Friday, December 18, 2009

ဒီနေ့ တတိယအုပ်စု၊ တတိယလိုင်းဆိုတာ ဘယ်လိုဟာတွေလဲ

ရဲဘော်ဖိုးသံချောင်း
၁၈ ဒီဇင်ဘာ ၂၀၀၉

အခုနောက်ပိုင်း ဗမာပြည်နိုင်ငံရေးမှာ “တတိယအုပ်စု၊” တတိယလိုင်း” ဆိုတဲ့ ဝေါဟာရကို အတော်ပြောဆို သုံးနှုန်း နေကြတာ တွေ့ရ၊ ကြားရပါတယ်။ အထူးသဖြင့် နအဖ စစ်အစိုးရရဲ့ ၂ဝဝ၈ ခုနှစ် ဖွဲ့စည်းပုံ အခြေခံဥပဒေကို အတည်ပြုတာနဲ့ ၂ဝ၁ဝ ရွေးကောက်ပွဲ အတွက် ပြင်ဆင်တာတွေ လုပ်လာကြတဲ့ နောက်ပိုင်းမှာ ဖြစ်ပါတယ်။

ဒီတော့ သဘာဝကျစွာပဲ ဒီနေ့ အဲဒီလို ကိုယ့်ကိုယ်ကိုယ် “တတိယအုပ်စု”၊ တတိယလိုင်း” လို့ ကြွေးကြော် နေသူတွေကို ပြန် စောကြော မိပါတယ်။ ဘယ်လိုလူတွေက၊ ဘာရည်ရွယ်ချက်နဲ့ ဘာ့ကြောင့် ပြောနေတာလဲ။

ဒီနေရာမှာ ဖြတ်ပြောသင့်တယ်ထင်တာတခုက နိုင်ငံရေးမှာ “တတိယအုပ်စု၊” တတိယလိုင်း” ဆိုတာမျိုး ကိုယ့်ကိုယ်ကိုယ် သတ်မှတ် ကြေညာကြတာမျိုး အင်မတန် ရှားပါတယ်။ အဓိကကတော့ တိကျတဲ့ နိုင်ငံတခု၊ ဒါမှမဟုတ် နိုင်ငံရေး ခွင်ကြီးတခုရဲ့ အခြေအနေကို လိုက်ပြီး သုံးသပ်သူတွေ၊ မီဒီယာတွေက သတ်မှတ်တာ ပြောဆိုတာ များပါတယ်။ ဒါပေမယ့် ဒီနေ့ဗမာပြည်က နအဖ စစ်ဒီမိုကရေစီ ခေတ်မှာ ကျတော့ ဒီလူတွေ၊ ဒီအဖွဲ့တွေဟာ သူများထက် ထူးပြီး ကိုယ့်ကိုယ်ကိုယ် “တတိယအုပ်စု”၊ တတိယလိုင်း” လို့ မိတ်ဆက်ပြီး ကားလိပ်ရှေ့ ထွက်လာကြတာ တွေ့နေရပါတယ်။

ပထမဆုံးအားဖြင့် အဲဒီလိုပြောနေသူတွေထဲမှာ ၂ဝ၁ဝ ရွေးကောက်ပွဲဝင်မယ့်သူ ဆိုတာနဲ့ မဝင်မယ့်သူ ဆိုတာရယ်လို့ ခွဲရင် ရမယ် ထင်ပါတယ်။ ရွေးကောက်ပွဲကို မဝင်ဘူးလို့ ပြောပြီး ဒီအယူအဆကို တွင်တွင် ဖြန့်နေသူ၊ သူတို့နဲ့ မတူသူတွေကို ရန်တွေ့နေ သူတွေကတော့ သဘောတရားရေး ဆရာကြီးတွေ ဖြစ်ပါတယ်။ သူတို့မှာ အာဏာ-အခွင့်အရေး ရည်မှန်းချက် မရှိဘူး၊ စေတနာ သန့်သန့်နဲ့ ဒီအယူအဆတွေကို ဖြန့်နေတာလို့ ဆိုနေကြသူတွေ ဖြစ်ပါတယ်။ ဒါပေမယ့် တချိန်ကတော့ သူတို့ဟာ တခြား အဖွဲ့အစည်းတွေမှာ တခြားအယူအဆတွေ အတွက်လည်း သဘောတရား ဆရာကြီးတွေ လုပ်ဖို့ ကြိုးစား ခဲ့ကြသူတွေ ဖြစ်တယ်ဆိုတာ သတိမပြုမိဘဲ မနေနိုင်ပါဘူး။ သူတို့ဟာ နိုင်ငံတကာ စာမျက်နှာတွေ ပေါ်ကနေ ရှာတွေ့လို့ ရသမျှ၊ အသုံးတည့်မယ် ထင်သမျှကို ဆွဲယူပြီး ဗမာပြည် နိုင်ငံရေးနဲ့ အတင်း ဆွဲစပ်ပေးတာပါ။ သူတို့ဟာ သူများတွေကိုတော့ စာအုပ်ကြီး သမားတွေ၊ တရားသေ သမားတွေလို့ ပုတ်ခတ် တိုက်ခိုက်ပြီး သူတို့ ကိုယ်တိုင်ကတော့ စာအုပ်ကြီး- စာအုပ်ကလေး၊ ဆောင်းပါးတို၊ ဆောင်းပါးရှည်၊ လက်လှမ်း မီသမျှထဲကနေ နအဖဗိုလ်ချုပ်တွေ မနောခွေ့မယ် ထင်သမျှကို ဆွဲယူ ကိုးကား နေကြတာ ဖြစ်ပါတယ်။ နအဖ စစ်အုပ်စု ဖြစ်စေချင်တဲ့ လာမယ့် ရွေးကောက်ပွဲကို ဝင်ဖို့ သဏ္ဌာန်မျိုးစုံ၊ အသုံးအနှုန်း မျိုးစုံနဲ့ နှပ်ကြောင်းပေးရေးပဲ ဖြစ်ပါတယ်။

ရွေးကောက်ပွဲဝင်မယ့် “တတိယအုပ်စု”၊ တတိယလိုင်း” ဆိုသူတွေအထဲမှာတော့ လူပေါင်းစုံ တွေ့ရပါတယ်။ စစ်အုပ်စု ထိပ်သီး တွေနဲ့ပေါင်း၊ ကျိကျိတက် ချမ်းသာနေတဲ့ ပညာရှင် ဆိုသူတွေပါသလို လက်ကိုင်ဖုန်းလေးရ၊ ဓာတ်ဆီဆိုင် ပါမစ်လေး ရတာနဲ့ စစ် အစိုးရ ပြောစေချင်သမျှ ပြောနေတဲ့ လူတွေလည်း ပါပါတယ်။ ဒါပေမယ့် အများဆုံးကတော့ ဗမာပြည် နိုင်ငံရေးလောက ဝေါဟာရအရ ‘အပျက်’ လို့ ဆိုရမယ့်လူတွေ ဖြစ်ပါတယ်။ ဗကပပျက်၊ မဆလပျက်၊ အလံနီပျက်၊ ပမညတပျက်၊ နောက်ဆုံး ဒီချုပ်အပျက်တောင် ပါပါတယ်။ အားနာနာနဲ့ ထောက်ပြရရင် ဒီအထဲမှာ ဗြောင်တမျိုး၊ တိတ်တိတ်တဖုံ သဏ္ဌာန်မျိုးစုံနဲ့ လက်နက် ချထားသူတွေလည်း တကယ်ပဲ မနည်းပါဘူး။ ပတ်မကြီး ဖောက်ခွဲဖူးသူတွေ များပါတယ်။

ဒီနေရာမှာ ဒီပုဂ္ဂိုလ်၊ ဒီအဖွဲ့အစည်းတွေဟာ “တတိယအုပ်စု”၊ “တတိယလိုင်း” တကယ်ဟုတ် မဟုတ် ဆိုတာကိုလည်း ပြောရမယ် ထင်ပါတယ်။ ဗမာပြည်ရဲ့ လွတ်လပ်ရေး ဒီဘက် ရွေးကောက်ပွဲ သမိုင်းမှာ ‘တသီးပုဂ္ဂလ’ ဆိုတဲ့ အသုံးအနှုန်းကို လူတိုင်း၊ နားယဉ်၊ မျက်စိ ယဉ်နေတယ်လို့ ပြောနိုင်ပါတယ်။ နောက်ပြီး စစ်အေးခေတ်တုန်းက ‘ဘက်မလိုက် နိုင်ငံများ လှုပ်ရှားမှု’ ကိုလည်း သိကြပါတယ်။ အဲဒါတွေနဲ့ ယှဉ်ကြည့်လိုက်ရင် အခုပြောနေတဲ့ “တတိယအုပ်စု”၊ “တတိယလိုင်း” ဆိုတာတွေဟာ အမည်ခံ သက်သက် ဆိုတာကို တွေ့ရ ပါလိမ့်မယ်။

တတိယအုပ်စု၊ တတိယလိုင်းဆိုတာဟာ သမိုင်းအခြေအနေ လိုက်လို့ ပြောင်းလဲ နေတာဖြစ်ပါတယ်။ ဖဆပလ မကွဲခင် ၁၉၅၂ ရွေးကောက်ပွဲနဲ့ ၁၉၅၆ ရွေးကောက်ပွဲ အပြီးမှာ ဖဆပလနဲ့ ပမညတဟာ အဓိက ထိပ်ချင်း ဆိုင်နေသူတွေ ဖြစ်ပါတယ်။ ကျန်တဲ့ တသီးပုဂ္ဂလ ဆိုတာတွေက ဒီနှစ်ဖွဲ့နဲ့ ဘယ်လိုမှ မပတ်သက်သူတဲ့ တတိယ အင်အားတွေ ဖြစ်ပါတယ်။ ဒါပေမယ့် ဖဆပလလည်း ကွဲပြီးတဲ့ အခါမှာတော့ သန့်ရှင်းနဲ့ တည်မြဲတို့ဟာ အဓိက ဆိုင်နေသူတွေ ဖြစ်ပြီး ပမညတဟာ တတိယ အုပ်စု ဖြစ်သွားပါတယ်။ ပမညတဟာ အဲဒီနှစ်ဖက်နဲ့ အခြေခံ အယူအဆမှာ လုံးဝ မတူပါဘူး။

အခုတော့ ဒီလူတွေက သူတို့ကိုယ်သူတို့ နအဖနဲ့လည်းမတူ၊ ဒီချုပ်နဲ့လည်း မတူဘူး ဆိုတာနဲ့ပဲ “တတိယအုပ်စု” လို့ ခေါ်ရတော့မလို ဖြစ်နေပါတယ်။ တကယ်ကျတော့ တစညလို ဟာကို မေးကြည့်ရင်လည်း သူတို့ဟာ နအဖနဲ့ရော၊ ဒီချုပ်နဲ့ရော မတူဘူး၊ တခြားစီလို့ပဲ ပြောမှာပါ။ ဒါကြောင့် “နအဖနဲ့လည်း မတူ၊ ဒီချုပ်နဲ့လည်း မတူ” ဆိုတာကို စံလို့ ပြောလို့ မဖြစ်ပါဘူး။ ဒီတော့ တဆက်တည်း မေးသင့်တာက ဒီ “တတိယအုပ်စု” ၊ “တတိယလိုင်း” သမားတွေဟာ သူတို့ကိုယ်သူတို့ နအဖနဲ့ မတူပါဘူးလို့ ဘယ်နေရာမှာ၊ ဘယ်လို မတူတာလဲလို့ တိတိကျကျ ပြောဖူးသလဲ ဆိုတာပါပဲ။ ပြည်သူလူထုက ကြားနေရတဲ့ သူတို့ပါးစပ်က စကားတွေကတော့ နအဖကို ထောက်ခံနေတာချည့်ပါပဲ။ နအဖနဲ့ မတူတာရယ်လို့ စကားဦးလေး သန်းပြတာတောင် မကြားဖူးပါဘူး။

တခါ အယူအဆသဘောအရပြောရရင်လည်း ဒီနေ့ဗမာပြည် နိုင်ငံရေးမှာ အဓိက ကွဲနေတာက နအဖရဲ့ ဖွဲ့စည်းပုံနဲ့ ရွေးကောက်ပွဲတို့ အပေါ် သဘောထားတဲ့ ကိစ္စမှာ ဖြစ်ပါတယ်။ ဒီအဓိက ပြဿနာကြီးမှာ သူတို့ဟာ နအဖနဲ့ တသားတည်း ဖြစ်ရုံမက ပိုတောင် ကဲနေကြပါတယ်။ နအဖရဲ့ ဖွဲ့စည်းပုံကို နောင်မှာ ပြင်သွား ကြတာပေါ့ ဆိုတာမျိုးတောင် မပြောဝံ့တဲ့ လူတွေဖြစ်ပါတယ်။ တချိန်က ဗမာပြည် နိုင်ငံရေး ဇာတ်ခုံပေါ်က တသီးပုဂ္ဂလ ဆိုတာဟာ တကယ့် တသီးပုဂ္ဂလတွေ ဖြစ်တာမို့လို့ ဖဆပလလို အာဏာရ အဖွဲ့ဟာ သူတို့ချင်း ကွဲပြဲတာအပါ နိုင်ငံရေး ပြဿနာကြီးတွေ၊ အကျဉ်းအကျပ်တွေနဲ့ ကြုံတွေ့လာရတိုင်း ဒီတသီး ပုဂ္ဂလတွေကို စည်းရုံးခဲ့၊ ကိုယ့်ကို ထောက်ခံအောင် လုံးပန်း ခဲ့ရပါတယ်။ အဲဒါနဲ့ ပြောင်းပြန် အခုဒီ “တတိယအုပ်စု”၊ “တတိယလိုင်း” ဆိုတာတွေကတော့ တကယ်လို့ နအဖ အစိုးရမှာသာ အကျဉ်းအကျပ်နဲ့ ကြုံရရင် အရင်ဆုံး ထိုးကျွေးတာ ခံရဖို့ ရှိပါတယ်။ တကယ်ကဒီ “တတိယအုပ်စု”၊ “တတိယလိုင်း” ဆိုတာတွေဟာ နအဖ မိုးလေဝသ၊ တနည်းအားဖြင့် ဗိုလ်သန်းရွှေရဲ့ မျက်နှာရိပ် မျက်နှာကဲကို ကြည့်ပြီး ရပ်တည် လှုပ်ရှားနေကြရတာ ဖြစ်ပါတယ်။ နအဖ ဒါရိုက်လုပ်သမျှ လိုက်လုပ်ရသူတွေ ဖြစ်ပါတယ်။ နအဖက ပေါ်စေဆိုလို့ ပေါ်ပေါက် လာတာဖြစ်ပြီး တချိန်မှာ နအဖက ပျောက်စေ ဆိုရင်လည်း ရုတ်ခြည်း ပျောက်ကွယ်သွားမှာသာ ဖြစ်ပါတယ်။

နအဖရဲ့ တရားဝင်မီဒီယာတွေမှာ အခုထက်ထိ ဒီအဖွဲ့တွေ၊ ဒီလူတွေနဲ့ ဒီအယူအဆ၊ ဒီ အပြောအဆိုတွေ အကြောင်း ဘာမှ မပြောတာကို သတိထားမိကြမယ် ထင်ပါတယ်။ ဒါဟာ သမိုင်းမှာ မကြာမကြာ ကြုံတွေ့ရလေ့ ရှိတဲ့ ကပ်ဖားရပ်ဖားတွေကို သခင်က သိပ်ဂရုမစိုက်တဲ့ ဖြစ်ရပ်တွေအတိုင်း တသဝေမတိမ်း တွေ့ရတာသာ ဖြစ်ပါတယ်။ မဆလ လက်ထက်မှာ သခင်စိုးဟာ ထောင်ထဲကနေရော၊ ထောင်ပြင်က နေပါ စစ်အုပ်စု အုပ်စိုးမှုကိုရော၊ မဆလသ ဘောတရားကိုပါ ထောက်ခံတဲ့ စာတမ်းတွေကို သဘောတရား လုပ်ပြီး ဗိုလ်နေဝင်းဆီကို ရေးပို့ပါတယ်။ နောက်ဆုံးတော့ အဲဒီစာတွေဟာ ထောက်လှမ်းရေး အတွက် အသုံးချစရာသာ ဖြစ်ခဲ့ပြီး ဗိုလ်နေဝင်းက မျက်စောင်းတောင် ထိုးမကြည့်ခဲ့ဘူး ဆိုတာကို သတိထားကြသင့် ပါတယ်။

ဒါနဲ့များ သူတို့ကိုယ်သူတို့ ဘာဖြစ်လို့ “တတိယအုပ်စု”၊ “တတိယလိုင်း” လို့ မသူတော် (၇) ပါးလို ကိုယ့်အကြောင်းကိုယ် ဖော်နေကြတာလဲလို့ မေးလာရင် အဖြေက သိပ်ရှင်းပါတယ်။ တချက် နအဖက အဲဒီလို ပြောစေချင်မှန်း သိလို့ဖြစ်ပါတယ်။ သူတို့အဖို့ နအဖ ဗိုလ်ချုပ်တွေ ကျေနပ်အောင် လုပ်ရေးဟာ အဓိက ဆိုတာကို မမေ့သင့်ပါဘူး။ နောက်တချက်ကတော့ လာမယ့် ရွေးကောက်ပွဲမှာ မဲရချင်လို့ ဖြစ်ပါတယ်။ ဒီချုပ်နဲ့ တသားတည်းဆိုရင် နအဖက အမှုန့်ကြိတ်ပစ်မှာ၊ နအဖနဲ့ တသားတည်းဆိုရင် မဲမရမှာ။ ဒါကြောင့် ကိုယ့်ကိုယ်ကိုယ် ဗုံမဟုတ်၊ ပတ်မဟုတ် ဖြစ်ပါကြောင်း ပြောနေတာ ဖြစ်ပါတယ်။ သူတို့ခမျာ ရွေးကောက်ပွဲက တဆင့် သူတို့ အကျိုးရှိမယ်လို့ တကယ်ကို ယုံကြည်နေရှာ ကြတာပါ။

ဒါပေမယ့် လူသားချင်းစာနာတတ်သူများကတော့ သူတို့တတွေ ဒီလိုလုပ်နေလို့ သူတို့ရဲ့ဇာတ်သိမ်း မကောင်းနိုင်ဘူး၊ သူတို့ကို နအဖ ဗိုလ်ချုပ်တွေက ဒီတပွဲ၊ ဒီတကွေ့ အတွက်သာ အသုံးချတာ ဖြစ်တယ်ဆိုတာကို သတိပေး ကြရပါမယ်။

Ref: ခေတ်ပြိုင်

Read More...

နေ့စဉ်သတင်းများ ( ၁၇ - ၁၂ - ၀၉)

ဒေါ်အောင်ဆန်းစုကြည်နှင့် ပါတီခေါင်းဆောင် (၃) ဦး တွေ့ခွင့်ပေးခြင်းကို အမေရိကန် ကြိုဆို သတင်း
အန်အယ်ဒီ ခေါင်းဆောင်မှု ပြင်ဆင်ရေး တိုင်းရင်းသားများ ကြိုဆို သတင်း
လှိုင်သာယာ အထည်ချုပ်စက်ရုံ အလုပ်သမား (၁၀၀၀) ကျော် ဆန္ဒပြ သတင်း
လှိုင်သာယာဆန္ဒပြပွဲ သဘောတူညီမှုရ သတင်း
ဓာတ်ငွေ့ပိုက်လိုင်းတလျှောက် ပေါ်တာဆွဲမှုများ ရှိနေဆဲ သတင်း
ရာသီဥတုညီလာခံမှာ မြန်မာများ ဆန္ဒပြ သတင်း
ကိုယ့်ဥပဒေ ကိုယ်ချိုးဖောက်ဟု ဒိန်းမတ်ရောက် မြန်မာများက EU ကို စွပ်စွဲ သတင်း
SSA မြောက်ပိုင်းတပ်ဖွဲ့ဝင်တွေ နယ်ခြားစောင့်တပ်ထဲ မ၀င်လို သတင်း
တရုတ်ဒု-သမ္မတ မြန်မာနိုင်ငံကို စနေနေ့ ရောက်ဖို့ရှိ သတင်း
၂၀၁၀ အတွက် မဲဆန္ဒရှင်များစာရင်း ရန်ကုန်မြို့တွင် စတင်ကောက်ယူပြီ သတင်း
၈၈ မျိုးဆက်ကျောင်းသားခေါင်းဆောင် ကိုကိုကြီး မွေးနေ့အမှတ်တရ သတင်း
အင်းစိန်ထောင်ဆေးရုံ ဆေးဝါးပြတ်လပ်၊ ကျန်းမာရေးစောင့်ရှောက်မှု နည်းပါး သတင်း
စာရေးဆရာကြီး အီကြာကွေး (ဓနုဖြူကျော်ထွန်း) နောက်ဆုံးခရီး စာပေသမားများ၊ စာချစ်သူများ ပို့ဆောင် သတင်း
မြန်မာကျောင်းသားများကို စင်္ကာပူ ပညာသင်ဆုပေးမည် သတင်း
ပါကစ္စတန်သမ္မတအပေါ် ထုတ်ပြန်ထားသည့် လွတ်ငြိမ်းချမ်းသာခွင့် တရားရုံးချုပ်က ရုပ်သိမ်း သတင်း
ရာသီဥတုညီလာခံ သဘောတူညီချက်ရဖို့မမြင် သတင်း

Read More...

Thursday, December 17, 2009

မူးယစ်သမင် မူးယစ်မိုးနဲ့ ကုလမုဆိုး

ဂါမဏိ
၁၆ ဒီဇင်ဘာ ၂၀၀၉

“အမေရိကန်၊ ရုရှား၊ တရုတ်တို့ဆီမှာ အဏုမြူလက်နက် ရှိတယ်။ ငါတို့မှာလည်း ဘိန်းဖြူ လက်နက်ရှိတယ်”

ဒီစကားကတော့ ၁၉၈၀ ခုနှစ်များနဲ့ ၁၉၉၀ ခုနှစ်များတုန်းက (ယာမ စိတ်ကြွဆေး ခေတ်မစားခင်) မဆလ - နဝတ - နအဖ စစ်ဗိုလ်ချုပ်တွေ ခိုးကြောင် ခိုးဝှက်နဲ့ ဂုဏ်ယူဝင့်ကြွား ဟစ်ကြွေးခဲ့တဲ့ စကား ဖြစ်ပါတယ်။ ဒီစကားအတိုင်း ထိုင်း-အာဆီယံ-အမေရိကန် တို့ကို တိုက်ဖို့ ဘိန်းဖြူ ထုတ်လုပ် တင်ပို့ရေးကို ဗမာစစ်အာဏာရှင် တွေက နောက်ကွယ်က အခိုင်အမာ အားပေးခဲ့ပါတယ်။ ၁၉၉၀-၉၁ တုန်းကလည်း ဗိုလ်ချုပ်မောင်အေးဟာ အမေရိကန်ကို မူးယစ်ဆေး လက်နက်နဲ့ တိုက်ရမယ်ဆိုတဲ့ လမ်းညွှန်ချက်ကို အသစ်တဖန် ပြန်ချပေးခဲ့ပါတယ်။

ဒီရည်ရွယ်ချက်နဲ့ပဲ ခွန်ဆာကို မွေးခဲ့တာဖြစ်ပါတယ် (ကွန်မြူနစ်နဲ့ တိုင်းရင်းသား သူပုန်တွေကို စစ်တပ်ကိုယ်စား တိုက်ပေးဖို့ ရည်ရွယ်ချက်လည်း ပါခဲ့တယ်)။ လက်ရှိ နအဖ ဒု-ဥက္ကဋ္ဌ ဗိုလ်ချုပ်မောင်အေး အပါအဝင် ရပခတိုင်းမှူးတွေကို ခွန်ဆာက နှစ်စဉ်ကြေး ပုံမှန် သွင်းခဲ့ရပြီး စာအဆက်အသွယ် အမြဲ ရှိခဲ့ပါတယ်။ စီးပွားရေး ကိစ္စတွေ၊ တိုင်းရင်းသား သူပုန်သတင်း၊ ဗကပ သတင်းတွေ၊ စစ်ဆင်ရေး သတင်းတွေ ဖလှယ်ခဲ့ပါတယ်။ ဟိုတုန်းက ငွေတန်ဖိုးနဲ့ တနှစ်ကို အနည်းဆုံး ကျပ်သိန်း (၃,၀၀၀) လောက် သွင်းပေး ခဲ့ပါတယ်။ ကတော်တွေအတွက် ယိုးဒယားပစ္စည်း လက်ဆောင်တွေ ကတော့ ပြောစရာကို မလိုတော့ပါ။ ဒါ့အပြင် ခွန်ဆာဟာ ၈၈ ခုနှစ် နဝတ အာဏာသိမ်းစ ဘဏ္ဍာရေး အကျပ်ဆိုက် နေချိန်၊ နိုင်ငံတကာကလည်း ငွေကြေး အထောက်အကူ ဖြတ်တောက် ထားချိန်မှာလည်း ကျပ်ငွေရော ဒေါ်လာငွေပါ ထောက်ပံ့ ချေးငှားပေးတာတွေ လုပ်ခဲ့လို့ နဝတ အသက်ရှူပေါက် ရသွားခဲ့တာ ဖြစ်ပါတယ်။

နောက်ပိုင်းမှာတော့ ခွန်ဆာဟာ မူးယစ်ဂိုဏ်း ပီပီသသ မနေတော့ဘဲ ရှမ်းပြည် လွတ်လပ်ရေးတွေ၊ အမျိုးသားရေးတွေ ဝင်ယောင်လာလို့ တကြောင်း၊ နဝတအဖို့ အရှေ့မြောက် အပစ်ရပ်အဖွဲ့ကြီး တွေနဲ့ စီးပွားရေး လုပ်ရတာ ပိုတွက်ခြေ ကိုက်လာတဲ့ အတွက် တကြောင်း၊ နဝတဟာ ခွန်ဆာရဲ့ အမ်တီအေ တပ်တွေကို အလေးအနက် စစ်ဆင်ရေးလုပ် အပြုတ်ဖြုတ် ခဲ့ရပါတယ်။

ဒီလိုနဲ့ စစ်ဗိုလ်ချုပ်တွေဟာ မူးယစ်ဆေး ကုမ္ပဏီသစ်တွေကို ထူထောင် လည်ပတ်လာခဲ့ပါတယ်။ အပစ်ရပ် အဖွဲ့တွေကို မူးယစ်ဆေး လုပ်ငန်းထဲ နစ်အောင် တခြားစီးပွားရေး လုပ်ငန်းတွေ ပိတ်ဆို့၊ ဖိအားတွေ မက်လုံး ဆွယ်လုံးတွေ ပေးခဲ့ပါတယ်။ နံပါတ် (၃)၊ နံပါတ် (၄)၊ ယာမ စိတ်ကြွဆေး တွေကို ပြည်ပဈေးကွက် အတွက်ပဲ ထုတ်လုပ်ဖို့၊ ပြည်တွင်း ဈေးကွက်မှာ မဖြန့်ဖို့အတွက် မူးယစ်ဆေး ထုတ်လုပ်သူတွေ၊ မူးယစ်ဆေး ကုန်သည်တွေကို နဝတ ထောက်လှမ်းရေးတွေ၊ တိုင်းမှူးတွေ၊ တိုင်းစစ်ဌာနချုပ် ဂျီ-ဝမ်း၊ ဂျီ-တူး (စစ်ဦးစီးအရာရှိ ပထမဆင့်နဲ့ ဒုတိယဆင့်) တွေက ကိုယ်တိုင်ကိုယ်ကျ ခေါ်ပြောခဲ့ပါတယ်။ ဆက်ကြေး မှန်မှန်ပေးဖို့နဲ့ ရှယ်ယာပါရဖို့လည်း ညှိတာကတော့ ထည့်ပြောစရာ လိုမယ် မထင်ပါ။

ဒါပေမယ့် စစ်အုပ်စုဟာ ဘယ်သူတေတေ ငတေမာပြီးရော သမားတွေဖြစ်တဲ့ အတွက် အဲဒီ ‘အိတ်စ်ပို့ပေါ်လစီ’ ကိုလည်း သူတို့ အထဲကပဲ ပြန်ဖောက်ဖျက် ခဲ့ပါတယ်။ နအဖ ထောက်လှမ်းရေးတွေ၊ ဗျူဟာ-တပ်မ - တိုင်းစစ်ဌာနချုပ် အဆင့် အရာရှိတွေ ဦးစီးပြီး စစ်တပ် လက်ဝေခံ မူးယစ်ဆေး ကုန်သည်တွေ လက်လီ လက်ကား သမားတွေကို ရှမ်းပြည်၊ ကယားပြည်၊ ကချင်ပြည်၊ မန္တလေး၊ ရန်ကုန်တို့မှာ ဈေးကွက်တွေ ဖွင့်ခိုင်း ခဲ့ကြပါတယ်။

ဘိန်းဖိုတွေ၊ ယာမ စက်ရုံတွေဟာ နယ်မြေခံ တပ်ရင်းမှူး၊ ဗျူဟာမှူး၊ ထောက်လှမ်းရေး တို့ကို ပုံမှန်ဆက်ကြေး ပေးရရုံတင် မက တိုင်းမှူး အထိပါ ပေးရပါတယ်။ တချို့ကလည်း တိုင်းမှူးကို ခွဲမပေးချင်လို့ ဗျူဟာမှူး၊ ရင်းမှူးလောက်နဲ့ပဲ လျှို့ဝှက်လုပ်တာတွေ ရှိပါတယ်။ ဒီထက်နိမ့်တဲ့ ဗိုလ်ကြီး၊ ဗိုလ်မှူးတွေကတော့ မူးယစ်ဆေးချိန် မူးယစ်ဆေး၊ ဆိုင်ကယ်ချိန် ဆိုင်ကယ်၊ ဝစ်သောက်ကားချိန် ဝစ်သောက်ကား၊ ကျောက်စိမ်းချိန် ကျောက်စိမ်း စတဲ့ ကယ်ရီ လုပ်ငန်းတွေနဲ့ပဲ ရပ်တည် နေကြပါတော့တယ်။ ကုန်ကုန်ပြောရရင် ဘီယာ၊ အချိုမှုန့်တောင် ကယ်ရီ လုပ်ပေးပါသေးတယ်။

ရဲဘက်စခန်းမှာ သေစာရင်းပြလိုက်တဲ့ အကျဉ်းသား လောပန်းတွေကိုလည်း စစ်ဗိုလ်တွေ ကပဲ အိမ်အရောက် ကယ်ရီလုပ် ပို့ဆောင် ပေးပါသေးတယ်။ စစ်တပ်ကို အသိမပေးဘဲ လုပ်နေတဲ့ မူးယစ်ဆေး ကုန်သည်တွေ၊ စက်ရုံတွေကတော့ ဖမ်းဆီးခံ၊ သိမ်းဆည်း ခံကြရပါတယ်။ နယ်မြေခံ ထောက်လှမ်းရေး တပ်ကြပ် (၂) ရစ်လောက်ကို လိုင်းကြေးပေးတဲ့ ရပ်ကွက်တွင်း လက်လီ သမားတောင် အဖမ်း မခံရပါဘူး။ ဒါပေမယ့် အထက်က စီမံချက် လာရင်တော့ ဒီ လက်လီ သမားတွေကို နယ်မြေခံ ထောက်လှမ်းရေးက မကယ် နိုင်တော့ပါဘူး။ ဆင်ကြီးတွေ လွှတ်ပေးပြီး ခြင်ကလေးတွေ အဖမ်းပြတာ စစ်အာဏာရှင် ခေတ်ရဲ့ လုပ်ရိုး လုပ်စဉ်ပါပဲ။ ဒါတွေဟာ ဗိုလ်ချုပ်ခင်ညွန့်နဲ့ ထောက်လှမ်းရေး ယန္တရားကြီး ရှိတုန်းကရော၊ ဗိုလ်ချုပ်ခင်ညွန့် ပြုတ်ပြီး နောက်မှာရော အပြောင်းအလဲ မရှိ တသမတ်တည်း ဖြစ်ပေါ် ထွန်းကားနေတာ ဖြစ်ပါတယ်။

တဘက်ကကြည့်တဲ့အခါ ငြိမ်းချမ်းရေး အဖွဲ့ကြီးတွေဟာ လူအ, တွေ မဟုတ်ပါဘူး။ လက်နက်ကိုင် တိုက်နေတဲ့ ခေတ်ကတည်းက တရုတ် ဘာသာနဲ့လွှင့်တဲ့ ဘီဘီစီ၊ ဗွီအိုအေကို နားထောင်ခဲ့သူတွေ ဖြစ်ပါတယ်။ (ဗကပကို ပုန်ကန် အာဏာသိမ်း တုန်းက သွေးထွက်သံယို မရှိအောင် အထူး ဂရုစိုက်ခဲ့သူတွေ ဖြစ်ပါတယ်။) ဒီကနေ့ ကမ္ဘာ့ ရေစီးကြောင်းကို နားလည် သဘောပေါက်သူတွေ ဖြစ်ပါတယ်။ ကမ္ဘာမှာ ငြိမ်းချမ်းရေးနဲ့ ဖွံ့ဖြိုးရေး ခေတ်စားလာတာ၊ မူးယစ်ဆေး ပြဿနာကို လူသားအားလုံးက ရှုတ်ချ ဝိုင်းပယ်လာတာ စတဲ့ ပင်မ ရေစီးကြောင်းတွေကို ကိုယ့်ဒေသ၊ ကိုယ့်အဖွဲ့အစည်း အနေအထားနဲ့ ကိုက်ညီ သဟဇာတ ဖြစ်အောင် လုပ်ဖို့ လိုအပ်ချက်ကို ကောင်းကောင်း သဘောပေါက် လာသူတွေ ဖြစ်ပါတယ်။

ငြိမ်းအဖွဲ့ကြီးတွေဟာ ရာစုနှစ်နဲ့ချီ အမြစ်တွယ်လာတဲ့ မူးယစ်ဆေး ပြဿနာကို ဖြေရှင်းဖို့ တတ်နိုင်သမျှ တခြား ကောင်းရောင်း ကောင်းဝယ်ရော၊ မူးယစ်ဆေး မဟုတ်တဲ့ တခြား မကောင်းရောင်း မကောင်းဝယ် တွေပါ အမျိုးမျိုးဖြန့်ခွဲ diversify လုပ်ပြီး အဖွဲ့အစည်း ရပ်တည်ရေး၊ ဒေသဖွံ့ဖြိုးရေး၊ တဦးချင်း စီးပွားရေးတွေ အတွက် လုံးပန်းနေတာ မြန်မာပြည် တပြည်လုံး မျက်မြင်ဖြစ်ပါတယ်။

ဒါကြောင့် မူးယစ်ဆေးပပျောက်ရေးတွေကို နှစ်ကာလ သတ်မှတ်ပြီး ပြတ်ပြတ်သားသား ဆောင်ရွက် ခဲ့ကြသလို ဘိန်းတပင်တွေ့ရင် ခေါင်းဖြတ် သွားပါလို့တောင် ရဲရဲကြီး အာမ ခံခဲ့ကြပါတယ်။ ကုလသမဂ္ဂ အဖွဲ့အစည်းတွေ၊ အန်ဂျီအိုတွေကို ငြိမ်းဒေသ အတွင်း အချိန်မရွေး တံခါးမရှိ ဓားမရှိ ဝင်ထွက် စစ်ဆေးခွင့် ပြုခဲ့ပါတယ်။ ဒါမျိုး အကန့်အသတ်မရှိ စစ်ဆေးခွင့်ကို နအဖအုပ်ချုပ်တဲ့ ဒေသတွေမှာ မရပါဘူး။

ဒါပေမယ့် UNODC လို့ခေါ်တဲ့ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာ ရုံးကတော့ မြန်မာပြည်ရဲ့ မူးယစ်ဆေး ပြဿနာမှာ နအဖ စစ်အုပ်စုရဲ့ အခန်းကဏ္ဍကို ရေငုံ နှုတ်ပိတ်နေပြီး ငြိမ်းအဖွဲ့တွေကို အပြစ် ပုံချနေပါတယ်။ နိုဝင်ဘာ (၂၆) ရက်နေ့မှာ ကုလမူးယစ်နဲ့ ရာဇဝတ်ရုံးရဲ့ အာရှ-ပစိဖိတ်ဆိုင်ရာ ကိုယ်စားလှယ် ဆိုသူ ဂယ်ရီလူးဝစ္စက မြန်မာပြည်က တိုင်းရင်းသား လက်နက်ကိုင် အဖွဲ့တွေဟာ အနာဂတ် မရေရာတဲ့ အတွက် မူးယစ်ဆေးဝါးတွေ အကြီးအကျယ် ထုတ်လုပ် ရောင်းချပြီး ငွေစုနေတယ်လို့ စွပ်စွဲခဲ့ပါတယ်။ အဲဒီနေ့မှာ သူတို့ ထုတ်ပြန်လိုက်တဲ့ ၂၀၀၉ ခု အရှေ့အာရှနဲ့ အရှေ့တောင် အာရှဆိုင်ရာ စိတ်ကြွဆေး အလားအလာနဲ့ ပုံစံများ အစီရင်ခံစာမှာ စိတ်ကြွဆေးတွေကို အဓိကအားဖြင့် ကိုးကန့်နဲ့ ဝ အပစ်ရပ် နယ်မြေတွေမှာ ထုတ်လုပ်နေတယ်လို့ ဆိုထားပါတယ်။ ဇွန်လက ထုတ်ပြန်တဲ့ ၂၀၀၉ ခု ကမ္ဘာ့မူးယစ်ဆေး အစီရင်ခံစာမှာလည်း ဝ ပြည် သွေးစည်းညီညွတ်ရေး တပ်မတော် (ဝ ငြိမ်းအဖွဲ့)၊ ကိုးကန့် ငြိမ်းအဖွဲ့နဲ့ ရှမ်းပြည် တပ်မတော် (တောင်ပိုင်း) တို့ဟာ ယာမ စိတ်ကြွဆေး ထုတ်လုပ်ရေးကို အဓိက ဆောင်ရွက် နေတယ်လို့ စွပ်စွဲခဲ့ပါတယ်။

ဒါပေမယ့် နအဖစစ်အစိုးရက တိုက်ရိုက်နဲ့ အကြွင်းမဲ့ ချုပ်ကိုင်ထားတဲ့ အပြီးအပိုင် လက်နက်ချ တဖြစ်လည်း ပြည်သူ့စစ် အဖွဲ့တွေ ကိုတော့ တခွန်းမှ ပြောမထားပါဘူး။ တကယ်တော့ ဒီအဖွဲ့တွေဟာ လုံးဝ ရာနှုန်းပြည့် နအဖ ချုပ်ကိုင်မှုအောက်မှာ နံပါတ် (၃)၊ နံပတ် (၄)၊ ယာမတွေကို လွတ်လွတ်လပ်လပ် ထုတ်လုပ် နေကြတာ ရှမ်းပြည်က ဒေသခံတွေ အားလုံးအသိ ဖြစ်ပါတယ်။ ဥပမာပြရရင် ခွန်ဆာ အဖွဲ့က အကြွင်းမဲ့ လက်နက် ချခဲ့ပြီးနောက် နအဖက အထူး ဖွံ့ဖြိုးရေး ဒေသတွေ သတ်မှတ်ပေးပြီး ပြည်သူ့စစ် သို့မဟုတ် သကဆဖ (သောင်းကျန်းသူ ဆန့်ကျင်ရေးအဖွဲ့) အဖြစ် ခန့်အပ်ပေးထားတဲ့ ဟိုမိန်း အခြေစိုက် မဟာဂျာ ဦးစီးအဖွဲ့၊ နားရိုင်း အခြေစိုက် လီချန် ဦးစီးအဖွဲ့၊ မတ်ကျန်း (နမ့်စန်) အခြေစိုက် လင်းဆိုင် ဦးစီးအဖွဲ့တွေဟာ ရပခကို တနှစ် သိန်း (၄,၀၀၀) စီ ဆက်ကြေးသွင်းပြီး ဘိန်းဝါ၊ ဘိန်းဖြူ၊ ယာမ ကြိုက်သလို ထုတ်နေကြပါတယ်။ (မဟာဂျာကိုယ်တိုင်က ဘိန်းမည်းစွဲနေ ရှူနေပါတယ်။) ဒီအဖွဲ့တွေဟာ ဘိန်းခြံတွေ ပေါင်းရှင်းဖို့၊ ဘိန်းစေးခြစ်ဖို့ အတွက် ခြံအလုပ်သမား တွေကို တလ ကျပ် (၅) သောင်း ပေးမယ်လို့ လော်စပီကာနဲ့ တောင်ကြီးမြို့ထဲ လှည့်အော်ငှားတဲ့ အထိ ဗြောင်ကျကျ လုပ်နေတာ ဖြစ်ပါတယ်။

ခွန်ဆာအဖွဲ့ဝင်ဟောင်းလည်းမဟုတ်၊ ပြည်သူ့စစ်လည်း မဟုတ်တဲ့ ပုဂ္ဂလိက လောပန်းတွေ ဦးစီး လုပ်နေတဲ့ ဖိုတွေ၊ စက်ရုံတွေလည်း ရပခ သို့မဟုတ် သက်ဆိုင်ရာ ဗျူဟာ၊ တပ်ရင်းတွေကို နှစ်စဉ်ကြေး သွင်းပြီး လုပ်နေတာ ကွန်ဟိန်းနယ် ကာလိ၊ ပင်လောင်းနယ် ထီဘွာ၊ ဖယ်ခုံနယ် လအိလတိန်၊ ဆီဆိုင်နယ် မဲနယ်တောင် လွယ်မောတောင် စတဲ့ နေရာတွေမှာ ရှိနေပါတယ်။ ဒါတွေဟာ ကိုးကန့်၊ ဝတို့နဲ့ ဘာမှမဆိုင်ဘဲ နအဖ နယ်မြေသက်သက် ဖြစ်ပါတယ်။ ရလလဖ ပအိုဝ်း ငြိမ်းချမ်းရေး အဖွဲ့ရဲ့ ဝါရင့်ခေါင်းဆောင် တာကလယ်ကို ဖြုတ်ချ အာဏာသိမ်းခဲ့တဲ့ ချစ်မောင်ဟာ အာဏာရပြီးတဲ့ အခါ ရပခတိုင်းမှူး၊ ဆီဆိုင်က စကခ-၇ ဗျူဟာမှူး၊ ဘန်းယဉ်က ခမရ (၄၂၅) နဲ့ (၄၂၆) ရင်းမှူးတို့ကို ဆက်ကြေး စုစုပေါင်း တနှစ် သိန်း (၁,၀၀၀) သွင်းပြီး လွယ်မောခွင်၊ ဟိုနမ်းခွင်နဲ့ ဘန်းမတ်ခွင်တွေမှာ ဘိန်းဖိုတွေ တည်ခဲ့တာ ဖြစ်ပါတယ်။ ဆက်ကြေး ပေးရုံတင်မက အစုရှယ်ယာတွေပါ လက်ခံ ပေးခဲ့ရပါတယ်။ (မြို့ပေါ်က အနှိပ်ခန်းတွေ၊ ကာရာအိုကေ ခန်းတွေမှာ ထောက်လှမ်းရေးနဲ့ စစ်တပ်က ရှယ်ယာ ဝင်သလိုမျိုးပါပဲ။) အချင်းချင်း အဝေမတည့်ရာက ၂၀၀၇ ဇူလိုင်-သြဂုတ်လ ထဲမှာ အပြီးအပိုင် လက်နက် ချသွားခဲ့ပေမယ့် ‘အလုပ်’ ကိုတော့ ကာလတခုအထိ ဆက်လုပ်ခွင့် ရခဲ့ပါသေးတယ်။

ရှမ်းပြည်အရှေ့ပိုင်း တြိဂံတိုင်းမှာလည်း ခွန်ဆာလက်နက်ချ တဖြစ်လည်း တရားဝင် ပြည်သူ့စစ်တွေ ဖြစ်တဲ့ မုန်းထော် - မုန်းထ အခြေစိုက် ဆံမွန်း ဦးစီးအဖွဲ့၊ နမ့်ပုန် (တာချီလိတ်) အခြေစိုက် ရီရှင်း ဦးစီးအဖွဲ့၊ ဟောင်လွတ် (တာချီလိတ်) အခြေစိုက် နော်ခမ်း ဦးစီးအဖွဲ့တွေဟာ ကျိုင်းတုံက နအဖတိုင်းမှူးကို သိန်းထောင်နဲ့ချီ ဆက်ကြေးသွင်းပြီး မူးယစ်ဆေး လုပ်ငန်း မျိုးစုံ လုပ်နေတာ ဖြစ်ပါတယ်။ နော်ခမ်း အဖွဲ့ဆိုရင် သောင်းကျန်းလွန်းလို့ နောက်ဆုံးမှာ တရုတ်အစိုးရ ဖိအားပေးမှုနဲ့ ၂၀၀၉ ဖေဖော်ဝါရီလမှာ နအဖက ဟန်ဆောင် ပန်ဆောင် နှိမ်နင်း ပြခဲ့ရပါသေးတယ်။ တြိဂံတိုင်းထဲမှာ ခွန်ဆာလူဟောင်း တခါမှ မဖြစ်ခဲ့ဖူးတဲ့ မိုင်းတုံ၊ မိုင်းဆတ်နဲ့ တာချီလိတ် နယ်တွေက လားဟူ ပြည်သူ့စစ်တွေလည်း ပုဂ္ဂလိက လောပန်းတွေနဲ့ တွဲပြီး ဘိန်းချက်စက်ရုံ၊ ယာမ စက်ရုံတွေကို တိုင်းမှူး၊ ဗျူဟာမှူးတွေဆီ ဆက်ကြေးပေး တည်ထောင် ထားပါတယ်။

ရမခနယ်မြေ ရှမ်းပြည်မြောက်ပိုင်းမှာတော့ တိုင်းမှူးကို ရပခ၊ တသခ မှာလို ဆက်ကြေးပေး မူးယစ်ဆေး ထုတ်လုပ် ကူးသန်း ရောင်းဝယ်နေတဲ့ ခွန်ဆာလူဟောင်း တရားဝင် ပြည်သူ့စစ် ဗိုလ်မွန်ဦးစီး မန်ပန် (တန့်ယန်း) အခြေစိုက်အဖွဲ့၊ လောမားဦးစီး မုန်းဟင်-မုန်းဟ (မိုင်းရယ်) အခြေစိုက် အဖွဲ့တွေဟာ နာမည်ကြီးတွေ ဖြစ်ပါတယ်။ ဒါ့အပြင် တသက်လုံး နအဖ ပြည်သူ့စစ်ပဲ လုပ်ခဲ့တဲ့ နမ့်ခမ်း နယ်မြေက (ခိုလုံလီရှော) ပန်ဆေး ကျော်မြင့် အဖွဲ့၊ ကွတ်ခိုင်နယ်က တီခွန်မြတ် အဖွဲ့၊ မုံးကိုးနယ်က နော်ခမ်းအဖွဲ့၊ ဖောင်းဆိုင်နယ်က တီခွန်တွေ အဖွဲ့၊ အုန်းစွမ် (မိုင်းငေါ့) က ကျော်အုံးအဖွဲ့၊ မုန်းဝီးက မြင့်လွင်အဖွဲ့၊ ရှောက်ဟော်က လှမြင့်အဖွဲ့၊ ကွမ်းလုံက ဟော်ရှောက်ချမ်း အဖွဲ့တွေဟာ ကိုးကန့်၊ ဝတို့လို နာမည်မထွက်ဘဲ မူးယစ်ဆေးလုပ်ငန်းကို နအဖ တိုင်းမှူး အဆက်ဆက် ခွင့်ပြုချက်နဲ့ ဆက်ကြေးပေးပြီး တရားဝင် သဘောမျိုးလုပ်နေတာ နှစ်ပေါင်းများစွာ ကြာနေခဲ့ပါပြီ။ ကုလသမဂ္ဂက ဒါတွေကို မသိပေမယ့် နယ်မြေခံ လူထုတွေအားလုံးက သိနေကြပါတယ်။

ဒီကနေ့ ရှမ်းပြည်မှာ ဘိန်းအဓိက စိုက်တဲ့ ဒေသတွေက ရှမ်းပြည်တောင်ပိုင်း ပင်လောင်း၊ ဟိုပုံး (မဲနယ်တောင်)၊ ဆီဆိုင် (လွယ်မောတောင်)၊ မိုင်းကိုင် (ဆင်တောင်) နယ်တို့ ဖြစ်နေပါတယ်။ ဓာတ်မြေသြဇာ၊ ပိုးသတ်ဆေး၊ အပင်ကြီးထွားဆေးတွေ ထည့်ပြီး “ခေတ်မီသိပ္ပံနည်းကျ” “အထူးအထွက်တိုး” နှစ်သီးစား၊ သုံးသီးစား “သီးထပ်” စိုက်နေကြတာ ဖြစ်ပါတယ်။ ဒီနယ်မြေတွေဟာ နအဖသြဇာခံ (၂၀၁၀ ဒု-သမ္မတလောင်း) ရှမ်းပြည်နယ် ကြံ့ဖွံ့ခေါင်းဆောင် အောင်ခမ်းထီ ဦးစီး ပီအန်အို (အထူးဒေသ ၆) အဖွဲ့နဲ့ လက်နက်ချ ရှမ်းခွဲထွက် တပ်မဟာ ၇၅၈ (ကွယ်လွန်သူ မိန်းစိန်ရဲ့အဖွဲ့) ချုပ်ကိုင်ရာ နယ်မြေတွေ ဖြစ်ပါတယ်။ ၂၀၀၉ မတ် - ဧပြီတုန်းက ပီအန်အို ဌာနချုပ် ကျောက်တလုံးကို ပင်လောင်းနယ်က ဘိန်းစိမ်း (၁၇၆) ပိဿာ သယ်ယူလာတုန်း ညောင်ရွှေမြို့နယ် (ဘီလူးချောင်းကူး) မှော်ဘီ တံတားမှာ ဖမ်းမိခဲ့ရာမှာ (၇၃) ပိဿာ စာရင်းပျောက်သွား ခဲ့ပါသေးတယ်။ ဒီသတင်းကိုလည်း နအဖက ဖုံးဖိ ထားပါတယ်။

တချိန်က ငြိမ်းချမ်းရေး အထူးဒေသ (၇) လို့ သတ်မှတ်ခဲ့တဲ့ ရှမ်းပြည်မြောက်ပိုင်း ပလောင်ဒေသ နမ့်ဆန်၊ မန်တုံ နယ်မြေမှာ PSLP ပလောင် ငြိမ်းအဖွဲ့ဟာ ၂၀၀၅ ခု ဧပြီလမှာ လုံးဝလက်နက်ချ ဖျက်သိမ်း သွားခဲ့ပါတယ်။ ဒါပေမယ့် ပလောင်ဒေသမှာ ဘိန်းစားတွေ၊ ယာမ သမားတွေကတော့ အထူးတိုးများ လာခဲ့ပါတယ်။ နောက်ဆုံး အဲဒီဒေသမှာ စခန်းထိုင် နယ်မြေထိန်းနေတဲ့ နအဖ တပ်သားတွေ အကြပ်တွေ၊ ဗိုလ်တွေ၊ ရဲတွေပါ ဘိန်းရှူ ဘိန်းစွဲ ယာမစွဲ၊ အရောင်းအဝယ်တွေ လုပ်နေလို့ လူထုတွင်း မူးယစ်ဆေးစွဲ ပြဿနာ ဖြန့်ဖြူးမှု ပြဿနာကို တိုင်တန်းစရာ နေရာ ကိုင်တွယ် တားဆီးနိုင် စရာ အာဏာပိုင် မရှိတော့ပါ။

၂၀၀၉ သြဂုတ်လက ရပခ ဂျီဝမ်း (စစ်ဦးစီးအရာရှိ-ပထမတန်း) ဒု-ဗိုလ်မှူးကြီး မောင်မောင်မြင့်ရဲ့ဇနီး ကိုယ့်ကိုယ်ကိုယ် သတ်သေမှု ဆိုတာဟာ တကယ်တော့ မူးယစ်ဆေး အရောင်းအဝယ် ကိစ္စ ဇာတ်လမ်းရှုပ်ပြီး အသတ်ခံရတာ ဖြစ်ပါတယ်။ ဒီအမှုမှာ ရပခတိုင်းမှူး၊ ဂျီဝမ်းနဲ့ စရဖမှူး ဗိုလ်မှူးကြီးဝင်းဗိုတို့ ပါဝင် ပတ်သက်နေပြီး ရန်ကုန်မှာ ဘိန်းဖြူကီလို (၅၀၀) ဖမ်းမိမှုနဲ့ သက်ဆိုင် နေပါတယ်။ ဒါ့အပြင် ဇူလိုင်လတုန်းက တာချီလိတ်မှာ ဘိန်းဖြူကီလို (၁,၀၀၀) နဲ့ ယာမ ဆေးလုံး (၂) သန်းခွဲ ဖမ်းမိတာ၊ လားရှိုးမှာ ဘိန်းဖြူကီလို (၅၀၀) ဖမ်းမိတာတွေဟာ နအဖ တပ်မှူးကြီးတွေနဲ့ တိုက်ရိုက် ပတ်သက်နေပါတယ်။ အတွင်းသတင်း တခုအရ ကမ္ဘောဇဘဏ် အမြတ်နည်းလာလို့ အစု ရှယ်ယာရှင်တွေဖြစ်တဲ့ ဆရာကျောင်းနဲ့ ဗိုလ်ချုပ်မောင်အေး တို့က မူးယစ်ဆေး လုပ်ငန်းမှာ တိုက်ရိုက် ဝင်လုပ် လာတယ်လို့လည်း ကြားရပါတယ်။ နအဖ တပ်မှူးကြီးတွေ ကိုယ်လွတ်ရုန်း နိုင်အောင် ဖမ်းမိတဲ့ မူးယစ်ဆေးတွေကို ဖုံကြားရှင် ကိုးကန့် အဖွဲ့အပေါ် တရားခံ လွှဲပြတဲ့ အနေနဲ့ (ဗိုလ်ချုပ်မှူးကြီးသန်းရွှေ အာရုံလွဲအောင်) သြဂုတ်လကုန်ပိုင်းက စစ်တိုက်တာ လို့လည်း တောင်ကြီးမှာ သတင်း ထွက်နေပါတယ်။

ဒီကနေ့ကာလမှာ နအဖဟာ နယ်ခြားစောင့်တပ် ဖွဲ့စည်းရေး လက်မခံဘဲ တိုင်းရင်းသား အခွင့်အရေး တောင်းဆိုနေတဲ့ ငြိမ်းချမ်းရေး အဖွဲ့တွေကို စွဲချက်အမျိုးမျိုးနဲ့ လက်ညှိုးထိုး အကြောင်းရှာပြီး ချေမှုန်းဖို့ ပြင်နေပါတယ်။ အဲသလို အခြေအနေမှာ ကုလ မူးယစ်ဆေးရုံး UNODC ဆိုတဲ့ အဖွဲ့က နအဖ အလိုကျ တိုင်းရင်းသား ငြိမ်းချမ်းရေး အဖွဲ့တွေကို လက်ညှိုးထိုး တရားခံ ရှာပေးတာဟာ ဘယ်လိုမှ လက်ခံနိုင်စရာ အကြောင်း မရှိပါဘူး။ ခေတ်ဟောင်း အမေရိကန် ရုပ်ရှင်က လူရွှင်တော် ဂျယ်ရီလူးဝစ္စနဲ့ နာမည်ဆင်တူနေတဲ့ ကုလသမဂ္ဂ ဂယ်ရီလူးဝစ္စလည်း ဂန်ဖလားလို ‘ကျောက်ယူပြန်’ ဖြစ်နေပြီလား။

တဘက်မှာ ငြိမ်းအဖွဲ့ကြီးတွေဟာ သူတို့အမျိုးသားတွေကို ကိုယ်စားပြုထားတာ ဘယ်သူ ငြင်းချင်ပါသလဲ။ နအဖက မြန်မာနိုင်ငံကို ကိုယ်စား ပြုထားတဲ့ အခြေခံထက် ဒီအဖွဲ့ကြီးတွေက သူတို့ အမျိုးသားတွေ အပေါ် ကိုယ်စားပြုတဲ့ အခြေခံက ပိုနက်ရှိုင်း ပိုခိုင်မာပါတယ်။ အမျိုးသားရေး အခြေခံပေါ် အဓိက ရပ်တည်နေတာ ဖြစ်လို့ ဗမာပြည်ရဲ့ တိုင်းရင်းသား ပြဿနာနဲ့ ခွဲလို့မရပါဘူး။ အမျိုးသားရေး အခန်းကဏ္ဍကို အသိအမှတ်မပြုဘဲ မူးယစ် အခန်းကဏ္ဍကိုသာ ဦးတည် ကြည့်မြင်နေ သရွေ့ မြန်မာနိုင်ငံရဲ့ ပြည်ထောင်စု ပြဿနာမှာ ဘယ်တော့မှ အဖြေတွေ့မှာ မဟုတ်သလို သွေးချောင်းစီး ပြည်တွင်းစစ် သံသရာကနေ ဘယ်တော့မှ လွတ်မြောက်မှာလည်း မဟုတ်ပါဘူး။

တကယ်တော့ ဗမာပြည်မှာ နအဖခေါင်က မလုံလို့ မူးယစ်မိုး ယိုနေတာ ဖြစ်ပြီး မူးယစ် သမင်ဟာ နအဖ မင်းကြီးတာကပဲ ထွက်နေတာ ဖြစ်ပါတယ်။ ဒါကိုမသိဘဲ ကုလသမဂ္ဂ မုဆိုးကြီးက မူးယစ်သမင်ကို ဖမ်းဖို့ ကြိုးစား နေရင်တော့ ရေထဲ အရုပ် ရေးသလိုပဲ ဖြစ်နေ ပါလိမ့်မယ်။

Read More...

နေ့စဉ်သတင်းများ ( ၁၆ - ၁၂ - ၀၉)

NLD ခေါင်းဆောင်သုံးဦးကို ဒေါ်အောင်ဆန်းစုကြည် ဂါရ၀ပြု သတင်း
ပါတီခေါင်းဆောင်ပိုင်း ပြန်လည်ဖွဲ့စည်းရန် ဒေါ်အောင်ဆန်းစုကြည် ပြော သတင်း
ဦးအောင်ရွှေ၊ ဦးလွန်းတင်နှင့် ဦးလွင်တို့၏ ကိုယ်ရေးရာဇဝင် သတင်း
ဒေါ်အောင်ဆန်းစုကြည်နှင့် မင်းကိုနိုင်ကို ပုတ်ခတ်ပြီး စည်းရုံးဟောပြော သတင်း
ဒေါ်အောင်ဆန်းစုကြည်နှင့် စီအီးစီ တွေ့ဆုံပွဲအပေါ် ပြည်တွင်းပြည်ပ ကြိုဆို သတင်း
NLD ခေါင်းဆောင်ပိုင်း ပြန်လည်ဖွဲ့စည်းမယ် သတင်း
နှစ် (၇၀) မြောက် ကရင်နှစ်သစ်ကူးနေ့ ပြည်တွင်းပြည်ပ၌ ကျင်းပ သတင်း
နယ်စပ်တည်ငြိမ်ရေး တရုတ်ဒုတိယသမ္မတ ဦးစားပေးဆွေးနွေးဖွယ်ရှိ သတင်း
သတင်းမီဒီယာများက နအဖ၏ ထောက်လှမ်းရေးများထက် လက်ဦးမှုရနေ သတင်း
ပြည့်တန်ဆာတပိုင်း အနှိပ်ခန်းများ ရန်ကုန်မြို့တွင် မထင်မှတ်လောက်အောင် များပြား သတင်း
စီးပွားရေးနှင့် နိုင်ငံရေး ခွဲထုတ်လို့မရကြောင်း နိုဘယ်ဆုရ စီးပွားရေးပညာရှင် ပြောကြား သတင်း
ဘင်္ဂလားဒေ့ရ်ှရောက် မြန်မာများ ပြန်ပို့ခံရ သတင်း
ကမ္ဘာ့လူ့အခွင့်အရေးနေ့တွင် လူ့အခွင့်အရေးချိုးဖောက်ခံရ သတင်း
စာရေးဆရာကြီး အီကြာကွေး ကွယ်လွန် သတင်း
ယာယီနိုင်ငံကူးလက်မှတ်အရေး မြန်မာဘက်က ကြန့်ကြာ သတင်း
မှားယွင်းခွဲစိတ်ကုသမှုကြောင့် မိုးညှင်းတက္ကသိုလ်ကျောင်းသူတဦး သေဆုံး သတင်း
နှစ် (၃၀) ကျော်ကြာ AIDS တိုက်ဖျက်ရေးအခြေအနေ သတင်း
စတစ်ဂ်လဇ်၏ လယ်ယာဖွံ့ဖြိုးမှုအကြံပြုချက် အန်အယ်လ်ဒီ ကြိုဆို သတင်း
စီးပွားရေးပညာရှင် မြန်မာ့စီးပွားရေးမူဝါဒ ပြုပြင်ပြောင်းလဲရေး ညီလာခံ၌ ဆွေးနွေး သတင်း
မန္တလေးတိုင်းမှ နိုင်ငံရေးသမားများ တရားမဝင်အဖွဲ့နှင့် ဆက်သွယ်သည်ဟု စွပ်စွဲခံရ သတင်း
ထိုင်း-မြန်မာနယ်စပ်ဂိတ် (၄) ခု ထပ်ဖွင့်မည် သတင်း
မူဆယ် မူးယစ်အထူးတပ်ဖွဲ့က ဘိန်းခွန်ကောက်နေ သတင်း
မူးယစ်သမင် မူးယစ်မိုးနဲ့ ကုလမုဆိုး (ဆောင်းပါး)
ကြားညှပ်ခြင်းနှင့် ငတေတို့အုပ်စု (ဆောင်းပါး)
မသေသောဝိညာဉ်နှင့် ဦးစောဝင်း (ဆောင်းပါး)
နယူးဒေလီက ဆေးပေါင်းခတဲ့ည (ဆောင်းပါး)

Read More...

အဖွဲ့ချုပ် ခေါင်းဆောင်ပိုင်း အပြောင်းအလဲအပေါ် ဦးဝင်းတင်ရဲ့ အမြင်

ဘီဘီစီ အင်တာဗျူး၊
ဒီဇင်ဘာ ၁၇၊ ၂၀၀၉

ဒေါ်အောင်ဆန်းစုကြည်ကတော့ အန်အယ်ဒီခေါင်းဆောင်ပိုင်းကို ပြန်လည်ပြင်ဆင် ဖွဲ့စည်းမယ်လို့ ပြောလိုက်ပါပြီ။ ခေါင်းဆောင် လူကြီးတွေကလည်း သဘောတူတယ်လို့ သိရပါပြီ။ ဒီကနေ့ကာလ အခြေအနေနဲ့ ကိုက်ညီတဲ့ ပါတီ ခေါင်းဆောင်မှုကို ဘယ်လိုပုံစံမျိုး ဖွဲ့စည်း သင့်ပါသလဲ။ အန်အယ်ဒီပါတီ လက်ရှိ ဗဟို အလုပ်အမှုဆောင် တဦးဖြစ်တဲ့ ဦးဝင်းတင်ကို ဘီဘီစီက ဆက်သွယ်ပြီး ဒေါ်အောင်ဆန်းစုကြည် စတင် ပြောဆိုလာပြီ ဖြစ်တဲ့ ပါတီခေါင်းဆောင်မှု ပြောင်းလဲမယ့် ကိစ္စနဲ့ ပတ်သက်ပြီး ဘယ်လို သဘောထား ရပါလဲလို့ မေးကြည့်တော့ …

ဦးဝင်းတင်။ ။ ဒီဟာက ဖြစ်လာရမယ့် ကိစ္စပဲလို့ ကျနော် ယူဆပါတယ်၊ ဘာဖြစ်လို့လဲ ဆိုတော့ ဒီ ပုဂ္ဂိုလ်ကြီးများလည်း ပါတီမှာ ထမ်းဆောင် လာခဲ့တာ နှစ်ပေါင်းကို ဆယ်စုနှစ်ကို ကျော်သွားပြီနော်၊ အသက်တွေလည်း ကြီးလှပြီ၊ ကျန်းမာရေး တွေကလည်း ချို့တဲ့လာပြီ ဆိုတဲ့ အခါကျတော့ ဘာပဲပြောပြော သူတို့က အနားယူရမယ့် အချိန်လည်း ရောက်လာတယ်။ အဲဒီအခါကျတော့ စီအီးစီက တိုးချဲ့တယ်ပဲ ခေါ်ခေါ်၊ အားဖြည့်တယ်ပဲ ခေါ်ခေါ်၊ လုပ်ရတော့မယ့် ကိစ္စပဲဗျ။

ဘီဘီစီ။ ။ ဟုတ်ကဲ့ပါ။ ကျနော်တို့လေ့လာစုံစမ်းမိသလောက် အန်အယ်ဒီ လူလတ်ပိုင်းနဲ့ လူငယ်ပိုင်း တွေက ပါတီ ခေါင်းဆောင်မှု အပိုင်းကို စနစ်တကျ ရွေးကောက် တင်မြှောက်တဲ့ ပုံစံနဲ့ သွားချင်တယ် ဆိုတဲ့ သဘောမျိုးတွေ တွေ့ရပါတယ်။ အဲဒါရော တကယ် လက်တွေ့မှာ ဖြစ်လာ နိုင်ပါ့မလား။ ဒေါ်အောင်ဆန်းစုကြည်နဲ့ ခေါင်းဆောင်တွေက အဲလိုမျိုး ဖြစ်ဖို့ကို သဘောတူမယ်လို့ ထင်ပါသလား ခင်ဗျ။

ဦးဝင်းတင်။ ။ ဟာ ထင်တာပေါ့ခင်ဗျာ။ ထင်တာပေါ့၊ ဘာဖြစ်လို့လည်း ဆိုတော့ ကျနော်တို့ အဖွဲ့အစည်းက နာမည်ကိုက အမျိုးသား ဒီမိုကရေစီ အဖွဲ့ချုပ်ဗျ၊ ဒီမိုကရေစီ အဖွဲ့အစည်း။ ကျနော်တို့က အာဏာရှင် အဖွဲ့အစည်း မဟုတ်ဘူး။ အဲဒါကြောင့် ဒီမိုကရေစီ ကျင့်ထုံးတွေ၊ ဒီမိုကရေစီ လုပ်ရပ်တွေ၊ ဒီမိုကရေစီ မျှော်မှန်းချက်တွေ ရည်မှန်းချက်တွေ၊ ဒီမိုကရေစီ လုပ်ဟန်တွေကို ကျနော်တို့ မူအားဖြင့်တော့ အားလုံး လက်ခံမှာပဲဗျ။

နောက်တခုက ဒေါ်အောင်ဆန်းစုကြည်တို့၊ ဦးတင်ဦးတို့ စသည် ဒီခေါင်းဆောင်တွေ ရှိနေတဲ့ (အကျဉ်းကျနေတဲ့ ခေါင်းဆောင်တွေ ပေါ့ဗျာ) ဒီခေါင်းဆောင်တွေ ထဲမှာလည်း (ခေါင်းထဲမှာလည်း၊ ရင်ထဲမှာလည်း) ဒီမိုကရေစီရေး အတွက် လုပ်လာခဲ့သူတွေ။ ဒီလူတွေဟာ မနေ့ တနေ့ကမှ တက်လာတဲ့ လူတွေ၊ ကြားဖြတ်ပြီးတော့မှ ဝင်လာတဲ့ လုပ်တဲ့လူတွေ မဟုတ်ဘူး။ ၁၉၈၈ ဒီမိုကရေစီ အရေးတော်ပုံကြီး ထဲကနေ ပေါက်ဖွားလာတဲ့ ခေါင်းဆောင်တွေ ဖြစ်တယ်။ ဆိုတော့ အဖွဲ့ချုပ် ကိုယ်တိုင်ကလည်း ဒီမိုကရေစီ အရေးတော်ပုံကြီး ကနေ ပေါက်ဖွားလာတဲ့ အဖွဲ့အစည်း ဖြစ်တယ်။ အဲဒီအခါကျတော့ ကျနော်တို့က ဒီမိုကရေစီ နည်းဟန်တွေနဲ့ ပတ်သက်ပြီးတော့ တွန့်ဆုတ်ခြင်း ဘာဆိုဘာမှ မရှိဘူးလို့ ပြောနိုင်တယ်။

အဲ … တခုပဲရှိတယ်။ လူငယ်တွေ အင်အားသစ်တွေက နေပြီးတော့ မျှော်မှန်းနေတဲ့ ဒီမိုကရေစီ နည်းကျ တင်မြှောက်ခြင်း၊ ဒီမိုကရေစီ နည်းကျ ရွေးချယ်ခြင်း ဆိုတာတွေက တခါတလေ ကျတော့ အခု ဗမာပြည်မှာ အနေအထားက ဘယ်လို ဖြစ်နေလဲဆိုတော့ ကျနော်တို့ ကသာ ဒီမိုကရေစီ စိတ်ထားနေတာ၊ ဒီမိုကရေစီ ရှေးရှုနေတာ။ တိုင်းပြည်ရဲ့အနေအထားက ဒီမိုကရေစီနဲ့က ကျနော်ထင်တယ် တယူဇနာ မဟုတ်တောင်မှ အတော် ကွာကွာလှမ်းလှမ်းကို ရှိနေတယ်လို့ ကျနော်တို့ ပြောရမလို ဖြစ်နေတယ်။ ဘာဖြစ်လို့လဲ ဆိုတော့ ကျနော်တို့မှာ ဘာလွတ်လပ်ခွင့်မှ မရှိဘူးဗျာ။

ဘာပဲပြောပြော ကျနော်တို့က အားနဲ့မာန်နဲ့၊ ခွန်အားနဲ့ စိတ်ဓာတ်နဲ့ တွန်းတွန်းတိုက်တိုက်ကလေး လုပ်မယ်ပေါ့ဗျာ။ ထားရာနေ စေရာသွား ဆိုတဲ့ စိတ်မဟုတ်ဘဲနဲ့ လုပ်ကြမယ် ဆိုရင်တော့ ကျနော်ထင်တယ် အခု ခင်ဗျားပြောခဲ့တဲ့ ခေါင်းဆောင်သစ် ဖော်ထုတ်ရေးတို့၊ အင်အားသစ် ဖော်ထုတ်ရေးတို့၊ လုပ်ငန်းသစ်များ ဖော်ထုတ်ရေးတို့ ဆိုတာတွေဟာ တနည်းမဟုတ် တနည်း အနှေးနဲ့ အမြန် ပေါ်လာမှာပဲလို့ ကျနော်ကတော့ အဲဒီလို ယုံကြည်ပါတယ်ဗျာ။

ဒီဇင်ဘာလ ၁၆ ရက် ၂၀၀၉ ခုနှစ်၊ ဘီဘီစီ(မြန်မာပိုင်း) ညပိုင်းအစီအစဉ်မှ ကောက်နုတ်ဖော်ပြပါတယ်။


Ref: မိုးမခ

Read More...

Wednesday, December 16, 2009

နေ့စဉ်သတင်းများ ( ၁၅ - ၁၂ - ၀၉)

ဒေါ်အောင်ဆန်းစုကြည်နှင့် ရှေ့နေများ ဆွေးနွေး သတင်း
တိုင်းပြည်တည်ငြိမ်အေးချမ်းမှ ဘိန်းစိုက်ပျိုးမှု ကျဆင်းမည်ဟု မူးယစ်လေ့လာသူများ ထောက်ပြ သတင်း
ရွေးကောက်ပွဲအတွက် သူဌေးကြီးများ စည်းရုံးနေ သတင်း
၂ဝ၁ဝ တွင်လည်း လူထုသတင်းသမားတို့ သတင်းပို့မည် သတင်း
နိုင်ငံရေးအကျဉ်းသမားအတွက် ရှေ့နေလိုက်ခွင့် ကန့်သတ်ခံရ သတင်း
နိုင်အောင်နိုင်အဖွဲ့တွင် ရာမညတပ်ဖွဲ့ခေါင်းဆောင် နိုင်ရှောင် ဝင်ရောက်ပူးပေါင်းလိုက်ပြီ သတင်း
ညီညီအောင်၏ ကျန်းမာရေးအတွက် မိသားစု စိုးရိမ် သတင်း
နိုဘယ်လ်ဆုရ စီးပွားရေးပညာရှင် နေပြည်တော်သို့ ရောက်ရှိ သတင်း
ဖမ်းဆီးမှု များနေခြင်းကြောင့် မလေးရှားရှိ ရွှေ့ပြောင်းအလုပ်သမားများ ရှောင်ပုန်းနေရ သတင်း
မြန်မာ-အိန္ဒိယ ဓာတ်ငွေ့ပိုက်လိုင်း သတင်း
စစ်တွေတွင် ရေသွင်းခ ဈေးကြီး၍ မြို့လူထု အခက်ကြုံ သတင်း
ဒီဇယ်ပီပါများ ဆိပ်ကမ်းဝင်မည့် သတင်းကြောင့် ဒီဇယ်ဈေး ထိုးကျ သတင်း
ဧရာဝတီတိုင်းက စပါးထွက်နှုန်းကျ သတင်း
ကိုကိုးကျွန်းသို့ ဒုတိယခရီးစဉ် ထပ်မံပြေးဆွဲမည် သတင်း
အဲပုဂံက ရန်ကုန်-ချင်းမိုင် ပြေးမည်ဟု ဆို သတင်း
အရောင်းစင်တာများ မြို့တော်ဝန်အမိန့် မလိုက်နာ သတင်း
ထိုင်း-မြန်မာ နယ်စပ်ကုန်သွယ်ရေး ဂိတ်အသစ်များ ထပ်ဖွင့်မည် သတင်း
ပဲခူးဘုရားပွဲ၌ သံဃာတော်နှင့် ရဲ အဓိကရုဏ်းဖြစ် သတင်း
နှစ်သစ်ကူး အရောင်းမြှင့်တင်ရေး ကုန်တိုက်ကြီးများ ပြိုင်ဆိုင် သတင်း
ပညာရေးအပေါ် ကျောင်းသား/သူများနှင့် ကျောင်းသားမိဘများ စိတ်ဝင်စားမှုရှိလာ သတင်း
အမျိုးသားပြန်လည်သင့်မြတ်ရေးအတွက် လက်ငင်းတောင်းဆိုချက် (ဆောင်းပါး)
ကမ္ဘာတဝှမ်းသို့ပျံ့နှံ့လာသော ရွှေ့ပြောင်းလုပ်သားနှင့် လူကုန်ကူးသန်းရောင်းဝယ်မှု (၃) (ဆောင်းပါး)

Read More...

Tuesday, December 15, 2009

နေ့စဉ်သတင်းများ ( ၁၄ - ၁၂ - ၀၉)

စစ်အစိုးရခေါင်းဆောင်ပိုင်း ခြစားမှုများ ၀န်ကြီးကိုယ်တိုင် ၀န်ခံ သတင်း
ပဲခူးမြို့မှာ သံဃာနဲ့ ရဲတပ်ဖွဲ့ အခင်းဖြစ်ပွားခဲ့ သတင်း
NLD ခေါင်းဆောင် လူကြီး (၃) ဦးနဲ့ ဒေါ်အောင်ဆန်းစုကြည် တွေ့ဖို့ ရဲချုပ်ရုံးက ညှိနှိုင်း သတင်း
ဓာတ်ငွေ့ပိုက်လိုင်းဖောက်ဖို့ ရှမ်းပြည်ဘက်မှာ တိုင်းတာမှုများ စတင်မည် သတင်း
မြန်မာနိုင်ငံမှာ ဘိန်းစိုက်ပျိုးမှု (၃) နှစ် ဆက်တိုက် တိုးလာ သတင်း
ချင်းပြည်နယ် စားနပ်ရိက္ခာရှားပါးမှုပြဿနာ သတင်း
အမေ မဟုတ်သော အမေအကြောင်း (ဆောင်းပါး)
ဒေါ်အောင်ဆန်းစုကြည်၏ ဂါရ၀ပြုရေးအစီအစဉ် ဦးအောင်ရွှေထံ နအဖရဲချုပ် လာရောက်တွေ့ဆုံ သတင်း
မြန်မာ့ဘိန်းထုတ်လုပ်မှု ကြောက်စရာကောင်းလောက်အောင် တိုးပွားလာဟု ကုလပြော သတင်း
တိုင်းရင်းသားအဖွဲ့များ ဘိန်းစိုက်ပြီး လက်နက်ဝယ်နေဟု ကုလ ပြော သတင်း
စီးပွားရေး နိုဘယ်ဆုရှင် စတစ်ဂ်လစ်အကြောင်း သိကောင်းစရာ သတင်း
စင်တင်ပွဲသီချင်းများတွက် တေးရေးကို အနုပညာကြေး ပေးရတော့မည် သတင်း
န၀မအကြိမ်မြောက် SSSNY ကျောင်းဆင်းပွဲ ကနေဒါသံအမတ် တက်ရောက် သတင်း
မြောက်ကိုရီးယား လေယာဉ်ပါ လက်နက်များ ဘန်ကောက်တွင် ဖမ်းမိ သတင်း
နိုင်ငံရေးအကျဉ်းသားတွေအရေး ဗြိတိန် လှုံ့ဆော် သတင်း
စီးပွားရေးပညာရှင်ရဲ့ မြန်မာခရီးစဉ် သတင်း
ဘင်္ဂလီ သစ်ခုတ်သမားများကို မြန်မာတပ်ဖွဲ့များက ငွေယူပြီး သစ်ခုတ်ခွင့်ပြု သတင်း
တစည ရခိုင်တွင် စည်းရုံးရေးလုပ်ငန်းများ အင်တိုက်အားတိုက် ပြုလုပ်ပြီ သတင်း
စစ်တွေမြို့ သမိုင်းဝင် သင်္ချိုင်း နေရာပြောင်းရွှေ့ရမည် သတင်း
စစ်တပ်ကို နိုင်ငံသားများထက် အခွင့်ထူးပေးထားသော အခြေခံဥပဒေ (ဆောင်းပါး)
တရုတ်-အရှေ့တောင်အာရှ ဆက်ဆံရေး (၃) (ဆောင်းပါး)
မြန်မာ့ကြယ်ငါးပွင့်ကို ဦးပိုင်လီမိတက် လွှဲပြောင်းယူရန် ညှိနိူင်း သတင်း
ဝန်ဆောင်မှုများ လျှော့ပေးနေသော်လည်း နိုင်ငံကူးလက်မှတ်လုပ်သူ နည်းပါး သတင်း
ဈေးပေါသည့် စီဒီအမ်အေဖုန်း လျှောက်လွှာတင်သွင်းသူ များပြား သတင်း
အနုပညာကြေး မြင့်မားသောကြောင့် မိုက်ကယ်လန်း ဂီတပွဲ ပျက် သတင်း
အကျဉ်းစံ ထိုင်းသူလျှို၊ ကမ္ဗောဒီးယားအကျဉ်းထောင်က ပြန်လွှတ်ပေး သတင်း

Read More...

Monday, December 14, 2009

နအဖ တိုင်းပြည် (သို့မဟုတ်) ဗိုလ်ချုပ်များမှသည် ဗိုလ်ရှုပ်များဆီသို့

December 14, 2009

ဒီဇင်ဘာလ ၁၁ ရက် ဟာ ၊ ဒီအက်စ်အေ (DSA) ခေါ် မေမြို့ စစ်တက္ကသိုလ် ဗိုလ်လောင်းသင်တန်း အပါတ်စဉ် ၅၂ ကျောင်းဆင်းပွဲနေ့ ဖြစ်ပါတယ်။ နောက် ၁၈ ရက်နေ့ကျရင် စစ်အင်ဂျင်နီယာ ဗိုလ်လောင်းတွေရဲ့ ကျောင်းဆင်းပွဲက ဆက်လာဦးမှာပါ။ နောက်ထပ် ဒီဇင်ဘာ ၂၄ မှာ ဆေးဖက်ဆိုင်ရာ စစ်တက္ကသိုလ် ဗိုလ်လောင်းတွေလည်း ဆက်ပြီး ကျောင်းဆင်း လာကြဦးမှာပါ။ အားလုံး လူ ၇ဝဝဝ ကျော်လောက် ဗိုလ်ကလေးတွေ ဖြစ်လာကြဦးမှာပါ။ နိုင်ငံတော် အကြီးအကဲကြီးတွေ ခမျာ စစ်တက္ကသိုလ် ကျောင်းဆင်းပွဲတွေပဲ လိုက်တက် မိန့်ခွန်းချွေနေ ကြရလို့ ဒီဇင်ဘာလထဲ လုံး ၀ အားကြမယ်ဖြင့် မထင်ပါဘူး။

ဒီဇင်ဘာဟာ စစ်တပ်ကိုသွေးသစ်လောင်းပေးမယ့် ဗိုလ်လောင်းတွေ ကျောင်းဆင်းတဲ့ လလို့ ဆိုလည်း မမှားပါဘူး။ (DSA) က ကျောင်းဆင်း ဗိုလ်လောင်း ဦးရေဟာ ဒီနှစ်ထဲမှာ စံချိန် တင်လောက်အောင်ကို လူတွေက များလှပါတယ်။ ဗိုလ်လောင်း ၃၇ဝဝ ကျော် ကျောင်းဆင်းပါမယ်။ ကျောင်းဆင်းပွဲမှာ လူဘယ်လောက် များလိုက်သလဲ ဆိုရင်၊ အရင် အသုတ်တွေတုံးက ၊ ဗိုလ်လောင်း ၁ ယောက်ကို မိဘ ၂ ဦး နဲ့ ဧည့်သည် ၂ ဦး ပွဲတက်ခွင့် ရှိပါတယ်။ နောက်တော့ မိဘ ၂ ပါးပဲ တက်ရပါတယ်၊ ဒီနောက် နေရာ မဆန့်လို့ မိဘ ၁ ဦးကိုပဲ ကျောင်းဆင်းပွဲ တက်ခွင့် ပေးနိုင်ပါတော့တယ်။

ဒီနှစ်မှာ ကျောင်းဆင်းမယ့် ကျောင်းသားအတွက်တောင် ထိုင်စရာနေရာ မကျန်တော့လို့၊ ဘယ်မိဘကိုမှ ဘွဲ့ယူခမ်းမထဲ ပေးမဝင်တော့ပါဘူး၊ အပြင်ကပဲ အားပေး ကြရမယ်လို့ သိရပါတယ်။ ဒါကလည်း ဒီနှစ် (DSA)ရဲ့ စတိုင် တမျိုးပါပဲ။ ဒီအက်စ်အေ ဖွင့်ခါစကဆို ကျောင်းသား ၁ဝဝ တောင် မပြည့်ခဲ့ပါဘူး၊ နှစ်အလိုက် ဗိုလ်လောင်း ကျောင်းသားတွေကို တိုးပြီး ခေါ်လိုက်တာ၊ အခုနှစ် ဆင်းတဲ့ ဦးရေဟာ စံချိန် တင်လောက် ပါသတဲ့။ အရင်တုံးက ဆယ်တန်း အောင်ပြီး တက်ရတဲ့ ဒီအက်စ်အေ (DSA) နဲ့ ဘွဲ့ရပြီးမှ သင်တန်း တက်ရတဲ့ အိုတီအက်စ် (OTS) ဆိုပြီး ဗိုလ်သင်တန်း ၂ မျိုး ရှိခဲ့ပါတယ် ။ အပြင်က ဘွဲ့ရတွေကို ဗိုလ်သင်တန်း ခေါ်တဲ့ အိုတီအက်စ် (OTS ) ဟာ အခု မရှိတော့ပါဘူး။ အဲဒီ သင်တန်းဆင်း အချင်းချင်းက သိပ်မတည့်ကြပါဘူး၊ ဒီအက်စ်အေက အိုတီအက်စ်ကို အထင် မကြီးသလို၊ အိုတီအက်စ် ကလည်း ဒီအက်စ်အေ ကို ကြည့်မရပါဘူး။

ထို့နည်းတူ ဂိုဏ်းဂဏ အုပ်စုတွေဖွဲ့ပြီး တပ်မတော်ထဲမှာ ဒီကျောင်းဆင်း ၂ ဖွဲ့ ပဋိပက္ခကလည်း ဒီကနေ့တိုင် ဆက် ကြီးထွားနေဆဲပါ။ လက်ရှိ တပ်မတော်ထဲက တပ်ရင်းတခုမှာ ရဲဘော် တရာ အရာရှိ ၃၀ နှုန်း ဖွဲ့စည်းပုံကနေ နောင်မှာ ဗိုလ် ၁ဝဝ ကို ရဲဘော် က ၁ ယောက်နှုန်း ကိန်း၊ မလွဲမသွေ မကြာခင် ဆိုက်လာပါတော့မယ်။ စစ်သားအင်အား ကသာ မရှိတာ၊ ဗိုလ်တွေကတော့ ဖွဲ့စည်းပုံ အပြည့် ပါဘဲ။ ရှိတဲ့စစ်သား ၁ ယောက်ခမျာ နေ့စဉ် တတိုက်ထဲ တိုက်နေရ တာတော့၊ ကြာတော့ ထွက်ပြေး ကုန်ကြတာ များပါတယ်။ နေ့စဉ် တိုက်ရတယ် ဆိုတာက စစ်တိုက်ရလို့ မဟုတ်ပါဘူး။ ဟိုဗိုလ်က ဖိနပ်တိုက်ခိုင်း၊ ဒီဗိုလ်က တံဆိပ် တိုက်ခိုင်း၊ ဗိုလ်ကတော် က မီးပူတိုက်ခိုင်း၊ အိုး တိုက်ခိုင်း၊ ကြမ်းတိုက်ခိုင်းနဲ့ ရှိတဲ့ ရဲဘော်ခမျာ လက်ကို မလည်ရ ရှာပါဘူး။

နောက်နှစ်တွေကိုတော့ ဒီနှစ်လို ဗိုလ်လောင်းတွေ၊ သိပ်မခေါ်တော့ ဘူးလို့ ကြားပါတယ်။ ကျောင်းမှာ ထားစရာ နေရာ သိပ်မကျန် တာရယ် ၊ ခန့်စရာ, ရာထူးလည်း သိပ်မကျန်တော့တာ ရယ်ကြောင့် ဖြစ်မယ်ထင်ပါတယ်၊ မဆလ အစိုးရ ခေတ်က စလို့ တပ်မတော် ထဲက ဖြုတ်ထုတ်လိုက်တဲ့ ဗိုလ်ပြုတ်တွေ အရပ်ဖက်ပို့၊ နေရာပြောင်း အပြစ်ပေးပြီး တပ်တွင်း ရာထူးတိုး တန်းစီဇယား ထိန်းညှိ ယူနေရာက နောင်၂၀၁၀ ပြီးရင် ဒီထက် တဆင့်တိုးလို့ ဗိုလ်ချုပ်အဆင့် က ဖြုတ်၊ ထုတ်၊ ပြုတ် တွေကိုပါ လွှတ်တော်ထဲ ထိုးပုံဖို့ လက်ရှိ နအဖ အစိုးရ စဉ်းစားနေပါတယ်။ စစ်ရေး၊ စီးပွားရေး၊ နိုင်ငံရေး၊ အုပ်ချုပ်ရေး ဖက်စုံမှာ စစ်ဗိုလ်တွေ ကျွမ်းကျင် ထားဖို့ လိုတယ်တဲ့။ ဗိုလ်လောင်း အသစ်လေးတွေ ဒီအမြင်လေးမျိုး ကြိုတင် စိုက်ထူထားကြဖို့ ဗိုလ်ချုပ်မှူးကြီးက သင်တန်းဆင်းပွဲမှာ, မှာကြား သွားပါတယ်။ သဘောကတော့ မင်းတို့ ကောင်းကောင်းလုပ်။ နောင်တနေ့ စစ်ဗိုလ် ဘ၀က လျှောသွားရင် စီးပွားရေး၊ နိုင်ငံရေး၊ အုပ်ချုပ်ရေး ဘ၀ထဲ ရောက်သွား နိုင်တယ်လို့ ဗိုလ်လောင်းတွေကို အခုထဲက လက်ချာရိုက် ၀မ်နိမ် (warning) ပေးနေတာပါ။

၂ဝ၁ဝ နောက်ပိုင်း တက်လာမယ့် အစိုးရ ဟာ တပ်ထဲက ဒီ အရှုပ်ထုပ်တွေ ဆက်ဖြေရှင်း သွားရပါတော့မယ်။ အခုအခါမှာ တိုင်းပြည်ကို စစ်တပ်ဖက်က ဗိုလ်ချုပ်တွေ တိုက်ရိုက် အုပ်ချုပ်လို့ ဗိုလ်ချုပ် အစိုးရလို့ လူတွေ ပြောနေကြပါတယ်။ နောင်ဆိုရင် ၂၀၁၀ နောက်ပိုင်း လွှတ်တော်ထဲမှာ တပ်ကရှုပ်လို့ ပို့လိုက်တဲ့ ဗိုလ်ချုပ်ပြုတ်တွေဝင်ပြီး ကြီးစိုး မင်းမူတော့မှာမို့ ဗိုလ်ရှုပ် အစိုးရအဖြစ် နံမည် ပြောင်းခေါ်ဖို့ပဲ ကျန်ပါတော့တယ်။

ဝိမုတ္တိဝိုင်းတော်သားတဦး (နေပြည်တော်)


Read More...

အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးဂုဏ်သိက္ခာ ကျင့်ဝတ် ကတိဟာ လူမျိုးစုံ ပြည်သူလူထု တရပ်လုံးပဲ ဖြစ်တယ်

မင်းဆွေ (ပေါက်)
ဒီဇင်ဘာ ၁၄ ရက် ၂၀၀၉ ခုနှစ်

၁၉၈၈ခုနှစ် ဩဂုတ်လမှာ မြန်မာနိုင်ငံတ၀ှမ်းလုံးရှိ လူတန်းစားပေါင်းစုံ၊ အလွှာပေါင်းစုံ၊ အရွယ်ပေါင်းစုံ၊ လူမျိုးပေါင်းစုံတို့ ပါဝင်သော ပြည်သူလူထု ကြီးတရပ်လုံးဟာ မကြုံစဘူး ထူးကဲလှစွာ လှည်းနေလှေအောင်း မြင်းဇောင်းမကျန် စုစည်းညီညွတ်စွာဖြင့် အုံကြွခဲ့ကြပြီး မဆလ တပါတီအာဏာရှင် စနစ်ကို ဖြိုချဖျက်သိမ်း၍ ဒီမိုကရေစီရရှိရေး တောင်းဆိုတိုက်ပွဲဝင်မှုကြီးတရပ်ကို ပေါ်ပေါက်စေခဲ့ပါတယ်။ အသက်သွေးချွေးပေါင်း မြောက်မြားစွာ သွန်းလောင်းရင်းနှီးပြီး ဒီမိုကရေစီစနစ်ကို ကျင့်သုံးတဲ့ မြန်မာနိုင်ငံတော်သစ်ကြီး ပေါ်ထွန်းလာဖို့ ကြိုးပမ်းခဲ့ကြတာ ဖြစ်ပါတယ်။

အဲဒီကနေ စပြီးတော့ ပြည်သူလူထုကြီးတရပ်လုံးရဲ့ ကျယ်ပြန့်ကြီးမားလှတဲ့ ဆန္ဒမွန်တွေကို အကောင်အထည် ဖော်ပေးဖို့၊ သမိုင်းရဲ့ တောင်းဆိုချက်ကို ဖြည့်ဆည်း ပေးနိုင်ဖို့အတွက် ၁၉၈၈ခုနှစ် စက်တင်ဘာလ (၂၇)ရက်နေ့မှာ ယခုလက်ရှိ တပ်ဦးအလံကိုင် ပါတီကြီးဖြစ်တဲ့ အမျိုးသား ဒီမိုကရေစီ အဖွဲ့ ချုပ်ဟာ ပေါ်ထွန်း ဖြစ်တည်လာရတာ ဖြစ်ပါတယ်။ ဒီတပ်ဦး အလံကိုင် ပါတီကြီးကို မြန်မာနိုင်ငံတော်ရဲ့ လွတ်လပ်ရေး ဗိသုကာကြီးလည်းဖြစ် တပ် မတော်ရဲ့ ဖခင်လည်းဖြစ်တဲ့ ဗိုလ်ချုပ်အောင်ဆန်းရဲ့ သမီး လူထုခေါင်းဆောင် ဒေါ်အောင်ဆန်း စုကြည်က အထွေထွေ အတွင်းရေးမှူး အဖြစ် တာဝန်ယူ ဆောင်ရွက်ခဲ့ပါတယ်။ ဆယ်စုနှစ် (၂)စု ကျော်ခဲ့ပါပြီ။ ဒီအနှစ် (၂၀)ကျော်အတွင်းမှာ (၁၅)နှစ်ကျော် အိမ်ချုပ်နဲ့ ထိန်းသိမ်း ချုပ်နှောင်ထားခြင်း ခံနေခဲ့ ရတာပါ။

အခုချိန်ထိလည်းပဲ နအဖစစ်ကောင်စီ ဥက္ကဌ ဗိုလ်ချုပ်မှူးကြီးသန်းရွှေက ဒေါ်အောင်ဆန်းစုကြည်ကို အိမ်ချုပ်အဖြစ် ဆက်လက် ချုပ်နှောင် ဖမ်းဆီး ထားဆဲ ဖြစ်ပါတယ်။ လွတ်ရက်စေ့ပြီ ဖြစ်ပေမဲ့လို့ တရားဥပဒေကို အလွဲသုံးစားပြုကာ အပြစ်မရှိ အပြစ်ရှာ ဖမ်းဆီး ချုပ်နှောင်ထားတာ ဖြစ်ပါတယ်။ အင်းစိန် ထောင်တွင်း တရားရုံးမှာ စစ်ဆေး ကြားနာပြီးတဲ့နောက် တရားသူကြီးက (၃)နှစ် ပြစ်ဒဏ် ချမှတ်လိုက်ပါတယ်။ အဲဒီ အချိန်တိုလေး အတွင်းမှာ ပဲ အထူးအမိန့်စာ စာရွက်တရွက် ရောက်လာပါတယ်။ ဗိုလ်ချုပ်မှူးကြီး သန်းရွှေဆီက ကမန်းကတန်း ပို့လွှတ်လာတာဖြစ်ပြီး ပြစ်ဒဏ်ကို (၁)နှစ်ခွဲ အဖြစ် လျှော့ချ ပြောင်းလဲလိုက်ပါတယ်။

သူ့ရဲ့အဆိုအရတော့ ဒေါ်အောင်ဆန်းစုကြည်ဟာ ဗိုလ်ချုပ်အောင်ဆန်းရဲ့ သမီးဖြစ်တာက တကြောင်း၊ လူသားချင်းစာနာ ထောက်ထားတဲ့ အနေနဲ့ တကြောင်း ပြစ်ဒဏ်ကို ပြောင်းလဲ လျှော့ပေါ့လိုက်တာလို့ ပြောပါတယ်။ နောက်ပြီး ကောင်းမွန်စွာ နေထိုင်သွားရင် ပြစ်ဒဏ်ကနေ အပြီးလွှတ်ပေးဦး မယ်လို့ ဆိုပြန်ပါတယ်။ တရားဥပဒေ ချိုးဖောက်လို့သာ အပြစ်ပေး အရေးယူရတာ ဖြစ်ပြီး တရားရုံးရဲ့ ဆုံးဖြတ်ချက်အရသာ ဖြစ်ပါတယ်လို့ ဆိုပါတယ်။

ဒေါ်အောင်ဆန်းစုကြည်ကပဲ အမှန်တကယ် ပြစ်မှုကျူးလွန်ထားတဲ့ သူလိုမျိုး ပြောကြားနေတာ ဖြစ်ပါတယ်။ မူလအဖြစ်မှန် အကြောင်းရင်းကိုတော့ တတိုင်းတပြည်လုံးက ကောင်းကောင်း သိထားကြပါတယ်။ ဒီလိုမျိုး ပြောဆိုပြုမူမှုတွေဟာ ပြည်သူလူထုကြီးအဖို့ မထူးဆန်းတော့တဲ့ကိစ္စ လုပ်နေ ကျဖြစ်လို့ ရိုးအီနေပါပြီ။ ကွယ်ရာမှာတော့ ဗိုလ်ချုပ်မှူးကြီးကို ကောင်းကောင်းမေတ္တာပို့နေမှာပါ။ အာဏာရူး မိစ္ဆာဒိဌိကြီးလို့။

ဒါပေမဲ့ ဘယ်လိုပဲဖြစ်ပါစေ တရားဥပဒေအရ တရားသူကြီးရဲ့ စီရင်ချက် အမိန့်ချမှတ်မှုကို စစ်အာဏာ စက်နဲ့ ၀င်ရောက်စွက်ဖက် ချယ်လှယ်လိုက်တာဟာ တရားရေးမဏ္ဍိုင် ဘယ်လောက် တိမ်းစောင်းနေပြီဆိုတာကို အထင်အရှား ဘွားဘွားကြီး ဖော်ပြလိုက်တာ ဖြစ်ပါတယ်။ တနည်းအားဖြင့် သူတို့ စစ်အုပ်စု ပြောပြောနေတဲ့ တရားဥပဒေ စိုးမိုးရေး မရှိဘူးဆိုတာကို လက်တွေ့ ပြလိုက်တာလည်း ဖြစ်ပါတယ်။ တရားဥပဒေရဲ့ အပေါ်မှာ စစ်အုပ်စုရှိတယ် ဆိုတဲ့အချက်ဟာ ဘယ်လိုမှ ငြင်းလို့ ဖုံးကွယ်လို့ မရဘူး ဖြစ်သွားပါတယ်။

ဒီလိုဆိုရင် ဗိုလ်ချုပ်ကြီးရွှေမန်းပြောကြားခဲ့တဲ့ “ ဥပဒေရဲ့ အထက်မှာ ဘယ်သူမှ ရှိမနေစေရဘူး ” ဆိုတဲ့စကားနဲ့ ပြောင်းပြန်စောက်ထိုး ဖြစ်နေ တော့မှာပေါ့။ သူတို့ကိုယ်တိုင် ထုတ်ပြန် ကြေညာထားတာပဲ မဟုတ်ပါလား။ ဒီလိုမျိုး အဖြစ်အပျက် တခြားကိစ္စတွေ အများကြီး ရှိပါသေးတယ်။ ငါတို့ လုပ်ချင်သလို လုပ်လို့ရတယ်၊ လုပ်နိုင်တယ်။ ဘယ်သူ့ကိုမှ ဂရုစိုက်စရာ မလိုဘူး ဆိုတဲ့ အချိုးနဲ့ မြန်မာ ပြည်သူလူထုကြီးကို စော်ကားမော်ကား လုပ်နေတယ်ဆိုတာ ရှင်းနေတော့တာပါပဲ။ ဒီလိုမျိုး ပြည်သူ တရပ်လုံးအပေါ် တရားလက်မဲ့ တဆွေတမျိုးလုံး ဆက်လက် စော်ကားမိုက်ရိုင်း ပြုမူကျင့်ကြံ နိုင်ဖို့ရာ တပ်ချုပ်ကြီးက ဒီ ၂၀၁၀ ဆိုတဲ့ ဟာကြီးကို အဖြစ်နိုင်ဆုံး အမြန်အပြီးသတ် ကျင်းပ ချင်နေတာပါ။ နိုင်ငံတကာ အသိုင်းအ၀န်းကိုတော့ ပြီးရောပေါ့။

ဒီလိုပြစ်ဒဏ်ကို (၁၈)လအဖြစ် လျှော့ချပေးလိုက်တာကို တချို့သော ကမ္ဘာ့နိုင်ငံတွေ ဒေသတွင်း နိုင်ငံတွေ အတွက်တော့ အပြုသဘော ဆောင်တဲ့ လုပ်ရပ်မျိုး အကောင်းမြင်တဲ့ သဘောမျိုး ဖြစ်သွားနိုင်တယ် ဆိုတာကိုလည်း ဗိုလ်ချုပ်မှူးကြီးက ကောင်းကောင်း သိထား နားလည် ထားတယ်လို့ ကျနော့် အနေနဲ့ ယူဆပါတယ်။ အချိန်ဆွဲလို့ ရသွားနိုင်တာပေါ့။ စောင့်ကြည့် ကြသေးတာပေါ့။ အချိန် စောပါသေးတယ်။ အရင်စလို လုပ်လို့ မဖြစ်ဘူး စသဖြင့်ပေါ့။

ဒီလို လူထုခေါင်းဆောင် ဒေါ်အောင်ဆန်းစုကြည်ကို ဆက်လက်ဖမ်းဆီး ချုပ်နှောင်ထားတာဟာ ၂၀၁၀ ရွေးကောက်ပွဲမှာ မပါဝင်စေလိုလို့လည်း သုံးသပ် ယူဆနိုင်ပါတယ်။ အကြောင်းကတော့ ၂၀၁၀ခုနှစ် ရွေးကောက်ပွဲ ကျင်းပပြီးစီးမဲ့ အချိန်ပိုင်းလောက်ဆို ပြစ်ဒဏ် ချမှတ်ထားတဲ့ ကာလလည်း ကုန်ဆုံးပြီ မို့လို့ ဖြစ်ပါတယ်။ နောက်တခုက ရွေးကောက်ပွဲ ကျင်းပရေး ဥပဒေလည်း အခုချိန်ထိ တရားဝင် ထုတ်ပြန်တာမျိုး မရှိသေးလို့ ဖြစ်ပါတယ်။ ဒီ ဥပဒေနဲ့ ပတ်သက်ပြီးတော့ အမျိုးမျိုး ပြောဆို သံတွေတော့ ကြားနေရပါတယ်။ အတည်ပြုဖို့ ခက်ခဲပါလိမ့်မယ်။

ဘာပဲဖြစ်ဖြစ် စစ်ကောင်စီအနေနဲ့ကတော့ သူတို့ရဲ့ လမ်းပြမြေပုံအတိုင်း မဖြစ်မနေ ဆက်လုပ် သွားမယ်လို့ မကြာသေးခင်ကမှ ပြုလုပ်သွားတဲ့ စစ်မှု ထမ်းဟောင်း ညီလာခံ အပိတ်မိန့်ခွန်းမှာ ဗိုလ်ချုပ်မှူးကြီး သန်းရွှေက အခိုင်အမာ ထပ်မံ ပြောကြားသွားပါတယ်။ သူတို့ဘက်ကတော့ စီစဉ်ရေးဆွဲထား တဲ့အတိုင်း စီမံချက်ရှိရှိ မက်ခီယာဗယ်လီရဲ့ ရှေးနည်းဟောင်းအတိုင်း သွားလိမ့်မှာသာ ဖြစ်ပါတယ်။

အဲ ဒီနေရာမှာ အလေးအနက် စဉ်းစားဖို့လို အပ်လာပါတယ်။ ကျနော်တို့ ဘက်ကကော ဒီပွဲအတွက် ဘာတွေပြင်ဆင် ထားပါသလဲ။ ပြင်ဆင်ဖို့ စီမံချက်ကော ရေးဆွဲ ထားနိုင်ပါပြီလား။ လူထု အနေအထားကကော ဘယ်အခြေအနေမှာ ရှိနေပါသလဲ။ ဒေါ်အောင်ဆန်းစုကြည် ပြန်လွတ်မြောက်လာတဲ့ အထိ ဒီအတိုင်း ငုတ်တုတ်ကြီး ထိုင်စောင့် နေဦးမှာလား။ ဒီအတိုင်း မလှုပ်မရှက်နဲ့ လွှတ်ပေးနိုးကို ကျိတ်မျှော်နေမှာလား။

ဒေါ်အောင်ဆန်းစုကြည် မလွတ်သေးရင်ပဲ တခြားခေါင်းဆောင်တွေ၊ အဆင့်ဆင့်သော ရဲဘော်တွေအနေနဲ့ ဘာမှ လုပ်ဆောင်ဖို့ မကြိုးစားတော့ဘဲ ပြုသမျှ နုရတော့မဲ့ အခြေအနေမို့ လည်စင်းပေးဖို့ပဲ ပြင်ထားကြဖို့ ညွှန်ကြားချက်များ ရှိထား လေရော့သလား။ ဦးဆောင်နိုင်မှု အရည်အချင်း မရှိကြ တော့ဘူးလား။ ဦးမဆောင်နိုင်ဘူးလို့ ကိုယ့်ကိုကိုယ် ယုံကြည်မှု မရှိရင်လည်း ဦးဆောင်ဝံ့တဲ့၊ ခေါင်းဆောင်ရဲတဲ့ သူတွေကို တာဝန်အရ အဆင့်လိုက် လုပ်ဆောင်ခွင့်ကို သတ်မှတ်ပြီး လူထုနဲ့ တသားတည်းကျတဲ့ သူတွေကို ရှေ့က တက်ဦးဆောင်ခိုင်းပြီး ကိုယ်က နောက်ကနေ အကြံပေးနောက်လိုက် လုပ်ရင်ကော မရဘူးလား။ လူထု ခေါင်းဆောင် ဒေါ်အောင်ဆန်းစုကြည် ကိုယ်တိုင်က “အားလုံးအတွက် အကောင်းဆုံးကို မျှော်လင့်ထားသလို အဆိုး ဆုံးကိုလည်း ပြင်ဆင်ထားကြဖို့” ဆိုတဲ့ သတင်းစကား ပါးထားတယ် မဟုတ်ပါလား။

အထူးသဖြင့်တော့ အမျိုးသားဒီမိုကရေစီအဖွဲ့ချုပ်အတွက် အဓိက ဖြေဆိုရမယ့် အဖြေရှင်အဖြစ် အချိန် ကျရောက်လာနေပါပြီ။ ခေါင်းခါရှောင်လွှဲ သွားလို့ မရနိုင်တော့တဲ့ အခြေအနေပါ။ တပ်ဦး အလံကိုင် ပါတီကြီးဆိုတော့ အရံသင့် ပြင်ပြင်ဆင်ဆင် လုပ်ထားပြီးဖြစ်မယ်လို့ ယုံကြည် ယူဆထားပါတယ်။ လုပ်သင့်လုပ်ထိုက်တဲ့ ကိစ္စမှန်သမျှကို အဆင်သင့် ပြင်ဆင် ဆောင်ရွက် ထားပြီးသားပါ၊ အချိန်ကျလာရင် ပြတ်ပြတ်သားသား လုပ်ဆောင် သွားမှာပါလို့ ဒီချုပ် ပြောရေး ဆိုခွင့်ရှိသူ ပြန်ကြားရေး အဖွဲ့ဝင် ဦးဉာဏ်ဝင်းကလည်း လေလှိုင်း မေးမြန်းချက်မှာ ပြောဆို ထားဘူးပါတယ်။

ဒီလိုသာဆိုရင်တော့ အထူးကျေးဇူးတင်ရမှာပါ။ ဘာကြောင့်ဆို အန်န်အယ်လ်ဒီဟာ မြန်မာပြည် တ၀ှမ်းလုံးမှာ ရှိတဲ့ လူမျိုးစုံ ပြည်သူလူထု တရပ်လုံးက ၁၉၉၀ခုနှစ် မေလ ရွေးကောက်ပွဲကနေ ရွေးချယ် တင်မြှောက်ခဲ့တဲ့ အနိုင်ရ ပါတီဖြစ်နေလို့ပါပဲ။ မဲပေးနိုင်ခွင့်ရှိသူ ဦးရေ သန်း(၂၀)မှာ (၁၅)သန်းက အတည်ပြုရွေးကောက် တင်မြှောက် ထားတာပါ။ တပ်မတော်သားများပါ မဲဆန္ဒပြု မဲထည့် ရွေးကောက်ထားတဲ့ ပါတီ ဖြစ်နေလို့ပါ။ တပ်မတော်သား များကိုလည်း ကိုယ်စားပြုပါတယ်။ (၈၂) ရာခိုင်နှုန်းနဲ့ကို ပြတ်ပြတ်သားသား အနိုင် ရရှိထားတာ ဖြစ်ပါတယ်။

တနည်းအားဖြင့် အမျိုးသားဒီမိုကရေစီအဖွဲ့ချုပ်ဟာ ပြည်သူလူထုရဲ့ ဆန္ဒကို ကိုယ်စားပြုထင်ဟပ် ဖော်ပြထားချက်လို့ ပြောနိုင်ပါတယ်။ ပြည်သူလူထု ရဲ့ဆန္ဒ သဘောထားကို လိုက်နာ ဖော်ဆောင်ပေးဖို့ လိုအပ်နေပါတယ်။ ပြည်သူလူထု တရပ်လုံးရဲ့ ဘ၀ လွတ်မြောက်ရေး အတွက် ရှေ့ကနေ မားမား မတ်မတ် ရပ်တည်ပေးရမဲ့ တာဝန်ဝတ္တရားကလည်း ကျန်ရှိနေပါတယ်။ လတ်တလော နိုင်ငံရေး အနေအထားကလည်း ဒီအတိုင်းပဲ တောင်းဆိုနေ တယ်လို့ ယုံကြည် ယူဆမိပါတယ်။ ဒေါ်အောင်ဆန်းစုကြည် ကိုယ်တိုင် ပြောဆိုခဲ့တဲ့စကား ဖြစ်ပါတယ်၊ အဲဒါက ဘာလဲဆိုလို့ရှိရင် “ တိုင်းပြည်နဲ့ လူမျိုး အတွက် ကျမတို့ ပါတီကို ဖျက်သိမ်းဖို့ လိုအပ်လာမယ် ဆိုလို့ရှိရင် ဖျက်သိမ်းပစ်ဖို့ အဆင်သင့်ပါပဲ ”ဆိုတာ ဖြစ်ပါတယ်။

လူထုတရပ်လုံးရှေ့ကနေသာ မားမားမတ်မတ် ရပ်တည်ဦးဆောင်သွားမယ်ဆိုရင် မဲဆန္ဒရှင် ပြည်သူ တရပ်လုံးက အူလှိုက် သည်းလှိုက် ၀မ်းပမ်းတသာ ၀ိုင်းဝန်းကြိုဆို ထောက်ခံကြမှာ မလွဲဧကန်ပါပဲ။ အားကိုး ယုံကြည်မှုတွေ၊ လေးစား တန်ဘိုးထားမှုတွေနဲ့ အတူ လုပ်လက်စ အလုပ်တွေကို ဖုတ်ဖက်ခါ ပစ်ချထားခဲ့ပြီး အမျိုးသား ဒီမိုကရေစီ အဖွဲ့ချုပ်ရဲ့ နောက်ကနေ စည်းကမ်းတကျ ကိုယ့်တာဝန်ကိုယ် ကျေပွန်စွာနဲ့ မလွဲမသွေ လိုက်ပါလိမ့်မယ်ဆိုတာ အခိုင်အမာ ကျနော်ပြောရဲပါတယ်။ အလေးအနက်ကို ယုံကြည်မိပါတယ်။ သမိုင်းကို ရေးသားခဲ့ သူတွေဟာ တကယ်တော့ အံ့မခန်း စွမ်းအားပိုင်ရှင် ပြည်သူလူထုကြီးသာ ဖြစ်ပါတယ်။ ဘယ်ခေတ်စနစ် ရာဇ၀င်မှာမဆို သမိုင်းဖန်တီးရှင်ဟာ ပြည်သူ လူထုတွေသာ ဖြစ်ပါတယ်။

ဒါကြောင့်လည်း ရှေးခေတ်စာဆိုတော် လက်ဝဲသုန္ဒရ အမတ်ကြီးက.....“ စစ်နည်းဗျူဟာ ဘယ်လိုသာလည်း၊ စွဲကိုင်လက်နက် ဘယ်လိုထက်လည်း၊ ပြည်သူ့နှလုံး မသိမ်းကျုံးလျှင်၊ ပြည်သူ့စွမ်းအား မကိုးစားလျှင်၊ ဓါးသွားလည်းကြွေ လှံလည်းခွေအံ့ ” လို့ ပြည်သူ့စွမ်းပကား ပြည်သူ့အင်အား အကြောင်းကို စပ်ဆိုဖွဲ့သီခဲ့တာ မဟုတ်ပါလား။

အမျိုးသားဒီမိုကရေစီအဖွဲ့ချုပ် ခေါင်းဆောင်များကသာ ဒီကနေ့ရဲ့ လူထု လိုလားတောင်းဆိုချက်ကို ပကတိ အခြေအနေနဲ့ ကိုက်ညီမယ့် ယုတ္တိကျတဲ့ လက်တွေ့ လုပ်ငန်းစဉ်နဲ့ အတူ ရဲဝံ့စွန့်စား အနစ်နာခံ အသက်ပေး ဆက်ဖို့ကို ပိုင်းဖြတ်ချက် အပြည့်နဲ့ ဆုံးဖြတ်ချက်ချ ဦးဆောင် ချီတက်သွားဖို့ကိုသာ အဓိကဇောင်းပေး လုပ်ဆောင်သွားပြီး အချိန်အခါရောက်ရင် နှောင့်နှေး မတွန့်ဆုတ်ဘဲ ရဲသွေးနီကြောင်းကို သမိုင်းမှတ်တိုင် အဖြစ် စိုက်ထူမော်ကွန်း ထိုးပြမှသာ တဖက်သတ်ရေးဆွဲ အဓမ္မ အတည်ပြုထားတဲ့ ၂၀၀၈ ဖွဲ့စည်းပုံ အခြေခံဥပဒေကို လူထု အာဏာဖီဆန်ရေး လူထုတိုက်ပွဲနဲ့ ဖယ်ရှားဖျက် သိမ်းပစ်ရင်း တွေ့ဆုံဆွေးနွေး အဖြေရှာရေး လမ်းကြောင်းကို ခေါ်ဆောင်သွား ရ/နိုင် မှာ ဖြစ်ကြောင်း တင်ပြ လိုက်ရပါတယ်။

မင်းဆွေ (ပေါက်)

၂၀၀၉ခုနှစ် ဒီဇင်ဘာလ (၅)ရက်။

Read More...

နေ့စဉ်သတင်းများ ( ၁၃ - ၁၂ - ၀၉)

စစ်အစိုးရကို စစ်ဆေးရေးကော်မရှင်ဖွဲ့ပြီး အရေးယူရန် ဘီအယ်လ်စီ ထောက်ခံ သတင်း
၂၀၁၀ ရွေးကောက်ပွဲက ဒီမိုကရေစီကို ဦးတည်မည်မဟုတ် သတင်း
သံဃာတော်များ၏ တရားပွဲများကို ကန့်သတ်လာ သတင်း
နယ်စပ်ကို လျှပ်တပြက် လာရောက်လည်ပတ်ခဲ့သည့် တိုင်းမှူးခရီးစဉ်အပေါ် လူအများက စိတ်ဝင်စား သတင်း
ဆန္ဒဖော်ထုတ်ဖို့ ဈေးသည် (၁၅၀) လမ်းလျှောက်ချီတက် သတင်း
မြန်မာကလေးသူငယ်ဆိုင်ရာ အစီရင်ခံစာ ITUC ထုတ်ပြန် သတင်း
ဦးမောင်မောင် ဥရောပကို ရောက်ရှိနေပြီး မြန်မာ့အရေးကိစ္စများ ဆောင်ရွက်နေ သတင်း
မြောက်ကိုရီးယားနိုင်ငံမှ လက်နက် (၃၅) တန် ဘန်ကောက်လေဆိပ်တွင် ဖမ်းဆီးရမိ သတင်း
ရန်ကုန်တိုင်းအတွင်း မပြီးဆုံးနိုင်သော လျှပ်စစ်မီးပြဿနာ သတင်း
တပ်မတော်သားတွေ ဆင်းရဲတွင်းနက်နေပါပြီလား (ဆွေးနွေးခန်း)
ရာသီဥတုဖောက်ပြန်ခြင်းနှင့် သဘာဝပတ်ဝန်းကျင် ထိန်းသိမ်းရေး သတင်း
ကမ္ဘာ့ဥတုရာသီသာယာရေး ဘာသာရေးခေါင်းဆောင်တွေ ဆုတောင်း သတင်း
ဖိလစ်ပိုင်မှာ လူ (၃၀) ကျော် ထောင်ဖောက်ပြေး သတင်း
ဝှက်သယ်တဲ့ မြောက်ကိုရီးယားလက်နက် အမြောက်အများ ဖမ်းဆီးရမိ သတင်း
ဝပ် (Ward) အမည်ရှိ ဆိုင်ကလုန်းမုန်တိုင်း အိန္ဒိယသို့ ဦးတည် သတင်း
ဂေါက်သီးလောက က ခေတ္တအနားယူမယ်လို့ ကြေညာလိုက်ရတဲ့ တိုက်ဂါးဝုဒ် သတင်း
လူတုပ်ကွေးရောဂါ မပြန့်အောင် တရုတ်နယ်စပ်ဂိတ်၌ ကျန်းမာရေးစစ်ဆေး သတင်း
မြန်မာ-ဘင်္ဂလားဒေ့ရှ်-အိန္ဒိယနယ်စပ် သတင်း
အမျိုးသား ဒီမိုကရေစီ အဖွဲ့ချုပ်ရုံးက လှုပ်ရှားမှုများ (ရန်ကုန်၊ မြန်မာပြည်) သတင်း
ကလေးကူးသန်းရောင်းဝယ်မှု တားဆီးရေး စီတန်းလှည့်လည် သတင်း
ဘိုကလေးမြို့က ဈေးသည်တွေ အာဏာပိုင်တွေကို အံတု သတင်း
မီးနီပြတာကို ၀င်တိုက်တဲ့ ဘတ်စကား သတင်း

Read More...

Sunday, December 13, 2009

နေ့စဉ်သတင်းများ ( ၁၂ - ၁၂ - ၀၉)

ဗိုလ်ချုပ်မှူးကြီး ကိုယ်ရံတော် အထူးတပ်ဖွဲ့ ထူထောင်ထား သတင်း
နယ်ခြားစောင့်တပ် လက်ခံသည့် အပစ်ခတ်ရပ်အဖွဲ့များ ကိုယ်ပိုင်အခွင့်အရေး ဆုံးရှုံးနိုင် သတင်း
မြန်မာ့ရေနံနဲ့ သဘာဝဓာတ်ငွေ့လုပ်ငန်းကို ဒဏ်ခတ်ဖို့ သြစတြေးလျအစိုးရကို တောင်းဆို သတင်း
ဗြိတိန်နိုင်ငံခြားရေးဌာန အင်တာနက် မြန်မာနိုင်ငံရေးအကျဉ်းသားတွေ ဓာတ်ပုံနဲ့တကွ ဖော်ပြ သတင်း
အိုင်အယ်လ်အို တိုင်ကြားခဲ့သူ ထောင်ဒဏ် (၇) နှစ် ချမှတ် သတင်း
လက်တုံ့ပြန် တရားစွဲမှု အိုင်အယ်လ်အို အထူးအလေးထား သတင်း
ကိုညီညီအောင်ရဲ့ အကြံပေးရှေ့နေ စစ်အစိုးရကို ဝေဖန် သတင်း
ဆဒမ်ကို ဖြုတ်ချခဲ့တာ မှန်တယ်လို့ တိုနီဘလဲ ပြော သတင်း
မြောက်ကိုးရီးယား လက်နက်လေယာဉ် ထိုင်းလေဆိပ်မှာ ဖမ်းမိ သတင်း
ရာသီဥတုပြောင်းလဲမှု အလေးထား ဆောင်ရွက်ဖို့ ကမ္ဘာတ၀န်း ဆန္ဒပြလှုပ်ရှား သတင်း
ရာသီဥတုပြောင်းလဲမှုညီလာခံ ဆန္ဒပြသူ (၉၀၀) ခန့်ကို ဖမ်း သတင်း
ဒူဘိုင်း ငွေကြေးပြဿနာ မြန်မာအလုပ်သမားဈေးကွက် ထိခိုက် သတင်း
ကလေးကူးသန်းရောင်းဝယ်မှု ပပျောက်ရေးနေ့ကို မဲဆောက်မြို့၌ ကျင်းပ သတင်း
ကွယ်လွန်သူသမီး၏ မိသားစုက ကျေးဇူးတင်ကြောင်း သတင်းစာတွင် ထည့် သတင်း
ဗေဒင်၊ ယတြာ အားကိုးမှု ပိုတိုးလာနေ သတင်း

Read More...

အပေါ်သို့