21.02.2013
India နိုင်ငံတောင်ပိုင်း Andhra Pradesh ပြည်နယ် မြို့တော် Hyderabad မြို့မှာ ဗုံးတွေ ပေါက်ကွဲခဲ့လို့ ၁၂ ယောက်ထက် မနည်းသေဆုံးပြီး ၇၈ ယောက် ဒဏ်ရာရရှိခဲ့ပါတယ်။ မြို့ထဲက လူစည်ကားတဲ့ Dil Sukh ရပ်ကွက်က ရုပ်ရှင်ရုံတခု အပြင်ဖက်နဲ့ အနားက ကားမှတ်တိုင် တခုမှာ ကြာသပတေးနေ့ညပိုင်းက မိနစ်ပိုင်းပဲခြားပြီး ဗုံး ၂ လုံးထက် မနည်းပေါက်ကွဲခဲ့တယ်လို့ ရဲကပြောပါတယ်။ စက်ဘီးတွေမှာ ဗုံးတွေ ထောင်ထားတာဖြစ်တယ်လို့ ရဲကဆိုပါတယ်။
ဒီတိုက်ခိုက်မှုအပေါ် အမေရိကန် အစိုးရက ဝေဖန်ပြစ်တင်လိုက်ပြီး India တာဝန်ရှိသူတွေ လိုအပ်တဲ့ အကူအညီမှန်သမျှပေးဖို့ အဆင်သင့်ပဲလို့ နိုင်ငံခြားရေးဌာန ပြောခွင့်ရသူ Victoria Nuland ကပြောကြားခဲ့ပါတယ်။
ဒီဖေါက်ခွဲမှုတွေဟာ ယုတ်မာတဲ့ လုပ်ရပ်ဖြစ်ပြီး အပြစ်ရှိသူတွေကို အရေးယူ သွားမှာဖြစ်တယ်လို့ India ဝန်ကြီးချုပ် Manmohan Singh ကပြောပါတယ်။ အကြမ်းဖက်သမားတွေလုပ် ပုံရတဲ့ ဗုံးခွဲမှုတွေနောက်မှာ ပြည်သူတွေကို တည်တည်ငြိမ်ငြိမ်ရှိကြဖို့လဲ ဝန်ကြီးချုပ်က ပန်ကြားခဲ့ပါတယ်။
တာဝန်ရှိသူတွေအနေနဲ့ တိုက်ခိုက်မှုတွေနဲ့ ပါတ်သက်လို့ သတင်း အချက်အလက် အသေးစိတ် မသိရသေးပေမဲ့ တိုက်ခိုက်မှုတခု လုပ်နိုင်ခြေရှိတဲ့ သတင်း အချက်အလက်တွေကိုတော့ ရခဲ့တယ်လို့ ပြည်ထဲရေးဝန်ကြီး Sushil Kumar Shinde က သတင်းထောက်တွေကို ပြောပါတယ်။
Ref: ဗွီအိုအေ
Read More...
Collapse...
21.02.2013
ဆီးရီးယားနိုင်ငံ ဒမတ်စကပ်မြို့လည်မှာ ရှိတဲ့ အာဏာရ Baath ပါတီ ဌာနချုပ်အနီးမှာ၊ ကားဗုံးခွဲတိုက်ခိုက်မှုတစ်ခု ကြောင့်မို့လို့ လူငါးဆယ်သုံးဦးထက်မနည်းသေဆုံးသွားပြီးတော့ လူပေါင်း ၂၀၀ကျော် ထိခိုက်ဒဏ်ရာ ရခဲ့တယ်။ ဆီးရီးယား ပြည်တွင်းစစ် နှစ်နှစ်ကာလအတွင်းမှာ အသေအပျောက်အများဆုံး ဖြစ်ရပ်တစ်ခုလည်း ဖြစ်ပါတယ်။ လူနေထူထပ်တဲ့ al-Mazraa အရပ်နားမှာဖြစ်တဲ့ အဲ့ဒီ့တိုက်ခိုက်မှုဟာ အကြမ်းဖက်ဗုံးခွဲတိုက်ခိုက်မှုတွေဖြစ်တယ်ဆိုပြီးတော့ ဆီးရီးယား ရုပ်သံဌာနတွေမှာ လွှင့်ထုတ်ပါတယ်။ အစိုးရရုပ်သံရဲ့ လွှင့်ထုတ်ချက်မှာတော့ လမ်းမတွေပေါ်မှာ သွေးတွေနဲ့ အလောင်းတွေ ပြန့်ကျဲနေပုံတွေကို မြင်ရပါတယ်။
ဒီတိုက်ခိုက်မှုကို ဘယ်သူလုပ်သလဲဆိုတာတော့ မသိရသေးသလိုပဲ ဘယ်သူကမှလည်း သူတို့လုပ်တာလို့ မပြောသေးပါဘူး။ ဒမတ်စကပ်မြို့မှာ အခုတလော ဗုံးခွဲတိုက်ခိုက်မှုတွေ အခုတလော ဆက်တိုက်ဆိုသလို ရှိခဲ့ပါတယ်။ တလောကလည်း စစ်ဘက် အဆောက်အဦးတစ်ခုကို မော်တာကျည်နဲ့တိုက်ခိုက်တာ ခံခဲ့ရပါတယ်။ ဆီးရီးယား နိုင်ငံအတွင်း အကြမ်း ဖက်တိုက်ခိုက်မှုတွေ နှစ်နှစ်တာ ကာလအတွင်းမှာ ဒမတ်စကပ်မြို့လည်ဟာ အခြားနေရာတွေထက် နှိုင်းယှဉ်ရင် အတော်လေးကို ဘေးကင်းလုံခြုံမှုရှိခဲ့တာပါ။
ဒီအတောအတွင်းမှာဆိုရင်ပဲ သမ္မတ ဘာရှာအယ်လ်အာဆတ် အစိုးရနဲ့ ငြိမ်းချမ်းရေးစကား ပြောသင့်၊ မပြောသင့် ဆိုတာကို အီဂျစ်ကိုင်ရိုမြို့မှာ ဆီးရီးယားအတိုက်အခံတွေ ဆွေးနွေး ခဲ့ကြပါတယ်။ အခုနောက်ဆုံး သောကြာနေ့မှာ သူတို့ရဲ့ နောက်ဆုံးဆုံးဖြတ်ချက်ထွက်လာလိမ့်မယ်လို့ မျှော်လင့်ရပါတယ်။
Ref: ဗွီအိုအေ
Read More...
Collapse...
ဒေါ်ခင်စိုးဝင်း
21.02.2013
၂၀၁၆ ခုနှစ်မှာ OGP Open Government Partnership လို့ခေါ်တဲ့ ပွင့်လင်းအစိုးရများ မဟာမိတ် အဖွဲ့ဝင်အဖြစ် ပါဝင်ဖို့ မြန်မာနိုင်ငံက အဆိုပြုထားတာကြောင့် ပွင့်လင်းမြင်သာမှု ဆိုတဲ့ OGP ရဲ့ အဓိက လိုအပ်ချက်ကို ပြည့်မှီအောင် ကြိုးပမ်းဖို့အတွက် ဗြိတိန်နိုင်ငံက ပံ့ပိုး ကူညီသွားမှာ ဖြစ်တယ်လို့ OGP ရဲ့ လက်ရှိ နာယက ဗြိတိန်နိုင်ငံ ကနေ ပြောကြား လိုက်ပါတယ်။ OGP အဖွဲ့ဝင်ဖြစ်ဖို့ ထိပ်တန်းအစိုးရ အရာရှိကြီးတွေရဲ့ ပိုင်ဆိုင်မှုကို ကြေညာဖို့ လိုအပ်ပြီး အဂတိ လိုက်စားမှုဟာ ပွင့်လင်းမြင်သာမှုရဲ့ ရန်သူဖြစ်တယ် လို့လည်း ဗြိတိန်အစိုးရ၀န်ကြီးအဖွဲ့ ဝန်ကြီး Francis Maude က ဒီကနေ့ သတင်းစာ ရှင်းလင်းပွဲမှာ ပြောဆိုလိုက်တာပါ။ အပြည့်အစုံ ကိုတော့ ဒေါ်ခင်စိုးဝင်း က ပြောပြပေးမှာပါ။
မြန်မာနိုင်ငံကို နှစ်ရက်ကြာ ခရီးရောက်ရှိခဲ့တဲ့ ဗြိတိန်အစိုးရဝန်ကြီးအဖွဲ့ ဝန်ကြီး Francis Maude က လွန်ခဲ့တဲ့ ၁၈လအတွင်း မထင်မှတ်ပဲ မြန်မာနိုင်ငံရဲ့ ပြုပြင်ပြောင်းလဲရေး ဖြစ် ထွန်းမှုတွေ တွေ့ရ လို့ အားတက်မိပါတယ်တဲ့။ ဒါပေမဲ့ မြန်မာနိုင်ငံဟာ ပြုပြင်ပြောင်းလဲရေး ဆိုတဲ့ တောင်ကြီးကို တက်ဖို့ တောင်ရဲ့ခြေရင်းမှာပဲ ရှိနေသေးတာကြောင့် ပန်းတိုင်ရောက် အောင် အတော်လေး ကြိုးစားဖို့လိုသေးတယ်လို့ သုံးသပ်လိုက်ပါတယ်။
မနှစ်က အမေရိကန်သမ္မတ ဘရက်အိုဘားမားရဲ့ မြန်မာပြည်ခရီးစဉ်အတွင်းမှာ သမ္မတ ဦးသိန်းစိန်က ၂၀၁၆ ခုနှစ်မှာ OGP ခေါ် ပွင့်လင်းတဲ့ အစိုးရများ မိတ်ဖက်အဖွဲ့ဝင် နိုင်ငံအဖြစ် ပါဝင်နိုင်ဖို့အတွက် သူတာဝန်ခံပါ့မယ်လို့ ပြောကြားခဲ့ဖူးတဲ့ အကြောင်း၊ ဒါကြောင့် OGP အဖွဲ့ဝင်အဖြစ် မြန်မာနိုင်ငံ ပါဝင်ဖို့ ကြိုဆိုတယ်လို့ ဆိုပါတယ်။ ဒါပေမဲ့ အဖွဲ့ဝင်ဖြစ်ဖို့အတွက် လုပ်စရာတွေ အများကြီးရှိသေးတယ်လို့ ဝန်ကြီး Francis Maude က အခုလိုပြောဆို လိုက်ပါတယ်။
“OGP အဖွဲ့ဝင်ဖြစ်ဖို့အတွက် မြန်မာအစိုးရအနေနဲ့ အရေးကြီးတဲ့ အပြောင်းအလဲတွေ လုပ်ဖို့လိုပါတယ်။ ဘတ်ဂျက် ရသုံးမှန်ခြေငွေစာရင်း၊ အကြီးတန်း အစိုးရအရာရှိကြီးတွေ ရဲ့ အခြေပစ္စည်းပိုင်ဆိုင်မှုတွေ အပါအ၀င် အားလုံးကို ထင်သာမြင်သာဖြစ်ရပါမယ်။ သတင်းမီဒီယာ လွတ်လပ်ခွင့်ကတော့ အခု အထိုက်အလျောက် တိုးတက်လာတာတွေ့ရပါပေမဲ့ သတင်း အချက်အလက်တွေ လက်လှမ်းမှီအောင်ရယူနိုင်ဖို့ အခွင့်အလမ်းတွေ လိုနေပါသေးတယ်။ ဒါတွေအားလုံး ပွင့်လင်းလာတဲ့ကျမှသာ OGP အဖွဲ့ဝင်အဖြစ် ပါဝင်နိုင်မှာဖြစ်ပါတယ်။ ဒီလို အပြောင်းအလဲတွေ ဖြစ်ထွန်းလာအောင် ကျနော်တို့ ကူညီပါ့မယ်လို့ တာဝန်ရှိသူတွေ ကိုလည်း ပြောကြားခဲ့ပါတယ်။”
ဗြိတိန်ဝန်ကြီး Francis Maude က အစိုးရဝန်ကြီးတွေနဲ့ရော၊ ဒေါ်အောင်ဆန်းစုကြည်နဲ့ ပါ တွေ့ဆုံ ခဲ့ပြီး လူထုအခြေပြု အဖွဲ့အစည်းတွေကိုလည်း တွေ့ဆုံနိုင်ခဲ့တယ်လို့ ဆိုပါတယ်။ အဲ့ဒီ့လို တွေ့ဆုံရာ မှာ OGP အဖွဲ့ဝင်ဖြစ်ဖို့ လိုအပ်ချက်တွေကို သူရှင်းပြခဲ့တယ်လို့ အခုလို ဆိုပါတယ်။
“အဖွဲ့ဝင်ဖြစ်ဖို့ အခြေခံ အချက် ၃ ခု လိုပါတယ်။ ပထမအချက်က အနဲဆုံး နည်းဥပဒေနဲ့ အညီ ဘောင်ဝင်ဖို့ လိုပါတယ်။ ဒုတိယအချက်က OGP ရဲ့ အခြေခံမူဖြစ်တဲ့ ပွင့်လင်းမြင်သာမှု ရှိဘို့ပါဘဲ။ တတိယအချက်က ပွင့်လင်းမြင်သာမှု အတွက် ယုံကြည် အားထားလောက်တဲ့ လုပ်ငန်းအစီအစဉ် ချမှတ်ရပါမယ်။ ဒါဟာ မြန်မာ တစ်နိုင်ငံတည်းအတွက် မဟုတ်ပဲ ဘယ် နိုင်ငံမှာမဆို လိုက်နာရမှာဖြစ်ပါတယ်။ ပွင့်လင်းမှုမှာ ဦးဆောင်တယ်လို့ ဆိုရပေမယ့် ကျနော်တို့ဗြိတိန်နိုင်ငံမှာလည်း ပိုပြီးတိုးတက်အောင် ကောင်းသထက်ကောင်းအောင် လိုက်နာကြ ရပါတယ်။”
OGP အဖွဲ့ကို လွန်ခဲ့တဲ့ နှစ်နှစ်က အဖွဲ့ဝင် ၅၈နိုင်ငံနဲ့ ဖွဲ့စည်းထားတာ ဖြစ်ပါတယ်။ OGP ရဲ့ အဓိက ရည်ရွယ်ချက်က Public Accountability လို့ ခေါ်တဲ့ ပြည်သူတွေအပေါ် တာဝန်သိတဲ့ တာဝန်သိမှုဖြစ်ပါတယ်လို့ ပြောရင်း OGP အဖွဲ့ဝင်ဖြစ်ခြင်းအားဖြင့် ရရှိမယ့် အကျိုးခံစားခွင့်တွေနဲ့ပတ်သက်လို့ အခုလို ရှင်းပြသွားပါတယ်။
“OGP အဖွဲ့ဝင်ဖြစ်ခြင်းအားဖြင့် ပွင့်လင်းမှုကို တွန်းအားပေးတဲ့ သဘောဆောင်ပါတယ်။ ပြည်သူ့ ဘဏ္ဍာတွေ ဘယ်လို သုံးတယ်ဆိုတာကအစ ယုံကြည်ကိုးစားမှု တိုးစေပါတယ်။ နောက်ပြီး အဂတိလိုက်စားမှုဟာ ပွင့်လင်းမြင်သာမှုရဲ့ ရန်သူဖြစ်ပါတယ်။ ပွင့်လင်းမြင်သာမှုက အဂတိ လိုက်စားမှုကို ချေမှုန်းပစ်နိုင်ပါတယ်။ ဒါကြောင့် OGP အဖွဲ့ဝင်ဖြစ်ခဲ့ရင် ပွင့်လင်းတဲ့ စနစ်ကို ဖေါ်ဆောင်နိုင်ကြမှာဖြစ်လို့ ဧရာမ ကွာခြားချက်ကြီးကို တွေ့ကြရမှာပါ။”
မြန်မာပြည် ပြုပြင်ပြောင်းလဲရေး အရှိန်အဟုန်မြှင့် ဆောင်ရွက်နိုင်အောင် ကောင်းမွန်တဲ့ အုပ်ချုပ်မှု၊ တာဝန်သိတဲ့ ရင်းနှီးမြှပ်နှံမှု၊ ပွင့်လင်းမြင်သာမှု တိုးတက်စေရေး၊ လွှတ်တော်ရဲ့ လုပ်ငန်းတွေ ခိုင်မာရေး၊ တိုင်းရင်းသားတွေနဲ့ပြန်လည်ရင်ကြားစေ့ရေး အတွက် နိုင်ငံရေးဆွေးနွေးမှုတွေ လုပ်ဖို့အတွက် OGP အဖွဲ့ဝင်တွေက ဝိုင်းဝန်းပံ့ပိုးသွားမှာဖြစ်တယ်လို့ OGP ရဲ့ နာယကအဖြစ် တာဝန်ယူထားတဲ့ ဗြိတိန်အစိုးရ၀န်ကြီးအဖွဲ့ ၀န်ကြီး Francis Maudeက ကြာသပတေးနေ့က သတင်းစာရှင်းလင်းပွဲမှာ ပြောဆိုသွားပါတယ်။
Ref: ဗွီအိုအေ
Read More...
Collapse...
ကိုမိုးဇော်
21.02.2013
ကုလသမဂ္ဂကနေ ပေးပို့တဲ့ စားနပ်ရိက္ခာနဲ့ လူသုံးပစ္စည်းတွေ ဖားကန့်ဒေသက ဒုက္ခသည်စခန်းကို ရောက်ရှိလာပေမဲ့ ကူညီထောက်ပံ့မှုတွေဟာ အကြီးအကျယ် လိုအပ်နေဆဲဖြစ်ပြီး အထူးသဖြင့် ဒုက္ခသည်ဦးရေ ပိုမိုများပြားတဲ့ သူပုန်နယ်မြေထဲမှာ ပိုပြီးလိုအပ်နေတာပါ။ ဖားကန့်ဒေသမှာတော့ လောလောဆယ် တိုက်ပွဲတွေ ငြိမ်သက်နေပေမဲ့ ဒုက္ခသည်တချို့ကတော့ အခုချိန်ထိ အိမ်မပြန်ရဲဘဲ ရှိနေကြပါတယ်။ ဒီသတင်းအပြည့်အစုံကို ဗွီအိုအေ မြန်မာပိုင်းအစီအစဉ်သတင်းထောက် ကိုမိုးဇော်က တင်ပြပေးမှာပါ။
ဒီလဆန်းပိုင်းကစပြီး ကချင်ပြည်နယ်အတွင်း တိုက်ပွဲတွေ ငြိမ်သက်နေခဲ့သလို ဒုက္ခသည်စခန်းတွေကို နိုင်ငံတကာအဖွဲ့အစည်းတွေက အကူအညီပေးဖို့ အစိုးရက ခွင့်ပြုလိုက်ပြီး တဲ့နောက်မှာတော့ ကုလသမဂ္ဂ ရဲ့ ကူညီထောက်ပံ့ရေး ယာဉ်တန်းဟာ ဖားကန့်ဒေသဖက်ကို ရောက်လာခဲ့ပါတယ်။ လုံးခင်း၊ ဖားကန့်နဲ့ ဆိုင်းတောင်မှာရှိတဲ့ ဒုက္ခသည်စခန်း၃၀ကျော်၊ ဒုက္ခသည်ဦးရေ တသောင်းလောက် အတွက်ကို ဆန်၊ ဆီ၊ဆားနဲ့ အခြားလူသုံးကုန်ပစ္စည်းတွေကို ဒီရက်ပိုင်းတွေအတွင်းမှာပဲ ဖြန့်ဝေပေးခဲ့တယ်လို့ ဒေသခံ ဒုက္ခသည်အရေး ဆောင် ရွက်သူတွေက ပြောကြပါတယ်။ ကချင်လွတ်လပ်ရေးအဖွဲ့ KIO ရဲ့ ဌာနချုပ် လိုင်ဇာဒေသဖက်က ဒုက္ခသည်စခန်းတွေမှာလည်း လိုအပ်ချက်တွေရှိနေပြီး ကုလသမဂ္ဂအဖွဲ့တွေ လာရောက် နိုင်ဖို့ ပြင်ဆင်နေတယ်လို့ KIO ရဲ့ ပြောရေးဆိုခွင့်ရှိသူ ဦးလာနန်က ပြောပါတယ်။
“လူတစ်ယောက်ရဲ့ အသက်ရှင်နေထိုင်ရေးအတွက်ပေါ့ဗျာ။ ဒါတော့ အားလုံးလိုအပ်တာပဲ။ အဓိကကတော့ ဆေးဝါးပဲ။ ဆေးဝါးဆိုတဲ့နေရာမှာ၊ ကလေးငယ်တွေအတွက် ကာကွယ်ရေး လုပ်ငန်းတွေ အများကြီးလိုအပ်မှာပါ။ တချို့နေရာမှာတော့ စားရေး၊ သောက်ရေး ကလည်း အခုသောက်ဖို့၊ အခုစားဖို့ အဲ့လောက်ပဲ ရှိတဲ့ပုံစံ တချို့စခန်းတွေမှာ ရှိတယ်ခင်ဗျ။ ဒါပေမဲ့ ကျနော်တို့ဘက်ကတော့ ကြည့်နိုင်သလောက်တော့ သူတို့ စားရေး၊ သောက်ရေး ပြတ် မသွားအောင်၊ ပြတ်လပ်မှုမရှိအောင်တော့ ဝိုင်းပြီးတော့ ကြိုးစားနေကြတယ်။ UN OCHA အဖွဲ့လည်း ဒီလိုင်ဇာကို သူတို့လာမယ်လို့ပြောတယ်။ ဒါကြောင့်မို့ ကျနော်တို့ဘက်ကလည်း လာမယ့် လမ်းကြောင်းကို အကြောင်းပြန်ပြီးသား၊ ဒါပေမဲ့ သူတို့ဘက် ကနေပြီးတော့ ဘယ်တော့လာမယ်ဆိုတဲ့ ကိစ္စတော့ ရက်က အတိအကျ မပြောနိုင်ဘူးခင်ဗျ။ လွန်ခဲ့တဲ့ အပတ်တုန်းကတော့ လွန်ခဲ့တဲ့အပတ်မှာ သူတို့ရောက်အောင် လာမယ်ပြောတယ်။ ကျနော်တို့ဘက်ကလည်း ဒီဘက်က အဆင်သင့်လုပ်ထားတာပေါ့ဗျာ။”
ကချင်လွတ်လပ်ရေးအဖွဲ့ KIOနဲ့ အစိုးရတပ်အကြား တနှစ်ခွဲကျော်ကြာ တိုက်ပွဲကာလမှာတော့ ဒုက္ခသည်တသိန်းကျော်ဟာ အိုးအိမ်စွန့်ခွာ ထွက်ပြေးနေကြရပြီး KIO ထိန်းချုပ်ရာ တရုတ်မြန်မာ နယ်စပ်ဒေသမှာတော့ ဒုက္ခသည် ၆သောင်းကျော်လောက် ရောက်ရှိနေတာဖြစ် ပါတယ်။ လောလောဆယ် ကချင်ပြည်နယ်အတွင်း တိုက်ပွဲတွေ ငြိမ်သက်နေပေမဲ့ KIO ထိန်းချုပ်ရာ ဒေသက ဒုက္ခသည်တွေဟာ နေရပ်ရင်း မပြန်နိုင်သေးသလို အစိုးရ ထိန်းချုပ်ရာ ဖားကန့်ဒေသက ဒုက္ခသည်တချို့ဟာလည်း နေရပ်ရင်း မပြန်ရဲဘဲ ရှိနေကြပါတယ်။
“ ငြိမ်သက်တယ်ဆိုပေမဲ့ ဟိုမှာ စစ်ကြောင်းတွေရှိနေတယ်လေ။ အများအားဖြင့် ရောက်နေတဲ့ ဟာတွေက ခန္တီး၊ ဥရုချောင်း အဖျားဘက်ကပေါ့နော်။ ကျန်တဲ့ ရွာတွေက ပြန်လို့မရသေးဘူးလေ။ စစ်ကြောင်း ရှိတယ်ဆိုတော့ ငြိမ်သက်တယ်ဆိုပေမဲ့ ပစ်တာ၊ ခတ်တာများ ဖြစ်မလား အဲ့သလိုပေါ့။ ကြောက်လို့။” ဒါကတော့ ဒေသခံတယောက်ပြောတာပါ။
အခြားဖားကန့်ဒေသခံတယောက်ကလည်း " ဒီမှာ တိုက်ပွဲတွေလည်း မဖြစ်ကြတော့ဘူး။ ဒီမှာ အေးအေးဆေးဆေး ငြိမ်သက်နေတဲ့ အနေအထား လည်း ဖြစ်ပြီ။ အေးချမ်းနေပြီ လို့တော့ ပြောလို့ရပြီပေါ့ ခင်ဗျာ။ ဒါပေမဲ့ အထူးသဖြင့် ဂျိမ်းဖောလူမျိုးတွေပေါ့ဗျာ။ သူတို့တွေက ဒီကချင်လူမျိုးတွေဖြစ်အတွက်ကြောင့် ကေအိုင်အေနဲ့ ဆက်နွယ်တာလေးတွေ ရှိကောင်းရှိ မှာပေါ့ဗျာ။ ဒါလေးတွေနဲ့ပတ်သက်ပြီးမှ သူတို့မှာ စိုးရိမ်စိတ် ကလေးတွေရှိကြတယ်ခင်ဗျ။ အဲ့ဒီ့စိုးရိမ်စိတ် ကလေးတွေကို ပြေပျောက် သွားဖို့ အေးအေးချမ်းချမ်းနဲ့ ပြန်ဖို့ မိမိတို့ရဲ့ နေရပ်ဒေသမှာ နေလို့ရပြီဆိုတဲ့ အနေအထားလေးကို သက်ဆိုင်ရာ အာဏာပိုင် အဖွဲ့အစည်းတွေက ဟောပြော စည်းရုံးပြီးတော့ မှ ပြန်လည်ပြီးတော့ နေရာချ ထားပေးမယ် ဆိုရင်တော့ ရနိုင်တဲ့အနေအထားမျိုး ရှိတယ်လို့ ကျနော်တို့ကတော့ အဲ့လိုပဲမြင်တယ်ခင်ဗျ။”
ဒေသခံတွေ ဒီလို မပြန်ရဲတဲ့ အဓိကအချက်ကတော့ KIO နဲ့ မြန်မာ အစိုးရအကြား ဆွေးနွေးနေ တာတွေဟာ တိကျတဲ့ အဖြေတခုခု မရသေးတာလည်း တကြောင်း ဖြစ်တယ်လို့ ဒေသခံတွေ က ပြောပါတယ်။ KIO အဖွဲ့နဲ့ အစိုးရငြိမ်းချမ်းရေးကိုယ်စားလှယ်တွေဟာလည်း ဒီလ မကုန်မီ ဆွေးနွေးဖို့ ရှိနေပြီး ဘယ်နေ့၊ ဘယ်နေရာမှာ ဆွေးနွေးမယ်ဆိုတာကိုတော့ ညှိနှိုင်းနေ ဆဲဖြစ်ပါတယ်။
မနေ့ကတော့ မြန်မာအစိုးရရဲ့ ငြိမ်းချမ်းရေး ကိုယ်စားလှယ်အဖွဲ့ဟာ KIO အပါအဝင် တိုင်းရင်းသား လက်နက်ကိုင် ၁၁ဖွဲ့ နဲ့ ဖွဲ့စည်းထားတဲ့ UNFC ခေါ် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ နဲ့လည်း ထာဝရ ငြိမ်းချမ်းရေး ရရှိဖို့အတွက် ချင်းမိုင်းမြို့မှာ တွေ့ဆုံဆွေးနွေး ခဲ့ပါတယ်။ ဒီလို မဆွေးနွေးမှီနဲ့ ဆွေးနွေးတဲ့ နေ့ရက်တွေမှာတော့ UNFC မှာ ပါဝင်တဲ့ ရှမ်းပြည် တိုးတက်ရေးပါတီ SSPP/SSA မြောက်ပိုင်းနဲ့ အစိုးရတပ်ဖွဲ့အကြားမှာ အနည်းဆုံး တိုက်ပွဲ နှစ်ကြိမ်ဖြစ်ခဲ့ပါတယ်။ ဒီကနေ့ အခြေအနေကိုတော့ SSA မြောက်ပိုင်း ရဲ့ ပြောရေးဆိုခွင့် ရှိသူ ဗိုလ်မှူးစိုင်းလက အခုလိုပြောပါတယ်။
“မနေ့က ဆယ်နာရီခွဲ စပစ်တယ်လေ။ စပစ်ပြီးတော့ ညနေပိုင်းအထိတော့ သူတို့ လက်နက်ကြီးနဲ့ အဝေးကနေ ပစ်တယ်။ အခုက ကျနော်တို့ ရှိနေတဲ့နေရာကို သူတို့ တက်ဖို့ ကြိုးစားနေတုန်းပေါ့ နော့်။ သူတို့တက်လာရင်တော့ ပစ်မယ်လေ။”
ဒီတိုက်ခိုက်မှုတွေ အတွင်းမှာတော့ တန့်ယန်းမြို့နယ်အတွင်းက လားဟူ ၁၀ ရွာလောက်ဟာ တန့်ယန်းမြို့နယ် မိုင်တောင်ရွာကို ထွက်ပြေး တိမ်းရှောင်နေရတယ် လို့ ဒေသခံတွေက ပြော ပါတယ်။
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် သောမတ်စ်အိုဟေး ကင်တာနားဟာ မြန်မာနိုင်ငံကို ငါးရက်ကြာ လာရောက်ပြီးတဲ့နောက် ဂျနီဗာမြို့ ကုလသမဂ္ဂ လူ့အခွင့်အရေးကော်မရှင်ရုံးကနေ ထုတ်ပြန်လိုက်တဲ့ ဗုဒ္ဓဟူးနေ့ ကကြေညာချက်ထဲမှာတော့ လုံခြုံရေးပြဿနာဟာ အကူအညီပေးရေးလုပ်ငန်းတွေအတွက် စိန်ခေါ်မှုတွေဖြစ်နေဆဲဘဲ လို့ ပြောဆိုထားပါတယ်။ တချိန်တည်းမှာပဲ ကချင်ပြည်နယ်အတွင်း စစ်တပ်ရဲ့လွှမ်းမိုးမှုတွေကြောင့် ပွင့်လင်းမြင်သာမှုတွေ အားနည်းပြီး လူ့အခွင့်အရေး ချိုးဖောက်မှုတွေလည်း ရှိနေဆဲဖြစ်တယ်လို့ ပြောဆိုထားပါတယ်။
Ref: ဗွီအိုအေ
Read More...
Collapse...
21.02.2013
ဒေသထဲမှာ စိုးရိမ်ပူပင်မှုတွေ ကြီးထွားစေခဲ့တဲ့ မြောက်ကိုရီးယားရဲ့ နောက်ဆုံး နျူကလီးယား စမ်းသပ်ချက် အပြီး မကြာခင်မှာပဲ တောင်ကိုရီးယားနိုင်ငံကလည်း အမေရိကန်နိုင်ငံ နဲ့အတူ ဒေသထဲမှာ နောက်လထဲမှာ ပူးတွဲ စစ်ရေးလေ့ကျင့်မှု အကြီးအကျယ် လုပ်ဆောင်မယ့် အစီအစဉ်ရှိတယ် ဆိုတဲ့ ကြေညာချက် ထွက်ပေါ်လာပါတယ်။ နှစ်နိုင်ငံ တပ်မတော် ပူးတွဲ ကြေ ညာတဲ့ ကြာသာပတေးနေ့ ထုတ် ကြေညာချက်ထဲမှာ နှစ်စဉ် ကျင်းပတဲ့ ပူးတွဲစစ်ရေးလေ့ကျင့်မှု ကို မတ် လ ၁ရက်နေ့ မှာ စမှာ ဖြစ်ပြီး Foal Eagle လို့ ခေါ်တဲ့ ၁လ ကြာ စစ်ရေး လေ့ကျင့်မှု က ကြည်း၊ ရေ၊ လေတပ်ဖွဲ့ လေ့ကျင့်မှုတွေ ပါမယ်လို့ ဖော်ပြထား ပါတယ်။
တောင်ကိုးရီးယား နိုင်ငံမှာ မြောက်ကိုးရီးယား ခေါင်းဆောင် ကင်ဂျုံအမ်း နဲ့ သူ့အစိုးရအဖွဲ့က နျူကလီးယား ဒုံးလက်နက် စမ်းသပ်ချက် နောက်ကွယ်က ပါဝင်သူတွေကို ဂုဏ်ပြုတဲ့ ဓါတ်ပုံကို မီးရှို့ခဲ့တဲ့နေ့နဲ့ တနေ့ထဲမှာပဲ အဲဒီကြေညာချက် ထွက်လာ တာဖြစ်ပါတယ်။ မြောက်ကိုးရီးယားက ဖေဖော်ဝါရီလ ၁၂ရက်နေ့ က တတိယအကြိမ်မြောက် စွမ်းအားမြင့် Nuclear လက်နက် စမ်းသပ်မှုကို လုပ်ခဲ့တာဖြစ်ပါတယ်။ လက်ရှိအခြေအနေမှာ ကမ္ဘာ့ ကုလသမဂ္ဂက မြောက်ကိုးရီးယားရဲ့ နျူကလီးယား ဒုံးလက်နက် စမ်းသပ်မှုတွေကို ဒဏ်ခတ် အရေးယူထားပါတယ်။ ဒီလို အရေးယူထားတဲ့ကြားက ဆက်ပြီး လုပ်နေတဲ့ မြောက်ကိုးရီးယား ရဲ့ နျူကလီးယား စမ်းသပ်မှု တွေလုံးဝ ရပ်တန့်သွားအောင် အရေးယူမှုတွေ တိုးချဲ့လုပ်ဆောင် ဖို့အတွက် ကုလ သမဂ္ဂက လတ်တလော နည်းလမ်းရှာ စဉ်းစားနေပါတယ်။
Ref: ဗွီအိုအေ
Read More...
Collapse...
အေးအေးမာ
21.02.2013
ထိုင်းနိုင်ငံ တွင်းမှာ ရှိတဲ့ မြန်မာ ဒုက္ခသည်တွေကို နေရပ်ရင်း ပြန်ပို့ရေး ဆောင်ရွက်နိုင်ဖို့ အတွက် မြန်မာ ဘက်က ကော်မတီ ဖွဲ့ထားတဲ့ အကြောင်းနဲ့ မြန်မာနိုင်ငံက ဒုက္ခသည်တွေ နေရပ် ရင်းပြန်ပို့ဖို့ ကိစ္စကို ထိုင်းနိုင်ငံ ဘက်ကလည်း လိုလားဆောင်ရွက်နေတဲ့ အကြောင်းတွေကို ထိုင်းနိုင်ငံ တက်ခ် ခရိုင်တွင်းက ခရိုင်ဝန်က မဲဆောက်မြို့မှာပြုလုပ်တဲ့ သတင်းစာ ရှင်းလင်းပွဲ တခုမှာ ပြောဆိုသွားပါတယ်။ ဆိုတော့ ထိုင်းမြန်မာ နယ်စပ်က မြန်မာ ဒုက္ခသည်တွေ၊ နေရပ်ရင်းပြန်ဖို့ နီးနေ ပါပြီလား၊ ဒီလိုပြန်သွားမယ် ဆိုရင်ရော ဒုက္ခသည်တွေ အတွက် လုံခြုံစိတ်ချမှုရှိပါ့မလားဆိုတာ ဆက်သွယ်စုံစမ်းထားတဲ့ မအေးမာက အကြောင်းစုံပြောပြပါမယ်။
ထိုင်းနိုင်ငံတွင်းမှာ ခိုလှုံနေတဲ့ မြန်မာဒုက္ခသည်တွေကို နေရပ်ရင်းပြန်ဖို့အတွက် လိုလားနေတဲ့ အကြောင်းကို ထိုင်းနိုင်ငံ တက်ခ်ခရိုင်ဝန် မစ္စတာ ဆူရိယ ပရာဆန်ဘန်ဒစ်က သတင်းထောက်တွေနဲ့ တွေဆုံချိန်မှာ အခုလိုပြောသွားတာပါ။
သူပြောသွားတာကတော့ ဒုက္ခသည်တွေ ပြန်လည်နေရာချထားဖို့ ၊ အဲဒီနေရာကို ဒုက္ခသည်ကိုယ်စားလှယ်တွေ အရင်သွားပြီး စစ်ဆေးနိုင်ဖို့ မြန်မာဘက် ကလည်း ကော်မတီ ဖွဲ့ထားတယ်လို့ ဆိုပါတယ်။ သူတို့ လေ့လာချက်တွေအရတော့ ဒုက္ခသည် ၃၀ ရာခိုင်နှုန်းကတော့ ကိုယ့်မြေ ကိုယ်ပြန်ချင်တယ်။ ၊ အများစုကတော့ တတိယနိုင်ငံ သွားချင်ကြတယ်။ တချို့က ထိုင်းမှာပဲ ဆက်နေချင်တယ်လို့ ဆိုပါတယ်။ ကျနော်တို့ဘက်က ကျပြန်တော့လည်း နိုင်ငံထဲကို တရားမဝင် ခိုးဝင်တဲ့ပြဿနာ ၊ တရားမဝင်အလုပ်ဝင်လုပ်တာ၊ စိုကိပျိုး ရေးဝင်လုပ်တာ ၊ သစ်ပင်တွေ ခိုးခုတ်ပြီး သစ်တောတွေ ဖျက်ဆီးနေတဲ့ ပြဿနာတွေ ဖြေရှင်းချင်တယ် ၊ ဒါကြောင့် သူတို့ကို ၊ ဒီ ၂ နှစ် ၃ နှစ်ထဲမှာ အမြန်ပြန်ပို့ချင်ပါတယ် ဆိုပြီး ပြောသွားတာပါ။
ဒုက္ခသည်တွေပြန်ပို့ရေးနဲ့ပတ်သက်လို့ မြန်မာဘက်က ကော်မတီဖွဲပြီးပြင်ဆင်နေပြီလို့ဆိုပေမဲ့ ကရင်ဒုက္ခသည်ကယ်ဆယ်ရေးကော်မတီ KRC ကတော့ သူတို့နဲ့ ဆက်စပ်ဆောင်ရွက်တဲ့ အဖွဲအစည်းတွေ မရှိသေးတဲ့အကြောင်း ပြောဆိုသလို ဒုက္ခသည်တွေ ပြန်ပို့ဖို့ အဆင်သင့် မဖြစ်သေးဘူးလို့ KRC ဥက္ကဌ ဦးရော်ဘတ်ထွေးက ဆိုပါတယ်။
“ ကျနော်တို့ ဒုက္ခသည်ကော်မတီအနေနဲ့ လုံးဝမသိသေးဘူးလေ အဲ့ဒီ့ကိစ္စနဲ့ ပတ်သက်တာနော်။ အခုလောလောဆယ် ကျနော်တို့ ဒုက္ခသည်ပြန်ပို့ဖို့က မသင့်တော်သေးဘူးပေါ့။”
အုန်းဖျန်ဒုက္ခသည်စခန်း ကော်မတီဥက္ကဌ စောဝါးထီးကတော့ ဒုက္ခသည်တွေပြန်ဖို့ အတွက် ငြိမ်းချမ်းရေး အခြေအနေက တည်ငြိမ်မူတွေ မရှိသေးဘူးလို့ ဆိုပါတယ်။
“ ဒုက္ခသည်ပြန်ရေးကတော့ ဘယ်အဖွဲ့အစည်းကမှ ဆက်သွယ်တာ မရှိဘူး။ ကျနော်ကတော့ ထိုင်းနိုင်ငံအစိုးရကိုသော်လည်းကောင်း၊ UNHCR အနေနဲ့သော်လည်းကောင်း၊ ကျနော်တို့ ဒုက္ခသည်များရဲ့ အမြင်ကို ပြောရမယ်ဆိုရင်တော့ အဆင်သင့်မဖြစ်သေးဘူးလို့ ပြောချင်တယ်။ ဒီနေ့လက်ရှိ မြန်မာပြည်တွင်း အခြေအနေဟာ ငြိမ်းချမ်းရေး ဆိုတဲ့ စကားဟာ ပြောတဲ့ သဘောလောက်ပဲရှိသေးတယ်။ အကောင်အထည်ဆိုတာ သက်သေပြလို့မရသေးဘူးလေ။ ငြိမ်းချမ်းရေးဆိုတဲ့စကားဟာ နူတ်ဖျားနဲ့ပဲ ဆွေးနွေးပြောဆိုတယ်ဆိုတော့ ကျန်တဲ့ လုပ်ငန်း ဆိုင်ရာ ၊ အခြားအထွေထွေ ကိစ္စတွေဟာ ဘာတစ်ခုမှ ပြောကြ၊ မဆွေးနွေးကြသေးဘူး။ ကျနော်တို့ ဘယ်လိုနည်းနဲ့မှ လက်ခံလို့မရသေးဘူးလေနော်။”
ထိုင်းနိုင်ငံတွင်းမှာ ဒုက္ခသည် တစ်သိန်းကျော်ရှိနေဆဲဖြစ်ပါတယ်။ မြန်မာနိုင်ငံတွင်းမှာတော့ အခြေအနေတည်ငြိမ်ရင် နေရပ်ရင်းကိုပြန်လိုတဲ့ ဒုက္ခသည်တွေရှိနေသလို တတိယနိုင်ငံကို ထွက်ခွါလိုတဲ့ ဒုက္ခသည်အရေအတွက်က ပိုများနေပါတယ်။ ပြီးခဲ့တဲ့လတွေတုန်းကတော့ ဒုက္ခသည်အများစုကို လက်ခံခေါ်ယူပေးမယ့် အမေရိကန်နို်င်ငံက ဒုက္ခသည်တွေကို ခေါ်ယူတဲ့ အစီအစဉ်ကို ရပ်နားတော့မယ်ဆိုတဲ့ သတင်းကြောင့်လည်း ဒုက္ခသည်တွေအနေနဲ့ စိုးရိမ်မူတွေ ရှိနေခဲ့တာပါ။
အခုအခါမှာတော့ နေရပ်ရင်းကိုပြန်ရမယ်ဆိုတဲ့သတင်းတွေကြောင့်လည်း အခြေတကျမဖြစ်မှာ စိုးရိမ်မူတွေ စားသောက်ရေး၊ အလုပ်အကိုင်ရှာဖွေရေး ဆိုတာတွေက ပြင်ဆင်မူတွေ မရှိဘဲ ပြန်ဖို့ကတော့ အခက်အခဲတွေရှိနိုင်တယ်လို့ ဒုက္ခသည်တွေဘက် ကတော့ ပြောဆိုကြပါတယ်။
Ref: ဗွီအိုအေ
Read More...
Collapse...
2013-02-21
အမေရိကန် လက်ထောက် နိုင်ငံခြားရေး ဝန်ကြီးနဲ့အတူ မြန်မာနိုင်ငံ ဆိုင်ရာ အမေရိကန်သံအမတ်ကြီး Derek Mitchell တို့ကို ဒေါ်အောင်ဆန်းစုကြည်က လွှတ်တော် အဆောက်အအုံ ၀င်းအတွင်းက တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ရုံးခန်းမှာ လက်ခံတွေ့ဆုံခဲ့တာဖြစ်ပါတယ်။
အမေရိကန် လက်ထောက် နိုင်ငံခြားရေးဝန်ကြီး Mr. Michael Posner ဟာ မြန်မာနိုင်ငံကို ၃ ရက်ကြာခရီးစဉ်အဖြစ် မနေ့က ရောက်ရှိလာခဲ့တာပါ။
သူ့ရဲ့ခရီးစဉ်အတွင်း အစိုးရအဖွဲ့ ခေါင်းဆောင်တွေ၊ ဘာသာရေး ခေါင်းဆောင်တွေ၊ လူမှုအဖွဲ့အစည်းတွေက လူ့အခွင့်အရေး လှုပ်ရှားသူတွေနဲ့ တွေ့ဆုံပြီး မြန်မာနိုင်ငံက လူ့ အခွင့် အရေး အခြေအနေတွေ အထူးသဖြင့် မြန်မာအစိုးရ ထုတ်ပြန်ကြေညာထားတဲ့ နိုင်ငံရေးအကျဉ်းသားကိစ္စ ဆောင်ရွက်နေမှုတွေ ၊ တိုင်းရင်းသားဒေသတွေက ဘာသာရေးလွတ် လပ်ခွင့်နဲ့ ပဋိပက္ခဖြစ်ပွားရာဒေသတွေက လူ့အခွင့်အရေး အခြေအနေတွေကို အဓိကထား လေ့လာဆွေးနွေးမယ်လို့ သိရပါတယ်။
ဒီအတောအတွင်းမှာဘဲ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့မနက်ပိုင်းက ကနေဒါနိုင်ငံက ရောက်ရှိနေတဲ့ ပါလီမန်အမတ်များအဖွဲ့နဲ့လည်း တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီ ရုံးခန်းမှာ တွေ့ဆုံခဲ့တယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-21
အဖွဲ့ဝင် ၃၀ ကျော်ပါဝင်တဲ့ ကိုနေမျိုးဇင်နဲ့အဖွဲ့ဟာ ဗန်းမော်မြို့ ကနေတဆင့် မနေ့ ညနေ ၅ နာရီလောက်မှာ လိုင်ဇာမြို့နဲ့ သိပ်မဝေးတော့တဲ့ လက်ဝါးယန်ရွာကို ရောက်ရှိခဲ့ကြ ပါတယ်။
ခရီးတလျောက် အတားအဆီးအခက်အခဲတွေ အများကြီး ကြုံတွေ့ခဲ့ရတယ်လို့ ကိုနေမျိုးဇင်က RFA ကို ပြောပါတယ်။
"ငါးနာရီလောက်မှာ ရောက်ပါတယ်၊ လမ်းကြောင်းတစ်လျှောက် မြို့သစ်တို့၊ မိုးမောက်တို့ အဖွဲ့တွေပေါင်းလိုက်တော့ အားလုံးပေါင်း ၄၀ လောက်က လိုင်ဇာမြို့နဲ့ ၁၈ မိုင်လောက်ဝေး တဲ့နေရာကိုရောက်တယ်၊ လိုင်ဇာဘက်ထွက်တဲ့ လမ်းမှာ ကျွန်တော်တို့ကိုပိတ်တယ်၊ ၂ နာရီ ၁၅ လောက်ရောက်တော့ ဗျူဟာမှူးကိုယ်တိုင်လာပြီးတော့ ကျွန်တော်ကိုပြောတယ် သွား ခွင့်ပြုတယ်ဆိုပြီးတော့ အဲဒါနဲ့ ကျွန်တော်တို့လဲ ချက်ချင်း ထထွက်လာတယ်"
လိုင်ဇာရောက်ရင် သူတို့အဖွဲ့ ဆက်လက်ဆောင်ရွက်မယ့် အစီအစဉ်တွေနဲ့ ပတ်သက်လို့ ကိုနေမျိုးဇင်က အခုလို ရှင်းပြပါတယ်။
"ကျွန်တော်တို့ပါလာတဲ့ ရန်ကုန်မြို့က အလှူရှင်တွေလှူလိုက်တဲ့ ဆေးတွေကို လှူဒါန်းပါမယ်၊ ဒုတိယအချက်ကတော့ ကွဲကွာနေတဲ့ မိသားစုတွေကို ပြန်လည်တွေ့ဆုံခွင့်ရဖို့ပါ၊ လိုင်ဇာက တာဝန်ရှိသူတွေ ခွင့်ပြုမယ်ဆိုရင် ငြိမ်းချမ်းရေး ကျောက်တိုင်တစ်ခုကို တည်ဆောက်ချင်ပါတယ်၊ ငြိမ်းချမ်းရေလမ်းလျှောက်တဲ့ အဖွဲ့တွေအားလုံး ဒီကိုလာမှာပါ"
ကိုနေမျိုးဇင်တို့ အဖွဲ့အပါအဝင် ကချင်ပြည်နယ် ငြိမ်းချမ်ရေး ရည်ရွယ်ချက်နဲ့ လမ်းလျှောက်နေကြတဲ့ အဖွဲ့ပေါင်း ၃ ဖွဲ့ရှိပါတယ်။
ပြီးခဲ့တဲ့ ဇန်နဝါရီလ ၂၁ ရက်နေ့က ရန်ကုန်ကနေထွက်ခဲ့တဲ့အဖွဲ့နဲ့ မြင်းခြံကနေ စတင်လမ်းလျှောက်ခဲ့တဲ့အဖွဲ့တွေဟာ စစ်ကိုင်းတိုင်းအတွင်း ရောက်ရှိနေပြီဖြစ်ပါတယ်။
Ref: အာရ်အဖ်အေ
Read More...
Collapse...
2013-02-21
မြန်မာနိုင်ငံမှာ ဆောင်ရွက်နေ တဲ့ ပြုပြင်ပြောင်းလဲမှုတွေကို ကြိုဆိုသော်ငြားလည်း၊ အဓိကဖြေရှင်း ရမယ့် လူ့အခွင့်အရေး ပြဿနာတွေ ကျန်ရှိနေသေးကြောင်း မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂ အထူးကိုယ်စားလှယ် Mr. Tomas Ojea Quintana က မနေ့က ပြောလိုက်ပါ တယ်။
မြန်မာနိုင်ငံမှာ ဒီမိုကရေစီ ပြုပြင်ပြောင်းလဲမှုတွေ ဆက်လက်ဖြစ်ထွန်းနေတာဟာ လူ့အခွင့်အရေးအခြေအနေ တိုးတက်ဖို့အတွက် ကောင်းမွန်တဲ့လက္ခဏာ ဖြစ်ပါတယ်၊ ဒါပေမဲ့ မတို့မထိ၊ မဖြေရှင်းရသေးတဲ့ လူ့အခွင့်အရေး ဖေါက်ဖျက်မှုတွေကလည်း ရှိနေဆဲပါ၊ အထူးသဖြင့် ကချင်ပြည်နယ်နဲ့ ရခိုင်ပြည်နယ်က တိုက်ပွဲတွေ၊ အကြမ်းဖက်မှုတွေကြောင့် အိုးအိမ်စွန့်ထွက်ပြေးခဲ့ကြသူ ဒုက္ခသည်တွေအရေးဟာ အထူးစိုးရိမ်စရာဖြစ်ပါတယ်လို့ မကြာခင်က မြန်မာနိုင်ငံကို ငါးရက်ကြာ လာရောက်ခဲ့တဲ့ Mr. Quintana ကပြောပါတယ်။
ကချင်ပြည်နယ်မှာ အစိုးရစစ်တပ်အင်အား တိုးပွားများပြားလာနေတာနဲ့အမျှ လူ့အခွင့်အရေး ချိုးဖေါက်မှုတွေလည်း ရှိနေဆဲဖြစ်ကြောင်း၊ ရခိုင်ပြည်နယ်မှာလည်း အကြမ်းဖက် ပဋိပက္ခတွေရဲ့ဒဏ်ကို ဗုဒ္ဓဘာသာနဲ့ မူဆလင် အသိုင်းအဝိုင်းနှစ်ရပ်လုံး ခံစားနေကြရဆဲဖြစ်ကြောင်း၊ မူဆလင်ဒုက္ခသည် စခန်းတချို့မှာ ကျန်းမာရေးစောင့်ရှောက်မှုအခြေအနေ ဆိုးရွားနေရတာဟာ ဝန်ထမ်းနဲ့ ဆေးဝါးတွေ မလုံလောက်လို့ မဟုတ်ပဲ သွားခွင့်မရအောင် နှောက်ယှက်ခြိမ်းခြောက်မှုတွေရှိနေလို့ ဖြစ်တယ်လို့သိရကြောင်း၊ အခုလိုလူမှုကူညီရေး ဝန်ထမ်းတွေကို အန္တရာယ်ပြုတာဟာ လက်ခံနိုင်စရာအပြုအမူ မဟုတ်ဘူးဆိုတာ အများသိရှိအောင် အာဏာပိုင်တွေ က ဆောင်ရွက်ကြစေလိုကြောင်းလည်း ပြောကြားခဲ့ပါတယ်။
ဒါ့အပြင် မြန်မာအာဏာပိုင်တွေအနေနဲ့ အမှန်တရားဖေါ်ထုတ်ရေး ကော်မရှင်တစ်ရပ်ဖွဲ့စည်းပြီး အမှန်တရား၊ တရားမျှတမှုနဲ့ တာဝန်ခံမှုဆိုင်ရာကိစ္စတွေကို ဖြေရှင်းဖို့၊ ဒါဟာ အမျိုးရင်ကြားစေ့ရေးအတွက် အလွန်အရေးကြီးသလို၊ နောင်မှာလူ့အခွင့်အရေး ချိုးဖါက်မှုတွေကို တားဆီးနိုင်မှာလည်းဖြစ်ကြောင်း Mr. Quintana က တိုက်တွန်းလိုက်ပါတယ်။
Ref: အာရ်အဖ်အေ
Read More...
Collapse...
2013-02-21
မြန်မာနိုင်ငံအတွင်းမှာ အတင်းအဓမ္မ လယ်ယာမြေ သိမ်းဆည်းတာတွေနဲ့ အဓမ္မ လုပ်အားပေးခိုင်းစေမှုတွေ ပပျောက်စေဖို့အတွက် တပ်မတော် အရာရှိကြီးတွေကို မြန်မာနိုင်ငံအခြေစိုက် နိုင်ငံတကာ အလုပ်သမားအဖွဲ့ချုပ် ILO က လာမယ့် မတ်လဆန်း မှာ ပထမဆုံးအကြိမ် သင်တန်းပေးဖို့ရှိတယ်လို့ စုံစမ်း သိရပါတယ်။
ဒီသင်တန်းကို ရှမ်းပြည်နယ်တောင်ပိုင်း ကလောမြို့က စစ်ဦးစီးတက္ကသိုလ်မှာ ပို့ချပေးမှာဖြစ်ပြီး ဒီသင်တန်းနဲ့ ပက်သက်ပြီး မြန်မာနိုင်ငံဆိုင်ရာ ILOရဲ့ စီမံချက်အရာရှိ ဦးချစ်တင်က RFA ကိုအခုလိုပြောပါတယ်။
"ဒီသင်တန်းက အင်မတန် အရေးကြီးတယ်၊ ဗိုလ်မှုးကြီးတွေ၊ ဒုတိယ ဗိုလ်မှုးကြီးတွေကို ပို့ချရတာဖြစ်ပါတယ်။ အဓိကတော့ စစ်မက်ဖြစ်ပွားတဲ့ ဒေသတွေမှာ ပေါ်တာအဖြစ်နဲ့ ခိုင်းစေမှု မရှိအောင်ရယ်၊ တပ်မတော်က တစ်ပိုင်တစ်နိုင် မြေယာသိမ်းပိုက်ပြီးရင် နောက်ဆုံးဖြစ်လာတော့ အဓမ္မလုပ်အားပေးခိုင်းစေမှု ဖြစ်လာတော့၊ အဓမ္မ လုပ်အားပေးခိုင်းစေမှုနဲ့ပဲ ဆိုင်ပါတယ်"
ဒီသင်တန်းဖွင့်လှစ်ဖို့ကို နိုင်ငံတကာ အလုပ်သမားအဖွဲ့ချုပ် (ILO) အနေနဲ့ အလုပ်သမား ဝန်ကြီးဌာန၊ ကာကွယ်ရေး ဝန်ကြီးဌာနတို့နဲ့ ညှိနှိုင်း ဆောင်ရွက်ခဲ့ရတဲ့ အပြင်၊ မြန်မာနိုင်ငံဆိုင်ရာ နိုင်ငံတကာ အလုပ်သမားအဖွဲ့ချုပ်ရဲ့ ဒုတိယ ဌာနေကိုယ်စားလှယ်က တပ်မတော်အရာရှိကြီးတွေကို နှစ်ရက်ကြာ ဆွေးနွေးပို့ချမှာ ဖြစ်တယ်လို့ သိရပါတယ်။
ယနေ့အချိန်ထိ နိုင်ငံတကာ အလုပ်သမားအဖွဲ့ချုပ် မြန်မာနိုင်ငံအနေနဲ့ အစိုးရစစ်တပ်အတွင်းက ကလေး စစ်သား ၆၄ ဦးကို မိသားစုထံ ပြန်ပို့ပြီးဖြစ်တယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-21
ဗြိတိန်နိုင်ငံ အစိုးရအဖွဲ့ဝန်ကြီး မစ္စတာ ဖရန်စစ်မော့ဒ် (Mr.Francis Maude) နဲ့အဖွဲ့က ၈၈မျိုးဆက်ကျောင်းသားများ အဖွဲ့က ကိုကိုကြီး၊ ကိုစိုးထွန်းတို့နဲ့ ဒီနေ့ မနက်က ရန်ကုန်မြို့၊ အလံပြဘုရားလမ်းရဲ့ ဗြိတိန် သံအမတ်ကြီးနေအိမ်မှာတွေ့ဆုံပြီး လက်ရှိမြန်မာနိုင်ငံ ရဲ့ နိုင်ငံရေး၊ စီးပွါးရေးအခြေအနေ တချို့ကို ဆွေးနွေး ခဲ့ကြပါတယ်။
ဒီကိစ္စနဲ့ ပတ်သက်လို့ ၈၈မျိုးဆက် ကျောင်းသားများ အဖွဲ့က ပြန်ကြားရေးတာဝန်ခံ ကိုအံ့ဘွယ်ကျော်က RFA ကို ခုလိုပြောပါတယ်။
"ဒီနေ့ တွေ့တာကတော့ အဓိကကတော့ မြန်မာနိုင်ငံမှာ စီးပွားရေးလုပ်ငန်းတွေ ဘယ်လိုဟာတွေက ကောင်းတယ်၊ ဥပမာ တယ်လီဖုန်းလုပ်ငန်းက အခြေအနေဘယ်လိုရှိတယ် ဆိုတာကို ဆွေးနွေးဖြစ်ပါတယ်"
မနေ့က နေ့လည်တုန်းကတော့ ၈၈မျိုးဆက် ကျောင်းသားများအဖွဲ့က ကိုကိုကြီးဟာ အမျိုးသားဒီမိုကရေစီအဖွဲ့ချုပ်၊ ရှမ်းအမျိုးသားဒီမိုကရေစီ အဖွဲ့ချုပ်၊ နိုင်ငံရေး အကျဉ်းသား ဟောင်း များအဖွဲ့နဲ့ နိုင်ငံရေးအကျဉ်းသားဟောင်းများ အဖွဲ့ ချုပ်တို့က ကိုယ်စားလှယ်တွေနဲ့အတူ ရန်ကုန်မြို့မှာ ရောက်နေတဲ့ အမေရိကန် ပြည်ထောင်စု၊ ဒီမိုကရေစီ၊ လူ့အခွင့် အရေးနှင့် အလုပ်သမားရေးရာ လက်ထောက် နိုင်ငံခြားရေးဝန်ကြီး Mr. Michael H. Posner ကို တွေ့ဆုံခဲ့ပါတယ်။
အဲဒီတွေ့ဆုံပွဲမှာ နိုင်ငံရေး အကျဉ်းသားဆိုင်ရာကိစ္စများ၊ လက်ကျန်နိုင်ငံရေးအကျဉ်းသား လွတ်မြောက်ရေးနဲ့၊ နိုင်ငံရေးအကျဉ်းသား အဓိပ္ပါယ်ဖွင့်ဆိုချက်၊ စတဲ့ကိစ္စတွေ ဆွေးနွေး ခဲ့တယ်လို့  သိရပါတယ်။
Ref: အာရ်အဖ်အေ
Read More...
Collapse...
2013-02-21
ဗိုလ်ကြီးဟောင်းနေမျိုးဇင် ဦးဆောင်တဲ့ မြန်မာ့လူမူဘဝ ဖွံ့ဖြိုးတိုးတက်ရေးကွန်ရက် နဲ့ ဒေသခံတွေ ဒီကနေ့ KIO ဌာနချုပ် ရှိရာ လိုင်ဇာမြို့ကို ရောက်ရှိသွားပြီး ကချင် ဒုက္ခသည်စခန်း တွေကို သွားရောက်ကြည့်ရူပြီး လိုအပ်တဲ့အကူအညီတွေ ပေးအပ်ခဲ့ပါတယ်။
အဖွဲ့ဝင် ၃၂ ဦးပါတဲ့ မြန်မာ့လူမူဘဝ ဖွံ့ဖြိုးတိုးတက်ရေး ကွန်ရက်နဲ့ ဒေသခံများကို ဖေဖေါ်ဝါရီလ ၁၉ ရက်နေ့က ဒေါဖုံးရန်ရွာကို ရောက်ရှိလာပြီးနောက် လိုင်ဇာမြို့ဘက်ကို ဆက်သွားဖို့ အစိုးရစစ်တပ်က သွားခွင့်မပြုခဲ့ပါဘူး၊ အဖွဲ့ဝင်တွေဟာ အဲ့ဒီရွာမှာ စခန်းချပြီး ဒေသခံပြည်သူတွေနဲ့ လူထုအစည်းအဝေး တခုပြုလုပ်ဖို့ အစီအစဉ်လုပ်တာကြောင့် ၂၀ ရက်နေ့မှာ စစ်တပ် က ရှေ့ဆက်သွားခွင့်ပြုခဲ့ပါတယ်။
ဒီအဖွဲ့ဟာ ဒီကနေ့မနက်ပိုင်းက လိ်ုင်ဇာမြို့ကို ရောက်ရှိပြီး ဒုက္ခသည် စခန်းတွေကို သွားရောက်ကြည့်ရူ အကူအညီပေးနေတယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-21
ပညာတော်သင်ဆုကို ဒီနှစ်အတွက် ၁၀ ယောက် ရွေးချယ် မှာဖြစ်ပြီး လျှောက်လို့ရနိုင်တဲ့ အခြေအနေနဲ့ ပတ်သက်လို့  အဲဒီတီမာဆတ် တက္ကသိုလ်မှာ ပါရဂူဘွဲ့အတွက် ပညာသင် ယူနေတဲ့ ကျောင်းသူတဦးက RFA ကို အခုလိုပြောပြပါတယ်။
“အာဆီယံ၁၀ နိုင်ငံက ဘယ်သူမဆိုပေါ့နော်၊ အကုန်လျှောက်ခွင့်ပေးတယ်၊ အဲဒါကျမက မြန်မာက ကျောင်းသားဆိုတော့ မြန်မာပြည် က ကျောင်းသားတွေအတွက် ဒါတွေကို လက်ဆင့်ကမ်းပေးပါပေါ့၊ ကျမတို့ဆရာက ပြောတယ်၊ ပေးမှာက ၁၀ ယောက်ဆိုတော့ တကယ်လို့ ဒီ့ပြင်နိုင်ငံတွေက မလျှောက်ပဲနဲ့ မြန်မာဖက်က များမယ်ဆိုရင်လည်း သူတို့ ၁ဝ ယောက်ပြည့်အောင်တော့ ရွေးမှာပေါ့နော်၊ ကျောင်းအပ်ခကို တက်တဲ့ကာလအထိ Graduate Program အကုန်လုံး အတွက်ပေါ့နော်။ ကျောင်းကတာဝန်ယူပေးမှာပါ”
ဒီနှစ်က ပထမဆုံးပေးမယ့် ပညာတော်သင်ဆုဖြစ်တဲ့အတွက် လျှောက်မယ့်ကျောင်းသားတွေအတွက် အရည်အချင်းသတ်မှတ်ချက် လျှော့ပေါ့ပေးထားတယ်လို့သိရပါတယ်။
သင်ကြားပေးမယ့် ဘာသာရပ်တွေကတော့ သဘာဝပတ်ဝန်းကျင်သိပ္ပံ၊ ကွန်ပျူတာသိပ္ပံ၊ အစားအသောက်နဲ့ နည်းပညာ၊ ဇီဝဗေဒ၊ သင်္ချာ၊ ကျေးလက်ဖွံ့ ဖြိုးရေးနည်းပညာ၊ စိုက်ပျိုးရေး၊ ဓာတုဗေဒ၊ သဘာဝနည်းကျ စိုက်ပျိုးရေးစီမံခန့်ခွဲမှု၊ အသုံးချစာရင်းအင်းဗေဒ တို့ဖြစ်ပါတယ်။
၂၀၁၅ ခုနှစ်မှာ EU ဥရောပသမဂ္ဂပုံစံ လူ့အဖွဲ့အစည်း တည်ထောင်ဖို့ စိုင်းပြင်းနေတဲ့ အာဆီယံ အသင်းရဲ့ စီမံချက်ကို အထောက်အကူဖြစ်ဖို့ ဒီပညာတော်သင်ဆု အစီအစဉ်ကို ယခုနှစ်ကနေ စတင်မှာဖြစ်တယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-02-21
ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က မစ္စတာ ဒင်စီနဲ့ ဒိန်းမတ်နိုင်ငံက မစ္စတာ မက်ကောနားတို့ ဦးဆောင်တဲ့ အဖွဲ့က ဆိပ်မူ (ဆိုင်းတောင်) ကျေးရွာက ကယ်ဆယ်ရေး စခန်းတွေမှာ လာရောက်ဖြန့်ဝေတာနဲ့ ပတ်သက်ပြီး ကယ်ဆယ်ရေး လုပ်ငန်း ဆောင်ရွက်နေတဲ့ ဒေသခံ တစ်ဦးက RFA ကို အခုလို ပြောပြပါတယ်။
“ကုလသမဂ္ဂ မဟာမင်းကြီးရုံး ကနေပြီးတော့မှ ထောက်ပံ့ရေးပစ္စည်းများ မနေ့က ရောက်လာပါတယ်၊ ၃ နာရီ ၁၉ မိနစ်မှာရောက်လာပြီးတော့ လူဦးရေကတော့ ကလေး၊ လူကြီး ၁၀၀၆ ယောက်ရှိပါတယ်၊ ကျနော်တို့ ဆိုင်းတောင်ကိုရော အားလုံးခြုံပြီးတော့မှ ၁၄၀၆ ယောက်စာ ဆန်အိပ်ပေါင်း ၂၅၇ အိတ်၊ ဆီကတော့ ၈၄ ဖာ၊ နောက် ပဲအိတ်များ၊ ဆားများ၊ အဟာရများကို လှူဒါန်းသွားပါတယ် ခင်ဗျ”
အဲဒီ လှူဒါန်းမှုတွေဟာ ဆိပ်မူ(ဆိုင်းတောင်)ကျေးရွာက ကယ်ဆယ်ရေးစခန်းတွေမှာ လာရောက်ခိုလှုံနေကြတဲ့ ဝှေခါ-မှော်သစ်ကုန်း၊ ဂျန်ဂါနဲ့ မှော်ဂဠုန်ကျေးရွာတွေဘက် စစ်ဘေး ဒုက္ခသည်တွေရဲ့ လူဦးရေအချိုးအစားနဲ့ဆိုရင် လိုအပ်ချက်ရှိနေဆဲပဲလို့ ဆက်လက် ပြောပါတယ်။
ဖားကန့် ကျောက်စိမ်းတွင်းဒေသက ကယ်ဆယ်ရေးစခန်းတွေမှာ စစ်ဘေး ဒုက္ခသည် ခုနှစ်ထောင် ဝန်းကျင်ရှိတယ်လို့ စုံစမ်း သိရပါတယ်။
Ref: အာရ်အဖ်အေ
Read More...
Collapse...
2013-02-21
ဒီကနေ့ ပြည်သူ့လွှတ်တော် အစည်းအဝေးမှာ ဥက္ကဌ သူရဦးရွှေမန်း က ယခုလိုပြောကြားခဲ့ပါတယ်။
"နိုင်ငံတော် ဖွဲ့စည်းပုံအခြေခံ ဥပဒေဆိုင်ရာ ခုံရုံးသည် တရားစီရင်ရေးဆိုင်ရာ အဖွဲ့အစည်း တစ်ခုဖြစ်တာကြောင့် ဥက္ကဌ ရာထူးရွေးချယ်မှုတွင် တရားစီရင်ရေးဆိုင်ရာ လုပ်ငန်းတွင် တာဝန်ထမ်းဆောင်ခဲ့သော တရားစီရင်ရေးဆိုင်ရာ အတွေ့အကြုံရှိသော ပုဂ္ဂိုလ်များအား ရွေးချယ်တာဝန်ပေးအပ် သင့်သည်ဟုယူဆပါသည်၊ သို့ပါသောကြောင့် ဥက္ကဌ ရာထူးတွင် အမည်စာရင်း ပေးပို့ထားသူများမှ ပြည်ထောင်စု တရားလွှတ်တော်ချုပ်တွင် ညွှန်ကြားရေးမှူးချုပ် တာဝန်ထမ်းဆောင်ခဲ့သော ဦးမြသိန်းအား တာဝန်ပေးအပ်ပါက ပိုမိုသင့်တော်မည်ဟု ယူဆပါတယ်"
အခု အဆိုပြုလိုက်တဲ့ ဦးမြသိန်းဟာ ပြည်သူ့လွှတ်တော် ဥက္ကဌက ခုံရုံးအဖွဲ့ဝင်အဖြစ် ရွေးချယ်ထားတဲ့ (၃)ဦးထဲက တစ်ဦးအပါအဝင် ဖြစ်ပါတယ်။
ဖွဲ့စည်းပုံ အခြေခံဥပဒေ ဆိုင်ရာခုံရုံး ဥက္ကဌ ရွေးချယ်ဖို့အတွက် သမ္မတဦးသိန်းစိန်နဲ့ လွှတ်တော် ဥက္ကဌ တွေကနေ ညှိနှိုင်းကာ ပြည်ထောင်စု လွှတ်တော်ရဲ့ အတည်ပြုချက်ကို ရယူပြီး ခန့်အပ် တာဝန်ပေးသွားမှာ ဖြစ်ပါတယ်။
ဒီကနေ့ အစည်းအဝေးမှာတော့ (၂၀၁၃)ခုနှစ် ပြည်သူ့ လွှတ်တော်ဆိုင်ရာ နည်းဥပဒေကို ဥပဒေကြမ်း ပူးပေါင်းကော်မတီရဲ့ ပြင်ဆင် အဆိုပြုချက်တွေအပြင် လွှတ်တော် ကိုယ်စားလှယ်တွေကနေ ဆွေးနွေးခဲ့ကြပါတယ်။
Ref: အာရ်အဖ်အေ
Read More...
Collapse...
2013-02-21
မြန်မာနိုင်ငံမှာ မူးယစ်ဆေးဝါး တိုက်ဖျက်ရေးလုပ်ငန်းတွေ ပြန်လည် ပူးပေါင်းဆောင်ရွက်ကြဖို့ မြန်မာနဲ့ အမေရိကန် အစိုးရတို့ နေပြည်တော် မှာ မနေ့က တွေ့ဆုံဆွေးနွေး သဘောတူညီခဲ့ကြ ပါတယ်။
၉ နှစ်ကြာလုပ်ငန်းတွေ ရပ်ဆိုင်းခဲ့အပြီး၊ ဒီနှစ်အစောပိုင်းမှာ ပြန်လည်စတင်ဖို့ မြန်မာနိုင်ငံဆိုင်ရာ အမေရိကန် သံအမတ်ကြီး Derek Mitchell နဲ့ မြန်မာအရာရှိတွေ သဘောတူညီ ခဲ့ကြတာပါ။
ဘိန်းထွက်ရှိနှုန်း စစ်တမ်းကောက်ခံရေးနဲ့ မူးယစ်ဆေးဝါး တိုက်ဖျက်ရေးသင်တန်းတွေကို နှစ်နိုင်ငံပူးတွဲကျင်းပရေး ဆွေးနွေးခဲ့ကြတယ်လို့ သိရပါတယ်။
ဒီဆွေးနွေးပွဲဟာ နှစ်နိုင်ငံဆက်ဆံရေးမှာ ရှေ့ကိုတစ်လှမ်းတိုးလိုက်တာဖြစ်လို့ အထူးကျေနပ်အားရမိကြောင်း အမေရိကန်သံအမတ်ကြီး Derek Mitchell ကပြောပါတယ်။
ရဲမှူးကြီး ဦးမြင့်သိန်းကလည်း အခုလိုပူးတွဲဆောင်ရွက်မှုကနေ ဘိန်းစိုက်ပျိုးမှု၊ ထွက်ရှိမှု ပမာဏတွေနဲ့ ပတ်သက်ပြီး ပိုပြီးတိကျတဲ့ အချက်အလက်တွေရမှာဖြစ်လို့ မူးယစ်ဆေးဝါး တိုက်ဖျက်ရေးအတွက် အရေးကြီးကြောင်း ပြောဆိုပါတယ်။
အမေရိကန်ပြည်ထောင်စုရဲ့ မြန်မာနိုင်ငံ မူးယစ်ဆေးဝါး တိုက်ဖျက်ရေး အကူအညီတွေဟာ ၁၉၈၈ ခုနှစ်ကစပြီး အကန့်အသတ်ရှိခဲ့ပါတယ်။
နှစ်နိုင်ငံ ပူးတွဲကောက်ခံခဲ့တဲ့ ဘိန်းအထွက်နှုန်း တိုင်းတာရေးလုပ်ငန်းကို ၂၀၀၄ ခုနှစ်က နောက်ဆုံးဆောင်ရွက်ခဲ့ပါတယ်။
ကုလသမဂ္ဂ စာရင်းဇယားတွေအရ ကမ္ဘာ့ဘိန်းအထွက်ပမာဏ စုစုပေါင်းရဲ့ ၂၅ ရာနှုန်းဟာ မြန်မာနိုင်ငံက ထွက်ရှိတာဖြစ်လို့ အာဖဂန်နစ္စတန်ပြီးရင် မြန်မာက ကမ္ဘာမှာ ဒုတိယ ဘိန်းအထွက်ဆုံးနိုင်ငံ ဖြစ်နေပါတယ်။
Ref: အာရ်အဖ်အေ
Read More...
Collapse...
2013-02-21
မြန်မာနိုင်ငံမှာ ပြဌာန်းမယ့် မီဒီယာဥပဒေနဲ့ ပတ်သက်ပြီး အမေရိကန် ပြည်ထောင်စု မှာ လေ့လာဖို့အတွက် မြန်မာပြည်က ကိုယ်စားလှယ်အဖွဲ့တဖွဲ့ ဝါရှင်တန်ဒီစီမြို့တော်ကို အခုရောက်ရှိနေပါတယ်။
မြန်မာပြည်ရဲ့ စာနယ်ဇင်းလောက ပြောင်းလဲမှုတွေကို အမေရိကန် စာနယ်ဇင်းသမားတွေက စိတ်ဝင်စားနေကြတယ်လို့ အဲဒီအဖွဲ့မှာ ပါဝင်သူတဦးဖြစ်တဲ့ မြန်မာ့ဓနမဂ္ဂဇင်း အယ်ဒီတာချုပ် စာရေးဆရာ သီဟစောက RFA ကို ပြောပါတယ်။
"အမေရိကန်ကနေ သိချင်တာက ကျွန်တော်တို့မှာက အပြောင်းအလဲကာလကို ဖြတ်သန်းနေတာဆိုတော့ ဥပမာ ဆင်ဆာကိစ္စတွေ ဘယ်လိုပြောင်းလဲသွားပြီလဲ၊ သတင်းလွတ် လပ်ခွင့်တွေ ဘယ်လိုဖြစ်လာပြီလဲ၊ ဘယ်လိုမျိုး စိန်ခေါ်မှုမျိုးတွေ ကျန်သေးလဲ၊ နောက်တစ်ခုက မီဒီယာလောမှာ မီဒီယာသမားတွေ ဘယ်လောက်ထိ ပါဝင်နိုင်ကြပြီလဲ၊ သူတို့က သတင်းလွတ်လပ်ခွင့်ကို အခြေခံဥပဒေ စကတည်းက ထည့်ထားပြီးသား၊ ကျွန်တော်တို့ဆီမှာလည်း ပုဒ်မ ၃၅၄ မှာပါတယ် တည်ဆဲဥပဒေများနဲ့ ပတ်သက်တဲ့ အခြေခံဥပဒေများပေါ့"
ရန်ကုန်မီဒီယာအဖွဲ့ (Yangon Media Group) ရဲ့ ဥက္ကဌ စာရေးဆရာ ကိုကို(စက်မှု) ကလည်း ဒီခရီးစဉ်ကနေ မြန်မာ့စာနယ်ဇင်းလောက လွတ်လပ်ခွင့် ပိုမိုရရှိရေးအတွက် အကြံဉာဏ်တွေ စိတ်ကူးတွေ ရရှိခဲ့တာကြောင့် အကျိုးရှိတဲ့ခရီးတစ်ခုပါပဲလို့ ပြောပါတယ်။
"သတင်းတွေကို လွတ်လပ်စွာ ရယူပိုင်ခွင့် ဥပဒေဆိုတာ အမေရိကန်ပြည်ထောင်စုမှာ တွေ့ပါတယ်၊ အဲ့လိုဟာမျိုးကလည်း ကျွန်တော်တို့ဆီမှာလည်း ပေါ်ထွန်းလာမယ်ဆိုရင် သတင်းလွတ်လပ်ခွင့်ကို ဥပဒေအရ အကာအကွယ်ပေးနိုင်လိမ့်မယ်လို့ ထင်ပါတယ်၊ ကျွန်တော်တို့က တိုက်ရိုက်ကြီး ကူးလို့တော့ မရနိုင်သေးပါဘူး၊ သို့သော် ကျွန်တော်တို့ဆီက အခြေအနေတွေနဲ့ ကိုက်ညီအောင် ဘယ်လောက်ထိ လုပ်နိုင်မယ်ဆိုတာ အကြံတွေရရှိမယ်လို့ မျှော်လင့်ပါတယ်"
အမေရိကန်အစိုးရ ဖိတ်ကြားချက်အရ ဖေဖေါ်ဝါရီလ ၁၇ ရက်နေ့က ရောက်ရှိလာခဲ့တဲ့ မြန်မာကိုယ်စားလှယ်အဖွဲ့မှာ မြန်မာနိုင်ငံ စာနယ်ဇင်းကောင်စီဝင်တွေဖြစ်ကြတဲ့ ဆရာ သီဟစော၊ ဆရာကိုကိုတို့နဲ့ အတူ ပြန်ကြားရေးနဲ့ ပြည်သူ့ဆက်ဆံရေး ဦးစီးဌာန ဒုတိယ ညွှန်ကြားရေမှူးချုပ် ဒေါက်တာ ဒေါ်သီတာတင်နဲ့ ပြည်ထောင်စု ရှေ့နေချုပ်ရုံး ဒုတိယ ညွှန်ကြားရေးမှူးချုပ် ဦးဝင်းမြင့်တို့လည်း ပါဝင်ပြီး အမေရိကန်ပြည်ထောင်စုမှာ ၂ ပတ်ကြာ နေထိုင် လေ့လာကြမှာ ဖြစ်ပါတယ်။
Ref: အာရ်အဖ်အေ
Read More...
Collapse...
ငြိမ်းပြည့်စုံ
February 21, 2013
လာမည့် နွေရာသီတွင် နိုင်ငံတဝန်း လျှပ်စစ်ဓာတ်အား လိုအပ်ချက်သည် ၂၀၆၀ မဂ္ဂါဝပ်အထိ ရှိမည် ဖြစ်သော်လည်း လက်ရှိ လျှပ်စစ် ဓာတ်အားထုတ်လုပ်နိုင်မှုမှာ မေလအထိ ၁၅၅၀ မဂ္ဂါဝပ်ခန့်သာရှိကြောင်း လျှပ်စစ်စွမ်းအား ဝန်ကြီးဌာန ပြည်ထောင်စု ဝန်ကြီး ဦးခင်မောင်စိုးက ပြောလိုက်သည်။
၁၉ ရက်နေ့က ကျင်းပသော ပထမအကြိမ် ပြည်ထောင်စု လွှတ်တော် ဆဌမ ပုံမှန် အစည်းအဝေးတွင် ၎င်းက အထက်ပါအတိုင်း ပြောဆိုသွားခြင်း ဖြစ်သည်။
လတ်တလော နွေရာသီ အဝင် ကာလတွင်ပင် ရန်ကုန်မြို့လယ်ရှိ မြို့နယ်တချို့တွင် လျှပ်စစ်မီး ပုံမှန် ရရှိသော်လည်း မြို့စွန်ပိုင်းရှိ မြို့နယ် အများစု၌ လျှပ်စစ်မီး မကြာခဏ ပြတ် တောက်လျှက်ရှိကြောင်း၊ လျှပ်စစ်မီး ဖြတ်တောက်မည်ကို ပြည်သူများထံ ကြိုတင် အသိပေးထားခြင်း မရှိသောကြောင့် အခက်အခဲများနှင့် ကြုံနေရကြောင်း ဒေသခံများ၏ အဆိုအရ သိရသည်။
“မီးဖြတ်မယ့် အချိန်ကို ကြိုမပြောဘဲ ဖြတ်ချင်သလို ဖြတ်နေတော့ ကျနော်တို့လို တပိုင်တနိုင် စီးပွားရေး လုပ်ငန်း လုပ်သူတွေ ဒုက္ခရောက်ရတယ်။ တကယ်လို့သာ ဘယ်အချိန်တွေ မီးဖြတ်မယ် ဆိုတာ သိရရင် ကိုယ်က ကြိုတင် ပြင်ထားလို့ ရတယ်လေ” ဟု ဒဂုံမြို့သစ် တောင်ပိုင်းမြို့နယ်ရှိ ကွန်ပျူတာ စာစီစာရိုက်လုပ်ငန်း လုပ်ကိုင်သူတဦးက ဆိုသည်။
လျှပ်စစ်မီး ပြတ်တောက်ခြင်းကို ရန်ကုန်မြို့စွန်နှင့် မြို့နယ်အများစုရှိ လျှပ်စစ် ဓာတ်အားပေးရေး ရုံးများမှ တာဝန်ရှိသူများက ဓာတ်အား မလုံလောက်သောကြောင့် မီးဖြတ်တောက် ရခြင်းသာ ဖြစ်သည်ဟု ပြောကြပြီး သန်လျင်မြို့နယ်ရှိ လျှပ်စစ် ဓာတ်အားပေးရေး အဖွဲ့ကမူ သန်လျင်မြို့နယ်အတွင်း ဒီဂျစ်တယ် မီတာများ ပြောင်းလဲ တပ်ဆင်နေခြင်းကြောင့် ယခု ကဲ့သို့ မီးပြတ်ရခြင်း ဖြစ်သည်ဟု ဧရာဝတီကို ပြောသည်။
“ဒီဂျစ်တယ် မီတာ ပြောင်းတပ်နေလို့ မီးပြတ်တယ်လို့ ပြောတဲ့ အချိန်က တနေကုန်ပြတ်တာ။ အခုလည်း ဒီဂျစ်တယ်မီတာ တပ်နေလို့ ပြတ်တယ် ပြောပြန်ပြီ၊ ဒါပေမယ့် အခုက ညပိုင်း တွေ ပိုဖြတ်တာ များတယ်။ မီးက အခုလို ပြတ်ချင်တဲ့ အချိန်ပြတ်နေတော့ အိမ်ရှင်မတွေ အတွက်လည်း ဒုက္ခရောက်ရတယ်။ မီးပြတ်မယ့် အချိန်ကို ကြိုမသိတော့ ရေတင်လျက် တန်းလန်းတို့၊ ထမင်း၊ ဟင်း ချက်ရင် တန်းလန်းတို့ ဖြစ်ကုန်ရော” ဟု သန်လျင်မြို့နယ်တွင် နေထိုင်သူ အမျိုးသမီး တဦးက ဆိုသည်။
ထို့အပြင် နိုင်ငံပိုင် စက်ရုံများ၊ တပ်မတော် စက်ရုံများ၊ စက်မှု လုပ်ငန်းများကို ညနေ ၅ နာရီမှ ည ၁၁ နာရီအထိ မီးဖြတ်မည်ဟု ကြေညာ ထားသော်လည်း လက်တွေ့တွင်မူ ထိုသို့ မဟုတ်ဘဲ နေခင်း မီးပေးရမည့် အချိန်များ၊ မနက်ခင်း များတွင်လည်း မီးပြတ်မှုများနှင့် ကြုံတွေ့နေရကြောင်း သိရသည်။
“မီးက ပြတ်ချင်တဲ့အချိန် ပြတ်နေတဲ့အတွက် မီးစက်တွေ သုံးရတယ်။ ဒီတော့ မလိုအပ်တဲ့ အပိုကုန်ကျငွေက ထွက်လာရော။ ဒါ့အပြင် မီးပြတ်တဲ့ အချိန်မှာ လုပ်လက်စ အလုပ်တွေက ဂျမ်းဖြစ်ကုန်တာပေါ့” ဟု ဒဂုံမြို့သစ် တောင်ပိုင်းမြို့နယ် စက်မှုဇုန် (၃) တွင် စီးပွားရေး လုပ်ငန်း လုပ်ကိုင်နေသူ လုပ်ငန်းရှင် ဦးတင်အောင်လှိုင်က ဆိုသည်။
လျှပ်စစ်မီး ပြတ်တောက်ရခြင်းသည် လျှပ်စစ်ဓာတ်အား မလုံလောက်မှုများကြောင့် ဖြစ်ကြောင်း သက်ဆိုင်ရာ ရန်ကုန်မြို့တော် လျှပ်စစ်ဓာတ်အားပေးရေး အဖွဲ့မှ တာဝန်ရှိသူများက ပြောသည်။
လျှပ်စစ်ဓာတ်အား မလုံလောက်မှုကြောင့် ရေအားလျှပ်စစ်အတွက် ရေများကို စုဆောင်းနေရကာ အတတ်နိုင်ဆုံး ညဥ့်နက်ပိုင်း များတွင်သာ အများဆုံး မီးဖြတ်နေရခြင်းဖြစ်ကြောင်း သာကေတမြို့နယ်ရှိ လျှပ်စစ်ဓာတ်အားပေးရေး အဖွဲ့မှ သိရသည်။
“မီးပြတ်တာက ဓာတ်အားခွဲ ရုံကနေ ဓာတ်အားမနိုင်လို့ ဖြစ်တာပါ။ ဒီအတွက် ပြည်သူတွေကို အတိအကျ အကြောင်းကြား ထားတာတော့ မရှိဘူး။ ကျနော်တို့ သိတာက အထက်က မီးဖြတ်ဖို့ အမိန့်ပေးရင် ဖြတ်မယ်၊ စက်တွေပျက်ရင် ပြင်မယ်၊ လိုအပ်တာတွေကို လုပ်ပေးမယ်ဆိုတာပဲ သိပါတယ်” ဟု တာမွေမြို့နယ်ရှိ လျှပ်စစ်ဓာတ်အားပေးရေးအဖွဲ့မှ တာဝန်ရှိသူ တဦးက ဆိုသည်။
လျှပ်စစ်ဓာတ်အား မလုံလောက်မှုကြောင့် ယခုလတ်တလော ကာလတွင် မီးဖြတ်တောက်မှုများ ပြုလုပ်နေရသော်လည်း နွေရာသီအတွက် မီးစက်များ၊ ဂတ်စ်တာဘိုင်များဖြင့် လျှပ်စစ်မီး လုံလောက်စွာ ရရှိနိုင်စေရန် မိမိတို့ အနေဖြင့် ကြိုးစား ဆောင်ရွက်နေကြောင်း သင်္ဃန်းကျွန်းမြို့နယ်ရှိ လျှပ်စစ်ဓာတ်အားပေးရေး အဖွဲ့မှ တာဝန်ရှိသူတဦးက ဆက်လက်ပြောသည်။
ဓာတ်အား မလုံလောက်မှုကြောင့် လျှပ်စစ်မီး ပြတ်တောက်ခြင်း များသည် ယခုအချိန်ကတည်းက ဖြစ်နေလျက် ရှိသောကြောင့် လာမည့် နွေရာသီ ကာလများတွင် ယခုကဲ့သို့ အခြေအနေ ဆိုးသည့် ဖြစ်ရပ်များနှင့် ကြုံတွေ့ရမည်ကို ပြည်သူအများစုက စိုးရိမ် နေကြသည်။
နွေရာသီတွင် လျှပ်စစ်မီး ဖြတ်တောက်မှု လျှော့ချနိုင်ရေးအတွက် နည်းလမ်းမျိုးစုံဖြင့် စီစဉ်ဆောင်ရွက်ထားကြောင်း၊ ထို့အပြင် ဖေဖဝါရီလ အထိ အချိန်ပြည့် လျှပ်စစ်မီး ပေးနိုင်ရန် ဆောင်ရွက်ထားကြောင်း၊ ရဲရွာ ရေအားလျှပ်စစ် ဓာတ်အားပေး စက်ရုံနှင့် ပေါင်းလောင်း ဓာတ်အားပေး စက်ရုံတို့ကိုလည်း နွေရာသီတွင် ရေမပြတ်စေရန် ရေကို ထိန်း၍ ဆောင်ရွက် နေကြောင်း လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးခင်မောင်စိုး၏ ပြောကြားချက်အရ သိရသည်။
Ref: ဧရာဝတီ
Read More...
Collapse...
လင်းသန့်
February 21, 2013
ထိုင်း-မြန်မာ နယ်စပ်တလျှောက်ရှိ ဒုက္ခသည်များ ပြန်လည်ပို့ဆောင်ရေးအတွက် မြန်မာ အာဏာပိုင်များက ကော်မတီဖွဲ့၍ လက်ခံရန် စီစဉ်နေကြောင်း သတင်းရရှိသည်။
ထိုင်း အစိုးရတာဝန်ရှိသူများက နိုင်ငံတကာမှ အကူအညီပေးနေသည့် အဖွဲ့များဖြင့် ဒုက္ခသည်များ ပြန်လည်ပို့ဆောင်နိုင်ရေး စတင် ဆွေးနွေးနေကြောင်း သိရသည်။
ယမန်နေ့က ထိုင်း-မြန်မာ နယ်စပ် မဲဆောက်မြို့၌ ကျင်းပသော သတင်းစာ ရှင်းလင်းပွဲတွင် မြန်မာနိုင်ငံဘက်က ဒုက္ခသည် လက်ခံရေး ကော်မတီဖွဲ့စည်း စီစဉ်နေသည်ဟု တာ့ခ်ခရိုင် အုပ်ချုပ်ရေးမှူးက ပြောကြားကြောင်းလည်း ဘီဘီစီ သတင်း တပုဒ် တွင် ဖော်ပြထားသည်။
သို့သော် မြန်မာ ဒုက္ခသည်များ လက်ခံရေး ကော်မတီဖွဲ့စည်းမှုနှင့် ပတ်သက်၍ အသေးစိပ်ကိုမူ မသိရှိရသေးပေ။
ထိုင်းဘက်က မြန်မာဒုက္ခသည်များကို ပြန်ပို့ချင်နေကြောင်း၊ လတ်တလော အခြေအနေသည် ဒုက္ခသည်များ၏ လုံခြုံ စိတ်ချရသည့် ဘ၀ ရပ်တည်မှု အခြေအနေ မရှိသေးကြောင်း၊ ထိုင်းနိုင်ငံအခြေစိုက် ဒီမိုကရေစီနှင့် ဖွံ့ဖြိုးတိုးတက်ရေး ကွန်ရက် (NDD) မှ သုတေသန တာဝန်ခံ ဦးစိုင်းမြင့်သူ က ဧရာဝတီ ကို ပြောသည်။
“ဒီအခြေအနေမှာတော့ ဒုက္ခသည်တွေ ပြန်ဖို့ အဆင်သင့်ဖြစ်နေပြီဆိုတာ ကျနော်လက်မခံနိုင်ပါဘူး”ဟု သူက ဆိုသည်။
အထူးသဖြင့် တိုင်းရင်သား ဒေသများတွင် စစ်ပွဲများကြောင့် ထိုင်း နယ်မြေ၌ ဒုက္ခသည်များ ခိုလှုံနေရခြင်းဖြစ်ကြောင်း၊ ပြန် သွားမည့် ဒုက္ခသည်များအနေဖြင့် ဘ၀ လုံခြုံမှုရှိသော အနေအထားသို့ ရောက်ရန် ယခုကာလသည် အစကနဦးသာဖြစ်သေး ၍ ပြန်နိုင်သည့် အခြေအနေမရှိသေးကြောင်း ဦစိုင်းမြင့်သူက ဆက်ပြောသည်။
တာ့ခ်ခရိုင် အုပ်ချုပ်ရေးမှူးကလည်း ထိုကဲ့သို့ မြန်မာဒုက္ခသည်များ နေရပ်ရင်း ပြန်လည်ပို့ဆောင်ရန် အနည်းဆုံး အချိန် ၂ နှစ် မှ ၃ နှစ်အထိ ယူရမည်ဖြစ်ကြောင်း ပြောဆိုထားသည်။
“လောလောဆယ်ကတော့ မိုင်းမရှင်းသေးတဲ့ ဧရိယာတွေ၊ နောက် သေနတ်သံ မစဲသေးတဲ့ ဧရိယာတွေ ဒီလိုမျိုးတွေ ဖြစ်နေ တဲ့ အခါကျတော့ ဒုက္ခသည်တွေအနေနဲ့ သူတို့ဘ၀ လုံခြုံဖို့၊ စားဝတ်နေရေးပြေလည်ဖို့ရယ်၊ တဆက်တည်းပါ လာမယ့် ပညာရေး၊ ကျန်းမာရေး ကဏ္ဍတွေမှာ စောင့်ရှောက်မှု စနစ်စတာတွေအပေါ်မှာ အများကြီး မူတည်ပါတယ်”ဟု ဦးစိုင်းမြင့်သူ က ပြောဆိုသည်။
မြန်မာဒုက္ခသည်လက်ခံရေး ကော်မတီအနေဖြင့် နေရပ်ရင်းပြန်လည် အခြေချနေထိုင် လုပ်ကိုင်စားသောက်ရန် နေရာ နှင့် လယ်မြေ ၁၀ ဧက ချပေးရေး ပါဝင်သည်ဟု သိရကြောင်း တာ့ခ်ခရိုင် အုပ်ချုပ်ရေးမှူးက သတင်းထောက်များကို ပြောသည်။
ထို့အပြင် တတိယနိုင်ငံများသို့ သွားရောက်အခြေချလိုသူများကိုလည်း ထိုင်းနိုင်ငံဘက်က ဆက်လက်ဆောင် ရွက်ပေး သွားမည့် အစီအစဉ်ရှိကြောင်း၊ သို့သော် ထိုင်းနိုင်ငံတွင် နေထိုင်လိုသူများအတွက် လက်ခံပေးရန် အစီအစဉ် မရှိကြောင်း တာ့ခ် ခရိုင် အုပ်ချုပ်ရေးမှူးက ဆိုသည်။
အဆိုပါ ဒုက္ခသည်များက နိုင်ငံရေး၊ စစ်ဘေး၊ သဘာဝ ဘေးအန္တရာယ်များကြောင့် ထွက်ပြေး တိမ်းရှောင်လာသူများ ဖြစ်ပြီး နိုင်ငံရေး အရ ထွက်ပြေးလာကြသူများက မြန်မာနိုင်ငံကို မပြန်လိုတော့ဘဲ တတိယနိုင်ငံတခုခုတွင် အခြေချနေ ထိုင်လိုကြကြောင်း ဧရာဝတီကို ပြောသည်။
နို့ဖိုး ဒုက္ခသည်စခန်းမှ ဆရာတော် ဦးသူရိယက ဒုက္ခသည်များ နေရပ်ရင်ပြန်ရန်အတွက် နေစရာ မြေ၊ အိမ်၊ ရွာတို့ မရှိတော့ ကြောင်း၊ စစ်မှန်သည့် ငြိမ်းချမ်းရေး ဖော်ဆောင်မှု မရှိသေးဘဲ ဒုက္ခသည်များ လုံခြုံအေးချမ်းစွာနေရပ်ပြန်ရန် မဖြစ်နိုင်ကြောင်း မိန့်ကြားသည်။
“ဘုန်းဘုန်းကတော့ ပြောချင်တာက စစ်မှန်တဲ့ ငြိမ်းချမ်းရေး ရမှ ဒုက္ခသည်တွေအတွက် လုံခြုံစိတ်ချရမယ်လို့ ထင်တယ်။ အခုထိ ဘာအာမခံချက်မှ မရှိသေးဘူး”ဟု ဦးသူရိယက မိန့်ဆိုသည်။
အုန်းပြန့် ဒုက္ခသည်စခန်းက ကိုတရုတ်ကြီးကလည်း“အခု အစိုးရက ပြုပြင်ပြောင်းလဲရေး လုပ်နေတယ်ဆိုတဲ့ သတင်းတွေ ကြား ပါတယ်။ ဒါပေမယ့် ကျနော်တို့ မယုံကြည်ပါဘူး။ နိုင်ငံတကာကိုလည်း သူတို့ ပြောသမျှ မယုံကြည်ဖို့ ပြောချင်ပါတယ်။ ကျနော်တို့ကတော့ တတိယနိုင်ငံ တခုခုမှာပဲ သွားရောက် အခြေချ နေထိုင်ချင်ပါတော့တယ်”ဟု ဧရာဝတီကို ပြောသည်။
ဒုက္ခသည်များက မြန်မာနိုင်ငံပြန်သွားလိုသူ အလွန်နည်းပါးပြီး အများစုမှာ တတိယနိုင်ငံ တခုခုတွင်သာ အခြေချ နေထိုင်လိုကြ၍ တချို့ကလည်း ထိုင်းနိုင်ငံတွင် တရားဝင် နေထိုင်လိုသူ များလည်း ရှိကြောင်း သိရသည်။
ကရင်ဒုက္ခသည်ရေးရာ ကော်မတီမှ တာဝန်ရှိသူ တဦးဖြစ်သည့် ဦးရောဘတ်ထွေး ကလည်း“ကျနော် သိရသလောက်တော့ ဒီအချိန် မပြန်ရဲသေးဘူး၊ ဘာမှ ငြိမ်းငြိမ်းချမ်းချမ်း သေချာ မရှိသေးဘူးလေ”ဟု ဧရာဝတီကို ပြောသည်။
ထိုင်း-မြန်မာ နယ်စပ် တလျှောက်ရှိ ဒုက္ခသည် စခန်း ၉ ခုတွင် ဒုက္ခသည်ပေါင်း ၁ သိန်းခွဲခန့်ရှိရာ တတိယနိုင်ငံတွင် ခိုလှုံခွင့် လျှောက်ထားသူ ဒုက္ခသည် စုစုပေါင်း ၈၄၉၀၀ ကို မှတ်ပုံတင် စာရင်းသွင်းပြီးသော်လည်း ခန့်မှန်းခြေ ၆၂၀၀၀ ခန့်သည် ထိုင်းနိုင်ငံ ပြည်ထဲရေး ၀န်ကြီးဌာန၏ အတည်ပြုချက် မရသေး၍ မှတ်ပုံတင်စာရင်း မသွင်းရသေးကြောင်း ထိုင်း အခြေစိုက် ကုလ သမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) ၏ စာရင်းအရ သိရသည်။
ထိုင်း-မြန်မာနယ်စပ် ဒုက္ခသည်စခန်းများရှိ ဒုက္ခသည်များသည် လတ်တလော အခြေအနေအရလည်း အခက်အခဲများစွာနှင့် ကြုံတွေ့ နေကြရကြောင်း၊ တတိယနိုင်ငံ အခြေချရေး အပါအ၀င် စားဝတ်နေရေး၊ ပညာရေး၊ ကျန်းမာရေး၊ မိသားစု ပြန်လည် ပေါင်းစည်းရေး စသည့် ကဏ္ဍ များတွင် အခက်အခဲများ ရှိနေကြကြောင်း ဒုက္ခသည်များက ပြောသည်။
Ref: ဧရာဝတီ
Read More...
Collapse...
သာလွန်ဇောင်းထက်
February 21, 2013
ယခင် စစ်အစိုးရလက်ထက် လူ့အခွင့်အရေးချိုးဖောက်မှုများ၊ အာဏာအလွဲသုံးစားမှုများ အပါအ၀င် မတရားမှုများကို အမျိုးသားလွှတ်တော် ပြည်သူတို့၏ တိုင်ကြားစာနှင့် အသနား ခံစာဆိုင်ရာကော်မတီ ဥက္ကဋ္ဌ ဦးအောင်ငြိမ်းက ပြောသည်။
နေပြည်တော်ရှိ အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာဆိုင်ရာ ကော်မတီ ရုံးခန်း တွင် ယနေ့ ကျင်းပပြုလုပ်သော သတင်းစာရှင်းလင်းပွဲတွင် ဦးအောင်ငြိမ်း က ဧရာဝတီသတင်းဌာန၏ မေးမြန်းချက်ကို အထက်ပါအတိုင်း ပြောဆိုလိုက်ခြင်း ဖြစ်သည်။
ဧရာဝတီသတင်းဌာနက အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာဆိုင်ရာကော်မတီ အနေဖြင့် ယခင် ဗိုလ်ချုပ်မှူးကြီးသန်းရွှေ အစိုးရက ကျူးလွန်ခဲ့သော လူ့အခွင့်အရေး ချိုးဖောက်မှု၊ အာဏာ အလွဲသုံးစားပြုမှုများနှင့် ဥပဒေမဲ့လုပ်ဆောင်မှုများကို ခံစားခဲ့ရသော ပြည်သူများက တိုင်ကြားလာပါက အရေးယူ ဆောင်ရွက်ပေးရန် ရှိ၊ မရှိ မေးမြန်းရာ ဦးအောင်ငြိမ်းက ကော်မတီအနေဖြင့် ယခင်အစိုးရ၊ ယခုအစိုးရ မခွဲခြားဘဲ ပြည်သူတို့၏ တိုင်ကြားစာတိုင်းကို လက်ခံအရေးယူ ဆောင်ရွက်ပေးသွားမည်ဖြစ်ကြောင်း ပြန်လည်ဖြေကြားသည်။
“ယခင်အစိုးရလက်ထက်က အမှုတွေလည်း ကျနော်တို့ဆီတင်ပါတယ်။ တိုင်ပါတယ်။ တိုင်တဲ့အခါ ဥပဒေနဲ့အညီ ကော်မတီနဲ့ ညှိုနှိုင်းဆုံးဖြတ်ပြီးမှ ဥက္ကဋ္ဌဆီ တင်တယ်။ အရင်အစိုးရ လက်ထက်က အမှုဖြစ်သော်လည်း ကျနော်တို့ ကိုင်တွယ်ဖြေရှင်းပြီးတော့ အစိုးရအဖွဲ့ကို ဥပဒေနဲ့အညီ ဖြေရှင်းဆောင်ရွက်နိုင်အောင် ပေးပို့လျက် ရှိပါတယ်” ဟု ဦးအောင်ငြိမ်းက ဆိုသည်။
၂၀၀၈ ဖွဲ့စည်းပုံအခြေခံဥပဒေတွင် ယခင်အစိုးရ ဆောင်ရွက်ချက်များအပေါ် မူတည်ပြီး တရားစွဲဆိုခြင်း၊ အရေးယူခြင်း မရှိစေရ၊ နောက်ကြောင်းပြန် အာဏာ သက်ရောက်မှု မရှိစေရ ဟုပြဋ္ဌာန်းချက်ရှိသော်လည်း အဆိုပါပြဋ္ဌာန်းချက်သည် ပြည်သူများ၏ တိုင်ကြားစာများနှင့် ရောထွေးပတ်သက်ခြင်းမရှိဟု ဦးအောင်ငြိမ်းက ဆိုသည်။
“အခုက ပြည်သူတဦးချင်း တိုင်ကြားတာဖြစ်တဲ့အတွက် နောက်ကြောင်းပြန် အရေးယူမှု မရှိစေရဆိုတာနဲ့ မဆိုင်ဘူးလို့ ထင်ပါတယ်။ တိုင်ကြားစာတွေမှာ ယခင်အစိုးရလက်ထက်က တိုင်ကြားစာတွေ လည်းရပါတယ်။ အဲဒါတွေကိုပဲ ဖြေရှင်းနိုင်အောင် ပေးပို့လျက်ရှိပါတယ်။ နောက်ကြောင်းပြန် မရှိစေရဘူးဆိုတာက တိုင်ကြားတဲ့အမှုတွေနဲ့ မရောထွေးဘူးလို့ ထင်ပါတယ်” ဟု ဦးအောင်ငြိမ်းက ရှင်းပြပြီး လက်ခံရရှိသော ယခင် စစ်အစိုးရလက်ထက် တိုင်ကြားချက်များမှာ မြေသိမ်းမှုများဟု ပြောသည်။
၂၀၀၈ ခုနှစ် ဖွဲ့စည်းပုံ အခြေခံ ဥပဒေ အခန်း ၁၄ ကူးပြောင်းရေးကာလ ပြဋ္ဌာန်းချက် ပုဒ်မ ၄၄၅ မှာ အစိုးရသစ်အနေနဲ့ ယခင်အစိုးရ ထုတ်ပြန်ထားတဲ့ မူဝါဒ၊ လမ်းညွှန်မှု၊ ဥပဒေ၊ နည်းဥပဒေ၊ စည်းမျဉ်း၊ အမိန့်ပြန်တမ်း၊ ကြေညာချက်၊ ဆောင်ရွက်ချက်၊ တာဝန်တွေ၊ ရပိုင်ခွင့်များကို ဆက်ခံရမည်ဖြစ်ပြီး ယခင်အစိုးရအဖွဲ့၊ အဖွဲ့ဝင်တဦးဦး၏ တာဝန်အရ ဆောင်ရွက်ချက်များအပေါ် အကြောင်းပြု တရားစွဲဆိုခြင်း၊ အရေးယူခြင်းမရှိစေရဟု တရားဝင်ပြဋ္ဌာန်းထားသည်။
သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ်လည်းဖြစ် တရားလွှတ်တော်ရှေ့နေလည်းဖြစ်သူ ဦးသိန်းညွှန့်ကမူ စစ်အစိုးရလက်ထက် ဥပဒေချိုးဖောက်မှုများကို အရေးယူ ရန်မှာ ၂၀၀၈ ဖွဲ့စည်းပုံ အခြေခံဥပဒေအရ မဖြစ်နိုင်ကြောင်း၊ ဖွဲ့စည်းပုံ အခြေခံဥပဒေတွင် ယခင်အစိုးရ၏ လုပ်ဆောင်ချက်များအပေါ် တိကျစွာ ကာကွယ်ထားပေး ပြီးဖြစ်ကြောင်း ဧရာဝတီသို့ ပြောသည်။
“ဖွဲ့စည်းပုံအခြေခံဥပဒေ ပုဒ်မ ၄၅၅ မှာ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့၊ နိုင်ငံတော်အေးချမ်းသာယာရေး နဲ့ဖွံ့ဖြိုးရေးကောင်စီထုတ်ပြန်ထားတဲ့ အမိန့်၊ မူဝါဒ၊ လမ်းညွှန်မှု၊ ဥပဒေ၊ ကြေညာချက်တွေကို အခု သမ္မတ ဦးသိန်းစိန်အစိုးရက ဆက်ခံတယ်။ ဟိုတုန်းက န၀တ၊ နယကအဖွဲ့ဝင်တဦး၊ အစိုးရအဖွဲ့ဝင်တဦးရဲ့ ဆောင်ရွက်ချက်အပေါ် အကြောင်းပြုလို့ တရားစွဲလို့ အရေးမယူရဆိုပြီး အခြေခံဥပဒေပြဋ္ဌာန်းချက်က အတိအလင်းပါတယ်။ အခု ပြောဆိုနေတာတွေက အဲဒီအခြေခံဥပဒေကို ကျော်သွားနိုင်သလား ဆိုတာက ပြောတဲ့သူကို လေ့လာဖို့လိုတယ်။ ဒီပုဒ်မရှိနေတဲ့အတွက် အရင်အစိုးရရဲ့ ဥပဒေပြုကျင့်မှုတွေကို တိုင်ကြားနိုင်တယ်ဆိုတာက စကားအရာသာ ဖြစ်ချင်ဖြစ်မယ်၊ တကယ်လက်တွေ့ ဆောင်ရွက်ဖို့ မလွယ်ပါဘူး” ဟု ဦးသိန်းညွှန့်က ဆိုသည်။
အမျိုးသား ဒီမိုကရေစီ အဖွဲ့ချုပ်၏ တောင်ဥက္ကလာပမြို့နယ် ဗဟိုအလုပ်အမှုဆောင် ဒေါက်တာစောနိုင်ကမူ ယခင်အစိုးရလက်ထက် လူ့အခွင့်အရေးချိုးဖောက်မှုများ၊ ဥပဒေမဲ့ပြု ကျင့်မှုများကို အရေးယူနိုင်သည်ဆိုပါက လက်တွေ့လုပ်ဆောင်ပြသရန် လိုအပ်သည်ဟု ပြောသည်။
“တိုင်ကြားနိုင်တယ် ဆိုတာက အရေးယူမယ်လို့ ပြောတာမှ မဟုတ်တာ။ တိုင်လို့ရတယ်။ အရေးယူတာ မယူတာကတော့ သူမသိဘူးလို့ ဆိုတဲ့ပုံစံပေါ့။ တိုင်ရင် လက်ခံမယ်၊ အရေးယူ တာမျိုး လုပ်မယ်လို့မှ အတိအကျ ပြောမသွားတာ။ ပြီးစလွယ် ဖြေသွားတယ်လို့ပဲ မြင်တယ်” ဟု ဒေါက်တာစောနိုင်က ဆိုသည်။
ယခင် စစ်အစိုးရလက်ထက် လယ်သိမ်းမှုများနှင့် ပတ်သက်ပြီး တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင်က စစ်တပ်မှ သိမ်းဆည်းထားသည့် လယ် ယာမြေများ အနက် အသုံးပြုခြင်း မရှိသေးသည့် မြေယာများကို တောင်သူ လယ်သမားများသို့ ပြန်လည်ပေးအပ် သွားမည် ဟု ပြည်ထောင်စုနေ့ ညစာစားပွဲ အခမ်းအနားတွင် ပြော ဆိုသွားခဲ့ကြောင်း သိရပြီး ယင်းကိစ္စအပေါ် သမ္မတ ပြောရေးဆိုခွင့်ရ ပုဂ္ဂိုလ် ပြန်ကြားရေး ဒုဝန်ကြီး ဦးရဲထွဋ်က အတည်ပြုသော်လည်း သိမ်းဆည်းထားသည့် လယ်ယာမြေ များကို ပြန်ပေးအပ်နိုင်မည့် အချိန်ကို အတိအကျ မပြောနိုင်သေးကြောင်း ဧရာဝတီသို့ ပြောဆိုသည်။
အမျိုးသားလွှတ်တော် ပြည်သူတို့၏ တိုင်ကြားစာနှင့် အသနားခံစာဆိုင်ရာ ကော်မတီ သတင်းစာရှင်းလင်းပွဲတွင် ဦးအောင်ငြိမ်းက ကော်မတီဖွဲ့စည်းချိန်မှ စတင်ပြီး ပြည်သူတို့၏ တိုင်စာပေါင်းများစွာရရှိထားပြီး ပြည်ထောင်စုအစိုးရ၊ ၀န်ကြီးဌာနများနှင့် သက်ဆိုင်ရာ ပြည်နယ်/တိုင်းဒေသကြီး အစိုးရများထံ ပြန်လည်လွှဲပြောင်းပေးပို့ကြောင်း၊ ၂၀၁၁ ခုနှစ်တွင် ပြည်သူ့တိုင်ကြားစာ ၁၆၇ စောင်ကို သက်ဆိုင်ရာထံ လွှဲပြောင်းပေးအပ်ခဲ့ပြီး တိုင်စာ ၇၃ အပေါ်ကိုသာ သက်ဆိုင်ရာ စိစစ် အရေးယူ အကြောင်းပြန်လာကြောင်း၊ ၂၀၁၂ ခုနှစ်တွင် ပြည်သူ့တိုင်ကြားစာ ၃၆၀ ကို သက်ဆိုင်ရာထံ လွှဲပြောင်း ပေးပို့ခဲ့ပြီး ယင်းတိုင်စာများအနက်မှ အမှု ၃၃ ခုကို ပြန်ကြားပြီး ၃၂၇ မှု အပေါ် အကြောင်းပြန်ကြားချက် မရရှိဟု ရှင်းလင်း ပြောဆိုသည်။
တိုင်ကြားစာများအပေါ် အရေးယူဆောင်ရွက်မှု နည်းပါးရခြင်း၏ အကြောင်းအရင်းများတွင် လက်ရှိအချိန်အထိ အစိုးရ အုပ်ချုပ်ရေးယန္တရားသည် ယခင် အစိုးရခေတ်ကဲ့သို့ပင် အမူ အကျင့်များ ကျင့်သုံးနေမှုက အဓိက အချက်တချက်အဖြစ် သုံးသပ်တွေ့ရှိရကြောင်း၊ အဆင့်ဆင်သေ့ာ အုပ်ချုပ်ရေးပိုင်း တာဝန်ရှိသူများ၊ ၀န်ကြီးဌာနများမှ ၀န်ထမ်းများသည် သမ္မတ ဦးသိန်းစိန်၏ လမ်းညွှန်ထားသည့်အတိုင်း လိုက်နာဆောင်ရွက်မှု မရှိခြင်း၊ ခေတ်ပြောင်း စနစ်ပြောင်းနေသော်လည်း ယင်းတို့၏ စိတ်ဓာတ်၊ လုပ်ရပ်များ၊ လုပ်ကိုင်ဆောင်ရွက် မှုများ မပြောင်းလဲကြဘဲ ယခင်အတိုင်း ဆောင်ရွက်နေသည်ကို စိစစ်တွေ့ရှိရသည်ဟု ကော်မတီ၏ ထုတ်ပြန်ချက်တွင် ဖော်ပြထားသည်။
Ref: ဧရာဝတီ
Read More...
Collapse...
မေစစ်ပိုင်
February 21, 2013
စီမံကိန်းများ အတွက် အသုံးပြုရန် ဟု ဆိုကာ တပ်မတော်က သိမ်းဆည်းထားသည့် လယ်ယာမြေ များကို တောင်သူ လယ်သမားများ သို့ ပြန်ပေးနိုင်ရန် စီစဉ်နေသော်လည်း ပြန်ပေးအပ်နိုင်မည့် အချိန်ကို အတိအကျ မပြောနိုင်သေးကြောင်း သမ္မတ ပြောရေးဆိုခွင့်ရ ပုဂ္ဂိုလ် ပြန်ကြားရေး ဒုဝန်ကြီး ဦးရဲထွဋ်က ဧရာဝတီသို့ ပြောသည်။
တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးမင်းအောင်လှိုင်က စစ်တပ်မှ သိမ်းဆည်းထားသည့် လယ်ယာမြေများ အနက် အသုံးပြုခြင်း မရှိသေးသည့် မြေယာများကို တောင်သူ လယ်သမားများသို့ ပြန်လည်ပေးအပ် သွားမည် ဟု ပြည်ထောင်စုနေ့ ညစာစားပွဲ အခမ်းအနားတွင် မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေး ပါတီ ဥက္ကဌ သို့ ပြောကြားခဲ့ရာ ယင်းကိစ္စ နောက်ဆက်တွဲ မည်သို့ ဆောင်ရွက်နေကြောင်း ဧရာဝတီက စုံစမ်းရာ ဦးရဲထွဋ်က “လက်တွေ့အသုံးပြုခြင်း မရှိဘူးဆိုတဲ့ မြေယာများကို ပြန်ပေး နိုင်ဖို့ အတွက် စိစစ်ပြိး ဆောင်ရွက်မယ်လို့ပဲ ကျနော် နားလည်ပါတယ်။ ဒါက ကိစ္စတစ်ခုချင်းကို စိစစ်ဆောင်ရွက်မှာဖြစ်လို့ ဘယ်အချိန်မှာ ပေးမယ်ဆိုတာ အတိအကျပြောဖို့ ခက်ပါတယ်” ဟု ဖြေကြားသည်။
စစ်တပ်က လယ်ယာမြေ သိမ်းဆည်းမှုများနှင့် ပတ်သက်ပြီး လွှတ်တော်ကိုယ်စားလှယ်များက အကြိမ်ကြိမ် တိုက်တွန်းခြင်း၊ နစ်နာရသည့် တောင်သူများက ပြည်သူ့လွှတ်တော်ရှိ လယ်ယာမြေနှင့် အခြားမြေများ သိမ်းဆည်းခံရမှု စုံစမ်းရေး ကော်မရှင်သို့ တိုင်ကြားလာခြင်းနှင့် မြေငှားရမ်း လုပ်ကိုင်မည့် နိုင်ငံခြားရင်းနှီးမြှုပ်နှံသူများက မြေပိုင်ခွင့်အငြင်းပွားမှု များကို ဖြေရှင်းရန် မြန်မာအစိုးရအပေါ် ဖိအားပေးလာကြခြင်းတို့ ဖြစ်ပေါ်လာရာ ဒုတိယဗိုလ်ချုပ်မှူးကြီး မင်းအောင်လှိုင်က တိုင်တန်းချက်များနှင့် အမှုတွဲများကို စာရင်းပြုစု တင်ပြရန်နှင့် တပ်မတော်မှ သိမ်းထားသော အသုံးမပြုသည့် မြေများ ပြန်ပေးရန်နှင့် စီမံကိန်း ဝင်နေသည့် လယ်မြေများအား လျော်ကြေးပေးသွားရန် ညွှန်ကြား ထားကြောင်း သိရသည်။
၂၀၁၂ ခုနှစ် မတ်လ ၃၀ ရက်က ပြဌာန်းခဲ့သော လယ်ယာမြေ ဥပဒေ အခန်း ၁၁၊ အပိုဒ် ၃၂ တွင်လည်း နိုင်ငံတော် အကျိုး ဖြစ်ထွန်း စေမည့် စီမံကိန်းများ အတွက် လယ်ယာမြေ သိမ်းယူရာတွင် အနည်းဆုံး လိုအပ်သော ပမာဏကိုသာ သိမ်းယူရမည်။ စီမံကိန်းအား သတ်မှတ်ကာလ အတွင်း အမြန်ဆုံး ပြီးစီးစေရန် အကောင်အထည် ဖော်ရမည်ဖြစ်ပြီး စီမံကိန်းများ ဆောင်ရွက်ခြင်း မပြုတော့ပါက မူလ လယ်ယာမြေ လုပ်ပိုင်ခွင့် ရရှိထားသော ပုဂ္ဂိုလ်၊ အဖွဲ့အစည်းထံ ပြန်လည် ပေးအပ်ရမည်ဟု ပါရှိသည်။
ထို့ကြောင့် တပ်က သိမ်းဆည်းထားသည့် လယ်မြေ အမှုများ အပြင် ကုမ္ပဏီများက သိမ်းဆည်း ထားခြင်း၊ ငွေကြေး တောင့်တင်းသူများက အာဏာပိုင်များနှင့်ပေါင်းက သိမ်းဆည်းခြင်း၊ အုပ်ချုပ်ရေးမှူးက သိမ်းဆည်းခြင်း စသည့် လယ်ယာမြေ အမှုများကိုပါ ထည့်သွင်း စဉ်းစားရန်လည်း လယ်သမားအရေး လှုပ်ရှားသူတို့က ပြောဆိုကြသည်။
“တပ်မတော်က သိမ်းပြီး အသုံး မလိုတဲ့ မြေတွေကို ပြန်ပေးမယ် ဆိုတာကို ကြိုဆိုတယ်။ ကျန်တဲ့ ဌာနတွေ ကလည်း ဒီအတိုင်း လိုက်လုပ်ပေးရင် ကောင်းတာပေါ့” ဟု တောင်သူလယ် သမားအသင်း တာဝန်ရှိသူ ဒေါက်တာစိုးထွန်းက ပြောသည်။
တောင်သူ လယ်သမားအသင်းက ရန်ကုန်၊ မန္တလေး၊ ပဲခူး၊ ဧရာဝတီနှင့် စစ်ကိုင်း တိုင်းဒေသကြီး တို့တွင် ကျေးရွာ အလိုက် လယ်သမား သမဂ္ဂ အဖွဲ့ငယ်များ ဖွဲ့စည်းထားကြောင်း၊ ကျေးရွာ တရွာစီတွင် လယ်ယာမြေ ပြဿနာ ပျမ်းမျှ အမှု ၅ မှု ရှိနေကြောင်း၊ လယ်ယာမြေ သိမ်းဆည်းခံရသည့် ပြဿနာများကို ဖြေရှင်းပေးနေရပြီး ၂၀၁၃ နှစ်ဦးပိုင်းမှာပင် တိုင်ကြားသူ ၃ ဦး ရှိကြောင်း သိရသည်။
လယ်သမား အများစုသည် ၎င်းတို့၏ ရပိုင်ခွင့်၊ ပြောဆိုပိုင်ခွင့် အခွင့်အရေးများကို နှစ်ပေါင်း အတန်ကြာ ဖိနှိပ်ခံလာရ ပြီးနောက် လက်ရှိအစိုးရသစ်၏ လွတ်လပ်စွာ ထုတ်ဖော်ပြောဆိုခွင့် လမ်းဖွင့် ပေးလိုက်သဖြင့် ပြဿနာများ လူအများသိအောင် ဖော်ထုတ်လာကြခြင်း ဖြစ်ကြောင်း၊ ဆန္ဒ ထုတ်ဖော်သူများကို ပြေလည်အောင် ဆောင်ရွက်ပေးမည် ဟု အာဏာ ပိုင်များက ပြောဆိုနေကြသော်လည်း ထိရောက်မှု မရှိသေးကြောင်း လယ်သမားအရေး လှုပ်ရှား ဆောင်ရွက်သူများက ပြောဆိုသည်။
“မြန်မာနိုင်ငံမှာ တရားဥပဒေ စိုးမိုးရေး အားနည်း နေတာကြောင့် လယ်ယာမြေ ပြဿနာတွေ အလုပ်သမား ပြဿနာတွေ အများကြီး ဖြစ်လာရတာ၊ လယ်ယာမြေ ဥပဒေကို တောင်သူ တွေက လက်ခံနိုင်တယ်။ ဒါပေမဲ့ တာဝန်ရှိသူတွေက ဥပဒေကို ကိုယ်တိုင် လေးစား လိုက်နာဖို့ လိုနေတယ်”ဟု ၈၈ မျိုးဆက်ကျောင်းသားများအဖွဲ့မှ လယ်သမားအရေး လှုပ်ရှားသူ မစုစုနွေးက ဆိုသည်။ “တကယ် လုပ်ဆောင်ကြဖို့ လိုတယ်။ ပြည်သူတွေကို နှစ်သိမ့်တဲ့ စကားတော့ မပြောပါနဲ့” ဟုလည်း ဆိုသည်။
လတ်တလော ဖြစ်ပေါ်နေသည့် ဇေကမ္ဘာ ကုမ္ပဏီနှင့် ရွှေနံ့သာ ကျေးရွာအုပ်စု တောင်သူ လယ်သမားများ၏ လယ်ယာမြေ အငြင်းပွားမှု ပြဿနာသည်လည်း လပေါင်းများစွာ ကြာမြင့် နေသည့် တိုင် အပြီးသတ် ဖြေရှင်းနိုင်ခြင်း မရှိသေးပေ။
ရန်ကုန် တိုင်းဒေသကြီး ဥက္ကံမြို့နယ် ကြံစိုက်ဧက ၃၀၀ ကျော်ကို ဦးပိုင် ကုမ္ပဏီ လီမိတက်က သိမ်းဆည်းထားသည့်အပေါ် တောင်သူများက မကျေနပ်သည့်အတွက် ဖေဖော်ဝါရီ ၂၂ ရက်တွင် ဆန္ဒထုတ်ဖော်ရန် ရှိကြောင်းလည်း သိရသည်။
Ref: ဧရာဝတီ
Read More...
Collapse...
သန်းထိုက်ဦး
February 21, 2013
ထိုင်း လုပ်ငန်းရှင် လင်းမယား ညှဉ်းပန်း နှိပ်စက်ခံထားရသည့် အသက် ၁၂ နှစ် အရွယ် ကရင် အမျိုးသမီးငယ်ကို ထိုင်း အစိုးရက ကုန်ကျစရိတ် တာဝန်ယူပြီး ဆေးဝါး ကုသပေးမည်ဟု သိရှိရသည်။
ကရင် အမျိုးသမီးငယ်နှင့် အတွက် ကုန်ကျငွေများကို ဆေးရုံမှ တာဝန်ရှိသူနှင့် ထိုင်း အစိုးရ ပူးပေါင်းပြီး ပုံမှန် အခြေအနေသို့ ပြန် ရောက်သည်အထိ တာဝန်ယူပေးမည်ဟု ထိုင်း အစိုးရ ၀န်ကြီးချုပ်ရုံး ပြောခွင့်ရ ပုဂ္ဂိုလ် ဒေါက်တာ Thossa porn Serirakက ပြော သည်။
ထို ကရင်အမျိုးသမီးငယ် ၏ ဒဏ်ရာများကို ယမန်နေ့က ဘန်ကောက်မြို့ Rama Thibodi ဆေးရုံမှ ဆရာဝန်ကြီးများက မိနစ် ၃၀ ခန့် စစ်ဆေးမှုများ ပြုလုပ်ပြီးနောက် သတင်းစာ လင်းရှင်းပွဲတွင် ဒေါက်တာ Thossa porn Serirak က သတင်းထောက်များကို ပြောကြားခြင်း ဖြစ်သည်။
“သတင်းတွေ ထုတ်လွှင့်နေကြတဲ့ အတိုင်းကလေးငယ် နှိပ်စက်ခံရတဲ့ ဒဏ်ရာတွေ တကိုယ်လုံးပဲ၊ ဒါကြောင့် ကလေးငယ် နဲ့ သက် ဆိုင်တဲ့ အာဏာပိုင်တွေကို အသိပေးပြီး ဆေးရုံကို ခေါ်လာတာ ဖြစ်တယ်၊ ဆေးဝါး ကုသစရိတ်တွေ အားလုံးကိုလည်း ပုံမှန် ပြန်ဖြစ် တဲ့ အထိ ဆေးရုံက တာဝန်ရှိသူတွေနဲ့ ပူးပေါင်းပြီးတော့ ဆောင်ရွက်ပေးမယ်”ဟုလည်း ဒေါက်တာ Thossa porn Serirakက ပြောဆိုသည်။
ကရင်အမျိုးသမီးငယ်၏ ခန္ဓာကိုယ် တခုလုံးတွင် အပူလောင် ဒဏ်ရာ အမာရွတ်များ ပြင်ထန်စွာရရှိ၍ အပူလောင် ဒဏ်ရာကြောင့် အရေးပြားများ ပျက်စီးပြီး လက်နှစ်ဘက်စလုံး လက်မောင်းရင်း အထိ အရေးပြားများ တွဲဆက်သွားကာ လက်မမြှောက်နိုင်သည် အထိ ဖြစ်နေကြောင်း ဆေးရုံမှ ဆရာဝန်ကြီးများက ပြောသည်။
“ဘယ်ဘက်လက်ကို အရင်ဆုံး ခွဲစိတ် ကုသရမယ်ဆိုရင် အနည်းဆုံး တပတ်လောက် အချိန်ယူရမယ်၊ ပုံမှန်ပြန် ဖြစ်အောင် အသားတွေ အစားထိုး ကုသရမှာ ဖြစ်တဲ့ အတွက် ခွဲစိတ် ကုသဖို့ အချိန်ကတော့ ၃-၄ နာရီ လောက်ကြာမယ်”ဟု အဆိုပါ ဆေးရုံမှ ဆရာဝန် တဦးက ပြောပြသည်။
ထိုင်းသတင်းများအရ လတ်တလော၌ ကရင်အမျိုးသမီးငယ်ကို ကန်ဖယ်ဖက်မြို့ရှိ မိခင်နှင့် ကလေးစောင့်ရှောက်ရေး ဂေဟာတွင် ပြန် လည် ပို့ဆောင် စောင့်ရှောက်ထားပြီး၎င်း၏ အမှုတွဲ ပြီးပါက ဆေးရုံသို့ ထပ်မံသွားရောက် ကုသရန် စီစဉ်ထားကြောင်း သိရ သည်။
အချိန်ယူပြီး ကုသပေးသွားမှာ ဖြစ်သလို ဆေးမကုသခင်မှာလည်း ကလေးငယ်၏ စိတ်ပုံမှန် ဖြစ်ရန် လိုအပ်ကြောင်းလည်း ဆေးရုံမှ တာဝန်ရှိသူက ပြောကြားသည်။
ကရင် အမျိုးသမီး ငယ်ကို အသက် ၃၅ နှစ် အရွယ် ထိုင်း အမျိုးသားနှင့် အသက် ၃၃ နှစ် အရွယ်ရှိ ထိုင်း အမျိုးသမီး လင်မယားက အိမ်တွင်း အခိုင်းအစေအဖြစ် ၅ နှစ်ကျော်ကြာ ပိတ်လှောင်ထားပြီး ခွေးလှောင်အိမ်အတွင်း ထည့်ထားခြင်း၊ ခန္ဓာကိုယ် အနှံ့ ရေနွေး ပူဖြင့် ပက်ခြင်း တို့ကို ပြုလုပ်၍ ညှဉ်းပန်း နှိပ်စက်ခဲ့ခြင်း ဖြစ်ကြောင်း သိရသည်။
လတ်တလောတွင် တရားရင်ဆိုင်ရမည် ဖြစ်သော ထိုင်းအလုပ်ရှင် လင်းမယားမှာ ထွက်ပြေးတိမ်းရှောင်နေပြီး ဖမ်းဆီးပေးသူအား ထိုင်း ဘတ်ငွေ တသိန်း ပေးမည် ဖြစ်ကြောင်း မကြာသေးခင် ရက်ပိုင်းအတွင်း ထိုင်း ရဲတပ်ဖွဲ့က ဆုငွေ ထုတ်ပြန်ထားသည်။
အဆိုပါ ထိုင်းလင်မယားသည် အာဏာပိုင်များက စစ်ဆေးမေးမြန်းရန် ပြီးခဲ့သည့် ဖေဖော်ဝါရီ ၁၈ ရက်နေ့က ချိန်းဆိုထားရာမှ ထွက်ပြေး တိမ်းရှောင်သွားခြင်း ဖြစ်သည်ဟု သိရသည်။
မြန်မာအစိုးရ အလုပ်သမား ဝန်ကြီးဌာနမှ ညွှန်ကြားရေးမှူး ဦးနိုင်ထွန်းကမူ“မြန်မာတွေနဲ့ ဖြစ်တဲ့ ကိစ္စမှန်သမျှမှာ ထိုင်းတွေက သွေးအေးအောင် လုပ်ပြီးတော့ မေ့မေ့ ပျောက်ပျောက် ဖြစ်အောင် လုပ်တာမျိုးတွေရှိတယ်”ဟု ဧရာဝတီ သို့ ပြောသည်။
ကရင်အမျိုးသမီးငယ်၏ အမှုနှင့် ပတ်သက်၍ တဖြည်းဖြည်း ပျောက်ကွယ်သွားမည်ကို စိုးရိမ်ကြောင်းလည်း ၎င်းက ဆိုသည်။
ထိုအလုပ်ရှင် လင်မယားကို အသက်မပြည့်သူအား အဓမ္မ ခိုင်းစေမှု၊ လူကုန် ကူးမှု၊ ညှဉ်းပန်း နှိပ်စက်မှုတို့ အပါအဝင် စွဲချက် ၇ချက် ဖြင့် ဖေဖော်ဝါရီလ ၆ ရက်နေ့က ဝရမ်းထုတ်ကာ ဖမ်းဆီးခဲ့သော်လည်း စွဲချက်များကို ငြင်းပယ်ထားပြီး သက်ဆိုင်ရာ ထိုင်း အာဏာ ပိုင်များက ဘတ်ငွေ ၇ သိန်း အာမခံဖြင့် လွှတ်ပေးခဲ့ကြောင်း သိရသည်။
Ref: ဧရာဝတီ
Read More...
Collapse...
ထက်နိုင်ဇော်
February 21, 2013
တောင်သူများ၏ ကြံစိုက်ဧက ၃၀၀ ခန့်ကို မြန်မာ့ စီးပွားရေး ဦးပိုင် လီမိတက်ပိုင် ဥက္ကံသကြားစက်က သိမ်းယူ ထားခြင်းကြောင့် တောင်သူများအား ပြန်လည် လွှဲပြောင်းပေးရန် တရားဝင် ဆန္ဒထုတ်ဖော် တောင်းဆိုသွားမည် ဖြစ်ကြောင်း သိရသည်။
ကြံစိုက် တောင်သူများ အနေဖြင့် ကြံစိုက်ဧကများ ပြန်လည်ရရှိရန် ဖေဖော်ဝါရီ ၂၂ ရက်နေ့တွင် တရားဝင် ဆန္ဒ ထုတ်ဖော် ကြမည် ဖြစ်ကြောင်း၊ ပြည်သူ့လွှတ်တော် လယ်ယာမြေနှင့် တခြားမြေများ သိမ်းဆည်းခံရခြင်း ကော်မရှင်သို့ တင်ပြသွားမည် ဖြစ်ကြောင်း အဆိုပါ ဆန္ဒထုတ်ဖော်ပွဲကို ဦးဆောင်မည့် တိုက်ကြီးမြို့နယ် တိုင်းရင်းသား စည်လုံးညီညွတ်ရေး ပါတီ ဥက္ကဋ္ဌ ဦးမြင့်သိန်းက ပြောသည်။
“သွားတောင်းရင် ပြန်ပေးမယ်ပြောတယ်၊ ပြီးရင် မပေးဘူး။ ၂၀၀၆ ခုနှစ်ကတည်းက အသိမ်းခံရတာ၊ အခု တောင်သူတွေက ကျနော့်ကို အကူအညီတောင်းလာလို့ တရားဝင် ဆန္ဒပြဖို့ စီစဉ်လိုက်တာပါ” ဟု ၎င်းက ဆိုသည်။
တောင်သူ ၆၀ ခန့်၏ ကြံစိုက်မြေဧကများ အသိမ်းခံထားရခြင်းဖြစ်ကြောင်း၊ ၎င်းမြေများသည် ဥက္ကံသကြားစက် မတည်ခင် ဘိုးဘွားများ လက်ထက်ကတည်းက စိုက်ပျိုးလုပ်ကိုင်ခဲ့သည့် မြေများဖြစ်ကြောင်း မြေအသိမ်းခံခဲ့ရသူ တဦးဖြစ်သည့် ရန်ကုန်တိုင်းဒေသကြီး ဥက္ကံမြို့နယ်မှ ကြံစိုက်တောင်သူ ဦးလှမြင့်က ပြောသည်။
အဆိုပါ ဆန္ဒထုတ်ဖော်ပွဲအတွက် ဥက္ကံမြို့နယ် ပန်းပင်ကုန်းကျေးရွာအုပ်စု ပေါက်ပင်တန်းရွာ ကုက္ကိုပင်ကြီးအောက်တွင် ဖေဖော်ဝါရီလ ၂၂ ရက်နေ့ နံနက် ၆ နာရီ၌ တောင်သူ ၁၀၀ ခန့် စတင်စုဝေးကြမည် ဖြစ်ပြီး နံနက် ၇ နာရီတွင် ၃ မိုင်ကျော်ခန့်ဝေးသော ဥက္ကံ သကြားစက်ရုံသို့ ငြိမ်းချမ်းစွာ စီတန်းလှည့်လည် လမ်းလျှောက်ကြမည် ဖြစ်ကြောင်း သိရသည်။
တောင်သူများသည် “ကြံစိုက်တောင်သူတွေရဲ့ ထမင်းလုပ်ကို မလုပါနဲ့၊ ဦးပိုင် သကြားစက်က သိမ်းထားတဲ့ ကြံစိုက်မြေတွေ ပြန်ပေး၊ ဦးပိုင်သကြားစက်နဲ့ ကြံစိုက်တောင်သူဆိုတာ စီးပွားဖက်ပါ၊ စီးဖွားဖက်ကို စီးပွားပျက်အောင် မလုပ်ပါနဲ့၊ ကြံစိုက် တောင်သူများ အရမ်းနစ်နာနေပြီ” စသည်ဖြင့် ကြွေးကြော်ကြမည် ဖြစ်သည်။
၂၀၀၂ ခုနှစ်က ဥက္ကံသကြားစက် ပေါ်ပေါက်လာပြီးနောက် သကြားစက် ပတ်ဝန်းကျင်ရှိ ပဲ၊ နှမ်းစိုက်ပျိုးသော တောင်သူများကို ကြံစိုက်ပျိုးကြရန် သကြားစက်ရုံ တာဝန်ရှိသူများက ညွှန်ကြားခဲ့ပြီး ကြံ မစိုက်ပျိုးသူများ၏ သီးနှံမြေများကို ၀င်ရောက်ဖျက်ဆီး ကာ သိမ်းယူသွားခဲ့ခြင်း ဖြစ်ကြောင်း ဦးမြင့်သိန်းက ရှင်းပြသည်။
ဦးပိုင်လီမိတက်၏ ဝန်ထမ်းတဦး ဖြစ်သူ ဥက္ကံသကြားစက် ဒုစက်ရုံမှူး ဦးကိုကိုမောင်ကမူ ဥက္ကံသကြားစက် အနေဖြင့် တောင်သူ များ၏ မြေကို သိမ်းယူထားခြင်းမရှိဘဲ ဥက္ကံ မြေစာရင်း ဋ္ဌာန၏ ခွင့်ပြုချက်ဖြင့် ဖုန်းဆိုး ပလပ်မြေဧက ၂၀၀ ကျော်တွင်သာ ကြံစိုက်ပျိုးခြင်း ဖြစ်ကြောင်း၊ မြေစာရင်းဋ္ဌာနက တောင်သူများ၏ မြေဖြစ်ကြောင်း အတည်ပြုလျှင် ပြန်လည်လွှဲပြောင်း ပေးမည် ဖြစ်ကြောင်း ပြောသည်။
“ကျနော်တို့က ဆွေးနွေးပြီးရင် ပြန်ပေးမှာပါ။ စိုက်ပျိုးပြီးသားမြေ ဖြစ်နေရင်တော့ ကာလတန်ဖိုးကို လယ်သမားဆီက ပြန်တောင်းမယ်၊ မြေလွတ်နေရင် ဒီအတိုင်းပဲ ပြန်ပေးလိုက်မယ်။ ကျနော်တို့ လိုချင်တာ မြေမဟုတ်ပါဘူး၊ ကြံပါ” ဟု ၎င်းက ဆိုသည်။
တောင်သူများ အနေဖြင့် ကြံစိုက်ပျိုးရန် စိတ်ဝင်စားမှု မရှိခြင်းမှာ သကြားစက်ရုံမှ ပေးချေသော ကြံဈေးနှုန်းနည်းသဖြင့် တောင်သူများအတွက် တွက်ချေမကိုက်ခြင်း၊ စိုက်ပျိုးထားသော ကြံများကို တောဆင်ရိုင်းများက အုပ်စုလိုက် ၀င်ရောက် ဖျက်ဆီးခြင်း တို့ကြောင့် ဖြစ်ကြောင်း သိရသည်။
ဥက္ကံ သကြားစက်မှ ၀င်ရောက် စိုက်ပျိုးလုပ်ကိုင်နေသော ကြံမြေဧကများ၏ မူလအမည်ပေါက် ပိုင်ရှင်မှာ တောင်သူများပင် ဖြစ်ကြောင်း ဥက္ကံမြို့နယ် အုပ်ချုပ်ရေးမှူး ဦးဇော်စိုးက ပြောသည်။
တပ်မတော် ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်က စစ်တပ်မှ သိမ်းဆည်းထားသည့် လယ်ယာမြေ များအနက် အသုံးပြုခြင်းမရှိသေးသည့် မြေများကို တောင်သူလယ်သမားများသို့ ပြန်လည်ပေးသွားမည်ဟု ပြည်ထောင်စုနေ့ ညစာစားပွဲ အခမ်းအနားတွင် မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီ ဥက္ကဋ္ဌသို့ ပြောကြားခဲ့ကြောင်း သိရသည်။
ဦးဇော်စိုးက “ဦးပိုင်ကို ကျနော် သွားဆွေးနွေးကြည့်တော့ ပြန်ပေးမယ်လို့ ပြောပါတယ်။ အခုလောလောဆယ် အမည်ပေါက်နေတာက တောင်သူတွေရဲ့ နာမည်နဲ့ပါ။ တောင်သူတွေ ကလည်း အခုကြံဈေးနဲ့ ကိုက်လာတော့ ပြန်စိုက်ချင်ကြတယ်။ကျနော်လည်း ဒီကိစ္စတွေကို သူတို့ ဆန္ဒထုတ်ဖော်ပွဲ လုပ်မယ်ဆိုမှ သိရတာ။ အခု သူတို့ တင်ပြထားတဲ့ ဧကတွေ မှန်မမှန် သိရအောင် မြေတိုင်းအဖွဲ့တွေ လွှတ်ထားတယ်” ဟု ဆိုသည်။
လယ်ယာမြေ ဥပဒေသစ်အရ အမှန်တကယ်စိုက်ပျိုးသူ လယ်သမားကိုသာ လယ် ပိုင်ဆိုင်ခွင့် ပေးရမည်ဖြစ်ကြောင်း၊ ဦးပိုင်သာမက မည်သူပင်ဖြစ်စေ လယ်သမား၏ လယ်ယာမြေကို ကျူးကျော်ပါက တရားဥပဒေနှင့် ရင်ဆိုင် ရမည်ဖြစ်ကြောင်း ဦးဇော်စိုးက ပြောသည်။
စီးပွားရေး ဦးပိုင် ကုမ္ပဏီ လီမိတက်ကို ၁၉၉၀ ပြည့်နှစ်တွင် ယခင် စစ်အစိုးရ၏ စစ်တပ် အကြီးအကဲများ ဦးဆောင်၍ ဖွဲ့စည်း တည်ထောင်ခဲ့ခြင်း ဖြစ်ပြီး ရည်ရွယ်ချက်မှာ တပ်မတော် သားများနှင့် မိသားစုဝင်များ၊ တပ်မတော် အငြိမ်းစားများ စားဝတ်နေရေး ပြေလည်စေရန်ဟု သိရသည်။ ဦးပိုင်၏ လက်ရှိ ဥက္ကဋ္ဌ မှာ စစ်ရေးချုပ် ဒု ဗိုလ်ချုပ်ကြီး ခင်ဇော်ဦး ဖြစ်ပြီး ဒုတိယ ဗိုလ်ချုပ်ကြီးဟောင်း ဦးတင်အေးလည်း ဦးပိုင် ဥက္ကဋ္ဌအဖြစ် တာဝန်ယူခဲ့သေးသည်။
ဦးပိုင် လီမိတက်သည် ဗန္ဓုလ သယ်ယူပို့ဆောင်ရေး လုပ်ငန်း၊ ကျောက်မျက်၊ သတ္တု တူးဖော်ရေး လုပ်ငန်းများ၊ ရေနံတူးဖော်ရေး၊ သဘာဝဓာတ်ငွေ့ ရှာဖွေရေး၊ မွေးမြူရေး၊ စိုက်ပျိုးရေး၊ ရေလုပ်ငန်း၊ ခရီးသွားလုပ်ငန်းများ၊ ဆောက်လုပ်ရေးလုပ်ငန်းများ၊ ဘဏ်လုပ်ငန်းများ စသည်ဖြင့် လုပ်ငန်းအများ အပြားကို ကုမ္ပဏီပေါင်း ၅၀ ၀န်းကျင်ဖြင့် လုပ်ဆောင်နေကြောင်း သိရပြီး ဘီယာချက်စက်ရုံ၊ စီးကရက်စက်ရုံ၊ သောက်ရေသန့် ထုတ်လုပ်ရေး လုပ်ငန်းများ၊ သကြားစက်၊ ပလတ်စတစ် ထုတ်လုပ်သည့် စက်ရုံလုပ်ငန်းများလည်း လုပ်ကိုင်ထားသည်။ ထို့အပြင် လက်ပံတောင်းတောင် ကြေးနီစီမံကိန်းကို တရုတ်နိုင်ငံမှ ၀မ်ပေါင်ကုမ္ပဏီနှင့် ဦးပိုင်လီမိတက်တို့ အကျိုးတူ ပူးပေါင်း လုပ်ဆောင်လျှက် ရှိသည်။
Ref: ဧရာဝတီ
Read More...
Collapse...
နန်းဆိုင်နွမ်
February 21, 2013
ခရီးသွားဧည့်သည် အများဆုံး ဖြစ်သော ပုဂံဒေသတွင် နိုင်ငံခြားသားများ၏ ငွေ၊ ပစ္စည်းများ လုယက်မှု ဖြစ်ပွားလာ နေသော်လည်း မြန်မာနိုင်ငံ ရဲတပ်ဖွဲ့နှင့် တာဝန်ရှိသူများ၏ တာဝန်ယူ ဖြေရှင်းပေးမှု အားနည်းနေသေးကြောင်း သိရသည်။
နိုင်ငံခြားသား ခရီးသွားများ၏ ပစ္စည်းများကို လုယက်မှု ဖြစ်ပွားလာခြင်းသည် နိုင်ငံ့ဂုဏ်သိက္ခာနှင့် စီးပွားရေးကို ထိခိုက်စေနိုင် သဖြင့် ရဲတပ်ဖွဲ့များက ထိရောက်စွာ အရေးရေးယူရန်နှင့် မပေါ့ဆသင့်ကြောင်း မြန်မာနိုင်ငံ ခရီးသွားလုပ်ငန်း လုပ်ကိုင်နေသူ များက ဆိုသည်။
“အခုတလော နိုင်ငံခြားသား ခရီးသွားတွေကို လုယက်မှုတွေ၊ လိမ်ညာမှုတွေ များလာတယ်။ အဲဒါကို ကာကွယ်ဖို့၊ မပေါ့ဆဖို့ တော့လိုမယ်။ ဒီလို လုယက်တာတွေ လုပ်ဖို့လွယ်မယ်၊ အရေး မယူဘူးဆိုရင် လုယက်သူတွေ များလာ နိုင်တယ်” ဟု မြန်မာနိုင်ငံ ခရီးသွား လုပ်ငန်းရှင်များ အသင်း အတွင်းရေးမှူး ၁ ဦးတင်ထွန်းအောင်က ဧရာဝတီသို့ ပြောသည်။
ပုဂံဟိုတယ်ဇုန်တွင် နိုင်ငံခြား ခရီးသွားများ အတွက် သီးသန့် ရဲတပ်ဖွဲ့များ ခန့်ထားကြောင်း၊ ယင်းတို့ကို “ကူညီပါရစေ” ဟူသော ဆိုင်းဘုတ်အရ လိုအပ်သည်များကို ဖုန်းဆက် မေးမြန်း သည့်အခါ စိတ်ရှည်လက်ရှည် ဖော်ရွေစွာ ဖြေကြား ပေးသင့်ကြောင်း၊ အများပြည်သူ ခရီးသွားများ၏ ယုံကြည်မှု ရရှိစေရန် ဖော်ဆောင် သင့်ကြောင်း၊ နိုင်ငံခြားသား ခရီးသွား ၀င် ရောက်မှု မထိခိုက်စေရန်နှင့် ပိုမို ၀င်ရောက်လာစေရန် အဘက်ဘက်မှ လိုအပ်ချက်များကို ဖြည့်ဆည်း ဆောင်ရွက်သင့်ကြောင်း ဦးတင်ထွန်းအောင်က ဆက်ပြောသည်။
ဖေဖော်ဝါရီလ ၁၆ ရက်နေ့က ပုဂံနှင့် ညောင်ဦးအကြား လမ်းမဟောင်းတွင် အင်္ဂလိပ် အမျိုးသမီးနှစ်ဦးကို အသက် ၂၀ အရွယ် မြန်မာအမျိုးသား နှစ်ဦးက လုယက်ခဲ့ပြီး ငွေနှင့် တယ် လီဖုန်းများ ယူဆောင်သွားခဲ့ကြောင်း၊ အလားတူ ဖေဖော်ဝါရီ ၁၄ ရက် နေ့တွင်လည်း အလိုတော်ပြည့် ဘုရားအနီးတွင် တရုတ် ကမ္ဘာလှည့် ခရီးသည် အမျိုးသမီးအား လုယက်မှု ဖြစ်ပွားခဲ့ကြောင်း၊ ခရီးသွားများအား ဆိုင်ကယ်ဖြင့် လုယက်မှု ရှိနေသော်လည်း ရဲများ ဖော်ထုတ်ပေး နိုင်ခြင်း မရှိကြောင်း ဧည့်လမ်းညွှန်များက ဆိုသည်။
“ပုဂံဒေသ တခုတည်း မဟုတ်ဘူး။ တခြား ဒေသတွေမှာလည်း ဖြစ်တယ်။ ဒါပေမယ့် ပုဂံမှာက နိုင်ငံခြားသား သွားလည်တာ ပိုများတယ်လေ။ အဲဒါကြောင့် ပုဂံမှာ လုယက်မှုတွေ များလာတယ်။ ဒါပေမယ့် တရားခံတော့ တခါမှ ဖမ်းမမိဘူး” ဟု ဂျပန် ဘာသာ ဧည့်လမ်းညွန် အမျိုးသမီးတဦးက ဧရာဝတီသို့ ပြောသည်။
ပုဂံဒေသသည် နိုင်ငံခြားသား ခရီးသွားများ၏ စိတ်ဝင်စားသည့်နေရာ ဖြစ်သည့်အလျောက် ခရီးသွား လာရောက်သူ များပြား ကြောင်း၊ သို့ရာတွင် ပုဂံတွင် တချို့နေရာများ၌ လမ်းမီး မရှိခြင်းကြောင့် လုယက်သူများကို အားပေးသကဲ့သို့ ဖြစ်နေကြောင်း၊ ထို့ကြောင့် လမ်းမီးတိုင်များ လင်းနေစေရန် ထွန်းပေးထားသင့်ပြီး ညပိုင်းတွင်လည်း လုံခြုံရေးရဲများက ပိုမို တာဝန်ယူ သင့်ကြောင်း ဧည့်လမ်းညွှန်များက ဆိုသည်။
“အများဆုံး ဖြစ်တာက မှောင်ရိပ်ခိုပြီး ခရီးသွားတွေကို လုယက်မှုတွေပါ။ ပြီးတော့ အဲဒီ ခရီးသွားတွေက ဧည့်လမ်းညွှန် မပါဘဲ ကိုယ့်သဘောနဲ့ကိုယ် သွားကြတာ။ ပြီးတော့ ရဲနဲ့ နိုင်ငံခြားသား ခရီးသွားတွေ ဘာသာစကား နားလည်မှု မရှိကြတာလည်း ပါတယ်” ဟု အင်္ဂလိပ် ဘာသာ ဧည့်လမ်းညွှန် တဦးဖြစ်သည့် ဦးမျိုးမင်းဇော်က ဧရာဝတီသို့ ပြောသည်။
မြန်မာနိုင်ငံတွင် ကမ္ဘာလှည့် ခရီးသွားများ ပိုမို များပြားလာသော်လည်း ခရီးသွား များ၏ လုံခြုံရေးအစီအစဉ် တိုးမြှင့် ဆောင်ရွက်ခြင်း မရှိသေးကြောင်း၊ လုယက်မှု များလာသည့်အတွက် လုံခြုံရေး တိုးမြှင့် ဆောင်ရွက်ပေးရန် လိုအပ်သည်ဟု ခရီးသွားဧည့်လမ်းညွှန်များက ပြောသည်။
၂၀၁၁ ခုနှစ်တွင်လည်း ယင်းဒေသတွင် ဆိုင်ကယ် တက္ကစီ သမားတဦးက ဂျပန် ကမ္ဘာလှည့် ခရီးသည် တဦးကို မတရားကျင့် ပြီး သတ်ဖြတ်ခဲ့မှု ဖြစ်ပွားခဲ့သည်။
နိုင်ငံခြားသားများ လုယက်ခံရမှု များနှင့်ပတ်သတ်ပြီး သက်ဆိုင်ရာ ရဲစခန်းသို့ ဧရာဝတီသတင်းဌာနမှ ဆက်သွယ် မေးမြန်းရာ ရဲစခန်းမှ ဖြေကြားခြင်းမရှိပေ။
မြန်မာ တပြည်လုံးတွင် ရဲတပ်ဖွဲ့ဝင်အင်အား ၁ သိန်းကျော်ရှိပြီး ရဲတပ်ဖွဲ့ဝင်များ လုပ်ငန်းဆောင်ရွက်မှု မရှိပါက ရဲဌာနချုပ်သို့ တရားဝင် တိုင်ကြားနိုင်ကြောင်း ရဲတပ်ဖွဲ့ သတင်း ထုတ်ပြန်ချက် အရ သိရသည်။
နိုင်ငံခြားသား ဧည့်ဝင်ရောက်မှုမှာ ၂၀၁၁ ခုနစ်တွင် ၄၁၀၀၀၀ ကျော်ရှိခဲ့ပြီး ၂၀၁၂ ခုနစ်ကုန်ပိုင်းတွင် ၆၀၀၀၀၀ ကျော်ခန့် ရှိကြောင်း လက်ရှိတွင် ရန်ကုန် အပြည်ပြည်ဆိုင်ရာ လေဆိပ်ဝင်ပေါက် တခုတည်း မှ ပြည်ပ ဧည့် ၀င်ရောက် နှုန်းမှာ တနေ့ လျှင် ဦးရေ ၁၀၀၀ နှင့် ၁၅၀၀ ခန့် ရှိကြောင်း ဟိုတယ်နှင့် ခရီးသွားလာရေး ၀န်ကြီးဌာနမှ သိရသည်။
Ref: ဧရာဝတီ
Read More...
Collapse...
ထက်အောင်ကျော်
February 21, 2013
နော်ဝေနိုင်ငံကို ရောက်လာတဲ့ ၈၈ မျိုးဆက်ကျောင်းသားခေါင်းဆောင် မင်းကိုနိုင်ဟာ ဖေဖေါ်ဝါရီ ၁၈ ရက်နေ့က အော်စလိုတက္ကသိုလ်မှာ ဟောပြောပွဲတခု ကျင်းပခဲ့ပါတယ်။ ”The role of students in Burma’s development” မြန်မာနိုင်ငံ ဖွံ့ဖြိုးတက်ရေးနဲ့ ကျောင်းသားများရဲ့ အခန်းကဏ္ဍလို့ အမည်ပေးထားတဲ့ ဒီဟောပြောပွဲဆီ မြန်မာအပါအ၀င် ပရိဿတ် ၁၀၀ နီးပါးတက်ပါတယ်။
ထူးခြားတာကတော့ အဖွင့်စကားပြောသွားတဲ့ အော်စလိုတက္ကသိုလ် ပါမောက္ခဟာ ပြီးခဲ့တဲ့လအတွင်းကမှ မြန်မာနိုင်ငံကနေ ပြန်လာသူဖြစ်ပြီး မြန်မာနိုင်ငံ ပညာရေးဖွံ့ဖြိုးဖို့၊ မြန်မာနဲ့ နော်ဝေးတက္ကသိုလ်တွေ ပူးပေါင်းဆောင်ရွက်ဖို့ သွားရောက်ဆွေးနွေးခဲ့သူဖြစ်ပါတယ်။ တခါ ထူးထူးခြားခြား မြန်မာနိုင်ငံမှာ ဆရာဝန်ဘွဲ့ရပြီး အော်စလိုတက္ကသိုလ်မှာ မဟာတန်း လာတက်နေတဲ့ မန္တလေးက ကျောင်းသားတဦးကိုလည်း ဟောပြောပွဲမှာ တွေ့ရပါတယ်။
ကိုလိုနီခေတ်ကနေ ၁၉၈၈ ခေတ်အထိ ကျောင်းသားလှုပ်ရှားမှုသမိုင်းကြောင်းကို ကိုမင်းကိုနိုင်က ၁၀ မိနစ်ခန့်ပြောပါတယ်။ ပြီးတော့ ပရိဿတ်နဲ့ အမေးအဖြေကဏ္ဍပေါ့။ ပရိဿတ်က အမေးအမြန်းထူပါတယ်။ မေးတဲ့လူတချို့ဟာ မြန်မာနိုင်ငံ ငြိမ်းချမ်းရေးအကြောင်း သုတေသနလုပ်နေတဲ့ တက္ကသိုလ်ဆရာတွေဖြစ်ပါတယ်။
ရှစ်လေးလုံး အရေးတော်ပုံအတွင်း လူပေါင်း ၃၀၀၀ လောက် အသတ်ခံရပြီး စစ်တပ်အကြမ်းဖက် နှိပ်ကွပ်ခဲ့တယ်ဆိုတာ မှန်ပါတယ်။ ဒါပေမယ့် အတိုက်ခံတွေဘက်ကလည်း သေနတ် ကိုင်ပြီး အကြမ်းဖက်တဲ့နည်းနဲ့ ပြန်တိုက်တာပဲ မဟုတ်လား၊ အကြမ်းဖက်တာဟာ စစ်တပ်ဘက်က တခုတည်းလို့ ဘယ်ပြောလို့ရမလဲ တဲ့။ အဲဒါ မင်းကိုနိုင်အတွက် အော်စလိုတက္ကသိုလ်ရဲ့ ပထမဆုံးမေးခွန်းပါ။
”လက်နက်ကိုင် တော်လှန်ရေး ဆိုတာဟာ လိုအပ်ချက်အရ ပေါ်လာတာ ဖြစ်ပါတယ်” လို့ မင်းကိုနိုင်က ဖြေပါတယ်။ အခြေနေတခုမှာ အော်တဲ့လူက အော်ပြောမယ်။ တုတ်ကောက်ပြီး ပြန်ရိုက်သင့်ရင် ရိုက်ရမယ်။ ခဲနဲ့ပေါက် တန်ပေါက်ရမယ်။ နည်းမျိုးစုံနဲ့ တိုက်ပွဲဝင်ဖို့ လိုပါတယ်လို့ သူကပြောပါတယ်။ မင်းကိုနိုင် ဒီလို ပွင့်ပွင့်လင်းလင်းပြောတာကို ကြားရတော့ ဘေးနားမှာထိုင်နေတဲ့ ABSDF တပ်ဖွဲ့ဝင်ဟောင်း တချို့ လက်ခုပ်ထတီးပါတယ်။
ဒါပေမယ့် မင်းကိုနိုင် ဆက်ပြောတာက ဒီနည်းဟာ အမြဲတန်း ရှိနေလို့တော့ မရဘူး။ လိုအပ်ချက်အရ ပေါ်လာတာဖြစ်တဲ့အတွက် လိုအပ်တဲ့ အချိန်အတိုင်းတာအတွင်းမှာပဲ ရှိနေ သင့်တယ်။ အမြဲတန်း ရှိနေရမှာက အကြမ်းမဖက် လှုပ်ရှားမှုသာဖြစ်ပြီး အဲဒီနည်းထဲမှာ လူထုတရပ်လုံး ပါဝင်ရင် အောင်ပွဲရမှာဖြစ်တယ်။ ဥပမာ ကချင်ပြည်နယ်က ဧရာဝတီမြစ် ဆုံကိုကြည့်ပါလို့ မင်းကိုနိုင်က ရှင်းပါတယ်။
ကျောင်းသားနဲ့ဆိုင်တဲ့ ဒုတိယ မေးခွန်းကတော့ ၈၈ အလွန် လက်ရှိ ဗကသနဲ့ ကျောင်းသားလှုပ်ရှားမှု အခြေနေ၊ တက္ကသိုလ်ပညာရေးပါ။ ဒီအတွက် မင်းကိုနိုင်က အခု ဒီအ ခန်း ထဲမ၀င်ခင် အပြင်နားက အဆောင်တခုရှေ့မှာ ”ကျောင်းသားပါလီမန်” ဆိုတဲ့ ဆိုင်းဘုတ်ကြီးကို သူ တွေ့ မိကြောင်း၊ အတော်အံ့သြသွားကြောင်း အစချီပြီး မြန်မာနိုင်ငံမှာတော့ ကျောင်းသားပါလီမန် မပြောနဲ့ ကျောင်းသားသမဂ္ဂဖွဲ့တာကိုတောင် အာဏာပိုင်တွေက ကြောက်နေလို့ မနည်းကြိုးစားနေရတဲ့ အခြေအနေ ရှိနေဆဲလို့ ပြောပြပါတယ်။
တကယ်ဆိုရင် ဒီမှာတွေ့ရတဲ့ ကျောင်းသားပါလီမန်မျိုး မြန်မာနိုင်ငံမှာလည်း မြင်ချင်ပါတယ်။ ”ကျောင်းသား ပါလီမန်မှာကတည်းက အသေအချာလေ့ကျင့်ထားတဲ့ လူငယ်တွေ တကယ့် ပါလီမန်ထဲ ရောက်သွားတဲ့ ခေတ်၊ ရောက်သွားတဲ့ စနစ်မျိုးဖြစ်လာအောင် ကျောင်းသားတွေကို လေ့ကျင့်ပေးခွင့်ရချင်ပါတယ်” လို့ မင်းကိုနိုင်ကပြောပါတယ်။
တတိယ မေးခွန်းထမေးသူကတော့ မြန်မာနိုင်ငံ (နယ်စပ်ဒုက္ခသည်စခန်းမှာလည်း ဖြစ်နိုင်ပါတယ်) မွေးပြီး နော်ဝေးမှာကြီးတဲ့ လက်ရှိ တက္ကသိုလ်တက်နေသူ အသက် ၂၀ ကျော် အရွယ် ကျောင်းသူတဦး ဖြစ်ပါတယ်။ ”အပြင်က ကျောင်းသား ကျောင်းသူတွေအနေနဲ့ အထဲမှာ ဘာတွေကူညီပေးနိုင်မလဲ” လို့ ရိုးရိုးလေး မေးသွားတာပါ။
မင်းကိုနိုင်ဖြေပုံကလည်း ရိုးရိုးလေးပါ။ ပညာရေး သမိုင်းက ၂ ပိုင်းရှိပါတယ်။ ပထမ တပိုင်းဖြစ်တဲ့ တော်လှန်ရေးကာလမှာ အသက်ပေးပြီး တိုက်ပွဲဝင်တဲ့ကျောင်းသားတွေ၊ ထောင်နန်းစံရတဲ့ ကျောင်းသားတွေ အများကြီးရှိခဲ့ကြောင်း၊ အခုချိန်မှာတော့ ဒီလိုပေးဆပ်တိုက်ပွဲဝင်ရတဲ့ အခြေအနေတွေကနေ လွန်မြောက်စေချင်ပါပြီ၊ ပြန်လည်တည်ဆောက်ရေး အပိုင်းကို ရောက်စေချင်ပါပြီလို့ နိဒါန်းချီပြီး အခုလိုပြောပါတယ်။
”အခု ဒုတိယပိုင်း ပြန်လည်တည်ဆောက်ရေးလုပ်တဲ့အခါ ပထမပိုင်းမှာ ပါဝင်ခဲ့သူတွေ တတ်ချင်လည်း တတ်မယ်၊ မတတ်ချင်လည်း မတတ်ဘူး။ ကျနော် ကိုယ်တိုင်ကတော့ တည် ဆောက်ရေးအတွက် ဘာမှမတတ်ဘူး” လို့ ပြောချလိုက်ပါတယ်။ ဒီအတွက် အခု မေးခွန်းထမေးတဲ့ ကျောင်းသူလေးအပါအ၀င် မျိုးဆက်သစ် တတ်သိပညာရှင်တွေ လိုနေတယ်လို့ မင်းကိုနိုင်က ပြောပါတယ်။
အခုချိန်ထိ သူတွေ့မိသလောက်ကတော့ ပြည်ပရောက်မြန်မာတွေ၊ နိုင်ငံခြားသားတွေ အတော်များများဟာ ကျောင်းတွေဆောက်ဖို့၊ ကျောင်းသားတွေ စားဖို့၊ ဒုက္ခသည်တွေကို ကူညီဖို့ ငွေအား၊ ပစ္စည်းအား စသဖြင့် ရုပ်ဝတ္တုပစ္စည်းကူဖို့ပဲ ကမ်းလှမ်းတာများနေပြီး စနစ်တခုပြောင်းအောင် ကူညီဖို့၊ သင်ကြားရေးစနစ်အတွက် စဉ်းစားဖို့ သိပ်မတွေ့ရသေးဘူးလို့ မင်းကို နိုင်က ထောက်ပြပါတယ်။
”ကျောင်းတွေပြင်ဖို့၊ ကျောင်းတွေဆောက်ဖို့ ကူညီတာကတော့ဟုတ်ပါပြီ၊ အဲဒီကျောင်းတွေဆောက်ပြီး သွားရင် ဘာစာတွေကို ဘယ်လိုသင်မှာလဲ” လို့ သူက မေးခွန်းပြန်ထုတ်ပါတယ်။ သင်ရိုးညွန်းတန်း အသစ် မရှိဘူးဆိုရင် စစ်တပ်က တိုင်းပြည်ကယ်တင်ရှင်ဖြစ်ကြောင်း၊ ကျေးဇူးရှင်ဖြစ်ကြောင်း လက်ရှိသင်နေဆဲ သင်ရိုးညွန်းတန်း အဟောင်းကိုပဲ ပြန်သင်နေရရင် အဲဒီကျောင်းသစ်ဟာ ဘာမှအဓိပ္ပါယ်မရှိဘူး လို့ မင်းကိုနိုင်က ထောက်ပြပါတယ်။
”Critical Thinking တွေ၊ Debate ယဉ်ကျေးမှုတွေ၊ Dialogue လုပ်တဲ့ အလေ့အကျင့်တွေပါတဲ့ ပညာရေးစနစ် တခု၊ Mindset ကိုပါပြောင်းနိုင်တဲ့ စနစ်တခု ကျနော်တို့နိုင်ငံမှာ ပြင်ဆင်ပြဌာန်းဖို့ လိုနေပါတယ်” လို့ မင်းကိုနိုင်ကပြောပါတယ်။
မြန်မာမိသားစုနဲ့ တွေ့ဆုံပွဲမှာရော၊ နော်ဝေ ကျောင်းသားတွေနဲ့ တွေ့ဆုံပွဲမှာပါ အများဆုံးမေးတာက ပြည်တွင်းစစ်၊ ငြိမ်းချမ်းရေးနဲ့ အနာဂတ်ပြည်ထောင်စု ပုံစံ အကြောင်းပါ။ ဒီမေးခွန်းကို ၄ ဦးလောက်က ဒေါင့်မျိုးစုံကနေမေးမြန်းပါတယ်။
မင်းကိုနိုင်က ”ခင်ဗျားတို့ဆီမှာ Ceasefire ကို ဘယ်လို အဓိပ္ပါယ်ဖွင့်သလဲ မသိဘူး။ ကျနော်တို့ဆီမှာတော့ Cease နဲ့ Fire ကို တခုစီခြားပြီး ပြောကြတဲ့အတွက် Cease လုပ်လိုက် ပြန်ပြီး Fire လုပ်လိုက် Cease လုပ်လိုက် ပြန်ပြီး Fire လုပ်လိုက်ဖြစ်ပါတယ်” ဆိုပြီး မင်းကိုနိုင်က အရွန်းဖေါက်ပါတယ်။ ပြီးတော့ ၁၉၄၈ လွတ်လပ်ရေးရတဲ့အချိန်ကစ လွတ်လပ်ရေးနဲ့အတူ တွဲပါလာတဲ့ ပြည်တွင်းစစ် သမိုင်းနောက်ခံအကျဉ်းကို ရှင်းပြပါတယ်။
ပထမပိုင်းမှာ Ism နိုင်ငံရေး အယူဝါဒပေါ် အခြေခံထားတဲ့ လက်နက်ကိုင်အဖွဲ့ပေါ်လာပြီး အဲဒီနောက်မှာ လူမျိုးစု လက်နက်ကိုင်တွေ ပေါ်လာကြောင်း၊ အခုချိန်မှာတော့ နိုင်ငံရေး အယူဝါဒပေါ် အခြေခံတဲ့ လက်နက်ကိုင်လှုပ်ရှားမှု မှေးမှိန်သွားပြီး အမျိုးသားရေးအခြေခံတဲ့ လက်နက်ကိုင်လှုပ်ရှားမှုက အားကောင်းလာတယ်လို့ မင်းကိုနိုင်ကပြောပါတယ်။
လူမျိုးစုတွေလိုလားတဲ့ ဖက်ဒရယ်မူဟာ တန်းတူရည်တူ အတူတကွ ပေါင်းစည်းနေထိုင်ခြင်းမူ ဖြစ်ပေမယ့် နှစ်ပေါင်းများစွာ စစ်အစိုးရရဲ့ဝါဒဖြန့်မှုကြောင့် ဖက်ဒရယ်ဆိုရင် လူတွေက မပြောရဲ မဆိုရဲ မတို့ရဲ မထိရဲ ဖြစ်နေကြတယ်လို့ သူကထောက်ပြပါတယ်။ ဒါကြောင့် ဖက်ဒရယ်ဆိုတဲ့ စကားလုံးကို လေသံကျယ် ကျယ်နဲ့ပြောခွင့်ရတာတောင် အချိန်ကာလအားဖြင့် တနှစ်မပြည့်သေးဘူး။ ဖက်ဒရယ်ကို လူတွေအားလုံး နားလည်အောင် လုပ်သွားဖို့လိုတယ်လို့ဆိုပါတယ်။
”ကျနော်တို့ငယ်ငယ်က လူကြီးတွေခြောက်သလိုပေါ့ဗျာ။ ဟိုနားမသွားနဲ့ ကောင်ကောင်ကြီးကိုက်လိမ့် မယ်ဆိုတာမျိုး။ ဘာကောင်ကြီးမှန်းလည်း မသိဘူး။ တကယ်ကြောက်စရာလား၊ ချစ်စရာလားလည်း မသိဘူး။ မမြင်ရသေးတဲ့အရာနဲ့ အခြောက်ခံထားရတာမျိုးပေါ့” လို့ မင်းကိုနိုင်က ပြောပါတယ်။
နောက်တခါ ငြိမ်းချမ်းရေးဆွေးနွေးပွဲတွေ ခဏခဏလုပ်နေပေမဲ့ တခါမှ ကောင်းကောင်း အောင်မြင်မှု မရသေးတာဟာ ပြည်သူတွေမပါသေးတာကြောင့် ဖြစ်တယ်လို့ သူကဆိုပါတယ်။ “အခုငြိမ်းချမ်းရေး ဆွေးနွေးပွဲကို ခင်ဗျားတို့ကြည့်ပါလား၊ ဟိုဖက်က ဗိုလ်ချုပ်နဲ့ ဒီဖက်ကဗိုလ်ချုပ်တွေ ထိပ်သီးအချင်းချင်း ပြောနေကြတာလေ။ ပြည်သူလူထုမပါသေးဘူး” လို့ မင်းကိုနိုင်က ထောက်ပြပါတယ်။
ပြီးတော့ Mindset ပြောင်းနိုင်ဖို့ အရေးကြီးကြောင်း သူကထောက်ပြပါတယ်။ ”စစ်သားတွေရဲ့ ထုံးစံက စစ်မြေပြင်မှာ လူများများသတ်နိုင်သူကို Hero အဖြစ်ဂုဏ်ယူကြပါတယ်။ ဒါပေမယ့် အခုခေတ်ပြောင်းသွား ပြီ။ စစ်ပွဲတွေရပ်ပြီး ငြိမ်းချမ်းရေးလုပ်နိုင်သူကို Hero အဖြစ် သဘောထားနေကြပါပြီ” လို့မင်းကိုနိုင်က ပြောပါတယ်။
ဒီဆွေးနွေးပွဲအတွင်း နောက်ဆုံးမေးခွန်းကို ထမေးသူကတော့ မြန်မာနိုင်ငံထဲမှာ အလုပ်လုပ်ဖို့ပြင်နေတဲ့ နိုင်ငံတကာအဖွဲ့အစည်းတခုက အမျိုးသမီးတဦးဖြစ်ပါတယ်။ လက်ရှိ မြန်မာနိုင်ငံ ပြုပြင်ပြောင်းလဲရေးလုပ်ငန်းစဉ်ဟာ အစိုးရက ဖန်တီးထားတဲ့ တီးကွက်ထဲ အတိုက်အခံတွေ လိုက်ကနေရတာမျိုးဖြစ်နေတယ် မဟုတ်လား တဲ့။
”အဲဒီလို Passive အမြင်တွေကို ကျနော် လက်မခံပါဘူး။ သူတို့ ပေးသနားတော်မူမှ ရတဲ့ဟာမျိုး မဟုတ်ပါဘူး။ အစိုးရကွင်းထဲမှာ ကျနော်တို့ ကစားနေရတာမျိုးလည်း မဟုတ်ပါဘူး” လို့ မင်းကိုနိုင်က ခပ်ပြတ်ပြတ် ပြောပါတယ်။ ပြီးတော့ ”တကယ်တန်းပြောမယ်ဆိုရင် ကျနော်တို့ပြောတဲ့အတိုင်း၊ ကျနော်တို့တောင်းဆိုခဲ့တဲ့အတိုင်း အစိုးရက လိုက်လုပ်နေရတာပါ။ ဒီမိုကရေစီလို့ ကျနော်တို့ တောင်းဆိုနေ၊ ပြောနေတာကြာပြီ၊ အစိုးရက အခုမှ ဒီမိုကရေစီအကြောင်း စပြောနေတာလေ” လို့ သူကထောက်ပြပါတယ်။
”မတရားတဲ့ နည်းမျိုးစုံနဲ့ ရယူထားတဲ့အတွက် အာဏာနဲ့ လုပ်ပိုင်ခွင့်တွေ သူတို့လက်ထဲမှာ ရှိနေနိုင်ပါတယ်။ ဒါပေမယ့် ပြည်သူလုထုရဲ့ မေတ္တာနဲ့ထောက်ခံမှုက ကျနော်တို့ဆီမှာ ရှိတယ်ဆိုတာကို ကျနော်ရဲရဲ ကြီးပြောရဲပါတယ်” လို့ မင်းကိုနိုင်က အားရပါးရ ပြောချလိုက်တော့ ပရိဿတ် အားလုံး မတ်တတ်ထရပ်ပြီး လက်ခုတ်တီးကြပါတယ်။ အခန်းနားကို အောင်မြင်စွာရုတ်သိမ်းကြောင်း ကြေငြာတဲ့သဘောပေါ့။
ကျနော့်အတွက်တော့ အခန်းအနားပြီးမှ မေးခွန်းက ပေါ်လာသလို ဖြစ်နေပါတယ်။ ခုနက အမျိုးသမီး မေးသွားတဲ့မေးခွန်းက ကျနော်စိတ်ထဲ ကပ်ပါလာနေဆဲ။ ”ဘယ်သူ့ တီးကွက်ထဲ ဘယ်သူတွေက ကနေရတာလဲ” ဆိုတာဟာ အရေးကြီးသလား။ ”တီးကွက်နဲ့ ကကွက်ညီဖို့” က ပိုအရေးကြီးသလား။
ရှေ့သီတင်းပတ်ကျရင် အော်စလိုကို ရောက်လာမယ့် သမ္မတဦးသိန်းစိန်ကို ဒီမေးခွန်းသွားမေးရင် ဘယ်လိုဖြေလေမလဲ၊ သမ္မတက အခုအချိန်မှာ ပြည်ပရောက် မြန်မာတွေနဲ့ တွေ့ဖို့စီစဉ်ထားတာဟာ ဒေါ်အောင်ဆန်းစုကြည်တို့၊ မင်းကိုနိုင်တို့နောက်ကို သမ္မတက လိုက်နေရတဲ့ သဘောမျိုးလား။ ဘယ်သူက ရှေ့ကသွားပြီး ဘယ်သူက နောက်က လိုက် နေရတာလဲ။
တီးကွက်က အရေးကြီးသလား၊ ကကွက်က အရေးကြီးသလား။ စင်ပေါ်က လူတွေ တီးပြ ကပြတာကို စင်အောက်က ကြည့်နေတဲ့ သန်း ၆၀ လူထုတွေရော နှစ်ခြိုက်သဘောတွေ့ရဲ့လား။ သူတို့အားလုံးပါ ဝင်ကနိုင်မယ့် အခြေအနေနဲ့ အချိန်အခါကရော ဘယ်တော့လဲ။
Ref: ဧရာဝတီ
Read More...
Collapse...
ဖနိဒါ
ဖေဖေါ်ဝါရီလ ၂၁ ရက် ၂၀၁၃ ခုနှစ်
ကချင်ပြည်နယ်၊ လိုင်ဇာရှိ စစ်ပြေးဒုက္ခသည်များအား ကူညီရန် လုံခြုံရေးအခက်အခဲကြောင့် ကမ္ဘာ့ကုလသမဂ္ဂ အကူအညီပေးရေးအဖွဲ့များ ကြန့်ကြာနေကြောင်း ဒုက္ခသည်များ ကူညီစောင့်ရှောက် ရေးတာဝန်ခံ ဦးဒွဲပီဆား က ပြောသည်။
အစိုးရစစ်တပ်နှင့် ကချင်လွတ်လပ်ရေးအဖွဲ့ KIO တပ်တို့အကြား စစ်ရေးတင်းမာမှုများ ရှိနေသေး၍ ကုလ အဖွဲ့အစည်းများက မြစ်ကြီးနား-လိုင်ဇာ၊ မြစ်ကြီးနား-ဗန်းမော် ကားလမ်း အတိုင်း လာရောက်ရန် လုံခြုံမှု မရှိသေးခြင်း ဖြစ်သည်။
“သူတို့ လမ်းကြောင်းနဲ့ ပတ်သက်လို့ ညှိနှိုင်းနေတယ် ထင်တယ်။ လာမယ်လို့တော့ သတင်းပေးလာတယ်။ ဘယ်တော့ လာမယ်ဆိုတာ မပြောလာသေးဘူး။ လိုင်ဇာနဲ့ ဗန်းမော် တိုက်ရိုက်သွားဖို့ လမ်းကြောင်း နည်းနည်းခက်ခဲနေတယ်။ ဒါကြောင့် မိုင်ဂျာယန်၊ လွယ်ဂျယ်ဘက်ကနေ လာမယ်လို့တော့ ပြောတယ်။ ဒါပေမယ့် ဘယ်လို ဖြစ်လာမယ်ဆိုတာတော့ မသေချာသေးဘူး” ဟု KIO ၏ ဒုက္ခသည် ကူညီရေး တာဝန်ခံ ဦးဒွဲပီဆား က မဇ္စျိမကို ပြောသည်။
နှစ်ဖက် ထိပ်တိုက် တိုက်ပွဲများ မရှိသော်လည်း စစ်အင်အားများ အသင့်အနေအထား သတိဖြင့် စောင့်ကြည့်နေကြ၍ လုံခြုံရေး စိုးရိမ်ရခြင်း ဖြစ်သည်ဟု ၎င်းက ပြောသည်။
လိုင်ဇာမြို့တွင် စစ်ပြေးဒုက္ခသည် နှစ်သောင်းကျော် ခိုလှုံနေပြီး ၎င်းတို့အား လူမှု အဖွဲ့အစည်းများနှင့် KIO ကသာ ကူညီထောက်ပံ့နေရ၍ ရေရှည်ထောက်ပံ့ရန် ခက်ခဲလာနိုင်သည်ဟု သူက ဆိုသည်။
ကုလ အဖွဲ့အစည်းများသည် ဖေဖော်ဝါရီလ ၁၉ ရက်နေ့က ပထမဆုံးအကြိမ်အဖြစ် ဖားကန့်မြို့ရှိ စစ်ပြေးဒုက္ခသည်များအား စားနပ်ရိက္ခာပစ္စည်းများ သွားရောက် ကူညီထောက်ပံ့ ပေးခဲ့သည်။
အစိုးရ ငြိမ်းချမ်းရေးအဖွဲ့နှင့် တိုင်းရင်းသားလူမျိုးများ ကောင်စီ UNFC တို့ ဗုဒ္ဓဟူးနေ့က ထိုင်းနိုင်ငံ၌ တွေ့ဆုံစဉ် UNFC အဖွဲ့ဝင် အဖွဲ့အစည်းများ၏ နယ်မြေများအတွင်း လူသားချင်း စာနာမှုဆိုင်ရာ ကိစ္စများ၊ ပညာရေး၊ ကျန်းမာရေးနှင့် အခြေခံ စိုက်ပျိုးရေး၊ မွေးမြူရေးကဏ္ဍများတွင် ပြည်တွင်းနှင့် နိုင်ငံတကာ ပံ့ပိုးကူညီမှုများ ဆက်လက်ဆောင်ရွက်ရန် ဆွေးနွေး ခဲ့သည်။
Ref: မဇ္ဈိမ
Read More...
Collapse...
နေမျိုး
ဖေဖေါ်ဝါရီလ ၂၁ ရက် ၂၀၁၃ ခုနှစ်
၆၅ နှစ်မြောက် ချင်းအမျိုးသားနေ့ အခမ်းအနားကို ၂၀၁၃ ခုနှစ်၊ ဖေဖော်ဝါရီလ ၂၀ ရက်နေ့က အိန္ဒိယနိုင်ငံ၊ နယူးဒေလီမြို့တွင် နေရာ နှစ်နေရာ၌ ကျင်းပခဲ့ကြသည်။
ချင်းကျောင်းသားများ သမဂ္ဂ (CSU)မှ ဦးဆောင်ပြီး ဧည့်ပရိသတ် တထောင်ကျော် တက်ရောက်သည့် အခမ်းအနားကို မြန်မာနိုင်ငံသား အများစု နေထိုင်ရာ ရပ်ကွက်များနှင့် နီးသည့် Asalatpur ရပ်ကွက်တွင် ကျင်းပခဲ့ကြသည်။
“ကျမတို့ လူမျိုးအတွက် တနှစ်မှာတခါ ပျော်ရွှင်တဲ့ ပွဲ၊ စည်းလုံးညီညွှတ်တဲ့ ပွဲ၊ ကျမ နှစ်သက်တဲ့ ပွဲလည်း ဖြစ်ပါတယ်။ မြန်မာပြည်က အဖေ၊ အမေ တွေကိုလည်း သတိရပါတယ်။ သူတို့တတွေ မြန်မာပြည်မှာဆိုရင် ဘယ်လိုပျော်မလဲလို့ ခံစားရပါတယ်” ဟု ဒိုင်းနက် အမျိုးသမီးငယ် မကျင်စနင်း က သူ၏ ခံစားချက်ကို ပြောပြသည်။
“ဆယ်စုနှစ် ပေါင်းများစွာ စစ်အစိုးရမှ ပိတ်ပင်၊ တားမြစ်ခြင်းခံခဲ့ရသော ချင်းအမျိုးသားနေ့သည် လက်ရှိအစိုးရသစ် လက်ထက်တွင် ပထမဦးဆုံး ပြန်လည်ကျင်းပခွင့်ပြုခြင်းကို ချင်းကျောင်းသားများ သမဂ္ဂ အနေဖြင့် ကြိုဆိုပါသည်” ဟု ၎င်းတို့၏ ကြေညာချက်တွင် ရေးသားထားသည်။
၁၉၄၈ ခုနှစ်၊ ဖေဖော်ဝါရီလ ၂၀ ရက်နေ့က ဖလမ်းမြို့တွင် ကျင်းပသော ချင်းပြည်သူ့ ညီလာခံကြီးတွင် ချင်းအမျိုးသားများ၊ မင်းမျိုးမင်းနွယ်စုများ အားလုံး ထောင်ကျော်တက်ရောက်၍ ပဒေသရာဇ် (တောင်ပိုင်) စနစ်အစား ခေတ်သစ် ဒီမိုကရက်တစ်စနစ်ကို ပြောင်းလဲကျင့်သုံးရန် ဆုံးဖြတ်ခဲ့ကြခြင်း ဖြစ်သည်။
ဇိုမီးအမျိုးသားများက ဦးဆောင်ကျင်းပသည့် Zomi Nam Ni ချင်းအမျိုးသားနေ့ကို နယူးဒေလီမြို့ထဲရှိ INA Colony တွင် ကျင်းပရာ ဧည့်ပရိသတ် ၃,၀၀၀ နီးပါး တက်ရောက်ခဲ့သည်။
အိန္ဒိယနိုင်ငံ ရွေးကောက်ပွဲ ကော်မရှင်နာ မင်းကြီး Shri H.S. Brahma တက်ရောက်အားပေး မိန့်ခွန်း
ပြောကြားခဲ့သည်။
စော်ဘွားခေတ် အုပ်ချုပ်မှုကို ပြည်သူတွေ စည်းလုံးညီညွှတ်စွာ တော်လှန်ဖြိုချခဲ့ သည့် ဒီနေ့ထူးနေ့မြတ်ကို နောင်လာနောက်သားများ မမေ့ပျောက်စေရန် ကျင်းပရခြင်းဖြစ်သည်ဟု ဆိုသည်။
“ကျနော်တို့ Zomi National Day ချင်းအမျိုးသားနေ့ပေါ့။ ကျင်းပရခြင်းရဲ့ ရည်ရွယ်ချက်က ကမ္ဘာအနှံ့အပြား ရောက်ရှိနေတဲ့ ဇိုမီးတွေက ကိုယ့်အမျိုးသားနေ့ကို မမေ့ဖို့ပါ” ဟု ဇိုမီးအမျိုးသား ပြန်လည် စည်းလုံးညီညွှတ်ရေးအဖွဲ့ (ZRO) မှ ကိုမင်းထန်က မဇ္စျိမ ကို ပြောသည်။
အခမ်းအနားများတွင် ဝါးညှပ်အကနှင့် အခြား ရိုးရာအကများ၊ ရိုးရာ သီချင်းများဖြင့် ဖျော်ဖြေကာ မျိုးနွယ်စု ရိုးရာ အဝတ်အစားများ ပြသပြီး ရိုးရာကိုယ်ခံပညာရပ်များ ဖော်ကျူးပြသ တင်ဆက်ခဲ့သည်။
နယူးဒေလီမြို့တွင် မြန်မာနိုင်ငံသား ဒုက္ခသည် အများစုမှာ ချင်းတိုင်းရင်းသားများ ဖြစ်ကြပြီး ခန့်မှန်းဦးရေ ၅,၀၀၀ ခန့် ရှိနေကြသည်။
၁၉၅၁ ခုနှစ်၊ ဖေဖော်ဝါရီလ ၂၀ ရက်နေ့က ကျင်းပခဲ့သည့် ချင်းအမျိုးသားနေ့ကို ထိုအချိန်က ဝန်ကြီးချုပ် ဦးနု ကိုယ်တိုင်တက်ရောက်ကာ တရားဝင်ရုံးပိတ်ရက် အဖြစ်သတ်မှတ်ပေးခဲ့သည်။
သို့သော် ၁၉၇၄ ခုနှစ် ဖွဲ့စည်းပုံအခြေခံဥပဒေမှ စတင်ကာ ချင်းပြည်နယ်နေ့အဖြစ်သာ တောက်လျှောက် ကျင်းပလာခဲ့ရကာ ယခုနှစ်မှသာ ချင်းအမျိုးသားနေ့အဖြစ် ကျင်းပနိုင်ခွင့် ရခြင်းဖြစ်သည်။
၂၀၁၂ ခုနှစ် ဇန်န၀ါရီလ ၆ ရက်မှ စ၍ လက်နက်ကိုင် အဖွဲ့အစည်းတခုဖြစ်သည့် ချင်းအမျိုးသား တပ်ဦး (CNF) နှင့် မြန်မာအစိုးရတို့ အပစ်အခတ် ရပ်စဲရေး သဘောတူညီချက်ကို လက်မှတ်ရေးထိုးခဲ့ကြသည်။
အလားတူ ချင်းအမျိုးသားနေ့ အခမ်းအနာများကို ရန်ကုန်၊ နေပြည်တော်နှင့် ချင်းပြည်နယ်မြို့တော် ဟားခါး တွင်လည်း ကျင်းပခဲ့ကြသည်။
Ref: မဇ္ဈိမ
Read More...
Collapse...
ဇင်ကီး
20 February 2013
ရခိုင်ပြည်နယ်၊ အမ်းမြို့နယ်တွင် စစ်အစိုးရလက်ထက်တွင် စစ်တပ်မှသိမ်းယူကာ သီးစားချထားခဲ့ပြီး ရုပ်သိမ်းကာမူလပိုင်ရှင်လယ်သမားများထံ ပြန်လည်ပေးအပ်မည့် အစီအစဉ် ရှိကြောင်း ပြောကြားပြီး လုံးကောက်ကျေးရွာမှ တောင်သူတစ်ဦးပိုင်မြေအား ဘောလုံးကွင်းအဖြစ် ဖောက်လုပ်နေကြောင်း သိရသည်။
လုံးကောက်ကျေးရွာမှ ဦးရွှေမောင်၏လယ်မြေအား စစ်တပ်မှသိမ်းယူပြီး သီးစာအဖြစ်ပြန်လည်ချထားခဲ့ပြီး ဖေဖော်ဝါရီ (၁၇)ရက်နေ့မနက် (၁၀)နာရီလောက်ခန့်တွင် ဘောလုံးကွင်း လုပ်ရန် စက်ကြီးများဖြင့်ထိုးနေသဖြင့် ဦးရွှေမောင်သွားရောက် ဟန့်တားရာ ဆောင်ရွက်နေသည့် တပ်ကြပ်ကြီးက အထက်အမိန့်အရလုပ်ခြင်းဖြစ်ရာ ကျေနပ်မှုမရှိက တိုင်ကြားလိုသည့် နေရာတွင် သွားတိုင်နိုင်သည်ဟု ပြောကြားခဲ့ကြောင်းသိရသည်။
တပ်မတော်အနေနှင့် ဘောလုံးကွင်းပြုလုပ်လိုက စားကျက်မြေများတွင် ပြုလုပ်နိုင်ပြီး သိမ်းဆည်ထားသော မြေများအား ပြန်လည်ပေးအပ်ရန်မူများ ချမျတ်နေချိန်တွင် ယခုကဲ့သို့ ပြုလုပ်နေခြင်းသည် ကောင်းသော လုပ်ရပ်မဟုတ်ကြောင်း ရခိုင်တိုင်းရင်းသားများတိုးတက်ရေး ပါတီRNDP၏ ဗဟိုကော်မတီဝင် ဒေါ်သွယ်သွယ်စိုး(အမ်း) ကပြောသည်။
ဦးရွှေမောင် ပိုင်ဆိုင်သောမြေမှာ ကွင်းအမှတ်(၂၆၅)၊ ဦးပိုင်အမှတ်(၄၆/၃)၊ ၀.၇၃ဧကဖြစ်ပြီး ၂၀၀၁ ခုနှစ် ဧပြီလမှစ၍ ထောက်ပို့တပ်မှတပ်ပိုင်မြေအဖြစ်သိမ်းဆည်းလျက် မူလ ပိုင်ရှင်တောင်သူထံ ပြန်လည်သီးစားချထားပေးခဲ့ခြင်းဖြစ်သည်။
ဇန်န၀ါရီလ၂၈၊၂၉ ရက်နေ့က လယ်ယာမြေနှင့်အခြားမြေများ သိမ်းဆည်းမှု စုံစမ်းရေးကော်မရှင်နှင့် မြန်မာ့တပ်မတော်၏ကိုယ်စား တပ်မတော်အရာရှိတချို့သည် နေပြည်တော်၌ တွေ့ဆုံဆွေးနွေးစဉ် တပ်မတော်အနေဖြင့် ယခင်သိမ်းဆည်းခဲ့သော မြေများကို သီးစားချထားခြင်းမှ ရုပ်သိမ်း၍ သက်ဆိုင်ရာလယ်သမားများအား လွတ်လပ်စွာ လုပ်ကိုင်ခွင့်ပေးရန် သက်ဆိုင်ရာ စစ်တိုင်းဌာနချုပ်များ၊ တပ်ရင်း၊ တပ်ခွဲများအဆင့်ဆင့်သို့ ညွှန်ကြားထားပြီးဖြစ်ကြောင်း ပြောကြားခဲ့သည်ဟု ကော်မရှင်အဖွဲ့ဝင် တစ်ဦးကပြောသည်။
" ကျနော်တို့ ကော်မရှင်နဲ့တွေ့တဲ့အခါ တပ်ဖက်က တွဲဖက်စစ်ထောက်ချုပ် ဗိုလ်ချုပ်မင်းနိုင်က သီးစားချတာမလုပ်ဖို့ အောက်ခြေအအဆင့်ထိ ညွှန်ကြားထားပြီးဖြစ်တယ်။ ဒီအပေါ်မှာ လိုက်နာမှုမရှိရင် ပြတ်ပြတ်သားသား အရေးယူသွားမယ်ပြောတယ်။ နောက်ပြီးတော့ သိမ်းဆည်းပြီးမြေတွေကို ပြန်ပေးမယ်ဆိုတဲ့နေရာမှာ မူတစ်ခုသတ်မှတ် ဆောင်ရွက်သွားဖို့ရှိ တယ် လို့ သူကပြောသွားတယ်။ " ဟု ကော်မရှင်အဖွဲ့ဝင် ပြည်သူ့လွှတ်တော် ကိုယ်စားလှယ်ဦးဖေသန်းက ပြောသည်။
အမ်းမြို့နယ်၌ စစ်တပ်မှသိမ်းထားသော လယ်မြေဧက ထောင်ချီရှိနေပြီး၊ နှစ်စဉ်စစ်တပ်သို့ တစ်ဧကလျင် အနည်းဆုံး ၁၀ တင်းနှင့်အထက်ကို ယနေ့အထိ အခွန်ပေးဆောင်နေရပြီး ရခိုင်ပြည်နယ်တွင် အမ်းမြို့နယ်သည် စစ်တပ်မှသိမ် မြေအများဆုံး အသိမ်းခံရခြင်းဖြစ်ရာ ရခိုင်တိုင်းရင်းသားများတိုးတက်ရေးပါတီသို့ တိုင်းကြားလာကြသည်မှာ (၃၄၉.၈၃ဧက) ရှိနေပြီဖြစ်ကြောင်း ဒေါ်သွယ်သွယ်စိုးက ပြောသည်။
ရခိုင်ပြည်နယ်တွင် မြေသိမ်းဆည်းမှု အများအပြားရှိနေပြီး၊ စုံစမ်းရေးကော်မရှင်သို့ တိုင်တန်းသည့်အမှုမှာ တစ်ရာကျော် ရှိသော်လည်း ကုန်ခဲ့သည့်လအထိ အမ်းမြို့နယ်မှ တိုင်တန်းမှုမ ရောက်ရှိသေးကြောင်း လယ်ယာမြေနှင့် အခြားမြေများသိမ်းဆည်းမှု ကော်မရှင်ကပြောသည်။
Ref: အာရ်ကန်တိုင်းမ်
Read More...
Collapse...
21 February 2013
၂၀၁၂ ခုနှစ် ဇန်န၀ါရီလ ၁၉ ရက်နေ့ တွင် အမေရိကန်ပြည်ထောင်စု နယူးယောက်မြို့ ၌ ကွယ်လွန် အနစ္စရောက်သွားခဲ့သည့် ရခိုင်အမျိုးသား သမိုင်းပညာရှင် ဒေါက်တာအေးကျော်၏ ကြွင်းကျန်ရစ်သည့် အရိုးပြာကို သူ့ ၏ ဇာတိချက်မြှပ်ရွာဖြစ်သော တောင်ကုတ်မြို့ နယ် တန်းလွဲချောင်း ရွာမကျေးရွာ တစ်ဖက်ကမ်း ရွာသာယာရွာအနီးရှိ သိမ်တောင်ပြင် တောင်ပေါ် တွင် ၂၀၁၃ ခုနှစ် ဇန်န၀ါရီလ ၂၄ ရက်နေ့ က အုတ်ဂူတည်ဆောက် ထည့်သွင်းပြီးစီးပြီးဖြစ်ကြောင်း သတင်းရရှိသည်။
အဆိုပါ အရိုးပြာကို ၂၀၁၂ ခုနှစ် ဇန်န၀ါရီလတွင် အမေရိကန်ပြည်ထောင်စု နယူးယောက်မြို့ ရှိ် ဆရာကြီး ဒေါက်တာအေးကျော်၏ သမီးလတ် ဒေါ်ဥမ္မာကျော်၏ နေအိမ်တွင် တစ်နှစ်ခန့် ကြာ သိမ်းဆည်းထားခဲ့ပြီးနောက် သားကြီး ဦးအောင်မြတ်ကျော်ကိုယ်တိုင် ရခိုင်ပြည် တောင်ကုတ်မြို့ နယ် တန်းလွဲချောင်း ရွာမကျေးရွာသို့  ၂၀၁၃ ခုနှစ် ဇန်န၀ါရီလ နောက်ဆုံး ပတ်ထဲတွင်သယ်ယူပို့ ဆောင် အုတ်ဂူထည့်သွင်းခဲ့ခြင်းဖြစ်သည်။
ရန်ကုန်မြို့ တွင် လက်ရှိ နေထိုင်လျက်ရှိသော ဆရာကြီး ဒေါက်တာအေးကျော်၏ အစ်မရင်းဖြစ်သူ ဒေါ်အေးသန့် ၏ မိသားစုများနဲ့ ရန်ကုန်မှနေ တန်းလွဲချောင်း ရွာမသို့ ခရီးနှင်ကာ ရှစ်ပေါင်ခန့် ရှိသည့် အရိုးပြာကို အုတ်ဂူထည့်သွင်းခဲ့ပြီး တန်းလွဲချောင်းဒေသမှ ဆရာတော် သံဃာတော်များကိုပင့်ဖိတ်ကာ ဆွမ်းကျွေး တရားနာ ရေစက်ချ အမျှပေးဝေခဲ့ကြောင်း ဦးအောင်မြတ်ကျော်က အာရ်ကန်တိုင်းမ်စ်သို့ ပြောကြားသည်။
"ကျနော့် အဖေရဲ့ အစ်မအရင်း ဒေါ်အေးသန့် ရဲ့ မိသားစုတွေနဲ့ အတူ ရန်ကုန်ကနေ တိုယိုတာကားလေးတစ်စီးငှာပြီးတော့ ဇန်န၀ါရီလ ၂၄ ရက်နေ့ နံနက် အစောပိုင်း စထွက် သွား ခဲ့ပြီးတော့ တောင်ကုတ်ကို အဲဒီနေ့ ည ကိုးနာရီလောက်မှာ ဆိုက်ရောက်ပါတယ်။ တောင်ကုတ်ကနေ တန်းလွဲချောင်း ရွာမကို တစ်နာရီကျော်လောက် ဆက်မောင်းသွားရပြီးတော့ ရွာမ ရွာအ၀င်ဝမှာ အဖေ့ဘက်က ဆွေးမျိုးတွေက ကျနော်တို့ ကို စောင့်ကြိုနေခဲ့ကြပြီး အဖေ့ရဲ့ အရိုးပြာကို ရွာမကျေးရွာ တစ်ဖက်ကမ်းရှိ သိမ်တောင်ပြင်တောင်ပေါ်ကို သယ်ယူပို့ ဆောင်ကြ ပါတယ်။ ဇန်န၀ါရီလ ၂၅ ရက် နံနက်ပိုင်းမှာတော့ အဖေ့ရဲ့ အရိုးပြာ အုတ်ဂူ ခေါင်းရင်းက အဖိုး
ဦးမောင်လူနှင့်အဖွား ဒေါ်လှဝင်းဦးတို့ အုတ်ဂူကိုပါ ဆေးသုတ်မွမ်းမံပြီးတော့ အဖေ့ရဲ့ အရိုးပြာကို အုတ်ဂူထည့်သွင်းခဲ့ကြပါတယ်။ အဖိုးအဖွားနဲ့ အဖေ့အတွက် တန်းလွဲချောင်းဒေသ အနီးအနားက ဆရာတော် သံဃာတော်တွေကိုပါ ပင့်ဖိတ်ကာ ဆွမ်းကျွေး တရားနာ ရေစက်ချ အမျှပေးဝေခဲ့ကြပါတယ်" ဟု ကုန်ခဲ့သည့် ဖေဖော်ဝါရီလ ဒုတိယပတ်ထဲတွင် ရခိုင် ပြည်နယ်မှ အမေရိကန်ပြည်ထောင်စုသို့ ပြန်လည်ရောက်ရှိလာခဲ့သည့် ဦးအောင်မြတ်ကျော်က
အာရ်ကန်တိုင်းမ်စ်သို့ ပြောဆိုသည်။
ဆရာကြီး ဒေါက်တာအေးကျော်ကို ရည်စူး၍ တန်းလွဲချောင်းဒေသမှ ကျောင်းကန်ဘုရားများ နှင့် တောင်ကုတ် ရိုးတောင်ကြားလမ်းဖောက်လုပ်မှုတွင် အလှူငွေများထည့်ဝင်လှူဒါန်း ခဲ့ကြောင်းလည်း ဦးအောင်မြတ်ကျော်က ဆက်လက်ပြောကြားသည်။
"အဖေ့ရဲ့ ဇာတိရွာဖြစ်တဲ့ ရွာမ-ရွာသစ် တဖက်ကမ်းက လက်ပံကျွန်းကျေးရွာ ဘုန်းတော်ကြီးကျောင်းဝန်းထဲမှာ ဆောက်လုပ်နေတဲ့ သိမ်တော်အတွက် အဖိုးအဖွား နှင့်အဖေ့ကိုရည်စူးကာ အလှူငွေတွေ ထည့်ဝင်ခဲ့ပါတယ်။ တောင်ကုတ်-ရိုးတောင်ကြားလမ်းဖောက်လုပ်နေရာမှာလည်း အလှူငွေတွေထည့်ဝင်ခဲ့ပါသေးတယ်" ဟု ဦးအောင်မြတ်ကျော်က ပြောဆိုသည်။
ဆရာကြီး ဒေါက်တာအေးကျော်အတွက် ယခုလို အုတ်ဂူတည်ပေးခဲ့ခြင်းမှာ အလွန်ကောင်းမြတ်ပြီး ဆရာကြီး မကြာခဏမှာကြားထားခဲ့သည့် ဆန္ဒလည်း ပြည့်ဝသွားခဲ့ကြောင်း ဆရာကြီးနဲ့ ရပ်ရွာဆွေမျိုးတော်စပ်သည့် ကိုချစ်ဆွေက အာရ်ကန်တိုင်းမ်စ်သို့ ပြောကြားသည်။
"ဆရာကြီး မကွယ်လွန်ခင် ကတည်းကပင် သူ့ ရဲ့ အရိုးပြာကို သိမ်တောင်ပြင်တောင်ပေါ်မှာရှိတဲ့ သူ့ အဖေ အမေရဲ့ အုတ်ဂူခြေရင်းမှာ အရိုးပြာ အုတ်ဂူတည်ဖို့ မှာကြားထားခဲ့ပါတယ်။ ဆရာကြီး သက်ရှိထင်ရှား ရှိစဉ်တုန်းကလည်း သူ့ အစ်မ ဒေါ်အေးသန်းနဲ့ ဖုန်းပြောတဲ့ အခါတိုင်းလည်း မကြာခဏ မှာကြားရင်း မျက်ရည်ဝဲတာတွေတောင် ရှိခဲ့ပါတယ်။ ဆရာကြီးဟာ သူ့ ရပ် သူ့ ရွာ၊ ရခိုင်ပြည် နှင့် ရခိုင်လူမျိုးကို ဘယ်လောက် ချစ်ခင်တွယ်တာမှုရှိခဲ့တယ်ဆိုတာကိုတော့ အားလုံးအသိပါပဲ" ဟု ကိုချစ်ဆွေက ပြောဆိုသည်။
တန်းလွဲချောင်း ရွာမ တစ်ဖက်ကမ်းရှိ အဆိုပါ သိမ်တောင်ပြင်တောင်ပေါ်တွင် ထင်ရှားလူသိများသည့် သိမ်တောင်ပြင်ဘုရားတည်ရှိပြီး နှစ်စဉ်နှစ်တိုင်းလိုလို တပေါင်း တန်းခူးလများ တွင် ရခိုင်ရိုးရာ ကျင်ပြိုင်ပွဲ၊ လှေပြိုင်ပွဲနှင့် တခြား ရိုးရာပွဲတော်များပါ ထည့်သွင်းပြီး ထိုသိမ်တောင်ပြင်ဘုရားပွဲတော်ကို စည်ကားသိုက်မြိုက်စွာ ဆင်ယင်ကျင်းပလေ့ရှိကာ တန်းလွဲ ချောင်း ဒေသအနီးတ၀ိုက်မှ လူပေါင်း ထောင်သောင်းချီ လာရောက် ဆင်နွှဲလေ့ရှိကြောင်းလည်း သိရှိရသည်။
Ref: အာရ်ကန်တိုင်းမ်
Read More...
Collapse...
February 21, 2013
မောင်အေး
ဘင်္ဂလားဒေ့ခ်ျနိုင်ငံ နတ်မြစ် အနောက်ဘက်ကမ်းတွင် တည်ရှိသော မြစ်နားရွာခေါ် သော်တလီပါရာ ကျေးရွာတွင် သီတင်း သုံးနေသည့် သက်တော် ၀ါတော်ကြီး ဆရာတော် ဦးပဏ္ဍိသည် ယနေ့နံနက်ပိုင်းတွင် ဘ၀နတ်ထံ ပျံလွန်တော်မူသွား ခဲ့ကြောင်း သတင်း ရရှိသည်။
ဆရာတော်ကြီး ဦးပဏ္ဍိမှာ ယနေ့အာရုံတက်အချိန် နံနက် ၄ နာရီ ၂၀ မိနစ်တွင် မိမိ သီတင်းသုံးရာ မြစ်နားရွာ အသောကာရုံ ကျောင်းတိုက်တွင် သက်ကြီးရောဂါဖြင့် ပျံလွန်တော်မူ ခြင်းဖြစ်ကြောင်း တပည့်တကာများမှ နိရဉ္စရာသို့ ပြောကြားသည်။
ပျံလွန်တော်မူသည့်အချိန်တွင် ဆရာတော်ကြီးမှာ သက်တော် ၈၆ နှစ် ၀ါတော် ၆၆ ၀ါ ရှိပြီ ဖြစ်သည်။
ဆရာတော် ဦးပဏ္ဍိကို သက္ကရာဇ် ၁၂၈၈ ခုနှစ် တန်းဆောင်မုန်းလဆုတ် ၁၃ ရက် ကြာသားပတေး နေ့တွင် ရခိုင်ပြည် နယ် မောင်တောမြို့နယ် နံသာတောင်ကျေးရွာမှ မြေရှင် အဖဦး မြထွန်းကျော်၊ မိခင်ဒေါ် ထာရီမေတို့မှ မွေးဖွား ခဲ့ ပြီး မွေးချင်း ၄ ဦးရှိကြောင်း သိရသည်။
ဆရာတော်သည် ဘင်္ဂလာဒေ့ခ်ျနိုင်ငံ မြစ်နားရွာသို့ ၁၉၄၂ ခုနှစ်တွင် ဖြစ်ပွားခဲ့သည့် ကုလား-ရခိုင် အဓိကရုဏ်း နောက်ပိုင်း ပြောင်းရွှေ့ ရောက်ရှိလာခဲ့သည်။
၁၉၄၅ ခုနှစ်တွင် မြစ်နားရွာမှ ဒေါ်ပန်းသန္တာနှင့် ဦးစံထွန်းအောင် မြေရှင်တို့မှ ပစ္စည်းလေးပါး ဒါယိကာဖြင့် ရဟန်းအဖြစ်ကို ခံတော်မူခဲ့သည်။
ဆရာတော် ပညာသင်ကြားခဲ့သည့်နေရာများမှာ ၁၉၄၆ ခုမှ ၄၇ ခုနှစ်အထိ အိန္ဒိယနိုင်ငံ ဗာရာဏသီ တွင်၎င်း၊ ၁၉၄၇-၁၉၅၈ ခုနှစ်ထိ မြန်မာနိုင်ငံ ရန်ကုန်တွင်၎င်း၊ ၁၉၅၈ မှ ၁၉၆၄ ခုနှစ်အထိ သီရိလင်္ကာ နိုင်ငံတွင်၎င်း ဗုဒ္ဓ စာပေ ကျမ်းဂန် များကို လေ့လာဆည်းပူးခဲ့ပြီးနောက် အမေရိကန်နိုင်ငံ ကာလီဖိုးနီးယား ပြည်နယ်တို့တွင် ပညာသင်ကြား ခဲ့ကြောင်း သိရသည်။
ဆရာတော်ကြီး သက်တော်ထင်ရှား ရှိသည့်အချိန်တွင် ကမ္ဘာ့သံဃာ့ကောင်စီ အဖွဲ့ဝင်အဖြစ်၎င်း၊ ၁၉၅၃-၅၄ ခုနှစ်တွင် ရခိုင် သောတုဇနအဖွဲ့ အတွင်းရေးမှူး၊ ၁၉၆၅ ခုနှစ်တွင် နတ်မြစ် ဗုဒ္ဓဘာသာအသင်းဥက္ကဌ အဖြစ်၎င်း၊ ၁၉၆၅-၉၆ ခုနှစ်တွင် ဒက္ကား ဗုဒ္ဓဘာသာအသင်း ဥက္ကဌအဖြစ်၎င်း၊ ၁၉၇၉ မှ ၂၀၀၀ ခုနှစ်အထိ ဘင်္ဂလား ဒေ့ခ်ျနိုင်ငံ ရခိုင်-မာရမာ သံဃာ့ ကောင်စီဥက္ကဌ အဖြစ်လည်း တာဝန် ထမ်းဆောင်ခဲ့သည်။
ယခုအခါ ဆရာတော်ကြီး၏ ဈာပနပွဲ မည်သည့်နေ့ရက်တွင် ကျင်းပမည်ကို တကာ တကာမများနှင့် ဆွေမျိုးမိသားစုဝင် များက များမကြာမှီ ထုတ်ပြန် ကျေညာမည်ဟု သိရသည်။
Ref: နိရဉ္စရာ
Read More...
Collapse...
February 20, 2013
မောင်ရမ္မာ
အမေရိကန် နိုင်ငံလုံးဆိုင်ရာ ရခိုင်အမျိုးသား ညီလာခံတစ်ခု ကျင်းပနိုင်ရေး အတွက် အကြို (ပဏာမ) ဆွေးနွေးပွဲ တစ်ခုကို ဖေဖေါ် ၀ါရီလ ၂၄ ရက်နေ့တွင် ကျင်းပ ပြုလုပ် သွားမည်ဟု သတင်းရရှိသည်။
အကြိုဆွေးနွေးပွဲကို အမေရိကန်နိုင်ငံ IOWA ပြည်နယ် Des Moines မြို့ရှိ American Legion ခန်းမ ၌ ကျင်းပသွားမည်ဖြစ်သည်ဟု ဦးဆောင် လူပ်ရှားနေသူ တစ်ဦးဖြစ်သည့် ကိုခိုင်မင်းက နိရဉ္စရာသို့ ပြောသည်။
“ ကျွန်တော်တို့ လာမယ့် ဖေဖေါ်ဝါရီလ ၂၄ ရက်နေ့မှာ ကျွန်တော်တို့ အမေရိကန်နိုင်ငံ IOWA ပြည်နယ် Des Moines မြို့မှာ အမေရိကန်မှာ ရောက်ရှိနေတဲ့ ရခိုင် အဖွဲ့အစည်း အသီးသီးက ခေါင်းဆောင်တွေ၊ ပြည်နယ် အသီးသီးက ရခိုင် ကိုယ်စားလှယ်တွေကို ဖိတ်ခေါ်ပြီး ညီလာခံ ကျင်းပနိုင်ရေး အတွက် ပဏာမ အနေနဲ့ ညှိနှိုင်း ဆွေးနွေး တစ်ခု လုပ်သွားဖို့ စီစဉ်နေပါတယ်။”
ပဏာမ ဆွေးနွေးပွဲ လုပ်ရသည့် ရည်ရွယ်ချက်နှင့် ပတ်သက်ပြီး ကိုခိုင်မင်းက ယခုလို ဆက်ပြောသည်။
“ ရခိုင် အရေးမှာ အမေရိကန်ရောက် ရခိုင်အမျိုးသားတွေ ဘယ်လို အခန်းကဏ္ဍက ပါဝင်နိုင်မလဲ ဆိုတဲ့ အရေးကြီးတဲ့ ကိစ္စကို ဆွေးနွေး အဖြေရှာမယ်ဆိုရင် အမေရိကန် နိုင်ငံ လုံးဆိုင်ရာ ရခိုင်ကွန်ဖရင့် (ညီလာခံ) တစ်ခု ပြုလုပ်ဖို့ လိုတယ်။ အဲဒီ ကွန်ဖရင့်ကို ကျင်းပ ပြုလုပ်ခြင်း အားဖြင့် ကောင်းမွန်တဲ့ အကျိုးရလဒ်တွေ ထွက်လာမယ်။ ဒီတော့ ဒီကွန်ဖရင့်ကို ဘယ်လို ပုံစံနဲ့ ကျင်းပမယ်။ ရံပုံငွေ ဘယ်လိုရှာဖွေမယ်။ ဘယ်သူတွေကို ဖိတ်ပြီး၊ ဘယ်နေ့မှာ ကျင်းပမယ်- စသဖြင့် အရေးကြီးတဲ့ ကိစ္စရပ်တွေကို ဆွေးနွေး နိုင်အောင် ရည်ရွယ် ပြီးတော့ ပဏာမ ဆွေးနွေးကို လုပ်သွားမှာ ဖြစ်ပါတယ်” ဟု ပြောသည်။
အမေရိကန်ရောက် ရခိုင်အမျိုးသားများ အနေဖြင့် ညီလာခံ တစ်ခု ကျင်းပနိုင်ခြင်းဖြင့် ရခိုင်အမျိုးသားများ အကြားတွင် ညီညွှတ်မူများ ရရှိလာစေမည်သာမက ရခိုင်လူထုသို့ အကူအညီများကိုလည်း ထိရောက်စွာ ပေးအပ် သွားနိုင်မည် ဖြစ်ကြောင်း သူက ဆိုသည်။
“ အခု လက်ရှိ ရခိုင်ပြည်နယ်မှာ ရခိုင် အမျိုးသားတွေရဲ့ ကြုံတွေ့နေရတဲ့ အကျပ်အတည်း အခက်အခဲတွေကို အမေရိကန်မှာ ရှိတဲ့ ရခိုင်သူ ရခိုင်သားတွေက လူပုဂ္ဂိုလ် တစ်ဦးချင်း အလိုက်ရော၊ အဖွဲ့အစည်း အလိုက်ရော၊ ရောက်ရှိ နေထိုင်နေကြတဲ့ ပြည်နယ်တွေ အလိုက်ရော နည်းမျိုးစုံနဲ့ ကူညီ ဆောင်ရွက်နေကြပါတယ်။ ဒါပေမယ့် ထိရောက်တဲ့ အကူ အညီ မျိုးတွေ မပေးနိုင်ဘဲ ဖြစ်နေကြပါတယ်။ အဲဒါ ကြောင့် ကျွန်တော်တို့ အနေနဲ့ အမေရိကန် တနိုင်လုံးမှာ ရှိတဲ့ ရခိုင်အမျိုးသားတွေရဲ့ စုစည်းမူ အားကို ယူပြီး အမေရိကန် နိုင်ငံလုံး ဆိုင်ရာ ကျစ်လစ် ခိုင်မာတဲ့ ရခိုင်လူ့အဖွဲ့အစည်းတခု ဖွဲ့သွားပါမယ်။ ဒါမှသာ အဘက်ဘက်ကနေ ရခိုင်အရေးကို ပိုမို ထိရောက်စွာ ကူညီ ဆောင်ရွက်သွားနိုင်မှာ ဖြစ်ပါတယ်။”
ညီလာခံတွင် အမေရိကန်ပြည်ထောင်စုမှ ပညာရှင်များကို ဖိတ်ခေါ်ပြီး ရခိုင့်အရေးကို ဖြေရှင်းနိုင်ရေး အတွက် အကြံအဥာဏ်များလည်း ရယူသွားမည်ဟု ဆိုသည်။
ဖေဖေါ်ဝါရီလ ၂၄ ရက်နေ့တွင် ကျင်းပ ပြုလုပ်ရန် စီစဉ်နေသည့် ပဏာမ အကြိုဆွေးနွေးပွဲသည် အမေရိကန်ပြည်ထောင်စု အတွင်းရှိ ပြည်နယ် အသီးသီးတွင် ပြန့်ကျဲ ရောက်ရှိ နေကြသော ရခိုင်သူ ရခိုင်သားများ၏ ၄ ကြိမ်တိုင်တိုင် ဆွေးနွေးတိုင်ပင်ပြီးမှ ပေါ်ပေါက်လာခြင်း ဖြစ်ကြောင်း သိရသည်။
အစည်းအဝေးကို အမေရိကန်နိုင်ငံ ပြည်နယ်အသီးသီးတွင်ရောက်ရှိနေကြသော ရခိုင်အမျိုးသား အမျိုးသမီး ၄၀၀ ကျော် တက် ရောက်နိုင်လိမ့်မည်ဟု မျှော်လင့်ထားကြောင်း ကိုခိုင်မင်းက ပြောသည်။
အမေရိကန်နိုင်ငံတွင် ရောက်ရှိနေသော ရခိုင် အမျိုးသား စုစုပေါင်း လူဦးရေ ၁၀၀၀ နီးပါးခန့် ရှိသည်ဟု သိရသည်။
Ref: နိရဉ္စရာ
Read More...
Collapse...
February 20, 2013
ဘင်္ဂလာဒေခ်ျ့- တရုတ်- အိန္ဒိယ- မြန်မာ လေးနိုင်ငံဖြင့် ဖွဲ့စည်းထားသော BCIM ( Bangladesh-China-India-Myanmar) ၏ ၁၁ ကြိမ်မြောက် ဖိုရမ် ဆွေးနွေးပွဲကို မြန်မာ ကိုယ်စားလှယ် အဖွဲ့ တက်ရောက်မည်ဟု သတင်း ရရှိသည်။
ဆွေးနွေးပွဲသို့ တက်ရောက်မည့် တတ်သိ ပညာရှင်များ ပါဝင်သော မြန်မာ ကိုယ်စားလှယ် အဖွဲ့ကို ဘင်္ဂလာဒေခ်ျ့ ဆိုင်ရာ မြန်မာ သံအမတ်ကြီး ဦးမျိုးမြင့်သန်း ဦးဆောင်မည်ဟု ဆိုသည်။
၁၁ ကြိမ်မြှောက် BCIM ဖိုရမ် (Forum)ံကို ဘင်္ဂလာဒေခ်ျ့ နိုင်ငံ Center for Policy Dialogue (CPD) အဖွဲ့မှ ကမကထပြု ဦးစီး ကျင်းပသွားမည်ဟု ဆိုသည်။
ဆွေးနွေးမည့် အကြောင်းအရာမှာ လက်ရှိ BCIM အဖွဲ့ဝင်နိုင်ငံများ၏ လက်ရှိ ဖွံ့ဖြိုးတိုးတက်မူ အပေါ် အာရုံပြု ဆွေးနွေးမည် ဖြစ်ပြီး ထိုအထဲတွင် အဖွဲ့ဝင်နိုင်ငံများ၏ ပူးပေါင်း ဆောင်ရွက်မူအတွက် အခွင့်အလန်းသစ်များနှင် စိန်ခေါ်မူသစ်များကိုလည်း ဆွေးနွေးကြမည် ဖြစ်သည်ဟု ဆိုသည်။
ယခု ဆွေးနွေးပွဲ ( ဖိုရမ်) တွင် အဓိက အာရုံစိုက် ကြမည့် နယ်ပယ်များမှာ ကုန်သွယ်ရေး၊ ရင်းနှီးမြုပ်နှံမူ၊ ဘဏ္ဍာရေး၊ ခေတ်မှီ နည်းပညာများနှင့် ဆက်သွယ်ရေး၊ စွမ်းအင်နှင့် အဖွဲ့ အစည်းဆိုင်ရာ စီမံခန့်ခွဲမူ တို့ဖြစ်ကြသည်ဟု CPD ဒါရိုက်တာ ပရော်ဖက်ဆာ မူစတာဖါဇူ ရာဟမာန်က ပြောသည်။
အဆိုပါ ဆွေးနွေးပွဲကို ဖေဖေါ်ဝါရီလ ၂၃ ရက်နေ့မှ ၂၄ ရက်နေ့ထိ ဒက္ကားမြို့တော်ရှိ တရုတ်က ဆောက်လုပ်ပေးထေားသော တရုတ်-ဘင်္ဂလာဒေခ်ျ့ မိတ်ဆွေ စင်တာ ခန်းမတွင် ကျင်းပမည် ဖြစ်ပြီး ဘင်္ဂလာဒေခ်ျ့ နိုင်ငံခြားရေး ၀န်ကြီး ဒီပူရ် မူနီက အခမ်းအနားကို ဖွင့်လှစ်ပေးမည် ဟု သိရသည်။
BCIM အဖွဲ့ဝင် နိုင်ငံများ၏ စီးပွားရေ ဈေးကွက်မှာ လူပေါင်း ၂ ဒဿမ ၈ ဘီလီယံရှိပြီး GDP အဆင့်မှာ ၂၀၁၁ ခုနှစ်က အဆိုပါ ဒေသအတွင်း အမေရိကန် ဒေါ်လာ ၉ ဒဿမ ၃ တြီလီယံ ရှိသည်ဟု ဆိုသည်။
Ref: နိရဉ္စရာ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88