“ကျမ ပြစ်မှု မကျူးလွန်ဘူး” ဟု ဒေါ်အောင်ဆန်းစုကြည် ပြောကြား

ကြာသပတေးနေ့၊ မေလ 14 2009

ချင်းမိုင် (မဇ္ဈိမ)။ ။ အကျယ်ချုပ်မှ အင်းစိန်ထောင်သွင်းသို့ ယနေ့ ပြောင်းရွှေ့ကာ ချုပ်နှောင် ခံထားရသည့် ဒေါ်အောင်ဆန်းစုကြည်က မြန်မာစစ်အစိုးရက ယနေ့ စွဲတင်လိုက်သည့် အမှုကို မကျူးလွန်ကြောင်း သူ၏ ရှေ့နေမှတဆင့် ပြောကြားလိုက်သည်။

အင်းစိန်ထောင်တွင်းရှိ အနောက်ပိုင်းခရိုင် တရားရုံးသို့ ရုံးထုတ်ရာတွင် ရှေ့နေ ဦးကြည်ဝင်းနှင့် တွေ့ဆုံသည့် အခါ ဒေါ်အောင်ဆန်းစုကြည်က ယခုလို ပြောဆိုလိုက်ခြင်း ဖြစ်သည်။

“ကျမ ပြစ်မှု မကျူးလွန်ဘူး” ဟု ပြောဆိုခဲ့ကြောင်း ရှေ့နေ ဦးကြည်ဝင်းက မဇ္ဈိမကို ပြောသည်။

သူက ဆက်ပြီး “မကျူးလွန်ဘူး ဆိုတာကိုလည်း သူက ဘလိုင်းပြောတာ မဟုတ်ဘူး။ သူက သူ့ကိုစွဲတဲ့ ပုဒ်မကို သိတယ်။ ဖတ်ပြီးပြီ” ဟု ပြောသည်။

ဒေါ်အောင်ဆန်းစုကြည်၊ သူနှင့်အတူနေထိုင်ကာ ကူညီ စောင့်ရှောက်ပေးနေသည့် ဒေါ်ခင်ခင်ဝင်း၊ ဒေါ်ဝင်းမမနှင့် နေအိမ်အတွင်း တိတ်တဆိတ် ဝင်ရောက်ခဲ့သူ အမေရိကန် နိုင်ငံသား ဂျွန် ဝီလီယံ ယက်တောကို ယနေ့တွင် အင်းစိန်ထောင် တွင်းရှိ အနောက်ပိုင်း ခရိုင် တရားရုံးတွင် အတူတကွ ရုံးထုတ်ခဲ့ခြင်း ဖြစ်သည်။

ရှေ့နေဦးကြည်ဝင်း၏ လက်ထောက်ရှေ့နေနှင့် ယနေ့ တရားရုံးသို့ ဝင်ရောက်ခွင့် ရရှိခဲ့သူ ရှေ့နေ ဦးလှမျိုးမြင့်က “အမှုနံပါတ် ၄၇/၂၀၀၉ ။ သူတို့ ၄ ယောက် တပြိုင်ထဲ ရုံးထုတ်တယ်” ဟု မဇ္ဈိမကို ပြောသည်။

ယနေ့နံနက်ပိုင်းတွင် အာဏာပိုင်များက ဒေါ်အောင်ဆန်းစုကြည်နှင့် ဒေါ်ခင်ခင်ဝင်းတို့ သားအမိအား တက္ကသိုလ်ရိပ်သာလမ်း နေအိမ်မှ အင်းစိန်ထောင်သို့ လုံခြုံရေး အစောင့် အကြပ်များဖြင့် ခေါ်သွားခဲ့ခြင်း ဖြစ်သည်။

စစ်အစိုးရက ဒေါ်အောင်ဆန်းစုကြည်ကို ၁၉၇၅ ခုနှစ် နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ် စောင့်ရှောက်ရေး အတွက် တားဆီး ကန့်သတ်ထားသည့် အမိန့်ကို ချိုးဖောက်ခြင်း၊ မလိုက်နာခြင်းတို့ဖြင့် တရားစွဲထားသည်။

ယင်း ဥပဒေ ပြဌာန်းချက်အရ ထောင်ဒဏ်အားဖြင့် အနည်းဆုံး ၃ နှစ်မှ ၅ နှစ်ထိ ကျခံနိုင်ပြီး၊ ငွေဒဏ် ၅၀၀၀ ကျပ်၊ သို့မဟုတ် ပြစ်ဒဏ် နှစ်ခုစလုံးလည်း ချမှတ်နိုင်သည်။

ပါတီပြောခွင့်ရပုဂ္ဂိုလ်နှင့် ရှေ့နေဖြစ်သူ ဦးဉာဏ်ဝင်းက “ဟို .. ရေကူးတဲ့ လူက သူ့ဘာသာ သူလာတာ။ လူသားချင်း စာနာ ထောက်ထားမှုနဲ့ ခဏ နေရာပေးတယ် ဆိုတာပဲ ရှိတာ။ ဒီဟာက သူတို့ စည်းကမ်းချက်မှာ ဒါနဲ့ ပတ်သက်ပြီး ဘာမှ မပါဘူးလေ။ ဒါကို စည်းကမ်း ချမှတ်ထားတာမှ မရှိဘဲနဲ့ ဘယ်လိုလုပ် ဖောက်ဖျက်ရမှာလဲ။ အဲဒါကြောင့် ပြစ်မှု မကျူးလွန်ဘူးလို့ ပြောတာပါ” ဟု ပြောဆိုသည်။

နေအိမ်တွင် ထိန်းသိမ်းကြောင်း တားဆီးမိန့်ချစဉ်က ဒေါ်အောင်ဆန်းစုကြည် အနေဖြင့် သံရုံးများ၊ နိုင်ငံရေး ပါတီများ၊ နိုင်ငံရေး ပါတီများနှင့် ဆက်နွယ်သူများနှင့် မဆက်သွယ်ရန်၊ နေအိမ်မှ ပြင်ပသို့ ထွက်ခွာခွင့် လုံးဝ မပြုရန်နှင့် အခြားသို့ စာဖြင့် သော်လည်းကောင်း၊ စကားပြော ကြေးနန်းဖြင့် သော်လည်းကောင်း ဆက်သွယ်ခြင်း မပြုရန် ကန့်သတ် ပိတ်ပင်ထားသည်။

ဒေါ်ခင်ခင်ဝင်းနှင့် သမီးဖြစ်သူ ဒေါ်ဝင်းမမ ကို နိုင်ငံတော်အား နှောင့်ယှက် ဖျက်ဆီးလိုသူကို ကူညီမှု - ပုဒ်မ ၂၂/၁၀၉ ဖြင့် တရားစွဲသည်။

နေအိမ်အတွင်းသို့ တိတ်တဆိတ် ဝင်ရောက်ခဲ့သည့် အမေရိကန် နိုင်ငံသား ဂျွန် ဝီလီယံ ယက်တော အား နိုင်ငံတော်အား နှောင့်ယှက် ဖျက်ဆီးလိုသူကို ကူညီမှု ပုဒ်မ ၂၂/၁၀၉၊ ကန့်သတ်နယ်မြေကို ဝင်ရောက်မှုဖြင့် ရန်ကုန် မြူနီစပယ် အက်ဥပဒေ ပုဒ်မ ၂၈ ၊ လူဝင်မှုကြီးကြပ်ရေး ဥပဒေ ပုဒ်မ ၁၃(၁) ၊ အမှုနံပါတ် ၄၉/၂၀၀၉) ဖြင့် တရားစွဲလိုက်သည်။

မြူနီစပယ်ဥပဒေမှာ အင်္ဂလိပ် ကိုလိုနီခေတ်က ပြဋ္ဌာန်းခဲ့သော ဥပဒေဖြစ်ပြီး၊ ရန်ကုန် စည်ပင်သာယာ နယ်နိမိတ်အတွင်း ကန့်သတ်နေရာများသို့ ဝင်ရောက်ပါက အရေးယူနိုင်သည့် ဥပဒေ ဖြစ်သည်။

မြန်မာနိုင်ငံဆိုင်ရာ အမေရိကန် သံရုံးမှ တာဝန်ရှိသူတဦးက မစ္စတာယက်တော ရုံးထုတ်ရာ အင်းစိန်ထောင်သို့ စကားပြန်နှင့် လာရောက်ခဲ့သည်။

ယနေ့ တရားရုံးတွင် တရားသူကြီး ဦးသောင်းညွန့်၊ အကြံပေး တရားသူကြီး အဖြစ် ဦးညီညီစိုး၊ ခရိုင် ဥပဒေ အကြံပေး အရာရှိက ဦးမြင့်ကြိုင်တို့ တက်ရောက်ခဲ့သည်။

ဒေါ်အောင်ဆန်းစုကြည်ကို တရားရုံး ရမန်ဖြင့် ယခုအခါ အင်းစိန်ထောင်ထဲတွင် ဆက်လက် ထိန်းသိမ်းထားကာ၊ ယခုလ ၁၈ ရက်နေ့တွင် တရားရုံး ထုတ်မည်ဖြစ်ပြီး၊ ဒေါ်အောင်ဆန်းစုကြည်၊ ဒေါ်ခင်ခင်ဝင်းနှင့် ဒေါ်ဝင်းမမတို့ အမှုအတွက် ရှေ့နေ ဦးဉာဏ်ဝင်း၊ ဦးကြည်ဝင်းနှင့် ဦးလှမျိုးမြင့်က လိုက်ပါ ဆောင်ရွက်သွားမည်။

Ref: မဇ္ဈိမ

Read More...

Collapse...

အမျိုးသား ဒီမိုကရေစီ အဖွဲ့ချုပ် ကြေညာချက်

ကြာသပတေးနေ့၊ မေလ 14 2009

နိုင်ငံတော်အား နှောင့်ယှက် ဖျက်ဆီးလိုသူများ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ်မ ၂၂ ဖြင့် မြန်မာစစ်အစိုးရက ပါတီခေါင်းဆောင် ဒေါ်အောင်ဆန်းစုကြည်အား ယနေ့ တရားစွဲဆိုသည့်အပေါ် အမျိုးသား ဒီမိုကရေစီ အဖွဲ့ချုပ်က ကန့်ကွက်ကြောင်း ထုတ်ပြန်သည့် ကြေညာချက်ကို တင်ပြလိုက်ပါသည်။

ကြေညာချက်ကို ဦးအုန်းကြိုင် (ဗဟို သုတေသနအဖွဲ့၊ အမျိုးသား ဒီမိုကရေစီ အဖွဲ့ချုပ်) က ဖတ်ကြားပြခဲ့ခြင်း ဖြစ်ပါသည်။


အမျိုးသား ဒီမိုကရေစီ အဖွဲ့ချုပ်
ကြေညာချက်။ ၈/၀၅/၀၉

ရက်စွဲ - ၁၄၊ မေ၊ ၂ဝဝ၉ ခုနှစ်။

အမျိုးသား ဒီမိုကရေစီ အဖွဲ့ချုပ်ခေါင်းဆောင် အထွေထွေ အတွင်းရေးမှူး ဒေါ်အောင်ဆန်းစုကြည်သည် နိုဘယ်လ် ငြိမ်းချမ်းရေးဆုရှင် တဦးဖြစ်ပါသည်။ ထို့အပြင် အမျိုးသား ပြန်လည် သင့်မြတ်ရေးအတွက် မူလကနဦး စတင် ကြိုးပမ်းခဲ့သူဖြစ်ပြီး၊ တွေ့ဆုံဆွေးနွေး ညှိနှိုင်း အဖြေရှာရေးကို အစဉ်တစိုက် ကြိုးပမ်းနေသူ ဖြစ်ပါသည်။ နိုင်ငံရေးအရ အပေးအယူ ပြုလုပ်သည့် ပြုပြင် ပြောင်းလဲနိုင်စွမ်း ရှိသူ ဖြစ်ပါသည်။

ကုလသမဂ္ဂ အပါအဝင် နိုင်ငံတကာ အဖွဲ့အစည်းများက မြန်မာနိုင်ငံ အသွင်ကူးပြောင်းရေး လုပ်ငန်းစဉ်များတွင် သက်ဆိုင်သူများ အားလုံး ပူးပေါင်းပါဝင် လုပ်ဆောင်ကြရန် တွေ့ဆုံဆွေးနွေးရေးမှတဆင့် အမျိုးသား ပြန်လည်သင့်မြတ်ရေးကို တည်ဆောက်ရန်အတွက် တိုက်တွန်းနှိုးဆော်လျက် ရှိပါသည်။

သို့ပါလျက် အာဏာပိုင်တို့က နေအိမ်အတွင်း ထိန်းသိမ်းထားခြင်းမှ အပြီးအပြတ် လွတ်ရက် စေ့ခါနီးနေသော ဒေါ်အောင်ဆန်းစုကြည်အား မည်သည့် ပြစ်မှုကိုမျှ ကျူးလွန်ရခြင်း မရှိပါဘဲ နိုင်ငံတော်အား နှောင့်ယှက် ဖျက်ဆီးလိုသူများ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ်မ ၂၂ အရ နောက်ဆုံး အင်းစိန် ထောင်အတွင်းရှိ လုံးချင်း အိမ်တအိမ်၌ ထားရှိသည်ဟု ကြားသိရပါသည်။

ယင်းအမှုကို ၂ဝဝ၉ ခုနှစ်၊ မေလ ၁၈ ရက်နေ့တွင် စတင်စစ်ဆေးမည် ဖြစ်ပါသည်။

ထို့ကဲ့သို့ တရားစွဲဆိုခြင်းမှာ မလုပ်သင့်၊ မလုပ်ထိုက်သောကြောင့် အမျိုးသား ဒီမိုကရေစီအဖွဲ့ချုပ်က ပြင်းထန်စွာ ကန့်ကွက်ကြောင်း ကြေညာလိုက်သည်။

၁၄ ရက်၊ မေလ ၂ဝဝ၉ ခုနှစ်တွင် ကျင်းပသော ဗဟိုအလုပ်အမှုဆောင် အဖွဲ့ အစည်းအဝေး ဆုံးဖြတ်ချက်အရ -

(ဗဟိုအလုပ်အမှုဆောင်)
အမျိုးသား ဒီမိုကရေစီ အဖွဲ့ချုပ်

Ref: မဇ္ဈိမ

Read More...

Collapse...

နေ့စဉ်သတင်းများ (၁၄ - ၅ - ၀၉ )

■ အမှုမစစ်ဆေးမီ ဒေါ်အောင်ဆန်းစုကြည်ကို အင်းစိန်ထောင်အတွင်း ထာ သတင်း
■ ဒေါ်အောင်ဆန်းစုကြည်ကို အင်းစိန်ထောင်တွင် ချုပ်နှောင်ထား၊ ပုဒ်မ ၂၂ ဖြင့် စစ်အစိုးရက တရားစွဲ သတင်း
■ ရန်ကုန်မြို့ခံများ ဒေါ်အောင်ဆန်းစုကြည်သတင်းကြောင့် အံ့သြဒေါသထွက် သတင်း
■ ထိန်းသိမ်းခံ အမေရိကန်လူမျိုးအတွက် အကျိုးဆောင်လိုက်ပါခွင့်ရရေး သံရုံးမှ ကြိုးစားနေ သတင်း
■ ဗီးစပ်ရွက်သောက်သုံးသည့် အေအိုင်ဒီအက်စ်ဝေဒနာရှင်များ အသက်အန္တရာယ် ကြီးမား သတင်း
■ တပ်ဖွဲ့စည်းပုံပြင်ဆင်ရေးကို အန်ဒီအေ(ကချင်) မူအရသဘောတူ သတင်း
■ လက်ဝါးကြီးအုပ် ခေါင်းပုံဖြတ်မှုကြောင့် ငါးရှဥ့်မှောင်ခိုဖြစ် သတင်း
■ အကြီးဆုံး မြေရှင်နအဖစစ်အစိုးရနဲ့ သူတို့ရဲ့ ချစ်တီးလက်သစ်များ (ဆောင်းပါး)

Read More...

Collapse...

လေတပ်မှ အရာရှိငါးဦး ကိုဖမ်းဆီးထိန်းသိမ်းထား

၁၂ မေ ရန်ကုန်၊

Burma:Air force officers detainees

မင်္ဂလာဒုံ လေတပ် စခန်းနှင့် လေကြောင်းရန် ကာကွယ်ရေး ဌာနမှ အရာရှိ စစ်သည် ငါးဦးထက် မနည်း ကို ယခု လ ၈ ရက် နေ့ က ဖမ်းဆီးထိန်း သိမ်းထားကြောင်း မင်္ဂလာဒုံ လေတပ်စခန်းမှ အရာရှိ တစ်ဦးက Freedom News Group သို့ ပြောသည်။

လေတပ် အရာရှိ ငါးဦးအပါအ၀င် အခြားအဆင့် နှစ်ဦး အဖမ်းခံရသည့် အကြောင်းအရင်းမှာ မည်သည့် အတွက်ကြောင့် ဖြစ်သည် ဆိုသည်ကိုမူ ဖမ်းဆီးခံရသူတို့၏ မိသားစုဝင်များပင် မသိရှိသေးဟု အမည်မဖေါ်လိုသော ထိုအရာရှိက ပြောသည်။

လေတပ် အရာရှိများ ဖမ်းဆီးခံရမှုသည် မကြာသေးခင် က ဖြစ်ပွားခဲ့သည့် လေတပ်ဗိုလ် ဖုန်းဇော်
အေးနှင့် ဆက်နွယ်မှု ရှိသည် ဟု လေတပ်အရာရှိ များကြားတွင် ထင်မြင်ချက် ပေးနေမှု များရှိသည်။

အမည်မဖေါ်လိုသော လေတပ်အရာရှိ ကမူ “နိုင်ငံတော် ၀န်ကြီးချုပ် ဗိုလ်ချူပ်ကြီးသိန်းစိန် ၏ မကြာခင်က ကချင်ပြည်နယ် ခရီးစဉ် တွင် လေတပ်အရာရှိ များ၏ တာဝန် လစ်ဟင်းမှု တစ်ချို့ ကြောင့်ယခုကဲ့သို့ ဖမ်းဆီး ထိန်းသိမ်းခြင်း” ဖြစ်နိုင်သည် ဟု သုံးသပ်သည်။

ယခု ဖမ်းဆီးခံရသည့် လေတပ်အရာရှိများတွင် ယခင် လေတပ် ထောက်လှမ်းရေး အကြီးအကဲ ဗိုလ်မှုးချူပ် သိန်းဆွေ ၏ ချွေးမ ဖြစ်သူ ယခင်မြန်မာ တိုင်း ဂျာနယ် ပူးတွဲ ပိုင်ရှင်ဟောင်း ကိုမြတ်ဆွေ ဆန်နီဆွေ(ယခု ထောင်ဒဏ်ကျခံနေရသူ) နှင့် မယမင်းတို့၏ သူငယ်ချင်း ဖြစ်သူ အရာရှိ တစ်ဦးလည်း လည်းပါဝင်သည် ဆိုသဖြင့် အခြေအနေများမှာ ခန့်မှန်းရ ခက်နေသည် ဟု သိရသည်။

ဗိုလ်မှုးချူပ် သိန်းဆွေ မှာ စစ်ထောက်လှမ်းရေးကို ၂၀၀၄ ခုနှစ်က ဖယ်ရှားစဉ်က ပထမ ဦးဆုံး ရန်ကုန်တွင် ဖမ်းဆီး ခံရသောသူ ဖြစ်ပြီး ထောင်ဒဏ် ၅၄ နှစ် အပြစ်ပေး ခံထားရသည်။

လေတပ်အရာရှိများ ဖမ်းဆီးခံခြင်း မတိုင်ခင် နှစ်ပတ်အလို က ရုရှားမှာ လေသူရဲ နှစ်ဦးက မြန်မာ လေသူရဲများအား လေယာဉ်မောင်းနှင်မှု လေ့ကျင့် ပေးခဲ့သည်ဟု သိရသည်။ ဖမ်းဆီး ခံရသည် အရာရှိများကို မည်သည့်နေရာတွင် စစ်ဆေး မေးမြန်းနေသည်ကို မသိရှိရသေးချေ။ လက်ရှိ လေတပ် ဦးစီးချူပ်မှာ ဒုတိယဗိုလ်ချူပ်ကြီး မြတ်ဟိန်းဖြစ်သည်။ လေကြောင်းရန် ကာကွယ်ရေး ဌာန ဦးစီးချူပ်မှာ ဒုတိယ ဗိုလ်ချူပ်ကြီး မြင့်လှိုင်ဖြစ်သည်။

Ref: Freedom News Group

Read More...

Collapse...

နေ့စဉ်သတင်းများ (၁၃- ၅- ၀၉)

■ အဖမ်းခံထားရသူ အမေရိကန်နိုင်ငံသား သံရုံးနှင့် တွေ့ပြီ သတင်း
■ အင်တာနက်စာမျက်နှာတချို့တွင် ဒေါ်အောင်ဆန်းစုကြည်ကို တိုက်ခိုက် သတင်း
■ လက်နက်တိုက်ဖောက်ခံရမှုကို စစ်ဆေးရာ အရပ်သားတဦး စိတ်ဖောက်ပြန်သွား သတင်း
■ စစ်ပြေးဒုက္ခသည်တွေအတွက် ပါကစ္စတန် အကူအညီတောင်း သတင်း
■ အကြွေးမဆပ်နိုင်သည့် လယ်သမားများ လယ်ထွက်ပစ္စည်းနှင့် လယ်များအသိမ်းခံရ သတင်း
■ စစ်အစိုးရ၀န်ကြီးချုပ်ညွှန်ကြားတဲ့ တရားစီရင်ရေးမဏ္ဍိုင် တည့်မတ်ခိုင်မာရေးအပေါ် AHRC အမြင် သတင်း
■ ဆိတ်ကွယ်ရာက လူသတ်ကွင်း အစီရင်ခံစာ အေအေပီပီ ထုတ်ပြန် သတင်း
■ ပဲခူးတွင် ဟိန္ဒူနှင့် တမီးလ်လူမျိုးများကို မှတ်ပုံတင်ထုတ်ပေး သတင်း
■ မြေပုံမြို့နယ်မှ ကျေးရွာသားများကို နအဖစစ်သားများက လုပ်အားစေခိုင်းပြန်ပြီ သတင်း
■ စီပွားရေးကျဆင်းမှုကြောင့် ကျောင်းသားမိဘများက သားသမီးများကို အဆောင်မထားပေးနိုင် သတင်း
■ ရွှေတြိဂံဒေသ မူးယစ်ဂိုဏ်းခေါင်းဆောင် အခုထိမမိ ဖမ်းထားသည့် သူ့အဆက်များ အာမခံငွေဖြင့် စစ်အစိုးရ ပြန်လွှတ်ပေး သတင်း
■ ဗမာ့တပ်မတော် စစ်တပ်/စစ်ကြောင်းများ၏ မူအမျိုးမျိုးကြောင့် ဆင်းရဲသည့်ပြည်သူများ ပိုဒုက္ခရောက် သတင်း
■ မြန်မာနယ်စပ်အနီး ဘင်္ဂလားမှ စစ်ရေးလေ့ကျင့် သတင်း
■ အိန္ဒိယ တလကြာ ရွေးကောက်ပွဲ ပြီးဆုံး သတင်း
■ သီရိလင်္ကာဆေးရုံ တိုက်ခိုက်ခံရမှု အရပ်သား ၅၀ဦး သေဆုံး သတင်း

Read More...

Collapse...

ကစထ မှူး (၃) နေရာအား အပြောင်းအလဲပြုလုပ်

၂ဝဝ၉ ခုနှစ် မေလ ၁၃ ရက်

ကာကွယ်ရေးဝန်ကြီးဌာန စစ်ဆင်ရေး အထူးအဖွဲ့မှူး (ကစထ) (၃) ဦးအား နေရာလဲလှယ် ပြောင်းရွှေ့လိုက်ကြောင်း စစ်ဖက် သတင်းများအရ သိရသည်။

လဲလှယ် ပြောင်းရွှေခဲ့သည့် ကစထမှူး နေရာ (၃) နေရာတွင် အပစ်အခတ် ရပ်စဲရေး ပြုလုပ်ထားသော တိုင်းရင်းသား လက်နက်ကိုင် အဖွဲ့များ ရပ်တည် လှုပ်ရှားနေသည့် ပြည်နယ်၊ တိုင်းများကို ကိုင်တွယ် ကွပ်ကဲရသည့် ကစထ မှူးများ ပါဝင်သည်။ အပစ်ရပ် အဖွဲ့များ၏ လက်နက်ကိုင် တပ်ဖွဲ့များကို အသွင် ပြောင်းလဲ ဖွဲ့စည်းရန် မြန်မာ စစ်အစိုးရက အဆိုပြု ပြောဆိုနေချိန်နှင့် တပြိုင်နက် ကစထ မှူးများကို လဲလှယ် ပြောင်းရွှေ့ခဲ့ခြင်း ဖြစ်သည်။

ယခင် အမှတ် (၄) ကစထမှူး ဒု ဗိုလ်ချုပ်ကြီး သာအေးကို ကချင် အပစ်ရပ် အဖွဲ့များကို ကိုင်တွယ် ကွပ်ကဲရမည့် အမှတ် (၁) ကစထမှူး အဖြစ် ပြောင်းရွှေ့ခဲ့သည်။ ယခင် အမှတ် (၆) ကစထမှူး ဒု ဗိုလ်ချုပ်ကြီး ခင်ဇော်ကို ကရင်၊ မွန် အပစ်ရပ် အဖွဲ့များကို ကိုင်တွယ် ကွပ်ကဲရမည့် အမှတ် (၄) ကစထ မှူးအဖြစ် ပြောင်းရွှေ့ခဲ့သည်။ ယခင် အမှတ် (၁) ကစထ မှူး ဗိုလ်ချုပ် အုန်းမြင့်ကို အမှတ်
(၆) ကစထ မှူး အဖြစ် လဲလှယ် ပြောင်းရွှေ့ခဲ့သည်။

၂ဝဝ၆ ခုနှစ်မှစတင်၍ ကစထမှူး (၄) ဦးအား (၆) ဦးအထိ တိုးချဲ့ ဖွဲ့စည်းခဲ့ခြင်း ဖြစ်ပြီး ၂ဝဝ၁ ခုနှစ် နိုဝင်ဘာလ တွင် “စစ်ဆင်ရေး အထူး အဖွဲ့မှူးများအား ပေးအပ်ထားသည့် စစ်ဆင်ရေး တာဝန်အပြင် ၄င်းတို့အမည် နှင့် ယှဉ်တွဲ ဖေါ်ပြထားသော ဒေသ အသီးသီးတွင် နယ်ဘက် တာဝန်ဖြစ်သော နိုင်ငံရေး၊ စီးပွားရေး၊ လူမှုရေး ကဏ္ဍဆိုင်ရာ လုပ်ငန်းများကို အစိုးရအဖွဲ့ ကိုယ်စား လှည့်လည် ကြီးကြပ် ကွပ်ကဲ ဆောင်ရွက်ရန် ဖြစ်သည်” ဟု အမိန့်ကြေငြာစာ အမှတ် ၄၂/၂ဝဝ၁ ဖြင့် စစ်ကောင်စီက ထုတ်ပြန်ခဲ့သည်။

အမှတ် (၁) ကစထမှူး ဒု ဗိုလ်ချုပ်ကြီး သာအေးသည် ကချင်ပြည်နယ်/ စစ်ကိုင်းတိုင်း/ မန္တလေးတိုင်း၊ အမှတ် (၂) ကစထမှူး ဗိုလ်ချုပ် မင်းအောင်လှိုင်သည် ကယားပြည်နယ်/ ရှမ်းပြည်နယ်၊ အမှတ် (၃) ကစထမှူး ဗိုလ်ချုပ် ကိုကိုသည် ဧရာဝတီတိုင်း/ ပဲခူးတိုင်း၊ အမှတ် (၄) ကစထမှူး ဒု ဗိုလ်ချုပ်ကြီး ခင်ဇော်သည် ကရင်ပြည်နယ်/ မွန်ပြည်နယ်/ တနင်္သာရီတိုင်း၊ အမှတ် (၅) ကစထမှူး ဒု ဗိုလ်ချုပ်ကြီး မြင့်ဆွေသည် ရန်ကုန်တိုင်း၊ အမှတ် (၆) ကစထမှူး ဗိုလ်ချုပ် အုန်းမြင့်သည် ရခိုင်ပြည်နယ်/ မကွေးတိုင်း/ ချင်းပြည်နယ် တို့ကို ကိုင်တွယ် ကွပ်ကဲမည်ဟု သိရသည်။

ကစထမှူးများသည် နအဖ စစ်ကောင်စီအဖွဲ့ဝင်များ ဖြစ်ကြပြီး အပစ်ရပ် အဖွဲ့များ၏ လက်နက်ကိုင် တပ်များ အသွင် ပြောင်းရေးအတွက် “အသွင်ကူးပြောင်းရေး မူဝါဒ ကော်မတီ” အဖွဲ့ဝင်များ ဖြစ်သည်ဟု သိရသည်။

အပစ်ရပ်အဖွဲ့များ၏ လက်နက်ကိုင်တပ်များ အသွင်ပြောင်းရေးတွင် အသွင် ကူးပြောင်းရေး မူဝါဒ ကော်မတီ၊ အသွင် ကူးပြောင်းရေး လုပ်ငန်းကော်မတီ၊ အသွင် ကူးပြောင်းရေး တိုင်းအဆင့် လုပ်ငန်းကော်မတီ အဖြစ် ဖွဲ့စည်းခဲ့သည်ဟု သိရသည်။

အသွင်ကူးပြောင်းရေး မူဝါဒကော်မတီ တွင် ဥက္ကဌ ဗိုလ်ချုပ်မှူးကြီး သန်းရွှေ၊ ဒု ဥက္ကဌ ဒု ဗိုလ်ချုပ်မှူးကြီး မောင်အေး၊ အဖွဲ့ဝင်များအဖြစ် စစ်ကောင်စီ အဖွဲ့ဝင်များဖြစ်ပြီး အတွင်းရေးမှူး အဖြစ် တပ်မတော် စစ်ဘက်ရေးရာ လုံခြုံရေး အရာရှိချုပ် ဒု ဗိုလ်ချုပ်ကြီး ရဲမြင့်၊ တွဲဖက် အတွင်းရေးမှူး အဖြစ် ပြည်သူ့စစ်နှင့် နယ်ခြား တပ်များ ညွန်ကြားရေးမှူး ဗိုလ်ချုပ် သန်းမောင် ဖြစ်သည်ဟု သိရသည်။ အသွင် ကူးပြောင်းရေး လုပ်ငန်း ကော်မတီတွင် ဥက္ကဌ တပ်မတော် စစ်ဘက်ရေးရာ လုံခြုံရေး အရာရှိချုပ် ဒု ဗိုလ်ချုပ်ကြီး ရဲမြင့်၊ အဖွဲ့ဝင်အဖြစ် တိုင်းမှူးများနှင့် ကာကွယ်ရေး ဝန်ကြီးဌာန ဦး/ရေး/ထောက် ဆိုင်ရာ တပ်မတော် အရာရှိကြီးများ ပါဝင်ပြီး အတွင်းရေးမှူး အဖြစ် ပြည်သူ့စစ်နှင့် နယ်ခြားတပ်များ ညွန်ကြားရေးမှူး ဗိုလ်ချုပ် သန်းမောင်၊ တွဲဖက် အတွင်းရေးမှူး အဖြစ် တပ်မတော် စစ်ဘက်ရေးရာ လုံခြုံရေး အရာရှိချုပ်ရုံး စစ်ဦးစီးမှူး (ပထမတန်း) ဒု ဗိုလ်မှူးကြီး မျိုးမြင့် ဖြစ်သည်ဟု သိရသည်။ အသွင် ကူးပြောင်းရေး တိုင်းအဆင့် လုပ်ငန်း ကော်မတီတွင် ဥက္ကဌ များသည် တိုင်းမှူးများဖြစ်ပြီး အဖွဲ့ဝင်များအဖြစ် ဒု တိုင်းမှူး၊ ဗျုဟာမှူး၊ တိုင်းအဆင့် တပ်မတော် စစ်ဘက်ရေးရာ လုံခြုံရေးဌာန စစ်ဦးစီးမှူး (ပထမတန်း) များနှင့် ဦး/ရေး/ထောက် ဆိုင်ရာ စစ်ဦးစီးမှူး (ပထမတန်း) များ ပါဝင်သည်ဟု သိရသည်။

Read More...

Collapse...

၂ဝ၁ဝ၊ အရာရှိငယ်နဲ့ အသိဂလိုဘယ်

ဂါမဏိ

ရွေးကောက်ပွဲလုပ်မယ်လို့ နအဖ ကြေညာထားတဲ့ ၂ဝ၁ဝ ပြည့်နှစ် ထဲဝင်ဖို့ (၈) လပဲလိုပါတော့တယ်။ ဒါပေမယ့် စစ်အစိုးရဟာ ရွေးကောက်ပွဲဥပဒေ၊ ပါတီ မှတ်ပုံတင် ဥပဒေတွေ ဘာတခုမှ မထုတ်ပြန်သေး သလို ရွေးကောက်ပွဲ ကော်မရှင် ဖွဲ့တာလည်း မရှိသေးပါဘူး။ ၁၉၉ဝ မေလ ရွေးကောက်ပွဲ အတွက် ကော်မရှင် ဥပဒေ၊ နိုင်ငံရေးပါတီများ မှတ်ပုံတင်ခြင်း ဥပဒေတွေကို ၁၉၈၈ စက်တင်ဘာမှာ ထုတ်ပြန်ခဲ့ပြီး ရွေးကောက်ပွဲ ဥပဒေကို ၁၉၈၉ မေလမှာ ထုတ်ခဲ့ပါတယ်။ ရွေးကောက်ပွဲ ရက်ကို (၇) လအလို ၁၉၈၉ နိုဝင်ဘာမှာ ကြေညာပြီး စည်းရုံး မဲဆွယ်ခွင့်ကိုတော့ (၃) လအလို ၁၉၉ဝ ဖေဖော်ဝါရီလ ကျမှ ပေးခဲ့ပါတယ်။ ဒါပေမယ့် ၈လေးလုံး အရေးတော်ပုံ ကြီးရဲ့အရှိန်နဲ့ နိုင်ငံရေး ပါတီတွေ ရပ်တည် လှုပ်ရှားခွင့် အတော်အတန် ရထားတဲ့အတွက် ၉ဝ ဖေဖော်ဝါရီ မတိုင်ခင်ကတည်းက စည်းရုံးထားနိုင်လို့ ရွေးကောက်ပွဲကျတော့ အမျိုးသား ဒီမိုကရေစီ အဖွဲ့ချုပ် အောင်နိုင်ခဲ့တာ ဖြစ်ပါတယ်။

အခုလည်း နအဖဟာ ရွေးကောက်ပွဲရက်နဲ့ အတူ ရွေးကောက်ပွဲဥပဒေ၊ ပါတီဥပဒေတွေကို (၄-၅) လအလိုမှာ ကြေညာ၊ မဲဆွယ်ခွင့်ကို တလ နှစ်လလောက်ပဲ ပေးမယ့် လက္ခဏာ တွေ့နေရပါတယ်။ တဖက်မှာတော့ ကြံ့ဖွံ့နဲ့ လက်ကိုင်တုတ် သို့မဟုတ် နောက်လိုက် ခွေးအဖွဲ့တွေ ကတော့ ခုကတည်းက စည်းရုံး လှုပ်ရှားခွင့် ရနေပါတယ်။

၁၉၉ဝ ရွေးကောက်ပွဲ၊ (၁၄) နှစ်ကြာ အမျိုးသားညီလာခံနဲ့ ၂ဝဝ၈ ဆန္ဒခံယူပွဲ အတွေ့အကြုံတွေ ရထားတဲ့ စစ်အုပ်စု ဟာ ၂ဝ၁ဝ ပွဲမှာတော့ အတိုက်အခံတွေ ဘယ်လိုမှ နေရာမရအောင် လုပ်ဖို့ စီစဉ်ပြင်ဆင်ထားမှာ မြေကြီးလက်ခတ် မလွဲပါဘဲ။ နောင်မှာ ယောင်းမ မြင်းစီးထွက်လို့ ပွဲပျက်နိုင်တဲ့ ရူးကြောင်မူးကြောင် လက်ကိုင်တုတ် တွေကိုတောင် နေရာပေးမယ့် အလားအလာ မရှိပါဘူး။ အချိန်တခု အသုံးချ လူမိုက်မွေးတာလောက်ပဲ လုပ်ပြီး ဘုရားပြီး ငြမ်းဖျက်ခံရမှာ မြင်ယောင်ပါသေးတယ်။

စစ်အုပ်စုဆိုတာ ကိုယ့်လူရင်း ကိုယ့်စက်ရုပ်ကလွဲပြီး တခြားဘယ်သူ့ကို မဆို ဦး ၄* စာရင်းထဲထည့်တဲ့ အစွန်းရောက် စစ်အာဏာ မူရင်းစွဲဝါဒီ Military Fundamentalist ဖြစ်ပါတယ်။ သမိုင်းတလျှောက်မှာ ဗိုလ်လက်ျာ၊ ဗိုလ်တင်ထွဋ်၊ ဗိုလ်စောကြာဒိုး၊ ဗိုလ်စမစ်ဒွန်း၊ ဗိုလ်ကျော်ဇော၊ ဗိုလ်အောင်ရွှေ၊ ဗိုလ်မောင်မောင်၊ ဗိုလ်အောင်ကြီး၊ ဗိုလ်ကြည်မောင်၊ ဗိုလ်စောမြင့်၊ ဗိုလ်တင်ဖေ၊ ဗိုလ်စိန်မြ၊ ဗိုလ်မောင်ရွှေ၊ ဗိုလ်တင်ဦး (ယခု အန်အယ်လ်ဒီ)၊ ဗိုလ်ထွန်းလင်းနဲ့ မဆလ အတွင်းရေးမှူး အဖွဲ့၊ ဗိုလ်တင်ဦး (မျက်မှန်)၊ ဗိုလ်စောမောင်၊ ဗိုလ်ထွန်းကြည် - ဗိုလ်ကျော်ဘနဲ့ နဝတ တိုင်းမှူး တပ်မှူးဟောင်းအဖွဲ့၊ ဗိုလ်တင်ဦး (တွင်း-၂)၊ ဗိုလ်နေဝင်းနဲ့ မဆလ-တစည တပ်မှူးဟောင်းအဖွဲ့၊ ဗိုလ်ခင်ညွန့် စသဖြင့် အထင်အရှား ရှိပါတယ်။

အခု ၂ဝ၁ဝ အတွက် ပြဿနာက အတိုက်အခံအဖြစ် ပြည်တွင်းပြည်ပက သိထားကြတဲ့ အန်အယ်လ်ဒီတွေ၊ ကျောင်းသားတွေ၊ တိုင်းရင်းသားတွေ မဟုတ်ပါဘူး။ ဒါတွေကို ဗိုလ်သန်းရွှေရဲ့ကိုယ်ပိုင် အထူးသီးသန့် ကြပ်ပြေး မြို့တော်သစ်ကြီးက မဟာလွှတ်တော် သစ်ကြီးမှာ စတိသဘောတောင် ခြေချခွင့် မပေးဖို့ အငြိုးတကြီးနဲ့ ပြတ်ပြတ် သားသား ဆုံးဖြတ် စီစဉ်ထားပါတယ်။ ဒါပေမယ့် အခုတော့ ဒီ့ထက်ဆိုးတဲ့ ပြဿနာကို ဗိုလ်သန်းရွှေ တယောက် မရှောင်နိုင်မလွှဲနိုင် ရင်ဆိုင်နေရပါပြီ။

အဲဒါကတော့ တမတ်သားပြဿနာ သို့မဟုတ် (၂၅) ရာခိုင်နှုန်း ကိစ္စဖြစ်ပါတယ်။ အမျိုးသား လွှတ်တော်နဲ့ ပြည်သူ့ လွှတ်တော်မှာ ထည့်ရမယ့် စစ်သား ကိုယ်စားလှယ် အရေအတွက်က (၁၆၆) ယောက် (၅၆ + ၁၁ဝ)၊ ဒေသကြီး-ပြည်နယ် လွှတ်တော် (၁၄) ခုနဲ့ ကိုယ်ပိုင် အုပ်ချုပ်ခွင့်ရ နယ်မြေဦးစီးအဖွဲ့ (၆) ခုတို့မှာ ထည့်ရမယ့် စစ်သား ကိုယ်စားလှယ် အရေအတွက် ကလည်း အနည်းဆုံး (၃ဝဝ) လောက်၊ ဗဟို အစိုးရအဖွဲ့ထဲမှာ ကာကွယ်ရေး၊ ပြည်ထဲရေးနဲ့ နယ်စပ်ရေးရာ ဝန်ကြီးတွေက (၃) နေရာ၊ ဒေသကြီး-ပြည်နယ်အစိုးရ (၁၄) ခုနဲ့ ကိုယ်ပိုင် အုပ်ချုပ်ခွင့်ရ နယ်မြေ ဦးစီးအဖွဲ့ (၆) ခုတို့မှာ လုံခြုံရေးနဲ့ နယ်စပ်ရေးရာ ဝန်ကြီး (၂) နေရာစီက အယောက် (၄ဝ) ဆိုတော့ စစ်သားအလုပ် မဟုတ်တဲ့ အရပ်သား အလုပ်ကို ယူနီဖောင်း မချွတ်ဘဲ ဝင်လုပ်ရမယ့် စစ်ဗိုလ်တွေက အနည်းဆုံး (၅ဝဝ) လောက်ရှိနေပါတယ်။ နအဖဟာ ဒီလိုနေရာ တွေကို အခြားအဆင့်ဖြစ်တဲ့ တပ်သားတွေ အကြပ်တွေကို တာဝန်ပေးမှာ မဟုတ်ဘဲ အရာရှိတွေကိုသာ ထားမှာလည်း ဖြစ်ပါတယ်။ အခြား အဆင့်တွေကတော့ ထုံးစံအတိုင်း ဖက်တိတ်** နဲ့ လုပ်အားပေးပဲ ရွေးစရာရှိပါတယ်။

ဒါ့အပြင် ကြံ့ဖွံ့ပါတီ သို့မဟုတ် တခြားနအဖပါတီ တခုခုထဲပါပြီး ဗဟိုအစိုးရဝန်ကြီး၊ ပြည်နယ်-ဒေသကြီး အစိုးရ ဝန်ကြီး၊ ပြည်နယ်-ဒေသကြီး ဝန်ကြီးချုပ်၊ ကိုယ်ပိုင် အုပ်ချုပ်ခွင့်ဒေသ ဦးစီးဥက္ကဋ္ဌ စသဖြင့်လုပ်ဖို့ ယူနီဖောင်းချွတ်ရ မယ့် စစ်ဗိုလ်တွေလည်း လိုပါသေးတယ်။

မဆလခေတ်က ပြည်သူ့လွှတ်တော်တွေမှာလည်း တိုင်းမှူး၊ တပ်မမှူး စသဖြင့် တပ်ဖက်က အရာရှိကြီးတွေ ပါဝင်ခဲ့ ကြဖူးပါတယ်။ ဒါပေမယ့် အဲဒီတုန်းက ဗြောင်အတိအလင်း တပါတီ အာဏာရှင်စနစ် ကျင့်သုံးတဲ့ အချိန်ဆိုတော့ လွှတ်တော်ဆိုတာ တနှစ်လုံးမှ နှစ်ခါပဲထိုင်ပြီး တခါထိုင်ရင်လည်း အလွန်ဆုံး တပတ်လောက်ပဲ ကြာတာဖြစ်ပါတယ်။ ဒါကြောင့် စစ်ဗိုလ်တွေဟာ မူလတပ်တာဝန်ကို မစွန့်လွှတ်ဘဲ လွှတ်တော်မှာ ပါလို့ရခဲ့ပါတယ်။ အခုတော့ အများအမြင် မှာ ပါတီစုံ ဒီမိုကရေစီ လွှတ်တော်အဖြစ် ပြရမှာဆိုတော့ တနှစ်ကို နှစ်ခါလောက် (၄-၅) ရက် စတိသဘောထိုင်ပြလို့ မဖြစ်တော့ပါဘူး။ ဒီမိုကရေစီနိုင်ငံက လွှတ်တော်တွေလို အချိန်ပြည့် အလုပ်လုပ်ပြရမှာ ဖြစ်ပါတယ်။

လူဦးရေ သန်း (၂ဝဝ) ရှိတဲ့ အင်ဒိုနီးရှားနိုင်ငံက အရင်ဆူဟာတို အာဏာရှင်ခေတ် လွှတ်တော်မှာ ရွေးကောက်မခံရ တဲ့ စစ်ဗိုလ် အများဆုံး (၁ဝဝ) ပဲပါလို့ စစ်ယူနီဖောင်း မချွတ်ဘဲ တပ်ကထုတ် အမတ်လုပ်ရတဲ့ အရေအတွက်က ဗိုလ်သန်းရွှေ မျှော်မှန်းထားတဲ့ ဗမာပြည်နဲ့ယှဉ်ရင် မပြောပလောက် ပါဘူး။

လွှတ်တော်တွေ၊ အစိုးရတွေထဲမှာ ကိုယ့်အတွက် အပိုင်ဖြစ်အောင် စိတ်ချရတဲ့ တပ်မတော် အရာရှိကြီးတွေ၊ အရာရှိလတ်တွေ ထည့်မှဖြစ်မှာဆိုတော့ တပ်တွင်း အရေးကြီး နေရာတွေကို အောက်ဆင့်က အရာရှိငယ်တွေ တင်ရတော့မှာ ဖြစ်ပါတယ်။ အဲသလို မလုပ်ရင်လည်း အရာရှိငယ်တွေကို လွှတ်တော်တွေနဲ့ အစိုးရတွေထဲ ထည့်ရပါလိမ့်မယ်။ စိတ်ချရတဲ့ တပ်မတော် အရာရှိကြီးတွေ၊ အရာရှိလတ်တွေ ဆိုတာက ဗိုလ်သန်းရွှေ ကောင်းကောင်း သိထားတဲ့လူတွေ၊ ကိုယ် ရင်းမှူးဖြစ်ချိန်မှာ အနိမ့်ဆုံး တပ်စိတ်မှူးလောက် ဖြစ်ခဲ့ဖူးလို့ သစ္စာရှိနိုင် မရှိနိုင် တစုံတရာ အဆင့်အထိ အနီးကပ် တွက်ချက် အကဲခတ် နိုင်သူတွေ ဖြစ်ပါတယ်။

ဒါကြောင့် အရေးကြီးစစ်ဘက်ရာထူးတွေကို ကိုယ်နဲ့ တပ်တွင်းမှာ မဆုံဖူးသူတွေ၊ အပတ်စဉ်ချင်း တအားကွာတဲ့ အရာရှိတွေ၊ သစ္စာရှိမှုကို ကြားအဆင့်တွေ အများကြီးခံပြီးမှ အကဲဖြတ်နိုင်သူတွေကို ပေးရတော့မယ့် အခြေအနေ ဆိုက်နေပါပြီ။ အဲဒီတော့ ဒီအရာရှိငယ်တွေမှာ “ငါ့နိုင်ငံတော်၊ ငါ့နိုင်ငံသား၊ ငါ၏ တပ်မတော်အတွက်” ဆိုပြီး “အထက်မှ ပေးအပ်သော အမိန့်နှင့် တာဝန်များကို ကျေပွန်စွာ ထမ်းဆောင်” ဖို့ “သစ္စာကို စောင့်သိရိုသေ” မယ့် သစ္စာလေးချက် ခံယူမှုဟာ ဗိုလ်သန်းရွှေရဲ့ အနီးကပ် အရာရှိကြီးတွေနဲ့ တထပ်တည်း ကျနိုင်ပါ့မလား။ ဒါဟာ ဒီကနေ့ ၂ဝ၁ဝ အကြိုမှာ ဗိုလ်သန်းရွှေအတွက် အကြီးအကျယ် ခေါင်းခဲစရာ ဧရာမ ပြဿနာကြီး ဖြစ်နေပါပြီ။

ဒီနေရာမှာ ကနေ့တပ်မတော်တွင်းက အရာရှိငယ်တွေရဲ့ အသိအမြင်ကို အတိုင်းအတာ တခုအထိ ရိုက်ခတ် သြဇာ သက်ရောက်နေတဲ့ အတွေးအခေါ် သို့မဟုတ် အသိအမြင်တခုကို အလေးထားဖို့ လိုလာပါတယ်။ အဲဒါကတော့ ဂလိုဘယ်လိုက်ဇေးရှင်း အသိအမြင်ပါပဲ။ ဗိုလ်သန်းရွှေနဲ့ ထိပ်သီး ဗိုလ်ချုပ်တွေက ၂၁ ရာစု ကမ္ဘာကြီးနဲ့ အဆက်ဖြတ်ပြီး ဈေးကွက်စီးပွားရေး နာမည်ခံ ဈေးဖျက် စီးပွားရေးနဲ့ တံခါးဖွင့် စီးပွားရေးနာမည်ခံ ကိုယ့်အိမ်တံခါးဖွင့် ကိုယ်ကျိုးရှာ စီးပွားရေး စနစ်တွေ ကျင့်သုံးနေချိန်မှာ သူပုန် လူထွက် စာရေးဆရာ တဦးရဲ့ ကျွမ်းကျွမ်းကျင်ကျင် ဝါဒဖြန့် ပညာပေးမှုကြောင့် အရာရှိငယ်တွေ မှာတော့ ဒီနေ့ကမ္ဘာမှာ တိုင်းပြည် စီးပွားရေးကို တိုးတက်စေတဲ့ ဂလိုဘယ် လိုက်ဇေးရှင်းနဲ့ လစ်ဘရယ် လိုက်ဇေးရှင်း စီးပွားရေး ဘဝတွေကို ယုံကြည်စိတ် အားကျစိတ်တွေ တဖွားဖွား ပေါ်ပေါက်နေတာကို တွေ့နေရပါတယ်။

အဲဒီစာရေးဆရာဟာ နိုင်ငံခြားတက္ကသိုလ် တခုသွားရင်း စာတမ်းတင်ရာမှာ ၂ဝ၁ဝ ရွေးကောက်ပွဲမှ တပါး အခြား မရှိလို့ အာဘော် အယူအဆ လွှင့်ပြခဲ့ပေမယ့် သူရေးတဲ့ စာအုပ်တွေ ဆောင်းပါးတွေ ဖတ်မိတဲ့ တပ်မတော် အရာရှိငယ် တွေသာမက အလယ်အလတ်ဆင့် တပ်မှူးတွေထဲမှာပါ ဗိုလ်သန်းရွှေရဲ့ နအဖ စစ်အာဏာရှင် ပုံစံဟောင်းနဲ့ ၂ဝ၁ဝ ပုံစံသစ်အောက်မှာ တိုင်းပြည် တိုးတက်စေမယ့် ဂလိုဘယ်လိုက်ဇေးရှင်း လမ်းစ ဘယ်လိုမှ မရှိနိုင်တာကို ကောင်းကောင်း သဘောပေါက်၊ အာဏာရှင်ချင်းတူတူ တရုတ်၊ ဗီယက်နမ်၊ စင်ကာပူ၊ မလေးရှားတို့က တိုင်းပြည်စီးပွားနဲ့ လူထုလူနေမှု ဘဝ မြင့်တက်နေတာကို အားကျစိတ်နဲ့ ကြိတ်မနိုင်ခဲမရ ဖြစ်နေကြပါတယ်။ လက်ရွေးစင် ရွေးလွှတ်လိုက်တဲ့ ရုရှား ပညာတော်သင်တွေတောင် နိုင်ငံတကာ အသိအမြင်တွေအပြင် တပါတီ အာဏာရှင်စနစ် မဟုတ်တော့တဲ့ ရုရှားနိုင်ငံ ပူတင်ခေတ်မှာ တိုးတက်လာပြီး အမေရိကန်ကို ပခုံးချင်း ပြန်ယှဉ်လာနိုင်တဲ့ အကြောင်းတရားတွေကို အသိကြွယ်နေပြီ မဟုတ်ပါလား။

နဝတ-နအဖစစ်အုပ်စုကို တလျှောက်လုံး ထောက်ခံ အားပေးခဲ့တဲ့ သြဇာကြီးလှတဲ့ ဝါရင့် နိုင်ငံခေါင်းဆောင် စင်ကာပူ ဝန်ကြီးချုပ် လီကွမ်ယူ ကိုယ်တိုင် စိတ်ပျက် နှာခေါင်းရှုံ့ပြီး စင်ကာပူ စီးပွားရေးသမားတွေ၊ စင်ကာပူ ကုမ္ပဏီတွေကို ဗမာပြည်သွား စီးပွားရေးမလုပ်ဖို့ တိုက်တွန်းရတော့တဲ့ အခြေအနေက စာအုပ်တွေမှာဖတ်ရတဲ့ ခေတ်မီတိုးတက်သော အပြားကမ္ဘာကြီးနဲ့ သန်းရွှေခေတ် မြန်မာပြည်တို့ ဓမ္မာသောက အင်းဝရာဇာ ဖြစ်နေတာကို ပြနေပြီး တပ်မတော်အရာ ရှိငယ်တွေရဲ့ ခံစားချက်အပေါ် ဂယက်ကြီးခဲ့ပါတယ်။

ဗိုလ်ချုပ်မှူးကြီးတို့ခေတ်တုန်းက အထက်က ရိုက်သွင်းသမျှကိုသာ လက်ခံ ယုံကြည်ခဲ့ရပြီး မျိုးချစ်စိတ်တို့၊ တိုင်းချစ် ပြည်ချစ်စိတ်တို့ဆိုတဲ့ တွင်းနက်ကြီးထဲမှာ ခုနစ်ဆွေးရှစ်ဆွေး တဝဲလည်လည် နေခဲ့ရလို့ ဘိန်းစားချင်းတူတူ တမူးပိုရှူနိုင်တဲ့ ဗိုလ်နေဝင်း၊ ဗိုလ်စောမောင်၊ ဗိုလ်ခင်ညွန့်၊ ဗိုလ်သန်းရွှေ တို့ကို ကျန်တဲ့ လူတွေက သစ္စာစောင့်ခဲ့ ရပါတယ်။ အခု ၂ဝ၁ဝ ကာလမှာတော့ ဂလိုဘယ်လိုက်ဇေးရှင်း မိတ်ဆက် ပညာပေး စာအုပ်တွေနဲ့ နိုင်ငံခြားခရီး အပေါက်အရောက် များလာကြလို့ တိုင်းပြည်နဲ့ လူမျိုးအတွက် မျိုးချစ်စိတ် ဆိုတာထက် ပိုအလုပ်ဖြစ်မယ့် အတွေးအခေါ်အသိအမြင်တွေ အရာရှိငယ်တွေကြား ပျံ့နှံ့ အားကောင်းနေတဲ့ အတွက် ဗိုလ်ချုပ်မှူးကြီးတို့ ငယ်ငယ်တုန်းကလို သစ္စာရှိပုံချင်း တူနိုင်ပါတော့မလား။

တိုင်းပြည်တကယ်တိုးတက်စေတဲ့ လစ်ဘရယ်လိုက်ဇေးရှင်း လူမှု-စီးပွားအသိကို ကျောက်ခေတ်မှာ ကျောက်ချ နေမယ့် နိုင်တီးဂွမ်တီးက မျိုးချစ်စိတ်တို့ သစ္စာရှိမှုတို့က ရေရှည် လွှမ်းမိုးနိုင်ပါ့မလား။ ကြိုက်သလိုသာ လုပ်ပါ ဦးသန်းရွှေ၊ ဘယ်လမ်းမှ အာလူးဘူးသီးကြီး***အတွက် မချောင်ပါဘူး။

အောက်ခြေမှတ်စု။
*ဦး ၄ = တပ်မတော် စစ်ဦးစီးရေးရာဖိုင်တွဲအမျိုးအစား ခွဲခြားမှုမှာ ရန်ဘက် အင်အားစုများ သတင်း
**ဖက်တိတ် = Fatigue အောက်ခြေရဲဘော်များအတွက် တပ်တွင်း အလုပ်ကြမ်း လုပ်အားပေး
***အာလူးဘူးသီးကြီး = အဘကြီး (ဗိုလ်သန်းရွှေကို တပ်တွင်းမှ ခေါ်ရသည့်နာမည်)

ဂါမဏိ

Read More...

Collapse...

နေ့စဉ်သတင်းများ (၁၂- ၅- ၀၉)

■ ၀ ထိန်းချုပ်နယ်မြေ၌ စရဖ အရာရှိတဦး ထိုးကြိတ်ခံရ သတင်း
■ အပစ်ရပ်များအားစည်းရုံးရန် စစ်ထိပ်တန်း ဘီအက်စ်အိုနေရာများ အပြောင်းအလဲလုပ် သတင်း
■ ရင်ဆိုင်တိုက်ပွဲကြောင့် စကခ(၅)မှူး ဗိုလ်မှူးချုပ်ကောင်းမြတ် ကျဆုံး သတင်း
■ စစ်အစိုးရရဲ့ အဆိုပြုချက်ကို အပစ်ရပ်အဖွဲ့များ အလိမ္မာသုံး ငြင်းပယ် သတင်း
■ ဒီကေဘီအေစစ်သား၏ သတိမဲ့မှုကြောင့် အရပ်သားလေးဦး သေနတ်ထိမှန် သတင်း
■ မြန်မာအလုပ်သမားများ ဖုန်းကိုင်ခွင့်မရှိဟု ထိုင်းရဲများ ခြိမ်းခြောက် သတင်း
■ နိုင်ငံရေးအကျဉ်းသားများအတွက် ဆုတောင်းသူများ ခြိမ်းခြောက်ခံရ သတင်း
■ အရံမီးသတ်တပ်ဖွဲ့သင်တန်းခေါ်ပြီး ပြည်သူ့စစ်ကဲ့သို့ စစ်ရေးလေ့ကျင့်ပေးနေ သတင်း
■ တပ်တွင်းကြီးနိုင်ငယ်ညှင်းမှု၊ အရာရှိငယ်ကို ချုပ်နှောင်နှိပ်စက်နေ သတင်း
■ ၂၀၁၀ ရွေးကောက်ပွဲဝင်ဖို့ ပြင်ဆင်နေတဲ့ ဦးသုဝေ သတင်း
■ နိုင်ငံရေးအကျဉ်းသားများ အဆိုးဆုံးအခြေအနေ ကြုံနေရဟု AAPP ပြော သတင်း
■ သဘောတူညီချက်အတိုင်း ဆောင်ရွက်ရန် IOL ကိုယ်စားလှယ် ပြောကြား သတင်း
■ ဒေါ်အောင်ဆန်းစုကြည် ကျန်းမာရေးအခြေအနေ သက်သာလာ သတင်း
■ ဒေါ်အောင်ဆန်းစုကြည်လုံခြုံရေး ကုလသမဂ္ဂ အကာအကွယ်ပေးဖို့ တပ်ပေါင်းစု ၇ ခု တောင်းဆို သတင်း
■ ဒေါ်အောင်ဆန်းစုကြည်ရဲ့ နေအိမ်ကို ခိုးပြီးဝင်ရောက်တဲ့သူ သတင်း
■ နိပေါဝန်ကြီးချုပ် ပရာချန်ဒါ နှုတ်ထွက် သတင်း
■ ဗင်နီဇွဲလားသမ္မတ Chavez ရေနံဝန်ဆောင်မှုလုပ်ငန်းကြီးတွေ သိမ်းပစ်လိုက်ပြီ သတင်း
■ ဒေါ်အောင်ဆန်းစုကြည်၏ ဥပဒေပါအခွင့်အရေးများကို NLD တောင်းဆိုး သတင်း
■ မြန်မာပြည်မှ နှင်ထုတ်ခံရသူ စာနယ်ဇင်းသင်တန်းဆရာနှင့် ဆရာမ သတင်း

Read More...

Collapse...

စစ်အစိုးရ၏တောင်းဆိုချက် ၀ ဆွေးနွေးပွဲမှ ရာနှုန်းပြည့်နီးပါးကန့်ကွက်

တနင်္လာနေ့၊ 11 မေလ 2009

ဧပြီလနှောင်းပိုင်းက ၀ ထိပ်ပိုင်းခေါင်းဆောင် ရှောဝ်းမင်လျှံ အဖွဲ့ - သျှမ်းပြည် မြောက်ပိုင်း တန့်ယန်းမြို့၌ ဒုဗိုလ်ချုပ်ကြီး ရဲမြင့်နှင့် တွေ့ဆုံပြီး ဌာနချုပ်အပြန် အစုအဖွဲ့လိုက် ဆက်တိုက် စည်းဝေးပွဲ ပြုလုပ်ခဲ့ရာ စစ်အစိုးရ၏ တောင်းဆိုချက် အပေါ် ၀ ပါတီနှင့် စစ်တပ် အစည်းအဝေးမှ ဆန္ဒ ခံယူခဲ့ရာမှာ ရာနှုန်းပြည့်နီးပါး ကန့်ကွက်ကြောင်း - ၀ ဌာနချုပ် နီးစပ်သော အသိုင်း အ၀ိုင်းက ဆိုသည်။

စစ်အစိုးရတောင်းဆိုထားသည့် အချက်အပေါ် ၀ ပြည် နိုင်ငံရေးပါတီနှင့် စစ်တပ်အတွင်း၏ အမြင် သဘောထားကို အမည်မဖေါ်လိုသည့် ၀အရာရှိနှင့် နီးစပ်သူ တဦးအား သျှမ်းသံတော်ဆင့်က မေးမြန်းရာ-

“ (၁) အသွင်ပြောင်းမည့် ၀ တပ်မတော်အတွက် ဆန် စားနပ်ရိက္ခာ လက်နက်ခဲယမ်း နှင့် အထွေထွေ အသုံးစရိတ်များ အားလုံး စစ်အစိုးရမှ တာဝန်ယူပေးမည်။ (၂) ၀ တပ်အင်အား ၃၀၀၀ အထိ လျှော့ချ၍ ခေတ်မှီ တပ်မတော် ဖြစ်ဖို့အရေး စစ်အစိုးရမှ လူအင်အား ၃၀ ၀င်ရောက် အားဖြည့်မည်။ (၃) စစ်ပညာနှင့် အခြား ကျွမ်းကျင်မှု ဆိုင်ရာ ဖွံ့ဖြိုးမှု ဆိုင်ရာများကို စစ်အစိုးရက တာဝန်ယူမည်” ဟု ဆိုထားပါတယ်။

“အခုကျနော်တို့အခြေအနေက ဗမာစစ်တပ် စားနပ်ရိက္ခာ နေရာထိုင်ခင်း မစီစဉ်ပေးလဲ ကိုယ့်ဟာကိုယ် လည်ပတ်နိုင်နေ တာဘဲ၊ ပညာတတ် လူ ၃၀ က ကျနော်တို့ တပ်အဖွဲ့အကြား လာဖြည့်ပြီး အဖွဲ့အစည်း မြှင့်တင်ပေးမယ် ဆိုတာက ကျနော်တို့ တတွေ ဗမာစကားမှ မတတ်တာ။ အဲဒါကြောင့် ဘယ်လိုမှ အဆင်မပြေနိုင်ဘူး။ ဒီတော့ကျနော်တို့ အစုအဖွဲ့လိုက်ခွဲပြီး အစည်းအဝေး ထိုင်ကြတယ်။ ၃ ရက် တကြိမ် အထက်ကို ပြန်တင်ပြတယ်။ အစည်းအဝေးက မပြီးပြတ်သေးဘူး။ ဒါပေမယ့် စစ်အစိုးရ၏ တောင်းဆိုချက်အပေါ် ပါတီတွင်း စစ်တပ်အတွင်း သဘောထား ကောက်ယူရာမှာ ၉၈ ရာနှုန်းက လုံးဝ မထောက်ခံဘူး၊ ကန့်ကွက်တယ်၊ ကျန် ၂ ရာခိုင်နှုန်းက ဘာမှ မပြောဘူး”

လက်ရှိ ၀အစိုးရနှင့် ၀ ပြည်သူများက အခက်အခဲ အန္တရာယ် အမျိုးမျိုးကြားမှ ၀ ဒေသကို အသက်နှင့်ရင်းပြီး ကာကွယ်လာ ခဲ့ကြောင်း၊ စစ်အစိုးရက ၀ စစ်တပ် အတွက် တာဝန်ယူမည် ဟူသည့် အချက်မှာလည်း ဗမာ့ တပ်မတော်ကိုယ်ပင် ကိုယ်ထူ ကိုယ်ထ စနစ် ထားနေရသဖြင့် လက်ခံနိုင်ရန် မဖြစ်နိုင်ကြောင်း ဆိုပါသည်။

မိုင်းလားအဖွဲ့က ၂၀၀၉ နှစ် ဂျွန်လ ၃၀ ရက်နောက်ဆုံးထား၍ လူသူ လက်နက်အင်အား စာရင်း၊ ပင်စင်ယူမည့် သက်ကြီးပိုင်း စာရင်းများပေးပို့ရန် စစ်အစိုးရ ရာဇသံ ပေးထားသော်လည်း၊ ရသည့် အချိန်၌ ပါတီအတွင်း စစ်တပ်အတွင်း အစည်းအဝေး ပွဲလုပ်ပြီးလျှင် ပြည်သူ့ဆန္ဒ ဆင်းကောက်မည် ဟုလည်း ခေါင်းဆောင်ပိုင်းနှင့် နီးစပ်သူ အရာရှိက ပြောပါသည်။

ဝပြည်သွေးစည်းညီညွတ်ရေး တပ်မတော်သည် စစ်အစိုးရ တပ်ဖွဲ့ပြီးလျှင် တပ်အင်အား အတောင့်တင်းဆုံး အဖွဲ့အစည်း ဖြစ်သည့် အားလျော်စွာ ငြိမ်းအဖွဲ့များ၏ အနာဂတ် သည်လည်း ၀ အဖွဲ့အပေါ် အများကြီး တည်မှီနေကြောင်း၊ ကျန်အပစ်ရပ် ငြိမ်းအဖွဲ့များက ၀ တို့၏ ဆုံးဖြတ်ချက်ကို မျှော်လင့် စောင့်ကြည့်နေကြကြောင်း မိုင်းလားအပါအ၀င် အပစ်ရပ် အသိုင်းအ၀ိုင်း များ ပြောဆိုချက်အရ သိရပါသည်။

Ref: သျှမ်းသံတော်ဆင့်

Read More...

Collapse...

နေ့စဉ်သတင်းများ (၁၁- ၅- ၀၉)

■ လက်နက်တိုက်ဖောက်မှု စစ်ဆေးရာမှ တပ်ကြပ်ကြီးသေဆုံး၍ ဆန္ဒပြမှုဖြစ်ပွား သတင်း
■ ဒေါ်အောင်ဆန်းစုကြည် ကျန်းမာရေး အမေရိကန်ပြည်ထောင်စု စိုးရိမ် သတင်း
■ မိသားစုလက်ထောက်ဆရာဝန် ဒေါ်အောင်ဆန်းစုကြည်နဲ့ တွေ့ခွင့်ရ သတင်း
■ ဒေါ်အောင်ဆန်းစုကြည်ကို မိသားစုဆရာဝန် ဒုတိယအကြိမ် တွေ့ခွင့်ရ သတင်း
■ ဒေါ်အောင်ဆန်းစုကြည်ခြံထဲ ကျူးကျော်မှု လုံခြုံရေးအတွက် အန်အယ်လ်ဒီ စိုးရိမ် (ဗွီဒီယိုသတင်း)
■ အမေရိကန်သတင်းထောက် ၂ ဦး မြန်မာအစိုးရ ပြည်နှင်ဒဏ်ပေး သတင်း
■ ပြည်နှင်ဒဏ်ခံရသည့် အမေရိကန်သတင်းထောက် ၂ ဦး သတင်းစာရှင်းလင်းပွဲလုပ် သတင်း
■ ကျူးကျော်ဝင်ရောက်သူ၏ ဓာတ်ပုံ ဖော်ပြခွင့် စောင့်ဆိုင်းနေကြ သတင်း
■ နယ်ခြားစောင့်တပ်အဖြစ် အသွင်းပြောင်းရေး တိုင်းရင်းသားတွေ စဉ်းစားဆဲ (ဗွီဒီယိုသတင်း)
■ မျက်ကွယ်က လူသတ်ကွင်းအကြောင်း AAPP အစီရင်ခံစာ သတင်း
■ သင်္ကကျွန်း အန်အယ်လ်ဒီအဖွဲ့ဝင်များကို နယ်ဝေးထောင်များသို့ ပြောင်းရွှေ သတင်း
■ အာဏာပိုင်အသိုင်းအ၀ိုင်းမှ ယာဉ်တိုက်မှုတရားခံကို လူစားထိုး သတင်း
■ GDP ၀.၃% ကို ကျန်းမာရေးအတွက် သုံးသည့်နိုင်ငံမှ ကလေးများ သတင်း
■ ပဲတင်ပို့ခွင့် မူဆယ်ကုန်သွယ်ရေးဇုန်က ပိတ်၊ သွင်းကုန်များ ပါမစ်လျောက်ရာတွင် အခက်ခဲများရှိ သတင်း
■ ဒေသခံလယ်မြေသိမ်းပြီး လေယာဉ်ကွင်းတိုးချဲ့ဖွင့်ပွဲ၌ ကျိုင်းတုံဒေသခံများ ထမင်းငတ် သတင်း
■ စစ်အစိုးရ၏ တောင်းဆိုချက် ၀ ဆွေးနွေးပွဲမှ ရာနှုန်းပြည့်နီးပါး ကန့်ကွက် သတင်း
■ မြန်မာနယ်စပ်အနီးရှိ ဘော်လီပါရာဌာနချုပ်မှ ဘင်္ဂလားရိုင်ဖယ်တပ်ဖွဲ့ဝင် ၁၀၈ ဦး ဖမ်းဆီးခံရ သတင်း
■ ပုံမှန်ပြန်ပျက်သွားသည့် မော်လမြိုင်မြို့က လျှပ်စစ်မီး သတင်း

Read More...

Collapse...

၂ဝ၁ဝ စိန်ခေါ်မှုများနဲ့ အမျိုးသား ဒီမိုကရေစီ အဖွဲ့ချုပ်

မောင်ရွှေ
မေ ၁ဝ၊ ၂ဝဝ၉

၂ဝဝ၉ခုနှစ်ရဲ့ ရက်တွေလတွေ တရွေ့ရွေ့ တိုက်စားလို့ ခရစ်နှစ် ၂ဝ၁ဝ ဆိုတာကို ချဉ်းကပ်လို့ နေပါပြီ၊ မြန်မာ့နိုင်ငံရေး ၂ဝ၁ဝ ပန်းချီကားလည်း တဖြည်းဖြည်း ပီပီပြင်ပြင် ဖြစ်လို့ လာနေပါပြီ၊ အချို့ နိုင်ငံရေး အကဲခပ် သမားများကတော့ နိုင်ငံအရေး ဆွေးနွေးစရာ အခင်းအကျင်း အသစ်တွေ ပေါ်ထွက် လာတော့မယ်၊ နိုင်ငံရေးပါတီများ အတွက် ပြောရေး ဆိုခွင့်တွေ ပိုမို ရရှိလာတော့မယ် စသည်ဖြင့် အကောင်းမြင် အတွေးများလည်း ရှိနေသလို အချို့ကလည်း ပေါ်ထွက်လာမယ့် နိုင်ငံရေး စနစ်သစ်ဟာ မြန်မာပြည် အတွက် စစ်အုပ်ချုပ်ရေးကို တရားဝင် အသက်သွင်းတဲ့ စနစ်ပါလို့ ဆိုကြ ပြန်ပါတယ်။ ဒီတော့ ၂ဝ၁ဝ ပြည့်နှစ် ရွေးကောက်ပွဲအပြီး နိုင်ငံရေး အခင်းအကျင်း အသစ်က ယူဆောင်လာနိုင်တဲ့ စိန်ခေါ်မှု အသစ်တွေနဲ့ ပတ်သက်လို့ Scenario လေးတစ်ခု ဖန်တီးပြီး တွေးကြည့် ကြရအောင်။

Xxx - - - - xxX

၂ဝ၁ဝ ပြည်ထောင်စုလွှတ်တော်

၂ဝ၁ဝပြည့်နှစ်အလွန်၊ ပြည်ထောင်စု သမ္မတ မြန်မာနိုင်ငံတော်ရဲ့ ပြည်ထောင်စု လွှတ်တော်ထဲက မြင်ကွင်း တစ်ခုပေါ့၊ ပြည်ထောင်စု လွှတ်တော် နာယကရဲ့ ရှေ့မှောက်မှာ ရွေးကောက် တင်မြောက်ခံ လွှတ်တော် အမတ်တစ်ဦးက ပြည်ထောင်စု အစိုးရ တင်ပြလာတဲ့ နှစ်စဉ် အရအသုံး ခန့်မှန်းခြေ ငွေစာရင်းကို အတည်ပြု ပေးရမယ့် ကိစ္စအတွက် အရေးပါတဲ့ အစီရင်ခံစာ တစ်ခုကို တင်သွင်းနေပါတယ်၊ လွှတ်တော် အတွင်းက လူထု ကိုယ်စားလှယ်၊ တပ်မတော် ကိုယ်စားလှယ်များလည်း နားအစွင့်သားနဲ့ စိတ်ဝင်တစား နားထောင် နေကြပါတယ်။ အစီရင်ခံစာ တင်သွင်းတဲ့ ကိုယ်စားလှယ်က ဘာတွေ တင်ပြနေသလဲ ဆိုတော့ -

- “လွန်ခဲ့တဲ့ အနှစ် ၂ဝ အတွင်း အစိုးရ အသုံး စရိတ်များကို လေ့လာတဲ့ အခါမှာ ကာကွယ်ရေး ကဏ္ဍ အတွက် အသုံးစရိတ်ဟာ နှစ်စဉ် အစိုးရ အသုံးစရိတ် စုစုပေါင်းရဲ့ ၄ဝ% မှ ၅ဝ% အတွင်း ရှိနေတာကို လေ့လာ တွေ့ရှိရပါတယ်၊
- ဒါပေမယ့် လွန်ခဲ့တဲ့ အနှစ် ၂ဝ ကာလ တလျှောက်လုံး ကျန်းမာရေး ကဏ္ဍနဲ့ ပတ်သက်လို့ အစိုးရရဲ့ နှစ်စဉ် အသုံးစရိတ် သတ်မှတ်မှုဟာ အစိုးရ အသုံးစရိတ် စုစုပေါင်းရဲ့ ၁% မှ ၂% အတွင်းသာ ရှိခဲ့ ပါတယ်၊
- အဲဒီ အသုံးစရိတ်ဟာ ကျန်းမာရေးကဏ္ဍမှာ အသုံးပြုရမယ့် ပမာဏရဲ့ ၁ဝ% မှ ၁၈% နဲ့သာ ညီမျှခဲ့ပြီး အသုံးပြုမှုကို လေ့လာတဲ့ အခါမှာလည်း ဆေးရုံ/ ဆေးခန်းများ ဆောက်လုပ်ခြင်း စတဲ့ အခြေခံ အဆောက်အဦး ဖွံ့ဖြိုးရေး အပိုင်းမှာ အားလုံး နီးပါး သုံးခဲ့တာ ဖြစ်ကြောင်း ထပ်တွေ့ရပါတယ်၊
- ဒါကြောင့် လိုအပ်နေတဲ့ ၈၂% မှ ၉ဝ% သော ကျန်းမာရေး ကဏ္ဍ အသုံးစရိတ်တွေ အတွက် ကုလသမဂ္ဂ အဖွဲ့အစည်းများ၊ အပြည်ပြည် ဆိုင်ရာ ဖွံ့ဖြိုးမှု အကူအညီ ပေးရေး အဖွဲ့ အစည်းများနဲ့ လူထုရဲ့ ကိုယ်ပိုင် စုဆောင်းငွေများ အပေါ်မှာသာ အမှီပြု ဆောင်ရွက်ခဲ့ရတာ တွေ့ရပါတယ်၊
- ဒီငွေများနဲ့ လိုအပ်နေတဲ့ ဆေးရုံ ဆေးခန်းများအတွက် လူထု ကျန်းမာရေး ကုသမှု အသုံးစရိတ်၊ ကာကွယ်ဆေး ထိုးလုပ်ငန်းလို လူထု ကျန်းမာရေး မြင့်တင်မှု လုပ်ငန်းများ အတွက် အသုံးစရိတ်၊ HIV/ AIDS နဲ့ တီဘီရောဂါ စီမံချက်များလို ရောဂါဘေး ကာကွယ် တားဆီးမှု လုပ်ငန်းများ အသုံးစရိတ်၊ ဆေးသုတေသန လုပ်ငန်းများ အတွက် အသုံးစရိတ်နဲ့ လူ့ စွမ်းအား အရင်းအမြစ် ဖွံ့ဖြိုးရေး လုပ်ငန်းများ အသုံး စရိတ်များကို အထောက်အပံ့ ပေးနေခဲ့ရပါတယ်၊
- ကျန်းမာရေးကဏ္ဍ အသုံးစရိတ်များ ပြည်ပ အထောက်အပံ့ကို အထူး မှီခို နေခဲ့ရတဲ့အတွက် ပြည်သူ့ ကျန်းမာရေး လုပ်ငန်းတွေလို လုပ်ငန်းတွေမှာ ဆောင်ရွက် သင့်သလောက် မဆောင်ရွက် နိုင်တဲ့အပြင် ၂ဝဝ၅ခုနှစ် မှာ Global Fund အဖွဲ့ရဲ့ ထောက်ပံ့မှု ဖြတ်တောက် ခံရစဉ်က ပြည်သူ့ ကျန်းမာရေးမှာ အဓိက ပြဿနာ ကြီး (၃)ခု ဖြစ်တဲ့ HIV/AIDS၊ တီဘီနဲ့ ငှက်ဖျားရောဂါ ကာကွယ် တားဆီးရေး လုပ်ငန်းများ အတွက် အထူး စိုးရိမ်စရာ အခြေအနေများ ကြုံတွေခဲ့ရတာ အားလုံး သိကြမှာ ဖြစ်ပါတယ်၊
- ယခု ပြည်ထောင်စုအစိုးရက တင်ပြလာတဲ့ အရအသုံး ခန့်မှန်းခြေ ငွေစာရင်းကို လေ့လာ ကြည့်တဲ့ရာမှာ ယခင် အနှစ် (၂ဝ)ကာလရဲ့ လျာထား သုံးစွဲမှု ပုံစံအတိုင်း ဖြစ်နေပြန်တာ တွေ့ရပါတယ်၊
- ကျန်းမာရေးဟာ လူထုအတွက် အခြေခံ လိုအပ်ချက် တစ်ခု ဖြစ်တာကြောင့် ယခု ပြည်ထောင်စု အစိုးရရဲ့ အရအသုံး ခန့်မှန်းခြေ ငွေစာရင်းမှာ ကာကွယ်ရေး ကဏ္ဍ အသုံးစရိတ် သတ်မှတ်မှုကို နဲနဲလျော့ကာ ၃ဝ% သာ ထားပြီး ကျန်းမာရေး ကဏ္ဍအတွက် ၁ဝ% သတ်မှတ်မယ်ဆိုရင် လက်ရှိ ကျန်းမာရေးကဏ္ဍ အသုံးစရိတ်များ အတွက် အတော် ပြည့်စုံ သွားစေမှာ ဖြစ်ပါတယ်၊
- ဒါကြောင့် ပြည်ပ အထောက်အပံ့များကို ကျန်းမာရေး ကဏ္ဍ ဖွံ့ဖြိုးဖို့ အတွက် လိုအပ်တဲ့ နေရာများမှာ ရယူ အသုံးချ သွားနိုင်ကြောင်း၊ ကျန်းမာတဲ့ မိသားစုဘဝကို ပိုမို ပိုင်ဆိုင် လာကြတဲ့ နိုင်ငံသားများ အနေနဲ့ မိသားစု စုဆောင်းငွေ ပိုရှိလာကြမယ်၊ စုဆောင်းငွေကို အခြား လိုအပ်တဲ့ ကဏ္ဍတွေမှာ ပိုသုံးလာနိုင် ကြမယ်ဆိုရင် တိုင်းပြည်လည်း ပိုမို ဖွံ့ဖြိုး တိုးတက် လာစေမှာ ဖြစ်ပါတယ်” စသည်ဖြင့် ကျန်းမာရေး ကဏ္ဍနဲ့ တိုင်းပြည် တစ်ခုရဲ့ ဖွံ့ဖြိုး တိုးတက်မှုကိုပါ ဆက်စပ်ကာ တင်ပြရင်း ကျန်းမာရေး ကဏ္ဍအတွက် အသုံးစရိတ် ပိုမို လျာထားဖို့ စည်းရုံး ပြောဆိုသွားပါတယ်။

ဒီတင်ပြမှုအပြီးမှာ ပြည်ထောင်စုလွှတ်တော် နာယကမှ အထွေထွေ ဆွေးနွေးဖို့ သတ်မှတ်ထားတဲ့ အစီအစဉ် အတိုင်း လမ်းဖွင့် ပေးလိုက်ပါတယ်။ ထောက်ခံ ဆွေးနွေးသူ အတော်များပါတယ်၊ ကြည့်လိုက်တော့လည်း လူထုက ရွေးကောက် တင်မြှောက် ပေးလိုက်တဲ့ လွှတ်တော် ကိုယ်စားလှယ်တွေ ဖြစ်ကြတာကို တွေ့ရပါတယ်။ ကာကွယ်ရေး ဦးစီးချုပ်က ရွေးချယ် စေလွှတ် ပေးလိုက်တဲ့ လွှတ်တော် ကိုယ်စားလှယ် တစ်ဦးကတော့ -
“လူထုရဲ့ ကျန်းမာရေး အခြေအနေ ပိုမို တိုးတက် ကောင်းမွန်လာစေဖို့၊ နိုင်ငံတော် ပိုမို ဖွံ့ဖြိုးတိုးတက် လာစေဖို့ တင်ပြ ဆွေးနွေးသွားတာ ဖြစ်လို့ ဂုဏ်ယူပါကြောင်း၊ လေးစားပါကြောင်း၊ ဒါပေမယ့် ကိုယ်စား လှယ်ကြီးများကို အသိပေးလိုတဲ့ အချက်တစ်ခု ရှိပါကြောင်း၊ ဖွဲ့စည်းပုံ အခြေခံ ဥပဒေရဲ့ အခန်း(၁)၊ ပုဒ်မ (၂ဝ) အပိုဒ်(ခ)မှာ တပ်မတော်သည် တပ်ပိုင်းဆိုင်ရာ ကိစ္စရပ်များ အားလုံးကို လွတ်လပ်စွာ စီမံခန့်ခွဲ စီရင် ဆောင်ရွက်ပိုင်ခွင့် ရှိသည် လို့ ဖေါ်ပြထားကြောင်း၊ ယခု ကိုယ်စားလှယ်ကြီး တင်ပြလာတဲ့ ကိစ္စဟာ ဒီအချက် နဲ့ ငြိနေကြောင်း၊ ဝိုင်းဝန်း စဉ်းစားကြဖို့ လိုကြောင်း” စသည်ဖြင့် ဆွေးနွေး သွားပြန်ပါတယ်။

တပ်မတော် ကိုယ်စားပြု လွှတ်တော် ကိုယ်စားလှယ်များမှ နှစ်ဦးကလည်း ဒီအချက်ကို ထောက်ခံ ဆွေးနွေး သွားပြန်ပါတယ်။ ကျန်တဲ့ တပ်မတော် ကိုယ်စားလှယ်များကတော့ ငြိမ်ချက်သား ကောင်းနေကြပါတယ်။ စီးပွားရေး လုပ်ငန်းတွေ နောက်ခံရှိကြတဲ့ လုပ်ငန်းရှင် လွှတ်တော် ကိုယ်စားလှယ် ကြီးများကတော့ တပ်မတော် ကိုယ်စားလှယ် ကြီးများနဲ့ ထိပ်တိုက် မတွေ့လိုတဲ့ သဘော ရေငုံနှုတ်ပိတ်ကာ ဘာမှတ်ချက်မှ မပေးကြပါဘူး။ ဆွေးနွေးချိန်သာ ကုန်သွားပါတယ်၊ နိုင်ငံတော် သမ္မတက တဆင့် ပြည်ထောင်စု အစိုးရက တင်ပြလာတဲ့ နှစ်စဉ် အရအသုံး ခန့်မှန်းခြေ ငွေစာရင်းကို ဆုံးဖြတ် ပေးနိုင်ဖို့အရေး တိကျတဲ့ အဖြေတစ်ခု ထွက်မလာတဲ့ အတွက် အဆုံးမှာတော့ ပြည်ထောင်စု လွှတ်တော် နာယကကြီးက ဖွဲ့စည်းပုံ အခြေခံ ဥပဒေ အခန်း (၄)၊ ပုဒ်မ ၈၆ (က)ပါ အချက်အရ ပြည်ထောင်စု လွှတ်တော်မှာ ဆန္ဒမဲပေး ဆုံးဖြတ်ကြဖို့ ကြေညာ လိုက်ပါတော့တယ်။

လူထုက ရွေးကောက် တင်မြှောက်လိုက်တဲ့ လွှတ်တော် ကိုယ်စားလှယ် (၄၉၈)ဦးနဲ့ တပ်မတော် ကာကွယ်ရေး ဦးစီးချုပ် က ရွေးချယ် စေလွှတ် ပေးလိုက်တဲ့ လွှတ်တော် ကိုယ်စားလှယ် (၁၆၆)ဦး၊ စုစုပေါင်း လွှတ်တော် ကိုယ်စားလှယ် (၆၆၄)ဦး ရှိတဲ့၊ နိုင်ငံတော်ရဲ့ ဥပဒေပြု အာဏာ အရာမှာ အမြင့်ဆုံး အဆင့် ဖြစ်တဲ့ ပြည်ထောင်စုလွှတ်တော်ကြီးက အခြေခံဥပဒေ အခန်း (၄)၊ အပိုဒ် ၁ဝ၃ (င) မှာ ဖေါ်ပြ ပေးအပ်ထားတဲ့ အခွင့်အာဏာကို အသုံးပြုပြီး ပြည်ထောင်စု အစိုးရရဲ့ နှစ်စဉ် အရအသုံး ခန်းမှန်းခြေ ငွေစာရင်းမှာ ကျန်းမာရေး အသုံးစရိတ်ကို နဂို တင်ပြစဉ်အတိုင်း ၂% ထားမှာလား၊ ကာကွယ်ရေး အသုံးစရိတ်ကို လျော့ပြီး ကျန်းမာရေးစရိတ်ကို ၁ဝ% ထားမှာလား ဆိုတာ မဲခွဲဆုံးဖြတ် လိုက်တဲ့ အခါမှာ လွှတ်တော် ကိုယ်စားလှယ်များရဲ့ ၇၈%က ကျန်းမာရေးစရိတ်ကို ၁ဝ% ထားဖို့ သဘောတူတဲ့ အဖြေ တစ်ခု ထွက်လာပါတော့တယ်။ ပေါ်ထွက်လာတဲ့ ထောက်ခံမှု ရာခိုင်နှုန်းကို ကြည့်ရင် တပ်မတော် ကိုယ်စားလှယ် အချို့လည်း ထောက်ခံမှုမှာ ပါဝင်ကြောင်း အထင်အရှား သိနိုင်တာမို့ လူထုက ရွေးချယ် တင်မြောက် ပေးလိုက်တဲ့ ကိုယ်စားလှယ်များ အတွင်းမှာ အထူးကို ဝမ်းသာကြေနပ် ပီတိ ဖြစ်နေကြ တာပေါ့။

Defult ခလုပ်နဲ့ ကာကွယ်ရေးဦးစီးချုပ်

အဲဒီ ပီတိတွေ ကြာကြာမခံလိုက်ပါဘူး၊ ပြည်ထောင်စု လွှတ်တော်ရဲ့ ဆုံးဖြတ်ချက်၊ အတည်ပြုချက် ရေးသား ပြင်ဆင်နေချိန်မှာ ကာကွယ်ရေး ဦးစီးချုပ်ထံမှ လွှတ်တော် နာယကကြီးထံ စာတစ်စောင် ဝင်လာပါတယ်။ ယခုအတည်ပြုချက် တောင်းခံထားတဲ့ အစိုးရရဲ့ အရအသုံး ခန့်မှန်းခြေ ငွေစာရင်းမှာ ကာကွယ်ရေး ကဏ္ဍ အသုံးစရိတ်ကို လျှော့လိုက်ရင် တပ်မတော်အတွက် စီစဉ် ဆောင်ရွက်ရန် ပြင်ဆင်ထားသည့် လုပ်ငန်းများမှာ ထိခိုက် နှောင့်နှေး သွားစေမှာ ဖြစ်ပြီး အခြေခံ ဥပဒေရဲ့ အခန်း(၁)၊ ပုဒ်မ (၂ဝ) အပိုဒ်(ခ)တွင် ဖေါ်ပြထားချက်နဲ့လည်း မကိုက်ညီရာလည်း ရောက်ကြောင်း၊ ဒီအတွက်ကြောင့် ကာကွယ်ရေး ကဏ္ဍ အသုံးစရိတ် လျော့ချခြင်းကို လက်မခံ နိုင်ပါကြောင်းနဲ့ ကျန်းမာရေး ကဏ္ဍ အတွက် လိုအပ်ချက်ကို အခြား နည်းလမ်းများနဲ့ လွှတ်တော်မှာ အဖြေရှာကြရန် ရေးသား ထားပါတယ်။ နောက်ရက် အနည်းငယ် အကြာမှာ ပြည်ထောင်စု လွှတ်တော် နာယကကြီးထံ ကာကွယ်ရေး ဦးစီးချုပ်ထံမှ စာတစ်စောင် ထပ်ဝင်လာပါတယ်။ ကာကွယ်ရေး ဦးစီးချုပ်က ရွေးချယ် စေလွှတ်ထားတဲ့ လွှတ်တော် ကိုယ်စားလှယ်များ အနက်မှ (၁ဝ) ဦးကို ပြောင်းလဲ တာဝန် ပေးအပ်တဲ့ အကြောင်းပါ။

Xxx - - - - xxX

ဇာတ်လမ်းကတော့ ဒီမျှသာ ဖြစ်ပါတယ်။ ၂ဝဝ၈ ဖွဲ့စည်းပုံ အခြေခံ ဥပဒေကို ဖတ်ပြီးတဲ့နောက် မြင်ယောင်မိတဲ့ အတွေး မြင်ကွင်း တစ်ခုပါ။ ပြည်ထောင်စု လွှတ်တော်ရဲ့ လုပ်ပိုင်ခွင့် တစ်ခုကို ဆွဲထုတ်လို့ တွေးမိတာ ဖြစ်ပါတယ်၊ အင်မတန် အရေးကြီးတဲ့ ဖွဲ့စည်းပုံဆိုင်ရာ အကြောင်း အရာတွေသာ တွေးမိရင် ဒီ Scenario ထဲမှာ မအောင်မြင်တဲ့ အဆိုပြုမှုတွေ၊ အဆိုပြုမှု အောင်မြင်သော်လည်း ရှုံးနိမ့်သွားတဲ့ မဲခွဲ ဆုံးဖြတ်မှုတွေ၊ မဲခွဲ ဆုံးဖြတ်မှု အောင်မြင်သော်လည်း အခက်အခဲနဲ့ ရင်ဆိုင်ရတဲ့ လူထု ဆန္ဒ ခံယူပွဲတွေ၊ လူထုဆန္ဒ ခံယူပွဲ အောင်မြင်သော်လည်း ကာကွယ်ရေး ဦးစီးချုပ်ရဲ့ အာဏာသိမ်းမှု တွေနဲ့ စာမျက်နှာ အတော် စားသွားပါလိမ့်မယ်။ ထူးခြားတာ တစ်ခုတော့ မြင်သာထင်သာ ဖြစ်လာပါလိမ့်မယ်၊ ၂ဝဝ၈ ခုနှစ် အခြေခံဥပဒေ အာဏာ တည်ပြီးတဲ့နောက်ပိုင်း စစ်တပ်က အာဏာသိမ်းမှု များဟာ အခြေခံ ဥပဒေပါ အခွင့်အာဏာ အရ လုပ်တဲ့ အာဏာသိမ်းမှုများ ဖြစ်လာမှာကြောင့် ယနေ့ခေတ် နဝတ၊ နအဖ တို့လို ကြုံတွေ့နေရတဲ့ တရားဝင်မှု Legitimacy ပြဿနာမျိုး အဲဒီခေတ် စစ်အစိုးရတွေ ရင်ဆိုင်စရာ မရှိနိုင်တော့ပါ။ ဒီအတွက်ကြောင့် အတိုက်အခံများက စင်ပြိုင် အစိုးရဖွဲ့စည်းတာ၊ ကုလသမဂ္ဂ ကိုယ်စားလှယ်ကို ကန့်ကွက်ဖယ်ရှားဖို့ ကြိုးစားတာတွေဟာ နောင်လာမည့် နိုင်ငံရေးစင်မြင့်မှာ မြင်တွေ့စရာ မရှိတော့ပါဘူး။
ဒီအတွေးထဲက ရလိုက်တဲ့ သင်ခန်းစာက အဲဒီ ၂ဝဝ၈ ဖွဲ့စည်းပုံ အခြေခံ ဥပဒေထဲမှာ ကာကွယ်ရေး ဦးစီးချုပ် အတွက် Default ခလုပ်ကလေးတွေ တပ်ထားတာ တွေ့လိုက်ရပါတယ်။ ကွန်ပြူတာ သုံးနေရင်းနဲ့ setting တွေ မကြိုက်တော့ ဘူးဆိုရင် နဂို စက်ရုံထုတ် setting အတိုင်း ပြန်ဖြစ်သွားအောင် လုပ်ပေးတဲ့ ခလုပ်လေး တွေလိုပေါ့။

ရင်နင့်စရာ ဖြတ်သန်းမှုတစ်ခု

တကယ်တော့ အဲဒီ Default ခလုပ်များ၊ တနည်းအားဖြင့် လူထု ကိုယ်စားလှယ်များရဲ့ ဆန္ဒ မည်သို့ပင် ဖြစ်စေ ကာကွယ်ရေး ဦးစီးချုပ်ဆိုသူ လူတစ်ဦးရဲ့ ဆန္ဒအတိုင်း ဖြစ်စေဖို့ စီမံထားတဲ့ ဖွဲ့စည်းပုံ ဥပဒေပါ ချက်များကို အတိုက် အခံ နိုင်ငံရေးပါတီများ၊ တိုင်းရင်းသား ဖွဲ့အစည်းများ၊ ပြည်တွင်း ပြည်ပက ဒီမိုကရေစီ အရေး လှုပ်ရှားသူများ အားလုံးက သတိပြုမိကြလို့ ၂ဝဝ၈ လူထု ဆန္ဒခံယူပွဲမှာ ဆန္ဒမဲ သွားမပေးကြဖို့၊ ကန့်ကွက်မဲ ပေးကြဖို့ ဆော်သြ ခဲ့ကြတာ ဖြစ်ပါတယ်။

အဲဒီဖွဲ့စည်းပုံဥပေဒနဲ့ ပတ်သက်လို့ ကုလသမဂ္ဂ အထွေထွေ အတွင်း ရေးမှူးချုပ် ဘန်ကီမွန်း ကလည်း ၂ဝဝ၈ခုနှစ်၊ မတ်လအတွင်းမှာ အချက်(၅) ချက်ပါတဲ့ အဆိုပြုချက် တစ်ရပ်ကို ဗိုလ်ချုပ်မှူးကြီး သန်းရွှေထံ ပေးခဲ့ပါသေးတယ်။ သူ့ရဲ့ အထူးသံတမန် ဂမ်ဘာရီအတွက် မြန်မာပြည်မှာ ရုံးစိုက် ဆောင်ရွက်ခွင့် ပေးဖို့၊ ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသား အားလုံး ပြန်လွှတ်ပေးဖို့၊ တိတိကျကျ ဖေါ်ပြထားတဲ့ အချိန် ဘောင်တစ်ခုအတွင်းမှာ ဒေါ်စုနဲ့ ဗိုလ်ချုပ်မှူးကြီး သန်းရွှေတို့ တွေ့ဆုံ ဆွေးနွေးဖို့၊ အခြေခံ ဥပဒေမူကြမ်း ရေးဆွဲမှုကို NLD အပါအဝင် ၂ဝဝ၄ခုနှစ် အမျိုးသား ညီလာခံမှာ မပါဝင် နိုင်ခဲ့ကြတဲ့ တိုင်းရင်းသား ခေါင်းဆောင်များနဲ့ အတူ ပြန်လည်သုံးသပ် ရေးဆွဲဖို့၊ စီးပွားရေး၊ လူမှုရေးနဲ့ လူသားချင်း စာနာ ထောက်ထားမှု ဆိုင်ရာ အကူအညီပေးရေး လုပ်ငန်းများ ဆွေးနွေး နိုင်ရေးအတွက် အမျိုးသား စီးပွားရေး ဖိုရမ်တစ်ခု တည်ထောင်ဖို့ စတဲ့ အချက်(၅)ချက် ဖြစ်ပါတယ်။ နအဖ က ဒီ အဆိုပြုချက်များ အားလုံးကို လက်မခံခဲ့ပါဘူး၊ လူထု ဆန္ဒခံယူပွဲကို နည်းမျိုးစုံနဲ့ အထမြောက်အောင် လုပ်ခဲ့ပြီး ၂ဝဝ၈ခုနှစ် ဖွဲ့စည်းပုံ အခြေခံဥပဒေ မူကြမ်းကို အတည်ပြု ဖြစ်သွားအောင် ဆောင်ရွက်ခဲ့တာ အားလုံး သိပြီးဖြစ်ပါတယ်။

NLD ဟာ နအဖက အခြေခံဥပဒေရေးဆွဲဖို့ စီစဉ်ပေးခဲ့တဲ့ ၁၉၉၃ ခုနှစ် အမျိုးသား ညီလာခံမှာ ပူးပေါင်း ပါဝင်ခဲ့တာ တွေ့ရပါတယ်။ ၁၉၉၆ ခုနှစ် ဆဋ္ဌမ အကြိမ်မြောက် အစည်းအဝေး မှာတော့ ဒီညီလာခံရဲ့ ဆောင်ရွက်မှုများဟာ ဒီမိုကရေစီ နည်းလမ်း မကျဘူး၊ ဖွဲ့စည်းပုံ ရေးဆွဲမှုမှာ နအဖ အလိုကျ ရေးဆွဲနေရပြီး ကိုယ်စားလှယ်တွေရဲ့ ဆန္ဒကို လစ်လှူရှုနေတယ်။ ဒီတော့ အမျိုးသား ညီလာခံက ပြဌာန်းပေးမယ့် အခြေခံ ဥပဒေမူကြမ်းဟာ ဒီမိုကရေစီစနစ်ကို အကောင်အထည် ဖေါ်ပေးမယ့် အရာတစ်ခု ဘယ်နည်းနဲ့မှ မဖြစ်နိုင်ဘူးဆိုပြီး ထောက်ပြခဲ့ပါတယ်။ ဒီအတိုင်းသာ ဆက်သွားမယ်ဆိုရင် ဒီမိုကရေစီ နည်းလမ်း မကျတဲ့ ဖွဲ့စည်းပုံ ဥပဒေရဲ့ သမိုင်းတရားခံ ဖြစ်တော့မှာမို့ နအဖက ညှိနိုင်း ဆောင်ရွက်ဖို့လည်း တောင်းဆိုခဲ့ပါတယ်။ မရတဲ့အဆုံး ညီလာခံကို မတက်ရောက်ဘဲ ဆန္ဒပြခဲ့ပါတယ်။ ဒါပေမယ့် နအဖကလည်း ညှိနိုင်းဖို့ မကြိုးစားဘဲ ညီလာခံ (၂)ရက် ပျက်ကွက်ရင် ညီလာခံက ရာသက်ပန် ထုတ်ပယ်ပြီးသား ဖြစ်တယ်လို့ အဲဒီအချိန်က ညီလာခံကျင်းပရေး ကော်မတီဥက္ကဋ္ဌ ဒုတိယ ဗိုလ်ချုပ်ကြီး မျိုးညွန့်က ထုတ်ပြန် ကြေညာခဲ့ပါတယ်။ ၂ဝဝ၄ခုနှစ် ညီလာခံ ပြန်စတော့လည်း ပါဝင်နိုင်ခြင်း မရှိတော့ပါဘူး။ တကယ်တန်းတော့ NLD လိုပဲ တိုင်းရင်းသား ပါတီများကလည်း ဒီအချက်များကို ညွန်ပြ ထောက်ပြ ခဲ့ကြပြီးသားပါ။ ဘယ်လိုမှ လုပ်မရတဲ့ အဆုံးသပ် ရလဒ်ကတော့ ဒီနေ့ မြင်တွေ့နေရတဲ့ ဒီမိုကရေစီ နည်းလမ်း မကျတဲ့ ၂ဝဝ၈ ဖွဲ့စည်းပုံ အခြေခံဥပဒေ ဖြစ်ပါတယ်။

နည်းလမ်းရှာဖို့ လိုအပ်

မည်သို့ပင်ဖြစ်စေ ၉၂%ထောက်ခံနဲ့ အတည်ပြု ထားပါပြီဆိုတဲ့ ၂ဝဝ၈ခုနှစ် ဖွဲ့စည်းပုံ အခြေခံ ဥပဒေကြီးက ကျနော်တို့ ရှေ့မှာ ရောက်နေပါပြီ၊ ဒီဖွဲ့စည်းပုံအရ ဆောင်ရွက်မယ့် အထွေထွေ ရွေးကောက်ပွဲ ဆိုတာလည်း ၂ဝ၁ဝမှာ ကြုံတွေ့ရ ပါတော့မယ်။ ရှောင်လွဲလို့တော့ မရနိုင်တဲ့အရာ၊ မဖြစ်မနေ ဖြတ်သန်းရမယ့် အရာတစ်ခု ဖြစ်လာနေပါပြီ။ ယခုလက်ရှိ အခြေအနေ အတိုင်းသာ ဆက်သွားမယ်ဆိုရင် ဒီဆောင်းပါး အစပိုင်းက Scenario အတိုင်း မြင်တွေ့ လာရဖို့ကတော့ ဧကန်မုချ ဖြစ်နေပါတယ်။

လက်ရှိအခြေအနေက အပြောင်းအလဲ တစ်ခု ဖန်တီးနိုင်ဖို့ NLD က ကြိုးစားချက် တစ်ခုကို မကြာမှီက ပေါ်ထွက်လာခဲ့ပါတယ်။ ရွှေဂုံတိုင် ကြေညာစာတမ်းပါ။
- အဖွဲ့ချုပ် ခေါင်းဆောင်များ အပါအဝင် နိုင်ငံရေး အကျဉ်းသားများ အားလုံး ခြွင်းချက်မရှိ ပြန်လွှတ်ပေးရင်၊
- ၂ဝဝ၈ ဖွဲ့စည်းပုံအခြေခံဥပဒေမှ ဒီမိုကရေစီ စံနှုံန်းများနှင့် မကိုက်ညီသည့် အချက်များကို ပြင်ဆင်ပေးရင်၊
- အားလုံးလွှမ်းခြုံပါဝင်နိုင်မည့် လွတ်လပ်၍ တရားမျှတသော ရွေးကောက်ပွဲ အဖြစ် နိုင်ငံတကာက စောင့်ကြပ် လေ့လာမှုကို ခွင့်ပြုလျက် ကျင်းပမည်ဆိုရင်
၂ဝ၁ဝရွေးကောက်ပွဲမှာ ပါဝင်ဖို့ ရည်ရွယ်ကြောင်း ဖေါ်ပြထား ပါတယ်။ အဓိက အကျဆုံးဖြစ်တဲ့ အခြေခံဥပဒေကို ပြန်လည် ပြင်ဆင်ဖို့ အတွက်လည်း နအဖအတွက် ရှဥ့်လည်း လျှောက်သာ၊ ပျားလည်း စွဲသာ အခြေအနေ တစ်ရပ် ဖန်တီးပေးထားတာ တွေ့ရပါတယ်။

တွေ့ဆုံဆွေးနွေးရေး

NLD က အဆိုပြု ထားတဲ့ တွေ့ဆုံဆွေးနွေးရေး အစီအစဉ် (၄)ချက်ကို ကြည့်ရင် ၂ဝဝ၈ခုနှစ် အခြေခံ ဥပဒေမှာ ပြင်ဆင်လိုသည့် အချက်များနဲ့ ပတ်သက်လို့ အပြန်အလှန် လေးစားမှုနှင့် အမျိုးသား ပြန်လည် သင့်မြတ်မှုကို အခြေခံ ထားကာ အဆုံးအဖြတ် ပေးနိုင်သူများအကြား ညှိညှိနိုင်းနိုင်း ဆွေးနွေး သုံးသပ် ပြင်ဆင်ကြမယ်။ ဆွေးနွေးပွဲမှ ထွက်ပေါ်လာမယ့် ရလဒ်တွေကို ပြည်သူ့ လွှတ်တော် ရွေးကောက်ပွဲ ဥပဒေအရ ဖွဲ့စည်းမည့် ပြည်သူ့ လွှတ်တော်မှာ အတည်ပြုချက် ရယူကြမယ်လို့ ဆိုပါတယ်။ ဒီလို လုပ်ခြင်းအားဖြင့် နအဖအနေနဲ့ မိမိရေးဆွဲထားတဲ့ ဥပဒေကို လေးစားလိုက်နာကြပြီး ဆောင်ရွက်ပေးရန် ကျန်ရှိတဲ့ တာဝန်တစ်ရပ်လည်း ပြီးစီးသွားစေမှာ ဖြစ်ပါတယ်။ ဒီနောက် ပြည်သူ့ လွှတ်တော်က အတည်ပြု သဘောတူ ဆုံးဖြတ်ချက်များအရ ထွက်ပေါ်လာမည့် အနာဂတ် နိုင်ငံရေး လမ်းကြောင်းအတိုင်း သက်ဆိုင်သူများ အားလုံးက ဒီမိုကရေစီ နိုင်ငံတော်သစ် အတွက် တညီတညွတ်တည်း ဆက်လက် ဖော်ဆောင်သွားဖို့ အဆိုပြုထားပါတယ်။ တိုင်းပြည်နဲ့ လူမျိုးအတွက် စေတနာနဲ့ လုပ်နေတာဆိုရင် နအဖ အနေနဲ့ ဒီအဆိုပြုချက်တွေအပေါ် မလိုက်လျောနိုင်တဲ့ အချက် တစ်ခုမှ မတွေ့မိပါဘူး။ ဒီတင်ပြချက်ဟာ နအဖရဲ့ လမ်းပြမြေပုံ (၇)ချက်ကို အတိမ်းအစောင်း မဖြစ်စေပဲ ဥပဒေအရ သူလုပ်ပေးဖို့ ကျန်နေတဲ့ တာဝန်များကို လမ်းပြမြေပုံ အဆင့် (၄)ဖြစ်တဲ့ လူထုဆန္ဒခံယူပွဲနဲ့ အဆင့်(၅) အထွေထွေ ရွေးကောက်ပွဲ အကြားမှာ ဆောင်ရွက်ဖြစ် သွားအောင်၊ လက်ရှိ ဖွဲ့စည်းပုံဥပဒေကိုလည်း ဒီမိုကရေစီ နည်းလမ်းကျတဲ့ ဖွဲ့စည်းပုံ ဥပဒေ တစ်ခု ဖြစ်အောင်၊ လူထု အတွက် လိုအပ်နေတဲ့ အပြောင်းအလဲတစ်ခုကို နအဖက သိက္ခာရှိရှိ၊ အချိန်မှီမှီ ဆောင်ရွက်ပေးနိုင်အောင် လမ်းစ ဖွင့်ပေးလိုက်ခြင်း ဖြစ်ပါတယ်။

NLD အတွက် စိမ်ခေါ်ချက်များ

ယနေ့ နိုင်ငံရေးအကြပ်အတည်းကို ပြပါဆိုရင် ၂ဝဝ၈ခုနှစ် ဖွဲ့စည်းပုံ အခြေခံ ဥပဒေပဲ ဖြစ်ပါတယ်။ ရွှေဂုံတိုင် ကြေညာ စာတမ်းရဲ့ အချက်အခြာ အကျဆုံးက တွေ့ဆုံဆွေးနွေးရေး အဆိုပြုချက် (၄) ချက်က ဒီ အကြပ်အတည်းကို ဖြေရှင်းဖို့ အကောင်းဆုံး ကြိုးပမ်း အားထုတ်မှု တစ်ခုလို သတ်မှတ်နိုင်ပါတယ်။ ဆွေးနွေးကြဖို့ အစဉ်တစိုက် တောင်းဆိုနေတဲ့ NLD ရဲ့ ထပ်မံ ကြိုးပမ်းမှုလို့ ပြောလို့ရပါတယ်။ ဒါပေမယ့် ဒီလို ကြိုးပမ်း အားထုတ်မှုများကို စိမ်ခေါ် နေတဲ့အချက်များ ရှိနေပါတယ်။

ပထမဆုံးစိမ်ခေါ်မှုက ဗိုလ်ချုပ်မှူးကြီးသန်းရွှေရဲ့ ဆွေးနွေးပွဲ ကြိုတင် သတ်မှတ်ချက် (၃)ခုပါ။ တွေ့ဆုံ ဆွေးနွေးဖို့ ကိစ္စကို အမြဲ လစ်လျှုရှုနေတဲ့ နအဖ ခေါင်းဆောင်ကြီးက ၂ဝဝ၇ခုနှစ် ရွှေဝါရောင် တော်လှန်ရေး အပြီး နိုင်ငံတကာရဲ့ ဖိအားပေးမှုများ ခံစားလာရတဲ့ အခါမှာတော့ ကုလသံတမန် ဂမ်ဘာရီကို
- ဒေါ်စုသည် ထိပ်တိုက်ရင်ဆိုင်ရေးနဲ့ အလုံးစုံ ပျက်သုဉ်းရေး ဆောင်ရွက်ခြင်း၊
- မြန်မာနိုင်ငံအပေါ် ပိတ်ပင်တားဆီးမှုများကို အားပေး ထောက်ခံခြင်းများကို
မလုပ်တော့ဘူးပြောရင် တွေ့ဆုံမယ်လို့ ပြောခဲ့ပါတယ်။ နိုင်ငံတကာရဲ့ ပိတ်ဆို့ တားဆီးမှုများကို ဒေါ်စုက အားပေး ထောက်ခံတာ အားလုံးသိပါတယ်။ ထိပ်တိုက် ရင်ဆိုင်ရေးနဲ့ အလုံးစုံ ပျက်သုဉ်းရေး ဆိုတဲ့ ကိစ္စများ မှာတော့ ဝိဝါဒ ကွဲစရာတွေ အများကြီး ရှိပါတယ်။ ဒါတွေကို အသာထားလို့ ကြိုတင် သတ်မှတ်ချက်များကို ပြန်စဉ်းစားမယ် ဆိုရင် မဆွေးနွေးချင်လို့ ညစ်ထားတဲ့ ကိစ္စတစ်ခုလို အထင်အရှား မြင်နိုင်ပါတယ်။ လက်တွေ့ စဉ်းစားကြည့်ရင် တွေ့ဆုံ ဆွေးနွေးခဲ့ကြပြီး အကျိုးရှိစေမယ့် ရလဒ်တစ်ခု ထွက်လာတာနဲ့ တပြိုင်နက် ဒီအချက်(၃) ချက်ဟာ ဘယ်ဖက် ကမှ စဉ်းစားစရာ မလိုတော့တဲ့ အရာများပင် ဖြစ်ပါတယ်။ NLD ရဲ့ ကြိုတင် သတ်မှတ်ချက် ဘာမှမရှိတဲ့ ဆွေးနွေးပွဲ စတင်ဖို့နဲ့ ဗိုလ်ချုပ်မှူးကြီး သန်းရွှေရဲ့ ဆွေးနွေးပွဲ ကြိုတင် သတ်မှတ်ချက်တို့ ထိပ်တိုက်တွေ့မှုကို ညှိပေးမယ့် ကြားခံ ကောင်းကောင်း တစ်ယောက် လိုပါလိမ့်မယ်။ အထူးသဖြင့် ဗိုလ်သန်းရွှေကို သြဇာညောင်းတဲ့သူ တစ်ဦး/တစ်ဖွဲ့ပေါ့။

ဒုတိယ စိမ်ခေါ်မှုက ယုံကြည်မှု ပေါ်ပေါက်ရေးပါ။ ပြောချင်တာက ဗိုလ်ချုပ်မှူးကြီးနဲ့ သူ့နောက်လိုက်များရဲ့ နိုင်ငံရေး ပါတီများနဲ့ ပါတီစုံ ဒီမိုကရေစီစနစ် အပေါ် ယုံကြည်မှုကို ဆိုလိုပါတယ်။ သူတို့တစ်သိုက်ရဲ့ ယုံကြည်မှု ကင်းမဲ့နေကြပုံကို အနီးစပ်ဆုံး ဥပမာပြရရင်တော့ (၆၄)ကြိမ်မြောက် တပ်မတော်နေ့မှာ ပြောခဲ့တဲ့ ကာကွယ်ရေး ဦးစီးချုပ် မိန့်ခွန်း ဖြစ်ပါတယ်။ YMBA, BCBA နဲ့ ဒို့ဗမာ အစည်းအရုံးက အစ ပြည်သူ့ရဲ့ဘော်၊ ဗမာပြည်ကွန်နစ် ပါတီအလယ်၊ ဖဆပလနဲ့ ပထစ အဆုံး အကွဲအပြဲ များနဲ့သာ အပြည့် ဖြစ်ကြောင်း အစချီလို့ နိုင်ငံရေး ပါတီများကို အယုံအကြည် မရှိဖို့၊ အထင်မကြီးဖို့နဲ့ နိုင်ငံ့အရေးဆိုတာ တပ်မတော် သားတွေကသာ လုပ်ပေးနိုင်တဲ့ အရာ ဖြစ်တယ် ဆိုပြီး တပ်မတော် သားတွေကို စည်းရုံး လှုံ့ဆော်တဲ့ မိန့်ခွန်းတစ်ခု ဖြစ်ပါတယ်။

သူ မယုံကြည်ရုံတင်မက တပ်မတော် တစ်ခုလုံးကပါ အယုံ အကြည် မရှိအောင် လုပ်နေတာကတော့ အနာဂတ် ဒီမိုကရေစီ နိုင်ငံတော်သစ်ရဲ့ ရှေ့ဆက်ရမယ့် ခရီးအတွက် ရင်လေးစရာ အပြည့်ပဲ ဖြစ်ပါတယ်။ ဆွေးနွေးရေးကို လက်မခံတာ၊ အခြေခံဥပဒေမှာ ကာကွယ်ရေး ဦးစီးချုပ်က ထိန်းချုပ်နိုင်တဲ့ ခလုပ်တွေ အဆင့်တိုင်းမှာ ထည့်ထားတာတွေဟာ သူ့ရဲ့ မယုံကြည်မှုတွေကို ပြသနေတာပဲ ဖြစ်ပါတယ်။ ယုံကြည်မှု မပေါ်ပေါက်သရွေ့ ယုံကြည်မှု မတည်ဆောက်နိုင်ပါဘူး။

ဗိုလ်ချုပ်မှူးကြီး သဘောပေါက် ယုံကြည်ရမှာက ဒီနေ့ ဒီအခါလောက် ကောင်းတဲ့ အခွင့်ရေး မရှိဘူး ဆိုတာပါ။ ဆိုလိုတာက သူ တပ်ကိုပိုင်သလို ဒေါ်စုနောက်မှာ လူထုကြီး ရှိပါတယ်။ သူနဲ့ ဒေါ်စုတို့ သက်ရှိ ထင်ရှား ရှိနေတုန်း ယခုအချိန်မှာ သူတို့နှစ်ဦး ပူးပေါင်း ဆောင်ရွက်လိုက်ကြရင် မြန်မာပြည်မှာ ဘယ်ခေတ် ဘယ်အခါနဲ့မှ မတူတဲ့ ညီညွတ်မှုတစ်ခုကို အရယူနိုင်တယ်၊ နိုင်ငံ ဖွံ့ဖြိုးရေးကို အစွမ်းရှိသလောက် လုပ်နိုင်ကြမှာ ဖြစ်ပါတယ်။ လူထုက မျှော်မှန်း တမ်းတနေတာလည်း ဒီအချက်ပဲ ဖြစ်ပါတယ်။

တတိယ စိမ်ခေါ်မှုက NLD နဲ့ လူထုအကြား ဆက်သွယ် ဆက်ဆံရေးကဏ္ဍ ဖြစ်ပါတယ်။ ယနေ့ နအဖက NLD ကို ခြေဖြတ်၊ လက်ဖြတ် လုပ်ထားတဲ့အပြင် ပါးစပ်ကိုပါ အဝတ်နဲ့ ဆို့ထားတာ အားလုံး သိကြပါတယ်။ ဒါပေမယ့် ယခုလာတော့မယ့် အချိန် ကာလတွေမှာတော့ NLD နဲ့ လူထုအကြား ဆက်သွယ် ဆက်ဆံရေး လမ်းကြောင်းတွေ၊ မီဒီယာတွေ ယခု အခြေအနေထက် အများကြီး ကောင်းဖို့ လိုပါလိမ့်မယ်။ အနှစ် (၂ဝ) ကျော်ကြာလာတဲ့ တိုက်ပွဲအတွင်း လူထုအတွင်းမှာ အားမလို အားမရမှုတွေ ရှိနေတဲ့အပြင် ခေါင်းဆောင် မဲ့နေသလို ခံစား နေကြရသူတွေ ရှိနေပါတယ်။ အခက်အခဲတွေ ကြားက အကောင်းဆုံးဖြစ်မယ့် ဆက်သွယ် ဆက်ဆံရေး နည်းလမ်းများ တီထွင် ကြံဆရပါမယ်။ NLD လူထုထံ ချပြစရာတွေ၊ ချပြသင့်တာတွေကို လူထုထံ အရောက်ပို့နိုင်ဖို့ လိုပါလိမ့်မယ်။

စတုတ္ထ စိမ်ခေါ်မှုက အချိန်ပါ။ ၂ဝ၁ဝဆိုတာ ခဏလေးနဲ့ ရောက်လာတော့မှာ ဖြစ်ပါတယ်။ ယခုတည်းက NLD တောင်းဆိုချက်များ အတွက် ဖြစ်လာနိုင်ခြေ အားလုံး တွက်ဆပြီး Contingency plan များ ရေးဆွဲ ချမှတ်ထားမှ နအဖရဲ့ လှုပ်ရှားမှုများနဲ့ ထပ်ချပ်မကွာ လိုက်နိုင်မှာ ဖြစ်ပါတယ်။ နအဖက ဒီမိုကရေစီရေး လုပ်ငန်းတိုင်းမှာ အချိန် ဇယားကို ရည်ရွယ်ချက် ရှိရှိနဲ့ ဖျောက်ထားပြီး အလုပ် လုပ်နေတာပါ။ ၂ဝဝ၈ ဆန္ဒခံယူပွဲ တုန်းက ဖွဲ့စည်းပုံဥပဒေကို လေ့လာချိန် ကောင်းကောင်းမရနိုင်အောင် ဆောင်ရွက်ခဲ့တာလည်း သတိချပ်ဖို့လိုပါမယ်။ ယခုလည်း NLD ကို ပြင်ဆင်ချိန် မရနိုင်အောင် အချိန်တွေကို ကစားပါဦးမယ်။
ပဉ္စမ နဲ့ နောက်ဆုံးစိမ်ခေါ်ချက်ကတော့ နအဖရဲ့ မရိုးသားမှု ဖြစ်ပါတယ်။ ကိုယ်ထုတ်ပြန်ခဲ့တဲ့ ဥပဒေမှ ကိုယ်ပြန်မလိုက်နာ၊ ကိုယ်ထုတ်ပြန်ခဲ့တဲ့ အမိန့်ကို ကိုယ်ပြန်မေ့၊ လူ သိန်းသောင်းချီ သေဆုံးကြရတဲ့ အရေးတောင် မငဲ့ကွက် ကိုယ်လိုချင်တဲ့ ရလဒ် အတင်း ယူခဲ့သူတစ်ဦးက ဒီနေ့ကျမှ NLD ရဲ့ တောင်းဆိုချက်ကို လိုက်လျောဖို့ ဆိုတာ အိမ်မက်တောင် မမက်ရဲတဲ့ အခြေအနေ ရှိပါတယ်။ ဒီအတွက် ကောင်းဆုံးကို မျှော်လင့်ပေမယ့် အဆိုးဆုံးကို ရင်ဆိုင်နိုင်ဖို့ ပြင်ဆင်ထားရမယ်လို့ ထင်မြင်မိပါတယ်။

ခေတ်မှီဖွံ့ဖြိုးတိုးတက်တဲ့ နိုင်ငံတော်သစ်

နိဂုံးချုပ်ရရင် NLD က ရှေ့ဆက်ရမယ့် ခရီးကို စိမ်ခေါ်မှု အပြည့်နဲ့ ဖြတ်သန်းရဦးမှာ ဖြစ်ပါတယ်။ တနည်းအားဖြင့် နအဖ ခေါင်းဆောင်ကြီးများရဲ့ အပြုအမူနဲ့ အကျင့်အကြံတွေ နေ့ခြင်းညခြင်း ပြောင်းလဲသွားဖို့က NLD ရဲ့ ကြိုးပမ်း အားထုတ်မှု တစ်ခုတည်းနဲ့ ဖြစ်ပေါ်လာဖို့ အလွန် ခဲယဉ်းပါတယ်။ ဒါပေမယ့် ယခုစဉ်းစားခဲ့တာ နအဖနဲ့ NLD နှစ်ဦးကိုသာ ထည့်တွက်ထားတာ ဖြစ်ပါတယ်။ တကယ်တမ်းဆိုရင်
- နအဖနဲ့ အခြား နိုင်ငံရေးပါတီများ၊
- နအဖနဲ့ ငြိမ်းချမ်းရေး အဖွဲ့များ၊
- နအဖနဲ့ နယ်စပ်က တိုင်းရင်းသား လက်နက်ကိုင် အဖွဲ့များ၊
- နအဖနဲ့ ကုလသမဂ္ဂ၊ နိုင်ငံတကာအဖွဲ့အစည်းများ၊ အာဆီယံ၊ အီးယူနဲ့ ပြည်ပအစိုးရများ၊
- နအဖနဲ့ သူ့စီးပွားရေး၊
- နအဖနဲ့ သူ့လူမှုရေးအသိုင်းအဝန်း၊
- နအဖနဲ့ တရုပ်အစိုးရ၊ ရုရှအစိုးရ၊ ထိုင်းအစိုးရ
စတဲ့ နအဖရဲ့ အခြားမျက်နှာစာများကို ထည့်သွင်း စဉ်းစားရပါဦးမယ်။ အဲဒီ မျက်နှာစာ များမှာလည်း နအဖကို လက်ရှိ အပြုအမူ အကျင့်အကြံတွေ ပြောင်းလဲ သွားစေဖို့ တူညီတဲ့ ဦးတည်ချက် တစ်ခုအပေါ် သင့်လျော်တဲ့ ချဉ်းကပ်မှု အမျိုးမျိုးနဲ့ ဆောင်ရွက်ကြမယ် ဆိုရင်၊ တပ်မတော် အတွင်းမှာလည်း နိုင်ငံရေးပါတီများ၊ နိုင်ငံရေး သမားများဟာ တို့လိုပဲ လူထုအတွက်၊ တိုင်းပြည်အတွက် လုပ်နေကြသူတွေပါလား ဆိုတာ သိမြင် လက်ခံလာကြမယ် ဆိုရင် ဒီဆောင်းပါးအစမှာ စဉ်းစားခဲ့တဲ့ Scenario ကို အသစ် ပြန်ပြင်ရေးရတော့မှာ ဖြစ်ပါတယ်။ တိုင်းပြည်နဲ့ လူမျိုးအတွက် အကောင်းဆုံးတွေကို စဉ်းစား ဆုံးဖြတ်ရာ၊ အပေးအယူ မျှမျှတတနဲ့ ကမ္ဘာအလယ်မှာ မျက်နှာမငယ်ရတဲ့ ခေတ်မှီ ဖွံ့ဖြိုး တိုးတက်တဲ့ နိုင်ငံတော်သစ် ဖြစ်လာမှာ ဧကန်မုချလို့ ထင်မြင်မိပါကြောင်း။ ။

မောင်ရွှေ
၂ဝဝ၉ခုနှစ်၊ မေလ (၉)ရက်၊ စနေနေ့

Ref: မိုးမခ

Read More...

Collapse...

နေ့စဉ်သတင်းများ (၁၀ - ၅ - ၀၉ )

■ ဒေါ်အောင်ဆန်းစုကြည် ကျန်းမာရေးမကောင်း၊ မိသားစုဆရာဝန်ကို အာဏာပိုင်တွေ ထိန်းသိမ်း သတင်း
■ ILO တိုင်ကြားသူ၏ မိသားစုဝင်များကို ခြိမ်းခြောက်အလုပ်ဖြုတ် သတင်း
■ အပြစ်မဲ့ပြည်သူတွေကို သတ်ဖြတ်နေမှု ပအို့ဝ်အဖွဲ့အစည်းများ ကန့်ကွက် သတင်း
■ လယ်သမားများထံက လယ်မြေ၊ ကျွဲ၊ နွားများ အကြွေးရှင်တွေ သိမ်းနေ သတင်း
■ အဖွဲ့ချုပ်လူငယ်သုံးဦး နယ်ထောင်ပြောင်း သတင်း
■ စံပြကျေးရွာသားများအကြား အချင်းချင်း ဓားထိုးမှု ဖြစ်ပွား သတင်း
■ ဒေါ်အောင်‌ဆန်းစုကြည်‌ရဲ့ ကျန်းမာ‌ရေးအ‌ခြေအ‌နေ စိုးရိမ်‌ရ သတင်း
■ ခြံဝင်းအတွင်း ကျူကျော်ဝင်ရောက်သူနှင့် တွေ့ခွင့်ရရန် သံရုံးက စောင့်ဆိုင်းနေ သတင်း
■ တနင်္လာနေ့ကျရင် တံဆိပ်ခေါင်းဘိုး ၂ ဆင့် ဈေးတက်မယ် သတင်း
■ မြန်မာတံငါသည် ၂ ဦး သြစတြေးလျမှာ ခိုလှုံခွင့်ရ သတင်း
■ ပါကစ္စတန်တိုက်ပွဲ ပြင်းထန်၊ ဒေသခံများ ပိတ်မိနေ သတင်း
■ မြန်မာနိုင်ငံအကြောင်း ဇာတ်လမ်းပိုင်း NBC ရုပ်မြင်သံကြားဋ္ဌာနက ရိုက်ကူး သတင်း
■ ရှမ်းပြည်တပ်မတော်(မြောက်ပိုင်း)နှင့် စစ်ခေါင်းဆောင်များ မတွေ့သေး သတင်း
■ မန္တလေးမြို့တည် နန်းတည် နှစ် ၁၅၀ ပြည့် ဂီတပွဲတော် သတင်း

Read More...

Collapse...