မင်းမင်းလတ်-မန္တလေး(မြစ်မခ)
1 Nov, 2012
မန္တလေးတိုင်း ပုသိမ်ကြီးမြို့နယ်၊ဇီးအုပ်နှင့် ကံကြီးကုန်းမှမြေယာ ၀ယ်ယူထားသူများကအချက် (၁၀)ချက်ပါ သဘောထား ကြေညာ ချက်တစ်ရပ်ကို ယနေ့ထုတ်ပြန်၍ ၎င်းတို့၏နစ်နာမှုများအတွက် ငြိမ်းချမ်းစွာ ဆန္ဒထုတ်ဖေါ်ပွဲ တစ်ရပ်ကို တရားဝင်စာတင်၍ ပြုလုပ် သွားမည်ဖြစ်ကြောင်း မြေရှင်တို့ထံက သိရသည်။
နိုဝင်ဘာလ(၁)ရက်နေ့၊ ချမ်းအေးသာစံမြို့နယ်၊ လမ်း(၃၀)နှင့်(၇၁)လမ်းထောင့်တွင် ပြုလုပ်သော မီဒီယာတွေ့ဆုံပွဲတွင် ထိုကဲ့သို့ ကြေညာချက်ထုတ်ပြန်၍ မီဒီယာကို အသိပေးလိုက်ခြင်း ဖြစ်သည်။
ထိုကဲ့သို့ ဆန္ဒဖော်ထုတ်ပွဲကို ၎င်းတို့အနေဖြင့် မန္တလေးမြို့ထဲတွင် ပြုလုပ်လိုသော်လည်း လုပ်ခွင့် မရနိုင်ဟု ယူဆသဖြင့် ပုသိမ်ကြီး မြို့နယ်အတွင်း ပြည်ကြီးတံခွန်နှင့် ထိစပ်နေသည့် နေရာများ၌ လာမည့်နိုဝင်ဘာ လဆန်းပိုင်း အတွင်း ပြုလုပ်သွားမည် ၄င်းက ဆက်ပြောသည်။
ဆက်လက်၍ အဆိုပါမြေများသည် ကျူးမြေများ မဟုတ်ကြောင်း ၊ မြေကွက်များကို ၀ယ်ယူစဉ်က ကျေးရွာအုပ်ချုပ်ရေးမှူးများ၊ မယက များသို့တင်ပြပြီး ၀ယ်ယူခွင့်ရှိပါသည်ဟု ပြောသောကြောင့် အရပ်စာချုပ် များ ပြုလုပ်ကာ ၀ယ်ယူခဲ့ခြင်းဖြစ်ကြောင်း၊ စာချုပ်များတွင် ကျေးရွာအုပ်ချုပ်ရေးမှူးများ၏ လက်မှတ်ပါရှိကြောင်း နစ်နာသူတစ်ဦးဖြစ်သည့် မချိုမာလွင်က ရှင်းလင်းပြောကြား ခဲ့သည်။
“ဂျာနယ်တွေ သတင်းမီဒီယာတွေ တော်တော်များများနဲ့ စည်ပင်က ကျမတို့ ကံကြီးကုန်းနဲ့ ဇီးကုန်းမှာ ၀ယ်ထားတဲ့သူတွေကို ကျူးတွေပါလို့ သုံးနှုန်းပါတယ်၊ ဒါပေမဲ့ ကျမတို့က ကျူးတွေ လုံးဝမဟုတ်ပါဘူး ရှင့်၊ ဘာဖြစ်လို့လဲဆိုတော့ ကျူးဆိုတာ စာချုပ် စာတန်းလည်း မပြနိုင်ဘူး၊ အထောက်အထားလည်း မပြနိုင်ပဲ သူများမြေမှာ နေတယ်ဆိုမှ ကျူးလို့သတ်မှတ်ပါတယ်၊ ကျမတို့က ကျူးမဟုတ်ရဘူးလို့ ပြောရတာက ကျမတို့မှာ ပြစရာ စာချုပ်စာတန်းတွေ ရှိပါတယ်ရှင့်´´ဟု မချိုမာလွင်က ရှင်းပြသည်။
အဆိုပါ စာချုပ်များမှာ နိုင်ငံတော် အသိအမှတ်ပြု စာချုပ်များဖြစ်ပြီး ကျေးရွာဥက္ကဌများ ကိုယ်တိုင်အသိ သက်သေလက်မှတ်များ ပါရှိသည် ဟု ၎င်းကဆို၍ ကျေးရွာဥက္ကဌဖြစ်သူက ယခုမြေကွက်များမှာ စည်ပင်သာယာမှ ချပေးထားသော မြေကွက်များဖြစ်ပြီး အိမ်နံပါတ်ပြားများ ထုတ်ပေးခြင်းများပြု လုပ်ခြင်း နံပါတ် မရရှိသူများအတွက်လည်း အိမ်နံပါတ်ပြား တစ်ခုလျှင် ငွေကျပ်ငါး ထောင်နှုန်းဖြင့် ပြုလုပ်ပေးကြောင်းကိုလည်း ၄င်းက ဆက်ပြောသည်။
မန္တလေးမြို့တော်စည်ပင်မှ အဆိုပါမြေကွက်များနှင့်ပတ်သက်၍ ပြီးခဲ့သည့် အောက်တိုဘာလ (၁၅) ရက်နေ့အပြီး မိမိအစီအစဉ် ဖြင့်မိမိ ဖယ်ရှားကြရန် အကြောင်းကြားထားကြောင်း ကိုလည်း သိရသည်။
“စတင်ရောင်းချခြင်းပြုလုပ်တုန်းက၊ ရဲကလည်း မတားခဲ့ဘူး၊ စည်ပင်ကလည်း မတားခဲ့ဘူး၊ ကျေးရွာအုပ်ချုပ်ရေးကလည်း မတား ခဲ့ဘူး ၊ ဘယ်သူမှ မတားခဲ့လို့ ကျမတို့က ဒီလိုဝယ်ယူရခြင်း ဖြစ်ပါတယ်´´ဟု မချိုမာလွင်က ဆက်ပြောသည်။
အဆိုပါမြေကွက် အရောင်းအ၀ယ်များသည် ၂၀၀၅ ခုနှစ်မှစတင် အရောင်းအ၀ယ်ဖြစ်ခဲ့ပြီး ယခင်မန္တလေး မြို့တော်ဝန်ဟောင်း ဦးဖုန်းဇော်ဟန်မှ လာရောက်စစ်ဆေးမှုများရှိခဲ့ပြီး တားဆီးမှု မရှိခဲ့ကြောင်းကိုလည်း ၄င်းတို့ကဆိုသည်။
``ပထမမြို့တော်ဝန် ဦးဖုန်းဇော်ဟန်ကိုယ်တိုင် ဒီကိစ္စကို သူကိုယ်တိုင် မျက်မြင်ကိုယ်တွေ့ မြင်ခဲ့တာ ရှိပါတယ်။ သူကိုယ်တိုင် ကျောင်းဝင်းထဲကိုလာပြီး စစ်ဆေးတာမျိုး ၊ မြို့တော်ဝန် ဦးဖုန်းဇော်ဟန် ကိုယ်တိုင် ဒီနေရာတွေကို မရောင်းရဘူး မ၀ယ်ရဘူးဆိုပြီး လာပြီးတော့ ပြောတာလည်း မရှိခဲ့ပါဘူး ´´ ဟု မချိုမာလွင်က ဆက်ပြောသည်။
Ref: မြစ်မခ
ဧပြီလ ၂၃ ရက်နေ့ကနေ ၂၅ ရက်နေ့ထိ သုံးရက်တာကျင်းပတဲ့ ဒီအစည်းအဝေးကို
ဗိုလ်ချုပ်ကြီးမိုးအောင် ဦးဆောင်ပြီး တက်ရောက်ခဲ့တာလို့ ဆိုပါတယ်။
8 hours ago
Posts
0 comments:
Post a Comment