မင်းသက်
မတ်လ ၂၇ ရက် ၂၀၁၂ ခုနှစ်
ရန်ကုန်တိုင်းဒေသကြီး ကျောက်တန်းမြို့နယ် အပြည်ပြည်ဆိုင်ရာ သီလဝါဆိပ်ကမ်းတွင် တနင်္လာနေ့ နေ့လယ် ၂ နာရီ ခွဲခန့်မှ စ၍ လောင်ကျွမ်းခဲ့သည့် မီးမှာ ဆိပ်ကမ်းရှိ ကျောက်မီးသွေးများမှ စတင် လောင်ကျွမ်းခြင်း ဖြစ်ကြောင်း သိရသည်။
ရန်ကုန်တိုင်း ဗဟိုမီးသတ်ဦးစီးဌာနသို့ ည ၁၁ နာရီကျော်တွင် မဇ္ဈိမ က ဆက်သွယ်မေးမြန်းချက်အရ မီးမှာ နောက်တနေ့ထိ ဆက်လက် လောင်ကျွမ်းနေဖွယ်ရှိကြောင်း တာဝန်ရှိသူတဦးက ပြောသည်။
"ကျနော်တို့ဆီကို ရှေ့တန်း (မီးလောင်ပြင်)က သတင်းပို့တာ ကျောက်မီးသွေးဆိုတာ နေပူရင် သူ့အလိုလို မီးလောင် တတ်တယ်တဲ့။ အခုလည်း အဲလိုပဲဖြစ်တာတဲ့။ မီးကို အခုထိ မထိန်းနိုင်သေးဘူး။ နောက်နေ့ထိ ရောက်သွားနိုင်တယ်" ဟု အဆိုပါ အရာရှိက ပြောသည်။
ဆိပ်ကမ်းရှိ သစ်များပုံထားသော သစ်ဆိပ်တွင် ကျောက်မီးသွေးများ ရှိနေပြီး ယင်းကျောက်မီးသွေးမှ နေပူဖြင့် မီးစတင်လောင်ပြီး သစ်လုံးများသို့ ကူးစက်လောင်ကျွမ်းနေခြင်းဖြစ်ကြောင်း မီးသတ်တာဝန်ရှိသူက ပြောသည်။
ဒေသခံများ အဆိုအရ မီးလောင်သည်မှာ ထူးကုမ္ပဏီပိုင် သစ်လုံးများဖြစ်သည်ဟု ဆိုကြသည်။ ဆိပ်ကမ်းရှိ သစ်လုံးများအောက်တွင် ကျောက်မီးသွေးများ ရှိပြီး ထိုသို့ မကြာခဏ ဖြစ်လေ့ရှိကြောင်း သိရသည်။
“ကျနော်တို့ သိသလောက်တော့ ကျောက်မီးသွေးတွေက ပူတဲ့အခါ မီးလောင်တယ်တဲ့။ ရေနဲ့ ပက်ရတာတဲ့။ မကြာခဏ ဖြစ်တာတဲ့။ အခုကတော့ မနိုင်တာဖြစ်မယ်။ လောင်တာ ကြာပြီ။ အခုထိ မငြိမ်းသေးဘူး”ဟု မျက်မြင် တဦးက မဇ္ဈိမကို ပြောသည်။
မီးလောင်ရာ တဝိုက်တွင် လူနေရပ်ကွက်များ မရှိဘဲ ပေါက်ကွဲမှုလည်း တစုံတရာ မကြားသိရ၍ လူများ ထိခိုက်ဒဏ်ရာ ရရှိမှုလည်း မရှိသေးကြောင်း မျက်မြင်များက ပြောသည်။
ဆုံးရှုံးမှုပမာဏကို မသိရသေးသော်လည်း မီးလောင်ပြင်နေရာ သီလဝါဆိပ်ကမ်းတွင် လွန်ခဲ့သော တလကျော်ကပင် ပြည်ပမှ တင်သွင်း လာသော မော်တော်ကားများလည်း ရှိနေသဖြင့် ယင်းကားများကို မီးကူးစက်လောင်မည်ကို စိုးရိမ်သောကြောင့် ထုတ်ယူရန် ရောက် လာသည့် မော်တော်ယာဉ် တင်သွင်းသော ကုမ္ပဏီမှ လူများလည်း ဆိပ်ကမ်းတွင် ရောက်ရှိနေသည်။
“ကျနော်တို့ ကားတွေ မီးထဲ ပါရင်တော့ ပြဿနာပဲ။ အခု ကားကို ထုတ်မယ်ဆိုလည်း ဝင်လို့တောင် မရဘူး။ အားလုံး ပိတ်ထားတယ်” ဟု မော်တော်ယာဉ် တင်သွင်းလာ သူတဦးက ပြောသည်။
လက်ရှိအခြေအနေတွင် မီးသတ်ယာဉ် အစီး ၆၀ ကျော်၊ မီးသတ်ရဲဘော်အင်အား ၃၀၀ ကျော်ဖြင့် ဆက်လက် ငြှိမ်းသတ်လျက်ရှိပြီး ရဲဘော်များအတွက် ရိက္ခာအဖြစ် ဗဟိုမီးသတ်မှ ဒံပေါက်ထုပ်ရေ ၂၅၀ ကျော် ပေးပို့ထားပြီး ဖြစ်ကြောင်း ဗဟိုမီးသတ်ဌာနမှ ပြောသည်။
“မီးလောင်နေသေးတယ်။ မငြိမ်းသေးဘူး။ ရှေ့တန်းကို ရောက်နေတဲ့ မီးသတ် ရဲဘော်တွေကို ရိက္ခာတွေ ပို့နေရတယ်။ ဘာမှ မသိရ သေးဘူး”ဟု ဗဟိုဌာနမှ တာဝန်ရှိသူတဦးက ပြောသည်။
သီလဝါ ဆိပ်ကမ်းမှာ ရန်ကုန်ဆိပ်ကမ်းမှ ၁၆ ကီလိုမီတာခန့် ကွာဝေးပြီး အပြည်ပြည်ဆိုင်ရာ ဆိပ်ခံတံတား ခြောက်ခု ထက်မနည်း ရှိ နေပြီးဖြစ်ကြောင်း သိရသည်။ သီလဝါ အထူးစီးပွားရေးဇုန်ကို သံလျင်နှင့် ကျောက်တန်းမြို့နယ်များ အနီး ဒလမြို့၏ အရှေ့ဘက်တွင် တည်ဆောက်မည်ဖြစ်ကာ တန်ချိန် တသိန်းခန့်ရှိ သင်္ဘောကြီးများပါ ဝင်ထွက် သွားလာနိုင်ရန် ရေနက်ဆိပ်ကမ်းကိုပါ တည်ဆောက် မည်ဟု သိရသည်။
Ref: မဇ္ဈိမ
နောင်မွန်မြို့နယ်ထဲမှာ စက်သုံးဆီတွေ ပြတ်လပ်နေတာကြောင့် စိုက်ပျိုးရေးအတွက်
လယ်ထွန်စက်တွေကို မသုံးနိုင်တော့ဘဲ လူအားအသုံးပြုပြီး လယ်ထွန်နေရပါတယ်။
10 hours ago
Posts
0 comments:
Post a Comment