9 February 2013
စောခါးစူးညား
ကရင်ပြည်နယ်၊ လှိုင်းဘွဲမြို့နယ် လေးဝါးစခန်းနေရာ၌ ဆဌမအကြိမ်မြောက် ကရင်အမျိုးသမီးအစည်းအရုံး- KWO ညီလာခံကို ယခု ဖေဖော်ဝါရီလ ၁ရက်မှ ၈ရက်နေ့အထိ ပြုလုပ်ကျင်းပ ပြီးစီးခဲ့သည်။
ညီလာခံတွင် ခရိုင် ၇ခုမှ ကိုယ်စားလှယ်များ၊ အထူးဒေသမှ ကိုယ်စားလှယ်များ၊ ဖိတ်ကြားထားသော အဖွဲ့အစည်းများမှ ကိုယ် စားလှယ်များနှင့် လေ့လာသူများ စုစုပေါင်း (၁၃၈) ဦးတက်ရောက်ခဲ့ကြပြီး လုပ်ငန်းစဉ်များ ပြန်လည်သုံးသပ်ခြင်း၊ ရှေ့လုပ်ငန်း စဉ်များ ချမှတ်ခြင်းနှင့် ဖွဲ့စည်းပုံ အခြေခံဥပဒေ ဖြည့်စွက်ပြင်ဆင်ခြင်း စသည်တို့ လုပ်ဆောင်နိုင်ခဲ့ ကြသည်ဟု KWO မှ ယမန်နေ့ က ကြေညာချက်ထုတ်ပြန်ထားသည်။
KWO ၏ ပြောခွင့်ရသူ ဗဟိုအမြဲတမ်းကော်မတီဝင် နော်ဘလူးမင်းနိုက်ဇန်က “ဖွဲ့စည်းပုံအခြေခံဥပဒေကို ကျမတို့ အဓိက ပြန် လည်ပြင်ထားတာက KWO မှာ အလုပ်အမှုဆောင် အရွေးခံရတဲ့ ဗဟို၊ ခရိုင်၊ မြို့နယ်နဲ့ ကျေးရွာ စတဲ့သူတွေဟာ အခြားအဖွဲ့အ စည်းမှာ ၀င်ရောက်လုပ်ဆောင်မှု မလုပ်ရဘူး။ KWO မှာ အချိန်ပြည့် အလုပ်လုပ်ရမယ်။ အဲဒါ ဖြည့်စွက် ထားတယ်”ဟု ကေအိုင်စီ သို့ ပြောသည်။
ဆက်လက်၍ စည်းရုံးရေးဆင်းရာတွင်လည်းကောင်း၊ သတင်းအချက်အလက် ကောက်ယူရာတွင်လည်းကောင်း သက်ဆိုင်ရာ အဆင့်ဆင့်သို့ တိတိကျကျ ထိထိရောက်ရောက် ဆောင်ရွက်ခြင်း၊ အလုပ်အမှုဆောင်ထဲ၌ အရေးကြီးသည့် စည်းရုံးရေး၊ ပညာ ရေး၊ လူမှုရေးနှင့် ကျန်းမာရေးဌာနများတွင် တာဝန်ခံသည် တစ်ဦးတစ်ယောက် မဟုတ်ဘဲ အဆင့်တိုင်း တာဝန်ခံပုဂ္ဂိုလ် ထားရှိ ခြင်းတို့ကို ဖြည့်စွက်ပြင်ဆင်ခဲ့သည်ဟုလည်း နော်ဘလူးမင်းနိုက်ဇန်က ပြောဆိုသည်။
ထို့အပြင် လက်ရှိ နိုင်ငံအခြေအနေ လေ့လာသုံးသပ်ခြင်းနှင့် ဒုက္ခသည်များအား နေရာပြန်လည်ချထားရေးလုပ်ငန်း၌ အမျိုးသမီး များ ပါဝင်ခြင်းတို့ အပါအ၀င် ကရင်အမျိုးသား အစည်းအရုံး-KNU နှင့် မြန်မာအစိုးရတို့အကြား ငြိမ်းချမ်းရေးဆိုင်ရာ တွေ့ဆုံဆွေး နွေးမှုတွင် ကောင်းကျိုးရလဒ်များရှိသကဲ့သို့ စိန်ခေါ်မှုများလည်း ဆက်လက် တည်ရှိနေမှု စသည်တို့ကို KWO က ဆွေးနွေးခဲ့ ကြောင်းလည်း ၎င်းတို့၏ ကြေညာချက်တွင် ဖော်ပြပါရှိသည်။
နော်ဘလူးမင်းနိုက်ဇန်က “အပစ်ရပ်ကာလဆိုတော့ ဒေသခံတွေ သွားလာမှု လွတ်လွတ်လပ်လပ် ရှိလာတာပေါ့။ ဒါပေမယ့် KNU ထိန်းချုပ်တဲ့ တပ်မဟာ ၂၊ ၅၊ ၆နဲ့ ၇ တို့တွေမှာ အစိုးရတပ်တွေ ရိက္ခာပို့မှုတွေ အရင်ကထက် ပေါ်ပေါ်တင်တင် လုပ်လာ တယ်။ နောက် တပ်အင်အားလည်း လျော့သွားတာ မရှိသေးတဲ့အတွက် တိုက်ပွဲပြန်ဖြစ်မှာကို ဒေသခံတွေက စိုးရိမ်နေကြတယ် လို့ မြို့နယ်၊ ခရိုင်တွေက KWO ကိုယ်စားလှယ်တွေ တင်ပြတာ ရှိတယ်”ဟု ပြောသည်။
ညီလာခံတွင် KWO ဗဟိုအလုပ်အမှုဆောင်ကော်မတီဝင် ၁၁ဦးရွေးချယ်ခဲ့ရာ နန်းဒါးအဲ့ကလယ်(ဥက္ကဌ)၊ နော်ဖောဒေးတိုး (ဒု ဥက္ကဌ)၊ နော်ကညောဖော(အထွေထွေအတွင်းရေးမှူး)၊ နော်တာမလာစော(တွဲဘက်အတွင်းရေးမှူး-၁)နှင့် နော်စေးယိုဖော (တွဲ ဘက်အတွင်းရေးမှူး-၂)တို့ကို ရွေးကောက်တင်မြှောက်ခံကြသည်။
ထို့အပြင် ဗဟိုအလုပ်အမှုဆောင်ကော်မတီဝင်များအဖြစ် နော်ဒါးဒါး (လူမှုရေးဌာန)၊ နော်အဲ့တမွီဖော (ကျန်းမာရေးဌာန)၊ နော်လူးလူမောင် (ပညာရေးဌာန)၊ နော်ဖောလေးသော (စည်းရုံးရေးနှင့် ပညာပေးရေးဌာန)၊ နော်ရွှေဖော (ဘဏ္ဍာရေးဌာန)နှင့် နော် ဒါးမူ့ (စာရင်းစစ်ဌာန)တို့ကို ရွေးချယ်ခဲ့ကြသည်။
ညီလာခံ(ကွန်ဂရက်) နောက်ဆုံးရက် ဖေဖော်ဝါရီလ ၈ရက်နေ့တွင် တာဝန်မှ အနားယူသွားသည့် KWO ဥက္ကဌဟောင်း နော်လားဖိုး(ဗိုလ်ချုပ်ကြီးစောဘိုမြ၏ဇနီး)အား ဂုဏ်ပြုခြင်း၊ ဗဟိုအမြဲတမ်းကော်မတီဝင်ဟောင်းအချို့နှင့် ရွေးကောက်ပွဲကော်မရှင် အဖွဲ့ဝင်များအား ဂုဏ်ပြုခြင်း အစီအစဉ်များကို လုပ်ဆောင်ခဲ့ကြသည်။
KWO သည် အမျိုးသမီးများ စွမ်းရည်မြှင့်တင်ရေးလုပ်ငန်း၊ အမျိုးသမီးနှင့် ကလေးသူငယ်များ အခွင့်အရေးချိုးဖောက်ခံရမှုများ ပပျောက်ရေးအတွက် ရည်ရွယ်၍ ၁၉၈၅ခုနှစ်၊ ဧပြီလ ၅ရက်နေ့၌ KNU ၏ ဌာနချုပ်ဟောင်း မာနယ်ပလောတွင် စတင် ဖွဲ့စည်း ခဲ့ခြင်းဖြစ်ပြီး လေးနှစ်တစ်ကြိမ် ညီလာခံ ကျင်းပလေ့ရှိသည်။
Ref: ကေအိုင်စီ
Read More...
Collapse...
နေမျိုး
ဖေဖေါ်ဝါရီလ ၀၉ ရက် ၂၀၁၃ ခုနှစ်
အမည်မသိသူများ၏ လက်ချက်ဖြင့် တမူးခရိုင် မြို့သစ်မြို့နယ်ခွဲ နန့်သလက် ချောင်းတံတားကို ဖေဖော်ဝါရီ ၇ ရက်နေ့တွင် မိုင်းခွဲ ဖျက်ဆီးခံခဲ့ရသည်။
ယခင်က တမူးဒေသတွင် ထိုကဲ့သို့ တံတားမိုင်းထောင် ဖျက်ဆီးခံရခြင်းမျိုး မရှိခဲ့ဘူးကြောင်း တမူးဒေသခံ အမျိုးသမီး တဦးက မဇ္စျိမကို ရှင်းပြသည်။
၎င်းက “နန့်သလက် တံတားကို ခွဲတာ ဟုတ်တယ်။ ဘယ်အဖွဲ့ က ခွဲမှန်းမသိဘူး။ မြို့သစ်ဘက်ကို နီးသွားပြီ၊ မိုင်းကွဲပြီးမှပဲ တပ်တွေသွားတာ သိရတယ်။ အထက်ပိုင်းကို သွားတဲ့ လမ်းမကြီးပဲ မင်းသာ၊ ဟုမ္မလင်း၊ ကက်သာ၊ တုံဟဲဘက်သွားတဲ့ လမ်းမကြီးပဲ၊ ခါတိုင်း တခါမှ မဖြစ်ဘူးတာ” ဟု ဆိုသည်။
ကားများနေ့စဉ် ဖြတ်သန်းသွားလာသည့် တံတားတစင်းဖြစ်ပြီး တမူး - စေတီ ပြည်ထောင်စု လမ်းမကြီးတွင် တည်ရှိကြောင်း နှင့် ချောင်းရေနည်းသဖြင့် ချောင်းကို ဖြတ်ကာ အောက်ဖက် ကွင်းလမ်းမှ သွားလို့ ရသည်ဟု အဆိုပါဒေသခံက ပြောသည်။
ထိုဖောက်ခွဲခံရမှုနှင့် ပါတ်သက်ပြီး ခရိုင် ပြန်ကြားရေးဌာန တာဝန်ရှိသူ တဦးက ရုတ်တရက် ဖောက်ခွဲခံရခြင်း ဖြစ်ကြောင်းနှင့် မည်သူ့ လက်ချက်ဖြစ်သည်ကို မသိရှိရသေးကြောင်း ပြောသည်။
၎င်းက “မနက် ၁ နာရီဆိုတော့ ဘယ်သူမှ ထိခိုက်ခံရတာ မရှိဘူးဗျ။ ဘယ်သူလုပ်တယ်ဆိုတာတော့ မသိဘူးခင်ဗျ” ဟု ဆိုသည်။
ဖောက်ခွဲ ဖျက်ဆီးခံရသည့် တံတားမှာ ၂၄ဝ ပေအရှည် အကျယ် ၁၂ ပေ ရှိ သံဘောင်ဘေလီ၊ နှစ်လွှာတထပ် အမျိုးအစား တံတား တစ်စင်းဖြစ်ပြီး ဖေဖော်ဝါရီ ၇ ရက် နံနက်ပိုင်းတွင် သောင်းကျန်းသူအဖွဲ့ တချို့က မိုင်းထောင် ဖောက်ခွဲဖျက်ဆီးခဲ့ခြင်းဖြစ်ကြောင်း နိုင်ငံပိုင် သတင်းမီဒီယာတခုက ဖော်ပြသည်။
တံတား ရေလယ်တိုင် သုံးတိုင်၊ သစ်သားကြမ်းခင်းများ နှင့် သံဘောင်များ ကွေးကောက် ပျက်စီး သွားကြောင်းနှင့် ‘နယ်မြေခံ တပ်မတော် စစ်ကြောင်းက ချက်ချင်း သွားရောက်၍ ရှင်းလင်း ဆောင်ရွက်လျက် ရှိပြီး ၎င်း မိုင်းထောင် ဖောက်ခွဲမှုအား နောက် ကွယ်မှ ကြိုးကိုင် စေခိုင်း လျက်ရှိ သည့် သောင်းကျန်းသူ အဖွဲ့အစည်းအား ဒေသခံ ပြည်သူ များနှင့် ပူးပေါင်း ဖော်ထုတ် စုံစမ်းလျက် ရှိကြောင်း’ မြ၀တီသတင်း က ဖော်ပြသည်။
တမူးမြို့ကို ဖြတ်သန်းကာ မန္တလေးမြို့မှ အိန္ဒိယနိုင်ငံ၊ မဏိပူရပြည်နယ် အင်ဖားမြို့တော်အထိ ဘတ်စ်ကားများ ပြေးဆွဲရေး စီမံကိန်းများကို နှစ်ဘက်အစိုးရများက လာမည့်မတ်လမှ စတင်ကာ မိတ်ဆက်ပြေးဆွဲရန် သဘောတူထားကြသည်။
Ref: မဇ္ဈိမ
Read More...
Collapse...
ခင်မျိူးသွယ်
ဖေဖေါ်ဝါရီလ ၀၈ ရက် ၂၀၁၃ ခုနှစ်
၂၀၁၂ -၂၀၁၃ ဘဏ္ဍာနှစ်၏ ကိုးလတာ ကာလအတွင်း မြန်မာနိုင်ငံ၏ စီးပွားရေးကဏ္ဍ မျိုးစုံတွင် ပြည်ပနိုင်ငံများက နိုင်ငံခြား ရင်းနှီးမြှပ်နှံမှု အဖြစ်လာရောက် မြှုပ်နှံမှုမှာ အမေရိ ကန်ဒေါ်လာ ၇၉၄သန်းကျော် ရှိကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ထုတ်ပြန်ချက်အရ သိရသည်။
“ဘဏ္ဍာနှစ်အတွင်း ဧပြီ ၁ရက်ကနေ ဒီဇင်ဘာ ၃၁ရက်အထိ ကိုးလတာအတွင်း မြန်မာနိုင်ငံရဲ့ စီးပွားရေး လုပ်ငန်းတွေမှာ ပြည်ပနိုင်ငံတွေကနေ နိုင်ငံခြားရင်းနှီးမြှုပ်နှံမှု အဖြစ် အမေရိကန်ဒေါ်လာ ၇၉၄.၃၄၅ သန်းရှိလာပါတယ်” ဟု အမျိူးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန၊ ရင်းနှီးမြှုပ်နှံမှုနှင့် ကုမ္မဏီများညွှန်ကြားမှု ညွှန်ကြားရေးမှူး ဦးကျော်ဇောမောင်က အတည်ပြု ပြောကြားသည်။
၎င်းက “နိုင်ငံခြား ရင်းနှီးမြှုပ်နှံမှု အဖြစ် အများဆုံး ၀င်ရောက် လုပ်ကိုင်သည့် လုပ်ငန်းတွေက လုပ်သား အင်အားအများစု အသုံးပြုရတဲ့ လက်ခစားလုပ်ငန်းများ ပါဝင်ပါတယ်” ဟု ပြောသည်။
လက်ခစားစနစ်ဖြင့် လုပ်ကိုင်ရသော လုပ်ငန်းများမှာ အထည်ချူပ်လုပ်ငန်းတွေ ဆံပင်တုထုတ်လုပ်တဲ့ လုပ်ငန်း၊ သစ်ပါးလွှာ အထပ်သားထုတ်လုပ်တဲ့ လုပ်ငန်းနဲ့ ငါးမျှားချိပ် ထုတ်လုပ်တဲ့ လုပ်ငန်း၊ ကွန်ကရစ်နဲ့ ဘလောက်တုံး ထုတ်လုပ်တဲ့ လုပ်ငန်းတွေလည်း ပါဝင်တယ်ဟု ညွှန်ကြားရေးမှူး ဦးကျော်ဇောမောင် က ပြောသည်။
ထို့အပြင် မျိူးစေ့ထုတ်လုပ်ခြင်း လုပ်ငန်းများ၊ ကျန်းမာရေးပစ္စည်းများ ထုတ်လုပ်သည့် လုပ်ငန်း၊ တိရိစ္ဆာန်အစာ ထုတ်လုပ်ခြင်းလုပ်ငန်းများ၊ အိုင်တီလုပ်ငန်း၊ လျှပ်စစ်ဆိုင်ရာ အင်ဂျင်နီယာလုပ်ငန်း၊ အသင့် သောက်ဖျော်ရည် လုပ်ငန်း၊ ဆံပင်ပြုပြင် ထိန်းသိမ်းခြင်းဆိုင်ရာ ကုန်ပစ္စည်းများ ထုတ်လုပ်သည့်လုပ်ငန်း၊ အရက်ဆိုင် ယမကာ ထုတ်လုပ်ငန်း စသည်လုပ်ငန်းများ ပါဝင်ကြောင်း ဦးကျော်ဇောမောင်မှ ရှင်းပြခဲ့သည်။
၂၀၁၂ - ၂၀၁၃ ဘဏ္ဍာရေး နှစ် ကိုးလတာကာလအတွင်း မြန်မာနိုင်ငံရှိ စီးပွားရေး လုပ်ငန်းမျိူးစုံတွင် နိုင်ငံခြား ကုမ္မဏီပေါင်း ၆၂ ခု ဝင်ရောက် လုပ်ကိုင်ခဲ့သည်။
Ref: မဇ္ဈိမ
Read More...
Collapse...
ခင်မျိူးသွယ်
ဖေဖေါ်ဝါရီလ ၀၈ ရက် ၂၀၁၃ ခုနှစ်
မြန်မာနိုင်ငံ၏ မြစ်ကြီး သုံးစင်း မှ ရေချိုများအား အကျိုးရှိစွာ အသုံးချနိုင်ရေးနှင့် ရေအားလျှပ်စစ် ထုတ်လုပ်နိုင်ရေးအတွက် မြစ်ကြောင်းထိန်းသိမ်းရေးကိစ္စများအတွက် ADB က ဝိုင်းဝန်း ကူညီမည်ဖြစ်သည်။
အဆိုပါ ကိစ္စအတွက် အာရှဖွံ့ဖြိုးရေးဘဏ် (ADB) ဥက္ကဌ MR. HARUHIKO KUR0DA ဦိးဆောင်သည့် ကိုယ်စားလှယ်အဖွဲ့သည် ဖေဖေါ်ဝါရီ၇ရက်က နေပြည်တော်ရှိ မြန်မာအပြည် ပြည်ဆိုင်ရာ ကွန်ဗင်းရှင်း ဗဟိုဌာန၌ နိုင်ငံတော်သမ္မတ ဦးသိန်းစိန်နှင့် တွေ့ဆုံခဲ့ကြောင်း ယနေ့ထုတ် သတင်းစာများတွင် ဖော်ပြ ပါရှိသည်။
ထိုအပြင် စားနပ်ရိက္ခာ ထုတ်လုပ်မှုတွင် အရေးပါသည့် မြန်မာနိုင်ငံ မြစ်ဝကျွန်းပေါ် ဒေသဖွံ့ဖြိုးရေး အတွက် ကူညီဆောင်ရွက်ရေး၊ အိန္ဒိယ -မြန်မာ - ထိုင်း မော်တော်ကားလမ်း ဖေါက်လုပ်မှု၊ မြန်မာ-လာအို မဲခေါင် မြစ်ကူးတံတား ဆောက်လုပ်မှုနှင့် ဒေသတွင်း ပူးပေါင်း ဆောင်ရွက်မှု လုပ်ငန်းများတွင် ADB က ကူညီိ ဆောင်ရွက်ရန်တို့ ဖြစ်သည်။
မြန်မာနိုင်ငံ ဖွံ့ဖြိုးတိုးတက်ရန် အဓိကကျသည့် အခြေ ခံ အဆောက်အအုံ ဖွံ့ဖြိုးတိုးတက်မှု၊ ဆက်သွယ်ရေး လမ်းကြောင်းများ ဖွံ့ဖြိုးမှုနှင့် ရေရှည်စွမ်းအင် ဖွံ့ဖြိုးမှုတို့အတွက် ADBက နည်းပညာနှင့် ငွေကြေး အကူအညီများ ပံ့ပိုးရန်တို့ကို ဆွေးနွေးသည်ဟု အဆိုပါ ယနေ့ထုတ် သတင်းစာတွင် ဖော်ပြပါရှိသည်။
မြန်မာနိုင်ငံတွင် လက်ရှိ လုပ်ကိုင်နေသော လျှပ်စစ်စီမံကိန်းများအနက် JVA အဆင့် ၄ခု၊ MOA အဆင့် ၂၅ခု၊ MOU အဆင့် ၂၀တို့ရှိနေပြီးဖြစ်သည်။
ကျောက်မီးသွေးသုံး ဓါတ်အားပေးစက်ရုံ စီမံကိန်းများအနေဖြင့် MOU အဆင့်သုံးခုရှိပြီး ဖြစ်သည်။ လေစွမ်းအင် သုံး လျှပ်စစ်ဓါတ်အား ထုတ်လုပ်ရေး စီမံကိန်းများအနေဖြင့် MOU အဆင့်သုံးခုတို့ကို ဆောင်ရွက်ထားပြီး သည်။
Ref: မဇ္ဈိမ
Read More...
Collapse...
စောဇင်ညီ
ဖေဖေါ်ဝါရီလ ၀၈ ရက် ၂၀၁၃ ခုနှစ်
အစိုးရ၏ ငြိမ်းချမ်းရေးဖော်ဆောင်မှုများအား အပြုသဘောဆောင်သည့် လက်တွေ့ လုပ်ငန်းစဉ်များအဖြစ်ပြောင်းလဲ လုပ်ကိုင်နိုင်စေရန် ကုလသမဂ္ဂ အဖွဲ့  မှ တွန်းအားပေးသင့်ကြောင်း ကချင်ပြည်နယ် ငြိမ်းချမ်းရေးအကျိုးတော်ဆောင် ဦးဆန်အောင်က ပြောသည်။
၎င်းက “ကုလသမဂ္ဂ အနေနဲ့ အစိုးရကို လက်တွေကျတဲ့ ငြိမ်းချမ်းရေး လုပ်ဆောင်မှုတွေလုပ်ဖို တွန်းအား ပေးသင့်ပါတယ်။ တစ်ဖက်က တိုက်လို့ ပြန်တိုက်တယ် ဆိုတာမျိူး မလုပ်အောင် နှစ်ဖက်လုံးကိုလည်း တွန်းအားပေးရမယ်။” ပာု ဆိုသည်။
ယခုလက်ရှိတွင် ကချင်စစ်ပွဲများတွင် တစ်ဖက်နှင့် တစ်ဖက် ထိုးစစ်ဆင်မှုများသည် အလွန်ပင်နီးကပ်လျှက် ရှိကြောင်း ဦးဆန်အောင်၏ ပြောကြားချက်အရ သိရသည်။
ကုလသမဂ္ဂ အတွင်းရေးမှုးချုပ် မစ္စတာ ဘန်ကီမွန်းက အစိုးရနှင့်  ကချင်လွတ်မြောက်ရေးအဖွဲ့ KIO တို့ ဆွေးနွေးသဘောတူချက်သည် မြန်မာနိုင်ငံ၏ လွပ်လပ်ရေးရရှိပြီးနောက်ပိုင်း ပထမဦးဆုံး သေနတ်သံ ချုပ်ငြိမ်းမှုကို မျှော်လင့်ကြောင်း ကြေညာချက်တစ်စောင် ထုတ်ပြန်ခဲ့ သည်။ ဖေဖော်ဝါရီလ ၄ ရက်နေ့က ရွှေလီမြို့ တွင် အစိုးရနှင့် ကချင်လွတ်မြောက်ရေး အဖွဲ့ KIOတို့၏ ငြိမ်းချမ်းရေး ဆွေးနွေးပွဲနှင့် ပတ်သတ်၍ ယခုလို ထုတ်ပြန်ခဲ့ခြင်း ဖြစ်သည်။
အဆိုပါ ထုတ်ပြန်ချက်တွင် အစိုးရနှင့် ကချင်လွတ်မြောက်ရေးအဖွဲ့ KIO တို့ ငြိမ်းချမ်းရေးဆွေးနွေးပွဲ နောက်ဆုံးရလဒ်အား မစ္စတာ ဘန်ကီမွန်း အနေဖြင့် ကြိုဆိုကြောင်း၊ကချင်ပြည်နယ် တွင် စစ်မှန်၍ ရေရှည် တည်တံသော ငြိမ်းချမ်းရေး ဖြစ်ပေါ်အောင် ဆက်လက်ကြိုးပမ်း အားထုတ်သွားရန် တိုက်တွန်းကြောင်း စသည်တို့ ပါဝင်သည်။
ထိုသို့ ကုလသမဂ္ဂ အတွင်းရေးမှုး၏ မျှော်လင့်ချက်နှင့် ပတ်သတ်၍ ကချင်အခြေစိုက် ငြိမ်းချမ်းရေး အကျိူးတော်ဆောင် ဦးဆန်အောင်က “ထိုးစစ်ဆင်မှုက အရမ်းနီးကပ်နေတော့ သေနတ်သံ မရပ်နိုင်ဘူး ”ပာု သုံးသပ်သည်။
အစိုးရသည် ယခင် ၂၀၁၂ ခုနှစ် အတွင်း တိုင်းရင်းသား လက်နက်ကိုင် အဖွဲ့ (၁ဝ) ဖွဲ့နှင့် အပစ်အခတ် ရပ်စဲရေး သဘောတူညီမှုများ ရရှိခဲ့ပြီး ယခုအချိန်တွင် KIA/KIO အဖွဲ့ အစည်းနှင့် အပစ်အခတ်ရပ်စဲရန် ညှိုနှိုင်းမှု ပြုလုပ်လျှက်ရှိသည်။
Ref: မဇ္ဈိမ
Read More...
Collapse...
ခင်မျိုးသွယ်
ဖေဖေါ်ဝါရီလ ၀၉ ရက် ၂၀၁၃ ခုနှစ်
မြန်မာနိုင်ငံက ထုတ်လုပ် တင်ပို့ ရောင်းချလျှက် ရှိနေသော ကဏန်းပျော့များကို မလေးရှား၊ စင်္ကာပူနှင့် တရုတ်နိုင်ငံတို့က အဓိက ၀ယ်ယူလျှက်ရှိနေကြောင်း မြန်မာနိုင်ငံ ကဏန်း လုပ်ငန်းရှင်များ အသင်းမှ သိရသည်။
“ မြန်မာနိုင်ငံက တင်ပို့နေတဲ့ ကဏန်းပျော့ကို မလေးရှား၊ စင်္ကာပူနဲ့ တရုတ်ဝယ်လက်တွေက အဓိက၀ယ်ယူ နေပါတယ်။ လုပ်ငန်းရှင်တွေ အနေနဲ့ ဈေးကွက်သစ်တွေ ထပ်ရလာဖို့ အတွက် အခုတလော စမ်းသပ်တင်ပို့ မှုတွေလည်း ရှိနေပါတယ် ” ဟုမြန်မာနိုင်ငံ ကဏန်းလုပ်ငန်းရှင်များ အသင်း ဥက္ကဌ ဦးနှင်းဦးက ပြောသည်။
မြန်မာကဏန်းပျော့ကို ၀ယ်ယူနေသည့် အခြားဝယ်လက်နိုင်ငံများမှ ထိုင်း၊ ဟောင်ကောင်၊ သြစတြေးလျ စသည့် နိုင်ငံတို့ ဖြစ်သည်။
“ကဏန်းပျော့ကို ပုံမှန်ကုန်သွယ်ရေးနဲ့ နယ်စပ်ကုန်သွယ်ရေး တို့ကနေ တင်ပို့ပါတယ်။ ကဏန်းပျော့ တင်ပို့မှု ကနေ ရရှိတဲ့ ၀င်ငွေက ၂၀၁၂-၂၀၁၃ ဘဏ္ဍာနှစ်အတွင်း ဧပြီ ၁ရက်ကနေ ဖေဖော်ဝါရီ ၃ရက်အထိ အမေရိကန် ဒေါ်လာ၈.၃၀၈သန်း ရရှိထားပြီး ဖြစ်ပါတယ်” ဟု ငါးလုပ်ငန်း ဦးစီးဌာန FIQC ဌာနခွဲမှ တာဝန်ရှိသူ တဦးက ပြောသည်။
ယင်းရရှိငွေများမှာ ပင်လယ်ရေကြောင်းဖြင့် တင်ပို့မှုက အမေရိကန်ဒေါ်လာ ၄.၃၈၁ သန်း၊ နယ်စပ် ကုန်သွယ်ရေး စခန်းများ ဖြစ်သည့် ကော့သောင်း နယ်စပ်ကုန်သွယ်ရေး စခန်းက အမေရိကန် ဒေါ်လာ ၀.၀၀၂ သန်း ၊ မြိတ်နယ်စပ် ကုန်သွယ်ရေးစခန်းက အမေရိကန် ဒေါ်လာ ၃.၉၈၈ သန်း တင်ပို့မှုရှိခဲ့သည်။
အဆောင်ကောင်း ကုမ္မဏီမှ တာဝန်ရှိသူတဦးဖြစ်သော ဦးမောင်စစ်က “မြန်မာကဏန်းပျော့က ပြည်ပ နိုင်ငံတွေရဲ့ ဝယ်လိုအား ရှိနေပါတယ်။ အရင်နှစ်တွေက တလကို ပျှမ်းမျှ ကဏန်းပျော့ တန် ၃၀-၄၀ လောက်ပဲ တင်ပို့မှု ရှိခဲ့ပါတယ်။ အခုတော့ တလကို ပျှမ်းမျှ တန် ၅၀ လောက် တင်ပို့နေရပါတယ်” ဟု ရှင်းပြခဲ့သည်။
ယခုအခါ ကဏန်းပျော့များကို တနင်္သာရီ တိုင်းဒေသကြီးနှင့် ရန်ကုန်တိုင်းဒေသကြီးတို့မှ ထုတ်လုပ်တင်ပို့လျှက် ရှိသည်။
Ref: မဇ္ဈိမ
Read More...
Collapse...
2013-02-10
ဖေဖေါ်ဝါရီလ ၁၂ ရက်နေ့မှာ ကျရောက်မယ့် (၆၆) နှစ်မြောက် ပြည်ထောင်စုနေ့ အခမ်းအနားကို ရည်ရွယ်ပြီး အမျိုးသား ဒီမိုကရေစီ အဖွဲ့ချုပ်က ဒီကနေ့ ဖေဖေါ်ဝါရီလ ၁၀ ရက်နေ့က စတင်ပြီး အခမ်းအနားတွေ ကျင်းပနေပါတယ်။
ဒေါ်အောင်ဆန်းစုကြည်ရဲ့ လမ်းညွှန်မှုနဲ့ အမျိုးသား ဒီမိုကရေစီ အဖွဲ့ချုပ် NLD ဗဟိုလူငယ်အဖွဲ့က ဦးဆောင်ပြီး ရန်ကုန်မြို့ ရွှေဂုံတိုင်မှာရှိတဲ့ တော်ဝင်နှင်းဆီ စားသောက်ဆိုင်မှာ ဒီကနေ့ မနက်က စတင်ကျင်းပနေတာ ဖြစ်ပါတယ်။
ဒီကနေ့ပွဲကို ပြည်နယ်နဲ့တိုင်းဒေသကြီးက ကရင်အမျိုးသားယဉ်ကျေးမှု ဒုံးယိမ်းအဖွဲ့တွေက ယှဉ်ပြိုင်ခဲ့ကြပါတယ်။
ကရင်ဒုံးယိမ်း ပြိုင်ပွဲပြုလုပ်ရတဲ့ ရည်ရွယ်ချက်နဲ့ ပတ်သက်ပြီး အမျိုးသားဒီမိုကရေစီအဖွဲ့ချုပ် နာယက အဖွဲ့ဝင် ဦးဝင်းတင်က RFA ကို အခုလို ပြောပါတယ်။
"မြန်မာနိုင်ငံမှာ သေနတ်တွေကိုယ်စီရှိကြတယ်၊ တိုင်းရင်းသားတွေဘက်ကရော အစိုးရဘက်ကရော ပြည်တွင်းစစ်တွေဖြစ် တွေ့ဆုံဆွေးနွေးပွဲတွေလုပ်၊ အဲ့ဒါနဲ့ တစ်ခါစကား များဖြစ်နေတာ ဒါကြောင့် တိုင်းရင်းသားတွေရဲ့ အနုပညာတွေကောင်းတယ်၊ တိုင်းရင်းသားတွေ ပြိုင်ရင်ကောင်းမယ်လို့ ယူဆပါတယ်၊ နောင်နှစ်တွေမှာလည်း ကရင်တိုင်းရင်း သားတွေရဲ့ ယဉ်ကျေးမှုတင်မကပဲ အခြားသော တိုင်းရင်းသားတွေရဲ့ ယဉ်ကျေးမှုတွေပါ ထည့်သွင်းသွားနိုင်လိမ့်မယ်လို့ ယူဆပါတယ်"
ဒီကနေ့ စတင်ကျင်းပတဲ့ ပြည်ထောင်စုနေ့ ဒုံးယိမ်းပြိုင်ပွဲကို ပြည်နယ်နဲ့ တိုင်းဒေသကြီး တစ်ချို့က ကရင်ဒုံးယိမ်း အကအဖွဲ့(၂၄)ဖွဲ့ ဝင်ရောက်ယှဉ်ပြိုင်နေကြတာဖြစ်ပြီး ဖေဖေါ်ဝါရီလ (၁၂)ရက်နေ့ ပြည်ထောင်စုနေ့အထိ (၃) ရက်ကြာ ဆက်လက်ကျင်းပသွားမယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-09
ထိုင်းနိုင်ငံရောက် မြန်မာရွှေ့ပြောင်း အလုပ်သမားအရေးနဲ့ ပတ်သက်လို့ ဘန်ကောက်မြို့ရှိ မြန်မာသံရုံးမှာ မနေ့က ညနေက သတင်းစာရှင်းလင်းပွဲ တရပ် ပြုလုပ်ခဲ့ပါတယ်။
ဒီသတင်းစာရှင်းလင်းပွဲမှာ လူမှုဖူလုံရေး ဒုဝန်ကြီးဦးမြင့်သိန်းက ဒီတစ်ခေါက် ထိုင်းနိုင်ငံကို လာရောက်တာဟာ ဖေဖေါ်ဝါရီလ (၁၅) ရက် နောက်ပိုင်းဖွင့်လှစ်မယ့် မြန်မာအလုပ် သမားတွေကို ယာယီပတ်စပို့စ် ထုတ်ပေးမယ့်ရုံး (၁၁) ရုံးရဲ့ အဆင်သင့်ဖြစ်မှု မဖြစ်မှုကို လာရောက် လေ့လာတာဖြစ်ကြောင်း၊ အဆင်သင့်ဖြစ်မှု အပေါ်မူတည်ပြီး မြန်မာဘက်က တာဝန်ရှိသူတွေကို ဖေဖေါ်ဝါရီလ တတိယအပတ်အတွင်းမှာ ပေးပို့စေလွှတ်ပြီး ယာယီပတ်စပို့စ် ထုတ်ပေးဖို့ စတင်မှာ ဖြစ်ကြောင်း၊ ဒီလိုပြုလုပ်ရာမှာ ဦးရေ (၁) သန်းနီးပါးရှိမယ်လို့ ယူဆရနိုင်တဲ့ အထောက်အထားမဲ့ မြန်မာအလုပ်သမားတွေအနေနဲ့ မိမိတို့ ဒေသဆိုင်ရာမှာ ဖွင့်လှစ်ထားတဲ့ ရုံးတွေကနေတဆင့် အမြန်ဆုံးဆက်သွယ်ပြီး ယာယီပတ်စပို့စ် ထုတ်ယူ နိုင်ရေးအတွက် NGOs အဖွဲ့အစည်းများ၊ သတင်းမီဒီယာများနဲ့ အလုပ်သမားရေး လုပ်ဆောင်နေတဲ့ အဖွဲ့တွေကနေ ပူးပေါင်း အသိပေး ဆောင်ရွက်သွားကြပေးဖို့ ပြောဆိုခဲ့ပါတယ်။
" စာရင်းဇယားကောက်ယူတဲ့ ဥစ္စာက ကျနော်တို့အတွက် အရမ်းအရေးကြီးပါတယ်၊ စာရင်းဇယားတွေ ကျနော်တို့ အားလုံးရဖို့က ကျနော်တို့ အလုပ်သမားစောင့်ရှောက်ရေးအသင်းတွေ မီဒီယာတွေ အကုန်လုံးပေါင်းပြီးတော့ တတ်နိုင်သမျှဝိုင်းပြီးတော့ စုစည်းပြီးတော့ ဘယ်နေရာ ဘယ်နေရာတွေမှာတော့ ကျန်နေပါတယ်ဆိုတာ လေးကို ကျနော်တို့က inform လုပ်စေ ချင်တာပါ၊ တကယ့်တကယ် သူတို့ရဲ့ စာရင်းကောက်တဲ့ mechanism ကတော့ သူတို့မြို့နယ် အလုပ်သမားရုံးတွေကနေပြီးတော့မှ ကောက်တာပါပဲ၊ အေဂျင်စီတွေကနေတဆင့် ကောက်နေတာဆိုတော့ စက်ရုံတွေကနေတဆင့် ကောက်နေတာဆိုတော့ သူတို့ mechanism မှာတော့ ကျနော်တို့က လတ်တလောတော့ ကျနော်တို့က မပါဘူး၊ မပါပေမဲ့လည်း ကျနော်တို့က ကျနော်တို့လူတွေ ကျန်ခဲ့မှာစိုးတယ် အဲဒီတော့ ကျနော်တို့ကဝိုင်းပြီးတော့ စာရင်းဇယားတွေ ကျန်နိုင်တဲ့ အနေအထားတွေရှိရင် ဝိုင်းပြီးတော့ စုစည်းပြီးတော့ ကျနော်တို့ရဲ့ ဒီစင်တာ (၁၁) ခုကို ဖုန်းနံပါတ်တွေ ကျနော်တို့ ပေးပါမယ်၊ အဲဒီဖုန်းတွေကို ချိတ်ဆက်ပြီးတော့ စာရင်းဇယားတွေ တတ်နိုင်သလောက် ဘယ်နေရာ ဘယ်နေရာတွေမှာတော့ ရှိနေတယ် အလုပ်သမားတွေ အင်နဲ့အားနဲ့ ထုနဲ့ထည်နဲ့ရှိနေတယ် ဒါပေမယ့် သူတို့မြို့နယ်တွေက ကောက်တဲ့စာရင်းတွေအထဲမှာ မပါဘူးပါတယ်၊ စသဖြင့် ဝိုင်းပြီးတော့ ကျနော်တို့လုပ်ဖို့ ရည်ရွယ်ပါတယ်"
အထောက်အထားရှိဖို့က အဓိကအရေးကြီးဆုံးဖြစ်ပြီး ဒီလိုရှိမှသာ မြန်မာအလုပ်သမားတွေကို ကျန်တဲ့အခွင့်အရေးနဲ့ အကာအကွယ်တွေ ပေးနိုင်မှာ ဖြစ်ကြောင်း၊ မြန်မာအစိုးရက အလုပ်သမား (၁.၂) သန်းကို အထောက်အထားတွေ ထုတ်ပေးခဲ့ပြီးဖြစ်ကြောင်း၊ အခုထုတ်ပေးဖို့ ကျန်နေသေးတဲ့ ခန့်မှန်းချေ (၁) သန်းအတွက် ဖေဖေါ်ဝါရီ (၁၅) ရက်ကနေ မေလ (၁၅) ရက်အထိ ထုတ်ပေးလို့ မပြီးပြတ်ခဲ့ရင်လည်း အချိန်ကာလကို ထပ်မံတိုးချဲ့ဖို့အတွက် နှစ်နိုင်ငံ ညှိနှိုင်းထားပြီးကြောင်းလည်း ဦးမြင့်သိန်းက ပြောပါတယ်။
ဒီယာယီပတ်စပို့စ် ထုတ်ပေးရေး လုပ်ငန်းစဉ်ကို ကြီးကြပ်နေတဲ့ သံအမတ်ကြီး ဦးတင်ဝင်းကတော့ ဒီလုပ်ငန်းစဉ်မှာ အလုပ်သမားဦးရေ များများထုတ်ပေးဖို့နဲ့ အလုပ်သမားတွေ ငွေကြေး အသက် သာဆုံးနဲ့ ထုတ်ယူနိုင်ဖို့က အရေးကြီးကြောင်း၊ အခုအခါမှာ ယာယီပတ်စပို့ထုတ်ယူဖို့ အလုပ်သမားတွေဟာ ထိုင်း ဘတ်ငွေ (၁၅၀၀၀) ခန့်အထိ ပေးဆောင် နေရတာကြောင့် ဒါကိုဈေးအနည်းဆုံး ဖြစ်အောင် အလုပ်သမား၊ ထိုင်းအလုပ်သမားဝန်ကြီးဌာန၊ မြန်မာသံရုံး၊ စသည်တို့အကြား ကြားခံဆောင်ရွက်ပေးနေတဲ့ အေဂျင်စီတွေ၊ ပွဲစားတွေဟာ ဝန်ဆောင်မှု အနည်းဆုံးနဲ့ လုပ်ဆောင်ပေးကြစေလိုကြောင်း ပြောကြားပါတယ်။
" အခုက အလုပ်သမားတယောက်က အပြီးအစီးပေါ့ဗျာနော် (၁၅၀၀၀)၊ (၁၆၀၀၀)လောက်ကျတယ် အဲဒီလိုသိရတယ်၊ အလုပ်သမားလေးတွေက ပြောပြတယ်၊ ဒါကျနော်ထိုင်း DOE (department of Employment- အလုပ်အကိုင်ခန့်ထားရေးဌာန) ကိုလည်း ကနော်ပြောတယ်၊ ဒါတွေဘယ်လိုလျှော့မလဲ ကျနော်တို့က အလုပ်သမားတွေ သွင်းရမယ့်ငွေက အနည်း ဆုံးသွင်းအောင်ဖြစ်မှ ကျနော်တို့က အရေအတွက် များများရမယ် အဲဒီ(၂)ခုက ဆက်စပ်နေပါတယ်၊ ကျနော်တို့က အလုပ်သမားတွေများများကို တရားဝင်အောင် မှတ်ပုံတင်ပေး ချင်တယ်၊ အဲဒီတော့ သူတို့တွေ ထွက်လာအောင်ပေါ့နော် အလုပ်တွေလုပ်နိုင်အောင်ဆိုတာမှာ တဘက်မှာ သူတို့ပေးသွင်းရတဲ့ငွေတွေဟာ အတတ်နိုင်ဆုံးနည်းဖို့ လိုတာပေါ့ဗျာ၊ ခုနကလို (၁၅၀၀၀) (၁၆၀၀၀)ဆိုတာတော့ ဒါကျနော့်အမြင်ပေါ့လေ ကျနော်တို့ကတော့ သတ်မှတ်ပေးတမဟုတ်ဘူး အဓိကကတော့ ထိုင်းဘက်ကနေ လုပ်ဆောင်နေတဲ့သဘော တွေ့ရတယ် အသေးစိတ်တော့ မဟုတ်ဘူးပေါ့နော် အောက်ခြေမှာ ဖြစ်ပျက်နေတဲ့ အနေအထားတွေက ဒီပွဲစားတွေကို မထိန်းသိမ်းနိုင်ဘူး မထိန်းသိမ်းနိုင်တော့ ဒီဈေးနူန်းတွေက တဖြည်းဖြည်းများလာတယ် ကုန်ကျသင့်တာထက် ၂ဆဝန်းကျင်လောက် များနေတယ်လို့ ဒါအကြမ်းဖျင်းတွေ့ရတယ်၊ ဒါတွေကို ကျနော်တို့က လျှော့ရမယ်"
ယာယီပတ်စပို့ထုတ်ပေးရေးရုံးတွေကို စမုတ်ပရာကန်၊ စမုတ်ဆာခွန်၊ ချင်းမိုင်၊ ဆူရတ်ဌာနီ၊ ကန်ချနဘူရီ၊ ရွိုင်ယောင်၊ ပထုံဌာနီ၊ ကုတ်ခမ်း၊ ရနောင်းခရိုင်တွေနဲ့အတူ တက်ခရိုင်အတွက် မြဝတီနဲ့ ချင်းရိုင်ခရိုင်အတွက် တာချီလိတ်တို့မှာ ဖွင့်လှစ်မှာ ဖြစ်ပါတယ်။
Ref: အာရ်အဖ်အေ
Read More...
Collapse...
2013-02-10
ထိုင်းနိုင်ငံတောင်ပိုင်း ကရာဘီခရိုင်၊ Koh Phi Phi ခိုးဖီးဖီးကျွန်းက ထမင်းဆိုင် တဆိုင်မှာ အလုပ်လုပ်ကိုင်နေတဲ့ အသက် (၁၉) နှစ်အရွယ် မြန်မာအလုပ်သမား ကိုသားသား ဆိုသူကို သြစတေးလျှသူတဦး ဓါးထိုးခံရတဲ့ အမှုမှာ တရားခံဖြစ်ပါတယ်လို့ ထိုင်းရဲကစွပ်စွဲပြီး တနေ့ထဲမှာတင် ရုံးတင်တရားစွဲဆိုပြီး ထောင်ဒဏ်(၂)နှစ် ချမှတ်လိုက်တယ်လို့ အလုပ်သမားအရေး ကူညီနေသူတွေက အာအက်ဖ်အေကို ပြောပါတယ်။
ပြီးခဲ့တဲ့ ဇန်နဝါရီလ (၉) ရက်နေ့က ကိုသားသားဟာ အခြားမြန်မာ (၅) ဦးနဲ့အတူ အဖမ်းခံခဲ့ရပြီး သူ့ကို ထိုင်းရဲက လက်မှတ်ထိုးခိုင်းပြီး ထောင်ချခဲ့ တာလို့ ကိုသားသားကို ဖေဖေါ်ဝါရီလ (၆) ရက်နေ့က သွားရောက် တွေ့ဆုံခဲ့တဲ့ ထိုင်းတောင်ပိုင်း အခြေစိုက် FED အဖွဲ့က အလုပ်သမားရေး တာဝန်ခံ ဦးမိုးဝေက ပြောပါတယ်။
“ ည(၁၂)နာရီထိုးတော့ ထမင်းရောင်းပြီးတာနဲ့ သူကပြန်သွားပြီ၊ ဒီ(၁၂)နာရီ တချိန်ထဲမှာပဲ သြစတေးလျှက ဘိုမလေးတယောက်က လမ်းဖြတ်သွားရင်းနဲ့ အမည်မသိတဲ့ လူတ ယောက်ကပေါ့နော် အိတ်ဆွဲပြီးတော့ ဓါးနဲ့ထိုးထားခဲ့တာ၊ ပြီးတော့ လိုက်လို့မရတော့ဘဲနဲ့ သူတို့က နောက်နေ့မှာ လူ(၆)ယောက်ဖမ်းတယ်၊ အားလုံးပေါင်း ဗမာ(၆)ယောက် စစ် ဆေး တဲ့အချိန်မှာ (၅) ယောက် ပြန်လွှတ်လိုက်ပြီးတော့ ဒီသားသား ဆိုတဲ့တယောက်ကို တရားရုံချိန်းတခေါက်ထဲ ထောင် (၂) နှစ်ချလိုက်တယ်၊ ဘာသာပြန်မရှိဘူး သူကပြောတာတော့ သူ့လွှတ်ပေးမယ်ပြောတယ်ထင်လို့ သူကလည်းလက်မှတ် ထိုးပေး လိုက်တယ်လို့ ပြောတယ်”
ဒီလိုဖမ်းဆီးခဲ့ရတာဟာ သြစတေးလျှသံရုံးက တရားခံရှာပေးဖို့ပြောလို့ ဒေသဆိုင်ရာရဲက အခုလိုဖမ်းဆီး တာဖြစ်ကြောင်း၊ ဒီအမှုနဲ့ပတ်သက်တဲ့ ဖိုင်တွဲတွေလည်း ရရှိခဲ့ကြောင်းလည်း ဦးမိုးဝေက ပြောပါတယ်၊ ကိုသားသားက သူမကျူးလွန်ကြောင်းပြောသလို သြစတေးလျှသူကလည်း မြန်မာနိုင်ငံသား မဖြစ်နိုင်ဘူးလို့ ထွက်ဆိုထားကြောင်းလည်း သူကအခုလို ဆက်ပြောပါတယ်။
“ အဲဒါသူလုံးဝ မမှားပါဘူးပေါ့နော်၊ ဒီပြစ်မှုလည်း မကျူးလွန်ပါဘူးလို့ ဝန်ခံထားတယ်လေ ပြီးရင်သူ လက်မှတ် ထိုးထားတယ်၊ သေသွားတာတော့ မဟုတ်ဘူး ဒဏ်ရာရသွားတယ်၊ ဒဏ်ရာရထားတဲ့ သူကနေထွက်ဆိုသွားတယ် မြန်မာလူထုတော့ မဟုတ်ဘူး၊ ဖြစ်နိုင်ရင် ထိုင်းလူထုပဲဖြစ်မယ်လို့ ပြောသွားတယ်၊ ပြီးရင်သူ့နိုင်ငံသူပြန်သွားတယ် သြစတေးလျှကို”
လောလောဆယ်မှာတော့ ဒီအမှုအတွက် FED အဖွဲ့ ရှေ့နေတွေနဲ့ အယူခံဝင်ထားပြီး အမှုပြန်လည်စီစစ်ဖို့ တရားရုံးကို တောင်းဆိုထားကြောင်းလည်း သိရပါတယ်။
Ref: အာရ်အဖ်အေ
Read More...
Collapse...
2013-02-10
ကချင်ပြည်နယ်၊ လိုင်ဇာမြို့အထိ ငြိမ်းချမ်းရေး လမ်းလျှောက်သူတွေဟာ ဖေဖော်ဝါရီလ ၁၀ ရက်နေ့ ဒီကနေ့ဆိုရင် မန္တလေးတိုင်း၊ ပလိပ်မြို့ကို ရောက်ရှိနေပြီး လမ်းလျှောက်သူ တွေထဲက သံဃာတော်တချို့နဲ့ လူပုဂ္ဂိုလ် တချို့ဟာ ပင်ပန်းမှု ဒဏ်ခံစားနေရပါတယ်။
ရန်ကုန်က စတင်ထွက်ခွာခဲ့တဲ့ အဖွဲ့ဟာ အခုဆိုရင် ရက်သတ္တပတ်၃ ပတ်မြောက် ရှိလာပြီဖြစ်ပြီး လမ်းခရီး ပင်ပန်းလွန်းတဲ့အတွက် သံဃာတော် (၁) ပါးဟာ ခြေထောက်အရိုး ထိခိုက်ထားပြီး နောက်ထပ် သံဃာတော် (၂) ပါးကတော့ ခြေထောက်တွေ ယောင်ယမ်းလာတာကြောင့် သီတင်းသုံးရာ စစ်ကိုင်းကို ပြန်လည်ကြွသွားပြီလို့သိရပါတယ်။
လမ်းလျှောက်သူတစ်ဦးကတော့ နှာခေါင်းသွေး လျှံတာမျိုးတွေရှိတယ်လို့ ဆိုပါတယ်။
ခရီးရှည်တာကြောင့် ပင်ပန်းနေကြပြီး လမ်းလျှောက်သူတစ်ချို့ ကျန်းမာရေး ထိခိုက်လာတဲ့ အခြေအနေကို ငြိမ်းချမ်းရေးလမ်းလျှောက်သူတစ်ဦးဖြစ်တဲ့ ကိုစည်သူက RFA ကို အခုလို ပြောပါတယ်။
" လမ်းလျှောက်တာမိုင်တွေများတဲ့အတွက် သံဃာတော် (၂) ပါးက ခြေထောက်တွေ ရောင်နေတယ်၊ ကူမဲကနေ သီတင်သုံးတဲ့ စစ်ကိုင်းကို ပြန်သွားပြီ၊ ကျွန်တော်တို့ကို ဒေသခံတွေ စီစဉ်ပေးထားတာတော့ ရောက်တဲ့ နေရာတိုင်းမှာ ဒေသဆိုင်ရာ ဆရာဝန်တွေက ညတိုင်းညတိုင်း လာပြီး စစ်ဆေးပေးတယ်"
ငြိမ်းချမ်းရေးလမ်းလျှောက်သူတွေဟာ အခုဆိုရင် အင်အား (၅၀) ကျော်ရှိလာပြီး လိုင်ဇာမြို့ကို နောက်ထပ် (၁)လခန့်မှ ရောက်ရှိမှာ ဖြစ်တယ်လို့ ပြောပါတယ်။
Ref: အာရ်အဖ်အေ
Read More...
Collapse...
2013-02-10
မန္တလေးတိုင်းဒေသကြီး၊ သပိတ်ကျဉ်းမြို့နယ်၊ ကျောက်လှည်း ဘီးကျေးရွာမှာ ခလရ (၁၄၈) စစ်တပ်က သိမ်းယူထားခဲ့တဲ့ လယ်ဧက တစ်ထောင်ကျော်ကို ဒေသခံတွေ ပြန်လည် လုပ်ကိုင်ခွင့်ပေးလိုက်ပြီလို့ တောင်သူတွေက ပြောပါတယ်။
အခုလို လယ်ယာမြေတွေ ပြန်လည်လုပ်ကိုင်ခွင့်ရတာနဲ့ပတ်သက်ပြီး ဝမ်းသာကြောင်း ဒေသခံ တောင်သူ ဦးစိန်မောင်က RFA ကို အခုလိုပြောပါတယ်။
" ခလရ (၁၄၈) တပ်ရင်းကနေ သိမ်းဆည်းခဲ့တဲ့ လယ်ယာမြေတွေ ပြန်လည်ရရှိလာပြီဆိုတော့ ကျွန်တော်တို့အနေနဲ့ ဝမ်းသာမိပါတယ်"
မနက်ဖြန်မှာတော့ ဒေသခံတောင်သူတွေဟာ မိမိပိုင်ဆိုင်တဲ့ လယ်ယာမြေတွေကို ပိုင်ဆိုင်ခွင့်ရရှိအောင် အထောက်အထား သွားရောက်ပြုလုပ်ကြမယ်လို့ ဒေသခံ လယ်သမားတွေက ပြောပါတယ်။
ပြီးခဲ့တဲ့ ဇန်နဝါရီလ နောက်ဆုံးပတ်ထဲမှာ လွှတ်တော် လယ်ယာမြေ စုံစမ်းရေးကော်ရှင်နဲ့ ကာကွယ်ရေး ဝန်ကြီးဌာနတို့ စစ်တပ်ပိုင်မြေအဖြစ် သိမ်းယူထားတဲ့ လယ်ယာမြေတွေ ကိစ္စဆွေးနွေးခဲ့ကြပါတယ်။
နှစ်ဖက် သဘောတူထားတဲ့အချက်က စစ်တပ်က မလိုအပ်ဘဲ သိမ်းဆည်းထားတဲ့ လယ်ယာမြေတွေကို တောင်သူ လယ်သမားတွေထံပြန်ပေးဖို့ ဆုံးဖြတ်ထားသလို တပ်က ဆက်လက် သိမ်းယူထားမယ့် လယ်ယာမြေတွေကိုလည်း ကာလပေါက်ဈေးအတိုင်း လျော်ကြေးပေးဖို့ ပါရှိပါတယ်။
အဲဒီလို သဘောတူညီချက်တွေ ရှိခဲ့ပြီးနောက်ပိုင်း ဒီရက်ပိုင်းမှာ သိမ်းထားတဲ့ လယ်ယာမြေ အချို့ကို ဒေသခံတွေထံ ပြန်လည် ပေးအပ်ဖို့ အကြောင်းကြားခဲ့တာလို့ သိရပါတယ်။
Ref: အာရ်အဖ်အေ
Read More...
Collapse...
10.02.2013
ကမ္ဘာတလွှား သန်း ထောင်နဲ့ချီတဲ့ တရုတ်နွယ်ဖွား အာရှသားတွေဟာ မိသားစုတွေနဲ့အတူ ရိုးရာနှစ်သစ်ကူး ပွဲတော်ကို ဆင်နွှဲပြီး မီးရောင်စုံတွေ၊ ရိုးရာ စားသောက်ပွဲတွေ၊ ခြင်္သေ့က၊ နဂါးအကတွေနဲ့ မြွေနှစ်သစ်ကို ကြိုဆိုနေကြပါတယ်။
တရုတ်နိုင်ငံမှာလည်း မိသားစုနဲ့ခွဲပြီး ရွှေ့ပြောင်း အလုပ် လုပ်ကိုင်နေသူတွေ သန်းပေါင်းများစွာဟာ ဘက်စ်ကားတွေ၊ ရထားတွေ၊ လေယာဉ်၊ သင်္ဘောတွေနဲ့ အိမ်ပြန်ခရီးနှင်ပြီး ၁၅ ရက်ကြာ နှစ်သစ်ကူး ပွဲတော်ကို ဆင်နွှဲကြတဲ့ အချိန်ကာလ ဖြစ်ပါတယ်။ တရုတ်ပြည်သူ အများစုအတွက် ဒီ နှစ်ကူး အားလပ်ရက်ဟာ အဓိကကျတဲ့ တခုတည်းသော အားလပ်ရက်လည်း ဖြစ်ပါတယ်။
ဘေဂျင်းမြို့တော်မှာလည်း စနေနေ့ ညနေခင်းပိုင်းမှာ နှစ်သစ်ကူးမယ့်အချိန်ကို ကြိုဆိုတဲ့ ပွဲတော်တွေကို ခြိမ့်ခြိမ့်သဲ ကျင်းပကြပါတယ်။ မန်ဒရင်း ဘာသာစကားနဲ့ တရုတ်ရိုးရာ သီချင်းတပုဒ်ဖြစ်တဲ့ စပယ်ပန်း ဆိုတဲ့သီချင်းကို ကမ္ဘာကျော်အဆိုတော့ Celine Dion ရဲ့ သီဆိုဖျော်ဖြေမှု အပါအ၀င် တရုတ် ထိပ်တန်း အနုပညာရှင်တွေကလည်း နှစ်သစ်ကူး ဖျော်ဖြေပွဲတွေ တင်ဆက်ခဲ့ကြပါတယ်။
ဒါပေမဲ့ အခုနှစ် နှစ်ကူးပွဲတော်မှာ တရုတ်အစိုးရက လေထုညစ်ညမ်းမှုကို စိုးရိမ်ပူပန်တဲ့အတွက် မီးရှူးမီးပန်းဖောက်သံတွေ တညလုံး တိတ်ဆိတ်နေခဲ့ပါတယ်။ အခုနှစ်သစ်ရဲ့ လက္ခ ဏာဖြစ်တဲ့ မြွေရဲ့ အဓိပ္ပါယ်က တရုတ်ရိုးရာ အယူအဆအရ ချမ်းသာကြွယ်ဝမှု၊ အသက်ရှည်ပြီး ဉာဏ်ပညာ ကြီးမားမှုတွေကို ရည်ညွှန်းပေမဲ့ တရုတ်ရာသီခွင် ဇိုးဒစ်လက္ခဏာကို ဖော်ညွှန်းတဲ့ တခြား သတ္တ၀ါတွေထဲက နဂါးလို သတ္တ၀ါတွေလောက်တော့ မြွေနှစ်က ကျက်သရေမင်္ဂလာ မြင့်မားမှု မရှိဘူးလို့ ယုံကြည်ကြပါတယ်။
Ref: ဗွီအိုအေ
Read More...
Collapse...
10.02.2013
ထိုင်းနိုင်ငံမှာရောက်နေတဲ့ မြန်မာရွှေ့ပြောင်းလုပ်သားတွေရဲ့ မှတ်ပုံတင်ရက် ကုန်ဆုံးဖို့ နီးကပ်လာတာမို့ ရွှေ့ပြောင်းလုပ်သားမှတ်ပုံတင်ရေး လုပ်ငန်းကို ၀ိုင်းဝန်းကူညီဖို့ မြန်မာ တာဝန်ရှိသူတွေက ပန်ကြားလိုက်သလို၊ ဒီလုပ်ငန်းစဉ်အဆင့်ဆင့်ကို စောင့်ကြည့်ကြီးကြပ်ပေးဖို့နဲ့ အလုပ်သမားတွေရဲ့ ကုန်ကျစရိတ် လျှော့ချနိုင်ရေး အဖြေရှာဖို့အတွက်ထိုင်း အာဏာပိုင်တွေကို တိုက်တွန်းလိုက်ပါတယ်။ ထိုင်းနိုင်ငံမှာ အလုပ်လုပ်နေကြတဲ့ အထောက်အထား စာရွက်စာတမ်း မရှိတဲ့ မြန်မာရွှေ့ပြောင်းလုပ်သားတွေ ယာယီနိုင်ငံကူး လက်မှတ် အချိန်မီ ထုတ်ယူနိုင်ဖို့ လုပ်ငန်းစဉ်တွေကို ရှင်းလင်းတင်ပြတဲ့ ဘန်ကောက်မြို့က မြန်မာသံရုံးမှာ ဖေဖော်ဝါရီလ ၉ ရက်နေ့က ကျင်းပတဲ့ သတင်းစာရှင်းလင်းပွဲမှာ အလုပ်သမား အလုပ်အကိုင်နဲ့ လူမှုဖူလုံရေး ၀န်ကြီးဌာန ဒုဝန်ကြီး ဦးမြင့်သိန်းက ခုလို တိုက်တွန်းသွားတာပါ။
အထောက်အထားမဲ့ မြန်မာရွှေ့ပြောင်း လုပ်သားတွေကို နိုင်ငံသား စိစစ်ပြီး ယာယီနိုင်ငံကူး လက်မှတ် ထုတ်ပေးဖို့ ထိုင်းနိုင်ငံတလွှား ဌာနပေါင်း ၁၁ ခု ဖွင့်လှစ်ပေးမှာ ဖြစ်ပြီး အဲဒီ ဌာနတွေ အဆင်သင့် ဖြစ်မဖြစ် လာရောက် စစ်ဆေးတာ ဖြစ်ကြောင်း အလုပ်သမား အလုပ်အကိုင်နဲ့ လူမှုဖူလုံရေး ၀န်ကြီးဌာန ဒုဝန်ကြီး ဦးမြင့်သိန်းက ပြောပါတယ်။
ထိုင်းအစိုးရနဲ့ ထိုင်းလုပ်ငန်းရှင်တွေ ဘက်က လုပ်ဆောင်ချက်တွေအတွက် အလုပ်သမား အခွင့်အရေး ဆောင်ရွက်နေတဲ့ အဖွဲ့အစည်းတွေ၊ မီဒီယာတွေ အပါအ၀င် အားလုံးက ၀ိုင်းဝန်း ကူညီကြဖို့ကိုလည်း အလုပ်သမားရေး တာဝန်ခံက ပြောပါတယ်။ ထိုင်းမြန်မာ နှစ်နိုင်ငံ အစိုးရတွေကြား ရေးထိုးထားတဲ့ MOU စနစ်နဲ့ ထိုင်းနိုင်ငံမှာ လာရောက် အလုပ်လုပ်နေတဲ့ မြန်မာ လုပ်သားတွေ အနေနဲ့ မူရင်း သဘောတူထားတဲ့ အလုပ်ကို မလုပ်ရဘဲ တခြား ပိုပင်ပန်း ဆိုးရွားတဲ့ အလုပ်တွေကို ခိုင်းစေခံရရင် အလုပ်သမားတွေ ကိုယ်တိုင်က ဖြစ်စေ၊ အလုပ်သမား အခွင့်အရေး လှုပ်ရှားနေတဲ့ အဖွဲ့အစည်းတွေကနေ တဆင့် ဖြစ်စေ နေပြည်တော်က အလုပ်သမားရုံးကိုရော၊ ထိုင်းနိုင်ငံဆိုင်ရာ မြန်မာ အလုပ်သမား တာဝန်ခံ ဆီကိုပါ တိုက်ရိုက် တိုင်ကြားနိုင်ကြောင်း အသိပေးပြောဆိုပါတယ်။
ထိုင်းနိုင်ငံမှာ မြန်မာရွှေ့ပြောင်းလုပ်သား ၁.၂ သန်းကို ယာယီနိုင်ငံကူးလက်မှတ်တွေ ထုတ်ပေးခဲ့ပြီးဖြစ်ပေမဲ့ ခလေးငယ်တွေ အပါအ၀င် နောက်ထပ် မြန်မာလုပ်သား ၁ သန်းလောက် ကို နိုင်ငံကူးလက်မှတ် ထုတ်ပေးဖို့ ကျန်နေသေးတာပါ။
သက်ဆိုင်ရာခရိုင် အလုပ်သမား ရေးဆိုင်ရာ တာဝန်ရှိသူတွေက ရွှေ့ပြောင်းလုပ်သားတွေရဲ့ ခလေးတွေနဲ့ မှီခိုသူတွေအပါအ၀င် အချက်အလက် ပြည့်ပြည့်စုံစုံ ကောက်ယူဖို့ ထိုင်းနိုင်ငံ တာဝန်ရှိသူတွေဘက်က စီစဉ်ထားခဲ့တာဖြစ်ပါတယ်။ ဒါပေမဲ့ မြန်မာကလေးငယ်တွေ ဗီဇာ မလိုဘဲ ခရီးသွားခွင့်နဲ့ နိုင်ငံကူးလက်မှတ်ရရေး ကိစ္စတွေနဲ့ပတ်သက်လို့ ထိုင်းနဲ့ မြန်မာ တာဝန်ရှိသူတွေကြား ညှိုနှိုင်းဆွေးနွေးမှုတွေလည်း ဆက်လက်လုပ်ဆောင်ရဦးမှာ ဖြစ်ပါတယ်။
Ref: ဗွီအိုအေ
Read More...
Collapse...
ကိုကျော်ကျော်သိန်း
10.02.2013
အကျဉ်းထောင်အသီးသီးမှာ ကျန်နေသေးတဲ့ နိုင်ငံရေးအကျဉ်းသားတွေ ပြန်ပြီး လွတ်မြောက်လာရေးဟာ အရင်အချိန်ကာလတွေကထက်စာရင် ပိုပြီး မျှော်လင့်လာနိုင်ပြီလို့ ထိုင်း-မြန်မာနယ်စပ်အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP က ပြောလိုက်ပါတယ်။ နိုင်ငံရေးအကျဉ်းသားစိစစ်ရေး ကော်မတီဆိုတာကို အစိုးရက ဖွဲ့စည်းခဲ့ပြီး အဲဒီထဲမှာ AAPP ကလည်း ကိုယ်စားလှယ်တစ်ယောက်ပါဝင်ဖို့ ဖိတ်ကြားခံခဲ့ရပြီးတဲ့နောက် အဲဒီလို ပြောလိုက်တာ ပါ။ အပြည့်အစုံကို ဆက်သွယ်မေးမြန်းထားတဲ့ ကိုကျော်ကျော်သိန်းက တင်ပြထားပါတယ်။
အကျဉ်းထောင်တွေထဲမှာ ကျန်နေသေးတဲ့ နိုင်ငံရေးအကျဉ်းသားတွေကို ပြန်လွှတ်ပေးနိုင်ရေး စိစစ်ဆောင်ရွက်ဖို့ အတွက် လက်ကျန်နိုင်ငံရေး အကျဉ်းသားများ စိစစ်ရေး ကော်မတီ ဆိုတာကို သမ္မတရုံးဝန်ကြီး ဦးစိုးသိန်းကို ဥက္ကဋ္ဌအဖြစ် တာဝန် ပေးပြီး ဖေဖော်ဝါရီလ ၆ ရက်နေ့မှာ ဖွဲ့စည်းပေးခဲ့ပါတယ်။ ကော်မတီထဲမှာ ပါဝင်သူတွေက စိတ်စေတနာကောင်းနဲ့သာ လုပ်မယ်ဆိုရင် ကျန်နေသေးတဲ့ နိုင်ငံရေးအကျဉ်းသားတွေ ပြန် လွတ်လာမယ်လို့ AAPP ရဲ့အတွင်းရေးမှူး ကိုတိတ်နိုင်က မျှော်လင့်ထားပါတယ်။
“ကော်မတီက နောက် တပတ် ဆယ်ရက်လောက် ဆိုရင်တော့ စနိုင်လိမ့်မယ်လို့ ကျနော်တို့ ယုံကြည်ပါတယ်။ မျှော်လင့်ရတယ်။ သို့ပေမဲ့ ကျနော်တို့က လက်ကျန် နိုင်ငံရေးအကျဉ်း သားတွေက ဘယ်အချိန်မှာ လွတ်မလဲဆိုတဲ့ ကိစ္စကတော့ ဒီကော်မတီမှာ ပါတဲ့သူတွေရဲ့ စတနာက ပိုပြီး အဓိက ကျတယ် ထင်ပါတယ်။ စေတနာကောင်းရင် ကောင်းသလို မှန်ရင် မှန်သလို မြန်မြန်လုပ်နိုင်ပြီးတော့၊ တချို့ twist လုပ်နေတယ်၊ တချို့ ကစားချင်စိတ် ရှိနေသေးတယ် ဆိုလို့ရှိရင်တော့ နောက်ကျနိုင် ပါတယ်။ မကြာခင်မှာတော့ လွတ်လာလိမ့်မယ်လို့ ကျနော်ကတော့ မျှော်လင့်ပါတယ်။”
ဒီကော်မတီထဲမှာ AAPP က ကိုယ်စားလှယ်တစ်ဦးပါဝင်ဖို့ ဦးစိုးသိန်းကိုယ်တိုင် လက်မှတ်ရေးထိုးပြီး AAPP ကို ဖိတ်ကြားထား တာကြောင့် သူတို့အနေနဲ့ ပါဝင်လုပ်ဆောင်သွားမယ်လို့လည်း ကိုတိတ်နိုင်ကပြောပါတယ်။
နိုင်ငံရေးအကျဉ်းသားဆိုတာမရှိဘဲ ရာဇ၀တ်ပြစ်မှုတစ်ခုခုကို ကျူးလွန်လို့ ပြစ်ဒဏ်ချမှတ် ခံထားရသူတွေသာ ရှိတယ်လို့ တောက်လျှောက် ပြောလာခဲ့တဲ့ အစိုးရတာဝန်ရှိသူတွေက အခုအခါမှာတော့ နိုင်ငံရေးအကျဉ်းသားလို့ တရားဝင် သုံးနှုန်း ခေါ်ဆိုပြီး စိစစ်ပြီး ပြန်လွှတ်ပေး ဖို့ ကော်မတီတစ်ရပ်ကိုတောင်မှ ဖွဲ့စည်း လုပ်ဆောင်လာတာဟာ ဒီ ယုံကြည်ချက် အကျဉ်းသားတွေနဲ့ ပတ်သက်တဲ့ အစိုးရရဲ့ မူဝါဒသဘောထား တစ်ဆစ်ချိုး ပြောင်းလဲသွားပြီလို့ မြင်နိုင်ပါသလား၊ ကိုတိတ်နိုင်ကတော့ အဲဒီ လောက်အထိ ပြောင်းလဲသွား သလား ဆိုတာကို တစ်ထစ်ချမပြောနိုင်ပေမဲ့ ဒီိလိုလုပ်ဆောင်တာကိုတော့ ကြိုဆိုပါတယ်။
“ဒီ ၂၄ နှစ်တာကာလမှာ နိုင်ငံရေးအကျဉ်းသား ဆိုတဲ့ကိစ္စကို ပုံနှိပ်စာလုံးနဲ့ ဖော်ပြတာဟာ ဒီတခါ ပထမဆုံး အကြိမ်ပေါ့။ နောက်တခါ ဒီ နိုင်ငံရေးအကျဉ်းသား ကိစ္စတွေကို ဆွေး နွေးကြမယ်။ ဒီ လက်ကျန် နိုင်ငံရေးအကျဉ်းသားတွေ လွတ်မြောက်ဖို့အတွက် ကျန်ရှိနေတဲ့ နိုင်ငံရေးအကျဉ်းသား စာရင်းတွေ ၀ိုင်းပြီးတော့ လုပ်ကြမယ်။ ပြီးရင် အမြန်ဆုံး လွှတ် ပေးနိုင်အောင် ကြိုးစားမယ် ဆိုတဲ့ ကြေညာချက်မျိုးတွေ၊ စကားတွေ ပြောလာတဲ့အခါကျတော့ ဒါကို ကျနော်တို့ AAPP အတွက်ကတော့ ကျနော်တို့ တောက်လျှောက် တောင်းဆို လာခဲ့တဲ့အတိုင်း လတ်တလောမှာ ဒီကော်မတီဖွဲ့မယ်ဆိုပြီး ဖြစ်လာတဲ့အခါကျတော့ ဒါကိုတော့ ကျနော်တို့အနေနဲ့ ကြိုဆိုပါတယ်။”
AAPP ရဲ့ အတွင်းရေးမှူး ကိုတိတ်နိုင်နဲ့ တွဲဘက်အတွင်းရေးမှူး ကိုဘိုကြည်တို့ဟာ မြန်မာနိုင်ငံဆီ တစ်လနဲ့ ငါးရက်ကြာ သွားရောက်ခဲ့ပြီး ဖေဖော်ဝါရီလ ၁၀ ရက်နေ့ (ဒီကနေ့မှာ) ကပဲ ထိုင်းနိုင်ငံဆီ ပြန်ရောက်ကြတာပါ။
ပြည်ပမှာ ၁၆ နှစ်ကျော် ရပ်တည်လှုပ်ရှားခဲ့ပြီး မြန်မာနိုင်ငံဆီ ပထမဆုံးအကြိမ်သွားရောက်တဲ့ ခရီးစဉ်အတွင်း သူတို့ တွေ့ခဲ့ရ တာကတော့ မြန်မာနိုင်ငံရဲ့ အပြောင်းအလဲတွေဟာ နောက်ပြန် လှည့်ဖို့ဆိုတာထက် ရှေ့ကိုတိုးဖို့အတွက် အင်တိုက်အားတိုက် အရမ်း ကြိုးစားရလိမ့်ဦးမယ် ဆိုတာပဲဖြစ်တယ်လို့ ကိုတိတ်နိုင်တို့က ပြောပါတယ်။
“ကြိုးတော့ကြိုးစားနေကြတာပဲ။ အဖက်ဖက်ကနေပြီးတော့။ အတိုက်အခံပဲဖြစ်ပါစေ၊ အစိုးရပဲဖြစ်ပါစေ။ ကြိုးစားနေကြတယ်။ သို့ပေမဲ့လို့ ဒီကြိုးစားမှုက ဘယ်လောက်ထိ ထိရောက် မလဲ။ အကျိုး သက်ရောက်မှု ဘယ်လောက်ရှိတယ် ဆိုတဲ့ကိစ္စကတော့ ကြိုးစားတဲ့လူတွေရဲ့ နောက်ကွယ်မှာရှိတဲ့ စိတ်စေတနာက ပိုပြီးတော့ အရေးကြီးပါတယ်။ အရမ်းကြီး စိတ်အား ထက်သန်စွာနဲ့ လုပ်နေတာကို အများကြီးမတွေ့ရပါဘူး။ အဘက်ဘက်က ကြိုးစားနေကြတယ်၊ သို့ပေမဲ့ အဓိက အစိုးရဘက်က တချို့တွေကတော့ ကိုယ်ဖိရင်ဖိ လုပ်နေပြီးတော့ တချို့လူတွေကတော့ နည်းနည်း တုံ့ဆိုင်းတုံ့ဆိုင်း ဖြစ်နေတယ်လို့ ကျနော်ကတော့ အဲဒီလို သုံးသပ်ရတယ်။”
အခုလို လက်ကျန်နိုင်ငံရေးအကျဉ်းသား စိစစ်ရေးကော်မတီဖွဲ့စည်းတာကို အမေရိကန်ပြည်ထောင်စု က ကြိုဆိုခဲ့ပြီး မြန်မာ အစိုးရရဲ့ အကောင်အထည်ဖော် ဆောင်ရွက်မှုကို အမေရိကန် အနေနဲ့ ထောက်ခံသွားမယ်လို့ ပြောထားပါတယ်။
အလားတူပဲ Amnesty International အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ကလည်း ကြိုဆိုပြီး ဒီကော်မတီဟာ နိုင်ငံရေးအကျဉ်းသားတွေတင်မဟုတ်ဘဲ တရားမျှတမှုမရှိဘဲ အကျဉ်းချ ခံထားရသူအားလုံးအတွက် ဖြစ်သင့်တယ်လို့ ပြောပါတယ်။
AAPP အပါအ၀င် ပြည်တွင်းအဖွဲ့အစည်းအသီးသီးက ပြုစုထားတဲ့စာရင်းအရ အကျဉ်းထောင်တွေ ထဲမှာ နိုင်ငံရေးအကျဉ်းသား အရေအတွက် ၃၀၀ ကျော်ရှိနေသေးတဲ့အပြင် ကချင်ပြည်နယ်ဘက်မှာ တရားတောင်ရင်မဆိုင်ရသေးဘဲ ဖမ်းဆီးခံထားရသူ ၁၀၀ ၀န်းကျင်လောက်ရှိနေတယ်လို့ ကိုတိတ်နိုင်က ပြောပါတယ်။
Ref: ဗွီအိုအေ
Read More...
Collapse...
10.02.2013
အီရန်အစိုးရတားမြစ်ထားတဲ့ ရုပ်ရှင် ၁ ကားကို ဗွီအိုအေ ရုပ်မြင်သံကြားကနေ ထုတ်လွှင့်ပြသ ခဲ့ပါတယ်။ နိုင်ငံတကာရုပ်ရှင်ဆုရ Rhino Season ဆိုတဲ့ ရုပ်ရှင်ကို အီရန်နိုင်ငံအတွက် ဂြိုလ်တုကနေထုတ်လွှင့်တဲ့ ဗွီအိုအေ ရုပ်မြင်သံကြားကနေ သောကြာနေ့တုန်းက ပြသခဲ့သလို့ အွန်လိုင်းပေါ်ကနေ ကြည့်လို့ရအောင်လည်း တင်ခဲ့ပါတယ်။
အီရန်အစိုးရက ပိတ်ပင်ထားတဲ့ ရုပ်ရှင်ကို အီရန်ပြည်သူတွေ ကြည့်နိုင်အောင် ဗွီအိုအေက ထုတ်လွှင့်ပြသဖို့ အရေးကြီးတယ်လို့ ဒါရိုက်တာ Bahman Ghobadi ကပြောပါတယ်။ ၁၉၇၉ ခုနှစ် အီရန်တော်လှန်ရေးကာလမှာ အကျဉ်းချခံခဲ့ရတဲ့ ကာ့ နွယ်ဖွား အီရန်ကဗျာဆရာ ဆလဲလ် (Sahel) ရဲ့အကြောင်းကို အခြေခံပြီး Rhino Season ရုပ်ရှင်ကို ရိုက်ကူးထားတာဖြစ်ပါတယ်။ နှစ်ရှည်ထောင်ကျ ခဲ့တဲ့ ဆဟဲလ်က သူ့ရဲ့ ဇနီးနဲ့ သားသမီးတွေကို လိုက်ရှာတဲ့အကြောင်း ဖြစ်ပါတယ်။
ထောင်ထဲမှာ သေဆုံးသွားပြီလို့ မိသားစုက ထင်နေကြတဲ့ ကဗျာဆရာတယောက်ရဲ့ ကဗျာဖန်တီးမှုလို့ သူ့ရုပ်ရှင်ကို တင်စားတဲ့ ဒါရိုက်တာ ဂိုဘာဒီက ရုပ်ရှင်ပြသခွင့် ဗွီအိုအေကို လှူခဲ့ တာဖြစ်ပါတယ်။ ၂၀၀၉ ခုနှစ် အီရန်နိုင်ငံကနေ ထွက်ပြေး တိမ်းရှောင်ခဲ့တဲ့ ဂိုဘာဒီရဲ့ ပထမဆုံး အီရန်နိုင်ငံအပြင်ဘက်မှာ ရိုက်ကူးတဲ့ ရုပ်ရှင်လည်း ဖြစ်ပါတယ်။ ဒီရုပ်ရှင်ဟာ နိုင်ငံတကာ ရုပ်ရှင်ဆု ၂ ခုကိုလည်း ရရှိထားပါတယ်။
Ref: ဗွီအိုအေ
Read More...
Collapse...
10.02.2013
ဟောင်ကောင်ကျွန်းမှာ တနင်္ဂနွေနေ့ ညပိုင်းကလုပ်ခဲ့တဲ့ နှစ်ပတ်လည် နှစ်သစ်ကူး အလှပြစီတန်း လှည့်လည်ပွဲကို ထောင်းပေါင်းများစွာသော သူတွေ စောင့်ကြည့်ခဲ့ကြပါတယ်။ နိုင်ငံနဲ့ ဒေသပေါင်း ၁၄ ခုကပါဝင်တဲ့ အုပ်စုလိုက် အလှပြဖျော်ဖြေသူတွေ၊ အလှပြယာဉ်တွေ စုစုပေါင်း ၃၆ ခုက ဟောင်ကောင် မြို့လမ်းတွေကို စီတန်း လှည့်လည်ပြီး မြွေနှစ်ကို ကြိုဆိုခဲ့ကြ ပါတယ်။
ဟောင်ကောင် ခရီးသွားဘုတ်အဖွဲ့က စီစဉ်တဲ့ နှစ်သစ်ကူး အလှပြယာဉ်တွေ လှည့်လည်ပြသမှုဟာ ဒီနှစ်နဲ့ဆိုရင် ၁၈ နှစ်ရှိပြီ ဖြစ်ပါတယ်။ အလှပြကားတွေ ည ၈ နာရီမှာ စထွက်တာ ဖြစ်ပေမဲ့ သေသေ ချာချာ မြင်ရဖို့ လူတွေဟာ နေ့လယ်ပိုင်းထဲက နေရာကောင်းတွေမှာ စောင့်နေခဲ့ကြပါတယ်။
ဟောင်ကောင်မှာ တရုတ်နှစ်သစ်ကူးအတွက် ရုံး ၃ ရက် ပိတ်ပါတယ်။ ဟောင်ကောင်ရဲ့ နံမည်ကျော် ဗစ်တိုးရီးယား ဆိပ်ကမ်းမှာ တနင်္လာနေ့ညကျရင် မီးရှူးမီးပန်းတွေကို အကြီးအကျယ် ပစ်ဖောက်ဦးမှာဖြစ်ပါတယ်။
Ref: ဗွီအိုအေ
Read More...
Collapse...
10.02.2013
မာလီနိုင်ငံ အနောက်ဘက် Gao မြို့မှာ ပြင်သစ်နဲ့ မာလီတပ်တွေဟာ ၀တ်ရုံမဲ ခြုံထားတဲ့ အစ္စလာမ်ဝါဒီ သူပုန်တွေနဲ့ တိုက်ပွဲတွေ ဖြစ်နေပါတယ်။ စစ်သွေးကြွတွေရဲ့ မထင်မှတ်တဲ့ တိုက်ခိုက်မှုကြောင့် လုံခြုံရေးအခြေအနေကို ထိခိုက်ခဲ့ပါတယ်။ လွန်ခဲ့တဲ့ နှစ်ရက်အတွင်းမှာလည်း အသေခံဗုံးခွဲ တိုက်ခိုက်မှုတွေလည်း ရှိခဲ့ပါတယ်။
မြောက်ပိုင်း မာလီမှာ အကြီးဆုံးမြို့ဖြစ်တဲ့ Saharan မြို့တလွှားမှာလည်း ကြီးမားတဲ့ ပေါက်ကွဲသံတွေ နဲ့ သေနတ်သံတွေ မနေ့က ကြားနေရပါတယ်။ အစိုးရ ပူးပေါင်းစစ်ဆင်ရေး တပ်တွေဟာ Movement for Oneness နဲ့ မြောက်ပိုင်း အာဖရိကဒေသ ဂျီဟတ်အဖွဲ့တွေကို တိုက်ခိုက်နေပါ တယ်။ ဝေဟင်မှာတော့ ပြင်သစ်တပ်တွေက ရဟတ်ယာဉ်တွေပေါ်ကနေ ပစ်ခတ်ပေးပါတယ်။
လွန်ခဲ့တဲ့ သီတင်းနှစ်ပတ်က မြို့ကို ပြင်သစ်ဦးဆောင်တဲ့ တပ်တွေ ထိန်းချုပ်ရယူခဲ့ပြီးနောက်၊ အခုတကြိမ်ဟာ အစ္စလာမ် အစွန်းရောက်အုပ်စုတွေ Gao မြို့ထဲအထိ အောင်အောင် မြင်မြင် ၀င်လာနိုင်ခဲ့တဲ့ ပထမဆုံး တန်ပြန်ထိုးစစ်ဖြစ်ခဲ့ပါတယ်။ မြို့အပြင်ဘက်ဒေသတွေ မှာတော့ တိုက်ပွဲတွေက ရက်နဲ့ချီပြီး ရှိနေခဲ့တာပါ။
စစ်ဆေးရေးဂိတ်တခုကို အသံခံဗုံးခွဲ တိုက်ခိုက်မှု နှစ်ကြိမ်ဖြစ်ခဲ့တဲ့နောက်၊ ပြင်သစ်နဲ့ မာလီတပ်တွေ အဲဒီစခန်းကို အင်အားဖြည့်လိုက်ပြီး နာရီပိုင်းအတွင်းမှာပဲ စစ်သွေးကြွတွေဟာ မြို့ထဲအထိ ထိုးဖောက်ဝင်ရောက်လာတာ ဖြစ်တယ်လို့ မာလီ စစ်အရာရှိတဦးက ပြောပါတယ်။ ပြီးခဲ့တဲ့ စနေနေ့တုန်းကတော့ အသေခံဗုံးခွဲ တိုက်ခိုက်သူတဦးဟာ မြို့အ၀င်က စစ်တပ်စစ်ဆေးရေး ဂိတ်ကို ၀င်ရောက်တိုက်ခိုက်ပါတယ်။ ဒီမတိုင်ခင် အခြားနေရာမှာလည်း အလားတူ တိုက်ခိုက်မှု ရှိခဲ့ပါတယ်။ အခုလို အသေခံဗုံးခွဲတိုက်ခိုက်မှုဟာ မာလီမှာ ဒါဟာ ပထမဆုံးအကြိမ် ဖြစ်ပါတယ်။
Ref: ဗွီအိုအေ
Read More...
Collapse...
February 10, 2013
တနင်္ဂနွေနေ့တွင် ကျရောက်သည့် တရုတ်ရိုးရာ နှစ်သစ်ကူးပွဲတော်တွင် တရုတ်ပြည်သူများ အားလုံး ၀မ်းမြောက်ပါကြောင်း နှုတ်ခွန်းဆက် သ၀ဏ်လွှာကို မြန်မာသမ္မတ ဦးသိန်းစိန်က ကြာသပတေးနေ့က ပေးပို့ခဲ့ကြောင်း ဆင်ဟွာ သတင်းက ရေးသား ဖော်ပြထားသည်။
ယင်းသ၀ဏ်လွှာတွင် တရုတ်- မြန်မာ ဆက်ဆံရေးသည် လွန်ခဲ့သည့် နှစ်ပေါင်း ၂၀၀၀ ကျော် ဟန်မင်းဆက် ကတည်းက မိတ်ဆွေဖြစ်ခဲ့ပြီး ယဉ်ကျေးမှု ကူးလူးဆက်ဆံခဲ့သည့် သမိုင်းရှိခဲ့သည်ဟု ဦးသိန်းစိန်က ရေးသားထားကြောင်း ဆိုသည်။
ထို့အပြင် အေဒီ ၈၀၂ က အထူးသံကိုယ်စားလှယ်အဖွဲ့တဖွဲ့အဖြစ် ရှေးခေတ်မြန်မာ့အနုသုခုမယဉ်ကျေးမှု အဖွဲ့ တရုတ်နိုင်ငံ တန်မင်းဆက်၏ မြို့တော် ချန်အန်းသို့ ရောက်ရှိခဲ့ပြီး ကပြ ဖျော်ဖြေမှုများ အကြောင်း တရုတ်ကဗျာ ဆရာ ပိုင်ယုယီက ကဗျာတပုဒ်ရေးခဲ့သည်ဟု ဦးသိန်းစိန်က ဖော်ထုတ်ရေးသည်။
မြန်မာသမ္မတက ဘုံသုံး ဘာသာစကား၊ တူညီသော သွင်ပြင်လက္ခဏာ ယဉ်ကျေးမှုတို့ရှိသော နှစ်ဘက်နယ်စပ်တကြောမှ တိုင်းရင်းသား လူမျိုးစုံတို့သည် နှစ်နိုင်ငံ ရင်းနှီးမှု၊ ကုန်သွယ်ရေးနှင့် ဝပြောမှုတို့ကို ခိုင်မာစေခဲ့သည်ဟုလည်း ဖော်ပြသည်။
နှစ်နိုင်ငံ အစိုးရများအနေဖြင့် ဖွံ့ဖြိုးရေးမူဝါဒအပေါ် လက်ကိုင်ပြုပြီး ရင်းနှီးခဲ့ကြကြောင်း၊ အခြားနိုင်ငံများတွင် မရှိသော အပေးအယူ ဖလှယ်မှုများဖြင့် အပြန်အလှန်ဖလှယ်မှု သမိုင်း ရှိခဲ့ကြောင်းလည်း ဆိုထားရာ အနောက်နိုင်ငံများက မြန်မာနိုင်ငံအပေါ် စီးပွားရေးပိတ်ဆို့ထားသော အတိတ်ကာလတွင် တရုတ်အစိုးရ၏ အကူအညီကို ရည်ညွှန်းလိုပုံ ပေါ်သည်။
နောင် အနာဂတ်တွင်လည်း မိမိတို့ နှစ်နိုင်ငံ အနေဖြင့် တည်ရှိပြီးသား ရင်းနှီးကျွမ်းဝင်သည့် ဆက်ဆံရေး ဆက်လက် တည်ရှိနေမည်ဖြစ်သည့်အပြင် အပြန်အလှန် ပူးပေါင်းဆောင်ရွက် မှုများရှိ နေမည်ဖြစ်ကြောင်း၊ ပြည်သူ အချင်းချင်းလည်း လေးစားမှု အခြေခံသည့် ဖွံ့ဖြိုးရေး ဆိုင်ရာ လုပ်ငန်းများလည်း ဆက်စပ်လုပ်ဆောင် နေမည်သာ ဖြစ်ကြောင်း၊ ရှည်လျား သည့် သမိုင်းစဉ် တလျှောက် သဘောမတူမှုများ ရှိသော်လည်း နှစ်နိုင်ငံ အကြား ပူးပေါင်း ဆောင်ရွက်မှု ကြောင့် အစိုးရရောပိုင်း ရော၊ နှစ်နိုင်ငံ ပြည်သူများပါ ဆက်ဆံရေး မပြတ်ခဲ့ကြောင်း၊ ဆက်လက်၍လည်း မြန်မာပြည်သူများနှင့် တရုတ်ပြည်သူများအတွက် ရင်းနှီးမှု၊ ပူးပေါင်းဆောင်ရွက်မှုနှင့် ချစ်ခင်ရင်းနှီးမှု အဓွန့်ရှည်စေဖို့ ဆုတောင်းပါကြောင်းဖြင့် သ၀ဏ်လွှာတွင် ဖော်ပြထားသည်။
မြွေနှစ်အဖြစ် ကျရောက်သော ယခုနှစ် နှစ်သစ်ကူးကို ရန်ကုန်နှင့် မန္တလေးရှိ မြန်မာတရုတ် အသိုင်းအဝိုင်းကလည်း စည်ကားစွာ ကျင်းပကြသည်။
Ref: ဧရာဝတီ
Read More...
Collapse...
အေးချမ်းမြေ့
February 9, 2013
ပန်းချီအနုပညာ ပြပွဲများကို အကဲဖြတ်စိစစ်သူများသည် အနုပညာကို ထဲထဲဝင်ဝင် နားလည်သူများ သာ ဖြစ် သင့်ကြောင်း လေ့လာသူများ က ပြောဆိုနေကြသည်။
ယခင် အစိုးရအဆက်ဆက်မှ လက်ရှိအချိန်အထိ ပန်းချီပြပွဲများ မပြခင် စိစစ်ရေးအဖွဲ့သို့ အကြောင်းကြားရကြောင်း၊ အဆိုပါ စိစစ်ရေး အဖွဲ့ထဲတွင် နိုင်ငံခြားရေး ဝန်ကြီးဌာန၊ ပြည်ထဲရေး ဝန်ကြီးဌာန၊ တက္ကသိုလ်များ စာကြည့်တိုက်၊ ယဉ်ကျေးမှု ဝန်ကြီးဌာန အစရှိသည့် ဌာနများမှ တာဝန်ရှိသူများ ပါဝင်ကြောင်း၊ အဆိုပါ အဖွဲ့ အနုပညာထက် ယဉ်ကျေးမှု၊ ဘာသာရေး အစရှိသည့် အချက်များနှင့် တိုက်ဆိုင်စစ်ဆေးကြကြောင်း သိရသည်။
“သူတို့ ပြောတာက အရင်ကဆိုရင် နိုင်ငံရေးမရဘူး၊ အခု နိုင်ငံရေးတော့ ရတယ်၊ ယဉ်ကျေးမှုနဲ့ ဘာသာရေး ငြိစွန်းတဲ့ ကားမျိုး မရဘူး ဆိုတာမျိုး ပြောလာတယ်။ ဥပမာ – Nude ကားတွေဆိုရင် ယဉ်ကျေးမှုနဲ့ ငြိတယ်ပေါ့” ဟု ပန်းချီ ငြိမ်းချမ်းဆုက ဆိုသည်။
ဆက်လက်၍ ၎င်းက ပန်းချီဆရာများသည် ပန်းချီကျောင်းတွင် စတင်၍ ပန်းချီရေးကတည်းက Nude နှင့် ကင်းလွတ်၍ မရကြောင်း၊ ခန္ဓာဗေဒကို ပန်းချီအခြေခံတွင် သင်ယူရပြီး လူခန္ဓာကိုယ်မှ ကြွက်သားများ၏ အနေအထား၊ အပျော့အမာကို အနုပညာ မြောက်စွာ ရေးဆွဲသည့် ပန်းချီကားများ ဖြစ်သောကြောင့် အနုပညာမျက်စိဖြင့် ကြည့်လျှင် နားလည်မည် ဖြစ်ကြောင်း ပြောသည်။
“ပန်းချီဆရာတွေ ရေးတာက တဏှာရမ္မက်ကို ဖော်ကျူးတဲ့ ကားမျိုးရေးတယ်ဆိုရင်တော့ ထားပါတော့။ အဲဒီလို ရေးတယ်ဆိုရင် ဖြုတ်ဗျာ။ အဲဒီလို ရေးတဲ့ ပန်းချီဆရာကိုလည်း ကြိုက်သလို အရေးယူလို့ရတယ်။ ဒါပေမယ့် အနုပညာ မြောက်အောင် ရေးထားတဲ့ Nude ကားတွေကို ယဉ်ကျေးမှုဆိုတဲ့ အမြင်နဲ့ တိုင်းတာက ဆိုးတယ်” ဟု သူက ဆက်ပြောသည်။
ယခင်ကတည်းက ပန်းချီဆရာအများစုသည် Nude ပန်းချီကားများကို ရေးဆွဲခဲ့ကြကြောင်း၊ မြန်မာပြည်တွင် ပြခွင့် မရသဖြင့် ပြည်ပတွင် သွားရောက်ပြသကြရာ တခြားနိုင်ငံသားများက ဝယ်ယူကြသဖြင့် တိုင်းပြည်ဝင်ငွေ ဆုံးရှုံးကြောင်း ၎င်းက ရှင်းပြသည်။
ပန်းချီလင်းဝဏ္ဏကလည်း ပန်းချီကားများအား စိစစ်ရန်အတွက် ကြည့်ရှုသည် ဆိုသည့် အနေအထားမျိုး မရှိသင့်တော့ကြောင်း၊ အနုပညာကို လွတ်လပ်စွာ ဖန်တီးခွင့်၊ ချပြခွင့် ရှိရတော့မည်ဖြစ်ကြောင်း ပြောသည်။
၁၉၉၀ ကျော် ကာလများက စတင်ထွက်ပေါ်လာသည့် ခေတ်ပြိုင် ပန်းချီဆရာ ၈ ဦးဖြင့် စုစည်းထားသော Emerging Artist 90s (Eao90s) အဖွဲ့၏ ပြပွဲတရပ်ကို ဖေဖော်ဝါရီ ၈ ရက်မှ ၁၁ ရက်နေ့ အထိ ရန်ကုန် ပုလဲကွန်ဒိုရှိ Studio Square ပန်းချီပြခန်းတွင် ခင်းကျင်းပြသလျှက်ရှိသည်။
ယင်းအဖွဲ့တွင် ၁၉၉၀ ကျော် ကာလများက ပေါ်ထွက်လာသည့် ကောင်းဆု၊ ငြိမ်းချမ်းဆု၊ မင်းဇော်၊ ဗဂျီလင်းဝဏ္ဏ၊ နေအောင်ရှု၊ ကျော်ဆန်းသွင်တို့ ပါဝင်သည်။
EAo 90s အုပ်စုဝင်များသည် တဦးချင်း၊ အဖွဲ့လိုက် အစရှိသည်ဖြင့် ၎င်းတို့ ဖန်တီးခဲ့သည့် လက်ရာများကို ၁၉၉၀ ပြည်နှစ်လွန်ကာလများက ပြပွဲများ ခင်းကျင်း ပြသခဲ့ရာ၌ ပိတ်ပင်တားမြစ်မှုများ၊ အနုပညာ လက်ရာပစ္စည်းများကို ဖြုတ်ပယ်၍ ပြသခွင့် ပိတ်ပင်ခြင်းများ အပြင် Performance Art အနုပညာ အမျိုးအစားများကို တခြား ဆန့်ကျင်ဘက် အဖွဲ့အစည်း တရပ်၏ နိုင်ငံရေး လှုံ့ဆော်မှု အမြင်ဖြင့် သုံးသပ် ပိတ်ပင် အရေးယူမှုမျိုးပေါင်း များစွာ ကြုံတွေ့ခဲ့ကြရကြောင်း အဆိုပါ အနုပညာ ပြပွဲ၏ လက်ကမ်းစာအုပ်တွင် ဖော်ပြထားသည်ကို တွေ့ရသည်။
“နအဖ ခေတ်တုန်းက ကျနော် တကိုယ်တော် ပြပွဲတခု လောကနတ် ပြခန်းမှာ လုပ်ခဲ့တယ်။ အဲဒီမှာ ကျနော့်မိတ်ဆွေ ဂစ်တာသမား ကိုဇော်မင်းသိန်းက ပန်းချီကားတချပ်ရှေ့မှာ ကျနော် တခါမှ မကြားဘူးတဲ့ ဂီတကို တီးခတ်တယ်။ ပြပွဲ ဖိတ်စာ မှာလည်း ပါပြီးသား၊ ဂီတဟာ အရောင်၊ အရောင်ဟာ ဂီတဆိုတာ။ အဲဒါကို သရုပ်ဖော်တာ၊ အဲဒီတုန်းက ပန်းချီ ပြပွဲ တပွဲလုံးကို ပိတ်ပင်ခဲ့တယ်” ဟု ပန်းချီလင်းဝဏ္ဏက ဧရာဝတီသို့ ပြောသည်။
ယခင် စစ်အစိုးရ အဆက်ဆက်က ပန်းချီကားများတွင် အနီရောင်များနေလျှင်ပင် ပြပွဲ၌ ပြသခွင့် မရှိကြောင်း သိရသည်။
ယခုလက်ရှိ ကာလတွင် အနုပညာ ဖန်တီးခွင့်မှာ ယခင်ထက် များစွာ လွတ်လပ်နေပြီဟု ဆိုနိုင်သော်လည်း ပန်းချီ အနုပညာ ပြပွဲများမပြသခင် စိစစ်သူများက လာရောက်ကြည့်ရှု နေကြဆဲ ဖြစ်ကြောင်း၊ ထိုသို့ လာရောက်သူများထဲတွင် ပန်းချီအနုပညာ အကြောင်း နားမလည်သူများလည်း ပါဝင်နေကြောင်း ပန်းချီလင်းဝဏ္ဏက ဆိုသည်။
ယခုအခါ စာနယ်ဇင်း၊ ရုပ်ရှင်၊ ဂီတ အစရှိသည့် နယ်ပယ်များ၌ အစည်းအရုံးများ၊ ကော်မတီများ ရှိနေကာ စိစစ်ရေးဆိုသည့် ကြားခံ ကြည့်ရှု ဖြတ်တောက်မှုများ မရှိတော့ဘဲ သက်ဆိုင်ရာ အစည်းအရုံး၊ ကော်မတီတို့က ဖန်တီးသူ အနုပညာရှင်၊ စာနယ်ဇင်းသများ စသည်တို့နှင့် ဆွေးနွေးညှိနှိုင်းခြင်းဖြင့် ယခင်ထက် အထိုက်အလျောက်လွတ်လပ်ခွင့် ရနေပြီ ဖြစ်သော်လည်း ပန်းချီပြပွဲများ၊ Performance Art ပြပွဲ၊ Installation Art ပြပွဲများအတွက်မူ မည်သည့် အဖွဲ့အစည်း၊ ကော်မတီက တာဝန်ယူဆွေးနွေးမည် ဆိုသည့် အနေအထား မရှိသေးပေ။
“အရင် နအဖခေတ်၊ ဖမ်းမယ်ဆီးမယ် ဆိုတဲ့ အချိန်တုန်းက ကျနော်တို့ကို စာပို့တယ်၊ သတိပေးတာမျိုး လုပ်တယ်။ အခုကျတော့ ယဉ်ကျေးမှုရယ် ဘာသာရေးရယ် ငြိစွန်းတခုခု ဖြစ်ရင် ပြခန်းပိုင်ရှင်နဲ့ ပန်းချီဆရာက ကိုယ့်ဘာသာ တာဝန်ယူရမယ်လို့ ပြောတယ်” ဟု ပန်းချီ ငြိမ်းချမ်းဆုက ဆိုသည်။
ဖေဖော်ဝါရီ ၈ ရက်နေ့က စတင်ပြသနေသည့် EAo 90s အနုပညာပြပွဲတွင် ပန်းချီအနုပညာရှင် ၈ ၏ လွတ်လပ်စွာ တင်ဆက်ထားသော ပန်းချီကားများ၊ ခေတ်ပြိုင် အနုပညာဖန် တီးမှုများကို တွေ့ရသည်။
၂၀၁၂ ရွေးကောက်ပွဲ ကာလများအလွန် နိုင်ငံတကာ အာရုံစူးစိုက်မှုနှင့်အတူ ဆက်ဆံရေးများ ကောင်းမွန်တိုးတက်လာချိန်၊ ကမ္ဘာနှင့် နိုင်ငံရေးဆက်ဆံမှုများ အရှိန်မြင့်လာသော ယခု လိုအချိန်အတွင်း အမြင်သစ်၊ အတွေးသစ်၊ အနုပညာ လက်ရာ ပစ္စည်းအသစ်များကို အရှိန်အဟုန်ဖြင့် ဖော်ထုတ်ပြသနိုင်ရန် ရည်ရွယ်ပြီး EAo 90s အဖွဲ့ကို ငွေကြေး အကျိုးအမြတ် အတွက် မဟုတ်ဘဲ ဖွဲ့စည်းခြင်း ဖြစ်ကြောင်း ၎င်းပြပွဲ လက်ကမ်းစာအုပ်တွ ရေးသားထားသည်။
ခေတ်ပြိုင်အနုပညာ ဖန်တီးမှုများတွင် ကြားခံပစ္စည်း အသုံးပြုမှု၊ ဖန်တီးသည့် စနစ်ပုံစံ အစရှိသည့် ကန့်သတ်ချက်များ ကင်းမဲ့လာပြီဖြစ်ကြောင်း၊ ဖန်တီးမှု လွတ်လပ်လာသည့် အလျောက် မြန်မာ ပရိသတ်၏ ခံစားမှု စွမ်းရည်များ တိုးတက်လာပြီ ဖြစ်ရာ တာဝန်ရှိသူများဘက်ကလည်း အနုပညာနှင့် ပတ်သက်သည့် ကျဉ်းမြောင်းသော အမြင်များ၊ ကန့်သတ် ချက်များ မရှိသင့်တော့ကြောင်း လေ့လာသူများက သုံးသပ်ကြသည်။
“ပန်းချီဆရာဆိုတာက အလှကို ရေးတာ၊ အရောင်တွေကို ရေးတာပါ။ ဟီရိသြတ္တပ္ပကင်းတဲ့ Erotic Nude တွေကို ပြပွဲမတင်ကြပါဘူး။ ကျနော်တို့ကတော့ တာဝန်ရှိသူတွေကို သိစေ ချင်တယ်၊ အနုပညာကို နားလည်စေချင်တယ်၊ အနုပညာကို နားလည်အောင် လေ့လာကြပါလို့လည်း တိုက်တွန်းချင်တယ်” ဟု ပန်းချီငြိမ်းချမ်းဆုက ဧရာဝတီသို့ ပြောသည်။
Ref: ဧရာဝတီ
Read More...
Collapse...
မေစစ်ပိုင်
February 9, 2013
အာရှဖွံ့ဖြိုးရေးဘဏ်( ADB) က မြန်မာနိုင်ငံကို အမေရိကန်ဒေါ်လာ သန်း ၅၀ ကူညီသွားမည့်အပေါ် မြန်မာ အစိုးရ က အကျိုးပြု လုပ်ငန်းများ အကောင်အထည် ဖော်ခြင်း ရှိ မရှိ စောင့်ကြည့်မည်ဟု သောင်္ကြာနေ့ ညနေ ၄နာရီ ရန်ကုန်မြို့ ပါ့ခ်ရွိုင်ရယ် ဟိုတယ်တွင် ကျင်းပပြုလုပ်သည့် သတင်းစာရှင်းလင်းပွဲတွင် ADB ဘဏ်ဥက္ကဌ ဟာရူဟီကို ကိုရူဒါက ပြောသည်။
“ မြန်မာအစိုးရ အနေနဲ့ ကူညီပေးလိုက်တဲ့ငွေကြေးအပေါ် သိသာတဲ့တာဝန်ယူမှုရှိရဲ့လား၊ စီမံကိန်းတွေ အမှန်တကယ် အကောင်အထည်ဖော်ရဲ့လားဆိုတာကို စောင့်ကြည့်မှာပါ”ဟု မစ္စတာ ဟာရူဟီကို ကိုရူဒါက ပြောသည်။
လက်ရှိတွင် ငွေကြေး ကူညီပေးရန်အတွက် မြန်မာအစိုးရအပါအဝင် အခြားအဖွဲ့အစည်းများနှင့် ညှိနှိုင်းဆဲဖြစ်ပြီး ပထမ အဆင့် အနေဖြင့် နည်းပညာဖွံ့ဖြိုးရေး၊ လုပ်သားအရင်းအမြစ်၊ အသေးစားအလတ်စားလုပ်ငန်းများ ဖွံ့ဖြိုးရေး လုပ်ငန်း များအတွက် အမေရိကန်ဒေါ်လာ ၂၃သန်း ကိုလာမည့် မတ်လကုန်တွင် စတင်ကူညီသွားမည်ဟုသိရသည်။
မြန်မာနိုင်ငံ၏ ပညာရေး၊ မြို့ပြဖွံ့ဖြိုးတိုးတက်ရေး၊ အခြေခံအဆောက်အဦ၊ ဒေသတွင်း ပူးပေါင်း ဆောင်ရွက်ရေး၊ ခရီးသွားလုပ်ငန်း၊ အရပ်ဘက်လူမှုအဖွဲ့အစည်းများ၊ လိင်(ခွဲခြား ဆက်ဆံမှု)နှင့် အညာ ကျေးလက်ဒေသ ဖွံ့ဖြိုးရေး တို့ ပါဝင်သော စီးပွားရေးကဏ္ဏအသီးသီးတွင် ဆောင်ရွက်မည့် စီမံကိန်း များနှင့် နည်းပညာ အထောက်အပံ့များကိုမူ အမေရိကန် ဒေါ်လာသန်း ၅၀ ကူညီမည်ဖြစ်သည်။
“ ကျေးလက်ဒေသတွေမှာလည်း ဘဏ်ဝန်ဆောင်မှုလုပ်ငန်းတွေ ကျယ်ပြန့်စွာရှိလာအောင်၊ ပညာရေးမှာကွာဟချက်တွေရှိနေ တဲ့အပေါ် ဖြေရှင်းပေးသွားမှာပါ”ဟု မစ္စတာ ဟာရူဟီကို ကိုရူဒါ ကပြောသည်။
ယင်း ငွေကြေးများကို အကျင့်ပျက်ခြစားမှုများ မဖြစ်နိုင်အောင်၊ မူမမှန်သည့် လုပ်ရပ်မျိုး မလုပ်နိုင် အောင် လည်း ADB နှင့် World Bank တို့ပူးပေါင်း စောင့်ကြည့်သွားမည်ဟု ၎င်းက ဆိုသည်။
ဟာရူဟီကို ကိုရူဒါသည် သမ္မတ ဦးသိန်းစိန်နှင့်လည်း နေပြည်တော်တွင် သွားရောက်တွေ့ဆုံခဲ့ပြီး ၏ အကူအညီများနှင့် ပတ်သက်၍ ဆွေးနွေးခဲ့သေးသည်။
မြန်မာနိုင်ငံအနေဖြင့် ဂျပန်နိုင်ငံ၏ ပေါင်းကူးချေးငွေ အကူအညီဖြင့် ကြွေးဟောင်းများကို ပြန်လည်ပေးဆပ်ခဲ့ပြီး ယခုအခါ ADB မှ အမေရိကန် ဒေါ်လာ ၅၁၂ သန်းနှင့် World Bank မှ ဒေါ်လာ သန်း ၄၂၀ တို့ကို ပြန်လည်ချေးငှားနိုင်ခဲ့သည်။
ဇန်နဝါရီ ၃ ရက်က နေပြည်တော်တွင်ပြုလုပ်ခဲ့သည့် မီဒီယာတွေ့ဆုံပွဲတွင် ဘဏ္ဏာရေးနှင့် အခွန်ဝန်ကြီးဌာန ပြည်ထောင်စု ဝန်ကြီး ဦးဝင်းရှိန်က နိုင်ငံတကာအဖွဲ့အစည်းများဖြစ်သည့် World bank, ADB နှင့် Paris club တို့မှ ချေးငွေနှင့် အထောက်အပံ့များကို ပြည်သူ တိုက်ရိုက် အကျိုးပြုလုပ်ငန်းများနှင့် ငွေကြေးပြန်လည်ရရှိနိုင်မည့် လုပ်ငန်းများတွင် သုံးစွဲသွား မည်ဟု ပြောကြားသည်။
မြန်မာနိုင်ငံသည် စီးပွားရေး ပြုပြင်ပြောင်းလဲမှုများကိုလုပ်ဆောင်ပြီး ဖွံ့ဖြိုးတိုးတက်ရေးစိန်ခေါ်မှုများကို ကျော်လွှား နိုင်မည် ဆိုပါက မြန်မာ့စီးပွားရေးအခြေအနေသည် နှစ်စဉ် ၇ ရာခိုင်နှုန်းမှ ၈ ရာခိုင်နှုန်းထိ တိုးတက်လာနိုင်ကြောင်း၊ ၂၀၃၀ ပြည့်နှစ် တွင် လူတဦးချင်း နှစ်စဉ်ဝင်ငွေသည် သုံးဆအထိ တိုးတက်လာနိုင်ကြောင်း အေဒီဘီဘဏ် ဥက္ကဌ မစ္စတာ ဟာရူဟီကို ကိုရူဒါ က သုံးသပ်သည်။
Ref: ဧရာဝတီ
Read More...
Collapse...
ကျော်ခ
February 8, 2013
သမ္မတ ဦးသိန်းစိန် အစိုးရအဖွဲ့က ဖော်ဆောင်နေသည့် ငြိမ်းချမ်းရေး လုပ်ငန်းစဉ်များကို လက်တွဲပူးပေါင်းပြီး စည်းလုံးညီညွတ်စွာဖြင့် စစ်မှန်သည့် ပြည်ထောင်စု စစ်စစ်အား တည်ထောင်သွားကြရန် အားလုံးကြိုးပမ်းသင့်ကြောင်း ရှမ်းပြည် ပြန်လည်ထူထောင်ရေး ကောင်စီ (RCSS) ၏ ဥက္ကဋ္ဌ ဒု ဗိုလ်ချုပ်ကြီး ယွက်စစ်က ပြောဆိုလိုက်သည်။
အစိုးရက လက်နက်ကိုင် အဖွဲ့အစည်းတိုင်းနှင့် ပါတီတိုင်းအား နိုင်ငံရေး ဆွေးနွေးရန် ကြိုဆို ကမ်းလှမ်းလာပြီ ဖြစ်သဖြင့် နိုင်ငံရေး ပြဿနာများအား ဝိုင်းဝန်းဖြေရှင်းကာ တိုင်းပြည် တိုးတက်ရေးအတွက် စည်းလုံးညီညွှတ်စွာဖြင့် လုပ်ဆောင်ကြရန် အချိန်အခါကောင်းဖြစ်ကြောင်း ရှမ်းပြည်တပ်မတော် (SSA) တောင်းပိုင်း ဗဟိုဌာနချုပ် လွယ်တိုင်းလျန်၌ ဖေဖော် ဝါရီလ ၇ ရက်နေ့က ကျင်းပသော ၆၆ နှစ်မြောက် ရှမ်းပြည်အမျိုးသားနေ့ အခမ်းအနား မိန့်ခွန်းတွင် ထည့်သွင်း ပြောဆိုသွားသည်။
“သမ္မတ ဦးသိန်းစိန် အစိုးရအဖွဲ့၏ စေတနာများကို ဂုဏ်ယူ အသိအမှတ်ပြုရမည် ဖြစ်သည်။ ဤကဲ့သို့ အခြေအနေတွင် ဝိုင်းဝန်း မလုပ်ဆောင်နိုင်ပါက တိုင်းပြည်အတွက် နစ်နာကာ နိုင်ငံရေးသမားများနှင့် အသိပညာရှင်၊ အတတ်ပညာရှင်တို့၏ အားနည်ချက်ပင် ဖြစ်မည်” ဟု သူ၏ မိန့်ခွန်းတွင် ပါရှိသည်။
သို့သော်လည်း ငြိမ်းချမ်းရေး တည်ဆောက်ရာတွင် အာဏာလွှဲပြောင်းခြင်း မပြုလုပ်လိုဘဲ စစ်အာဏာကို ဆက်လက် ဆုပ်ကိုင်ထားလိုသူများ၊ နိုင်ငံတော်၏ ဥပဒေ စည်းမျဉ်း စည်းကမ်းများအား မလိုက်နာဘဲ ကိုယ်ကျိုးရှာလိုသူများ၊ ဒီမိုကရေစီနည်းဖြင့် တိုင်းပြည် ဖွံ့ဖြိုးတိုးတက်အောင် မလုပ်ဆောင်ဘဲ စစ်အာဏာဖြင့် အုပ်စိုးပြီး ငြိမ်းချမ်းရေးကို ပျက်ပြားအောင် သွေးထိုး နေသူများသည် ငြိမ်းချမ်းရေးကို ပျက်ပြားစေနိုင်သော အချက်များဖြစ်ကြောင်းလည်း ထောက်ပြ ပြောဆိုသွားသည်။
ငြိမ်းချမ်းရေးကို ပျက်ပြားအောင် လုပ်ဆောင်နေသော အဖျက်သမားများအား ဝိုင်းဝန်းဆန့်ကျင် တွန်းလှန်ကာ ပန်းတိုင်ထိ ရောက်အောင် လက်တွဲ ဆောင်ရွက်သွားကြရမည် ဖြစ်ပြီး ဒီမိုကရေစီ လိုလားကာ ပြည်ထောင်စုအား ချစ်မြတ်နိုးသူများ အားလုံး နောက်မဆုတ်ဘဲ ရည်မှန်းချက် ပန်းတိုင်အထိ စည်းလုံးညီညွတ်စွာဖြင့် ကြိုးစားဆောင်ရွက်ကြရန်လည်း တိုက်တွန်း ပြောဆိုသွားသည်။
SSA နှင့် မြန်မာအစိုးရတို့ နှစ်ဘက် ပဏာမ အပစ်ခတ်ရပ်စဲရေး သဘောတူညီမှု ရရှိထားပြီးဖြစ်သည်။ ယင်းသို့ သဘောတူညီမှု ရရှိထားသော်လည်း ၂၀၁၂ ခုနှစ်အတွင်း၌ နှစ်ဘက် တပ်များအကြား တိုက်ပွဲပေါင်း ၄၀ ကျော် ဖြစ်ပွားခဲ့သေးကြောင်း သိရသည်။
မှားခဲ့သော အမှားများကို ပြန်လည်ပြုပြင်ရန်မှာ နိုင်ငံတော်၏ ကြီးလေးသည့် တာဝန်ဖြစ်ကြောင်း၊ တော်လှန်ရေး အချိန်ကာလလ ကြာရှည်လာပါက ပြည်သူလူထု ပိုမို ဆင်းရဲနွမ်းပါး လာ ခြင်းနှင့် အခြား နောက်ဆက်တွဲ ဆိုးကျိုးများ ဖြစ်ကြောင်း၊ သို့သော်လည်း ဖိနှိပ်မှုရှိနေသမျှ ကာလပတ်လုံး မျိုးချစ်တော်လှန်ရေး ဆိုသည်မှာလည်း ပပျောက်သွားမည် မဟုတ်ဟု ဒု ဗိုလ်ချုပ်ကြီး ယွက်စစ်က ဆိုသည်။
စစ်အာဏာရှင်တို့၏ ဖိနှိပ်ချုပ်ခြယ်မှုကြောင့် တော်လှန်ရေး ပေါ်ပေါက်လာခဲ့ခြင်းဖြစ်ပြီး တော်လှန်ရေးတွင် အနုနည်း၊ အကြမ်းနည်း ထိုနည်းလမ်း နှစ်သွယ်လုံးကို ပြည်ထောင်စုသားများ အနေဖြင့် အသုံးပြု၍ တော်လှန်ခဲ့ကြကြောင်း၊ သို့သော်လည်း နိုင်ငံတော် အာဏာအား စစ်အင်အားသုံး သိမ်းပိုက်ခဲ့သည့် စစ်အာဏာရှင်များအား ဖြိုလှဲနိုင်မှု မရှိခြင်းကို အားနည်း ချက်နှင့် ပျော့ကွက်များရှာ၍ ပြုပြင်သင့်ကြောင်းလည်း ထောက်ပြထားသည်။
စည်းလုံး ညီညွှတ်ရေးကို မျိုးချစ် တော်လှန်ရေးသမားများ သာမက ပြည်သူလူထုကလည်း အမြဲတောင်းဆိုနေကြောင်း၊ ထို့အတူ ပြည်ထောင်စုကြီး၏ အခြေခံအုတ်မြစ်ဖြစ်သော “ပင်လုံ” စာချုပ်ကို မေ့ထား၍ မရသကဲ့သို့ ကျော်လွှားသွား သွား၍လည်း ရမှာမဟုတ်ကြောင်း မိန့်ခွန်းတွင် ထည့်သွင်းပြောဆိုသွားသည်။
Ref: ဧရာဝတီ
Read More...
Collapse...
ငြိမ်းပြည့်စုံ
February 8, 2013
ရန်ကုန်အပါအ၀င် မြို့ကြီးများတွင် နွေရာသီကာလ မီးမပြတ်ရေးအတွက် လျှပ်စစ်စွမ်းအားဝန်ကြီးဌာနက ရေကြိုတင် စုဆောင်းမှုများပြုလုပ်နေပြီဖြစ်ကြောင်း လျှပ်စစ်စွမ်းအား ၀န်ကြီးဌာန ရန်ကုန်မြို့တော်လျှပ်စစ် ဓာတ်အား ပေးရေးအဖွဲ့မှ အင်ဂျင်နီယာချုပ်ဦးညိုဝင်းက ဧရာဝတီသို့ ပြောသည်။
ရေအားလျှပ်စစ် အဓိက အသုံးပြုနေရသည့် မြန်မာနိုင်ငံတွင် နှစ်စဉ်နွေရာသီကာလရောက်တိုင်း မြစ်ချောင်း အင်းအိုင်အများစုတွင် ရေခန်းပြီး ရေအားမှ ဓာတ်အားထုတ်လုပ်မှု လျော့ကျသဖြင့် အလှည့်ကျ စနစ်နှင့် လျှပ်စစ်မီးပေး၊ မီးဖြတ်တောက်ရမှုများ ပြုလုပ်ရလေ့ရှိကြောင်း၊ ယခုနှစ်တွင်မူ လျှပ်စစ်စွမ်းအား ဝန်ကြီးဌာနသည် ပြည်သူများ နွေရာသီတွင် အချိန်ပြည့်နီးပါး လျှပ်စစ်မီးပေးနိုင်ရန် ကြိုးစားလျက်ရှိကြောင်း၊ သို့သော်လည်း မျှော်လင့်ချက်များပေးသကဲ့သို့ မဖြစ်စေလိုသည့်အတွက် မီးပေးနိုင်၊ မပေးနိုင်ကို အတိ အကျ မပြောလိုသော်လည်း လတ်တလောတွင်မူ ရေများ ကြိုတင်စုဆောင်းနေသော အစီအစဉ်များ လုပ်ဆောင်နေကြောင်း ဦးညိုဝင်းက ပြောသည်။
“နွေရာသီ ရေတွေခန်းမယ့်အချိန်မှာ လျှပ်စစ်မီး လုံလောက်အောင် ပေးနိုင်ဖို့ ကြိုးစားနေတယ်။ ဘယ်လို ကြိုးစားနေတယ် ဆိုတာတော့ အသေအချာကြီး မပြောချင်သေးဘူး။ အခုကတည်းက ရေကိုစုထားတယ်။ မကုန်သင့်တဲ့ နေရာတွေမှာ မကုန်အောင် အရင်ကလို ရေကို အလွန်အမင်းကြီး မသုံးတော့ဘူး”ဟု ဦးညိုဝင်းက ဆိုသည်။
လက်ရှိတွင် ရန်ကုန်မြို့ပြည်သူများအတွက် အချိန်ပြည့်နီးပါး လျှပ်စစ်မီး ပေးနေလျက်ရှိသော်လည်း နိုင်ငံပိုင် စက်ရုံများ၊ တပ်မတော် စက်ရုံများ၊ စက်မှုလုပ်ငန်းများကိုမူ ညနေ ၅နာရီမှ ည ၁၁ နာရီအထိ မီးဖြတ်ထားလျက်ရှိကြောင်း၊ ညအချိန်သာ မီးဖြတ်တောက်ထားခြင်း ဖြစ်သည့်အတွက် ကုန်ထုတ်လုပ်မှု လုပ်ငန်းများ ထိခိုက်မှု နည်းပါးစေမည်ဖြစ်ကြောင်း၊ ပြည်သူ များကို မီးအပြည့်ပေးနေသော်လည်း ရံဖန်ရံခါ မီးပျက်မှုများ ကြုံတွေ့ရခြင်းမှာလည်း အကြောင်းတစုံတရာကြောင့်သာဖြစ်ပြီး လျှပ်စစ်ဝန်ကြီးဌာနက အလှည့်ကျ မီးဖြတ် တောက် သည့်အစီအစဉ်များ မပြုလုပ်သေးကြောင်း သိရှိရသည်။
“ရပ်ကွက်တွေမှာ မီးပျက်တယ်ဆိုတာကလည်း အကြောင်းတစုံတရာကြောင့် ဖြစ်ပါလိမ့်မယ်။ ကျနော်တို့က မီးကို ပုံမှန်ပေးထားတယ်”ဟု ဦးညိုဝင်းက ဆက်လက်ပြောသည်။
စက်မှုဇုန်များတွင် ညနေ ၅ နာရီမှ ည ၁၁ နာရီအထိ မီးဖြတ်တောက်ထားသည့်အတွက် စက်မှုလုပ်ငန်းရှင်အများစု အဆင်မပြေဖြစ်ကြကြောင်း၊ အထူးသဖြင့် မီးစက်ဖြင့် စက်မှု လုပ်ငန်းများ လည်ပတ်ရန် ဒီဇယ် ၀ယ်ယူသုံးစွဲရသည့်အတွက် ကုန်ထုတ်လုပ်မှု စရိတ် ပိုမိုမြင့်မားလာသည်ဟု လုပ်ငန်းရှင်များထံမှ သိရှိရသည်။
“အချိန်နဲ့ မီးဖြတ်တဲ့အတွက် စက်မှုလုပ်ငန်းတွေအနေနဲ့ အခက်အခဲအများကြီးရှိတယ်။ သူတို့တွေက အဲဒီအချိန်ဟာ မီးသိပ်မသုံးဘူးလို့ပြောပေမယ့် ကျနော်တို့အတွက်တော့ ညဘက် လုံခြုံရေးအတွက် မီးအလင်းရောင်မရှိဘူး။ နောက်ပြီး ပုံမှန်ဝန်ထမ်းတွေအတွက် ညနေ ၅ နာရီဆို အလုပ်သိမ်းပေမယ့် ကျန်တဲ့ လုပ်သားတွေအတွက်ကျတော့ ညဘက်မှာ မီးစက်တွေ နှိုးရတဲ့အတွက် ကုန်ကျစရိတ်တွေ ပိုကုန်တာပေါ့”ဟု ရန်ကုန်မြို့၊ မင်္ဂလာဒုံစက်မှုဇုန်ရှိ Triangle Links Engineering ကုမ္ပဏီမှ တာဝန်ရှိသူတဦးက ပြောသည်။
မြန်မာနိုင်ငံ အထည်ချုပ် လုပ်ငန်းရှင်များအသင်း ဥက္ကဋ္ဌဦးမြင့်စိုးကမူ “မီးမလာတော့ ဒီဇယ်ဝယ်ပြီး စက်လည်ရတော့ ကုန်ကျစရိတ် ပိုကုန်တယ်။ မီးပုံမှန်လာရင်တော့ အကုန်အကျ နည်းသွားမှာပေါ့။ အခုတော့ အကုန်အကျ များတယ်” ဟု ဧရာဝတီသို့ပြောသည်။
လက်ရှိကာလတွင် နွေရာသီ နီးကပ်လာပြီ ဖြစ်သော်လည်း မီးပုံမှန်ရရှိနေသေးသည့်အတွက် မီးစက်၊ အင်ဗာတာ၊ အိမ်သုံးဘတ္ထရီအိုးများမှာ အရောင်းအဝယ် အေးနေကြောင်း ဈေးကွက်အတွင်းမှ စုံစမ်းသိရှိရသည်။
“မီးစက်ဝယ်လိုအားက သိပ်မကောင်းဘူး။ မီးကလည်း သိပ်မပျက်သေးဘူး ဆိုတော့ ၀ယ်အား သိပ်မရှိတာ။ လုပ်ငန်းလုပ်တဲ့သူတွေ နည်းနည်းဝယ်ကြတယ်”ဟု ရန်ကုန်မြို့မှ မီးစက်အရောင်းဆိုင်ပိုင်ရှင်တဦး ဖြစ်သူ ဦးဇော်အောင်က ပြောသည်။
ယမန်နှစ်က နွေရာသီ ဓာတ်အားပြတ်တောက်မှုကြောင့် ဖယောင်းတိုင် မီးထွန်းဆန္ဒပြပွဲများ တနိုင်ငံလုံး အတိုင်းအတာဖြင့် ဖြစ်ပွားခဲ့သည်။
မြန်မာတနိုင်ငံလုံး၏ လျှပ်စစ်ဓာတ် အားသုံးစွဲမှုမှာ မဂ္ဂါဝပ် ၁,၈၈၀ ခန့် လိုအပ် ပြီး ဖြန့်ဖြူးနိုင်သည့် မဂ္ဂါဝပ်မှာ ၁,၅၅၀ သာရှိကြောင်း၊ မြန်မာနိုင်ငံ၏ လျှပ်စစ်ထုတ်လုပ်မှု ပမာဏ ၇၀ ရာခိုင်နှုန်းသည် ရေအားမှ လည်းကောင်း၊ ၂၀ ရာခိုင်နှုန်းမှာ သဘာဝဓာတ်ငွေ့မှ လည်းကောင်း၊ ၉ရာခိုင်နှုန်းမှာ ကျောက်မီးသွေးမှ လည်းကောင်း ရရှိကြောင်း အစိုးရ၏ ထုတ်ပြန် ချက်များအရ သိရှိရသည်။
ယမန်နှစ် ဧပြီလ ၂၉ ရက်နေ့က နေပြည်တော်၌ အစိုးရအဖွဲ့ဝင် ၀န်ကြီးတချို့နှင့် စာနယ်ဇင်းသမားများ တွေ့ဆုံရာတွင် စက်မှုဝန်ကြီး ဦးစိုးသိန်းက ရန်ကုန်မြို့ ပုံမှန် လျှပ်စစ်မီး ပေးရရှိရေးအတွက် ၂၅ မဂ္ဂါဝပ်ထုတ်လုပ်နိုင်သည့် ရွေ့ပြောင်းမီးစက်ကြီး ၄လုံးကို အမေရိကန်အခြေစိုက် General Electric (GE) ကုမ္ပဏီထံမှ ငှားရမ်းထားကြောင်း ပြောဆိုခဲ့သည်။
မြန်မာနိုင်ငံ၌ သုံးစွဲနေသည့် လျှပ်စစ်ဓာတ်အား အများစုမှ ရေအားမှ ထုတ်လုပ်ခြင်းဖြစ်ပြီး ရခိုင်ကမ်းလွန်ဒေသနှင့် မုတ္တမပင် လယ်ကွေ့မှ ထွက်ရှိသည့် သဘာဝဓာတ်ငွေ့ကို တရုတ် နိုင်ငံနှင့် ထိုင်းနိုင်ငံသို့ တင်ပို့ရောင်းချသည်။
ကမ္ဘာ့ဘဏ်နှင့် အာရှဖွံဖြိုးရေးဘဏ်တို့ အဆိုအရ မြန်မာပြည်လူဦးရေ သန်း ၆၀ ရှိရာ ၂၅ ရာခိုင်နှုန်းသာ လျှပ်စစ်မီးရပြီး ပျမ်းမျှ တဦးလျှင် ၁၀၄ ကီလိုဝပ်သာ သုံးစွဲနိုင်သောကြောင့် ကွန်ဂိုနှင့် နီပေါနိုင်ငံတို့နည်းတူ မြန်မာနိုင်ငံသည်လည်း ကမ္ဘာပေါ်တွင် လျှပ်စစ်သုံးစွဲနိုင်မှု အနိမ့်ကျဆုံး နိုင်ငံတနိုင်ငံဖြစ်ကြောင်း သိရသည်။
မြန်မာနိုင်ငံ လျှပ်စစ်ဓာတ်အား ပိုမိုရရှိရေး စီမံချက်များတွင် ကမ္ဘာ့ဘဏ်မှ ကူညီမည်ဖြစ်ကြောင်း ရန်ကုန် ချက်ထရီယံ ဟိုတယ်တွင် ဖေဖော်ဝါရီ ၅ ရက်တွင် ပြုလုပ်သည့် သတင်း စာရှင်းလင်းပွဲ၌ ထုတ်ပြန်ခဲ့သည်။
မြန်မာနိုင်ငံ၏ စွမ်းအင်ကဏ္ဍ တိုးတက်ရေးဆောင်ရွက်ရန် ကမ္ဘာ့ဘဏ်လုပ်ငန်းစု၏ အထူးကိုယ်စားလှယ် အဖွဲ့သည် မြန်မာနိုင်ငံသို့ ၃ ရက်တာခရီးစဉ် ရောက်ရှိနေချိန်အတွင်း နိုင်ငံတော် သမ္မတ ဦးသိန်းစိန်၊ အစိုးရ၀န်ကြီးများ၊ ဒေါ်အောင်ဆန်းစုကြည်နှင့် လူမှုအဖွဲ့အစည်းများကို တွေ့ဆုံခဲ့ပြီး လျှပ်စစ်ဓာတ်အား၊ ဆက်သွယ်ရေးစနစ်နှင့် ဘဏ်လုပ်ငန်း ပိုင်းဆိုင်ရာ ကိစ္စရပ်များကို တိုးမြှင့်ကူညီရန် သဘောတူညီချက် ရရှိခဲ့ကြောင်း သိရသည်။
Ref: ဧရာဝတီ
Read More...
Collapse...
ကျော်ခ
February 8, 2013
ရှမ်းပြည်တပ်မတော် (SSA) တောင်ပိုင်း ဗဟိုဌာနချုပ် လွယ်တိုင်းလျန်မှာ ဖေဖော်ဝါရီလ ၇ က ကျင်းပတဲ့ (၆၆) နှစ်မြောက် “ရှမ်းပြည်အမျိုးသားနေ့” အခမ်းအနားဟာ အရင်နှစ်တွေက လုပ်ခဲ့တဲ့ပွဲတွေထက်စာရင် အစည်ကားဆုံးဖြစ်တယ်လို့ ရှမ်းတပ်မှူးတွေနဲ့ တက်ရောက်လာတယ် ဒေသဆိုင်ရာ ကိုယ်စားလှယ်တွေက ပြောပါတယ်။
ဒေသအရပ်ရပ်ကလာတဲ့ လူထု ဧည့်ပရိသတ်တွေလည်း ရာနဲ့ချီပြီး တက်ရောက်ခဲ့ကြသလို ဌာနချုပ်ကလည်း စစ်ရေးပြ အခမ်းအနားတွေကို အရင်နှစ်တွေကထက် အဆပေါင်း များစွာတိုးပြီး အင်အား ၅ ထောင်ကျော်အထိ အသုံးပြုခဲ့တဲ့အတွက် ဌာနချုပ်ရဲ့ စစ်ရေးပြကွင်းကြီးတခုလုံး ကြက်ပျံမကျ စည်းကားနေပါတယ်။
ဒါ့အပြင် မြန်မာအစိုးရ ကိုယ်စားလှယ်တွေ၊ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC)၊ “ဝ” ပြည်သွေးစည်းညီညွှတ်ရေး တပ်မတော် (UWSA)၊ လားဟူ ဒီမိုကရက်တစ် သမဂ္ဂ (LDU)၊ ရခိုင်ပြည်အမျိုးသား ညီညွှတ်ရေးပါတီ (NUPA) တို့က ကိုယ်စားလှယ်တွေလည်း အသီးသီး တက်ရောက်ကြပြီး ဂုဏ်ပြု သဝဏ်လွှာတွေကို ဖတ်ကြား ခဲ့ကြတာကို တွေ့ရပါတယ်။
ဒီနှစ်ပြုလုပ်တဲ့ အခမ်းအနားအတွက် SSA အနေနဲ့ ပြည်တွင်းပြည်ပ မီဒီယာတွေကိုလည်း တရားဝင် သတင်းယူနိုင်ဖို့ ဖိတ်ခေါ်ခဲ့သလို ဌာနချုပ်ရဲ့ နယ်မြေအတွင်း လွတ်လွတ်လပ်လပ် သွားလာခွင့်၊ သတင်းယူခွင့်တွေ၊ ဗီဒီယို၊ ဓာတ်ပုံမှတ်တမ်း တင်ခွင့်တွေ ပေးခဲ့ပါတယ်။
အရင်နှစ်တွေက ဒါမျိုးတွေ ခွင့်ပြုခြင်းမရှိပေမယ့် ဒီနှစ်ကတော့ သမ္မတ ဦးသိန်းစိန် အစိုးရနဲ့ ပဏာမ အပစ်အခတ်ရပ်စဲရေး ပြုလုပ်ပြီးနောက်မှာ သတင်းမီဒီယာတွေကို လွတ်လွတ် လပ်လပ် သတင်းယူခွင့်ပေးခဲ့တာလို့ SSA အရာရှိတွေက ပြောပါတယ်။
အရင်နှစ်တွေက လွယ်တိုင်းလျန်မှာ ကျင်းပတဲ့ “ရှမ်းပြည်အမျိုးသားနေ့” ကို လွတ်လွတ်လပ်လပ် တက်ရောက်ခွင့် မရှိတဲ့ မြန်မာနိုင်ငံအတွင်းက ဒေသဆိုင်ရာ ကိုယ်စားလှယ်တွေလည်း ဒီနှစ် အခမ်းအနားမှာ ပေါ်ပေါ်တင်တင် တက်ရောက် ခွင့်ရခဲ့တယ်လို့ ကာယကံရှင်တွေကလည်း ပြောပါတယ်။
ဒါ့အပြင် ရှမ်းပြည်နယ်ထဲမှာရှိတဲ့ ကျေးရွာတွေက ရွာသူ၊ ရွာသားတွေလည်း ရာနဲ့ချီပြီး တက်ရောက်ခဲ့ကြတဲ့အတွက် ဌာနချုပ် အနေနဲ့ စာသင်ကျောင်းတွေ၊ ဘုန်းကြီးကျောင်း တွေတင်မကဘဲ မြေလွတ်နေရာတွေမှာ ယာယီတည်းခိုဖို့ နေရာတွေ တော်တော်များများ ဆောက်လုပ်ပေးထားတာ တွေ့ရပါတယ်။
“ရှမ်းပြည်အမျိုးသားနေ့” အထိမ်းအမှတ်နေ့ကို ပြည်တွင်း၊ ပြည်ပက ရှမ်းအဆိုတော်တွေလည်း လာရောက် ဖျော်ဖြေကြပါတယ်။
တချို့ဒေသခံတွေကတော့ ဒီပွဲကို တက်ရောက်လိုကြပေမယ့် လမ်းခရီးမှာ အစိုးရအာဏာပိုင်တွေက စစ်ဆေးမေးမြန်းမှုတွေရှိမှာ စိုးရိမ်စိတ်တွေ ရှိနေသေးတဲ့အတွက် မလာကြတာလို့ သိရပါတယ်။ ဒါပေမယ့် ရှမ်းပြည်နယ်၊ ကချင်ပြည်နယ်တွေက တက်ရောက်လာတဲ့ သူတွေကတော့ စစ်ဆေးမေးမြန်းမှုတွေ မရှိဘူးလို့ပြောပါတယ်။
အခမ်းအနားမှာ ရှမ်းပြည် ပြန်လည် ထူထောင်ရေး ကောင်စီ (RCSS) ရဲ့ ဥက္ကဋ္ဌ ဒု ဗိုလ်ချုပ်ကြီး ယွက်စစ်က “ရှမ်းပြည်အမျိုးသားနေ့” လို့ စတင်သတ်မှတ်ခဲ့တဲ့ ၁၉၄၇ ခုနှစ် နိုဝင်ဘာလ ၇ ရက်နေ့ဟာ ရှမ်းအမျိုးသား အားလုံး တစုတစည်းတည်း သွေးစည်းညီညွှတ်မှုကို ပြသခဲ့တဲ့ နေ့၊ ရှမ်းစော်ဘွားကြီးများနဲ့ ရှမ်းပြည်သူများ စုပေါင်းပြီး တညီတညွတ်တည်း ရှမ်းပြည်ကို အစည်းမပြေသော တိုင်းပြည်ကြီးအဖြစ် စတင်ထူထောင်ခဲ့သည့်နေ့ ဖြစ်တဲ့အတွက် မမေ့အပ်တဲ့ နေ့တနေ့ဖြစ်ကြောင်း ပြောဆိုသွားပါတယ်။
“ရှမ်းပြည်အမျိုးသားနေ့” ကို အရင်နှစ်တွေက တရားဝင် လုပ်ခွင့်မပြုခဲ့ဘဲ ရှမ်းတိုင်းရင်းသားရိုးရာ ပဒေသကပွဲလို့သာ အမည်တပ် လုပ်ခွင့်ရခဲ့ပေမယ့် ဒီနှစ်မှာတော့ တရာဝင် ကျင်းပခွင့်ရခဲ့ပြီဖြစ်လို့ ရန်ကုန်မြို့ အမျိုးသားကဇာတ်ရုံမှာ ပြုလုပ်ကျင်းပ ပြုလုပ်ခဲ့သလို ရှမ်းပြည်နယ်ထဲမှာရှိတဲ့ မြို့နယ်အများစုမှာလည်း ပြုလုပ်ခွင့်ရခဲ့ကြတယ်လို့ သိရပါတယ်။
Ref: ဧရာဝတီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88