အေးလဲ့
သြဂုတ်လ ၀၂ ရက် ၂၀၁၁ ခုနှစ်
နေပြည်တော်တွင် ကျင်းပမည့် အမျိုးသားအဆင့် စီးပွားရေးအလုပ်ရုံ ဆွေးနွေးပွဲသို့ မြန်မာ့ဒီမိုကရေစီ ခေါင်းဆောင် ဒေါ်အောင် ဆန်းစုကြည်အား ဖိတ်ကြားရန် ရှိကြောင်း သတင်းများ ထွက်ပေါ်နေသည်။
ဒေါ်အောင်ဆန်းစုကြည်ကို မက်ခရိုဘောဂဗေဒဆိုင်ရာ အလုပ်ရုံဆွေးနွေးပွဲသို့ တက်ရောက်ရန် ဖိတ်ကြားမည်ဖြစ်ကြောင်း သမ္မတ ဦးသိန်းစိန်၏ နိုင်ငံရေးအကြံပေး အဖွဲ့ဝင်တဦးဖြစ်သည့် ဒေါက်တာနေဇင်လတ်၏ ပြောဆိုချက်ကို ကိုးကားပြီး RFA မြန်မာပိုင်း အစီအစဉ်က ဖော်ပြထားသည်။
ဖိတ်ကြားချက် နှင့်ပတ်သက်၍ အမျိုးသား ဒီမိုကရေစီ အဖွဲ့ချုပ် (NLD) ကို ဆက်သွယ်မေးမြန်းရာ ယင်းကိစ္စနှင့် ပတ်သက်ပြီး ဒေါ်အောင်ဆန်းစုကြည်မှ NLD နှင့် တစုံတရာ ဆွေးနွေးခြင်း မရှိကြောင်း NLD ဗဟိုကော်မီတီဝင် ဦးဝင်းတင်က မဇ္ဈိမသို့ ပြောသည်။
“ဒီစစ်အစိုးရနဲ့ NLD ပါတီ အနေနဲ့ ပြောလို့မရ၊ ဆိုလို့မရ ဖြစ်နေတဲ့အချိန်မှာ သူက တဦးချင်း ဆောင်ရွက်တာပဲလို့ ကျနော် ယူဆ ပါတယ်” ဟု ဦးဝင်းတင်က ပြောသည်။
၁၉၉၀ ရွေးကောက်ပွဲ အနိုင်ရ NLD ပါတီသည် တရားဝင်ပါတီ အဖြစ်မှပျက်ပြယ်ခြင်း ရှိမရှိ ဆိုသည့် အချက်တွင် NLD နှင့် အစိုးရ အကြား အချေအတင် ဖြစ်နေသည်။
သို့သော် ဒေါ်အောင်ဆန်းစုကြည်၏ လတ်တလော ထုတ်ပြန်ထားသည့် တိုင်းရင်းသားဒေသများရှိ လက်နက်ကိုင်ပဋိပက္ခများ ကို ဆွေးနွေးအဖြေရှာရန် ပန်ကြားချက် တွင် ပါတီအမည်ကို ထည့်သွင်းထားခြင်း မရှိဘဲ မိမိတဦးတည်း အမည်ဖြင့် လက်မှတ်ရေးထိုး ထားသည်။
ဦးသိန်းစိန် ဦးဆောင်သည့် ကြံ့ဖွံ့အစိုးရ တက်ပြီးနောက် နေပြည်တော်တွင် မြန်မာနိုင်ငံ စီးပွားရေး ဖွံ့ဖြိုးတိုးတက်ရေးဆိုင်ရာ အလုပ်ရုံ ဆွေးနွေးပွဲ၂ ကြိမ် ကျင်းပခဲ့သည်။ ပထမတကြိမ်တွင် ဆင်းရဲမွဲတေမှု ပပျောက်ရေးဆိုင်ရာ ဆွေးနွေးပွဲကျင်းပပြီး ဒုတိယ တကြိမ်တွင် E-Government ဖေါ်ဆောင်ရေး အလုပ်ရုံဆွေးနွေးပွဲ ကျင်းပ ခဲ့သည်။
ပထမအကြိမ် အလုပ်ရုံဆွေးနွေးပွဲ၌ နိုင်ငံတော် သမ္မတ၏ စီးပွားရေး အကြံပေးအဖွဲ့ခေါင်းဆောင်ဖြစ်သူ ဒေါက်တာ ဦးမြင့်က ‘ ဆင်းရဲမွဲတေမူ လျှော့ချရေး လမ်းပြ စာတမ်း’ ကို တင်သွင်းခဲ့ဖူးသည်။
ဒေါ်အောင်ဆန်းစုကြည်သည် စီးပွားရေး ပညာရှင် ဒေါက်တာ ဦးမြင့်အား ပုဂ္ဂိုလ်ရေးအရ ခင်မင်မှုရှိသည်။
Ref: မဇ္ဈိမ
ဧပြီလနဲ့ မေလအတွင်း အပူချိန်အမြင့်မားဆုံး ခံစားရနိုင်ဖွယ်ရှိပြီး စစ်ကိုင်း၊
မန္တလေးနဲ့ မကွေးဒေသတွေမှာ အမြင့်ဆုံး အပူချိန်ရှိနေတယ်လို့ မိုးလေဝသနဲ့
ဇလဗေဒညွှန်...
2 hours ago
Posts
0 comments:
Post a Comment