မှတ်ပုံတင် ပြနိုင်တော့လည်း ရွှေသိမ်းချင်ပြန်တယ်

ဧပြီလ ၂၉ ရက် ၂၀၁၃ ခုနှစ်

အယ်ဒီတာခင်ဗျား...

ကျနော်တို့ ကချင်ပြည်နယ်က ပူတာအိုခရိုင်၊ ခေါင်လန်ဖူးဒေသဆိုတာ တကယ်ခေါင်းပါးတဲ့ နေရာဒေသ ဖြစ်ပါတယ်။ ကျနော်တို့နယ်က စပါးအထွက်နည်းလို့ ဘိုးစဉ်ဘောင်ဆက် ဆန်ဒုမ့်တောင်ကြီး ကျော်ပြီး အသွားအပြန် ၁၀ ရက်က နေ ၁၃ ရက်ရှိတဲ့ နောင်မွန်းမြို့နယ်၊ မဂွေဇ စခန်းကနေ ခေါင်လန်ဖူးမြို့ပေါ်မှာရှိတဲ့ ဌာနဆိုင်ရာ နိုင်ငံတော် ဝန်ထမ်းတွေအတွက် ရိက္ခာ (ဆန်၊ ဆီ၊ ဆား) တွေကို နှစ်တိုင်း တနှစ်လျှင် ၂ ခါထက် မနည်း မိမိရိက္ခာဖြင့် အခမဲ့ ထမ်းပြီး နိုင်ငံတော် အစိုးရကို ပံ့ပိုးလာခဲ့တဲ့ တိုင်းရင်းသားလူမျိုးတွေ ဖြစ်ပါတယ်။

ကျနော်တို့က ဗမာစကား ကောင်းကောင်း မပြောတတ်ပါဘူး။ တောင်ပေါ်မှာဘဲ ကြီးပြင်းခဲ့ပါတယ်။ ကျနော်တို့ကတောင်ပေါ်ကနေ ၃ ၊ ၄ ခေါက်လောက် မြို့ပေါ်ကို လာရပါတယ်။ အဲဒီအခေါက်တိုင်းမှာလည်း တနေရာမဟုတ်ရင် တနေရာ အစိုးရဂိတ်တွေမှာ မှတ်ပုံ တင်ပြလိုက်တာနဲ့ တောင်ပေါ်သားမှန်း သိလိုက်တာနဲ့ အမျိုးမျိုး ချိန်းခြောက် ပိုက်ဆံ တောင်းပါတယ်။ ပစ္စည်းတွေကို လုယူတယ်။ ပြီးတော့ ကား သမားတွေလည်း ကားခတွေ ပိုယူလေ့ရှိ ပါတယ်။

လွန်ခဲ့တဲ့ ဧပြီလ ၂၄ ရက် တနင်္လာနေ့မှာ ကျနော်တို့ ကချင်တိုင်းရင်းသား ရဝမ်လူမျိုး အမျိုးသား ၂ ဦး၊ အမျိုးသမီး ၃ ဦးတို့က ခေါင်လန်ဖူးမြို့နယ် ချန်လမ်ဒေသကနေ တရုတ်နယ်စပ် ကမ်ပိုင်တီ ကားလမ်း အတိုင်း မြစ်ကြီးနားမြို့သို့ကျောင်းသူ/ကျောင်းသားတွေကို လိုက်ပို့ခဲ့ပါတယ်။

ကျနော်တို့ ငါးဦးမှာ ကမ်ပိုင်တီကနေ မြစ်ကြီးနားထိ “ဂျီးဖော့မြေ” မော်တော်ယာဉ်အသင်းက ကချင်အထူးဒေသ (၁) ကန်ပိုင်တီ-ဝိုင်းမော်-မြစ်ကြီးနား အဝေးပြေးဆွဲတဲ့ ကားနဲ့ ကျပ် ၂ သိန်း ပေးပြီး လာခဲ့ပါ တယ်။

မြစ်ကြီးနားမြို့ ဧရာဝတီမြစ် ဖြတ်ကူးတဲ့ ဗလမင်းထင် တံတား (ဝိုင်းမော် ဘက်ခြမ်း)က အစိုးရရဲ့ စစ်ဆေးရေးဂိတ် ရောက်တဲ့အခါ ရဲတပ်ကြပ်တဦးနဲ့ ရဲတပ်သား ၄ ဦးတို့က ကားပေါ်ကနေ ဆင်းခိုင်း ပြီး နိုင်ငံသားမှတ်ပုံတင် စစ်ဆေးစဉ် ရိုင်းရိုင်းစိုင်းစိုင်း ပြောဆို စစ်ဆေးခဲ့ပါတယ်။

ကျနော်တို့က ခေါင်လန်ဖူးမြို့နယ်က ဖြစ်ကြောင်း၊ ကျောင်းသား လိုက်ပို့ရင်း ပစ္စည်း နည်းနည်းပါးပါး လာဝယ်တာ ဖြစ်ကြောင်း ကောင်းကောင်း မွန်မွန်ရှင်းပြခဲ့ပါတယ်။

ဒါပေမယ့် သူတို့က ကျနော်တို့ဆီက ရွှေ ၄၊ ၅ ကျပ်သား တွေ့တဲ့အခါ “ဒီရွှေတွေက နိုင်ငံတော် အစိုးရမှ လုံးဝ တားမြစ်ထားတဲ့ ပစ္စည်းဖြစ်တယ်။ လုံးဝ ဒါတွေကို တားဆီးဖို့ အထက်က အမိန့်ရှိပါတယ်။ ဒါကြောင့် သိမ်းတာဖြစ်တယ်” ဆိုပြီး ရွှေ ပါသမျှကို သိမ်းယူခဲ့ပါတယ်။

ကျနော်တို့ ဒေသမှာက ဆန်စပါး စိုက်လို့ မကောင်းတဲ့ ရေခဲတောင် ဒေသမှာ နေထိုင်ကြတဲ့အတွက် ဘိုးစဉ်ဘောင် ဆက်ကနေ အခုထိ ရွှေတူးပြီး ရရှိတဲ့ ရွှေတွေနဲ့ ဆန်ကို လဲလှယ်စားသောက်နေရ တာ ဖြစ်ပါ တယ်။

ခေါင်လန်ဖူးမြို့နယ် ချန်လမ်ဒေသကနေ ပူတာအိုလမ်းအတိုင်း သွားမယ်ဆိုရင် တောတောင် အထပ်ထပ်ကိုကျော်လွားပြီး လနှင့် ချီပြီး သွားရတာကြောင့် ကျနော်တို့ အမြဲတမ်းသွားနေတဲ့ ကမ်ပိုင်တီ-ဆဒုံးကားလမ်းအတိုင်း လာရတာ ဖြစ်ပါတယ်။

ကျနော်တို့ဒေသက ပညာရေး အလွန်နိမ့်ကျလို့ ကလေးတွေ ပညာရေးအတွက် မြစ်ကြီးနားမြို့ပေါ် ကျောင်းထားတာ ဖြစ်လို့ လမ်းစရိတ်လည်း ကြီးမားတာကြောင့် “ကျေးဇူးပြုပြီး ရွှေ မသိမ်းပါနဲ့ ရွှေသိမ်းမယ် ဆိုရင် ကျနော်တို့ကို သတ်ပစ်တာနဲ့ တူကြောင်း၊ ဒီရွှေ ရောင်းပြီး ကလေး ကျောင်းစရိတ် သုံးရမယ်။ မသိမ်းပေးပါနဲ့” လို့ အကြိမ်ကြိမ် တောင်းခံခဲ့ပေမယ့် နောက်ဆုံး ဒဏ်ငွေအနေ နဲ့ ကျပ်ငွေ ၉၀,၀၀၀ (ကိုးသောင်း) အတင်း တောင်းခံလို့ ပေးလိုက်ရပါတယ်။

ပိုက်ဆံ ပေးတဲ့အချိန်မှာ ဒီစစ်ဆေးရေးဂိတ်က တပ်ကြပ် (အဲဒီမှာ ရာထူးအကြီးဆုံး) ဆိုသူက ကားနောက်ဖက်ကို ခေါ်သွားပြီး သူ့ရဲဘော်တွေ မတွေ့အောင် ပေးခိုင်းပါတယ်။ “ရဲဘော်တွေကို မပြောလိုက်နဲ့” လို့ ပြောပြီး ပိုက်ဆံ ယူသွားတာ ဖြစ်ပါတယ်။ တကယ်ပဲ ကြေကွဲရတယ်။

ခေါင်လန်ဖူးမြို့နေ တောင်ပေါ်သားတဦး

Ref: မဇ္ဈိမ

Read More...

Collapse...

ဆရာမ တယောက်အတွက် လျော်ကြေး

သြဂုတ်လ ၂၇ ရက် ၂၀၁၂ ခုနှစ်

ငယ်စဉ်က ကျမရဲ့အိမ်မက်ဟာ ပညာတတ်အောင်သင်ပြီး မိဘတွေကို ကောင်းကောင်း ထားနိုင်စေမယ်လို့ ရည်မှန်းခဲ့ တာပါ။ အဲဒီခေတ်က ကျမတို့နယ် တခုလုံးမှာ ကွန်ပျူတာကျောင်း ဝင်ခွင့်ရတာဆိုလို့ ကျမတယောက်ပဲ ရှိပါတယ်။ မွေးရပ်မြေမှာ တော့ ဂုဏ်ဆောင်သူတယောက် ဖြစ်ခဲ့သလို နောက်က ကျောင်းသူကျောင်းသားတွေ အတွက်လည်း စံပြတယောက် ဖြစ်ခဲ့ပါတယ်။ ကျမ မိဘတွေဟာလည်း သာမန် ဝန်ထမ်းတွေဖြစ်ပေမယ့် ကုန်ကျစရိတ် ကြီးလှတဲ့ ဒီကျောင်းကို ၇ နှစ် ကျော်သည်ထိ ထားပေးခဲ့ပါ တယ်။

Master (မဟာ)ဘွဲ့ ရပြီးနောက်မှာ ကျမဟာ ကွန်ပျူတာတက္ကသိုလ်မှာ လစာ သုံးသောင်းကျော်နဲ့ စတင်ပြီး လေးနှစ်ကျော် တာဝန်ထမ်းဆောင်ခဲ့ပါတယ်။ ခန့်စာ ရတုန်းကဆို မိဘတွေမှာ သူတို့သမီး တက္ကသိုလ်ဆရာမ ဖြစ်ပြီဆိုပြီး အတိုင်းမသိ ပျော်ခဲ့ ပါတယ်။

တာဝန် ထမ်းဆောင်စဉ် ကာလတလျှောက်လုံး နယ်စွန်နယ်ဖျားပါမကျန် ကျရာအရပ်မှာ ဝန်ထမ်းစည်းကမ်းနဲ့အညီ နေထိုင်ခဲ့ သလို တပည့်ကျောင်းသားကျောင်းသူတွေ အပေါ်မှာလည်း တတ်သည့်ပညာ အိတ်သွန်ဖာမှောက် သင်ခဲ့ပါတယ်။

ဒါပေမယ့် ကွန်ပျူတာ တက္ကသိုလ်ဆရာမ အလုပ်ဟာ မိသားစု ကျမဘဝမှာ တက္ကသိုလ်ဆရာမ ဆိုတာ တခုကလွဲရင် အရာအား လုံး ဆုံးရှုံးပြီး စိတ်ဓာတ်လည်း တဖြေးဖြေး ကျလာခဲ့ပါတယ်။ အဆင်ပြေတဲ့ သူတွေအတွက်သာ သင့်တော်တယ် ဆိုတာ အလုပ် လုပ်နေရင်းနဲ့မှ သိလာခဲ့ပါတယ်။

တာဝန်ထမ်းဆောင်စဉ် ကာလတလျှောက်လုံး ကျမ မိဘတွေကပဲ လစဉ် ငွေပို့ခဲ့ရတယ်။ အိမ်က ပို့တဲ့ ငွေကို သွားထုတ်ရတိုင်း မျက်ရည်ကျခဲ့ရပါတယ်။

ဝန်ထမ်း စလုပ်တုန်းကတော့ တနေ့ Ph.d တက်မယ်လို့ တွေးခဲ့ပေမယ့်လေ Ph.d ပြီးဖို့အပြင်ကို ၁၅ သိန်း အသားတင်
ပေးရတယ်ဆိုတာနဲ့တင် အဲဒီအစီအစဉ်ကို ဖျက်ခဲ့ပါတယ်။

လေးနှစ်ကျော်မှ လစာ ငါးသောင်းကျော် ရပေမယ့် အဲဒီလစာနဲ့ မလောက်တော့ ကျမကိုယ်တိုင် အလုပ်ထွက်မယ် ပြောပေ မယ့် မိသားစုက သူတို့ပို့ပေးပါ့မယ် ဆိုပြီး တားခဲ့ကြတယ်။

ကျမဘဝမှာ တက္ကသိုလ်ဆရာမ ဆိုတာ တခုကလွဲရင် အရာအားလုံး ဆုံးရှုံးပြီး စိတ်ဓာတ်လည်း တဖြေးဖြေး ကျလာခဲ့ ပါတယ်။ ကျမ အိမ်ထောင်ကျပြီးပြန်တော့ ကျမကိုယ်ပိုင် မိသားစုအတွက်လည်း ဘာတခုမှ ကူညီပေးနိုင်ခဲ့တာ မရှိသလို မိသားစုကပဲ ဝိုင်းပြီး ငွေပို့ပေးခဲ့ရပါတယ်။ တာဝန်ကျတဲ့အရပ်နဲ့ အိမ်နဲ့ ဝေးကွာတာကြောင့် ကျမ မိသားစုဆီ တခါသွားဖို့ဆိုရင် လစာ နှစ်လ စာဟာ အသွားစရိတ်ပဲ ရှိခဲ့တာပါ။ ဒါတွေကို တွေးမိတိုင်း ငါ့ကြောင့် မိသားစုတွေ အားလုံး ဝန်ထုတ်ဝန်ပိုး ဖြစ်ရတယ်လို့ ခံစား ရပြီး ငိုရပါတယ်။ အဲဒီနောက် ကျမ မိသားစုမှာလည်း ငွေရေးကြေးရေး အဆင်မပြေဘဲ ကြွေးတင်နေခဲ့ရပြန်တယ်။ ဒါပေမယ့် ကျမအတွက် လစဉ်ငွေ ပုံမှန်ရောက်အောင် ပို့ပေးခဲ့ပါတယ်။ ကျမ မိဘတွေဘက်မှာလည်း ပင်စင်ယူသွားတော့ ရတဲ့ပင်စင်နဲ့ ခြံသေးသေး ဝယ်ပြီး အိမ်ကိုတော့ ချေးငှားပြီးဆောက်ခဲ့ရတယ်။

အဖေအမေတို့မှာလည်း အိမ်ဆောက်ရတဲ့ သူတို့အကြွေးတွေနဲ့ကြားက သမီးကို ငွေမျှပို့မယ်လို့ ပြောခဲ့ပါတယ်။ ကျမ အသက် ၃ဝ နား အရွယ်ထိ မိဘတွေ မိသားစုတွေရဲ့ အကူအညီနဲ့ပဲ ဒီအလုပ်ကို ဆက်ခဲ့ရတာပါ။ အလုပ်ပြောင်းဖို့ ကလည်း နီးစပ်ရာ ကွန်ပျူ တာ တက္ကသိုလ်တွေ မရှိသလို ဝန်ထမ်းအပြောင်းဆိုတာ အားလုံးသိကြသလို မလွယ်ကူ ပါဘူး။ အလုပ်တခုရဖို့ မလွယ်တာရော၊ တတ်ထားတဲ့ပညာကို နှမြောတာရောကြောင့် တခြားဝန်ကြီှးဌာနကို ပြောင်းချင် ပေမယ့်လည်း ဒီလိုလုပ်လို့မရဘူးလို့ သိထားပါ တယ်ရှင်။ နောက်ပိုင်း ကျန်းမာရေးပါ မကောင်းတော့ ဆရာမ အလုပ်က ထွက်ခဲ့ရပါတယ်။

အလုပ်ထွက်ပြီး ဆေးကုနေစဉ်မှာပဲ ကျမ တာဝန် နောက်ဆုံးထမ်းဆောင်ခဲ့တဲ့ ကွန်ပျူတာ တက္ကသိုလ်ကနေ လျော်ကြေး ငွေ တောင်းစာတွေ ရောက်လာတော့တာပါပဲ။ မိဘတွေ၊ မိသားစုတွေ၊ မောင်နှမတွေဆီ ဒီစာတွေရောက်လာပါတယ်။ လေးနှစ်ကျော် တာဝန်ထမ်းဆောင်ခဲ့တာတောင် Master နဲ့အလုပ်ထွက်လို့် ဆိုပြီး သိန်း ၃ဝ ကျော် အတောင်းခံရပါတယ်။

ဒီလောက် ကျန်းမာရေးပါ ထိလောက်သည်ထိ ပေးဆပ်ခဲ့တာတောင် ဒီလိုလုပ်ပါလားဆိုပြီး အရမ်းကို စိတ်ပျက်မိပါ တယ်။ ဒီ Master ကိုတောင် အိမ်က ဆင်ထားတာလေးတွေ ထုခွဲပြီး ပြီးခဲ့ရတာပါ။ ခု ဒီအလုပ်ကနေ ထွက်လို့ အလျော်တောင်းတာမှာ ချမ်းသာလို့ ပေးနိုင်တဲ့သူတွေမှာ ပြသာနာမဖြစ်ပေမယ့် အဆင်မပြေလို့မှ အလုပ်ထွက်ထားတဲ့ ကျမတို့လို သူတွေအတွက် အရမ်း ကို လွန်ပါတယ်။

အသက်ကြီးပြီး ပင်စင်စား မိဘနှစ်ပါးမှာ အိမ်ဆောက်တာနဲ့တင် အကြွေးကိစ္စကြောင့် စိတ်ညစ်နေရတာပါ။ လျော်ကြေး အကြွေး တောင်းတာက တခေါက်မှာတော့ ပတ်ဝန်းကျင်မှာ ကျမမိဘတွေကို အရှက်ရအောင် ပြောဆိုသွားခဲ့ပါတယ်။ အဲဒီနေ့မှာပဲ ကျမ မိခင်က နဂို ရောဂါအခံကလည်း ရှိတော့ ဆေးရုံတင်ခဲ့ရပါတယ်။ မိဘ ဆေးရုံတင်တယ် ကြားတော့ နေမကောင်းတဲ့ ကျမလည်း အမေ့ဆီ သွားဖို့ လုပ်ပါတယ်။ အဲဒီအခြေအနေမှာတောင် အဲဒီ လျော်ကြေးကိစ္စက ဆေးရုံထိ လာတောင်းမယ်လို့ ဆိုပါတယ်။

စဉ်းစားကြည့်ပါရှင်…။ ဒီလိုအခြေအနေမှာ ကျမ ဘာဆက်လုပ်ရမလဲ။ ကျမလိုပဲ ဘဝတူ သူငယ်ချင်းဆရာမတွေလည်း အဲလို ပြဿနာတွေနဲ့ ရင်ဆိုင်နေရလို့ စိတ်ဓါတ်ကျဆင်းပြီး မိသားစုတွေပါ စိတ်ညစ်နေရပါတယ်။

အမြဲပဲ အကြွေးတောင်းသလို တောင်းနေတာတွေကို ဖြေရှင်းပေးစေလိုပါတယ်။ မိဘပေးလိုက်တဲ့ ပညာအမွေနဲ့ အလုပ်မှာလည်း ကြိုးစားခဲ့တဲ့ အသီးအပွင့်ရဲ့ရလဒ်က ဒါပဲလားရှင်။

ဒါကြောင့် သက်ဆိုင်ရာ လူကြီးများအနေနဲ့ ဒီပြဿနာတွေကို လူသားချင်းစာနာပြီး ဖြေရှင်းပေးစေလိုပါတယ်။ ကျမလို ဘဝတူ ညီအမများလည်း ဒီပြဿနာတွေကြောင့် စိတ်ဆင်းရဲရခြင်းမှ ကင်းဝေးစေလိုပါတယ်ရှင်…။

ဆရာမဟောင်းတဦး

Ref: မဇ္ဈိမ

Read More...

Collapse...

သာတူညီမျှ တက်လမ်းဖွင့်ပေးစေချင်

သြဂုတ်လ ၁၅ ရက် ၂၀၁၂ ခုနှစ်

ကျမ ကတော့ နည်းပညာ တက္ကသိုလ်တခုက ကထိက ဆရာမတဦး ဖြစ်ပါတယ်။ ကျမတို့ ဝန်ကြီးဌာနမှာ ဇူလိုင်လတုန်း က ရာထူးတိုးတွေနဲ့ ပတ်သက်တဲ့ စည်းမျဉ်းတွေ ကန့်သတ်ချက်တွေပါတဲ့ စာနဲ့ပတ်သက်ပြီး ပြောချင်လို့ပါ။

ကျမ ကထိကရာထူးရထားတာ ကြာလှပါပြီ။ ME ဘွဲ့ပဲဆိုရင် ကထိကအထိပဲ ပေးမယ်ဆိုပြီး ဖြစ်သွားတော့ ကျမတို့လို ME ကထိက တွေဟာ တသက်လုံး ရာထူးမတိုးတော့ဘူး ဖြစ်သွားပါပြီ။

PhD ဘွဲ့ကိုတော့ ပရော်ဖက်ဆာ ရာထူးထိ Time scale နဲ့ ပေးထားပြီး ကျန်တာ Vacancy ပေါ် မူတည်ပြီးပေးသွားမယ် လို့ ပြောထားပါတယ်။ PhD ဘွဲ့ရတွေကို ကျမတို့ ME ဘွဲ့ရဆရာတွေကပဲ သင်ပေးလာခဲ့တာပါ။ တပည့်တွေအပေါ် မနာလိုရာ ရောက်မလားတော့ စိုးရိမ်မိပါတယ်။

လက်ရှိ AP ရာထူး ရထားကြပြီး ခုစနစ်အရဆိုရင် နောင် နှစ်နှစ် သုံးနှစ်လောက်ဆို ပရော်ဖက်ဆာ ရာထူးတွေရကြတော့ ပေမယ့် ကျမတိုကျတော့ ကထိက ရာထူးမှာ ရပ်သွားပါပြီတဲ့။ နောက်ပိုဆိုးတာက စီမံခန့်ခွဲရေးဘက်မှာ တာဝန် ထမ်းဆောင် နေတဲ့ သာမန်ဘွဲ့ရ ဝန်ထမ်းတွေကို ကျတော့လည်း ဒုညွှန်မှူး (AP နှင့် ရာထူးတူ) အထိ ပေးထားပြန်ပါ တယ် အဲဒီတော့ Engineering Master (ME) ဘွဲ့က သာမန်ဘွဲ့လောက်တောင် ရာထူးမရနိုင် ဖြစ်သွားပြန်ပါတယ်။

အတို ချုပ်ပြောရရင်တော့

(၁) ဘယ်ဝန်ထမ်းကိုမှ အပြစ်မရှိဘဲ လစ်လပ်နေရာလဲ ရှိလျက်နဲ့ ရာထူးတိုးရပ်သွားတာမျိုး မဖြစ်စေချင်ပါ။

(၂) နိုင်ငံခြားပညာသင်နှင့် လေ့လာရေးခရီးများ စေလွှတ်ရာတွင် ထပ်ကာတလဲလဲ သွားနေရသူများရှိသလို တခေါက်မျှ မသွားရသေးသူများအားလည်း စဉ်းစားပေးစေချင်ပါတယ်။

(၃) ကြိုးစားခဲ့ရတာချင်းမတူ၊ ဆယ်တန်းအမှတ်ချင်းမတူ၊ တက်ခဲ့ရတဲ့ နှစ်တွေလည်းမတူတဲ့ ဝန်ထမ်းတွေကို အတူတူလောက်နီးနီး တန်းညှိထားတာလည်း ပြန်စဉ်းစားစေချင်ပါတယ်။

(၄) ဝန်ထမ်းများ ပြောင်းရွှေ့ခြင်းဆိုင်ရာ ကိစ္စများကိုလည်း မြို့ပေါ်နှင့် နယ် မျှတစွာ စဉ်းစားပေးစေချင်ပါတယ်။
(၅) အိမ်ထောင်သည် ဝန်ထမ်းများ နေစရာအခက်အခဲများကိုလည်း စဉ်းစားပေးစေချင်ပါတယ်။

ကထိကတဦး

Ref: မဇ္ဈိမ

Read More...

Collapse...

တိုးလိုးတန်းလန်း မြောင်းကြီး တာဝန်ယူမယ့်သူ မရှိသေး

သြဂုတ်လ ၁၄ ရက် ၂၀၁၂ ခုနှစ်

ကျနော်/ကျမတို့သည် ရန်ကုန်တိုင်း၊ လမ်းမတော်မြို့နယ်၊ အမှတ် ၉ ရပ်ကွက်၊ မင်းရဲကျော်စွာရိပ်သာ၊ တိုက်အမှတ် ၅၊ ၆၊ ၇၊ ၈ တို့တွင် နေကြသည့် ဝန်ထမ်း မိသားစုများ ဖြစ်ပါသည်။

ထိုတိုက် လေးတိုက်မှာ ဝင်းအတွင်းတွင် ရှိပြီး အပြင်သို့ ထွက်သော အပေါက် နှစ်ခု ရှိပါသည်။

လွန်ခဲ့သော နှစ်နှစ်ခန့်က ဇော်ဂျီလမ်းဖက်သို့ထွက်သော ထွက်ပေါက်အား စည်ပင်မှ မြေတူးစက်ဖြင့် ရေမြောင်း လာရောက် တူး ဖော် ပါသည်။ ထို့ကြောင့် ဝင်းအတွင်းသို့ ကားအဝင်အထွက်များ ရပ်ဆိုင်းကာ ယာယီတံတား ထိုးပြီး လူများသာ ဝင်ထွက်နိုင်ရန် ပြုလုပ်ခဲ့ရသည်။

သို့ရာတွင် ထိုရေမြောင်းမှာ ဆက်လက်တူးဖော်ခြင်း မပြုတော့ဘဲ တပိုင်းတစနှင့် ရပ်တန့်သွားခဲ့ပါသည်။

တူးလက်စ ရေမြောင်းထဲတွင် တနေ့ထက်တနေ့ အမှိုက်များ၊ ရေဆိုးများနှင့် ပြည့်လျှံလာကာ အနံ့အသက်ဆိုးများဖြင့် ခြင်ပေါက် ဖွားရာ နေရာကြီးလည်း ဖြစ်ခဲ့ပါသည်။ တံတား အခိုင်အမာ ပြုလုပ်ရန် အတွက်လည်း ထိုရေမြောင်းအား မည်သို့ ဆက်လက် လုပ်ကိုင်မည်ကို မသိသောကြောင့် တံတားအသစ်လည်း မပြုလုပ်နိုင်ခဲ့ပါ။ မီးဘေး အန္တရာယ် ကျရောက်ခဲ့ပါကလည်း ကားဝင် ထွက်ရန် အပေါက် တခုတည်း ရှိသဖြင့် များစွာ အခက်ကြုံနိုင်ပါသည်။

ထိုကိစ္စနှင့် ပတ်သက်ပြီး လွန်ခဲ့သော တနှစ်ခန့်က သက်ဆိုင်ရာဌာနများသို့ စာဖြင့် အကြောင်းကြားခြင်း၊ လူကိုယ်တိုင် သွား ရောက် တွေ့ဆုံခြင်းများ ပြုလုပ်ခဲ့သော်လည်း မည်သူကမှ ယနေ့အထိ တာဝန်ယူ ဆောင်ရွက်ပေးခြင်း မရှိသေး ကြောင်း ထပ်မံ တင်ပြအပ်ပါသည်။

Ref: မဇ္ဈိမ

Read More...

Collapse...

ဒေါက်တာလေးတွေရဲ့ အခက်အခဲက

ဇွန်လ ၁၄ ရက် ၂၀၁၂ ခုနှစ်

သို့ 
အယ်ဒီတာရှင့်

ကျမ ကတော့ ရန်ကုန်ဆေးတက္ကသိုလ် (၁) က ၂၀၁၁ ခုနှစ်မှာ ဆေးပညာဘွဲ့ ရရှိထားတဲ့ ဆရာဝန်တဦး ဖြစ်ပါတယ်။ အခု ပြောပြ ချင်တာက ဆရာဝန်တွေကို သတ်မှတ်ထားတဲ့ Education Clearance (EC) အကြောင်းပါ။

ဆရာဝန်တယောက် ဘယ်လို အကြောင်းကြောင့်ပဲ နိုင်ငံခြားထွက်ထွက် ၁၀ သိန်း ပေးလျော်ပြီးမှ သွားရမယ်လို့  သတ်မှတ်ထား ပါတယ်။ ၁၀ သိန်းဆိုတဲ့ ငွေက အထူးကု ဆရာဝန်ကြီးတွေ၊ ဆေးခန်းကြီးတွေမှာ လူနာ လက်မလည်အောင် ကြည့်နေရတဲ့ ဆရာ ၀န်ကြီးတွေ အတွက် မပြောပလောက်တဲ့ငွေ ဆိုပေမယ့် ကျမတို့လို ကျောင်းပြီးခါစ ဆရာဝန်ပေါက်စတွေ အတွက်ကျတော့ မတတ် နိုင်လောက်တဲ့ ငွေကြေးပါ။

ဆရာဝန်တိုင်းကလည်း အထက်တန်းလွှာ၊ လူဂုဏ်တန်တွေရဲ့ သားသမီးတွေမှ မဟုတ်ကြတာ။ မိဘက ပံ့ပိုးမပေးနိုင် တဲ့ ဆရာဝန်တွေ အများကြီးပါ။ ဆေးကျောင်း တက်တဲ့ တောက်လျှောက် Guide လုပ်ပြီး စာအုပ်ဖိုးနဲ့ ကျူရှင်လခကို ရှာ၊ ကျောင်း ပြီးပြန်တော့လည်း နိုင်ငံတော်က နှစ်နဲ့ချီပြီး အလုပ်မပေးနိုင်။ ကိုယ်ပိုင်ဆေးခန်း ဖွင့်ဖို့ အရင်းအနှီး မရှိ။ ပုဂ္ဂလိက ဆေးရုံတွေ ပေးတဲ့ လစာကလည်း အများ ဆုံး ၁၂၀,၀၀၀ နဲ့ ၁၈၀,၀၀၀ ပဲ ဆိုတော့ စားဝတ်နေရေးက အတော်ကို ခက်ခဲပါတယ်။

နိုင်ငံခြား အလုပ်အကိုင်တွေ၊ နိုင်ငံခြား တက္ကသိုလ်တွေက ဘွဲ့လွန် တက်ရောက်ဖို့ ပညာသင် ထောက်ပံ့ကြေး (scholarship) ပေးရင် တောင် ဒီ ၁၀ သိန်းကို မပေးနိုင်လို့ သွားခွင့် မရှိဘူးဆိုတော့ ကျမတို့ လူငယ်ဆရာဝန် တွေအတွက် တကယ်နစ်နာပါတယ်။ မြန်မာ ပြည်မှာ တခြားတက္ကသိုလ်တွေရဲ့ EC က သောင်းဂဏန်းပါပဲ။ ဆရာဝန်တွေကို ၁၀ သိန်းလို့  အဆတရာ ကွာခြားသတ်မှတ်ထား ပေမယ့် အထူးကုမဟုတ်တဲ့ ဆရာဝန် တယောက်ရဲ့ တလ၀င်ငွေဟာ ငွေကျပ် နှစ်သိန်းထက် မပိုပါဘူး။ ဒီ နှစ်သိန်းဆိုတဲ့ငွေက နေ စရိတ်နဲ့ စားစရိတ်ကို လောက်ငှဖို့တောင် အနိုင်နိုင်ပါ။ မပြေလည်တဲ့၊ ဆင်းရဲတဲ့ ဆရာဝန်တွေရဲ့ အနာဂတ်လမ်းကို ပိတ်လိုက်သလိုပါပဲ။

ဒီကိစ္စကို သက်ဆိုင်သူ၊ တာဝန်ရှိသူတွေအနေနဲ့ ထိထိရောက်ရောက် ကူညီ ဆောင်ရွက်ပေးစေလိုပါတယ်။ ဆရာဝန်တိုင်း အခက်အခဲ မရှိ ပေးဆောင်နိုင်မယ့် EC ပမာဏကို ပြောင်းလဲသတ်မှတ်ပေးဖို့ လူငယ်ဆရာဝန် အားလုံးရဲ့ ကိုယ်စား တောင်းဆိုအပ်ပါတယ်။

Ref: မဇ္ဈိမ

Read More...

Collapse...

ဇရပ်လှရွာမှ လာတဲ့စာ

8/27/2011


(အယ်ဒီတာထံ ပေးစာ)

ရခိုင်ပြည်နယ် ရသေ့တောင်မြို့နယ် ဇရပ်လှကျေးရွာမှ အုပ်ချုပ်ရေးမှူး ဦးသာထွန်းအောင်သည် အာဏာ ပါဝါ ကို အသုံးချပြီး ကျေးရွာသားများနှင့် ဘုန်းကြီးအကြား

သို့

အယ်ဒီတာ

ကျေးရွာနဲ့ သာသာနာကို ဖျက်ဆီးနေသော အတွင်းရေးမှူးတဦးအား ပြည်နယ်အစိုးရမှ ထိရောက်စွာ အရေးယူပေးပါရန် အယ်ဒီတာမှ တဆင့်တင်ပြခြင်း။

ရခိုင်ပြည်နယ် ရသေ့တောင်မြို့နယ် ဇရပ်လှကျေးရွာမှ အုပ်ချုပ်ရေးမှူး ဦးသာထွန်းအောင်သည် အာဏာ ပါဝါ ကို အသုံးချပြီး ကျေးရွာ သား များနှင့် ဘုန်းကြီးအကြား အထင်အမြင်လွဲအောင် လုပ်ဆောင်ကာ ဘုန်းကြီးများကို သီတင်းမသုံးနိုင်အောင် နည်းမျိုးစုံသုံးကာ သာသာနာကို ဖျက်ဆီး နေပါသည်။


ဦးသာထွန်းအောင်သည် ၁၃၇၂ ခု တန်ဆောင်မုန်းလပြည့်ကျော် ၃ ရက်နေ့တွင် ရွာသားများက ရွာရံပုံငွေ ရရှိရေး အတွက် စုပေါင်း မွေးမြူ ထားသောဆိတ်များကို တကောင်လျှင် ကျပ်ငွေ ၇၀၀၀ ဖြင့် ရောင်းစားပြီး ရွာသားများကို ပြဿနာရှာပါသည်။ ရွာသားများက မကျေနပ်၍ ၎င်းဆိတ်များကို လိုက်ရှာသော အခါ ဇရပ်လှ ကျေးရွာအနီးအနားရှိ အလယ်ရွာတွင် ပြန်လို့ဖမ်းဆီးရမိပါသည်။ ၎င်းကိစ္စကို ဖြေရှင်းပေးဖို့ တောင်းဆိုရန် အတွက် ကျေးရွာသားများက ဘုန်းကြီးကျောင်းတွင် အစည်းအဝေး လုပ်ခဲ့ပါသည်။ ယခုကဲ့သို့ အစည်း အဝေး လုပ်သည်ကို ကျေးရွာသားများနှင့် ဘုန်းကြီးက သူ့ကို သတ်ရန် ကြံစည်သည်ဟု ယူဆကာ ဘုန်းကြီးကို ပြဿနာရှာပါသည်။ သို့သော်လည်း အဆိုပါ ပြဿနာတွင် ရပ်သူရွာသားများက ဘုန်းကြီးဖက်မှ ပါသဖြင့် ဦးသာ ထွန်းအောင်၏ သာသနာဖျက် စီမံကိန်း သည် နောက်ဆုတ်ခဲ့ရပါသည်။

၁၃၇၂ ခု နတ္တော် လပြည့်ကျော် ၆ ရက်နေ့တွင် ကြံ့ဖွံ့ပါတီ ရသေ့တောင်အမတ် ဦးသိန်းမောင်ထံမှ ကျေးရွာတွင် စာသင်ကျောင်း ဆောက်လုပ်ရန်အတွက် ပေးသော ကျပ်ငွေ ၅ သိန်းကိုလည်း စာသင်ကျောင်း မဆောက်ဘဲ သူ တဦးတည်း ကိုယ်ကျိုး အတွက် အသုံးပြု ခဲ့သည်။ ၎င်းကို ကျေးရွာသားများက မကြေနပ်၍ ဆူပူမှု ဖြစ်ပွားခဲ့ရပါ သည်။ ယခုကဲ့သို့ ဆူပူမှုဖြစ်ပွားရခြင်းသည် ဘုန်းကြီးမှ ကြံစည်ခြင်းဖြစ်သည်ဟု သူက ယူဆကာ ဘုန်းကြီးကို နောက်ထပ် ပြဿနာရှာပါသည်။ ယခုကဲ့သို့ ပြဿနာရှာနေသည်ကို စစ်တွေ နန္ဒာရာမှ ဆရာတော်ကြီးက ဖြေရှင်း ပေးသော်လည်း ပြဿနာမှာ ကျေအေးသွားခြင်းမရှိဘဲ ဆက်လက် ကြီးထွားလာခဲ့ရသည်။ ထို့ကြောင့် ကျေးရွာတွင် ဘုန်းတော်ကြီးများမှာ သူ၏ မကောင်းကြံစည်မှုများကြောင့် တပါးပြီးတပါး ကျောင်းပြောင်း နေကြ ရပါသည်။

ယခုအခါ ဦးသာထွန်းအောင်သည် ကြံ့ဖွံပါတီ ရသေ့တောင်အမတ် ဦးသိန်းမောင်ထံမှ စာသင်ကျောင်း ဆောက်လုပ်ရန်ပေးသော ကျပ်ငွေ ၅သိန်းဖြင့် စာသင်ကျောင်းကို မလုပ်သည့်အပြင် ယခင်က တည်ဆောက် ထားသော စာသင်ကျောင်းကိုလည်း ဖြိုဖျက်ပြီး အဖိုးတန်သစ် များကို ရောင်းစား ထားပါသည်။

ယခုကဲ့သို့ စာသင်ကျောင်းကို ဖြိုဖျက်ရောင်းစားလိုက်သည့်အတွက် ကျေးရွာရှိ ကလေးငယ်များမှာ ယာယီ တည်ဆောက်ထားသော မိုးမလုံလေမလုံ စာသင်ကျောင်းတွင် စာသင်နေကြရပါသည်။ သူ၏ စာသင်ကျောင်း များကို ဖြိုဖျက်ပြီး သစ်များကိုရောင်းစားခြင်းသည် ကျေးရွာရှိ ကလေးငယ်များကို ပညာ မသင်နိုင်အောင် လုပ်ဆောင်ပြီး ဖျက်ဆီးနေခြင်းသာ ဖြစ်ပါသည်။

ကျေးရွာတွင် အရက်သေစာ ရောင်းစားခြင်းကို ပိတ်ပင်ထားသော်လည်း ဦးသာထွန်းအောင်က သူ၏အာဏာကို သုံးကာ အရက်ဆိုင် များဖွင့်ပြီး "တချက်ခုတ်နှစ်ချက်ပြတ်" ဆိုသည့်အတိုင်း ကိုယ်ကျိုးအတွက် ၀င်ငွေရသလို အခြားတဖက်မှာ ကျေးရွာရှိ လူငယ်လူ လတ်ပိုင်း များကို ဖျက်စီး နေခြင်း ဖြစ်ပါသည်။

အထက်ပါ အကြောင်းအရာများကြောင့် ကျေးရွာတွင် ကလေးငယ်များ ပညာ ကောင်းမွန်စွာ မသင်ကြားနိုင်ခြင်း၊ ကျေးရွာလူထုအတွင်း စည်းရုံးမှုပျက်ပြားစေခြင်း၊ ကျေးရွာလူငယ်များကို "လူပယ်လူတေ" များဖြစ်အောင် အရက် ဆိုင်ဖွင့်ခြင်း၊ ရွာဦး ဘုန်းကြီးကျောင်းများတွင် ဘုန်းတော်ကြီးများ တာရှည် မခံနိုင်အောင် ဖန်တီး လုပ်ဆောင်နေသော ဦးသာထွန်းအောင်အား ထိရောက်စွာ အရေးယူပေးပါရန် အယ်ဒီ တာမှတဆင့် သက်ဆိုင် ရာ ပြည်နယ် တာဝန်ရှိသူများ သိရှိအောင် ရေးသား တင်ပြလိုက်ခြင်း ဖြစ်ပါသည်။

ကျေးရွာမပျက်စီးမပြိုကွဲစေလိုသော ကျေးရွာသားများ
ဇရပ်လှရွာ

Ref: နိရဉ္စရာ

Read More...

Collapse...

နိုင်ငံတော် သန်မဒကျီး ၏ မေတ္တာစာ

- ၁၉ ၊၈၊၂၀၁၁

ပြည်ပရောက် မြန်မာနိုင်ငံရေး တက်ကြွသူ၊ ကြွတက်သူ၊ နိုးကြားသူ၊ ကြားနှိုးသူ၊ လှုပ်ရှားသူ၊ လုပ်စားသူ၊ အဖွဲ့အစည်းများ၊ လူပုတ်ဂိုလ်များကို ကျန်းမာ ချမ်းသာစေကြောင်း ဦးစွာ နှုတ်ခွန်း ဆက်လိုက်ပါတယ်။

လွန်ခဲ့တဲ့ သြဂုတ်လ (၁၇)ရက်နေ့က နေပူတော်မှာ ကျနော် တွေ့ဆုံ ပြောကြားလိုက်တဲ့ မိန်းခွန်းမှာ ပြည်ပရောက် မြန်မာနိုင်ငံသားများ အရေးနဲ့ ပတ်သက်ပြီး ပြန်လာနိုင်ဖို့ ကျနော်တို့ စဉ်းစားပေးမှာ ဖြစ်တဲ့အကြောင်း ပြောခဲ့ပါတယ်။ ပြန်လာခဲ့ပါလို့ ဖိတ်ခေါ်တာတောင် မဟုတ်ပဲ စဉ်းစားပေးမှာ ဖြစ်ပါတယ်လို့ ပြောကြားလိုက်ရုံနဲ့ ပြည်ပရောက် မြန်မာ နိုင်ငံရေး သမားတွေ အဖွဲ့အစည်းတွေကြား “ ကြိုဆုိုတယ် .. မကြိုဆုိုဘူး.... ပြန်မယ်.. မပြန်ဘူး.... စောင့်ကြည့်မယ်... စဉ်းစားဦးမယ်... မိန်းမနဲ့ တိုင်ပင်ဦးမယ်...ယေက်ျား နဲ့ တိုင်ပင်ဦးမယ်... ယုံကြည်တယ်... မယုံကြည်ဘူး...” စသဖြင့် သဘောထား အမျိုးမျိုး ကွဲပြားခဲ့သလို တဦး အပေါ်တဦး အယုံအကြည်တွေ ကင်းမဲ့ကြ… နားလည်မှုတွေ လွဲကြ..နဲ့ အတော်လေးကို အားရဖွယ် တွေ့မြင်ရပါတယ်။

ပွင့်ပွင့်လင်းလင်းပြောရရင် ဒီတချက်တည်းနဲ့တင် ကျနော်တို့ လုပ်ရပ် အတော်လေး အောင်မြင် တာမို့ ၀မ်းမြောက် မိပါတယ်။ ဘာဖြစ်လို့လည်း ဆိုတော့ ဘာမှ လုပ်ပေးတာ မဟုတ်သေးပဲ နဲ့တောင် အတော်ကြီးကို သွေးကွဲကုန်လို့ ဖြစ်ပါတယ်။ ဒုတိယ အဆင့်အနေနဲ့ ကျနော်တို့ သဘောထားကြီးပါတယ် ဆိုပြီး နိုင်ငံတကာကို ပြသနိုင်တာမို့ ထပ်ဆင့် ကျေနပ်မိပါတယ်။

ကျနော် ဒီစကားပြောတဲ့အခါ ပစ်မှတ်က အများကြီးကို ထိပါတယ်။ ကျနော်တို့က “စေတနာ ကောင်းနဲ့ ခွင့်လွှတ် နိုင်တာတွေကို ခွင့်လွှတ်ပေးမယ်၊ ပြန်လာခဲ့ပါ” ဆိုရဲ့သားနဲ့ မပြန်လာရင်လည်း ကျနော်တို့ သဘောထား ကြီးတာကို ပြနိုင်တာမို့ အောင်မြင်ပါတယ်။ အဲ.. ကျနော်ပြောတာ အဟုတ်ထင်ပြီး ပြန်လာရင်တော့.. “ကိုယ့်ထိုက်နဲ့ကိုယ့်ကံ” “အမိုက် နင့်ပြင် ရှိဦးမလား” လို့သာ သဘောထား ခဲ့ကြဖို့ လိုပါတယ်။

ဘာပဲဖြစ်ဖြစ် ကျနော်ပြောလိုက်တဲ့စကားကြောင့် ၀မ်းမြောက်ဝမ်းသာ ပြန်လာမယ့် သူများ အတွက် ပိုပြီး ၀မ်းသာနိုင်အောင် ကျနော်တို့ စီစဉ် ဆောင်ရွက်ပေးမယ့် အစီအစဉ် များကိုလည်း တဆက်တည်း ပြောကြား ပေးပါ့မယ်။ ပြည်ပက ပြန်လာသူတွေ အတွက် ကျနော်တို့ ထောင်တွေကို တိုးချဲ့ ဆောက်လုပ်ပေးပါ့မယ်။ ယခင်က အင်းစိန်ထောင်၊ သာယာဝတီထောင်၊ မြစ်ကြီးနားထောင်၊ စစ်တွေထောင်၊ သရက်ထောင် စသဖြင့် နိုင်ငံအနှံ့ ထောင်တွေပဲ ရှိခဲ့ပါတယ်။ ယခု နိုင်ငံတကာထောင် တွေအဖြစ် အမေရိကန်ပြန်များ အတွက် “အမေရိကန် ထောင်”၊ သြစတေးလျ ပြန်များအတွက် “သြစတေးလျထောင်” ၊ ဂျပန်က ပြန်လာသူတွေအတွက် “ဂျပန်ထောင်”၊ ထိုင်းက ပြန်လာသူတွေ အ တွက် “ယိုးဒယားထောင်”..“ကိုးရီးယားထောင်၊ မလေးရှားထောင်” စသဖြင့် သီးသီးသန့်သန့် စီစဉ်ပေးမှာ ဖြစ်ပါတယ်။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ထောင်ထဲမှာ နိုင်ငံအလိုက် အထူး အစီအစဉ် ရှိပါတယ်။ ဥပမာ- မလေးရှားအတွက် အဖွဲ့ဝင်တွေ ဖေါဖေါသီသီ ထုတ်ခွင့်ပေးပါ့မယ်။ ဂျပန်က သံရုံးရှေ့ နေ့စဉ် လာအော်သူတွေ ၀ါသနာမပျက် အဆင်ပြေစေဖို့ နေ့စဉ် မိနစ် ၃၀ စိတ်တိုင်းကျ “အားလုံး ကောင်းပါသည်ခင်ဗျား” အော်ခွင့် အစီအစဉ်၊ အမေရိကန်က လူတွေအတွက် “ဖိနပ်ပေါက် အားကစားကွင်း”၊ ယိုးဒယားပြန်တွေ အတွက် အရက်ဆိုင်၊ ကာရာအိုကေနဲ့ လက်ဝှေ့ကွင်း၊ ဘော်လုံး ကွင်း(အသေး) စသဖြင့် ထောင်တွင်းမှာ စီစဉ်ပေးမှာ ဖြစ်ပါတယ်။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ဂျာနယ်ထုတ်တာ ၀ါသနာပါတဲ့ သူတွေအတွက် ထောင်တွင်း ဂျာနယ်၊ ထောင်တွင်း နံရံကပ် စာစောင်တွေနဲ့ ထောင်တွင်း မီဒီယာ သမားများ၊ ထောင်တွင်း ဘလော့ဂါများ၊ ထောင်တွင်း စီဘောက်သမားများ၊ ကိုယ့်ဘက်တော်သား အချင်းချင်း အားပါးတရ အပြင်းအထန် ပြစ်ပြစ် နှစ်နှစ်၊ ပိုးစုိုးပက်စက် သွားပုတ် လေလွင့် ရေးသား နိုင်မှာ ဖြစ်ပါတယ်။ ပုံပါမှ အားရသူတွေ အတွက်လည်း (ဗျူးသူရော၊ အဗျူးခံသူရော) ဖက်ရှင် လှလှလေးတွေ ၀တ်ပြီး အရေမရ အဖတ်မရ အပြိုင်အဆိုင်ကိုယ်ရည်သွေး တီးလုံးတွေတီးနုိုင်ဖုို့ ထောင်တွင်း တီဗွီအသံ လွှင့်ဌာနလည်း ထားပေးပါ့မယ်။ (DVJB = Drunken Voice of Jails in Burma.... လုို့ နာမယ်တပ်ခွင့် တောင် ပေး..ဦး..မှာ.....)

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ထောင်တွင်းမှာ အန်ဂျီအိုတွေ မအို တအိုတွေလည်း ထားပေးမှာ ဖြစ်ပါတယ်။ ငွေကြေးလည်း အလှူခံခွင့်၊ ပရောဂျက်ရေးခွင့်၊ ပရိုပိုဇယ် ရေးခွင့်တွေ ပေးပြီး အန်ဂျီ မအို တအိုတွေထံ တင်ပြခွင့် ပေးထားမှာ ဖြစ်ပါတယ်။ အန်ဂျီအိုတွေ ရှိခြင်း အားဖြင့်၊ ငွေကြေးတွေ ကိုင်တွယ် အသုံးပြုခြင်းအားဖြင့် သူတို့ အချင်းချင်း ကျနော်တုို့ ဘာမှ လုပ်စရာမလိုပဲ ကွဲကြ ပြဲကြ၊ ဆော်ကြ နှက်ကြနဲ့ အလွန်ကို ပျော်စရာ ကောင်းစေချင်လို့ ဖြစ်ပါတယ်။ ငွေစာရင်းတွေကို ရှင်းမရ၊ ငွေစာရင်း ရှင်းတမ်းတောင်းရင်း မာန်ဖီကြ၊ “အလှူငွေကောက်ရင် ငါတို့ အဖွဲ့နဲ့ ငါနဲ့တော့ မထည့်နိုင် ပေမယ့် အဖွဲ့ဝင်သစ် လေးတွေဆီက တောင်းပေးမယ်” ဆိုပြီး ထမိန်ရည်ပူလာ လျှာလွှဲကြ တာမျိုးကလည်း အင်မတန်မှ ကြည်နူးစရာ ကောင်းလှတာကိုး ခင်ဗျ။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ပြည်ပက ပြန်လာသူတွေကို ရံပုံငွေပွဲတွေ လုပ်ခွင့်လည်း ပြုမှာဖြစ်ပါတယ်။ ဒါလည်း ဆိုခဲ့သလို ကွဲစေ ပြဲစေတဲ့နည်းလမ်း တခုကိုး ခင်ဗျ။ အနှစ် ၂၀ကျော် ကျနော်တို့ကို ပြည်ပကနေ ဘာမှ ထိထိရောက်ရောက် မလုပ်နိုင်တာ ဒီလို အချက်တွေလည်း ပါတာမို့ ပြည်တွင်းမှာလည်း သူတို့ကို ဒါတွေ ဆက်လုပ်ခွင့်ပြုမှာ ဖြစ်ပါတယ်။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ အစားအသောက်နဲ့ ပတ်သက်ပြီး နံနက်စာ၊ နေ့လည်စာတွေ အပြင် ညစာကိုလည်း အရက်ဝိုင်းတွေ ဘာတွေ ဖန်တီး ပေးထားမှာ ဖြစ်ပါတယ်။ထောင်တွင်း သက်သာဆိုင်၊ ထောင်တွင်း ကာရာအိုကေ၊ အနှိပ်ခန်း စသဖြင့် ထားရှိပေးမှာ ဖြစ်ပါတယ်။ ကိုယ့်ငွေနဲ့ကိုယ် စိတ်တိုင်းကျ မူးယစ်ပျော်ပါးပြီး နိုင်ငံရေး ဆွေးနွေး ဆောင်ရွက်နိုင်မှာ ဖြစ်ပါတယ်။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ ကျနော်တို့ အစိုးရသစ်ရဲ့ စေတနာတွေပေါ့ ခင်ဗျာ။ အပြင်ကနေ တိုင်းပြည် ကောင်းအောင် ဘာလုပ်မယ် ညာလုပ်မယ် ပြောနေမယ့် အစား လက်တွေ့ ကျကျ လုပ်နိုင်အောင် ပြည်ပက ပြန်လာသူတွေကို လမ်းတံတား ဆောက်တာတွေ၊ အုတ်သယ်၊ ခဲသယ်ခွင့် (တချို့ သဘောထား ပြော့ပြောင်း သူတွေကုိုဆုို ရဲဘက်စခန်းမှာ ကျောက်ထုခွင့် တွေကို) ပြည့်ပြည့်၀၀ ပေးပြီး နိုင်ငံတော်သစ်ကို တည်ဆောက်စေမှာ ဖြစ်ပါတယ်။

ဒါတင်ပဲလား သမ်မဒကျီးရယ် ဆိုရင်တော့.. ရှိပါသေးတယ်။ (လေသက်သက်) တိုက်ပွဲ ပျော်များ အတွက်ကတော့ ပြန်လာရင် တပ်မတော်အတွက် ပေါ်တာ လိုက်ခွင့်၊ အသေခံ လူသား မိုင်းရှင်း သမားအဖြစ် မိုင်းနင်းခွင့်လည်း တစ်ဝကြီး ပေးမှာဖြစ်ပါတယ်။
ယခု ပြောနေတာတွေက ကျနော် တကယ်ကို စေတနာထားပြီး ဆောင်ရွက် ပေးမှာတွေ ဖြစ်ပါတယ်။ ဒါကြောင့် ပြန်လာမယ် ဆိုရင် အားမနာတမ်း အသက်ကို ဖက်နဲ့ထုပ်ပြီး ပြန်လာ နိုင်ပါပြီ ဆိုတဲ့ အကြောင်း သတင်းကောင်း ပါးအပ်ပါတယ်ခင်ဗျား။

ကြီးစွာသောမေတ္တာဖြင့်
“ဒါတင်ပဲလား” သမ်မဒကျီး

မောင်ကိုဦး
၁၉ ၊၈။၂၀၁၁။

Read More...

Collapse...

နိဗ္ဗာန်ယာဉ်ဝယ်ဖို့ ရပ်ကွက်ထဲ ငွေကောက်

သြဂုတ်လ ၁၆ ရက် ၂၀၁၁ ခုနှစ်

အယ်ဒီတာရှင့်

ရန်ကုန်တိုင်း ဒဂုံမြို့သစ်မြောက်ပိုင်းမြို့နယ်မှာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ရပ်ကွက် အုပ်ချုပ်ရေးမှူး တွေကို ခေါ်ပြီး နိဗ္ဗာန်ယာဉ်ဝယ်ဖို့အတွက် တရပ်ကွက်ကို ကျပ် ၅ သောင်းစီ ကောက်ခံခိုင်းနေပါတယ်။

လက်ရှိ ကြံ့ခိုင်ရေးပါတီက ရပ်ကွက် အုပ်ချုပ်ရေးမှူးတွေကို ခိုင်းနေပြီး ကြံ့ဖွံ့ပါတီက အာဏာပြတာသာဖြစ်တဲ့အတွက် ကျမတို့က မကျေနပ် ဖြစ်နေကြတာပါ။ ဘာလို့လဲဆိုတော့ ကြံ့ခိုင်ရေးက ပါတီလေ၊ ပါတီနိုင်ငံရေး ကင်းရှင်းရမယ် ဆိုပြီး အုပ်ချုပ်ရေး တွေခန့်ပြီး သူတို့ လူပဲ ခန့်ပြီးတော့ အုပ်ချုပ်ရေးမှူးတွေကို ကြံ့ခိုင်ရေးသြဇာနဲ့ ဒီလိုပဲ ပြည်သူ လူထုကို ကောက်ခံခိုင်းတာ မကျေနပ်တာပေါ့နော်။

အုပ်ချုပ်ရေးတွေကလည်း ချက်ချင်းနောက်နေ့ စနေနေ့မှာ လိုက်ကောက်တယ်။ ပြည်သူတွေကနေ မပြည့်တော့ ချဲဒိုင်တွေ၊ သူတို့နဲ့ မကင်းတဲ့ လူတွေဆီကနေလိုက်ကောက်တယ်။

အုပ်ချုပ်တဲ့ လူတွေကလည်း ဘာဖြစ်လို့ ပါတီအနေနဲ့ ခိုင်းတာကို ဒီလိုလုပ်ဆိုတာ မသိဘူး။ အဲဒါကြောင့် မကျေနပ်ဘူး။ ကြံ့ခိုင်ရေး က ဗိုလ်ကျတာပဲ ထင်တယ်။ သူတို့သြဇာ အာဏာလည်း မပျောက်သေးဘူး။ အဲဒါကြောင့် အစိုးရတောင်မှ ပြည်သူ တင်တဲ့ အစိုးရဖြစ်တယ်လို့ သတ်မှတ်ထားပြီးရင် ရပ်ကွက်ကလည်း ပြည်သူလူထုတင်တဲ့ အုပ်ချုပ်ရေးပဲ ဖြစ်ရမယ်လေ။ ဒီတော့ ပါတီကနေ အုပ်ချုပ်ရေးသမားကို ဘာဖြစ်လို့ ခိုင်းခွင့်ရှိတာလဲဆိုတာ မကျေနပ်လို့ ပြောတာပါရှင့်။

ဒဂုံမြို့သစ် မြောက်ပိုင်းသူ

Ref: မဇ္ဈိမ

Read More...

Collapse...

ဦးအေးမြင့်(လမ်းပြကြယ်)၏ ဒေါ်အောင်ဆန်းစုကြည်သို့ နောက်ဆုံးပေးစာ

ဒေါ်အောင်ဆန်းစုကြည်ခင်ဗျား ...

ဒီစာကို လေးလေးစားစားဖြင့် ရေးသားလိုက်ပါတယ်။ ယခုစာရေးချိန် ထိ လေးစားလျက်ပါ။ အောက်ပါမေးခွန်း များကို သေသေချာချာ စဉ် စားပြီး ဖြေစေလိုပါတယ်။
(၁) ၂၀၁၀ ရွေးကောက်ပွဲကို ဆန့်ကျင်ရန် တိုက်တွန်း မိန့်ကြားခဲ့လို့ မဲ မပေးဘဲနေခဲ့သူများအတွက် ဘာလုပ် ပေးခဲ့ ပြီးပြီလဲ၊ ပြင်ဆင်ထားပြီ လား။
(၂) VOA, RFA, BBC, DVB အသံလွှင့်ဌာနများက ဒေါ်စုနဲ့ အန်အယ်လ်ဒီကို အမွှန်းတင် လွန်းတဲ့ အရှိန်ကို မီအောင် ဒေါ်စု လိုက်မလုပ် နိုင်ခြင်းကို ပြည်သူလူထုက နားလည်ပေး နေတာ သိပါရဲ့လား။
(၃) ဒေါ်စုအနေနဲ့ ပြည်သူလူထုရဲ့လေးစားကြည်ညိုမှုကိုသာ ခံယူတတ်ပြီး ပြည်သူလူထု အတွက် ဘာမျှလုပ်မ ပေးနိုင်တာကို သတိပြုမိပါရဲ့လား။
(၄) လယ်ယာမြေကိစ္စ၊ မတရားဥပဒေမဲ့အနိုင်ကျင့်ခံရသောကိစ္စများကို အောက်ခြေ အရောက် ကိုယ်တိုင်ဆင်း ပြီး သွားရောက်ကူညီဆောင်ရွက်ပေးခြင်း ရှိခဲ့ပါသလား (ဒီအချက်ဟာ အဓိက နိုင်ငံရေးတိုက်ကွက်ဆိုတာ သိစေချင်တယ်)။
(၅) ၁၉၉၀ ခုနှစ် ရွေးကောက်ပွဲရလဒ်၊ ၂၀၀၈ ခုနှစ် ဖွဲ့စည်းပုံဆန့်ကျင်ရေး၊ ၁၉၉၀ ခုနှစ် ပြည်သူ့လွှတ်တော် ကိုယ်စားပြုကော်မတီ၊ ပင်လုံညီလာခံ၊ တိုင်းပြည်အတွက် ကောင်းစား မည်ဆိုလျှင် (ကြံ့ဖွံ့ပါတီ) ကိုတောင် လက်တွဲနိုင်ပါတယ် ဆိုသောစကားများ ပြောကြား ထုတ်ဖော်ခဲ့သောကိစ္စ တခုမျှ မအောင်မြင်ခဲ့သည်ကို ပြန် လည်သုံးသပ်မိ ပါသလား။
(၆) ယခု ဒေါ်စုနဲ့ အန်အယ်လ်ဒီပါတီ ၂၀၁၀ ရွေးကောက်ပွဲကို ဆန့်ကျင်တာ မအောင် မြင်ဘူး၊ အစိုးသစ်ပေါ် လာပြီိ။ မိမိမကြိုက်တဲ့ အစိုးရသစ်ကို ဘာလုပ်မလဲ။
(ရ) မြင့်သောနေရာမှနေသော ဒေါ်စုက အခြားနိုင်ငံရေးသမားများကို စတင်ဖိတ်ခေါ် ဆွေးနွေးရမည့်အစား ဒေါ်စုကို တွေ့ခွင့်တောင်းနေရခြင်းသည် နိုင်ငံရေးဆုံးရှုံး မှုတရပ် ဖြစ်ခဲ့သည်ကို သတိထားမိပါသလား။

ဦးအေးမြင့် (လမ်းပြကြယ်)

Ref;Dr Lun Swe

Read More...

Collapse...

NLD ပါတီနှင့် CRPP သို့ လမ်းပြကြယ်မှ အိပ်ဖွင့်ပေးစာ

၂၀၁၀ ခုနှစ် စက်တင်ဘာလ (၁၄) ၇က်

ပြည်သူလူထုက အားကိုးပြီး လေးထားနေကြသည့် စွမ်းအားကို ဘယ်လို မြှင့်တင် ပေးရမလဲ ဆိုတဲ့အချိန် တနည်း ပြောရ၇င် နောက်ဆုံးအချိန် ရောက်ရှိနေပါပြီ။ သို့လောသို့လော တွေဝေနေရမည့်အချိန် မဟုတ်တော့ လေလှိုင်းက နေပြီး တိုင်းပြည်ကို ကယ်တင်ရှင်ကြီး သဖွယ် လုပ်နေခြင်း -နောက် ၁ ခုက ဒေါ်စုက မှာလိုက်တယ် ပြောလိုက်တယ် ဆိုပြီး မိမိ တစ်ဦးတည်း ဆန္ဒကို ထည့်သွင်းပြီး နိုင်ငံရေး လုပ်နေသောရှေ့နေကြီး ဦးဥာဏ်ဝင်း လုပ်ရပ် ရပ်တန်းက ရပ်သင့်ပြီလို့ ပြောချင်ပါတယ်။

၂၀၁၀ ခုနှစ် ရွေးကောက်ပွဲကို သပိတ်မှောက်ကြောင်း NLD က ကြေညာလိုက်တော့ ပြည်သူ လူထုက ၀မ်းသာ သွားကြတယ်။ ဒါပေမယ့် နှုတ်ကသာ ပြောပြီး လက်တွေ့ကျကျ အလုပ် အပြောနှင့် ညီအောင် မလုပ်ခဲ့ဘူး ကြေညာချက်တွေ ထုတ်နေတာလည်း ဂိုဒေါင်နှင့် ထည့်ထားရတာ အများကြီး ဖြစ်နေပြီ လက်တွေ့ကျကျ အကောင်အထည် မဖော်နိုင်လို့ - ရွေးကောက်ပွဲ ဇွတ်အတင်း လုပ်လာရင် ဘာလုပ်သင့်လဲ ဆိုတာကို ထည့်သွင်း မစဉ်းစားတော့ဘူးလား အသက်တွေလည်း ကြီးလို့ သေရမှာ မကြောက်ရတော့မည့် အရွယ်တွေ ရောက်နေကြပါပြီ ပြတ်သားသော ဆုံးဖြတ်ချက်ကို ချပေးစေလိုပါတယ်။

တိုင်းပြည်အပြောင်းအလဲဖြစ်အောင် လုပ်မည့်သူ၏ ဦးဆောင်မည့်နောက်ကို အသက်နှင့် ထောင်ကိုရင်းပြီး စွန့်ကြမည့် သူတွေ အများကြီး ရှိနေတယ် ဆိုတာ သတိပေးလိုက်ရပါတယ်။

ဦးအေးမြင့် (လမ်းပြကြယ်)

ဒေါ်အောင်ဆန်းစုကြည်အား ယုံကြည်လေးစားလျှက်

Read More...

Collapse...

Private ကျောင်းများရဲ့ သွေးစုပ်ခြယ်လှယ်ပုံ

ထွဋ်မြတ်ခိုင်
13 June 2010 17:14

Private School တွေဖွင့်တော့ M.sc.MA ရထားတဲ့ မိန်းကလေး တော်တော်များများ ဝမ်းသာကြပါတယ်။ Private School တွေက M.Sc M.A ရထားတဲ့ သူတွေကို ဆရာမအဖြစ် Study Guide အဖြစ် ခန့်မယ်လို့ seven days news ဂျာနယ်မှာ အတိအလင်း ပြောထားတာကို ဖတ်ခဲ့ရလို့ပါ။

အဲဒီထဲမှာ ကျွန်မလည်း တစ်ယောက် အပါအ၀င် ဖြစ်ခဲ့ပါတယ်။ ကျွန်မက M.Sc ရထားတဲ့ သူကိုး။ မဟာ မြကျွန်း သာ (MMAC) ဆိုတဲ့ ကျောင်းက M.Sc M.A တွေကို ဆရာမ အဖြစ် study guide အဖြစ် ခေါ်ပါတယ်။ ကျွန်မလည်း ၀င်လျှောက် ဖြစ်ပါတယ်။ ဆရာမ အဖြစ် အရွေး ခံရပါတယ်။ အရမ်း နာမည်ကြီး နေတဲ့ ကျောင်းမို့ အရမ်း အထင်ကြီးပြီး လျှောက်ခဲ့တာပါ။ နေစရာ စားစရာ ပေးပြီး လစာကို ၄၅၀၀၀ မှ ၈၀၀၀၀ ထိ ပေးမယ်လို့ ပြောခဲ့ ပါတယ်။ ကျွန်မတို့လို ပညာသာတတ်ပြီး ကိုယ့်ဝမ်းစာကို ကိုယ့်ဘာသာ ရှာစားနေရတဲ့ မိန်းကလေးတွေ အတွက်တော့ မဟာ့မဟာ အခွင့်အရေးပါပဲ။ ဒါပေမယ့် ဒါတွေက အိမ်မက်ပဲ ဖြစ်ခဲ့တာ။ အလုပ် လျှောက်လွှာကို လက်ခံတဲ့ နေရာက ၆မိုင်ခွဲမှာ ရှိတဲ့ မူကြို တစ်ခုမှာပါ။ မူကြို ကလည်း စင်ကာပူ သင်ရိုးအတိုင်း သင်တဲ့ မူကြိုမို့ အထင် ကြီးစရာ အင်မတန် ကောင်းပါတယ်။ မူကြိုတောင် ဒီလောက် အဆင့်မြင့်ရင် private school က ပိုတောင် သားနားမယ်လို့ ထင်ခဲ့ပါတယ်။ ဒါနဲ့ပဲ ကျွန်မ အရွေးခံ ရပါတယ်။ အလုပ် အတွက် စာချုပ် ချုပ်ရမယ်လို့ ပြောပါတယ်။ တလကို ၄၅၀၀၀ နဲ့ ၃ နှစ် စာချူပ် ရပါတယ်။ စာချူပ်ထဲမှာလဲ ကျောင်းသားတွေနဲ့ ပတ်သက်တဲ့ အချက်တွေသာ ပါပြီး သင်ကြားရေး တာဝန်ခံ ဆရာမ ဆိုတဲ့ ရာထူးနဲ့ ချူပ်တာပါ။ စာချူပ် ချူပ်ပြီးတာနဲ့ မြရိပ်မာလာ ဆိုတဲ့ အဆောင်ကို ခေါ်သွားပါတယ်။အဲဒီမှာ စပြီးတွေ့တာ ပါပဲ။ ပေ ၁၀၀ ပတ်လည်တောင် မရှိတဲ့ ခြံဝင်းထဲမှာ နှစ်ထပ် တိုက် ၂ လုံး ၊ ဂိုထောင် လိုလို အခန်း ၂ ခန်း၊ စာသင်ဆောင်၂ ခုနဲ့ ရေကန် ၁ ကန် တွေ့ရပါတယ်။ နှစ်ထပ်တိုက် ၂ လုံး ကတော့ ကျောင်းသူတွေ နေတဲ့ အဆောင်ပါ။ ဂိုထောင် လိုလို အခန်းကတော့ ဆရာမများ အတွက် ဖြစ်ပါတယ်။ ဂိုထောင် တခုမှာ ဆရာမ ၄ ယောက် နေရပါတယ်။ မိုးတွင်း ရောက်ရင် ခုတင် ခြေထောက်ထိ ရေမြုပ်တဲ့ အခန်းတွေပါ။

ကျွန်မ တွေ့ခဲ့ရတဲ့ ဖိနှိပ်မှုနဲ့ ချူပ်ချယ် ခံရမှု များကို အောက်မှာ ဆက်ရေးထားပါတယ်။

* (၁) တိုးတက်နေတဲ့ ခေတ်ထဲမှာ သတင်းစာ မဖတ်ရဘူးတဲ့။
* (၂) ရေဒီယို နားမထောင် ရဘူးတဲ့။
* (၃) MP3 MP4 လက်ကိုင်ဖုန်း သုံးခွင့် မပြုဘူးတဲ့။
* (၄) မိမိ မိသားစု အသိုင်းအ၀ိုင်းက မိမိထံသို့ ဖုန်းဆက်ခွင့် မရှိပါတဲ့။ လာရောက် တွေ့ခွင့် မရှိ ပါတဲ့။
* (၅) သန့်ရှင်းရေးနဲ့ ပန်းပင် ရေလောင်းတာကို အလှည့်ကျ လုပ်ရပါတယ်။
*(၆) ညဘက် ရေတင်တာကို အလှည့်ကျ စောင့်ရ ပါတယ်။( ကျောင်းသူများရဲ့ရေချိုးခန်း ထဲကို ထည့်တာပါ)
* (၇) ကျောင်းသူများရဲ့ အခန်းကို room service ၀င်ပေးရပါတယ်။
* (၈) ဂိတ်ပေါက် စောင့်ရပါတယ်။
* (၉) ဆရာမများ တနေ့ကို ရေတခါပဲ ချိုးရမယ်လို့ စည်းကမ်း ထုတ်ထား ပါတယ်။

ရေချိူးရတဲ့ နေရာကို ပြောပြပါမယ်။
လူနှစ်ရပ် လောက်ရှိတဲ့ ရေကန်နဲ့ ခြံစည်းရိုး အုတ်နံရံကြား လူတကိုယ် ၀င်စာရှိတဲ့ နေရာမှာ ချိုးရတာပါ။ လူ နှစ်ရပ် လောက်ရှိတဲ့ ရေကန်မှာ ရေက တစ်တောင်လောက်ပဲ ရှိတာကို ပုံးမှာ ကြိုးတပ်ပြီး ငင်ချိုး ရတာပါ။ မျက်နှာ သစ်ဖို့ ရေက အမှိုက်တွေနဲ့ သံချေးရေပါ။ တစ်နှစ်ပတ်လုံး မိုးတွင်းက လွဲလို့ ကျန်တဲ့ အချိန်တွေမှာ ဒီလိုပဲ သုံးရပါတယ်။ ဒါဟာ လိမ်ညာမှုပါပဲ။ ဒါဟာ အိမ်ဖော်တွေ လုပ်ရတဲ့ အလုပ်မျိူးတွေပါ။ ဆရာမ ဆိုတဲ့ နာမည်တပ်ပြီး အိမ်ဖော် လုပ်ခိုင်းတာပါ။ စာချုပ်မှာ မပါတဲ့ အချက်တွေကို အခိုင်းခံရပေမယ့် စာချုပ် ဆိုတာကြီးကို ကြောက်လို့ မထွက်ရဲတဲ့ သူတွေ အများကြီးပါ။ မဟာမြကျွန်းသာ ဆိုတဲ့ ဒီ private school က ပညာတတ် အမျိုးသမီးတွေကို ပြင်ပနဲ့ အဆက်အသွယ် ဖြတ်တောက်ပြီး အကျဉ်းချ ကျွန်ပြုထားတာ ပြည်တွင်း လူကုန်ကူးမှု လို့တောင် ပြောလို့ ရပါတယ်။ တိုးတက်နေတဲ့ နည်းပညာ ခေတ်ကြီးထဲမှာ သတင်းစာ မဖတ်ရ ဆိုတာ တော်တော် ဆိုးဝါးတဲ့ အချက်ပါ။ စီးပွားရေးအရ ကြည့်ရင်လည်း ပိုက်ဆံ ရစရာရှိတဲ့ ကျောင်းသူတွေ ကိုတော့ ကောင်းကောင်း ထားပြီး ပိုက် ဆံပေးရမယ့် ဆရာမ( တနည်း ၀န်ထမ်း၊ အလုပ်သမား) ကိုတော့ ဖိနှိပ်ထားတာ အရင်းရှင် စနစ်ကို ကျင့်သုံး တာ ပါပဲ။ အရမ်းကောင်းပြီး အဆင့်မြင့် ပါတယ်လို့ နာမည်ကြီး နေတဲ့ မဟာ မြကျွန်းသာ private school ကိုတော့ ပညာတတ် မိန်းကလေးများ မလျှောက်မိ ပါစေနဲ့။ အမှားကြီး မှားမှာ စိုးရိမ်လို့ပါ။ နီးစပ်ရာ သူငယ်ချင်းများကို ပြောပြပြီး forward လုပ်ပေးကြပါလို့ အကူအညီ တောင်းပါတယ်။ ကျေးဇူး တင်ပါတယ်။

Ref: မောက္ခ

Read More...

Collapse...

ဦးညွန့်ရွှေသို့ ပြန်ကြားချက် (၂)

သံဃာတော်များနှင့် နိုင်ငံရေး

ဦးညွန့်ရွှေရဲ့ ဘုန်းကြီးတွေ နိုင်ငံရေးမလုပ်ရဆိုတဲ့ အယူအဆကို န၀တ/ နအဖ မိစ္ဆာစစ်အုပ်စုကတော့ လက်ခမောင်းခတ်ပြီး ထောက်ခံမှာပါ။ ဗမာလူမှုနိုင်ငံရေးဘ၀ (Socio-politic) ကို နားလည်သူတွေ၊ ဗမာ့သမိုင်း ဖြစ်စဉ်ကို နားလည်ပြီး အမျိုးဘာသာ သာသနာကို ထိမ်းသိန်းစောင့်ရှောက်လိုသူတွေကတော့ လက်မခံပါဘူး။ ဘုန်းကြီးတွေ နိုင်ငံရေးလုပ်သင့်၊ မလုပ်သင့်ဆိုတာ အဲဒီပုဂ္ဂိုလ်ရဲ့ ဗမာ့နိုင်ငံရေးသမိုင်းအမြင် အတိမ်အနက်၊ လက်ရှိ ဗမာပြည်နိုင်ငံရေးအပေါ်မှာ ထင်မြင်သုံးသပ်ချက်နဲ့ ယနေ့ ရဟန်းသံဃာတွေ ပါဝင်ပတ်သက်နေတဲ့ နိုင်ငံရေးအတိုင်းအတာကို နားလည်သဘောပေါက်မှုအပေါ် အခြေခံပြီး ကွဲလွဲသွားတာပါ။

"နိုင်ငံရေးဆိုတာ လောဘ၊ ဒေါသ၊ မောဟ ပြင်းထန်ပြီး ဗုဒ္ဓ၀ါဒနဲ့ ဆန့်ကျင်လို့ ဗမာလူထုက ဘုန်းကြီးတွေ နိုင်ငံရေးလုပ်တာ မကြိုက်ဘူး" လို့ ကောက်ချက်ပြုတယ်။ အဲဒီမှာ လူထုကို ဆွဲသုံးလိုက်ပါတယ်။ ဘယ်လူထုကို ဆိုလိုပါသလဲ။ အဆီတ၀င်းဝင်း စိန်နားကပ်ရောင် တပြောင်ပြောင်နဲ့ သေနတ်လက်ကြားက မချတဲ့ စစ်အုပ်စုနဲ့ အပေါင်းပါ လက်တဆုပ်စာသော သူများကို ဆိုလိုပါသလား။ ဒါဆိုရင်တော့ မှန်ပါတယ်။ လွတ်မြောက်ရာလမ်းကို ရာစုတ၀က်ကျော် မျှော်နေတဲ့ ဆင်းရဲသားနင်းပြား များရာစုကြီးကို ဆိုရင်တော့ တက်တက်စင်အောင် လွဲသွား ပါပြီ။

၂၀၀၇ ခုနှစ် စက်တာဘာလတုန်းက လမ်းမတွေအပေါ်မှာ တိုင်းပြည်အတွင်း ငြိမ်းချမ်းရေး နိုင်ငံရေး ဆွေးနွေးပွဲတွေ ပေါ်ပေါက်ရေး အတွက် မေတ္တာပို့ စီတန်း လမ်းလျှောက်နေကြတဲ့ သံဃာတော်တွေကို ၀ိုင်းရံ အားပေးနေတဲ့ သိန်းချီတဲ့ လူတွေ၊ စားသောက်ဖွယ်ရာ ၀တ္ထုလေးတွေကို တတ်စွမ်းသမျှ လှူဒါန်းနေတဲ့ သူတွေ၊ အိမ်ကြိုအိမ်ကြား လမ်းကြိုလမ်းကြား ပြတင်းပေါက်၊ ၀ရံတာတွေကနေ မျက်ရည် လည်ရွှဲနဲ့ အားပေးပူဇော် ကန်တော့နေကြတဲ့ လူတွေကို ဦးညွန့်ရွှေ မကန်းမမြင် ဖြစ်သွားတယ် ထင်ပါတယ်။ ဒါမှမဟုတ် အဲဒီသူတွေဟာ ဗမာလူထု အစစ် မဟုတ်ဘူးလို့ မြင်ပုံရတယ်။

နိုင်ငံရေးဟာ လောဘ၊ ဒေါသ ပြင်းထန်ထူပြောတယ်ဆိုတာ မှန်သင့်သလောက် မှန်ပါတယ်။ အကြွင်းမဲ့ မှန်တရား တော့ မဟုတ်ပါဘူး၊ မြတ်စွာဘုရားရဲ့ ဖြစ်တော်စဉ်တွေထဲက ဘ၀များစွာမှာ နိုင်ငံရေးသမား၊ ခေါင်းဆောင် (ဘုရင်၊ မင်းဆရာ၊ အမတ်၊ စစ်သူကြီး စသည်) အဖြစ်နဲ့ အများ အကျိုးဆောင်ပြီး ပါရမီ ဖြည့်ခဲ့ရပါတယ်။ ဒီလိုပဲ လူအများ ကြည်ညို လေးစားတဲ့ ဗိုလ်ချုပ်အောင်ဆန်း ဆိုတာ နိုင်ငံရေးသမားတယောက်ဆိုတာ မမေ့ဖို့ လိုအပ်ပါ တယ်။ အခွင့်အာဏာ၊ ဥစ္စာဓနနဲ့ ကျော်ဇော တိက္ကမ ဆိုတဲ့ လူတကာ လိုချင်တပ်မက်တဲ့ အရာတွေ ရနိုင်တဲ့၊ ရှိနေတဲ့ နိုင်ငံရေးလောကမှာ အခွင့်အရေးသမားတွေ၊ အချောင် သမားတွေ ပေါများ ကျင်လည်ကြတာ သဘာဝပါ။ အခွင့်အရေးသမား၊ အချောင်သမား များနေတဲ့ ပတ်ဝန်းကျင်ဟာလည်း သူတို့ရဲ့ အတ္တလောဘမကောင်းမှုတွေနဲ့ ညစ်နွမ်းသွား ရတာလည်း ဓမ္မတာပါပဲ။ အဲဒါကြောင့် ဗိုလ်ချုပ်အောင်ဆန်းက "နိုင်ငံရေးဆိုတာ အိမ်လိုပါပဲ၊ ဂျပိုး သူခိုးတွေနေရင် ဒုစရိုက်ဂေဟာ ဖြစ်ပြီး၊ ရဟန်း သူတော်စင်တွေ နေရင် ကျောင်းအာရာမ်ပါပဲ"၊ "နိုင်ငံရေးဆိုတာ တကယ်တမ်း အမျိုးသားအကျိုး၊ အများအကျိုးအတွက် လုပ်မယ်ဆိုရင် သူတော်စင်တွေ လုပ်တဲ့အလုပ်၊ အာဇာနည်တွေ လုပ်တဲ့ အလုပ်" လို့ ပြောခဲ့ပါတယ်။ စိတ်သာရှင်စော ဘုရားဟော ဆိုသလို စိတ်စေတနာသာလျှင် အရင်းခံပါ တယ်။ ဒုစရိုက်ထူပြောတဲ့ ပတ်ဝန်းကျင်ထဲကပဲ စိတ်ကောင်း စေတနာကောင်းနဲ့ အလုပ်လုပ်ရင် အကျိုးများနိုင်တာ ဗိုလ်ချုပ်အောင်ဆန်းက သက်သေပါပဲ။

ကျနော်လည်း ကျနော်တို့ရဲ့ ရဟန်းသံဃာတွေကို လူမူရေး၊ နိုင်ငံရေးမှာ မလိုအပ်ဘဲ ယှက်တင်ထွေးရောနေတာ မကြိုက်ပါဘူး။ အထူးသဖြင့် အာဏာနိုင်ငံရေးမှာ ပတ်သက်တာ မသင့်တော်ဘူးလို့ မြင်ပါတယ်။ နိုင်ငံရေးသမား တွေရဲ့ အသုံးချခံရပြီး သာသနာညစ်နွမ်းမှာကို စိုးရိမ်ပါတယ်။ သို့သော် ဆရာ (သာသနာ) နဲ့ ဒကာ (ပြည်သူ) ရေနဲ့ ကြာဆိုသလို ခွဲခြားလို့တော့ မရနိုင်ပါဘူး။ တခါတခါမှာ လူမှုရေးပြဿနာတွေက သာသနာကို လွမ်းမိုး ထိခိုက်တတ်ပါတယ်။ ရေမြင့်မှ ကြာတင့်တယ်။ ကြာမြင့်မှ ရေကန်တင့်တယ်ပါတယ်။

ရှစ်လေးလုံးကာလက တပြည်လုံး အုံကြွတော်လှန်တော့ ဖက်ဆစ်နေ၀င်းက ကောက်ကောက် ကျစ်ကျစ်၊ ယုတ် ယုတ်မာမာနဲ့ အုပ်ချုပ်ရေး အာဏာကို ရုပ်သိမ်းပြီး အကျဉ်းထောင်တွေ ထဲက ရာဇ၀တ်သားတွေကို လွှတ်ပစ်ပါ တယ်။ ရပ်ရွာအေးချမ်းသာယာရေး၊ တရားဥပဒေစိုးမိုးရေးကို တာဝန်ရှိတဲ့ အစိုးရဆိုသူတွေကိုယ်တိုင် ပက်စက် ယုတ်မာ၊ ချိုးဖောက် ဖျက်ဆီးတာပါ။ တပြည်လုံး ခြောက်ခြားသွားရတယ်။ ဒီတော့ ရပ်ရွာနေပြည်သူတွေရဲ့ လုံခြုံရေး၊ ကာကွယ်စောင့်ရှောက်ရေး တာဝန်တွေဟာ ရပ်ရွာအသီးသီးက ရဟန်းသံဃာတွေရဲ့ ပခုံးပေါ် အလိုလို ကျရောက်သွားတယ်။ ကျနော်တို့ရဲ့ သံဃာတော်တွေဟာ ၀ါတွင်းဥပုသ်သီတင်းတွေကို ဖျက်ပြီး အဲဒီတာဝန်တွေ ကို မငြီးမငြူ ယူခဲ့ကြတယ်။ သံဃာတော်တွေသာ အဲသလို တာဝန်မယူခဲ့ရင် စစ်အုပ်စုရဲ့ ကောလာဟလ ပယောဂနဲ့ ပြည်သူတွေအကြား အထင်လွဲ၊ အမြင်မှားပြီး ဘယ်လိုအရုပ်ဆိုး အကျည်းတန်မှုတွေ ဖြစ်မယ်ဆိုတာ တွေးတောင် မတွေးဝံ့စရာပါ။ တချို့ဒေသတွေမှာတော့ ဖြစ်ခဲ့တယ်လို့ စိတ်မကောင်းစွာ ကြားရပါတယ်။

နိုင်ငံရေးဆိုတာ လူတွေရဲ့ စားမှု၊ နေမှု၊ ဆက်ဆံမှု၊ စီမံခန့်ခွဲမှု စတဲ့ အရေးရာတွေပဲ လို့ဆိုကြတော့ အထက်က ဘုန်းကြီးတွေရဲ့ လုပ်ရပ်ကိုလည်း နိုင်ငံရေးလို့ ဆိုရမှာပါ။ သံဃာတော်တွေ ဒီလိုနိုင်ငံရေးလုပ်တာကို ဘယ်လို လူတွေက ဘယ်လိုသဘောနဲ့ ကန့်ကွက်ကြမလဲ။ ကန့််ကွက်တဲ့သူတွေဟာ သက်ဆိုင်ရာ လူ့အဖွဲ့အစည်းထဲမှာ ဘယ်ဘ၀၊ ဘယ်အခြေအနေ ရောက်နေသလဲဆိုတာ ဒီနေ့ ဗမာပြည်အခြေအနေနဲ့ စစ်အုပ်စစ်ရဲ့အနေအထားက ပြယုဂ်ပါပဲ။ ဗမာစစ်အုပ်စုဟာ အာဏာပုလ္လင်ပေါ်မှာ အကျဉ်းကျနေတဲ့ အခြေအနေမျိုးပါ။ သေနတ်ကို လက်က မချရဲဘူး။ ဘုန်းကြီးလည်းကြောက်ရ၊ ကျောင်းသားလည်းကြောက်ရ၊ အလုပ်သမားလည်းကြောက်ရ၊ ယုတ်စွအ ဆုံး သူတို့ရဲ့လက်ကိုင်တုတ်လို ဖြစ်နေတဲ့ စစ်ဗိုလ်စစ်သားလည်း ကြောက်နေရတဲ့ အခြေအနေ။ စစ်ဗိုလ် စစ် သားတွေ ၀မ်းမ၀လို့ ခိုးဆိုးလုယက်၊ စည်းကမ်းပျက်နေတာတွေကို အစိုးရလုပ်ပြီး အရေးမယူရဲတဲ့ အခြေအနေပါ။

နိုင်ငံရေးဆိုတာ အထက်လွှာ (Upper stage) နိုင်ငံရေးနဲ့ လူမှုနိုင်ငံရေးဘ၀ထဲက နိုင်ငံရေး (သို့မဟုတ်) အခြေခံ နိုင်ငံရေးလို့ အကြမ်းဖျင်း ခွဲကြည့်ဖို့လိုပါတယ်။ အထက်လွှာနိုင်ငံရေး ဆိုတာကတော့ နိုင်ငံတော်အတွင်း စီမံ အုပ်ချုပ်ရေး၊ ဥပဒေပြုရေး အာဏာတွေ ခွဲဝေအပ်နှင်းတာ၊ ခွဲဝေအပ်နှင်းဖို့အတွက် လူထုရွေးကောက်ပွဲတွေ ကျင်းပတာနဲ့ အဲသလို ရွေးကောက်တင်မြှောက်ခံနိုင်ဖို့ (သို့မဟုတ်) ယှဉ်ပြိုင်ဖို့ ၀ါဒ၊ ဒေသ၊ လူမျိုးနဲ့ ပုဂ္ဂိုလ်ရေး အခြေခံများနဲ့ ပါတီတွေဖွဲ့ပြီး စည်းရုံးဆောင်ရွက်တဲ့ နိုင်ငံရေးအမျိုးအစားပါ။ ဒီနိုင်ငံရေးမှာတော့ ပြင်းထန်တဲ့ ပြိုင်ဆိုင်မှုတွေ၊ အာဏာနဲ့ယှဉ်တဲ့ ဖောက်ပြန်မှုတွေ၊ စာရိတ္တပျက်ပြားမှုတွေနဲ့ ဝေဖန်စရာ များလှပါတယ်။ ဗိုလ်ချုပ်အောင်ဆန်းဆိုလိုတဲ့ ရဟန်း သံဃာတွေ ပါဝင်ပတ်သက်ဖို့ မသင့်တော်ဘူးလို့ ယူဆကြတာ ဒီလို နိုင်ငံရေးမျိုး ဖြစ်ပါတယ်။

ဒါပေမဲ့ တိဘက်၊ ဘူတန်နဲ့ သီရိလင်္ကာက ဘုန်းကြီးရဟန်းများကတော့ ဒီနိုင်ငံရေးထဲမှာလည်း ပါဝင်ပတ်သက်နေ တာ တွေ့ရပါတယ်။ လူထုကလည်း လက်ခံပြီး ထောက်ခံမဲ ပေးကြတယ်။ လက်ရှိ သီရိလင်္ကာလွှတ်တော်ထဲမှာ ဗုဒ္ဓဘာသာဘုန်းကြီး ၉ ပါး ရှိနေပါတယ်။ ဘူတန်မှာဆိုရင် ပါလီမန်အုပ်ချုပ်ရေးစနစ် မကျင့်သုံးမီ လွန်ခဲ့တဲ့ ၅ နှစ်ကအထိ နိုင်ငံစီမံအုပ်ချုပ်ရေးတွေကို လားမားဘုန်းကြီးတွေကပဲ ကိုင်တွယ်ဆောင်ရွက်ခဲ့ကြတာ တွေ့ရတယ်။
ဒုတိယ လူမှုနိုင်ငံရေးဘ၀ဆိုတာက ပြည်သူတွေရဲ့ သာရေးနာရေးကစလို့ ဖွံ့ဖြိုးရေးနဲ့ ပညာရေးအဆုံး လူတွေရဲ့ နေမှုထိုင်မှု လူမှုဆက်ဆံရေးတွေ အကျုံးဝင်ပါတယ်။ တချို့ကတော့ လူမှုရေးအသင်းအဖွဲ့တွေ ဖွဲ့စည်းပြီးတော့ နယ်ပယ်အလိုက် အများနဲ့ဆိုင်တဲ့ လုပ်ငန်းတွေကို ခွဲခြားဆောင်ရွက်ကြတယ်။ ဒီခေတ်မှာတော့ တချို့က အသေးစား နိုင်ငံရေး (Micro-politic) လို့ ခေါ်ကြသလို လူမှုဖူလုံရေး နိုင်ငံရေး (Welfare Politic) ခေါ်ကြပြီး တချို့ ကတော့ လူထုနိုင်ငံရေး (Civic Politic) လို့ အမျိုးမျိုး နာမည်တပ် ခေါ်ကြတယ်။ လူ့အဖွဲ့အစည်းတခု တည်တံ့ဖို့၊ အေးချမ်းတည်ငြိမ်မှုအတွက် လူ့အဖွဲ့အစည်းဝင်တွေကြားမှာ အားလုံးလေးစားလိုက်နာရတဲ့ လူမှု ဆက်ဆံရေး ပုံသဏ္ဍာန်တရပ် လိုအပ်ပါတယ်။ အဲဒီလူမှုဆက်ဆံရေး ပုံစံကို ထိန်းသိမ်းစောင့်ရှောက်ဖို့အတွက် အဓိက မဏ္ဍိုင်နှစ်ရပ် ရှိပါတယ်။ အဲဒါတွေကတော့ ကြည်ညိုလေးစား လိုက်နာရတဲ့ ကိုးကွယ်ယုံကြည်မှု (ဘာသာရေး) ဆိုင်ရာ အဆုံးအမ သြဇာနဲ့ လေးစားခန့်ညား လိုက်နာလိုက်ရတဲ့ အုပ်ချုပ်ရေး (မင်း၊ အစိုးရ နိုင်ငံ ရေး) ဆိုင်ရာ စည်းကမ်းဥပဒေ အာဏာဖြစ်တယ်။ ဒါ့ကြောင့်လည်း တချို့လူ့အဖွဲ့အစည်း (နိုင်ငံ) တွေမှာ သူတို့ ကိုးကွယ်တဲ့ ဘာသာရေး (ခရစ်ယာန်၊ အစ္စလာမ်၊ ဟိန္ဒူ စသည်) နဲ့ ဘာသာရေးဆိုင်ရာ ပုဂ္ဂိုလ်တွေ နိုင်ငံရေးထဲ မှာ ထဲထဲဝင်ဝင် ပတ်သက်နေတာ တွေ့ရပါတယ်။

ဒီကနေ့ တည်ရှိနေတဲ့ ဗမာ့လူမှုနိုင်ငံရေးဘ၀ကို ပုဂံခေတ်က စခဲ့တယ်။ ဘာသာရေးဘက်က အရှင်အရဟံနဲ့ နိုင်ငံရေးဘက်က ဘုရင် အနော်ရထာတို့ ဦးဆောင်ပြီး မျိုးစေ့ချခဲ့တယ်။ အမျိုးဘာသာ သာသနာရယ်လို့ အခြေခံ ခဲ့တယ်။ ဒါ့ကြောင့် ဗုဒ္ဓ၀ါဒနဲ့ ရဟန်းသံဃာတွေရဲ့ သြဇာဟာ ဗမာ့လူမှုနိုင်ငံရေးဘ၀ထဲမှာ စူးစူးရောက်ရောက် လွှမ်းမိုးနေတယ်။ ဒါပေမဲ့လည်း မှတ်သားစရာကောင်းတဲ့ အချက်က ရဟန်းသံဃာတွေဟာ လူမှုနိုင်ငံရေးထက် ကျော်လွန်ပြီး နိုင်ငံရေးနဲ့ ပတ်သက်ခြင်း မပြုခဲ့တာကို တွေ့ရတယ်။ အာဏာ အ၀န်းအ၀ိုင်း (Power Platform) နဲ့ ကင်းနိုင်သမျှ ကင်းအောင်နေကြတယ်။

ဗမာ့လူမှုနိုင်ငံရေးဘ၀ (သို့မဟုတ်) အခြေခံနိုင်ငံရေး ပျက်ယွင်းလာချိန်တွေမှာ၊ အမျိုးဘာသာ သာသနာနဲ့ ပတ်သက်လို့ ထိပါးနှောင့်ယှက် အန္တရာယ်ကျရောက်လာချိန်မှာတော့ ခေတ်အဆက်ဆက်က ရဟန်းတော်တွေ ဟာ မျိုးစောင့်တရား လက်ကိုင်ထားပြီးတော့ ရှေ့တန်းက ပါဝင်ခဲ့ကြတာ သမိုင်းသာဓက အများအပြားရှိပါတယ်။ ပုဂံပြည်မှာ လူမှုနိုင်ငံရေးဘ၀ ပုံစံထူထောင်ပြီး မကြာမတင်ကာလမှာပဲ နိုင်ငံအုပ်ချုပ်ရေး အာဏာ (ဘုရင်၊ နိုင်ငံ ရေး) ဘက်က ဖောက်ပြန်မှားယွင်းချက်ကို ဘာသာရေးသြဇာ (ရဟန်းသံဃာ) ဘက်က ၀င်ရောက်တည့်မတ်ခဲ့ရ ပါတယ်။ စလေငခွေး ခေါ် နရသူဘုရင်နဲ့ အရှင်အရဟံကို ဆက်ခံတဲ့ ပံ့သကူမထေရ်ကြားက ပဋိပက္ခဖြစ်တယ်။ ဘုရင်နရသူက သူကြီးဘုရား ရွာသားကောင်းမှုလုပ်ဖို့ ဓမ္မရံကြီးဘုရား တည်ပါတယ်။ ဘုရားတည်ရာမှာ ပြည်သူ တွေကို အဓမ္မခိုင်းစေပါတယ်။ ပြည်သူအများ အလုပ်အကိုင်ပျက် ပင်ပန်းဆင်းရဲကြတယ်။ ဒါကို ပံ့သကူမထေရ်က တားမြစ်ပါတယ်၊ ဘုရင်က သူကောင်းမှုလုပ်တာလို့ အကြောင်းပြတယ်။ ပံ့သကူမထေရ်က ရည်ရွယ်ရင်း ကောင်း မှုပင် ဖြစ်သော်လည်း ပြည်သူအများ ဆန္ဒမပါဘဲ အဓမ္မခိုင်းစေတာ၊ ပြည်သူတွေ ပင်ပန်းဆင်းရဲခြင်း ဖြစ်စေလို့ ကောင်းမှုမမြောက် ဆင်းရဲခြင်း အကုသိုလ်သာဖြစ်တယ်လို့ ဆုံးဖြတ်ပါတယ်။ ဒါကို ဘုရင်က အလျှော့မပေး အာခံလို့ ပံ့သကူမထေရ်က ဘုရင့်ဆွမ်းကို လက်မခံ သပိတ်မှောက်ပါတယ်။ အမျက်ဒေါသကြီးပြီး ရက်စက်ကြမ်းကြုတ်တဲ့ ဘုရင် နရသူက ငါဟာ ရေမြေ့ရှင်ဖြစ်လို့ ပြည်အလုံးက ဆွမ်းသည် ငါ့ဆွမ်းပဲဖြစ်တယ်၊ ပုဂံတ၀ှန်းက ဆွမ်းလည်း မစားရလို့ ဆိုပါတယ်။ ဒီတော့ ပံ့သကူမထေရ်က ကောင်းပြီ၊ ဒါဆို ငါ ပုဂံပြည်မှာ မနေဆိုပြီး သီဟိုဠ်ကို ကြွဖို့ပြင်ပါတယ်။ ဒီတင်ပဲ ပုဂံပြည်သူတွေ ဆူပူအုံကြွကြပါတယ်။ ပြည်တင်းလို့ မင်းမခံနိုင်ဖြစ်ပြီး သီဟိုဠ်ကြွဖို့ လှေပေါ်ရောက်နေတဲ့ ပံ့သကူမထေရ်ကို ဥပါယ်တံမျဉ်နဲ့ မူးမတ်တွေက ပြန်လည် ပင့်ဖိတ်ပြီး ဘုရင်က ၀န်ချတောင်းပန်ရပါတယ်။ အဓမ္မစေခိုင်းခံရတဲ့ ပြည်သူတွေ ချမ်းသာရာရခဲ့ပါတယ်။ ဒီသာဓကကို ရဟန်းသံဃာတွေက ဦးအောင်ဆန်းဦးနဲ့ မိသားစုကို ပတ္တနိက္ကုဇ္ဇန သပိတ်ကံဆောင်တာနဲ့  နှိုင်းယှဉ်ကြည့်နိုင်ပါတယ်။

နောက်သာဓကတခုကတော့ အင်းဝခေတ်က အဖြစ်အပျက်ပါ။ အင်းဝအင်အား ချိနဲ့လို့ သိန္နီစော်ဘွား သိုဟန် ဘွားက သိမ်းပိုက်စိုးစံပါတယ်။ သိုဟန်ဘွားက ဗုဒ္ဓဘာသာဝင် တယောက် မဟုတ်ပါဘူး။ ရက်စက်တဲ့ သိုဟန် ဘွားရဲ့ အုပ်ချုပ်မှုအောက်မှာ ဒီနေ့ စစ်အာဏာရှင်ခေတ်လိုပဲ ပြည်သူအပေါင်း ဒုက္ခအတိ ဆင်းရဲရောက်ကြရ တယ်။ ဒီနေ့ စစ်အုပ်စုလိုပဲ မိစ္ဆာအယူရှိတဲ့ သိုဟန်ဘွားဟာ သံဃာ့အစည်းအရုံးကြီးကို သူ့ထီးနန်းအာဏာ အတွက် အန္တရာယ်လို့ မြင်ပါတယ်။ သံဃာတွေကို လိမ်လည်ပင့်ဖိတ်ပြီး အစုလိုက်အပြုံလိုက် သတ်ဖြတ်ပါတယ်။ ဘုရားပုထိုးကျောင်းကန်များကို ဖျက်ဆီးပါတယ်။ ဒီတင် ထေရ်ကြီးဝါကြီးသံဃာတွေ စုဝေးတိုင်ပင်ပြီး ဘာသာ သာသနာကို စောင့်ရှောက်ဖို့ သဘောတူ ဆုံးဖြတ်ကြတယ်။ သံဃာတော်များရဲ့ အစီအမံနဲ့ မင်းကြီးရန်နောင် ဦးဆောင်ပြီး သိုဟန်ဘွားကို ဥပါယ်တံမျဉ်နဲ့ ဖ်ိတ်ခေါ်သုတ်သင်ပစ်ခဲ့ရပါတယ်။ ရဟန်းသံဃာတော်တွေ၊ မူးမတ် ပြည်သူတွေနဲ့ ပေါင်းပြီး မင်းဆိုးမင်းညစ်ကို သုတ်သင်ဖယ်ရှားကာ အမျိုးဘာသာ သာသနာကို စောင့်ရှောက်ခဲ့တဲ့ သာဓကတခု ဖြစ်ပါတယ်။

အင်္ဂလိပ်လက်အောက် ကျွန်သဘောက်ဘ၀ကနေ လွတ်မြောက်ဖို့ တော်လှန်အားထုတ်ခဲ့ရာမှာလည်း သံဃာ တော်များ ရှေ့တန်းက ပါဝင်ခဲ့ကြတယ်။ အင်္ဂလိပ်သိမ်းပြီးစ နယ်ချဲ့ဆန့်ကျင်ရေး လှုပ်ရှားမှုတွေ၊ နောက်ပိုင်း အမျိုးသားလွတ်မြောက်ရေး လှုပ်ရှားမှုတွေမှာလည်း သံဃာတော်တွေ ပါဝင်ခဲ့ကြတယ်။ အမျိုးသား လွတ်မြောက် ရေး ဥပဒေတွင်း တိုက်ပွဲတွေကို ၀ိုင်အမ်ဘီအေ ဗုဒ္ဓဘာသာကလျာဏယုဝအသင်းလို့ ခေါ်တဲ့ ဘာသာရေး အခြေခံတဲ့ အသင်းအဖွဲ့က စတင်ခဲ့တယ်ဆိုတာ အထူးသတိပြုရမယ့် အချက်ဖြစ်ပါတယ်။

ဘုန်းမီးနေလ တောက်ပနေတဲ့ ကိုလိုနီခေတ်ဦးမှာ ဗမာလူ့အဖွဲ့အစည်းရဲ့ အထက်တန်းလွှာလို့ ဆိုရမယ့် တချို့ ဗမာဘုရင်ရဲ့ မြို့စားရွာစားဟောင်းတွေ၊ သူဋ္ဌေးသူကြွယ် ကုန်သည်ပွဲစားတွေဟာ နယ်ချဲ့အင်္ဂလိပ်တွေကို အထင်ကြီး ရိုကျိုးပြီး သူတို့ သားသမီးတွေကို ဘိုနာမည်မှည့်၊ အင်္ဂလိပ်ကျောင်းထားပြီး မြို့အုပ် ၀န်ထောက် စတဲ့ ကိုလိုနီလက်ပါးစေ ကျွန်ခေါင်းရာထူးတွေ ရဖို့ အားထုတ်နေကြတယ်။ အောက်ခြေတောရွာတွေမှာလည်း ဘာ မဟုတ်တဲ့ သာမန်ပုလိပ်ကလေးကိုတောင် ဗမာသူကြီးတွေက ပုလိပ်တော်မင်းလို့ခေါ်ပြီး ဘုရားထူး ဒူးတုပ် ခစား နေရတဲ့အထိ စိတ်ဓာတ်ချိုးနှိမ်ခံခဲ့ရတယ်၊ စိတ်ဓာတ်တွေ သေးသိမ်နိမ့်ကျသွားခဲ့ရတယ်။ အဲဒီလောက် နိမ့်ကျ နေတဲ့ အမျိုးသားဇာတိမာန်ကို ပြန်လည်နိုးထစေခဲ့တာ ရဟန်းသံဃာတော်တွေ ဖြစ်တယ်။ ဆရာတော် ဦးဥတ္တမ က ဦးဆောင်ပါတယ်။ ဆရာတော်ရဲ့ ကရက်ဒေါက် ပြန်သွားဆိုတဲ့ ဘုရင်ခံကိုတောင် စိန်ခေါ်မောင်းထုတ်တဲ့ စာဟာ အခုချိန်မှာ သာမန်လို့ ထင်ရပေမယ့် အဲဒီအချိန်ကတော့ ဗမာတပြည်လုံး တုန်လှုပ်သွားစေခဲ့တယ်။ ပြည်သူအများ စိတ်ကြီးဝင် သွေးမြောက်စေခဲ့တယ်၊ အမျိုးသားဇာတိမာန်တွေ ပြန်လည်နိုးကြားထကြွလာခဲ့တယ်။

အမျိုးဘာသာ သာသနာဆိုတဲ့ မျိုးစောင့်တရား ၀ံသာနုလှုပ်ရှားမှုတွေကို ဦးဆောင်ခဲ့တာ သံဃာတွေပဲဖြစ်တယ်။ ဘုန်းတော်ကြီးကျောင်းတွေဟာ အမျိုးသားလွတ်မြောက်ရေး တိုက်ပွဲဝင် အရေးတော်ပုံတပ်သားတွေအတွက် ခိုလှုံရာ စခန်းတွေ ဖြစ်လာတယ်၊ သပိတ်စခန်းတွေ ဖြစ်ခဲ့တယ်။ နောက်ပိုင်းကာလ ဂျီစီဘီအေခေတ် လှုပ်ရှား မှုတွေ၊ တို့ဗမာအစည်းအရုံး လှုပ်ရှားမှုတွေမှာလည်း ဦးဆောင် နာယကအဖြစ် ဆရာတော်ကြီးတွေ ကိုယ်တိုင် ပါဝင် ဆောင်ရွက် ခဲ့ကြတယ်။ အမျိုးသားလွတ်မြောက်ရေးတိုက်ပွဲ အရှိန်မြင့်မားလာချိန်မှာ ရဟန်းတော်တွေအနေ နဲ့ မသင့်တော်တဲ့ လုပ်ငန်းတွေ ပေါ်လာတာကြောင့် တချို့သံဃာတွေ လူထွက်ဆောင်ရွက်တယ်။ လွတ်လပ်ရေး ရပြီးတော့ အများစု ရဟန်းပြန်ဝတ်ကြတယ်။ ရဲဘော်သုံးကျိပ်ဝင် ဗိုလ်မှူးအောင်ဟာ အဲဒီထဲက တဦးဖြစ်တယ်။ ထင်ရှားတဲ့ ဆရာတော်တွေကတော့ ဦးဝိစာရ၊ သက်ပန်းဆရာတော်၊ အဘယာရာမဆရာတော်၊ ဗားကရာ ဆရာတော်နဲ့ ကိုးထပ်ကြီးဆရာတော် ဦးဉေယျတို့ ဖြစ်တယ်။ ဆရာတော်ကြီးတွေ ပူးပေါင်းပါဝင်လာနိုင်ဖို့အတွက် ဆရာကြီးသခင်ကိုယ်တော်မှိုင်း ကိုယ်တိုင်က တောင်းပန်လျှောက်ထားခဲ့တာ ဖြစ်တယ်။ ဗမာ့သမိုင်းအစဉ် အဆက်ကို ကျကျနန လေ့လာမယ်ဆိုရင် အမျိုး ဘာသာ သာသနာကို စောင့်ရှောက်ဖို့အတွက် အခြေခံနိုင်ငံရေး (၀ါ) လူမှုနိုင်ငံရေးမှာ ပါဝင်ခဲ့ကြတဲ့ ရဟန်းပုဂ္ဂိုလ်အမြောက်အမြားနဲ့ အဖြစ်အပျက် သာဓကတွေ အများကြီးပါ။ ကျမ်းပြုပေဖွဲ့ရင် အတွဲတွေ အများကြီးရမှာပါ။

၁၉၆၂ ခုနှစ်က စခဲ့တဲ့ ဒီနေ့ စစ်အာဏာရှင်တွေခေတ်ဟာ အမျိုး ဘာသာ သာသနာကို အဆုံးစွန် ထိပါး နှောင့်ယှက်ခံရတဲ့ ခေတ်ဖြစ်ပါတယ်။ ဆုတ်ယုတ်ပျက်စီးခြင်းများစွာနဲ့ ရင်ဆိုင်နေရတဲ့ အခြေအနေ ဖြစ်ပါတယ်။ ကာလဆိုးတခု ဖြစ်ပါတယ်။ ပြည်သူအများ ရက်စက်စွာ ဖမ်းဆီးသတ်ဖြတ် နှိပ်ကွပ်ခံနေရတယ်။ ဆင်းရဲ ကျပ်တည်းမှုကြောင့် သာသနာကို ပြုစုစောင့်ရှောက်မှုတွေ ယုတ်လျော့လာတယ်။ သာသနာအတွင်းမှာ သုသီလ ရဟန်းကောင်းတွေ ဖိနှိပ်ခံနေရပြီး၊ မင်းမြောင်စိုးကပ် ဒုဿီလတွေ စိုးမိုးချယ်လှယ်နေတယ်။ ဗုဒ္ဓ၀ါဒကို ဖျက်ဆီးနေတဲ့ ဓမ္မ၀ိဟာရီ ဦးဉာဏရဲ့ မိုးပြာဂိုဏ်းလို့ခေါ်တဲ့ ပစ္စုပ္ပန်ကမ္မ၀ါဒကို မသိမသာ ချီးမြှောက်နေတယ်။ လူအများဟာလည်း ဆင်းရဲကြပ်တည်းမှုဒဏ်ကြောင့် သက်သာရာ သက်သာကြောင်း ဘုရားရှင်တားမြစ်တဲ့ စုန်း၊ နတ်၊ ကဝေ၊ ဗေဒင်၊ နက္ခတ်တွေအပေါ် ပိုပြီးကိုင်းညွတ်လာတယ်။ တကယ့်ကို အမျိုး ဘာသာ သာသနာ ပျက်စီး ကိန်းဆိုက်နေတဲ့ အခြေအနေ ကာလဆိုး ဖြစ်ပါတယ်။

ကျနော်တို့ ရှစ်လေးလုံးကာလက ပထမအချီ အစုလိုက်အပြုံလိုက် ပစ်ခတ်သတ်ဖြတ်ခံရပြီးတဲ့နောက် ဆေးရုံကြီး ၀င်းထဲမှာ နိုင်ငံရေးတရားပွဲတွေ ပြန်စပါတယ်။ အဲဒီထဲမှာ သရက်တောကျောင်းတိုက်က အရွယ်လတ် ဦးဇင်း တပါး ပါပါတယ်။ ကျနော်တို့က ဦးဇင်းညိုလို့ ခေါ်ပါတယ်။ ဦးဇင်းညိုရဲ့ ဟောပြောချက်တွေကို ပရိသတ်အများက နှစ်ထောင်းအားရကြတယ်။ ဦးဇင်းညိုက "ကျုပ်တို့ ဘုန်းကြီးဆိုတာ ဗိုက်ပြဿနာကို လူထုအပ်ထားပြီး သာသနာ့ဝန်ကို ထမ်းနေတာ၊ တိုင်းပြည်ဆင်းရဲလို့ လူတွေကြပ်တည်းရင် ဘုန်းကြီးနဲ့ ခွေး အရင်ဆုံးငတ်တာပဲ။ ဗိုက်ဟောင်းလောင်းနဲ့ သာသနာ့ဝန်ကို မထမ်းနိုင်ဘူး။ ပြုစုစောင့်ရှောက်သူမရှိရင် သံဃာရော သာသနာပါ မတည်တံ့နိုင်ဘူး။ အဲဒီလို သာသနာကို ထိမ်းသိန်းစောင့်ရှောက်ဖို့ ပစ္စည်းလေးပါး ထောက်ပံ့နေတဲ့ ဒါယကာ ဒါယိကာမတွေရဲ့ ဆင်းရဲဒုက္ခကို လက်ပိုက်ကြည့်မနေနိုင်လို့၊ ကျေးဇူးတုံ့ပြန်ဖို့ ဒီအလုပ်ကို လုပ်တယ်။ သာသနာကို စောင့်ရှောက်ဖို့ ဒီ အလုပ်ကို လုပ်တယ်" လို့  ဦးဇင်းညိုက ဟောခဲ့တယ်။

ဒေါ်အောင်ဆန်းစုကြည်ကလည်း အာဏာရှင်စနစ် ဖျက်သိမ်းရေးအတွက် "ဒုတိယ အမျိုးသားလွတ်မြောက်ရေး" ဆိုတဲ့ ကြွေးကြော်သံနဲ့ တိုက်ပွဲဝင်နေတာ ဖြစ်တယ်။ ဒုတိယ အမျိုးသားလွတ်မြောက်ရေး တိုက်ပွဲမှာ ရဟန်း ငယ်တွေသာမက ဆရာတော်ကြီးတွေ၊ ကျမ်းတတ်ပေတတ် တိပိဋက ဆရာတော်တွေကိုယ်တိုင် ပါဝင်နေကြတာ ဖြစ်တယ်။ ဗုဒ္ဓဘာသာအရေခြုံ မိစ္ဆာစစ်အုပ်စုက ဆရာတော်ကြီးတွေကို သင်္ကန်းဆွဲချွတ် ထောင်ချပြီး စာရေး မပြနိုင်လောက်အောင် အမိုက်ဆုံး၊ အရမ်းဆုံး၊ အပက်စက်ဆုံး နည်းတွေနဲ့ နှိပ်စက်စော်ကား ချိုးနှိမ်ဆက်ဆံ ခဲ့တာကို တကမ္ဘာလုံး အသိဖြစ်တယ်။

တကယ်တော့ ပြည်သူတွေကို နိုင်ငံရေး စိတ်မ၀င်စားအောင်၊ အကြောင်းအမျိုးမျိုးပြပြီး နိုင်ငံရေးမလုပ်ရလို့ ပိတ်ပင်တာဟာ ဖောက်ပြန်တဲ့ အုပ်စိုးသူတွေရဲ့ ကိုယ်ကျိုးစီးပွား ကာကွယ်ရေးလုပ်ရပ် ဖြစ်တယ်။ အကြောင်းက တော့ ပြည်သူတွေ နိုင်ငံရေး စိတ်ဝင်စားပြီး နိုင်ငံရေး အသိအမြင်တွေ မြင့်မားလာရင် သူတို့ရဲ့ ဖောက်ပြန်တဲ့ လုပ်ရပ်တွေ၊ ပြန်သူကို မျက်စိပိတ် နားပိတ်ပြီး သွေးစုပ်အမြတ်ထုတ်တာတွေကို သိမြင်လာမှာ၊ သူတို့အာဏာကို ထိခိုက်လာမှာ စိုးရိမ်တဲ့အတွက် ဖြစ်တယ်။

ဘုန်းကြီးတွေ နိုင်ငံရေးမလုပ်ရ၊ ကျောင်းသားတွေ နိုင်ငံရေးမလုပ်ရ၊ ၀န်ထမ်းတွေ နိုင်ငံရေးမလုပ်ရ၊ ဟိုလူမလုပ်ရ၊ ဟိုဟာမလုပ်ရ ပိတ်ပင်မှုတွေ အမျိုးမျိုးလုပ်တယ်။ ၀န်ထမ်း နိုင်ငံရေးမလုပ်ရ ဆိုတာတောင် ရှေ့နောက်မညီဘဲ တပါတီစနစ်တုန်းက ၀န်ထမ်းတွေ ပါတီမ၀င်မနေရ လုပ်တယ်။ မငြင်းသာလို့ ပါတီစုံစနစ်ကို လက်ခံလိုက်ရပြီး ပြိုင်ဘက်ပါတီတွေ ပေါ်လာတော့ နိုင်ငံရေးမလုပ်ရတော့ဘူးလို့ ပိတ်ပြန်တယ်။ တခါ ၀န်ထမ်းပဲဖြစ်တဲ့ စစ်ဗိုလ် တွေကျတော့ လုပ်နိုင်တယ်၊ လုပ်ရမယ်လို့ ဆိုပြန်တယ်။ အရှက်မရှိ မျက်နှာပြောင်တိုက်ပြီး အမျိုးသားရေး တာဝန်လို့ တံဆိပ်ကပ်လိုက်သေးတယ်။ တိုင်းပြည်ဘဏ္ဍာကို ကိုယ့်အိတ်ကပ်ထဲ ထည့်ချင်သလို ထည့်နိုင်တဲ့ အချောင်နှိုက်ပြီး ရထားတဲ့ အာဏာရဲ့ အရသာကို သိနေပြီကိုး။

ဒီနေ့ခေတ်လို ပွေလီရှုတ်ထွေးနေတဲ့ ကမ္ဘာ့နိုင်ငံရေး အခင်းအကျင်းမှာ ပြည်သူတွေ နိုင်ငံရေးကို ပိုပြီးစိတ်ဝင်စားဖို့ လိုတယ်၊ ပိုပြီးနိုးကြားဖို့ လိုတယ်။ နိုင်ငံရေးအမြင် မြင့်မားနေဖို့ လိုပါတယ်။ နိုင်ငံတိုင်း နိုင်ငံတိုင်းက ကိုယ်ကျိုး စီးပွားကို ရှေ့တန်းတင်ပြီး ပြိုင်ဆိုင်မှုတွေ မြင့်မားနေတဲ့ ခေတ်ဖြစ်တယ်။ ၀ါဒတွေ၊ စနစ်တွေ နောက်တန်း ရောက် သွားပြီး နိုင်ငံတိုင်းက ကိုယ်ကျိုးစီးပွားအတွက် နိုင်ငံတိုင်းနဲ့ပေါင်းပြီး တခြားနိုင်ငံတွေအပေါ် ချုပ်ကိုင်အမြတ်ထုတ် ဖို့ အားထုတ်နေကြတဲ့ အချိန်ဖြစ်တယ်။ လက်ရှိ ဗမာ့နိုင်ငံရေး အကြပ်အတည်းအပေါ် အိမ်နီးချင်းနဲ့ ကမ္ဘာ့နိုင်ငံ တွေရဲ့ ရပ်တည်ချက်သဘောထားက သာဓကဖြစ်တယ်။ နယ်ချဲ့စနစ်၊ ကိုလိုနီစနစ်ရဲ့ အခြေခံအကြောင်း တရားဟာ ဈေးကွက်အခြေခံ ရောင်းဝယ်မှုက အမြတ်ထုတ်ယူတဲ့ စီးပွားရေးစနစ် ဖြစ်တယ်။ ဒါကြောင့် ဈေးကွက် (နိုင်ငံ၊ နယ်မြေ) တွေကို တဦးထဲ မောင်ပိုင်စီးဖို့ ကုမ္ပဏီတွေ အပြိုင်ကြိုးစားကြရင်းက ကိုလိုနီနယ်ချဲ့စနစ် ဖြစ်ပေါ်လာရတယ်။

ဒီနေ့ခေတ်မှာတော့ တချိန်တုန်းကလို စစ်တပ်ကြီးတွေနဲ့ ၀င်သိမ်း၊ ကိုယ်တိုင် အစိုးရထောင်ပြီး သိမ်းပိုက်နယ်မြေ (ဈေးကွက်) ကို ထိန်းချုပ်တာမျိုးတွေ အတော်နည်းသွားပါပြီ။ ဒါပေမဲ့ ကမ္ဘာ့နိုင်ငံငယ်တွေရဲ့ လုံခြုံရေးဟာ အရင်ကထက်ပိုပြီး ခြိမ်းခြောက်ခံနေရတယ်။ ခေတ်မီ သိပ္ပံနည်းပညာတွေရဲ့ ပံ့ပိုးမှုနဲ့ ပိုပြီး အားကောင်းတဲ့၊ ပိုပြီး ရက်စက်တဲ့ ဈေးကွက်ထိန်းချုပ်ရေးပုံစံ ကိုလိုနီလက်သစ်ဝါဒ (Neo-Colonialism) ပေါ်လာတယ်။ နည်းပရိယာယ် ပိုပြီး ကြွယ်ဝတယ်။ နည်းပညာ အရင်းအနှီး၊ ငွေကြေးအရင်းအနှီးတွေကိုကိုင်ပြီး နိုင်ငံငယ်တွေနဲ့ နိုင်ငံငယ်တွေက ပြည်သူတွေရဲ့ စီးပွားရေး၊ လူမှုရေး၊ နိုင်ငံရေးနဲ့ အချုပ်အခြာအာဏာကိုတောင် ထိန်းချုပ်လာတယ်။ ယဉ်ကျေးမှု ဓလေ့ ထုံးစံတွေအထိ ခြိမ်းခြောက်ခံနေရတယ်။

ဒီတော့ ပြည်သူတွေ နိုင်ငံရေး မနိုးကြားရင်၊ နိုင်ငံ့အရေးကို လက်တဆုပ်စာ လူတစုကသာ ထင်ရာစိုင်း ချယ်လှယ်နေရင် အဲဒီလူ့အဖွဲ့အစည်း (နိုင်ငံ၊ ပြည်သူ) ဟာ ပြိုကွဲပျောက်ကွယ်သွားမှာ မလွဲမသွေဖြစ်တယ်။ ဒါကြောင့် ပြည်သူတွေ နိုင်ငံရေး စိတ်မ၀င်စားနိုင်အောင်လုပ်သူ၊ ပိတ်ပင်သူ၊ ဟိုအကြောင်းပြ ဒီအကြောင်းပြနဲ့ ဟိုလူဒီလူတွေကတော့ နိုင်ငံရေးမလုပ်သင့်ဘူးလို့ ပြောဆိုစည်းရုံးနေခြင်းဟာ အမျိုးသားပျက်သုဉ်းခြင်းကို လုပ် ဆောင်နေခြင်း ဖြစ်တယ်၊ အမျိုးသားသစ္စာဖောက် လမ်းစဉ်ဖြစ်တယ်၊ အမျိုးသားသစ္စာဖောက်တွေပဲ ဖြစ်တယ်။

ချွင်းချက်မပါတဲ့ ဥပဒေဟာ မပြည့်စုံဘူးလို့ ဆိုကြပါတယ်။ လူ့အဖွဲ့အစည်းရဲ့ အခက်အလက်သာဖြစ်တဲ့ တရားဥပဒေမှာတောင် ချွင်းချက်ရှိဖို့လိုအပ်ရင် လူမှုကိစ္စ အ၀၀တို့ အကျုံးဝင်နေတဲ့ နိုင်ငံရေးမှာ ယတိပြတ် အဆိုမရှိနိုင်ပါဘူး။ ဒါကြောင့် ရဟန်းသံဃာတွေ နိုင်ငံရေးမလုပ်ရလို့ အကြွင်းမဲ့ဆိုရင် အဲဒါမှားပါတယ်။ နိုင်ငံရေးမှာ ဘယ်သူဘယ်ပုဂ္ဂိုလ်တွေ ဘယ်အတိုင်းအတာထိ ပါဝင် ပတ်သက်သင့်တယ် ဆိုတာ ရှုပ်ထွေး နက်နဲတဲ့ ပုစ္ဆာတခုပါ။ သေချာတာကတော့ လူ့ဘောင် လောကထဲမှာသာ တည်ရှိနေတဲ့ ရဟန်း သံဃာတွေလည်း နိုင်ငံရေးရဲ့အကျိုး သက်ရောက်မှုကို နှီးနွယ်ခံစားရသလို တစုံတရာ အတိုင်းအတာ အထိလဲ ပါဝင် ပတ်သက်နေရမှာ ဖြစ်ပါတယ်။

ရဲဘော်ကျော်သန်း
Kyaw_than2004@yahoo.com

Read More...

Collapse...

လူသတ်သမား နိဗ္ဗာန်ပို့တဲ့ ဦးညွန့်ရွှေသို့ ပြန်ကြားချက်

February 15, 2010

အိတ်ဖွင့်စာ-

"လူသတ်သမား နိဗ္ဗာန်သွားသတဲ့ မိုက်လုံးကြီးပေ မောင်ညွန့်ရွှေ" ဦးညွန့်ရွှေရဲ့ စာတွေ ကိုဖတ်ပြီး အလိုလို ခေါင်းထဲ ၀င်လာတဲ့ သံပေါက်ပါ။

မိတ်ဆွေတချို့ရဲ့ တိုက်တွန်းချက်နဲ့ ဦးညွန့်ရွှေရဲ့ စာတွေကို လိုက်ဖတ်မိပါတယ်။ အစ ပိုင်းတော့ ဟုတ်မလိုလိုနဲ့ အဆုံးသတ်ကျတော့ ဦးညွန့်ရွှေဟာ ဟင်းအိုးမွှေတဲ့ ယောက်မဖြစ် သွားတယ်။ ယောက်မဆိုတာက မွှေနေတဲ့ဟင်း ဘယ်လောက် ကောင်းကောင်း ဆိုးဆိုး ချို၊ ချဉ်၊ ငန်၊ ဖန်၊ စပ်၊ ခါး ဘာအရသာမှ မသိနိုင်ဘူးလေ။

သူစာတွေက ကြည့်လိုက်ရင် ကျမ်းကိုးကျမ်းခံတွေနဲ့ ဆိုတော့ အတော် ဟုတ်သလိုပဲ။ အနှစ်ချုပ် တော့မှ ပြောပုံက ဗုဒ္ဓ ဘာသာကောင်း ပီပီ တဖက်သားကို သိသွားပါစေတော့ ဆိုတဲ့ စေတနာထက် ငါသိငါတတ် မာနသံ ထူလွန်းသလို၊ တရားကောက်ပုံက ခါးတောင်းကျိုက် တခြား ဖင်တခြားပဲ။ အကြောင်းနဲ့ အကျိုးကို ဆက်စပ် ဆင်ခြင်တာ မဟုတ်ပဲ ကိုယ်ပြောချင်တဲ့ အချက်ကို အထောက်အခံ ဖြစ်မဲ့ အချက်အလက်တွေကိုပဲ လိုသလို ဆွဲစပ်ထားတဲ့ ဆင်ခြေတွေပဲ။ ယုတ္တိဗေဒ သဘောနဲ့ ပြောရရင် အဖေါက်ပြန်ဆုံး ဆင်ခြေတည်ဆောက်မှုပဲ။ ဆင်ခြေဆိုတာ အချက်အလက် (နိဒါန်း) တွေကို အခြေခံ တွက်ဆ ဆင်ခြင်ပြီး အကျိုးတရား (နိဂုံး) ဆွဲယူရ တယ်။ ဦးညွန့်ရွှေကတော့ ကိုယ်ပြောချင်တဲ့ နိဂုံးအတွက် အချက်အလက် နိဒါန်းတွေကို ရှာပြီး ဖြည့်ထားတဲ့ ဆင်ခြေ ယုတ္တိတွေပဲ ဖြစ်တယ်။ လူဗိန်းပြော ပြောရရင်တော့ နွားရှေ့ထွန်ကျူး ဆင်ခြေ ယုတ္တိတွေပဲ။

လူသတ်သမား ဒုစရိုက်ကောင်တွေလည်း နိဗ္ဗာန်ရောက်နိုင်တယ် ဆိုတာ ပြောချင်ဇော နဲ့ လောကြီးပြီး မှားသွားတယ် ထင်ပါတယ်။ န၀တ/ နအဖ စစ်မိစ္ဆာ မင်းဆရာတွေရဲ့ အယူ အကောက် နဲ့ တထပ်တည်း သွားတူနေတယ်၊ မဆီမဆိုင် ကွန်မြူနစ်တွေ၊ ဘာသာမဲ့တွေကိုပါ ဆွဲထည့် ပုတ်ခတ် လိုက်သေးတယ်။ တကယ်တော့ မိစ္ဆာ စစ်အုပ်စုဟာ နိုင်ငံရေး နိုးကြားတဲ့ ရဟန်းသံဃာတို့ ကွန်မြူနစ်တို့ကို သေမလောက် ကြောက်ကြတယ်။

ဦးညွန့်ရွှေရဲ့ စာတွေကိုသတ္ထု ချကြည့်လိုက်တော့ နှစ်ချက်ပဲတွေ့ပါတယ်။ တိုက်ဆိုင်စွာပဲ အဲဒီနှစ်ချက်စလုံးက ဒုစရိုက် ဆယ်ပါးကို ပြောင်ပြောင် မြောက်မြောက် ထမင်းစားရေသောက် ကျူးလွန်နေကြတဲ့ သန်းရွှေ စစ်အုပ်စုရဲ့ သဘော စရိုက်နဲ့ဆန္ဒကို ထင်ဟပ်နေတယ်။ ဗိုလ်နေ၀င်း ကစလို့ ယနေ့အထိ စစ်အာဏာရှင် အဆက်ဆက်ကို သူတို့ရဲ့ ဘာသာရေး အပေါ် ကျူးလွန် ဖောက်ဖျက်မှုတွေ အတွက် ဒိုင်ခံ ဆင်ခြေရှာ တရားထောက် ပေးနေရတဲ့ လူပျံတော် ဘုန်းကြီးလူထွက် သာသနာဖျက် ဦးအံ့မောင်ရဲ့ အယူအကောက်တွေနဲ့ အတူတူပါပဲ။

(၁) ဒုစရိုက်ဆယ်ပါး ကြိုက်ရာကျူးလွန် တရားကျင့်ပြီး ကျွတ်ချိန်တန်ကျွတ်မယ်။ (၂) ရဟန်းသံဃာတွေ နိုင်ငံရေးမလုပ်ရဆိုတာပဲ ဖြစ်တယ်။

ဦးညွန့်ရွှေ ကျောင်းသားဘ၀က ကွန်မြူနစ်တွေကို အထင်ကြီးပြီး ဘာသာမဲ့ လုပ်ဖူး တယ်လို့ ၀န်ခံထားတယ်၊ အခုတော့ အဲဒီအရာတွေကို ဆန့်ကျင် ကဲ့ရဲ့လာတယ်။ ဗုဒ္ဓ၀ါဒနဲ့ ကွန်မြူနစ် စနစ်ရဲ့အခြေခံ မာ့က်စ်ဝါဒကို ဘယ်လို သဘောပေါက်ထားလို့ ဒီလိုဖြစ်သွားရ တာလဲ။ အတွေးအမြင် ယုံကြည်ချက် ပြောင်းလဲတယ်ဆိုတာ (၁) အမှန်တကယ် နားလည်သဘောပေါက်မှု ပြောင်းလဲခြင်းကြောင့် ပြောင်းလဲခြင်း၊ (၂) လိုဘ တခုခုရလေနိုးနဲ့ လောဘအခြေခံတဲ့ ပြောင်းလဲခြင်း၊ (၃) အသက်ဘေးကို ကြောက်ရွံ့လို့ ပြောင်းလဲခြင်းနဲ့ (၄) စိတ်နေရူးသွပ် ဖောက်ပြန်မှုကြောင့် ပြောင်းလဲခြင်းရယ်လို့ ရှိပါတယ်။ ဦးညွန့်ရွှေရဲ့ ပြောင်းလဲခြင်းက ဘယ်အမျိုးစားလဲ၊ ကိုယ့်ကိုကိုယ် ဆန်းစစ်ဖို့ လိုပါတယ်။

နားလည်မိသလောက် ပြောရရင် ဗုဒ္ဓ၀ါဒဟာ ကိုးကွယ်ယုံသက်သက် ဘာသာ မဟုတ်ပါဘူး။ လိုက်နာ ကျင့်ကြံရတဲ့ ကျင့်စဉ် လမ်းစဉ်တွေပါ ပါတယ်။ လိုက်နာကျင့်ကြံ ဖို့လိုတယ်။ လောကီ အတွက်ရော၊ လောကုတ္တရာ အတွက်ပါ ကျင့်ကြံစရာ လမ်းစဉ်တွေကို ဖော်ထုတ်ထားတဲ့ ဗုဒ္ဓ ဘုရားရှင်ရဲ့ တရားတွေပါ။ တက္ကသိုလ်တွေမှာ အတွေးခေါ်ဒဿန တွေကို သင်တဲ့အခါမှာ အခြားဘာသာတွေ အယူဝါဒတွေကို ပုံမှန် လေ့လာတဲ့ပုံစံနဲ့ သင်ကြား ပို့ချ သော်လည်း ဗုဒ္ဓ၀ါဒ ကိုတော့ အသုံးချ အတွေးအခေါ် (Apply Philosophy) လို့ ခွဲခြား သတ်မှတ် သင်ကြားပို့ချပါတယ်။ ခေတ်အဆက်ဆက်က ဆရာတော်ကြီးများ ကလည်း ခက်မသုံးဖြာနဲ့ သာသနာရယ်လို့ပဲ ပြောဆို သုံးနှုန်းကြပါတယ်။ ဗုဒ္ဓဘာသာလို့ သုံးနှုန်း ခဲပါတယ်။ အဲဒါတွေကတော့ (၁) ပရိယတ္တိ၊ (၂) ပဋိပတ္တိ၊ (၃) ပဋိဝေဓရယ်လို့ သုံးမျိုးကွဲပါတယ်၊ ဘယ်လမ်းကိုလိုက်လို့ ဘယ်ကျင့်စဉ်ကို ကျင့်ချင်ပါသလဲ။ နောက် ဗုဒ္ဓ၀ါဒဟာ ဥာဏ်ကစား ရတဲ့၊ ဝေဖန်ဥာဏ်သုံးရတဲ့ ကြောင်းကျိုးဆက် တရားဝါဒ ဖြစ်ပါတယ်။ ၀ိဘဇ္ဇ၀ါဒ ဖြစ်ပါတယ်။ ကာလာမသုတ်ဟာ ဗုဒ္ဓရဲ့ဝိဘဇ္ဇ၀ါဒ ကြေငြာချက်လို့ ပြောရမှာပါ။

ထို့အတူပဲ မာ့က်စ်ဝါဒကလဲ အကြောင်းကျိုးဆက် ဆင်ခြင်ရတဲ့ ၀ါဒဖြစ်တယ်။ ပကတိ ဘာဝ အခြေအနေ အကြောင်းတရား တွေကို အခြေခံပြီး လောကသဘာဝကို ချဉ်းကပ်တယ်။ ယုတ္တိကျတဲ့ အဖြေကိုယူပြီး လောကလူ့ရွာ သာယာရေး နေနည်း ထိုင်နည်းတွေကို သဘောတရား ထုတ်ထားတဲ့ လောကီရေး သက်သက် ၀ါဒဖြစ်တယ်။ ဦးညွန့်ရွှေ ကိုးကားနေတဲ့ မဟာဂန္ဓာရုံ ဆရာတော်ဘုရားကြီးက သူ့ရဲ့စာအုပ်တအုပ် (အနာဂါတ်သာသနာရေး ထင်ပါတယ်) မှာ ဆိုရှယ်လစ် ကွန်မြူနစ်ဝါဒကို လောကီးရေးမှာ သမမျှတ အရှိဆုံးလို့ ပြောထား ခဲ့ပါတယ်။ ဒါကြောင့် ဖေါက်ပြန်တဲ့အုပ်စိုးသူတွေက ဆရာတော်ကြီးကို ကွန်မြူနစ်လို့စွပ်စွဲ ခဲ့ကြောင်း ဆရာတော်ရဲ့ တဘ၀ သာသနာ စာအုပ်မှာ ဖော်ပြထားတယ်။ ဒီလိုပဲ ဗုဒ္ဓ၀ါဒနဲ့ မာ့က်စ်ဝါဒရဲ့ အခြေခံ တူညီချက်တွေကို နှိုင်းယှဉ်ပြခဲ့တဲ့ ဆရာတော်တွေ၊ လူပုဂ္ဂိုလ်တွေ ကမ္ဘာမှာရော ဗမာမှာပါ အမြောက်အများ ပေါ်ထွက်ခဲ့ပါတယ်။ အဲဒီထဲမှာ ရာဟုလာသံကစ္စည်းတို့ ဆရာကြီး ရွှေဥဒေါင်းတို့ဟာ ထင်ရှားပါတယ်။ ဒါကြောင့်လည်း အမျိုးသား လွတ်မြောက်ရေး တိုက်ပွဲတွေ မှာ ဗိုလ်ချုပ်အောင်ဆန်း အပါအ၀င် ကွန်မြူနစ်ဝါဒ လက်ခံသူ ခေါင်းဆောင်များနဲ့ ထေရ်ကြီး ၀ါကြီး ဆရာတော်တွေ လက်တွဲ လုပ်နိုင်ခဲ့ကြတာ ဖြစ်ပါတယ်။ ဗမာပြည်လို ထေရ၀ါဒ ဗုဒ္ဓဘာသာဝင် သီရီလင်္ကာမှာ မာက်စ့်ဝါဒီ JVP ပါတီမှာ ဘုန်းကြီး အမြောက်အများ ပါတီဝင် ဖြစ်နေတာ တွေ့ရတယ်။

ကွန်မြူနစ်တွေဟာ ကိုးကွယ်ရာဘာသာမရှိပေမဲ့ သူတို့သက်ဝင်ယုံကြည်ရာ အတွေး အခေါ်ရှိတယ်၊ ၀ါဒရှိတယ်။ လောကလူ့ရွာမှာ အပြန်အလှန် လေးစားမှု၊ တန်းတူညီမျှမှုကို အခြေခံတဲ့ လူမူအကျင့်အကြံ စည်းကမ်းတွေ စံတွေရှိတယ်။ လောကအကျိုး အများအကျိုး အတွက် ဘ၀ကို တိတိကျကျ ထိထိရောက်ရောက် အသုံးချဖို့ လမ်းညွန်ပါတယ်။ အိန္ဒိယဟာ ဒီမိုကရေစီ နိုင်ငံဖြစ်ပါတယ်။ ဗဟိုနဲ့ ပြည်နယ် အစိုးရတွေကို လူထု ရွေးကောက်ပွဲတွေနဲ့ ရွေးချယ် တင်မြောက် ဖွဲ့စည်းပါတယ်။ မကြာသေးမီက အသက် (၉၅) နှစ်အရွယ်မှာ ကွယ်လွန် သွားတဲ့ ကွန်မြူနစ်ခေါင်းဆောင် မစ္စတာ ဂျိုတီဘာဆူး (Jyoti Basu) ဟာ အနောက်ဘင်္ဂလား ပြည်နယ်မှာ လူထု ရွေးကောက်ပွဲနဲ့ (၁၉၇၇) ခုနှစ်မှာ အာဏာရခဲ့တယ်၊ (၂၀၀၁) ခုနှစ်မှာ သူ့ပါတီက တခြားရဲဘော်ကို အာဏာ လွဲပြောင်းပေးသည် အထိ (၂၃) နှစ် အုပ်ချုပ်ခဲ့ပါတယ်။ ခုထိလည်း သူ့ပါတီက အာဏာရထား ဆဲပါပဲ။ အယူအစွဲကြီးတဲ့ ဟိန္ဒူတွေက (၇)ကြိမ်ဆက်တိုက် ရွေးကောက်တာကို ခံယူခဲ့ရပါတယ်။

ပြည်သူလူထုအများစုရဲ့ ယုံကြည်မှုကို (၇)ကြိမ် ဆက်တိုက် နှစ်အားဖြင့် (၃၅)နှစ် အပ်နှင်း ခံရတယ်ဆိုတာ အံ့မခန်း မှတ်တမ်း ဖြစ်ပါတယ်။ သူ မကွယ်လွန်မီ နာမကျန်း အချိန်မှာရော၊ ကွယ်လွန်ပြီး အချိန်မှာပါ ကွန်မြူနစ် မဟုတ်တဲ့ သမ္မတ တို့၊ ၀န်ကြီးချုပ်တို့ အာဏာရ ကွန်ဂရက်ပါတီ ဥက္ကဋ္ဌ ဆိုနီယာဂန္ဒီ အပါအ၀င် နိုင်ငံတ၀ှန်းက ခေါင်းဆောင်တွေ တတ်သိ ပညာရှင်တွေက လာရောက် သတင်းမေးကြ၊ ဂါရ၀ပြုကြပါတယ်။

ဒီလို ကာလရှည်ကြာလူထုရဲ့ ယုံကြည်ကိုးစားမှု၊ တတ်သိနားလည်တဲ့ ခေါင်းဆောင် တွေရဲ့ ကြည်ညို ဂါရ၀ပြုမှု ဆိုတာ လူမှု ဆက်ဆံရေး ဘ၀ရဲ့ အမြင့်ဆုံး တန်ဘိုး ဂုဏ်တွေ မဟုတ်ပါလား။ ဒီလိုအမြင့်ဆုံး လူမှုတန်ဘိုးတွေ ဂုဏ်တွေကို ရယူနိုင်ခဲ့တဲ့ မစ္စတာ ဘာဆူးကို ထောက်ချင့်ခြင်း အားဖြင့် တချိန်က ဦးညွန့်ရွှေ အထင်ကြီးခဲ့တဲ့ ကွန်မြူနစ်တွေရဲ့ နေထိုင်မှု စံစည်းကမ်း ဆိုတာ အခု ဦးညွန့်ရွှေ တွေးထင်နေသလို ကဲ့ရဲ့ ရှုတ်ချဖွယ် မဟုတ်၊ လေးစား ကြည်ညိုဖွယ်တွေ ရှိနေတယ် ဆိုတာကို လက်ခံ သင့်ပါတယ်။

ဘာသာမဲ့တွေကိုလည်း ကဲ့ရဲ့စရာလို့ ဦးညွန့်ရွှေ မြင်ပုံရတယ်။ ကမ္ဘာမှာ ကွန်မြူနစ်မဟုတ်တဲ့ ကိုးကွယ်ရာ ဘာသာမထား၊ မရှိတဲ့ ဘာသာမဲ့တွေ သန်းနဲ့ချီပြီး ရှိပါတယ်။ ခေတ်မီ သိပ္ပံနည်း ပညာတွေ တိုးတက်လာလေ တိုးပွားလေပါပဲ။ ဘာသာမဲ့( Non-Religion, Atheist, Free Thinker ) ဆိုတာကိုက ဘာသာတခု၊ ဘ၀နေထိုင်မှု ပုံစံတခုအနေနဲ့ တစထက်တစ လက်ခံ လာကြပါပြီ၊ အဲဒီပုဂ္ဂိုလ်များဟာ ပညာအခြေခံလည်း ကောင်းပြီး ကြွယ်ဝတဲ့ အသိတရားနဲ့ ကိုယ်ပိုင်ဆင်ခြင်တုံတရားတွေ အပေါ်မှာ သူတို့ရဲ့ ဘ၀ကို တည်ဆောက် ထားကြတယ်။ သဘာဝတရားကို ချစ်မြတ်နိုးတယ်၊ လူသားဖြစ်မှုကို တန်ဘိုး ထားတယ်၊ သက်ရှိသက်မဲ့တွေရဲ့ ဖြစ်တည်မှုကို အသိအမှတ်ပြု လေးစားတယ်၊ ဒီအချက်တွေ အပေါ် အခြေခံပြီး သူတို့ရဲ့ ဘ၀နေထိုင်မှု စံကို ထူထောင်ထားတယ်။ နှစ်ဆယ်ရာစုရဲ့ အတော်ဆုံး သိပ္ပံပညာရှင်ကြီး အဲလ်ဘတ် အိုင်စတိုင်းတို့၊ တွေးခေါ်ရှင် ယန်းပေါဆတ်တို့၊ ဘာထရန်ရတ်ဆယ်တို့ဟာ ဘာသာမဲ့တွေဖြစ်တယ်။

အများထင်နေတဲ့ အနောက်တိုင်းရုပ်ရှင်တွေထဲက အရူးချီးပန်း ပရမ်းပတာ လူရမ်းကား တွေဟာ စံကျတဲ့ ဘာသာမဲ့တွေ မဟုတ်ပါဘူး။ အကြမ်းစား ဘာသာမဲ့ လို့ ပြောရင်တော့ ရလေ မလားမသိပါ။ အဲဒီပုဂ္ဂိုလ်များဟာ ဘုရားစကားနဲ့ ပြောရရင် စစ်အုပ်စုလို သံသရာ ၀န်လေးတဲ့ နိဗ္ဗာန်မှ အချည်းနှီးသော ဗာလာနံ လူမိုက်တွေပဲ ဖြစ်ပါတယ်။ စိတ်အား ကိုယ်အား သန်စွမ်းတဲ့ ဘ၀အစိတ်အပိုင်းမှာ တရားလက်လွတ် စိတ်ထင်တိုင်းကြဲ နေထိုင် ကျင့်ကြံတယ်၊ အစွမ်းအစ ခွန်အားတွေ ယုတ်လျော့ လာချိန်မှာ ကိုယ့်ရဲ့မကောင်းမှု အကုသိုလ် တွေကို သတိရ ကြောက်ရွံ့လာပြီး နီးစပ်ရာဘာသာတရားတွေမှာ ခိုလှုံလေ့ရှိကြပါတယ်။ သူတို့ကို ဘာသာမဲ့ လို့ ပြောလို့မရပါဘူး၊ ဘ၀ကို တိရိစ္ဆာန်များလို ကောင်းမှု( ကုသိုလ် ) မကောင်းမှု (အကုသိုလ်) မခွဲခြား စိတ်ကြိုက် ပျော်ပါးမှု သက်သက် ပရမ်းပတာ အသက်ရှင်နေထိုင်တဲ့ အန္ဓပုထုဇဉ်များ လို့ပဲ ပြောရမှာဖြစ်ပါတယ်။

တကယ်စံကျတဲ့ ဘာသာမဲ့ဆိုတာ ဘ၀လမ်းညွန် အတွေးအခေါ်ရှိတယ်။ ကိုယ်ပိုင်ဘ၀ နေထိုင်မှု စံ စည်းကမ်းတွေ ရှိတယ်။ တမလွန် အကျိုးကို မမျှော်ကိုးဘဲ ယုံကြည်ချက်အတွက် အရာရာကို စွန့်လွှတ်ဖို့ အဆင်သင့်ရှိတယ်။ ဗုဒ္ဓရဲ့အဆုံးအမကို တိုက်ရိုက်ကြားနာခွင့် မရ သော်လည်း ဗုဒ္ဓ၀ါဒအနှစ်ချုပ် သူတော်ကောင်းတရားတွေကို သူ့နည်းသူ့ဟန်နဲ့ ဆင်ခြင် တွေ့ရှိ ပြီး ကျင့်ကြံ နေထိုင်နေကြသူ အများ လောကကြီးထဲမှာ ရှိနေတတ်ပါတယ်။ ဘုရားဟော ကျမ်းဂန်များမှာလည်း သာသနာပ ကာလမှာ ပေါ်ထွန်းခဲ့ကြတဲ့ ပစ္စေကဗုဒ္ဓတွေ အကြောင်း၊ သူတော်ကောင်းတရား ကျင့်ကြံသူတွေ အကြောင်း ပုံဝတ္ထုတွေ အများကြီးရှိ ပါတယ်။ ဂေါတမ မြတ်စွာဘုရားရှင်ကိုယ်တိုင်က သစ္စာလေးပါး အမြိုက်တရားကို ဆရာမကူဘဲ သယမ္ဘူဥာဏ်နဲ့ ထိုးထွင်းသိမြင် ရှာဖွေ တွေ့ရှိခဲ့တာပါ။ ဗုဒ္ဓ၀ါဒ အနှစ်သာရ သစ္စာလေးပါး တရားဆိုတာ ဗုဒ္ဓက ဖန်တီးခဲ့တာ ဖန်ဆင်းခဲ့တာ မဟုတ်ပါဘူး၊ ရှာဖွေ တွေ့ရှိခဲ့တာပါ။ သစ္စာလေးပါး အမြိုက်တရားဆိုတာ မူလကတည်းက ရှိနေပြီးသား ပရမတ်တရား ဖြစ်ပါတယ်။ ဒီအခြေခံကို နားလည်လက်ခံတယ်ဆိုရင် ဗုဒ္ဓထားခဲ့တဲ့ သာသနာရဲ့ အပြင်အပမှာလည်း သူတော်ကောင်း တရားတွေ (အပြည့်အစုံမဟုတ်သော်လည်း) ကို သိမြင် ကျင့်ကြံနေသူတွေ ရှိနေတယ်ဆိုတာ ကို လက်ခံယုံကြည်ဖို့ မခက်တော့ပါဘူး။ ရေဆိုတာ ရေပါပဲ၊ မြစ်ချောင်းကပဲရရ ရေတွင်း ရေကန်ကပဲရရ ရေရဲ့သဘာဝကတော့ အတူတူပါပဲ။

ဒီတော့ ကွန်မြူနစ်တွေ ဘာသာမဲ့တွေ အပါအ၀င် ကိုယ်မသိတဲ့၊ ကိုယ်နဲ့ အယူကွဲပြား တဲ့ သူတွေကို ဝေဘန်ချင်ရင် သူတို့ အကြောင်း သူတို့အယူကို အရင် သိအောင်လုပ်ပါ ပြီးမှ အဆိုးအကောင်းကို အတ္တစွဲ ကင်းကင်းနဲ့ ဝေဘန်ပါ၊ ချီးမွမ်းပါ၊ ကဲ့ရဲ့ပါ။ ဒီလိုမှ မဟုတ်ရင်တော့ အတိတ်ဘ၀က ပစ္စေကဗုဒ္ဓါကို(မသိဘဲ) မီရှို့သတ်မိခဲ့တဲ့ ဥတိန္နမင်းမိဘုရား သာမာဝတီနဲ့ အပေါင်းအပါတွေရဲ့ ကံကြမ္မာဆိုးမျိုးနဲ့ ကြုံရပါလိမ့်မယ်။ သိမှတ်ခြင်း၊ ဆင်ခြင်ခြင်း၊ တွေးခေါ် ခြင်း၊ ကောက်ချက် ဆွဲယူဆခြင်း၊ သဘောတရား ထုတ်နုတ်ခြင်းဆိုတာ သတ္တ၀ါအားလုံးထက် ထူးကဲတဲ့ လူသားရဲ့ ၀ိသေသအရည်အသွေးပါ။ ဒီလို မြင့်မားတဲ့ ကိစ္စတွေကို ဆွေးနွေးတင်ပြ နေတဲ့ ဦးညွန့်ရွှေဟာ ကိုယ်ဥာဏ်မမီလို့ ဒါမှမဟုတ် ကိုယ်သိတာနဲ့ မကိုက်လို့ တခြားကွဲပြားတဲ့ အမြင်တွေ ဘ၀စံတွေကို ကဲ့ရဲ့ရှုတ်ချစရာလို့ မြင်နေရင် " မြောက်ကျောင်းဘုန်းကြီးက ကကြီး ရေးကသတ်ရှိသေးတယ်" ဆိုတဲ့ အဖြစ်မျိုး ရောက်သွားမှာ စိုးရိမ်ပါတယ်။

ဖေါက်ပြန်တဲ့ အုပ်စိုးသူ အဆက်ဆက်ဟာ သူတို့နဲ့ မပေါင်းတဲ့ နိုင်ငံရေးစကား ပြောတဲ့သူတွေကို ကွန်မြူနစ်လို့ တံဆိပ်ကပ်တယ်၊ ကိုယ်အခွင့်အရေး ပြောတဲ့ တိုင်းရင်းသားကို ခွဲထွက်ရေး သမား နယ်ချဲ့ အလိုတော်ရိလို့ သမုတ်တယ်။ လွတ်လပ်ရေးရပြီး ထဲက အုပ်စိုးသူ အဆက်ဆက်က ပြည်သူကို မှိုင်းတိုက်တဲ့ တံဆိပ်ကပ် အပုပ်ချ နိုင်ငံရေး ဖြစ်တယ်။ သူတို့ရဲ့ ဖေါက်ပြန်မှုတွေကို ဖုံးကွယ်ဖို့ ပြည်သူကို ကွန်မြူနစ်တစ္ဆေ ခွဲထွက်ရေး သရဲနဲ့ ခြောက်လှန်ခဲ့တယ်။ ပြည်သူအများက ဒီဖေါက်ပြန်ရေး သမားတွေရဲ့ တံဆိပ်ကပ် အပုတ်ချ နိုင်ငံရေးက မလွတ်မြောက်နိုင်သေးပဲ၊ ကွန်မြူနစ်တစ္ဆေ ခွဲထွက်ရေးသရဲကို ဘုမသိဘမသိ အခုထိ ကြောက်လှန့် နေဆဲပဲ။ ပြည်သူများအကြားက သွေးကွဲမှုရဲ့အရင်းခံ အကြောင်းတရားပဲ ဖြစ်ပါတယ်။ ဦးညွန့်ရွှေ ကိုယ်တိုင်လည်း ဒီအပုပ်ချ နိုင်ငံရေးက မလွတ်မြောက်နိုင်သေးဘူး လို့ ယူဆတာကြောင့် ဦးညွန့်ရွှေ စကားနဲ့ပြောရရင် လေနဲ့ ၀မ်းနဲ့ ကွဲသွားအောင် ဒီလောက် ရှည်ရှည်ပြောနေရတာပါ။

တကယ်တမ်း ကဲ့ရဲ့ရှုတ်ချရုံတင်မက ဆန့်ကျင်တိုက်ဖျက်ပစ်ရမှာက ကိုယ့်ကိုကိုယ် ဘုန်းရှင် ကံရှင်လို့ တလွဲထင်ပြီး ငါသာပဓာန၊ တိုင်းပြည်တွင်းက လောကသဘာဝ ဓနမှန်သမျှ ငါသာ လျှင်စံစားမယ်၊ အာခံသူမှန်သမျှ ရက်စက်ယုတ်မာ နည်းစုံစွာနဲ့ ချေမှုန်းတာဟာ တရား တယ်လို့ ယူဆနေတဲ့ လူ့ဘောင်လောကကို အရုပ်ဆိုး အကျည်းတန်စေတဲ့ န၀တ/ နအဖလို အတ္တ၀ါဒီ၊ အဓမ္မ၀ါဒီ မိစ္ဆာတွေပဲဖြစ်တယ်။ အဲဒီမိစ္ဆာတွေကို မင်းလိုလိုက် မင်းကြိုက်ဆောင် နေတဲ့ ဒုဿီလ အလဇ္ဇီတွေပဲဖြစ်တယ်။

ဒီနေ့ တိုင်းပြည်နဲ့လူမျိုးပေါ်သာမက သာသနာနဲ့ ရဟန်းသံဃာတွေ အပေါ်မှာပါ သတ်ဖြတ်ခိုးဆိုး အဓမ္မ အမှုတွေကို ကျူးလွန် နေသူဟာ န၀တ/ နအဖ စစ်အုပ်သာ ဖြစ်ပါတယ်။ လူထုရဲ့ အသက်အိုးအိမ် စည်းစိမ် လယ်ယာမြေတွေကို သတ်ဖြတ် လုယက်တယ်။ အာခံတယ် ထင်ရင် ရဟန်းသံဃာကအစ ဖမ်းဆီးသတ်ဖြတ် နှိပ်ကွပ်တယ်။ ရှေးဘုရားတွေကို ပြုပြင်သလို နဲ့ ဋ္ဌာပနာတိုက်ဖောက် လူထုကို အဓမ္မပြင်ခိုင်း ခြောက်လုံးပြူး ခါးထိုး ရေစက်ချတယ်။ တန်ခိုးကြီး ဘုရားမှန်သမျှက ဂေါပကတွေမှာ လက်ပါးစေတွေ သွင်းပြီး ဘုရားဘဏ္ဍာတွေကို ခိုးဝှက်နေတယ်။ ပရိယတ္တိစာမေးပွဲတွေမှာ ၀င်စွက်ဖက်တယ် ဖျက်ဆီးတယ်။ သံဃာ့အစည်း အရုံးထဲမှာ သူလျိူသွင်းပြီး ဖြိုခွဲတယ်။ ဒုဿီလတွေကို ချီးမြောက်ပြီး၊ သုသီလ ရဟန်းတွေကို ချိုးနှိမ်တယ်။ ဒီလို ဒုစရိုက်တွေကို ကျူးလွန်နေတာ ကွန်မြူနစ်တွေ ဘာသာမဲ့တွေ ဘာသာခြားတွေ မဟုတ်ပါဘူး၊ န၀တ/ နအဖ စစ်အုပ်စုသာ ဖြစ်တယ်။ သာသနာကိုဖျက်ဆီး နေတဲ့ မိစ္ဆာဟာ ဗိုလ်သန်းရွှေနဲ့ အပေါင်းပါ များသာဖြစ်တယ်။

တကယ်တော့ အဆက်ဆက်သော ဗမာစစ်အုပ်စုခေါင်းဆောင်များဟာ ဗုဒ္ဓဘာသာကို အရေခြုံပြီး ဗမာ လူ့ဘောင် လောကကြီးကို အရုပ်ဆိုး အကြည်းတန်အောင် ဖျက်ဆီးနေတဲ့ အဓမ္မ၀ါဒီ မိစ္ဆာတွေဖြစ်တယ်။ သာသနာဖျက်တွေ ဖြစ်တယ်။

သို့သော်လည်း သူတို့ဟာ မီရိုးဖလာဗုဒ္ဓဘာသာမိဘများက ပေါက်ဖွားခဲ့တော့ ဗုဒ္ဓရဲ့ အဆုံးအမကို တစုံတရာ သိမှတ် ယဉ်ပါးကြတယ်။ သူတို့ရဲ့ အဓမ္မလုပ်ရပ်တွေကို ဒုစရိုက်အဖြစ် သိမြင်ပြီး သူတို့အတွင်းစိတ် (လိပ်ပြာ)က ခြောက်လှန့်တယ်။ ဒီတော့ သူတို့အတွက် စိတ်သက်သာရာ ရဖို့ စိတ်ဖြေဖို့ ဦးအံ့မောင်လို ဘုန်းကြီးလူထွက် သာသနာဖျက်တွေ၊ သားသုံးသားနဲ့ သတ်ဖြတ်ကွပ်ညှပ် သြ၀ါဒပေးခဲ့တဲ့ စာသာသိ၊ တရားမရှိတဲ့ ကြက်ခတ်ဝိုင်း ဘုန်းကြီးလို ပုဂ္ဂိုလ်တွေကို အားထားရပါတယ်။ မင်းပါးစိုးကပ် အတ္တ၀ါဒီ အလဇ္ဇီများကလည်း မိစ္ဆာတွေရဲ့ ဒုစရိုက်မှုတွေကို ကျမ်းကိုးကျမ်းခံတွေနဲ့ မင်းလိုလိုက် မင်းကြိုက်ဆောင် ထောက်ခံ ပေးကြတယ်။ ဦးညွန့်ရွှေ ယူကောက်တဲ့ လူသတ်သမား နိဗ္ဗာန်ရောက်တယ်ဆိုတာ အဲဒီအလဇ္ဇီ တွေက မိစ္ဆာတွေကိုပေးတဲ့ တရားအယူအကောက်နဲ့ တထပ်တည်းတူပါတယ်။ သတိထားပါ အယူအကောက်မှားရင် အပယ်လားတတ်ပါတယ်။

ဦးညွန့်ရွှေပြောတဲ့ လူသတ်သမား အရက်သမားနဲ့ ကာမဂုဏ်သမားတွေလည်း အမြင် မှန်ရလို့ တရားကျင့်ရင် နိဗ္ဗာန် ရောက်နိုင်တယ် ဆိုတာ မှန်သယောင်နဲ့ တက်တက်စင်လွဲပါ တယ်၊ မှားပါတယ်။ ဦးညွန့်ရွှေရဲ့ စကားထဲမှာကိုဘဲ " အမြင်မှန်ရပြီး အကျင့်မှန်ရင်" ဆိုတဲ့ စကား ကတ္တားခြား ထားတာကို သတိမူပါ။ လူသတ်သမား နိဗ္ဗာန် မရောက်နိုင်ပါဘူး။ လူသတ် သမား အဖြစ်ကနေ ပြောင်းလဲသွားတဲ့ အမြင်မှန်ရသူ အကျင့်မှန်သူသာ နိဗ္ဗာန်ရောက်နိုင် ပါတယ်။ အမြင်မှန်ရသူ အကျင့်မှန်သူဟာ လူသတ်သမား မဟုတ်တော့ပါဘူး။ လူသတ်သမား ဆိုတာ သူ့ရဲ့ အတိတ်ဖြစ်ပါတယ်။ သူတော်စင်တိုင်းမှာ အတိတ်ရှိသလို ဒုစရိုက်ရာဇ၀တ်သား တွေမှာလည်း အနာဂါတ်ရှိတယ် (Every Saint has past, Every criminal has future) ဆို တဲ့ စကားလိုပေါ့။ သို့သော် အဲဒီသူတော်စင်၊ အမြင်မှန်ရလို့ အကျင့်မှန်သူဟာ သူ့ရဲ့အတိတ်နဲ့ ကင်းလွတ်ခွင့်ရှိသလား၊ မရှိပါဘူး။ သူ့ရဲ့အတိတ်က ကောင်းမှု မကောင်းမှုအလိုက် စံစား ခံစား ရပါတယ်။ ၀ဋ်ကြွေးကြမ္မာကို ဘုရား ရဟန္တာများသော်မှ မရှောင်လွဲနိုင်ဘူးလို့ ကျွန်တော်တို့ ဆရာများ က မပြတ်သွန်သင်တာခံခဲ့ ရပါတယ်။ မဟာ ပရိနိဗ္ဗာန သုတ်မှာ အတိတ်ကံကြွေး ကြောင့် မြတ်စွာဘုရားရှင်ကိုယ်တိုင် ပရိနိဗ္ဗာန် စံဝင်ခါနီးမှာ ရေကြည်တော်သောက်ခွင့် မရခဲ့ ဘူးလို့ ဆိုပါတယ်။

ဗုဒ္ဓသာသနာ ဗုဒ္ဓ၀ါဒဟာ ခိုလှုံကိုးကွယ်ရာသက်သက် ဘာသာမဟုတ်၊ ကျင့်ကြံပွားများရာ လမ်းစဉ်လို့ အထက် တနေရာမှာ ပြောခဲ့ပြီးပါပြီ၊ လူပိန်းပြောနဲ့ ဥပမာဆောင် ရရင် ရလာတဲ့ ကိုယ့်ဘ၀ ကိုယ့်အစွမ်းအစကို အဟုတ်ကြီးထင်ပြီး ကျားဆိုးကြီးတွေကို သွားစ သွားကစား ကျားဆိုးကြီး ၏တွေ နိုးလာမှ ကြောက်လန့်တကြား ပြေးဝင်ခိုလှုံစရာ ရဲတိုက် (ကိုးကွယ်ရာ ဘာသာ) မဟုတ်ပါဘူး။ ဗုဒ္ဓတရား ဗုဒ္ဓ၀ါဒဟာ လောဘ၊ ဒေါသ၊ မောဟ မာန်မာန ဆိုတဲ့ ကျားဆိုးကြီးတွေရဲ့ လက္ခဏာက ဘယ်လိုရှိတယ်၊ ဘယ်လိုနေရာမျိုးမှာ ရှိတတ်တယ်၊ ဘယ်လိုရှောင်ကွင်းပြီးတော့ လိုရာခရီး (နိဗ္ဗာန်)ကို ဘယ်လို သွားရတယ်ဆိုတာ လမ်းညွန် ဟောကြားထားတဲ့ လမ်းညွန်တရားဖြစ်ပါတယ်။ ဘယ်သူမဆို ဗုဒ္ဓဘုရားရှင်ရဲ့ သွန်သင်ချက် တွေကို မျက်ကွယ်ပြုပြီး ထင်ရာကြဲကျင့်ကြံ၊ ဒီ ကျားဆိုးကြီးတွေကို သွားစ သွားကစားလို့ သူတို့ရဲ့ အကိုက် ခံရရင်တော့ ဒုစရိုက်ဆယ်ပါး အကုသိုလ် ဒဏ်ရာ အနာများနဲ့ ဘ၀ဆုံးပါး အပါယ် လားရတော့တာပါပဲ။ ဗုဒ္ဓ၀ါဒဟာ အရပ်စကားနဲ့ ပြောရရင် လောကဓံမှာ ကိုယ်ဖြစ် ကိုယ်ခံပါပဲ။ ကိုယ်လုပ်ရင် ကိုယ်ခံရမှာ မလွဲပါဘူး။ ဒီတော့ ဦးညွန့်ရွှေရဲ့ လူသတ်သမား နိဗ္ဗာန်ရောက်တယ်ဆိုတာ ဘုရားဝါဒ နဲ့ လုံးဝ ဆန့်ကျင်တဲ့ သံသရာဝန်လေးကြောင်း လူသတ် အားပေးမိစ္ဆာ အယူဝါဒ သာဖြစ်ပါတယ်။ ဒီအကြောင်းနဲ့ စပ်လျဉ်းပြီး ဓမ္မပဒ၀တ္ထုတော် ယမက၀ဂ် စက္ခုပါလမထေရ် ၀တ္ထုမှာ မြတ်စွာဘုရားရှင်က..

မနောပုဗ္ဗင်္ဂမာ ဓမ္မာ၊ မနောသေဋ္ဌာ မနောမယာ။
မနုဿာစေ ပဒုဋ္ဌေန၊ ဘာသတိဝါ ကရောတိဝါ။
တတောနံ ဒုက္ခမနွေတိ၊ စက္ကံ ၀ဟတော ပဒံ။ လို့ ဟောခဲ့ပါတယ်။

အဓိပ္ပါယ်က လောကဖြစ်စဉ်တရားတို့တွင် စိတ်သာလျှင် ပြဋ္ဌာန်းခြင်းရှိကုန်၏။ စိတ် သာလျှင် ရှေ့ဆောင် အကြီးအမှုး ဖြစ်၏၊ စိတ်ဖြင့်သာ ပြီးကုန်၏။ ဖျက်ဆီးလိုသော စိတ်ဖြင့် ပြောဆိုခြင်း၊ ပြုမူခြင်း၊ ရှိသည်ဖြစ်အံ့။ ထိုသို့သောပြောဆို ပြုမူခြင်း၏ မကောင်းမှုသည် ထမ်းပိုး ထမ်းသော နွား၏ ခြေရာခွက်နောက်သို့ လှည်းဘီးသည် ထပ်ကြပ်မကွာ လိုက်သည့် နည်းတူ ဒုက္ခဆင်းရဲသည် ထိုမကောင်းမှု၏ နောက်သို့ အစဉ်သဖြင့်လိုက်၏။ အလားတူပဲ ကောင်းမှု ကုသိုလ်နဲ့ ပတ်သက်လို့ မဋ္ဌကုဏ္ဍရီ ၀တ္ထုမှာ..

မနောပုဗ္ဗင်္ဂမာ ဓမ္မာ၊ မနောသေဋ္ဌာ မနောမယာ။
မနသာစေ ပသန္နေန၊ ဘာသတိဝါ ကရောတိဝါ။
တတောနံ သုခမနွေတိ၊ ဆာယာဝ အနပါယိနီ။

အဓိပ္ပါယ်က တရားဓမ္မက္ခန္ဓာအပေါင်းတို့တွင် စိတ်သာလျှင် ပြဋ္ဌာန်းခြင်းရှိကုန်၏၊ စိတ်သာလျှင် အကြီးအမှုး ရှိကုန်၏၊ စိတ်ဖြင့်သာ ပြီးကုန်၏။ သဒ္ဓါ၊ စေတနာစိတ်ဖြင့် ပြောဆိုခြင်း ပြုမူခြင်းရှိ သော ထိုကောင်းမှုသည်၊ အရိပ်သည် ကိုယ့်နဲ့မကွာ လိုက်ပါသကဲ့သို့ သုခချမ်းသာသည် ထိုကောင်းမှုနှင့် အစဉ်သဖြင့်လိုက်၏။

မကောင်းမှုဟူသည် ဆိတ်ကွယ်ရာမရှိ။ ကိုယ့်ရဲ့ အကုသိုလ်တရားများမှ ပြေငြိမ်းလွတ် မြောက်ရာ မရှိဆိုတာ ထင်ရှားလောက်ပါပြီ။ ဒီတော့ လူသတ်သမား နိဗ္ဗာန်မသွားနိုင်၊ သွားနိုင်တယ် ဆိုတဲ့ တရား မှားတယ်ဆို ထင်ရှားပါတယ်။
(နောက်တပိုင်းမှာ ရဟန်းသံဃာတွေ နိုင်ငံရေး လုပ်သင့် မလုပ်သင့် ဆက်လက် ဆွေးနွေးပါမယ်)

ရဲဘော်ကျော်သန်း
Kyaw_than2004@yahoo.com

Read More...

Collapse...

တပ်နှင့် ပြည်သူ ဘဝတူ (၂)

သူငယ်ချင်းရေ
ကိုယ်ရဲ့ပထမစာကို ဖတ်ပီးလောက်ပီးလို့ ယုံကြည်ပါတယ်။ သူငယ်ချင်းဆီကို စာတိုက်ကလည်း မပို့ချင်ဘူးလေ။ တပ်ရင်းက ဖွင့်ဖောက်ဖတ်ပီးမှ သူငယ်ချင်းတို့ဆီ ရောက်တယ်ဆိုတာ ကိုယ်တိုင်လည်း စစ်သားတဦး ဖြစ်ခဲ့ဘူးသူမို့ သိနေတယ်။ ဒါကြောင့် လူကြုံကောင်းနဲ့ ပို့ပေးတာ၊ တို့နိုင်ငံရဲ့ လူ့အခွင့်ရေး ချိုးဖောက်မှုဟာ ပြည်သူထဲက ပြည်သူ ဖြစ်တဲ့ ဒို့တပ်မတော်သားတွေပါ ချိုးဖောက်ခံနေ ရတာပါ။ ဘယ်အချက်တွေ ချိုးဖောက် ခံနေရတယ် ဆိုတာကို ပိုပီးရှင်းအောင် ကိုယ်ထပ်ပြောမယ် သူငယ်ချင်း။ ကမ္ဘာ့ ကုလသမဂ္ဂရဲ့အပြည်ပြည်ဆိုင်ရာ လူ့အခွင့်ရေး ကျေညာစာတမ်း အပိုဒ် (၃) နဲ့ (၁၂) ပဲ သူငယ်ချင်း။

အပိုဒ် (၃)မှာ - လူတိုင်းတွင် အသက်ရှင်ရပ်တည်ခွင့်၊ လွတ်လပ်ခွင့်နှင့် လုံခြံခွင့်ရှိသည်။
အပိုဒ်(၁၂)မှာ - မည်သူ့ ကိုယ်ရေးကိုယ်တာ ကိစ္စများ၊ မိသားစုနှင့် သက်ဆိုင်သော ကိစ္စများ၊ နေအိမ်နှင့် စာပေးစာယူ ကိစ္စများတို့ကိုမှ ဥပဒေအရ မဟုတ်သော ၀င်ရောက် စွက်ဖက် မခံစေရ။ ထိုဏ္ဍအပြင် ထိုသူ့ ဂုဏ်သိက္ခာကို ပုတ်ခတ်ပိုင်ခွင့်မရှိ။ လူတိုင်းတွင် ထိုသို့စွက်ဖက်ခြင်းမှ သော်လည်းကောင်း၊ ပုတ်ခတ်ခံရ ခြင်းကို သော်လည်းကောင်း ဥပဒေအရ ကာကွယ်ပိုင်ခွင့်ရှိသည်။...လို့ ဖော်ပြထားတယ်လေ။

အခုလို မိမိတို့ရဲ့စာကိုဖောက်ဖတ်ခံရခြင်းဟာ သူငယ်ချင်းတို့ရဲ့လွတ်လပ်ခွင့်နဲ့လုံခြုံမှုကို ထိပါးတာပါပဲ။ ဥပဒေရ မဟုတ်ဘဲ မိမိရဲ့ လူ့အခွင့်ရေး(မွေးရာပါ အခွင့်ရေး)ကို ဝင်ရောက် စွက်ဖက်တာပါပဲ။

သူငယ်ချင်း
ဒီလိုချိုးဖောက်မှုနဲ့တပ်တွင်းအရေးယူခံရတဲ့ အရာရှိငယ်တွေက ရဲဘော်တွေအထိ ဖြစ်စဉ်တွေကို နင်လည် သိပီးသာပါ။ အဲဒီ ကျေညာစာတမ်းရဲ့နောက်ဆုံးအပိုဒ် ၃၀ မှာ-
ွှ

ဤစာတမ်းပါ အခွင့်အရေးများနှင့် လွတ်လပ်ခွင့်များကို ဖျက်လိုဖျက်ဆီးဖြစ်စေမည့် လုပ်ငန်း လုပ်ရပ်များအား မည်သည့်နိုင်ငံ၊ မည်သည့် အဖွဲ့အစည်း၊ မည်သည့် လူပုဂ္ဂိုလ်ကမှ ကိုယ်တိုင် လုပ်ဆောင်ခွင့် ပါဝင်လုပ်ဆောင်ခွင့် မရှိကြောင်း ဤကြေညာစာတမ်းက အတိအလင်း ကြေညာသည်။ ... လို့ဖော်ပြထားသေးတယ်။

ဒါပေမဲ့ မင်းတို့ငါတို့ရဲဘော်တွေနဲ့တည်ဆောက်ထားတဲ့ တပ်မတော်ကို ခုတုံးလုပ်ပီး ကိုယ်ကျိုးစီး ပွားရှာနေတဲ့ စစ်ခေါင်းဆောင်တွေ ကတော့ မလိုက်နာဘူးဆိုတာ မင်းတို့ ငါတို့နဲ့ နိုင်ငံသိ ကမ္ဘာသိပါပဲ။ ပြည်သူတွေလည်း အဲဒီအချက်တွေ ချိုးဖောက် ခံနေရတာပါပဲ။ ဒါကြောင့် တပ်နဲ့ ပြည်သူ ဘဝတူတွေပဲ ဆိုတာ ရှင်းပါတယ်ကွာ။ အဲဒီကိစ္စကို နောက်မှ ဆက်ပြောတော့မယ်။ နင့်ကို အဓိကပြောချင်တာ ရှိတယ်။

ပြောချင်တာက အခုလ ဖေဖေါ်ဝါရီ ၁၃ ရက်နေ့က ဒို့တပ်မတော်ရဲ့ဖခင်၊ လွတ်လပ်ရေးဖခင်၊ အမျိုးသား ခေါင်းဆောင် ဗိုလ်ချုပ်အောင်ဆန်း၊ သခင်အောင်ဆန်းရဲ့ အသက် ၉၅ နှစ်ပြည့်တဲ့ နေ့ပဲ။ ဒို့လူမျိုးတွေရဲ့ ထူးခြားတယ်လို့ ယူဆတဲ့ မွေးနေ့ မွေးရက် ဆုံတဲ့နှစ်နဲ့ မွေးနေ့ပဲ သူငယ်ချင်း။ လက်ရှိ စစ်ခေါင်းဆောင်တွေ ကတော့ မသိကျိုးချင်ပြုမှာပါ။

အလွန်စိတ်ပျက်ဝမ်းနည်းမခံချင်စရာ ကောင်းပါတယ်။ တကယ်ဆို သူလို ကမ္ဘာက လေးစားခံရတဲ့ နိုင်ငံ့ဖခင် တစ်ယောက်ရဲ့ မွေးနေ့ကို ခမ်းခမ်းနားနားနဲ့ နိုင်ငံနဲ့အဝှမ်း ကျင်းပ ပေးသင့်တာပေါ့။ တပ်မတော်ထဲမှာဆို ပိုလို့တောင် လုပ်ပေး ရဦးမှာနော်။ သူတည်ထောင်ခဲ့လို့ ပေါ်ထွန်းလာတဲ့ တပ်မတော်ကြောင့် ဗိုလ်ချုပ်မှူကြီး ဖြစ်နေရပါ လားဆိုတာကို မင်းတို့ တပ်ချုပ်ကြီး သတိရဖို့ ကောင်းတယ်။ ဒီအဖေကြောင့် သားဖြစ်လာပီး အမွေ ဆက်ခံ နေရပါလားဆိုတာ မမေ့သင့်ဘူးကွာ။ တို့တွေလည်း ဒါကြောင့် ရဲဘော်ရယ်လို့ ဖြစ်လာတာပေါ့။ တို့အားလုံးသူကို သတိရပီး သူဖြစ်စေချင်တဲ့ တပ်မတော်ကို ဖြစ်အောင် ဆက်လက် သယ်ပိုးဖို့ တာဝန်ရှိတယ်ဆိုတာ မင်းလဲသိပါတယ်။

ငါမင်းနဲ့အတူတပ်ထဲမှာရှိစဉ်တုံးက မင်းပြောပြခဲ့တဲ့ ဗိုလ်ချုပ်စကားလေးကို မှတ်မိနေတယ် သူငယ် ချင်း။ မင်း မ.ဆ.လ ပါတီက ထုတ်တဲ့ ဗိုလ်ချုပ် မိန့်ခွန်း များစာအုပ်ကို ဖတ်ပီး ပြောခဲ့တာလေ။ တပ်နဲ့ ပတ်သက်ပီး ပြောခဲ့တာပေါ့။

“စစ်တပ်ဟာတိုင်းပြည်အုပ်ချုပ်ရေးမှာ ဝင်မစွက်ဖက်ရဘူး။ စွက်ဖက်ရင် အာဏာရှင် စစ်တပ် ဖြစ်သွားမယ်။ စစ်တပ်ဟာ တိုင်းပြည် အုပ်ချုပ်ရေးနဲ့ နိုင်ငံရေးမှာ ဝင်မပါရဘူး၊ ဝင်ပါရင် ဖက်စစ်အာဏာရှင် စစ်တပ် ဖြစ်သွားမယ်။ ဒီလိုစိတ်မျိုး ရှိနေသူတွေ အခုထဲက ပြင်ကြပါ” လို့ပြောခဲ့တာနော်။

သူငယ်ချင်းရေ
ဗိုလ်ချုပ်တို့ထိုင်းနိုင်ငံမှာတပ်မတော်စတင်ဖွဲ့ခဲ့တဲ့ ၁၉၄၂ ခုကဆို အခု တို့တပ်မတော် သက်တမ်းက ၆၈ နှစ်တောင် ရှိပီးနော်။ ဗိုလ်နေဝင်း အာဏာသိမ်းခဲ့တဲ့ ၆၂ ခုက ၈၈ ထိက အာဏာရှင် စစ်တပ်ပေါ့၊ ၈၈ ကနေ ဒီဖက်ထိကတော့ ဖက်ဆစ် အာဏာရှင်စစ်တပ် ဖြစ်နေပီနော် သူငယ်ချင်း။ တို့ဖခင် ဗိုလ်ချုပ်အောင်ဆန်း ပြောခဲ့တာနဲ့ စိစစ် ကြည့်လိုက်တာပါ။

တပ်မတော် သက်တမ်းရဲ့ သုံးပုံ နှစ်ပုံ ကျော်ဖြစ်တဲ့ ၄၈ နှစ်ဟာ အာဏာရှင်၊ ဖက်ဆစ် အာဏာရှင် စစ်တပ်အဖြစ် ဖြတ်သန်း ခဲ့တာပဲနော်။ သူငယ်ချင်းရေ.. သားသ္မီးဝတ် ငါးပါးမှာပါတဲ့ စောင့်လေမျိုးနွယ် ဆိုတဲ့ စကားအတိုင်း တို့ဖခင် ဖြစ်စေလိုတဲ့ ပြည်သူချစ်တဲ့ တပ်မတော်ဖြစ်ဖို့ မင်းတို့လို အမှုထမ်းဆဲ တပ်မတော်သားတွေမှာရော ငါတို့လို တပ်မတော်သား ဟောင်းတွေမှာပါ တာဝန် ရှိတယ်နော်။

သူငယ်ချင်းရေ
ဒီတော့မင်းတို့ကလည်းတပ်တွင်းမှာ မွေးနေ့မွေးရက်ဆုံနေတဲ့ တပ်မတော် ဖခင်ဗိုလ်ချုပ်အောင်ဆန်းရဲ့ ၉၅ နှစ်မြောက် မွေးနေ့ကို ကိုယ့်အစီစဉ်နဲ့ကိုယ် ကျင်းပစေချင်တယ်။ ငါတို့လဲ ပြင်ပကနေ ကျင်းပရင်းနဲ့ ဖအေကို ခြေစုံကန်နေတဲ့ သားမိုက် ဗိုလ်ချုပ်မှူးကြီးတို့ လူတသိုက်ကို ဆုံးမသတိပေးရ အောင်လား။

ငါတို့ မိသန်းအေးက ပြောမှာပဲ၊ သူ့အကြောင်းလေးတောင် မေးဖော်မရဖူးလို့။ ပြောလိုက်ပါကွာ၊ အစဉ် မင်းကို သတိရခြင်းနဲ့ အတူ သူ့ကိုလည်း သတိရနေကြောင်း။ သူရဲ့ ပဲပြုပ်နဲ့ မျှစ်ကြော်ကို အမြဲ သတိရနေပါတယ်လို့။ အခုရော မင်းတို့ ပဲပြုပ်နဲ့ မျှစ်ကြော်တောင် စားနိုင်သေးရဲ့လား သူငယ်ချင်း၊။

မင်းတို့တပ်မိသားစုအပေါင်းကိုယ်စိတ်နှစ်ဖြာ ကျမ္မာ ချမ်းသာပြီး ဘေးဘယာ ကင်းဝေးလို့ စစ်မှန်တဲ့ ပြည်သူ့ တပ်မတော်ကို တည်ဆောက်နိုင်သူများ ဖြစ်ကြပါစေလို့ ဆုမွန်ကောင်း တောင်းလိုက်ပါတယ်။

မင်းတို့ကိုခင်တဲ့
မင်းတို့ကခင်တဲ့
နှောင်းလူ

Read More...

Collapse...

တပ်နဲ့ ပြည်သူ ဘဝတူ (၁)

သူငယ်ချင်းရေ

တို့တွေခွဲခွာခဲ့ဝေးကွားခဲ့ကြတာ အခုဆို အနှစ်ဆယ်ကျော်ပီနော်။ သူငယ်ချင်းနဲ့ ကိုယ်က ဖောင်ကြီးအမှတ် ( ၁ ) လေ့ကျင့်ရေးမှာ စတွေ့ကြတာလေ။ သင်တန်းပီးလို့ တာဝန်ကျတဲ့ တပ်ကျပြန်တော့လဲ အတူပဲဆိုတော့ တအူတုံဆင်း ညီအရင်းလို ဖြစ်ခဲ့ကြရတယ်။ ဒါပေမဲ့ တို့ရဲဘော်တွေရဲ့ ဘဝဟာပြည်သူတွေရဲ့ ဘဝ တွေလိုပါပဲ၊ ငတ်တလဲ ပြတ်တလဲနဲ့ နေရတာ။ ဒီကြားထဲ ရှေ့တန်းက ပြန်ရောက်ပြန်တော့ လစာကို အထက်အရာရှိတွေ သုံးထားတာနဲ့ ကြုံရသေးပေါ့။ တို့ရဲဘော်တွေနဲ့ စစ်တပ်ကို ခါးပိုက်ထဲ ထည့်ထားတဲ့ စစ်အာဏာရှင် ဗိုလ်ချုပ်ကြီးတွေ ကတော့ တိုင်းပြည်ရဲ့ ကယ်တင်ရှင် အဖြစ် ဟစ်ကြွေးပီး၊ ချမ်းသာနေတယ်။ တိုင်းပြည်နဲ့ လူထုက ဆင်းရဲနေရတယ်။ ကမ္ဘာ့ အဆင်းရဲဆုံး ဖြစ်ခဲ့ရတာ သူငယ်ချင်းလဲ သိပါတယ်။

ဒါတွေ- မခံနိုင်တော့တဲ့အဆုံး ကျောင်းသားတွေနဲ့ အတူ ပြည်သူ တစ်ရပ်လုံးက အာဏာရှင်စနစ် ကျဆုံးပါစေ၊ တစ်ပါတီစနစ် ဖျက်သိမ်းပါ။ ပါတီစုံ ဒီမိုကရေစီနဲ့ ကြားဖြတ် အစိုးရကို တောင်းဆို ခဲ့ကြတော့တာပေါ့။ ဒီတုံးက သူငယ်ချင်းနဲ့ကိုယ် လက်ခုပ်တီး ထောက်ခံခဲ့တာ မှတ်မိနေသေးတယ် သူငယ်ချင်း။

နောက်ပြည်သူဘဝနဲ့ထပ်တူနေတဲ့ လေတပ်၊ ရေတပ်၊ ကပစ အစရှိတဲ့ ရဲဘော်တွေ ပြည်သူတွေနဲ့ ပူးပေါင်းပီး ချီတက် တောင်းဆိုခဲ့ကြတယ်။ တပ်မ ( ၂၂ ) က ဗိုလ်ကြီး စိုင်းဝင်းကျော် ဆိုသူလည်း ဒီမိုကရေစီဘက် ပူးပေါင်းသွားတယ်။ ခလရ (၁၆ ) မှော်ဘီတပ်ရင်းက တပ်စိတ် တစ်စိတ်ပါ ပူးပေါင်းသွားတယ်။ သူငယ်ချင်းနဲ့ ကိုယ်လည်း ပြည်သူနဲ့ လက်တွဲဖို့ ဆုံးဖြတ်ခဲ့ကြတယ်။

ဒါပေမဲ့ အဲဒီတုန်းက သူငယ်ချင်းက ရက်သားသာ ရှိသေးတဲ့ သားနဲ့ ဇနီးကြောင့် ကျန်နေခဲ့ရတယ်။ ကိုယ်ကတော့ လိုက်ပါ သွားခဲ့တယ်လေ။ အဲဒီတုံးက ပြည်သူနဲ့တွေ့ရင် ရေလို ဆက်ဆံရမယ် ဆိုတဲ့ ကျင့်ဝတ် အတိုင်း နေခဲ့တဲ့ အချို့တပ်ရင်းက တပ်ခွဲတွေ၊ တပ်ရင်းတွေ၊ တပ်ရင်းမှူးတွေ အရေးယူ ခံခဲ့ရတာ သူငယ်ချင်း အသိပါ။

သူငယ်ချင်းရေ-နောက်လာတဲ့မောင်ပုလဲ ဒိုင်းဝန်းထက်ကဲ ဆိုသလို အခုသူငယ်ချင်းတို့ တပ်ချုပ်ကြီး လက်ထက်မှာ တိုင်းပြည်နဲ့ ပြည်သူဟာ ငရဲရှစ်ထပ် အောက်ဆုံးကို ရောက်နေရသလိုပါပဲ။ သူငယ်ချင်းတို့လို ဆရာကြီးတွေနဲ့ ဗိုလ်မှူးကြီး အဆင့်ထိဟာလဲ ပြည်သူနဲ့ ဘဝတူ ခံစား နေကြရတာပါပဲ။ သူငယ်ချင်းဆို စစ်သက် ၂၈နှစ်လောက် ရှိနေတာတောင် ထွက်ခွင့်လဲမရ။အငြိမ်းစားလဲ မရနဲ့ တပေပေနဲ့ ခံနေရတယ်လို့ ကြားပါတယ်။

ဒါကြောင့် ရဲဘော်တွေ မခံနိုင်သလို သူတို့ အထက်အရာရှိတွေလည်း မခံနိုင်တော့လို့ အခုဆို တပ်တွင်း တောင်းဆိုမှုတွေ၊ ထွက်ခွင့်တွေ တင်နေကြတယ်လို့ တပ်သတင်းတွေ အတော့်ကို ကျယ်ကျယ်ပြန်ပြန့် ထွက်လာ နေတယ်နော်။ သူငယ်ချင်းကပိုသိမှာပါလေ။

အဲဒီသတင်းထက်ပိုပီး စိတ်ဝင်စားဖို့ကောင်းတဲ့ တပ်သတင်းတခု ထွက်လာတယ် သူငယ်ချင်း။ လားရှိူးမြို့မှာ၂၄.၁.၁၀နေ့ ညနဲ့ ၂၅.၁.၁၀ မနက်ပိုင်းမှာ ဖြစ်ခဲ့တာပါ။ တပ်မိသားစုများရဲ့ ပန်ကြားလွှာကို လက်ရေးနဲ့ရေးပီး၊ အရှေ့မြောက်တိုင်း စစ်ဌာနချုပ် ပတ်ဝန်းကျင်၊ တိုင်းလမ်းတလျောက်၊ တပ်မိသားစုတွေ နေထိုင်ရာ ဘူတာဈေး၊ ဗျူဟာလမ်းနဲ့ အခြားနေရာ အတော်များမှာ ကပ်သွားတယ်။ အဲဒီမှာ----

တပ်နဲ့ပြည်သူ၊ ဘဝတူ၊ အတူလက်တွဲ၊ ဒို့အောင်ပွဲ
စားဝတ်နေမှု ဖူလုံရေး၊ ချက်ချင်းဖြေရှင်းပေး
တွေ့ဆုံ ဆွေးနွေး အဖြေရှာရေး၊ လက်တွေ့ဦးစားပေး---- လို့
ရေးထား တောင်းဆိုထားတယ် သူငယ်ချင်း။

သူငယ်ချင်းရေ-တပ်မိသားစုရဲ့ပန်ကြားလွှာဟာ လက်တွေ့ ကိုယ်တို့နိုင်ငံရဲ့ ပကတိ အခြေနေကို ထင်ဟပ် ပြတာပါပဲ။ သူငယ်ချင်းလဲ အခုလို ပြည်သူက တပ်ကို ရွံ့ကြောက်မုန်းတီး နေတာကို အရင်လို ပျိုတိုင်း ကြိုက်တဲ့ နှင်းဆီခိုင် တပ်အဖြစ် ပြောင်းလဲနိုင်ဖို့၊ ဘဝတူ တပ်နဲ့ပြည်သူ၊ အတူလက်တွဲပီး အောင်ပွဲဆီကို သွားဘို့၊ စိတ်တူ၊ ယုံကြည်ချက် တူသူတွေနဲ့ လက်တွဲ ဆောင်ရွက်ဖို့ လုပ်နေပီလို့ ကိုယ်ယုံကြည်တယ် သူငယ်ချင်း။

မိသန်းအေးကိုလဲငါက သတိရတယ်လို့ ပြောလိုက်ပါ။ သူငယ်ချင်းတို့ တမိသားစုလုံး ကိုယ်စိတ်နှစ်ဖြာ ကျမ္မာ ချမ်းသာလို့ ဘေးဘယာ အပေါင်းက ကင်းဝေးကာ ဘဝတူ ပြည်သူတွေရဲ့ အကျိုးကို အောင်မြင်စွာ သယ်ပိုး နိုင်ပါစေလို့ မေတ္တာပို့သ လိုက်ပါတယ်။

သတိရခင်မင်လျက်
နှောင်းလူ

Read More...

Collapse...