“အမျိုး​သမီး​များ​အတွက် တရား​မျှတမှုကို ​ဆောင်ကျဉ်း​ပါ” ဗွီဒီယိုမှတ်တမ်း​ခွေ ဖြန့်​ချိ

7, 2011 by ခင်မင်းဇော်

ကချင်၊​ ကရင်နဲ့​ ရှမ်း​ဒေသ​တွေမှာ ဆက်တိုက်ဖြစ်ပွား​နေတဲ့​ မြန်မာစစ်တပ်ရဲ့​ ထိုး​စစ်ဆင်မှု​တွေနဲ့​အတူ အမျိုး​သမီး​တွေအ​ပေါ် အဓမ္မပြုကျင့်​မှုများ​ ကျူး​လွန်​နေဆဲဖြစ်​ကြောင်း​ ​ဖော်ထုတ်တင်ပြထား​တဲ့​ ဗွီဒီယိုမှတ်တမ်း​ခွေက်ို အမျိုး​သမီး​များ​အဖွဲ့​ချုပ် (မြန်မာနိုင်ငံ) က ဒီက​နေ့​ ထုတ်​ဝေဖြန့်​ချိလိုက်ပါတယ်။

အမျိုး​သမီး​ များ​အဖွဲ့​ချုပ် မြန်မာနိုင်ငံက “အမျိုး​သမီး​များ​အတွက် တရား​မျှတမှုကို ​ဆောင်ကျဉ်း​ပါ” လို့​ အမည်​ပေး​ထား​တဲ့​ ဒီမှတ်တမ်း​ခွေကို ထိုင်း​နိုင်ငံ ချင်း​မိုင်တက္ကသိုလ်တွင်း​ရှိ အိုင်စီခန်း​မမှာ မိတ်ဆက်ဖြန့်​ချိပွဲ ပြုလုပ်ခဲ့​တာပါ။


ဒီမှတ်တမ်း​ဗွီဒီယို​ခွေမှာ ပိုမိုခိုင်မာတဲ့​ သက်​သေအ​ထောက်အထား​တွေကို ထည့်​သွင်း​ထား​ပါတယ်။

အဓမ္မပြုကျင့်​ ခံရသူ အမျိုး​သမီး​တွေကိုယ်တိုင် ​ဖြေကြား​ထား​ချက်နဲ့​အတူ အမျိုး​သမီး​အဖွဲ့​အစည်း​တွေအပါအဝင် လူ့​အခွင့်​အ​ရေး​အတွက် ​ဆောင်ရွက်​နေသူ​တွေနဲ့​ ​တွေ့​ဆုံ​မေး​မြန်း​ထား​ချက်​တွေလည်း​ ပါဝင်ပါတယ်။

အ​ခွေထုတ်ရတဲ့​ အ​ကြောင်း​ရင်း​ကို ကချင်အမျိုး​သမီး​များ​အစည်း​အရုံး​ ထိုင်း​နိုင်ငံက ဂျန်မွန်း​နေလီက ခုလို ​ပြောပါတယ်။

“ကျမတို့​ ကချင်​ဒေသမှာဆိုရင် အစိုး​ရစစ်တပ်က​နေပြီး​ ​ကေအိုင်​အေစစ်တပ်ကို စပြီး​ထိုး​စစ်ဆင်ခဲ့​တယ်။ ထိုး​စစ်ဆင်လာတဲ့​ ​နောက်ပိ်ုင်း​မှာ အမျိုး​သမီး​တွေကို မုဒိမ်း​ကျင့်​တဲ့​ကိစ္စ​တွေ၊​ အဓမ္မပြုကျင့်​ပြီး​ သတ်ဖြတ်တာ​တွေက ပြီး​ခဲ့​တဲ့​ဟာ​တွေထက် ပိုပြီး​တော့​ များ​များ​ဖြစ်လာ တယ်။ မရပ်တန့်​သွား​ဘဲနဲ့​ ပိုဖြစ်လာတာကို ​တွေ့​ရှိရ​တော့​ စိတ်မ​ကောင်း​ဖြစ်တဲ့​အတွက် အား​လုံး​ရဲ့​ အသံကိုထုတ်​ဖော်ဖို့​အတွက် လုပ်ရတဲ့​အချိန်အခါဖြစ်လာတယ်။”

မြန်မာစစ်တပ်​ ခေါင်း​ဆောင် ဗိုလ်ချုပ်မှူး​ကြီး​သန်း​ရွှေနဲ့​ စစ်အုပ်စုကို သူတို့​ကျူး​လွန်ထား​တဲ့​ စစ်ရာဇဝတ်မှုနဲ့​ လူသား​ဖြစ်မှုကိုဆန့်​ကျင်တဲ့​ ရာဇဝတ်မှုများ​အတွက် နိုင်ငံတကာရာဇဝတ်ခုံရုံး​မှာ တရား​စွဲဆိုနိုင်ဖို့​ ကုလသမဂ္ဂ စုံစမ်း​စစ်​ဆေး​ရေး​ကော်မရှင် ဖွဲ့​စည်း​ပေး​ဖို့​ အဓိက​တောင်း​ဆိုချင်တဲ့​အတွက် ဒီအ​ခွေကို ထုတ်​ဝေခဲ့​တာပါလို့​ WLB သတင်း​ထုတ်ပြန်​ကြေညာချက်မှာ ​ဖော်ပြထား​ပါတယ်။

မြန်မာနိုင်ငံ လူ့​အခွင့်​အ​ရေး​ကောင်စီကို တိုင်ကြား​ဖို့​ အစီအစဉ်မရှိ​သေး​ဘူး​လို့​ ရှမ်း​အမျိုး​သမီး​ရေး​ရာ ဆက်သွယ်လှုပ်ရှား​ ​ဆောင်ရွက်​ရေး​အသင်း​က နန်း​ဆိုင်​နောင့်​က ​ပြောပြပါတယ်။

“လူ့​အခွင့်​အ ​ရေး​ချိုး​ဖောက်မှု​တွေ မုဒိမ်း​ကျင့်​ခံရမှု​တွေကို ရပ်တန်း​က ရပ်ရင်​တော့​ ​ကောင်း​ပါတယ်။ တကယ့်​ပြဿနာက အခုချိန်ထိ လက်ရှိအချိန်ထိကို အမျိုး​သမီး​တွေက စစ်တပ်ရဲ့​ မုဒိမ်း​ကျင့်​မှုကို ခံ​နေရတယ်။ တခြား​လူ့​အခွင့်​အ​ရေး​ ချိုး​ဖောက်မှု​တွေလည်း​ ဆက်ရှိ​နေ​သေး​တာက တကယ့်​ပြဿနာပါပဲ။”

မြန်မာနိုင်ငံ လူ့​အခွင့်​အ​ရေး​ကောင်စီမှာ တိုင်ကြား​ဖို့​ဆိုတာ လက်​တွေ့​မှာ​တော့​ မလွယ်ဘူး​ဆိုတဲ့​အ​ကြောင်း​ကိုလဲ ဂျန်မွန်း​နေလီက ခုလို ဆက်လက်​ပြောပြပါတယ်။

“​သေ​သေချာချာ ​လေ့​လာမယ်ဆိုရင် လူ့​အခွင့်​အ​ရေး​ကော်မရှင်ရဲ့​ လုပ်ပိုင်ခွင့်​တွေက ​တော်​တော်​လေး​နည်း​နေ​သေး​တယ်။ လူ့​အခွင့်​အ​ရေး​ကော်မရှင် စဖွဲ့​တဲ့​နောက်ပိုင်း​မှာ ဒီ​ကော်မရှင်မှာ ဒီလိုမျိုး​တင်လို့​ရတယ်ဆိုတာကို လူ့​အခွင့်​အ​ရေး​ ချိုး​ဖောက်မှု ပိုများ​လာတဲ့​ ကျမတို့​ တိုင်း​ရင်း​သား​ဒေသ​တွေမှာ ဒီသတင်း​တွေ​ရောက်ဖို့​ မရှိပါဘူး​။ ဘာလို့​လဲဆို​တော့​ မြန်မာပြည်ရဲ့​အ​ခြေအ​နေက သတင်း​မီဒီယာ​တွေ လက်လှမ်း​မီဖို့​ ​တော်​တော်​လေး​ခက်ခဲပါတယ်။”

သမ္မတဦး​သိန်း​ စိန်က မြန်မာနိုင်ငံအတွင်း​ လူ့​အခွင့်​အ​ရေး​ကျူး​လွန်ခဲ့​သူ​တွေ၊​ စစ်တပ်က ပြည်သူ​တွေအ​ပေါ် မတရား​မှု​တွေ ကျူး​လွန်ခဲ့​မှု​တွေကို မြန်မာနိုင်ငံလူ့​အခွင့်​အ​ရေး​ကော်မရှင်ကို တိုင်ကြား​နိုင်တဲ့​အ​ကြောင်း​ တရား​ဝင်​ကြေညာထား​ချိန်မှာပဲ အမျိုး​သမီး​များ​အဖွဲ့​ချုပ် မြန်မာနိုင်ငံက ခုလို မှတ်တမ်း​ဗွီဒီယို ထုတ်ပြန်ပြီး​ ကုလသမဂ္ဂကို ​တောင်း​ဆိုလိုက်တာ ဖြစ်ပါတယ်။

Ref: http://burmese.dvb.no/archives/17484

Read More...

Collapse...

ဗိုလ်ချုပ်မှူးကြီး သန်းရွှေ ၏ ရာဇ၀တ်မှုများ စုံစမ်းရန် WLB တောင်းဆို

သန်းထိုက်ဦး
November 7, 2011

မြန်မာ စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေနှင့် အပေါင်းအပါများ ကျူးလွန်ထားသည့် လူ့အခွင့်အရေး ချိုးဖောက်မှု များ အတွက် အပြည်ပြည်ဆိုင်ရာ ရာဇ၀တ်မှုခုံရုံးတွင် တရားစွဲဆိုနိုင်ရေးကို ဦးတည်၍ ကုလသမဂ္ဂ စုံစမ်းစစ်ဆေးရေး ကော်မရှင် (COI) ဖွဲ့စည်းရန် အမျိုး သမီးများ အဖွဲ့ချုပ်(မြန်မာနိုင်ငံ) (WLB)က ယနေ့ တောင်းဆိုလိုက်သည်။

WLB က ထိုင်းနိုင်ငံ ချင်းမိုင် တက္ကသိုလ် International Center – IC ခန်းမ၌ “အမျိုးသမီးများအတွက် တရားမျှတမှုကို ဆောင်ကြဉ်းပါ” အမည်ရသည့် မှတ်တမ်း ဗီဒီယို အခွေ ထုတ်ဝေ ဖြန့်ချိရေးနှင့် ပတ်သက်၍ သတင်းစာ ရှင်းလင်းပွဲ တရပ် ပြုလုပ်ပြီး ယခုကဲ့သို့ တောင်း ဆို လိုက်ခြင်း ဖြစ်သည်။


ယင်း ဗီဒီယိုခွေ၌ အစိုးရ စစ်တပ်က ကချင်၊ ကရင်နှင့်ရှမ်းပြည်နယ်များတွင် ဖြစ်ပွားနေသော စစ်ပွဲများအတွင်း ဒေသခံအမျိုးသမီးများကို လိင်ပိုင်းဆိုင်ရာ အဓမ္မပြု ကျင့်မှုများ၊ ရာဇ၀တ်မှု ကျူးလွန်မှုများနှင့် လူ့အခွင့်အရေး ချိုးဖောက်မှုများကို အဓိက မှတ် တမ်းတင်ထားသည်။

“၂၀၁၀ ရွေးကောက်ပွဲ ပြီးတဲ့ နောက်ပိုင်းမှာ အခု အသစ်တက်လာတဲ့ အစိုးရက ဒီမိုကရေစီ ပြုပြင်ပြောင်းလဲမှု လုပ်နေပါတယ် လို့ ပြောနေတဲ့ အချိန်မှာ တဖက်မှာ ထိုးစစ်တွေ ဆင်နေတယ်၊ စစ်ပွဲတွေ ပိုပြီးတော့ ပြင်းပြင်ထန်ထန် ဖြစ်လာတဲ့ နေရာ ဒေသ မှာ အမျိုး သမီးတွေ အဓမ္မပြုကျင့်ခံရမှုတွေ ပိုများလာတယ်”ဟု WLBမှ သဘာပတိ အဖွဲ့ဝင် ဂျန်မွန်းနေလီ က ဧရာဝတီသို့ပြော သည်။

WLB ၏ ထုတ်ပြန်ချက်တွင်လည်း ယင်းမှတ်တမ်းဗီဒီယိုသည် အစိုးရ စစ်တပ်၏ စစ်ရာဇ၀တ်မှု ကျူးလွန်မှုများ၊ လူသားမျိုးနွယ် အပေါ် ကျူးလွန်သည့် ရာဇ၀တ်မှုများနှင့်ပတ်သက်ပြီး ကိုယ်တိုင်ကြုံတွေ့ရသူများ၏ အင်တာဗျူးများ အပါအ၀င် အထောက် အထား ခိုင်လုံ စွာဖြင့် ရိုက်ကူးထားခြင်း ဖြစ်ကြောင်း ဖော်ပြထားသည်။

“မြန်မာစစ်အစိုးရ အနေနဲ့ အမျိုးသမီးတွေအပေါ်မှာ အတင်းအဓမ္မပြုကျင့် မှုတွေအပါအ၀င် အခြားလိင်ပိုင်းဆိုင်ရာအကြမ်းဖက် မှုတွေ အစီအစဉ်ချ ကျူးလွန် ခွင့်ပြုထားတယ်ဆိုတာကို ဒီမှတ်တမ်းခွေက ပိုပြီးသက်သေပြ နေပါတယ်”ဟု WLB အထွေထွေ အတွင်းရေးမှူး ဒေါ်တင်တင်ညိုက ပြောသည်။

ပြီးခဲ့သည့် ဇွန်လဆန်းပိုင်းကလည်း ကချင်ဒေသခံ အမျိုးသမီး ၁၈ ဦး မုဒိန်းကျင့်ခံရပြီး ၄ ဦး အသတ်ခံခဲ့ရကြောင်း၊ အစိုးရ၏ ခြေမြန် တပ်ရင်း အမှတ် ၄၃၇၊ ခြေလျင်တပ်ရင်း အမှတ်၂၃၇ ရှိ စစ်သားများက ကျူးလွန်ခဲ့ခြင်း ဖြစ်ကြောင်း ထိုင်းနိုင်ငံရှိ ကချင် အမျိုးသမီး အစည်းအရုံး (KWAT) က ထုတ်ပြန်ခဲ့သည်။

မတရားကျင့်ခံရသူတို့မှာ မိုးမောက်၊ မိုးညှင်း၊ မန်စီ၊ ဒေါဖုံးယမ်မြို့နယ်များမှ ဒေသခံများ ဖြစ်သည်ဟု KWAT ထုတ်ပြန်ချက်က ဆိုသည်။

ထိုသို့သော လူ့အခွင့်အရေး ချိုးဖောက်မှုများအတွက် COI ဖွဲ့စည်းရေးကို မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် က လည်း ထောက်ခံကြောင်း ပြောကြားထားသည်။

ဇွန်လ၂၂ ရက်က ကျင်းပသည့် အမေရိကန် အောက်လွှတ်တော် အာရှနှင့် ပစိဖိတ်ရေးရာ ကော်မတီ၏ မြန်မာ့အရေး ကြားနာ ပွဲသို့ပေး ပို့သော ကြိုတင်အသံသွင်းထားသည့် ဗီဒီယိုမိန့်ခွန်းတွင် ဒေါ်အောင်ဆန်းစုကြည်က ယင်းသို့ ပြောကြားခြင်းဖြစ်သည်။

မြန်မာနိုင်ငံတွင်း လူ့အခွင့်အရေးချိုးဖောက်မှု မည်ကဲ့သို့ အခြေအနေရှိသည်ကို မှန်ကန်စွာ ဖော်ထုတ်နိုင်ရေး အတွက် လူ့အခွင့် အရေး အထူးကိုယ်စားလှယ် မစ္စတာ ကင်တာနာ တောင်းဆိုထားသည့် COI ဖွဲ့စည်းရေးကို အမေရိကန်၊ ကနေဒါ အပါအ၀င် နိုင်ငံပေါင်း ၁၆ နိုင်ငံက ထောက်ခံထားသည်။

Ref: ဧရာဝတီ

Read More...

Collapse...

တပ်သားအချင်းချင်း ပစ်ခတ်မှုဖြစ်

7 November 2011

မြ၀တီမြို့၊ အမှတ်(၄)ရပ်ကွက်ရှိ အစိုးရတပ် ရှေ့တန်းရုံးမှ တပ်သား နှစ်ဦးတို့သည် ယမန်နေ့က ခိုက်ရန်ဖြစ်ပွားကာ အချင်း ချင်း ပစ်ခတ်မှု ကြောင့် တစ်ဦးမှာ သေနတ်ထိမှန်သွားခဲ့သည်။

၎င်းနေ့လည်ဘက်တွင် ဖြစ်ပွားခဲ့သည့် ပစ်ခတ်မှုကြောင့် သေနတ်ဒဏ်ရာရရှိသွားသူ တပ်သားကို မြ၀တီဆေးရုံ၌ ခွဲစိတ်ကုသ ခဲ့ရ သည်ဟု မြို့ခံတစ်ဦးက ပြောသည်။

“ရှေ့တန်းရုံးက ရဲဘော် နှစ်ယောက် အချင်းချင်း စကားများပြီး ပစ်ကြတာပဲ။ ဒါပေမဲ့ တယောက်ပဲ သေနတ်ထိတယ်။ အဲဒီရဲ ဘော်က အသည်း ကိုထိတော့ ခွဲစိတ်လိုက်ရတယ်။ မွန်းလွဲ ၂နာရီလောက်မှ ခွဲစိတ်မှုက ပြီးတာလေ။”ဟု ၎င်းမြို့ခံက ဆိုသည်။

အလားတူ ထိုနေ့ည ၇နာရီမှစ၍ မြ၀တီအာဏာပိုင်များသည် မြစန္ဒီပန်းခြံတွင်းရှိ ခမ်းမဆောင်၌ အစိုးရသစ် တနှစ်ပြည့် နှစ် ပတ်လည် အခမ်းအနားကို ကျင်းပပြုလုပ်ခဲ့ကြသည်ဟုလည်း နီးစပ်သူများက ပြောသည်။

အဆိုပါ အခမ်းအနားသို့ စစ်ကွပ်ကဲရေးဌာနချုပ်-စကခ(၁၂)မှူး၊ ဗျူဟာမှူး၊ ခယက/မယက ဥက္ကဌ၊ ရဲမှူး၊ ဌာနဆိုင်ရာ ၀န်ကြီးများ နှင့် ဗိုလ်မှူးမုတ်သုန် ပါဝင်သည့် နယ်ခြားစောင့်တပ်များလည်း တက်ရောက်ခဲ့ကြသည်ဟု သိရသည်။

ကိုယ်တိုင် မြင်တွေ့ခဲ့သူတစ်ဦးက “သူတို့ လူကြီးတွေကတော့ ပျော်ပျော်နေ၊ ကောင်းကောင်းစားပဲ။ သာမန်လူထုတွေကတော့ ငတ်နေ ကြ တယ်လေ။”ဟု သူမ၏အမြင်ကို ပြောသည်။

Ref: ကေအိုင်စီ

Read More...

Collapse...

မြန်မာအစိုးရတပ်က ကချင် ခရစ်ယာန်သင်းအုပ် ဆရာအား ဖမ်းဆီး

07 November 2011

နိုဝင်ဘာလ (၆) ရက်၊ ယမန်နေ့တွင် မြန်မာစစ်အစိုးရတပ်က ကချင်ပြည်နယ် ၀ိုင်းမော်မြို့နယ်မှ ကချင် ခရစ်ယာန်ဘုရားကျောင်းတခုကို ဖျက်ဆီးပြီး သင်းအုပ်ဆရာနှင့်အတူ ရွာသား ၄ ဦးကို ဖမ်းဆီးလိုက်ကြောင်း ဒေသခံများပြောသည်။


ဝိုင်းမော်မြို့နှင့် ၆ မိုင်အကွာ၌ ကချင်လွတ်မြောက်ရေးတပ်ဖွဲ့ (KIA)နှင့် ပစ်ခတ်ကြပြီးနောက် ယခု လုပ်ရပ် ဖြစ်လာပြီး အိမ်တစ်လုံးကိုပါ မီးရှို့ဖျက်ဆီးခဲ့သည်ဟု မျက်မြင်သက်သေများပြောသည်။

ဝိုင်းမော်မြို့မှ မော်တော်ယာဉ်ဖြင့် စစ်သည်အင်အား ၂၀၀ ကျော်နှင့် ခြေလျင်ခရီးဖြင့် ၀ါးရှောင်ဆည်မြောင်းအတိုင်း မြင်းအကောင် ၁၀၀ ခန့်နှင့်အတူ စစ်သား အနည်းဆုံး ၁၀၀ ရှိမြန်မာအစိုးရတပ်များ ၀ါးရှောင်ဆည်ဖက်သို့ ချီတက်လာစဉ်ဝိုင်းမော်သမ္မာကျမ်းစာကျောင်း အလွန် နံနက် (၈) နာရီတွင် KIA နှင့် တိုက်ပွဲဖြစ်ပွားသည်။


နံနက် ၁၀ နာရီကျော်အထိ နှစ်ဖက်ကြား လက်နက်ကြီး လက်နက်ငယ်များဖြင့် ပစ်ခတ်ကြပြီးနောက် မြန်မာအစိုးရတပ်က တိုက်ပွဲဖြစ် ပွားရာအနီးရှိ အိမ်ခြေ ၈၀ ကျော် နေထိုင်သည့် မုတ်ကြိတ်ကျေးရွာ ရပ်ကွက် (၁) ထဲသို့ မသင်္ကာသူများကို ၀င်ရောက်ရှာဖွေလာသည်။

“အေဂျီ်ဘုရားကျောင်းတစ်ခုဖျက်ဆီးခံရတယ်။ မျက်နှာစာပျဉ်ချပ်တွေမရှိတော့ဘူး။ စတိတ်စင်တွေ၊ အလှူငွေသေတ္တာတွေ။ အဲက သင်း အုပ်ဆရာ ယေဂျောင်လွမ်းခေါင် (Yejawng Lum Hkawng)ကို ဖမ်းသွားတယ်။ ဘုရားကျောင်းထဲမှာပဲ ဖလောင်လွမ်းခေါင် (Hpalawng Lum Hkawng) သေနတ်ပစ် စစ်ဆေးခံရတော့ ခြေထောက်မှာ တစ်ချက်မှန်တယ်။ နှစ်ချက်ပစ်တာ” ဟု ဒေသခံတစ်ဦး ကချင်သတင်းဌာနသို့ပြောသည်။


မြန်မာအစိုးရတပ်က ဂျွမ်ဖောက်မိသားစု အိမ်ကို မီးတင်ရှို့လိုက်ပြီး တစ်အိမ်တက်တစ်အိမ်ဆင်း မွှေနှောက်ရှာဖွေရာ ‘ဆယ်ဖို့တစ်ဖို့ အလှူငွေသေတ္တာများ’ နှင့် ငွေစုငွေချေး(UNDP နှင့် မေတ္တာဖောင်ဒေးရှင်း၏ စီမံကိန်း) သေတ္တာများကို ဖျက်ဆီးသည့်အပြင် ငွေစက္ကူနှင့် အဖိုးတန်ပစ္စည်းများကို လုယူသွားကြသည် ဟုလည်း သိရသည်။

“ပြင်းပြင်းထန်ထန် နှိပ်စက်ခံရတာက လဟောင်ခေါင်ဟောင်း (Lahawng Hkawng Hawng)နဲ့ ရှယူလွမ်းဟော (Shayu Lum Hawng) သူတို့ကို လက်၊ ခြေထောက်နဲ့ လည်မျို ကြိုးတုပ်ထားတယ်၊ အင်္ကျီမပါဘူး။ နောက်တစ်ယောက် ဆန်စက်ပိုင်ရှင် မောင်မောင်” ဟု ဆက်ပြောသည်။

မောင်မောင်အား ၀ိုင်းမော်နယ်မြေခံ ခလရ (၅၈) သို့ခေါ်ဆောင်သွားကာ ကျန် ၄ ဦးအား ၀ါးရှောင်ဆည် မြန်မာအစိုးရတပ်စခန်း သို့ ခေါ်ဆောင်သွားသည်ဟု ဆိုသည်။

“တနင်္ဂနွေနေ့မို့လို့ စိတ်လက်ချမ်းသာနဲ့ ခရစ်ယာန်ရွာဖြစ်တယ်လို့သိထားတဲ့အတွက် ဖြတ်လာတာ ခရစ်ယာန်ဖြစ်ပေမဲ့ တနင်္ဂနွေနေ့ ပစ်တယ်။” ဟု စစ်ဆေးမေးမြန်းစဉ် မြန်မာအစိုးရတပ်က ဆိုလာကြောင်း ညနေပိုင်း ပြန်လွတ်လာသူ ဆရာလွမ်းခေါင် ပြောပြချက်အရ သိရသည်။

တိုက်ပွဲတွင် မြန်မာအစိုးရဘက်မှ ၇ ဦးကျဆုံးသည်ဟု KIA ပြောသည်။

Ref: ကေအဲန်ဂျီ

Read More...

Collapse...

မြစ်ကြီးနားမြို့သို့ ပေးသော KIO လျှပ်စစ်မီးအား မြန်မာအစိုးရ ဖျက်ဆီး

07 November 2011

ကချင်ပြည်နယ် မြို့တော်မြစ်ကြီးနား ရက်သတ္တပတ်ကြာ မီးပြတ်ရခြင်းမှာ လျှပ်စစ်မီးကြိုးတိုင်ကို မြန်မာအစိုးရတပ်က စီမံဖျက်ဆီး လိုက်ခြင်းကြောင့်ဖြစ်သည်ဟု KIO အရာရှိများပြောသည်။

နိုဝင်ဘာ (၁) ရက် ညနေ (၄) နာရီခန့် ၀ိုင်းမော်မြို့နယ် ဂါးရာယန်ဒေသတိုက်ပွဲတွင် မြန်မာအစိုးရ စစ်ကြောင်း၏ လက်နက်ကြီးကြောင့် လျှပ်စစ်မီးကြိုးတိုင် ထိမှန်ပျက်စီးသွားသည်။


“တိုက်ပွဲတွင်း မတော်တဆ ထိမှန်ပျက်စီးသွားပုံနဲ့ လုံဇက်ပ်ကောင် (Lung Zep Kawng) နဲ့ ဂါးရာယန်ကြားက လျှပ်စစ်မီးကြိုးတိုင်ကို လက်နက်ကြီးနဲ့ တမင်ရည်ရွယ်ပြီး သူတို့(မြန်မာအစိုးရတပ်)ပစ်တာ” ဟု မျက်မြင်သက်သေ KIA အရပ်သားတပ်ဖွဲ့ အရာရှိ လာဂွန်း ပြောသည်။

ဇွန် ၁၂ ရက်နေ့မှ KIO သည် မြစ်ကြီးနားရှိ KIO ဆက်ရေးရုံးနှင့် ဘူးဂါးကုမ္ပဏီရုံးအားလုံခြုံရေးအကြောင်းပြချက်ဖြင့်ရုတ်သိမ်း ခဲ့ သော် လည်း လျှပ်စစ်ဓါတ်အားကိုမူ မြစ်ကြီးနားနှင့် ၀ိုင်းမော်မြို့သို့ ဆက်လက် ပေးဝေနေသည်။

KIO ဘူးဂါးကုမ္ပဏီ က မလိရေအားလျှပ်စစ် စက်ရုံမှ လျှပ်စစ်ဓါတ်အား၂.၄ မီဂါဝပ်ကို ၂၀၀၆ ခုနှစ် ဇူလှိုင်လ မှစတင်ကာ မြစ်ကြီးနားနှင့် ၀ိုင်းမော်သို့ ဖြန့်ဖြူးခဲ့သည်ဟု ဆိုသည်။

Ref: ကေအဲန်ဂျီ

Read More...

Collapse...

ကချင်ပြည်နယ် တိုက်ပွဲများအတွင်း ဒေသခံများ လူ့အခွင့်အရေး ချိုးဖောက်ခံရ

ဇော်ကြီး
နိုဝင်ဘာလ ၇ ရက်၊ ၂၀၁၁ ခုနှစ်။

ကချင်ပြည်နယ် ၀ိုင်းမော်၊ မိုးမောက်နှင့် မန်စီမြို့နယ်များအတွင်း အစိုးရတပ်နှင့် ကချင်ပြည် လွတ်မြောက်ရေး တပ်မတော် KIA တို့ တိုက်ပွဲများ ပြင်းထန်စွာ ဖြစ်ပွားနေပြီး အစိုးရတပ်က လူ့အခွင့်အရေး ချိုးဖောက် မှုများ ပြုလုပ် နေသည်ဟု ဒေသခံများက ပြောသည်။

ဝိုင်းမော်မြို့နယ် မုတ်ကြိတ်ကျေးရွာအတွင်း ယမန်နေ့နံနက်က တိုက်ပွဲဖြစ်ပွားခဲ့ပြီး အစိုးရတပ်က ကျေးရွာအတွင်းမှ နေအိမ်တလုံးကို မီးရှို့လိုက်သလို အရပ်သားများအား ပစ်ခတ်မှုများ ပြုလုပ်ခဲ့ သည်ဟု မြစ်ကြီးနားသို့ ထွက်ပြေးလာသည့် မျက်မြင် ဒေသခံ တဦးက အခုလို ပြောသည်။


“မနေ့က မနက် ၇ နာရီခွဲမှာ KIO ဖက်ကလာပြီးတော့ ဆယ်မိနစ်လောက် ပစ်တယ်။ အဲဒီနောက်ပိုင်း စစ်တပ်က ပြန်ပြီးမှ မိနစ်(၃၀) လောက် ပြန်ပစ်တယ်။ လက်နက်ကြီးတွေလည်း ပါတာပေ့ါ။ အဲဒီမှာ KIO ထွက်လာတဲ့ လမ်းဖက်က အိမ်ကိုတော့ မီးရှို့လိုက်တယ်။ ကျန်တာကတော့ အဲဒီဖက်က ထွက်ပြေးလာတဲ့ ယောကျာ်းလေးတွေကို ကြိုးနဲ့တုတ်တယ်၊ ရိုက်နက်တယ်။ တချို့ ပစ်ခတ်တယ်။”

တိုက်ပွဲဖြစ်ပွားမှုကြောင့် ၀ိုင်းမော်မြို့မှ တရုတ်ပြည်နယ်စပ် ဆဒုံးမြို့သို့ သွားသည့် ခရီးသွားများ ထွက်ပြေးသွားကြသော်လည်း အချို့ကို ပေါ်တာ အထမ်းသမားအဖြစ် ဖမ်းဆီးခေါ်ဆောင်သွား သည်ဟု သိရကြောင်း ဆက်လက်ပြောဆိုသည်။

“အဲဒီမှာ ဆိုင်ကယ်တွေ ပစ်ထားပြီးတော့ အားလုံး ထွက်ပြေးကုန်ကြတယ်။ အရှေ့မှာသွားတဲ့ (၈) ယောက်အဖွဲ့ကတော့ အဖမ်းခံရပြီး တော့ ပေါ်တာ လုပ်ပေးရတယ်။ သူတို့ပစ်လိုက်တဲ့ အလောင်းတွေ တချို့ မသေတဲ့ဟာတွေကို ပြန်ထမ်းခိုင်းတယ်လို့ပြောတယ်။”

ထို့အပြင် ကျေးရွာဓလေ့အရ ကောက်သစ်စားပွဲ ပြုလုပ်ရန် ထမင်းထုတ် ယူဆောင်သွားသည့် ဒေသခံ အမျိုးသမီးများလည်း ရိုက်နှက်ခံ ခဲ့ရသည်ဟု ဆက်လက် ပြောဆိုသည်။

“မနေ့က အဲဒီမုတ်ကြိတ်ကျေးရွာက ကချင် ရိုးရာ ကောက်သစ်စားပွဲလည်း ကျရောက်တယ်လေ။ အဲဒီအချိန်မှာ ဒီဒေသခံ အဖွားကြီး တွေက ကောက်သစ်စားဖို့ ထမင်းထုတ်တွေကို ဘုရားရှိခိုး ကျောင်းမှာ ယူလာကြတာကိုး။ ပလိုင်းတွေထဲထည့်ပြီး ယူခဲ့ကြတာပေ့ါ။ အဲဒါ အဖွားကြီးတွေ ကိုလည်း ပါးရိုက်တဲ့သူရိုက်ခံရတယ်။ ဘာကြောင့်လည်းဆိုတော့ သူတို့ မသင်္ကာတာက ဒီထမင်း ထုတ်တွေကို KIO ကို ပို့ဖို့ အဆင်သင့်လုပ်ထားတယ်ဆိုပြီး ရိုက်တယ်လို့ ပြောကြတယ်။”

တချိန်တည်းတွင် ၀ိုင်းမော်မြို့နယ် ဂါးရားယန်၊ ရွှေညောင်ပင် ဒေသတ၀ိုက်နှင့် နေရာအတော် များများတွင် ယမန်နေ့က တိုက်ပွဲများ ပြင်းထန်စွာ ဖြစ်ပွားခဲ့သည်ဟု KIO ဌာနချုပ် လိုင်ဇာမြို့ရှိ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တပ်ဖွဲ့ဝင် ခေါင်းဆောင် တဦးက ပြောသည်။

ဗန်းမော်မြို့ခံ တဦးကလည်း မိုးမောက်မြို့နယ် အတွင်းရှိ ကျောက်စခန်း ကျေးရွာအနီးတွင် ယခုရက်ပိုင်းအတွင်း တိုက်ပွဲများ နေ့စဉ် ဖြစ်ပွားနေပြီး ယနေ့နံနက်မှစ၍ လက်နက်ကြီး ပေါက်ကွဲသံများ ကြားရကြောင်း အခုလို ပြောသည်။

“ကျောက်စခန်းဖက်မှာတော့ နေ့တိုင်းလိုလိုပဲ လက်နက်ကြီးသံတွေ ကြားနေရတယ်။ လွယ်ဂျယ် တက်တဲ့လမ်းဖက်ပေ့ါ။ ကျနော်တို့က နည်းနည်း ဝေးတဲ့အခါကျတော့ လက်နက်ကြီးသံပဲ ကြားရတာပေ့ါ။ ညဖက်ဆိုရင် တနာရီခြားတခါလောက် ကြားနေရတယ်။ ဒီနေ့တော့ နေ့လည်ပိုင်း လည်း ကြားရတယ်။ ငါးမိုင် မန်ခွန်ဖက်မှာတော့ နေ့တိုင်းလိုပဲ ကြားနေရတယ်။”

ထို့အပြင် ယခုလ (၅) ရက်နေ့ကလည်း အစိုးရတပ်သားများကို တင်ဆောင်လာသည့် စစ်သင်္ဘော သုံးစီး ဧရာဝတီ မြစ်ကြောင်းမှ တဆင့် ဗန်းမော်မြို့သို့ ရောက်ရှိလာကြောင်းနှင့် တိုက်ပွဲဖြစ်ပွား နေသည့် ကျောက်စခန်း ကျေးရွာဖက်သို့ ထွက်ခွာသွားကြောင်း ဆက်ပြောသည်။

“တနေ့က သင်္ဘော သုံးစီးတက်ခဲ့တယ်။ အားလုံး စစ်သားချည်းပဲ တင်လာတာပေါ့နော်။ နောက်ပြီး အဲဒီညမှာပဲ ကိုးနာရီ ဆယ်နာရီ လောက် ပေ့ါ။ အားလုံးမီးတွေ မိတ်ပြီးတော့မှ ကား(၁၉) စီး အစီး(၂၀) လောက် မိုးမောက်ဖက် တက်သွားတယ်။ အဲဒါ လိုင်ဇာသွားမလား မိုးမောက်တင်ဘဲလား ဆိုတာတော့ မသိဘူးပေ့ါ။”

အလားတူ တရုတ်မြန်မာနယ်စပ်ရှိ မျက်မြင် ဒေသခံတဦးကလည်း ယခုလ (၅)ရက်နေ့က ရှမ်းပြည်နယ် နမ့်ခမ်းမြို့နယ်ဘက်မှ အစိုးရ တပ်သားများ တင်ဆောင်လာသည့် စစ်ထရပ်ကား (၈)စီး ကချင်နှင့် ရှမ်းပြည်နယ်စပ်ရှိ မန်ဝိန်းကြီး ကျေးရွာသို့ ထွက်ခွာသွားကြောင်း ပြောသည်။

ကချင်စစ်ပြေးဒုက္ခသည် အရေး ဆောင်ရွက်ပေးနေသည့် တရုတ်မြန်မာနယ်စပ် အခြေစိုက် ကချင်အမျိုးသမီး အစည်းအရုံး KWAT အဖွဲ့မှ မိုင်းဂျာက လောလောဆယ်တွင် မန်ဝိန်းကြီး ကျေးရွာအတွင်းသို့ အရပ်သားများ ၀င်ရောက်ခွင့်ကို အစိုးရတပ်က ပိတ်ပင်ထားပြီး ကျေးရွာ အတွင်းမှ ထွက်ခွာခွင့်ကိုမူ ခွင့်ပြုထားသည်ဟု ပြောသည်။

သို့သော် ရွာသားများ အနေဖြင့် ကျေးရွာအတွင်းမှ ထွက်ခွာသွားရန် အခက်အခဲဖြစ်နေကြသည်ဟု

“ဘယ်သူဘဲ ဖြစ်ဖြစ် မန်ဝိန်းကြီး ရွာသားဘဲ ဖြစ်ဖြစ် ၀င်လာလို့ မရဘူး။ အထွက်တော့ ရတယ်။ မန်ဝိန်းကြီးနဲ့ မျက်နှာချင်းဆိုင်မှာရှိတဲ့ ရှမ်းရွာမှာတော့ KIA တွေ စခန်းချထားတယ်ဆိုတော့ တော်တော်လေး စိုးရိမ်ရတဲ့ အနေအထားရှိတယ်။ ရွာသားတွေအတွက်ကလည်း ဒုက္ခဘဲ။ ထွက်သွားရင်လည်း အိမ်ထဲမှာရှိရှိသမျှ အကုန်လုံး သူတို့(အစိုးရတပ်)က ယူသွားတော့ ရွာသားတွေကလည်း မထွက်သွားရဲ ကြဘူး။ နေမယ်ဆိုလို့ရှိရင်လည်း တိုက်ပွဲတွေ ဖြစ်လာရင် သူတို့က ဓါးစားခံ ပြန်ဖြစ်ရော။” ဟု မိုင်းဂျာက ပြောသည်။

လောလောဆယ်တွင် အစိုးရတပ်က တပ်မ(၈၈)၊ (၆၆)၊ (၉၉) တပ်မ (၃) ခုဖြင့် KIO ဌာနချုပ် လိုင်ဇာသို့ ထိုးစစ်ဆင်ရန် ပြင်ဆင်နေပြီး ရေကြောင်း ကုန်းကြောင်းများမှ တပ်အင်အားများ ပို့ဆောင်နေသည်ဟု ABSDF တပ်ဖွဲ့ဝင် ခေါင်းဆောင်က ပြောသည်။

အစိုးရတပ်နှင့် KIO တို့ ဖြစ်ပွားနေသည့် တိုက်ပွဲများကြောင့် တရုတ်မြန်မာနယ်စပ်တလျောက်နှင့် မြို့ပေါ်ဒေသများသို့ ထွက်ပြေးခိုလှုံ နေသည့် စစ်ပြေး ဒုက္ခသည် သုံးသောင်းခန့် ရှိပြီး အချိန် ငါးလတာအတွင်း မိုးမောက်နှင့် မန်စီ မြို့နယ်အတွင်းရှိ ကျေးရွာများတွင် အစိုးရတပ်၏ ပစ်ခတ်မှုကြောင့် ထိခိုက် ဒဏ်ရာရသူနှင့် အဓမ္မပြုကျင့်ခံရသည့် ဖြစ်စဉ် (၂၈) ခုရှိ၍ အရပ်သား (၉) ဦးမှာ အပြစ်မရှိဘဲ ပစ်သတ်ခံရသည်ဟု (KWAT) အဖွဲ့၏ မှတ်တမ်းများကဆိုသည်။

Ref: အဲန်အမ်ဂျီ

Read More...

Collapse...

ကုန်တင်သင်္ဘော ဗုံးခွဲ တိုက်ခိုက်ခံရ

ထွန်းထွန်း
နိုဝင်ဘာလ ၀၇ ရက် ၂၀၁၁ ခုနှစ်

ကရင်ပြည်နယ် ဖာပွန်ခရိုင်အတွင်းရှိ မဲ့ဆာလတ်ရွာ ဆိပ်ကမ်းရှိ ကုန်တင်သင်္ဘော တစင်း တနင်္ဂနွေနေ့က ချိန်ကိုက်ဗုံးဟု ယူဆရသည့် ဗုံးတလုံးပေါက်ကွဲမှုကြောင့် ပျက်စီးခဲ့ကြောင်း ဒေသခံများထံမှ သိရှိရသည်။

အဆိုပါ မဲ့ဆာလတ်ရွာ ဆိပ်ကမ်းမှာ သံလွင်မြစ်ပေါ်တွင် တည်ရှိပြီး ပျက်စီးခဲ့သည့် ကုန်တင်သင်္ဘောမှာ ကျွဲ၊ နွားကောင်ရေ အနည်း ဆုံး ၈ဝ ခန့် တင်ဆောင်နိုင်သည်ဟု သိရသည်။

ယင်းပေါက်ကွဲမှု နံနက် ကိုးနာရီခွဲခန့်တွင် ဖြစ်ပွားခဲ့ခြင်းဖြစ်ကာ ပေါက်ကွဲမှုကြောင့် ကုန်တင်သင်္ဘောမှာ ခါးလည်မှ နှစ်ပိုင်းကျိုးကာ ပျက်စီးခဲ့သည့်အပြင် ဆီဗုံး ၃၀ မှ ၅၀ ထိ တင်နိုင်သည့် အခြား လှေနှစ်စင်းလည်း ပျက်စီးခဲ့သည်။

ယင်းကုန်တင်သင်္ဘောမှာ ထိုင်းနိုင်ငံသားပိုင် သင်္ဘောဖြစ်ကာ မြန်မာနိုင်ငံဘက်တွင် မှတ်ပုံတင်၍ ကုန်စည် ပို့ဆောင်ရေး လုပ်ဆောင်နေ သည်ဟု ဒေသခံများ အဆိုအရ သိရသည်။

“သင်္ဘောက အနည်းဆုံး ကျွဲ၊ နွား အကောင် ၈၀ ထိ တင်လို့ ရတယ်။ လူတွေ ဘာတွေတော့ မထိခိုက်ဘူး။ အချိန်ကိုက်ဗုံးပဲ ထင်တယ်။ ကျိုးသွားတဲ့နေရာ သွားပြန်တွေ့တယ်၊ ဓာတ်ခဲငါးလုံး” ဟု မဲ့ဆာလတ် ရွာသားတဦးက မဇ္ဈိမကို ပြောသည်။

“အဲဒီဗုံးက ကျည်ဆံတွေ ပါ၊ မပါတော့ မသိဘူး။ ယမ်းအများကြီး ထည့်ပြီး ခွဲတဲ့ဗုံးမျိုး။ ကြီးတော့ ဘေးနားက လှေကလေး၊ ဆီအပုံး ၃၅၊ ၅၀ လောက် တင်တဲ့ လှေနှစ်စီးကတော့ နှစ်ခြမ်း ခြမ်းသွားတယ်။ အဲဒီဗုံး တင်ထားတဲ့ လှေကြီး ကတော့ နှစ်ပိုင်း ပိုင်းသွားတယ်။ အလယ် ကောင်ကနေ နှစ်ပိုင်းကျိုးသွားတယ်” ဟု သူက ဆက်ပြောသည်။

အဆိုပါ ဗုံးကွဲမှုမှာ မှန်ကန်ကြောင်းနှင့် မည်သို့မည်ပုံ ဖြစ်သည်ကိုမူ အသေးစိတ် မသိသေးရကြောင်း ယင်းပေါက်ကွဲ ရာ နေရာနှင့် နီးစပ်သည့် ထိုင်းနိုင်ငံ မယ်ဟောင်ဆောင်ခရိုင်၌ တပ်စွဲထားသည့် ကျောင်းသား တပ်မတော် ABSDF ထံမှ စုံစမ်းသိရှိရသည်။

“သံလွင်မြစ်ကမ်းနားက ရွာတရွာရဲ့ လှေဆိပ်မှာ လှေအကြီး တစင်းပေါ့။ အဲဒီလှေအကြီးတစင်းမှာ ဗုံး ဒါမှမဟုတ် မိုင်းတခု ကွဲတယ်လို့ ဆိုပါတယ်။ အဲဒီလောက်ထိပဲ ကျနော်တို့ သိပါသေးတယ်။ Report တွေကတော့ မလာသေးဘူး” ဟု တာဝန်ခံဖြစ်သူ ရဲဘော်ဝင်းတင့် ဟန်က ပြောဆိုသည်။

အဆိုပါသင်္ဘောမှာ စစ်အစိုးရတပ်များက တပ်အပြောင်းအလဲ လုပ်ရန် အတွက် ကူညီပေးရန် လုပ်ဆောင်ခဲ့သည့် အတွက် ဖောက်ခွဲခံရ ခြင်းဖြစ်နိုင်ကြောင်း ဒေသခံများက ပြောဆိုလျက်ရှိသည်။

ယခုအချိန်အထိ ပေါက်ကွဲခံရသည့် သင်္ဘောကို ပျက်စီးမှုအတိုင်း ဆက်လက်ထားရှိထားပြီး အစိုးရ အာဏာပိုင်များက လုံခြုံရေးချထား ကာ စုံစမ်းမှုများ ပြုလုပ်လျက်ရှိသည်။

“နအဖစစ်တပ်က ဒါးကွင်းအနီးက ဒီသော်လေးထကို ပြောင်းမယ်။ တပ်ပြောင်းတာတော့ မဟုတ်ဘူး။ တပ်ချိန်းတာပေါ့။ အဲဒီတပ်ချိန်း တဲ့ဟာကို သွားပို့ပေးဖို့ အကူအညီတောင်းတယ်။ အဲဒီဘက်က ထောက်လှမ်းရေးတွေ ဘာတွေ က မြင်သွားတာမို့လို့ အဲဒီဘက်က စွပ်စွဲတာတွေ ရှိမှာပဲ။ လာမှာက ဖာပွန်က လာမယ့် တပ်တွေပဲလေ။ တပ်ရင်း ၃၀၂ လား ဘာလား မသိဘူး” ဟု ယင်းရွာ ဒေသခံက ပြောသည်။

ယင်း မဲ့ဆာလတ်ဆိပ်ကမ်းအား သော်လေးထ ဆိပ်ကမ်းဟုလည်း ခေါ်ဆိုသည်ဟု သိရသည်။ ဖောက်ခွဲမှုနှင့် ပတ်သက်၍ မည်သည့် လက်နက်အဖွဲ့၏ လုပ်ရပ်ဆိုသည်ကိုမူ ယခုအချိန်အထိ အတည်မပြုနိုင်သေးပေ။

ယင်းပေါက်ကွဲမှုသတင်းကို ကြားသိသော်လည်း မိမိအနေဖြင့် မည်သူလုပ်ကိုင်သည်ကိုမူ မပြောဆိုနိုင်သေးကြောင်း ကရင်အမျိုးသား အစည်းအရုံး KNU တပ်မဟာ ၇ မှ တပ်ရင်းမှူးတဦးက ပြောဆိုသည်။

“ဗုံးကတော့ သူ့ဟာသူနေရင်တော့ မပေါက်တတ်ဘူးဗျ။ လူတွေလုပ်လို့ ပေါက်တာပဲဗျာ။ အဲဒီတော့ ဘယ်သူ လက်ချက်လဲတော့ ကျနော် တို့ လည်း မနီးဘူးဗျ။ ” ဟု ကရင်ပြည်နယ် ဖုတ်ဖရမြို့နယ်ရှိ KNU တပ်မဟာ ၇၊ ၁၀၁ တပ်ရင်းမှူး ဗိုလ်မှူးစောဖောဒိုက ဆိုသည်။

Ref: မဇ္ဈိမ

Read More...

Collapse...

လယ်သမား​သူပုန်ထမှုသမိုင်း​ကို လူငယ်များ​ ပြန်​ဖော်ထုတ်မည်

November 7, 2011
နေသွင်

တိမ်မြုပ်လုမတတ်ဖြစ် ​နေတဲ့​ မြန်မာ့​သမိုင်း​ထဲက ဆရာစံဦး​ဆောင်တဲ့​ လယ်သမား​ သူပုန်ထမှုကို ပြန်လည်​ဖော်ထုတ်ဖို့​ လူငယ်​တွေက စီစဉ်​နေကြပါတယ်။

အင်္ဂလိပ်နယ်ချဲ့ ​တွေကို ရရာလက်နက်နဲ့​ ​တော်လှန်ပြီး​နောက် ​သေဒဏ်​ပေး​ခံခဲ့​ရတဲ့​ ဆရာစံနဲ့​ လယ်သမား​သူပုန်​တွေအတွက် ​အောက်​မေ့​ဖွယ် အခမ်း​အနား​ကို သာယာဝတီမြို့​မှာ ပထမဆုံး​အကြိမ် ကျင်း​ပဖို့​ စီစဉ်​နေတယ်လို့​ လူငယ်​တွေက ​ပြောပါတယ်။


ဆရာစံနှင့်​ လယ်သမား​သူပုန်​တွေ ကွပ်မျက်ခံရတာ နှစ် ၈၀ ပြည့်​မြောက်တဲ့​ ဒီလ ၂၈ ရက်​နေ့​မှာ သာယာဝတီမြို့​က သီရိမင်္ဂလာဘုန်း​ကြီး​ကျောင်း​မှာ ဆွမ်း​ကပ်လှူပွဲနဲ့​ ​အောက်​မေ့​ဖွယ် အစီအစဉ်​တွေ ပြုလုပ်မှာဖြစ်တယ်လို့​ ပွဲစီစဉ်တဲ့​ သာယာဝတီနယ်ခံ ကို​ဇော်နိုင်ဦး​က ​ပြောပါတယ်။

“နှစ် ၈၀ မှာ ပထမဆုံး​ဖြစ်​တော့​ အဲဒီ သူတို့​ရဲ့​ မိသား​စု​တွေပါ လိုက်​တွေ့​ပြီး​တော့​ ဖိတ်တာတို့​ဘာတို့​ လုပ်ကြည့်​တယ်။ သမိုင်း​ကို ပြန်​မေး​ကြည့်​တဲ့​အခါမှာ သမိုင်း​မှာမပါတဲ့​ အ​ထောက်အထား​တွေ အများ​ကြီး​တွေ့​လာရတယ်။ ဒီ​နေ့​မှာပဲ ဆရာစံအမှတ်တရလုပ်ထား​တဲ့​ ​အောင်​မြေကုန်း​ဆိုတာရှိတယ်။ သာယာဝတီနဲ့​ ၁၀ မိုင်​လောက်အကွာမှာ။ အဲဒီကို သွား​လိုက်တဲ့​အခါမှာလည်း​ အဲဒီမှာ ​စောင့်​ရှောက်​နေကြတဲ့​ သူတို့​နဲ့​နီး​စပ်တဲ့​ မိသား​စုနဲ့​တွေ့​တော့​ သူတို့​လည်း​ မျက်ရည်ကျပြီး​တော့​ လာတက်မယ်ဆိုတဲ့​အ​ကြောင်း​ ​ပြောကြတယ်။ ကျ​နော်တို့​တွေ့​ခဲ့​တဲ့​သူ စာရင်း​ရှိတဲ့​သူကိုပဲ ၄၀၊​ ၅၀၊​ ၁ဝဝ​လောက်ရှိတယ်။”

ဆရာစံသူပုန်တပ်ဖွဲ့ ​ဝင်​တွေရဲ့​ သား​သမီး​တွေ​တောင် အခုအချိန်မှာ အသက် ၈၀ ​ကျော် ကုန်ကြပြီလို့​ သိရပါတယ်။ ​အောက်​မေ့​ဖွယ်အခမ်း​အနား​ စီစဉ်သူလူငယ်​တွေက နယ်ပယ်စုံက လူသိ ထင်ရှား​ပုဂ္ဂိုလ်​တွေကို ဖိတ်ကြား​ဖို့​လည်း​ စီစဉ်​နေကြပါတယ်။

“ဖိတ်ကြား​ သင့်​တဲ့​သူ​တွေကို ဖိတ်ကြား​တယ်ဆိုတာ ကိုယ့်​သက်ဆိုင်ရာ ပါတီနဲ့​ လူမှု​ရေး​အဖွဲ့​အစည်း​ ​ခေါင်း​ဆောင်​တွေ အကုန်လုံး​ကို ဖိတ်ကြား​မယ်ဆိုပြီး​ လက်ခံတဲ့​ အစည်း​အ​ဝေး​ ဆုံး​ဖြတ်ချက်ကို ချတယ်။ အန်အယ်လ်ဒီက ​ဒေါ်​အောင်ဆန်း​စုကြည်ကို ဖိတ်လို့​လာနိ်ုင် ရင်လည်း​ ကျ​နော်တို့​ ကြိုဆိုပြီး​မယ်။ ကြံ့​ခိုင်​ရေး​ပါတီက သမ္မတကြီး​ ဦး​သိန်း​စိန်ကို ဖိတ်ကြား​ပေး​မယ်ဆိုရင်လည်း​ ကျ​နော်တို့​ ဝမ်း​မြောက် ဝမ်း​သာ ကြိုဆိုမယ်ဆိုပြီး​ အစည်း​အ​ဝေး​မှာ ဆုံး​ဖြတ်တယ်။ နာ​ရေး​ကူညီမှုအသင်း​ကလည်း​ ကို​ကျော်သူကိုဖိတ်မယ်။ သီတဂူတို့​ဘာတို့​ကို ဖိတ်မယ်လို့​ပြောတယ်။ ဖိတ်လို့​ရရင်လည်း​ အ​ကောင်း​ဆုံး​ဆိုပြီး​ အစည်း​အ​ဝေး​ ဆုံး​ဖြတ်ချက်နဲ့​လုပ်လိုက်တယ်။”

ဝံသာနု​ ခေတ်နိုင်ငံ​ရေး​သမား​ ဆရာစံဟာ စစ်ကိုင်း​တိုင်း​ ဒီပဲယင်း​ဇာတိဖြစ်ပြီး​ ၁၉၃၀ မှာ ဆင်း​ရဲချို့​တဲ့​တဲ့​ သာယာဝတီနယ်က လယ် သမား​ သူပုန်​တွေကို ဦး​ဆောင်ပြီး​ အင်္ဂလိပ် နယ်ချဲ့​စနစ်ကို လက်နက်စွဲကိုင်​တော်လှန်ခဲ့​ပါတယ်။

တနှစ်အကြာမှာ သူ့​ကို ရှမ်း​ပြည်နယ်မှာ ဖမ်း​မိပြီး​ တပည့်​တပန်း​များ​စွာနဲ့​အတူ ​သေဒဏ်​ပေး​ခံခဲ့​ရပါတယ်။ သမိုင်း​မှာ ဆရာစံဦး​ဆောင်တဲ့​ လယ်သမား​ ​တော်လှန်​ရေး​ ကျဆုံး​သွား​ပေမယ့်​ နယ်ချဲ့​ဆန့်​ကျင်​ရေး​နဲ့​ အမျိုး​သား​စိတ်ဓာတ်ကို နှိုး​ဆွ​ပေး​နိုင်ခဲ့​တယ်လို့​ သမိုင်း​ဆရာ​တွေက ဆိုပါတယ်။

Ref: ဒီဗွီဘီ

Read More...

Collapse...

ပိတ်ပင်ခံ သက်မွေးဝမ်းကြောင်း လိုင်စင်များ ပြန်ပေးရန် တောင်းဆို

မင်းသက်
နိုဝင်ဘာလ ၀၇ ရက် ၂၀၁၁ ခုနှစ်

အတိုက်အခံ နိုင်ငံရေးကြောင့် သက်မွေးဝမ်းကြောင်းဆိုင်ရာ လိုင်စင်နှင့် ပညာ ဆက်လက် သင်ကြားခွင့် ပြန်လည် ရရှိရေးအတွက် သတင်းစာ ရှင်းလင်းပွဲတရပ်ကို ရန်ကုန်မြို့ ဗိုလ်အောင်ကျော်လမ်းရှိ အိုလံပစ်တာဝါတွင် နိုဝင်ဘာလ ၅ ရက်နေ့ ပြုလုပ်ခဲ့သည်။

အိုလံပစ်တာဝါ Sky View စားသောက်ခန်းမတွင် ပြုလုပ်ခဲ့သည့် သတင်းစာ ရှင်းလင်းပွဲကို သက်မွေးဝမ်းကြောင်း လိုင်စင်နှင့် ကျောင်း တက် ခွင် ရုပ်သိမ်းခံထားရသည့် ရှေ့နေများ၊ ဆရာဝန်များနှင့် ကျောင်းသား၊ ကျောင်းသူများက စုပေါင်းပြုလုပ်ခဲ့ခြင်းဖြစ်ကာ နိုဝင်ဘာ လ ၄ ရက် နေ့ကလည်း သမ္မတနှင့် မြန်မာနိုင်ငံ လူ့အခွင့်အရေးကော်မရှင်သို့ တင်ပြထားပြီးဖြစ်ကြောင်း သိရသည်။

“သမ္မတရယ်၊ လူ့အခွင့်အရေး ကော်ရှင်ကို စာတင်ပြီးပြီ။ ဒါနဲ့မှ မရရင် နိုင်ငံတကာ လူ့အခွင့်အရေး ကော်မရှင်ကို ထပ်တင်ဖို့ ကျနော်တို့ ဆောင်ရွက်မှာပါ” ဟု ရှေ့နေ လိုင်စင်ရုပ်သိမ်းခံထားရသည့် ရှေ့နေကြီး ဦးအောင်သိန်းက မဇ္ဈိမကို ပြောသည်။

သမ္မတထံသို့ လက်မှတ်ထိုးတင်ပြရာတွင် လိုင်စင်သိမ်းခံထားရသူ ရှေ့နေ ၂၂ ဦး၊ ဆေးကုသခွင့် ဆ.မ လက်မှတ် ရုပ်သိမ်းခံထားရသူ ခုနှစ် ဦးနှင့် ကျောင်းတက်ခွင့် ပိတ်ပင်ခံထားရသူ ကျောင်းသား၊ ကျောင်းသူ ခုနှစ် ဦးက လက်မှတ်ရေးထိုးခဲ့ခြင်း ဖြစ်သည်။

“လူတယောက်ကို အပြစ်နှစ်ခုပေးတာမျိုး ဖြစ်နေတယ်။ အခုက ထောင်လည်းချတယ်၊ ပြန်လွတ်လာတော့လည်း သူနဲ့ပတ်သက်တဲ့ ရှေ့နေအလုပ်၊ ဆရာဝန်အလုပ်၊ ကျောင်းတက်ခွင့်တွေကို ပိတ်တယ်ဆိုတော့ ဒီခေတ်မှာ ဒါတွေ က မဖြစ်သင့်တော့ဘူး။ အစိုးရ ဟောင်းလက်ထက်က ဥပဒေကိစ္စတွေကို အစိုးရသစ်က ဒီလိုပဲ သယ်ယူမလား၊ ဒါကို အစိုးရသစ်က ဖြေရှင်းသင့်နေပြီ” ဟု ဦးအောင် သိန်းက ဆိုသည်။

ဦးအောင်သိန်းမှာ ယခင် အစိုးရလက်ထက်တွင် နိုင်ငံရေးတက်ကြွ လှုပ်ရှားသူများ၏ အမှုကို လိုက်လံ ဆောင်ရွက်ပေးခဲ့ရာမှ တရားရုံး ကို မထီမဲ့မြင်ပြုမှုဖြင့် ထောင်ဒဏ် လေးနှစ်ခံခဲ့ရပြီး ၂ဝဝ၉ ခုနှစ်မတ်လ ၆ ရက်နေ့က လွတ်မြောက် လာပြီးနောက် ရှေ့နေလိုင်စင်ကိုပါ ရုပ်သိမ်းခံရသူ ဖြစ်သည်။

အစိုးရအနေဖြင့် အမျိုးသားပြန်လည်စည်းလုံးညီညွတ်ရေးနှင့် ပြုပြင်ပြောင်းလဲရေး အမှန်တကယ် ဆောင်ရွက်လိုပါက ၂ဝဝ၈ ဖွဲ့စည်းပုံ အခြေခံဥပဒေနှင့် ပတ်သက်၍ ပြင်ဆင်သင့်သည့် အချက်များကို ပြင်ဆင်ပေးရန် လိုအပ်ကြောင်း သမ္မတအား ပြောဆိုလိုကြောင်း အခြား ရှေ့နေလိုင်စင် သိမ်းခံထားရသူ ရှေ့နေ ဦးဌေးက မှတ်ချက်ပြုသည်။

အောက်တိုဘာလ ၃ ရက်နေ့ အမျိုးသား လွှတ်တော်အစည်းအဝေးတွင် အမျိုးသား ဒီမိုကရေစီ အင်အားစု ပါတီ အမတ်ဒေါက်တာမြတ် ဉာဏ စိုး က ရှေ့နေနှင့် ဆရာဝန် လိုင်စင် ရုပ်သိမ်းထားမှုကို ပြန်ခွင့်ပြု၊ မပြု မေးမြန်းခဲ့ရာ ပြည်ထောင်စု ရှေ့နေချုပ် ဒေါက်တာထွန်းရှင် က ရှေ့နေများကို အရေးယူရာတွင် ပြည်ထောင်စု တရားလွှတ်တော် ချုပ်က တရားလွှတ်တော် ရှေ့နေများ ကောင်စီ (ဘားကောင်စီ) နှင့် တိုင်ပင်၍ ဆုံးဖြတ် သည်ဟု ပြောဆိုသည်။

အမျိုးသားဒီမိုကရေစီအဖွဲ့ချုပ် NLD ကလည်း ရှေ့နေလိုင်စင်သိမ်းခံထားရသူ၊ ဆ.မ လက်မှတ် သိမ်းခံထားရသူ၊ ကျောင်းပိတ်ခွင့် ပိတ်ပင်ခံထားရသူ၊ အနုပညာ လုပ်ပိုင်ခွင့် ပိတ်ပင်ခံထားရသူ အနုပညာသမားများ အတွက် ပြည်ထောင်စု တရားလွှတ်တော်ရုံးချုပ်တွင် တင်ပြနိုင်ရန်အတွက် ဆောင်ရွက်နေသည်ဟု သိရသည်။

ယင်းအပြင် ပါတီအထွေထွေ အတွင်းရေးမှူး ဒေါ်အောင်ဆန်းစုကြည် ကလည်း မြန်မာနိုင်ငံဆိုင်ရာ ကုလ လူ့အခွင့် အရေး ကိုယ်စားလှယ် သောမတ်ကွင်တားနားနှင့် သြဂုတ်လ ၂၃ ရက်နေ့က တွေ့ဆုံခဲ့ရာတွင် လည်း ယင်းကိစ္စကို ထည့်သွင်း ဆွေးနွေးခဲ့သည်။

“မိမိအနေဖြင့် တရားမျှတမှု မရှိသော ဥပဒေများကြောင့် ကျောင်းတက်ခွင့် ပိတ်ပင်ခံထားရသည့် အတွက် ယင်းနှင့် ပတ်သက်၍ သမ္မတ အား ပြန်လည် စဉ်းစားပေးရန် ပြောဆိုချင်ကြောင်း” ကျောင်းတက်ခွင့် ပိတ်ပင်ခံထားရသူ ကိုရဲမင်းဦးက ပြောသည်။

ဆ.မ နံပါတ် ၇၂၄၀ သိမ်းခံထားရသူ မန္တလေးမှ ဒေါက်တာဇော်မြင့်မောင်ကလည်း မိမိအနေဖြင့် ဆ.မ ပြန်ရရှိရေး အတွက် မြန်မာနိုင်ငံ ဆေးကောင်စီကို တင်ပြခဲ့ပြီ ဖြစ်ကြောင်း၊ သို့သော် အကြောင်းမထူးခဲ့ကြောင်းနှင့် တရားမျှတမှု မရှိသော ဥပဒေများကို ပြန်လည် ဆောင် ရွက်ပေးစေလိုကြောင်း တောင်းဆိုလိုက်သည်။

ဒေါက်တာဇော်မြင့်မောင်မှာ မန္တလေးမြို့တွင် စင်ပြိုင် အစိုးရ ဖွဲ့စည်းရေးနှင့် တောတွင်း ယာယီအစိုးရ ဖွဲ့စည်းရေးတွင် ပါဝင်ခဲ့သည့် အတွက် ဆ.မ လက်မှတ် သိမ်းခံထားရခြင်း ဖြစ်သည်။

Ref: မဇ္ဈိမ

Read More...

Collapse...

နိုင်ငံ​ရေး​အကျဉ်း​သား​ဟောင်း​အချို့​၏ သတင်း​အင်တာဗျူး​ ​ဖော်ပြခွင့်​မရ

November 7, 2011
မင်းလွင်

အကျဉ်း​ထောင်က​နေ ပြန်လည်လွတ်​မြောက်လာတဲ့​ ၈၈ မျိုး​ဆက်​ကျောင်း​သား​များ​နဲ့​ ပတ်သက်တဲ့​ သတင်း​အင်တာဗျူး​တွေကို အပတ်စဉ် ထုတ် သတင်း​ဂျာနယ်​တွေမှာ ​ဖော်ပြခွင့်​ မရဘူး​လို့​ သိရပါတယ်။

မကြာခင်ကပင် ဘူး​သီး​တောင် အကျဉ်း​ထောင်က​နေ လွတ်​မြောက်လာခဲ့​တဲ့​ ၈၈ မျိုး​ဆက်​ကျောင်း​သား​များ​အဖွဲ့​က ကိုကိုကြီး​ (စမ်း​ချောင်း​) နဲ့​ ခန္တီး​ အကျဉ်း​ထောင်က​နေ ပြန်လည်လွတ်​မြောက်လာတဲ့​ မစုစု​နွေး​တို့​နဲ့​ ပတ်သက်တဲ့​ သတင်း​ အင်တာဗျူး​တွေကို စာ​ပေစိစစ်​ရေး​က ခွင့်​မပြူဘူး​လို့​ သိရပါတယ်။


မစုစု​နွေး​ ရဲ့​ အင်တာဗျူး​ဆောင်း​ပါး​ကို မန္တ​လေး​အလင်း​ဂျာနယ်မှာ ​ဖော်ပြခွင့်​ မရခဲ့​သလို ၈၈ မျိုး​ဆက်​ကျောင်း​သား​များ​အဖွဲ့​က ကိုကိုကြီး​ရဲ့​ အင်တာဗျူး​ကို Hot News ဂျာနယ်မှာ ​ဖော်ပြခွင့်​မရခဲ့​တာပါ။

Hot News ဂျာနယ်က အယ်ဒီတာ ကိုအံ့​ခေါင်မင်း​က​တော့​ ကိုကိုကြီး​ (စမ်း​ချောင်း​)ရဲ့​ အင်တာဗျူး​မှာ ​ထောင်ထဲမှာ ​နေထိုင်ခဲ့​တာ​တွေနဲ့​ ​ထောင်ထဲမှာ ပြုပြင်​ပြောင်း​လဲမှုပြုလုပ်ပြီး​ ​နောက်ပိုင်း​အ​ခြေအ​နေ၊​ မြန်မာ့​နိုင်ငံ​ရေး​နဲ့​ ပတ်သက်ပြီး​ ကိုကိုကြီး​ရဲ့​ အယူအဆ​တွေလည်း​ ပါဝင်တယ်လို့​ ​ပြောဆိုပြီး​ လက်ရှိ စာ​ပေစိစစ်​ရေး​ကို အခုလို သုံး​သပ်​ပြောဆိုပါတယ်။

“ကျ​နော့်​ အမြင်က​တော့​ စာ​ပေလွတ်လပ်ခွင့်​တွေက အ​တော်အသင့်​ ရှိလာပြီလို့​ ​ပြောတယ်​လေ။ စာ​ပေစိစစ်​ရေး​က တာဝန်ရှိတဲ့​ပုဂ္ဂိုလ်တဦး​ဖြစ်တဲ့​ ဗိုလ်မှူး​တင့်​ဆွေကိုယ်တိုင်ကလည်း​ RFAနဲ့​ အင်တာဗျူး​မှာ​ပြောတယ်​လေ။ စာ​ပေစိစစ်​ရေး​ဆိုတာ မရှိသင့်​တော့​ဘူး​လို့​ ​ပြောလာခဲ့​တဲ့​ ​နောက်ပိုင်း​မှာ ဒီလိုမျိုး​ နိုင်ငံ​ရေး​အရ နိုင်ငံ​တော်ကပါ လွတ်ငြိမ်း​ချမ်း​သာခွင့်​နဲ့​ လွှတ်​ပေး​လိုက်တဲ့​လူ​တွေ​ပေါ့​။ ဒီလိုလူမျိုး​တွေ အင်တာဗျူး​ကို ​ပေး​မထည့်​ဘူး​ဆိုတာ​တော့​ အ​ပြောနဲ့​အလုပ်နဲ့​ နည်း​နည်း​လေး​များ​ လို​နေ​သေး​လား​လို့​ မြင်မိတယ်။”

၈၈ မျိုး​ဆက်​ကျောင်း​သား​အဖွဲ့​ကိုကိုကြီး​ (စမ်း​ချောင်း​) က “ကျ​နော်တို့​က ၈၈ မျိုး​ဆက်​ကျောင်း​သား​အဖွဲ့​က​လေ။ ကိုမင်း​ကိုနိုင်နဲ့​ တဖွဲ့​တည်း​ကို၊​ အခုလွတ်လာတဲ့​အထဲမှာလည်း​ ကိုမင်း​ကိုနိ်ုင်နဲ့​ အမှုတွဲအား​လုံး​ ၃၇ ​ယောက်ရှိတယ်။ အဲဒီထဲက အား​လုံး​အခု ၉ ​ယောက်ပြန် လွတ်လာတယ်။ အရင်တ​ခေါက်က ၁ ​ယောက်။ ၁၀ ​ယောက်လွတ်လာတယ်။ အဲဒီထဲမှာ က​လေး​တွေများ​တယ်။ လူကြီး​ဆို​တော့​ ကျ​နော်တ​ယောက်တည်း​ပါတယ်။ အဲဒီအတွက်ကို တမင်ထည့်​ခွင့်​မ​ပေး​တာနဲ့​တူတယ်။ သူတို့​တခုခု စိုး​ရိမ်​နေပုံရတယ်။ အစိုး​ရပဲ စိုး​ရိမ်​နေတာလား​။ လုံခြုံ​ရေး​သတိ​တွေပဲ လွန်ကဲ​နေတာလား​တော့​ မသိဘူး​” လို့​ ​ပြောပါတယ်။

မြန်မာနိုင်ငံစာ ​ပေနှင့်​စာနယ်ဇင်း​အဖွဲ့​က အတွင်း​ရေး​မှုး​နဲ့​ အပတ်စဉ်ထုတ် ရန်ကုန်တိုင်း​ဂျာနယ်က အယ်ဒီတာချုပ် ဦး​ကိုကို (စက်မှု တက္ကသိုလ်)က​တော့​ စာ​ပေစိစစ်​ရေး​မူနဲ့​ ငြိစွန်း​တဲ့​အတွက် စာ​ပေစိစစ်ရး​က​နေ ခွင့်​မပြုတာ ဖြစ်တယ်လို့​ သုံး​သပ်​ပြောဆိုပါတယ်။

“ကျ​နော်တို့​ ထင်တာက မရဘူး​ဆိုတာက သူတို့​ပြောဆိုတဲ့​အပိုင်း​တွေမှာ စာ​ပေစိစစ်​ရေး​က မူဝါဒနဲ့​ ငြိစွန်း​တာ​တွေ များ​နေတယ်ထင်လို့​ ချန်ခဲ့​တယ်လို့​ထင်တယ်။ ပြည်ပကလူ​တွေနဲ့​လည်း​ရတယ်။ သို့​သော် အဆိုး​အ​ကောင်း​လေး​တွေ ​ရော​ထွေး​ပြီး​ပြောတာ​လေး​တွေရှိတယ်။ အရင်တုန်း​က​တော့​ အ​ကောင်း​ကြီး​ပဲ ​ရွေး​ပြောတယ်။ အ​ကောင်း​တွေ​ပြောတာပဲ အရင်က သုံး​လို့​ရတယ်။ အခု​တော့​ အဆိုး​အ​ကောင်း​ ​ရော​ပြောတာ​တွေ လက်ခံတယ်။ အဆိုး​ကြီး​ပဲ​ပြောတာကို လက်မခံ​သေး​ဘူး​။ ကျ​နော်သိသ​လောက်​ပေါ့​၊​ ဘယ်အဖွဲ့​မို့​လုပ်တယ်လို့​တော့​ စိတ်ထဲ မှာ​တော့​ ကျ​နော်မထင်ပါဘူး​။ အ​မေး​အ​ဖြေမှာပါတဲ့​ အ​ကြောင်း​အရာ​တွေကို စာ​ပေစိစစ်​ရေး​က လက်မခံနိုင်တဲ့​ အ​ကြောင်း​အရာ​တွေဖြစ်လို့​ မ​ပေး​ဘူး​လို့​ပဲ ထင်တယ်။”

Ref: ဒီဗွီဘီ

Read More...

Collapse...

တွံတေးမြို့ NLD လူငယ် ၂ဦး ၀ိုင်းရိုက်ခံရ

7 November 2011
နော်ဆဲကလယ်

ရန်ကုန်တိုင်း၊ တွံတေးမြို့နယ်ရှိ အမျိုးသားဒီမိုကရေစီ အဖွဲ့ချုပ်(NLD) အဖွဲ့ဝင်လူငယ် နှစ်ဦးအား ပြည်ထောင်စု ကြံ့ခိုင်ရေး နှင့် ဖွံ့ဖြိုး ရေး အဖွဲ့ဝင်တစ်စု နိုဝင်ဘာလ ၃ရက်နေ့ညက ၀ိုင်းရိုက်နှက်ခဲ့သဖြင့် အရိုက်ခံရသူအနက် တစ်ဦးမှာ ဦးခေါင်းတွင် ဒဏ်ရာရရှိခဲ့သည်ဟု NLD အဖွဲ့မှ ပြောသည်။

တွံတေးမြို့နယ် NLD အဖွဲ့ဝင်လူငယ်များ ဖြစ်သူ အော်ကျော်ဇောနှင့် ကျော်မိုးထက်တို့နှစ်ဦးသည် မကြာခင် ပြုလုပ်မည့် ပါတီ မျက်နှာ စုံညီ အစည်းအဝေးအတွက် လိုက်လံဖိတ်ကြားရာ ည ၁၀နာရီခန့်တွင် ကြံ့ခိုင်ရေးနှင့် ဖွံဖြိုးရေး အဖွဲ့ဝင် ၄ဦးမှ သံတုတ် ဖြင့် ရိုက်နှက်မှု ကြောင့် လူငယ်တစ်ဦးမှာ ညတွင်းချင်း ဆေးရုံသို့ တင်ပို့ခဲ့ရကြောင်း တွံတေးမြို့နယ် NLD လူငယ်တာဝန်ခံ ကိုရဲ ထွဋ်ခေါင်က ကေအိုင်စီ ကို ပြောသည်။

၎င်းက “၁၀ရက်နေ့မှာ ကျနော်တို့ မျက်နှာစုံညီ အစည်းအဝေး လုပ်မှာဖြစ်လို့ ကျော်မိုးထက်နဲ့ အောင်ကျော်ဇောကို လိုက်ဖိတ် ခိုင်းတာပါ။ အပြန်လမ်းမှာ ၀ိုင်းရိုက်ခံရတာပဲဗျ။ ကျော်မိုးထက်က ခေါင်းကွဲပြီး နှုတ်ခမ်းနဲ့ ကျောကုန်းတွေမှာ ဒဏ်ရာရလို့ ဆေး ရုံတင်ရတယ်။”ဟု ပြောသည်။

ထိုအခြေအနေကို အတည်ပြုနိုင်ရန် ကေအိုင်စီက တွံတေးမြို့နယ် ပြည်သူ့ဆေးရုံသို့ ဖုန်းဆက်မေးမြန်းရာ ကိုကျော်မိုးထက် ဆေးရုံတက်ကြောင်း ဆေးရုံဝန်ထမ်း အမျိုးသမီးတစ်ဦးမှ ဖြေကြားခဲ့သော်လည်း လူနာအခြေအနေ အသေးစိတ်ကိုမူ ပြောဆိုခဲ့ ခြင်း မရှိပေ။

အရိုက်ခံရသောနေရာမှာ ကွမ်းခြံရပ်ကွက် အလယ်ပိုင်း ရိပ်သာလမ်းမပေါ်တွင် စွမ်းအားရှင်များ ဖြစ်ခဲ့သူ ကိုဝင်းနိုင်၊ ကိုကျော် တင့်၊ ကိုစိန်ကျော်သူနှင့် ကိုမျိုးမျိုးတို့က ရိုက်ခဲ့ကြခြင်းဖြစ်သည်ဟု သိရသည်။ ကိုဝင်းနိုင်နှင့် ကိုကျော်တင့်တို့မှာ လက်ရှိ ဆယ် အိမ်ခေါင်းများ ဖြစ်သည်ဟုလည်း သိရသည်။

ထိုကိစ္စနှင့် ပတ်သက်ပြီး တွံတေးမြို့၊ ရဲစခန်းတွင် ပြစ်မှုဆိုင်ရာ ဥပဒေပုဒ်မ ၃၂၅/၁၁၄ အရ အမှုဖွင့်ထားသော်လည်း သက် ဆိုင်ရာမှ ယခုအချိန်ထိ ဆောင်ရွက်ပေးခြင်းမရှိသေးကြောင်း ကိုရဲထွဋ်ခေါင်က ပြောသည်။

“နောက်နေ့ ၄ရက်ရောက်တော့ အရိုက်ခံရတဲ့သူတွေကို အမှုပိတ်ပေးရင်ပေး၊ မပေးရင် လူငှားငွေပေး သတ်ခိုင်းမယ်ဆိုပြီး လာ ခြိမ်း ခြောက် တယ်။ ကျနော်တို့က ခုချိန်မှာ ငြိမ်းချမ်းရေးပျက်ပြားစေမယ့် အပြုအမူတွေကို တတ်နိုင်သလောက် ရှောင်ရှားနေ တာပါ။”ဟု သူက ဆက်ပြောသည်။

ပြီးခဲ့သည့် အောက်တိုဘာလကလည်း တွံတေးမြို့နယ် NLD တာဝန်ခံနှင့် ရဲစခန်းမှ အရာရှိများ အပြန်အလှန် တရားစွဲဆိုထား သော အမှုမှာ ပြီးပြတ်သေးခြင်း မရှိပေ။

Ref: ကေအိုင်စီ

Read More...

Collapse...

အန်အယ်လ်ဒီပါတီမှတ်ပုံ တင်ရေး-မတင်ရေး၊ ရွေးကောက်ပွဲ ၀င်ရေး မ၀င်ရေး (ဦးဝင်းတင်နှင့် မေးမြန်းချက်)

November 7, 2011
ရွှေအောင်

နိုင်ငံရေးပါတီများ မှတ်ပုံတင်တဲ့ ဥပဒေကို ပြင်ဆင်လိုက်တဲ့​ အကြောင်း သမ္မတ ဦးသိန်းစိန် လက်မှတ်ထိုးပြီး နိုဝင်ဘာ ၄ ရက်က ထုတ်ပြန် လိုက်ပါတယ်။

ဒီဥပဒေပြင်ဆင်တာဟာ အမျိုးသား​ ဒီမိုကရေစီအဖွဲ့ချုပ် (အန်အယ်လ်ဒီ) ပါတီ​ မှတ်ပုံတင်နိုင်ဖို့ လမ်းဖွင့်ပေးတာလို့ နိုင်ငံရေး​ အကဲခတ် တွေက ဆိုပါတယ်။

ဥပဒေ​ ထွက်လာပြီးတဲ့နောက် ဥပဒေအပေါ် ဘယ်လိုမြင်ပါသလဲ၊ အန်အယ်လ်ဒီပါတီ မှတ်ပုံတင်ဖြစ်ဖို့ များသလား​ ဆိုတာနဲ့​ ပတ်သက်လို့ အန်အယ်လ်ဒီ ဗဟိုအလုပ်အမှုဆောင် ဦးဝင်းတင်ကို ဆက်သွယ်​ ​မေးမြန်းထားပါတယ်။

ပါတီမှတ်ပုံတင်တဲ့ ဥပဒေကို ပြင်ပေးလိုက်တော့ ကျနော်တို့ နောက်ဆုံးသိတဲ့ သတင်းအရတော့ အန်ကယ်တို့ ဒီအပတ်ထဲမှာ စီအီးစီ အစည်းအဝေးလုပ်ပြီး ပါတီမှတ်ပုံတင်သင့် မတင်သင့် ဆွေးနွေးဆုံးဖြတ်ကြမယ်လို့ သိရပါတယ်။ အဲ့တော့ ပါတီမှတ်ပုံတင်သင့် မသင့် ဆွေနွေးပေးပါလား ခင်ဗျ။


“မှတ်ပုံတင်သင့် မတင်သင့် ကိစ္စနဲ့ ပတ်သက်လို့တော့ ကျနော်ထင်တယ်။ ပါတီထဲမှာ သိပ်ပြီးတော့ ပြဿနာ ကြီးကြီးမားမား ရှိမယ်လို့ ကျနော် တချို့ကျတော့လည်း ဟိုးတုန်းကအကြောင်းတွေ ထောက်ထောက်ပြီးတော့ ၁၉၉၀ ရွေးကောက်ပွဲ ရလဒ်၊ ရွှေဂုံတိုင် ကြေညာချက် ဆိုတာတွေ အကြောင်းပြပြီးတော့ မှတ်ပုံမတင်သင့်ဘူးလို့ ပြောတဲ့လူတွေလည်း ရှိမှာပေါ့ဗျာ။ သို့သော် ကျနော်က ဘယ်လို ထင်လဲဆို တော့ ၂၀၁၁ ခုနှစ် ရွေးကောက်ပွဲ ဥပဒေအရ သူတို့ပြင်လိုက်တဲ့ ဥပဒေအရ အများကြီး ပျော့ပျောင်းလာတယ်။ အများကြီး လိုက်လျော လာ တယ်လို့ ဒီလိုပဲ ယူဆပါတယ်။ တနည်းအားဖြင့်တော့ တစုံတရာသော အတိုင်းအတာအထိတော့ ကျေနပ်ဖွယ်ကောင်းတဲ့ အနေ အထား တော့ ရှိနေတယ်။ ပါတီဝင်ထု အများစုကနေ လက်ခံနိုင်တဲ့ အနေအထား ရှိနိုင်ကောင်း ရှိနိုင်တယ်လို့ ကျနော်တို့ ပြောလို့ရ ပါ တယ်။ ဒါကတချက်ပေါ့။ ဒုတိယ တချက်ဖြစ်တဲ့ ပါတီဝင်ထဲကနေ အကျဉ်းကျနေတဲ့ ပုဂ္ဂိုလ်များကို ပါတီကနေ ထုတ်ပယ်ပစ်ရမယ်ဆိုတဲ့ အချက်လည်း ပယ်ဖျက်လိုက်ပြီဆိုတော့ ဒါကလည်း ကျေနပ်ဖွယ်ကောင်းတဲ့ အနေအထား ဖြစ်တယ်လို့ ပြောလို့ရပါတယ်။ အဲ့တော့ ဒီအချက်တွေကို ထောက်ရင်တော့ မှတ်ပုံတင်မယ့် အနေအထားကတော့ သင့်တင့်တဲ့ တုံ့ပြန်မှု၊ ကောင်းမွန်တဲ့ တုံ့ပြန်မှုလေးတော့ ပေါ်လာလိမ့်မယ်လို့ ကျနော်တုိ့ ယူဆနေပြီ။ ဘာဖြစ်လို့လဲဆိုတော့ ကျနော်တို့ ပါတီက အမှန်တိုင်း ပြောရရင် တောခိုမယ့် ပါတီလည်း မဟုတ်ဘူး။ မြေအောက်လျှိုမယ့် ပါတီလည်း မဟုတ်ဘူး။ တရားဝင်ပါတီ အနေနဲ့ ရပ်တည်ချင်တာ။ သို့သော် ကျနော်တို့ ပြောနေတဲ့ ကိစ္စတွေက ကျနော်တို့ရဲ့ ကျင့်ဝတ်ပိုင်းဆိုင်ရာ၊ ကျနော်တို့ရဲ့ လိပ်ပြာသန့်မှု အနေအထားတွေကို ပြောဆိုနေခြင်း ဖြစ်ပါတယ်။ အဲတော့ အဲဒီဟာတွေ အကုန်လုံးကတော့ ကျနော်ထင်တယ်။ ပါတီကနေ အင်္ဂါနေ့မှာ ဆွေးနွေးတဲ့အခါမှာတော့ ဒီကိစ္စတွေ ပြီးပြတ်သွား လိမ့်မယ် လို့ ကျနော်တို့ ထင်ပါတယ်။”

အန်အယ်လ်ဒီပါတီ မှတ်ပုံတင်ဖို့ များတယ်လို့ ယူဆလို့ ရတာပေါ့နော်။

“ဒါကတော့ အဓိပ္ပာယ် ဖွင့်ဆိုချက်ပေါ့။ အဓိပ္ပာယ် ဖွင့်ဆိုချင်သလို ဖွင့်ဆိုနိုင်ပါတယ်။ ကျနော်တို့ ဗဟိုအလုပ်အမှုဆောင် အဖွဲ့ကနေ ဆုံးဖြတ်ခြင်း မပြုသေးခင်မှာ ကျနော်ကတော့ အဲဒီလို အဓိပ္ပာယ် မဖွင့်ချင်သေးဘူး။ ဒါကတော့ စောင့်ကြည့်ရဦးမယ်။ ဆက်ပြီးတော့ ဆွေးနွေးကြဦးမယ်။ ဒါတွေက ကောင်းတဲ့ အခြေခံတွေတော့ ရှိနေတယ်လို့ ပြောနိုင်တယ်ပေါ့။ အဲဒီလိုပဲ ပြောချင်ပါတယ်။”

အခု အနေအထား အခင်းအကျင်းက အများကလည်း စိတ်ဝင်တစား စောင့်ကြည့်တာက ဘာပဲဖြစ်ဖြစ် နှစ်ဖက်ဆက်ဆံရေးက တော်တော် လေး အဆင်ပြေ ချောမွေ့နေတယ်။ တဖက်ကလည်း လိုက်လျောနိုင်သလောက် လိုက်လျောတယ်ပေါ့။ အဲလို အနေအထား မှာ အများပြည်သူက တိုင်းပြည် တည်တည်ငြိမ်ငြိမ် အေးအေးချမ်းချမ်း ဖြစ်ပြီးတော့ အကုန်လုံး စိတ်ချမ်းသာ လက်ချမ်းသာ နေထိုင်နိုင် တဲ့ဘ၀မျိုးကို မျှော်မှန်းတာပေါ့နော်။ အဲဒီအတွက်ကိုရော အန်ကယ်လ်တို့ ထည့်စဉ်းစားမှာလားဗျ။

“စဉ်းစားပါတယ်။ ကျနော်တို့ ဒီကိစ္စကို စဉ်းစားပါတယ်။ စစ်အစိုးရ အဆက်ဆက် အခု အရပ်သားအစိုးရလို့ အမည်ခံပြောတဲ့ စစ်တပိုင်း အစိုးရအထိကို တင်းကျပ်တဲ့ ဥပဒေတွေနဲ့ ကျနော်တို့ အန်အယ်လ်ဒီဆိုတာ ရှိနေမှန်း သိလျက်သားနဲ့ ဒါကြီးကို ၀ါးလုံးခေါင်းထဲ ဆင် သွပ်သလိုပေါ့ဗျာ။ အတင်းအကျပ် မှတ်ပုံတင်စေချင်တာမျိုး လုပ်နေတဲ့အတွက်သာ လိပ်ခဲတည်းလည်း ဖြစ်နေတာကို။ သို့သော် သင့်တင့်တဲ့ စည်းမျဉ်းစည်းကမ်းတွေ ရှိမယ်။ အဲဒီအတွက်လည်း အန်အယ်လ်ဒီကလည်း ဒါတွေကို အလေးအနက်ထားပြီး စဉ်းစားနိုင် မယ်၊ ဖြေရှင်းနိုင်မယ်။ အဲဒီအတွက် ပေါ်ပေါက်လာတဲ့ ရလဒ်တွေဟာလည်း ကောင်းမွန်တဲ့ ရလဒ်တွေ ဖြစ်အောင်လို့ ဖန်တီးနိုင်မယ် ဆိုရင်တော့ ပြည်သူပြည်သားတွေအနေနဲ့က အများကြီး ၀မ်းသာနိုင်တာပေါ့ဗျာ။ တိုင်းသူပြည်သားတွေ ၀မ်းသာတယ်ဆိုတာကလည်း ကျနော်တို့ရဲ့ အလိုလားဆုံးကိစ္စတခု ဖြစ်တယ်လို့ ပြောလို့ရတာကိုး။”

ဒီကိစ္စနဲ့ အန်ကယ်လ် ဖြည့်စွက်ပြောချင်တာ ရှိရင်လည်း ပြောလို့ရပါတယ်။

“ဖြည့်စွက် ပြောရမယ်ဆိုရင်တော့ ဒီမှတ်ပုံတင် ကိစ္စဟာ လွယ်လွယ်ကူကူနဲ့ ဖြစ်နိုင်တဲ့ကိစ္စ ဖြစ်သော်ငြားလည်း ရွေးကောက်ပွဲ ၀င်ရေး မ၀င်ရေးနဲ့ ပတ်သက်လို့တော့ ကျနော်တို့ကြားထဲမှာ ဆွေးနွေးရမယ်။ နောက်တခုက ကျနော်တို့ရဲ့ ဆွေးနွေးချက်တွေဟာ စီအီးစီတွင် မကဘဲ အောက်ခြေအဖွဲ့အစည်းများ ဖြစ်တဲ့ ဗဟိုကော်မတီ အစည်းအဝေးပေါ့ဗျာ တပြည်လုံးက ကိုယ်စားလှယ် ၁၀၉ ဦး လောက် တက် လာမယ့် အနေအထားတွေက ရှိတဲ့အခါကျတော့ အဲဒီမှာလည်း ချောချောမွေ့မွေ့ အဆင်ပြေပြေနဲ့ ဖြစ်စေလို့တဲ့ ဆန္ဒရှိတယ်ပေါ့ ဗျာ။ အဲဒီဟာတွေကလည်း ပါတီဝင်ထု တောင်းတနေတဲ့ လိုလားနေတဲ့ သဘောထားတွေနဲ့ ကိုက်ညီခြင်း ရှိမရှိ ဆိုတာတော့ ကျနော်တို့ စောင့်ကြည့်ရမှာပဲ။ ရွေးကောက်ပွဲကိစ္စ ဆိုတာကတော့ တော်တော်လေး လှမ်းပါတယ်။ အဲဒါကလည်း ပါတီက ခေါင်းဆာင်ကြီးများ ဆုံးဖြတ်တဲ့အပေါ်မှာ စောင့်ကြည့်ရမှာပဲလို့ ကျနော်ကတော့ အဲဒီလို သဘောထားပါတယ်။”

Ref: DVB

Read More...

Collapse...

နိုင်ငံရေးပါတီမှတ်ပုံတင်ရေး မွန်အမျိုးသားဒီမိုကရေစီအဖွဲ့ ပြန်လည်သုံးသပ်မည်

မင်းသုတ၊ နိုင်မာန
်နိုဝင်ဘာ-၇-၂၀၁၁

သမ္မတဦးသိန်းစိန် ဦးဆောင်သည့် မြန်မာအစိုးရသစ်မှ နိုင်ငံရေးပါတီများ မှတ်ပုံတင်ခြင်းဥပဒေကို ပြင်ဆင်သည့်ဥပဒေ ပြဋ္ဌာန်းလိုက်ပြီး နောက် တရားဝင် နိုင်ငံရေးပါတီအဖြစ် မှတ်ပုံတင်/မတင်သည့် ကိစ္စအားမွန်အမျိုးသားဒီမိုကရေစီအဖွဲ့ MNDF က ပါတီတွင်း မကြာမီဆွေး နွေး သွားကြမည်ဟု ဒုဥက္ကဌနိုင်ငွေသိမ်းက လွတ်လပ်သော မွန်သတင်းအေဂျင်စီသို့ ယနေ့ ပြောကြားသည်။

မနက်ဖြန်အင်္ဂါနေ့တွင် အမျိုးသားဒီမိုကရေစီအဖွဲ့ချုပ် NLD ကလည်း နိုင်ငံရေးပါတီ မှတ်ပုံတင်ရေးကိစ္စ ဆွေးနွေးမည်ဟု သိရပြီး ၄င်းမှ ထွက်ပေါ်လာသော ရလာဒ်အပေါ် မွန်အမျိုးသားဒီမိုကရေစီအဖွဲ့ ပြန်လည်သုံးသပ်ကြမည်ဟု သိရသည်။


“တမြန်မနေ့ကပဲ နိုင်ငံရေးပါတီများ မှတ်ပုံတင်ခြင်းဥပဒေကို ပြင်ဆင်သည့်ဥပဒေ ပြဋ္ဌာန်းလိုက်တယ်၊ NLD နဲ့ တခြားတိုင်းရင်းသား မဟာ မိတ်ပါတီတွေရဲ့ သဘောထားကို ကြည့်ရမယ်၊ ကိုယ့်ပါတီတစ်ဖွဲ့တည်း ချက်ချင်း လက်ငင်းဆုံးဖြတ်ဖို့ အချိန်စောပါသေးတယ်” ဟု သူက ပြောသည်။

ပြည်ထောင်စုလွှတ်တော်သည် ၂၀၁၁ ခုနှစ် နိုဝင်ဘာ ၄ ရက်နေ့ရက်စွဲဖြင့် နိုင်ငံရေးပါတီများ မှတ်ပုံတင်ခြင်းဥပဒေပုဒ်မ ၆၊ ပုဒ်မခွဲ (ဂ) ကို “ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေကို လေးစားလိုက်နာရေး” အပြင် အချို့စာပိုဒ်များကိုလည်း ပြင်ဆင် ခဲ့ခြင်း ဖြစ်သည်။

“ကျနော်တို့မူက ၂၀၀၈ ဖွဲ့စည်းပုံကို လက်မခံဘူး၊ NLD လည်း နဂိုလ်က ဒီသဘောထား အတူတူပဲ၊ အခုအခါမှာ NLD က ဘယ်လို စဉ်း စား မယ်၊ တိုင်းရင်းသားပါတီတွေနဲ့လည်း ထပ်ဆွေးနွေးရမယ်၊ တရားဝင်ပါတီအဖွဲ့အစည်းဖြစ်မှလည်းပဲ အစိုးရရဲ့ မူဘောင်အတွင်း က ဆက်လှုပ်ရှားလို့ ရမယ်၊ ဒါကြောင့် သုံးသပ်စရာတွေ အများကြီး ရှိနေသေးတယ်” နိုင်ငွေသိမ်းက ဆက်ပြောသည်။

ပြီးခဲ့သည့် အောက်တိုဘာလ(၂၉) ရက်နေ့တွင် မော်လမြိုင်မြို၌ မွန်အမျိုးသားဒီမိုကရေစီအဖွဲ့ ဗဟိုအလုပ်အမှုဆောင်များ အစည်းအဝေး တရပ် ကျင်းပခဲ့ရာ နိုင်ငံရေးပါတီများ မှတ်ပုံတင်ခြင်းဥပဒေကို အစိုးရက ပြင်ဆင်ခဲ့လျှင် ပြန်လည်သုံးသပ်မည်ဟု ဆုံးဖြတ်ချက် ချမှတ် ခဲ့ကြ သည်။

“မွန်ဒီမိုကလည်း တရားဝင်ပါတီ ဖြစ်လာရင် မွန်ပါတီ ၂ ပါတီဖြစ်လာမယ်၊ ရွေးကောက်ပွဲတွေမှာ ဘယ်ဖက်ကို မဲပေးရမလဲဆိုတာ ဇဝေ ဇဝါ ဖြစ်သွားနိုင်တယ်” ဟု မွန်လူငယ်ခေါင်းဆောင် မင်းစိုက်ရွတ်က ပြောသည်။

လက်ရှိတွင် မွန်ဒေသလုံးဆိုင်ရာဒီမိုကရေစီ AMDP ပါတီတစ်ခုတည်းသာ မွန်အမျိုးသားကိုယ်စားပြုပြီး ၂၀၁၀ ရွေးကောက်ပွဲ ဝင်ရောက် ခဲ့ ခြင်း ဖြစ်သည်။

မွန်အမျိုးသားဒီမိုကရေစီအဖွဲ့ကို ၁၉၈၈ ခု၊ အောက်တိုဘာလ ၁၁ နေ့တွင် စတင်ဖွဲ့စည်းခဲ့၍ ၁၉၉၀ ရွေးကောက်ပွဲဝင်ခဲ့ရာ လွှတ်တော် ကိုယ်စားလှယ် ၅ နေရာ အနိုင်ရရှိခဲ့သည်။

ထို့နောက် ၁၉၉၂ ခုနှစ် မတ်လ ၁၉ ရက် (မွန်ပြည်နယ်နေ့) တွင် တရားဝင်ပါတီ တည်ရှိခွင့်မှ ရုတ်သိမ်းခံခဲ့ရပြီး ထိပ်ပိုင်းခေါင်းဆောင် များ ဖမ်းဆီး ထိန်းသိမ်းခြင်း ခံခဲ့ရသည်။

Ref: Mon News

Read More...

Collapse...

တစ်နှစ်အတွင်း တိုးတက်မှု အနည်းအကျဉ်းသာရှိသေးကြောင်း မွန်နိုင်ငံရေးခေါင်းဆောင်များပြော

ကျလွန်းထော

ရွေးကောက်ပွဲကျင်းပခဲ့ပြီးတစ်နှစ်တာကာလအတွင်း ပြည်တွင်း၌ တိုးတက်ပြောင်းလဲမှုအရိပ်အယောင်များ တွေ့မြင်နေရသော်လည်း အနည်းအကျဉ်းသာရှိနေသေးကြောင်းမွန်နိုင်ငံရေးခေါင်းဆောင်များက ပြောသည်။

မြန်မာနိုင်ငံအတွင်း ရွေးကောက်ပွဲပြုလုပ်ခဲ့သည်မှာ ယနေ့တွင် တစ်နှစ်တင်းတင်းပြည့်ခဲ့သော်လည်း နိုင်ငံအတွင်း တိုးတက်မှုများ ထင်သာမြင်သာသည့်အခြေအနေမတွေ့မြင်ရသေးကြောင်း မွန်အမျိုသားဒီမိုကရေစီအဖွဲ့ (MNDF) ဒုဥက္ကဌ နိုင်ငွေသိမ်းက ပြောသည်။


“ဘာမှ တိုးတက်မှုမရှိဘူး၊ ဘာလို့လဲဆိုတော့ လွှတ်တော်မှာ ဥပဒေကြမ်းကို ကြံ့ဖွတ်အဖွဲ့ကပဲ တင်သွင်းလို့ရနေတယ်၊ ကျန်တဲ့ပါတီတွေ က မေးခွန်းမေးယုံပဲရှိတယ်၊ဒီကိစ္စလုပ်လို့ရမလား၊ မရဘူးလား ဒါပဲမေးခွင့်ရှိတယ်၊ ပြီးတော့ တိုင်းရင်းသားလက်နက်ကိုင်တွေကိုလည်း ငြိမ်းချမ်းရေးဆွေးနွေးမယ် ဆိုတာအပစ်အခတ်ရပ်စဲရေးပဲရှိတယ်၊ဒါပေမယ့် နိုင်ငံရေးလုပ်လို့မရဘူး၊ အဲဒီအပစ်ရပ်အဖွဲ့အစည်းတွေ သူတို့ရဲ့ စားဝတ်နေရေးကိစ္စ ပြဿနာဖြစ်လာမယ်၊ ဒါ့ကြောင့် အခု ငြိမ်းချမ်းရေးလုပ်တာက အရင်ကထက် ဆုတ်ယုတ်တယ်၊ ဒါ့ကြောင့် နိုင်ငံအတွင်း တိုးတက်မှုမရှိဘူးလို့ မြင်တယ်” ဟု နိုင်ငွေသိမ်းက ပြောသည်။

သမ္မတဦးသိန်းစိန် အစိုးရသစ်တက်လာပြီးနောက် နိုင်ငံရေးအကျဉ်းသား (၂၀၀) ကျော်လွှတ်ပေးခြင်း၊ ဒေါ်အောင်ဆန်းစုကြည်နှင့် အကြိမ် ကြိမ်တွေ့ဆုံပြီးတိုင်းရင်းသားအရေးဆွေးနွေးခြင်း၊ မီဒီယာများလွတ်လပ်မှု ပိုမိုရရှိလာသည့်အပေါ် တစ်နှစ်တာကာလအတွင်း နိုင်ငံရေးတိုးတက်မှုများ အရှိန်အနည်းငယ် တိုးတက်လာသည်ဟု မွန်ပြည်သစ်ပါတီ ဗဟိုအလုပ်အမှုဆောင်အဖွဲ့ဝင်ဟောင်း နိုင်တင် အောင်က ပြောသည်။

“မရတာထက်စာရင် အနည်းအကျဉ်းလေးရတာလည်း ကောင်းပါတယ်၊ ဒါပေမယ့် ကချင်ပြည်နယ်ဘက်က တိုင်းရင်းသားတွေကို အခု ချိန် အထိ ထိုးစစ်ဆင်နေတာကိုတော့အစိုးရသစ်အနေနဲ့ ပြုပြင်ပြောင်းလဲသင့်တယ်၊ ကျန်ရှိနေတဲ့ နိုင်ငံရေးအကျဉ်းသားတွေ ကိုလည်း ပြန်လွှတ်ပေးသင့်တယ်၊ ဒါမှပဲ တိုးတက်တဲ့ ဒီမိုကရေစီနိုင်ငံရေးလမ်းကြောင်းကိုဦးတည်တယ်လို့ ပြောလို့ရတာပေါ့၊ ကျနော် တို့ နိုင်ငံရေးသမားတွေအနေနဲ့လည်း စောင့်ကြည့်နေဦးမှာပဲ” ဟု နိုင်တင်အောင်က ပြောသည်။

အဓိကအရေးကြီးဆုံးဖြစ်သည့် တရုတ်နိုင်ငံနှင့် သဘောတူစာချုပ် ချုပ်ဆိုထားသည့် ဧရာဝတီမြစ်ဆုံ ရေအားလျှပ်စစ်စီမံကိန်း လုပ်ဆောင် မှုကို ဆိုင်းငံ့လိုက်သည်မှာ ကြီးမားသည့်ပြောင်းလဲမှုတစ်ခုဖြစ်ကြောင်းနှင့် ဒီမိုကရေစီနည်းကျကျ သွားနေသည့်အချိန်တွင် ဥပဒေချိုးဖောက်မှုများ ဖြစ်လာမည်ကို စိုးရိမ်နေရသည့်အတွက် ပြောင်းလဲမှုလမ်းစဉ်သို့တဖြည်းဖြည်း ဦးတည်သွားနေခြင်း ဖြစ်ကြောင်း မွန်ပြည်သစ်ပါတီ ဗိုလ်မှုးကြီးဟောင်း နိုင်ကောင်းရော့က ပြောသည်။

“အရှိန်ပြင်းပြင်းနဲ့ တိုးတက်နေတာတော့ မဟုတ်ဘူး၊ တဖြည်းဖြည်းနဲ့ တိုးတက်လာနေတာ တွေ့နေရတယ်၊ ပြီးတော့ ၂၁ ရာစု ပင်လုံ လည်း အကောင်အထည်ဖော်ဖို့ ရှိတယ်ဆိုတော့တိုင်းရင်းသားတွေအတွက် မျှော်လင့်ချက်တွေ ရှိနေသေးတယ်လို့ မြင်ပါတယ်” ဟု နိုင်ကောင်းရော့က ပြောသည်။

၂၀၁၀ ခုနှစ် နိုဝင်ဘာလ ၇ ရက်နေ့တွင် ပြုလုပ်ခဲ့သည့် ရွေးကောက်ပွဲမှာ ယနေ့ နိုဝင်ဘာ ၇ ရက်နေ့ ၂၀၁၁ ခုနှစ်တွင် တစ်နှစ်တင်း တင်းပြည့်ခဲ့ပြီး ဖြစ်သည်။

Ref: မွန်သတင်း

Read More...

Collapse...

ရွေးကောက်ပွဲ တနှစ်အကြာ ဘာတွေ ပြောင်းလဲသွားလဲ

ခင်ဦးသာ
November 7, 2011

နှစ်ပေါင်း ၂၀ ကျော်အတွင်း ပထမဆုံးအကြိမ် ကျင်းပပြုလုပ်ခဲ့သော ရွေးကောက်ပွဲ တနှစ်ပြည့်ချိန်တွင် ဗဟိုအဆင့် ပြောင်းလဲမှု တချို့ရှိ ခဲ့သော်လည်းအောက်ခြေ အုပ်ချုပ်ရေးအဆင့်၌ ဒီမိုကရေစီဆန်သော ပြောင်းလဲမှု တစုံတရာ မတွေ့ရ သေးကြောင်း နိုင်ငံရေးခေါင်းဆောင် တချို့က ပြောသည်။

“လွှတ်တော်တွေမှာတော့ အပြန်အလှန် ပြောဆိုဆွေးနွေးမှု တွေ့ရပါတယ်၊ ဒါဟာ တိုးတက်မှုတရပ်လို့ ပြောရမှာပါ။ ဒါပေမယ့် ပြည်နယ် အစိုးရ အဖွဲ့ လုပ်လို့ ပြောင်းလဲသွားတာ ဒီနေ့အထိ မတွေ့ရသေးပါဘူး။ ပြည်သူတွေဟာ ထမင်းနပ်မှန်ဖို့ မနည်း ကြိုးစားနေရတာ တွေ့ရ တယ်” ဟု မွန်ဒေသလုံး ဆိုင်ရာ ဒီမိုကရေစီပါတီ၏ ဥက္ကဋ္ဌ နိုင်ငွေသိန်းက ဆိုသည်။


အမျိုးသားဒီမိုကရေစီ အဖွဲ့ချုပ် (NLD) ခေါင်းဆောင် ဦးဝင်းတင်ကလည်း မြို့ပြနှင့် ကျေးလက်ဒေသများရှိ ပြည်သူများအကြား ဒီမိုကရေစီစံအရ အပြောင်းအလဲ မမြင်တွေ့ရသေးကြောင်း၊ ရပ်ကွက်၊ ကျေးရွာအုပ်ချုပ်ရေး စနစ်များမှာ ယခင် နအဖ အုပ်ချုပ်ရေး ကာလ ပုံစံအတိုင်း ဖြစ်နေသေးကြောင်း ပြောသည်။

“တနှစ်ပြည့်မှာ ပထမဆုံး ပြောချင်တာကတော့ လူထုဆန္ဒမပါဘဲ မဲလိမ်၊ မဲခိုးပြီး ပေါက်ဖွားလာတဲ့ အစိုးရဖြစ်တော့ ပြောရမယ် ဆိုရင် အင်္ဂါမစုံ၊ ဦးနှောက် မပြည့်ဘဲ မွေးလာတဲ့ ကလေးလိုပါပဲ။ ဒီလို ကလေးက ကြီးပြင်းဖို့ မလွယ်သလို ဒီ အစိုးရ ဟာလည်း အရည်အချင်း အပြည့်နဲ့ လုပ်ဆောင်နိုင်ဖို့ အတော်ကြိုးစား ရဦးမှာပါ” ဟု သူက ဆိုသည်။

၂၀၁၀ ပြည့်နှစ် နိုဝင်ဘာလ ၇ ရက်နေ့တွင်ကျင်းပခဲ့သော ရွေးကောက်ပွဲသည် ယနေ့ တနှစ်ပြည့်မြောက်ပြီဖြစ်သည်။ ရွေးကောက်ပွဲ ရလဒ်အဖြစ် သမ္မတဦးသိန်းစိန် ခေါင်းဆောင်သော အစိုးရသစ် တရပ်နှင့် လွှတ်တော် အသီးသီးလည်း ပေါ်ပေါက်နေပြီ ဖြစ်သည်။

ဦးသိန်းစိန်အစိုးရ တာဝန်ထမ်းဆောင်ပြီး တနှစ်နီးပါး ရှိလာသည့်တိုင် အောက်ခြေပြည်သူလူထု၏ လူမှုရေး၊ စီးပွားရေး၊ စား ၀တ်နေရေး အပြောင်းအလဲ တစုံတရာ တိုးတက်ပြောင်းလဲမှု မရှိကြောင်း၊ တိုးတက်ပြောင်းလဲ လာသည့်အရာသည် လျှပ်စစ်မီးခွန်၊ ရေခွန် စသည့် အခွန်ကောက်ခံမှု နှုန်းထားများသာ ဖြစ်ကြောင်း ရခိုင်တိုင်းရင်းသားများ တိုးတက်ရေးပါတီ (RNDP) ၏ ပြောခွင့်ရသူ ဦးခိုင်ပြည်စိုးက ပြောသည်။

၎င်းက “ပြည်နယ်အစိုးရသစ် တက်လာပြီးတဲ့နောက် လျှပ်စစ်မီး အချိန်ပို ပေးလာတာတွေ့ရပါတယ်။ ဒါပေမယ့် ၁၀ ယူနစ်အောက် ဆိုရင် တယူနစ် ၂၅ ကျပ်ဆိုပေမယ့် ၁၀ ယူနစ် ထက် ကျော်သွားရင် တယူနစ်ကို ၄၀၀ ကျပ်ကနေ ၇၀၀ ကျပ်အထိ နေရာအလိုက် ပေးနေကြ ရပါတယ်။ တနိုင်ငံလုံးမှာ မရှိတဲ့ မီတာနှုန်းထားခကို ရခိုင်ပြည်သူတွေက ပေးနေရတယ်” ဟု ဆိုသည်။

အောက်ခြေအဆင့် ပြုပြင် ပြောင်းလဲမှုများ မတွေ့ရသော်လည်း ဗဟိုအဆင့်၌ ပြောင်းလဲမှု တချို့ ရှိခဲ့သည်ကို အသိအမှတ်ပြု ကြောင်း ဦးဝင်းတင်က ပြောသည်။

“အပေါ်ပိုင်းမှာတော့ အပြောင်းအလဲတချို့ တွေ့ရပါတယ်။ ကျေနပ်စရာ ကောင်းလောက်တဲ့ အပြောင်းအလဲ မဟုတ်ပေမယ့် အသိ အမှတ်ပြုရမှာပါ။ ဒီလိုဖြစ်လာရတာတွေဟာလည်း ဒေါ်အောင်ဆန်းစုကြည်ရဲ့ ၀န်းရံမှုကြောင့်လို့ ပြောရမှာပါပဲ” ဟု သူက ဆိုသည်။

ဦးသိန်းစိန် အစိုးရသည် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နိုင်ငံတကာ သံတမန်များ၊ နိုင်ငံတကာအဖွဲ့ အစည်းများနှင့် ထိတွေ့ဆွေးနွေးခြင်း၊ စာပေစိစစ်ရေး မူဝါဒ အနည်းငယ် ဖြေလျှော့ပေးခြင်း၊ နိုင်ငံရေးအကျဉ်းသားတချို့ လွှတ်ပေးခြင်း၊ တိုင်းရင်းသား လက်နက်ကိုင် အဖွဲ့တချို့နှင့် အပစ်အခတ် ရပ်စဲခြင်း စသည့် ပြုပြင်ပြောင်းလဲရေး တချို့ လုပ်ဆောင်ခဲ့သည်။

သမ္မတ ဦးသိန်းစိန်သည် ပြည်တွင်း၊ ပြည်ပ ရှိမြန်မာနိုင်ငံသားများ၏ ဆန့်ကျင် ကန့်ကွက်မှုကြောင့် တရုတ်နိုင်ငံနှင့်စာချုပ် ချုပ်ဆိုကာ တည်ဆောက်နေသော ကချင်ပြည်နယ်အတွင်းရှိ မေခ၊ မေလိခ တို့ဆုံစည်းရာ ဧရာဝတီ မြစ်ဆုံဆည် တည်ဆောက်ရေး စီမံကိန်းအား ၎င်းအစိုးရသက်တမ်း အတွင်း ဆိုင်းငံ့ပေးခဲ့သည်။

ထို့အပြင် နိုင်ငံခြားငွေလဲလှယ်ရေး ဆိုင်ရာ ပြုပြင်ပြောင်းလဲနိုင်ရန် နိုင်ငံတကာ ငွေကြေးရန်ပုံငွေအဖွဲ့ (IMF)၊ ကမ္ဘာ့ဘဏ် စသည့် နိုင်ငံတကာအဖွဲ့အစည်းများ၏ အကူအညီများ ရယူခြင်း၊ ပြည်တွင်းပြည်ပ ပညာရှင်များပါဝင်သည့် စီးပွားရေး ဆွေးနွေးပွဲများ မကြာခဏ ကျင်းပပေးခြင်း တို့လည်း ပြုလုပ်ခဲ့သည်။

သို့ရာတွင် သာမန် လက်လုပ်လက်စား၊ လယ်သမားများနှင့် အလုပ်သမားများ၏ စားဝတ်နေရေး အခြေအနေမှာမူ တိုးတက်မှုကို မမြင် ရသေးကြောင်း၊ သာမန်ပြည်သူများသည် စားဝတ်နေရေးအတွက် တနိုင်တပိုင် လုပ်ကိုင်ရာတွင် ဒေသဆိုင်ရာ အာဏာပိုင်များ၏ ခေါင်းပုံ ဖြတ် အမြတ်ထုတ်မှုကို ခံနေရခြင်း၊ ခြိမ်းခြောက်ခြင်းများရှိနေပြီး တိုင်ကြားသော်လည်း အရေးယူမှု မရှိခြင်းများကြောင့် အခက်အခဲ တွေ့ နေရကြောင်း နိုင်ငံရေးခေါင်းဆောင်များက ပြောသည်။

အောက်ခြေ အုပ်ချုပ်ရေးယန္တယား၌ ဒီမိုကရေစီစနစ် ကျင့်သုံးနိုင်ရန် ဗဟိုအစိုးရ၏ ဒီမိုကရေစီဆန်သော ဦးဆောင် လမ်းညွှန်မှုသည် အရေးတကြီး လိုအပ်နေကြောင်း ဦးဝင်းတင်က ဆိုသည်။

၎င်းက “မတရားတဲ့နည်းနဲ့ အစိုးရ ဖြစ်လာတော့ လူစဉ်မမီတဲ့ အစိုးရလို့ ပြောရမှာပါပဲ။ ဗဟိုအစိုးရ အဖွဲ့ထဲမှာကိုက အရည်အချင်း မပြည့် ၀သူတွေ၊ အဂတိလိုက်စားသူတွေ များတော့ အောက်ခြေအဆင့်ကို လမ်းညွှန်တာတွေက လွဲနေတယ်။ အောက်ခြေကလည်း ထင်သလို အုပ်ချုပ်နေတော့ ဒီမိုကရေစီဆိုတာနဲ့ အလှမ်းဝေးနေတဲ့ သဘောပါ” ဟု ဆက်ပြောသည်။

ယခင် စစ်အစိုးရ ဦးဆောင်ကျင်းပခဲ့သော ရွေးကောက်ပွဲ၌ နိုင်ငံရေးပါတီပေါင်း ၃၇ ခု ၀င်ရောက်ယှဉ်ပြိုင်ခဲ့ရာ ပြည်ထောင်စု ကြံ့ခိုင် ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) သည် ၈၂ ရာခိုင်နှုန်းကျော်ဖြင့် အနိုင်ရခဲ့ကြောင်း အစိုးရထုတ် သတင်းစာများက ဖော်ပြခဲ့သည်။

Ref: ဧရာဝတီ

Read More...

Collapse...