ခင္မ်ဳိးသြယ္
ေအာက္တုိဘာလ ၁၈ ရက္ ၂၀၁၂ ခုႏွစ္
ရန္ကုန္တိုင္း အတြင္း ဂ်ိဳးျဖဴေရ ေပးေဝရာတြင္ ေရပိုက္ဖ်ားပိုင္း ၿမိဳ႕နယ္မ်ားအတြက္ ထပ္ဆင့္ေရတြန္းစက္႐ုံ ၁၃ ခုကို တိုးခ်ဲ႕တည္ ေဆာက္ၿပီးျဖစ္ေၾကာင္း ၿမိဳ႕ေတာ္စည္ပင္သာယာေရး ေကာ္မတီကေျပာဆိုသည္။
“ဂ်ိဳးျဖဴေရ ေပးေဝတဲ့အခါမွာ ေရပိုက္အရင္းပိုင္းနဲ႔ အလယ္ပိုင္းက်တဲ့ ၿမိဳ႕နယ္ေတြက ေရေကာင္းေကာင္း ရေပမယ့္ ေရပိုက္အဖ်ား ပိုင္းက်တဲ့ ၿမိဳ႕နယ္ေတြက် ေရသိပ္မရၾကဘူး။ ဒါေၾကာင့္ ေရတြန္းစက္႐ုံေတြ တိုးခ်ဲ႕ခဲ့ရတာပါ”ဟု စည္/ပင္ေကာ္မတီ တာဝန္ရွိသူ တဦးကေျပာသည္။
ေရပိုက္အဖ်ားပိုင္း က်ေနသည့္ သဃၤန္းကြ်န္းတြင္ ထပ္ဆင့္ေရတြန္းစက္႐ုံ ၆ ႐ုံု၊ မဂၤလာေတာင္ညႊန္႔ႏွင့္ ဗဟန္းၿမိဳ႕နယ္ တို႔တြင္ စက္႐ုံ ၁ ႐ုံစီ၊ ဒဂံုျမိဳ႕သစ္ေျမာက္ပိုင္းတြင္ ၃ ႐ုံႏွင့္ ဒဂံုျမိဳ႕သစ္ အေရွ႕ပိုင္းတြင္ ၂ ႐ုံ စုစုေပါင္း ထပ္ဆင့္ ေရတြန္းစက္႐ုံ ၁၃ ႐ုံကို တည္ေဆာက္ေပးျပီးျဖစ္ေၾကာင္း သိရွိရသည္။
ထိုေၾကာင့္ အဆိုပါ ၿမိဳ႕နယ္မ်ားတြင္ ယခင္ကထက္ ေရအား ပိုမိုေကာင္းမြန္စြာ ရရွိလာမည္ဟု ဆိုသည္။
Ref: မဇၥ်ိမ
မကွေးတိုင်းနဲ့ မန္တလေးတိုင်းမှာ တစ်လခွဲအတွင်း လူ အယောက် ၁၅ဝ လောက်
သေဆုံးခဲ့တယ်လို့ ဒေသအခြေစိုက် ကူညီရေးအဖွဲ့တွေက RFA ကို ပြောပါတယ်။
59 minutes ago
Posts
0 comments:
Post a Comment