ဗုဒ္ဓဟူး, 15 ဖေဖော်ဝါရီ 2012
အီရန်နိုင်ငံက သူ့ရဲ့ နျူကလီးယား လုပ်ငန်းတွေမှာ ထူးထူးခြားခြား တိုးတက်မှု ရနေတဲ့အကြောင်း ကြေငြာ လိုက်ပါတယ်။ ယူရေနီယံ သန့်စင်မှုတွေကို အရှိန်မြှင့် ဆောင်ရွက်နိုင်မယ့် ဗဟိုခွာအားစက် အမျိုးအစား သစ်နဲ့ ပြည်တွင်းမှာ ပထမဆုံး အကြိမ် နျူကလီးယား လောင်စာ ချောင်းတွေ ထုတ်လုပ်နိုင်ပြီ ဖြစ်တဲ့ကြောင်း ဗုဒ္ဓဟူးနေ့က ပြောဆိုလိုက်တာပါ။
နိုင်ငံအလယ်ပိုင်းမှာရှိတဲ့ Natanz က စက်ရုံမှာ ကာဗွန်ဖိုင်ဘာ ဗဟိုခွာအားစက်သစ်ကို တပ်ဆင်ပြီး ဖြစ်ကြောင်းနဲ့ ယူရေနီယံ သန့်စင်မှု တွေလည်း စတင်ဆောင်ရွက် နေပြီဆိုပြီး အစိုးရနဲ့ နီးစပ်တဲ့ Fars သတင်းဌာနက ဗုဒ္ဓဟူးနေ့က ကြေညာပါတယ်။
တီဟီရန်မြို့တော်က နျူကလီးယား စက်ရုံမှာ ၂၀% သန့်စင်ပြီးသား ယူရေနီယံ လောင်စာချောင်းတွေ တပ်ဆင် နေတာကို သမ္မတ Mahmoud Ahmadinejad ကြီးကြပ်နေတဲ့ ပုံတွေကိုလည်း ဗုဒ္ဓဟူးနေ့မှာပဲ နိုင်ငံပိုင် ရုပ်မြင်သံကြားမှာ ပြသခဲ့တာပါ။ သက်တမ်း ၄၃ နှစ်ရှိပြီဖြစ်တဲ့ ဒီစက်ရုံကနေ ကင်ဆာ ရောဂါသည်တွေကို ကုသရာမှာ အသုံးပြုဖို့ နျူကလီးယား Isotope တွေကို ထုတ်လုပ် ပေးနေတာဖြစ်ပြီး၊ သိပ်မကြာခင်မှာပဲ စက်ရုံအတွက် ပြည်ပက တင်သွင်းနေရတဲ့ လောင်စာချောင်းတွေ ကုန်တော့မယ်လို့လည်း ခန့်မှန်းထားကြတာ ဖြစ်ပါတယ်။
အီရန်နိုင်ငံရဲ့ ဘာသာရေး အထွတ်အမြတ်မြို့တမြို့ဖြစ်တဲ့ Qom အနီး တောင်တလုံးမှာရှိတဲ့ မြေအောက် နျူကလီးယား စက်ရုံတရုံကို သမ္မတက မကြာခင် တရားဝင်ဖွင့်လှစ်ပေးဖို့ ရှိတယ်လို့လည်း အစိုးရပိုင်သတင်းက ဖော်ပြခဲ့တာပါ။
အီရန်ရဲ့ ကြေငြာချက်တွေနဲ့ ပတ်သက်လို့ အမေရိကန် ပြည်ထောင်စုကတော့ ဒါတွေဟာ ချဲ့ကားတဲ့ ပြောဆိုချက်တွေ ဆိုပြီး ပယ်ချလိုက်ပါတယ်။ အနောက်နိုင်ငံတွေနဲ့ ကုလသမဂ္ဂက ပိတ်ဆို့ဒဏ်ခတ် အရေးယူမှုတွေ ရှိနေပေမဲ့လည်း အီရန်ကတော့ နျူကလီးယား လောင်စာ ထုတ်လုပ်မှု လုပ်ငန်းတွေ အပြည့်အ၀ အောင်မြင်မှုရအောင် ဆက်လက် ကြိုးပမ်းနေတာလည်း ဖြစ်ပါတယ်။
Ref: VOA News
Read More...
Collapse...
ကျော်ခ
ဖေဖေါ်ဝါရီလ ၁၅ ရက် ၂၀၁၂ ခုနှစ်
ရှမ်းပြည်အရှေ့ပိုင်း ထိုင်းနိုင်ငံ နယ်စပ် တာချီလိတ်မြို့တွင် စိတ်ကြွ ရူးသွပ်ဆေးပြား ၈ သန်း ၇ သိန်းကျော်နှင့် လက်နက်များကို တနင်္လာနေ့က ဖမ်းဆီးရမိကြောင်း တာချီလိတ်မြို့နယ် မူးယစ်အာဏာပိုင် အသိုင်းအဝိုင်းထံမှ သိရသည်။
တာချီလိတ်မြို့နယ်၊ လွယ်တော်ခမ်း ကျေးရွာစု ပါခါ ကျေးရွာရှိ မသင်္ကာဖွယ် အိမ်သုံးလုံးကို မြို့နယ်မူးယစ်တပ်ဖွဲ့များ၊ ရဲတပ်ဖွဲ့ဝင်များ၊ စစ်ဘက်လုံခြုံရေး-စရဖ အဖွဲ့များက ပူးပေါင်း စီးနင်းရှာဖွေရာမှ စိတ်ကြွရူးသွပ်ဆေးပြား ၈ သန်း ၇ သိန်းကျော် အပါအဝင် သေနက် ၄ လက်နှင့် ထိုဆေးပြား ထုတ်လုပ်ရာတွင် အသုံးပြုသည့် ပစ္စည်းအချို့ကို သိမ်းဆည်း ရမိခြင်း ဖြစ်ကြောင်း မူးယစ်အဖွဲ့နှင့် နီးစပ်သူ တဦး ထံမှ သိရသည်။
“သူတို့အဖွဲ့တွေထဲက တယောက်ကပဲ ဖုန်းနဲ့ လှမ်းအကြောင်းကြားတာကနေ ဝင်ရှာတာ။ ပိုင်ရှင် ၃ ဦးလုံးက အခါလူမျိုးတွေ။ ဝင်စီးတဲ့ အချိန်မှာ ပိုင်ရှင်တွေ အကုန်လုံးက ထွက်ပြေးကုန်ပြီ။ ပစ္စည်းပဲ မိတာ” ဟု သူက မဇ္ဈိမကို ပြောသည်။
ပူးပေါင်းတပ်ဖွဲ့က အခါလူမျိုးအများစုနေထိုင်သော အိမ်ခြေ ၅ဝ ခန့်ရှိ ပါခါရွာမှ မူးယစ်မသင်္ကာသူ ၃ ဦး၏ အိမ်များကို နံနက် ၇ နာရီ ခန့်က ဝင်ရောက်ရှာဖွေရာ ဦးအားကာ အိမ်မှ ၄,၄၆၈,၄ဝဝ၊ ဦးအားမူ အိမ်မှ ၂,၃၉၄,ဝဝဝ နှင့် ဦးအားထာ အိမ်မှ ၁,၈၅၆,ဝဝဝ တို့ ဖမ်းဆီးရမိခဲ့ပြီး ဦးအားကာ အိမ်မှ ဆေးပြားများအပြင် AK-47 တလက်၊ M-16 တလက်၊ ပွိုင့် ၃၈ ပစ္စတို တလတ်နှင့် M-22 တလက်တို့ သိမ်းဆည်းရမိခဲ့ကြောင်း မူးယစ်အဖွဲ့၏ မှတ်တမ်းများအရ သိရသည်။
ဦးအာကာ၏ အိမ်မှပင် စိတ်ကြွဆေးပြား ထုတ်လုပ်ရာတွင် အသုံးပြုသည့် ကဖိန်း အထုပ် ကီလို ၆ဝ နှင့် အခြား စက်ပစ္စည်းများကိုလည်း သိမ်းဆည်းရမိကြောင်းသိရသည်။ ဦးအားမူ၏ အမျိုးသမီးကို တာဝန်အရ ခေါ်ယူ စစ်ဆေးမှု များ ပြုလုပ်နေလျက် ရှိကြောင်း သိရသည်။
ပါခါးကျေးရွာသည့် ထိုင်း-မြန်မာနယ်စပ်တွင် ရှိပြီး ထိုင်းဖက်ကမ်း မယ်ပါးလွမ် မြို့နှင့် ကပ်လျက်တွင် ရှိသည်။ ဖမ်းဆီးရမိသည့် အဆိုပါ စိတ်ကြွဆေးပြားကို ထိုင်းနိုင်ငံတွင်းသို့ တင်ပို့ဖွယ်ရှိနိုင်ကြောင်း မြန်မာ မူးယစ် အာဏာပိုင်များက ယူဆနေသည်။
စိတ်ကြွဆေးပြားများ ဖမ်းဆီးရမှုနှင့် ပါတ်သက်၍ တာချီလိတ်မြို့နယ် ရဲတပ်ဖွဲ့ကလည်း အတည်ပြု ပြောဆိုခဲ့ပြီး ထွက်ပြေး လွတ်မြောက် သွားသည့် အိမ်ရှင်သုံးဦးအား ဖမ်းဆီးနိုင်ရန်အတွက် ထိုင်းအာဏာပိုင်များနှင့် ညှိနှိုင်း ဆောင်ရွက်သွား မည်ဖြစ်ကြောင်း ပြောဆိုသည်။
“သူတိုိ့ကို တရားဥပဒေအရ ဆောင်ရွက်နိုင်အောင် ဟိုဘက် (ထိုင်း) အခြမ်းက အာဏာပိုင်အဖွဲ့တွေနဲ့လည်း ကျနော် တို့ ချိတ်ဆက် ဆောင်ရွက်သွားမှာပါ။ အခုတော့ သူတို့နဲ့ ပတ်သက်သူတွေကို ခေါ်ယူစစ်ဆေးမှုတွေ လုပ်နေပါတယ်” ဟု တာချီလိတ်မြို့နယ် ရဲအရာရှိတဦးက မဇ္ဈိမကို ပြောသည်။
တာချီလိတ်မြို့နယ်သည် နှစ်စဉ်တိုင်းကဲ့သို့ ဘိန်းနှင့် အခြား မူးယစ်ဆေးဝါးများ ဖမ်းဆီးရမိလေ့ရှိပြီး အများစုမှာ ရှမ်းပြည်နယ် အတွင်းကပင် လာကြောင်း မူးယစ်အဖွဲ့နှင့် နီးစပ်သူက ပြောသည်။
ကမ္ဘာတဝှန်း ဘိန်းစိုက်ပျိုးမှုမှာ ၂ဝဝ၉ ခုနှစ်ထက်စာလျှင် ၂ဝ၁ဝ ခုနှစ်ထဲတွင် ၅ ရာခိုင်နှုန်း တိုးပွားလာခြင်းမှာ မြန်မာနိုင်ငံကြောင့် ဟု ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး UNODC ၏ ၂ဝ၁၁ ခုနှစ်ထုတ် အစီရင်ခံစာက ဆိုသည်။ ထို့အပြင် UNODC က မြန်မာနိုင်ငံသည် အရှေ့အာရှဒေသ၌ မက်သာဖက်တမင်းခေါ် စိတ်ကြွဆေးပြား အဓိက ဖြန့်ဖြူးရာ နိုင်ငံ အဖြစ်လည်း သတိပေးထား သည်။
မြန်မာနိုင်ငံ၌ ၂ဝဝ၉ ခုတွင် ဘိန်းစိုက်ပျိုးမှု ၃၁,၇ဝဝ ဟက်တာ (၇၈၂၉၉ ဧက) ရှိပြီး၊ ၂ဝ၁ဝ ခု၌ ၂ဝ ရာခိုင်နှုန်း တိုးလာကာ ၃၈,၁ဝဝ ဟက်တာ (၉၄၁ဝ၈ ဧက) အထိ ဖြစ်လာခဲ့သည်။ ထိုအထဲတွင် ရှမ်းပြည်နယ် အရှေ့၊ မြောက် နှင့် တောင်ပိုင်းတို့တွင် အများဆုံး စိုက် ပျိုးပြီး ၂ဝဝ၉ တွင် ဟက်တာ ၃ဝဝဝဝ ရှိရာမှ ၂ဝ၁ဝ တွင် ၃၅ဝဝဝ အထိ ၁၇ ရာခိုင်နှုန်း တိုးလာသည်ဟု အစီရင်ခံစာက ဆိုသည်။
Ref: မဇ္ဈိမ
Read More...
Collapse...
ကွန်းချမ်း
ဖေဖေါ်ဝါရီလ ၁၅ ရက် ၂၀၁၂ ခုနှစ်
လူ ၄ ဦးကို ဖမ်းဆီးပြီး ထိုင်းဘတ်ငွေ သုံးသိန်းဖြင့် ရွေးယူရန် ပြန်ပေးဆွဲ ခေါ်ဆောင်သွား သည့် ဖြစ်ရပ်တခု အင်္ဂါနေ့ည ၇ နာရီကျော် တွင် ကရင်ပြည်နယ် ဘုရားသုံးဆူမြို့၌ ဖြစ်ပွားခဲ့သည်။
ပြောက်ကျားဝတ်စုံဖြင့် လက်နက်ကိုယ်စီ ကိုင်ထားသည့် ၇ ဦးပါ အမည်မသိ လက်နက်ကိုင်အဖွဲ့ တဖွဲ့က ရပ်ကွက် ၁ ဓမ္မဂီရိဘုရား တောင်ခြေတွင် နေထိုင်သည့် အသက် ၄၅ နှစ်ဝန်းကျင်ရှိ ဝတုတ် (ခ) ဦးသိန်းမြင့်နှင့် တူမ ဖြစ်သူ အသက် ၃၅ နှစ်ရှိ မိစုတို့အပြင် ဘုရားဖူး လူငယ် အမျိုးသားတဦးနှင့် အမျိုးသမီးတဦးတို့ကို ဖမ်းဆီးသွားခြင်း ဖြစ်သည်။
“မနက်ကတည်းက ညှိနှိုင်းနေတယ်၊ ပြေလည်သွားပြီ၊ ဒါပေမယ့် အခုထိတော့ အိမ်မရောက်သေးဘူး” ဟု ဦးသိန်းမြင့် နှင့် နီးစပ်သူ တဦးက မဇ္ဈိမကို ပြောသည်။
ပြန်ပေးများက ဦးသိန်းမြင့်နှင့် တူမ ဖြစ်သူကို ဘတ်ငွေ နှစ်သိန်း၊ အခြားနှစ်ဦးကို တသိန်းဖြင့် ပြန်ရွေးရန် တောင်းထား ပြီး ညှိနှိုင်းရာမှ ဦးသိန်းမြင့်တို့ကို ဘတ်ငွေတသိန်းနှင့် အခြားနှစ်ဦးကို ခြောက်သောင်းဖြင့် ပြေလည်ခဲ့သည်ဟု သူက ပြောသည်။
အဖမ်းခံရသူ ဦးသိန်းမြင့်နှင့် တူမဖြစ်သူတို့မှာ သစ်ခွဲခြင်း၊ မီးသွေးဖုတ်ခြင်းဖြင့် အသက်မွေးသူများ ဖြစ်ပြီး၊ အခြား နှစ်ဦးမှာ ဖိနပ်ချုပ် စက်ရုံ အလုပ်သမားများ ဖြစ်ကြသည်။
၂ဝ၁၁ ခုနှစ်က ဘုရားသုံးဆူမြို့နယ်အတွင်း မွန်ပြည်ပြန်လည် ထူထောင်ရေးတပ် အမည်ဖြင့် ပြန်ပေးဆွဲအဖွဲ့ တဖွဲ့ ပေါ်ပေါက်ခဲ့ပြီး ရွှေဆိုင် အပါအဝင် စီးပွားရေး ချောင်လည်သူများနှင့် ရာဘာခြံရှင်များထံမှ ဆက်ကြေးကောက်ခြင်း နှင့် ပြန်ပေးဆွဲခြင်းတို့ကို ၅ ကြိမ်ထက်မနည်း ပြုလုပ်ခဲ့ဖူးသည်။
ယခုပြန်ပေးဆွဲသည့်အဖွဲ့မှာ ယခင်အဖွဲ့ မဖြစ်နိုင်ကြောင်း ဘုရားသုံးဆူ မြို့နယ်အနီး ဂျပန်ရေတွင်းကျေးရွာရှိ မွန်ပြည်သစ်ပါတီမှ စစ်ဘက် အရာရှိတဦးက ပြောသည်။
“အခုပြန်ပေးဆွဲတဲ့နေရာနဲ့ အရင်က ပြန်ပေးဆွဲတဲ့အဖွဲ့ လှုပ်ရှားတဲ့ဂွင်နဲ့က တော်တော် အလှမ်းဝေးတယ်။ အခုနေရာမှာ သူတို့ ပြန်ပေး ဆွဲမယ်ဆိုရင် ကျနော်တို့နယ်ကို ဖြတ်၊ ထိုင်းဘက်ကို ဝင်ပြီး ကားလမ်းကို ဖြတ်ပြီးမှ အခု ပြန်ပေးဆွဲတဲ့နေရာကို ရောက်မယ်၊ စစ်ရေး အမြင်နဲ့ ကြည့်ရင် အရင်ကအဖွဲ့ လုံးဝ မဖြစ်နိုင်ဘူး” ဟု သူက ပြောသည်။
ပြန်ပေးရန်ကို ကာကွယ်ရန်အတွက် ၂ဝ၁၁ ခုနှစ် သြဂုတ်လတွင် မြို့နယ်အုပ်ချုပ်ရေး အာဏာပိုင်များနှင့် ဒေသခံ ရာဘာခြံရှင် ၆ဝ ခန့် မြို့နယ် အုပ်ချုပ်ရေးမှူးရုံး ခန်းမတွင် အစည်းအဝေး ပြုလုပ်ပြီးနောက် ပြည်သူ့စစ်အဖွဲ့ကို ဖွဲ့စည်းခဲ့သည်။
စက်တင်ဘာ လကုန်ပိုင်းတွင် ပြန်ပေး ဆွဲလေ့ရှိသော လက်နက်ကိုင်နှင့် ဆက်နွယ်သည်ဟု စွပ်စွဲချက်ဖြင့် လူ ခုနှစ်ဦးကို အာဏာပိုင် များက ဖမ်းဆီးခဲ့သည်။
ထိုင်း-မြန်မာနယ်စပ် ဖြစ်သည့် ဘုရားသုံးဆူသည် ကရင်အမျိုးသား အစည်းအရုံး၊ တိုးတက်သော ဗုဒ္ဓဘာသာ ကရင်အမျိုးသား တပ်မတော်၊ ကရင်ငြိမ်းချမ်းရေးကောင်စီနှင့် မွန်ပြည်သစ်ပါတီတို့ လှုပ်ရှားရာ ဒေသတခု ဖြစ်သည်။
Ref: မဇ္ဈိမ
Read More...
Collapse...
မျိုးသန့်
ဖေဖေါ်ဝါရီလ ၁၅ ရက် ၂၀၁၂ ခုနှစ်
မြန်မာနိုင်ငံ၏ အလုပ်လက်မဲ့ ပြဿနာကို ဖြေရှင်းရန် ပြည်ပနိုင်ငံများနှင့် အဖွဲ့အစည်းများ၏ အကူအညီ ရယူ၍ ဆောင်ရွက်ရန် ပြင်ဆင် ထားပြီး ဖြစ်ကြောင်း အမျိုးသားဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်က ပြောဆိုလိုက်သည်။
မြန်မာနိုင်ငံ၏ အဓိက ပြဿနာမှာ ဆင်းရဲမွဲတေမှုဖြစ်ပြီး ဆင်းရဲခြင်းကို ဖြစ်စေသည့် အကြောင်းမှာ အလုပ်လက်မဲ့ များပြားခြင်းဟု ဗုဒ္ဓဟူးနေ့မနက်က မရမ်းကုန်းမြို့နယ် ပါတီစည်းရုံးရေး ဟောပြောပွဲအတွင်း ဒေါ်အောင်ဆန်းစုကြည် က ထည့်သွင်း ပြောဆိုသွားခြင်း ဖြစ်သည်။
“ကျမတို့နိုင်ငံရဲ့ အဓိက ပြဿနာကြီးကတော့ ဆင်းရဲမွဲတေမှုပါပဲ။ ဒီပြဿနာနဲ့ ပတ်သက်လို့ ဘယ်လိုဖြေရှင်းဖို့ စဉ်းစားထားသလဲလို့ မေးလို့ရှိရင် ကျမတို့ မြန်မာနိုင်ငံကို ကူညီချင်တဲ့ အဖွဲ့အစည်းတွေ နိုင်ငံတွေနဲ့ ဒီကိစ္စတွေကို ကျမတို့ ဆွေးနွေးပြီးပါပြီ။ ကျမတို့ ဘယ် လိုပုံစံနဲ့ အကောင်းဆုံး လုပ်မလဲဆိုတာကို စတင်ပြီးတော့ ကျမတို့ တတ်နိုင်သလောက် ဆောင်ရွက်နေပါတယ်” ဟု ဒေါ်အောင်ဆန်းစု ကြည်က ပြောကြားသွားသည်။
ဖေဖေါ်ဝါရီလ ၃ ရက်နေ့က ကော့မှူးမြို့နယ် ပါတီစည်းရုံးရေး ခရီးစဉ်တွင်လည်း “ကော့မှူးမြို့နယ်မှာ ဆိုရင် အရေးအကြီးဆုံး ကိစ္စက တော့ အလုပ်အကိုင် မရှိခြင်းပါပဲ။ အလုပ်အကိုင်ကို ပြည်သူတွေ အတွက် လုံလုံလောက် လောက် ရှိအောင်လို့ လုပ်ပေးရမှာဟာ ပထမ ဦးဆုံး တာဝန်တခုဖြစ်တယ်ဆိုတာ ကျမတို့ နားလည်ပါတယ်” ဟု NLD ဥက္ကဋ္ဌက ပြောကြားသွားခဲ့သေးသည်။
ထိုသို့ NLD ပါတီက ဆင်းရဲမွဲတေမှု ပြဿနာကို အလုပ်အကိုင် အခွင့်အလမ်းများ ဖန်တီးပေးခြင်းဖြင့် ဖြေရှင်းနိုင်ရန် ကြိုးပမ်းမည်ဟု ပြောဆိုနေစဉ် သမ္မတ ဦးသိန်းစိန်ကလည်း တနိုင်ငံလုံး ဆင်းရဲမွဲတေမှု ၂၆ ရာခိုင်နှုန်း ရှိနေရာမှ ၂၀၁၅ ခုနှစ်တွင် ၁၆ ရာခိုင်နှုန်းသို့ လျော့ချနိုင်အောင် ရည်မှန်းချက်ထား ဆောင်ရွက်နေကြောင်း ၂၀၁၁ ခုနှစ် သြဂုတ်လအတွင်း ကျင်းပသည့် ပြည်ထောင်စုလွှတ်တော် မိန့်ခွန်းတွင် ပြောကြားသွားသည်။
၂၀၁၁ ခု နှစ် မေလအတွင်း နေပြည်တော်တွင် ကျင်းပသည့် ဆင်းရဲနွမ်းပါးမှု လျော့ကျရေး အမျိုးသားအဆင့် အလုပ်ရုံ ဆွေးနွေးပွဲ အတွင်း သမ္မတ မိန့်ခွန်းတွင် ဆင်းရဲနွမ်းပါးမှု ပပျောက်ရေးအတွက် လယ်ယာနှင့် သားငါး ထုတ်လုပ်မှုကဏ္ဍ ဖွံ့ဖြိုးရန်၊ ကျေးလက် အိမ်တွင်း စက်မှု လုပ်ငန်းများမှ ဝင်ငွေရရန်၊ အသေးစား ငွေချေးလုပ်ငန်းများ ဖွံ့ဖြိုးရန်၊ ကျေးလက် သမဝါယမ လုပ်ငန်းများ ဖွံ့ဖြိုးရန် လုပ်ငန်းစဉ်များ ချမှတ်ထားကြောင်း ပြောကြားခဲ့သည်။
“ဆင်းရဲတွင်းနက်မှုကို လျော့ပါးရေးအတွက် အသေးစား ငွေကြေးဝန်ဆောင်မှု လုပ်ငန်းဟာ လက်နက်ကောင်း တခု ဖြစ်ပါတယ်” ဟု လည်း သမ္မတ မိန့်ခွန်းတွင် ထည့်သွင်းပြောသွားခဲ့သည်။
သမ္မတ က အလုပ်လက်မဲ့များ၏ အဓိကပြဿနာမှာ ငွေအရင်းအနှီးဖြစ်ကြောင်း “ဆင်းရဲ နွမ်းပါးသူ အများစုဟာ ကျေးလက်မှာ နေထိုင် သူများဖြစ်ကြပါတယ်။ ၎င်းတို့ဟာ အလုပ် မလုပ်ချင်လို့ မဟုတ်ဘဲ အများစုမှာ အလုပ် လုပ်ကိုင်လိုကြပါတယ်။ အလုပ်လုပ်နိုင်ရန် လုပ် ခင်းကိုင်ခင်းများလည်း ရှိကြပါတယ်။ ၎င်းတို့ရဲ့ အဓိက လိုအပ်ချက် ဟာ ငွေအရင်းအနှီးဖြစ်ပါတယ်” ဟုလည်း ပြောကြားခဲ့သည်။
မရမ်းကုန်းမြို့နယ် ဟောပြောပွဲတွင် ဒေါ်အောင်ဆန်းစုကြည်က ပညာရေးနှင့် ကျန်းမာရေးသည်လည်း အရေးကြီး သည့် အချက်များ ဖြစ်နေပြီး NLD ပါတီအနေဖြင့် အလေးထား ဆောင်ရွက်ရန် ရှိကြောင်းလည်း ထည့်သွင်း ပြောကြား ခဲ့သည်။
ဒေါ်အောင်ဆန်းစုကြည်သည် ဗုဒ္ဓဟူးနေ့တွင်ပင် လှည်းကူးမြို့နယ်သို့ပါ ပါတီစည်းရုံးရေး ခရီးထွက်ခဲ့ပြီး လှည်းကူး မြို့နယ် အားကစား ကွင်းအတွင်း ပရိသတ် ငါးသောင်းခန့်ကို ဟောပြောမှုတွင် တရားဥပဒေ စိုးမိုးရေးကို အဓိကထား ပြောကြားခဲ့သည်။ ထို့ပြင် လှည်းကူး မြို့နယ်၏ NLD ကိုယ်စားလှယ်လောင်း ကိုဖြိုးမင်းသိန်းကိုလည်း လူထုနှင့် မိတ်ဆက်ပေးခဲ့သေးသည်။
Ref: မဇ္ဈိမ
Read More...
Collapse...
February 15, 2012
နေသွင်
မြန်မာပြည်ကို စီးပွားရေးအကြံပေးဖို့ သွားရောက်ခဲ့တဲ့ ထင်ရှားတဲ့ စီးပွားရေးပညာရှင် ဂျိုးဇက်စတစ်ဂလစ်က မြန်မာပြည်မှာ အရင်နဲ့မတူ အထင်ကြီးလောက်စရာ အခြေအနေတွေကို တွေ့ခဲ့ရတယ်လို့ ပြောပါတယ်။
မြန်မာသမ္မတ ဦးသိန်းစိန်၊ အစိုးရပိုင်းက ဝန်ကြီးတွေ၊ အရပ်ဘက် အဖွဲ့အစည်းတွေနဲ့ တွေ့ဆုံခဲ့တဲ့ ဂျိုးဇက်စတစ်ဂလစ်က အခုခရီးစဉ်မှာ ၂၀၀၉ ခုနှစ် ခရီးနဲ့ မတူတဲ့ တိုးတက်မှုတွေကို တွေ့ခဲ့ရတဲ့အကြောင်း ဒီဗွီဘီနဲ့ သီးသန့် မေးမြန်းခန်းမှာ ပြောပါတယ်။
“ဥပမာအနေနဲ့ လိုင်စင်တွေ တော်တော်များများ ထုတ်ပေးထားလို့ ဈေးကွက်ထဲမှာ ပြိုင်ဆိုင်မှုကလည်း တော်တော်လေး ရှိလာပါတယ်၊ အရင်တုန်းက ဒီလို ပြိုင်ဆိုင်မှု မရှိတဲ့ ဒဏ်တွေ ခံခဲ့ရတယ်လေ။ အခုနောက်ပိုင်းမှာတော့ ဈေးကွက်ကို စောင့်ကြည့်နေသူတွေက ဈေးနှုန်းတွေ ကျသွားတဲ့ အကြောင်း ပြောကြပါတယ်။ ဒါမျိုးတွေကို သူတို့ တော်တော်လေးကို လုပ်ထားတာ ရှိပါတယ်” လို့ ပြောပါတယ်။
အမေရိကန်ပြည် ထောင်စု၊ ကိုလံဘီယာတက္ကသိုလ်က နိုဘယ်လ်ဆုရ စီးပွားရေးပညာရှင် ဂျိုးဇက်စတစ် ဂလစ်ဟာ လွတ်လပ်တဲ့ ဈေးကွက်စီးပွားရေးနဲ့ ဆိုရှယ်လစ်စီးပွားရေး စနစ်နှစ်ခုကို ရောစပ်ထားတဲ့ တတိယနည်း စီးပွားရေးစနစ်ကို မြှင့်တင်သူအဖြစ် ပညာရှင် အသိုင်းအဝိုင်းကြားမှာ လူသိများသူဖြစ်ပါတယ်။
သူ့ကို မြန်မာအစိုးရက ဒုတိယအကြိမ် ဖိတ်ကြားတာဟာ သူ့ရဲ့ `တတိယနည်း´ စီးပွားရေးဒဿနကို စိတ်ဝင်စားလို့ ဖြစ်မယ်ဆိုရင် အံ့ဩစရာမရှိဘူးလို့ ဂျိုးဇက်စတစ်ဂလစ်က ပြောပါတယ်။
“တတိယနည်းက တော့ မြန်မာအစိုးရက တော်တော်လေး စိတ်ဝင်စားတာ တွေ့ရပါတယ်။ မြန်မာပြည်က အာဆီယံအဖွဲ့ရဲ့ လွှမ်းမိုးမှုရှိ တယ်၊ ကူးလူးဆက်ဆံမှု များတယ်၊ အာဆီယံမှာကလည်း တတိယနည်းဆိုတဲ့ စီးပွားရေး ဒဿနက အားကောင်း မောင်းသန်ရှိတယ်။ ဒါကြောင့် အံ့ဩစရာ မရှိပါဘူး။”
ဂျိုး ဇက်စတစ်ဂလစ်ဟာ စနေနေ့မှာ ရန်ကုန်မြို့ လမ်းမတော်နားက မင်းရဲကျော်စွာလမ်းက မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းချုပ် (UMFCCI) မှာ အရပ်ဘက်အဖွဲ့အစည်းတွေက စိတ်ဝင်စားသူတွေ တက်ရောက်တဲ့ စီးပွားရေးဆိုင်ရာ ဟောပြော ပွဲလုပ်ခဲ့သလို၊ အင်္ဂါနေ့မှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံခဲ့ပါတယ်။
အစိုးရပိုင်း မှာရော၊ အရပ်ဘက်အဖွဲ့အစည်းမှာပါ စီးပွားရေး ပြုပြင်ပြောင်းလဲမှု အပေါ် စိတ်ဝင်တစား ရှိတာ တွေ့ခဲ့ရတယ်လို့ ဂျိုးဇက်စတစ်ဂလစ်က ပြောပါတယ်။
“စနေနေ့ ကျနော့်ရဲ့ ဟောပြောချက် အကျဉ်းချုပ်က အင်္ဂါနေ့ သမ္မတနဲ့ တွေ့တဲ့အချိန်မှာ သမ္မတလက်ထဲမှာ ရောက်နေပြီ။ ဒါက အတော်လေး စိတ်ဝင်စားစရာ ကောင်းပါတယ်။ အစိုးရပိုင်းက ပြည်တွင်းဖြစ် စီးပွားရေး အစီအစဉ် တခု ရှိလာဖို့ စိတ်ပိုင်းဖြတ်ထားပုံတော့ ရတယ်။ တချိန်တည်းမှာ အပြင်က လိုအပ်တဲ့ အကြံဉာဏ်တွေကိုလည်း အလေးအနက် နားထောင်သွားမယ် ဆိုတဲ့ သဘောမျိုးပေါ့။”
သမ္မတ အစိုးရဝန်ကြီးတွေနဲ့ ဆွေးနွေးတဲ့အခါမှာ ၂၀၀၉ ခုနှစ်တုန်းက သတိကြီးကြီးထားပြီး ပြောဆိုခဲ့ရတဲ့ ဆင်းရဲမွဲတေမှုကိစ္စ၊ လူသားအရင်းအမြစ်ကို အားသစ်လောင်းဖို့ ကိစ္စ၊ စီးပွားရေးကို လုံးဝဖွင့်ပေးဖို့ ကိစ္စတွေမှာ ပွင့်ပွင့်လင်းလင်း ဆွေးနွေးနိုင်ခဲ့တယ်လို့ သူက ဆိုပါတယ်။
မြန်မာပြည်မှာ လွန်ခဲ့တဲ့ နှစ်တွေက ပြသာနာဟာ ရင်းနှီးမြှုပ်နှံသူတွေက သဘာဝသယံဇာတကို ထုတ်ယူတဲ့ကဏ္ဍ၊ လျှပ်စစ်ဓာတ်အား ထုတ်ယူတဲ့ ကဏ္ဍတွေမှာပဲ ရင်းနှီးမြှုပ်နှံခဲ့ပြီး၊ အလုပ်အကိ်ုင်ကို ဖန်တီးပေးနိုင်မယ့် ကုန်ထုတ်လုပ်မှုကဏ္ဍမှာ ရင်းနှီးမြှုပ်နှံမှု မရှိခဲ့တာကြောင့်လို့ စတစ်ဂလစ်က သုံးသပ်ပါတယ်။
ရန်ကုန်က ဟောပြောပွဲမှာ တက်ရောက် နားထောင်သူတွေလည်း ၂၀၀၉ ခုနှစ် တုန်းက အခြေအနေနဲ့ မတူဘဲ ပိုပြီး ပွင့်ပွင့်လင်းလင်း၊ စိတ်အား ထက်ထက်သန်သန်နဲ့ ရှိတာ တွေ့ခဲ့ရပြီး၊ အထူးသဖြင့် `သယံဇာတကျိန်စာ´ကိစ္စ အပေါ် အလေးထား ဆွေးနွေးခဲ့တယ်လို့ ပြောပါတယ်။
အစိုးရအဖွဲ့ အတွင်းမှာ ပြုပြင်ပြောင်းလဲမှုကို လုပ်ချင်တဲ့ အင်အားစုတွေ အားကောင်းမောင်းသန် ရှိနေတာ၊ လူထုအခြေပြု အဖွဲ့အစည်းတွေ ပိုပြီး အသက်ဝင်လာတာ၊ ပြီးခဲ့တဲ့ နှစ်တွေက နိုင်ငံခြားမှာ ရောက်နေတဲ့ မြန်မာ ပညာတတ် လူငယ်တွေ နိုင်ငံထဲ ပြန်လာကြတာတွေဟာလည်း မြန်မာပြည်အတွက် အားတက်စရာ ဖြစ်တယ်လို့ စတစ်ဂလစ်က သုံးသပ်ပါတယ်။
Ref: ဒီဗွီဘီ
Read More...
Collapse...
February 15, 2012
အေးနိုင်
ရန်ကုန်တိုင်း မင်္ဂလာဒုံမြို့နယ် ရွှေနံ့သာကျေးရွာ လယ်သမားတွေက ဇေကမ္ဘာကုမ္ပဏီပိုင်ရှင် ဦးခင်ရွှေကို နိုင်ငံတော် အခွင့်အာဏာ အလွဲသုံးစားမှုနဲ့ တရားစွဲဆိုဖို့ ပြင်ဆင်နေပါတယ်။
ဇေကမ္ဘာ ကုမ္ပဏီက ရွှေနံ့သာကျေးရွာလယ်သမားတွေရဲ့ မြေတွေပေါ်မှာ စက်မှုဇုန် အကောင်အထည်ဖော်နေတာ ဖြစ်ပြီး လတ်တလောမှာ ရပ်နားထားပါတယ်။
လယ်တွေသိမ်း တုန်းက အစိုးရသိမ်းမှာမို့လို့ ဇေကမ္ဘာကုမ္ပဏီက ကြားဝင် ကရုဏာကြေး ပေးတယ်လို့ ပြောပြီး တဧကကို သုံးသိန်းပေးလို့ ဒီအပြောကို လယ်သမားတွေက ယုံကြည်ပြီး လယ်တွေဆုံးခဲ့ကြပါတယ်။ ဒါပေမယ့် နောက်ပိုင်းမှာ ဇေကမ္ဘာကုမ္ပဏီရဲ့ လှည့်ဖြားတာခံရတယ်လို့ လယ်သမားတွေက ယူဆပြီး ရန်ကုန်တိုင်းဒေသကြီး အစိုးရအဖွဲ့ကို တိုင်လို့ စိမံကိန်းကို ရပ်ခိုင်းထားပါတယ်။
အခုတော့ လယ်သမားတွေက မတူကွဲပြားခြင်းနဲ့ ငြိမ်းချမ်းရေးပါတီ ဥက္ကဋ္ဌ ဦးနေမျိုးဝေကို ကိုယ်စားလှယ်လွှဲပြီး ဦးခင်ရွှေနဲ့ ဦးဘိုကြီးဆိုသူကို တရားစွဲခိုင်းတယ်လို့ ဦးနေမျိုးဝေက ပြောပါတယ်။
“အရောင်း အဝယ်လည်း မရှိသလို လယ်သမားတွေကို ငွေပေးတယ်ဆိုတာလည်း ဟုတ်တယ်။ ဒါပေမယ့် အဲဒီမှာ အမှုအကြောင်းကို ပေါ်ပေါက်အောင် လုပ်ထားတာက တောင်သူလယ်သမားတွေက မိမိတို့လယ်ကို မလုပ်စားချင်တော့လို့ တခြားစီးပွားရေး လုပ်ငန်းတွေကို ပြောင်းလဲ လုပ်ကိုင်ချင်တဲ့အတွက် ကျေးရွာမြေယာကော်မတီကို သွားပြီးတော့ မြေအပ်နှံမယ် ဆိုတဲ့ဟာကို လုပ်ထားတယ်။ တကယ်က အဲဒီမှာ အရင်က ရယက အဖွဲ့ဝင် ဦးဘိုကြီးက ဓမ္မဝိဟာရ ဓမ္မာရုံကို အကြိမ်ကြိမ် ခေါ်တွေ့ပြီးတော့ တောင်သူလယ်သမားတွေကို နိုင်ငံတော်က သိမ်းပြီဆိုတဲ့အကြောင်း အကြိမ်ကြိမ် ခြိမ်းခြောက် ပြောဆိုနေတာ။ အဲဒါနဲ့ ဦးခင်ရွှေ ကိုယ်တိုင်ကလည်း သူက နိုင်ငံတော်က သိမ်းပြီလို့ လိမ်လည် လှည့်ဖြားပြီး ပြောတာ။ အဲတော့ ဦးဘိုကြီးနဲ့ ဦးခင်ရွှေတို့ကို ကျနော်တို့က တရားစွဲမှာပါ။ နိုင်ငံတော် အခွင့်အာဏာ ကို အလွဲသုံးစား လုပ်တဲ့အမှုနဲ့ တရားစွဲမယ်။ ရှေ့တပတ်ထဲမှာ ဖြစ်မယ်။ ”
တရားစွဲပြီး တဲ့အခါ ဒေသခံတောင်သူတွေကို သီးစား ပြန်လည်ချထားပေးဖို့ ကျေးရွာ မြေယာကော်မတီမှာ လျှောက်မယ်လို့လည်း ဆိုပါတယ်။
“ရန်ကုန်တိုင်း ဒေသကြီးအစိုးရအဖွဲ့ ကိုယ်တိုင် စာထုတ်တာ ဇေကမ္ဘာကို လယ်ပဲစိုက်ခိုင်းထားတာ။ ဇေကမ္ဘာကိုပဲ လယ်စိုက်ခိုင်းတာကို က ရန်ကုန်တိုင်းဒေသကြီး အစိုးရက မှားနေပြီ။ နောက်ပြီး ဒီမှာရှိတဲ့ ဒေသခံတောင်သူတွေကို သီးစားပြန်ချထားပေးရမယ်။ ၁၉၅၃ ခုနှစ် လယ်ယာစိုက်ပျိုးရေး ဥပဒေအရ၊ ၁၉၆၂ ခုနှစ် သီးစားချထားရေး ဥပဒေအရ တောင်သူလယ်သမားတွေက လယ်လုပ်ဖို့ ဥပဒေနဲ့ ညီ တယ်။ ဒါကတော့ ကျနော်တို့က ဥပဒေကြောင်းအရ ရင်ဆိုင်ရမှာပဲ။”
လယ် ၁၃ ဧက ပါသွားတဲ့ ဒေါ်တင်စိန်က သူတို့ လှည့်ဖြားခံခဲ့ရတယ်လို့ ပြောပါတယ်။
“လက်မှတ်ထိုး ခိုင်းတာကတော့ သူအတင်းထိုးခိုင်းတာ။ နိုင်ငံတော် သိမ်းတယ်ဆိုပြီး ပြောတယ်။ အမှန်ကတော့ နိုင်ငံတော် မဟုတ်ရင် ရောင်းကို မရောင်းဘူး။ အဲ့မှာ ဦးခင်ရွှေက မရောင်းရင်လည်း တပြားမှ မရဘူး။ နိုင်ငံတော်က သိမ်းတယ်ဆိုပြီးတော့ ပြောတယ်။ မင်းတို့ တင်တဲ့စာလည်း အမှိုက်ခြင်းထဲ ရောက်သွားမယ်ဆိုတော့ လယ်သမားတွေက ကြောက်လန့်ပြီး လက်ခံရတယ်။ ”
လယ်ဧက ၅၀ ပါသွားတဲ့ ဦးကျော်စိန်ကလည်း “အဲဒါဆိုရင် သူဌေး ကျနော်တို့ သားသမီးတွေက လယ်သမားဘဝနဲ့ပဲ ပညာရေး၊ စားဝတ်နေရေး လည်ပတ်နေရတာ။ အခုလို အသိမ်းခံရမယ်ဆိုရင် ကျနော်တို့ စာတင်မယ်လို့ ပြောတော့ ဦးခင်ရွှေက ခင်ဗျားတို့ စာတင်လည်း အမှိုက်ပုံးထဲပဲ ရောက်မယ်လို့ ငြိမ်းခြောက်တဲ့စကား ပြောတယ်”လို့ ဆိုပါတယ်။
အစိုးရနဲ့ နီးစပ်တဲ့ စီးပွားရေးလုပ်ငန်းရှင်ကြီးတွေကို တရားစွဲဆိုတဲ့ကိစ္စမှာ တရားရုံး၊ မီဒီယာ စသဖြင့် အချိန်ယူပြင်ဆင် ချိန်ဆနေတယ် လို့ ပြောဆိုပါတယ်။
Ref: ဒီဗွီဘီ
Read More...
Collapse...
February 15, 2012
မင်းလွင်
လက်ရှိ ရှိနေတဲ့ မြန်မာနိုင်ငံ စာပေနဲ့စာနယ်ဇင်းအဖွဲ့ကနေ သတင်းစာဆရာတွေအတွက် မြန်မာနိုင်ငံသတင်းစာဆရာများ အသင်းကို သီးခြားခွဲထုတ်ပြီး ဖွဲ့စည်းဖို့ပြင်ဆင်နေတယ်လို့သိရပါတယ်။
အရင်က မြန်မာနိုင်ငံ စာပေနဲ့စာနယ်ဇင်းအသင်းမှာ သုတ၊ ရသ စာရေးဆရာများအပြင် သတင်းသမားတွေ ပါဝင်ကြပါတယ်။
သတင်းစာ ဆရာများအဖွဲ့ ဖွဲ့ပြီးရင်တော့ သုတ၊ ရသ စာရေးဆရာတွေအတွက် မြန်မာနိုင်ငံ စာရေးဆရာများအသင်းနဲ့ သတင်းသမားတွေအတွက် မြန်မာနိုင်ငံ သတင်းစာဆရာများ အသင်းဆိုပြီး သီးခြားနှစ်ဖွဲ့ ဖြစ်သွားလို့ အမည်မဖော်လိုတဲ့ မြန်မာနိုင်ငံ စာပေနဲ့ စာနယ် ဇင်းအသင်းရဲ့ တာဝန်ရှိသူတဦးက ပြောပါတယ်။
ရန်ကုန် သတင်းမီဒီယာသမားတွေကတော့ ဒါဟာ ပြန်ကြားရေးဝန်ကြီး ဦးကျော်ဆန်းက ခွင့်ပြုလို့ ဖွဲ့စည်းနိုင်တာလို့လည်း ပြောပါတယ်။
ပြည်သူ့ ခေတ်ဂျာနယ် အယ်ဒီတာချုပ် စာရေးဆရာ ဖေမြင့်ကတော့ သတင်းသမားတွေရဲ့ အကျိုးစီးပွား ကာကွယ်ဖို့အတွက် သတင်းစာဆရာအဖွဲ့ သီးခြား ရှိရမယ်လို့ ပြောပါတယ်။
“ခပ်စောစောက ဆွေးနွေးပွဲ တခုမှာတော့ ကျနော်တို့လည်း ပြောတယ်။ လွတ်လပ်တဲ့ စာနယ်ဇင်းသမား အဖွဲ့အစည်းတွေ ဖွဲ့ဖို့လိုတယ်။ တဖွဲ့တည်းအောက်မှာချည်း အကုန်လုံး ရှိချင်လည်း ရှိမယ်။ မရှိချင်လည်း မရှိဘူး။ သူတို့ဘာသာ နီးစပ်ရာ ဖွဲ့ချင်လည်း ဖွဲ့မယ်။ သို့သော် စာနယ်ဇင်းသမားတွေက စာနယ်ဇင်းကိစ္စနဲ့ ပတ်သက်ပြီး စည်းကမ်းထိန်းသိမ်းရေးရော၊ အကျိုးစီးပွား ကာကွယ်ရေးရော အဲဒါ့တွေအ တွက် စုစည်းတဲ့ အသင်းအဖွဲ့ အားလုံး ပေါင်းစုပြီးတော့ ဖြစ်ဖြစ် စာနယ်ဇင်းကောင်စီဆိုတာမျိုး ဖွဲ့ဖို့လိုတယ်။ အဲဒါမျိုး ကျနော်တို့ ဆွေးနွေးဖူးတာ ရှိတယ်။”
မြန်မာနိုင်ငံ စာပေနဲ့စာနယ်ဇင်းအဖွဲ့ကို ခေတ်အဆက်ဆက် အစိုးရတွေက ဦးဆောင်ဖွဲ့ပေးခဲ့တာဖြစ်ပြီး စာရေးဆရာတွေ၊ သတင်းလုပ်ငန်းမှာ လုပ်ကိုင်နေသူတွေ ပါဝင်ပါတယ်။ မြို့နယ်အဆင့်ထိလည်း စာပေနဲ့စာနယ်ဇင်းအဖွဲ့ ဆိုပြီးတော့ ဖွဲ့ပေးထားပါတယ်။
Ref: ဒီဗွီဘီ
Read More...
Collapse...
February 15, 2012
နေသွင်
မြန်မာပြည်မှာ လာရောက်ရင်းနှီးမြှုပ်နှံဖို့ ရည်ရွယ်ချက်နဲ့ စင်ကာပူ စီးပွားရေးကုမ္ပဏီ ၇၀ ကျော်က ကိုယ်စားလှယ်တွေ ၁၀၀ ကျော် ပါဝင်တဲ့ အဖွဲ့ဟာ အစိုးရ ရုံးစိုက်တဲ့ နေပြည်တော် ကို ရောက်နေပါတယ်။
ခရီးသွားဝန် ဆောင်မှု ကုမ္ပဏီ၊ ငွေကြေးစီမံခန့်ခွဲမှုလုပ်ငန်း၊ ကုန်သွယ်ရေး၊ စက်မှုလုပ်ငန်း၊ ရေနံနဲ့ သဘာဝဓာတ်ငွေ့ထုတ်လုပ်မယ့် စွမ်းအင်ကုမ္ပဏီတွေက ကိုယ်စားလှယ်တွေဟာ ဒီကနေ့ သမ္မတဦးသိန်းစိန်၊ ဝန်ကြီးဌာနတွေက အရာရှိတွေနဲ့ သီးခြား တွေ့ဆုံခဲ့တယ်လို့ သိရပါတယ်။
မနက်ပိုင်း မှာ သမ္မတနဲ့တွေ့အပြီး နေ့လယ်ပိုင်းမှာ နေပြည်တော် ကွန်ဗင်းရှင်းစင်တာမှာ သက်ဆိုင်ရာ ဝန်ကြီးဌာနတွေက စင်ကာပူ ကုမ္ပဏီတွေကို မြန်မာပြည်က စီးပွားရေး အခွင့်အလမ်းတွေကို ရှင်းပြတယ်လို့ ဒီတွေ့ဆုံပွဲကို စီစဉ်ပေးခဲ့တဲ့ မြန်မာနိုင်ငံ ကုန်သည်များနှင့်စက်မှုလက်မှု လုပ်ငန်းရှင်များ အသင်းချုပ် (UMFCCI)က အတွင်းရေးမှူး ဒေါက်တာမျိုးသက်က ပြောပါတယ်။
“အခုဖြစ်နိုင်တဲ့ ဟာတွေပေါ့၊ ကျနော်တို့လည်း ဒီမှာတင်ပြတယ်။ ကုန်သွယ်မှုနဲ့ ပတ်သက်တာ၊ ခရီးသွားလုပ်ငန်းနဲ့ ပတ်သက်တာ၊ ရေနံနဲ့ သဘာဝဓာတ်ငွေ့က ဘယ်လို၊ ရေနံနဲ့ သဘာဝဓာတ်ငွေ့ကတော့ စွမ်းအင်ဌာနကပေါ့။ နောက်တခါ စက်မှုလုပ်ငန်းတွေနဲ့ ပတ်သက်တဲ့ဟာကျတော့ ထားဝယ်ရေနက်ဆိပ်ကမ်းမှာ လုပ်မယ့် စီမံကိန်းတွေ ကဏ္ဍအလိ်ုက်တော့ ကျယ်ကျယ်ပြန့်ပြန့် ပြောသွားတာပေါ့။ တနေ ကုန်ပဲ။”
မြန်မာပြည်မှာ ရင်းနှီးမြှပ်နှံမှုအားလုံးရဲ့ ၇၀ ရာခိုင်နှုန်းကျော်ကို တရုတ်နဲ့ ထိုင်းကုမ္ပဏီတွေက ရင်းနှီးမြှုပ်နှံထားကြပြီး စင်ကာပူက အမေရိ ကန်ဒေါ်လာ ၁ ဒဿမ ၇ ဘီလီယံနဲ့ စတုတ္ထအများဆုံး ရင်းနှီးမြှုပ်နှံထားတာ ဖြစ်ပါတယ်။
အာရှကုမ္ပဏီ တွေဟာ အဓိကအားဖြင့် လျှပ်စစ်စွမ်းအား၊ ရေနံနဲ့ သဘာဝဓာတ်ငွေ့၊ သတ္တုတူးဖော်ရေးကဏ္ဍတွေမှာ ရင်းနှီးမြှုပ်နှံထားကြတာပါ။
ဒေါက်တာမျိုး သက်က အခု နောက်ပိုင်း စီးပွားရေးပြုပြင်ပြောင်းလဲမှုတွေ လုပ်လိုက်တဲ့ကာလမှာ အလုပ်အကိုင် အခွင့်အလမ်းတွေ ဖန်တီးပေးနိုင်မယ့် စီးပွားရေးလုပ်ငန်းတွေကို ဝင်လာစေချင်တယ်လို့ ပြောပါတယ်။
“အဓိက ဦးစားပေးကတော့ အလုပ်အကိုင်နဲ့ စက်မှုဇုန်တွေ တည်ထောင်အောင်လုပ်ဖို့ ကျနော်တို့က ဖိတ်ခေါ်တာပေါ့နော်။ ကျနော်တို့ဆီမှာ လူ့စွမ်းအား အရင်းအမြစ်က အများကြီး ရှိတယ်လေ။ စက်မှုလုပ်ငန်းကို အခြေခံတဲ့ ရင်းနှီးမြှုပ်နှံမှုတွေလည်း မျှပြီးဝင်လာဖို့ ကျနော်တို့ကတော့ ဖိတ်ခေါ်တာပေါ့။ သူတို့လာတဲ့ သက်ဆိုင်ရာ မြှုပ်နှံမှုပေါ် မူတည်တာပေါ့။”
ပြီးခဲ့တဲ့ ရက်ပိုင်းက မြန်မာပြည်ကို စီးပွားရေးအကြံပေးဖို့ လာရောက်ခဲ့တဲ့ စီပွားရေးပညာရှင် ဂျိုးဇက်စတစ်ကလည်း ကဏ္ဍစုံလုပ်ကိုင် မယ့် စင်ကာပူ ကုမ္ပဏီစိတ်ဝင်စားလာတာ မြန်မာပြည်အတွက် သတင်းကောင်းဖြစ်တယ်လို့ ပြောပါတယ်။
စင်ကာပူက စီးပွားရေးလုပ်ငန်းရှင်တွေရဲ့ အဖွဲ့ဟာ နောက်ထပ် သုံးရက် မြန်မာပြည်က စက်ရုံအလုပ်ရုံတွေ၊ စီးပွားရေးလုပ်ငန်းတွေနဲ့ စက်မှုဇုန်တွေကို လေ့လာဖို့ ရှိတယ်လို့ သိရပါတယ်။
Ref: ဒီဗွီဘီ
Read More...
Collapse...
February 15, 2012
အေးနိုင်
ပဒိုမန်းငြိမ်းမောင်အမှုနဲ့ ပတ်သက်လို့ သက်ဆိုင်ရာ တာဝန်ရှိသူတွေရဲ့ ဂျာနယ်တွေမှာ ပြောဆိုချက်တွေဟာ တရားရုံးကို မထီမဲ့မြင်ပြု လုပ်ချက်တွေ ဖြစ်တယ်လို့ ပဒိုမန်းငြိမ်းဘက်က လိုက်ပါဆောင်ရွက်တဲ့ ဥပဒေအကြံပေး ဦးအောင်သိန်းက ဝေဖန် ပြောဆို လိုက်ပါတယ်။
“တရားစီရင်ရေးရဲ့ လမ်းကြောင်းပေါ်မှာ သွားနေတဲ့အတွက် အုပ်ချုပ်ရေးပိုင်း ဆိုင်ရာတွေကနေ အစိုးရအဖွဲ့နဲ့ ဝင်ရောက် မစွက်ဖက်ဘူးဆိုတဲ့ သဘောမျိုးနဲ့ သူတို့ လွှတ်ထားတယ်။ နောက်ပြီးတော့ သူတို့ ဒီကိစ္စက လွတ်နိုင်ပါတယ် ဆိုပြီးတော့ ဂျာနယ်၊ မီဒီယာကနေပြီးတော့ ထုတ်ပြီးတော့ တာဝန်ရှိသူတွေက ပြီးတော့လွတ်သွားမှာပါ ဆိုတဲ့စကားလုံးကို သုံးတာဟာဖြင့် ရှင်းရှင်းပြောရင် တရားရုံးများကို မထီလေးစား ပြုလုပ်တယ်။ တရားစီရင်ရေးပေါ်မှာ လမ်းကြောင်းက သွားနေတဲ့ အလုပ်ပေါ်မှာ ဒီလို တာဝန်ရှိသူတွေက လက်လွတ်စပယ် ပြောတာကဖြင့် မပြောသင့်ဘူးလို့ အန်ကယ်တို့ဘက်က မြင်တယ်။ ”
ပဒိုမန်း ငြိမ်းမောင်ကို နိုင်ငံတော်ပုန်ကန်မှု၊ မတရားအသင်း ဥပဒေပုဒ်မတွေနဲ့ အစိုးရက တရားစွဲဆိုထားပြီး အင်းစိန်ထောင်မှာ ကြာသပတေးနေ့တိုင်း ရုံးထုတ်နေပြီး ပြန်ခေါ်သက်သေတွေကို စစ်မေးခဲ့ပါတယ်။ မနက်ဖြန်မှာ ပဒိုမန်းငြိမ်းမောင်ကို စတင် စစ်ဆေးဖို့ ရှိပါတယ်။
ဂျာနယ်တချို့ မှာ ပါရှိတဲ့ “မန်းငြိမ်းမောင် ပြန်လွတ်မှာပါ”လို့ တာဝန်ရှိသူရဲ့ ပြောဆိုချက်ကို တရားရုံးက မန်းငြိမ်းမောင်ကို ပြသကြောင်းနဲ့ တကယ်တော့ ဒီလို မဖြစ်သင့်ကြောင်း ဦးအောင်သိန်းက ထောက်ပြပြောဆိုပါတယ်။
“အုပ်ချုပ် ရေး အာဏာပိုင်အဖွဲ့အစည်းက အချိန်မရွေး လွှတ်နိုင်ခွင့် ရှိတယ်ဆိုတာ ကျနော်တို့က နားလည်တယ်။ ဒါပေမယ့် တရားစီရင်ရေးပိုင်းမှာတော့ တရားစီရင်ရေးပိ်ုင်းကို သွားနေတဲ့ အမှုအခင်းပေါ်မှာ ဒီလို ကြိုပြီးပြောပြီးတော့ တဖက်ကလည်း ခင်ဗျားလွတ်မှာပါ။ ဒါပေမယ့် ကျနော်တို့ အလုပ်ကိုတော့ ကျနော်တို့ လုပ်ရမှာပဲ။ ကျနော်တို့ တရားရုံးပေါ်မှာတော့ နားလည်မှု ပေးထားပါဆိုတဲ့ သဘောသက်ရောက်တဲ့ ဟာမျိုးကို ဖြစ်စေတာကို မသင့်လျော်ဘူးလို့ ထင်တယ်။”
ပဒိုမန်း ငြိမ်းမောင်ဟာ တရုတ်နိုင်ငံကို ရောက်ရှိစဉ်မှာ ထိုင်းနိုင်ငံကို ပြန်ဖို့ ပြည်ဝင်ခွင့် အခက်အခဲ ဖြစ်ရာကနေ အစပြုလို့ မြန်မာ အာ ဏာပိုင်လက်ထဲ အပ်ခံရပြီး ဖမ်းဆီး တရားစွဲခံနေရတာပါ။ ပျိုရွယ်စဉ်ကာလကလည်း သူရဲ့ နိုင်ငံရေး လှုပ်ရှားမှုကြောင့် ထောင်ဒဏ် တသက်တကျွန်း ကျခဲ့ဖူးပါတယ်။
Ref: ဒီဗွီဘီ
Read More...
Collapse...
2012-02-15
လာမယ့် ကြားဖြတ် ရွေးကောက်ပွဲမှာ ကချင်ပြည်နယ် မိုးကောင်းမြို့နယ်ကနေ ၀င်ရောက်ယှဉ်ပြိုင်မယ့် တသီးပုဂ္ဂလ ကိုယ်စားလှယ် ဒေါက်တာတူးဂျားဟာ အခုအခါ မှတ်ပုံတင် ကျပြီဖြစ်တာကြောင့် ရွေးကောက်ပွဲအတွက် ကြိုတင် ပြင်ဆင်နေတယ်လို့ သိရပါတယ်။
သူ့အနေနဲ့ ၂၀၁၀ ရွေးကောက်ပွဲမှာ ၀င်ရောက်ယှဉ်ပြိုင်ဖို့ ကြိုးစားခဲ့ပေမယ့် ဝင်ခွင့်မရခဲ့ဘဲ ဒီတစ်ကြိမ်မှာတော့ ရွေးကောက်ပွဲ ကော်မရှင်က မှတ်ပုံတင် ချပေးလိုက်တာကြောင့် ၀င်ရောက် ယှဉ်ပြိုင်ခွင့် ရတော့မယ်လို့ ဒေါက်တာတူးဂျာက ပြောပါတယ်။
“မှတ်ပုံတင်ကျပြီလို့ သိရတာက ၁၃ ရက်နေ့ညက ကြားသိရတာပါ။ ကော်မရှင်ကနေ အကြောင်းကြားတာပါ။ ဒီဘက်မှာလည်း မြို့နယ် မှာလည်း တရားဝင်ကပ်မှာပါ။ အစိုးရအသစ်အနေနဲ့ ကျွန်တော့်ကို ခွင့်ပေးတာပေါ့။ ဒီလို ခွင့်ပေးတဲ့အတွက်ကြောင့် ကျွန်တော်လည်း ကျေးဇူးလည်းတင်တယ်။ ၀မ်းလည်းသာတယ်။ ဂုဏ်လည်းယူတယ်။ အဲဒါကြောင့် ကျွန်တော်က ဆထက်ထမ်းပိုး ပြည်သူတွေအတွက် အကျိုးကို ကြိုးစား ဆောင်ရွက်ဖို့ စိတ်ပိုင်းဖြတ်ထားပါတယ်”
ဒေါက်တာတူးဂျာက ပြည်သူလူထုအတွက် ဒေသဖွံ့ဖြိုးရေးနဲ့ ပြည်တွင်း ငြိမ်းချမ်းရေး ဦးစားပေး လုပ်သွားမယ်လို့ ပြောပါတယ်။ မိုးကောင်းမြို့နယ်ကနေ ယှဉ်ပြိုင်ကြမယ့် တခြားပါတီတွေကတော့ အန်အယ်လ်ဒီ၊ ကြံ့ခိုင်ဖွံ့ဖြိုးရေးပါတီ၊ အန်ဒီအက်ဖ်ပါတီ၊ ကျားဖြူ ပါတီတို့ ဖြစ်ပါတယ်။
Ref: အာရ်အဖ်အေ
Read More...
Collapse...
2012-02-15
ပြီးခဲ့တဲ့ ဖေဖော်ဝါရီ ၆ ရက်ကစပြီး ဆန္ဒပြနေတဲ့ လှိုင်သာယာ စက်မှုဇုံ ၃ က တိုင်ရီ ဖိနပ်စက်ရုံက အလုပ်သမားတွေကို မူလပေးထားတဲ့ လစာကနေ တစ်နာရီကို ၂၅ ကျပ် တိုးပေးခဲ့တယ်လို့ ဒီကနေ့ အလုပ်ရှင်နဲ့ သွားရောက် ဆွေးနွေးတဲ့ အလုပ်သမားတွေက အာအက်ဖ်အေ ကို ပြောပါတယ်။
ဒီကနေ့ မနက်ပိုင်းကစပြီး စက်ရုံအတွင်း ပိုင်ရှင်နဲ့ အလုပ်သမား ကိုယ်စားလှယ် ၃၈ ဦးတို့ ၃ နာရီခန့်ကြာ ဆွေးနွေးပြီးတဲ့နောက် အလုပ် ရှင်က မူလ လုပ်အားခ တစ်နာရီ ၇၅ ကျပ်ကို ၂၅ ကျပ် တိုးပေးခဲ့တာပါ။ အစည်းအဝေး မပြီးသေးကြောင်း၊ အလုပ်သမား ကိုယ်စားလှယ် တွေက လက်မှတ်ထိုး မပေးသေးကြောင်း သွားရောက်ဆွေးနွေးတဲ့ အလုပ်သမား ကိုယ်စားလှယ်တစ်ဦးက ပြောပါတယ်။
အလုပ်သမား ကိုယ်စားလှယ်တွေနဲ့ အလုပ်ရှင် ဆွေးနွေးနေစဉ် ထောင်နဲ့ချီတဲ့ အလုပ်သမားတွေ စက်ရုံဝင်းအတွင်း ထိုင်စောင့်နေပါ တယ်။ ဒါပေမယ့် ညှိနှိုင်းပွဲပြီးချိန် မွန်းလွဲ ၂ နာရီမှာ စောင့်နေတဲ့ အလုပ်သမားတွေ တစ်ဝက်လောက်ပဲ ကျန်တာမို့ အလုပ်သမား ကိုယ်စားလှယ်တွေက မနက်ဖြန် မနက်ပိုင်းမှာ အလုပ်သမားတွေကို ဒီကနေ့ ဆွေးနွေးပွဲ အခြေအနေကို ချပြမှာဖြစ်ပါတယ်။ အခုလို တစ်နာရီ လုပ်အားခ ၂၅ ကျပ် တိုးပေးပေမယ့် တစ်လ အလုပ်ဆင်းရက် ၂၆ ရက်အနက် အလုပ်မဆင်းရတဲ့ နေ့တွေမှာ ဆုကြေး ရက်မှန်ကြေးတွေကို အလုပ်ရှင်ဘက်က ဖြတ်မှာဖြစ်တယ်လို့ သိရပါတယ်။
ဒီကနေ့ ဆွေးနွေးပွဲမှာ အလုပ်ရှင် တရုတ်လူမျိုးကိုယ်တိုင် စကားပြန်နဲ့ ပါဝင်ဆွေးနွေးပြီး မြို့နယ် အလုပ်သမား ကြီးကြပ်ရေး ကော်မတီ က အရာရှိနှစ်ဦးလည်း လာရောက်တယ်လို့ သိရပါတယ်။ အလုပ်သမားတွေဘက်က ကိုယ်စားလှယ် ၃၈ ဦး အစည်းအဝေး တက်ရောက် ခဲ့ပါတယ်။ အလုပ်သမား ကိုယ်စားလှယ်တွေရဲ့အဆိုအရ အလုပ်ရှင်ဘက်က လစာတိုးပေးတာနဲ့ ပတ်သက်ပြီး အလုပ်သမား အများစုက လက်ခံမယ်ဆိုရင် ဆန္ဒပြပွဲကို မနက်ဖြန် ရုပ်သိမ်းမှာဖြစ်ပြီး သဘောမတူရင် ဆက်ပြီး ဆန္ဒပြမယ်လို့ ဆိုပါတယ်။
Ref: အာရ်အဖ်အေ
Read More...
Collapse...
မျိုးသိဏ်း
ဖေဖေါ်ဝါရီလ ၁၄ ရက် ၂၀၁၂ ခုနှစ်
အင်္ဂါနေ့မနက်ပိုင်းက တာမွေမြို့နယ်၊ ကျိုက္ကဆံလမ်း တာမွေ မီးသတ်တပ်ဖွဲ့ရုံးအနီး တာမွေကြီး (ခ) ရပ်ကွက် အတွင်း မီးလောင်မှု ဖြစ်ပွား ရာ အိမ်လေးလုံးမှာ လုံးဝလောင်ကျွမ်းသွားပြီး အခြားလေးလုံးမှာ တဝက်စီ မီးလောင်ပျက်စီးသွားသည်။
နံနက် ၉ နာရီတွင် မီးကြွင်းမီးကျန်မှ စတင်လောင်ကျွမ်းသည့် အဆိုပါ မီးလောင်မှုကို တာမွေနှင့် တိုင်း ဗဟိုမီးသတ် အပါအဝင် အခြား ၁၁ မြို့နယ်မှ မီးသတ်ဌာနများ၊ စည်ပင်မီးသတ်ဌာန တို့မှ မီးသတ်ကားစီးရေ ၃၄ စီး၊ အုပ်ချုပ်မှုယာဉ် ၄ စီး၊ အထောက်အကူပြုယာဉ် ၃ စီး သုံး ၍ မိနစ် ၄ဝ ကြာ ငြှိမ်းသတ်ခဲ့ရသည်။
မီးလောင်မှုကြောင့် မီးဘေးဒုက္ခသည် ဖြစ်သွားသည့် အိမ်ထောင်စု ၁၆ စုမှ လူဦးရေ ၆၈ ဦးကို တာမွေဓမ္မာရုံ ယာယီကယ်ဆယ်ရေးစခန်း တွင် လက်တလော ပြောင်းရွှေ့ ထားရှိသည်။
အဆိုပါမီးလောင်မှု အတွက် ဆုံးရှုံးနစ်နာမှု တန်ဖိုးကို အိမ်တလုံး ကျပ် ၅ သိန်း၊ အိမ်တခြမ်း ကျပ် ၁ သိန်း နှုန်းဖြင့် အိမ် ၄ လုံး + အိမ် ၄ ခြမ်းအတွက် စုစုပေါင်း ၂၄ သိန်း ဟု မီးသတ်တပ်ဖွဲ့ အစီရင်ခံစာတွင် မှတ်တမ်းတင်ထားသည်။
အဆိုပါမီးလောင်မှုတွင် သန္ဓေမီးသတ် ၃၀၀ ကျော်၊ အရန်တပ်ဖွဲ့ဝင် ၁၀၀ ကျော် သုံး၍ မီးသတ်ခဲ့ရကြောင်း မီးသတ်တပ်ဖွဲ့က ဆိုသည်။
မီးစတင်လောင်ကျွမ်းရာ နေအိမ် (တာမွေကြီး(ခ) ရပ်ကွက်၊ အိမ်အမှတ် ၃၆၉) မှ အိမ်ရှင် ဒေါ်သီတာအား တာမွေ ရဲတပ်ဖွဲ့က ပ/၁၄၅/ ၂ဝ၁၂/ ပုဒ်မ ၂၈၅ ဖြင့် အမှုဖွင့်ထားသည်။
Ref: မဇ္ဈိ
Read More...
Collapse...
ဇော်ရှန်
ဖေဖေါ်ဝါရီလ ၁၄ ရက် ၂၀၁၂ ခုနှစ်
မိုးမောက်မြို့နယ်၊ ခိုင်ဘန်ကျေးရွာသူ မရွယ်ဂျာ အား လေးလကြာ မတရား ဖမ်းဆီးထား ခြင်းနှင့် ပတ်သက်၍ ခမရ ၃၂၁ အား တရားစွဲ ဆိုထားမှုကို ပြည်ထောင်စု တရားလွှတ်တော်ချုပ်မှ သုံးရက်တာ ကြားနာအပြီး ဖေဖေါ်ဝါရီလ ၂၃ ရက်နေ့သို့ ရုံးချိန်း ရွှေ့ဆိုင်းလိုက် ကြောင်း သိရသည်။
မဆွမ်လွတ်ရွယ်ဂျာ အား မြောက်ပိုင်းတိုင်း စစ်ဌာနချုပ် လက်အောက်ခံ ခမရ ၃၂၁ လွယ်ဂျယ်တပ်စခန်းမှ ဥပဒေမဲ့ ဖမ်းဆီးထားသည့် အပေါ် ခင်ပွန်းဖြစ်သူ ဇောင်းခေါင် က သက်ဆိုင်ရာ တပ်ရင်းအား တရားစွဲဆိုထားခြင်း ဖြစ်သည်။
အမှုအား ဖေဖေါ်ဝါရီလ ၉ ရက်နေ့မှ စတင်ကြားနာခဲ့သော်လည်း တဖက်မှ ပြင်ဆင်မှု အဆင်သင့် မဖြစ်သေးသည့် အတွက် ဤသို့ ရွှေ့ဆိုင်းလိုက်ရခြင်း ဖြစ်ကြောင်း ဇောင်းခေါင် ၏ ရှေ့နေ ဦးဇော်ဆမ် က ပြောသည်။
“ဒီအမူနဲ့ ပါတ်သက်ပြီး မလေ့လာသေးလို့ ပြောင်းလိုက်တာလို့ ပြောတယ်။ သူတို့ဘက်က ရှေ့နေတွေ အဆင်သင့် မဖြစ်သေးလို့ ရှေနေ ရုံးချုပ်က ပြောလိုက်တာပါ။ လျှောက်ထားခံဘက်က ဒီအမူကို သေချာ မစီစစ်ရသေးလို့ ဆိုပြီး ပြောင်းလိုက်တာပါ” ဟု ပြောသည်။
ကြားနာမှု သုံးရက်အတွင်း တဖက်မှ စစ်အရာရှိများ လာရောက်ခဲ့ကြသော်လည်း သတင်းအပြည့်အစုံ ထုတ်ပြန်၍ မရသေးကြောင်း ဦးဇော်ဆမ် က ပြောသည်။ “ဗိုလ်ကြီး တယောက်နဲ့ ဗိုလ်မှူး တယောက် လာတယ်။ ၃၂၁ ခမရ ကိုယ်စားလို့ သူတို့ပြောတယ်”
မဆွမ်လွတ် ရွယ်ဂျာမှာ ၂၀၁၁ ခုနှစ် အောက်တိုဘာ ၂၈ ရက်နေ့က ၎င်း၏ ခင်ပွန်း၊ ဖခင် တို့နှင့်အတူ တောင်ယာသို့ အသွား လမ်းတွင် ကချင်လွတ်မြောက်ရေးတပ် KIA ထောက်လှမ်းရေးဟု စွပ်စွဲပြီး ခမရ ၃၂၁ မှ ဖမ်းဆီးရန် ကြိုးစား ခဲ့သည်။ ခင်ပွန်းနှင့် ဖခင်မှာ ထွက်ပြေး လွတ်မြောက်သွားသဖြင့် မရွယ်ဂျာတယောက်သာ ဖမ်းဆီးခံခဲ့ရခြင်း ဖြစ်သည် ဟု ဇောင်းခေါင်၏ ရှေ့နေတဦးဖြစ်သူ ဦးမားခါး က ပြော သည်။
ထိုစဉ်ကတည်းက ဖမ်းဆီးခံထားရသော မရွယ်ဂျာမှာ အသက်ရှင်လျက် ရှိ/မရှိ ကိုပင် မသိရသောကြောင့် အကယ်၍ သေဆုံးသွားပြီ ဆိုပါကလည်း သေဆုံးမှုနှင့် ပတ်သက်၍ ဆက်လက် တရားစွဲဆိုသွားမည် ဖြစ်ကြောင်း ဦးမားခါး က မဇ္ဈိမကို ပြောသည်။
မရွယ်ဂျာအမှုနှင့် ပူးတွဲ၍ ခလရ ၃၇ မှ ဖမ်းဆီးထားသည့် တာလောကြီးကျေးရွာမှ ဦးဘရန်ဆိုင်းနှင့် ဇော်ဆိုင်း တို့အမှုအားလည်း ဖေဖေါ်ဝါရီလ ၂၃ ရက်နေ့သို့ ပြောင်းလွဲချိန်းဆိုလိုက်ကြောင်း သိရသည်။
Ref: မဇ္ဈိမ
Read More...
Collapse...
10 Feb 2012
မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) တို့သည် လာမည့်ရက်သတ္တပတ်တွင် ငြိမ်းချမ်းရေး အတွက် တွေ့ဆုံမည်ဟု မျှော်လင့်ရချိန် လွန်ခဲ့သည့် ၉၆ နာရီအတွင်း နှစ်ဖက်ကြား တိုက်ပွဲများ စိပ်လာသည်။
ရှမ်းပြည်မြောက်ပိုင်း နမ်တူမြို့နယ်တွင် မိုင်ပေါင်း ၅၀၀ အရှည်ရှိသော ရွှေရေနံနှင့် သဘာဝ ဓါတ်ငွေ့ ပိုက်လိုင်း ဖြတ်သန်းမည့် နေရာ နှစ်ခုတွင် ဖေဖော်ဝါရီလ ၉ ရက် ကြာသပတေးနေ့၌ အစိုးရ တပ်နှင့် KIO ကြား တိုက်ပွဲ ဖြစ်ပွား ခဲ့သည်ဟု ဒေသခံများက ကချင် သတင်းဌာနသို့ပြောသည်။
ဖေဖော်ဝါရီလ ၈ ရက် ဗုဒ္ဒဟူးနေ့တွင်လည်း နမ္မတူမြို့နယ်အတွင်း KIO တပ်ရင်း ၈ နယ်မြေ ဘန်ဝါ ဒေသတွင် တိုက်ပွဲ ဖြစ်ပွား ခဲ့သေးသည်ဟု သိရသည်။
ထိုနေ့တွင် ကချင်ပြည်နယ်တောင်ပိုင်း မံစီ(မန်ဂျယ်) မြို့နယ်တွင် KIA တပ်ရင်း ၁၂ နှင့် တပ်မ ၉၉ မှ အစိုးရ တပ်များကြား ၃ နာရီ ခန့်ကြာ ပစ်ခတ်ကြသည်ဟု ဒေသခံ မျက်မြင်များပြောသည်။
တိုက်ပွဲမှာ မုန်းခေါင်အနီးတွင် ဖြစ်ပွား၍ အင်အား ၂၀၀ ခန့်ရှိသော မြန်မာအစိုးရ စစ်ကြောင်းတခုသည် KIA အခြေကုပ် စခန်းများကို သိမ်းပိုက်ရန် ကြိုးပမ်းစဉ် တိုက်ပွဲဖြစ်ပွား ရခြင်းဖြစ်သည်ဟု ရှေ့တန်းမှ KIA အရာရှိများ ပြောသည်။
ယခုရက်သတ္တပတ် အစောပိုင်းတွင် မန္တလေး-မူဆယ်လမ်း ပေါ်ရှိ ကွတ်ခိုင်မြို့နှင့် နမ်ဖတ်ကာမြို့ကြား KIA တပ်ရင်း ၉ အခြေစိုက် ဒတ်လက်တောင် အနီး တိုက်ပွဲ ဖြစ်ပွားခဲ့သည်။
မြန်မာအစိုးရစစ်သား အနည်းဆုံး ၅ ဦးကျဆုံး၍ ၇ ဦးထက်မနည်း ဒဏ်ရာရရှိသည်ဟု သက်သေများက ကချင် သတင်းဌာန သို့ပြောသည်။
KIA စစ်သားတဦး တိုက်ပွဲအတွင်း ဒဏ်ရာအနည်းငယ်ရရှိသည်ဟု ရှေ့တန်းမှ KIA အရာရှိ တဦး ပြောသည်။
ယခုကဲ့သို့ အစိုးရဘက်က KIA နယ်မြေများကို ငြိမ်းချမ်းရေးတွေ့ဆုံပွဲ မတိုင်ခင်တိုက်ခိုက်ခြင်းသည် လွန်ခဲ့သည့် လက မြန်မာ အစိုးရတပ်က အသုံးပြုခဲ့သည့် နည်းလမ်းကို ထပ်မံ အသုံးပြု နေခြင်း ဖြစ်သည်။
ဇန်နဝါရီ ၁၈ ရက် နှစ်ဖက်ကိုယ်စားလှယ်များတွေ့ဆုံ ဆွေးနွေးနေချိန် အစိုးရတပ်က ရှမ်းပြည်မြောက်ပိုင်း အထူးသဖြင့် ကွတ်ခိုင် မြို့နယ်၊ နမ်တူမြို့နယ် နှင့် မူဆယ်မြို့နယ်ရှိ KIA စစ်ခန်းများကို အကြိမ်ကြိမ် ထိုးစစ်ဆင်ခဲ့သည်။
KIO သည် မြန်မာအစိုးရကို တိုက်ခိုက်နေသော အကြီးဆုံး တိုင်းရင်းသား လက်နက်ကိုင် တပ်ဖွဲ့ ဖြစ်သည်။
လွန်ခဲ့သည့် လများတွင် KIO က ဗိုလ်ချုပ်ကြီးဟောင်း သမ္မတဦးသိန်းစိန်ဗအစိုးရထံ ငြိမ်းချမ်းရေး ဆွေးနွေးပွဲ၏ အစိတ် အပိုင်း တခုအနေနဲ့ နိုင်ငံရေးဆွေးနွေးရန် အကြိမ်ကြိမ် တောင်းဆိုခဲ့သည်။
Ref: KIA News
Read More...
Collapse...
မျိုးသန့်
ဖေဖေါ်ဝါရီလ ၁၄ ရက် ၂၀၁၂ ခုနှစ်
အမျိုးသား ဒီမိုကရေစီအဖွဲ့ချုပ် NLD ၏ ဥက္ကဋ္ဌ ဒေါ်အောင်ဆန်းစုကြည်၏ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဗုဒ္ဓဟူးနေ့တွင် ပြုလုပ်ရန်ရှိသည့် ဟောပြောပွဲကို အားကစား ဝန်ကြီးမှ တားမြစ် သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြုပေး လိုက်သည်။
အားကစားဝန်ကြီး ဦးတင့်ဆန်း ကိုယ်စား ရုံးအဖွဲ့မှူး လက်မှတ် ရေးထိုးထားသည့် ဖေဖေါ်ဝါရီ ၁၄ ရက်စွဲပါ တားမြစ်စာ တွင် “အားကစား ကိစ္စမှ လွဲ၍ အခြားကိစ္စများကို အသုံးပြုခွင့် မပြု” ဟု ပါရှိကြောင်း NLD လှည်းကူးမြို့နယ် လွှတ်တော် ကိုယ်စားလှယ်လောင်း ဦးဖြိုး မင်းသိန်းက မဇ္ဈိမကို ပြောသည်။
အဆိုပါ တားမြစ်မှုနှင့် ပတ်သက်၍ NLD က ပြည်ထောင်စု ရွေးကောက်ပွဲ ကော်မရှင်သို့ အကြောင်းကြား အကူအညီ တောင်းခံရာ မှ ရွေးကောက်ပွဲ ကော်မရှင်က ခွင့်ပြုလိုက်ပြီး အားကစားဝန်ကြီး၏ တားမြစ်မှုကိုလည်း ပယ်ဖျက်ပေး လိုက်သည်ဟု ဦးဖြိုးမင်းသိန်းက ပြောသည်။
“အဲဒါကို ရုပ်သိမ်းလိုက်ပြီလို့ မြို့နယ်၊ တိုင်း ကော်မရှင် အဖွဲ့ခွဲတွေ၊ တိုင်း အားကစား ညွှန်ကြားရေးမှူးတွေကို အကြောင်းကြားပြီး ဒါ မလိုအပ်တော့ဘူးဆိုပြီးတော့ ကျနော်တို့ကို ဆက်လက် ဆောင်ရွက်ခွင့် ပြုပါတယ်” ဟု မဇ္ဈိမကို ပြောသည်။
ဘောလုံးအားကစားကွင်းအတွင်း ဖေဖေါ်ဝါရီ ၁၅ ရက် မွန်းလွဲပိုင်း၌ ဟောပြောပွဲ ပြုလုပ်ရန် ရွေးကောက်ပွဲ ကော်မရှင်၊ ခရိုင်ရွေး ကောက်ပွဲ ကော်မရှင်များ၊ မြို့နယ် အားကစားအဖွဲ့ချုပ်၊ မြို့နယ် အုပ်ချုပ်ရေးမှူးများသို့ NLD ၏ လှည်းကူး မြို့နယ် ရွေးကောက်ပွဲ အောင်နိုင်ရေး ကော်မတီမှ တင်ပြထားခဲ့ပြီး ခွင့်ပြုချက် ရရှိပြီးနောက် အားကစား ဝန်ကြီး၏ ကန့်ကွက်မှု ပေါ်ပေါက်လာခဲ့ခြင်း ဖြစ်သည်။
ဖေဖေါ်ဝါရီ ၅ ရက်နေ့က မန္တလေးမြို့ ဗထူးကွင်း၌ ဒေါ်အောင်ဆန်းစုကြည် ဟောပြောရန် စီစဉ်ထားသော်လည်း အဆိုပါကွင်းအတွင်း “ အားကစားဖွံ့ဖြိုးရေး လုပ်ငန်းများသာ လုပ်ဆောင်ရန်” မြန်မာနိုင်ငံ ဘောလုံးအဖွဲ့ချုပ်မှ တားမြစ်ခဲ့သည်ဟု NLD မန္တလေးတိုင်း စည်းရုံး ရေးမှူး ဦးမျိုးနိုင်က ပြောသည်။
သို့သော် ပြီးခဲ့သည့် ၁၂ ရက်နေ့ ပြည်ထောင်စုနေ့တွင် အဆိုပါ ဗထူးကွင်းအတွင်း ဌာနဆိုင်ရာများမှ ဝန်ထမ်း ၅၀၀ ခန့် ပြည်ထောင်စုနေ့ အခမ်းအနား ပြုလုပ်ခဲ့ကြောင်းလည်း ဦးမျိုးနိုင်က မဇ္ဈိမကို ပြောသည်။
လှည်းကူးမြို့နယ်မှ ပြည်သူလူထု အခြေအနေနှင့် ပတ်သက်၍ “ဆိုက္ကားတွေ၊ စက်ဘီးတွေ၊ ဆိုင်ကယ်တွေမှာဗျာ အလံလေးတွေ၊ ဒေါ်စုပုံတွေ၊ ခွပ်ဒေါင်းနဲ့ ကြယ်ပါတဲ့ အမျိုးသားဒီမိုကရေစီအဖွဲ့ချုပ် အမှတ်တံဆိပ်တွေကို ဆိုင်ကယ်တွေမှာ ကပ်ပြီး သွားလာနေကြ တယ်။ တီရှပ်တွေ ဝတ်ထားကြတယ် ဦးထုပ်တွေ ဆောင်းထားကြတယ်” ဟု လူထု အခြေအနေကို ကိုယ်စားလှယ်လောင်း ဦးဖြိုး မင်းသိန်းက မဇ္ဈိမကို ပြောသည်။
NLD ဥက္ကဋ္ဌ ဒေါ်အောင်ဆန်းစုကြည်သည် ပါတီစည်းရုံးရေး ခရီးစဉ်များ အဖြစ် ထားဝယ်၊ ပုသိမ်၊ ကော့မှူးမြို့နယ်များ သို့ ဇန်နဝါရီလနှင့် ဖေဖေါ်ဝါရီလများအတွင်း သွားရောက်ခဲ့ပြီး ဖြစ်သည်။
အောက်လွှတ်တော်ဥက္ကဋ္ဌ ဦးရွှေမန်းကလည်း ကြားဖြတ်ရွေးကောက်ပွဲအတွက် တရားမျှတရန် စီစဉ်ထားသည်ဟု ဥရောပသမဂ္ဂ၏ ဖွံ့ဖြိုးရေးဆိုင်ရာ ကိုယ်စားလှယ် Andris Piebalgs အား တနင်္လာနေ့က နေပြည်တော်၌ တွေ့ဆုံစဉ် ပြောကြားခဲ့သည်ဟု လည်း သိရသည်။
Ref: မဇ္ဈိမ
Read More...
Collapse...
မအေးသန္တာကျော်
အင်္ဂါ, 14 ဖေဖော်ဝါရီ 2012
ရွေးကောက်ပွဲ ကော်မရှင်ဥက္ကဋ္ဌ က ရွေးကောက်ပွဲ ၀င်မယ့် နိုင်ငံရေးပါတီ ၁၄ ပါတီနဲ့ နေပြည်တော်မှာ ဒီကနေ့ တွေ့ဆုံ ခဲ့ပါတယ်။
လာမယ့် ဧပြီလမှာ ကျင်းပမယ့် ကြားဖြတ်ရွေးကောက်ပွဲအတွက် မဲဆွယ်စည်းရုံးမှုတွေ၊ ရွေးကောက်ပွဲမှာ လုပ်ဆောင်ရမယ့် ကိစ္စရပ်တွေနဲ့ ပတ်သက်ပြီး ပိုပြီး ရှင်းရှင်းလင်းလင်း ဖြစ်သွားတာမို့ ဒီကနေ့ နေပြည်တော်မှာ ရွေးကောက်ပွဲ ကော်မရှင်နဲ့ တွေ့ဆုံမှုက အကျိုး ရှိပါတယ်လို့ အမျိုးသားဒီမိုကရေစီအဖွဲ့ချုပ် က ပြောပါတယ်။ ရွေးကောက်ပွဲ ကော်မရှင်ဥက္ကဋ္ဌ က ရွေးကောက်ပွဲ ၀င်မယ့် နိုင်ငံရေး ပါတီ ၁၄ ပါတီနဲ့ နေပြည်တော်မှာ ဒီကနေ့ တွေ့ဆုံခဲ့တာပါ။ အပြည့်အစုံကို စုံစမ်းထားတဲ့ မအေးသန္တာကျော်က ပြောပြပေးပါရှင်။
ဟုတ်ကဲ့ပါရှင်။ ဒီနေ့ နေပြည်တော်မှာ ရွေးကောက်ပွဲကော်မရှင် နဲ့ တွေ့ဆုံတော့ အရင် ရွေးကောက်ပွဲမှာ ကြုံတွေ့ ခဲ့ရတဲ့ အခက်အခဲ တွေကို တင်ပြ ဆွေးနွေး ခဲ့ကြပါတယ်လို့ ဒီတွေ့ဆုံပွဲကို တက်ရောက်တဲ့ အန်အယ်ဒီ (NLD)၊ အမျိုးသား ဒီမိုကရေစီ အဖွဲ့ချုပ်က ဦးဟံသာမြင့်က ပြောပါတယ်။
ဦးဟံသာမြင့်။ ။ ရွေးကောက်ပွဲဝင်မယ့် နိုင်ငံရေးပါတီ ၁၄ ခု အားလုံးနဲ့ ခေါ်ပြီး ကော်မရှင် ဥက္ကဌက ခေါ်ပြီးတွေ့တာပါ။ အဲဒီတော့ ကော်မရှင် ဥက္ကဌကော နောက် ကော်မရှင်မှာ ပါတဲ့ အဖွဲ့ဝင်တွေက ကော အခုလာမယ့် အရွေးကောက်ပွဲ နဲ့ ပတ်သက်ပြီးတော့ လုပ်နည်း လုပ်ထုံးများနဲ့ ပတ်သက်ပြီးတော့ အကုန်လုံးကို ရှင်းပြတာပါ။ ဒီ ရွေးကောက်ပွဲကို တတ်နိုင်သမျှ တရား မျှတပြီးတော့ လွတ်လပ်တဲ့ ရွေးကောက်ပွဲ တစ်ခု ဖြစ်အောင်လို့ ဝိုင်းဝန်း ကူညီကြပါဆိုတဲ့ သဘောနဲ့ ကျနော်တို့ကို ပြောတာလည်း ပါပါတယ်။
သူတို့ကလည်း သူတို့ လုပ်ထားတဲ့ ကိစ္စတွေ သူတို့ရဲ့ ဥပဒေတွေ နောက် အစတုန်းက ၂၀၁၀ ခုနှစ် တုန်းက အမှားတွေကို သင်ခန်းစာ ယူပြီးတော့ အခု ရွေးကောက်ပွဲမှာ မဖြစ်အောင် ဘယ်လို လုပ်မယ်ဆိုတဲ့ အကြောင်း ဒါတွေကို ခေါ်ပြောပါတယ်။ ၂၀၁၀ ခု ရွေးကောက်ပွဲ တုန်းက သူတို့ မဟုတ်ဘူးလို့ မမှန်ဘူးလို့ ဥပဒေဘောင်မဝင်ဘူးလို့ ထင်ခဲ့တဲ့ ကိစ္စတွေ အားလုံးကို ပြန်ပြီးတော့ ပြောကြပါတယ်။ အဲဒီတော့ သူတို့ အတွေ့အကြုံတွေ ပေ့ါနော်။ ဒါတွေကို ပြောကြပါတယ်။ ဥက္ကဌ အနေနဲ့ကလည်း ဒါကို ပြန်ဖြေရှင်းတဲ့ အခါမှာလည်း ဒီကိစ္စတွေကို လက်ခံပါတယ်။ သင်ခန်းစာတွေ ယူပြီးတော့ နောက်မဖြစ်အောင် ဘယ်လို လုပ်မလဲ ဆိုတာလည်း ပြောသွားပါတယ်။
ဒီတွေ့ဆုံပွဲကို တက်ရောက်တဲ့ ကြားဖြတ်ရွေးကောက်ပွဲဝင် နိုင်ငံရေး ပါတီ ၁၄ ပါတီကလည်း သူတို့ရဲ့ ထင်မြင် ယူဆချက် တွေနဲ့ သူတို့ ကြုံခဲ့ရတဲ့ အတွေ့ အကြုံတွေနဲ့ ပတ်သက်လို့ တင်ပြသွားကြတာပါ။ ဦးဟံသာမြင့်ကပဲ...
ရွေးကောက်ပွဲ ကျနော်တို့ ပါခဲ့တာမဟုတ်ဘူး။ အဲဒီတော့ ပါခဲ့တဲ့လူများ သူတို့ တကယ်ကို ကြုံခဲ့ရတဲ့ ကိစ္စများ ပြောခဲ့ တာလည်း ရှိပါတယ်။ နောက် တချို့ ပါတီသစ်များကလည်း ပါတီဝင် စုဆောင်းတဲ့ နေရာမှာ ကြုံတွေနေရတဲ့ အခက်အခဲတွေ အကြပ် အတည်းတွေ ပေါ့နော်၊ နောက်ပြီးတော့ pressure ပေးတာပေ့ါနော်။ အာဏာပိုင်တွေက ဘယ်လို ပေးတယ်ဆိုတဲ့ အကြောင်းအရင်း ဒါတွေကို ပြောခဲ့ပါတယ်။ ဒါနဲ့ ပတ်သက်လို့လည်း ကော်မရှင် ဥက္ကဌက သူတတ်နိုင်တဲ့ ဘက်က ဖြေရှင်းပေးမယ်ဆိုတဲ့ ကတိပေးပါတယ်။
အမျိုးသားဒီမိုကရေစီအဖွဲ့ချုပ်ကလည်း ကြိုတင်ဆန္ဒမဲပေးတဲ့ ကိစ္စတွေနဲ့ ပတ်သက်လို့ မရှင်းတဲ့ အချက်တွေကို ရွေးကောက်ပွဲ ကောက်မရှင် ဥက္ကဌကို မေးမြန်း ခဲ့ရာမှာ ရွေးကောက်ပွဲ ကော်မရှင် ဥက္ကဌက ပြန်လည် ဖြေကြား ပေးခဲ့တယ်လို့ ဆိုပါတယ်ရှင်။
ကျနော်တို့ဘက်က ဆရာဦးဥာဏ်ဝင်းကတော့ ကြိုတင်ဆန္ဒမဲ ပေးတဲ့ ကိစ္စဟာ လျှို့ဝှက်မဲပေးရမယ် ဆိုတဲ့ ကျနော်တို့ (......) နဲ့ ညီရဲ့လား။ အဲဒီကိစ္စကို မေးပါတယ်။ အဲဒီတော့ ကော်မရှင်ကလည်း ပြန်ပြီးတော့ ကြိုတင်ဆန္ဒမဲပေးတဲ့ အခါမှာ ပေးတဲ့လူဟာ လာပြီးတော့ မဲကို လာယူတဲ့လူတွေ မမြင်အောင်လို့ ပေးလို့ရတယ်လို့ ဥပဒေထဲမှာ ပါတဲ့ အတွက်ကြောင့် လျှို့ဝှက် ဆန္ဒမဲပေးခြင်း ဆိုတဲ့ စည်းမျဉ်းနဲ့ ပေ့ါနော် ညီပါတယ်လို့ သူက ဖြေပါတယ်။
ဒီလိုခေါ်ယူတွေ့ဆုံမှုက ဧပြီလ ကြားဖြတ်ရွေးကောက်ပွဲ ကို အထောက်အကူအများကြီးဖြစ်စေပါတယ် လို့ ဦးဟံသာမြင့်က သုံးသပ် ပြောဆို သွားပါတယ်။
ဦးဟံသာမြင့်။ ။ မဲဆွယ်စည်းရုံးတဲ့ ကိစ္စတွေနဲ့ ပတ်သက်လို့ ကျနော်တို့ အနေနဲ့ တချို့ ကိစ္စတွေကို ပိုပြီးတော့၊ နောက်ပြီးတော့ မဲရုံ ၊ နောက်ပြီးတော့ တကယ်မဲ ရွေးတဲ့ အခါမှာ၊ မဲပေးတဲ့ အချိန်တွေမှာ လုပ်ဆောင်ရမယ့် ကိစ္စတွေ နဲ့ ပတ်သက်လို့ ကျနော်တို့ အနေနဲ့ ပိုပြီးတော့ ရှင်းရှင်းလင်းလင်း ရှိသွားတာပေ့ါ။ ဒါ တချို့ကိစ္စတွေက ရှင်းလိုက်လို့ ရတာတွေ အများကြီးရှိတယ် လို့ ကျနော် ထင်ပါတယ်။ တချို့ပါတီတွေမှာ မရှင်းမလင်း ဖြစ်နေတဲ့ ကိစ္စတွေကလည်း တော်တော် ရှင်းသွားတယ်လို့ ထင်ပါတယ်။
ရွေးကောက်ပွဲဝင်နိုင်ငံရေး ပါတီတွေနဲ့ ရွေးကောက်ပွဲကော်မရှင် အင်္ဂါနေ့က နေပြည်တော်မှာတွေ့ဆုံမှုမှာ အန်အယ်ဒီ အမျိုးသား ဒီမိုကရေစီ အဖွဲ့ချုပ် ဘက်ကနေပြီး တက်ရောက်ခဲ့တဲ့ ဦးဟံသာမြင့် ပြောသွားတာ ဖြစ်ပါတယ်။
ပြည်ထောင်စုရွေးကောက်ပွဲကော်မရှင်ဟာ ဘယ်သူ့သြဇာလွှမ်းမိုးမှုမှ မရှိတဲ့ လွတ်လပ်တဲ့ ကော်မရှင်ဖြစ်တယ် ဆိုတာကို ကော်မရှင် ဥက္ကဌက ထပ်ကာ ထပ်ကာ ပြောနေခဲ့တာပါ။ ဧပြီလ ကြားဖြတ် ရွေးကောက်ပွဲ ကျရင်လည်း ပြည်ထောင်စု ရွေးကောက်ပွဲ ကော်မရှင် အနေနဲ့ ရွေးကောက်ပွဲ အတွက် ကုန်ကျစရိတ် ကျပ်သန်း ၇၀၀ သုံးစွဲဖို့ ရှိတယ်လို့လည်း အရင်က သတင်းစာ ရှင်းလင်းပွဲမှာ အသိပေး ပြောသွား ခဲ့ဖူးတာ ရှိပါတယ်ရှင်။
Ref: VOA News
Read More...
Collapse...
ဖနိဒါ
ဖေဖေါ်ဝါရီလ ၁၄ ရက် ၂၀၁၂ ခုနှစ်
ဧပြီ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲ၌ နိုင်ငံတကာ စောင့်ကြည့် လေ့လာသူများ လာရောက်ခွင့်ပြုရန် ပြည်ထောင်စု ရွေးကောက်ပွဲ ကော်မရှင်ထံ အနည်းဆုံး နိုင်ငံရေးပါတီ နှစ်ခုက တင်ပြခဲ့သော်လည်း ကော်မရှင်က တစုံတရာ ဖြေကြားခဲ့ခြင်း မရှိ ကြောင်း နိုင်ငံရေးပါတီများထံမှ သိရသည်။
ရွေးကောက်ပွဲ ဝင်မည့် နိုင်ငံရေးပါတီ ၁၇ ပါတီမှ ကိုယ်စားလှယ်များနှင့် ပြည်ထောင်စု ရွေးကောက်ပွဲ ကော်မရှင်တို့ အင်္ဂါနေ့က နေပြည်တော်တွင် တွေ့ဆုံကြစဉ် နိုင်ငံတကာ စောင့်ကြည့်လေ့လာရေးအဖွဲ့ လာရောက်ခွင့် ပြုသင့်ကြောင်း ရှမ်းတိုင်းရင်းသား ဒီမိုကရက်တစ်ပါတီ SNDP မှ တင်ပြခဲ့သည်ဟု ယင်းပါတီမှ တွဲဖက်အထွေထွေ အတွင်းရေးမှူး ဦးစိုင်းမောင်တင်က ပြောသည်။
ယင်းအချက်ကို SNDP ကိုယ်စားလှယ် ဦးစိုင်းဖုန်းအောင်က မေးမြန်း တင်ပြခဲ့သော်လည်း ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက တစုံတရာ ဖြေကြားခြင်း မရှိခဲ့ဟု ဦးစိုင်းမောင်တင်က ပြန်ပြောပြသည်။
“အဲဒါကို ဖြေမသွားဘူးဗျ။ ဘာမှ မပြောဘူး။ အဲဒီမေးထားတဲ့ မေးခွန်းကို ချန်ထားတယ်။ ဖြေတဲ့အထဲမှာ မပါသွားဘူး” ဟု ၎င်းက ပြောသည်။
အမျိုးသား ဒီမိုကရေစီပါတီသစ် ပါတီမှ ပြည်သူ့လွတ်တော် ကိုယ်စားလှယ် ဦးသိန်းညွန့်ကလည်း တပါတီချင်း အလိုက် ဆွေးနွေးရာ တွင် ၎င်းအလှည့် ရောက်သည့်အခါ ယင်းအချက်ကို ထောက်ခံ ဆွေးနွေးခဲ့ကြောင်း၊ ကော်မရှင်ဥက္ကဋ္ဌက ပြန်လည် မဖြေကြားခဲ့သော်လည်း လုံးဝ ပယ်ချခဲ့ခြင်း မရှိကြောင်း မဇ္ဈိမကို ပြောသည်။
“ကျနော်ကလည်း ဒီကြားဖြတ်ရွေးကောက်ပွဲက ပြည်တွင်းပြည်ပ စောင့်ကြည့်မယ်။ နိုင်ငံတကာ မီးမောင်းထိုးမှုကို ရောက်မယ်။ အဲဒါကို ပြောတာ။ ပြန်ဖြေတဲ့အထဲမှာ အဲဒါ မပါဘူး။ သေချာပြောနိုင်တာက ငြင်းပယ်တာ မရှိဘူး” ဟု ဦးသိန်းညွန့် က ပြောသည်။
ယခင်လက မြန်မာနိုင်ငံသို့လာရောက်ခဲ့သည့် အမေရိကန် အထက်လွှတ်တော်အမတ် ဂျွန်မက်ကိန်းက မြန်မာ အစိုးရ အနေဖြင့် ကြားဖြတ်ရွေးကောက်ပွဲတွင် နိုင်ငံတကာ စောင့်ကြည့်လေ့လာသူများ လာရောက် လေ့လာခွင့်ပြုရန် တိုက်တွန်း ပြောဆိုခဲ့သည်။
အင်္ဂါနေ့တွေ့ဆုံပွဲတွင် နိုင်ငံရေးပါတီများက ယခင် ၂ဝ၁ဝ ရွေးကောက်ပွဲကဲ့သို့ မဲမသမာမှုများ မရှိစေရေးနှင့် ပတ်သက် ၍ တင်ပြရာတွင်မူ ကော်မရှင် ဥက္ကဋ္ဌ ဦးတင်အေးက တရားမျှတပြီး စစ်မှန်သည့် ကြားဖြတ် ရွေးကောက်ပွဲ ဖြစ်ရန် ကတိပေးခဲ့ကြောင်း ဦးစိုင်းမောင်တင်က ဆက်ပြောသည်။
“သူ့အနေနဲ့ ကတိပေးတယ် ပေါ့နော်။ ဒါပေမယ့် သူတို့ ရွေးကောက်ပွဲ ကော်မရှင်တရပ်ထဲ လုပ်လို့ မရဘူး။ နိုင်ငံရေး ပါတီတွေ ကနေ လည်း စောင့်ကြည့်ပြီးတော့ ထိန်းညှိကြဖို့ ပြောသွားပါတယ်”ဟု မဇ္စျိမကို ပြောသည်။
နိုင်ငံရေးပါတီ ၁၉ ခု ရှိခဲ့ရာတွင် မဲဆန္ဒနယ် ၃ နေရာ မပြိုင်နိုင်သဖြင့် မကြာမီက ဖျက်သိမ်းခံခဲ့ရသည့် ဒီမိုကရက်တစ် မဟာမိတ်ပါတီနှင့် ၈၈ ပြည်သူ့အင်အား ပါတီနှစ်ခု မှ လွှတ်တော်ကိုယ်စားလှယ်လောင်း နှစ်ဦးကို တသီးပုဂ္ဂလ ကိုယ်စားလှယ်လောင်းအဖြစ် ယှဉ်ပြိုင်ခွင့်ပြု လိုက်သည်ဟု အမျိုးသားဒီမိုကရေစီအင်အားစုပါတီ NDF မှ ဦးစိုးဝင်းက ပြောသည်။
ကြားဖြတ် ရွေးကောက်ပွဲတွင် လစ်လပ်နေသည့် နေရာပေါင်း ၄၈ နေရာတွင် ဝင်ရောက် ယှဉ်ပြိုင်ကြမည့် နိုင်ငံရေး ပါတီပေါင်း ၁၇ ပါတီ ရှိပြီး တသီးပုဂ္ဂလ ကိုယ်စားလှယ်လောင်းများ အပါအဝင် စုစုပေါင်း ၁၅၄ ဦး ယှဉ်ပြိုင်မည် ဖြစ်ကြောင်း အမည်စာရင်းများကိုလည်း ကော်မရှင်က အင်္ဂါနေ့က ထုတ်ပြန်လိုက်သည်။
သို့သော် နေပြည်တော်တွင် တစုတစည်းထဲ ထုတ်ပြန်ခြင်း မဟုတ်ဘဲ ဒေသန္တရအဆင့် ရွေးကောက်ပွဲ ကော်မရှင်များ က မိမိတို့ နယ်မြေ အလိုက် သီးခြားစီ ထုတ်ပြန်ထားကြောင်း သိရှိရသည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၁၄ ရက် ၂၀၁၂ ခုနှစ်
အစိုးရငြိမ်းချမ်းရေးကိုယ်စားလှယ်အဖွဲ့များနှင့် တိုင်းရင်းသားလက်နက်ကိုင် တပ်ဖွဲ့များအကြား ငြိမ်းချမ်းရေး ဆွေးနွေးနေမှုများ၏ ရလဒ်မှာ စစ်မှန်သည့် ငြိမ်းချမ်းရေး ဖြစ်ပေါ်မလာမည်ကို စိုးရိမ်မိကြောင်း အမျိုးသမီးများအဖွဲ့ချုပ် (မြန်မာနိုင်ငံ) WLB က ထုတ်ပြန် လိုက်သည်။
အမျီုးသမီးအဖွဲ့ ၁၃ ဖွဲ့ဖြင့် ပေါင်းစည်းထားသည့် WLB ၏ အင်္ဂါနေ့ ထုတ်ပြန်ချက်ထဲတွင် “အပေါ်ယံ အပစ်အခတ် ရပ်စဲရေး လမ်းကြောင်း ကိုသာ ဦးတည်သွားမည်ကို မိမိတို့အနေဖြင့် အထူးစိုးရိမ်ပူပန်မိသည်” ဟု ဖေါ်ပြပါရှိသည်။
တိုင်းရင်းသားအားလုံး စုစည်းပါဝင်နိုင်မည့် တွေ့ဆုံဆွေးနွေးမှုမျိုးမဟုတ်ဘဲ တဖွဲ့ချင်းစီ ခွဲထုတ် ဆွေးနွေးနေမှုကို ထောက်ပြ ကာ “အဲလိုတွေလုပ်နေတဲ့ တပြိုင်တည်းမှာပဲ စစ်ပွဲတွေ ဖြစ်နေတာတွေကိုလည်း တွေ့မြင်နေရတော့ စစ်မှန်တဲ့ အပစ်ခတ်ရပ်စဲရေးတွေ မဖြစ်မှာကို စိုးရိမ်မိတယ်” ဟု WLB မှ အထွေထွေ အတွင်းရေးမှူး ဒေါ်တင်တင်ညို က မဇ္ဈိမကို ပြောသည်။
အစိုးရငြိမ်းချမ်းရေး ကိုယ်စားလှယ်အဖွဲ့များက ကရင်အမျိုးသားအစည်းအရုံး (KNU)၊ မွန်ပြည်သစ်ပါတီ (NMSP) နှင့် ရှမ်းပြည် တပ်မတော် SSA တောင်/မြောက် အဖွဲ့များ အပါအဝင် စုစုပေါင်း ၁၁ ဖွဲ့တို့ဖြင့် အပစ်ခတ် ရပ်စဲရေးအတွက် တွေ့ဆုံဆွေးနွေး မှုများကို သီးခြားစီခွဲ၍ ပြုလုပ်ထားသည်။
၁၉၉၄ ကာလမှ စတင်ခဲ့သည့် တိုင်းရင်းသားလက်နက်ကိုင် ၁၇ ဖွဲ့ တို့ အပစ်အခတ် ရပ်စဲရေး ပြုလုပ်ခဲ့ကြသော်လည်း အပစ်ရပ်စဲမှု ပျက်ပျယ်ခဲ့ကြပြီး တိုက်ပွဲများဆက်လက် ဖြစ်ပွားနေခြင်းကိုလည်း WLB ၏ ထုတ်ပြန်ချက်၌ ထောက်ပြ ထားသည်။
ကချင်လွတ်မြောက်ရေးအဖွဲ့ KIO နှင့် အစိုးရတို့အကြား ဇန်နဝါရီ ၁၈၊ ၁၉ ရက်များက တွေ့ဆုံ ဆွေးနွေးခဲ့ ပြီးနောက် ဖေဖေါ်ဝါရီ လ ၁၃ ရက်နေ့ထိ နှစ်ဖက် တိုက်ပွဲပေါင်း ၃၅ ကြိမ်ဖြစ်ပွားခဲ့ကြောင်း KIA ဒုစစ်ဦးစီးချုပ် ဗိုလ်မှူးချုပ် ဂွမ်မော် က ပြောသည်။
“တိုက်ပွဲတွေကတော့ တောက်လျှောက် ဖြစ်နေတုန်းပါပဲ။ ဆွေးနွေးမှု လုပ်နေတယ် ဆိုတာကတော့ နိုင်ငံရေးအရ အဖြေရှာမှုလုပ်နေတာ ဖြစ်တဲ့အတွက် အဲဒါ အောင်မြင်သွားရင်တော့ တိုက်ပွဲတွေ ရပ်ဆိုင်းသွားမှာပါ။ နိုင်ငံရေးအရ အဖြေမရှာနိုင်ခင်မှာတော့ တိုက်ပွဲတွေက ခုလိုပဲ ရှိနေဦးမှာပါပဲ” ဟု ဗိုလ်မှူးချုပ် ဂွမ်မော် က မဇ္ဈိ်မကို ပြောသည်။
အလားတူ အစိုးရနှင့် ပဏာမ အပစ်ခတ်ရပ်စဲထားသော KNU နှင့် အစိုးရ တပ်မတော်တို့အကြား ဖေဖေါ်ဝါရီ လဆန်းပိုင်းက တိုက်ပွဲ နှစ်ကြိမ်ဖြစ်ပွားခဲ့သေးကြောင်း KNU ထံမှ သိရသည်။
အစိုးရနှင့် တိုင်းရင်းသားလက်နက်ကိုင် ပဋိပက္ခများ၏ဆိုးကျိုးကို အမျိုးသမီးများနှင့် ကလေးများက အများဆုံးကြုံတွေ့ ခံစားရပြီး လတ်တလောဖြစ်ပွားနေသည့် KIO နှင့် အစိုးရအကြား ဖြစ်ပွားခဲ့သည့် ၈ လကျော်အကြာ တိုက်ပွဲများ အတွင်း ထွက်ပြေးခိုလှုံ နေကြ ရသည့် စစ်ပြေး ဒုက္ခသည် ၆ သောင်းကျော်အနက် အများစုမှာ အမျိုးသမီးနှင့် ကလေးများ ဖြစ်ကြသည်။
အစိုးရနှင့် လက်နက်ကိုင်အဖွဲ့များ ဆွေးနွေးမှုပြုလုပ်သည့်အခါတွင် အမျိုးသမီးများ၏ ဆန္ဒသဘောထားများ ပါဝင်ရန် လိုအပ်ပြီး ငြိမ်း ချမ်းရေးဆွေးနွေးပွဲများတွင် အမျိုးသမီး ကိုယ်စားလှယ်များ ပါဝင်မှုကို အားပေးရန်လည်း သက်ဆိုင်ရာ အဖွဲ့အစည်းများသို့ WLB က တိုက်တွန်းထားသည်။
“တိုက်ပွဲတွေကို ဖေါ်ဆောင်သူတွေဟာ အမျိုးသမီးနဲ့ ကလေးတွေမဟုတ်ကြပေမယ့် တကယ် ခါးစည်းခံရတဲ့ အများစု က သူတို့ပဲ။ ဒါ ကြောင့် နိုင်ငံတော်တည်ဆောက်ရေး၊ ပဋိပက္ခဖြေရှင်းရေး စတဲ့နေရာတွေမှာ အမျိုးသမီးတွေရဲ့ အသံတွေ၊ စဉ်းစားတွေး ခေါ်ချက်တွေ ကို အရေးတယူ ထည့်သွင်းစဉ်းစားဖို့လိုတယ်။ အဲသလို စဉ်းစားပေးမှသာ တကယ် ဘက်ပေါင်းစုံ ပြီးပြည့်စုံတဲ့ စဉ်းစားချက်တွေနဲ့ အတူ ကျမတို့မြန်မာနိုင်ငံကို အပြောင်းလဲတခု၊ ဖွံ့ဖြိုးတိုးတက်ပြီး ဒီမိုကရေစီအရ အနှစ်သာရရှိတဲ့ နိုင်ငံတော်တခုကို တည်ဆောက်နိုင်မှာ ဖြစ်တယ်” ဟု မတင်တင်ညို က ပြောသည်။
ရေရှည်တည်တံ့မည့် ငြိမ်းချမ်းရေးနှင့် အမျိုးသားပြန်လည်သင့်မြတ်ရေး အတွက် ပြည်တွင်းပြည်ပရှိ မြန်မာနိုင်ငံသား များ လက်မှတ် ရေးထိုး လှုပ်ရှားမှုတရပ်ကိုလည်း ဖေဖေါ်ဝါရီ ၁၄ ရက်နေ့မှ စတင် ပြုလုပ်မည်ဟု ဆိုသည်။
အဆိုပါ မေတ္တာရပ်ခံစာအား ဦးသိန်းစိန် အစိုးရ၊ မြန်မာ့တပ်မတော်၊ ဒီမိုကရေစီနှင့် တိုင်းရင်းသား လက်နက်ကိုင် အဖွဲ့အစည်းများ အားလုံးသို့ ပေးပို့မည်ဟုလည်း ထုတ်ပြန်ကြေညာချက်က ဆိုသည်။
ဘင်္ဂလားဒေ့ခ်ျ၊ အိန္ဒိယနှင့် ထိုင်းနယ်စပ် အခြေစိုက် မြန်မာနိုင်ငံမှ အမျိုးသမီးအဖွဲ့ ၁၂ ဖွဲ့က ၁၉၉၉ ခုနှစ် ဒီဇင်ဘာလ ၉ ရက် နေ့တွင် WLB ကို စတင်တည်ထောင်ခဲ့ကြပြီး ၂ဝ၁၁ ခုနှစ်တွင် ကယန်းအမျိုးသမီးများ အစည်းအရုံး က ပါဝင်လာ ခဲ့သည်။
Ref: မဇ္ဈိမ
Read More...
Collapse...
ကိုဝိုင်း
ဖေဖေါ်ဝါရီလ ၁၄ ရက် ၂၀၁၂ ခုနှစ်
ဒေါ်အောင်ဆန်းစုကြည်၏ ခင်ပွန်း ဒေါက်တာမိုက်ကယ်အဲရစ်၏ အမွှာအစ်ကို အန်ထော်နီ အဲရစ် သည် မြန်မာ ရွှေ့ပြောင်းအလုပ် သမားများအား ကူညီနိုင်ရေးအတွက် ထိုင်းနိုင်ငံ တောင်ပိုင်း ဖန်င အခြေစိုက် ပညာရေးနှင့် ဖွံ့ဖြိုးတိုးတက်ရေးအဖွဲ့ GHRE သို့ တနင်္လာနေ့က သွားရောက် လေ့လာခဲ့သည်ဟု သိရသည်။
GHRE အဖွဲ့ဒါရိုက်တာ ဦးထူးချစ်နှင့် တွေ့ဆုံဆွေးနွေးခဲ့သော်လည်း အလုပ်သမားများအား မည်သို့ ကူညီနိုင်မည်ကိုမူ ဆက်လက် လေ့လာသွားရဦးမည်ဟု အန်ထော်နီ အဲရစ်က ပြောသည်။
“သူလုပ်နေတဲ့ လုပ်ငန်းတွေကို ဘယ်လို ကူလို့ရမလဲ ဆိုတာ လေ့လာတာပါ။ သူ့ဝန်ထမ်းတွေနဲ့လည်း တွေ့ဆုံခဲ့ရပါ တယ်။ သူလုပ်နေတဲ့ လုပ်ငန်းတွေကို ကျနော်တို့ အားရကျေနပ်ပါတယ်။ ဘယ်လို ကူနိုင်မလဲဆိုတာ သူနဲ့ ပုံမှန် ဆက်သွယ်ထားမှာပေါ့” ဟု အန်ထော်နီ အဲရစ်က မဇ္ဈိမကို ပြောသည်။
မြန်မာနိုင်ငံအတွင်း၌ ပြုပြင်ပြောင်းလဲရေး တချို့လုပ်လာသဖြင့် နိုင်ငံတကာ အစိုးရနှင့် အန်ဂျီအိုများက ပြည်တွင်းသို့ ဝင်ရောက် လုပ် ကိုင် ရန် အာရုံပိုစိုက်လာသဖြင့် ပြည်ပအဖွဲ့များသို့ အကူညီမှုများ လျှော့ချခံရသည်။ လိုအပ်သည့် အကူအညီများကို ရရှိနိုင်ရန် GHRE က အန်ထော်နီ အဲရစ်တို့ကို ဖိတ်ကြားခဲ့ခြင်း ဖြစ်သည်ဟု ဦးထူးချစ်က ပြော သည်။
“သူတို့လည်း ရွှေ့ပြောင်း အလုပ်သမားတွေအတွက် ကူညီပေးချင်တဲ့စိတ်ရှိတယ်။ လာကြည့်ချင်တဲ့စိတ် ရှိတယ်လို့ သူတို့နဲ့ပတ်သက်တဲ့ အဖွဲ့အစည်းတွေကနေ တဆင့်ကြားတာလေ။ ကျနော်တို့ကလည်း အခက်အခဲရှိတယ် လာကြည့်နိုင်ရင် ပိုကောင်းတာပေါ့ဆိုပြီး ကျနော် တို့က လှမ်းဖိတ်လိုက်တာ” ဟု သူက မဇ္ဈိမကို ပြောသည်။
ဖန်င အခြေစိုက် GHRE အဖွဲ့သည် ၂၀၀၀ ခုမှစ၍ ထိုင်းနိုင်ငံရှိ မြန်မာရွှေ့ပြောင်း အလုပ်သမားများအရေး ဆောင်ရွက် နေပြီး ယခုအခါ စာသင်ကျောင်း ၈ ကျောင်း၊ HIV/AIDS လူနာများအတွက် ကျန်းမာရေး စောင့်ရှောက်မှု ဂေဟာ၊ အမျိုးသမီး အသက်မွေးဝမ်း ကျောင်း ပညာ သင်တန်းကျောင်းနှင့် အမျိုးသမီး အခွင့်အရေး ပညာပေးစင်တာတို့ ဖွင့်လှစ်ထားသည်။
အန်ထော်နီအနေဖြင့် မည်သို့မည်မျှ ကူညီမည်ကို ကတိပေးသွားခြင်း မရှိသော်လည်း GHRE ၏ ပညာရေး လုပ်ငန်းများတွင် ဘတ်ငွေ ၃ သန်း လိုအပ်ကြောင်း တင်ပြပြောဆိုခဲ့သည် ဟု ဦးထူးချစ်က ဆက်ပြောသည်။
“ကျနော်တို့ ကလေးအနည်းဆုံး သုံးလေးရာလောက် နေလို့ရတဲ့ ကျောင်းသစ်ကြီး ဆောက်ထားတယ်။ မေလမှာ ဖွင့်မှာပေါ့။ သူတို့ ကိုယ် တိုင်လည်း သွားကြည့်တယ်။ အဖွဲ့အစည်းပိုင်တဲ့ ကျောင်းကားတွေလည်း ရှိတယ်။ ကားဒရိုင်ဘာဖိုး၊ ဆီဖိုး၊ ဆရာ/ဆရာမတွေ ခန့်ဖို့၊ အခက်ခဲရှိတယ်။ ဆေးခန်းတွေ၊ HIV လူနာထားတဲ့ နေရာတွေ။ သူတို့ ကြည့်သွားတယ်” ဟု သူက ပြောသည်။
ထိုင်းနိုင်ငံသို့ ဇန်နဝါရီလ ဒုတိယပတ်ထဲက ရောက်ရှိနေသည့် အန်ထော်နီ အဲရစ် နှင့် သူ၏ ဇနီးသည်တို့သည် စူရတ်ဌာနီ ခရိုင် ကော့စမွေကျွန်းရှိ သူ၏ ကိုယ်ပိုင်အိမ်တွင် နောက်ထပ် တလ နေထိုင်ဦးမည် ဖြစ်သော်လည်း လတ်တလောတွင် အခြားအဖွဲ့အ စည်းများနှင့် တွေ့ဆုံရန် အစီအစဉ် မရှိသေးကြောင်း ဆိုသည်။
၎င်းတို့ဇနီးမောင်နှံ နှစ်ဦး မြန်မာနိုင်ငံသို့ ၂၀၁၂ ခု ဇန်နဝါရီနှင့် ၂၀၁၁ ခု ဖေဖော်ဝါရီလ တို့တွင် သွားရောက် လည်ပတ်ဖူးကြောင်း အန်ထော်နီ အဲရစ် ကပြောသည်။
ဗြိတိန်နိုင်ငံတွင်နေထိုင်သူ အန်ထော်နီ အဲရစ်သည် မြန်မာနိုင်ငံရှိ HIV-AIDS ဝေဒနာသည်များနှင့် ပတ်သက်၍ တိုက်ရိုက် မဟုတ် သော်လည်း ကူညီလို သူများကို အခြေအနေ ရှင်းပြခြင်း၊ အကူအညီလိုသူများနှင့် ဆက်စပ်ပေးခြင်း တို့ ဆောင်ရွက်ပေးကြောင်း သိရသည်။
Ref: မဇ္ဈိမ
Read More...
Collapse...
13 February 2012
နန်းသူးလေ
ထိုင်းနိုင်ငံ မြောက်ပိုင်းကန်ဖယ်ဖဲခ်ျခရိုင် ခေါင်ခွန်ရွာအနီး တွင် ခရီးသည်တင် မှန်လုံကားတစီး ယမန် နေ့က တိမ်းမှောက်ခဲ့ရာ ကရင် အမျိုး သမီးတဦး အပါအ၀င် ၂ ဦးသေဆုံးပြီး မြန်မာအလုပ်သမား အများအပြား ဒဏ်ရာရရှိခဲ့ကြသည်။
မဲဆောက်မြို့ ဟိုးဆန်ဂရွတ် ကားကုမ္ပဏီမှ ဘန်ကောက်မြို့သို့သွားသည့် ခရီးသည်တင် မှန်လုံကား သည် ထိုင်းလူမျိုး ယာဉ်မောင်းသူ ၁ဦးနှင့် မြန်မာလုပ်သားခရီးသည် ၁၇ ဦး(ကရင်၃ဦးအပါ)တို့ လိုက် ပါစဉ် ခေါင်ခွန်ရွာအနီးတွင် တိမ်းမှောက်ခဲ့ခြင်း ဖြစ်သည်ဟု ဒဏ်ရာ ရရှိခဲ့သူ့ ကိုထွန်းလှိုင်က ပြော သည်။
၎င်းက “အားလုံး အိပ်ပျော်နေတဲ့အချိန်ဖြစ်သွားတော့ ရုတ်တရတ်မှာ ဘယ်လိုဖြစ်သွား မှန်းမသိဘူး။ သိလိုက်တဲ့ အချိန်မှာကားက လမ်း ဘေးကို ထိုးဆင်းသွားပြီး သစ်ပင်နဲ့ တိုက်ပြီး မှောက်သွားတာပဲ။ မွန်အမျိုးသမီးကြီးကတော့ နေရာမှာတင်ပဲ ပွဲချင်းပြီးသေသွား ခဲ့တာ။ ကရင်မလေးကတော့ ဆေးရုံ ရောက်မှသေခဲ့တာ” ဟုပြောသည်။
အခင်းဖြစ်ပွားချိန်မှာ မနက် ၁နာရီဝန်းကျင်ဖြစ်ပြီး နီးစပ်ရာ ဆိုင်ကယ်တက္ကစီသမား အကူအညီဖြင့် မနက် ၅နာရီတွင် ဒဏ်ရာရရှိသူ များကို ခေါင်ခွန်ဆေးရုံတွင် ဆေးကုသခံခဲ့ကြသည်ဟု ဆက်ပြော သည်။
ခရီးသည်အချို့မှာ ဆေးကုသစရိတ် အခက်အခဲများကြောင့် ကားကုမ္ပဏီသို့ ဖုန်းဆက်အကြောင်း ကြားခဲ့သော်လည်း ၎င်းတို့နှင့် မသက်ဆိုင်ဟုပြောဆိုနေပြီး တာဝန်ယူမှုမရှိသည့်အတွက် ဒဏ်ရာမ ပျောက်ကင်းသေးသော်လည်း လုပ်ငန်းပြန်ဝင်နေကြရသည်။
ဒဏ်ရာရရှိသူ ကရင်အမျိုးသမီးတစ်ဦးက “ဆေးရုံကပေးမဆင်းဘူး။ အလုပ်ပြုတ်မှာကြောက်လို့ ဆေး ရုံ ကတောင်းဆင်းလာတာ။ တစ်ရက်ဆေးရုံတက်တာ (ထိုင်း)ဘတ် ၃,၀၀၀ ကုန်တယ် အခုထိ ဘယ်သူမှ မပေးဘူး။”ဟု ပြောသည်။
ကားတိမ်းမှောက်မှုတွင် ပါဝင်သည့် မြန်မာလုပ်သား ခရီးသည်များ (၁၇ ယောက်)သည် ယာယီနိုင်ငံ ကူးပတ်စ်ပို့ ကိုင်ဆောင်ထား ကြသူများ ဖြစ်သည်။ ၎င်းတို့မှာ ဆေးကုသစရိတ်များကို မိမိကိုယ်တိုင် ပေးဆောင်နေရပြီး ကားမောင်းသမားနှင့် ခရီးသည်တဦး မှာလည်း ပျောက်ဆုံးနေကြောင်း ခရီးသည် တဦးက ပြောသည်။
ယင်းအမှုနှင့်ပတ်သက်၍ ထိုင်းတာဝန်ရှိ ရဲတစ်ဦးက ဒဏ်ရာရသူများ၏ လိပ်စာနှင့် ဖုန်းနံပါတ် အတိ အကျတောင်းယူခဲ့ပြီး နေပြန် ကောင်း လာပါက ရဲဌာနရုံးသို့ အကြောင်းကြားရန်ပြောကြောင်း ကိုထွန်း လှိုင်က ပြောသည်။
ဒဏ်ရာရရှိခဲ့သူ မြန်မာလုပ်သား အချို့က ၎င်းတို့၏ နစ်နာကြေးအတွက် ကားကုမ္ပဏီတွင် ဆက်လက် တောင်းဆိုသွားမည်ဟု သိရသည်။
မြန်မာအလုပ်သမားများ နစ်နာကြေးရရှိရန်အတွက် အလုပ်သမား၊ ထိုင်းအစိုးရနှင့် အလုပ်သမားအ ရေးကူညီဆောင်ရွက်ပေးနေသူများ ပူးပေါင်းဆောင်ရွက်မှသာ လုပ်ဆောင်နိုင်မည်ဟု ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း(FED)မှ ဒါရိုက်တာ ဦးထူးချစ် ကပြော သည်။
အမှုကိစ္စများအတွက်လျော်ကြေးရရန် အလုပ်သမားများအနေနှင့် ထိုင်းအစိုးရထံတိုင်ကြားဖို့ လုပ်သား ကူညီပေးသည့်အဖွဲ့များ နှင့်ဆက်သွယ် သင့်ကြောင်း သူက ဆက်ပြောသည်။
Ref: ကေအိုင်စီ
Read More...
Collapse...
13 February 2012
စောခါးစူးညား
ကယန်မျိုးဆက်သစ်လူငယ်- KNGY က ၎င်းတို့ အဖွဲ့၏ ဖွဲ့စည်းခြင်း ၁၀နှစ်ပြည့် မွေးနေ့ကို ဂုဏ်ပြုသည့် အနေဖြင့် ထိုင်း-မြန်မာနယ်စပ် တနေရာတွင် အခမ်းအနားတစ်ခု ပြုလုပ်သကဲ့သို့ သျှမ်းပြည်နယ် တောင်ပိုင်း မိုးဗြဲမြို့နယ်ရှိ ကယန်းဒေသ တနေရာ၌လည်း ကျင်းပခဲ့သည်။
၎င်းတို့အနေဖြင့် ၁၀နှစ်တာကာလ ခရီးတလျှောက် လုပ်ဆောင်ခဲ့သည့် လုပ်ငန်းစဉ်များတွင် အခက်အခဲ အမျိုး မျိုးနှင့် အားနည်းချက် အချို့ရှိသကဲ့သို့ အောင်မြင်မှုအများအပြားရှိခဲ့ပြီး ၁၀စုနှစ်တစ်ခုကိုလည်း အောင်မြင်စွာ ကျော်ဖြတ်နိုင်ခဲ့သည်ဟု KNGY က ပြောသည်။
KNGY မှ ပြင်ပရေးရာ တာဝန်ခံ ခူးဂျယ်ရီခမ်းက “ကျနော်တို့ ကယန်းမျိုးဆက်သစ်လူငယ်ဟာ အချုပ်အနှောင် ကင်းမဲ့တဲ့ အဖွဲ့ တစ်ခု ဖြစ်သလို အခက်အခဲများစွာ ကြားထဲကနေ ကြိုးစားရင်း ယနေ့ထိတိုင် ရပ်တည်လာနိုင်ခဲ့ တာဟာ တကယ့်အမျိုးသားရေးအတွက် ကျတဲ့တာဝန် လုပ်ဆောင်နိုင်ဖို့ လူငယ်များကို ပညာပေးမြှင့်တင်ပေး ရေး သင်တန်းတွေ လုပ်ဆောင်နိုင်ခဲ့တာ ဖြစ်ပါတယ်။”ဟု ကေအိုင်စီသို့ ပြောသည်။
ဆက်လက်၍ KNGY ပေါ်လာသည့်နောက် သျှမ်းပြည်နယ်နှင့် ကရင်နီ(ကယား)ပြည်နယ်ရှိ ကယန်းနေထိုင်ရာ ဒေသ၌ မြန်မာအစိုးရ၏ လူ့အခွင့်အရေးချိုးဖောက်မှုအပါအ၀င် အခြားအဖြစ်အပျက်များကို မှတ်တမ်းတင် လုပ် ဆောင်လာနိုင်ခဲ့သည်ဟု သူက ဆက်ပြောသည်။
ကယန်းအမျိုးသားရေး ပိုမိုအလုပ်လုပ်ဆောင်နိုင်ရန် ရည်ရွယ်၍ မျိုးဆက်သစ်လူငယ်များအတွက် ပညာရေးမြှင့် တင်ရေးသင်တန်း များဖြစ်သည့် ဒီမိုကရေစီ ပညာပေးရေး၊ လူ့အခွင့်အရေးပညာပေးရေး၊ သဘာဝပတ်ဝန်းကျင် ပညာပေးရေး စသည့် သင်တန်းများကို KNGY က လုပ်ဆောင်နိုင်ခဲ့ခြင်းဖြစ်သည်။
ထိုင်း-မြန်မာနယ်စပ်တွင် ပြုလုပ်သည့် ၁၀နှစ်ပြည့် KNGY မွေးနေ့အခမ်းအနားတွင် ကယန်းလူငယ်များ၊ လူမှု ရေးအဖွဲ့နှင့် မြန်မာ့ ဒီမိုကရေစီအင်အားစု အဖွဲ့အချို့အပါအ၀င် စုစုပေါင်း ပရိဿတ် ၅၀ ခန့် တက်ရောက်ခဲ့ပြီး မိုးပြဲမြို့နယ် ကယန်းဒေသတွင် ပြုလုပ် သည့်အခမ်းအနားတွင် လုပ်ဖော်ကိုင်ဖက်မျာနှင့် လူထုပရိဿတ် ၃၀ ကျော် တက်ရောက်ခဲ့သည်ဟု သိရသည်။
တဆက်တည်း၌ပင် KNGY က ၎င်းတို့၏ (၁၀)နှစ်ပြည့်သည့်နေ့တွင် ကြေညာချက်တစ်စောင်ထုတ်ပြန်ကာ ကြေညာချက်အရ လက်ရှိ မြန်မာနိုင်ငံ၏ နိုင်ငံရေးသည် ဒီမိုကရေစီဖြစ်ထွန်းမှု လမ်းစပေါ်သို့ ရောက်ရှိနေပြီဟု ယူဆနိုင်သော်လည်း တစ်နိုင်ငံလုံးအတိုင်းအတာဖြင့် ငြိမ်းချမ်းရေး မဖော်ဆောင်နိုင်သေးခြင်း၊ နိုင်ငံရေးအကျဉ်း သားများအားလုံး ခြွင်းချက်မရှိ မလွှတ်ပေးသေးခြင်းနှင့် တိုင်းရင်းသားများ၏ အရေးကို နိုင်ငံရေးအရ မဆွေးနွေး သေးခြင်းတို့ကို ကြည့်ပါက စစ်မှန်သော အသွင်ကူးပြောင်းရေး မဆိုနိုင်သေးကြောင်း ထောက်ပြ ထားသည်။
ထို့အပြင် ကယန်းဒေသတွင် အထူးသဖြင့် အကျင့်ပျက်လာဘ်စားမှုများနှင့် မူးယစ်ဆေးဝါး ထုတ်လုပ်သုံးစွဲမှု များပြားလာခြင်းကြောင့် လူထုများသည် လူနေမှုဘဝများ နိမ့်ကျရှိသည်ဟုလည်း ဖော်ပြထားသည်။
လက်တလော ပြည်တွင်းတွင် လှုပ်ရှားနေသည့် ယခင်လ ဇန်န၀ါရီတွင် အကျဉ်းထောင်မှ ပြန်လည်လွတ် မြောက်လာသူ KNGY ၏ တွဲဖက်အတွင်းရေးမှူး ခူးဘီထူးက “ကယန်းဒေသမှာ ဘိန်းစိုက်ပျိုးတဲ့ ပမာဏတွေ ပိုများလာတယ်။ စိုက်ပျိုးပြီးတဲ့နောက်မှာ ရာဘစိတ် ကြွဆေးပြားတွေ ထုတ်လုပ်တာတို့၊ နောက် အမျိုးမျိုးရော ပြီးမှ ပြန်သုံးတာတွေ အရမ်းဆိုးရွားလာတယ်။ ဒါကြောင့် လူနေမှုအဆင့် ကလည်း နိမ့်ကျလာတာ။”ဟု ပြော သည်။
ကယန်းလူမျိုးများ နေထိုင်သည့် သျှမ်းပြည်နယ်တောင်ပိုင်း ဖယ်ခုံမြို့နယ်၊ မိုးပြဲမြို့နယ်နှင့် ကရင်နီ(ကယား) ပြည်နယ် ဒီမောဆို မြို့နယ် အတွင်းရှိ ကယန်းလူမျိုး ၃ပုံ ၁ပုံသည် မူးယစ်ဆေးဝါး သုံးစွဲနေကြခြင်းဖြစ်ပြီး အထူး သဖြင့် လူငယ်အများဆုံးဖြစ်သည်ဟု သူက ရှင်း ပြသည်။
လက်ရှိ ကယန်းဒေသ၌ အမျိုးသားရေး၊ နိုင်ငံရေးနှင့် လူမှုရေးများဆောင် ရွှက်နေကြသော ကယန်းပြည်သစ် ပါတီ-KNLP၊ ကယန်း အမျိုးသားပါတီ-KNP၊ ကယန်းအမျိုးသမီးအစည်းအရုံး-KYWO တို့နှင့် အတူတကွ ပူးပေါင်း ၍ လုပ်ငန်းများ လက်တွဲလုပ် ဆောင်သွား မည်ဟု KNGY က ပြောသည်။
၎င်းအပြင် KNGY အနေဖြင့် ကယန်းဒေသ၌ လှုပ်ရှားပြီး လူငယ်ဖွံ့ဖြိုးရေးအတွက် ပညာရေး၊ ကျန်းမာရေး သင်တန်းများပေးခြင်း၊ နိုင်ငံရေး၊ လူ့အခွင့်ရေး၊ ဒီမိုကရေစီ ပညာပေးသင်တန်းများပေးခြင်းနှင့် မြန်မာပြည်တွင်း ရှိ အစိုးရအဖွဲ့များ၊ NGOs အဖွဲ့များ၊ ဒေသခံ များနှင့်ပူးပေါင်း၍ မူးယစ်ဆေးဝါး တိုက်ဖျက်ရေးလုပ်ငန်းများ လုပ်ဆောင်သွားရန်နှင့် လူမှုရေးလုပ်ငန်းများ လုပ်ဆောင်သွားရန်ရှိသည် ဟု ခူးဘီထူးက ပြောဆိုသည်။
ကယန်းလူထုများအကြား စည်းလုံးညီညွှတ်ရေးတည်ဆောက်ခြင်းနှင့် နိမ့်ကျနေသော ကယန်းတို့၏ ပညာရေး၊ ကျန်းမာရေး၊ လူမှုရေး စသည့်တို့ကို မြှင့်တင်ရန် ရည်ရွယ်၍ ကယန်းလူငယ်အချို့နှင့် ကယန်းခေါင်းဆောင် အချို့ တိုင်ပင်ပြီး KNGY ကို ၂၀၀၂ ခုနှစ်တွင် စတင်ဖွဲ့စည်းခဲ့ခြင်းဖြစ်သည်။
Ref: ကေအိုင်စီ
Read More...
Collapse...
13 February 2012
စောသိန်းမြင့်
တနင်္သာရီတိုင်း၊ မြိတ်ခရိုင်၊ ပလောမြို့နယ်တွင် မြန်မာအစိုးရစစ်တပ်မှ ရိက္ခာတင်ကား ၂၀စီးပို့ ဆောင်သည့်အပြင် လက်နက်ခဲယမ်း တင်ကား ၄စီးပါ ၎င်းတို့ ခြေကုပ်စခန်း တစ်ခုဖြစ် သည့် ထီးထာစခန်းသို့ ပို့ဆောင်လာသည်ဟု စစ်ဖက်ဆိုင်ရာသတင်းအရ သိရသည်။
အစိုးရစစ်တပ် စစ်ကွပ်ကဲရေးဌာနချုပ် စကခ-၂၀မှ နည်းဗျူဟာ(၂)အခြေစိုက်စခန်းဖြစ်သည့် မြိတ်မြို့အရှေ့ဖက်ခြမ်းရှိ ထီးထာစခန်းသို့ ယခုလ ၇ရက်နေ့တွင် ထားဝယ်မြို့မှ တစ်ဆင့် ရိက္ခာတင်ကားကြီး ၂၀စီးပို့ဆောင်သကဲ့သို့ ၁၁ရက်နေ့တွင် လက်နက်ခဲယမ်းတင်ကား ၄စီး အား ပို့ဆောင်ခဲ့ခြင်းဖြစ်သည်။
အဆိုပါ စစ်ရိက္ခာနှင့် လက်နက်ခဲယမ်းများကို နဗဟ(၂)မှူး ဗိုလ်မှူးကြီး အောင်မြင်တာဝန်ယူ ပို့ ဆောင်ခြင်းဖြစ်ပြီး ၎င်းစစ်ရိက္ခာ ပစ္စည်း များကို ပို့ဆောင်ရာတွင် ဒေသခံရွာသားများအား ခေါ် ယူခိုင်းစေမှုများလည်း လုပ်ဆောင်လျှက်ရှိသည်ဟု အစိုးရစစ်တပ်နှင့် နီးစပ်သူ တစ်ဦးက ပြော သည်။
၎င်းက “ရွာသားတွေကို ကားနောက်လိုက်တဲ့အနေနဲ့ လုပ်အားပေးခေါ်တယ်။ အခုထီးထာစ ခန်းကို ရောက်တဲ့ ကားက (၂၄)စီးပဲရှိ သေးတယ်။ ထားဝယ်မှာ အစီး ၄၀-၅၀ ကျန်သေးတယ်။ ထပ်ပို့ဖို့ ပြင်ဆင်မှုတွေ လုပ်ဆောင်နေတုန်းပဲ”ဟု ကေအိုင်စီသို့ ပြောသည်။
ယခင်လ ၂၉ရက်နေ့ကလည်း တပ်အင်အား ၁,၀၀၀ကျော်ရှိသည့် စကခ အမှတ်(၂၀)မှ နည်းဗျူ ဟာ(၁)၊ (၃)တို့မှ တပ်ရင်း ၇ရင်းသည် ပလောမြို့နယ် ရေဖြူရွာစခန်းသို့ စစ်သားများတင် ဆောင်လာသော စစ်ကား ၅၀စီးပို့ဆောင်ထားသကဲ့သို့ ထားဝယ်ခရိုင် မြစ်တန်းမြို့နယ်ရှိ ကမ်း ရိုးတန်းတိုင်း စစ်ဌာချုပ်လက်အောက်ခံ စစ်ဗျူဟာ(၂) အခြေစိုက်ရာ အိုင်ဝိုင်းစခန်းသို့လည်း ရိက္ခာတင် ကား (၂၀)စီးကို ထားဝယ်မှ တစ်ဆင့် ပို့ဆောင်ထားပြီးပြီဖြစ်သည်။
ယခုလို အစိုးရစစ်တပ်ဘက်မှ စစ်ရိက္ခာနှင့် လက်နက်ခဲယမ်းများကို ပေါ်ပေါ်တင်တင် ပို့ဆောင် မှုကြောင့် ကေအဲန်ယူ တပ်ဖွဲ့နှင့် ပစ် ခတ်မှုများ ပြန်လည်ဖြစ်ပွားမည်ကို ဒေသခံလူထုများက အလွန်စိုးရိမ်ကြသည်ဟု သိရသည်။
မြန်မာအစိုးရနှင့် ကရင်အမျိုးသားအစည်းအရုံး-ကေအဲန်ယူတို့ ပြီးခဲ့သည့် ဇန်န၀ါရီလ ၁၂ရက် နေ့က ကရင်ပြည်နယ် ဖားအံမြို့တွင် ပထမအဆင့် ပဏာမ အပစ်အခတ်ရပ်ဆိုင်းရေးသဘော တူညီ လက်မှတ်ရေးထိုးခဲ့ကြသည်။
နှစ်ဘက်အပစ်အခတ်ရပ်ဆိုင်းနေချိန်ကာလတွင် အစိုးရစစ်တပ်ဘက်မှ အခွင့်အရေးများ ပိုယူ နေကြောင်း ကေအဲန်ယူ တပ်မဟာ(၄)မှ စစ်ဘက်ဆိုင်ရာ တာဝန်ရှိသူတစ်ဦးက ယခုလို ပြော သည်။
“အစိုးရစစ်တပ်က ရိက္ခာပို့မယ့်ကိစ္စကို ကျနော်တို့ အသိပေးပါတယ်။ လက်နက်ပို့တာကတော့ မသိရဘူး။ ကျနော်တို့ စစ်ဆေးမှုတွေလုပ်မှ မရတာကိုး။ အစိုးရစစ်တပ်တွေက လိုတာထက်ပို ပြီး အခွင့်အရေးယူတာပဲ။ အထက်က ကျနော်တို့ခေါင်း ဆောင်တွေရဲ့ ခွင့်ပြုချက်မရဘဲ ဘယ်လို မှ လှုပ်ရှားလို့ မရဘူး။”ဟု ပြောသည်။
အစိုးရနှင့် ကေအဲန်ယူတို့ ပထမအဆင့် ပဏာမ အပစ်အခတ်ရပ်ဆိုင်းနေသည့်ကာလတွင် ၎င်း နည်းတူ ကေအဲန်ယူ တပ်မဟာ(၁)၊ (၂)၊ (၃)၊ (၅)၊ (၆)ဘက်တွင်လည်း အစိုးရစစ်တပ်မှ စစ် ရိက္ခာများ ဆက်တိုက်ပို့ဆောင်လျှက်ရှိသည်ဟု ကေအဲန်ယူ သတင်းရပ်ကွက်အရ သိရသည်။
ယင်းကဲ့သို့ ရိက္ခာပို့ဆောင်ရာ၌ ကေအဲန်ယူ တပ်မဟာ(၅)တွင် ပြီးခဲ့သည့်ရက်ပိုင်းက နှစ်ဖက် တပ်ဖွဲ့ဝင်များအကြား နှစ်ကြိမ်ထက်မနည်း ပစ်ခတ်မှုဖြစ်ပွားသကဲ့သို့ ကေအဲန်ယူတပ်မဟာ (၂)ဘက်တွင်လည်း အစိုးရစစ်တပ်မှ ကေအဲန်ယူ၏ မြေမြုပ်မိုင်း ထိမှန်သေဆုံး မှုများ ရှိသည်။
Ref: ကေအိုင်စီ
Read More...
Collapse...
ဖနိဒါ
ဖေဖေါ်ဝါရီလ ၁၃ ရက် ၂၀၁၂ ခုနှစ်
၂ဝ၁ဝ ရွေးကောက်ပွဲတွင် ပါဝင် ယှဉ်ပြိုင်ခွင့် မရရှိခဲ့သော ကချင်တိုင်းရင်းသား ခေါင်းဆောင် တဦး ဖြစ်သည့် ဒေါက်တာမနန်တူးဂျာ သည် လာမည့် ကြားဖြတ်ရွေးကောက်ပွဲတွင် ကချင်ပြည်နယ် မိုးကောင်းမြို့နယ် ပြည်သူ့လွှတ်တော် နေရာအတွက် တသီးပုဂ္ဂလ အနေဖြင့် ဝင်ရောက်ယှဉ်ပြိုင်ရန် စာရင်း ပေးထားသော်လည်း ရွေးကောက်ပွဲ ကော်မရှင်ထံမှ အကြောင်းပြန်ကြားမှု စောင့်ဆိုင်းနေဆဲ ဖြစ်သည်။
မိုးကောင်း မြို့နယ်ရှိ မဲဆန္ဒရှင်များကို အင်္ဂါနေ့တွင် သွားရောက် တွေ့ဆုံရန် အစီအစဉ်ရှိသော်လည်း အမတ်လောင်း မဟုတ်သေးသည့် အတွက် စည်းရုံးရေးခရီးစဉ်အဖြစ် လူထုဟောပြောပွဲ မလုပ်နိုင်သေးကြောင်း ဒေါက်တာတူးဂျာက မဇ္ဈိမကို ပြောသည်။
“စည်းရုံးရေးခရီးစဉ် မဟုတ်သေးဘူး။ မိုးကောင်းမြို့နယ်မှာ လုပ်ရမယ့် အလုပ်တွေကို သွားလုပ်တာပဲ ရှိတယ်။ အခုထိ ကော်မရှင်က တော့ ဘာမှအကြောင်းမကြားသေးဘူး။ နည်းနည်းတော့ စောင့်ရမယ့် သဘောရှိတယ်” ဟု ပြောသည်။
မိုးကောင်းမြို့နယ်ရှိ မရမ်း၊ နမ္မတီးမြို့များတွင် မဲဆန္ဒရှင်များနှင့်တွေ့ဆုံရန်၊ ရုံးခန်းဖွင့်လှစ်ရန် စတင် ကွင်းဆင်းရန်
ဖြစ်ကြောင်း ဇန်နဝါရီလ ၁၈ ရက်နေ့က ပြည်ထောင်စု ရွေးကောက်ပွဲ ကော်မရှင်ထံသို့ တသီးပုဂ္ဂလ အမတ်လောင်း အဖြစ် လျှောက်ထားခဲ့သည့် ဒေါက်တာတူးဂျာက ပြောသည်။
မိုးကောင်းမြို့နယ် ရွေးကောက်ပွဲကော်မရှင်က စည်းရုံးရေးနှင့်ပတ်သက်၍ စည်းမျဉ်း စည်းကမ်းများ ခေါ်ယူ ရှင်းပြရာ တွင်မူ ဒေါက်တာတူးဂျာလည်း ပါဝင်ခဲ့သည်ဟု သူက ဆက်ပြောသည်။
၎င်းအနေဖြင့် မိုးကောင်းမြို့နယ်တွင် အမျိုးသားဒီမိုကရေစီအဖွဲ့ချုပ်၊ အမျိုးသားဒီမိုကရေစီ အင်အားစုပါတီ၊ ရှမ်းတိုင်းရင်းသားဒီမိုကရက်တစ်ပါတီ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားများနှင့် ယှဉ်ပြိုင်ရမည်
ဖြစ်သည်။
ကချင်လွတ်မြောက်ရေးအဖွဲ့ ခေါင်းဆောင်ဟောင်း ဒေါက်တာတူးဂျာ ဦးဆောင်၍ ဖွဲ့စည်းခဲ့သော ကချင်ပြည်နယ် တိုးတက်ရေးပါတီ (KSPP)အနေဖြင့် ၂ဝ၁ဝ ခုနှစ်ရွေးကောက်ပွဲတွင် မှတ်ပုံတင်ခွင့် မရရှိခဲ့ပေ။ ထို့အတွက် တသီးပုဂ္ဂလ ကိုယ်စားလှယ်လောင်း အဖြစ် ဝင်ရောက်ယှဉ်ပြိုင်ရန် ထပ်မံကြိုးပမ်းခဲ့သော်လည်း မရှိခဲ့ပေ။
ထို့နောက် ဒေါက်တာတူးဂျာက မြစ်ကြီးနားမြို့ ကြံ့ခိုင်ရေးနှင့်ဖွံ့ဖြိုးရေးပါတီဝင်အဖြစ် လျှောက်ထားခဲ့သည်ကို ပါတီ၏ ရပ်မိရပ်ဖ အဖြစ် သာ လက်ခံထားသည်ဟု ဆိုသည်။
ဒေါက်တာတူးဂျာက မိုးကောင်းမြို့နယ် ဒေသခံများ ဖွံ့ဖြိုးရေးအတွက် မြစ်ကြီးနား၊ မိုးကောင်း-ကားလမ်း၊ မိုးကောင်း-ဖားကန့် ကားလမ်း များကို ပိုမိုကောင်းမွန်စေရန် ပြုပြင်ပေးသွားမည်၊ အလုပ်သမား၊ လယ်သမား အခွင့်အရေးများနှင့် ပတ်သက်၍ တတ်နိုင်သည့်ဘက်မှ လုပ်ဆောင်ပေးသွားမည်ဟု ပြောသည်။
“ ပြည်သူလူထုကို ချဉ်းကပ်မယ်။ အန်ကယ့်သဘောထားတွေ၊ ဆန္ဒတွေ ရှင်းပြမယ်။ ပြည်သူလူထုဆုံးဖြတ်တဲ့အပေါ် မူတည်လိမ့်မယ်။ အန်ကယ့် ကံကြမ္မာကို ပြည်သူထုလက်ထဲ အပ်ထားပါတယ်”ဟု သူက မဇ္စျိမကို ပြောသည်။
ကချင်ပြည်နယ် ကြားဖြတ်ရွေးကောက်ပွဲတွင် မိုးကောင်း၊ ဖားကန့်နှင့် ဗန်းမော်မြို့နယ်ရှိ လစ်လပ်သော ပြည်သူ့ လွှတ်တော် မဲဆန္ဒနယ် သုံးနေရာအတွက် ကိုယ်စားလှယ်လောင်း ၁၁ ဦး ဝင်ရောက်ယှဉ်ပြိုင်သွားမည် ဖြစ်သည်။
Ref: မဇ္ဈိမ
Read More...
Collapse...
မျိုးသန့်
ဖေဖေါ်ဝါရီလ ၁၃ ရက် ၂၀၁၂ ခုနှစ်
ရွှေညဝါဆရာတော်ဟု လူသိများသည့် ရန်ကုန်တိုင်း ကြည့်မြင်တိုင်မြို့နယ် သာဓုပရိယတ္တိ စာသင်တိုက်၏ ဦးဆောင်နာယက အဖွဲ့ဝင် စာချဆရာတော် ဦးပညာသီဟကို နိုင်ငံတော် သံဃာ့မဟာနာယကမှ တရားဟောခွင့် ပိတ်ပင်မှု တနှစ်ထပ်မံ တိုးမြှင့်လိုက်သည်ဟု ဆရာတော် ဦးပညာသီဟက မဇ္ဈိမကို မိန့်သည်။
ထပ်မံပိတ်ပင်မှုတားမြစ်စာကို မြန်မာတနိုင်ငံလုံးရှိ သံဃာ့နာယက၊ သာသနာရေးမှူး၊ မြို့နယ် အုပ်ချုပ်ရေးမှူးရုံးတို့ ထံ ပေးပို့ထားသည်ဟု သိရကြောင်းလည်း ဆရာတော်က ဆက်လက်မိန့်ကြားသည်။ သို့သော် အဆိုပါစာကို ကာယကံရှင်ဖြစ်သည့် ဆရာတော်ထံ တိုက်ရိုက် ရောက်ရှိခြင်း မရှိသေးဟု ဆရာတော်က မိန့်ကြားသည်။
"၂ဝ၁၃ အထိ မြန်မာတနိုင်ငံလုံး ထပ်မံပိတ်လိုက်သည် ဆိုပြီးတော့ တခြားနေရာကနေ မိတ္တူလေး ကျုပ်ဆီ လာပို့လို့ ကျုပ်လက်ထဲ ရောက်တယ်လေ။ တနေ့က ညက ရပါတယ်။ မိတ္တူတော့ ရပြီးပြီ" ဟု ဆရာတော်က မိန့်သည်။
ဤသို့ ပိတ်ပင်ခံရမှု ထပ်မံတိုးမြှင့်လိုက်ခြင်းကြောင့် ယခုလ ၁၁၊ ၁၂ ရက်နေ့များတွင် တာချီလိတ်နှင့် ၁၃၊ ၁၄၊ ၁၅ ရက်များအတွင်း ခင်ဦး မြို့များတွင် ဟောပြောရန် စီစဉ်ထားသည့် တရားပွဲများလည်း ပျက်ပြယ်သွားခဲ့ရသည်။
ဆရာတော်သည် ဗုဒ္ဓဘာသာနှင့် သက်ဆိုင်ခြင်းမရှိသည့် ဝေါဟာရ၊ အသုံးအနှုန်းများကို တရားပွဲများအတွင် ထည့်သွင်းဟောကြားသည် ဟူသည့် စွပ်စွဲချက်များဖြင့် ၂ဝ၁၁ ခုနှစ် ဖေဖေါ်ဝါရီလ ၁၁ ရက်နေ့မှ ၂ဝ၁၂ ဖေဖေါ်ဝါရီလ ၁ဝ ရက်နေ့အထိ တနှစ်တာ တရားဟောခွင့် ပိတ်ပင်ခံရပြီးဖြစ်သည်။
ယခုကဲ့သို့ တနှစ်ထပ်မံတိုးမြှင့်လိုက်ခြင်းမှာ ‘ဆိုဆုံးမ၍ မရသူ’အဖြစ် သတ်မှတ်ခံရခြင်းကြောင့်ဟုလည်း ရွှေညဝါ ဆရာတော်က မဇ္ဈိမကို ဆက်လက်မိန့်ကြားသည်။
ဆရာတော်သည် ပထမတနှစ် တရားပွဲ ပိတ်ပင်ခံနေရစဉ် ၂ဝ၁ဝ ခုနှစ် စက်တင်ဘာလ အတွင်း မန္တလေးတိုင်း NLD ရုံးတွင် တရားဟော သည်ဟု စွပ်စွဲကာ သံဃာ့ဆိုဆုံးမှုမကို မနာခံသူအဖြစ် သတ်မှတ်ခံခဲ့ရပြီး ကြည့်မြင်တိုင်ရှိ သာဓု ပရိယတ္တိ ကျောင်းတိုက်မှ ဖယ်ရှားရန် နှင့် ကျောင်းတိုက်တွင်း မည်သည့် သင်တန်းမှ မပြုလုပ်ရန်လည်း မဟနမှ ဒီဇင်ဘာလ ၁၂ ရက်နေ့က စာပေးပို့ ညွှန်ကြားခဲ့သည်။
အဆိုပါ ညွှန်ကြားချက်ကြောင့် ဆရာတော်သည် ဖေဖေါ်ဝါရီလ ၁၉ ရက်နေ့တွင် သာဓုကျောင်းတိုက်အတွင်းမှ ထွက်ခွာပေးရန် လက် မှတ်ထိုးထားရပြီး ‘ဆိုဆုံးမ၍ မရသူ’ဟု သတ်မှတ်ခံရမှုနှင့် ပတ်သက်၍ "ဝန်ခံကတိ လက်မှတ် လည်း ထိုးခဲ့တယ်။ အဲဒီအတိုင်း အတာ အထိ လုပ်ပေးခဲ့ပြီးပြီ။ နောက်ထပ်ဘာများ လုပ်ပေးရဦးမှာလဲ။ နောက်ထပ် ဘာလုပ်ပေးမှ အဲဒီ စကားလုံး အသုံးအနှုန်းက ပျက်ပြယ် မှာလဲ။ စဉ်းစားလို့မရအောင် ဖြစ်နေပါတယ်။ " ဟု မဇ္ဈိမကို မိန့်ကြားသည်။
ဖေဖေါ်ဝါရီလ ၁၅၊ ၁၆၊ ၁၇၊ ၁၈ ရက်နေ့များတွင် ကြည့်မြင်တိုင်မြို့နယ်နှင့် ကမာရွတ်မြို့နယ်များရှိ ဒါယိကာ၊ ဒါယကာမများကို နှုတ်ဆက် သည့်အနေဖြင့် ဆွမ်းခံထွက်မည်ဟုလည်း သိရသည်။
သာဓု ကျောင်းတိုက်မှ ထွက်ရမည်နှင့် ပတ်သက်၍ ဆရာတော်က "၁၉ ရက်နေ့ကျတော့ အချိန်တန်ရင် ကျုပ်ထွက်သွားမှာပါ။ လွမ်းစရာ မရှိပါဘူးဗျာ။ လောကကြီးမှာ ပြီးရင် အားလုံးက ထားခဲ့ရမှာပါ" ဟု မဇ္ဈိမကို မိန့်ကြားခဲ့သည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၁၃ ရက် ၂၀၁၂ ခုနှစ်
တပတ်ကျော် ကြာသွားပြီဖြစ်သော တိုင်ရီဖိနပ်စက်ရုံ အလုပ်သမားများ၏ ထိုင်သပိတ် ဆန္ဒပြပွဲမှာ အလုပ်ရှင်နှင့် အလုပ်သမား များ အကြား လုပ်ခလစာ ညှိနှိုင်းမှု မပြေလည်နိုင်သေးဘဲဖြစ်နေပြီး ဆန္ဒပြပွဲ ရက်ဆက်သွားမည့် အခြေအနေတွင် ရှိနေသည်။
တနင်္လာနေ့မနက်ပိုင်းတွင် အလုပ်သမားဝန်ကြီးဌာနမှ ညွှန်ကြားရေးမှူးချုပ် ဦးချစ်ရှိန် အပါအဝင် တိုင်းနှင့် မြို့နယ် အလုပ်သမား ညွှန်ကြားမှု ဦးစီးဌာနများမှ တာဝန်ရှိသူများ၊ စက်ရုံပိုင်ရှင်နှင့် အလုပ်သမားများဖက်မှ ကိုယ်စားလှယ် ၃၈ ဦးတို့ တွေ့ဆုံဆွေးနွေး ခဲ့ကြသော်လည်း ထိုက်သင့်သည့် လစာနှုန်းထားထိ မရရှိ၍ ညှိနှိုင်းမှု မအောင်မြင်ခဲ့ပေ။
အလုပ်သမားများသည် မူလက စက်ရုံက သတ်မှတ်ပေးထားသည့် တနာရီလျှင် ၇၅ ကျပ်နှုန်းကို ၂၁၆ ကျပ်သို့ တိုးမြှင့်ပေးရန် တောင်းဆို ခဲ့သော်လည်း မရသဖြင့် ၁၅၀ ကျပ်သို့ လျှော့ချ တောင်းဆိုခဲ့သည်။ သို့သော် ထိုတောင်းဆိုချက်ကို အလုပ်ရှင်ဘက်မှ ၁၀၀ ကျပ်ထက် ပိုမပေးဘဲ တင်းမာနေ၍ အဆင်မပြေရခြင်း ဖြစ်သည်။
“သူ့အနေနဲ့လည်း ထပ်တိုးမပေးနိုင်ဘူး။ သူပေးတဲ့ လစာကို ကျေနပ်မှ အလုပ်လာဆင်း၊ မကျေနပ်ရင် မဆင်းနဲ့၊ ဒီလို ပုံစံမျိုး သူတို့က ပြောတော့ ဆွေးနွေးမှုက အဆင်မပြေဖြစ်သွားတာ” ဟု အလုပ်သမားခေါင်းဆောင် တဦးဖြစ်သူ မမိုးဝေ က မဇ္ဈိမကို ပြောသည်။
အလုပ်သမများက အခြေခံ လစာ တိုးပေးရန်အပါအဝင် ရက်ပျက်ကြေး မဖြတ်တောက်ရန်၊ လုပ်ငန်းခွင်အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်း မပြုရန်၊ သောက်ရေ လုံလောက်စွာ ပေးရန်၊ အလုပ်သမား အယောက် ၅ဝ ကို အိမ်သာတလုံး
ထားပေးရန်၊ သဘာဝဘေးအန္တရာယ် ကျရောက်ခြင်းနှင့် မိသားစု အရေးကိစ္စများတွင် ခွင့်ပေးရန်များကို တောင်းဆိုထားကြသည်။
တိုင်ရီတွင် တနင်္လာနေ့မှ သောကြာနေ့ထိ မနက် ၇ ခွဲမှ ၉ နာရီထိ အလုပ်ဆင်းရသော်လည်း လုပ်အားခမှ ထိုက်တန်သည့် ခံစားခွင့် မရရှိသဖြင့် အလုပ်သမများအနေဖြင့် တောင်းဆိုရခြင်းဖြစ်ကြောင်း သိရသည်။
“မိန်းခလေးတယောက် အဆောင်ငှားနေမယ်ဆိုရင် အဆောင်ခက အနည်းဆုံး ၈ ထောင် ရှိတယ်။ ထမင်းစရိတ်က ၂ သောင်းခွဲလောက် ရှိတယ်။ တခြား အထွေထွေ စားရိတ်နဲ့ဆိုရင် ၄ သောင်းကျော်လောက် ကုန်တယ်။ ရတဲ့လစာက လူဟောင်းမှ အမြင့်ဆုံးလစာက ၇ သောင်းပဲ ရှိတော့ အလုပ်လုပ်ပြီး ခံစားခွင့်က ဘာမှမရှိဘူး” ဟု မမိုးဝေ က မဇ္ဈိမကို ပြောသည်။
စက်ရုံအလုပ်သမားများမှာ မြန်မာနိုင်ငံအလယ်ပိုင်းနှင့် ရခိုင်၊ ရှမ်းပြည်နယ်နှင့် ဧရာဝတီတိုင်းတို့မှ အများဆုံးဖြစ်ပြီး ၎င်းတို့ ဒေသများ အတွင်း အလုပ်အကိုင် မပြေလည်မှုများကြောင့် ရန်ကုန်မြို့ပေါ်တက်၍ အလုပ် လုပ်ကိုင်နေသူများ ဖြစ်ကြောင်း အလုပ်သမားများထံမှ စုံစမ်းသိရှိရသည်။ လုပ်အားခ တိုးမြှင့်ပေးရေးကိုလည်း ထိုက်သင့်သည့် တောင်းဆိုမှု ရရှိသည်အထိ ဆက်လက် တောင်းဆိုသွားမည် ဖြစ်ကြောင်းလည်း သူတို့ကပြောဆိုကြသည်။
အဆိုပါကိစ္စနှင့်ပတ်သက်၍ လှိုင်သာယာမြို့နယ် အလုပ်သမားညွှန်ကြားရေးမှူး ရုံးနှင့် တိုင်ရီစက်ရုံ တို့ကို မဇ္ဈိမက ဆက်သွယ် မေးမြန် သော်လည်း ဖြေကြားရန် ငြင်းဆိုခဲ့ကြသည်။
အလုပ်သမားအရေး ဆောင်ရွက် ပေးနေသည့် ရှေ့နေ ကိုဖိုးဖြူကလည်း အလုပ်သမားများ၏ ထိုက်သင့်သည့် အကျိုးခံစားခွင့် ရရှိ သွားသည်အထိ ဥပဒေဘောင်အတွင်းမှ ဆောင်ရွက်ပေးသွားမည်ဟု ဆိုသည်။
တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာနှင့် အချိန်ပိုကြေးများနှင့် အခြား တင်းကြပ်သည့် စည်းမျဉ်းများ ကြောင့် ၂ဝ၁ဝ ခုနှစ်မှ စတင်ကာ ၃ နှစ်ဆက်တိုက် အလုပ်သမားများ၏ ဆန္ဒပြတောင်းဆိုမှုများဖြင့် ကြုံတွေ့ ခဲ့ရကြောင်းသိရပြီး ယခုအကြိမ်ဆန္ဒပြမှုသည် ရက်အရှည်ကြာဆုံးဖြစ်သည်။
ဖေဖေါ်ဝါရီလ ၆ ရက်နေ့က စတင်ခဲ့သော တိုင်ရီ ဖိနပ်စက်ရုံအလုပ်သမားများ ဆန္ဒပြမှု ၃ ရက်မြောက်အကြာတွင် ယင်းစက်မှုဇုန် အတွင်းရှိ New Way ဖိနပ် စက်ရုံနှင့် သုံးထပ်ကြီး အထည်ချုပ် စက်ရုံတို့တွင်လည်း လုပ်အားခ တိုးပေးရန် အလုပ်မဆင်းဘဲ ဆန္ဒပြ တောင်းဆိုမှုများ ဖြစ်ပွားခဲ့ပြီး အလုပ်ရှင်များနှင့် ညှိနှိုင်းပြေလည်သွားကြသည်။
Ref: မဇ္ဈိမ
Read More...
Collapse...
ကျော်ခ
ဖေဖေါ်ဝါရီလ ၁၃ ရက် ၂၀၁၂ ခုနှစ်
အမျိုးသား ဒီမိုကရေစီ အဖွဲ့ချုပ် အနေဖြင့် အလုပ်အကိုင် ရှားပါးနေသည့် ကော့မှူးမြို့နယ်တွင်း ရှိ ပြည်သူများအတွက် အလုပ်အကိုင် ရရှိရေး ဦးစားပေးဆောင်ရွက်သွားမည် ဖြစ်ကြောင်း အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က စနေနေ့က ကတိပေး ပြောဆိုခဲ့သည်။
ကြားဖြတ်ရွေးကောက်ပွဲတွင် ကိုယ်စားပြု ယှဉ်ပြိုင်မည့် ကော့မှူးမြို့နယ်သို့ စနေနေ့က သွားရောက်သည့် မဲဆွယ် စည်းရုံးရေး ခရီး စဉ်အတွင်း ဝါးသင်္ခကျေးရွာ၌ ဒေါ်အောင်ဆန်းစုကြည်က ပြောဆိုခဲ့ခြင်းဖြစ်ပြီး ယင်းသို့ ဆောင်ရွက်နိုင်ရန် လူထုအနေဖြင့် ပါတီအား ထောက်ခံခြင်းဖြင့် ပါဝင်နိုင်ကြောင်း စည်းရုံးပြောဆိုသွားသည်။
“ကော့မှူးမြို့နယ်မှာဆိုရင် အရေးအကြီးဆုံး ကိစ္စကတော့ အလုပ်အကိုင် မရှိခြင်းပါပဲ။ အလုပ်အကိုင်ကို ပြည်သူတွေ အတွက် လုံလုံ လောက်လောက် ရှိအောင်လို့ လုပ်ပေးရမှာဟာ ပထမဦးဆုံး တာဝန်တခုဖြစ်တယ်ဆိုတာ ကျမတို့ နားလည်ပါတယ်” ဟု NLD ဥက္ကဋ္ဌက ပြောဆိုသည်။
သူက ဆက်၍ “ကော့မှူးမြို့နယ်မှာ ဆိုလို့ရှိရင် ဘွဲ့ရပြီးသား လူငယ်များဟာ အများစုက အခုထက်ထိ အလုပ်အကိုင် မရရှိသေးဘူးဆိုတာ ကျမတို့ သိရပါတယ်။ ဘွဲ့ရလူငယ်တွေ၊ ဘွဲ့မရသေးတဲ့ လူငယ်တွေ၊ လူလတ်တွေ၊ လူကြီးတွေ၊ အလုပ် လုပ်ချင်တဲ့ လူတွေ၊ အလုပ်လုပ်ဖို့ လိုတဲ့လူတွေ အလုပ်လုပ်နိုင်ဖို့ဟာ ပထမဦးစားပေးပြီးတော့ ကျမတို့ အမျိုးသားဒီမိုကရေစီအဖွဲ့ချုပ် က လုပ်သင့်တယ်လို့ ဒီလိုပဲ ကျမတို့ ခံယူပါတယ်” ဟု ထည့်သွင်း ပြောဆိုသွားသည်။
ကြမ်းတမ်းခက်ခဲမည့် နိုင်ငံရေးခရီးရှည်အတွင်း ပြည်သူလူထုအနေဖြင့် NLD ပါတီနှင့် လက်တွဲဆောင်ရွက်သွားမည်ဟု ယုံကြည်ကြောင်း ဒေါ်အောင်ဆန်းစုကြည်က ပြောဆိုခဲ့ပြီး ပြည်သူများ၏ လိုအပ်ချက်များ၊ စိုးရိမ်ကြောင့်ကြမှုများနှင့် မျှော်လင့်ချက်များကို အမျိုးသား ဒီမိုကရေစီအဖွဲ့ချုပ်အား အသိပေးစေလိုကြောင်း ပြောဆိုသွားခဲ့သည်။
ပါတီ၏ တတိယမြောက် မဲဆွယ်စည်းရုံးရေး ခရီးစဉ်အဖြစ် ကော့မှူးမြို့နယ်သို့ သွားရောက်ခဲ့သည့် ဒေါ်အောင်ဆန်းစုကြည် ၏ ခရီးစဉ် တွင် ဒေသခံများသာမက ရန်ကုန်၊ ဒလ၊ တွံတေး၊ ကွမ်းခြံကုန်း၊ ဒေးဒရဲ စသည့် မြို့နယ်များမှ ပြည်သူများပါ လိုက်လံအားပေး ကြိုဆို နှုတ်ဆက်ခဲ့ကြသည်။
ရန်ကုန်မြို့မှ အထွက် လှိုင်သာယာမြို့နယ် အစပ်မှ စ၍ အိုးစည်ဒိုးပတ်ဝိုင်းများ၊ ကရင်ဒုံးယိမ်းအကများဖြင့် ကြိုဆို နှုတ်ဆက် သူ များ၊ လိုက်လံပို့ဆောင်သည့် ယာဉ်တန်းများ များပြားသဖြင့် ဒေါ်အောင်ဆန်းစုကြည် ဦးဆောင်သည့် ယာဉ်တန်းသည် ရန်ကုန်မြို့မှ မိုင် ၄၀ ဝန်းကျင် ခန့်သာ ကွာဝေးသည့် ကော့မှူးမြို့နယ် ဝါးသင်္ခ ကျေးရွာသို့ ၆ နာရီခန့်မျှ သွားခဲ့ရသည်။
“လိုက်ပို့တဲ့ ယာဉ်တန်း ကားစီးရေ ၂၀၀ ကျော် ၃၀၀ လောက်ရှိမယ် ဆိုင်ကယ်တွေက ထောင်နဲ့ချီရှိမယ်။ ယာဉ်တန်း အရှည်ကိုက ၁ မိုင်ခွဲ ၂ မိုင်လောက် အရှည်နဲ့ ရှိတယ်။ လမ်းတလျှောက်လုံး နှုတ်ဆက်နေတဲ့သူတွေနဲ့ အန်တီကလည်း ပြန်နှုတ်ဆက်တာနဲ့ဆို တော့ ကားကို ဘီးလှိမ့်ယုံပဲ မောင်းလို့ရတယ်။” ဟု သွားရောက် သတင်းယူသည့် မဇ္ဈိမ သတင်းထောက်က ပြောသည်။
ဝါးသင်္ခကျေးရွာ ဒေါ်အောင်ဆန်းစုကြည် မိန့်ခွန်းပြောဆိုရာသို့ လာရောက်သည့် ပရိသတ် ၂ သောင်းဝန်းကျင်ခန့်ရှိပြီး ဝါးသင်္ခကျေးရွာမှ အပြန်တွင် ဒေါ်အောင်ဆန်းစုကြည်သည် မဆည်ဆိပ်၊ ငှက်အော်စမ်း စသည့် ကျေးရွာများသို့ သွားရောက်ခဲ့သေးကြောင်း သိရသည်။
ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲ မကျင်းပမီ တရက်အလို မတ်လ ၃၁ ရက် ည တွင် ဝါးသင်္ခကျေးရွာ၌ ညအိပ် တည်းခိုမည်ဖြစ်ပြီး နောက်တရက်တွင် ဝါးသင်္ခကျေးရွာ ကိုယ်စားပြု၍ မဲပေးမည် ဖြစ်သည်။
ကော့မှူးမြို့နယ်တွင် ဒေါ်အောင်ဆန်းစုကြည်နှင့် အဓိက ယှဉ်ပြိုင်မည့် အာဏာရ ကြံ့ခိုင်ရေးပါတီမှ ဒေါက်တာ စိုးမင်း သည် ပါတီမှ ဖွင့်လှစ်ထားသည့် ဖြိုးစေတနာ ဆေးခန်းတွင် လုပ်ကိုင်ပြီး လူထု စည်းရုံးမှုအဖြစ် ၂၀၁၀ ရွေးကောက်ပွဲ ကာလ နောက်ပိုင်းတွင် အခမဲ့ နယ်လှည့် ကျန်းမာရေး စောင့်ရှောက်မှုများ ပြုလုပ်နေကြောင်း သိရသည်။
Ref: မဇ္ဈိမ
Read More...
Collapse...
မင်းသက်
ဖေဖေါ်ဝါရီလ ၁၃ ရက် ၂၀၁၂ ခုနှစ်
ဗမာလူမျိုးများမှာ တိုင်းရင်းသား တမျိုးဖြစ်ပြီး အခြားတိုင်းရင်းသား အားလုံးနှင့် တန်းတူ ညီမျှသည့် စစ်မှန်သော ပြည်ထောင်စု တည် ဆောက်လိုကြောင်း ဒေါ်အောင်ဆန်းစုကြည်က တနင်္ဂနွေနေ့က ပြောကြား လိုက်သည်။
တရားဝင် နိုင်ငံရေးပါတီများ ဖြစ်ကြသည့် ရှမ်းတိုင်းရင်းသားများ ဒီမိုကရက်တစ်ပါတီ၊ ချင်းအမျိုးသားပါတီ၊ မွန်ဒေသလုံးဆိုင်ရာ ဒီမိုကရေစီ ပါတီ၊ ဖလုံစဝေါ် ဒီမိုကရက်တစ်ပါတီ၊ ရခိုင်တိုင်းရင်းသားများ တိုးတက်ရေးပါတီနှင့် ကယန်းအမျိုးသားပါတီ တို့က ပူးပေါင်းကျင်းပသည့် ၆၅ နှစ်မြောက် ပြည်ထောင်စုနေ့ အခမ်းအနားတွင် အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင် ဆန်းစုကြည်က ပြောကြားလိုက်ခြင်း ဖြစ်သည်။
“ကျမတို့နိုင်ငံဟာ တိုင်းရင်းသားတွေနဲ့ တိုင်းရင်းသားပေါင်းစုံနဲ့ ဖွဲ့စည်းထားတဲ့ ပြည်ထောင်စု ဖြစ်ပါတယ်။ ဒါပေမယ့် ကျမတို့ဟာ စစ်မှန်တဲ့ပြည်ထောင်စုကိုရမှ လွတ်လပ်တဲ့ ပြည်ထောင်စု၊ သာယာတဲ့ ပြည်ထောင်စု ဖြစ်မှာပါ။ ဒီလိုဖြစ်ဖို့ တိုင်းရင်းသားတွေ အားလုံး တန်းတူညီမျှ ရှိရပါမယ်။ ဗမာလည်း တိုင်းရင်းသားပါပဲ။ လူများစု ဖြစ်နေတာပဲပေါ့။ ကျမတို့ ပြည်ထောင်စုဟာဟာ ခွဲခြားတာကို မရှိရဘူး။ ကွဲပြားတာတော့ လက်ခံတယ်”ဟု ပြောကြားခဲ့သည်။
မွန်းလွဲ ၁ နာရီက ဗဟန်းမြို့နယ် စားသောင်ခန်းမတွင် ပြုလုပ်သော အဆိုပါ အခမ်းအနားသို့ တိုင်းရင်းသားလူမျိုးစုံ ပရိသတ် ၅၀၀ ကျော် တက်ရောက်လာကြသည်။ ဤသို့ တိုင်းရင်းသားစုံလင်စွာ တက်ရောက်လာခြင်းကို ကောင်းသော လက္ခဏာအဖြစ် ရှုမြင်ပြီး လူငယ်များ၏ အရေးပါပုံကိုလည်း ထည့်သွင်း ပြောဆိုသွားသည်။
“ကျမတို့က တန်းတူညီမျှတဲ့ လုံခြုံမှုရှိတဲ့ အပြန်အလှန် လေးစားတဲ့ ပြည်ထောင်စုကြီးအဖြစ် တည်ဆောက်ချင်တယ်။ အဲဒီအတွက် အဓိက ကတော့ လူငယ်တွေဖြစ်တယ်။လူငယ်တွေ အရေးကြီးတယ်။ပြည်ထောင်စုကြီးဟာ ငါတို့ လက်ထဲ မှာ ရှိပါလားဆိုတဲ့ စိတ်ဓါတ်ရှိဖို့ လူငယ်တွေကို မေတ္တာရပ်ခံချင်ပါတယ်”ဟု ဒေါ်အောင်ဆန်းစုကြည် က ပြောဆိုသွား သည်။
အခမ်းအနားသို့ NLD မှ ဒေါ်အောင်ဆန်းစုကြည် အပြင် ဦးတင်ဦးနှင့် ဦးဝင်းထိန်တို့လည်း တက်ရောက်ခဲ့ကြသည်။
Ref: မဇ္ဈိမ
Read More...
Collapse...
February 13, 2012
ပီတာအောင်
မြန်မာ့ပညာ ရေးနဲ့ကျန်းမာရေး ပိုမို တိုးတက်ကောင်းမွန်ဖို့ရည်ရွယ်ချက်နဲ့ ကုလသမဂ္ဂ အပါအဝင် နိုင်ငံတကာ ပညာရှင်တွေက နိုင်ငံတကာ ညီလာခံတခု နေပြည်တော်မှာ ဒီကနေ့ စတင်ကျင်းပနေပါတယ်။
ပညာရေးနဲ့ ကျန်းမာရေး ဖွံ့ဖြိုးတိုးတက်မှုဆိုင်ရာ ဒီဆွေးနွေးပွဲကို နေပြည်တော်က မြန်မာအပြည်ပြည်ဆိုင်ရာ ကွန်ဗန်းရှင်း စင်တာ (MICC) မှာ ဖေဖော်ဝါရီ ၁၃ ရက် ကနေ ၁၅ ရက်ထိ ၃ ရက်ကြာ ကျင်းပနေတာပါ။
ဆွေးနွေး ပွဲကို အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန ကျန်းမာရေးဝန်ကြီးဌာန၊ပညာရေးဝန်ကြီးဌာနနဲ့ မြန်မာ နိုင်ငံအခြေစိုက် ကုလသမဂ္ဂရုံးခွဲတို့ ပူးပေါင်း စီစဉ်တာဖြစ်ပြီး ဥရောပသမဂ္ဂ (အီးယူ) တို့က ပံ့ပိုး ကူညီတယ်လို့သိရပါတယ်။
ဒါဟာ မြန်မာနိုင်ငံပညာရေးနဲ့ကျန်းမာရေးကဏ္ဍ ဖွံ့ဖြိုးတိုးတက်ရေး အတွက် အရေးပါတဲ့ ဆွေးနွေးပွဲ ဖြစ်တယ်လို့ ရန်ကုန် အခြေစိုက် ကုလသမဂ္ဂရုံး ပြန်ကြားရေးအရာရှိ ဦးအေးဝင်းက ပြောပါတယ်။
“ကုလသမဂ္ဂအ နေနဲ့ရော ကုလသမဂ္ဂနဲ့ တွဲလုပ်တဲ့ အဖွဲ့အစည်းတွေအနေနဲ့ရော တပြေးညီ မြန်မာနိုင်ငံရဲ့ ပြောင်းလဲနေတဲ့ အပြောင်းအလဲတွေမှာ တပြေးညီ ပူးပေါင်း လုပ်သွားနိုင်ဖို့ပေါ့။ မြန်မာနိုင်ငံရဲ့ ပညာရေးနဲ့ ကျန်းမာရေး ကဏ္ဍ အခြေအနေတွေကို အစည်းအဝေးထဲမှာ သေချာပြန်ပြီး သုံးသပ်ဆွေးနွေးပြီးတော့ လိုအပ်တဲ့နေရာတွေမှာ ဘယ်လိုဆက်ပြီး ပြုပြင် ဆောင်ရွက်သွားမယ်ဆိုတာ ဆွေးနွေးရင်းနဲ့ အဖြေရှာသွားကြဖို့ပါပဲ။”
ညီလာခံဖွင့် ပွဲမှာ မြန်မာ ဒုသမ္မတ ဒေါက်တာ စိုင်းမောက်ခမ်း၊ မြန်မာနိုင်ငံမှာ ရောက်ရှိနေတဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာ နိုင်ငံဆိုင်ရာ အကြံပေးပုဂ္ဂိုလ် ဗီဂျေးနမ်ဘီယားနဲ့ ဥရောပသမဂ္ဂ (အီးယူ) ဖွံ့ဖြိုးရေး ကော်မရှင်အကြီးအကဲ မစ္စတာ အန်ဒရစ် ပီရာဘဂ် စသူတို့ မိန့်ခွန်း ပြောကြားခဲ့ပါတယ်။
ညီလာခံ ပထမနေ့မှာ စီးပွာရေးနဲ့ လူ့အရင်းအမြစ်ဖွံ့ဖြိုးမှု မြှင့်တင်ရေးတွေအတွက် အဓိက မူဝါဒ အပြောင်းအလဲတွေနဲ့ အဖွဲ့အစည်းဆိုင် ရာ အပြောင်းအလဲတွေကို ဆွေးနွေးနေပါတယ်။ ဒုတိယနေ့မှာတော့ ပညာရေးမူဝါဒတွေ ဆွေးနွေးဖို့ရှိပြီး နောက်ဆုံးနေ့မှာ ကျန်းမာရေးဆိုင်ရာ မူဝါဒကိစ္စတွေ ဦးစားပေး ဆွေးနွေးမှာ ဖြစ်ပါတယ်။
ဒီဆွေးနွေး ပွဲမှာ စီးပွားရေးနိုဘယ်လ်ဆုရှင် ပါမောက္ခ ဂျိုးဇက်စတစ်လစ်၊ မြန်မာနိုင်ငံမှာ နေထိုင်ခဲ့ဖူးတဲ့ ကိုလံဘီယာတက္ကသိုလ် ပါမော က္ခ ရော်နယ်လ် ဖင်းဒလေး၊ မြန်မာစီးပွားရေးပညာရှင် ဦးလှမြင့် စသူတို့ အပါအဝင် ပြည်တွင်းပြည်ပက ပညာရှင်ပေါင်း ၄၀ လောက် နိုင်ငံတကာ အတွေ့အကြုံတွေကို ဆွေနွေး ဖလှယ်ကြမှာ ဖြစ်ပါတယ်။
Ref: ဒီဗွီဘီ
Read More...
Collapse...
February 13, 2012
ရန်ကုန်တိုင်း ၊ လှိုင်သာယာစက်မှုဇုန်၊ တိုင်ရီဖိနပ်စက်ရုံက အလုပ်သမားတွေရဲ့ လုပ်အားခ တိုးပေးရေး ဆန္ဒပြမှုကို အစိုးရရဲ့ အလုပ်သမားရေးရာ ဝန်ကြီးဌာနက ညွန်ကြားရေးမှူးကိုယ်တိုင် ဝင်ရောက်ဖြေရှင်းဖို့ ကြိုးစားပေမယ့် ပြေလည်မှု မရခဲ့ဘူးလို့ သိရပါတယ်။
တပတ်ကြာ ဆန္ဒပြနေတာ ပြေလည်မှုရဖို့ ဒီနေ့ နေ့လယ်ပိုင်းက တိုင်ရီဖိနပ်စက်ရုံဝင်းထဲမှာ အလုပ်ရှင်ဘက်က ကိုယ်စားလှယ်၊ အလုပ် သမားတွေရဲ့ ကိုယ်စားလှယ်နဲ့ နေပြည်တော်က အလုပ်သမားရေးရာ ညွှန်ကြားရေးမှူးချုပ် ဦးချစ်ရှိန်တို့ ဆွေးနွေးပေမယ့် ပြေလည်မှု မရခဲ့ပါဘူး။
အလုပ်သမား တွေဘက်က မူလတောင်းဆိုချက်ထက် လျှော့ပြီး တောင်းဆိုမှုတွေ လုပ်ခဲ့ပေမယ့် အလုပ်ရှင်ဘက်က နဂိုအတိုင်းပဲ တင်းခံနေလို့ ပြေလည်မှု မရခဲ့တဲ့အကြောင်း အလုပ်သမားတွေဘက်က ကူညီဆောင်ရွက် ပေးနေတဲ့ လူ့အခွင့်အရေးလှုပ်ရှားသူ မစုစုနွေးက ပြောပါတယ်။
“အလုပ်သမား တွေကတော့ အများကြီး လျှော့ပါတယ်။ ပထမဆုံး သူတို့ အလုပ်ရုံမှာ ဆန္ဒစပြတဲ့နေ့က တောင်းဆိုတာက နေ့စားခ ၇၅ ကျပ်ကို ၂၅၀ ကျပ် ထိ ပေးဖို့ရယ်၊ နောက် သုံးရက်လောက် ဆန္ဒပြပြီးတော့ အလုပ်သမားတွေက အလုပ်ရှင်ကို ငဲ့ညာတဲ့အနေနဲ့ ၇၅ ကျပ်ကို ၁၅၀ ထိ လျှော့ချလိုက်ပါတယ်။ ဒီနေ့ကျတော့လည်း အလုပ်သမားတွေက နှစ်ဦးနှစ်ဖက် ပြေလည်စေချင်တဲ့ သဘောနဲ့ သူတို့ဘက်က အများကြီးလျှော့ပေးခဲ့တာ တွေ့ရတယ်။ ဒီနေ့ ကျမ သိရတာကတော့ အလုပ်သမားတွေက တော်တော်လေး ဒုက္ခရောက်နေပြီ။ မဆင်းရတဲ့ ရက်တွေက များတဲ့အတွက် အိမ်ကို ပိ်ုက်ဆံပြန်ယူရတာတွေ ရှိပါတယ်။ ဒီနေ့ဆိုလည်း ဖယ်ရီခကို အလုပ်ရှင်က မပေးတော့ဘူး။ သူတို့ဘာသာ လိုင်းကားနဲ့ လာရတယ်၊ ပိ်ုက်ဆံမရှိတဲ့သူက လမ်းလျှောက်လာခဲ့ရတယ်၊ အလုပ်သမားတွေက အရမ်းကို နစ်နာနေတာ ကျမတို့ တွေ့ရတယ်၊ စိတ်လည်း မကောင်းဘူး။”
ဆွေးနွေး ပွဲမှာ အလုပ်သမားတွေက လုပ်အားခကို နဂိုက တနာရီ ၇၅ ကျပ် ပေးနေတာကို ၁၀၀ ထိတိုးပေးဖို့၊ ရက်မှန်ကြေး နဂိုက ၆၀၀၀ ပေးနေတာကို ၈၀၀၀ ပေးဖို့ တောင်းဆိုခဲ့ပါတယ်။
ဒါပေမယ့် အလုပ်ရှင်ဘက်က တနာရီကြေးကို ၈၅ နဲ့၊ ရက်မှန်ကြေးကို ၇၀၀၀ အထိပဲ တိုးပေးမယ်လို့ ပြောတာကြောင့် ပြေလည်မှုမရခဲ့ပါဘူး။
အခုလို ပြေလည်မှု မရတဲ့အတွက် အလုပ်သမားတွေကတော့ သူတို့ တောင်းဆိုချက်တွေ ရအောင် အလုပ်မဆင်းဘဲ ဆန္ဒပြမှာဖြစ်သလို၊ ဥပဒေကြောင်းအရလည်း တောင်းဆိုသွားဖို့ စီစဉ်နေကြပါတယ်။
လူ့အခွင့်အ ရေးလှုပ်ရှားသူ မစုစုနွေးကတော့ အခုကိစ္စမှာ အလုပ်ရှင်နဲ့ အလုပ်သမားတွေ နှစ်ဘက်စလုံးက နစ်နာတာတွေ မဖြစ်အောင် အစိုးရက ကြားဝင် ဆောင်ရွက်ပေးသင့်တယ်လို့ ပြောပါတယ်။
“အလုပ်သမား တွေက ၁,၈၀၀ ကျော်၊ ယောကျာ်းလေးအလုပ်သမားတွေက ၁၀၀ တောင် မပြည့်ပါဘူး။ မိန်းကလေးက ၁,၇၀၀ ကျော် လောက်ရှိတယ်။ အဲဒီ့ အမျိုးသမီးတွေက အပျိုလေးတွေပါသလို၊ အိမ်ထောင်ရှင်တွေလည်းပါတယ်။ ကားလမ်းမပေါ်မှာလည်း အိပ်လို့မရပါဘူး။ ဘူတာရုံမှာလည်း အိပ်မရပါဘူး။ အပြင်မှာထွက်ပြီး ညလုံးပေါက် လမ်းလျှောက်နေလို့လည်း မရဘူး။ အဲတော့ အမျိုးသမီးတွေရဲ့ ဘဝလုံခြုံရေးကို နိုင်ငံတော်သမ္မတကြီးကော၊ အလုပ်သမား ဝန်ကြီး ဦးအောင်ကြည်ကော အာဏာပိ်ုင် အဖွဲ့အစည်းတွေကကော ဘာမှ မလုပ်ပေးနိုင်ဘူးဆိုရင် အလုပ်သမား အမျိုးသမီးတွေရဲ့ ဘဝလုံခြုံရေးကို ကျမတို့ စိုးရိမ်ရပါတယ်။ အာဏာပိ်ုင်အဖွဲ့အစည်းတွေ နိုင်ငံတော်သမ္မတတွေကနေ ဒီ အလုပ်ရှင်နဲ့ အလုပ်သမား နှစ်ဦးနှစ်ဖက်ကို တဦးနဲ့တဦး မနစ်နာအောင် ပြေပြေလည်လည် ဖြေရှင်းပေးစေချင်ပါတယ်။”
မနှစ်တုန်း လည်း တိုင်ရီ ဖိနပ်စက်ရုံမှာ အလုပ်သမားတွေ ဆန္ဒပြမှုကို အလုပ်သမားညွန်ချုပ် ဦးချစ်ရှိန်ကပဲ ကြားဝင် ဆောင်ရွက်ပေးခဲ့လို့ ပြေလည်မှု ရခဲ့ဖူးတယ်လို့ အလုပ်သမားတွေက ပြောပါတယ်။
မြန်မာပြည်မှာ အခုအချိန်အထိ ရှိနေတဲ့ အလုပ်သမားဥပဒေဟာ အလုပ်သမား အခွင့်အရေးတွေကို အကာအကွယ်ပေးနိုင်မှု အားနည်းပြီး၊ အစိုးရ အလုပ်သမားဌာနတွေကလည်း အကာအကွယ်ပေးတာမျိုး မရှိသလောက်ပဲလို့ အလုပ်သမားအရေး လှုပ်ရှားသူတွေက ဆိုကြ ပါတယ်။
မကြာခင်က ဒီဗွီဘီနှင့် မေးမြန်းခန်းမှာ အလုပ်သမား ဒုဝန်ကြီး ဦးမြင့်သိန်းက လွတ်လပ်တဲ့ အလုပ်သမားအဖွဲ့အစည်းတွေ ဖွဲ့စည်းခွင့်နဲ့ အကန့်အသတ်နဲ့ ဆန္ဒပြခွင့်တွေ ပါဝင်တဲ့ အလုပ်သမား ဥပဒေသစ် တရပ် ဒီနှစ်ဆန်းပိုင်းမှာ အသက်ဝင်လာဖို့ ရှိတယ်လို့ ပြောခဲ့ဖူးပါတယ်။
Ref: ဒီဗွီဘီ
Read More...
Collapse...
February 13, 2012
လာမယ့်ဧပြီ ၁ ရက်မှာ ကျင်းပမယ့် ကြားဖြတ်ရွေးကောက်ပွဲဟာ လွတ်လပ်မျှတတဲ့ ရွေးကောက်ပွဲ ဖြစ်လိမ့်မယ်လို့ ပြည်သူ့လွှတ်တော် ဥက္ကဋ္ဌ သူရဦးရွှေမန်းက နိ်ုင်ငံတကာကို ကတိပြု ပြောကြားလိုက်ပါတယ်။
မြန်မာနိုင်ငံမှာ ရောက်ရှိနေတဲ့ အီးယူ ဥရောပသမဂ္ဂ ဖွံ့ဖြိုးရေးကော်မရှင် အကြီးအကဲ Andris Piebalgs (အန်ဒရစ်ပီ ယာဘဂ်)နဲ့ နေပြည်တော်မှာ တွေ့ဆုံ ပြောကြားလိုက်တာလို့ အီးယူ အင်တာနက် ဝက်ဆိုက်မှာ သတင်း ထုတ်ပြန်ထားပါတယ်။
သူရဦးရွှေမန်း က “ကျနော်တို့ လိုအပ်တဲ့ အရေးယူဆောင်ရွက်မှုတွေ လုပ်ဆောင်ထားပါတယ်။ ဒါ့ကြောင့် လာမယ့် ကြားဖြတ် ရွေးကောက်ပွဲဟာ လွတ်လပ်မျှတပြီး အများယုံကြည် လက်ခံနိုင်ပါလိမ့်မယ်”လို့ ပြောကြားခဲ့ကြောင်း သတင်းမှာ ဖော်ပြပါတယ်။
အီးယူ ကိုယ်စားလှယ်အဖွဲ့ခေါင်းဆောင် မစ္စတာ အန်ဒရစ်ပီယာဘဂ်ဟာ “သမ္မတဦးသိန်းစိန်နဲ့လည်း တံခါးပိတ် တွေ့ဆုံဆွေးနွေးမှုတွေ ပြုလုပ်ခဲ့ပြီး မြန်မာနိုင်ငံမှာ ဖြစ်ပျက်နေတာတွေဟာ အားတက်စရာ ဖြစ်တယ်။ ဒါပေမယ့် ကျနော်တို့ မျက်စိဖွင့်ပြီး ဆက်ကြည့်နေရပါ တယ်။ ခုဖြစ်ပျက်နေတာတွေနဲ့ ပတ်သက်ပြီး သဘောမတူညီမှုတွေ ရှိနေနိုင်ရင်တောင် ပြုပြင်ပြောင်းလဲမှုတွေဟာ အမှန်တကယ် ဖြစ်နေတယ်ဆိုတာ ဘယ်သူမှာ သံသယ မရှိပါဘူး”လို့ ပြောကြားခဲ့ပါတယ်။
အီးယူ ဥရောပသမဂ္ဂအဖွဲ့မှာ ဂျာမနီ ဖွံ့ဖြိုးရေးဝန်ကြီး Dirk Niebel လည်း လိုက်ပါသွားပြီး ၃ ရက်ကြာ ခရီးစဉ်အတွင်းမှာ ဒေါ်အောင်ဆန်းစုကြည်နဲ့လည်း တွေ့ဆုံဖို့စီစဉ်ထားတယ်လို့ သိရပါတယ်။
မြန်မာခေါင်း ဆောင်တွေကို ဗီဇာပိတ်ပင်ထားမှု အီးယူက ပြီးခဲ့တဲ့ ဇန်နဝါရီလမှာ စတင် ပယ်ဖျက်ပေးလိုက်ပြီး အမေရိကန် ဒေါ်လာသန်း ၂ဝဝလောက်နဲ့ ညီမျှတဲ့ ယူရိုငွေ သန်း ၁၅ဝလောက် လာမယ့် ၂ နှစ်အတွင်း ကူညီမယ်လို့ ကတိပြုထားပါတယ်။
ဂျာမနီဖွံ့ ဖြိုးရေးဝန်ကြီးကတော့ ရွေးကောက်ပွဲ လွတ်လပ်မျှတပြီး ဒီမိုကရေစီနည်းကျမယ်ဆိုရင် ပိတ်ဆို့ဒဏ်ခတ် အရေးယူမှုတွေ ရုပ်သိမ်းဖို့ မျှော်လင့်ပါတယ်လို့ ပြောပါတယ်။
Ref: ဒီဗွီဘီ
Read More...
Collapse...
February 13, 2012
မင်းလွင်
ကာကွယ်ရေးဦးစီးချုပ်အဖြစ် တာဝန်ယူနေတဲ့ ဗိုလ်ချုပ်ကြီး မင်းအောင်လှိုင်ကို နိုင်ငံတော်သမ္မတ ဦးသိန်းစိန်ကနေ အတည်ပြု ခန့်အပ် လိုက်ပါတယ်။
ကာကွယ်ရေးဦး စီးချုပ်အဖြစ် တာဝန် ထမ်းဆောင်နေပြီး တနှစ်ပြည့်သွားချိန်မှာ ဗိုလ်ချုပ်ကြီး မင်းအောင်လှိုင်ကို ကာကွယ်ရေးဦးစီးချုပ် အဖြစ် ဖေဖော်ဝါရီ ၃ ရက်နေ့ နိုင်ငံတော်ပြန်တမ်း ထုတ်ပြန်ပြီး သမ္မတက ပြည်လည် အတည်ပြု ခန့်အပ်လိုက်တာပါ။
ဗိုလ်ချုပ်ကြီး မင်းအောင်လှိုင်ကို ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၃၄၂ အရ တပ်မတော်ကာကွယ်ရေးဦးစီးချုပ်ကို အမျိုးသားလုံခြုံရေးနဲ့ ကာကွယ်ရေးကောင်စီရဲ့ ထောက်ခံချက် ရယူပြီးတော့ သမ္မတ ဦးသိန်းစိန် ကနေ ခန့်အပ်ခဲ့တာလည်း ဖြစ်ပါတယ်။
တပ်မ တော်ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်ဟာ သူတာဝန်ယူခဲ့တဲ့ တနှစ်တာ ကာလအတွင်းမှာ တပ်တွင်း ရာထူး အပြောင်းအလဲတွေ အများအပြား လုပ်ခဲ့တယ်လို့ ပြည်ပအခြေစိုက် ဒီမိုကရေစီနဲ့ ဖွံ့ဖြိုးတိုးတက်ရေး အင်အားစုက ဦးဌေးအောင်က သုံးသပ်ပါတယ်။
“တပ်တွင်း မှာလည်း တချို့တိုင်းမှူးတွေကို သူကာကွယ်ရေးဦးစီးချုပ် တာဝန်ကို စယူစဉ်ကာလက စပြီး ဖြုတ်ပြီးတော့ လုပ်တာမျိုး၊ တချို့နေရာတွေမှာ အစားထိုး ခန့်အပ်တာမျိုးတွေ လုပ်ခဲ့တာလည်း ရှိတယ်။ ဒါပေမယ့် တပိ်ုင်းက ကြည့်မယ် ဆိုရင်တော့ ဒါက သူ့ရဲ့ အာဏာ တည်မြဲဖို့အတွက် သူနဲ့ သဘောထား မတိုက်ဆိုင်တဲ့ သူတွေကို သူ့ရဲ့ အမိန့်ကို သိပ်မနာခံတဲ့ သူတွေကို ဖယ်ရှားပစ်တာမျိုး၊ ဒါမျိုးလုပ်ခဲ့တဲ့ အနေအထားလေးတွေ ရှိတယ်။”
ပြည်ပမှာ နေထိုင်တဲ့ တပ်မတော်က အရာရှိဟောင်း ဗိုလ်ရဲထက်ကတော့ ဗိုလ်ချုပ်ကြီး မင်းအောင်လှိုင်ဟာ လက်အောက်ငယ်သားကို ခွဲခြား ဆက်ဆံတာ မရှိဘဲ စစ်စည်းကမ်းကို တိတိကျကျ လိုက်နာသူ ဖြစ်တယ်လို့ပြောပါတယ်။
“ကျနော်တို့ အမြင်ကတော့ အတွေ့အကြုံနဲ့ သူတာဝန်ယူထားတဲ့ အခြေအနေ အနေအထားကတော့ ဗိုလ်ချုပ်ကြီး မင်းအောင်လှိုင် စိတ်ထားက တပ်နဲ့ ပတ်သက်ရင် အင်မတန် ကောင်းပါတယ်။ သူက လက်အောက်ငယ်သားကိုလည်း ခွဲခြားဆက်ဆံမှု သိပ်မရှိဘူး။ ဥပမာ ဗိုလ်လောင်းဘဝက ဆိုရင် သူက စနောက်ပြီး ရင်းနှီး ဖော်ဖော်ရွေရွေ နေတတ်တယ်။ ဒါပေမယ့် စည်းကမ်းပိုင်းနဲ့ ပတ်သက် ရင်လည်း သူက အပြစ်ပေးတာ ကြမ်းတယ်။ စစ်တပ်နဲ့ ပတ်သက်ရင် သူအနေအထားနဲ့ အရမ်းကို ကောင်းတယ်လို့ ကျနော်ကတော့ မြင်တာပဲလေ။”
ဒါ့အပြင် သူလက်ထက်မှာတော့ မြန်မာတပ်မတော်ဟာ အတိုင်းအတာ တခုထိ တိုးတက်ပြောင်းလဲလာနိုင်မယ်လို့ သုံးသပ်ပါတယ်။
“သူ့ လက်ထက်မှာ မြန်မာ့တပ်မတော်အနေနဲ့ ဘာတွေ ဖြစ်လာနိ်ုင်တယ် ဆိုတာကို သူရှေ့ပိုင်းမှာ ဆောင်ရွက်ခဲ့တဲ့ အနေအထားကိုကြည့်ရင်၊ ဥပမာ လာဘ်စားမှု အရမ်းကြီးမားတယ်ဆိုတဲ့ အရာရှိတွေကို တိုင်းမှူးတွေအဆင့်၊ ဗိုလ်ချုပ်တွေအဆင့်ကို ချက်ချင်းဖြုတ်ပစ်တာတို့၊ အလွန်ဆုံး သတိပေးခဲ့တဲ့ အနေအထားတွေရှိတယ်။ သာမန် လာဘ်စားမှုလေးတွေက အစ ရှင်းရှင်းပြောရရင် မြန်မာနိုင်ငံက အစိုးရ အသိုင်းအဝန်းကြားမှာ အကုန်လုံးကို ထုတ်ပစ်မှပဲ ကင်းမှာကို၊ လက်ရှိအစိုးရသစ် လက်ထက်မှာ အရမ်းကို နာမည်ဆိုးပြီး ဆက်လုပ်နေတဲ့ သူတွေလောက်ကိုပဲ သူကလုပ်ပြပြီး နောက်ပိုင်းကို ဆက်မလုပ်ဖို့ သတိပေးတဲ့ပုံစံ လုပ်တာဆိုတော့ သူ့ရဲ့လက်ထက်မှာ တပ်မတော်ကတော့ အတိုင်းအတာတခုထိ တိုးတက်ပြောင်းလဲလာမယ်လို့တော့ မြင်ရတယ်။”
ဗိုလ်ချုပ်ကြီး မင်းအောင်လှိုင်ဟာ စစ်တက္ကသိုလ်ကျောင်းအုပ်ကြီး၊ တိုင်းမှူး၊ ကာကွယ်ရေးဝန်ကြီးဌာန အထူးစစ်ဆင်ရေးအဖွဲ့ (ကစထ)မှူးနဲ့ တပ်မတော် ကြည်း၊ ရေ၊ လေ ညှိနှိုင်းကွပ်ကဲရေးမှူး တာဝန်ယူခဲ့ပြီးတော့ ၂၀၁၁ မတ်လ ၃ဝရက် နေ့မှာ တပ်မတော် ကာကွယ်ရေးဦးစီးချုပ်အဖြစ် တာဝန် စယူခဲ့တာပါ။
လက်ရှိ ဖွဲ့စည်းပုံအရ တပ်မတော်ကာကွယ်ရေး ဦးစီးချုပ်ဟာ ဒု-သမ္မတ အဆင့်အတန်း ရှိပြီး လွှတ်တော်နှစ်ရပ်က ကိုယ်စားလှယ် ၂၅ ရာခိုင်နှုန်းကို ချုပ်ကိုင်ထားသူ ဖြစ်ပါတယ်။
Ref: ဒီဗွီဘီ
Read More...
Collapse...
February 13, 2012
အစိုးရစွမ်း အင်ဝန်ကြီးဌာန လက်အောက်ရှိ မြန်မာ့ရေနံထွက်ပစ္စည်း ရောင်းဝယ်ရေး လုပ်ငန်းက ရောင်းချပေးတဲ့ ဓာတ်ဆီဈေးနှုန်း ၁ ဂါလန်ကို ကျပ် ၂၀၀ ထပ်မံ မြှင့်တင်လိုက်ပါတယ်။
ပြီးခဲ့တဲ့ စနေနေ့က စတင်ပြီးတော့ ဈေးနှုန်းတွေကို တိုးမြှင့် သတ်မှတ်လိုက်တာ ဖြစ်ပြီး အရင်က ၁ ဂါလန် ၃,၃၅၀ ကျပ်ပေးရတဲ့ ဓာတ်ဆီဈေးနှုန်းတွေက ကျပ် ၃,၅၅၀ ဖြစ်သွားပြီလို့ ရန်ကုန် အစိုးရဓာတ်ဆီဆိုင်က ပြောပါတယ်။
ဒါပေမယ့် ဓာတ်ဆီ ဝယ်ယူခွင့်ကတော့ အပြောင်းအလဲ မရှိဘဲ အရင် ခွဲတမ်း အတိုင်းပဲ ကားတစီး တနေ့ ၂ ဂါလန် ရောင်းချပေးနေဆဲ ဖြစ်ပါတယ်။
မကြာသေး ခင်လပိုင်းကပဲ ကမ္ဘာရေနံဈေး မြင့်တက်ခဲ့တဲ့အတွက် ၁ ဂါလန် ၂,၅၀၀ နဲ့ ရောင်းချနေတဲ့ ဓာတ်ဆီဈေးဟာ ၃,၃၅၀ အထိ တိုးမြှင့်ခဲ့ပါသေးတယ်။
အစိုးရက ဆီဈေးတိုးမြှင့်လိုက်တဲ့အတွက် လတ်တလော တက္ကစီ ငှားခ ဈေးနှုန်းတွေလည်း မြင့်တက်လာနေတယ်လို့ သိရပါတယ်။
ရန်ကုန် မှောင်ခိုဓာတ်ဆီ အရောင်းအဝယ်ဈေးကွက်မှာ ဓာတ်ဆီဈေး မြင့်တက်မှု ရှိသလို မန္တလေးနဲ့ အခြား ဝေလံခေါင်ဖျား နယ်မြို့တွေမှာတော့ တဂါလံ ကျပ် ၄ ထောင်ကျော်အထိ ဈေးမြင့် တက်နေပါတယ်။
Ref: ဒီဗွီဘီ
Read More...
Collapse...
February 13, 2012
မင်းလွင်
တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်ကို တနှစ်ပြည့်ပြီးတဲ့ နောက်မှာ နိုင်ငံတော်သမ္မတ ဦးသိန်းစိန်ကနေ ဖေဖော်ဝါရီ ၃ ရက်နေ့ နိုင်ငံတော်ပြန်တမ်း ထုတ်ပြန်ပြီး ကာကွယ်ရေးဦးစီးချုပ်အဖြစ် အတည်ပြု ပြန်လည်ခန့်အပ်လိုက်ပါတယ်။
တနှစ်အတွင်း မှာ ဗိုလ်ချုပ်ကြီး မင်းအောင်လှိုင်ဟာ မြန်မာတပ်မတော်ကို ဘာတွေ လုပ်ဆောင်နိုင်ခဲ့သလဲ ဆိုတဲ့အမြင်နဲ့ ပတ်သက်ပြီး ဒီဗွီဘီ သတင်းထောက် ကိုမင်းလွင်က ပြည်ပအခြေစိုက် ဒီမိုကရေစီနဲ့ဖွံဖြိုးတိုးတက်ရေးအင်အားစုမှ ဦးဌေးအောင်ကို ဆက်သွယ် မေးမြန်းထားပါတယ်။
ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်အနေနဲ့ တပ်မတော်အပေါ် ဘာတွေလုပ်ဆောင်ခဲ့လဲ။
“ဗိုလ်ချုပ်ကြီး မင်းအောင်လှိုင်အနေနဲ့ သူကာကွယ်ရေး ဦးစီးချုပ်တာဝန် ထမ်းဆောင်နေတဲ့ သက်တမ်းမှာ သူအနေနဲ့ ပြည်တွင်းစစ် ပြန်ပြီးတော့ ရင်ဆိုင်လာရတာ ရှိတယ်။ အထူးသဖြင့် ဗမာ့တပ်မတော်အနေနဲ့ နောက်ပိုင်းမှာရှိတဲ့ ကေအိုင်အိုနဲ့ တိုက်ပွဲတွေမှာ အပြင်းအထန် ဖြစ်ပွားပြီးတော့ အကျအဆုံးတွေ များခဲ့တဲ့ အနေအထားတွေလည်း ရှိတယ်။ အဲဒါကြောင့် ဒီသမ္မတက အပစ်အခတ် ရပ်စဲဖို့ အမိန့်ပေးတာတောင်မှ မလိ်ုက်နာဘဲနဲ့ အခုထိ စစ်ဆင်ရေးတွေ နွှဲနေတဲ့ အနေအထားမျိုးတွေရှိတယ်။ နောက်တချက်က ပြန်ကြည့်မယ်ဆိုရင် အမေရိကန် ပြည်ထောင်စုအနေနဲ့ သမ္မတဦးသိန်းစိန် အစိုးရနဲ့ ဆက်ဆံရေးတွေ ပြန်ပြီးတော့ ပြေလည်လာတဲ့အပေါ်မှာ တပ်မတော်ကိုလည်း ချဉ်းကပ်လာတဲ့ပုံမျိုး၊ ကမ်းလှမ်းလာတဲ့ ပုံစံမျိုးရှိတယ်။ အမေရိကန်ရဲ့ အထူးကိုယ်စားလှယ် ဒဲရစ်မီရှယ်ကနေ ကာကွယ်ရေးဦးစီးချုပ်နဲ့ တွေ့ဆုံဆွေးနွေးခဲ့တဲ့ သာဓကတွေလည်း ရှိတယ်။ နောက်တခုက ကာကွယ်ရေးဦးစီးချုပ် မင်းအောင်လှိုင်အနေနဲ့ ထိ်ုင်းဝန်ကြီးချုပ်နဲ့ တွေ့ဆုံတဲ့ နေရာမှာ နိုင်ငံတကာအနေနဲ့ သံသယရှိစေတဲ့ တပ်မတော်အနေနဲ့ ဒီမိုကရေစီ ပြုပြင်ပြောင်းလဲရေးကနေ နောက်ကြောင်းပြန်လှည့်သွားမလား ဆိုတဲ့ စိုးရိမ်ချက်တွေအပေါ်မှာ သူ့အနေနဲ့ နောက်ကြောင်းပြန်လှည့်သွားစရာ မရှိပါဘူးဆိုတဲ့ ကတိပြု ပြောကြားသွားတာမျိုးကို ကျနော်တို့အနေနဲ့ ထူးခြားချက်အနေနဲ့ တွေ့ရတယ်။”
ဗိုလ်ချုပ်ကြီး မင်းအောင်လှိုင်ကို လူပုဂ္ဂိုလ်တယောက်အနေနဲ့ ဘယ်လိုလူစားမျိုးလို့ သုံးသပ်ပြောဆိုလို့ ရမလဲ။
“တခုတော့ ရှိပါတယ်။ ဗိုလ်ချုပ်ကြီး မင်းအောင်လှိုင်အနေနဲ့ပဲ ဗိုလ်ချုပ်မှူးကြီး သန်းရွှေကိုယ်တိုင်က စိတ်ကြိုက်ရွေးချယ် တာဝန်ပေးခဲ့တာပဲလေ။ အဲဒီတော့ ဘာပဲဖြစ်ဖြစ် ယေဘုယျ ပြောမယ်ဆိုရင်တော့ သူ့အနေနဲ့ကတော့ အထက်ကပေးတဲ့ အမိန့်၊ အထူးသဖြင့် ဗိုလ်ချုပ်မှူးကြီး သန်းရွှေရဲ့ ဩဇာသက်ရောက်မှုက ပိုများနေတယ်လို့ ကျနော်တို့ ပြောလို့ရနိုင်ပါတယ်။”
ကျ နော်တို့တွေ ကြားသိရသလောက် ဥပမာ သံတမန် အသိုင်းအဝိုင်းကနေ သတင်းတွေ ထွက်နေတဲ့ ဗိုလ်ချုပ်ကြီး မင်းအောင်လှိုင်ဟာ စစ်တပ်ကို professional army မျိုး ဖြစ်စေချင်တယ်လို့ အမေရိကန် ကိုယ်စားလှယ်တွေကို သူတွေ့ဆုံတဲ့အခါမှာ ပြောပြတယ်ဆိုပြီးတော့၊ ဦးဌေးအောင်တို့ အနေနဲ့ ဘယ်လို သုံးသပ်ပါသလဲ။
“ဟုတ်ပါတယ်။ ဒါကတော့ နဝတ၊ နအဖ သူတို့ အာဏာ စသိမ်းကတည်းက တပ်မတော်ကို ခေတ်မီပြီး အင်အားတောင့်တင်းတဲ့ တပ်မတော်ဖြစ်အောင် တည်ဆောက်မယ်ဆိုပြီး သူတို့စီမံချက်တွေ ချပြီး လုပ်ခဲ့တာပဲလေ။ ဒါပေမယ့်လည်း အနောက်နိုင်ငံတွေက ပိတ်ဆို့အရေးယူမှုတွေ လုပ်ထားတဲ့ အနေအထားမှာ သူတို့ စိတ်ကြိုက် တပ်မတော်ကို အစွမ်းထက်မြက်အောင် မလုပ်နိုင်ခဲ့ဘူး။ သူတို့ အနေနဲ့ မလွှဲသာ မဖြစ်သာ တရုတ်နိုင်ငံလို၊ မြောက်ကိုရီးယားလို နိုင်ငံမျိုးနဲ့ ဆက်ဆံခဲ့ရတယ်။ အဲဒီ နိုင်ငံတွေကနေပြီး ဈေးပေါပေါနဲ့ ရောင်းချတဲ့ လက်နက်ပစ္စည်းတွေကို ဝယ်ယူသုံးစွဲခဲ့ရတာမျိုး ရှိတယ်။ အဲဒီ အနေအထားနဲ့ ကြည့်မယ်ဆိုရင် မြန်မာနိုင်ငံအနေနဲ့ လူအင်အားအရ များပေမယ့် စစ်ရေးစွမ်းရည်မှာတော့ အိမ်နီးချင်း ထိုင်းနိုင်ငံကို လိုက်မမီတဲ့ သဘော ရှိတယ်လေ။ ဒီတော့ အမေရိကန်နဲ့ ဦးသိန်းစိန်အစိုးရ ဆက်ဆံရေး ပြန်ကောင်းလာတဲ့ အပေါ်မှာ မြန်မာတပ်မတော်ကိုလည်းပဲ အမေရိကန်တပ်မတော်က ကမ်းလှမ်းလာတဲ့ အနေအထားတွေ ရှိတယ်။ မကြာသေးခင်ကပဲ ဗိုလ်ချုပ်ကြီး မင်းအောင်လှိုင် ထိုင်းနိုင်ငံကို သွားပြီး ထိုင်းမှာ အမေရိကန်က နှစ်စဉ် စစ်ရေးလေ့ကျင့်မှုတွေမှာ မြန်မာ့တပ်မတော်အနေနဲ့လည်း ပါဝင်ဖို့ သူတို့ကမ်းလှမ်းလာတဲ့ အနေအထားမျိုး စုံစမ်းနေတဲ့ အနေအထားမျိုး ရှိတာကို ကျနော်တို့ တွေ့ရတာ ရှိတယ်။
“ နောက်တခုကလည်း အစဉ်အဆက်ကို ဦးနေဝင်းလက်ထက်ကတည်းက ကြည့်မယ်ဆိုရင် မြန်မာ့တပ်မတော်အနေနဲ့ အမေရိကန်မှာ စစ်ဦးစီး သင်တန်းတွေ သွားတက်တာမျိုး၊ နောက်တခုက မြန်မာထောက်လှမ်းရေး အနေနဲ့လည်း အမေရိကန် စီအိုင်အေမှာ သွားပြီး သင်ကြားတာမျိုးတွေ ရှိတယ်။ အခုလည်းပဲ အမေရိကန် စီအိုင်အေ ညွန်ချုပ်ကိုယ်တိုင် မြန်မာပြည်ကိုလာဖို့ ပြင်ဆင်နေတယ်လို့ ကြားရတယ် ဆိုတော့ ရေရှည်မှာတော့ ဗိုလ်ချုပ်ကြီး မင်းအောင်လှိုင်အနေနဲ့ သူ့အနေနဲ့ ဆန္ဒ ရှိမယ်ဆိုရင် အမေရိကန် စစ်ရေးအရ ပူးပေါင်းဆောင်ရွက်မှုတွေ လုပ်လာနိုင်တယ်။ အဲဒီလို လုပ်တာဟာ တနည်းအားဖြင့်လည်း မြန်မာ့တပ်မတော် အနေနဲ့ စစ်ရေးစွမ်းရည်ပိုင်းမှာရော၊ လက်နက်ခေတ်မီတဲ့ အပိုင်းမှာပါ အများကြီး ပြောင်းလဲနိုင်တယ်လို့ ကျနော်က ယူဆပါတယ်။”
တကယ်လို့ သူရည်မှန်းသလိုမျိုး မြန်မာ့တပ်မတော်ကို professional army လမ်းကြောင်းပေါ် ရောက်သွားတဲ့အခါကျရင် မြန်မာ့တပ်မတော်ကရော ရေရှည် အနာဂတ် မြန်မာ့နိုင်ငံရေးမှာ ဝင်ရောက်စွက်ဖက်တာ၊ နှောင့်ယှက်တာမျိုးတွေ အဲလို ဖြစ်လာနိုင်ဖို့ ရှိလား။
“တခုတော့ ရှိပါတယ်။ အဲဒါကတော့ သူတို့အနေနဲ့ စိုးရိမ်စိတ်တွေ ပျောက်ကွယ်သွားမယ် ဆိုရင်တော့ ဗမာ့တပ်မတော်အနေနဲ့ ဒီမိုကရေစီနိုင်ငံတွေရဲ့ တပ်မတော်နည်းတူ၊ professional တပ်မတော်အနေနဲ့ ပြန်ပြီးတော့ အသွင်ပြောင်းလာနိုင်ပါတယ်။ ဒါပေမယ့် လတ်တလော အနေအထားမှာတော့ ကျနော့်ရဲ့ အမြင်အရကတော့ သူတို့မှာ စိုးရိမ်စိတ်တွေက နက်နက်ရှိုင်းရှိုင်း ရှိနေသေးတယ်။ စိုးရိမ်စိတ် ဆိုတဲ့နေရာမှာ သူတို့ရဲ့ အကျိုးစီးပွားတွေအတွက် ပါသလို ပြည်ထောင်စု တကယ်ပြိုကွဲသွားမှာကိုလည်း တကယ်စိုးရိမ်တဲ့ အချက်တွေ တပ်မတော်ရဲ့ အစိတ်အပိုင်းတချို့မှာ ရှိနေနိုင်ပါတယ်။ အဲ့တော့ ဒီစိုးရိမ်ချက်တွေကို ပျောက်သွားအောင် မြန်မာပြည်မှာ ပါဝင်ပတ်သက်နေတဲ့ မြန်မာနိုင်ငံသားတိုင်းက ကြိုးစား လုပ်ဆောင်ကြမယ်ဆိုရင်တော့ သူတို့အနေနဲ့ တဖြည်းဖြည်း ယုံကြည်မှုတွေ ရလာတာနဲ့အမျှ တပ်မတော်ဟာ နိုင်ငံရေးနဲ့ တိုက်ရိုက်ပေါ့ ဆက်စပ်မှု မရှိဘဲနဲ့ အခုလို နိုင်ငံရေးဦးဆောင်မှု အခန်းကဏ္ဍမှာ မပါဝင်ဘဲ တပ်မတော်ဟာ ကာကွယ်ရေး တာဝန်တွေကိုသာ ထမ်းဆောင်တဲ့ professional army ဖြစ်လာနိုင်တဲ့ အလားအလာတွေ အများကြီးရှိတယ်လို့ ကျနော်က ထင်ပါတယ်။”
Ref: ဒီဗွီဘီ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88