အမေရိကန်မှာအောင်ပွဲရနေတဲ့ ကချင်တိုင်းရင်းသား

2012-10-20

အမေရိကန်ပြည်ထောင်စု အရှေ့ဖက်ခြမ်း Delaware ပြည်နယ် မှာ ဒီလ (၁၄)ရက်နေ့က ပထမဦးဆုံးအကြိမ်ပြုလုပ်တဲ့ ကိုယ်ခံ ပညာပေါင်းစုံအသုံးပြုတိုက်ခိုက်ရတဲ့ (Mixed Martial Arts) ပြိုင်ပွဲမှာ မြန်မာနိုင်ငံဖွား ကချင်တိုင်းရင်းသား အောင်လအင် ဆန်း အနိုင်ရရှိခဲ့ပါတယ်။

သူ့အနေနဲ့ မြန်မာနိုင်ငံနဲ့ ကချင်တိုင်းရင်းသားတွေရဲ့ ဂုဏ်ကိုမြှင့်တင်ချင်တဲ့အတွက် ဒီပွဲကို အနိုင်ရအောင်ထိုးသတ်ခဲ့တာဖြစ်တယ်လို့ အောင်လအင်ဆန်း က RFA ကိုပြောပါတယ်။

သူအနိုင်ရရခြင်း ပြိုင်ပွဲစင်မြင့်ကိုကာထားတဲ့ သံကွန်ခြာစည်းဝိုင်းပေါ်တက်ပြီး ကချင်အမျိုးသားအလံ ကို လွှင့်ထူခဲ့ပါတယ်။ အဲဒီ Cage Fury Fighting Championship (CFFC) ပြိုင်ပွဲကရတဲ့ ဆုကြေးငွေ တချို့ကို ကချင်ပြည်နယ်က စစ်ဘေးဒုက္ခ သည်တွေအတွက် ပေးပို့ကူညီလိုက်တယ်လို့ သူက ပြောပါတယ်။

ဒါ့အပြင် သူဟာ ကိုယ်ခံပညာပေါင်းစုံ အသုံးပြုယှဉ်ပြိုင်ရတဲ့သူတဦးဖြစ်တဲ့အတွက် မြန်မာနိုင်ငံကို ပြန်ပြီး မြန်မာလက်ဝှေ့နဲ့ သိုင်း ပညာကိုလည်း သင်ယူချင်တယ်လို့ အောင်လအင်ဆန်း က ပြောပါ တယ်။ အမေရိကန် ပရိသတ်တွေက အောင်လအင်ဆန်း (Aung La Nsang)ကို မြန်မာပြည်က စပါးကြီးမြွေ (Burmese Python)လို့ တင်စားခေါ်ဝေါ်ကြပါတယ်။ သူဟာ အမေရိ ကန်ပြည်ထောင်စု မေရီလန်း ပြည်နယ် ဘော်လ်တီမိုးမြို့က Crazy 88 ကလပ်မှာ ကိုယ်ခံပညာပို့ချနေပါတယ်။

Ref: အာရ်အဖ်အေ

Read More...

Collapse...

သမ္မတဦးသိန်းစိန် ဒု-သက်တမ်းအတွက် စဉ်းစားမည်

မသိင်္ဂီထိုက်
21.10.2012

သမ္မတ အိမ်တော်မှာ ပြုလုပ်တဲ့ ဒီကနေ့ သတင်းစာ ရှင်းလင်းပွဲမှာတော့ သမ္မတ ဦးသိန်းစိန်က လိုအပ်ရင် နောက်ထပ် သမ္မတ သက်တမ်း တာဝန် ထမ်းဆောင်မယ်လို့ ပြောဆိုလိုက်ပါတယ်။ ဒါ့အပြင် ဒီကနေ့ တိုင်းရင်းသား ငြိမ်းချမ်းရေး၊ လူမှုရေးနဲ့၊ မကြာခင်က ပြန်လည် ရောက်ရှိလာတဲ့ အမေရိကန် ပြည်ထောင်စု ခရီးစဉ်နဲ့ ပတ်သက်ပြီးလည်း သတင်းထောက်တွေ မေးမြန်းခဲ့တာတွေကို လည်း ဖြေကြားခဲ့ပါတယ်။ မသိင်္ဂီထိုက် က ဆက်သွယ် မေးမြန်းထားပါတယ်။

ပြီးခဲ့တဲ့လက အမေရိကန် ပြည်ထောင်စု ခရီးစဉ် အတွင်း ပြည်ပ သတင်းထောက်တွေ နဲ့ တွေ့ဆုံ မေးမြန်းမှုတွေ လုပ်ဆောင်ခဲ့တဲ့ သမ္မတ ဦးသိန်းစိန်က ပြည်တွင်း မီဒီယာတွေနဲ့ တနင်္ဂနွေနေ့မှာ တွေ့ဆုံခဲ့ပါတယ်။ နိုင်ငံတကာ မီဒီယာတွေနဲ့ တွေ့ဆုံပြီး ပြည်တွင်း မီဒီယာတွေနဲ့ မတွေ့ဆုံဘူးလို့ မဖြစ်ရလေအောင် သူ့အနေနဲ့ အခု တွေ့ဆုံပွဲကို စီစဉ်ရတာပါလို့လည်း သမ္မတ ဦးသိန်းစိန်က အခုလို ပြောပါတယ်။

“ပြည်ပက မီဒီယာတွေနဲ့ ကျနော် မကြာမကြာ တွေ့တယ်။ အခု ပြည်တွင်း မီဒီယာတွေနဲ့ မတွေ့ဖြစ်တာ အတော်လေး ကျနော် ကြာပါပြီ။ အဲဒီတော့ ပြည်တွင်း မီဒီယာတွေနဲ့လည်း ကျနော် တွေ့သင့် တယ်။ တွေ့ဆုံဖို့သင့်တယ် ဆိုပြီးတော့ ဒါ ကျနော်တို့ ဦးစိုးသိန်းတို့၊ ဦးအောင်မင်းတို့ သက်ဆိုင်ရာ ၀န်ကြီးတွေနဲ့ စီစဉ်ပြီးတော့မှ တွေ့ဆုံလိုက်တာပါ။”

အစိုးရရဲ့ သဘောထား ဆောင်ရွက်ချက်တွေကို ပြည်သူတွေ သိရှိစေဖို့က မီဒီယာတွေရဲ့ အရေးကြီးတဲ့ အခန်းကဏ္ဍလည်း ဖြစ်ပါတယ်လို့ သမ္မတက ပြောပါတယ်။

“ကျနော်တို့ရဲ့ သဘောထားတွေကို ပြည်သူတွေ သိရှိ နားလည်ဖို့ လိုပါတယ်။ ကျနော်တို့ရဲ့ အမြင်၊ ကျနော်တို့ရဲ့ သဘောထား တွေ၊ ခင်ဗျားတို့ရဲ့ အမြင် ခင်ဗျားတို့ရဲ့ သဘောထားတွေကို နှစ်ဦးနှစ်ဘက် ရဲ့ အခြေအနေ သိနေရုံနဲ့ မပြီးသေးပါဘူး။ ပြည်သူ တွေ သိဖို့ အရေးကြီးပါတယ်။ အဲဒီလိုသိဖို့က ပြည်သူတွေသိအောင် ဆောင်ကြဉ်းပေးနိုင်တဲ့ အဖွဲ့တွေကတော့ ခင်ဗျားတို့ သတင်း မီဒီယာ သမားတွေပဲ ဖြစ်ပါတယ်။”

ဒီကနေ့ တွေ့ဆုံပွဲမှာ သတင်းထောက်တွေရဲ့ မေးမြန်းမှုတွေကို ဖြေကြားတာမှာတော့ လူထု အနေနဲ့ နောက်ထပ် သူ့ကို သမ္မတ အဖြစ် ရွေးဖို့ ဆန္ဒရှိနေတယ်ဆိုရင် ဒုတိယ သက်တမ်း စဉ်းစားမယ်ဆိုပြီး ဖြေကြားပါတယ်။ သမ္မတ ဦးသိန်းစိန်က ပြည်ပ ခရီးစဉ် တခုမှာ သူ့အနေနဲ့ ပထမ သက်တမ်းကုန်ရင် ဆက်ပြီး ရွေးကောက်ပွဲ ၀င်မှာ မဟုတ်ဘူးလို့ ပြောဆိုခဲ့တာပါ။ နောက် လက်ရှိ ရခိုင်ပြည်နယ် ပဋိပက္ခနဲ့ ပတ်သက်ပြီးလည်း အစ္စလာမ် ပူးပေါင်းဆောင်ရွက်ရေး အဖွဲ့ OIC ရုံးခွဲ လာရောက်ဖွင့်လှစ်ခွင့် မပြု ဘူးလို့လည်း ပြောပါတယ်။

ကချင်လက်နက်ကိုင် အဖွဲ့ KIO နဲ့ ငြိမ်းချမ်းရေး ဆက်ပြီး လုပ်ဆောင်သွားမယ့် အနေအထားကိုလည်း ရှင်းသွားပါတယ်။ ဆင်းရဲ မွဲတေမှု လျှော့ချရေး အတွက် စီမံချက် ၈ ခုနဲ့ အစိုးရက ဆောင်ရွက်နေတယ် ဆိုပေမဲ့၊ တကယ်တန်း အပြောင်းအလဲကို လူ တိုင်း ခံစားနိုင်ဖို့ ဆိုတာတော့ အချိန်ယူရဦးမယ်လို့လည်း သူက ဆိုပါတယ်။

ဒီကနေ့ သတင်းစာ ရှင်းလင်းပွဲနဲ့ ပတ်သက်ပြီးတော့ ပြည်တွင်း သတင်းထောက်တွေ အယ်ဒီတာတွေကရော ဘယ်လို ရှုမြင်ကြ ပါသလဲ။ 7 Days News ဂျာနယ်ရဲ့ အယ်ဒီတာ ကိုအားမန်ကို ကျမ မေးကြည့်ပါတယ်။

“ထပ်ပြီး မျှော်လင့်တာကတော့ ဒီတကြိမ် ပြီးသွားလို့ရှိရင် နောက်တကြိမ် ရှိလာဦးမလား ဆိုပြီးတော့လေ။ အခုတော့ လမ်းက တော့ ပွင့်သွားပြီဆိုတော့ ဒီတခေါက်က ကျနော် ထင်တယ်။ ရှေ့မှာ သမ္မတလည်း သူ ဖြေခဲ့တဲ့ဟာတွေက များလာတော့ ဖြေခဲ့တဲ့ အတွေ့အကြုံများလို့ရှိရင်လည်း ကျနော်တို့ တချို့ မေးတဲ့မေးခွန်းတွေ ဆိုရင်လည်း ခက်ခက်ခဲခဲ မေးခွန်းတွေ ပါပေမဲ့ သူလည်း အင်တာဗျူးဖြေတဲ့ အတွေ့အကြုံ များလာတော့ ပြောတာတော့ အများကြီးပဲ။ ဒါပေမဲ့ သူလည်း ရှောင်တိန်း ပြီးတော့ ဖြေသွားတော့လေ၊ တော်တော်လေး ပြောတတ်ဆိုတတ်တာမျိုး ဖြစ်လာတာ တွေ့ရတယ်။ ပြောတာတော့ အများကြီးပဲ။ လိုချင်တဲ့ ဟာကတော့ မရသွားဘူး။ ဒါပေမဲ့ သူ မဖြေဘူးလား ဆိုတော့လည်း မဟုတ်ဘူး။ ဖြေတော့ ဖြေသွားတယ် ဆိုတာမျိုး။ အခုက အစဆိုတော့ နောင်လည်း ကျနော်တို့ ထပ်ရမယ်ဆိုရင်တော့ အဆင်ပြေပါတယ်။ အခုပွဲကတော့ ရိုးရိုးသားသား ပြောရ ရင်တော့ မလုပ်ခင်ကလောက်၊ မျှော်လင့်သလောက်တော့ အချက်အလက်တွေ မရဘူးခင်ဗျ။”

ဒါကတော့ 7 Days News ဂျာနယ်က ကိုအားမန် ပြောပြသွားတာပါ။ ဒီကနေ့ သမ္မတ အိမ်တော်မှာ လုပ်ခဲ့တဲ့ သတင်းစာ ရှင်းလင်းပွဲမှာတော့ ပြန်ကြားရေး ၀န်ကြီး ဦးအောင်ကြည်လည်း တက်ရောက်ခဲ့ပြီး နိုင်ငံခြား သတင်းထောက်တွေ မြန်မာနိုင်ငံမှာ လာရောက် သတင်းရယူနိုင်ဖို့ အတွက် အကြိမ်ကြိမ် ၀င်ထွက်နိုင်တဲ့ ပြည်ဝင်ခွင့် ဗီဇာတွေ ထုတ်ပေးဖို့ သူ ထောက်ခံထားတဲ့ အကြောင်းလည်း ပြောသွားပါတယ်။ ပြည်တွင်း သတင်းထောက် ၁၅၀ လောက် တက်ရောက်ခဲ့တဲ့ ဒီနေ့ သတင်းစာ ရှင်းလင်းပွဲ မှာတော့ သမ္မတရုံး ၀န်ကြီး ဦးအောင်မင်းနဲ့ ဦးစိုးသိန်းတို့လည်း တက်ရောက်ခဲ့ပါတယ်။


Ref: ဗွီအိုအေ

Read More...

Collapse...

နန်းခင်ဇေယျာ နိုင်ငံတကာမယ်ရွေးပွဲရဲ့ Miss Internet ဆု ရရှိ

1.10.2012

ဂျပန်နိုင်ငံ အိုကီနာဝါမှာ ဒီကနေ့ ကျင်းပနေတဲ့ Miss International နောက်ဆုံး အဆင့် ရွေးချယ်ပွဲမှာ မြန်မာနိုင်ငံက ၀င်ရောက်ယှဉ်ပြိုင်တဲ့ Miss Myanmar ပအိုဝ်တိုင်းရင်းသူ နန်းခင်ဇေယျာဟာ အင်တာနက်ပေါ်မှာ လူကြိုက်အများဆုံးဆု Miss Internet ဆု ရရှိသွားပါတယ်။ ဒါပေမဲ့လည်း နောက်ဆုံးအဆင့် ဇကာတင်ပြိုင်ပွဲ ၁၅ ဦး ရွေးချယ်ရာမှာတော့ နန်းခင်ဇေယျာ ရွေးချယ်ခံရမှု မရှိတာကြောင့်၊ မစ် အင်တာနက်ဆုနဲ့ပဲ နှစ်သိမ့်လိုက်ရပါတယ်။

၂၀၁၂ ခုနှစ် Miss International ဆုကိုတော့ ဂျပန်နိုင်ငံက ၀င်ရောက်ယှဉ်ပြိုင်သူ Ikumi Yoshimatsu က ရရှိ သွားပြီး ဒုတိယဆု ကိုတော့ ဖင်လန်နိုင်ငံက မယ် ရရှိပါတယ်။

နန်းခင်ဇေယျာဟာ နောက်ဆုံးဖိုင်နက် ပြိုင်ပွဲမတိုင်ခင်ကတည်းက People Choice Award ကိုလည်း ရရှိထားသူ ဖြစ်ပါတယ်။ ဒီကနေ့ လုပ်တဲ့ နောက်ဆုံးအဆင့် ပြိုင်ပွဲမှာ ပြိုင်ပွဲအခန်း နှစ်ခုဖြစ်တဲ့ Swin Suit ရေကူးဝတ်စုံ ၀တ်ဆင်ပြိုင်ဆိုင်မှုနဲ့ ညနေခင်း ၀တ်စုံဝတ်ဆင် ပြိုင်ဆိုင်မှုနှစ်ခုမှာ နန်းခင်ဇေယျာ ၀င်ရောက် ယှဉ်ပြိုင်ခဲ့ပါတယ်။

Ref: ဗွီအိုအေ

Read More...

Collapse...

အမေရိကန်-အီရန် နျူကလီးယားအရေး ဆွေးနွေးဖို့ အစီအစဉ်မရှိသေး

21.10.2012

အီရန်နိုင်ငံက အငြင်းပွားစရာ ဖြစ်နေရတဲ့ နျူကလီးယား အစီအစဉ်နဲ့ ပတ်သက်လို့ အရင်က တခါမှ မရှိဖူးခဲ့တဲ့ နှစ်နိုင်ငံ တွေ့ဆုံ ဆွေးနွေးဖို့ သဘောတူညီချက် ရရှိထားတယ်ဆိုတဲ့ သတင်းတွေဟာ မမှန်ဘူးလို့ အီရန်နဲ့ အမေရိကန် တာဝန်ရှိသူတွေက ပြော လိုက်ကြပါတယ်။ အမေရိကန်နဲ့ တနိုင်ငံချင်း တွေ့ဆုံဆွေးနွေးမှုမျိုး အီရန်နိုင်ငံဘက်က ဆောင်ရွက်နေတာ မရှိတဲ့အကြောင်း အီရန် နိုင်ငံခြားရေးဝန်ကြီး Ali Akbar Salehi က တနင်္ဂနွေနေ့ သတင်းစာ ရှင်းလင်းပွဲ မှာ ပြောခဲ့တာပါ။

အမည်မဖော်လိုသူ အမေရိကန် အစိုးရ တာဝန်ရှိသူတဦးကို ကိုးကားထားတဲ့ New York Times သတင်းစာရဲ့ ဖော်ပြချက်ဟာ မမှန်ဘူးလို့ သမ္မတ အိမ်ဖြူတော်က စနေနေ့မှာ ငြင်းဆန်ခဲ့ပါတယ်။ သံတမန်ရေးအရ အဖြေရနိုင်ရေး အမေရိကန် ပြည်ထောင်စု က ဂျာမဏီနိုင်ငံ၊ ကုလသမဂ္ဂ လုံခြုံရေးကောင်စီ အမြဲတန်းအဖွဲ့ဝင် နိုင်ငံတွေနဲ့ လက်တွဲ ဆောင်ရွက်နေတယ်လို့ အမျိုးသား လုံခြုံရေး ကောင်စီ ပြောခွင့်ရသူ Tommy Vietor ကပြောခဲ့တာပါ။

အမေရိကန်နဲ့ တခြားအနောက်နိုင်ငံတွေဟာ နျူကလီးယား လက်နက် ထုတ်လုပ်ဖို့ ကြိုးပမ်းနေတယ်ဆိုတဲ့ သံသယနဲ့ အီရန်ရဲ့ နျူကလီးယား လုပ်ငန်းတွေကို ရပ်တန့်ဖို့ ကြိုးပမ်းနေကြတာ ဖြစ်ပါတယ်။ New York Times သတင်းစာကတော့ အမေရိ ကန်နဲ့ အီရန်ကြား လျို့ဝှက်ဆွေးနွေးမှုတွေဟာ သမ္မတ ဘရက်ခ် အိုဘားမား စတင် တာဝန်ယူခဲ့တဲ့ အချိန်လောက်ကတည်းက ရှိနေခဲ့တာလို့ ဖော်ပြခဲ့တာပါ။ နှစ်နိုင်ငံကြား ဆွေးနွေးမယ့် အစီအစဉ်ကိုတော့ အမေရိကန်မှာ သမ္မတရွေးကောက်ပွဲတွေ အပြီး လောက်မှ လုပ်ဆောင်ဖို့ အီရန်နိုင်ငံဘက်က လိုလားနေတယ်လို့လည်း အမေရိကန် အစိုးရရဲ့ အမည်မဖော်လိုသူ အကြီးတန်း အရာရှိတဦးကို ကိုးကားပြီး သတင်းစာမှာ ရေးသားခဲ့တာ ဖြစ်ပါတယ်။


Ref: ဗွီအိုအေ

Read More...

Collapse...

မြန်မာပြည်က HIV ဝေဒနာရှင်တွေရဲ့ ဆေးဝါးအခက်အခဲ

မခင်ဖြူထွေး
21.10.2012

Burma HIV Patients suffer as only sickest get drugs (10-21-12 Sunday PM) KP မြန်မာ နိုင်ငံမှာ HIV/AIDS ခုခံအား ကျဆင်းတဲ့ရောဂါ ဝေဒနာ ခံစားနေရတဲ့သူ ခန့်မှန်းချေ ၂ သိန်း ၄ သောင်း လောက် ရှိပါတယ်။ ဒါပေမဲ့ ဒီအရေအတွက် တ၀က်လောက်ဟာ ဆေးဝါးကုသမှု မရကြဘဲ ရောဂါ ဝေဒနာ ပြင်းပြင်းထန်ထန် ခံစားရသူတွေ လောက် သာ ကုသမှုတွေကို ရရှိကြတာ ဖြစ်ပါတယ်။ မြန်မာနိုင်ငံက HIV/AIDS ရောဂါဝေဒနာရှင်တွေရဲ့ ဘ၀ အခြေအနေတွေကိုတော့ မခင်ဖြူထွေးက စုစည်း တင်ပြထားပါတယ်။

ရန်ကုန်မြို့ပြင်မှာရှိတဲ့ HIV ဝေဒနာသည်တွေကိုကူညီတဲ့ ဂေဟာတခုက ဆောက်ထားတဲ့ အဆောက်အဦး ငယ်လေး နှစ်ခုထဲမှာ ကျပ်ကျပ်သိပ်သိပ် ခိုလုံနေကြတဲ့ အိပ်ခ်ျအိုင်ဗွီဝေဒနာရှင် ၂၀၀ မှာ အတော်များများကတော့ သေဖို့အတွက် စောင့်နေရုံ သက် သက်လို ဖြစ်နေပါပြီ။ အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည် ရဲ့ အကူအညီနဲ့ ဖွင့်ထားတဲ့ ဒီ အိပ်ခ်ျအိုင်ဗွီ ရောဂါသည်တွေ ခိုကိုးရာ ဂေဟာမှာ ဆရာဝန်တွေ၊ သူနာပြု ဘယ် ဆေးဝန်ထမ်းမှာ ရှိမနေပါဘူး။ ဝေဒနာရှင်တွေ အချင်းချင်း ကူညီရိုင်းပင်းပြီး နေထိုင်နေကြရတာ ဖြစ်ပါတယ်။

မိဘတွေ သေဆုံးပြီး ကျန်ရစ်ခဲ့တဲ့ ဝေဒနာရှင် ကလေးငယ်တွေလည်း လူတွေ ပြည့်သိပ် မွမ်းကျပ်နေတဲ့ အခန်းလေးတွေထဲမှာပဲ ဖိနပ်မပါ ဆော့ကစားနေကြတာပါ။ ဖျားနာနေတဲ့သူတွေ၊ တချို့ဆိုရင် အသက်ရှူနေတာက လွဲလို့ လူသေရုပ်ကြွင်းတပိုင်း ဖြစ်နေကြတဲ့သူတွေလည်း ကြမ်းပြင်ပေါ်မှာ တန်းစီပြီး လဲလျောင်းနေကြရတာပါ။ ဒီလူတွေကို အနားမှာ ပြုစုစောင့်ရှောက်ပေး နေကြတဲ့ သူတွေ ကိုယ်တိုင်ကလည်း ဒီရောဂါ ကူးစက်ခံထား ရသူတွေပါ။ အနားမှာ နာရီနဲ့ချီ ထိုင်ပြီး ယပ်ခပ်ပေးရုံ၊ ကူညီလုပ်ကိုင်ပေး ရုံကလွဲလို့ သူတို့တွေလည်း ဘာမှ မလုပ်ပေးနိုင်ကြပါဘူး။

အိပ်ခ်ျအိုင်ဗွီ ဝေဒနာရှင်တွေနဲ့ ပတ်သက်ပြီး အမြင်မကျယ်နိုင်သေးဘဲ ခွဲခြား ဆက်ဆံမှုတွေ များဆဲဖြစ်တဲ့ မြန်မာနိုင်ငံမှာ ဒီလို ဝေဒနာရှင်တွေအတွက် ကူညီစောင့်ရှောက်ရေး ဂေဟာတွေကသာ အကောင်းဆုံးနဲ့ တခုတည်းသော ခိုလုံရာ နေရာ ဖြစ်ပါတယ်။ ဒီဂေဟာတွေက ဝေဒနာရှင်တွေကို အသက်အရွယ်မရွေး ကူညီ စောင့်ရှောက် ပေးပါတယ်။ ခင်ပွန်းဖြစ်တဲ့သူ ဖျားနာပြီး အိပ်ခ်ျအိုင်ဗွီ ရောဂါ ရှိနေတယ် ဆိုတဲ့နောက် သူကိုယ်တိုင်မှာလည်း ဒီရောဂါ ရှိနေပြီဆိုတာကို သိလိုက်ရတဲ့ အသက် ၃၆ နှစ်အရွယ် ရောဂါသည်တစ်ဦးက သူ့ကလေးတွေရဲ့ အနာဂတ်အတွက် စိုးရိမ်မိတယ်လို့ ပြောပါတယ်။

“ကိုယ်တွေ ဒီဆေးတွေကို သောက်နေပေမဲ့ ဆိုးကျိုးတွေနဲ့ ကြုံသွားရင် ဒီကလေးတွေ အတွက်ကို စိုးရိမ်တာ။”

သူ့မှာက ၆ နှစ်ရွယ် နဲ့ ၆ လသာ ရှိသေးတဲ့ ကလေးငယ် နှစ်ယောက် ရှိနေတာပါ။
ဒီလိုပဲ အိပ်ခ်ျအိုင်ဗွီ ဂေဟာမှာပဲနေထိုင်ရင်း သူတို့ရဲ့ ကလေးငယ်ကို မွေးခဲ့တဲ့ ဝေဒနာရှင် ဇနီးမောင်နှံ ကလည်း သူတို့ ကလေးငယ် နောင်ရေး စိုးရိမ်နေတာပါ။

“ကိုယ်တွေကတော့ ဖြစ်တဲ့သူ ဆိုတော့ ဖြစ်တဲ့အတိုင်းပေါ့။ ကလေးကတော့ ကိုယ်အသက်ရှင်တဲ့ ကာလပတ်လုံး လုပ်ပေးနိုင်သလောက် အဆင့်ထိတော့ လုပ်ပေးသွားမယ်။”

အိပ်ခ်ျအိုင်ဗွီ ဝေဒနာရှင်တွေကို ကုသပေးတဲ့ အေအာဗွီ ဆေးဝါးဟာ အရင်က အနောက်နိုင်ငံတွေမှာ သာ သုံးနိုင်တာ ဖြစ်ပေမဲ့လို့ အခုတော့ ဆင်းရဲတဲ့ နိုင်ငံတွေမှာလည်း ဈေးသက်သက်သာသာနဲ့ အလွယ်တကူ ၀ယ်လို့ရနေပြီ ဖြစ်ပါတယ်။ ဒါကြောင့် အိပ်ခ်ျအိုင်ဗွီ ရောဂါဟာ တချိန်က အာဖရိက ဒေသမှာ ကလေးငယ်ပေါင်း ထောင်နဲ့ချီကို မိဘမဲ့စေခဲ့တဲ့၊ လူတွေ အများအပြားကို သတ်ခဲ့တဲ့ ရောဂါအဖြစ် ရှိမနေတော့ပါဘူး။ ဒါပေမဲ့ မြန်မာနိုင်ငံ ကတော့ ထူးခြားတဲ့ ဖြစ်ရပ်တခု အနေနဲ့ ဒီဆေးဝါးရှားတဲ့ နေရာတခု ဖြစ်နေတာပါ။ နှစ်ပေါင်းများစွာ စစ်အုပ်ချုပ်ရေးအောက်မှာ အမှောင်ဖုံးခံခဲ့ရတဲ့ မြန်မာနိုင်ငံမှာ နေထိုင်နေကြတဲ့ သန်း ၆၀ ကျော် လူထုအတွက်တော့ တခြား အကူအညီလိုအပ်တဲ့ နိုင်ငံတွေမှာလည်း နိုင်ငံတကာ အကူအညီတွေ မရှိခဲ့ပါဘူး။ ဒါကြောင့် ဆေးဝါးနဲ့ ကုသရေး ၀န်ဆောင်မှုတွေ မရှိသလောက် ဖြစ်နေရတာပါ။

ဒါကြောင့်လည်း ခုလို အိပ်ခ်ျအိုင်ဗွီ ဂေဟာတွေမှာ နေထိုင်ပြီး ရောဂါသည် အချင်းချင်း ဖေးမ ကူညီမှုတွေနဲ့ အိပ်ခ်ျအိုင်ဗွီ ဝေဒနာရှင် အများအပြား နေထိုင်နေကြရတာပါ။

“ဒီမှာကတော့ ၀ိုင်းလုပ်ဝိုင်းစား အချင်းချင်း ကူညီခြင်းပါပဲ။ ၀ိုင်းလုပ်ဝိုင်းစားပါပဲ။ ကောင်းသွားတဲ့ လူနာတွေက မကောင်းသေးတဲ့ လူနာတွေ အပေါ်မှာ ကူညီမှု များစွာနဲ့ ကိုယ်ချင်းစာနာစိတ် များစွာနဲ့ ကူညီပေးရပါတယ်။ ဒါဟာ ဒီက လုပ်ငန်းတခုပါပဲ။”

သူကိုယ်တိုင် ရောဂါ ခံစားနေရပြီး အိပ်ခ်ျအိုင်ဗွီ ရောဂါ ကူးစက်ခံထားရတဲ့ မိဘမဲ့ ကလေးငယ် တဦးကို လည်း မွေးစားထားတဲ့ ဝေဒနာရှင်တဦး ပြောသွားတာပါ။

မြန်မာနိုင်ငံဟာ ဒီကနေ့ ကမ္ဘာပေါ်မှာ အိပ်ခ်ျအိုင်ဗွီ ဝေဒနာရှင်တွေအတွက် အခက်ခဲဆုံး တိုင်းပြည်တခု ဖြစ်ပါတယ်။ နှစ်ပေါင်း များစွာ ပျက်စီးယိုယွင်းခဲ့တဲ့ ကျန်းမာရေး ပြုစု စောင့်ရှောက်မှု စနစ် ပြန်လည် ကောင်းမွန်အောင် တည်ဆောက်ဖို့ နှစ်တွေ အတော်ကြာ အချိန်ယူရဦးမှာ ဖြစ်တယ် လို့ ကျန်းမာရေး ပညာရှင်တွေကလည်း သတိပေး ပြောဆိုနေကြပါတယ်။ မြန်မာနိုင်ငံ အနေနဲ့ ၂၀၁၅ ခုနှစ် နောက်ဆုံးထားပြီး ဆေးဝါး ကုသမှု လိုအပ်နေတဲ့ အိပ်ခ်ျအိုင်ဗွီ ဝေဒနာရှင် ၇၅ % အတွက် အကူအညီ တွေ ရအောင် လမ်းဖွင့်ပေးဖို့နဲ့ နိုင်ငံတကာကနေ အကူအညီတွေ တိုးမြင့်တောင်းခံဖို့ Global Fund အဖွဲ့က တိုက်တွန်းနေ ပါတယ်။ နယ်စည်းမခြား ဆရာဝန်များအဖွဲ့ MSF ကလည်း နိုင်ငံထဲက ဝေဒနာရှင် တ၀က်ကျော် အတွက် ဆေးဝါး ဖြန့်ဖြူးပေး နိုင် ဖို့ ကြိုးစားနေပါတယ်။ ဒီလို ကြိုးစားမှုတွေ ရှိနေပေမဲ့လို့ အကူအညီတွေကတော့ လိုအပ်သလောက် မပြည့်မီနိုင်ဘဲ ဖြစ်နေ တာပါ။

မြန်မာနိုင်မှာ အိပ်ခ်ျအိုင်ဗွီ ဝေဒနာရှင် ခန့်မှန်းချေ ၂ သိန်း ၄ သောင်းလောက် ရှိပြီး သူတို့ထဲက တ၀က်ကျော်ဟာ ဆေးဝါး ကုသမှု မရကြဘဲ၊ နှစ်စဉ် အိပ်ခ်ျအိုင်ဗွီ ရောဂါကြောင့် သေဆုံးသူ ၁ သောင်း ၈ ထောင် ရှိတယ်လို့ UNAIDS အဖွဲ့က ဆိုပါ တယ်။

MSF အဖွဲ့က ဖွင့်ထားတဲ့ ဆေးခန်း ၂၃ ခုမှာ ဆေးဝါး မလုံလောက်မှုကြောင့် နေ့စဉ် ဆေးခန်း ကနေ ပြန်သွားခိုင်းနေရတဲ့ လူနာတွေ အများအပြား ရှိနေပါတယ်။ မဖြစ်မနေ ဆေးဝါး ကုသမှု ခံဖို့ လိုအပ်တဲ့အဆင့်ကို သွေးထဲမှာ ဒီရောဂါ ခံနိုင်ရည်အား သတ်မှတ်တဲ့ CD4 ၁၅၀ ရှိတဲ့ သူတွေကိုပဲ အဓိက လက်ခံ ကုသပေးနိုင်တာ ဖြစ်ပါတယ်။ ဒီသတ်မှတ်ချက်ကို ကြည့်ပြီး လူနာ တွေကို ပြန်လွှတ်ဖို့ ဆုံးဖြတ်ရတာ တကယ်တော့ နာကျင်စရာ ကောင်းတယ်လို့ MSF အဖွဲ့ တာဝန်ခံ တဦးဖြစ်တဲ့ ဒေါက်တာ သင်းသင်းသွယ် က ပြောပါတယ်။

“လူနာတွေကို လက်ခံ ကုသမှု မပေးနိုင်လို့ နေ့စဉ် ကျမတို့ ပြန်သွားခိုင်းနေရတာတွေ ရှိပါတယ်။ ဒါက သူတို့တွေ တနေ့တခြား ရောဂါဝေဒနာဒဏ် ပိုပြီး ခံစားခွင့် ပေးလိုက်ရ သလိုပါပဲ။ သူတို့ရဲ့ ခံနိုင်ရည်အား CD4 ၁၅၀ အောက် ကျသွားပြီးရင် ဒီလူတွေ အသက်ရှင်ခွင့်ရမယ် မရဘူး ကျမတို့လည်း မသေချာပါဘူး။ ဒီ အခြေအနေက ကျမတို့အတွက် အဓိက စိန်ခေါ်မှုပါ။ CD4 ၁၅၀ အထက် ရှိတဲ့ ဝေဒနာရှင်တွေကို ပြန်လွှတ်ဖို့ ဆုံးဖြတ်ရတာ ကျမတို့အတွက်လည်း သိပ်ကို နာကျင်ရပါတယ်။” - လို့ ဒေါက်တာ သင်းသင်းသွယ်က ပြောသွားတာပါ။

ရန်ကုန်မြို့ တခုတည်းမှာတင် လစဉ် ဆေးကုသမှုခံသင့်တဲ့ ဝေဒနာရှင် ၁၀၀ လောက် ဆေးကုသမှု မရဘဲ ဖြစ်နေတယ်လို့ MSF အဖွဲ့က ပြောပါတယ်။ ခုလို ဆေးဝါး ကုသမှု မရတာက သူ့ကို အကြီးအကျယ် စိတ်ထိခိုက်မှု ဖြစ်စေတယ်လို့ ဒီရောဂါ ကူးစက်ခံ နေရတဲ့ အရာခံဗိုလ်တဦး က ပြောပါတယ်။

“ဆေးမသောက်ရတော့ ရေရှည်မှာ ရပ်တည်ဖို့ မလွယ်တော့ဘူးလေ။ ဘာဖြစ်လို့လဲ ဆိုတော့ သူက ကိုယ်ခံအားက ပြောမယ်ဆို ရင် တနေ့တကြိမ် ကျ ကျလာတာကိုး။ အဲဒီတော့ ကိုယ်ခံအားကျမယ် ဆိုရင် သူများတန်းတူ မလုပ်နိုင်ဘူး။ မလုပ်နိုင်ရင် တပ်က ထွက်ရတော့မယ်။ တပ်က သိသွားရင်တော့ ထွက်ရတာကတော့ သိပ်တော့ ဘာမှ မပြောပလောက်ပေမဲ့ ဘာဖြစ်မလဲဆိုရင် အ ရှက်ကွဲမှာပေါ့နော်၊ လူကြားထဲမှာ။”

သူ ဒီရောဂါ ခံစားနေရတယ်ဆိုတာကို လူတွေ မသိစေဖို့မှာ ဆေးဝါး ကုသမှုရဖို့က သူ့အတွက် အရေးကြီးနေတာပါ။ ပထမ အကြိမ် ဆေးစစ်မှုမှာ သူ့ရဲ့ ခံနိုင်ရည်အား CD4 ၄၆၀ ရှိခဲ့ပြီး ဒုတိယအကြိမ် စစ်ဆေးမှုမှာတော့ ၂၈၉ သာ ရှိခဲ့တယ်လို့ အဲဒီ အရာခံဗိုလ်က ပြောပါတယ်။ အမေရိကန် လို နိုင်ငံမျိုးမှာ CD4 ၄၀၀ ရောက်နေပြီ ဆိုရင် ဒါကို မဖြစ်မနေ ဆေးဝါးကုသမှု ယူရမယ့်အဆင့်လို့ သတ်မှတ်ပေမဲ့ မြန်မာနိုင်ငံလို နေရာမျိုးမှာတော့ ဒီအဆင့်လောက် နဲ့ ဆေးဝါးကုသမှု မရကြပါဘူး။ ဒါကြောင့် မြန်မာနိုင်ငံက အိပ်ခ်ျအိုင်ဗွီ ရောဂါ ဝေဒနာသည်တွေ အတွက် ဆေးကုသမှု ခံရဖို့အတွက် စောင့်ဆိုင်းရတာဟာ တကယ့်ကို စိတ်ဖိစီးစရာ ကိစ္စတခုပဲ ဖြစ်ပါတယ်။


Ref: ဗွီအိုအေ

Read More...

Collapse...

ရင်းနှီးမြှုပ်နှံမှု ဥပဒေ အပြီးသတ်နိုင်ဖို့ သမ္မတ ဦးသိန်းစိန် မျှော်လင့်

21.10.2012

မြန်မာနိုင်ငံမှာ နိုင်ငံရပ်ခြား ရင်းနှီးမြှုပ်နှံမှု မြှင့်တင်နိုင်ရေးအတွက် လိုအပ်နေတဲ့ ဥပဒေတရပ်ကို မကြာခင်ရက်ပိုင်းအတွင်းမှာပဲ ချမှတ်နိုင်တော့မယ်လို့ သမ္မတ ဦးသိန်းစိန်က ပြောကြား လိုက်ပါတယ်။ ဒီဥပဒေပြဌာန်းနိုင်ဖို့ လုပ်ဆောင်နေတာ အချိန်ကြာမြင့် နေပြီဖြစ်ပြီး လွှတ်တော်မှာ လအတော်ကြာ ညှိနှိုင်းဆွေးနွေး ငြင်းခုံမှုတွေ လုပ်ခဲ့ရသလို လွှတ်တော်နဲ့ သမ္မတရုံးတွေမှာ ပြင်ဆင်မှု တွေ လုပ်ဆောင်နေရပေမဲ့ မကြာခင်ရက်ပိုင်း အတွင်းမှာပဲ အပြီးသတ် နိုင်ငံခြားရင်းနှီးမြှုပ်နှံမှု ဥပဒေမူကြမ်း တရပ် ထွက်ပေါ်လာ တော့မှာ ဖြစ်ကြောင်း တနင်္ဂနွေနေ့ ပြည်တွင်း သတင်းမီဒီယာတွေနဲ့ နေပြည်တော် တွေ့ဆုံဆွေးနွေးပွဲမှာ သမ္မတ က ပြောကြား ခဲ့တာပါ။ မြန်မာနိုင်ငံမှာ နှစ်ပေါင်းများစွာ အုပ်ချုပ်ခဲ့တဲ့ စစ်အစိုးရလက်ကနေ အရပ်သားအစိုးရ တက်လာခဲ့တဲ့ နောက်ပိုင်း ပထမ ဆုံးအကြိမ်အဖြစ် သမ္မတက ပြည်တွင်း သတင်းမီဒီယာတွေနဲ့ တွေ့ဆုံဆွေးနွေးခဲ့တာ ဖြစ်ပါတယ်။

သမ္မတ ဦးသိန်းစိန်ဟာ နိမ့်ကျနေတဲ့ မြန်မာနိုင်ငံရဲ့ စီးပွားရေးကို ခေတ်နဲ့အညီ တဟုန်ထိုး ပြောင်းလဲတိုးတက် လာစေဖို့ နိုင်ငံ ရပ်ခြားက လာရောက် ရင်းနှီးမြှုပ်နှံမယ့်သူတွေ စိတ်ဝင်စားအောင် လုပ်ဖို့ စိတ်အားထက်သန်နေသူပါ။ ဒါပေမဲ့ မြန်မာနိုင်ငံရဲ့ စီးပွားရေး ကို နိုင်ငံရပ်ခြားက လက်ဝါးကြီးအုပ် စိုးမိုးမှုတွေ မလုပ်နိုင်အောင် ကာကွယ်ဖို့နဲ့ နိုင်ငံရပ်ခြား ရင်းနှီးမြှုပ်နှံသူတွေရဲ့ အမြတ်ထုတ် ချယ်လှယ်မှုတွေ မလုပ်နိုင်အောင် ကန့်သတ်မှုတွေ ထားဖို့ သတိပေးလုပ်ဆောင်မှုတွေ ရှိနေပါတယ်။ မကြာသေး ခင်က နောက်ဆုံးထွက်လာတဲ့ နိုင်ငံခြား ရင်းနှီးမြှုပ်နှံမှု ဆိုင်ရာ ဥပဒေမူကြမ်းဟာ ကြိုတင်ကာကွယ်မှုတွေ သိပ်များနေတယ်လို့ တချို့ မြန်မာအရာရှိတွေရဲ့ ဝေဖန်မှုတွေလည်း ရှိနေပါတယ်။

မြန်မာနိုင်ငံထဲမှာ General Electric နဲ့ Coca-Cola တို့လို ကြီးမားတဲ့ အမေရိကန် စီးပွားရေး လုပ်ငန်းကြီးတွေကတော့ အခု မြန်မာ လုပ်ငန်းရှင်တွေနဲ့ လက်တွဲ လုပ်ဆောင်နေပြီ ဖြစ်ပါတယ်။ တခြား ကုမ္ပဏီ အတော်များများ ဟာလည်း မြန်မာနိုင်ငံ က ကြွယ်ဝတဲ့ သယံဇာတတွေနဲ့ တွဲဖက်တဲ့ စီးပွားရေး လုပ်ငန်းတွေမှာ လက်တွဲလုပ်ကိုင်ရာမှာ ရှင်းရှင်းလင်းလင်း ရှိစေဖို့ မြန်မာ အစိုးရ ချထားမယ့် နိုင်ငံခြား ရင်းနှီးမြှုပ်နှံမှု ဥပဒေ တရပ်ကို စောင့်မျှော်နေကြပါတယ်။


Ref: ဗွီအိုအေ

Read More...

Collapse...

နိုဝင်ဘာ လလယ်တွင် ဒေါ်စု အိန္ဒိယသို့ သွားမည်

ဖနိဒါ၊ ကိုပေါက်
အောက်တိုဘာလ ၁၉ ရက် ၂၀၁၂ ခုနှစ်

အိန္ဒိယနိုင်ငံတွင် နှစ်စဉ်ကျင်းပလေ့ရှိသည့် ဂျဝါဟာလာ နေရူး အထိမ်းအမှတ် ဟောပြောပွဲ တွင် မိန့်ခွန်းပြောရန်အတွက် နိုဝင်ဘာ လလယ်တွင် နယူးဒေလီမြို့သို့ ဒေါ်အောင်ဆန်းစုကြည် ရောက်ရှိလာမည် ဖြစ်သည်။

နိုဝင်ဘာလ ၁၄ ရက်နေ့တွင် ပြုလုပ်ရန်ရှိသည့် ၉ ကြိမ်မြောက် နေရူး ဟောပြောပွဲတွင် ဒေါ်အောင်ဆန်းစုကြည် မိန့်ခွန်း မြွက်ကြား ပေးမည်ဖြစ်ကြောင်း အစိုးရအရာရှိအား ကိုးကား၍ အိန္ဒိယသတင်းစာများက ရေးသားထားကြပြီး အဆိုပါခရီးစဉ်သည် တပါတ်ခန့် ကြာမြင့်မည်ဟုလည်း ဆိုသည်။

သို့သော် ထိုခရီးစဉ်နှင့်ပတ်သက်၍ အသေးစိတ် မသိရှိရသေးကြောင်း အမျိုးသားဒီမိုကရေစီအဖွဲ့ချုပ် ခေါင်းဆောင် များက ပြောသည်။

“ကျနော်တို့ ဒီအစီအစဉ်နဲ့ပတ်သက်လို့ ဘာမှမသိရသေးဘူး။ နေပြည်တော်ကပဲ စီစဉ်တာ” ဟု အတွင်းရေးမှူး ဦးဉာဏ်ဝင်း က ပြောဆိုသလို ပြောရေးဆိုခွင့်ရှိသူ တဦးဖြစ်သည့် ဦးအုန်းကြိုင် ကလည်း ထိုကိစ္စနှင့်ပတ်သက်၍ ပါတီဥက္ကဋ္ဌနှင့် မပြောဆိုဖြစ်ကြ သေးကြောင်း မဇ္ဈိမ၏ မေးမြန်းချက်ကို ဖြေကြားသွားကြသည်။

မေလ ၂၉ ရက်နေ့က အိန္ဒိယ ဝန်ကြီးချုပ် မန်မိုဟန်ဆင်း နှင့် ဒေါ်အောင်ဆန်းစုကြည် တို့ ရန်ကုန်မြို့တွင် တွေ့ဆုံစဉ် ကွန်ဂရက် ပါတီဥက္ကဋ္ဌ ဆိုနီယာဂန္ဓီ၏ ဖိတ်ကြားချက်အား ဒေါ်အောင်ဆန်းစုကြည်က လက်ခံခဲ့ခြင်းဖြစ်သည်။

အိန္ဒိယနိုင်ငံ၏ ပထမဆုံး ဝန်ကြီးချုပ်ဖြစ်သည့် ပဏ္ဍစ် ဂျဝါဟာလာ နေရူး အထိမ်းအမှတ် ဟောပြောပွဲများကို နှစ်စဉ် ကျင်းပလာ ခဲ့ရာ ထင်ပေါ်ကြော်ကြားသော အိန္ဒိယနှင့် ကမ္ဘာ့နိုင်ငံရေး ခေါင်းဆောင်များ၊ သိပ္ပံပညာရှင်များ၊ နိုဘယ်ဆုရှင်များ နှင့် စာပေ ပညာရှင် စသူတို့အား ဖိတ်ကြား၍ မိန့်ခွန်းမြွက်ကြားစေလေ့ရှိသည်။

ဒေါ်အောင်ဆန်းစုကြည်သည် အိန္ဒိယနိုင်ငံနှင့် အလွန်နက်ရှိုင်းသော ဆက်နွယ်မှု ရှိပြီး ဗြိတိသျှ ကိုလိုနီ လက်အောက် မှ လွတ်မြောက်ရေးအတွက် အိန္ဒိယနိုင်ငံ လွတ်မြောက်ရေး တိုက်ပွဲဝင်ခဲ့ကြပုံကို အားကျ အတုယူခဲ့ကာ မဟတ္တမဂန္ဓီကြီး၏ အကြမ်းမဖက် တိုက်ပွဲဝင်ရေးဝါဒကို သက်ဝင် ယုံကြည်သူ တဦးလည်း ဖြစ်သည်။

မိခင် ဒေါ်ခင်ကြည်အား အိန္ဒိယနိုင်ငံဆိုင်ရာ မြန်မာသံအမတ်ကြီးအဖြစ် ခန့်အပ်ခံရပြီးနောက် ဒေါ်အောင်ဆန်းစုကြည် သည် အိန္ဒိယ နိုင်ငံသို့ ၁၉၆ဝ ခုနှစ်က ရောက်ရှိလာခဲ့ပြီး နယူးဒေလီရှိ လေဒီရရှီရမ်ကောလိပ် (Lady Shri Ram College) တွင် ဘွဲ့ရသည်အထိ ပညာသင်ကြားခဲ့သည်။

၂ဝ၁၁ ခုနှစ်က နယူးဒေလီမြို့တွင် မြန်မာ့ဒီမိုကရေစီအင်အားစုများနှင့် မနူရှီ အမျိုးသမီးမဂ္ဂဇင်းတို့ ပူးပေါင်းကျင်းပ သည့် ဒေါ်အောင် ဆန်းစုကြည် ၏ ၆၆ နှစ်မြောက် မွေးနေ့ပွဲသို့ ၎င်း၏ မွေးနေ့သဝဏ်အဖြစ် ဗီဒီယိုမက်ဆေ့ခ်ျတခု ပေးပို့ခဲ့ဖူး သည်။

အိန္ဒိယနိုင်ငံသည် သူ၏ နှလုံးသားတွင် အမြဲရှိနေပြီး အိန္ဒိယ အမျိုးသမီးများနှင့် မိတ်ဆွေ ဖြစ်ခဲ့ရမှုကိုလည်း အထူးတလည် သတိ တရ ရှိရပါကြောင်း ဗွီဒီယို သဝဏ်လွှာတွင် ဒေါ်အောင်ဆန်းစုကြည်က ပြောကြားထားသည်။ အိန္ဒိယနိုင်ငံကို ကမ္ဘာ့အကြီးဆုံး ဒီမို ကရေစီ နိုင်ငံကြီးဟူသော ဂုဏ်ပုဒ်နှင့် အညီ နေသည်ကို တွေ့မြင်လိုကြောင်း လည်း ပြောကြားသည်။

၁၉၉၃ ခုနှစ် ဂျဝါဟာလာ နေရူး နိုင်ငံတကာနားလည်မှုဆု၊ ၁၉၉၆ တွင် ရာဂျစ်ဂန္ဓီဆု၊ ၁၉၉၇ တွင် ဒေလီတက္ကသိုလ် ထူးချွန် ကျောင်းသူဆု၊ ၂ဝဝ၇ တွင် ဆူဘတ်ချန်ဒရာဘို့စ် ဆုနှင့် ၂ဝဝ၉ ခုနှစ် မဟတ္တမ ဂန္ဓီငြိမ်းချမ်းရေးဆုတို့ကို ဒေါ်အောင်ဆန်းစု ကြည်အား အိန္ဒိယ က ချီးမြှင့်ထားသည်။

Ref: မဇ္ဈိမ

Read More...

Collapse...

‘ရွှေမြွေဟောက်’ စစ်ရေးလေ့ကျင့်မှုတွင် ပါရန် မြန်မာကို အမေရိကန် ဖိတ်ခေါ်မည်

ကိုကိုအောင်
အောက်တိုဘာလ ၁၉ ရက် ၂၀၁၂ ခုနှစ်

ကမ္ဘာတွင် အကြီးဆုံး စစ်ရေးလေ့ကျင့်မှုဖြစ်သည့် ‘ရွှေမြွေဟောက်’ Cobra Gold တွင် မြန်မာပြည်အား အမေရိကန်က ဖိတ်ခေါ်သွားမည်ဟု သိရှိရသည်။

Cobra Gold စစ်ရေး လေ့ကျင့်မှုတွင် အမေရိကန်နှင့် ထိုင်းနိုင်ငံအပါဝင် အာရှ ခြောက်နိုင်ငံမှ အင်အား ၁ဝ,ဝဝဝ ကျော် ပါဝင်သည်။

“အလွန်ထူးခြားပါတယ်။ အရင်ကဆို ဒီစစ်ဆင်ရေးလုပ်တိုင်း မြန်မာနိုင်ငံအနေနဲ့ သူ့ကို ရန်စဖို့၊ ကျူးကျော်မှုလုပ်ဖို့ လေ့ကျင့်နေ တယ် ထင်နေခဲ့တာ။ ဒီအတွက်လည်း အတော် စိတ်မသက်မသာ ဖြစ်ခဲ့ရတယ်လေ” ဟု စစ်ရေး လေ့လာသူ ဒေါက်တာ တင် မောင်မောင်သန်း အား ကိုးကား၍ Reuters တွင် ဖော်ပြထားသည်။

ယခုကဲ့သို ဖိတ်ခေါ်ခြင်းသည် မြန်မာ-အမေရိကန် ပြန်လည်ညှိနှိုင်းရေး ဖြစ်စဉ်အရ လူသားချင်း ကူညီပေးမှု ခေါင်းစဉ် အောက်မှ စီစဉ်ခြင်းဖြစ်ကြောင်း ဖော်ပြထားသည်။

နှစ်ပေါင်း ၅ဝ နီးပါး မြန်မာ-အမေရိကန်ဆက်ဆံရေး အေးစက်ခဲ့ပြီးနောက် ယခုမှ ပထမခြေလှမ်းအဖြစ် အမေရိကန်- မြန်မာ စစ်ဘက်ဆက်ဆံရေး ပြန်လည် အစပျိုးခြင်း ဖြစ်သည်။

လူအခွင့်အရေးကိစ္စနှင့် ကချင်ပြည်နယ်တွင် ၁၆ လကြာ KIA နှင့် တိုက်ပွဲများ ဖြစ်ပွားနေသည့် ကာလတွင် ယခုကဲသို့ ဖိတ် ခေါ်ခြင်းကလည်း အငြင်းပွားဖွယ်ရာများ ရှိနေသည်။

ရွှေမြွေဟောက် တွင် ပါဝင်ခွင့်ရရန် မြန်မာက အမေရိကန်၏ တွဲဘက် စစ်ရေးလေ့ကျင့်ဖော် ထိုင်းနိုင်ငံမှတဆင့် ဝါရှင်တန်သို့ ချဉ်းကပ်ခဲ့သည်။

အမေရိန်ကန် ပြည်ထောင်စု ပစိဖိတ်ကွပ်ကဲရေးဌာနချုပ် စစ်ဦးစီးချုပ် (USCINCPAC)က ဒီဇိုင်းရေးဆွဲသော Cobra Gold စစ်ရေးပူးပေါင်း လေ့ကျင့်မှု၏ ရည်ရွယ်ချက်မှာ ကျူးကျော်မှုများကို ဟန့်တားနိုင်ရန်၊ ငြိမ်းချမ်းရေးကိုမြှင့်တင်ရန်၊ ဖွံ့ဖြိုးတိုးတက်မှုနှင့် ဒီမိုကရေစီကျသော အတွေးအခေါ်များကို အားပေးရန်နှင့် ရှောင်လွှဲ၍ မရသော ပဋိပက္ခဖြစ်လာပါက လိုအပ်လျှင် အမေရိကန်က ဝင်ရောက်ကူညီတိုက်ခိုက်ခြင်းကို ခွင့်ပြုရန် စသည့် ရည်ရွယ်ချက် များ ပါဝင်သည်။

ထို့ပြင် ရွှေမြွေဟောက်သည် လူသားချင်း စာနာထောက်ထားသော အကူအညီများ ထောက်ပံ့ ကူညီရေး၊ ငြိမ်းချမ်းရေးနှင့် တည်ငြိမ်ရေးကို အဓိက ရည်ရွယ်၍ စစ်ရေးလေ့ကျင့်မှု ပြုလုပ်ခြင်းဖြစ်သည်ဟု ဆိုသည်။

၁၉၈၂ ခုနှစ်မှစ၍ ရွှေမြွေဟောက် လေ့ကျင့်မှုများ စတင်ခဲ့ရာ ထိုင်းနိုင်ငံရှိ ရနောင်း (Ranong)၊ ရာရောင် (Rayong)၊ ဖူးခက်၊ ပတ်တရာ (Pattaya)၊ ကန်ချနဘူရီ၊ ချင်းရိုင် စသည့် နေရာများတွင် နှစ်အလိုက် ပြောင်းလဲ၍ လေ့ကျင့်ပြီး အများ သောအားဖြင့် ဧပြီလနှင့် မေလများတွင် ကျင်းပလေ့ရှိသည်။

အဆိုပါ စစ်ရေးလေ့ကျင့်မှုတွင် အမေရိကန်ဘက်မှ အမေရိကန်နိုင်ငံ လေတပ်၊ အမေရိကန် ရေတပ် ပစိဖိတ် ကွပ်ကဲရေး စစ်ဌာ နချုပ် (MARFORPAC) နှင့် ပစိဖိတ် ရေတပ်အုပ်စု (PACFLT)၊ အမေရိကန် ကြည်းတပ် ပစိဖိတ် ကွပ်ကဲရေး ဌာနချုပ် (USARPAC)၊ အမေရိကန် လေတပ် ပစိဖိတ်ကွပ်ကဲရေး စစ်ဌာနချုပ် (PACAF) နှင့် ပစိဖိတ် ဒေသ အထူးစစ်ဆင်ရေး စစ်ဌာနချုပ် (SOCPAC) တို့မှ မရိန်းတပ်သား ဦးရေ တသောင်းကျော် ပါဝင်တတ်သည်။

မြန်မာနိုင်ငံကဲ့သို့ တတိယနိုင်ငံများအနေနှင့် Cobra Gold စစ်ရေးလေ့ကျင့်မှုတွင် ပါဝင်လေ့ကျင့်မည်ဆိုပါက ထိုသို့ မပါဝင်မီ စောင့်ကြည့်လေ့လာရေး အစီအစဉ်တွင် ဦးစွာပါဝင်ရမည်ဟု Cobra Gold စောင့်ကြည့် လေ့လာရေး အဖွဲ့ (COLT) က သတ်မှတ်ထားသည်။ စင်္ကာပူနိုင်ငံသည်လည်း Cobra Gold စစ်ရေးလေ့ကျင့်မှုကို နှစ်ပေါင်းများစွာ စောင့်ကြည့်လေ့လာခဲ့ပြီး ၂ဝဝဝ ခုနှစ်မှ စတင်ကာ ၎င်း၏ လက်နက်ကိုင်တက်ဖွဲ့များ လေ့ကျင့်မှုတွင် ပါဝင်ခွင့် လေ့ကျင့်ခွင့် ရရှိခဲ့ခြင်း ဖြစ်သည်။

Ref: မဇ္ဈိမ

Read More...

Collapse...

မူးယစ် ဘိန်းစာရွက်မှုများ မွန်ပြည်နယ်တွင် စတင်ဖမ်းဆီးနေ

ကွန်းချမ်း
အောက်တိုဘာလ ၁၉ ရက် ၂၀၁၂ ခုနှစ်

မွန်ပြည်နယ်အတွင်းရှိ လူငယ်များ တွင်ကျယ်စွာ သုံးစွဲနေသည့် ဘိန်းစာရွက်နှင့် ပတ်သက် ၍ ပြည်နယ် လွှတ်တော်တွင် ဆွေးနွေးပြီး နောက်ပိုင်း စိုက်ပျိုး ရောင်းချသူများကို စတင်ဖမ်းဆီးနေပြီ ဖြစ်ကြောင်း သံဖြူဇရပ် ရဲစခန်းနှင့် နီးစပ်သူများက ပြောသည်။

စက်တင်ဘာလ ၂၇ ရက်နေ့ ပြည်နယ်လွှတ်တော် အစည်းအဝေးတခုတွင် “ဘိန်းစာရွက်ကို ကျန်းမာရေး ဝန်ကြီး ဌာနမှ မူးယစ်ဆေးအဖြစ် သတ်မှတ်ကြေညာပြီး ဖြစ်၍ ဖမ်းဆီး အရေးသွားမည်” ဟု ပြန်လည်ဖြေကြားပြီး နောက်ပိုင်း စိုက်ပျိုး ရောင်းချသူများကို ဖမ်းဆီးခြင်း ဖြစ်သည်။

“ဒီဘိန်းစာရွက်အကြောင်း ကျနော်တို့ သံဖြူဇရပ်က ဦးနိုင်ဦး လွှတ်တော်မှ တင်ပြီးတာနဲ့ မနက်ဖြန်လို စဖမ်းတာပဲ။ အခု သိပ်မလှုပ်ရဲကြတော့ဘူး” ဟု သံဖြူဇရပ်မြို့မှ ကိုမင်းအောင် က ပြောသည်။

စက်တင်ဘာလ ၂၈ ရက်နေ့မှ စတင်ဖမ်းဆီးခဲ့ပြီး လက်ရှိတွင် သံဖြူဇရပ်မြို့နယ် ကျုံကရုတ်ကျေးရွာနှင့် မြို့ပေါ်မှ ဘိန်းစာရွက် စိုက်ပျိုးသူနှင့် ရောင်းချသူ နှစ်ဦးနှင့် ရောင်းချသူ လေးဦးကို သံဖြူဇရပ် ရဲစခန်းက ဖမ်းဆီးထားကာ မူးယစ်ဆေးဝါးနှင့် စိတ်ကို ပြောင်းလဲစေတတ်သော ဆေးဝါးများ ဥပဒေဖြင့် တရားစွဲဆိုထားကြောင်း ရဲစခန်းနှင့် နီးစပ်သူများက ပြောသည်။

သံဖြူဇရပ် ရဲစခန်းမှ ဒု-ရဲအုပ် နေယုဆန်းနှင့် အဖွဲ့က ကျုံကရုတ်ရွာရှိ ဦးဝင်းထွေး နှင့် ဦးမောင်ကြည် တို့၏ နေအိမ် များမှ ဘိန်းစာရွက်၊ ဘိန်းစာရွက်ပင်၊ ပျိုးပင်၊ ပျိုးထောင်ရန် အတွက် ပိုင်းဖြတ်ထားသည့် အကိုင်းနှင့် ဘိန်းစာရွက် ရောင်းချ၍ ရရှိခဲ့ သည်ဟု ယူဆရသည့် ငွေကြေးများ သိမ်းဆီးသွားခဲ့သည်ဟု နီးစပ်သူများက ပြောသည်။

“သူတို့ကတော့ စိုက်လည်း စိုက်တယ်။ ရောင်းလည်း ရောင်းတယ်။ သုံးစွဲထားမှု ရှိ မရှိ ဆေးစစ်ချက် ရဖို့ ရန်ကုန်ကို ဆီးပို့ ထားတယ်” ဟု နီးစပ်သူတဦးက ပြောသည်။

ဖမ်းဆီးခံထားရသူများကို မော်လမြိုင်ထောင်တွင် ရမန်ကြီး နှစ်ပတ်ဖြင့် ချုပ်နှောင်ထားဆဲ ဖြစ်ပြီး မကြာမီ စီရင်ချက် ချမည်ဟု ဆိုသည်။

သံဖြူဇရပ်မြို့နယ် အတွင်းတွင် စွပ်ပလောင်၊ ကော့လေး၊ ထင်းရူး၊ ကျုံကရုတ်၊ ပင စသည့် ကျေးရွာ အတော်များများ တွင် ဘိန်းစာရွက်ကို စီးပွားဖြစ် စိုက်ပျိုး ရောင်းချလျက် ရှိပြီး ပေါက်ဈေးမှာ တရွက်လျှင် ၂ဝဝ ကျပ်မှ ၃ဝဝ ကျပ်ထိ ရှိသည်ဟု ပြည်နယ်လွှတ်တော် ကိုယ်စားလှယ် ဦးနိုင်ဦး က ပြောသည်။

“ရေးမြို့နယ် ဘက်မှာလည်း ဖမ်းနေပြီ။ ရောင်းတဲ့လူ တယောက် အဖမ်းခံထားရတယ်လို့ ကြားတယ်” ဟု ပြောသည်။

ဘိန်းစာရွက်ကို အရပ်သား လူငယ်များသာမက တက္ကသိုလ်နှင့် အထက်တန်း ကျောင်းသားများပါ သုံးစွဲနေကြ သည်ဟုလည်း သူက ပြောသည်။

မုဒုံမြို့နယ်ဘက်တွင်မူ ဘိန်းစာရွက်နှင့် ပတ်သက်ပြီး ဖမ်းဆီးအရေးယူခြင်း မရှိသေးသည့်အတွက် လူငယ်အတော် များများ အတင့်ရဲစွာ သုံးစွဲနေဆဲ ဖြစ်သည်ဟု ကလော့သော့ရွာမှ အမျိုးသမီးကြီးတဦးက ပြောသည်။

ဘိန်းစာရွက်ပင်သည် ကြီးထွားနှုန်း မြန်ဆန်သည့် နှစ်ရှည်ပင်ဖြစ်ပြီး၊ နှစ်နှစ်အရွယ်တွင် အရွက်ကို စတင်သုံးစွဲနိုင် သည်။ ဘိန်းစာရွက်ကို ကျိုချက်ထားသည့် သတ္တုရည်သည် ခါးသက်သက် အရသာရှိပြီး ချောင်းဆိုးပျောက်ဆေးရည်၊ ကော်ဖီမစ်၊ မီးချောင်းအတွင်းမှ ပြဒါးမှုန့်၊ ခြင်ဆေးခွေ ပြာမှုန့်၊ အချိုရည်တို့ဖြင့် ရောစပ်သုံးစွဲကြသည်ဟု သုံးစွဲသည့် လူငယ်များက ပြောသည်။

ထိုင်းနိုင်ငံတောင်ပိုင်း၊ ဖူးကစ်ဒေသတွင် သွားရောက်လုပ်ကိုင်ကြသည့် မွန်ပြည်နယ်မှ ရာဘာစေးခြစ် လုပ်သားများ က ထိုဒေသမှ ဘိန်းစာရွက် အကိုင်းအခက်ကို သယ်ဆောင်လာခဲ့ပြီး နေအိမ်နှင့် ဥယျာဉ်ခြံတွင် စိုက်ပျိုးခဲ့ရာမှ ၂ဝဝ၉ ခုနှစ်တွင် မွန်ပြည်နယ် အောက်ပိုင်း မော်လမြိုင်၊ မုဒုံ၊ သံဖြူဇရပ်၊ ရေးနှင့် ကျိုက်မရော မြို့နယ်များအတွင်း
ပြန့်နှံ့ခဲ့သည်။

“ရွာမှာတော့ ဘိန်းစာရွက် မရှိတော့ဘူး။ ဒါပေမယ့် မြင်းဆေး(ရာဘ စိတ်ကြွဆေး) ကိုတော့ ကွမ်းယာ ရောင်းသလို ရောင်းနေ တုန်းပဲ” ဟု ကျုံကရုတ်ရွာ ဘုန်းတော်ကြီး အရှင်ပုပ္ဖဟံသာ က မိန့်ကြားသည်။

မွန်ပြည်နယ်အတွင်း ဘိန်းစာရွက် စိုက်ပျိုး၊ ရောင်းချ၊ သုံးစွဲသူထက် စိတ်ကြွဆေး ရောင်းချ သုံးစွဲသူ များပြားသော် လည်း ဖမ်းဆီးအရေးယူမှု အလွန်ပင် နည်းပါးသေးကြောင်း ဒေသခံများက ပြောသည်။

ရာဘ စိတ်ကြွဆေး တပြားလျှင် ၅,ဝဝဝ ကျပ် ဝန်းကျင် ပေါက်ဈေး ရှိပြီး မွန်ပြည်နယ် မြို့နယ်တိုင်းရှိ မြို့နှင့် ကျေးရွာ အတော်များများတွင် အလွယ်တကူ ဝယ်ယူနိုင်ကြောင်း ဒေသခံများထံမှ သိရသည်။

Ref: မဇ္ဈိမ

Read More...

Collapse...

KIO နှင့် ဆက်သွယ်မှုဖြင့် တနှစ်အတွင်း လူ ၃၀ ကျော် ထောင်ချခံနေရ

ဖနိဒါ
အောက်တိုဘာလ ၂၀ ရက် ၂၀၁၂ ခုနှစ်

ကချင်လွတ်လပ်ရေးအဖွဲ့ KIO နှင့် အစိုးရတပ်များအကြား တိုက်ခိုက်မှုများ ပြန်လည်ဖြစ်ပွားလာခဲ့သည့် တနှစ်ကျော်ကာလ အတွင်း မတရားအသင်း ဆက်သွယ်မှု ပုဒ်မ ၁၇ (၁) ဖြင့် ကချင်ပြည်နယ်နှင့် ရှမ်းပြည်နယ်မြောက်ပိုင်းမှ ဒေသခံပြည်သူများ ဖမ်းဆီးခံရသူ အနည်းဆုံး ၃၂ ဦးခန့် ထောင်ဒဏ် ချမှတ်ခံရပြီး ဖြစ်ကြောင်း ရှေ့နေ ဦးဂျီမာခါးက ပြောသည်။

၂၀၁၁ ခုနှစ်၊ ဇွန်လမှ စတင်၍ မြစ်ကြီးနားမြို့နယ် တရားရုံးက အဆိုပါပုဒ်မဖြင့် တရားစွဲဆိုခြင်းခံရသူ ၁၉ ဦးအထဲမှ ၁၂ ဦးအား ထောင်ဒဏ် အသီးသီး ချမှတ်ခဲ့ပြီး ရှမ်းပြည်နယ် မြောက်ပိုင်း လားရှိုး၊ မူဆယ် စသည့် မြို့နယ် တရားရုံးများက အဆိုပါ ပုဒ်မဖြင့် ထောင်ဒဏ်ချမှတ်လိုက်သူ အနည်းဆုံး ၂၀ ဦးခန့်ရှိသည်ဟု ရှေ့နေ ဂျီမာခါးက ပြောသည်။

“ဒီနှစ်ဦးနဲ့ဆိုရင် မြစ်ကြီးနားမှာပဲ ၂၀ ကို အမိန့်ချပြီ။ ရှမ်းပြည်နယ် လာရှိုးမှာ ၁၀ ဦးကျော်တယ်။ မူဆယ်မှာက ၁၀ ဦးဝန်းကျင် ချပြီးသွားပြီ။ အားလုံး ၂၀ လောက် အမိန့်ချလိုက်တယ်။ ၃၀ ကျော်ရှိနေပြီ။ အဲဒီထဲက လွတ်မြောက်လာတာ မကြားသေးဘူး။ အကုန်လုံးကို အမိန့်ချလိုက်တယ်လို့ ပြောတယ်” ဟု မဇ္စျိမကို ပြောသည်။

အခြား မိုးညှင်း၊ ဗန်းမော်စသည့် မြို့နယ် တရားရုံးများမှ အမိန့်ချမှတ်သူများ စာရင်း မပါဝင်သေးကြောင်း သူက ဆိုသည်။

မြစ်ကြီးနားမြို့နယ် တရားရုံးမှ အမိန့်ချလိုက်သူ ၁၉ ဦးထဲမှ ၇ ဦးမှာ ပြန်လည် လွတ်မြောက်ခဲ့သည်။

နှစ်ဖက် တိုက်ပွဲဖြစ်ပြီးနောက် မတရားအသင်းနှင့် ဖောက်ခွဲမှုတို့ဖြင့် ဖမ်းဆီးခံရသူ ၇၀ ဦးခန့် ရှိရာမှ ယခု ၃၀ ကျော် အမိန့်ချပြီး ဖြစ်၍ ၄၀ ဦးခန့်မှာ တရားစွဲဆို ခံနေရဆဲ ဖြစ်သည်။

၎င်းတို့ကို အစိုးရ စစ်တပ်နှင့် စစ်ဘက်ရေးရာလုံခြုံရေးတပ်ဖွဲ့ (စရဖ) တပ်ဖွဲ့များက ဖောက်ခွဲမှု ပုဒ်မ ၃၊ မသင်္ကာမှုဖြင့် ဖမ်းဆီးခဲ့သော်လည်း နောက်ပိုင်းတွင် KIO နှင့် ပတ်သက်သူများဟု စွပ်စွဲ၍ အနည်းဆုံး ၆ လမှ ၂ နှစ်ထိ ထောင်ဒဏ် ချမှတ်ခဲ့သည်ဟု သိရှိရသည်။

သောကြာနေ့ မြစ်ကြီးနားမြို့နယ် တရားရုံးတွင် ကိုဘရန်ရှောင် ဆိုသူအား မတရားအသင်းပုးမဖြင့် စွပ်စွဲဖမ်းဆီးခဲ့ပြီး နောက် ခြောက်လှန့်တောင်းယူမှု ပုဒ်မ ၃၈၄ ဖြင့် ထောင်ဒဏ် တနှစ် ချမှတ်ခဲ့သည်ဟု အခြား အမည်မဖော်လိုသူ ရှေ့နေတဦး က ပြောသည်။

“ဒီနေ့ ဘရန်ရှောင်ကို ပုဒ်မပြောင်းပြီးတော့ တနှစ်ချလိုက်တယ်၊ အစက ၁၇(၁) နဲ့စွဲတယ်။ နောက်ပိုင်း ရှေ့နေတွေကနေ ပြန်ကြိုးစားပေးလို့ ခြောက်လှန့်တောင်းယူမှု ၃၈၄ နဲ့ ချလိုက်တယ်” ဟု မဇ္စျိမကို ပြောသည်။

အစိုးရ အာဏာပိုင်များက တိုင်းရင်းသား လက်နက်ကိုင် အဖွဲ့အစည်းမှ ဝန်ထမ်းများနှင့် အဖွဲ့အစည်းမှ မဟုတ်သော်လည်း ထို လက်နက်ကိုင် အဖွဲ့အစည်းနှင့် ဆက်သွယ်သူများ၊ မတရားအသင်းအဖြစ် သတ်မှတ်ခံထားရသော အဖွဲ့အစည်းများနှင့် ဆက်သွယ် သူများအား အဆိုပါ မတရားအသင်းပုဒ်မ ၁၇(၁)ဖြင့် ထောင်ဒဏ်ချမှတ်လေ့ရှိသည်။

ဇူလိုင်လ ၁၇ ရက်နေ့ လွှတ်တော်အစည်းအဝေးတွင် တိုင်းရင်းသား ဒေသများမှ အပြစ်မဲ့ ပြည်သူများ ထောင်ကျခံ နေရခြင်း၊ ပြည်တွင်း ငြိမ်းချမ်းရေးနှင့် သက်ဆိုင်နေသဖြင့် မတရားအသင်း အက်ဥပဒေ ရုတ်သိမ်းရန် ပြည်သူ့လွှတ်တော် ကိုယ်စားလှယ် ဦးသိန်းညွန့် က တင်သွင်းခဲ့သည်။

မေလဆန်းပိုင်းက ၁၇(၁) ဖြင့် ဖမ်းဆီးခံရသူ အမှု စုစုပေါင်း ၅၀ ခန့်၏ အမည်စာရင်းများ နှင့် ၎င်းတို့အား လွှတ်ပေးရန် ဒု-သမ္မတ ဒေါက်တာ စိုင်းမောက်ခမ်းအား လိမ်မူ၍ သက်ဆိုင်ရာ တရားရုံးများသို့မိတ္တူပြုကာ ပြည်သူ့လွှတ်တော် ကိုယ်စားလှယ် ဒေါ်ဒွဲဘူ က တင်ပြခဲ့သည်။

အဆိုပါ ၁၇(၁) ဖျက်သိမ်းရန် မလွယ်ကူသော်လည်း တရားရုံးများတွင် ထိုအမှုဖြင့် စွပ်စွဲဖမ်းဆီးထားသူများအား လွှတ်ပေးခြင်း သို့မဟုတ် တခြားပုဒ်မများဖြင့် ပြောင်းလဲ၍ အမိန့်ချမှတ်ခြင်းများ ရှိနေပြီ ဖြစ်ကြောင်း ဒေါ်ဒွဲဘူက ပြောသည်။

“ဒီကိစ္စနဲ့ ပတ်သက်ပြီး ဥပဒေတရားရုံးတွေမှာ ဥပဒေနဲ့ မညီတဲ့ဟာတွေကို လွှတ်ပေးဖို့ စာဝင်လာတယ်။ အခုတော့ ကွင်းလုံး ကျွတ် လွှတ်တာတွေ ရှိတယ်။ ပုဒ်မ ပြောင်းပြီးတော့ လွှတ်ပေးတာတွေလည်း ရှိလာပြီ။ ဒါက ဒီလို တင်ပြ ထားတဲ့ effect (သက်ရောက်မှု) တခုတော့ ဖြစ်တယ်”ဟု မဇ္စျိမကို ပြောသည်။

ယခင် အစိုးရနှင့် ၁၉၉၄ ခုနှစ်က အပစ်အခတ် ရပ်စဲခဲ့သဖြင့် KIO ကို မတရားအသင်းမှ ဖျက်သိမ်းထားပြီးဖြစ်ရာ ယခု သမ္မတ အနေဖြင့် ပြန်လည်ကြေညာပေးသင့်ကြောင်း “သမ္မတ ဒါကို ကြေညာပေးရမယ်။ ၁၇ ဖြစ်တဲ့နေရာ ကချင်မှာက ၉၄ မှာ ဖျက် ပြီးသား။ ဒါကို ပြန်ဖမ်းနေတယ်ဆိုတော့ ဒီကိစ္စကို ပြန်သမ္မတက ကြေညာရမှာ။ ဒါကို မကြေညာဘဲ ပြန်ဖမ်းနေတယ်ဆိုတော့ ဒီချွတ်ယွင်းချက်ကို ဖျက်ချရမယ်” ဟု ဒေါ်ဒွဲဘူ က ဆိုသည်။

သမ္မတ ဦးသိန်းစိန်အနေဖြင့် ငြိမ်းချမ်ရေးဖော်ဆောင်မှု ဆောင်ရွက်နေချိန်မှာ ဖမ်းဆီးထောင်ချနေခြင်းသည် ငြိမ်းချမ်းရေး လုပ်ငန်း တွင် ထိခိုက်ကြောင်းလည်း ပြည်သူ့လွှတ်တော် ကိုယ်စားလှယ် ဒေါ်ဒွဲဘူ က ပြောဆိုသွားသည်။

Ref: မဇ္ဈိမ

Read More...

Collapse...

မြန်မာ့ နှမ်းကို ဂျပန်၊ ကိုရီးယား၊ စင်္ကာပူ၊ မလေးနှင့် တရုတ်တို့ ဝယ်ယူ

ခင်မျိုးသွယ်
အောက်တိုဘာလ ၂၁ ရက် ၂၀၁၂ ခုနှစ်

ပြည်တွင်းတွင် စိုက်ပျိုး ထုတ်လုပ်လျက်ရှိသော နှမ်းများကို ဂျပန်၊ ကိုရီးယား၊ စင်္ကာပူ၊ မလေးရှားနှင့် တရုတ်နိုင်ငံတို့က ၂၀၁၂ ခုနှစ်၊ အောက်တိုဘာလ ပထမပတ်အတွင်း ဝယ်ယူမှုများ ရှိခဲ့ကြောင်း ပဲ၊ နှမ်း ကုန်သည်များအသင်းမှတဆင့် သိရှိရသည်။

“ပြည်တွင်းထုတ် နှမ်းကို ပင်လယ်ရေကြောင်းက တဆင့် အောက်တိုဘာလ ပထမပတ်ထဲမှာ ဂျပန်၊ ကိုရီးယား၊ စင်္ကာပူ၊ မလေး ရှားနဲ့တရုတ်နိုင်ငံတွေကို တန်ချိန် ၁,၃၀၀ ကျော် တင်ပို့ခဲ့ရတယ်။ အဲဒီထဲက တန် ၆၀၀ ကျော်ကို ဂျပန်က ဝယ်ယူတာပါ။ နယ်စပ် ကုန်သွယ်ရေးစခန်းက တဆင့် တင်ပို့မှုကို ကြည့်ရင် အောက်တိုဘာ ၃ ရက်ကနေ ၉ ရက်အတွင်း တရုတ်ကို မူဆယ် ကနေ ၁၉၆ တန်ကျော်နဲ့ ထိုင်းကို မြဝတီနယ်ကနေ ၂,၇၁၆ တန် တင်ပို့မှု ရှိခဲ့ပါ တယ်” ဟု ရန်ကုန်မြို့၊ ဗဟို စည် အိမ်ရာရှိ ပဲ၊ နှမ်း လက်ကြီး ကုန်သည်ကြီး တဦးက ပြောသည်။

စက်တင်ဘာလ အတွင်းကလည်း ပင်လယ်ရေကြောင်းဖြင့် တန်ချိန် ၃,၈၀၀ ခန့်နှင့် နယ်စပ်ကုန် သွယ်ရေးစခန်းများမှ ၁၆၇.၄၆ တန် တင်ပို့ခဲ့ရသည်။

မြန်မာနိုင်ငံမှ တင်ပို့နေသည့် နှမ်းများမှာ နှမ်းဖြူ၊ နှမ်းနက်၊ နှမ်းအခွံချွတ်၊ နှမ်းညိုနှင့် နှမ်းနီတို့ ဖြစ်ကြသည်။

ယခုသီတင်းပတ်အတွင်း နှမ်းဈေးများမှာ နှမ်းဖြူ ၁ တန်လျှင် ၁၀၉၁၇၁၁ ကျပ်နှင့် နှမ်းနက် ၁ တန်လျှင် ၁၁၈၄၅၄၉ ကျပ်တို့ ရှိနေကြောင်း သိရသည်။

Ref: ဧရာဝတီ

Read More...

Collapse...

အမေရိကန်ရဲ့ စစ်ရေးနည်းပညာ အကူအညီ လိုချင်ဟု ဦးသိန်းစိန် ပြော

သာလွန်ဇောင်းထက်
October 21, 2012

မြန်မာနိုင်ငံအနေဖြင့် အမေရိကန်ပြည်ထောင်စုမှ ကာကွယ်ရေးဆိုင်ရာ နည်းပညာအကူအညီများ ရယူသွားရန် စဉ်းစားနေ ကြောင်း နိုင်ငံတော်သမ္မတ ဦးသိန်းစိန်က ပြောဆိုလိုက်သည်။

အောက်တိုဘာ ၂၁ ရက် မွန်းလွဲပိုင်း နေပြည်တော်ရှိ သမ္မတအိမ်တော်တွင် ပထမဆုံးအကြိမ် ကျင်းပပြုလုပ်သော ပြည်တွင်း ပြည်ပ သတင်းမီဒီယာများနှင့်တွေ့ဆုံပွဲတွင် ဧရာဝတီသတင်းဌာန၏ မေးခွန်းများကို ပြန်လည်ဖြေကြားစဉ် သမ္မတဦးသိန်းစိန်က ပြောဆိုလိုက်ခြင်းဖြစ်သည်။

ဧရာဝတီသတင်းဌာနက မြန်မာနိုင်ငံအနေနှင့် အမေရိကန်ပြည်ထောင်စုထံမှ စစ်ရေး အကူအညီများ ရယူရန် အစီအစဉ်ရှိ၊ မရှိမေးမြန်းရာ သမ္မတဦးသိန်းစိန်က စစ်ရေး အကူအညီ ဆိုသည်ထက် နည်းပညာ အကူအညီပိုင်းနှင့်ပတ်သက်ပြီး ရယူရန် စဉ်းစားလျက်ရှိကြောင်း ပြန်လည်ဖြေဆိုသည်။

“စစ်ရေးအကူအညီဆိုတာ လောလောဆယ်တော့ မလိုပါဘူး။ ဘယ်နိုင်ငံကိုမှ ကျနော်တို့က ရန်ပြုနေတာမှ မရှိတာ။ အမေရိကန် စစ်ရေးအကူညီ ဆိုတာ မလိုသေးဘူး။ သို့သော်လည်းပဲ နည်းပညာ အကူအညီပိုင်းနဲ့ပတ်သက်ပြီးတော့ သင်တန်းတွေ ဘာတွေ လွှတ်ဖို့ ပြုဖို့ စဉ်းစားနေတယ်။ ဟိုတုန်းကဆိုရင် အရာရှိသင်တန်းတွေ အမေရိကန်က လက်ခံပေးတာတွေရှိပါတယ်” ဟု သမ္မတ ဦးသိန်းစိန်က ဆိုသည်။

ဆက်လက်ပြီး ဧရာဝတီသတင်းဌာနက အမေရိကန်ပြည်ထောင်စုက Cobra Gold စစ်ဆင်ရေးအတွက် မြန်မာနိုင်ငံကို လေ့လာရန် ဖိတ်ကြားမည်ဆိုသည့်အပေါ် မေးမြန်းရာ လတ်တလော တရားဝင်ဖိတ်ကြားမှု မရရှိသေးသည့်အတွက် သွား ရောက်လေ့လာရန် အစီအစဉ်မရှိသေး ကြောင်း ရှင်းပြသည်။

“ Cobra Gold ဆိုတာ ဟိုတုန်းကတည်းက လုပ်နေတာ။ ဟိုတုန်းကတည်းက ဒီဟာနဲ့ပူးပေါင်း ဆောင်ရွက်တယ်ဆိုတာ မရှိပါဘူး။ အခုက ဖိတ်တယ်ဆိုတာပြောတာ ကျနော်တို့ အစိုးရဆီလည်း တရားဝင်ပို့တာမရှိသေးဘူး။အဲဒီတော့ ပူးပေါင်း ဆောင်ရွက်ဖို့တို့ သွားလေ့လာဖို့တို့ အစီအစဉ် မရှိသေးပါဘူး” ဟု သမ္မတက ဆက်လက်ပြောသည်။

အမေရိကန်က Cobra Gold စစ်ရေးလေ့ကျင့်မှုကို လာရောက်လေ့လာရန် မြန်မာကို ဖိတ်ရန် စဉ်းစားနေပြီး ဆုံးဖြတ်ချက် မချရသေးကြောင်း အမေရိကန် စစ်ဌာနချုပ် ပင်တဂွန်ကလည်း ပြောသည်။ အင်အား တသောင်းကျော်ပါဝင်မည့် ယင်းစစ်ရေး လေ့ကျင့်မှုကို တခြား အာရှ နိုင်ငံတွေလည်း ပါဝင်မှာဖြစ်ပြီး ထိုင်းနိုင်ငံက အမေရိကန်ကို မြန်မာအား ဖိတ်ကြားရန် ကြားဝင် တိုက်တွန်းနေခဲ့သည်။ ထိုင်း ကာကွယ်ရေးဝန်ကြီးဌာန ပြောရေးဆိုခွင့်ရှိသူကလည်း စစ်ရေးလေ့ကျင့်မှုတွင် ပါဝင်မည့်နိုင်ငံများ အားလုံး သဘောတူညီမှုလိုကြောင်း ပြောဆိုထားသည်။

မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချယ်ကမူ ယင်းသတင်းအပေါ် ၎င်းအနေနှင့် သတင်းအချက် အလက် တစုံတရာ မရရှိသေးကြောင်း ဆိုသော်လည်း မကြာသေးမီက အမေရိကန် ကာကွယ်ရေး လက်ထောက် ၀န်ကြီးနှင့် အမေရိကန် စစ်တပ်မှ အဆင့်မြင့် အရာရှိကြီးများသည် မြန်မာနိုင်ငံသို့ လာရောက်ပြီး အရပ်သား ထိန်းချုပ်သည့် စစ်တပ်၏ အခန်းကဏ္ဍ အပါအ၀င် အမေရိကန် စစ်တပ် အတွေ့အကြုံများကို ရှင်းလင်းသွားကြောင်း ရန်ကုန် အခြေစိုက် အမေရိကန်သံရုံးတွင် ကျင်းပပြု လုပ်သော သတင်းစာရှင်းလင်းပွဲတွင် ပြောဆိုခဲ့သည်။

သမ္မတ ဦးသိန်းစိန်ကလည်းက မြန်မာ့နိုင်ငံရေးတွင် တပ်မတော်ပါဝင်မှု အခန်းကဏ္ဍကို ဒီမိုကရေစီ ရင့်သန်လာသည်နှင့်အမျှ လျော့ချသွားရန်ရှိပြီး
အင်ဒိုနီးရှားနိုင်ငံ၏ ဒီမိုကရေစီပြောင်းလဲမှုကို ဥပမာပေး ပြောဆိုသွားသည်။

“လောလောဆယ်ကတော့ မြန်မာနိုင်ငံရေးကဏ္ဍမှာ တပ်မတော်ကိုလည်း ပစ်ပယ်ထားလို့မရပါဘူး။ လွတ်လပ်ရေး ကြိုးပမ်းမှု သမိုင်းတို့ကို ပြန်ကြည့်ရင် ဗိုလ်ချုပ်အောင်ဆန်းတို့က အစပေါ့လေ။ ဖွဲ့စည်းပုံအခြေခံဥပဒေမှာ နိုင်ငံရဲ့ဦးဆောင်မှုကဏ္ဍမှာ တပ်မတော်က ပါဝင်ခွင့်ပေးထားပါတယ်။ ခုနကလို ယူနီဖောင်းကြီးနဲ့ လွှတ်တော်ထဲ ၀င်ထိုင်နေတယ် ဆိုပြီးတော့ မြင်ကြမှာပါ။ သို့သော်လည်း နိုင်ငံရေးရာကိစ္စတွေမှာ အစိတ်အပိုင်းတခုအနေနဲ့ ပါဝင်ကူညီဆောင်ရွက်ပေးတဲ့ သဘောပဲဖြစ်ပါတယ်။ သိပ်ပြီး တော့ ဒီမိုကရေစီ ရင့်သန်လာတဲ့အမျှ တဖြည်းဖြည်းနဲ့တော့ လျှော့သွားစရာရှိပါတယ်။ ကျနော်တို့တင် မဟုတ်ပါဘူး။ အင်ဒိုနီးရှား တို့လည်း ဒီအတိုင်းပဲ လုပ်သွားတာ ဖြစ်ပါတယ်” ဟု ဦးသိန်းစိန်က ရှင်းပြသည်။

သို့ရာတွင် တပ်မတော်၏ နိုင်ငံရေးဦးဆောင်မှု အခန်းကဏ္ဍ လျော့ချရန်မှာမူ ဖွဲ့စည်းပုံ အခြေခံဥပဒေ ပြင်ဆင်ရေး မပြင်ဆင်ရေး နှင့် ပတ်သက်နေကြောင်း၊ ဖွဲ့စည်းပုံ အခြေခံဥပဒေ ပြင်ဆင်ရေးအတွက်မူ မိမိတဦးတည်းဆန္ဒနှင့် မဖြစ်နိုင်ကြောင်း ပြောဆိုသည်။

“ဖွဲ့စည်းပုံ အခြေခံဥပဒေ အရ ပြင်ဖို့ မပြင်ဖို့ဆိုတာ ကျနော် တယောက်တည်း ဆန္ဒနဲ့ မရပါဘူး။ လွှတ်တော်ကိုယ်စားလှယ်များရဲ့ ဆန္ဒလည်းပါဝင်ရပါမယ်” ဟု သမ္မတက ရှင်းပြသည်။

သမ္မတ၏ သတင်းစာရှင်းလင်းပွဲသို့ ပြည်တွင်းပြည်ပ သတင်းသမား တရာကျော် တက်ရောက်ခွင့်ပြုခဲ့ပြီး ၂ နာရီကျော်ကြာ စိတ်ရှည်လက်ရှည်ဖြင့်ဖြေကြားပေးခဲ့သည်။

Ref: ဧရာဝတီ

Read More...

Collapse...

ပါတီတခုရဲ့ ဥက္ကဌလုပ်ပြီး နိုင်ငံရေး ကင်းရှင်းရမည်ဆိုတာနဲ့ မငြိဘူးလား

October 20, 2012

အောက်တိုဘာလ ၁၄ ရက်နေ့မှ ၁၆ ရက်နေ့အထိ နေပြည်တော်တွင် ပထမဆုံးအကြိမ် ကျင်းပသော ပြည်ထောင်စု ကြံ့ခိုင် ရေးနှင့် ဖွံ့ဖြိုးရေးပါတီ၏ ပြည်လုံးကျွတ် ပါတီညီလာခံက သမ္မတ ဦးသိန်းစိန်ကို ပါတီဥက္ကဌအဖြစ် ပြန်လည် ရွေးချယ် တင် မြှောက်ခြင်းသည် ဖွဲ့စည်းပုံ အခြေခံဥပဒေနှင့် ကိုက်ညီမှု ရှိ၊ မရှိ အငြင်းပွားမှုများ ဖြစ်ပေါ်နေသည်။

ထိုကိစ္စနှင့် ပတ်သက်၍ အမျိုးသားဒီမိုကရေစီ အဖွဲ့ချုပ် (NLD) ပါတီ ထိပ်တန်းခေါင်းဆောင်တဦး ဖြစ်သည့် ဦးဝင်းတင်၏ သဘောထားကို ဧရာဝတီ သတင်းထောက် လင်းသန့်က ဆက်သွယ်မေးမြန်းထားပါသည်။

မေး ။ ။ ဦးဝင်းတင် ခင်ဗျား၊ အခု သမ္မတ ဦးသိန်းစိန်ကို ကြံ့ခိုင်ရေးပါတီ ပြည်လုံးကျွတ်ညီလာခံက ပါတီ ဥက္ကဌအဖြစ် ပြန်လည် ရွေးချယ်တင်မြှောက်လိုက်တာကို ဖွဲ့စည်းပုံဆိုင်ရာ အငြင်းပွားမှုတွေ ကြားနေရပါတယ်။ ဒီ ကိစ္စနဲ့ပတ်သက်ပြီး ဘယ်လို အမြင်ရှိပါလဲခင်ဗျား။

ဖြေ ။ ။ ဒီကိစ္စက သူများပါတီကိစ္စဖြစ်နေတော့ သိပ်တော့ မပြောချင်ဘူး။ ဒါပေမယ့် သာမန်အားဖြင့်တော့ ပါတီကြီး တခု ဖြစ်တဲ့ ကြံ့ခိုင်ရေးပါတီက ညီလာခံတွေဘာတွေ ကျင်းပနိုင်တယ်ဆိုတာကို ကျနော်တို့ကတော့ ၀မ်းသာပါတယ်၊ ကြိုဆိုပါတယ်။ ဒါက ပါတီချင်းအနေနဲ့ သူက နိုင်ငံမှာ အာဏာရတဲ့ ပါတီကိုး။ နောက်တခုကလည်း သမ္မတလို ပုဂ္ဂိုလ်မျိုးကို ပြန်ပြီးတော့ ပါတီရဲ့ ဥက္ကဌ တာဝန်ပေးတဲ့အခါကျတော့ သာမန်အားဖြင့်တော့ ၀မ်းသာကြောင်း စကားတောင်မှ ပြောစရာ အကြောင်းရှိပါတယ်။ သို့သော် ကျနော်တို့ အဲဒီလို မပြောနိုင်ဘူး။

မေး ။ ။ ဘာဖြစ်လို့ ဦးဝင်းတင်တို့အနေနဲ့ ၀မ်းသာစကားပြောစရာ ရှိပြီး ဘာဖြစ်လို့ မပြောနိုင်ရတာပါလဲ။

ဖြေ ။ ။ ဘာဖြစ်လို့လည်းဆိုတော့ အခြေခံ ဥပဒေကိစ္စက ပတ်သက်နေတယ်။ သာမန်အားဖြင့်ဆိုရင် အခြေခံ ဥပဒေ အရက သမ္မတတို့ ဘာတို့ဖြစ်လာရင် သမ္မတဟာ နိုင်ငံရေးပါတီ တာဝန်တွေနဲ့ မပတ်သက်ရဘူး။ နိုင်ငံရေးပါတီ လုပ်ငန်းတွေမှာ ပါဝင်ဆောင်ရွက်ခွင့် မရှိဘူးဆိုတာပါတယ်။ သမ္မတဟာ ပါတီတခုရဲ့ ဥက္ကဌဆိုရင်တော့ နိုင်ငံရေးပါတီနဲ့ မပတ်သက်ရဘူးဆိုတာနဲ့ ရှင်းရှင်းပြောရရင် ဘယ်လိုလုပ်ပြီး ကင်းလို့ရမလဲ။ ဥက္ကဌတောင် ဖြစ်နေပြီး ပါတီနဲ့ မပတ်သက်ရဘူးဆိုတာ ပြောလို့မရဘူး။ နောက်တခုက ပါတီဥက္ကဌကနေပြီး မိန့်မိန့်ကြီးထိုင်ပြီး မိန့်ခွန်းတွေ ဘာတွေ ပြောနေရမယ်၊ ပါတီမျက်နှာစာမှာ ပါတီဥက္ကဌကြီး အဖြစ်နဲ့ ရှိနေမယ်ဆိုရင် နိုင်ငံရေးပါတီနဲ့ မပတ်သက်ပါဘူးလို့ ဘယ်လိုလုပ် သွားပြောမလဲ။ ဒါက တခုပေါ့။ ဒါက ဖြစ်နေတဲ့ကိစ္စ။

မေး ။ ။ အခြေခံ ဥပဒေ အခန်း ၃၊ ပုဒ်မ ၆၄ မှာ ဖော်ပြချက်မှာ ပါတီက နုတ်ထွက်စရာ မလိုဘူး၊ ပါတီဥက္ကဌ မလုပ်ရဘူးလို့ မပါဘူးဆိုတော့ ဘယ်လိုအကြောင်းနဲ့ပတ်သက်ပြီး သမ္မတက နိုင်ငံရေးနဲ့ ကင်းရှင်းရမယ်ဆိုတာပါလဲ။

ဖြေ ။ ။ အဲဒီတော့ အခုတော့ သူတို့က ပြောတာက သမ္မတကြီးဟာ ဥက္ကဌရာထူးကို ယူတဲ့နေရာမှာ အခြေခံ ဥပဒေထဲမှာ သမ္မတဟာ နိုင်ငံရေးပါတီ ဥက္ကဌ မလုပ်ရဘူးလို့ မပါတဲ့အတွက် ဥက္ကဌ ရွေးတယ်။ ဆိုတော့ ဥက္ကဌ မလုပ်ရဘူးလို့ မပါဘူး ဆို ပေမယ့်လို့ ဥက္ကဌ လုပ်တမ်းလား။ ပါတီတခုရဲ့ ဥက္ကဌ ဖြစ်လာမှတော့ ပါတီရဲ့ နိုင်ငံရေးနဲ့ ကင်းရှင်းပါ့မလားဆိုတာ ဘယ်လို လုပ်ပြီးတော့ ပြောမလဲ။ နောက်တချက်က ဘာလဲ ဆိုတော့ အခြေခံ ဥပဒေထဲမှာ ပါတဲ့ဟာက တခြား ပုဒ်မတခုမှာဆိုရင် ၀န်ထမ်းတွေဟာ နိုင်ငံရေးနဲ့ ကင်းရှင်းရမယ်လို့ပါတယ်။ သမ္မတဆိုတဲ့လူဟာ နိုင်ငံ့ဝန်ထမ်းထဲမှာ အကြီးဆုံး ၀န်ထမ်းပဲ။ ထိပ်ဆုံး နံပတ် ၁ ၀န်ထမ်း။ အကြီးဆုံး ၀န်ထမ်းလုပ်တဲ့သူက နိုင်ငံရေး၊ နိုင်ငံရေးပါတီနဲ့ ကင်းရှင်းရမယ်ဆိုတဲ့ စကားနဲ့ကျတော့ ငြိမနေဘူးလား။ နိုင်ငံရေးနဲ့ မကင်းရှင်းလို့ နိုင်ငံရေးပါတီရဲ့ ဥက္ကဌ ဖြစ်နေပြီ၊ နိုင်ငံရေးပါတီ ဥက္ကဌ ယူတယ်၊ အဲဒါကို နိုင်ငံရေးနဲ့ ကင်းရှင်းတယ်ပြောလို့က ဘယ်လိုလုပ်ရမလဲ။

မေး ။ ။ နိုင်ငံရေးနဲ့ ကင်းရှင်းရမယ်ဆိုတာတဲ့ အချက်နဲ့ပတ်သက်လို့ ပိုပြီးကျယ်ကျယ်ပြန့်ပြန့် ဥပမာတွေနဲ့ ပြောပြလို့ ရပါလားခင်ဗျာ။

ဖြေ ။ ။ အခု အပြင်မှာဆိုရင် ဥပမာ ၀န်ထမ်းလေးတွေ၊ အရပ်သားတွေ၊ ကျောင်းသားတွေ အကုန်လုံးကို သူတို့တွေမှာ အစိုးရဌာန နဲ့ပတ်သက်တဲ့ တခုခုလုပ်တော့မယ်ဆိုတာနဲ့ တပြိုင်တည်း နိုင်ငံရေး ကင်းရှင်းရမယ်ဆိုတဲ့ ခံဝန်ချက်ကြီးက ရှိသလို လက်မှတ်ထိုး ထားရသလို၊ ကျမ်းကျိန်ထားရသလို။ ဥပမာ ကျနော့်ရဲ့ အတွေ့အကြုံအရ ပြောမယ်ဆိုရင် ဦးဝင်းတင် ဖောင်ဒေးရှင်း ဆိုတာကို နိုင်ငံရေးနဲ့ ကင်းရှင်းရမယ်ဆိုပြီး ပြောတယ်။ ကျနော်က နိုင်ငံရေးနဲ့ မကင်းရှင်းနိုင်ဘူး ပြောလိုက်တယ်။ ဘာလို့လဲ ဆိုတော့ ကျနော်တို့ လုပ်နေတာဆိုတာကိုက နိုင်ငံရေးအကျဉ်းသားများ ကူညီထောက်ပံ့ရေးဆို လုပ်တဲ့ နိုင်ငံရေးအကျဉ်းသား ဖောင်ဒေးရှင်းဆိုကတည်းက ဘယ်လိုမှ မကင်းရှင်းနိုင်ဘူးလေ။ နောက် ဦးဝင်းတင် ဆိုတဲ့လူ ကိုယ်တိုင်က ပါတီမှာ နိုင်ငံရေး လုပ်နေတဲ့ လူတယောက်လေ။ ဒါကြောင့် ဒီမှာ ကျုပ်က ဒီဘောင်ထဲကလုပ် နေတဲ့သူဖြစ်လို့ ဘယ်လိုလုပ် နိုင်ငံရေးကင်းရှင်းလို့ ရမှာလဲ။ ဘယ်လိုမှ မကင်းရှင်းနိုင်ဘူး။ ခင်ဗျားတို့ အရေးယူ ချင်လည်းယူ၊ လုပ်ချင်တာလုပ်၊ ကျနော်တို့ ကတော့ လက်မခံနိုင်ဘူး ပြန်ပြောတာပဲ။

ဆိုလိုတာက တနိုင်လုံးမှာ အခု အလုပ်လျှောက်တဲ့သူတိုင်း နိုင်ငံရေး ကင်းရှင်းရမယ်ဆိုတာကြီးက ပါနေတယ်။ ဆိုလိုတာက နိုင်ငံ ရေး ကင်းရှင်းကြောင်းက သာမန် အရပ်သူ အရပ်သားတောင်မှ အစိုးရနဲ့ပတ်သက်တဲ့ လုပ်ငန်းလေး တခုကို လုပ်မယ်ဆိုတာနဲ့ နိုင်ငံရေး ကင်းရှင်းရမည်ဆိုတဲ့ပုဒ်မကြီးက တခါတည်း လာပြီး ခြိမ်းခြောက်နေတယ်။ အဲဒီတော့ သမ္မတ လုပ်တဲ့သူက ပါတီတခုရဲ့ ဥက္ကဌ လုပ်ပြီး နိုင်ငံရေး ကင်းရှင်းရမည်ဆိုတာနဲ့ မငြိဘူးလား။ သူက ၀န်ထမ်း ပဲ လေ။ သမ္မတဆိုတာ နိုင်ငံရဲ့ အကြီးဆုံး နံပတ် ၁ ၀န်ထမ်းကြီးတယောက်ဟာ ပါတီ တခုရဲ့ ဥက္ကဌဖြစ်မှတော့ နိုင်ငံ ရေးနဲ့ ကင်းရှင်းပါ့မလား။ အဲလိုတွေဆိုရင် အခြေခံ ဥပဒေကို ဘယ်လို သုံးသပ်မလဲ။ အခုဖြစ်တဲ့ ကိစ္စကို ကြည့်မယ် ဆိုလို့ရှိ ရင် ဦးသိန်းစိန် ကိစ္စမှာ သူတို့က အခြေခံ ဥပဒေကို လက် တလုံးခြားလုပ်တာ။ ခုနကပြောသလို ဦးသိန်းစိန်တို့ ဘာတို့ ပါတီဥက္ကဌတွေ ဘာတွေ ဖြစ်လာတို့က ကြိုဆိုချင်ပါတယ်။ ၀မ်းသာတယ်လို့တောင် ပြောချင်ပါတယ်။ နောက် ပါတီကြီးတခု ညီလာခံလုပ်တယ်ဆိုတာ ကောင်းပါတယ်။

မေး ။ ။ ဒါဆိုရင် ကြံ့ခိုင်ရေး ပါတီအနေနဲ့က ဒါတွေကို သိလျက်သားနဲ့ သမ္မတ ဦးသိန်းစိန်ရဲ့ လူထုကြား ရေပန်းစားနေ မှုကို ပါတီအနေနဲ့ လိုအပ်လို့ ရွေးချယ်တယ်ဆိုရင်ရော ဘယ်လို ထင်ပါလဲ။

ဖြေ ။ ။ သို့သော် ဦးသိန်းစိန်ဆိုတဲ့၊ သူတို့အထင်ပေါ့၊ လူကြိုက်များနေတယ်ဆိုတဲ့ လူတယောက်၊ အဲဒီ လူတယောက်ရဲ့ နာမည်ကို သုံးချင်တာနဲ့ ဦးသိန်းစိန်ကို ပါတီဥက္ကဌ ရွေးချယ် ခန့်တယ်ဆိုတာကတော့ အဲလို ခန့်ဖို့ အတွက် အခြေခံ ဥပဒေကို လက်တလုံးခြားလှည့်တာတော့ မလုပ်သင့်ဘူးလို့ ကျနော်တို့ကတော့ ပြောချင်တယ်။

မေး ။ ။ အာဏာရ ပါတီကြီးအနေနဲ့ ဒီလိုဆို အခြေခံ ဥပဒေကို မလိုက်နာသလိုဖြစ်တယ်ဆိုရင် အခြေခံ ဥပဒေနဲ့ ပတ်သက်ပြီး ဘာပြောချင်ပါလဲ။

ဖြေ ။ ။ အခြေခံ ဥပဒေဟာ အမှန်ပြောရရင် ကျနော်တို့က လည်း အခြေခံ ဥပဒေကို လက်ခံတဲ့သူတွေ မဟုတ်ဘူး။ ဒီအခြေခံဥပဒေကို ပြင်ရမယ်၊ ပြောင်းရမယ်၊ ဖြုတ်ရမယ်၊ ဖျက်ရမယ် ဆိုတဲ့ဟာကို ကျနော်တို့က သဘောထား ရှိတဲ့သူတွေ အနေနဲ့က အခြေခံဥပဒေကို သူတို့ဟာသူတို့ လက်တလုံးခြား လှည့်ရုံတင်မဟုတ်ဘူး။ မီးရှို့ပစ်ပစ် တို့ကတော့ သဘောတူပါ တယ်။ ကိစ္စမရှိဘူး။ သို့သော် တိုင်းပြည်ကို အခြေခံ ဥပဒေနဲ့ အုပ်ချုပ်နေတယ်လို့ ပြောတယ် ဆိုရင်တော့ သမ္မတတို့ဘာတို့ လုပ်တဲ့ အာဏာရပါတီ အဖွဲ့အစည်းကနေပြီးတော့ ဒီအခြေခံ ဥပဒေကို လက်တလုံး ခြားတော့ အခုလို လှည့်ပြီးတော့ မလုပ် သင့်ဘူးလို့ ဒါပါပဲ ကျနော်ပြောချင်တာ။ ကျနော်တို့ကတော့ အခြေခံ ဥပဒေကို လက်တလုံးခြား လှည့်လုပ်တာကိုတော့ မလုပ် သင့်ဘူးလို့ ပြောချင်တယ်။ အခြေခံဥပဒေထဲမှာ အတိအလင်း ပုဒ်မတွေ တတ်ပြီးပါတဲ့ နိုင်ငံရေးနဲ့ ကင်းရှင်းရမယ်ဆိုတာကို ပြောင်ကြီးချိုး ဖောက်လာတာမျိုး ကျနော်တို့က လက်မခံဘူး။ မပြောမဖြစ်လို့ ပြောရတာ။ သမ္မတ အခန်းဆိုင်ရာ အခြေခံ ဥပဒေ အရ ဆိုရင်တော့ လက်တလုံးစာ လွတ်နေသေးတယ်။ အဲဒီအထဲမှာ ပါတီတခုရဲ့ ဥက္ကဌတခုလို့ မပါဘူး။ နောက်ပြီး ပါတီက ထွက်ရမယ်ဆိုတာ မပါဘူး။ ဒီတော့ လက်တလုံးခြား လွတ်သွားတယ်။

အခြေခံ ဥပဒေထဲမှာပါတဲ့ နိုင်ငံ့ဝန်ထမ်းတွေဟာ ပါတီနိုင်ငံရေးနဲ့ ကင်းရှင်းရမယ် ဆိုတာကျတော့ ဘယ်လိုလုပ် ပြောမလဲ။ ဦးသိန်းစိန်ဟာ နိုင်ငံဝန်ထမ်းလို့ပဲ ယူဆတယ်။ သူတို့ကတော့ ပြောမှာပေါ့။ နိုင်ငံ့ဝန်ထမ်း မဟုတ်ဘူး။ နိုင်ငံ့ ၀န်ထမ်းဆိုတာ အစိုးရက ခန့်တာ။ သူကိုယ်တိုင်က သမ္မတလို့ ပြောမယ်။ အဲဒါကို အယုံအကြည်မရှိဘူး။ ဒီလို အကြောင်းပြချက်မျိုးကို လက်မခံဘူး။ နိုင်ငံ့ဝန်ထမ်းဆိုတာ နိုင်ငံရဲ့ အခကြေးငွေကို ယူပြီးတော့ တာဝန်တခုကို သတ်မှတ်ပြီးတော့ လုပ်ရတဲ့သူတွေ မှန်သမျှ နိုင်ငံ့ဝန်ထမ်းပဲ။ အုပ်ချုပ်ရေး လုပ်ငန်းတွေ လုပ်နေရတဲ့သူ နိုင်ငံ့ဝန်ထမ်းပဲ။ သူဟာ နိုင်ငံ့ဝန်ထမ်း မဟုတ်ဘူးလို့ ငြင်းလို့မရဘူး။ ဦးရွှေမန်း နိုင်ငံ့ဝန်ထမ်း မဟုတ်ဘူးဆို ပြောမယ်ဆို ပြောလို့ရသေးတယ်။

မေး ။ ။ တချို့က သုံးသပ်သူတွေ အဆိုအရ ဦးသိန်းစိန်ကို ပါတီဥက္ကဌ ပြန်တင်မြှောက်လိုက်ခြင်းဟာ ၂၀၁၅ ခုနှစ်အကြို ကြံ့ခိုင်ရေးပါတီရဲ့ ပြင်ဆင်မှုပဲလို့ ဆိုကြတယ်။ ဒါဆိုရင် လက်ရှိ ဦးသိန်းစိန်ရဲ့ လူကြိုက်များမှုနဲ့ဆိုတော့ လာမယ့် ရွေးကောက် ပွဲမှာရော ကြံ့ခိုင်ရေးပါတီ အနေနဲ့ အနိုင်ရနိုင်ခြေရှိပါသလား။

ဖြေ ။ ။ ဘယ်နိုင်မလဲ။ ဘာဖြစ်လို့လဲဆိုတော့ ဒါတွေက ပြောလိုက်ရင်တော့ အများကြီး ပြောစရာတွေ ဖြစ်မယ်။ မြန်မာပြည် နိုင်ငံရေးမှာ လူထုက ပါတီတခုကိုမုန်းပြီဆိုရင် အာဏာရတဲ့ပါတီပဲဖြစ်ဖြစ် ဘာပဲဖြစ်ဖြစ် ပါတီတခုကို ငြင်းပယ် လိုက်ပြီဆိုရင် အဲဒီပါတီဟာ ဘယ်တော့မှ ခေါင်းမထောင်တော့ဘူးလို့ ကျနော်တို့က ယုံတယ်။ ဂျီစီဘီအေခေတ်ကဆိုလည်း ဦးလှဖေတို့၊ ဒေါက်တာ ဘမော်တို့ ၊ တို့ဗမာ အစည်းအရုံးသည်ပင်လျင် လူထုက နောက်ကျတဲ့ အခါကျတော့ သူဟာ ကျန်ခဲ့ ပြီလို့ တွက်တဲ့အခါ၊ ငြင်းလိုက်တဲ့အခါ တို့ဗမာအစည်းအရုံးက ပြန်ထူထောင်တဲ့အခါမှာ လွတ်လပ်ရေးရပြီ၊ လွတ်လပ်ရေး တိုက်ပွဲကို သူခေါင်းဆောင်ခဲ့တဲ့ ဒီတို့ဗမာ အစည်းအရုံး ဦးဆောင်လုပ်ခဲ့တာ၊ အဲဒီပါတီ ပြန် ဖွဲ့စည်းတဲ့အခါမှာ ဖွဲ့လို့မရတော့ဘူး။ လူထုက ငြင်းပြီဆိုရင် မရတော့ဘူး။

အလားတူပဲ ဦးနု လက်ထက်တုန်းကလည်း ဦးကျော်ငြိမ်းတို့ အကြောင်းပြုပြီး ဦးနုကနေပြီးတော့ ပါတီကို ဖဆပလဆိုတဲ့ ခွေးသေ ကောင်ပုပ် လည်ပင်းဆွဲစရာ မလိုဘူး သုံးပြီးတော့ ခွာခဲ့တယ်။ ဘာဖြစ်လုိ့ ခွာခဲ့လည်းဆိုတော့ တကယ်လည်း ခွေးသေကောင် ပုပ်ဖြစ်ပြီဆိုတာ သိပြီ။ လူထုကလည်း မလိုချင်တော့ဘူးဆိုတာ သိတယ်။ သိတဲ့အခါကျတော့ ပထစ ဆိုပြီး ဖွဲ့တယ်။ ပထစ အနေနဲ့ ၁၉၆၀ ရွေးကောက်ပွဲ လုပ်တဲ့အခါ ရွေးကောက်ပွဲတွေ ဘာတွေ ၀င်တယ်။ ရွေး ကောက်ပွဲမှာ ဦးနုက နိုင်ခဲ့တယ်။ ဘာဖြစ်လို့လည်း ဟိုပါတီကို လုံးဝ လူထုက မထောက်ခံတော့ဘူး။ ဆိုတာက ဟို ပါတီက နည်းနည်းနောနော အာဏာရ ပါတီကြီးလား၊ လွတ်လပ်ရေး သမိုင်းမှာ အင်မတန်ကြီးကျယ်တဲ့ အခန်းကဏ္ဍကနေ ပါဝင်ခဲ့တာပဲ။ အဲဒါတောင်မှ လူထုက ငြင်း လိုက်ရင် မရတော့ဘူး။

နောက် မဆလကိုကြည့်၊ မဆလဆိုတဲ့ ပါတီကြီးဟာ ၁၉၈၈ ၊ သြဂုတ်လ ၂၃ ရက်နေ့မှာ ဦးနေ၀င်းရဲ့ တပ်မတော်ဟာ သေနတ် ထောင်မပစ်ဘူးဆိုတဲ့ မိန့်ခွန်းပြောတဲ့အချိန်မှာ ဦးနေ၀င်းက သိပြီ၊ အဲတော့ ဦးနေ၀င်းလည်းပါတီကို ငါ မလုပ်တော့ဘူးဆိုပြီး လက်မြှောက်လိုက်တော့တာပဲ။ အဲလို လက်မြှောက်တဲ့အခါမှာ ပါတီဟာ ဘယ်လိုမှ ပြန် နာလန်မထူတော့ဘူး။ မြန်မာ့သမိုင်းမှာ အကြီးဆုံးလို့ ပြောနိုင်တဲ့ ပါတီ မဆလကြီးဟာ တခါတည်း ပြိုဆင်းသွားတာပဲ။

မေး ။ ။ ဆိုလိုတာက ကြံ့ခိုင်ရေးပါတီကို လူထုက ငြင်းဆိုထားတယ် ဆိုလိုတာလား ခင်ဗျာ။

ဖြေ ။ ။ အလားတူပဲ ကြံ့ဖွံ့ကလည်း ဒီကနေ့ တိုင်းပြည်က လက်မခံတော့ဘူး။ ဒါကိုသူတို့ နားလည်ရမယ်။ ၂၀၁၀ မှာ လည်း လူထုက လက်မခံဘူး။ လက်မခံပေမယ့်လို့ လူထုက ဘာမှ မတတ်နိုင်ခဲ့လို့ ဒီအတိုင်းပဲ အသာလေး မျက်စေ့မှိတ် နေ လိုက်တယ်။ လူထုက မဲမပေးတဲ့အခါကျတော့ မဲခိုးကြတယ်ပေါ့။ ကြိုတင်မဲတို့ဘာတို့ မတော်မတရားတွေ လုပ်ပြီး အနိုင် ယူ ချလိုက်တယ်။ အခု ၂၀၁၂ ခုနှစ် ကြားဖြတ်ရောက်တဲ့အခါ လူထုက ငြင်းပြီးတော့ လူထုက ဒီ ပါတီကို မလိုချင်တဲ့အတွက် ဘယ်လို ရှုံးခဲ့လဲဆိုတာ သိသာနေတာပဲ။ ကျနော်တို့ NLD ပါတီဟာ ဖျက်သိမ်းခံထားရ ပြီးတော့ ပါတီကို မရှိတော့တဲ့ပုံ ဖြစ် နေရာက နေပြီးတော့ တလပိုင်း ၅ ရက် နေ့မှာ စပြီးတော့ ပြန်ဖွဲ့နိုင်ခဲ့တဲ့ ပါတီဟာ ၃ လလောက် အတွင်းမှာ ချက်ခြင်း တခဲနက် နိုင်တယ်ဆိုတာဟာ ဘာကို ပြသလဲဆိုတော့ ကြံ့ဖွံ့ပါတီကို လူထုက ငြင်းပယ်လိုက်ပြီဆိုတာ ပြတယ်။ ကျနော်တို့ အမြင်ကတော့ ကြံ့ဖွံ့ပါတီကို လူထုက ငြင်းပစ်လိုက်ပြီ။

အဲလို ငြင်းတဲ့ဟာကို ရေနစ်တဲ့သူ ကောက်ရိုးမျှင်လေး တမျှင်တွေ့လို့ လှမ်းဆွဲတဲ့ဟာမျိုး၊ ဦးသိန်းစိန်ကို ပါတီ ဥက္ကဌ မတင်ရင် သူတို့ မရတော့ဘူး ထင်ပြီးလုပ်ခဲ့တာ။ ဦးသိန်းစိန်ကို တင်ပြီးလုပ်လို့လည်း မရတော့ပါဘူး။ ဦးသိန်းစိန် ကယ်လို့လည်း မရပါဘူး။ ဘာဖြစ်လို့လဲ ဆိုတော့ ဦးသိန်းစိန်ရဲ့ ဒီကနေ့ဖြစ်နေတဲ့ လူကြိုက်များမှုဆိုတာ ဆေးမြီးတိုလိုပဲ။

မေး ။ ။ ဒီနေရာမှာ သမ္မတ ဦးသိန်းစိန် တက်လာပြီး ဆက်တိုက် ပြည်သူ့ဆန္ဒကို လိုက်လျောပြီး လုပ်ခဲ့လို့ လူထုက သူ့ကို ထောက်ခံကြတာတွေ့ရတယ်။ အခု နောက်ဆုံး အစ္စလမ်နိုင်ငံများ ပူးပေါင်းဆောင်ရွက်ရေး အဖွဲ့ရုံး (OIC) စိုက်မယ့်ကိစ္စတောင် ချက်ချင်း မလုပ်တော့ဘူး ထုတ်ပြန်ခဲ့တယ်။ အဲဒီအပေါ်မှာရော ဘယ်လို ပြောချင်ပါလဲ။

ဖြေ ။ ။ OIC လိုဟာမျိုး ဟာကလည်း ရှင်းရှင်းပြောရရင် သူတို့ သဘောတူထားပြီးသား။ သူတို့ သဘောတူ ခဲ့တဲ့ဟာ။ လူထုက ကန့်ကွက်မယ်ဆိုတာ သိတယ်။ သဘောတူတယ်ဆိုတာ လုပ်တယ်၊ ပြီးတဲ့အခါကျ ဦးသိန်းစိန်က လူထုဆန္ဒနဲ့ မကိုက် ညီလို့ ဖျက်ပစ်တယ်ဆိုတာ ဦးသိန်းစိန်ရဲ့ အခန်းကဏ္ဍကို မြှင့်တဲ့အကွက်တွေ၊ ဒီ အကွက်တွေက။ OIC ကိစ္စဟာ သူတို့ သိတာပေါ့။ ဒါပေမယ့် တမင်ကို OIC ရုံးဖွင့်ဖို့ ဘာတို့ သဘောတူလိုက် ပြီးတော့ လုပ်တာ။ ၀န်ကြီးတယောက် သဘောတူ လက်မှတ်ထိုးလိုက်တယ်ဆိုတာ အစိုးရအဖွဲ့က သိလို့သာ ခွင့်ပြုချက်နဲ့ သဘောတူရတာ။ ပေါ်လစီ ဒီလောက်ကြီး တိုင်းပြည်မှာ ဝရုန်းသုန်းကား ဖြစ်နေတဲ့ဟာကြီးကို ၀န်ကြီးဌာနတခုက ထိုးချင်တာ ထိုးလို့ရမလား၊ ဦးသိန်းစိန်တို့ သဘောတူ ပြီးသားဟာ၊ ဒါပေမယ့်လို့ အဲလိုလုပ်ပြီးမှ လူထု ကန့်ကွက် လာလို့ရှိရင် ပြန်ရုပ်သိမ်းမယ် ဆိုတာ၊ သူတို့ စိတ်ထဲမှာ Plot (အကွက်ချထား တဲ့အစီအစဉ်) ရှိပြီးသား။

မေး ။ ။ ဘာပဲပြောပြော မြန်မာနိုင်ငံသား အများစုက အခုလို သမ္မတ ဦးသိန်စိန်က ပြည်သူ့ဆန္ဒကို နားလည်ပြီး လုပ် ဆောင် အကောင်အထည် ဖော်ပေးတယ်ဆိုတော့ ဒါတွေဟာ နိုင်ငံအတွက် ကောင်းတဲ့လက္ခဏာပဲမို့လား။

ဖြေ ။ ။ အကယ်လို့ ဦးသိန်းစိန်ရဲ့ လူရာဝင် သူရာဝင် လူကြိုက်များမှုကို သူတို့ရချင်တယ်ဆိုရင် အခု လုပ်နိုင်စရာ တခု လောလော လတ်လတ်ရှိတာကို လုပ်လိုက်ပါလို့ ကျနော်တို့က ပြောချင်တယ်။ အဲဒါက ဘာလဲဆိုတော့ လက်ပန်းတောင်းလို ဟာ မျိုးဟာ မြစ်ဆုံလို ပြည်သူ တရပ်လုံးကနေပြီးတော့ အကုန်လုံး ဆန့်ကျင်နေကြပြီ။ ပြည်သူလူထုက ကန့်ကွက်နေပြီဆိုတဲ့ အခါ ကျတော့ မြစ်ဆုံလုပ်သလိုပဲ၊ လက်ပန်းတောင်းကို လုပ်ပါ။ လက်ပန်တောင်း ကျတဲ့အခါကျတော့ မြစ်ဆုံလိုတောင် ရပ်မထား ပါနဲ့၊ ဖျက်ပစ်လိုက်ပါ။ တခါတည်း ဖျက်သိမ်းပစ်လိုက်ပါ။ လက်ပံတောင်းလို ဟာမျိုးဟာ လူထုကလည်း လက်မခံ တော့ဘူး။ ပြည်သူ ကလည်း လက်မခံဘူး။ တကယ်လည်း လက်ခံနို်င်စရာ အကြောင်း မရှိဘူး။ သဘာဝ ပတ်ဝန်းကျင် ရှု့ထောင့်ကပဲ ကြည့် ကြည့်၊ စီးပွားရေး ရှု့ထောင့်ကပဲ ကြည့်ကြည့် သယံဇာတဘက်ကပဲ ကြည့်ကြည့် နို့မဟုတ်လည်း လူထုရဲ့ ဒုက္ခသုက္ခ ရောက်မှုကိုပဲ ကြည့် ကြည့် အကုန်လုံးက လက်ခံနိုင်တဲ့ အနေအထား မျိုးမရှိတယ်။ လက်ပန်းတောင်းကိစ္စကို ဦးသိန်းစိန်ဟာ ရပ်စဲပါတယ်လို့ လုပ် လိုက် တောင်မှ မြစ်ဆုံတုန်းကလို လူကြိုက် များမှုမျိုး မရတော့ဘူးဆိုတာကို သူနားလည်ဖို့ ကောင်းတယ်။ အနည်းဆုံး သူနား မလည်ဘူးဆိုလည်း သူ့အောက်က လူတွေက နားလည်ဖို့ ကောင်းတယ်။

မေး ။ ။ ဟုတ်ကဲ့။ ဒါဆို ကြံ့ခိုင်ရေးပါတီကို ဘဘက လူထုက ငြင်းလိုက်တဲ့ပါတီလို့ ဆိုတယ်။ ဒါဆိုရင် ဒီပါတီရဲ့ အနာ ဂတ်၊ ဒီပါတီရဲ့သမိုင်း ဘယ်လိုဖြစ်လာမလဲ ခင်ဗျာ။

ဖြေ ။ ။ မြန်မာရာဇ၀င်မှာ ပြောရရင် နိုင်ငံရေးပါတီလို့ အမည်ခံထားတာ ဒီလောက် ဆိုးဝါးတဲ့ပါတီ မရှိသေးဘူး။ ပါတီတွေ ညံ့ဖျင်းတာတွေရှိမယ်။ ပါတီတွေ ဖောက်ပြန်တာတွေ ရှိမယ်။ ပါတီတွေ ပြည်သူကို အကျိုးမပြုတာတွေ ရှိကောင်း ရှိမယ်။ ဒါပေမယ့် ဒီပါတီလောက်ဆိုးတာ မြန်မာ့သမိုင်းမှာတော့ မရှိဘူး။ ဒီပါတီလောက် ကလိန်ကလယ် လုပ်တာလည်း မြန်မာ့သမိုင်း မှာလည်း မရှိဘူး။ နောက်ပြီး လူထုကနေ “No” ဆိုပြီး အငြင်းခံရတဲ့ ပါတီတွေထဲ ဒီလောက် အငြင်းခံရတဲ့ လူထု ခေါင်းခါခံရ တဲ့ပါတီ မရှိဘူး။ အဲလိုပါတီမျိုးက ဘယ်လမ်းစဉ်လိုက်မလဲ။ မဆလ လမ်းစဉ်ပဲ လိုက်ရတော့မှာပေါ့။ မဆလ ပြိုသလိုပဲ ပြိုသွား ရမှာပဲ။ သို့မဟုတ်လည်း မဆလ ရပ်စဲသလို ဖျက်သိမ်းသလို ဖျက်သိမ်းရမှာပဲ။ လူထုရဲ့ခေါင်းခါချက်ကို ဦးသိန်းစိန်ဆိုတဲ့ ကောက်ရိုးမျှင်ဆွဲရုံနဲ့တော့ မရဘူး။

မေး ။ ။ ဒါဆို ၂၀၁၅ မှာ NLD ပါတီအနေနဲ့ရော ဘယ်လိုပြင်ဆင်ထားလဲ။ အာဏာ လက်ထဲ ရလာခဲ့ရင် ဘာတွေ ဘယ်လို လုပ်ကိုင်သွားဖို့ အစီအစဉ်ရှိလဲ။

ဖြေ ။ ။ အခု NLD အနေနဲ့ ပြောနေတာက ပြည်သူက တာဝန်ပေးရင် သမ္မတတို့ဘာတို့ လုပ်မယ်ဆိုတဲ့ ဟာကို ပြောရတဲ့ အကြောင်းက ဘာလဲဆိုတော့ ရွေးကောက်ပွဲတခုကို ကျော်ဖြတ်ခဲ့ပြီ။ ကျနော်တို့က တရားဝင်ပါတီ ပြန်ပြီးတော့ ဖြစ်လာပြီ။ လွှတ်တော်ထဲကို ရောက်နေပြီဆိုတဲ့ အချက်နဲ့သာ သမ္မတ တာဝန်ပေးရင် လုပ်ရမှာပဲဆိုတာ ပြောတာပဲ ရှိတယ်။ ကျနော်တို့က အာဏာကိစ္စကို ကျနော်တို့ မစဉ်းစားဘူး။ ကျနော်တို့ အခုလုပ်နေတာက ဒီမိုကရေစီ အတွက်လုပ်နေတာ၊ လုပ်စရာရှိတာ လုပ်နေတယ်။

အာဏာလွှဲပြောင်းရေးနဲ့ ပတ်သက်လို့ လွယ်လွယ်ကူကူနဲ့ ကျနော်တို့ ပြောချင်တာပြောရုံနဲ့ ကိုယ့်ဟာကို စိတ်ထဲမှန်းလို့ မရဘူး ဆိုတာ ကျနော်တို့ သိတယ်။ ဘာလို့လဲဆိုတော့ ၁၉၉၀ ရွေးကောက်ပွဲဆိုတဲ့ အလွန်နာကျည်း စက်ဆုပ်ဖွယ် ကောင်းတဲ့ အ တွေ့အကြုံမျိုးကို ကျနော်တို့ တွေ့ကြုံခဲ့ပြီးပြီ။ ကျနော်တို့ အဲဒီလောက်ထိ ပြင်းထန်တဲ့ အတွေ့အကြုံမျိုး ရှိတဲ့ အာဏာအပ်ရေး ငြင်းပယ်ခံခဲ့ရတယ်။ ပြည်သူလူထုက တခဲနက်ထောက်ခံခဲ့တဲ့ကြားထဲက အငြင်းခံခဲ့ရတာ။ အဲဒီလို အတွေ့အကြုံမျိုး ရှိရဲ့သားနဲ့တော့ ကျနော်တို့က အာဏာကို လွှဲပြောင်းပေးပါ့မလား၊ မလွှဲပြောင်းပေးဘူးလား ဆိုတာ ကျနော်တို့ အခုထိ မစဉ်းစားဘူး။ အရေးကြီး တာ ဘာလုပ်မလဲ၊ လူထုကို ချဉ်းကပ်မယ်။ လူထုက ကျနော်တို့ကို တာဝန်ပေးမယ်ဆိုရင် လုပ်မယ်။ ဒါလောက်ပဲ စဉ်းစားတယ်။

လူထုက သမ္မတပေးပြီဆိုရင် အာဏာလွှဲပြောင်းရေး ဆိုတာဟာ ကြီးကြီးမားမား ၁၉၉၀ လို သူတို့ လုပ်လို့မရဘူးလို့ ကျနော်တို့ အဲဒီလိုပဲ သဘောထားတယ်။ အာဏာ လွှဲပြောင်းရေးတို့ ဘာတို့ဆိုတာ ဒီအချိန်မှာ ပြောလို့ရှိရင် ကျနော်တို့က အာဏာကိစ္စပဲ လုပ်နေတယ် ထင်မယ်။ ကျနော်တို့ အခုလုပ်နေတာက အာဏာကိစ္စ လုပ်နေတာ မဟုတ်ဘူး။ ဒီမိုကရေစီ လူ့ဘောင် လူ့အဖွဲ့ အစည်း၊ မြန်မာပြည်ဟာ ဒီမိုကရေစီ နိုင်ငံကြီးဖြစ်အောင် လုပ်နေတာ။ အဲဒါက အဓိကပဲ။ ကျန်တဲ့ဟာကတော့ သူ့ဟာသူ ပေါ် လာတဲ့ဟာကို ပေါ်လာသလို ရင်ဆိုင်ရမှာပဲ။ ရင်ဆိုင်ဖို့လည်း ကျနော်တို့မှာ အတွေ့အကြုံတွေ ရှိတယ်။ ဘယ်လောက် ခက်ခဲ မယ်ဆိုတာလည်း ကျနော်တို့ ခန့်မှန်းထားပြီးသား ရှိတယ်။ အဲဒီအတိုင်းပဲ အခက်အခဲတွေကို ဘယ်လို ကျော်လွှားသွားကြမလဲ ဆိုတာတော့ အချိန်တန်ရင် စဉ်းစားတတ်လာမယ်လို့ ကျနော်တို့ အဲဒီလိုပဲမြင်တယ်။ အခုတော့ ပိုပြီးတော့ ဒီလိုကိစ္စ တွေ ပြောလည်း မပြောချင်ဘူး။ စဉ်းလည်း မစဉ်းစားချင်ဘူး။ အဲဒီလိုပဲပြောရမှာပဲ။

Ref: ဧရာဝတီ

Read More...

Collapse...

ကွမ်းယာကောင်းကောင်း နေပြည်တော်မှာ ၂၄ နာရီ ရောင်းသည်

ကျော်ခ
October 20, 2012

“ကျနော်တို့ကွမ်းယာ လူကြိုက်များတဲ့ အဓိကအချက်က ထုံးပဲဗျ” လို့ ကွမ်းတမြုံ့မြုံ့ဝါးနေတဲ့ အသက် ၃၅ နှစ်ဝန်းကျင်ရှိ “မိုးစံပယ်” ကွမ်းယာဆိုင် ပိုင်ရှင် ကိုဇာနည်က ကွမ်းယာ အယာ ၂၀ ကျော်လောက်ကို ခုံပေါ်မှာဖြန့်ယာနေရင်း ရှင်းပြပါတယ်။

“မိုးစံပယ်” ကွမ်းယာဆိုင်ဟာ နေပြည်တော် ကောင်စီနယ်မြေ ဇဗ္ဗူသီရီမြို့နယ်ထဲက သပြေကုန်းဈေးအနီး လမ်းမကြီးဘေး ၁၂ ပေ၊ ၁၅ ပေလောက် ကျယ်ဝန်းတဲ့ ဆိုင်ခန်းလေးမှာ ဖွင့်ထားတာပါ။ ဆိုင်ထဲမှာတော့ ဆိုင်ရှင်အပါအဝင် အမျိုးသမီး အလုပ်သမ ၃ ဦး ကလည်း ဧည့်သည်တွေ မှာထားတဲ့ ကွမ်းယာတွေကို ဇယ်ဆက်သလို ယာနေကြတယ်။

ဆိုင်ထဲမှာရှိတဲ့ ကွမ်းယာ စားပွဲဘောင်တွေ၊ နံရံတွေပေါ်မှာလည်း ဒေါ်အောင်ဆန်းစုကြည်ပုံ၊ ခွပ်ဒေါင်း တံဆိပ်နဲ့ “အမျိုးသားဒီမို ကရေစီအဖွဲ့ချုပ် အမှတ်တရ” ဆိုတဲ့ စာတမ်းပါတဲ့ အမှတ်တံဆိပ် စာရွက်လေးတွေကို ကပ်ထားတာကိုလည်း တွေ့မြင်ရ ပါတယ်။

ကွမ်းယာ စားပွဲတွေရဲ့ဘေးတဖက်တချက်စီမှာ ထုံးအိုးကြီးတွေကို တောင်ပို့ကြီးတွေအလား တွေ့ရပါတယ်။ စားပွဲပေါ်မှာတော့ ကွမ်းယာထဲမှာ ထည့်ပြီးအသုံးပြုတဲ့ ကွမ်းသီး၊ နွယ်ချို၊ အုန်းသီးကြော်၊ စမုံစပါး၊ လေးညှင်း၊ သံပုရာသီး၊ အာမွှေး၊ ဆေးရွက်ကြီး အပါအဝင် နိုင်တီတူး၊ ဖိုတီဖိုက် စတဲ့ ဆေးမျိုးစုံကိုလည်း ကော်ဗူးလေးတွေနဲ့ ခွဲပြီး တန်းစီထားပါတယ်။

ဆိုင်ကို ၂၄ နာရီ ဖွင့်လှစ်ရောင်းချပေးနေတဲ့အတွက် ကွမ်းယာဆိုင်တွေထဲမှာတော့ အထူးဝန်ဆောင်မှုပေးနေတဲ့ ဆိုင်လို့တောင် ပြောရမှာပါ၊ အဲဒီအတွက် ဂျူတီနဲ့ အလှည်ကျ ကွမ်းယာဖို့ နယ်ကနေခေါ်ယူထားတဲ့ အမျိုးသမီး ၈ ဦးကို အလုပ်ခန့်ထား ပါသေး တယ်။

ဆိုင်ရဲ့ရောင်းအားကလည်း တရက်ကို ပျမ်းမျှ ကျပ် ၅ သိန်း အထက်မှာ ရှိပါတယ်။ သားသားနားနား ဆောက်ထားပြီး လူအသွားအလာ ခြောက်ကပ်နေတဲ့ နေပြည်တော်လို နေရာမှာ ၂၄ နာရီ ဝန်ဆောင်မှုပေးပြီး စားသောက်ဆိုင်ကြီး တဆိုင်ရဲ့ ဝင်ငွေလောက်ကို ရှာနိုင်တဲ့ ကွမ်းယာဆိုင်ဟာ ဒီမြို့မှာ သူတဆိုင်ပဲရှိတယ်ဆိုတာ ယုံမှားစရာမရှိပါ။

ဆိုင်ရှင် ကိုဇာနည်က သူ့ကွမ်းယာရဲ့ အဓိကစွဲဆောင်မှုက “ထုံး” တဲ့။ နောက် ကွမ်းရွက်တွေကို သုံးတဲ့အခါမှာလည်း ကျွတ် ဆတ်ဆတ် အရွက်တွေကို မသုံးဘူးတဲ့။ ပျော့ပျော့ပြောင်းပြောင်းနဲ့ ယာကောင်းပြီး ခါးတွင်း မစပ်စေတဲ့ ကွမ်းရွက်တွေကိုပဲ မှာ ယူသုံးစွဲတာလို့ ဆိုတယ်။

သူ့ဆိုင်မှာ အသုံးပြုနေတဲ့ ထုံးနဲ့ ကွမ်းရွက် ကောင်းခြင်းတွေကြောင့် ကွမ်းမစားတတ်သေးတဲ့ လူတွေစားတာတောင် ထုံးပေါက် တာတို့၊ အာခံတွင်း စပ်တာတို့ ဖြစ်မှာ မဟုတ်ဘူးတဲ့။ သူ့ကွမ်းယာရဲ့ အဓိက လျှို့ဝှက်ချက်ဖြစ်တဲ့ ထုံးရောစပ်နည်းကိုတော့ ပြော ပြလို့မဖြစ်ဘူးလို့ ဆိုင်ရှင်က ခပ်ပြုံးပြုံးပြန်ပြောပါတယ်။

အဓိကရောင်းချတဲ့ပုံစံက အစိုးရရုံးတွေ၊ စားသောက်ဆိုင်၊ ဈေးဆိုင်အလုပ်ရုံနဲ့ အခြား ဌာနဆိုင်ရာတွေက ဖုန်းနဲ့ ဆက်ပြီး ကြိုမှာတာတွေကို ဆိုင်ကယ်နဲ့လိုက်ပို့တယ်။ ကျပ် ၁ ထောင်ဖိုးကနေ ၅ ထောင်ဖိုးလောက်အထိ မှာတဲ့လူတွေ များတယ်လို့ သူတို့က ရှင်းပြပါတယ်။ တခါတရံ ခရီးဝေးသွားမယ့်လူတွေဆိုရင် သောင်းဖိုးနဲ့ချီပြီး မှာယူသွားတာမျိုးတောင် ရှိတဲ့အကြောင်း သိရပါတယ်။

မှာထားတဲ့ ကွမ်းယာတွေကို လာမယူသေးတဲ့ချိန်နဲ့ လိုက်မပို့ရသေးတဲ့အချိန် ရေခဲ့သေတ္တာထဲမှာ ထည့်ပြီး သိမ်းထားပေးတယ်။ ယာပြီးသား ကွမ်းယာတွေ ထည့်တဲ့ ဗူးမှာလည်း ဆိုင်လိပ်စာနဲ့ ဖုန်းနံပတ်တွေကို တံဆိပ်ရိုက်ထားသလို၊ ကွမ်းထုပ်တွေမှာလည်း လိပ်စာ စာရွက်လေးတွေ ထည့်ပေးထားတာကို တွေ့ရပါတယ်။

ဆိုင်ထဲမှာ ကွမ်းယာလာဝယ်နေတဲ့ အသက် ၂၅ နှစ်အရွယ် ဆောက်လုပ်ရေး အလုပ်သမားတဦးက “သူ့ကွမ်းကကောင်းလို့ ဒီဆိုင်မှာပဲ လာဝယ်စားတာပေါ့၊ တရက် ၁၀ ယာ၊ ၁၅ ယာစားလည်း ထုံးမပေါက်ဘူး၊ ထုံးကောင်းတော့ ဝါးကောင်းတာပေါ့ဗျာ” လို့ ပြောရင်းဆိုရင်း ကွမ်းတယာကို ပါးစပ်ထဲ ထည့်လိုက်သေးတယ်။ သူက ကွမ်းအတော်ကြိုက်ပုံရပါတယ်၊ သွားတွေဆိုရင် ကွမ်းဂျိုးတွေတက်နေတာ ညိုမဲလို့။

ဒီကွမ်းယာဆိုင်လေး အခြေချ တည်ပြီးရောင်းနေတဲ့ နေပြည်တော်မြို့ဟာ ယခင်စစ်အစိုးရလက်ထက် စစ်ဗိုလ်ချုပ်ကြီးတွေ အစီ အမံနဲ့ ဇဗ္ဗူသီရိ၊ ဇေယျာသီရိ၊ ဥတ္တရသီရိ၊ ပုဗ္ဗသီရိနဲ့ ဒက္ခိဏသီရိဆိုပြီး မြို့နယ် ၅ မြို့နယ်ခွဲပြီး စတည်ခဲ့တာပါ။ ဒီမြို့ စတည် ကတည်းက ဒီကွမ်းယာဆိုင်လေးကို တည်ထောင်ခဲ့တာလို့သိရပါတယ်။

“မိုးစံပယ်” ကွမ်းယာဆိုင်လေး ရောင်းချနေတဲ့ ဇဗ္ဗူသီရီမြို့နယ်ဟာ နေပြည်တော်မြို့ရဲ့ အလယ်မှာရှိပြီးတော့ အဲဒီမှာ မြို့တော် ခန်းမ၊ အာဏာပိုင်အဖွဲ့အစည်းတွေ၊ ဝန်ကြီးဌာနရုံးတွေ၊ မြန်မာအပြည်ပြည်ဆိုင်ရာ ကွန်ဗင်းရှင်းစင်တာ၊ စာတိုက်ကြီး၊ ဈေးကြီးတွေ၊ ပွဲရုံတွေ၊ ဘဏ်တွေ၊ ကျောင်းတွေ၊ ဆေးရုံတွေ၊ ကျောက်မျက်ပြတိုက်၊ ဈေးဝယ်စင်တာတွေနဲ့ အိမ်ယာတွေ ရှိပါတယ်။

နောက်ပြီး အများပြည်သူတွေ အားလပ်ချိန်တွေမှာ အပန်းဖြေဖို့ဆိုပြီး နိုင်ငံတကာအဆင့်မီ ရေပန်းဥယာဉ်၊ ရုပ်ရှင်ရုံ၊ ပရဆေး ဥ ယျာဉ်၊ အားကစားရုံနဲ့ အားကစားပြိုင်ကွင်းတွေ၊ ဂေါက်ရိုက်ကွင်းတွေလည်း ရှိပါတယ်။ တောင်ကုန်းတွေကို ရှင်းပြီး ဒီလို နေချင့် စဖွယ် ပြုလုပ်ထားတဲ့ မြို့ကြီးက လူသူသွားလာမှု ခြောက်ကပ်လှပါတယ်။

နေပြည်တော် မြို့လယ်လို့ဆိုတဲ့ ဇဗ္ဗူသီရီမြို့နယ်မှာရှိတဲ့ အရောင်းစင်တာတွေမှာတောင် ဝယ်သူသူတွေ၊ ဈေးလည်သူတွေ နည်းပါး တယ်၊ ရာသီဥတုကလည်း တခြားမြို့တွေမှာ သာမန်အနေအထားမှာ ရှိနေတာတောင် နေပြည်တော်မှာ ခြစ်ခြစ်တောက် ပူနေတာပဲ။

မြန်မာနိုင်ငံရဲ့ အထင်ကရ လွှတ်တော်ကြီးလည်း ရှိတယ်၊ မြို့ကိုလည်း စွဲမက်အောင်၊ စိတ်ဝင်စားအောင် လုပ်ထားတာ၊ လမ်းတွေ ဆိုလည်း မြန်မာနိုင်ငံ ဘယ်နေရာမှာမှ မတွေ့နိုင်တဲ့ ၁၆ လမ်းသွား လမ်းမကြီးတွေ၊ လမ်း ၂၀ သွား လမ်းမကြီးတွေ ဟည်းနေ အောင် ခင်းထားတာ။ ဒါပေမယ့် အဲဒီလမ်းတွေပေါ်မှာ ကားတစီးနဲ့ တစီးတွေ့ရဖို့ မလွယ်လှပါဘူး။

မြန်မာနိုင်ငံရဲ့ ခမ်းနားလှတဲ့ လွှတ်တော်အဆောက်အအုံကြီးတွေ၊ ရင်သပ်ရှုမောဖွယ် လမ်းတွေရှိတဲ့ မြို့တော်ကြီးရဲ့ ဘေးနားက ရွာတွေကတော့ တနေ့စာဝမ်းတခါးအတွက် နေပြည်တော်မြို့ပေါ်တက်ပြီး မြို့အလှဆင်ရေးနေရာတွေ၊ သန့်ရှင်းရေး လုပ်ငန်းတွေ၊ ဆောက်လုပ်ရေး လုပ်ငန်းတွေမှာ လုပ်နေကြတာကို တွေ့ရပါတယ်။

နေပြည်တော် အဝိုင်းမှာ မနက် ၇ နာရီကနေ ညနေ ၅ နာရီအထိ မြက်နုတ်နေတဲ့ အမျိုးသမီးတယောက်က သူရတဲ့ မြက်နှုတ် ခက တရက်ကို ကျပ် ၁၇၀၀ လို့ ပြောပါတယ်။ နေပြည်တော်က အဝိုင်းတွေ၊ လမ်းအလှဆင်ရေးတွေမှာ သူ့လိုလုပ်နေကြသူတွေ များစွာတွေ့ရပါတယ်။

တရက်ကို ကျပ် ၁၇၀၀ ရတဲ့ သူတို့အဖွဲ့တွေဟာ ရတဲ့ငွေထဲကနေ ပဲ့မထွက်အောင်၊ ကွမ်းကြိုက်တတ်ရင် ကွမ်း၊ ဆေးလိပ် ကြိုက် တတ်ရင် ဆေးလိပ်တို့ကို အိမ်ကနေ တပါတည်း ယူလာကြပါတယ်။ သူတို့တွေကတော့ နေပြည်တော်မှာ နာမည်ကြီးလှတဲ့ “မိုးစံပယ်” ကွမ်းယာဆိုင်လေးနဲ့တော့ နီးလျက်နဲ့ ဝေးနေကြပါတယ်။

ကွမ်းစားတဲ့ယဉ်ကျေးမှုဟာ နေပြည်တော်တင် မကပါဘူး။ မြန်မာတနိုင်ငံလုံးမှာ ကျယ်ကျယ်ပြန့်ပြန့် ဆက်ရှိနေတာပါ။ ဒါပေမယ့် ကွမ်းတံတွေး ထွေးတဲ့ အခါမှာတော့ စည်းကမ်းရှိမှု နည်းပါးပါတယ်။

စင်္ကြန်တွေ၊ ကားလမ်းတွေ၊ ကားမှတ်တိုင်၊ ဈေးဆိုင်တွေနဲ့ လူအသွားအလာ များတဲ့ နေရာတွေမှာ ကွမ်းတံတွေးတွေ စည်းကမ်းမဲ့ ထွေးထားတာတွေ မြင်ရမှာပါ။ နေပြည်တော်ထက် ရန်ကုန်၊ မန္တလေးလို လူစည်ကားတဲ့ မြို့ပြတွေမှာ ပိုပြီးတွေ့မြင်နိုင်ပါတယ်။

ဒါအပြင် ကွမ်းကို အဆမတန် စားတဲ့အတွက်လည်း ဘေးထွက် ဆိုးကျိုးတွေရှိပါတယ်။ သွားတွေ ညစ်ထေးပေကျံတာ၊ သွားတွေ အတွင်း ကျောက်ဖြစ်နိုင်တာ၊ ဆီးကျောက်တည်နိုင်တာ၊ ပါးစောင်ကင်ဆာ ဖြစ်ပွားနိုင်တာတွေ ဖြစ်တတ်ကြောင်းလည်း ဆေးပညာ ရှင်တွေက သတိပေး ပြောဆိုတာတွေလည်းရှိပါတယ်။

တိုးတက်တဲ့ အိမ်နီးချင်း နိုင်ငံတွေမှာတော့ သူတို့ရောင်းတဲ့ နေကြာစေ့ပဲဖြစ်ဖြစ် တခြား မုန့်ထုပ်တွေမှာဖြစ်ဖြစ် အမှိုက်တွေကို အမှိုက်ပုံးထဲကို စွန့်ပစ်ဖို့ ကုန်ပစ္စည်းနဲ့ တပါတည်း ကြော်ငြာလေးတွေ ထည့်ပေးပါတယ်။

မြန်မာနိုင်ငံမှာလည်း အခုလို ၂၄ နာရီလို ဝန်ဆောင်မှုမျိုးတွေ ပေးလာတဲ့ “မိုးစံပယ်” လို ကွမ်းယာဆိုင်မျိုးတွေရဲ့ ကွမ်းထုပ် တွေမှာ နောက်ပိုင်း “စည်းကမ်းမဲ့ ကွမ်းထွေးခြင်း သည်းခံပါ”၊ “အမှိုက်များကို အမှိုက်ပုံးတွင်းသို့ စွန့်ပစ်ပါ” စတဲ့ စာတမ်းလေး တွေ နဲ့ သတိပေးချက်လေးတွေနဲ့ ထိန်းသိမ်းမှုလေးတွေ လုပ်ဆောင်လာနိုင်ပါတယ်။

အခုအချိန်မှာတော့ နေပြည်တော်က “မိုးစံပယ်” ကွမ်းယာဆိုင်လေးက သူတို့မြို့ရဲ့ ဆွဲဆောင်မှုတွေနဲ့အတူ အနာဂတ်မှာ စည်ကား လာလိမ့်မယ်လို့ မျှော်လင့်နေပါတယ်၊ အဲဒီလိုစည်ကားလာရင် သူတို့ရဲ့ ရောင်းအားဟာလည်း အဆပေါင်းများစွာ တက်လာနိုင်ဖွယ် ရှိနေပါတယ်။

“မြို့ပိုစည်လာတာနဲ့ ရောင်းအား ပိုကောင်းမှာပေါ့” လို့ ဆိုင်ရှင် ကိုဇာနည်က ကွမ်းယာတွေကို ယာပေးနေရင်း သူ့မျှော်လင့်ချက် ကို ပြောပါတယ်။

Ref: ဧရာဝတီ

Read More...

Collapse...

တရုတ်ကုမ္ပဏီများ ဒေသခံများ၏ ယုံကြည်မှုရအောင် ကြိုးပမ်းလာ

လဖိုင်
October 20, 2012

မြန်မာပြည်တွင် ဝင်ရောက် လုပ်ကိုင်နေသော တရုတ် စီမံကိန်းများသည် ယခင် စစ်အုပ်ချုပ်ရေး လက်ထက်က ပြုလုပ်ခဲ့ဖူးခြင်း မရှိသည့် အရပ်ဘက် လူမှုအဖွဲ့အစည်းများ၊ နိုင်ငံရေး လှုပ်ရှားသူများနှင့် ဆွေးနွေးမှု၊ စီမံကိန်း အထမြောက်စေရန် တွေ့ဆုံကြိုး ပမ်းမှုများ လုပ်နေသည်ဟု သိရသည်။

ကျောက်ဖြူ – ကူမင်း ပိုက်လိုင်း အကောင်အထည် ဖော်နေသည့် တရုတ်အမျိုးသား ရေနံကော်ပိုရေးရှင်း (CNPC) က ပိုက် လိုင်းတလျှောက်တွင် အခြေစိုက်သည့် အရပ်ဘက် လူမှု အဖွဲ့အစည်းများနှင့် တွေ့ဆုံဆွေးနွေးခြင်း၊ ၀မ်ပေါင် ကုမ္ပဏီမှ တာဝန်ရှိ သူများက စက်တင်ဘာလ ၃၀ ရက်နေ့တွင် ၈၈ မျိုးဆက် ကျောင်းသားများ ပြုလုပ်သည့် ရှင်းလင်းပွဲသို့ တက်ရောက်ကာ အ ချက်အလက်များ ဖြန့်ဝေခြင်း၊ နှစ်ဘက် ဆက်ဆံရေး ထူထောင်ခြင်း၊ ဧရာဝတီ မြစ်ဆုံဆည် စီမံကိန်း ဆောင်ရွက်နေသည့် CPI ကုမ္ပဏီက ရပ်ရွာသားများနှင့် တွေ့ဆုံခြင်း၊ မြစ်ဆုံဆည် ကောင်းကြောင်း ရေးသားထားသည့် စာများဖြန့်ဖြူးခြင်း ကဲ့သို့သော လှုပ် ရှားမူများ ပြုလုပ်လျှက် ရှိသည်။

“စီမံကိန်း စတုန်းက ကောလာဟလတွေ သိပ်မထွက်ဘူး။ ဒီနောက်ပိုင်းကျတော့ ကောလာဟလတွေကို ဖြေရှင်းဖို့အတွက် လူတွေ ကို ပြောပြဖို့ ပြည်သူ့ဆက်ဆံရေး အဖွဲ့ဖွဲ့လိုက်တာပါ” ဟု South-East Asia Crude Oil Pipeline Company Limited (SEAOP) နှင့် South-East Asia Gas Pipeline Company Limited (SEAGP) ၏ ပြည်သူ့ ဆက်ဆံရေး တာဝန်ခံ မစ္စတာ ကျန်းက ဧရာဝတီသို့ ပြောသည်။

ကျောက်ဖြူ – ကူမင်း ပိုက်လိုင်း ဖြတ်သွားမည့် နေရာတလျှောက်မှ အရပ်ဘက် လူမှု အဖွဲ့အစည်းများနှင့် အဆက်အဆံ၊ တွေ့ဆုံ မူများ ပြုလုပ်ခဲ့ပြီး စီမံကိန်းကြောင့် ပေါ်ပေါက်လာသည့် ပြဿနာများကို အမြန်ဆုံး ရှင်းပေးသွားမည်ဟု ဆိုကြောင်း China National Petroleum Corporation ၏ လူမှုဆက်ဆံရေး တာဝန်ရှိသူများနှင့် ၁၁ ရက်နေ့က တွေ့ဆုံခဲ့သည့် မကွေး မြို့ Green Network မှ ကိုအိုလာက ဆိုသည်။

“သူတို့ပြောတာကတော့ စီမံကိန်းနဲ့ ဆိုင်တာတွေကို ဖြေရှင်းပေးမယ်၊ ဒါပေမယ့် တခြားလူတွေ လုပ်တာကိုတော့ မရှင်းပေးနိုင် ဘူးလို့ ပြောတယ်။ ဒါနဲ့ ကျနော်တို့ကလည်း ဒီပြဿနာတွေက ပိုက်လိုင်းလာမှ ဖြစ်လာတာချည်းပဲလို့ ပြန်ပြောလိုက်တော့ ပြ ဿနာတွေ ရှိရင် ချရေးပေးလိုက်ပါ၊ အထက်ကို တင်ပြပေးပါမယ်ဆိုပြီး မှတ်တော့ မှတ်သွားတယ်” ဟု ကိုအိုလာက ပြောသည်။

ယင်းသည် ယခုလ အလယ်ပိုင်းက မန္တလေးမြို့တွင် ပြုလုပ်ခဲ့သည့် ပိုက်လိုင်း ဖြတ်သွားရာ ဒေသများမှ အရပ်ဘက် လူ့အဖွဲ့ အစည်းများက ထုတ်ပြန်သည့် ကြေညာချက်ကို ပြန်လည် တုန့်ပြန်ရန် အလျင်စလို ဖွဲ့စည်းထားခြင်း ဖြစ်နိုင်ကြောင်း ကိုအိုလာက ရှင်းပြသည်။

“သူတို့က ဂျာနယ်တွေထဲမှာ ပါသွားတာတွေကို ပြန်ရှင်းချင်တဲ့ သဘောနဲ့ အလောတကြီး ဖွဲ့လိုက်တဲ့ ပုံစံ ဖြစ်နေတယ်” ဟု သူက ပြောသည်။

စက်တင်ဘာ လကုန်တွင် ပြုလုပ်ခဲ့သည့် ကြေးစင်တောင်နှင့် ပတ်သက်သည့် ရှင်းလင်းပွဲတွင်လည်း ဦးပိုင်ကုမ္ပဏီနှင့် တွဲဖက် လုပ်ကိုင်နေသည့် ၀မ်ပေါင်ကုမ္ပဏီမှ တက်ရောက်ခဲ့ပြီး ဖြေရှင်းမှုများ ပြုလုပ်ခဲ့သည်။

“လက်ပန်းတောင်းတောင် တုန်းက သူတို့ဘက်က ပြန်ရှင်းပြချင်တာတွေ စာရွက်စာတမ်း ပေးချင်တာတွေ ရှိတယ်။ ဒါပေမယ့် သူတို့ကို စင်ပေါ်တက်ခွင့် မပေးလိုက်ဘူး။ တဘက်က အမြင်စောင်းမှာစိုးလို့ သူတို့လည်း စာနယ်ဇင်း ရှင်းလင်းပွဲတပွဲ လုပ်ထား တယ်။ သူတို့ဘက်က လုပ်ပြီး ကိုယ့်ဘက်က မလုပ်သေးလို့ လုပ်တာပါ” ဟု ၈၈ မျိုးဆက်ကျောင်းသားများ အဖွဲ့မှ ကိုဉာဏ် လင်း က ပြောသည်။

ထိုကဲ့သို့ PR များ ဖွင့်လှစ်ခြင်းသည် ကောင်းမွန်ပြီး ကုမ္ပဏီသို့ ပြောလိုသည်များကိုလည်း ပြောနိုင်ကြောင်း ကိုဉာဏ်လင်းက ဆိုသည်။

“အရင်တုန်းက ပိတ်ထားတာလေ။ အခုတော့ ဒေသခံတွေ နစ်နာတာတွေ ပြောလို့ရတယ်။ အရင်တုန်းကဆို ပြောရ သိပ်ခက် တယ်။ တကယ် ရပ်တည်ရင်တော့ တိုင်းပြည်အကျိုး၊ ဒေသခံတွေအကျိုး ဘက်ကပဲ ရပ်တည်မှာပါ” ဟု ၎င်းက ပြောသည်။

ယခုလက်ရှိတွင် အရပ်ဘက် လူ့အဖွဲ့အစည်းများကို ပိုမို အသိအမှတ် ပြုလာကြကြောင်း၊ ယခင်က တောင်းဆိုမှုများ ပြုလုပ်ချင်ခဲ့ သော်လည်း စုရုံးခွင့် မရခဲ့သဖြင့် ခြယ်လှယ်မှုများ ခံခဲ့ရကြောင်း၊ ယခုလက်ရှိ အချိန်တွင် စိတ်ကြိုက် ခြယ်လှယ်၍ မရနိုင်တော့ ကြောင်း၊ သို့ရာတွင် တင်းမာမှုများ ရှိနေဆဲ ဖြစ်သကဲ့သို့ ထိုက်သင့်သည့် ပြေလည်မှုများလည်း ရှိနေကြောင်း ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ရင်းနှီးမြှုပ်နှံသည့် ကုမ္ပဏီများ၏ အရပ်ဘက် လူ့အဖွဲ့အစည်းများ အပေါ် အသိအမှတ် ပြုလာမှုကို ရှင်းပြသည်။

“နိုင်ငံသားတွေအတွက် အရပ်ဘက် အဖွဲ့အစည်းတွေ အားကောင်းလာဖို့ တကယ်လိုအပ်တယ်။ လူမှု အဖွဲ့အစည်းတွေရော၊ ပရဟိတ လုပ်ငန်းတွေပါ ညီညွတ်မယ်ဆိုရင် ပိုအားကောင်းလာပြီးတော့ တဘက်ကလည်း တကယ် အင်နဲ့အားနဲ့ ပိုပြီးတော့ ညှိလာရလိမ့်မယ်။ မြစ်ဆုံ၊ ဓာတ်ငွေ့ပိုက်လိုင်းကိစ္စ၊ ဒါတွေက လုံးဝ ပြီးပြတ်သေးတာမှ မဟုတ်တာ” ဟု သူက ဆိုသည်။

မြစ်ဆုံစီမံကိန်း အကောင်အထည်ဖော်နေသည့် CPI ကုမ္မဏီက ပြောင်းရွှေ့ခံ ရွာသားများကို ဆန် ၆ လစာ ပေးမည်ဟု စည်း ရုံးခြင်း၊ စီမံကိန်းကောင်းကြောင်း ရေးသားထားသည့် စာရွက်စာတမ်းများ ဖြန့်ဝေခြင်းများ ပြုလုပ်ခဲ့ပြီး ရွာသားများနှင့်လည်း တွေ့ဆုံဆွေးနွေးမှုများ ပြုလုပ်ခဲ့သည်။

“တရုတ် ကုမ္ပဏီတွေက တိုက်ရိုက် ပြည်သူ့အသံကို နားထောင် ဖြေရှင်းလို့ရတဲ့ အခြေအနေ၊ အခွင့်အရေးတွေ ရှိပါတယ်။ အရင် စီမံကိန်းတွေ လုပ်တဲ့အခါ ပြည်သူလူထုဆန္ဒကို အလေးမထားခဲ့ဘူး၊ တာဝန်ရှိသူတွေနဲ့ပဲ အဆင်ပြေအောင် လုပ်ခဲ့တာ၊ ပွင့်လင်း မြင်သာမှု အပိုင်းမှာလည်း အားနည်းခဲ့တာတွေ ရှိပါတယ်။ ကျနော်တို့ ရုံးကို ပြေလည်ချင်လို့ လာရောက် ညှိနှိုင်းတာတော့ မရှိ သလောက်ပါပဲ” ဟု ၈၈ မျိုးဆက် ကျောင်းသားခေါင်းဆောင် တဦးဖြစ်သူ ကိုပြုံးချိုက ပြောသည်။

“မြန်မာနိုင်ငံမှာ သဘာဝပတ်ဝန်းကျင် ထိခိုက်မှု စစ်တမ်း (EIA)၊ လူမှုဝန်းကျင် ထိခိုက်မှု စစ်တမ်း (SIA) တွေ လုပ်ဖို့ ဥပဒေ မရှိပါဘူး။ ဒါပေမယ့် CPNC က လုပ်ခဲ့ပြီးသား ပိုက်လိုင်းနဲ့ ပတ်သက်တဲ့ EIA နဲ့ SIA တွေကို စွမ်းအင်ဝန်ကြီးဌာနကို ပေးထားပါတယ်” ဟု CPNC မှ ပြည်သူ့ ဆက်ဆံရေး တာဝန်ခံ မစ္စတာကျန်းက ရှင်းပြသည်။

အများပြည်သူသို့ ပွင့်လင်းမြင်သာမှု ရှိစွာ ထုတ်ဖော်ပြသမှု မရှိခြင်းနှင့် ပတ်သက်ပြီး တခြား စီမံကိန်းများသည်လည်း EIA နှင့် SIA ကို လူထုသို့ ချပြခြင်း ရှိမရှိနှင့် ပတ်သက်၍ CPNC ၏ ပြည်သူ့ ဆက်ဆံရေး ဌာနမှ မခင်စန္ဒာက မေးခွန်းထုတ်သည်။

ပိုက်လိုင်း အကောင်အထည်ဖော်မည့် ကုမ္ပဏီများက ဒေါ်လာ ၆ သန်းကို အစပိုင်းလှူဒါန်းမည် ဖြစ်ပြီး နောက်ပိုင်းတွင် နှစ်စဉ် ဒေါ်လာ ၂ သန်းကို စီမံကိန်း လည်ပတ်ခြင်းကြောင့် ထိခိုက်သွားသည့် ကိစ္စရပ်များအား တာဝန်ယူသည့် အနေဖြင့် ပြန်လည် ပေးဆပ်သည့် အခါများတွင် အသုံးပြုသွားရန်ရှိကြောင်း သိရသည်။

SEAOP နှင့် SEAGP ကို ၂၀၁၀ ပြည့်နှစ်တွင် ဟောင်ကောင်၌ ကုမ္ပဏီ မှတ်ပုံတင်ခဲ့ပြီး ၂၀၁၁ ခုနှစ်တွင် မြန်မာနိုင်ငံ၌ မှတ်ပုံ တင်ခဲ့သည်။ ၎င်း ကုမ္ပဏီနှစ်ခုတွင် South-East Asia Pipeline Company Limited (SEAP) က ရှယ်ယာ ၅၀.၉ ရာခိုင်နှုန်းစီ ပါဝင်ထားပြီး SEAP ကို China National Petroleum Corporation က တိုက်ရိုက် စီမံခန့် ခွဲသည်။

Ref: ဧရာဝတီ

Read More...

Collapse...