ကြာသပတေး, 31 မေ 2012
မြန်မာနိုင်ငံတွင်း အလုပ်အကိုင်သစ်တွေကို ဖန်တီးပေးမယ့် ရင်းနှီးမြုပ်နှံမှုတွေကိုပဲ လိုလားတယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ဇွန်လ ၁ ရက် ကမ္ဘာ့ စီးပွားရေးဖိုရမ်မှ ပြောဆို သွားပါတယ်။ မြန်မာနိုင်ငံထဲ မညီမျှမှုတွေ အဂတိ လိုက်စားမှုတွေကို တိုက်ဖျက်သွားဖို့ လိုအပ်နေတာမို့၊ မညီမျှမှုတွေနဲ့ အဂတိ လိုက်စားမှုတွေ ပိုဖြစ်စေမယ့် ရင်းနှီးမြုပ်နှံမှုမျိုး ကိုတော့ မလိုလားဘူးလို့ ဒေါ်အောင်ဆန်းစုကြည်က ပြောပါတယ်။
မြန်မာနိုင်ငံတွင်း အထူးသဖြင့် လူငယ်တွေအကြား အလုပ်လက်မဲ့နှုန်းမြင့်မားနေပြီး၊ ဒါဟာ အချိန်မရွေး ပေါက်ကွဲနိုင်တဲ့ အခြေအနေ တရပ်ဖြစ်တယ်လို့ ဒေါ်အောင်ဆန်းစုကြည်က ပြောပါတယ်။ ဒါကြောင့်လည်း မြန်မာနိုင်ငံ တွင်းမှာ အဆင့်မြင့် ပညာရေးထက်ကို အခြေခံ ပညာရေးနဲ့ သက်မွေးဝမ်းကျောင်း ပညာရပ်တွေ အခြေခံ ကျွမ်းကျင်မှုတွေ လိုအပ်နေတယ်လို့ ပြောပါတယ်။ ဒီအတွက် ရင်းနှီးမြုပ်နှံသူတွေ အနေနဲ့ မိမိတို့ အကျိုးအမြတ် တခုတည်းကို မကြည့်ဖို့ ဒေါ်အောင်ဆန်းစုကြည်က တိုက်တွန်းတာပါ။ မြန်မာ လူငယ်တွေ အလုပ်အကိုင်တွေ ရရှိစေဖို့နဲ့ အခြေခံ ကျွမ်းကျင်မှုတွေ ရရှိစေမယ့် ရင်းနှီးမြုပ်နှံမှုကို လိုလားတယ်လို့ ဒေါ်အောင်ဆန်းစုကြည်က ပြောသွားတာပါ။
အခု စီးပွားရေးဖော်ရမ်မှ ပြောတဲ့ မိန့်ခွန်းဟာ ဒေါ်အောင်ဆန်းစုကြည် အနေနဲ့ ၂၄ နှစ်အတွင်း နိုင်ငံပြည်ပမှာ ပထမဆုံး အကြိမ် နိုင်ငံတကာ ပရိသတ်ကို ပြောဆိုခြင်းဖြစ်ပါတယ်။ နှစ်ရက်ကြာပြုလုပ်တဲ့ အရှေ့ အာရှဆိုင်ရာ ကမ္ဘာ့ စီးပွားရေးဖော်ရမ်ကို တတ်ရောက်ဖို့ ဒေါ်အောင်ဆန်းစုကြည်ဟာ ၂၄နှစ် အတွင်း ပထမဆုံး အကြိမ် ပြည်ပ ခရီးစဉ်အဖြစ် ထိုင်းနိုင်ငံကို ရောက်ရှိနေတာဖြစ်ပါတယ်။
ထိုင်းနိုင်ငံကို ရောက်ရှိစဉ်အတွင်း ဘန်ကောက်အနီး မြန်မာ အလုပ်သမားတွေ အများစုရှိတဲ့ မဟာချိုင် အရပ်ကို နှစ်ကြိမ် သွားရောက်ခဲ့ပါတယ်။ ထိုင်း ဒုဝန်ကြီးချုပ်နဲ့ တွေ့ဆုံပြီး၊ ထိုင်းနိုင်ငံရောက် မြန်မာ အလုပ်သမားတွေရဲ့ အရေး ကိစ္စကိုလည်း ဆွေးနွေးခဲ့ပါတယ်။
မနက်ဖြန်မှတော့ ဒေါ်အောင်ဆန်းစုကြည်ဟာ ထိုင်းမြန်မာနယ်စပ်က မြန်မာတိုင်းရင်းသား ဒုက္ခသည်တွေ ရှိတဲ့ မယ်လ ဒုက္ခသည်စခန်းကို သွားရောက်ဖို့လည်း စီစဉ်ထားပါတယ်။
Ref: VOA News
Read More...
Collapse...
နန်းဆိုင်နွမ်
May 31, 2012
ရှမ်းပြည်နယ်မြောက်ပိုင်း လားရှိုး – မူဆယ် ကားလမ်းမကြီးကို မေ ၂၈ ရက်နေ့တွင် အသုံး မပြုကြရန် မူဆယ်မြို့နယ် အတွင်းရှိ် ကားဂိတ် အသီးသီးနှင့် လူသွားများသော နေရာများ၌ စာကပ် ထားခဲ့ပြီးနောက် ယနေ့အထိ တိုက်ပွဲများ ဖြစ်ပွားနေကြောင်း သိရသည်။
ရှမ်းပြည်မြောက်ပိုင်း ကွတ်ခိုင်မြို့ အနီး၌ မေ ၂၈ ရက်နေ့ နေ့လယ် ၁ နာရီဝန်းကျင်က တိုက်ပွဲ ဖြစ်ပွားကာ ထိခိုက်မှုများ ရှိခဲ့ကြောင်း၊ လားရှိုး – မူဆယ် ခရီးသည်များနှင့် ဒေသခံများအား ထိတ်လန့်မှုဖြစ်စေခဲ့ကြောင်း၊ ယင်းနေရာသည် ခရီးသွားကားများ ဖြတ်သန်းရာနေရာ ဖြစ်သဖြင့် ပြည်သူများ၏ စီးပွားရေးကိုလည်း ထိခိုက်နေကြောင်း ကွတ်ခိုင် ဒေသခံတဦးက ဆိုသည်။
“အဲဒီနေ့က စစ်ပွဲဖြစ်တာ လူသေမှုတွေတော့ရှိတယ်။ ခရီးသွားပြည်သူတွေ၊ ဒေသခံတွေပါလား မပါလားတော့ သေချာ မသိရသေးဘူး၊ ဒါပေမယ့် တိုက်ပွဲက နေ့တိုင်းလိုလို ဖြစ်နေတယ်။ အချိန်မရွေးဘူး” ဟု အဆိုပါ ပုဂ္ဂိုလ်ကဆိုသည်။
ယခုလအတွင်း ကချင်လွတ်လပ်ရေး တပ်မတော် (KIA) နှင့် မြန်မာအစိုးရ တပ်တို့အကြား စစ်ရေး ပဋိပက္ခ အရှိန် ပိုမြင့်လာသည်နှင့် အမျှ ရှမ်းပြည်နယ် မြောက်ပိုင်းဒေသခံများ မိမိအသက်အိုးအိမ် လုံခြုံရေးအတွက် တနေ့ထက်တနေ့ ပိုစိုးရိမ် နေရကြောင်း ကွတ်ခိုင်မြို့ ဒေသခံများက ပြောသည်။
မြန်မာအစိုးရ တပ်မတော်နှင့် ကချင်လွတ်လပ်ရေး တပ်မတော်တို့်၏ ပြင်းထန်လာသော တိုက်ပွဲများကြောင့် ရှမ်းပြည် မြောက်ပိုင်း မူဆယ်၊ နမ့်ခမ်း၊ မန်တုံ၊ ကွတ်ခိုင်၊ နမ္မတူ၊ သိန္နီ အပြင် လားရှိုး၊ သီပေါ နှင့် ကျောက်မဲ မြို့နယ်များအထိ ဂယက်ရိုက်လာသဖြင့် ခရီးသွားများ၊ ကုန်စည်စီးဆင်းမှုများ၊ ဒေသခံများ၏ အသက် အိုးအိမ်လုံခြုံမှုများ ထိပါးလာသည်ဟု မူဆယ်မြို့နယ်တွင် နေထိုင်သည့် ရှမ်းတိုင်းရင်းသား တဦးက ဆိုသည်။
ထိုကားလမ်းကို လက်ရှိအခြေအနေအထိ ဆက်လက်အသုံးပြုနေကြဆဲ ဖြစ်သော်လည်း မူဆယ်မှ လားရှိုးသို့ သွားသည့် ကုန်တင်ကားသေးများ၊ ခရီးသည်တင် ကားများမှာ အလွန်ပင်နည်းပါး သွားသည်ဟု သိရသည်။
“မေ ၂၈ ရက်နေ့ က နမ့်ခမ်း၊ မူဆယ်ဘက်ကနေ့ စစ်ကားတွေ မနက် ၁၀ နာရီကတည်းက အစီး ၃၀ လောက် ကွတ်ခိုင် ဘက်ကို ဆင်းသွားတယ်။ သူတို့က တပြိုင်နက်တည်း အစီး ၃၀ ဆင်းတာ မဟုတ်ဘူး၊ နည်းနည်းချင်းစီ ဆင်းတယ်။
ထိခိုက်ဒဏ်ရာရတာကတော့ စုံစမ်းရသလောက် မူဆယ် – လားရှိုးလိုင်းကားတွေ ဘာမှမဖြစ်ဘူး။ စစ်ကားတွေကို အဓိက ပစ်တာပဲ နေမှာပါ” ဟု မူဆယ်ဒေသခံ တဦးက ပြောသည်။
မေလ ၁၉ ရက်နေ့ညက မန္တလေးမှ မူဆယ်သို့ တက်လာသည့် ကုန်တင်ကား ၂ စီးကို ဆတ်ကြေးတောင်း၍ ဗုံးခွဲဖျက်ဆီးမှု ဖြစ်ပေါ်ခဲ့ကြောင်း၊ ယင်းဖြစ်ရပ်သည် ကချင် လွတ်လပ်ရေး တပ်မတော် (KIA) ၏ လက်ချက် ဖြစ်ကြောင်း မေ ၂၂ ထုတ် နိုင်ငံပိုင် မြန်မာ့အလင်း သတင်းစာတွင် ဖော်ပြထားသည်။
အဆိုပါ ကားကြီး ၂ စီးသည် လက်နက်ငယ် ကျည်ခံများ ထိမှန်ခဲ့မှုကြောင့် ပျက်စီးမှု အနည်းငယ်ရှိခဲ့သော်လည်း ကားသမား များ ထိခိုက်ဒဏ်ရာရမှု မရှိကြောင်း၊ ထိုနေရာတွင် မပေါက်ကွဲသေးသည့် သံကိုယ်ထည် လက်ပစ်ဗုံးတလုံးကို ရှာဖွေ တွေ့ရှိခဲ့ကြောင်း၊ မေ ၂၀ ရက်နေ့ နံနက်မှ စတင်၍ ယာဉ်များ ပုံမှန်အတိုင်း သွားလာနေပြီဖြစ်ကြောင်း သတင်းစာက
ဆိုထားသည်။
တိုက်ပွဲများကြောင့် မူဆယ် – လားရှိုးလမ်း အပါအဝင် ကချင်ပြည်နယ်အတွင်း ဖြတ်သန်းသော လမ်းတချို့ကို KIA လက်အောက်ခံ နယ်မြေခံ တပ်ရင်းတချို့က ရှေ့တန်းစစ်မြေပြင် တပ်မှူးများ၏ တင်ပြချက်များကြောင့် လုံခြုံရေး အကြောင်းပြကာ ယာယီပိတ်ထားလိုက်ပြီဖြစ်ကြောင်း သိရသည်။
ကချင်ပြည်နယ်နှင့် ရှမ်းပြည်နယ် မြောက်ပိုင်းတွင် မြန်မာအစိုးရနှင့် KIA တို့ တရက်လျှင် တိုက်ပွဲ ဖြစ်ပွားမှု ၅ နေရာခန့် နေ့စဉ် ရက်ဆက် ပုံမှန်ရှိကြောင်း၊ အဆိုပါ တိုက်ပွဲများကြောင့် နှစ်ဘက် ထိခိုက်သေဆုံးမှု များလည်းရှိကြောင်း ဗိုလ်မှူးချုပ် ဂွမ်မော်က
ပြောသည်။
ကချင်ဒေသ ငြိမ်းချမ်းရေး ပြန်လည်တည်ဆောက်ရန် အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ မီးရထားဝန်ကြီး ဦးအောင်မင်းနှင့် ကချင်ပြည် လွတ်လပ်ရေးအဖွဲ့ (KIO) ခေါင်းဆောင်များ ယခုလ ၂၁ ရက်နေ့က ထိုင်းနိုင်ငံ ချင်းရိုင်တွင် တွေ့ဆုံခဲ့ကြသည်။
မေလ ၃ ရက်နေ့က ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီနှင့် လုပ်ငန်းဖော်ဆောင်ရေး ကော်မတီ နှစ်ရပ်ကို အစိုးရက အသစ်ပြန်လည် ဖွဲ့စည်းခဲ့ပြီး နောက်ပိုင်း ဦးအောင်မင်းအနေနှင့် KIO ခေါင်းဆောင်များ ပထမအကြိမ် တွေ့ဆုံ ခဲ့ခြင်းလည်း ဖြစ်သည်။
ရွှေလီမြို့ တွေ့ဆုံဆွေးနွေးမှုတွင်လည်း KIO ဘက်က တောင်းဆိုထားသည့် ထိုးစစ်ဆင်နေသော တပ်များကို ရုပ်သိမ်းပေးရန် နှင့် နှစ်ဘက် သဘောတူ လက်မှတ်ရေးထိုးရာတွင် အခိုင်အမာဖြစ်စေရန် နိုင်ငံတကာ စောင့်ကြပ်မှုအောက်၌ သက်သေထူ လက်မှတ် ရေးထိုးကြရန် တောင်းဆိုမှုကို အစိုးရဘက်က လိုက်လျောမှုမပြုနိုင်သောကြောင့် ငြိမ်းချမ်းရေး အလှမ်းကွာနေခြင်း ဖြစ်ကြောင်း ကချင်ငြိမ်းချမ်းရေး အကျိုးဆောင်အဖွဲ့(PCG) နှင့် KIO တို့က ပြောဆိုကြသည်။
Ref: ဧရာဝတီ
Read More...
Collapse...
2012-05-31
ပြည်မြို့က လျှပ်စစ်မီးရရှိရေး ဆန္ဒပြရာမှာ ပါဝင်ခဲ့သူ တချို့ကို အကြမ်းဖက် ရိုက်နှက်ခဲ့တဲ့ ရဲနဲ့ မြို့နယ် တာဝန် ရှိသူတွေကို အရိုက်ခံရ သူတွေက ဒီကနေ့ တရားစွဲဆို လိုက်ပါတယ်။
အရိုက်အနှက်ခံခဲ့ရသူ ၄ ဦးက ဒီကနေ့ ပြည်မြို့နယ် တရားရုံးမှာ သွားရောက် ဦးတိုက်လျှောက်ထားပြီး အမှုကို တင်သွင်းခဲ့ပါတယ်။
အမှုကို မနက်ဖြန်မနက် ၁၀ နာရီမှာ လာရောက်တင်သွင်းဖို့ တရားသူကြီး ဦးမြင့်ဆွေက ပြန်လည် ချိန်းဆို လိုက်တယ်လို့ တရားစွဲဆိုရာမှာ ပါဝင်တဲ့ ကိုဇော်ထွန်းက အခုလိုပြောပြပါတယ်။
“တရားစွဲရတာ ခရိုင်ရဲမှူး ဦးသောင်းဝင်း၊ နောက်မြို့နယ်အုပ်ချုပ်ရေးမှူး ကိုအောင်ကျော်ထက်၊ နောက်နယ်ထိန်း အင်ချပ် ဇော်မင်းနိုင် အဓိက ကတော့ သူတို့သုံးယောက်ပေါ့။ တရားရုံးတင်တဲ့ အခါကျတော့ တရားရုံးက ၂ နာရီမှ လက်ခံတယ်ဆိုပြီးတော့ ပြောတယ်။ နှစ်နာရီခွဲ လို့သူတို့ လက်မခံဘူးပေါ့။ အဲဒီသဘောပါ။ တရားသူကြီး ဦးမြင့်ဆွေကပြောတာ။ မနက်ဖြန် ပြန်ချိန်းတယ် ၁၀ နာရီပေါ့။ ဦးတိုက်လျှောက်မှာ လေးယောက်ပေါ့။ ကျွန်တော် အပါအဝင်ပေါ့”
တရားရုံးကို နေ့လည် ၂ နာရီကျော်မှ ရောက်ရှိတဲ့အတွက် အခုလို ပြန်လည်ချိန်းဆိုတာ ဖြစ်တယ်လို့ ကိုဇော်ထွန်းက ပြောပါတယ်။
ပြီးခဲ့တဲ့ မေလ ၂၄ ရက်နေ့က လျှပ်စစ်မီး ရရှိရေး အတွက် ဆန္ဒပြသူတွေကို လမ်းမတော် လမ်းနဲ့ ထွန်းသီရီ လမ်းထောင့် အနီးမှာ မြို့နယ်အုပ်ချုပ်ရေး တာဝန်ရှိသူတွေနဲ့ ရဲ တပ်ဖွဲ့ဝင်တွေက တားဆီးခဲ့ပြီး ဆန္ဒပြသူတွေကို ရိုက်နှက် ဖမ်းဆီးတာတွေ ပြုလုပ်ခဲ့ပါတယ်။
Ref: RFA News
Read More...
Collapse...
ကွန်းချမ်း
ကြာသပတေးနေ့၊ မေလ ၃၁ ရက် ၂၀၁၂
စံခလပူရီ (မဇ္ဈိမ) ။ ။ မွန်စာပေနှင့် ယဉ်ကျေးမှု ကော်မတီ (ဗဟို) သို့ လွှဲပြောင်းပေးလိုက်သည့် မွန်အမျိုးသား ကျောင်းများ အတွက် ဘဏ္ဍာရေး အခက်အခဲနှင့် ကြုံနေရကြောင်း မွန်အမျိုးသား ပညာရေး အကျိုးဆောင် အဖွဲ့က ပြောသည်။
ကျောင်းအသုံးစရိတ်နှင့် ဆရာ/ဆရာမ ထောက်ပံ့ကြေးအတွက် အချို့အဝက်ကို မွန်ပြည်သစ် ပါတီ လက်အောက်ရှိ မွန်အမျိုးသား ပညာရေးဌာနက ထောက်ပံ့ပေးသော်လည်း မလုံလောက်သဖြင့် ပြည်သူကြား စည်းရုံးရေး ဆင်းကာ ရန်ပုံငွေ ရှာဖွေရန် ကြိုးပမ်းခဲ့သော်လည်း အားရဖွယ် မရှိကြောင်း မွန်အမျိုးသား ပညာရေး အကျိုးဆောင်အဖွဲ့ ဒုခေါင်းဆောင် နိုင်ခိုစိုက် က ပြောသည်။
“ဒီလဆန်းမှာ ကျနော်တို့ မုဒုံနယ်ဘက်မှာ စည်းရုံးရေး စဆင်းတယ်။ အလှူခံတာတော့ မဟုတ်သေးဘူး။ အမျိုးသား ကျောင်းအတွက် အခက်အခဲ အများကြီး ရှိတဲ့အကြောင်း ကျနော်တို့ ရှင်းပြတယ်။ ဒါပေမယ့် သူတို့ဘက်က အထောက်အပံ့ ပေးဖို့ အလားအလာ သိပ်မတွေ့ရဘူး” ဟု မဇ္ဈိမကို ပြောသည်။
ဧပြီလ ၁ ရက်နေ့တွင် မော်လမြိုင်မြို့ရှိ မွန်ပြည်သစ်ပါတီ ဆက်ဆံရေးရုံး၌ မွန်အမျိုးသား ပညာရေးဌာနက မွန်ပြည်နယ် သံဖြူဇရပ်၊ မုဒုံ၊ ကျိုက်မရောမြို့နယ်နှင့် ကရင်ပြည်နယ် ကော့ကရိတ်၊ ဘားအံမြို့နယ်ရှိ မွန်အမျိုးသားကျောင်းများ အပြင် အစိုးရကျောင်းနှင့် တွဲဖက် သင်ကြားသည့်ကျောင်း စုစုပေါင်း ၁၄၅ ကျောင်းကို မွန်စာပေနှင့် ယဉ်ကျေးမှု ကော်မတီ (ဗဟို) သို့ လွှဲပြောင်းပေးခဲ့သည်။ အဆိုပါကျောင်းများတွင် ဆရာ ဆရာမ သုံးရာကျော် ရှိကြောင်း သိရသည်။
ယခင်နှစ်များတွင် ဆရာ ဆရာမ တဦးလျှင် တလ နှစ်သောင်းကျပ်သာ ထောက်ပံ့ပေးနိုင်ပြီး ဆရာ ဆရာမများ တည်မြဲနိုင်ရန် အတွက် အချို့ရွာများတွင် ကျောင်းသားမိဘများနှင့် ရဟန်းသံဃာတော်များက ပံ့ပိုးပေးနေရသည်။
“ကျမတို့ ဆရာ ဆရာမတွေဟာ လခကို အားကိုးပြီး စာသင်မယ်ဆိုရင်တော့ ဘယ်လိုမှ မသင်နိုင်ဘူး၊ အမျိုးသားရေး အသိစိတ်နဲ့ အပင်ပန်းခံပြီး သင်နေတာ” ဟု သံဖြူဇရပ်မြို့နယ် ဝါရက်ရွာမှ ကျောင်းဆရာမ မိဟံသာ က ပြောသည်။
မေလ ၃ဝ ရက်နေ့က ပါတီတည်ထောင်ခွင့် ရခဲ့သည့် မွန်ဒီမိုကရေစီပါတီ တွဲဖက် အတွင်းရေးမှူးလည်း ဖြစ်၊ မွန်စာပေ နှင့် ယဉ်ကျေးမှူ ကော်မတီ (ဗဟို) ဥက္ကဋ္ဌလည်း ဖြစ်သည့် ဒေါက်တာ မင်းကြည်ဝင်းက မွန်အမျိုးသား ပညာရေး ရေရှည် တည်တံ့နိုင်ရန်အတွက် အစိုးရကျောင်းတွင် မွန်စာပေ သင်ကြားခွင့် ရရန် အရေးကြီးကြောင်း ပြောသည်။
“အစိုးရကျောင်းမှာ မွန်စာ သင်ခွင့်ရမယ်ဆိုရင် ကျောင်းအသုံးစရိတ်၊ ဆရာ ဆရာမ ထောက်ပံ့ကြေးတွေအတွက် အခက်အခဲ မရှိတော့ဘူးဆိုတော့ ရေရှည်သွားနိုင်မယ်” ဟု ပြောသည်။
မွန်ပြည်သစ်ပါတီက မွန်အမျိုးသား ပညာရေးဌာနကို ၁၉၇၂ ခုနှစ်မှ စတင်ဖွဲ့စည်းခဲ့ပြီး အတန်းပညာရေးစနစ်ဖြင့် မွန်စာပေကို သင်ကြားခဲ့ကာ ၁၉၈၄-၈၅ ခုနှစ်ခန့်တွင် ဗဟိုပညာရေး အဖွဲ့ငယ်ကို ဖွဲ့စည်းခဲ့သည်။
၂၀၁၀ ခုနှစ် မွန်အမျိုးသား ပညာရေးဌာနမှ ထုတ်ပြန်သော စာရင်းအရ မွန်အမျိုးသားကျောင်း ၁၅၆ ကျောင်းနှင့် အစိုးရကျောင်းနှင့် တွဲဖက် သင်ကြားသည့် မွန်စာပေသင်ကျောင်း ၁၁၆ ကျောင်းတွင် ကျောင်းသားဦးရေ သုံးသောင်းခွဲ ခန့် ပညာသင်ကြားလျက် ရှိကြောင်း သိရသည်။
Ref: မဇ္ဈိမ
Read More...
Collapse...
2012-05-31
ကမ္ဘာတ၀ှမ်း အဓမ္မ ခိုင်းစေခံနေရသူ ဦးရေ (၂၁) သန်းနီးပါး ရှိတယ်လို့ ကုလသမဂ္ဂ ကမ္ဘာ့ အလုပ်သမား အဖွဲ့ချုပ် ILO က ဒီကနေ့ ကြေညာချက် ထုတ်ပြန် လိုက်ပါတယ်။
လေ့လာချက်တွေအရ တစ်ကမ္ဘာလုံးမှာ အဓမ္မ အလုပ်လုပ် ခိုင်းခံနေသူပေါင်း သန်း (၂၀) နဲ့ (၉) သိန်း ရှိနေပြီး၊ သူတို့ဟာ အတင်းအဓမ္မ ခြိမ်းခြောက်ခံရတာ၊ လိမ်လည် လှည့်ဖျား ခံရတာတွေအောက်က မလွတ်မြောက်နိုင်ဘဲ ဆက်လက် လုပ်ကိုင် နေကြရတယ်လို့ ဆိုပါတယ်။
ဒီအရေအတွက်ဟာ တစ်ကမ္ဘာလုံးက လူတစ်ထောင်မှာ (၃) ယောက်နှုန်း အဓမ္မ ခိုင်းစေခံနေရတယ် ဆိုတဲ့ အဓိပ္ပာယ် ဖြစ်ပါတယ်။ အဲဒီ (၂၁) သန်းနီးပါးရဲ့ (၁၉) သန်းနီးပါးက ပုဂ္ဂလိက လုပ်ငန်းတွေမှာ လုပ်ကိုင်နေရတာပါ။
အဲဒီထဲက ( ၄) သန်းခွဲက လိင်လုပ်ငန်းမှာ လုပ်ကိုင်နေကြရပြီး၊ (၁၄) သန်းကျော်က စိုက်ပျိုးရေး၊ ဆောက်လုပ်ရေး၊ အိမ်ဖော်လုပ်ငန်းနဲ့ စက်ရုံတွေမှာ ဖြစ်ပါတယ်။
အကျဉ်းထောင်လိုမျိုး အစိုးရနဲ့ ပတ်သက်တဲ့ နေရာတွေမှာ အဓမ္မ ခိုင်းစေခံနေရသူပေါင်းက (၂) သန်းကျော် ရှိတယ်လို့ ဆိုပါတယ်။ တချို့နေရာတွေမှာ အစိုးရစစ်တပ် သို့မဟုတ် လက်နက်ကိုင်သူပုန်တွေရဲ့ အဓမ္မ ခိုင်းစေခံနေရသူတွေလည်း ပါဝင်ပါတယ်။
(၂၁) သန်းနီးပါးထဲက (၅) သန်းခွဲဟာ အသက် (၁၈) နှစ်အောက်လူငယ်တွေ ဖြစ်တယ်လို့ ဆိုပါတယ်။ ILO စာရင်းအရ အဓမ္မ ခိုင်းစေခံနေရသူ အများဆုံးက အာရှ ပစိဖိတ်ဒေသတွင်း နိုင်ငံတွေဖြစ်ပြီး (၅၆) ရာနှုန်း ရှိပါတယ်။ အာဖရိကတိုက်က ဒုတိယ၊ လက်တင်အမေရိက က တတိယနေရာတွေမှာ အသီးသီး ရှိကြပါတယ်။
Ref: RFA News
Read More...
Collapse...
ကိုကျော်ကျော်သိန်း
ကြာသပတေး, 31 မေ 2012
ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေရဲ့ သားသမီးတွေ ထိုင်းနိုင်ငံက ကျောင်းတွေမှာ ပညာ သင်ကြား နိုင်ကြတော့မှာ ဖြစ်သလို အလုပ်သမားတွေရဲ့ အခွင့်အရေးတွေ ချိုးဖောက် ခံနေရတာတွေကိုလည်း အတတ်နိုင်ဆုံး ကာကွယ် စောင့်ရှောက် သွားပါမယ်လို့ ထိုင်းအစိုးအဖွဲ့၊ ဒုတိယ ၀န်ကြီးချုပ် တဦးဖြစ်သူ ချာလမ်မ် ယူဘမ်ရုန်းန် (Chalerm Yubamrung) က ဒေါ်အောင်ဆန်းစုကြည်ကို ကတိပြု ပြောဆိုခဲ့ပါတယ်။ ဒေါ်အောင်ဆန်းစုကြည်နဲ့ ထိုင်း ဒုတိယ ၀န်ကြီးချုပ်တို့ ထိုင်းအစိုးရ အဖွဲ့ ရုံးမှာ ဒီကနေ့ နေ့လည်ပိုင်း တွေ့ဆုံ ဆွေးနွေးကြချိန် အတွင်း အဲဒီလို ကတိပေးခဲ့တာပါ။ ညနေပိုင်း မှာတော့ ဒေါ်အောင်ဆန်းစုကြည်ဟာ မဟာချိုင်မြို့ဆီ ဒုတိယ အကြိမ်မြောက် ထပ်သွားခဲ့ ပါသေးတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ ထားပါတယ်။
ထိုင်းနိုင်ငံမှာရောက်နေတဲ့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ ထိုင်းအစိုးရ အဖွဲ့၊ ဒုတိယ၀န်ကြီးချုပ် ချာလမ်မ် ယူဘမ်ရုန်းန်နဲ့ တွေ့ဆုံပြီး မြန်မာ ရွှေ့ပြောင်း အလုပ်သမား အရေးနဲ့ ဒုက္ခသည် အရေးတွေကို ဆွေးနွေးခဲ့တာပါ။ ရွှေ့ပြောင်း အလုပ် သမားတွေရဲ့ ကလေးငယ်တွေ ပညာ သင်ကြားနိုင်ရေးနဲ့ သူတို့ရဲ့ အခွင့်အရေး တွေကို အတတ်နိုင်ဆုံး အကာအကွယ် ပေးပါမယ်လို့ မစ္စတာချာလမ်က ဒေါ်အောင်ဆန်းစုကြည်ကို ကတိပြု ပြောဆိုခဲ့ပါတယ်။
"ထိုင်းနိုင်ငံမှာ မွေးထားတဲ့ ရွှေ့ပြောင်း အလုပ်သမားများရဲ့ သားသမီးများ၊ သက်ဆိုင်ရာ နယ်မြေ အသီးသီးမှာ လွယ်လင့်တကူ ပညာ သင်ကြားနိုင်ရေးကိုလည်း ခွင့်ပြုမယ်လို့ ပြောလိုက်သလို၊ ကျနော်တို့ လုပ်သားများ လူ့အခွင့်အရေး၊ အလုပ်သမား အခွင့်အရေး ချိုးဖောက် ခံနေရတာတွေ ကိုလည်း တတ်နိုင်ဆုံး ကာကွယ် စောင့်ရှောက်သွားမယ်လို့ ကတိပေးပါတယ်။ သူကိုယ်တိုင် ဒီကနေ့ ဒုဝန်ကြီးချုပ် ချာလမ်နဲ့ တွေ့ဆုံပြီး မနေ့က ကျနော်တို့ တင်ပြလိုက်တဲ့ဟာကို ချက်ချင်း သွားဆွေးနွေးတယ်။ ဆွေးပြီး ရတဲ့ ရလဒ်ကို သူပြောတာပါ။"
မဟာချိုင်မြို့ အခြေစိုက်၊ ရွှေ့ပြောင်းအလုပ်သမား အခွင့်အရေး ကွန်ယက်ရဲ့ ဥက္ကဋ္ဌ ဦးအောင်ကျော်က ဒေါ်အောင်ဆန်းစုကြည် ကိုယ်တိုင် သူတို့ကို ပြောပြတာကို ဗွီအိုအေကို ပြန်ပြောပြ ခဲ့တာပါ။ ဒေါ်အောင်ဆန်းစုကြည်ဟာ ထိုင်း ဒုတိယ ၀န်ကြီးချုပ်နဲ့ တွေ့ဆုံ ဆွေးနွေး ပြီးတဲ့နောက် မေလ ၃၀ ရက်နေ့ကပဲ သွားရောက်ခဲ့တဲ့ မဟာချိုင်မြို့ဆီ နောက်တခေါက် ထပ်သွားခဲ့တာ ဖြစ်ပါတယ်။ အဲဒီက နိုင်ငံသားစိစစ်ရေးရုံးမှာ ထိုင်း၊ မြန်မာ တာဝန် ရှိသူတွေနဲ့ တွေ့ဆုံ ဆွေးနွေး ပြီးတဲ့နောက် အလုပ်သမားတွေကို ခနတာ စကား ပြောခဲ့ပါသေးတယ်။
"ဒါပေမယ့်လည်း ကျမက ကတိတွေ ပေးပြီးတော့၊ မလုပ်နိုင်တဲ့ ကတိတွေ ပေးပြီးတော့ ကျမတို့ ပြည်သူတွေကို မလှည့်ဖျားချင်ပါဘူး။ အဲဒါကြောင့်မို့လို့ ပြန်ချင်တယ်၊ အိမ်ပြန်ချင်တယ်လို့ ပြောတဲ့သူတိုင်းကို ကျမ ပြောပါရစေ၊ ကျမတို့ ပြည်သူတွေရဲ့အိမ်ဟာ ဘယ်တော့မှ ပြောင်းရွှေ့သွားမှာ မဟုတ်ပါဘူး။ အဲဒီအိမ်ဟာ ကျမတို့ ပြည်သူတွေ နေထိုက်တဲ့အိမ် ဖြစ်အောင်လို့ အမြန်ဆုံး ကြိုးစားပါ့မယ်လို့ ကျမ ပြောချင်တယ်. . . . . (လက်ခုပ်သံများ)။"
မဟာချိုင်မြို့က ရွှေ့ပြောင်း အလုပ်သမားတွေ အတွက် ဒေါ်အောင်ဆန်းစုကြည်ရဲ့ ဆုတောင်း အမှာစကားပါ။
နိုင်ငံသား စိစစ်ရေးရုံးဆီ ဒေါ်အောင်ဆန်းစုကြည် ကိုယ်တိုင် လာရောက်သွားတဲ့အတွက် သူတို့ ရင်ဆိုင်နေရတဲ့ အခက်အခဲတွေ မကြာခင်မှာ ပြေလည်သွားမယ်လို့ ဦးအောင်ကျော်က မျှော်လင့်ထားပါတယ်။
"ဒီရုံးကို အဓိကလာတဲ့ ရည်ရွယ်ချက်က ကျနော်တို့ လုပ်သား ပြည်သူများ မနေ့က တင်ပြလိုက်တဲ့ အထဲမှာ ဒီ ပါ့စ်ပို့ (Passport) ပြုလုပ်ရေး ကိစ္စဟာ လွယ်လင့်တကူ ဖြစ်နိုင်ပါလျက်နဲ့ မလွယ်ကူပဲ အင်မတန် ခက်ခဲနေကြောင်း၊ အဆင့်တွေ အများအပြား ကျော်နေရကြောင်း၊ နောက် တရားဝင် သတ်မှတ်ထားတဲ့နှုန်းက ၆၀၀ - ၇၀၀ ဖြစ်နေတောင်၊ ၇၀၀၀ - ၈၀၀၀ ဖြစ်နေတဲ့ ကိစ္စကို စုံစမ်းပြီး ရှင်းပေးမယ်လို့ ပြောလိုက်တဲ့အတွက်ကြောင့် ကျနော်တို့အနေနဲ့ မကြာခင် ဈေးနှုန်းတွေက မှန်မှန် ကန်ကန် သက်တောင့် သက်သာနဲ့ ပြည်သူတွေ ခံစားရမယ်လို့ မျှော်လင့်ပါတယ်။ ကျနော်ထင်တယ်၊ အချိန်တော်တော် ကြာကြာ နှစ်ဖက် အာဏာပိုင်တွေနဲ့ ဆွေးနွေးခဲ့တဲ့ အတွက်ကြောင့် တော်တော်များများ ရလဒ်ကောင်းတွေ ရလိမ့်မယ်လို့ ကျနော် မုချ ယုံကြည်တယ်။ ဘာကြောင့်လည်းဆိုတော့ မနေ့က ကျနော်တို့ ရွေ့ပြောင်း
အလုပ်သမားရေးရာ ရုံးမှာ သူကြည့်လိုက်တဲ့ အချက်အလက် လေးတွေကို တင်ပြ ဆွေးနွေးပြီးမှ အားလုံး အခုရရှိခဲ့တယ်ဆိုရင် ဒီနေ့ကိစ္စလည်း တော်တော် အောင်မြင်တယ်လို့ ကျနော် ယုံကြည်ပါတယ်။"
ထိုင်းနိုင်ငံတွင်းမှာ မြန်မာအလုပ်သမား စုစုပေါင်း နှစ်သန်းလောက် ရှိပေမဲ့ အဲဒီထဲက ၈၀၀,၀၀၀ ပဲ တရားဝင် မှတ်ပုံ တင်ထားကြတယ်လို့ ထိုင်း ဒုတိယ ၀န်ကြီးချုပ်က ဆိုပြီး မြန်မာ အစိုးရအနေနဲ့ အလုပ်သမားတွေ အားလုံးအတွက် နိုင်ငံသား စိစစ်ပေးဖို့ လိုမယ် လို့ ပြောပါတယ်။ ထိုင်းအလုပ်ရှင်တွေ အနေနဲ့ အလုပ်သမားတွေကို ဂရုတစိုက် စောင့်ရှောက်ရေး သေချာအောင် လုပ်ပေးပါ လို့လည်း ဒေါ်အောင်ဆန်းစုကြည်က မစ္စတာချာလမ်မ်ကို ပြောခဲ့ပါတယ်။
ဒေါ်အောင်ဆန်းစုကြည်ဟာ ဒီကနေ့ နေ့လည်ပိုင်းတုန်းကတော့ ၂၀၁၂ ခုနှစ်၊ အရှေ့ အာရှဒေသဆိုင်ရာ ကမ္ဘာ့စီးပွားရေး ဖိုရမ်နဲ့ ဆက်စပ်ပြုလုပ်တဲ့ ကမ္ဘာလုံးဆိုင်ရာ စီးပွားရေး အသွင်ပြောင်းခြင်းအတွက် အရှေ့အာရှ ပုံစံများဆိုတဲ့ ဆွေးနွေးပွဲ အပါအ၀င် ဆွေးနွေးပွဲတချို့ကို တက်ရောက်ခဲ့ပါတယ်။ ဒါ့အပြင် သီးခြား ဆွေးနွေးပွဲလေးတခု အတွင်းမှာလည်း မြန်မာနိုင်ငံက ပညာရေး အခြေအနေကို ပြောဆိုခဲ့ပါသေးတယ်။ ဒေါ်အောင်ဆန်းစုကြည် ပြောခဲ့တာနဲ့ ပတ်သက်ပြီး ဆွေးနွေးပွဲမှာ ပါဝင်တဲ့ ICT Agenda Council ရဲ့ ဥက္ကဋ္ဌ ရာဂျိဗ် ဆင်းဂ်-မိုလားရက်စ် (Rejeev Singh-Molares) က အခုလို ပြန်ပြောပြပါတယ်။
“ပညာရေးဟာ မြန်မာနိုင်ငံမှာ အဓိက စိန်ခေါ်မှုတခုဖြစ်တယ်လို့ သူက အလေးအနက်ထား ပြောပါတယ်။ အထူးသဖြင့် မူလတန်းနဲ့ အသက်အငယ်ဆုံး အရွယ်တွေမှာ ပညာရေး ချို့တဲ့နေတာကိုလည်း ပြောပါတယ်။ အလယ်တန်းဆင့် ပညာရေးရဲ့ အရေးကြီးပုံတွေ၊ အဆင့်မြင့်ဘွဲ့တွေ ရယူနိုင်ဖို့အကြောင်းတွေ ပြောခဲ့သလို မူလတန်းအဆင့် ပညာရေးကို အာရုံစိုက်ဖို့ သူက အလေးထား ပြောသွားပါတယ်။” လို့ ရာဂျိးဗ် ဆင်းဂ်-မိုလားရက်စ်က ပြန်ပြောပြတာပါ။
ဒေါ်အောင်ဆန်းစုကြည်ဟာ ဇွန်လ ၁ ရက်၊ သောကြာနေ့မှာ ဆက်ပြီးကျင်းပမယ့် ကမ္ဘာ့စီးပွားရေး ဖိုရမ်မှာတော့ မနက်ပိုင်းမှာ ဖိုရမ်ရဲ့ အမှုဆောင် ညွှန်ကြားရေးမှူး ကလော့စ် ရှဝတ်ဘ် (Klaus Schwab) နဲ့ တဦးချင်း မေးမြန်းခန်း၊ ပြီးတဲ့နောက် အရှေ့အာရှ ဒေသ စီးပွားရေး ဖွံ့ဖြိုး တိုးတက်မှုမှာ အမျိုးသမီးတွေရဲ့ အခန်းကဏ္ဍ အကြောင်း ဆွေးနွေးပွဲတွေကို တက်ရောက်ပါလိမ့်မယ်။ ဒါ့အပြင် သတင်းစာရှင်းလင်းပွဲ တခုလည်း လုပ်ဖို့ စီစဉ်ထားတယ်လို့ သိရပါတယ်။
Ref: VOA News
Read More...
Collapse...
2012-05-31
မြန်မာရွှေ့ပြောင်း အလုပ်သမားတွေရဲ့ ရပိုင်ခွင့်တွေနဲ့ ပတ်သက်ပြီး ကျယ်ကျယ်ပြန့်ပြန့် သိရှိအောင် ဆောင်ရွက်ပေးဖို့ ထိုင်း အစိုးရကို မေတ္တာရပ်ခံ ပြောဆို ခဲ့ကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုခဲ့ပါတယ်။
မနေ့က စမွတ်ဆာခွန်ခရိုင် မဟာချိုင်က မြန်မာရွေ့ပြောင်း အလုပ်သမားများ ယာယီ ပတ်စ်ပို့ ထုတ်ပေးရေးရုံးမှာ ပြောကြားခဲ့တဲ့ မိန့်ခွန်းမှာ အခုလို ထည့်သွင်းပြောဆို ခဲ့တာပါ။
"ဒုတိယ ဝန်ကြီးချုပ်နဲ့လည်း တွေ့ခဲ့ပါတယ်။ တွေ့ခဲ့တဲ့ အကြောင်းအရင်းကလည်းပဲ ကျွန်မတို့ရဲ့ ရွေ့ပြောင်း အလုပ်သမားတွေရဲ့အခြေအနေကို ကောင်းလာအောင်လို့ ဘယ်လို ပေးနိုင်မလဲ ဆိုတာကို ဆွေးနွေးတာပါ။ အဲဒီဆွေးနွေးချက် အရတော့ အတတ်နိုင်ဆုံး ကျွန်မတို့ ရွှေ့ပြောင်းအလုပ်သမားတွေရဲ့ ပြေလည်ရေးအတွက်ပေါ့။ ဥပမာအားဖြင့် ဆိုလို့ရှိရင် သားသမီးတွေကို ဒေသခံထားကျောင်းတွေမှာ စာသင်ရေး စသည်ဖြင့်ပေါ့နော်၊ ပြေလည်နိုင်မဲ့ ကိစ္စတွေကို လုပ်ပေးပါမယ် ဆိုပြီးတော့ ကျွန်မတို့ ပြောပါတယ်"
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ မနေ့က ထိုင်း ဒုတိယ ၀န်ကြီးချုပ်နဲ့ တွေ့ဆုံစဉ် မြန်မာ့ရွှေ့ပြောင်း အလုပ်သမားတွေရဲ့အရေးကို အလေးပေး ဆွေးနွေးခဲ့ပါတယ်။
အဲဒီတွေ့ဆုံဆွေးနွေးပွဲ အပြီးမှာ မဟာချိုင်က အလုပ်သမားတွေရဲ့ အခြေ အနေကို ဒေါ်အောင်ဆန်းစုကြည်ဟာ ဒုတိယမြောက်နေ့ အဖြစ် သွားရောက်လေ့လာခဲ့ပြီး မဟာချိုင်က နိုင်ငံသား စိစစ်ရေးရုံးမှာ ထိုင်း၊ မြန်မာ တာဝန် ရှိသူတွေနဲ့လည်း တွေ့ဆုံ ဆွေးနွေးခဲ့ပါတယ်။
Ref: RFA News
Read More...
Collapse...
လင်းဘိုဘို
ဗုဒ္ဓဟူးနေ့၊ မေလ ၃၀ ရက် ၂၀၁၂
(ဒီပဲယင်း ၉ နှစ်ပြည့် အထူးအင်တာဗျူး)
ရန်ကုန် (မဇ္ဈိမ) ။ ။ ၂ဝ၁၂ ခုနှစ်၊ မေလ ၃ဝ ရက်နေ့သည် ဒီပဲယင်း အရေးအခင်း ၉ နှစ် ပြည့်မြောက်သည့်နေ့ ဖြစ်သည်။ ၂ဝဝ၃ ခုနှစ် ဒေါ်အောင်ဆန်းစုကြည်၏ စည်းရုံးရေး ခရီးစဉ်အတွင်း ဒီပဲယင်းမြို့နယ် ကျီရွာတွင် တိုက်ခိုက် ခံခဲ့ရသည့် ယင်းဖြစ်ရပ် တွင် မည်သူက အကွက်ချ စီမံ၍ မည်သူ ဦးဆောင်ခဲ့သည်၊ မည်သူများ ပါဝင်ခဲ့သည် ဆိုသည် ကို ယနေ့တိုင် ဖော်ထုတ်နိုင်ခြင်း မရှိသေးပေ။
ဖြစ်ရပ်မှန်သမျှ သမိုင်းချည်းပင် ဖြစ်သည်။ သမိုင်းသည် အကောင်းဆုံး ဥပမာ ဖြစ်သည်။ သမိုင်းမှ သာဓကယူ ဆန်းစစ်ရသည်။ ခေတ်အဆက်ဆက် သမိုင်းစစ်ကို ရှာဖွေ တူးဆွ သူများ ရှိခဲ့သလို သမိုင်းကြောင်း၌ ကမ္ဗည်းတင် မခံဝံ့သူတို့က ဖြစ်ရပ်ဟောင်းကို ဖုံးဖိပြောင်းလဲရန် ကြိုးစားခဲ့ကြသည်။
ဒီပဲယင်း အရေးအခင်းကို သမိုင်းအဖြစ်မှန်အဖြစ် တရားဝင် ပေါ်ပေါက်စေလိုသူများ အနက် ဒီပဲယင်း လုပ်ကြံမှု၏ အဓိကပစ်မှတ် ဒေါ်အောင်ဆန်းစုကြည် လွတ်မြောက်ရေး အတွက် အားထုတ်ခဲ့သူ တဦးဖြစ်သည့် ထိုစဉ်က ဒေါ်အောင်ဆန်းစုကြည် စီးနှင်းသည့် ကားကို မောင်းနှင်ခဲ့သူ ကိုကျော်စိုးလင်းလည်း ပါဝင်နေသည်။
ဒုတိယနှစ် ကျောင်းသားအရွယ်သာ ရှိခဲ့သော်လည်း လုပ်ကြံမှု ဖြစ်စဉ်အတွင်း ဒေါ်အောင်ဆန်းစုကြည်နှင့် အနီးဆုံး နေရာတွင် ရှိခဲ့ပြီး မျက်မြင် သက်သေလည်း ဖြစ်သည့် ကိုကျော်စိုးလင်းနှင့် ဒီပဲယင်း ကိုးနှစ်ပြည့် အဖြစ် မဇ္ဈိမ သတင်းဌာနက တွေ့ဆုံမေးမြန်းခဲ့ပါသည်။
ဒီပဲယင်းကိစ္စ ၉ နှစ်ပြည့်တော့မယ် ဒီအချိန်မှာ ဘယ်လိုခံစားရလဲ။
ပြန်ပြီးတော့ သတိရနေတယ်။ ဘာကြောင့်လဲဆိုတော့ ဒီကိစ္စကြီးက တရားဝင် ဖော်ထုတ်နိုင်ခြင်းလည်း မရှိခဲ့ဘူး။ အဲ့တာကြောင့် လည်း ဒီ ဒီပဲယင်းကို အမြဲတမ်းပဲ သတိရနေစေဖို့ အတွက်ရယ်၊ နောက်ပြီးတော့ ပြဿနာအရပ်ရပ်ကို ဘယ်သူက ဘယ်လို စလုပ်တယ် ဆိုတာကို ပြည်သူအားလုံးက သိစေချင်တဲ့ ဆန္ဒနဲ့ ဒီနှစ်ကို ကျီရွာမှာ သွားပြီး အလှူလုပ်ဖို့ စီစဉ်ထားပါတယ်။
အန်တီ့ကားကို မောင်းဖြစ်သွားပုံလေးက စပြီး ပြန်ပြောပြပါဦး။
ကျနော့်အဖေ ဦးကိုကြီး က မန္တလေးတိုင်း NLD တိုင်းဦးစီးမှူး(ဘဏ္ဍာရေး) လုပ်တော့ အဖွဲ့ချုပ်က ကိစ္စတွေ ဘာတွေ ရှိရင် ကျနော့်အိမ်က ကားတွေ ဘာတွေ သုံးလေ့ရှိတယ်။ ကျနော်ရယ်၊ ကျနော့် အကိုရယ်က အဲ့လို ကိစ္စတွေမှာ လိုက်ပို့တာရှိတော့ တိုင်းက လူကြီးတွေက ကျနော်တို့ကား ကောင်းကောင်း မွန်မွန် မောင်းတတ်တာ သိနေတယ်။ အဲ့ဒီမှာ အန်တီ့ခရီးစဉ် ရောက်လာတယ်။ အဲ့ဒီတုန်းက ကျနော်က ဒုတိယနှစ်ပဲ ရှိသေးတယ်။ ဥပဒေ မေဂျာနဲ့။ အစကတော့ ကျနော်တို့က လူငယ်အနေနဲ့ လုံခြုံရေးပဲ လိုက်ရတာ။
အန်တီ့ခရီးစဉ် ဒုတိယတခေါက်အနေနဲ့ ရောက်လာတော့ ကား ကျွမ်းကျွမ်းကျင်ကျင် မောင်းတတ် တဲ့ လူ လေးဦး လိုတယ်ဆိုလို့ ကျနော်တို့ ညီအကို နှစ်ယောက်ရယ်၊ စက်မှုထဲက ဦးကံရယ်၊ မောင်ကိုလေးရယ် ဆိုပြီး လေးယောက် ပေးလိုက်တယ်။ ဒါပေမယ့် တကယ်တမ်း လိုက်ဖြစ်တာက ဦးကိုလေးနဲ့ ကျနော်နဲ့ နှစ်ယောက်ပဲ။
စမောင်းတော့ ဦးကိုလေး မောင်းတာ။ နောက် ကချင်ပြည်နယ် ခရီးစဉ်တခုလုံး ကျနော် ဆက်မောင်းတယ်။ ကချင်ပြည်နယ် မိုးကုတ်၊ သပိတ်ကျင်း ဘက်ကနေ မန္တလေးကို ဝင်တယ်။ မန္တလေးကနေ မုံရွာ ခရီးစဉ်ဘက် တွေလည်း ကျနော်ပဲ ဆက်မောင်းတာ နောက်ဆုံး ပြဿနာ ဖြစ်တဲ့နေ့ အထိပဲ။
မေ ၃ဝ ရက်နေ့ အနေအထားတွေကို မှတ်မိသလောက် ပြန်ပြောပြပါဦး။
တောက်လျှောက် သူတို့ လိုက်နှောင့်ယှက်နေတဲ့ ကိစ္စတွေကို သတင်းတွေ ရတယ်။ သိလည်း သိတယ်။ ဘာတွေလဲ ဆိုတော့ ကြံ့ခိုင်ရေး ဝတ်စုံတွေနဲ့ လိုက်ပြီး နှောင့်ယှက်နေတယ် ဆိုတော့ ဆိုးဆိုး ဝါးဝါးကြီး နှောင့်ယှက် လိမ့်မယ်တော့ မထင်ဘူး။ စီစဉ်နေတယ် ဆိုတဲ့ သတင်းတွေ၊ နှောက်ယှက်မယ် ဆိုတဲ့ သတင်းတွေလည်း ကြားတယ်။ နောက် ဘုတလင်နဲ့ မုံရွာက ခရီးစဉ်ကို လိုက်ပို့တဲ့ ကျောင်းသားလေးတွေ အပြန်မှာ အဖမ်း ခံရတယ်ဆိုတဲ့ သတင်းလည်း ကြားတယ်။ ရှေ့ပြေး လွှတ်တဲ့ သူကလည်း ပြန်မလာနိုင်ဘူး။ ပြန်မလာနိုင်ပေမယ့် သတင်းကတော့ အဆက်မပြတ် ကြားနေတာ။
အဲ့ဒီနေ့က လမ်းကြောင်းတခုလုံးမှာ အန်တီရှိနေတဲ့ နေရာအထိ သတင်းတွေ ရောက်လား။ သတင်းပို့မှု အစပ်အဆက် ရှိနေလား။
ရှိတယ်။ ဒါပေမယ့် နှောက်ယှက်မယ်လို့ပဲ ကြားနေတာ။ နောက်ပြီး ဘုန်းကြီးအတုတွေ၊ အတုတွေ ဆိုတာက သင်္ကန်းတောင် မဝတ်ရသေးဘူး။ ကတုံးစိမ်းတွေနဲ့ ကားကြီးတွေနဲ့ ထွက်သွားတယ်။ သွားလိုက် လာလိုက် လုပ်နေတယ် ဆိုတဲ့ သတင်းလည်း ကြားရတယ်။ ဒါပေမယ့် အန်တီကတော့ အဖွဲ့တွေအားလုံးနဲ့ သွားမယ့် ခရီးစဉ် ဆက်ထွက်တယ်။
အဲ့ဒီအချိန်က သူတို့ဘက်က အနှောက်အယှက်ပေးရင် ညပိုင်းတွေများတယ်။ မိုးကုတ်၊ သပိတ်ကျင်း ဘက်မှာဆိုရင် လာကြည့်တဲ့ ပြည်သူတွေကို လေးဂွတွေ၊ ခဲတွေနဲ့ ထုတာ၊ မီးမောင်းတွေထိုးတာ၊ သံပုံးတွေရိုက်တာ မျိုးပေါ့နော်။ နေ့လည်ပိုင်းဆို သူတို့က သိပ်ပြီးတော့ မလုပ်ကြဘူး။ ဆန္ဒပြသလို သာမန် နှောင့်ယှက်တာလေးတွေလောက်ပဲ လုပ်တယ်။ အဲ့တော့ ကျနော်တို့က ညကို အရောက်မခံဘဲ မောင်းတာ များတယ်။ နောက်တချက်က အဲ့ဒီနေ့က ကျနော်တို့ ဘက်က ခရီးစဉ် မိုင်တွက်တာလည်း မှားတယ်။ မိုင်အကွာအဝေးကို ၁၄ မိုင်လို့ ရေးထားတဲ့ နေရာမှာ ၁ ပြုတ်ပြီး ၄ မိုင်လို့ ဖြစ်နေတာလည်း နောက်ပိုင်းမှာ ကျနော်တို့ သွားတွေ့ရတယ်။
ကျီရွာကို ရောက်တဲ့အချိန်မှာ ဘုန်းကြီး နှစ်ပါးက “ဒကာမကြီး မနက်ကတည်းက ကျနော်တို့ စောင့်နေလို့ပါ။ ရပ်ပြီး နှုတ်ဆက် စကားလေး ပြောပေးပါ”လို့ ပြောလာတယ်။ အချိန်က ငါးနာရီခွဲ ခြောက်နာရီလောက် ရှိပြီ။ မမှောင်သေး ဘူး။ မှောင်ရီပျိုးပြလေး။ ဘုန်းကြီးက တောင်းတောင်း ပန်ပန်နဲ့ ပြေးပြီးတော့ လိုက်ပြောတဲ့ အခါကြတော့ အန်တီက “ငါ့သားရယ် ရပ်ပေးလိုက်ပါဦး” ဆိုတော့ ကျနော်က ရပ်လိုက်တယ်။ အဲ့ဒီမှာ ဘုန်းကြီးနှစ်ပါးရယ် ရွာသားတွေကော အများကြီး စောင့်ပြီး ကြိုနေတယ်။ ဘုန်းကြီးအိုကြီး တယောက်လည်း ပါတယ်ပြောတယ်။
ရပ်လိုက်တဲ့ အချိန်မှာ နောက်က လိုက်လာတဲ့ ကားတန်းကလည်း တော်တော်များတယ်။ ကား အစီးရေတော့ မမှတ်မိဘူး။ ကားတန်း ရပ်သွားတော့ နောက်က လိုက်လာတဲ့ ကားတွေထဲက ဘုန်းကြီး အတုတွေကော လူတွေကော တုတ်တွေနဲ့ ဆင်းလာပြီးတော့ ကြိုတဲ့ သူတွေကိုကော၊ ကျနော်တို့နောက်က လိုက်လာတဲ့ ကားတွေပေါ်က လူတွေကိုကော တန်းရိုက်တော့တာပဲ။
PA က လုံခြုံရေးအတွက် ဆင်းပြီးတော့ ကြည့်တဲ့အချိန်မှာ နောက်မှာ စရိုက်နေပြီလို့ သိတော့ အန်တီ မဆင်းဖြစ်တော့ ဘူး။ မဆင်းဖြစ်တော့ဘဲ PA ပါ ပြန်တက်၊ ကားတံခါးတွေကို Lock ချ လိုက်တယ်။ ကျနော့်ရှေ့မှာက ကား သုံးလေးစီးလောက်တော့ ရှိတယ်။ ဘဘဦးတင်ဦး ကားကလည်း ရှေ့မှာပဲ။ အနီးကပ် လုံခြုံရေးတွေ ကတော့ ကျနော့်ကားပေါ် မှာပေါ့။ မန္တလေး တိုင်းက လုံခြုံရေး အဖွဲ့တွေကတော့ ရှေ့မှာကော နောက်မှာကော ပါတယ်။
နောက်ကနေ ရိုက်လာတဲ့အချိန်မှာ လုံခြုံရေး အဖွဲ့တွေက “ကိုကျော်စိုးလင်း မောင်းမောင်း” ဆိုပြီး ပြောတယ်။ နောက်က အမျိုးသမီးတွေပါတဲ့ ကားတစီးက ကျော်တက်ပြီး ကျနော်တို့ ကားနား ရောက်လာတယ်။ ဆိုင်ကယ်တွေနဲ့ လိုက်လာတဲ့ ကျောင်းသားတွေကလဲ ပြန်ချမယ်၊ ပြန်ထုမယ် ဆိုတော့ အန်တီက တားခိုင်းလိုက်တယ်။ မလုပ်ပါနဲ့ သူတို့က ဘယ်လို အကြံအစည် နဲ့မှန်း မသိဘူးဆိုပြီး အန်တီက တားတော့ သူတို့က မလုပ်ဖြစ်တော့ဘူး။
နောက်ကနေ ရိုက်လာရင်းနဲ့ ကျနော်တို့ ကားနားအထိ ရောက်လာတယ်။ ကျနော်တို့ ကားနား ရောက်လာတော့ ကိုတိုးလွင်တို့ တခြား လုံခြုံရေး အဖွဲ့ဝင်တွေက တားတယ်။ “ဒါ ဒေါ်အောင်ဆန်းစုကြည် ကားနော်။ မင်းတို့ သမိုင်းဝင် သွားမယ်နော်” ဆိုပြီး တားတယ်။ တားတော့ သူတို့ ရိုက်တာ တန့်သွားတယ်။ ကျနော်တို့ ကားနားကို အရင်ရောက် လာတဲ့ ရှေ့ဆုံးက ၄၊ ၅ယောက်က ဘုန်းကြီးဝတ်တွေ။ သင်္ကန်းတွေနဲ့ တုတ်တွေနဲ့။ ညာဘက် လက်တွေမှာ လက်ပတ် အဖြူတွေ ပတ်ထားတယ်။
အဲ့ဒီမှာ ဘဘဦးတင်ဦး ရောက်လာတယ်။ “မင်းတို့ကောင် တွေက ဘယ်ကလဲ။ ဘာလို့ရိုက်တာလဲ” ဆိုပြီး မေးနေတုန်း ဘဘဦးတင်ဦး ကိုပါ သူတို့ ရိုက်ချလိုက်တယ်။ နောက် အန်တီ့ဘက် အခြမ်းက လုံခြုံရေး ယူထားတဲ့ ကိုတိုးလွင် ကိုလည်း သူတို့ ရိုက်ချလိုက်တာ ကိုတိုးလွင်က ပုံလျက် သားလေး လဲသွားတယ်။ အဲ့နေရာမှာပဲ ပုံကျ သွားတော့ သေပြီလို့ပဲ ထင်လိုက်တယ်။
ကျနော့်စိတ်ထဲမှာ အဲ့ဒီတုန်းက တော်တော် ဒေါသဖြစ် သွားသေးတယ်။ နောက်ကနေ ပြေးလာတဲ့ သူတွေကပြေး၊ လိုက်ရိုက်တဲ့ သူတွေက လိုက်ရိုက်နဲ့ ဆိုတော့လေ။ တချို့ဆို ကိုယ်တုံးလုံး ကျွတ်တွေနဲ့ ထွက်ပြေး လာတာကို လိုက်ရိုက်နေတာလည်း တွေ့တော့ ဒေါသဖြစ်ပြီး ပထမ တခုခု တုန့်ပြန်မယ် စဉ်းစားသေးတယ်။ ကျနော် ကားကို ဘက်ဆုတ်လိုက်တယ်။ ဘက်မဆုတ်ခင် လီဗာကို အကျယ်ကြီး နင်းလိုက်တယ်။ ကိုယ့်လူတွေလည်း ရှိတော့ရှောင်လို့ ရအောင် အသံ ပေးလိုက်တာပေါ့။
အဲ့ဒီမှာ ကျနော့်ကားရဲ့ တိုက်ရော့နဲ့ ဘီးနဲ့ကြားမှာ သစ်သားချောင်း ဘယ်အချိန်က ထိုးခံထားလဲ မသိဘူး။ စတီရာရင် ခေါက်လို့ မရအောင် ထိုးထည့် ထားတာ။ ကံကောင်းချင်တော့ ကျနော်က နောက်အရင် ဆုတ်လိုက်တော့ အဲ့ဒီဟာက ကျိုးထွက် သွားတယ်။ ဒိုင်းကနဲ ဘာနဲ့မှလည်း မထိဘဲ အသံ ထွက်လာတော့မှ တခုခု ကလန့်ထားတာ ကျိုးသွားတာ သိတာ။ နောက်ဆုတ်တဲ့ အချိန်မှာ ကျနော့် ညာဘက်က မှန်ကော၊ ဘယ်ဘက်က မှန်ကော၊ နောက်မှန်တွေကော၊ ကားဘက်မှန်နဲ့ မီးသီးတွေကော သူတို့ အကုန်ရိုက်ခွဲကြတယ်။
အဲ့အချိန် ကားဘေးမှာ လုံခြုံရေးတွေ ရှိနေတယ်။ သူတို့က ပေပြီးတော့ အရိုက် ခံနေကြတာ။ ကျနော် ကားနောက် ဆုတ်ပြီ ဆိုတာနဲ့ သူတို့က ကားပေါ်ကို အတင်း ဝိုင်းတက်ကြတယ်။ ရှေ့ကို ကြည့်တော့ ကိုယ့်လူတွေက မှောက်နေ တယ်။ ရိုက်တဲ့သူတွေက ရှောင်နေတာနဲ့ ဘယ်သူ့ကိုမှ မတိုက်တော့ပဲ ကျနော် ကျော်တက်ပြီးတော့ အတင်းမောင်း ထွက်ခဲ့တာ။ အဲ့ဒီနေရာမှာ ဆယ့်ငါးမိနစ်၊ မိနစ်နှစ်ဆယ်လောက် ကြာမယ် ထင်တယ်။
အန်တီကကော အဲ့ဒီအချိန်မှာ ဘယ်လိုရှိနေလဲ။ အန်တီက ကား မောင်းထွက်ဖို့တွေဘာတွေ ပြောလား။
အန်တီက ဒီမှာလည်း လူတွေ အရိုက်ခံနေရပြီ။ ပြည်သူတွေလည်း အရိုက်ခံနေရပြီ။ သူများတွေက “မောင်းမောင်း”လို့ ပြောနေကြတယ်။ အန်တီက ဘာမှ မပြောဘူး။ ကျနော့် အမြင်ပေါ့၊ ကျနော့်အတွေးက အန်တီက တကယ်လို့ မောင်းခိုင်းမယ်ဆိုရင် သူများတွေ အရိုက်ခံ နေရတာကို ပစ်ပြီးတော့ ပြေးရာရောက်မယ်။ အဲ့လိုလည်း အဖြစ်မခံချင် ဘူးလို့ ထင်တယ်။ ကျနော် မမောင်းဘဲနဲ့ နေမယ်ဆိုရင်လည်း ဘယ်သူမှ မောင်းလို့ မရဘူးလေ။ အကုန်လုံး ပဋိပက္ခ ဖြစ်သွားနိုင်တယ်။ အဲ့ဒီမှာ ကျနော်ကလည်း အဲ့တုန်းက လူငယ်စိတ်နဲ့ပေါ့နော် ဒေါသလဲ ဖြစ်တော့ ကျနော် ၁ သက်ဆို သူတို့ ၂ သက်ဆိုပြီး ဖြစ်ချင်ရာဖြစ် မောင်းထွက် လိုက်တာ။
နောက်ထပ် သတ်ကွင်းလို တနေရာ ကြုံရတယ် ဆိုတာက ဘယ်လိုမျိုးလဲ။
ဒုတိယနေရာကမှ တကယ့် သတ်ကွင်း။ ပထမနေရာနဲ့ နောက် တနေရာက တမိုင်လောက် ဝေးတယ်။ ကျနော် ထွက်လာတော့ ဘဘဦးတင်ဦး ကားတို့၊ အမျိုးသမီး ကားတို့ကို ကျော်ပြီး ထိပ်ဆုံးက မောင်းထွက် လာတာ ရှေ့ကိုပဲ အာရုံစိုက်ပြီး မောင်းနေတော့ သူတို့လည်း နောက်က ပါလာတယ်ပဲ ထင်တာ။ ငါးမိနစ်လောက် မောင်းရတယ်။ ရှေ့မှာ ကုန်ကားကြီး ၃ စီး တွေ့တယ်။ အဝေးကတည်းက မြင်တော့ လမ်းကို ဒီကားတွေ ကန့်လန့် ပိတ်လိုက်မှာလည်း စိုးတယ်။ သိပ်လည်း မသင်္ကာဘူးပေါ့ စပြီးလည်း ဖြစ်နေပြီ ဆိုတော့လေ။
အဲ့တာနဲ့ သူတို့ ထိပ်တည့်တည့်ရောက်ပြီ ဆိုမှ ညာဘက်ကို လှည်းလမ်းပေါ်ကို ချိုးချပြီး မောင်းမယ် လုပ်မှ ဒီဘက်အခြမ်းမှာ ကားအစီး ၂ဝ၊ ၃ဝ လောက်က မီးတွေဖွင့်ပီး ထိုးထားတာတွေ့ရတယ်။ လမ်းရဲ့ဘေးမှာ ကွင်းက အကျယ်ကြီး ဒိုင်နာလိုလို၊ ကုန်ကားလိုလို ကားတွေ၊ ကွင်းထဲမှာ စီရပ်ထားတာ။ မီးကြီးတွေ လမ်းဘက်ကို ထိုးထားတာ။ ကားသုံးစီးကို ကျော်တော့မှ မြင်ရတာ။ မီးတွေနဲ့ လူတွေလည်း များပါလားပေါ့။ လူတွေက စီရပ်နေတာ မန္တလေးလို ဆိုရင် တပြလောက်ကို ရှိတယ်။ လူအပြည့်ပဲ တုတ်တွေနဲ့ စောင့်နေတာ။ လမ်းဘေး တလျှောက်လုံး အပြည့်ပဲ။ ဟိုမှာက ရိုက်တာနှက်တာ ကိုယ့်ရှေ့မှာတင် ကြုံလာခဲ့ပြီဆိုတော့ ကျနော်က သိလိုက်တယ်။ အဲ့ဒီမှာ သတ်ကွင်းဆိုတာ သိလိုက်တယ်။ တုတ်တွေနဲ့ လူတွေက လမ်းရဲ့ ညာဘက်မှာ။ ကျနော် ဆင်းကျော်တဲ့ ညာဘက်မှာ ပေါ့နော်။ လမ်းရဲ့ ဘယ်ဘက်မှာက ကြံ့ခိုင်ရေး ဝတ်စုံတွေနဲ့ ဆိုင်းဘုတ်လေးတွေ ကိုင်ပြီးတော့ အရင်နှောက်ယှက် သလို စောင့်နေကြတာ။
ကျနော်က ကားကို ခေါင်းတည်ပြီး လီဗာနည်းနည်း နင်းလိုက်တော့ တုတ်တွေနဲ့ လူတွေက ရှဲသွားတယ်။ ရှဲသွားပြီဆိုမှ ကျနော်က လမ်းပေါ်ကို ခေါင်းတင် လိုက်တယ်။ ကားနောက်မှာကော ဘေးပတ်လည်မှာ တွယ်လိုက် လာတဲ့ အခါကျတော့ ဆွဲချပြီး ရိုက်လိုက်မှာကို စိုးတယ်။ ကား လမ်းပေါ် ရောက်သွားတော့ လက်လှမ်း မမီတော့မှ နောက်ကနေ ဝိုင်းထုကြတာ။ အဲ့မှာ ကျနော့်ခေါင်းကို တချက်မှန်တယ်။ ဘာနဲ့ ထုလိုက်လည်း မသိဘူး။ သွေးတွေ ဖြာသွားတယ်။ အန်တီက “ဘာဖြစ်သွားသေးလဲ” မေးတော့ ကျနော် သတိရှိသေးတယ် “ရတယ်”လို့ ပြောလိုက်ပါတယ်။ လမ်းရဲ့ အဆုံးမှာ သစ်သားနဲ့ သံဆူးကြိုးနဲ့ ဘယ်ရီဂိတ် ပိတ်ထားတယ်။ အဲ့တာကို ကျနော်က တိုက်ချိုးပြီး ဆက်မောင်းမယ် လုပ်တော့ ကားနှစ်စီးနဲ့ ဆက်ပိတ်ထားတာ တွေ့ရတယ်။ ကားနှစ်စီးရဲ့ ကြားမှာ လူသွားဖို့ လမ်းချန်ထားတာ ရှိတယ်။ အဲ့ဒီ လူသွားလမ်းက ကျနော့်ကားနဲ့ ကွက်တိဖြစ်နေတယ်။ အဲ့ဒီကနေ လွတ်သွားတာ။ လွတ်သွားတော့ အရှေ့မှာ ရဲ ၁ဝ ယောက်လောက် ရှိမယ်။ သေနတ်တွေနဲ့ ချိန်ထားတာ။ ကျနော်လည်း မထူးဘူးဆိုပြီး ဆက်မောင်းတော့ သူတို့က ဒိုင်ဗင်တွေ ဘာတွေ ထိုးပြီး ရှောင်တဲ့သူက ရှောင်တယ်။ ဘယ်သူ့ကိုမှတော့ ကျနော် မတိုက်ဖြစ်ပါဘူး။
နောက်တော့ကော ဘာတွေ ဆက်ဖြစ်သေးလဲ။
အဲ့ဒီက လွတ်လာတော့ အန်တီက ပြောတယ်။ ဒီပဲယင်းကိုဝင်မယ် ငါ့သား။ ဒီကိစ္စကို ဖြေရှင်းမယ်။ မဖြေရှင်းလို့ မရဘူးပေါ့ ပြောတယ်။ ကျနော့်ကို ပြောတာပေါ့။ ဖြစ်ချင်တော့ ကျနော်ကလည်း ဒီပဲယင်းကို မရောက်ဖူးတော့ ဒီပဲယင်းကို ကျော်သွားတယ်။ ဒီပဲယင်းက လမ်းဘေးလေး ချိုးဝင် လိုက်ရတာ။ ကျနော်က မြို့ရှောင် လမ်းပေါ့နော် အဲ့ဘက်က ထွက်သွား လိုက်တော့ ကျော်သွားတယ်။ ကျော်သွားပြီးတော့ လမ်းဘေး တောထဲမှာ ခဏ ဝင်ရပ်တယ်။ ကားပေါ်မှာ တုတ်တွေကော၊ ကားအောက်မှာ ကလန့်ထားတဲ့ တုတ်ကလဲ စဖြစ်တဲ့ နေရာကတည်းက ဒီးဒီး၊ ဒီးဒီး မြည်ပြီးတော့ ပါလာတာလေ။ နောက်ပြီး ကျနော် တိုက်ဖြတ်လာတဲ့ သံဆူးကြိုးတွေလဲ ကားနဲ့ငြိပြီး ပါလာတယ်။
အဲ့ဒီမှာ တုတ်တွေဘာတွေ ဖြုတ်၊ သံဆူးကြိုးတွေ ဖြည်ပြီးတော့အန်တီက လူ ဘယ်နှစ်ယောက်ပါလဲ။ နာမည်တွေပြော ဆိုပြီး တခါတည်း အန်တီက သူ့စိတ်နဲ့ပဲ မှတ်ထား လိုက်တယ်။ အန်တီ အပါအဝင် ကျနော်တို့ အားလုံး ၁၈ ယောက် ပါတယ်။ အန်တီက ဘယ်သူမှ အန်တီနဲ့ မခွာနဲ့။ ဘယ်မှ မသွားကြနဲ့ အန်တီ့ဘေးမှာပဲ နေလို့ မှာတယ်။ ကြောက်လန့် ပြီး ခွဲထွက်သွားရင် အန္တရာယ်ဖြစ်မှာ စိုးလို့ မှာတယ်လို့ ထင်ပါတယ်။
အဲ့ဒီက ပြန်ထွက်တော့ ရေဦးမြို့အဝင် သံလမ်းနားမှာ မောင်းတံဂိတ်လေးတွေ့တော့ ကျနော်က ကားခဏ ရပ်တယ်။ ကားရပ်တော့ အဘိုးကြီး နှစ်ယောက်က ဒါဘယ်သူ့ကား လဲတဲ့ လာမေးတယ်။ ဒေါ်အောင်ဆန်းစုကြည် ကားပါလို့ ဆိုတော့ တိုင်းမှူးက အမိန့် ချထားတယ်တဲ့။ ဘယ်ကားမှ အဝင်မခံနဲ့လို့ ပြောထားတယ်တဲ့။ အဲ့တာကြောင့်မို့ပါ ဆိုတော့ ရပါတယ် ကျနော်တို့စောင့်မယ်လို့ ပြောလိုက်တယ်။
နောက် နာရီဝက်လောက် ကြာတော့ ကျနော်တို့ရှေ့က ရထားသံလမ်း တံခါးကြီးကို ပိတ်လိုက်တယ်။ သံလမ်းပိတ်ပြီး သံလမ်းရဲ့ ဟိုဘက်မှာ ဘယ်ရီဂိတ်တွေ ချလိုက်တယ်။ ရေဦးဘက်က စစ်သားတွေ ထွက်လာပြီး ကျနော်တို့ကို ဝိုင်းလိုက်တယ်။ ဝိုင်းတာတော့ တော်တော်ဝေးဝေးက ဝိုင်းတာပါ။ သေနတ်တွေနဲ့ပဲ။ ဝိုင်းပြီးတော့ ဒီအတိုင်းပဲ ကြည့်နေကြတော့ ကျနော်တို့လဲ အေးအေးဆေးဆေးပဲ နေလိုက်တယ်။
အဲ့ဒီလို ဝိုင်းပြီး နာရီဝက်လောက် ထပ်ကြာတော့မှ စစ်တပ် ယူနီဖောင်းနဲ့ အရာရှိကြီး တယောက် ရောက်လာတယ်။ အသက်က ၅ဝ လောက်ရှိမယ်။ သူက ကျနော့်ကို နားထင်ကို သေနတ်နဲ့ ချိန်တယ်။ ချိန်ပြီးတော့ “မင်းလိုက်မလား မလိုက်ဘူးလား” ဆိုပြီး မေးတယ်။ အန်တီ့ကို ကြည့်တော့ အန်တီက ခေါင်းညှိမ့်ပြတော့ “လိုက်မယ်”လို့ ပြောလိုက် တယ်။ “အဲ့တာဆို နောက်က လူတွေ တက်”ဆိုပြီး သေနတ်တွေနဲ့ ချိန်ပြီး တက်ခိုင်းတယ်။ နောက်က လူတွေပါ တက်တော့မှ သံလမ်းတံခါးနဲ့ ဘယ်ရီဂိတ်တွေပါ ဖယ်။ ရှေ့က ရဲကားနဲ့ သူတို့က အနောက်က လိုက်လာ ကြတယ်။ ဘေးက မော်တော်ပီကယ်တွေ ဘာတွေနဲ့ပါ ခေါ်ပြီးတော့ ရေဦး ရဲစခန်းထဲ ရောက်သွားတယ်။
ရေဦး ရဲစခန်းရောက်ပြီး ဘာဆက်ဖြစ်ကြလဲ။
ရေဦး ရဲစခန်းရောက်တော့ အန်တီက ပြောတယ်။ “ရှင်တို့ သတ်ချင်ရင် ကျမတို့ကို ဒီနေရာမှာ သတ်ချင် သတ်ပစ် လိုက်။ အဲ့လိုမှ မဟုတ်ဘူးဆိုရင် ကျမတို့ကတော့ ဒီကိစ္စကို ဖြေရှင်းရမှာပဲ”လို့ ပြောတယ်။ အဲ့ဒီမှာ သူတို့က အန်တီ့ကို အဲ့လိုတော့ မဟုတ်ပါဘူး။ ဖြေရှင်းဖို့ ကျနော်တို့နဲ့ လိုက်ခဲ့ပေးပါဦး လို့ ပြောတယ်။ အဲ့မှာ အန်တီက “မလိုက်နိုင်ဘူး၊ ဥပဒေကြောင်းအရ ဖြေရှင်းမှ သာလျှင် လိုက်မယ်”လို့ ပြောလိုက်တယ်။ နောက် ၁ဝ မိနစ်လောက် နေတော့ ဥပဒေ ကြောင်း အရ ဖြေရှင်းပေးပါ့မယ်လို့ သူတို့က ပြောတယ်။ အဲ့ဒီမှာ အန်တီနဲ့ ကိုထွန်းဇော်ဇော်ရယ်၊ ကိုထွန်းမြင့်ရယ် လိုက်သွားတယ်။ ကိုထွန်းဇော်ဇော်နဲ့ ကိုထွန်းမြင့်ကို အန်တီက သက်သေ အနေနဲ့ ခေါ်သွားလိုက်တာ။ ကျနော်ကတော့ ကားနဲ့ ကားမှာပါတဲ့ သက်သေခံ ပစ္စည်းတွေကို စောင့်ကြည့်တဲ့ အနေနဲ့ ကျန်ခဲ့တယ်။ ကျန်တဲ့သူတွေ အားလုံးကိုတော့ သူတို့က အချုပ်ထဲ ထည့်လိုက်တယ်။
ရဲစခန်းကို သက်သေဆိုပြီး လိုက်လာတဲ့သူတွေ ၄၊ ၅၊ ၆ ယောက်ရှိတယ်။ အဲ့ဒီလူတွေမှာလည်း စရိုက်တုန်းက လူတွေ ပတ်ထားတဲ့ လက်ပတ်အဖြူတွေ ပတ်ထားတာတွေ့တယ်။ သူတို့က ရပ်ကွက် လူကြီးတို့၊ ရပ်ကွက် အုပ်ချုပ်ရေးမှူးတို့ အဲ့လိုလူတွေ။ ကျနော်တို့ကိုလည်း ဗီဒီယို မှတ်တမ်း တင်တာတွေဘာတွေ လုပ်တယ်။ အဲ့ဒီက ထောက်လှမ်းရေး ထင်တယ် တယောက်က “မင်းတို့က စရိုက်လို့ ငါတို့က လုပ်ရတယ်” ဆိုပြီး ကျနော့်ကို ပြောတယ်။ အဲ့မှာ ကားပေါ် ပါတဲ့ သက်သေပစ္စည်းတွေ စာရင်းတွေလုပ်။ စာရင်းတွေ လုပ်ပြီးပြီဆိုမှ ကျနော့်ကိုပါ အချုပ်ထဲ ထည့်လိုက်တယ်။ အဲ့ဒီမှာ ကျနော်တို့ကို ထမင်းလည်း မကျွေးဘူး။ အဲ့ဒီညနဲ့ နောက်နေ့ တနေ့လုံး ထားတယ်။
အန်တီနဲ့ လိုက်သွားတဲ့ နှစ်ယောက်က သိပ်မကြာဘူး ပြန်ရောက်လာတယ်။ ကျနော်တို့ ၁၇ ယောက်ကို နောက်နေ့ ညနေမှာ ဒိုင်နာ ၂ စီးနဲ့ ရွှေဘိုထောင်ကို ပို့တယ်။ ဒိုင်နာ ၂ စီးကို တာလပတ်တွေနဲ့ အုပ်ပြီးတော့ ရဲတွေနဲ့ ခေါ်သွား တယ်။ ရွှေဘိုထောင်ရောက်တော့ ကျနော်တို့ တယောက်စီကို ရာဇဝတ်သား ၂ ယောက်၊ တန်းစီးလိုမျိုးပေါ့ အဲ့လို လူတွေနဲ့ ထားတယ်။ အဟန့်ပေါ့ဗျာ။ ဒါပေမယ့် သူတို့က ကျနော်တို့ကို ဘယ်သူမှ ရိုင်းရိုင်းပြပြ မဆက်ဆံပါဘူး။ ကောင်းကောင်းမွန်မွန် စောင်တွေဘာတွေနဲ့ ထားပါတယ်။
ရွှေဘိုထောင်မှာ ကိုတိုးလွင်ကိုလည်း ကျနော်တို့ ပြန်တွေ့တယ်။ စရိုက်လို့ ကျနော်တို့ကား ထွက်လာတဲ့ အချိန်မှာ သူက မှောက်ကျန်နေခဲ့တော့ သူ့ကို ကျနော်တို့က အသေဆိုပြီး တွက်ထားတာ ရွှေဘိုထောင် ရောက်မှ ပြန်တွေ့တာ။ သူကလည်း ခေါင်းတခေါင်းလုံး အရိုက် ခံထားရတာ ပွစိကို လန်နေတာပဲ။ အဲ့ဒီအချိန် အထိ သူ့ကို ဆေးကုမပေး ထားဘူး။
အဲ့ဒီမှာ ည ၂ နာရီလောက်မှာ ရွှေဘိုထောင်ကနေ ပြန်ထုတ်တယ်။ ပြန်ခါနီးမှ ကိုတိုးလွင်ကို ပတ်တီးတွေ စည်းပြီး ကျနော်တို့နဲ့ ပြန်ထည့်ပေးလိုက်တယ်။ ကျနော်တို့ ထဲက မုံရွာက ကျောင်းသားလေး တယောက် ကိုတော့ သူတို့ ရွှေဘိုထောင်မှာပဲ ထားခဲ့တယ်။ ကျနော်တို့ကို ခေါင်းစွပ်တွေ စွပ်ပြီး ကုန်ကားကြီးပေါ် တင်တယ်။ ကားပေါ်ရောက်တော့ မျက်နှာဖုံး ပြန်ချွတ်တယ်။ ကားပေါ်မှာ မတ်တပ် မရပ်ခိုင်းပေမယ့် ပတ်ဝန်းကျင်ကို မြင်ရတော့ တံတားဦးဘက်ရောက်နေတာ ကျနော် သိရတယ်။ အဲ့ဘက်က ရောက်နေကျ ဆိုတော့ ကျနော်က သိတယ်လေ။ နောက် ကျနော်တို့ကို မျက်နှာဖုံးပြန်စွပ်ပြီး နာမည်တွေခေါ်ပြီး လေယာဉ်ပေါ် တင်တယ်။
လေယာဉ်ပေါ်မှာ ကျနော်တို့က မျက်နှာဖုံးစွပ်တွေက မွန်းတယ်။ လေယာဉ်ပေါ်ကနေ ဘယ်မှလည်း ထွက်ပြေးလို့ မရပါဘူးလို့ တောင်းပန်တော့မှ မျက်နှာဖုံး စွပ်တွေ ချွတ်ပေးတယ်။ လေယာဉ်က ထိုင်ခုံတွေနဲ့ပဲ။ ဒီဘက်ထိုင်ခုံ နှစ်ခုံ ဟိုဘက်နှစ်ခုံ နှစ်တန်းပါတယ်။ လေယာဉ်မယ် ပါတယ်။ ဒီဘက်မှာ ကျနော်တို့ကို နှစ်ယောက်စီ ထားလိုက်တယ်။ ဟိုဘက်မှာက စစ် ထောက်လှမ်းရေးတွေ၊ ရဲထဲက SB တို့ ပါမယ်ထင်တယ်။ သူတို့လည်း နှစ်ယောက်စီ ထိုင်တယ်။ ကျနော်တို့ ၁၇ ယောက်ကို သူတို့ကလည်း ၁၇ ယောက် ပါတယ်။
၁ နာရီ၊ ၂ နာရီလောက် ကြာတော့ ခန္တီးကို ရောက်တယ်။ မိုးလင်းပြီ။ ခန္တီးထောင်မှာ ကျနော်တို့ နေဖို့ နေရာတွေချ တယ်။ မင်းတို့ကို ကောင်းကောင်းမွန်မွန် ကျွေးပါ့မယ် ဘာညာပြောပြီး ကျနော်တို့ကို ရွှေဘိုက ထည့်ပေး လိုက်တဲ့ အထုပ်လေးတွေတောင် သိမ်းသွားတယ်။ ကျနော် နေရတဲ့ အခန်းက ၃ ပေ၊ ၈ ပေ လောက် ရှိမယ်။ (ခန္တီးထောင်တွင် ကိုကျော်စိုးလင်း ကြုံတွေ့ ခဲ့ရသည်များမှာ စစ်အစိုးရ လက်ထက် နိုင်ငံရေး အကျဉ်းသားများ ကြုံတွေ့ခဲ့ရသည့် အနေအထား များ အတိုင်းဖြစ်၍ ချန်လှပ် ထားခဲ့ပါသည်။)
ခန္ဓီးထောင်မှာ ဘယ်လောက်နေခဲ့ရလဲ။
ခြောက်လ။
အဲ့ဒီခြောက်လက တရားခွင်တွေဘာတွေတင်၊ အမှုတွေဘာတွေ စစ်ပြီး ချုပ်တာလား။
တရားခွင် မတင်ဘူး။ ဒီလို မတရားချုပ်နှောင်တဲ့အပြင် မတရားဖမ်းဆီးမှုလို့လည်း ပြောရမှာပေါ့။ အဲ့ဒီမှာ ၁၅ ရက် လောက်က စစ်ကြောရေး ဝင်ခဲ့ရတယ်။ စစ်ကြောရေး ကတော့ တကယ့် ဆိုးဆိုးဝါးဝါး ငရဲခန်းပါပဲ။
စစ်ကြောရေးမှာ အဓိက ဘာတွေစစ်လဲ။
အဓိကကတော့ ကျနော်တို့က စလုပ်တာပေါ့။ ကျနော်တို့က ရိုက်တယ်ဆိုတဲ့ အကြောင်းကို ထွက် ဆိုခိုင်းတာ။ ပထမ တကြိမ် လာစစ်လည်း ကျနော် အမှန်အတိုင်းပြောတယ်။ ဒုတိယ တကြိမ်၊ တတိယ အကြိမ်လဲ အဲ့ဒီ အတိုင်းပဲ ထွက်တယ်။ ကျနော် တယောက်တည်းကို လူ ၄၊ ၅၊ ၆ ယောက် လောက်က ဝိုင်းစစ်တာ။ ဒီလူ ၄၊ ၅၊ ၆ ယောက်ကလည်း အဲ့တာကိုပဲ မေးတယ်။ မနက်တခါ၊ နေ့လည်တခါ၊ ညဆိုလည်း ၇ နာရီတခါ၊ ၁၂ နာရီတခါ အဲ့လို စစ်တယ်။
ဒီပဲယင်း ဖြစ်စဉ်ကို အိပ်မက်တွေ ပြန်မက်တာမျိုး၊ ပြန်ပြီး ခံစားနေရတာမျိုး ရှိလား။
ထောင်ထဲရောက်နေတဲ့ အချိန်တုန်းကတော့ နားထဲမှာ အဲ့အဖြစ် အပျက်တွေ ကြားနေရတာမျိုး ရှိတယ်။ ကျနော်က ဖြစ်တဲ့ နေရာမှာတုန်းက ဘာမှ မဖြစ်ခဲ့ဘူးလို့ ပြောလို့ရတယ်။ ထောင်ထဲ ရောက်မှ နှိပ်စက်ခံရတဲ့ အခါကျမှ မျက်လုံး တဘက် ထိလာတယ်။ မျက်လုံးက အားနည်း သွားတယ် ပြောရမှာပေါ့။ သွားတွေလည်း အခုထိ မကောင်းတော့ဘူး။ နားတွေလည်း သိပ် မကောင်းတော့ဘူး။ အဲ့တော့ ထောင်ထဲက အဖြစ်အပျက်တွေ အိပ်မက်လို ပြန်မက်တာတွေ ရှိတယ်။ အမြဲတမ်း အာရုံထဲမှာ ရောက်နေတာမျိုး ရှိပါတယ်။
အခုအချိန်အထိ ခံစားနေရတာကတော့ ဒီကိစ္စက အစိုးရတရပ်အနေနဲ့ လုပ်ကြံတယ်လို့ သိပေမယ့် ဘယ်သူက ဦးဆောင်ပြီးတော့ လုပ်သလဲ ဆိုတာကို။ တာဝန်ရှိတာတော့ အစိုးရမှာ တာဝန်ရှိတယ်။ အများကလည်း သိတဲ့ အနေအထား ရှိတယ်။ ဒါပေမယ့် ဒီဥစ္စာကို ဘယ်သူက ဦးဆောင်ပြီးတော့ အကွက်ကျကျ စီစဉ်ပြီးတော့ လုပ်သလဲ ဆိုတာ အခုအချိန်အထိ မပေါ်ပေါက် သေးဘူး။ နောက်ပြီး လုပ်တဲ့သူတွေ ဘယ်နှစ်ယောက်၊ ဘယ်သူတွေ ဆိုတာ ကျနော်တို့ တိတိကျကျ ဖော်ထုတ်နိုင်စွမ်း မရှိသေးဘူး။
ကျနော့်စိတ်ထဲမှာ သူတို့ကို ပြန်ပြီး ထိခိုက်ပါစေ၊ နစ်နာပါစေ၊ ဟိုဟာဖြစ်ပါစေ ဆိုတဲ့ ဆန္ဒ မရှိဘူး။ ဒါပေမယ့် အဖြစ်မှန် လေးကိုတော့ ပေါ်ပေါက်စေချင်တယ်။ တနေ့ထက် တနေ့တော့ အဲ့ဒီ ခံစားချက်လေးတော့ ရှိနေတာပေါ့နော်။
ခန္တီးကနေ ပြန်လွတ်လာပြီး နောက်ပိုင်း အန်တီနဲ့ ဘယ်နှစ်ခါ ပြန်တွေ့ဖြစ်လဲ။
အန်တီ ၂ဝ၁ဝ နေအိမ်အကျယ်ချုပ်က လွတ်ပြီးတော့မှပဲ ကျနော် သွားပြန်တွေ့ဖြစ်တယ်။ အခုဆို ၇ ကြိမ်လောက်တော့ တွေ့ပြီးပါပြီ။
အန်တီနဲ့ အဲ့ဒီတုန်းက အခြေအနေတွေ ပြန်ပြောဖြစ်လား။ အကို့ ပါဝင်မှုနဲ့ ပတ်သတ်ပြီး အန်တီက ဘာပြောသေး လဲ။
စစတွေ့ချင်းတုန်းက အန်တီက အချိန်သိပ်မရဘူး။ ထွက်လာကာစ ဆိုတော့ သတင်းယူတဲ့ သူတွေ၊ တွေ့ချင်တဲ့ သံအမတ်တွေ၊ သံတမန်တွေ များနေပေမယ့် ကျနော့်ကို အန်တီက တော်တော်လေး အချိန်ပေး စကားပြောဖြစ်ပါ တယ်။ စစတွေ့တဲ့ အချိန်မှာ မြန်မာ့နိုင်ငံရေးဖြစ်စဉ် အခြေအနေပေါ့။ ဒါတွေကိုပဲ အဓိက ကျနော်တို့ ပြောဖြစ်ပါ တယ်။ နောက် ကျနော့်ကို ကျေးဇူးတင်တဲ့ အကြောင်းလည်း ပြောပါတယ်။ ကျနော်က ရှေ့နေ တယောက် ဖြစ်နေတယ် ဆိုတော့ ရှေ့နေနဲ့ ပတ်သတ်တဲ့ အကြောင်းအရာတွေလည်း ပြောဖြစ်ပါတယ်။
အခု အခြေအနေတွေ ပြောင်းနေပြီ။ အန်တီလည်း လွှတ်တော်ထဲရောက်သွားပြီ။ ဆိုတော့ တချိန်က အန်တီနဲ့ အသက်အန္တရာယ် အတူကြုံခဲ့ဖူး တဲ့သူ အနေနဲ့ ဒီ အနေအထားပေါ်မှာ ဘယ်လိုထင်လဲ။
အန်တီက လွှတ်တော်ထဲရောက်သွားပြီ။ အစိုးရနဲ့ အတိုက် အခံနဲ့ ပေါင်းပြီး အလုပ် လုပ်ရမယ်ဆိုတဲ့ အချိန်ရောက်သွားတော့ အန်တီလည်း ပိုပြီး တာဝန်တွေ ကြီးလာတယ်လို့ ခံစားရတယ်။ ဖြစ်တဲ့ ပြဿနာတွေ အားလုံး အန်တီ့ဆီကို တိုက်ရိုက် တိုင်တည် လာကြတယ်။ အရင်က မတိုင်တည် ရဲ ကြဘူး။ အခုလွှတ်တော်ထဲ ရောက်ပြီဆိုတော့ အန်တီ့ကို ခေါင်းတည်ပြီး တိုင်တည်လာတာတွေ ရှိလာ တယ်။ ရောက်လာတဲ့ ပြဿနာတွေကို အန်တီက ဖြေရှင်းပေးရတဲ့ အပြင် တိုင်းပြည်ရဲ့ အပြောင်းအလဲ အတွက်လည်း ဖြေရှင်းနေရတော့ အန်တီ့အနေနဲ့ တာဝန်တွေ ပိုများလာတယ်လို့ ခံစားရပါတယ်။
ဒေါ်အောင်ဆန်းစုကြည်အတွက် နောက်ထပ် အဲ့လို အနီးကပ်တာဝန် ယူပေးချင်သေးလား။
အန်တီလွတ်ပြီးတော့ ကျနော်က ပြောပါတယ်။ အန်တီ လိုအပ်ရင် ဘယ်အချိန်ဖြစ်ဖြစ် ခေါ်ပါခိုင်းပါ ဆိုတော့ အန်တီ က ကျနော့်မှာက မိန်းမနဲ့ ကလေးနဲ့ မိသားစုနဲ့ ဖြစ်ဆိုတော့ မိသားစုကို ဂရုစိုက်ဖို့ လိုတယ်ပေါ့။ နောက် ရှေ့နေ အနေနဲ့ကော တခြား လုပ်နိုင်တာတွေ ရှိသေးတယ်ပေါ့ အဲ့လို ပြောပါတယ်။
ဒီပဲယင်းကိစ္စလို ဖြစ်ပြီးခဲ့တာတွေ ပြန်ဖော်တာ ဒီမိုကရေစီကူးပြောင်းရေးနဲ့ အမျိုးသား ပြန်လည် ရင်ကြားစေ့ရေးကို ထိခိုက်နိုင်တယ်လို့ ပြောတာတွေလည်း ရှိတယ်။ ဒီအပေါ်မှာကော ဘယ်လိုထင်လဲ။
ဒီဖြစ်ရပ်လေးက သမိုင်းပေါ့ဗျာ။ သမိုင်းအဖြစ်မှန်ပေါ့။ အခု ကျနော်တို့ကို လုပ်တဲ့သူတွေ အားလုံးက တော်တော်များ များက သက်ရှိ ထင်ရှား ရှိနေကြတုန်းပဲ။ သူတို့ကိုယ် သူတို့ပေါ့ဗျာ “ဟာ… ကျနော်တို့က အဲ့တုန်းက အဲ့လို ဖြစ်ခဲ့တယ်၊ အခုတော့ ကျနော်တို့က ပြောင်းလဲချင်ပြီ” ဆိုတာမျိုးပဲ ဖြစ်ဖြစ်ပေါ့ဗျာ။ သူတို့ကို အပြစ်ပေးတာ မပေးတာ အပေါ်မှာ ကျနော်တို့ ဘာဆန္ဒမှ မရှိပါဘူး။ အဖြစ်မှန်လေးကို ပေါ်လွင်စေချင်တာပေါ့ဗျာ။ နောင်သမိုင်းကြရင် ဒါဘယ်လိုက ဘယ်လိုဖြစ်တယ်၊ ဘယ်သူတွေ စီစဉ်ခဲ့လို့ ဘယ်လိုတွေ ဖြစ်တယ်ဆိုတာကို သမိုင်းကြောင်းမှာ တရားဝင်
ပေါ်သွားစေချင်တဲ့ ဆန္ဒရှိပါတယ်။
ဒီပဲယင်းဖြစ်စဉ်မှာ ရိုက်ကြနှက်ကြနဲ့ ငရဲပွက်နေတဲ့ အချိန် မှတ်မှတ်ရရ အဖြစ်ဆုံး အပြုအမူ ဒါမှမဟုတ် စကားလုံးက ဘာဖြစ်မလဲ။
စွဲစွဲမြဲမြဲ သတိထားမိတာက ကျနော့်အရှေ့မှာ ပြောကြဆိုကြတဲ့ အချိန်မှာ “ဒါ ဒေါ်အောင်ဆန်းစုကြည် ကားနော်၊ မင်းတို့ သမိုင်းဝင်သွားမယ်” ဆိုပြီး ပြောတဲ့ အချိန် သူတို့ ခဏတုန့်သွားတယ်။ နောက်ပြီးမှ “ဟာ.. ဘာပဲဖြစ်ဖြစ် ချကွာ၊ ရိုက်ရိုက်” ဆိုပြီး ဝင်ရိုက်တဲ့ အဖြစ်ကတော့ ကျနော့် စိတ်ထဲမှာ ထင်ကျန်နေတုန်းပဲ။
Ref: မဇ္ဈိမ
Read More...
Collapse...
ကိုသားညွန့်ဦး
ဗုဒ္ဓဟူး, 30 မေ 2012
ထိုင်းနိုင်ငံကို ရောက်ရှိနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာတော့ ဘန်ကောက်မြို့မှာ ကျင်းပနေတဲ့ အရှေ့ အာရှ ကမ္ဘာ့စီးပွားရေး ညီလာခံကို တတ်ရောက်မှာဖြစ်ပါတယ်။ ညနေပိုင်းမှာ အရှေ့အာရှ စီးပွားရေး ညီလာခံ ကျင်းပရာနေရာကို ဒေါ်အောင်ဆန်းစုကြည် ရောက်ရှိလာ တာဖြစ်ပါတယ်။ ဒီမတိုင်ခင် ကတော့ မြန်မာ အလုပ်သမားတွေ အများအပြား ရှိနေတဲ့ မဟာချိုင်ကို သွားရောက်ပြီး မြန်မာ အလုပ်သမားတွေကို တွေ့ဆုံနှုတ်ဆက် ခဲ့ပါတယ်။ ဒေါ်အောင်ဆန်းစုကြည်ရဲ့ ထိုင်းခရီးစဉ်နဲ့ နောက်ဆုံး အခြေအနေနဲ့ ပတ်သက်လို့တော့ ကိုသားညွန့်ဦးက စုစည်း တင်ဆက်ပေးထား ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့မှာ အရှေ့အာရှဆိုင်ရာ ကမ္ဘာ့ စီးပွားရေး ညီလာခံအတွင်းမှာပဲ သက်ဆိုင်ရာ တာဝန်ရှိသူတွေ ခေါင်းဆောင်တွေနဲ့ သီးခြားစီ တွေ့ဆုံ ဖွယ်ရှိပါတယ်။ ဒီနေ့ မွန်းလွဲပိုင်း မှာတော့ ကမ္ဘာ့ စီးပွားရေး ညီလာခံ တရားဝင်ဖွင့်ပွဲ အခမ်းအနား ပြုလုပ် မှာဖြစ်ပြီး ထိုင်းဝန်ကြီးချုပ် အပါအ၀င် ခေါင်းဆောင် အတော်များများက အရှေ့အာရှ အနာဂတ် အပေါ် အမြင်တွေကို မိန့်ခွန်း ပြောဆိုကြဖို့ ရှိပါတယ်။ မနက်ဖြန် ဇွန်လ တစ်ရက်နေ့ မနက်ပိုင်း ကမ္ဘာ့စီးပွားရေး ညီလာခံမှာတော့ ဒေါ်အောင်ဆန်းစုကြည် မိန့်ခွန်း ပြောဖို့ရှိပြီး မွန်းလွဲပိုင်းမှာတော့ မြန်မာနိုင်ငံ အတွင်း ပြုပြင်ပြောင်းလဲ မှုတွေဟာ ဒေသနဲ့ ကမ္ဘာကြီးအတွက် ဘယ်လို သက်ရောက်နိုင်သလဲ ဆိုတဲ့ အပေါ် မြန်မာနိုင်ငံရေး အနာဂတ်ဆိုတဲ့ ခေါင်းစဉ်နဲ့ ဆွေးနွေးပွဲ ရှိပါတယ်။
မနေ့ကတော့ ကမ္ဘာ့စီးပွားရေးညီလာခံကို မရောက်ခင် ဒေါ်အောင်ဆန်းစုကြည်ဟာ မြန်မာ အလုပ်သမားတွေ အများ အပြားရှိတဲ့ ဘန်ကောက်မြို့အနီး မဟာချိုင် အရပ်ကို သွားရောက်ရာမှာ ထောင်နဲ့ ချီတဲ့ မြန်မာ တိုင်းရင်းသား လူမျိုးတွေရော ဒေါ်အောင်ဆန်းစုကြည်ကို လေးစားတဲ့ ထိုင်းလူမျိုးတွေပါ စုဝေးရောက်ခဲ့ကြပါတယ်။
“ဒေါ်အောင်ဆန်းစုကြည်ကို တွေ့ချင်လို့ ကျနော်တို့မှာ အလုပ်နားလို့ရှိရင် ၁၀ ရက်၊ ၁၅ ရက် ဖိုင်း (fine) တပ်ပါတယ်။ ဒါပေမယ့် ကျနော်တို့ ဂရု မစိုက်ပါဘူး။ အမေစုဆိုတာ တွေ့ရဖို့ ခဲယဉ်းပါတယ်။ တသက်မှာ တခါပဲ တွေ့ရပါတယ်။ သူများတွေ တွေ့ချင်လို့တောင် မတွေ့ရပါဘူး။ ကျနော်ဆိုရင် မနက် ၆ နာရီ ကတည်းက လာပါတယ်။ ထမင်းလည်းမစား-ဘာမှ မစားဘူး။ အမေစုကိုတွေ့ချင်တဲ့ စိတ်နဲ့။ အခု တွေ့ လိုက်ရတော့ စိတ်ထဲမှာ အရမ်းကို ပီတိဖြစ်ပါတယ်။”
“အရမ်းကိုချစ်တဲ့အတွက်ကြောင့် လာကြိုတာ- ဘာမှ မျှော်လင့်ချက်ထားပြီး လာကြိုတာတော့ မဟုတ်ပါ ဘူး။ အရမ်းကို ချစ်လွန်းလို့၊ အရမ်းကို တွေ့ချင်လွန်းလို့ အပင်ပန်း ခံပြီး လာကြိုတာပါ။ ဒီနေ့က အလုပ်မပိတ် ဘူး။ ဒါပေမယ့် သဌေးဆီမှာ ခွင့်တောင်းပြီးတော့ ကြိုးစားပမ်းစားနဲ့ လာကြိုရတာ၊ သူတို့လည်း အကုန်လုံး ကို ခွင့်မပေးနိုင်ဘူး။”
“မေမေ ဒေါ်အောင်ဆန်းစုကြည် အချုပ်ထဲမှာနေတာ ကြာပြီ။ ဘာမှ မသိဘဲနဲ့ - တိုင်းသူပြည်သား အားလုံး က ဒုက္ခရောက်နေတယ်။ ဘာဖြစ်လို့လဲ ဆိုတော့ - ထိုင်းနိုင်ငံမှာ အလုပ် လာလုပ်နေတယ်။ မေမေဘာမှ မသိဘူး။ ဒါကြောင့်မို့လို့ မေမေသိအောင် ဒီထိုင်းနိုင်ငံမှာ လာလို့ရှိရင် သမီး မေမေ့ကို ကြိုနေမှာပါ။”
ဒေါ်အောင်ဆန်းစုကြည်ကလည်း မြန်မာရွှေ့ပြောင်းအလုပ်သမားတွေကို အားပေးစကားပြောပြီး တိုင်းပြည် အခြေအနေ မြင့်တက်လာတာနဲ့ အမျှ မြန်မာနိုင်ငံသားတွေရဲ့ အခြေအနေ တန်ဖိုး မြင့်တက်လာစေရမယ် လို့ ပြောဆိုသွားပါတယ်။
“ကျမတို့ဟာ မျက်နှာငယ်စရာ၊ အားငယ်စရာ ဘာမှ မလိုဘူး။ အမြဲတမ်းပြောင်းလဲနေမှာပဲ။ အဲဒီတော့ ဒီတကြိမ်တခါမှာ ကျမတို့နိုင်ငံသားတွေက ဒီမှာလာပြီး လုပ်နေရတယ် ဆိုပေမယ့် ကျမတို့နိုင်ငံရဲ့ အခြေအနေတွေ ပြောင်းလာတာနဲ့အမျှ ကျမတို့နိုင်ငံသားတွေရဲ့ အခြေအနေနဲ့တန်ဖိုးကလည်း တက်လာမှာပဲဆိုတာကို သိကြပါ။”
ထိုင်းနိုင်ငံအတွင်း ဒေါ်အောင်ဆန်းစုကြည် သွားရောက်တဲ့ ခရီးစဉ်တွေမှာ ထိုင်းအာဏာပိုင်တွေက လုံခြုံရေး အပြည့် ယူထားပေးပါတယ်။ ဒေါ်အောင်ဆန်းစုကြည်ဟာ ဇွန်လ ၂ ရက်နေ့မှာတော့ မြန်မာ တိုင်းရင်းသား ဒုက္ခသည်တွေ ရှိနေတဲ့ မယ်လ ဒုက္ခသည်စခန်းကို သွားရောက်ဖို့ ရှိပါတယ်။ နယ်စပ်မှာရှိတဲ့ တိုင်းရင်းသားခေါင်းဆောင် အချို့ကိုလည်း တွေ့ဆုံဖို့ရှိသလို မဲဆောက်က ဒေါက်တာ စင်သီယာမောင်ရဲ့ မယ်တော်ဆေးခန်း ကိုလည်း သွားရောက် လေ့လာဖွယ် ရှိပါတယ်။
Ref: VOA News
Read More...
Collapse...
လင်းဘိုဘို
ဗုဒ္ဓဟူးနေ့၊ မေလ ၃၀ ရက် ၂၀၁၂
ရန်ကုန် (မဇ္ဈိမ) ။ ။ ရန်ကုန်တိုင်း၊ လှိုင်သာယာမြို့နယ် စက်မှုဇုန် ၂ ရှိ အထည်ချုပ် စက်ရုံတခုမှ စက်ရုံအ လုပ်သမားများသည် လုပ်ခလစာ တိုးမြှင့် ရရှိရေးအတွက် ယနေ့ နံနက်ပိုင်းမှ စတင်၍ ဆန္ဒပြနေကြောင်း သိရသည်။
လှိုင်သာယာမြို့နယ်၊ ဦးထွန်းညိုလမ်းနှင့် ဦးခိန်လမ်းထောင့်ရှိ မြန်မာဆန်နီ အထည်ချုပ် စက်ရုံမှ အလုပ်သမား ၁,၂၀၀ ဝန်းကျင်ခန့်သည် အခြေခံ လုပ်ခ လစာ တိုးမြှင့် ရရှိရေး အတွက် ယနေ့ နံနက်ပိုင်းက စတင်၍
တောင်းဆို ဆန္ဒပြနေခြင်း ဖြစ်သည်။
“အဓိက တောင်းတာ အခြေခံလစာကို ၃၀,၀၀၀ တိုးပေးဖို့။ ဒီမှာက နေ့ပြတ်ကို တရက် ၆၀၀ ဝန်းကျင်လောက်ပဲ အားလုံးရတယ်။ ဒီပိုက်ဆံနဲ့ အခု စားသောက်ကုန် ဈေးနှုန်းနဲ့က ကျနော်တို့ ဘယ်လိုမှ အဆင်မပြေဘူးလေ” ဟု ဆန္ဒပြရာတွင် ပါဝင်သည့် ဝန်ထမ်းတဦးက မဇ္ဈိမကို ပြောသည်။
စက်ရုံတွင် အမျိုးသားဝန်ထမ်း ၃၀၀ နီးပါးခန့်သာ ရှိပြီး ကျန်ဝန်ထမ်းများမှာ အမျိုးသမီးများ ဖြစ်ကြောင်း သိရသည်။ စက်ရုံ အလုပ်သမားများ အားလုံးသည် လှိုင်သာယာနှင့် အနီးဝန်းကျင်မှ နေ့စဉ် အလုပ်လာရောက် လုပ်ကိုင်သူများ ဖြစ်ကြောင်း သိရသည်။
ယနေ့ နံနက်ပိုင်းက စတင်သည့် အလုပ်သမား ဆန္ဒပြမှုကို မဇ္ဈိမက ဆက်သွယ်မေးမြန်းချိန် နေ့လည် ၁၁ နာရီ ခွဲအချိန် အထိ အလုပ်သမားရေးရာ အပါအဝင် အစိုးရဌာန တာဝန်ရှိသူများ ဘက်မှ လာရောက် ဖြေရှင်းပေးမှု မရှိသေးကြောင်း သိရသည်။
Ref: မဇ္ဈိမ
Read More...
Collapse...
ဝေစန္ဒာ
ဗုဒ္ဓဟူးနေ့၊ မေလ ၃၀ ရက် ၂၀၁၂
ရန်ကုန် (မဇ္ဈိမ) ။ ။ ၈၈ မျိုးဆက် ကျောင်းသား ခေါင်းဆောင်များအနေနှင့် NGO အဖွဲ့အစည်း သီးသန့် ထူထောင်၍ အမျိုးသားရေး ဆက်လက် လုပ်ဆောင် လိုကြသော်လည်း တည်ဆဲ ဥပဒေများကြောင့် အဟန့်အတားဖြစ်နေရကြောင်း ကိုကိုကြီး က ပြောသည်။
အသင်းအဖွဲ့ထူထောင်ရေး ဥပဒေ အရ ၎င်းတို့ကဲ့သို့ နှစ်ရှည်နိုင်ငံရေး အကျဉ်းသားဟောင်းများ အတွက် ပိတ်ပင် တားဆီး ထားကြောင်း ရန်ကုန်မြို့ စင်ထရယ် ဟိုတယ်တွင် ပြုလုပ်သည့် သဘာဝ ပတ်ဝန်းကျင် ထိန်းသိမ်းရေးနှင့် ပတ်သက် သည့် အခမ်းအနား တခုတွင် ကျောင်းသားခေါင်းဆောင် ကိုကိုကြီး က ပြောကြားသွားခြင်း ဖြစ်သည်။
“တရားဝင် အသင်းအဖွဲ့အနေနဲ့ လုပ်သွားမှာပါ။ ဒါပေမယ့် လက်ရှိချထားတဲ့ အသင်းအဖွဲ့ ထူထောင်ရေး ဥပဒေတွေက ကျနော်တို့လို လူမျိုးတွေကို ပါဝင်ခွင့် မရှိအောင် တားထားသလိုပဲ။ အသင်းအဖွဲ့ တခု ဖွဲ့ရင် ဘယ်လို
နိုင်ငံရေးမှ မလုပ်တဲ့ သူ ဖြစ်ရမယ်။ နောက်တခုက တည်ဆဲဥပဒေတွေနဲ့ မငြိစွန်းသူ ဖြစ်ရမယ် ဆိုတော့ဒါဟာ ကျနော်တို့ကိုများ ရည်ရွယ် ထုတ်ထား သလားလို့ အောက်မေ့ရတယ်။ တော်တော် စိတ်ပျက်ဖို့ ကောင်းပါ တယ်။ မည်သည့် နိုင်ငံရေးမှ မလုပ်ပါ ဆိုတာကလည်း ဘယ်လို နိုင်ငံရေးကို ဆိုလိုတာလဲ။ ကျနော်တို့လို နှစ်ရှည်နေပြီး ထွက်လာသူတွေက ဒီ မြန်မာ့ လူ့အဖွဲ့ အစည်းထဲ ဝင်ဖို့ ထပ်ကန့်သတ် ခံထားရသလိုပဲ” ဟု ပြောသည်။
၁၉၈၈ မှစ၍ မြန်မာ့နိုင်ငံရေးလောကတွင် ကျင်လည် ခဲ့ကြသည့် ၈၈ မျိုးဆက် ကျောင်းသားအချို့သာ ပါတီ နိုင်ငံရေး လောကတွင်းသို့ ဝင်ရောက်မှာဖြစ်ပြီး အများစုမှာ NGO လောကတွင်းသို့ ဝင်ရောက်ကြမည် ဖြစ်ကြောင်း ၎င်းက ဆက်ပြောသည်။
“ကျနော်တို့က ၈၈ တည်းက နိုင်ငံရေးနယ်ပယ်ထဲမှာ ကျင်လည်ခဲ့တယ်။ သူများလို ဘောပင်တောင်း၊ စာအုပ်တောင်း လည်း လုပ်လာတာ မဟုတ်ဘူး။ ဒါပေမယ့် အသက်အရွယ်နဲ့ ခေတ်စနစ်အရ ပါတီနိုင်ငံရေးကို အရမ်း စိတ်ဓါတ်ပြင်းသူတွေလောက်ပဲ လုပ်ဖြစ်မယ်။ အများစုက ပါတီနိုင်ငံရေးထက် အမျိုးသား နိုင်ငံရေးကိုပဲ လုပ်သွားဖို့ များတယ်။ NGO လို အသင်းတခု အနေနဲ့ ဆက်ရှိသွားမှာပါ” ဟု ပြောသည်။
သို့ရာတွင် မည်သူများက ပါတီနိုင်ငံရေး လုပ်ဆောင်သွားမည် ဆိုသည့်အချက်ကိုမူ ထုတ်ဖော် ပြောကြားသွားခြင်း မရှိချေ။
“ဒီအပိုင်းက ပြောဖို့ စောသေးတယ်။ အခု လွှတ်တော်နဲ့ ပူးပေါင်းဆောင်ရွက်ဖို့ လုပ်နေတယ်။ ဒီထဲကို ကျနော်တို့ ပြောချင်တာကို ပြောနိုင်အောင် ဆောင်ရွက်နေတယ်။ နောက်ပိုင်း နိုင်ငံရေး စိတ်သန်တဲ့ အချို့ကလည်း အဲဒီထဲ သွားဖို့ ပြင်မှာပါ။ ဒါ အဖွဲ့ကွဲတာ မဟုတ်ဘူး။ ဒီလိုမျိုး ပါတီနိုင်ငံရေး မလုပ်ပေမယ့် အမျိုးသားနိုင်ငံရေးတော့ လုပ်မှာပါ။ ရပ်တည်မှု ကွဲတယ်ထင်ပေမယ့် မကွဲပါဘူး” ဟု ပြောသည်။
NGO လုပ်ငန်းနှင့် ပတ်သတ်၍ လေ့လာမှုများ လုပ်ဆောင်နေကြောင်း “လက်ရှိ NGO ဆိုတာကို နားမလည်ကြသေး ဘူး။ NGO ဆိုရင် ဝန်ဆောင်မှုပေးတာလို့ပဲ ထင်နေကြတော့ ဒါကို သေသေချာချာလေး လုပ်ပြီး ဥပဒေပါ အချက်တွေ ကို ပြင်ဖို့ တိုက်တွန်းသွားမှာပါ။ ဒီဥပဒေဟာ အမှောင် ကာလလို့ သတ်မှတ်ထားတဲ့ ၁၉၆၂ နောက်ပိုင်း ထုတ်ပြန်ထားတဲ့ ဥပဒေပါ” ဟု ကိုကိုကြီး က ပြောသည်။
လူမှုရေးလုပ်ငန်း လုပ်ကိုင်နေသည့် အဖွဲ့အစည်းများနှင့် ပတ်သက်ပြီး ဥပဒေသစ်တရပ် ပေါ်ထွက်ရန် လိုအပ်နေပြီ ဖြစ်ကြောင်း ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောဆိုသွားသည်။
Ref: မဇ္ဈိမ
Read More...
Collapse...
ခင်ဦးသာ
May 30, 2012
လျှပ်စစ်မီး ရရှိရေးနှင့်လုပ်အားခ တိုးမြှင့်ရရှိရေးအတွက် ဆန္ဒပြတောင်းဆိုနေကြသည့် လူထု လှုပ်ရှားမှု များ၌ နိုင်ငံရေးပါတီ များ ပါဝင် ပတ်သက်ခြင်း မပြုရန် ပြည်ထောင်စုရွေးကောက်ပွဲကော်မရှင်က သတိပေး လိုက်သည်။
နိုင်ငံရေးပါတီများသည် ဖွဲ့စည်းပုံအခြေခံဥပဒေနှင့် တည်ဆဲ ဥပဒေများကို လေးစား လိုက်နာပါမည်ဟု ၀န်ခံကတိပြုထားပြီး ဖြစ်ကြောင်း၊ ထိုဝန်ခံချက်အား ပါတီဝင် တဦးဦးက ချိုးဖောက်လျှင် ၎င်းအား ပါတီဝင် အဖြစ်မှ ထုတ်ပယ်နိုင်ကြောင်း ကော်မရှင် ဥက္ကဋ္ဌ ဦးတင်အေးက ပါတီများနှင့်တွေ့ဆုံစဉ် ပြောဆိုခဲ့သည်ဟု ယနေ့ထုတ် နိုင်ငံပိုင် သတင်းစာများ၌ ရေးသားထားသည်။
အမျိုးသား ဒီမိုကရေစီအဖွဲ့ချုပ် (NLD)၊ အမျိုးသား ဒီမိုကရေစီ အင်အားစု (NDF)၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၊ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ်၊ ၈၈ မျိုးဆက်ကျောင်းသား လူငယ်များ (ပြည်ထောင်စုမြန်မာနိုင်ငံ) စသည့် ပါတီများ ကို နေပြည်တော်သို့ ယမန်နေ့က ခေါ်ယူတွေ့ဆုံ ရှင်းလင်းခဲ့ခြင်း ဖြစ်သည်။
ယမန်နေ့က တွေ့ဆုံပွဲတွင် ဖွဲ့စည်းပုံ၌ ပါဝင်သည့် မူဝါဒများကို ဖတ်ပြကြောင်း၊ လက်ရှိဆန္ဒပြမှု များ၌ ပါတီတချို့ပါဝင် ပတ်သက်သည်ဟု တိုင်ထားကြကြောင်းနှင့် မဖြစ်နိုင်သည့် အရာများကို ပါတီများ အနေဖြင့် တွန်းအား မပေးကြရန် ဦးတင်အေး ရှင်းပြကြောင်း NDF ပါတီ၏ ဗဟိုအဖွဲ့ဝင်နှင့် ပြည်သူ့ လွှတ်တော် ကိုယ်စားလှယ် တဦးဖြစ်သူ ဦးစိုးဝင်းက ဧရာဝတီကို ပြောသည်။
၎င်းက “စက်ရုံ၊ အလုပ်ရုံ ၂၀ လောက်ဆန္ဒပြနေကြတာမှာ ၁၃ ရုံလောက်က ညှိနှိုင်းလို့ရပြီ၊ ၄ ရုံကတော့ နိုင်ငံရေး ပါတီတွေက အားပေးနေတဲ့ အတွက် ညှိမရ ဖြစ်နေတယ်ဆိုပြီး တိုင်တာတွေရှိတယ်၊ အဲဒီအထဲမှာ နာမည် ထုတ်ပြောတာက NLD၊ NDF တို့ ပါနေတယ်” ဟု ဆိုသည်။
နိုင်ငံရေးပါတီများသည် ပြည်သူ့ ကိုယ်စားပြုဖွဲ့စည်းထားသည့် အဖွဲ့အစည်းဖြစ်သည့်အတွက် ပြည်သူတို့၏ အခက်အခဲများကို ကူညီဖြေရှင်းပေးရန် တာဝန် ရှိကြောင်း၊ အလုပ်သမားရော၊ အလုပ်ရှင်ပါ ပြည်သူများဖြစ်သည့်တိုင် ဒုက္ခ အခက်အခဲ ခံစားနေရ သူများမှာ အလုပ်သမားများသာ ဖြစ်ကြောင်း ဦးစိုးဝင်းက ပြောသည်။
“ကျနော်ကိုယ်တိုင် လွှတ်တော် ကိုယ်စားလှယ် တယောက်အနေနဲ့ အလုပ်သမားတွေနဲ့ တွေ့ဖို့ ရှိပါတယ်။ သူတို့ကို ဘာလုပ်ပေးနိုင်မလဲပေါ့။ လွှတ်တော် အနေနဲ့လည်း ဖြေရှင်းပေးဖို့ လိုတာပေါ့” ဟု သူက ဆက်ပြောသည်။
နိုင်ငံရေးပါတီများသည် ဥပဒေ ပုဒ်မ ၄၀၄ (ခ) အရ “နိုင်ငံတော်၏ ကျေးဇူးသစ္စာကို စောင့်သိရိုသေရမည်” ဆိုသည့်အချက်နှင့် ပုဒ်မ ၄၀၅ (ခ) ၌ ပါဝင်သော “ဤဖွဲ့ စည်းပုံ အခြေခံ ဥပဒေနှင့် တည်ဆဲ ဥပဒေများကို လေးစားလိုက်နာမည်” ဟု ပါတီ မှတ်ပုံတင်စဉ် ကပင် ၀န်ခံကတိ လက်မှတ်ထိုးပြီး ဖြစ်ကြောင်း၊ ၀န်ခံချက်အား ချိုးဖောက်လျှင် ပါတီမှ ထုတ်ပယ်သည် အထိ အရေးယူနိုင်ကြောင်း ဦးတင်အေးက ဆိုသည်။
လျှပ်စစ်မီး ပြဿနာသည် ယခုမှ ဖြစ်ပေါ်လာခြင်း မဟုတ်ကြောင်း၊ ထိုကိစ္စအား အစိုးရ သတင်းစာများက ကျယ်ကျယ်ပြန့်ပြန့် ဖော်ပြမပေးဘဲ သတင်းထိန်ချန် ထားကြောင်း စသည့် ကိစ္စတို့ကို ပြန်လည်ဆွေးနွေး ခဲ့သည်ဟု NLD ပါတီ၏ ပြောခွင့်ရသူနှင့် လွှတ်တော်ကိုယ်စားလှယ် ဦးအုန်းကြိုင်က ပြောသည်။
၎င်းက “မီးပြဿနာက ကြာပြီ၊ ဒါကို အဓိက ဖြေရှင်းပေးဖို့ တာဝန်က အစိုးရဖြစ်တယ်၊ အစိုးရ သတင်းစာတွေ ကလည်း သတင်းတွေ အမှောင် ချထားတော့ အကြောင်းစုံကို အခု ခေါ်ပြောတော့မှပဲ ကျနော်တို့က သိရတာပါ” ဟု ဆိုသည်။
မိမိတို့၏ လိုအပ်ချက်များ တောင်းဆိုခြင်းသည် ပြည်သူတို့၏ လွတ်လပ်ခွင့်ဖြစ်ကြောင်း၊ ပြည်သူတို့၏ လွတ်လပ်ခွင့် အား ကာကွယ်ပေးရေး တာဝန်သည် ၎င်းတို့ပါတီ၏ အခြေခံမူပင် ဖြစ်ကြောင်း ဦးအုန်းကြိုင်က ပြောသည်။
လူထု ဆန္ဒပြပွဲများသည် ရန်ကုန်၊ မန္တလေး၊ ပြည်၊ မုံရွာ၊ ပုသိမ် စသည့် ဒေသများ၌ ဆက်တိုက်ဖြစ်ပေါ်နေပြီး တပြည်လုံး အုံကြွမှု ဖြစ်လာမည့် အရေးကို အစိုးရ အာဏာပိုင်များက စိုးရိမ်လျှက် ရှိသည်။ မှော်ဘီမြို့နယ် သံမဏိစက်ရုံမှ အစာငတ်ခံ ဆန္ဒပြသည့် အလုပ်သမား တချို့ကိုလည်း ဆေးရုံသို့ ပို့ဆောင်ခဲ့ရသည်။
မြန်မာနိုင်ငံသည် ဒီမိုကရေစီ အသွင်ကူးပြောင်းစ၊ နုနယ်သော ကာလတွင် လိုအပ်ချက်များ ရှိမည်ဖြစ်ကြောင်း၊ နိုင်ငံတကာ၏ စီးပွားရေး ပိတ်ဆို့မှုများ ရုပ်သိမ်းပြီး နိုင်ငံရေးဖြစ်ပေါ် တိုးတက်မှု ပူးပေါင်းဆောင်ရွက်နေသည့် ကာလတွင် မလိုလားအပ်သော ဆူပူအကြမ်းဖက် မှုကြောင့် တုံ့နှေးသွားမည့် အခြေအနေမျိုး မဖြစ်ရန် အလေးထားဖို့ လိုကြောင်း ဦးတင်အေးက ဆိုသည်။
ဦးတင်အေးက “မဖြစ်နိုင်သေးတာတွေကို ဆန္ဒစော အတင်းတွန်းအားပေး ဆောင်ရွက်ခြင်းဖြင့် မိမိအတွက်ရော နိုင်ငံအ တွက်ပါ အကျိုးမရှိ၊ မလိုလားအပ်တဲ့ ဆူပူမှုတွေ ဖြစ်လာရင် နိုင်ငံတော် တည်ငြိမ်အေးချမ်းရေး ကိုထိခိုက်စေတယ်” ဟု ဆိုကြောင်း သတင်းစာများ၌ ဖော်ပြထားသည်။
နိုင်ငံရေးပါတီများနှင့် တွေ့ဆုံ ရှင်းလင်းရာတွင် ဦးတင်အေးနှင့်အတူ အမှတ် ၂ လျှပ်စစ်ဝန်ကြီးဌာန ဒုဝန်ကြီး ဦးအောင်သန်းဦး၊ အလုပ်သမား ဒု ၀န်ကြီး ဦးမြင့်သိန်း တို့ကလည်း လက်ရှိ ဆန္ဒပြမှု အခြေအနေများ၊ ၎င်းတို့ ဌာနများမှ ဖြေရှင်းပေးနေသည့် အခြေအနေများ၊ အခက်အခဲများကို ရှင်းလင်းပြခဲ့ကြကြောင်း ပါတီ ခေါင်းဆောင်များက ပြောသည်။
အစိုးရ အာဏာပိုင်တို့၏ ခေါ်ယူဆွေးနွေး အသိပေးခြင်းသည် ၎င်းတို့၏ မူဝါဒကို ထုတ်ဖော်ပြောဆိုခြင်း ဖြစ်ပြီး ပြည်သူတို့၏ အခက်အခဲများကို ကူညီဖြေရှင်းပေးရေး ကိစ္စသည် နိုင်ငံရေး ပါတီများ၏ မူဝါဒ ဖြစ်ကြောင်းလည်း နိုင်ငံရေး ပါတီများက ဆို သည်။
Ref: ဧရာဝတီ
Read More...
Collapse...
ကိုသားညွန့်ဦး
အင်္ဂါ, 29 မေ 2012
ထိုင်းနို်င်ငံကိုရောက်နေတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်း စုကြည်ဟာ အခု မနက်ပိုင်း မြန်မာ အလုပ်သမားတွေ အများစု အလုပ် လုပ်ကိုင်နေတဲ့ မဟာချိုင်ဒေသကို သွားရောက် မှာဖြစ်ပါတယ်။ မြန်မာ့ စီးပွားရေးကိုပါ အထောက်အပံ့ဖြစ်စေတဲ့ ဒီ အလုပ်သမားတွေရဲ့ အတွေ့အကြုံ၊ နေ ထိုင်မှု ဘ၀ တွေကို မျက်မြင်တွေ့လိုတာကြောင့် သူတို့ရဲ့ အလုပ်ခွင်ထဲ အထိ ဒေါ်အောင်ဆန်းစုကြည် သွားရောက် ကြည့်ရှုမှာဖြစ်တယ်လို့ အလုပ်သမားရေး လှုပ်ရှားသူတွေက ပြောပါတယ်။ ကိုသားညွန့်ဦးက ဒီအကြောင်း ဆက်ပြီး တင်ပြပေးထားပါတယ်။
မနေ့ညပိုင်း ဒေါ်အောင်ဆန်းစုကြည် ထိုင်းနိုင်ငံ၊ ဘန်ကောက်မြို့က သုဝဏ္ဏဘုမိ နိုင်ငံတကာလေဆိပ်ကို ဆိုက်ရောက် ချိန်မှာတော့ ထိုင်းအထူး ရဲတပ်ဖွဲ့နဲ့ ထိုင်းအာဏာပိုင်တွေက တင်းတင်းကြပ်ကြပ် လုံခြုံရေး ယူပေး ထားပါတယ်။ လေဆိပ် အထွက်မှာတော့ ဒေါ်အောင်ဆန်းစုကြည်ကို ထိုင်းရောက် မြန်မာ တွေရော ထိုင်းလူမျိုးတွေရော စိတ်လှုပ်ရှားတကြီး ကြိုဆိုခဲ့ကြပါတယ်။
အလုပ်သမတဦး။ ။ “အရမ်းလည်းဝမ်းသာမိတယ်၊ ဂုဏ်ယူတယ်၊ ကျေနပ်တယ်၊ စိတ်ထဲ အရမ်း လှုပ်ရှားတယ်။ ဘယ်အချိန် လာမလဲ၊ နာရီကို ခဏခဏလည်း ကြည့်တယ်။ ထိုင်းနိုင်ငံမှာရောက်ရှိလာ တဲ့ မြန်မာ အလုပ်သမားတွေ အတွက် မြန်မာနိုင်ငံက အလုပ်သမားတွေပေါ့နော်- တရားမျှတမှု ရှိအောင်- ထိုင်းအစိုးရတွေကို ပြေပြေလည်လည်ဖြစ်အောင် လုပ်ပေးပါလို့ ပြောချင်တယ်။”
အလုပ်သမားတဦး။ ။ “ကျနော့်ရင်ထဲမှာ အတိုင်းအဆမရှိအောင် ပျော်ပါတယ်ခင်ဗျ။ ဒီနေ့ က ဒေါ်အောင်ဆန်းစုကြည်နဲ့တွေ့ဖို့ ဆိုပြီး ကျနော်လာတာ။ ၈ နာရီလောက် ကတည်းက ဒီကိုရောက်နေ တာ။ ဒီနေ့ကတော့ ကျနော့်ဘဝမှာ အပျော်ဆုံးနေ့လို့ ပြောလို့ရပါတယ်။”
ဒေါ်အောင်ဆန်းစုကြည်ကိုတွေ့ဖို့ စိတ်လှုပ်ရှားတကြီး စောင့်နေတဲ့ထဲမှာ ထိုင်းလူမျိုးတွေလည်း အတော်များများ ပါဝင်ပါတယ်။ ဒေါ်အောင်ဆန်းစုကြည်ရဲ့ ပြည်ပ ခရီးစဉ်ဟာ ထိုင်းနိုင်ငံကို အရင်ဆုံးရောက်လာတဲ့ အပေါ် သူတို့က အင်မတန်ကို ၀မ်းသာ ခဲ့ကြပါတယ်။
“ကျမ အရမ်းကို စိတ်လှုပ်ရှားရပါတယ်။ ပြီးခဲ့တဲ့ သတင်းကြားရတုန်းက သူ နော်ဝေး သွားမယ်လို့ သိရ တာပါ။ ပထမဆုံး ပြည်ပ ခရီးစဉ်က နော်ဝေး သွားမယ်လို့ ဟိုတုန်း ကတည်းက သူမကလည်း ပြောခဲ့တာပါ။ အခုတော့ မဟုတ်ဘူး. ဒီကို ပထမဆုံးရောက်လာပြီလေ။ အခုဆို မြန်မာပြည်ပ ခရီးစဉ်က ပထမဆုံး ထိုင်းနိုင်ငံဖြစ်တယ်လေ- ၀မ်းသာလွန်းလို့ ကျမ ပြောစရာ စကားတောင် မရှိပါဘူး။”
ဒေါ်အောင်ဆန်းစုကြည်ဟာ မြန်မာပြည်အတွက်တင်မက အခြားကမ္ဘာ အသီးအသီးက အမျိုးသမီးတွေ အတွက်ပါ စိတ်ခွန်အားဖြစ်စေတယ်လို့ အဲဒီ ထိုင်း အမျိုးသမီးက ပြောပါတယ်။
ဒေါ်အောင်ဆန်းစုကြည်ဟာ ဒီကနေ မနက်ပိုင်း ၈ နာရီခွဲမှာတော့ ဘန်ကောက်အနီးက မြန်မာအလုပ် သမားတွေ အများဆုံး အလုပ်လုပ်ကိုင်နေတဲ့ မဟာချိုင် ဒေသကို သွားမှာပါ။ ရေလုပ်ငန်းတွေ ရှိတဲ့ မဟာ ချိုင်ဒေသမှာတော့ ဒေါ်အောင်ဆန်းစုကြည် လာရောက်မယ်ဆိုတဲ့ အတွက် မြန်မာ အလုပ်သမားတွေလည်း စိတ်လှုပ်ရှားတကြီး ပြင်ဆင် စောင့်ဆိုင်းနေပါတယ်။
“သူနဲ့တွေ့ချင်တာက - အခု ကျနော်တို့အလုပ်သမားတွေ ခံစားနေရတဲ့ ပြဿနာ၊ ဖြစ်ပျက်နေရတဲ့ အတွေ့ အကြုံတွေကို အကုန်လုံး သိသွားအောင် - ထိုင်းအစိုးရရော၊ ဗမာ အစိုးရရော အကုန်လုံး သိသွားအောင် ပြောပြစေချင်တယ်။”
အလုပ်သမားရေးလှုပ်ရှားသူ Andy Hall ကတော့ ဒေါ်အောင်ဆန်းစုကြည်ဟာ ဒီအလုပ်သမားတွေရဲ့ တန်ဘိုးကို သဘောပေါက် နားလည်တာကြောင့် အခုလို အရေးတယူ လာရောက်တာဖြစ်တယ် လို့ ပြောပါတယ်။
“ဒီ ရွှေ့ပြောင်းအလုပ်သမားတွေဟာ မြန်မာစီးပွားရေးအတွက် အတော်လေး အထောက်ကူဖြစ်စေတယ် လို့ ဒေါ်အောင်ဆန်းစုကြည်က ယူဆမယ်လို့ ထင် တာ။ ရွှေ့ပြောင်းအလုပ်သမားအရေအတွက်က လူဦးရေ ရဲ့ ၁၀ % ရှိပါတယ်။ စီးပွားရေးကြောင့်ဖြစ်စေ၊ ပဋိ့ပက္ခတွေကြောင့်ဖြစ်စေ အကြောင်းအမျိုးမျှိုးနဲ့ ပြည်ပ ရောက်နေတဲ့ ရွှေ့ပြောင်းအလုပ်သမားဦးရေ ၅ သန်း - ၆ သန်းလောက်ဟာ အရေးပါတဲ့ အင်အားစုဖြစ်ပါတယ်။ သူတို့ဟာ သူတို့ မိသားစုတွေကို ထောက်ပံ့နိုင်ဖို့ ပြည်ပထွက်ပြီး အလုပ် လုပ်ကိုင်နေကြရတာပါ။ ဒီလူတွေ တိုင်းပြည်အတွက် ဆောင်ရွက်နေတာတွေကို အသိအမှတ်ပြုလိုတယ်၊ သူတို့နဲ့ တွေ့ချင်တယ်လို့ ဒေါ်အောင်ဆန်းစုကြည်က ပြောပါတယ်။ ဒါကြောင့် လည်း ဒေါ်အောင်ဆန်းစုကြည်ဟာ ဒီခရီးစဉ်ရဲ့ အဓိက ရည်မှန်းချက်အနေနဲ့ ထိုင်းနိုင်ငံတွင်း က ရွှေ့ပြောင်း အလုပ်သမားတွေနဲ့ တွေ့ဆုံပြီး၊ သူတို့ရဲ့ အတွေ့အကြုံတွေ သူတို့ဘ၀တွေကို မြင်တွေ သိရှိလိုတာပါ။”
ဒေါ်အောင်ဆန်းစုကြည်ဟာ မနက်ပိုင်း ၉ နာရီကျော်မှာ မဟာချိုင်မှာရှိတဲ့ ပုစွန်ဈေးကို ရောက်မယ်လို့ သိရပါတယ်။ အဲဒီကနေ မြန်မာ အလုပ်သမားတွေနဲ့ တွေ့ဆုံဖို့ ရှိသလို စက်ရုံတခုမှာ နေ့လည်စာ စားမယ်လို့ သိရပါတယ်။ မွန်းလွဲပိုင်းမှာတော့ ထိုင်းနိုင်ငံခြားရေး ၀န်ကြီးနဲ့ တွေ့ဆုံမယ်လို့ မျှော်လင့်ရပါတယ်။ ဒေါ်အောင်ဆန်းစုကြည်ဟာ ဘန်ကောက်မှာပြုလုပ်တဲ့ ၂၀၁၂ ခုနှစ်၊ World Economic Forum on East Asia အရှေ့အာရှ ကမ္ဘာ့စီးပွားရေး ညီလာခံကို တတ်ရောက်ဖို့ ထိုင်းနိုင်ငံကို ရောက်ရှိလာတာဖြစ်ပြီး ဇွန်လ တစ်ရက်နေ့မှာ အဲဒီ ညီလာခံမှာ မိန့်ခွန်းပေးဖို့ ရှိပါတယ်။ ဒီနောက်ပိုင်းမှာ ထိုင်းမြန်မာ နယ်စပ်ရှိ ဒုက္ခသည် စခန်း တခုကိုလည်း သွားရောက်ဖို့ စီစဉ် ထားပါတယ်။
Ref: VOA News
Read More...
Collapse...
2012-05-29
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ၂၄ နှစ်တာ ကာလ အတွင်း ပထမဆုံး ပြည်ပ ခရီးစဉ်အဖြစ် ထိုင်းနိုင်ငံ ဘန်ကောက်မြို့ကို အင်္ဂါနေ့ည (၁၀) နာရီက ထိုင်းလေကြောင်း လိုင်းနဲ့ ရောက်ရှိ လာပါတယ်။
လိမ္မော်ရောင်ဝတ်စုံ ၀တ်ဆင်ထားတဲ့ ဒေါ်အောင်ဆန်းစုကြည်ကို သုဝဏ္ဍ ဘူမိလေဆိပ်က ထွက်လာချိန်မှာ စုဝေးရောက်ရှိနေတဲ့ မြန်မာတွေက သံပြိုင်ကြွေးကြော်ပြီး နှုတ်ဆက် ခဲ့ကြပါတယ်။
လုံခြုံရေးထူထပ်စွာ ချထားတဲ့ အထူးဧည့်သည်တော် ထွက်ခွာရာ ဂိတ်ကနေ ကားပေါ် မတက်ခင် တိုတောင်းတဲ့ အချိန်အတွင်းမှာ ဒေါ်အောင်ဆန်းစုကြည်က တစုံတရာ ပြန်လည်ပြောဆိုခြင်း မရှိပေမယ့် ပရိသတ်များကို လက်ဝှေ့ရမ်း နှုတ်ဆက် သွားပါတယ်။
ဒေါ်အောင်ဆန်းစုကြည်ကို လာရောက်ကြိုဆိုကြသူတွေထဲမှာ ပါဝင်တဲ့ မဟာချိုင်ဒေသက မြန်မာ အလုပ်သမား မချိုချိုလေး ဆိုသူကတော့ သူနဲ့ တခြားသူငယ်ချင်း အချို့ဟာ နေ့လည် ကတည်းက မဟာချိုင်ကနေ ထွက်ခဲ့ပြီး လေဆိပ်မှာ လာရောက် စောင့်ဆိုင်းနေကြတာလို့ ပြောပါတယ်။ ထိုင်းနိုင်ငံက မိမိတို့ မြန်မာတွေရဲ့ ဘဝအခက်အခဲတွေကို ဒေါ်အောင်ဆန်းစုကြည် အနေနဲ့ ကူညီဖြေရှင်းပေးစေချင်တယ်လို့ သူက ပြောပါတယ်။
“အားကိုးတကြီး ကိုယ့်လူမျိုး ကိုယ့်နိုင်ငံသားအတွက် လုပ်သင့် လုပ်ထိုက်တာတွေ လုပ်ပေးဖို့ အတွက် စကားတွေ အများကြီးလည်း ပြောခွင့်ရှိရင် ပြောချင်တယ်။ အဓိက ကတော့ ထိုင်းသူဌေးတွေ လက်အောက်မှာ ရှိနေတဲ့ အလုပ်သမားတွေကို အဆင်ပြေအောင် ကိုယ့်နိုင်ငံသား အပေါ် တရားမျှတအောင် လုပ်ပေးစေချင်တယ်။ အဲဒါတွေကို အဓိက ပြောချင်တယ်။ အနှိမ်ခံရတာတို့၊ အစော်ကားခံရတာတို့ များတယ်။ အရမ်းကိုလည်း ရင်နာဖို့ကောင်းတယ်။ ကူညီမယ့်သူလည်း မရှိဘူး”
ဒေါ်အောင်ဆန်းစုကြည်ဟာ ဗုဒ္ဓဟူးနေ့ မနက်ပိုင်းမှာ ထိုင်းနိုင်ငံရောက် မြန်မာရွှေ့ပြောင်း အလုပ်သမား အမြောက်အများ ရှိရာ စမုတ်ဆာခွန် ခရိုင်၊ မဟာချိုင်ဒေသက နေရာသုံးနေရာကို သွားရောက် လေ့လာ ကြည့်ရှုမှာဖြစ်ပြီး အလုပ်သမားတွေနဲ့ အလုပ်သမား အဖွဲ့အစည်းအချို့ကို တွေ့ဆုံမယ်လို့ သိရပါတယ်။
အဲဒီနောက် ဘန်ကောက်မြို့မှာ ဒီကနေ့ စတင်ကျင်းပမယ့် အရှေ့အာရှ ဆိုင်ရာ ကမ္ဘာ့စီးပွားရေး ညီလာခံကို တက်ရောက် မိန့်ခွန်းပြောကြားဖို့ အစီအစဉ် ရှိတယ်လို့ သိရပါတယ်။ ထိုင်းဝန်ကြီးချုပ် နဲ့လည်း ဒေါ်အောင်ဆန်းစုကြည် တွေ့ဆုံဖို့ရှိပေမယ့် အသေးစိတ် မသိရသေးပါဘူး။
ထိုင်းနိုင်ငံမှာ ရှိနေစဉ်အတွင်း ဒေါ်အောင်ဆန်းစုကြည်ဟာ မယ်လ ဒုက္ခသည်စခန်းနဲ့ မဲဆောက်မြို့က ဒေါက်တာ စင်သီယာမောင်ရဲ့ မယ်တော် ဆေးခန်းကို သွားရောက်မှာ ဖြစ်သလို တိုင်းရင်းသား ခေါင်းဆောင်တွေနဲ့လည်း တွေ့ဆုံမယ်လို့ သိရပါတယ်။ ဇွန်လ ၃ ရက်နေ့ မနက်မှာတော့ ဒေါ်အောင်ဆန်းစုကြည်ဟာ မြန်မာနိုင်ငံကို ပြန်လည် ထွက်ခွာပါလိမ့်မယ်။
Ref: RFA News
Read More...
Collapse...
2012-05-29
ရန်ကုန်တိုင်း လှိုင်သာယာစစ်မှုဇုန်က တော်ဝင်မြန်မာ ဇာထိုးပန်းထိုးစက်ရုံက အလုပ်သမ ၁၀၀၀ ကျော်ဟာ ဒုတိယမြောက်နေ့ အဖြစ် ဒီကနေ့ ဆက်လက် ဆန္ဒပြခဲ့ကြပါတယ်။
အလုပ် သမားတွေက အခြေခံလစာ သုံးသောင်းအထိ တိုးပေးရေး အပါအ၀င် အလုပ်သမား အခွင့်အရေးတွေ အတွက် တောင်းဆိုနေတာဖြစ်သလို အလုပ်ခွင်မှာ အခွင့်အရေး ချိုးဖောက် ခံရတာတွေကြောင့် အခုလို တောင်းဆိုရတာဖြစ်တယ်လို့ အလုပ်သမတစ်ဦးက ပြောပါတယ်။
" ဆဲလည်းဆဲတယ်။ ပြီးတော့ အပ်တွေဘာတွေဆိုလည်း ကိုယ့်ဖာသာ ဝယ်သုံးရတယ်။ သံမှိုက အစ အကုန်ဝယ်သုံးရတယ်။ မနေ့က ဆိုရင်လည်း သမီးတို့ကို ဆဲဆိုတယ်။ အဖေကအစပေါ့နော်။ အဖိုးအဖွား အကုန်လုံးကို တုတ်တယ်။ နောက်ပြီးတော့ ခေါင်းကိုလည်း အမြဲတမ်းခေါက်တယ်။ မတ်တတ်လည်း ထွက်ရပ်ခိုင်းတယ်။ တနေကုန်"
လက်ရှိမှာ တစ်ရက်ကို အခြေခံလစာ ကျပ် ၃၀၀ အပါအ၀င် ရက်မှန်ကြေးနဲ့ အိုတီကြေးတွေပဲ ရကြတာဖြစ်ပါတယ်။ အလုပ်သမားတွေက အခြေခံလစာကို သုံးသောင်းကျပ်ပေးဖို့ တောင်းဆိုတာကို အလုပ်ရှင်က သုံးသောင်းဝန်းကျင်အထိပဲ တိုးပေးတဲ့အတွက် ဆက်လက် ဆန္ဒပြနေကြတာ ဖြစ်ပါတယ်။
တော်ဝင်မြန်မာဇာထိုး စက်ရုံမှာ အသက်မပြည့်သေးတဲ့ ကလေးအလုပ်သမား ၄၀ ခန့်ရှိနေကြောင်းလည်း သိရပါတယ်။ အလုပ်သမားရုံးက လာရောက်စစ်ဆေးတဲ့အခါ အဲဒီကလေးတွေကို ဖွက်ထားလေ့ရှိတယ်လို့လည်း သိရပါတယ်။
Ref: RFA News
Read More...
Collapse...
ဝေစန္ဒာ
ဗုဒ္ဓဟူးနေ့၊ မေလ ၃၀ ရက် ၂၀၁၂
ရန်ကုန် (မဇ္ဈိမ)။ ။ ရန်ကုန်တိုင်း၊ အလုံမြို့နယ်တွင် လျှပ်စစ်မီးရရှိရေး ဆန္ဒပြမှုတရပ် မေလ ၂၉ ရက်နေ့ ည ၇ နာရီတွင် ဖြစ်ပွားခဲ့ပြီး လျှပ်စစ်မီး အပြည့် အ၀ မရမချင်း သုံးရက်ဆက်တိုက် ဆက်လက်ပြုလုပ်သွား
ကြမည်ဟု သိရသည်။
“အခုလို လာဆန္ဒပြရတာ လျှပ်စစ်မီး မရလို့ပါ။ လျှပ်စစ်မီး မြန်မြန်ပြန် ရစေချင်ပါပြီ။ ဒါပေမယ့် အခုထိ မီးက မမှန်သေးဘူး။ မီး မမှန်သေးဘူး ဆိုရင် ကျနော်တို့က ဆန္ဒ ဆက်ပြ ရဦးမှာပါ။ ဒီနေ့ကနေ ၃ ရက် ဆက်လက် ဆန္ဒပြမယ်။ အဲဒါမှ မရသေးဘူး ဆိုရင် ဇွန်လ ၆ ရက်နေ့မှာ ဆက်လက်စုရုံးပြီး ဆန္ဒ ထုတ်ဖော်မှုတွေ ပြုလုပ်သွားမှာပါ” ဟု အလုံမြို့နယ်နေ ဆန္ဒပြ လူငယ်တဦးက ပြောသည်။
ဆန္ဒပြသူ တရာကျော်သည် အလုံမြို့နယ်၊ အောက်ကြည့်မြင်တိုင် လမ်းရှိ ရန်ကုန်မြို့တော် လျှပ်စစ် ဓာတ်အားပေး အဖွဲ့ ရုံးရှေ့တွင် စတင် စုဝေးခဲ့ကြပြီး ထိုမှတဆင့် ဖယောင်းတိုင် မီးများ ကိုင်ဆောင်လျက် စီတန်း လှည့်လည်ကာ စောရန်ပိုင် အရှေ့ရပ်ကွက် သစ်တောလမ်းရှိ ပြည်တော်အေး စေတီသို့ သွားရောက်ကာ ၀တ်ပြု ဆုတောင်းခဲ့ကြသည်။
“ဒီမိုကရေစီခေတ်မှာ အမှောင်ထဲမှာ ထိုင်ပြီး မနေနိုင်တော့ပါဘူး” ဟု ပြည်တော်အေး စေတီ ထိပ်တွင် အလုံမြို့နယ်နေပြည်သူ တဦးက မဇ္ဈိမကို ပြောသည်။
အလုံရဲစခန်း၊ အလုံ လျှပ်စစ်ဓာတ်အားပေးရုံး ရှေ့တို့တွင် စုရုံး ဆန္ဒထုတ်ဖော်မှုများ ပြုလုပ် ခဲ့ကြသည်။
၁ နာရီခန့် ကြာမြင့်ခဲ့သော ဆန္ဒပြမှုတွင် သက်ဆိုင်ရာ အာဏာပိုင်နှင့် ရဲတပ်ဖွဲ့များမှ ဆန္ဒပြ ပြည်သူ များအား တစုံတရာ အနှောင့် အယှက်ပေးမှု မရှိခဲ့သည်ကို တွေ့ရသည်။
ရန်ကုန်မြိုကတွင် မေလ ၂၁ ရက်နေ့မှ စတင်ကာ ရန်ကုန်မြို့တွင် လျှပ်စစ်မီး အလုံအလောက် ရရှိရေးအတွက် ဆန္ဒပြမှု ၆ ကြိမ်ခန့် ဖြစ်ပွားခဲ့သည်။
ရန်ကုန်မြို့တွင် ဧပြီလဆန်းမှ စတင်ကာ အုပ်စုခွဲ၍ လျှပ်စစ်မီးများကို အလှည့်ကျ ဖြန့်ဖြူးပေးနေခဲ့သည်။
Ref: မဇ္ဈိမ
Read More...
Collapse...
ကျော်ကျော်သိန်း
အင်္ဂါ, 29 မေ 2012
မြန်မာနိုင်ငံရဲ့ အမျိုးသားပြန်လည်သင့်မြတ်ရေး လုပ်ငန်းစဉ်မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အနေ နဲ့ အထူး အရေးပါတဲ့ အခန်းကဏ္ဍကနေ ပါဝင်နိုင်လိမ့်မယ်လို့ မျှော်လင့်ပါကြောင်း အိန္ဒိယ ၀န်ကြီးချုပ်က ပြောခဲ့ပါတယ်။ အိန္ဒိယ-မြန်မာ နှစ်နိုင်ငံ အနေ နဲ့ ဒေသတွင်း ငြိမ်းချမ်းရေးနဲ့ တည်ငြိမ်ရေး အတွက် ပါဝင် လုပ်ဆောင်နိုင် တာတွေ ရှိပြီး အိန္ဒိယနဲ့ ဆက်ဆံရေး ပိုပြီး နီးကပ်လာမယ့် အလားအလာ အပေါ် ၀မ်းသာမိပါတယ် လို့ ဒေါ်အောင်ဆန်းစုကြည် ကလည်း ပြောခဲ့ပါ တယ်။ သူတို့နှစ်ဦး ဒီကနေ့ ရန်ကုန်မြို့မှာ တွေ့ဆုံ ဆွေးနွေး အပြီး ပြောဆိုခဲ့တာတွေ ကိုတော့ ဘန်ကောက်ကနေ ကိုကျော်ကျော်သိန်း က သတင်းပေးပို့ ထားပါတယ်။
မြန်မာနိုင်ငံကိုရောက်နေတဲ့ အိန္ဒိယ၀န်ကြီးချုပ် မန်းမိုဟန် ဆင်းဂ် (Manmohan Singh) နဲ့ အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် တို့ဟာ ဒီကနေ့ မနက်ပိုင်းက ရန်ကုန်မြို့၊ ဆီဒိုးနား ဟော်တယ်မှာ တွေ့ဆုံဆွေးနွေးအပြီး သတင်းထောက် တွေကို အသီးသီး စကားပြောဆိုခဲ့တာပါ။
ဒေါ်အောင်ဆန်းစုကြည်ရဲ့ မိဘတွေအပါအ၀င် သူကိုယ်တိုင်နဲ့ ကာလရှည်ကြာ ကတည်းက ရင်းနှီး ကျွမ်းဝင် မှု ရှိခဲ့တဲ့အပေါ် အိန္ဒိယ နိုင်ငံအနေနဲ့ အင်မတန် ဂုဏ်ယူပါတယ်လို့ ၀န်ကြီးချုပ် ဆင်းဂ်က ဆိုပြီး မြန်မာနိုင်ငံ ရဲ့ လက်ရှိ ပြုပြင်ပြောင်းလဲရေး လုပ်ငန်းစဉ်မှာ ဒေါ်အောင်ဆန်းစုကြည်ရဲ့ အခန်းကဏ္ဍနဲ့ ပတ်သက်တဲ့ သူ့ရဲ့ ယုံကြည် မျှော်လင့်ချက်ကို ပြောဆိုခဲ့ပါတယ်။
“သမ္မတဦးသိန်းစိန် စတင်ခဲ့တဲ့ အမျိုးသားပြန်လည်သင့်မြတ်ရေး လုပ်ငန်းစဉ်မှာ ဒေါ်အောင်ဆန်းစုကြည် ဟာ အထူး အရေးပါတဲ့ အခန်းကဏ္ဍကနေ ပါဝင်လိမ့်မယ်လို့ ကျနော်တို့ ရိုးရိုးသားသားပဲ ယုံကြည်ပါ တယ်” ဆိုပြီး အိန္ဒိယ၀န်ကြီးချုပ်က ပြောပါတယ်။
အိန္ဒိယနိုင်ငံဆီ ဒေါ်အောင်ဆန်းစုကြည် အလည်အပတ်လာရောက်ဖို့နဲ့ အထူး ထင်ရှားတဲ့ ကွယ်လွန်သူ အိန္ဒိယခေါင်းဆောင်ကြီး ဂျဝါဟာလာ နေရူး အောက်မေ့ဖွယ် အထိမ်းအမှတ် အဖြစ် နှစ်စဉ် နိုဝင်ဘာလမှာ ကျင်းပတဲ့ အခမ်းအနားမှာ မိန့်ခွန်း ပြောကြား ပေးဖို့ ဖိတ်ကြား ခဲ့ပါတယ်။
“ဒေါ်အောင်ဆန်းစုကြည်အနေနဲ့ အိန္ဒိယနိုင်ငံဆီ မကြာခင် အလည်အပတ် လာရောက် နိုင်လိမ့်မယ်လို့ ကျနော် မျှော်လင့်ပါတယ်။ နောက်တကြိမ်ကျင်းပမယ့် ဂျဝါဟာလာ နေရူး အောက်မေ့ဖွယ်အထိမ်းအမှတ် အခမ်းအနားမှာ မိန့်ခွန်းလာပြောပေးဖို့ ဖိတ်ကြားစာကို ကျနော် ပေးအပ်ထားပါတယ်။ ဒီမိန့်ခွန်းဟာ အထူး အရေးပါ ထင်ရှားတဲ့ မိန့်ခွန်းဖြစ်ပြီး မစ္စစ် ဆိုနီယာဂန္ဒီ ကိုယ်တိုင် ဖိတ်ကြားစာကို ရေးပေးခဲ့တာပါ။ အိန္ဒိယနိုင်ငံ မှာ အဲဒီ မိန့်ခွန်းကို ဒေါ်အောင်ဆန်းစုကြည် လာပြောမယ်ဆိုရင်ဖြင့် ကျနော်တို့အတွက် အင်မတန် ဂုဏ်ယူရမှာဖြစ်ပါတယ်” လို့ မစ္စတာဆင်းဂ် က ပြောပါတယ်။
အိန္ဒိယနိုင်ငံဟာ မြန်မာနိုင်ငံက ၁၉၈၈ ခုနှစ် ၈ လေးလုံး ဒီမိုကရေစီအရေးတော်ပုံကြီးနောက်ပိုင်း မှာ မြန်မာ့ဒီမိုကရေစီရေးကို ကာလအတန်ကြာ ထောက်ခံအားပေးခဲ့ပြီး မြန်မာနိုင်ငံကနေ ရောက်လာတဲ့ ဒီမိုကရေစီရေးလှုပ်ရှားသူတွေကိုလည်း လက်ခံခဲ့တဲ့ နိုင်ငံပါ။ ဒါပေမဲ့လည်း မြန်မာစစ်အစိုးရ အဆက်ဆက် က တရုတ်နိုင်ငံနဲ့ နီးနီးကပ်ကပ် ဆက်ဆံခဲ့ပြီး နောက်ပိုင်းမှာ အရှေ့မျှော်ဝါဒ ဆိုတာကို ကျင့်သုံးပြီး မြန်မာ စစ်အစိုးရနဲ့ ပြန်ပြီး ဆက်ဆံခဲ့ပါတယ်။ အထူးသဖြင့်တော့ မြန်မာနိုင်ငံရဲ့ စွမ်းအင်အရင်းအမြစ်တွေကို တရုတ်နဲ့ အပြိုင် ရယူဖို့ ကြိုးစားခဲ့တာပါပဲ။
အခုတော့ မြန်မာနိုင်ငံမှာ အခြေအနေတွေ ပြောင်းလဲနေတာကို အခွင့်ကောင်းယူပြီး ၂၅ နှစ်အတွင်း ပထမဆုံး အကြိမ်အဖြစ် အိန္ဒိယ၀န်ကြီးချုပ် မြန်မာနိုင်ငံဆီ လာရောက်ခဲ့သလို ဒေါ်အောင်ဆန်းစုကြည် နဲ့ လည်း တွေ့ဆုံခဲ့တာဖြစ်ပါတယ်။ ဒီအပေါ်မှာ ဒေါ်အောင်ဆန်းစုကြည်ကတော့ အကောင်းမြင်ပုံရပါတယ်။ အိန္ဒိယနဲ့ မြန်မာနိုင်ငံတို့ဟာ ပထ၀ီအနေအထားအရ နီးကပ်နေရုံသာမက နှစ်ပေါင်းများစွာ နီးကပ်တဲ့ ဆက်ဆံရေးနဲ့ ရင်းနှီးချစ်ကြည်မှုရှိခဲ့တဲ့နိုင်ငံတွေဆိုတာကို ဒေါ်အောင်ဆန်းစုကြည်က မီးမောင်း ထိုး ပြောခဲ့ ပါတယ်။
“အိန္ဒိယနိုင်ငံနဲ့ ပိုပြီး နီးနီးကပ်ကပ် ဆက်ဆံရေး ရှိလာမယ့် အလားအလာအပေါ် ကျမ အင်မတန် ၀မ်းသာ မိပါတယ်။ ဘာ့ကြောင့်လဲဆိုတော့ ကျမတို့မှာ အပြန်အလှန် လေ့လာ သင်ယူကြရမယ့် ကိစ္စရပ်တွေရှိပြီး ဒီဒေသမှာ ငြိမ်းချမ်းရေးနဲ့ တည်ငြိမ်ရေးအတွက် ကျမတို့တွေ ပါဝင်လုပ်ဆောင်နိုင်တာတွေ ရှိကြလို့ပါပဲ။” လို့ ဒေါ်အောင်ဆန်း စုကြည်က ပြောခဲ့ပါတယ်။
မကြာခင်သီတင်းပတ်တွေမှာ ပြည်ပခရီးတွေ ဆက်တိုက်ထွက်ဖို့ စီစဉ်ထားတဲ့ ဒေါ်အောင်ဆန်းစုကြည်က အိန္ဒိယနိုင်ငံဆီလာဖို့ ၀န်ကြီးချုပ်ရဲ့ ဖိတ်ကြားချက်ကိုလည်း လက်ခံခဲ့ပါတယ်။
“ဂျဝါဟာလာနေရူး အောက်မေ့ဖွယ် အထိမ်းအမှတ် မိန့်ခွန်းပြောကြားဖို့ ဖိတ်ကြားစာကို လက်ခံရရှိတဲ့ အတွက် ကျမ အင်မတန် ၀မ်းသာပါတယ်။ အချိန် သိပ်အများကြီးမကြာခင်မှာ ဒီဖိတ်ကြားချက်ကို ကျမ လုပ်ဆောင်နိုင်လိမ့်မယ်လို့ မျှော်လင့်ပါတယ်။” လို့ ဒေါ်အောင်ဆန်းစုကြည်က ပြောခဲ့ပါတယ်။
အိန္ဒိယ၀န်ကြီးချုပ် မန်းမိုဟန် ဆင်းဂ်ဟာ သုံးရက်ကြာ ခရီးစဉ်အဖြစ် မြန်မာနိုင်ငံမှာ ရောက်နေတာပါ။ တနင်္လာနေ့က နေပြည်တော်မှာ သမ္မတ ဦးသိန်းစိန်နဲ့ တွေ့ဆုံခဲ့ပြီး အမေရိကန်ဒေါ်လာ သန်း ၅၀၀ ကို အတိုး သက်သက် သာသာနဲ့ ချေးမယ့် အစီအစဉ်တရပ် အပါအ၀င် နှစ်နိုင်ငံကြား သဘောတူညီချက် အများအပြားကို လက်မှတ်ရေးထိုး ခဲ့ပါတယ်။
ဒေါ်အောင်ဆန်းစုကြည် ဟာ ဒီကနေ့မှာ ထိုင်းနိုင်ငံ၊ ဘန်ကောက်မြို့တော်ဆီ လာရောက်ဖို့ ကနဦး စီစဉ် ထားခဲ့တာဖြစ်ပေမဲ့ အိန္ဒိယ ၀န်ကြီးချုပ်နဲ့ ဒီကနေ့မနက်ပိုင်း တွေ့မယ့် အစီအစဉ်ကြောင့် ဘန်ကောက်ခရီးစဉ် ကို ရွှေ့ဆိုင်းထားတာပါ။ မေလ ၂၉ ရက်၊ ဒီကနေ့ ညမှာမှ ဒေါ်အောင်ဆန်းစုကြည် ထိုင်းနိုင်ငံဆီ ထွက်ခွာ မှာဖြစ်ပါတယ်။
Ref: VOA News
Read More...
Collapse...
ကျော်ခ
May 30, 2012
ရန်ကုန်နှင့် မန္တလေးမြို့ကြီးများသို့ လျှပ်စစ်မီးဓာတ်အားကြိုးများ သွယ်တန်းထားသော ရှမ်းပြည်နယ်မြောက်ပိုင်း နမ့်ခမ်း မြို့နယ်ထဲ က တာဝါ တိုင်များကို ဖျက်ဆီးခဲ့မှုနှင့် ပတ်သက်၍ ကချင်ပြည် လွတ်လပ်ရေး အဖွဲ့(KIO) က စုံစမ်းနေကြောင်း သိရသည်။
“လူထုအကျိုးပြုပစ္စည်းတွေကို KIA က သီးသန့်လိုက်ပြီး ဖျက်ဆီးတာမျိုးတော့ မရှိဘူး။ အခု တာဝါတိုင်တွေ ပျက်စီးတယ် ဆိုတာ ကြား သိရတယ်။ ဒါကို ဘယ်အဖွဲ့ကနေ လုပ်သလဲ၊ ကျနော်တို့ ရှေ့တန်းက အဖွဲ့တွေကပဲ လုပ်သလား ဆိုတာ မပြောနိုင်သေးဘူး။ ကျနော်တို့လည်း စုံစမ်းနေတုန်းပဲ”ဟု ကချင်ပြည် လွတ်လပ်ရေး တပ်မတော်(KIA) ၏ ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော် က ဧရာဝတီသို့ ပြောသည်။
ရှမ်းပြည်နယ် မြောက်ပိုင်း ပန်ကနိုင်းကျေးရွာအနီးရှိ ၂၃၀ ကေဗီ ရွှေလီ-မန်စံ မဟာ ဓာတ်အားလိုင်းမှ အမှတ် ၇၃၊ ၂၀၆၊ ၂၀၇၊ ၂၀၈ တာဝါတိုင်များ ယခုလ ၁၈ ရက်နေ့က မိုင်းခွဲဖျက်ဆီး ခံခဲ့ရပြီး လက်သည် မပေါ်ဘဲဖြစ်နေသည့် ထိုဖောက်ခွဲမှုအား အများ သိစေရန် KIO က စုံစမ်းနေခြင်းဖြစ်သည်။
ထိုနယ်မြေအတွင်း၌ အစိုးရတပ်များ၊ KIA ၊ ရှမ်းပြည်တပ်မတော် မြောက်ပိုင်း (SSA-N) နှင့် အခြားလူမျိုးစု တပ်ဖွဲ့များလည်း လှုပ်ရှားနေကြောင်း သိရသည်။
အဆိုပါ လျှပ်စစ်တာဝါတိုင်များ ပျက်စီးမှုနှင့် ပတ်သက်၍ အစိုးရက KIO လက်အောက်ခံ KIA တပ်များက တိုက်ခိုက် ဖျက်ဆီးခဲ့ခြင်း ဖြစ်ကြောင်း ယခုလ ၂၀ ရက်နေ့ထုတ် နိုင်ငံပိုင် သတင်းစာများက တဆင့် တိုက်ရိုက် စွပ်စွဲ ရေးသား ထားသည်ကို တွေ့ရသည်။
အစိုးရအနေဖြင့် ပေါက်ကွဲမှုဖြစ်စဉ်တိုင်းအား KIA သို့ လွှဲချပြောဆိုခြင်းသည် လုပ်ထုံး လုပ်နည်းကဲ့သို့ ဖြစ်နေသော်လည်း“ဒီနယ်မြေ က တပ်တွေ အများကြီး လှုပ်ရှားနေတဲ့ နယ်မြေဆိုတော့ ဘယ်သူလုပ်တယ်ဆိုတာ ပြောရခက်ပါတယ်”ဟု ဗိုလ်မှူးချုပ် ဂွမ်မော်က ပြောသည်။
ထို့အတူ မေလ ၁၉ ရက်နေ့ညက မန္တလေးမှ မူဆယ်သို့ တက်လာသည့် ကုန်တင်ကား၂ စီးကို ဆက်ကြေးတောင်း၍ ဗုံးခွဲဖျက်ဆီးမှု ဖြစ်ပေါ် ခဲ့ကြောင်း၊ ယင်းဖြစ်ရပ်သည် KIA ၏ လက်ချက်ဖြစ်ကြောင်း မေ၂၂ ရက်ထုတ် မြန်မာ့အလင်း သတင်းစာတွင် စွပ်စွဲ ဖော်ပြ ခဲ့ပြန်သည်။
အဆိုပါ ကားကြီး၂ စီးသည် လက်နက်ငယ် ကျည်ဆန်များ ထိမှန်ခဲ့မှုကြောင့် ပျက်စီးမှု အနည်းငယ် ရှိခဲ့သော်လည်း ကားသမားများ ထိခိုက်ဒဏ်ရာရမှု မရှိကြောင်း၊ ထိုနေရာတွင် မပေါက်ကွဲသေးသည့် သံကိုယ်ထည် လက်ပစ်ဗုံးတလုံးကို ရှာဖွေ တွေ့ရှိခဲ့ကြောင်း၊ မေ ၂၀ ရက်နေ့ နံနက်မှ စတင်၍ ယာဉ်များ ပုံမှန်အတိုင်း သွားလာနေပြီဖြစ်ကြောင်း သတင်းစာက ဖော်ပြထားသည်။
တိုက်ပွဲများကြောင့် မူဆယ် လားရှိုးလမ်း အပါအဝင် ကချင်ပြည်နယ်အတွင်း ဖြတ်သန်းသော လမ်းတချို့ကို KIA လက်အောက်ခံ နယ်မြေခံ တပ်ရင်းတချို့က ရှေ့တန်းစစ်မြေပြင် တပ်မှူးများ၏ တင်ပြချက်များအရ လုံခြုံရေးအရ ယာယီပိတ်ထားလိုက်ပြီဖြစ် ကြောင်း ပြောသည်။
ကချင်ပြည်နယ်နှင့် ရှမ်းပြည်နယ် မြောက်ပိုင်းတွင် မြန်မာအစိုးရနှင့် KIA တို့ တရက်လျှင် တိုက်ပွဲ ဖြစ်ပွားမှု ၅ နေရာခန့် နေ့စဉ် ရက် ဆက် ပုံမှန်ရှိကြောင်း၊ အဆိုပါ တိုက်ပွဲများကြောင့် နှစ်ဖက်ထိခိုက်သေဆုံးမှုများလည်းရှိကြောင်း ဗိုလ်မှူးချုပ် ဂွမ်မော်က ပြောသည်။
ကချင်ဒေသ ငြိမ်းချမ်းရေး ပြန်လည်တည်ဆောက်ရန် အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီမှ မီးရထားဝန်ကြီး ဦးအောင်မင်းနှင့် KIO ခေါင်းဆောင်များ ယခုလ ၂၁ ရက်နေ့က ထိုင်းနိုင်ငံ ချင်းရိုင်တွင် တွေ့ဆုံခဲ့ကြသည်။
မေလ ၃ ရက်နေ့က ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီနှင့် လုပ်ငန်းဖော်ဆောင်ရေး ကော်မတီနှစ်ရပ်ကို အစိုးရက အသစ် ပြန်လည် ဖွဲ့စည်းခဲ့ပြီးနောက်ပိုင်း ဦးအောင်မင်းအနေနှင့် KIO ခေါင်းဆောင်များ ပထမအကြိမ် တွေ့ဆုံ ခဲ့ခြင်း လည်း ဖြစ်သည်။
အစိုးရနှင့် KIO တို့အကြား ငြိမ်းချမ်းရေး ဆွေးနွေးမှုနှင့် ပတ်သက်၍ ဗိုလ်မှူးချုပ် ဂွမ်မော်က “တွေ့ဆုံဖို့အတွက် အစီအစဉ်လုပ်တာ လောက်ပဲ ရှိသေးတယ်။ ဆွေးနွေးပွဲအဆင့်ကို မရောက်သေးဘူး။ အခုမှ အလွတ်သဘော တွေဆုံမှုတွေ လုပ်ဖို့ ကျနော်တို့ ညှိနှိုင်း နေပါတယ်”ဟု ပြောသည်။
အစိုးရနှင့် KIO ကြား ငြိမ်းချမ်းရေးဆွေးနွေးရန် ၂၀၁၁ နိုဝင်ဘာ၊ ၂၀၁၂ ဇန်န၀ါရီနှင့် မတ်လတို့တွင် ရွှေလီမြို့၌ တွေ့ဆုံခဲ့ကြသော် လည်း ရေရာသည့် သဘော တူညီချက် တစုံတရာမရရှိသေးပေ။ ထိုတွေ့ဆုံပွဲများတွင်လည်း ဒေသတွင်း တိုက်ခိုက်ရေး ဘက်မှ အရေးပါသော မြောက်ပိုင်းတိုင်း စစ်ဌာနချုပ် တိုင်းမှူးမှာ ကိုယ်တိုင် တက်ရောက်ခြင်းမရှိကြောင်း KIO က ပြောသည်။
ရွှေလီမြို့ တွေ့ဆုံဆွေးနွေးမှုတွင်လည်း KIO ဘက်က တောင်းဆိုထားသည့် ထိုးစစ်ဆင်နေသော တပ်များကို ရုပ်သိမ်းပေးရန်နှင့် နှစ် ဖက် သဘောတူ လက်မှတ်ရေးထိုးရာတွင် အခိုင်မာဖြစ်စေရန် နိုင်ငံတကာ၏ စောင့်ကြပ်မှုအောက်တွင် သက်သေထူ လက်မှတ် ရေးထိုးကြရန် တောင်းဆိုမှုကို အစိုးရဘက်က လိုက်လျောမှုမပြုနိုင်သဖြင့် ငြိမ်းချမ်းရေး အလှမ်းကွာနေခြင်းဖြစ်ကြောင်း ကချင်ငြိမ်း ချမ်းရေး အကျိုးဆောင်အဖွဲ့(PCG) နှင့် KIO တို့က ပြောဆိုကြသည်။
Ref: ဧရာဝတီ
Read More...
Collapse...
သန်းဝင်းလှိုင်
မေ ၂၈၊ ၂၀၁၂
လွတ်လပ်ပြီးစ ပါလီမန်ဒီမိုကရေစီခေတ်တွင် အတိုက်အခံနိုင်ငံရေးခေါင်းဆောင် အဖြစ် ထင်ရှားခဲ့သော ဗိုလ်ချုပ်အစ်ကို ဦးအောင်သန်းကို အဖ ရှေ့နေဦးဖာ၊ အမိ ကုန်သည်ဒေါ်စု တို့မှ ၁၉၁၁ ခုနှစ် သြဂုတ်လ၂၀ ရက် တနင်္ဂနွေနေ့တွင် မကွေးခရိုင် နတ်မောက်မြို့တောင်ရွာ (အောင်ဆန်းရပ်) ၌ ဖွားမြင်ခဲ့သည်။ မွေးချင်း(၉) ဦး အနက် အဋ္ဌမမြောက်(နို့ညှာ) ဖြစ်သည်။ သူ၏ မွေးချင်းများမှာ …
(၁) မခင်ညွှန့် (လယ်ဝန်ကတော်)
(၂) မဝက်(အိမ်ထောင်မပြု)
(၃) မောင်ဘဝင်း (ဘီအေ၊ ဘီအက်စ်စီ၊ ဗိုလ်ချုပ်အောင်ဆန်းနှင့်အတူ ကျဆုံးခဲ့သူ)
(၄) မရွှေမှန် (ငယ်စဉ်က ကွယ်လွန်)
(၅) မောင်နေအောင် (အမိန့်တော်ရရှေ့နေ)
(၆) မောင်ညိုမောင် (ငယ်စဉ်ကကွယ်လွန်)
(၇) မောင်ထွန်းလင်း
(၈) မောင်အောင်သန်း
(၉) မောင်အောင်ဆန်းတို့ဖြစ်ကြသည်။
မိခင်ဘက်မှ အဘိုးဖြစ်သူမှာ မြို့လုလင်သူကြီး ဦးမင်းရောင်ဖြစ်ပြီး သီပေါမင်း ပါတော်မူချိန်က မြို့လုလင်၊ နတ်မောက် နယ်က နယ်ချဲ့တို့ကို ဦးဆောင်တော်လှန်ခဲ့သော ဗိုလ်မင်းရောင် (မင်းကြီးရွှေလရောင်) ဖြစ်သည်။
အသက် ၆ နှစ်မှ ၁၃ နှစ်အထိ နတ်မောက်မြို့ရှိ ဘကြီးတော်စပ်သော ဘုန်းတော်ကြီး ဦးသောဘိတ၏ မြန်မာ စာသင်ကျောင်း၌ ပညာ သင်ကြားခဲ့သည်။ ယင်းကျောင်းမှ ၁၉၂၄ ခုနှစ်တွင် မြန်မာ ၇ တန်းအောင်ခဲ့သည်။ ထို့နောက် ၁၉၂၄ ခုနှစ်မှ ၁၉၂၉ ခုနှစ်တိုင် ရေနံချောင်းမြို့ အမျိုးသားကျောင်း၌ ပညာ ဆက်လက် သင်ယူသည်။ အစ်ကိုကြီး ဦးဘဝင်း (အာဇာနည်ဦးဘဝင်း)၊ (၁၉၀၁-၁၉၄၇) မှာ ယင်းကျောင်းမှ အထက်တန်းပြ ဆရာဖြစ်သည်။
၁၉၂၆ ခုနှစ်တွင် အင်္ဂလိပ်-မြန်မာ ၇ တန်းစကောလားရှစ်စာမေးပွဲ အောင်သည်။ ၁၉၂၈ ခုနှစ်တွင် ဆယ်တန်း စာမေးပွဲကို မြန်မာစာ ဂုဏ် ထူးဖြင့်အောင်သည်။ သို့သော် သင်္ချာ ဘာသာ၌ ကျနေ၍ တက္ကသိုလ်ဝင်ခွင့် မရချေ။ ထို့နောက် ၁၉၂၉ ခုနှစ်တွင် သချာင်္ဘာသာ တစ်ခုတည်းသာ ဖြေဆိုခွင့် ရသော်လည်း ဘာသာ အားလုံးပြန်ဖြေရာ ဂဏန်း ဘာသာတွင် ဂုဏ်ထူးဖြင့်အောင်မြင်ကာ တက္ကသိုလ်ဝင်ခွင့် ရခဲ့သည်။ (ထိုခေတ် က သင်္ချာဘာသာကို ဂဏန်းဘာသာ၊ အက္ခရာသင်္ချာနှင့် ဂဲသြမေထရီဘာသာ ဟူ၍ ခွဲခြားထားသည်။)
ဦးအောင်သန်းသည် ဗိုလ်ချုပ်အောင်ဆန်းနှင့် အသက် ၄ နှစ်မျှသာခြား၍ အထက်အောက် ညီအစ်ကိုဖြစ်သော်လည်း ဗိုလ်ချုပ်နှင့် စိတ်နေ သဘာဝ ကွာခြားပုံကို နောင်တွင် ဗိုလ်ချုပ်အောင်ဆန်းက သူ၏ ကိုယ်တိုင်ရေးအတ္ထုပ္ပတ္တိ၌ ဤသို့ဖော်ပြခဲ့သည်။
“ညီအစ်ကိုမောင်နှမများထဲတွင် ကျနော် အငယ်ဆုံးဖြစ်သည်။ ထို့ကြောင့် ကျနော်တို့ အိမ်စံချိန်နှင့် ကြည့်လျှင် ကျနော် အလိုလိုက် ခံရဆုံး ဖြစ်၏။ အဆိုးဆုံးဟုလည်း အိမ်နီးနားချင်းပါမက ရွာနီးနားချင်းပါ အသိအမှတ်ပြု ခံရ၏။ ကျနော်၏ အထက် အစ်ကို ကိုအောင်သန်းနှင့် ကျနော်မှာ အသက် ၃ နှစ်ခွဲ ၄ နှစ်မျှ ကွာ၏။ သူနှင့်ကျနော်ကား ငယ်ငယ်က ရန်ဖြစ်ဘက်ဖြစ်၏။ သူကား လက်မြန်၏။ ကျနော်ကား အားကြီး၏။ မချိန် မဆ လက်လွှတ်စပယ် လုပ်တတ်၏။ သူကား နု၏။ မင်းသားကျချင်၏။ ကျနော်ကား ကြမ်း၏။ သူသည် အစားအသောက် အနေအထိုင်မှ စ၍ သပ်ရပ်၏။ အစားဆိုလည်း အစားတိုင်းမစား၊ စားသောက်နေသည့် အခါ အစာမြေကြီးပေါ်သို့ ကျသွားလျှင် သူသည် မစားတော့။ ကျနော်ကား ဖုတ်ဘက်ခါ၍ စားနိုင်လျှင် စား၏။ သူကား အဝတ်များကို သပ်သပ်ရပ်ရပ် ဝတ်တတ်၏။ သူသည် မြေကြီး ကြမ်းများပေါ်တွင် မည်သည့် အခါမျှ တုံးလုံးမလှဲ၊ ကျနော်ကား ကြိမ်ဖန်များစွာ လှဲဖူး၏။ သူကား ပါး၏။ လျှင်၏။ ကျနော်ကား ထူ၏။ အေး၏။” ဟူ၍ ရေးသား ထားလေသည်။
၁၉၂၉ ခုနှစ်တွင် ရန်ကုန် တက္ကသိုလ်၌ ပညာဆက်လက် သင်ယူသည်။ ၄င်းနှင့် တစ်နှစ်တည်း တက္ကသိုလ်ရောက်သူ အများမှာ ကိုရှုမောင် (ဗိုလ်ချုပ်ကြီးနေဝင်း)၊ ကိုချင်းစိန် (ရွှေညာမောင်)၊ ကိုဝန် (မင်းသုဝဏ်) စသည်တို့ ဖြစ်ကြသည်။ ၁၉၃၁ ခုနှစ်တွင် ဥပစာတန်း စာမေးပွဲအောင်၍ အင်္ဂလိပ်စာ ဂုဏ်ထူးတန်း တက်ခွင့်ရသည်။ ဝိဇ္ဇာ ရိုးရိုးတန်းတက်၍ ၁၉၃၂-၃၃ နောက်ဆုံးနှစ်တွင် တက္ကသိုလ်ကျောင်းသား သမဂ္ဂ (တကသ) အဖွဲ့၌ အလုပ်အမှုဆောင် အဖွဲ့ဝင်၊ ရန်ကုန် တက္ကသိုလ် ဗုဒ္ဓဘာသာအသင်း အမှုဆောင်၊ မကွေးခရိုင် တက္ကသိုလ်ကျောင်းသားများ အသင်းဥက္ကဋ္ဌ၊ အင်းဝဆောင် သဟာယအသင်း အမှုဆောင်၊ အစား အသောက်ကော်မတီဝင် အဖြစ် ဆောင်ရွက်သည်။ ယင်းအဖွဲ့ပေါင်း စုံ၌ အချိန်ပြည့်ဆောင်ရွက်မှုကြောင့် စာမေးပွဲ ကျခဲ့ရသည်။
ယင်းနောက် ၁၉၃၄တွင် စာပြန်ကြိုးစား၍ ပြန်ဖြေရာ ဝိဇ္ဇာ (ဘီအေ) စာမေးပွဲကို အင်္ဂလိပ်စာပေ၊ ခေတ်သစ် ရာဇဝင်နှင့် နိုင်ငံရေးသိပ္ပံ ဘာသာရပ်များဖြင့် အောင်မြင်ခဲ့သည်။
၁၉၃၄-၃၆တွင် အင်္ဂလိပ်ဘာသာဖြင့် ထုတ်ဝေသော The New Burma အမည်ရှိ ဝံသာနု သတင်းစာတွင် လက်ထောက် အယ်ဒီတာ အဖြစ် ဆောင်ရွက်ခဲ့သည်။ ထိုစဉ်က အယ်ဒီတာချုပ်မှာ ၉၁ ဌာနခေတ် ဝန်ကြီး၊ ဂျပန်ခေတ် ဝန်ကြီးနှင့် ပထမဆုံး ဂျပန်နိုင်ငံဆိုင်ရာ မြန်မာသံ အမတ်ကြီးဖြစ်သော ဒေါက်တာသိန်းမောင် (၁၈၉၁ ခုနှစ် ဇန်နဝါရီ ၂ – ၁၉၄၆ ခုနှစ် မေ ၂၃) ဖြစ်သည်။ နယူးဘားမား သတင်းစာသည် နိုင်ငံ ရေး သတင်းစာဖြစ်သည့် အတိုင်း စီးပွားရေး မတောင့်တင်း၊ အလုပ်သမားများအား လခပင် ပုံမှန်မပေးနိုင်ဘဲ ဝံသာနု စိတ်ရှိသူများသာ ဝင် ရောက် လုပ်ကိုင်ကြသည်။ ဗြိတိသျှ အစိုးရကလည်း သတင်းစာနှင့် အလုပ်သမားများ၊ အယ်ဒီတာများကို အခါအခွင့်သင့်တိုင်း ဖိနှိပ်ခဲ့သည်။
၁၉၃၆ ခုနှစ် စက်တင်ဘာတွင် မြန်မာနိုင်ငံဝန်ထမ်းနှင့်အခြားဋ္ဌာန ဝန်ထမ်း စာမေပွဲ (Combined B.C.S and other Services Examination) အောင်သည်။ ယင်းနောက် ၁၉၃၇ ခုနှစ် မတ်လ ၁၁ ရက်မှစ၍ မြို့အုပ်အဖြစ် ဆောင်ရွက်ခဲ့သည်။ ၁၉၃၇ – ၄၂တွင် မင်းဘူး အလုပ်သင်မြို့အုပ်၊ ရေစကြို လက်ထောက်မြို့ပိုင်၊ မြိုင်မြို့ပိုင် အဖြစ် အမှုထမ်းသည်။ ဂျပန်ခေတ် (၁၉၄၂ မတ် ၈ မှ ၁၉၄၅ မေ ၃) တွင် နယ်ပိုင် ဝန်ထောက် ဖြစ်လာသည်။ စစ်ပြီးစ ကက်စဘီ (CAS-B) ခေါ် မြန်မာနိုင်ငံဆိုင်ရာ မြို့ပြ အုပ်ချုပ်ရေး အဖွဲ့ [Civil Affairs Service (Burma)] အုပ်ချုပ်ရေး ကာလ ၁၉၄၅ ခုနှစ် အောက်တိုဘာလတွင် မြို့အုပ် ရာထူးမှ နှုတ်ထွက်၍ နိုင်ငံရေးလောကသို့ ဝင်ရောက်ခဲ့သည်။ နိုင်ငံရေးလောက၌ ဆိုရှယ်လစ်ပါတီသို့ ဝင်ရောက်ပြီး တောင်တွင်းကြီးမြို့နယ် ဆိုရှယ်လစ်ပါတီ၌ ဥက္ကဋ္ဌအဖြစ် ဆောင်ရွက်ခဲ့သည်။ ယင်းနောက် မကွေးခရိုင် ဖဆပလ ဥက္ကဋ္ဌ၊ ၁၉၄၇ တိုင်းပြုပြည်ပြုလွှတ်တော် မကွေးအရှေ့မြောက်နယ် ကိုယ်စားလှယ်အဖြစ် ဆောင်ရွက်သည်။ သခင်နုဦးဆောင်သော ကြားဖြတ် အစိုးရ လက်ထက် ၁၉၄၇ သြဂုတ်၂၅ တွင် သယ်ယူ ပို့ဆောင်ရေးနှင့် လမ်းပန်း ဆက်သွယ်ရေးဋ္ဌာန ပါလီမန်အတွင်းဝန်၊ ၁၉၄၈-၄၉ တွင် ဝန်ကြီးချုပ်ဦးနု၏ တွဲဖက် ပါလီမန် အတွင်းဝန်၊ သယ်ယူ ပို့ဆောင်ရေးဋ္ဌာန အတွင်းဝန်၊ ပြည်ထဲရေးဋ္ဌာန တွဲဖက် ပါလီမန် အတွင်းဝန်အဖြစ် ဆောင်ရွက်ခဲ့ သည်။
၁၉၄၉ ဧပြီ၂တွင် ဆိုရှယ်လစ်ပါတီနှင့်ရဲဘော်အဖွဲ့ဝင်များ အစိုးရအဖွဲ့မှ နှုတ်ထွက်ရာတွင် ပါဝင်ခဲ့သည်။ ထို့နောက် ဦးဗဆွေ (ဆိုရှယ်လစ်ပါတီ အထွေထွေ အတွင်းရေးမှူး)၊ သခင်ချစ်မောင် (သာယာဝတီ) (လက်ထောက် အထွေထွေ အတွင်းရေးမှူး) တို့နှင့်အတူ နိုင်ငံခြားရေး ဗျူရို ဒုတိယ အတွင်းရေးမှူး အဖြစ် တာဝန်ယူခဲ့သည်။ ၁၉၄၉ ခုနှစ် အောက်တိုဘာလ ၃ ရက်နေ့တွင် ဆိုရှယ်လစ်ခေါင်းဆောင်များ အာဏာယစ်မူး မှုကို မကြိုက်၍ အာဏာရ ဆိုရှယ်လစ်ပါတီမှ နှုတ်ထွက်ခဲ့သည်။ ၁၉၅၀ပြည့်နှစ် ဒီဇင်ဘာလ ၃၁ရက်နေ့တွင် ဖဆပလ အတိုက်အခံ အလုပ် သမား လယ်သမားပါတီ (ဆိုရှယ်နီ) မှ သခင်ချစ်မောင်၊ သခင်လွင်၊ သခင်လှကျွေတို့ ဦးဆောင်၍ ဒီမိုကရေစီ အခွင့်အရေး တောင်းဆိုပွဲကို ရန်ကုန်မြို့တော် မဟာဗန္ဓုလ ပန်းခြံတွင်ကျင်းပရာ ဦးအောင်သန်းသည် သဘာပတိ အဖြစ် ဆောင်ရွက်ခဲ့သည်။ ထို့ကြောင့် ဖဆပလအဖွဲ့ ချုပ်၏ ထုချေလွှာ အတောင်းခံရသည်။
၁၉၅၁ခုနှစ်တွင် ကြည့်မြင်တိုင်လွှတ်တော်အမတ် ဒေါ်ခင်လှ (အမျိုးသမီးစောင့်ရှောက်ရေး အဖွဲ့ ဥက္ကဋ္ဌ)၊ ဦးဘလွန်း (လမ်းမတော်)၊ ဦးဉာဏ် ရှိန် (မကွေး အရှေ့မြောက် နတ်မောက်မြို့)၊ မန်းထွန်းရင် (ပါလီမန်ဒုဥက္ကဋ္ဌ) တို့နှင့် အထူ ဖဆပလ အဖွဲ့ချုပ်မှ နှုတ်ထွက်ခဲ့သည်။
ထို့နောက် လွှတ်တော်အမတ် တောင်ကြီးဦးထွန်းမြင့်၊ ဒူးဝါဇော်ရစ်၊ စော်နော်တင်ဘွား၊ မန်းထွန်းရင်၊ ဘီလီနွန်း၊ မစ္စတာဖစ်ရှား၊ ဗိုလ်အောင်ခိုတို့နှင့် ပူးပေါင်းပြီး ပါလီမန် အတွင်း အတိုက်အခံ အဖွဲ့ကို ဦးဆောင်ခဲ့သည်။ တဖန် သခင်လွင်၊ သာယာဝတီ သခင်ချစ်မောင်၊ သခင်လှကျွေ တို့ဦးဆောင်သော ဆိုရှယ်နီပါတီ ခေါ် ဗမာပြည် အလုပ်သမား လယ်သမား ပါတီနှင့် ပူးပေါင်း၍ ပြည်သူ့ ဒီမိုကရေစီ တပ်ပေါင်းစု ဥက္ကဋ္ဌအဖြစ် ဆောင်ရွက်ခဲ့သည်။ အတွင်းရေးမှူးမှာ သခင်ချစ်မောင် (သာယာဝတီ) ဖြစ်သည်။
၁၉၅၁ခုနှစ် ဇွန်လ ၁၂ရက်နေ့တွင် မြန်မာနိုင်ငံတော် လွတ်လပ်ရေးရ ပြီးနောက် ပထမဆုံးအကြိမ်ပြုလုပ် ခဲ့သည့် ပါလီမန်ရွေးကောက် ပွဲတွင် ပါလီမန် အတိုက်အခံ အဖွဲ့သည် ပြည်သူ့ရဲဘော်၊ တို့ဗမာ အစည်းအရုံး၊ ဦးသိန်းဖေမြင့် (တသီးပုဂ္ဂလ)တို့နှင့် ပူးပေါင်းပြီး ပြည်သူ့ငြိမ်းချမ်းရေး အဖွဲ့ပေါင်းစုကို တည်ထောင်ကာ ဦးအောင်သန်းအား ဥက္ကဋ္ဌအဖြစ် တာဝန်ပေးအပ် ခဲ့ကြသည်။ အဖွဲ့၏ နာယကမှာ ဆရာကြီးသခင် ကိုယ် တော်မှိုင်း၊ ဒုတိယဥက္ကဋ္ဌ သခင်ထွန်းအုပ်၊ ဗိုလ်လရောင် (ရဲဘော်သုံးကျိပ်)နှင့် အတွင်းရေးမှူး ဦးထွန်းမြင့်(တောင်ကြီး)တို့ ဖြစ်ကြ သည်။ အဖွဲ့၏ အမှတ်တံဆိပ် ပန်းသပြေနှင့်ညောင်ရေအိုး ပုံကို အစွဲပြု၍ တည်မြဲ ဖဆပလ ဒုတိယ ဝန်ကြီးချုပ် ဦးကျော်ငြိမ်းက “ညောင်ရေ အိုးပါတီ”ဟု ကင်ပွန်းတပ်ခဲ့သည်။
ပါလီမန်ရွေးကောက်ပွဲတွင် လမ်းမတော်မဲဆန္ဒနယ်မှ ဝန်ကြီးချုပ် ဦးနုနှင့် ယှဉ်ပြိုင်ရာ ရှုံးနိမ့်ခဲ့သည်။
ရွေးကောက်ပွဲပြီးနောက် ဒေါက်တာဘမော်၏ မဟာဗမာပါတီ၊ သခင်လွင်၊ သခင်ချစ်မောင် (သာယာဝတီ) တို့၏ ဆိုရှယ်နီပါတီ နှင့်ပူးပေါင်း၍ “သုံးပွင့်ဆိုင် မဟာမိတ် အဖွဲ့” သည် ပြည်တွင်းငြိမ်းချမ်းရေး၊ တရုတ်ဖြူ ကျူးကျော်မှု ဆန့်ကျင်ရေး၊ ပြည်သူ့ဒီမိုကရေစီ အခွင့်အရေး ကာကွယ် စောင့်ရှောက်ရေး လုပ်ငန်းများ ပူးပေါင်းဆောင်ရွက်ခဲ့သည်။
ယင်းနောက် ဒီမိုကရေစီနှင့်လူ့အခွင့်အရေးကို ကာကွယ်စောင့်ရှောက်ရန် ရည်ရွယ်၍ ၁၉၅၁ ခုနှစ် ဇူလိုင်လ ၂၄ရက်နေ့တွင် ပြည်သူ့ ငြိမ်းချမ်းရေး အဖွဲ့ပေါင်းစု၊ တို့ဗမာ အစည်းအရုံး၊ ဆိုရှယ်နီပါတီ၊ သံဃာ့ပါတီ၊ ပြည်သူ့ ဒီမိုကရေစီတပ်ပေါင်းစု၊ တောင်သူလယ်သမား အစည်း အရုံး၊ သိမ်ကြီးဈေးဗဟို သမဂ္ဂ၊ ဗမာပြည် အလုပ်သမား အစည်းအရုံး အဖွဲ့ချုပ်၊ မွန်တိုင်းရင်းသား အစည်းအရုံး၊ ပြည်သူ့လူငယ် အဖွဲ့၊ မဟာဗမာ အဖွဲ့၊ ပြည်သူ့ ညီညွတ်ရေးပါတီ၊ ပြည်သူ့မြို့ပြရေးရာကောင်စီ၊ ကရင်ကွန်ဂရက်၊ အမှုထမ်းသမဂ္ဂ၊ ဒီမိုကရေစီ အမျိုးသမီးအဖွဲ့၊ မွန်အမျိုး သားအဖွဲ့၊ ပြည်သူ့ပါတီ၊ ကလောင်သစ်အဖွဲ့၊ တဲအိမ် လူထုစောင့်ရှောက်ရေး အဖွဲ့ စသည့် အဖွဲ့ပေါင်း ၃၀ကျော် ပါဝင်သည့် “ဒီမိုကရေစီ အခွင့် အရေး ကာကွယ်မှုကော်မတီ”ကို ဖွဲ့စည်း၍ ဥက္ကဋ္ဌ အဖြစ် ဦးအောင်သန်းအား တာဝန်ပေးအပ် ခဲ့သည်။ အထွေထွေ အတွင်းရေးမှူးမှာ သခင်လှ ကျွေ (ဆိုရှယ်နီပါတီ)ဖြစ်သည်။ အဖွဲ့ဝင်များ အဖြစ် သခင်သန်း၊ မွန်ဦးဖိုးချို၊ မွန်ထွန်းရင်၊ သခင်ရှိန်ဇော်၊ သခင်အောင်ရင်၊ သခင်ဗဟန်၊ ဦးအရိယဝံသ၊ ဦးရွှေဖြူ၊ ဦးထွန်းအောင်ကျော်(အမှုထမ်းသမဂ္ဂ)၊ ဦးဘဂျမ်း၊ ဦးလှတင်၊ ရဲဘော်မျိုးညွန့်၊ ရဲဘော်သန်းငွေတို့ အပါအဝင် အမှုဆောင်အဖွဲ့ဝင် ၂၁ ဦး ပါဝင်သည်။
ကော်မတီသည် ၃ နှစ်အတွင်း ဒီမိုကရေစီအခွင့်အရေး ချိုးဖောက်မှုပေါင်း ၃၀၀ ကျော်ကို စိစစ် မှတ်တမ်း တင်၍ ဥပဒေနှင့်အညီ အာဏာ ပိုင်များထံ တင်ပြတောင်းဆိုခြင်း၊ လူထုနည်းဖြင့် ကန့်ကွက် ဆန္ဒပြခြင်းများ ပြုလုပ်ခဲ့သည်။ ၁၉၅၄ တွင် ကော်မတီ၏ ၃ နှစ်မြောက် အထိမ်း အမှတ်အဖြစ် “ဒီမိုကရေစီရေး မှတ်တမ်းကြီး” (Records for Democratic Actions) ပထမပိုင်းကို ထုတ်ဝေခဲ့သည်။
၁၉၅၅ခုနှစ် ဖေဖော်ဝါရီလတွင် အလုံမဲဆန္ဒနယ်မှ ရန်ကုန်မြူနီစပါယ်လူကြီးအဖြစ် ရွေးချယ်ခံရသည်။ ၁၉၅၅ခုနှစ် နိုဝင်ဘာလ ၁၈ ရက် နေ့တွင် တို့ဗမာ အစည်းအရုံး၊ ပြည်သူ့ ညီညွတ်ရေးပါတီ၊ ပြည်သူ့ငြိမ်းချမ်းရေး အဖွဲ့ပေါင်းစု၊ ဗမာပြည် အလုပ်သမား ပါတီ(ဆိုရှယ်နီ)၊ ဗမာပြည် အလုပ်သမား အစည်းအရုံးများ အဖွဲ့ချုပ်၊ တောင်သူ လယ်သမား ညီညွတ်ရေး အစည်းအရုံး၊ ပြည်သူ့ လူငယ်အဖွဲ့၊ တရားမျှတမှု အဖွဲ့၊ မွန်အမျိုးသား အဖွဲ့၊ မန်းထွန်းရင်(တသီးပုဂ္ဂလ)၊ ပြည်သူ့ရဲဘော် ပါတီ၊ မွန်ပြည်သူ့ တပ်ဦးတို့ စုပေါင်း၍ ပြည်ထောင်စုမြန်မာနိုင်ငံ အမျိုးသား ညီညွတ်ရေး တပ်ပေါင်းစု(ပမညတ) [National United Front (NUF)] ကို တည်ထောင်ခဲ့ရာ ဦးအောင်သန်းသည် သဘာပတိ အဖွဲ့ဝင် အဖြစ်ဆောင်ရွက် ခဲ့သည်။ ပမညတသည် ပြည်တွင်း ငြိမ်းချမ်းရေး၊ ဒီမိုကရေစီ အရေး၊ အမျိုးသား ညီညွတ်ရေး၊ အမျိုးသား စီးပွား ထူထောင်ရေး၊ ကမ္ဘာ့ငြိမ်းချမ်းရေး ထိန်းသိမ်း ကာကွယ်ရေး မူဝါဒလမ်းစဉ်ဖြင့် ၁၉၅၆ ခုနှစ် ဧပြီလ၂၇ ရက်နေ့တွင် ကျင်းပသော ဒုတိယအကြိမ် ပါလီမန် ပြည်သူ့ လွှတ်တော်ရွေးကောက် ပွဲကို ဝင်ရောက် အရွေးခံရာ အမတ်နေရာ ၄၆နေရာ အနိုင် ရရှိခဲ့ သော်လည်း ရန်ကုန် ကြည့်မြင်တိုင် တောင် ပိုင်းမဲ ဆန္ဒနယ်မှ ဝင်ရောက်အရွေးခံသော ဦးအောင်သန်းသည် ဖဆပလ အမတ် မြန်မာ့အလင်း ဦးတင်ကို ရှုံးနိမ့်ခဲ့သည်။
၁၉၅၈ခုနှစ်ဇူလိုင်လတွင် ပမညတထောက်ခံမှုဖြင့် ဦးအောင်သန်းကို ဒီမိုကရေစီမော်ကွန်းတင် ညီလာခံ အတွင်းရေးမှူး (လစာ ၁၅၀၀ ကျပ်) ရာထူး ဖဆပလ အစိုးရက ကမ်းလှမ်းရာ ငြင်းပယ်ခဲ့သည်။
၁၉၅၈ ခုနှစ် ဇူလိုင်လ၂၀ ရက်နေ့တွင် အမျိုးသား တိုးတက်ရေး ပါတီကို တည်ထောင်၍ ဥက္ကဋ္ဌ အဖြစ်ဆောင်ရွက်သည်။ ၁၉၅၈ ခုနှစ် စက် တင်ဘာလ၂၆ ရက်နေ့တွင် ဝန်ကြီးချုပ်ဦးနုက ၁၉၅၉ ခုနှစ် ဧပြီလမကုန်မီ လွတ်လပ်၍ တရားမျှတသော ရွေးကောက်ပွဲ ကျင်းပရန် အကြောင်း ပြချက်ဖြင့် ကာကွယ်ရေး ဦးစီးချုပ် ဗိုလ်ချုပ်ကြီးနေဝင်းကို အာဏာ လွှဲပေးမှုကို ဦးအောင်သန်းသည် ပမညတကို ဦးဆောင်၍ ပြင်းထန်စွာ ကန့်ကွက်ခဲ့သည်။ သူဦးဆောင်နေသော အမျိုးသား တိုးတက်ရေး ပါတီကလည်း တရားပွဲများ ကျင်းပ၍ ကန့်ကွက်ခဲ့ သည်။
ယင်းနှင့်ပတ်သက်၍ ဦးအောင်သန်းသည် သူ၏ “အောင်ဆန်းမိသားစု” စာအုပ် စာ ၈၀ ၌ “ဦးနုက မိမိဆန္ဒအလျောက် ဗိုလ်ချုပ်နေဝင်းအား လွှဲပေးလေဟန် တိုင်းပြည်အား လှည့်စား ထားသော်လည်း မိမိအမှားများကြောင့် လွှဲပေးရသည်ကို လူတိုင်းသိပါသည်။
ဦးနုက ဗိုလ်ချုပ်နေဝင်းအား လွှဲမပေးမီ သူ့အား အမတ် ၄၆ ယောက်ဖြင့် ပါလီမန်တွင်ထောက်ခံ ခဲ့သော ကျနော်တို့ ပမညတကိုလည်း မ ဆွေးနွေးခဲ့ချေ။ ထိုသို့လွှဲပေးခြင်းကိုလည်း ပမညတက သဘော မတူပါ။ အထူးသဖြင့် ကျနော်ခေါင်းဆောင်သော အမျိုးသား တိုးတက်ရေး ပါတီက အကြီးအကျယ် ကန့်ကွက်ပါသည်။ သို့သော် မရပါ။ ဦးနုသည် မိမိ အတွက် အကျိုးရှိမည် ထင်လျှင် မည်သည့် ထုံးတမ်း စဉ်လာကိုမျှ လိုက်နာလေ့မရှိ။ မည်သည့်ပုဂ္ဂိုလ်၊ မည်သည့်ပါတီကိုမျှ ထောက်ထားလေ့ မရှိပါ”ဟူ၍ ရေးသားထားလေသည်။
ယင်းနောက် ၁၉၅၈ ခုနှစ် ဒီဇင်ဘာလ ၁၉ ရက်နေ့တွင် အမျိုးသား တိုးတက်ရေး ပါတီနှင့် ရဲဘော်ပေါင်းစုံ ထိန်းသိမ်းရေး အဖွဲ့၊ တို့ဗမာ အစည်း အရုံးတို့ ပူးပေါင်းခဲ့သည်။ ပါတီအမည်ကို အမျိုးသား တိုးတက်ရေး ပါတီဟုပင် ဆက်လက် အသုံးပြုခဲ့သည်။
ထို့နောက် ဗိုလ်ချုပ်နေဝင်းအိမ်စောင့်အစိုးရလက်ထက် ၁၉၅၉ ခုနှစ် ဧပြီလ ၃ ရက်နေ့ ညတွင် ပုဒ်မ ၅ဖြင့် ဖမ်းဆီး ခံရပြီး မေလ ၇ ရက်နေ့တွင် ရန်ကုန်မှ မိုင်၂၆၀ ကျော်ဝေးသော ပင်လယ် အတွင်းရှိ ကိုကိုးကျွန်း အကျဉ်းစခန်းသို့ ပို့ခဲ့သည်။ ကိုကိုးကျွန်းမှာ အလျားခုနစ်မိုင်၊ အနံနှစ်မိုင် ရှိ၍ ပင်လယ်ပြင်ကိုဖြတ်လျက် သဘောင်္ဖြင့် ၂၈ နာရီကြာမျှ သွားရောက် ရသည်။ ကိုကိုးကျွန်း အကျဉ်းစခန်း၏ ထူးခြားချက်မှာ အကျဉ်းသား များအား ထောင်ဝါရမ်းတွင် မည်သို့ပင်ရေးထားစေကာမူ အားလုံးကို သာမာန် အကျဉ်းသားများ (‘ဂ’အကျဉ်းသား) အဖြစ်သာ ဆက်ဆံရန် အိမ်စောင့် အစိုးရက ညွှန်ကြားထားသည်။ ဦးအောင်သန်းသည် ကိုကိုးကျွန်းရောက်ပြီး ကျန်းမာရေး တဖြည်းဖြည်း ဆိုးရွားလာသဖြင့် ၁၉၅၉ ခုနှစ်ဒီဇင်ဘာလ ၁၆ ရက်နေ့တွင် ဆေးဝါးကုသရန် ရန်ကုန် စံပြထောင် (ယခုသူနာပြု တက္ကသိုလ်) သို့ ပြန်ပို့ခဲ့သည်။ ထို့နောက် ၁၉၆၀ ပြည့် နှစ် ဇန်နဝါရီလ ၆ ရက်နေ့တွင် ထောင်မှ ပြန်လွှတ်ပေးခဲ့သည်။
၁၉၆၀ပြည့်နှစ် ဖေဖော်ဝါရီလ၆ရက်နေ့တွင် ကျင်းပသော ပါလီမန်ပြည်သူ့ လွှတ်တော် အထွေထွေ ရွေးကောက်ပွဲတွင် ရန်ကုန်ကြည့်မြင် တိုင် တောင်ပိုင်းမှ ဝင်ရောက် ယှဉ်ပြိုင်ခဲ့ရာ ရွေးကောက်ပွဲ၌ ရှုံးနိမ့်ခဲ့ပြန်သည်။
၁၉၆၂ ခုနှစ် မတ်လ၂ ရက်နေ့တွင် ကာကွယ်ရေးဦးစီးချုပ် ဗိုလ်ချုပ်ကြီးနေဝင်း ဦးဆောင်၍ နိုင်ငံတော် အာဏာကို သိမ်းယူပြီး တော်လှန်ရေး ကောင်စီက ဆိုရှယ်လစ်နိုင်ငံ ထူထောင်မည်ဟုကြေညာခဲ့ရာ ဦးအောင်သန်းသည် တော်လှန်ရေးကောင်စီကို ထောက်ခံခဲ့သည်။ ၁၉၆၄ ခုနှစ် ဧပြီလတွင် တော်လှန်ရေးကောင်စီက ပေးအပ်သည့် တာဝန်များကို စတင် ထမ်းဆောင်ချိန်မှ စ၍ အတိုက်အခံနိုင်ငံရေး သမား ဘဝ နိဂုံး ချုပ်ခဲ့ရသည်။
‘၈၈’ ဒီမိုကရေစီအရေးတော်ပုံကြီးအပြီး ၁၉၈၉ ခုနှစ် ဖေဖော်ဝါရီလတွင် တည်ထောင်ခဲ့သော ပြည်သူ့ ဒီမိုကရေစီ ပါတီ (People’s Democratic Party) တွင် နာယက အဖြစ် ပါဝင်ဆောင်ရွက်ခဲ့သည်။ သို့သော် ၁၉၉၀ ပြည့်နှစ် မေလ ၂၇ ရက်နေ့တွင် ကျင်းပသော ရွေးကောက်ပွဲတွင် လွှတ်တော်ကိုယ်စားလှယ် တစ်ဦးမျှ အရွေး မခံရသောကြောင့် နဝတအမိန့်အမှတ် (၂/၉၂) ဖြင့် ၁၉၉၂ ခုနှစ် ဇန်နဝါရီလ ၂၂ ရက်နေ့တွင် ဖျက်သိမ်း ခံခဲ့ရသည်။
ဦးအောင်သန်းသည် ၁၉၃၆ ခုနှစ် နိုဝင်ဘာလ ၇ ရက်နေ့တွင် တောင်တွင်းကြိးမြို့နေ ဦးဘတင်၊ ဒေါ်စံတို့၏ တတိယသမီး ဒေါ်ခင်နု (သခင် ထွန်းအုပ်၏ ဇနီး ဒေါ်ခင်တုတ်၏ ညီမ) နှင့် လက်ထပ်၍ သားစောလှအောင်သန်း၊ သမီး ရီရီအောင်သန်း၊ တီတီအောင်သန်း၊ သားချိုအောင်သန်း၊ သမီးငယ် မမသန်းတို့ ထွန်းကားခဲ့သည်။
ဦးအောင်သန်းသည် စာပေဝါသနာထုံ၍ ၁၉၅၂ ခုနှစ် မေလ ၁ ရက်နေ့တွင် ပြည်သူ့နေ့စဉ် သတင်းစာကို ဦးစီး ထုတ်ဝေခဲ့သည်။ သို့သော် လုပ်ငန်း မကျွမ်းကျင်၍ ၄ လခန့် အကြာတွင် ရပ်ဆိုင်း သွားခဲ့ရသည်။ ၁၉၅၄ ခုနှစ်တွင် ပြည်သူ့ဂျာနယ်ကို ထပ်မံ ထုတ်ဝေသည်။ သခင်မြသန်း က တာဝန်ခံ အဖြစ်ဆောင်ရွက်ပေးခဲ့သည်။ ဂျာနယ်တွင် ဆောင်းပါးများရေးသား၍ လုံးချင်း စာအုပ်များ အဖြစ် “၁၆နှစ် နိုင်ငံရေး အ တွေ့ အကြုံများ” (၁၉၆၂)၊ “အောင်သန်း၏ အောင်ဆန်း” (၁၉၆၅)၊ “အောင်ဆန်းမိသားစု” (၁၉၇၀)စသည့် စာအုပ်တို့ကို ပြုစုရေးသားခဲ့သည်။ ၁၉၈၁ ခုနှစ်တွင် နိုင်ငံ့ဂုဏ်ရည်ဘွဲ့ (ဒုတိယအဆင့်) ချီးမြှင့်ခံရသည်။
ထို့နောက် ဝါရင့်အတိုက်အခံနိုင်ငံရေးသမားကြီး ဗိုလ်ချုပ်အစ်ကို ဦးအောင်သန်းသည် ရန်ကုန်မြို့ ရန်ကင်းမြို့နယ် နေအိမ်၌ ၁၉၉၁ ခုနှစ် နိုဝင်ဘာလ ၂၄ ရက်နေ့တွင် ကွယ်လွန် သွားခဲ့လေသည်။
ရည်ညွှန်း
(၁) ဦးအောင်သန်း၊ အောင်ဆန်းမိသားစု စတုတ္ထအကြိမ် – တကောင်းစာပေတိုက်၊ ၂၀၁၁။
(၂) မြဟန်၊ ဗိုလ်ချုပ်အောင်ဆန်း၏ စာပေလက်ရာ – ဒုတိယအကြိမ်၊ အားမာန်သစ်စာပေ ၂၀၁၀။
(၃) သန်းဝင်းလှိုင်၊ အနှစ်ချုပ်မြန်မာ့သမိုင်းအဘိဓာန် (ဒုတိယတွဲ() ပထမအကြိမ် – ပညာရွှေတောင်စာပေတိုက် ၂၀၁၀။
(၄) မောင်ဇေယျာ၊ “ပါလီမန်ဒီမိုကရေစီခေတ် အတိုက်အခံနိုင်ငံရေးခေါင်းဆောင် ဗိုလ်ချုပ်အစ်ကို ဦးအောင်သန်း (၁၉၁၁-၁၉၉၁)”၊ ပြည်သူ့ ခေတ်ဂျာနယ် အတွဲ ၂ အမှတ် ၇၇ (၂၀၁၂ ဇန်နဝါရီ ၁၂)။
Ref: မိုးမခ
Read More...
Collapse...
2012-05-28
ကချင်ပြည်နယ် ဖားကန့်ဒေသမှာ ကေအိုင်အေနဲ့ မြန်မာစစ်တပ်အကြား တိုက်ပွဲတွေ ဖြစ်ပွားနေတဲ့အတွက် ကျောက်စိမ်း တူးဖော်ရေး ကုမ္ပဏီတွေနဲ့ အလုပ် သမားတွေကို နမ္မတီး ဘက်ကို ပြောင်းနေကြဖို့ အာဏာပိုင်တွေက ညွှန်ကြား ထားတယ်လို့ ဒေသခံ တစ်ဦးက ပြောပါတယ်။
ဖားကန့်ဒေသမှာ စနေနေ့က တိုက်ပွဲတွေ ဖြစ်ပွားခဲ့ပြီးနောက်ပိုင်း တပ်စွဲ ထားတဲ့ ခလရ (၁၆) က စစ်သည် (၉၀) လောက်ကို ဒေသခံ ရှမ်းစု ရွာသားတွေက နေ့စဉ် ထမင်းထုတ် ပို့နေရတယ်လို့ ဒေသခံတွေက ပြောပါတယ်။ ဒီကနေ့မှာတော့ တိုက်ပွဲဖြစ်ပွားမှု မရှိဘူးလို့ ဆိုပါတယ်။
ဒီအတောအတွင်း ကချင်ပြည်နယ်နဲ့ အိန္ဒိယနယ်စစ်အနီး ချီဗွေယံ-နမ့်ယွန်းဒေသမှာ လွန်ခဲ့တဲ့ (၆) ရက်လောက် ကစလို့ ဒေသခံ အာဏာပိုင်တွေက မော်တော်ကားတွေကို အဓမ္မ ချောဆွဲနေတဲ့ အတွက် ကားပိုင်ရှင်တွေ အခက်အခဲ တွေ့နေတယ်လို့ သိရပါတယ်။
မောင်းလို့မရတော့တဲ့ စစ်တပ်သုံးကားတွေကို မြစ်ကြီးနားမြို့ကို ပို့ဆောင်ဖို့ အတွက် နမ့်ယွန်း အခြေစိုက် ခမရ (၁၂၆) က ခေါ်ယူ ခိုင်းစေနေတာလို့ ကားပိုင်ရှင် တစ်ဦးက ပြောပါတယ်။
အလားတူ လားရှိုး မူဆယ် ကားလမ်းကို ဒီကနေ့ ပ်ိတ်မယ်ဆိုတဲ့ သတင်းတွေ ထွက်ပေါ်နေပေမဲ့ အတည်ပြုချက် မရရှိပါဘူး၊။ ဒီကားလမ်း တလျှောက် KIO တပ်မဟာ ၄ က ပစ်ခတ်မယ် ဆိုတဲ့ ခြိမ်းခြောက်မူတွေ ရှိတယ်လို့ ကုန်သည်တွေက ပြောပါတယ်။
ဒီကိစ္စနဲ့ပတ်သက်ပြီး တပ်မဟာ ၄ က အရာရှိတစ်ဦးကို မေးကြည့်ရာမှာ အစိုးရ စစ်သားတွေဟာ အရပ်သား ကားတွေ သုံးနေတာကြောင့် ဖြစ်တယ်လို့ ပြောပါတယ်။
“ စစ်သားတွေက အရပ်ဝတ်စုံတွေနဲ့ အရပ်ကား ဒိုင်နာတို့၊ ကုန်တင်ကားတို့မှာ စီးသလိုလို ဘာလိုနဲ့ ရုတ်တရက် လမ်းမှာ သူတို့ကြိုက်တဲ့နေရာမှာ ဆင်းပြီး ကြိုက်တဲ့နေရာကနေဝင်ပြီး ကျွန်တော်တို့ကို ဝင်ဝင်တိုက်တာကိုး။ ဒီလိုအကြောင်းကြောင့် ကျွန်တော်တို့ တပ်မတော် ရင်း ၉ တွေ၊ ရင်း ၂ တွေ အတိုက်ခံနေရတယ်”
ဒီကိစ္စနဲ့ ပတ်သက်ပြီး အာဏာပိုင်တွေဘက်ကို တရားဝင် မေးမြန်းခွင့် မရသလို KIO ဘက်ကိုလည်း တရားဝင် မေးမြန်းခွင့် မရရှိသေးပါဘူး။
Ref: RFA News
Read More...
Collapse...
ကိုကျော်ကျော်သိန်း
တနင်္လာ, 28 မေ 2012
ထိုင်းနိုင်ငံ၊ ဘန်ကောက်မြို့တော်မှာ ကျင်းပမယ့် ကမ္ဘာ့စီးပွားရေး ဖိုရမ် WEF မှာ ပါဝင် တက်ရောက်မယ့် အစီအစဉ်ကို သမ္မတ ဦးသိန်းစိန်က ပယ်ဖျက် လိုက်ပါတယ်။ ဒါပေမဲ့ အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် ကတော့ တက်ရောက်မယ်လို့ ထိုင်းနိုင်ငံခြားရေး ဌာနက အတည်ပြုပါတယ်။ ဒီအကြောင်းကို ဘန်ကောက်ကနေ စုံစမ်းထားတဲ့ ကိုကျော်ကျော်သိန်းက အပြည့်အစုံ တင်ပြပေးထား ပါတယ်။
WEF ဖိုရမ်ကို သမ္မတဦးသိန်းစိန်၊ တက်မယ် မတက်ဘူး ဆိုတာနဲ့ ပတ်သက်လို့ အခုရက်ပိုင်း အတွင်း သတင်း အမျိုးမျိုး ထွက်နေတာကနေ ဒီကနေ့မှာတော့ သူ မတက်ဖြစ်ဘူး ဆိုတာကို ထိုင်းနိုင်ငံခြားရေး ဌာနက အတည်ပြုပြောဆို ခဲ့တာပါ။ ဒါပေမဲ့ လည်း ထိုင်းနိုင်ငံ လာရောက်မယ့် နိုင်ငံတော် ခရီးစဉ်ကိုတော့ ရက်ရွှေ့ဆိုင်း လိုက်တာပဲဖြစ်ပါတယ်။ ဒီကိစ္စနဲ့ ပတ်သက်ပြီး ဗွီအိုအေ ကုို အတည်ပြုပြောဆို ခဲ့သူကတော့ ထိုင်းနိုင်ငံခြားရေး ဌာန ပြောရေး ဆိုခွင့်ရှိသူ မစ္စတာ ထာနီ သွန်ခ်ပက်ခ်ဒီ (Thani Thongpakdi) ဖြစ်ပါတယ်။ သမ္မတရဲ့ တရားဝင်နိုင်ငံတော် ခရီးစဉ် ရွှေ့ဆိုင်းလိုက်တာနဲ့ WEF ဖိုရမ် မတက်ဖြစ်တဲ့ အကြောင်း တွေကို မေလ ၂၇ ရက်နေ့မှာ မြန်မာအစိုးရ ဘက်က အကြောင်းကြား ခဲ့တယ်လို့ မစ္စတာထာနီကပြောပါတယ်။
“နိုင်ငံတွင်းမှာ သူ တက်ရောက်ရမယ့် အစီအစဉ်တွေ ရှိထားပြီးသားဖြစ်တဲ့ အတွက် မြန်မာ သမ္မတရဲ့ တရားဝင် နိုင်ငံတော် ခရီးစဉ် ဟာ နှစ်နိုင်ငံ သဘောတူညီချက် အရ ဇွန်လ ၄ ရက်နဲ့ ၅ ရက်နေ့တွေမှာ ဖြစ်ပါလိမ့်မယ်။ တချိန် တည်းမှာပဲ WEF ဖိုရမ်ကို တက်မယ့် အစီအစဉ်နဲ့ ပတ်သက်လို့လည်း မတက်နိုင်တော့ဘူး ဆိုတဲ့အကြောင်း ကျနော်တို့ကိုပြောပါတယ်။ သူ့ကိုယ်စား ပြည်ထောင်စု စွမ်းအင်ဝန်ကြီးက တက်ရောက်မှာဖြစ်ပါတယ်။” - လို့ မစ္စတာထာနီကပြောပါတယ်။
ဒီကနေ့မနက်ပိုင်းအထိ WEF ဖိုရမ်ရဲ့ အစီအစဉ်တွေထဲမှာ အစီအစဉ်နှစ်ခုမှာ သမ္မတ ဦးသိန်းစိန် တက်ရောက်မယ် ဆိုပြီး ထည့်သွင်း ထားခဲ့တာပါ။ မေလ ၃၁ ရက်နေ့မှာလုပ်မယ့် ဖွင့်ပွဲ အခမ်းအနားမှာ ဘာရိန်း ၀န်ကြီးချုပ်၊ ဗီယက်နမ် ၀န်ကြီးချုပ်၊ လာအို ၀န်ကြီးချုပ်၊ အင်ဒိုနီးရှား သမ္မတ၊ အိမ်ရှင် ထိုင်းဝန်ကြီးချုပ်တို့နဲ့ အတူ မြန်မာ သမ္မတလည်း တက်ရောက်မယ်လို့ ကြေညာခဲ့ပါတယ်။ တခါ ဇွန်လ ၁ ရက်နေ့ ညနေပိုင်းမှာလည်း မြန်မာနိုင်ငံရဲ့ ကတိပြုမှုနဲ့ အနာဂတ်လို့ ဆိုရမယ့် The Promise and Future of Myanmar ဆိုတဲ့ခေါင်းစဉ်နဲ့ သမ္မတ ဦးသိန်းစိန်က စကားပြောဖို့ အစီအစဉ် တခုလည်း ကြေညာ ထားခဲ့ပါတယ်။ အခုတော့ အဲဒီအစီအစဉ်တွေ အားလုံးမှာ သူ့ရဲ့ အမည်ကြေညာ ထားတာကို ဖျက်လိုက်ပြီဖြစ်ပါတယ်။
WEF ဖိုရမ်ကို ဒေါ်အောင်ဆန်းစုကြည် တက်ဖြစ်မယ်ဆိုတာ ကိုလည်း မစ္စတာထာနီက အတည်ပြု ပြောဆိုပါတယ်။
“ဖိုရမ် အစည်းအဝေးကို ဒေါ်အောင်ဆန်းစုကြည် တက်မယ်ဆိုတဲ့ အကြောင်း World Economic Forum က ကျနော်တို့ကို အကြောင်းကြား ပါတယ်။” -လို့ မစ္စတာ ထာနီကပြောပါတယ်။ ထိုင်း-မြန်မာနယ်စပ်က ဒုက္ခသည် စခန်းတခုဆီ ဒေါ်အောင်ဆန်း စုကြည်သွားမယ် ဆိုတဲ့ သတင်းနဲ့ တခြား အစီအစဉ်တွေကိုတော့ သူတို့ဆီ အကြောင်း မကြားသေးလို့ မသိသေးဘူးလို့ ထိုင်းနိုင်ငံ ခြားရေးဌာန၊ ပြောရေးဆိုခွင့် ရှိသူ မစ္စတာထာနီက ပြောပါတယ်။
ဇွန်လ ၁ ရက်နေ့မနက်ပိုင်း WEF အစီအစဉ်တွေထဲက ခေါင်းဆောင် တယောက်နှင့် စကားပြောခြင်းဆိုတဲ့ ခေါင်းစဉ်အောက်မှာ WEF တည်ထောင်သူနဲ့ အမှုဆောင်ဥက္ကဋ္ဌ ကလော့စ် ရှဝတ်ဘ် (Klaus Schwab) က ဒေါ်အောင်ဆန်းစုကြည်ကို နာရီဝက်ကြာ တဦးချင်း တွေ့ဆုံမေးမြန်းမှာဖြစ်ပါတယ်။
ထိုင်းဝန်ကြီးချုပ် မစ္စ ယင်းလပ် ရှင်နာဝပ်နဲ့ ဒေါ်အောင်ဆန်းစုကြည်တို့ မေလ ၃၁ ရက်နေ့မှာ တွေ့ဆုံကြမယ်လို့ သတင်းတွေက ဖော်ပြကြပေမဲ့ သီးခြား အတည်ပြုချက်တော့ မရသေးပါဘူး။
မည်သို့ပင်ဖြစ်စေ ၂၄ နှစ်အတွင်း မြန်မာနိုင်ငံပြင်ပ ပထမဆုံး ထွက်လာမှာဖြစ်တဲ့ ဒေါ်အောင်ဆန်းစုကြည်ရဲ့ ပထမဆုံးခရီး တထောက်ဟာ သူတို့နိုင်ငံဖြစ်ဖို့ ကမ္ဘာ့နိုင်ငံ အတော်များများရဲ့ ခေါင်းဆောင်တွေ မျှော်လင့် တောင့်တ ဆန္ဒ ရှိနေကြချိန်မှာ ထိုင်း ၀န်ကြီးချုပ် မစ္စယင်းလပ်က ကြိုဆိုခွင့် ရတော့မှာဖြစ်ပါတယ်။ ဒါဟာ ဒေါ်အောင်ဆန်းစုကြည်က ဒေသတွင်း ဆက်ဆံရေးမှာ မဟာ ဗျူဟာမြောက် လုပ်ဆောင်လိုက်တာဖြစ်တယ်လို့ သုံးသပ်တာမျိုးလည်း ရှိပါတယ်ခင်ဗျား။
Ref: VOA News
Read More...
Collapse...
ဇာနည်မာန်
May 29, 2012
မြန်မာ့လယ်ယာစိုက်ပျိုးရေး၊ ရထားပို့ဆောင်ရေးနှင့် လျှပ်စစ်စွမ်းအင် ကဏ္ဍများ ဖွံ့ဖြိုး တိုးတက်ရေးများ အတွက် အိန္ဒိယမှ အမေရိကန်ဒေါ်လာ သန်း ၅၀၀ ချေးငွေကို နှုန်းထား သက်သာစွာဖြင့် ပေးအပ်ရန် နှစ်နိုင်ငံ နားလည်မှု စာချွန်လွှာကို လက်မှတ်ရေးထိုးလိုက်သည်။
အိန္ဒိယ ၀န်ကြီးချုပ် မာမိုဟမ်ဆင်း၏ မြန်မာနိုင်ငံချစ်ကြည်ရေး ခရီးစဉ် အတွင်း သမတ ဦးသိန်းစိန်နှင့် နေပြည်တော်တွင် တွေ့ဆုံဆွေးနွေးပြီး ယခုလို သဘော တူညီမှုများ ပြုခဲ့ခြင်းဖြစ်သည်။
လယ်ယာစိုက်ပျိုးရေး၊ ဆည်မြောင်းကဏ္ဍ၊ ရထားပို့ဆောင်ရေးနှင့် စွမ်းအင် စသည့် အခြေခံ အဆောက်အအုံ ဖွံ့ဖြိုး တိုးတက်ရေး များတွင် အဆိုပါ ချေးငွေကို အသုံးပြုသွားမည်ဟု နှစ်နိုင်ငံ ပူးတွဲ ထုတ်ပြန်ကြေငြာချက်တွင် ဖော်ပြထားသည်။
မြန်မာနိုင်ငံသို့ အိန္ဒိယနိုင်ငံမှ ချထားပေးသော ချေးငွေမှာ စုစုပေါင်း အမေရိကန် ဒေါ်လာ ၁.၂ ဘီလီယံ ရှိပြီးဖြစ်သည်ဟု အဆိုပါ ထုတ်ပြန်ချက်က ဆုိုသည်။
အဆိုပါ ချေးငွေကို အိန္ဒိယအစိုးရလက်အောက်ခံ အိန္ဒိယ သွင်းကုန်ထုတ်ကုန် ဆိုင်ရာ ဘဏ်မှ မြန်မာ့နိုင်ငံခြား ကုန်သွယ်မှု ဘဏ်သို့ ပေးအပ်မည်ဖြစ်သည်။
အိန္ဒိယနိုင်ငံမှ United Bank ၏ ဘဏ်ခွဲတခုကို မြန်မာနိုင်ငံတွင် ဖွင့်လှစ်ရေး၊ ဘဏ်လုပ်ငန်း ဆိုင်ရာ ကိစ္စရပ်များ အတွက် မြန်မာ အစိုးရ ကိုယ်စားလှယ်များကို အိန္ဒိယနိုင်ငံသို့ လေ့ကျင့် သင်တန်းပေးအပ်ရေး၊ ဘဏ်လုပ်ငန်း အတွေ့အကြုံနှင့် နည်းပညာ ဖလှယ်ရေး ကိစ္စရပ်များလည်း ပါဝင်သည်။
ထို့အပြင် အိန္ဒိယ-မြန်မာနယ်စပ်ဒေသ ဖွံ့ဖြိုးရေးနှင့် ကုန်သွယ်ရေး ကိစ္စရပ်များ၊ နယ်စပ် ကုန်သွယ်ဂိတ်များ တိုးချဲ့ ဖွင့်လှစ်ရေး၊ နယ်စပ် ကုန်သွယ်ရေးတွင် ရင်းနှီးမြုပ်နှံမှုများ အပါအ၀င် နှစ်နိုင်ငံ ယဉ်ကျေးမှု ဖလှယ်ရေး အစီအစဉ် ကိစ္စရပ်များ ဆိုင်ရာ နားလည်မှု စာချွန်လွှာများကို လက်မှတ်ရေးထိုးခဲ့သည်။
အဆိုပါ နားလည်မှုစာချွန်လွှာများအရ အိန္ဒိယနိုင်ငံ မဏိပူရ်ပြည်နယ် အင်ဖားလ်မှ မြန်မာနိုင်ငံ မန္တလေး အထိ ဆက်သွယ်မည့် ခရီးသည်တင် ဘတ်စ်ကား ပြေးဆွဲရေး အတွက် နှစ်နိုင်ငံ သဘောတူပြီးဖြစ်သော်လည်း ကားများ စတင်ပြေးဆွဲနိုင်ရေး အတွက် မြန်မာဖက်မှ လိုအပ်သည်များကို အပြီးသတ် ဆောင်ရွက်ရန် ပြောဆိုဆွေးနွေး ခဲ့သည်ဟု ဖော်ပြထားသည်။
အိန္ဒိယဖက်မှ အဆိုပါ လမ်းရှိ တံတားများကို အဆင့်မြင့်တင် ပြုပြင်ခြင်းများ ပြုလုပ်ပေးမည်ဖြစ်ကြောင်း၊ ကလေးဝ- ယာကြီး လမ်းပိုင်းအတွက် တာဝန်ယူ ဆောင်ရွက်ပေးမည်ဖြစ်ကြောင်း၊ မြန်မာဖက်ကမူ ယာကြီး-မုံရွာ လမ်းပိုင်း အတွက် တာဝန်ယူ ဆောင်ရွက်ရမည်ဖြစ်ပြီး အဆိုပါ အိန္ဒိယ မြန်မာ ဆက်သွယ်သည့် လမ်းကြောင်းကို ၂၀၁၆ ခုနှစ် မတိုင်မီ အဝေးပြေး လမ်းမကြီးအဆင့် အထိ တိုးမြှင့်ရန် ဆုံးဖြတ်ခဲ့သည်ဟု ဆိုသည်။
အဆိုပါ လမ်းကြောင်းမှ အိန္ဒိယမှ မြန်မာနိုင်ငံကို ဖြတ်ကျော်၍ ထိုင်းနိုင်ငံ အထိ ထိုးဖောက် ဆက်သွယ်မည့် လမ်းဖြစ်၍ “အရှေ့မျှော် ၀ါဒ” ကျင့်သုံး၍ မြန်မာနိုင်ငံမှ အာဆီယံနိုင်ငံများသို့ ဆက်သွယ် လိုနေသည့် အိန္ဒိယ အတွက် အရေးပါသော ကုန်းတွင်းဆက်သွယ်ရေး လမ်းကြောင်းတခုဖြစ်သည်။
အဆိုပါ လမ်းဖြစ်မြောက်ရေးအတွက် နှစ်နိုင်ငံ ခေါင်းဆောင်များ ဆွေးနွေးပြောဆို ခဲ့သည်မှာ နှစ်ပေါင်း ကြာမြင့်လှပြီဖြစ်ရာ အိန္ဒိယဖက်မှ အဆိုပါ လမ်းနှင့် ကားပြေးဆွဲခြင်းကို ဆောလျင်စွာ ပြုလုပ်လိုလျက် ရှိသည်။
ဝန်ကြီးချုပ် မာမိုဟမ်ဆင်းသည် သူ၏ မြန်မာနိုင်ငံ ခရီးစဉ် မတိုင်မီ ရက်ပိုင်း အလိုကပင် အဆိုပါ အင်ဖားလ်-မန္တလေး ခရီးသည်တင်ကား ပြေးဆွဲရေးအတွင် ၄င်း၏ အစိုးရအဖွဲ့အတွင်း အပြီးသတ် ဆုံးဖြတ်ချက်ကို ချမှတ်ခဲ့ပြီး မြန်မာဖက်မှ အပြီးသတ် ဆုံးဖြတ်ချက်ချပြီးလျှင် ကားများ စတင်ပြေးဆွဲရန် ပြောဆိုခဲ့သေးသည်။
နှစ်နိုင်ငံ နယ်စပ်ဒေသ လုံခြုံရေး ကိစ္စရပ်များကိုလည်း ဆွေးနွေးခဲ့ပြီး နယ်စပ်ဒေသရှိ နှစ်နိုင်ငံ နယ်နိမိတ်ကျောက်တိုင်များ ကိုလည်း ပူးပေါင်း စစ်ဆေးရန် ပြောဆိုခဲ့သည်ဟု ဆိုသည်။
နှစ်နိုင်ငံ နယ်စပ်ဒေသတွင် သွားလာလှုပ်ရှားနေသော အိန္ဒိယ ခွဲထွက်ရေး သူပုန် အဖွဲ့များကို မြန်မာမြေတွင် ခိုအောင်းနေထိုင်ခွင့်၊ အခြေချ သွားလာ လှုပ်ရှားခွင့်များ ပြုလိမ့်မည် မဟုတ်ကြောင်း မြန်မာဖက်က ပြောဆိုခဲ့သည်ဟု အဆိုပါ ပူးတွဲကြေငြာချက်တွင် ဖော်ပြထားသည်။
ထို့အတူ နှစ်နိုင်ငံ လေကြောင်းလိုင်းများ ပျံသန်းရေးဆိုင်ရာ သဘော တူညီချက်၊ မြန်မာနိုင်ငံ သတင်း အချက်အလက်နှင့် နည်းပညာဌာန တည်ထောင်ရေး အတွက် အိန္ဒိယမှ အကူအညီများပေးမည့် နားလည်မှု စာချွန်လွှာ၊ ရေဆင်း စိုက်ပျိုးရေး တက္ကသိုလ်တွင် စိုက်ပျိုးရေး သိပ္ဗံနှင့် သုတေသနဆိုင်ရာ ဌာနဖွင့်လှစ်ရေး အတွက် နားလည်မှု စာချွန်လွှာ၊ နေပြည်တော်ရှိ စိုက်ပျိုးရေး သုတေသန ဦးစီးဌာနတွင် စပါးဇီဝ ဥယျာဉ် တည်ဆောက်ရေး ဆိုင်ရာ နားလည်မှု စာချွန်လွှာ၊ ဒဂုံတက္ကသိုလ်နှင့် ကိုးလ်ကတ္တား တက္ကသိုလ်နှစ်ရပ် ပူးပေါင်း၍ ပညာရေးဆိုင်ရာ ကိစ္စရပ်များနှင့် မြန်မာနိုင်ငံ မဟာဗျူဟာနှင့် နုိုင်ငံတကာ လေ့လာရေးဌာန (MISIS) နှင့် နယူးဒေလီရှိ အိန္ဒိယ ကမ္ဘာ့ရေးရာကောင်စီ (ICWA) တို့ ပူးပေါင်းဆောင်ရွက်ရေး နားလည်မှု စာချွန်လွှာများကိုလည်း လက်မှတ်ရေးထိုး ခဲ့သည်။
အဆိုပါ နားလည်မှု စာချွန်လွှာများအရ ကမ္ဘာ့လေထုနှင့် ကမ္ဘာမြေကြီး ဆိုင်ရာ သိပ္ဗံ၊ စက်မှုသိပ္ဗံ၊ ဓာတုဗေဒ၊ ဆေးသိပ္ဗံ၊ သင်္ချာပညာ၊ ရူပဗေဒ နယ်ပယ်များတွင် မြန်မာနိုင်ငံမှ သုတေသန ပြုနေသူများ အတွက် ပညာတော်သင်ဆု ၁၀ ဆု ပေးအပ်ရေးနှင့် အိန္ဒိယတွင် စီးပွားရေးနှင့် နည်းပညာ သင်တန်းအတွက် မြန်မာနိုင်ငံမှ သင်တန်းသား ၅၀၀ ကို ခေါ်ယူ သင်ကြားမှုများ ပေးအပ်မည်ဟု ပါရှိသည်။
ထို့ပြင် ပုဂံ ရှေးဟောင်းယဉ်ကျေးမှုနယ်မြေရှိ အာနန္ဒာဘုရားအား အိန္ဒိယ အကူအညီဖြင့် ပြုပြင် ထိန်းသိမ်းမှုများ ကိုလည်း ဆွေးနွေးခဲ့ပြီး ရွှေတိဂုံ စေတီတော်ပေါ်တွင် ပူဇော်ခံရန် အတွက် ဥာဏ်တော်အမြင့် ၁၆ ပေရှိသည့် ဗုဒ္ဓ ဆင်းတုတော်တဆူကို အိန္ဒိယမှ လှူဒါန်းမည်ဟု သိရသည်။
ဝန်ကြီးချုပ် မာမိုဟမ်ဆင်းနှင့် အဖွဲ့သည် အင်္ဂါနေ့တွင် ရန်ကုန်မြို့ ဆီဒိုးနား ဟိုတယ်၌ ဒေါ်အောင်ဆန်းစုကြည်နှင့် တွေ့ဆုံမည်။
Ref: မဇ္ဈိမ
Read More...
Collapse...
ဖိုးသိုက်
May 28, 2012
တရုတ်-မြန်မာ နယ်စပ်ကုန်သွယ်ရေး၌ ယခင်က တရုတ်နိုင်ငံဘက်က ကုန်သွယ်မှု ပိုငွေ ရရှိနေရာမှ ပြီးခဲ့သည့်၂၀၁၁-၂၀၁၂ ဘဏ္ဍာ ရေးနှစ်တွင် မြန်မာဘက်က ပိုငွေ ရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန (စီးပွား/ကူးသန်း) မှ သိရသည်။
၂၀၁၁-၂၀၁၂ ဘဏ္ဍာရေး နှစ်တွင် တရုတ်-မြန်မာနယ်စပ် ကုန်သွယ်မှုမှာ အမေရိကန် ဒေါ်လာ ၃ ဘီလီယံ ခန့် ရှိသည့် အတွက် ပြီးခဲ့ သည့် ၂၀၁၀-၂၀၁၁ ဘဏ္ဍာရေး နှစ်နှင့် နှိုင်းယှဉ်လျှင် ဒေါ်လာ ၁ ဒသမ၂ ဘီလီယံ တိုးတက်မှု ရှိလာကြောင်း စီးပွား/ကူးသန်း ၀န်ကြီး အကြံပေး စီးပွားရေးပညာရှင် ဒေါက်တာ မောင်အောင် က ပြောသည်။
နှစ်နိုင်ငံ နယ်စပ်ကုန်သွယ်မှု၌ ၂၀၁၁-၂၀၁၂ ဘဏ္ဍာရေး နှစ်တွင် မြန်မာဘက်က ပို့ကုန်မှာ ဒေါ်လာ ၁ ဒသမ ၈ ဘီလီယံရှိပြီး သွင်း ကုန်မှာ ဒေါ်လာ ၁ ဒသမ ၁ ဘီလီယံ ရှိခဲ့ကြောင်း၊ ၂၀၁၀-၂၀၁၁ တွင် ပို့ကုန်မှာ ဒေါ်လာ သန်း ၉၃၀ ကျော်ရှိပြီး သွင်းကုန်မှာ ဒေါ်လာ သန်း ၈၆၀ ကျော် ရှိခဲ့ကြောင်းလည်း စီးပွား/ကူးသန်း စာရင်းများအရ သိရသည်။
“မြန်မာနဲ့တရုတ် နှစ်နိုင်ငံကုန်သွယ်မှုမှာ တရုတ်နိုင်ငံက ကုန်သွယ်မှုရှင်းတမ်း အရ အရင်က ဆိုရင် အမြဲတမ်းပိုငွေ ရရှိတယ်။ ဒါပေမယ့် ၂၀၁၁-၁၂ ဘဏ္ဍာရေးနှစ်မှာ မြန်မာဘက်က ကုန်သွယ်မှုပိုငွေ ရရှိတာဖြစ်လို့ ခြားနားချက်က အရင်ကလို ကွာခြားချက် သိပ်မရှိတော့ဘူး။ ဒါကြောင့် နှစ်နိုင်ငံကုန်သွယ်မှုမှာ မြန်မာနိုင်ငံ အနေနဲ့ အလားအလာကောင်းတဲ့ အခြေအနေမှာ ရှိနေပါတယ်”ဟု ဒေါက်တာ မောင်အောင် က ဆိုသည်။
စီးပွား/ကူးသန်းမှ ထုတ်ပြန်သည့် စာရင်း၌ တရုတ်-မြန်မာ နှစ်နိုင်ငံ ကုန်သွယ်မှုမှာ ၂၀၁၁-၂၀၁၂ ဘဏ္ဍာရေး နှစ်တွင် ကုန်သွယ်မှု ပမာဏ အမေရိကန် ဒေါ်လာ ၅ ဒသမ ၆ ဘီလီယံ ရှိသည့် အနက် နယ်စပ်ကုန်သွယ်ရေး လမ်းကြောင်းမှ တဆင့် ဒေါ်လာ ၃ ဘီလီ ယံ ခန့် ရရှိခဲ့သောကြောင့် နှစ်နိုင်ငံ ကုန်သွယ်မှု ပမာဏ ၏ ၅၀ ရာခိုင်နှုန်းကျော် ရှိကြောင်း၊ ၂၀၁၀-၂၀၁၁ ဘဏ္ဍာရေး နှစ်တွင် နှစ်နိုင်ငံ ကုန်သွယ်မှုမှာ ဒေါ်လာ ၅ ဒသမ ၂ ဘီလီယံ ရှိသည့်အနက် နယ်စပ် ကုန်သွယ်ရေးမှ ဒေါ်လာ ၁ ဒသမ ၈ ဘီလီယံ ရရှိခဲ့ပြီး နှစ်နိုင်ငံ ကုန်သွယ်မှု ပမာဏ ၏ ၃၀ ရာခိုင်နှုန်းကျော် ရှိခဲ့ကြောင်း ဖော်ပြထားသည်။
သို့သော် တရုတ်-မြန်မာ နယ်စပ်ကုန်သွယ်ရေး၌ တရားမ၀င်လမ်းကြောင်းများမှတဆင့် မြန်မာနိုင်ငံတွင်းသို့ ၀င်ရောက်မှုများ ရှိနေသည့် အတွက် နိုင်ငံတော် အနေဖြင့် နိုင်ငံခြားဝင်ငွေ ဆုံးရှုံးမှုများ ရှိနေသည်ဟု သမ္မတ ၏ စီးပွားရေး အကြံပေးအဖွဲ့ ခေါင်းဆောင် ဒေါက်တာ ဦးမြင့် က မေလ ၁၈ ရက်နေ့က ကျင်းပသော စီးပွားရေးဆိုင်ရာ ဟောပြောပွဲ တခုတွင် ပြောဆိုသည်။
“မိုင် ၁၃၈၀ ကျော် ရှည်လျားတဲ့ နယ်စပ် ၀င်ပေါက် ထွက်ပေါက်တွေကို တကယ်တမ်းမှာ လိုက်ပိတ်ဖို့ ဆိုတာကလည်း မလွယ်ပါဘူး။ ဒါကြောင့် တရားမ၀င် ၀င်ထွက်နေတာကို တရားဝင် ကုန်စီးဆင်းမှု ရှိလာအောင် ပြောင်းလဲဖို့ လိုပါတယ်။ ဒီလိုမှ မလုပ်နိုင်ရင် တရားမ၀င် နည်းလမ်းတွေနဲ့ ကုန်စည် စီးဆင်းမှုက ရှိနေဦးမှာပါ”ဟု ဒေါက်တာဦးမြင့် က ဆိုသည်။
ထို့အပြင် တရုတ်နိုင်ငံအနေဖြင့် အာဆီယံအဖွဲ့ဝင်နိုင်ငံများနှင့် ကုန်သွယ်မှုဆိုင်ရာ အဟန့်အတား များကို ဖြေလျှော့ရန် သဘော တူညီမှု ရှိထား၍ မြန်မာနိုင်ငံ အပေါ် အကျိုး သက်ရောက်မှုများ ရှိလာနိုင်ကြောင်း၊ ကုန်သွယ်မှုကို အဟန့်အတား ဖြစ်စေသည့် မူဝါဒ များကြောင့် လာဘ်စားမှုများ ပေါ်ပေါက်စေသည့် အတွက် မူဝါဒပိုင်း ဆိုင်ရာ၌ ပွင့်လင်းမြင်သာမှု ရှိရန် လိုအပ်ကြောင်းလည်း ၄င်းက ပြောကြားသည်။
စီးပွား/ကူးသန်းမှ အဆင့်မြင့် အရာရှိတဦးကလည်း“မြန်မာနဲ့ တရုတ် နယ်စပ်ကုန်သွယ်ရေးမှာ တရားမ၀င် ကုန်စီးဆင်းမှု ရှိနေတာ တွေကို လျော့သွားဖို့ အတွက် စီးပွား/ကူးသန်း အနေဖြင့်လည်း နယ်စပ် လမ်းကြောင်းတွေမှာ နယ်စပ် ကုန်သွယ်ရေး စခန်း အသစ် တွေကို ထပ်မံ ဖွင့်လှစ်သွားဖို့ ရှိပါတယ်။ ဒါ့အပြင် ကုန်ပစ္စည်းတွေ စီးဆင်းတဲ့နေရာမှာ လိုအပ်တဲ့ လိုင်စင် ထုတ်ပေးရေး ကိစ္စကိုလဲ လွယ်ကူ လျင်မြန်မှုရှိအောင် ဆောင်ရွက်ပေးသွားဖို့ ရှိပါတယ်။ ဒီလိုဆောင်ရွက်မှပဲ တရားမ၀င် ကုန်စည်စီးဆင်းမှုက လျော့ကျ လာမှာဖြစ်ပါတယ်”ဟု ပြောဆိုသည်။
မြန်မာ-တရုတ် နယ်စပ်ကုန်သွယ်ရေးမှာ လက်ရှိတွင် မူဆယ် နယ်စပ် ကုန်သွယ်ရေးစခန်း၊ လွယ်ဂျယ် နယ်စပ် ကုန်သွယ်ရေး စခန်းနှင့် ချင်းရွှေဟော် နယ်စပ် ကုန်သွယ်ရေး စခန်းတို့သာ ရှိကြောင်း သိရသည်။
နှစ်နိုင်ငံ နယ်စပ် ကုန်သွယ်ရေးတွင် မြန်မာနိုင်ငံဘက်မှ အဓိက ပို့ကုန်အနေဖြင့် သစ်များကို အလုံးလိုက် တင်ပို့မှု ရှိနေသည့် အပြင် ကျောက်စိမ်းနှင့် ကျောက်မျက် ရတနာ၊ လယ်ယာထွက်ကုန်၊ တွင်းထွက် ပစ္စည်းများနှင့် တိရစ္ဆာန်ထွက် ပစ္စည်းများကို တရားမ၀င် တင်ပို့မှုများရှိနေကြောင်း ဒေါက်တာဦးမြင့်က ပြောသည်။
ဒေါက်တာဦးမြင့်က ဆက်လက်၍ တရုတ်နိုင်ငံအနေနှင့် သစ်လုံးတင်သွင်းမှု မြင့်တက်ရသည့် အကြောင်းရင်းသည် ပရိဘောဂ ပြုလုပ်ရန် အတွက် ပြည်တွင်း လိုအပ်ချက် မြင့်နေခြင်း၊ ပြည်ပ ဈေးကွက် အနေနှင့်လည်း ဥရောပ၊ အမေရိကနှင့် အရှေ့အလယ်ပိုင်း နိုင်ငံများသို့ ပရိဘောဂ၊ သစ်ခွဲသားနှင့် သစ်အလုံးလိုက် တင်ပို့မှုများ ရှိနေသည့်အပြင် တရုတ်အစိုးရ အနေဖြင့် ၁၉၉၈ ခုနှစ်ကဖြစ် ခဲ့သော ယန်စီမြစ် တလျှောက် မြစ်ရေလျှံမှုကြောင့် နိုင်ငံတွင်းရှိ သစ်တောကဏ္ဍကို ကာကွယ်ရန် အတွက် သစ်ထုတ်လုပ်မှုကို လျှော့ချလိုက်ခြင်း ဖြစ်ကြောင်းလည်း ပြောဆိုသည်။
“ဒီအချက်တွေကြောင့် တရုတ်နိုင်ငံအနေနဲ့ တရားမ၀င် သစ်တင်သွင်းမှုက ကမ္ဘာမှာ နံပါတ် ၁ အဆင့်မှာ ရှိနေတယ်”ဟု ဒေါက်တာ ဦးမြင့် က ဆိုသည်။
မြန်မာနှင့်တရုတ် နှစ်နိုင်ငံကုန်သွယ်မှုတွင် မြန်မာဘက်က လယ်ယာ ထွက်ကုန် ပစ္စည်းများ၊ ရေထွက် ပစ္စည်းများ၊ သစ်နှင့် တွင်းထွက် ပစ္စည်းများကို အဓိက တင်ပို့နေပြီး သွင်းကုန် အနေဖြင့် စားသောက်ကုန်နှင့် လူသုံးကုန် ပစ္စည်းများ၊ လယ်ယာ လုပ်ငန်းသုံး စက် ပစ္စည်းများနှင့် သယ်ယူပို့ဆောင်ရေး လုပ်ငန်းသုံး ပစ္စည်းများကို အဓိက တင်သွင်းမှုရှိကြောင်း သိရသည်။
တရုတ်-မြန်မာ နယ်စပ် ကချင်ပြည်နယ်တွင် ယမန်နှစ် ဇွန်လမှ စတင်၍ ကချင်ပြည် လွတ်လပ်ရေး တပ်မတော် (KIA) နှင့် အစိုးရ တပ်တို့ တိုက်ပွဲများ ဖြစ်ပွားခဲ့ပြီး ယခုအချိန် အထိလည်း ဆက်လက် ဖြစ်ပွားမှုများ ရှိနေရာ နယ်စပ် ကုန်သွယ်ရေး ထိခိုက်မည်ကိ်ု တရုတ် အာဏာပိုင်များ ဘက်က စိုးရိမ်မှုများလည်း ရှိနေသည်။ ထို့အပြင် တရုတ်နိုင်ငံသား စီးပွားရေး သမားများကိုလည်း စစ်ရေး ပဋိပက္ခ ဖြစ်ပွားနေသော ကချင်ပြည်နယ် အတွင်း ခရီးသွားလာမှု မပြုလုပ်ရန် သတိပေး တားမြစ်မှုများလည်း ပြုလုပ်ထားသည်။
ပြီးခဲ့သည့် ဖေဖော်ဝါရီလအတွင်းက တရုတ်နိုင်ငံသို့ သွားရောက်ခဲ့သည့် ပြည်သူ့ လွှတ်တော် ဥက္ကဌ ဦးရွှေမန်းကို တရုတ် အာဏာ ပိုင်များက နှစ်နိုင်ငံ ရေရှည် အကျိုးစီးပွားကို ရှေးရှု၍ နယ်စပ်ဒေသ တည်ငြိမ် အေးချမ်းရေးကို အလေးထားရန် ပြောကြား ခဲ့သေးသည်။
အစိုးရငြိမ်းချမ်းရေး အဖွဲ့နှင့် ကချင်ပြည် လွတ်လပ်ရေးအဖွဲ့(KIO)တို့သည် ၂၀၁၁ ခု နိုဝင်ဘာလ မှစတင်၍ တရုတ်နိုင်ငံ ရွှေလီမြို့တွင် အကြိမ်ကြိမ် တွေ့ဆုံ ဆွေးနွေး ခဲ့သော်လည်း ရေရာသည့် ငြိမ်းချမ်းရေး သဘောတူညီချက်များ မရရှိသေးပေ။
Ref: ဧရာဝတီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88