ဝိမုတ္တိ

Friday, January 30, 2009

ဝနှင့် စစ်အစိုးရ တင်းမာမှု တိုးလာနေ

Thursday, 29 January 2009

ဝ ပြည် သွေးစည်းညီညွတ်ရေး တပ်မတော် (UWSA) နှင့် မြန်မာ စစ်အစိုးရ စစ်တပ်များအကြား မပြေမလည် တင်းမာမှုများ တိုးလာနေကြောင်း သိရသည်။

ယခုလ ၁၉ ရက်က စစ်ဖက်ရေးရာ လုံခြုံရေး အကြီးအကဲ ဒုဗိုလ်ချုပ်ကြီး ရဲမြင့် ဦးဆောင်သည့် အဖွဲ့ဝင် ၃၀ ခန့် ပါဝင်သော အဖွဲ့သည် ၀ ခေါင်းဆောင်များနှင့် တွေ့ဆုံရန် သွားရောက်ခဲ့ရာ ၀ ဒေသအ၀င်တွင် ၎င်းတို့၏ လက်နက်များကို ၀တပ်ဖွဲ့က သိမ်းဆည်းခဲ့သည်။ သိမ်းဆည်းခဲ့သည့် လက်နက်များအား ၂ ဖက် တွေ့ဆုံ ဆွေးနွေးမှုပြီးချိန်တွင်မှ ပြန်လည်ပေးအပ်ခဲ့သည်။ ယင်း ခရီးစဉ် နောက်ပိုင်းမှ စတင်၍ ထိုကဲ့သို့ တင်းမာမှုများ တိုးလာခဲ့ခြင်းဖြစ်သည်ဟု ၀ အဖွဲ့နှင့် နီးစပ်သူများက ပြောသည်။

တရုတ်-မြန်မာ နယ်စပ် အခြေစိုက် မြန်မာ့အရေး လေ့လာသူ ဦးအောင်ကျော်ဇောကလည်း ဒုဗိုလ်ချုပ်ကြီး ရဲမြင့်နှင့် အဖွဲ့သည် ရှမ်းပြည်နယ် ပန်ဆန်းဒေသရှိ UWSA ဌာနချုပ်သို့ သွားရောက်၍ လက်နက်စွန့်ရေး ဆွေးနွေးခဲ့ကြောင်း ပြောဆိုသည်။

ဝ အဖွဲ့ကို လေ့လာနေသော မန်းအိုက်ဖုန်းကမူ ဒု ဗိုလ်ချုပ်ကြီး ရဲမြင့်သည် ၀ ခေါင်းဆောင်များနှင့် တွေ့ဆုံ၍ ၀ ဒေသ ဖွံ့ဖြိုးရေးနှင့် စီးပွားရေးရာများကို ဆွေးနွေးခြင်းဖြစ်ကြောင်း၊ လာမည့် ၂၀၁၀ ရွေးကောက်ပွဲနှင့် ပတ်သက်ပြီး UWSA ၏ အခြေအနေကို လေ့လာခြင်းဖြစ်ကြောင်း ပြောသည်။

စစ်အစိုးရက ၎င်းတို့၏ အခြေခံဥပဒေကို ယမန်နှစ် မေလအတွင်း၌ အတည်ပြုခဲ့ပြီးနောက် ယင်းအခြေခံ ဥပဒေမှ ထွက်ပေါ်လာသည့် ရွေးကောက်ပွဲအသစ်အား လာမည့် ၂၀၁၀ ခုနှစ်တွင် ကျင်းပရန် ကြေညာခဲ့ သည်။ ထို ၂၀၁၀ ရွေးကောက်ပွဲကို ထောက်ခံမှုရရှိရန် ဆန့်ကျင်ဘက် အဖွဲ့အစည်းများသို့လည်း ကိုယ်စား လှယ်လွှတ်၍ စည်းရုံးလှုပ်ရှားမှုများကို ပြုလုပ်သည်။

၂၀၁၀ ရွေးကောက်ပွဲနောက်ပိုင်း၌ UWSA အပါအ၀င် လက်နက်ကိုင် ငြိမ်းချမ်းရေးအဖွဲ့များ လက်နက်စွန့်ရေး အတွက် စစ်အစိုးရက ဖိအားပေးရန် အစီစဉ်ရှိကြောင်းလည်း သိရသည်။

ပြီးခဲ့သည့် ဒီဇင်ဘာ ၅ ရက်တွင် တြိဂံတိုင်းမှူး ဗိုလ်မှူးချုပ်ကျော်ဖြိုး က UWSA တပ်မဟာ ၄၈၆ မှ ဗိုလ်မှူး ကြီး စိုင်းဆမ်နှင့် ပန်ဆိုင်းမြို့တောင်ဘက်ရှိ မုန်းပေါက်နယ်မြေတွင်တွေ့ဆုံ၍ လက်နက်နှင့် ငြိမ်ချမ်းရေး လဲလှယ်ရန် ဖိအားပေးမှုကို ၀ ဘက်က ငြင်းဆိုခဲ့ကြောင်း သျှမ်းသံတော်ဆင့် သတင်းစဉ်မှ အယ်ဒီတာ ဦးခွန်ဆိုင်းက ပြောသည်။

ယခုလဆန်းပိုင်းကလည်း UWSA အဖွဲ့က ၎င်းတို့၏ ဒေသအား ကိုယ်ပိုင်အုပ်ချုပ်ခွင့်ရ အထူးဒေသအဖြစ် သတ်မှတ်ပေးရန် တင်ပြချက်ကို မြန်မာစစ်အစိုးရဘက်က တုံ့ပြန်ခြင်းမရှိကြောင်း၊ သို့သော် ၀ အဖွဲ့က “မြန်မာနိုင်ငံတော် ၀ ပြည်နယ် အစိုးရ အထူးအုပ်ချုပ်ရေးဒေသ”ဟူသော အသုံးကို ကျယ်ကျယ်ပြန့်ပြန့် သုံးစွဲ နေကြောင်း သိရသည်။

UWSA ငြိမ်းချမ်းရေးယူခဲ့သည့် ၁၉၈၉ ခုနှစ်က စတင်၍ မြန်မာစစ်အစိုးရက ၀ ဒေသကို “ရှမ်းပြည်နယ် အထူး ဒေသ ၂ ”အဖြစ် သတ်မှတ် သုံးစွဲခဲ့သည်။

ဝ ပြည်သွေးစည်းညီညွတ်ရေးပါတီ (UWSP) ကလည်း စစ်အစိုးရ ကျင်းပသည့် အမျိုးသားညီလာခံသို့ ၂၀၀၃ ခုနှစ် အတွင်းက တက်ရောက်၍ ယင်း ၀ ပြည်နယ် ကိုယ်ပိုင်အုပ်ချုပ်ခွင့်အတွက် တောင်းဆိုခဲ့ကြောင်းသိရ သည်။

ယခုအခါ UWSA တပ်ဖွဲ့ဝင် ၂၀၀၀၀ ခန့်ကို ထိုင်း-တရုတ်-မြန်မာ နယ်စပ်တလျှောက်တွင် တပ်ဖြန့်ချထား ကြောင်း၊ ရှမ်းပြည်နယ် အောက်ဘက်တွင်လည်း ၆၀၀၀၀ မှ ၁၂၀၀၀၀ ခန့်ရှိသော ၀ ရွာသားများ အခြေချနေ ထိုင်လျှက်ရှိကြောင်း လေ့လာသူများက ပြောသည်။

ကိုစိုး
REF: ဧရာဝတီ

၈၈ ကျောင်းသားများ

ယနေ့ဖတ်စရာများ

Friday, January 30, 2009

Thursday, January 29, 2009

Wednesday, January 28, 2009

Monthly Chronology

ကျမ္မာရေး

အားကစား

မဲဆွယ်စည်းရုံးရေးမိန့်ခွန်း

ဒေါ်အောင်ဆန်းစုကြည် ခရီးစဉ်များ

Blog Archive

Subscribe via email

Subscribe To