ရွှေ့ပြောင်း အလုပ်သမားအဖွဲ့ အမေရိကန်မှ ချီးမြှင့်သည့် အလုပ်သမား အခွင့်အရေးဆု ရရှိ

မေလ ၂၀ ရက် ၂၀၁၃ ခုနှစ်

မြန်မာရွှေ့ပြောင်း အလုပ်သမားများ အခွင့်အရေး ကွန်ယက် (MWRN)အား အမေရိကန် အပြည်ပြည်ဆိုင်ရာ အလုပ်သမား အခွင့်အရေး ဖိုရမ် (ILRF) က အလုပ်သမား အခွင့်အရေး ကာကွယ်ရေးဆု (2013 International Labor Rights Award) ချီးမြှင့်လိုက်သည်။

ဆု လက်ခံရယူရန် အတွက် MWRN ဥက္ကဋ္ဌနှင့် အထူး အကြံပေးတို့ နှစ်ဦးသည် မေလ ၂၀ ရက်နေ့က ထိုင်းနိုင်ငံမှ တဆင့် လေကြောင်း ခရီးဖြင့် ထွက်ခွာသွားပြီ ဖြစ်ကြောင်း ဒု-ဥက္ကဋ္ဌ ဦးထွန်းထွန်းဇော် က ပြောသည်။

“ဒီနေ့ မနက် ၆ နာရီမှာ လေကြောင်း ခရီးနဲ့ ထွက်သွား ကြတာပါ။ ဥက္ကဋ္ဌ ဦးအောင်ကျော်နဲ့ အထူး အကြံပေး ဦးစိန်ဌေးတို့ ဆုကို လက်ခံယူဖို့ သွားကြပါတယ်” ဟု မဇ္ဈိမကို ပြောသည်။

သို့သော်လည်း ၎င်းဆုကို မည်သည့် အကြောင်းအရာကို အခြေပြု၍ ပေးအပ်ခြင်း ဖြစ်သည်ကို ယခု ထက်ထိ ရှင်းရှင်းလင်းလင်း မသိရှိရသေးကြောင်း ဦးထွန်းထွန်းဇော် က ဆက်ပြောသည်။

“မထင်ထားဘူးပေါ့။ ဒီလိုမျိုး ကမ္ဘာ့နိုင်ငံကြီး တခုရဲ့ အဖွဲ့အစည်းကြီး တခုက နေပြီးတော့ ဆုတွေ ပေးလာ လိမ့်မယ်လို့ မမျှော်လင့်ထားပါဘူး။ ကျနော်တို့ကလည်း ဆုကို မျှော်လင့်ပြီးတော့ လုပ်ဆောင်ချက်တွေ လုပ်နေတာလည်း မဟုတ်ဘူး။ ကြားရတဲ့ အချိန်တုန်းကတော့ မယုံကြည်မိဘူးပေါ့။ အရမ်းကို ဝမ်းသာမိတယ်။ ဒါပေမယ့် သို့လော သို့လောပေါ့။ ဘယ်လို လုပ်ဆောင်ချက်တွေပေါ်မှာ မူတည် ပြီးတော့ ပေးခဲ့တာလဲ ဆိုတာတောင်မှ ကျနော်တို့အနေနဲ့ မခန့်မှန်းနိုင်ဘူးပေါ့ဗျာ” ဟု ပြောသည်။

ဆုပေးပွဲ အခမ်းအနားကို ဝါရှင်တန် ဒီစီ မြို့တော်၌ မေလ ၂၂ ရက်နေ့တွင် ကျင်းပမည် ဖြစ်ပြီး MWRN အဖွဲ့နှင့် အတူ ထိုင်းအလုပ် သမားသမဂ္ဂ တခု ဖြစ်သည့် The State Enterprises Workers’ Relations Confederation (SERC) ကိုလည်း ပူးတွဲ ပေးအပ်မည် ဖြစ်သည်။

SERC အဖွဲ့သည် အနေနှင့် ထိုင်းနိုင်ငံတွင်းရှိ မြန်မာရွှေ့ပြောင်းလုပ်သားများအပေါ် နည်းစနစ် တကျ အခွင့်အရေး ချိုးဖောက်မှုများ ကျူးလွန်နေခြင်း ရပ်တန့်နိုင်ရေး ရှေ့တန်းမှ ရပ်တည်ကာ လုပ်ဆောင်ပေး လျက် ရှိသည့် (MWRN) အဖွဲ့ကြီး စတင် ကြီးထွား အောင်မြင်စေရန် ကူညီ လုပ်ဆောင် ပေးခဲ့သည့် အဖွဲ့ဖြစ်ကြောင်း ILRF ၏ အင်တာနက် စာမျက်နှာ၌ ဖော်ပြထားသည်။

MWRN အဖွဲ့သည့် အသင်းဝင်များ၏ တဦး ၃၀ ဘတ်ဖြင့် ရရှိသော လစဉ်အသင်းဝင်ကြေး ဖြင့်သာ အဓိက ရပ်တည်ကာ လည်ပတ်လျက် ရှိပြီး လက်ရှိ၌ အသင်းဝင် ဦးရေ ၇၀၀ နီးပါး ရှိပြီ ဖြစ်ကြောင်း ဒု-ဥက္ကဋ္ဌ က ပြောသည်။ ထိုင်းနိုင်ငံ ဆမုစ်ဆာခွန် ခရိုင် ၊ မဟာချိုင်ရှိ ဝီန်လ ရပ်ကွက်တွင် ရုံးဖွင့်ထားပြီး မြန်မာ ရွှေ့ပြောင်း အလုပ်သမားများအတွက် အခွင့်အရေးနှင့် တရားမျှတမှု ဆိုင်ရာ ကိစ္စရပ်များ၊ ပညာရေး ကျန်းမာရေးနှင့် လူမှုရေးဆိုင်ရာ ကိစ္စရပ်များတွင် ကူညီဆောင်ရွက် နိုင်ရန် ရည်ရွယ် ဖွဲ့စည်းထားကြောင်း သိရှိရသည်။

ရွှေ့ပြောင်း အလုပ်သမား အခွင့်အရေး ကာကွယ်ရေးနှင့် ပညာပေးရေး ကဏ္ဍတို့၌ ထိုင်းနိုင်ငံ ဆိုင်ရာ မြန်မာသံရုံးနှင့် လည်း ချိတ်ဆက်လုပ်ဆောင်မှုများ ရှိသည် ဟုလည်း MWRN က ဆိုသည်။

၂၀၁၂ ခုနှစ်၊ မေလ ၃၀ ရက်နေ့၌ ဒေါ်အောင်ဆန်း စုကြည်၏ ထိုင်းနိုင်ငံ ခရီးစဉ်အတွင်း အဆိုပါ ဆမုစ်ဆာခွန် ခရိုင်၊ မဟာချိုင် MWRN ရုံးသို့လည်း လာရောက်ခဲ့စဉ် ရွှေ့ပြောင်း လုပ်သားများ ဆိုင်ရာ ကိစ္စရပ်များနှင့် ပတ်သက်၍ MWRN မှ တင်ပြဆွေးနွေးခဲ့သည်။

Ref: မဇ္ဈိမ

Read More...

Collapse...

နိုင်ငံသားစီစစ်ရေးကဒ် မရှိသေး၍ KNU/KNLA PC စီးပွားရေးလုပ်ကိုင်ရန် ခက်ခဲ

သိင်္ဂီထွန်း
မေလ ၂၀ ရက် ၂၀၁၃ ခုနှစ်

KNU/KNLA PC (ငြိမ်းချမ်းရေးကောင်စီ)သည် အစိုးရက လုပ်ပိုင်ခွင့်ပေးမည်ဆိုပါက လေကြောင်းလိုင်း ပြေးဆွဲခြင်းနှင့် အခြေခံအဆောက်အအုံနှင့်ဆိုင်သော စီးပွားရေးလုပ်ငန်းများ လုပ်ကိုင်လိုသော် လည်း နိုင်ငံသား စီစစ်ရေး ကဒ်မရှိဟု KNU/ KNLA PC (ငြိမ်းချမ်းရေး ကောင်စီ)မှ အထူးစစ်ဗျူဟာမှူး ဗိုလ်မှူးကြီး တိုက်ဂါးက မဇ္ဈိမကိုပြောသည်။

အထူးစစ်ဗျူဟာမှူး ဗိုလ်မှူးကြီးတိုက်ဂါးက "ကျွန်တော်တို့အစီအစဉ်ရှိတယ်။ အခွင့်အရေးရှိပြီဆိုရင် ကျွန်တော်တို့ လေယာဉ်ပျံတွေ ဆွဲမယ်။ ယိုးဒယားနဲ့ ရန်ကုန်ပြေးဆွဲမယ်။ မဲဆောက်နဲ့ မော်လမြိုင်တို့ အခု ကျွန်တော့် တပည့်တွေ လုပ်ထားတာတွေ ရှိတယ်။ ယိုးဒယားမှာ။ ကျွန်တော်လည်းလုပ်ချင်တယ်။ ဒါပေမယ့် မှတ်ပုံတင် မရှိဘူး ”ဟု ပြောသည်။

KNU/KNLA PC (ငြိမ်းချမ်းရေးကောင်စီ) အနေဖြင့် စီးပွားရေးလုပ်ငန်းလုပ်ကိုင်ရန် ဆန္ဒရှိသော်လည်း အစိုးရမှ လုပ်ပိုင်ခွင့်မပေးကြောင်း ၊ ထို့အပြင် ကုမ္ပဏီထောင်မည် ဆိုပါက နိုင်ငံသား စီစစ်ရေး ကတ်ပြား ရှိရန် လိုအပ်သော်လည်း လက်နက်ကိုင်အဖွဲ့များ အနေဖြင့် မရရှိသေးသောကြောင့် စီးပွားရေး လုပ်ကိုင်ရန် မလွယ်ကြောင်း ဗိုလ်မှူးတိုက်ဂါးကပြောသည်။

ဗိုလ်မှူးတိုက်ဂါးက "မှတ်ပုံတင်က အကိုသွားလုပ်တာ တစ်နှစ်ကျော်ရှိပြီ။ ကိုယ်တိုင်သွားလုပ်တာ မရသေးဘူး။ ပြောတော့ ဗိုလ်မှူးတိုက်ဂါး ဘာမှမပူနဲ့ ၃ရက်အတွင်းလုပ်ပေးမယ်ပြောတယ်။ ကျွန်တော် တို့စဉ်းစားတာ။ မှတ်ပုံတင်မရရင် ကရင်မှတ်ပုံတင်လုပ်မယ်။ ကရင်ပြည်နယ်မှာ ကရင်ဘယ်နှယောက်ရှိလဲ။ စာရင်းကောက် မယ်။ ကျွန်တော်တို့ကရင်မှတ်ပုံ ကျွန်တော်တို့လုပ်မယ်။" ဟု ဆိုသည်။

ထို့အပြင် KNU/KNLA PC အနေဖြင့် ဖွံ့ဖြိုးရေးလုပ်ငန်းများ၊ အခြေခံ အဆောက်အအုံ (Infranstructure) နှင့် ဆိုင်သော လမ်းဖောက်လုပ်ရေး၊ လျှပ်စစ်မီးကိစ္စများကို BOT (တည်ဆောက်၊ လုပ်ကိုင်၊ လွဲပြောင်း) စနစ်ဖြင့် လုပ်ကိုင်လိုကြောင်း KNU/KNLA PC(ငြိမ်းချမ်းရေးကောင်စီ) ဗဟိုကော်မတီမှ ပြည်သူ့ ဆက်ဆံရေးနဲ့ နိုင်ငံခြားရေးရာ အကြီးအကဲ ဒေါက်တာ သေမထီ လက်ခ်လန်က မဇ္ဈိမကိုပြောသည်။

KNU/KNLA PC (ငြိမ်းချမ်းရေးကောင်စီ)နှင့် ကရင်ပြည်နယ်ငြိမ်းချမ်းရေးဖော်ဆောင်ရေးအဖွဲ့တို့ ၂၀၁၂ ခုနှစ် ဖေဖော်ဝါရီလက နေပြည်တော်တွင် ပဏာမသဘောတူစာချုပ်ချုပ်ဆိုခဲ့ပြီး အချက်ခုနှစ်ချက် သဘောတူညီခဲ့သည်။ ထိုသဘောတူညီချက်တွင် စီးပွားရေးနှင့် ပတ်သက်သောအချက်အနေဖြင့် ကုမ္ပဏီ၏စီးပွားရေး၊ ဆက်ဆံရေးရုံးများကို ဘားအံ၊ မြဝတီ၊ ဘုရားသုံးဆူ၊ ကော့ကရိတ်၊ မောတောင်၊
ကော့သောင်းတို့တွင် ထားရှိရမည်ဟု ပါရှိသည်။

ထိုကိစ္စနှင့်ပတ်သက်၍ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီးဦးခင်ရီနှင့် ကရင်ပြည်နယ်ဝန်ကြီးချုပ်ဦးဇော်မင်းတို့အား မဇ္ဈိမက ဆက်သွယ်မေးမြန်းရန် ကြိုးစားခဲ့သော် လည်း ဆက်သွယ်မရခဲ့ပေ။

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီးဦးခင်ရီနှင့် Norwegian Refugee Council(NRC)တို့မှ ၂၀၁၂ခုနှစ်တွင် KNU ထိန်းချုပ်နယ်မြေထဲမှာရှိသော ပဲခူးတိုင်း
ကျောက်ကြီးမြို့၊ ကရင်ပြည်နယ် လှိုင်းဘွဲ့မြို့တစ်ဝိုက်နှင့် ကြာအင်းဆိပ်ကြီးမြို့နယ်များတွင် မိုးပွင့်စီမံချက် အဖြစ် အသက်၁၀နှစ်အရွယ်မှစကာ နိုင်ငံသား စိစစ်ရေး ကတ်ပြားများ အခမဲ့ ဆောင်ရွက်ပေးခဲ့သည်။

Ref: မဇ္ဈိမ

Read More...

Collapse...

KIO နှင့်တွေ့ဆုံပွဲတွင် နိုင်ငံတကာ လေ့လာသူများ မဖိတ်ခေါ်နိုင်

ဖနိဒါ
မေလ ၂၀ ရက် ၂၀၁၃ ခုနှစ်

ကချင်လွတ်လပ်ရေးအဖွဲ့ KIO နှင့် လာမည့် မေလ ၂၈ ရက်နေ့ မြစ်ကြီးနားမြို့တွင် တွေ့ဆုံမည့်ပွဲသို့ အစိုးရ နိုင်ငံတကာ လေ့လာသူများကို ဖိတ်ခေါ်ခြင်းမရှိကြောင်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီမှ သတင်းရရှိသည်။

ငြိမ်းချမ်းရေးစင်တာမှ အဖွဲ့ဝင် ဦးလှမောင်ရွှေက “လေ့လာတဲ့သူတွေကတော့ တဖက်က အဖွဲ့အစည်းတွေဘက်က ဖိတ်တယ်လို့ ဝန်ကြီးအနေနဲ့ လက်ခံပါတယ်။ ကချင်ဘက်က ဖိတ်တဲ့လူတွေ ပါမှာဘဲ။ ငြိမ်းချမ်းရေး ဖော်ဆောင်ရေးဘက်ကတော့ လုံးဝ အတိအကျကြီး ဖိတ်ထားတာ မရှိပါဘူး”ဟု ပြောသည်။

KIO ဘက်မှ ဖိတ်ခေါ်သော နိုင်ငံတကာ လေ့လာသူများနှင့် ပတ်သက်၍ ဝန်ကြီး ဦးအောင်မင်းဘက်မှ ကန့်ကွက်ခြင်း မရှိကြောင်း သူက မဇ္စျိမကို ပြောသည်။

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ပြန်လည် တွေ့ဆုံမည့်အရေးနှင့် ပတ်သက်၍ KIO ဌာနချုပ်အတွင်း မည်သည့် ပြင်ဆင်ဆွေးနွေးမှုများ မရှိသေးသဖြင့် အသေးစိတ် မသိရသေးကြောင်း စစ်ပြေးဒုက္ခသည်များကူညီရေးကော်မတီ တာဝန်ခံ ဆလန်ကဘား ဦးဒွဲပီဆားက
ပြောသည်။

၎င်းက “အပြင်သတင်းတွေအရ ၂၈ ရက်နေ့ ပြန်တွေ့မယ်လို့တော့ ကြားရတယ်။ ဒါပေမဲ့ ဒီကိစ္စနဲ့ ပတ်သက်လို့ ကေအိုင်အို လူကြီးတွေက စည်းဝေးထိုင်ပြီး ဆုံးဖြတ်တာတော့ မရှိသေးဘူး”ဟု မဇ္စျိမ ကို ပြောသည်။

အကယ်၍ မြစ်ကြီးနားမြို့သို့ သွားရောက် တွေ့ဆုံပါက ယခင်တွေ့ဆုံခဲ့သည့် ကေအိုင်အို ကိုယ်စားလှယ်များ သာ တက်ရောက်မည် ဖြစ်ကြောင်း သူက ဆိုသည်။

KIO ကိုယ်စားလှယ်များ၏ လုံခြုံရေးနှင့် ပတ်သက်၍ ညှိနှိုင်းနေဆဲ ဖြစ်ပြီး ယခုတွေ့ဆုံမှုတွင် နိုင်ငံတကာ လေ့လာသူများ ပါဝင်ခြင်း မရှိသဖြင့် ငြိမ်းချမ်းရေး ရရှိမည်ဟု မျော်လင့်ချက် မရှိကြောင်း ကချင်ငြိမ်းချမ်းရေး အကျိုးဆောင် ဦးဆန်အောင်က ပြောသည်။

ဦးဆန်အောင်မှ“အစိုးရက သဘောမတူလို့ ဒီတခေါက်တော့ မပါဘူးထင်တယ်။ ကေအိုင်အိုဘက်ကတော့ ယုံကြည်မှု မရှိလို့ သူတို့ကို ခေါ်တာ။ အစိုးရဘက်က ယုံကြည်မှု တည်ဆောက်တာ မရှိဘူး။ မယုံလို့ ကြားက သက်သေတွေ ဖိတ်ခေါ်တာ”ဟု မဇ္စျိမကို ရှင်းပြသည်။

အစိုးရဘက်မှ မည်သည့် ယုံကြည်မှုများ လုပ်ဆောင်ခြင်း မရှိသဖြင့် ငြိမ်းချမ်းရေး ရရှိလိမ့်မည်ဟု မျော်လင့်ချက် မရှိကြောင်း သူက သုံးသပ်ပြောဆိုသည်။

ယခုတကြိမ်တွေ့ဆုံမှုတွင် တပ်နေရာချထားရေးနှင့် နိုင်ငံရေးဆွေးနွေးပွဲကို မည်သို့ ဆက်လက်ဆောင်ရွက် သွားရန် စသည့် အချက်များ ထည့်သွင်းဆွေးနွေးမည်ဟု သဘောတူညီထားသည်ဟု မကြာမီက ဦးဆန်အောင်က မဇ္စျိမကို ပြောသည်။

KIO ဘက်မှ အမေရိကန်၊ ဗြိတိန်၊ တရုတ်နှင့် ကုလသမဂ္ဂ အား လေ့လာသူများအဖြစ် ပါဝင်ရန် ဖိတ်ကြား ထားသော်လည်း အစိုးရဘက်က မည်သည့် နိုင်ငံတကာ လေ့သူများကို ဖိတ်ခေါ်ထားခြင်း မရှိခြင်း ဖြစ်သည်။

ပြီးခဲ့သည့် မတ်လ ၁၁ ရက်နေ့က ၇ ကြိမ်မြောက် တရုတ်နိုင်ငံ ရွှေလီမြို့တွင် တွေ့ဆုံ ဆွေးနွေးပြီးနောက် တလ အကြာ ပြန်လည် တွေ့ဆုံရန် သဘောတူထားသော်လည်း ညှိနှိုင်းမှု နှစ်လအကြာမှသာ ပြန်လည်
တွေ့ဆုံနိုင်မည် ဖြစ်သည်။

စစ်မှန်သော နိုင်ငံရေး ဆွေးနွေးမှုများ တနိုင်ငံလုံး အတိုင်းအတာ ကျင်းပနိုင်ရန်အတွက် လိုအပ်သည်များကို တဆင့်ပြီး တဆင့် ဆက်လက် ညှိနှိုင်း ဆောင်ရွက်သွားကြမည်ဟု ထိုနေ့က ပူးတွဲသဘောတူညီချက် တွင် ပါရှိသည် ။

Ref: မဇ္ဈိမ

Read More...

Collapse...

ရခိုင်ပြည်သူများ လူ့အခွင့်အရေး ချိုးဖောက်မှု “ခါးသီးစွာ” ခံရဆဲဟု AHRDO ပြော

သိန်းလှိုင်
မေလ ၂၀ ရက် ၂၀၁၃ ခုနှစ်

ရခိုင်ပြည်နယ်တွင် လူ့အခွင့်အရေး ချိုးဖောက်မှုများ ဆက်လက် ဖြစ်ပွားနေကာ ကျူးလွန်သူများတွင် ဒေသ အာဏာပိုင်များ၊ နိုင်ငံခြား ကုမ္ပဏီများနှင့် စီးပွားရေး လုပ်ငန်းရှင်များ ပါဝင်ကြောင်း ရခိုင်လူ့အခွင့်အရေးနှင့် ဖွံ့ဖြိုးတိုး တက်ရေး အဖွဲ့ (AHRDO) က ပြောဆိုလိုက်သည်။

စစ်တွေမြို့တွင် မေလ ၁၉ ရက်နေ့က ပြုလုပ်သည့် AHRDO နှင့် စစ်တွေမြို့ရှိ ရခိုင် အမျိုးသား အင်အားစု များ တွေ့ဆုံပွဲအပြီး သတင်းစာရှင်းလင်းပွဲတွင် AHRDO ၏ အမှုဆောင်ဒါရိုက်တာ ဦးအောင်မင်းဦး က သတင်းထောက် များအား ထိုသို့ ပြောကြားလိုက်ခြင်း ဖြစ်သည်။

“နိုင်ငံအပြောင်းအလဲကို ဦးတည်နေတယ် ဆိုပေမယ့် တကယ့်လက်တွေ့ ရခိုင် တိုင်းရင်းသားတွေဟာ ဒီကနေ့ထိ လူ့အခွင့်အရေး ချိုးဖောက်မှုတွေကို ခါးသီးစွာ ရင်ဆိုင် ခံစားနေရဆဲ ဖြစ်တယ်။ ကျနော်တို့
ဒေသခံတွေနဲ့ တွေ့ဆုံတဲ့ရအခါ လယ်ယာမြေသိမ်းမှုတွေ၊ အလုပ်သမား အခွင့်အရေး ချိုးဖောက်ခံ နေရမှုတွေ၊ တိုင်းရင်းသား အခွင့်အရေး ချိုးဖောက်ခံနေရတာတွေကို သူတို့က ရင်ဖွင့်ကြတယ်” ဟု ပြောသည်။

AHRDO ဒါရိုက်တာအဖွဲ့ဝင်များသည် မေလ ၁၃ မှ ၁၇ ရက်နေ့အထိ တောင်ကုတ်နှင့် ကျောက်ဖြူမြို့နယ် များ၌ ဒေသခံများ၊ လူမှုအသင်းအဖွဲ့များ၊ နိုင်ငံရေးပါတီများနှင့် တွေ့ဆုံခဲ့ကြသည်။

“ကျနော်တို့ ခရီးစဉ်တလျှောက်မှာ တွေ့ခဲ့၊ မြင်ခဲ့၊ ကြားခဲ့ရတာတွေဟာ လူ့အခွင့်အရေး ပြဿနာတွေပဲ ဖြစ်တယ်။ ဥပမာပြောရရင် မဟာဆန် မုန်တိုင်း ကာလမှာတောင် ကျောက်ဖြူမှာ ဓာတ်ငွေ့ပိုက်လိုင်း လုပ်ငန်းခွင်အလုပ်သမားတွေ အလုပ်ဆင်းနေရတာ တွေ့ခဲ့ရတယ်။ ပိုဆိုးတာက မင်းပြားမြို့နယ်ဘက်က အလုပ်သမားတွေ အထူးသဖြင့် အမျိုးသမီး အလုပ်သမားတွေကို အလုပ်ရှင်က နေထိုင်ရေး စီစဉ်မပေးရုံ သာမက လုပ်အားခကိုလည်း မပေးဘဲထားတာ တွေ့ခဲ့ရတယ်။ ဒီလို အဖြစ်မျိုးတွေ အများကြီးတွေ့ခဲ့ရတယ်” ဟု AHRDO မှ ဒါရိုက်တာ ဦးကျော်ထွီး က ဆိုသည်။

အလားတူ စစ်တပ်အပါအဝင် ကုမ္ပဏီများ၏ မြေသိမ်းမှုမှာ ယနေ့တိုင် မူလပိုင်ရှင်ထံ လွှဲပြောင်းခြင်း မရှိသေးသလို၊ ရေနံနှင့်သဘာဝဓါတ်ငွေ့ ပိုက်လိုင်း လုပ်ငန်းကြောင့် လယ်သမားတို့၏ လယ်ယာမြေများ ဆုံးရှုံး မှုနှင့်အတူ စားဝတ်နေရေး အခက်အခဲ ကြုံနေကြရကြောင်း ၎င်းက ရှင်းပြသည်။

“လူ့အခွင့်အရေး ချိုးဖောက်နေသူအများစုဟာ အာဏာပိုင်တွေ၊ အာဏာပိုင်နဲ့ ဆက်စပ်နေသူတွေဖြစ်လို့ အစိုးရ အနေနဲ့ ချိုးဖောက်နေသူတွေကို ဥပဒေနဲ့အညီ ကျောသားရင်သားမခွဲခြားဘဲ အရေးယူ ဖို့လိုပါတယ်။ နောက်ပြီး လူ့အခွင့်အရေး ဆောင်ရွက်နေသူတွေကိုလည်း လွတ်လပ်စွာ ဆောင်ရွက်ခွင့် ပြုဖို့ လိုပါမယ်” ဟု ဦးအောင်မင်းဦး က တောင်းဆိုသည်။

ထို့ပြင် ၎င်းတို့အဖွဲ့အနေဖြင့် ရခိုင်ဒေသ လူ့အခွင့်အရေး ချိုးဖောက်မှုများကို ကဏ္ဍအလိုက် စနစ်တကျ မှတ်တမ်းစု၊ သုတေသနပြုပြီး အစိုးရနှင့် နိုင်ငံတကာသို့ တင်ပြသွားမည် ဟုလည်း ဆက်လက်ပြော ဆိုသည်။

တနင်္ဂနွေနေ့ တွေ့ဆုံပွဲသို့ နိုင်ငံရေးနှင့် လူမှုရေး အဖွဲ့အစည်းများမှ လူ ၂၀၀ ခန့် တက်ရောက်ခဲ့ပြီး နိုင်ငံရေး အကျဉ်းသားဟောင်း ကိုထွန်းလင်းကျော်က အခမ်းအနားမှူးအဖြစ် ဆောင်ရွက်ကာ သဘာပတိ အဖြစ် ရခိုင်သမိုင်း သုတေသီ ဆရာတော် ဦးပညာစာရ က ချီးမြှင့်ပေးသည်။ ရခိုင်တိုင်းရင်းသားများ တိုးတက်ရေး ပါတီ အတွင်းရေးမှူး ဦးခိုင်ပြည်စိုး၊ ရခိုင်အမျိုးသမီး ကွန်ယက်ခေါင်းဆောင် ဒေါ်ညိုအေး၊ ဝံလက် ဒေသဖွံ့ဖြိုးရေးဖောင်ဒေးရှင်း ဒါရိုက်တာ ဦးခိုင်ကောင်းစံ တို့လည်း တက်ရောက်ခဲ့ကြသည်။

AHRDO ကို ၂၀၁၁ ခုနှစ်၊ အောက်တိုဘာလ ၉ ရက်နေ့တွင် ထိုင်းနိုင်ငံ၊ မဲဆောက်မြို့၌ ဖွဲ့စည်းခဲ့ရာမှ ယခုနှစ် မေလ ဒုတိယ အပတ်တွင် ပြည်တွင်းသို့ တရားဝင် ပြန်လည် ဝင်ရောက်ခဲ့သည်။

မေလ ၈ ရက်နေ့ကလည်း ရန်ကုန်မြို့ရှိ ရခိုင်အင်အားစုများနှင့် တွေ့ဆုံခဲ့သည်။

Ref: မဇ္ဈိမ

Read More...

Collapse...

အခြေခံဥပဒေ “သော့ခတ်ထားတာ မဟုတ်ဘူး” ဟု အမေရိကန်ရောက် သမ္မတ ပြော

မေလ ၂၀ ရက် ၂၀၁၃ ခုနှစ်

ဖွဲ့စည်းပုံ အခြေခံဥပဒေကို သော့ခတ်မထားဘဲ ပြင်ဆင်လိုက ပြင်ဆင်နိုင်သည်ဟု အမေရိကန် ပြည်ထောင်စုရောက် သမ္မတ ဦးသိန်းစိန်က ဝါရှင်တန်မြို့ အခြေစိုက် အမေရိကန်အသံ (မြန်မာပိုင်း)မှ ဦးဆောင်ပြုလုပ်သော မြန်မာ များနှင့် တွေ့ဆုံရာတွင် ပြောဆိုလိုက်သည်။

“ဖွဲ့စည်းပုံ အခြေခံဥပဒေနဲ့ ပတ်သက်ပြီး ပြန်ပြောရမယ်ဆိုရင် ကျနော်တို့ ပြင်နိုင်ပါတယ်။ Amendment (ပြင်ဆင်ဖြည့်စွက်ချက်အခန်း) ကျနော်တို့ ရှိတယ်။ ကျနော်တို့ ဒါ သံမဏိစည်းမျဉ်း မဟုတ် ဘူး။ သော့ခတ် ထားတာ မဟုတ်ဘူး။ Amendment ကျနော်တို့ ပေးထားတယ်။ လွှတ်တော်က ပြင်နိုင်တယ်။ ပြည်သူက ပြင်နိုင်တဲ့အနေအထား ကျနော်တို့ ရှိပါတယ်” ဟု မေလ ၁၉ ရက်နေ့ က ပြောဆိုသွားခြင်း ဖြစ်သည်။

ဖွဲ့စည်းပုံ အခြေခံ ဥပဒေရဲ့အခန်း ၁၂ တွင် ပြဋ္ဌာန်းထားသည့် အချက်များကို သမ္မတက ရည်ညွှန်း ပြောဆိုခြင်းဖြစ်သည်။

ဖွဲ့စည်းပုံအခြေခံဥပဒေ ပြင်ဆင်ရေး ကြွေးကြော်သံဖြင့် ကြားဖြတ်ရွေးကောက်ပွဲဝင် အနိုင်ရခဲ့သော အမျိုးသား ဒီမို ကရေစီအဖွဲ့ချုပ် (NLD)၏ ဥက္ကဋ္ဌ ဒေါ်အောင်ဆန်းစုကြည်ကမူ အခြေခံဥပဒေ ကို ပြုပြင်ပြောင်းလဲမည် ဆိုပါက ဥပဒေ ပြင်ဆင်ဖို့ နည်းလမ်းများကိုလည်း ပြောင်းရမည်ဟု မေလ ၁၀ ရက်နေ့က ပြုလုပ်သည့် သတင်းစာရှင်းလင်းပွဲ တခုတွင် ထောက်ပြ ပြောဆိုသွားသည်။

အခြေခံဥပဒေ ပြင်ဆင်ခြင်းဆိုင်ရာ ပုဒ်မ ၄၃၆ အရ အရေးပါ အခရာကျသော ပြဋ္ဌာန်းချက်များကို ပြင်ဆင် လိုပါက ပြည်ထောင်စုလွှတ်တော် ကိုယ်စားလှယ် ၇၅ ရာခိုင်နှုန်းကျော်၏ သဘောတူညီချက်ဖြင့်သာ
ပြည်လုံးကျွတ်ဆန္ဒခံယူပွဲလုပ်၍ ၎င်းမှ ထက်ဝက်ကျော် ဆန္ဒမဲဖြင့်သာ ပြင်ဆင်နိုင်ခွင့် ပေးထားသည်။

NLD မှ လွှတ်တော်အမတ်များက ယခုလအတွင်း ဖွဲ့စည်းပုံ ပြင်ဆင်ရေးအတွက် ဖျက်သိမ်းမည့် ပုဒ်မများနှင့် ထပ်မံ ထည့်သွင်းမည့်အချက်များကို ဆွေးနွေးလျက်ရှိသည်ဟု ပါတီ၏ ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း က ပြောဆိုထားသည်။ သို့သော် အသေးစိတ်အချက်အလက်များကိုမူ ပြောဆိုခြင်း မရှိပေ။

ဖွဲ့စည်းပုံကို ပြင်ဆင်နိုင်ရေးအတွက် လွှတ်တော်အတွင်း အင်အားအကြီးဆုံး ပါတီဖြစ်သော ကြံ့ခိုင်ရေးပါတီနှင့် ပူးပေါင်းလုပ်ဆောင်ရန်ရှိသည်ဟုလည်း ဒေါ်အောင်ဆန်းစုကြည်က ယခုလအတွင်းက မီဒီယာများကိုပြောဆိုထားသည်။

မတ်လ ၁၅ ရက်နေ့ ပြည်သူ့လွှတ်တော် အစည်းအဝေးတွင် ဖွဲ့စည်းပုံ အခြေခံဥပဒေ လေ့လာသုံးသပ်ရေး ကော်မတီနှင့် ကော်မရှင် များ ဖွဲ့စည်းရေး အရေးကြီး အဆိုကို ကြံ့ခိုင်ရေးပါတီမှ ကိုယ်စားလှယ် သူရဦးအေးမြင့် က တင်သွင်းကာ အတည်ပြုခဲ့ကြ ပြီး ဖြစ်သည်။

အမေရိကန်ရောက် မြန်မာများနှင့် တွေ့ဆုံရာတွင် လူအများ စိတ်ဝင်စားလျက်ရှိသည့် ဖွဲ့စည်းပုံပါ တပ်မတော်သား လွှတ်တော်အမတ် ၂၅ ရာခိုင်နှုန်းနှင့် ပတ်သက်၍လည်း ဗိုလ်ချုပ်ကြီးဟောင်း ဦးသိန်းစိန် က ကာကွယ်ပြောဆိုသွားသည်။

“မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍ တရပ်အနေနဲ့ ဆောင်ရွက်နေရမှာပါ။ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်” ဟု သမ္မတက ပြောသည်။ သို့သော် လွှတ်တော် တွင်းရောက် တပ်မတော်သားများ၏ အရေအတွက်သည် တဖြည်းဖြည်း လျော့ကျသွားမည်ဟုလည်း ၎င်းက ဆိုသည်။

ယခုခရီးစဉ်မှာ သမ္မတ အိုဘားမားနှင့် တွေ့ဆုံကာ အခက်အခဲများကို ကူညီဖြေရှင်းရန် ရည်ရွယ်ချက်ဖြင့် အမေရိကန်သို့ လာရောက်ရခြင်းဖြစ်သည်ဟုလည်း သမ္မတ ဦးသိန်းစိန်က ပြောဆိပြီး အမေရိကန်တက္ကသိုလ် ဌာနခွဲများ မြန်မာနိုင်ငံတွင် လာရောက်ဖွင့်လှစ်နိုင်ရန် ဆွေးနွေးသွားမည်ဟု ဆိုသည်။

အမေရိကန်နိုင်ငံသည် ပြည်သူများကို ဒီမိုကရေစီ အခွင့်အရေးများ အပြည့်အဝ ပေးထားသကဲ့သို့ အမေရိကန် ပြည်သူများ၏ တာဝန်ယူမှု တာဝန်သိတတ်မှုများကလည်း အတုယူဖွယ်ဖြစ်သည်ဟု ဦးသိန်းစိန် က ဆိုသည်။

သမ္မတ ဦးသိန်းစိန်၏ ခရီးစဉ်အတွင်း သမ္မတရုံးဝန်ကြီး ဦးစိုးသိန်း၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို၊ ကာကွယ်ရေးဝန်ကြီး ဒုတိယ ဗိုလ်ချုပ်ကြီး ဝေလွင် တို့လည်း လိုက်ပါသွားကြသည်။

သမ္မတ၏ အမေရိကန် ခရီးစဉ်သည် မေလ ၂၁ ရက်နေ့တွင် အဆုံးသတ်မည်ဖြစ်သည်။ ဦးသိန်းစိန် သည် နှစ်ပေါင်း ၄၇ နှစ်အတွင်း အမေရိကန်သို့ သွားရောက်သည့် ပထမဆုံး မြန်မာနိုင်ငံ အကြီးအကဲ တဦး ဖြစ်ပြီး ယခုခရီးစဉ်မှာ ၎င်း၏ ဒုတိယအကြိမ် အမေရိကန် ခရီးစဉ်ဖြစ်သည်။

Ref: မဇ္ဈိမ

Read More...

Collapse...

အော်ပရေတာ ပြုလုပ်ရန် အမရာနှင့် MTN ကုမ္ပဏီတို့ မှ ဒေါ်လာ ၁.၅ ဘီလီယံ မြှုပ်နှံမည်

စောဇင်ညီ
မေလ ၂၀ ရက် ၂၀၁၃ ခုနှစ်

မြန်မာ့ဆက်သွယ်ရေး လုပ်ငန်းရှိ မိုဘိုင်းအော်ပရေတာ နေရာနှစ်ခုအတွက် တင်ဒါအောင်မြင်ပါက အမရာတယ်လီ ကွန်မြူနီကေးရှင်းနှင့် အာဖရိက အခြေစိုက် MTN တယ်လီကွန်မြူ နီကေးရှင်း ကုမ္ပဏီတို့မှ ပူးပေါင်းကာ အဆိုပါလုပ်ငန်းအတွက် ဒေါ်လာ ၁.၅ဘီလီယံ ရင်းနှီးမြုပ်နှံမည်ဖြစ်ကြောင်း အမရ တယ်လီကွန်မြူနီကေးရှင်း ကုမ္ပဏီမှ အထွေထွေ မန်နေဂျာ ဒေါ်အေးမြမြကြည်က ပြောသည်။

၎င်းက “ရေရှည် လုပ်ကိုင်ခွင့် ၁၀နှစ်၊ ၁၅နှစ်အတွင်းမှာ မြုပ်နှံသွားမှာပါ။ ဘယ်သူက ဘယ်လောက် စိုက်ထုတ်မယ်ဆိုတာက တော့တင်ဒါအောင်ပြီးမှပဲ သိနိုင်မှာပါ” ဟု ဆိုသည်။

ယခုအခါ မိုဘိုင်းအော်ပရေတာ တင်ဒါဝင်ပြိုင်ထားသည့် ကုမ္ပဏီ ၁၂ ခုရှိပြီး တတိယနှင့် နောက်ဆုံး အဆင့်ရွေးချယ်မှုအတွက် ဇွန်လ ၃ရက်နေ့က နောက်ဆုံးထားကာ ဆက်လက် လျှောက်ထားရမည်ဖြစ်ပြီး
နောက်ဆုံးရွေးချယ်ခံရသည့် ကုမ္ပဏီ နှစ်ခုအမည်ကို ဇွန်လ ၂၇ရက်နေ့တွင် ထုတ်ပြန် ကြေညာနိုင်ရန်မျှော်မှန်းထားကြောင်း မြန်မာ့ဆက်သွယ်ရေး စိစစ်ရေးနှင့် ရွေးချယ်မှု ကော်မတီက သတင်းထုတ်ပြန် ထားသည်။

သို့သော် မြန်မာနိုင်ငံ၏ ဆက်သွယ်ရေး ဥပဒေမှာ မထွက်သေး သည့်အတွက် ဝန်ကြီးဌာနများနှင့် ညှိနှိုင်း၍ လုပ်ဆောင်နေရကြောင်း MR Serame Taukoboung ကပြောသည်။

MR Serame Taukoboung က “ဒီနိုင်ငံရဲ့  ဥပဒေ အတိုင်းဘဲ လိုက်နာမယ် ၊ လူအခွင့်အရေးကို လည်း ဥပဒေ အတိုင်းဘဲ လုပ်မယ်။ပြည်တွင်းဥပဒေအပြင် နိုင်ငံတကာ ဥပဒေကိုပါ လိုက်နာမယ်။ကျွန်တော် တို့ စီးပွားရေးကို အခြေခံတဲ့ ကုမ္ပဏီ ပဲဖြစ်တယ်။ကျွန်တော်တို့  ခရိုနီတွေနဲ့ လည်း ပတ်သတ်မှုမရှိဘူး။” ပာု မဇ္စိုမသို့ပြောသည်။

ယခုအခါ ဥပဒေ မရှိသေးသည့်အတွက် ပြည်တွင်း ပြည်ပမှ တယ်လီဖုန်း အော်ပရေတာလုပ်ကိုင်ရန် လုပ်ဆောင်နေသူများ အနေဖြင့် ယခင်တည်ဆဲ ဥပဒေများကိုသာ ကြည့်၍ ဆောင်ရွက်နေရကြောင်း
ဒေါ်အေးမြမြကြည်က ရှင်းပြသည်။

အဆိုပါ တင်ဒါအောင်မြင်သည့် ကုမ္ပဏီနှစ်ခု အနေဖြင့် မြန်မာတနိုင်ငံလုံးရှိ ဆက်သွယ်ရေး လုပ်ငန်းများကို ဆောင်ရွက်နိုင်မည် ဖြစ်သည့်အတွက် အမရာ အနေဖြင့် ဖုန်းဆင်းကဒ်များအား ပြည်သူများအား အလကားပေးနိုင်သည် အထိရည်ရွယ်ထားကြောင်း ဒေါ်အေးမြမြကြည်က ဆိုသည်။

MTN တယ်လီကွန်မြူနီကေးရှင်း ကုမ္ပဏီသည် တောင်အာဖရိကနှင့် အရှေ့အလယ်ပိုင်းရှိ နိုင်ငံ၂၂ နိုင်ငံတွင် မိုဘိုင်း အော်ပရေတာလုပ်ကိုင်ပြီး မိုဘိုင်းသုံးဆွဲသူ ၁၉၅ သန်း ရှိကြောင်း သိရသည်။

Ref: မဇ္ဈိမ

Read More...

Collapse...

ကုန်သွယ်မှု တိုးမြှင့်နိုင်ရန် ထိုင်းနိုင်ငံမှ စီးပွားရေး စင်္ကြန်အဖြစ် ဆောင်ရွက်ပေးမည်

မေဦး
မေလ ၂၀ ရက် ၂၀၁၃ ခုနှစ်

ပြည်တွင်းရှိ စီးပွားရေး လုပ်ငန်းရှင်များကို ထိုင်းနိုင်ငံတွင် သာမက အာဆီယံဈေး ကွက် အတွင်း၌ပါ ကုန်သွယ်မှု တိုးမြှင့်နိုင်ရန် ထိုင်းနိုင်ငံမှ စီးပွားရေးစင်္ကြန် အဖြစ် ဆောင်ရွက်ပေးမည် ဖြစ်ကြောင်း ထိုင်းနိုင်ငံ ညီလာခံနှင့် ပြပွဲဆိုင်ရာ အဖွဲ့အစည်း (TCEB)မှ ပြပွဲ ဒါရိုက်တာ မစ္စ ဆူပါဝန်တီရာရက် ကပြောသည်။

၎င်းက “ထိုင်းနိုင်ငံမှာ ကျင်းပပြုလုပ်တဲ့ ကုန်သွယ်မှု ပြပွဲများမှာ ပါဝင်ပြသခြင်းဟာ ထိုင်းလုပ်ငန်းရှင်များနဲ့ပါ ကွန်ရက်ချိတ်ဆက် နိုင်မဲ့ အခွင့်အလမ်းတွေ ရရှိလာစေမှာ ဖြစ်ပါတယ်။ ဒီနည်းအားဖြင့် မြန်မာ့ စီးပွားရေး လုပ်ငန်းတွေဟာ ထိုင်းနိုင်ငံရဲ့ ပြပွဲဆိုင်ရာ နည်းလမ်းက တဆင့် ၎င်းတို့ရဲ့ ကုန်သွယ်မှု တန်ဖိုးတွေကို တိုးမြှင့်နိုင်မှာ ဖြစ်ပါတယ်” ဟု ဆိုသည်။

အဆိုပါ (TCEB) သည် ပြည်တွင်းရှိ စီးပွားရေး အခွင့်အလမ်းများကို မြှင့်တင်ရန်နှင့် နှစ်နိုင်ငံအကြားပြပွဲလုပ်ငန်းတွင် ကွန်ရက်တည်ဆောက်ခြင်းဖြင့် ဆက်သွယ်မှုကို ပိုမိုတိုးမြှင့်ရန် UMFCCI နှင့်ပူးပေါင်း ပြီး ပထမဆုံး တရားဝင် ပြပွဲများ လှည့်လည် ပြသမှုကို ပြည်တွင်း၌ ပြုလုပ်သွားမည် ဖြစ်ကြောင်း၊ ထို့နောက်ပြည်တွင်းရှိ လုပ်ငန်းရှင်များကို ထိုင်းနိုင်ငံတွင် ပြပွဲများ ပါဝင်ပြသရန် ဖိတ်ခေါ်သွားမည် ဖြစ်သည်။

မြန်မာလုပ်ငန်းရှင်များ အနေဖြင့် မိမိတို့၏ စီးပွားရေး လုပ်ငန်းများကို ပြည်တွင်းသာမက ပြည်ပတွင်ပါ ထိုးဖောက်နိုင်ရန်မှာ နိုင်ငံတကာ ပြပွဲများတွင် ၀င်ရောက်ပြသရန် လိုအပ်ကြောင်း၊ ထိုသို့ ပြသခြင်းဖြင့် အခြားနိုင်ငံများမှ စီးပွားရေး လုပ်ငန်းရှင်များနှင့် ချိတ်ဆက်မိပြီး အခွင့်အလမ်းကောင်းများ ရရှိလာမည်ဖြစ်ကြောင်း UMFCCI ပြပွဲကော်မတီ အတွင်းရေးမှူး ဦးမျိူးသန့်က ပြောသည်။

UMFCCI ဥက္ကဌ ဦးဝင်းအောင်က “အာဆီယံဟာ ၂၀၁၅ခုနှစ်မှာ အပြည့်အဝ ပေါင်းစည်းနိုင်ဖို့ နီးကပ်လာ ချိန်မှာ ကျွန်တော်တို့အတွက် ပိုမိုများပြားတဲ့ အခွင့်အလမ်းတွေက စောင့်ကြိုနေပြီဖြစ် ပါတယ်။ ဒီပြပွဲဟာ ထိုင်းမြန်မာ အပြန်အလှန် ကုန်သွယ်မှုနဲ့ ပြပွဲလုပ်ငန်းအတွက် ကောင်းမွန်တဲ့ အစပြုခြင်း ဖြစ်ပါလိမ့်မယ်” ဟုဆိုသည်။

ထို့အပြင် ထိုင်းနိုင်ငံ၏ ကုန်သွယ်မှု ပြပွဲများသည် စားသောက်ကုန်နှင့် လယ်ယာ စိုက်ပျိူးရေး ၀န်ဆောင်မှု များ၊ ဆေးဘက်ဆိုင်ရာနှင့် ကျန်းမာရေး စောင့်ရှောက်မှု စသည့် မြန်မာနိုင်ငံ၏ ဖွံ့ဖြိုးဆဲ လုပ်ငန်း နယ်ပယ်များ အတွက် ကုန်သွယ်မှု ဈေးကွက် အဖြစ်လည်း ဆောင်ရွက်ပေးမည် ဖြစ်သည်။

ထိုင်းနိုင်ငံသည် မြန်မာနိုင်ငံ၏ ထိပ်တန်း ကုန်သွယ်ဖက် သုံးဦးတွင် အပါအဝင် ဖြစ်ကြောင်း၊ ထိုင်းနိုင်ငံနိုင်ငံခြား ကုန်သွယ်မှုဌာန၏ စာရင်းဇယားများအရ ၂၀၁၂ခုနှစ်တွင် နှစ်နိုင်ငံအကြား ကုန်သွယ်မှု ပမာဏ သည် အမေရိကန်ဒေါ်လာ ၇၂၈၇ သန်းခန့်ရှိခဲ့ပြီး ၂၀၁၃ခုနှစ် ပထမနှစ်လအတွင်း အမေရိကန် ဒေါ်လာ ၁၃၂၆သန်းထိ ရှိနေပြီး ဖြစ်ကြောင်း သိရသည်။

Ref: မဇ္ဈိမ

Read More...

Collapse...

ပြည်သူ့လယ်ယာမြေ ကာကွယ်ရေးကော်မတီ ဆုံးဖြတ်ချက်ရပြီးမှသာ ဆန္ဒပြမှုများကို ပြုလုပ်မည်

ခိုင်ခိုင်
မေလ ၂၀ ရက် ၂၀၁၃ ခုနှစ်

လက်ပံတောင်းတောင် စီမံကိန်းနှင့်ပတ်သက်၍ လယ်ယာမြေသိမ်းခံရသူတို့က တောင်းဆိုဆန္ဒပြမှုများ ရှိခဲ့သော်လည်း ပြည်သူ့ လယ်ယာမြေ ကာကွယ်ရေးကော်မတီ ဖွဲ့စည်းပြီးနောက်တွင်ကော်မတီ ၏ ဆုံးဖြတ်ချက်ရပြီးမှသာ ဆန္ဒပြမှုများကို ဆောင် ရွက်သွားမည်ဟု ကော်မတီဝင်တဦးကပြောသည်။

ယင်းကော်မတီကို ကျေးရွာတရွာမှ ခေါင်းဆောင်(၃) ဦး၊ ကော်မတီ အဖွဲ့ဝင်(၁၀) ဦး စုစုပေါင်း (၁၃) ဦးနှုန်းဖြင့် ကျေးရွာ (၁၃) ရွာ ပါဝင်ဖွဲ့စည်းထားကာ ကော်မတီက လယ်ယာမြေ ကိစ္စများ ဆွေးနွေးချိန်တွင် ပါဝင်နိုင်ရန် စီစဉ်လျက်ရှိကြောင်း မိုးကြိုးပြင် (အလယ်ရွာ) ဒေသခံတဦးက ဆိုသည်။

အဆိုပါကော်မတီဝင်ရွာများမှာ ကြေးနီစီမံကိန်းမလွတ်ကင်းသောမြေယာများ အတွက်လျော်ကြေးငွေ မရယူ ထားသော ကျေးရွာများဖြစ်ပြီး လျော်ကြေးငွေရယူထားသော ကျေးရွာများမှာ ကော်မတီတွင် မပါဝင်ကြောင်း ဒေသခံ များကဆိုသည်။

မိုးကြိုးပြင် မြောက်ရွာမှ ဒေသခံတဦးဖြစ်သူ မမြင့်မြင့်အေးက “လယ်ယာမြေနဲ့ပတ်သက်တဲ့ကိစ္စတွေ အားလုံး ကို ကော်မတီက ဆုံးဖြတ်ချက်အတိုင်းပဲလုပ်သွားဖို့ ရှိပါတယ်၊ အကုန်လုံးကျေနပ် ကြတယ်၊ စနစ်တကျဖြေ ရှင်းနိုင်ဖို့ အတွက် ရည်ရွယ်ထားကြတယ်”ဟု မမြင့်မြင့်အေးက ဆိုသည်။

ဒေသခံများ၏ သိမ်းဆည်းခံ လယ်ယာမြေကိစ္စများနှင့် ပတ်သက်၍ ကော်မတီမှ အဓိကဆောင်ရွက်သွားမည် ဟု သိရကြောင်း မိုးကြိုးပြင် (အလယ်ရွာ)ဒေသခံ ဦးစိန်မြင့်က ပြောသည်။

“ဒီနေ့စာရင်းလိုက်ကောက်နေတယ် ကော်မတီဝင်တွေ ဘယ်လောက်ရှိပြီလဲတော့ အတိအကျ မသိရသေးဘူး။ ရွာကလူကတော့ ကော်မတီဝင်ဖို့ကို တော်တော်လေးကို စိတ်ပါနေကြတယ်။ သဘောကျနေကြတာပေါ့” ဟု ဦးစိန်မြင့်ကဆိုသည်။

သို့ရာတွင် ဆည်တည်းရွာသစ်မှ ဒေသခံတဦးက “ဆည်တည်းရွာသစ်မှာတော့ အဲလိုကော်မတီမဖွဲ့ပါဘူး၊ ဒီရွာမှာရှိတဲ့ ဒေသခံတွေ ကလည်း လယ်ယာမြေ ကာကွယ်ရေုး ကော်မတီဖွဲ့ တာမလုပ်ကြပါဘူး” ဟု မဇ္ဈိမကို ပြောသည်။

ကော်မတီက ဒေသခံ များ၏ လယ်ယာမြေများ မဆုံးရှုံးစေရန် ကာကွယ်ပေးကာ အာဏာပိုင်အဖွဲ့အစည်း၊ ကုမ္ပဏီအဖွဲ့အစည်းများနှင့် တွေ့ဆုံဆွေးနွေးမည် ဖြစ်ပြီး ကော်မတီ ၏ဆုံးဖြတ်ချက်အ တိုင်း ဒေသ ခံပြည်သူ များ လိုက်နာရန် သဘောတူညီထားကြကြောင်း ကော်မတီဝင် မမြင့်မြင့်အေးက ဆိုသည်။

“ကျမတို့ကို တခြားအဖွဲ့အစည်းတွေကလည်း ကူညီပေးပါတယ်။ သူတို့ ကူညီပေးလို့ အခုလို ကော်မတီကိုဖွဲ့ နိုင်တာပါ သူတို့က ဘာမှဝင်မစွက် ပါဘူး ။ကော်မတီမှာ အားလုံးဒေသခံတွေ ချည်းပဲ ကျန်တဲ့အဖွဲ့အစည်းက လူတွေဆိုကူညီပေးရုံပဲ ကူညီတာ။” ဟု ၎င်းက မဇ္ဈိမသို့ ပြောသည်။

ပြည်သူ့လယ်ယာမြေကာကွယ်ရေးကော်မတီ မှာ လယ်ယာမြေ ဒေသခံများသာပါဝင် ဖွဲ့စည်းထားသောကော် မတီဖြစ်ပြီး ဒေသခံစုစုပေါင်း (၁၆၉) ဦး ပါဝင်ကြောင်း နိုင်ငံရေးအကျဉ်းသား မိသားစုများ အကျိုးဆောင်ကွန်ရက်မှ ကိုဟန်ဝင်းအောင်က ရှင်းပြသည်။

“လယ်သမားတွေဟာ တဦးချင်းတယောက်ချင်း လယ်ယာမြေ ပြဿနာကိုဖြေရှင်းခြင်းထက် စုပေါင်းဖြေရှင်းခြင်းဟာကောင်း တယ်ဆိုပြီး စနစ်တကျဖြေရှင်းနိုင်ဖို့ ရည်မှန်းထားကြတယ်”ဟု ၎င်းက ဆိုသည်။

ကော်မတီဝင်ကျေးရွာ (၁၃) ရွာမှာလက်ပံတောင်းတောင် ကြေးနှီစီမံကိန်း ၏တောင်ဘက်ရှိ ဆည်တည်းရွာဟောင်း၊ ဇီးတော ၊စီမံကိန်း၏ အရှေ့ဘက်ရှိ ဝက်မှေးရွာဟောင်း၊ ကံတော၊ရွှေလှေ၊ ဖောင်းကတာရွာ၊ အနောက်ဖက်ရှိ မိုးကြိုးပြင် (တောင်၊မြောက်၊ အလယ်) ရွာများနှင့် တုံရွာမ၊ တုံရွာအလယ်တော၊ တောကျောင်း၊ လယ်တီ၊တုံရွာသစ်တို့ဖြစ်ကြောင်း သိရသည်။

Ref: မဇ္ဈိမ

Read More...

Collapse...

တောင်ကိုရီးယားရောက် ၈၈ ခေါင်းဆောင်တချို့ ပြည် ပ မြန်မာအဖွဲ့များနှင့် တွေ့ဆုံ

2013-05-19

မြန်မာ့လက်ရှိနိုင်ငံရေး အခြေအနေတွေ ကို တောင်ကိုရီးယားနိုင်ငံရောက် မြန်မာနိုင်ငံ သားတွေနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုဂျင်မီ၊ ABSDF မြန်မာနိုင်ငံလုံးဆိုင်ရာ ဒီမိုကရက် တစ်ကျောင်းသားများတပ်ဦး ဥက္ကဌ ကိုသံခဲနဲ့ DPNS လူ့ဘောင်သစ်ဒီမိုကရက်တစ်ပါတီ ဥက္ကဌ ဦးအောင်မိုးဇော် တို့က ဆိုးလ်မြို့မှာ ဒီနေ့တွေ့ဆုံဆွေးနွေးကြပါတယ်။

NLD-LA အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ ကိုရီးယားဌာနခွဲ ရုံးခန်းမှာ ဆွေးနွေးပွဲကျင်းပတာဖြစ် ပြီး၊ ဆွေးနွေးသွားတဲ့ အကြောင်းအရာတွေကို NLD-LA အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ ကိုရီးယားဌာနခွဲ ပြန်ကြားရေးတာဝန်ခံ ဦးရန်နိုင်ထွန်းက ပြန်ပြောပြပါတယ်။

"အဓိကကတော့ လက်ရှိအခြေအနေဟာ ယုံကြည်လို့မရသေးတဲ့ အခြေအနေမှာ ရှိနေတယ်ဆိုတဲ့အကြောင်း၊ တိုင်းပြည်က ဒီမိုကရေစီနိုင်ငံကို ထူထောင်နေတယ်ဆိုသော်ငြားလည်း တကယ်လက်တွေ့မှာ စစ်မှန်တဲ့ဒီမိုကရေစီနဲ့ ပြည့်ဝတဲ့လူ့အခွင့်အရေးတွေရရှိဖို့အတွက် လမ်းကြောင်းမဖြစ်သေးဘူး ဆိုတဲ့အကြောင်းပေါ့လေ၊ ယုံကြည်လို့မရသေးဘူး၊ တကယ်လို့ ယုံကြည်တယ်ဆိုလို့ရှိရင် ယုံကြည်တဲ့လူက အမှားပဲဆိုတဲ့အကြောင်းပေ့ါလေ၊ အပြန်အလှန် ဆွေးနွေးသွားတာတွေကို ကျနော်တို့တွေ့ရတယ်၊ ကိုသံခဲကပြောတာပေါ့လေ၊ ခင်ဗျားတို့ ယုံနေကြပြီလား၊ ယုံနေပြီဆိုလို့ရှိရင် ယုံတဲ့လူကအမှားပဲ လိမ်တဲ့လူက အမှားမဟုတ်ဘူး၊ သူကပြောသွားတာ"

မနေ့ကတော့ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နဲ့ ကိုကိုကြီးတို့က ဦးဆောင်ဆွေးနွေးခဲ့ပါတယ်။ အခုအခါမှာ သူတို့နှစ်ဦးစလုံး တောင်ကိုရီးယားကတဆင့် အမေရိကန်ပြည်ထောင်စုကို ခရီးဆက်ရောက်ရှိသွားပြီ ဖြစ်ပါတယ်။

Ref: အာရ်အဖ်အေ

Read More...

Collapse...

KIO ထိန်းချုပ်ရာ ဒေသရှိ ဒုက္ခသည်စခန်းများ စားနပ်ရိက္ခာ လိုအပ်

ခင်ဦးသာ| May 18, 2013

ကချင်ပြည်နယ် လွတ်လပ်ရေးအဖွဲ့ (KIO) ထိန်းချုပ်ရာ ဒေသရှိ စစ်ပြေး ဒုက္ခသည် ၇ သောင်းကျော်အတွက် စားနပ်ရိက္ခာ အကူအညီ လိုအပ်နေကြောင်း သိရသည်။

ဒုက္ခသည်များကို ယခင်က ပုံမှန် ထောက်ပံ့ပေးနေသော အဖွဲ့တချို့တွင် အခက်အခဲရှိ၍ ကူညီမှု ရပ်တန့်ထားကြောင်း၊ လက်ရှိတွင် ပုဂ္ဂလိက အလှူရှင်များ၊ ကချင်လူမှုရေး အဖွဲ့များနှင့် ကချင်ဒုက္ခသည် များဆိုင်ရာ ကော်မတီတို့က တာဝန်ယူ ဆောင်ရွက်ပေးနေရကြောင်း ကချင် ဒုက္ခသည်များ ကယ်ဆယ်ရေး ကော်မတီ ဥက္ကဋ္ဌ ဆလန်ကဘာ ဒွဲပီဆာ ဧရာဝတီသို့ ပြောသည်။

“လတ်တလောမှာ စားနပ်ရိက္ခာရယ်၊ ကျောင်းတွေဖွင့်တော့မယ် ဆိုတော့ ကျောင်းသုံးပစ္စည်း ကိရိယာတွေ အရေးပေါ် လိုအပ်ပါတယ်” ဟု ဆလန်ကဘာ ဒွဲပီဆာက ဆိုသည်။

ကချင် လွတ်လပ်ရေး တပ်မတော် (KIA) နှင့် KIO တို့ ထိန်းချုပ်ရာ ဒေသများတွင် ဒုက္ခသည် စခန်းစုစုပေါင်း ၄၀ ၀န်းကျင် ရှိပြီး ဒုက္ခသည် ဦးရေ စုစုပေါင်း ၇ သောင်းကျော်ရှိကြောင်း၊ ဒုက္ခသည်တချို့ အနည်းငယ် ဖျားနာရုံမှအပ ကျန်းမာရေး ဆိုးဝါးသည့် အခြေအနေ မရှိကြောင်း သိရသည်။

သို့သော် ကျန်းမာရေး စောင့်ရှောက်မှုအတွက် ဆေးဝါးများ လိုအပ်နေပြီး မိုးဦးရာသီ ရောက်လာပြီဖြစ်၍ အမိုးအကာ တချို့လည်း လိုအပ်မည် ဖြစ်ကြောင်း၊ ကုလသမဂ္ဂ လက်အောက်ခံအဖွဲ့များနှင့် NGO အဖွဲ့များ၏ ကူညီထောက်ပံ့မှု နည်းပါးကြောင်း၊ မည့်သည့် အဖွဲ့ကို ဖြစ်စေ ဒုက္ခသည်များအတွက် ကူညီမည့် အလှူရှင်များကို ကြိုဆိုကြောင်း၊ ၎င်းတို့ KIA/KIO အနေဖြင့် တားဆီမှု မရှိကြောင်း ဆလန်ကဘာ ဒွဲပီဆာက ပြောသည်။

၎င်းက “ပြီးခဲ့တဲ့နှစ်က ဖားကန့်ဘက်မှာ တိုက်ပွဲတချို့ဖြစ်နေလို့ ကူညီပေးရေးအဖွဲ့တချို့ကို လုံခြုံရေးအရ ကန့်သတ်ထားခဲ့တာပဲ ရှိတယ်။ ဗဟိုအစိုးရရော ပြည်နယ်အစိုးရ အဖွဲ့ကလည်းပဲ ကူညီပေးတာ ဘာမှမရှိပါဘူး” ဟု ဆက်ပြောသည်။

ကချင်ပြည်နယ် အစိုးရ၏ လူမှုရေးရာ ၀န်ကြီး ဒေါ်ဘောက်ဂျာက ပြောရာတွင်မူ KIO ဒေသရှိ ဒုက္ခသည်များအား ကူ ညီပေးရန် ပြည်နယ် အစိုးရအဖွဲ့က ကမ်းလှမ်းမှုရှိခဲ့ကြောင်း၊ သို့သော် ယာယီအားဖြင့် လက်မခံဟုသာ KIO ဘက်က ပြောဆိုကြောင်း၊ အကူအညီ တောင်းခံမှုလည်း တကြိမ်တခါမှ မရှိကြောင်း၊ အကူအညီတောင်းပါက ကူညီပေးရန် အဆင်သင့်ဖြစ်ကြောင်း ဧရာဝတီကို ပြောသည်။

“ပြည်နယ်အစိုးရကို အကူအညီတောင်းရင်တော့ ကူညီဖို့အဆင်သင့်ပဲ။ အကူအညီပေးပါလို့ တခါမှ စာမရေးဖူးဘူး” ဟု ၎င်းက ဆိုသည်။

ထို့အတူ ကချင်ပြည်နယ် အစိုးရ ထိန်းချုပ်ရာ ဒေသများတွင်လည်း ဒုက္ခသည် စခန်းပေါင်း ၁၀၅ ခု ရှိကာ လူဦးရေ စုစုပေါင်း ၃၉၀၄၂ ဦး ရှိကြောင်း၊ ၎င်းဒုက္ခသည်များအတွက် ပြည့်စုံ ဖုံလုံမှုရှိကြောင်း၊ သို့သော် ၀ိုင်းမော်မြို့နယ်ရှိ ဒုက္ခသည် စခန်းတချို့တွင် သောက်သုံးရေ လိုအပ်မှုနှင့် လွယ်ဂျယ်ဒေသရှိ စခန်းတခုတွင် ဆေးဝါး လိုအပ်မှုတို့ရှိကြောင်း လူမှုရေးဝန်ကြီးက ပြောသည်။

“ပြည်နယ်အစိုးရ လက်အောက်မှာ ရှိတဲ့စခန်းတွေမှာ အကုန်ဖူလုံပါတယ်။ ၀ိုင်းမော်က စခန်း ၁၃ ခုမှာ သောက်သုံးရေ နည်းနည်း လိုတာရယ်၊ လွယ်ဂျယ်က စခန်းတခု ဆေးဝါးလိုတာရယ်ပဲ ရှိတယ်။ ဒါတွေကိုလည်း ဒီရက်ပိုင်း ဖြည့်ပေးဖို့ စီစဉ်နေပါပြီ” ဟု ၀န်ကြီး ဒေါ်ဘောက်ဂျာက ဆိုသည်။

မိုးရာသီ ရောက်တော့မည်ဖြစ်၍ သွေးလွန်တုပ်ကွေး ကြိုတင်ကာကွယ်ဆေးများကို တပြည်နယ်လုံး အတိုင်းအတာဖြင့် ဖြန့်ဝေနိုင်ရေး ဆောင်ရွက်သွားရန် ပြည်နယ်အစိုးရက စီစဉ်နေကြောင်း သိရသည်။

မြန်မာအစိုးရနှင့် KIA တို့အကြား ဖြစ်ပွားခဲ့သည့် စစ်ပွဲများကြောင့် မိမိတို့ နေအိမ်များမှ စွန့်ခွာထွက်ပြေးနေကြရသည့် ကချင် စစ်ပြေး ဒုက္ခသည် စုစုပေါင်း ၁ သိန်းကျော်ရှိသည်။

Ref: ဧရာဝတီ

Read More...

Collapse...

နိုင်ငံရေးအရ သဘောတူညီချက်တရပ် လိုအပ်ခြင်း

လာရီ ဒိုင်းမွန်း| May 18, 2013

အလုပ်ဖြစ်နိုင်ခြေရှိသည့် သဘောတူညီမှုကို ရှာဖွေခြင်း

ယေဘုယျကျကျ ပြောရမည်ဆိုလျှင် နိုင်ငံရေးပါတီတခုက ကျန်သည့် ပြိုင်ဖက်များအပေါ် ကာလကြာရှည် တဖက်သတ် အနိုင်ရရှိသည်ဆိုသည်မှာ ဒီမိုကရေစီစနစ်အတွက် မကောင်းပါ။ ဒီမိုကရေစီ စံတန် ဖိုးများကို ၎င်းပါတီက မည်သိုပင် ကျင့်သုံးပါမည်ဟုဆိုဆို ထိုသို့သော အနေအထားကိုက မကောင်းပါ။ အလားတူ အခြေအနေမျိုးပင် ၁၉၉၀ ခုနှစ် တောင်အာဖရိက ရွေးကောက်ပွဲတွင်လည်း ဖြစ်ခဲ့သည်။ မကြာသေးမီကမှ အကျဉ်းထောင်မှ ပူပူနွေးနွေး လွတ်မြောက်လာသူ နယ်လ်ဆင် မင်ဒဲလားနှင့် မကြာသေးမီကမှ တရားမ၀င်ပါတီအဖြစ်မှ ပယ်ဖျက်ပေးခြင်းခံရသည့် တောင်အာဖရိက အမျိုးသားကွန်ဂရက် (ANC) တို့က အခြေအနေကို အရှိအတိုင်း နားလည် သဘောပေါက်ခဲ့ကြသည်။ အခြားအင်အားစုများကို အာမခံချက် ပေးခြင်းဖြင့်သာ သူတို့၏အကောင်းဆုံး အကျိုးစီးပွားများကို ဖော်ဆောင်နိုင်မည်ဟု နားလည် သဘောပေါက်ခဲ့ခြင်း ဖြစ်သည်။ အထူးသဖြင့် အနိုင်ရမဲ အရေအတွက် အချိုးအစားအရသာ လွှတ်တော်ထဲတွင် နေရာရနေသော လူဖြူများကို အာမခံချက်ပေးခြင်းဖြစ်သည်။ ထို့အပြင် ဖွဲစည်း ပုံအခြေခံ ဥပဒေအရ စေ့စပ် ညှိနှိုင်းမှုများတွင် ANC က ထိုထက်ပို၍ ကမ်းလှမ်းမှုများပင် ပြုခဲ့သေးသည်။ လူဖြူများအတွက်သာ မကဘဲ အခြားလူနည်းစုများ ဖြစ်ကြသည့် ဇူးလူးဒေသ အခြေစိုက် အင်ကာသာ လွတ်မြောက်ရေးပါတီကိုပါ အာမခံချက်များ ပေးခဲ့သည်။

၁၉၉၁-၉၂ တွင် လုပ်ဆောင်ခဲ့သည့် ကနဦး တွေ့ဆုံဆွေးနွေးပွဲများ မအောင်မြင် ဖြစ်ပြီးနောက်တွင် သမ္မတ အက်ဖ် ဒဗလျူ ဒီကလပ် ဦးဆောင်သည့် အသားအရောင် ခွဲခြားရေးအစိုးရနှင့် မင်ဒဲလား ဦးဆောင်သည့် ANC တို့က အပေးအယူ စေ့စပ်ညှိနှိုင်းမှုပြုရန်အတွက် ဆက်လက် ကြိုးပမ်းသွားကြရန် ဆုံးဖြတ်ထားကြပြီး ဖြစ်သည်။ ကြားဖြတ်ဖွဲ့စည်းပုံတရပ် ထားရှိရန်၊ အမျိုးသား ညီညွတ်ရေး အစိုးရတရပ် ဦးဆောင်မှုအောက်တွင် အသွင်ကူးပြောင်းရေးကာလ အာဏာခွဲဝေမှုတရပ် ပြုလုပ်ကြရန်အတွက် ၁၉၉၃ ခုနှစ် နိုဝင်ဘာလတွင် သူတို့က သဘောတူညီနိုင်ခဲ့ကြသည်။

မည်သည့်ပါတီဖြစ်စေ မဲဆန္ဒ ၂၀ ရာခိုင်နှုန်း သို့မဟုတ် ထို့ထက်ပိုပြီး နိုင်ငံထူထောင်သည့် ရွေးကောက်ပွဲ (၁၉၉၄ ခုနှစ် ဧပြီလ ၂၇ တွင် ကျင်းပခဲ့သည်) တွင် အနိုင်ရပါက ဒုသမ္မတ တဦးကို နာမည် အဆိုတင်သွင်းခွင့်ရမည် ဖြစ်သည်။ မည်သည့်ပါတီမဆို မဲ ၅ ရာခိုင်နှုန်းထက် ပိုရရှိပါက ထိုမဲအရေအတွက်တိုင်းအတွက် ၀န်ကြီးနေရာ တနေရာကို အဆိုပြုနိုင်မည် ဖြစ်သည်။ အခြားပြဌာန်းချက်များတွင် သဘောထားတင်းမာသည့် အစိုးရ ၀န်ထမ်းများကို ဆက်လက် တာဝန်ပေး လုပ်ကိုင်စေခြင်း၊ သဘောထားတင်းမာသည့် စစ်တပ် တပ်မှူးများသည်ပင် သူတို့နေရာများတွင် ဆက်လက် တာဝန်ယူခွင့်ပေးခြင်း တို့ပါဝင်ပြီး ထိုသို့ လုပ်ဆောင်မှုများက အသွင်ကူးပြောင်းရေး သဘောတူညီချက်ကို ထင်ဟပ်နေကြပါသည်။ နောက်ဆုံးတွင် အာဏာရ လူဖြူအမျိုးသားပါတီ (National Party) က မဲ ၂၀ ရာခိုင်နှုန်းမျှကိုသာ အနိုင်ရသည့်အတွက် ယခင်သမ္မတ ဒီကလပ်က သမ္မတသစ် မင်ဒဲလား အောက်တွင် ဒုသမ္မတ ရာထူးကိုသာ ယူခဲ့ရသည်။

တောင်အာဖရိက အတွေအကြုံမှ ရလာသည့် အရေးပါသည့် သင်ခန်းစာမှာ အသွင်ကူးပြောင်းရေး ကာလများတွင် အာဏာခွဲဝေပေးမှု သဘောတူညီချက်မျှသာ မဟုတ်ဘဲ ယင်း အာဏာခွဲဝေမှု သဘော တူညီချက်ကို ယာယီသဘောသာ ဖြစ်စေရမည်ဟု ပြောင် ပွင့်ပွင့်လင်းလင်း ဖော်ပြချက်လည်း ဖြစ်သည်။ အာဏာခွဲဝေမှု သဘောတူညီချက်နှင့် လူနည်းစု ဗီတိုအာဏာ ကျင့်သုံးနိုင်မှုများကို ဖွဲ့စည်းပုံ အခြေခံဥပဒေတွင် ပြဌာန်းပေးရန် လူနည်းစု လူဖြူအမျိုးသားပါတီက အစောပိုင်းတွင် (မြန်မာနိုင်ငံ ၂၀၀၈ ဖွဲ့စည်းပုံတွင် တပ်မတော်က သူတို့ကိုယ်သူတို့ ဗီတိုအာဏာ အပ်နှင်းထားပုံနှင့် မကွာလှပါ) ကြိုးပမ်းခဲ့သေးသည်။ သို့သော်လည်း လူနည်းစု လူဖြူအစိုးရက သူတို့ဆန္ဒအတိုင်း ကာလ အကန့်အသတ်မရှိ အတင်းအကျပ် လုပ်ကိုင်ရန် အာဏာမရှိတော့ပါ။

ANC ထိပ်တန်း မဟာဗျူဟာ ချမှတ်သူတဦး အဆိုအရ ရေတိုသဘောတွင် လူဖြူများကို အာဏာခွဲဝေပေးရန် ဒီကလပ် တောင်းဆိုချက်များထဲမှ တချို့တ၀က်ကို လိုက်လျောပေးရန် လိုအပ်ကောင်း လိုအပ်မည် ဖြစ်သော်လည်း လူမျိုးချင်း ခွဲခြားမှုမရှိသည့် အနာဂတ် ဒီမိုကရေစီနိုင်ငံကို သွားရာတွင် ထိုသဘောတူညီချက်များက အပိတ်အဆို့ အဟန့်အတား ဖြစ်မနေသင့်ဟု ဆိုပါသည်။ အာဏာခွဲဝေရေး ပြဌာန်းချက်များကို ၁၉၉၆ ခုနှစ် ဖွဲ့စည်းပုံ အခြေခံဥပဒေတွင် ရုပ်သိမ်းခဲ့ပြီး ထိုသို့ ရုပ်သိမ်းမှုများက ၁၉၉၉ ခုနှစ် ရွေးကောက်ပွဲများ နောက်ပိုင်းတွင် အပြည့်အ၀ အသက်ဝင်ပြီ ဖြစ်သည်။

အခြားပြဌာန်းချက်များမှာ လူဖြူ လူနည်းစုများအတွက် ထပ်မံ အာမခံချက်ပေးရန်၊ အသစ်ပြန်လည် ဖွဲ့စည်းမည့် နိုင်ငံရေး အခင်းအကျင်းတွင် သူတို့ လွယ်လွယ်ကူကူ ဆက်လက် ပါဝင်နိုင်ရေးအတွက် အခြားပြဌာန်းချက်များလည်း ရှိကြပါသေးသည်။ နိုင်ငံရေး အကြမ်းဖက်မှုများအတွက် လွတ်ငြိမ်းချမ်းသာခွင့် (အမှန်တရား ပေါ်ပေါက်ရေးနှင့် ပြန်လည်ရင် ကြားစေ့ရေး လုပ်ငန်းစဉ်မှတဆင့် အပ်နှင်းပေးခြင်း ဖြစ် သည်)၊ ပင်စင်လစာများအတွက် အာမခံပေးခြင်း၊ ဗျူရိုကရက် ၀န်ထမ်းများအတွက် စေတနာ ဖောဖောသီသီဖြင့် လုပ်ငန်းနားခွင့် ပြုခြင်း လက်ရှိ ပုဂ္ဂလိက ပိုင်ဆိုင်မှုများကို လည်း လေး စားရန် အာမခံချက်ပေးခြင်း စသည်တို့ ပါဝင်ပြီး အသွင်ကူးပြောင်းရေးကို ချောမွေ့စေသည်။

၂၀၀၈ ခုနှစ် ဖွဲစည်းပုံ အခြေခံဥပဒေ တစုံလုံးကို ပြန်လည် ပြင်ဆင်ရေးရန်အတွက် မြန်မာနိုင်ငံ စစ်အစိုးရက သဘောတူညီလိမ့်မည် မဟုတ်ပေ။ သိုသော်လည်း အဓိကကျသည့် ပြဌာန်းချက် များကို ပြန် လည် ပြင်ဆင်ရေးသားခြင်း အားဖြင့် တောင်အာဖရိက ကြားဖြတ် ဖွဲ့စည်းပုံ အခြေခံဥပဒေ ကဲ့သိုပင် အလားတူ အကျိုးသက်ရောက်မှု ရစေမည် ဖြစ်သည်။ ဆိုလိုသည်မှာ “နေ၀င်ဇာတ်သိမ်း သဘောတူညီချက်” (sunset clauses) ဖြင့် အာဏာခွဲဝေကြရန် ဖြစ်သည်။

ဒီမိုကရေစီရေး မျှော်လင့်ချက်များကို စစ်တပ်က အကြိမ်ကြိမ် ချိုးဖျက်ချေနင်းခဲ့သည်ကို တွေမြင်ခဲ့ရသည့် အတွက်ကြောင့် အတိုက်အခံများ အနေဖြင့် စေ့စပ်ညှိနှိုင်းရန် အသင့်ရှိနေကြသည်။ ထိုသို့ လက်တွေ့ဝါဒီများထဲတွင် ၂၀၁၀ ခုနှစ် စစ်အစိုးရ သတ်မှတ်ချက်များအောက် ရွေးကောက်ပွဲတွင် ပါဝင်ယှဉ်ပြိင်ခဲ့ကြသည့် ပါတီငယ်များသာ မကဘဲ ဒေါ်အောင်ဆန်းစုကြည် ကိုယ်တိုင်နှင့် သူ့ပါတီလည်း အပါအ၀င် ဖြစ်သည်။ ဒီမိုကရေစီ လိုလားသည့် တိုင်းရင်းသားပါတီများ၊ ၁၉၈၈ ခုနှစ် သြဂုတ်လ ၈ ရက် အရေးတော်ပုံကြီးမှ ပေါ်ထွက်လာကြသည့် “၈၈” မျိုးဆက် ကျောင်းသားခေါင်းဆောင်များ လည်း စေ့စပ်ညှိနှိုင်းရန် အသင့်ရှိနေကြသည်။ ဖြေရှင်းရန် ပြဿနာ အများအပြား ရှိနေခြင်းကလည်း တိုင်းပြည်အတွက် အားကောင်းချက် ဖြစ်နေနိုင်သေးသည်။ ပြဿနာ အများအပြား ရှိနေသည့် အတွက်ကြောင့် အပေးအယူလုပ် စေ့စပ်ညှိနှိုင်းရမည့် နည်းလမ်းအမျာအပြားကို တွေ့လာရနိုင်သည်။

အလုပ်ဖြစ်နိုင်မည့် သဘောတူညီမှုကို ရှာဖွေကြရာတွင် အင်အားစု တခုချင်းစီက သူတို့အတွက် အဓိကကျသည့် အကျိုးစီးပွားကို ပထမဦးဆုံး ဖော်ထုတ်သတ်မှတ်ဖို့ လိုအပ်ပါသည်။ အထူးသဖြင့် သူတို့ကိုယ်ပိုင် စီမံပြဌာန်းပိုင်ခွင့်ကို လေးစားရန်၊ စစ်တပ် တပ်ဖွဲ့ဝင်များကို ပြစ်မှုစီရင်မှုများ မပြုလုပ်ရန်၊ ဓနဥစ္စာ ကြွယ်ဝမှုများကို မသိမ်းယူရန် အာမခံချက်များ စစ်တပ်အတွက် လိုအပ်နေပါ သည်။ မြန်မာ့ဒီမိုကရေစီ အင်အားစုများကလည်း နိုင်ငံအနေဖြင့် အချိန်ကာလ တစုံတရာ ကြာပြီးသည့်တိုင်၊ ကန့်သတ်မှုများ ရှိနေသည့်တိုင် စစ်မှန်သည့် ဒီမိုကရေစီ လမ်းကြောင်းအတိုင်း လျှောက်လှမ်းမည်၊ မလျှောက်လှမ်းမည်ကို သိလိုကြပါသည်။

အစိုးရနှင့် ဒီမိုကရေစီ အင်အားစုများအကြား သဘောတူညီချက်ကို စိတ်ကူးဖြင့် မှန်းဆကြည့်လည်း ရပါသည်။ ဥပမာအားဖြင့် စစ်တပ်က ခန့်အပ်ထားသည့် ကိုယ်စားလှယ်များကို သက်တမ်းတခု ပြီးသည့်နောက်တွင် အရေအတွက် လျှော့ချသွားရန်ဆိုသည့် ၂၀၀၄ ခုနှစ်က အင်ဒိုနီးရှားနိုင်ငံတွင် လုပ်ဆောင်ခဲ့ပုံမျိုး ဖြစ်နိုင်ပါသည်။ စစ်တပ်က ၀န်ကြီး ၃ ဦးကို အဆိုပြု ခန်အပ်ခွင့်ကိုလည်း အစိုးရ သက်တမ်းတခုပြီး နောက်တွင် အချိန်ယူပြီး ဖြည်းဖြည်းချင်း ရုပ်သိမ်းနိုင်ပါသည်။ ထို့အပြင် ဖွဲစည်းပုံ အခြေခံဥပဒေတွင် ပြဿနာရှိသည့် အစိတ်အပိုင်းများကို ၂၀၁၅ မတိုင်မီတွင် ပြင်ဆင်နိုင်ပါသည်။ အပြန်အလှန်အားဖြင့် စစ်တပ်နှင့် ခရိုနီများက အတိတ်ကာလက ကျူးလွန်ခဲ့သည့် ပြစ်မှုများအတွက် လွတ်ငြိမ်းချမ်းသာခွင့် ရကြမည်ဖြစ်ပြီး သူတို့၏ စည်းစိမ်ဥစ္စာများ (အကျင့်ပျက်ခြစားပြီး ရယူ ခဲ့ခြင်း ဖြစ်သော်လည်း) အတွက် လုံခြုံမှု ရရှိနိုင်ကြမည် ဖြစ်သည်။ သူတို့ အဖွဲ့အစည်းအတွက် ကိုယ်ပိုင်ပြဌာန်းခွင့်ကိုလည်း ထိန်းသိမ်းထားနိုင်ကြမည် ဖြစ်သည်။

အစိုးရအနေဖြင့် ရွေးကောက်ပွဲစနစ်ကို အချိုးကျ ကိုယ်စားပြု ရွေးကောက်ပွဲစနစ် (PR) သို့ ပြောင်းလဲရန် အများကြိုက်ညီ သဘောတူညီမှုလည်း ရရှိနိုင်ပါသည်။ ပထ၀ီဖွဲ့စည်းမှု အရ ထွေပြားပြီး ကျေးလက် ဆန်သည့် နိုင်ငံတခု ဖြစ်နေသေးသော်လည်း မဲဆန္ဒရှင်များနှင့် သူတို့ လွှတ်တော်အမတ်များကြား အပြန်အလှန် ဆက်ဆံမှုများကို ခိုင်မာအောင် ထိန်းထားရန် မြန်မာနိုင်ငံအတွက် အရေးကြီးပါသည်။ ထိုသို့ လုပ်ဆောင်ရွက်ရန် အကောင်းဆုံးနည်းမှာ ဂျာမနီနိုင်ငံရှိ နှစ်မဲပေးစနစ်ကို နိုင်ငံအတွက် ကိုက်ညီအောင် ပြောင်းလဲပြီးကျင့်သုံးဖို့ဖြစ်သည်။ ယင်းမှာ အပြည့်အ၀ ကိုယ်စားပြု အချိုးကျ ရွေးကောက်မှု စနစ် ဖြစ်သော်လည်း ရွေးကောက်ပုံမှာ ကိုယ်စားလှယ်နေရာ တ၀က်ကို မဲဆန္ဒနယ်တွင် မဲများသူ လူတဦးတည်း အနိုင်ယူစနစ်ဖြင့် ရွေးချယ်ပြီး ကျန်ကိုယ်စားလှယ် နေရာများကို ပါတီတခုချင်းစီက သူတို့ရသည့် မဲ အရေအတွက်အလိုက် ခွဲဝေယူကြသည်။ သို့အတွက်ကြောင့် ပါတီတခု၏ ကိုယ်စားလှယ် အရေအတွက်သည် ၎င်းရရှိသော မဲအရေအတွက်ကို လိုက်၍ အချိုးညီသွားမည် ဖြစ်သည်။ ပြောင်းလဲရန် မိမိက တင်ပြအဆိုပြုလိုသည့် အချက်မှာ အနိမ့်ဆုံး ရရှိရမည့် မဲအရေအတွက် သတ်မှတ်ချက်ကို ၅ ရာခိုင်နှုန်းထက် လျော့နည်းပြီး သတ်မှတ်ဖို့ဖြစ်သည်။ မြန်မာနိုင်ငံတွင် ပိုသေးငယ်သည့် တိုင်းရင်းသား အုပ်စုများ ရှိပြီး၊ မဲအချိုးကို မြင့်မြင့်မားမား ထားရှိလိုက်ပါက ဥပဒေပြုရေး လွှတ်တော်တွင် ယင်းတိုင်းရင်းသား ပါတီငယ်များနှင့် တည်ထောင်ပြီးခါစ ပါတီငယ်များ ကျန်ရစ်ခဲ့မည် ဖြစ်ပါသည်။

အကယ်၍ ဤသို့ စိတ်ကူးမှန်းဆချက်အတိုင်း ဖြစ်လာပါက အခက်ခဲဆုံး ပြဿနာတခုမှာ စစ်တပ်က ယင်း အင်စတီကျူးရှင်း၏ ကိုယ်ပိုင်ပြဌာန်း ဆုံးဖြတ်ခွင့်နှင့် နိုင်ငံ၏ နိုင်ငံရေး အခန်းကဏ္ဍတွင် ဦးဆောင်မှုနေရာမှ ဆက်လက် ပါဝင်ခွင့်ကို တောင်းဆိုလာမည့် ကိစ္စပင် ဖြစ်ပါသည်။ ဒီမိုကရေစီ၏ စံ တန်ဖိုး ရှုထောင့်မှ ကြည့်မည်ဆိုလျှင် မြန်မာနိုင်ငံရှိ ဒီမိုကရေစီ အင်အားစုများက အရပ်သားထိန်းချုပ်မှု လက်အောက်တွင် စစ်တပ် ရှိစေရေးအတွက် ဖွဲ့စည်းပုံပြင်ရေး တောင်းဆိုလာမည်မှာ တရားမျှတသည့်ကိစ္စ ဖြစ်ပါသည်။ သို့သော်လည်း အာဏာချိန်ခွင်လျှာ အနေအထားကို ထောက်ထား၍ စစ်တပ်က ၎င်းရနေသည့် အထူးအခွင့်အရေးများကို ချက်ချင်း အခြေခံဆန်ဆန် ဖွဲ့စည်းပြောင်းလဲပစ်ဖို့ သဘောတူညီရန် ခက်ခဲနိုင်ပါသည်။ အရေးကြီးပြီး ချက်ချင်းလုပ်ဆောင်ရန် လိုအပ်သည့်ကိစ္စမှာ စစ်တပ်ကို နိုင်ငံရေးနှင့် အစိုးရအတွင်းမှ ထွက်ခွာ သွားစေရန် ဖြစ်ပြီး ၎င်း၏ ရည်ရွယ်ချက် မစ်ရှင်ကို ပြန်လည် ချုံ့စေရမည် ဖြစ်ပါသည်။ “ကျွမ်းကျင်မှု အရည်အသွေးအပေါ် အခြေခံသော တပ်မတော်၊ နိုင်ငံ၏ ဖွဲ့စည်းပုံအခြေခံ ဥပဒေနှင့် နယ်မြေကို ကာကွယ်သော တပ်မတော် ဆိုသော ပိုမိုကျဉ်းမြောင်းသည့် အကန့်အသတ်” များအထိ ရောက်အောင် မူလတာဝန်ကို ထားသင့်ပါသည်။ တပ်မတော်နှင့် ပက်သက်ပြီး ဒု ဗိုလ်ချုပ်မှူးကြီး မင်းအောင်လှိုင်က ဤသို့ ရည်ရွယ်ချက်ထားပုံကို မာရီ ကလဟန်ကလည်း သူ၏ စာတမ်းတွင် ဖော်ပြထားပါသည်။ စစ်အုပ်ချုပ်ရေးဖြင့် ရာစုနှစ် တ၀က်ကျော် အသားကျနေခဲ့သည့် နိုင်ငံတခုအဖို့ ထိုသို့ ဒီမိုကရေစီ ပြန်လည် ထူထောင်ရသည်မှာ ရှေ့သို့ ကြီးစွာသောအဆင့်ကို တက်လှမ်းရခြင်းပင် ဖြစ်သည်။ အမှန်တကယ် အကျိုးသက်ရောက်မှု ရှိစေရန်လည်း အချိန်ယူရပါလိမ့်မည်။

ဒီမိုကရေစီသို့ အသွင်မကူးပြောင်းမီ ဆယ်စုနှစ် နှစ်ခုကြာမျှ စစ်အာဏာရှင် အုပ်ချုပ်ရေးအောက် ကြာမြင့်ခဲ့သော ဘရာဇီးနိုင်ငံတွင် ၁၉၈၅ ခုနှစ်မှသာ ဒီမိုကရေစီ အသွင်ကူးပြောင်းရေး အဆုံး သတ် အောင်မြင်နိုင် ခဲ့ပါသည်။ တိုင်းပြည်နိုင်ငံရေးတွင် စစ်တပ်အတွက် တရားဝင် အခန်းကဏ္ဍရှိသည်ဟု ခံယူချက်ဖြင့် ဘရာဇီး စစ်တပ်က သမ္မတ နိုင်ငံတော်သစ်တွင် ပါဝင်လာခဲ့သည်။ ယင်းသို့ ပါဝင်လာသောကြောင့် နိုင်ငံရေး ပဋိပက္ခများကို ဖြေရှင်းရာတွင်လည်း စစ်တပ်က ကာလကြာရှည်စွာ နက်နက်ရှိုင်းရှိုင်း ပါဝင်ပက်သက်နေခဲ့သည်ဟု အဲဖရက် စတီဖင်က ဆိုသည်။ သူ၏ ကျွမ်းကျင်ရာ ပညာရပ် နယ်ပယ်ဖြစ်သည့် ဖြစ်သည့် အရပ်ဖက်-စစ်ဖက် ဆက်ဆံရေး ပညာရပ်တွင် အဲဖရက် စတီဖင် ဖော်ပြသည့်အတိုင်း ဤသို့ စစ်တပ်က ပါဝင်ဆောင်ရွက်ရမည်ဟု နက်နက်ရှိုင်းရှိုင်း ယုံကြည်ခံယူထားသည့် သူတို့ အခန်းကဏ္ဍ နှင့် အာဏာချိန်ခွင်လျှာ ဆက်ဆံရေးက နေ့တွင်းညတွင်းချင်း ပြောင်းလဲလိမ့်မည် မဟုတ်ပေ။

အရပ်သားများက စစ်ဖက်ရေးရာနှင့် ပတ်သက်သည့် အမျိုးသားလုံခြုံရေးနှင့် ပတ်သက်သည့် ဗဟုသုတများကို ရရှိရန်လိုအပ်ပြီး သြဇာလွှမ်းမိုး နိုင်ရန်လည်း ကြိုးပမ်းကြရမည် ဖြစ်သည်။ “နိုင်ငံတော်၏ ဒီမိုကရက် ခေါင်းဆောင်မှုသည် သေချာ ပြင်ဆင် စဉ်းစားထားသည့် နိုင်ငံရေးအရ ဦးဆောင်မှု မဟာဗျူဟာဖြင့် စစ်တပ်ကို တည်ထောင် အကောင်အထည် ဖော်စေရမည်” ဟု ဆိုသည်။ မျိုးဆက်သစ် စစ်ခေါင်းဆောင်များ အနေဖြင့်လည်း အကန့်အသတ်ရှိသည့် စစ်တပ်၏ အခန်းကဏ္ဍသစ် အောက်တွင်သာ တပ်မတော်၏ အကျိုးစီးပွားကို အကောင်းဆုံး ဖော်ဆောင်နိုင်မည်ဟု လက်ခံလာရမည်။ ဤနည်းဖြင့် သူတို့ စစ်တပ်တွင်း အထက်-အောက် ဆက်ဆံရေးနှင့် စည်းမျဉ်းများကို တည်ဆောက်စေရမည်။ သူတို့ အရည်အသွေးများကို ခေတ်မီ အောင် ပြုပြင်စေရမည်။ လုပ်ငန်းကျွမ်းကျင်မှု (professionalism) ကို မြှင့်တင်ပေးရလိမ့်မည် ဖြစ်သည်။

တိုင်းရင်းသား ပဋိပက္ခကို ကိုင်တွယ်ဖြေရှင်းခြင်း

၁၉၇၄ ခုနှစ်တွင် စတင်ခဲ့သော ဒီမိုကရေစီ တတိယလှိုင်း ပြီးနောက် အသွင်ကူးပြောင်းရေးကို ကြိုးပမ်း လုပ်ဆောင်နေကြသော နိုင်ငံများတွင် မြန်မာနိုင်ငံသည် အမျိုးသားကြန်အင် လက္ခဏာအရ အများဆုံး ကွဲပြားနေမှုရှိသည့် နိုင်ငံတခု ဖြစ်သည်။ မြန်မာနိုင်ငံ၏ လူဦးရေ ၅၄ သန်း၏ ၃ ပုံ ၁ ပုံခန့်မှာ ဗမာမဟုတ်သည့် လူမျိုးများ ဖြစ်ကြပြီး ဘာသာစကား အရသော်လည်းကောင်း ကြန်အင်လက္ခဏာ အရသော် လည်းကောင်း တူညီမှု မရှိကြပါ။ လူနည်းစု လူမျိုးပေါင်း ၁၀၀ ကျော် ရှိနေပြီး၊ ရှမ်း၊ ကရင်၊ ကရင်နီ (ကယား)၊ ချင်း၊ ကချင်၊ မွန်၊ ရခိုင် စသည့် လူမျိုးများသည် နိုင်ငံ နယ်စပ်ဒေသများ တွင် နေထိုင်နေကြသည်။ ဤဒေသများသည် ကျွန်းသစ်နှင့် ကျောက်မျက်စသည့် သဘာဝ သယံဇာတများ ပေါများသည့် ဒေသများလည်း ဖြစ်ကြသည်။

၁၉၄၈ ခုနှစ် လွတ်လပ်ရေး ရပြီးချိန်မှစ၍ တိုင်းရင်းသားများသည် ဗဟိုအစိုးရနှင့် ဖြစ်ပွားသော အကြမ်းဖက် ပဋိပက္ခများဖြင့် ရင်ဆိုင်လာခဲ့ကြရသည်။ ဆယ်စုနှစ်များစွာကြာ သည့် ပြတ်တောင်း ပြတ်တောင်း ပြည်တွင်း စစ် အတိုင်းအတာအထိ ဖြစ်ပေါ်ခဲ့ရသည်။ အချို့သော နေရာများတွင် ယခုတိုင် တိုက်ပွဲများ ဖြစ်ပေါ်နေဆဲ ရှိသည်။ သူပုန်ထမှုများကို ချေမှုန်းနိုင်ရန်နှင့် တိုင်းရင်းသား ဒေသများတွင် ရှိနေသည့် သယံဇာတ အရင်းအမြစ်များကို ထိန်းချုပ်နိုင်ရန် စစ်တပ်က ဆယ်စုနှစ်များစွာကြာ ကြိုးပမ်းခဲ့ကြသည်။

၂၀၀၈ ခုနှစ် ဖွဲ့စည်းပုံ အခြေခံဥပဒေတွင် လုပ်ပိုင်ခွင့်အာဏာများကို အောက်ခြေသို့ ခွဲဝေဖြန့်ဖြူးပေးရန် အရိပ်အယောင် ပြထားသော်လည်း တပြည်ထောင်စနစ်အဖြစ် ပိုမိုပီသနေပါသည်။ မြန်မာနိုင်ငံ လူနည်းစု တိုင်းရင်းသားများက ဖက်ဒရယ်စနစ်ကို လိုလားနေကြပါသည်။ အလွန်အမင်း ဗဟိုချုပ်ကိုင်မှု ကဲလွန်းသည့် အစိုးရစနစ်ကို ပြုပြင်ပြောင်းလဲမှသာလျှင် ရေရှည်တည်တံ့မည့် ငြိမ်းချမ်းရေးနှင့် အစစ်အမှန် ညီညွတ်မှုကို မျှော်လင့် နိုင်ပေလိမ့်မည်။ မြန်မာနိုင်ငံအနေဖြင့် ဒေါ်အောင်ဆန်းစုကြည် ၂၀၁၀ ခုနှစ်ကာလက တောင်းဆိုခဲ့သလို ဒုတိယ ပင်လုံ သဘောတူညီချက်မျိုး လိုအပ်ပါလိမ့်မည်။ ၁၉၄၇ ခုနှစ် က ခေတ်သစ်မြန်မာနိုင်ငံ ဗိသုကာ သူ့ ဖခင် ဗိုလ်ချုပ် အောင်ဆန်းက ရှမ်း၊ ချင်း၊ ကချင် လူနည်းစု တိုင်းရင်းသားများနှင့် ချုပ်ဆိုသဘောတူညီခဲ့သည့် စာချုပ်မျိုး ဖြစ်သည်။

ပင်လုံ စာချုပ်အရ ပြည်ထောင်စု မြန်မာနိုင်ငံ ထူထောင်ရန် အခြေခံ သဘောတူညီခဲ့ကြပြီး တောင်တန်းဒေသနေ လူနည်းစု တိုင်းရင်းသားများ အနေဖြင့် ယင်းတို့ဒေသအတွင်း အုပ်ချုပ်စီမံရေး ကိစ္စများတွင် ကိုယ်ပိုင်ပြဌာန်းခွင့် အပြည့်အ၀ ရရှိကြရန် အာမခံထားသည်။။ လွတ်လပ်ရေးရပြီး ဆယ်နှစ်အကြာတွင် ခွဲထွက်လိုပါက ခွဲထွက်ခွင့်ပါ ပေးထားသေးသည်။ သို့သော်လည်း ပင်လုံစာချုပ်တွင် ဤအုပ်စုများ၏ ကိုယ်ပိုင်ပြဌာန်းခွင့် အာဏာများနှင့် အခွင့်အရေးများကို တိကျစွာ ဖော်ပြထားခြင်း မရှိပါ။ ထို့အပြင် ၁၉၅၀ ခုနှစ် နှောင်းပိုင်းကာလများတွင် ထကြွလာခဲ့သည့် ခွဲထွက်ရေး ၀ါဒကြောင့်လည်း စစ်တပ် အာဏာသိမ်းမှု ဖြစ်ပေါ်လာစေခြင်း ဖြစ်သည်။ ပြည်ထောင်စု၏ သဘောသဘာဝနှင့် ပတ်သက်ပြီး အမြဲတစေ တည်ရှိနေခဲ့သည့် ဖွဲ့စည်းပုံဆိုင်ရာ ပြဿနာကို မဖြေရှင်းဘဲနှင့် မြန်မာနိုင်ငံ အသွင် ကူးပြောင်းရေး မည်သို့ အောင်မြင်နိုင်မည် ဆိုသည်မှာလည်း ခန့်မှန်းတွက်ဆဖို့ ခက်လှသည်။

ဂျူအန် ဂျေ လင့်ဇ် (Juan J. Linz) နှင့် အဲဖရက် စတီဖင် (Alfred Stepan) တို့ ရေးခဲ့သည့်အတိုင်း ဒီမိုကရေစီ အသွင်ကူးပြောင်းမှုတခုတွင် ပေါက်ကွဲလွယ်သည့် မေးခွန်း ၂ ခုမှာ မရှောင်မလွှဲသာ ရှိနေ တတ်သည်။ မည်သူများက နိုင်ငံသားများ ဖြစ်ကြသနည်း၊ နိုင်ငံသားများအဖြစ် သတ်မှတ်ရန် ဥပဒေကို မည်သို့ အဓိပ္ပာယ်ဖွင့်ဆိုကြသနည်း ဟူ၍ ဖြစ်သည်။ ဒီမိုကရေစီတွင် ဒီမို (ပြည်သူ) ဆိုသောစကားကို အဓိပ္ပာယ်ဖွင့်ရန် လိုအပ်ပါသည်။ လူမျိုးစုံ နေထိုင်ကြသည့် မြန်မာနိုင်ငံကဲ့သို့သော နိုင်ငံတခုအနေဖြင့် အမျိုးသားနိုင်ငံတော်တခု (Nation-State) အဖြစ် ဒီမိုကရေစီကျစွာ အလျှင်အမြန်နှင့် ငြိမ်းချမ်း စွာ ရောက်ရှိလာရန် မဖြစ်နိုင်ပါ။ ယင်းအစား အိန္ဒိယနိုင်ငံ ကဲ့သို့ပင် ပြည်နယ်များ စုပေါင်းထားသည့် နိုင်ငံတော်တခု (State-Nation) အဖြစ်က ပိုအလားအလာ ကောင်းမွန်ဖွယ် ရှိပါသည်။ ဆိုလိုသည်မှာ တိုင်းရင်းသားလူမျိုးစု အများဖြင့် ဖွဲ့စည်းထားသည့် နိုင်ငံတော်ဖြစ်သော်လည်း ခိုင်မာ အားကောင်းသည့် ကြန်အင် ၀ိသေသလက္ခဏာ နှင့် သစ္စာရှိမှုကို နိုင်ငံသားပြည်သူများထံမှ ဗဟိုအစိုးရက ရယူနိုင်ပါသေးသည်။

ထိုသို့သော ပြည်နယ်များ စုပေါင်းထားသည့် နိုင်ငံတော်တခု (State-Nation) တွင် တခုတည်းသော ဘာသာစကားနှင့် ယဉ်ကျေးမှု အမှတ်လက္ခဏာများကို နိုင်ငံသားအားလုံး အပေါ်နှင့် နယ်မြေဒေသ အားလုံးတို့တွင် ချမှတ်ပေး၍ မရသည်ကို ဗဟိုအစိုးရနှင့် ဒေသဆိုင်ရာ လူများစု တိုင်းရင်းသားတို့က အသိအမှတ်ပြု လက်ခံထားကြသည်။ ယင်းအစား သူတို့က ပြည်နယ်တခုနှင့်တခု လုပ်ပိုင်ခွင့်မတူသည့် ဖက်ဒရယ် ပြည်ထောင်စုစနစ်၊ တိုင်းရင်းသားလူမျိုး အများအပြား နေထိုင်ကြသည့် ဒေသများကို လုပ်ပိုင်ခွင့်အာဏာများ အတော်အတန်ပေးသည့် စနစ်တုိ့မှတဆင့် အမျိုးသား စရိုက်လက္ခဏာများ ကို ပြန့်ပွားစေရန် လုပ်ဆောင်ကြပါသည်။ ထို အမျိုးသား စရိုက်လက္ခဏာများသည် အမျိုးအစား ကွဲပြားကြသော်လည်း အပြန်အလှန် ဖြည့်ဆည်းမှုရှိကြပါသည်။ ဤစနစ်အရ အုပ်စုတိုင်းတွင် သူတို့ ကိုယ်ပိုင် ဘာသာစကားနှင့် ယဉ်ကျေးမှုအတွက် အခွင့်အရေးရှိသည်ဟု ခံယူထားပြီး တချိန်တည်းမှာပင် ပြည်နယ်များ စုပေါင်းထားသည့် နိုင်ငံတော်တခု (State-Nation) အတွင်း နေထိုင်မည်ဟု ကတိက၀တ်ကို ရယူထားကြပါသည်။ (ဤနေရာတွင် အလေးပေး ဖော်ပြရန် အချက်မှာ မြန်မာနိုင်ငံတွင် အိန္ဒိယနိုင်ငံကဲ့သို့ပင် အခြားသော တိုင်းရင်းသား လူနည်းစုများလည်း ပြည်နယ်များအတွင်း နေထိုင်နေကြသည်ကို သတိပြရန် လိုအပ်ပါသည်။ ပြည်နယ်များတွင် တိုင်းရင်းသားတအုပ်စုက လူများစု လွှမ်းမိုးနေမှုများ ရှိသည်၊ [ဥပမာ - ရှမ်းပြည်နယ်တွင် နေထိုင်ကြသူ သုံးပုံတပုံခန့် သို့မဟုတ် ထိုထက် ပိုသူများမှာ ရှမ်းလူမျိုးများ မဟုတ်ကြပါ၊] ထို့အတွက်ကြောင့် အသစ်ဖွဲ့စည်းမည့် နိုင်ငံတော်သစ်တွင် လူတိုင်းအတွက် အခွင့်အရေး [ဒေသခံ လူများစု အခွင့်အရေးကို ပြောရုံမျှဖြင့် မလုံလောက်ပါ] ကို သေချာ ပေးနိုင်အောင် ဆောင်ရွက်သင့်ပါသည်။)

အလုပ်ဖြစ်နိုင်သည့် ဒီမိုကရေစီကို ကျင့်သုံးဖို့ဆိုလျှင် မြန်မာနိုင်ငံအနေဖြင့် ပုံစံ တစုံတရာ သို့မဟုတ် အတိုင်းအတာ တစုံတရာအထိ အိန္ဒိယနှင့် များစွာ ဆင်တူလှသည့် ပြည်နယ်ပေါင်းစု နိုင်ငံတော်တခု (State-Nation) ပုံစံကို အသုံးပြုရန် လိုအပ်ပါသည်။ အိန္ဒိယ စနစ်တွင် ပြည်နယ်တခုနှင့်တခု လုပ်ပိုင်ခွင့် ရပိုင်ခွင့် မတူကြသော်လည်း ယဉ်ကျေးမှုအတွက် ကိုယ်ပိုင်ပြဌာန်းခွင့်များကို အများအပြား ပေး အပ်ထားပါ သည်။ အာဏာကို အောက်ခြေသို့ ခွဲဝေဖြန့်ဖြူးပေးရန် လက်ရှိ ဖွဲ့စည်းပုံ အခြေအနေတွင်သေချာပြဌာန်းနိုင်ဖို့ အတော်ပင် လိုအပ်နေပါသေးသည်။

ပြည်နယ်များနှင့် တိုင်းဒေသကြီးများ အတွက် အရေးကြီးသည့် အာဏာနှင့် လုပ်ပိုင်ခွင့်များကို ဥပဒေပြုလွှတ်တော်က ပေးအပ်နိုင်သော်လည်း ဖွဲ့စည်းပုံ အခြေခံဥပဒေအရ ပြည်နယ်နှင့် တိုင်းဒေသကြီး ၀န်ကြီးချုပ်များကို ခန့်အပ်ခွင့် အာဏာကို သမ္မတက ရယူထားပြန်သည်။ (သမ္မတ အဆိုပြုလာသူကို တိုင်းဒေသကြီး၊ ပြည်နယ် လွှတ်တော်များက ဥပဒေအရ ငြင်းပယ်နိုင်ပါသည်။ သို့သော်လည်း ထိုသို့ပြုရန် အင်မတန် ခဲယဉ်းပါသည်။) ဒီမိုကရေစီ တည်ငြိမ်မှုကို အာမခံနိုင်စေရန် ဒေသဖွံ့ဖြိုးရေး လုပ်ငန်းများ၊ အရင်းအမြစ်၊ သယံဇာတ၊ ယဉ်ကျေးမှု စသည့် ကိစ္စများတွင် တစုံတရာသော အဓိပ္ပာယ် ပြည့်ပြည့်၀၀ လုပ်ပိုင်ခွင့် ရှိသည့် ရွေးချယ်တင် မြှောက်ခံရသည့် အစိုးရများရှိဖို့ လိုပါသည်။ ထိုသို့ ပြန်လည်ဖွဲ့စည်းမည့် နိုင်ငံတွင် အမြဲတမ်းနေထိုင်ပြီး ခွဲထွက်ရေး တောင်းဆိုခွင့်ကို ထာဝရ စွန့်လွှတ်ပါမည်ဟု တိုင်းရင်းသား လူနည်းစုများကလည်း အပြည့်အ၀ ကတိပြုရမည် ဖြစ်ပါသည်။

အလုပ်ဖြစ်နိုင်သည့် ဒီမိုကရေစီစနစ်တရပ် ၂၀၁၅ ရွေးကောက်ပွဲမှ ပေါ်ထွက်လာစေဖို့ ဆိုလျှင်၊ ၁၉၉၀ ရွေး ကောက်ပွဲပြီး နောက်ပိုင်း နောက်တကျော့ ဘေးဒုက္ခဆိုးမျိုး၊ လူအများက အပြင်းအထန် မကျေမနပ် ဖြစ်နေကြသည့် မတည်မငြိမ်လှသည့် အာဏာရှင်တပိုင်း အစိုးရမျိုး မဖြစ်စေရန်ဆိုလျှင် လာမည့် ၂ နှစ်တာ ကာလအတွင်းတွင် မြန်မာနိုင်ငံ အနေဖြင့် လုပ်ဆောင်ရန် နိုင်ငံရေးကိစ္စများစွာ ရှိနေပါသည်။ သတင်းကောင်းမှာ တနိုင်ငံလုံး အတိုင်းအတာ ကျင်းပမည့် ရွေးကောက်ပွဲများ ၃ နှစ်မျှ လိုသေးခြင်း ဖြစ်ပါသည်။

စိုးရိမ်ပူပန်ဖွယ် သတင်းမှာ အသွင်ကူးပြောင်းရေးကာလ အခက်ခဲဆုံး နိုင်ငံရေးလုပ်ငန်းများ (ဆွေးနွေးညှိနှိုင်းမှုများနှင့် နိုင်ငံရေးအရ သဘောတူညီမှုများ) စတင် မလုပ်ဆောင်ရသေးခြင်း ဖြစ်ပါသည်။ ထိုသို့ ဆွေးနွေးပွဲ များ သို့မဟုတ် ဆွေးနွေးပွဲဝင်ရန် မဟာဗျူဟာနှင့် ဖြစ်မြောက်အောင် ဖိအားပေးရန် မဟာဗျူဟာများ အရေးတကြီး လိုအပ်ကြောင်း ဒီမိုကရက်တစ် အတိုက်အခံများ ရှင်းရှင်းလင်းလင်း မသိကြပါ။ စစ်အစိုးရနှင့် ဒီမိုကရေစီ အင်အားစုများအကြား စစ်တပ်နှင့် အရပ်သားတို့အကြား အဓိက အတိုက်အခံအင်အားစု (အမျိုးသားဒီမိုကရေစီ အဖွဲ့ချုပ်) နှင့် ပိုအားငယ်သည့် အင်အားစုများအကြား လူများစုဗမာနှင့် အထွေထွေသော တိုင်းရင်းသား လူနည်းစုတို့အကြား ရှုပ်ထွေး ခက်ခဲလှသည့် အချင်းချင်း အပြန်အလှန် ချိတ်ဆက်နေသည့် အပေးအယူပြုမှုများ၊ သဘောတူညီမှုများအတွက် အလေးအနက် ဆွေးနွေး ညှိနှိုင်းမှုများ လိုအပ်နေပါသည်။ ကံကောင်းထောက်မသည်မှာ သမ္မတ ဦးသိန်းစိန်နှင့် ဒေါ်အောင်ဆန်းစုကြည် တို့အကြား အပြန်အလှန် ယုံကြည်လေးစားမှုနှင့် ရင်းနှီးသည့် ဆက်ဆံရေး ရှိနေခြင်း ဖြစ်ပါသည်။ သို့သော် ကိစ္စတခုကို အလေးအနက် ဆွေးနွေးပြောဆိုခြင်းက နှစ်ဖက်သာမန် တွေ့ဆုံစကားပြောခြင်းထက် ပိုအရေးကြီးပါသည်။ လူအများက လေးစားကြသည့် သူရဲကောင်းသဖွယ် ဖြစ် သည့် ဒေါ်အောင်ဆန်း စုကြည် သည်ပင် မတူကွဲပြားလှသည့် နိုင်ငံရေးအင်အားစုများ လူမှုအသိုက်အ၀န်းများကို တဦးတည်း ကိုယ်စားပြု ဆွေးနွေးရန် မဖြစ်နိုင်ပါ။

၂၀၁၅ ခုနှစ်တွင် မြန်မာနိုင်ငံတွင် ဒီမိုကရေစီ ဖြစ်ထွန်းလာမည်လား၊ သို့မဟုတ် ဒီမိုကရေစီ လမ်းကြောင်းပေါ် ကိုယ့်ဖာသာကိုယ် တင်ထားနိုင်မည်လား၊ သို့မဟုတ် မည်သို့သော ဒီမိုကရေစီလမ်းကြောင်း ဆိုသည်ကို အားလုံး သဘောတူညီ နိုင်ကြမည်လား ဆိုသည်တို့မှာ လာမည့် ၂ နှစ်တွင် နိုင်ငံရေးအခြေအနေ မည်သို့ ဖြစ်ပေါ်လာသည် ဆိုသည့်အပေါ် အကြီးအကျယ် မှီတည်နေပါသည်။ အပေးအယူ ညှိနှိုင်းမှု ပြုနိုင်သည့် အပြန်အလှန် လုံခြုံမှုပေးနိုင်သည့် စနစ်တရပ်ကို တည်ဆောက်ရန် မြန်မာ့ ဒီမိုကရေစီ အင်အားစုတို့က ယခုအချိန်ကို အသုံးချရပါမည်။ သို့မှသာ ဒီမိုကရေစီ ပြုပြင်ပြောင်းလဲရေး ကို ရှေ့ဆက်နိုင်ကြမည်လည်း ဖြစ်သည်။ နိုင်ငံရေးအနေဖြင့် တဦးအနိုင်ရ တဦးရှုံးဆိုသည့် ရလဒ်သုည (zero-sum) ကစားပွဲမှသည် အပေါင်းသဘော ရလဒ် (positive-sum) ကစားပွဲသို့ ရွှေ့ပြောင်း တိုးတက်ရန်လည်း လိုအပ်သည်။ အနာဂတ် ဒီမိုကရေစီနိုင်ငံတွင် သူတို့အတွက် အကျိုးကျေးဇူးများ ရှိနေသည်ကို အစိုးရနှင့် အတိုက်အခံ အင်အားစုများ အတွင်းရှိ အဓိက အင်အားစုများက မြင်ကြဖို့လည်း လိုအပ်နေပါသည်။

အတိုက်အခံ အင်အားစုများက ဆွေးနွေးပွဲစကားဝိုင်းတွင် အစိုးရနှင့် ထိရောက်စွာ မတွေ့ဆုံ မဆွေးနွေးမီတွင် ယင်းတို့အချင်းချင်း ထိတွေ့ဆွေးနွေးကြရန်လည်း လိုအပ်နေပါသည်။ သူတို့အနေဖြင့် ပိုစုစည်းညီညွတ်သည့်၊ နိုင်ငံရေးအရ ပိုလက်ရည်တူ ဖြစ်သည့်၊ နည်းပရိယာယ်ပိုင်းအရ ပိုပူးပေါင်းဆောင်ရွက်မည့် တပ်ဦး (တပ်ပေါင်းစု) တခုကို တည်ထောင်ကြရန် လိုအပ်ပြီး အစိုးရနှင့် တွေ့ဆုံကြ ရမည် ဖြစ်သည်။ အနာဂတ်ဒီမိုကရေစီ နိုင်ငံတည်ဆောက်ရေးဆိုသည့် ဘုံသဘောတူညီချက်အရ မိမိတုိ့ လူ့အဖွဲ့အစည်းကို စည်းရုံးလှုံ့ဆော်နေသည့် ကာလအတွင်းမှာပင် အဆိုပါ တပ်ပေါင်းစုကို တည်ဆောက်ရမည် ဖြစ်သည်။

သေချာသည်မှာ ဆွေးနွေးညှိနှိုင်းပွဲများတွင် ဒီမိုကရေစီ အင်အားစုများကို ဒေါ်အောင်ဆန်းစုကြည်က ဦးဆောင်ရမည် ဆိုသည်မှာ ရှင်းပါသည်။ သို့သော်လည်း သူက သူ့ပါတီကို ပြန်လည် ထူထောင်နိုင်နေ ချိန်တွင်၊ ခေတ်မီအောင် လုပ်နေချိန်တွင် တခြားသော နိုင်ငံရေးပါတီများ တိုင်းရင်းသားလူမျိုးများ လူငယ်များကို ဆွဲဆောင်စည်းရုံးပြီး အားလုံးပါဝင်သည့် ညွန့်ပေါင်းတခုကို တည်ဆောက်ရပါမည်။ အချို့ အကဲဆတ်လွန်းသော ဆွေးနွေး အပေးအယူ လုပ်မှုမျိုးကို ညင်သာစွာ ဆောင်ရွက်ရမည် ဖြစ်သလို ဖြစ်နိုင်လျှင် အချို့ကိစ္စများကို ပုဂ္ဂိုလ်ရေးအရ လျှို့ဝှက် ဆောင်ရွက်ကြရမည်လည်း ဖြစ်သည်။ သို့မှသာ ယုံကြည်မှုတည် ဆောက်နိုင်ကြလိမ့်မည် ဖြစ်သည်။ ထို့အပြင် ပိုစနစ်ကျ ဖွဲ့စည်းမှုရှိသည့်၊ ပိုကျယ်ပြန့်သည့် ဆွေးနွေးညှိနှိုင်းမှု အခြေခံ မူဘောင်များ ပေါ်ထွက်လာစေရန်လည်း ကြိုးပမ်းရပါမည်။

တိုင်းပြည်တွင် တွေ့ကြုံလာရနိုင်သော စိန်ခေါ်မှုမှာ ထိတ်လန့် တုန်လှုပ်ဖွယ် ဖြစ်ပါသည်။ သို့သော်လည်း ယနေ့ မြန်မာနိုင်ငံတွင် နုပျိုလတ်ဆတ်သော မျှော်လင့်များနှင့် ပြည့်လွှမ်းနေသော စိတ်ဓာတ်များ လည်း ပေါ်ပေါက်နေကြပါသည်။ ရင်နာစရာကောင်းသည့် တိုင်းပြည်ချွတ်ခြုံကျ ပျက်စီးမှု နောက်တကြိမ်ဖြစ်ပြီးမှ ရလာမည့် နိုင်ငံရေး ပြုပြင်ပြောင်းလဲမှုမျိုးကို စစ်အစိုးရဖက်ကရော အတိုက်အခံဖက်ကပါ မမြင်လိုကြပါ။ ထိုသို့ဖြစ်လာလျှင် တိုင်းပြည်တွင် မည်သို့ ဆုံးရှုံးသွားမည်ဆိုသည်ကို ၁၉၉၀ ခုနှစ်တွင် နှစ်ဖက်ခေါင်းဆောင်များ နည်းလည် သဘောပေါက်ခဲ့သည်ထက် ယခုအချိန်တွင် ပိုမိုအလေးအနက် သဘောပေါက်နေကြပြီ ဖြစ်ပါသည်။ လွန်ခဲ့သည့် အနှစ် ၂၀ က တောင်အာဖရိက နိုင်ငံတွင် ကြိုးစား လုပ်ဆောင်ခဲ့ကြသော အသွင်ကူးပြောင်းမှု အပါအ၀င် အခြားသောအသွင် ကူးပြောင်းမှုများ ကို ပြန် လှည့်ကြည့်ပါလျှင်လည်း ထိုသို့ ထိတ်လန့် တုန်လှုပ်စရာကောင်းသော ကျော်လွှားဖို့ မဖြစ်နိုင်လောက်သော အခက်အခဲ အကျပ်အတည်းများကို မြင်ရနိုင်ပါသည်။ ဒီမိုကရေစီ အသွင် ကူးပြောင်းရေး အောင်မြင်မှုနှင့် ကျရှုံးမှုအပေါ် ဝေဖန်သုံးသပ်ကြသူများ က အောက်ခြေတွင် ဖုံးကွယ်နေသော အခြေအနေများ၏ အရေးကြီးပုံကို မှန်ကန်စွာ ထောက်ပြခဲ့ကြပါသည်။ သို့သော်လည်း ထိုသို့သော အကန့်အသတ် များ ကြားမှပင် ပြည်သူများက သူတို့သမိုင်းကိုသူတို့ ဖန်တီးခဲ့ကြပါသည်။ ထိုသို့သော ကြီးကြယ်ခမ်းနားသည့် ဇာတ်လမ်းမျိုးကိုလည်း မြန်မာအစိုးရနှင့် အတိုက်အခံခေါင်း ဆောင်တို့ ကပြ အသုံးတော်ခံရတော့မည် ဖြစ်ပါသည်။ အောင်မြင်မည် ရှုံးနိမ့်မည်ဆိုသည်မှာ သူတို့အပေါ်တွင်သာ မူတည်နေပါတော့သည်။
နိုင်ငံရေးအရ သဘောတူညီချက်တရပ် လိုအပ်ခြင်း (၁) ဖတ်ရှုရန်

ကိုးကား
Alfred Stepan, Rethinking Military Politics: Brazil and the Southern Cone (Princeton: Princeton University Press, 1988), 131.

Alfred Stepan, Rethinking Military Politics, 142.

Michael Lwin, “Ending Myanmar’s Civil War,” Al Jazeera, 13 February 2012, available at www.aljazeera.com/indepth/opinion/2012/02/20122494825985895.html.

Juan J. Linz and Alfred Stepan, Problems of Democratic Transition and Consolidation: Southern Europe, South America, and Post-Communist Europe (Baltimore: Johns Hopkins University Press, 1996), 28.

Linz and Stepan, Problems of Democratic Transition, 34.

Alfred Stepan, Juan J. Linz, and Yogendra Yadav, “The Rise of ‘State-Nations,’” Journal of Democracy 21 (July 2010): 50–68; and Stepan, Linz, and Yadav, Crafting State-Nations: India and Other Multinational Democracies (Baltimore: Johns Hopkins University Press, 2011).

(၂၀၁၂ ခုနှစ် အောက်တိုဘာလထုတ် Journal of Democracy, အတွဲ ၂၃၊ အမှတ်စဉ် ၄၊ The Opening in Burma [မြန်မာနိုင်ငံတွင် ပွင့်လင်းလာခြင်း] မှ လာရီ ဒိုင်းမွန်း (Larry Diamond) ၏ “The Need for a Political Pact” ကို ဘာသာပြန်ဆိုပါသည်။ လာရီ ဒိုင်းမွန်းသည် Journal of Democracy ၏ ပူးတွဲအယ်ဒီတာဖြစ်ပြီး စတန်းဖို့ဒ်တက္ကသိုလ် Hooover Institution and the Freeman Spogli Institute for International Studies မှ အဆင့်မြင့် ပညာရှင်တဦး ဖြစ်ပါသည်။ စတန်းဖို့ဒ်တက္ကသိုလ် Center on Democracy, Development, and the Rule of Law ၏ ညွန်ကြားရေးမှူးလည်း ဖြစ်သည်။ မကြာသေးမီက သူသည် မြန်မာပြည်သို့ သွားရောက်လည်ပတ်ခဲ့သည်။)

Ref: ဧရာဝတီ

Read More...

Collapse...

ဦးသိန်းစိန် အိမ်ဖြူတော်ကို ခြေချခြင်း နောက်ကွယ်

ရဲနည်| May 20, 2013

တနလာင်္နေ့မေလ ၂၀ ရက်မှာ အမေရိကန်သမ္မတ ဘားရက်အိုဘားမားက မြန်မာနိုင်ငံသမ္မတ ဦးသိန်းစိန်ကို အိမ်ဖြူတော်မှာ လက်ခံတွေ့ဆုံတာဟာ ဦးသိန်းစိန် အစိုးရအတွက် မဟာဆုလဒ်ကြီး ဖြစ်ပြီး အိုဘားမား အစိုးရရဲ့ အာရှပစိဖိတ်ပေါ်လစီအတွက်လည်း ကံစမ်းမဲပေါက်သလိုပါပဲ။

မြန်မာပြည်ဟာ ကုန်လွန်ခဲ့တဲ့ မကြာသေးမီ နှစ်များတုန်းက အမေရိကန်ပြည်ထောင်စုနဲ့ အနောက်နိုင်ငံတွေက ဦးစီးတဲ့ ဒဏ်ခတ်ပိတ်ဆို့မှုတွေကို ရင်ဆိုင်ခဲ့ရသလို ကုလသမဂ္ဂ လုံခြုံရေး ကောင်စီမှာလည်း အကြိတ်အနယ် ဆွေးနွေးငြင်းခုံပြီး ကန့်ကွက်ရှုတ်ချမှုတွေနဲ့လည်း ကြုံခဲ့ရပါတယ်။ အခုတော့လည်း ဒါတွေ ဒါတွေ ပြီးခဲ့ပါပြီ။

စစ်အစိုးရတွေ လက်ထက် တင်းတင်း ကြပ်ကြပ် ထိန်းချုပ် ခဲ့မှုတွေ ဦးသိန်းစိန် အစိုးရက ဖြေလျော့ လာတာကို အတိုက်အခံ ခေါင်းဆောင် ဒေါ်အောင်ဆန်း စုကြည်က ထောက်ခံခဲ့တာမို့ အမေရိကန် အစိုးရက ၂၀၁၁ ခုနှစ်က စပြီး သံတမန် ဆက်ဆံရေးတွေ ပုံမှန် ပြန်ကောင်းအောင် လုပ်ခဲ့ပါတယ်။ ၂၀၁၂ ခုနှစ် ဇွန်လမှာတော့ မစ္စတာ ဒဲရက်မစ်ရှဲလ်ကို မြန်မာပြည်ဆိုင်ရာ အမေရိကန် သံအမတ်အဖြစ် အိမ်ဖြူတော်က တင်ပြချက်ကို ဆီးနိတ်က အတည်ပြုပေး ခဲ့ပါတယ်။ အထွေထွေ ဒဏ်ခတ် ပိတ်ဆို့မှုကိုလည်း ယာယီ ရပ်ဆိုင်းပြီး စီးပွားရေး ဆိုင်ရာ ကန့်သတ်ချက်တွေ ဖြေလျော့ပေး ခဲ့ပါတယ်။ စစ်အစိုးရ အဖွဲ့ဝင်ဟောင်း တွေကို ဗီဇာ ထုတ်မပေး ခဲ့တာလည်း အမေရိကန်က ရုပ်သိမ်းခဲ့ပါပြီ။

နှစ်နိုင်ငံ သံတမာန်ဆက်ဆံရေး တရှိန်ထိုး တိုးတက်လာခဲ့တာ မနှစ်က နိုဝင်ဘာလ အမေရိကန် သမ္မတ အိုဘားမား ရန်ကုန် လာလည်တဲ့အထိ အမေရိကန်ပြည်ထောင်စုက နေပြည်တော်အစိုးရကို လိုက်လျောမှု ပြခဲ့ပြီး ဒီမိုကရေစီတည်ဆောက်ရေး အားပေးဖို့ သန္နိဌာန်လည်း ပြုခဲ့ပါတယ်။ အခုလို ဝါရှင်တန်ကို ဦးသိန်းစိန် လာဖို့ အိမ်ဖြူတော်ရဲ့ ထုတ်ပြန်ချက်မှာလည်း” ပြုပြင်ပြောင်းလဲရေးလုပ်ဖို့ အရေးကြီးတဲ့ ဆုံးဖြတ်ချက်တွေကို အကောင်အထည်ဖော်တဲ့ အစိုးရမျိုးကို ထောက်ခံပံ့ပိုးရန်” သမ္မတ အိုဘားမားက သန္နိဌာန်ပြုတယ်လို့ ရေးပါတယ်။

ဒီသန္နိဌာန်ကို လက်တွေ့ပြဖို့ မေ ၁၆ ရက် ကြာသပတေးနေ့က အမေရိကန်အောက်လွှတ်တော် နိုင်ငံခြားဆက်ဆံရေးကော်မတီ အာရှပစိဖိတ်ဆပ်ကော်မတီမှာပြုလုပ်တဲ့ ၂၀၁၄ ခုနှစ် အရှေ့အာရှနှင့် ပစိဖိတ်ရေးရာ ဗျူရိုရဲ့ ဘတ်ဂျက်တောင်းခံမှု ကြားနာပွဲမှာ အမေရိကန်ပြည်ထောင်စု အရှေ့အာရှဆိုင်ရာ ယာယီ လက်ထောက်နိုင်ငံခြားရေးဝန်ကြီး ဂျိုးဇပ် ယွန်းက ၂၀၁၄ ခုနှစ် မြန်မာနိုင်ငံကို အမေရိ ကန်ဒေါ်လာ ၇၅.၅ သန်းအထိ တိုးမြှင့်ပေးသွားမယ်လို့ ဆိုပါတယ်။ ၂၀၁၂ ဘတ်ဂျက်မှာ မြန်မာနိုင်ငံကို ဒေါ်လာ ၂၈.၈ သန်းပဲ ပေးခဲ့တာပါ။

ဒါ့အပြင် ဒီနှစ်ကုန်တာနဲ့အခြား ၁၂၈ နိုင်ငံလို မြန်မာက အမေရိကန်ကို ကုန်အမျိုးအစား ၅ ထောင်ကျော် အကောက်ခွန်မဲ့ တင်သွင်းခွင့်ရမယ့် ကုန်သွယ်မှုနဲ့ ရင်းနှီးမြှုပ်နှံမှုကိစ္စတွေနဲ့ ပတ်သက်တဲ့ စာချုပ် ၂ ခု ကို အခု ဦးသိန်းစိန်ရဲ့ ဝါရှင်တန်ခရီးစဉ်မှာ လက်မှတ်ရေးထိုးမယ်လို့ မျှော်လင့်ရတယ်။ ဒါဟာလည်း ဧပြီလတုန်းက အမေရိကန် ယာယီ ကုန်သွယ်ရေးဝန်ကြီး ဒီမီထရော့စ် မာရမ်းတစ် မြန်မာပြည် လာပြီး ဆွေးနွေး ညှိနှိုင်းမှု နောက်ဆက်တွဲပါ။

ဝါရှင်တန်အခြေစိုက် ပညာရှင်အဖွဲ့ Center for Strategic and International Studies (CSIS) က အကြီးတန်းသုတေသီ မားရေးဟိုင်းဘတ် ကဆို စစ်ဗိုလ်ချုပ်ဟောင်း တဖြစ်လဲ သမ္မတ ဦးသိန်းစိန်ကို အမေရိကန် ခရီးစဉ်မှာ သမ္မတ အိုဘားမားက ပင်တဂွန် စစ်ဌာနချုပ် ခေါ်သွားပြီး အမေရိကန် ဗိုလ်ချုပ်တွေ၊ ကာကွယ်ရေးဝန်ကြီး ချပ်ဟေဂယ်တို့နဲ့ မိတ်ဆွေဖွဲ့ပေးသင့်တယ်လို့ တိုက်တွန်းပါတယ်။

ဝါရှင်တန်ဟာ ဦးသိန်းစိန် သမ္မတ ရာထူးကို တာဝန်ယူပြီးနောက် မြန်မာ့တပ်မတော်နဲ့ ညှိနှိုင်းဖို့ လမ်းဖွင့်ခဲ့ပြီးသားပါ။ ပြီးခဲ့တဲ့ အောက်တိုဘာမှာ ပစိဖိတ်ဒေသ အမေရိကန် ကြည်းတပ် စစ်ဆင်ရေးမှူး ဗိုလ်ချုပ် ဖရန့်စစ် ဝယ်စင်စကီး အပါအဝင် အမေရိကန် စစ်ဘက်အရာရှိတွေ မြန်မာ စစ်ဘက်အရာရှိတွေနဲ့ နေပြည်တော်မှာ ၂ ရက်တာ “လူ့အခွင့်အရေး” နဲ့ ပတ်သက်လို့ တပ်က စောင့်ထိန်းရမယ့်ကိစ္စတွေ အကြောင်း ဆွေးနွေးတာ၊ ဖေဖော်ဝါရီတုန်းကလည်း မြန်မာ စစ်ဘက်အရာရှိ ၂ ဦး ထိုင်းမှာ လုပ်တဲ့ ရွှေမြွေဟောက် ဒေသတွင်း ပူးတွဲစစ်ရေးလေ့ကျင့်မှုမှာ အမေရိကန်စစ်သားတွေ၊ အခြားနိုင်ငံ ၂၀ က စစ်သားတွေနဲ့အတူ တက်ရောက်ပြီး လူသားချင်း စာနာထောက်ပံ့ရေး အကူအညီနဲ့ စစ်ဘက်ဆိုင်ရာ ဆေးဝါးများအပေါ် အလေးထားပြုလုပ်တဲ့ လေ့ကျင့်ခန်းတွေကို လေ့လာခွင့်ပေးခဲ့တာတွေ ရှိခဲ့ပါတယ်။

အမေရိကန်ရဲ့ အပြည်ပြည်ဆိုင်ရာ စစ်ရေး ပညာသင်နဲ့ လေ့ကျင့်ရေး U.S. International Military Education and Training (IMET) အထောက်အပံ့တွေ မြန်မာပြည်ကို ပြန်ပေးဖို့ အလျှင်အမြန် မဖြစ်လာနိုင်တောင် “စစ်ပွဲအတွင်း စည်းကမ်းများ၊ အရပ်သားတွေကို ဘယ်လို ဆက်ဆံမလဲ၊ စစ်ဘက် အရပ်ဘက် ဆက်ဆံရေး၊ လူ့အခွင့်အရေး၊ ငြိမ်းချမ်းမှု ထိန်းသိမ်းရေး၊ စစ်တပ်ကို လုပ်ရည် ကိုင်ရည် ပြည့်ဝလာအောင် လုပ်ဆောင်ခြင်း” တို့ဟာ ဒေသတွင်းက အမေရိကန်ရဲ့ မဟာမိတ် ဩစတြေးလျ၊ အင်ဒိုနီးရှား၊ ထိုင်းတပ်တွေနဲ့ ပူးတွဲပြီး ဆွေးနွေး လေ့ကျင့်သင်ကြားမှု “စတင်ဖို့ အကောင်းဆုံးနေရာ”လို့ မားရေးဟိုင်းဘတ်က ရေးပါတယ်။

ဒါပေမယ့် အမေရိကန်အစိုးရရဲ့ လတ်တလောပေါ်လစီအရ မြန်မာစစ်ဘက်ကို သတိထား ဆက်ဆံဆဲပါ။ အခုထိ မြန်မာ့တပ်မတော်ပိုင် သို့မဟုတ် ကာကွယ်ရေးဝန်ကြီးဌာနပိုင် စီးပွားရေးလုပ်ငန်းတွေကို ရင်းနှီးမြှုပ်နှံမှုတွေ မလုပ်ရလို့ စီးပွားရေးအရ ကန့်သတ်ထားပါတယ်။ စစ်အစိုးရခေါင်းဆောင်ဟောင်းများနဲ့ နီးစပ်တဲ့ ခရိုနီသူဌေးကြီးတွေကို စီးပွားရေး ဒဏ်ခတ်ပိတ်ဆို့ထားမှု စာရင်းကိုလည်း မရုတ်သိမ်းသေးပါဘူး။ ညှိနှိုင်းဆွေးနွေးတာ လိုက်လျောတာတွေ ရှိလာပေမယ့် ပြုပြင်ပြောင်းလဲရေးကို ကဖျက်ယဖျက် လုပ်မယ်၊ လူ့အခွင့်အရေးချိုးဖောက်မှုတွေ ကျူးလွန်မယ်၊ တိုင်းရင်းသားတွေ နဲ့ ဖြစ်နေတဲ့ ပဋိပက္ခကို မီးထိုးပေးမယ်၊ မြောက်ကိုရီးယားနဲ့ စစ်ဘက်ဆိုင်ရာ ကုန်သွယ်နေမယ်ဆိုရင် အဲဒီလူတွေကို ပစ်မှတ်ထား ဒဏ်ခတ်ပိတ်ဆို့ အရေးယူဖို့ အထူးအခွင့်အာဏာ ရှိနေပြီလို့ အိမ်ဖြူတော်က ဆိုတယ်။

အမေရိကန်ရဲ့ “လူဆိုး စာရင်း”ဟာ ခေတ်မမီတော့ဘူးလို့လည်း ဝေဖန်မှုတွေ ရှိလာပါတယ်။ အေပီသတင်းတပုဒ်က ရေးတာက ရန်ကုန်အခြေစိုက် အမေရိကန်သံရုံးအနေနဲ့ ရာနဲ့ချီတဲ့ လူသစ်တွေ စာရင်းထပ်တိုးဖို့ တင်ပြထားပေမယ့် အိုဘားမားအစိုးရက လွန်ခဲ့တဲ့ ၃ နှစ်ခွဲကတည်းက စာရင်းကို မပြင်တော့ပါဘူးလို့ ဆိုပါတယ်။ ဒီစာရင်းသစ်မှာ အစိုးရရဲ့ ထိပ်တန်းခေါင်းဆောင်တွေ၊ ထိပ်တန်း စီးပွားရေးသမားတွေနဲ့ တပ်ပိုင် စီးပွားရေးကုမ္ပဏီတွေ ပါတယ်။

တကယ်လည်း အမေရိကန်အစိုးရရဲ့ ပေါ်လစီသစ်အရ အမေရိကန် စီးပွားရေးလုပ်ငန်းတွေ မြန်မာပြည် လာထူထောင်ရင်တောင် ဖက်စပ်လုပ်မယ့်သူ ရှာဖွေရာမှာ အမေရိကန်ရဲ့ စံချိန်စံညွှန်းတွေ မီမယ့်သူ ရှာဖွေဖို့ အခက်တွေ့မှာ မလွဲပါ။ မြန်မာပြည်မှာ ဘယ်ကုမ္ပဏီကို ဘယ်သူ ဘယ်လောက်ပိုင်သလဲ ဆိုတာသိရဖို့ မလွယ်ပါဘူး။ “တိတ်တိတ်ဆိတ်ဆိတ် ညှိနှိုင်း အလုပ်ဖြစ်နေခဲ့ခြင်း ဆယ်စုနှစ်များသည် တရုတ်ငွေများ အလုံးအရင်း အရင်းအနှီးပြုပြီး မြန်မာစစ်ခေါင်းဆောင်များထံမှ တခါတရံ ရက်ရက်စက်စက် အများအားဖြင့် မရိုးမသား အမြတ်ထွက်နေသော စီးပွားရေးသမား လူ့မလိုင်များ ကို ပြုစုပျိုးထောင်ပေး ခဲ့သည်” လို့ အေပီသတင်းက ထောက်ပြထားပါတယ်။

ပွင့်လင်းလွတ်လပ်လာခါစ မီဒီယာနဲ့ အီလက်ထရောနစ် လူမှုကွန်ရက်တွေကို အသုံးပြုပြီး လူမျိုးရေး၊ ဘာသာရေး မုန်းတီးမှုနဲ့ ပုဂ္ဂလိက အာဃတတွေ သွေးထိုးလှုံ့ဆော်နေကြတဲ့ အဖျက်အမှောင့်တွေကို အခုထိ ဦးသိန်းစိန်အစိုးရက လွှတ်ပေးထားတာကိုလည်း အမေရိကန်အစိုးရက သဘောတွေ့ပုံ မရပါဘူး။ အမေရိကန် သံအမတ် ဒဲရက်မစ်ရှယ်က ဖေ့ဘွတ်နဲ့ အင်တာနက်ပေါ်မှာ အမုန်းမီးထိုးပေးနေသူတွေ ဟာ မြန်မာ့ဒီမိုကရေစီရေးမှာ အနှောက်အယှက်လို့ အစည်းအဝေးတခုမှာ မကြာခင်က ပြောခဲ့ပါတယ်။

အဓိကရုဏ်းတွေမှာ အဖျက်သမားတွေနဲ့ လူစုလူဝေးကို လက်နက်ကိုင် ရဲတပ်ဖွဲ့က မထိန်းချုပ် မဖြိုခွဲဘဲ လွှတ်ထားပေးတာ၊ ကချင်နဲ့ ရှမ်းပြည်မှာ မြန်မာ့တပ်မတော်က ထိုးစစ်ဆင်လို့ စစ်ပွဲတွေ ဆက်ဖြစ်နေ တာကလည်း အမေရိကန် ကွန်ဂရက်နဲ့ အိမ်ဖြူတော် အရာရှိတွေကြားမှာ ဦးသိန်းစိန် အစိုးရကို စိုးရိမ်မကင်း ဖြစ်နေစေပါတယ်။

မြန်မာ့တပ်မတော်ဟာ နိုင်ငံရေး၊ စီးပွားရေးကို ဆက်ထိန်းချုပ်ထားပြီး လွှတ်တော်ထဲက ထွက်ခွာပြီး တပ်စခန်းပြန်ကြဖို့ အစီအစဉ် မရှိတာကို မတ်လ ၂၇ ရက် ဗိုလ်ချုပ်မှူးကြီး မင်းအောင်လှိုင်ရဲ့ တပ်မတော်နေ့ မိန့်ခွန်းက အတည်ပြုထားပါတယ်။ ၂၀၁၅ ရွေးကောက်ပွဲမှာ အလွယ်တကူ အနိုင်ရနိုင်ဖွယ်ရှိပြီး သမ္မတတာဝန်ကို ထမ်းဆောင်မယ်လို့ အခိုင်အမာ ပြောလာတဲ့ ဒေါ်အောင်ဆန်းစုကြည် တကယ်လို့ အုပ်ချုပ်ရေးအဖွဲ့သစ်ကို ဦးဆောင်ရပြီဆို တပ်မတော်က ခွင့်ပြု လိုက်နာမှာလား ဆိုတာလည်း မရှင်းလှသေးပါဘူး။

စိန်ခေါ်မှုတွေ တပြုံတမကြီး ရှိနေပေမယ့် အာရှဒေသတွင်း တရှိန်ထိုး ဩဇာ ကြီးထွားလာနေတဲ့ တရုတ်နိုင်ငံကို ဟန်ချက်ထိန်းညှိဖို့ ရည်ရွယ်ထားတဲ့ နိုင်ငံခြားရေးမူဝါဒမှာ အကျိုးအမြတ်လည်း ဖြစ်၊ ဥရောပ သမဂ္ဂက ဒဏ်ခတ်ပိတ်ဆို့မှု ရုပ်သိမ်းသွားပြီး ဂျပန်ကလည်း ပုံအော ဝင်ရောက် လာနေတာမို့ နောက်မကျချင်တဲ့ ဆန္ဒတွေကြောင့် အမေရိကန် သမ္မတ အိုဘားမားဟာ စစ်ဗိုလ်ချုပ်ဟောင်း မြန်မာ သမ္မတ ဦးသိန်းစိန်ကို သူကောင်းပြုဖို့ ပွဲထုတ်ခဲ့ရပါတယ်။

၁၉၆၆ ခုနှစ် ဦးနေဝင်း အိမ်ဖြူတော် ရောက်တော့ အမေရိကန်သမ္မတ လင်ဒန်ဂျွန်ဆန်ကို နိုင်ငံခြားရေးဝန်ကြီး ဒင်းရက်စ်က “မြန်မာ့ဆိုရှယ်လစ်လမ်းစဉ် အမည်သုံးပြီး ပြည်သူပိုင်သိမ်းယူမှုများက အရေးတကြီး မှားယွင်းတဲ့ စီမံခန့်ခွဲမှု၊ စီးပွားရေး အစီအစဉ် မကျမှုတွေကို ဖြစ်စေနေတယ်။ တိုင်းရင်းသားလူနည်းစု ဒေသတွေမှာ ဖြစ်ပွားနေတဲ့ နာတာရှည် လက်နက်ကိုင်သူပုန်ထမှုတွေကလည်း ဆက်လက်ဖြစ်ပေါ်နေ တယ်”လို့ သတိပေးခဲ့ပါတယ်။

၄၇ နှစ်ကြာမှ ပြန်ရောက်လာတဲ့ မြန်မာသမ္မတကို အမေရိကန်အစိုးရက သိပ်ဖိအားပေးမယ့်ပုံ မပေါ်ပါဘူး။ အဲဒီအစား ပြုပြင်ပြောင်းလဲရေးဝါဒီတဦးအဖြစ် အိမ်ဖြူတော်က ပွဲထုတ်ပြီး ထောက်ပံ့ကူညီရေး အစီအစဉ်တွေကိုလည်း ကတိပေးဖွယ် ရှိပါတယ်။ နေပြည်တော် အစိုးရနဲ့ အာဏာရ ကြံ့ခိုင်ရေးပါတီ အသိုင်းအဝိုင်းကတော့ အမေရိကန်အစိုးရရဲ့ အသိအမှတ်ပြု ထောက်ခံပံ့ပိုးမှု (လျှပ်စစ်မီး၊ သောက်ရေ၊ ကားလမ်း စတဲ့ နိုင်ငံ့စီးပွား အခြေခံ အဆောက်အဦတွေ၊ ပညာရေး ကျန်းမာရေးဆိုင်ရာ အကူအညီတွေ)ကြောင့် ရရှိလာနိုင်ဖွယ်ရှိတဲ့ စီးပွားရေးနဲ့ လူမှုဖွံ့ဖြိုးရေး ရလဒ်တွေကို ပြသပြီး ၂၀၁၅ ရွေးကောက်ပွဲမှာ မဲရအောင် လုပ်နိုင်မယ် (အနည်းဆုံး အပြတ်အသတ် မရှုံးဘူး) လို့ ကိုယ့်ကိုယ်ကို ပိုမို ယုံကြည်လာပါလိမ့်မယ်။

ဒါကိုက ပြုပြင်ပြောင်းလဲရေးအတွက် ကောင်းတယ်လို့ သက်တောင့်သက်သာ တွေးမယ်ဆိုလည်း လွတ်လပ်စွာ တွေးခေါ်ယူဆခွင့်ကို ထောက်ခံ အသိအမှတ်ပြုပါတယ်။ ပြန်လည်ကောင်းမွန်လာတဲ့ အမေရိကန်-မြန်မာ ဆက်ဆံရေး အဓွန့်ရှည်ပါစေ။

Ref: ဧရာဝတီ

Read More...

Collapse...

ကန်-မြန်မာ နှစ်နိုင်ငံအရေး ဘာတွေ အလေးပေးမလဲ

လင်းသန့်| May 19, 2013

သမ္မတ ဦးသိန်းစိန်ဟာ အမေရိကန်ပြည်ထောင်စုကို ၁၉၆၆ ခုနှစ်နောက်ပိုင်း ပထမဆုံး မြန်မာ သမ္မတ တဦးအနေနဲ့ တရားဝင် ခရီးစဉ်ကို စတင်ထွက်ခွာသွားခဲ့ပါပြီ။ အမေရိကန် သမ္မတ ဘားရက် အိုဘားမားက အိမ်ဖြူတော်မှာ သမ္မတ ဦးသိန်းစိန်ကို မေလ ၂၀ ရက်နေ့မှာ လက်ခံတွေ့ဆုံမှာဖြစ်ပါတယ်။

အမေရိကန် သမ္မတ အိုဘားမား ဘက်ကတော့ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်တွေကို အသိအမှတ်ပြု လက်ခံပေမယ့် လိုအပ်ချက်တွေဖြစ်တဲ့ တိုင်းရင်းသား လူနည်းစုတွေနဲ့ ရေရှည်တည်တံ့ ခိုင်မြဲတဲ့ ငြိမ်းချမ်းရေး ဖော်ဆောင်မှု၊ လူမျိုးရေး၊ ဘာသာရေးဆိုင်ရာ ပဋိပက္ခတွေ ဆက်လက် မဖြစ်ပေါ်စေရေးနဲ့ လူ့အခွင့်အရေး ချိုးဖောက်မှုတွေ မရှိစေရေး၊ နိုင်ငံရေး အကျဉ်းသားတွေ ကျန်ရှိနေသေး တဲ့ ကိစ္စ၊ မြန်မာနိုင်ငံမှာ ရင်းနှီးမြှုပ်နှံရေး ကိစ္စတွေ ဆွေးနွေးသွားဖွယ် ရှိပါတယ်။

ဒါကြောင့်မို့ ထင်ပါတယ်၊ သမ္မတ ဦးသိန်းစိန်ရဲ့ အမေရိကန်ခရီးစဉ် မတိုင်ခင် နိုင်ငံရေး အကျဉ်းသား ၂၃ ဦးကို လွတ်ငြိမ်းချမ်းသာခွင့် ပေးလိုက်ပါတယ်။ ဒီလွတ်ငြိမ်းချမ်းသာခွင့်အပေါ် မြန်မာအစိုးရဟာ အခုအထိ နိုင်ငံရေး အကျဉ်းသားတွေကို အသုံးချနေသေးတယ်ဆိုတဲ့ ဝေဖန်မှုတွေ ကျယ်လောင်လာခဲ့ပေမယ့် သမ္မတရုံး ညွှန်ကြားရေးမှူး ဦးဇော်ဌေး ကတော့ ဒါဟာ မြန်မာ့နိုင်ငံရေးဖြစ်စဉ်မှာ အားလုံး ပူးပေါင်းပါဝင်ခွင့် ရှိစေရေးအတွက်သာပဲလို့ သူ့ရဲ့ လူမှုကွန်ရက် တွစ်တာကနေ ရေးသား တုံ့ပြန်ထားပါတယ်။

ခရီးစဉ်အတွင်းမှာ ကန်-မြန်မာ ကုန်သွယ်ရေးနဲ့ ရင်းနှီးမြှုပ်နှံမှု စာချုပ်တွေကိုလည်း သမ္မတ ဦးသိန်းစိန်က လက်မှတ်ရေးထိုးမယ့် အစီအစဉ်ရှိပါတယ်။ အမေရိကန်က မြန်မာကိုတော့ ကုန်သွယ်ရေးနဲ့ ပတ်သက်လို့ အထူးအခွင့်အရေးတွေ ပေးဖို့လည်း ရှိမှာပါ။

ဒါပေမယ့် အခု ချုပ်ဆိုမယ့် စာချုပ်တွေမှာတော့ မြန်မာနိုင်ငံအမည်ကို အင်္ဂလိပ်လို Burma အစား Myanmar လို့ သုံးစွဲ ထားတယ်လို့ သံတမန်လောကနဲ့ နီးစပ်တဲ့ အသိုင်းအ၀ိုင်းက ဆိုပါတယ်။

လွန်ခဲ့တဲ့ ဗုဒ္ဓဟူးနေ့က အိမ်ဖြူတော်ကြေညာချက်မှာတော့ အိမ်ဖြူတော် ပြောခွင့်ရအမျိုးသမီး Caitlin Hayden က အမေရိကန် အနေနဲ့ Burma ကို တိုင်းပြည်အမည်အဖြစ် ဆက်လက် သုံးစွဲနေမှာဖြစ်ပေမယ့် Myanmar ဆိုတာကိုတော့ အခြေ အနေ အပေါ်မူတည်ပြီး အကန့်အသတ်နဲ့ စတင် သုံးစွဲနေပြီလို့ ဆိုပါတယ်။

“ပြုပြင်ပြောင်းလဲရေးတွေ အားစိုက်ဆောင်ရွက်နေတဲ့ အစိုးရ တရပ်အပေါ် လေးစားသမှု ပြသတာဖြစ်ပြီး မိမိတို့က အားပေး ထောက်ခံနေတယ်၊ ကူညီဖို့ ဆန္ဒရှိတယ်ဆိုတဲ့ သင်္ကေတ လက္ခဏာပါ” လို့ သူက ဆိုပါတယ်။

အိမ်ဖြူတော် ကြေညာချက်မှာ သမ္မတ ဦးသိန်းစိန်နဲ့ ဒေါ်အောင်ဆန်းစုကြည် အပါအ၀င် မြန်မာ့အရေး ဦးဆောင်နေသူတွေ၊ တိုင်းရင်းသား ခေါင်းဆောင်တွေနဲ့ နိုင်ငံတကာ အသိုင်းအ၀ိုင်း စတဲ့ အားလုံး ပူးပေါင်း ဆောင်ရွက်တွေကြောင့် ပြုပြင် ပြောင်းလဲရေး လုပ်ငန်းစဉ်ဟာ လက်တွေ့ကျတဲ့ တိုးတက်မှုတွေ ရှိလာတယ်လို့ ဆိုပါတယ်။

အမေရိကန်ဘက်က မြန်မာနိုင်ငံကို ဘယ်လို အကူအညီမျိုးတွေ ပေးသွားရမလဲ ဆိုတာ သမ္မတ ဦးသိန်းစိန်နဲ့ အမေရိကန် သမ္မတ အိုဘားမားတို့ ဆွေးနွေးသွားဖို့လည်း ရှိတယ်လို့ ဆိုတယ်။

နိုင်ငံရေး၊ စီးပွားရေးပြုပြင် ပြောင်းမှုတွေကို ပိုအားကောင်းစေဖို့ အမေရိကန်က အားပေးကူညီမှာ ဖြစ်သလို တရား ဥပဒေ စိုးမိုးရေး၊ လူ့အခွင့်အရေး လေးစားလိုက်နာရေး၊ မြန်မာ့လူ့အဖွဲ့အစည်း အားကောင်းစေရေးနဲ့ ပွင့်လင်းမြင်သာမှု၊ တာဝန်ခံမှုရှိတဲ့ အုပ်ချုပ်ရေး အပါအ၀င် လူသားအရင်းအမြစ် ဖွံ့ဖြိုးရေး ကိစ္စတွေလည်း အကူအညီတွေ ပေးသွားဖို့ ရှိပါတယ်။

မကြာသေးခင် ကာလကစတင်ပြီး အမေရိကန် ပြည်ထောင်စုက မြန်မာနိုင်ငံမှာ ရင်းနှီးမြှုပ်နှံလိုသူတွေကို အရင်က ပိတ်ပင် ကန့်သတ်ထားတာတွေ ပလပ် ဖြေလျှော့ပေးလိုက်ပြီး လုပ်ငန်းတွေ စတင်ဖို့ ပြင်ဆင်မှုတွေလည်း လုပ်နေချိန်ဖြစ်ပါတယ်။
သမ္မတ ဦးသိန်းစိန် ၀ါရှင်တန်ဒီစီကို မရောက်လာခင်မှာပဲ ပြုပြင်ပြောင်းလဲရေးတွေကို အားပေးတဲ့အနေနဲ့ အမေရိကန်က မြန်မာကို အမေရိကန်ဒေါ်လာ ၇၅ သန်းကျော် ပေးဖို့ ကွန်ဂရက်လွှတ်တော်ကို တင်လိုက်ပါတယ်။ USAID လို့ ခေါ်တဲ့ အမေရိကန်ရဲ့ နိုင်ငံတကာ ဖွံ့ဖြိုးရေး အကူအညီပေးရေးအဖွဲ့က အဲဒီအကူအညီတွေကို ပေးသွားမှာ ဖြစ်တယ်လို့လည်း ယာယီ လက်ထောက် နိုင်ငံခြားရေး ၀န်ကြီး ဂျိုးဇက်ယွန်းက ဆိုထားပါတယ်။

တဖက်မှာလည်း လက်ရှိ ပြုပြင်ပြောင်းလဲရေး လုပ်နေလင့်ကစား စောင့်ကြည့်ချင်သေးတဲ့အတွက် ဒဏ်ခတ်ပိတ်ဆို့မှု ဆက်ရှိနေစေဖို့ Burma Freedom and Democracy Act မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက် ဥပဒေကို သက်တမ်းတိုးဖို့ အထက်လွှတ်တော် အမတ်တွေဖြစ်တဲ့ ဂျိုးဇက် ခရိုလီနဲ့ ပီတာကင်း တို့ကလည်း ကွန်ဂရက် လွှတ်တော်ကို အဆိုပြု တင်သွင်းခဲ့တာဟာ သမ္မတ ဦးသိန်းစိန် ခရီးစဉ်အကြိုနဲ့ တိုက်ဆိုင်နေပါတယ်။

ဒီ့အပြင် ဒီခရီးစဉ်အတွင်းမှာ အမေရိကန် ပြည်ထောင်စုမှာရှိတဲ့ မြန်မာ့အရေး လှုပ်ရှားသူတွေကလည်း သမ္မတ ဦးသိန်းစိန်ကို ဆန္ဒပြ ကန့်ကွက်မှုတွေ လုပ်ဖို့ ရှိနေပြီး သမ္မတ ဦးသိန်းစိန် အနေနဲ့ကတော့ VOA သတင်းဌာနမှာ နယ်ပယ်စုံက ပုဂ္ဂိုလ်တွေနဲ့ မြန်မာ့ပြုပြင် ပြောင်းလဲရေးဆိုင်ရာ မေးမြန်းခန်းကို ဖြေကြားဖို့ ရှိတယ်လို့ VOA သတင်းတပုဒ်က ဆိုပါတယ်။

တကယ်ဆိုရင် လွန်ခဲ့တဲ့ ၂ နှစ်ကျော်က စပြီးအရပ်သား အစိုးရအသွင်နဲ့ နိုင်ငံရေး၊ စီးပွားရေး ပြုပြင်ပြောင်းလဲရေးတွေ လုပ်လာတဲ့ သမ္မတ ဦးသိန်းစိန် လက်ထက်မှာတော့ အေးစက်ခဲ့တဲ့ ကန်-မြန်မာဆက် ဆံရေး ပုံမှန်အခြေအနေကို ပြန်ရောက် လာခဲ့တာပါ။

၁၉၈၈ ခုနှစ် ဒီမိုကရေစီ လှုပ်ရှားမှုကြီးကို စစ်တပ်က ရက်ရက်စက်စက် ဖြိုခွင်းပြီးနောက်ပိုင်း မြန်မာကို လူ့အခွင့်အရေး ချိုးဖောက်မှု၊ ဒီမိုကရေစီ ဆိတ်သုဉ်းမှု စတာတွေနဲ့ ပတ်သက်ပြီး အပြစ်တင် ဖိအားပေး အရေးယူ ပိတ်ဆို့မှုတွေကို အမေရိကန် ပြည်ထောင်စုဘက်က လုပ်ဆောင်ခဲ့ပါတယ်။

၁၉၈၈ ခုနှစ်နောက်ပိုင်း အမေရိကန်က သံတမန်ဆက်ဆံရေးမှာ သံအမတ်ကြီး အဆင့်မထားရှိပဲ သံတမန်နှိမ့်ချ ဆက်ဆံခဲ့ပြီး မြန်မာနိုင်ငံက ဒီမိုကရေစီ လှုပ်ရှားမှုနဲ့ အတိုက်အခံတွေကို အမေရိကန်က ကူညီထောက်ခံခဲ့ပါတယ်။

ဒါပေမယ့် မကြာသေးမီ ကာလတခုက စပြီး မြန်မာအပေါ် စီးပွားရေး ပိတ်ဆို့အရေးယူထားမှုတွေကို ဖြေလျှော့၊ ဖယ်ရှားလာခဲ့ပြီး ယမန်နှစ် နိုဝင်ဘာလ ၂၉ ရက်နေ့ကတော့ အမေရိကန် သမ္မတ အိုဘားမားရဲ့ သမိုင်းဝင် ၁ ရက်တာမြန်မာနိုင်ငံ ခရီးစဉ်နဲ့ ၂ နိုင်ငံ ဆက်ဆံရေး ပုံမှန်ရောက်ကြောင်း မီးမောင်းထိုးပြခဲ့ပါတယ်။

သမ္မတ အိုဘားမားရဲ့ မြန်မာ ခရီးစဉ်မတိုင်ခင်မှာပဲ မြန်မာနို်င်ငံဆိုင်ရာ အမေရိကန် သံအမတ်ကြီး အဆင့် ပြန်လည် ထားရှိခဲ့ပြီး အခု နောက်ဆုံးမှာတော့ သမ္မတ ဦးသိန်းစိန်အပါအ၀င် အစိုးရ ခေါင်းဆောင် ပိုင်းတွေကို ယခင်က ပိတ်ဆို့ကန့်သတ် ထားတဲ့ ဗီဇာပိတ်မှုတွေကို ဖယ်ရှားပေးလိုက်ပါတယ်။

အခု သမ္မတ ဦးသိန်းစိန်ဟာ တရားဝင် မြန်မာခေါင်းဆောင်အဖြစ်နဲ့ ရောက်မယ့် အမေရိကန် သမ္မတအဆက်ဆက်ရဲ့ အိမ်ဖြူတော်မှာပဲ လွန်ခဲ့တဲ့ နှစ်ပေါင်း ၅၀ ကျော် ၁၉၆၆ ခုနှစ်က ဗိုလ်ချုပ်ကြီးဟောင်း ဦးနေဝင်းနဲ့ အမေရိကန်သမ္မတ လင်ဒန် ဂျွန်ဆင်တို့ တွေ့ဆုံခဲ့ကြတာပါ။ အဲဒီတုန်းကတော့ အမေရိကန်အစိုးရအနေနဲ့ ကွန်မြူနစ်ဆန့်ကျင်ရေးတွေ လုပ်ခဲ့တဲ့ မြန်မာခေါင်းဆောင် ဦးနေ၀င်းနဲ့ ဆက်ဆံရေးက ဟန်ချက်ညီ ထိန်းညှိဆက်ဆံရေး ရှိခဲ့တာလည်းဖြစ်ပါတယ်။

တဖက်ကလည်း ဘက်မလိုက် မြန်မာခေါင်းဆောင် ဦးနေ၀င်းဟာ ရုရှား- အမေရိကန်စတဲ့ နိုင်ငံတွေလို စစ်အေးခေတ် အင်အားကြီး နိုင်ငံတွေကြားမှာပဲဖြစ်ဖြစ် တရုတ်- အိန္ဒိယလို အိမ်နီးချင်းနိုင်ငံတွေ ကြားထဲမှာဖြစ်ဖြစ် ထိန်းညှိဆက်ဆံရေးမှာ အားကောင်းခဲ့တယ်လို့ ဆိုရမလားပါပဲ။

အခု သမ္မတ ဦးသိန်းစိန် အစိုးရလက်ထက်မှာ တရုတ်နိုင်ငံနဲ့ ဆက်ဆံရေး အေးစက်ချိန်နဲ့ အမေရိကန်နဲ့ ဆက်ဆံရေး နွေးထွေးချိန်တွေဟာ တဆက်တည်း ဖြစ်နေတာကြောင့် သုံးသပ်သူတွေ အဆိုအရ အမေရိကန်ဟာ တရုတ်နိုင်ငံကို ရည်မျှော်ပြီး မြန်မာကို အခုလို ဆက်ဆံရေး တည်ဆောက်လာတာ ဖြစ်တယ်လို့ ထောက်ပြတာတွေလည်း ရှိပါတယ်။ မြန်မာနိုင်ငံဆိုင်ရာ အမေရိကန် သံအမတ်ကြီး ခန့်တာတောင်မှ တရုတ်အရေး ကျွမ်းကျင်တဲ့ မစ္စတာ ဒဲရက် မစ်ချယ်လို့ ပုဂ္ဂိုလ်ကို ရွေးချယ်ခန့်အပ်တာက သိသာတယ်လို့ ဆိုကြတာပါ။

၁၉၄၈ ခုနှစ်ကတည်းက ကန်-မြန်မာ သံတမန် ဆက်ဆံရေးရှိခဲ့ပြီး ပါလီမန် အစိုးရကာလတွေမှာ အမေရိကန် ပြည်ထောင်စုက မြန်မာကို စစ်ရေး၊ စီးပွားရေးစတဲ့ အကူအညီတွေပေးခဲ့ပြီး ၂ နိုင်ငံ သံတမန် ဆက်ဆံရေး အားကောင်းခဲ့ပါတယ်။ ၁၉၅၀ ခုနှစ်မှာ အမေရိကန်က မြန်မာကို စစ်ရေးပစ္စည်း အမေရိကန် ဒေါ်လာ ၂၁ သန်းဖိုးလောက် ကူညီပေးခဲ့ပါတယ်။ ဒီလို နှစ်နိုင်ငံ ဆက်ဆံရေးက အားကောင်းခဲ့တာပါ။

၁၉၅၃ ခုနှစ်တုန်းကတော့ အမေရိကန် ဒုသမ္မတ ရစ်ချတ် နစ်ဆင်က မြန်မာပြည်ကို လာရောက် လည်ပတ်ခဲ့ဖူးပါတယ်။ ၁၉၆၄ ခုနှစ် နောက်ပိုင်း ဦးနေ၀င်း အစိုးရလက်ထက်မှာ အမေရိကန်ဆီက အကူ အညီတွေ မယူဘဲနေရာက တိုင်းပြည်ရဲ့ လိုအပ်ချက်တွေနဲ့ ဦးနေ၀င်းဟာ ၁၉၇၅ ခုနှစ်လောက်က အကူအညီတွေပြန်ရဖို့ အမေရိကန်ကို တောင်းဆိုခဲ့ပါတယ်။

တကယ်ဆိုရင် ကန်-မြန်မာ နှစ်နိုင်ငံ ဆက်ဆံရေးဟာ မြန်မာရှင်ဘုရင်တပါးဖြစ်တဲ့ မင်းတုန်းမင်းလက်ထက်က စတင်ခဲ့တာ ပါ။ အနောက်နိုင်ငံတွေနဲ့ ဆက်ဆံရေး ပြေလည်ဖို့ အမြော်အမြင်ရှိတဲ့ မင်းတုန်းမင်းက စတင်ကာ ၁၈၅၆ ခုနှစ်က သံတမန် ဆက်ဆံရေး တံခါးကိုဖွင့်ခဲ့ပြီး သ၀ဏ်လွှာ ပို့ခဲ့ပါတယ်။

ထိုစဉ်က အမေရိကန် ပြည်ထောင်စုမှာ ပြည်တွင်းစစ်နဲ့ ကျေးကျွန်စနစ် ခြိမ်းခြောက်မှုတွေ ရင်ဆိုင်နေခဲ့ရပေမယ့် အရှေ့တောင် အာရှက မြန်မာနိုင်ငံအပေါ် အတော်စိတ်ဝင်စားခဲ့လို့ အမေရိကန်သမ္မတ ဂျွန်ဗြူ ကန်နန်ဟာ ၁၈၅၇ ခုနှစ်က မင်းတုန်းမင်းဆီကို စာချွန်လွှာ ပြန်လည် ပေးပို့ခဲ့ပါတယ်။ ဒါပေမယ့် အဲဒီနောက်ပိုင်း မြန်မာဟာ ဗြိတိသျှ ကိုလိုနီလက်အောက် ကျရောက်ပြီး ကန်-မြန်မာ ဆက်ဆံရေးလည်း မရှိခဲ့ တော့ပါဘူး။

ဒါပေမယ့် ၁၉၄၈ ခုနှစ် မြန်မာနိုင်ငံ လွတ်လပ်ရေးရချိန်မှာတော့ အမေရိကန် သမ္မတ ထရူးမင်းကိုယ်တိုင် သ၀ဏ်လွှာပေးပို့ အသိအမှတ်ပြုခဲ့ပြီး မြန်မာနိုင်ငံမှာလည်း အမေရိကန် သရုံးစိုက်ကာ နှစ်နိုင်ငံ သံတမန်ဆက်ဆံရေးတွေ ပြန်လည် တည်ဆောက်ခဲ့ကြတာပါ။

အခုလို နှစ်ပေါင်းများစွာ ကန်-မြန်မာ နှစ်နိုင်ငံ ဆက်ဆံရေးတွေ နိမ့်လိုက် မြင့်လိုက်ဖြစ်နေရာကနေ လက်ရှိ ပြုပြင်ပြောင်းလဲရေး ဖော်ဆောင်နေတယ်ဆိုတဲ့ သမ္မတ ဦးသိန်းစိန်နဲ့ အမေရိကန် သမ္မတ ဘားရက် အိုဘားမားတို့ရဲ့ ဆွေးနွေးမှုတွေကနေ မြန်မာအနေနဲ့ ဘယ်လောက် ကောင်းကျိုးတွေ ဖြစ်ထွန်းလာမလဲ ဆိုတာကတော့ စောင့်ကြည့်ရဦးမှာပါ။

Ref: ဧရာဝတီ

Read More...

Collapse...

ဗုဒ္ဓဂယာ ခရီးသွားလုပ်ငန်းများ တရားဝင်ဖြစ်ရန် ဆောင်ရွက်ပေးတော့မည်

ချစ်ဆု| May 18, 2013

သက်ဆိုင်ရာမှ တရားဝင် ခွင့်ပြုချက်မရှိဘဲ လုပ်ကိုင်နေသော ဗုဒ္ဓဂယာ ခရီးသွားလုပ်ငန်းများ အနေဖြင့် လိုအပ်သော စာရွက် စာတမ်း အထောက်အထားများ ပြည့်စုံစွာတင်ပြနိုင်ပါက ယခုနှစ်အတွင်း တရားဝင်လုပ်ကိုင်ခွင့် ချထားပေးမည်ဖြစ်ကြောင်း သာသနာရေးဝန်ကြီးဌာနမှ သတင်းရရှိသည်။

ဗုဒ္ဓဂယာ ခရီးသွားလုပ်ငန်းကို တရားမ၀င် လုပ်ကိုင်နေသော ခရီးသွားလုပ်ငန်း ကုမ္ပဏီပေါင်း ၉၀ ကျော် ရှိနေကြောင်း၊ အဆိုပါ ခရီးသွား လုပ်ငန်းများနှင့် ပတ်သက်သည့် စီမံခန့်ခွဲမှုများကို မြန်မာနိုင်ငံ ခရီးသွား လုပ်ငန်းရှင်များ အသင်း (UMTA) က ဖွဲ့စည်းမည့် ဗုဒ္ဓဂယာ ခရီးသွားလုပ်ငန်းရှင်များ ကော်မတီသို့ သာသနာရေးဝန်ကြီးဌာနမှ လွှဲပြောင်း ပေးသွားမည် ဖြစ်ကြောင်း သိရသည်။


လက်ရှိတွင် ဗုဒ္ဓဂယာ ခရီးသွားလုပ်ငန်း များအနက် ကုမ္ပဏီ ၅ ခုသာ တရားဝင်ခွင့်ပြုချက်ဖြင့် လုပ်ကိုင်နေခြင်းဖြစ်ပြီး ကျန် ခရီးသွား ကုမ္ပဏီများမှာ သာသနာရေး ၀န်ကြီးဌာနသို့ ခွင့်ပြုချက် လျှောက် ထားကြသော် လည်း မရရှိခဲ့ကြောင်း ခရီးသွား လုပ်ငန်းရှင်များက ဆိုသည်။

“သူတို့ ပေးတာ မပေးတာ အပထား၊ နှစ်စဉ် လျှောက်ပါတယ်။ အင်တာဗျူး ခေါ်မေးတာသာ ရှိတယ်။ ဘယ်တော့မှ အကြောင်း မပြန်ခဲ့ဘူး။ ကျမတို့က ၀န်ဆောင်မှုသာ ပြိုင်ချင်တာပါ။ လုပ်ပိုင်ခွင့်ကို မပြိုင်ချင်ပါဘူး” ဟု ဗုဒ္ဓဂယာ ခရီးသွားလုပ်ငန်းကို ၃ နှစ်ကျော် လုပ်ကိုင်ခဲ့သော Travel for Moment ခရီးသွားကုမ္ပဏီမှ ဒေါ်နှင်းမိုးဝေက ပြောသည်။

တရားဝင် ခွင့်ပြုချက် ရထားသော ကုမ္ပဏီများသည် လေယာဉ်လက်မှတ် ဦးစားပေးခံရခြင်း၊ ဗီဇာကြေး ကင်းလွတ်ခွင့်ရခြင်း စသည့် အခွင့်အရေးများ ရရှိသည့် အပြင် ယင်းကုမ္ပဏီများမှ လွဲ၍ ကျန်ကုမ္ပဏီ များမှာ နိုင်ငံပိုင် သတင်းစာများ၌ ကြော်ငြာ ထည့်ရာတွင် ဗုဒ္ဓဂယာဆိုသော စကားလုံးကို အသုံးပြုခွင့် မရှိကြောင်း သိရသည်။

“ဗုဒ္ဓဂယာ ဆိုတဲ့ စကားလုံးကို ခွင့်ပြုချက်မရတဲ့ ကုမ္ပဏီတွေမှာ မသုံးဖို့ သာသနာရေးကနေ ပြန်ကြားရေးကို စာပို့ ထားတာလို့တော့ ပြောတယ်။ ဗုဒ္ဓဂယာ မသုံးရတော့ အိန္ဒိယခရီးစဉ်တို့၊ သံဝေဇနိ ယ လေးဌာနတို့ စသည်ဖြင့် စကားလုံးတွေ သုံးပြီး ကြော်ငြာရတယ်” ဟု ဒေါ်နှင်းမိုးဝေက ဆိုသည်။

ဗုဒ္ဓဂယာသို့ ခရီးသွားများ တနှစ်ထက်တနှစ် ပိုမို များပြားလာနေပြီး ဗုဒ္ဓဂယာ ခရီးသွားလုပ်ငန်းများမှာ တဦးချုပ် စီးပွားရေး စနစ်ကဲ့သို့ ဖြစ်နေသည်ဟု UMTA ဥက္ကဋ္ဌ ဒေါက်တာအောင်မြတ်ကျော်က ပြောသည်။

သာမန် ခရီးသွားလုပ်ငန်း ကုမ္ပဏီများသည် ဟိုတယ်နှင့် ခရီးသွားလာရေး ၀န်ကြီးဌာန၏ ခွင့်ပြုချက်ဖြင့် လုပ်ငန်းဆောင်ရွက် နိုင်သော်လည်း၊ ဗုဒ္ဓဂယာနှင့် မက္ကာတို့ ကဲ့သို့သော ဘာသာရေး ဘုရားဖူး ခရီးစဉ်များ ၀န်ဆောင်မှု ပေးလိုပါက သာသနာရေး ၀န်ကြီးဌာန၏ သဘောတူ ခွင့်ပြုချက်ကိုပါ ရရှိထားရန် လိုအပ်မည် ဖြစ်သည်။

လက်ရှိအချိန်တွင် သာသနာရေး ၀န်ကြီးဌာနမှ တရားဝင် ခွင့်ပြုချက် ရရှိ လုပ်ကိုင်နေသော ဗုဒ္ဓဂယာ ခရီးသွားလုပ်ငန်း ကုမ္ပဏီများမှာ အောင်ချမ်းသာ၊ ရန်ကုန်၊ မေသူမောင်၊ Green Holidays နှင့် Nice Fair တို့ဖြစ်သည်ဟု UMTA မှ သိရသည်။

ယခုအခါ ကုမ္ပဏီလိုင်စင်၊ ခရီးသွားလိုင်စင်၊ UMTA အသင်းဝင်ကတ်ပြား၊ ကုမ္ပဏီဖွဲ့စည်းပုံနှင့် ခိုင်မာမှုကိုပြသသော ပုံစံ ၆ နှင့် ပုံစံ ၂၆ စသည်တို့ တင်ပြနိုင်သော မည်သည့် ခရီးသွားကုမ္ပဏီမဆို ဗုဒ္ဓဂယာ ဘုရားဖူးလုပ်ငန်းကို တရားဝင်လုပ်ကိုင်ခွင့် ရနိုင်တော့မည် ဖြစ်သည်။

သာသနာရေး ၀န်ကြီးဌာနမှ ဗုဒ္ဓဂယာခရီးသွားလုပ်ငန်းများကို ၁၉၉၉ခုနှစ်မှ စတင်၍ တာဝန်ယူ ဆောင်ရွက်ခဲ့ပြီး ၂၀၀၄ ခုနှစ် နောက်ပိုင်းတွင် ဘုရားဖူးခရီးသည် ပိုမိုများပြားလာကာ နှစ်စဉ် ဗုဒ္ဓဂယာသို့ ဘုရားဖူး ခရီးသွားကြသူ ၃၅၀၀၀ မှ ၅၀၀၀၀ အကြားတွင် ရှိနေကြောင်း သိရသည်။

ယခုနှစ် မေလဆန်းတွင် အိန္ဒိယနိုင်ငံ မှ အွန်လိုင်း ဗီဇာစနစ်သို့ ပြောင်းလဲ သတ်မှတ် လိုက်ခြင်းကြောင့် ဗုဒ္ဓဂယာ ခရီးသွားများ အတွက် ဗီဇာလျှောက်ထားရန် အခက်အခဲများ ရှိလာနိုင်သောကြောင့် ဗုဒ္ဓဂယာ ခရီးသွား လုပ်ငန်းရှင်များ ပူပေါင်း၍ ဗီဇာ စည်းကမ်းချက် တချို့ကို ဖြေလျော့ပေးရန် အိန္ဒိယသံရုံးသို့ တောင်းဆိုသွားမည် ဖြစ်ကြောင်း ခရီးသွား လုပ်ငန်းရှင်များက ပြောဆိုကြသည်။

Ref: ဧရာဝတီ

Read More...

Collapse...

ပုဒ်မ ၄၀၁ ကို နိုင်/ကျဉ်းဟောင်းများ အလိုမရှိကြ

နေမျိုး
မေလ ၁၇ ရက် ၂၀၁၃ ခုနှစ်

သောကြာနေ့က လွတ်မြောက်လာသည့် နိုင်ငံရေးအကျဉ်းသားများမှာ ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁ (၁) အား လက်မှတ်မထိုးခဲ့ရသလို ယခင် လွတ်မြောက်ပြီး နိုင်ငံရေးအကျဉ်းသား ဟောင်း များအပေါ် အဆိုပါပုဒ်မ သက်ရောက်မှုလည်း ဆက်လက် မရှိသင့်တော့ကြောင်း နိုင်ငံရေးအကျဉ်းသား ပြန်လည် စီစစ်ရေးကော်မတီ အဖွဲ့ဝင် ဦးညိုထွန်း က ပြောဆိုလိုက်သည်။

“နေမျိုးဇင်လို အမှုမျိုးဆို ၄၀၁ က ကျန်တဲ့သူတွေက ဝိုက်ပြီး ခြိမ်းခြောက်လိုက်သလို ဖြစ်တယ်။ နိုင်/ကျဉ်းတွေ ကို မင်းတို့ ကို့ရို့ကားယားမလုပ်နဲ့ လုပ်လို့ရှိရင် ဒီလိုမျိုး ပြန်ပြီး အပြစ်ပေးလို့ ရတယ်ဆိုပြီး ပြလိုက် သလို ဖြစ်တယ်။ သမ္မတက ၄၀၁ ကို ပြန်ရုပ်သိမ်းသင့်တယ်ဗျာ” ဟု နိုင်ငံရေးအကျဉ်းသားဟောင်းများ အဖွဲ့ချုပ်မှ ဦးညိုထွန်း က မဇ္စျိမကို ပြောသည်။

သမ္မတ၏ လွတ်ငြိမ်းချမ်းသာခွင့်အမိန့်တွင် ၄၀၁ (၁)ဖြင့် လွတ်မြောက်လာသူတိုင်းမှာ တစုံတရာ ပြစ်မှု ထပ်မံကျူးလွန်ပါက ကျန်ရှိပြစ်ဒဏ်များကို ဆက်လက်ကျခံရမည် ဖြစ်သည်။

ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁(၁)မှာ “ပြစ်မှု တစုံတရာအတွက် တဦးတယောက်အား ပြစ်ဒဏ် ချမှတ်ပြီးသည့်အခါ နိုင်ငံတော် သမ္မတသည် မည်သည့်အခါမဆို စည်းကမ်းချက် မထားဘဲ ဖြစ်စေ
ပြစ်ဒဏ်စီရင်ခြင်းခံရသူ သဘောတူသည့် စည်းကမ်းချက်တခုခု ထား၍ဖြစ်စေ ၎င်းအပေါ် ချမှတ်သည့်
ပြစ်ဒဏ် အတည်ပြုလုပ်ခြင်းကို ဆိုင်းငံ့ထားနိုင်သည် (သို့) ၎င်းကို စီရင်သည့် ပြစ်ဒဏ်အားလုံး (သို့) အစိတ်အပိုင်း တစုံတရာကို လွတ်ငြိမ်းချမ်းသာခွင့် ပေးနိုင်သည်” ဟု ပါရှိသည်။

ဦးနေမျိုးဇင်မှာလည်း ၂၀၁၂ လွတ်ငြိမ်းချမ်းသာခွင့်တွင် ၄၀၁ (၁) လက်မှတ်ရေးထိုးကာ လွတ်မြောက်လာသူဖြစ်ရာ ယခုနှစ် မေလဆန်းပိုင်းက ရဲတပ်ဖွဲ့ လာဘ်စားသည်ဟု စွပ်စွဲပြောဆိုမှုအပေါ် အသရေ ဖျက်မှုဖြင့် ၎င်းအား ထောင်ဒဏ် ၃ လ ချမှတ်လိုက်ရာတွင် ကြွေးကျန် ပြစ်ဒဏ် ၆ နှစ်ပါ တပါတည်းကျခံရန် ပြည်ထဲရေးဝန်ကြီးဌာနမှ အမိန့်ချမှတ်ခံခဲ့ရသည်။

ယနေ့မှပင် ဗိုလ်ကြီးဟောင်း နေမျိုးဇင်အား သမ္မတရုံး အမိန့်ဖြင့် ပြန်လွှတ်ပေးခဲ့ခြင်း ဖြစ်သည်။

သို့သော် အဆိုပါ ၄၀၁ (၁)မှာ ကျန်ရှိ လွတ်ငြိမ်းချမ်းသာခွင့်ရ နိုင်ငံရေး အကျဉ်းသား ဟောင်းများအား ကန့်သတ်ခြိမ်းခြောက်မှုတရပ်အဖြစ် နိုင်/ကျဉ်းဟောင်းများက ရှုမြင်ကြသည်။

“သမ္မတကြီး မိန့်ခွန်းတွေက ရွှန်းရွှန်းဝေနေတာပဲ။ ဒါပေမယ့် ၄၀၁ ကြီးနဲ့ဆိုတော့ သိပ်မဟုတ်ဘူး။ ၄၀၁ ဆိုတာကိုလည်း ကန့်ကွက်ထားတယ်။ ဗိုလ်ကြီးနေမျိုးဇင် ဆိုရင် ၄၀၁ ထိုးထားတာလေ၊ ၄၀၁ ကို လက်မခံပါဘူး။ ကျနော်တို့ ပြင်းပြင်းထန်ထန်ကို ကန့်ကွက်ထားပါတယ်။ နိုင်/ကျဉ်း ခေါင်းစဉ်အောက်က လွှတ်ပေးတာကို အလေးအနက်ထားတယ်။ စေတနာပါမှ ကောင်းတာလေ” ဟု နိုင်ငံရေး အကျဉ်းသား
ဟောင်းအဖွဲ့မှ ကိုထွန်းကြည် က ထောက်ပြ ဝေဖန်သွားသည်။

ယနေ့ အကျဉ်းထောင်အသီးသီးမှ နိုင်ငံရေးအကျဉ်းသားပေါင်း ၂၀ ခန့် လွတ်မြောက်လာသည်ဟု ကိုထွန်းကြည် က မဇ္ဈိမကို ပြောသည်။

ယခင် နိုင်ငံရေးရေး အကျဉ်းသားများလွှတ်ပေးစဉ်က အမေရိကန် သမ္မတအိုဘားမား မြန်မာနိုင်ငံသို့ မလာခင်မီ လွှတ်ခဲ့သလို ယခုအကြိမ်တွင်လည်း မြန်မာ သမ္မတဦးသိန်းစိန် အမေရိကန် ခရီးစဉ်နှင့် တိုက်ဆိုင်နေသည်။

“သမ္မတကြီး နိုင်ငံခြားများများ ထွက်နိုင်ပါစေလို့ ဆုတောင်းရမှာပဲ။ အစ်မတို့ကို လွှတ်ခဲ့တုန်းကလည်း ၄၀၁ ဆိုတဲ့နှောင်ကြိုးနဲ့ လွှတ်ခဲ့တာ။ ဒါဟာ ခြိမ်းခြောက်မှု တခုနဲ့ လွှတ်ခဲ့တာ။ နိုင်ငံရေး အကျဉ်းသားတွေ ကို အသုံးချနေတယ်” ဟု နိုင်ငံရေး အကျဉ်းသားဟောင်း မသက်သက်အောင် က သူမ၏ အတွေ့အကြုံဖြင့် နှိုင်းယှဉ် ပြောပြသွားသည်။

ယနေ့ အင်းစိန်အကျဉ်းထောင်မှ ပြန်လည်လွှတ်မြောက်လာသူ ABSDF ရဲဘော်ဟောင်း ဦးရဲထွဋ္ဋ်ခေါင်ကလည်း “ထင်တာကတော့ နိုင်ငံခြား ခရီးစဉ်ကြောင့် ဒါမှမဟုတ်ရင်လည်း အကျဉ်းသား စိစစ်ရေးကော် မရှင်ကြောင့်လို့ ထင်ပါတယ်” ဟု အင်းစိန်အကျဉ်းထောင်ရှေ့တွင် မီဒီယာများအားပြောကြားသွားသည်။

လက်ကျန် နိုင်ငံရေးအကျဉ်းသားများ စိစစ်ရေးကော်မတီ ဖွဲ့စည်းရန် သမ္မတက ဖေဖေါ်ဝါရီလ ၆ ရက်တွင် တာဝန်ပေးခဲ့ပြီးနောက် ယနေ့တွင် စုစုပေါင်း ၁၉ ယောက်အား တိုးချဲ့ဖွဲ့စည်းခဲ့သည်။

ကော်မတီတွင် ဥက္ကဋ္ဌ အဖြစ် ဝန်ကြီး ဦးစိုးသိန်း ဖြစ်ပြီး ၈၈ အဖွဲ့မှ ဦးကိုကိုကြီး၊ House of Entertainment မှ ဦးသူရ (ဇာဂနာ)၊ NLD မှ ဦးဉာဏ်ဝင်း၊ နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP)မှ ဦးဘိုကြည်၊ နိုင်ငံရေး အကျဉ်းသား ဟောင်းများ အဖွဲ့ချုပ်မှ ဦးညိုထွန်း၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်မှ ဦးခွန်ထွန်းဦး၊ အမျိုးသား ဒီမိုကရေစီ ပါတီသစ်မှ ဦးသိန်းညွန့် စသူတို့ ပါဝင်သည်။

သောကြာနေ့တွင် လွတ်မြောက်လာသော နိုင်ငံရေးအကျဉ်းသားများမှာ အင်းစိန်ထောင်မှ ၁၀ ဦး၊ တောင်ငူ ထောင်မှ ၂ ဦး၊ လားရှိုးထောင်မှ ၁ ဦး၊ ပုသိမ်ထောင်မှ ၁ ဦး၊ မန္တလေး အိုးဘိုထောင်မှ ၁ ဦး၊ သာယာဝတီထောင်မှ ၅ ဦးဖြစ်ကြောင်း အကျဉ်းသားအရေး လှုပ်ရှားဆောင်ရွက်နေသော အဖွဲ့အစည်းများထံမှ စုံစမ်းသိရှိရသည်။

Ref: မဇ္ဈိမ

Read More...

Collapse...