အမျိုးသားဒီမိုကရေစီအဖွဲ့ချုပ်၏ အထူးကြေညာချက် - ၆ /၀၄ /၀၈

အမျိုးသားဒီမိုကရေစီအဖွဲ့ချုပ်
အမှတ်(၉၇/ခ)၊ အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်မြို့

၂၀၀၈ ခုနှစ်၊ ဧပြီလ (၂၁)ရက် ၁၃၇၀ ခုနှစ်၊ တန်ခူးလပြည့်ကျော် (၁)ရက်

အထူးကြေညာချက် - ၆ /၀၄ /၀၈

၁။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီသည် ၂၀၀၈ ခုနှစ်၊ ဖေဖေါ်ဝါရီလ (၂၆)ရက် နေ့တွင် ဥပဒေအမှတ် - ၁/၂၀၀၈ ဖြစ်သော ပြည်လုံးကျွတ် ဆန္ဒခံယူပွဲ ဥပဒေကို ပြဋ္ဌာန်းခဲ့ပါသည်။

၂။ ယင်းဥပဒေ၏ အခန်း(၅)၊ မဲစာရင်းများပြုစုခြင်း ပုဒ်မ-၁၁(ဃ) ၌၊
“ အောက်ပါပုဂ္ဂိုလ်များကို မဲစာရင်းတွင် ထည့်သွင်းခြင်း မပြုရ-

(၁) သာသနာ့ဝန်ထမ်းများ၊
(၂) စိတ်ပေါသွပ်နေသည်ဟု သက်ဆိုင်ရာဥပဒေက ပြဋ္ဌာန်းထားသည့်အတိုင်း သတ်မှတ်ခြင်းခံရသူများ၊
(၃) ပြစ်မှုတစ်ခုခုကြောင့် တရားရုံး၏ အမိန့်စီရင်ချက်အရ ထောင်ဒဏ်ကျခံနေရသူများ၊
(၄) ပြည်ပသို့ တရားမ၀င်ရောက်ရှိနေသူများ၊
(၅) နိုင်ငံခြားသားများ၊”
ဟုလည်းကောင်း၊

အခန်း(၆) ဆန္ဒမဲပေးခြင်း ပုဒ်မ- ၁၄(က)၌၊
“ပြည်လုံးကျွတ်ဆန္ဒခံယူပွဲအတွက် ပြုစုသောမဲစာရင်း၌ ပါဝင်သူတိုင်းသည် ပြည်လုံးကျွတ် ဆန္ဒခံယူပွဲတွင် ဆန္ဒမဲ ပေးခွင့်ရှိသည်။”
ဟုလည်းကောင်း ပြဋ္ဌန်းထားပါသည်။

၃။ သို့ပါ၍-
(က) အမျိုးသားဒီမိုကရေစီအဖွဲ့ချုပ် ဒုတိယဥက္ကဌ ဦးတင်ဦးနှင့် အထွေထွေအတွင်းရေးမှူး ဒေါ်အောင်ဆန်း စုကြည်၊

(ခ) အမျိုးသားဒီမိုကရေစီအဖွဲ့ချုပ် ရန်ကုန်တိုင်းစည်းရုံးရေးအဖွဲ့ ဒုတိယဥက္ကဌ ဒေါက်တာသန်းငြိမ်း (ကျောက် တန်းမြို့နယ် အမှတ်(၁)မဲဆန္ဒနယ်မှ ပြည်သူ့လွှတ်တော်ကိုယ်စားလှယ်)နှင့် ရန်ကုန်တိုင်း စည်းရုံးရေးအဖွဲ့ အဖွဲ့ဝင် ဒေါက်တာဒေါ်မေ၀င်းမြင့် (မရမ်းကုန်းမြို့နယ် အမှတ်(၂) မဲဆန္ဒနယ်မှ ပြည်သူ့လွှတ်တော်ကိုယ်စား လှယ်)၊

(ဂ) မန္တလေးတိုင်းစည်းရုံးရေးအဖွဲ့ ဒုတိယဥက္ကဌ ဦးသန်းလွင်( မတ္တရာမြို့နယ် အမှတ်(၂) မဲဆန္ဒနယ်မှ ပြည်သူ့ လွှတ်တော်ကိုယ်စားလှယ်)၊ မန္တလေးတိုင်းစည်းရုံးရေးအဖွဲ့ ဦးကံထွန်းနှင့် မန္တလေးတိုင်း စည်းရုံးရေးအဖွဲ့ အဖွဲ့ဝင် ဒေါ်ဝင်းမြမြ၊

(ဃ) ၈၈မျိုးဆက် ကျောင်းသားခေါင်းဆောင်များဖြစ်ကြသော မင်းကိုနိုင်၊ကိုကိုကြီး အစရှိသည်များ၊

(င) နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေအရ တာဆီးခြင်း၊ ထိန်းသိမ်းခြင်းခံထားရသူများနှင့် ပြစ်ဒဏ်ချမှတ်ခံထားရခြင်းမရှိပဲ ဖမ်းဆီးခြင်း၊ ချုပ်နှောင်ခြင်း ခံနေ ရသူများ၊

တို့သည် ပြည်လုံးကျွတ်ဆန္ဒခံယူပွဲ ဥပဒေအရ မဲစာရင်းတွင် ပါဝင်ရမည့်သူများ၊ ဆန္ဒမဲပေးပိုင်ခွင့်ရှိသူများ ဖြစ်ကြ ပါသည်။ ဤပုဂ္ဂိုလ်များသည် မဲစာရင်းတွင် ၎င်းတို့၏အမည် ပါဝင်ရန်လည်းကောင်း၊ ဆန္ဒမဲပေးနိုင်ရန်လည်း ကောင်း၊ ဥပဒေပြဋ္ဌန်းချက်များအရ အာဏာပိုင်တို့၏တာဝန်ဖြစ်ကြောင်း ကြေညာလိုက်သည်။

၁၀-၄-၀၈ နေ့တွင် ကျင်းပသော ဗဟိုအလုပ်အမှုဆောင်အဖွဲ့၏
အစည်းအဝေးဆုံးဖြတ်ချက်အရ၊

ဗဟိုအလုပ်အမှုဆောင်အဖွဲ့
အမျိုးသားဒီမိုကရေစီအဖွဲ့ချုပ်

ရန်ကုန်မြို့

Read More...

Collapse...

ဒါဖတ်ပြီးမှ မဲပေးပါ (၂)

ဒါဖတ်ပြီးမှ မဲပေးပါ (၂)
ဦးစိန်ကျော်လှိုင်
(Ref: khitpyaing online magazine)

မြန်မာစစ်အစိုးရရဲ့ ဖွဲ့စည်းပုံအခြေခံဥပဒေမူကြမ်း (၂၀၀၈) ကို စစ်တပ်အကျိုးစီးပွားအတွက် ရေးဆွဲထားရ တာမို့ အနာဂတ်နိုင်ငံရေးမှာ စစ်တပ်ဝင်စွက်နိုင်မယ့်အချက်တွေ နောင် အလွယ်တကူ မပြင်နိုင်အောင် တဖက် ကလည်း နည်းအမျိုးမျိုးနဲ့ ချုပ်ကိုင်ထားတာ တွေ့ရပါတယ်။

စစ်ခေါင်းဆောင်တွေကို (၁၀) နှစ် အုပ်ချုပ်ခွင့်ပေးရေး စီမံကိန်း ဖွဲ့စည်းပုံအခြေခံ ဥပဒေမူကြမ်းပါ အချက် တရပ်ရပ်ကို ပြင်ဆင်တဲ့ကိစ္စ မပြောခင် အမျိုးသားညီလာခံကာလကို ပြန်ကြည့်မှ ပြည့်စုံမှာ ဖြစ်ပါတယ်။ အထူး သဖြင့် လက်ရှိ မြန်မာစစ်ခေါင်းဆောင်တွေကို ပထမ လွှတ်တော်သက်တမ်းနှစ်ကြိမ်ထိ သမ္မတ ပေးသင့်တယ်လို့ အန်အယ်လ်ဒီက ထုတ်ပယ်ခံရပြီး ညီလာတက်ခဲ့တဲ့ ကိုယ်စားလှယ် ၆ ဦးက အဆိုပြုခဲ့ပါတယ်။ လွှတ်တော်သက် တမ်း တရပ်က (၅) နှစ်ပဲရှိတာမို့ တနည်းပြောရရင် မြန်မာစစ်ခေါင်းဆောင်တွေကို ပထမအကြိမ် လွှတ်တော် စတင်တဲ့ အချိန်ကနေ (၁၀) နှစ်ထိ စစ်ယူနီဖောင်းချွတ်ပြီး အုပ်ချုပ်ဖို့ အန်အယ်လ်ဒီ အမတ်ဟောင်း (၆) ဦးက ကမ်းလှမ်းခဲ့တဲ့ သဘောဖြစ်ပါတယ်။

ဒါတင်မက ဖွဲ့စည်းပုံအခြေခံဥပဒေမူကြမ်းပါ အချက်တရပ်ရပ်ကို ပြင်တဲ့နေရာမလည်း လွှတ်တော်ကိုယ်စားလှယ် စုစုပေါင်းရဲ့ (၂၀) ရာနှုန်းက မူကြမ်းတင်ပြရမှာဖြစ်ပြီး ပြင်မယ့်အချက်ကို လွှတ်တော်ကိုယ်စားလှယ် အားလုံးရဲ့ (၇၅) ရာနှုန်းက သဘောတူရမှာ ဖြစ်ပါတယ်။ ဒီ့နောက် လူထုဆန္ဒခံယူပွဲလုပ်ပြီး ဆန္ဒမဲပေးခွင့်ရှိသူ အားလုံးရဲ့ ထက်ဝက်ကျော် မဲရမှ ပြင်နိုင်တယ်လို့ အန်အယ်လ်ဒီအမတ်ဟောင်း ညီလာခံကိုယ် စားလှယ် (၆) ဦးကပဲ အဆို ပြုပါတယ်။

မြန်မာစစ်အစိုးရ ညီလာခံမှာ ပြောဆိုချက် မှတ်တမ်းတွေအရဆိုရင် ၁၉၄၇ ခုနှစ် ဖွဲ့စည်းပုံကလည်း (၁၀) နှစ် ကြာ အပြီးမှာ မပြင်ခဲ့လို့ ပျက်ခဲ့ရပါသတဲ့။ ၁၉၇၄ ဖွဲ့စည်းပုံကလည်း (၁၀) နှစ်ကြာ အပြီးမှာ မပြင်ခဲ့လို့ ပျက်ခဲ့ရပါ သတဲ့။ ဒါကြောင့် ညောင်နှစ်ပင်က ထုတ်လုပ်မယ့် ဖွဲ့စည်းပုံကိုလည်း (၁၀) နှစ်ကြာမှ ပြုပြင်သင့်ပါတယ်လို့ စစ် အစိုးရ ခေါင်းခေါက်ရွေးထားတဲ့ ကိုယ်စားလှယ်တွေက အကြံပြုခဲ့ပါတယ်။

ဒါပေမယ့် မြန်မာစစ်ခေါင်းဆောင်တွေ သမ္မတရာထူးနဲ့ (၁၀) နှစ် အုပ်ချုပ်ပြီးတဲ့အချိန်မှာ ပြည်သူတွေ ဒီမိုကရေစီ နဲ့ ယဉ်ပါးလောက်ပြီလို့ ယူဆတဲ့အတွက် အဲဒီအချိန်မှာ ဖွဲ့စည်းပုံအခြေခံ ဥပဒေမူကြမ်းပါ အချက်တရပ်ရပ်ကို ပြင် ချင်သပဆိုရင် လွှတ်တော်ကိုယ်စားလှယ် အားလုံးရဲ့ (၇၅) ရာနှုန်း ထောက်ခံရင် ပြင်နိုင်တယ်ဆိုတဲ့ အဆိုကိုပါ အန်အယ်လ်ဒီ အမတ်ဟောင်း (၆) ဦးကပဲ နောက်ဆုံး ညီလာခံမှာ ထပ်မံတင်ပြခဲ့ပါတယ်။ ဒါပေမယ့် ဒီအဆိုဟာ စစ်တပ်နောင်ရေး စိတ်မအေးရတဲ့အတွက် မြန်မာစစ်အစိုးရက လက်မခံခဲ့ပါဘူး။

ထူးခြားတဲ့အချက်က မြန်မာစစ်ခေါင်းဆောင်တွေကို ပထမ လွှတ်တော်သက်တမ်းနှစ်ကြိမ်ထိ သမ္မတ ပေးသင့် တယ်လို့ ညီလာခံမှာ အန်အယ်လ်ဒီ အမတ်ဟောင်း (၆) ဦး တင်ပြနေချိန်ဟာ ဗိုလ်ချုပ်မှူးကြီး သန်းရွှေကို သမ္မတ အဖြစ် ပထမ လွှတ်တော်သက်တမ်း (၅) နှစ်၊ ဒု-ဗိုလ်ချုပ် မှူးကြီးမောင်အေးကို သမ္မတအဖြစ် ဒုတိယ လွှတ်တော် သက်တမ်း (၅) နှစ် ပေးသင့်တယ်ဆိုတဲ့ကိစ္စကို ရန်ကုန် ပုဂ္ဂလိက စာနယ်ဇင်းလောကရဲ့ ပညာတတ် သတင်းစာ ဆရာတချို့ကပါ ပြည်တွင်း ပြည်ပ ကျယ်ကျယ်ပြန့်ပြန့် လိုက်လံစည်းရုံးနေချိန်နဲ့ တိုက်ဆိုင်နေပါတယ်။

ဘာကြောင့် ပြင်မရသလဲ တကယ်တမ်း ဖွဲ့စည်းပုံအခြေခံဥပဒေမူကြမ်း(၂၀၀၈) ထွက်လာတဲ့ အချိန်မှာတော့ ဖွဲ့စည်းပုံ အခြေခံဥပဒေမူကြမ်းပါ အချက်တွေကို ပြင်ချင်ရင် နှစ်ပိုင်းခွဲပြီး ပြင်နိုင်တယ်လို့ အခန်း(၁၂) ပုဒ်မ (၄၃၆) နဲ့ ပြင်ဆင်ပြဋ္ဌာန်းခဲ့ပါတယ်။ ဖွဲ့စည်းပုံအခြေခံဥပဒေမူကြမ်းပါ အရေးကြီးတဲ့ အခန်းရှစ်ခန်းထဲက ပုဒ်မ တွေကို ပြင်ချင်ရင် လွှတ်တော်ကိုယ်စားလှယ် အားလုံးရဲ့ (၇၅) ရာနှုန်း ထောက်ခံရမယ့် ဒီ့နောက် လူထုဆန္ဒ ခံယူပွဲလုပ်ပြီး ဆန္ဒမဲပေးခွင့်ရှိသူ အားလုံးရဲ့ ထက်ဝက်ကျော် မဲရမှ ပြင်နိုင်တယ်လို့ ပုဒ်မ၄၃၆(က) မှာ ပြဋ္ဌာန်းပါ တယ်။

ဒါပေမယ့် ပုဒ်မ ၄၃၆ (က) ပါ ပြဋ္ဌာန်းချက်တွေမဟုတ်တဲ့ ဖွဲ့စည်းပုံအခြေခံဥပဒေမူကြမ်းပါ ကျန်တဲ့ အချက်တွေ ပြင်ချင်သပဆိုရင်တော့ လွှတ်တော်ကိုယ်စားလှယ် အားလုံးရဲ့ (၇၅) ရာနှုန်း ထောက်ခံမှုနဲ့ ပြင်နိုင်တယ်ဆိုပြီး ပုဒ်မ၄၃၆(ခ)နဲ့ နှစ်ပိုင်းခွဲထားပါတယ်။

ဖွဲ့စည်းပုံအခြေခံဥပဒေမူကြမ်း(၂၀၀၈) ပုဒ်မ ၄၃၆ (က) ကိုကြည့်ရင် ဒေါ်အောင်ဆန်းစုကြည်လို ပုဂ္ဂိုလ်မျိုးကို ရာသက်ပန် သမ္မတ မဖြစ်နိုင်အောင် တားမြစ်ထားတဲ့ဥပဒေတွေ၊ ဥပဒေပြုရေးကဏ္ဍမှာ စစ်တပ် ၀င်ရောက်ခြယ် လှယ်ခွင့်၊ အဖွဲ့ဝင် (၁၁) ဦးမှာ စစ်ဗိုလ် (၆) ဦးပါတဲ့ အမျိုးသားကာကွယ်ရေးနဲ့ လုံခြုံရေးကောင်စီကို မဖျက်နိုင် အောင် တားမြစ်ထားတဲ့ ပြဋ္ဌာန်းချက်တွေ၊ သမ္မတက ကာကွယ်ရေးဦးစီးချုပ်ကို နိုင်ငံအာဏာလွှဲအပ်နိုင်တဲ့ အရေးပေါ်ကာလ ပြဋ္ဌာန်းချက်တွေအပါအ၀င် ပုဒ်မ (၄၃၆) ကိုပါ တသက်လုံး မပြင်နိုင်အောင် ချုပ်ကိုင်ထားတဲ့ ဥပဒေ ဖြစ်နေတာ တွေ့ရပါတယ်။

ဆိုလိုတဲ့သဘောက ဖွဲ့စည်းပုံအခြေခံဥပဒေမူကြမ်း (၂၀၀၈) ပါ အနာဂတ်နိုင်ငံရေးမှာ စစ်တပ်ဝင်ရောက် စွက် ဖက်ခွင့်ပေးထားတဲ့ အချက်တွေကို ရာသက်ပန် ပြင်လို့မဖြစ်နိုင်အောင် အခြေခံဥပဒေကိုအသုံးချ ကာကွယ် ထားသလို ကျန်တဲ့အချက်တွေ ပြင်ချင်တယ်ဆိုရင်လည်း စစ်ဗိုလ် လွှတ်တော်ကိုယ်စားလှယ် (၂၅) ရာနှုန်းရဲ့ သဘောတူညီချက်မပါဘဲ ပြင်လို့မဖြစ်အောင် ပုဒ်မ ၄၃၆ (ခ) နဲ့ ချုပ်ကိုင်ထားတဲ့အဓိပ္ပာယ်ဖြစ်ပါတယ်၊

ဒါကြောင့် ဖွဲ့စည်းပုံအခြေခံဥပဒေမူကြမ်း အခန်း (၁၂) ပုဒ်မ (၄၃၆) ဟာ အနာဂတ် နိုင်ငံရေးထဲမှာ စစ်တပ်ကို ကပ်ပါးပိုးလို ကပ်တွယ်နေနိုင်အောင် ကျောထောက်နောက်ခံပေးထားတဲ့ အဓိကဥပဒေဆိုတာ ပေါ်လွင်နေပါ တယ်။ ဒါကြောင့်လည်း ဗိုလ်ချုပ်မှူးကြီးသန်းရွှေက ရွေးကောက်ပွဲအပြီး အာဏာလွှဲပေးမယ်လို့ ရဲရဲတင်းတင်း ပြောခဲ့တာဖြစ်ပါတယ်။

ကြိုဆိုသူတွေလည်းမရှား

တနည်းပြောရရင် ဖွဲ့စည်းပုံအခြေခံဥပဒေမူကြမ်း (၂၀၀၈) ဆိုတာ စစ်တပ်က ရာသက်ပန်အာဏာ သိမ်းထားတဲ့ အခြေခံဥပဒေလို့ လွယ်လွယ်ပြောနိုင်ပါတယ်။ ဒါကြောင့်လည်း နောက်ဆုံးအကြိမ် အမျိုးသားညီလာခံမှာ အခြေခံမူ (၁၀၄) ချက်နဲ့ အသေးစိတ် အခြေခံရမယ့်မူတွေကို ရှေ့နောက်ညီအောင် လုပ်ကြရမယ်။ အဲသလို လုပ်ရာမှာလည်း ၁၉၉၃ ခုနှစ်က သတ်မှတ်ခဲ့တဲ့ အနာဂတ်နိုင်ငံရေးမှာ စစ်တပ်က ဦးဆောင်မှုရှိရမယ်ဆိုတဲ့ အချက်အပါအ၀င် ညီလာခံဦးတည်ချက် (၆) ချက်ဘောင်ထဲက ဖြစ်ရမယ်လို့ (ဒု) ဗိုလ်ချုပ်ကြီးသိန်းစိန်က ထပ် လောင်း သတိပေးခဲ့တာ ဖြစ်ပါတယ်။

ဒီမှာတင် ၂၀၀၇ ဇူလိုင် (၁၈) ရက် နောက်ဆုံးညီလာခံမှာ ပြုပြင်စရာရှိတာ ပြုပြင်ရမယ်၊ ပြင်ဆင်သင့်တာ ပြင် ဆင်ရမယ်ဆိုတဲ့ ဒု-ဗိုလ်ချုပ်ကြီးသိန်းစိန်ရဲ့စကားကို အဟုတ်မှတ်၊ လည်ပင်းကြိုးကွင်းစွပ်မယ့် ဥပဒေမှန်းမသိဘဲ ကြိုဆိုခဲ့သူတွေ အဲဒီအချိန်က ပြည်တွင်းပြည်ပမှာ ထွက်ပေါ်ခဲ့ပါတယ်။

ဘယ်သူတွေမှာ တာဝန်ရှိသလဲစဉ်းစားဖို့ကောင်းတာက ခုလို စစ်တပ်ကို ကြောက်စရာကောင်းအောင် ခြယ် လှယ်ခွင့်ပေးထားတဲ့ အသေးစိတ်အခြေခံရမယ့်မူတွေမှန်းသိလျက်နဲ့ ၂၀၀၄ နောက်ပိုင်းကစပြီး ညီလာခံတက်ခဲ့ တဲ့ အပစ်အခတ်ရပ်စဲရေးအဖွဲ့တွေ လက်နက်ချအဖွဲ့တွေ ဘာကြောင့်သဘောတူခဲ့ရသလဲဆိုတဲ့ အချက်ဖြစ်ပါ တယ်။ ဒီအချက်နဲ့ ပတ်သက်ပြီး ပြည်သူကိုရှင်းပြဖို့ အထူးသဖြင့် ညီလာခံတက်ခဲ့တဲ့ အဲဒီအဖွဲ့တွေမှာ (လေ့လာသူ အဆင့်အတန်းပြောင်းခဲ့တဲ့ မွန်ပြည်သစ်ပါတီကလွဲလို့) တာဝန်မကင်းဘူးလို့ အတိုက်အခံဘက်က ယူဆပါတယ်။

ညီလာခံတက်ခဲ့တဲ့ အပစ်အခတ်ရပ်စဲရေးအဖွဲ့တွေ၊ လက်နက်ချအဖွဲ့တွေအနေနဲ့ ဖွဲ့စည်းပုံ အခြေခံဥပဒေမူကြမ်း ဖြစ်လာမယ့် အသေးစိတ်အခြေခံရမယ့်မူတွေကို ဘာကြောင့် မျက်စိမှိတ်ထောက်ခံခဲ့သလဲ အတိအကျ မသိရ ပေမယ့် ဒီအဖွဲ့ အတော်များများဟာ ညီလာခံတက်နေတဲ့ကာလမှာပဲ စစ်အစိုးရအလိုကျ (ဆန္ဒပါသည်ဖြစ်စေ မပါသည်ဖြစ်စေ) လုပ်ပေးခဲ့ရတဲ့ သာဓကတွေရှိပါတယ်။

ဥပမာ- မြန်မာ့အရေး ကုလသမဂ္ဂလုံခြုံရေးကောင်စီမှာ ဆွေးနွေးတဲ့ကိစ္စနဲ့ ပတ်သက်ပြီး ဆန့်ကျင်ကန့်ကွက်တဲ့ ညီလာခံတက်နေဆဲ အပစ်အခတ်ရပ်စဲရေးအဖွဲ့တွေ၊ ခွဲထွက်အဖွဲ့တွေ၊ လက်နက်ချ အလင်းဝင်အဖွဲ့တွေရဲ့ ကြေညာချက်တွေကို မြန်မာစစ်အစိုးရ သတင်းစာတွေမှာ အဆက်မပြတ် ဖော်ပြခဲ့ပါတယ်။

ကုလသမဂ္ဂလုံခြုံရေးကောင်စီကို ဆန့်ကျင်ရှုံ့ချတဲ့ အဖွဲ့တွေထဲမှာ အမျိုးသားညီလာခံ တက်နေတဲ့တိုင်းရင်းသား အဖွဲ့တွေ၊ မထင်မရှား ငြိမ်းချမ်ရေးယူထားတဲ့ အဖွဲ့တွေအပြင် အဖွဲ့နာမည်ပြောင်းထားတဲ့ လက်နက်ချအဖွဲ့တွေ မျိုးစုံပါဝင်နေတာ တွေ့ရပါတယ်။

ကန့်ကွက်ကြောင်း ကြေညာချက်ထုတ်ထားတဲ့ အပစ်ခတ်ရပ်စဲထားတဲ့အဖွဲ့ (၁၁) ဖွဲ့ကိုကြည့်ရင် ဦင်္းပေါက်ယိုချန်း ခေါင်းဆောင်တဲ့ ရှမ်းပြည်အထူးဒေသ (၂) ဆိုတာ UWSA လို့ခေါ်တဲ့ ၀ သွေးစည်းညီညွတ်ရေးအဖွဲ့ဖြစ်ပြီး ဒီအဖွဲ့ က ၀ ခေါင်းဆောင်တချို့ဟာ မူးယစ်ဆေးကိစ္စနဲ့ အမေရိကန်က အလိုရှိနေသူတွေ ဖြစ်ပါတယ်။ ပန်ဆန်းမှာ အခြေစိုက်ပါတယ်။ ဦးစိုင်းလင်း ခေါင်းဆောင်တဲ့ ရှမ်းပြည် အထူးဒေသ (၄) ဆိုတဲ့အဖွဲ့ကလည်း ဗကပ ခွဲထွက် အုပ်စုဖြစ်ပြီး ဦးစိုင်းလင်းဟာ ရှမ်းပြည်အထူးဒေသ (၁) ခေါင်းဆောင် ဦးဖုန်ကျားရှင်ရဲ့ သမက်ဖြစ်ပါတယ်။ ပြုတ် သွားတဲ့ ဗိုလ်ချုပ်ကြီးခင်ညွန့်နဲ့ နီးစပ်သူဆိုပြီး လူသိများပါတယ်။

ပအို့အမျိုးသားအဖွဲ့ချုပ်ခေါင်းဆောင် ဦးအောင်ခမ်းထီဆိုရင် နအဖကို ကျောက်စိမ်းတုံးကြီး အပ်ထားတဲ့အတွက် အဂ္ဂမဟာသီရိ သုဓမ္မ မဏိဇောတဓဇဆိုတဲ့ စစ်အစိုးရဖန်တီးထားတဲ့ အမြင့်ဆုံးသူကြွယ်ဘွဲ့ရထားသူ ဖြစ်ပါတယ်။ ဒီဘွဲ့ရတဲ့သူ မြန်မာနိုင်ငံမှာသုံးဦးပဲရှိပါတယ်။ ကျန်နှစ်ဦးကတော့ ကမ္ဘောဇဘဏ်ပိုင်ရှင် ဦးအောင်ကိုဝင်းခေါ် ဆရာကျောင်း (ဒု ဗိုလ်ချုပ်မှူးကြီးမောင်အေးနဲ့ နီးစပ်သူ) နဲ့ နောက်တဦးကတော့ ဇေကမ္ဘာကုမ္ပဏီပိုင်ရှင် ဦးခင်ရွှေတို့ ဖြစ်ပါတယ်။ ဦးခင်ရွှေဟာ မြန်မာနိုင်ငံအပေါ် အမေရိကန်စီးပွားရေးပိတ်ဆို့မှု ပြန်ဖွင့်ရေးအတွက် အမေရိကန် Public Relations ကုမ္ပဏီတွေကို စစ်အစိုးရကိုယ်စား ဒေါ်လာသိန်းနဲ့ချီပေးပြီး တချိန်က လျို့ဝှက် ဆက်သွယ်ပေးခဲ့သူ ဖြစ်ပါတယ်။

အပစ်အခတ်ရပ်စဲရေး (၁၇) ဖွဲ့မှာ လုံခြုံရေးကောင်စီကို အဲဒီအချိန်က မကန့်ကွက်သေးတဲ့အဖွဲ့တွေကတော့ (KIO) ကချင်လက်နက်က်ိုင်အဖွဲ့၊ မွန်ပြည်သစ်ပါတီ၊ ပလောင်ပြည်နယ် လွတ်မြောက်ရေးပါတီ၊ ကယန်းပြည်သစ် ပါတီ၊ ကရင်နီအမျိုးသားတိုးတက်ရေးပါတီ (ခွဲထွက်) ဟိုယာနဲ့ ရှမ်းပြည်တပ်မတော် လွိုင်မော်အဖွဲ့ (၆) ဖွဲ့ဖြစ်ပါ တယ်။

လက်နက်ချ အလင်းဝင်အဖွဲ့ထဲက (၁၁) ဖွဲ့ ကန့်ကွက်ခဲ့ပါတယ်၊ တချိန်က မြန်မာသတင်းစာတွေမှာ ရခိုင် တပ်မ တော် (AA) အဖွဲ့လို သုံးနှုန်းခဲ့တဲ့အဖွဲ့ကို ရခိုင်ငြိမ်းချမ်းရေးအဖွဲ့ဆိုပြီး ပြောင်းထားတာတွေ့ရပါတယ်။ တချိန်က ကေအန်ယူတပ်ရင်း (၁၆) ကနေ ခွဲထွက်သွားတဲ့ စောသမူဟဲအဖွဲ့ကို ၂၀၀၄ အမျိုးသားညီလာခံမှာ ဟောင်သ ရော အထူးဒေသအဖွဲ့ဆိုပြီး ဖော်ပြခဲ့ပေမယ့် ခုတော့ ကရင်ငြိမ်းချမ်းရေးတပ်ဖွဲ့ ဟောင်သရောအထူးဒေသဆိုပြီး ကန့်ကွက်ခဲ့တာ တွေ့ရပါတယ်၊

(KNDP) လို့ခေါ်တဲ့ ကရင်နီအမျိုးသားဒီမိုကရက်တစ်ပါတီ (နဂါးအဖွဲ့) ရယ် ကရင်နီ အမျိုးသားစည်းလုံးညီညွတ် ရေးအဖွဲ့ရယ် ကရင်နီလူမျိုးပေါင်စုံတပ်ဦးရယ် နောက် ကရင်နီအမျိုးသားတိုးတက်ရေးပါတီ (ခွဲထွက်) ဟိုယာဆို တဲ့ ကရင်နီ (၄) ဖွဲ့က ကန့်ကွက်ခဲ့ပါတယ်။

တချိန်က မွန်ခွဲထွက် နိုင်စိုက်ချမ်းအဖွဲ့ဆိုတဲ့ အဖွဲ့ကို မွန်ပြည်သစ်ပါတီ ခွဲထွက်အဖွဲ့ဆိုပြီး နာမည်ပြောင်းခဲ့တာ လည်း သတိပြုမိပါတယ်။ ဒီနောက် ဦးအောင်သိုက်ဟင်း ခေါင်းဆောင်တဲ့အဖွဲ့ကိုလည်း ၂၀၀၄ ညီလာခံမှာ မွန် လက်နက်ကိုင်ငြိမ်းချမ်းရေးအဖွဲ့လို့ သတင်းတွေမှာ ဖော်ပြရာကနေ ခုတော့ မွန်ငြိမ်းချမ်းရေးအဖွဲ့ ဗြိ်တ်ဒေသလို့ ပြောင်းသုံးလာတာ တွေ့ရပါတယ်။

ဒါတင်မက စောစောပိုင်းညီလာခံတွေမှာ တခါမှမကြားဘူးတဲ့ ပြည်သူ့စစ်ဆိုတဲ့ အဖွဲ့တွေလည်း လုံခြုံရေး ကောင်စီကို ကန့်ကွက်ခဲ့ပါတယ်။ ရှမ်းပြည်တောင်ပိုင်း ဦးလင်းဆိုင် ခေါင်းဆောင်တဲ့ မတ်ကျန်းဒေသဖွံ့ဖြိုးရေး အဖွဲ့၊ ဦးလီချန်းခေါင်းဆောင်တဲ့ နားရိုင်းဒေသ ဖွံ့ဖြိုးရေးနဲ့ ဘ၀သစ်ထူထောင်ရေးအဖွဲ့၊ မုံးဟ ပြည်သူ့စစ်အဖွဲ့၊ ဦးလောမား ခေါင်းဆောင်တဲ့ မုံးပေါ် ပြည်သူ့စစ်အဖွဲ့ စတဲ့အဖွဲ့တွေ ဖြစ်ပါတယ်။

ဒီအဖွဲ့တွေအားလုံး တချိန်က ဘိန်းဘုရင် ခွန်ဆာရဲ့အဖွဲ့က ခွဲထွက်လာတဲ့ အဖွဲ့တွေပါ။ နားရိုင်းဒေသဆိုတာ ရှမ်းပြည်တောင်ပိုင်း နမ့်ဆန်မြို့နယ်ထဲက ရွာလေးပါ။ အဲဒီမှာ ဦးလီချန်း ခေါင်းဆောင်တဲ့ ခွန်ဆာအဖွဲ့က စစ် အစိုးရနဲ့ နားလည်မှုယူပြီး ဒေသသစ်ထူထောင်ပါတယ်။ မတ်ကျန်းတို့ မုံးပေါ်တို့ မုံးဟတို့လည်း ဒီသဘောပဲ ဖြစ်ပါ တယ်။

လက်နက်ကိုင် အပစ်အခတ်ရပ်စဲရေးအဖွဲ့ (၁၇) ဖွဲ့ဟာ ၂၀၀၄ ညီလာခံကျမှ စတင်တက်ရောက်ခဲ့တာ ဖြစ်ပါ တယ်။ ဒါပေမယ့် ပလောင်ပြည်နယ် လွတ်မြောက်ရေးပါတီ ၂၀၀၅ ခုနှစ်လယ်ပိုင်းမှာ လက်နက်ချတဲ့ အချက်၊ ၂၀၀၇ ဇွန်လထဲမှာ ရလလဖခေါ် ရှမ်းပြည်လူမျိုးပေါင်းစုံ ပြည်သူ့လွတ်မြောက်ရေးအဖွဲ့ ခွဲထွက်ပြီး ထိုင်းမြန်မာ နယ်စပ် ထွက်လာတဲ့အချက်တွေကြောင့် ညီလာခံတက်တဲ့ အပစ်အခတ်ရပ်စဲရေးအဖွဲ့ (၁၅) ဖွဲ့သာ ကျန်ပါတော့ တယ်။ ဒီမှာတင်စစ်အစိုးရဟာ သိက္ခာအကျမခံနိုင်တဲ့အဆုံး တချိန်က ခွန်ဆာ ခွဲထွက်အဖွဲ့တွေဖြစ်တဲ့ လက်နက် ကိုင် ပြည်သူ့စစ်အဖွဲ့တွေကို ညီလာခံထဲ ဆွဲသွင်းခဲ့တာဖြစ်တယ်လို့ ညီလာခံကိုယ်စားလှယ်တဦးက ပြောပါတယ်၊

အန်အယ်လ်ဒီကို ဝေဖန်ပြီ

မြန်မာ့အရေး လုံခြုံရေးကောင်စီမှာ ဆွေးနွေးဖို့ အမေရိကန်က ဖိအားပေး လုပ်ကိုင်နေတာတွေဟာ အမျိုးသား ညီလာခံကို ဖျက်လိုဖျက်ဆီးလုပ်တာမို့ ဆန့်ကျင်ကန့်ကွက်တယ်ဆိုတဲ့ အဆိုကို နိုင်ငံ့ ၀န်ထမ်းကိုယ်စားလှယ်များ အဖွဲ့က ညီလာခံမှာ တင်သွင်းခဲ့ပါတယ်။

ဒီအဆိုကို (NDAK) ဒီမိုကရေစီသစ်တပ်မတော်-ကချင်ဆိုတဲ့ အပစ်အခတ်ရပ်စဲထားတဲ့ ကချင် လက်နက်ကိုင် အဖွဲ့ရဲ့ ညီလာခံကိုယ်စားလှယ် ဦးမန်ရှန်တိန့်ဆောင်က ထောက်ခံဆွေးနွေးတဲ့အပြင် အန်အယ်လ်ဒီကိုပါ တိုက်ခိုက်ဝေဖန်ခဲ့ပါတယ်။ အထူးသဖြင့် နအဖရဲ့အခြေခံမူ (၁၀၄) ချက်အပေါ် အန်အယ်လ်ဒီက သဘောမတူခဲ့ တာကိုပါ ဦးမန်ရှန်တိန့်ဆောင်က ညီလာခံမှာ ဝေဖန်ထောက်ပြသွားပါတယ်၊ ဒါပေမယ့် ဦးမန်ရှန်တိန့်ဆောင်ကို အန်အယ်လ်ဒီအပေါ် ဝေဖန်ဆွေးနွေးဖို့ တာဝန်ပေးထားတာ မရှိပါဘူးလို့ (NDAK) ဥက္ကဋ္ဌ ဦးဇခုန်တင်ယင်းက ငြင်းဆိုခဲ့ပါတယ်။

ညီလာခံထဲက အပစ်အခတ်ရပ်စဲရေးအဖွဲ့တွေ

အပစ်အခတ် ရပ်စဲထားတဲ့ တိုင်းရင်းသား လက်နက်ကိုင် အဖွဲ့တွေအနေနဲ့ ၁၉၉၃ ခုနှစ်က စတင်ခဲ့တဲ့ အမျိုးသား ညီလာခံ ၁၉၉၆ ခု ရပ်နားတဲ့အချိန်ထိ ညီလာခံ တက်ရောက်ခဲ့တာ မရှိပါဘူး။ ဒါပေမယ့် ၂၀၀၄ ခုနှစ် ညီလာခံ ပြန်ကျင်းပတဲ့ အချိန်မှာ အပစ်အခတ်ရပ်စဲထားတဲ့ အဖွဲ့တွေအပြင် လက်နက်ချအဖွဲ့တွေကိုပါ နအဖက ညီလာခံ တက်ခိုင်းခဲ့ပါတယ်။ ၂၀၀၄ ခုနှစ် အမျိုးသားညီလာခံတက်ခဲ့တဲ့ ကိုယ်စားလှယ်တွေထဲမှာ အပစ်အခတ် ရပ်စဲ ထားတဲ့ အဖွဲ့နဲ့ လက်နက်ချ အဖွဲ့ပေါင်း (၂၈) ဖွဲ့ ရှိတယ်လို့ ၂၀၀၅ ခု ဧပြီ (၂၂) ရက် နေ့စွဲနဲ့ စစ်အစိုးရ ထုတ်ပြန်တဲ့ Burma Gazette မှာ ဖော်ပြထားပါတယ်၊

၁၉၉၃ ခုနှစ်မှာ တရားဝင်ရပ်တည်နေတဲ့ နိုင်ငံရေး (၁၀) ပါတီထဲက (၇) ပါတီသာ အမျိုးသားညီလာခံ တက်ခဲ့ပြီး အမျိုးသားဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်နဲ့ ရှမ်းပြည်ကိုးကန့်ဒီမိုကရက်တစ်ပါတီ သုံးပါတီ မတက်ဘဲနေခဲ့ပါတယ်။ ဒါပေမယ့် ၁၉၉၃ ကနေ ၂၀၀၅ ခုထိ နအဖ အမျိုးသားညီလာခံတွေကို မတက်ဘဲ သပိတ်မှောက်ခဲ့တဲ့ ရှမ်းပြည်ကိုးကန့်ဒီမိုကရက်တစ်ပါတီဟာ ဘာကြောင့်မှန်းမသိဘဲ ၂၀၀၆ အောက်တိုဘာ ညီလာခံမှာ ပြန်တက်ခဲ့ပါတယ်။

၂၀၀၄ ခုနှစ် အမျိုးသားညီလာခံကိုကြည့်ရင် (SSA) မြောက်ပိုင်းအဖွဲ့ ကိုယ်စားလှယ်တွေ တက်ခဲ့ပေမယ့် ခေါင်းဆောင် ဗိုလ်ချုပ်ဆေထင်ကို မတက်ဖို့ ဗိုလ်ချုပ်ကြီးဟောင်း ခင်ညွန့်က တားမြစ်ခဲ့တယ်လို့ ရှမ်းခေါင်း ဆောင်တွေက ပြောပါတယ်၊ ၂၀၀၅ ခုနှစ် နှစ်လည်ပိုင်းမတော့ ၂၀၀၄ အမျိုးသားညီလာခံတက်ခဲ့တဲ့ ရှမ်းပြည် နယ် အမျိုးသားတပ်မတော် (SSNA) အဖွဲ့က ဗိုလ်မှူးကြီး စိုင်းရီခေါင်းဆောင်တဲ့အဖွဲ့ တောခိုပြီး (SSA) တောင်ပိုင်း ရှမ်းလက်နက်ကိုင်အဖွဲ့နဲ့ ပူးပေါင်းသွားပါတယ်။

၂၀၀၄ အမျိုးသားညီလာခံ တက်ခဲ့တဲ့ လက်နက်ချအဖွဲ့တွေထဲမှာ အရင်မကြားဘူးတဲ့ မထင်မရှားအဖွဲ့တွေလည်း ပါဝင်လာပါတယ်၊ ဥပမာ-ဦးခွန်မိန်းခေါင်းဆောင်တဲ့ ရွှေပြည်အေး (MTA) အလင်းဝင်အဖွဲ့ဆိုရင် ဖယ်ခုံမြို့နယ် အောင်ဘန်း လွိုင်ကော် ကားလမ်းပေါ်မှာရှိတဲ့ ရွာအမည်ဖြစ်ပါတယ်။ ဟိုတုန်းက ကသဲရွာဆိုတဲ့ အမည်ကို ပြုတ် သွားတဲ့ ဗိုလ်ချုပ်ကြီးခင်ညွန်က ၁၉၉၉ ခုနှစ်မှာ ရွှေပြည်အေးဆိုပြီး အမည်ပြောင်းခဲ့တာပါ။ ရွှေပြည်အေး (MTA) အလင်းဝင်အဖွဲ့ဆိုတာ တနည်းပြောရရင် တချိန်က ဘိန်းဘုရင် ခွန်ဆာရဲ့ (MTA) မွန်ထိုင်းတပ်မတော် ခွဲထွက် အုပ်စု ဖြစ်ပါတယ်၊ ညီလာခံတက်ခဲ့တဲ့ မန်ပန်ဌာနေ ပြည်သူ့စစ်အဖွဲ့ခေါင်းဆောင် ဘိုစိုင်းခေါ် စိုင်းမွန်ဟာလဲ တချိန်က ခွန်ဆာရဲ့ (MTA) ထိုင်းတပ်မတော်က တိုက်ရည်ခိုက်ရည် ကောင်းတယ်လို့ နာမည်ကြီးတဲ့ တပ်မှူး တယောက်ဖြစ်ပါတယ်။

၂၀၀၄ ညီလာခံတက်ခဲ့တဲ့ ဟိုမိန်းဒေသ သက်သာချောင်ချိရေးနဲ့ ဖွံ့ဖြိုးတိုးတက်ရေးအဖွဲ့ ခေါင်းဆောင် ဦးမဟာ ဂျာ ဆိုတာလည်း တချိန်က ခွန်ဆာအဖွဲ့မှာ တပ်မှူးဖြစ်တယ်လို့ ၂၀၀၁ ခု မေလ ထုတ် The Nation သတင်းစာ က ရေးပါတယ်။ ဦးမဟာဂျာဟာ တောင်ကြီးမြို့မှာနေပြီး ဟိုမ်ိန်းဒေသ သက်သာချောင်ချိရေးနဲ့ ဖွံ့ဖြိုးတိုးတက် ရေးအဖွဲ့ဥက္ကဋ္ဌဖြစ်တယ်လို့ ညီလာခံကိုယ်စားလှယ်များ ကိုယ်ရေးမှတ်တမ်းမှာ ဖော်ပြထားပါတယ်။ ဒါပြင် ဦးမဟာဂျာဟာ ကွယ်လွန်သွားတဲ့ ၀ အမျိုးသားအဖွဲ့ချုပ် ဥက္ကဋ္ဌ ဦးမဟာဆန်းရဲ့ညီဖြစ်သလို ဘိန်းချက်စက်ရုံတွေ ပိုင်သူလို့ The Nation (2001, May) မှာ ရေးထားပါတယ်။ ၂၀၀၅ ခု ဖေဖော်ဝါရီ ၂ ရက်ထုတ် The Nation သတင်းစာမှာ ဦးမဟာဂျာကို ထိုင်းအစိုးရက ဖမ်းဝရမ်းထုတ်ထားတယ်လို့ ဖော်ပြထားပါတယ်။

ခုလို ညီလာခံတက်ခဲ့တဲ့ လက်နက်ကိုင်အဖွဲ့တွေရဲ့ နောက်ကြောင်းကို ပြောမှလည်း ဘယ်လို ညီလာခံ ကိုယ်စား လှယ် အမျိုးအစားတွေလဲ၊ စစ်အစိုးရနဲ့ ဘယ်လိုပတ်သက်နေသူတွေလဲဆိုတာ ဆက်စပ်စဉ်းစားနိုင်မှာ ဖြစ်ပါ တယ်။ တနည်းဆိုရရင် စစ်အစိုးရ ညီလာခံကိုယ်စားလှယ်တွေထဲမှာ မူးယစ်ဆေးနဲ့ ပတ်သက်နေသူ ပတ်သက်ခဲ့ သူတွေ ပါနေတယ်ဆိုတာ ငြင်းလို့မရတဲ့အချက် ဖြစ်ပါတယ်။

အပစ်အခတ်ရပ်စဲရေး (၁၃) ဖွဲ့ စာတန်း

တကယ်တော့ အမျိုးသားညီလာခံတက်နေတဲ့ လက်နက်ကိုင် အပစ်အခတ်ရပ်စဲရေးအဖွဲ့တချို့ဟာ စစ်အစိုးရ ပြောတာ မျက်စေ့မှိတ် ထောက်ခံခဲ့သူတွေ မဟုတ်ပါဘူး။ ဥပမာ- ဖွဲ့စည်းပုံအခြေခံဥပဒေ ဥပဒေပြုရေးကဏ္ဍ အာဏာခွဲဝေရေးအပိုင်းနဲ့ ပတ်သက်ပြီး အပစ်အခတ် ရပ်စဲထားတဲ့(၁၃) ဖွဲ့ စုပေါင်းတင်သွင်းတဲ့ စာတန်းတစောင် ညီလာခံမှာ တင်ပြတာမျိုး စွန့်စွန့်စားစား လုပ်ခဲ့ပါတယ်။အဆိုပါ (၁၃) ဖွဲ့ တင်ပြခဲ့တဲ့ အချက်တွေကတော့ -

(၁) ထပ်တူ ဥပဒေပြုစာရင်း ထားရှိရေး။
(၂) အကြွင်းအကျန် အာဏာကို ပြည်နယ်တွေမှာ ထားရှိရေး။
(၃) ဥပဒေပြုကဏ္ဍမှာ တိုင်းရင်းသားလူမျိုးစုကို သီးခြားထားရှိရေး။
(၄) ပြည်နယ်လွှတ်တော်တွေမှာ လုံခြုံရေး ကာကွယ်ရေးဆိုင်ရာ ဥပဒေပြုပိုင်ခွင့်ရှိရေး။
(၅) ပြည်နယ်လွှတ်တော်တွေမှာ စာပေယဉ်ကျေးမှုနဲ့ ပတ်သက်ပြီး ဥပဒေပြုပိုင်ခွင့်ရှိရေး။
(၆) တိုင်းရင်းသားတွေရဲ့ ဓလေ့ထုံးတမ်း ဥပဒေတွေကို ပြည်နယ်တွေမှာ ဥပဒေပြု ပြဋ္ဌာန်းနိုင်ရေးနဲ့
(၇) ပြည်နယ်ဖွဲ့စည်းပုံ သီးခြားရေးဆွဲ ပြဋ္ဌာန်းကျင့်သုံးခွင့်ရှိရေးစတဲ့ အချက်(၇) ချက်ဖြစ်ပါတယ်။

လက်နက်ကိုင် တိုင်းရင်းသား (၁၃) ဖွဲ့ရဲ့ သဘောထားနဲ့ ပတ်သက်လို့ ၂၀၀၅ ခုနှစ် အမျိုးသားညီလာခံ မကျင်းပခင်ကလည်း အပစ်အခတ်ရပ်စဲထားတဲ့ လက်နက်ကိုင်အဖွဲ့ (၆) ဖွဲ့ စုပေါင်းပြီး ညီလာခံကျင်းပရေး ကော်မရှင်ကို ထပ်မံတင်ပြခဲ့ပါတယ်၊ ဒီလက်နက်ကိုင် (၆) ပါတီကတော့ (SSA) မြောက်ပိုင်းအဖွဲ့၊ (SSNA) ရှမ်းပြည်အမျိုးသားတပ်မတော်၊ မွန်ပြည်သစ်ပါတီ၊ ကရင်နီ လူမျိုးပေါင်းစုံ ပြည်သူ့လွတ်မြောက်ရေးတပ်ဦး၊ ကယန်းပြည်သစ်ပါတီနဲ့ (KIO) ကချင်လွတ်လပ်ရေးအဖွဲ့တွေ ဖြစ်ပါတယ်။

ဒါပေမယ့် ဖက်ဒရယ်ပြည်ထောင်စုစနစ်ကို သွားချင်တဲ့ လက်နက်ကိုင် တိုင်းရင်းသားတွေရဲ့သဘောထားကို ညီလာခံက လက်မခံခဲ့ဘူးလို့ (၆) ပါတီရဲ့ တင်ပြစာမှာ ဖော်ပြထားပါတယ်။ အဲဒီ (၆) ပါတီကနေ ၂၀၀၅ ခုနှစ် ဖေဖော်ဝါရီ (၁၃) ရက် နေ့စွဲနဲ့ အမျိုးသားညီလာခံကျင်းပ ရေးကော်မရှင်ကို ပေးပို့တဲ့စာထဲမှာ စိတ်ဝင်စားဖို့ ကောင်းတာက အနာဂတ် နိုင်ငံတော်ရဲ့ အမျိုးသားနိုင်ငံရေး ဦးဆောင်မှုအခန်းကဏ္ဍမှာ တပ်မတော်ပါဝင် ထမ်းဆောင်ရေး ဆိုတဲ့အချက်ကို ဆွေးနွေးညှိနှိုင်းခွင့်ရှိဖို့ လိုတယ်လို့ ရဲရဲတင်းတင်း ထောက်ပြတောင်းဆိုခဲ့ ပါတယ်။ ဒီအချက်ဟာ အန်အယ်လ်ဒီအပါအ၀င် ပြည်တွင်းပြည်ပ အတိုက်အခံတွေ လက်မခံနိုင်တဲ့ အချက်လည်း ဖြစ်ပါတယ်။

ဒီ့နောက် တန်းတူညီမျှတဲ့ စစ်မှန်တဲ့ ဖက်ဒရယ်ပြည်ထောင်စု ဖွဲ့စည်းရေးမူနဲ့ အလှမ်းကွာနေတဲ့ အချက်တွေ ပြန်လည်ဆွေးနွေးခွင့်ရရေး၊ ညီလာခံမှာ နိုင်ငံရေးပါတီအားလုံး အစုံအညီတက်ခွင့်ရရေး၊ ညီလာခံမှာ ရွေးချယ်ခံ လွှတ်တော်ကိုယ်စားလှယ်တွေ အစုံအညီတက်ခွင့်ရှိရေး၊ အပစ်အခတ် မရပ်သေးတဲ့ လက်နက် ကိုင်အဖွဲ့အားလုံး ကို ညီလာခံမှာ လေ့လာသူအဖြစ် တက်ခွင့်ပေးရေး၊ လွတ်လပ်စွာ သဘောထားကွဲလွဲခွင့်ရှိရေး စတဲ့ အချက်တွေ ကို တောင်းဆိုခဲ့ပါတယ်။

လက်နက်ကိုင် (၆) ပါတီက အဲသလိုမျိုး ညီလာခံ ကျင်းပရေးကော်မရှင်ကို တောင်းဆိုခဲ့ပေမယ့် တချက်မှ မလိုက်လျောတဲ့ပြင် ၂၀၀၅ ခုနှစ် ဖေဖော်ဝါရီ (၁၇) ရက် ညီလာခံ မကျင်းပခင်မှာဘဲ (၆) ပါတီ အဖွဲ့ဝင်တဦး ဖြစ်တဲ့ (SSA) မြောက်ပိုင်း ခေါင်းဆောင် ဗိုလ်ချုပ်ကြီး ဆေထင်ကို မြန်မာ စစ်အစိုးရက ဖမ်းခဲ့ပါတယ်။ မကြာခင် (SSA) မြောက်ပိုင်းအဖွဲ့က ညီလာခံမတက်ဘဲ သပိတ် မှောက်ခဲ့ပါတယ်။

ဖော်ပြခဲ့တဲ့အချက်တွေကို ချုပ်ကြည့်ရင် စစ်အစိုးရဟာ သူလိုချင်တဲ့ ဖွဲ့စည်းပုံအခြေခံ ဥပဒေမျိုး ဖြစ်လာအောင် ဘယ်လို လက်နက်ကိုင်အဖွဲ့ အမျိုးအစားတွေနဲ့ ကျုံးသွင်းယူခဲ့သလဲ၊ ဘယ်ယုံမြင်လို့ ဘယ်ခြုံထွင်ခဲ့သလဲဆိုတာ သိသာလောက်ပြီလို့ ယူဆပါတယ်။ စစ်အစိုးရ ဖွဲ့စည်းပုံအခြေခံဥပဒေ (၂၀၀၈) ကို ပုံနှိပ်စာသားသက်သက် ကွက်မကြည့်ဘဲ ခုလို နောက်ကြောင်းတွေနဲ့ ယှဉ်ကြည့်မှလည်း ကိုယ့်အနာဂတ်ကို ရှင်းရှင်းလင်းလင်း ခန့်မှန်းနိုင်မှာ ဖြစ်ပါတယ်။ ။

Read More...

Collapse...

ညီညွတ်သောစွမ်းအားဖြင့် စစ်ကျွန်ဘ၀မှ ရုန်းထွက်ကြ

Read More...

Collapse...

နအဖမှ ထုတ်ပြန်ခဲ့သည့် ဥပဒေအမှတ် ၅/၉၆ကို ဖျက်သိမ်းသင့်ကြောင်း ဥပဒေရေးရာသုံးသပ်တင်ပြချက်

Read More...

Collapse...

ဒါဖတ်ပြီးမှ မဲပေးပါ (၁)

ဒါဖတ်ပြီးမှ မဲပေးပါ (၁)
ဦးစိန်ကျော်လှိုင်

ဖွဲ့စည်းပုံ အခြေခံဥပဒေမူကြမ်းဟာ လူတယောက်၊ ပါတီတဖွဲ့၊ အဖွဲ့အစည်းတခု အကျိုးစီးပွား အတွက် ရေးဆွဲထားတာ မဟုတ်ပါဘူးလို့ ၀န်ကြီးချုပ် ဗိုလ်ချုပ်ကြီးသိန်းစိန်မကြာခင်က ပြောခဲ့ပါတယ်။ ဗိုလ်ချုပ်ကြီး သိန်းစိန်ပြောတာ မှန်မမှန် စစ်အစိုးရဖွဲ့စည်းပုံ အခြေခံဥပဒေမူကြမ်းကို မြေလှန်ဆန်းစစ်ဖို့လိုလာပါတယ်။ ဖွဲ့စည်းပုံ အခြေခံဥပဒေ မူကြမ်းရေးဆွဲဖို့ အမျိုးသားညီလာခံ စကျင်းပတဲ့ လွန်ခဲ့တဲ့ (၁၄) နှစ်ကို ပြန်ကြည့်ရင် ညီလာခံဦးးတည်ချက် (၆)ချက် သတ်မှတ်ထားပါတယ်။ ဖွဲ့စည်းပုံ အခြေခံဥပဒေမူကြမ်း အတွက် အခြေခံမူတွေ အမျိုးသားညီလာခံက တဆင့် ရေးဆွဲရာမှာ ဒီဦးးတည် ချက် (၆) ချက်နဲ့ မလွတ်စေဖို့ စစ်အစိုးရက ကြိုတင် ဘောင်ခတ်ထားတာပါ။

ညီလာခံဦးးတည်ချက် နံပါတ် (၆) အချက်မှာ အနာဂတ် နိုင်ငံတော် အမျိုးသားဦးးဆောင်မှု အခန်းကဏ္ဍမှာ တပ်မတော် ပါဝင်ထမ်းဆောင်ရေးလို့ အတိအလင်းရေးထားပါတယ်။ ဒါကြောင့် စကတည်းက စစ်တပ်အကျိုး အတွက် ရည်ရွယ်ထားတဲ့ ဖွဲ့စည်းပုံ အခြေခံဥပဒေမူကြမ်း ဆိုတာ ရှင်းနေပါတယ်။ ဒီအချက်ကို ညီလာခံ တက်ခဲ့တဲ့ တိုင်းရင်းသား လက်နက်ကိုင်အဖွဲ့ အတော်များများ လက်မခံပေမဲ့ နောက်ဆုံး အလျှော့ပေးခဲ့ရပါ တယ်။ ဒီနောက် အနာဂတ်နိုင်ငံရေးမှာ စစ်တပ် ကြိုးကိုင်နိုင်ဖို့အတွက် ဖွဲ့စည်းပုံ အခြေခံဥပဒေ မူကြမ်းထဲမှာ စစ်တပ်ကဏ္ဍတွေကို ပြဋ္ဌာန်းနိုင်အောင် ညီလာခံကိုယ်စားလှယ် (၆) ဦးပါတဲ့ အဖွဲ့တခုက အဆိုအမျိုးမျိုး တင်သွင်းခဲ့ပါတယ်။ ဒီကိုယ်စားလှယ်တွေကတော့ တချိန်က အန်အယ်လ်ဒီက အထုတ်ခံထားရတဲ့ အမတ်တွေ ဖြစ်ပါတယ်။

မင်္ဂလာဒုံ မဲဆန္ဒနယ် အမှတ် (၁) က ဦးကြည်ဝင်း၊ မင်္ဂလာဒုံ မဲဆန္ဒနယ် အမှတ် (၂) ကဦးတင်ထွန်းမောင်၊ တွံတေး မဲဆန္ဒနယ် အမှတ် (၂) က ဦးမြလှိုင်၊ ကျိုက်လတ် မဲဆန္ဒနယ်အမှတ် (၂)က ဦးတင်ဝင်း၊ တောင်တွင်းကြီး မဲဆန္ဒနယ် အမှတ် (၁) က ဦးသိန်းကြည်နဲ့ မင်းဘူးမဲဆန္ဒနယ် အမှတ် (၂) က ဦးလှစိုးတို့ (၆) ဦးဖြစ်ပါတယ်။

အန်အယ်လ်ဒီက ထုတ်ပယ်ထားတဲ့ ဒီအမတ်(၆)ဦးဟာ အမျိုးသားညီလာခံမှာ တပ်မတော်အခန်းကဏ္ဍ၊ သမ္မတ လုပ်ပိုင်ခွင့် စတဲ့ အရေးပါတဲ့ကဏ္ဍတွေကို အကြံပြုခဲ့သူတွေ ဖြစ်ပါတယ်။

စစ်အစိုးရဟာ ဖွဲ့စည်းပုံ အခြေခံဥပဒေ မူကြမ်းရေးဆွဲရာမှာ ညီလာခံဦးတည်ချက် (၆) ချက်နဲ့ ဘောင်ခတ်ရုံ သာမက စစ်တပ်ကဏ္ဍ ပစ်ပယ်သွားတာမျိုး မဖြစ်ရအောင် အခြေခံမူ (၁၀၄) ချက် ဆိုတာပါ မူလကတည်းက သတ်မှတ်ပြီး ဒီဘောင်ထဲက ရေးရမယ်လို့ ထပ်ပြီးပြဋ္ဌာန်းပြန် ပါတယ်။ စစ်အစိုးရ သတ်မှတ်တဲ့ အခြေခံမူ (၁၀၄) ချက်ကို ဆင့်ပွားပြီး အမျိုးသားညီလာခံ အဆင့်ဆင့်မှာ ညီလာခံကိုယ်စားလှယ်တွေ အသေးစိတ် အဆိုပြုတာကို တော့ အသေးစိတ် အခြေခံရမယ့်မူတွေလို့ သုံးနှုန်းပါတယ်။ အမျိုးသားညီလာခံက အတည်ပြုထားတဲ့ အသေးစိတ် အခြေခံရမယ့်မူတွေကို အခြေခံပြီးမှ ဖွဲ့စည်းပုံ အခြေခံ ဥပဒေမူကြမ်းဆိုပြီး စစ်အစိုးရက ပုဒ်မတပ် ထုတ်ပြန်တာ ဖြစ်ပါတယ်။

ဒါကြောင့် စစ်အစိုးရရဲ့ ဖွဲ့စည်းပုံအခြေခံဥပဒေမူကြမ်းကို ကြည့်ရင် အနာဂတ်နိုင်ငံရေးမှာ စစ်တပ် ကြိုးကိုင်နိုင်အောင် ခုလို အဆင့်ဆင့် ခြေကုတ်ယူ ပြဋ္ဌာန်းထားတာ တွေ့ရမှာ ဖြစ်ပါတယ်။

-နိုင်ငံတော်သမ္မတကို စစ်ရေးအမြင်ရှိသူဖြစ်ရမယ်လို့ ဖွဲ့စည်းပုံ အခြေခံဥပဒေမူကြမ်း အခန်း ပုဒ်မ ၅၉ (ဃ) မှာ ပြဋ္ဌာန်းပါတယ်။ မူလက နိုင်ငံတော်သမ္မတကို စစ်ရေးအတွေ့အကြုံ ရှိသူဖြစ်ရမယ်လို့ အဆိုပြုပြီးကာမှ ညီလာခံတွင်း ဝေဖန်မှုတွေ မကျေနပ်မှုတွေဖြစ်ပြီးနောက် နိုင်ငံတော်သမ္မတကို စစ်ရေးအမြင်ရှိသူ ဖြစ်ရမယ်လို့ ပြင်ဆင်ခဲ့တာ ဖြစ်ပါတယ်။ တနည်း ပြောရရင် လက်ရှိ မြန်မာစစ်ခေါင်းဆောင်တွေထဲက အငြိမ်းစားယူပြီး သမ္မတ လုပ်ချင်သူ လုပ်နိုင်အောင် လမ်းဖွင့်ပေးထားတဲ့အချက်လို့ တချို့လေ့လာသူတွေက တွက်ပါတယ်။

-လွှတ်တော်ကိုကြည့်ရင်လဲ စစ်ဗိုလ်လွှတ်တော်ကိုယ်စားလှယ် (၂၅) ရာနှုန်းပါရမယ်လို့ ဥပဒေပြုရေး အခန်း(၄) ပြည်သူ့လွှတ်တော် ဖွဲ့စည်းခြင်း ပုဒ်မ (၁၀၉) မှာပြဋ္ဌာန်းထားပါတယ်။ စုစုပေါင်း လွှတ်တော်ကိုယ်စားလှယ် (၄၄၀) အနက် စစ်တပ်က တင်မြှောက်လိုက်တဲ့ စစ်ဗိုလ်လွှတ်တော်ကိုယ်စားလှယ်ဦးရေ (၁၁၀) ရှိရမှာ ဖြစ်တယ်လို့ ပြဋ္ဌာန်းထားပါတယ်။ ဒါကြောင့် ရာခိုင်နှုန်းနဲ့တွက်ရင် စစ်တပ်က လွှတ်တော်မှာ (၂၅) ရာခိုင်နှုန်း ပါဝင်တဲ့ အဓိပ္ပာယ် ဖြစ်ပါတယ်။

-အခြေခံမူ (၁၀၄)ချက် အရေးပေါ်ကာလ အခန်းကိုကြည့်ရင် စစ်တပ်ကို အာဏာသိမ်းခွင့် ရှိတယ်လို့ မူချထားပါတယ်။ ဒါပေမယ့် ဒီအချက်အပေါ် ညီလာခံကာလ ဝေဖန်ဆန့်ကျင်မှုတွေ များခဲ့ပါတယ်။ ဒါကြောင့် ဖွဲ့စည်းပုံ အခြေခံဥပဒေ မူကြမ်းထွက်လာတဲ့အခါ တိုင်းပြည် အရေးကြုံလာရင် စစ်တပ်က တိုက်ရိုက်အာဏာ သိမ်းခွင့် ရှိတယ်လို့ မသုံးနှုန်းတော့ဘဲ သမ္မတက ကာကွယ်ရေးဦးစီးချုပ်ကို တိုင်းပြည်တည်ငြိမ်အေးချမ်းသည်ထိ အများဆုံး တနှစ်တိတိ အာဏာလွှဲနိုင်တယ်ဆိုတဲ့ သဘောနဲ့ နားလှည့်ပါးရိုက်ထားတာ တွေ့ရမှာဖြစ်ပါတယ်။ (အခန်း (၁၁) အရေးပေါ်ဆိုင်ရာ ပြဋ္ဌာန်းချက်များ)

ဒိထက်ဆိုးတာက အဲသလို တိုင်းပြည် ငြိမ်ဝပ်ပိပြားအောင် ကာကွယ်ရေးဦးစီးချုပ်က တာဝန်ယူထားတဲ့ ကာလအတွင်း ဆောင်ရွက်ခဲ့တဲ့ စစ်ဘက်ဆိုင်ရာအဖွဲ့အစည်း၊ စစ်ဘက်ဆိုင်ရာ ပုဂ္ဂိုလ်တွေကို လုံးဝတရားစွဲ ဆိုခွင့်မရှိလို့ ပုဒ်မ (၄၃၂) မှာ အတိအလင်း ပြဋ္ဌာန်းထားပါတယ်။ သဘောကတော့ ပြီးခဲ့တဲ့ သံဃာ့အရေးအခင်း လို ကိစ္စမျိုး၊ ၈၈ အရေးအခင်းမျိုး အနာဂတ်မှာ ဖြစ်လာလို့ စစ်တပ်က လူသတ်သတ်၊ ဓားပြတိုက်တိုက် ဘယ်လို နှိမ်နင်းနှိမ်နင်း အရေးယူခွင့်မရှိဆိုပြီး အခြေခံဥပဒေနဲ့ ကြိုတင် အကာအကွယ်ယူထားတဲ့ အဓိပ္ပာယ် ဖြစ်ပါတယ်။

-အရေးပေါ်အခြေအနေ ကြေညာတဲ့နေရာမှာလည်း သမ္မတဟာ အမျိုးသားကာကွယ်ရေးနဲ့ လုံခြုံရေးကောင်စီနဲ့ တိုင်ပင်ပြီး လိုအပ်သလို အမိန့်ထုတ်ပြန်နိုင်တယ်လို့ ပြဋ္ဌာန်းထားပါတယ်။ (ပုဒ်မ ၄၁၀၊ ၄၁၁၊ ၄၁၂ )။ ဒီနေရာမှာ အမျိုးသား ကာကွယ်ရေးနဲ့ လုံခြုံရေးကောင်စီကို ဘယ်သူတွေနဲ့ ဖွဲ့ထားသလဲ ကြည့်ဖို့လိုပါတယ်။ ဒီအဖွဲ့ဟာ နိုင်ငံတော် သမ္မတ၊ ဒု-သမ္မတ နှစ်ဦး၊ လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ ကာကွယ်ရေးဦးစီးချုပ်၊ ဒု-ကာကွယ်ရေးဦးစီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီး တို့ ပါဝင်တဲ့အဖွဲ့ဖြစ်ပါတယ် (ပုဒ်မ ၂၀၁) ။

အမျိုးသားကာကွယ်ရေးနဲ့ လုံခြုံရေးကောင်စီအဖွဲ့ဝင် (၁၁)ဦးကိုကြည့်ရင် သမ္မတက စစ်ရေးအမြင်ရှိသူ၊ ကာကွယ်ရေး ဦးစီးချုပ်နဲ့ ဒု-ကာကွယ်ရေးဦးစီးချုပ်နှစ်ဦးက စစ်သား၊ ကာကွယ်ရေးဝန်ကြီးဌာန၊ ပြည်ထဲရေး ၀န်ကြီးဌာနနဲ့ နယ်စပ်ရေးရာဝန်ကြီးဌာနကိုလည်း စစ်တပ်ကပဲ ကိုင်ထားမှာဆိုတော့ (၁၁) မဲမှာ စစ်တပ်က (၆) မဲ အပိုင်ရထားတာမို့ တိုင်းပြည်အရေးပေါ်ကာလ ဆုံးဖြတ်ချက်တွေကို စစ်တပ်လိုချင်သလို ခြယ်လှယ်ခွင့်ရှိမှာ ဖြစ်ပါတယ်။

-နိုင်ငံရေးအပိုင်းကို ကြည့်ပြန်တော့ နိုင်ငံ့ဝန်ထမ်းချင်းအတူတူ အရပ်သားဝန်ထမ်းကိုတော့ လွှတ်တော် ကိုယ်စားလှယ် ဖြစ်ခွင့်မရှိလို့ တားမြစ်ထားပေမယ့် စစ်သား စစ်ဗိုလ်ကိုတော့ လွှတ်တော်ကိုယ်စားလှယ် ဖြစ်နိုင် တယ်ဆိုပြီး ခြွင်းချက်နဲ့ ဖွဲ့စည်းပုံ အခြေခံဥပဒေမူကြမ်း ပုဒ်မ (၁၂၁ ပုဒ်မခွဲ ည ) မှာ ပြဋ္ဌာန်းထားပါတယ်။

လွှတ်တော်ကိုယ်စားလှယ် ဖြစ်ထိုက်သူ သတ်မှတ်ချက်ထဲမှာ စစ်ဗိုလ် စစ်သားပါနိုင်တယ်လို့ ပြဋ္ဌာန်းလိုက်ရင် အရပ်ဘက်ဝန်ထမ်းတွေပါ အမတ်ဖြစ်လာနိုင်တာမို့ ခုလို ပြောင်ကျကျ အခြေခံဥပဒေကို အလွဲသုံးစားလုပ်ပြီး စစ်ဗိုလ် အမတ် (၂၅) ရာနှုန်းရအောင် ယူထားတာ ဖြစ်ပါတယ်။ ဒါပေမယ့် ဖွဲ့စည်းပုံအခြေခံဥပဒေ ပုဒ်မ ၂၆ (က) မှာ နိုင်ငံ့ဝန်ထမ်းဟာ ပါတီနိုင်ငံရေးနဲ့ ကင်းရမယ်လို့ ဆိုထားတဲ့အတွက် စစ်ဗိုလ် လွှတ်တော်ကိုယ်စားလှယ် ဖြစ်ရမယ်ဆိုတဲ့ ဖွဲ့စည်းပုံ အခြေခံ ဥပဒေမူကြမ်း ပုဒ်မ ၁၂၁ (ည) နဲ့ ၀ိရောဓိ ဖြစ်နေတာတွေ့ရပါတယ်။

-စစ်အစိုးရ ဖွဲ့စည်းပုံ အခြေခံဥပဒေမူကြမ်း ပုဒ်မ (၃၄၀) ကို ကြည့်ရင်လည်း စစ်တပ်ဦးဆောင်မှုနဲ့ ပြည်သူ့စစ် မဟာဗျူဟာ ဖော်ဆောင်ခွင့်ရှိတယ်လို့ ပြဋ္ဌာန်းထားပါတယ်။

-စစ်ဘက်တရားစီရင်ရေးမှာ တပ်မတော် ကာကွယ်ရေးဦးစီးချုပ်ရဲ့ အဆုံးအဖြတ်က အပြီးအပြတ် ဖြစ်စေရမယ်။ တပ်မတော်ဟာ တပ်ပိုင်းဆိုင်ရာ ကိစ္စအားလုံးကို လွတ်လပ်စွာစီမံခန့်ခွဲ စီရင်ဆောင်ရွက်ပိုင်ခွင့်ရှိတယ်လို့ ဆိုထားပြန်ပါတယ်။ (ပုဒ်မ ၃၄၃ )
သဘောကတော့ စစ်သားက ရာဇ၀တ်မှုကျူးလွန်ရင် အရပ်ဘက်တရားစီရင်ရေးက အရာမရောက်တော့ဘူးလို ဖြစ်နေတဲ့အတွက် အနာဂတ် တရားစီရင်ရေးဟာ ရင်လေးစရာဖြစ်တယ်လို့ ရန်ကုန်ရှေ့နေအသိုင်းအ၀ိုင်းက ထောက်ပြပါတယ်။
ထူးခြားတဲ့အချက်က သမ္မတအပါအ၀င် နိုင်ငံဝန်ထမ်း အကြီးအကဲတွေကို စစ်အစိုးရ အသုံးအနှုန်းအရ စွပ်စွဲ ပြစ်တင်ခွင့် သတ်မှတ်ပြဌာန်းထားပေမယ့် ကာကွယ်ရေးဦးစီးချုပ်ကိုတော့ ဘာလုပ်လုပ် ကွင်းလုံးကျွတ်ဖြစ် အောင် အခြေခံဥပဒေနဲ့ ကာကွယ်ပေးထားပါတယ်။ ဒါတင်မက ကာကွယ်ရေးဦးစီးချုပ်ရဲ့ အဆင့်အတန်းဟာ ဒု-သမ္မတအဆင့်နဲ့ တပြေး ညီ ဖြစ်ရမယ်လို့ အသေးစိတ် အခြေခံရမယ့်မူတွေမှာ ပြဋ္ဌာန်းထားပြန်ပါတယ်။

-စစ်တပ်ကို ဖွဲ့စည်းပုံအခြေခံဥပဒေနဲ့ ဘက်စုံ ကျားကန်ထားရုံမက စစ်တပ်မိသားစုတွေရဲ့ စားဝတ်နေရေးကိုပါ ဖွဲ့စည်းပုံ အခြေခံဥပဒေနဲ့ ကာကွယ်ပေးထားပြန်ပါတယ်။ ကျဆုံးသွားတဲ့ စစ်သားရဲ့ ကလေးတွေကို နိုင်ငံတော် က တာဝန်ယူ စောင့်ရှောက်ရမယ်။ မသန်စွမ်းတဲ့ စစ်သားတွေအတွက် အသက်မွေးပညာ အခမဲ့သင်ယူခွင့် ပေးရမယ် ဆိုပြီး ဖွဲ့စည်းပုံ အခြေခံ ဥပဒေမူကြမ်း ပုဒ်မ ၃၂ (က)(ခ) မှာ ပြဋ္ဌာန်းထားပါတယ်။

နိုင်ငံ့ဝန်ထမ်းတာချင်းအတူတူ အရပ်ဘက်ဝန်ထမ်းထက် စစ်ဘက်ဝန်ထမ်းက ပိုအရေးပါတယ်ဆိုပြီး အခြေခံ ဥပဒေသုံး အလွဲသုံးစားလုပ်၊ ပြောင်ကျကျ ခွဲခြားပြီး တိုင်းပြည်ဘဏ္ဍာဖြုန်းဖို့ အခွင့်အရေးယူထားတာ ဖြစ်ပါ တယ်။

ဒီဆောင်းပါးပါ အချက်တွေကို စစ်အစိုးရ ဖွဲ့စည်းပုံ အခြေခံဥပဒေမူကြမ်းနဲ့တိုက် မင်နီတား ဖတ်ကြည့်မယ်ဆိုရင် ဘယ်သူ့အကျိုးအတွက် ရည်ရွယ်ရေးဆွဲထားတဲ့ ဖွဲ့စည်းပုံ အခြေခံဥပဒေလဲဆိုတာ မျက်ဝါးထင်ထင် မြင်ရမှာ ဖြစ်ပါတယ်။ ၀န်ကြီးချုပ် ဗိုလ်ချုပ်ကြီးသိန်းစိန်က အဖွဲ့အစည်းတခု အကျိုးစီးပွားအတွက် ရေးဆွဲထားတာ မဟုတ်ပါဘူးလို့ ပြောနေပေမဲ့ တကယ်တမ်း စစ်အစိုးရလုပ်ရပ်က (ဆရာကြီး သခင်ကိုယ်တော်မှိုင်းစကားနဲ့ ပြောရရင်) ဗြဟ္မာ့ဘုံ နွားခုန်တက်သလို ဖြစ်နေတယ်ဆိုတာ ဆက်လက်တင်ပြသွားမှာ ဖြစ်ပါတယ်။

(ခေတ်ပြိုင် online jouranl မှကူးယူဖော်ပြပါသည်။)

Read More...

Collapse...

နိုင်ငံသားကဒ်ပြား မဟုတ်

“နိုင်ငံသားကဒ်ပြား မဟုတ်၊ မဲပေးရေးအတွက်သာသုံးမည့် ယာယီသက်သေခံလက်မှတ်သာဖြစ်သည်”

ဆန္ဒခံယူပွဲတွင် မဲပေးရန်အတွက် အသက်ပြည့်သည့်မဲပေးမည့်သူများအား နအဖ က သက်သေခံကဒ်ပြားများ ထုတ်ပေးနေသည်။ သို့သော် ထိုသက်သေခံကဒ်ပြားသည် အဖြူရောင်ဖြစ်ပြီး ပန်းရောင်နိုင်ငံသားကဒ် မဟုတ် ဘဲ၊ မဲပေးရာတွင်သာအသုံးပြုနိုင်မည့် ယာယီသက်သေခံကဒ်ပြားသာဖြစ်သည်။ ဤအဖြူရောင်သက်သေခံကဒ် ပြားပေါ်တွင် “ဤကဒ်ပြားဖြင့် မည်သည့်နိုင်ငံသားဟု သက်သေခံခြင်း အလျဉ်းမဖြစ်စေရ” ဟု အတိ အလင်းရေးသားဖေါ်ပြထားသည်။

Read More...

Collapse...

အဖွဲ့ချုပ် ၏တိုက်ပွဲခေါ်သံကြောင့် ရန်ကုန်တိုင်း ကြံ့ဖွံ့တာဝန်ခံ အလုပ်ရှုပ်နေပြီ

အဖွဲ့ချုပ် ၏တိုက်ပွဲခေါ်သံကြောင့် ရန်ကုန်တိုင်း ကြံ့ဖွံ့တာဝန်ခံ အလုပ်ရှုပ်နေပြီ

၃ ဧပြီ ၂၀၀၈၊ နေ့လည် ၁ နာရီအချိန်၌ ရန်ကုန်တိုင်း ကြံ့ဖွံ့တာဝန်ခံ မြို့တော်ဝန် ဗိုလ်မှူးချုပ်အောင်သိန်းလင်း သည် ရန်ကုန်မြို့ ကျိုက္ကဆံလမ်းရှိ ကြံ့ဖွံ့ရုံးတွင် ရန်ကုန်တိုင်းအတွင်းရှိ ၄၁ မြို့နယ်မှ ကြံ့ဖွံ့အတွင်းရေးမှူးများနှင့် အလုပ်အမှုဆောင်များအား ခေါ်ယူတွေ့ဆုံပြီး အမျိုးသားဒီမိုကရေစီအဖွဲ့ချုပ်၏ “ကန့်ကွက်မဲပေးရေး” ကြေညာချက်အပေါ် မိမိတို့မြို့နယ်များရှိ ပြည်သူများ၏ တုံ့ပြန်ပြောဆိုနေမှုများကို သေသေချာချာ စောင့်ကြည့် ကြရန်နှင့် မိမိတို့မြို့နယ်အတွင်းရှိ ပြည်သူများအား အမြဲတစေ ဖျက်လိုဖျက်ဆီးလုပ်ဆောင်နေသောလုပ်ရပ်များ ကို နားမယောင်စေရေး ရှင်းလင်းပြောဆိုကြရန် မှာကြားပြောဆိုခဲ့သည်။

သက်ဆိုင်ရာမြို့နယ်များမှ အတွင်းရေးမှူးများကလည်း မိမိတို့မြို့နယ်များ၏ စည်းရုံးရေးအခြေအနေများကို တင်ပြကြရာ မြို့တော်ဝန်က စည်းရုံးရေးလုပ်ငန်းများကို အထူးမြှင့်တင်ဆောင်ရွက်သွားကြရန်မှာကြားပြီး ညနေ ၃ နာရီ တွင် အစည်းအဝေးကို ရုပ်သိမ်းလိုက်လိုက်သည်။

Read More...

Collapse...

စစ်အစိုးရ၏ ဖွဲ့စည်းပုံအခြေခံဥပဒေမူကြမ်း (၂၀၀၈)

Read More...

Collapse...

ပြည်လုံးကျွတ်ဆန္ဒခံယူပွဲနှင့် ပတ်သက်၍ ပြည်သူသို့ပန်ကြားချက်

အမျိုးသားဒီမိုကရေစီအဖွဲ့ချုပ်
အမှတ် ၉၇/ခ၊ အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်မြို့။

၂၀၀၈ ခုနှစ် ဧပြီလ (၂) ရက်
၁၃၆၉ ခုနှစ် တပေါင်းလပြည့်ကျော် (၁၂) ရက်

ပြည်လုံးကျွတ်ဆန္ဒခံယူပွဲနှင့် ပတ်သက်၍ ပြည်သူသို့ပန်ကြားချက်

၁။ ပြည်လုံးကျွတ်ဆန္ဒခံယူပွဲပြုလုပ်မည့် နိုင်ငံတော်ဖွဲ့စည်းပုံအခြေခံဥပဒေ (မူကြမ်း) ကို ပြည်သူလူထုက ရွေးကောက်တင်မြှောက်ထားသည့် ပြည်သူ့လွှတ်တော်ကိုယ်စားလှယ်များက ရေးဆွဲခဲ့ရခြင်း လုံးဝမဟုတ်ပါ။

၂။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီက ၎င်းတို့ဘာသာ ၎င်းတို့စိတ်ကြိုက်ရွေးချယ်ထား သည့်ပုဂ္ဂိုလ်များဖြင့်သာ တဖက်သတ်ရေးဆွဲထားသော နိုင်ငံတော်ဖွဲ့စည်းပုံအခြေခံဥပဒေ (မူကြမ်း) ဖြစ်ပါသည်။

၃။ ၎င်းအပြင် “နိုင်ငံတော်၏ အချုပ်အခြာအာဏာသည် ပြည်သူလူထုထံမှဆင်းသက်ရမည်” ဟူသော ဒီမိုကရေစီအခြေခံမူကြီးနှင့် ညီညွတ်ခြင်းမရှိသဖြင့် တိုင်းရင်းသားလူမျိုးစုများအပါအ၀င် ပြည်သူလူထုတရပ်လုံး က အာသာပြင်းပြစွာလိုလားတောင့်တနေသော ဒီမိုကရေစီနှင့် လူ့အခွင့်အအရေးများအတွက် အာမခံချက်များ လည်း မပေးနိုင်ပါ။

၎။ နိုင်ငံတော်ကိုအုပ်ချုပ်နေသော အဖွဲ့အစည်းတခုသည် ပြည်သူလူထုထောက်ခံမှုမရရှိလျှင် တည်တံ့ခိုင်မြဲခြင်း မရှိနိုင်ကြောင်းကို မိမိနိုင်ငံသမိုင်းများနှင့် နိုင်ငံတကာသမိုင်းများက သက်သေထူလျက် ရှိပေသည်။

၅။ သို့ပါသဖြင့် လူထုလူတန်းစားအလွှာအသီးသီးမှ တိုင်းရင်းသားပြည်သူများအားလုံးနှင့် အဖွဲ့အစည်းများက သက်ဆိုင်ရာမဲရုံများသို့ မပျက်မကွက်သွားရောက်ကြ၍ ကန့်ကွက်မဲကို ကြတ်ခြေခတ်ဖြင်းဖြင့် ပြတ်ပြတ်သား သား ရဲရဲရင့်ရင့်ပေးကြရန် ပန်ကြားအပ်ပါသည်။

၂၀-၃-၀၈ နှင့် ၃၁-၃-၀၈ ရက်နေ့များတွင် ကျင်းပသော ဗဟိုအလုပ်အမှုဆောင်အဖွဲ့၏ အစည်းအဝေးဆုံးဖြတ်ချက်အရ

ဗဟိုအလုပ်အမှုဆောင်အဖွဲ့
အမျိုးသားဒီမိုကရေစီဖွဲ့ချုပ်

ရန်ကုန်မြို့

Read More...

Collapse...

ပြည်လုံးကျွတ် ဆန္ဒခံယူပွဲနှင့် ပတ်သက်၍ သိရှိထားရမည့်အချက်များနှင့် လုပ်ဆောင်ရမည့်အချက်များ

အမျိုးသားဒီမိုကရေစီအဖွဲ့ချုပ်
အမှတ်၉၇/ခ၊အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်မြို့။

၂၀၀၈ ခုနှစ်၊ ဧပြီလ (၂) ရက်
၁၃၆၉ ခုနှစ်၊ တပေါင်းလပြည့်ကျော် (၁၂) ရက်

ပြည်လုံးကျွတ် ဆန္ဒခံယူပွဲနှင့် ပတ်သက်၍ သိရှိထားရမည့်အချက်များနှင့် လုပ်ဆောင်ရ မည့်အချက်များ

(၁) ဆန္ဒမဲပေးပိုင်ခွင့် ရှိသူများစာရင်းကို (၇) ရက် ကြိုတင် ကြေညာရမည် ဖြစ်သည်။

(၂) ဆန္ဒမဲပေးပိုင်ခွင့် ရှိသူများစာရင်းတွင် မိမိတို့၏ အမည်ပါ မပါ ကြိုတင် လေ့လာရပါမည်။
(က) မပါလျှင် သက်ဆိုင်ရာ ရက်ကွက်၊ ကျေးရွာကော်မရှင်သို့ တင်ပြနိုင်သည်။
(ခ) ဖြစ်နိုင်လျှင် သေဆုံး၊ ပြောင်းရွှေ့သွားသော ဆန္ဒမဲပေးသူများစာရင်းကို ကြိုတင်ပြုစုထားပါ။

(၃) မဲရုံများနှင့် မဲရုံပတ်ဝန်းကျင်သည် လျှို့ဝှက်မဲပေးစနစ်ကို ထိခိုက်ခြင်းရှိ၊ မရှိ ဂရုစိုက်ပါ။

(၄) မဲရုံ စတင်ဖွင့်လှစ်သည့်အချိန်၌ မဲပုံးများတွင် ဆန္ဒမဲလက်မှတ်၊ အခြား ပစ္စည်းတစုံတရာ မရှိကြောင်း၊ ၄ ဦးထက်မနည်း မဲပေးခွင့်ရှိသူများကို ပြသရမည်။ မဲပုံးကို လုံခြုံစွာပိတ်ပင်ခြင်း ရှိ၊ မရှိ စစ်ဆေးကြည့်ရှုပါ။

(၅) ဆန္ဒမဲလက်မှတ်တိုင်းတွင် ကော်မရှင်အမှတ်အသားနှင့် မဲရုံမှူးလက်မှတ်ပါ၊ မပါ စစ်ဆေးပါ။ ကော်မရှင် အမှတ်အသားနှင့် လက်မှတ်မပါလျှင် ပယ်မဲ ဖြစ်လိမ့်မည်။

(၆) လျှို့ဝှက်ဆန္ဒမဲပေးစနစ်ကို ထိခိုက်စေသည့် အမှတ်အသားပါသည်ဟုယူဆလျှင် ဆန္ဒမဲ လက်မှတ်ကို ပြန်လည်လဲလှယ်ပေးရန် တောင်းဆိုပါ။

(၇) ဆန္ဒမဲပေးရာတွင် ထောက်ခံလျှင်(အမှန်အမှတ်အသား)၊ ကန့်ကွက်လျှင် (ကြက်ခြေခတ် အမှတ်အသား)ကို လည်းကောင်း ရေးသားဖော်ပြရမည်ဖြစ်သည်။ မိမိ၏ လွတ်လပ်သောဆန္ဒ အရ ကန့်ကွက်ကြောင်း ကြက်ခြေခတ်ခြင်းသည် ပြည်လုံးကျွတ် ဆန္ဒခံယူပွဲဥပဒေနှင့် လုံးဝ ငြိစွန်းခြင်းမရှိပါ။

(၈) ပယ်မဲ မဖြစ်စေရန် သတိပေးပါ။ သတ်မှတ်ထားသော အမှတ်အသားမပါသော ဆန္ဒမဲ လက်မှတ်၊ ဆန္ဒမဲလက်မှတ်အတုဖြစ်ကြောင်း မဲရုံအဖွဲ့က စိစစ်ဆုံးဖြတ်ထားသော လက်မှတ်နှင့် တနည်းနည်းဖြင့် ဖျက်စီး၍ မဲပုံးထဲ ထည့်ထားသည့်ဆန္ဒမဲလက်မှတ်သည် ပယ်မဲဖြစ်သည်။

(၉) လျှို့ဝှက်ဆန္ဒပြုပြီးနောက် အများမြင်သာသည့်နေရာတွင် ထားရှိသည့် မဲပုံးထဲသို့ ဆန္ဒမဲ လက်မှတ်ကိုထည့်ပါ။

(၁ဝ) ကိုယ်စားလှယ်ဖြင့် မဲပေးခွင့်မရှိပါ။ မျက်မမြင်များနှင့် ကိုယ်လက်အင်္ဂါ မသန်စွမ်းသူများ မဲပေးရာတွင် လျှို့ဝှက်မဲပေးစနစ်ကို မထိခိုက်စေဘဲ မဲရုံအဖွဲ့ကကူညီခြင်းဟုတ်၊ မဟုတ် စောင့် ကြည့်ပါ။

(၁၁) ဆန္ဒမဲပေးချိန်သည် နံနက် (၆) နာရီမှ ညနေ (၄)နာရီအထိ ဖြစ်သည်။

(၁၂) မဲရုံမပိတ်မီ မဲရုံပရဝဏ်အတွင်းရောက်ရှိသူများအနက် ဆန္ဒမဲမပေးရသေးသောသူများ ရှိပါက ထိုသူများအား ဆန္ဒမဲပေးချိန် (၄)နာရီ ကျော်လွန်ပြီ ဖြစ်စေကာမူ ဆန္ဒမဲပေးခွင့်ပြုရမည် ဖြစ်သည်။

(၁၃) မဲရုံပိတ်ချိန်၌ (၁ဝ) ဦးထက် မနည်းသော ဆန္ဒမဲပေးခွင့်ရှိသူများစာရင်း၌ ပါဝင်နိုင်ရန် ကြိုးပမ်းပါ။

(၁၄) (က) မဲပုံးကို စစ်ဆေးခြင်း၊ မဲပုံးကို ဖွင့်ပြီး ဆန္ဒမဲများရေတွက်ခြင်းတို့ကို ကြည့်ရှု့ပါ။
(ခ) ထောက်ခံမဲ၊ ကန့်ကွက်မဲနှင့် ပယ်မဲများကို ခွဲခြားရေတွက်ခြင်းနှင့် စာရင်းပြုစုခြင်းတို့ကို ကြည်ရှုမှတ်သားပါ။
(ဂ) ထောက်ခံမဲ၊ ကန့်ကွက်မဲ၊ ပယ်မဲနှင့် လက်ကျန်ဆန္ဒမဲများကို ထုပ်ပြီး လုံခြုံစွာထုပ်ပိုးခြင်း တို့ကို လေ့လာမှတ်သားပါ။

(၁၅) ကြိုတင်ဆန္ဒမဲပေးသူလည်း အလားတူပင် ဖြစ်သည်။ ကြိုတင်ဆန္ဒပြုပြီးနောက် စာအိတ် ကို အလုံပိတ်၍ ချက်ချင်း ပြန်အပ်ပါ။

(၁၆) အထက်ပါအချက်များကို တဦးဦးဖြစ်စေ၊ အသင်းအဖွဲ့တခုကဖြစ်စေ ချိုးဖောက်ပါက မဲရုံမှူးထံနှုတ်ဖြင့် ဖြစ်စေ၊ စာဖြင့်ဖြစ်စေ ချက်ချင်းကန့်ကွက်ပါ။ စာဖြင့် ကန့်ကွက်နိုင်လျှင် ပိုကောင်းပါသည်။

(၁၇) ဤအချက်များကို ဆန္ဒမဲပေးပိုင်ခွင့်ရှိသူများအား နားလည်းသဘောပေါက်အောင် အဆင့် ဆင့် ဆွေးနွေးပါ။

ဗဟိုအလုပ်အမှုဆောင်အဖွဲ့၊
အမျိုးသား ဒီမိုကရေစီအဖွဲ့ချုပ်

ရန်ကုန်မြို့

Read More...

Collapse...

မဲရုံကိုသွားရမယ်

မဲရုံကိုသွားရမယ်

အညွန့်တုံးမျိုးဆက်ဘ၀ လွတ်မြောက်ကြဖို့
စစ်ဥပဒေယုတ် ဆန္ဒခံယူပွဲ
ကန့်ကွက်မဲပေးဖို့ မဲရုံသွားရမယ်။

ဟိန်းနိုင်
Buram Digest မှကူးယူဖော်ပြသည်။

Read More...

Collapse...

သူငယ်ချင်းသို့

သူငယ်ချင်းသို့

သူငယ်ချင်းရေ-
အကယ်၍
မင်းရဲ့သားသမီးတွေ
စားစရာမရှိ
ဝတ်စရာမဲ့ဘ၀နဲ့
စစ်ကျွန်ဘ၀
ကျရောက်နေတာကို
မမြင်ချင်ဘူးဆိုရင်------။


အကယ်၍
မင်းရဲ့မိသားစုတွေ
ဆင်းရဲတွင်း
သံသရာမှာ
စုန်းစုန်းမြှုပ်ကာ
ယောက်ယက်ခတ်နေတာကို
မမြင်ချင်ဘူးဆိုရင်-----။

အကယ်၍
မင်းရဲ့အမိအဖတွေ
အိုကြီးအိုမဘ၀နဲ့
ဆေးဖိုးဝါးခမဲ့
ဒုက္ခပင်လယ်ဝေနေတာကို
မမြင်ချင်ဘူးဆိုရင်-----၊

အကယ်၍
မင်းရဲ့နှမငယ်တွေ
အသပြာအတွက်
ဘ၀တသက်ပေးရတာကို
မမြင်ချင်ဘူးဆိုရင်-------။

အကယ်၍
မင်းရဲ့ဆွေမျိုးသားချင်းတွေ
ကြုံရာကျပန်းဘ၀နဲ့
ညစာခက်နေရတာကို
မမြင်ချင်ဘူးဆိုရင်----၊

စစ်ဝါဒီတွေရဲ့
ဆန္ဒခံယူပွဲနဲ့
ရွေးကောက်ပွဲကို
ကန့်ကွက်မှ
ဖြစ်တော့မယ်
သူငယ်ချင်း။
ငါတို့ကလေးများရဲ့
အနာဂတ်အတွက်၊
ငါတို့မိသားစုတွေရဲ့
ရှေ့ခရီးအတွက်၊
ငါတို့နှမငယ်တွေရဲ့
ဘ၀ရေးအတွက်၊
ငါတို့မိဘတွေရဲ့
အိုဇာတာကောင်းဖို့အတွက်
ကန့်ကွက်ရေးလမ်းစဉ်ကို
ပြတ်ပြတ်သားသား
ရွေးလိုက်ကြစို့လား။

ခင်မမမျိုး (၅၊ ၄၊ ၂၀၀၈)

ခင်မမမျိုးဘလော့ဂ်မှ ကူးယူဖော်ပြသည်။

Read More...

Collapse...

ဖွဲ့စည်းပုံအခြေခံဥပဒေမူကြမ်းအတည်ပြုရေး မဲရုံပုံစံ

Read More...

Collapse...

မဲအလိမ်မခံရအောင်

အပြည့်အစုံဖတ်ရှုလိုပါက ပုံကိုနှီပ်၍ဖတ်ပါ။

Read More...

Collapse...

လူထုချစ်တဲ့ လူထုရဲ့ အမေ (၉၃ နှစ်) ကွယ်လွန်

လူထုချစ်တဲ့ လူထုရဲ့ အမေ (၉၃ နှစ်) ကွယ်လွန်

ပြည်သူချစ်သော စာပေမိခင်ကြီး လူထုဒေါ်အမာသည် ဧပြီလ ၇ ရက် ယနေ့နံနက် မြန်မာစံတော်ချိန် ၈နာရီ ၃၇မိနစ် အချိန်က မန္တလေးမြို့ ပြည်သူ့ဆေးရုံကြီး၌ နှလုံးရောဂါဖြင့် ကွယ်လွန်သွားခဲ့ပါသည်။
ကျနော်တို့တိုင်းပြည် ကျနော်တို့ပြည်သူလူထုအားလုံး၏ တန်ဘိုးးမဖြတ်နိုင်သည့် လမ်းပြရှေ့ဆောင် မဟာကြယ်စင်တစင်း ဆုံးရှုံးလိုက်ရပြီဖြစ်သည့်အတွက် ၀ိမုတ္တိဝိုင်းတော်သားများမှ မိသားစုများနှင့် ပြည်သူတရပ်လုံးနှင့်အတူ ထပ်တူထပ်မျှ အထူးဝမ်းနည်းကြေကွဲရပါကြောင်း မှတ်တမ်းတင်အပ်ပါသည်။

Read More...

Collapse...