2012-05-07
နိုင်ငံခြားငွေ သုံးစွဲနိုင်မယ့် ဘဏ်စာရင်းတစ်ခုဖွင့်ပြီး ၂၀၀၇ ခုနှစ် အထက် မော်ဒယ်လ်ကားတွေကို လွတ်လပ်စွာ တင်သွင်းခွင့် ပြုကြောင်း စီးပွား/ကူးသန်း ဝန်ကြီး ဦးဝင်းမြင့်က နေပြည်တော်မှာပြုလုပ်တဲ့ သတင်းစာရှင်းလင်းပွဲမှာ ဒီကနေ့ ပြောကြားလိုက်ပါတယ်။
နိုင်ငံခြား ငွေသွင်းငွေထုတ် MFTB / MICB ဘဏ်တွေနဲ့ ပုဂ္ဂလိကဘဏ်တွေမှာ နိုင်ငံခြားငွေစာရင်းတစ်ခု ဖွင့်နိုင်မယ်ဆိုရင် မိမိနှစ်သက်တဲ့ ၂၀၀၇ ခုနှစ်နဲ့ နောက် ပိုင်းထုတ်ကားတွေကို နိုင်ငံခြားက မှာယူတင်သွင်းခွင့် ရမှာဖြစ်ကြောင်း ဝန်ကြီးက သတင်းထောက်တွေကို ရှင်းပြခဲ့တယ်လို့ သိရပါတယ်။
အရင်လို လူတစ်စုကသာ ကားတင်သွင်းခွင့် ရတာမျိုးမဟုတ်ဘဲ မိမိလက်ထဲမှာငွေရှိရင် ကားတင်သွင်းခွင့် ရလာတာဟာ ရေရှည်မှာကောင်းပေမယ့် ဒီ သတင်းကြောင့် စနေ၊ တနင်္ဂနွေနေ့တုန်းက ကားဈေးတွေ ပြုတ်ကျပြီး အရောင်းအဝယ်တွေ ရပ်ခဲ့ကြောင်း ကုန်သည်တစ်ဦးက အခုလို ပြောပါတယ်။
ဘဏ်စာရင်းမှာ ကားဝယ်ယူ တင်သွင်းနိုင်လောက်တဲ့ ပမာဏရှိမယ်ဆိုရင် အခုမေလ (၉) ရက်နေ့ကစပြီး ကားတင်သွင်းခွင့်အတွက် စတင်လုပ်ဆောင်နိုင် တယ်လို့ စီးပွား/ကူးသန်းဝန်ကြီးဌာနက ပြောပါတယ်။
နယ်မြို့တွေမှာတော့ ဘယ်လိုကားအမျိုးအစား တင်သွင်းခွင့် ရနိုင်မလဲဆိုတာကို သက်ဆိုင်ရာ ပြည်နယ်နဲ့တိုင်း အာဏာပိုင်တွေက သီးသန့် ထုတ်ပြန်သွား မယ်လို့လည်း သိရပါတယ်။
Ref: အာရ်အဖ်အေ
1 hour ago
Posts
0 comments:
Post a Comment