ဒေါ်အောင်ဆန်းစုကြည်နှင့် ဝန်ကြီး ဦးအောင်ကြည်တို့ အရပ်သား အစိုးရသစ် လက်ထက်တွင် တတိယ အကြိမ်မြောက် တွေ့ဆုံမှု အဖြစ် ယနေ့ မွန်းလွဲပိုင်း ၁ နာရီမှ ၂ နာရီ ၁၇ မိနစ်အထိ စိမ်းလဲ့ကန်သာ ဧည့်ရိပ်သာတွင် တစ်နာရီကျော်ကြာ တွေ့ဆုံခဲ့ပြီး လွတ်ငြိမ်း ချမ်းသာခွင့်၊ ထာဝရ ငြိမ်းချမ်းရေး အပါအဝင် အရေးကိစ္စ လေးခု ဆွေးနွေးခဲ့ကြသည်။
Ref:
The Voice
Read More...
Collapse...
သတင်းစာဆရာကြီးများ၊ တက်ကြွလှုပ်ရှားသူများ၊ ပြည်သူများအားလုံးက လှိုက်လှဲစွာ ကြိုဆို
Thursday, 29 September 2011
မြစ်ဆုံစီမံကိန်း ရပ်ဆိုင်းထားမည်ဖြစ်ကြောင်း နိုင်ငံတော်သမ္မတနှင့် ပြည်ထောင်စု အစိုးရ အဖွဲ့၏ ဆုံးဖြတ်ချက်ကို သတင်းစာ ဆရာကြီးများ၊ တက်ကြွစွာ လှုပ်ရှားသူများ၊ ပြည်သူများ အားလုံးက လှိုက်လှဲစွာ ကြိုဆိုကြကြောင်း သတင်း ရရှိပါသည်။
ယနေ့ (စက်တင်ဘာလ ၃၀ ရက်နေ့) ရက်စွဲဖြင့် လွှတ်တော်သို့ ပေးပို့ခဲ့သော မြစ်ဆုံစီမံကိန်း ရပ်ဆိုင်းကြောင်း နိုင်ငံတော်သမ္မ၏ သ၀ဏ်လွှာ သတင်းကို သိရှိရပြီးနောက် ယခုကဲ့သို့ ၀မ်းမြောက်စကား ပြောကြားခဲ့ခြင်း ဖြစ်သည်။
လူထုစိန်ဝင်း
အခုအချိန်အထိ ကြားရသမျှ သတင်းတွေထဲမှာတော့ ဒီသတင်းဟာ မင်္ဂလာအရှိဆုံး ဖြစ်တယ်။ ဒါကြောင့်မို့ ၀မ်းသာအားရ လှိုက်လှိုက် လှဲလှဲ ကြိုဆိုပါတယ်။ ဒီလုပ်ရပ်ဟာ အစိုးရအနေနဲ့ ပြည်သူလူထုရဲ့ ဆန္ဒအပေါ် တန်ဖိုးထား လေးစား၊ ပြည်သူကို မဆန့်ကျင်တဲ့ သဘောကိုလည်း ဆောင်တဲ့အတွက် အစိုးရရဲ့ အပေါ်မှာ ပြည်သူလူထုရဲ့ သဘောထား အမြင်တွေ အများကြီး ပြောင်းလဲ သွားနိုင်ပါတယ်။ နှစ် ၅၀ အစိုးရနဲ့ ပြည်သူအကြား အတားအဆီး ဖြစ်နေတဲ့ နံရံတွေကို ဖြိုလှဲချနိုင် လိမ့်မယ်လို့ ယူဆပါတယ်။ ဒီ ဧရာဝတီ ကိစ္စကို အခုလို မြန်မြန်ဆန်ဆန် အစိုးရက ဆုံးဖြတ်ချက် ချခဲ့တာဟာ ပြည်သူ တစ်ရပ်လုံး မကြုံဖူးတဲ့ စည်းလုံး ညီညွတ်မှု ပြသနိုင်လိုက်တာ ဖြစ်တယ်လို့ ယူဆပါတယ်။ ဒီကိစ္စမှာ ပြည်သူတွေဟာ ဘယ်ပါတီ ဘယ်အဖွဲ့အစည်း ဘယ်ပုဂ္ဂိုလ်ရဲ့ စည်းရုံးမှုမပါဘဲ သူတို့ကိုယ်ပိုင် အသိဆန္ဒနဲ့ သူတို့ရဲ့ ဆန္ဒသဘောထားတွေကို ဖော်ထုတ် ခဲ့ကြတာဟာ အားလုံးသော ပြည်သူ တစ်ရပ်လုံး အတွက် တူညီသော အမျိုးသား အကျိုး စီးပွားဖြစ်တယ်လို့ သိနားလည်တဲ့အတွက် အခုလို စည်းရုံးမိကြတာ ဖြစ်တယ်။ ဒီလိုစည်းရုံးမှုမျိုးကို ဆက်လက်ကိုင်တွယ် ထိန်းသိမ်းသွားမယ်ဆိုရင် ဘယ်လို အတားအဆီးမျိုးကိုမဆို ကျော်ဖြတ်နိုင်လိမ့်မယ်လို့ ယုံကြည်တယ်။ အခုချိန်မှာ ပြည်သူတစ်ရပ်လုံးက ကမ္ဘာမကြေ မြန်မာပြေ တို့ဘိုးဘွား အမွေအနှစ်မို့ ချစ်မြတ်နိုးပေ စတဲ့ နိုင်ငံတော် သီချင်းကို တစ်နိုင်ငံလုံး အုံးအုံးကြွက်ကြွက် ကြွေးကြော်သီဆိုပြီး ဧရာဝတီမြစ်ကြီးနဲ့ တစ်ကွ အမိနိုင်ငံတော်ကြီးကို ကိုလိုနီလက်ဟောင်း လက်သစ် မှန်သမျှရဲ့ အန္တရာယ်က တွန်းလှန်ကြပါလို့ နှိုးဆော် လိုက်ချင်ပါတယ်။
မြစ်ဆုံစီမံကိန်း ရပ်ဆိုင်းပေးရန် CPT ကုမ္ပဏီနှင့် Asia World ကုမ္ပဏီ တို့ကို တရားဝင် မေတ္တာရပ်ခံ ကန့်ကွက်ခဲ့သည့် Eleven Media Group ၏ CEO ဒေါက်တာ သန်းထွဋ်အောင်
လှိုက်လှိုက်လှဲလှဲ ကြိုဆိုပါတယ်၊ သမ္မကြီး ဦးသိန်းစိန် အစိုးရအနေနဲ့ ပြည်သူလူထု ဆန္ဒကို လိုက်လျှော ပေးခဲ့ခြင်းဟာ အစိုးရ တစ်ရပ်အနေနဲ့ နှစ်ပေါင်း ၅၀ ကာလအတွင်း အရဲရင့်ဆုံး ခြေလှမ်းဖြစ်ပါတယ်။ ပြည်သူတွေရဲ့ ဆန္ဒဆိုတာ ပြည်သူတွေရဲ့ စိတ်ခံစားမှုထက် ပိုမြင့်ပါတယ်။ မိမိတို့ရဲ့ ဆန္ဒအမှန်ကို ရဲရင့်တည်ကြည်စွာ ဖော်ထုတ် ခဲ့ကြသူတွေ အားလုံးနဲ့ ဒီဆုံးဖြတ်ချက်ကို ရဲရင့်စွာ ဆုံးဖြတ်ခဲ့ကြသူ အားလုံးကိုလည်း EMG အနေနဲ့ အထူးပဲ ကျေးဇူးတင်ရှိပါတယ်။
ဒီဆုံးဖြတ်ချက်ဟာ နှစ်ပေါင်း ၆၀ ကျော် သွေးကွဲနေခဲ့ရတဲ့ ကျွန်တော်တို့ ပြည်ထောင်စုကြီးအတွက် ကောင်းမွန်တဲ့ ပထမဆုံး ခြေလှမ်းပဲ ဖြစ်ပါတယ်။ သမ္မတကြီးရဲ့ ဦဆောင်းမှုနဲ့ ကျွန်တော်တို့အားလုံး မြစ်ဆုံမှာ ပြန်ဆုံတွေ့ကြနိုင်ဖို့ မျှော်လင့်ပါတယ်။
ဦးအုန်း(ဒုဥက္ကဌ ၊ FREDA)
ပါတ်ဝန်းကျင်ထိန်းသိမ်းရေးဆိုင်ရာ ဆောင်ရွက်နေတဲ့သူတစ်ဦး အနေနဲ့ ၂၀၁၁ခုနှစ်ရဲ့ အကောင်းဆုံး သတင်းတစ်ခုလို့ သုံးသပ် ပါတယ်။ မြစ်ဆုံဆိုတာ ကချင်ပြည်နယ်ရဲ့ ယဉ်ကျေးမှုတစ်ခုပါ၊အဓိကအားဖြင့် ကချင်ပြည်နယ်က ဒေသခံတွေက သူ တို့ရဲ့ ယဉ်ကျေးမှုတွေကို ဖျက်ဆီးတာကို မကျေနပ်နိုင်သလို မျိုးချစ်စိတ်ရှိတဲ့ ပြည်သူတွေအားလုံးကလည်း ဒီကိစ္စကို လက်ခံချင်ကြမှာ မဟုတ်ပါဘူး။ ဒါပြည်သူအားလုံးရဲ့ ဆန္ဒပါ။ဒါ့ကြောင့် ကျွန်တော်တို့ အနေနဲ့လည်း ရာဇ၀င်မှာ အမဲစက် မထင်အောင် ချင့်ချင့်ချိန်ချိန် လုပ်ကြဖို့ တတ်နိုင်သလောက် မေတ္တာရပ်ခံမှုတွေ ပြုလုပ်နေကြရတာ ဖြစ်ပါတယ်။ ဒီဆန္ဒကို သမ္မတကြီးက လိုက်လျော ပေးတဲ့အတွက် လေးစားပါတယ်။ အရမ်းကိုကျေနပ်ပါတယ်။ ဆက်ပြီး အကြံပြုချင်တာ တစ်ခုက ကချင် ပြည်နယ်တစ်ခုလုံးက biodiversity အလွန်ပေါ်တဲ့နေရာ ဖြစ်ပါတယ်။ သစ်ခွမျိုးစိတ်ပေါင်း ၈၀၀ကျော် ရှိတယ်။ဆင်၊ကျား၊ကျားသစ်၊သက်ဝံ ကအစရှိတဲ့ နေရာတွေရှိတယ်။အင် မတန်တန်ဖိုးရှိတဲ့ နေရာဖြစ်ပါတယ်။ ဒီနေရာမျိုးကို ecotourism အဖြစ် ပြုလုပ်ပြီး ပိုက်ဆံရှာလို့ရပါတယ်'' ဟု FREDA မှ ဒုတိယဥက္ကဌ ဦးအုန်းက ပြောကြားခဲ့သည်။
ဦးစိုးညွန့်(ဥက္ကဋ္ဌ၊ မြန်မာနိုင်ငံငှက် နှင့် သဘာဝပတ်ဝန်းကျင် ထိန်းသိမ်းရေးအသင်း)
"မြစ်ဆုံစီမံကိန်းရပ်တာ ၀မ်းသာစရာအကောင်းဆုံး သတင်းပါပဲ။ ဒီစီမံကိန်းရပ်ဖို့ အားလုံးပူးပေါင်း ဆောင်ရွက်ခဲ့ကြတယ်။ ပူးပေါင်းမှု အားကြောင့်သာ ဒီလိုရလဒ်ရလာတာပါ။ မြစ်ဆုံကို ချစ်တဲ့သူ၊ ဧရာ ၀တီကိုချစ်တဲ့သူ၊ မြန်မာနိုင်ငံကို ချစ်တဲ့သူအားလုံးက မဖြစ်သင့်တဲ့ စီမံကိန်းကို ၀ိုင်းဝန်းကာကွယ်ခဲ့ကြတယ်။ ဒီလိုအောင်မြင်မှု ရလာတာကတော့ အားလုံးအတွက် ၀မ်းသာစရာပေါ့။ ကြိုဆိုပါတယ်"
ဆရာအော်ပီကျယ်
“၀မ်းသာပါတယ် သမ္မတတစ်ယောက်အနေနဲ့ လုပ်သင့်လုပ်ထိုက်တဲ့ အလုပ်တစ်ခုကို လုပ်လိုက်တယ်လို့ ယူဆပါတယ်။ ဒီအစိုးရ လက်ထက်မှာ ရပ်ဆိုင်းလိုက်တဲ့ အတွက် ဒီအစိုးရ လက်ထက် တစ်ခုစာတော့ သေချာ သွားတာပေါ့။ အဓိကကတော့ Eleven အပါအ၀င် ဧရာဝတီကို အားလုံး ပြည်သူ တစ်ရပ်လုံး ၀ိုင်းလုပ်တဲ့ အောင်မြင်မှုပဲလို့ ယူဆပါတယ်။”
ဒေါက်တာတူးဂျာ(မြစ်ကြီးနားမြို့)
မြစ်ဆုံစီမံကိန်းကို ရပ်လိုက်တဲ့ သတင်းက အရမ်းကို ၀မ်းသာကြိုဆိုပါတယ်။ ဒါဟာ သမ္မတကြီးရဲ့ သဘောထားကြီးမှု၊ အမြော်မြင် ကြီးမှုကို မြင်ရပါတယ်။ နောက်ပြီး ပြည်သူတွေရဲ့အသံကို အလေးထားတယ် ဆိုတာကိုလည်း ပြလိုက်တဲ့ သဘောပါ။ ပြည်သူတွေရဲ့ အသံကို အလေးထား၊ နားထောင်ပေးတဲ့ အတွက် ဒီမိုကရေစီ နိုင်ငံကို ဦးတည်နေပြီလို့လည်း မြင်ပါတယ်။ ဒါကိုကြိုဆိုပါတယ်။
ဒါရိုက်တာ မင်းထင်ကိုကိုကြီး
ဒီမနက်ကြားရတဲ့ သတင်းကတော့ တကယ့် မင်္ဂလာသတင်းပါပဲ။ ပြည်သူတွေရဲ့ တကယ့်ဆန္ဒ သဘောထားကို နားထောင်ပြီး ဆုံးဖြတ်လိုက်တဲ့ ကိစ္စပဲလေ။ ဒီကိစ္စက လွှတ်တော်မှာ မဲခွဲပြီး ဆုံးဖြတ်မယ် ဆိုရင်တောင် လွှတ်တော်အတွင်းမှာ ရှိနေတာက အစိုးရ တစ်ရပ်ရဲ့လူတွေပဲလေ။ အဲဒီထဲက လူတွေအနေနဲ့ ကိုယ့်ဆန္ဒကြောင့်ပဲဖြစ်စေ၊ အဂတိမကင်းတဲ့ ကိစ္စ တစ်ခုခုကြောင့်ပဲ ဖြစ်စေ ထောက်ခံတယ် ဆိုတာမျိုး ဖြစ်လာ နိုင်သေးတယ်။ အဲဒီလို ဖြစ်လာခဲ့ရင်လည်း ပြည်သူရဲ့ တကယ့် အသံ စစ်စစ်ကတော့ မြစ်ဆုံ စီမံကိန်းက မဖြစ်သင့်ဘူးဆိုတာ ဖော်ညွှန်း နေမှာပါပဲ။ မြန်မာနိုင်ငံသား အားလုံးအတွက် အရေးပါတဲ့ ဧရာဝတီရယ်၊ ကချင်လူမျိုးတွေအတွက် အထွတ်အမြတ်ထားရာ မြစ်ဆုံလို ဒေသမှာ လုပ်မယ့်ကိစ္စက လုံးဝမဖြစ်သင့်တာလေ။ အဲဒါကို ပြည်သူ့ဆန္ဒတစ်ခု တည်းကြည့်ပြီး ရပ်ဖို့ ဆုံးဖြတ် လိုက်တာဟာ အင်မတန် ၀မ်းသာစရာ ကောင်းတဲ့၊ ကြည်နူးစရာကောင်းတဲ့ သတင်းလို့ ခံစားမိပါတယ်။ ကြားရတာ အင်မတန် မင်္ဂလာရှိတဲ့ သတင်းပါပဲ။
ဒေါက်တာ ဖုန်းဝင်း
“အစိုးရအဖွဲ့က ဒီလိုဆုံးဖြတ်လိုက်တာ ကောင်းပါတယ်။ ကျွန်တော်ကတော့ အချက် သုံးချက်နဲ့ ပြောချင်တယ်။ ပထမတစ်ချက်ကတော့ ပတ်ဝန်းကျင် ထိန်းသိမ်းရေးနဲ့ နိုင်ငံရဲ့ စီးပွားရေး ဖွံ့ဖြိုးတိုးတက်မှု ကိုချင့်ချိန်ပြီး လုပ်နိုင်မယ် ဆိုရင် နိုင်ငံဟာ ရေရှည်တည်တံ့ပြီး sustainable development ဖြစ်တဲ့ နိုင်ငံဖြစ်လာမှာပဲ။ ဒီလို မူဝါဒမျိုးချ မှတ်ရင် အစိုးရအတွက်၊ ပြည်သူအတွက်၊ တိုင်းရင်းသားတွေအတွက် ကောင်းတယ်။ ဒုတိယတစ်ချက်ကတော့ ဒီလိုရပ်ထားတာဟာ အရင်က လုပ်ချင်တဲ့သူနဲ့ မလုပ်ချင်တဲ့ သူတွေကြားက ပဋိပက္ခတွေကို ပြီးသွားစေတယ်။ နည်းသွားစေတယ်။ နောက်ဆုံး အချက်ကတော့ မြစ်ဆုံစီမံကိန်းဟာ မလုပ်သင့်တဲ့ ကိစ္စမို့လို့ ပြန်စဉ်းစားပါလို့ အားလုံးက ကန့်ကွက်ခဲ့ ကြတယ်။ နိုင်ငံသား တာဝန်ကျေပွန်အောင် ရပ်တည်ခဲ့ကြတယ်။ ရလာ တဲ့ရလဒ်ကလည်း ကောင်းတယ်။ ကျွန်တော့် အမြင်ကတော့ တခြား ကိစ္စတွေမှာလည်း ဒီလိုသာ ဆက်လုပ်သွားနိုင်မယ် ဆိုရင် တစ်နေ့မှာ သွားချင်တဲ့ ရည်ရွယ်ချက်ဆီ ရောက်မယ်ဆိုတာပါပဲ”
သဘာဝပတ်ဝန်းကျင် ထိန်းသိမ်းရေး ဆောင်ရွက်နေသူတစ်ဦး
မြန်မာနိုင်ငံက ပြည်ထောင်စု တိုင်းရင်းသားတွေ အတွက် မင်္ဂလာ သတင်းပါ။ မြစ်ဆုံကို ရပ်ပေးတဲ့ အတွက် အတိုင်းမသိ ၀မ်းသာတယ်။ ဒေသခံတွေ နောင်လာ နောက်သားတွေ အတွက် ရတက်မအေးဘူး ဖြစ်နေရတာတွေ မဖြစ်တော့ဘူးပေါ့။ မြစ်ကြီး မကောတော့ဘူးပေါ့။ ဒါဟာ ဧရာဝတီကို အသက် ဆက်ပေးလိုက်ရုံတင် မဟုတ်ပါဘူး။ တိုင်းရင်းသား အားလုံးကိုပါ အသက် ဆက်ပေးလိုက်တာပါ။
ကိုသီဟ၊ စီးပွားရေးလုပ်ငန်းရှင်၊ အသက် ၃၀ နှစ်၊ မြစ်ကြီးနားမြို့
မြစ်ဆုံစီမံကိန်း ရပ်တယ်ဆိုတဲ့သတင်းကို ကြားရတော့ ပြောမပြတတ်အောင်ပဲ ၀မ်းသာပါတယ်။ မြစ်ကြီးနားမြို့က ဒေသခံအားလုံးအတွက် သာမကပဲ ကချင်ပြည်နယ် တစ်ပြည်နယ်လုံးက တိုင်းရင်းသား တွေအားလုံးအတွက်ပါ ၀မ်းသာတာပါ။ မြစ်ဆုံစီမံကိန်း လုပ်နေတဲ့ကာလက စိုးရိမ်ပူပန်မှုတွေလည်း အခုတော့ ပျောက်သွားရတာပေါ့။ သတင်းကောင်းပါပဲ။ နောက်ဘယ်တာ့မှ ထပ်မဆောက်ပါစေနဲ့လို့လည်း ဆုတောင်းပါတယ်။
ဒေါ်ငွေကြိုင်(အသက် ၆၀ နှစ်၊ ရှမ်း စုတောင်ရပ်ကွက်၊ မြစ်ကြီးနားမြို့)
“ရပ်လိုက်ပြီလား။ တကယ်ရပ် လိုက်ပြီလား။ ၀မ်းသာလိုက်တာကွယ်။ မြစ်ဆုံကို လုပ်နေတုန်းက စိတ်ပူတာ မပြောပါနဲ့တော့။ ကိုယ်တစ်ယောက်တည်း မဟုတ်ပါဘူး။ တစ်မြို့လုံးပဲ။ တစ်ပြည်လုံးပဲ။ ဒါက သဘာဝပျက်စီးမှာလေ။ အားလုံး ဒုက္ခရောက်မှာ။ အခုလိုကြားရတာ ၀မ်းသာလိုက်တာ။”
ကိုမရစ်နော်ဆန်း(မြစ်ကြီးနားမြို့)
“ကျွန်တော့်အမြင် ပြောရရင်တော့ ပတ်ဝန်းကျင် ထိန်းသိမ်းရေးမှာလည်း ပါဝင်ဆောင်ရွက်နေတော့ သဘာဝအတွက်လည်း အလွန်အရေးကြီးတာ နားလည်ထားတယ်။ ကိုယ်က သစ်ပင်တစ်ပင်တောင် မနည်း စိုက်နေရတဲ့အချိန်မှာ သူ့ဘာသာသူ သဘာဝအရ ဖြစ်ထားတဲ့ ရှုခင်းလှပတဲ့ နေရာတစ်ခုကို ဘာလို့ဖျက်ဆီးမလဲ။ ဒီဆည်ကြီးဆောက်လိုက်လို့ ရလာမယ့် အကျိုးထက် ဆုံးရှုံးရ မှာက ပိုနေပါတယ်။ နောက်ပြီး ကျွန်တော်တို့ ကချင်တိုင်းရင်းသားတွေ အတွက်လည်း ယဉ်ကျေးမှု အမွေတစ်ခုလည်း ဖြစ်ပါတယ်။ ဒါကို ရပ်လိုက်တာ လုံးဝ ထောက်ခံတယ်။ ကြိုဆိုတယ်။ ဒီကိစ္စနဲ့ ပတ်သက်ပြီး တားကြပြုကြတဲ့သူတွေ အားလုံးကိုလည်း ကျေးဇူးတင်တယ်။”
ဦးပေါဟိန်း(နာယက၊ မြန်မာနိုင်ငံ စက်မှုကုန်ထုတ်လုပ်သူများ အသင်း)
“အင်မတန်ဝမ်းသာပါတယ်။ ဆည်တည်ဆောက်မှုကြောင့် နှစ်ရှည်လများ ခံစားရမယ့် အများပြည်သူနဲ့ ပြည်သူလူထုအားလုံးရဲ့ စိုးရိမ်စိတ်ကို အလေးထားပေးတဲ့အတွက် ၀မ်းသာတယ်။ ဒီမိုကရေစီ ရဲ့ အနှစ်သာရဖြစ်တဲ့ အများဆန္ဒဆိုတာကို ရှေ့တန်းတင်ထားတဲ့အတွက်လည်း ဒီမြစ်ဆုံကိစ္စဟာ နိုင်ငံရဲ့ ဒီမိုကရေစီလမ်းကြောင်းမှာ ပထမဆုံး မှတ်ကျောက်တင်ရမယ့် ကိစ္စလို့တောင် မြင်မိတယ်။ မြစ်ဆုံဆည် ကိစ္စနဲ့ပတ်သက်ပြီးတော့ အချက်အလက်ခိုင်ခိုင်လုံလုံနဲ့ ထောက်ပြသွားကြတဲ့ ပညာရှင်တွေကိုလည်း လေးစားပါတယ်။ အထူးသဖြင့် EMG နဲ့ ဒေါက်တာသန်းထွဋ်အောင်ကို လည်း ကျေးဇူးတင်ပါတယ်။ အချုပ်အနေနဲ့တော့ ဒီမိုကရေစီအရသာ ကို စပြီး ခံစားလိုက်ရတာပါပဲ။”
ဦးကျော်သူ(အတွင်းရေးမှူး၊ ဒဂုံဆိပ်ကမ်း စက်မှုဇုန်)
“ကြားရတာ အရမ်းဝမ်းသာဖို့ ကောင်းပါတယ်။ တိုင်းရင်းသားတွေ ဒေသခံတွေလည်း အရမ်းကို ပျော်ရွှင် သွားကြမှာပါ။ ပြည်သူ တစ်ရပ်လုံးလည်း သူတို့ရဲ့ဆန္ဒ၊ စိုးရိမ်စိတ်တွေကို အလေးထားပေးတာ တွေ့ရလို့ ၀မ်းသာကြမှာပါ။ ပြည်သူက ရွေးကောက်လို့ ပြည်သူဆန္ဒကို ပြန်အလေးထားတယ်ဆိုတဲ့ အချက်ကတော့ တော်တော်ကို အားတက်စရာပါပဲ။ မြစ်ဆုံဆည်ကိစ္စအတွက် မလုပ်သင့်ဘူး၊ ပြန်လည် စဉ်းစားပေးပါဆိုပြီး ရဲရဲဝံ့ဝံ့သတ္တိရှိရှိ ပြောခဲ့လုပ်ခဲ့ကြတဲ့ EMG နဲ့အခြားမီဒီယာ အချို့နဲ့ ပညာရှင်တွေ အားလုံးကို လေးစားမိပါတယ်။ အစိုးရသစ်အနေနဲ့လည်း ပြည်သူအတွက် ပြည်သူ့ဆန္ဒ ကို အလေးထားကြောင်း မြစ်ဆုံကိစ္စက မှတ်ကျောက်တစ်ခုအဖြစ် ထင်ကျန်တော့မှာပါ။ အရမ်းဝမ်းသာပါတယ်။”
ဦးရဲမင်းအောင်(အတွင်းရေးမှူး၊ မြန်မာနိုင်ငံဆန်စပါး လုပ်ငန်းရှင်များ အသင်း)
“မင်္ဂလာရှိတဲ့ သတင်းပါပဲ။ ဒီလိုဖြစ်လာအောင် တိုက်တွန်းပေးတဲ့ EMG အပါအ၀င် လေ့လာ ပြောကြားခဲ့တဲ့ ပညာရှင်တွေ အားလုံးကိုလဲ လေးစားပါတယ်။ အထူးသဖြင့် အစိုးရရဲ့ အများပြည်သူ စိတ်ချမ်းသာမှု၊ ကျေနပ်မှုအပေါ် အလေးအနက်ထား လုပ်ဆောင်ပေးတဲ့ အချက်ကိုလည်း အားရ ကျေနပ်မိပါတယ်။ ဆက်ပြီးတော့လည်း ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေး အကျဉ်းသား တွေကိုသာ လွှတ် ပေးခဲ့မယ် ဆိုရင် အများပြည်သူ အားလုံး ထပ်ပြီး ပျော်ရွှင်ရဦးမှာပါ။ ဒီမိုကရေစီ လမ်းစဉ်ဖြစ်တဲ့ အများပြည်သူ ဆန္ဒကို ဦးထိပ်ထား လုပ်ဆောင်ပေးတယ်။ အိမ်နီးချင်းနိုင်ငံနဲ့လည်း ရေရှည် ဆက်ဆံနိုင်အောင် သိမ်မွေ့စွာ ဖြေရှင်းသွားဦးမယ် ဆိုတာကိုလည်း ထည့်ပြောသွားတဲ့ အတွက် အစိုးရနဲ့ ပြည်သူကြားမှာ သားရွှေအိုးထမ်းတဲ့ ကိန်းပါပဲ။ မြစ်ဆုံဆည်ဆောက်မှ သားရွှေအိုးထမ်းတဲ့ကိန်း မဟုတ်ပဲ အခုမှ တကယ့် ရွှေအိုး ထမ်းတဲ့ကိန်းပါပဲ။”
ဦးအောင်လှထွန်း (Reuters)
ကျွန်တော့်အတွက် ဒီအစိုးရ လက်ထက်မှာ ဒီထက်ဝမ်းသာစရာ ကောင်းတဲ့သတင်း မကြားဖူး သေးဘူး။ ဒါဟာ ၀မ်းသာစရာ အကောင်းဆုံးပါ။ ဒုတိယက ဒေါ်အောင်ဆန်းစုကြည် နဲ့ သမ္မတကြီး တွေ့တဲ့ သတင်းပဲ။
Ref: EMG News
Read More...
Collapse...
9/29/2011
ရခိုင်ပြည်နယ် ကျောက်ဖြူမြို့နယ် ပျားတဲရွာအနီးမှ လယ်သမားများပိုင် မြေများကို မြေစာရင်းဦးစီးဌာနတွင် ဗိုလ်မှူး အဆင့်ရှိသူ တစ်ဦးက သူ့အမည်ဖြင့် နာမည် ဖေါက်ပြီး ရောင်စားသွားသဖြင့် လယ်သမားများမှာ လယ်မဲ့ယာမဲ့ ဘ၀သို့ အလိုလိုနေရင်း ရောက်ရှိ သွားကြရသည်ဟု သတင်း ရရှိသည်။
အဆိုပါ မြေကွက် ဧရိယာမှာ ၂၄ ဧက ရှိပြီး ဗိုလ်မှူး ဦးစန်းမောင်မာင်ဆိုသူက အိန္ဒိယ ကုမ္ပဏီ တစ်ခုသို့ သိန်းကျပ် (၄၀၀) ဖြင့်ရောင်းစားသွားခြင်း ဖြစ်ကြောင်း သိရသည်။
အဆိုပါ ဒေသသို့ ကိုယ်တိုင်သွားရောက်ခဲ့သူ လူငယ် တစ်ဦးက" အဲဒီ ဗိုလ်မှူး ဦးစန်းမောင်မောင်က အဲဒီမြေတွေကို မြေစာရင်းဌာနမှာ သူ့နာမည် ဖေါက်ပြီး Punj Loyd ဆိုတဲ့ အိန္ဒိယ ကုမ္ပဏီကို ရောင်းစားသွားတာပါ။ အခု အဲဒီ ကုမ္ပဏီက မြေကွက်တွေမှာ စီမံကိန်း စတင်နေပါပြီ" ဟု ပြောသည်။
ရွာသာများမှာ ၎င်းတို့ပိုင်သော လယ်မြေများ၊ စားကျက်မြေများကို အိန္ဒိယကုမ္ပဏီမှ စက်ကရိယာများဖြင့် လာရောက် တူးဖေါ်ပြီး မှ မိမိတို့ လယ်မြေများ အသိမ်းခံရသည်ကို သိရှိကြရသည်ဟု သူက ဆိုသည်။
" ကျွန်တော်တို့ သိရသလောက် ဗိုလ်မှူး စန်းမောင်မောင်က ခယက လက်ထက်မှာ ကျောက်ဖြူမှာ တာဝန်ကျဖူးတယ်လို့ သိရ ပါတယ်။ သူက မြေတိုင်းဌာနက ၀န်ထမ်းတွေကို ငွေနည်းနည်းပေးပြီး အဲဒီမြေတွေကို သူ့နာမည်နဲ့ ဖေါက်ပြီးတော့ ရောင်းစား သွားတာ ဖြစ်တယ်လို့ သိရပါတယ်" ဟု သူက ဆက်ပြောသည်။
ကျောက်ဖြူတွင် တာဝန်ကျခဲ့သော စစ်ဘက်ဆိုင်ရာ လူကြီးများသည် နိုင်ငံခြား စီမံကိန်းများ တည်ဆောက်မည့် နေရာများ၊ ဂတ်စ်နှင့် ရေနံပိုက်လိုင်း ဖြတ်သန်းမည့် နေရာများကို မြေပုံများကို ကြည့်ပြီး သိရှိထားသဖြင့် အဆိုပါ နေရာများကို မြေတိုင်း ဦးစီးဌာနနှင့် ပေါင်းပြီး မိမိပိုင် မြေအဖြစ် ဂရမ်ဖေါက်ထားခဲ့ကြသည်ဟု သိရသည်။
ထိုအထဲတွင် ယခင် အနောက်ပိုင်းတိုင်းမှူး ဖြစ်ခဲ့သော ပြည်ထဲရေး ၀န်ကြီးဟောင်း ဗိုလ်ချုပ် မောင်ဦးလည်း ပါဝင်ကာ ကျောက်ဖြူ မှ (၆) မိုင် အကွာတွင် တည်ရှိသော ဂုံးချိန်ကျေးရွာရှိ အများပြည်သူပိုင် မြေကွက် တစ်ခုကို မိမိပိုင်လုပ်ကာ ဒေးဝူး ကုမ္ပဏီကို ကျပ်သိန်း ၄၀၀ ဖြင့် ရောင်းစားသွားခဲ့သည်။
" ကျောက်ဖြူမှာ နေရာကောင်းမှန်သမျှ စစ်ဗိုလ်ချုပ်တွေ လက်ထဲကို ရောက်သွားပါပြီ။ ဒေသခံတွေမှာ ဘယ်ကို တိုင်ကြား ရမှန်း လည်း မသိဘူး။ တိုင်ကြားရင်လည်း အဖမ်းခံရမှာကို စိုးပြီး ဘယ်သူမှ လိုက်မလုပ်ရဲဘူး။ ကျောက်ဖြူမြို့နယ်မှာ လယ်တွေ၊ စားကျက် တွေ တ၀က်ခန့်က ပြည်သူတွေရဲ့ လက်ထဲမှာ မရှိတော့ဘူး" ဟု တခြား ကျောက်ဖြူ ဒေသခံ တစ်ဦး ကလည်း ပြော သည်။
ယခုကဲ့သို့ ဒေသခံများ ပိုင်ဆိုင်သော လယ်မြေများကို Punj Loyd ကုမ္ပဏီက မြေတူးစက်များဖြင့် တူးဖေါ်နေသဖြင့် ရွာသား များမှာ မျက်ရည် တလည်လည်ဖြင့် ဖြစ်နေပြီး အဆိုပါ ကိစ္စကို မည်သို့ ဆက်လုပ်ရမည်ကိုလည်း မသိဘဲ ဖြစ်နေကြသည်ဟု သိရသည်။
၎င်းအပြင် ဂတ်စ်နှင့် ရေနံပိုက်လိုင်းဖြတ်သန်းမည့် နေရာများကိုလည်း မြေတိုင်းဌာနမှ အလံနီများ စိုက်ထူထားပြီး ပိုက်လိုင်း ဖြတ်သန်းရာနေရာကို အကျယ် ကိုက် (၅၀) သိမ်းယူမည်ဟု သတင်းထွက်နေသဖြင့် ရွာသားများ နောက်ထပ် လယ်မြေများ ဆုံးရှုံးမည်ကို အထူး စိုးရိမ်နေကြသည်ဟု သိရသည်။
Ref: နရိဉ္စရာ
Read More...
Collapse...
30 September 2011
နန်းသူးလေ
ထားဝယ်-ကန်ချနဘူရီ အဝေးပြေး လမ်းမ ဆောက်လုပ်ရေး ရပ်ဆိုင်းရန် တားမြစ်ခဲ့သည့် ကရင်အမျိုးသားအစည်းအရုံး(KNU) နှင့် ဧရာဝတီမြစ်ဆုံရေကာတာ တည်ဆောက်ရေး စီမံကိန်းအား ကန့်ကွက်ခဲ့သည့် ကချင်ပြည်လွတ်လပ်ရေးအဖွဲ့(KIO)တို့၏ ဆောင်ရွက်မှုများကို ထောက်ခံကြောင်း ဂျပန်နိုင်ငံအခြေစိုက် မြန်မာ့ဒီမိုကရေစီအဖွဲ့ချုပ်(LDB)မှ ယမန်နေ့က ကြေညာချက် နှစ်စောင် ထုတ်ပြန်ခဲ့သည်။
LDB ၏ ထုတ်ပြန်ကြေညာချက်များသည် မှန်ကန်သည့် လုပ်ရပ်တစ်ခုဖြစ်ပြီး မိမိတို့အနေဖြင့် တိုင်းပြည်အကျိုးထိခိုက်စေမည့် လုပ်ဆောင်ချက်များကို ၀ိုင်းဝန်းတားမြစ် ပိတ်ပင်သွားရခြင်းမှာ ပြည်သူအကျိုးအတွက်သာဖြစ်ကြောင်း KNU ၏ တွဲဖက်အ တွင်း ရေးမှူး(၁) ဗိုလ်မှူးစောလှငွေက ယခုလို ပြောသည်။
ဗိုလ်မှူးစောလှငွေက “ဒီဆောက်လုပ်ရေးတွေက ဘယ်နေရာ ဘယ်ဒေသမှာပဲလုပ်လုပ် အဓိကတော့ ပြည်သူလူထုအကျိုးကို ကြည့်ပြီး ပြည်သူတွေအတွက် အကျိုးရှိမယ့် လုပ်ဆောင်ချက်တွေဆိုရင် ကျနော်တို့အနေနဲ့လည်း မတားဆီးပါဘူး။ အခုလည်း ကျနော်တို့အနေနဲ့ ပြည်သူလူထုအတွက် စဉ်းစားပြီး လုပ်ဆောင်နေတဲ့အပေါ် အမျိုးသားဒီမိုကရေစီအဖွဲ့ချုပ်က ကျနော်တို့ဆန္ဒ နဲ့ ထပ်တူဖြစ်ပြီး ထောက်ခံအားပေးတဲ့အတွက် ဂုဏ်ယူဝမ်းသာမိပါတယ်။”ဟု ပြောသည်။
အီတာလျံထိုင်းကုမ္ပဏီမှ အကောင်အထည်ဖော်နေသည့် ထားဝယ်ရေနက်ဆိပ်ကမ်း တည်ဆောက်ရေးအတွက် ထောက်ပံ့ရေး လမ်းကြောင်းဖြစ်သော ၁၆၀ ကီလိုမီတာရှိသော ထားဝယ်-ကန်ချနဘူရီ အဝေးပြေးလမ်းမသည် မြန်မာပြည်အတွင်းပိုင်းတွင် ကီလိုမီတာ ၁၃၀ရှည်လျားပြီး လမ်းမတောက်လျှောက်တွင် ဒေသခံ ကရင်တိုင်းရင်းသားပြည်သူများ မှီတင်းနေထိုင်သော ကျေး ရွာ ၁၃ရွာ၊ အသက်မွေးဝမ်းကြောင်း ပြုလုပ်နေသည့် ဥယျာဉ်ခြံမြေနှင့် တောင်ယာမြေများ ပျက်စီးပျောက်ကွယ်သွားမည့် အန္တ ရာယ်ဖြင့် ရင်ဆိုင်နေရသည်ဟု LDB က ထောက်ပြထားသည်။
ဧရာဝတီမြစ်ဆုံရေကာတာ တည်ဆောက်ရေးသည် ကချင်အကျိုးအတွက်သာမက မြန်မာတပြည်လုံး၏ အကျိုးအတွက် အရေး ပါလှပြီး တစ်ဦး၏ပြဿနာအား တစ်ဦးက နားလည်ပေးနေသည့် LDB ၏ ကြေညာချက်မှာ တပြည်လုံး၏ ငြိမ်းချမ်းရေး အသွင် ဆောင်နေသည့်အတွက် အလွန်ဝမ်းမြောက်လှကြောင်း ကချင်ပြည်လွတ်လပ်ရေးအဖွဲ့(KIO)၏ ဒု နိုင်ငံခြားရေးတာဝန် ခံ ဗိုလ်မှူး ကြီးဂျိမ်း(စ်)လွန်းဒေါင်က ကေအိုင်စီကို ပြောသည်။
“မြစ်ဆုံရေကာတာ တည်ဆောက်မှုဟာ တစ်ပြည်လုံးအရေးဖြစ်ပါတယ်။ ကချင်ပြည်ထဲမှာဆိုရင် ရွာပေါင်း ၆၀နဲ့ လူပေါင်း ၂ သောင်း လောက် ဒုက္ခရောက်ကြရမှာပါ။ ကချင်ပြည်တခုထဲ မဟုတ်ဘဲ မြစ်တစ်လျှောက်မှာ နေထိုင်ကြတဲ့ လူမျိုးစုတိုင်း ဒုက္ခ ရောက်ရမဲ့အရေးပါ။ ဒါကြောင့် ကျနော်တို့အနေနဲ့လည်း ဒီစီမံကိန်းကြီး ဆက်ပြီး မသွားအောင် ရပ်ထားတယ်။ ရှေ့ဆက်ပြီး တော့ လည်း လူမျိုးစုအားလုံးနဲ့ ပူးပေါင်းပြီး လုပ်ဆောင်သွားမှာပါ။”ဟု ဆိုသည်။
ထို့အပြင် ပြည်သူလူထုနှင့် ဒေသခံတိုင်းရင်းသားများ၏ ဆန္ဒနှင့် အကျိုးစီးပွားကို လျစ်လျူရှုပြီး အတုအယောင်လွှတ်တော်တွင် ဆုံးဖြတ်ချက် ရယူမှုကို ကန့်ကွက်ကာ ရေကာတာ ဆောက်လုပ်ခြင်း စီမံကိန်းရပ်တန့်သွားစေမည့် KIO ၏ လိုအပ်သော လုပ် ဆောင်မှုများကို ထောက်ခံကြောင်းလည်း LDB က ဆိုသည်။
ဘိုးဘွားစဉ်ဆက် မြန်မာတိုင်းရင်းသားပြည်သူအားလုံး မှီတင်းနေထိုင်ခဲ့သည့် ဧရာဝတီမြစ်ကြီးမှာ မြစ်ဆုံရေကာတာကြောင့် ပျက်စီးပျောက်ကွယ်သွားမည့် အန္တရာယ်ရှိသည့်အပေါ် သဘာဝပတ်ဝန်းကျင် ထိန်းသိမ်းရေးအဖွဲ့များ၊ ပြည်တွင်းပြည်ပရှိ ပြည် သူအားလုံးနှင့် အဖွဲ့အစည်းများက ရေကာတာဆောက်လုပ်ခြင်းကို အမြန်ဆုံး ရပ်ဆိုင်းရန် တင်ပြ တောင်းဆိုခဲ့ကြသည်။
LDB ၏ ထုတ်ပြန်ချက်နှင့် ပတ်သက်၍ ကေအိုင်စီက ဂျပန်ရှိ LDB အဖွဲ့ဝင်များထံ ဆက်သွယ်မေးမြန်းသော်လည်း ဖုန်းကိုင် ဖြေကြားမည့်သူ မရှိပေ။
ကရင်အမျိုးသားအစည်းအရုံး(KNU)နှင့် ကချင်ပြည်လွတ်လပ်ရေးအဖွဲ့(KIO)တို့သည် မြန်မာနိုင်ငံ ဒီမိုကရေစီရရှိရေး၊ လူ့အခွင့် အရေးနှင့် စစ်မှန်သည့် ဖက်ဒရယ်ပြည်ထောင်စု ပေါ်ထွန်းလာရေးအတွက် ကြိုးပမ်းဆောင်ရွက်ကာ မြန်မာလူထုကြား၌ အခိုင် အမာ တည်ရှိနေသည့် တော်လှန်ရေးအဖွဲ့အစည်းအဖြစ် လေးစားကြောင်းကိုလည်း LDB က ထုတ်ပြန်ကြေညာခဲ့သည်။
ပြီးခဲ့သည့် စက်တင်ဘာလ ၅ရက်နေ့ကလည်း LDB အနေဖြင့် မြန်မာအစိုးရစစ်တပ်ကို ဆန့်ကျင်တိုက်ခိုက်နေသည့် တိုးတက် သော ဗုဒ္ဓဘာသာ ကရင်အမျိုးသားတပ်မတော်(DKBA)ကို လေးစားထောက်ခံကြောင်း ကြေညာချက် ထုတ်ပြန်ခဲ့သေးသည်။
Ref: ကေအိုင်စီ
Read More...
Collapse...
29 September 2011
မြစ်ဆုံဆည်တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း နိုင်ငံတော်သမ္မတက လွှတ်တော် သို့ သ၀ဏ်လွှာ ပေးပို့ခဲ့ကြောင်း သတင်းရရှိပါသည်။
နိုင်ငံတော်သမ္မတကြီး ဦးသိန်းစိန်က စက်တင်ဘာလ ၃၀ ရက်နေ့တွင် လွှတ်တော်သို့ အချက် (၁၀)ချက်ပါသည့် သ၀ဏ်လွှာပေးပို့ ခဲ့ခြင်း ဖြစ်သည်။
အဆိုပါအချက် ၁၀ ချက်ထဲတွင် မြစ်ဆုံဆည် တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဆိုသည့် အချက် ပါဝင်ကြောင်း၊ နိုင်ငံတော်သမ္မတ ဦသိန်းစိန်မှ မြစ်ဆုံဆည်တည်ဆောက်ခြင်း ရပ်ဆိုင်းရသည့်အပေါ် မိမိတို့အစိုးရသည် ပြည်သူဆီမှ ဆင်းသက်လာသည့် အခွင့်အာဏာအရ တာဝန်ယူလုပ်ဆောင်ကြခြင်းဖြစ်၍ အများပြည်သူ ဆန္ဒအရ မြစ်ဆုံဆည် တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း ပေးပို့ထားခြင်းဖြစ်သည်။
“မိမိတို့အစိုးရသည် ပြည်သူမှ ရွေးချယ်တင်မြှောက်ထားသည့် အစိုးရဖြစ်သည်နှင့်အညီ ပြည်သူများ၏ဆန္ဒကို အလေးထား ရပါ သည်။ ပြည်သူများ၏ စိုးရိမ်ပူပန်မှုများကို အလေးထား၍ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့ အစိုးရ လက်ထက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည် ဖြစ်ပါသည်။ နိုင်ငံတော်အတွက် လိုအပ် နေသည့် လျှပ်စစ်ဓာတ်အား ရရှိရေးအတွက် အန္တရာယ်မရှိနိုင်သည့် အခြားသော ရေအားလျှပ်စစ် စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံ ဖြစ်သည့် တရုတ်ပြည်သူ့ သမ္မတနိုင်ငံနှင့် ချုပ်ဆို ထားသည့် အဆိုပါစီမံကိန်းနှင့် သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူညှိုနှိုင်း ဆောင်ရွက် မည် ဖြစ်ကြောင်း လွှတ်တော်သို့ အသိပေးအကြောင်းကြား အပ်ပါသည် “ဟု နိုင်ငံတော်သမ္မတ ဦးသိန်းစိန်မှ လွှတ်တော်သို့ ပေးပို့ သော သ၀ဏ်လွှာတွင် ဖေါ်ပြပါရှိပါသည်။
Ref: Eleven Media Group
Read More...
Collapse...
29 စက်တင်ဘာ 2011
ဒေါ်ခင်မျိုးသက်
နယူးယောက်မှာ ကျင်းပနေတဲ့ ၆၆ ကြိမ်မြောက် ကုလသမဂ္ဂ အထွေထွေ ညီလာခံကို လာပြီးတက်တဲ့ မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်ဟာ ကြာသပတေးနေ့မှာ ၀ါရှင်တန်ဒီစီက အမေရိကန် နိုင်ငံခြားရေး ၀န်ကြီးဌာနမှာ မြန်မာနိုင်ငံဆိုင်ရာ အမေရိ ကန် အထူးကိုယ်စားလှယ် ဒဲရက်ခ် မစ်ချဲလ် (Derek Mitchell) အပြင် အမေရိကန် လက်ထောက် နိုင်ငံခြားရေးဝန်ကြီးတွေ ဖြစ် တဲ့ ကာ့တ် ကမ့်ပ်ဘဲလ် (Kurt Campbell) နဲ့ မိုက်ကယ် ပေါ့စ်နာ (Michael Posner) တို့နဲ့ တွေ့ဆုံခဲ့ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဦးဝဏ္ဏမောင်လွင်ဟာ စက်တင်ဘာ ၂၂ ရက်နေ့က အမေရိကန် နိုင်ငံခြားရေး ၀န်ကြီးဌာန အရှေ့အာရှနဲ့ ပစိဖိတ်ရေးရာ လက် ထောက် နိုင်ငံခြားရေးဝန်ကြီး ကာ့တ် ကမ့်ပ်ဘဲလ်နဲ့ မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်ခ် မစ်ချဲလ်တို့နဲ့ ကုလသမဂ္ဂ အထွေထွေ ညီလာခံရဲ့ ပြင်ပ သီးသန့် အစည်းအဝေးမှာ ဆွေးနွေးခဲ့ပါတယ်။ စက်တင်ဘာ ၂၇ ရက် အင်္ဂါနေ့က အထွေထွေ ညီလာခံမှာ မိန့်ခွန်း ပြောကြားခဲ့တဲ့ မြန်မာ နိုင်ငံခြားရေးဝန်ကြီးဟာ ကြာသပတေးနေ့မှာတော့ ၀ါရှင်တန်ဒီစီကို လာရောက်ပြီး နောက်ဆက်တွဲ ဆွေးနွေးမှုတွေ လုပ်ခဲ့တယ်လို့ အမေရိကန် နိုင်ငံခြားရေး ၀န်ကြီးဌာန ပြောခွင့်ရ မာ့ခ် တုန်နာ (Mark Toner) က ပြောပါတယ်။
“မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်ခ် မစ်ချဲလ်ဟာ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံ ခြား ရေးဝန်ကြီး ကာ့တ် ကမ့်ပ်ဘဲလ်၊ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ် ပေါ့စ်နာတို့နဲ့အတူ မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်နဲ့ ဒီနေ့ စက်တင်ဘာ ၂၉ ရက်နေ့မှာ နိုင်ငံခြားရေး ၀န်ကြီးဌာနမှာ တွေ့ဆုံ ဆွေးနွေးခဲ့ပါတယ်။
“ဒါဟာ ပြီးခဲ့တဲ့ သီတင်းပတ် ကုလသမဂ္ဂ အထွေထွေ ညီလာခံကြီးရဲ့ ပြင်ပမှာ မြန်မာ ကိုယ်စားလှယ် အဖွဲ့နဲ့ အမေရိကန် အစိုးရ ဘက်က တိုက်ရိုက် ဆွေးနွေးမှု လုပ်ခဲ့တာအပြင် စက်တင်ဘာ လဆန်းတုန်းက မစ္စတာ မစ်ချဲလ် မြန်မာနိုင်ငံကို သွားရောက်ခဲ့တာ တွေရဲ့ နောက်ဆက်တွဲ လုပ်ဆောင်မှုပါ။”
ဒီ နယူးယောက် ဆွေးနွေးပွဲဟာ ပွင့်လင်းမှုရှိပြီး အကျိုးရှိတယ်လို့ အမေရိကန် နိုင်ငံခြားရေး ၀န်ကြီးဌာနက ပြောကြားခဲ့ပါတယ်။ ဒါပေမဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အခုထက်ပိုပြီး အဓိပ္ပာယ်ရှိတဲ့ ဆွေးနွေးမှုတွေ ပြုလုပ်ဖို့အတွက် တောင်းဆိုလိုက်သလို နိုင်ငံရေး အကျဉ်းသားတွေ လွှတ်ပေးဖို့၊ တိုင်းရင်းသားတွေနဲ့ စစ်ပွဲ ဆင်နွှဲနေတာတွေ ရပ်ဆိုင်းဖို့နဲ့ မြောက် ကိုရီးယားနဲ့ ဆက်ဆံရေး အခုထက်ပိုပြီး ထင်သာမြင်သာ ရှိစေဖို့ အပါအ၀င် ခိုင်မာတဲ့ အပြောင်းအလဲ ခြေလှမ်းတွေ လှမ်းဖို့ ပြော ကြားခဲ့သလို အမေရိကန်နိုင်ငံရဲ့ မြန်မာအပေါ် ထားရှိတဲ့ မူဝါဒဟာ အပြောင်းအလဲ မရှိဘူးလို့ ဆိုပါတယ်။
“အမေရိကန်နိုင်ငံရဲ့ မြန်မာနိုင်ငံအပေါ် ထားရှိတဲ့ မူဝါဒ မပြောင်းလဲပါဘူး။ တဘက်က ပိတ်ဆို့ အရေးယူ ဒဏ်ခတ်မှုတွေ လုပ်နေ ချိန်မှာပဲ တိုက်ရိုက် ဆက်ဆံ ဆွေးနွေးမှုတွေကိုပါ လုပ်နေတာပါ။ မြန်မာနိုင်ငံမှာ ဒေါ်အောင်ဆန်းစုကြည်နဲ့ တိုက်ရိုက် ဆွေးနွေးမှု လုပ်တာကို မကြာသေးခင်ကမှ တွေ့လာရတဲ့ အပြောင်းအလဲ ကိစ္စရပ်တွေအတွက် ကြိုဆိုပါတယ်။
“ဒါပေမဲ့ အခုထိ မတွေ့ရသေးတဲ့ အဓိက ပြဿနာကြီးတွေဖြစ်တဲ့ နိုင်ငံရေး အကျဉ်းသား အားလုံးကို လွှတ်ပေးဖို့၊ အမျိုးသား ပြန်လည်သင့်မြတ်ရေးကို ဦးတည်တဲ့ တိုင်းရင်းသားတွေနဲ့ အတိုက်အခံ အဖွဲ့အစည်း အားလုံးနဲ့ ဆွေးနွေးဖို့အပြင် လူ့အခွင့် အရေးဆိုင်ရာ တာဝန်ခံမှု ရှိစေဖို့နဲ့ လူနည်းစု တိုင်းရင်းသားတွေနဲ့ တိုက်ပွဲ ဆင်နွှဲတာတွေ ရပ်စဲအောင် လုပ်ဖို့လည်း အားပေး ပါတယ်။”
မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင် အပြင် ၂၀၀၉ ခုနှစ်တုန်းက နိုင်ငံခြားရေးဝန်ကြီး တာဝန် ထမ်းဆောင်ခဲ့တဲ့ ဦးဉာဏ်ဝင်း ကိုလည်း ၀ါရှင်တန်ဒီစီကို လာရောက်ခွင့် ပြုခဲ့တာမို့ သမ္မတ အိုဘားမား အစိုးရ လက်ထက်မှာ နှစ်ပေါင်း ၅၀ လောက် အတွင်း မြန်မာနိုင်ငံအပေါ် ဆက်ဆံရေး ပျော့ပြောင်းလာခဲ့တယ်လို့ အများက ရှုမြင်ကြပါတယ်။
၁၉၉၀ နှစ်တွေလောက်ကစပြီး အမေရိကန်နဲ့ ဥရောပ နိုင်ငံတွေကို မြန်မာစစ်အစိုးရ ခေါင်းဆောင်ပိုင်း လာရောက်မှုတွေ ကန့် သတ် အရေးယူခဲ့တာမို့ ကုလသမဂ္ဂနဲ့ နိုင်ငံတကာ အစည်းအဝေးတွေမှအပ ပြည်ဝင်ခွင့်ဗီဇာ ထုတ်မပေးခဲ့ပါဘူး။ နယူးယောက် ကုလသမဂ္ဂ အထွေထွေ ညီလာခံကို တက်ရောက်ခွင့် ပေးခဲ့ပေမဲ့ ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ ရရှိ ရေးအတွက် ထုတ်ပြန်ခဲ့တဲ့ ဥပဒေအရ နယူးယောက်ပြင်ပ ၂၅ မိုင်ထက်ပိုပြီး ဝေးတဲ့ နေရာကို သွားဖို့အတွက် သမ္မတ အိမ်ဖြူရဲ့ အထူးခွင့်ပြုချက် လိုအပ်ပါတယ်။
၂၀၀၉ ခုနှစ်မှာ ဦးဉာဏ်ဝင်းကို ၀ါရှင်တန်ဒီစီကို လာရောက်ခွင့် ပေးခဲ့တာမို့ အမေရိကန်၊ အာရှ စီးပွားရေး လုပ်ငန်းရှင်များ ကောင်စီ နဲ့ ဗာဂျီးနီးယား အထက်လွှတ်တော်အမတ် ဂျင်မ်ဝက်ဘ် (Jim Webb) တို့နဲ့ တွေ့ဆုံပြီး မြန်မာသံရုံးနဲ့ သမ္မတအိမ်ဖြူ၊ လင်ကွန်း အထိမ်းအမှတ် နေရာနဲ့ ပြတိုက်တွေကို သွားရောက် လည်ပတ်ခွင့် ရခဲ့ပါတယ်။ ဒါပေမဲ့ အမေရိကန် အကြီးတန်း အရာရှိ တွေနဲ့ တွေ့ဆုံ ဆွေးနွေးခွင့်တော့ မရခဲ့ပါဘူး။
အခု ဦးဝဏ္ဏမောင်လွင်ရဲ့ အမေရိကန်နိုင်ငံ လာရောက်မှုက အရင်အချိန်ကနဲ့ယှဉ်ရင် ကွာခြားတယ်လို့ ထောက်လှမ်းရေး အရာရှိ ဟောင်းနဲ့ သံတမန်ဟောင်းတဦး ဖြစ်သူ ဦးအောင်လင်းထွဋ်က ပြောပါတယ်။
“ဦးဝဏ္ဏမောင်လွင် အနေနဲ့ကတော့ အရင်အခြေအနေနဲ့ မတူပါဘူးခင်ဗျ။ အရင် အခြေအနေတုန်းက ဗိုလ်ချုပ်မှူးကြီး သန်းရွှေရဲ့ အာဏာရှင်စနစ်အောက်မှာ သူသေဆိုသေ၊ ရှင်ဆိုရှင် လုပ်ရတဲ့ အနေအထားမျိုး ရှိပါတယ်။ အခုအပိုင်းမှာတော့ ဗိုလ်ချုပ်မှူးကြီး သန်းရွှေ လုံးဝ ကင်းကွာသွားတာ မဟုတ်ပေမဲ့ တရားဝင် သြဇာအာဏာကတော့ ဗိုလ်ချုပ်မှူးကြီး သန်းရွှေဆီမှာ မရှိတော့ဘူး။ ဦးနေ၀င်းလို ဖြစ်သွားပြီပေါ့ဗျာ။
“ဦးသိန်းစိန်တို့ အနေနဲ့ကတော့လည်း ဗိုလ်ချုပ်မှူးကြီး သန်းရွှေ အပေါ်မှာတော့ လုံးဝ မဆန့်ကျင်ပေမဲ့ ထိန်းထိန်းသိမ်းသိမ်းတော့ လုပ်သွားလိမ့်မယ်လို့ ကျနော်မြင်တယ်။ ဒါကြောင့် ဦးဝဏ္ဏမောင်လွင် UN မှာ ပြောတာရော၊ အမေရိကန်ကို လာတာရောက အရင် ၂၀၀၂ အခြေအနေမျိုး မဟုတ်နိုင်ဘူး ဆိုတာကို ပေါ်လွင်ထင်ရှားတဲ့ အနေအထားမျိုး ရှိပါတယ်။”
ဦးအောင်လင်းထွဋ် ပြောသွားတာ ဖြစ်ပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
ယီမင်သမ္မတ အလီ အဗ္ဗဒူလာ ဆာလိခ် (Ali Abdullah Saleh) က သူ့ရဲ့ပြိုင်ဘက်တွေ ရှိနေသ၍ အာဏာမစွန့်ဘူးလို့ ပြော လိုက် ပါတယ်။
အတိုက်အခံတွေဘက်ကို ကူးပြောင်းသွားတဲ့ အဆင့်မြင့် ဗိုလ်ချုပ်နဲ့ တောင်ပေါ် တိုင်းရင်းသား ခေါင်းဆောင် သူဌေးကြီးတို့က တိုင်း ပြည်မှာ လွှမ်းမိုးမှု ရှိနေသ၍ အာဏာကို မစွန့်ဘူးလို့ The Washington Post သတင်းစာနဲ့ Time မဂ္ဂဇင်းတို့နဲ့ သီးသန့် မေးမြန်း ခန်းမှာ ပြောခဲ့တာပါ။
ယီမင်နိုင်ငံအတွင်းမှာ တင်းမာမှုတွေဟာ အခု ၂ ပတ်အတွင်း ပိုပြီး များလာနေတပါတယ်။ မနေ့တုန်းက ယီမင်နိုင်ငံရဲ့ မြို့တော် ဆနားအား (Sana'a) မှာ ယီမင်သမ္မတ အလီ အဗ္ဗဒူလာ ဆာလိခ်ကို သစ္စာခံတဲ့ တပ်ဖွဲ့တွေနဲ့ အတိုက်အခံဘက်က ရပ်တည်တဲ့ လက်နက်ကိုင် တောင်ပေါ် တိုင်းရင်းသားတွေ ပဋိပက္ခ ဖြစ်ပွားခဲ့ကြလို့ အဲဒီမှာ လူ ၂ ဦးထက်မနည်း သေဆုံးခဲ့ပါတယ်။
မနေ့က စောစောပိုင်း မြို့တော် ဆနားအားရဲ့ နေရာတော်တော်များများမှာ ပေါက်ကွဲမှုတွေရော၊ သေနတ်တွေ အကြီးအကျယ် ပစ်ခတ်တာတွေရော ရှိခဲ့တယ်လို့ မျက်မြင်တွေ့တဲ့ သူတွေက ဆိုပါတယ်။
အစိုးရတပ်ဖွဲ့တွေနဲ့ တောင်ပေါ် တိုင်းရင်းသား ခေါင်းဆောင် ရှိတ်ခ် ဆာဒိခ် အယ်လ် အာမာ (Sheikh Sadek al-Ahmar) ရဲ့ နောက်လိုက်တွေနဲ့ တိုက်ခိုက်ခဲ့ကြတာလို့ ဆိုပါတယ်။
ပြီးခဲ့တဲ့ ဗုဒ္ဓဟူးနေ့တုန်းကလည်း အစိုးရရဲ့ တိုက်ခိုက်ရေး စစ်လေယာဉ်တစီးကို တောင်ပေါ် တိုင်းရင်းသား တပ်ဖွဲ့တွေက မြို့တော် ဆနားအားနားမှာ ပစ်ချခဲ့ပါသေးတယ်။
ယီမင် နိုင်ငံခြားရေး ၀န်ကြီးကတော့ ၂၀၀၆ ခုနှစ်တုန်းက ကျင်းပခဲ့တဲ့ သမ္မတ ရွေးကောက်ပွဲရဲ့ ရလဒ်ကို အတိုက်အခံတွေ ဘက် က လက်မခံလို့ အခုလို တင်းမာမှုတွေ ဖြစ်နေတာလို့ ဆိုပါတယ်။
Ref: VOA
Read More...
Collapse...
29 စက်တင်ဘာ 2011
ဆီးရီးယားနိုင်ငံ ဒမတ်စကတ် (Damascus) မြို့တော်မှာ ဆီးရီးယား အတိုက်အခံ ခေါင်းဆောင်နဲ့ တွေ့ဆုံဖို့ လာရောက်ခဲ့တဲ့ အမေရိကန် သံအမတ် ရောဘတ် ဖို့ဒ် (Robert Ford) နဲ့ တခြား အမေရိကန် သံတမန်တွေကို ဆီးရီးယား အစိုးရ လိုလားသူ တွေက တိုက်ခိုက်ဖို့ ကြိုးစားမှုအတွက် အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြစ်တင် ရှုတ်ချလိုက်ပါတယ်။
ဒီလို သံတမန်တွေကို တိုက်ခိုက်မှုဟာ မလုပ်သင့်၊ မလုပ်အပ်တဲ့ လုပ်ရပ်တခု ဖြစ်တယ်လို့ ၀န်ကြီး ကလင်တန်က ပြောဆိုလိုက်သလို ဆီးရီးယား အာဏာပိုင်တွေ အနေနဲ့ နိုင်ငံတကာကနေ လေးစားရမယ့် ကျင့်ထုံး ဥပဒေအရ နိုင်ငံခြား သံတမန်တွေနဲ့ သံတမန်ရေး ရာ ပိုင်ဆိုင်မှုတွေကို အကာအကွယ် ပေးဖို့လည်း တောင်းဆိုလိုက်ပါတယ်။
ဆီးရီးယား အတိုက်အခံတွေကို ချေမှုန်းမှုတွေ အဆုံးသတ်ဖို့အတွက် အစိုးရနဲ့ အတိုက်အခံတွေကြား တွေ့ဆုံ ဆွေးနွေးမှုတွေ လုပ်ဖို့ တောင်းဆိုနေတဲ့ အယူဝါဒ သိပ်မပြင်းထန်တဲ့ အတိုက်အခံခေါင်းဆောင် ဟာဆန် အက်ဘ်ဒဲလ် အဇင်းမ် (Hassan Abdel-Azim) နဲ့ တွေ့ဆုံ ဆွေးနွေးဖို့ ပြင်ဆင်နေတဲ့ မစ္စတာ ဖို့ဒ်ကို ဒေါသထွက်နေတဲ့ လူအုပ်ကြီးက တိုက်ခိုက်ဖို့ ကြိုးစားခဲ့တာပါ။
၁၀၀ လောက်ရှိတဲ့ လူအုပ်ကြီးဟာ အစိုးရ ထောက်ခံတဲ့ ကြွေးကြော်သံတွေ တိုင်ပြီး မစ္စတာ ဖို့ဒ်နဲ့ သူ့လက်ထောက်တွေကို ကျောက်ခဲတွေ၊ ခရမ်းချဉ်သီးတွေနဲ့ ပစ်ပေါက်ခဲ့ကြပါတယ်။
အမေရိကန်အိမ်ဖြူ ပြောခွင့်ရ ဂျေးကာနီ (Jay Carney) ကလည်း ဒီလုပ်ရပ်အတွက် ပြစ်တင် ရှုတ်ချလိုက်ပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
ဒေါ်ခင်စိုးဝင်း
မြန်မာ့ဒီမိုကရေစီရေး ခေါင်းဆောင် ဒေါ်အောင်ဆန်းစုကြည်ဟာ မြန်မာအစိုးရ ပြည်ထောင်စုဝန်ကြီး ဦးအောင်ကြည်နဲ့ မနက်ဖြန် စက်တင်ဘာလ ၃၀ ရက်နေ့မှာ တွေ့ဆုံဖို့ ရှိတယ်လို့ အမျိုးသား ဒီမိုကရေစီ အဖွဲ့ချုပ် (NLD) က အတည်ပြု ပြောဆိုလိုက်ပါ တယ်။ မြန်မာနိုင်ငံတွင်း ဒီမိုကရေစီရေး ပြုပြင်ပြောင်းလဲမှုတွေကို နောက်ပြန်လှည့်လို့ မရတဲ့ အခြေအနေ ရောက်တဲ့အထိ ဒီ့ ထက် မက အရှိန်အဟုန်မြှင့် လုပ်ဆောင်ဖို့ ကုလသမဂ္ဂ အတွင်းရေးမှူးချုပ် အပါအ၀င် နိုင်ငံတကာ အသိုင်းအ၀ိုင်းက တိုက်တွန်း နေချိန်မှာပဲ အခုလို တွေ့ဆုံကြမှာပါ။ မနက်ဖြန် တွေ့ဆုံမယ့် အစီအစဉ်နဲ့ ပတ်သက်ပြီး ဘန်ကောက်ရောက် ၀ိုင်းတော်သူ ဒေါ်ခင် စိုးဝင်းက NLD ကို ဆက်သွယ် မေးမြန်းရာမှာ ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်းက အခုလို အတည်ပြုပါတယ်။
“ဟုတ်ပါတယ်၊ မနက်ဖြန် နေ့ခင်း ခါတိုင်းလိုပဲ စိမ်းလဲ့ကန်သာမှာပါ။ နေ့ခင်း ၁ နာရီပါ။ သူတို့ ၂ ဦးတည်းပါ။ ဒါက အရင်ဟာ တွေရဲ့ အဆက်ပေါ့နော။ ရှေ့ကဟာ ဘာလဲဆိုတာလည်း ကျနော်တို့ မပြောနိုင်ဘူးလေ။ ဒီဟာရဲ့ နောက်ဆက်တွဲပေါ့။”
ဒေါ်အောင်ဆန်းစုကြည်နဲ့ မြန်မာအစိုးရကြားမှာ ပြောဆိုနေကြတဲ့ အလားအလာတွေနဲ့ ပတ်သက်ပြီး ဦးဉာဏ်ဝင်းတို့ NLD က လူကြီးတွေ အနေနဲ့ ဘယ်လို ခန့်မှန်းလို့ ရပါသလဲ။
“အပြုသဘော ဆောင်တယ်လို့ပဲ ကျနော်တို့ ယုံကြည်ပါတယ်။ သူတို့ ဆွေးနွေးချက်တွေ အပေါ်မှာလည်း ဒေါ်အောင်ဆန်းစုကြည် က ပြောပြီးပါပြီ။ ဒါပေမဲ့ အသေးစိတ်တော့ ကျနော်တို့ မသိပါဘူး။ အသေးစိတ် ဆိုတာကလည်း လုပ်ငန်းပေါ့။ လုပ်ငန်းတွေ ဘယ်လိုစကြမလဲ၊ ဘာလုပ်ကြမလဲဆိုတာ ကျနော်တို့လည်း စောင့်မျှော်နေရတဲ့ အဆင့်မှာပါ။”
NLD အနေနဲ့ တရားဝင် ရပ်တည်နိုင်ဖို့ အတွက်ကို မှတ်ပုံပြန်တင်တော့မယ့် အလားအလာတွေ တွေ့နေရတယ်၊ မှတ်ပုံပြန်တင် တော့မယ့် အခြေအနေ တွေ့နေရတယ်ဆိုတော့ အဲဒီကိစ္စနဲ့ ပတ်သက်ပြီးတော့ရော ဒေါ်အောင်ဆန်းစုကြည်ဘက်က ဘာများ ပြောသံကြားပါလဲ။
“ကျနော်တို့ကတော့ NLD ပါတီ မှတ်ပုံတင်ဖို့ ကိစ္စဟာ လက်တွေ့ကျကျ စဉ်းစားမယ်။ ဟိုတုန်းက အချိန်အခါနဲ့ အခုအချိန်အခါ အပြောင်းအလဲတွေ ရှိတယ်။ ကျနော်တို့ မှတ်ပုံတင်ဖို့နဲ့ ပတ်သက်တဲ့ စည်းမျဉ်းစည်းကမ်းတွေက ကျနော်တို့လည်း လက်ခံနိုင် တယ်ဆိုရင် ကျနော်တို့ ဒီဟာကို စဉ်းစားမယ်။ ကြိုတင်ပြီးတော့ ဆုံးဖြတ်ထားတာတော့ မရှိဘူး။ ဒါကို စဉ်းစား သုံးသပ်မယ် ဆိုတာကိုပဲ အဲဒီလို နားလည်မှုနဲ့ ရှိနေတာပါ။”
မနက်ဖြန်ကျရင်တော့ သတင်းထုတ်ပြန်ချက်တွေ ဘာတွေ လုပ်ဦးမှာပေါ့နော်၊ သူတို့ ထုံးစံအတိုင်း။
“ဟုတ်ကဲ့ လုပ်ပါလိမ့်မယ်၊ သူတို့ Joint ထွက်ပါလိမ့်မယ်။”
မနေ့တုန်းက ဦးဉာဏ်ဝင်းလည်း NLD CEC တယောက် အနေနဲ့ ပိုလန် လက်ထောက် နိုင်ငံခြားရေးဝန်ကြီးနဲ့ တွေ့လိုက်ရမယ်လို့ ယူဆပါတယ်။ ပိုလန်နိုင်ငံမှာလည်း ဒီမိုကရေစီရေး အတွက်ကို အတော်လေး လှုပ်ရှား ရုန်းကန်ခဲ့ရတာနဲ့ ပတ်သက်ပြီးတော့ ရှင်းပြ ခဲ့တယ်လို့ ကြားရပါတယ်။ နောက်ပြီးတော့ မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုမှာ နိုင်ငံရေး အကျဉ်းသားတွေ လွှတ်ပေး ရေးဟာလည်း သိပ်ကို အရေးကြီးတယ်လို့ ပြောသွားတယ်လို့ ကြားရပါတယ်။
“နောက်အရေးကြီးတာတခု သူပြောတယ်၊ ဒီမိုကရေစီ Reformation အတွက် ရတဲ့နေရာမှာ ရာခိုင်နှုန်း နည်းပါစေ၊ ဒီလိုကနေစမှ ဖြစ်မယ်ဆိုတာမျိုး သူ့ရဲ့ ယူဆချက်ကို သူပြောသွားတာ။”
NLD ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း ပြောပြသွားတာ ဖြစ်ပါတယ်။
ဒေါ်အောင်ဆန်းစုကြည်နဲ့ မြန်မာအစိုးရ ၀န်ကြီး ဦးအောင်ကြည်တို့ဟာ ပြီးခဲ့တဲ့ ဇူလိုင်လ ၂၅ ရက်နေ့က ပထမတကြိမ်၊ သြဂုတ် လ ၁၂ ရက်နေ့မှာ ဒုတိယတကြိမ် တွေ့ဆုံခဲ့ကြပြီး ပူးပေါင်း ဆောင်ရွက်ရေးတွေနဲ့ ပတ်သက်လို့ ကြေညာချက် ထုတ်ပြန်ခဲ့ တာ တွေ ရှိပါတယ်။ သြဂုတ်လ ၁၉ ရက်နေ့မှာတော့ သမ္မတ ဦးသိန်းစိန်နဲ့ ဒေါ်အောင်ဆန်းစုကြည် ပထမဆုံးအကြိမ် တွေ့ဆုံခဲ့ပြီး လူထုအကျိုးအတွက် အမြင်မတူတာတွေ ဘေးဖယ်ထားပြီးတော့ ဘုံအကျိုးစီးပွားအတွက် ပူးပေါင်း ဆောင်ရွက်ကြမယ်လို့ ပြော ဆိုထားဖူးပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
ထိုင်းဝန်ကြီးချုပ် ယင်းလပ်ခ် ရှင်နာဝပ် (Yingluck Shinawatra) ဟာ မြန်မာနိုင်ငံကို အောက်တိုဘာလ ၅ ရက်နေ့ သွားရောက် လည်ပတ်တဲ့အခါ မြန်မာ့ဒီမိုကရေစီအရေး ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ အစီအစဉ် မရှိဘူးလို့ ၀န်ကြီးချုပ်ရဲ့ ပြောရေးဆိုခွင့်ရှိသူက ဗွီအိုအေ မြန်မာပိုင်းကို ပြောပါတယ်။
ဝန်ကြီးချုပ် ယင်းလပ်ခ်ရဲ့ ခရီးစဉ်နဲ့ ပတ်သက်လို့ ပြောခွင့်ရပုဂ္ဂိုလ် ခွန် ခန်နစ် (Khun Kanit) က အခုလို ပြောပြပါတယ်။
“ဒီခရီးစဉ်ဟာ အာဆီယံအဖွဲ့ဝင် ၀န်ကြီးချုပ် အသစ်တယောက် အနေနဲ့ အာဆီယံ နိုင်ငံတွေကို မိတ်ဆက်တဲ့ အနေနဲ့ သွား ရောက် မယ့် ချစ်ကြည်ရေး ခရီးစဉ် ဖြစ်တာကြောင့် ဒေါ်အောင်ဆန်းစုကြည်နဲ့ တွေ့ဆုံဖို့ အစီအစဉ် မရှိပါဘူး။ အဓိကကတော့ မြန်မာနိုင်ငံ အာဆီယံ အလှည့်ကျဥက္ကဋ္ဌဖြစ်ရေး ထိုင်းနိုင်ငံက ထောက်ခံ အားပေးတယ်ဆိုတာ မြန်မာဝန်ကြီးချုပ်ကို အသိပေး အကြောင်းကြားဖို့ သွားတာ ဖြစ်ပါတယ်။” လို့ ၀န်ကြီးချုပ်ရဲ့ ပြောခွင့်ရပုဂ္ဂိုလ် ခွန် ခန်နစ်က ပြောသွားတာပါ။
ဝန်ကြီးချုပ် ယင်းလပ်ခ်ဟာ အောက်တိုဘာ ၅ ရက်နေ့ မွန်းလွဲပိုင်းမှာ နေပြည်တော်ကို ရောက်မှာဖြစ်ပြီး အဲဒီမှာ သမ္မတ ဦးသိန်းစိန် နဲ့ တွေ့ဆုံပြီးတာနဲ့ ထိုင်းနိုင်ငံကို နေ့တွင်းချင်း ပြန်လာမှာ ဖြစ်တယ်လို့ သိရပါတယ်။
အစောပိုင်းတုန်းကတော့ ၀န်ကြီးချုပ် ယင်းလပ်ခ် မြန်မာနိုင်ငံကို သွားတဲ့အခါ ဒေါ်အောင်ဆန်းစုကြည်နဲ့ပါ တွေ့ဆုံဖို့ အစီအစဉ် ရှိတယ်ဆိုပြီး သတင်းတွေ ထွက်နေခဲ့တာပါ။
မစ်စ် ယင်းလပ်ခ် ဦးဆောင်တဲ့ ဖွေထိုင်းပါတီ ရွေးကောက်ပွဲမှာ အနိုင်ရတဲ့ ဇူလိုင်လ ၃ ရက်နေ့တုန်းက ယင်းလပ်ခ်ကို ဒေါ်အောင် ဆန်း စုကြည်က ဂုဏ်ပြုစကား ပြောကြားခဲ့ပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
ခရီးသည် ၁၈ ယောက် တင်လာတဲ့ လေယာဉ်အသေးတခု အင်ဒိုနီးရှားနိုင်ငံ ဆူမားတြားကျွန်းက တောင်တွေ ထူထပ်တဲ့ နေရာ မှာ ပျက်ကျသွားတယ်လို့ အာဏာပိုင်တွေက ပြောပါတယ်။
စပိန်နိုင်ငံလုပ် CASA 212 လေယာဉ် အမျိုးအစားဟာ ကြာသပတေးနေ့မှာ ဆူမားတြား မြောက်ပိုင်းကနေ အာချေး (Aceh) ဒေသ ကိုအသွား လေယာဉ် ထိန်းချုပ်ရေး စခန်းနဲ့ အဆက်အသွယ် ပြတ်သွားခဲ့တာလို့ ဆိုပါတယ်။ လေယာဉ် ပျက်မကျခင် လေး မှာ အရေးပေါ်ခလုပ်ကို နှိပ်ခဲ့တယ်လို့ သက်ဆိုင်ရာ အရာရှိတွေက ပြောပါတယ်။ လေယာဉ်ပျက်ကျတဲ့ နေရာကို ကယ်ဆယ်ရေး ၀န်ထမ်းတွေ ပို့ထားတယ်လို့ ဆိုပါတယ်။
ကျွန်းစုတွေ အများကြီးနဲ့ ဖွဲ့စည်းထားတဲ့ အင်ဒိုနီးရှားနိုင်ငံမှာ မကြာခဏ လေယာဉ်ပျက်ကျမှုတွေအပြင် ရေကြောင်း သွားလာ ရေး ဆိုင်ရာ မတော်တဆမှုတွေ လွန်ခဲ့တဲ့ နှစ်အနည်းငယ်အတွင်း မကြာခဏ ဖြစ်ပွားလေ့ရှိပြီး အများစုဟာ အသက်အန္တရာယ် လုံခြုံမှုတွေ နိမ့်ကျနေတဲ့အတွက် ဖြစ်တယ်လို့ ဆိုပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
အာကာသထဲမှာ တရုတ်က အာကာသစခန်း တည်ဆောက်နိုင်ရေး ရည်မှန်းချက်ရဲ့ ပထမခြေလှမ်းအဖြစ် လူမပါတဲ့ အာကာသ ယာဉ် တစင်းကို မကြာခင် အချိန်ကပဲ လွှတ်တင်ခဲ့ပါတယ်။
တရုတ်နိုင်ငံ အနောက်မြောက်ပိုင်း ဂိုဘီ (Gobi) သဲကန္တာရထဲကနေ ကောင်းကင်ဘုံ နန်းတော်လို့ အဓိပ္ပာယ်ရပြီး တန်ချိန် ၈ တန်ခွဲ လေးတဲ့ တီယန်ဂွန်း (Tiangong) အမှတ် ၁ အာကာသယာဉ်ကို ဒီနေ့ ကြာသပတေးနေ့ နှောင်းပိုင်းမှာ လွှတ်တင်ခဲ့တာပါ။
ဒီအာကာသယဉ်နဲ့ ပတ်သက်တဲ့ အကြောင်းတွေကို တရုတ်သတင်းစာတွေ၊ ရုပ်သံလွှင့်ဌာနတွေက ရွှန်းရွှန်းဝေအောင် ဖော်ပြ နေကြ ပါတယ်။
နိုဝင်ဘာလ ၁ ရက်နေ့ကျရင်လည်း နောက်ထပ် လူမပါတဲ့ အာကာသယာဉ် တခုကို လွှတ်တင်ပြီး တရုတ်နိုင်ငံရဲ့ ပထမဆုံး အာကာသ လွန်းတင်စခန်း ဆောက်လုပ်ရေး လုပ်ငန်းစဉ်အဖြစ် အခု အာကာသယာဉ်နဲ့ ချိတ်ဆက်မှာ ဖြစ်ပါတယ်။
စီစဉ်ထားတဲ့အတိုင်း အားလုံး ချောချောမွေ့မွေ့ ဖြစ်ခဲ့မယ်ဆိုရင် အာကာသ လွန်းတင်စခန်းအတွက် နောက်ထပ် အာကာသ ယာဉ် တွေကို ရှေ့နှစ်မကုန်ခင်မှာ ကမ္ဘာပတ် လမ်းကြောင်းထဲကို လွှတ်တင်နိုင်ဖို့ တရုတ်က စီစဉ်ထားပါတယ်။ အဲဒီ လွှတ်တင် မယ့် အထဲက အနည်းဆုံး တစင်းမှာ အာကာသယာဉ်မှူးတွေ ပါမှာဖြစ်ပါတယ်။
အာကာသစခန်းကို ၂၀၁၆ မတိုင်ခင်မှာ စတင်ဆောက်လုပ်ပြီး တန်ချိန် ၆၀ လောက် အလေးချိန်ရှိတဲ့ အာကာသစခန်းကို ၂၀၂၀ မှာ အပြီးသတ်နိုင်ဖို့ စီစဉ်ထားပါတယ်။
တရုတ်နိုင်ငံက အာကာသယာဉ်မှူးပါတဲ့ ပထမဆုံး အာကာသယာဉ်ကို ၂၀၀၃ ခုနှစ်မှာ လွှတ်တင်ခဲ့တာ ဖြစ်ပါတယ်။
အမေရိကန်က အာကာသယာဉ် လွှတ်တင်ရေး အစီအစဉ်ကို ရပ်ဆိုင်းခဲ့လို့ အမေရိကန်ရဲ့ အာကာသ စူးစမ်းလေ့လာရေး အစီ အစဉ်တွေအပေါ် မေးခွန်းထုတ်နေချိန်မှာ အခုလို တရုတ်နိုင်ငံက အာကာသထဲမှာ စူးစမ်းလေ့လာရေးတွေ လုပ်နိုင်ဖို့ ကြိုးပမ်း ဆောင်ရွက်နေတာ ဖြစ်ပါတယ်။
Ref: ဗွီအိုအေ
Read More...
Collapse...
29 စက်တင်ဘာ 2011
ဦးဝင်းမင်း
ကမ္ဘာလှည့်ခရီးသည်တွေ အသွားအလာများတဲ့ ပုဂံ၊ ညောင်ဦး ဒေသနားမှာ ဂျပန်အမျိုးသမီး ကမ္ဘာလှည့် ခရီးသည်တယောက် စက်တင်ဘာလ ၂၈ ရက်နေ့တုန်းက အသတ်ခံလိုက်ရပါတယ်။ ပုဂံကို လာလည်တဲ့ အသက် ၃၁ နှစ်အရွယ် ဂျပန်အမျိုးသမီးကို ဆိုင်ကယ် အငှားမောင်းသမား တယောက်က အဓမ္မကျင့်ပြီး သတ်ပစ်ခဲ့ပုံရတယ်လို့ ဒေသခံ လုံခြုံရေး အရာရှိတယောက်က ပြောပြ ပါတယ်။ အဲဒီ မသင်္ကာသူကို အနီးအနားမှာရှိတဲ့ ကျေးရွာသားတွေက ၀ိုင်းဖမ်းပြီး ရဲလက် အပ်ခဲ့ကြတယ်လို့ သတင်းတွေ မှာလည်း ဖော်ပြထားပါတယ်။ ပြီးခဲ့တဲ့ ဗုဒ္ဓဟူးနေ့ ညနေပိုင်းတုန်းက ဖြစ်ပျက်ခဲ့တဲ့ ဒီအမှုမျိုးက ဖြစ်ခဲလှတာမို့ မြန်မာနိုင်ငံရဲ့ ကမ္ဘာလှည့် ခရီးသွား လုပ်ငန်းကို ထိခိုက်သွားနိုင်တယ်လို့ စိုးရိမ် ပူပန်စရာတွေလည်း ရှိလာတယ်လို့ သိရပါတယ်။ အပြည့်အစုံကို ကိုဝင်းမင်းက တင်ပြပေးထားပါတယ်။
ကမ္ဘာလှည့် ခရီးသည်တွေ အသွားများတဲ့ ပုဂံဘုရားဒေသမှာ အခုလို နိုင်ငံခြား ခရီးသွားတဦး သတ်ဖြတ်ခံရတာမျိုး အရင်က မဖြစ်ခဲ့ဖူးဘူးလို့ ဒေသခံ အရာရှိတွေနဲ့ Tourist Guide ဧည့်လမ်းညွှန်တွေက ဆိုကြပါတယ်။ သူ့လုံခြုံရေးအတွက် အမည်မဖော် လိုတဲ့ ဒေသခံ အရာရှိတဦးက ညောင်ဦးနဲ့ ကျောက်ပန်းတောင်းကြား ညောင်နီကျင်း ကျေးရွာလမ်းခွဲမှာ လူသူပြတ်လပ်ချိန် ဂျပန် အမျိုးသမီး ချိဟာရု ချီအီးရာမတ်ဆုကို အသက် ၃၉ နှစ်အရွယ် မင်းသိုက်က သတ်ခဲ့တာလို့ ဆိုပါတယ်။
လမ်းကတော့ ညောင်ဦး လာပြီးတော့မှ ပုပ္ပားကို မနေ့က ထွက်သွားပြီ။ ပုပ္ပားကနေ ကျောက်ပန်းတောင်း ရောက်တယ်။ ကျောက်ပန်း တောင်းရောက်တော့ ဆိုင်ကယ်ငှားပြီးတော့ ဆိုင်ကယ် ကယ်ရီသမားနဲ့ သွားတယ် ပြောတယ်ဗျ။ အဲဒီအခါမှာ အခင်းဖြစ် တယ်ပေါ့။ အဓမ္မပြုကျင့်တယ်ဆိုတဲ့ လက္ခဏာတွေကိုတော့ ကြားမိတယ်။ အရင်တုန်းကတော့ မရှိဖူးပါဘူး။ ဒါ ထူးထူးခြားခြား တကယ့်ကို ဖြစ်ရပ်ပါ။ နောက်တချက်က ပုဂံ၊ ညောင်ဦးလို နိုင်ငံခြားသားနဲ့ ထိတွေ့နေတဲ့ နေရာမျိုးမှာ ဆိုရင် တော့ ဒါ ဖြစ်ခဲပါတယ်။”
အဲဒီတော့ လုံခြုံရေး အားနည်းသွားတာကြောင့် အခုလို ဖြစ်သွားရပါသလားလို့ မေးရာမှာတော့ ဒေသခံ လုံခြုံရေး အရာရှိကပဲ…
“လုံခြုံရေး အားနည်းတာတော့လည်း မဟုတ်ဘူးဗျ။ ဒီဘက်မှာကျတော့လည်း နည်းနည်း လူပြတ်တာလည်း ပါမှာပေါ့။ ကျောက်ပန်း တောင်းနဲ့ ညောင်ဦးကြားက တော်တော်လေး ဝေးတယ်လေ။ ဒါက အဝေးမှာ မို့လို့လည်း ဖြစ်သွားတာ ဖြစ်နိုင် ပါတယ်။”
အခုလို နိုင်ငံခြား ခရီးသည် အသွားအလာများတဲ့ မြန်မာ့ယဉ်ကျေးမှုဆိုင်ရာ ဒေသဘက်မှာ ဖြစ်တာဆိုတော့ ဘယ်လို အကျိုး ဆက်တွေ ဖြစ်နိုင်ပါသလဲလို့ မေးရာမှာတော့ ဒီဒေသကို အခုလက်ရှိ ရောက်နေတဲ့ ခရီးသွား လမ်းညွှန်တဦးဖြစ်တဲ့ ကိုစိုးဦးက…
“ဒီဟာကတော့ မကောင်းတဲ့ သက်ရောက်မှုပဲ လာမှာ။ အခုမှ Tourism က ကောင်းမလားလို့ အောက်မေ့တာ ရှိသေးတယ်၊ ဒီလိုမျိုး မကောင်းတဲ့ လက္ခဏာကြီးက ပေါ်လာတော့ ကျနော်တို့ ဒီ Tourism က မျက်နှာပျက်ရသလို ပြန်ဖြစ်တာပေါ့။ ကျန်တဲ့ လူကလည်း နည်းနည်း ကြောက်သွားမှာပေါ့။”
Tourist Guide ကိုစိုးဦးကပဲ မြန်မာ့ ရှေးဘုရားဟောင်းတွေနဲ့ ထင်ရှားတဲ့ ဒေသမျိုးမှာ ဖြစ်တာမို့ မြန်မာနိုင်ငံအတွက်လည်း နိုင်ငံ တကာမှာ အကြီးအကျယ် သိက္ခာကျစရာ ဖြစ်တယ်လို့ ဆိုပါတယ်။
“ဒီဟာက ကျနော်တို့အတွက် လုံးဝကို သိက္ခာမရှိတာဗျ။ အမှန်တကယ် ကျနော်တို့က စောင့်ရှောက်ရမှာ အမျိုးသမီးကို။ ပြောပြော နေတဲ့ ဗုဒ္ဓဘာသာ တိုင်းပြည်ဆိုတာ ယဉ်ကျေးတယ်၊ သိမ်မွေ့တယ်ဆိုတာ၊ ကျနော်တို့က မိန်းကလေးတွေကို စောင့် ရှောက်ရမှာ။ သူက ဒီလိုမျိုး လုပ်လိုက်တော့ ကျနော်တို့အတွက် တော်တော်ကို သိက္ခာကျစရာ ဖြစ်ပါတယ်။”
နောက်ထပ် အခုလို မဖြစ်ရအောင် ဘယ်လို သတိထား ရှောင်ကြဉ်မှုတွေလုပ်ဖို့ အကြံပေးနိုင်ပါသလဲလို့ မေးရာမှာတော့ ကိုစိုးဦး ကပဲ…
“အဲဒီဟာတော့ နှစ်ပိုင်းရှိမယ်ဗျ။ တပိုင်းကလည်း ဧည့်သည်တွေ ကိုယ်တိုင်က ညနေစောင်း အချိန်မတော်ကြီးမှာ ယောက်ျားလေး တယောက်တည်းနဲ့ မိန်းကလေး တယောက်တည်း ဒီလိုသွားတာမျိုး ဆင်ခြင်ဖို့ လိုတာပေါ့။ ဗမာတွေဘက်ကလည်း အဲဒါမျိုး မလုပ် ဖို့ စောင့်ထိန်းဖို့တော့ လိုတယ်ဗျ။”
ဒီ ဂျပန်အမျိုးသမီး ချိဟာရု ချီအီးရာမတ်ဆုကို သတ်ဖြတ်ခဲ့တယ်လို့ စွပ်စွဲထားတဲ့ ကိုမင်းသိုက်ကို အခုလောလောဆယ်မှာတော့ ကျောက်ပန်းတောင်း ရဲစခန်းမှာ ဖမ်းဆီး စစ်ဆေးနေတယ်လို့ ဒေသခံ အရာရှိတွေက ဆိုပါတယ်။
Ref: ဗွီအိုအေ
Read More...
Collapse...
September 29, 2011
နော်နိုရင်း
ရန်ကုန်တိုင်း မြောက်ဥက္ကလာပမြို့နယ် အမှတ်၂ ယုဇနရပ်ကွက်က ပြည်သူတွေ ၃၀၀ ကျော်ဟာ လျှပ်စစ်မီးမလာတာ ၁၅ ရက် လောက်ရှိတဲ့အတွက် မနေ့ စက်တင်ဘာလ ၂၈ ရက်ညပိုင်းက လျှပ်စစ်ရုံးဆီ ချီတက် တောင်းဆိုခဲ့ကြပါတယ်။
မြောက်ဥက္ကလာ ယုဇနရပ်က ၁ လမ်း၊ ၂ လမ်း၊ ၃ လမ်းက လူတွေဟာ မီးမလာတာကြောင့် လျှပ်စစ်ရုံးကို မီးမလာတဲ့ကြောင်း ဖုန်းဆက် အကူအညီ တောင်းခံခဲ့ပေမယ့် လုပ်ဆောင်ပေးတာ မရှိတဲ့အတွက် ချီတက်ပြီး တောင်းဆိုခဲ့တာလို့ ပါဝင်ခဲ့တဲ့ ဒေသခံ တဦးက အခုလို ပြောပါတယ်။
“မီးကို ၁၅ မိနစ်လာတယ် မီးအားနည်းတယ်။ ပျက်သွားတယ်။ အဲဒါက အကြိမ်ပေါင်းများစွာ ဖြစ်နေတော့ ယုဇနမှာရှိတဲ့ လူတွေ တော်တော်များများ မိသားစုကနေ အီးပီစီရုံးကို အကျိုးအကြောင်း လှမ်းဖုန်းဆက်ပြီး ပြောကြတယ်။ လက်ခံဖုန်းစကား ပြောတဲ့ သူက စီစဉ်ဆောင်ရွက်နေတာပဲ မလာတဲ့အတွက်ကြောင့် မတတ်နိုင်ဘူးလို့ ပြောတယ်။ ဖုန်းဖိုးသာကုန်တယ် ဘာမှလည်း ထူးခြား မလာဘူး ဆိုပြီးတော့ ယုဇနအပိုင်မှာ ရှိတဲ့ မိသားစုတွေက အီးပီစီရုံးက လူကြီးတွေကို တိုက်ရိုက်သွားပြီး ပြောဆိုဆောင်ရွက် မယ်ဆိုပြီး မနေ့ညက ၇ နာရီခွဲမှာ အီးပီစီဌာနက ၀န်ကြီးနဲ့ သွားပြီး ဆွေးနွေးကြပါတယ်။ အီးပီစီဌာနကလူကြီးကလည်း သူလည်း မသိရှိတဲ့အကြောင်းနဲ့ မနက်ဖြန်မှာ (ဒီနေ့ပေါ့) လာပြီးတော့ စစ်ဆေးပေးပါ့မယ်လို့ အကြောင်းပြန်ပါတယ်။”
ရပ်ကွက်လျှပ်စစ်ဝန်ထမ်းတွေဟာ ရပ်ကွက်တွင်း လုပ်ငန်းရှင်တချို့ဆီကနေ ငွေယူပြီး လုပ်တဲ့အတွက် မီးရတာ မညီမျှတာတွေ မီးအားနည်းတာတွေ ဖြစ်ရတာလို့လည်း အဲဒီဒေသခံက ပြောပါတယ်။
“လုပ်ငန်းရှင်တွေ ဖြစ်တဲ့ သူတွေက ရပ်ကွက်မှာ တာဝန်ကျတဲ့ အီးပီစီက ၀န်ထမ်းတွေကို ပေးပြီး သူတို့ လိုင်းတွေ မီးမပျက်ရေး ဆောင်ရွက်တော့ ကျန်တဲ့အများစု မိသားစုတွေက မီးလည်းပျက်တယ် မီးလာတော့လည်း အားနည်းနေတဲ့ဒဏ်က နေစ္စဓူဝ ခံ နေရတော့ မိသားစုတွေ အယောက် သုံးလေးရာလောက် စုပြီး တောင်းဆိုတဲ့အခါကျမှ ညက ကိုးနာရီခွဲက တောက်လျှောက် ခုထက်ထိ လာတယ်ပေါ့။”
မနေ့ညက သွားရောက် တောင်းဆိုတဲ့အတွက် ညပိုင်းနဲ့ ဒီနေ့မနက်မှာ မီးလင်းလာတယ်လို့လည်း ပြောပါတယ်။ လူရာနဲ့ချီပြီး လျှပ်စစ် ဌာနကို ချီတက် တောင်းဆိုပေမယ့် ဖမ်းဆီးအရေးယူခံရတာတွေ မရှိဘူးလို့လည်း ပြောပြသွားပါတယ်။
Ref: ဒီဗွီဘီ
Read More...
Collapse...
September 29, 2011
အေးနိုင်
အမျိုးသားဒီမိုကရေစီအဖွဲ့ချုပ်က ပါတီမှတ်ပုံတင်ရေးကို ဘာမှ မဆုံးဖြတ်ရ သေးပါဘူးလို့ ပါတီပြန်ကြားရေး အဖွဲ့ဝင် ဦးဉာဏ်ဝင်း က ပြောပါတယ်။
ဦးဉာဏ်ဝင်းကို ကိုအေးနိုင်က မေးမြန်းထားပါတယ်၊။
အမျိုးသားဒီမိုကရေစီအဖွဲ့ချုပ်က နိုင်ငံရေးပါတီအဖြစ် မှတ်ပုံတင်ဖို့ နီးကပ်လာပြီဆိုပြီး တချို့သတင်းတွေမှာ သဘောဆောင်ပြီး တော့ ရေးပါတယ်။ အဲဒါတွေ ဘယ်လောက်ထိအောင် မှန်လည်းဆိုတာ ဦးဉာဏ်ဝင်း ရှင်းပြပေးပါလား။
“ကျနော်တို့ ဒီနိုင်ငံရေးပါတီ မှတ်ပုံတင်ဖို့ကိစ္စ သူတို့တွေရဲ့ issue တွေထဲမှာ စဉ်းစားတဲ့အထဲမှာ ဒါတချက် အပါအ၀င်ရှိတယ်။ ကျနော်တို့ ဒါနဲ့ပတ်သက်ပြီး ဘာမှ မဆုံး ဖြတ်ရသေးပါဘူး။”
တလောတုန်းက ၂၀၀၈ ဖွဲ့စည်းပုံ အခြေခံဥပဒေကို အသေးစိတ်ပြန်လည် လေ့လာနေတယ် ဆိုပြီးတော့လည်း ကြားနေရတယ်။ အဲဒါက ဒီအတွက် ပြင်ဆင်တယ် နီးစပ် တယ်ဆိုတဲ့ သဘောမျိုး သက်ရောက်တာမျိုး သတင်းထုတ် လို့ ရလားခင်ဗျာ။
“အဲဒီလိုတော့ မဟုတ်ဘူး။ ကျနော်တို့ ဒီဖွဲ့စည်းပုံ အခြေခံဥပဒေကလည်း ထပ်ခါထပ်ခါ ကျနော်တို့ချည်းးပဲ မဟုတ်ဘူး။ အားလုံးပဲ ဖတ်နေကြတာ။ ထပ်ခါထပ်ခါ ဖတ်ပြီး ဆွေးနွေးတယ်။ ဒါပေမယ့် ဒီကိစ္စအတွက်လို့တော့ ပြောလို့မရပါဘူး။”
ဒါဆိုရင် ၂၀၀၈ ဖွဲ့စည်းပုံအခြေခံဥပဒေထဲမှာ ပြင်ဆင်ဖို့အတွက် အန်ကယ်တို့က တောင်းဆိုထားတဲ့ အချက်တွေကို အစိုးရ ဘက် ကနေ လိုက်လျောလို့ရှိရင် အန်ကယ်တို့ဘက်ကကော အရန်သင့် ရှိနိုင်တဲ့ အခြေအနေမျိုးကိုကော နီးစပ်နိုင်သလား။
“ကျနော်တို့ ပြင်ဆင်ဖို့ တောင်းဆိုထားတာ မရှိသေးဘူး။ ကျနော်တို့ မကြိုက်တဲ့အချက်တွေကို ဖော်ပြပြီးတော့ ကြေညာချက် ထုတ် ခဲ့တာပဲ ရှိတယ်။ ဘာလုပ်ပေးပါလို့ တောင်ဆိုတာမျိုး ကျနော်တို့မှာ မရှိသေးဘူး။”
သတင်းတွေ ထွက်ပေါ်နေတဲ့ အဖွဲ့ချုပ်ကနေ နိုင်ငံရေးပါတီအဖြစ် မှတ်ပုံတင်မယ့်ကိစ္စက မဖြစ်သေးဘူးဆိုတဲ့ သဘောလားဗျာ။
“လုံးဝမဆုံးဖြတ်ရသေးပါဘူး။”
Ref: ဒီဗွီဘီ
Read More...
Collapse...
September 29, 2011
နော်နိုရင်း
နိုင်ငံခြားခရီးသွား ဂျပန်အမျိုးသမီး တဦး မန္တလေးတိုင်း ကျောက်ပန်းတောင်းမြို့နဲ့ ၁၂ မိုင်အကွာ တောတွင်းတနေရာမှာ သတ်ဖြတ် ခံရတယ်လို့ ကျောက်ပန်းတောင်း ရဲစခန်းက အတည်ပြု ပြောဆိုပါတယ်။
လည်ပင်းမှာ ညိုမဲတဲ့ ဒဏ်ရာတွေနဲ့ သေဆုံးနေတဲ့ ဂျပန်အမျိုးသမီးရဲ့ အလောင်းကို ကျောက်ပန်းတောင်းကနေ ညောင်ဦးအသွား လမ်းဘေးက တောတွင်း တနေရာမှာ ၂၈ ရက်နေ့ညနေက တွေ့ရှိတယ်လို့ ရဲက ဒီဗွီဘီကို ပြောပါတယ်။
သေဆုံးသူ အသက် ၃၀ အရွယ် ဂျပန်အမျိုးသမီးကို သတ်တဲ့တရားခံကို ဖော်ထုတ်နိုင်အောင် အဲဒီအမျိုးသမီး ငှားရမ်းစီးနင်းတဲ့ ဆိုင်ကယ်ကယ်ရီသမားကို သံသယနဲ့ ထိန်းသိမ်းစစ်မေးနေတယ်လို့ ကျောက်ပန်းတောင်း ရဲစခန်းက ဒု-ရဲအုပ်စိုးလွင်က ပြောပါ တယ်။
“ဂျပန်လူမျိုးပါ။ နာမည်တော့ စုံစမ်းတုန်းဖြစ်လို့ ဂျပန်ကောင်စစ်ဝန်ရုံးကို ဆက်ပြီး မေးနေတုန်းပါ။ မနေ့က လေးနာရီကျော် လောက် မှာဖြစ်တာ၊ ညောင်ဦးနဲ့ ကျောက်ပန်းတောင်း အစပ်မှာဖြစ်တာပါ။ သူတို့က ရွာသားတွေက အဲဒီထဲကို ဆိုင်ကယ်ဝင် သွားတာကို တွေ့လို့ ရွာသားတွေက ၀ိုင်းထားပေးပြီးတော့ အဖြစ်ကု အော်မှ သိတာ။ ရဲစခန်းကို အကြောင်းကြားတော့ ရဲတွေက လိုက်သွားပြီး သေသွားတဲ့ အလောင်းကိုပဲ တွေ့ရတယ်။ သူ့ပစ္စည်းတွေကို ဓာတ်ပုံရိုက်နေတုန်းပဲ။ ရင်ခွဲရုံမှာ စစ်ဆေးနေတုန်းပါ။ တကယ်သတ်တယ် ဆိုရင်တော့ မုဒိမ်းကျင့်ခံရရင်လည်း၊ မုဒိမ်းမှုပေါ့။ လူသတ်မှုတို့ ၂ ခုလုံးနဲ့ အရေးယူဖို့ စဉ်းစားထားပါတယ်။ အခုတော့ အမှုတော့ ဖွင့်ထားတယ်။ တရားခံကိုတော့ စစ်ဆေးတုန်းပါ။ ဂျပန်ကိုလည်း လောလောဆယ် အမှုကိစ္စ လုပ်နေတုန်း မို့လို့ အတိအကျ မဖြေနိုင်ပါဘူး။”
ဒီအမျိုးသမီးသေဆုံးမှုကို ရဲကသိပုံကတော့ အဲဒီဂျပန်အမျိုးသမီးကို ဆိုင်ကယ်နဲ့ တင်ခေါ်သွားတာကို တွေ့လိုက်တဲ့ဒေသခံတွေက အမျိုးသမီးတဦး အော်သံနဲ့ ဆက်စပ်ပြီး သတင်းပေးလို့ တွေ့ရှိခဲ့တာပါ။
အခုအချိန်မှာ အဲဒီအမျိုးသမီးထံက ပစ္စည်းလုယက်မှုနဲ့ အဓမ္မပြုကျင့်မှု ရှိမရှိ ပိုင်ဆိုင်မှုနဲ့ ဆေးစစ်မှုစတဲ့ ကိစ္စတွေကို ဆောင်ရွက် စစ်ဆေးနေတုန်းပဲလို့ ဒု-ရဲအုပ်က ပြောပါတယ်။
အသတ်ခံရသူ ဂျပန်အမျိုးသမီးရဲ့အလောင်းကို ကျောက်ပန်းတောင်း ဆေးရုံမှာပဲထားရှိပြီး နေပြည်တော်က မှုခင်းဆရာဝန် လာရောက် စစ်ဆေးနေတယ်လို့ မြို့ခံတွေက ပြောပြပါတယ်။
ဂျပန်ကောင်စစ်ဝန်ရုံးက သူတို့ဆီပို့ပေးဖို့ တောင်းဆိုထားချက်အရ အလောင်းကို ၂၉ ရက်နေ့ညနေမှာ ရန်ကုန်ကို ပို့ဆောင်မှာ ဖြစ်တယ်လို့ ဒု-ရဲအုပ်စိုးလွင်က ပြောပါတယ်။
ဒေသခံတွေအပြောအရ အဲဒီ ဂျပန်အမျိုးသမီးဟာ ကျောက်ပန်းတောင်းမြို့ကနေ ညောင်ဦးမြို့ကို ဆိုင်ကယ်ကယ်ရီငှားပြီး အသွား မှာ အသတ်ခံရတာ ဖြစ်တယ်လို့ သိရပါတယ်။ အခင်းဖြစ်ပွားပုံကို ဒေသခံတဦးက အခုလို ရှင်းပြပါတယ်။
“ကျောက်ပန်းတောင်းမှာ ညောင်ဦးသွားတဲ့ ကားဂိတ်ရှိတယ်။ အဲဒီမှာ ဆိုင်ကယ် ကယ်ရီက ၇ စီး၊ ၈ စီးလောက် အမြဲတမ်း ထိုင်နေ တယ်။ ကားမစီးချင်တဲ့ ဧည့်သည်တွေကိုဆိုရင် ဆိုင်ကယ်နဲ့ သွားကြတယ်။ သူက အဲဒီဆိုင်ကယ်နဲ့ သွားတော့ ဟိုနား ဒီနား ဓာတ်ပုံရိုက်လို့ရတယ်လေ။ ကျောက်ပန်းတောင်းက ထွက်ပြီးမှ ၁၂ မိုင်လောက်မှာ တောအုပ်လေးထဲမှာ ဖြစ်တာ။ ၀ါခင်းကြီးဆိုတဲ့ ရွာနားလေးမှာဖြစ်တာ။ လူသွားလူလာ နည်းနည်းပြတ်တယ်။ ဒါပေမယ့် ကျွဲကျောင်းသား၊ နွားကျောင်း သား တွေတော့ ရှိတာပေါ့။ အဲဒီမှာ သူတို့က တွေ့တယ်။ အော်သံလည်း ကြားတယ်ပေါ့။ ဆိုင်ကယ်လည်း ဝေါကနဲ့ ထွက်သံလည်း ကြားတော့ အဲဒီမှာ ကျောက်ပန်းတောင်း ရဲစခန်းက ရောက်လာပြီး ဒေသခံတွေနဲ့ လိုက်ရှာတော့ ကျောက်ပန်းတောင်းနယ်ထဲမှာပဲ လာမိတယ်။”
ရဲက ဆိုင်ကယ်ကယ်ရီသမားတဦးကိုပဲ ဖမ်းဆီးစစ်ဆေးနေတယ်လို့ ဖြေပေမယ့် မြို့ခံတွေကတော့ ဆိုင်ကယ်ကယ်ရီသမားရဲ့ ညီကိုပါ ထိန်းသိမ်း စစ်မေးခံနေရတယ်လို့ ပြောပြပါတယ်။
Ref: ဒီဗွီဘီ
Read More...
Collapse...
September 29, 2011
ရွှေအောင်
ထိုင်းနိုင်ငံ ချင်းမိုင်မြို့မှာ ရေလွှမ်းမိုးမှုတွေ ဖြစ်ပွားနေပါတယ်။ ချင်းမိုင်ရေကြီးမှုနဲ့ ပတ်သက်ပြီး ချင်းမိုင်အခြေစိုက် ဒီဗွီဘီသတင်း ထောက် မန်းဆိုင်းမွန်ကို ကိုရွှေအောင်က မေးကြည့်ထားပါတယ်။
မနေ့ကတည်းက ရေကြီးနေတာ၊ အခုထိလည်း ကြီးနေတုန်းပဲပေါ့။ ဘာဖြစ်လို့ ဒီလောက်ရေကြီးတာလဲ ခင်ဗျ။
ချင်းမိုင်အထက်မှာ မိုးရွာတယ်။ မုန်တိုင်းတခု ဖြတ်သွားတယ်။ တောင်တရုတ်ကနေ ဖြတ်လာတဲ့ မုန်တိုင်းပေါ့။ အဖျားခတ်သွား တယ်။ အဖျားခတ်သွားတော့ ချင်းမိုင်ရဲ့ မြောက်ပိုင်းမှာ မိုးရွာတယ်။ ချင်းမိုင် အထက်မှာ ရေကာတာ ရှိတယ်လေ။ အဲဒါရေ ကာ တာ ဖွင့်ချလိုက်ရတယ်။ အဓိကတော့ မိုးကြောင့်ပါ။ မုန်တိုင်း အဖျားခတ်သွားတာပေါ့။”
အခုရေကြီးနေတဲ့အနေအထားက ဘယ်လောက်ထိ ကြာနိုင် သလဲ။
“ရေကတော့ ဒီနေ့ညပိုင်းမှာ တဖြည်းဖြည်း ကျသွားတယ်။ နောက်တရက် လောက်မှာတော့ ပုံမှန်အတိုင်း ပြန်ဖြစ် သွားမယ်လို့ ပြောနေကြတယ်။ မိုးက ထပ်မရွာတော့ဘူး ဆိုရင် ပေါ့။”
မိုးရွာနေသေးရင် ရေထပ်မကျနိုင်သေးဘူးလို့ ဆိုနိုင်သလား ခင်ဗျ။
“မုန်တိုင်း နောက်တလုံးထပ်ပြီး ၀င်ဦးမယ်ပြောတယ်။ သူတို့ မှန်းထားတာ နောက်ပိုင်းမှာ ၀င်ချင်လည်းဝင်မယ်။ ဒါပေ မယ့် ဒီမှာ အဖျားခတ်လို့ အဲဒီမှာ ရွာတယ်ဆိုရင်လည်း ရေ တော့ ထပ်ကြီးဦးမယ်။”
အခုရေကြီးတဲ့ ဖြစ်စဉ်မှာ လူအသေအပျောက်တွေ ဘာတွေကော ကြားသေးလား။
“အခု အသေအပျောက်က ချင်းမိုင်အရှေ့မြောက်ပိုင်းက တောင်စောင်းမှာ အိမ်ဘေးမှာလည်း ချောင်းဆိုတော့ အဲဒီချောင်းဘေးက အိမ် ၂ လုံး ပြိုဆင်းသွားပြီး ရေတွေနဲ့မျောပြီး ပါသွားတယ်။ အဲဒီမှာ မိသားစု ၂ စုက ၅ယောက်လောက် ဆုံးသွားတယ်။ အလောင်း တွေ အကုန်ပြန်တွေ့တယ် ပြောတယ်။”
အခုလိုမျိုး ရေကြီးတာမျိုး ချင်းမိုင်မှာ ဘယ်တုန်းက ဖြစ်ခဲ့ဖူးလဲခင်ဗျ။
“လွန်ခဲ့တဲ့ ၁၀ နှစ်ကျော်ကလည်း အခုလိုမျိုး ကြီးခဲ့တာပဲ။ ဒါပေမယ့် အခုကတော့ ပိုများတယ်လို့ ပြောတယ်။ ထိုင်းတနိုင်ငံလုံး အတိုင်းအတာနဲ့ဆိုရင် ခရိုင် ၅၄ ခုလုံးမှာ ရေမြုပ်နေတယ်လို့ အစိုးရက ကြေညာတာကိုး။
ခရိုင်အားလုံး ဘယ်လောက်ရှိလဲခင်ဗျ။
“၇၇ ခရိုင် ရှိတယ်။ ချင်းမိုင်က night paza (ညဈေး)မှာလည်း ရေက တော်တော်တက်လာတယ်။”
Ref: ဒီဗွီဘီ
Read More...
Collapse...
29 September 2011
ရှမ်းပြည်မြောက်ပိုင်းတွင် မြန်မာစစ်ပြေးဒုက္ခသည်များ တရုတ်နိုင်ငံထဲ မ ၀င်နိုင်ရန် တရုတ်ရဲများက နယ်စပ်တစ်လျှောက် စောင့်ကြပ် နေသည်ဟု ဒုက္ခသည်များ ပြောသည်။
သံလွင်မြစ်အနောက်ဘက်ခြမ်း တရုတ်-မြန်မာနယ်စပ်မြို့များဖြစ်သည့် ဖောင်းဆိုင်၊ မုန်ကိုး၊ ၀မ်ဒင်၊ ပန်ဆိုင်း၊ မူဆယ်၊ နောင်းတောင် နှင့် နမ့်ခမ်းမြို့အထိ တရားဝင် ၀င်/ထွက်ပေါက်များအပြင် တရားမ၀င် ခိုးပေါက်များကိုပါ တရုတ်ရဲတပ်ဖွဲ့ဝင်များ စောင့်ကြပ် လျက်ရှိသည်ဟု ၎င်းဒေသခံများ ပြောသည်။
ယခင်က နယ်စပ်တစ်လျှောက်နေထိုင်သူများသည် ၎င်းတို့၏ အသေးစား စီးပွားရောင်းဝယ်ရေးအတွက် နိုင်ငံကူးလက်မှတ်မလို ဘဲ နယ်စပ်ဖြတ်ကျော် သွားလာနေကြသော်လည်း ယခုအခါ ထိုသို့ဖြတ်သန်း၍ မရတော့ကြောင်း ဆက်ဆိုသည်။
တရားဝင် နယ်စပ် ၀င်/ထွက်ပေါက်ရှိသည့် မူဆယ်နှင့် မုန်းကိုမြို့များမှာ နိုင်ငံကူးလက်မှတ်ကိုင်ဆောင်ထား သူများကိုသာ ၀င်/ ထွက်ခွင့်ပြုနေသည်ဟု ၎င်းဒေသခံများက ပြောသည်။
စက်တင်ဘာ ၂၄ ရက်မှစ၍ မြန်မာအစိုးရတပ်က မူဆယ်နှင့် ကွတ်ခိုင်မြို့နယ် ရှိ ကချင်လွတ်မြောက်ရေးတပ်ဖွဲ့ (KIA) တပ်မဟာ ၄ စစ်အခြေစိုက်စခန်းများအား ပြင်းပြင်းထန်ထန် ထိုးစစ်ဆင်လာချိန်တွင် စစ်ဘေးလွတ်ရာဒေသများနှင့် တရုတ်နယ်စပ်ဖက်သို့ စစ်ပြေးဒုက္ခသည်များ ရောက်ရှိလာခြင်းဖြစ်သည်။
တပ်မဟာ ၄ ဒေသမှ ပြည်သူ ၂၀၀၀၀ ကျော် မြန်မာအစိုးရထိန်းချုပ်ဒေသများနှင့် တရုတ်နယ်စပ်သို့ ထွက်ပြေးနိုင်သည်ဟု ၎င်း တပ်မဟာ ၄ မှ KIA အရာရှိတစ်ဦးပြောသည်။
လတ်တလော မြန်မာအစိုးရထိန်းချုပ်သည့် ရှမ်းပြည်မြောက်ပိုင်းမှ လာရှိုး၊ ကွတ်ခိုင်၊ နမ်ဖတ်ကာ၊ နမ်အွမ်၊ မူဆယ်၊ ကြူကုတ်၊ မုန်ကိုး၊ ဖောင်းဆိုင် မြို့များတွင် စစ်ပြေးဒုက္ခသည် ရာနှင့်ချီ ရောက်ရှိနေကြကာ ၎င်းတို့အား ကချင်ခရစ်ယာန်ဘုရားကျောင်း များ က စားဝတ်နေရေး စီစဉ်ပေးနေကြသည်ဟု ယင်းဘုရားကျောင်းများမှ သိရသည်။
တရုတ်နယ်စပ် ပန်ဆိုင်းနှင့် မုန်ကိုးမြို့တွင် မြန်မာပြည်သူ့ရဲတပ်ဖွဲ့ဝင်များက စစ်ပြေးဒုက္ခသည်များကို တရုတ်ဘက်သို့ဝင်ရောက်ခြင်းမရှိရန် တားမြစ်ကာ ယင်းဒေသရှိ ကချင်ခရစ်ယာန် ဘုရားကျောင်းများတွင်သာ နေထိုင်ကြရန် ညွှန်ကြားသည်ဟု ၎င်းဒေသရောက် စစ်ပြေးဒုက္ခသည်များက ပြောသည်။
ယခင် ဗမာပြည်ကွန်မြူနစ်ပါတီ ဌာနချုပ် မုန်ကိုးမြို့၌ စစ်ပြေးဒုက္ခသည်များအား ကိုင်တွယ်စည်းကြပ်ရာတွင် တရုတ်နှင့် မြန်မာ အစိုးရ အာဏာပိုင်များက အတူတကွ ပူးပေါင်းဆောင်ရွက်နေကြသည်ကိုတွေ့ရသည်ဟု တရုတ်နယ်စပ်အာဏာပိုင်များနှင့် နီးစပ်သူများကဆိုသည်။
ထို့အတူ စက်တင်ဘာလ (၂၇) ရက်က မုန်ကိုးနှင့် မျက်နှာချင်းဆိုင်မန်ဟိုင်းမြို့ ဟိုတယ်တစ်ခုတွင် တည်းခိုနေသော သံသယ ရှိဖွယ် မြန်မာနိုင်ငံသား ၃ ဦးအား တရုတ်အာဏာပိုင်များက ဖမ်းဆီးကာ မြန်မာအာဏာပိုင်များထံ လွှဲပြောင်းပေးခဲ့သည်ဟု ဆက်ဆိုသည်။
ရှမ်းပြည်မြောက်ပိုင်း၌ တိုက်ပွဲဖြစ်လာချိန် KIO က တရုတ်အာဏာပိုင်များထံ လူသားချင်းစာနာမှုဖြင့် စစ်ပြေးဒုက္ခသည်များကို လက်ခံပေးရန် တောင်းဆိုခဲ့သော်လည်း တုံ့ပြန်ခြင်းမရှိဟု KIO အရာရှိများပြောသည်။
ဆက်လက်၍ စစ်ပြေးဒုက္ခသည်များ တရုတ်နယ်စပ်ဒေသသို့ ထပ်မံရောက်ရှိလာနေကြသည်ဟု နယ်စပ်တွင်နေထိုင်သူများက ဆို သည်။
Ref: ကေအဲန်ဂျီ
Read More...
Collapse...
29 September 2011
ထိုင်းနိုင်ငံ၏ ဒုတိယအကြီးဆုံး ချင်းမိုင်မြို့ မြစ်ရေလျှံကာ အနိမ့်ပိုင်းနေရာများ ရေလွှမ်းမိုးသွားသည့်ထဲ မြန်မာနိုင်ငံသားများ အများ စု လုပ်ကိုင်သည့် ညဈေးတန်း(Night Bazaar) ပါဝင်သည်။
စက်တင်ဘာ ၂၈ ရက်တွင် ပိန်မြစ်ရေလျှံလာသဖြင့် ဆိုင်ခန်းများအားလုံးနီးပါး ပိတ်လိုက်ရကာ ဆုံးရှုံးမှု အနည်းဆုံး ထိုင်းဘတ်ငွေ သန်း ၁၀၀ ရှိမည်ဟု Night Nazaar အုပ်ချုပ်ရေးကော်မတီမှ အရာရှိတစ်ဦး The Nation သတင်းတွင် ပြောဆိုထားသည်။
“တနင်္လာနေ့လောက်မှ ဈေးပြန်ရောင်းလို့ရမယ်”ဟု Night Bazaar ဈေးသည်တစ်ဦး ပြောသည်။
ဈေးဆိုင်ခန်းများတွင် လုပ်ကိုင်သူ ၃ ပုံ ၂ ပုံမှာ မြန်မာနိုင်ငံသားများဖြစ်ကြကာ အလုပ်သမားတစ်ဦးအတွက် ပျှမ်းမျှ တစ်လ ဘတ်ငွေ ၅၀၀၀ နှင့် ၆၀၀၀ ကြား ရရှိကြသည်ဟု ဆိုသည်။
ဆိုင်ခန်းပေါင်း ၅၀၀ ကျော်တွင် မြန်မာနိုင်ငံသားများ ၃၀၀ နှင့် ၄၀၀ ကြား ရှိနိုင်သည်ဟု ပြောသည်။
Ref: ကေအဲန်ဂျီ
Read More...
Collapse...
29 September 2011
ရှမ်းပြည်မြောက်ပိုင်း၊ မန်တုံမြို့နယ်တွင် ကချင်လွတ်မြောက်ရေးအဖွဲ့ (KIA) တပ်ရင်း (၈) အား ၆ ရက်ကြာ ထိုးစစ်ဆင်လာချိန် မြန်မာ အစိုးရတပ်သား အနည်းဆုံး ၁၅၀ ကျဆုံးသည်ဟု မျက်မြင်များ ပြောသည်။
ယင်းအရေအတွက်မှာ မန်တုံမြို့နယ်ရှိ KIA တပ်ရင်း (၈) ဒေသအား စက်တင်ဘာ (၂၄) ရက် မှ စ ၍ မြန်မာအစိုးရတပ်က ထိုးစစ် ဆင်လာချိန် ပေါ်တာအဖြစ် မြန်မာအစိုးရတပ်က ခေါ်ဆောင်ခဲ့သော ပြည်သူများ ပြောဆိုချက်အရ သိရခြင်းဖြစ်သည်။
ကျဆုံးမြန်မာအစိုးရတပ်သားများသည် မိတ္ထီလာအခြေစိုက် တပ်မ (၉၉)မှ ဖြစ်သည်ဟု ထွက်ပြေးလာသည့် ပေါ်တာများနှင့် KIA အရာရှိများပြောသည်။
ယခုတိုက်ပွဲတွင် အရှေ့မြောက်ပိုင်းတိုင်းစစ်ဌာနချုပ်လက်အောက်ခံတပ်များအပြင် ရှမ်းပြည်ပြင်ပမှ တပ်မ(၉၉) နှင့် ရွာထောင် တပ်မ(၃၃)နှင့် KIA တပ်ရင်း (၈) ကြားဖြစ်ပွားခြင်းဖြစ်သည် ဟု KIA အရာရှိများပြောသည်။
KIA တပ်သား ၅ ဦး ယခု သီတင်းပတ်အစောပိုင်းက ကျဆုံးသွားသည်ဟု KIA အရာရှိများ အတည်ပြုပြောဆိုသည်။
ယခုအခါ လွယ်ကန်အခြေစိုက် KIA တပ်မဟာ (၄) လက်အောက်ခံ တပ်ရင်း ၅ ခု အနက် ၃ ခု (တပ်းရင်း (၂)၊ တပ်ရင်း (၉)၊ တပ်ရင်း (၂၉)) အခြေစိုက်စခန်းများအား မြန်မာအစိုးရတပ်က ၀င်ရောက်သိမ်းပိုက်ထားသည်ဟု သိရသည်။
ထို့အပြင် ရာဂဏန်းရှိ တပ်မ (၉၉)၊ မကွေးအခြေစိုက် တပ်မ (၈၈)နှင့် အခြားတပ်ကူများ ထပ်မံရောက်ရှိလာကာ လွယ်ကန်မှ တောင်ဘက် ရှိ KIA တပ်ရင်း (၁၇) အခြေစိုက်စခန်းအနီး နေရာ ယူထားကြသည်ဟု မျက်မြင်သက်သေများက ဆိုသည်။
ယခုချိန်တွင် ထောင်ဂဏန်းရှိ စစ်ပြေးဒုက္ခသည်များ စစ်ဖြစ်ပွားရာဒေသမှ ထွက်ပြေးလာကြပြီး အများစုမှာ တောတောင်ထဲ ပုန်းအောင်း နေကြကာ နေရာထိုင်ခင်း၊ အစားအစာနှင့် ကျန်းမာရေးပြဿနာများ ရင်ဆိုင်ကြုံတွေ့နေရသည်ဟု ဒုက္ခသည်များနင့် နီးစပ်သူများက ဆိုသည်။
၆ ရက်ကြာ နှစ်ဖက် ပြင်းပြင်းထန်ထန် စစ်ဖြစ်ပွားနေစဉ် မိမိ နေရပ်ရွာ ကျေးရွားများကို စွန့်ခွာသော စစ်ပြေး ဒုက္ခသည် စုစုပေါင်း ၂၀၀၀၀ ကျော်ရှိကြောင်း KIA တပ်မဟာ ၄ အရာရှိများ ပြောသည်။
Ref: ကေအဲန်ဂျီ
Read More...
Collapse...
28 စက်တင်ဘာ 2011
ဒေါ်လှလှသန်း
အာရှမှာ တနေ့တခြား အင်အားကြီးထွားလာနေတဲ့ အိန္ဒိယနိုင်ငံ အနေနဲ့ နယ်နိမိတ်ချင်း ထိစပ်နေတဲ့ မြန်မာနိုင်ငံနဲ့ နှစ်ပေါင်း ကြာရှည် ရှိခဲ့တဲ့ နှစ်နိုင်ငံ ချစ်ကြည်ရင်းနှီးမှုကို အခြေပြုပြီးတော့ ခိုင်မာတဲ့ ပြုပြင်ပြောင်းလဲမှုတွေ ပြုလုပ်ပေးဖို့အတွက် ဖိအား ပေးဖို့ အမေရိကန် ဒုတိယ နိုင်ငံခြားရေးဝန်ကြီးက အင်္ဂါနေ့တုန်းက တိုက်တွန်းလိုက်ပါတယ်။ အပြည့်အစုံကို ဒေါ်လှလှသန်းက တင်ပြပေးထားပါတယ်။
အိန္ဒိယ အနေနဲ့ အရှေ့အာရှ ပစိဖိတ်ဒေသရှိ အမေရိကန် ပြည်ထောင်စုရဲ့ သမားရိုးကျ မဟာမိတ် နိုင်ငံတွေဖြစ်တဲ့ ဂျပန်၊တောင် ကိုရီးယားနဲ့ သြစတြေးလျအပြင် စင်ကာပူ၊ အင်ဒိုနီးရှား၊ ဗီယက်နမ်တို့နဲ့ စီးပွားရေး ပူးပေါင်း ဆောင်ရွက်ဖို့နဲ့ လုံခြုံရေး သဘော တူညီချက်တွေကို ရယူခဲ့တာကြောင့် အရှေ့အာရှနဲ့ ပစိဖိတ်ဒေသမှာ အရှေ့မျှော် ပေါ်လစီဟာ မျှော်ရုံအဆင့် မဟုတ်တော့ဘဲ လက်တွေ့ ဖော်ဆောင်တဲ့ ပေါ်လစီအဆင့် ရောက်နေတာ တွေ့ရတဲ့အတွက် အခုလို အင်အား ကြီးထွားလာတာနဲ့အတူ ဒေသ တွင်း လူ့အခွင့်အရေး စောင့်ရှောက်မှု တာဝန်ကိုလည်း အလားတူ ဒွန်တွဲ ရယူရမှာ ဖြစ်တယ်လို့ အမေရိကန် ဒုတိယ နိုင်ငံခြားရေး ၀န်ကြီး ၀ီလီယမ် ဘန်းစ် (William Burns) က အမေရိကန်နဲ့ အိန္ဒိယ မိတ်ဘက် ဆက်ဆံရေး အနာဂတ် အခြေအနေ သုံးသပ် ချက် မှာ အခုလို ပြောကြားသွားပါတယ်။
“ခြုံပြီးတော့ ပြောရမယ်ဆိုရင် အိန္ဒိယနိုင်ငံ အနေနဲ့ တနေ့တခြား အင်အားကြီးတဲ့နိုင်ငံ ဖြစ်လာသလို တာဝန်လည်း ပိုလာတယ် ဆိုတာကို အသိအမှတ်ပြု လက်ခံထားတယ်လို့ ယုံကြည်ပါတယ်။ အထူးသဖြင့် မဟတ္တမ ဂန္ဒီကြီးရဲ့ စိတ်ဓာတ်ကို အမှူးပြုပြီးတော့ နေရာတနေရာမှာ လူ့အခွင့်အရေး ချိုးဖောက်မှုတွေ ခံရမယ်ဆိုရင် ကမ္ဘာ့ အခြားနေရာတွေမှာလည်း အလားတူ လူ့အခွင့်အရေး ချိုးဖောက်မှုတွေ ဖြစ်နေတယ်ဆိုတာ အတူတူပဲ ဖြစ်တယ်ဆိုတာကို နားလည် လက်ခံရမှာ ဖြစ်ပါတယ်။”
လူ့အခွင့်အရေးနဲ့ ပတ်သက်လို့ နိုင်ငံတကာရဲ့ ပြစ်တင်ဝေဖန်မှုကို ခံနေရပြီး အနောက်နိုင်ငံတွေရဲ့ ဒဏ်ခတ် ပိတ်ဆို့မှုတွေ ချ မှတ်ခြင်း ခံထားရတဲ့ မြန်မာနိုင်ငံနဲ့ အိန္ဒိယအကြား နှစ်နိုင်ငံ စီးပွားရေးနဲ့ နိုင်ငံရေးအရ ဆက်ဆံမှု အားကောင်းလာတာကို အခြေ ပြုပြီး နေပြည်တော်ရှိ အစိုးရကို ခိုင်မာတဲ့ ပြုပြင်ပြောင်းလဲမှုတွေ ပြုလုပ်ဖို့လည်း အမေရိကန် ဒုတိယ နိုင်ငံခြားရေးဝန်ကြီးက အိန္ဒိယ အစိုးရကို တိုက်တွန်းသွားပါတယ်။
“မကြာသေးခင် သီတင်းပတ်တွေက မြန်မာနိုင်ငံမှာ စိတ်အားတက်စရာကောင်းတဲ့ အပြောင်းအလဲတွေကို မြင်ရပြီးတော့ အထူး သဖြင့် ပြုပြင်ပြောင်းလဲရေး ပြုလုပ်ဖို့ ပြောဆိုမှုတွေကို ကြားခဲ့ရပါတယ်။ အိန္ဒိယ နိုင်ငံခြားရေး အတွင်းဝန် ဖြစ်ခဲ့တဲ့ မစ်စ် ရောင်း (Nirupama Rao) ဟာလည်း ဒေါ်အောင်ဆန်းစုကြည်နဲ့ ဒီနှစ် အစောပိုင်းက တွေ့ဆုံခဲ့တာကို အရေးကြီးတဲ့ ခြေလှမ်းအဖြစ်နဲ့ ရှုမြင်ပါတယ်။ အိန္ဒိယ အစိုးရနဲ့ မြန်မာအစိုးရအကြား ဆက်ဆံရေး ရင်းနှီးမှုကို အခြေပြုပြီးတော့ နိုင်ငံရေးနဲ့ စီးပွားရေးအပြင် အမျိုးသား ပြန်လည် သင့်မြတ်ရေးအတွက် ခိုင်မာတဲ့ ခြေလှမ်းတွေ ရယူဖို့ တိုက်တွန်းနိုင်လိမ့်မယ်လို့လည်း အမေရိကန် ပြည် ထောင်စုက မျှော်လင့်ပါတယ်။”
ဒုတိယ နိုင်ငံခြားရေးဝန်ကြီး မစ္စတာ ဘန်းစ် ရည်ညွှန်းခဲ့တဲ့အတိုင်း ဇွန်လက အိန္ဒိယ နိုင်ငံခြားရေးဝန်ကြီး အက်စ်အမ် ခရစ်ရ်ှနား (SM Krishna) နဲ့အတူ နိုင်ငံခြားရေးဌာန အတွင်းဝန် မစ်စ် နီရူပါမာ ရောင်းလည်း မြန်မာနိုင်ငံကို ရောက်ရှိခဲ့ပြီး ဒေါ်အောင်ဆန်း စုကြည်နဲ့ သူမရဲ့ နေအိမ်မှာ တနာရီကြာ တွေ့ဆုံခဲ့တာ ဖြစ်ပါတယ်။ မစ်စ် ရောင်းဟာ လက်ရှိမှာ အမေရိကန်နိုင်ငံဆိုင်ရာ သံ အမတ်ကြီးအဖြစ် ထမ်းဆောင်နေပြီ ဖြစ်ပါတယ်။
ဘရွတ်ကင်းစ် ညီလာခံမှာ မစ်စ် ရောင်းကလည်း အရှေ့တောင်အာရှ ဒေသနဲ့ အိန္ဒိယ ဆက်ဆံရေး တိုးမြှင့် လုပ်ဆောင်တဲ့ အကြောင်း အခုလို ပြောကြားသွားပါတယ်။
“အိန္ဒိယနဲ့ အရှေ့အာရှ ပစိဖိတ်ဒေသ ဆက်ဆံရေးဟာ လွန်ခဲ့တဲ့ နှစ် ၂၀ အတွင်း ပိုမိုအားကောင်းလာပြီး ၁၉၉၀ ခုနှစ် အစောပိုင်း မှာ ကျမတို့ ချမှတ်ခဲ့တဲ့ အရှေ့မျှော် ပေါ်လစီကနေ အခုဆို အရှေ့တောင်အာရှမှာ ကျမတို့ရဲ့ အိမ်နီးချင်း နိုင်ငံများနဲ့ စီးပွားရေး၊ လူမှုရေးအရ ပြန်လည်ဆက်မိနေပြီ ဖြစ်ပါတယ်။ အနှစ် ၂၀ အပြီးမှာတော့ အိန္ဒိယအနေနဲ့ အရှေ့တောင်အာရှ ဒေသရှိ လူတွေနဲ့ နိုင်ငံတွေ အချင်းချင်းကြား ချစ်ကြည် ရင်းနှီးမှု ပိုမိုရရှိလာပြီ ဖြစ်ပါတယ်။
“အရှေ့တောင်အာရှ ဒေသဟာလည်း အင်အားကောင်းကောင်းနဲ့ တိုးတက်မှုတွေ ဖြစ်ပေါ်နေတာကြောင့် ဒီဒေသမှာ ငြိမ်းချမ်း ရေးနဲ့ လုံခြုံရေး တည်တံ့ခိုင်မြဲဖို့အတွက် အိန္ဒိယနဲ့ အမေရိကန် ပြည်ထောင်စု နှစ်နိုင်ငံစလုံးက ရှေးရှု ဆောင်ရွက်သွားကြမှာ ဖြစ်ပါတယ်။” လို့ မစ်စ် ရောင်းက ပြောကြားသွားပါတယ်။
အာဆီယံ အဖွဲ့ဝင် နိုင်ငံတွေနဲ့ စီးပွားရေး၊ နိုင်ငံရေးအရ ဆက်ဆံရေး တိုးမြှင့် လုပ်ဆောင်နေတဲ့ အိန္ဒိယ အနေနဲ့ သဘာဝ ဓာတ်ငွေ့ သယံဇာတ ပေါကြွယ်ဝတဲ့ မြန်မာနိုင်ငံနဲ့လည်း ကုန်သွယ်ရေး စာချုပ်တွေ ချုပ်ဆိုခဲ့ပြီး နှစ်နိုင်ငံကြား ချစ်ကြည်ရေး ခရီးတွေလည်း အပြန်အလှန် လုပ်ဆောင်ခဲ့တာ ဖြစ်ပါတယ်။ အိန္ဒိယ၊ မြန်မာ နှစ်နိုင်ငံကြား ကုန်သွယ်ရေး ကော်မရှင် ဆွေးနွေး ပွဲကို နယူးဒေလီမှာ အင်္ဂါနေ့က ကျင်းပခဲ့ရာမှာ အိန္ဒိယနဲ့ မြန်မာ နှစ်နိုင်ငံကြား ကုန်သွယ်မှုကို လက်ရှိ ဒေါ်လာ ၁.၅ ဘီလီယံ ကနေ ၂၀၁၅ ခုနှစ်မှာ ဒေါ်လာ ၃ ဘီလီယံအထိ တိုးချဲ့ လုပ်ဆောင်နိုင်ဖို့ အဆိုပြုခဲ့တာတွေလည်း တွေ့ရပါတယ်။
Ref: ဗွီအိုအေ
Read More...
Collapse...
28 စက်တင်ဘာ 2011
သားညွန့်ဦး
မြန်မာ့ဒီမိုကရေစီရေးအတွက် ကနေဒါနိုင်ငံအနေနဲ့ မြန်မာနိုင်ငံအပေါ် ပြင်းထန်တဲ့အရေးယူပိတ်ဆို့မှု ချမှတ်ထားသလို၊ အခြား နိုင်ငံတွေနဲ့လည်း မြန်မာ့အရေးအတွက် နီးနီးကပ်ကပ် ဆောင်ရွက်နေတယ်လို့ ကနေဒါနိုင်ငံခြားရေးဝန်ကြီးက အထွေထွေ ညီလာခံ မှာ တနေ့က ပြောပါတယ်။
မန်မာ့ဒီမိုကရေစီရေးအတွက် ကနေဒါနိုင်ငံအနေနဲ့ မြန်မာနိုင်ငံအပေါ် ပြင်းထန်တဲ့အရေးယူပိတ်ဆို့မှု ချမှတ်ထားသလို၊ အခြား နိုင်ငံ တွေနဲ့လည်း မြန်မာ့အရေးအတွက် နီးနီးကပ်ကပ် ဆောင်ရွက်နေတယ်လို့ ကနေဒါနိုင်ငံခြားရေးဝန်ကြီးက အထွေထွေ ညီလာခံ မှာ တနေ့က ပြောဆိုပါတယ်။
CFOB ကနေဒါအခြေစိုက် မြန်မာ့အရေးလှုပ်ရှားမှုအဖွဲ့ကတော့ ကနေဒါအစိုးရပိုင်းအနေနဲ့ မြန်မာနိုင်ငံရဲ့ အခြေအနေကို စောင့် ကြည့်နေပြီး၊ လက်ဆုပ်လက်ကိုင်အပြောင်းအလဲတွေ မတွေ့ရမချင်းတော့ နှစ်ဖက် အဆင့်မြင့်ဆက်ဆံရေးထားမယ့်ပုံ မရှိသေး ဘူးလို့ပြောပါတယ်။ ကိုသားညွန့်ဦးက စုံစမ်းမေးမြန်းထားပါတယ်။
မြန်မာအစိုးရသစ်အပေါ်မှာ အနောက်နိုင်ငံအတော်များများက သတိတကြီးနဲ့ ပျော့ပျော့ပြောင်းပြောင်း ချည်းကပ်လာကြ ပေမယ့်လို့ ကနေဒါနိုင်ငံကတော့ သိသိသာသာ မူဝါဒ ပြောင်းတာမတွေ့ရသေးပါဘူး။ အီးယူ ဥရောပသမဂ္ဂနဲ့ အမေရိကန် ပြည်ထောင်စုတွေဖက်က အဆင့်မြင့်ခေါင်းဆောင်တွေ စေလွှတ်ပြီး မြန်မာအစိုးရနဲ့ ဆက်ဆံမှုတွေ ရှိလာပေမယ့်၊ ကနေဒါနိုင်ငံ ကတော့ အခြေအနေကို အဝေးက စောင့်ကြည့်နေဆဲလို့ပဲ ဆိုရမှာပါ။
တနေ့ကတော့ ကနေဒါနိုင်ငံခြားရေးဝန်ကြီး John Baird က အထွေထွေညီလာခံမှာ မိန်ခွန်းပြောတော့၊ ဒီမိုကရေစီနဲ့ လူ့အခွင့် အရေးကိစ္စတွေကို အထူးအလေးပေး ပြောပါတယ်။ အဲဒီမှာ မြန်မာနိုင်ငံနဲ့ပတ်သက်လို့လည်း ထည့်သွင်းပြောသွားပါတယ်။
“မြန်မာ့ ဒီမိုကရေစီရေးနဲ့လူ့အခွင့်အရေးအခြေအနေ တိုးတက်လာစေဖို့အတွက် စိတ်တူကိုယ်တူ နိုင်ငံတွေနဲ့ အနီးကပ် ပူးတွဲ ဆောင်ရွက်နေပါတယ်။ တချိန်တည်းမှာလဲ မြန်မာစစ်အစိုးရကို ကနေဒါအနေနဲ့ ကမ္ဘာပေါ်မှာ အပြင်းထန်ဆုံး အရေးယူ ပိတ်ဆို့ မှုတွေ ချမှတ်ခဲ့ပါတယ်။”
ကနေဒါ နိုင်ငံခြားရေးဝန်ကြီး ပြောသွားတာပါ။ မြန်မာနိုင်ငံတွင်း ဘာသာရေးအရဖိနှိပ်မှုတွေ ခွဲခြားဆက်ဆံမှုတွေ ရှိနေတယ်လို့ လည်း ကနေဒါနိုင်ငံခြားရေးဝန်ကြီးက ပြောသွားပါသေးတယ်။
အပြင်းထန်ဆုံး အရေးယူမှုမျိုးလို့ဆိုတဲ့နေရာမှာ အမေရိကန်ပြည်ထောင်စုတို့ အီးယူတို့က မြန်မာအပေါ် ချမှတ်ထားတဲ့ အရေးယူ ပိတ်ဆို့မှုတွေထက် ထူးခြားတဲ့အချက်တွေရှိလို့ဖြစ်တယ်လို့ CFOB ကနေဒါအခြေစိုက် မြန်မာ့မိတ်ဆွေများအဖွဲ့က ပြောခွင့်ရသူ ကိုတင်မောင်ထူးက ပြောပါတယ်။
“သက္ကရာဇ် ၂၀၀၈ ကနေစပြီးတော့ မြန်မာအလံလွှင့်ထားတဲ့ ဘယ်သင်္ဘောကိုမှ ခွင့်မပေးဘူးဆိုတဲ့အချက်က US နဲ့ ကနေဒါ အကြား ကနေဒါဖက်က ပိုပြင်းထန်တဲ့အရေးယူမှုအပိုင်းတွေကို တွေ့ရတာပါ။ ငွေအပြောင်းအလဲ အပြောင်းအရွှေ့လုပ်တဲ့ နေရာ မှာလည်းပဲ ကနေဒါကနေ ပိတ်ပင်တာတွေရှိပါတယ်။ ဥပမာ ကနေဒီယန် ပြည်သူတယောက်ပဲဖြစ်ဖြစ် ဒါမှမဟုတ် အဖွဲ့အစည်း တခုခုကပဲ ဖြစ်ဖြစ် ကုမ္ပဏီတခုပဲဖြစ်ဖြစ် မြန်မာပြည်ကို အပြောင်းအရွှေ့ လုပ်မယ်ဆိုရင် ဒေါ်လာတထောင်ထက်ပိုမယ်ဆိုရင် နိုင်ငံခြားရေးဝန်ကြီးရဲ့ အထူးခွင့်ပြုချက်ကို ယူရမယ့် အနေအထားရှိပါတယ်။”
မြန်မာနဲ့ပတ်သက်လို့ အမေရိကန်ကိုယ်တိုင်က တိုက်ရိုက်ထိစပ်ဆက်ဆံရေးမူဝါဒကို ထည့်ပြီး ကျင့်သုံးလာတယ်၊ အာဆီယံ ဆိုရင်တော့ ပြောဖွယ်မရှိတော့ဘူးပေါ့၊ ကနေဒါကရော မြန်မာနဲ့ ထိစပ်ဆက်ဆံရေးမူဝါဒ စဉ်းစားချက်ရှိပါသလား။
“အခု နိုင်ငံခြားရေးဝန်ကြီး John Baird တတ်လာတဲ့အချိန်ကစပြီး သူပြောတဲ့စကားရှိပါတယ်။ ကနေဒါအနေနဲ့လည်း ထိစပ် ဆက်ဆံရေးမူဝါဒ လုပ်မယ်၊ တွေ့ဆုံဆွေးနွေးမှု ပြောဆိုမှုတွေ လုပ်မယ်။ ဒါပေမယ့် ဒီပြောဆိုမှုဟာ လူ့အခွင့်အရေးကိစ္စ အပေါ်မှာ သာလျှင် အခြေခံမယ်ဆိုတာကို သူ ရှင်းရှင်းလင်းလင်း ပြောခဲ့တာရှိပါတယ်။”
နိုင်ငံတကာနဲ့ဆက်ဆံရေး မြန်မာအစိုးရဖက်က ဖွင့်လာတာရှိပါတယ်။ အာဆီယံတို့ အာရှတို့နဲ့ဆက်ဆံတယ်၊ အမေရိကန်တို့ ဥရောပတို့နဲ့လည်း ဆက်ဆံရေးလုပ်လာတာရှိပါတယ်။ ကနေဒါဖက်ကရော မြန်မာထိပ်ပိုင်းနဲ့ ဆက်ဆံရေး ဘယ်လိုရှိပါသလဲ။
“တခုရှိတာကတော့ သူတို့လည်း မကျွံချင်ဘူး။ တကယ်အပြောင်းအလဲတွေ မရှိပဲ ဆက်ဆံရေးတွေ လုပ်ခဲ့မယ်၊ ၀န်ကြီးအဆင့်တွေ စေလွှတ်ခဲ့မယ်ဆိုရင် တဖက်မှာ မှားယွင်းတဲ့အဓိပ္ပါယ်တွေ ဖြစ်သွားမှာကိုလည်း သူက စိုးရိမ်တဲ့ လက္ခဏာရှိပါတယ်။”
ကနေဒါနဲ့ မြန်မာအစိုးရအကြား အဆင့်မြင့်ဆက်ဆံရေးမရှိဘူးဆိုပေမယ့် မကြာခင်လပိုင်းတွေအတွင်းကတော့ သံတမန်ဆက်ဆံ ရေး အနည်းငယ်တိုးလာတယ်လို့ ပြောရမှာပါ။ ကနေဒါဖက်က မြန်မာအစိုးရရဲ့ သံအမတ်ကြီး ခန့်အပ်မှုကို လက်ခံခဲ့သလိုပဲ၊ ဘန်ကောက်က ကနေဒါသံအမတ်ကြီးကလည်း မြန်မာနိုင်ငံသွားပြီး အစိုးရခေါင်းဆောင်ပိုင်းတွေနဲ့ တွေ့ဆုံမှုတွေ ရှိခဲ့ပါတယ်။
Ref: ဗွီအိုအေ
Read More...
Collapse...
28 စက်တင်ဘာ 2011
ပါလက်စတိုင်းကို ကုလသမဂ္ဂ အမြဲတမ်း အဖွဲ့ဝင်အဖြစ် လက်ခံရေး စဉ်းစားဖို့ ပထမအဆင့် အနေနဲ့ ကုလသမဂ္ဂ လုံခြုံရေး ကောင်စီ က လက်ခံထားပါတယ်။ ပါလက်စတိုင်းရဲ့ မေတ္တာရပ်ခံချက်ကို လုံခြုံရေးကောင်စီဝင် ၁၅ နိုင်ငံလုံး ပါဝင်တဲ့ အထူးကော်မတီဆီကို ဒီကိစ္စကို စဉ်းစားဖို့ လွှဲပေးထားပါတယ်။
သောကြာနေ့ကျရင် အဲဒီ အထူးကော်မတီက ပါလက်စတိုင်းကို နိုင်ငံတခုအဖြစ် အသိအမှတ်ပြုရေး၊ မပြုရေး ပထမဆုံးအကြိမ် ဆွေးနွေးမှုကို လုပ်ပါလိမ့်မယ်။ ဆုံးဖြတ်ချက်ကတော့ သီတင်းပတ်တွေနဲ့ချီပြီး ကြာမယ့်သဘော ရှိပါတယ်။
ဒါပေမဲ့လည်း လေ့လာ သုံးသပ်သူတွေ ပြောတာကတော့ ပါလက်စတိုင်းကို နိုင်ငံအဖြစ် အသိအမှတ်ပြုလိမ့်မှာ မဟုတ်ဘူး၊ ဘာကြောင့်လဲဆိုတော့ အမေရိကန် ပြည်ထောင်စုက လုံခြုံရေးကောင်စီမှာ ဗီတိုအာဏာသုံးပြီး ပယ်ချမယ်လို့ ခြိမ်းခြောက် ထားတာကြောင့်လို့ ဆိုပါတယ်။
ပါလက်စတိုင်းရဲ့ နိုင်ငံအဖြစ် ရရှိရေး လျှောက်ထားချက်ဟာ လုံခြုံရေးကောင်စီရဲ့ ပခုံးပေါ်မှာ တာဝန်ကျလာလိမ့်မယ်လို့ မျှော်လင့် တဲ့အကြောင်း ပါလက်စတိုင်းဆိုင်ရာ ကုလသမဂ္ဂရဲ့ ကိုယ်စားလှယ် ရီယာဒ့် မန်ဆွား (Riyad Mansour) က မနေ့ကပဲ သတင်းထောက်တွေကို ပြောပါတယ်။
အစ္စရေးရဲ့ ကုလသမဂ္ဂဆိုင်ရာ သံအမတ်ကြီးကတော့ တိုက်ရိုက် ညှိနှိုင်းဆွေးနွေးတဲ့ လမ်းကြောင်းကပဲ ပါလက်စတိုင်း အရေးက ပြေလည်မယ်၊ ကုလသမဂ္ဂမှာ လုပ်နေတဲ့ နည်းနဲ့တော့ အပြင်က ကန့်ကွက်မှုတွေကြောင့် မအောင်မြင်နိုင်ဘူးလို့ ဆိုပါတယ်။
Ref: ဗွီအိုအေ
Read More...
Collapse...
28 စက်တင်ဘာ 2011
တောင်တရုတ်ပင်လယ်အတွင်း တင်းမာမှုတွေ၊ အငြင်းပွားမှုတွေ ဖြစ်ပေါ်နေတာနဲ့ ပတ်သက်လို့ ဆွေးနွေးကြတဲ့ အစည်းအဝေးမှာ ဂျပန်နိုင်ငံက ကမကထလုပ်ပြီး အာဆီယံ နိုင်ငံတွေက ကိုယ်စားလှယ်တွေ မနေ့က တက်ရောက်ကြပါတယ်။
အခုဆွေးနွေးပွဲဟာ ဒု-၀န်ကြီးအဆင့် ဆွေးနွေးပွဲ ဖြစ်ပါတယ်။ ၂၀၀၉ ခုနှစ်က စတင်ခဲ့ပြီး ဒါနဲ့ပါဆို တတိယအကြိမ်မြောက် ဆွေးနွေး ပွဲ ဖြစ်ပါတယ်။ လွတ်လပ်စွာ သွားလာခွင့်နဲ့ ရေပိုင်နက်ဆိုင်ရာ ဥပဒေ အဓိပ္ပာယ် ဖွင့်ဆိုချက်တွေမှာ အများသဘောနဲ့ အကျုံးဝင်ဖို့ လိုအပ်နေတာတွေကို အဓိကထားပြီး ဆွေးနွေးခဲ့ကြပါတယ်။
တရုတ်၊ ထိုင်ဝမ်၊ ဖိလစ်ပိုင်၊ ဗီယက်နမ်၊ ဘရူနိုင်းနဲ့ မလေးရှား နိုင်ငံတွေက တောင်တရုတ်ပင်လယ်အတွင်း ရေပိုင်နက်ဆိုင်ရာ အငြင်းပွားမှုမှာ ပါဝင် ပတ်သက်နေကြတာပါ။ တောင်တရုတ်ပင်လယ် အတွင်းက တချို့နေရာတွေမှာ စွမ်းအင်ဆိုင်ရာ ကိစ္စတွေနဲ့ သဘာဝ တွင်းထွက်တွေကို ပိုင်ဆိုင်လိုမှုနဲ့ အငြင်းပွားနေကြတာပါ။ တရုတ်ကတော့ ပင်လယ်တခုလုံး သူက ပိုင်တယ်လို့ ဆိုနေပါ တယ်။
အခုကိစ္စကို အတူတကွ တွဲပြီးတော့ ဆောင်ရွက်ဖို့နဲ့ ထုတ်ဖော်ပြောဆိုကြဖို့ လိုတယ်လို့ အာဆီယံ ကိုယ်စားလှယ်တွေကရော ဂျပန် ဘက်ကပါ သဘောတူကြပါတယ်။ ဒါပေမဲ့ တရုတ်နိုင်ငံကတော့ အခုကိစ္စကို နိုင်ငံတကာ ကိစ္စအဖြစ် လုပ်လာမယ့် အရေးကို ကန့်ကွက်နေပါတယ်။
တခုခုလုပ်လိုက်လို့ ဖြစ်လာခဲ့ရင် မေးခွန်းထုတ်စရာတွေ၊ ရှုပ်ထွေးမှုတွေ ပိုဖြစ်လာပြီး အထောက်အကူလည်း ဖြစ်မှာမဟုတ်ဘူးလို့ တရုတ် ကာကွယ်ရေး ၀န်ကြီးဌာန ပြောခွင့်ရပုဂ္ဂိုလ်ရဲ့ စကားကို ကိုးကားပြီး တရုတ်အစိုးရပိုင် ဆင်ဟွာသတင်းမှာ ဖော်ပြထားပါ တယ်။
Ref: ဗွီအိုအေ
Read More...
Collapse...
28 စက်တင်ဘာ 2011
ဦးအောင်လွင်ဦး
မြန်မာ့နိုင်ငံရေး လုပ်ငန်းစဉ်တွေမှာ အားလုံးပါဝင်ခွင့် ရစေဖို့ နိုင်ငံတကာ အသိုင်းအ၀န်းက လိုလားနေတဲ့ တချိန်တည်းမှာပဲ မြန်မာ နိုင်ငံမှာ အဓိက နိုင်ငံရေး အင်အားစုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီ အနေနဲ့ တရားဝင် မှတ်ပုံတင် နိုင်ရေးကို မျှော်လင့်နေပါတယ်။ အစိုးရသစ် တက်လာချိန်ကစလို့ အပြောင်းအလဲတွေ လုပ်သွားမယ်လို့ ကတိပေးထားတဲ့အတိုင်း အစိုးရသစ် အကောင်အထည်ဖော်တဲ့ နေရာမှာ တချိန်က ရွေးကောက်ပွဲမှာ အနိုင်ရခဲ့တဲ့ NLD လို ဒီမိုကရေစီ လိုလားတဲ့ နိုင်ငံ ရေး အင်အားစု တွေ ကို ဘေးဖယ်မထားဖို့ ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်းကလည်း လိုလားနေကြတာပါ။ အပြည့်အစုံကို ဆက်သွယ်စုံစမ်းထားတဲ့ ကိုအောင်လွင်ဦးက တင်ပြပေးထားပါတယ်။
မြန်မာနိုင်ငံမှာ အစိုးရသစ် တရပ်အဖြစ် ထွက်ပေါ်လာတဲ့ ရွေးကောက်ပွဲမှာ မှတ်ပုံတင် ပါဝင်တာတွေ မလုပ်ဖို့ အမျိုးသား ဒီမိုက ရေစီ အဖွဲ့ချုပ် (NLD) ပါတီက ဆုံးဖြတ်ထားပေမဲ့ တိုင်းပြည်မှာ ပြန်လည်သင့်မြတ်ရေးအတွက် နိုင်ငံရေးပါတီ တခုအဖြစ် တရား ၀င် အသိအမှတ်ပြု လက်ခံဖို့ လိုမယ်လို့ နိုင်ငံတကာ အသိုင်းအ၀န်းက မြင်ပါတယ်။ ဗြိတိန်နိုင်ငံရဲ့ ကုလသမဂ္ဂဆိုင်ရာ သံအမတ် ကြီး မာ့ခ် ဂရန့်တ် (Mark Grant) က ဆိုရင်လည်း နိုင်ငံရေးပါတီ တခုအဖြစ် အစိုးရက အသိအမှတ် ပြုမထားတဲ့ NLD ပါတီကို မှတ်ပုံတင်ခွင့် ပေးတာလို အစိုးရဘက်က ဆောင်ရွက်တာတွေ မြင်ချင်တဲ့အကြောင်း ကုလသမဂ္ဂ ရုံးချုပ်မှာ အင်္ဂါနေ့နှောင်းပိုင်း ပြုလုပ်တဲ့ အတွင်းရေးမှူးချုပ်ရဲ့ မြန်မာ့မိတ်ဆွေ နိုင်ငံများအဖွဲ့ ဆွေးနွေးပွဲအပြီးမှာ သတင်းထောက်တွေကို ပြောခဲ့တာပါ။
NLD ဗဟိုကော်မတီဝင် တဦးဖြစ်တဲ့ ဦးဉာဏ်ဝင်းကလည်း ဒီလိုအခြေအနေတွေ ပေါ်ပေါက်လာဖို့ ပါတီအနေနဲ့ မျှော်လင့်နေတဲ့ အကြောင်း ပြောပါတယ်။
“NLD ပါတီ မှတ်ပုံတင်နိုင်မယ့် အခြေအနေတရပ် ဖြစ်ဖို့ လိုနေတယ်လို့ ကျနော်တို့ တွက်ထားပါတယ်။ သမ္မတနဲ့ ဒေါ်အောင် ဆန်း စုကြည် ဆွေးနွေးတဲ့ အချက်တွေကိုတော့ ကျနော်တို့ မသိပါဘူး။ ဒါကြောင့် အဲဒီဆွေးနွေးပွဲရဲ့ သူတို့ မျှော်မှန်းထားတာတွေ ဖြစ် ပေါ်လာဖို့ စောင့်မျှော်နေတာ အခု နည်းနည်း နောက်ကျလာပြီဆိုတဲ့ သဘောတော့ တွေ့တယ်။ ဒါကြောင့် တကယ်လို့ NLD ပါတီ အနေနဲ့ကတော့ မှတ်ပုံတင်နိုင်မယ့် အခြေအနေတခု ပေါ်ပေါက်လာရင်တော့ ကျနော်တို့ ဒီဟာကို စဉ်းစား ဆုံးဖြတ်မှာပါ။ ကြိုတင် ဆုံးဖြတ်ထားတာတော့ မရှိပါဘူး။”
ပြီးခဲ့တဲ့ ၂၀၁၀ ပြည့်နှစ် နိုဝင်ဘာလမှာ ကျင်းပတဲ့ ရွေးကောက်ပွဲတွေကိုတော့ ဒီမိုကရေစီ အခြေခံတွေ ကင်းမဲ့တယ်ဆိုပြီး NLD ပါတီက ပြောဆိုခဲ့သလို မှတ်ပုံမတင်ဘဲ နေခဲ့တဲ့အတွက် တရားဝင် နိုင်ငံရေးပါတီတခု မဟုတ်ဘူးဆိုပြီး အာဏာပိုင်တွေက သဘော ထားနေကြတာပါ။ ဒါပေမဲ့လည်း အစိုးရသစ် တက်လာပြီးတဲ့နောက် ပထမဆုံး အကြိမ်အဖြစ် ပြီးခဲ့တဲ့လထဲ သမ္မတ ဦးသိန်းစိန်နဲ့ NLD ပါတီရဲ့ အဓိက ခေါင်းဆောင်တဦးဖြစ်တဲ့ ဒေါ်အောင်ဆန်းစုကြည်တို့ နေပြည်တော်မှာ တွေ့ဆုံခဲ့တာလို ဖြစ် ထွန်းမှုတွေ ရှိလာတဲ့အတွက် အခြေအနေတွေ ပြောင်းလဲလာလေမလား မျှော်လင့်ချက်တွေလည်း ထွက်ပေါ်လာခဲ့တာ ဖြစ်ပါ တယ်။
ကုလသမဂ္ဂ အထွေထွေညီလာခံမှာ မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင် မိန့်ခွန်းပြောရာမှာလည်း မြန်မာနိုင်ငံဟာ ပြုပြင်ပြောင်းလဲရေး လုပ်ငန်းတွေကို လုပ်ဆောင်ဖို့ သန္နိဋ္ဌာန် ချထားသလို ရှေ့လျှောက် ဆက်လုပ်သွားမှာလည်း ဖြစ်တယ်လို့ ထည့်သွင်း ပြောဆိုသွားတာပါ။ ဒီအတွက်လည်း မကြာခင်မှာ အပြောင်းအလဲတွေ ဖြစ်လာလိမ့်မယ်လို့ သြစတြေးလျ အမျိုးသား တက္ကသိုလ်က ဆေးဘက်ဆိုင်ရာ မနုဿဗေဒ ပညာရပ်အတွက် မြန်မာနိုင်ငံမှာ လေ့လာခဲ့ဖူးသူ ပါမောက္ခ မိုနစ်ခ် စကစ်ဒ်မိုး (Monique Skidmore) တို့လို အကဲခတ်တွေက မြင်ပါတယ်။
“မြန်မာအစိုးရက သိပ်စကားပြောလေ့ရှိတာ မဟုတ်ပါဘူး။ ကုလသမဂ္ဂမှာလည်း ဒီလိုပြောတတ်တာ မဟုတ်ပါဘူး။ ဒီလို မှတ်ချက်ပေး ပြောဆိုတာတွေဟာ ထူးခြားပါတယ်။”
ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း အပြောင်းအလဲတွေ ဖြစ်နိုင်တယ် ဆိုတာကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် တခြားလူအများအပြားလို သူလည်း ယုံကြည်တဲ့အကြောင်း မြန်မာ့မိတ်ဆွေ နိုင်ငံများအဖွဲ့နဲ့ တွေ့ဆုံအပြီးမှာပဲ ကြေညာချက်တစောင် ထုတ်ပြန် ပြောဆိုခဲ့တာပါ။ ဒီလို တိုးတက်မှုတွေ ထွက်ပေါ်နိုင်တဲ့ အလားအလာတွေ ရှိနေပေမဲ့လည်း တချိန်တည်းမှာ အစိုးရအနေနဲ့ အားလုံးပါဝင်ခွင့်ရှိပြီး နောက်ပြန်ဆုတ်လို့ မရတဲ့ အသွင်ကူးပြောင်းမှုတွေကို ဆောင်ကြဉ်းပေးမယ့် ပြုပြင်ပြောင်းလဲမှုတွေလည်း လုပ်ရလိမ့်မယ်လို့ အတွင်းရေးမှူးချုပ်ရဲ့ ကြေညာချက်က တိုက်တွန်းထားတာပါ။
ဗဟိုကော်မတီဝင် တဦးဖြစ်တဲ့ ဦးဉာဏ်ဝင်းကတော့ NLD ပါတီ အနေနဲ့လည်း အတွင်းရေးမှူးချုပ်နဲ့ တသဘောတည်း ရှိတဲ့ အကြောင်း ပြောပါတယ်။
“မစ္စတာ ဘန်ကီမွန်း ပြောတဲ့ဟာကို ကျနော်တို့လည်း သဘောတူပါတယ်။ အခုဟာက ပြည်သူ့လွှတ်တော်နဲ့ အစိုးရသစ်တွေ ဖြစ်ပြီးတဲ့အခါမှာ သမ္မတရဲ့ အဖွင့်မိန့်ခွန်းရော၊ ပြီးတော့ ပြောကြားချက်တွေအရ ဆိုရင် ပြုပြင် ပြောင်းလဲမှုတွေ လုပ်မယ်။ အခု လုပ်တော့ လုပ်နေတယ်၊ သိသာထင်ရှားတဲ့ ပြုပြင်ပြောင်းလဲမှု မဖြစ်လာသေးဘူး။ ဒါကြောင့် မစ္စတာ ဘန်ကီမွန်းက အမြန်ဆုံး လုပ်ဖို့ တိုက်တွန်းတာကို ကျနော်တို့လည်း ကြိုဆိုပါတယ်။”
ကုလသမဂ္ဂ အတွင်းရေးမှူးချုပ်ရဲ့ မြန်မာ့အရေး မိတ်ဆွေများ အဖွဲ့နဲ့ ဆွေးနွေးအပြီး မြန်မာနိုင်ငံက အခြေအနေတွေအပေါ် သံတမန်တွေရဲ့ အားမရတဲ့ သဘောထားတွေလည်း ထွက်ပေါ်ခဲ့တာပါ။ မြန်မာနိုင်ငံလည်း အဖွဲ့ဝင်အဖြစ် ပါဝင်တဲ့ အရှေ့တောင် အာရှ နိုင်ငံများအသင်း (Asean) ရဲ့ လက်ရှိဥက္ကဋ္ဌ အင်ဒိုနီးရှားနိုင်ငံက နိုင်ငံခြားရေးဝန်ကြီး မာတီ နာတာလီဂါဝါ (Marty Natalegawa) ကလည်း မြန်မာနိုင်ငံမှာ ဖြစ်ထွန်းမှုတွေ ရှိနေတာကို လက်ခံကြပေမဲ့ ဆွေးနွေးပွဲအတွင်းမှာ ပါဝင်ကြတဲ့ အဖွဲ့ဝင် နိုင်ငံတွေကြား ဒီထက်ပိုပြီး တိုးတက်မှုတွေကို မြင်တွေ့ချင်တဲ့ မျှော်လင့်ချက်တွေ ရှိနေတဲ့အကြောင်း သတင်းထောက်တွေကို ပြောခဲ့တာ ဖြစ်ပါတယ်။
Ref: ဗွီအိုအေ
Read More...
Collapse...
28 စက်တင်ဘာ 2011
လစ်ဗျားခေါင်းဆောင်ဟောင်း မွမ်မာ ဂဒါဖီ (Moammar Gadhafi) ဟာ နိုင်ငံရဲ့ အနောက်ပိုင်း အယ်လ်ဂျီးရီးယားနိုင်ငံ နယ်စပ် မြို့ဖြစ်တဲ့ ဂါဒါမစ်စ် (Ghadamis) မြို့မှာ ပုန်းအောင်း နေနိုင်ဖွယ် ရှိတယ်လို့ လစ်ဗျား ယာယီအုပ်ချုပ်ရေးအဖွဲ့ရဲ့ တပ်ဖွဲ့က ယုံကြည်နေကြောင်း တာဝန်ရှိသူတွေက ပြောပါတယ်။
မစ္စတာ ဂဒါဖီကို တော်ရက်ဂ်စ် (Tuaregs) တိုင်းရင်းသား လူမျိုးစုတွေက အကာအကွယ် ပေးထားတယ်လို့ ယုံကြည်ရကြောင်း လည်း တာဝန်ရှိသူတွေက ဗုဒ္ဓဟူးနေ့မှာ ပြောဆိုလိုက်တာပါ။
တချိန်တုန်းက နိုင်ငံမြောက်ပိုင်း နိုင်ဂျာမှာ လှုပ်ရှားတဲ့ တော်ရက်ဂ်စ် သူပုန်တွေကို ဂဒါဖီက ထောက်ခံမှု ပေးခဲ့ဖူးပါတယ်။ နောက်ပြီး ရာနဲ့ချီတဲ့ တော်ရက်ဂ်စ် သူပုန်ဟောင်းတွေဟာ ဂဒါဖီအတွက် တိုက်ခိုက်ပေးနေကြတာလည်း ဖြစ်ပါတယ်။
အရင်တုန်းကတော့ အသွင်ကူးပြောင်းရေး အမျိုးသားကောင်စီ (NTC) က ထရီပိုလီ (Tripoli) မြို့တော် အရှေ့တောင်ပိုင်းမှာရှိတဲ့ ဘန်နီ ၀ါလစ် (Bani Walid) မြို့မှာ ပုန်းခိုနေတယ်လို့ ပြောခဲ့သလို တချို့သတင်းတွေကလည်း နိုင်ငံတောင်ပိုင်းမှာ ပုန်းခိုနေတယ် ဆိုပြီး ပြောဆိုခဲ့ကြတာပါ။
ပြီးခဲ့တဲ့လက ဂဒါဖီကို ဆန့်ကျင်တဲ့ တပ်ဖွဲ့တွေ ထရီပိုလီမြို့ကို သိမ်းပိုက်လိုက်ချိန် ကတည်းက သူ့ကို မတွေ့ကြရတော့တာ ဖြစ်ပါ တယ်။
NTC တပ်ဖွဲ့တွေက ဂဒါဖီရဲ့ ဇာတိမြို့ ဆာ့တ် (Sirte) ကို ၀ိုင်းဝန်းပြီး အပြင်းအထန် တိုက်ခိုက်နေရာမှာ ဂဒါဖီကို သစ္စာခံသူ တွေရဲ့ လက်ကျန် ခြေကုတ်စခန်းတွေထဲက တခုကို သိမ်းပိုက်နိုင်ခဲ့ပါတယ်။
NTC တပ်ဖွဲ့တွေက မြို့ရဲ့ ဆိပ်ကမ်းကို သိမ်းပိုက်နိုင်လိုက်ပြီလို့ ကြေညာပါတယ်။ ဒါပေမဲ့ ဂဒါဖီအပေါ် သစ္စာခံသူတွေဟာ မြို့ရဲ့ နေရာ တော်တော်များများကို ထိန်းချုပ်ထားဆဲ ဖြစ်ပါတယ်။
ဆာ့တ်နဲ့ ဘန်နီဝါလစ်မြို့မှာ နေထိုင်သူ ပြည်သူ ၂၀၀,၀၀၀ လောက်ဟာ ဂဒါဖီ ထောက်ခံတဲ့ တပ်ဖွဲ့ရဲ့ ခြိမ်းခြောက်မှုကို ခံနေရ တယ်လို့ မြောက်အတ္တလန္တိတ် စစ်စာချုပ်အဖွဲ့ (NATO) က ပြောဆိုလိုက်ပါတယ်။
Ref: ဗွီအိုအေ
Read More...
Collapse...
28 စက်တင်ဘာ 2011
တရုတ် အတွေးအခေါ် ဒဿနပညာရှင် ကွန်ဖြူးရှပ်စ် (Confucius) ရဲ့ မွေးနေ့ အခါသမယ အခမ်းအနားကို တရုတ်နိုင်ငံ မြို့တော် ဘေဂျင်းမှာ ဗုဒ္ဓဟူးနေ့က ပြုလုပ်ခဲ့ပြီး ကွန်ဖြူးရှပ်စ်ရဲ့ တိုက်ရိုက် ဆင်းသက်လာသူတွေ ပါဝင် တက်ရောက်ခဲ့ကြပါတယ်။
တာဝန်ရှိသူတွေရော ပညာရှင်တွေပါ တက်ရောက်ခဲ့တဲ့ အဲဒီ အခမ်းအနားမှာ အများစုက နှစ်ပေါင်း ၂၅၀၀ ကျော် ကွန်ဖြူးရှပ်စ် ခေတ်က ရိုးရာ အ၀တ်အစားတွေကို ၀တ်ဆင်ခဲ့ကြပါတယ်။
နှစ်ပေါင်း ၇၀၀ သက်တမ်းရှိတဲ့ ဘုရားကျောင်းမှာ ကျင်းပတဲ့ အဲဒီ အခမ်းအနားမှာ ဘာသာရေး ဂါရ၀ပြုပွဲနဲ့ ကွန်ဖြူးရှပ်စ်ရဲ့ အဆိုတွေကို ဖတ်ခဲ့ကြပါတယ်။
တက်ရောက်ကြသူတွေထဲမှာ ကွန်ဖြူးရှပ်စ်ရဲ့ မျိုးဆက်က တိုက်ရိုက် ဆင်းသက်လာသူ ဂေါင်ဝေဇောင် (Kong Weizhong) လည်း ပါဝင်ပါတယ်။ ဂေါင်ဝေဇောင်က သူနဲ့ တခြား တိုက်ရိုက် ဆင်းသက်လာသူတွေဟာ ဒီအခမ်းအနားမှာ ပါဝင်ရတဲ့အတွက် အလွန်ဂုဏ်ယူကြောင်း ပြောပါတယ်။
အခမ်းအနား ကျင်းပတဲ့နေ့ဟာ လွန်ခဲ့တဲ့ နှစ်ပေါင်း ၂၅၆၁ နှစ်က ကွန်ဖြူးရှပ်စ်ရဲ့ မွေးနေ့လို့ ယုံကြည်ကြောင်း သိရပါတယ်။
Ref: ဗွီအိုအေ
Read More...
Collapse...
သန်းထိုက်ဦး
28 September 2011
အစိုးရတပ်များ၏ ထိုးစစ်ကြောင့် ကချင် လွတ်လပ်ရေး တပ်မတော် (KIA) က ရှမ်းပြည်နယ် ကွတ်ခိုင်မြို့နယ်ရှိ ၎င်း၏ အမှတ် ၄ တပ်မဟာ ဌာနချုပ် နှင့် စခန်း တချို့မှ ယခု ရက်ပိုင်းအတွင်း ဆုတ်ပေးလိုက်ရကြောင်း သိရသည်။
အစိုးရတပ်၏ ၁၂၀၊ ၁၀၅ မမ အမြောက်များနှင့် ၅ ရက်ကြာ ပစ်ခတ်သည့် ဒဏ်ကို မခံနိုင်သောကြောင့် ဆုတ်ပေးခြင်းဖြစ် သည် ဟု ဆိုသည်။
သို့သော်လည်း ထိုနေရာသည် စစ်ရေးအရ ဗျူဟာ မကျကြောင်း၊ အစိုးရတပ်က ယင်းနေရာကို သိမ်းပိုက်နိုင်ခြင်း မရှိသေး ကြောင်း KIA တပ်မဟာ ၄ တာဝန်ခံ ဗိုလ်မှူးကြီး ဇော်ရောက ပြောသည်။
“အစိုးရတပ်က တဖြည်းဖြည်းနဲ့ ချဉ်းကပ်လာနေတယ်၊ တပ်ရင်းပေါင်း ၂၀ ကျော်သွားပြီး အားလုံး ပေါင်းလိုက်ရင် အင်အား ၂၀၀၀ နီးပါးလောက် ရှိမယ်၊ ကျနော်တို့က ပြောက်ကျားစနစ်နဲ့ ပြန်လည် ခုခံ တိုက်ခိုက်နေတယ်” ဟု ဗိုလ်မှူးကြီး ဇော်ရောက ဆိုသည်။
အစိုးရတပ်များကို ခုခံတိုက်ခိုက်နေသည့် တပ်ရင်းများမှာ KIA တပ်ရင်း ၁၇ နှင့် ၂၉ တပ်ဖွဲ့ဝင်များ ဖြစ်သည်။ KIA ဘက်မှ ရှမ်း ပြည် တပ်မတော် (SSA) မြောက်ပိုင်း တပ်ဖွဲ့ဝင် တချို့ကူညီ တိုက်ခိုက်နေသည်ဟု သိရသည်။
“ကျနော်တို့ ဖယ်ပေးလိုက်ရတဲ့ နေရာဝန်းကျင်နဲ့ တခြားနေရာတွေပါ တန်ပြန်ပြောက်ကျားစနစ်နဲ့ ပြန်တိုက်နေတယ်” ဟု ဗိုလ်မှူး ဇော်ရောက ဆက်ပြောသည်။
ယခုရက်ပိုင်း မူဆယ် ၁၀၅ မိုင် ကားလမ်းမ၏ အနောက်ဘက်ရှိ KIA တပ်ရင်း ၈ လှုပ်ရှားနေသော ဒေသ၊ KIA တပ်ရင်း ၂ ဒေသများတွင်လည်း တိုက်ပွဲများ ဆက်လက် ဖြစ်ပွားနေကြောင်း သိရသည်။
လတ်တလော ဖြစ်ပွားနေသည့် တိုက်ပွဲတွင် နှစ်ဖက်အကျအဆုံး စာရင်းများကိုမူ မသိရှိရသေးပေ။ တိုက်ပွဲများကြောင့် ဒေသခံ ကချင်၊ ရှမ်း၊ ပလောင် တိုင်းရင်းသားများက တရုတ်-မြန်မာ နယ်စပ် မူဆယ်မြို့နယ်သို့ ထွက်ပြေး တိမ်းရှောင် နေကြရသည်။ စစ်ပြေးဒုက္ခသည် အများစုမှာ ကွတ်ခိုင်မြို့နယ် အတွင်းရှိ ကျေးရွာများမှဖြစ်သည်။
ထိုဒေသမှ တိုက်ပွဲများ ရက်အတန်ကြာလာပြီ ဖြစ်သော်လည်း မြန်မာအစိုးရက သတင်းထုတ် ခြင်း မရှိသေးပေ။
စစ်အစိုးရသည် မိုးမောက်မြို့နယ်အတွင်း တာပိန်ရေအားလျှပ်စစ် စီမံကိန်းအနီးရှိ KIA တပ်များအား လုံခြုံရေးအရ စိတ်မချဟု အကြောင်းပြ၍ ထွက်ခွာရန် ပြောဆိုခဲ့ကြပြီးနောက် နှစ်ဖက်တိုက်ပွဲများ စတင်ခဲ့ခြင်း ဖြစ်သည်။
ပြီးခဲ့သည့် ဇွန်လ ၉ ရက်နေ့တွင် စတင်ခဲ့သည့် အစိုးရတပ်နှင့် KIA အကြား တိုက်ပွဲများကြောင့် နေရပ်စွန့်ခွာ ထွက်ပြေး ရသူ ပေါင်း ၂၀၀၀၀ ကျော်ရှိပြီး တရုတ်-မြန်မာ နယ်စပ် တလျှောက်ရှိ KIA ထိန်းချုပ်ရာ ဒေသများ၊ မြစ်ကြီးနား နှင့် ဝိုင်းမော်မြို့တို့ရှိ ဘာသာရေး အဆောက်အအုံများ၊ ဆွေမျိုးများထံတွင် ဒုက္ခသည်များ ခိုလှုံနေကြဆဲ ဖြစ်သည်။
Ref: ဧရာဝတီ
Read More...
Collapse...
ခင်ဦးသာ
28 September 2011
ဧရာဝတီမြစ်ဆုံ ရေအားလျှပ်စစ် စီမံကိန်းနှင့် ပတ်သက်၍ စဉ်းစားဆုံးဖြတ်ရာတွင် လွှတ်တော်တွင်သာမက ပြည်သူတရပ်လုံး ပါဝင် နိုင်သည့် ဆန္ဒခံယူသော နည်းလမ်းဖြင့် ဆောင်ရွက်သင့်ကြောင်း အမျိုးသား ဒီမိုကရေစီ အင်အားစု (NDF ပါတီ) က အစိုးရကို အင်္ဂါနေ့တွင် တိုက်တွန်းလိုက်သည်။
စက်တင်ဘာလ ၂၇ ရက် နေ့စွဲဖြင့် ထုတ်ပြန်သည့် ကြေညာချက်တွင် ထိုစီမံကိန်းသည် တမျိုးသားလုံးနှင့်သက်ဆိုင်သဖြင့် လွှတ်တော် ၏ အဆုံးအဖြတ်နှင့် လုံလောက်မည်မဟုတ်ဟု NDF ၏ ကြေညာချက်က ဆိုသည်။
“မြစ်ဆုံစီမံကိန်းကိစ္စကို ပြည်သူ တရပ်လုံးရဲ့ ဆန္ဒ တိုက်ရိုက်ခံယူသောနည်းနဲ့ ဆန္ဒခံယူပွဲ ပြုလုပ်သင့်တယ်၊ အဲဒီလို မလုပ်နိုင် သေးဘူး ဆိုရင် စီမံကိန်းကို အကန့်အသတ်မရှိ ရပ်ဆိုင်းထားသင့်တယ်” ဟု NDF ပါတီ၏ ခေါင်းဆောင်တဦးဖြစ်သူ ဦးခင် မောင်ဆွေက ဧရာဝတီသတင်းဌာနကို ပြောသည်။
စီမံကိန်းအားရပ်တန့်ရန် ပညာရှင်များ၊ ပြည်သူများ၊ ပြည်တွင်း၊ ပြည်ပအဖွဲ့အစည်းအသီးသီး၏ ကန့်ကွက်မှု ကျယ်ပြန့် လာပြီး နောက် လွှတ်တော်၏ အဆုံးအဖြတ်ခံယူရန် ဆုံးဖြတ်ခဲ့သော ကိစ္စအပေါ် NDF ပါတီက အလွန်အမင်း စိုးရိမ်နေသည်ဟု ဦးခင် မောင်ဆွေက ပြောသည်။
“ပြည်သူ့ဆန္ဒမပါဘဲ လွှတ်တော်မှာ မဲခွဲဆုံးဖြတ်ပြီးတော့ ဆက်လုပ်ပါဆိုရင် တားဆီးမရတော့ပါဘူး၊ ဒါကြောင့် ပြည်သူ့တွေရဲ့ ဆန္ဒကို တိုက်ရိုက်ခံယူဖို့ NDF ကကြေညာချက်ထုတ် တောင်းဆိုရတာပါ” ဟု ဦးခင်မောင်ဆွေက ရှင်းပြသည်။
အာဏာရပါတီဖြစ်သော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ ကိုယ်စားလှယ် အများစုက လွှတ်တော်တွင် လွှမ်းမိုးနေ သည့်အပြင် ထိုပါတီခေါင်းဆောင် အများစုသည်လည်း အစိုးရအဖွဲ့ဝင်များ ဖြစ်နေခြင်းကြောင့် မဲခွဲဆုံးဖြတ်လိုက်ပါက ပြည်သူ့ ဆန္ဒမပါသော အနေအထားမျိုး ဖြစ်နိုင်သဖြင့် ဒီမိုကရေစီ နည်းကျကျ ပြည်သူ့ ဆန္ဒခံယူရန် လိုအပ်သည်ဟု ၎င်းက ဆက်ပြော သည်။
NDF သည် အမျိုးသားဒီမိုကရေစီအဖွဲ့ချုပ်မှ ခွဲထွက်သွားသူများနှင့် ဖွဲ့စည်းထားခြင်းဖြစ်ပြီး ၂၀၁၀ ရွေးကောက်ပွဲဝင်ခဲ့သည့် ပါတီ ကြီးဖြစ်သည်။
တခြားသော နိုင်ငံရေးအင်အားစုများ၏ မြစ်ဆုံဆည်အရေး ဝေဖန်မှုများထွက်ပေါ်ပြီး ကာလအတန်ကြာတွင် NDF ၏ ကြေညာ ချက် ပေါ်ထွက်လာခြင်း ဖြစ်သည်။
NDF ကြေညာချက်တွင် မြစ်ဆုံအရေးသည် တမျိုးသားလုံးနှင့်သက်ဆိုင်ပြီး တိုင်းရင်းသားစည်းလုံးညီညွတ်ရေးအတွက်လည်း အရေးကြီး၍ တဖွဲ့တသင်း၏ လွှမ်းမိုးမှုဖြင့် ဆုံးဖြတ်သင့်အရာမဟုတ်ဟု ရေးသားထားသည်။
ကချင်ပြည်နယ်ရှိ မေခနှင့် မလိခမြစ် ပေါင်းဆုံရာ နေရာ၌ တည်ဆောက်နေသော ဧရာဝတီ မြစ်ဆုံစီမံကိန်းမှ လျှပ်စစ် ဓာတ်အား မဂ္ဂါဝပ် ၆၀၀၀ အထိ ထုတ်လုပ်နိုင်မည်ဖြစ်ပြီး အများစုကို တရုတ်နိုင်ငံသို့ ပို့လွှတ်မည်ဖြစ်သည်။
စီမံကိန်းအား ရပ်တန့်ပေးရန် ကျယ်လောင်စွာ တောင်းဆိုကန့်ကွက်နေကြသည့်တိုင် စီမံကိန်းကို ဦးဆောင်စီမံနေသည့် အမှတ် (၁) လျှပ်စစ်စွမ်းအား ၀န်ကြီး ဦးဇော်မင်းက စီမံကိန်း ဆက်လက် လုပ်ဆောင်သွားမည်ဟုလည်း ဆိုခဲ့သေးသည်။
အစိုးရ၏ ပြောရေးဆိုခွင့်ရှိသူ ပြန်ကြားရေး ၀န်ကြီး ဦးကျော်ဆန်းကလည်း မြစ်ဆုံစီမံကိန်းအား နိုင်ငံတော်အကျိုးအတွက် ဆက် လက် ဆောင်ရွက်သွားမည်ဟု လွှတ်တော် ကိုယ်စားလှယ် တချို့၏ မေးခွန်းများကို တုန့်ပြန်ဖြေဆိုခဲ့သည်။
ယင်းကဲ့သို့ ပြည်သူနှင့် အစိုးရခေါင်းဆောင်များ သဘောထားကွဲလွဲနေမှုတို့ကြောင့် မြန်မာနိုင်ငံရင်းနှီးမြှုပ်နှံမှုကော်မရှင် ဥက္ကဋ္ဌ၊ အမှတ်(၁) နှင့် အမှတ် (၂) စက်မှု ၀န်ကြီး ဖြစ်သူ ဦးစိုးသိန်းက ထိုကိစ္စကြောင့် စည်းလုံးညီညွတ်မှုအား ချည့်နဲ့ မသွားစေသင့် ကြောင်း ယခုလ ၁၇ ရက်နေ့က ပြုလုပ်သည့် မြစ်ဆုံနှင့် ပတ်သက်သော အလုပ်ရုံ ဆွေးနွေးပွဲတွင် ပြောဆိုသွားခဲ့သည်။
လက်ရှိအစိုးရသည် ပြည်သူလူထုက ရွေးချယ်တင်မြှောက်ထားသော အစိုးရဖြစ်၍ ပြည်သူတို့၏ သဘောထားဆန္ဒကို အလေးထား နားထောင်မည် ဟုလည်း ဦးစိုးသိန်းက ပြောဆိုခဲ့သည်။
Ref: ဧရာဝတီ
Read More...
Collapse...
အောင်ဒင်
စက်တင်ဘာ ၁၃၊ ၂၀၁၁ မိုးမခ
(၁) ဧရာဝတီကို သတ်နေသူများ၏ စိန်ခေါ်သံ
သမ္မတဦးသိန်းစိန်အစိုးရက သဘောထားပျော့ပြောင်းလိမ့်မယ်လို့ တချို့ကမျှော်လင့်နေပြီး တချို့လဲ ပြည်တော်ပြန်ကြ၊ တချို့ကလဲ ပြည်တော်ပြန်ဖို့ တိတ်တိတ်ကလေး ကြိုးစားနေကြ ချိန်မှာပဲ ဦးသိန်းစိန် အစိုးရရဲ့ ဝန်ကြီးတပါးက မြန်မာ ပြည်သူများရဲ့ ဆန္ဒကို လုံးဝ ဂရုမစိုက်ကြောင်း အတိအလင်း ထုတ်ဖော် ပြောကြားလိုက်ပါတယ်။ မြန်မာနိုင်ငံရဲ့ အသက် သွေးကြောဖြစ်ပြီး မြန်မာ ပြည်သူများ မှီခို အားထားရာဖြစ်တဲ့ မိခင် ဧရာဝတီမြစ်ကြီး ပျက်စီး ပျောက်ဆုံး ရမှာကို စိုးရိမ် လွန်းလို့ ဧရာဝတီ မြစ်ဆုံမှာ တရုတ် အစိုးရပိုင် ကုမ္ပဏီများက တည်ဆောက်နေတဲ့ မြစ်ဆုံ ဆည်ကြီးကို ဆက်လက် မဆောက်လုပ်ပဲ ရပ်တန့်ဖို့ တောင်းဆို နေကြတဲ့ မြန်မာ ပြည်သူတွေကို ဦးသိန်းစိန် အစိုးရရဲ့ အမှတ်(၁) လျှပ်စစ်စွမ်း အားဝန်ကြီးဌာန ဝန်ကြီး ဦးဇော်မင်းက “ဧရာဝတီ ရောဂါသည်များ”, “ဧရာဝတီရောဂါနဲ့ အမီလိုက်နေသူများ” လို့ လှောင်ပြောင် သရော်လိုက်ပြီး မြစ်ဆုံ ဆည်ကြီးကို ဘယ်သူကပဲ ကန့်ကွက် ကန့်ကွက် ဆက်ဆောက် သွားမှာဖြစ်တယ် လို့ ကြိမ်းဝါး လိုက်ပါတယ်။ စက်တင်ဘာ ၁၀ ရက်နေ့က နေပြည်တော်မှာ ရှိတဲ့ မီးရထား ဝန်ကြီးဌာန ဝန်ကြီး ရုံးမှာ ပြုလုပ်တဲ့ သတင်းစာ ရှင်းလင်းပွဲမှာ အဲဒီလို ပြောဆို လိုက်တာပါ။
ဒီလိုပြောဆိုရင်းနဲ့ပဲ ဦးဇော်မင်းက မြန်မာ့အလင်းသတင်းစာမှာ လျှပ်စစ်ဝန်ထမ်းတဦး၊ ကျော်မင်းလူ (ရွှေပြည်သာ) ဆိုတဲ့ နာမည် ဝှက်တွေနဲ့ မြစ်ဆုံ ဆည်တည်ဆောက်ရေးကောင်းတဲ့အကြောင်းတွေ ဆောင်းပါးရေးတာ သူကိုယ်တိုင်ပါ ပဲလို့ ဝန်ခံသွားပါတယ်။ သူကပြောပါသေးတယ်။ “မြစ်ကြီးကို ဘယ်သူမှမထိန်းသိမ်းခဲ့လို့ မြစ်ကြီးကပျက်စီးတာ။ ရေက စီးချင်တဲ့နေရာလျှောက်စီးနေတာ” လို့ ဧရာဝတီမြစ်ကြီးကိုတောင် အပြစ်တင်သွားပါသေးတယ်။ ဒါပေမယ့် ဧရာဝတီ မြစ်ကြီးကို ထိန်းသိမ်းစောင့်ရှောက်ဖို့ သူအပါအဝင်ဖြစ်တဲ့ နအဖစစ်အုပ်စုက နိုင်ငံကို နှစ် ၂၀ ကျော်အုပ်ချုပ်မှုအတွင်း တာဝန်မဲ့ခဲ့တာကိုတော့ မသိချင်ယောင်ဆောင်နေခဲ့ပါတယ်။ ဦးဇော်မင်းဟာ ဗိုလ်မှူးကြီးဟောင်းတယောက်ဖြစ် ပြီး နအဖ အစိုးရသက်တမ်းအတွင်းမှာလဲ အမှတ် (၁) လျှပ်စစ်စွမ်းအားဝန်ကြီးအဖြစ် တာဝန်ယူခဲ့သူပါ။
သူဒေါသတကြီးနဲ့ပြောမှပဲ အရင်က သေသေချာချာမသိခဲ့ရတဲ့ အကျိုးစီးပွားအပေးအယူကိစ္စတွေကိုပါ သိကြရပါတယ်။ မြစ်ဆုံဆည် အပါ အဝင် ဧရာဝတီ၊ မေခနဲ့ မလိခမြစ်များမှာတည်ဆောက်နေတဲ့ ဆည်ကြီး ၇ ခု ပြီးစီးသွားရင် ထွက် လာမည့်ရေအားလျှပ်စစ်ပမာဏရဲ့ ၉၀% ကို တရုတ်အစိုးရကရပြီး မြန်မာနိုင်ငံက ၁၀% ပဲ ရမယ်။ တရုတ်အစိုးရက ရာနှုန်းပြည့်ရင်းနှီးမြှုတ်နှံတာဖြစ်ပေမယ့် မြန်မာအစိုးရအတွက် ဒီလုပ်ငန်းကြီးများအတွက် ၁၅% ပိုင်ဆိုင်ခွင့်ပေးတယ်။ ဆိုတော့ ဒီဆည်တည်ဆောက်ရေးမှာ တရုတ်အစိုးရက ၈၅% ပိုင်ပြီး မြန်မာအစိုးရက ၁၅% ပဲပိုင်တယ်ပေါ့။ လျှပ်စစ်ဓာတ်အားရောင်းလို့ရမည့်အမြတ်ငွေရဲ့ ၇၀% ကို တရုတ်အစိုးရကရမှာဖြစ်ပြီး ၃၀% ကိုသာ မြန်မာအစိုးရက ရမှာပါ။ သူအဆိုအရပဲ ထင်ထင်ရှားရှားတွေ့လိုက်ရတာက ကချင်တိုင်ရင်းသားများ အမွန်အမြတ်ထားရာမြစ်ဆုံကို ဖျက်ဆီးပစ်လို့၊ မြန်မာပြည်သူများအမှီပြုအားထားရာ ဧရာဝတီမြစ်ကြီးကို တရုတ်အစိုးရကို ဖျက်ဆီးခွင့်ပြုလိုက်လို့ ဦး သိန်းစိန်အစိုးရပြန်ရမှာက ပိုင်ဆိုင်မှုရဲ့ ၁၅%၊ လျှပ်စစ်ဓာတ်အားရဲ့ ၁၀%၊ နဲ့အမြတ်အစွန်းရဲ့ ၃၀% ပါ။ ပျက်စီး ပျောက်ဆုံးသွားရမည့် ဧရာဝတီမြစ်ကြီးကို ဆုံးရှုံးလို့ ကျနော်တို့ မြန်မာနိုင်ငံသားများအားလုံး၊ အခုလက်ရှိမျိုးဆက်တွေ သာမက နောင်လာမည့် မျိုးဆက်များ ခံစားရမည့် ဆုံးရှုံးမှုပမာဏက ဦးသိန်းစိန်အစိုးရ ခံစားရမည့်အကျိုးအမြတ်ထက် အဆပေါင်းထောင်နဲ့ချီပြီး ကြီးမားလှတယ်ဆိုတာကိုတော့ ဦးဇော်မင်းထည့်တွက်ပုံမရပါဘူး။
ဧရာဝတီကို ကယ်တင်ကြပါ
(၂) တရုတ်ပြည်ရဲ့ မဟာတံတိုင်းအသစ်
တရုတ်ပြည်က ထင်ရှားကျော်ကြားလှတဲ့ မဟာတံတိုင်း (The Great Wall) ကြီးကို အားလုံးကြားဖူးကြမှာပါ။ ဘီစီ ၅ ရာစုလောက်ကစပြီး မင်မင်းဆက် (Ming Dynasty) (၁၃၆၈-၁၆၄၄) အထိကာလအတွင်း တရုတ်နိုင်ငံရဲ့ မြောက်ပိုင်း ကကျူးကျော်ဝင်ရောက်မှုတွေကို ကာကွယ်ဖို့ လူသန်းပေါင်းများစွာကိုအဓမ္မစေခိုင်းပြီး နှစ်ပေါင်းများစွာ တည်ဆောက် ခဲ့ရတဲ့ ခံတပ်တံတိုင်းကြီးတွေပါ။ နှစ်ပေါင်း ၂၀၀၀ ကျော် သက်တမ်းရှိပြီး မိုင်ပေါင်း ၅၀၀၀ ကျော်ရှည်လျားလို့ ၁၉၈၇ ခုနှစ်မှာ ကုလသမဂ္ဂက ကမ္ဘာ့အမွေအနှစ်တပါးအဖြစ် အသိအမှတ်ပြုထားတာပါ။ ဒီဘက်ခေတ်မှာတော့ လက်ရှိ တရုတ် အစိုးရက မဟာတံတိုင်းအသစ်ကြီးတခုကို ဆောက်လုပ်နေပါတယ်။ ဒီတခါဆောက်တဲ့ မဟာတံတိုင်း အသစ် က တရုတ်နိုင်ငံအတွင်းမှာမဟုတ်ပါ။ တရုတ်နိုင်ငံအပြင်ဘက် ကမ္ဘာတဝှမ်းမှာ တရုတ်အစိုးရပိုင်ကုမ္ပဏီများဆောက် လုပ်နေတဲ့ ရေကာတာကြီးများ ဖြစ်ကြပါတယ်။ အာဖရိကမှာဆိုရင် အဲဒီနိုင်ငံများကထွက်တဲ့ ရေနံကို ပြိုင်ဘက်မရှိ ဝယ်ယူနိုင်ဖို့ သက်ဆိုင်ရာအစိုးရများကို လာဘ်ထိုးတဲ့အနေနဲ့ တရုတ်အစိုးရက ဆည်ကြီးတွေ ဆောက်လုပ်ပေးပါ တယ်။ ခြံစည်းရိုးခြင်းကပ်နေတဲ့ မြန်မာနိုင်ငံမှာတော့ ထွက်လာမည့် လျှပ်စစ်ဓာတ်အားကို ဝါးမျိုစားသောက်ဖို့ ဆည် တွေဆောက်ပေးတာပါ။ သမိုင်းဟောင်းမှာ မဟာတံတိုင်းကြီးဆောက်တော့ အပြစ်မဲ့ တရုတ်ပြည်သူတွေ အဓမ္မ လုပ် အားပေးခိုင်းစေခံကြရ၊ နေရာရွှေ့ပြောင်းကြရ၊ ဘဝတွေပျက်စီးကြရ၊ အသက်တွေ သေဆုံးကြရသလိုပဲ ဒီကနေ့ခေတ်၊ တရုတ်အစိုးရရဲ့ မဟာတံတိုင်းသစ် ဆောက်လုပ်ရာမှာ ကမ္ဘာတဝှမ်းက အပြစ်မဲ့ ပြည်သူတွေ ဆင်းရဲဒုက္ခရောက်နေ ကြရတာပါ။
သမိုင်းဟောင်းမှာတုံးက မဟာတံတိုင်းဆောက်လုပ်ရာမှာ ဒေသခံစစ်ဘုရင်တွေ အကျိုးစီးပွားဖြစ်ထွန်းခဲ့သလို ဒီကနေ့ တရုတ်အစိုးရက ကမ္ဘာကိုပတ်ပြီး ဆည်တွေတည်ဆောက်ရာမှာလဲ တရုတ်အစိုးရနဲ့ အပေါင်းအပါ အာရှနဲ့အာဖရိက က အာဏာရှင်အစိုးရတွေပဲ အကျိုးစီး ပွားဖြစ်ထွန်းကြတာပါ။ ဆည်တွေဆောက်လို့ ပျောက်ဆုံးသွားတဲ့မြစ်ကြီးတွေ၊ ရွှေ့ပြောင်းရတဲ့ မြို့ရွာတွေ၊ အဓမ္မလုပ်အားပေးရတဲ့ ပြည်သူတွေ၊ ပျက်စီးသွားတဲ့ သဘာဝပတ်ဝန်းကျင်နဲ့ ပြောင်းလဲ သွားတဲ့ရာသီဥတု၊ ရေလွှမ်းခံရတဲ့လယ်မြေတွေ၊ ကန္တာရဖြစ်သွားတဲ့ စိုက်ပျိုးခင်းတွေ၊ အသတ်ခံလိုက်ရတဲ့ သစ်တော ကြီးတွေ၊ ဖြိုချခံလိုက်ရတဲ့ တောင်တန်းကြီးတွေကို တရုတ်အာဏာရှင်တွေနဲ့ သူတို့ရဲ့အပေါင်းအပါ အာဏာရှင်များက အလွယ်တကူမေ့လျော့လိုက်ကြပြီး တရုတ်ရှေးဘုရင်များက မဟာတံတိုင်းကြီးအတွက် ဂုဏ်ယူဝင့်ကြွားကြသလို တရုတ်အာဏာရှင်များနဲ့ အပေါင်းအပါများကလဲ မဟာတံတိုင်းသစ် ဆည်ကြီးများအတွက် ဂုဏ်ယူဝင့်ကြွားနေ ကြ တာပါ၊ ဒါကြောင့်မို့ တရုတ်အစိုးရရဲ့ ဩဇာခံ စစ်ဘုရင်တပါးဖြစ်တဲ့ ဦးသိန်းစိန်အစိုးရက သဘောထားပျော့ပြောင်းပြီး မြစ်ဆုံဆည်တည်ဆောက်ရေးကို ပြည်သူလူထုရဲ့ ဆန္ဒအတိုင်း ရပ်တန့်လိမ့်မယ်လို့ ကျနော် ဘယ်တုံးကမှ မမျှော် လင့်ခဲ့ပါ။ အခု ဦးဇော်မင်းရဲ့စိန်ခေါ်ချက်က ကျနော့်သံသယကို အတည်ပြု ပေးလိုက်ပါပြီ။
(၃) ဆည်တွေမှာ သက်တမ်းရှိ၍ ထိုသက်တမ်းမှာတိုတောင်း၏
ဦးဇော်မင်းက ပြောသွားပါသေးတယ်။ “မြန်မာနိုင်ငံမှာတော့ ရေအားလျှပ်စစ်နဲ့ပတ်သက်ပြီးတော့ လက်ရှိအချိန်မှာ ကျနော့်ထက်ပိုပြီးတော့ အတွေ့အကြုံရှိတဲ့လူ မရှိတော့ဘူး” တဲ့။ အဲဒီစကားအတွက် အတော်အံ့ဩမိပါတယ်။ ဘာဖြစ် လို့လဲဆိုတော့ သူကပဲ ဒီဆည်ကြီးကို တရုတ်အစိုးရကို ကာလအကန့်အသတ်တခုနဲ့ လုပ်ခိုင်းပြီး အဲဒီကာလပြီးဆုံးတဲ့ အချိန်မှာ “ပြီးပါပြီ၊ ကုန်ပြီ၊ မင်းပြန်တော့၊ ဒါကြီးထားခဲ့တော့။ ကိုယ့်အနိုင်ငံအပိုင်ဖြစ်တယ်။ ဒီထက်အကျိုးရှိတဲ့ဟာ ဘာရှိသေးလဲ” လို့ အားရပါးရပြောသွားလို့ပါ။ ဆည်ကြီးတွေမှာ သက်တမ်းရှိတယ် ဆိုတာ သူသိပုံမရပါ။
မြစ်ကိုပိတ်ဆို့ပြီး ဆည်တွေ၊ ရေလှောင်ကန်တွေ တည်ဆောက်ကြတဲ့အခါ မြစ်ဖျားပိုင်းကစီးလာတဲ့ရေတွေဟာ ရေကာ တာကြီးကြောင့် မြစ်အောက်ပိုင်းကို ဆက်လက်မစီးဆင်းနိုင်ပဲ ရေလှောင်ကန်ကြီးထဲမှာပဲ ထိန်းသိမ်းခံကြရမှာပါ။ ပြီး တော့ ရေကာတာက ရေတံခါးကြီးများကို ဖွင့်ပေးမှသာ ရေတွေ မြစ်အောက်ပိုင်းကို ဆက်လက်စီးဆင်းနိုင်မှာပါ။ အဲဒီ ရေလှောင်ကန်ကြီးထဲကို ရေတွေတင်မကဘူး နုံးမြေတွေ (Sediment) ပါ စီးဝင်ရောက်ရှိမှာပါ။ အဲဒီ နုန်းတွေက ရေ လှောင်ကန်ကြီးရဲ့ အောက်ခြေမှာသွားပြီး စုပုံအနည်ထိုင်ကြမှာပါ။ ရေလှောင်ကန်ကြီးရဲ့ ကြမ်းပြင်က ရေတံခါးကြီးများ ရဲ့ အောက်ဖက်အဝေးကြီးမှာမို့ ရေတံခါးကြီးများကို ဖွင့်လို့ ရေတွေ မြစ်အောက်ပိုင်းကို စီးဆင်းခွင့်ရရင်တောင်မှ နုံး တွေ အတွက်ကတော့ ထွက်ပေါက်မရှိပါ။ အဲဒီလိုနဲ့ ရေလှောင်ကန်ကြမ်းပြင်မှာ တဖြေးဖြေးစုပုံအနယ်ထိုင်လာတဲ့ နုံးမြေတွေဟာ နှစ်တွေ ကြာတာနဲ့အမျှ မြင့်တက်ခိုင်မာလာပြီး ရေလှောင်ကန်ရဲ့ကြမ်းပြင်ဟာ တစတစ မြင့်တက်လာ ပြီး ကန်ထဲမှာလှောင်နိုင်တဲ့ ရေပမာဏဟာလဲ နည်းသထက် နည်းလာပါတယ်။ ဒါကြောင့်မို့လို့ ရေလှောင်ကန်ထဲမှာ နုံးတွေများလာတာနဲ့အမျှ၊ အောက်ကြမ်းပြင်မြင့်တက်လာတာနဲ့ အမျှ၊ လှောင်နိုင်တဲ့ရေပမာဏနည်းလာတာနဲ့အမျှ၊ လျှပ်စစ်စွမ်းအားထုတ်နိုင်စွမ်းဟာလဲ လျော့နည်းလာပါလိမ့်မယ်။ ဒါကြောင့်မို့ ရေ လှောင်ကန်တခု၊ ရေကာတာတခုရဲ့ လျှပ်စစ်ဓာတ်အားထုတ်နိုင်စွမ်းဟာ အများဆုံး နှစ် ၂၀ နဲ့ ၃၀ ကြားမှာပဲ ရှိတတ်ပါတယ်။ နှစ် ၂၀ ကျော်သွားပြီးရင်ဖြင့် အဲဒီ ရေလှောင်ကန်ကြီးဟာ နုံးမြေတွေ ပြည့်နှက်နေတဲ့ ကန်ကြီးတခုပဲ ဖြစ်နေပါလိမ့်မယ်။ လျှပ်စစ်ဓာတ်အား ထုတ်ဖို့ အသုံးမဝင်တော့သလို ခရီးသွားလာရေးနဲ့ အခြားကိစ္စများအတွက်လဲ အသုံးဝင်မှာမဟုတ်တော့ပါ။
မြစ်ဆုံဆည်အပါအဝင် တရုတ်အစိုးရကတည်ဆောက်နေတဲ့ ဆည်ကြီးများအတွက် တရုတ်အစိုးရက နှစ် ၃၀ စာချုပ်နဲ့ (BOT/Build, Operate and Transfer) လုပ်ကိုင်ခွင့်ရမှာဖြစ်လို့ နှစ် ၃၀ ပြည့်လို့ တရုတ်အစိုးရက ကျနော်တို့ကို ဒီဆည်ကြီးများ ပြန်လွှဲပြောင်းပေးတဲ့အချိန်မှာ ကျနော်တို့ရမှာက နုံးမြေတွေပြည့်နှက်နေတဲ့ အမှိုက်ကန်ကြီးတွေပါ။ ဦး ဇော်မင်းပြောသလို အကျိုးရှိမယ်ဆိုတာ လုံးဝမဖြစ်နိုင်ပါ။
(၄) အင်္ဂုလိမာလ ဇာတ်သိမ်းခန်း
ကျနော်တို့မြန်မာနိုင်ငံသားအားလုံးနီးပါး မြတ်ဗုဒ္ဓရဲ့ အောင်ခြင်း ၈ ပါးထဲက အင်္ဂုလိမာလချွတ်ခန်းကို ကြားဘူး ကြမှာပါ။ ဘုရားလက်ထက်က အင်္ဂုလိမာလ သတို့သားဆိုတာ ရှိခဲ့တယ်။ တက္ကသိုလ်မှာ ဒိသာပါမောက္ခဆရာကြီးထံချဉ်းကပ်ပြီး ပညာသင်နေတဲ့အချိန်မှာ ဆရာကြီးက သူ့တပြည့်ကို သူ့ဇနီးနဲ့မသင်္ကာဖြစ်ပါတော့တယ်။ ဒါနဲ့ ဆရာကြီးက အင်္ဂုလိ မာလကိုချောက်တွန်းတဲ့အနေနဲ့ သူ့ဆီမှာ ပညာတွေ သင်ယူ ဖို့ဆိုရင် သူက ငွေကြေးလက်မခံပဲ လူ့လက်ညှိုးအချောင်း ၁၀၀၀ ကိုသာ ပညာသင်ခအဖြစ်လက်ခံမှာ ဖြစ်ကြောင်းပြောပြီး အင်္ဂုလိမာလကို လူ့လက်ညှိုး အချောင်း ၁၀၀၀ နဲ့ သူ့ ကိုပူဇော်နိုင်မှ ပြန်လာခဲ့ဆိုပြီး ကျောင်းတော်က မောင်းထုတ်ပါတယ်။ ဆရာ့စကားနားထောင်တဲ့ အင်္ဂုလိမာလကလဲ ကျောင်းကထွက်ခွာလာပြီး လူတွေကို လိုက်သတ်၊ လက်ညှိုးတွေကိုဖြတ်၊ အဲဒီလက်ညှိုးတွေကို ပျောက်သွားမှာစိုးလို့ ကြိုးနဲ့သီပြီး လည်ပင်းမှာချိတ်ဆွဲပြီး အင်မတန်ကြောက်စရာကောင်းတဲ့ လူဆိုးကြီး ဖြစ်လာပါတယ်။
အဲဒီလိုနဲ့ မြို့ပြင်က တောအုပ်ကြီးတခုမှာခိုလှုံပြီး တောအုပ်ကို ဖြတ်သန်းသွားသမျှ လူတွေကို သတ်ဖြတ်ပြီး လက် ညှိုးတွေ စုဆောင်းလာတာ တထောင်ပြည့်ဖို့ တချောင်းပဲလိုပါတော့တယ်။ အဲဒီအချိန်မှာ သားကို စိတ်ပူလွန်းလို့ လိုက်ရှာတဲ့ အင်္ဂုလိမာလရဲ့ မိခင်ကြီးက အင်္ဂုလိမာလရှိ တဲ့ တောအုပ်ကို ရောက်လာပါတယ်။ အင်္ဂုလိမာလကလဲ သူ့အမေကို အမေမှန်းမှတ်မိပေမည့် နောက်ဆုံးလိုတဲ့ လက်ညှိုးတချောင်းကိုရဖို့ သတ်မယ်ဆိုပြီး အမေ့နောက်ကို ဓားဝင့်ပြီးလိုက်ပါသတဲ့။ ဒီလိုနဲ့ မိခင်ကြီးက ကြောက်လန့်တကြား ရှေ့ကပြေး၊ သွေးဆာနေတဲ့ လူသတ် သမား အင်္ဂုလိမာလက နောက်ကလိုက်နေချိန်မှာ မြတ်စွာဘုရားက ကိုယ်ထင်ပြပါသတဲ့။ အဲဒီတော့မှ အင်္ဂုလိမာလက အမေ့ နောက် လိုက်တာကိုရပ်ပြီး ဘုရားကိုသတ်ဖို့လိုက်တော့ ဘုရားက ရှေ့ကနေ ဖြေးဖြေးလေးကြွနေပေမည့် သူဘယ် လိုမှ လိုက်လို့မမီနိုင်ပါတဲ့။ အင်္ဂုလိမာလ က “ဟေ့ ... ရဟန်းကြီး၊ မပြေးနဲ့ ရပ်” လို့ပြောတော့ ဘုရားက “ချစ်သား အင်္ဂုလိမာလ၊ ငါကား မပြေး၊သင်သာ ပြေးသူဖြစ်သည်” လို့ အစချီပြီး တရားဟောပြတော့မှ အင်္ဂုလိမာလ အကျွတ် တရားရ၊ အမှားတွေမြင်ပြီး နောင်တရပါသတဲ့။
အခုလဲ ဦးသိန်းစိန်နဲ့ စစ်အုပ်စုဟာ ကျနော်တို့ခေတ်ရဲ့ အင်္ဂုလိမာလတွေ ဖြစ်နေပါပြီ။ သူတို့ရဲ့ဆရာကြီး တရုတ်အစိုးရ ကျေနပ်စေဖို့အတွက် တိုင်းပြည်မှာ ရှိသမျှ သစ်တောတွေ၊ သတ္တုတွေ၊ သဘာဝဓာတ်ငွေ့တွေ၊ ကျောက်စိမ်းတွေ၊ အဖိုး တန်ရတနာတွေ၊ အားလုံးကို ပေးအပ်ပြီး တဲ့နောက် အခု တရုတ်အစိုးရအလိုကျ မိခင်ဧရာဝတီကို သတ်ဖို့ကြိုးစား နေ ပါပြီ၊ ဒီခေတ်မှာတော့ အမိဧရာဝတီ အသတ်မခံရအောင် ဘုရား ကြွပြီးတရားပြဖို့ကတော့ မဖြစ်နိုင်ပါ။ ကျနော်တို့ မြန်မာပြည်သူများကပဲ စည်းလုံးညီညွတ်တဲ့လှုပ်ရှားမှုနဲ့အင်အားပြပြီး အင်္ဂုလိမာလ ဦးသိန်းစိန်အစိုးရက အမိဧရာဝတီ ကိုမသတ်နိုင်အောင် တားဆီးကြရမှာပါ။
ဧရာဝတီတော်လှန်ရေး စပါပြီ။
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88