2012-09-17
ကချင်ပြည်နယ် ဖားကန့် ကျောက်စိမ်းတွင်းဒေသမှာ ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ဖော်ဆောင်ရေး ခရီးစဉ်အဖြစ် ရောက်ရှိ နေတဲ့ ကိုမင်းကိုနိုင် ဦးဆောင်တဲ့ ၈၈ မျိုးဆက် ကျောင်းသားတွေဟာ ကချင်ပြည်နယ်အတွင်း စစ်ပွဲတွေ အမြန်ဆုံး ရပ်စဲပြီး စစ်မှန် တဲ့ ငြိမ်းချမ်းရေး အမြန်ဆုံးရရှိနိုင်ရန်အတွက် ဒီကနေ့ စုပေါင်း လက်မှတ်ရေးထိုး တောင်းဆိုလိုက်ပါတယ်။
ဒီလှုပ်ရှားမှုနဲ့ ပတ်သက်လို့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က RFA ကို အခုလို ပြောပါတယ်။
ဒီကနေ့ နေ့လည်ပိုင်း ၃ နာရီခွဲလောက်က ဖားကန့်မြို့ မြို့မရပ်ကွက် မဏိဇေယျုံ ဘုန်းကြီးကျောင်းမှာ ဖားကန့်ဒေသက ဗုဒ္ဓဘာ သာဘုန်းတော်ကြီးတွေ၊ ခရစ်ယာန်သင်းအုပ်ဆရာတွေ၊ ၈၈ မျိုးဆက် ကျောင်းသားတွေ၊ မြို့မိ မြို့ဖတွေ၊ လူမှုရေးအဖွဲ့အစည်းတွေနဲ့ ဒေသခံပြည်သူတွေ စုပေါင်းပြီး အခုလို လက်မှတ်ရေးထိုး တောင်းဆိုလိုက်တာပါ။
ကချင်ပြည်နယ်လူထုရဲ့ ငြိမ်းချမ်းရေး မေတ္တာရပ်ခံစာကို ၈၈ မျိုးဆက် ကျောင်းသား ခေါင်းဆောင် ကိုဋ္ဌေးကြွယ်က ဖတ်ကြားပြီး တော့ တက်ရောက်လာတဲ့ ပြည်သူတွေရဲ့ တခဲနက်ထောက်ခံမှုနဲ့ အခုလို အတည်ပြုလိုက်တာပါ။
"ဖားကန့်ဒေသ ငြိမ်းချမ်းပါစေ။ ကချင်ပြည်နယ် ငြိမ်းချမ်းပါစေ။ ပြည်ထောင်စုကြီး ငြိမ်းချမ်းပါစေ။ ဖားကန့်ဒေသကြွေးကြော်သံ တွေဟာ ကျွန်တော်တို့ တိုင်းပြည်တစ်ခုလုံးကို လွှမ်းခြုံနိုင်ပါစေ။ ကမ္ဘာကသိနိုင်ပါစေ"
စုပေါင်း လက်မှတ်ရေထိုးထားတဲ့စာကို သမ္မတ ဦးသိန်းစိန်၊ ပြည်သူ့လွှတ်တော်ဥက္ကဋ္ဌ သူရ ဦးရွှေမန်း၊ ကချင်ပြည်နယ် အစိုးရအဖွဲ့၊ ကချင်လွတ်မြောက်ရေး အဖွဲ့ချုပ် (KIO)တို့ကိုလည်း ပေးပို့လိုက်တယ်လို့ သိရပါတယ်။
၈၈ မျိုးဆက်ကျောင်းသားတွေဟာ ဒီကနေ့ ရဝမ်ကုန်း၊ မမုံ၊ ဆိပ်မူ(ဆိုင်းတောင်)စတဲ့ ဖားကန့်မြို့နယ်အတွင်းက ကျေးရွာတွေက ဘုန်းတော်ကြီးကျောင်းတွေနဲ့ ခရစ်ယာန် ဘုရားရှိခိုးကျောင်းတွေမှာ ဖွင့်လှစ်ထားတဲ့ ကယ်ဆယ်ရေး စခန်းတွေကို သွားရောက်ပြီး စစ်ဘေးရှောင်ပြည်သူတွေနဲ့ တွေ့ဆုံ လှူဒါန်းမှုတွေ ပြုလုပ်ခဲ့ပြီး မနက်ဖြန်မှာတော့ မိုးကောင်းခရီးစဉ်ကို စတင်မယ်လို့ သတင်းရ ရှိပါတယ်။
Ref: အာရ်အဖ်အေ
ရခိုင်ပြည်နယ်၊ မောင်တောမြို့နယ်မြောက်ပိုင်း ကျီးကန်းပြင်ဌာနချုပ်နဲ့
လှဖိုးခေါင်က အမှတ် (၁၀) နယ်ခြားစောင့်တပ်စခန်းကို AA က ဧပြီလ ၂၈ ရက်နေ့မှာ
ဒရုန်း၊ ရှော့တ...
1 hour ago
Posts
0 comments:
Post a Comment