ဘုရားသုံးဆူမြို့ ၆၆ကြိမ်မြောက် မွန်အမျိုးသားနေ့ ယခင်နှစ် များထက် ပိုမိုစည်ကား

27 February 2013
စဖန်းရှောင်း

၆၆ကြိမ်မြောက် မွန်အမျိုးသားနေ့ကို ကရင်ပြည်နယ် ဘုရားသုံးဆူမြို့ရှိ နှစ်စဉ်ကျင်းပမြဲ တိုင်တရာကျောင်းတိုက်ဝင်းအတွင်း ယမန်နေ့က ကျင်းပပြုလုပ်ခဲ့ကြရာ ယခင်နှစ်များထက် ပို၍ လွတ်လပ်စည်ကားစွာ ကျင်းပခဲ့သည်။

“အရင်နှစ်တွေက လုပ်ရတာ အခက်အခဲသိပ်မရှိပေမယ့် ဒီနှစ်ဘုရားသုံးဆူမှာလုပ်တဲ့ မွန်အမျိုးသားနေ့ကို ကျင်းပရတာ ထူးထူး ကဲကဲနဲ့ စည်စည်ကားကား ကျင်းပနိုင်ခဲ့ပါတယ်၊ အားလုံးကလည်း ၀ိုင်းဝန်းကူညီပံ့ပိုးပေးကြပါတယ်”ဟု မွန်အမျိုးသားနေ့ကျင်းပ ရေးကော်မတီမှ အထွေထွေအတွင်းရေးမှူး နိုင်ထွေးရှိန်က ပြောသည်။

ထိုအခမ်းအနား ကျင်းပနိုင်ရေးအတွက် မွန်အမျိုးသားနေ့ ကျင်းပရေးကော်မတီ ဖွဲ့စည်းကာ ဥက္ကဌ နိုင်ဘဇံ၊ ဒုဥက္ကဌ နိုင်တင်လှ နှင့် တိုင်တစ်ရာကျောင်းတိုက် ကျောင်းထိုင်ဆရာ တော်တို့မှ ဦးဆောင်ကျင်းပခဲ့ခြင်းဖြစ်သည်။ ထို့အပြင် မွန်အမျိုးသားနေ့ကို နှစ် စဉ် ကျင်းပလာခဲ့ကြပြီး မွန်အမျိုးသားနေ့ ကျင်းပရခြင်း ရည်ရွယ်ချက်နှင့် ပတ်သက်၍ နိုင်ထွေးရှိန်က ယခုလို ပြောသည်။

“မွန်အမျိုးသားနေ့ကို ကျင်းပရမှာကတော့ မွန်အမျိုးသားတိုင်းရဲ့သမိုင်းပေးတာဝန်ပါ၊ အဲဒီတာဝန်ကို လက်ဆင့်ကမ်း ထိန်းသိမ်း တဲ့အနေနဲ့ နှစ်စဉ်နှစ်တိုင်း ကျင်းပရတာ ဖြစ်ပါတယ်”ဟု ကေအိုင်စီသို့ ပြောသည်။

ဘုရားသုံးဆူမြို့တွင် ကျင်းပသော မွန်အမျိုးသားနေ့အခမ်းအနားကို အစိုးရဌာနဆိုင်ရာမှ တာဝန်ရှိသူများ အပါအ၀င် ကရင်အ မျိုးသားအစည်းအရုံး-KNU ဆက်ဆံရေးရုံးမှ တာဝန်ရှိ သူများ၊ မွန်ပြည်သစ်ပါတီ NMSP ဆက်ဆံရေးရုံးမှ တာဝန်ရှိသူများ တက် ရောက်ခဲ့ကြပြီး မွန်တိုင်းရင်းသားများ အပါအ၀င် လူဦးရေတစ်ထောင်ကျော် တက်ရောက်ဆင်နွှဲခဲ့ကြသည်။

၆၆ကြိမ်မြောက် မွန်အမျိုးသားနေ့ကို ဘုရားသုံးဆူမြို့တွင်သာမက မွန်ပြည်နယ်အတွင်းရှိ မွန်လူမျိုးတို့နေထိုင်ရာ မြို့နယ်အသီး သီးတွင် ကျင်းပခဲ့ကြပြီး ပဲခူးတိုင်းဒေသကြီးနှင့် ရန်ကုန်တိုင်းဒေသကြီးတို့တွင်လည်း ကျင်းပခဲ့ကြသည်။

မွန်တိုင်းရင်းသားအစည်းအရုံး၏ ဦးဆောင်မှုဖြင့် ၁၉၄၆ခုနှစ်အကုန်တွင် ကျင်းပသော မွန်တိုင်းရင်းသားညီလာခံတွင် ဟံသာဝ တီ (ပဲခူး) စတင်တည်ထောင်သည့် တပို့တွဲလပြည့်ကျော် ၁ရက်နေ့ကို မွန်အမျိုးသားနေ့အဖြစ် အသိအမှတ်ပြုပြီးနောက် ယနေ့ ထိတိုင် နှစ်စဉ် ကျင်းပလာခဲ့ခြင်းဖြစ်သည်။

Ref: ကေအိုင်စီ

Read More...

Collapse...

ကမ္ဘာ့ဘဏ် အကူအညီ လက်ခံရမယ့် မြို့နယ်တွေ ရွေးချယ်

2013-02-27

တနင်္သာရီတိုင်းဒေသကြီးမှာ ကမ္ဘာ့ဘဏ်ရဲ့ လူထု အခြေပြု ဖွံ့ဖြိုး တိုးတက်ရေးစီမံကိန်းတွေ အကောင်အထည်ဖေါ်ဖို့အတွက် အကူအညီ လက်ခံရယူမယ့် မြို့နယ်ရွေးချယ်ပွဲတစ်ခုကို ဖေဖော်ဝါရီလ ၂၇ ရက် ဒီကနေ့ ထားဝယ်မြို့၊ မြို့တော်ခန်းမမှာ ကျင်းပခဲ့ပါတယ်။

တနင်္သာရီ တိုင်းဒေသကြီး ဖွံ့ဖြိုးတိုးတက်ရေး စီမံကိန်းအတွက် တာဝန်ရှိသူတွေက အထက်ကနေ ရွေးချယ် ချမှတ်တာမျိုးမဟုတ်ပဲ အောက်ခြေမှာ အစိုးရအဖွဲ့တွေ၊ လူမှုအဖွဲ့အစည်းတွေ၊ အန်ဂျီအိုတွေရှေ့မှာ အခုလိုမြို့နယ် ရွေးချယ်တာဟာ ပွင့်လင်းမြင်သာမှုရှိရှိ လုပ်ဆောင်တာဖြစ်တယ်လို့ ကျေးလက်ဒေသ ဖွံ့ဖြိုးတိုးတက်ရေးအဖွဲ့က ဒုတိယညွှန်ကြားရေးမှူး ဦးလှခိုင်က RFA ကို ပြောပါတယ်။

ဒီကနေ့မြို့နယ်ရွေးချယ်ပွဲကို တနင်္သာရီတိုင်း ဝန်ကြီးချုပ် ဦးမြတ်ကို၊ နယ်စပ်ရေးရာ ဝန်ကြီး ဦးဇော်လွင်၊ တိုင်းရင်းသားရေးရာ ဝန်ကြီး ဦးစောဟာဘီ အပါအဝင် မြို့နယ် (၁၀) မြို့နယ်က လူမှုအဖွဲ့အစည်းတွေ၊ နိုင်ငံရေး လှုပ်ရှားသူအဖွဲ့အစည်းက ကိုယ်စားလှယ်တွေ တက်ရောက်တာတွေ့ရပါတယ်။

ကမ္ဘာ့ဘဏ်ရဲ့ “လူထုအခြေပြုဖွံ့ဖြိုးတိုးတတ်ရေး စီမံကိန်း” ဆောင်ရွက်ဖို့အတွက် ပထမအဆင့်အနေနဲ့ မြို့နယ် ၃ခုကို အကြံပြုရွေးချယ်ပြီး ရွေးချယ်ခံရတဲ့ မြို့နယ်တွေမှာရှိတဲ့ ကျေးရွာအုပ်စုတွေမှာ တစ်အုပ်စုကို တစ်နှစ် အမေရိကန် ဒေါ်လာ (၂၇၀၀၀) ထောက်ပံ့သွားမှာဖြစ်ပြီး ဖွံ့ဖြိုးရေးလုပ်ငန်းတွေ ဆောင်ရွက်နိုင်ဖို့ ၃ နှစ် ဆက်တိုက်ထောက်ပံ့သွားမယ်လို့ သိရပါတယ်။

Ref: အာရ်အဖ်အေ

Read More...

Collapse...

လွတ်လပ်မှုရဖို့ ညီညွှတ်ဖို့ လိုအပ်ကြောင်း ဒက်စ်မွန်တူးတူး ပြောကြား

2013-02-27

မြန်မာနိုင်ငံကို အလည်အပတ် ရောက်ရှိနေတဲ့ နိုဘယ်လ်ငြိမ်းချမ်းရေးဆုရှင် တောင်အာဖရိက ဘုန်းတော်ကြီး Desmond Tutu ဒက်စမွန်တူးတူးက မြန်မာနိုင်ငံသားတွေအားလုံး လွတ်လပ်မှုကိုရရှိဖို့ဆိုရင် စုစည်းညီညွတ်ဖို့ လိုအပ်ကြောင်း ဖေဖော်ဝါရီလ ၂၇ ရက် ဒီကနေ့မှာ တိုက်တွန်းပြောကြားလိုက်ပါတယ်။

ရန်ကုန်မြို့ အမေရိကန်စင်တာမှာကျင်းပတဲ့ နိုင်ငံရေးပါတီတွေ၊ လူမှုအဖွဲ့အစည်းက ကိုယ်စားလှယ်တွေနဲ့ တွေ့ဆုံပွဲမှာ ဘုန်းတော်ကြီး ဒက်စမွန်တူးတူးက ပြောခဲ့တာပါ။

တောင်အာဖရိကနိုင်ငံရဲ့ အတွေ့အကြုံအနေနဲ့ ပြောရမယ်ဆိုရင် လူဖြူ၊ လူမည်းအားလုံး ညီညွှတ်မှ အတူတကွရှိမှပဲ စစ်မှန်တဲ့လွတ်လပ်မှုကို ရရှိခဲ့တာဖြစ်တဲ့အတွက် ညီညွတ်မှုဟာ အရေးကြီးတယ်လို့ ဘုန်းတော်ကြီး ဒက်စမွန်တူးတူးက ပြောကြားခဲ့တာပါ။

ဒါ့အပြင် မြန်မာနိုင်ငံရဲ့ အသွင်ကူးပြောင်းမှုတွေ ခိုင်မြဲဖို့အတွက်ဆိုရင် နားလည်မှု၊ သည်းခံခွင့်လွှတ်မှုတွေရှိဖို့ လိုအပ်တယ်လို့လည်း ဘုန်းတော်ကြီး ဒက်စမွန်တူးတူးက ထောက်ပြ ခဲ့ပါတယ်။

ဘုန်းတော်ကြီး ဒက်စမွန်တူးတူးဟာ မနေ့က နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့တကွ နိုင်ငံရေး အကျဉ်းသားဟောင်းတွေနဲ့ တွေ့ဆုံခဲ့ပြီး မကြာခင် ရက်ပိုင်းမှာလည်း ကိုမင်းကိုနိုင် ခေါင်းဆောင်တဲ့ ၈၈မျိုးဆက် ကျောင်းသား ခေါင်းဆောင်တွေနဲ့ တွေ့ဆုံဖို့ရှိတယ်လို့ သိရပါတယ်။

ဘုန်းတော်ကြီး ဒက်စမွန်တူးတူး၊ တိဗက်ဘုန်းတော်ကြီး ဒလိုင်းလားမားအပါအဝင် နိုဘယ်လ် ငြိမ်းချမ်းရေးဆုရှင် အတော်များများဟာ မြန်မာ့ဒီမိုကရေစီခေါင်းဆောင် ဒေါ်အောင် ဆန်းစုကြည် နေအိမ်အကျယ်ချုပ်ဘဝနဲ့ ရှိခဲ့စဉ်က ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေ လွတ်မြောက်ရေးအတွက် အမြဲလိုတောင်းဆိုခဲ့ကြသူတွေ ဖြစ်ပါတယ်။

Ref: အာရ်အဖ်အေ

Read More...

Collapse...

မအူပင်မြို့နယ် လယ်သမားအရေး လွှတ်တော်က အရေးပေါ်ဆောင် ရွက်ရန် တောင်းဆို

2013-02-27

ဧရာဝတီတိုင်းဒေသကြီး မအူပင်မြို့နယ် မလက်တိုကျေးရွာအုပ်စုမှာ လယ်သမားတွေနဲ့ ရဲတပ်ဖွဲ့အကြား ပဋိပက္ခနဲ့ ပတ်သက်ပြီး လွှတ်တော်ကနေ အမြန်ဆုံးဖြေရှင်းပေးဖို့ ရန်ကုန်အခြေစိုက် ရှေ့နေများကွန်ရက်က ဖေဖော်ဝါရီလ ၂၇ ရက် ဒီကနေ့မှာ ကြေညာချက်တစ်စောင် ထုတ်ပြန် တောင်းဆိုလိုက်ပါတယ်။

မနေ့က ဖေဖော်ဝါရီလ ၂၆ ရက် ရဲတပ်ဖွဲ့ဝင်အင်အား ၁၅၀ ကျော်နဲ့ လယ်သမား ၃၀၀ ကျော်အကြား အကြမ်းဖက်ပဋိပက္ခမှာ ရဲတပ်ဖွဲ့က ပစ်ခတ်တာကြောင့် လယ်သမား ၁၇ ဦး ဒဏ်ရာရခဲ့ပါတယ်။

လယ်သမားတွေဖက်က တုန့်ပြန်တာကြောင့် ရဲတပ်ဖွဲ့ဝင် ၂၈ ဦး ဒဏ်ရာရခဲ့ပြီး အဲဒီအထဲက တစ်ဦးသေဆုံးခဲ့ပါတယ်။

အဲဒီ မလက်တိုကျေးရွာအုပ်စု ဖြစ်ရပ်ဟာ စိုးရိမ်ဖွယ်ရာဖြစ်တယ်လို့ ရှေ့နေများကွန်ရက်က ပြောပါတယ်။

ဒါ့အပြင် အခုဖြစ်ရပ်ဟာ ဥရောပခရီးစဉ်ရောက်နေတဲ့ နိုင်ငံတော်သမ္မတကြီး ဦးသိန်းစိန်အတွက်လည်း မျက်နှာပျက်စရာဖြစ်တယ်လို့ ရှေ့နေများကွန်ရက်က ထောက်ပြထားပါတယ်။

ရဲတပ်ဖွဲ့ရဲ့ဆောင်ရွက်မှုတွေဟာ ပြစ်မှုဆိုင်ရာ ကျင့်ထုံးဥပဒေ တိကျစွာလိုက်ပြီး ဆောင်ရွက်ခြင်းရှိ မရှိ၊ အဓိကရုဏ်းနှိမ်နင်းရေး ဥပဒေပြဌာန်းချက်များ တိကျစွာ လိုက်နာဆောင်ရွက်ခြင်း ရှိ မရှိ စတဲ့အချက်တွေကို အမြန်ဆုံးဖေါ်ထုတ်ပေးဖို့ ရှေ့နေများကွန်ရက်က တောင်းဆိုထားပါတယ်။

Ref: အာရ်အဖ်အေ

Read More...

Collapse...

ICRC လိုင်ဇာဆေးရုံနှင့် ဒုက္ခသည်များကို သွားရောက် ကူညီ

ဖနိဒါ
ဖေဖေါ်ဝါရီလ ၂၇ ရက် ၂၀၁၃ ခုနှစ်

ကချင်လွတ်လပ်ရေးအဖွဲ့ KIO ဌာနချုပ် တည်ရှိရာ လိုင်ဇာမြို့သို့ အင်္ဂါနေ့က ရောက်ရှိလာသည့် ကမ္ဘာ့ကြက်ခြေနီအဖွဲ့ချုပ် ICRC ကိုယ်စားလှယ်များသည် ဗုဒ္ဓဟူးနေ့ နံနက်ပိုင်းတွင် လိုင်ဇာ ပြည်သူ့ဆေးရုံသို့ သွားရောက် ကူညီခဲ့ပြီး စစ်ပြေးဒုက္ခသည် စခန်းများသို့ သွားရောက် ကြည့်ရှုခဲ့သည်ဟု KIO စစ်ပြေး ဒုက္ခသည်များကူညီရေး တာဝန်ခံ ဦးဒွဲပီဆား က ပြောသည်။

“အဓိကတော့ ဆေးဝါးတွေ ပါတယ်။ ပြည်သူ့ဆေးရုံဘက် စစ်ဆေးရုံဘက်မှာ ဒဏ်ရာရသူတွေကို သွားကြည့်တယ်။ အများအားဖြင့် ဆေးဝါးနဲ့ပတ်သက်လို့ အဖွဲ့တွေ ဖြစ်တယ်” ဟု မဇ္စျိမကို ပြောသည်။

အစိုးရက ၂၀၁၂ ခုနှစ်၊ ဒီဇင်ဘာလအတွင်းက ကုလသမဂ္ဂ အဖွဲ့အစည်းများကို ဝင်ခွင့်ပြုခဲ့ရာမှ ယခု ဒုတိယ အကြိမ်မြောက် ဝင်ခွင့်ပြုသဖြင့် အကောင်းဘက်မှ ရှုမြင်ကြောင်း သူက ဆက်ပြောသည်။

“ဒုတိယအကြိမ် အစိုးရက UN ကို ဝင်ခွင့်ပြုလာတယ်ဆိုတော့ ဒီမှာ ဖြစ်ပျက်နေတာတွေကို သူတို့ လက်တွေ့ မြင်သွားရင် သူတို့ ဆက်လက် လုပ်ဆောင်သွားမယ့် စီမံချက်တွေ သိမြင်လာမယ်လို့ ယုံကြည်တယ်။ သူတို့လည်း အဲဒီလို ပြောတယ်” ဟု ဦးဒွဲပီဆား က ဆိုသည်။

ဒုက္ခသည်များအား ကူညီရန် ကုလသမဂ္ဂ၏ လုပ်ငန်းများ စတင်အကောင်အထည် ဖော်လာခြင်း ဖြစ်သည် ဟုလည်း သူက ပြောသည်။

ICRC ကိုယ်စားလှယ်များနှင့် တွေ့ဆုံခဲ့သည့် လိုင်ဇာ ဆေးရုံ တာဝန်ခံ ဦးဇော်ခွမ် က “ကျနော်တို့ကို ကူညီဖို့ ရောက်လာပါတယ်။ တခြားဘယ်အဖွဲ့အစည်းတွေ ကူညီလဲ ဆိုတာတွေ မေးတယ်။ ကျနော်တို့ လူနာတွေကို ဘယ်လို ကုသနေရတယ်၊ ခုလောလောဆယ် လူနာတွေကို ကုသဖို့ အရေးပေါ် ဘာတွေ လိုအပ်တယ်၊ ကျနော်တို့ ကျန်းမာရေးဌာန အကြောင်းတွေ မေးတယ်။ ဘာတွေ လုပ်နေတယ် ဆိုတာတွေ မေးမြန်းတယ်” ဟု မဇ္စျိမကို
ပြောသည်။

လွန်ခဲ့သော ရက်သတ္တပတ်က ICRC ကား သုံးစီးကို လိုင်ဇာမြို့အဝင် လဂျားယန်ကားလမ်း၊ မိုးနဲချောင်း အရောက်တွင် အစိုးရစစ်တပ်ဘက်မှ လုံခြုံရေးတာဝန် မယူပေးနိုင်ကြောင်း ပြောဆိုခဲ့၍ ဗန်းမော်မြို့သို့ ပြန်လှည့်ခဲ့ရသည်ဟု သိရသည်။

ICRC ကိုယ်စားလှယ်များသည် ကြာသပတေးနေ့တွင် လိုင်ဇာမြို့မှ ပြန်လည် ထွက်ခွာမည် ဖြစ်ကြောင်း သိရသည်။

လိုင်ဇာမြို့အနီးတဝိုက်တွင် စစ်ပြေးဒုက္ခသည်ပေါင်း ၂၀,၀၀၀ ကျော်ရှိသည်ဟု သိရသည်။

ဖေဖော်ဝါရီလ ၁၈ ရက်နေ့ကလည်း ကုလအဖွဲ့အစည်းများ ကား ၁၀ စီးဖြင့် ဖားကန့်မြို့သို့ လာရောက်ကာ ဒုက္ခသည်များအတွက် လူသားချင်းစာနာမှု အကူအညီများ ပေးအပ်ခဲ့သည်။

Ref: မဇ္ဈိမ

Read More...

Collapse...

ဟိုတယ်လုပ်ငန်းများ တိုးပွားလာသော်လည်း လိုအပ်နေဆဲပါ

ခင်မျိုးသွယ်
ဖေဖေါ်ဝါရီလ ၂၇ ရက် ၂၀၁၃ ခုနှစ်

(ဆောင်းပါး)

မြန်မာနိုင်ငံ၏ ခရီးသွားရာသီအတွင်း နိုင်ငံခြားသားဧည့်သည် အဝင် တိုးတက်လာခြင်းနှင့်အတူ ဟိုတယ်ဇုန်များရှိ ဟိုတယ်အခန်းများ တိုးချဲ့လာခြင်း၊ ဟိုတယ်သစ်များ ဆောက်လုပ် လာခြင်းတို့ ပြုလုပ်လာ ကြလျက် ရှိသည်။

“မြန်မာနိုင်ငံဟာ နိုင်ငံရေး ပြုပြင်ပြောင်းလဲရေးတွေကြောင့် နိုင်ငံတကာရဲ့ အာရုံစူးစိုက်မှု ရှိလာတာနဲ့အတူ ဥရောပ၊ အမေရိကန် စတဲ့ အရှေ့အနောက် နိုင်ငံတွေသာမက နိုင်ငံတကာနဲ့ ရင်းနှီးနွေးထွေးစွာ ဆက်ဆံနိုင်တဲ့အတွက် မြန်မာနိုင်ငံအတွင်းကို လာရောက် လည်ပတ်တဲ့ နိုင်ငံခြားသား ခရီးသည်တွေ တဖြည်းဖြည်း မြင့်တက်လာသလို သူတို့ တည်းခိုနိုင်ဖို့ ဟိုတယ် လိုအပ်ချက်တွေလည်း ရှိလာပါတယ်” ဟု မြန်မာနိုင်ငံ ဟိုတယ်လုပ်ငန်းရှင်များအသင်း မှ အထွေထွေ အတွင်းရေးမှူး ဦးကြည်သိန်းက်ို က ပြောဆိုသည်။

ရန်ကုန် ဟိုတယ်ဇုန်

ရန်ကုန်ဟိုတယ်ဇုန်တွင် ၂၀၁၂ ခုနှစ်၊ နိုဝင်ဘာလ အထိ ဟိုတယ်၊ မိုတယ်နှင့် တည်းခို ရိပ်သာပေါင်း ၂၀၂ လုံး၊ အခန်းပေါင်း ၈,၇၂၇ ခန်း ရှိခဲ့သည်။

“၂၀၁၂ ခုနှစ် ဒီဇင်ဘာလ ၃၁ ရက်အထိ ဟိုတယ်၊ မိုတယ်နဲ့ တည်းခိုရိပ်သာအပါအဝင် ၂၀၄ လုံး၊ အခန်း ၈,၉၁၅ ခန်းအထိ ရှိလာပါတယ်” ဟု ဝန်ကြီးဌာနမှ တာဝန်ရှိသူ တဦးက ပြောသည်။

ရန်ကုန်မြို့သ်ို့ လာရောက်သည့် နိုင်ငံခြားသား ဧည့်သည်အများစုမှာ ရွှေတိဂုံစေတီတော်၊ ဗိုလ်ချုပ်အောင်ဆန်းဈေး၊ တွံတေးမြို့ရှိ မြန်မာ စဥ့်လုပ်ငန်းနှင့် လှော်ကား ဥယျာဉ်တို့သို့ အဓိက လေ့လာ လည်ပတ်ကြသည်။

“လက်ရှိ ရန်ကုန် ဟိုတယ်ဇုန်မှာ အသင်းဝင် ဟိုတယ် ၁၆၄ လုံး ရှိပါတယ်။ အခန်းပေါင်း ၈,၀၀၀ ကျော်ရှိပါတယ်။ အဲဒီဟိုတယ်တွေထဲက ဟိုတယ် ၃၅ လုံးက တိုးချဲ့ပြင်ဆင်မှုတွေ လုပ်နေပါတယ်” ဟု ဟိုတယ် လုပ်ငန်းရှင်များ အသင်း - ရန်ကုန်ဇုန်မှ ဥက္ကဋ္ဌ ဦးရန်ဝင်း က ပြောသည်။

မန္တလေး ဟိုတယ်ဇုန်

မန္တလေးဟိုတယ်ဇုန်သို့ ၂၀၁၁ ခုနှစ်နှင့် နှိုင်းယှဉ်လျှင် ယမန်နှစ်က နိုင်ငံခြားသား ဧည့်သည် အဝင်မှာ သုံးဆ ပိုများလာခဲ့သည်ဟု မန္တလေးဇုန်၏ ဟိုတယ်လုပ်ငန်းရှင်များအသင်း ဥက္ကဋ္ဌ ဦးမြင့်အောင် က ခန့်မှန်းသည်။ အများစုမှာ ထိုင်းနှင့် တရုတ်လူမျိုးများ ဖြစ်ကြောင်း သိရသည်။

ထိုဇုန်တွင် ဟိုတယ် ၇၉ လုံး ရှိခဲ့ပြီး ယခုနှစ်အတွင်း တည်းခိုခန်း လိုင်စင်ဖြင့် ဟိုတယ်သစ် ၅ လုံး တိုးလာသည်ဟု ဆိုသည်။

တောင်ကြီး ဟိုတယ်ဇုန် - အင်းလေးဒေသ

တောင်ကြီး ဟိုတယ်ဇုန်အတွင်းရှိ အင်းလေးဒေသသို့ နိုင်ငံခြားသား ဧည့်သည် ၁၀၀,၀၀၀ ကျော် ဝင်ရောက်ခဲ့ ကြောင်း ထိုဇုန်အတွင်းရှိ ဟိုတယ် လုပ်ငန်းရှင်များက ဆိုသည်။

“အင်းလေးဒေသကို ၂၀၁၂ ခုနှစ်၊ ဇန်နဝါရီလကနေ ဒီဇင်ဘာလကုန်အထိ နိုင်ငံခြားသား ခရီးသည် တသိန်းကျော် ဝင်ရောက်ခဲ့ပါတယ်။ ဟိုတယ်အသစ်အနေနဲ့ ၇ လုံး၊ အခန်းပေါင်း ၁၃၃ ခန်း တိုးလာပါတယ်” ဟု ဟိုတယ် ဇုန်အသင်း -တောင်ကြီးဟိုတယ်ဇုန်မှ အတွင်းရေးမှူး ဦးအောင်ကျော်မိုး က ပြောသည်။

ထိုဒေသသို့ လာရောက်လည်ပတ်ကြသည့် နိုင်ငံခြားသားခရီးသည်များမှာ တောင်ကြီး ငှက်ဘေးမဲ့တော၊ အင်းလေးကန် တောရိုင်းတိရိစ္ဆာန်ဘေးမဲ့တော၊ လွိုင်မွေ သဘာဝနယ်မြေ၊ ပြဒါးလင်းဂူ တောရိုင်း တိရိစ္ဆာန် ဘေးမဲ့ တောများသို့ အများဆုံး လည်ပတ်ကြသည်။

ရွှေတြိဂံ ဟိုတယ်ဇုန်

မြန်မာနိုင်ငံ အရှေ့ပိုင်း၊ ရွှေတြိဂံဇုန်ရှိ ကျိုင်းတုံဒေသတွင် နိုင်ငံခြားသား ဧည့်သည် အဝင် မနှစ်ကထက် ၃၀ ရာခိုင်နှုန်း တိုးတက်ခဲ့သည်။

“ဒီနှစ်မှာက ကျိုင်းတုံဒေသကို ဧည့်သည် အဝင်များတယ်။ အဓိက က ရခိုင်နဲ့ ကချင်ဘက်ကို လည်ပတ်ဖို့၊ လိုက်ပြဖို့ ရောင်းချထားတဲ့ နိုင်ငံခြားသား ဧည့်သည်တွေကို နယ်မြေ အခြေ အနေကြောင့် လိုက်မပို့တော့ဘဲ ကျိုင်းတုံဘက်ကို လိုက်ပို့လာကြလို့ပါ။ မနှစ်ကထက် ဧည့်သည် အဝင် ၃၀ ရာခိုင်နှုန်းလောက်ကို တိုးတက်လာခဲ့ပါတယ်” ဟု အဆိုပါ ဇုန်မှ ဥက္ကဋ္ဌ ဦးစိုးရွှေ က ပြောသည်။

ထိုဒေသမှာ အရင်က အမေရိကန်တွေကို မတွေ့ရသလောက် ရှိခဲ့ရာမှ ယခုနှစ်တွင် အမေရိကန်လူမျိုးများ အဝင်များလာကြောင်း ၎င်းက ဆက်ပြောသည်။

“ကျိုင်းတုံဒေသကို ဒုတိယ အဝင်များတာက ပြင်သစ်။ နောက် ဘယ်လ်ဂျီယံနဲ့ ဗြိတိသျှတွေ အဝင်များပါတယ်” ဟု ဆိုသည်။

ရွှေတြိဂံ ဟိုတယ်ဇုန်အတွင်း ဟိုတယ် စုစုပေါင်း ၃၂ လုံး ရှိသည်။

ပုဂံ ဟိုတယ်ဇုန်

ရှေးဟောင်း ပုဂံဒေသို့ ၂၀၁၂ ခုနှစ်အတွင်း နိုင်ငံခြားသားဧည့်သည် လာရောက်မှုမှာ ထို့မတိုင်မီနှစ်နှင့်
နှိုင်းယှဉ်လျှင် ၄၀ ရာခိုင်နှုန်းခန့် တိုးတက်ကြောင်း သိရသည်။

“ပုဂံ ဟိုတယ်ဇုန်မှာ မနှစ်က အသင်းဝင်ဟိုတယ် ၇၂ လုံး ရှိခဲ့တယ်။ ဒီနှစ်မှာတော့ အရင်နှစ်တွေက ပိတ်ထားတဲ့ ဟိုတယ် ၃ လုံး ပြန်ဖွင်လာပါတယ်” ဟု ထိုဒေသ ဟိုတယ်လုပ်ငန်းရှင်များ အသင်း အတွင်းရေးမှူး ဦးဇော်ဝိတ် က ပြောသည်။

ပုဂံဒေသသို့လာသည့် ဧည်သည်အများစုမှာ ရွှေဥဒေါင်း တောရိုင်းတိရိစ္ဆာန် ဘေးမဲ့တော၊ ပုပ္ပါးတောင် ဘေးမဲ့တော၊ လောကနန္ဒာ ဘေးမဲ့တော စသည့်နေရာများသို့ လည်ပတ်ကြသည်။

ငွေဆောင် ဟိုတယ်ဇုန်

နိုင်ငံခြားသား ခရီးသည်များ အများဆုံး လာရောက် လည်ပတ်သည့် နေရာများတွင် တခု အပါအဝင်ဖြစ်သော ဧရာဝတီတိုင်း၊ ငွေဆောင်ဇုန်သို့လည်း “ငွေဆောင်ဇုန်ကို နိုင်ငံခြားသား ခရီးသည် မနှစ်ကထက် များပါတယ်။ ဝန်ကြီးဌာနရဲ့ ထုတ်ပြန်ချက်တွေအရ ၂၀၁၂ ခုနှစ်၊ ဇန်နဝါရီလကနေ နိုဝင်ဘာလအထိ ပြည်ပ ဧည့်သည် ၂၁,၀၀၀ ကျော် ရှိခဲ့ပါတယ်။ ဟိုတယ် ၂၁ လုံးမှာ ၅ လုံးက ပြုပြင်ဆဲ ဖြစ်ပါတယ်။ ဒီနှစ်မှာ အခန်း ၆၀ ပါ ဟိုတယ် တလုံး ထပ်ဖွင့်ပါတယ်” ဟု ငွေဆောင်ဇုန်၏ အသင်း ဒုတိယ ဥက္ကဋ္ဌ ဦးကျော်ထွန်း က ပြောသည်။

ချောင်းသာ ဟိုတယ်ဇုန်

ပြည်တွင်းခရီးသွားများ အများဆုံး လာလေ့ရှိသော ချောင်းသာ ဟိုတယ်ဇုန်သို့ ၂၀၁၁ ခုနှစ်က ခရီးသွား တသိန်း သုံးသောင်းခန့် ရှိခဲ့ပြီး ၂၀၁၂ ခုနှစ်တွင် တသိန်းခွဲခန့် လာရောက်နိုင် ကြောင်း ဟိုတယ် လုပ်ငန်းရှင်များထံက ခန့်မှန်းသည်။

“ချောင်းသာမှာ မနှစ်က ဟိုတယ် ၁၅ လုံး ရှိပါတယ်။ နောက်ထပ် ဟိုတယ်ဖွင့်ဖို့ သုံးလုံးတော့ လိုင်စင်ကျနေပြီ။ ဆောက်လုပ်နေတာလည်း အချောသပ်အဆင့် ရောက်နေပြီ၊ ဖွင့်တော့မှာ” ဟု ချောင်သာဇုန်မှ ပြောရေးဆိုခွင့်ရှိသူ ဦးကျော်ဟိုး က ဆိုသည်။

လက်ရှိအနေအထား

၂၀၁၂ ခုနှစ် ဒီဇင်ဘာလကုန်အထိ ဝန်ကြီးဌာနမှ လုပ်ငန်းလိုင်စင်ဖြင့် ဟိုတယ် စုစုပေါင်း ၇၈၇ လုံး ရှိပြီး အခန်း ပေါင်း ၂၈,၂၉၁ ခန်း ရှိခဲ့သည်။ လက်ရှိအနေအထားတွင် ဧည့်သည် အမျုးမျိုးအတွက် ဟိုတယ်အဆင့် ကြယ် ၅ ပွင့်မှ ကြယ် ၁ ပွင့် အဆင့်အတန်းစုံ လိုအပ်လျက်ရ်ှိရာ နောက်ထပ် ဟိုတယ်ဇုန် အသစ်များကိုလည်း ပြည်နယ်နှင့် တိုင်းများအလိုက် ခွင့်ပြုလျက် ရှိသည်။

နိုင်ငံခြား တိုက်ရိုက် ရင်းနှီးမြှပ်နှံမှု ဟိုတယ်များ၊ ဖက်စပ် ရင်းနှီမြှုပ်နှံသည့် ဟိုတယ်များ၊ မြန်မာတိုင်းရင်းသားပိုင် ဟိုတယ်များနှင့် အများပိုင် ဟ်ိုတယ်များ ထွက်ပေါ်ခဲ့သည်။

နိုင်ငံခြားသား ခရီးသည်များ ပိုမိုဝင်ရောက်လာနိုင်၍ ဟိုတယ်လုပ်ငန်းတွင် ပြည်တွင်းပြည်ပ ရင်းနှီးမြှုပ်နှံသူများကို ဆက်လက်ခွင့်ပြုနေဆဲ ဖြစ်သည်။

ကြယ် ၄ ပွင်နှင့် ကြယ် ၅ ပွင့် အဆင့်ရှိ ဟိုတယ်လုပ်ငန်းများ လုပ်ကိုင်ရန်အတွက် နိုင်ငံစုံက ကမ်းလှမ်းနေသည်။ မေဈေးနှုန်း အနေအထားကြောင့် စောင့်ဆိုင်းနေကြသည်။

“၂ နှစ် ၃ နှစ် အတွင်းမှာ တိုင်းရင်းသားပိုင် ဟိုတယ်၊ တည်းခိုခန်းတွေကို နိုင်ငံခြားသား တည်းနိုင်အောင် ပထမဆုံး ဆောင်ရွက်သင့်ပါတယ်။ ၂၀၁၄ မှာလည်း မြန်မာနိုင်ငံက (အာဆီ ယံ) ဥက္ကဋ္ဌ နေရာ ယူရမှာဆိုတော့ နိုင်ငံတကာ ခေါင်းဆောင်တွေ ပါဝင်တဲ့ အစည်းအဝေးတွေကို မလွဲမသွေ လက်ခံပြုလုပ်ရမှာပါ။ ဒီအတွက် ကြိုတင် ပြင်ဆင်တဲ့ အနေနဲ့ မြေကို ငှါးရမ်းတာမျိုးဖြစ်ဖြစ်၊ သက်သာတဲ့ နှုန်းထားနဲ့ဖြစ်ဖြစ် ဟိုတယ်လုပ်ငန်းမှာ နိုင်ငံခြား ရင်းနှီးမြှုပ်နှံမှု တွေကို ခွင့်ပြုသင့်ပါတယ်။ ဒါမှ အမြန် အကောင်အထည် ပေါ်လာနိုင်ပါမယ်” ဟု မြန်မာနိုင်ငံ ဟိုတယ် လုပ်ငန်းရှင်များအသင်း အထွေထွေ အတွင်းရေးမှူး ဦးကြည်သိန်းက်ို က သုံးသပ်ပြောကြားသည်။

Ref: မဇ္ဈိမ

Read More...

Collapse...

ဟံသာဝတီ ယာဉ်စခန်းကို ကားပလာဇာအဖြစ် တည်ဆောက်၍ စည်ပင်က ၅၅% အကျိုးခံစားမည်

စောဇင်ညီ
ဖေဖေါ်ဝါရီလ ၂၇ ရက် ၂၀၁၃ ခုနှစ်

ရန်ကုန်တိုင်း၊ ကမာရွတ်မြို့ နယ်ရှိ ဟံသာဝတီ ယာဉ်ရောင်းဝယ်ရေး စခန်းအား ရန်ကုန် ကားပလာဇာ အဖြစ် တည်ဆောက်ကာ ရလာသည့် အကျိူးအမြတ်အား မြို့ တော် စည်ပင်သာယာရေး ကော်မတီမှ ၅၅ ရာခိုင်နှုန်းခန့် ခံစားမည်ဟု စည်ပင်သာယာရေး ကော်မတီ အခွန်ဌာနမှ အကြီးအကဲတဦးက ဆိုသည်။

ရန်ကုန် ကားပလာဇာ ဆောက်လုပ်ရာတွင် Crown Advanced Engineering Co, Ltd မှ တာဝန်ယူ ဆောက်လုပ်မည်ဟုလည်း အထက်ပါ ပုဂ္ဂိုလ်က ဆက်လက်ပြောကြားသည်။


“စည်ပင်က ၅၅ ရာခိုင်နှုန်းနဲ့ ကုမ္ပဏီက ၄၅ ရာခိုင်နှုန်း အကျိူးခံစားခွင့် ရှိတယ်ဆိုတာ မှန်ပါတယ်။ ၃ နှစ် စီမံကိန်းနဲ့ လုပ်သွားမှာပါ” ဟု မဇ္ဈိမကို ပြောသည်။

ထိုကုမ္ပဏီအား မည်သူပိုင်ဆိုင်သည် ဆိုသည်ကိုမူ ရေရေရာရာ မသိရသေးပေ။

ဟံသာဝတီ ယာဉ်ရပ်နားဝင်း အကျယ်မှာ ၈ ဒဿမ ၅၉၉ ဧက ရှိပြီး ထိုမြေအားလုံးကို စီမံကိန်းမြေ အဖြစ် သတ်မှတ်၍ အဆောက်အဦများ၊ အိမ်ယာစီမံကိန်းများ၊ Car Show Room များ ထည့်သွင်း ဆောက်လုပ်မည်ကို စီမံကိန်း ယာယီ ဒီဇိုင်းအရ သိရသည်။

အဆိုပါ စီမံကိန်း ဆောင်ရွက်ရန် အတွက် ဟံသာဝတီ ယာဉ်ရပ်နား စခန်းရှိ အရောင်းအဝယ် ပြုလုပ်နေသော ယာဉ်များ၊ ယဉ်လုပ်သားများနှင့် ထိုဝင်းအား မှီခို၍ လုပ်ကိုင်စားသောက်နေသူများ စုစုပေါင်း လူ ၅,၀၀၀ ခန့်မှာ
ဖေဖော်ဝါရီလ ၂၈ ရက်နေ့တွင် အပြီးသတ် ပြောင်းရွှေ့ရန် စည်ပင်က အမိန့်ထုတ်ထားကြောင်း ဟံသာဝတီ ယာဉ်ရောင်းဝယ်ရေး အသင်း ဥက္ကဋ္ဌ ဦးအောင်သန်းဝင်း က ပြောပြသည်။

“ကျနော်တို့ကို အရင်က မြို့ တော်ဝန် ပေးခဲ့တဲ့ ကတိစကားတွေ ရှိတယ်။ အခု အဲဒီ ကတိစကားတွေကို ပယ်ဖျက်ပြီး မြို့ တော် စည်ပင်က အတင်းအကျပ် နေရာ ဖယ်ခိုင်းနေတယ်။ ဒါကြောင့် မြို့ တော် စည်ပင်ဟာ နောက်ပြန်လည့်နေတဲ့ ဌာနတခုအဖြစ် ကျနော်တို့ မြင်လာတယ်” ဟု ဆိုသည်။

၎င်းတို့အတွက် နေရာသစ်အား သီရိမင်္ဂလာ ဈေးဟောင်းတွင် အာဏာပိုင်များက သတ်မှတ်ခဲ့ပြီး ထိုနေရာမှာ လက်ရှိ ကားဝင်း၏ သုံးပုံတပုံပုံသာ ကျယ်သည်ဟု ဆိုသည်။

ထို့ပြင် ကားရေဆေးသူများ၊ ထမင်းဆိုင်များ၊ ခြေသည်းလက်သည်း လိုက်ညှပ်သူများ၊ ကွမ်းယာဆိုင်များ စသူတို့ လုပ်ကိုင်စားသောက်ရန်အတွက် နေရာအခက်အခဲများ ရှိကြောင်း လက်ရှိစခန်းတွင် ကွမ်းယာဆိုင် ဖွင့်ထားသော အမျိူးသမီး တဦးက ဆိုသည်။

“ကျမတို့ ဒီမှာ လုပ်ကိုင်စားသောက်နေတာ ဒီဝင်း ဆောက်ကတည်းကပါ။ အခွန်လည်း ပုံမှန် ဆောင်ပါတယ်။ ဒီဝင်းကြီးကို ရွှေ့လိုက်ရင် ကျမတို့ စားဝတ်နေရေး ခက်ခဲလာနိုင်ပါတယ်။ တကယ်လို့ ပြောင်းမယ်ဆိုလည်း ကျမတို့ပါ လုပ်ကိုင်စားသောက်လို့ ရတဲ့အနေအထား ရှိတဲ့ ကားဝင်းကိုပဲ ပြောင်းစေချင်တယ်” ဟု ဆိုသည်။

၎င်းတို့ ကားပွဲစားတန်း မပြောင်းရွှေ့ရေးအတွက် မြို့တော်ခန်းမ ရှေ့တွင် လူ ၂၀၀၀ ကျော်က ဖေဖော်ဝါရီလ ၂၇ ရက်နေ့ နံနက် ၁၁ နာရီမှ မွန်းလွဲ ၁ နာရီကျော်အထိ ဆန္ဒပြခဲ့ကြသည်။

ကားပွဲစားများ၊ ကားအလုပ်သမားများနှင့် ထိုဝင်းအား မှီခိုလုပ်ကိုင်စားသောက်နေကြသည့် ဈေးသည်များက မပြောင်းရွှေ့ရေးအတွက် ဒုတိယနေ့အဖြစ် ဆန္ဒပြကြခြင်း ဖြစ်သည်။

ဖေဖော်ဝါရီ ၂၆ ရက်နေ့က ရှင်စောပု လမ်းမကြီး၌ လူဦးရေ သုံးထောင်ခန့်က ရဲဌာန၏ ခွင့်ပြုမိန်ဖြင့် ထိုကားဝင်း မပြောင်းရွှေ့ရေးအတွက် တနာရီကျော်ကြာ ဆန္ဒပြခဲ့ကြသေးသည်။

Ref: မဇ္ဈိမ

Read More...

Collapse...

ခရီးသွားကဏ္ဍ တိုးတက်ရေး နိုင်ငံတကာ ရင်းနှီးမြှုပ်နှံမှု လိုအပ်ဟု ဝန်ကြီးဆို

Rosie Gogan-Keogh
ဖေဖေါ်ဝါရီလ ၂၇ ရက် ၂၀၁၃ ခုနှစ်

မြန်မာနိုင်ငံအနေဖြင့် ခရီးသွားလာရေး ကဏ္ဍ ကြီးထွားတိုးတက်လာရေးကို တနိုင်ငံတည်း လုပ်ဆောင်နိုင်စွမ်း မရှိ၍ နိုင်ငံတကာ ရင်းနှီးမြှုပ်နှံမှုများ လိုအပ်သည်ဟု ဟိုတယ်နှင့် ခရီးသွားလာရေး ဝန်ကြီး ဦးဌေးအောင်က ဆိုသည်။

ရန်ကုန်မြို့၊ ကုန်သည်ကြီးများ ဟိုတယ်တွင် ဖေဖော်ဝါရီလ ၂၇ ရက်နေ့က ကျင်းပခဲ့သည့် မြန်မာနိုင်ငံ ဧည့်ဝန်ဆောင်မှုနှင့် ခရီးသွား လုပ်ငန်းဆိုင်ရာ ကွန်ဖရင့် (၂၀၁၃) ဖွင့်ပွဲ အခမ်းအနားတွင် ပြောဆိုခဲ့ခြင်း
ဖြစ်သည်။

ခရီးသွားလုပ်ငန်း ကြီးထွားတိုးတက်ရေးအတွက် လုပ်ဆောင်ရာတွင် အလွန်ခက်ခဲလိမ့်မည်ဟု ဝန်ကြီးက ဝန်ခံခဲ့သလို သယ်ယူပို့ဆောင်ရေး၊ အခြေခံ အဆောက်အအုံ နှင့် လူ့စွမ်းအား အရင်းအမြစ် ကဏ္ဍများတွင် ဖွံ့ဖြိုးတိုးတက်လာရန် လိုအပ်ပြီး သွားလာလည်ပတ်စရာ နေရာများ ဖန်တီးခြင်းနှင့် ထိန်းသိမ်းပြုပြင်ခြင်း စသည့် ကိစ္စရပ်များကို ကိုင်တွယ်ဖြေရှင်းရန် လိုအပ်လိမ့်မည်ဟု ဝန်ကြီးက ဆိုသည်။

မြန်မာနိုင်ငံ အနေဖြင့် ရင်းနှီးမြှုပ်နှံသူများ၊ လုပ်ငန်းစီစဉ်သူများ၊ စီးပွါးရေး လုပ်ဖော်ကိုင်ဘက်များနှင့် ပညာရှင်များ ၏ အကူအညီကို လိုအပ်လျက်ရှိကာ အပြန်အလှန် အကျိုးရှိစေဖို့ အတူတကွ ပူးပေါင်းဆောင်ရွက်မှုများ စတင်နိုင်ရန် အတွက် မြန်မာနိုင်ငံတွင် ရှိသည့် အခွင့်အလမ်း အလားအလာများကို လာရောက် ကြည့်ရှုစေချင်သည်ဟု ဝန်ကြီး ဦးဌေးအောင်က ဆိုသည်။

၂၀၁၂ ခုနှစ်၊ ဒီဇင်ဘာတွင် ပြဋ္ဌာန်းခဲ့သည့် နိုင်ငံခြား ရင်းနှီးမြှုပ်နှံမှု ဥပဒေသစ်အရ နိုင်ငံခြား ရင်းနှီးမြှုပ်နှံသူများ အနေဖြင့် မြေယာ စသည်တို့ကို ပိုင်ဆိုင်ခွင့် မရှိသော်လည်း ၎င်းတို့ အနေဖြင့် အများဆုံး နှစ် ၇၀ အထိ ရေရှည် အငှားစာချုပ် ချုပ်ဆို လုပ်ကိုင်နိုင်သလို ပြည်တွင်း ကုမ္ပဏီ တခုနှင့်လည်း ဖက်စပ် လုပ်ကိုင်နိုင်သည်။

ခရီးသွားလုပ်ငန်း ကဏ္ဍ ဖွံ့ဖြိုးတိုးတက်ရေး စီမံချက်ကို မြန်မာ အစိုးရက နိုင်ငံတကာ ကျွမ်းကျင်သူများ အကူအညီဖြင့် ရေးဆွဲလျက် ရှိသည်။ ခရီးသွား လုပ်ငန်း ကြီးထွား တိုးတက် ရေးနှင့် တာဝန်ကျေပွန်သည့် ခရီးသွားကဏ္ဍ ဖြစ်လာရေးအတွက် ကြိုးပမ်းမည့် မဟာဗျူဟာတရပ် ဧပြီလလယ်ခန့်တွင် ထွက်ရှိလာလိမ့်မည် ဟု မျှော်လင့်ရသည်။

မြန်မာနိုင်ငံ၏ ခရီးသွားလုပ်ငန်း ကဏ္ဍသည် နှစ်စဉ် ၃၀ ရာခိုင်နှုန်းဖြင့် အလျှင်အမြန် တိုးတက်လျက် ရှိသည်ဟု သိရသည်။ ဝန်ကြီးက ပြောကြားရာတွင် ၂၀၁၃ ခုနှစ်တွင် အနည်းဆုံး ခရီးသည် ၁.၃ သန်း မြန်မာနိုင်ငံသို့ လာရောက်လည်ပတ်လိမ့်မည်ဟု မျှော်လင့်ထားကြောင်း ပြောသည်။ မြန်မာ့ခရီးသွားကဏ္ဍ စီမံချက် ရေးဆွဲရာ တွင် ခေါင်းဆောင်ဖြစ်သည့် Paul Rogers ကမူ ယခု ဆယ်စုနှစ် အကုန်တွင် မြန်မာနိုင်ငံသို့ နှစ်စဉ် ခရီးသည် ၂ သန်းအထိ လာရောက်လိမ့်မည်ဟု ကြိုတင်ခန့်မှန်းထားသည်။

ဟိုတယ်ဇုန်ပေါင်း များစွာကို မြန်မာနိုင်ငံအဝှမ်းတွင် တည်ထောင်လျက် ရှိပြီး ပဲခူးတိုင်းထဲတွင် ဟံသာဝတီ အပြည်ပြည်ဆိုင်ရာ လေဆိပ်သစ်ကို ဆက်လက်တည်ဆောက်မည် ဖြစ်ကာ မန္တလေးလေဆိပ် နှင့် ပုဂံလေဆိပ် အပါအဝင် လေဆိပ်အချို့အား ခရီးသည် အရေအတွက် ပိုမို လက်ခံနိုင်ရေးအတွက် ချဲ့ထွင်တည်ဆောက်ရန် ဆွေးနွေးလျက် ရှိသည်။

Ref: မဇ္ဈိမ

Read More...

Collapse...

ရခိုင်တွင် ဓာတ်သတ္တု စမ်းသပ် တူးဖော်ခွင့် တရုတ်ကုမ္ပဏီ ရရှိ

ခင်ဦးသာ
February 28, 2013

ရခိုင်ပြည်နယ် ရသေ့တောင်နှင့် မောင်တော ဒေသတို့ရှိ ပင်လယ်ကမ်းရိုးတန်း တလျှောက်၌ အလူမီနီယမ်နှင့် တိုက်တေနီယမ် ဓာတ်သတ္တုများကို တရုတ်ကုမ္ပဏီတခုက ထုတ်လုပ် ၀ယ်ယူခွင့် ရရှိသွားကြောင်း သတင်းရရှိသည်။

တရုတ်နိုင်ငံမှ ရွှေရှာဖွေရေး အမည်ရှိ “Gold Finder” ကုမ္ပဏီသည် ပြီးခဲ့သည့်ရက် အနည်းငယ်က ရသေ့တောင် ဒေသသို့ ရောက်ရှိနေပြီ ဖြစ်ကြောင်း၊ တူးဖော်စမ်းသပ်မည့် ကိစ္စများကို ယခုရက်ပိုင်းအတွင်း စတင်လုပ်ဆောင်မည်ဟု သိရကြောင်း ရသေ့တောင်ဒေသခံ ဦးကိုကိုမောင်က ဧရာဝတီသို့ ပြောသည်။


ပြည်ထောင်စု အစိုးရအနေဖြင့် တရုတ်ကုမ္ပဏီအား တူးဖော်စမ်းသပ် လုပ်ကိုင်ခွင့် ပြုထားသော်လည်း ပြည်နယ်အစိုးရနှင့် တရားဝင် စာချုပ်ချုပ်ဆိုခြင်း မလုပ်ရသေးကြောင်း ရခိုင်ပြည်နယ် အစိုးရအဖွဲ့၏ သတ္တုတွင်း ၀န်ကြီး ဦးအောင်သန်းတင်က ဆိုသည်။

“ဒေသခံပြည်သူတွေနဲ့ ညှိနိုင်းပြီးတော့ ဒေသခံတွေရဲ့ သဘောထားအတိုင်း လုပ်ဆောင်ဖို့ ကုမ္ပဏီ တာဝန်ရှိသူတွေကို ပြည်နယ်ဝန်ကြီးချုပ်က လမ်းညွှန်ထားတာတော့ ရှိတယ်။ ဒေသခံတွေနဲ့ အဆင်ပြေပြီ ဆိုရင်တော့ ပြည်နယ်အစိုးရ အနေနဲ့လည်း လုပ်ကိုင်ခွင့် ပေးသွားမှာ ဖြစ်ပါတယ်” ဟု ၀န်ကြီး ဦးအောင်သန်းတင်က ဧရာဝတီသို့ ပြောသည်။

ဒေသခံများက ပြောဆိုရာတွင် တရုတ်ကုမ္ပဏီသည် ယခင်ကလည်း သတ္တုစမ်းသပ်မှု လုပ်ဆောင်ခဲ့ကြောင်း၊ ယခုလည်း ပြည်ထောင်စု အစိုးရ၏ ခွင့်ပြုချက် ရရှိထားသည်ဟု ပြောဆိုကာ ဒေသခံတိုင်း ရင်းသားများနှင့် ဆွေးနွေးမှု မရှိဘဲ ၎င်းတို့စီမံကိန်း လုပ်ငန်းများ မြန်ဆန်စွာ အကောင်အထည် ဖော်ရေးကိုသာ လုပ်ဆောင်နေသည်ဟု ဒေသခံများက ဆိုသည်။

ပြည်ထောင်စုအစိုးရ အနေဖြင့်လည်း ဒေသခံပြည်သူများ၏ သဘောထားကို အလေးထားရန် လိုအပ်ကြောင်း၊ ဒေသခံများ အနေဖြင့် စီမံကိန်း မလုပ်ဆောင်ရန် တားဆီးမည် မဟုတ်သော်လည်း ပြည်သူများ၏ အကျိုးစီးပွားအတွက် လုပ်ဆောင်ပေးမည့် ကိစ္စများကို သေချာစွာ ချပြ ဆောင်ရွက်ပေးပြီးမှသာ စီမံကိန်းများ ဆက်လက် လုပ်ဆောင်ရန် တိုက်တွန်းသွားမည်ဟု ဒေသခံ ဦးကိုကိုမောင်က ပြောသည်။

“ဒီဒေသတွေက သယံဇာတတွေကို အကုန်ယူပြီးတော့ သူတို့ အကျိုးစီးပွားတခု အတွက်ပဲ လုပ်မယ်၊ ဒေသခံရွာတွေ မီးလင်းရေး၊ ဖွံ့ဖြိုးရေး ကိစ္စတွေ စိတ်မ၀င်စားဘဲ သူတို့အကျိုးကိုပဲ လုပ်မယ်ဆိုရင်တော့ ပြည်သူတွေ အားလုံးက စုပေါင်းပြီးတော့ စီမံကိန်း ဆက်မလုပ်ဖို့ ကန့်ကွက်ရမှာပါ” ဟု ၎င်းက ဆိုသည်။

တိုက်တေနီယမ် ဓာတ်သတ္တု ထုတ်လုပ်ရေး ကိစ္စကို ရခိုင်လူမှုရေး အဖွဲ့အစည်းများကလည်း စောင့်ကြည့်နေကြောင်း၊ ပြည်နယ်အစိုးရသည် ထိုကိစ္စနှင့် ပတ်သက်၍ ပွင့်လင်းမြင်သာမှု မရှိကြောင်း၊ စီမံကိန်းအား ဒေသခံများက ကန့်ကွက် ဆန္ဒပြမည်ကို စိုးရိမ်၍ စီမံကိန်းနှင့် ပတ်သက်ပြီး ရှင်းလင်း ပြောဆိုမှု တစုံတရာ မရှိသေးကြောင်း ရခိုင်အမျိုးသမီး အဖွဲ့မှ ခေါင်းဆောင်တဦး ဖြစ်သူ ဒေါ်မညိုအေးက ဧရာဝတီသို့ ပြောသည်။

“ရခိုင်ပြည်ထဲမှာ လုပ်နေတဲ့ စီမံကိန်းတွေကို ကျမတို့က လေ့လာစောင့်ကြည့်နေပါတယ်၊ အများပြည်သူ အတွက် အကျိုးမရှိတဲ့ စီမံကိန်း အားလုံးကို ကန့်ကွက်သွားမှာပါ၊ ပြည်နယ်အစိုးရ အနေနဲ့လည်း ပွင့်လင်းမြင်သာမှု ရှိဖို့အများကြီး လိုပါသေးတယ်” ဟု ၎င်းက ဆိုသည်။

ပြည်နယ်အစိုးရ အဖွဲ့၏ ၀န်ကြီး ဦးအောင်သန်းတင်ကမူ ၎င်းတို့အနေဖြင့် စီမံကိန်းများနှင့် ပတ်သက်၍ ပြည်သူများကို ဖုံးကွယ်သွားမည် မဟုတ်ဟု ပြောကြားသည်။

မောင်တောမြို့နယ် အလယ်သံကျော် ကမ်းခြေနှင့် ရသေ့တောင်မြို့နယ် အတွင်းမှ အငူမော် ကမ်းခြေ တဝိုက်ရှိ သဲများတွင် တိုက်တေနီယမ် ဓာတ်သတ္တုများ ပါဝင်သည်ကို ပြီးခဲ့သည့်နှစ်အတွင်း စမ်းသပ် တွေ့ရှိပြီးနောက် သတ္တု တူးဖော်ထုတ်လုပ်ခွင့် ရရေး ကြိုးပမ်းခဲ့ခြင်း ဖြစ်သည်။

တိုက်တေနီယမ် သတ္တုရှာဖွေရေးအတွက် ရသေ့တောင်ဒေသ၌ လုပ်ကွက် ၅ ခုနှင့် မောင်တော မြို့နယ်တွင် လုပ်ကွက် ၂ ခုဖြင့် တူးဖော်ထုတ်လုပ်လိမ့်မည်ဟု သိရကြောင်း ဒေသခံ ဦးကိုကိုမောင်က ပြောသည်။

ပြည်ထောင်စုအစိုးရသည် တရုတ်ကုမ္ပဏီအား စမ်းသပ်ထုတ်လုပ် ခွင့်ပြုမိန့်ကို ပေးထားပြီး၊ ကုမ္ပဏီ အနေဖြင့် ဒေသခံ တိုင်းရင်းသားများနှင့် ပဋိပက္ခ မဖြစ်ပွားရေး၊ ဒေခံများ ထိခိုက်နစ်နာမှု မရှိစေရေးနှင့် လယ်မြေ အဓမ္မသိမ်းမှုကိစ္စများ မလုပ်ဆောင်ရေးတို့ကို လမ်းညွှန်၍ လုပ်ဆောင်ခွင့် ပေးထားကြောင်း သိရသည်။

တရုတ်စီးပွားရေး ကုမ္ပဏီများသည် ရခိုင်ကမ်းရိုးတန်း တလျှောက်၌ သဲတူးဖော်ခြင်းကို ၂၀၁၀ ပြည့်နှစ်တွင်လည်း လုပ်ဆောင်ခဲ့ကြောင်း၊ ပင်လယ်ပြင်၌ ၆ ပေအနက်ရှိသော ကျင်းများတူး၍ သဲတန်ချိန် ထောင်ပေါင်းများ စွာထုတ်ယူခဲ့သောကြောင့် ကမ်းရိုတန်းတလျှောက် ကမ်းပါးများ ပျက်စီးခြင်း၊ ကမ်းပါးပြိုခြင်းတို့ ဖြစ်ပွားကာ ရွှံ့နွံ့ထူထပ်၍ သဘာဝ ပတ်ဝန်းကျင် ပျက်စီးမှုများရှိကြောင်း ဒေသခံများက ပြောသည်။

Ref: ဧရာဝတီ

Read More...

Collapse...

နေပြည်တော် အသုံးစရိတ် များလွန်း

ထက်နိုင်ဇော်
February 27, 2013

နေပြည်တော် တည်ဆောက်ရေး စီမံကိန်းများတွင် အစိုးရအသုံးစရိတ်အဖြစ် ကျပ်သန်းပေါင်း ၁၇၈ ဘီလီယံအထိ သုံးရန် စီစဉ်ထားသောကြောင့် အသုံးစရိတ် တောင်းခံသည့် နေပြည်တော်ကောင်စီကို ဝေဖန်ဆွေးနွေးမှုများ ရှိနေ သည်။

“နေပြည်တော်ကောင်စီရဲ့ အသုံးစရိတ်တွေက အရမ်းများလွန်း နေတယ်။ အထူးသဖြင့် လမ်းတလမ်းဖောက်ရင် မိုင် ၂၀ ၀န်းကျင်လောက် ရှိတဲ့ လမ်းတလမ်းကိုတောင် ကျပ် ၂၅ ဘီလီယံအထိ သုံးထားတယ်။ ဆောက်လုပ်ရေး ၀န်ကြီးဌာနရဲ့ ပြည်ထောင်စု လမ်းမကြီးဖြစ်တဲ့ မန္တလေးနဲ့ မြစ်ကြီးနားလမ်းအတွက် သုံးစွဲထားတာက ကျပ်သန်း ၂ ထောင်၊ ၂ ဘီလီယံပဲ ရှိတယ်။ ဆောက်လုပ်ရေး ၀န်ကြီးဋ္ဌာနရဲ့ အများဆုံး အသုံးပြုထားတဲ့ ရန်ကုန် – မော်လမြိုင် – ထားဝယ် – ဘိတ် လမ်းဟာ ၅ ဘီလီယံပဲ ရှိတယ်။ နေပြည်တော်မှာ အနိမ့်ဆုံး ၃ မိုင် လောက်ရှိတဲ့ လမ်းကိုတောင် သန်း ၁၀၀၀၊ ၁၅၀၀၀ လောက်ဆိုတော့ ၁ ဘီလီယံ ကျော်နေတယ်” ဟု လွှတ်တော်တွင် နေပြည်တော်ကောင်စီကို ဝေဖန်ဆွေးနွေးခဲ့သူ ပြည်သူ့ လွှတ်တော် ကိုယ်စားလှယ် ဦးမင်းသူက ပြောသည်။


နေပြည်တော် တည်ဆောက်ရေး စီမံကိန်းအတွက် အသုံးပြုငွေသည် ၀န်ကြီးဋ္ဌာနများ၏ စီမံကိန်း တင်ပြမှုများတွင် အဆင့် ၁၁ ရှိကြောင်း၊ တနိုင်ငံလုံး၏ ကျန်းမာရေး ဘတ်ဂျက်ပင်လျှင် အဆင့် ၁၀ သာရှိကြောင်း အမျိုးသားဒီမိုကရေစီအဖွဲ့ချုပ်၏ ဥတ္တရသီရိမြို့နယ် ပြည်သူ့လွှတ်တော်အမတ်က ဆိုသည်။

ဘတ်ဂျက်ခွဲဝေမှု မညီမျှသည့်အတွက် လူထုတွင် အနုတ်လက္ခဏာပြသည့် စီးပွားရေး၊ လူမှုရေး သက်ရောက်မှုများ ရှိလာနိုင်ကြောင်း၊ လိုငွေများလာလျှင် အစိုးရက ငွေစက္ကူများ ရိုက်နှိပ် သုံးစွဲရသောကြောင့် ငွေကြေး ဖောင်းပွမှုများ ဖြစ်လာနိုင်ကြောင်း၊ နိုင်ငံဝင်ငွေ အများဆုံးရရှိသော သဘာဝဓာတ်ငွေ့ ရောင်းရငွေများကို ရင်းနှီးမြှုပ်နှံ အသုံးပြုခြင်း ဖြစ် သောကြောင့် နိုင်ငံအတွက် တခြားလိုအပ်သော ကိစ္စရပ်များတွင် အသုံးမပြု နိုင်တော့ကြောင်း ကုလသမဂ္ဂ ဖွံ့ဖြိုးမှု အစီအစဉ်မှ အကြံပေးအရာရှိ ဦးခိုင်ထွန်းကလည်း သုံးသပ် ပြောကြားသည်။

“တကယ် လိုအပ်တဲ့နေရာမှာ မသုံးဘူး၊ ဒီလို စီမံကိန်းမျိုးက Return ပြန်မလာဘူးလေ။ ဒီဟာအစား စက်ရုံတရုံ ဆောက်လိုက်မယ် ဆိုရင် ကုန်ထုတ်လုပ်နိုင်မယ်၊ ထုတ်ကုန် ပြည်ပတင်ပို့နိုင်ရင် အဲဒီအပေါ်မှာ အကျိုးအမြတ် ရလာမယ်” ဟု သူက ဆိုသည်။

နေပြည်တော် တည်ဆောက်ရေး စီမံကိန်းသည် တိုက်ရိုက်အကျိုးအမြတ် မရှိကြောင်း၊ အခြေခံအဆောက်အအုံကသာ ရေရှည် ရင်းနှီးမြှုပ်နှံမှု ဖြစ်ကြောင်း၊ ယခင် စစ်အစိုးရ တည် ဆောက်ခဲ့သော နေပြည်တော်စီမံကိန်းသည် စာရင်း အင်း မရှိရုံမက နိုင်ငံ၏ မည်သည့်ကဏ္ဍမှ ရရှိသည့် ငွေကြေးဖြင့် တည်ဆောက်ခဲ့သည်ကိုလည်း မသိရှိရသေးကြောင်း ဟု ဦးခိုင်ထွန်းက ဆက်ပြောသည်။

“အရင်အစိုးရက လုပ်သွားတဲ့ ပုံစံက အခုထက် ပိုဆိုးတယ်။ ဘာစာရင်းအင်းမှ မပြဘဲနဲ့ လူတယောက်က လက်ညှိုးထိုး ခိုင်းတာကို လုပ်ခဲ့ရတာ။ ဘယ်နိုင်ငံမှာမှ မရှိတဲ့ ဘတ်ဂျက်ဝမ်း၊ ဘတ်ဂျက်တူး ဆိုတာမျိုးနဲ့ဆောက်ခဲ့တာ။ နေပြည်တော် ဖွံ့ဖြိုးရေး စီမံကိန်း ဘက်ဂျက် ဆိုတဲ့ ပုံစံမျိုးနဲ့ လုပ်သွားတာ။ နောက်ပြီးတော့ ဘတ်ဂျက်ရဲ့ ဘယ်လောက် ရာခိုင်နှုန်းလို့ ပြောရခက်တယ်။ အရင်အစိုးရက ပုံမှန် ဘတ်ဂျက်ထဲက သုံးခဲ့တာမဟုတ်ဘူး” ဟု ဦးခိုင်ထွန်းက ဆိုသည်။

ပြည်ထောင်စု အစိုးရက နေပြည်တော်ကို ကျပ်သိန်းပေါင်း ထောင်သောင်းချီ အကုန်ခံ၍ တည်ဆောက် နေသော်လည်း တိုင်းရင်းသားဒေသများတွင် ကတ္တရာလမ်းကောင်းကောင်းပင် မရှိကြောင်း ရခိုင်ပြည်နယ်စစ်တွေမြို့မှ ရှေ့နေကြီး ဦးသန်းထွန်းက ပြောသည်။

“ဒီနှစ်မှ ရန်ကုန် – စစ်တွေ လမ်းမကြီးကို နည်းနည်း ပြန်ပြင်ပေးတာ။ အရင်တုန်းကတော့ ရန်ကုန် – စစ်တွေလမ်းမကြီးက ကားလမ်းလို့သာ ခေါ်ရတာ လှည်းကြမ်းလမ်း အဆင့်တောင် မရှိပါဘူး။ မိုးရာသီဆိုရင် ဗွတ်ထပြီ။ နွေရာသီဆိုရင် ဖုတ်တွေလူးပေါ့။ နာမည်ကသာ ကတ္တရာလမ်းမကြီးလို့ ပြောတာ။ ကတ္တရာဆိုလို့ ဘာမှ မကျန်တော့ဘူး။ ဘယ်လောက်အထိ
အခြေအနေ ဆိုးသွားခဲ့လဲဆိုတော့ စစ်တွေကနေ မြောက်ဦးကို အရင်က သဘောင်္လိုင်းတွေနဲ့ သွားကြတယ်။ကားလမ်း ပေါ်လာတော့ ကားတွေနဲ့ သွားကြတယ်။ လမ်းဆိုးလွန်းလို့ မခံနိုင်တော့တဲ့အတွက် အခုဆိုရင် စစ်တွေကနေ မြောက်ဦးကို သဘောင်္နဲ့ပဲ ပြန်သွားနေကြပြီ” ဟု ၎င်းက ဆိုသည်။

ကားလမ်း ဖောက်လုပ် ပေးခဲ့သော်လည်း နောက်ပိုင်းလမ်းပြင်ဆင်မှု လာရောက် ပြုလုပ်ပေးခြင်းမှာ အလွန်နည်းပါးကြောင်း၊ မြောက်ဦး – စစ်တွေလမ်းမှာ မိုင်တရာခန့်ရှိပြီး တနာရီလျှင် မိုင် ၂၀ ခန့်သာ မောင်းနိုင်ကြောင်း၊ စစ်တွေမြို့မှ နံနက် ၇ နာရီခန့် ကားထွက်လျှင် မြောက်ဦးသို ၁၂ နာရီကျော်မှသာ ရောက်ရှိကြောင်း ဦးသန်းထွန်းက ပြောသည်။

နေပြည်တော် – ရန်ကုန် အမြန်လမ်းမကြီးမှာ မိုင် ၂၀၀ ရှိသော်လည်း ခရီးသည် တင်ကားဖြင့်သွားလျှင် ၄ နာရီခန့်သာ အချိန်ယူရသည်။

သို့ရာတွင် နေပြည်တော် ဆောက်လုပ်ရေး စီမံကိန်းကြောင့် ပြည်တွင်း အလုပ်အကိုင်အခွင့်အလမ်း တိုးတက်လာပြီး ၂၀၀၄ – ၂၀၀၅ ခုနှစ်နှင့် ၂၀၀၉ – ၂၀၁၀ နှိုင်းယှဉ်ချက်အရ တိုင်းပြည်၏ ဆင်းရဲမွဲတေမှုမှာ ၃၆ ရာခိုင်နှုန်းမှ ၂၆ ရာခိုင်နှုန်းအထိ လျော့ကျ သွားခြင်းသည် နေပြည်တော် ဆောက်လုပ်ရေး စီမံကိန်းတွင် အလုပ်ကိုင်ရရှိလာမူများနှင့် တိုက်ရိုက် ဆက်စပ်လျှက် ရှိကြောင်း ကုလသမဂ္ဂ ဖွံ့ဖြိုးမှု အစီအစဉ်၏ ဆင်းရဲမွဲတေမှု စစ်တမ်းတွင် ဖော်ပြထားကြောင်း ဦးခိုင်ထွန်းက ပြောသည်။

“အများစုက အဲဒီမှာ တော်တော် ၀င်ငွေ ရွှင်ကြတယ်။ ဆင်းရဲနွမ်းပါးမှုလည်း ကျသွားတယ်လို့ ထင်ကြတယ်” ဟု သူကဆိုသည်။

၂၀၁၃ -၂၀၁၄ ဘဏ္ဍာနှစ် အမျိုးသားစီမံကိန်း ဥပဒေကြမ်းတွင် နေပြည်တော် ကောင်စီ၏ လုပ်ငန်း ၂၀ ခုအတွက် လျာထားငွေ ကျပ်သန်းပေါင်း ၁၇၈၃၀၀ ဒဿမ ၄၈၀ အား ၂၂ ရာခိုင်နှုန်းမှ ၄၀ ရာခိုင်နှုန်းအကြား လျှော့ချ၍ ပိုထွက်လာသော ငွေများကို တိုင်းဒေသကြီးများနှင့် ပြည်နယ်များတွင် လိုအပ်သော နေရာများ၌ လျာထား အသုံးပြုရန်အတွက် အမျိုးသား စီမံကိန်း ဥပဒေကြမ်းအား ပြန်လည် ရေးဆွဲတင်ပြရန် ပြည်ထောင်စုအစိုးရကို တိုက်တွန်း ပြောဆိုမှုများရှိကြောင်း သိရသည်။

Ref: ဧရာဝတီ

Read More...

Collapse...

တက္ကသိုလ်(ရန်ကုန်) ကရင်စာပေနှင့် ယဉ်ကျေးမှု ကော်မတီမှ မောင်မယ် သစ်လွင်ကြိုဆိုပွဲ ကျင်းပ

26 February 2013
စဖန်းရှောင်း

ကရင်တိုင်းရင်းသားစာပေနှင့် ယဉ်ကျေးမှုဆပ်ကော်မတီ (တက္ကသိုလ်များ/ရန်ကုန်)မှကြီးမှူး၍ ၂၀၁၁ . ၂၀၁၂ တက္ကသိုလ်ဝင် စာမေးပွဲအောင် ကရင်ကျောင်းသူကျောင်သားများ၏ မောင်မယ်သစ်လွင် ကြိုဆိုပွဲနှင့် နောက်ဆုံးနှစ် ကျောင်းသားကျောင်းသူ များအား ဂုဏ်ပြုနှုတ်ဆက်ပွဲအခမ်းအနား ကို ဖေဖော်ဝါရီလ ၂၃ရက်နေ့က ပြုလုပ်ကျင်းပ ခဲ့ကြသည်။

တက္ကသိုလ်များ(စာ/ယဉ်) ၏ ဥက္ကဌ ရန်ကုန်အဝေးသင် တက္ကသိုလ်စိတ်ပညာဌာနမှ ပါမောက္ခဌာနမှူး ဆရာမနော်စေးစေးဖောက အခမ်းအနား ကျင်းပရသည့် ရည်ရွယ်ချက်ကို ယခုလို ရှင်းပြသည်။

“ရန်ကုန်မှာရှိတဲ့ တက္ကသိုလ်အသီးသီးကနေ ပညာသင်ကြားနေတဲ့ ကရင်ကျောင်းသူကျောင်းသားတွေအနေနဲ့ စည်းစည်းလုံးလုံး ညီညီညွတ်ညွတ်ရှိဖို့နဲ့ ကိုယ့်စကား၊ စာပေ၊ ယဉ်ကျေး မှုနဲ့ ရိုးရာဓလေ့တွေကို ဆက်လက်ထိန်းသိမ်းနိုင်ဖို့အပြင် မိမိလူမျိုးဂုဏ်ကို မြင့်မားလာအောင် နောက်ပြီးတော့ ကိုယ့်ထက် အတန်းကြီးတဲ့သူတွေဆီကနေ ပညာရေးနဲ့ပတ်သက်ပြီး အတုယူနိုင်အောင် ရည်ရွယ်ကျင်းပရခြင်းဖြစ်ပါတယ်”ဟု ကေအိုင်စီသို့ ပြောသည်။

အခမ်းအနားကို နှစ်စဉ် ကျင်းပခဲ့သော်လည်း ယခုနှစ်တွင်မူ ရန်ကုန်မြို့ရှိ ရန်ကုန်တက္ကသိုလ် အပန်းဖြေရိပ်သာ(RC)၌ ပထမဆုံး အကြိမ်အဖြစ် ကျင်းပခွင့်ရသလို ရန်ကုန်တိုင်းဒေသကြီး ကရင်တိုင်းရင်းသားရေးရာဝန်ကြီး စောထွန်းအောင်မြင့်၊ ဘားအံတက္က သိုလ် (ကရင်စာပေနှင့်ယဉ်ကျေးမှုကော်မတီ) အပါအ၀င် ရန်ကုန်တိုင်း ဒေသကြီးရှိ တက္ကသိုလ်အသီးသီးမှ ဆရာ၊ဆရာမများ၊ ကရင်ကျောင်းသူကျောင်းသားများ စုစုပေါင်း ၄၀၀ကျော် တက်ရောက်ခဲ့ကြသည်။

အခမ်းအနား တက်ရောက်သူ ရန်ကုန်အရှေ့ပိုင်းတက္ကသိုလ်၊ ဒုတိယနှစ် (အင်္ဂလိပ်စာ)မှ ကျောင်းသား စထက်လင်းစိုးက “အခု လို တက်ရောက်ရတဲ့အတွက်လည်း ပျော်ရွှင်မိပါတယ်၊ နောက်ပြီးတော့ တက္ကသိုလ်အသီးသီးက ကိုယ့်ကရင်ကျောင်းသားတွေ စုဆုံဖြစ်တဲ့အတွက်လည်း မိတ်ဆွေအပေါင်းအသင်းတွေတိုးတယ်။ အဲဒီအတွက်လည်း အားရကျေနပ်မိပါတယ်”ဟု ပြောဆို သည်။

အခမ်းအနားကို နံနက် ၉နာရီတွင် ပထမပိုင်း အစီအစဉ်အဖြစ် စတင်ခဲ့ပြီး ကရင်တိုင်းရင်းသားရေးရာဝန်ကြီး စောထွန်းအောင် မြင့်နှင့် တက္ကသိုလ်များ(ရန်ကုန်) စာ/ယဉ် ဥက္ကဌ အပါအ၀င် အတွင်းရေးမှူးနှင့် ကျောင်းသားဟောင်းတစ်ဦးမှ အမှာစကားများ ပြောကြားခဲ့ကြသည်။

အခမ်းအနား ဒုတိယပိုင်း အစီအစဉ်တွင် ဆုပေးပွဲများ၊ တေးသီချင်းများ၊ ရိုးရာဝတ်စုံများ ၀တ်ဆင်ပြသခြင်းများအပြင် ကရင်လူ ငယ်မောင်မယ်များအတွက် King and Queen ရွေးချယ်ပွဲ၊ ကရင်ကျောင်းသူကျောင်းသားများ(ဘားအံ)နှင့် (တက္ကသိုလ်များ၊ ရန်ကုန်)မှ ဒုံးအကများ တေးသရုပ်ဖော်များ၊ ပျားဖွတ်ပြိုင်ပွဲများဖြင့် ဖျော်ဖြေခဲ့ကြပြီး ညနေ ၃နာရီတွင် ရုပ်သိမ်းလိုက်သည်။

တော်လှန်ရေးကောင်စီခေတ် နိုင်ငံရေးပါတီများနှင့် အဖွဲ့အစည်းများကို ဖျက်သိမ်းခဲ့သည့်နောက်ပိုင်း တိုင်းရင်းသားများ၏ စာပေ ယဉ်ကျေးမှု၊ ရိုးရာဓလေ့ထုံးတမ်းများကို အစိုးရမှ ပြန်လည်ဖော်ထုတ်ခွင့်ပြုခဲ့ရာ ကရင်တိုင်းရင်းသားများ စာပေနှင့် ယဉ်ကျေးမှု ကော်မတီကို ၁၉၆၄ခုနှစ်ခန့်က စတင် ဖွဲ့စည်းခဲ့ပြီး မောင်မယ်သစ်လွင်ကြိုဆိုပွဲကို ယနေ့တိုင် နှစ်စဉ် ပြုလုပ်ခဲ့ကြခြင်းဖြစ်သည်။

Ref: ကေအိုင်စီ

Read More...

Collapse...

ဘေးကင်းစွာ အလုပ်လုပ်နိုင်ရေး ချန်ပီယံစက်ရုံအလုပ်သမားများ အလုပ်ရှင်နှင့် ညှိနှိုင်းဆွေးနွေး

26 February 2013
နန်းသူးလေ

ထိုင်းနိုင်ငံ-မဲဆောက်မြို့ ကန်ပိဘန်းရပ်ကွက်ရှိ SD fashion Co-ltd (ချန်ပီယံသိုးမွှေးစက်ရုံ)တွင် အလုပ်လုပ် ကိုင်နေကြသည့် ရွှေ့ပြောင်းမြန်မာအလုပ်သမားများမှာ ၎င်းတို့ ဘေးရန်ကင်းစွာနေထိုင်နိုင်ရေးအတွက် မဲဆောက်မြိှု့ရှိ တာ့ခ်ခရိုင်၊ ထိုင်းအလုပ်သမား ၀န်ကြီးဌာန၊ အလုပ်သမားကြီးကြပ်ကာကွယ်ရေးရုံး တွင် အလုပ်ရှင်နှင့် ယနေ့ ညှိနှိုင်း ဆွေးနွေးခဲ့ကြသည်။

လက်ရှိ တရက်တာ လုပ်အားခ ၁၈၅ဘတ်သာ ရရှိသည့် SD fashion Co-ltd မှ မြန်မာအလုပ်သမားများမှာ အလုပ်ရှင်သူဌေးထံ ထိုင်းနိုင်ငံ၏ ရွှေ့ပြောင်းအလုပ်သမားများ ဥပဒေမှ သတ်မှတ်ထားသည့် တရက်လုပ်အားခ ဘတ်ငွေ ၃၀၀အစား ၂၂၆ဘတ်နှင့် အလုပ်သမားတန်းလျားတွင် ဆက်လက်နေထိုင်နိုင်ရေးအတွက် တောင်းဆိုရာ အလုပ်ရှင်မှ သီးသန့် ငှားရမ်းနေထိုင်ခိုင်းသည့် အပေါ် အခက်အခဲရှိ၍ ညှိနှိုင်းမှုပြုလုပ်ခြင်းဖြစ်သည်ဟု ထိုစက်ရုံမှ အလုပ်သမားခေါင်းဆောင် ကိုဇော်လေးက ပြောသည်။

“သူဌေးက ကျနော်တို့ကို တနေ့လုပ်အားခ ၃၀၀ပေးမယ်ဆိုရင် အခုစက်ရုံက ပေးနေတဲ့အဆောင်မှာ နေလို့မရတော့ဘူး။ သီး သန့်အခန်း ငှားနေဖို့ကျတော့လည်း ကျနော်တို့ အလုပ် သမားတိုင်းမှာ တရားဝင် ပတ်စပို့စ်မရှိတော့ အပြင်ထွက်မနေရဲကြဘူး။ နောက်ပြီး ကျနော်တို့အခုနေတဲ့ရပ်ကွက်ကလည်း လူသတ်မှုတွေ ခဏခဏဖြစ်တော့ အပြင်ထွက်နေဖို့ အခက်အခဲဖြစ်နေတာ” ဟု ကိုဇော်လေးက ပြောသည်။

ထို့အပြင် မဲဆောက်မြို့တွင်းနှင့် ချန်ပီယံစက်ရုံအနီးတွင် ငှားရမ်းနေထိုင်ရန်အတွက် အိမ်ခန်းများ ရှားပါးနေသကဲ့သို့ မြို့ပြင်၌ သွားရောက်နေထိုင်နိုင်ရန်မှာလည်း လက်ရှိ ချန်ပီ ယံစက်ရုံအလုပ်သမား ၆၀၀ကျော်အနက် လူဦးရေ ၃၀ခန့်သာ ယာယီ နိုင်ငံ ကူးလက်မှတ်နှင့် အလုပ်သမားလက်မှတ်ရှိသဖြင့် အလုပ်သမားအများစုအတွက် သွားလာရေး မလွယ် ကူကြောင်း ၎င်းက ဆက်ပြောသည်။

အလုပ်ရှင်နှင့် ညှိနှိုင်းရာတွင် အလုပ်သမားများမှာ နေရာငှားရမ်းမှု အခက်အခဲများကြောင့် တနေ့ လုပ်အားခ ၂၂၆ဘတ်နှင့် တရားဝင် အချိန်ပို(အိုတီ)ကြေး ၅၆ဘတ်အစား ဘတ် ၄၀သာယူပြီး အလုပ်ရှင်ပေးသည့် အဆောင်များတွင်သာ နေထိုင်လို ကြောင်း ချန်ပီယံစက်ရုံသူဌေးနှင့် ယင်းစက်ရုံအလုပ်သမားကိုယ်စားလှယ် ၂ဦးတို့က တွေ့ဆုံဆွေးနွေးခဲ့ကြခြင်း ဖြစ်သည်။

ထိုကိစ္စကို အကျိုးဆောင်အဖြစ် လိုက်လံကူညီပေးနေသည့် မြန်မာပြည်သားများအရေး ပူးတွဲလှုပ်ရှားမှုကော်မတီ(JACBA) မှ ဦးမိုးကြိုးက “အလုပ်ရှင်က လုပ်အားခပြည့်ပြည့်၀၀ပေးပြီး စည်းကမ်းတွေ တင်းကြပ်လာတော့မှာပေါ့နော်။ ဒီအနီးအနားမှာက လည်း ငှားနေဖို့ နေရာမရှိတော့ ဝေးတဲ့နေရာမှာ သူတို့သွားနေရမယ်။ အဲဒီအခါမှာ အသွားအပြန်တွေလုပ် ရတော့ မယ်။ အလုပ် က အချိန်မမီရင်လည်း လုပ်ငန်းခွင်စည်းကမ်းပျက်မှုနဲ့ အရေးယူခံရမယ်။ ဒါကြောင့် သူဌေးပေးနေတဲ့ ဒီစက်ရုံဝင်းနားမှာပဲနေပြီး ပိုက်ဆံလည်း လျှော့ယူမယ်ဆိုပြီး ညှိ နှိုင်းနေတာ”ဟု ကေအိုင်စီသို့ ပြောသည်။

၎င်းအပြင် အလုပ်သမားများအတွက် အိမ်သာများ လုံလောက်စွာ တည်ဆောက်ပေးရန်၊ ရေမသန့်ရှင်းသည့်အတွက် ရေသန့်ဗူး များ ထားရှိပေးရန်နှင့် လုပ်ငန်းခွင်အတွင်း ထိုင်း အလုပ်သမားခေါင်းဆောင်များ၏ အပြစ်ရှာ ဆဲဆိုကြိမ်းမောင်းနေမှုများကိုလည်း အရေးတယူလုပ်ဆောင်ပေးရန် ဆွေးနွေးခဲ့ကြသည်။

ယင်းညှိနှိုင်းဆွေးနွေးမှုအပြီး အလုပ်သမားများဘက်မှ ဘတ် ၃၀၀ယူ၍ အလုပ်ရှင်ထံမှ လက်ရှိ နေထိုင်နေသည့်အဆောင်ကို အလုပ်သမားများမှ ပြန်လည်ငှားရမ်းနေထိုင်ရေးအတွက် ဈေးနှုန်းသတ်မှတ်သွားရန် ဖေဖော်ဝါရီလ ၂၇ရက်နေ့တွင် အလုပ်ရှင် နှင့် အလုပ်သမားကိုယ်စားလှယ်များက စာချုပ်ချုပ်ဆိုသွားမည့်အပြင် အဆောင်မငှားလိုသူ အလုပ်သမားများ ကိုလည်း စဉ်းစား ချိန်တစ်လ ပေးထားကြောင်း သိရသည်။

Ref: ကေအိုင်စီ

Read More...

Collapse...

ကိုယ်ထူကိုယ်ထ လျှပ်စစ်လိုင်း ဖျက်ဆီးခံရ၍ ရွာသားများနှင့် ရဲ ပဋိပက္ခ ဖြစ်

ရန်ပိုင်
February 26, 2013

မန္တလေးတိုင်း ကျောက်ပန်းတောင်း မြို့နယ်ရှိ နှစ်ကျပ်ခွဲကျေးရွာ မီးလင်းရေးနှင့် ပတ်သက်၍ ပြီးခဲ့သည့် တနင်္ဂနွေနေ့ည ၁၁ နာရီခန့်က ရွာလူထုနှင့် ဒေသခံရဲများအကြား ပဋိပက္ခဖြစ်ပွားခဲ့ကြောင်း သိရသည်။

ပြည်ထောင်စု ကြံခိုင်ရေးနှင့်ဖွံ့ဖြိုးရေး ပါတီ (ကြံ့ခိုင်ရေးပါတီ) မန္တလေးတိုင်း ဒေသကြီး လွှတ်တော်ကိုယ်စားလှယ် ဦးဝင်းမြင့် အပါအ၀င် လျှပ်စစ်ဝန်ထမ်းက ဆရာတော် ဦးကောသလ္လ ဦးဆောင်သည့် ရွာသားများ ကိုယ်ထူကိုယ်ထ စနစ်ဖြင့် သွယ်တန်းထားသည့် မီးကြိုးကို ဖြုတ်ပစ်ရာမှ အငြင်းပွားမှု စတင်ဖြစ်ပွားခြင်းဖြစ်ပြီး အသင့်ရောက်ရှိနေသည့် ရဲတပ်ဖွဲ့ဝင်များက ၀င်ရောက် ရိုက်နှက်ခြင်းဖြစ်သည်ဟု ဆိုသည်။

ဒေသခံတဦးက “သွယ်ထားတဲ့ မီးကြိုးကို ဖြတ်ပစ်တယ်။ ဆရာတော်ကိုလည်း ကားနဲ့ဝင်တိုက်ဖို့ လုပ်တယ်။ ပြီးတော့ ကျေးရွာအုပ်ချုပ်ရေးမှူး သားနဲ့ အုပ်စုက ဆဲဆိုပြီး ခဲနဲ့ပေါက်တာက ပြဿနာစဖြစ်တာ” ဟု ပြောသည်။

ထိုနောက် အသင့်ရောက်ရှိနေသည့် ရဲတပ်ဖွဲ့ဝင် ၁၅၀ ခန့်က ဦးကောသလ္လကို ဖမ်းဆီးပြီး ရွာသားများကိုလည်း နံပါတ်တုတ်များဖြင့် ရိုက်နှက်သည့်အတွက် အမျိုးသမီးတဦးနှင့် အမျိုး သား ၃ ဦးကို ကျောက်ပန်းတောင်းနှင် မကွေးဆေးရုံသို့ ပို့ဆောင်ထားရသည့် အပြင် ကျေးရွာရှိ အမျိုးသားဒီမိုကရေစီ အဖွဲ့ချုပ် (NLD) ရုံးလည်း ပျက်စီးသွားကြောင်း သိရသည်။

ကျောက်ပန်းတောင်းမြို့နယ် NLD အဖွဲ့ဝင် ကိုအေးခိုင်က “ရုန်းရင်းဆန်ခတ် ဖြစ်တဲ့နေရာနဲ့ ရုံးကကပ်လျက်။ လူတွေက ရဲတွေ လိုက်ရိုက်တော့ ရုံးထဲ ၀င်ပြေးလာတာကို ရဲတွေ ၀င်းထရံတွေဖျက်၊ ဆိုင်းဘုတ်တွေ၊ အလံတိုင်တွေ ရိုက်ချိုးပြီး ဆဲဆိုပြီး ရိုက်တာ” ဟု ဆိုသည်။

ယခုအခါ NLD ရုံး တိုက်ခိုက်ခံရမှုနှင့် ပတ်သက်ပြီး တရားဥပဒေအရ လုပ်ဆောင်နိုင်ရန် ရန်ကုန် NLD ရုံးချုပ်သို့ တိုင်ကြား ထားကြောင်း ကိုအေးခိုင်က ဆက်ပြောသည်။

အဆိုပါ ပဋိပက္ခနှင့် ပတ်သက်ပြီး မည်သည့် အာဏာပိုင်များမှ ကျေးရွာသို့ လာရောက် ရှင်းလင်းပေးခြင်း မရှိကြောင်း၊ ဒေသခံများလည်း ကြောက်ရွံနေကြောင်း သိရသည်။

ဤဖြစ်ရပ်နှင့် ပတ်သက်ပြီး ကျောက်ပန်းတောင်း ရဲစခန်းနှင့် မြို့နယ်မှူး အပါအ၀င် မြို့နယ် အထွေထွေအုပ်ချုပ်ရေးမှူးရုံးသို့ ဧရာဝတီက ဆက်သွယ် မေးမြန်းသော်လည်း ဖြေကြားခြင်း မရှိပေ။

ဆရာတော် ဦးကောသလ္လသည် အိမ်ခြေ ၁ ထောင်ခန့်ရှိ နှစ်ကျပ်ခွဲကျေးရွာ မီးလင်းရေးကို လွန်ခဲ့သည့် ၂ နှစ်ခန့်ကတည်းက ငွေကြေး ကောက်ခံကာ ထရန်ဖော်မာ တလုံးဝယ်ယူပြီး အိမ်ခြေ ၁၄၅ အိမ် မီးပေးရေး လုပ်ဆောင်ခဲ့ကြောင်း သိရသည်။

ယခုအခါ ဆရာတော် ဦးကောသလ္လကို လူဝတ်လဲကာ မြင်းခြံထောင်တွင် ချုပ်နှောင်ထားကြောင်း ဒေသခံများ၏ ပြောဆိုမှုအရ သိရသည်။

Ref: ဧရာဝတီ

Read More...

Collapse...

ဆန္ဒပြတာ မကြိုက်ဘူးတဲ့လား

ထက်အောင်ကျော်
February 27, 2013

နော်ဝေရောက် သမ္မတ ဦးသိန်းစိန်ကို အော်စလိုရှိ မြန်မာနိုင်ငံသားတွေက ဆန္ဒပြဖို့ရှိတယ်လို့ သတင်း ရထားတဲ့အတွက် ဖေဖော်ဝါရီ ၂၆ ရက်နေ့ ညနေ ၃ နာရီခွဲလောက်မှာ အော်စလိုမြို့လယ်က ပါလီမန် ရင်ပြင်ဆီ ကျနော် ထွက်လာခဲ့ပါတယ်။ သမ္မတ ဦးသိန်းစိန်ဟာ လက်ရှိဖြစ်ပေါ်နေတဲ့ ပြုပြင်ပြောင်းလဲမှု တွေကို ဦးဆောင် လုပ်ကိုင်နေသူ ဖြစ်တဲ့အပြင် ဒေါ်အောင်ဆန်းစုကြည် ကိုယ်တိုင်ကလည်း သမ္မတကို သူ ယုံကြည်ပါတယ်လို့ ပြောထားဖူးအတွက် ဒီနေ့ဆန္ဒပြပွဲမှာ လူသိပ်မရှိလောက်ဘူးလို့ ထင်ထားခဲ့တာပါ။

ဒါပေမယ့် အခြေနေက ကျနော်ထင်ထားသလို မဟုတ်။ လူအင်အား ၅၀ နီးပါးအထိ ပါလီမန်ရင်ပြင်ရှေ့မှာ ရောက်နေတာကို တွေ့ရပါတယ်။ အများစုဟာ KIA (ကချင်လွတ်လပ်ရေး တပ်မတော်) အလံတွေ၊ KNU (ကရင်အမျိုးသားအစည်းရုံး) အလံတွေ ကိုင်ထားပြီး ကချင်ရိုးရာဝတ်စုံ၊ ကရင်ရိုးရာဝတ်စုံတွေ၊ အအေးဒဏ်ကို ကာနိုင်မယ့် ထူထဲတဲ့ နှင်းကာဝတ်စုံတွေနဲ့။


ညနေ ၄ နာရီလောက်မှာတော့ သမ္မတ တည်းခိုတဲ့ Continental ဟိုတယ်ရှိရာ ဆီ ချီတက်ဖို့ ပြင်ကြပါတယ်။ ပုံမှန်အားဖြင့်ဆိုရင် နိုင်ငံတော်ဧည့်သည်အဖြစ် ရောက်လာကြတဲ့ နိုင်ငံ တကာ အစိုးရအဖွဲ့ ခေါင်းဆောင်တွေဟာ ဒီပါလီမန်ရှေ့က Grand Hotel မှာ တည်းခိုလေ့ရှိပါတယ်။ ဒါပေမယ့် မြန်မာသမ္မတကျမှ ဘာလို့ ဒီဟိုတယ်မှာ မတည်းဘဲ ခပ်လှမ်းလှမ်းက Continental မှာ သွားတည်းသလဲ မသိပါ။ (ဒေါ်အောင်ဆန်းစုကြည် လာတုန်းကလည်း Grand Hotel မှာပဲ တည်းပါတယ်)။

နောက်ထပ် ထူးခြားချက်တခုကတော့ နိုင်ငံခြားခေါင်းဆောင်တွေ တရားဝင် အလည်အပတ်လာရင် နှစ်နိုင်ငံအလံတွေ တလွင့်လွင့် လွှင့်တင်ထားလေ့ရှိတဲ့ နန်းတော်၊ ပါလီမန်နဲ့ ဘူတာကြီး တလျှောက်က အထင်ကရ လမ်းမကြီး Karl Johans တလျောက် အလံတိုင်တွေမှာ ဘာအလံမှ တင်ထားတာ မတွေ့ရပါ။

ဒီလိုနဲ့ ပါလီမန်၊ Karl Johans လမ်းမ၊ Grand Hotel တွေနဲ့ ခပ်လှမ်းလှမ်းက Continental ဟိုတယ်ဆီ ဒီ လူအုပ် ကြွေးကြော်သံတွေနဲ့ အော်ဟစ်ချီတက်ကြပါတယ်။

“၂၀၀၈ ဖွဲ့စည်းပုံ အလိုမရှိ၊ အလိုမရှိ”၊ “ဦးသိန်စိန် အစိုးရ အလိုမရှိ”၊ “ကြံ့ဖွံ့အစိုးရ အလိုမရှိ” စတဲ့ ကြွေးကြော်သံတွေကို အော်ဟစ်ချီတက်လာတဲ့ လူအုပ် ဟိုတယ်ရှေ့နား ရောက်တော့ ရဲကား ၃ စီးလောက် လုံခြုံရေးအတွက် နေရာယူထားတာ တွေ့ရပါတယ်။

ဟိုတယ်ရှေ့မှာ ဒီလူအုပ် ကြွေးကြော်သံ အော်နေပေမယ့် ဟိုတယ်ထဲမှာ သမ္မတ ရှိနေပုံမရပါဘူး။ ဒါပေမယ့် သိပ်မကြာပါ။ ဆန္ဒပြပွဲ ၁၅ မိနစ်လောက်အတွင်း သမ္မတယာဉ်တန်း ဟိုတယ်ရှေ့ ရောက်လာပါတယ်။ ရဲ တွေအတော် အလုပ်ရှုပ်သွားပြီး ဆန္ဒပြသူတွေရဲ့ ကြွေးကြော်သံတွေကလည်း ကားသံတွေကို လွှမ်းမိုးတဲ့အထိ ဆူညံသွားပါတယ်။

သမ္မတ ဦးသိန်းစိန်ဟာ ဆန္ဒပြနေသူတွေဖက်ကို လှည့်တောင်မကြည့်ဘဲ ဟိုတယ်ထဲ တန်းဝင်သွားပါတယ်။ တခါ သူနောက်မှာ လိုက်လာကြတဲ့ သမ္မတရုံးဝန်ကြီး ဦးစိုးသိန်း၊ သမ္မတ ပြောခွင့်ရပုဂ္ဂိုလ် ပြန်ကြားရေး ဒုဝန်ကြီး ဦးရဲထွဋ်နဲ့ ၀န်ကြီးအဖွဲ့ကလည်း ဆန္ဒပြပွဲကို မသိမသာ လှမ်းကြည့်ပေမယ့် ဘာမှမပြောဘဲ ဟိုတယ်ထဲ လိုက်ဝင်ကြပါတယ်။

ဟိုတယ်ရှေ့ ကားလမ်းတဖက်ကမ်းမှာတော့ ကြွေးကြော်သံတွေက ဆူညံဆဲ။ ကချင်၊ ကရင် တိုင်းရင်းသားတွေနဲ့ အတူ ပြည်ပရောက် ၈၈ မျိုးဆက်တွေဟာ ကြွေးကြော်သံ အော်လိုက်၊ ဒီမိုကရေစီ တိုက်ပွဲဝင် သီချင်းတွေ သီဆိုလိုက်နဲ့။

ထူးထူးခြားခြား ငြိမ်းချမ်းရေး တေးသံရှင် ကိုမွန်းအောင်လည်း ဒီနေ့ပွဲကို လာရောက်ပူးပေါင်းပြီး ဂီတာတီး သီချင်းဆိုတဲ့အပြင် စကားပါ ပြောပါတယ်။

“သမ္မတ ရောက်တဲ့နေရာတိုင်းမှာ ဒီမိုကရေစီ အင်အားစုတွေက ဆန္ဒပြရမယ်။ သူတို့ လမ်းမှန်ရောက်အောင် ဒီနည်းနဲ့ တွန်းပို့ရမယ်” လို့ ကိုမွန်းအောင်က ပြောပါတယ်။

ဒီထက် ပိုထူးခြားတာကတော့ အရင် ဆန္ဒပြပွဲတွေမှာ သတင်းလာယူနေကြ နော်ဝေအခြေစိုက် DVB ကို မတွေ့ရဘဲ နေပြည်တော် အခြေစိုက် Sky Net ကိုသာ တွေ့ရပါတယ်။ သမ္မတနဲ့အတူ ပြည်တွင်း မီဒီယာ တချို့လိုက်ပါလာပြီး ကိုမွန်းအောင်ရဲ့ “သွေးမုန်တိုင်း” သီချင်းကို အမိအရ ရိုက်ယူနေတာ တွေ့ရပါတယ်။ ဆန္ဒပြ ခေါင်းဆောင်တွေကိုလည်း အသေအချာ အင်တာဗျုး လုပ်ပါတယ်။

ဆန္ဒပြပွဲ အရှိန်ကောင်းတုန်းမှာပဲ သမ္မတ ယာဉ်တန်းနဲ့အတူ ပါလာတဲ့ နော်ဝေ နိုင်ငံခြားရေးဌာမှ အရာရှိတချို့ ဆန္ဒပြနေသူတွေဆီ ရောက်လာပြီး ကိုယ်စားလှယ်နှစ်ဦးကို ဖိတ်ခေါ်ကာ ဟိုတယ်ထဲ ၀င်သွားပါတယ်။

တနာရီကျော်ကြာ ဆန္ဒပြပွဲ အပြီးမှာတော့ ကိုယ်စားလှယ်နှစ်ဦး ဟိုတယ်ထဲက ပြန်ထွက်လာပါတယ်။ သမ္မတရုံးဝန်ကြီး ဦးစိုးသိန်းနဲ့ သမ္မတပြောခွင့်ရပုဂ္ဂိုလ် ဦးရဲထွဋ်တို့က သူတို့နှစ်ဦးကို လက်ခံတွေ့ဆုံပြီး နေပြည်တော်ရဲ့ တည်ဆောက် ပြုပြင် မြန်ပြည်တခွင် လုပ်ငန်းစဉ်တွေကို ရှင်းပြခဲ့တယ်လို့ ကိုယ်စားလှယ်နှစ်ဦးက ပြန်ပြောပြပါတယ်။

“ဘာလို့ ဒီမှာဆန္ဒပြနေလဲ၊ နေပြည်တော်အထိ လာ လေ့လာကြလေ” လို့ ၀န်ကြီးဦးစိုးသိန်းက ဖိတ်ခေါ်တယ်လို့ ဆိုပါတယ်။ ပြည်တွင်းမှာ တိုးတက်နေတဲ့ အခြေအနေတွေကို အပြင်ကလူတွေက မသိလို့ အခုလို ဆန္ဒပြနေတာ ဖြစ်နိုင်တယ်ဆိုပြီး နော်ဝေ နိုင်ငံခြားရေးဌာနက အရာရှိတွေကို ၀န်ကြီးက ပြောတယ်လို့ လည်း သူတို့က ဆိုပါတယ်။

“နေပြည်တော်မှာ ပြောင်းမပြောင်းတော့ မသိဘူး။ ဧရာဝတီတိုင်း၊ မအူပင်မြို့နယ်၊ မလက်တို ကျေးရွာမှာတော့ ရဲက သေနတ်နဲ့ပစ်လို့ လယ်သမား ၆ ယောက် ဆေးရုံတင်လိုက်ရတယ်” ဆိုပြီး ကိုယ်စားလှယ်တွေက ပြောလိုက်တဲ့အခါ ၀န်ကြီးနှစ်ဦး မျက်စိမျက်နှာ ပျက်သွားတယ်လို့လည်း ဆိုပါတယ်။ နော်ဝေ နိုင်ငံခြားရေးဌာနက အရာရှိတွေလည်း တအံတသြဖြစ်သွားပြီး “မြန်မာနိုင်ငံမှာ ဒီလိုဖြစ်နေဆဲလား” လို့ ဖြစ်စဉ် အသေးစိတ်ကို မေးမြန်းခဲ့တယ်လို့ သူတို့က ပြန်ရှင်းပြပါတယ်။

၂၀၀၈ ဖွဲ့စည်းပုံ ပြင်ရေးအကြောင်း မေးတဲ့အခါ လောလောဆယ် မလွယ်သေးတဲ့အကြောင်း၊ တပ်မတော်နဲ့ ကြံ့ခိုင်ရေးပါတီက လက်ရှိ ပြုပြင်ပြောင်းလဲရေးတွေကို သိပ်မလိုလားတဲ့ အတွက် သမ္မတနဲ့ အစိုးရအဖွဲ့က လုပ်ရကိုင်ရ ခက်နေဆဲဖြစ်တယ်ဆိုပြီး ဦးစိုးသိန်းက ပြောတယ်လို့ ကိုယ်စားလှယ်နှစ်ဦးက ပြန်ပြော ပြခဲ့ပါတယ်။

တခါ ဒီလိုပြင်ရခက်တဲ့ ၂၀၀၈ ဖွဲ့စည်းပုံဟာ လက်ရှိအစိုးရက ဆွဲထားတာ မဟုတ်ဘူး၊ အရင် အစိုးရဟောင်းက ဆွဲထားတာဖြစ်တယ်။ နောက်တခါ လယ်ယာသမားတွေ အပစ်ခံရတဲ့ ကိစ္စဟာ အရင်အစိုးရခေတ်က လယ်တွေသိမ်းထားတာကြောင့် ဖြစ်တယ်၊ အခု အစိုးရလက်ထက်မှာတော့ သိမ်းဆည်းလယ်တွေကို လယ်သမား လက်ထဲပြန်အပ်နိုင်အောင် ကြိုးစား နေပါတယ်လို့ ၀န်ကြီးနှစ်ပါးက ရှင်းပြခဲ့တယ်လို့ သိရပါတယ်။

ကချင်နယ်မှာ စစ်ပွဲရပ်ရေးအပါဝင် တနိုင်ငံလုံး ငြိမ်းချမ်းရေးရအောင်၊ တိုင်းရင်းသား အားလုံး ပါဝင်နိုင်တဲ့ ဆွေးနွေးပွဲတွေ ဖြစ်လာအောင်လည်း သူတို့အစိုးရက ဆောင်ရွက်နေတယ်လို့ ၀န်ကြီးတွေက ပြောကြောင်း ဆိုပါတယ်။

ဦးရဲထွဋ်က သူ့ဖေ့စ်ဘုတ်ခ်မှာ ဆန္ဒပြပွဲအကြောင်းနဲ့ ကိုယ်စားလှယ် နှစ်ယောက်ကို တွေ့ဆုံတဲ့အကြောင်း ရေးသားခဲ့ပြီး “ကျွန်တော်တို့က သူတို့ကို အခြေခံဥပဒေ ပြင်ဆင်ရေး ကို ဆန္ဒပြနေရုံနဲ့ လုပ်လို့မရကြောင်း၊ နိုင်ငံတည်ဆောက်ရေးမှာ ကိုယ်တိုင် ၀င်ပါပြီး နိုင်ငံထဲမှာ ဖွဲ့စည်းပုံအခြေခံ ဥပဒေ ပြင်ဆင်နိုင်မယ့် အခြေအနေမျိုး ရောက်အောင် ၀ိုင်းကြိုးစား ဖို့လိုကြောင်း၊ ကျွန်တော်တို့ နိုင်ငံဟာ မှန်ကန်တဲ့ လမ်းကြောင်းပေါ် ရောက်နေပြီ ဖြစ်တဲ့အတွက် ဒီလမ်းကြောင်းအတိုင်း မြန်မြန်သွားနိုင်အောင် ကူညီပေးဖို့လိုကြောင်း ရှင်းပြ ခဲ့ပါတယ်” လို့ ရေးတာကို တွေ့ရပါတယ်။

နောက်ပြီး “ကျွန်တော်တို့ ကြားမှာ သဘောမတူတာတွေ ရှိနေသည့်တိုင်အောင် ဒီလို ထိုင်ပြီး စကားပြောဆို ဆွေးနွေးတာကိုက သမ္မတကြီးပြောတဲ့ သည်းခံ ခွင့်လွှတ်တဲ့ နိုင်ငံရေး ယဉ်ကျေးမှုတစ်ရပ်ကို ကျွန်တော်တို့ ဖော်ဆောင်နေပြီ ဆိုတာကို ထပ်မံ သက်သေပြလိုက်တာလည်း ဖြစ်ပါတယ်” လို့ နိဂုံးချုပ်လိုက်ပါတယ်။

ကိုယ်စားနှစ်ဦး ပြန်ပြောပြသမျှအတိုင်းဆိုရင် သမ္မတနဲ့ ၀န်ကြီးအဖွဲ့က ဒီလို ဆန္ဒပြတာကို မကြိုက်ဘူးဆိုပဲ။ သူတို့ဟာ အရင်ကလို စစ်အစိုးရ မဟုတ်တော့ဘဲ ပြည်သူက ရွေးချယ်တဲ့ အရပ်သားအစိုးရ ဖြစ်နေပြီ။ လူအများစုက ကြိုက်တဲ့ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်လည်း ပါလီမန်ထဲ ရောက်နေပြီ ဖြစ်တဲ့အတွက် ဒီလို ဆန္ဒပြဖို့ မလို တော့ဘူးလို့ တွက်ဆထားတာလည်း ဖြစ်ကောင်းဖြစ်နိုင်ပါတယ်။

တကယ်တမ်း ပြောမယ်ဆိုရင် ဆန္ဒပြနေတာဟာ ပြည်ပရောက် မြန်မာနိုင်ငံသားတွေချည်း မဟုတ်ပါဘူး။ ဧရာဝတီတိုင်း မအူပင်မြိုနယ်က လယ်သမားတွေလည်း သူတို့လယ် ပြန်ရ ရေးအတွက် ဆန္ဒပြတာပဲ မဟုတ်ပါလား။ စက်ရုံ အလုပ်ရုံတွေက အလုပ်သမားတွေလည်း လုပ်အားခ တိုးရဖို့နဲ့ အလုပ်သမား အခွင့်အရေးရဖို့ ဆန္ဒပြနေကြတာပဲ မဟုတ်လား။ မုံရွာ လက်ပံတောင်းက ဒေသခံတွေကလည်း သူတို့ရဲ့ တောတောင်ရေမြေ သဘာဝတွေ ဆုံးရှုံးမခံနိုင်လို့ ဆန္ဒပြနေကြတာပဲ မဟုတ်ပါလား။ ကချင်ပြည်နယ်နဲ့ တနိုင်ငံလုံးမှာ စစ်ပွဲတွေရပ် ဖို့အတွက် ရန်ကုန်ကနေ လိုင်ဇာအထိ တန်းစီလမ်းလျှောက် ဆန္ဒပြကြတာပဲ မဟုတ်ပါလား။ ဟံသာဝတီ ကားပွဲစားတန်းကတောင် သူတို့ လုပ်ကွင်းလုပ်ကွက် ဟန်မပျက်သွားရအောင် ဆန္ဒပြကြတာပဲ။

ပြုပြင်ပြောင်းလဲမှုတွေ လုပ်နေပါတယ်လို့ အစိုးရက ပြောနေပေမယ့် နောက်ထပ်လုပ်စရာတွေ အများကြီး ကျန်နေဆဲဆိုတာကို ဒီဆန္ဒပြပွဲတွေက ရောင်ပြန်ဟပ်နေတာ မဟုတ်လား။ တနည်းအားဖြင့် ပြောမယ်ဆိုရင်တော့ ငြိမ်းချမ်းစွာ ဆန္ဒပြတယ်ဆိုတာဟာ ဒီမိုကရေစီစနစ်ရဲ့ ယဉ်ကျေးမှုတရပ်ပဲ မဟုတ်ပါလား။

(စာရေးသူသည် ထိုင်း-မြန်မာ နယ်စပ်တွင် အခြေစိုက်သော ကျောင်းသားလက်နက်ကိုင် ABSDF အဖွဲ့ဝင်ဟောင်းဖြစ်ပြီး DVB ၏ သတင်းထောက်ဟောင်းလည်း ဖြစ်သည်။ ယခုအခါ နော်ဝေနိုင်ငံတွင် နေထိုင်လျက်ရှိသည်)

Ref: ဧရာဝတီ

Read More...

Collapse...

ဒုတိယ ကမ္ဘာစစ်အတွင်း ကျဆုံး ဂျပန်စစ်သည် ရုပ်ကြွင်းများ ရှာမည်

ကျော်ခ
February 27, 2013

မြန်မာနိုင်ငံတွင် တိုင်းရင်းသား လက်နက်ကိုင်အဖွဲ့များ ထိန်းချုပ်ရာ ဒေသများ၌ ဒုတိယ ကမ္ဘာစစ်အတွင်းက ကျဆုံးခဲ့ကြသော ဂျပန်စစ်သည်များ၏ ရုပ်အလောင်းမြှုပ်နှံရာ နေရာများကို ဂျပန် ပုဂ္ဂလိက အဖွဲ့အစည်းတခုက တိုင်းရင်းသား လက်နက်ကိုင် အဖွဲ့များနှင့် ပူးပေါင်း၍ မတ်လဆန်းမှ စတင် ရှာဖွေတော့မည်ဖြစ်ကြောင်း သတင်းရရှိသည်။

ယင်းသို့ ရှာဖွေမည့် ထိုင်း-ဂျပန် ပညာရေးတိုးတက်ရေး ဖောင်ဒေးရှင်း (Thai-Japan Education Development Foundation – TJEDF) နှင့် ညီညွတ်သော တိုင်းရင်းသားများ ဖက်ဒရယ်ကောင်စီ (UNFC) တို့ ယခုနှစ် ဇန်နဝါရီလက သဘောတူ စာချွန်လွှာ လက်မှတ်ရေးထိုးထားပြီ ဖြစ်ကြောင်းလည်း နှစ်ဖက် တာဝန်ရှိသူများထံမှ စုံစမ်းသိရှိရသည်။

“သူတို့ (UNFC) အဖွဲ့ဝင် တိုင်းရင်းသားအဖွဲ့တွေ ထိန်းချုပ်တဲ့နေရာတွေမှာ အချက်အလက် ကောက်ယူတာတွေ လုပ်ဆောင်ဖို့၊ အချက်အလက် ကောက်တဲ့အဖွဲ့ဟာ ရွာတွေကို သွားပြီး အဲဒီဒေသတွေမှာ ဂျပန် စစ်သားတွေရဲ့ ရုပ်ကြွင်းတွေ ရှိဖူးလားဆိုတာ မေးမြန်းပြီး မှတ်တမ်းတင်မှာ ဖြစ်တယ်” ဟု TJEDF အဖွဲ့၏ ဦးဆောင်ညွှန်ကြားရေးမှူး မစ္စတာ တိုမိုဟရု အဲဘိဟရ (Mr.Tomoharu Ebihara) က ဧရာဝတီသို့ ပြောသည်။

ဂျပန်အစိုးရ အနေဖြင့် ရုပ်ကြွင်းရှာဖွေ တူးဖော်မှုများကို မြန်မာအစိုးရ ထိန်းချုပ် နယ်မြေများထဲတွင် ၃-၄ ကြိမ် ပြုလုပ်ခဲ့ဖူးကြောင်း၊ ထိုစဉ်က တိုင်းရင်းသား နယ်မြေများထဲတွင် ပြည်တွင်းစစ် ဖြစ်ပွားနေသဖြင့် လုပ်ဆောင်နိုင်ခဲ့ခြင်း မရှိကြောင်း၊ ယခုအခါတွင် အစိုးရနှင့် တိုင်းရင်းသား လက်နက်ကိုင်များအကြား အပစ်ခတ်ရပ်စဲရေးများ ပြုလုပ်လာပြီးနောက် UNFC ကို အကူအညီ တောင်းခဲ့ခြင်းဖြစ်ကြောင်း သူက ဆက်ရှင်းပြသည်။

ဂျပန်အစိုးရ၏ ထုတ်ပြန်ချက်အရ ဒုတိယ ကမ္ဘာစစ်အတွင်း မြန်မာ့မြေပေါ်တွင် သေဆုံးခဲ့သည့် ဂျပန် စစ်သည် အရေအတွက် စုစုပေါင်း ၁၃၇၀၀၀ ခန့်ရှိကြောင်း၊ ထိုအရေအတွက်ထဲမှ လွန်ခဲ့သည့် နှစ် ၄၀ အတွင်း မြန်မာအစိုးရ ထိန်းချုပ်နယ်မြေများ၌ ရုပ်ကြွင်း ၉၁၃၉၀ ခန့်တူးဖော်ပြီးဖြစ်ကြောင်းနှင့် လက်ရှိ မြန်မာ့မြေပေါ်တွင် ၄၅၆၁၀ ခန့် ကျန်ရှိနေသေးကြောင်း မစ္စတာ တိုမိုဟရု အဲဘိဟရ က ပြောသည်။

နှစ်ဖက် သဘောတူညီချက်အရ တိုင်းရင်းသား နယ်မြေများအတွင်း ဒုတိယ ကမ္ဘာစစ် ကာလအတွင်း သေဆုံးသူ ဂျပန် စစ်သည်များ၏ ရုပ်ကြွင်းများကို ရှာဖွေ စစ်တမ်းကောက်ယူရန် UNFC အဖွဲ့ဝင်များက သက်ဆိုင်ရာ ဒေသများ၌ ကိုယ်တိုင် ကွင်းဆင်း ဆောင်ရွက်မည်ဖြစ်ပြီး လိုအပ်သည့် ပစ္စည်းများနှင့် ကုန်ကျငွေများကို TJEDF အဖွဲ့က ထောက်ပံ့ပေးသွားမည် ဖြစ်ကြောင်း သိရသည်။

UNFC ၏ တွဲဖက် အတွင်းရေးမှူး ဗိုလ်မှူးကြီး ခွန်ဥက္ကာက “ကျနော်တို့ တိုင်းရင်းသား နယ်မြေတွေထဲမှာ ဂျပန်တွေ ဘယ်နေရာမှာ သေခဲ့ဖူးလဲ၊ မြှုပ်ခဲ့ဖူးလဲ သိရင်တော်ပြီ၊ တူးလို့၊ ထိလို့မရဘူး။ ရရှိတဲ့ စာရင်းနဲ့ မြေပုံ အညွှန်းကို TJEDF ကိုပေးရမှာပေါ့၊ ဒီနှစ်ထဲမှာ Operation လုပ်ဖို့ ကျနော်တို့ကို ကွန်ပြူတာတွေ၊ ကင်မရာတွေ၊ GPS တွေ၊ ရှာဖွေပုံစံတွေနဲ့ ကုန်ကျစရိတ်တွေ အဆင်သင့် လုပ်ပေးထားပြီးပြီ” ဟု ဧရာဝတီသို့ ပြောသည်။

UNFC အနေဖြင့် ရရှိသော အချက်အလက် စာရင်းများကို ယခုနှစ် မတ်လဆန်းမှ စတင်ကောက်ယူပြီး ၂၀၁၃ နှစ်ကုန်ပိုင်းတွင် TJEDF သို့ အပ်နှံမည်ဖြစ်သည်။

ထိုမှတဆင့် ဂျပန်အစိုးရ ကျန်းမာရေး အလုပ်သမားနှင့် လူမှုဖူလုံရေး ဝန်ကြီးဌာနသို့ ပေးပို့မည်ဖြစ်ပြီး ယင်းဝန်ကြီးဌာနက စစ်ဆေးကာ စစ်တမ်းများ ရှိရာနေရာများသို့ အရိုးများ တူးဖော်ခွင့်ပြုရန် ဂျပန် အစိုးရအနေဖြင့် မြန်မာအစိုးရထံ တင်ပြ တောင်းဆိုသွားနိုင်ရန်အထိ ရည်ရွယ်ထားကြောင်း သိရသည်။

“ကျနော်တို့အဖွဲ့က သီးခြားလွတ်လပ်တဲ့ အဖွဲ့ဖြစ်တာကြောင့် မှတ်တမ်းတင်တာပဲ လုပ်နိုင်မယ်။ ဒါပေမယ့် ဂျပန်အစိုးရ အနေနဲ့ ကျနော်တို့ မှတ်တမ်းတင်ထားပြီးရင် အဲဒီ ရုပ်ကြွင်း ရှိနိုင်မယ့် ဒေသတွေမှာ တူးဖော်မှုတွေ လုပ်လိမ့်မယ်လို့ မျှော်လင့်တာပါပဲ” ဟု မစ္စတာ တိုမိုဟရု အဲဘိဟရ က ပြောသည်။

ဂျပန်အစိုးရအနေဖြင့် မြန်မာအစိုးရ ထိန်းချုပ်နယ်မြေများတွင် ယခင်က ရှာဖွေ ရရှိသည့် အရိုးစုများကို ၎င်းတို့နိုင်ငံသို့ သယ်ဆောင်သွားကြောင်း၊ ကျန်ရှိနေသော ၄ သောင်းခွဲ ကျော်ကိုလည်း ယင်းသို့ သယ်ဆောင်နိုင်ရန် ကြိုးပမ်း ဆောင်ရွက်သွားမည် ဖြစ်ကြောင်း သိရသည်။

မစ္စတာ တိုမိုဟရု အဲဘိဟရ က “ဂျပန်ကို သယ်သွားတဲ့ ရုပ်ကြွင်းတွေကို DNA စစ်တယ်။ ပြီးတော့ သက်ဆိုင်ရာ မိသားစုကို လိုက်ရှာပြီး ပေးလိုက်တယ်။ မိသားစု ရှာမတွေ့တဲ့ ရုပ်ကြွင်းတွေကိုတော့ တိုကျိုမှာရှိတဲ့ အောက်မေ့ဖွယ် တာဝါမှာ ပို့ပြီး သိမ်းထားတယ်” ဟု ပြောသည်။

ရှာဖွေမှုများ ပြုလုပ်နိုင်ရန် UNFC အဖွဲ့ဝင် သာမက ရခိုင်ပြည် လွတ်မြောက်ရေး ပါတီ (ALP) နှင့်လည်း သဘောတူညီမှု ရရှိထားကြောင်း၊ ထို့အတူ ရှမ်းပြည် ပြန်လည်ထူထောင်ရေး ကောင်စီ (RCSS/SSA)၊ ဒီမိုကရေစီအကျိုးပြု ကရင်တပ်မတော်-DKBA တို့နှင့်လည်း ညှိနှိုင်းဆဲ ဖြစ်ကြောင်းနှင့် တခြားတိုင်းရင်းသား လက်နက်ကိုင် အဖွဲ့များကိုလည်း ဆက်သွယ် ညှိနှိုင်းသွားရန် အစီအစဉ်ရှိကြောင်း သူက ဆက်ပြောသည်။

TJEDF နှင့် သဘောတူညီမှု ရရှိထားသည့် UNFC အဖွဲ့တွင် အဖွဲ့ဝင် ၁၁ ဖွဲ့ရှိပြီး ကချင်လွတ်လပ်ရေး အဖွဲ့ (KIO)၊ ရှမ်းပြည် တိုးတက်ရေးပါတီ (SSPP)၊ ကရင်အမျိုးသား အစည်း အရုံး(KNU)၊ ကရင်နီ အမျိုးသား တိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ချင်းအမျိုးသား တပ်ဦး (CNF)၊ ပလောင်ပြည်နယ် လွတ်မြောက်ရေး တပ်ဦး (PSLF)၊ လားဟူဒီမိုကရက်တစ် သမဂ္ဂ (LDU)၊ ရခိုင်အမျိုးသား ကောင်စီ (ANC)၊ “၀” အမျိုးသား အဖွဲ့ချုပ် (WNO)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) တို့ ပါဝင်သည်။

Ref: ဧရာဝတီ

Read More...

Collapse...