ကားတင်သွင်းခွင့် ပိုမိုလွတ်လပ်စွာ ခွင့်ပြုလိုက်

အောင်ဝင်း
မေလ ၀၈ ရက် ၂၀၁၂ ခုနှစ်

နိုင်ငံသားတိုင်း နိုင်ငံခြားငွေ ဘဏ်စာရင်း ဖွင့်လှစ်ကာ ၂၀၀၇ ခုနှစ် မော်ဒယ်အထက် အင်ဂျင်ပါဝါ ၁၃၅၀ စီစီနှင့်အောက် မော်တော်ယာဉ် တစီးစီ တင်သွင်းခွင့် ပြုမည်ဖြစ်ကြောင်း မေလ ၇ ရက်နေ့ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနတွင် ပြုလုပ်သော သတင်းစာ ရှင်းလင်းပွဲတွင် ပြည်ထောင်စုဝန်ကြီး ဦးဝင်းမြင့်က ပြောကြားလိုက်သည်။

“မြန်မာနိုင်ငံမှာ အခြားနိုင်ငံတွေနဲ့ နှိုင်းယှဉ်ကြည့်ပါက လူတထောင်လျှင် ကား ခုနှစ်စီးနှုန်းခန့်သာ ရှိတဲ့အတွက် ကိုယ်ပိုင်ကား စီးနိုင်တဲ့သူ အရေအတွက် ပိုမို များပြားလာအောင် နိုင်ငံသားတိုင်း နိုင်ငံခြားငွေဖြင့် ဘဏ်စာရင်း ဖွင့်လှစ်ကာ တဦးလျှင် တစီးစီ သွင်းခွင့်ပြုလိုက်တာ ဖြစ်ပါတယ်’’ ဟု ဝန်ကြီး ဦးဝင်းမြင့်က ဆိုသည်။

သမ္မတ ဦးသိန်းစိန်အစိုးရ တက်လာပြီးနောက်ပိုင်း နိုင်ငံရေးနှင့် စီးပွားရေး ပြုပြင်ပြောင်းလဲမှုများ လုပ်ဆောင်နေရာမှာ အဆမတန် မြင့်တက်လျက်ရှိသော ကားဈေးနှုန်းများကြောင့် ကိုယ်ပိုင်ကား စီးနိုင်သူ အရေအတွက် နည်းပါးရခြင်း ပြဿနာကို ဖြေရှင်းရန် ရည်ရွယ်ချက်ဖြင့် ကားတင်သွင်းခွင့် ဥပဒေများကို ထပ်မံလျှော့ပေါ့ပေးခြင်း ဖြစ်ကြောင်း ဝန်ကြီးဦးဝင်းမြင့်က ဆိုသည်။

၂ဝဝ၇ ခုနှစ် မိုဒယ်နှင့်အထက် ကားတင်သွင်းခွင့်ပြုရာတွင် ဘယ်မောင်း၊ ညာမောင်း နှစ်မျိုးစလုံး တင်သွင်းခွင့် ပြုမည်ဟုလည်း သတင်းစာရှင်းလင်းပွဲတွင် ၎င်းက ပြောဆိုသွားသည်။

နိုင်ငံခြားငွေ ဘဏ်စာရင်းဟုဆိုရာတွင် မြန်မာ့ ရင်းနှီးမြုပ်နှံမှုနှင့် ကူသန်း ရောင်းဝယ်ရေးဘဏ် Myanmar Investment and Commercial Bank နှင့် မြန်မာ့နိုင်ငံခြား ကုန်သွယ်မှုဘဏ် Myanmar Foreign Trade Bank သို့မဟုတ် နိုင်ငံခြား ဘဏ်တခုခုဖြင့် ချိတ်ဆက်ထားသည့် ပုဂ္ဂလိကဘဏ်တခုခုတွင် ငွေစာရင်းဖွင့် လှစ်ထားသည့် ငွေစာရင်းကို ရည်ညွှန်းခြင်းဖြစ်ပြီး ငွေစာရင်းတွင် တင်သွင်းမည့် ကားတန်ဖိုး ပမာဏသာ ရှိဖို့လိုအပ်သည်ဟု ဝန်ကြီးက ပြော သည်။

ယခု ခွင့်ပြုလိုက်သည့် ကားတင်သွင်းခွင့်ပါမစ် လျှောက်ထားခြင်းကို မေလ ၉ ရက်မှ စတင်၍ စီးပွားကူးသန်း ဝန်ကြီးဋ္ဌာနမှ ဆောင်ရွက်ပေးသွားမည်ဟုလည်း ဝန်ကြီးက ပြောဆိုသွားသည်။

အဆိုပါ ခွင့်ပြုယာဉ်များကို ရန်ကုန် ဆိပ်ကမ်း အရောက်တန်ဖိုး (CIF) အမေရိကန်ဒေါ်လာ ၅,၀၀၀ သတ်မှတ်ကာ ခွင့်ပြုပေးသွားမည် ဖြစ်ကြောင်း အဆိုပါ ဝန်ကြီးဌာနမှ အရာရှိတဦးက ဆိုသည်။

ကားတင်သွင်းခွင့်များကို ၂၀၁၁ ခုနှစ် စက်တင်္ဘာလက စတင်ကာ နှစ်ပေါင်း ၄၀ ကျော်၊ ၃ဝ ကျော်နှင့် နှစ် ၂ဝ ကျော် ယာဉ်ဟောင်းပိုင်ရှင်များကို ယာဉ် ဟောင်း အပ်နှံကာ ကားတင်သွင်းခွင့်များကို ခွင့်ပြုလျက်ရှိရာ ၂ဝ၁၂ ဧပြီလအထိ မော်တော်ယာဉ် စုစုပေါင်း ၄၈,ဝဝဝ ကျော် တင်သွင်းခွင့် ပြုပြီးဖြစ်သည်ဟု ၎င်းက ဆိုသည်။

ကားဟောင်းအပ်နှံရေး အစီအစဉ်အရ ‘စ’ အက္ခရာမှ ‘ပ’ အက္ခရာ အထိ ယာဉ်ဟောင်း ပိုင်ရှင်များကို ကားတင်သွင်းခွင့် ပေးသည့် အစီအစဉ်ကို ဆောင်ရွက် လျက်ရှိရာ ‘န’ နှင့် ‘ပ’ အက္ခရာ ယာဉ်များ အပ်နှံသည့် အစီအစဉ်ကိုလည်း ဆက်လက် ဆောင်ရွက်ပေးသွားမည် ဖြစ်ကြောင်း ၎င်းက ဆိုသည်။

၂ဝ၁၁ ခုနှစ် စက်တင်္ဘာလမှ စတင်ကာ ယဉ်ဟောင်းပိုင်ရှင်များကို ၁၉၉၅ ခုနှစ်မှ ၂ဝဝ၂ ခုနှစ် မော်ဒယ်အထိ ယာဉ်များကို တင်သွင်းခွင့် ပြုခဲ့ပြီး ၂ဝ၁၂ ဇန်နဝါရီလမှ စပြီး ၁၉၉၆ ခုနှစ် မှ၂ဝဝ၆ ခုနှစ်မော်ဒယ်အထိ တင်သွင်းခွင့် မှုဝါဒချမှတ်ခဲ့ပြီး ထပ်မံ ဖြေလျော့ပေးခဲ့သည်။

ယဉ်ဟောင်း အစားထိုးတင်သွင်းခွင့် အစီအစဉ်နှင့်အတူ နောက်ပိုင်းတွင် နိုင်ငံခြား ဘဏ်စာရင်း ရှိပြီး အခွန်ဆောင် ထားသော နိုင်ငံခြား သင်္ဘောသားများနှင့် ပင်လယ်ရပ်ခြားတွင် အလုပ်လုပ်ကိုင်ဖူးသော နိုင်ငံသားများကို ၂ဝဝ၇ ခုနှစ်မော်ဒယ်မှ ၂ဝ၁၁ ခုနှစ် မော်ဒယ်အထိ ကားများကို တင်သွင်းခွင့် ပြုခဲ့သည်။

ထိုကဲ့သို့ အဆင့်ဆင့် ကားတင်သွင်းခွင့်များကြောင့် ဈေးကွက်အတွင်းရှိ ကားဈေးနှုန်းများ နှစ်ဆမှ သုံးဆအထိ ကျဆင်းသွားခဲ့သည်။ သို့သော် ကားဟောင်း လဲလှယ်ရေး အစီအစဉ်အတွက် ကားတင်သွင်းခွင့် ပါမစ်များမှာ ကျပ် သိန်း ၁ဝဝ မှ ၁၅ဝ အထိ မြင့်တက်ခဲ့ပြီး ၂ဝဝ၇ ခုနှစ်နှင့် အထက်မော်ဒယ် ကားတင် သွင်းခွင့်ပါမစ်များမှာ ကျပ် သိန်း ၇ဝ မှ ၈ဝ အထိ မြင့်တက်ခဲ့ရာ ကားဈေးနှုန်းများမှာ ဆက်လက်မြင့်မားဆဲဖြစ်ပြီး ဈေးကွက်အတွင်း ကားဟောင်း လဲလှယ် ရေး အစီအစဉ်တွင် ပါဝင်ခြင်း မရှိသေးသော ၁၉၉၅ နှင့် ၁၉၉၆ ခုနှစ် မော်ဒယ်နှင့် အထက် အိမ်စီးကားများမှာ ကျပ်သိန်း ၁ဝဝ ကျော် ဈေး ရှိခဲ့သည်။

“အခုလို ကားတင်သွင်းခွင့် ဥပဒေတွေကို ဖြေလျှော့ပေးလိုက်တာ ကားဈေးနှုန်းတွေ ပိုကျသွားပြီး ငွေကြေး သိပ်မတတ်နိုင်တဲ့ လူတွေလည်း ကားဝယ်စီး နိုင်တော့မှာပါ။ အရင်ကဆို ကျပ် သိန်း ၁၀၀ လောက်တောင် ကားကောင်းတစီး မရနိုင်ပါဘူး” ဟု ရန်ကုန်မြို့ ဒဂုံမြို့သစ် ရပ်ကွက်တခုတွင် နေထိုင်သော ဦးသက်နိုင်က ဆိုသည်။

မော်တော်ကားများမှာ ရန်ကုန်မြို့လည်အတွင်းတွင်သာ များပြီး ဒဂုန်မြို့သစ်ကဲ့သို့ နယ်မြို့များတွင် သိပ်မရှိလှကြောင်း ၎င်းက ဆက်လက်ပြောဆိုသည်။ ထို့ပြင် လမ်းများကို ကောင်းမွန်စွာ ပြုပြင်ပေးစေလိုကြောင်း ဦးသက်နိုင်က မဇ္ဈိမကိုပြောဆိုသွားသည်။

Ref: မဇ္ဈိမ