ဝိမုတ္တိ

Friday, August 31, 2012

အသင်းမှ ကိုယ်အင်္ဂါမသန်စွမ်းသူများအတွက် ပထမဆုံးအကြိမ်ကျန်းမာရေးစောင့်ရှောက်မှုပေးမည်

စည်သူနိုင်(မြစ်မခ)
31 Aug, 2012

ကိုယ်အင်္ဂါမသန်စွမ်းသူများ၏ ကျန်းမာရေးစောင့်ရှောက်မှုအတွက် အခမဲ့ဆေးကုသပေးခြင်းအား ပထမဦးဆုံးအနေဖြင့်ဆောင် ရွက် သွားမည်ဖြစ်ကြောင်း မြန်မာနိုင်ငံကိုယ်အင်္ဂါမသန်စွမ်းသူများအသင်း မှ သိရသည်။

“ကျွန်တော်တို့အသင်းက ပထမဆုံးအနေနဲ့ပြုလုပ်တာပါ။ အသင်းဝင်တွေတင်မကပဲ အသင်းမဝင်ထားတဲ့ ကိုယ်အင်္ဂါချို့တဲ့သူတွေ ကိုလည်း ကုသပေးမှာပါ။ ဆေးပေးဖို့လိုအပ်တဲ့သူကို (၁ဝ)ရက်စာလောက် အခမဲ့ပေးခဲ့မယ်။ ဆေးရုံကိုလွဲရမယ့်သူကိုတော့ နီးစပ်ရာဆေးရုံကို လွဲခဲ့ပေးမှာပါ” ဟု မြန်မာနိုင်ငံကိုယ် အင်္ဂါမသန်စွမ်းသူများအသင်း အထွေထွေအတွင်းရေးမှူးဦးအေးကိုကို ကပြောသည်။

အခွန်ဆောင်စရာမလိုသော တိုက်ခန်းအငှားဈေးကွက်မြင့်တက်

ယမင်း(မြစ်မခ)
31 Aug, 2012

ရန်ကုန်မြို့တွင်း အိမ်ခြံမြေဈေးကွက်အရောင်းအဝယ်ကျဆင်းခဲ့သော်လည်း တိုက်ခန်းများရောင်းဝယ်မှုနှင့် ငှားရမ်းနေထိုင်မှုမြင့် တက်လျှက်ရှိကြောင်း အကျိုးတော်ဆောင်များထံက သိရသည်။

''ခြံမြေဈေးက လက်ရှိမှာ အရောင်းနည်းနည်းအေးနေပြီး တိုက်ခန်းက အရောင်းကောအငှားပါ သွက်နေတယ်။ မြို့ပေါ် တိုက် ခန်းတွေက ပိုသွက်တယ်။ တိုက်ခန်းက မြေလိုလည်း အတက်အကျသိပ်မကြမ်းဘူးလေ။ ပြီးတော့ အိမ်ခြံ မြေတွေ အခွန်ဆောင် ရပေမယ့် တိုက်ခန်းကျတော့ အခွန်ဆိုတာ မရှိဘူးလေ။ နောက်ဆိုဒီ့ထက်တောင်တိုက်ခန်း ဈေးကွက်ရှိလာနိုင်တယ်''ဟု မဏ္ဍိုင် အိမ်ခြံမြေအကျိုးတော်ဆောင်မှ ဦးသန်းဦးက ပြောသည်။

အိမ်ခြံမြေဈေးကွက်တွင် ဇူလိုင်လပိုင်းမှစတင်၍ အရောင်းအဝယ်တည်ငြိမ်ခဲ့ပြီး တိုက်ခန်းများမှာ ဇွန်လကုန်ပိုင်းမှ စတင်၍ အရောင်း အဝယ်ဖြစ်ပေါ်ခဲ့ကာ ငှားရမ်းသည့် ဈေးကွက်ပါ အတူမြင့် တက်လာခဲ့ကြောင်း သိရှိရသည်။

တိုက်ခန်းများ အရောင်းအဝယ်နှင့် ငှားရမ်းမှုမြင့်တက်လာခြင်းမှာ အိမ်ခြံမြေ အခွန်တိုးမြှင့်လိုက်ခြင်း၊ ဒေသအသီးသီးမှ ပြောင်း ရွှေ့ စီးပွားရေးလုပ်ကိုင်သူများမှ ဝယ်ယူနေထိုင်မှုများပြားလာခြင်း၊ပြည်ပနိုင်ငံ များသို့ အလုပ်သွားရောက်အလုပ်လုပ် ကိုင်ရန်(အလုပ် ခေါ်ချိန်စောင့်ဆိုင်း) တိုက်ခန်းများ ငှားရမ်းနေထိုင်ခြင်း၊ ပြည်နယ်များမှ တက္ကသိုလ်လာရောက်တက်ရောက် သူများမှ စုပေါင်းကာ တိုက်ခန်းများငှားရမ်းနေ ထိုင်ခြင်းများကြောင့် ဖြစ်ကြောင်း အကျိုးဆောင်များက အတွေ့အကြုံများအား ပြောဆိုသည်။

အိမ်ခြံမြေ အခွန်နူန်းများအား (၂ဝဝ၇) ခုနှစ်မှစတင်၍ (၁၅)ရာခိုင်နှုန်းကောက်ခံနေရာမှ ၂ဝ၁၂ခုနှစ်၊ သြဂုတ်လ(၁၂) ရက် နေ့မှ စတင်ကာ အခွန်နူန်းအား တံဆိပ်ခေါင်းခွန်အပါအဝင် (၃၇)ရာခိုင်နှုန်းသို့ ပြောင်းလဲတိုးမြှင့် ကောက်ခံခဲ့ကြောင်း သိရှိရသည်။

''မြေအရောင်းအဝယ်ကတော့ နဲနဲအေးလာတယ။် အရင်လလောက်ကတည်းကပဲ။ မိုးတွင်းဆိုတော့ အိမ်တွေက အနိမ့်ပိုင်းတွေ ဆိုတော့ ရေဝင်တာတွေရှိတယ်လေ။ တိုက်ခန်းတွေကျတော့ နေလို့ အဆင်ပြေတာရယ်၊ ပြီးတော့ အထပ်မြင့်ရင်မြင့်သလောက် လုံးချင်းတွေထက်တောင် ဈေးနှုန်း ပိုချိုနေသေးတယ်လေ''မြောက်ဒဂုံမြို့နယ်၊ မဟာမြိုင် အိမ်ရာမှ အိမ်ပွဲစားဒေါ်ချို က ပြော သည်။

ရန်ကုန်မြို့တွင်းရှိ တိုက်ခန်းဈေးနှုန်းများမှာ တည်နေရာ အကျယ်အဝန်းပေါ်မူတည်၍ ကျပ်သိန်း (၄ဝဝ)မှ ကျပ်သိန်း(၆ဝဝ) တိုက်ခန်းများအရောင်းအဝယ်ဖြစ်ပေါ်လျှက်ရှိပြီး အငှားဈေးကွက်တွင် တစ်လလျှင် ကျပ်(၁)သိန်း မှ ကျပ် (၅)သိန်းဝန်းကျင် တိုက်ခန်းများ အငှားသွက်ကြောင်း သိရှိရသည်။

Ref: မြစ်မခ

ရန်ကုန်မြို့တွင်း ဆိုင်ကယ်ကယ်ရီဖမ်းဆီးမှုတွင် တရားမဝင်ငွေကြေးတောင်းခံမှုများရှိနေ

ထက်အောင်ခန့် (မြစ်မခ)
31 Aug, 2012

ရန်ကုန်တိုင်းဒေသကြီး ဧရိယာနယ်နိမိတ်အတွင်း တရားမဝင်ကယ်ရီပြေးဆွဲနေသော မော်တော် ဆိုင်ကယ်များအား ဖမ်းဆီး အ ရေးယူရာတွင် တရားမဝင်ငွေကြေးများ တောင်းခံ နေမှုများကြောင့် ကယ်ရီ ဆွဲနေသူများအနေဖြင့် အခက်အခဲများကြုံ တွေနေရ ကြောင်း ဆိုင်ကယ်ကယ်ရီအသိုင်းအဝိုင်းက သိရှိရသည်။

''အမှန်တကယ်ဖမ်းဆီးအရေးယူတဲ့ အဖွဲ့ရှိသလို၊ အကြံအဖန်လုပ်ပြီး ပိုက်ဆံတောင်းတဲ့ အဖွဲ့လည်းရှိတယ်။ ကျွန်တော့်သူငယ် ချင်း ဆို တစ်ခါ မနက် (၃) နာရီလောက် ကြိုးတံတားဘက်ကို ခရီးသည်သွားပို့တုန်း လမ်းကနေလက်တားပြီးဖမ်းတယ်။ ဆိုင် ကယ်ကို သိမ်းပြီးတော့ ပြန်လိုချင်ရင် ပိုက်ဆံယူပြီး ပြန်လာခဲ့လို့ ပြောတယ်။ မရှိတဲ့ကြားက အတိုးလေးနဲ့ ချေးပြီးဆိုင်ကယ် သွား ပြန် ရွေးရတယ်ဟု''ဟု ဆိုင်ကယ် ကယ်ရီပြေးဆွဲနေသူတစ်ဦးကပြောသည်။

အဓိကဖမ်းဆီးအရေးယူနေသည့်နေရာများမှာ အမှတ် (၃) လမ်းဆုံ၊ တောင်ဥက္ကလာပ၊ မြောက်ဥက္က လာပရှိ ခြောက်ကွေ့လမ်းဆုံ၊ ဧရာ ကားမှတ်တိုင်ထိပ်များတွင် အဓိကဖမ်းဆီးအရေးယူမှုများ ပြုလုပ်လျက်ရှိကြောင်း သိရသည်။

''ဆိုင်ကယ်တွေကိုဖမ်းရင် အထွေထွေအုပ်ချုပ်ရေးမှူး၊ ရဲတပ်ဖွဲ့ဝင်များနှင့် သက်ဆိုင်ရာနယ်မြေတွေ ကယာဉ်ထိန်းရဲတွေ ပူးပေါင်း ပြီးဖမ်းတယ်၊ အင်အား ၁၂ ယောက်မှ ၁၅ ယောက်အထိ ကားတွေနဲ့ ဖမ်းဆီးအရေးယူမှုတွေ ပြုလုပ်နေတယ်''ဟု မြောက် ဥက္ကလာပမြို့နယ်ရှိ တာဝန်ကျယာဉ်ထိန်းရဲတစ်ဦးက ပြောကြားသည်။

နယ်မြေကျော်ဖမ်းဆီးသည့်အခါတွင် ၅၁ဝဝဝ ခန့်ပုံမှန်ပေးဆောင်ရလျှက်ရှိကြောင်းသိရသည်။ ဆိုင်ကယ်ပြန်လည်ရွေးသောအခါတွင် မှတ်ပုံတင်မူရင်း၊ အာမခံပေးရန်လူနှစ်ယောက်နှင့် အိမ်ပိုင်ဆိုင်ကြောင်း ထောက်ခံစာများယူဆောင်ရပြီး ဆိုင်ကယ်အမြန်ရရေးနှင့် စီနီယာအရှေ့ကျရန်အတွက် ကျပ်-၇၅ဝဝဝမှ ၈ဝဝဝဝ နှုန်းအထိ ပေးဆောင်ရကြောင်းကိုလည်း ကယ်ရီသမားများ ထံကသိရ သည်။

ဆိုင်ကယ်များအား ဖမ်းဆီးအရေးယူရာတွင် စီမံချက်ရှိသောနေ့များတွင် ၁၃၊ ၁၄ စီးခန့်ဖမ်းဆီးအရေးယူပြီး စီမံချက်မရှိသောနေ့ များတွင် တစ်နေ့ကို ၂ စီးခန့် ပုံမှန်ဖမ်းဆီး အရေးယူပေးရကြောင်းနှင့် လူကြီးလမ်းကြောင်းရှိသည့်နေ့များတွင် ဖမ်းဆီးအရေး ယူမှုပိုများကြောင်းကိုလည်း တာဝန်ကျ ယာဉ်ထိန်းရဲတစ်ဦးမှ ပြောကြားသည်။

ဆိုင်ကယ် ကယ်ရီပြေးဆွဲရာတွင် ဆိုင်ကယ်တစ်စီးအား အုံနာကြေးအဖြစ် ၂၅ဝဝ ပေးရပြီး ဆိုင်ကယ်ဖမ်းဆီးခံရသောအခါ တွင် လည်း ဆိုင်ကယ်ပိုင်ရှင်အား ဆိုင်ကယ်တန်ဖိုးပြန်လည် ပေးရကြောင်းသိရှိရသည်။

''ကျွန်တော်တို့က ဒီလိုဆိုင်ကယ် ကယ်ရီဆွဲပြီး ဝမ်းစာရှာနေရတာပါ။ ဆိုင်ကယ်ဖမ်းသွားတော့ မရှိ ရှိတာလေးတွေရောင်းပြီးဆိုင် ကယ်ပြန်ရွေးဖို့ငွေလိုက်ရှာရတယ်။ ပြန်ရွေးဖို့ငွေမပြည့်သေးဘူးဆိုရင် ငွေချေးတဲ့သူဆီကနေ အတိုးပေးပြီး ချေးငွေထုတ်ချေးရတယ်။ ဆိုင်ကယ်ပြန်ရတော့မှယူထားတဲ့ ငွေလေးတွေကို နည်းနည်းစီပြန်ဆပ်ရတယ်'' ဟု ကယ်ရီဆွဲနေသူတစ်ဦးက ကိုယ်တိုင်ကြုံ တွေ့ နေရသည့် အခက်အခဲအားပြောကြားသည်။

သြဂုတ်လ ၂၈ရက်နေ့ည ၁၁နာရီခန့်တွင် ဒဂုံမြို့သစ်တောင်ပိုင်းရှိ ကျန်စစ်သားလမ်းမကြီး ပေါ်တွင် ဆိုင်ကယ်ကယ်ရီ သမား များအား ယာဉ်ထိန်းရဲတပ်ဖွဲ့နှင့်မြို့နယ်ရဲတပ်ဖွဲ့ဝင်များမှ လိုက်လံ ဖမ်းဆီးရာတွင် ကယ်ရီသမားများမှ ထွက်ပြေးကြသော အခါ လမ်းပေါ်ရှိခရီးသွားပြည်သူများအတွက်ပါ အန္တရာယ်ဖြစ်စေနိုင်သည်ဟု ဒဂုံမြို့သစ်တောင်ပိုင်းနေ ခရီးသွားပြည်သူများက ဆိုသည်။

Ref: မြစ်မခ

ကချင်ဒုက္ခသည် ၉သောင်းကျော်တိုးလာဟု ကချင်အဖွဲ့များ ထုတ်ပြန်ကြေညာ

30 August 2012
စဖန်းရှောင်း

ကချင်လွတ်မြောက်ရေးအဖွဲ့-KIO နှင့် မြန်မာအစိုးရတို့ အကြား ဖြစ်ပွားခဲ့သည့်တိုက်ပွဲကြောင့် ကချင်ပြည်နယ်တွင် ယခုဆိုလျှင် စစ်ပြေး ဒုက္ခသည် ၉သောင်းကျော် တိုးလာသည်ဟု (ကချင်အမျိုးသားအဖွဲ့အစည်းများ)မှ ယမန်နေ့က ကြေညာချက် ထုတ်ပြန် ခဲ့သည်။

နိုင်ငံတကာရောက် ကချင်အဖွဲ့များနှင့် ထိုင်း-မြန်မာနယ်စပ်အခြေစိုက်အဖွဲ့တို့ စုပေါင်းထားသည့် အဖွဲ့ ၁၁ဖွဲ့ပါသည့် ၎င်းအဖွဲ့သည် ကချင်ဒေသရှိ ဒုက္ခသည်ဦးရေ တဟုန်ထိုး များပြားလာသည်ကို ထောက်ပြလို၍ သမ္မတဦးသိန်းစိန် အစိုးရ၊ ကမ္ဘာ့ကုလသမဂ္ဂနှင့် တရုတ် အစိုးရတို့ သိစေရန် ထုတ်ပြန်ခဲ့ခြင်းဖြစ်သည်ဟု ၎င်းအဖွဲ့၏ပြောခွင့်ရသူ အမျိုးသမီး မွန်းနေလီက ပြောသည်။

သထုံတွင် PNLO ဆက်ဆံရေး ရုံးဖွင့်ရန် အစိုးရသဘောမတူ

30 August 2012
စောခါးစူးညား

မြန်မာအစိုးရနှင့် တွေ့ဆုံဆွေးနွေးမှုတွင် ပအိုဝ်းအမျိုးသားလွတ်မြောက်ရေးအဖွဲ့ချုပ်-PNLO မှ သျှမ်းပြည်တောင်ပိုင်းရှိ တောင်ကြီး မြို့၊ မောက်မယ်မြို့၊ ဆီဆိုင်မြို့နှင့် မွန်ပြည်နယ် သထုံမြို့ ၄နေရာ တောင်းဆိုခဲ့ရာ သထုံဆက်ဆံရေး ရုံး ဖွင့်လှစ်မည့်ကိစ္စကို အစိုးရ ဘက်မှ သဘောမတူခဲ့ကြောင်း PNLO အတွင်းရေးမှူး ခွန်မြင့်ထွန်းက ကေအိုင်စီသို့ ပြောသည်။

“ဆက်ဆံရေးရုံးဆိုတာ သူတို့(အစိုးရ)ဘက်က မြင်တာက စစ်ရေးပဋိပက္ခတွေ အဓိက ဖြေရှင်းဖို့ ဖြစ်တယ်။ ကျနော့် PNLA တပ်တွေက သျှမ်းပြည်တောင်ပိုင်းမှာ ရှိတဲ့အခါကျတော့ သျှမ်းပြည်တောင်ပိုင်းမှာပဲ ဖွင့်လှစ်ဖို့ ဆုံးဖြတ်တာ ဖြစ်ပါတယ်”ဟု သူက ပြောသည်။

ထောင်ချောက်တွင်း မဆင်းမိစေရန် ရွှေဝါရောင် ခေါင်းဆောင် သတိပေး

နေမျိုး
သြဂုတ်လ ၃၀ ရက် ၂၀၁၂ ခုနှစ်

မြန်မာပြည်သူများ လူမျိုးရေး၊ ဘာသာရေး အဓိကရုဏ်း ထောင်ချောက်တွင်း မသက်ဆင်းမိစေရန် ရွှေဝါရောင် သံဃာ့လှုပ်ရှား မှုတွင် ‘အရှင်ဂမ္ဘီရ’ အဖြစ် ဦးဆောင်ခဲ့သည့် ကိုညီညီလွင် က သတိပေးလိုက်သည်။

အစိုးရ အာဏာပိုင်များသည် ပြည်သူလူထုအတွင်း အမျိုးမျိုးသွေးခွဲခဲ့သည့် သမိုင်းကြောင်း အတွေ့အကြုံများကို ထောက်ပြ ထား သည့် မိတ်ဆွေတဦးထံ ပေးစာတွင် ၎င်းက ရေးသားထားခြင်း ဖြစ်သည်။

သိမ်းထားသော ဟူးကောင်းချိုင့်ဝှမ်း လယ်များ ယုဇနက ပြန်ပေးမည်ဟုဆို

ကျော်ဖုန်းကျော်၊ အောင်မြတ်ထွန်း
သြဂုတ်လ ၃၀ ရက် ၂၀၁၂ ခုနှစ်

ကချင်ပြည်နယ်၊ ဟူးကောင်းချိုင့်ဝှမ်းဒေသမှ ယုဇန ကုမ္ပဏီက သိမ်းယူထားသော မြေများ ထဲမှ လယ်ဧက တထောင်ကျော်ကို မူလပိုင်ရှင် တောင်သူများထံ ပြန်လည်ပေးအပ်သွားမည်ဟု ကုမ္ပဏီပိုင်ရှင် ဦးဌေးမြင့်က ကတိပြုလိုက်ကြောင်း တောင်သူများ ကိုယ်စား ဗုဒ္ဓဟူးနေ့က သွားရောက် ညှိနှိုင်းခဲ့သည့် ဒေါ်ဘောက်ဂျာ က မဇ္ဈိမကို ပြောသည်။

လွန်ခဲ့သော ခြောက်နှစ်က ပီလောပီနံနှင့် ကြံ စိုက်ပျိုးရန်တွက်ဟုဆိုကာ ယုဇန ကုမ္ပဏီက သိမ်းယူခဲ့သည့် ဧက နှစ်သိန်းကျော် အနက်မှ ဖားကန့်မြို့နယ်အတွင်းရှိ လယ်ယာမြေများကို ပြန်ပေးမည်ဟု ဦးဌေးမြင့်က ကတိပြုလိုက်ခြင်း ဖြစ်သည်။

“သိမ်းဆည်းထားတဲ့ လယ်မြေတွေကိုလည်း ပြန်ပေးမယ်။ မစိုက်ပျိုးခဲ့ရတဲ့ အချိန်တွေအတွက် နစ်နာမှုကိုလည်း ညှိနှိုင်းပေးမယ်လို့ ဦးဌေးမြင့်က ပြောတယ်” ဟု အမျိုးသားဒီမိုကရေစီအင်အားစု NDF ပါတီမှ ဒေါ်ဘောက်ဂျာ က ဆိုသည်။

ကြာသပတေးနေ့က လယ်သိမ်းခံရသည့် ကချင်တောင်သူအချို့သည် လယ်ယာမြေများ ပြန်လည် ရရှိရေးအတွက် ရန်ကုန်မြို့၊ ဗဟန်းမြို့နယ်၊ အနောက် ရွှေဂုံတိုင်လမ်းပေါ်ရှိ ယုဇန ဟိုတယ်ရှေ့တွင် ဆန္ဒပြရန် စုရုံးခဲ့ကြသော်လည်း လယ်ယာမြေများ ပြန် လည်ရရှိမည်ဆိုသည့် ဒေါ်ဘောက်ဂျာထံမှ သတင်း စကားကြောင့် ဆန္ဒပြပွဲကို ဆိုင်းငံ့ခဲ့သည်။

NDF ပါတီမှ ရန်ကုန်တိုင်း အတွင်းရေးမှုး ဦးထက်အောင်ကျော် ၏ အဆိုအရ လယ်ယာမြေများကို ပြန်ပေးမည့်အပြင် မှတ်ပုံတင် မရှိသော မြေများအတွက် လယ်ယာမြေ မှတ်ပုံတင်ရရှိသည်အထိ တောင်သူများကို ဦးဌေးမြင့်က ဆောင်ရွက်ပေးမည်ဟုလည်း သိရသည်။

ယုဇနကုမ္ပဏီက သိမ်းယူထားသည့်အတွက် ဝါရာဇွပ်၊ နမ်ဆိုင်၊ ဘန်ကောက်၊ လဂျာပါ၊ အာန်ရာယန်၊ ရှဒူးဇွတ် ကျေးရွာ များမှ လယ်ယာစိုက်ပျိုးခွင့် မရခဲ့သည့် ကာလအတွက် ပေးမည်ဆိုသည့် လျော်ကြေးကိုမူ နှစ်ဘက်ညှိနှိုင်းမှု လုပ်နေဆဲ ဖြစ်သည်ဟု ဦးထက်အောင်ကျော် က မီဒီယာများကို ပြောကြားခဲ့သည်။

ဝါရာဇွပ်ရွာမှ လယ်ယာအသိမ်းခံရသည့် တောင်သူတဦးဖြစ်သူ ဦးဇော်ဆိုင်း က ၎င်းပိုင် ယာမြေပေါ်ရှိ သီးပင်စားပင် များကို ယုဇနကုမ္ပဏီက မြေညှိစက်များဖြင့် ထိုးကော် ဖျက်ဆီးလိုက်သည်မှာ လေးနှစ်ခန့်ရှိပြီဖြစ် သဖြင့် ၎င်းအနေဖြင့် လယ်ယာကို ပြန်လည် ရရှိလျှင်ပင် ထိုမြေသည် နောင် ရှစ်နှစ်ခန့်ကြာမှ အသိမ်းမခံရမီ အခြေအနေအတိုင်း ပြန်လည် ရောက်ရှိနိုင် မည် ဖြစ်သည်ဟု ဆိုသည်။

မြန်မာနိုင်ငံ တဝှမ်းတွင်လည်း တောင်သူများထံမှ လယ်ယာမြေများကို ကုမ္ပဏီများနှင့် စစ်တပ်မှ သိမ်းယူမှုများ ဖြစ်ပွားလျက် ရှိကာ တောင်သူများက ပြန်လည်ရလိုမှု ဆန္ဒပြပွဲများ ဆင်နွှဲလျက်ရှိသည်။

ထင်ရှားသေူ သူဌေးကြီးတဦးဖြစ်သူ ဦးတေဇ ပိုင်ဆိုင်သည့် ဧရာရွှေဝါ ကုမ္ပဏီမှ သိမ်းယူထားသော လယ်ယာမြေ ဧက လေး သောင်းကျော်ကို တောင်သူများထံ ပြန်ပေးနိုင်ရန်အတွက် လွန်ခဲ့သော သီတင်းပတ်နှစ်ပတ်ခန့်က အစိုးရ ထံ ပြန်လည် အပ်နှံ ခဲ့ရသည်။

Ref: မဇ္ဈိမ

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ

ဖနိဒါ
သြဂုတ်လ ၃၀ ရက် ၂၀၁၂ ခုနှစ်

ကချင်လွတ်လပ်ရေးအဖွဲ့ KIO နှင့် အစိုးရတပ်တို့အကြား ပစ်ခတ် တိုက်ခိုက်မှုများကြောင့် ဖားကန့်မြို့နှင့် နှစ်မိုင်အကွာ ဆိုင်းဂျာ ဘွမ် ကျေးရွာရှိ ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောင်ရုံထဲသို့ လက်နက်ကြီး ကျကာ ပေါက်ကွဲမှု ဖြစ် ခဲ့ကြောင်း သိရသည်။

အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ဖွဲ့များနှင့် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ ဗုဒ္ဓဟူးနေ့ မွန်းလွဲပိုင်း ၂ နရီမှစတင်၍ တိုက်ပွဲဖြစ်ပွားခဲ့ရာ ညနေ ၅ နာရီခွဲချိန်တွင် အဆိုပါ သိုလောင်ရုံပေါက်ကွဲ ခဲ့သဖြင့် ဖားကန့်မြို့ တမြို့လုံး တုန်ခါသွားခဲ့သည်ဟု ဒေသခံများက ဆိုသည်။

လျှပ်စစ်ဓါတ်အား ဖြန့်ဝေရေးလုပ်ငန်း ပုဂ္ဂလိကသို့ စတင်ပေး

ရတနာဦး
သြဂုတ်လ ၃၀ ရက် ၂၀၁၂ ခုနှစ်

မန္တလေးတိုင်း၊ ချမ်းမြသာစည်ရှိ လျှပ်စစ်ဓါတ်အား ဖြန့်ဝေရေး လုပ်ငန်းကို စက်တင်္ဘာ လဆန်းမှ စတင်၍ ပုဂ္ဂလိက ကုမ္ပဏီ တခုအား လုပ်ကိုင်ခွင့် ပြုလိုက်ကြောင်း တိုင်းဒေသကြီး မြန်မာ့ လျှပ်စစ်ဓါတ်အား လုပ်ငန်းက ပြောသည်။

လျှပ်စစ်ဓါတ်အား ဖြန့်ဝေသည့် ဝန်ဆောင်မှုလုပ်ငန်းနှင့် ပတ်သက်၍ ပုဂ္ဂလိက ကုမ္ပဏီသို့ ယခုလို လုပ်ကိုင်ခွင့်ပြုခြင်း မှာ မြန်မာ နိုင်ငံတွင် ပထမဦးဆုံးအကြိမ် ဖြစ်ကြောင်း တိုင်းအင်ဂျင်နီယာ ဒေါ်အေးအေးမင်း က မဇ္ဈိမကို ပြောသည်။ လုပ်ကိုင်ခွင့် ရရှိသွား သူမှာ မန္တလေး အခြေစိုက် ပစိဖိတ် အီလက်ထရောနစ် ကုမ္ပဏီ ဖြစ်သည်။

ထားဝယ် စီမံကိန်းအတွက် ကလုံးထာ ကျေးရွာ ပြောင်းဖို့ ငြင်းဆန်

ကြည်ပြာ
သြဂုတ်လ ၃၀ ရက် ၂၀၁၂ ခုနှစ်

ရေကာတာ တည်ဆောက်ရန် အတွက် အိမ်ထောင်စု ၁၈ဝ ကျော်ရှိ ရွာတရွာကို ရွှေ့ပြောင်း ပေးရန် ထားဝယ် ဖွံ့ဖြိုးမှု စီမံကိန်း ဆောင်ရွက်နေသည့် အီတာလျံ-ထိုင်းကုမ္ပဏီ ITD က ညှိနှိုင်းနေသော်လည်း ရွာသားများက ပြောင်းရွှေ့ရန် ငြင်းဆန်နေကြသည်။

ထားဝယ်ခရိုင်၊ ရေဖြူမြို့နယ်အတွင်းရှိ စိုက်ပျိုးရေးလုပ်ငန်းဖြင့် အဓိက အသက်မွေး ဝမ်းကျောင်း ပြုရာ ကလုံးထာ ကျေးရွာတွင် စိုက်ပျိုးမြေဧက တသောင်းကျော် ရှိသည်ဟု ဒေသခံများက ပြောသည်။

Black List ပယ်ဖျက်စာရင်းထုတ်ပြန်မှု အမေရိကန်ကြိုဆို

ဦးသားညွ့န့်ဦး
30.08.2012

မြန်မာနိုင်ငံပြည်ဝင်ခွင့် ပိတ်ပင်ခံထားရတဲ့ အမည်မည်း ပယ်ဖျက်စာရင်း မြန်မာအစိုးရက ထုတ်ပြန်လိုက်တဲ့အပေါ် အမေရိကန် ပြည်ထောင်စုက ကြိုဆိုလိုက်ပါတယ်။ ဒါပေမယ့် သွားလာ လည်ပတ်မှုတွေ ကန့်သတ်ခံနေရတဲ့ ကျန်နေတဲ့သူတွေကိုလည်း အခု လို အမည်မည်းစာရင်းကနေ ပယ်ဖျက်ဖို့ တောင်းဆိုသလို၊ အကျဉ်းကျနေတဲ့ ရာနဲ့ချီတဲ့ နိုင်ငံရေးအကျဉ်းသားတွေကို အမြန်ဆုံး ပြန်လွှတ်ပေးဖို့ကိုပါ တိုက်တွန်း တောင်းဆိုလိုက်ပါတယ်။ ကိုသားညွန့်ဦးက ဒီအကြောင်း တင်ဆက်ထားပါတယ်။

Nuclear ဗုံး ထုတ်မှာ မဟုတ်လို့ အီရန် ဘာသာရေး ခေါင်းဆောင်ပြော

30.08.2012

အီရန်နိုင်ငံဟာ နျူကလီးယားဗုံးပြုလုပ်ဖို့ ဘယ်တုံးကမှ ကြိုးပမ်းခဲ့ခြင်းမရှိသလို လူပြောများစရာဖြစ်နေတဲ့ နျူကလီးယား စွမ်းအင် ထုတ်လုပ်ရေး ကျိုးပမ်းနေတဲ့ အစီအစဉ် ကိုလည်း စွန့်လွှတ်မှာ မဟုတ်ဖူးလို့ အီရန်နိုင်ငံရဲ့ ဥသျှာင် ခေါင်းဆောင်ကြီးက ပြောဆို လိုက်ပါတယ်။

အီရန်နိုင်ငံရဲ့ နျူကလီးယား စွမ်းအင် ငြိမ်းချမ်းစွာ အသုံးပြုရေးအတွက် လုပ်ဆောင်ခွင့်ရှိတဲ့ အခွင့်အရေးကို အလျှော့ ပေးမှာ မဟုတ်ဖူးလို့ ကြာသာပတေးနေ့က ဘက်မလိုက် ထိပ်သီး ညီလာခံမှာ အီရန်နိုင်ငံရဲ့ ခေါင်းဆောင်ကြီး Ayatollah Ali Khamenei ကပြောဆိုလိုက်တာပါ။

ရေဘေးဒုက္ခသည်တွေ အကူအညီ အလွန်အမင်း လိုအပ်

မဆုမွန်
30.08.2012

ဧရာဝတီတိုင်းတွင်းက ရေလွှမ်းမိုးမူခံရတဲ့ မြို့နယ် တချို့က ကျေးရွာတွေမှာ ရေအနည်းငယ် ပြန်ကျသွားပြီဖြစ်ပေမယ့် ရေဘေးသင့် ဒေသတွေက ပြည်သူတွေ စားဝတ်နေရေး အခက်အခဲတွေနဲ့ ကြုံတွေ့နေရပြီး အရေးပေါ် ရေဘေးကယ်ဆယ်ရေး အကူအညီတွေ လိုအပ်နေပါတယ်။ ရေကြီးမူကြောင့် လယ်မြေဧကပေါင်း သောင်းချီ နစ်မြုတ်ခဲ့တဲ့ အတွက် ဒေသခံလယ်သမားတွေ အခက်အခဲ တွေနဲ့လည်း ကြုံတွေ့နေရပါတယ်။ ဧရာဝတီတိုင်းအတွင်းက ရေဘေးဒုက္ခသည်တွေ အခြေအနေနဲ့ ပတ်သတ်ပြီး နောက်ဆုံးအခြေ အနေကို ဒေသခံပြည်သူတွေနဲ့ စေတနာ့ဝန်ထမ်းတွေကို ဆက်သွယ်မေးမြန်းထားတဲ့ မဆုမွန်က တင်ပြပေးပါမယ်။

အခုဆိုရင် ရေကြီးမူဒဏ်ကို ဆိုးဆိုးရွားရွားခံလိုက်ရတဲ့ ဧရာဝတီတိုင်း သာပေါင်းမြို့နယ်နဲ့ ပန်းတနော်မြို့နယ်က ကျေးရွာတချို့မှာ ရေအနည်းငယ် ပြန်ကျသွားပြီ လို့ ဆိုနိုင်ပေမယ့် ရေအမြင့်ပေကတော့ ခါးလည်လောက် ရှိနေတုန်းပဲလို့ ရေဘေးသင့်ဒေသတွေကို ကိုယ်တိုင် သွားရောက်ပြီး အကူအညီပေးခဲ့တဲ့ စေတနာ့ဝန်ထမ်း ဗိုလ်ကြီးဟောင်းနေမျိုးဇင်ကပြောပါတယ်။

“မနေ့က ကျနော်ရောက်တော့ စားသောက်ဖို့ အခက်အခဲ အရှိဆုံးပါပဲ။ တချို့က ဘာလုပ်ငန်း ကိုင်ငန်း ဘာဝင်ငွေမှ မရှိဘူး။ စုဆောင်းထားတာလည်း ဘာမှ မရှိဘူး။ သွားလာ ရှာဖွေစားသောက်ရမယ့် မြေပြင်ဆိုတာမရှိဘူး။ အဓိကက စားဖို့အခက်အခဲရှိ တာပေါ့။ အခုတော့ လာလှူသမျလူတွေ ပေးတဲ့ဟာကို ဆန်ပြုတ်သောက်တန်သောက် ဆန်နည်းနည်းများရင် ကလေးတွေ ၀ အောင်ကျွေး အဲ့လိုရှိနေတယ်။ အဓိက စားဝတ်နေရေး ကျနော်တို့တော်တော်လေး အကူအညီပေးမှ အသက်ဆက်နိုင်မှာပဲ။ ရေလုံးဝကျသွားပြီးတော့ စိုက်ပျိုး ပြန်ရှာစားနိုင်တဲ့အထိကို ကျနော်တို့ပေးနေမှ ရမှာပါ။ ဒါသာပေါင်းဒေသပါ။ ပန်းတနော်က သာပေါင်းထက်ပိုဆိုးနေတဲ့ အနေအထားရှိပါတယ်။ လုံးဝရေမကျသေးပါဘူး။ စိုက်ပျိုးမြေဧက နှစ်သောင်းလောက် ရေမြုတ်နေ ပြီးတော့ ရွာပေါင်းနှစ်ရာကျော်လောက် ရေအောက်မှာ ရှိနေပါသေးတယ်။”

ရေဘေးဒဏ်သင့်တဲ့ ကျေးရွာကပြည်သူတွေဟာ ရေနစ်မြုတ်နေတဲ့ မိမိတို့နေအိမ်တွေမှာပဲ နေရပြီး အလှူရှင်တွေရဲ့ အကူအညီနဲ့ နေထိုင် စားသောက်နေရတဲ့အတွက် အခက်အခဲတွေနဲ့ကြုံနေရတယ် လို့လည်း ဒေသခံ ဆီဆုံကျေးရွာက ဒေါ်သိန်းရှင်က ပြောပါ တယ်။

“ဟုတ်တယ် စားတာသောက်တာကျတော့ နည်းနည်းပါးပါး ရှာဖွေပြီးတော့ အဆင်ပြေအောင် လုပ်စားနိုင်တဲ့သူလည်း ဒီလိုပဲ ရှာဖွေပြီးတော့ နည်းနည်း စားရတာပေါ့။ လည်လည်ပယ်ပယ် မရှိတဲ့သူကျတော့လည်း မရှိသလောက်တော့ အခက်အခဲတော့ ရှိသွားတာပေါ့။ သာပေါင်းမြို့နယ်မှာ ဆိုရင် မကြုံဖူးသလိုပေါ့။ အန်တီ့အသက်က ခြောက်ဆယ်ရှိပြီပေါ့။ အဲ့ဒီ့အထိ တစ်ခါမှ ဒီလို ရေကြီး နစ်မြုတ်တာနဲ့ မကြုံခဲ့ရသေးဘူး။ အခုကျတော့ အန်တီတို့လည်း တအားကြီး စိတ်ပူကြတာပေါ့။ တချို့အိမ်တွေဆို အန်တီ တို့နောက်ဖက်က ရွာကကွင်းလယ်ခေါင်တို့ ဘာတို့မှာ ဆောက်ထားတဲ့ အိမ်ဆို အိမ်လိုက် အလုံးလိုက်ကြီး ပြုတ်သွားတာတို့ သစ်ပင်ပိသွားတာတို့ အဲ့တာတွေနဲ့ကြုံရတယ်ပေါ့။”

ဧရာဝတီတိုင်း ပန်းတနော်ဒေသတွင်းမှာတော့ စီးပွားရေးလုပ်ကွက်အင်းတွေ ပိတ်ထားတဲ့ အတွက် ကျေးရွာတွေဘက်မှာ ရေကျမူ မရှိသေးလို့ ဒေသခံတွေ အခက်အခဲတွေနဲ့ ကြုံနေရတယ်လို့ ကိုနေမျိုးဇင်က ပြောပါတယ်။

“ လက်ရှိရေကြီးနေတဲ့ဥစ္စာက သဘာဝဘေးကြောင့်ဆိုတာ လက်ခံခဲ့တယ်။ ဒါပေမယ့် သဘာဝဘေးကြောင့်က သူ့အလိုအ လျောက် ထွက်သွားအောင် စီစဉ်ပေးထားတယ်ဆိုရင် ကျသွားမှာလေ။ အခုက အဲ့လိုမဟုတ်ပဲနဲ့ ကျနော်သိရသလောက်ပေါ့ အင်းတွေက မတရား လယ်မြေတွေသိမ်းပြီး အင်းတွေ တည်ဆောက်ထားပြီး ငါးမွေးကန်တွေလုပ်ပြီး သူတို့ရဲ့ ပိတ်ဆို့ထားတဲ့ အတွက်ကြောင့် ပန်းတနော်ဒေသမှာ တင်နေတဲ့ ဧကနှစ်သောင်း တင်နေတဲ့ရေက မကျသေးတာလို့ဆိုပါတယ်။”

နစ်မြုတ်သွားတဲ့ကျေးရွာတွေက စာသင်ကျောင်း အချို့ပြန်ဖွင့်လှစ်ပေမယ့် မြစ်ရေ တက်နေဆဲဖြစ်လို့ ကျောင်းတော်တော်များ များတော့ ဆက်ပိတ် ထားရဆဲ ဖြစ်ပါတယ်။ ရေဘေးသင့်ပြည်သူအချို့ဟာ ရေဘေးဒုက္ခသည်စခန်းတွေဖွင့်ထားတဲ့ ဘုန်းကြီး ကျောင်း စာသင်ကျောင်းတွေမှာ နေထိုင်နေရဆဲဖြစ်သလို အများစုကတော့ မိမိတို့ရဲ့ ရေ၀ိုင်းနေတဲ့ နေအိမ်တွေမှာပဲ နေထိုင် နေကြရပါတယ်။ အချို့အိမ်လုံးမြုတ်သွားတဲ့ ရေဘေးဒုက္ခသည်တချို့ကတော့ ရေဘေးလွတ်ကင်းရာ နေရာတွေမှာ ယာယီကာလ ဖျင်းတဲလေးတွေ ထိုးပြီး နေထိုင်နေရပါတယ်။

အခုလိုမျိုး ဧရာဝတီတိုင်းအတွင်း အဆိုးဝါးဆုံး ရေလွှမ်းမိုးမူဖြစ်ခဲ့တဲ့အတွက်ကြောင့် ဒေသခံပြည်သူ တစ်သိန်းခွဲကျော်လောက် ရေဘေးသင့်ခဲ့ပြီး ဧရာဝတီတိုင်းတွင်း လယ်စိုက်ဧက သောင်းနဲ့ချီပြီးတော့ နှစ်မြုတ်သွားခဲ့ပါတယ်။ လယ်ယာမြေတွေ အကုန်လုံး နီးပါး ရေနစ်မြုတ်ပြီး စပါးတွေ ဆုံးရူံးခဲ့ရတဲ့ အတွက် ဒေသခံလယ်သမားတွေအတွက် အလုပ်အကိုင်ပြန်လည်ထူထောင်နိုင်ဖို့ဆိုတာ အခက်အခဲတွေ အများကြီးနဲ့ ရင်ဆိုင်ရဦးမှာ ဖြစ်တယ်လို့ ဧရာဝတီတိုင်း သာပေါင်းမြို့နယ်က ဒေသခံဖြစ်တဲ့ ဒေါ်သိန်းရှင်က ဆိုပါ တယ်။

ရေဘေးဒုက္ခသည်တွေအနေနဲ့ စားဝတ်နေရေး အခက်အခဲဖြစ်နေသလို ကျမ်းမာရေး လူမူရေး စောင့်ရှောက်မူတွေ လိုအပ်နေပါ တယ်။ ဒီလိုပဲရေနှစ်မြုတ်ပျက်ဆီးဆုံးရူံးခဲ့ရတဲ့ လယ်မြေတွေ ပြန်ပြီး အစားထိုး စိုက်ပျိုးနေဖို့ သက်ဆိုင်ရာ တာဝန်ရှိသူတွေရဲ့ အကူအညီအထောက်အပံ့က အရေးတကြီး လိုအပ်နေတယ် လို့လည်း ရေဘေးသင့်ခဲ့ရတဲ့ ပြည်သူတွေနဲ့ ဒေသခံလယ်သမား တွေက ပြောပါတယ်။

နိုင်ငံတ၀ှမ်း မြစ်ရေတွေစိုးရိမ်ရေမှတ် ကျော်လွန်မြင့်တက်ပြီး ရေလွှမ်းမိုးမူတွေ ရေကြီးမူတွေဖြစ်ခဲ့တဲ့အထဲ ပဲခူးတိုင်းနဲ့ မွန်ပြည်နယ် ကရင်ပြည်နယ် တွေမှာ ဆိုးဆိုးရွားရွား ရေဘေးဒုက္ခသင့်ခဲ့ရတာဖြစ်ပါတယ်။

Ref: ဗွီအိုအေ

Black List ပယ်ဖျက်စာရင်း ထုတ်ပြန်

ကိုဇော်ဝင်းလှိုင်
30.08.2012

မြန်မာနိုင်ငံအစိုးရက အမည်ပျက်စာရင်း Black List သွင်းထားတဲ့ ပုဂ္ဂိုလ် ခြောက်ထောင်ကျော် ရှိတဲ့အထဲကနေ ဒီစာရင်း ထဲက ပယ်ဖျက်ပေးလိုက်တဲ့ အမည်စာရင်း နှစ်ထောင်ကျော် စာရင်းကိုတော့ ဒီကနေ့ တရားဝင် ထုတ်ပြန် ကြေငြာလိုက်ပြီ ဖြစ် ပါတယ်။ အခု နံမည်ပျက် စာရင်းထဲကနေ ပယ်ဖျက်လိုက်တဲ့သူတွေထဲမှာ အတိုက်အခံ အင်အားစုတွေထဲက အထင်ကရ ပုဂ္ဂိုလ် တချို့လည်း ပါဝင်သလို မြန်မာလူမျိုးမဟုတ်တဲ့ နိုင်ငံခြားသား အတော်များများပါဝင်တယ်။ ဒီအကြောင်း အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

နိုင်ငံတော် သမ္မတရုံးက အမည်ပျက်စာရင်းကနေ ပထမအသုတ်အဖြစ် ပယ်ဖျက်လိုက်တဲ့သူတွေထဲမှာ မြန်မာ့ဒီမိုကရေစီအရေး အတွက် ရှေ့တန်းကနေ ရပ်တည်ပြီး အတိုက်အခံအဖြစ် လုပ်ဆောင်ခဲ့ကြသူ အတော်များများ ပါဝင်တာကို တွေ့ရပါတယ်။

ဆီးရီးယားကို အာရပ်ခေါင်းဆောင်တွေ ဖိအားပေး

30.08.2012

ဆီးရီးယားသမ္မတ ဘာရှာ အယ်လ်-အာဆဒ်အပေါ်မှာ ဒေသတွင်းကနေ ဖိအားပေးတာဟာ ကြာသပတေးနေ့က တိုးလာပါ တယ်။ ဆီးရီးယားအစိုးရဟာ ဖိနှိပ်တဲ့အစိုးရဖြစ်တယ်လို့ ရွေးကောက်ခံ အီဂျစ်သမ္မတအသစ်က ပြောပြီး ဒီမိုကရေစီနည်းကျ စနစ်တခုနဲ့ အာဏာလွှဲပြောင်းဖို့ တိုက်တွန်းခဲ့ပါတယ်။

မစ္စတာအာဆဒ်ကို အခိုင်အမာထောက်ခံတဲ့နိုင်ငံတခုဖြစ်တဲ့ အီရန်နိုင်ငံမှာကျင်းပနေတဲ့ ဘက်မလိုက်လှုပ်ရှားမှု ထိပ်သီးအစည်း အဝေးအတွင်း အီဂျစ်သမ္မတ Mohammed Morsi က အဲဒီလိုပြောသွားတာပါ။

ရီပတ်ပလင်ကန် ပါတီညီလာခံ Mitt Romney မိန့်ခွန်းပြောမည်

30.08.2012

ရီပတ်ဘလစ်ကင် ပါတီ သမ္မတလောင်း Mitt Romney ဟာ ဒေသစံတော်ချိန် ကြာသပတေးနေ့ ညဖက်မှာ သူ့ပါတီကနေ သမ္မတလောင်းအဖြစ် သူ့ကို အမည်စာရင်း တင်သွင်းတာကို လက်ခံယူတဲ့ မိန့်ခွန်းပြောတဲ့အခါ အမေရိကန်ပြည်ထောင်စုရဲ့ ကတိကို ပြန်လည် တည်ဆောက်သွားဖို့ ကတိပြုမှာဖြစ်ပါတယ်။ ရီပါဘလစ်ကင် ပါတီညီလာခံမှာ ပြောမယ့် အဲ့ဒီ့မိန့်ခွန်းဟာ မစ္စတာ Romney ရဲ့ ဘ၀နဲ့ ဆိုင်တဲ့ မိန့်ခွန်းဖြစ်လိမ့်မယ်လို့ သူ့ရဲ့လက်ထောက်တွေက ပုံဖော်ပြောဆိုနေကြပါတယ်။

၈၈ မျိုးဆက် မုံရွာဒေသခံပြည်သူများနှင့် တွေ့ဆုံ

2012-08-30

စစ်ကိုင်းတိုင်းဒေသကြီး လွှတ်တော် ဆောက်လုပ်ရေး စီမံကိန်းတ၀ိုက်က အဓမ္မ ပြောင်းရွှေ့ခံရတဲ့ မုံရွာမြို့က အိမ်ခြေ (၇၀) ကျော်ရဲ့ နစ်နာဆုံးရှုံးမှုတွေကို အကူအညီပေးနိုင်ဖို့ ကိုထွန်းမြင့်အောင်၊ ကိုမျိုးသန့်စတဲ့ ၈၈ မျိုးဆက်ကျောင်းသားများ အဖွဲ့တွေက ဒေသခံပြည်သူတွေနဲ့ မုံရွာမြို့မှာ ဒီကနေ့ သွားရောက်တွေ့ဆုံ ဆွေးနွေးခဲ့တယ်လို့ သိရပါတယ်။

တည်ဆောက်ဆဲ စစ်ကိုင်းတိုင်းဒေသကြီး လွှတ်တော် အဆောက်အဦးသစ်ဟာ မုံရွာမြို့နယ် မြို့သစ် (ခေါ်) မြ၀တီ အိုးဖိုတောင် ရပ်ကွက်မှာတည်ရှိပြီး ပြောင်းရွှေ့ခံရသူတွေအနေနဲ့ အခက်အခဲမျိုးစုံနဲ့ ရင်ဆိုင်နေရတယ်လို့ ၈၈ မျိုးဆက်ကျောင်းသားများ အဖွဲ့ဝင် လယ်သမားအရေး ဆောင်ရွက်နေတဲ့ ကိုထွန်းမြင့်အောင်က RFA ကိုပြောပါတယ်။

သိမ်းထားတဲ့လယ်မြေ ပြန်လည်ပေးအပ်ဖို့ ယုဇနက ကတိပြု

2012-08-30

ကချင်ပြည်နယ် အနောက်မြောက်ပိုင်း ဟူးကောင်း ချိုင့်ဝှမ်းဒေသမှာ လယ်ယာမြေဧက (၂) သိန်းကျော် အဓမ္မ သိမ်းယူထား တယ် လုိ့ စွပ်စွဲခံနေရတဲ့ ယုဇနကုမ္ပဏီအနေနဲ့ ကုမ္ပဏီအပေါ် တရားစွဲဆိုထားတဲ့ ဒေသခံတောင်သူတွေရဲ့ လယ်ဧက (၃၀၀၀) လောက်ကို ပြန်လည်ပေးအပ်ဖို့ ကတိပြု ပြောဆိုလိုက်တယ်လို့ သိရပါတယ်။

တရားစွဲဆိုထားတဲ့ တောင်သူတွေရဲ့ လယ်မြေတွေကို ပြန်ပေးမှာ ဖြစ်ပေမယ့် သီးနှံပျက်စီးဆုံးရှုံးမှုတွေအတွက် လျော်ကြေးကိုတော့ တရားရုံးက ချမှတ်တဲ့အတိုင်းပဲပေးဖို့ ယုဇန ကုမ္ပဏီပိုင်ရှင် ဦးဌေးမြင့်က ပြောကြောင်း မနေ့က နေပြည်တော်မှာ ဦးဌေးမြင့်နဲ့ သွားရောက် ဆွေးနွေးညှိနှိုင်းခဲ့တဲ့ အမျိုးသားဒီမိုကရေစီ အင်အားစုပါတီရဲ့ ကချင်ပြည်နယ်တာဝန်ခံ ဒေါ်ဘောက်ဂျာက RFA ကို ပြောပါတယ်။

"တောင်းဆိုတဲ့ လယ်မြေပြန်ပေးဖို့နဲ့ အခုတရားရုံးမှာ ရင်ဆိုင်နေရတဲ့ အမှုကိစ္စကိုလည်း နစ်နာကြေးကို နှုတ်ပေးဖို့ ဆွေးနွေးတဲ့ အပေါ်မှာ အစတုန်းကတော့ သူလည်းတော်တော်တော့ ငြင်းပါတယ်။ ငြင်းရင်း ငြင်းရင်းနဲ့ နောက်ဆုံးတော့ လိုက်လျော သ လောက် တော့ လိုက်လျောပေးတာပေါ့။ အခုတရားစွဲထားတဲ့ တောင်သူတွေရဲ့ မြေကိုပဲ သူတို့က ပြန်ပေးမယ်လို့ ပြောတယ်ပေါ့။ မနေ့က ဒီရွာမှာ ယုဇနကနေ လက်မှတ်လိုက်ထိုးခိုင်းတယ်တဲ့။ ကချင်ပြည်နယ်မှာ အမိန့်ချထားတဲ့ အမိန့်ကို ပေးတယ် ဆိုပြီး တော့ ယုဇန ကုမ္ပဏီမှာ လာထုတ်ယူပါ ဆိုပြီးတော့ စာတွေလိုက်ပို့ပြီးတော့ လက်မှတ်ထိုးခိုင်းတယ်။ တချို့အိမ်တွေမှာဆို ကလေး တွေပဲရှိတယ်။ ကလေးတွေကိုပါ ထိုးခိုင်းသွားတယ်တဲ့။ အဲလိုမျိုးပေါ့လေ။ သူ့ရဲ့လုပ်ရပ်တွေကတော့ ယုံစရာတော့ သိပ်တော့ မရှိ ဘူး"

ရန်ကုန်မြို့က ယုဇနကုမ္ပဏီရုံးချုပ် ဖွင့်လှစ်ထားတဲ့ ယုဇနဟိုတယ်ရှေ့မှာ ဒေါ်ဘောက်ဂျာ ဦးဆောင်ပြီး တောင်သူလယ်သမားတွေ ဒီကနေ့ ဆန္ဒပြကြဖို့ စီစဉ်ထားခဲ့တာ ဖြစ်ပါတယ်။ ဒါပေမယ့် ယုဇနကုမ္ပဏီပိုင်ရှင် ဦးဌေးမြင့်က ဦးဆောင်ဆန္ဒပြမယ့် ဒေါ်ဘောက် ဂျာကို မနေ့က နေပြည်တော်ကို ဖိတ်ကြားပြီး အခုလို ညှိနှိုင်းခဲ့တာ ဖြစ်ပါတယ်။

ဟူးကောင်းဒေသခံ တောင်သူတွေဟာ သိမ်းယူခံထားရတဲ့ လယ်မြေတွေ ပြန်လည်ရရှိဖို့ ယုဇနကုမ္ပဏီကို ၂၀၁၀ ခုနှစ်ကတည်းက တရားစွဲဆိုခဲ့တာ ဖြစ်ပါတယ်။ ဒါပေမယ့် ကချင်ပြည်နယ်တရားရုံးက တစ်ဧကအတွက် လျော်ကြေး ကျပ်ရှစ်သောင်းပဲပေး ဖို့ ဆုံး ဖြတ်ခဲ့တာကြောင့် တောင်သူတွေက မကျေနပ်ဘဲ အယူခံဝင်ထား တယ်လို့ သိရတယ်။

Ref: အာရ်အဖ်အေ

အင်ဒိုနီးရှားနိုင်ငံ သဘာဝဘေးအန္တရာယ် ကာကွယ်ရေးဌာန အကြီးအကဲနှင့်အဖွဲ့ စစ်တွေမြို့ကို ရောက်ရှိ

2012-08-30

အင်ဒိုနီးရှားနိုင်ငံ သဘာဝဘေးအန္တရာယ် ကာကွယ်ရေးဌာန အကြီးအကဲ မစ္စတာ အာရီမူဟာဒီ ဦးဆောင်တဲ့ ၆ ဦးပါ ကူညီရေး အဖွဲ့ဟာ ဒုက္ခသည်စခန်းတွေအတွက် လိုအပ်ချက်တွေကို ဖြည့်ဆည်းကူညီဖို့အတွက် ဒီကနေ့ မနက်ပိုင်းက စစ်တွေမြို့ကို ရောက်ရှိ သွားတယ်လို့ ရခိုင်ပြည်နယ်အစိုးရအဖွဲ့ သတင်းပြန်ကြားရေးနဲ့ မှတ်တမ်းပြုစုရေး ကော်မတီဝင် ဦးမျိုးသန့်က RFA ကို အတည်ပြု ပြောပါတယ်။

"ပြန်မဲ့ရက်တော့ အတိအကျမသိရသေးဘူး။ ၂ ရက် ၃ ရက် ကြာမယ်လို့တော့ ပြောပါတယ်။ အခုလောလောဆယ်တော့ Camp တွေကိုလိုအပ်တာအတွက် ပံ့ပိုးကူညီဖို့လေ၊ ပူးပေါင်းပြီး ဆောင်ရွက်ဖို့ အဲဒါလေးတွေ သူတို့လုပ်နေပါတယ်"

KIA နှင့်အစိုးရတပ်တိုက်ပွဲ ယမ်းဂိုဒေါင် ပြင်းထန်စွာပေါက်ကွဲမှုဖြစ်

2012-08-30

အစိုးရတပ်နဲ့ KIA တပ်တွေ တိုက်ပွဲတွေ ဖြစ်ပွားနေတဲ့ ကချင်ပြည်နယ် ဖားကန့်ဒေသမှာ ကျောက်စိမ်းကုမ္ပဏီတစ်ခုက ကျောက်စိမ်းတူးဖော်ရာမှာ အသုံးပြုဖို့ သိုလှောင်ထားတဲ့ ယမ်းဂိုဒေါင်တစ်ခု မနေ့က မီးလောင်ပြီး ပြင်းထန်စွာ ပေါက်ကွဲခဲ့တဲ့ အတွက် ဒေသခံ ပြည်သူတွေကြားမှာ ထိတ်လန့် တုန်လှုပ်မှုတွေ ဖြစ်ပေါ်ခဲ့တယ်လို့ သတင်းရရှိပါတယ်။

ဖားကန့် ကုလားမှော် ကျေးရွာအနီးမှာရှိတဲ့ “ဝေ" ကျောက်မျက်ကုမ္ပဏီနားမှာ အစိုးရတပ်နဲ့ KIA တပ်တွေ တိုက်ပွဲဖြစ်နေချိန် KIA ဘက်က ပစ်လိုက်တဲ့ လက်နက်ထိမှန်ပြီး အခုလို ပေါက်ကွဲခဲ့တာလို့ ဒေသခံတစ်ဦးက RFA ကို အခုလိုပြောပါတယ်။

ကချင်ဒုက္ခသည်များ အတင်းအကျပ် ပြန်မပို့ရန် အမေရိကန်တိုက်တွန်း

2012-08-30

မြန်မာနိုင်ငံက ထွက်ပြေးလာတဲ့ ကချင်ဒုက္ခသည်တွေကို အတင်းအကျပ် ပြန်မပို့ဖို့နဲ့ ယာယီ ခိုလှုံခွင့်ပေးဖို့ အမေရိကန်ပြည် ထောင် စု က တရုတ်အစိုးရကို တိုက်တွန်းလိုက်ပါတယ်။

တရုတ်အစိုးရက ကချင်ဒုက္ခသည် တစ်ထောင်လောက်ကို စစ်ပွဲဖြစ်နေရာ ဒေသတွေကို ပြန်ပို့ခဲ့ပြီး နောက်ထပ် လေးထောင် လောက် ကို လည်း ပြန်ပို့ဖို့ စီစဉ်နေတယ်လို့ လူ့အခွင့်ရေး စောင့်ကြည့်ရေးအဖွဲ့HRW က ပြောဆိုထားပါတယ်။

တရုတ်အစိုးရအနေနဲ့ နိုင်ငံတကာ ကျင့်ဝတ်တွေနဲ့အညီ ဒုက္ခသည်တွေကို ကူညီစောင့်ရှောက်ဖို့ တာဝန်ရှိတယ်လို့ အမေရိကန်
အစိုးရ ပြောရေးဆိုခွင့်ရှိသူ မစ္စတာ Patrick Ventrell ကပြောပါတယ်။

ဒုက္ခသည်တွေ နေရပ်ပြန်ရေးဟာ လုံခြုံစိတ်ချရတဲ့ အခြေအနေကိုရောက်မှ သူတို့ ဆုံးဖြတ်ချက်နဲ့ သူတို့ပြန်ရမှာ ဖြစ်သင့်တယ်လို့ အမေရိကန်အစိုးရက ပြောဆိုပါတယ်။

Ref: အာရ်အဖ်အေ

အတိုက်အခံတွေ မြန်မာပြည်သွားမည်

2012-08-30

ပြည်ပရောက် အတိုက်အခံ အဖွဲ့အစည်း ခေါင်းဆောင်တချို့ဟာ သမ္မတဦးသိန်းစိန်ရဲ့ ခွင့်ပြုချက်နဲ့ မြန်မာနိုင်ငံကို နှစ်ပတ်ကြာ ခရီးစဉ်အဖြစ် မနက်ဖြန် သွားရောက်မှာ ဖြစ်ပါတယ်။

အဓိကအားဖြင့် အမျိုးသားပြန်လည် သင့်မြတ်ရေး လုပ်ငန်းစဉ်တွေမှာ မိမိတို့ ပါဝင်နိုင်မယ့် အခန်းကဏ္ဍကို ဒီခရီးစဉ်အတွင်း တွေ့ဆုံဆွေးနွေး လေ့လာမှာ ဖြစ်တယ်လို့ ပြည်ပရောက် မြန်မာ့အရေး လှုပ်ရှားနေသူ ဦးညိုအုန်းမြင့်က ပြောပါတယ်။

"အဓိကကတော့ ကျွန်တော် တစ်နှစ်ကျော်ကျော်လောက် ကျွန်တော်တို့ အမျိုးသား ပြန်လည်သင့်မြတ်ရေး ပရိုဂရမ်ထဲမှာပါတဲ့ တိုင်းရင်းသားတွေနဲ့ အပစ်အခတ်ရပ်စဲရေးကနေပြီးတော့ ဒီကျွန်တော်တို့ အဖြေရှာရေး ဆိုတဲ့အပေါ်မှာ ကျွန်တော်တို့ အဓိက ဆောက်ရွက်တဲ့ အတွက်ကြောင့် ကျွန်တော့်အနေနဲ့ ဒီ Myanmar Peace Center လို့ခေါ်တဲ့ ဒီအစိုးရနဲ့ တိုင်းရင်းသား အင် အားစုတွေ အကြားထဲမှာ အပစ်အခတ်ရပ်စဲရေးအတွက် ဆောင်ရွက်တဲ့နေရာမှာ ကျွန်တော်တို့ ဘာတွေလိုအပ်သေးတယ်ဆိုတဲ့ အချက်တွေ ဆွေးနွေးဖို့လည်း ဖြစ်ပါတယ်။ ဒုတိယအချက်ကတော့ ကျွန်တော်တို့ အခွင့်အရေးရမယ်ဆိုရင် ကျွန်တော်တို့ သမ္မတ ကြီးနဲ့ တွေ့ဖို့အတွက် ကျွန်တော်တို့ ကြိုစားမှာ ဖြစ်ပါတယ်။ တဆက်တည်းမှာပဲ ၈၈ မျိုးဆက်၊ နောက်ဒီ တိုင်းရင်းသား အများ စုတွေ အားလုံးနဲ့ ကျွန်တော်တို့ တွေ့ဆုံ ဆွေးနွေးချင်ပါတယ်။ ဒီပေါ်မှာမှ ရလာတဲ့ ရလဒ်ကနေပြီးတော့ ကျွန်တော်တို့ မြန်မာ ပြည်ရဲ့ အမျိုးသား ရင်ကြားစေ့ရေးနဲ့ ပြန်လည်ထူထောင်ရေး လုပ်ငန်းတွေမှာ ကျွန်တော်တို့ ဘယ်နေရာကနေပြီးတော့ အဓိက ဝင်ပါနိုင်သလဲဆိုတာ ကျွန်တော်တို့ သိချင်ပါတယ်"

ပြည်ပရောက် အတိုက်အခံ အင်အားစုတွေဟာ ပြည်တွင်းကို လေ့လာရေး ခရီးစဉ်အဖြစ် အသုတ်လိုက်ခွဲပြီး သွားရောက်မှာ ဖြစ် ပါတယ်။ မနက်ဖြန်မှာ ထိုင်းနိုင်ငံ ဘန်ကောက်မြို့ကနေ ရန်ကုန် မင်္ဂလာဒုံလေဆိပ်ကို ရောက်ရှိမယ့်သူတွေထဲမှာ ဒေါက်တာ နိုင် အောင်၊ ဒေါက်တာ သောင်းထွန်းနဲ့ ဦးညိုအုန်းမြင့်တို့ပါဝင်ပါတယ်။

စက်တင်ဘာလ (၁) ရက်နေ့မှာတော့ ဦးမိုးသီးဇွန်နဲ့အတူ ကျောင်းသားတပ်မတော် အဖွဲ့ဝင်ဟောင်း (၇) ဦး မြန်မာနိုင်ငံကို ရောက်ရှိမှာ ဖြစ်ပါတယ်။ အဲဒီနောက်ပိုင်းမှာ လူ့ဘောင်သစ် ဥက္ကဋ္ဌ ဦးအောင်မိုးဇော်နဲ့ မြန်မာနိုင်ငံ အလုပ်သမားသမဂ္ဂများ အဖွဲ့ချုပ် ခေါင်းဆောင် ဦးမောင်မောင်တို့ ရောက်ရှိမှာ ဖြစ်တယ်လို့ သိရပါတယ်။

Ref: အာရ်အဖ်အေ

ဖားကန့် အင်န်အယ်လ်ဒီ ဒုက္ခသည်တွေကို ကူညီ

2012-08-30

ဖားကန့်မြို့နယ်အတွင်းရှိ ဒုက္ခသည် စခန်း ၃၁ ခုက စစ်ပြေးဒုက္ခသည်တွေကို ဖားကန့်မြို့ အင်န်အယ်လ်ဒီက ကူညီထောက်ပံ့နေ တယ်လို့ သိရပါတယ်။

ကချင်ပြည်နယ် ဖားကန့် ကျောက်စိမ်းတွင်းဒေသမှာ လွန်ခဲ့တဲ့ တစ်ပတ်လောက် ကတည်းက စတင်ခဲ့တဲ့ ကေအိုင်အိုနဲ့ အစိုးရ တပ် တွေရဲ့ တိုက်ပွဲတွေကြောင့် ဘာသာရေးကျောင်းတွေမှာ ခိုလှုံနေရတဲ့ ဒုက္ခသည်တွေကို မိမိတို့ ကူညီနေကြောင်း ဖားကန့် မြို့နယ် အင်န်အယ်လ်ဒီ ရုံးတာဝန်ခံ ဦးခင်မောင်ချင်းက ပြောပါတယ်။

၈၈ မျိုးဆက်နဲ့ ဂီတအနုပညာရှင်များ ရေဘေးဒုက္ခသည်ကို ထောက်ပံ့ကူညီ

2012-08-30

ဧရာဝတီတိုင်းအတွင်းက ရေဘေး ဒုက္ခသည်တွေအတွက် ၈၈ မျိုးဆက် ကျောင်းသားခေါင်းဆောင်တွေနဲ့ ဂီတအနုပညာရှင်တွေက စားနပ်ရိက္ခာနဲ့ တခြားအထောက်အပံ့ ပစ္စည်းတွေ ဒီကနေ့ သွားရောက် လှူဒါန်းခဲ့ကြောင်း သိရပါတယ်။

သာပေါင်းမြို့နယ် စက်ဒေါင့်ကြီးကျေးရွာက ရေဘေးသင့် ပြည်သူတွေအတွက် ကျောင်းသားခေါင်းဆောင် ကိုအံ့ဘွယ်ကျော် ဦး ဆောင်တဲ့ အဖွဲ့က ဆန်အိတ် ၁၆၈ အိတ် လှူဒါန်းခဲ့ပြီး ဂီတပညာရှင် ကိုရဲလွင် ဦးဆောင်တဲ့ မဇ္ဈိမလှိုင်း တေးဂီတအဖွဲ့က ဒါးက ကျေးရွာအုပ်စုက ရေဘေးဒုက္ခသည်တွေကို ဆန်အိတ်တွေနဲ့ စောင်တွေ၊ ခြင်ထောင်တွေ လာရောက် လှူဒါန်းခဲ့ကြောင်း ဒေသခံ တစ်ဦးက ပြောပါတယ်။

ပြီးခဲ့တဲ့ သီတင်းပတ်ကလည်း ကိုအောင်ကျော်ကျော် ဦးဆောင်တဲ့ ၈၈ မျိုးဆက် ကျောင်းသားများအဖွဲ့ဟာ ဧရာဝတီတိုင်းအတွင်း သာပေါင်းမြို့နယ်က ရေနစ်မြှုပ်နေတဲ့ အိမ်ခြေ ၇၀၀ အတွက် အ၀တ်အထည်တွေ အများအပြား သွားရောက် လှူဒါန်းခဲ့ပါတယ်။

၈၈ မျိုးဆက် ကျောင်းသားများအဖွဲ့ဟာ အကူအညီ လိုအပ်နေသူတွေကို ထောက်ပံ့ကူညီနိုင်ဖို့ စေတနာဝသန် တေးဂီတ ရန်ပုံ ငွေတစ်ခုကို လာမဲ့ စက်တင်္ဘာ ၁ ရက်နေ့မှာ ကျင်းပမှာဖြစ်ပါတယ်။

Ref: အာရ်အဖ်အေ

Thursday, August 30, 2012

ပြည်ပ ငွေအကူများကို လယ်ယာ ကဏ္ဍတွင် အဓိက သုံးစွဲသွားမည်

နေလင်းအောင်
သြဂုတ်လ ၂၉ ရက် ၂၀၁၂ ခုနှစ်

နိုင်ငံတကာက ပံ့ပိုးလာသည့် ငွေကြေးအကူအညီများကို မြန်မာ့ လယ်ယာကဏ္ဍ ဖွံ့ဖြိုး တိုးတက်ရေး အတွက် အဓိကထား သုံးစွဲ သွားမည်ဟု သမ္မတ ဦးသိန်းစိန်၏ ပြောကြားချက်ကို ကိုးကား၍ စီးပွားရေးနှင့် ကူးသန်းရောင်းဝယ်ရေး ပြည်ထောင်စု ဝန်ကြီး ဦးဝင်းမြင့် က ပြောသည်။

“အထူးသဖြင့် ဆန်စပါးနဲ့ ပတ်သက်လို့ အထွက်နှုန်းက အင်မတန်နည်းနေတယ်။ လယ်ယာလုပ်ငန်းမှာ ရင်းနှီးမြှုပ်နှံမှု တွေ ပိုပြီး လုပ်သင့်တယ်လို့ သမ္မတကို တင်ပြထားတာ ရှိတယ်။ ဒါကို သမ္မတကလည်း နိုင်ငံတော်က ရရှိတဲ့ ငွေကြေး အကူအညီတွေ၊ ချေးငွေတွေကိုို လယ်ယာ ကဏ္ဍမှာ အဓိက အသုံးပြုသွားမယ်လို့ လမ်းညွှန်ထားတာ ရှိပါတယ်” ဟု ဝန်ကြီးက ပြောသည်။

အဏ္ဏဝါ ဂေဟစနစ် ကျွန်းစုမှ စတင်ထိန်းသိမ်းရန် ပြင်ဆင်

သစ်ငြိမ်း
သြဂုတ်လ ၂၉ ရက် ၂၀၁၂ ခုနှစ်

ဇီဝမျိုးစုံ မျိုးကွဲများနှင့် ရေသံယံဇာတများတည်ရှိရာ တနင်္သာရီတိုင်း၊ ကျွန်းစုမြို့နယ်၌ သန္တာကျောက်တန်း၊ ပင်လယ်မြက်ခင်း အပါအဝင် အဏ္ဏဝါဂေဟစနစ် ထိန်းသိမ်းခြင်းလုပ်ငန်းများကို ယခုနှစ်အတွင်း ဆောင်ရွက်သွားရန် အဆိုပြုထားကြောင်း ငါးလုပ် ငန်းဦးစီးဌာန တာဝန်ရှိသူ တဦးက ပြောသည်။

ထိန်းသိမ်းဆောင်ရွက်ခြင်းကို မွေးမြူရေးနှင့် ရေလုပ်ငန်း ဝန်ကြီးဌာန၊ ငါးလုပ်ငန်းအဖွဲ့ချုပ်၊ ဇီဝမျိုးစုံမျိုးကွဲနှင့် သဘာဝ ထိန်းသိမ်း ရေး အသင်း(BANCA)နှင့် အင်္ဂလန်နိုင်ငံ အခြေစိုက် အပြည်ပြည်ဆိုင်ရာ တိရစ္ဆာန်မျိုးစုံနှင့် ပန်းမံများ ထိန်းသိမ်းရေးအဖွဲ့ (FAUNA & FLORA International- FFI) တို့ ပူးပေါင်း ဆောင်ရွက်နိုင်ရန်အတွက် FFI က ဝန်ကြီးဌာနသို့ အဆိုပြု လွှာ တင်ထားသည်။

ခွင့်ပြုမိန့်မရ ရိုဟင်ဂျာ ဆန့်ကျင်ရေး ဆန္ဒပြမှု ဆက်လက်ကြားနာ

သန်းထိုက်ဦး
သြဂုတ်လ ၂၉ ရက် ၂၀၁၂ ခုနှစ်

ကုလသမဂ္ဂ၏ လူ့အခွင့်အရေးကိုယ်စားလှယ် သောမတ်စ် ကွင်တားနား သြဂုတ်လဆန်းပိုင်းက မြန်မာနိုင်ငံသို့ လာရောက်စဉ် ရိုဟင်ဂျာ ဆန့်ကျင်ရေး ဆန္ဒပြမှု ဦးဆောင်ခဲ့သူများအား တရားစွဲဆိုထားသည့်အမှုကို စမ်းချောင်းမြို့နယ် တရားရုံးက အင်္ဂါနေ့တွင် ကြားနာခဲ့သည်။

ခွင့်ပြုမိန့် မရှိဘဲ ဆန္ဒပြမှုဖြင့် ဦးအောင်နိုင်ထွန်း၊ ဦးဝင်းမြင့်အောင် (ခ) ဦးဝင်းခန့်၊ ဦးမျိုးမင်းစိုးနှင့် ဦးသူရထွန်းတို့ကို စမ်းချောင်း မြို့နယ် ရဲစခန်းမှူး ဒု-ရဲအုပ် မြအောင်က တရားလိုပြုလုပ်၍ တရားစွဲဆိုထားသော အမှု ဖြစ်သည်။

လွှတ်တော်နှင့် အခြေခံဥပဒေခုံရုံး အငြင်းပွားမှု စုံစမ်းစစ်ဆေးမည်

မြတ်ကျော်သူ
သြဂုတ်လ ၂၉ ရက် ၂၀၁၂ ခုနှစ်

ဖွဲ့စည်းပုံ အခြေခံဥပဒေဆိုင်ရာ ခုံရုံးနှင့် လွှတ်တော်နှစ်ရပ်အကြား ငြင်းခုန်နေသည့် လွှတ်တော်ရေးရာအဖွဲ့များ အဆင့်သတ်မှတ် မှုနှင့်ပတ်သက်၍ စုံစမ်းစစ်ဆေးရေးအဖွဲ့တခုကို ဗုဒ္ဓဟူးနေ့တွင် အောက်လွှတ်တော်က ဖွဲ့စည်းလိုက်သည်။

“ကျနော်တို့ အဓိက လုပ်ရမယ့် တာဝန်ကတော့ အခုဖြစ်နေတဲ့ ပြဿနာတွေရဲ့ အဖြစ်မှန်ကို ဖော်ထုတ်ရမှာပါပဲ” ဟု စုံစမ်း စစ်ဆေးရေး အဖွဲ့ဝင်တဦးဖြစ်သော အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်အမတ် ဦးဝင်းထိန် က မဇ္ဈိမကို ပြောသည်။

ထောင်ကျ INGO ဝန်ထမ်း သုံးဦး သမ္မတ လွတ်ငြိမ်းချမ်းသာခွင့်ပေး

ကျော်ဖုန်းကျော်
သြဂုတ်လ ၂၉ ရက် ၂၀၁၂ ခုနှစ်

ရခိုင်ပြည်နယ် လူမှုအဖွဲ့ ဆူပူအကြမ်းဖက်မှုတွင် ပါဝင်ကျူးလွန်ခဲ့၍ ထောင်ဒဏ် ကျခံနေရသော INGO ဝန်ထမ်း သုံးဦးကို သမ္မတ ဦးသိန်းစိန် က လွတ်ငြိမ်း ချမ်းသာခွင့်ပေးလိုက်ကြောင်း သမ္မတရုံးက ထုတ်ပြန်
သည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ဝန်ထမ်း ဒေါ်ချိုလေးမာနှင့် ဦးခင်မောင်၊ ကမ္ဘာ့စားနပ်ရိက္ခာအဖွဲ့ WFP မှ ဦးခင်ရွှေတို့မှာ မောင်တောတရားရုံးမှ ထောင်ဒဏ်များ ချမှတ်ခဲ့ပြီး ခြောက်ရက်
အကြာတွင် လွတ်မြောက်လာခြင်း ဖြစ်သည်။

ထိုးစစ်ဆင် ရှေ့တန်းတပ်များကို သမ္မတ အရေးယူရန် ကချင်များ တောင်းဆို

ဖနိဒါ
သြဂုတ်လ ၂၉ ရက် ၂၀၁၂ ခုနှစ်

သမ္မတ၏ ညွှန်ကြားချက်အား မလိုက်နာဘဲ ကချင်ပြည်နယ်တွင် ထိုးစစ်များ ဆင်နွှဲလျက်ရှိသည့် အစိုးရ ရှေ့တန်းတပ်များကို “ထိရောက်စွာ အရေးယူပေးရန်” ကချင်အဖွဲ့အစည်းများက တောင်းဆိုလိုက်ကြသည်။

ဗုဒ္ဓဟူးနေ့က ထုတ်ပြန်လိုက်သည့် ကချင် အဖွဲ့အစည်း ၁၁ ဖွဲ့၏ ကြေညာချက်တွင် “KIO/KIA တပ်စခန်းများကို ဦးတည်ပြီး ရှေ့တန်းစစ်မျက်နှာတွင် တပ်ရင်းပေါင်း ၈၀ ကျော်တို့၏ မတရား ထိုးစစ်ဆင် တိုက်ခိုက်မှုကြီးများကို ချက်ချင်းရပ်တန့်ပေးရန်” တောင်းဆိုလိုက်သည်။

အမည်ပျက်စာရင်းထဲက ထုတ်လိုက်တဲ့ သူများစာရင်း

ဦးပိုင် ရှင်းလင်းချက် မပြည့်စုံဟု ကြေးနီစီမံကိန်း ယာသိမ်းခံများ တုံ့ပြန်

ကျော်ခ
August 29, 2012

စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်း ကြေးနီ စီမံကိန်းအတွက် သိမ်းမြေများနှင့်ပတ်သက်၍ မြန်မာ့ စီးပွား ရေး ဦးပိုင်လီမီတက်နှင့် တိုင်းဒေသကြီးလွှတ်တော် ဒုဥက္ကဌတို့၏ ဖြေရှင်းချက်များမှာ ယာသိမ်းခံတောင်သူများ၏ နစ်နာမှုများကို လျစ်လျူရှု ခဲ့ကြောင်း မူရင်းယာပိုင်ရှင်များက ပြောသည်။

သိမ်းမြေများနှင့် ပတ်သက်၍ ရွှေ့ပြောင်းရမည့် တောင်သူများ အတွက် မြေယာ သီးနှံလျော်ကြေး၊ နှစ်ရှည်သီးနှံ လျော်ကြေးများ ကို လည်း ပေးလျော်ခဲ့ပြီး ဖြစ်ကြောင်း တိုင်းဒေသကြီး လွှတ်တော် ဒု ဥက္ကဌနှင့် ဦးပိုင်လီမိတက်မှ ဦးဝင်းကြည်တို့၏ စာနယ်ဇင်း များအား ရှင်းလင်းချက် အပေါ် တောင်သူများက တုံ့ပြန် ပြောဆိုကြခြင်း ဖြစ်သည်။

“သူတို့ပြောတာတွေက အကုန်မမှန်ဘူး၊ ကောင်းကွက် ကလေးတွေကိုပဲ ရွေးပြောပြီး နားလှည့်ပါးရိုက် လုပ်သွားတာ၊ ကျနော်တို့ ဝက်မှေးရွာမှာဆိုရင် မရွှေ့ပြောင်းတဲ့လူတွေက ခြံမြေ အဆောက်အဦ လျော်ကြေးတွေ လုံးဝကို မယူပါဘူး၊ ဒီလိုနစ်နာတဲ့ ဟာ တွေကို မထည့်ပြောဘဲနဲ့ လုံးချသွားတာ”ဟု ဝက်မှေးရွာသား ဦးအောင်ဇော်ဦး က ဧရာဝတီသို့ ပြောသည်။

၂၀၁၀ ဒီဇင်ဘာလထဲတွင် ဓာတ်သတ္ထုရှာဖွေ စမ်းသပ်ရန် အတွက် ဖြတ်သန်းသွားလာမည့် သီးနှံစိုက်ခင်းများကို ၃ နှစ်စာ လျော် ကြေး အဖြစ် ကျပ် ၅ သိန်း ၂ သောင်း နှုန်းဖြင့် ပေးကြောင်း ပြောဆိုခဲ့သော်လည်း နောက်ပိုင်းတွင် မြေယာလျော်ကြေးအဖြစ် ပြောင်း လဲသုံးစွဲ၍ သိမ်းယူလိုက်သဖြင့် နစ်နာဆုံးရှုံးခဲ့ရကြောင်း ဒေသခံ တောင်သူများက ပြောဆိုကြသည်။

“အဲဒါကို မုံရွာခရိုင် အုပ်ချုပ်ရေးမှူး ဦးခင်မောင်ဆန်းက ကျနော်တို့ကို ၂၀၁၀ တုန်းက သီးနှံလျော်ကြေးဆိုပြီး ပြေားထားပြီးတော့ အခုနောက်ပိုင်းမှ သူက မြေလျော်ကြေးဆိုပြီးဖြစ်သွားတာ၊ ကျနော်တို့က စစ်ကိုင်းတိုင်းဝန်ကြီးချုပ် ဦးသာအေးကို သွားတင်ပြတော့ အဲဒါသူ စေတနာအမှားနဲ့ မှားပြီးပြောတာပါတဲ့၊ တကယ်တော့ မြေလျော်ကြေးပါတဲ့”ဟု ဦးအောင်ဇော်ဦး က ပြောသည်။

အသိမ်းခံမြေများအတွက် တရားမျှတစွာ ဖြေရှင်းပေးရေး ဒေသခံ ယာသိမ်းခံတို့က ဆက်တိုက်တောင်းဆိုမှုများ ဖြစ်ပွားနေပြီး နောက် ယခုလ ၂၂ ရက်နေ့တွင် စီးပွားရေး ဦးပိုင်လီမိတက်နှင့် တိုင်းဒေသကြီးလွှတ်တော် ဒု ဥက္ကဌတို့က ဆားလင်းကြီးမြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ စာနယ်ဇင်းရှင်းလင်းပွဲပြုလုပ်ခဲ့သည်။

ယင်းသို့ရှင်းလင်းရာတွင် လက်ပံတောင်း ကြေးနီစီမံကိန်းကို နိုင်ငံတော်၏ ခွင့်ပြုမိန့်ဖြင့် အကြီးစား ဓာတ်သတ္ထု တူးဖော်ခွင့်၊ ထုတ် လုပ်ခွင့်အမိန့်နှင့် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုမိန့်တို့ဖြင့် မြန်မာ့စီးပွားရေး ဦးပိုင်လီမိတက်က တရားဝင် လုပ်ကိုင် လျက်ရှိကြောင်း မြေယာနှင့် သီးနှံလျော်ကြေးများအတွက် ကျပ် သန်းပေါင်း ၉၀၀၀ ကျော် ပေးလျော်ခဲ့ပြီးဖြစ်ကြောင်း ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။

၎င်းတို့ အနေဖြင့် ၂၀၁၁ ခုနှစ်တွင် ယာမြေများအား မိုင်းမြေအဖြစ် ပြောင်းလဲအသုံးပြုခွင့် ရရှိခဲ့ပြီးနောက် မြေလျော်ကြေး၊ သီးနှံ လျော်ကြေး ပေးရာတွင် တောင်သူများ နစ်နာမှု မရှိစေရေးအတွက် ကာလပေါက်ဈေးထက် ပိုမို တွက်ချက်၍ တဧက လျှင် ကျပ် ၅ သောင်းခွဲ ခန့် ပေးလျော်ခဲ့ကြောင်းနှင့် မြေအမည်စာရင်း မပေါက်သူများကိုလည်း လျော်ကြေးထုတ်ပေးထားသည်ဟု ဆိုသည်။

ထို့အတူ ကျေးရွာသစ်များအား ယခင်နေအိမ်၏ အတန်းအစားပေါ်မူတည်၍ A,B,C,D အဆင့်များခွဲကာ အိမ်အတန်းအစား အ လိုက် မိမိတို့ စိတ်ကြိုက်ပြုပြင်ရန် A အဆင့်ကို ကျပ် ၁၀ သိန်း၊ B အဆင့်ကို ၈ သိန်း၊ C အဆင့်ကို ၆ သိန်းနှင့် D ကို ၄ သိန်းစီ နှုန်းထားခွဲ၍ ထုတ်ပေးထားကြောင်းနှင့် အလုပ်အကိုင်များကိုလည်း ဖန်တီးပေးထားကြောင်း သတင်းစာ၌ ဖော်ပြထားသည်။

အစားထိုး ဆောက်လုပ်ပေးထားသော အိမ်များသည် ပျဉ်ထောင်၊ ပျဉ်ခင်းဖြင့် အဖြစ်သဘော အကြမ်းဆောက်လုပ်ပေးထားပြီး အဆင် သင့် နေထိုင်နိုင်သည့် အိမ်များမဟုတ်ကြောင်း ယင်းနေရာများသို့ ရွှေ့ပြောင်းခဲ့ရခြင်းမှာလည်း အဓမ္မစေခိုင်းခြင်းကြောင့် ဖြစ် ကြောင်း ဆည်တဲ ရွာသား တဦးက ပြောသည်။

“ကျနော်တို့က လုံးဝ ရွှေ့ပြောင်းချင်ကြတာမဟုတ်ဘူး၊ မရှိမဲ့၊ ရှိမဲ့လေး ဆုံးရှုံးမှာ စိုးတဲ့အပြင် ပြဿနာ ရှာခံရမှာကြောက်လို့ ရွှေ့ပေး ခဲ့ရတာ၊ သူတို့ပေးထားတဲ့ အိမ်တွေနဲ့လည်း နေထိုင်လို့မရဘူး၊ အရံသင့် တက်နေလို့ရတဲ့ အိမ်ရာတွေလည်း မဟုတ်ဘူး၊ ကျနာ် တို့ အိမ်တွေမှာဆို ထမင်းချက်အိမ်၊ နွားတင်းကုတ်ပါတယ် သူတို့ဆောက်ပေးထားတဲ့ အိမ်တွေက ကျဉ်းတယ်၊ အဲဒါတွေ လည်းမပါဘူး”ဟု သူက ဧရာဝတီသို့ ပြောသည်။

မူရင်းယာပိုင်ရှင်များက ယနေ့ညနေပိုင်းတွင် ဆုံးရှုံးခဲ့ရသော ၎င်းတို့ယာခင်းများထဲတွင် တဲများထိုး၍ “ယာသိမ်းတိုက်ပွဲ” ဆင်နွှဲ သွားမည် ဖြစ်ကြောင်း၊ ၈၈ မျိုးဆက်ကျောင်းသား အဖွဲ့များလည်း ရောက်ရှိနေကြပြီး မြို့နယ်အုပ်ချုပ်ရေးမှူးနှင့် ဆွေးနွေးရန် စီစဉ် နေကြ ကြောင်း ဦးအောင်ဇော်ဦး က ပြောပြသည်။

“သူတို့က ၃ နှစ်စာ သီးနှံလျော်ကြေးလို့ သုံးပြီးမှ မြေလျော်ကြေးဆိုပြီး ဒေသခံ တောင်သူလယ်သမားတွေကို မလှိမ့်တပတ် လုပ်လို့ ကျနော်တို့ လယ်ယာမြေတွေကို ပြန်ရအောင် တိုက်ပွဲဝင်သွားမှာဗျ”ဟု ဦးအောင်ဇော်ဦး က ဆက်ပြောသည်။

မုံရွာ ကြေးနီစီမံကိန်းအတွက် ၂၀၁၂ ခုနှစ် မေလက လယ်ယာမြေ ဧကပေါင်း ၇၈၆၈ ဧကခန့်ကို နိုင်ငံပိုင်မြေဖြစ်သဖြင့် လျော် ကြေး ပေး၍ သမ္မတအမိန့်ဖြင့် သိမ်းပိုက်ခြင်းဖြစ်သည်ဟု ထိုစီမံကိန်းကို အဓိက လုပ်ဆောင်နေသည့် ဦးပိုင် ကုမ္ပဏီ လီမိတက်၊ တရုတ် နိုင်ငံ ဝမ်ပေါင်း ကုမ္ပဏီနှင့် ဒေသဆိုင်ရာ အာဏာပိုင်များက ရွာသားများကို ပြောဆိုခဲ့သည်ဟု သိရသည်။

Ref: ဧရာဝတီ

KNU နှင့် အစိုးရ အပစ်အခတ် ရပ်စဲရေး တတိယအကြိမ် ဆွေးနွေးမည်

သန်းထိုက်ဦး
August 29, 2012

အစိုးရနှင့် တတိယ အကြိမ် အပစ်အခတ် ရပ်စဲရေး ဆက်လက် တွေ့ဆုံဆွေးနွေးမည့် ရက်ကို ယမန်နေ့က ပြန်လည် သတ် မှတ် လိုက်ကြောင်း ကရင်အမျိုးသား အစည်းအရုံး (KNU) က ထုတ်ပြန်ထားသည်။

ကရင်ပြည်နယ် ဘားအံမြို့တွင် သြဂုတ်၂၇ ရက်နေ့မှစတင်၍ ၃ ရက်ကြာ တွေ့ဆုံဆွေးနွေးရန် ညှိနှိုင်းဆုံးဖြတ်ထားခြင်းကို ရွှေ့ ဆိုင်း ခဲ့ပြီးနောက် လာမည့် စက်တင်ဘာလ ၃ ရက်မှ ၄ ရက်နေ့ တို့ကို ပြန်လည် သတ်မှတ်လိုက်ခြင်း ဖြစ်သည်။

မြန်မာ့ပြုပြင်ပြောင်းလဲရေးတွင် စစ်တပ်အခန်းကဏ္ဍ ဖယ်၍မရ

လင်းသန့်
August 29, 2012

မြန်မာနိုင်ငံ၏ ပြုပြင်ပြောင်းလဲရေးတွင် တပ်မတော်၏ အခန်းကဏ္ဍကို ဖယ်ထား၍ မရကြောင်း စင်ကာပူနိုင်ငံ အခြေစိုက် အရှေ့ တောင်အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်းက ပြောသည်။

ထိုင်းနိုင်ငံ၊ ချင်းမိုင်တက္ကသိုလ်ရှိ The Regional Centre for Social Science and Sustainable Development (RCSD) ဌာနက ယမန်နေ့တွင် ကြီးမှူးကျင်းပခဲ့သည့် မြန်မာ့ပြုပြင်ပြောင်းလဲရေးနှင့် တပ်မတော်၏ အခန်း ကဏ္ဍ အကြောင်း “အခန်းထဲက ဆင်” (The Elephant in the Room) ခေါင်းစဉ်ဖြင့် ဟောပြောပွဲတွင် ဒေါက်တာ တင်မောင်မောင်သန်းက ထိုသို့ ပြောဆိုခြင်း ဖြစ်သည်။

“အခု နောက်ပိုင်း၊ သမ္မတကြီး ဦးသိန်းစိန် တက်လာတဲ့အခါကျတော့ ဒီမိုကရေစီ အစိုးရဖြစ်တယ်ဆိုပြီးတော့ တပ်မတော်က ပြည်သူ့ရေးရာ ကိစ္စတွေမှာ မပါတော့ဘူး။ မပါတော့ သူက ပျောက်နေသလိုဖြစ်နေတယ်။ တကယ်တော့ သူက အရေးပါတဲ့ အခန်းကဏ္ဍမှာ ပါတယ်ဆိုတာ တင်စားပြီး ပြောတာပါ” ဟု ၎င်းက ပြောသည်။

ဆွေးနွေးပွဲတွင် တပ်မတော်ကို ဆင်နှင့်ခိုင်းနှိုင်းပြီး ပြောဆိုရင်း တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်း အောင်လှိုင်သည် ဆင်ဦးစီးနှင့် တူကြောင်း၊ လက်ရှိ သွားနေသည့် လွှတ်တော်တွင် အတိုက်အခံက ပြောဆိုနေသည့် ဖွဲ့စည်းပုံ အခြေခံဥပဒေ ပြင်ဆင်ရေးသည် စစ်တပ်ကိုယ်စားလှယ် ထောက်ခံမှု မရှိလျှင် မဖြစ်နိုင်ကြောင်း ဒေါက်တာ တင်မောင်မောင် သန်းက ထောက်ပြသည်။

“မြန်မာနိုင်ငံရဲ့ ဒီမိုကရေစီဟာ တပ်မတော်က ပေးသလောက်ပဲ ရမှာပါ။ တပ်မတော် အလိုရှိသလောက်ပဲ ကျမတို့ လွှတ်တော် သက်တမ်းက ရှိမှာပါ” ဟုလည်း ဒေါ်အောင်ဆန်းစုကြည်ကလည်း မကြာသေးမီက ပြောဆိုခဲ့သေးသည်။

မြန်မာနိုင်ငံတွင် အနောက်ဒီမိုကရေစီ စံညွန်းများနှင့်အညီ ကာကွယ်ရေး ၀န်ကြီးကဲ့သို့ နေရာမျိုးတွင် အရပ်သားကိုသာ တာဝန် ပေးသင့်သည်ဟု ပြောဆိုမှုများရှိကြောင်း၊ သို့သော် လေ့လာမှုများအရ အရပ်သားနိုင်ငံရေး သမားများ၏ အားနည်းချက်များအပေါ် စစ်တပ်က တင်ပြပြောဆိုချက်များအား ကြည့်ခြင်းအားဖြင့် စစ်တပ်သည် ဖြတ်သန်းလာခဲ့သည့် သမိုင်းအရလည်းကောင်း၊ လေ့ကျင့် သင်ကြားပေးမှုများအရ လည်းကောင်း အရပ်သား နိုင်ငံရေးသမားများအပေါ် သံသယ ရှိနေကြဆဲဖြစ်ကြောင်း ဒေါက်တာ တင် မောင် မောင်သန်းက ဆိုသည်။

မြန်မာ့ နိုင်ငံရေးတွင် စစ်တပ်က ပါဝင်ရမည်ဟု တပ်မတော်အတွင်း လက်ခံယုံကြည်နေကြသူ များနေကြောင်း၊ အဆိုးဆုံး အခြေအနေကို ထိန်းညှိရန် မြန်မာနိုင်ငံ၏ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်သား ကိုယ်စားလှယ်သည် လွှတ်တော်များတွင် ၂၅ ရာခိုင်နှုန်း ယူထားခြင်းဟု နားလည်ကြောင်းလည်း ၎င်းက ပြောသည်။

သို့သော် ပြီးခဲ့သည့် လပိုင်းအတွင်းက ကာကွယ်ရေး ၀န်ကြီး ဒုတိယ ဗိုလ်ချုပ်ကြီး လှမင်းက စင်ကာပူနိုင်ငံ၊ ရှန်ဂရီလာ ဆွေး နွေးပွဲတွင် ပြောသွားသည့် သင့်တော်ချိန်တွင် တပ်မတော် ကိုယ်စားလှယ်များကို လျှော့ချသွားရန်ရှိကြောင်း ပြောဆိုမှုနှင့် လက်ရှိ ပြုပြင်ပြောင်းလဲရေးများကိုလည်း စစ်တပ်က ထောက်ခံကြောင်း ပြောခဲ့သည်မှာ ကောင်းသည့် လက္ခဏာဖြစ်ကြောင်း ဒေါက်တာ တင်မောင်မောင်သန်းက ဆက်လက်ပြောသည်။

လက်ရှိ ပြုပြင်ပြောင်းလဲမှုကို ဦးဆောင်နေသူသည် စစ်ဗိုလ်ချုပ်ဟောင်း သမ္မတ ဦးသိန်းစိန်ဖြစ်ပြီး ဒီမိုကရေစီ လိုလားနေကြသည့် မြန်မာ့လူ့အဖွဲ့အစည်း တခုလုံးသည် အပြောင်းအလဲကို အဓိက မောင်းနှင်သူလည်း ဖြစ်ကြောင်း၊ အများက စိုးရိမ်နေသကဲ့သို့ စစ်တပ်က အာဏာပြန်သိမ်းပြီး စစ်ဗိုလ်ချုပ်များက တိုင်းပြည်ကို ပြန်အုပ်ချုပ်မည်ဟု မထင်ကြောင်းလည်း ဒေါက်တာ တင်မောင် မောင်သန်းက ဧရာဝတီကို ပြောသည်။

“တိုင်းပြည်ကို အင်အားသုံး အုပ်ချုပ်ဖို့ဆိုတာ မလွယ်ကူပါဘူး။ ပွင့်လင်းလာပြီဖြစ်တဲ့ တိုင်းပြည်ကို သူတို့ စစ်ဗိုလ်ချုပ်ကြီးတွေ ကိုယ်တိုင် ပြန်အုပ်ချုပ်မယ်လို့တော့ ကျနော် မထင်ဘူး” ဟု ၎င်းက ပြောသည်။

ဆက်လက်၍ သူက သတိပေးပြောသည်မှာ “သို့သော် ဒီမိုကရက်တွေက စစ်ခေါင်းဆောင်တွေကို ထောင့်ထဲ တွန်းမပို့ရင်တော့ အကောင်းဆုံးပဲ” ဟူ၍ ဖြစ်သည်။

အရပ်သားနှင့် စစ်သားတို့သည် မိမိတို့၏ ကိုယ်ပိုင်ကျွမ်းကျင်မှုများ ရှိကြကြောင်း၊ တိုင်းပြည်အကျိုးအတွက် အပြန်အလှန် လေးစား မှုရှိရှိ ညှိနှိုင်း ဆောင်ရွက်သွားသင့်ကြောင်း ၎င်းက အကြံပြုသည်။

လွှတ်တော်တွင်း၌ ရှိနေကြသည့် အရပ်သား အတိုက်အခံ နိုင်ငံရေးပါတီများက ကိုယ်စားလှယ်များ၊ အာဏာရ ကြံ့ခိုင်ရေး ပါတီ ကိုယ်စားလှယ်များ၊ စစ်တပ်ကိုယ်စားလှယ်များ အနေဖြင့် ထိတွေ့ဆက်ဆံရင်း နိုင်ငံရေးဆိုသည်မှာ အလျှော့အတင်းရှိပြီး ဒီမိုကရေ စီသဘောအရ သဘောတူသည် ရှိသကဲ့သို့ မတူသည်များ ရှိတတ်သည်ကို ညှိနှိုင်းဆောင်ရွက်ရသည့် ဓလေ့များ စစ်တပ်အတွင်း ကျယ်ကျယ်ပြန့်ပြန့် သိရှိနားလည်သွားပါက တဖက်နှင့် တဖက် ရှိနေသည့် သံသယ များ ပြေလျော့သွား နိုင်ကြောင်း သူက ရှင်း ပြသည်။

လတ်တလော အစိုးရ၀န်ကြီးများ အပြောင်းအလဲနှင့် ပတ်သက်၍ သမ္မတ ဦးသိန်းစိန်အနေဖြင့် ဖော်ဆောင်နေသည့် ပြုပြင်ပြောင်း လဲရေး အရှိန်ပိုရရေးအတွက် သူ့စိတ်ကြိုက် အဖွဲ့ (Team) ကို ဖန်တီးခြင်းဖြစ်ကြောင်း၊ ယခုပြောင်းလဲမှုသည် ဌာန ပြောင်းလဲ တာဝန်ပေးလိုက်ခြင်းသာဖြစ်ပြီး ပုဂ္ဂိုလ်ရေးသံယောဇဉ် ရှိသည့်အားလျှော်စွာ ဖြုတ်၊ ထုတ်၊ ရှင်း ဆိုသည့်နည်းကို မသုံးဘဲ မြန်မာ့ နည်းအတိုင်း အလယ်လမ်းကို ရွေးချယ် လုပ်ဆောင်ခြင်းသာဖြစ်ကြောင်း ဒေါက်တာ တင်မောင်မောင်သန်းက ပြောသည်။

“လူအများကတော့ ဒီလောက်နဲ့ မလုံလောက်ဘူးလို့ ပြောမှာပါ။ ဒါပေမယ့် ဒီလိုလူတွေက အမြဲရှိနေတာပဲလေ” ဟု သူက ဆို သည်။

The Elephant in the Room ခေါင်းစဉ်ဖြင့် ဆွေးနွေးပွဲသို့ မြန်မာ့အရေး စိတ်ဝင်စားသူများ၊ ပညာရှင်များ၊ ကျောင်းသား၊ ကျောင်းသူများ၊ မီဒီယာသမားများ တက်ရောက်ကြသည်။

Ref: ဧရာဝတီ

အစိုးရ ပြုပြင်ပြောင်းလဲမှုကို အကောင်းလက္ခဏာအဖြစ် ရှုမြင်

ရန်ပိုင်
August 29, 2012

သမ္မတ ဦးသိန်းစိန် အနေဖြင့် သက်တမ်း ၂ နှစ်ခန့်ရှိပြီဖြစ်သော အစိုးရအဖွဲ့အား ပြုပြင်ပြောင်းလဲမှုများ ပြုလုပ်လိုက်ခြင်းသည် အကောင်းဘက်သို့ ဦးတည်နေသည့် လက္ခဏာများဟု လေ့လာသူများက ရှုမြင်ကြသည်။

၈၈ မျိုးဆက် ကျောင်းသားခေါင်းဆောင် ဦးကိုကိုကြီးက “သမ္မတရုံး ၀န်ကြီး ၄ ဦး ထပ်တိုးတာကိုက ပြုပြင်ပြောင်းလဲရေးကို အားစိုက်လုပ်ဖို့ဆိုတာ သိသာပါတယ်၊ အကောင်းဘက်ကို ဦးတည်တယ်၊ ပြုပြင်ပြောင်းလဲရေးကို အကောင် အထည်ဖော်နေ တယ်ဆိုတာ ကတော့ မြင်နေ ရတယ်၊ စောင့်ကြည့် ရမယ်” ဟု ဆိုသည်။

နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက သမ္မတ ဦးသိန်းစိန်၏ ယခု ပြုပြင်ပြောင်းလဲမှုသည် ပြည်သူဆန္ဒကို အခြေခံ ကာ ဆောင်ရွက်ခြင်းဖြစ်ပြီး အစပထမဟု ပြောနိုင်ကြောင်း၊ မကြာမီတွင် ဆက်လက်ပြီး အရှိန်မြှင့်တင် ဆောင်ရွက်သွားမည်ဖြစ်ပြီး တိုင်းဒေသကြီးနှင့် ပြည်နယ်များတွင်လည်း ပြုပြင်ပြောင်းလဲရေးများ စတင်နေပြီ ဖြစ်ကြောင်း ဧရာဝတီသို့ ပြောသည်။

အစိုးရ သက်တမ်း ၂ နှစ်အတွင်း အားနည်းချက်၊ အားသာ ချက်များကို လေ့လာကာ ပြုပြင်ပြောင်းလဲ မှုများကို ဆောင်ရွက်ခြင်း ဖြစ်ကြောင်း၊ ပြုပြင်ပြောင်းလဲရေးနှင့် ပတ်သက်၍ ပြည်သူများ၏ အားမလို အားမရ ဖြစ်နေခြင်း၊ နိုင်ငံခြား ရင်းနှီးမြုပ်နှံမှုများ အလုံးအရင်းနှင့် ၀င်ရောက် မလာခြင်း၊ ပြည်တွင်းငြိမ်းချမ်းရေး မရရှိသေးခြင်းကိုလည်း သမ္မတ ဦးသိန်းစိန် အနေဖြင့် သိရှိထား ကြောင်း ဦးဇော်ဌေးက ဆိုသည်။

အမျိုးသား ဒီမိုကရေစီအဖွဲ့ချုပ် ခေါင်းဆောင်တဦးဖြစ်သည့် ဦးဝင်းတင်ကမူ “အစောကြီးကတည်းက လုပ်ရမှာ၊ အလာကောင်း ပေမယ့် အခါနှောင်းတယ်လို့တောင် ပြောလို့ရတယ်” ဟု ပြောသည်။

ဝန်ကြီးအများစုမှာ စစ်အစိုးရလက်ထက်ကတည်းက ပါဝင်ခဲ့သည့် သဘောထား တင်းမာသူများဖြစ်ပြီး ဒီမိုကရေစီ ပြုပြင်ပြောင်းလဲ ရေး လမ်းစဉ်နှင့် မကိုက်ညီကြောင်း၊ ပြန်ကြားရေးဝန်ကြီးဟောင်း ဦးကျော်ဆန်းဆိုလျှင် စာပေလွတ်လပ်ခွင့်နှင့် ပတ်သက်၍ ပိတ်ပင်ချုပ်ချယ်သူဟု နာမည်ကြီးပြီး သမ္မတ၊ လွှတ်တော်ဥက္ကဋ္ဌတို့၏ မိန့်ခွန်းများကိုပင် ဖြတ်တောက်စိစစ်မှု ပြုလုပ်ကြောင်း၊ အမှတ် (၁) လျှပ်စစ်စွမ်းအား ၀န်ကြီးဟောင်း ဦးဇော်မင်းဆိုလျှင်လည်း မြစ်ဆုံဆည် စီမံကိန်းနှင့် ပတ်သက်ပြီး ပြောဆိုမှုများ ပြုလုပ်စဉ်ကတည်းက ရာထူးမှ ဖယ်ရှားသင့်သူဖြစ်ကြောင်း ဦးဝင်းတင်က ဆက်လက်ပြောသည်။

ပြီးခဲ့သည့် တနင်္လာနေ့မှ စတင်ကာ ပြုလုပ်သည့် ၀န်ကြီးရာထူး အပြောင်းအရွှေ့တွင် ပြည်တွင်းငြိမ်းချမ်းရေး အကောင်အထည် ဖော်နေသူ မီးရထားဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း အပါအ၀င် ၀န်ကြီး ၉ ဦးကို ရာထူးအပြောင်းအရွှေ့ ပြုလုပ် ခဲ့ပြီး၊ အရပ်သားပညာရှင်ရှင်များနှင့် အမျိုးသမီးများ ပါဝင်သည့် ဒုဝန်ကြီး ၁၅ ဦးကိုလည်း ထပ်မံခန့်ခဲ့သည်။

ယမန်နေ့က ဆောက်လုပ်ရေးဝန်ကြီး ဦးခင်မောင်မြင့်နှင့် အမှတ် (၁) လျှပ်စစ်စွမ်းအားဝန်ကြီး ဦးဇော်မင်း၊ ပြည်ထောင်စု စာရင်းစစ်ချုပ် ဦးလွန်းမောင်တို့အား သမ္မတ ဦးသိန်းစိန်က ရာထူးမှ နှုတ်ထွက်ခွင့်ပြုခဲ့သည်။

ပြန်ကြားရေး ၀န်ကြီးအသစ်ဖြစ်သူ ဦးအောင်ကြည်မှာ သဘောထား ပျော့ပြောင်းသူတဦးဟု လူသိများသော်လည်း စာပေမူဝါဒများ အပေါ်တွင် မည်သို့သဘောထားမည်ကို မသိရသေးကြောင်း၊ စောင့်ကြည့်ရဦးမည် ဖြစ်ကြောင်း၊ လစ်လပ်သွားသည့် ၀န်ကြီးဌာန များ အားခန့်အပ်ရာတွင် သက်ဆိုင်ရာလုပ်ငန်းများနှင့် ပတ်သက်ပြီး ကျွမ်းကျင်နှံ့စပ်သူ၊ ဆုံးဖြတ်ချက် ပေးနိုင်သူများကိုသာ ခန့် အပ်သင့်ကြောင်း၊ အရပ်သားပညာရှင်များကို ခန့်အပ်ခြင်းသည် ကောင်းသော လက္ခဏာတခုဟု ပြောဆိုနိုင်ကြောင်း ၈၈ မျိုးဆက် ကျောင်းသားခေါင်းဆောင် ဦးကိုကိုကြီး ဆိုသည်။

အစိုးရသစ်အနေနှင့် ပြုပြင်ပြောင်းလဲမှုများ လုပ်ဆောင်ရာတွင် ရှေးရိုးစွဲ၊ ခေတ်နောက်ပြန်ဆွဲသည့် အမြင်ရှိသူများကို ချန်ထား ခဲ့မည်ဖြစ်ကြောင်း သမ္မတ ဦးသိန်းစိန်က ပြီးခဲ့သည့် မေလတွင်တကြိမ်၊ ယခုလလယ်တွင် တကြိမ် သတိပေး ပြောဆိုခဲ့သည်။

အစိုးရနှင့် နီးစပ်သူများ အဆိုအရ ယခု အပြောင်းအလဲမှာ အစသာဖြစ်ပြီး ၀န်ကြီးအပြောင်းအလဲများကို ဆက်လက် လုပ်ဆောင် ဦးမည် ဖြစ်ကြောင်း၊ လစ်လပ်နေသည့်ဝန်ကြီးများ ခန့်အပ်ရာတွင် အမျိုးသားဒီမိုကရေစီအဖွဲ့ချုပ် (NLD) မှ ကိုယ်စားလှယ်များပင် ပါဝင်နိုင်ကြောင်း သိရသည်။

Ref: ဧရာဝတီ

ကရင်ပြည်နယ် လူ့အခွင့်အရေး ချိုးဖောက်မှုများ ရှိနေဆဲ

သန်းထိုက်ဦး
August 29, 2012

အစိုးရက နိုင်ငံတိုးတက်ရေးအတွက် ပြုပြင်ပြောင်းလဲရေးများ ဆက်လက် လုပ်ဆောင်မည်ဟု ကတိပြုနေသော်လည်း ကရင် ပြည် နယ် အတွင်းရှိ မိသားစုများ၏ သုံးပုံ တပုံခန့်သည် လူ့အခွင့်အရေး ချိုးဖောက်မှု ခံနေရဆဲဖြစ်ကြောင်း နိုင်ငံတကာ လူ့အခွင့် အရေး အဖွဲ့ တဖွဲ့က ထုတ်ဖော် ပြောကြား လိုက်သည်။

အမေရိကန် အခြေစိုက် Physicians for Human Rights(PHR) အဖွဲ့က ယမန်နေ့က ထုတ်ပြန်သည့်“Bitter Wounds and Lost Dreams: Human Rights Under Assault in Karen State, Burma” အမည်ရှိ အစီရင်ခံစာတွင် ထိုသို့ ဖော်ပြထားသည်။

PHR အနေနှင့် စစ်တမ်းကောက်ယူသူ ၂၂ ဦးကို သင်တန်းပေးပြီး ၂၀၁၂ ခုနှစ် ဇန်န၀ါရီလအတွင်း ကရင်ပြည်နယ်၌ စစ်တမ်း ကောက်ယူ၍ ထုတ်ပြန်ထားသည့် စာမျက်နှာ ၈ မျက်နှာပါ ယင်း အစီရင်ခံစာတွင် ကျေးရွာပေါင်း ၈၈ ရွာ မှ မိသားစုဝင် ၆၆၅ ဦးကို မေးမြန်း၍ ဖော်ပြထားခြင်း ဖြစ်သည်။

ထို ၆၆၅ ဦးကို ကောက်ယူခဲ့သည့် စစ်တမ်းတွင် အဓမ္မလုပ်အားပေး ခိုင်းစေ ခံရခြင်း၊ ပေါ်တာ ထမ်းပေးရခြင်း၊ မြေမြှုပ်မိုင်းများ ရှင်း လင်းပေးရခြင်း စသည့် လူ့အခွင့်ရေးဆိုင်ရာ ချိုးဖောက်မှုများနှင့် ပတ်သက်ပြီး စံချိန် စံညွှန်း သတ်မှတ်ထားသော မေးခွန်း ၉၃ ခုကို မေးမြန်းထားခြင်း ဖြစ်ကြောင်း သိရသည်။

ယင်း အစီရင်ခံစာ၌ အစိုးရ စစ်တပ်၏ အဓမ္မ လုပ်အားပေး ခိုင်းစေမှုများ၊ ညှဉ်းပန်း နှိပ်စက်မှုများ၊ အဓမ္မပြုကျင့်မှုများနှင့် ပတ် သက် သည့် စစ်တမ်း ကောက်ယူမှုများလည်း ပါဝင်သည်။

အထူးသဖြင့် အစိုးရ စစ်တပ် ထိန်းချုပ်သည့် ဒေသများအတွင်း လူ့အခွင့်အရေး ဆိုင်ရာ ချိုးဖောက်မှုများသည် တိုင်းရင်းသား လက် နက်ကိုင် အဖွဲ့များနှင့် အစိုးရစစ်တပ် အကြား အခြေအနေတင်းမာနေသော နေရာများထက် ၈ ဆ နီးပါး ပိုများကြောင်း အစီရင်ခံစာ က ဆိုသည်။

အစိုးရအနေဖြင့် ကရင်တိုင်းရင်းသား လက်နက်ကိုင် အဖွဲ့များနှင့် အပစ်အခတ် ရပ်စဲရေး ဆွေးနွေးပြီး နိုင်ငံရေး ပြုပြင်ပြောင်းလဲ မှုများ လုပ်ပြနေသော်လည်း အစိုးရ စစ်တပ် ၏ လူ့အခွင့်အရေး ချိုးဖောက်မှုများက ကရင်ပြည်သူများကို ခြောက်လှန့်နေကြောင်း လည်း အစီရင်ခံစာတွင် ပါရှိသည်။

နှစ်ပေါင်း ၆၀ ကျော် တိုက်ခိုက်နေသော ကရင်အမျိုးသား အစည်းအရုံး(KNU)နှင့် အစိုးရ တို့ အပစ်အခတ် ရပ်စဲရေး၊ ငြိမ်းချမ်း ရေး လုပ်ငန်းစဉ်များ အတွက် တွေ့ဆုံဆွေးနွေးမှုများ ပြုလုပ်လျက်ရှိသည်။

လတ်တလောတွင် ကရင်ပြည်နယ် အနှံ့အပြားနှင့် နယ်စွန်နယ်ဖျားရှိ အစိုးရ စစ်အခြေစိုက် စခန်း ၂၀၀ ကျော်ရှိပြီး ခြေလျင် တပ်ရင်း ၃၈ ခုဖြင့် အခိုင်အမာ တပ်ချထားကြောင်း အစီရင်ခံစာတွင် ဖော်ပြထားသည်။

“တိုက်ပွဲများ ဖြစ်ပွားခြင်း မရှိသော်လည်း အရပ်သား ပြည်သူများသည် စစ်တပ်က ၎င်းတို့အား အတင်းအကျပ် ရိက္ခာ ထောက်ပံ့ ခိုင်းခြင်း၊ လုပ်အားပေး ခိုင်းစေခြင်းနှင့် သွားလာရေးတို့ကို ကန့်သတ်ချုပ်ချယ်ခြင်း စသည်ဖြင့် အမျိုးမျိုး ခံစားနေရသည်” ဟု လည်း အစီရင်ခံစာက ဆိုသည်။

PHR က အစီရင်ခံစာနှင့်ပတ်သက်ပြီး ထိုင်းနိုင်ငံ ဘန်ကောက်မြို့ရှိ နိုင်ငံခြား သတင်းထောက်များ အသင်း(FCCT) တွင် ယမန် နေ့ က သတင်းစာ ရှင်းလင်းပွဲပြုလုပ်ခဲ့ကြောင်း သိရသည်။

ယင်း သတင်းစာ ရှင်းလင်းပွဲတွင် ကရင် လူ့အခွင့်အရေး အဖွဲ့ (KHRG)မှ Khu Khu Ju က ကရင် ဒေသခံများ ၏ လူ့ အခွင့် အရေး ချိုးဖောက်ခံရမှုများနှင့် ပတ်သက်ပြီး တင်ပြခဲ့ကြောင်း ဧရာဝတီသို့ ပြောသည်။

အဓမ္မ လုပ်အားပေး ခိုင်းစေခံရခြင်း အပါအ၀င် အစိုးရ၏ ဖွံ့ဖြိုး တိုးတက်မှု နှင့် ပတ်သက်သည့် စီမံကိန်းများကြောင့် လူ့ အခွင့် အရေး ချိုးဖောက်ခံရမှုများလည်း ပါဝင်သည်ဟု ၎င်းက ဆိုသည်။

“အခုလက်ရှိ ငြိမ်းချမ်းရေး ဆွေးနွေးနေတယ်၊ ဆွေးနွေးနေတာက ရေရှည် ငြိမ်းချမ်းရေးကို အလွယ်တကူ ဖန်တီးပေးမှာ မဟုတ် ဘူး၊ ဒီငြိမ်းချမ်းရေးဟာလည်း လူ့အခွင့်အရေး ချိုးဖောက်မှု အခြေအနေ တိုးတက်လာအောင် အာမခံချက်ပေးနိုင်မှာ မဟုတ်ဘူး၊ အဲဒါတွေကြောင့် အခြေခံ စည်းမျဉ်းစည်းကမ်းတွေကို ဖြေရှင်းဖို့ လိုအပ်ပါတယ်”ဟု Khu Khu Ju က ဆက်ပြောသည်။

PHR အစီရင်ခံစာ၌ တနင်္သာရီတိုင်း ထားဝယ် ရေနက် ဆိပ်ကမ်းနှင့် စီးပွားရေးဇုန် တ၀ိုက်တွင်လည်း ဒေသခံများကို လုပ်အား ပေး ခိုင်းစေမှုများ၊ သွားလာရေး ကန့်သတ်မှု ပြုလုပ်ခြင်းများသည်လည်း တခြားသော လေ့လာဆန်းစစ်သည့် နေရာများထက် ၂ ဆမှ ၈ ဆ အထိ ပမာဏာ ပိုမိုမြင့်မားနေကြောင်း ပါရှိသည်။

ကမ္ဘာ့ အလုပ်သမား အဖွဲ့ချုပ်(ILO)အနေနှင့်လည်း လှုပ်ရှားမှုများကို မြန်မာနိုင်ငံတွင် ရန်ကုန်မြို့ထက် ကျော်လွန်၍ ကရင်ပြည် နယ် ကျေးလက်ဒေသများ အပါအ၀င် တိုင်းရင်းသား လူနည်းစုများထံသို့ပါမကျန် ရောက်ရှိစေရန်နှင့် အဓမ္မလုပ်အားပေး ခိုင်းစေ ခံရသူများ အနေနှင့် အစီရင်ခံစာ တင်ပြနိုင်ရန် ဆောင်ရွက်သင့်ကြောင်း PHR က တိုက်တွန်းထားသည်။

Ref: ဧရာဝတီ

Subscribe to: Posts (Atom)

အပေါ်သို့