2012-11-11
ရန်ကုန်တိုင်း၊ ရွှေပြည်သာမြို့နယ်၊ ဝါးတစ်ရာ စက်မှုဇုန်မှာရှိတဲ့ တော်ဝင် သစ်အချောထည် စက်ရုံက အလုပ်သမား ၂၀၀ကျော်ရဲ့ ၂ ပတ်ကျော်ကြာ တောင်းဆိုချက်တွေကို အလုပ်ရှင်ဘက်က သဘောတူဆောင်ရွက်ပေးဖို့ ခုံသမာဓိရုံးက မနေ့က ကြားဝင် ဆုံးဖြတ်ချက် ချမှတ်ပေးလိုက်ပါတယ်။
ခုံသမာဓိရုံးရဲ့ ဆုံးဖြတ်ချက်ကို အလုပ်ရှင်ဘက်က သဘောတူလိုက်လျောလာတဲ့အထိ ဆက်လက်ကြိုးပမ်း သွားမယ်လို့ အလုပ် သမား တစ်ဦးဖြစ်သူ ကိုနေလင်းဦးက သတင်းစာရှင်းလင်းပွဲမှာ အလုပ်သမားတွေရဲ့ ဆုံးဖြတ်ချက်ကို ကြေညာခဲ့ပါတယ်။
တော်ဝင်စက်ရုံ အလုပ်သမားသပိတ် ရုပ်သိမ်းပွဲ ကြေညာချက်ကို တော်ဝင် သစ်အချောထည် စက်ရုံက အလုပ်သမားတစ်ဦးဖြစ်သူ မအိဇာဖြူက အခုလို ဖတ်ပြပါတယ်။
" ဒီနေ့ ဒီရက်တွင် မိမိတို့အား ထောက်ပံ့ ပံ့ပိုးခဲ့ကြသော ပြည်သူလူထုကြီး ရှေ့မှောက်၌ တရားမျှတသော တောင်းဆိုချက်များကို ရရှိခဲ့ပါသည်။ တရားမျှတရေး လှုပ်ရှားမှုအပေါင်းက အမှောင်ထုကို ဖြိုခွင်းပြီး၊ ဖိနှိပ်မှုတွေအပေါ် အောင်ပွဲခံနိုင်ခဲ့ပြီ ဖြစ်သော ကြောင့် မိမိတို့၏ သပိတ်တိုက်ပွဲနဲ့ အစာငတ်ခံ တောင်းဆိုမှုများကို အောင်မြင်စွာ ရုပ်သိမ်းကြောင်း ကြေငြာအပ်ပါသည်"
ဒီဆုံးဖြတ်ချက်ကို အလုပ်သမားတွေဘက်က ကျေနပ်မှုရှိတဲ့အတွက် မရမ်းကုန်းမြို့နယ် တိုင်းအလုပ်သမားရုံးရှေ့မှာ နေ့စဉ်ရက်ဆက် ဆန္ဒပြနေတာကို ဒီကနေ့မှာ ရပ်တံ့ပေးလိုက်ပြီး အလုပ်သမားသပိတ် ပိတ်သိမ်းပွဲအဖြစ် သတင်းစာရှင်းလင်းပွဲ တစ်ရပ်ကိုလည်း ပြုလုပ်ခဲ့ပါတယ်။
အလုပ်သမားတွေဘက်က ဆန္ဒပြတောင်းဆိုတဲ့ အချက်တွေထဲမှာ စက်ရုံအလုပ်သမားတွေကို အလုပ်ရှင်ဘက်က လူမှုဖူလုံရေးကဒ် တစ်ပတ်အတွင်းထုတ်ပေးဖို့၊ အလုပ်သမားတွေကို အသိမပေးဘဲ စည်းကမ်းချက်တွေကို မထုတ်ပြန်ဖို့၊ အလုပ်သမားတွေကို အသိ မပေးဘဲ တစ်ခြားစက်ရုံခွဲတွေကို မပို့ဖို့၊ အလုပ်ရှင်နဲ့ အလုပ်သမား သဘောတူစာချုပ် ချုပ်ဆိုဖို့ စတဲ့ အချက်တွေ ပါဝင်ပါတယ်။
Ref: အာရ်အဖ်အေ
ကလေးမြို့နယ်၊ ပြည်တော်သာ ကျေးရွာမှာ မေ ၂ ရက်နေ့က စစ်ကောင်စီတပ်က
သတ်ဖြတ်ခဲ့လို့ အမျိုးသားနှစ်ဦး သေဆုံးခဲ့တယ်လို့ ဒေသခံတွေက ပြောပါတယ်။
1 hour ago
Posts
0 comments:
Post a Comment