မာန်အောင်မြို့နယ်တွင် ဥယျဉ်ခြံမြေများ ဈေးကောင်းကောင်းဖြင့် အရောင်းအ၀ယ်ဖြစ်နေ

11/1/2011
ခိုင်သဇင်

ရခိုင်ပြည်နယ် မာန်အောင်မြို့နယ်တွင် ခြံမြေများကို ယခုအခါ ၀ယ်ယူမူ များပြားနေသဖြင့် ဈေးကောင်းကောင်း ရရှိ နေကြောင်း သတင်း ရရှိသည်။

မာန်အောင်မြို့နယ် ကအီး ကျေးရွာတွင် စတင်ဘာလ မှစ၍ ဥယျဉ်ခြံမြေများကို ဈေးကောင်း ပေး၍ ၀ယ်ယူနေကြောင်းကို ခြံပိုင်ရှင် ဖြစ်သူ မအေးအေးလှိုင် မှပြောသည်။


" ဟုတ်ပါတယ် ကျမတို့ ဥယျဉ်ခြံထဲမှာဆို အုန်းပင် အများအပြားရှိပါတယ်။ အရင်ကဆို အုန်းခင်းတွေကို တစ်သိန်း နဲ့ ပေးဝယ် မယ့် သူမရှိသလောက် ရှားပါးခဲ့တယ်၊ အခုဆိုရင် ခြံတစ်ခြံက သိန်း နှစ်ဆယ် အထက်မှာရှိတယ်။ အုန်းခင်ပင်တွေ မရှိတဲ့ ဥယျဉ်ခြံ မြေတွေလည်း ဈေးကောင်းရတယ်။ ကျွန်မတို့ ကအီးရွာ အုန်းခင်တွေမှ မဟုတ်ဘူး အနီးအနားရွာ က အုန်းပင်တွေ မရှိတဲ့ မြေ ကွက်လပ် တွေကိုလည်း ဈေးကြီး ပေးပြီးတော့ ၀ယ်နေကြ ပါတယ်" ဟု ပြောသည်။

မာန်အောင်မြို့ မှ ငွေကြေးချမ်းသာ သူများသာမက တခြားမြို့များမှ လူအများအပြားလည်း ဥယျာဉ်ခြံမြေများကို လာရောက် ၀ယ်ယူနေကြသည်။ လက်ရှိ ဥယျာဉ် ခြံမြေ ၀ယ်ယူနေသူ တစ်ဦးမှ ၀ယ်ယူရခြင်း ရည်ရွယ်ချက်ကို အခုလို ပြောပြသည်။

" ကအီး ကမ်းခြေက အရမ်း သာယာလှပတယ်။ နောက်နှစ်တွေမှာ ငပလီ ကမ်းခြေလိုမျိုး နိင်ငံခြားသားတွေနဲ့ မြန်မာနိင်ငံသား များ လာရောက် အပန်းဖြေလာရောက်ကြမယ်။ နောက်ပြီး ကအီးကျေးရွာက ရေနံထွက်တဲ့ နဂါးတောင် နဲ့လည်း နီးတယ်။ ရေနံ အများအပြား ထွက်လို့ရှိရင် တရုတ်တွေလာကြမှာပဲ။ ကျနော်တို့က အဲလို မျှော်လင့်ချက်နဲ့ ၀ယ်ယူတာ ဖြစ်ပါတယ်။ အဓိကတော့ နိင်ငံခြားသားတွေ လာရောက်ရင် နေရာတွေက အနာဂတ်မှာ မြေဈေးတွေ တက်လာနိုင်ပါတယ်။ ဒါကြောင့် ၀ယ်ယူတာ ဖြစ်ပါ တယ်" ဟု ပြောသည်။

မာန်အောင်ကျွန်းကို ပတ်ပြီး ဖေါက်လုပ်ထားသော ၅၂ မိုင်ရှည် ကျွန်းပတ်လမ်းကို ၂၀၁၀ ဖော်ဖေါ်ဝါရီလ ၆ ရက်နေ့က စတင်ဖွင့် လှစ်ခဲ့ပြီးနောက် သွားလာရေး လွယ်ကူလာသဖြင့် မာန်အောင်ဒေသမှာ အနာဂတ်တွင် စီးပွားရေးအရ ဖွံ့ဖြိုးတိုးတက်ရန် အခြေ အနေကောင်းများ ရှိနေကြောင်း သိရသည်။

မာန်အောင်မြို့နယ်တွင် ကျေးရွာအုပ်စုပေါင်း ၃၆ အုပ်စု၊ ကျေးရွာပေါင်း ၁၀၈ ရွာရှိပြီး အများစုမှာ ပင်လယ် ကမ်းခြေတွင် တည် ရှိကာ အလွန်နေချင် စဖွယ်ကောင်းကြောင်း ရောက်ဖူးသူများက ပြောသည်။

ကအီး ကမ်းခြေမှာ မာန်အောင်မြို့နယ်တွင် အလှဆုံး ပင်လယ်ကမ်းခြေ ဖြစ်ပြီး အုန်းပင်များနှင့် သဘာဝ အလျှောက် ပေါက် ရောက် နေသော နှစ်ရှည် အပင်များတည်ရှိသဖြင့် မာန်အောင်ကျွန်းမှ လူများသာမက တခြားမြို့နယ်များမှ လူများလည်း ကအီသို့ အလည်အပတ် သွားရောက်ကြသည်ဟု သိရသည်။

Ref: နိရဉ္စရာ

Read More...

Collapse...

နိုင်ငံတော် အကြောင်းပြပြီး ပုဂ္ဂလိက အတွက် သိမ်းယူသွားသော လယ်များ ပြန်ပေးရန် လယ်သမားများ တောင်းဆို

11/1/2011

နိုင်ငံတော်ကို အကြောင်းပြပြီး ပုဂ္ဂလိက အတွက် သိမ်းယူသွားသော ရခိုင်ပြည်နယ် ကျောက်ဖြူမြို့နယ်မှ ကျေးရွာသားများပိုင် လယ်မြေ ၇၂ ဧကကို ပြန်လည် ရရှိလိုကြောင်း ကျေးရွာသားများက ရခိုင်ပြည်နယ် ၀န်ကြီးချုပ်ထံ စာရေးပြီး တောင်းဆိုလိုက် ကြောင်း သတင်း ရရှိသည်။

ကျေးရွာသား တစ်ဦးက "ဒီလ ၂၆ ရက်နေ့က စာရေးတောင်းဆိုလိုက်တာ ဖြစ်ပါတယ်။ ရခိ်ုင်ပြည်နယ် ၀န်ကြီးချုပ် ဦးလှမောင်တင် ထံကို စာရေးပြီးတောင်းဆိုလိုက်တာ ဖြစ်ပါတယ်" ဟု ပြောသည်။


အဆိုပါ လယ်မြေ ၇၂ ဧကကို ကျောက်ဖြူမြို့နယ် မင်းပြင်ကျေးရွာမှ အနောက်ပိုင်းတိုင်း တိုင်းမှူး အဖြစ် တာဝန်ကျခဲ့သူ ဗိုလ်ချုပ်ဟောင်း ၀င်းမြင့်နှင့် ဒုတိုင်းမှူး အဖြစ် တာဝန်ကျခဲ့သူ ဗိုလ်မှူးကြီး သီဟသူရ မောင်နီတို့ သိမ်းယူထားသော မြေများ ဖြစ်ကြသည်။ ၎င်းမြေများကို သူတို့၏ ဇနီး နာမည်များဖြင့် ဂရမ်လုပ်ထားကြောင်း သူက ပြောသည်။

" အခု အဲဒီ လယ်မြေတွေကို ဗိုလ်ချုပ်ဟောင်း ၀င်းမြင့်ရဲ့ ဇနီး ဒေါ်ခင်ချိုဦး နာမည်နဲ့ မြေစာရင်း ဦးစီးဌာနမှာ သူတို့ပိုင် စာရင်း ဖေါက်ထားသလို ဗိုလ်မှူးကြီး သူရ မောင်နီကလည်း သူ့ဇနီး ဒေါ် မမြခင် နာမည်နဲ့ မြေဂရမ် လုပ်ထားပါတယ်။ သာမန်လူတွေ ကြည့်ရင် စစ်ဗိုလ်ချုပ်တွေ သိမ်းယူသွားတာကို ရုတ်တရက် မသိအောင် လုပ်ထားတာ ဖြစ်ပါတယ်" ဟု သူက ဆက်ပြောသည်။

မင်းပြင်ကျေးရွာမှ လယ်သမားများ အနေဖြင့် ပြည်နယ်ဝန်ကြီးချုပ်ထံ စာရေး တောင်းဆိုထားခြင်းမှာ မှန်ကန်ကြောင်း ရခိုင်တိုင်း ရင်းသားများ တိုးတက်ရေး ပါတီ ကျောက်ဖြူမြို့နယ် ဥက္ကဌလည်းဖြစ်၊ ပြည်နယ် လွှတ်တော်ကိုယ်စားလှယ် ဖြစ်သော ဦးတင်ဖေ က ပြောသည်။

" ကျွန်တော်ဆီကို ကျေးရွာသားတွေက ပြည်နယ် ၀န်ကြီးချုပ်ဆီကို ပေးတဲ့စာကို မိတ္တူပေးတဲ့ အတွက် ဒီကိစ္စ ဟုတ်မှန်ကြောင်း ကျနော် အတည်ပြု ပြောနိုင်တာ ဖြစ်ပါတယ်။ နိုင်ငံတော်ကို နာမည်တပ်ပြီး သူတို့ကိုယ်ကျိုး အတွက် စစ်ဗိုလ်တွေက သိမ်းသွား တဲ့ အတွက် ရွာသားတွေ အနေနဲ့ အစိုးရကို အသနားခံတာ ဖြစ်ပါတယ်" ဟု ပြောသည်။

မင်းပြင်ကျေးရွာမှာ ကျောက်ဖြူ မြို့နယ်မှ ရေနံထွက်သော ဒေသ တစ်ခုဖြစ်သဖြင့် အဆိုပါ လယ်မြေများကို ဗိုလ်ချုပ် ၀င်းမြင်းနှင့် သူရ မောင်နီတို့မှ သိမ်းယူထားပြီး ခြံစည်းရိုးကာရံကာ စောင့်ရှောက်ထားကြောင်း သိရသည်။

မင်းပြင်ကျေးရွာမှ တိုင်ကြားသူများ စာရင်းအားလည်း ဦးတင်ဖေက မှတ်မိသလောက် ပြောကြားသည်။

" နံပတ် (၁) ဒေါ် သန်းအေး ပိုင် လယ်မြေ ၂ ဧကနဲ့ နွားစားကွက်မြေ ၄ ဧက။ နံပတ် (၂)ဦး ဇနီဦး လယ်မြေ ဧက ၁ ဧကနဲ့ နွားစားကွက်မြေ၂ ဧက။ (၃) ဦး လှမောင် လယ်မြေ ၁ ဧကနဲ့ နွားစားကျက်မြေ ၄ ဧက။ (၄) ဦး ဘစိန် လယ်မြေ ၁ ဧကနဲ့ နွားစားကျက်မြေ ၁ ဧက။ (၅) ဦး သာထွန်းအောင် ၁ ဧက။ နွားစားကျက် ၁ ဧကနဲ့ နံပတ် (၆) ဒေါ်နန်းခိုင် နွားစားကျက်မြေ ၄ ဧက တို့ ဖြစ်ပါတယ်။ ကျန်တဲ့ လူတွေ နာမည်တော့ လောလောဆယ် မမှတ်မိဘူး" ဟု သူက ပြောသည်။

ရခိုင်ပြည်နယ်တွင် စစ်အစိုးရ အုပ်ချုပ်စဉ် ဧက ထောင်ချီရှိသော လယ်မြေများကို နိုင်ငံတော်နှင့် စစ်တပ်ကို အကြောင်း ပြကာ သိမ်းယူသွားပြီး နောက်ပိုင်းတွင် တချို့ လယ်မြေများကို စစ်ဗိုလ်များက မြေစာရင်းဌာနကို ငွေပေးကာ သူတို့ပိုင် လုပ်ထား ကြောင်း သိရသည်။

ဦးသိန်းစိန် အစိုးရတက်လာပြီးနောက်ပိုင်း ရခိုင်ပြည်နယ် အစိုးရထံသို့ ပေးပို့သော တိုင်ကြားစာ များထဲတွင် လယ်မြေသိမ်း ခံရ သည့် ကိစ္စနှင့် ပတ်သက်ပြီး တိုင်ကြားသော စာများမှာ အများဆုံး ဖြစ်ကြပြီး အဆိုပါ စာများထဲတွင် လယ်မြေကို ပြန်ရလို ကြောင်း လယ်သမားများက ပြည်နယ် ၀န်ကြီးချုပ်ထံကို အသနားခံထားကြသည်ဟု အမည်မဖေါ်လိုသူ အစိုးရ အဖွဲ့ဝင် ၀န်ကြီး တစ်ဦးမှ ပြောသည်။

Ref: နိရဉ္စရာ

Read More...

Collapse...

ကျောင်းသားတပ်မတော် ၂၃ နှစ်ပြည့် အခမ်းအနား ဖို့ဝိန်းမှာ ကျင်းပ

2011-11-01

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဖွဲ့စည်းခဲ့တဲ့ ၂၃ နှစ်ပြည့် အထိမ်းအမှတ် အခမ်းအနား နဲ့ တော်လှန်ရေးကာလ အတွင်း ကျဆုံးသွားခဲ့တဲ့ တပ်ဖွဲ့ဝင်တွေ အတွက် ဆွမ်းကပ်လှူပွဲ အခမ်းအနားကို အမေရိကန် ပြည်ထောင် စု ဖို့ဝိန်းမြို့ ABSDF လုပ်ငန်းကော်မတီက ဦးဆောင်ပြီး ဖို့ဝိန်းမြို့မှာ မနေ့က ကျင်းပခဲ့ပါတယ်။

ဖို့ဝိန်းမြို့ဇေတ၀န်ဝိဟာရ ဘုန်းတော်ကြီးကျောင်းမှာ နေ့ဆွမ်း ကပ်လှူပြီးတော့ ဟောပြောပွဲနဲ့ အထိမ်းအမှတ် အခမ်းအနား ကျင်းပ ခဲ့ကြပြီး ဒီအခမ်းအနား ကနေ လက်ရှိ မြန်မာနိုင်ငံရဲ့ အခြေအနေတွေနဲ့ ပတ်သက်တဲ့ အချက် ၃ ရပ် ထုတ်ပြန် တောင်း ဆိုခဲ့ကြောင်း မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး အမေရိကန် ပြည်ထောင်စု ဖို့ဝိန်းလုပ်ငန်း အဖွဲ့ အမှုဆောင် ကော်မတီဝင် ကိုအောင်မြတ်ထွန်းက ပြောပါတယ်။


ဒီအခမ်းအနားကို ABSDF ရဲဘော်ဟောင်းများ၊ တိုင်းရင်းသား အဖွဲ့အစည်းများ၊ အမျိုးသား ဒီမိုကရေစီ အဖွဲ့ချုပ် လွတ်မြောက် နယ်မြေ အမေရိကန် ဌာနခွဲနဲ့ ၈၈ မျိုးဆက် ကျောင်းသားဟောင်းများ၊ လူမှုရေး အဖွဲ့အစည်းက ပုဂ္ဂိုလ်များ စုစုပေါင်း တစ်ရာ ကျော် တက်ရောက်တယ်လို့ သိရပါတယ်။

ABSDF ကို ၁၉၈၈ခု ရှစ်လေးလုံး ပြည်သူ့ အရေးတော်ပုံ အပြီး နိုဝင်ဘာလ ၁ ရက်မှာ စတင် ဖွဲ့စည်းခဲ့ပါတယ်။

Ref: အာရ်အဖ်အေ

Read More...

Collapse...

မြောက်ပိုင်း SSA နှင့် အစိုးရ ကိုယ်စားလှယ်အဖွဲ့ ပဏာမ တွေ့ဆုံ

ဇော်ကြီး
နိုဝင်ဘာလ ၁ ရက်၊ ၂၀၁၁ ခုနှစ်

အပစ်အခတ်ရပ်စဲရေးနှင့် ငြိမ်းချမ်းရေး ပဏာမ ဆွေးနွေးမှုအဖြစ် ရှမ်းပြည်တပ်မတော် မြောက်ပိုင်း ခေါ် ရှမ်းပြည် တိုးတက်ရေး ပါတီ SSA/ SSPP နှင့် အစိုးရ ကိုယ်စားလှယ်တို့ နေပြည်တော်တွင် တွေ့ဆုံခဲ့သည်။

မြောက်ပိုင်း SSA မှ စောဝ်နော်လိတ်ခေါ် စိုင်းထွေး ဦးဆောင်သည့်အဖွဲ့နှင့် အစိုးရ၏ ငြိမ်းချမ်းရေး ဖော်ဆောင်ရေး ကော်မတီ ဥက္ကဌ ဦးသိန်းဇော်တို့ အောက်တိုဘာလ (၂၉) ရက်နေ့က တွေ့ဆုံခဲ့ပြီး SSA ဘက်က အချက်နှစ်ချက်ကို တင်ပြခဲ့သည်ဟု မြောက် ပိုင်း SSA မှ အမည်မဖော်လိုသည့် အရာရှိ တဦးက အခုလိုပြောသည်။


“တောင်းဆိုချက်က နှစ်ချက်ရှိတယ်။ တစ်အချက်က ငြိမ်းချမ်းရေးကို ကြိုဆိုတယ်ဆိုတဲ့ အကြောင်းနဲ့ ပဏာမ အနေနဲ့ ကျနော်တို့ ဌာနချုပ် ၀မ့်ဟိုင်းနားမှာတပ်စွဲထားတဲ့ သူတို့တပ်တွေကို ပြန်ရုပ်ပေးဖို့။ နှစ်အချက်က ကျနော်တို့ ဗဟိုကော်မတီဝင်တွေ ထဲမှာ ဒီကိစ္စကို ဆွေးနွေးနိုင်ဖို့ အချိန် နည်းနည်း ထပ်ပေးဖို့ပေ့ါ။ အခုက ကျနော်တို့ ဗဟို ကော်မတီတွေ မစုစည်းနိုင်သေးဘူး။ သူတို့ တပ်တွေ ရုပ်ပေးမှ ကျနော်တို့ ဌာနချုပ်မှာ အစည်းဝေးပွဲတွေ ပြန်လုပ် နိုင်မယ်လေ။”

ဌာနေပြည်သူ့စစ် အသွင်ပြောင်း အဖွဲ့မှ ဗိုလ်ချုပ် ကိုင်ဖ၏ ကြားဝင် စေ့စပ်ပေးမှုဖြင့် တွေ့ဆုံခဲ့ခြင်း ဖြစ်ပြီး နှစ်ဖက် ဆွေးနွေး ချက် များ အပါအ၀င် သဘော တူညီချက်များကို မသိရသေးကြောင်း ၎င်းက ဆက်ပြောသည်။


သို့သော် နိုင်ငံရေးကိစ္စများကိုမူ တိုင်းရင်းသား တပ်ပေါင်းစု ဖြစ်သည့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အနေဖြင့်သာ ဆွေးနွေးမည်ဟု အဖွဲ့တာဝန်ရှိသူများက အစောပိုင်းကတည်းက သတင်းထုတ်ပြန် ထားပြီး ဖြစ်သည်ဟု လည်း ဆိုသည်။

ပြည်ထောင်စု အစိုးရက ငြိမ်းချမ်းရေး ဖိတ်ခေါ်ခြင်း ကြေညာချက်ကို လွန်ခဲ့သည့် သြဂုတ်လ (၁၈) ရက်နေ့က ထုတ်ပြန် ခဲ့ပြီး နောက် လွန်ခဲ့သည့် အောက်တိုဘာလ အတွင်း၌ UNFC တပ်ဖွဲ့ဝင်များ ဖြစ်သည့် မွန်ပြည်သစ် ပါတီ NMSP၊ ကရင် အမျိုးသား အစည်းအရုံး KNU တို့နှင့်လည်း တွေ့ဆုံမှုများ ရှိခဲ့ပြီး ယခု မြောက်ပိုင်း SSA နှင့် တွေ့ဆုံခြင်းဖြစ်သည်။ ယင်းကိစ္စ အပေါ် UNFC အထွေထွေ အတွင်းရေးမှူး နိုင်ဟံသာက အဆိုပါ တပ်ဖွဲ့များအနေဖြင့် နိုင်ငံရေး မပါသည့် ပဏာမ တွေ့ဆုံမှုမျိုး လုပ်ဆောင်ရန် သဘောတူထားပြီး ဖြစ်သည်ဟု အခုလို ပြောသည်။

“နိုင်ငံရေးအရ ဆွေးနွေးဖို့က UNFC အနေနဲ့ပဲ ဆွေးနွေးမယ်ဆိုတဲ့ သဘောထားက သုံးဖွဲ့စလုံးက ကျနော်တို့ ပြောထားပြီးသား ဖြစ်တယ်။ တဖွဲ့ချင်းစီ သက်ဆိုင်ရာ ပြည်နယ်က ကိုယ်စားလှယ်တွေ နဲ့ တွေ့လိုက်တယ်။ ကျနော်တို့ သဘောထားက ဒီလို ပဲရှိ တယ်ဆိုတဲ့ဟာကို ပြောပြလိုက်တယ်လေ။ အဲဒါကို ပဏာမလို့ ပြောမယ်ဆိုရင်လည်း ရပါတယ်။”

UNFC တပ်ဖွဲ့အား အမာခံ လက်နက်ကိုင် တိုင်းရင်းသား တပ်ဖွဲ့များ ဖြစ်သည့် ကချင်ပြည် လွတ်မြောက်ရေး အဖွဲ့ (KIO)၊ ရှမ်းပြည်တပ်မတော် မြောက်ပိုင်း ခေါ် ရှမ်းပြည်တိုးတက်ရေးပါတီ (SSA/ SSPP)၊ ကရင်အမျိုးသား အစည်းအရုံး (KNU)၊ ကရင်နီပြည် တိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ချင်းအမျိုးသား တပ်ဦး (CNF) စသည့် တပ်ဖွဲ့များ အပါအ၀င် ဆက်စပ်အဖွဲ့ (၆) ဖွဲ့ဖြင့် ဖွဲ့စည်းထားသည်။

SSA/ SSPP တပ်ဖွဲ့သည် စစ်အစိုးရလက်ထက် နယ်ခြားစောင့်နှင့် ဌာနေပြည်သူ့စစ် အသွင်ပြောင်း ရေးကို လက်မခံ ငြင်းဆန် ခဲ့ပြီးနောက် ၂၀၁၁ ခုနှစ် မတ်လ (၁၃) ရက်မှ စတင်၍ တိုက်ပွဲများ ပြန်လည် ဖြစ်ပွားခဲ့ပြီး အစိုးရနှင့် တရားဝင် တွေ့ဆုံမှု ယခု ပထမဆုံး အကြိမ်ဖြစ်သည်။

Ref: အဲန်အဲမ်ဂျီ

Read More...

Collapse...

ဒီကေဘီအေနှင့် နအဖ ဒုတိယအကြိမ်ဆွေးနွေး

01 November 2011

ယမန်နေ့ (အောက်တိုဘာ ၃၁) ရက်နေ့ တွင် အစိုးရကဖွဲ့ စည်းပေးထားသည့် ပြည်ထောင်စု ငြိမ်းချမ်းရေး အဖွဲ့ နှင့် ဒုတိယ အကြိမ်ဆွေးနွေးရန်၊ ဗိုလ်မှူးချုပ် မိုးရှေးဦးဆောင်သည့် ဒီအေဘီအေ ကိုယ်စားလှယ် အဖွဲ့ ဝင် (၇)ဦးသည် ၄င်းတို့ ၏ ဌာနချုပ်မှ ကရင်ပြည်နယ် ဖါးအံမြို့ သို့  ထွက်ခွာ သွားကြပါသည်။ အဆိုပါ ကိုယ်စားလှယ် (၇)ဦးမှာ ၊ ဒီကေဘီအေ ဒုဦးစီးချုပ် ဗိုလ်မှူးချုပ် မိုရှေး၊ ဗိုလ်မှူးစိန်ဝင်း၊ ဗိုလ်မှူးစောဟိဒို၊ ဗိုလ်မှူးမောင်လေး၊ ဗိုလ်မှူးပိဒါး၊ ဗိုလ်လုပ်လုံနှင့် အခြား တဦးဖြစ်ပါသည်။

နအဖဖက်မှ နိုင်ငံရေးကိစ္စကို မဆွေးနွေးပေ။ အပစ်အခတ် ရပ်စဲရေး၊ တပ်နေရာ ချထားရေးနှင့် ဆက်ဆံရေးရုံး ထားရှိမှု များကို သာဆွေးနွေးမည်ဖြစ်ပါသည်။ ဤဒုတိယ အပါတ်ဆွေးနွေး မှုသည်၊ နိုဝင်ဘာ တရက်နေ့ တွင် ကရင်ပြည်နယ် ဖါးအံ မြို့ ပေါ်၌ ကျင်းပမှာဖြစ်ပြီး ၊အရှေ့ တောင်တိုင်း တိုင်းမှူး အပါဝင် ၊ ကရင်ပြည်နယ် ၀န်ကြီးချုပ်လည်း ပါဝင် တက်ရောက် မည်ဟု သိရပါ သည်။


“ ဒီကေဘီအေ ဖက်ကတော့ ကြာအင်းဆိပ်ကြီးမြို့ နယ်မှ မြ၀တီမြောက်ဖက်ခြမ်းရှိ ဒီကေဘီအေ တပ်ဖွဲ့ များရှိတဲ့ နေရာတွေကို တပ်တည်အဖြစ် နေရာချမှာဖြစ်ပါတယ်။ ဆက်ဆံရေး ရုံးတွေကိုတော့ မြ၀တီ၊ ဖါးအံ၊ ကော့ကရိတ်၊ ကြာအင်း ဆိပ်ကြီးမြို့ နှင့် နေပြည်တော်မှာ ထားဖို့ ရှိပါတယ်။ အစိုးရ ဖက်ကတော့ ပထမ အကြိမ်ဆွေးနွေးပွဲမှာ (၃)ဦးဘဲ ပါသွားတယ်ဆိုတော့ နဲတဲ့ အတွက် ပေါ့လေ ဒီအပါတ်မှာ (၅)ဦးကနေ (၇)ဦးအထိ လာပါဆိုလို့  ဒီအပါတ်မှာ (၇)ဦးပါ သွားခဲ့တာပါ။” ဟု ဒီကေဘီအေ တပ်မှူး တဦးကပြောပါသည်။

နအဖတို့ သည်၊ ပထမအကြိမ်ဆွေးနွေးပွဲပြီးချိန်၌ ဒုတိယဆွေးနွေးပွဲအတွက် သဘောတူရမည့် အချက်များကို အရှေ့  တောင် တိုင်း တိုင်းမှူးသည်၊ အောက်ပါအတိုင်း ကြိုတင်စာရေးထားပြီး ဒီကေဘီအေခေါင်းဆောင် ဗိုလ်မှူးချုပ်စောလာ ဖွယ်ထံသို့ ပေးပို့ ခဲ့ပါသည်။ အရှေ့ တောင်တိုင်းတိုင်းမှူး ဗိုလ်မှူးချုပ် အောင်ဝင်းလှိုင်၏ကြိုတင်စာမှာ-

၁- နှစ်ဦးနှစ်ဖက်တပ်များသည်( ) ရက်မှစ၍ အပြန်အလှန်ပစ်ခတ်တိုက်ခိုက်မှုများကို ရပ်ဆိုင်းထားရန် သဘောတူ သည်။

၂- ကလိုထူးဘောတပ်ဖွဲ့ဝင်များကို (ဆုံဆည်းမြိုင်) နေရာဝန်းကျင်တွင် ယာယီအခြေပြုနေထိုင်ရန် သဘောတူသည်။

၃- နှစ်ဦး နှစ်ဖက် အပြန်အလှန် ဆက်ဆံဆွေးနွေးမှုများ ပြုလုပ်နိုင်ရန် အတွက်နှင့် သဘောတူညီသော နေ ရာများတွင် နှစ်ဖက် သဘော တူညီကြသော ပုဂ္ဂိုလ်များဖြင့် ဆက်ဆံရေး၊ ဌာန၊ စခန်းများ ထူထောင်မည်။

၎- နှစ်ဦး နှစ်ဖက်သဘောတူညီထားသော နယ်မြေများမှသာ နယ်မြေကျော်လွန် လက်နက်ကိုင်ဆောင်ခွင့် များကို နှစ်ဦး နှစ်ဖက် ကြိုတင် ညှိနှိုင်းစေပြီးဆောင်ရွက်မည်။

၅- ပြည်ထောင်စုငြိမ်းချမ်းရေးဆွေးနွေးမည့် အဖွဲ့နှင့် (ဦးစောလာဖွယ်) ခေါင်းဆောင်သော ကလို့ထူးဘော တပ်ဖွဲ့မှ အဆင့်မြင့် ငြိမ်းချမ်းရေးဆွေးနွေးမည့် ပုဂ္ဂိုလ်များသည် နှစ်ဦး နှစ်ဖက် တူညီသောနေရာ အချိန် ကာလတွင် တွေ့ဆုံ၍ နယ်မြေ တည်ငြိမ်း အေးချမ်းရေး၊ ဖွံ့ဖြိုးတိုးတက်ရေးတပ်ဖွဲ့ဝင်များ၏ စားဝတ်နေရေး ကိစ္စများနှင့် ထာဝရငြိမ်းချမ်းရေးရ သည့်အထိ ဆက်လက်ဆွေး နွေး သွားရန် သဘောတူသည်။ ဟူ၍ဖြစ်ပါသည်။

ဒီကေဘီအေတို့ သည် ၄င်းတို့ အင်အား (၁၆၀၀) အတွက် ဘုရားသုံးဆူ နယ်စပ်မြို့ မှ ကရင်ပြည်နယ်လှိုင်ဘွဲမြို့ နယ် အထိစခန်း (၉)ခု၌ နေရာ ချထားရန် ပထမအကြိမ်ဆွေးနွေးပွဲတွင် တောင်းဆိုခဲ့သည်ဟု သိရပါသည်။ သို့ သော် တိုင်းမှူး၏ ကြိုတင်စာ ကြောင့် လည်းကောင်း၊ ဒီကေဘီအေ၏ လက်ရှိ တပ်အနေအထားကြောင့် လည်းကောင်း စခန်းချရမည့် နေရာများကို အနည်း ငယ်လျှော့ချထားသည်ဟုသိရပါသည်။

မည်သို့ ပြေလည် လာမည်ကို မသိရသေးသော်လည်း အရှေ့ တောင်တိုင်း တိုင်မှူးသည်၊ ပထမအကြိမ်တွေ့ ဆုံမှုကို အကဲဖြတ်ပြီး ဒုတိယအကြိမ်ဆွေးနွေးပွဲအတွက် ဖြစ်နိုင် ချေနှင့် အပေါ်စီး ရရေးကို စီစဉ်သည့် အနေနှင့် ကြိုတင်စာရေး ခြင်းဖြစ်သည်ဟု ဝေဖန်သူများက သုံးသပ်ပါသည်။

Ref: ရွှေဟင်္သာ

Read More...

Collapse...

အင်မောက်မိုင်းပေါက်ကွဲမှု တွင် ရွာသားတစ်ဦးသေဆုံး တစ်ဦး ဒဏ်ရာရ

01 November 2011

အောက်တိုဘာ ၂၈ ရက်က ကချင်ပြည်နယ် မန်မော် (ဗန်းမော်)ခရိုင် အင်မောက် (မိုးမောက်)နှင့် ခ၀မ်ဘန် (ကျောက်စခန်း) လမ်း မကြား မိုင်းတစ်လုံးပေါက်ကွဲမှုတွင် အပြစ်မဲ့ ကချင်ပြည်သူတစ်ဦး သေဆုံးကာ အခြားတစ်ဦး ဒဏ်ရာရရှိခဲ့သည်။

သေဆုံးသူ လူငယ် ဒမောင်ဘရန်ဒီး၊ အသက် (၁၇)နှစ်သည် နမ်ဖတ်ခရွာ (Nam Hpak Hka)မှ ဖြစ်ပြီး ဒဏ်ရာရရှိသူ အသက် ၁၄ နှစ်အရွယ် ဇော်လီ မှာ ခ၀မ်ဘန်ရွာမှ ဖြစ်သည်ဟု ၎င်း၏ဆွေမျိုးများပြောသည်။

ဘရန်ဒီးသည် မိုင်းပေါက်ကွဲသည့်နေရာတွင် ခြေထောက်နှစ်ဖက်စလုံးကြိုးကာ သေဆုံးခြင်းဖြစ်သည်ဟု ဆွေးမျိုးများဆိုသည်။


လက်တစ်ဖက်ကြိုးပြီး ပေါင်တွင်ဒဏ်ရာရရှိသွားသော ဇော်လီမှာ ယခုချိန် အင်မောက် ဆေးရုံတွင် ရောက်ရှိနေသည်ဟု အင် မောက် ဒေသခံတစ်ဦးက ပြောသည်။

၎င်းတို့ နှစ်ဦးသည် အင်မောက်မြို့ ဒုက္ခသည်စခန်းတွင် နေထိုင်သူဖြစ်ကာ အင်မောက်မှ ဆိုင်ကယ်တစ်စီးငှားယူပြီး ဒဂေါ်ရွာ (Dagaw)သို့ သစ်ခွပန်း ရှာထွက်သွားစဉ် ဒေသစံတော်ချိန် ၁၂ နာရီတွင် လမ်းမိုင်းမိခြင်းဖြစ်သည်။

ထောင်ထားသော မိုင်းသည် KIA နှင့် မြန်မာစစ်တပ် မည်သည့်အဖွဲ့မှဖြစ်ကြောင်းကို မသိရသေးပါ။

သို့သော် မိုင်းပေါက်ကွဲရာ နေရာသည် အစိုးရစစ်သားများ တပ်ချထားသည့်နေရာဖြစ်ပြီး ပတ်ဝန်းကျင်မှ လယ်သမားတစ်ဦး ကိုလည်း ၎င်းပတ်ဝန်းကျင်တွင် မိုင်းထောင်ထားသည်ဟု မြန်မာစစ်သားတစ်ဦး အစောပိုင်းက အသိပေးခဲ့ကြောင်း လယ်သမား နှင့် နီးစပ်သူများပြောသည်။

“ကချင်ပြည်နယ် အစိုးရ၏ လူမှုရေးရာဝန်ကြီး ဒေါ်ဘောက်ဂျာ က ခ၀မ်ဘန် (ကျောက်စခန်း) ကျေးရွာသို့သွားရောက်စစ်ဆေး မည့် ခရီးစဉ်အား ဟန့်တားရန် ရည်ရွယ်ချက်ဖြင့် အပြစ်မဲ့ပြည်သူများကို မိုင်းထောင် သတ်ဖြတ်ခြင်းလုပ်ရပ်အား မြန်မာစစ်သား များ ကိုယ်တိုင် ဖန်တီးပြုလုပ်ခြင်းဖြစ်နိုင်သည်” ဟု ဒေသခံများ သုံးသပ်နေကြသည်။

အစိုးရစစ်တပ်နှင့် KIA ကြား စစ်ဖြစ်နေချိန် “ခ၀မ်ဘန်ကျေးရွာတွင် အစိုးရစစ်သားများက ရွာသားများ၏ ပိုင်ဆိုင်သည့် ပစ္စည်း များကို ကြိုက်သလို လုယက် ခိုးယူခြင်း၊ ရွာသားများအား ဖမ်းဆီးနိပ်စက်ခြင်းနှင့် နေအိမ်များ မီးရှုဖျက်ဆီးခြင်းများ ပြုလုပ်သည့် သတင်းများ ထွက်ပေါ်လာခြင်းကြောင့်” ဒေါ်ဘောက်ဂျာ က ၎င်းရွာသို့ သွားရောက်ကြည့်ရှုရန် စီစဉ်ခဲ့သည်ဟု သူမနှင့် နီးစပ်သူ များဆိုသည်။

အောက်တိုဘာ ၂၈ က ဒေါ်ဘောက်ဂျာ သည် သူ့မ၏ ခ၀မ်ဘန် ခရီးစဉ်ကို ဖျက်သိမ်းပြီး စစ်ပြေးဒုက္ခသည် သစ် ၂၀၀၀ ကျော် ရောက်ရှိနေသော အင်မောက်မြို့မှ ပြန်ခေါက်သွားခဲ့သည်ဟု သူမနှင့် နီးစပ်သူများ ဆက်ဆိုသည်။

ဒေါ်ဘောက်ဂျာ အင်မောက်မှ မန်မော် သို့ ပြန်ခေါက်သွားပြီးနောက် နာရီပိုင်းအတွင်းတွင် မိုင်းကွဲခြင်း ဖြစ်သည်ဟု အင်မောက် ဒေသခံများဆိုသည်။

Ref: ကေအဲန်ဂျီ

Read More...

Collapse...

ခ၀န်ဘန်တိုက်ပွဲမှာ မြန်မာ အစိုးရစစ်သား ၁၀ ဦးကျ

01 November 2011

မန်မော် (ဗန်းမော်)ခရိုင်၊ မိုးမောက်မြို့နယ်၊ ခ၀န်ဘန် (Hka Wan Bang) တိုက်ပွဲတွင် မြန်မာအစိုးရစစ်သား အနည်းဆုံး ၁၀ ဦး ကျဆုံးပြီး အများအပြား ဒဏ်ရာရရှိသည်ဟု မျက်မြင်သက်သေများပြောသည်။

နိုဝင်ဘာလ ၁ ရက် ဒေသစံတော်ချိန် နံနက် ၈ နာရီမှ ၁၁ နာရီအထိ ခ၀န်ဘန် (Hka Wan Bang)နှင့် လော့ဒန် (Law Dan) ကြား မြန်မာအစိုးရတပ်နှင့် KIA တိုက်ခိုက်ကြသည်ဟု ဒေသခံများပြောသည်။

မြန်မာအစိုးရ၏ အမြောက်ဆံကြောင့် KIA ဘက်မှလည်း တပ်သားတစ်ဦးကျဆုံးသည်ဟု မျက်မြင်နှင့် KIA အရာရှိများ ပြော သည်။


၃ ကြိမ်တိုင်တိုင် မြန်မာအစိုးရတပ်က ထိုးစစ်ဆင်လာသော်လည်း KIA ဘက်မှ ကြံ့ကြံ့ခံ ခုခံသဖြင့် KIA ထိန်းချုပ်ရာ လော့ဒန်သို့ မြန်မာစစ်တပ် ၀င်ရောက်လာနိုင်ခြင်းမရှိသေးခြင်းဖြစ်သည်ဟု လော့ဒန် ဒေသခံတစ်ဦးပြောသည်။

တရုတ်နယ်စပ်ကိုဆက်သွယ်ထားသည့် မန်မော်-လွယ်ဂျေကားလမ်းကို မရ ရအောင် သိမ်းပိုက်နိုင်ရန် မြန်မာအစိုးရတပ်မှ ယခုလို ခ၀န်ဘက်မှ မကြာမကြာ တိုက်ခိုက်နေခြင်းဖြစ်သည်ဟု ဒေသခံများနှင့် KIA အရာရှိများပြောသည်။

ဇွန် ၉ ရက် မြန်မာအစိုးရက KIA ကိုထိုးစစ်ဆင်လာပြီးနောက် ယခု ၎င်း တရုတ်နယ်စပ် ကုန်သွယ်ရေး လမ်းကြောင်းအား KIA က ထိန်းချုပ်ထားလိုက်သည်။

Ref: ကေအဲန်ဂျီ

Read More...

Collapse...

စစ်တပ်၏ ပစ်ခတ်မှုကြောင့် ရွာသူရွာသားများ ထွက်ပြေး တိမ်းရှောင်နေရ

1 November 2011
စောခါးစူးညား

ကရင်ပြည်နယ်၊ သံတောင်မြို့နယ် သောက်ရေခပ်ချောင်း အရှေ့ဘက်ခြမ်းရှိ ခေါသခေါရွာကို မြန်မာအစိုးရတပ်က လက်နက် ကြီးငယ်ဖြင့် ပစ်ခတ်ခဲ့၍ ရွာသူရွာသားများက အိမ်ကိုစွန့်ပြီး လွတ်မြောက်ရာသို့ ထွက်ပြေးတိမ်းရှောင်ခဲ့ကြသည်ဟု ဌာနေမဲ့ ပြည်တွင်းကရင်ဒုက္ခသည်များဆိုင်ရာ ကော်မတီ (CIDKP) က ပြောသည်။

ပြီးခဲ့သည့် အောက်တိုဘာလ ၁၂ရက်နေ့က ထိုဒေသရှိ လှုပ်ရှားနေသည့် မြန်မာစစ်တပ် ခြေလျင်တပ်ရင်း ခလရ(၉၂)နှင့် ခြေ မြန်တပ်ရင်း ခမရ(၆၀၃)တို့သည် ကရင်အမျိုးသားလွတ်မြောက်ရေးတပ်မတော်(KNLA)နှင့် ခေါသခေါရွာ၏ အရှေ့ဘက် ၆ဖာ လုံအကွာတွင် တိုက်ပွဲဖြစ်ပွားပြီးနောက် ရွာကို ပစ်ခတ်ခြင်းဖြစ်သည်ဟု ထိုဒေသခံ CIDKP အဖွဲ့ဝင်တစ်ဦးက ပြောသည်။

၎င်းက “အဲဒီနေ့မှာ မိုးလည်းရွာတော့ ထွက်ပြေးတဲ့ရွာသားတွေဟာ စားစရာမပါသလို အ၀တ်အထည်၊ စောင်၊ အမိုးအကာ အသုံးအဆောင်လည်း မပါတော့ တောထဲမှာ ဖြစ်သလိုပဲ နေရတယ်။ တချို့ဖျားနာသူလည်း ရှိတယ်။”ဟု ကေအိုင်စီသို့ ပြော သည်။


မြန်မာစစ်တပ်သည် ပစ်ခတ်မှုပြုလုပ်ခဲ့ပြီးနောက် ထိုရွာတွင်းရှိ နေအိမ်များသို့ ၀င်ရောက်မွှေနှောက်မှု ပြုလုပ်ကာ ရွာသားများ ပိုင်ဆိုင်သော ကျပ်သိန်းပေါင်းများစွာ ယူဆောင်သွားသည့်အပြင် နေအိမ်အမိုး၊ အကာ၊ အခင်းများနှင့် ကျေးရွာ ဘုရားရှိခိုး ကျောင်းကိုလည်း ပစ်ခတ်ဖျက်ဆီးခဲ့သည်ဟု ၎င်းက ရှင်းပြသည်။

မြန်မာစစ်တပ်သည် ရွာအတွင်း အိမ်များရှိ ဆန်၊ ဆား၊ ငါးပိ စသည့် စားစရာများကို ၎င်းတို့ရိက္ခာအဖြစ် ယူဆောင်သွားခဲ့ပြီး မသယ်ပိုးနိုင်သည်များကို ဖျက်ဆီးခဲ့သည်ဟုလည်း အဆိုပါရွာသားတစ်ဦးကလည်း ပြောသည်။

သူက “အခုအချိန်မှာ ရွာသားတွေ အလုပ်များတဲ့အချိန် ဖာလာခူး၊ ကွမ်းသီးခူးနဲ့ စပါးရိတ်သိမ်းချိန် ဖြစ်တယ်။ ဒီနှစ်လည်း မိုး ဆက်တိုက်ရွာလို့ အလုပ်လုပ်ရတာ အဆင်မပြေတဲ့အချိန်မှာ ဗမာစစ်တပ်ကလည်း အခုလိုလုပ်တော့ လာမယ့်ရာသီမှာ ဘာနဲ့ စားရမလဲ။”ဟု ပြောသည်။

ရွာပေါင်း ၃၀ကျော်ရှိသည့် သောက်ရေခပ်ချောင်းအရှေ့ဘက်တွင် မြန်မာစစ်တပ်များ၏ သွားလာလှုပ်ရှားမှုကြောင့် ရွာ ၉ရွာမှ လူဦးရေ ၁,၆၀၀ကျော်မှာ သွားလာရေး အခက်အခဲနှင့် ရင်ဆိုင်နေကြရသည်ဟု CIDKP က ပြောသည်။

သို့သော် ထွက်ပြေးနေရသည့် ရွာသူရွာသားများမှာ ယခုအချိန်တွင် မိမိနေရပ်ရွာသို့ ပြန်လည် နေထိုင်ခြင်း ရှိမရှိကိုမူ မသိရ သေး ပေ။

Ref: ကေအိုင်စီ

Read More...

Collapse...

ပြည်သူ့များကို အခမဲ့ ဆက်လက် လုပ်အားပေး စေခိုင်နေဆဲ

01 November 2011 13:32
ခိုင်သော်က

ရခိုင်ပြည်နယ် အနောက်ပိုင်း တိုင်းစစ်ဌာနချုပ် တည်ရှိရာ အမ်းမြို့၌ ပွင့်လင်းရာသီ ကာလသို့ ရောက်ရှိ လာနေပြီဖြစ်၍ မီးဘေး အန္တရာယ် ကြိုတင်ကာကွယ်ရေး နှင့် မြို့တော် သန့်ရှင်းရေး လုပ်ငန်းတို့တွင် ဒေသခံ မြို့သူမြို့သားများကို အောက်တို့ဘာလ ၂၈ ရက်နေ့မှ ၃၁ ရက်နေ့ထိ စည်ပင်သာယာရေး နှင့် ရဲအဖွဲ့ တို့ ပူးပေါင်းကာ အခမဲ့ အတင်း အားဓမ္မ ခေါ်ယူပြီး၊ ပြည်သူ့ လုပ်အားကို အလွဲသုံးစား ဆက်လက် စေခိုင်းနေဆဲ ဟု မြို့ခံတဦးမှ ပို့ပေးချက်အရ သိရသည်။

“မြို့တွင်း ရပ်ကွက်တို့တွင် တအိမ် တစ်ယောက်စီ အိမ်ပေါ်က အတင်းခေါ်ချပြီး မနက် ၆ နာရီမှ ၁၂ နာရီထိ မီးဘေး ကြိုတင် ကာကွယ်ရေး အနေဖြင့် လမ်းဘေး အမှိုက်တွေရှင်း ၊ မီးရှိုး ၊ ရေမြောင်းတူး တာတွေက အစ သူတို့က လုပ်ခိုင်းသမျှ ဘာမဆို လုပ်ပေးခဲရပါတယ် ၊ နောက်ပြီး မိမိတို့အိမ်ခြံဝင်းမှာလည်း ဒီလိုမျိုး အမှိုတ်တွေကိုရှင်း ၊မီးရှိုး၊ မီးဘေးကာကွယ်ထားကြပါ၊ သက်ဆိုင်ရာက လာရောက်စစ်ဆေးတဲ့အခါ ရှင်းလင်း ထားတာကို မတွေ့ရင် အရေးယူ ခံရမည်လို့လည်း မှာလိုက် ပါသေး တယ်လို့” လူငယ်တဦး၏ ပြောပြချက်အရ သိရသည်။

“မြန်မာနိုင်ငံသည် ဒီမိုကရေစီ အရပ်သားအစိုးရ အဖြစ် ပြောင်းနေသော်လည်း ပြည်သူ့များကို အခမဲ့ အတင်းအားဓမ္မ ခေါ် ယူပြီး ယခင် စစ်အာဏာရှင် အတိုင်း လုပ်ခိုင်းနေတာကို ပြည်သူတွေ့က စိတ်မကောင်းဖြစ်နေကြပါတယ်လို့” ရပ်ကွက်လူကြီး တဦးမှ ပြောပြသည်။

Ref: ကုလားတန်

Read More...

Collapse...

လူ့အခွင့်အရေးချိုးဖောက်မှုနှင့် တိုက်ပွဲများအကြောင်း မီးမောင်းထိုး ပြောကြား

ထွန်းထွန်း
နိုဝင်ဘာလ ၀၁ ရက် ၂၀၁၁ ခုနှစ်

ချင်းပြည်နယ်အတွင်း လူ့အခွင့်အရေး ချိုးဖောက်မှုများနှင့် တိုင်းရင်းသား ဒေသများတွင် တိုက်ပွဲများ ဖြစ်ပွားနေမှုကို အမေရိကန် လက်ထောက် နိုင်ငံခြားရေး ဝန်ကြီး မိုက်ကယ်ပေါ်စနာအား ပြောဆိုခဲ့ သည်ဟု ရွေးကောက်ပွဲဝင် ချင်းအမျိုးသား ပါတီ - CNP က ပြောသည်။

“ကျနော်တို့ ပြည်နယ်မှာဆိုရင် အခုထိ Human Rights Violations နဲ့ပတ်သက်တာပေါ့နော်။ လူ့ အခွင့်အရေးနဲ့ ပတ်သက်လို့ ထိပါး တဲ့ ကိစ္စတွေက အခုထပ်ထိ ဆက်လက်ပြီးတော့ ဖြစ်ပေါ်နေတဲ့ အချိန်အခါမှာ ပြောင်းလဲပါတယ် လို့ ပြောရမှာ ခက်ပါ တယ်လို့ ကျနော် ပြောပါတယ်” ဟု CNP ပါတီ ဥက္ကဋ္ဌ ဦးဇိုဇမ်က ပြောသည်။

နိုဝင်ဘာလ ၁ ရက်နေ့က ရန်ကုန်မြို့ အမေရိကန်သံရုံးတွင် တွေ့ဆုံစဉ် လူ့အခွင့်အရေး ချိုးဖောက်မှုနှင့် ပတ်သက်၍
ကန်ပက်လက်မြို့ရှိ ဒေသခံများ စိုက်ထူထားသည့် လက်ဝါးကပ်တိုင်အား မီးရှို့ဖျက်ဆီးခဲ့ခြင်းအား နမူနာပေး ပြောဆို ခဲ့သည်ဟု ဆိုသည်။

နံနက် ၁၁ နာရီ ၄၅ မိနစ်မှ နှစ်နာရီကြာမြင့်သည့် တွေ့ဆုံမှုတွင် အခြားတိုင်းရင်းသား ပါတီများ ဖြစ်သည့် ရှမ်း အမျိုးသား ဒီမိုကရက်တစ်ပါတီ SNDP၊ မွန်ဒေသလုံးဆိုင်ရာ ဒီမိုကရေစီပါတီ၊ ရခိုင်တိုင်းရင်းသားများ ဖွံ့ဖြိုးတိုးတက် ရေး ပါတီ၊ ကရင် ပြည်သူ့ပါတီနှင့် အမျိုးသားဖွံ့ဖြိုးတိုးတက်ရေး ဒီမိုကရက်တစ်ပါတီတို့လည်း ပါဝင်သည်။

ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေး မိုက်ကယ်ပေါ်စနာက လက်ရှိ နိုင်ငံရေး အခြေအနေ၊ ပြည်နယ် အခြေအနေများနှင့် ပါတီ အခြေအနေများကိုသာ မေးမြန်းခဲ့သည်ဟု သိရသည်။

ယခုခရီးစဉ်မှာ ၎င်း၏ ပထမဆုံး ခရီးစဉ်ဖြစ်ကာ လေးရက်ကြာမြင့်ပြီ ဖြစ်ပြီး အစိုးရ အာဏာပိုင်များနှင့်လည်း တွေ့ဆုံရန် ရှိသည်။

တွေ့ဆုံစဉ်အတွင်း တိုင်းရင်းသားပါတီများဘက်မှ ကချင်ပြည်နယ်တွင်း ဖြစ်ပွားနေသည့် တိုက်ပွဲများနှင့် ပတ်သက် ၍ ဒေသခံ များမှာ ငြိမ်းချမ်းရေး လိုချင်နေကြောင်းနှင့် ထာဝရ ငြိမ်းချမ်းရေး ဖော်ဆောင်ရန် လိုအပ်နေကြောင်း တင်ပြခဲ့သည်။

“သူတို့အနေနဲ့ ငြိမ်းချမ်းရေးရဖို့ တကယ် စိတ်ဆန္ဒမှ ရှိကြရဲ့လားလို့ သူတို့ သံသယ ဖြစ်နေကြပါတယ်လို့။ တကယ် တမ်း ငြိမ်းချမ်း ရေး ယူချင်တယ်ဆိုတာ ထာဝရ ငြိမ်းချမ်းရေးမှ ဟုတ်ရဲ့လား။ တဒင်္ဂ အတိုက်အခိုက် ရပ်စဲဖို့ ကိစ္စ လောက်ပဲလားဆိုတာ ကချင် ပြည်သူတွေရဲ့ တကယ့်ရင်ထဲမှာ ခံစားနေရတဲ့ကိစ္စ ဖြစ်နေပါတယ်။ အဲဒါကြောင့် ထာဝရ ငြိမ်းချမ်းရေး အတွက် ကြိုးစားကြဖို့ လုံးပန်းကြဖို့ အရေးကြီးပါလိမ့်မယ်” ဟု ပြောဆိုခဲ့ကြောင်း ဦးဇိုဇမ်က ဆိုသည်။

အစိုးရအနေဖြင့် တန်းတူအခွင့်အရေး သွားနေပြီဟု ဆိုသော်ငြားလည်း အစိုးရအဖွဲ့ ပြည်ထောင်စု ဝန်ကြီး ရာထူးများ တွင် တိုင်းရင်းသားများ မပါဝင်သေးကြောင်းနှင့် ပါဝင်ခွင့် ရရှိရန်အတွက် မြန်မာအစိုးရအား ပြောကြားရန် အတွက် လည်း တိုက် တွန်းခဲ့သည်ဟု သိရသည်။

မိုက်ကယ်ပေါ်စနာမှာ နိုဝင်ဘာလ ၂ ရက်နေ့တွင် နေပြည်တော်သို့ သွားရောက်မည် ဖြစ်ကာ အစိုးရ တာဝန် ရှိသူများနှင့် တွေ့ဆုံ သွားမည် ဖြစ်သည်။

ယခုခရီးစဉ်မှာ မိုက်ကယ်ပေါ့စနာ၏ ပထမဆုံး မြန်မာပြည်ခရီးစဉ်ဖြစ်ကာ နံနက် ၁၁ နာရီကလည်း ဒီမိုကရက်တစ် ခုနှစ်ပါတီနှင့်လည်း နာရီဝက်ကြာ တွေ့ဆုံခဲ့သေးသည်။

အမျိုးသား ဒီမိုကရေစီ ပါတီသစ်၊ အမျိုးသား ဒီမိုကရေစီ အင်အားစုပါတီ - NDF ၊ တိုင်းရင်းသား စည်းလုံး ညီညွတ်ရေး ပါတီ - တစည၊ ဒီမိုကရက်တစ်ပါတီ (မြန်မာ) – DPM၊ ပြည်ထောင်စု ဒီမိုကရေစီပါတီ - UDP၊ ညီညွတ်ရေးနှင့် ငြိမ်းချမ်းရေးပါတီနှင့် ဒီမိုကရေစီနှင့် ငြိမ်းချမ်းရေးပါတီတို့ ဖြစ်သည်။

DPM ပါတီအနေဖြင့်မူ လက်ရှိတွင် ပြည်တွင်းစစ်ဖြစ်နေခြင်းနှင့် လူ့အခွင့်အရေး ချိုးဖောက်မှုများ ဆက်လက် ရှိနေသေးကြောင်း၊ သို့သော် တိုးတက်ပြောင်းလဲလာမှု ရှိနေပြီဟု ယူဆကြောင်း ပြောဆိုခဲ့သည်ဟု သိရသည်။

“လူ့အခွင့်အရေး ချိုးဖောက်မှုတွေ၊ နောက် လူမှုရေး ကိစ္စတွေနဲ့ ပတ်သက်လို့ရှိရင် ကျနော်တို့နိုင်ငံမှာ Serious Problem ဖြစ် လာတာ ကြာပြီပေါ့နော်။ အဲဒါအပြင်ကို ပြည်တွင်းစစ် ခေါ်ခေါ်ပေါ့ဗျာလို့။ အဲဒါ လက်နက်ကိုင် ပဋိပက္ခတွေ ဖြစ်နေတာ အတွက် ကြောင့်မို့လို့ အဲဒါကြောင့် လူ့အခွင့်အရေး ချိုးဖောက်မှုတွေ ပိုများလာတယ်။ ပြည်သူလူထုတွေ အများကြီး ဒုက္ခရောက် ပါတယ် လို့” ဟု DPM ပါတီဥက္ကဋ္ဌ ဦးသုဝေက မဇ္ဈိမကို ပြောသည်။

ယင်းတွေ့ဆုံမှုအတွင်း အဓိကအားဖြင့် မြန်မာနိုင်ငံအပေါ် ထားရှိသည့် ပိတ်ဆို့အရေးယူမှု ရုပ်သိမ်းရေးနှင့် မြန်မာနိုင်ငံ တွင်း တာဝန်ခံမှု လွတ်လပ်မှု ဖြစ်ထွန်းရေး၊ စီးပွားရေးတွင် တန်းတူ အခွင့်အရေး ရရှိရေးနှင့် ညီညွတ်မှု ဖြစ်တည်ရေး အတွက် ဆောင် ရွက်ရန် အကောင်းဆုံးအချိန် ဖြစ်ကြောင်း ခုနှစ်ပါတီက တင်ပြခဲ့သည်ဟု ဆိုသည်။

ယင်းအပြင် တိုင်းပြည် ဖွံ့ဖြိုးရေး အတွက် လိုအပ်သည့် ပညာရေးနှင့် ကျန်းမာရေး ကဏ္ဍများတွင် ကူညီရန်၊ ကမ္ဘာ့ ဘဏ်များမှ ငွေကြေးနှင့် နည်းပညာ အကူအညီများ ရရှိနိုင်ရန်အတွက် ဆောင်ရွက်ပေးရန်လည်း တိုက်တွန်းခဲ့သည်။

“တရုတ်မှာကျတော့ လူ့အခွင့်အရေး ချိုးဖောက်တာနဲ့ ပတ်သက်လို့ အမေရိကန် ပြည်ထောင်စုက အတိုင်းအတာ တခုအနေနဲ့ ဆောင်ရွက်တာ မရှိဘဲနဲ့ မြန်မာနိုင်ငံလို နိုင်ငံငယ်လေးကိုမှ လာပြီး လူ့အခွင့်အရေး ချိုးဖောက်တယ် ဆိုတဲ့ စွပ်စွဲချက်တွေနဲ့ ကိုင်တွယ်တာဖြင့် တော်တော်လေး ဆိုးတယ်ဆိုတဲ့ သဘောမျိုးလေး တွေပေါ့” ဟု တွေ့ဆုံမှုတွင် ပါဝင်သည့် အမျိုးသား ဒီမိုကရေစီ ပါတီသစ်မှ လွှတ်တော်အမတ် ဦးကျော်က မဇ္ဈိမကို ပြောသည်။

မိုက်ကယ်ပေါ့စနာက စီးပွားရေးပိတ်ဆို့မှုမှာ လွှတ်တော်မှ အတည်ပြု ပြဋ္ဌာန်းထားခြင်း ဖြစ်သည့် အတွက် အစိုးရ သို့ တင်ပြ သွားမည် ဖြစ်ကြောင်း၊ ဖြေလျော့ပေးရန်မှာ အချက်သုံးချက်အပေါ် မူတည်နေကြောင်းလည်း တုံ့ပြန် ခဲ့သည်ဟု သိရသည်။

“သူတို့ရဲ့ အဓိကထားတဲ့ အချက်သုံးချက်ရှိတယ်လို့ ပြောတယ်။ အဲဒီအချက်သုံးချက်ကတော့ နံပါတ် (၁) ကတော့ နိုင်ငံရေး ဘောင်ဟာ ဘယ်လောက်ထိ ကျယ်ပြန့်လာသလဲ၊ အဲဒီကျယ်ပြန့်မှုကို သူတို့ သိချင်တယ်။ နိုင်ငံရေး အကျဉ်းသားတွေ လွှတ်ပေး တဲ့ ကိစ္စပေါ့နော်။ လွှတ်ပေးတဲ့ ကိစ္စကိုလည်း ပြည့်ပြည့်စုံစုံ လွှတ်ပေးစေ ချင်တယ်ပေါ့နော်။ နောက်တခုကတော့ငြိမ်းချမ်းရေး ပေါ့နော်။ လက်နက်ကိုင် ပဋိပက္ခတွေ ချုပ်ငြိမ်းသွားအောင်” ဟု ဦးသုဝေက ဆိုသည်။

Ref: မဇ္ဈိမ

Read More...

Collapse...

တိုင်းရင်းသားအရေး မမေ့သင့်ပြီ

အောင်လင်းထွဋ်
November 1, 2011

ပြည်ထောင်စုမြန်မာနိုင်ငံသည် တိုင်းရင်းသားလူမျိုး အင်အားကြီးငယ် လူမျိုးစုပေါင်း ရာကျော်နှင့် စုပေါင်းဖွဲ့စည်း တည်ထောင် ထား သော နိုင်ငံတနိုင်ငံ ဆိုသည်ကို အထူးပြောစရာ လိုမည်မထင်ပါ။

၁၉၄၇ ခုနှစ် ဖေဖော်ဝါရီလ ၁၂ ရက် နေ့တွင် ပင်လုံစာချုပ်ချုပ်ဆိုပြီး နောက်မှ ပြည်ထောင်စုမြန်မာနိုင်ငံ ဖြစ်လာသည်ကို အား လုံး သတိရနေကြပါလိမ့်မည်။

ယနေ့အချိန်တွင် တိုင်းရင်းသားများအနေဖြင့်“ဗမာတွေအချင်းချင်း ဗမာ့နိုင်ငံရေးကိုပဲ လုပ်နေကြသည် တိုင်းရင်းသားအရေးကို မေ့ နေပြီ”ဟု အသံများ ထွက်လာနေပါသည်။ မကြာသောကာလက ဒုတိယပင်လုံညီလာခံဟု ကြွေးကြော်ခဲ့သော်လည်း ယနေ့ မှေးမှိန် စပြုနေသည်ကို အားမလိုအားမရဖြစ်၍ နေကြသည်ဟုလည်း သိရပါသည်။


တိုင်းရင်းသားနယ်မြေအသီးသီးတွင် အထူးသဖြင့် ကချင်၊ ကရင်၊ ရှမ်းပြည်နယ်များ၌ တပ်မတော်၏ ထိုးစစ်ကြောင့်၊ တပ်မတော် သား အချို့ကြောင့် အပြစ်မဲ့အရပ်သူအရပ်သားများ အသတ်ခံရခြင်း၊ မုဒိန်းအကျင့်ခံရခြင်း၊ အရိုက်အနှက်ခံရခြင်း၊ အစား အ သောက် ပစ္စည်းများ လုယက်ခံရခြင်း၊ ပေါ်တာအဆွဲခံရခြင်းတို့ ကြုံတွေ့နေကြရ ပါသည်။

အလားတူ တိုင်းရင်းသားလက်နက်ကိုင် တပ်ဖွဲ့ဝင် တချို့ကလည်း စစ်တပ်နှင့်မသက်ဆိုင်သော အရပ်သူအရပ်သားများ စစ်မှုထမ်း ဟောင်းများကို ဖမ်းဆီးသတ်ဖြတ်မှုများ ရှိနေသည်ဟု သိရသည်။

ယခုအတိုင်းဆက်၍ အစိုးရနှင့် အတိုက်အခံခေါင်းဆောင်များ လျစ်လျူရှုထားမည် ဆိုပါက နောင်တချိန်တွင် လူမျိုးရေးမုန်းတီးမှုမှ သည် နာကျည်းမှုသို့ကူးပြောင်းပြီး သမိုင်းအဆက်ဆက် ဗမာသည် တိုင်းရင်းသားများ၏ ထာဝရရန်သူများ ဖြစ်လာနိုင်ဖွယ်ရှိ ပါ သည်။

ဗမာ့တပ်မတော်အနေဖြင့် ပျိုတိုင်းကြိုက်သည့် နှင်းဆီခိုင် တပ်မတော်ဘဝမှ စုတေပြီးနောက် ၁၉၆၂ ခုနှစ်မှသည် ယနေ့အထိ အာ ဏာရှင် အဆက်ဆက်၏ လက်အောက်တွင် လိုအပ်သလို စစ်ကျွန်အဖြစ် အသုံးချခံခဲ့ရပါသည်။ အာဏာရှင် ခေတ်အ ဆက် ဆက် တပ်မတော်အပေါ် ပြည်သူလူထု၏ လေးစားမှု ကြည်ညိုမှုများ လျော့နည်းခဲ့ပြီး အဆိုးဆုံးမှာ အာဏာရှင် ဗိုလ်ချုပ်မှူးကြီး သန်းရွှေ လက်ထက်တွင် တပ်မတော်ကို အလုံးစုံပျက်စီးစေရန် ဆောင်ရွက်သွားခဲ့ပါသည်။ အဆိုးဆုံးမှာ စာရိတ္တပိုင်းဆိုင်ရာကို တပ်မတော် အရာရှိ အရာခံ အကြပ်တပ်သား အားလုံး အဖျက်ဆီးခံလိုက်ရခြင်းပင် ဖြစ်ပါသည်။

တပ်မတော်ခေါင်းဆောင် ဗိုလ်ချုပ်မှူးကြီးသန်းရွှေ မှသည် အဆင့် အနိမ့်ဆုံးတပ်သားအဆင့်အထိ အာဏာကိုအသုံးပြုပြီး ကိုယ်ကျိုး စီးပွားရှာမှုကို အရေးမယူဘဲ မသိချင်ယောင်ဆောင်ခဲ့ခြင်းကြောင့် စာရေးသူတို့ တပ်မတော်အတွင်းရှိစဉ်မှာပင် တပ်မတော်တွင် အားလုံး “သူခိုးကြီးနှင့် သူခိုးလေး”တွေပဲဟု ဟာသ ဆောင်ပုဒ်တခုထွက်ခဲ့သည်မှာ ယနေ့တိုင်ရှိနေဆဲဖြစ် ကြောင်း သိရပါသည်။

ထိုစဉ်ကတည်းက စာရေးသူတို့ အသိုင်းအဝန်းအတွင်း ဗိုလ်ချုပ်မှူးကြီးသန်းရွှေ ခေါင်းဆောင်ဖြစ်ရင်တော့ တပ်မတော်လည်းပျက်ပြီ တိုင်းပြည်လဲပျက်ပြီ ဟုမှတ်ချက်စကား ပြောခဲ့ကြပါသည်။

နဝတ ၊ နအဖ လက်ထက် ဗိုလ်ချုပ်ကြီးများ၊ ဝန်ကြီးများ အပါအဝင် တပ်မတော်နှင့် အရပ်ဘက် အဆင့်မြင့်အရာရှိ ကြီးများ၏ လာဘ်စားမှုများ၊ မယားအငယ်များ ထားနေမှုများ၊ သမီးအရွယ် အမျိုးသမီးငယ်များနှင့် ပျော်ပါးနေမှုများ၊ နိုင်ငံ၏စီးပွားရေး လုပ်ငန်း များတွင် ဗိုလ်ချုပ်ကြီးများ၊ ဝန်ကြီးများ၏ မိသားစုဝင်များက ဝင်ရောက်စွက်ဖက်နေမှုများ အစရှိသည့် မသမာမှု ပေါင်းစုံ ကို တာဝန် အရှိဆုံးအထိ တင်ပြခဲ့သော်လည်း တင်ပြသောဌာနအား နှုတ်မိန့်ပေးခဲ့သည်မှာ အဆိုပါကိစ္စများနှင့် ပတ် သက်၍ တပ်မတော် ကာ ကွယ်ရေး ဦးစီးချုပ်(ကြည်း)ရုံး၏ ညွှန်ကြားချက်မရဘဲ စုံးစမ်းခြင်း၊ မေးမြန်းခြင်း၊ စစ်ဆေးခြင်း မပြု လုပ်ရဟု အမိန့်ပေးခဲ့ပါသည်။

ထို့နောက်ပိုင်းတွင် မသမာမှုများကို ကာကွယ် တားဆီးရမည့်သူများနှင့် မသမာမှု ပြုလုပ်ကြသည့် ရာထူးကြီးငယ်များ ပေါင်းသင်း သွားကြပြီး မတရားမှုပေါင်းစုံကို စစ်တပ်နှင့် အရပ်ဘက်အတွင်း လွတ်လပ်သလောက် နီးပါးလုပ်ကြပါတော့သည်။

ပို၍ဆိုးဝါးသည်မှာ လက်နက်ကိုင်ဆောင်ထားသော ရှေ့တန်းနယ်မြေများရှိ အရာရှိအရာခံ အကြပ်တပ်သားများကို လွဲမှားသည့် အမိန့် များပေးခြင်းပင် ဖြစ်ပါသည်။

အရပ်သူ အရပ်သားကို “ရေလို လလို”ဆက်ဆံရမည့်အစား ရန်သူနှင့်တသဘောတည်း “မီးလိုနေလို” ဆက်ဆံခိုင်းစေခဲ့ပါသည်။ ကိုယ်ဝန်ဆောင် အမျိုးသမီးနှင့် မမွေးဖွားရ သေးသောကလေးပါ မကျန်အောင် အပြစ်မဲ့ အရပ်သူအရပ်သားများအား ရှင်းပစ် သတ် ပစ်ရန် ရှေ့တန်းနယ်မြေများတွင် ကကကြည်း ဟုခေါ်သော ဗိုလ်ချုပ်မှူးကြီးသန်းရွှေ၏ စစ်ဆင်ရေးဌာနမှ လက်အောက်ခံ တပ်မှူးကြီး များအား အမိန့်ပေးခဲ့သည်။

တပ်မတော်၏ အရေအတွက်မှ အရည်ချင်းသို့ ဆောင်ပုဒ်ကိုပြောင်းပြန်လှန်ပြီး အရည်အချင်းမလို အရေအတွက်ကိုသာ ဦးစား ပေး ၍ အရာရှိစစ်သည် စုဆောင်းခဲ့မှုကြောင့် စစ်တပ်သည် ပြည်သူ့တပ်မဟုတ်ဘဲ ကြေးစားတပ်ဟု ခေါ်ဆိုရမည့် အခြေအနေမျိုး ရောက်ရှိခဲ့ရသည်။ ဗိုလ်ချုပ်မှူးကြီးသန်းရွှေ ၏ နှုတ်မိန့်ဖြင့် ကလေးပါမကျန် စစ်သားစုဆောင်းခိုင်းခဲ့သည့်အတွက် ယနေ့အချိန် အထိ အဆိုပါကိစ္စကို တပ်မတော်အတွင်း တာဝန်ရှိသူများအနေဖြင့် တိတိပပ အရေးယူဆောင်ရွက်မှု မပြုလုပ်ရဲကြပါ။

အစဉ်အလာ တပ်မတော်နည်းဥပဒေများကို လျစ်လျူရှုပြီး တပ်မတော်အတွင်းသို့ အရွယ်မရောက်သေးသော ကလေးငယ်များ၊ ရာဇဝတ်မှုကျပြီး လွတ်မြောက်လာသော ထောင်ထွက်များ၊ တပ်ပြေးများ၊ အကျင့်စာရိတ္တ မကောင်းသူများကိုပါ စစ်သားအဖြစ် လူ သစ် စုဆောင်းခဲ့ခြင်းကြောင့် ယနေ့ တပ်မတော်၏ အခြေအနေသည် မည်သည့်အခြေအနေ ရောက်နေပြီ ဆိုသည်ကို ခန့်မှန်း ၍ ရနိုင်ပါသည်။

တပ်မတော် အတွင်း စိတ်ဓာတ်ကောင်းမွန်သော အရာရှိအရာခံ အကြပ်တပ်သား အများစု ရှိနေပါသော်လည်း အထက်လူကြီး များ၏ ပေါ်လစီကြောင့် ခေါင်းငုံ့၍ခံနေကြရပါသည်။

ယနေ့ တပ်မတော်သည် စစ်စရိတ်များများသုံးနိုင်ခြင်းနှင့် စစ်သည် အင်အားပေါများလာသော်လည်း စစ်သည် စွမ်းရည်၊ စည်းရုံး ရေး စွမ်းရည်၊ အုပ်ချုပ်ရေး စွမ်းရည်များ လုံးဝကျဆင်းနေပြီဆိုသည်ကို မည်သို့မျှ ငြင်း၍မရနိုင်ပါ။

လက်ရှိ ကချင် လွတ်လပ်ရေး တပ်မတော်(KIA)နှင့် ဖြစ်ပွားနေသော တိုက်ပွဲများက စစ်တပ်၏ စွမ်းရည်(၃)ရပ် ကျဆင်း နေခြင်း ကို ဖော်ပြနေပါသည်။

တပ်မတော် ဘက်မှ ခြေလျင် တပ်ရင်း(ခလရ) (၄၇) တပ်ရင်းမှူး အဖမ်းခံရခြင်း၊ အရာရှိစစ်သည် ရာနှင့်ချီပြီး ကျဆုံးဒဏ်ရာ ရခြင်း ခလရ(၂၁)၊ (၃၇)၊ (၂၆၀) တပ်ရင်းမှူးများ အထုတ်ခံရခြင်း၊ ခလရ (၅၈)၊ (၄၃၇)တပ်ရင်းမှူးများ ပြင်းထန်စွာ သတိပေး ခံရခြင်း အပါအ၀င် ခလရ (၃၈၁)တပ်ရင်း လွယ်ဂျယ်တွင် KIA တပ်များက ဝိုင်းထားခြင်းခံသည်ဟု အတည်ပြုဆဲ သတင်းများ အရ သိရပါသည်။

စစ်တပ်အနေဖြင့် ကြွက်မနိုင် ကျီမီးနှင့်ရှို့ဆိုသည့် စကားပုံအတိုင်း အပြစ်မဲ့အရပ်သူအရပ်သားများကို ရက်ရက်စက်စက် နှိပ်စက် သတ်ဖြတ်နေသည့် သတင်းများထွက်ပေါ်နေပါသည်။ KIA ဘက်မှလည်း လက်တုံ့ပြန်ဆောင်ရွက်မှုများပြု လုပ်လျက်ရှိနေ ကြ သဖြင့် လက်ရှိအတိုင်း လွှတ်ထားမည်ဆိုပါက ကချင်-ဗမာ မုန်းတီးနာကျည်းမှု အရေးခင်းသဘောမျိုး ဖြစ်လာနိုင်ဖွယ်ရှိပါသည်။

ပြည်ထောင်စု မပြိုကွဲရေး ၊ တိုင်းရင်းသား စည်းလုံးညီညွတ်ရေး၊ အချုပ်အခြာအာဏာ တည်တံ့ခိုင်မြဲရေး ဆိုသည့် ဒို့တာဝန် အရေး (၃)ပါးကို တစာစာအော်နေသည့် နဝတ၊ နအဖ၊ ဦးသိန်းစိန်အစိုးရ သည် လက်ရှိဖြစ်ပျက် နေသော တိုင်းရင်းသား ပြဿနာများကို လျစ်လျူမရှုထားသင့်ဟု မြင်ပါသည်။ အမျိုးသားပြန်လည်သင့်မြတ်ရေး ဆိုရာတွင် ဒေါ်အောင်ဆန်းစုကြည် တဦးတည်းကိုသာ မက တိုင်းရင်းသားလူမျိုးများ အရေးကိုပါ ထည့်သွင်းစဉ်းစားပါမှ ပီပြင်သော အမျိုးသားပြန်လည်သင့်မြတ်ရေး ဖြစ်လိမ့်မည်ဟု ယုံကြည် ပါသည်။

အစိုးရအနေဖြင့် “ဝ” ၊ မိုင်းလားအဖွဲ့ကို ပေးသည့်ငြိမ်းချမ်းရေး အခွင့်အရေးမျိုး ကရင်၊ ကချင်၊ ရှမ်း လက်နက်ကိုင်များကို ပေး သင့် ပါသည်။ တိုင်းရင်းသားများသည် ဗိုလ်ချုပ်အောင်ဆန်း ကို အားကိုးယုံကြည်ခဲ့သောကြောင့် ပြည်ထောင်စု ဖွဲ့စည်းရေးကို သဘောတူ ခဲ့ပြီး ပင်လုံစာချုပ်ကို လက်မှတ်ရေးထိုးခဲ့ကြခြင်းဖြစ်သည်။

ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်း ဆိုသည် မူလလက်ရင်း ညီအစ်ကိုရင်းများဖြစ်ခဲ့သည် ဆိုခြင်းကို အစိုးရ အနေဖြင့် မမေ့ရန် သတိပေးလိုသည်။ တိုင်းရင်းသားများ၏ ရိုးသားမှုကို အစိုးရ အဆက်ဆက်မှနိုင်ငံရေးအမြတ် ထုတ်ခဲ့ကြ ပါသည်။ ထိုသို့မဖြစ်ရန် အစိုးရဘက်မှ ရိုးသားမှုကိုပြသသည့်အနေဖြင့် ထိုးစစ်များရပ်ဆိုင်းပြီး တိုင်းရင်းသားများကို ငြိမ်းချမ်း ရေးစကား ကမ်းလှမ်းသင့်ပါသည်။

လွှတ်တော်အတွင်း၊ အပြင် နိုင်ငံရေးပါတီများအနေဖြင့်လည်း မြစ်ဆုံဆည် ရပ်တံ့ရေးကိစ္စတွင် ပြည်သူလူထုကို စည်းရုံးစွမ်း ဆောင် နိုင်သကဲ့သို့ ယနေ့တိုင်းရင်းသားများအရေးကိစ္စ ငြိမ်းချမ်းရေးအတွက် အစိုးရအားနည်းလမ်း ပေါင်းစုံနှင့် တိုက်တွန်းခြင်း ဖိအားပေး

ခြင်း များပြုလုပ်သင့်ပါသည်။

KIA သည် မြစ်ဆုံဆည်ရပ်တံရေး ကိစ္စကို စတင်ပြီးဆောင်ရွက်ခဲ့သဖြင့် တရုတ်အစိုးရ နှင့် မြန်မာအစိုးရတို့၏ ငြိုငြင်မှုကိုခံရပြီး ပြင်း ထန်သော ထိုးစစ်ကို ကချင်တိုင်းရင်းသားများ ခံနေရပါသည်။ သို့ပါ၍ ကျန်တိုင်းရင်းသား ညီအစ်ကို မောင်နှမများအနေဖြင့် ကချင် တိုင်းရင်းသားများအရေး ဝိုင်းဝန်းဖြေရှင်း ပေးသင့်ပါသည်။

ကချင်-ဗမာ လူမျိုးရေး နာကျည်းစိတ်များ သမိုင်းတွင်မကျန်စေရေး မြစ်ဆုံရပ်တံ့ရေး ဆောင်ရွက်သကဲ့သို့ မြန်မာနိုင်ငံသား အား လုံး ပူးပေါင်းဆောင်ရွက်ပေးကြပါရန် မေတ္တာရပ်ခံ အပ်ပါသည်။

(စာရေးသူ အောင်လင်းထွဋ်သည် ဗိုလ်မှူးဟောင်း တဦးဖြစ်သည်။ တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင် တန်မြို့ရှိ မြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင် အမေရိကန်၌ နိုင်ငံရေးခိုလှုံခွင့် တောင်း ခံခဲ့သည်)

Ref: ဧရာဝတီ

Read More...

Collapse...

ပြည်ထောင်စု လွှတ်တော်ဆုံးဖြတ်ချက် ပြည်သူ့လွှတ်တော် ကန့်ကွက်

01 နိုဝင်ဘာ 2011
စုမြတ်မွန်

မြန်မာနိင်ငံ၊ ပြည်ထောင်စုလွှတ်တော်ရဲ့ လုပ်ထုံးလုပ်နည်း မှားယွင်းမှုတရပ်ကို ကန့်ကွက်ဖို့ ပြည်သူ့လွှတ်တော်က ဆုံးဖြတ် လိုက်ပါတယ်။ လွှတ်တော်မှာ တင်ပြဆဲဥပဒေကြမ်းကို ဖွဲ့စည်းပုံခုံရုံးက ဝင်ရောက်စွက်ဖက်ခွင့်နဲ့ ကန့်ကွက်လိုသူတွေကို ဆွေးနွေး ခွင့်မပေးခဲ့တဲ့ ကိစ္စတွေနဲ့ ပတ်သက်ပြီး ပြည်သူ့လွှတ်တော် ကိုယ်စားလှယ်တွေက မကျေမနပ်ဖြစ်ခဲ့ကြတာပါ။ ဒီအကြောင်း အပြည့် အစုံကို မစုမြတ်မွန်က တင်ပြပေးထားပါတယ်။

ပြည်ထောင်စုလွှတ်တော်က အတည်ပြုသော၊ ဒါမှမဟုတ် ပြည်ထောင်စုလွှတ်တော်က အတည်ပြုတယ်လို့ မှတ်ယူရမည်ဖြစ်တဲ့ ဥပဒေကြမ်းတွေကို နိုင်ငံတော် ဖွဲ့စည်ပုံ အခြေခံဆိုင်ရာ ခုံရုံးကစီစစ်နိုင်ဖို့ တင်ပြရမယ်ဆိုတဲ့ အဆိုတခုကို အောက်တိုဘာလ ၂၈ ရက်နေ့က ပြည်ထောင်စု လွှတ်တော်နာယက-က ကန့်ကွက်သူရှိမရှိ မမေးဘဲ ထောက်ခံခဲ့တဲ့အတွက် ဒါကိုပယ်ဖျက်ပေးရေး ဒီကနေ့ ပြည်သူ့လွှတ်တော်မှာ ဆုံးဖြတ်ခဲ့တာဖြစ်တယ်လို့ ရခိုင်တိုင်းရင်းသားများတိုးတက်ရေးပါတီ၊ မြေပုံမြို့နယ် လွှတ်တော် ကိုယ်စားလှယ် ဦးဖေသန်းက VOA မြန်မာပိုင်းကို ခုလို ရှင်းပြပါတယ်၊

“အောက်တိုဘာ ၂၈ ရက်နေ့က ပြည်ထောင်စုလွှတ်တော်မှာ အတည်ပြုခဲ့တဲ့အဆိုကို ကျနော်တို့ ဒီနေ့ ပြည်သူ့လွှတ်တော် အခွင့် အရေးကော်မတီရဲ့ အတွင်းရေးမှူး ဒေါက်တာစိုးရင်ကနေပြီးတော့ အဲဒါကို ကန့်ကွက်ကြောင်းနဲ့ ပယ်ဖျက်ပေးဖို့အကြောင်းကို အဆိုတင်သွင်းတယ်။ အဲဒီအပေါ်မှာ ကျနော်တို့ ပြည်သူ့လွှတ်တော်ကိုယ်စားလှယ် လေး၊ ငါး၊ ခြောက်ဦးက ထောက်ခံဆွေး နွေး ပြီးတော့ အဲဒါကို ပြည်သူ့လွှတ်တော်ရဲ့ အတည်ပြုချက်နဲ့ ဒေါက်တာစိုးရင်တင်သွင်းတဲ့အဆိုကို ကျနော်တို့ အတည်ပြုပါတယ်။ အဲဒီအဆို အတည်ပြုတဲ့အတွက်နဲ့ ပြည်ထောင်စုလွှတ်တော်က လွဲမှားစွာ အတည်ပြုခဲ့တဲ့အဆိုကို ပယ်ဖျက်ပေးဖို့ ပြန်ပြီးတော့ သက်ဆိုင်ရာကို အကြောင်းကြားမှာ ဖြစ်ပါတယ်။ ဒီအဆိုကို လုံးဝပယ်ဖျက်ပေးဖို့ ကျနော်တို့ ပြည်သူ့လွှတ်တော်က ဆုံးဖြတ်လိုက် တယ်။ အဲဒီဟာကို သက်ဆိုင်ရာကို အကြောင်းကြားမှာပါ။”

အောက်တိုဘာ ၂၈ ရက်နေ့က ပြည်ထောင်စုလွှတ်တော် နာယက အဆိုတင်သွင်း အတည်ပြုခဲ့တာကို ပယ်ဖျက်ပေးဖို့ ပြည်သူ့လွှတ်တော် အခွင့်အရေးကော်မတီက ဒီနေ့ ဘာကြောင့် ကန့်ကွက်ရသလဲ ဆိုတာကို မေးကြည့်တော့ လွှတ်တော် ကိုယ်စားလှယ် ဦးဖေသန်းပြောတာက-

“အဲဒီနေ့က အဲဒီအဆိုကို တင်သွင်းတဲ့ပုဂ္ဂိုလ်မရှိဘူး။ ပြည်သူ့လွှတ်တော်ကိုယ်စားလှယ်တွေ တင်သွင်းတာ ဘယ်သူမှမရှိဘူး ဆိုတဲ့တချက်ကို သူတို့က ပြောတယ်။ နောက်တချက်က နာယကကြီးက ထောက်ခံသူရှိပါသလားဆိုပြီးတော့ပဲ မေးပြီးတော့ ကန့်ကွက်တဲ့သူ ရှိပါသလားဆိုတဲ့ အမေးကို မမေးတဲ့အတွက် ကန့်ကွက်ချင်တဲ့ လွှတ်တော်ကိုယ်စားလှယ်တွေရဲ့ အခွင့်အရေး ဆုံးရှုံးတယ်ပေါ့။ အဲဒါက ဒုတိယအချက်ပေါ့။

တတိယအချက်က အဲဒါဟာ ပြည်သူ့လွှတ်တော်ဆိုင်ရာ ဥပဒေတွေနဲ့ရော ဖွဲ့စည်းပုံအခြေခံ ဥပဒေနဲ့ရော မညီညွတ်ဘူး။ အဲဒါ ကြောင့် အဲဒါဟာ ဥပဒေအရ မှားယွင်းချက်ဖြစ်တယ်လို့ နောက်တခုက ပြောပါတယ်။ ဘာလို့လဲဆိုတော့ အဲဒီနေ့က အဆိုမှာ ဘယ်လို ပါသလဲဆိုတော့ ပြည်ထောင်စုလွှတ်တော် အစည်းအဝေးလုပ်တုန်းမှာ ဘယ်လိုပါသလဲ ဆိုတော့ ပြည်ထောင်စု လွှတ် တော်က အတည်ပြုသော (သို့မဟုတ်) ပြည်ထောင်စုလွှတ်တော်က အတည်ပြုသည်ဟု မှတ်ယူရမည်ဖြစ်သော ဥပဒေကြမ်း များကို နိုင်ငံတော်ဖွဲ့စည်းပုံ အခြေခံ ဥပဒေ ဆိုင်ရာ ခုံရုံးကပဲ စီစစ်ပေးဖို့ တင်ပြပေးရမယ်ဆိုပီးတော့ အဲဒီအဆိုကို ထောက်ခံခိုင်း တာပါ။

အဲဒီအဆိုကို သဘောတူညီချက် ရပြီဆိုတဲ့အခါမှာ ခုနကလိုပဲ ထောက်ခံတဲ့သူကိုပဲ မေးပြီးတော့ ကန့်ကွက်မဲ့သူကို မမေးပါဘူး။ အဲဒါနဲ့ပဲ အဲဒီအစည်အဝေးပြီးပြီးချင်းမှာ ပြည်သူ့လွှတ်တော် ကိုယ်စားလှယ်တချို့က သွားပြီးတော့ ပြည်သူ့လွှတ်တော် အခွင့် အရေး ကော်မတီကို တင်ပြပါတယ်။ အဲဒါနဲ့ပဲ ဒီနေ့ ကြားဖြတ်တင်သွင်းမှုတခု ဖြစ်လာတယ်”

ရခိုင်တိုင်းရင်းသားများတိုးတက်ရေးပါတီရဲ့ မြေပုံမြို့နယ် လွှတ်တော်အမတ် ဦးဖေသန်းဖြစ်ပါတယ်။ လွှတ်တော်ကိုတင်သွင်း လာ တဲ့ ဥပဒေကြမ်းတခုအတွက် ပုံမှန်အားဖြင့် အမျိုးသားလွှတ်တော်နဲ့ ပြည်သူ့ လွှတ်တော်တို့ရဲ့ အတည်ပြုချက်တွေကို ရယူဖို့ လို အပ်ပါတယ်။ လွှတ်တော် ၂ ရပ်လုံး အတည်ပြုနိုင်ရင် ဒီဥပဒေကြမ်း အတည်ဖြစ်ဖို့ သမ္မတရဲ့ အတည်ပြုချက်ကို ယူရမှာဖြစ် ပေမဲ့ ဖွဲ့စည်းပုံခုံရုံးက စိစစ်ရဦးမယ်ဆိုတဲ့ အဆိုကို အမျိုးသားလွှတ်တော်ဥက္ကဋ္ဌလည်းဖြစ်၊ ပြည်ထောင်စု လွှတ်တော် နာယက လည်း ဖြစ်တဲ့ ဦးခင်အောင်မြင့်က ကန့်ကွက်လိုသူ ရှိ မရှိ မေးမြန်းခြင်းမပြုဘဲ အတည်ပြုခဲ့တာဖြစ်ပါတယ်။ ဒီအပေါ် ပြည်သူ့ လွှတ်တော်မှာ ဒီကနေ့ ကန့်ကွက်ခဲ့ပြီမို့ ဒီကိစ္စကို ပြည်ထောင်စုလွှတ်တော် တင်ရေး ဥပဒေကြမ်း ကော်မတီနဲ့ ပြည်သူ့လွှတ် တော် ကိုယ်စားလှယ်တွေ ဆက်လုပ်သွားမယ်လို့ လွှတ်တော်ကိုယ်စားလှယ် ဦးဖေသန်းက ပြောပါတယ်ရှင်။

Ref: ဗွီအိုအေ

Read More...

Collapse...

အမေရိကန် ကိုယ်စားလှယ် မြန်မာပြည် တတိယအကြိမ် လာမည်

ခင်ဦးသာ
November 1, 2011

အမေရိကန်အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒရေးရာညှိနှိုင်းရေးမှူး မစ္စတာ ဒဲရက် မစ်ချယ် ဦးဆောင် သော ကိုယ်စားလှယ်အဖွဲ့သည် မြန်မာနိုင်ငံသို့ ၃ ရက်ကြာခရီးစဉ်အဖြစ် မနက်ဖြန်ရောက်ရှိမည် ဖြစ်သည်။

ခရီးစဉ်အတွင်း မြန်မာအစိုးရတာဝန်ရှိသူများနှင့်နေပြည်တော်၌ တွေ့ဆုံမည်ဖြစ်ပြီး မြန်မာပြည်တွင်းရှိ နိုင်ငံတကာ အဖွဲ့ အစည်း များ၊ လူမှုရေးအဖွဲ့အစည်းများ၊ အတိုက်အခံနိုင်ငံရေး အင်အားစုများနှင့်တွေ့ဆုံကာ မြန်မာနိုင်ငံ၏ လက်ရှိဖြစ်ပေါ်နေသော အခြေ အနေများနှင့်ပတ်သက်၍ ဆွေးနွေးသွားမည်ဖြစ်သည်။


ဒဲရက် မစ်ချယ်၏ ကိုယ်စားလှယ်အဖွဲ့ဝင်ဖြစ်သူ ဒီမိုကရေစီ၊ လူ့အခွင့်အရေးနှင့် အလုပ်သမားရေး ဆိုင်ရာ အမေရိကန် လက် ထောက် နိုင်ငံခြားရေးဝန်ကြီး မိုက်ကယ် ပို့စနာ သည် မြန်မာနိုင်ငံသို့ ယနေ့ ကြိုတင်ရောက်လာမည်ဖြစ်ကြောင်း အမေရိကန်ပြန် ကြားရေးဌာန က ထုတ်ပြန်ထားသည်။

အမေရိကန် ကိုယ်စားလှယ်အဖွဲသည် မကြာခဏလာရောက်ရန်ရှိပြီး နိုင်ငံရေးအကျဉ်းသား အားလုံးလွှတ်ပေးရေးကိစ္စ၊တိုင်းရင်း သားဒေသများ၌ ဖြစ်ပွားနေသော လက်နက်ကိုင်ပဋိပက္ခများ အဆုံးသတ်ရေးနှင့် လူ့အခွင့်အရေး ချိုးဖောက်ခံနေရမှုများ ပ ပျောက် ရေး ဆိုင်ရာကိစ္စများ အတွက် မြန်မာအစိုးရကို ဆက်လက် တိုက်တွန်းမည် ဖြစ်သည်။

မစ္စတာ မစ်ချယ်သည် မြန်မာနိုင်ငံကိုယ်စားလှယ်အဖြစ် တာဝန်ပေးခံရပြီး မြန်မာနိုင်ငံသို့ ၃ ကြိမ်မြောက်လာရောက်ခြင်း ဖြစ် သည်။ ခရီးစဉ်တိုင်းတွင် အစိုးရတာဝန်ရှိသူများ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပါအ၀င် ဒီမိုကရေစီ အင်အားစုများ၊ တိုင်းရင်းသား အဖွဲ့များနှင့်တွေ့ဆုံ၍ စီးပွားရေး ပိတ်ဆို့မှုနှင့် နိုင်ငံရေး ကိစ္စများ ကို ဆွေးနွေးသွားမည်ဟု အမေရိ ကန် နိုင်ငံခြားရေးဌာနကလည်း ထုတ်ပြန်ထားသည်။

အမေရိကန်ကိုယ်စားလှယ်အဖွဲ့ လာရောက်ခြင်းနှင့်ပတ်သက်၍ သတင်းစာဆရာ မောင်ဝံသက“ခရီးစဉ်တွေက ပုံမှန်လည်ပတ်မှု ထက်ပိုနေတဲ့အတွက် လုပ်စရာတွေကို ခပ်သွက်သွက် လုပ်သွားချင်တဲ့သဘောပါ၊ ဒီမိုကရေစီနဲ့လူ့အခွင့်အရေးကိစ္စတွေ၊ အဓိ က တော့ တိုင်းရင်းသားဒေသတွေမှာ ဖြစ်ပေါ်နေတဲ့ ကိစ္စတွေ၊ ငြိမ်းချမ်းရေးကိစ္စတွေကို မြန်မြန် လုပ်စေချင်တဲ့ သဘောလို့ထင် တယ်”ဟု ဆိုသည်။

လတ်တလော အခြအနေအရ မြန်မာနိုင်ငံ၌ အပြောင်းအလဲ ဖြစ်ပေါ်နေသည်ဟု ပြည်တွင်း၊ ပြည်ပက မြင်နေကြကြောင်း၊ထို အပြောင်းအလဲသည် အနှစ်သာရပြည့်ဝသော အပြောင်းအလဲ ဟုတ်မဟုတ်ကို အမေရိကန်အစိုးရ အနေဖြင့် အတွင်းကျကျ
လေ့လာနေခြင်း ဖြစ်နိုင်သည် ဟု နိုင်ငံရေးအကဲခတ် တချို့က ဆိုသည်။

ပြည်သူ့လွှတ်တော် ကိုယ်စားပြုကော်မတီ(CRPP) အတွင်းရေးမှူး ဦးအေးသာအောင်က“တကယ်ပဲ ပြောင်းလဲနေပြီလား၊ အပြောင်း အလဲတွေနဲ့အတူ နိုင်ငံရေးအရ ဘယ်လိုဆက်ဆံမလဲ ဆိုတဲ့ရည်ရွယ်ချက်တွေကို အဘက်ဘက်က အတွင်းကျကျသိ အောင် လုပ်ချင်တဲ့ သဘောတွေပါနေတယ်လို့ သုံးသပ်လို့ရတယ်”ဟု ဆိုသည်။

ဒဲရက် မစ်ချယ်သည် မြန်မာနိုင်ငံဆိုင်ရာ အထူးကိုယ်စားလှယ်အဖြစ် ၂၀၁၁ ခုနှစ် သြဂုတ်လ ၁၅ ရက်နေ့မှ စတင်တာဝန် ထမ်း ဆောင်ခဲ့ပြီး စက်တင်ဘာ နှင့် အောက်တိုဘာ လများတွင် မြန်မာနိုင်ငံသို့ နှစ်ကြိမ် လာရောက်ခဲ့သည်။

ဒေါ်အောင်ဆန်းစုကြည်နှင့် သမ္မတ ဦးသိန်းစိန်၊ ၀န်ကြီး ဦးအောင်ကြည်တို့ တွေ့ဆုံမှု၊ နိုင်ငံရေးအကျဉ်းသား တချို့လွှတ်ပေး
ခြင်းနှင့် နိုင်ငံရေးပါတီများ မှတ်ပုံတင်ခြင်းဆိုင်ရာ ကိစ္စများသည် အမေရိကန်ကိုယ်စားလှယ်၏ မြန်မာနိုင်ငံခရီးစဉ် နောက်ဆက် တွဲ ဖြစ်ပေါ်ပြောင်းလဲမှုများဟု နိုင်ငံရေးသမား တချို့ က သုံးသပ်သည်။

မြန်မာနိုင်ငံ၏ လက်ရှိဖြစ်ပေါ်နေသော နိုင်ငံရေး၊ စီးပွားရေး ကိစ္စများ တိုးတက်ပြောင်းလဲနေမှုများကို အမေရိကန်အစိုးရ
အနေ ဖြင့် ကူညီနိုင်ရေးနှင့် တိကျသော လုပ်ငန်းစဉ်များကို လက်တွေ့ဆောင်ရွက်သွားရန် လုပ်ဆောင်နေကြောင်း မြန်မာ့အရေး
လေ့လာသူ ဒေါက်တာဇော်ဦးက ပြောသည်။

“ကိုယ်စားလှယ်ခန့်တာကို က အမေရိကန်အနေနဲ့ မြန်မာနိုင်ငံအပေါ် အလေးထားလာတဲ့သဘောပါ၊ အခု ခရီးစဉ်မှာ လက် ထောက် နိုင်ငံခြားရေးဝန်ကြီး ပါလာတဲ့အတွက် တိုက်ရိုက် ကူညီမှုတွေ ဖြစ်ဖို့ ပိုမိုနီးစပ်လာပြီလို့ ပြောလို့ရတယ်”ဟု ၎င်း က ဆက်ပြောသည်။

အမေရိကန်အစိုးရနှင့် မြန်မာအစိုးရကြား ဆက်ဆံရေးကောင်းမွန်လာခြင်းကြောင့် တရုတ်-မြန်မာ ဆက်ဆံရေးအပေါ် ထိခိုက်မှုမဖြစ်ပေါ်နိုင်ကြောင်း၊ မြန်မာအစိုးရအနေဖြင့် နိုင်ငံတကာနှင့် ဆက်ဆံရေးတိုးမြှင့်နေကြောင်း၊ နိုင်ငံတကာ သံတမန်များ၏
မြန်မာနိုင်ငံအပေါ် စိတ်ဝင်စားမှုသည် မြန်မာ့အပြောင်းအလဲအတွက် ကောင်းမွန်သည့်အခြေအနေဟု ဒေါက်တာ ဇော်ဦးက ဆို သည်။

အနောက်နိုင်ငံများ၏ မြန်မာနိုင်ငံအပေါ် စီးပွားရေး ဒဏ်ခတ်ပိတ်ဆို့ထားခြင်းသည် တရုတ်နိုင်ငံအပေါ် မြန်မာအစိုးရ၏ မှီခိုအား ထားမှုကို ပိုမိုဖြစ်စေကြောင်း မြန်မာနိုင်ငံ၏ စီးပွားရေး၊ နိုင်ငံရေး လေ့လာစောင့်ကြည့်နေသူများကလည်း သုံးသပ်လေ့ရှိသည်။

အမေရိကန်အစိုးရသည် မြန်မာနိုင်ငံ၏ ဒီမိုကရေစီနှင့် လူ့အခွင့်အရေးချိုးဖောက်နေမှုများ ပြောင်းလဲတိုးတက်မှုမရှိဟုဆိုကာ မြန်မာနိုင်ငံအပေါ် စီးပွားရေးပိတ်ဆို့မှု ဥပဒေတရပ်ကို၂၀၀၃ ခုနှစ်က ပြဌာန်းခဲ့ပြီး နှစ်စဉ် သက်တမ်းတိုးမြှင့်ခဲ့သည်။

စီးပွားရေးပိတ်ဆို့ဒဏ်ခတ်မှုသည် မြန်မာပြည်သူလူထုအတွက် အကျိုးမရှိသောကြောင့် သမ္မတ အိုဘားမားအစိုးရက ၂၀၀၉ ခုနှစ် တွင် ပိတ်ဆို့မှုနှင့် ထိတွေ့ဆက်ဆံမှု ဟူသော ပေါ်လစီ ၂ ရပ်စလုံးကို ပြောင်းလဲ ကျင့်သုံးလာခဲ့သည်။

Ref: ဧရာဝတီ

Read More...

Collapse...

ပြုပြင်ပြောင်းလဲမှုအရှိန်မြှင့်လျှင် အာဆီယံဥက္ကဋ္ဌရာထူး သေချာ

စောရန်နိုင်
November 1, 2011

မြန်မာနိုင်ငံအား၂၀၁၄ အာဆီယံဥက္ကဋ္ဌရာထူး မပေးမီ နိုင်ငံအတွင်း ဒီမိုကရေစီအရေး ပြုပြင်ပြောင်းလဲမှုများ ပြုလုပ်ရမည်ဖြစ် ကြောင်း အကဲခတ်များက တိုက်တွန်းလိုက်သည်။

ပြီးခဲ့သည့်ရက်ပိုင်းအတွင်း အင်ဒိုနီးရှား နိုင်ငံခြားရေးဝန်ကြီး မြန်မာပြည်သို့ သွားရောက်ပြီးနောက်တွင် မြန်မာနိုင်ငံ အသင်းဥက္ကဋ္ဌ ရာ ထူး ရဖွယ်ရှိသည်ဟု အကဲခတ် အများအပြားက ဧရာဝတီကို ပြောသည်။


ခရီးစဉ်အပြီးတွင် အင်ဒိုနီးရှား နိုင်ငံခြားရေးဝန်ကြီး Mr. Natalegawa က မြန်မာပြည်အတွင်း ထူးခြားသည့် အပြောင်းအလဲများ ဖြစ်ပွားနေသည်ဟု ယူဆကြောင်း ပြောဆိုခဲ့သည်။ သူက ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံ ခဲ့ပြီး အစိုးရက အပြောင်းအလဲများ ထပ်မံပြုလုပ်ပါက မြန်မာပြည်အာဆီယံဥက္ကဋ္ဌဖြစ်ရေးကို ထောက်ခံမည်ဖြစ်ကြောင်း ဒေါ် အောင်ဆန်းစုကြည်က ပြောခဲ့သည်ဟု ဆိုသည်။

နိုင်ငံရေးအကျဉ်းသားအားလုံး လွှတ်ရေး၊ တိုင်းရင်းသားဒေသ အပစ်ရပ်စဲရေး၊ လူ့အခွင့်အရေးချိုးဖောက်မှုများ ရပ်ဆိုင်းရေး တို့ကို သမ္မတ ဦးသိန်းစိန်က မဖြစ်မနေ အကောင်အထည်ဖော်ရမည်ဟု ထိုင်းအခြေစိုက် NDD ခေါ် ဒီမိုကရေစီနှင့် ဖွံ့ဖြိုးတိုးတက်ရေး အင်အားစုမှ ဥက္ကဋ္ဌ ဒေါ်ခင်ဥမ္မာက ပြောသည်။

စက်တင်ဘာလတွင် Mr. Natalegawa က မြန်မာပြည်ခရီးစဉ်အတွင်း လူထုအခြေပြုလူမှုအဖွဲ့အစည်းတို့၏အသံကို နားထောင် မည်ဟု ကြေညာခဲ့ဖူးသည်။ သို့သော်လည်း သူ၏ မြန်မာပြည် ၃ ရက် ခရီးစဉ်အတွင်း တိုင်းရင်းသားလူမျိုးစုများ၊ မကြာသေးမီက လွတ်မြောက်လာသော နိုင်ငံရေးလှုပ်ရှားသူများနှင့် တွေ့ဆုံနိုင်ခြင်း မရှိခဲ့ကြောင်း ဒေါ်ခင်ဥမ္မာက ထောက်ပြသည်။

Mr. Natalegawa သည် ဒေါ်အောင်ဆန်းစုကြည်အပြင် သမ္မတဦးသိန်းစိန် နှင့် အစိုးရ အရာရှိကြီးများကိုလည်း တွေ့ဆုံခဲ့သည်။ သူ၏ မြန်မာပြည်ခရီးစဉ် တွေ့ရှိချက်များအား အာဆီယံဒေသ နိုင်ငံခြားရေးဝန်ကြီးများကို ပြောပြရန် အစီအစဉ်ရှိသည်ဟု ဆိုသည်။

ဒေါ်အောင်ဆန်းစုကြည်၏ အသံသည် မြန်မာနိုင်ငံအား အာဆီယံဥက္ကဋ္ဌတာဝန် ပေးအပ်ရန် သင့်မသင့် ဆုံးဖြတ်ရာတွင် အရေး ပါဖွယ်ရှိသည်ဟု ဘန်ကောက်အခြေစိုက် မြန်မာ့အရေး စောင့်ကြည့်သူ စာနယ်ဇင်းသမား Mr. Larry Jagan က သုံးသပ်သည်။

“Mr. Natalegawa က သူကြုံတွေ့ခဲ့ရတာတွေနဲ့ ပတ်သက်ပြီး အင်မတန် အထင်ကြီးနေပုံရပါတယ်” ဟု Mr. Larry Jagan က ဧရာဝတီကို ပြောသည်။

Mr. Natalegawa နှင့် တွေ့ဆုံပြီး ဒေါ်အောင်ဆန်းစုကြည်ထံမှ အာဆီယံဥက္ကဋ္ဌရာထူးနှင့် ပတ်သက်၍ ကန့်ကွက်သံ ထွက်မလာ ဘဲ အကောင်းမြင်သည့် ကောက်ချက်သာ ထွက်လာသဖြင့် မြန်မာပြည် အာဆီယံဥက္ကဋ္ဌရာထူး ရဖွယ်ရှိသည်ဟု ရန်ကုန်မှ စာနယ်ဇင်းသမားတဦးက ပြောသည်။

မြန်မာအစိုးရအနေဖြင့် ဒီမိုကရေစီရေး ပြုပြင်ပြောင်းလဲမှုအတွက် နိုင်ငံရေးအကျဉ်းသားအားလုံးကို ချက်ချင်း လွှတ်ပေးပြီး တိုင်းရင်းသားဒေသ လက်နက်ကိုင်အဖွဲ့များနှင့် ငြိမ်းချမ်းရေးယူသင့်သည်ဟု ဇိုမီးအမျိုးသားကွန်ဂရက် ဥက္ကဋ္ဌ ပူကျင့်ရှင်းထန်က ဧရာဝတီကို ပြောသည်။ ၂၀၁၄ မတိုင်မီ နယ်စပ်ဒေသ တိုက်ပွဲများကို အဆုံးသတ်ရမည်ဟု သူက ပြောသည်။

“တိုင်းရင်းသားဒေသတွေမှာ သေနတ်သံ ကြားနေရတုန်းပဲ၊ အဲဒီက အခြေအနေတွေက ကျနော်တို့ သိထားတာထက် ပိုဆိုးနေပုံ ရတယ်။ ပစ်တာခတ်တာတွေ ရပ်ဖို့က အင်မတန် အရေးကြီးပါတယ်” ဟု ပူကျင့်ရှင်းထန်က ပြောသည်။

တနင်္ဂနွေနေ့က ဒေါ်အောင်ဆန်းစုကြည်သည် အလုပ်သမားဝန်ကြီး ဦးအောင်ကြည်နှင့် တနာရီခန့်ကြာ တွေ့ဆုံခဲ့သည်။ လွတ်လပ် စွာ ကုန်သွယ်ခွင့် ရရှိရေး၊ တိုင်းရင်းသားလက်နက်ကိုင် အဖွဲ့များနှင့် ငြိမ်းချမ်းရေးဆွေးနွေးမှု၊ လွတ်ငြိမ်းချမ်းသာခွင့် စသည့် အကြောင်းအရာများကို ပြောဆိုဆွေးနွေးခဲ့ကြသည်ဟု သိရသည်။

အစိုးရတပ်များက ဆက်လက် တိုက်ခိုက်နေလျှင် အာဆီယံက မြန်မာနိုင်ငံအား ဥက္ကဋ္ဌတာဝန် မပေးအပ်သင့်ကြောင်း KNU ခေါ် ကရင်အမျိုးသားအစည်းအရုံး အထွေထွေ အတွင်းရေးမှူး နော်စီဖိုးရာစိန်က ပြောသည်။

အစိုးရက အပစ်အခတ်ရပ်စဲရေး ကြေညာပြီး ငြိမ်းချမ်းရေး ဆွေးနွေးကာ တိုင်းရင်းသားဒေသတွင် ရောက်နေသော တပ်များကို လည်း ဆုတ်ခွာပေးသင့်သည်ဟု သူက ဆက်ပြောသည်။

တိုင်းရင်းသား လက်နက်ကိုင်အဖွဲ့များ အစိုးရနှင့် ပဋိပက္ခဖြစ်နေသည်မှာ ဆယ်စုနှစ်များစွာ ကြာခဲ့ပြီဖြစ်သည်။

တိုင်းရင်းသားဒေသ ပဋိပက္ခဖြေရှင်းရာတွင် အစိုးရက အင်ဒိုနီးရှားပုံစံကို နမူနာယူသင့်သည်ဟု အကဲခတ်များက ဆိုသည်။ အင်ဒိုနီးရှားနိုင်ငံ အာချေးဒေသတွင် စစ်ပွဲများ ၂၉ နှစ်ကြာ ဖြစ်ပွားခဲ့ပြီး ၂၀၀၅ ခုနှစ်တွင် ငြိမ်းချမ်းရေး ဖော်ဆောင်နိုင်ခဲ့သည်။

အင်ဒိုနီးရှား၏ သင်ခန်းစာများကို မြန်မာတို့ လေ့လာသင့်သည်ဟု အင်ဒိုနီးရှားနိုင်ငံ ငြိမ်းချမ်းရေးဆိုင်ရာအဖွဲ့အစည်းတခု ဖြစ် သော Peace Building Institute ၏ ညွှန်ကြားရေးမှူးချုပ် Mr. Mohammad Miqdad က ဧရာဝတီကို ပြောသည်။

“လူနည်းစုနဲ့ လူများစု တိုင်းရင်းသားမျိုးနွယ်စုများအကြား တွေ့ဆုံညှိနှိုင်းတာတွေ ပေါ်ပေါက်လာဖို့အတွက် စီစဉ်သင့်တယ်။ အဲဒါဆိုရင် မြန်မာပြည်ရဲ့ အနာဂတ်ကလည်း (အင်ဒိုနီးရှားမှာလိုပဲ) ရလဒ်တွေ ဖြစ်ပေါ်လာမှာပေါ့” ဟု Mr. Mohammad Miqdad က ပြောသည်။

အင်ဒိုနီးရှား၏ ပြုပြင်ပြောင်းလဲရေး အစီအစဉ်အရ အစိုးရက အာချေး၊ ပါပူဝါ ဒေသများကို ကိုယ်ပိုင်အုပ်ချုပ်ခွင့် ဒေသများအဖြစ် သတ်မှတ်လိုက်သည်။ အာချေးဒေသ ငြိမ်းချမ်းမှု ဖော်ဆောင်ရန်အတွက် အစိုးရက တွေ့ဆုံညှိနှိုင်းရန် သဘောတူခဲ့သည်ဟု Mr. Mohammad Miqdad က ရှင်းပြသည်။

ငြိမ်းချမ်းရေး ဖော်ဆောင်ရန်မှာ အစိုးရနှင့် လက်နက်ကိုင်အဖွဲ့များအကြား တွေ့ဆုံ ဆွေးနွေးရုံသာမဟုတ်ဘဲ အလွှာအသီးသီး တွင် လည်း တာဝန်ရှိသည်ဟု သူက ပြောသည်။

၁၉၉၉ ခုနှစ် အင်ဒိုနီးရှားနိုင်ငံ လူထု လှုပ်ရှားမှုကို မြန်မာပြည်သူများ လေ့လာပြီး နိုးကြားမှု ရှိသင့်သည်ဟု သူက သုံးသပ်သည်။

ပြီးခဲ့သည့် ရက်ပိုင်းအတွင်း မြန်မာနိုင်ငံသို့ သွားရောက်ခဲ့သည့် အင်ဒိုနီးရှား နိုင်ငံခြားရေးဝန်ကြီး Mr. Natalegawa က မြန်မာ အစိုးရ၏ ပြုပြင်ပြောင်းလဲမှုများကို ထင်ထင်ရှားရှား တွေ့မြင်နေရပြီး အပြောင်းအလဲများ ထပ်မံ ပေါ်ပေါက်မည်ဟု ယုံကြည် ကြောင်း ပြောလိုက်သည်။

သူက နိုင်ငံရေးအကျဉ်းသားများ ထပ်မံ လွှတ်ပေးရေး၊ တိုင်းရင်းသားအင်အားစုများနှင့် ရင်ကြားစေ့ရေး တို့ကို ဆောင်ရွက်ရန် အစိုးရအား တိုက်တွန်းခဲ့သည်။ မြန်မာပြည် အာဆီယံဥက္ကဋ္ဌရာထူး မယူမီ ဖြစ်ထွန်းတိုးတက်မှုများ ပေါ်ပေါက်လာမည်ဟု မျှော် လင့်ကြောင်းလည်း ပြောကြားခဲ့သည်။

မြန်မာနိုင်ငံသည် ၂၀၀၆ ခုနှစ်က အာဆီယံဥက္ကဋ္ဌရာထူးအတွက် အလှည့်ကျခဲ့သော်လည်း အနောက်နိုင်ငံတို့၏ ဖိအားပေးမှု ကြောင့် ထိုအခွင့်အရေးကို လက်လွှတ်ခဲ့သည်။

ယခုလအတွင်း အင်ဒိုနီးရှားနိုင်ငံ ဘာလီကျွန်းတွင် ကျင်းပမည့် အာဆီယံ ထိပ်သီး ဆွေးနွေးပွဲတွင် မြန်မာနိုင်ငံအား ၂၀၁၄ ခုနှစ် အာဆီယံဥက္ကဋ္ဌတာဝန် ပေးရေးနှင့် ပတ်သက်ပြီး ဆုံးဖြတ်ဖွယ်ရှိသည်။

Ref: ဧရာဝတီ

Read More...

Collapse...

ကုလ ကိုယ်စားလှယ် ဝန်းကျင် နှီးနှောပွဲတက်

2011-11-01

မြန်မာနိုင်ငံကို ငါးရက်ကြာ ရောက်ရှိနေတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ အထူးအကြံပေးပုဂ္ဂိုလ် မစ္စတာ နမ်ဘီ ယာ ဟာ ဒီကနေ့ နေပြည်တော် မြန်မာကွန်ဗင်းရှင်းစင်တာမှာ ကျင်းပတဲ့ သဘာဝပတ်ဝန်းကျင် ထိန်းသိမ်းရေးဆိုင်ရာ နှီးနှောဖ လှယ် ပွဲကို တက်ရောက်ခဲ့တယ်လို့ သမ္မတအကြံပေး ဦးကိုကိုလှိုင်က အာအက်ဖ်အေကို ပြောပါတယ်။

“အထူးဧည်သည်တော် အနေနဲ့ လာပြီးတော့ စကားပြောတဲ့ ဧည့်သည်တော်တွေ ကတော့ မစ္စတာ နမ်ဘီယာ လာပါတယ်။ နော်ဝေ က ပတ်ဝန်းကျင် ထိန်းသိမ်းရေးနဲ့ နိုင်ငံတကာ ဖွံ့ဖြိုး တိုးတက်ရေး ဆိုင်ရာ ဝန်ကြီး လာပါတယ်”


နေပြည်တော်ကို ရောက်နေတဲ့ ကုလသမဂ္ဂ အထူးကိုယ်စားလှယ် မစ္စတာ နမ်ဘီယာဟာ ဒီကနေ့ အမျိူးသားလွှတ်တော် ဥက္ကဌ ဦးခင်အာင်မြင့်နဲ့ နေလယ်ပိုင်းက တွေ့ဆုံခဲ့သလို နိုင်ငံခြားရေးဝန်ကြီး ဦးဝဏ္ဏမောင်လွင်နဲ့လည်း မနေ့က တွေ့ဆုံခဲ့ပါတယ်။

ဒီခရီးစဉ်အတွင်းမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အမျိူးသား ဒီမိုကရေစီအဖွဲ့ချုပ် အပါအဝင် တခြား နိုင်ငံရေး ပါတီတွေ တိုင်းရင်းသား ပါတီတွေ လူထုအခြေပြု အဖွဲ့အစည်းတွေနဲ့လည်း တွေ့ဖို့ ရှိတယ်လို့ သိရပါတယ်။

မစ္စတာနမ်ဘီယာ တက်ရောက်တဲ့ နှီးနှောဖလှယ်ပွဲဟာ သမ္မတဦးသိန်းစိန် အစိုးရတက်လာပြီးနောက် ပထမဆုံးအကြိမ် ကျင်းပတဲ့ သဘာဝပတ်ဝန်းကျင် ထိန်းသိမ်းရေးဆိုင်ရာ နှီးနှောဖလှယ်ပွဲပါ။ ဒီနှီးနှောဖလှယ်ပွဲကို နိုဝင်ဘာလ (၁) ရက်ကနေ (၂) ရက်အထိ နေပြည်တော်မှာ ကျင်းပမှာ ဖြစ်ပြီး (၄) ရက်နဲ့ (၅) ရက်မှာတော့ ရန်ကုန်မြို့မှာ ဆက်ကျင်းပမယ်လို့ ဦးကိုကိုလှိုင်က ပြောပါ တယ်။

Ref: အာရ်အဖ်အေ

Read More...

Collapse...