့်ချထား

သိန်းလှိုင်
ဧပြီလ ၀၁ ရက် ၂၀၁၃ ခုနှစ်

ရခိုင်ပြည်နယ်၊ သံတွဲမြို့နယ်၊ ဂျိတ္တောရွာတွင် ကျေးရွာအုပ်ချုပ်ရေးမှူး နှုတ်ထွက်ပေးရေးအတွက် မတ်လ ၃၁ ရက်နေ့က ဆန္ဒပြခဲ့သူထဲမှ ဦးဆောင်သူတဦးဖြစ်သည့် ဦးထွန်းဝင်း အား ကျေးရွာရဲစခန်းမှ ဧပြီလ ၁ ရက်နေ့တွင် ဖမ်းဆီးသွားပြီး သံတွဲရဲစခန်းသို့ ပို့ဆောင်လိုက်ကြောင်း ဒေသခံ လူမှုကွန်ယက်က ပြောသည်။

မတ်လ ၃၁ ရက်နေ့က ဂျိတ္တောကျေးရွာတွင် ရွာအုပ်ချုပ်ရေးမှူး နုတ်ထွက်ပေးရန် လူ ၃၀၀ ခန့် ဆန္ဒပြမှု ဖြစ်ပွားခဲ့သည်။


“သူတို့တောင်းဆိုတာ ကျေးရွာဥက္ကဋ္ဌ အလိုမရှိ၊ ရခိုင်ပြည်နယ်ကို ရခိုင်လူမျိုးများသာ ပိုချစ်သည်၊ ရခိုင်လူမျိုးများသာ ကာကွယ်နိုင်မည် ဆိုပြီးတော့ ရွာလမ်းတွေကို ဖြတ်လျှောက် ကြွေးကြော်ခဲ့ကြတယ်” ဟု လူမှုကွန်ယက်အဖွဲ့ဝင် ကိုစိန်ချစ် က ဆိုသည်။

ထိုသို့ အုပ်ချုပ်ရေးမှူး ဦးသန်းနိုင် နုတ်ထွက်ပေးရန် ဆန္ဒပြပွဲ ဖြစ်ပွားလာရခြင်းမှာ မတ်လ ၃၀ နေ့ အငြင်းပွားမှု တရပ်တွင် ဘက်လိုက်ဖြေရှင်းခဲ့သည်ဟု ရွာသားများက ယူဆ၍ဖြစ်ကြောင်း လူမှုကွန်ယက်က ဆိုသည်။

ထိုည ၈ နာရီခွဲ၌ ဂျိတ္တောရွာ၊ အမှတ် (၁၂) ရပ်ကွက်ရှိ ဒေါ်အမာ နေအိမ်တွင် တဖက်နိုင်ငံမှ အမည်မသိသူတချို့ရောက်ရှိနေသည်ဟု ကြားသိရ၍ ရွာသားများက သွားရောက်စုံစမ်းစဉ် အိမ်ရှင်ဒေါ်အမာနှင့် ရွာသားများ အချေအတင်ဖြစ်ခဲ့ရာမှ ရွာသားများအနက် ကိုထွန်းဝင်းနှင့် အမျိုးသမီး နှစ်ဦးကို ထိုနေ့ည ၁ နာရီခန့်တွင် ကျေးရွာ ရဲစခန်းမှ လာရောက်ဖမ်းဆီး ခေါ်ယူ စစ်ဆေးခဲ့သည်။

ရွာသားများက ည ၁ နာရီခွဲခန့်တွင် ဂျိတ္တောရဲစခန်းကို သွားရောက်၍ ဖမ်းဆီးထားသူများကို ပြန်လွှတ်ပေးရန် တောင်းဆိုခဲ့ကြရာ အဆိုပါ သုံးဦးလုံးအား ည ၂ နာရီ၌ ပြန်လွှတ် ပေးခဲ့သည်။

“ဒီဖြစ်စဉ်က လူမျိုးရေးထက် အိမ်ရှင်က ရွာသားတွေနဲ့ နဂိုကတည်းက အဆင်မပြေမှု ပိုများပုံရတယ်။ အိမ်ကို သွားပြီး မေးမြန်းမှုမှာ အပြန်အလှန်ထိခိုက်မှု အနည်းငယ် ရှိခဲ့ပေမယ့် စွပ်စွဲခံရသူတွေဟာ အမှန်တကယ် ပြစ်မှု ကျူးလွန်ကြောင်း အလီဘိုင် မပြနိုင်လို့ ပြန်လွှတ် ပေးလိုက်တာပါ” ဟု သံတွဲ ရဲစခန်းမှ တာဝန်ကျ တပ်ဖွဲ့ဝင်တဦး က ပြောပြသည်။

မတ်လ ၃၁ ရက် ည ၉ နာရီခန့်တွင် သံတွဲဘက်မှ ကားတစ်စီးဖြင့် စစ်သားများ ရောက်ရှိလာပြီး ရွာအတွင်း နေရာခွဲဖြန့် ချထားကာ အခြေအနေကို ထိန်းသိမ်းနေကြောင်း သံတွဲကမ်းခြေ လူမှုကွန်ယက် တာဝန်ရှိသူများက မဇ္ဈိမကို ပြောသည်။

ဂျိတ္တောရွာမှာ သံတွဲမြို့တောင်ဖက် ၁၀ မိုင် အကွာရှိ အိမ်ခြေ ၂,၀၀၀ ကျော်သည့် ရွာကြီးတရွာ ဖြစ်ကာ ယခုအခါ ခရိုင်ရဲတပ်ဖွဲ့မှ တာဝန်ရှိသူများလည်း ရောက်ရှိလာကာ လုံခြုံရေး အင်အား ၃၀ ကျော် တို့နှင့်အတူ စီမံကွပ်ကဲလျက် ရှိပြီး ဧပြီ ၁ ရက်နေ့မနက်ပိုင်းတွင် ရွာထဲ၌ ရွာသားများ ပုံမှန်သွားလာလျက် ရှိသည်။

သံတွဲမြို့ပေါ်၌ တပ်နှင့်ရဲတို့ ပူးပေါင်းလျက် လုံခြုံရေး ပိုမိုတိုးချဲ့ချထားကြောင်း သိရသည်။

Ref: မဇ္ဈိမ

Read More...

Collapse...

ဂုံးလုပ်ငန်း ပြည်တွင်း၌ အောင်မြင်သော်လည်း ပြည်ပတင်ပို့မှု အားနည်းဆဲ

သိန်းလှိုင်
ဧပြီလ ၀၁ ရက် ၂၀၁၃ ခုနှစ်

မြန်မာ့ရေထွက် ပင်လယ်အစားအစာ တမျိုးဖြစ်သည့် ဂုံးယောက်မ ရောင်းဝယ်ရေးမှာ ပြည်တွင်း၌ အောင်မြင်မှု ရရှိနေသော်လည်း ပြည်ပသို့ တင်ပို့ရောင်းချရမှု အလွန် အားနည်းနေ သေးကြောင်း ရခိုင် ဂုံးလုပ်ငန်းရှင်များက ဆိုသည်။

“တကယ်တော့ ဂုံးလုပ်ငန်းက ဒီနှစ်ပိုင်းမှာပဲ ပိုပြီး တွင်ကျယ်လာခဲ့တာပါ။ ပြည်ပ ပို့ကုန် အနေနဲ့ကတော့ ထိုင်ဝမ် တခုတည်းပဲ ရှိသေးတယ်။ ဒါကလည်း ဈေးကွက် ထိုးဖောက်တဲ့နေရာမှာ အားနည်းချက်တွေကြောင့် ဖြစ်နိုင်ပါတယ်” ဟု ဂုံးလုပ်ငန်းရှင် ဦးကျော်ညွန့် က ပြောသည်။

ရခိုင်ဒေသ “ဂုံးစောက်” ဟု ခေါ်သည့် “ဂုံးယောက်မ”မှာ အရှည် ၄ လက်မရှိ အခွံမာ ရေနေသတ္တဝါ ဖြစ်ပြီး ရေအောက် ကြမ်းပြင် သဲနှင့်နုန်း ရောနှောထားသည့် နေရာတွင် နေလေ့ ရှိကာ မြန်မာနိုင်ငံတွင်မူ ရခိုင်ကမ်းရိုးတမ်း ဒေသ၌ အများဆုံး တွေ့ရှိရသည်။

ယင်းတို့အား အောက်စီဂျင်ဗူးများဖြင့် ရေငုပ်ဖမ်းယူကြရပြီး ကျောက်ဖြူ၊ မြေပုံ၊ အမ်း၊ ရသေ့တောင်၊ မောင်တော မြို့နယ်များတွင် ဂုံးလုပ်ငန်းများကို ကျယ်ကျယ်ပြန့်ပြန့် လုပ်ကိုင် လျက်ရှိသည်။

သို့ရာတွင် ရခိုင်ပြည်နယ် ဂုံးယောက်မ ရောင်းဝယ်ရေး ဒိုင်များကို ကျောက်ဖြူ တမြို့တည်း၌သာ တွေ့ရပြီး ကျောက်ဖြူတွင် ဂုံးဒိုင် ၇ ခုဖွင့်လှစ်ကာ လုပ်ကိုင်နေကြသည်။

ထိုသို့ ဂုံးဒိုင်များ နည်းပါးနေရခြင်းမှာ “ကုန်ခဲ့သည့်နှစ် အနည်းငယ်ကမှ စတင်ကာ ဂုံးယောက်မများ ပြည်တွင်း ဈေးကွက်တွင် အောင်မြင်မှုရရှိလာ၍ ဖြစ်ကြောင်း” ဒေသ ဂုံးလုပ်ငန်း ရှင်များက ဆိုသည်။

ယခုအခါ ဂုံးဖမ်းသူများမှာ မိသားစု စားဝတ်နေရေး ဖူလုံစေသည့် စီးပွားရေးလုပ်ငန်း တခုပင် ဖြစ်နေပြီဟု သိရသည်။

“ကျနော်တို့ အဝယ်ဒိုင်တွေမှာ ဂုံးလာသွင်းတော့ တကောင်ကို ငွေတရာကျပ်နှုန်း ပေးတယ်။ လက်ရှိ ဒီမှာ ဂုံးဖမ်းသူ တရာကျော် ရှိနေပြီးတော့ လူတယောက်ကို တနေ့မှာ ဂုံးကောင်ရေ ၄၀၀ ကနေ ၁,၀၀၀ အထိ ဖမ်းယူရရှိတာ
တွေ့ရတယ်။ မိသားစု တစုမှာ နှစ်ယောက်လောက်က ဂုံးဖမ်းမယ် ဆိုရင်တောင် ဒီလုပ်ငန်း တခုတည်းနဲ့ စားဝတ်နေရေးကို ဖြေရှင်းနိုင်တယ်” ဟု ဦးကျော်ညွန့် က မှတ်ချက်ပြုသည်။

ထိုသို့ ဝယ်ယူရရှိလာသော ဂုံးများကို ယာယီထိန်းသိမ်းရာ၌ အပူချိန် ၁၁၀ ဒီဂရီ ဖာရင်ဟိုက် ရေငန်၌ အောက်စီဂျင်ကို အဆက်မပြတ် ပေးထားရသည်။ ထူးခြားချက်အနေဖြင့် ဂုံးများကို အစာကျွေးရန် မလိုသော်လည်း ၎င်းတို့၏ မြေပြင် သက်တမ်းမှာ လေးရက်ခန့်သာရှိ၍ သယ်ပို့ခြင်းကို အချိန်မီ လုပ်ဆောင်ရန်လိုကြောင်း သိရသည်။

၎င်းပြင် ရခိုင်ဒေသ အဝယ်ဒိုင်များမှ ရန်ကုန်ပွဲရုံများသို့ လေယာဉ်ဖြင့် သယ်ပို့လျှင် အသေအပျောက် မရှိသော်လည်း ကုန်းလမ်းမှ ကားဖြင့် သယ်ယူရာတွင်မူ သေပျောက်နှုန်း အနည်းငယ် ရှိတတ်သည်။ သို့သော် ရခိုင် ဂုံးလုပ်ငန်းရှင် များကမူ စရိတ်စက အကုန်အကျ သက်သာရန် ရန်ကုန်သို့ ကားများဖြင့်သာ ပို့ဆောင်ကြသည်။

“ဂုံးလုပ်ငန်းက ရန်ကုန်ဈေးကွက်မှာ ဖြန့်တဲ့အခါ ဟိုတယ်၊ စားသောက်ဆိုင်တွေ သာမက သာမန်ဈေးတွေထိ ကျယ်ကျယ်ပြန့်ပြန့် ရောင်းချနေကြပြီ။ ဈေးထဲမှာ သာမန်အရွယ်အစား ဂုံးယောက်မ လေးကောင်ကို တထောင်အထက် ဈေးပေါက်နေပြီး စားသောက်ဆိုင်တွေမှာ ဂုံးတပွဲကို ၁,၀၀၀ နဲ့ ၂,၀၀၀ ကြား ရှိတယ်။ ဟိုတယ်တွေမှာတော့ ပင်လယ်စာ၊ တံငါဟင်းတွေ အနေနဲ့ ၂,၀၀၀ ကနေ ၅,၀၀၀ အထိ ဈေးကောင်း ရောင်းနေရတယ်” ဟု ရန်ကုန်ဖြန့်ချီရေး တာဝန်ခံ တဦးက ပြောသည်။

ဂုံးယောက်မများကို ထိုသို့ ပြည်တွင်းဈေးကွက်တွင် အောင်မြင်နေရုံနှင့် ရောင့်ရဲ မနေသင့်ဘဲ နိုင်ငံခြားဝင်ငွေ ပိုမိုရရှိရေးအတွက် ပြည်ပ ဈေးကွက်များသို့ အစားအစာ ပုံစံမျိုးစုံဖြင့် တင်ပို့လျက် ဈေးကွက်ရှာသင့်ကြောင်း ရခိုင် ဂုံးလုပ်ငန်းရှင်များက ဆိုသည်။

ဂုံးယောက်မများ ဖမ်းဆီးခြင်းအား ငါးလုပ်ငန်း ဥပဒေအရ တားမြစ်ထား ခြင်း မရှိကြောင်းလည်း သိရသည်။

Ref: မဇ္ဈိမ

Read More...

Collapse...

ထိုင်း၌ အကျဉ်းကျ မြန်မာများ လွတ်ငြိမ်းချမ်းသာခွင့် ရရန် သံအမတ် မျှော်လင့်

ဟင်္သာနီ (မွန်မြေ)
ဧပြီလ ၀၁ ရက် ၂၀၁၃ ခုနှစ်

ထိုင်းနိုင်ငံ၌ အကျဉ်းကျနေသည့် မြန်မာနိုင်ငံသား အကျဉ်းသားများ ဒီဇင်ဘာလ ၅ ရက်နေ့ တွင် ကျရောက်မည့် ထိုင်းဘုရင် မင်းမြတ် ဖူမိဖွန် အဒု လဒိစ် (King Bhumibol Adulyadej) ၏ သက်တော် ၈၆ နှစ်ပြည့် မွေးနေ့၌ လွတ်ငြိမ်းချမ်းသာခွင့်နှင့် ပြစ်ဒဏ် လျှော့ပေါ့ခွင့်များ ရရှိရန် မျှော်လင့်ရကြောင်း ထိုင်းနိုင်ငံဆိုင်ရာ မြန်မာ သံအမတ်ကြီးက ပြောသည်။

“ဒီကိစ္စကို ကျနော် ထိုင်း နိုင်ငံခြားရေး ဝန်ကြီးဌာနကို တင်ပြထားတာ နှစ်ခါရှိပြီ။ ပြီးခဲ့တဲ့ ဇန်နဝါရီလ ၂ ရက်နေ့က တခါ ထပ်မံ တင်ပြထားပြီး ဖြစ်ပါတယ်။ တင်ပြတော့ ထိုင်းနိုင်ငံ ခြားရေး ဝန်ကြီးက သူက ဆောင်ရွက်ပေးမယ်ပေါ့ဗျာ၊ အဲလို ပြောထားတယ်” ဟု သံအမတ်ကြီး ဦးမျိုးတင့် က မဇ္ဈိမကို ပြောသည်။

ထိုင်း ပြည်ထဲရေး ဝန်ကြီးဌာန စာရင်းဇယားများအရ ထိုင်းနိုင်ငံတွင် ပြစ်မှုအမျိုးမျိုးဖြင့် ပြစ်ဒဏ် ကျခံနေရသည့် မြန်မာနိုင်ငံသား အကျဉ်းသား စုစုပေါင်း ၃,၀၀၀ ကျော် ရှိသည်ဟု ဆိုသော်လည်း သံရုံးသို့ လိပ်မူ ရေးသားလာသော အကျဉ်းကျ မြန်မာနိုင်ငံသားများ၏ စာများ၌မူ သောင်းဂဏန်း ရှိမည်ဟု ဖော်ပြထားကြကြောင်း ဦးမျိုးတင့် က ဆက်ပြောသည်။

“ခလေးတွေ (အကျဉ်းကျ ခံရသူများ)က ကျနော်တို့ သံရုံးကို ခဏခဏ စာတွေ ရေးတယ်ဗျာ။ အဲဒီမှာ နှစ်သောင်း လောက် ရှိတယ်လို့ ပြောတယ်။ တကယ်တမ်း ထိုင်း ပြည်ထဲရေးကို မေးကြည့် ရတာပေါ့ဗျာ။ သူတို့ ပြောတာကတော့ ၃,၀၀၀ ကျော်ကျော် ၄,၀၀၀ မပြည့်ဘူးလို့ ပြောတယ်။ အကြမ်းဖျင်း အရေအတွက်တော့ ပြောတယ်။ စာရင်း အတိအကျကို ထိုင်း ပြည်ထဲရေးဆီ တောင်းထားပေမယ့် အခုထိ မရသေးဘူး” ဟု ဆိုသည်။

မြန်မာ အကျဉ်းသား အများစုမှာ မူးယစ်ဆေးဝါးမှုများဖြင့် ကျခံနေရသူများ ဖြစ်သည်ဟု သိရသည်။ ထိုင်းနိုင်ငံ လွတ်ငြိမ်းချမ်းသာခွင့် ပေါ်လစီအရ မူးယစ်ဆေးဝါး ပစ်မှုများဖြင့် ကျခံ နေရသူများမှာ ဦးစားပေး စဉ်းစားခံရနိုင်ဖွယ် မရှိဘဲ အခြားပစ်မှုဖြင့် အကျဉ်းကျ ခံနေရသူများသာ ပြစ်ဒဏ် လျှော့ပေါ့ခွင့်နှင့် လွတ်ငြိမ်း ချမ်းသာခွင့်များ ရနိုင်ရန် ခန့်မှန်းရကြောင်း ဦးမျိုးတင်က ဆိုသည်။

လက်ရှိ အနေအထား၌ ထိုင်းအစိုးရဘက်မှ လွတ်ငြိမ်း ချမ်းသာခွင့် ပေးနိုင်ရေးနှင့် ပစ်ဒဏ် လျှော့ပေါ့နိုင်ရေးကိစ္စ စဉ်းစားဆောင်ရွက်လျက် ရှိနေသည်။

နှစ်စဉ်ပင် ထိုင်းဘုရင့် မွေးနေ့၌ လွတ်ငြိမ်း ချမ်းသာခွင့် ပေးလေ့ရှိပြီး ထိုင်းနိုင်ငံ ပြည်တွင်းရေး ကိစ္စများ (လွတ်ငြိမ်းချမ်းသာခွင့် စာရင်းတွင် ထိုင်းဝန်ကြီးချုပ်ဟောင်း တက်ဆင် ရှင်နာဝါဒ် နာမည် ပါဝင်နေမှု) ကြောင့် အတိုက်အခံများမှ ကန့်ကွက်ကာ လွတ်ငြိမ်း ချမ်းသာခွင့်သည်လည်း ရွှေ့ဆိုင်းရသည့် အနေအထားများ ရှိခဲ့သည်ဟု သိရကြောင်း ဦးမျိုးတင့် က ပြောသည်။

Ref: မဇ္ဈိမ

Read More...

Collapse...

ညွှန်ချုပ် ၅ ဦးနှင့် ပါမောက္ခချုပ် ၁ ဦး အငြိမ်းစားပေးခံရ

သာလွန်ဇောင်းထက်
April 1, 2013

သမ္မတ ဦးသိန်းစိန်က ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရဖြစ်ပေါ်ရေးအတွက် ညွှန်ကြား ရေးမှူးချုပ် ၅ ဦးနှင့် ပါမောက္ခချုပ် ၁ ဦးကို မယူမနေရ အငြိမ်းစားပေး လိုက်ပြီး အစိုးရအရာရှိ ၄၀ ကို ဌာနပြောင်း ရွှေ့လိုက်ကြောင်း သတင်းရရှိသည်။

ယင်းသို့ အငြိမ်းစားပေးခြင်းနှင့် ဌာနပြောင်း အရေးယူမှုများကို ပြုလုပ်ခံရသော အစိုးရအရာရှိများသည် လာဘ်ပေး လာဘ်ယူမှုဖြင့် အတိုင်ကြားခံရခြင်း၊ ဌာနဆိုင်ရာ လုပ်ငန်းစဉ်များ တွင် ပြုပြင်ပြောင်းလဲရေး မလုပ်လိုဘဲ နောက်ကြောင်း ပြန်ဆွဲသော အလေ့အထများ ရှိနေခြင်းကြောင့် ထိုသို့ အရေးယူခံရခြင်း ဖြစ်ကြောင်း နိုင်ငံတော်သမ္မတရုံးနှင့် နီးစပ်သော သတင်းရပ်ကွက် ထံမှ သိရှိရသည်။


အငြိမ်းစား ပေးခံလိုက်ရသော အစိုးရ၀န်ကြီးဌာန ညွှန်ကြားရေးမှူးချုပ် ၅ ဦးတွင် ဘဏ္ဍာရေးနှင့် အခွန်ဝန်ကြီး ဌာနမှ မြန်မာ့ စီးပွားရေးဘဏ် ဦးဆောင်ညွှန်ကြားရေးမှူး ဦးစံသောင်း၊ ပြည်တွင်း အခွန်များ ဦးစီးဌာနမှ ညွှန်ကြားရေးမှူးချုပ် ဦးမြတ်မော်၊ စီးပွားရေး နှင့် ကူးသန်းရောင်းဝယ်ရေး ၀န်ကြီးဌာနမှ ကုန်သွယ်မှု ညွှန်ကြားမှုဦးစီး ဌာန ညွှန်ကြားရေးမှူးချုပ် ဦးကျော်ထူး၊ ကုန်သွယ်မှုမြှင့်တင်ရေး ဦးစီးဌာန ညွှန်ကြားရေးမှူးချုပ် ဦးအောင်မင်း၊ အမျိုးသားစီမံကိန်း နှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန စီမံကိန်းစိစစ်ရေးနှင့် တိုးတက်မှု အစီရင်ခံရေးဦးစီးဌာန ညွှန်ကြားရေးမှူးချုပ် ဦးအေးကို၊ သိပ္ပံနှင့်နည်းပညာ ၀န်ကြီးဌာန အဆင့်မြင့်သိပ္ပံဦးစီးဌာန လက်အောက်ရှိ ရန်ကုန်ကွန်ပျူတာ တက္ကသိုလ်မှ ပါမောက္ခချုပ် ဒေါက်တာ နီလာသိန်း တို့ဖြစ်ကြောင်း သိရှိရသည်။

“ဦးဆောင် ညွှန်ကြားရေးမှူးနဲ့ တက္ကသိုလ် ပါမောက္ခချုပ်ရာထူး တာဝန်က ညွှန်ကြားရေးမှူးချုပ်နဲ့ အဆင့်တူညီတယ်။ အခု အငြိမ်းစား ပေးခံလိုက်ရတဲ့ ညွှန်ကြားရေးမှူးချုပ်တွေမှာ ဦးစံသောင်း၊ ဦးမြတ်မော်၊ ဦးကျော်ထူးနဲ့ ဦးအောင်မင်းတို့က အရင် တပ်က လာတဲ့ အငြိမ်းစား ဗိုလ်မှူးကြီးတွေ။ သူတို့ကို အဓိက အရေးယူတာကတော့ တိုင်စာတွေကို စိစစ်ရာက တကယ် လာဘ်ပေးလာဘ်ယူမှု တွေရှိတာ၊ စီမံခန့်ခွဲမှု ညံ့ဖျင်းတာတွေကြောင့်၊ ရန်ကုန်ကွန်ပျူတာ တက္ကသိုလ် ပါမောက္ခချုပ် ဒေါက်တာ နီလာသိန်း ကလည်း တိုင်စာ ကြောင့်ပဲလို့ သိရပါတယ်။ ခြုံငုံပြောရရင်တော့ တိုင်စာတွေ စိစစ်တဲ့အခါမှာ တကယ်ကျူးလွန် ကြောင်းတွေ့ရတာ၊ စီမံခန့်ခွဲမှု ညံ့ဖျင်းတာ၊ နောက်ကြောင်း ပြန်လှည့်ချင်တာ” ဟု သမ္မတရုံးနှင့် နီးစပ်သူ တဦးက အတည်ပြုပြောသည်။

အစိုးရထိပ်တန်း အရာရှိကြီး ၆ ဦး ကို မတ်လ ၂၉ ရက်နေ့တွင် မယူမနေရ အငြိမ်းစား ပေးလိုက်ခြင်း ဖြစ်သည်ဟု သိရှိရသည်။

ထို့ပြင် ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ အပါအ၀င် အစိုးရအရာရှိများ ၄၀ ကိုလည်း ဌာနပြောင်း အရေးယူမှုများ ပြုလုပ်ကြောင်း သိရှိရသည်။

ပြည်ထဲရေး ၀န်ကြီးဌာန၊ အထူးစုံစမ်းစစ်ဆေးရေး ဦးစီးဌာနမှ ဒုတိယ ညွှန်ကြားရေးမှူးချုပ် ဦးရဲမြင့်ကို ယဉ်ကျေးမှု ၀န်ကြီးဌာန၊ မန္တလေးယဉ်ကျေးမှု တက္ကသိုလ် ဒုတိယ ပါမောက္ခချုပ် အဖြစ်လည်းကောင်း၊ ဘဏ္ဍာရေးနှင့် အခွန်ဝန်ကြီးဌာန၊ အကောက်ခွန် ဦးစီးဌာနမှ ဒုတိယ ညွှန်ကြားရေးမှူးချုပ် ဦးအေးကို ကို ပညာရေးဝန်ကြီးဌာန၊ ပညာရေးစီမံကိန်း နှင့် လေ့ကျင့် ရေးဦးစီး ဌာန ဒုတိယ ညွှန်ကြားရေးမှူးချုပ်အဖြစ် လည်းကောင်း၊ ညွှန်ကြားရေးမှူးအဆင့် အရာရှိ အများအပြား ကိုလည်း ဌာနပြောင်းရွှေ့ခြင်း များလုပ်ဆောင် ကြောင်း သိရှိရသည်။

“စီးပွားကူးသန်း ၀န်ကြီးဌာန၊ နယ်စပ်ကုန်သွယ်ရေး ဦးစီးဌာနက ညွှန်ကြားရေးမှူး ခြောက်ဦးဆိုရင် သမ၀ါယမ ၀န်ကြီးဌာန၊ နယ်စပ် ရေးရာဝန်ကြီးဌာန၊ အလုပ်သမား နဲ့ လူမှုဖူလုံ ရေးဝန်ကြီးဌာန၊ ယဉ်ကျေးမှုဝန်ကြီးဌာန တွေကို ပို့ပစ်တယ်။ မြန်မာ့အသံနဲ့ ရုပ်မြင်သံကြားက ညွှန်ကြားရေးမှူးတွေလည်း ဌာနပြောင်းခံရတယ်။ တော်တော် များတယ်။ တက္ကသိုလ် ဆရာ၊ ဆရာမ တွေလည်းပါတယ်။ အားလုံးပေါင်း ၄၀ ရှိတယ်” ဟု နိုင်ငံတော်သမ္မတရုံး အရာရှိတဦးက ပြောသည်။

သမ္မတ ဦးသိန်းစိန်၏ အမျိုးသားစီးပွားရေးနှင့် လူမှုရေးအကြံပေး ကောင်စီမှ အဖွဲ့ဝင်တဦးကမူ “ကျနော် သိထား သလောက်တော့ သမ္မတက Reform Process ရဲ့ အစိတ်အပိုင်း တခုအဖြစ် ဒါကို လုပ်တယ်။ နောက်ပြီး သမ္မတရုံး ၂ ကလည်း ပြည်သူတွေဆီကလာတဲ့ တိုင်စာတွေအပေါ်မှာ စိစစ်အရေးယူမှု တွေလုပ်တယ်။ ဒီအရေးယူမှုက သမ္မတ လက်ထက်မှာ ကြီးမားတဲ့အရေးယူမှုတခုပါပဲ” ဟု သုံးသပ်သည်။

အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က အစိုးရအနေဖြင့် အစိုးရအရာရှိကြီးများကို ဖယ်ရှား ရှင်းလင်း ရာတွင် ပွင့်လင်းမြင်သာမှု အလွန်အရေးကြီး ကြောင်း ဆိုသည်။

“ဆက်သွယ်ရေးအရာရှိတွေ ဖမ်းတယ်၊ စစ်ဆေးတယ်။ ပြန်လွှတ်တယ်။ ၀န်ကြီးကို ဖြုတ်ပစ်တယ်။ ဘာကြောင့် ဘယ်လို အရေးယူမလဲ ဘာမှ သေသေချာချာ ရေရေရာရာ မရှိဘူး။ အခုလည်း ညွှန်ချုပ်တွေ ဖြုတ်တယ်၊ အငြိမ်းစား ပေးခံရတယ် ဆိုတာ သတင်းသမား တွေက လိုက်စုံစမ်းလို့သာ သိရတာ။ တကယ်တမ်းက အစိုးရက ဒါမျိုးတွေ ထုတ်ပြန်ပေးရမှာ။ ဒါမှ နောက်ဖြစ် လာမယ့် အစိုးရအရာရှိတွေ မလုပ်ရဲဖြစ်မှာ။ ပွင့်လင်းမြင်သာမှုမရှိဘူး” ဟု ဦးဖုန်းမြင့်အောင်က ရှင်းပြသည်။

၂၀၁၃ ခုနှစ် ဇန်န၀ါရီလဆန်းပိုင်းကလည်း ဆက်သွယ်ရေးဝန်ကြီး ဦးသိန်းထွန်းအပါအ၀င် ဆက်သွယ်ရေး အရာရှိအချို့ကို လာဘ်ပေးလာဘ်ယူဖြင့် ရာထူးမှ ဖယ်ရှားခြင်း၊ အရေးယူ ခြင်းများ လုပ်ဆောင်ခဲ့သည်။

Ref: ဧရာဝတီ

Read More...

Collapse...

အကြမ်းဖက်မှု သက်ဆိုးမရှည်ရန် အားလုံးတွင် တာဝန်ရှိသည်

သစ္စာနီ
April 1, 2013

တချို့က ကမ္ဘာ့သမ်ိုင်းကို စစ်ပွဲများ၏ သမိုင်းဟု ရှုမြင်ကြသည်။ ငြိမ်းချမ်းရေး ဆိုသည်မှာ စစ်နှင့် စစ်ရပ်စဲထားသော ကာလကို ခေါ်သည်ဟု ဆိုကြသည်။

ကမ္ဘာပေါ်တွင် စစ်ပွဲ အလီလီ ဖြစ်ကြရာတွင် အကြောင်းရင်းခံမှာ အမျိုးမျိုးပင် ဖြစ်သည်။ ဘုရင်က ဘုန်းလက်ရုံး ဆန့်တန်းလို၍ (ဥပမာ – ဂျင်ဂစ်ခန်၊ အလက်ဇန္ဒာ သည်ဂရိတ် စသည်ဖြင့် …) အင်ပါယာ လက်နက် နိုင်ငံတော်ကြီး ထူတောင်ရန် စစ်ခင်းကြသည်။ တချို့က စီးပွားရေး အလို့ငှာ (ဥပမာ – ကုန်ကြမ်းယူ၍ ကုန်ချောရောင်းရန် ရည်ရွယ်ချက်ဖြင့် စီစဉ်ခဲ့သော ကိုလိုနီနယ်ချဲ့စစ်)၊ ထို့နောက် အယူဝါဒ ပြန့်ပွားလိုသဖြင့် (ဆိုဗီယက်က ချက်ကိုစလိုဗက်ကို ကျူးကျော်ခြင်း) ခင်းရသောစစ်။ အယူဝါဒ ဆိုရာ၌ နိုင်ငံရေး သာမဟုတ် ဘာသာရေးလည်း ပါဝင်ပေသည်။


ဥပမာ – ကမ္ဘာ့သမိုင်းတွင် ထင်ရှားသော ခရူးဆိတ် (Crusade) စစ်ပွဲများ။ တပ်ခ် (တူရကီ) အစ္စလမ် ဘာသာဝင်များက ဂျေရုစလင်ကို သိမ်းပိုက်မိသောအခါ ဥရောပရှိ ခရစ်ယာန် များနှင့် ထိပ်တိုက်တွေ့ရသည်။ ဂျေရုစလင်သည် သူတို့အတွက် Holy Land (မြင့်မြတ်သော မြေ)၊ သူတို့ ကိုးကွယ်သော ယေရှုခရစ် ဖွားမြင်ရာ အရပ်၊ ထိုအရပ်သို့ ဘုရားဖူး ရောက်ရှိ လာသော ခရစ်ယာန် များကို အစ္စလမ် ဘာသာဝင်များက နှိပ်စက် စော်ကားမှုများ ပြုသဖြင့် ပုတ်ရဟန်းမင်းထံ အကူအညီတောင်းသည်။ ထိုစဉ်က ပုတ်ရဟန်းမင်း ဖြစ်သော ဒုတိယ မြောက် အာဘန်းက ဥရောပရှိ ဘုရင်များအား အကူအညီတောင်းကာ ဂျေရုစလင်ကို ပြန်လည်တိုက်ခိုက်ရာမှ ဘာသာခြားများ အကြား ခင်းရသော ခရူးဆိတ်စစ်ပွဲ ဖြစ်လာရသည်။ ထိုစစ်ပွဲသည် ၁၀၉၅ မှ ၁၂၉၁ အထိ အနှစ် ၂၀၀ တိုင် ကြာမြင့်ခဲ့လေသည်။

ကမ္ဘာတွင် မူဂျာဟစ်ဒင်တို့နှင့် ပတ်သက်၍ ဂျီဟတ် (Jihad) စကား ခေတ်စားလာ၏။ ထိုစကားလုံးကို ကိုရ်အန်ကျမ်းတွင် ၄၁ ကြိမ်တိတိ ဖော်ပြထားတာကို တွေ့ရသည်။ အဓိပ္ပာယ်မှ “ဘုရား၏ လမ်းစဉ်အတိုင်း နေထိုင်ခြင်း” (Al-Jihad Fi Sabil Allah) ဟူ၍ ဖြစ်သည်။ ထို ဂျီဟတ် လမ်းစဉ်ကျင့်သုံးသူကို Mujahid (မူဂျာဟစ်) ဟုခေါ်သည်။ အများစု အနေဖြင့်မူ မူဂျာဟစ်ဒင်ဟု ခေါ်သည်။ ဂျီဟတ် နှစ်မျိုးရှိရာ အဆင့်မြင့် ဂျီဟတ် (Greater Jihad) မှာ အတွင်းစိတ်ဝိညာဉ် အားထုတ်မှုကို ခေါ်၍ (Lessen Jihad) မှာမူ အပြင် ရုပ်ပိုင်းဆိုင်ရာ အားထုတ်မှုကို ဆိုလိုသည်။ Lessen Jihad တို့သည် မွတ်စလင်၏ ရန်သူများကို တိုက်ခိုက်ရန် တာဝန်ယူရသည်။ သူတို့သည် နည်းနှစ်နည်းဖြစ်သော သွေးထွက်သံယိုနည်း (A Violent Farm) နှင့် အနုနည်း ဆိုသော (Non – Violent Farm) ကို အသုံးပြုကြသည်။ စာပေနှင့် ၀ါဒဖြန့်ချိနည်းမှာ (Jihad Of The Pen) အကြမ်းမဖက် နည်း ဖြစ်သည်။ သွေးထွက်သံယိုနည်းမှ အသေခံ ဗုံးခွဲ တိုက်ခိုက်သော Sucide Bomber တွေကို မွေးထုတ်ခဲ့သည်။ ယင်းမှာ ဘုရားသခင်ထံတော်မှာ အမှုထမ်းခြင်း (Duty toward God) ဟု ဆိုကြသည်။

အမှန်တကယ်အားဖြင့် ဘာသာတရား အတော်များများသည် မေတ္တာတရားပေါ် အခြေခံသည်ဟု ယုံကြည်သည်။ လူမျိုး ဘာသာ အယူဝါဒ မည်သို့ပင် ကွဲပြားပါစေ လူသည် လူသာ ဖြစ်သည်။ လူသားတိုင်း အပြန်အလှန် လေးစား၊ အပြန်အလှန် စာနာထောက်ထားရန် လူသားတိုင်းမှာ တာဝန်ရှိသည်။ ဘာသာတရားကို အကြောင်းပြု၍ စစ်ပွဲများ ဖြစ်ပွားခြင်း၊ သွေးထွက်သံယို သေကြေပျက်စီးခြင်းများ မဖြစ်သင့်။

ယနေ့ မြန်မာနိုင်ငံတွင် ဒီမိုကရေစီ ပြုပြင်ပြောင်းလဲရေး လုပ်ငန်းများကို နှောင့်နှေး နှောက်ယှက်မှု ပြုသလို ဆူပူ လှုပ်ရှားမှု အမျိုးမျိုး ပေါ်ထွန်းနေလျက်ရှိစဉ် မိတ္ထီလာ အရေးအခင်းမှာ ဘာသာရေး ပဋိပက္ခ အသွင်သို့ ကူးပြောင်းလာသည်ကို တွေ့မြင်နေရ လေရာ ယင်းမှာ ကောင်းသည့် လက္ခဏာတရပ် မဟုတ်ဟု ထင်မြင်မိပေသည်။ လူတိုင်းတွင် မိမိတို့ ယုံကြည်ရာ ဘာသာအား လွတ်လပ်စွာ ယုံကြည်ကိုးကွယ်ခွင့်ကို ၂၀၀၈ ခုနှစ် ဖွဲ့စည်းပုံ အခြေခံ ဥပဒေက အတိအလင်း ခွင့်ပြုထားပြီး ဖြစ်သည်။

ငါ့ဘာသာမှ ငါ့ဘာသာ၊ ကျန် ဘာသာဝင်များမှာ မိစ္ဆာဒိဋ္ဌိ ဟု တယူသန်အစွဲ ကြီးနေကြလျှင် အတူတကွ ငြိမ်းချမ်းစွာ ယှဉ်တွဲနေထိုင်ရေးမှာ ဘယ်သောအခါမှ ဖြစ်နိုင်မည် မဟုတ်။ အိမ်ရှင်ကလည်း ကိုယ့်မြေပေါ် လာနေသူများ အပေါ် ဧည့်သည်လို သဘောထားကာ ဧည့်ဝတ်ကျေပွန် ရမည် ဖြစ်သကဲ့သို့ အိမ်ကို စော်ကားသော အမူအကျင့်များကိုလည်း ဧည့်သည်က မပြုအပ်။ ဤ မိတ္ထီလာ ပြဿနာမှာ ရခိုင်ဒေသ အရေးအခင်းနှင့် သွယ်ဝိုက် ဆက်နွယ်နေသည်။ သို့သော် ကျနော်တို့က ယင်း ကိစ္စရပ်များကို တကွဲတပြားစီ ရှုမြင်ကာ သင့်တော်သလို ဖြေရှင်းပါမှ ပြဿနာ ပြေလည်နိုင်မည်။

ရခိုင်နှင့် ပတ်သက်သော တခြားဒေသမှ တရားမဝင် ဝင်ရောက်လာသည့် မွတ်စလင်များက ပြဿနာ တခုဖြစ်သည်။ ရခိုင်ဒေသခံများနှင့် ပြဿနာဖြစ်ကြသည်မှာ မွတ်စလင်များ ဖြစ်သဖြင့် မိတ္ထီလာ ပြဿနာကဲ့သို့ မွတ်စလင်များကို နှိပ်ကွပ်မည် ဆိုသော အယူအဆမှာ ကြွက်မနိုင် ကျီ မီးနဲ့ရှို့တဲ့ ကိန်းမျိုး ဆိုက်နေလေသည်။ ဘာသာခြား အချင်းချင်း အတူယှဉ်တွဲ နေထိုင်ရေးမှာ တရားမ၀င် အခြေချ ၀င်ရောက် နေထိုင်ခြင်းနှင့် မပတ်သက်။ ထို့အတူ ထိုအမှုအခင်း ဖြစ်စဉ် အကြမ်းဖက် ခြင်းများသည်လည်း ရှေ့က ဆိုပြီးသော အကြောင်းတရား များနှင့် မပတ်သက်။ အပြန်အလှန် အကြမ်းဖက်ကြသော မည်သူ့ကို မဆို တရားဥပဒေကြောင်း အရ ထိရောက်စွာ အရေးယူရမည်သာ ဖြစ်သည်။

၁။ အကြမ်းဖက်ခြင်း၊ ၂။ ရိုဟင်ဂျာ (တရားမ၀င် ၀င်ရောက် အခြေချ နေထိုင်ခြင်း)၊ ၃။ ဘာသာရေး ပဋိပက္ခ စသည့် ၃ ခုစလုံးကို ရောထွေးသုံးသပ်ကာ အဖြေတခု ရှာခြင်းသည် ဖြစ် နိုင်သော ကိစ္စမဟုတ်။ အဖြေမှန်လည်း မဟုတ်။ သီးခြားစီ ကိုင်တွယ် ဖြေရှင်းရမည့် ပြဿနာသာ ဖြစ်သည်။ ဒီကြားထဲ ပွဲလန့်တုန်း ဖျာခင်းချင်သည့် အဖွဲ့အစည်း တချို့၏ ပယောဂ ကိုလည်း သတိထားရဦးမည်။ ပုထုဇဉ်တို့ သဘောအရ ဒေါသအလျောက် အပြစ်ကျူးလွန်မှုများ နှစ်ဘက်စလုံးမှာ ရှိနိုင်ပေသည်။ ဒါကို အပြန်အလှန် ခွင့်လွှတ်နိုင်ကြရမည်။ ပြီးလျှင် ရေရှည် အတူတကွ ပူးတွဲ နေထိုင်ရေး အတွက် ယုံကြည်မှု အသစ်များ ပြန်လည် တည်ဆောက်ရမည်။

ထိုသို့ ဆောင်ရွက်ရန်မှာ အစိုးရမှာသာ တာဝန်ရှိသည် မဟုတ်။ နိုင်ငံရေး ပါတီများ၊ အရပ်ဘက် လူ့အဖွဲ့အစည်းများမှာသာ တာဝန်ရှိသည်မဟုတ်။ ဤနိုင်ငံတွင် နေထိုင်သော လူမျိုး ဘာသာ မရွေး နိုင်ငံသား တိုင်းတွင် တာဝန်ရှိသည်ဟု ခိုင်မာစွာ ယုံကြည်မိပေသည်။

Ref: ဧရာဝတီ

Read More...

Collapse...

၅၀၀၀ တန် ငွေစက္ကူ အတုအစစ်ခွဲနည်း ဗဟိုဘဏ် ထုတ်ပြန်

ရန်ပိုင်
April 1, 2013

မြန်မာ့ငွေကြေး နယ်ပယ်တွင် ၅၀၀၀ ကျပ်တန် ငွေစက္ကူအတုများ ပျံ့နှံ့နေခြင်းနှင့် ပတ်သက်၍ နိုင်ငံတော်ဗဟိုဘဏ်က အတုအစစ် ခွဲခြားနိုင်သည့် အချက်အလက်များကို ပြီးခဲ့သည့် စနေနေ့ထုတ် အစိုးရ သတင်းစာများတွင် ဖော်ပြလိုက်သည်။

ငွေစက္ကူအတုမှာ သာမန်စက္ကူဖြင့် ရိုက်နှိပ်ထားရာစာလုံး၊ ဆေးသား ကြည်လင်ပြတ်သားမှု မရှိခြင်း၊ စက္ကူသား ကျစ်လစ်သိပ်သည်းမှု မရှိသည့်အတွက် ရာသီဥတုနှင့် ရေစိုဒဏ် မခံနိုင်ခြင်း၊ နံပါတ်များမှာ နေရောင် အောက်တွင် နီရဲတောက်ပမှု မရှိခြင်း၊ ရေစာမှာလည်း အလင်းရောင်တွင် ထောင်ကြည့်ပါက ပေါ်လွင်ပြတ်သားမှု မရှိကြောင်း၊ လုံခြုံရေးကြိုး မှာလည်း စက္ကူတွင် ဒေါင်လိုက် ထည့်သွင်းထားခြင်း မရှိကြောင်း အတုအစစ်ခွဲခြားနည်းကို ရေးသားထားသည်။


စီးပွားရေးနယ်ပယ်၌ ငွေစက္ကူအတုများ ပျံ့နှံ့နေခြင်းကြောင့် ပြည်သူ့လွှတ်တော် အစည်းအဝေးတွင်ပင် တင်ပြဆွေးနွေးခဲ့ရသည် အထိ ဖြစ်ခဲ့ရပြီး သာမန် လူထုအနေဖြင့်လည်း အတု အစစ် ခွဲခြားနိုင်ရန် ခက်ခဲသည့်အတွက် အမှုအခင်းများ ဖြစ်ပွားရသည်အထိ ဖြစ်ပေါ်ခဲ့သည်။

ရန်ကုန်မြို့ ဘုရင့်နောင် ပွဲရုံတန်းရှိ ဆန်လုပ်ငန်းရှင်တဦးက “ဘဏ်က ထုတ်လာတဲ့ပိုက်ဆံကို တန်းပြီးငွေချေတာက ပြဿနာ မဟုတ်ဘူး။ အပြင်ကလာတဲ့ပိုက်ဆံနဲ့ ၀ယ်မိသည်ဖြစ်စေ၊ ရောင်းမိသည်ဖြစ်စေ အတုပါလာရင် ပြဿနာဖြစ်ပြီပဲ” ဟု ဆိုသည်။

ပြီးခဲ့သည့်လအတွင်းကလည်း မန္တလေးတိုင်း ငါန်းဇွန်မြို့နယ်အတွင်း မြေကွက်အရောင်းအ၀ယ် ပြုလုပ်ရာမှ ရရှိသည့် ငွေကြေးများကို မြို့နယ် မြန်မာ့စီးပွားရေးဘဏ်သို့ သွားရောက် အပ်နှံရာ ၅၀၀၀ ကျပ်တန် ငွေစက္ကူအတုများ ပါရှိလာသည်ဟု ဆိုကာ အရေးယူသည့် ဖြစ်ရပ်ဖြစ်ပွားခဲ့သည်။

ကမ္ဘောဇဘဏ် ဒုဥက္ကဋ္ဌ ဦးသန်းလွင်က ငွေစက္ကူအတုအစစ် ခွဲခြားခြင်းမှာ ဘဏ်ဝန်ထမ်းများအတွက် မခဲယဉ်းသော်လည်း သာမန် ပြည်သူများ အနေဖြင့် ခွဲခြားနိုင်ရန် ခဲယဉ်းကြောင်း ဆိုသည်။

“ရိုးရိုးသားသား အပ်တာလား၊ ဖြန့်ချိတာလားဆိုတာ ကွဲပြားဖို့လိုတယ်။ ကျနော့် အတွေ့အကြုံအရ ဖြန့်တဲလူက ဘယ်တော့မှ ဘဏ်မအပ်ဘူး။ ဈေးကွက်ထဲမှာပဲ လည်ပတ်အောင် သုံးတယ်။ အဲဒီတော့ ရိုးရိုးသားသား အပ်တဲ့လူကိုတော့ ဥပဒေဆိုင်ရာ ခြွင်းချက်ရှိဖို့လိုတယ်” ဟု ၎င်းက ဆိုသည်။

ကမ္ဘာပေါ်တွင် အများယုံကြည် လက်ခံသုံးစွဲနေသည့် အမေရိကန်ဒေါ်လာများပင် အတုထွက်ပေါ်တတ်ရာ မြန်မာနိုင်ငံတော် ဗဟိုဘဏ် အနေဖြင့် အတုအစစ် ခွဲခြားမှုများကို ယခုထက် ပိုမိုပွင့်ပွင့်လင်းလင်း ကျယ်ကျယ်ပြန့်ပြန့် အသိပေးခြင်းများ ပြုလုပ်သင့်ကြောင်း၊ ငွေစက္ကူအတု ပြုလုပ်သူများအနေဖြင့် ကျပ် ၁ သောင်းတန်နှင့် ကျပ် ၅ ထောင်များကိုသာ အများဆုံး ပြုလုပ်ရာ အဖွဲ့အစည်းများ၊ လုပ်ငန်းရှင်များ အနေဖြင့် အတွေ့အကြုံရှိသည့် ငွေရေတွက်သူများကို ခန့်ထားပြီး သေချာစစ်ဆေးရန် လိုကြောင်း ဦးသန်းလွင်က ဆက်ပြောသည်။

မြန်မာနိုင်ငံ ဗဟိုဘဏ်မှ တရားဝင် ကျပ် ၅၀၀၀တန် အရေအတွက် တန်ဖိုး ကျပ် ၂၈၀၀ ဘီလီယံကျော် ထုတ်ဝေ ထားပြီးဖြစ်ကြောင်း၊ အဆိုပါ ငွေစက္ကူအတုများ ဘဏ်များ၌ မလည် ပတ်စေရန် ငွေကြေးဆိုင်ရာ လုပ်ထုံးလုပ်နည်းနှင့် အညီ ဆောင်ရွက်နေကြောင်း၊ ပြင်ပ စီးပွားရေးလောကတွင်လည်း ငွေစက္ကူအတုများ လည်ပတ်နေနိုင်ရာ အတုအစစ်ခွဲခြားရန် ပညာပေးခြင်း၊ အမှုဖွင့် တိုင်ကြား အရေးယူခြင်းများ ဆောင်ရွက်နေကြောင်း ဘဏ္ဍာရေးနှင့် အခွန်ဝန်ကြီးဌာန ဒု ဝန်ကြီး ဒေါက်တာ လင်းအောင်က ပြီးခဲ့သည်လ ပြည်သူ့လွှတ်တော် အစည်းအဝေးတွင် ရှင်းလင်း ပြောကြားခဲ့သည်။

Ref: ဧရာဝတီ

Read More...

Collapse...

ပုဂ္ဂလိက သတင်းစာများ ဖြန့်ချိသည်နှင့် အရောင်းသွက်

ထက်နိုင်ဇော်
April 1, 2013

ယနေ့ စတင်ဖြန့်ချသော နေ့စဉ်ထုတ် ပုဂ္ဂလိက သတင်းစာများမှာ ဈေးကွက်အတွင်း ရောင်းအား ကောင်းမွန်လျက် ရှိကြောင်း ရန်ကုန်မြို့ရှိ ဂျာနယ် အရောင်းဆိုင်များထံမှ စုံစမ်း သိရသည်။

နှစ်ပေါင်း ၅၀ အတွင်း နေ့စဉ်ထုတ် သတင်းစာကို အစိုးရကသာ ချုပ်ကိုင်ထားခဲ့ရာမှ ယနေ့တွင် ပထမဦးဆုံးအကြိမ် ပုဂ္ဂလိက သတင်းစာများအဖြစ် စတင် ထွက်ပေါ်လာခဲ့ခြင်း ဖြစ် သည်။


The Voice၊ ရွှေနိုင်ငံသစ်၊ စံတော်ချိန်နှင့် ပြည်ထောင်စုနေ့စဉ် သတင်းစာ ၄ စောင်ကို ဧပြီလ ၁ ရက်နေ့မှ စတင်ကာ ဈေးကွက်တွင် စတင်ဖြန့်ချိရာ ရောင်းကောင်းကြောင်း ရန်ကုန်မြို့ လမ်း ၃၀ ရှိ သီတာ၊ နီလာ ဂျာနယ် ဖြန့်ချိရေး လုပ်ငန်းမှ တာဝန်ခံတစ်ဦးက ဧရာဝတီသို့ ပြောသည်။

“သတင်းစာက တော်တော်ရောင်းရတယ်။ တစောင်ဆိုရင် စောင်ရေ ၂၀၀၀ ယူတာ မလောက်ဘူး၊ မနက်ဖြန် ၃၀၀၀ တိုးယူမယ်” ဟု တာဝန်ခံ အမျိုးသမီးက ဆိုသည်။

The Voice နှင့် ရွှေနိုင်ငံ သတင်းစာမှာ တိုက်ထုတ်ဈေး ကျပ် ၁၀၀ ဖြစ်ပြီး စံတော်ချိန်နှင့် ပြည်ထောင်စု နေ့စဉ်သတင်းစာမှာ အခမဲ့ ဖြန့်ချိလျှက်ရှိကြောင်း မြို့ထဲရှိ ဂျာနယ် အရောင်းဆိုင်များက ပြောသည်။

“ရောင်းရတယ်။ စောင်ရေ ၅၀ တင်တာ မလောက်ဘူး။ မနက်ဖြန်တော့ တိုးယူမယ်” ဟု ၂၉ လမ်းထိပ်ရှိ ဂျာနယ် အရောင်းဆိုင်မှ မယဉ်ယဉ်ဋ္ဌေးက ပြောသည်။

ထွက်ရှိလာသော ပုဂ္ဂလိက သတင်းစာများ၏ အရည်အသွေးမှာ နိုင်ငံတကာအဆင့် မရှိသေးသော်လည်း ဒေသတွင်း နိုင်ငံများနှင့်မူ ယှဉ်ပြိုင်နိုင်သော အခြေအနေရှိကြောင်း The Voice သတင်းစာမှ သတင်းထောက်ချုပ် ကိုနိုင်မင်းဝေက ပြောသည်။

“စာရွက်တွေ ဘာတွေလည်းမဆိုးဘူး။ သတင်းရော၊ အပြင်အဆင်လေးရော သူ့ဟာနဲ့ သူတော့ ကြိုးစားထား ကြတယ်။ နှစ် ၅၀ လောက် နောက်ကျ ကျန်ခဲ့တဲ့ အခြေအနေမှာ ဒီလောက်လုပ်နိုင်တာ မဆိုးဘူး ပြောရမယ်” ဟု သူက ဆိုသည်။

သတင်းစာတစောင်လျှင် ၁၅၀၊ ၂၀၀ ကျပ်နှုန်းဖြင့် ဂျာနယ် လက်လီဆိုင်များက ရောင်းချလျက်ရှိပြီး နေ့စဉ်ထုတ် သတင်းစာများ ထွက်ရှိလာသော်လည်း အပတ်စဉ်ထုတ် ဂျာနယ်များလည်း ပုံမှန်ထုတ်ဝေသွားမည် ဖြစ်ကြောင်း ပြည်တွင်း မီဒီယာ အသိုင်းအ၀ိုင်းမှ သိရသည်။

ပြည်ထောင်စုနေ့စဉ် သတင်းစာကို ယနေ့မှစ၍ ဧပြီ ၁၀ ရက်နေ့အထိ အခမဲ့ ဖြန့်ချိသွားမည် ဖြစ်ပြီး ရန်ကုန်တွင် စောင်ရေ ၂၀၀၀၀၊ မန္တလေးတွင် ၁၀၀၀၀ နှင့် နေပြည်တော်တွင် ၅၀၀၀ စီ ဖြန့်ချိလျက်ရှိကြောင်း၊ ဧပြီလ ၁၁ရက်နေ့မှ စတင်ကာ တစ်စောင် ၁၀၀ ကျပ်ဖြင့် ယခုစောင်ရေအတိုင်း ဆက်လက် ဖြန့်ဝေသွားမည် ဖြစ်ကြောင်း ယင်းသတင်းစာ အယ်ဒီတာချုပ် ဦးတင်ဝင်းက ဧရာဝတီသို့ ပြောသည်။

သတင်းစာဆရာ တဦးဖြစ်သူ ဦးမြင့်ကျော်ကမူ နေ့စဉ်ထုတ် သတင်းစာအမည် တပ်ထားသော် ယနေ့ ဖြန့်ချိလိုက်သည့် သတင်းစာများ၏ အပြင်အဆင်မှာ ဂျာနယ်နှင့်သာ ပိုတူကြောင်း၊ ဈေးနှုန်းမှာလည်း ဈေးကွက်ထဲတွင် တစောင် ၂၀၀ ကျပ် ဖြစ်နေသောကြောင့် ဈေးချိုသည်ဟု မပြောနိုင်ကြောင်း သုံးသပ်သည်။

နေ့စဉ်ထုတ် ပုဂ္ဂလိက သတင်းစာများကြောင့် အပတ်စဉ်ထုတ်ဂျာနယ်များ ဈေးကွက်ထိခိုက်မှု ရှိမရှိမှာ ပြောရန် အချိန် စောသေးကြောင်း၊ ဈေးနှုန်းအရလည်း ကျပ် ၂၀၀ ရာ ၀န်းကျင် ဖြစ်နေသောကြောင့် အစိုးရ သတင်းစာ တစောင်ကျပ် ၁ ရာ ဈေးနှုန်းကို မယှဉ်နိုင်သေးကြောင်း၊ ဂျာနယ်များမှာလည်း သူ့လိုင်းနှင့်သူ ပုံမှန် အရောင်းအ၀ယ်ရှိကြောင်း ရန်ကုန်မြို့ရှိ ဂျာနယ် အရောင်းဆိုင်တချို့ထံမှ သိရသည်။

ပုဂ္ဂလိက နေ့စဉ်ထုတ် သတင်းစာ ၄ စောင်အနက်The Voice Daily နှင့် ပြည်ထောင်စုနေ့စဉ် နှစ်စောင် မန္တလေးမြို့သို့ ရောက်ရှိလာပြီး ပြည်ထောင်စု နေ့စဉ်သတင်းစာကို အခမဲ့ ဖြန့် ဝေ၍ The Voice Daily သတင်းစာမှာ စောင်ရေ ၁၃၀၀ ရောင်းခဲ့ရကြောင်း၊ ကျန် သတင်းစာနှစ်စောင်မှာ မွန်းလွဲပိုင်း အထိ ရောက်ရှိမလာသေးကြောင်း မန္တလေး ထွန်းဦးစာပေမှ ကိုထွန်းဦးက ပြောသည်။

The Daily Eleven၊ စံတော်ချိန်၊ ခေတ်သစ် နေ့စဉ်၊ The Yangon Times၊ မြန်မာဓိက၊ ဒီလှိုင်း ၊ ပြည်ထောင်စုအသံ၊ ၇ ရက်နေ့စဉ် စသည့် အမည်များဖြင့် ပုဂ္ဂလိက နေ့စဉ် သတင်းစာ ၈ စောင်ကို ပုံနှိပ်သူများ၊ ထုတ်ဝေသူများ မှတ်ပုံတင်နှင့် ဖြန့်ချိရေး လုပ်ငန်းများ ကြီးကြပ်မှု ဗဟိုအဖွဲ့မှ စိစစ် ခွင့်ပြုထားပြီးဖြစ်၍ ၂၀၁၃ ခုနှစ် ဖေဖော်ဝါရီလ အတွင်းကလည်း ပုဂ္ဂလိ က သတင်းစာ ၈ စောင် ခွင့်ပြုပြီးဖြစ်ရာ စုစုပေါင်း နေ့စဉ်သတင်းစာ ၁၆ စောင် ရှိပြီ ဖြစ်သည်။

Ref: ဧရာဝတီ

Read More...

Collapse...

သင်္ကြန်နီးချိန် မန္တလေးတွင် အုပ်စုဖွဲ့ရမ်းကားမှုများရှိ

မန်းသားလေး
April 1, 2013

ယနေ့နံနက် ၁ နာရီအချိန်ခန့်က မန္တလေး မဟာအောင်မြေမြို့နယ်တွင် လူနေအိမ်များရှေ့၌ ရပ်နားထားသော ကားတစီး၏ မှန်များကို လူအုပ်စုတစုက အကြောင်းမဲ့ ဖျက်ဆီးမှုများ ပြုလုပ်ခဲ့ကြကြောင်း သိရသည်။

ဖျက်ဆီးရသည့် အကြောင်းရင်းကို မသိရှိရသေးသော်လည်း ကျူးလွန်သူတို့မှာ အခင်းဖြစ်ပွားချိန်တွင် အရက်မူးနေသူများ ဖြစ်သည်ဟု မဟာအောင်မြေမြို့နယ် အမှတ် ၉ ရဲစခန်းမှ တာဝန်ကျရဲအုပ် ဦးစိုးမိုးနိုင်က ဧရာဝတီကို ပြောသည်။


“ဘာသာရေးနဲ့ ပတ်သက်တာမျိုး မဟုတ်ပါဘူး။ သူတို့ဘာသာ သူတို့ မူးပြီး ရမ်းကားတာပါ။ လူငယ်တွေဆိုတော့ အရက်လေးဝင်တာရယ် လေတဖြူးဖြူး တိုက်တာရယ်ဆိုတော့ စိတ်တွေအလိုလိုနေရင်း ကြွပြီး ရမ်းကားတာတွေ ဖြစ်ကုန်တာပါ” ဟု ၎င်းက ဆိုသည်။

အခင်းဖြစ်ပွားချိန်တွင် ပါဝင်သူ ၁၀ ဦးရှိပြီး ၉ ဦးကို အချိန်တိုအတွင်း ဖမ်းဆီးနိုင်ခဲ့သည်။ ခေါင်းဆောင်ဟု ယူဆရသော ဗေဒါကြီး ဆိုသူမှာမူ လွတ်မြောက်နေဆဲဖြစ်ပြီး ဖမ်းဆီးရမိရန် အချိန်နှင့် တပြေးညီ် ကြိုးစားနေကြောင်း ရဲအုပ်စိုးမိုးနိုင်က ပြောသည်။

၎င်းကျူးလွန်သူ လူငယ်များမှာ ၇၄ လမ်းနှင့် ၃၇ လမ်းကြားရှိ အိမ်တအိမ်ရှေ့တွင် ရပ်နားထားသည့် Van ကားကို အကြောင်းမဲ့ မှန်များရိုက်ခွဲခဲ့ခြင်းဖြစ်သည်။ ကား၏ ဘယ်ဘက်အခြမ်းရှိ မှန်မှာ တစစီကွဲကုန်ပြီး ညာဘက်အခြမ်း ကားမှန်မှာ အပေါက် ဖြစ်သွားခဲ့သည်။ မှန်များကိုသာ ရိုက်ခွဲခဲ့ခြင်းဖြစ်ပြီး ကားကိုယ်ထည်ကို ဖျက်ဆီးခဲ့ခြင်းမျိုး မရှိဟုလည်း သိရသည်။

“အဲလို ရမ်းကားတဲ့ လူတွေကို ရပ်ကွက်ကနေ ၀ိုင်းဖမ်းကြတာပါ။ သူတို့လည်း သွေးရူးသွေးတန်းနဲ့ ပြေးမိပြေးရာ ပြေးကြတာ ထွက်ပေါက်မရှိတဲ့ လမ်းကို တဦးက ၀င်သွားတယ်။ အဲဒါနဲ့ ရပ်ကွက်ကလူတွေက ခြိမ်းခြောက်ပြီး ဖမ်းလိုက်တာ။ နောက်ပိုင်းမှ ကျန်တဲ့လူတွေကို ရဲကဆက်ရှာပြီး ဖမ်းရတာပါ” ဟု ယင်းရပ်ကွက်တွင် နေထိုင်သူ တဦးက ပြောသည်။

ယခုဖြစ်ပွားခဲ့သည့် ဖြစ်စဉ်အတွက် ဖမ်းဆီး စစ်ဆေးထားသော တရားခံများကို ပြစ်မှုဆိုင်ရာ ဥပဒေပုဒ်မ ၅ ခုနှင့် စွဲချက် တင်ကာ တရားရုံးသို့ တင်မည်ဖြစ်ကြောင်းသိရသည်။

၎င်းတို့ကို ပြစ်မှုဆိုင်ရာ ဥပဒေပုဒ်မ ၂၉၄ (ဆဲဆိုရမ်းကားမှု)၊ ၄၄၀ (နာကျင်စေရန် ပြင်ဆင်ပြီးနောက် စော်ကားမှု၊ အကျိုးဖျက်ဆီးမှု)၊ ၅၀၄ (ငြိမ်ဝပ်ပိပြားရေး ပျက်ပြားစေရန် အကြံဖြင့် တမင်စော်ကားခြင်း)၊ ၄၂၇ (အကျိုးဖျက်ဆီးမှု) နှင့် ၁၄၄ (လူတယောက်ထက် ပိုမှု) တို့ဖြင့် အမှုဖွင့်ထားကြောင်း တာဝန်ကျ ရဲအရာရှိက ဧရာဝတီသို့ ပြောသည်။

မတ်လ ၉ ရက်နေ့ ည ၁၁ နာရီအချိန်ခန့် ကလည်း မန္တလေးမြို့ ၆၉ လမ်း ၇၁ လမ်းနှင့် ၇၂ လမ်းကြားတွင် လူငယ်အချင်းချင်း အုပ်စုဖွဲ့ ရိုက်နှက်မှုတခု ဖြစ်ပွားခဲ့ပြီး တရားခံ ၈ ဦးကို ဖမ်းဆီးထားကြောင်း သိရသည်။ ထိုနည်းတူပင် မန္တလေးမြို့ တချို့သော နေရာများတွင် ဆိုင်ကယ်များ စီးနင်းကာ အုပ်စုဖွဲ့ပြီး လမ်းသွားလမ်းလာများ၏ ကားများကို မှန်ရိုက်ခွဲသည့် ဖြစ်စဉ်များလည်း ရှိခဲ့ဖူးသည်။ သို့ရာတွင် တရားခံများကို ဖမ်းဆီးနိုင်ခဲ့ခြင်း မရှိသေးပေ။

ယင်းကဲ့သို့ အုပ်စုဖွဲ့ ရမ်းကားမှုများသည် မန္တလေးမြို့၌ သင်္ကြန်နား နီးချိန်တွင် ဖြစ်လေ့ဖြစ်ထ ရှိသော ပြဿနာများ ဖြစ်သော်လည်း လွန်ခဲ့သောလ အတွင်းက မိတ္ထီလာမြို့တွင် ဖြစ်ပွားခဲ့သော အဓိကရုဏ်း ဖြစ်ရပ်များကြောင့် ရပ်ကွက်များအတွင်း ဆူပူမှုများမဖြစ်ပွားစေရန် အထူးဂရုစိုက်နေကြရကြောင်း မန္တလေး ဒေသခံများက ပြောသည်။

Ref: ဧရာဝတီ

Read More...

Collapse...

ကုလ ကိုယ်စားလှယ် ပြောဆိုချက် ပြန်ကြားရေး ဒုဝန်ကြီး ပယ်ချ

လင်းသန့်
April 1, 2013

ကုလသမဂ္ဂ မြန်မာနိုင်ငံဆိုင်ရာ လူအခွင့်အရေး ကိုယ်စားလှယ် မစ္စတာ တောမတ်စ် အိုဟေး ကင်တာနား၏ မြန်မာပြည်အလယ်ပိုင်း ပဋိပက္ခဆိုင်ရာ ပြောဆိုချက်များကို သမ္မတ ဦးသိန်းစိန်၏ ပြောရေးဆိုခွင့် ရှိသူ၊ ပြန်ကြားရေး ဒုဝန်ကြီး ဦးရဲထွဋ်က ပယ်ချလိုက်ကြောင်း သူ၏ လူမှုကွန်ရက် ဖေ့စ်ဘုတ် စာမျက်နှာမှ တဆင့်ရေးသား တုံ့ပြန်ထားသည်။

“ကျနော့်အနေနဲ့ ကင်တားနားရဲ့ အကြမ်းဖက်ဆူပူမှုများ(မှာ) နိုင်ငံတော်အဖွဲ့အစည်းတွေ ပါဝင်နေတယ်၊ ကူညီအားပေးနေတယ်လို့ ပြောကြားချက်များကို လုံးဝငြင်းပယ်ပါတယ်” ဟု ဦးရဲထွဋ်က မတ်လ ၂၉ ရက်နေ့တွင် ရေးသားထားသည်။


ထို့အပြင် မစ္စတာ ကင်တားနား အနေဖြင့် မြေပြင်အခြေအနေများကို မှန်မှန်ကန်ကန် လေ့လာမှု မရှိဘဲ တဆင့်ကြား သတင်းများကိုသာ အခြေပြု ပြောကြားနေခြင်းသည် အခြေအနေကို ထိန်းသိမ်းနိုင်ရန် ဝိုင်းဝန်း ကြိုးပမ်းဆာင်ရွက်နေသည့် အစိုးရ အပါအ၀င် လုံခြုံရေးဆိုင်ရာ အဖွဲ့အစည်းများ၊ သာသာရေးခေါင်းဆောင်များ၊ လူမှုအဖွဲ့အစည်းများ၏ လုပ်ဆောင်ချက် များကို မျက်ကွယ် ပြုရာရောက်သည့်အတွက် ၀မ်းနည်းစရာ ဖြစ်ကြောင်းလည်း ဒုဝန်ကြီး ဦးရဲထွဋ်က ဆိုထားသည်။

မြန်မာနိုင်ငံတွင် မကြာမီက ဖြစ်ပွားသော ဗုဒ္ဓဘာသာဝင်များနှင့် မွတ်စလင်များအကြား အကြမ်းဖက် အဓိကရုဏ်း ဖြစ်စဉ်တွင် မြန်မာအစိုးရပိုင်းက ပါဝင်ပတ်သက်နေကြောင်း ကုလသမဂ္ဂ၏ လူ့အခွင့်အရေး အထူးစုံစမ်းစစ်ဆေးရေးမှူး မစ္စတာ ကင်တာနားက ပြီးခဲ့သည့် သောကြာနေ့က ပြောကြားခဲ့သည်။

မစ္စတာ ကင်တာနားက မြန်မာနိုင်ငံ အလယ်ပိုင်း မြို့တချို့တွင် မွတ်စလင်ဗလီများ မီးရှို့မှု၊ လူပေါင်း ၄၀ ထက် မနည်း သတ်ဖြတ်ခံရသည့် အကြမ်းဖက်မှုများတွင် အစိုးရ ပါဝင်ပတ်သက်သည့် အထောက်အထားများ သူ့အနေဖြင့် လက်ခံ ရရှိထားသည်ဟု ပြောကြားသည်ဟု မတ်လ ၂၉ ရက်နေ့ AFP သတင်းတပုဒ်တွင် ဖော်ပြသည်။

“အကြမ်းဖက်မှု လုပ်ရပ်တွေထဲက တချို့မှာ အစိုးရက ပါဝင်ပတ်သက်တဲ့ သတင်းပို့ချက်တွေ ကျနော် လက်ခံရထားပါတယ်” ဟု သူက ပြောဆိုကြောင်း သတင်းတွင် ဖော်ပြထားသည်။

စနစ်တကျ ဖွဲ့စည်းထားသည့် အမျိုးသားရေးဝါဒီ ဗုဒ္ဓဘာသာဝင် အဓိကရုဏ်း ဖန်တီးသူများ အပါအ၀င် ရက်စက်မှုများကို ကျူးလွန်နေစဉ်တွင် လုံခြုံရေးတပ်ဖွဲ့များက ရပ်ကြည့်နေသည့် အထောက်အထားများလည်း ရှိကြောင်း မစ္စတာ ကင်တာနားက ပြောသည်။

“ဒါက တိုက်ရိုက် ဘာကိုပြသလဲဆိုရင် နိုင်ငံတော်ပိုင်းက တချို့အပိုင်းတွေ တိုက်ရိုက် ပါဝင်ပတ်သက်နေတယ် ဆိုတာပါပဲ။ ဒီလို လုပ်ရပ်တွေကို ထောက်ခံနေတာလား၊ အားပေးအားမြှောက်လုပ်နေတာလားဆိုပြီးတောင် ပြောလို့ရတယ်” ဟု သူက AFP သတင်းတွင် ပြောထားသည်။

တခြားဒေသများသို့ ဆက်လက် မပြန့်ပွားစေရေး၊ အကြမ်းဖက်မှုများ ရပ်တန့်စေရေး မြန်မာအစိုးရက ချက်ချင်း ထိရောက်စွာ အရေးယူ ကိုင်တွယ်သွားရန်လည်း ကုလ အထူးကိုယ်စားလှယ်က တောင်းဆိုခဲ့သည်။

မတ်လ ၂၈ ရက်နေ့တွင် သမ္မတ ဦးသိန်းစိန်က မိန့်ခွန်းပြောကြားရာ၌ မိတ္ထီလာတွင် ဖြစ်ခဲ့သည့် အဓိကရုဏ်းနှင့် ဆက်လက် ဖြစ်ပေါ်နေသော မတည်ငြိမ်မှုများကို လုံခြုံရေး တာဝန်ရှိသူတွေအနေဖြင့် ရဲရဲဝံ့ဝံ့ ကိုင်တွယ် ဖြေရှင်းရန် ပြောဆိုခဲ့သည်။

“ဒီနေရာမှာ မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး အလွဲသုံးတဲ့ အယူသီး အစွန်းရောက်လုပ်ရပ်တွေ၊ မတူညီတဲ့ ဘာသာတရားတွေ အကြား အမုန်းတရား တိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ ယှဉ်တဲ့ နိုင်ငံရေး၊ စီးပွားရေး အမြတ်ထုတ် လုပ်ဆောင်လာမှုတွေကို ပပျောက်သွားအောင် ကျနော်တို့ အစိုးရအနေနဲ့ ဖွဲ့စည်းပုံအခြေခံဥပဒေ၊ တည်ဆဲ ဥပဒေများနဲ့အညီ ထိထိရောက်ရောက် အရေးယူဆောင်ရွက်သွားမှာ ဖြစ်တယ်ဆိုတာ သတိပေးပြောကြား လိုပါတယ်”
ဟု သမ္မတ ဦးသိန်းစိန်က ပြောဆိုသည်။

“ကျနော့် အနေနဲ့ အင်အားသုံးပြီး ပြဿနာတွေကို ဖြေရှင်းတာကို မနှစ်မြို့ပါ။ ဒါပေမယ့် ပြည်သူလူထုရဲ့ အသက် အိုးအိမ် စည်းစိမ် လုံခြုံမှုကို ထိပါးတဲ့ လုပ်ရပ်မှန်သမျှကိုတော့ လုံးဝ လက်သင့်ခံမှာ မဟုတ်ဘဲ လိုအပ်လျှင် မြို့ပြ အင်အားသုံးပြီး ထိထိရောက်ရောက် တားဆီးနှိမ်နင်းသွားရမှာ ဖြစ်ပါတယ်” ဟု သမ္မတ ဦးသိန်းစိန်က ဆိုသည်။

မြန်မာနိုင်ငံဆိုင်ရာ အမေရိကန် သံအမတ်ကြီး မစ္စတာ ဒဲရက် မစ်ချဲလ်က ဦးဌေးဦး၊ ဦးအောင်သောင်း အပါအ၀င် အာဏာရ ပြည်ထောင်စု ကြံ့ခိုင်ရေးပါတီ ထိပ်တန်းခေါင်းဆောင် များနှင့် ရန်ကုန်မြို့၌ မကြာသေးမီက တွေ့ဆုံမှုတွင် ပဋိပက္ခ၌ အာဏာရပါတီ၏ အနေအထားကို ပြောဆိုဆွေးနွေးခဲ့သည်ဟု သံတမန် အသိုင်းအဝိုင်းကို ကိုးကား၍ ပြောဆိုမှုများ ရှိသော်လည်း ဧရာဝတီက သီးခြားအတည်ပြုချက် မရရှိပေ။

မြန်မာပြည် အလယ်ပိုင်း ပဋိပက္ခသည် မိတ္ထိလာမြို့ရှိ ရွှေဆိုင်တွင် ရွှေအရောင်းအ၀ယ်လုပ်စဉ် စကားများရာမှ စတင်ခဲ့ပြီး နောက် ဆက်တွဲ အဓိကရုဏ်းများ အရှိန်ဖြင့် ဆက်လက်ဖြစ် ပွားကာ နေအိမ်နှင့် ဗလီများ မီးရှို့ဖျက်ဆီးခြင်း၊ လူ ၄၀ ကျော်ကို လမ်းများပေါ်တွင် သတ်ဖြတ်ခြင်းများအထိ ဖြစ်ပွားခဲ့သည်။

အဆိုပါဖြစ်စဉ်တွင် ပြစ်မှု ကျူးလွန်သူ ၆၈ ဦးကို ဖမ်းဆီးအရေးယူလျက် ရှိကြောင်း၊ မတည်မငြိမ် ဖြစ်ပွားခဲ့သည့် မြို့နယ်ပေါင်း ၁၅ ခုကို လည်း ပုဒ်မ ၁၄၄ ထုတ်ပြန်ထားကြောင်း၊ ထို့အပြင် အရေး ပေါ်ကာလ ကြေညာပြီးနောက် ပြည်ထဲရေး ၀န်ကြီးဦးဆောင်သည့် စီမံခန့်ခွဲရေး ဗဟိုကော်မတီကို ဖွဲ့စည်းခန့်အပ်တာဝန် ပေးထားကြောင်း သိရသည်။

Ref: ဧရာဝတီ

Read More...

Collapse...

တခေတ်ဆန်း သတင်းစာလောကနဲ့ စိန်ခေါ်မှုများ

လင်းသန့်
April 1, 2013

မြန်မာနိုင်ငံမှာ ဒီနေ့ ဧပြီလ ၁ ရက်က စတင်ပြီး နေ့စဉ်ထုတ် ပုဂ္ဂလိက သတင်းစာတွေကို အစိုးရက ယာယီ ထုတ်ဝေခွင့် ပြုလိုက်ပြီးနောက် ရာစုနှစ် တဝက်လောက် ပျောက်ကွယ်သွား တာကနေ တဖန် ပြန်လည် ရုန်းထရမယ့် နေ့စဉ်ထုတ် သတင်းစာလောကမှာ စိန်ခေါ်မှုတွေ အများကြီး ရှိနေပါတယ်။

ပြန်ကြားရေး ၀န်ကြီးဌာနက ပုဂ္ဂလိက နေ့စဉ်ထုတ် သတင်းစာ ထုတ်ဝေခွင့် လျှောက်ထားသူတွေထဲကနေ သတင်းစာ ၈ စောင်ကို မတ်လ ၁ ရက်နေ့က တကြိမ်၊ မတ်လ ၂၅ ရက်နေ့က သတင်းစာ ၈ စောင်ကို နောက်တကြိမ်နဲ့ စုစုပေါင်း သတင်းစာ ၁၆ စောင်ကို ယာယီ ထုတ်ဝေခွင့်ကို တည်ဆဲဥပဒေဖြစ်တဲ့ ၁၉၆၂ ခုနှစ် ပုံနှိပ်သူများနဲ့ ထုတ်ဝေသူများ မှတ်ပုံတင် ဥပဒေ ပုဒ်မ ၈ (၁) ခွင့်ပြုလိုက်တာ ဖြစ်ပါတယ်။


နှစ်ပေါင်း ၅၀ ကျော် အဆက်ပြတ်နေရာကနေ နေ့စဉ်ထုတ် သတင်းစာ တခေတ်ဆန်းလာမှာ ဖြစ်ပေမယ့် တချိန်က အခြေအနေတွေနဲ့တော့ အခုအခြေအနေတွေက မတူတော့ပါဘူး။

လွတ်လပ်ပြီးစ မြန်မာနိုင်ငံမှာ ပထမဆုံး ထွန်းကားခဲ့တဲ့ သတင်းစာ ခေတ်ဦးကို အဓိက အဆုံးသတ်စေခဲ့တဲ့ ၁၉၆၂ ခု နှစ် မတ်လက ထွက်ပေါ်ခဲ့တဲ့ ပုံနှိပ်ဥပဒေ မထွက်ခင်အထိ စာနယ်ဇင်း လွတ်လပ်မှု ရှိခဲ့ကြောင်း၊ အခုဥပဒေနဲ့ ထုတ်ဝေသူတွေ၊ သတင်းစာသမားတွေ အဓိက ရင်ဆိုင်ရဖို့ ရှိနေပြီး ကျင့်သုံး သူအပေါ် မူတည်နေတယ်လို့ “ရွှေနိုင်ငံသစ်” နေ့စဉ်သတင်းစာကို ထုတ်ဝေမယ့် သတင်းစာဆရာကြီး ဦးခင်မောင်လေး ခေါ် ဖိုးသောကြာ (ခေတ်+မိုး) က ဧရာဝတီကို ပြောပါတယ်။

“အဘတို့ ခေတ်ကတော့ Freedom of Press ကို အပြည့်အ၀ ရခဲ့တယ်ပေါ့နော်။ နောက် ပုံနှိပ်ဥပဒေဆိုတာ သီးခြားရှိနေပြီးတော့ မီဒီယာနဲ့ ဘာမှ မပတ်သက်ပါဘူး။ ပွင့်ပွင့်လင်းလင်း ပြောရင် ပုဂ္ဂလိကနေ့စဉ် သတင်းစာတွေ အခုထွက်ခွင့်တော့ ပေးလိုက်ပြီ။ ဒါပေမယ့် ထွက်ခွင့်တော့ ပေးလိုက်တဲ့အပေါ်မှာပဲပေါ့နော် နည်းနည်းလေးတော့ ချုပ်ချယ်ကန့် သတ်မှုတွေ ရှိနေသေးတယ်” လို့ သူက ဆိုပါတယ်။

“ရန်ကုန်တိုင်း (မ်)” နေ့စဉ် သတင်းစာကို ထုတ်ဝေမယ့် ဦးကိုကို ( ကိုကို -စက်မှု) ကလည်း “လက်ရှိ ၁၉၆၂ ခုနှစ် ဥပဒေနဲ့ သူတို့က အားချင်း ချပေးထားဖြစ်တဲ့ အတွက်ကြောင့် တကယ်တမ်း ၁၉၆၂ ဥပဒေအတိုင်း တိတိကျကျ လုပ်မယ်ဆိုရင်တော့ သတင်းစာ ထုတ်ဝေမှုမှာ တော်တော်တော့ ခက်မယ့် အနေအထားပါ” လို့ ဧရာဝတီကို ပြောပါတယ်။

ဒါပေမယ့် အခု စာနယ်ဇင်းကောင်စီက ရေးဆွဲနေတဲ့ ဥပဒေနဲ့ ပုံနှိပ်ဥပဒေကြမ်း ဆိုတာတွေကို ပြုပြင် မွမ်းမံ ဖြည့်စွက်ပြီး လွှတ်တော်ကသာ အတည်ပြုလိုက်မယ် ဆိုရင်တော့ ၁၉၆၂ ဥပဒေ၊ ၁၉၃၁ ဥပဒေဆိုတာတွေက အလိုလို ပျက်ပြယ် သွား ကြမှာပါလို့လည်း ဦးကိုကိုက ဆိုပါတယ်။

နောက်ထပ် ရင်ဆိုင်ရမယ့် အခက်အခဲကတော့ ငွေကြေး ရင်းနှီးမြှုပ်နှံမှုနဲ့ ဖြန့်ချိရေး ကိစ္စတွေပါ။ ဒီအတွက် သတင်းစာ ထုတ်ဝေမယ့်သူတိုင်း ငွေကြေး ရင်းနှီးမြှုပ်နှံမှု ကိစ္စကို အဓိက ပူပန်နေကြကြောင်း သိရပါတယ်။

အမျိုးသား ဒီမိုကရေစီအဖွဲ့ချုပ် (NLD) ဥက္ကဌ ဒေါ်အောင်ဆန်းစုကြည် နာမည်နဲ့ “ဒီလှိုင်း” သတင်းစာ ထုတ်ဝေခွင့် ကျလာခဲ့ပေမယ့် ဒီလှိုင်းကို ဦးဆောင်လုပ်ပေးနေတဲ့ နာယက ဦးဝင်းတင်ကတော့ သတင်းစာ ထုတ်ဝေဖြန့်ချိဖို့ အခုအထိ ငွေကြေး မစီစဉ်ရသေးကြောင်း၊ ကျန်တဲ့ အသေးစိတ် ပြင်ဆင်မှုတွေလည်း မလုပ်ရသေးဘူးလို့ ဧရာဝတီကို ပြောပါတယ်။

“ပြင်ဆင်ထားတာ ဘာမှ မရှိဘူး။ တို့က ပိုက်ဆံလည်း မရှိဘူး။ နေရာလည်း ရှိတာ မဟုတ်ဘူး။ အခုလည်း ဒီလှိုင်း ဂျာနယ်ကလည်း ပါတီမှာ ရှိတဲ့လူနဲ့ ဒီလိုပဲ လုပ်နေရတာ။ သတင်းစာလုပ်တတ်သူက ဒီမှာက သိပ်ရှိတာ မဟုတ်ဘူး” လို့ ဝါရင့် သတင်းစာဆရာကြီးလည်း ဖြစ်တဲ့ ဦးဝင်းတင်က ပြောပါတယ်။

ကိုယ်ပွား သတင်းစာတိုက်ခွဲများ ထားဖို့နေရာ၊ စက်ပစ္စည်းက အစ သတင်းထောက်နဲ့ သတင်းထောက် အသုံးအဆောင် ပစ္စည်းများအလယ်၊ ငွေကြေးရင်းနှီးမြှုပ်နှံဖို့ ဘယ်ပုံစံနဲ့ သွားမလဲဆိုတာလည်း သေချာ မဆွေးနွေးရသေးဘူးလို့ ဦးဝင်းတင်က ဆိုပါတယ်။

ဦးကိုကိုကတော့ ရန်ကုန်တိုင်း (မ်) သတင်းစာကို ထုတ်ဝေ၊ ဖြန့်ချိမှုမှာ ကျပ်ငွေ သိန်း ၄-၅ ထောင်လောက် ရှိမှသာ လုပ်ငန်း လည်ပတ်နိုင်မယ်လို့ ဆိုပြီး သူတို့အနေနဲ့ လွန်ခဲ့တဲ့ ၄-၅ လကတည်းက ပြင်ဆင်မှုများကို လုပ်ထားပေမယ့် ဧပြီလ ၁ ရက်နေ့မှာ စတင်ထွက်ဖို့ မရှိဘဲ လာမယ့် ဇွန်လလောက်ကျမှ ထွက်နိုင်မယ်လို့ မျှော်လင့်ထားတယ်လို့ ပြောပါတယ်။

“သတင်းစာတစောင်ဆိုတာ တမနက်ပဲ ရှိတယ်။ သေသေချာချာ တွက်ချက်နေရတယ်။ အတွက်မှားရင် အဆုံးအရှုံး ကြီးမယ်။ သတင်းစာက အမှားမခံဘူး။ ဒါကြောင့် ကျနော်တို့ကတော့ အထူးသတိထားပြီး အလျင်မလိုဘဲ သွားတယ်” လို့ ဦးကိုကိုက ဆက်ပြောပါတယ်။

ဆရာကြီး ဖိုးသောကြာ (ခေတ်+မိုး) ကတော့ သူ့အနေနဲ့ အစိုးရကပေးလာတဲ့ သတင်းစာထုတ်ဝေခွင့်ကို သတင်းစာ လွတ်လပ်ခွင့်အတွက် လုံးဝ အရဲစွန့် လုပ်ကိုင်တာဖြစ်ကြောင်း၊ လက်ရှိ သိန်း ၃ ထောင်ကျော်အတွက် အတော်ခက်ခဲစွာ စုဆောင်နေရပေမယ့် ဧပြီလ ၁ ရက်နေ့မှာ စတင်ထွက်ပြီဖြစ်ကြောင်း ပြောပါတယ်။

“ရွှေနိုင်ငံသစ်က နမူနာ ၃ စောင် ထွက်ပြီးပါပြီ။ ဧပြီ ၁ ရက်နေ့ မှာ စာမျက်နှာ ၂၀၊ တစောင် ၁၅၅ ကျပ်နှုန်းနဲ့ စထွက်ပါမယ်။ စတုတ္ထမဏ္ဍိုင်ဝါဒ စစ်စစ်နဲ့ပဲ သွားမယ်” လို့ သူက ပြောပါတယ်။

သတင်းထောက်ကအစ၊ ငွေကြေး ရင်းနှီးမြှုပ်နှံမှု ကိစ္စတွေပါ ကြိုတင် ပြင်ဆင်ထားတယ်လို့ ဆိုတဲ့ “၇ ရက်နေ့စဉ်” သတင်းစာထုတ် ဝေမယ့် ဦးသောင်းစုငြိမ်းကတော့ လက်ရှိ 7 Days အပတ်စဉ်ထုတ် ဂျာနယ် အတွေ့အကြုံတွေနဲ့ တည်ဆဲ ဥပဒေအတိုင်းပဲ ဥပဒေ ဘောင်ထဲကနေ နေ့စဉ်ထုတ် သတင်းစာကို ထုတ်ဝေဖြန့်ချိသွားမှာလို့ ဧရာဝတီကို ပြောပါတယ်။

“သေချာတာတော့ ကျနော်တို့ ဘာပဲဖြစ်ဖြစ် တည်ဆဲ ဥပဒေအတိုင်းပဲ လုပ်ရမှာပဲ။ ဥပဒေ ဘောင်အတွင်းက လုပ်ရမှာ ပေါ့။ အခုလည်း ဂျာနယ်တွေ ထုတ်နေတဲ့အခါမှာ တည်ဆဲ ဥပဒေတွေနဲ့ပဲ သွားနေတာဆိုတော့ လက်ရှိ ကျနော်တို့ 7 Days သွားနေတဲ့ ပုံစံနဲ့ ဆက်သွားမယ်ဆိုရင် ဘာမှ အထွေအထူး ပြောနေစရာတော့ မရှိပါဘူး” လို့ သူက ဆိုပါတယ်။

၇ ရက် နေ့စဉ် သတင်းစာအတွက် အဖက်ဖက်က ပြင်ဆင်မှုအနေနဲ့ နောက်ထပ် စက်အသစ် မှာယူထားပြီး မကြာခင် ရောက်လာမှာဖြစ်လို့ သတင်းစာထွက်မယ့် ရက်ကို အသေအချာ မပြောနိုင်သေးဘူးလို့ ဦးသောင်းစုငြိမ်းက ဆိုပါတယ်။

“ပုံနှိပ်စက်ကတော့ ကျနော်မှာထားတယ်။ အခုထိတော့ မရောက်လာသေးဘူး။ ဒါပေမယ့် အချိန်မီတော့ ရောက်လာမှာပါ။ စစ ထွက်တာတော့ လက်ရှိ ရှိနေတဲ့ ပုံနှိပ်စက် အနေအ ထားနဲ့ပဲ ထွက်ပါမယ်။ ဧပြီ ၁ ရက် ထွက်မလား၊ သင်္ကြန် ပြီးမှ ထွက်ဖြစ်မလားဆိုတာ မဆုံးဖြတ်ထားသေးဘူး” လို့ သူက ဆိုပါတယ်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ထွက်ရှိမယ့် သတင်းစာကတော့ ယနေ့ ဧပြီလ ၁ ရက်နေ့မှာ စတင်ထုတ်ဝေမှာဖြစ်ပြီး တစောင်ကို ၁၀၀ ကျပ်နှုန်းနဲ့ ရောင်းချမယ်လို့ သိရပါတယ်။ အလားတူ The Voice ဂျာနယ်က ထုတ်ဝေမယ့် သတင်းစာကလည်း ဧပြီလ ၁ ရက်နေ့မှာ ထွက်ရှိလာပါတယ်။

NLD ပါတီက ထုတ်ဝေမယ့် ဒီလှိုင်း သတင်းစာကတော့ လာမယ့် ဇူလိုင်လောက်မှ ထွက်လာနိုင်ပြီး သတင်းစာ ဖြန့်ချိရေး ကိစ္စကိုတော့ လက်ရှိ ဂျာနယ် ထုတ်ဝေဖြန့်ချိနေတာနဲ့ ပါတီဝင်တွေကိုပဲ အားကိုးပြီး လုပ်ဆောင်သွားမှာ ဖြစ်တယ် လို့ ဦးဝင်းတင်က ပြောပါတယ်။

“ပါတီ သတင်းစာဆို ဘယ်သူမှ မဖတ်ဘူး။ ဒါ မြန်မာပြည်ရဲ့ သမိုင်းပဲ။ ပါတီဝင်ထုလည်း ရှိတဲ့အခါကျတော့ ပါတီ သတင်းစာ ပုံစံနဲ့လည်း သွားလို့ရတယ်။ ဒါပေမယ့် ပါတီ သတင်းစာ အနေနဲ့ သွားမှာ မဟုတ်ဘူး။ ဖြစ်နိုင်ရင် ရိုးရိုးတန်းတန်း အရပ်သတင်းစာပဲ ထုတ်မယ်။ ပါတီဘက်ကိုတော့ နည်းနည်းတော့ ယိုင်တဲ့ဟာဖြစ်မယ်” လို့ ဦးဝင်းတင်က ဆိုပါတယ်။

မြန်မာ့ မီးရထားအပါအ၀င်၊ စာတိုက်၊ လေကြောင်း ပို့ဆောင်ရေးတွေက ဒီကနေ့ခေတ်မှာ အားကိုးဖို့ ခက်နေလို့ ပုဂ္ဂလိက သတင်စာတွေကတော့ ပုဂ္ဂလိက ဖြန့်ချိရေး ကုမ္ပဏီကြီးတွေကို အားကိုးပြီးဖြန့်ချိသွားရ မှာ ဖြစ်တယ်လို့ ဆရာကြီး ဖိုးသောကြာက ဧရာဝတီကို ပြောပါတယ်။

“အခုကတော့ အဲဒီဌာနတွေကလည်း စည်းကမ်းက လုံးဝ မရှိတော့ဘူး။ မရောက်တာတွေ ရှိတယ်။ အဲဒါ တခုကလည်း စိန်ခေါ်ချက်ပဲ။ အဘတို့ အားကိုးနေတာက ပုဂ္ဂလိက ဖြန့်ချိရေး ကိုယ်စားလှယ်ကြီးတွေ ရှိတယ်” လို့ သူက ဆက်ပြောပါတယ်။

တခေတ်ဆန်း သတင်းစာလောကမှာ လူ့စွမ်းအားအရင်းအမြစ်၊ သတင်းစာပညာပိုင်းနဲ့ ကျင့်ဝတ်ပိုင်းတွေမှာလည်း စိန်ခေါ်မှုတွေ ရှိနေပါတယ်။

“သတင်းစာ ကျင့်ဝတ်နဲ့ ပတ်သက်လို့ ၁၉၆၂ နှစ်တုန်းက ကျင့်ဝတ်က ၁၁ ချက်ရှိတယ်။ အခု အဘတို့ စာနယ်ဇင်း ကောင်စီက ကျင့်ဝတ် ၁၄ ချက် သတ်မှတ်လိုက်တယ်။ ၃ ချက် တိုးလာတာက အခုဟာက အီလက်ထရွန်းနစ် မီဒီယာတွေဆိုတာ ရှိလာတာကိုး။ အင်တာနက်တို့ ဘာတို့ အကြောင်းပြုပြီး ၁၄ ချက်ဖြစ်သွားတာ” လို့ ဆရာကြီး ဖိုးသောကြာ (ခေတ်+မိုး) က ဆိုပါတယ်။

လက်ရှိ အနေအထားမှာ အရည်အချင်း ပြည့်မီတဲ့ သတင်းထောက် အင်မတန် ရှားပါးပေမယ့် သူတို့ရဲ့ ဖြတ်သန်းခဲ့ရတဲ့ အတွေ့အကြုံကိုဘဲ အားကိုး ပြီး ထုတ်လုပ် ဖြန့်ချိသွားမှာ ဖြစ်တယ်လို့ သူက ပြောပါတယ်။

“အခု သတင်းစာတိုက်မှာ ခန့်ထားတဲ့ သတင်းထောက် အားလုံး ဘွဲ့ရတွေပါပဲ။ ဒါပေမယ့် သူတို့ ရတဲ့ဘွဲ့က ၆၂ ခုနှစ် အရင်က ရတဲ့ဘွဲ့မျိုးတွေလို မဟုတ်ဘူး။ ကွာလီဖိုင်းဖြစ်တဲ့ သတင်းထောက် မရနိုင်ပေမယ့် သူတို့မှာ အတွေ့အကြုံ ရှိတယ်။ အဲဒီ အတွေ့အကြုံကိုဘဲ အားကိုးပြီး လုပ်ကြရမှာ။ သူတို့ အတွေ့အကြုံကလည်းပဲ လွတ်လပ်ခွင့် မရှိတဲ့ ဂျာနယ် အတွေ့အကြုံပဲ ဖြစ်တဲ့အတွက် သူတို့မှာ အင်မတန် အားနည်းတယ်လို့ ပြောရမှာပေါ့။ ဒါကလည်း စိန်ခေါ်မှု တခုပါပဲ” လို့ သူက ဆက်ပြောပါတယ်။

တကြော့ပြန် နေ့စဉ် သတင်းစာခေတ်အတွက် အရည်အချင်းပြည့်မီတဲ့ သတင်းထောက်တွေ၊ အယ်ဒီတာတွေလည်း အများကြီး လိုအပ်နေပါတယ်။ ဒါပေမယ့် လက်တွေ့ အခြေအနေမှာတော့ သတင်းထောက် ခန့်ထားမှုတွေမှာ လိုအပ်ချက်အပေါ် မူတည်ခန့်ထားကြရတာ များတယ်လို့ သိရပါတယ်။

“ဈေးကွက် အလိုအရ သတင်းထောက်တွေကို လက်တွေ့ လုပ်ငန်းခွင်ထဲကပဲ ခန့်ထားရတာတွေ ရှိတော့ ကွာလီဖိုင်း မဖြစ်တာတွေ၊ ကျင့်ဝတ် အားနည်းတာတွေ ရှိတယ်။ ဒါတွေက စနစ်တကျ သင်တန်းကျောင်းတွေ လုပ်သွားဖို့ လိုအပ်တယ်” လို့ ဦးကိုကိုက ဆိုပါတယ်။

လူငယ် သတင်းထောက်တွေကတော့ သတင်းထောက်တွေ ခေတ်ရောက်ပြီလို့ ကြွေးကြော်နေပေမယ့် ရာခိုင်နှုန်းအများစုကတော့ သတင်းစာပညာကို စနစ်တကျ လေ့လာဖို့ အခွင့်အရေး မရခဲ့ကြပါဘူး။ ရှိတဲ့ စာနယ်ဇင်းသမားတွေနဲ့ပဲ လုပ်ကိုင်ကြရတဲ့ အခါမှာ ခြေချော်လက်ချော်ဖြစ်ပြီး တရားတပေါင်တွေ ဖြစ်မယ့် အနေအထားကိုလည်း သတင်းစာ တိုက်တွေက စိုးရိမ်နေကြပါတယ်။

“စာနယ်ဇင်း ကောင်စီလိုဟာမျိုး ပေါ်ရင် (ကိုင်တွယ်ဖြေရှင်းပေးဖို့) စာနယ်ဇင်းကောင်စီလို ဟာမျိုးပဲ ရှိရမလား။ တခြား နိုင်ငံတွေလိုပဲ တရားစွဲတာမျိုးတွေ ဘာတွေတော့ ကြုံလာရနိုင်ပါတယ်” လို့ ဦးကိုကိုက ဆိုပါတယ်။

သတင်းစာ အယ်ဒီတာတွေကလည်း ကိုယ့်သတင်းစာက သတင်းတွေဟာ တရားစွဲခံရနိုင်လား စသဖြင့် ကိုယ့်ဖာသာ ဆင်တာလုပ်သလိုမျိုး မဟုတ်သည့်တိုင် စိစစ်မှုတွေတော့ လုပ်သွားကြရမှာဖြစ်သလို ဥပဒေအကြံပေးတွေနဲ့ တိုင်ပင်ပြီးမှ တချို့သတင်းတွေကို ထည့်တဲ့ အလေ့အကျင့် လုပ်ပေးဖို့ လိုမယ်လို့ သူက ဆက်ပြောပါတယ်။

“Media Insurance (မီဒီယာ အာမခံ) ဆိုတာမျိုး အမေရိကားမှာ ရှိတာတွေ့တယ်။ လျော်ရမယ့်ကိစ္စမျိုး ပေါ်လာရင် ကိုယ်က လျော်စရာ မလိုဘဲနဲ့ Insurance ကုမ္ပဏီက လျော်ပေး တာမျိုးပေါ့။ ရေရှည်မှာ ကျနော်ထင်တယ်၊ Media Insurance လိုဟာမျိုး လည်း ပေါ်လာရလိမ့်မယ်” လို့ ဦးကိုကိုက ဆိုတယ်။

သတင်းထောက်ကောင်းတွေ၊ အယ်ဒီတာကောင်းတွေ များများမွေးထုတ်ပေးနိုင်ဖို့တော့ သတင်းစာပညာနဲ့ ပတ်သက်ပြီး မြန်မာနိုင်ငံမှာ လက်ရှိ ပေးနေတဲ့ သတင်းစာပညာ ၀ိဇ္ဇာဘွဲ့ သင်ခန်းစာတွေကိုလည်း မွမ်းမံတိုးချဲ့တာ၊ သီးခြားပုဂ္ဂလိက သတင်းစာ ပညာသင်ကျောင်းတွေ၊ ဘွဲ့လွန်တွေ၊ ဒီပလိုမာ စတာတွေ ပြုစုပျိုးထောင်ဖို့လည်း လေ့လာသူတွေက ထောက်ပြ ကြပါတယ်။

လက်ရှိမှာ နိုင်ငံတော်ပိုင် နေ့စဉ်ထုတ်သတင်းစာ ၃ စောင်ကတော့ ပုံနှိပ်၊ ဖြန့်ချိတဲ့အပိုင်းမှာ ကိုယ်ပွား သတင်းစာတိုက်တွေနဲ့ အခြေခံ အဆောက်အအုံအားဖြင့် အဆင့်သင့်ရှိနေပါတယ်။

ပြန်ကြားရေး ၀န်ကြီးဌာနကလည်း နိုင်ငံပိုင် သတင်းစာတွေကို လူထု ဗဟိုပြုစနစ်ကို သွားဖို့ ပြင်ဆင်နေပါတယ်။ မြန်မာတိုင်း (မ်) နဲ့ ပူးပေါင်းဖွယ်ရှိတယ်လို့ ခန့်မှန်းခဲ့ကြတဲ့ မြန်မာ့ အလင်း သတင်းစာကလည်း ပြီးခဲ့တဲ့ သီတင်းပတ်ကစပြီး အစုစပ် ရှယ်ယာလုပ်ကိုင်ဖို့ ဖိတ်ခေါ်နေတာ တွေ့ရပါတယ်။

အခုဆိုရင် အစိုးရသတင်းစာ ၃ စောင်နဲ့ ပုဂ္ဂလိက နေ့စဉ်ထုတ် သတင်းစာ ၁၆ စောင်ကတော့ မကြာခင် နေ့စဉ်ထုတ် သတင်းစာ တခေတ်ကို ဖြတ်သန်းကြရပါတော့မယ်။ ပြိုင်ဆိုင် မှုတွေ၊ စိန်ခေါ်မှုတွေနဲ့ နောက်ဆုံးတော့ ဆန်ကာတင် လွတ်လပ်တဲ့ နေ့စဉ်ထုတ် သတင်းစာ ဘယ်နှစောင်ကျန်မလဲဆိုတာ အားလုံးက စောင့်ကြည့်နေကြပါတယ်။

Ref: ဧရာဝတီ

Read More...

Collapse...

ဂျော်ဒန်နိုင်ငံမှာ အခွင့်အရေး ချိုးဖောက်ခံရသူများ သတင်းစာ ရှင်းလင်းပွဲပြုလုပ်

2013-03-31

ဂျော်ဒန်နိုင်ငံ CMJ အထည်ချုပ်စက်ရုံရဲ့ မြန်မာအလုပ်သမားတွေ အခွင့်အရေး ချိုးဖောက်ခံနေရတာတွေနဲ့ ပတ်သက်ပြီး သောကြာနေ့က မြန်မာနိုင်ငံကို ပြန်ရောက်လာတဲ့ အလုပ်သမားတွေဟာ ရန်ကုန်မြို့ သင်္ဃန်းကျွန်းမြို့နယ် ၈၈မျိုးဆက်ကျောင်းသားများရုံးခန်းမှာ တနင်္ဂနွေနေ့ မနက်ပိုင်းက သတင်းစာရှင်းလင်း ပွဲတစ်ရပ်ကျင်းပခဲ့ပါတယ်။

လုပ်ငန်းခွင်အတွင်း အလုပ်သမားတွေရဲ့ အခွင့်အရေးချိုးဖောက်ခံရတာတွေနဲ့ ပတ်သက်ပြီး အလုပ်သမားတစ်ဦးက သတင်းစာရှင်းလင်းပွဲမှာ အခုလို ပြောကြားပါတယ်။

"အခုဟာက ကုမ္ပဏီနဲ့ အလုပ်သမားဖြစ်တဲ့အတွက် ကျွန်တော်တို့ လူကြီးတွေကို အရမ်းအားကိုးတယ်၊ လူကြီးတွေလာရင် ကျွန်တော်တို့မှာ မိဘတွေလိုပဲ အရမ်းအားကိုပြီး စောင့် မျှော်ခဲ့တယ်၊ တစ်လခွဲထိနေခဲ့ရတဲ့အခါမှာ ကျွန်တော်တို့ဘက်မှာ ကူညီမှုလဲဘာမှမရှိခဲ့ဘူး၊ ကိုယ့်ပြဿနာကို ကိုယ်ဖြေရှင်းရတဲ့ပုံစံမျိုး ကျရောက်ပါတယ်၊ ကျွန်တော်တို့က အရမ်း အခက်အခဲတွေ ကြုံခဲ့ရတယ်၊ ကိုယ့်အခက်အခဲပဲ ကိုယ်သိတာပေါ့နော်"

အလုပ်သမားအရေးဆောင်ရွက်နေတဲ့ ၈၈မျိုးဆက်ကျောင်းသားများအဖွဲ့က မသက်သက်အောင်ကလည်း ပြည်ပနိုင်ငံတွေကို သွားရောက်အလုပ်လုပ်တဲ့ မြန်မာအလုပ်သမားတွေရဲ့ အခက်အခဲတွေနဲ့ ပတ်သက်ပြီး အခုလို ပြောကြားခဲ့ပါတယ်။

"ဂျော်ဒန်က ကျွန်မတို့အတွက် ကောင်းဆုံး သာဓကတစ်ခုဖြစ်ခဲ့တယ်၊ မှတ်ပုံမတင်ထားတဲ့ တရားမဝင်တဲ့ အေဂျင်စီကလွှတ်လို့ လုပ်ရကိုင်ရ ခက်တယ်ဆိုသော်လည်း၊ လက်ရှိ မြန်မာနိုင်ငံသားတွေ တခြားနိုင်ငံမှာ ခံစားနေရတာဖြစ်တဲ့အတွက် လျှင်လျှင်မြန်မြန် ထိထိရောက်ရောက် ဘယ်လိုကာကွယ်မှု ပေးနိုင်မလဲဆိုတာမျိုးတွေတော့ ဒီအချိန်မှာ စဉ်းစားရတော့မယ်"

အဲဒီစက်ရုံမှာ မြန်မာအလုပ်သမားတစ်ထောင်လောက် အလုပ်လုပ်ကိုင်ကြပြီး၊ အလုပ်ရှင်ရဲ့ လုပ်အားခ ခေါင်းပုံဖြတ်မှုတွေကြောင့် ပြီးခဲ့တဲ့ ဖေဖော်ဝါရီလက အလုပ်မဆင်းဘဲ သပိတ်မှောက်ခဲ့ကြပါတယ်။

လာမယ့် မေလအတွင်းမှာလည်း အလုပ်သမားတချို့ မြန်မာနိုင်ငံကို ပြန်လာဖို့ရှိတယ်လို့ သိရပါတယ်။

Ref: အာရ်အဖ်အေ

Read More...

Collapse...

ဗကသ ကျောင်းသားအဖွဲ့ ကချင်ဒုက္ခသည်တွေကို ကူညီ

2013-03-31

နယ်စပ်ဒေသရောက် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က အဖွဲ့ဝင် ၆ ယောက်ဟာ ခရီးစဉ်နောက်ဆုံးနေ့အဖြစ် တရုတ်မြန်မာနယ်စပ်မှာရှိတဲ့ ကချင်ပြည်နယ် စစ်ပြေးဒုက္ခသည်စခန်းတွေကို မနေ့က အကူအညီတွေ သွားရောက်ပေးအပ်ခဲ့ပါတယ်။

မတ်လကုန်ပိုင်းကမှစတင်ပြီး တရုတ်မြန်မာနယ်စပ်ကိုရောက်ရှိနေတဲ့ ဗကသ ကျောင်းသားအဖွဲ့ဝင်တွေဟာ ကချင်စစ်ပြေးဒုက္ခသည်စခန်းတွေကို သွားရောက်ကူညီခဲ့သလို ကျောင်း တက်ခွင့်မရတဲ့ ကေအိုင်အိုဒေသအတွင်းရှိ ကျောင်းသူကျောင်းသားတွေအရေးနဲ့ ပတ်သက်ပြီး လေ့လာဆွေးနွေးခဲ့ကြတယ်လို့အဖွဲ့ရဲ့ ဗဟိုလုပ်ငန်းကော်မတီ တွဲဖက်အတွင်းရေးမှူး ကိုမင်းသွေးသစ်က RFA ကို ပြောပါတယ်။

"ခုဆိုရင် မန်ဝိန်ကြီးကျေးရွာက ဖာသာ ခါးလီ စောင့်ရှောက်ထားတဲ့ ဒုက္ခသည်စခန်းတွေပေါ့၊ အဲ့ဒီဘေးပတ်ဝန်းကျင်ရွာက အများကြီးပဲလာတာဆိုတော့ အားလုံးပေါင်း အယောက် ၃၀၀၀ ကျော်လောက်ရှိတယ်၊ အဲဒါကျနော်တို့ အ၀တ်ထုတ် ၃ ပေ ၄ ပေရှိတဲ့ ဆာလာအိတ်တွေနဲ့ အထုတ်ပေါင်း ၅၀ ကျော်လှူဒါန်းခဲ့တယ်၊ နောက်အလှူငွေ ၃ သိန်းလှူဒါန်းခဲ့တယ်၊ ကေအိုင်အေ လက်အောက်မှာရှိတဲ့ ဒုက္ခသည်စခန်းတွေကိုတော့ ကျနော်တို့ တစ်စခန်းကို အလှူငွေ ၃ သိန်းလှူဒါန်းခဲ့တယ်၊ နောက်ကချင်ကျောင်းသားတွေ ပြည်မက ဘယ်ကျောင်းမှ တက်ခွင့်မရတဲ့ အသိအမှတ်ပြုမခံရတဲ့ ကျောင်းသားတွေ ရှိတယ်၊ အဲဒါကို ကျနော်တို့က ရန်ကုန်ပြန်ရောက်ရင် သတင်းစာရှင်းလင်းပွဲလုပ်မယ်၊ နောက်အစိုးရကို ဖိအားပေးဖို့အတွက် သတင်းမီဒီယာတွေကို ကျယ်ကျယ်ပြန့်ပြန့်ဖြန့်မယ်"

သူတို့အဖွဲ့ဟာ လိုင်ဇာအနီးရှိ ဂျယ်ယန်၊ ဖုံလုံယန်နဲ့ ဝယ်ကြိုင် ဒုက္ခသည်စခန်းတွေကို သွားရောက်ကူညီခဲ့ကြတာဖြစ်ပါတယ်။

သူတို့အကူအညီပေးခဲ့တဲ့ အဝတ်အစားနဲ့ ငွေကြေးတွေဟာ ရန်ကုန်မြို့မှာ အလှူခံရရှိခဲ့တာတွေဖြစ်ကြောင်းလည်း ကိုမင်းသွေးသစ်က ပြောပါတယ်။

"ကျနော်တို့ ဗကသအဖွဲ့ချုပ်က ရန်ကုန်တောင်ပိုင်းခရိုင်က ဗကသတွေ၊ နောက်တခြားသမဂ္ဂတွေ ရောပေါင်းပြီး ရန်ကုန်ရဲ့ မြို့နယ်လမ်းတွေမှာထွက်ပြီးတော့ လက်ကိုင်စပီကာတွေနဲ့ အော်ပြီးတော့ ကျနော်တို့ ကချင်ဒေသ စစ်ဘေးသင့်ပြည်သူတွေအတွက်ကို လူသားချင်း စာနာထောက်ထားတဲ့အနေနဲ့ အ၀တ်အထည်တွေ၊ အလှူငွေတွေ၊ ဆေးဝါးတွေ လှူဒါန်းလို့ ရပါတယ် ဆိုပြီးတော့ ကျနော်တို့ကျောင်းသားတွေ လမ်းပေါ်မှာပဲ အလှူခံတယ်၊ နောက်တစ်ချက်က ပြီးခဲ့တဲ့ ၆ လပိုင်းက ရန်ကုန်မှာရှိနေတဲ့ ရှော့ပင်းစင်တာတွေမှာ စစ်ဆန့်ကျင်ရေးနဲ့ ငြိမ်းချမ်းရေးသီချင်းတွေဆိုပြီးတော့ အလှူခံထွက်တယ်၊ ရလာတဲ့အလှူငွေတွေကို ပထမဆုံးအနေနဲ့ ဗန်းမော်ခရိုင် ကျောင်းသားသမဂ္ဂနဲ့ ဆက်သွယ်ပြီးတော့ ကျနော်တို့ အလှူငွေလွှဲ လိုက်တယ်၊ ဒီတစ်ခေါက်က ကျနော်တို့ ကိုယ်တိုင်လာတဲ့ ရည်ရွယ်ချက်က ပညာရေးဆိုင်ရာ ပူးပေါင်းဆောင်ရွက်ဖို့ ရည်ရွယ်ချက်လည်းပါတယ်"

ဗကသအဖွဲ့ဝင်တွေဟာ ကူညီရေးအစီအစဉ် ပြီးဆုံးသွားပြီဖြစ်တဲ့အတွက် မနေ့ကညနေမှာ မူဆယ်မြို့ကနေ မန္တလေးကို ပြန်သွားကြပါပြီ၊ ဒီခရီးစဉ်အတွေ့အကြုံနဲ့ ပတ်သက်လို့ ရန်ကုန်မြို့ကို ပြန်လည်ရောက်ရှိတဲ့အခါ သတင်းစာရှင်းလင်းပွဲ ပြုလုပ်မယ်လို့လဲဆိုပါတယ်။

Ref: အာရ်အဖ်အေ

Read More...

Collapse...

သင်္ကြန်ကာလအတွင်း ခရမ်းလွန်ရောင်ခြည်အန္တရာယ် ပိုများလာနိုင်

2013-03-31

မြန်မာတစ်နိုင်ငံလုံးမှာ Ultraviolet Ray လို့ခေါ်တဲ့ ခရမ်းလွန်ရောင်ခြည် ကျရောက်မှုနှုန်း မြင့်တက်နေတဲ့အတွက် အထူးသတိထားသွားလာကြဖို့၊ အထူးသဖြင့် သင်္ကြန်တွင်းမှာ အဝတ်အစား လုံလုံခြုံခြုံဝတ်ဆင်ကြဖို့ မြန်မာ့မိုးလေဝသပညာရှင် ဦးထွန်းလွင်က သတိပေးလိုက်ပါတယ်။

ခရမ်းလွန်ရောင်ခြည် ညွှန်းကိန်းဟာ ၁၁ ထက်ကျော်နေတဲ့အတွက် သတ်မှတ်စိုးရိမ်ညွှန်းကိန်းအထက်မှာ ရောက်နေတယ်လို့ ပြောပါတယ်။

သင်္ကြန်ကာလ ဧပြီလအတွင်း ခရမ်းလွန်ရောင်ခြည် ညွှန်းကိန်းပိုများမယ်လို့ယူဆရပြီး အန္တရာယ်ပိုများဖွယ်ရှိတယ်လို့ ဦးထွန်းလွင်က ပြောပါတယ်။

"မြန်မာပြည်မှာ သင်္ကြန်ကာလမဟုတ်တဲ့ ရိုးရိုးချိန်မှာတောင် ကားတွေကသိပ်ကျပ်တယ်၊ တစ်နေရာရောက်ရင် တော်တော်နဲ့ကို မထွက်နိုင်ဘူး၊ သင်္ကြန်ကာလဆို မဏ္ဍပ်တွေဘာတွေ သွားမယ်ဆိုရင်တော့ အနည်းဆုံး ၄ နာရီ ၅ နာရီလောက်က ကားစီးပြီး နေပူထဲမှာနေရမယ့် သဘောရှိနေတယ်၊ အန္တရာယ်ပိုကြီးတယ်ပေါ့ဗျာ၊ ဒီရေတို့ဘာတို့နဲ့ နီးနီးကပ်ကပ်ရှိတယ် ရေက အငွေ့ပျံတဲ့သဘာဝရှိတော့ ခရမ်းလွန်ရောင်ခြည်က ရေပေါ်မှာကျလို့ အလင်းပြန်ရင် လူကိုပိုထိခိုက်တယ်၊ အဲ့တော့သင်္ကြန်မှာ ခရမ်းလွန်ရောင်ခြည်ရဲ့ အန္တရာယ်က ပိုရှိတယ်"

ကမ္ဘာ့လေထုအထက်မှာရှိတဲ့ အိုဇုန်လွှာပါးတဲ့အတွက် ကမ္ဘာမြေပေါ် ခရမ်းလွန်ရောင်ခြည် ကျရောက်တာဖြစ်ပြီး ကျန်းမာရေးအတွက် အန္တရာယ်ရှိပါတယ်။

ခရမ်းလွန်ရောင်ခြည်ဒဏ် ကာကွယ်နိင်အောင် ဦးထုပ်အဝိုင်းကြီးကြီးဆောင်းဖို့၊ နေရောင်ခြည်ကာ မျက်မှန်တပ်ဖို့နဲ့ အဝတ်အထည်ကို လုံလုံခြုံခြုံဝတ်ဆင်ကြဖို့ ဦးထွန်းလွင်က အကြံပေးပါတယ်။

Ref: အာရ်အဖ်အေ

Read More...

Collapse...

ပဲခူးတိုင်းမြို့နယ်တွေမှာ ပြန်လည် တည်ငြိမ်အေးချမ်းနေ

2013-03-30

နိုင်ငံတော်သမ္မတ ဦးသိန်းစိန်က မတ်လ၂၈ရက်နေ့မှာ ဆူပူအကြမ်းဖက်မှုတွေကို ထိထိရောက်ရောက်အရေးယူဖို့ ရဲတပ်ဖွဲ့ဝင်တွေကို ညွှန်ကြားလိုက်ပြီးနောက်ပိုင်း ပြီးခဲ့တဲ့ရက်ပိုင်း တွေက အကြမ်းဖက်ဖျက်ဆီးတာတွေရှိခဲ့တဲ့ ပဲခူးတိုင်းအနောက်ခြမ်းက မြို့နယ်တချို့မှာ အခြေအနေ ပြန်လည်တည်ငြိမ်လာနေပြီ လို့ ဒေသခံတွေက ဒီကနေ့မှာ ပြောပါတယ်။

ပဲခူးတိုင်းအနာက်ခြမ်းက မြို့တချို့မှာ အပျက်အစီးတွေကို ဒေသခံတွေကပါ ၀ိုင်းဝန်းကူညီပေးနေတယ်လို့ သိရပါတယ်။

နတ်တလင်းမြို့နယ်မှာ ပျက်စီးသွားတဲ့ ဗလီတွေနဲ့ အိမ်တွေကို ဒေသခံတွေက မတ်လ ၃၀ ရက် ဒီကနေ့မနက်ပိုင်းကစပြီး သန့်ရှင်းရေးတွေ၊ ပြန်လည်ပြင်ဆင်တာတွေ လုပ်ဆောင်ပေးနေ ကြကြောင်း ကိုယ်တိုင်ကူညီနေသူတစ်ဦးဖြစ်တဲ့ နတ်တလင်းဒေသခံ ကိုမိုးဇော်က ပြောပါတယ်။

ဒါ့အပြင် ပဲခူးတိုင်း၊ ကြို့ပင်ကောက်မြို့နယ်မှာ နေအိမ်တွေ အဖျက်ဆီးခံခဲ့ရတဲ့ အစ္စလာမ်ဘာသာဝင်တွေအတွက် လာရောက်လှူဒါန်းထားတဲ့ အစားအစာတွေကိ်ု ဝေခြမ်းရေး ကူညီဆောင် ရွက်ပေးနေတယ်လို့ ဒေသခံတစ်ဦးဖြစ်သူ ကိုဇေယျာက ပြောပါတယ်။

စစ်ကွင်းမြို့မှာလည်း အကြမ်းဖက်သူလူတစ်စုကို ရဲတပ်ဖွဲ့ဝင်တွေက ဖမ်းဆီးတာတွေ လုပ်နေတဲ့အတွက် အခြေအနေဟာ ပြည်လည်တည်ငြိမ်နေပြီလို့ စစ်ကွင်းဒေသခံ ဒေါ်ကြည်က ပြောပါတယ်။

Ref: အာရ်အဖ်အေ

Read More...

Collapse...