06 မတ္ 2012
Anomymous- အမည္မသိလို႔ေခၚတဲ့ ႏုိင္ငံတကာ ကြန္ျပဴတာကြန္ယက္ ေဖာက္ထြင္းေရးအဖဲြ႔ႀကီးရဲ႕ ေခါင္းေဆာင္ တခ်ဳိ႕ဟာ အခုေတာ့ အမည္မသိေတြ မဟုတ္ၾကေတာ့ပါဘူး- အမည္ေတြ ေပၚကုန္ပါၿပီ။
ကြန္ျပဴတာေဖာက္ထြင္းသူ ဟက္ကာ (Hacker) ေဇဗီယာ မြန္ေဆးဂူးလ္ (Xavier Monsegur) အပါအဝင္ ထိပ္တန္းကြန္ျပဴတာေဖာက္ထြင္း သူ ဟက္ကာ ၆ ဦးကို ဖမ္းဆီးလိုက္ၿပီျဖစ္တဲ့အေၾကာင္း နယူးေယာက္ အာဏာပိုင္မ်ားက အဂၤါေန႔မွာ အသိေပး ေၾကညာပါတယ္။
ဟက္ကာမ်ားကို ဖမ္းဆီးႏုိင္ဖို႔အတြက္ ဟက္ကာနာမည္ဝွက္ ဆာဘူး (Sabu) လို႔ သိၾကတဲ့ ေဇဗီယာမြန္ေဆးဂူးလ္က အာဏာပိုင္မ်ားနဲ႔ ပူးေပါင္းကူညီမႈ ေပးခဲ့တယ္လို႔ အာဏာပိုင္မ်ားက ဆိုပါတယ္။ ၿပီးခဲ့တဲ့ႏွစ္ ၾသဂုတ္လကတည္းက ေဇဗီယာမြန္ေဆးဂူးလ္ဟာ ကြန္ျပဴ တာမ်ား ေဖာက္ထြင္းခဲ့တဲ့အေၾကာင္း ဝန္ခံေျဖာင့္ခ်က္ေပးခဲ့ပါတယ္။
အခုအခါမွာ ေဒၚလာ ၅ ေသာင္းတန္တဲ့ အာမခံနဲ႔ အျပင္မွာ ရွိေနပါတယ္။ ဧရာမ credit (အေႂကြး) ကဒ္ ကုမၸဏီႀကီးေတြ ျဖစ္ၾကတဲ့ ဗီဇာနဲ႔ မာစတာကဒ္တို႔ကိုလည္းေကာင္း၊ ကြန္ျပဴတာကတဆင့္ ေငြေခ်မႈ ဝန္ေဆာင္လုပ္ငန္း Paypal ကိုလည္းေကာင္း၊ တူနီးရွား၊ အယ္လ္ဂ်ီးရီးယား၊ ယီမဲန္၊ ဇင္ဘာေဘြ အစုိးရေတြနဲ႔ အေမရိကန္ဆီးနိတ္ ကြန္ျပဴတာ စနစ္ေတြကို ေဖာက္ထြင္းခဲ့တဲ့အေၾကာင္း ေဇဗီယာ မြန္ေဆးဂူးလ္က ဝန္ခံေျဖာင့္ခ်က္ေပးခဲ့ပါတယ္။
တျခား ဟက္ကာအုပ္စုေတြျဖစ္ၾကတဲ့ Lulz Security နဲ႔ Internet Feds မွာလည္း မြန္ေဆးဂူးလ္ပါဝင္ခဲ့ေၾကာင္း ႐ံုးေတာ္ကိုတင္တဲ့ စာရြက္စာတန္းမ်ားမွာ ပါဝင္ပါတယ္။
Ref: ဗြီအုိေအ
မသမာသူတွေက ဗီဇာရက်ချိန်းနေရာတွေ ရောင်းစားနေတာကြောင့် ဗီဇာရက်ချိန်း
ပယ်ဖျက်တဲ့စနစ်ကို မေလ ၇ ရက် ဒီနေ့ကစပြီး ရပ်ဆိုင်းလိုက်ပြီလို့
မြန်မာနိုင်ငံဆိုင်ရာ ထိုင်...
1 hour ago
Posts
0 comments:
Post a Comment