ယခုတင်ပြချက်တွင် အတွေးအခေါ် သဘောတရားပိုင်းအရ ရှင်းလင်းမှုကိုပဲ အရင်ဦးစားပေး ခင်းကျင်းသွား မှာဖြစ်သည်။ ၂ ပိုင်းရှိသည်။ ပထမပိုင်းမှာ နှစ်ထောင့်တဆယ် ဆိုသည့်နှစ်မှာ “န.အ.ဖ” က ခင်းကျင်းပေး သော ရွေးကောက်ပွဲဆိုသည့် ထင်သာမြင်သာသော “သတ်ကွင်း” ကို မြန်မာ့ ဒီမိုကရက်တစ် အဖွဲ့များ၊ လူမျိုး စု အဖွဲ့အစည်းများက မည်သို့ ကျော်ဖြတ်သွားရမည်ဆိုသည် ဖြစ်ပြီး၊ ဒုတိယပိုင်းကတော့ လူထုရုန်းကြွမှု တခု လုံး၏ ဖြစ်နေသော အခင်းအကျင်းအပေါ်ထားရှိသည့် အတွေးအခေါ် သဘောတရားပိုင်း ရှင်းလင်းမှုဖြစ် သည်။
အားလုံး မှတ်မိကြမည်။ သိကြသည်။ ၁၉၈၈ ခုနှစ်၊ မြန်မာ တမျိုးသားလုံး၏ ပါတီစုံ ဒီမိုကရေစီစနစ် ပေါ်ပေါက်ရေး၊ “မဆလ” တပါတီ အာဏာရှင်စနစ် ကျဆုံးရေး “တို့အရေး'' မျှော်လင့်ချက်များကို စစ်တပ်က စစ် ကျည်ဆံများဖြင့် တနိုင်ငံလုံးသို့ သွန်လောင်းချအပြီး၊ ဦးညွတ် မသွားသော ရုန်းကြွမှုများ၏ မျှော်လင့်ချက် တပ်ဦးအဖြစ်၊ အမျိုးသား ဒီမိုကရေစီအဖွဲ့ချုပ်ကို ပြည်သူတွေက ရွေးချယ်ပြီး၊ မျှော်လင့်ချက်များ အားစိုက် လမ်းဆက်လျှောက်ကြဖို့  အနာဂါတ်အတွက် ပုံကာ ရပ်တည်ခဲ့ကြ၊ ယုံကြည်ခဲ့ကြသည်။
အနှစ် ၂၀ ခရီးကြမ်းတလျှောက် ဒါဏ်ရာ အနာတရနှင့် အမျိုးသား ဒီမိုကရေစီအဖွဲ့ချုပ်သည် ယိုင်နဲ့ရင် ယိုင်နဲ့ မည်၊ တခါ..တခါ နာကျင်လွန်း၍ တောက်ခေါက်ပြီး လဲကျရင် လဲကျသွားမည်၊ လမ်းဘေးကိုတော့ ရောက် မသွား၊ တွဲပေါ်က ခုန်မချ၊ ဖြားယောင်း သွေးဆောင်မှုများ အောက်မှာ မေ့မူးမသွား၊ ကြိုးဝိုင်း အပြင်ကို ထမ်း မထုတ်သွားရတဲ့ သက်လုံမျိုးဖြင့် ယနေ့တိုင် ရုန်းကြွမှုများ၏ မျှော်လင့်ချက်များကို ရှင်းလင်းခိုင်မာစွာ ပဲ့ကိုင် ပေးဆဲ ဖြစ်သည်။
၂၀၁၀ ရွေးကောက်ပွဲနှင့် ပတ်သက်ပြီး အမျိုးသား ဒီမိုကရေစီအဖွဲ့ချုပ်က ပြည်သူကို ဘယ်လို သဘောထား ပေးသလဲ?
ရှင်းနေသည်။ မြန်မာအများစု နားလည်နိုင်သော မြန်မာဘာသာ စကားဖြင့်ပြောနေသည်။ ခံယူသူများက ကိုယ့်တိုင်းပြည်ပေါ်၊ ကိုယ့်လူမျိုးအပေါ် တကယ်ပဲ မလိမ်ညာတဲ့၊ ဂုတ်သွေး မစုပ်တဲ့၊ လက်ညှိုးထိုး ရောင်း မစားတဲ့ စေတနာမျိုး၊ စိတ်အခြေခံ ရိုးဖြောင့်မှု မှန်ခဲ့ရိုးရင် “န.အ.ဖ” က ကြိုးချည်ပေးပြီး ထမင်းရေသိုး ခပ်ချဉ်ချဉ်တိုက်မည့် ရွေးကောက်ပွဲအပေါ် ဝေဝါးစရာ အကြောင်း လုံးဝ၊ လုံးဝ မရှိပါ။
NLD ပြောသည်မှာ၊
• ၁၉၉၀ ရွေးကောက်ပွဲ ရလဒ်အရ လွှတ်တော်ခေါ်ပေး
• ယင်းလွှတ်တော်မှ ၂၀၀၈ အခြေခံ ဥပဒေ ပြန်လည်စစ်ဆေးရေး ကော်မတီဖွဲ့စည်းပေး
• စစ်ဆေးတွေ့ရှိချက်များကို ပြင်ဆင် အတည်ပြုပေး
• ရရှိလာသည့် အခြေခံဥပဒေအရ ရွေးကောက်ပွဲကျင်းပပေးရး…တို့ ပဲဖြစ်သည်။
ဆိုတော့ NLD ကို လွတ်လပ်ပြီး ကြွယ်ဝချမ်းသာသော၊ ဖွံ့ဖြိုးတိုးတက်သည့် ဒီမိုကရက်တစ် ပြည်ထောင်စု မြန်မာနိုင်ငံတော် ပေါ်ပေါက်ရေး ရုန်းကြွမှုများ၏ တပ်ဦးအဖြစ် ပြည်သူတွေ လက်ခံဆဲ၊ ယုံကြည်ဆဲဆိုလျှင်၊ မြန်မာတမျိုးသားလုံး NLD ၏ သဘောထားကို ၂၀၁၀မှာ ဝိုင်း၍ ကျည်ဖြည့်ပေးရုံသာရှိသည်။ မှန်အောင်ပစ် မှာ မနားတမ်းပစ်မှာက NLD ဖြစ်သည်။
ထိုမှ ကင်းကွာ၍ ကွဲလွဲသော သဘောထားများ အမြင်များ ထုတ်ပြန်စရာ၊ လူတွေကို နားငြီးအောင် အခြား အချက်အကြောင်းများဖြင့် မှိုင်းတိုက်စရာ မလိုဟုထင်သည်။ ဒါက နှစ်ထောင့်တဆယ် တခုတည်းနှင့် ပါတ်သက်ပြီး ထားရှိရမည့် အတွေးအခေါ် သဘောတရားပိုင်းအရ ရှင်းလင်းမှု ဖြစ်သည်။
ဒုတိယပိုင်းက လူထုရုန်းကြွ အုံကြွမှုတခုလုံး၏ ဖြစ်နေသော အခင်းအကျင်းပေါ် ထားရှိရမည့် အတွေးအခေါ် သဘောတရားပိုင်းအရ ရှင်းလင်းမှုဖြစ်သည်။ ဆိုချင်သည်မှာ အမျိုးသား ပြန်လည်သင့်မြတ်ရေး (ဝါ) ရင်ကြား စေ့ရေး National Reconciliation ကို ချဉ်းကပ်ပုံဖြစ်သည်။ အမျိုးသား ပြန်လည်သင့်မြတ်ရေး ဆိုသည်မှာ စိတ်ကူးစိတ်သန်း တခုသာဖြစ်သည်။ ပိုပြီးတိကျရရင် အမျိုးသား ပြန်လည်သင့်မြတ်ရေး ဆိုသည်မှာ Politics of Imagination လူအဖွဲ့အစည်း အတော်များများမှာ ရှိတတ်သည့် နိုင်ငံရေး စိတ်ကူးစိတ်သန်း တခုသာဖြစ် သည်။ စိတ်ကူစိတ်သန်းနှင့် ပတ်သက်၍ ကမ္ဘာကျော် သိပ္ပံပညာရှင်ကြီး Albert Einstein အိုင်းစတိုင်း က လည်း အခုလို ဆွေးနွေးဘူးသည်။
“စိတ်ကူးစိတ်သန်းဆိုတာ သတင်းအချက်အလက်၊ တတ်မြောက်သိကျွမ်းမှု၊ သို့မဟုတ် အကြောင်းအရာ ကိစ္စ တခုကို လက်တွေ့ ဖြေရှင်းလိုပဲဖြစ်စေ၊ သဘောတရား အတွေးခေါ်အရ ပေါက်မြောက် ထိုးတွင်းသိမြင်၍ပဲ ဖြစ်စေ၊ ဆည်းပူး နားလည် သိရှိလာသော အထွေထွေ ဗဟုသုတ Knowledge ထက် စိတ်ကူစိတ်သန်းက ပို အရေးကြီးသည်ဟု “Imagination is more important than knowledge” ဆိုဘူးသည်။
ဟုတ်ပါသည်။ လူ့လောက၊ လူ့ပါတ်ဝန်းကျင်ကို အလှဆင် ရေးချယ်မည့် စိတ်ကူးစိတ်သန်းသည် ကောင်း၏။ လိုအပ်၏။ ငြိမ်းချမ်းပြီး မတူကွဲအက်မှုများ အတူငြင်းခုံ နေထိုင်နိုင်သော လူ့ဘောင်အဖွဲ့အစည်း ပေါ်ထွန်း တည်ရှိရေးဆိုသော ကြီးကျယ်ခန့်ငြားသည့် နိုင်ငံရေးစိတ်ကူးစိတ်သန်း မွေးမြူရှင်သန်ဖို့ ဆိုသည်မှာ မြန်မာ ပြည်သူ ပြည်သားများ အားလုံးအတွက် ပို၍ ကောင်း၏။ လိုအပ်၏။
လူ နှင့် မြွေ ဆိုတာ ကမ္ဘာ့အမြဲတမ်း ရန်သူတွေဖြစ်သည်။ လူက မြွေကို တွေ့ရင် 'ရိုက်' သလို မြွေက လူကို တွေ့ရင် 'ကိုက်' သည်မှာ ထုံးစံလို ဖြစ်သည်။ သို့သော် ဒီလူ နှင့် ဒီမြွေ၊ ကိုက်သူ နှင့် ရိုက်သူ အတူတူ နေနိုင် အောင် ဖန်တီးတည်ဆောက်ထားသော နိုင်ငံရေးစနစ် ကျင့်သုံးသည့်နိုင်ငံများကို ကြည့်မြင်နေရသည်မှာ လည်း “သရေ တကျကျ…တမြမြ” ဖြစ်မိသလို၊ အဲဒီလို စိတ်ကူးစိတ်သန်း ချိုချိုမျိုး အမြဲရှင်သန်ဖို့ ဆိုတာ လည်း ငြင်းစရာပင် မလိုတော့ပါ။
သို့သော် လူ့အဖွဲ့အစည်း တရပ်လုံးရဲ့ ယဉ်ကျေးမှုများ အားလုံးကို ပြောင်းလဲပြီး၊ အသစ်တခု တည်ဆောက်ဖို့ ရာ စိတ်ကူးစိတ်သန်းသည် Foundation အခြေခံသာဖြစ်ပြီး၊ အဆောက်အအုံတခုလုံး ပြီးစီးပုံပေါ်ဖို့ အခြား လိုအပ်သော ကိရိယာ တန်ဆာပလာများလည်း ထည့်ဝင်ရမည်။ ထို ကိရိယာများမပါပဲ ဦးနှောက်မှာ ရေးခြစ် ထားသည့် စိတ်ကူးစိတ်သန်းများ အဆောက်အအုံ ဖြစ်မလာဆိုတာကို တဖက်မှာလည်း ကွဲပြားထားဖို့ လို သည်။ National Reconciliation၊ သို့မဟုတ် ပြည်ထောင်စုစိတ်ဓာတ် One Nation တည်ဆောက်ရေးဆိုတဲ့ စိတ်ကူးစိတ်သန်းကို ၁၄ ကြိမ်မြောက် အမေရိကန် သမတကြီး အေဗရာဟင် လင်ကွန်း Abraham Lincoln ဆီမှာလည်း ရှိခဲ့ဘူးသည်။
“ဒီပြည်ထောင်စုကို ကယ်တင်ဖို့ စည်းရုံးအောင် တည်ဆောက်ဖို့ဆိုရင် ကျွန်တွေကို မလွတ်မြောက်ရရင် လည်းရှိစေ၊ ကျွန်တွေ လွတ်မြောက်မှ ရမယ်ဆိုလည်း ဖြစ်စေ၊ သို့မဟုတ် တချို့ကို လွတ်မြောက်ပြီး ကျန်တာ ကို ကျွန်အဖြစ် ဆက်ထားရမယ်ဆိုလည်း အကြောင်းမဟုတ်၊ ဘယ်လိုနည်းမျိုးနဲ့ ဖြစ်စေ ပြည်ထောင်စု စိတ်ဓာတ် One Nation ကို တည်ဆောက်မယ်'' ဆိုတာ သမိုင်းတွင် ကျန်ရစ်ခဲ့တဲ့ စကားတခုပါ။
ဒီစကားကို ရာစုနှစ် ၂ စုကြာ၊ ခိုင်မြဲတဲ့ ဖွဲ့စည်းအုပ်ချုပ်ပုံ အခြေခံဥပဒေကို ပိုင်ဆိုင်တဲ့ ဒီမိုကရေစီ လမ်းပြနိုင်ငံ တခုရဲ့ကွန်ဂရက် (Congress) မှာ လင်ကွန်း တွေ့ဆုံ ဆွေးနွေး အဖြေမရှာနိုင်ခဲ့ပါဘူး။
အမေရိကန် နိုင်ငံရေး စိတ်ကူးစိတ်သန်းဆိုတာ သူတို့ဆီက ကြီးကျယ်ခိုင်ခန့်တဲ့ ဖီလော်ဆော်ဖါများဖြစ်တဲ့ အရစ္စတိုတယ် Aristotle (384-322 BC)၊ သောမက်(စ်) အကွီနက်(စ်) Thomas Aquinas (1225-1274)၊ ဂျွန်လော(ခ်) John Locke (1632-1704) တို့က ပေါက်ဖွားလာသော်ငြား၊ ဒီ စိတ်ကူးစိတ်သန်းတွေ ကမ္ဘာမှာ နေရာယူဖို့အတွက် လင်ကွန်း သူ့မြေ သူ့ရေကို မီးလောင်တိုက်သွင်း ပြာခင်းပစ်မဲ့၊ သူ့စိတ်ကူး စိတ်သန်းတွေ ကို ကောင်အထည် ပေါ်အောင်လုပ်ပေးမဲ့ နောက်လိုက် ရှာပုံတော် ဖွင့်ခဲ့ရသည်။
ဒီလိုနှင့် ယူလီစ ဂရန့် (Ulysses S. Grant) တို့ အမေရိကန် တောင်းပိုင်းမှာ မြင်သမျှ ရွာ မီးရှို့၊ တွေ့သမျှ မြို့ တွေထဲ အမြောက်တွေ ပစ်ထည့်၊ စားလို့ရတာ အကုန်ယူ ကျန်တာ ဖျက်ဆီး၊ ယောကျာ်း၊ မိန်းမ မချန် သူ့ မြေပုံပေါ်မှာရှိသည့် တွေ့… တွေ့သမျှသော ရန်သူ့ အမှတ်အသား မှန်သမျှ ရှင်းခဲ့ လင်းခဲ့ (လက်ခမောင်းခတ်---အမောက်ထောင်ပြခဲ့) ရသည်။ Total War ရန်/ငါ စည်းပြတ် ရှင်းရှင်း ဆက်ဆံခြင်းလို့လည်း နိုင်ငံရေးမှာ ဆိုနိုင်သည်။
၁၉ ရာစု၊ ၂၀ ရာစု၊ ၂၁ ရာစု၊ ကြိုက်သည့် ရာစုပဲ ဖြစ်ပါစေ၊ အင်အားနှင့် အကြမ်းဖက်မှုဆိုတာ သဘာဝ တရား၊ အရှိတရားဖြစ်ပါသည်။ အင်အားနှင့် အကြမ်းဖက်မှုသည် အတွေ့အကြုံ ဖြတ်သန်းမှုများအရ ဖြစ်စေ၊ အတွေ့အကြုံ ဖြတ်သန်းမှုများကနေ လေ့လာသင်ယူသိရှိ၍ဖြစ်စေ တုန့်ပြန်လာသည့် တုန့်ပြန်မှုများ (Learned Behaviors and Learned Responses) မဟုတ်ပါ။ ကနေ့ခေတ် ကောင်းမွန်မြတ်သော စိတ်ကူး စိတ်သန်းများနှင့် လူ့ဘောင်အဖွဲ့အစည်းများဆိုတာ အကြမ်းမဖက် တိုက်ပွဲဝင်မှုများကို ဖြတ်သန်းပြီး တည်ဆောက်လာသည်ထက်၊ အကြမ်းဖက်မှုများစွာကို ဖြတ်သန်း၍ တည်ဆောက်ခဲ့ကြသည်မှာ အထင် အရှားပါ။ ဆက်လက်၍လည်း တည်ဆောက်နေကြသည်မှာ မျက်မြင်ဖြစ်သည်။ ဗုံးတွေကြဲသည်။ သေနတ် တွေ ပစ်သည်။ လေယာဉ်တွေ စီးပြီး တိုက်ခွဲသည်။ ဒါဆို လူတွေ အရှိတရား၊ မျက်မြင်များကို ဘာကြောင့် လက်ခံရန် အကြောက်အကန် ငြင်းဆန်နေကြသနည်း။ အကြောင်းတော့ ရှိပါသည်။ အခုပြောလို့ မဖြစ်သေး ပါ။
လိုရင်းကို ကောက်ရရင်၊ အဓိက အငြင်းပွားနေသည့် ပွိုင့်မှာ၊ မြန်မာပြည်မှာ အမျိုးသားပြန်လည် သင့်မြတ် ရေး၊ ရင်ကြားစေ့ရေး ပေါ်ပေါက်လာဖို့အတွက် သက်ဆိုင်ရာ ခေါင်းဆောင်များ၊ အဖွဲ့အစည်းများက သူ့ ရပ်တည်ရာ ကွဲပြားမှု၊ အခြေအနေ မတူညီမှုအပေါ်မှာ အခြေခံပြီး၊ ပုံသဏ္ဍာန်ခြားနားတဲ့ တိုက်ပွဲဝင်မှုများ၊ အာရုံထား လုပ်ဆောင်သွားဖို့ပဲ ဖြစ်သည်။
ဥရောပနိုင်ငံများ၊ အနောက်နိုင်ငံများ၊ ကွန်ဖရန့်များ (Conferences) များကို တက်ရောက်ပြီး၊ ကိုယ်လုပ်မည့် အစီအစဉ်များက်ို ရှင်းပြပြီး အကူအညီ တောင်းခံနေမှာထက်၊ ကိုယ်တိုင်က (န.အ.ဖ နဲ့ ပါတ်သက်ရာ ပတ် သက်ကြောင်းများကလွဲပြီး တတိုင်းပြည်လုံး ထမင်းရေ သောက်နေသည့် အချိန်မှာ) ပြည်သူများနှင့် လက်ရေ တပြင်တည်း၊ ငတ် အတူ၊ သေ အတူ တိုက်ပွဲဝင်သည့် ဒီမိုကရက်တစ်(အဖွဲ့)များ၊ ကွဲထွက်လာသည့် သီးသန့် လူတန်းစားများမဟုတ်ပဲ ပြည်သူများ၏ အကျိုးကို ကိုယ်ကျိုးစွန့်ဆောင်ရွက်သည့် လှုပ်ရှားမှုများ ပေါ်ထွက် လာအောင် ကြိုးပမ်းတိုက်ပွဲဝင်သည့် ခေါင်းဆောင်များ၊ အဖွဲ့များဖြစ်လာရင် အနောက်နိုင်ငံများ၊ ဥရောပနိုင်ငံ များဆိုသည်မှာ ကိုယ်ရှိသည့်နေရာကို လာရောက်၍၊ ကိုယ့်လိုအပ်ချက်များကို မေးမြန်းပြီး အကူအညီ ပေး လာမှသာ မြန်မာပြည်ဒီမိုကရေစီရရှိရေး လမ်းကြောင်းမှန်ပေါ်ရောက်မည်ဟု သုံးသပ်နိုင်သည်။
အောင်ဆန်းပြောခဲ့သည့် “ရာဇဝင်တွေကို လေ့လာနေတာထက်၊ ရာဇဝင်ကို ကိုယ်တိုင်ရေးနိုင်သူ ဖြစ်အောင် လုပ်ရမယ်” ဆိုသည့် စကားသည် အတုယူစရာဖြစ်သည်။ ဆိုတော့ ကြားနေ မြင်နေရသည်မှာ ဒီမိုကရက် များ၊ ပြုပြင်ပြောင်းလဲလိုသူများသည် အောင်ဆန်းကို စံပြ (Role Model) အဖြစ် ကိုးကားကြသည်ဆိုတော့၊ ကိုယ်တိုင် ရာဇဝင်မရေးခင် အောင်ဆန်းရေးခဲ့သော ရာဇဝင်ကိုတော့ လေ့လာတန်ရာ ကောင်းသည်။
လောက၌ ရွေးချယ်သူ နှင့် ရွေးချယ်ခံရသူ လူ့အမျိုးအစား ၂ မျိုးသာရှိသည်။ အောင်ဆန်းသည် မြန်မာ့ လွတ်လပ်ရေးကို ရွေးချယ်သူအဖြစ်မှ ရယူခဲ့သည်။ အောင်ဆန်း၏ နောက်တွင် ပြည်သူရှိသည်။ စစ်တပ်ရှိ သည်။ အခြေအနေကောင်း၊ အကြောင်းတရားကောင်းတွေရှိသည်။ အောင်ဆန်း၏ အမြော်အမြင်ကျယ်မှု၊ ရိုးသားဖြောင့်မတ်မှု၊ ကိုယ်ကျိုးစွန့် အနစ်နာခံမှုတွေ ထပ်လောင်း ပေါင်းစပ်လိုက်သည့်အခါ၊ အင်္ဂလိပ်သည် အောင်ဆန်း၏ ရွေးချယ်မှုကို ခေါင်းညိတ်ရသည်။
အောင်ဆန်းသည် နိုင်ငံရပ်ခြားများက ရွေးချယ်ပေးသော တော်လှန်ရေး၊ လွတ်လပ်ရေးကို အရှင်းလက်မခံ၊ ကိုယ်တိုင်ရွေးချယ်ယူခဲ့… သူ၊ ပိုပြီး အနုစိတ်ရရင် မြန်မာ့လွတ်လပ်ရေးကို ကိုယ်ကျိုးစွန့် အနစ်နာခံ တိုက်၍ ရယူခဲ့ … သူ၊ စိတ်ကူးနှင့်ပင် ရူးလို့ ရလောက်သည့် အာဇာနည် သူရဲကောင်းဖြစ်သည်။
မြင်ခဲ့သမျှ အားလုံးကို တကြောင်းထဲစုပြီး မီးမောင်းထိုးပြရယင် ၂၀၁၀ မှာ မြန်မာအားလုံး NLD ၏ ရပ်တည် ချက်ကို ဝိုင်းရံပြီး၊ ရေရှည် လူထုရုန်းကြွမှုကို နိုင်ငံရပ်ခြားက ရွေးချယ်ပေးသော တော်လှန်ရေးများကို ငြင်း ဆန်ပြီး၊ ကိုယ်တိုင်ရွေးချယ်ယူသော၊ အမြော်အမြင်ကျယ်ပြီး ကိုယ်ကျိုးစွန့် အနစ်နာခံသော တိုက်ပွဲတခုကို ရေးဆွဲ ကြည့်မြင်ကြပါစို့။
ရှေ့နေ ဦးသိန်းညွန့် ဦးဆောင်ဟောပြော ဆွေးနွေးနေစဉ်
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88