ဗွီအိုအေမြန်မာပိုင်းရဲ့ ညပိုင်း မြန်မာစံတော်ချိန် ၉ နာရီမှ ၁၀နာရီအထိ
ရေဒီယိုအစီအစဉ်ကို ရေဒီယိုကနေ ထုတ်လွှင့်ချိန်နဲ့ တပြိုင်နက်ထဲမှာပဲ Facebook
နဲ့ Youtube...
9 hours ago
Monday, December 19, 2011
ထိုင်းဝန်ကြီးချုပ် ခရီးစဉ်
18 December 2011
ထိုင်းဝန်ကြီးချုပ် ယင်းလပ်ရှင်န၀ပ်သည် ၄င်းမြန်မာနိုင်ငံကို သွားရောက်သည့် အခါ မြန်မာ့ ဒီမိုကရေစီ ရေးခေါင်းဆောင် ဒေါ် အောင်ဆန်းစုကြည်နှင့် တွေ့ဆုံမည်ဟု ယမန့်နေ့က ပြောဆို လိုက်ပါသည်။ သူသည် နေပြည်တော်တွင် ဒီဇင်ဘာလ ၁၉ ရက် နေ့၌ စတင် ကျင်းပမည့် နှစ်ရက်ကြာ GMS ခေါ် မဟာ မဲခေါင်မြစ်ဝှမ်းဒေသ နိုင်ငံများ ထိပ်သီး ညီလာခံကို တက်ရောက် မည်ဖြစ်သည်။ ၄င်းခရီးစဉ် အတွင်း ဒေါ်အောင်ဆန်းစုကြည်နှင့် တွေ့ဆုံရန် ရှိသည်ဟု ထိုင်းဝန်ကြီးချုပ် ယင်းလပ် ရှင်န၀ပ်က ပြောကြားခြင်း ဖြစ်ပါသည်။
“ဒေါ်အောင်ဆန်းစုကြည်ဟာ မြန်မာ့ ဒီမိုကရေစီရေးအတွက် တိုက်ပွဲဝင်နေတဲ့ ထူးခြားတဲ့ အမျိုးသမီးတစ်ဦး ဖြစ်တယ်။ ဒီမို ကရေစီရေးနဲ့ ပတ်သက်ပြီး ဒေါ်အောင်ဆန်းစုကြည်နဲ့ သူတွေ့တဲ့အခါ သဘောထား အမြင်ချင်းဖလှယ်ကြမှာ ဖြစ်တယ်လို့ပြော ပါတယ်။”
ထိုင်းဝန်ကြီးချုပ် တစ်ဦး အနေနှင့် ပထမဆုံး အကြိမ် ဒေါ်အောင်ဆန်းစုကြည်နှင့် တွေ့ဆုံမည့် အစီအစဉ်ဖြစ်သည်ဟု ထိုင်းနိုင်ငံ ခြားရေးဝန်ကြီး ဌာနပြောခွင့်ရပုဂ္ဂိုလ် Thani Thongphakdi က ပြောပါသည်။ ထိုင်းနိုင်ငံခြားရေး ၀န်ကြီး Surapong Tovichakchaikul ကလည်း ၀န်ကြီးချုပ် ယင်းလပ်ရှင်န၀ပ်၏ ခရီးစဉ်တွင် အတူလိုက်ပါသွားမှာဖြစ်သည်ဟု ထိုင်းနိုင်ငံခြား ရေးဝန်ကြီးဌာနက ပြောပါသည်။
မြန်မာနိုင်ငံက အိမ်ရှင်အဖြစ် လက်ခံကျင်းပမည့် GMS မဟာမဲခေါင် မြစ်ဝှမ်းဒေသနိုင်ငံများ ထိပ်သီး ညီလာခံကို တရုတ်၊ ကမ္ဘောဒီးယား၊ လာအို၊ ဗီယက်နမ်နှင့် ထိုင်းနိုင်ငံမှ ခေါင်းဆောင်များ တက်ရောက်ကြမှာ ဖြစ်ပါသည်။
Ref: ရွှေဟင်္သာ
အစ္စရေးနဲ့ပါလက်စတိုင်း အကျဉ်းအသားလဲလှယ်
18 ဒီဇင်ဘာ 2011
ဟားမားစ်အဖွဲ့နဲ့ သဘောတူညီချက်အရ ဒုတိယအဆင့်အနေနဲ့ ပါလက်စတိုင်း အကျဉ်းသား ၅၀၀ ကို အစ္စရေးက လွှတ်ပေးလိုက် ပါတယ်။ အစ္စရေး စစ်သားတစ်ယောက်ကိုလည်း ဂါဇာ ကမ်းမြှောင်ဒေသမှာ ငါးနှစ် ဖမ်းဆီးထားရာကနေ ဟားမားစ်အဖွဲ့က လွှတ် ပေး လိုက်ပါတယ်။
လွှတ်လိုက်တဲ့ သူတွေထဲမှာ အသက် ၁၄ နှစ်ကနေ ၁၇ နှစ်အတွင်း ကလေးသူငယ် ၅၅ ယောက် ပါဝင်ပါတယ်။
အောက်တိုဘာလတုန်းကလည်း အစ္စရေးစစ်တပ်က တပ်ကြပ်ကြီး ဂီးလက်ရှလစ် (Gilad Shalit) ကို လွှတ်ပေးဖို့အတွက် ပါလက်စတိုင်း ၄၇၇ ယောက်ကို အစ္စရေးက လွှတ်ပေးခဲ့ပါတယ်။ အဲဒီ တပ်ကြပ်ကြီးကို ၂၀၀၆ ခုနှစ် ဂါဇာ ကမ်းမြှောင်ဒေသကို ၀င်ရောက် စီးနင်းတဲ့အခါတုန်းက ဖမ်းဆီးခဲ့တာပါ။
အောက်တိုဘာလတုန်းက လွှတ်ပေးခဲ့တဲ့ အကျဉ်းသားတွေနဲ့ မတူတာကတော့ အခု ဒုတိယ လွှတ်ပေးလိုက်တဲ့ အကျဉ်းသားတွေ ထဲမှာ အစ္စရေးတစ်ယောက်ကို သတ်ဖြတ်လို့ အပြစ်ကျနေတဲ့သူ တစ်ယောက်မှ မပါတာပါပဲလို့ အစ္စရေး အကျဉ်းဌာနက ပြောပါ တယ်။
ဒါပေမဲ့ အစ္စရေး အိမ်ယာဝန်ကြီးဌာနက သူ သိမ်းပိုက်ထားတဲ့ အနောက်ဘက်ကမ်းမှာ လူနေအိမ်ခြေ ၁,၀၀၀ ဆောက်မယ့် စီမံ ကိန်းအတွက် တနင်္ဂနွေနေ့က ကန်ထရိုက်တာတွေကို စတင်ရှာဖွေနေပါပြီ။
ဒီအိမ်တွေက ဒီနှစ် စောစောပိုင်းက ကြေညာခဲ့တဲ့ အခြေချနေထိုင်ရေး စီမံကိန်းရဲ့ အစိတ်အပိုင်းထဲမှာ ပါဝင်ပါတယ်။ ကုလသမဂ္ဂရဲ့ UNESCO ဌာနက ပါလက်စတိုင်းနိုင်ငံကို အဖွဲ့ဝင် နိုင်ငံအဖြစ် လက်ခံလိုက်ပြီးတဲ့နောက် အဲဒီ တည်ဆောက်ရေး လုပ်ငန်းတွေကို အရှိန်မြှင့် ဆောက်လုပ်ကြဖို့ ၀န်ကြီးချုပ် ဘန်ဂျမင်နာတန်ယာဟူး (Benjamin Netanyahu) က ပြီးခဲ့တဲ့လက ပြောခဲ့ပါတယ်။
ငြိမ်းချမ်းရေး သဘောတူညီချက်မရှိဘဲ ကုလသမဂ္ဂထဲကို ပါလက်စတိုင်းက ပါဝင်လာတာကို အစ္စရေးက ဆန့်ကျင်ပါတယ်။
Ref: ဗွီအိုအေ
ရုရှားမှာ ဆန္ဒပြပွဲတွေ ဆက်ဖြစ်
18 ဒီဇင်ဘာ 2011
ဒီလအတွင်း ကျင်းပခဲ့တဲ့ လွှတ်တော် ရွေးကောက်ပွဲတွေမှာ မဲမသမာမှုတွေ ရှိတယ်ဆိုတဲ့ စွပ်စွဲချက်တွေနဲ့ မော်စကိုနဲ့ စိန့်ပီတာ စဘတ်ဂ် မြို့ကြီးတွေမှာ ဆန္ဒပြသူတွေ ထောင်ချီ ဆန္ဒပြခဲ့ကြပြန်ပါတယ်။
မော်စကို ဆန္ဒပြပွဲကို ကွန်မြူနစ်ပါတီက ဦးဆောင်ပြီး စိန့်ပီတာစဘတ်ဂ် ဆန္ဒပြပွဲနောက်မှာတော့ ပါတီအမျိုးမျိုး ပါဝင်နေကြပါတယ်။
တနင်္ဂနွေနေ့က ဆန္ဒပြပွဲတွေဟာ ပြီးခဲ့တဲ့အပတ်အတွင်း ဖြစ်ခဲ့တဲ့ ဆန္ဒပြပွဲတွေထက်တော့ အများကြီး သေးငယ်လှပါတယ်။
ရုရှားဝန်ကြီးချုပ် ဗလာဒီမီယာပူတင် (Vladimir Putin) ရဲ့ အာဏာရပါတီ United Russia ပါတီ အနိုင်ရရှိခဲ့တဲ့ ဒီဇင် ဘာလ ၄ ရက်နေ့ ရွေးကောက်ပွဲတွေမှာ တော်တော် ကျယ်ကျယ်ပြန့်ပြန့် မသမာမှုတွေရှိတယ်လို့ အတိုက်အခံနဲ့ ပြည်ပက လေ့လာ အကဲခတ်သူတွေက ဆိုကြပါတယ်။
Ref: ဗွီအိုအေ
ချက်သမ္မတဟောင်း ဗားဆလပ်ဗ် ဟာဗဲလ် ကွယ်လွန်
18 ဒီဇင်ဘာ 2011
မသင်းသီရိ
မြန်မာနိုင်ငံ ဒီမိုကရေစီရရှိရေးနဲ့ လူ့အခွင့်ရေး တိုးတက်ရေးအတွက် အစဉ်တစိုက် အားပေးထောက်ခံလာခဲ့တဲ့ ချက်သမ္မတဟောင်း ဗားဆလပ်ဟာဗဲလ် (Vaclav Havel) ဟာ ဒီကနေ့ ဒီဇင်ဘာလ ၁၈ ရက် တနင်္ဂနွေနေ့က ကွယ်လွန်သွားပါတယ်။ ချက်သမ္မတ ဟောင်း ဗားဆလပ်ဟာဗဲလ်ဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ငြိမ်းချမ်းရေး နိုဘဲလ်ဆုအတွက် အဆိုပြု ထောက်ခံခဲ့သူ တစ်ဦးဖြစ်သလို သူ မကွယ်လွန်ခင် နောက်ဆုံးအချိန်ထိ မြန်မာ့အရေးကို အလေးထားစောင့်ကြည့်ခဲ့သူ တစ်ဦးလည်း ဖြစ်ပါတယ်။ သမ္မတဟောင်း ဟာဗဲလ်ရဲ့ မြန်မာ့အရေးပေါ် အားပေးခဲ့တဲ့ အခြေအနေတချို့နဲ့အတူ သူရဲ့ဘ၀အကြောင်း တစေ့တစောင်း ကို တော့ မသင်းသီရိက အစီရင်ခံထားပါတယ်။
ချက်ကိုစလိုဗက်ကီးယား ကွန်မြူနစ်အစိုးရ အုပ်ချုပ်စဉ်ကာလအတွင်း ချက်သမ္မတ နိုင်ငံအဖြစ် ထူထောင်ကာ ဒီမိုကရေစီရေးကို သွေးထွက်သံယိုမှုမရှိ ကတ္တီပါတော်လှန်ရေးရယ်လို့ အောင်မြင်စွာ ဦးဆောင်ခဲ့သူ အသက် ၇၅ နှစ်အရွယ် ချက်သမ္မတဟောင်း ဗားဆလပ်ဟာဗဲလ်ဟာ ဒီဇင်ဘာလ ၁၈ ရက် တနင်္ဂနွေနေ့မှာ ကွယ်လွန်သွားပါပြီ။ ချက်နိုင်ငံမြို့တော် ပရပ်ဂ်မြို့အပြင်မှာရှိတဲ့ သူရဲ့နေအိမ်မှာပဲ သူခံစားနေရတဲ့ အဆုတ်ကင်ဆာ ဝေဒနာနဲ့ပဲ ကွယ်လွန်သွားတာဖြစ်သလို အခုအချိန် ချက်တနိုင်ငံလုံးရဲ့ သတင်းမီဒီယာတွေမှာ သူကွယ်လွန်တဲ့ သတင်းတွေကိုပဲ ထိပ်တန်းက ထုတ်လွင့်ပြသနေတယ်လို့ ချက်နိုင်ငံမှာ မြန်မာ့အရေး လှုပ်ရှားနေသူတစ်ဦးဖြစ်တဲ့ မစပယ်စိုးက ပြောပါတယ်။
“သူ နေမကောင်းဖြစ်နေတာ၊ သူ ကင်ဆာဖြစ်ခဲ့တာ၊ ၁၉၉၀ ခုနှစ်နောက်ပိုင်းထဲမှာ ရောဂါ ခဏခဏ ဖြစ်ခဲ့ပါတယ်။ ၂၀၀၉ ခုနှစ် နောက်ပိုင်းမှာလည်း သူ့ရဲ့ ကျန်းမာရေးအခြေအနေ ဆိုးရွားလာတဲ့အတွက်ကြောင့် မိုလို့ ကျန်းမာရေးက တော်တော်ကြီးကို ဂရု စိုက်ခဲ့ရပါတယ်။ ဒီနေ့ သူ ဆုံးတဲ့အချိန်မှာတော့ သူ့ရဲ့ အမျိုးသမီး Dagmar Havel နဲ့ သူ့ကို ပြုစုစောင့်ရှောက်တဲ့ သီလရှင် တစ်ယောက် အနားမှာပဲ သူ ဆုံးသွားတယ်လို့ ပြောပါတယ်။ ချက်နိုင်ငံရဲ့ သတင်းတွေအားလုံး နေရာမှာတော့ ဒီအကြောင်းကိုပဲ အဓိက ဦးစားပေးပြီး တင်ပြနေပါတယ်။”
မစ္စတာ ဟာဗဲလ်ဟာ ၁၉၉၁ ခုနှစ်မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ငြိမ်းချမ်းရေး နိုဘဲယ်ဆုအတွက် အဆိုပြုတင်သွင်းခဲ့သူတစ်ဦး ဖြစ်သလို မြန်မာ့အရေးအတွက် အစဉ်တစိုက် ပြောဆို အားပေးခဲ့တဲ့ ချက်သမ္မတဟောင်း တစ်ဦး လည်း ဖြစ်ပါတယ်။ သူတာဝန် ထမ်းဆောင်စဉ် ကာလအတွင်းမှာရော၊ သမ္မတအဖြစ်က အနားယူပြီးနောက်ပိုင်းတွေမှာပါ မြန်မာ့ အရေးကို ချက်နိုင်ငံမှာ ထိပ်တန်းနေရာကရှိအောင် ပြောဆိုစည်းရုံးခဲ့သူလည်း ဖြစ်ပြီး နောက်ဆုံး အမေရိကန် နိုင်ငံခြားရေးဝန်ကြီး ဟီလာရီ ကလင်တန် မြန်မာပြည်ကိုသွားတဲ့ ကိစ္စတွေအထိ မြန်မာ့အရေးအပေါ်မှာ ပြောဆိုသုံးသပ်သွားသူ တစ်ဦးလည်း ဖြစ်ပါတယ်။
“မြန်မာပြည်အကြောင်းနဲ့ပတ်သက်လို့ကတော့ နှစ်တိုင်းလိုလို ချက်နိုင်ငံမှာ နံမည်ကြီး Forum 2000 ဆိုတဲ့ အစည်းအဝေးမှာ အမြဲတမ်း မြန်မာပြည်အကြောင်းကို တင်ပြခဲ့ပါတယ်။ ဒီ့အပြင်ကိုလည်း လူ့အခွင့်အရေးကို ဦးစားပေးပါဆိုပြီးတော့ ဒီနိုင်ငံတွင်း မှာရှိတဲ့ နိုင်ငံရေးသမားတွေကိုလည်း အားပေးခဲ့ပါတယ်။ ဒါကြောင့်မိုလို့လဲ မြန်မာနိုင်ငံက ချက်နိုင်ငံရဲ့ နိုင်ငံခြားရေးပေါ်လစီထဲမှာ အရေးပါတဲ့နိုင်ငံထဲမှာ ပါပါတယ်။”
ချက်နိုင်ငံမှာ မြန်မာ့အရေးလှုပ်ရှားနေတဲ့ Burma Center Prague အဖွဲ့က ဒါရိုက်တာ မစပယ်စိုးက ပြောပြခဲ့တာပါ။ မစ္စတာ ဟာဗဲလ်ဟာ မြန်မာ့အရေးနဲ့ပတ်သက်လို့ အီးယူ ဥရောပသမဂ္ဂ အဖွဲ့တွေအပြင် ကုလသမဂ္ဂလို အဖွဲ့ကြီးတွေထိ တင်ပြခဲ့သူတစ်ဦး ဖြစ်သလို ပြည်ပအခြေစိုက်ပြီး မြန်မာ့အရေး လှုပ်ရှားနေတဲ့အဖွဲ့တွေကိုလည်း ရင်းရင်းနှီးနှီး တွေ့ဆုံကာ အားပေးကူညီခဲ့သူတစ်ဦး ဖြစ်တယ်လို့ အခု ချက်နိုင်ငံကို ခေတ္တရောက်နေတဲ့ AAPPB အဖွဲ့က တွဲဖက်အတွင်းရေးမှူး ကိုဘိုကြည်က ပြောပါတယ်။
“ကျနော်တို့ ပြည်ပရောက် အတိုက်အခံတွေနဲ့ ပတ်သက်ပြီးတော့ ဗားဆလပ်ဟာဗဲလ် သမ္မတ လက်ထက်မှာပဲ ဖြစ်ဖြစ်၊ သူ အနားယူပြီးနောက်မှာပဲဖြစ်ဖြစ် သူက ပြည်ပရောက် အတိုက်အခံတွေကို အင်မတန်မှ နွေးနွေးထွေးထွေးနဲ့ ကြိုဆိုတာမျိုးတွေ ရှိတယ်။ နောက်ပြီးတော့ ဖြစ်နိုင်သမျှ သူတို့ရဲ့ အတွေ့အကြုံတွေကို ပြန်ပြီး ရှယ်ယာလုပ်ပေးတယ်။ နောက်… တချို့ပွဲတွေမှာဆိုရင် ဥပမာ ကျနော်ဆိုရင် ၂၀၀၁ ခုနှစ်က ဒီချက်နိုင်ငံရဲ့ ပရပ်ဂ် ဆိုတဲ့မြို့တော်မှာ သူနဲ့ကျနော်နဲ့အတူတူ သတင်းစာရှင်းလင်းပွဲတစ်ခုကို အတူတူ လုပ်ခွင့်ရတယ်။ ဆိုတော့ အဲဒီလိုမျိုးအထိ ကျနော်တို့ အတိုက်အခံတွေကိုလည်း အင်မတန်မှ အားပေးတယ်။ စိတ်ဓါတ်မကျအောင် သူ့ရဲ့ အတွေ့အကြုံတွေနဲ့ ယှဉ်ပြီးတော့ ကျနော်တို့ကို ရှင်းပြတာရှိတယ်။”
မြန်မာနိုင်ငံ နိုင်ငံရေးအကျဉ်းသားများ ကူညီရေးအဖွဲ့ (AAPP) က ကိုဘိုကြည် ဖြစ်ပါတယ်။ သမ္မတဟောင်း ဟာဗဲလ်ဟာ တောင်အာဖရိက ဘုန်းတော်ကြီး ဒက်စမွန်တူးတူး (Desmond Tu Tu) နှင့်အတူ ‘ငြိမ်းချမ်းရေးကို ခြိမ်းခြောက်နေခြင်း’ (Threat to Peace) ဆိုတဲ့ အစီရင်ခံစာတစ်စောင်ကို ပူးတွဲရေးသားပြီး ၂ဝဝ၅ ခုနှစ် စက်တင်ဘာလက ထုတ်ဝေ ဖြန့်ချိခဲ့တာရှိသလို မြန်မာအစိုးရအပေါ် ကုလသမဂ္ဂ လုံခြုံရေးကောင်စီက ဆုံးဖြတ်ချက်တစ်ရပ် ချမှတ် အရေးယူပေးဖို့ကိုလည်း တောင်းဆိုခဲ့သူတစ်ဦးလည်း ဖြစ်ပါတယ်။
ပြဇာတ်ရေးဆရာဘ၀ကနေ ဒီမိုကရေစီရေး တက်ကြွလှုပ်ရှားသူ၊ အဲဒီကနေ နာမည်ကျော် နိုင်ငံရေးသမား တစ်ဦးဖြစ်ခဲ့တဲ့ ဗား ဆလပ်ဗ် ဟာဗဲလ်ဟာ ချက်ကိုစလိုဗက်ကီးယားနိုင်ငံကို ကွန်မြူနစ်အစိုးရ အုပ်ချုပ်ခဲ့တဲ့ကာလအတွင်း ထောင်ဒဏ် လေးနှစ်ခွဲ ကျခံခဲ့ရပါတယ်။ ၁၉၈၉ ခုနှစ်မှာ ဒီမိုကရေစီရေး တောင်းဆိုအုံကြွတဲ့ ကတ္တီပါတော်လှန်ရေးကို အောင်မြင်မှုရတဲ့အထိ ခေါင်းဆောင် ခဲ့သူတစ်ဦးလည်း ဖြစ်ပါတယ်။
ကတ္တီပါတော်လှန်ရေးပြီးတဲ့နောက် ချက်ကိုစလိုဗက်ကီးယားနိုင်ငံရဲ့ သမ္မတဖြစ်ခဲ့ပြီး ၁၉၉၂ ခုနှစ် ကုန်ပိုင်းမှာ ချက်ကိုစလို ဗက်ကီး ယားနိုင်ငံ အဖြစ်ကနေ ချက်သမ္မတနိုင်ငံနဲ့ စလိုဗက်သမ္မတနိုင်ငံတွေအဖြစ် ကွဲထွက်သွားပြီးတဲ့နောက် ချက်သမ္မတနိုင်ငံရဲ့ သမ္မတ အဖြစ် ရွေးကောက် တင်မြှောက်ခံခဲ့ရပါတယ်။ နိုဘဲလ်ငြိမ်းချမ်းရေးဆု အတွက် အမည်စာရင်း တင်သွင်းခံခဲ့ရဖူးပေမဲ့ နိုဘဲလ် ဆု ကို တော့ မရသွားခဲ့ပါဘူး။ ဒါပေမဲ့လည်း မြန်မာနိုင်ငံ အပါအ၀င် ကမ္ဘာတ၀န်းက ဒီမိုကရေစီရေး လှုပ်ရှားမှုတွေကို ကွယ်လွန် ချိန်အထိ တက်တက်ကြွကြွ ထောက်ခံအားပေးသွားခဲ့သူ ဖြစ်ပါတယ်။
Ref: ဗွီအိုအေ
ဖိလစ်ပိုင်မုန်တိုင်းဒဏ် သေဆုံးသူ ၆၀၀ ကျော်ပြီ
17 ဒီဇင်ဘာ 2011
ဖိလစ်ပိုင်နိုင်ငံမှာ တိုက်ခတ်ခဲ့တဲ့ ပြင်းထန်တဲ့မုန်တိုင်းကျပြီး ရေးကြီးမှုဖြစ်ပွားခဲ့တာကြောင့် လူပေါင်း ၆၀၀ ကျော် သေဆုံးပြီး ပျောက် ဆုံးနေတဲ့သူ ၈၀၀ ကျော်ကို ကယ်ဆယ်ရေးဝန်ထမ်းတွေက တနင်္ဂနွေနေ့မှာ ရှာဖွေနေကြပါတယ်။
အဲဒီ တိုင်ဖုံးမုန်တိုင်း ၀ါရှီ (Washi) ဟာ ဖိလစ်ပိုင်တောင်ပိုင်း မင်ဒါနာအို (Mindanao) ဒေသကို သောကြာနေ့က တိုက် ခိုက် ခဲ့တာကြောင့် ဒေသတခုလုံးမှာ လေပြင်းနဲ့ မိုးသည်းထန်စွာ ရွာသွန်းနေခဲ့ပါတယ်။ မုန်တိုင်းကြောင့် ရေကြီးမှုတွေ၊ မြေပြို မှုတွေက Cagayan de Oro နဲ့ Iligan ကျေးရွာတွေ အပါအ၀င် ရွာပေါင်း ဒါဇင်နဲ့ချီ ရေထဲပါသွားပြီး မိသားစုလိုက် သေဆုံးမှုတွေ ရှိခဲ့တယ်လို့ဆိုပါတယ်။
သေဆုံးသူ အရေအတွက်ဟာ ၆၅၂ ယောက် ရှိသွားပြီး ပျောက်ဆုံးသူကတော့ ၈၀၀ ကျော်ရှိတယ်လို့ ဖိလစ်ပိုင် ကြက်ခြေနီ အဖွဲ့က ဒီကနေ့ ပြောပါတယ်။ မုန်တိုင်းတိုက်ပြီး ၂၄ နာရီကြာတဲ့အထိ အလောင်းတွေကို ဘယ်သူမှ လာမယူသေးတဲ့အတွက် မိသားစုလိုက် သေဆုံးမှုတွေ ရှိခဲ့တယ်လို့ ယူဆလို့ရကြောင်း ဖိလစ်ပိုင်အရှာရှိ တစ်ဦးဖြစ်သူ Gwen Pang က အေပီသတင်းဌာန ကို စနေနေ့မှာ ပြောပါတယ်။
ကယ်ဆယ်ရေးလုပ်ငန်း အများစုကို ကုန်းပိုင်းဒေသမှာ အာရုံစိုက် လုပ်ဆောင်နေပေမဲ့ ကယ်ဆယ်ရေး မော်တော်ဘုတ်တွေက အသက်မသေဘဲ ကျန်နေသူ အတော်များများကို မုန်တိုင်းဒဏ်ခံခဲ့ရတဲ့ ကမ်းရိုးတမ်း ဒေသတလျှောက်မှာ ကယ်တင်နိုင်ခဲ့တယ်လို့ ဆိုပါတယ်။
အခု မုန်တိုင်းဒဏ်ခံရတဲ့ မင်ဒါနာအို ဒေသဟာ ဖိလစ်ပိုင်နိုင်ငံရဲ့ အခြားနေရာတွေနဲ့မတူဘဲ အခုလို ပြင်းထန်တဲ့မုန်တိုင်းမျိုး ၀င်ခဲတဲ့အရပ် ဖြစ်တယ်လို့ ဖိလစ်ပိုင်အစိုးရ တာဝန်ရှိသူတွေက ပြောပါတယ်။ သေဆုံးသူတွေထဲက အများစုကတော့ အိပ်ပျော် နေတဲ့အချိန်မှာ ရေရဲ့ သယ်ဆောင်ရာကို ပါသွားကြသူတွေဖြစ်တယ်လို့ ဆိုပါတယ်။
ထောင်နဲ့ချီတဲ့ စစ်သားတွေနဲ့ ရဲတွေက ကယ်ဆယ်ရေး လုပ်ငန်းတွေကို ပူးပေါင်း ဆောင်ရွက်နေကြပေမဲ့ လမ်းတွေ ပိတ်ဆို့နေလို့ လျှပ်စစ်မီးမရတဲ့ အခက်အခဲတွေကြောင့် လုပ်ငန်းနှောင့်နှေးမှုတွေနဲ့ ရင်ဆိုင်နေကြရပါတယ်။
Ref: ဗွီအိုအေ
နောက်ဆုံးကျန် အမေရိကန်တပ်ဖွဲ့ အီရတ်မှထွက်ခွာ
18 ဒီဇင်ဘာ 2011
အီရတ်မှာရှိနေတဲ့ အမေရိကန်တပ်ဖွဲ့တွေ ပြန်ရုပ်သိမ်းနေတာမှာ နောက်ဆုံး ကားတန်းဟာ အီရတ်နိုင်ငံကနေ ကူဝိတ်နိုင်ငံထဲကို ဒီကနေ့ပဲ ဖြတ်မောင်းသွားပြီ ဖြစ်ပါတယ်။
အမေရိကန်တပ်သားတွေ ရာနဲ့ချီတင်လာတဲ့ အဲဒီ နောက်ဆုံး ကားတန်းဟာ နယ်စပ်ကို မနက် ၇ နာရီ ၃၈ မိနစ်က ဖြတ်သွား တာပါ။ အီရတ်နိုင်ငံ ဘက်ဂဒက်မြို့မှာရှိတဲ့ အမေရိကန်သံရုံးအစောင့်အဖြစ် တပ်ဖွဲ့ဝင် ၂၀၀ လောက်သာ ချန်ထားခဲ့တယ်လို့ သိရ ပါတယ်။
၉ နှစ်နီးပါးကြာခဲ့တဲ့ အီရတ်စစ်ပွဲအတွင်း အမေရိကန်တပ်ဖွဲ့ဝင် ၄,၅၀၀ လောက် သေဆုံးခဲ့ရသလို ထောင်ပေါင်းများစွာသော အီရတ်နိုင်ငံသားတွေလည်း အသက်ဆုံးရှုံးခဲ့ကြရပြီး ကုန်ကျစရိတ်ဟာလည်း အမေရိကန်ဒေါ်လာ ဘီလီယံပေါင်းများစွာ ရှိခဲ့တာပါ။
အီရတ်အာဏာရှင်ဟောင်း ဆက်ဒမ် ဟူစိန်ကို ဖြုတ်ချဖို့အတွက် အမေရိကန်တပ်ဖွဲ့တွေ ၂၀၀၃ ခုနှစ်မှာ အီရတ် စစ်ဆင်ရေးကို စတင်တိုက်ခိုက်ခဲ့တာပါ။
စစ်ပွဲ ရေချိန်မြင့်နေတဲ့အချိန်အတွင်း အီရတ်နိုင်ငံအတွင်းက အမေရိကန်စစ်စခန်းပေါင်း ၅၀၀ မှာ တပ်ဖွဲ့ဝင်ပေါင်း ၁၇၀,၀၀၀ ကျော် ရှိနေခဲ့တာပါ။ မနေ့က စနေနေ့မှာတော့ တပ်ဖွဲ့ဝင်ပေါင်း ၃,၀၀၀ တောင် အီရတ်နိုင်ငံအတွင်းမှာ မရှိတော့ပါဘူး။
Ref: ဗွီအိုအေ
ပြည်တွင်းငြိမ်းချမ်းရေး ဖော်ဆောင်ရေးအဖွဲ့နှင့် စာနယ်ဇင်းတွေ့ဆုံပွဲအပေါ် မေးမြန်းချက်
December 16, 2011
ရွှေအောင်
ပြည်ထောင်စုအဆင့် ငြိမ်းချမ်းရေးဖော်ဆောင်ရေးအဖွဲ့ဟာ ဒီနေ့မွန်းလွဲပိုင်းက ရန်ကုန်၊ ရှစ်မိုင်ရှိ စီးတီးဟိုတယ်မှာ ပြည်တွင်းစာနယ်ဇင်းတွေနဲ့ တွေ့ဆုံခဲ့ပါတယ်။
ပြည်တွင်း ငြိမ်းချမ်းရေးအဖွဲ့ ခေါင်းဆောင် ဦးအောင်သောင်းက ပြည်တွင်းစာနယ်ဇင်းတွေနဲ့ တွေ့ဆုံခဲ့ရာမှာ သမ္မတက အပစ်ရပ်ဖို့ စာပို့ထားပေမယ့် တိုက်ပွဲတွေ ဘာကြောင့် ဆက်လက်ဖြစ်ပွားနေရတယ် ဆိုတာ အပါအဝင် ပြည်တွင်းငြိမ်းချမ်းရေးကို လက်ရှိအစိုးရ သက် တမ်းအတွင်း အပြီးဆောင်ရွက်သွားမယ့် အကြောင်းတွေ ပြောကြားသွားခဲ့ပါတယ်။
စာနယ်ဇင်းတွေ့ဆုံပွဲ တက်ခဲ့တဲ့ ရန်ကုန်မီဒီယာဂရုပ်ဖ်က ဥက္ကဋ္ဌ ဦးကိုကို (စက်မှု) ကို ဆက်သွယ်မေးမြန်းထားပါတယ်။
“အဓိကအချက်က တော့ သူတို့ဒီအစိုးရ လက်ထက်တွင်းမှာတော့ ငြိမ်းချမ်းရေးကို အကုန်လုံးရအောင် လုပ်မယ်။ ၂ နှစ်၊ ၃ နှစ်တော့ ကြာနိုင်တယ်။ အဲလိုတော့ပြောတယ်။ နောက်တခုက တချို့ အပြင်မှာ ပြောဆိုနေတာတွေ သမ္မတကြီးက အပစ်အခတ် ရပ်စဲဖို့၊ တိုက်ခိုက်မှုမပြုဖို့ လုပ်ပေးမယ်၊ တိ်ုက်ပွဲလေးတွေ ဖြစ်နေတဲ့ကိစ္စနဲ့ ပတ်သက်ပြီးတော့ ပြောတာ တချို့နေရာတွေမှာ ဘာဖြစ် လဲဆိုတော့ တပ်တွေအဆင့်ဆင့် ညွှန်ကြားတဲ့အခါမှာ တပ်တွေကို နယ်မြေမှာ တကယ်လှုပ်ရှားနေတဲ့ သူတို့ရဲ့ တပ်တွေဆီ သွားတဲ့အခါမှာ ဒီအမိန့်စာတွေဘာတွေ တချို့တပ်တွေမှာ ဆက်သွယ်ရေးကိရိယာတွေ ဘာတွေ မရှိတဲ့ တပ်ငယ်လေးတွေလည်း ရှိနိုင်တယ်။ ဒါကြောင့် ဒီသတင်းက အဲဒီကို မရောက်နိုင်သေးတဲ့ အခါမျိုးမှာ သွားလာလှုပ်ရှားရင်းနဲ့။ ဟိုဘက်ဒီဘက် သတင်း မရသေးတဲ့အခါမှာ နားလည်မှု လွဲတာလေးတွေ ရှိနိ်ုင်ပါတယ်။ အဲလိုပဲပြောတယ်။
နောက်တခုက ပြည်ထောင်စုအဆင့် ဆွေးနွေးပွဲတွေက အားလုံးပြီးသွားရင် ပင်လုံညီလာခံထက် ကြီးကျယ်တဲ့ ပြည်သူ့ကိုယ်စားလှယ်တွေရော တိုင်းရင်းသား ကိုယ်စားလှယ်တွေ အကုန်လုံးပါတဲ့ လွှတ်တော်ကြီးမှာပဲ အဲဒီငြိမ်းချမ်းရေး အဖွဲ့တွေကို ခေါ်မယ်။ နိုင်ငံရေးပညာရှင်တွေ အားလုံးဖိတ်ကြားပြီးတော့မှ ပင်လုံညီလာခံထက် ကြီးကျယ်တဲ့ တိုင်းရင်းသားဆိုင်ရာ ညီလာခံကြီးကို လုပ်ပေးသွားမယ်။ ဒါကတော့ သူတို့နောက်ဆုံးအဆင့်ပေါ့။ ပြီးသွားရင် ထာဝရ ငြိမ်းချမ်းရေးပေါ့။ အဲ့လိုပြောသွားတယ်။”
၂ နှစ်၊ ၃ နှစ်လောက် ကြာနိ်ုင်တယ်ဆိုတော့ လပိုင်းအတွင်း မပြီးနိ်ုင်ဘူးလား။ ဘယ်လိုကြောင့်လဲ။
“လုပ်ငန်း စဉ်က ကြာတယ်ပေါ့။ တဦးနဲ့တဦး နားလည်မှုတွေ တည်ဆောက်တဲ့ ကိစ္စတွေ ဖြစ်တဲ့အတွက်ကြောင့် ဘယ်လိုလဲဆိုတော့ အရင်တုန်းကတော့ လုပ်တာက အားလုံးတခါတည်း ပြီးရင် သဘောတူညီချက်တခု လက်မှတ်ရေးထိုးတယ်။ အခုကျတော့ အဲလိုမျိုး မဟုတ်တော့ဘဲနဲ့ အချက် ၂ ချက် သဘောတူရင် ၂ ချက်ထိုးတယ်။ နောက်ထပ် ၃ ချက်သဘောတူရင် ၃ ချက်ထိုးမယ်။ အဲဒါမျိုး သွားမှာ။ အဖွဲ့တဖွဲ့နဲ့ပဲ ဆိုစေပေါ့။ တကြိမ်ထိုးရုံနဲ့ ပြီးချင်မှပြီးမယ်။ ဒီတကြိမ်မှာ သဘောတူတာ၊ ဟိုဘက်နဲ့ဒီဘက်နဲ့ သဘောတူတာ ၃ ချက်တွေ့ရင် ၃ ချက်ထိုးသွားမယ်။ အဲဒါအပြင် နောက်ထပ် သဘောတူတာ ၂ချက်တွေ့ရင် ၂ ချက်ထပ်ထိုးမယ်။ ရသလောက် အချိန်မှာ အစိုးရဘက်က အချိန်အတိ်ုင်းအတာ တခုတော့ ရှိမယ်။ နှစ်ပေါင်းများစွာ ဖြစ်လာတဲ့ ပြဿနာတခု ဖြစ်တဲ့အတွက် လက်ငင်းချက်ချင်း ပြီးသွားဖို့ ဆိုတာတော့ လက်တွေ့မှာမလွယ်ဘူး။ သို့သော် သမ္မတကြီးကိုယ်တိုင်က သူတို့လွှတ်တော်အနေနဲ့ ဆုံးဖြတ်ချက်ချထားတော့ ဒီအစိုးရ သက်တမ်းမှာတော့ အပြီးအစီး ဖြစ်သွားအောင်တော့ ဆောင်ရွက်သွားမယ်။ ၃ နှစ်လောက် လုပ်ငန်းကကြာနိုင်မယ်လို့ သူတို့က လောလောဆယ် ခန့်မှန်းတယ်ပေါ့။ အဲဒါမျိုးတွေ ပြောသွားတယ်။”
ဗဟိုအဆင့် ငြိမ်းချမ်းရေး ကော်မတီမှာ ဒွိဟဖြစ်နေတာ ဦးအောင်မင်းကလည်း တပိုင်းပါတယ်ဆိုတော့ အခုသူတို့ ဖွဲ့စည်းပုံက အပြည့်ထွက်သွားပြီလား။
“အဲဒါလည်း ပြောတယ်။ ဦးအောင်မင်းကလည်း တဖွဲ့ရှိတယ်ဆိုတာ ဟုတ်ပါတယ်။ သို့သော် တချို့နေရာတွေမှာ နယ်မြေတွေမှာ ကရင်ပြည်နယ်လိုမျိုးမှာ ဦးအောင်မင်းက နယ်မြေပိုကျွမ်းတယ်။ အဲဒီမှာလည်း အကြာကြီးလုပ်လာတယ်။ အဲဒါကြောင့် သူတို့က တာဝန်ကို မျှဝေပြီးတော့ လုပ်တဲ့သဘောပေါ့။ ဦးအောင်မင်းကိုယ်တိုင်ကလည်း ပရဟိတလုပ်ချင်တဲ့ ဆန္ဒရှိတယ်။ ငြိမ်းချမ်းရေးကို ဆောင်ရွက်လိုတဲ့ ဆန္ဒလည်းရှိတယ်။ နောက်နယ်မြေမှာ ကရင်ပြည်နယ်မှာလည်း ကျွမ်းကျွမ်းကျင်ကျင်နဲ့ နားလည်မှုရှိတဲ့အတွက် သူ့ကိုပဲ ဆောင်ရွက်ခိုင်းတယ်ပေါ့။ အဲလိုသူပြောသွားတယ်။ အဲတော့ ၂ ဖွဲ့ခွဲပေမယ့် တယောက်နဲ့တယောက် ပြန်ပြီးတော့ ပေါင်းစပ်ညှိနှိုင်းပြီး ဆောင်ရွက်နေကြတာဖြစ်တယ်လို့ အဲလိုပြောသွားတယ်။”
Ref: ဒီဗွီဘီ
ဒေါ်အောင်ဆန်းစုကြည်နှင့် ထိုင်းဝန်ကြီးချုပ်တွေ့မည်
December 16, 2011
ကိုထွေး
မြန်မာနိုင်ငံမှာ လက်ခံကျင်းပမယ့် စတုတ္ထအကြိမ် မဟာမဲခေါင် ဒေသခွဲ ထိပ်သီး အစည်းအဝေး တက်ဖို့ရှိတဲ့ ထိုင်းဝန်ကြီးချုပ် ယင်လပ်ခ့် ရှင်နာဝပ်ဟာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံမယ်လို့ သိရပါတယ်။
ထိုင်း ဝန်ကြီးချုပ် ယင့်လပ်ခ့်ဟာ ဒေါ်အောင်ဆန်းစုကြည်နဲ့ အင်္ဂါနေ့ ညနေပိုင်းမှာ တွေ့ဖို့ ရှိတဲ့အကြောင်း ထိုင်းဝန်ကြီးချုပ်ရုံး ပြောခွင့်ရက ပြောပါတယ်။
ဒီသတင်းနဲ့ ပတ်သက်လို့ အမျိုးသားဒီမိုကရေစီ အဖွဲ့ချုပ်ကနေ ထုတ်ပြန်တာမျိုး မရှိသေးပေမယ့် အမျိုးသား ဒီမိုကရေစီ အဖွဲ့ချုပ်ဝင် ဦးခွန်သာမြင့်ကတော့ ထိုင်းဝန်ကြီးချုပ်နဲ့ ဒေါ်အောင်ဆန်းစုကြည် တွေ့ဆုံဖို့ရှိတယ်လို့ အတည်ပြုပြောပါတယ်။
ဒီအစည်းအဝေး ကို ထိုင်းဝန်ကြီးချုပ် မစ္စယင်းလတ် ရှင်နာဝပ်၊ နိုင်ငံခြားရေးဝန်ကြီး ဆူရာပေါင်နဲ့ စွမ်းအင်ဝန်ကြီးတို့လည်း လိုက် ပါပြီးတော့ ဒေသတွင်းက အကြီးအကဲတွေ တက်ရောက်မှာ ဖြစ်ပါတယ်။
ထိုင်း နိုင်ငံကို မြန်မာပြည်က တင်ပို့နေတဲ့ ဓာတ်ငွေ့ပမာဏဟာ ထိုင်းတနိုင်ငံ စွမ်းအင်လိုအပ်ချက်ရဲ့ ၃၀ ရာခိုင်နှုန်းရှိပါတယ်။ အစည်းအဝေးမှာ စီးပွားရေးဆိုင်ရာ ကိစ္စတွေ ဆွေးနွေးသွားဖွယ်ရှိပြီး အသေးစိတ်ကို မသိရဘူးလို့ ထိုင်းနိုင်ငံခြားရေး ဝန်ကြီးဌာနက ပြောခွင့်ရသူတဦးက ပြောပါတယ်။
ဆွေးနွေးပွဲ တက်ရောက်မယ့် ထိုင်းအစိုးရ အဖွဲ့ဝင်များကတော့ စွမ်းအင်ကဏ္ဍ ကိစ္စရပ်များကို မြန်မာနဲ့ သီးခြား ဆွေးနွေးသွားမယ်လို့ ထိုင်းနိုင်ငံထုတ် နေရှင်းသတင်းစာမှာ ရေးသားထားပါတယ်။
ဒီအစည်းအဝေး ကို နေပြည်တော်က မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန (MICC)မှာ လာမယ့် တနင်္လာနဲ့ အင်္ဂါနေ့တွေမှာ ကျင်းပပြုလုပ်မှာဖြစ်ပါတယ်။
ပို့ဆောင် ရေး၊ ဆက်သွယ်ရေး၊ ရင်းနှီးမြှုပ်နှံမှု၊ ခရီးသွားလုပ်ငန်း၊ စွမ်းအင်၊ စိုက်ပျိုးရေး၊ ကုန်သွယ်ရေး စတဲ့ကဏ္ဍတွေမှာ မဲခေါင်မြစ်ကြောင်းတလျှောက်ရှိ နိုင်ငံခြောက်နိုင်ငံက ပူးပေါင်းဆောင်ရွက်နေပါတယ်။
ထိုင်း ဝန်ကြီးချုပ်ဟာ အောက်တိုဘာ လဆန်းပိုင်းကလည်း နေပြည်တော်ကို နေ့ချင်းပြန် သွားရောက်ခဲ့ပြီး အဲဒီတုန်းက မြန်မာ သမ္မတ ဦးသိန်းစိန်နဲ့ တွေ့ဆုံခဲ့ပါတယ်။
Ref: ဒီဗွီဘီ
အင်္ဂလန်မှာဆက်ရှိဖို့ မသေချာတော့တဲ့ မန်စီးတီးတိုက်စစ်မှူး တီးဗက်ဇ်
ချမ်းအေး
December 18, 2011
မန်ချက်စတာစီးတီးဟာ အသင်းနဲ့ ပြဿနာ ရှိနေတဲ့ အာဂျင်တီးနား တိုက်စစ်မှူး ကားလို့စ်တီးဗက်ဇ်ကို ပရီးမီးယားလိဂ် ပြိုင် ဘက် အသင်းများထံ ရောင်းချသွားမှာ မဟုတ်ဘူး ဆိုတဲ့ သတင်းတွေ ထွက်နေပါတယ်။ အသက် (၂၇) နှစ်ရှိပြီဖြစ်တဲ့ တီးဗက်ဇ် ကို တော့တင်ဟမ် အသင်းက အစောပိုင်းမှာ ကမ်းလှမ်းခဲ့ပါတယ်။ ဒါပေမယ့် ဇန်နဝါရီ အပြောင်းအရွှေ့ ကာလကျရင် တော့ အေစီမီလန် အသင်းကိုသာ ရွှေ့သွားဖို့ ဖြစ်နိုင်ချေ များနေပါပြီ။
အေစီမီလန်က တီးဗက်ဇ်ကို အငှားခေါ်ယူဖို့ မကြာခင်က ကမ်းလှမ်းခဲ့ပေမယ့် မန်စီးတီးက ငြင်းခဲ့ပါတယ်။ မန်စီးတီး အနေနဲ့ တီးဗက်ဇ်ကို အပြီးသတ် ရောင်းချသွားဖို့သာ ဆန္ဒရှိနေတာပါ။
ပြီးခဲ့တဲ့ အင်္ဂါနေ့ကတော့ တီးဗက်ဇ်ရဲ့ အပြောင်း အရွှေ့ ကိစ္စ အတွက် မန်စီးတီးနဲ့ သဘောတူညီမှုရဖို့ မျှော်လင့်နေဆဲဖြစ်ကြောင်း အေစီမီလန် ဒု-ဥက္ကဋ္ဌ အက်ဒရီယာနို ဂါလီယာနီက ထုတ်ပြောခဲ့ပါတယ်။
“တီးဗက်ဇ်ဟာ ကျနော်တို့အတွက် ပထမ ပစ်မှတ်ပါ။ ခုလောလောဆယ်တော့ တီးဗက်ဇ်နဲ့ ကျနော်တို့ သဘောတူထားပါပြီ။ ဒါပေမယ့် ဒီကြားထဲမှာ တခြားကလပ် အသင်းတွေနဲ့ သူ သဘောတူညီမှု ရမသွားစေဖို့ မျှော်လင့်ပါတယ်။ ပြောင်းရွှေ့မှု အပြီး သတ်ဖို့ကတော့ ဇန်နဝါရီ (၃၁) ည (၆) နာရီ (၅၉) မိနစ်အထိ အချိန် ရပါသေးတယ်” လို့ သူက ပြောပါတယ်။
ပြင်သစ်ကလပ် PSG ကလည်း တီးဗက်ဇ်ကို ခေါ်ယူဖို့ စိတ်ဝင်စားနေကြောင်း အစောပိုင်းက သတင်းတွေ ထွက်ပေါ်လာတာနဲ့ ပတ်သက်ပြီး ဂါလီယာနီက “ကျနော်တို့ တီးဗက်ဇ် အတွက် အပြီးသတ် ကမ်းလှမ်းထားပြီးပါပြီ။ PSG အသင်းက ကျနော်တို့ ထက် ပိုကောင်းတဲ့ ကမ်းလှမ်းမှုမျိုး ရှိရင်တောင် ကျနော်တို့ တုံ့ပြန်သွားမှာ မဟုတ်ပါဘူး” လို့ Milan News ကို ပြောလိုက်ပါ တယ်။
စက်တင်ဘာ (၂၁) ကားလင်းဖလားမှာ ဘာမင်ဟမ်အသင်းနဲ့ ပွဲပြီးကတည်းက မန်စီးတီးအသင်းမှာ တီးဗက်ဇ် ကစားခွင့် မရ တော့တာ အခုချိန်ထိ ဖြစ်ပါတယ်။ စက်တင်ဘာလတုန်းက ဘေယန်မြူးနစ် အသင်းကို အရေးနိမ့်ခဲ့ရတဲ့ ချန်ပီယံလိဂ်ပွဲစဉ်မှာ လူစားဝင်ဖို့ တီးဗက်ဇ် ငြင်းခဲ့တယ်လို့ မန်စီးတီး နည်းပြ မန်ချီနီက စွပ်စွဲထားပါတယ်။ တီးဗက်ဇ်ကတော့ နားလည်မှု လွဲတာပါ လို့ ရှင်းချက်ထုတ်ပါတယ်။ အဲဒီအချိန်ကစပြီး ပြဿနာ ပိုကြီးလာတာပါ။
မကြာသေးခင်က မန်စီးတီးကလပ်အတွင်း စုံစမ်းစစ်ဆေးမှုတွေအရ တီးဗက်ဇ်ဟာ စာချုပ်ပါ အချက် (၅) ချက် ဖောက်ဖျက် ခဲ့ကြောင်း တွေ့ရှိရတဲ့အတွက် ရက်သတ္တပတ် (၄) ပတ်စာ လုပ်ခဖြတ်တဲ့ ပြစ်ဒဏ် ပေးခံရပါတယ်။ နောက်ပိုင်းမှာတော့ ပရို ဘောလုံးသမားများအစည်းအရုံး (Professional Footballers’ Association) က ကြားဝင်ညှိနှိုင်းပေးလို့ ရက် သတ္တပတ် (၂) ပတ်စာအထိ ပြစ်ဒဏ် လျှော့ပေးခဲ့ပါတယ်။
ဒီနှစ်ကုန်ပိုင်း တီးဗက်ဇ်ရဲ့ လှုပ်လှုပ်ရှားရှား ဖြစ်ရပ်များ
စက်တင်ဘာ ၂၇ – ဘေယန်မြူးနစ်ကို အရေးနိမ့်ခဲ့တဲ့ ချန်ပီယံလိဂ်ပွဲစဉ်မှာ လူစား ဝင်ဖို့ ငြင်းတဲ့ တီးဗက်ဇ်ကို နည်းပြ မန်ချီနီ က အသင်းမှ ထွက်ရန်ပြော။
စက်တင်ဘာ ၂၈ – မန်စီးတီးက တီးဗက်ဇ်အား (၂) ပတ် ကစားခွင့်ပိတ်။
အောက်တိုဘာ ၁၂ – စည်းကမ်း ထိန်းသိမ်းရေးအတွက် စုံးစမ်း စစ်ဆေးသွားမည်ဟု မန်စီးတီး သတင်းထုတ်ပြန်။
အောက်တိုဘာ ၂၅ - စာချုပ်ပါ အချက် (၅) ချက် တီးဗက်ဇ် ဖောက်ဖျက်ခဲ့ကြောင်း တွေ့ရှိ။ ရက်သတ္တပတ် (၄) ပတ်စာ လုပ်ခ ဖြတ်ခံရ။ ပရို ဘောလုံးသမားများ အစည်းအရုံး (Professional Footballers’ Association) က ကြားဝင် ညှိနှိုင်းပြီးနောက် ရက်သတ္တပတ် (၂) ပတ်စာ အထိ လျှော့ပေါ့။
နိုဝင်ဘာ ၈ – အပြစ်ပေးမှုကို တီးဗက်ဇ် လက်ခံ။
နိုဝင်ဘာ ၉ – တီးဗက်ဇ် လေ့ကျင့်ခန်း မဆင်း။
နိုဝင်ဘာ ၂၄ – တီးဗက်ဇ်နှင့် ညှိနှိုင်းနေကြောင်း အေစီမီလန်ပြော။
ဒီဇင်ဘာ ၆ – အေစီမီလန်၏ တရားဝင် ကမ်းလှမ်းမှုကို မန်စီးတီး ငြင်းပယ်။
ဒီဇင်ဘာ ၁၁ – တီးဗက်ဇ်အား ပြင်သစ်ကလပ် PSG ခေါ်ယူရန် နီးစပ်ပြီဆိုသည့် သတင်းများ မဟုတ်မှန်ကြောင်း မန်စီးတီး အသင်းပြော။
Ref: ဧရာဝတီ
ဘာစီလိုနာနဲ့ ဆန်းတို့စ် အပြိုင်ကြဲမယ့် ကမ္ဘာ့ကလပ် ဗိုလ်လုပွဲ
ဆောင်းဦးလင်း
December 18, 2011
၂၀၁၁ ခုနှစ် အတွက် နောက်ဆုံးပွဲအဖြစ် စပိန်လိဂ်မှာ ဘာစီလိုနာ အသင်းဟာ ရီးရယ်မက်ဒရစ် အသင်းကို ဘာနေဗျူး ကွင်း မှာ ၃-၁ နဲ့ အနိုင်ရပြီးနောက် ကမ္ဘာ့ကလပ် (Club World) ပြိုင်ပွဲအတွက် ဂျပန်ကို ရောက်ရှိလာပါပြီ။ ဘာစီလိုနာဟာ ပွဲဦး ထွက် မှာပဲ ဆီမီးဖိုင်နယ် အဆင့်က စတင် ယှဉ်ပြိုင်ခွင့်ရပြီး ကာတာကလပ် အယ်ဆတ် အသင်းကို ၄ – ဝ နဲ့ အနိုင်ရလို့ ဗိုလ် လု ပွဲကို တက်ပါတယ်။
တဖက်မှာတော့ ဖိုင်နယ်ကို ဘာစီလိုနာထက် တရက် ကြိုရောက်နေတဲ့ ဘရာဇီးနာမည်ကြီး ကလပ် ဆန်းတို့စ်အသင်းကတော့ ဘရာဇီးရဲ့အနာဂတ် ကြယ်ပွင့်လို့ သတ်မှတ်ထားတဲ့ နေမာတို့ အုပ်စုရဲ့ခြေစွမ်းနဲ့ ဖိုင်နယ်အဆင့်ကို တက်လာပါတယ်။ 
ဆန်းတို့စ် အသင်းဟာလည်း အဆင့် သတ်မှတ်ချက်အရ ဘာစီလိုနာ နည်းတူ ဆီမီးဖိုင်နယ်ကနေ စတင် ယှဉ်ပြိုင်ခွင့်ရခဲ့တာဖြစ်ပြီး ဂျပန်ကလပ် ကာရှီမာ ရေးဆော အသင်း ကို ၃-၁ နဲ့ ခြေစွမ်းပြ အနိုင်ယူအပြီးမှာ ဘာစီလိုနာ အသင်းနဲ့ ယှဉ်ပြိုင်ဖို့ အသင့်ဖြစ်နေပါပြီ။
ဘောလုံးပရိသတ်တွေ စိတ်ဝင်စားစရာ ဖြစ်လာတာကတော့ တောင်အမေရိကသားတွေ ဖြစ်တဲ့ ကမ္ဘာ့အကောင်းဆုံး ကစားသမား လီယွန်နယ်မက်ဆီနဲ့ နောက်ပိုင်း ခြေစွမ်း ထက်လာတဲ့ ၁၉ နှစ်သား နေးမာ တိုရဲ့ ထိပ်တိုက် တွေ့ဆုံမှုပဲ ဖြစ်ပါတယ်။
ဆန်းတို့စ် ၃ – ၁ ကာရှီမာ ရေးဆော
ဥရောပ အသင်းကြီးတွေရဲ့ စိတ်ဝင်စားမှုကို ခံနေရပေမယ့် နေးမာဟာ ဆန်းတို့စ် အသင်းမှာပဲ ဆက်ကစားနေပါတယ်။ ၁၉ နှစ်သား နေးမာဟာ ဘောလုံး ပရိသတ်တွေ ကြားမှာ ရေပန်းစားနေခဲ့တာ ကြာပါပြီ။ အခုလို ကမ္ဘာ့ကလပ်ဖလား ကန်တဲ့အချိန်မှာ ဆန်းတို့စ်အသင်း ဆိုရင် ဘောလုံးပရိတ်သတ်က ထူးခြားတဲ့ ဆံပင် စတိုင်၊ ဘရာဇီး ကစားဟန်နဲ့ လှလှပပ ကစားတတ်တဲ့ နေးမာကိုပဲ ပြေးမြင်မိကြပါတယ်။ နေးမာဟာ ကာရှီမာရေးဆောနဲ့ပွဲမှာ အသင်းအတွက် ဗွေဆော်ဦး အဖွင့်ဂိုး သွင်းယူပေးခဲ့သလို၊ အသင်းဖော်တွေဖြစ်တဲ့ ဘော်ဂက်စ်၊ ဒန်နီလို တို့ကလည်း ဆန်းတို့စ် အတွက် ဖိုင်နယ် တနေရာ ရရှိအောင် ပို့ဆောင်ပေးလိုက်နိုင်ပါတယ်။ ဒါကြောင့်မို့ ဆန်တို့စ် အသင်းဟာ ဘာစီလိုနာ အသင်းထက် တရက် စောပြီး ဖိုင်နယ်ကို တက်လှမ်းနိုင်ခဲ့ပါတယ်။
ဘာစီလိုနာ ၄ – ၀ အယ်ဆတ်
ကမ္ဘာ့ကလပ် ဖလားကို ရအောင်ယူမယ် လို့ကြွေးကြော်ပြီးလာတဲ့ လက်ရှိ ကမ္ဘာ့အကောင်းဆုံး ကလပ်တခု ဖြစ်တဲ့ ဘာစီလိုနာဟာ ရှေ့တန်းမှာ မက်ဆီ၊ ဗီလာ၊ ပက်ဒရို၊ အလယ်တန်းမှာ အင်နီယေစတာ၊ မာရှေရာနို၊ ကီတာ၊ သီယာဂို၊ နောက်တန်းမှာ ပူယိုလ်၊ အက်ဒရီယာနို၊ အဘီဒယ်၊ ဂိုးသမား အဖြစ် ဗောဒက်စ် တို့နဲ့ လူအင်အားအပြည့် ပွဲထွက်လာပါတယ်။
ဥရောပ ချန်ပီယံ ဘာစီလိုနာ အသင်းဟာ ပွဲ အစအဆုံး ကွင်းလယ်မှာ ထိန်းချုပ် ကစားသွားခဲ့ပြီး ပထမပိုင်းမှာတင် နောက်ခံ အစွန်လူ အက်ဒရီယာနို ရဲ့သွင်းဂိုး ၂ ဂိုး နဲ့ သက်သက်သာသာ ဦးဆောင်နိုင်ခဲ့ပါတယ်။ ဒါပေမယ့် ပထမ ပိုင်းပြီးဖို့ ၆ မိနစ် အလိုမှာ ဒေးဗစ်ဗီလာ ဒဏ်ရာ အပြင်းအထန်ရပြီး ထမ်းစင်နဲ့ ခေါ်ထုတ်သွားခဲ့ရပါတယ်။ ဘာစီလိုနာကို လွန်ခဲ့တဲ့ ၂ နစ်လောက် က ပြောင်းရွေ့ကြေး သန်း ၄၀ နဲ့ ရောက်လာခဲ့ပြီး ခြေစွမ်းပြ ဂိုးတွေ သွင်းယူနေတဲ့ ဗီလာ ဒဏ်ရာ ရသွားတာဟာ ဘာစီလိုနာ အတွက် အကြီးအကျယ် အထိနာပါတယ်။ ဒေးဗစ်ဗီလာဟာ အခု အပြောင်းအရွေ့မှာ ချယ်ဆီး နဲ့လစ်ဗာပူးကို ပြောင်းမယ်လို့ နာမည် ကြီးနေပါတယ်။
ဒဏ်ရာရသွားတဲ့ ဒေးဗစ်ဗီလာနေရာမှာ ဆန်းချက်စ် ၀င်ကစားပြီး ပထမပိုင်းမှာ ၂ ဂိုး အသာနဲ့ ဦးဆောင်နိုင်ခဲ့ပါတယ်။ ဒုတိယ ပိုင်းမှာတော့ လူစား ထပ်ဝင်လာတဲ့ မက်ဝယ် အပြင် ကီတာ တို့က ၁ ဂိုးစီ သွင်းယူပေးခဲ့တဲ့ အတွက် ပွဲအပြီးမှာ ကာတာ ကလပ် အယ်ဆတ်ကို ၄ ဂိုးပြတ်နဲ့ နိုင်သွားပါတယ်။
ဒါကြောင့် လာမယ့် တနင်္ဂနွေနေ့မှာ ကမ္ဘာ့ကလပ်ဖလားအတွက် ဂျပန်နိုင်ငံ ယိုကိုဟားမား မြို့ကြီးမှာ အကြိတ်အနယ် ယှဉ်ပြိုင် တော့မယ့် ဥရောပက စပိန်ကလပ် ဘာစီလိုနာ နဲ့ တောင်အမေရိက ဘရာဇီးကလပ် ဆန်းတို့စ် တို့ရဲ့ ပွဲဟာ ဘောလုံး ပရိတ်သတ်တွေ လက်လွတ်မခံသင့်တဲ့ပွဲ ဖြစ်လာမှာပါ။
ကမ္ဘာ့ကလပ် (Club World) ပွဲစဉ်များ
အကြို -ကွာတားဖိုင်နယ်
ကာရှီမာ ရေဆော ၂ – ၀ အောကလန် စီးတီး အက်စီ
ကွာတားဖိုင်နယ်
ကာရှီမာ ရေဆော ၁ – ၁ (အချိန်ပို၊ ပယ်နတီ ၄-၃ ) ကလပ်ဒီ မွန်တာရေး
စပေါ့တစ် ဒီတူးနစ် ၁ – ၂ အယ်ဆတ်
ဆီမီးဖိုင်နယ်
ကာရှီမာ ရေဆော ၁ – ၃ ဆန်းတို့စ်
အယ်ဆတ် ၀ – ၄ ဘာစီလိုနာ
တတိယ လုပွဲ ( ၁၈ ရက် ဒီဇင်ဘာ ၂၀၁၁ )
ကာရှီမာ ရေဆော - အယ်ဆတ် (မြန်မာစံတော်ချိန် ၂ နာရီ )
ဖိုင်နယ် ( ၁၈ ရက် ဒီဇင်ဘာ ၂၀၁၁ )
ဆန်းတို့စ် – ဘာစီလိုနာ (မြန်မာစံတော်ချိန် ၅ နာရီ)
Ref: ဧရာဝတီ
မြန်မာ-ဘင်္ဂလားဒေ့ရှ် စစ်ရေး ပူးပေါင်းမှု တိုးမြှင့်မည်
ခင်ဦးသာ
December 17, 2011
မြန်မာနှင့် ဘင်္ဂလားဒေ့ရှ် တပ်မတော် နှစ်ရပ်အကြား စစ်ဘက်ဆိုင်ရာ ကိစ္စများ ပူးပေါင်းဆောင်ရွက်မှု တိုးမြှင့် လုပ်ဆောင်သွား မည်ဖြစ်ကြောင်းသတင်းရရှိသည်။
မြန်မာ ရေတပ်ဦးစီးချုပ် ဒု ဗိုလ်ချုပ်ကြီး ဉာဏ်ထွန်းသည် ဘင်္ဂလားဒေ့ရ်ှနိုင်ငံသို့ ၄ ရက်ကြာ ခရီးစဉ်အဖြစ် ဒီဇင်ဘာ ၁၂ နေ့မှ စတင်သွားရောက်ခဲ့ပြီး ဘင်္ဂလားဒေ့ရှ် ရေတပ်စစ်ဦးချုပ် Zahir Uddin Ahmed နှင့် တွေ့ဆုံ၍ နှစ်နိုင်ငံ စစ်ဘက်ရေးရာကိစ္စ များ ဆွေးနွေးခဲ့ကြောင်း ယမန်နေ့ထုတ် အစိုးရသတင်းစာများတွင် ရေးသားထားသည်။
ခရီးစဉ်အတွင်း ဒု ဗိုလ်ချုပ်ကြီး ဉာဏ်ထွန်းသည် ဘင်္ဂလားဒေ့ရှ် ၀န်ကြီးချုပ်နှင့် ကာကွယ်ရေးဝန်ကြီးဖြစ်သူ မစ္စ ရှိတ်ဟာဆီနာ နှင့် တွေ့ဆုံဆွေးနွေးခဲ့သည်။
ဤခရီးစဉ်သည် သမ္မတဦးသိန်းစိန် အစိုးရလက်ထက်အတွင်း မြန်မာစစ်တပ် ထိပ်တန်းခေါင်းဆောင်တဦး ဘင်္ဂလားဒေ့ရ်ှသို့ တတိယ အကြိမ်မြောက် သွားရောက်ခြင်း ဖြစ်သည်။ ပြီးခဲ့သည့် နိုဝင်ဘာလတွင် ဒု ကာကွယ်ရေးဦးချုပ် ဒု ဗိုလ်ချုပ်ကြီး စိုးဝင်း၊ ဧပြီလတွင် လေတပ်ဦးစီးချုပ် ဒု ဗိုလ်ချုပ်ကြီး မိုးဟိန်းတို့ ဘင်္ဂလားဒေ့ရ်ှနိုင်ငံသို့ သွားရောက်၍ စစ်ဘက်ဆိုင်ရာများ ဆွေးနွေး ခဲ့ကြသည်။
မြန်မာ စစ်ဗိုလ်ချုပ်များ ဘင်္ဂလားဒေ့ရ်ှနိုင်ငံသို့ မကြာခဏ သွားရောက်နေခြင်းသည် မြန်မာ-ဘင်္ဂလားဒေ့ရှ် နှစ်နိုင်ငံ အငြင်းပွား နေသည့် ရေပိုင်နက်ပြဿနာအပြင် ဘင်္ဂလားဒေ့ရ်ှစစ်တပ်၏ စစ်ရေးအင်အား တိုးချဲ့ခြင်း၊ အမေရိကန်-ဘင်္ဂလားဒေ့ရှ် စစ်တပ်များ ပူးပေါင်း၍ စစ်ရေးလေ့ကျင့်နေခြင်းတို့နှင့် သက်ဆိုင်ကြောင်း စစ်ရေးလေ့လာသူတချို့က သုံးသပ်သည်။
“ဘင်္ဂလားဒေ့ရ်ှနိုင်ငံက စစ်ရေးတိုးချဲ့၊ တပ်လှန့်မှု လုပ်နေတော့ နှစ်နိုင်ငံ နယ်စပ်ဒေသမှာရှိတဲ့ တပ်တွေကြားမှာ အချိန်မရွေး ထိပ်တိုက် ပစ်ခတ်တာတွေ ဖြစ်လာနိုင်တာကို ခေါင်းဆောင်တွေက ချစ်ကြည်မှု၊ ငြိမ်းချမ်းမှုနဲ့ ဖြေရှင်းလိုတဲ့ ဆန္ဒတွေ ရှိနေ တယ်လို့ထင်တယ်” ဟု ဒီမိုကရေစီနှင့် ဖွံ့ဖြိုးတိုးတက်ရေး အင်အားစု၊ သုတေသနနှင့် မှတ်တမ်းဌာမှ သုတေသီ ဦးဌေးအောင်က ပြောသည်။
ဘင်္ဂလားဒေ့ရ်ှနိုင်ငံသည် အမေရိကန်ရေတပ်နှင့် စစ်ရေးလေ့ကျင့်ခြင်းကို ပြီးခဲ့သည့်လ အနည်းငယ်က လုပ်ဆောင်ခဲ့သည်။ ဘင်္ဂလားဒေ့ရ်ှသည် အမေရိကန်စစ်တပ်အပြင် တရုတ်နိုင်ငံ စစ်တပ်နှင့်လည်း ပူးပေါင်းဆောင်ရွက်မှုများရှိသည်။
ဘင်္ဂလားဒေ့ရ်ှနှင့် မြန်မာတို့သည် နှစ်နိုင်ငံရေပိုက်နက် အငြင်းပွားမှု မကြာခဏ ဖြစ်ပွားလေ့ရှိပြီး နှစ်နိုင်ငံရေပိုင်နက်အကြား၌ သဘာဝဓာတ်ငွေ့သိုက်များရှိကြောင်း၊ ၂၀၀၈ ခုနှစ်တွင် စမ်းသပ်တွေ့ရှိရာမှ နှစ်နိုင်ငံ ရေတပ် စစ်သဘောင်္များ စေလွှတ်ခဲ့သည် အထိ တင်းမာခဲ့ကြကြောင်း သိရသည်။
ထိုရေပိုင်နက် အငြင်းပွားမှုသည် နိုင်ငံတကာ ရေကြောင်းဆိုင်ရာ တရားရုံးအထိ ရောက်ရှိသွားခဲ့ပြီး ၂၀၁၂ ခုနှစ်တွင် အပြီးသတ် ဆုံးဖြတ်ပေးမည် ဖြစ်သည်။
နှစ်နိုင်ငံ နယ်နိမိတ်ရှိ နတ်မြစ်ဝဒေသတွင် မြန်မာနိုင်ငံဘက်မှ ဆည်တမံတည်ဆောက်သည့် စီမံကိန်းသို့ ဘင်္ဂလားဒေ့ရှ် နယ်ခြား စောင့်တပ်ဖွဲ့က ပစ်ခတ်ခဲ့သဖြင့် ၂၀၀၂-၀၃ ခုနှစ်ဝန်းကျင်ကလည်း နှစ်နိုင်ငံဆက်ဆံရေး တင်းမာမှုများ ရှိခဲ့ကြောင်း ဦးဌေး အောင်က ဆိုသည်။
မြန်မာနိုင်ငံသည် အိမ်နီးချင်းနိုင်ငံများ၏ စစ်တပ်များအနက် ဘင်္ဂလားဒေ့ရှ် စစ်တပ်နှင့် ပူးပေါင်းမှု ပိုမိုလုပ်ဆောင်လာခြင်းမှာ ရေပိုင်နက်ကိစ္စအပြင် စီးပွားရေးအရ နိမ့်ပါးနေခြင်းကြောင့်လည်း ပါဝင်ကြောင်းသိရသည်။
“နှစ်နိုင်ငံစလုံးက ဆင်းရဲတဲ့နိုင်ငံတွေ ဖြစ်တာရယ်၊ ရေပိုင်နက်က သဘာဝဓာတ်ငွေ့ အများအပြားရှိတယ်လို့ ယူဆနေကြတာတွေ၊ နောက်တခုက ဘင်္ဂလားဒေ့ရ်ှက လူဦးရေ တအားများနေတဲ့အတွက် နယ်စပ်က လူဝင်၊ လူထွက် ကိစ္စတွေအတွက် အငြင်းပွားမှု တွေ မကြာခဏ ဖြစ်နေတာတွေကို ဖြေရှင်းဖို့အတွက် တပ်အချင်းချင်း ချစ်ကြည်ရင်းနှီးမှု တည်ဆောက်နေကြတယ်” ဟု ဦးဌေးအောင်က ပြောသည်။
ဘင်္ဂလားဒေ့ရှ် အစိုးရသည် မြန်မာနိုင်ငံနှင့်နီးစပ်သည့် ၎င်းတို့၏ ပိုင်နက်ဒေသ၌ လေတပ်စခန်းသစ်တခု တိုးချဲ့တည်ဆောက်ခဲ့ သည့်အပြင် မြေပြင်မှဝေဟင်ပစ် တရုတ်နိုင်ငံလုပ် ဒုံးကျည်များကိုလည်း ဒီဇင်ဘာလဆန်းပိုင်းက တိုးချဲ့တပ်ဆင်ခဲ့ကြောင်း နိရဉ္စရာ သတင်း၌ ရေးသားထားသည်။
ဒု ဗိုလ်ချုပ်ကြီး ဉာဏ်ထွန်း၏ ခရီးစဉ်တွင် တပ်မတော်နှစ်ရပ်အကြား ချစ်ကြည်ရင်းနှီးမှု ခိုင်မြဲရေး ဆောင်ရွက်မည်ဖြစ်ပြီး နှစ် နိုင်ငံပူးပေါင်းဆောင်ရွက်ရေး ကိစ္စများ ဆွေးနွေးခဲ့ကြကြောင်း အစိုးရသတင်းစာများက ရေးသားထားသော်လည်း အသေးစိတ် မဖော်ပြထားချေ။
ဘင်္ဂလားဒေ့ရ်ှနိုင်ငံမှ သတင်းများအရ နှစ်ဘက်ခေါင်းဆောင်များသည် စစ်တပ်ကိစ္စအပြင် နှစ်နိုင်ငံ ကုန်သွယ်မှုကိစ္စ၊ အာရှဒေသ တွင်း ဆက်သွယ်မည့် ချစ်ကြည်ရေး လမ်းဖောက်ရေးကိစ္စ၊ ဘင်္ဂလားဒေ့ရ်ှနိုင်ငံရောက် မြန်မာနိုင်ငံမှ ဒုက္ခသည်များ ပြန်ပို့ရေးနှင့် လေကြောင်းလိုင်းတိုးချဲ့ဆောင်ရွက်ရေး ကိစ္စများကို ဆွေးနွေးခဲ့ကြကြောင်း သိရသည်။
ဘင်္ဂလားဒေ့ရှ် ၀န်ကြီးချုပ် ရှိတ်ဟာဆီနာသည် မြန်မာနိုင်ငံသို့ ယခုလ ၅ ရက်ရက်နေ့က လာရောက်လည်ပတ်ခဲ့ပြီး စီးပွားရေး ဆိုင်ရာ စာချုပ်တချို့ကို မြန်မာအစိုးရနှင့် ချုပ်ဆိုခဲ့ကြောင်း၊ ရွှေသဘာဝဓာတ်ငွေ့များ ၀ယ်ယူရန်အတွက် သမ္မတ ဦးသိန်းစိန်နှင့် ဆွေးနွေးခဲ့ကြကြောင်း သိရသည်။
Ref: ဧရာဝတီ
SNDP ကြားဖြတ်ရွေးကောက်ပွဲ သုံးနေရာ ဝင်ပြိုင်မည်
2011-12-18
လာမယ့် ကြားဖြတ်ရွေးကောက်ပွဲမှာ ရှမ်းတိုင်းရင်းသားများ ဒီမိုကရက်တစ် ပါတီ SNDP က လစ်လပ်နေတဲ့ လွှတ်တော်ကိုယ်စား လှယ် ၃ နေရာမှာ ဝင်ရောက်ယှဉ်ပြိုင် အရွေးခံမယ်လို့ သိရပါတယ်။
တောင်ကြီးမြို့မှာ ဒီဇင်ဘာ ၁၇ ရက်နေ့က ကျင်းပ ပြီးစီးသွားတဲ့ အစည်းအဝေးကနေ အခုလို ဆုံးဖြတ်ခဲ့ကြောင်း SNDP ဒု ဥက္ကဋ္ဌ ဖြစ်သူ ကျောက်မဲမြို့နယ် ပြည်သူ့လွတ်တော် ကိုယ်စားလှယ် ဦးစိုင်းဆောင်ဆီ က ပြောပါတယ်။
“ရုံးချုပ်က တောင်ကြီးကို ပြောင်းလိုက်ပြီး တောင်ကြီးမှာပဲ ဆုံးဖြတ်ကြ တာ။ လားရှိုးက အမျိုးသားလွှတ်တော်၊ နောက် ကလော က ပြည်သူ့ လွှတ်တော်၊ မိုးကောင်းက ပြည်သူ့လွှတ်တော် သုံးနေရာ။ စတုတ္ထ အကြိမ် ဗဟိုအလုပ်အမှုဆောင် အစည်းအဝေးမှာ ဆုံးဖြတ်ကြတာ။ ကျန်တာကတော့ ပါတီတွင်းပါပဲ။ တာဝန်တွေကို တိတိကျကျ ပြန်ပြီး ခွဲဝေကြတယ်။ နောက်ပြီး အောင်နိုင်ရေး အတွက် တာဝန်တွေ ပေးကြတယ်။ စစ်ဘေး ဖြစ်နေတဲ့ လူထုကို ဘယ်လို ကူညီမလဲ၊ ဘယ်လို မြို့နယ်တွေကနေ ပံ့ပိုးမလဲ ဆိုတဲ့ ကိစ္စလေးတွေလည်း ဆုံးဖြတ်တာပေါ့”
လွှတ်တော်ကိုယ်စားလှယ် အမည်စာရင်းကို ရွေးချယ်ထားတာ မရှိသေးဘူးလို့လည်း သိရပါတယ်။ ဒီမဲဆန္ဒနယ်တွေမှာ ရွေးချယ် ခံလို သူတွေ အနေနဲ့ စာရင်း တင်သွင်းနိုင်သလို အမတ်လောင်းနေရာကို ဗဟိုအလုပ်အမှုဆောင်က ပြန်လည် စိစစ် ဆုံးဖြတ် သွားမယ်လို့ ဆိုပါတယ်။
ရှမ်းပြည်နယ်အတွင်း နိုင်ငံရေး စိတ်ဝင်စားသူ များလာပြီး ရွေးကောက်ပွဲ ဝင်လိုသူတွေ ရှိလာတဲ့အတွက် လာမယ့် ၂ဝ၁၅ မှာ ကျင်းပမယ့် ရွေးကောက်ပွဲမှာ ဝင်ရောက် အရွေးခံနိုင်ဖို့ ကြိုတင်ပြင်ဆင် တဲ့ အနေနဲ့ ပါတီကနေ လွှတ်တော် ကိုယ်စားလှယ် ကောင်းတွေ မွေးထုတ်နိုင်ရေးကိုလည်း ဆွေးနွေးခဲ့ကြတယ်လို့ သိရပါတယ်။
Ref: အာရ်အဖ်အေ
အညတရ သူရဲကောင်း ဂုဏ်ပြုပွဲ ဂျပန်မှာ ပြုလုပ်
2011-12-18
တိုင်းပြည်နဲ့ လူမျိုးအတွက် အနစ်နာခံ ဆောင်ရွက်တဲ့ အညတရ သူရဲကောင်းတွေရဲ့ စိတ်ဓာတ်နဲ့ စေတနာကို မြန်မာနိုင်ငံသား တွေနဲ့ နိုင်ငံတကာက အာရုံစိုက်လာဖို့ ရည်ရွယ်ချက်နဲ့ ဂျပန်နိုင်ငံရောက် မြန်မာတွေက ချီးမြှင့်တဲ့ အညတရ သူရဲကောင်းဆု ရရှိသူတွေကို တိုကျိုမြို့မှာ ဒီကနေ့ ဂုဏ်ပြုပွဲ ကျင်းပပါတယ်။
ဒီနှစ်ဟာ ဒုတိယ အကြိမ်မြောက် ချီးမြှင့်တာဖြစ်ပြီး နိုင်ငံရေး ယုံကြည်ချက်ကြောင့် အကျဉ်းကျနေသူ ၄ ဦးကို ချီးမြှင့်ဂုဏ်ပြု တယ်လို့ ဆု ချီးမြှင့်ရေးကော်မီတီဝင် ဦးမင်းထက်ဇော်က ပြောပါတယ်။
လူ ၂ ရာ ဝန်းကျင် တက်ရောက်တဲ့ ဒီကနေ့ အခမ်းအနားမှာ အမျိုးသားဒီမိုကရေစီ အဖွဲ့ချုပ် ဒုတိယဥက္ကဋ္ဌ ဦးတင်ဦး၊ ဗဟို အလုပ်အမှုဆောင်အဖွဲ့ဝင် သတင်းစာဆရာကြီး ဦးဝင်းတင်တို့က ဗီဒီယိုက တဆင့် အမှာစကား ပြောကြားခဲ့သလို ဟာသပညာရှင် ကိုဇဂနာ ပေးပို့တဲ့ သဝဏ်လွှာကိုလည်း ဖတ်ကြားပြခဲ့ပါတယ်။
ဒီ အခမ်းအနားကို ဂျပန်နိုင်ငံရောက် မြန်မာနိုင်ငံသားတွေ၊ နိုင်ငံတကာ လွတ်ငြိမ်းချမ်းသာခွင့်အဖွဲ့၊ လူ့အခွင့်အရေး စောင့်ကြည့် ရေးအဖွဲ့၊ Human Rights Now အဖွဲ့ဝင်တွေ တက်ရောက်ခဲ့ကြပါတယ်။
Ref: အာရ်အဖ်အေ
မြန်မာ့အရေး ဦးဆောင်လှုပ်ရှားခဲ့သူ ချက်သမ္မတဟောင်း ကွယ်လွန်
2011-12-18
မြန်မာ့ ဒီမိုကရေစီအရေးအတွက် နိုင်ငံတကာ သံတမန်ရေးရာ ဆောင်ရွက်မှုတွေမှာ အစဉ်တစိုက် အားပေး ဦးဆောင် လှုပ်ရှားခဲ့သူ ချက်ကိုစလိုဗက်ကီးယားနဲ့ ချက်သမ္မတနိုင်ငံရဲ့ သမ္မတဟောင်း Vaclav Havel ဟာ ချက်နိုင်ငံက သူ့ရဲ့ နေအိမ်မှာ ဒီကနေ့ ကွယ်လွန်သွားပါတယ်။
မစ္စတာဟာဗဲလ်ဟာ ၁၉၉၁ ခုနှစ် ဒေါ်အောင်ဆန်းစုကြည် ကမ္ဘာ့ ငြိမ်းချမ်းရေး နိုဘယ်ဆု ချီးမြှင့်ခံရဖို့အတွက် အဓိက ထောက်ခံခဲ့သူ ဖြစ်ပါတယ်။ ဒါ့အပြင် မစ္စတာဟာဗဲလ်ဟာ မြန်မာနိုင်ငံက လူ့အခွင့်အရေး ချိုးဖောက်မှုတွေကို ကုလသမဂ္ဂ လုံခြုံရေးကောင်စီကနေ အရေးယူဖို့အတွက် "Threat to Peace- “ငြိမ်းချမ်းရေးကို ခြိမ်းခြောက်မှု” အမည်ရှိ အစီရင်ခံစာကို တောင်အာဖရိက နိုင်ငံက ဘုန်းတော်ကြီး ဒက်စမွန်တူးတူးနဲ့အတူ ပူးတွဲ ရေးသားပြီး ၂ဝဝ၅ ခုနှစ် နိုဝင်ဘာလမှာ တင်ပြခဲ့ပါတယ်။
မစ္စတာဟာဗဲလ်ဟာ ချက်ကိုစလိုဗက်ကီးယား နိုင်ငံမှာ ကွန်မြူနစ်စနစ်ကို ဆန့်ကျင်တော်လှန်ခဲ့တဲ့ Velvet Revolution ဘဲလ်ဗက် တော်လှန်ရေးကို ဦးဆောင်ခဲ့သူဖြစ်ပြီး လွတ်လပ်ပြီး ဒီမိုကရေစီနိုင်ငံ ဖြစ်လာတဲ့ ချက်သမ္မတနိုင်ငံရဲ့ ပထမဆုံး သမ္မတ အဖြစ် ၁၉၈၉ ခုနှစ်ကနေ ၁၉၉၂ ခုနှစ်အထိ တာဝန် ထမ်းဆောင်ခဲ့ပါတယ်။
သူဟာ ပြည်ပအခြေစိုက် မြန်မာ့ ဒီမိုကရေစီရေး လှုပ်ရှားသူ အဖွဲ့အစည်းတွေ၊ လူပုဂ္ဂိုလ်တွေအတွက် နိုင်ငံတကာ သံတမန်ရေးရာ လှုပ်ရှားမှုတွေမှာ အမြဲလိုလို ကူညီပံ့ပိုး ပေးခဲ့သူလည်း ဖြစ်ပါတယ်။
သမ္မတဟောင်း မစ္စတာ ဗဲဆလက် ဟာဗဲလ်ကို ၁၉၃၆ ခုနှစ် အောက်တိုဘာလ ၅ ရက်နေ့မှာ ချက်ကို စလိုဗက်ကီးယားနိုင်ငံ ပရာ့ဂ်မြို့က ချမ်းသာတဲ့ မြေပိုင်ရှင်မိသားစုက မွေးဖွားခဲ့တာဖြစ်ပြီး ငယ်စဉ်ကတည်းက မိဘတွေမှာ ရုပ်ရှင်စတူဒီယို ပိုင်ဆိုင်တဲ့ အတွက် ပြဇာတ် ဇာတ်လမ်းရေးသားမှုမှာ ဝါသနာထုံသူ ဖြစ်ပါတယ်။ မကွယ်လွန်မီ နောက်ဆုံးအချိန်အထိ ရုပ်ရှင်ဒါရိုက်တာအဖြစ် လုပ်ကိုင်ခဲ့သူလည်း ဖြစ်ပါတယ်။
Ref: အာရ်အဖ်အေ
Subscribe to:
Posts (Atom)
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88