03 August 2011
အလုပ်သင်ဆရာဝန်များ အတွက် လစဉ်ချီးမြှင့်ငွေ ကျပ်တစ်ထောင့်နှစ်ရာမှ ငွေကျပ် ငါးသောင်းငါးထောင် အထိ တိုးမြှင့်မည် ဖြစ်ကြောင်း သတင်း ရရှိပါသည်။
''အလုပ်သင် ဆရာဝန်တွေကို လစဉ် ချီးမြှင့်နေတဲ့ ငွေကျပ် ၁၂၀၀ ကနေ ၅၅၀၀၀ အထိ တိုးမြှင့်ပေးဖို့ ရှိပါတယ်''ဟု တာဝန်ရှိသူ တစ်ဦး ထံမှ သိရှိရပါသည်။
အလုပ်သင် ဆရာဝန်များကို လစဉ်ချီးမြှင့်ငွေ ကျပ် ၁၂၀၀ ချီးမြှင့်သော်လည်း တံဆိပ်ခေါင်းခ ၂၅ ကျပ် ကုန်ကျသဖြင့် အလုပ်သင် ဆရာဝန် တစ်ဦးလျှင် လစဉ်ချီးမြှင့်ငွေ ၁၁၇၅ ကျပ် ရရှိကြောင်း၊ အဆိုပါငွေအား လစဉ်ထုတ်ယူနိုင်ပြီး ခြောက်လ အထိ စုပေါင်း ထုတ်ယူနိုင်ကြောင်း သိရသည်။
''ကျွန်တော်က ၂၀၀၆ ခုနှစ်မှာ ဆေးကျောင်းတက်ပြီးလို့ ၂၀၀၇ မှာ အလုပ်သင်ဆရာဝန် အဖြစ် တစ်နှစ် ဆောင်ရွက်ခဲ့ပါတယ်။ အလုပ်သင် ဆရာဝန် ဖြစ်တော့ တစ်လကို ချီးမြှင့်ငွေ ၁၂၀၀ ပဲ ရရှိတယ်။ ၁၂၀၀ ကို သုံးလပေါင်းပြီး ထုတ်ရတယ်။ ဒီလစာ က ကျွန်တော်တို့နှစ်မှ မဟုတ်ပါဘူး လွန်ခဲ့တဲ့ နှစ်တွေ ကတည်းက ၁၂၀၀ ပါပဲ။ ကျွန်တော်တို့ကို စာသင်ပေးတဲ့ ပါမောက္ခတစ်ဦးက ပြောခဲ့ဖူးတယ် သူတို့တုန်းကလည်း ဒီချီးမြှင့်ငွေပါပဲ။ အဲဒီအချိန်တုန်းကတော့ ဒီငွေက အဆောင်ခ၊ စားစရိတ်နဲ့ အထွေထွေ အသုံးစရိတ် လုံလောက်ခဲ့တဲ့ အပြင် အိမ်ကိုတောင် ၅၀၀ လောက် ပြန်ပို့နိုင်ခဲ့တယ်လို့ ပြောခဲ့ဖူးပါတယ်။ ကျွန်တော်တို့ခေတ် ရောက်တော့ ၁၂၀၀ ဆိုတာ ထမင်းတစ်နပ် ကောင်းကောင်း စားဖို့တောင် မလုံလောက်တဲ့ ငွေပမာဏပါ။ ဆေးကျောင်းတက် နေခါစ ကတည်းက အလုပ်သင် ဆရာဝန်တွေကို ချီးမြှင့်တဲ့ငွေတိုးမယ် ဆိုတဲ့ အသံတွေက အမြဲလိုလို ကြားနေရတာပါ။ အခု တစ်လကို ငွေကျပ် ငါးသောင်းငါးထောင် အထိ တိုးမယ်လို့ ကြားမိတော့ ၀မ်းသာမိပါတယ်'' မြောက်ဥက္ကလာပ မြို့နယ်ရှိ လက် ထောက်ဆရာဝန် တစ်ဦးက ရှင်းပြခဲ့သည်။
''ဒီလို တိုးမယ်လို့ကြားတာ ၀မ်းသာပါတယ်။ ကျွန်တော်တို့ကတော့ မမီတော့ဘူး ထင်တယ်။ ဒီလိုသာဆိုရင် နောက်တစ်နှစ် လောက် အလုပ်သင် ဆက်လုပ်ချင်ပါသေးတယ်''ဟု လက်ရှိ အလုပ်သင်ဆရာဝန် တစ်ဦးက ပြောပါသည်။
သွားဘက်ဆိုင်ရာ ဆေးတက္ကသိုလ်မှ ပါမောက္ခ ဦးကိုကိုမောင်က ''သွားတက္ကသိုလ်ကို ငါးနှစ် တက်ရတယ်။ ပြီးရင် အလုပ်သင် ဆရာဝန် အဖြစ် ခြောက်လ ဆင်းရပါတယ်။ အခု လက်ရှိမှာ အလုပ်သင်ဆရာဝန်တွေက တစ်လကို ၁၂၀၀ ရပါတယ်။ တိုးမယ် လို့တော့ ကြားနေရတယ်''ဟု ဆိုပါသည်။
အလုပ်သင် ဆရာဝန်များ၏ ချီးမြှင့်ငွေများ တိုးမြှင့်ပေးမည် ဟူသည့် သတင်းများမှာ မကြာခဏ ထွက်ပေါ်လေ့ရှိပြီး အစိုးရ ၀န်ထမ်းများ၏ လစာငွေများ အကြိမ်ကြိမ် တိုးမြှင့်ခဲ့ခြင်းများ ရှိခဲ့သော်လည်း အလုပ်သင် ဆရာဝန်များ၏ ချီးမြှင့်ငွေမှာ တိုးမြှင့် ခဲ့ခြင်း မရှိကြောင်း သိရသည်။
''ဆေးကျောင်းတက်ဖို့ ဆိုတာက မလွယ်လှပါဘူး။ နယ်ကနေ ကျောင်းလာတက်တဲ့ သူတွေဆို ပိုဆိုးပါတယ်။ လစဉ် ကျောင်း စရိတ်၊ ကျူရှင်ဖိုး၊ အသုံးစရိတ်၊ အဆောင်ခနဲ့ အထွေထွေ ကုန်ကျစရိတ်အားလုံးကို အိမ်ကို ပြန်တောင်းနေရတာပါ။ ကျောင်းပြီး တော့ အလုပ်သင်အဖြစ် တစ်နှစ်ဆင်းရတယ်။ ရတဲ့ငွေက တစ်လ ၁၂၀၀ ဆိုတော့ အိမ်ကိုတောင်းနေရတုန်းပါပဲ''ဟု အလုပ်သင် ဆရာဝန် တစ်ဦးက ဆိုပါသည်။
Ref: ElevenWeekly
ဧပြီလ ၂၃ ရက်နေ့ကနေ ၂၅ ရက်နေ့ထိ သုံးရက်တာကျင်းပတဲ့ ဒီအစည်းအဝေးကို
ဗိုလ်ချုပ်ကြီးမိုးအောင် ဦးဆောင်ပြီး တက်ရောက်ခဲ့တာလို့ ဆိုပါတယ်။
3 hours ago
Posts
0 comments:
Post a Comment