မြတ်ကျော်သူ
ဇန်နဝါရီလ ၁၀ ရက် ၂၀၁၃ ခုနှစ်
အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည် က ပြည်သူ့လွှတ်တော်၌ မီဒီယာများနှင့် တွေ့ဆုံစဉ် NLD ၏ လူမှုရေး လုပ်ငန်းလုပ်ငန်းများကို ပံ့ပိုးနေသည်ဟုဆိုသည့် ခရိုနီများနှင့်ပတ်သက်၍ ၎င်း၏ သဘောထားကို ထုတ်ဖော် ပြောကြားလိုက်သည်။
ဇန်နဝါရီလ ၉ ရက်နေ့က ကျင်းပသည့် ဆဋ္ဌမအကြိမ် လွှတ်တော်အစည်းအဝေး ခတ္တနားနေချိန် မဇ္ဈိမ၏ မေးခွန်းကို NLD ဥက္ကဋ္ဌက ပြန်လည်ဖြေကြားလိုက်ခြင်းဖြစ်သည်။
“ခရိုနီလို့ ခေါ်ခံရတဲ့သူတွေက NLD နဲ့ တခြား လူမှုရေးလုပ်ငန်းလုပ်သူတွေကို ပံ့ပိုးတယ်ဆိုလို့ရှိရင် ဘာဖြစ်လဲ ပံ့ပိုးပါ စေပေါ့။ ပိုက်ဆံ တွေကို တခြားနေရာမှာ အလဟဿ ဖြုန်းမယ့်အစား ပံ့ပိုးသင့်တဲ့ နေရာမှာ သုံးတယ်ဆိုတာ ကောင်းတဲ့ကိစ္စပဲ” ဟု ဒေါ်အောင်ဆန်း စုကြည် က မဇ္ဈိမကို ပြောသည်။
NLD ၏ ရံပုံငွေပွဲအချို့နှင့် ပညာရေးဆိုင်ရာပွဲများတွင် Air Bagan, Sky Net နှင့် AGD Bank တို့မှ အဓိက အလှူရှင် များအဖြစ် ပံ့ပိုးပေးသည့် ကိစ္စရပ်များအတွက် ဝေဖန်မှုများရှိနေချိန်တွင် ဒေါ်အောင်ဆန်းစုကြည် က ခရိုနီအပေါ် ၎င်း၏ အမြင်ကို ယခုကဲ့သို့ ပြောကြားလိုက်ခြင်း ဖြစ်သည်။
“NLD ကို ချဉ်းကပ်လာတာလား၊ ဘယ်အဖွဲ့ကို ချဉ်းကပ်တာလားဆိုတာကို အန်တီ မကြည့်ဘူး။ လုပ်တာက ဘာ အတွက် လုပ်တာလဲ ဘာကို ထောက်ပံ့တာလဲ၊ ဘယ်နေရာကို အကျိုးပြုသလဲ။ ပြည်သူကို အကျိုးပြုမယ်၊ ဒီမိုကရေစီ ပြောင်းလဲရေးကို အကျိုးပြုမယ်၊ လိုအပ်နေတဲ့ ပညာရေး ကိစ္စတွေကို အကျိုးပြုမယ်ဆိုရင် ဒါဟာ ကြိုဆိုရမယ့် ကိစ္စပဲ” ဟု ဒေါ်အောင် ဆန်းစုကြည်က ဆိုသည်။
၂၀၁၂ ခုနှစ်၊ စက်တင်ဘာက ၈၈ မျိုးဆက် ကျောင်းသားများအဖွဲ့က ပြုလုပ်ခဲ့သည့် ရံပုံငွေပွဲတွင် လေလံတင်ရောင်းချ သည့် ဂစ်တာ တလက်ကို ရွှေသံလွှင်ကုမ္ပဏီပိုင်ဆိုင်သည့် Sky Net ရုပ်သံလိုင်းပိုင်ရှင် ဦးဝင်းနိုင် က ကျပ် ၅၈၈ သိန်းဖြင့်၊ မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်နှင့်အပြိုင် လေလံကြေးပေး၍ ဝယ်ယူခဲ့ပြီးနောက် NLD နှင့် ၈၈ စသည့် နိုင်ငံရေး အဖွဲ့အစည်းများနှင့် ဆက်ဆံမှုများ ရှိလာခဲ့ကြသည်။
ခရိုနီဆိုသည်မှာ ယခင် စစ်အစိုးရလက်ထက်များက ချမ်းသာလာပြီး တယောက်နှင့်တယောက် ချမ်းသာပုံချင်း မတူညီ၊ မတရားမှုများ လုပ်ခဲ့သလား၊ မလုပ်ဘူးလားဆိုသည်ကိုလည်း စိစစ်ရမည်၊ သို့သော် မည်သူပင်ဖြစ်စေ ပြစ်မှုမထင်ရှား သရွေ့ အပြစ်မဲ့ဟူ၍ သတ် မှတ်ရမည်ဖြစ်ပြီး ပြစ်မှုရှိသူများကိုလည်း ပြုပြင်ပိုင်ခွင့် ပေးရမည်ဖြစ်ကြောင်း ဒေါ်အောင်ဆန်းစုကြည် က ဆိုသည်။
“လူတယောက်ကို ကြည့်တဲ့အခါ လူတွေဟာ တခါဆိုးလို့ အမြဲတမ်းဆိုးနေမယ်လို့ ပြောလို့မရပါဘူး” ဟု ဒေါ်အောင်ဆန်းစုကြည်က ပြောဆိုလိုက်ပြီး ဒီမိုကရေစီနိုင်ငံများတွင် သူဌေးဖြစ်နေသူများသည် ယခင်က စက်မှု တော်လှန်ရေးကာလက တရားမျှတသော နည်းလမ်းဖြင့် ဖြစ်ခဲ့ခြင်းမဟုတ်ဘဲ ခေါင်းပုံဖြတ်မှုတွေ ရှိခဲ့ကြောင်း၊ နောက်ပိုင်းတွင် ပရိဟိတ လုပ်ငန်းများ လုပ်သည့် မိသားစုများ ဖြစ်လာကြောင်း ခရိုနီ သမိုင်းကြောင်းကို ရှင်းပြသေးသည်။
NLD ပါတီ ပညာရေး ကွန်ယက် နှစ်နှစ်ပြည့်၊ အခမဲ့ ပညာဒါန ကျောင်းများ ရံပုံငွေ ရှာဖွေရေး ဂီတပွဲတော်ကို ခရိုနီများ ဖြစ်ကြ သည့် Sky Net ၊ Air Bagan နှင့် AGD Bank တို့မှ လုပ်ငန်းရှင်များက ငွေကျပ် သိန်း နှစ်ထောင်ကျော် လှူဒါန်း ခဲ့ကြသည်။
အဆိုပါရံပုံငွေပွဲမှ သိန်းပေါင်း ငါးထောင်ကျော် ရရှိခဲ့ပြီး စီစဉ်စရိတ် သိန်းနှစ်ထောင်ကျော်နှင့် ကျန်ငွေ အသားတင် သိန်း သုံးထောင်ကျော် ရှိသဖြင့် အဆိုပါငွေများကို နယ်စပ်ပညာရေးတွင် သုံးမည်ဟု NLD ပညာရေးကော်မတီက ဆိုသည်။
Ref: မဇ္ဈိမ
Read More...
Collapse...
ဖနိဒါ
ဇန်နဝါရီလ ၁၀ ရက် ၂၀၁၃ ခုနှစ်
တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ဒေါ်အောင်ဆန်းစုကြည်ထံ ပြည်ပရာက် ကချင်ပူးပေါင်းအဖွဲ့ ၂၃ ဖွဲ့က ဇန်န၀ါရီလ ၁၀ ရက်နေ့တွင် အိတ်ဖွင့်ပေးစာတစောင် ပေးပို့လိုက်သည်။
ကချင်လွတ်လပ်ရေးအဖွဲ့ KIO နှင့် မြန်မာ အစိုးရကြား တိုက်ပွဲများ ပြင်းထန်လာသဖြင့် စစ်ပြေး ဒုက္ခသည်များ အရေး နှင့် ပတ်သတ်၍ တစုံတရာ တုံ့ပြန်ပေးရန် ထိုင်း၊ အိန္ဒိယ၊ မလေးရှား၊ ဂျပန်၊ အင်္ဂလန်၊ အမေရိကန်၊ သြစတေးလျ၊ ဒိန်းမတ်၊ ဆွီဒင်၊ နယ်သာလန်၊ နော်ဝေးနှင့် စင်္ကာပူ စသည့် နိုင်ငံများသို့ ရောက်ရှိနေသော ကချင်အဖွဲ့အစည်း ၂၃ ဖွဲ့က ထိုအိတ်ဖွင့်ပေးစာကို ပေးပို့လိုက်ခြင်း ဖြစ်သည်။
“ပထမဆုံးအနေနဲ့ ကျမတို့ ပို့လိုက်တဲ့စာအပေါ်မှာ သူ ဘယ်လို တစုံတရာ သုံးသပ်ချက် ပေးချင်တယ်ဆိုတာ သိချင်တယ်။ ခုချိန် ကြောက်စရာ၊ စိုးရိမ်စရာ ဖြစ်နေရတဲ့ အခြေအနေမှာ ရှိနေပြီ။ အစိုးရတွေကို သူ့အနေနဲ့ ပြောပေးနိုင်ဖို့ မျှော်လင့်တယ်” ဟု ထိုင်း နိုင်ငံအခြေစိုက် ကချင်အမျိုးသမီးအစည်းအရုံး KWAT တာဝန်ခံ ဒေါ်မွန်းနေလီ က ပြောသည်။
ကချင်စစ်ပြေး ဒုက္ခသည်များ၏ မလုံခြုံမှု ပိုဆိုးရွားလာသည့် အပေါ် ဒေါ်အောင်ဆန်း စုကြည်အနေနှင့် ဘယ်သို့ ထင်မြင်ကာ ဘယ်လို စိတ်ကူး လုပ်ဆောင်ချက်များ ရှိနေသလဲဆိုတာ သိနိုင်ရရန် မျှော်လင့်ကြောင်း ဒေါ်မွန်းနေလီ က ပြောသည်။
“သူ့ ရင်ထဲမှာ ဘာရှိနေတယ် ဆိုတဲ့ဟာကို ကျမတို့ ကချင်အဖွဲ့တွေအနေနဲ့ မျှော်လင့်ပြီး စာပြန်ပို့တာပါ” ဟု မဇ္စျိမကို
ပြောသည်။
၂၀၁၂ ခုနှစ်၊ စက်တင်ဘာလ ၂၆ ရက်နေ့က ဒေါ်အောင်ဆန်းစုကြည် အား တရုတ်-မြန်မာ နယ်စပ် မိုင်ဂျာယန်သို့ စစ်ပြေးဒုက္ခသည်များ၏ အခက်အခဲများကို ကိုယ်တိုင်လာရောက် ကြည့်ရှုရန် ကချင်ပူးပေါင်းအဖွဲ့မှ ဖိတ်ခေါ်သည့် အိတ်ဖွင့်ပေးစာအပေါ် တုန့်ပြန်လာခြင်း မရှိသေး၍ ထပ်မံ ပေးပို့လိုက်ခြင်းဖြစ်သည် ဟုသိရသည်။
မျှော်လင့်ချက်ဖြင့် အိတ်ဖွင့်စာပို့ခဲ့သော်လည်း ၅ လကျော်ကြာသည်အထိ မည်သည့် တုံ့ပြန်မှု မရှိသည့်အပေါ် အားမလို အားမရ ဖြစ်ရ သည်ဟု ထိုင်းနိုင်ငံ အခြေစိုက် ကချင်ကျောင်းသား လူငယ်များသမဂ္ဂ(AKSYU) အထွေထွေ အတွင်းရေးမှူး ကိုနော်ဆန့် က ပြောသည်။
“ဒီ ၅ လ အတောအတွင်း IDP အခြေအနေ ပိုဆိုးလာတယ်။ တိုက်လေယာဉ်၊ ဂျက်လေယာဉ်တွေနဲ့ တိုက်လာတယ်ဆိုတော့ ပိုဆိုးလာတဲ့ အခြေအနေဖြစ်တယ်။ ခုအခြေအနေ လက်တွေ့ပိုင်းမှာ တစုံတရာ ထိထိမိမိ လုပ်ကိုင်ဆောင်ရွက်မှုတွေ၊ ပြောဆိုမှုတွေ လိုအပ်တယ်။ ဒီအချိန်က အရေးပေါ် အခြေအနေ ဖြစ်နေပြီ” ဟု မဇ္စျိမကို ပြောသည်။
ပြည်ထောင်စု လွှတ်တော် အစည်းအဝေး တနှစ်ကျော် ကြာလာသော်လည်း KIO နှင့်အစိုးရ စစ်တပ်တို့အကြား တိုက်ပွဲ ဖြစ်ပွားနေမှု အပေါ် ဆွေးနွေးမှု မရှိသဖြင့် ယခု အခြေအနေတွင် လွှတ်တော် ကိုယ်စားလှယ်များအနေဖြင့် ကျယ်ကျယ် ပြန့်ပြန့် ဆွေးနွေးစေလိုပြီး နိုဗယ်ငြိမ်း ချမ်းရေး ဆုရှင် အနေဖြင့် ငြိမ်းချမ်းရေးအတွက် လက်တွေ့ အကောင်အထည်ဖော်ဆောင်ရွက် နိုင်လိမ့်မည်ဟု မျှော်လင့်ကြောင်း ကိုနော်ဆန့် က ပြောသည်။
ဒေါ်အောင်ဆန်းစုကြည်ကမူ မြန်မာစစ်တပ်နှင့် KIO တို့အကြား ဖြစ်ပွားနေသည့် တိုက်ပွဲများ ရပ်ဆိုင်းရေး ကြိုးပမ်းမှုနှင့် ပတ်သက်၍ အစိုးရဘက်မှ ၎င်းထံ တရားဝင် ကမ်းလှမ်းရန် လိုအပ်သည်ဟု ဇန်နဝါရီလလ ၆ ရက်နေ့က ပြောဆို ထားသည်။
Ref: မဇ္စျိမ
Read More...
Collapse...
ဟင်္သာနီ (မွန်မြေ)
ဇန်နဝါရီလ ၁၀ ရက် ၂၀၁၃ ခုနှစ်
မြန်မာ နိုင်ငံဆိုင်ရာ အမေရိကန် သံအမတ်ကြီး ဒဲရက် ဂျေ မစ်ချဲလ်၏ မွန်ပြည်နယ်နှင့် ကရင်ပြည်နယ်သို့ ပထမဆုံး အကြိမ် ခရီးစဉ်ကို ဇန်နဝါရီလ (၁၁) ရက်နေ့ စတင်မည် ဖြစ်ကြောင်း ရန်ကုန်ရှိ အမေရိကန် သံရုံးမှ ဇန်နဝါရီလ ၁၀ ရက်နေ့ ရက်စွဲဖြင့် ကြေညာချက် တစောင် ထုတ်ပြန်ခဲ့သည်။
မစ္စတာ မစ်ချဲလ်၏ (၁၁) ရက်နေ့မှ (၁၃) ရက်နေ့ အထိ သုံးရက်တာ ကြာမြင့်မည့် ခရီးစဉ် အတွင်း၌ အစိုးရအရာရှိများ ၊ လက်နက်ကိုင် အဖွဲ့အစည်း ကိုယ်စားလှယ်များ၊ အရပ်ဘက် အဖွဲ့အစည်းများ၊ ဘာသာရေးဆိုင်ရာ အဖွဲ့အစည်းများနှင့် နိုင်ငံရေး ပါတီများနှင့် တွေ့ဆုံ သွားရန်ရှိကြောင်း ကြေညာချက်၌ ပါရှိသည်။
မွန်ပြည်သစ် ပါတီနှင့် ကရင် အမျိုးသား အစည်းအရုံးတို့အား ဇန်နဝါရီ (၁၂) ရက်နေ့၌ တွေ့ဆုံရန် ချိန်းဆို ထားကြကြောင်း နှစ်ဖက် ခေါင်းဆောင်များက ပြောသည်။
“အရင်တုန်းကလည်း တစ်ခါ တွေ့ဖို့ ချိန်းထားတယ်၊ မဖြစ်ပဲ ပျက်သွားတယ်၊ အခုလည်း ဘယ်လို လာဦးမလား မသိဘူး။ ဆွေးနွေးမယ့် အပိုင်းကတော့ သူတို့ ဘာတွေ ဆွေးနွေး မလဲ ဆိုတဲ့အပေါ် ကြည့်ပြီးတော့ ဆွေးနွေးရမယ်” ဟု မွန်ပြည်သစ် ပါတီ ပြည်တွင်း ဆက်ဆံရေး တာဝန်ခံ နိုင်တလညီ က ပြောသည်။
ထို့အတူ ကရင်အမျိုးသား အစည်းအရုံး KNU အထွေထွေ အတွင်းရေးမှူး ဗဒိုကွယ်ထူးဝင်းမှလည်း နှစ်သစ်ကူးနေ့တွင် တွေ့ဆုံမည် ဟုပြောထားပြီး ပြည်တွင်းနိုင်ငံခြားရေး တာဝန်ခံ ဗဒိုအောင်ဝင်းဆွေ ပါဖို့သေချာကြောင်း ဆိုသည်။
“အချိန်ကလည်း အရမ်း ကပ်နေတော့ စီစဉ်ရ ခက်နေတယ်၊ ကျနော်တို့ ခေါင်းဆောင် အချို့လည်း တွေ့ချင်ပါတယ်၊ ဘားအံ ဆက်ဆံရေး ရုံးမှာ တွေ့ဖို့ ချိန်းထား ပါတယ်” ဟု ဗဒို ကွယ်ထူးဝင်း က ပြောသည်။
နှစ်ဖက် ခေါင်းဆောင်များမှ အဓိက အားဖြင့် အပစ်အခတ်ရပ်စဲရေး ရရှိပြီးနောက်ပိုင်း ဖြစ်ပေါ် တိုးတက်မှုများ ပြဿနာရပ်များကို လာရောက် လေ့လာချင်သည့် သဘော ရှိသည်ဟု သုံးသပ်ကြောင်းလည်း မဇ္ဈိမအား ပြောကြား ခဲ့သည်။
မစ္စတာ မစ်ချဲလ်သည် သံအမတ်ကြီးအဖြစ် လွန်ခဲ့သည့်နှစ် ဇွန်လတွင် ခန့်အပ်ခံရသည်။ ထိုစဉ်က သံအမတ်ကြီးအဖြစ် ခန့်အပ်ခံရခါစ ဒဲရက်မစ်ချဲလ်က ရခိုင်ပြည်နယ်နှင့် ကချင်ပြည်နယ်များသို့ သွားရောက်ခဲ့ပြီး ဒုက္ခသည် စခန်းများတွင် အမေရိကန်နိုင်ငံမှ လူသားချင်း စာနာမှု အကူအညီများကို ဒေါ်လာ သန်းနှင့်ချီ ပေးအပ်ခဲ့သည်။
ထို့အတူ သံရုံး ထုတ်ပြန် ချက်၌လည်း ယခု ခရီးစဉ် အတွင်းတွင် ပြည်နယ်များတွင် နေထိုင်ကြသူများ ကြုံတွေ့နေရသော ကိစ္စရပ်များ၊ လက်နက်ကိုင် အဖွဲ့အစည်းများနှင့် မြန်မာ အစိုးရကြားရှိ အပစ်အခတ် ရပ်စဲရေး၊ နိုင်ငံရေး ဆွေးနွေးနေမှု အခြေအနေနှင့် လတ်တလော ဖြစ်ပေါ် တိုးတက်နေမှုများကို ဆွေးနွေးသွားနိုင်ရန်အတွက် မျှော်လင့် ထားကြောင်းလည်း ထုတ်ပြန်ထားသည်။
Ref: မဇ္ဈိမ
Read More...
Collapse...
ဖနိဒါ၊ နေမျိုး
ဇန်နဝါရီလ ၁၀ ရက် ၂၀၁၃ ခုနှစ်
ကချင်ပြည်နယ်၊ လိုင်ဇာမြို့တွင် ခိုလှုံနေရသော စစ်ပြေးဒုက္ခသည်များ၏ ဒုက္ခအား ထပ်တူ ခံစားနေရကြောင်း ပြသသည့်အနေဖြင့် တဖက်နိုင်ငံ၊ ယူနန်ပြည်နယ်အတွင်း နေထိုင်သော ကချင်လူမျိုး ၁,၂၀၀ ကျော်က လာရောက် အားပေး ဆန္ဒဖော်ထုတ်ခဲ့သည်ဟု တရုတ်နိုင်ငံ၊ ရင်ကျန်းမြို့မှ ဘာသာရေးဆရာတဦးက ပြော
သည်။
ကြာသပတေးနေ့နံနက် ၁၀ နာရီချိန်မှစ၍ တဖက်နိုင်ငံရှိ ရင်ကျန်း၊ ရွှေလီ၊ မန်ချီ၊ ဝမ်ဒင်၊ ဆန်ချီးကွန်မြို့များမှ ကိုယ်စားလှယ် ကချင် လူကြီး၊ လူငယ်များက ကား၊ ဆိုင်ကယ်များဖြင့် လိုင်ဇာမြို့ တဖက်ကမ်းသို့ မွန်းလွဲ ၂ နာရီချိန်တွင် ရောက်ရှိလာကာ အင်အားပြသခဲ့ခြင်း ဖြစ်သည်။
“ကျနော်လူမျိုးတွေ စစ်ဘေးဒဏ်ကြောင့် ဒုက္ခအမျိုးမျိုး ကြုံတွေ့ နေရတာကို ကျနော်တို့နဲ့ အနီးစပ်ဆုံး တရုတ် အစိုးရ ကလည်း ဖြေရှင်းကူညီတာ မရှိလို့ ကျနော်တို့ ညီအစ်ကိုတွေကို အားပေးတဲ့သဘော။ စိတ်ဓါတ်မကျဖို့ လာအားပေး တာပါ။ ခုက လမ်းလျှောက်ပြ တာပဲရှိတယ်” ဟု လိုင်ဇာမြို့သို့ လာရောက် ဆန္ဒဖော်ထုတ်ပြသနေသော ဓမ္မဆရာ တဦးက ပြောသည်။
တရုတ်အစိုးရက နယ်စပ်ဖြတ်ကျော်ခွင့် မပေးသဖြင့် စကားပြောဆိုခွင့်မရဘဲ အဝေးမှသာ ကြည့်ရှုခွင့် ရခဲ့ပြီး လက်ပြ နှုတ်ဆက် ခဲ့ကြရခြင်း ဖြစ်သည်။
ပထမဆုံးအကြိမ် ဆန္ဒဖော်ထုတ်ခြင်းဖြစ်၍ စာတမ်းကိုင်ခြင်း၊ ကြွေးကြော်ခြင်းနှင့် တောင်းဆိုသည့် စာများ ပေးပို့ခြင်း မရှိသော်လည်း တရုတ်အစိုးရအဖြင့် တစုံတရာ တာဝန်ယူပေးခြင်း မရှိပါက နောက်တကြိမ်တွင် ပိုစတာများ ကိုင်ဆောင်ခြင်း၊ ကြွေးကြော်ခြင်းများ လုပ်ဆောင်သွားရန် စီစဉ်ထားသည်ဟု သူက မဇ္စျိမကို ပြောသည်။
ထို့ပြင် ယနေ့ နံနက်ပိုင်းကလည်း လမ်းလျှောက်ချီတက်ရန် လာသော ကား ၁၀ စင်းခန့်ကို လမ်းတဝက်တွင် တရုတ်အာဏာပိုင်များဘက်မှ ပိတ်ဆို့မှုများရှိခဲ့သော်လည်း သက်ဆိုင်ရာ တရုတ်ရဲမှူးကြီးများနှင့် ညှိနှိုင်း၍ ပြန်လည် သွားခွင့်ပြုခဲ့သည်ဟု သူက မဇ္စျိမကို ပြောသည်။
လိုင်ဇာဘက်ခြမ်းမှ စစ်ပြေးဒုက္ခသည်များကလည်း ကြိုဆိုကြောင်း စာတမ်းများ ရေးသား၍ ကချင် တော်လှန်ရေး သီချင်းများ သီဆို၍ နုတ်ဆက်နေကြသည်ဟု လိုင်ဇာမြို့ခံ တဦးက ပြောသည်။
“စိတ်မကောင်း ဖြစ်မိတယ်။ မခံမရပ်နိုင် ဖြစ်မိတယ်။ အဲလိုမျိုး ဆန္ဒပြလာတဲ့ ကချင်လူမျိုးတွေက တသွေးတည်း၊ တသားတည်း ကျမတို့ အတူတူပဲ။ အရမ်းလည်း တွေ့ချင်ပါတယ်။ အခုလို ဒုက္ခတွေကနေ လွတ်မြောက်ဖို့ ဝိုင်းဝန်း ဆုတောင်းပေးစေချင်တယ်” ဟု လိုင်ဇာတွင် ဒုက္ခသည်အဖြစ် တနှစ်ခန့်ကြာ ရောက်ရှိခိုလှုံနေရသည့် မဂျာအိမ် က မဇ္ဈိမကို ပြောသည်။
ဆန္ဒပြသူများမှာ အပြန်တွင် ရင်ကျန်းမြို့နယ် တရုတ်အစိုးရရုံးတွင် ထပ်မံ အင်အားပြသသည့် အစီအစဉ်များ ဆက်လက် ပြုလုပ်မည် ဖြစ်ကြောင်း သိရသည်။
Ref: မဇ္စျိမ
Read More...
Collapse...
သိင်္ဂီထွန်း
ဇန်နဝါရီလ ၁၀ ရက် ၂၀၁၃ ခုနှစ်
အစိုးရဝန်ထမ်းများ၏ လစာနှင့် ထောက်ပံ့ကြေးများ လာမည့်ဘဏ္ဍာနှစ်တွင် တိုးမြှင့်ပေးနိုင်တော့မည့် အနေအထားရှိ ကြောင်း ပြည်ထောင်စု လွှတ်တော်သို့ ဇန်န၀ါရီလ ၁၀ ရက်နေ့က ပေးပို့သော သမ္မတ ဦးသိန်းစိန်၏ နှစ်သစ်ကူး သဝဏ်လွှာတွင် အရိပ်အမြွက် ထည့်သွင်း ပြောကြားသွားသည်။
ပြုပြင်ပြောင်းလဲမှု လုပ်ခဲ့သော လူမှုရေး ဆောင်ရွက်ချက်များအကြောင်း ပြောကြားရာတွင် သမ္မတက ယခုလို ထည့်သွင်း ပြောကြား သွားခြင်း ဖြစ်သည်။
“လွှတ်တော်အတွင်း၌ ရသုံးမှန်းခြေ ငွေစာရင်း ဆွေးနွေးသည့် ကိစ္စရပ်များကိုလည်း ပြည်သူလူထုထံ ပွင့်လင်း မြင်သာမှုရှိရှိ အသိ ပေးနိုင်ခဲ့ပြီး လာမည့် ဘဏ္ဍာရေးနှစ်တွင် နိုင်ငံ့ဝန်ထမ်းများ၏ ထောက်ပံ့ကြေးများကို တဆင့်ပြီး တဆင့် တိုးမြှင့်ပေးနိုင်တော့မည် ဖြစ်သည်ကိုလည်း တွေ့ရှိရမည် ဖြစ်ပါသည်” ဟု သမ္မတ၏ နှစ်သစ်ကူး သဝဏ်လွှာတွင် ရေးသားပါရှိသည်။
လာမည့် ဘဏ္ဍာနှစ်သည် ၂၀၁၃ ခုနှစ် ဧပြီလ ၁ ရက်နေ့တွင် စတင်မည် ဖြစ်သည်။
ထို့ပြင် လာမည့်ဘဏ္ဍာနှစ်အတွက် ရသုံးမှန်းခြေငွေစာရင်းကိုလည်း အစိုးရနှင့် လွှတ်တော်တို့အကြား ပွင့်ပွင့် လင်းလင်း ဆွေးနွေးနိုင်ခဲ့ပြီး “ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေ” ကို ပိုမိုစနစ်ကျစွာ ပြဋ္ဌာန်းနိုင် တော့မည်ဟုလည်း ပါရှိသည်။
အစိုးရ အဖွဲ့အစည်းများအတွင်း အဂတိလိုက်စားမှု ကင်းရှင်းရန်နှင့် လာဘ်ပေးလာဘ်ယူမှုများ ပပျောက်ရန်အတွက် ဒု-သမ္မတ ဒေါက်တာ စိုင်းမောက်ခမ်း ဥက္ကဋ္ဌအဖြစ် ဦးဆောင်ပြီး အဖွဲ့ဝင် ၈ ဦး ပါသော "လာဘ်ပေးလာဘ်ယူမှု အရေးယူဆောင်ရွက်ရေးကော်မတီ" ကိုလည်း ယခုလ ၈ ရက်တွင် သမ္မတ က ဖွဲ့စည်းခဲ့သေးသည်။
“ဒီကိစ္စလည်း စပ်ဆက်နိုင်တာပဲ။ စင်္ကာပူဆိုရင် သူ့ဝန်ထမ်းတွေကို အမြင့်ဆုံး ခံစားခွင့် ပေးထားတာ။ ဒါက လာဘ်ပေး ဘာဘ်ယူ ပပျောက်ဖို့ အများကြီး အထောက်အကူပြုတာပေါ့” ဟု စီးပွားရေး တက္ကသိုလ် အငြိမ်းစား ပါမောက္ခချုပ် ဦးမော်သန်း က ပြောသည်။
၂၀၁၂-၂၀၁၃ ခုနှစ်မှစပြီး ဝန်ထမ်းလစာ တိုးမြှင့်ရေးနှင့် စပ်လျဉ်းသည့် အဆိုတခုကို ပြည်သူ့လွှတ်တော် ဥက္ကဋ္ဌ သူရဦးရွှေမန်းက ၂၀၁၂ ခုနှစ် ဖေဖော်ဝါရီလထဲတွင် တင်သွင်းခဲ့ပြီး ဘဏ္ဍာရေးနှင့်အခွန်ဝန်ကြီး ဦးလှထွန်း အပါအဝင် စက်မှုဖွံ့ဖြိုးတိုးတက်ရေးဝန်ကြီး၊ အမျိုးသား စီမံကိန်းဝန်ကြီးတို့မှ ဝန်ထမ်းများလစာ တိုးခြင်းကို ၂၀၁၃-၂၀၁၄ ခုနှစ် တွင်သာ ဆောင်ရွက်သင့်ကြောင်း ဝန်ကြီး ဦးလှထွန်း က ပြန် လည်ရှင်းလင်းခဲ့ဖူးသည်။
ဝန်ထမ်းလစာများကို ၂၀၁၀ ခုနှစ်၊ ဧပြီလတွင် ကျပ်ငွေ နှစ်သောင်းစီ တိုးမြှင့်ပေးခဲ့ဖူးပြီး အစိုးရသစ်လက်ထက် ၂၀၁၂ ခုနှစ်၊ စက်တင် ဘာလတွင် အခြေခံပညာ ဦးစီးဌာန အောက်ရှိ ပြည်နယ်နှင့်တိုင်းအဆင့်မှ မြို့နယ်အဆင့်ထိ ပညာရေး ဝန်ထမ်းများ အား မူလ လစာ၏ ၇ ရာခိုင်နှုန်းစီ တိုးမြှင့်ပေးခဲ့သည်။
နိုင်ငံ့ဝန်ထမ်းများ၏ ပင်စင်လစာကို ၂၀၁၁ ခုနှစ်၊ ဇွန်လ ၃၀ ရက်တွင် တိုးမြှင့်ကြောင်း ကြေညာခဲ့ဖူးသည်။
Ref: Mizzima
Read More...
Collapse...
နန်းသီရိလွင်
January 10, 2013
ရခိုင်ပြည်နယ် ကျောက်ဖြူမြို့နယ်အတွင်းရှိ ရွှေသဘာဝဓာတ်ငွေ့ ပိုက်လိုင်း တည်ဆောက်ရေး လုပ်ငန်း၊ ဓာတ်ငွေ့သန့်စင် စက်ရုံ တည်ဆောက်ရေး လုပ်ငန်း စသည်တို့ကို တာဝန်ယူထားသည့် တွဲဘက် ကန်ထရိုက် ကုမ္ပဏီများက ဒေသခံ အလုပ်သမား များကို တလနီးပါးအထိ လုပ်ခ ရှင်းမပေးသည့် ဖြစ်ရပ်များ ရှိနေကြောင်း ကြားသိရသည်။
“တပတ်ကို တကြိမ် လုပ်ခတွေ ရှင်းပေးခဲ့တယ်။ အခု လုပ်ခ ရှင်းမပေးတာ ၂၈ ရက်ရှိပြီ။ တခြား လုပ်စရာလည်း မရှိတော့ ဒီမှာပဲ ဆက် အလုပ်ဆင်းနေရတယ်။ တချို့ လစာမရလို့ ဆက်မလုပ်တော့ တာတွေလည်း ရှိတယ်” ဟု ကျောက်ဖြူ မြို့နယ် မလကျွန်း ကျေးရွာရှိ ပိုက်လိုင်း တည်ဆောက်ရေး လုပ်ငန်းတွင် နေ့စားလုပ်နေသည့် ကိုခင်ရီက ပြောသည်။
နေ့စား အလုပ်သမားများသည် မနက် ခြောက်နာရီခွဲမှ ညနေ ၅ နာရီခွဲအထိ အလုပ်ဆင်းရပြီး နေ့လယ်စာ စားချိန်နှင့် နားချိန်ကို မနက် ၁၁ နာရီခွဲမှ ၁ နာခွဲအထိ ရရှိကြောင်း သိရသည်။ အများအားဖြင့် မြေကျင်းတူး၊ မြေသယ် စသည့် အလုပ်များကို လုပ်ကိုင်ရပြီး လုပ်အားခအဖြစ် တရက်လျှင် ၃၅၀၀ ကျပ်နှုန်း ရရှိကြသည်။
“ကျနော်တို့က ဒီပိုက်လိုင်း စီမံကိန်းရဲ့ တစိတ်တပိုင်းကိုပဲ တာဝန်ယူထားတဲ့ တွဲဘက် ကန်ထရိုက်ဆိုတော့ ကျနော်တို့ အထက်က ကုမ္ပဏီကြီးတွေက ငွေရှင်းမှပဲ အလုပ်သမားခတွေ ပေးနိုင်ပါတယ်။ အခုလည်း ရစရာရှိတာ မရတော့ ကြန့်ကြာနေတာပါ” ဟု ပိုက်လိုင်း တည်ဆောက်ရေး တစိတ်တပိုင်းကို တာဝန်ယူထားသည့် MCC ကုမ္ပဏီမှ အလုပ်သမားရေးရာ တာဝန်ရှိသူ တဦးက ဧရာဝတီကို ပြောသည်။
သဘာဝဓာတ်ငွေ့နှင့် ရေနံပိုက်လိုင်း သွယ်တန်းမှု စီမံကိန်းအတွက် ရခိုင်ပြည်နယ်အတွင်း ၂၀၂ ကီလိုမီတာ တည်ဆောက်ရန် တာဝန် ယူထားသည့် အိန္ဒိယ ကုမ္ပဏီတခုဖြစ်သည့် Punj Loid ကုမ္ပဏီမှ တာဝန်ရှိသူ တဦးကလည်း နေ့စား အလုပ်သမား များအတွက် လုပ်ခ လစာများကို ၁၅ ရက်လျှင် တကြိမ်ထုတ်ပေးလေ့ရှိပြီး အကြောင်း အမျိုးမျိုးကြောင့် ကြန့်ကြာမှုများ ရှိနိုင်သည်ဟု ဖြေရှင်းပြောဆိုသည်။
ကျောက်ဖြူမြို့နယ်အတွင်းရှိ သဘာဝဓာတ်ငွေ့ တူးဖော်ရေး၊ ပိုက်လိုင်း တည်ဆောက်ရေး၊ ဓာတ်ငွေ့သန့်စင် စက်ရုံ တည်ဆောက်ရေး စသည့် လုပ်ငန်းများအတွက် ဒေသခံ များကို အလုပ်ပေးထား နိုင်သော်လည်း ဒေသခံ အများစုမှာ နေ့စား အလုပ်သမားများ အဖြစ်သာ ရပ်တည်နေရကြောင်း သိရသည်။
“ကျနော်တို့ ဓာတ်ငွေ့ သန့်စင်စက်ရုံ ဆောက်လုပ်ရေး လုပ်ငန်းတွေမှာ ဒေသခံ ၃၀ ရာခိုင်နှုန်း ခန့်ထားပါတယ်။ အများဆုံးကတော့ မြေ သယ်၊ ကျင်းတူးစတဲ့ အလုပ်ကြမ်းတွေမှာ ခန့်ထားတာပါ။ ကျနော်တို့ အနေနဲ့ ဒေသခံတွေကို ဒီထက်ပိုကောင်းတဲ့ အလုပ်အကိုင်တွေမှာ ခန့််ထားချင်ပေမယ့် ပညာအရည်အချင်း၊ လုပ်ငန်း ကျွမ်းကျင်မှုလိုအပ်ချက် တွေ အများကြီး ရှိတဲ့အတွက် အဲဒီလို မလုပ်နိုင်ပါဘူး” ဟု MGC ကုမ္ပဏီမှ အထွေထွေ မန်နေဂျာ ဦးဇော်မင်းဦးက ဆိုသည်။
နိုင်ငံတကာ ရင်းနှီးမြှုပ်နှံမှုများ အလုံးအရင်းနှင့် ၀င်ရောက်လာချိန်တွင် ဒေသခံများ၏ ပညာရေး အခြေအနေ နိမ့်ကျမှု၊ လုပ်ငန်း မကျွမ်းကျင်မှု၊ အရည်အသွေး မပြည့်မီမှုတို့သည် မြန်မာနိုင်ငံအတွက် ကြီးမားသော စိန်ခေါ်မှုများ ဖြစ်ကြောင်း ရွှေ သဘာဝဓာတ်ငွေ့လုပ်ငန်း ဆန့်ကျင် လှုပ်ရှားမှု အဖွဲ့ခေါင်းဆောင် ဦးဝင်းအောင်က ဧရာဝတီနှင့် သီးသန့် တွေ့ဆုံမေးမြန်းစဉ် ပြောကြားခဲ့သည်။
ရွှေသဘာဝဓာတ်ငွေ့ ပိုက်လိုင်း စီမံကိန်းကို ၂၀၁၃ ခုနှစ်အတွင်း အပြီးသတ် ဆောင်ရွက်မည်ဖြစ်ပြီး စီမံကိန်း ပြီးစီးပါက ထွက်ရှိမည့် သဘာဝဓာတ်ငွေ့ကို တရုတ်၊ အိန္ဒိယနှင့် ကိုရီးယား နိုင်ငံများနှင့် မြန်မာ့ရေနံနှင့် သဘာဝဓာတ်ငွေ့လုပ်ငန်းတို့က ခွဲဝေ ရယူကြမည်ဖြစ်ကြောင်း သိရသည်။ ခွဲဝေယူရာတွင် တရုတ်နိုင်ငံမှ ရာခိုင်နှုန်း အများဆုံးအဖြစ် ၅၀ ဒဿမ ၉ ရာခိုင်နှုန်း ရရှိမည်ဖြစ်ကာ မြန်မာ့ရေနံနှင့် သဘာဝဓာတ်ငွေ့ လုပ်ငန်းမှရရှိမည့် သဘာဝဓာတ်ငွေ့ကို ရခိုင်ပြည်နယ်အတွက် အသုံးပြုမည်၊ မပြုမည်ကို တရားဝင် သတင်းထုတ်ပြန်မှု မရှိသေးပေ။
Ref: ဧရာဝတီ
Read More...
Collapse...
ကြယ်ပြာ
January 10, 2013
အင်းလေးကန်နှင့် စပ်ဆက်နေသော ဖယ်ခုံအင်းအတွင်းရှိ ရေလယ်ကျွန်း ၂ ကျွန်းကို တပ်မြေဖြစ်ကြောင်း ဒေသခံများအား လတ် မှတ်ထိုးခိုင်းပြီး ယင်းကျွန်းများပေါ်တွင် ဟိုတယ်ဇုန် တည်ဆောက်ခွင့်ရရန် စီးပွားရေး လုပ်ငန်းရှင်များက ကြိုးပမ်း နေကြကြောင်း သိရသည်။
အဆိုပါ ရေလယ်ကျွန်းများ ဖြစ်ကြသော လွယ်ပန်းစုံကျွန်းနှင့် ဟိုတိန်းတောင် ကျွန်းများက ဖယ်ခုံမြို့နယ် လွယ်ပေါကျေးရွာ အုပ်စုတွင် ပါရှိပြီး နှစ်ကျွန်းပေါင်း မြေဧက ၈၀၀ နီးပါးခန့် ရှိသည်။
ကျွန်းများသည် ယခင်ကတောင်များဖြစ်ခဲ့ပြီး ၁၉၆၇ ခုနှစ်တွင် ကယားပြည်နယ်ရှိ လောပိတ ရေအားလျှပ်စစ် စီမံကိန်းအတွက် ဘီလူး ချောင်းကိုပိတ်၍ မိုးဗြဲဆည် တည်ဆောက်လိုက်ရာမှ လယ်ဧက ၂ သောင်းကျော် ရေများဖုံးလွှမ်းသွားခဲ့ကာ တောင်များသည်လည်း ကျွန်းအဖြစ်သို့ ပြောင်းလဲသွားခဲ့ခြင်း ဖြစ်သည်။
အိုးအိမ်မဲ့ ဖြစ်သွားခဲ့ရသော ဒေသခံများ ၁၉၆၈ ခုနှစ်မှစတင်၍ အဆိုပါ ကျွန်းများပေါ်သို့ ပြောင်းရွှေ့ နေထိုင်လာခဲ့ကြကြောင်း၊ နောက်ပိုင်းတွင် အစိုးရစစ်တပ် ရောက်ရှိလာပြီးနောက် ၁၉၉၄ ခုနှစ်၌ ထိုကျွန်းများကို ဖယ်ခုံမြို့ရှိ ကာကွယ်ရေးဝန်ကြီးဌာန စစ်ဗျူဟာအဖွဲ့သို့ လွှဲပြောင်း ပေးအပ်ခဲ့ကြောင်း သိရသည်။
“ဒေသခံတွေ အရင်ရောက်ပေမယ့် တပ်ပိုင်မြေအဖြစ် လုပ်ထားပြီးသားပါ ဟိုတယ်လုပ်ငန်းရှင်တွေက လာကြည့်သွားကြတယ်။ မြေလွတ်ရှိရင် လုပ်မယ်၊ မရှိရင် အစိုးရနဲ့ပေါင်းလုပ်မယ်”ဟု အင်းတိုင်းရင်းသား ရေးရာဝန်ကြီး ဦးဝင်းမြင့်က ဧရာဝတီသို့ ပြောသည်။
ဆက်လက်၍ ၎င်းက ဟိုတယ်ဇုန်ဆောက်လုပ်ရန် ဖြစ်နိုင်သည့်အချက်များမှာ ယင်းကျွန်းများသည် သာယာလှပပြီး နိုင်ငံခြားသားများ ကြိုက်နှစ်သက်မည် ဖြစ်ကြောင်း၊ အင်းလေးကန်နှင့် ကန်ရေပြင် တဆက်တည်း ဖြစ်ပြီး မနီးမဝေး အနေအထား၌ တည်ရှိနေခြင်း၊ ဟိုတယ်ဇုန် ဆောက်ပြီးပါက ယင်းနေရာတွင် ခရီးတထောက်နားကာ ကယားပြည်နယ် လွိုင်ကော်မြို့သို့ ဆက်လက် သွားရောက်နိုင်မည် ဖြစ်ပြီး ပဒေါင်တိုင်းရင်းသားတို့၏ ရိုးရာဓလေ့ များအားလည်း လေ့လာနိုင်မည် ဖြစ်သောကြောင့် စီးပွားရေး လုပ်ငန်းရှင်များအနေဖြင့် စိတ်ဝင်စားနေကြခြင်း ဖြစ်သည်ဟု ဆိုသည်။
ဖယ်ခုံမြို့ပေါ်တွင်လည်း ဟိုတယ်ဇုန် ဆောက်ရန် အလားအလာ ရှိနေကြောင်း သူက ထပ်လောင်းပြောသည်။
အင်းလေးကန်အတွင်း ဟိုတယ်ဇုန် ထပ်မံတည်ဆောက်ရေးနှင့် ပတ်သက်ပြီး အင်းတိုင်းရင်းသား တို့နှင့် ပြဿနာဖြစ်နေသည့် အခြေ အနေတွင် ကျွန်းနှစ်ကျွန်းပေါ်မှ ဒေသခံများက ထိတ်လန့်ကာ ၎င်းတို့၏ နေရာတွင် ဟိုတယ်ဇုန် မပြုလုပ်ပါရန် ရှမ်းပြည်နယ် ၀န်ကြီးချုပ် ထံသို့ အသနားခံစာ တင်လိုက်ကြောင်း၊ သို့သော် ဖယ်ခုံမြို့နယ် မြေစာရင်းဦးစီးဌာနက လာရောက်၍ တပ်ပိုင်မြေ ဖြစ်သည်ဟု လတ်မှတ် ထိုး ခိုင်းစေလိုက်ခြင်းဖြစ်ကြောင်း သိရသည်။
“သူတို့ကပြောတယ်၊ လတ်မှတ်မထိုးလည်း သိမ်းမှာပဲ၊ ထိုးလည်း သိမ်းမှာပဲ ဆိုတော့ ရွေးချယ်ခွင့်မှ မရှိတော့တာ၊ ထိုးပေး လိုက်တာပေါ့။ ဒီကျွန်းတွေ မရှိတော့ရင် ကျနော်တို့ ဘယ်သွားနေရမှာလဲ။ ဘေးပတ်ချာလည်က ရေပြင်ကြီးပဲ”ဟု လွယ်ပန်းစုံ ကျွန်းသား ဦးလွန်းကျော်က ပြောသည်။
ယင်းဒေသတွင် အင်းတိုင်းရင်းသားများ အများစုနေထိုင်နေကြပြီး စီးပွားရေး လုပ်ငန်းအနေဖြင့် စပါး၊ ပြောင်း စိုက်ပျိုးခြင်းနှင့် ငါးဖမ်း ခြင်းဖြင့် အသက်မွေးကြသည်။ ယင်းနောက် ကာကွယ်ရေး ၀န်ကြီးဌာန လက်အောက်သို့ ရောက်ရှိသွားခဲ့ပြီး အင်းလေးကန် ဟိုတယ်ဇုန် ကိစ္စမပေါ်ခင် အထိ တနှစ်လျှင် လယ်တဧကအတွက် ကျပ် ၂၅၀၀ နှင့် ပြောင်းပိဿာ ၁၀၀ ပေးဆောင်ကာ အဆင်ပြေခဲ့ကြောင်း၊ အင်းလေးကန် အတွင်း ဟိုတယ်ဇုန် ထပ်မံဆောက်ခွင့် ပိတ်လိုက်သည်မှစ၍ ယခုကဲ့သို့ တပ်ပိုင်မြေများ ဖြစ်ကြောင်း လတ်မှတ် လိုက် ထိုးစေခဲ့ခြင်း ဖြစ်ကြောင်း သိရသည်။
“လွန်ခဲ့တဲ့ ၁၀ နှစ်က ၁ ရက်လုပ်ရင် ၂ ရက် စားရတယ်။ အခုနောက်ပိုင်းမှာ ငါးတွေကလည်း ရှားလာတယ်။ မြေဆီ တွေကလည်း ညံ့၊ ပြောင်းအထွက်နှုန်းပါ လျော့လာတယ်။ ဒီကြားထဲ ဟိုတယ်ဇုန် ဆောက်မယ်ဆိုတော့ ကျနော်တို့ ဘ၀ပျက်ပြီပေါ့”ဟု လွယ်ပန်းစုံကျွန်း အုပ်ချုပ်ရေးမှူး ဦခင်မောင်က ဆိုသည်။
ဟိုတယ်ဇုန် မဆောက်ပါရန် အသနားခံစာကို ကျွန်းသားများက ရှမ်းပြည်နယ် ၀န်ကြီးချုပ်ထံသို့ ထပ်မံ၍ စာတင်ထားပြီး ဖယ်ခုံမြို့နယ် ပြည်သူ့လွှတ်တော် ကိုယ်စားလှယ်ထံသို့လည်း စာပို့ထားကြောင်း သိရသည်။
ဖယ်ခုံအင်း၌ ကဲ့သို့ အင်းလေးကန် အရှေ့ဘက် တောင်ခြေတွင် တည်ဆောက်မည့် ဟိုတယ်ဇုန်သစ် စီမံကိန်းအတွက် အစိုးရက မြေ ၆၂၂ ဧကကို ၂၀၁၂ ခုနှစ် ဒီဇင်ဘာလက သိမ်းယူထားခဲ့ကြောင်း၊ ယင်းမြေများထဲတွင် ဘုန်းကြီးကျောင်း ၁၃ ကျောင်း၏ ထင်းစိုက်ခင်း ဧရိယာ ဧက ၃၀၀ ကျော်နှင့် ဒေသခံများ၏ စိုက်ခင်းများ ပါဝင်နေကြောင်း၊ သစ်တောနှင့် သတ္တုတွင်းဝန်ကြီးဌာနက သိမ်းယူထားသည့် မြေများထဲမှ တချို့အား အစားပြန်ပေးရန် ညှိနှိုင်းပေးသွားမည် ဖြစ်ကြောင်း သတင်းများက ဆိုသည်။
Ref: ဧရာဝတီ
Read More...
Collapse...
2013-01-09
ဇိုမီးဒီမိုကရေစီအဖွဲ့ချုပ် Zomi Congress for Democracy (ZCD) ပါတီရဲ့ ပထမဦးဆုံး ချင်းပြည်နယ် ရုံးခန်းဖွင့်ပွဲအခမ်းအနားကို တီးတိန်မြို့၊ မြို့မရပ်ကွက်မှာ ဒီကနေ့ နေ့လည်က ကျင်းပပြုလုပ်ရာ ပြည်ခိုင်ဖြိုးပါတီဝင်များ၊ တိုင်းရင်းသားစည်းလုံးညီညွတ်ရေး ပါတီဝင်များ၊ ချင်း အမျိုးသားပါတီဝင်များ၊ စုစုပေါင်း လူဦးရေ (၅၀၀)ခန့် တက်ရောက်ကြတယ်လို့ သိရပါတယ်။
ပြည်နယ်ပါတီ ဆိုင်းဘုတ်တင် အခမ်းအနားမှာ ပါတီဥက္ကဌ ပူးကျင့်ရှင်းထန်က အခုပါတီသစ် ZCD ဟာ နဂိုမူလ ဇိုမီးအမျိုးသား ကွန်ဂရက်ပါတီမူအတိုင်း ဆက်လက်ရပ်တည်မှာဖြစ်ကြောင်း၊ အမျိုးသားသွေးစည်းညီညွှတ်ရေးအတွက် ပင်လုံကဲ့သို့ညီလာခံဟာ အရေးကြီးကြောင်း၊ တိုင်းရင်းသားအားလုံးပါဝင်တဲ့ ဖက်ဒရယ်ပြည်ထောင်စု တည်ဆောက်မှသာလျှင် ထာဝရငြိမ်းချမ်းရေးကို ရရှိနိုင်မှာဖြစ်ကြောင်း ပြောကြားခဲ့တယ်လို့ ပါတီအထွေထွေအတွင်းရေးမှူး ပူဂင့်ကမ်းလျှမ် က ပြောပါတယ်။
ZCD ပါတီရုံးခန်းဖွင့်ရတာဟာ ၂၀၀၈ဖွဲ့စည်းပုံအခြေခံဥပဒေကို ဘယ်လိုပြင်မလဲဆိုတဲ့ အဓိကနိုင်ငံရေး ရည်မှန်းချက်တွေ အကောင် အထည်ဖော်ဖို့ ဖြစ်တယ်လို့လည်း ပူဂင့်ကမ်းလျှမ် က ပြောပါတယ်။
ဒီအခမ်းအနားကို အမျိုးသားဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်၊ မွန်ဒီမိုကရေစီ ပါတီနဲ့ ၈၈မျိုးဆက်ကျောင်းသားများအဖွဲ့တို့က ဂုဏ်ပြုသဝဏ်လွှာတွေ ပေးပို့ခဲ့ကြတယ်လို့လည်း သိရပါတယ်။
ဇိုမီးဒီမိုကရေစီအဖွဲ့ချုပ်ဟာ ဇန်နဝါရီ ၁၁ရက်မှာ တွန်းဇံမြို့မှာ မြို့နယ်ရုံး ၁၄ရက်မှာ စစ်ကိုင်းတိုင်း ကလေးမြို့မှာ တိုင်းရုံး ဖွင့်လှစ် မှာဖြစ်ပြီး ချင်းပြည်နယ် ကျီခါးနဲ့ စစ်ကိုင်းတိုင်း တမူးမြို့တို့မှာလည်း မြို့နယ်ရုံးခွဲတွေ ထပ်မံဖွင့်လှစ်သွားဖို့ ရှိတယ်လို့ သိရပါတယ်။
ဇိုမီးအမျိုးသား ကွန်ကရက်ပါတီ ZNCဟာ ယခင်စစ်အစိုးရလက်ထက် ၁၉၉၂ခုနှစ်က ဖျက်သိမ်းခံခဲ့ရပြီး ယခုအစိုးရလက်ထက် ပြန် လည်မှတ်ပုံတင်ရာမှာ ZNC အမည်နဲ့ လက်မခံတဲ့အတွက် ဇိုမီးဒီမိုကရေစီအဖွဲ့ချုပ် ZCD အနေနဲ့ ၂၀၁၂ခုနှစ် သြဂုတ်လမှာ ပြန် လည်မှတ်ပုံတင်ခဲ့တာ ဖြစ်ပါတယ်။
Ref: အာရ်အဖ်အေ
Read More...
Collapse...
2013-01-09
ရခိုင်ပြည်နယ် စစ်တွေမြို့ကနေပြီး တနင်္သာရီတုိုင်း ကော့သောင်းမြို့ကို အခုလဆန်းပိုင်းက စက်လှေနဲ့ရောက်ရှိလာတဲ့ ရိုဟင်ဂျာ ၈၅ ယောက်ကို လူဝင်မှုကြီးကြပ်ရေးအက်ဥပဒေအရ တရားစွဲ အရေးယူသွားဖို့ ပြီးခဲ့တဲ့ ရက်ပိုင်းကပဲ ကော့သောင်းလူဝင်မှုကြီးကြပ်ရေး ဌာနကနေ နေပြည်တော်ကို တင်ပြလိုက်ကြောင်း သိရပါတယ်။
ကော့သောင်းမြို့ကို ရောက်သွားကြတဲ့ ရိုဟင်ဂျာ တွေဟာ သက်သေခံအထောက်အထား လက်မှတ်တစ်စုံတစ်ရာ မရှိကြတဲ့အတွက် နေရင်းဌာနေ ကို ပြန်မပို့ သေးဘဲ လ၀က ဥပဒေနဲ့ အရေးယူဖို့ တင်ပြထားတာဖြစ်ကြောင်း ကော့သောင်းမြို့နယ် လူဝင်မှုကြီးကြပ် ရေးဌာနက အရာရှိက ပြောပါတယ်။
လူဝင်မှု ကြီးကြပ်ရေး အက်ဥပဒေနဲ့ တရားစွဲခံရပြီး ပြစ်ဒဏ်ကျခံရမယ်ဆိုရင် အနည်းဆုံးဒဏ်ငွေ ၅၀၀ ကျပ်နဲ့ အမြင့်ဆုံး ၂ နှစ်ထက် မပိုတဲ့ ထောင်ဒဏ်တွေ ကျခံရမှာဖြစ်တယ်လို့ လ၀က အရာရှိက ပြောပါတယ်။
အရေးယူခံရမယ့် ရိုဟင်ဂျာ တွေဟာ ပြည်ပနိုင်ငံမှာ အလုပ်လုပ်ကိုင်ဖို့ဆိုပြီး ရခိုင်ပြည်နယ်က ထွက်လာခဲ့ရာက ပြီးခဲ့တဲ့ ဇန်နဝါရီ ၂ ရက်နေ့ ည ၁၀ နာရီခန့်မှာ ကော့သောင်းမြို့ သီရီမြိုင်ရပ်ကွက်ကို ဆိုက်ရောက်လာခဲ့တာဖြစ်တယ်လို့လူဝင်မှုကြီးကြပ်ရေးအရာရှိက အခုလို ဆက်ပြောပါတယ်။
" သူတို့က ရခိုင်ပြည်နယ် စစ်တွေမြို့ သဲချောင်းဒုက္ခသည်စခန်းကပေါ့၊ သဲချောင်းကလာပြီးတော့ သူတို့က အဲဒီမှာ ပိုက်ဆံတွေ ပေးပြီး တော့ ထိုင်းကိုလာတာ၊ ကော့သောင်းကိုရောက်တော့ စက်လှေသမားက ထိုင်းနုိုင်ငံကို ရောက်ပြီဆိုပြီးတော့ ချပေးခဲ့တာ။ အသက် ၁၈ နှစ်အထက် ကျား ၃၁ ယောက်၊ မ ၅ ယောက် ပေါင်း ၃၆ ယောက်။ ၁၈ နှစ်အောက်ကတော့ ကျား ၄၀၊ မ ၉ ပေါင်း ၄၉ ပေါ့"
လောလောဆယ် သူတို့ကို ကော့သောင်းမြို့က ဆေးရုံဟောင်းမှာ နေရာချပေးထားပြီး မြို့နယ်အုပ်ချူပ်ရေး အဖွဲ့နဲ့ ဌာနဆိုင်ရာတွေက ကြည့်ရှု့စောင့်ရှောက်ထားတယ်လို့ သိရပါတယ်။
Ref: အာရ်အဖ်အေ
Read More...
Collapse...
2013-01-09
ဒုတိယကမ္ဘာစစ်အပြီး မြန်မာနိုင်ငံမှာ ဗြိတိသျှအစိုးရက လျှို့ဝှက်မြှုပ်နှံ ထားခဲ့တယ်ဆိုတဲ့ Spitfire တိုက်လေယာဉ်တွေကို ပြန်လည် ရှာဖွေတူးဖေါ်ဖို့ ရန်ကုန်ကို ရောက်ရှိနေတဲ့အဖွဲ့က သူတို့ရဲ့ တူးဖော်ရေးလုပ်ငန်းတွေကို နှစ်နှစ်အတွင်း ပြီးစီးအောင်လုပ်နိုင်မယ်လို့ မျှော်လင့်ကြောင်း ပြော ကြားလိုက်ပါတယ်။
မြှပ်နှံထားတဲ့ လေယာဉ်တွေကို ပြန်လည်ရှာဖွေတဲ့အဖွဲ့ရဲ့ ရှာဖွေမှုကို ရန်ကုန် အပြည်ပြည်ဆိုင်ရာ လေဆိပ်နဲ့ မြစ်ကြီးနားမြို့က လေယာဉ်ကွင်းမှာ စတင်နေပြီး၊ ဒီကိစ္စတွေနဲ့ ပက်သက်ပြီး သတင်းစာရှင်းလင်းပွဲ တစ်ရပ်ကို ရန်ကုန်မြို့၊ ဒဂုံမြို့နယ်ရှိ Park Royal ဟိုတယ်မှာ ဒီကနေ့ ကျင်းပခဲ့ပါတယ်။
အဲဒီတိုက်လေယာဉ်တွေ ပြန်လည် တူးဖော်ဖို့ကို ပြီးခဲ့တဲ့ ၂၀၁၂ခုနှစ် ဧပြီလက ဗြိတိသျှဝန်ကြီးချုပ် ဒေးဗစ်ကင်မရွန်း မြန်မာနိုင်ငံကို လာရောက် လည်ပတ်ပြီး နောက်ပိုင်းမှာ နှစ်ဖက်အစိုးရတွေနဲ့ ရွေတောင်ပေါ်အုပ်စု ကုမ္ပဏီတို့အကြား သဘောတူ ပူးပေါင်းခဲ့တာ ဖြစ်ပါတယ်။
အခုလို တူးဖော်ရာမှာ ကန်ထရိုက် (၂)နှစ်စာချုပ်အတွင်း တိုက်လေယာဉ် အစီး(၆၀)ကို မင်္ဂလာဒုံမြို့နယ်မှာ (၃၆)စီး၊ မြစ်ကြီးနားမြို့မှာ (၁၈)စီးနဲ့ မိထ္ထီလာမြို့မှာ (၆)စီး တူးဖော်သွားဖို့ စီစဉ်ထားပါတယ်။
ဒီအခမ်းအနားကို ရွှေတောင်ပေါ်အုပ်စု ကုမ္ပဏီလိမိတက်မှ ဦးဆောင်ညွန်ကြားရေးမှူး ဦးထူးထူးဇော် အပြင် ဒဂုံတက္ကသိုလ်က ဘူမိဗေဒ ပါမောက္ခဟောင်း ဦးစိုးသိန်း၊ အင်္ဂလန်နိုင်ငံက လေယာဉ်သမိုင်း လေ့လာသူနဲ့ ပညာရှင် Mr.David Cundall နဲ့ လေယာဉ်ရှိကြောင်း စတင်တူးဖော်တွေ့ရှိခဲ့တဲ့ မျက်မြင်သက်သေ Mr.Staniey Combe တို့တက်ရောက်ခဲ့ကြပြီး ပြည်တွင်း၊ ပြည်ပသတင်းထောက်တွေရဲ့ မေးမြန်းချက်တွေကို ပြန်လည် ဖြေကြားခဲ့ပါတယ်။
Ref: အာရ်အဖ်အေ
Read More...
Collapse...
2013-01-09
ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် တောင်ပိုင်းခရိုင်က ရန်ကုန်တိုင်း သန်လျင်နည်းပညာ တက္ကသိုလ်ရှေ့မှာ ဒီနေ့မနက်က လက်ကမ်းစာစောင်တွေ ဖြန့်ဝေတာကို ဆရာတွေနဲ့ကျောင်းလုံခြုံရေးတွေက တားဆီး ပိတ်ပင်တဲ့အတွက် ရုတ်ရုတ်သဲသဲ ဖြစ်သွားတယ် လို့သိရပါတယ်။
ဒီကနေ့ ဖြန့်ဝေတဲ့ လက်ကမ်းစာစောင်မှာ ဗကသများ အဖွဲ့ချုပ်ရဲ့ မူ ၅ ချက်၊ တောင်ပိုင်းခရိုင် ဗကသ ပေါ်ပေါက်လာပုံနဲ့ ဥက္ကဌ အဆက်ဆက်တို့ အမည်တွေ ပါဝင်ပါတယ်။
ဒါကို စစ်တပ်က ပြောင်းလာတဲ့ ကျောင်းဆရာက ဗသကဆိုတာ တရားမဝင် အဖွဲ့အစည်း ဖြစ်တဲ့အတွက် စာဝေခွင့်မရှိဘူးလို့ပိတ်ပင်သလို၊ ကျောင်းသားတွေကို မချေမငံပြော ဆိုပြီး၊ ရဲနဲ့စရဖ လုံခြုံရေးတွေ ခေါ်လိုက်တယ်လို့ ဗကသ တောင်ပိုင်းခရိုင် တာဝန်ခံ ကိုမင်းသွေး သစ်က RFA ကိုပြောပါတယ်။
အဲဒီနောက် ဆရာတွေက လက်ကမ်း ကြေညာဝေတဲ့ ကျောင်းသားတချို့ဆီက ကျောင်းသားကဒ်နဲ့ တယ်လီဖုန်းတွေ သိမ်းလိုက်တဲ့အတွက် ညနေပိုင်းမှာတော့ တခြားကျောင်းတွေကကျောင်းသားတွေပါ ရောက်လာပြီး အခြေအနေ တင်းမာလာလို့ သိမ်းထားတဲ့ပစ္စည်းတွေပြန် ပေးတယ်လို့ သိရပါတယ်။
Ref: အာရ်အဖ်အေ
Read More...
Collapse...
ဟင်္သာနီ (မွန်မြေ)
ဇန်နဝါရီလ ၀၉ ရက် ၂၀၁၃ ခုနှစ်
သမ္မတ၏ 'ကောင်းမွန်သော အုပ်ချုပ်မှု စနစ်နှင့် သန့်ရှင်းသော အစိုးရ'အား အကောင်အထည် ဖော်နိုင်ရန် ရည်ရွယ်ချက်ဖြင့် 'လာဘ်ပေး လာဘ်ယူမှု အရေးယူ ဆောင်ရွက်ရေး ကော်မီတီ'အား ဖွဲ့စည်း ရခြင်း ဖြစ်သည်ဟု နိုင်ငံတော် သမ္မတ၏ ပြောရေးဆိုခွင့်ရှိသူ အဖြစ် ဇန်နဝါရီလ ၈ ရက်နေ့ကမှ တာဝန် ပေးအပ် ခြင်းခံရသည့် ဦးရဲထွဋ် က ပြောဆိုလိုက်သည်။
“အဂတိ လိုက်စားမှုတွေ ပပျောက်အောင် လုပ်မယ်လို့လည်း သမ္မတက နေပြီး အကြိမ်ကြိမ် ပြောပါတယ်။ ပြီးခဲ့တဲ့နှစ် ကုန်ခါနီး ကျနော်တို့ အစိုးရဝန်ကြီးများနဲ့ ဌာနဆိုင်ရာ အကြီးအကဲများကို ပြောတဲ့ အစိုးရအဖွဲ့ အုပ်ချုပ်မှု ယန္တရား ပြုပြင်ပြောင်းလဲရေး လုပ်ငန်းမှာလည်း ဒီကိစ္စကို ထပ်ပြောပါတယ်။ အခု ဖွဲ့တဲ့ ကော်မတီကတော့ သမ္မတကြီးရဲ့ မူဝါဒတွေကို အကောင်အထည် ဖော်နိုင်ဖို့ အတွက် ရည်ရွယ်ပြီး တော့ ဖွဲ့တာ ဖြစ်တယ်” ဟု ဦးရဲထွဋ် က မဇ္ဈိမကို ပြောသည်။
သမ္မတ ရုံး၏ အမိန့် ကြေငြာစာ အမှတ် ၉/၂၀၁၃ ဖြင့် တနင်္လာနေ့က ဖွဲ့စည်းလိုက်သည့် အဆိုပါ ကော်မတီ၌ ဥက္ကဋ္ဌ အဖြစ် ဒုသမ္မတ ဒေါက်တာ စိုင်းမောက်ခမ်း က တာဝန်ယူကာ အဖွဲ့ဝင်များအဖြစ် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို၊ သမ္မတရုံး ဝန်ကြီးများ ဖြစ်သည့် ဦးသိန်းညွန့်၊ ဦးစိုးမောင်၊ ဦးစိုးသိန်း၊ ဦးတင်နိုင်သိန်း၊
ပြည်ထောင်စု ရှေ့နေချုပ် ဒေါက်တာ ထွန်းရှင်၊ သမ္မတ ဥပဒေ အကြံပေး အဖွဲ့ဝင် ဦးသန်းကျော်နှင့် သမ္မတရုံး ညွှန်ချုပ် ဦးလှထွန်းတို့ ပါဝင်ကြသည်။
နိုင်ငံများ၏ အဂတိ လိုက်စားမှု အခြေအနေကို စာရင်းပြုစုခဲ့သည့် Transparency International ၏ ၂၀၁၁ ခုနှစ်၊ အစီရင်ခံစာ၌လည်း မြန်မာနိုင်ငံမှာ အဂတိ လိုက်စားမှု အများဆုံး နိုင်ငံ စားရင်းဝင်အဖြစ် ဆက်လက်တည်ရှိနေ ဆဲဖြစ်ကာ အာဖဂန်နစ္စတန်နိုင်ငံနှင့် အတူ အဆင့် ၁၈၀ တွင် တည်ရှိသည်။
ယခု ကော်မီတီ ထိရောက်စွာ အလုပ်လုပ် နိုင်ရန်အတွက် ဥပဒေပြုရေး၊ လုပ်ထုံးလုပ်နည်း ပြင်ဆင်ခြင်း၊ တိုင်ကြား မှုများကို စစ်ဆေး အရေးယူသည့် လုပ်နည်း စနစ်များကို ပြည်လည် သုံးသပ်ကာ လိုအပ်မည့် မူဝါဒလုပ်နည်း စနစ်များ ယေဘူယျ ရည်မှန်းချက် သတ်မှတ်ကာ တာဝန် ပေးအပ်ထားခြင်းများ ရှိသော်လည်း အသေးစိတ် လုပ်ငန်းတာဝန်များမှာ ဥက္ကဋ္ဌမှ ကော်မီတီ အစည်းအဝေး ခေါ်ယူပြီး နောက် ပိုင်းမှသာ သိရှိနိုင်မည်ဟု ဆိုသည်။
ကော်မီတီ အစည်းအဝေး ခေါ်ယူမည့် နေရက်ကိုလည်း လောလော ဆယ်၌ မသတ်မှတ် ရသေး ကြောင်းလည်း သမ္မတ၏ ပြောရေးဆို ခွင့်ရှိသူ ဦးရဲထွဋ် က ဆိုသည်။
မြန်မာ နိုင်ငံတွင် အဂတိ လိုက်စားမှုမှာ ကာလကြာရှည်စွာ အမြစ်တွယ် လာသည့် အနေအထား ဖြစ်ကာ အမြစ်ပြတ် တိုက်ဖျက်နိုင်ရန်မှာ စဉ်ဆက်မပြတ် လုပ်ဆောင် သွားရမည့် လုပ်ငန်းစဉ် ဖြစ်ကြောင်းလည်း ၎င်းက ဆိုသည်။
“လူရှိနေတဲ့ အတွက်ကြောင့် ဒီပြဿနာတွေက ရှိနေမှာပဲ။ အဂတိ လိုက်စားမှုတို့၊ လာဘ်ပေး လာဘ်ယူမှုတို့ ဘယ်အချိန်မှာ အမြစ်ပြတ် အောင် ဖြေရှင်းဆိုတာက ကျနော်တို့ အမြဲတမ်း လုပ်သွားရမယ့် လုပ်ငန်းစဉ်ကြီးကို။ ဒီမိုကရေစီ နိုင်ငံတွေတောင်မှ ဒီပြသနာတွေ ဖြစ်လို့ အကြိမ်ကြိမ် အဖန်ဖန် ပြန်လည် ဖြေရှင်းခြင်း၊ လုပ်ထုံး လုပ်နည်းတွေ ပြုပြင်ခြင်းတွေ လုပ်နေရသေးတာပဲ။ ကောင်းမွန်သော အုပ်ချုပ်ရေး စနစ် ပေါ်ပေါက်ဖို့အတွက် ဒီလုပ်ငန်း စဉ်ကြီးက စဉ်ဆက်မပြတ် လုပ်နေရမယ့် လုပ်ငန်းလို့ပဲ ကျနော်တို့ ခံယူထားပါတယ်” ဟု ဦးရဲထွဋ် က ပြောသည်။
ယခုကဲ့သို့ ကော်မီတီ ဖွဲ့၍ လုပ်ဆောင်ရခြင်းမှာလည်း ဖြစ်ပေါ်လာသည့် အဂတိ လိုက်စားမှု၊ လာဘ်ပေး လာဘ်ယူမှုများ ဖြစ်ပွားလာပါက ကိုင်တွယ်နိုင်ရန်အတွက် မှန်ကန်သည့် ကိုင်တွယ်မှုစနစ်၊ လုပ်ထုံးလုပ်နည်းများ၊ အရေးယူမှု စနစ်များ ပေါ်ပေါက်လာရန် ရှေးရှူခြင်း ဖြစ်သည်ဟု ၎င်းက ဆက်ပြောသည်။
ဤကော်မီတီ ဖွဲ့စည်းခြင်း သည်လည်း ပြည်ထောင်စု အစိုးရ အဖွဲ့များ အနေဖြင့် သမ္မတ ကြီး၏ မူဝါဒများအား မဖြစ်မနေ အကောင်အထည် ဖော်ကြရန် စိတ်ပိုင်းဖြတ်ထားသည့် အပေါ် မိမိတို့၏ Political will (ပြင်းပြသော နိုင်ငံရေးဆန္ဒ) ကို ပြသသည့် ထုတ်ဖော် ခြင်းလည်း ဖြစ် ကြောင်း သမ္မတ၏ ပြောရေးဆိုခွင့်ရှိသူ ဦးရဲထွဋ် က ပြောဆိုသွားသည်။
Ref: မဇ္ဈိမ
Read More...
Collapse...
ဟင်္သာနီ (မွန်မြေ)
ဇန်နဝါရီလ ၀၉ ရက် ၂၀၁၃ ခုနှစ်
ကချင်စစ်ပွဲ ရပ်ဆိုင်း ရေး နှင့် နိုင်ငံရေးတွေ့ဆုံဆွေးနွေးရေးအတွက် ၀ိုင်းဝန်း ပန်ကြားလုပ်ဆောင်ပေးရန် KNUနှင့် တွေ့ဆုံစဉ် နိုင်ငံတော် သမ္မတနှင့် ကာကွယ်ရေးဦးစီးချုပ်တို့က ပြောကြားခဲ့ကြောင်း KNU အထွေထွေအတွင်းရေးမှူး ဗဒိုကွယ်ထူးဝင်းက ပြောသည်။
ဗဒိုကွယ်ထူးဝင်းက “ကျွန်တော် တို့ကို မြန်မာ အစိုးရက ခင်ဗျား တို့လည်း တတ်နိုင်တဲ့ ဘက်က ဝိုင်းဝန်း လုပ်ဆောင် ပြီးတော့ ဒီတိုက်ပွဲ ရပ်ပြီးတော့ တွေ့ဆုံ နိုင်ဖို့ လုပ်ဆောင် ကြပါလို့ ပြောတာ ပန်ကြား တာတော့ ရှိတယ်၊ သူတို့ ဘက်ကလည်း တတ်နိုင်တဲ့ နည်းလမ်းက လုပ်နေ တယ်လို့ ပြောတယ်” ဟု မဇ္ဈိမအား ပြောသည်။
သမ္မတမှ ထိုးစစ်ဆင် တိုက်ခိုက်မှုများ မပြုလုပ်ရန် ညွှန်ကြား ထားသော်လည်း ကေအိုင်အိုနှင့် အစိုးရတပ်များကြား ယနေ့ထိတိုက်ပွဲများ ဖြစ်ပွား နေဆဲ ဖြစ်သည်။
ယင်းအချက် ကို ကာကွယ်ရေးဦးစီးချုပ် ဒုဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံစဉ် ၎င်းတို့ဘက်မှ တင်ပြ ခဲ့ကြောင်းကို ဗဒိုကွယ်ထူး ၀င်းပြောသည်။
၎င်းက “ အဲဒီ ကိစ္စကို ကာချုပ်ကို ဆွေးနွေး တင်ပြတယ်၊ သူတို့ တင်ပြချက်က သူတို့ ဌာန ချုပ်ကို သိမ်းပိုက်ပြီး ဦးတည် တိုက်နေတာ မဟုတ်ဘူး၊ အဲဒီ မှာ ရှိနေတဲ့ ကျွံနေတဲ့ စစ်စခန်း တစ်ခုကို ရိက္ခာ ပို့နိုင်ဖို့ ကချင်ဆီကို ခွင့်တောင်းတာ ကချင်က ခွင့်မပြုဘူး၊ သူတို့ အဲဒီမှာ ရှိတဲ့ ရဲဘော်တွေ ရိက္ခာတွေ မရှိလို့ ငတ်နေပီ၊ ခြေကျင်တပ်တွေ သုံးပေမယ့် ကချင်ဘက်က မြေမြုပ် ဗုံးတွေ သုံးတယ်၊ သံဆူး ကြိုးတွေ ကာထားတယ်၊ အဲလို အခြေအနေတွေ ရှိတယ်” ဟု ကာချုပ်မှ ပြန်လည်ပြောဆိုကြောင်း ရှင်းပြသည်။
KNU ခေါင်းဆောင်အဖွဲ့သည် သမ္မတနှင့် ဒု-သမ္မတ (၂) တို့နှင့် ဇန်နဝါရီလ (၅) ရက်နေ့၌ တွေ့ဆုံကာ ကာကွယ်ရေး ဦးစီးချုပ်နှင့်လည်း ဇန်နဝါရီလ (၆) ရက်နေ့၌ တွေ့ဆုံ ခဲ့ပြီးနောက် ယမန်နေ့က ကိုယ်စားလှယ်များ ဌာနချုပ် စခန်းသို့ ပြန်လည် ရောက်ရှိလာပြီ ဖြစ်သည်။
တစ်ဆက် တည်းပင် ယမန်နေ့ ၌လည်း မဲဆောက် မြို့၌ သမ္မတမှ ဖိတ်ကြား၍ သွားရောက် ခဲ့သည့် ခရီးစဉ်နှင့် ပတ်သက်ကာ သတင်းစာ ရှင်းလင်းပွဲ တစ်ရပ် ပြုလုပ်ရန် စီစဉ်ခဲ့သော်လည်း နောက်ပိုင်း၌ ၎င်းအစီ အစဉ်ကို ဖျက်သိမ်းကာ ၎င်းအစား ယနေ့ ရက်စွဲဖြင့် ကြေငြာချက် တစ်ရပ် ထုတ်ပြန် ခဲ့ပါသည်။
စစ်အရှိန် မြှင့်ကာ လေကြောင်းများ အသုံးပြု တိုက်ခိုက် ခြင်းများမှာ နိုင်ငံ တကာ၏ အမြင်၌ လည်းကောင်း၊ တိုင်းရင်း သားများ အမြင်၌ လည်းကောင်း နိုင်ငံတော်နှင့် တပ်မတော် အပေါ်၌ ယုံကြည်မှု လျော့ပါးလာကာ ပြည်တွင်း ငြိမ်းချမ်းရေး တည်ဆောက် နေသည့် ကာလ၌ စစ်ရေး အရှိန် မြှင့်နေ ခြင်းသည် နိုင်ငံတော် သိက္ခာနှင့် အစိုးရ သိက္ခာကို ထိခိုက် နေကြောင်း မိမိတို့ တင်ပြခဲ့သည်ဟု ၄င်းကပြောသည်။
ထို့ပြင် ကချင် အဖွဲ့နှင့် မိမိတို့ တွေ့ဆုံ ခဲ့စဉ် ၌လည်း ကချင် တပ်စခန်း (၄၀) ခန့်အား ဆုတ်ပေးရန် အစိုးရ ဘက်မှ တောင်းဆိုမှုလည်း ရှိခဲ့ကြောင်း ဗဒို ကွယ်ထူးဝင်းမှ ဆက်ပြောသည်။
KNU အနေနှင့်မူ အပစ် အခတ် ရပ်စဲရေးနှင့် ပတ်သက်၍ ခိုင်မာသည့် ယုံကြည်မှု တည်ဆောက် နိုင်ရန်နှင့် နိုင်ငံရေး အဆင့် တွေ့ဆုံ ဆွေးနွေးမှု ဖြစ်ပေါ် နိုင်ရန်နှင့် ပြည်သူ လူထုများ ယုံကြည်စိတ်ချ အာမခံ ပေးနိုင်သည့် အပစ်အခတ် ရပ်စဲရေး ဆိုင်ရာ သဘော တူညီချက်များ ရရှိရန် မြန်မာ အစိုးရနှင့် ဆွေးနွေး ခဲ့ကြကြောင်း ကြေငြာ ချက်တွင် ဖော်ပြထားသည်။
“ကျွန်တော်တို့ ရရှိ ထာတဲ့ ပဏာမ သဘော တူညီ ချက်နဲ့ နှစ်ဖက် တပ်များ အကြား လိုက်နာ ရမည့် စည်းကမ်းများ၊ လူထုကို ခြိမ်းခြောက်သည့် လှုပ်ရှားမှုများ၊ နှစ်ဖက် တပ်စခန်းများ နေရာ ချထားရေး အဲဒါတွေကို ခိုင်မာတဲ့ သဘော တူညီချက် ရအောင် နောက်လာမယ့် တွေ့ဆုံပွဲမှာ ဆက်လက် ဆွေးနွေး သွားရဦးမယ်” ဟု ဗဒို ကွယ်ထူးဝင်းမှ မဇ္ဈိမအား ပြောသည်။
ပြီးခဲ့သည့် ၂၀၁၂ စက်တင်ဘာလ (၃) ရက်နေ့မှ (၅) ရက်နေ့ အထိ ဘားအံမြို့ ဇွဲကပင် ဟိုတယ်၌ ပြုလုပ် ခဲ့သည့် ပြည်ထောင်စု ငြိမ်း ချမ်းရေး ဖော်ဆောင်ရေး ကော်မရှင်နှင့် KNU တို့ တွေ့ဆုံ ခဲ့စဉ် ၌လည်း ကရင် ပြည်နယ် အတွင်းရှိ အစိုးရ တပ်တည် (၃၀၀) အနက် (၉၀) ခန့်အား ရွှေ့ပေးရန် KNU မှ တောင်းဆို ထားခဲ့ဖူး
သည်။
KNU သည် အချက် ၄ ချက် အခြေခံဖြင့် ၂၀၁၂ ခုနှစ်၊ ဇန်နဝါရီလ ၁၂ ရက်နေ့က ဘားအံမြို့ ဇွဲကပင် ဟိုတယ် ဆွေးနွေးပွဲ ၌ အပစ် အခတ် ရပ်စဲရေး သဘော တူညီချက် စာချုပ်ကို ပြည်နယ် အစိုးရနှင့် ချုပ်ဆိုခဲ့ပြီး ဖြစ်သည်။
Ref: မဇ္ဈိမ
Read More...
Collapse...
အောင်မြတ်ထွန်း
ဇန်နဝါရီလ ၀၉ ရက် ၂၀၁၃ ခုနှစ်
သံလျင်မြို့နယ်နှင့် ကျောက်တန်းမြို့နယ်တို့တွင် တည်ဆောက်မည့် သီလ၀ါ အထူးစီးပွားရေးဇုံအတွက် အများပိုင် ကုမ္ပဏီများဖြင့် တည်ဆောက်လည်ပတ်နိုင်ရန် လိုအပ်သည်ဟု အမျိုးသားစီမံကိန်းနှင့် ဖွံ့ဖြိုးတိုးတက်ရေး ဒုဝန်ကြီး ဦးဆက်အောင်က ပြောသည်။
“အစုရှယ်ယာများကို တစ်ဦးတစ်ယောက်ချင်း၊ အစုအဖွဲ့အလိုက် အများပိုင် ကုမ္ပဏီ ဖြစ်ရန် ရည်ရွယ်ထားခြင်းကတော့ မြန်မာနိုင်ငံသား အားလုံးပါဝင်နိုင်ရန်အတွက်ဖြစ်ပြီး တစ်ဦးတစ်ယောက်ထဲက အားလုံးကို လက်ဝါးကြီးအုပ် ၀ယ်ယူခြင်းမဖြစ်ရအောင် တစ်ဦးကို ရှယ်ယာဘယ်လောက်၊ ကုမ္ပဏီတစ်ခုကို ရှယ်ယာဘယ်လောက် ဆိုတာ သတ်မှတ်ထားဖို့ လိုပါတယ်” ဟု ဦးဆက်အောင်က ပြောသည်။
စီးပွားရေးဇုံကို အဓိကအားဖြင့် ဂျပန်-မြန်မာ ပူးပေါင်းလုပ်ကိုင်မည် ဖြစ်ပြီး ဂျပန်မှ ၄၉ ရာခိုင်နှုန်းနှင့် မြန်မာမှ ၅၁ ရာခိုင်နှုန်း တည် ဆောက်သွားမည်ဖြစ်ရာ ဂျပန်နိုင်ငံ၏ စီးပွားရေး လုပ်ငန်းကြီးများဖြစ်သည့် မစ်ဇူဘစ်ရှီ၊ မာရိုပီနီ၊ ဆူမိတိုမို အစရှိသည့် ကုမ္ပဏီ ကြီးများမှ ငွေကြေနှင့် နည်းပညာများ ပူးပေါင်းပါဝင် လုပ်ဆောင်မည် ဖြစ်သည်။ ဂျပန် အစိုးရဘက်မှလည်း ပူးပေါင်းကာ ဂျိုက်ကာနှင့် အခြား သောဘဏ်လုပ်ငန်းများ ပါဝင်မည်ဟု သိရသည်။
အလုပ်ရုံဆွေးနွေးပွဲကို ယခင်လတွင် အပြည်ပြည်ဆိုင်ရာ စီးပွားရေးအဆောက်အုံ(IBC) တွင် ပြုလုပ်ခဲ့ပြီး တည်ဆောက်ရေးအတွင်းမှ လယ်မြေများကို ပိုင်သည့် လယ်သမားများ ကိုယ်တိုင် ပါဝင်ဆွေးနွေးမှုများ ပြုလုပ်ခဲ့သည် ဟု ဦးဆက်အောင်မှ ဆိုသည်။ ထိုအလုပ်ရုံ ဆွေးနွေးပွဲတွင် မြန်မာကုမ္ပဏီများ ၇၀ကျော်နှင့် စိတ်ဝင်စားသူများ တက်ရောက်ခဲ့သည်။
မစ်ဆူဘစ်ရှီ၊ မာရိုပီနီ နှင့် ဆူမီတိုမို တို့မှာ လက်ရှိ ဗီယက်နမ်၊ အင်ဒိုနီးရှား၊ ထိုင်းနှင့် ဖိလစ်ပိုင်တို့တွင် အောင်မြင်နေသော စီးပွားရေး လုပ်ငန်း ကုမ္ပဏီကြီးများ ဖြစ်သည်။
အထူးစီးပွားရေးဇုံအတွက် ပြင်ပတည်ဆောက်ရေးနှင့် လျှပ်စစ်ဖြန့်ဖြူးရောင်းချရေး လုပ်ငန်းများလုပ်ကိုင်ရန် အခြားသော လုပ်ငန်းရှင်များ အနေဖြင့် သက်ဆိုင်ရာဝန်ကြီးဋ္ဌာန၏ ခွင့်ပြုချက်ယူပြီးလုပ်ကိုင်နိုင်သည်ဟု ၀န်ကြီးမှ ပြောသည်။
ထို့အပြင် ဂျပန်နိုင်ငံအစိုးရမှ ပြည်ပတည်ဆောက်ရေးအတွက် မြန်မာအစိုးရတာဝန်ယူ တည်ဆောက်ပြီး ငွေကြေးလုံ လောက်မှု မရှိခဲ့လျှင် သက်သာသော အတိုးနှုန်း ၀ ဒသမ ၁ ရာခိုင်နှုန်း နှင့် ငွေထုတ်ချေးမည်ဟုပြောထားကြောင်း သိရသည်။
ယခုတည်ဆောက်မည့် သီလ၀ါ အထူးစီးပွားရေးဇုံအနေဖြင့် အရှေ့တောင်အာရှတွင် ကြီးမားသည့် စီးပွားရေးဇုံဖြစ်ပြီး ကုန်ကျမည့် ငွေကြေးကို ဇန်န၀ါရီလကုန်ပိုင်းလောက်တွင် ဖော်ပြနိုင်မည်ဟု ဦးဆက်အောင်မှ ပြောသည်။
သီလ၀ါအထူးစီးပွားရေးဇုံနှင့် ပတ်သတ်၍ လွန်ခဲ့သော ၈လကျော်မှ စတင်ပြီး ဂျပန် နှင့် ဆွေးနွေးလုပ်ဆောင်ခဲ့ပြီး မြန်မာတို့ အလုပ်အကိုင် အခွင့်အလမ်းများ ရရှိစေခြင်းနှင့် ဘာသာရပ်ဆိုင်ရာ ကျွမ်းကျင် ပညာရှင်များ ဖြစ်လာသည် အထိ မျှော်လင့်ထားကြောင်း ကုန်သည်များ နှင့်စက်မှုလုပ်ငန်းရှင်များ အသင်းဥက္ကဋ္ဌ ဦးဝင်းအောင်က ပြောသည်။
Ref: မဇ္ဈိမ
Read More...
Collapse...
ခင်မျိုးသွယ်
ဇန်နဝါရီလ ၀၉ ရက် ၂၀၁၃ ခုနှစ်
ဒုတိယ ကမ္ဘာစစ်အတွင်းက မဟာမိတ်တပ်ဖွဲ့များ မြန်မာ့မြေတွင် မြှုပ်နှံထားခဲ့သည့် Spitfire လေယာဉ်နှင့် ဆက်စပ် ပစ္စည်းများ တူးဖော်ရန် ပဏာမ ဘူမိရူပ တိုင်းတာမှုများ ဆောင်ရွက်နေပြီဟု သိရသည်။
အောက်တိုဘာလ ၁၆ ရက်နေ့တွင် မြန်မာ့ လေကြောင်း ပို့ဆောင်ရေး ဦးစီးဌာန၊ ရွှေတောင်ပေါ် ကုမ္ပဏီလီမိတက်နှင့် ဗြိတိန်နိုင်ငံမှ DLC ကုမ္ပဏီတို့ နေပြည်တော်ရှိ တော်ဝင်ကုမုဒြာ ဟိုတယ်တွင် နားလည်မှုစာချွန်လွှာ လက်မှတ် ရေးထိုးခဲ့ခြင်း ဖြစ်သည်။
“Spitfire လေယာဉ်များကို ၁၉၉၈-၉၉ ကတည်းက မြန်မာပညာရှင်များနှင့် ပြန်လည်တူးဖော် ခဲ့တာဖြစ်ပြီး ထိုတူး ဖော်စဉ်က လေယာဉ် အစအနတွေလောက်သာ ရှာနိုင်ခဲ့သည်” ဟု မြန်မာ ဘူမိဗေဒပညာရှင် ဦးစိုးသိန်း က မဇ္စျိမသို့ ပြောကြားသည်။
“စာချုပ်မချုပ်ခင်အထိ အစီး ၁၀၀ ခန့် ရှာဖွေနိုင်ခဲ့တယ်။ အဲဒီတုန်းက နည်းပညာတွေရယ် နောက်ပြီး Apple ကုမ္ပဏီက နည်းပညာတွေရယ် ပေါင်းလိုက်တော့ ရှာရတာ ပိုပြီး လွယ်သွားတယ်” ဟု ၎င်းက ဆက်ပြောသည်။
ဗြိတိသျှ တော်ဝင်လေတပ်နှင့် မဟာမိတ်တပ်များ အသုံးပြုခဲ့ပြီး ဂျာမန်နှင့် ဝင်ရိုးတန်းနိုင်ငံများအား အနိုင်တိုက်ရာတွင် အရေးပါခဲ့သည့် တယောက်စီး ထိုတိုက်လေယာဉ်များကို ယခုခေတ် ဗြိတိသျှ လူငယ်များ ဂုဏ်ယူနိုင်ရန် အတွက် ပြတိုက်များတွင် ထားရှိပေးရန်နှင့် မျိူးဆက်သစ် ဗြိတိန် နိုင်ငံသားများအနေဖြင့် Spitfire လေယာဉ်အား သိရှိနားလည်စေရန် လေယာဉ်မောင်း နည်းပေးမည်ဟု သိရသည်။
“စပစ်ဖိုင်းယား တွေဟာ ဗြိတိန်နိုင်ငံသားတွေအတွက် သူရဲကောင်းတွေ ဖြစ်သလို ဂျာမန်လေယာဉ်တွေကို အနိုင်တိုက်နိုင်ခဲ့တဲ့ ဗြိတိန် နိုင်ငံသားတွေရဲ့ အမျိူးသားရေး လက္ခဏာ ပြယုဂ် ဖြစ်ပါတယ်။ ဒီလေယာဉ်တွေက စက်နှိုးတာနဲ့ ရွေ့နိုင်တဲ့အတွက် တိုက်ခိုက်ရေးမှာ အလွန်ကောင်းခဲ့တာ” ဟု အငြိမ်းစား ပါမောက္ခ ဦးစိုးသိန်း က ဆိုသည်။
ဒုတိယကမ္ဘာစစ်အတွင်း Spitfire လေယာဉ်များကို ဗြိတိန်နိုင်ငံမှ သယ်ဆောင်လာပြီး မြန်မာပြည်ရှိ လေယာဉ်ကွင်းများမှ တဆင့် ဂျပန်ကို ထိုးစစ်ဆင် ပြန်လည်တိုက်ခိုက်ရန် စီစဉ်ခဲ့ခြင်း ဖြစ်သည်။
“လေယာဉ်တွေရဲ့ တောင်ပံ ၊ ဘီး ၊ ကိုယ်ထည် စတာတွေ လေယာဉ် တစီးစာကို သေတ္တာတလုံးနှုန်းနဲ့ ထုပ်ပိုးပြီး မြန်မာပြည်ကို သယ်လာ ခဲ့တာ” ဟု ၎င်းက ဆိုသည်။
ယင်းလေယာဉ်များ မြန်မာပြည်သို့ရောက်ရှိချိန်တွင် အမေရိကန်က ဟီရိုရှီးမားနှင့် နာကဆာကီမြို့များပေါ် အနုမြူဗုံး ကျဲချပြီးနောက် ဂျပန်များ တရားဝင် လက်နက်ချခဲ့ရသည်။ ထို့ကြောင့် ထိုလေယာဉ်များဖြင့် ဂျပန်တိုက်ရန် အသုံးမလိုဖြစ်ခဲ့ရသည်။ သို့အတွက် ဗြိတိန် စစ်သေနာပတိချူပ် မောင့်ဘက်တန်၏ အမိန့်ဖြင့် မြန်မာပြည် တွင်းမှာပင် သေတ္တာလိုက် မြှုပ်ခဲ့ရသည်ဟု သိရသည်။ ယင်းလေယာဉ်များကို မြန်မာပြည်ရှိ စစ်လေယာဉ်ကွင်းများ ရှိရာ ၃ နေရာတွင် မြှုပ်နှံခဲ့ကြောင်း မှတ်တမ်းများအရ သိရသည်။
“အဲဒီမှတ်တမ်းတွေက ဗြိတိန်မှာ ရှိနေတယ်။ မြေမြှုပ်တုန်းက ပါဝင်ခဲ့တဲ့ အမေရိကန် စစ်သားဟောင်းတွေရဲ့ လက်ထဲမှာလည်း ဒီမှတ် တမ်းတွေ ရှိနေတယ်။ အဲဒီ မှတ်တမ်းတွေရယ်၊ ခေတ်မီနည်းပညာတွေရယ် ပေါင်းပြီး ပြန်ရှာနိုင်ခဲ့တာပါ” ဟု ဘူမိဗေဒ ပညာရှင် ဦးစိုးသိန်း က ရှင်းပြသည်။
“လေယာဉ်တွေကို မင်္ဂလာဒုံမှာ ၁၂ စီး၊ ၁၂ စီး၊ ၂၄ စီး၊ ၁၂ စီး လေးအုပ်စု၊ မြစ်ကြီးနားမှာ ၉ စီး၊ ၉ စီး နှစ်အုပ်စု၊ မိတ္ထီလာမှာ ၆ စီး တအုပ်စု မြှုပ်ခဲ့တယ်။ မြစ်ကြီးနားမှာ မြှုပ်ခဲ့တဲ့ လေယာဉ်တွေကို မြန်မာပညာရှင်အနေနဲ့ သေချာအောင် ဒီဇင်ဘာလ ၁၃ ရက်ကနေ ဇန်နဝါရီလ ၇ ရက်အထိ သွားပြီး မှတ်တမ်းတင်ခဲ့ပြီးပါပြီ။ ၁၈ စီး တွေ့ခဲ့ပြီးပါပြီ” ဟု မြန်မာပညာရှင် ၎င်းက ဆက်ပြောသည်။
ယခုအခါ Spitfire လေယာဉ်များ တူးဖော်ရန်အတွက် အင်္ဂလန် လီးစ် ယူနီဗာစတီ တက္ကသိုလ်မှ ပါမောက္ခတဦး၊ ဘူမိရူပ ပညာရှင် သုံးဦး ခေါင်းဆောင်သည့် အဖွဲ့များ ရန်ကုန်မြို့သို့ ရောက်ရှိနေပြီး မင်္ဂလာဒုံတွင် ဇန်နဝါရီလ ၉ ရက်နေ့မှ စတင်၍ တိုင်းတာမှုများ ပြုလုပ်နေပြီ ဖြစ်ကြောင်း သိရသည်။
ထိုသို့ မြန်မာနိုင်ငံအတွင်း မြှုပ်နှံ ကျန်ရစ်ခဲ့သည့် Spitfire လေယာဉ်များ ပြန်လည်တူးဖော်ရန် သမ္မတ ဦးသိန်းစိန်နှင့် သဘောတူညီချက် ရရှိထားပြီးဖြစ်ကြောင်းလည်း ၂၀၁၂ ခုနှစ်၊ ဧပြီလက မြန်မာနိုင်ငံ ခရီးစဉ်အတွင်း ဗြိတိန် ဝန်ကြီးချုပ် ဒေးဗစ်ကင်မရွန်း ကပြောဆိုခဲ့ဖူး သည်။
Ref: မဇ္ဈိမ
Read More...
Collapse...
ဖနိဒါ
ဇန်နဝါရီလ ၀၉ ရက် ၂၀၁၃ ခုနှစ်
ဇန်နဝါရီလ ၁၀ ရက်နေ့တွင် ကျရောက်သော ၆၅ ကြိမ်မြောက် 'ကချင်ပြည်နယ်နေ့'တွင် ပြည်နယ် ငြိမ်းချမ်းရေးအတွက် စီတန်း လမ်း လျှောက်ခွင့်ကို မြစ်ကြီးနားမြို့နယ် ရဲတပ်ဖွဲမှူးက အခါကြီးရက်ကြီးဖြစ် ၍ ခွင့်မပြုကြောင်း ချီတက်ပွဲ ဦးဆောင်သူ အင်ဂျားယန်မြို့နယ် လွှတ်တော်ကိုယ်စားလှယ် ဒေါ်ဒွဲဘူ က ပြော သည်။
“ခွင့်တောင်းတာ ၁၀ ရက်နေ့ မရဘူး။ အဲဒီနောက်ပိုင်းမှ ပြန်တင်ပါတဲ့။ ကျမတို့ ဟောပြောပွဲလည်း လုပ်မယ်။ စီတန်းလှည့်လည်မယ်။ ကျမတို့က နည်းဥပဒေအတိုင်း မြို့နယ် ရဲတပ်ဖွဲ့မှူးဆီတင်တာပါ။ ကချင်ပြည်နယ်နေ့ ဖြစ်နေလို့ ခွင့်မပြုဘူး” ဟု သူက မဇ္စျိမကို ပြော သည်။
အဓိကအားဖြင့် ငြိမ်းချမ်းရေးအတွက် နိုင်ငံရေးအရ အမြန်ဆုံး တွေ့ဆုံဆွေးနွေးကြရန် မြန်မာအစိုးရနှင့် ကချင် လွတ်လပ်ရေးအဖွဲ့ KIO တို့အား တောင်းဆိုဖို့ ဖြစ်ကြောင်း သူက ဆက်ပြောသည်။ "အခါကြီးရက်ကြီးဖြစ်၍"ဟု အကြောင်းပြသော်လည်း အစိုးရ ထုတ်ပြန်ထားသည့် နည်းဥပဒေများသည် ပြည်သူလူထုအတွက် တင်းကြပ်လွန်း
သည်ဟု သူက ဆိုသည်။
လူထုနှင့် ဆွေးနွေးညှိနှိုင်းမှုများ ရှိနေသေးသဖြင့် ဗုဒ္ဓဟူးနေ့တွင် စတင်ကျင်းပသော ပြည်ထောင်စု လွှတ်တော် စည်းဝေးသို့ သုံးရက် ပျက်ကွက်ခွင့်ပြုရန် တင်ထားသည့် ဒေါ်ဒွဲဘူက တိုက်ပွဲများ ပြင်းထန်သည့်ကိစ္စကို ၎င်း လွှတ်တော် တက်ရောက်သည့်အခါ တင်ပြသွား မည်ဟု ပြောသည်။
ကချင်ပြည်နယ် ဝန်ကြီးချုပ် ဦးလဂျွန်ငံဆိုင်းက ကချင်ပြည်နယ်နေ့ အထိမ်းအမှတ် မနောပွဲ ကျင်းပလိုကြောင်း ပြောဆိုမှုအပေါ် စစ်ပြေး ဒုက္ခသည်များ ဝမ်းနည်းနေရချိန်တွင် မကျင်းပရန် ကချင်ခေါင်းဆောင်များက ကန့်ကွက် ထားသည်။
ထို့ပြင် ဝန်ကြီးချုပ် ဦးလဂျွန်ငံဆိုင်းက ပြည်ထောင်စု အစိုးရသို့ “ကချင်ပြည်နယ်နေ့” ရုံးပိတ်ရက် သတ်မှတ်ပေးရန် တင်ပြထားပြီး ဖြစ်၍ ထိုကချင်ပြည်နယ်နေ့ကို ကြိုဆိုသော အားဖြင့် ကချင်မနောပွဲ ကျင်းပရန် ပြောဆိုမှုကိုလည်း လူထုက လက်မခံခဲ့ပေ။
ထို့ကြောင့် ၆၅ ကြိမ်မြောက် ကချင်ပြည်နယ်နေ့ အထိန်းအမှတ်အဖြစ် ပြည်နယ် အစိုးရရုံးရှေ့တွင် လူထုအစည်းအဝေး ကျင်းပပြီး ညနေပိုင်းတွင် ဂုဏ်ပြု ညစာစားပွဲသာ ကျင်းပရန် ဆုံးဖြတ်ခဲ့ကြသည်ဟု သိရသည်။
၁၉၄၈ ခုနှစ် ဇန်နဝါရီလ ၁၀ ရက်နေ့မှ စတင်၍ ကချင်ရိုးရာ ထုံးတမ်းစဉ်လာအရ မနောပွဲတော်ကို “ကချင်ပြည်နယ်နေ့” အဖြစ် မြစ်ကြီး နားမြို့ စီတာပူရပ်ကွက်ရှိ မနောကွင်းကြီးတွင် စတင် ကျင်းပခဲ့သော်လည်း ၂၀၁၁ ခုနှစ်မှစတင်၍ နိုင်ငံရေး မတည်ငြိမ်ခြင်းကြောင့် ကျင်းပနိုင်ခြင်း မရှိတော့ပေ။
Ref: မဇ္ဈိမ
Read More...
Collapse...
ကိုအောင်လွင်ဦး
09.01.2013
မြန်မာနိုင်ငံသား အများအပြားအပါအ၀င် ကမ္ဘာတ၀ှမ်း သန်းနဲ့ချီရှိတဲ့ အိမ်ဖော် အလုပ်သမားတွေ ဟာ ဥပဒေနဲ့အညီ အကာအကွယ်တွေ မရနိုင်ဘဲ ဖြစ်နေရတယ်လို့ အပြည်ပြည်ဆိုင်ရာ အလုပ်သမားအဖွဲ့ချုပ် (ILO) ရဲ့အစီရင်ခံစာသစ်က ဖော်ပြလိုက်ပါတယ်။ မြန်မာနိုင်ငံသား အများအပြားရှိရာ အိမ်နီးချင်း တိုင်းပြည်တွေမှာဆိုရင်လည်း တရားဝင် အလုပ် လုပ်ကိုင်ခွင့်တွေ ရလာကြပေမဲ့ အခွင့်အရေးတွေ အပြည့် အ၀ မရနိုင်သေးဘဲ ဖြစ်နေရတယ်လို့လည်း ILO က ပထမဆုံးအကြိမ် ထုတ်ဝေလိုက်တဲ့ အစီရင်ခံစာမှာ ထောက်ပြတားတာပါ။ အပြည့်အစုံကိုတော့ ကိုအောင်လွင်ဦးကတင်ပြပေးထားပါတယ်။
အမျိုးသမီး ၈၃ ရာခိုင်နှုန်း ပါဝင်တဲ့ ကမ္ဘာတ၀ှမ်းက အိမ်ဖော်အလုပ်သမား ၅၂ သန်းကျော်ဟာ နိမ့်ကျတဲ့ လုပ်ငန်းခွင် အခြေအနေတွေ၊ ဥပဒေနဲ့အညီ ခံစားခွင့်တွေ ကာကွယ်စောင့်ရှောက် မှုတွေ မရဘဲ ဖြစ်နေရတာကို ILO ရဲ့ လေ့လာချက်က တွေ့ရှိခဲ့တာ ဖြစ်ပါတယ်။ အထူးသဖြင့် အိမ်ဖော်အလုပ် လုပ်သူတွေဟာ တခြားအလုပ်သမားတွေနဲ့ မတူဘဲ ခွဲခြား ဆက်ဆံခံရတာ၊ လူ့အခွင့်အရေး ချိုးဖောက်ခံရ တာတွေကို ပိုပြီး ရင်ဆိုင်ရလေ့ရှိတယ်လို့လည်း ILO ရဲ့ ဒုတိယ ညွှန်ကြားရေးမှူးချုပ် Sandra Polaski က ဆွစ်ဇာလန်နိုင်ငံ၊ ဂျနီဗာမြို့မှာ ဗုဒ္ဓဟူးနေ့က အစီရင်ခံစာ ထုတ်ပြန်ချိန်မှာ ပြောဆိုခဲ့တာပါ။
“အထူးသဖြင့် အိမ်မှာနေပြီး အလုပ်လုပ်ကြရတဲ့ အိမ်ဖော် အလုပ်သမားတွေအနေနဲ့ စိတ်ပိုင်း၊ ရုပ်ပိုင်းသာမက လိင်ပိုင်းဆိုင်ရာ အရ အနိုင်ကျင့်ခံရတာ၊ နှောက်ယှက်တာ လွတ်လွတ်လပ်လပ် သွားလာလှုပ်ရှားခွင့်တွေကို ကန့်သတ်ခံရတာတွေလို အခြေအနေမျိုး ကြုံရ တတ်ပါတယ်။ ရွှေ့ပြောင်း အလုပ်သမားတွေဟာဆိုရင်လည်း ခေါင်းပုံဖြတ်ခံရတာ၊ အနိုင်ကျင့်ခံရတာတွေလို အခြေအနေမျိုးနဲ့ ပိုပြီး ကြုံရနိုင်ပါတယ်။”
အာရှဒေသမှာ အိမ်ဖော်အလုပ်သမား ၂ သိန်းခွဲစီလောက် ရှိနေတဲ့ မလေးရှား၊ ထိုင်း စတဲ့ နိုင်ငံတွေမှာ ဆိုရင်လည်း အကာအကွယ်ပေး နိုင်တဲ့ အခြေအနေတွေ အားနည်းနေတာကို အစီရင်ခံစာက ဖော်ပြခဲ့တာပါ။ မြန်မာနိုင်ငံသား သန်းဂဏန်းချီ အလုပ်လုပ်ကြတဲ့ ထိုင်း နိုင်ငံမှာ ဆိုရင်လည်း နည်းလမ်းပေါင်းစုံနဲ့ ရောက်လာသူတွေဟာ နိုင်ငံခြားသား အလုပ်သမားတွေအဖြစ် မှတ်ပုံတင်ခွင့် ပြုထားတဲ့အတွက် ၂၀၁၀ ပြည့်နှစ်ထဲ လျှောက်ထားသူ ၈၈,၀၀၀ ထဲ မှာ မြန်မာနိုင်ငံသားတွေ ၈၀ ရာခိုင်နှုန်းကျော် ပါဝင်ခဲ့ပါတယ်။ ဒီလိုတရားဝင် အလုပ် သမား တွေ အဖြစ်နဲ့ မှတ်ပုံတင်နိုင်တယ် ဆိုပေမဲ့လည်း အခွင့်အရေးတွေတော့ အပြည့်အ၀ မရနိုင်ကြဘူးလို့ ILO က ဆိုပါတယ်။
ထိုင်းနိုင်ငံရောက် မြန်မာနိုင်ငံသား ရွှေ့ပြောင်း အလုပ်သမားတွေထဲက အိမ်ဖော်အလုပ် လုပ်နေသူတွေကို လေ့လာချက် တခုမှာ ဆိုရင် တော့ အများစုဟာ နှုတ်အားဖြင့် စော်ကားတာ ခံကြရသလို၊ လိင်ပိုင်းဆိုင်ရာ အနိုင်ကျင့်ခံရတဲ့အထိ ကြုံခဲ့ကြရကြောင်း တွေ့ရှိခဲ့တာပါ။ စစ်တမ်းကောက်ယူခဲ့တဲ့ အိမ်ဖော်အလုပ်သမားတွေ အနက် ၁၄ ရာခိုင်နှုန်းဟာ အလုပ်ရှင်က မတော်တရော် ကိုင်တွယ်တာ ခံခဲ့ရကြောင်းနဲ့ အဓမ္မကျင့်ခံခဲ့ရတာက ၁ ရာခိုင်နှုန်း ရှိခဲ့ကြောင်းလည်း တွေ့ရှိခဲ့တာ ဖြစ်ပါတယ်။ နောက်ပြဿနာ တခုကတော့ ဘယ်မှသွားခွင့် မပေး ပဲထားတာဖြစ်ပြီး၊ စစ်တမ်းကောက်ယူသူတွေရဲ့ ထက်ဝက်လောက်ကိုသာ အလုပ်ရှင်က အပြင်ကလူတွေနဲ့ တွေ့ခွင့်ပြုခဲ့တာလို့လည်း အစီရင်ခံစာက ဖော်ပြခဲ့တာပါ။
အိမ်ဖော် အလုပ်သမားတွေရဲ့ အခွင့်အရေး အကာအကွယ် ပေးရေးမှာ အဓိက အဟန့် အတား ဖြစ်နေရတဲ့ စိန်ခေါ်မှုအနေနဲ့ကတော့ သက်ဆိုင်ရာ အစိုးရတွေအနေနဲ့ ကိန်းဂဏန်း အချက်အလက်တွေကို တိတိကျကျ မစုစည်းနိုင်တဲ့ကိစ္စလို့လည်း ILO ရဲ့လုပ်ငန်းခွင် အခြေအနေဆိုင်ရာ ကျွမ်းကျင်သူ Martin Oelz က ပြောပါတယ်။
“အများပြည်သူကြား အချေအတင် ဆွေးနွေးမှုတွေမှာ အိမ်ဖော်လုပ်ငန်းအကြောင်း မပါတာ ကြာပါပြီ။ ဒါကတကယ့် ပြဿနာပါ။ ဘာ ကြောင့်လဲဆိုတော့ အိမ်ဖော် အလုပ်သမားတွေကို တယောက်ချင်း၊ တအိမ်ထောင်ချင်း၊ မိသားစု တစုချင်းစီက ငှားရမ်း ကြတာပါ။ စက်ရုံတွေ၊ ရုံးတွေမှာ ခန့်ထားတာမျိုးနဲ့ မတူပါဘူး။ ဒီအတွက်လည်း လူမှုရေး ကဏ္ဍနဲ့ အလုပ်သမား အခွင့်အရေး အတွက် ပြုပြင် ပြောင်းလဲမှုတွေမှာ အိမ်ဖော်လုပ်ငန်းက မပါနိုင်ပဲ ဖြစ်နေရတာပါ။ ဒီအတွက်လည်း သိက္ခာရှိတဲ့ အိမ်ဖော်အလုပ် ဖြစ်လာစေရေး မကြာသေးခင်ကပဲ ILO က ပဋိဉာဉ်တရပ်နဲ့ အကြံပြုချက်တွေကို ချမှတ်ခဲ့ပါတယ်။”
အခုအခါ ကမ္ဘာတ၀ှမ်း အိမ်ဖော်အလုပ်သမားတွေ တိုးပွားလာနေတာနဲ့အမျှ အခွင့်အရေး အတွက် အကာအကွယ်ပေးဖို့ အရေးတကြီး လိုအပ်နေတယ်လို့လည်း ILO အရာရှိ Oelz က ပြောဆိုခဲ့တာပါ။ ILO ရဲ့လေ့လာချက်အရ ကမ္ဘာတ၀ှမ်း သာမန် အလုပ်သမား ဥပဒေတွေကို ခံစားခွင့် ရတဲ့နေရာမှာတော့ တခြားအလုပ်သမားတွေနဲ့ ယှဉ်ရင် အိမ်ဖော်တွေဟာ ၁၀ % သာ ရကြတယ်လို့ ILO က ပြောပါတယ်။ အိမ်ဖော် အလုပ်သမားတွေရဲ့ ထက်ဝက်ကျော်ဟာ ဆိုရင်လည်း ဥပဒေနဲ့အညီ သတ်သတ် မှတ်မှတ်ထားတဲ့ အလုပ်ချိန်မျိုးမရှိဘဲ လုပ်ကိုင် နေကြရ သလို တပတ်တကြိမ် နားခွင့်၊ နှစ်စဉ်လစာနဲ့ခွင့် ရတာမျိုးလည်း မရှိကြပါဘူး။ ဒီလိုပဲ အမျိုးသမီး အများစုဖြစ်တဲ့ အိမ်ဖော် အလုပ် သမားတွေအနက် ထက်ဝက်ကျော်လောက်သာ အနိမ့်ဆုံးလစာ ခံစားခွင့် ရကြသလို၊ ၃ ပုံ ၁ ပုံကျော်ဟာ ဆိုရင်လည်း မီးဖွားချိန်အတွက် ခံစားခွင့် မရှိဘူးလို့ အစီရင်ခံစာက ဖော်ပြထားတာ ဖြစ်ပါတယ်။
Ref: ဗွီအိုအေ
Read More...
Collapse...
09.01.2013
ကိုယ်တိုင်ဆေးလိပ်မသောက်ဘဲ သူများဆီက ဆေးလိပ်အငွေ့ ရှူနေရသူတွေနဲ့ ဦးနှောက် ယိုယွင်းမှုဟာ သိသိသာသာကို ဆက်စပ် နေတယ်ဆိုတာကို တရုတ်နိုင်ငံက ပြုလုပ်တဲ့ လေ့လာမှု တရပ်က ပထမဆုံးအကြိမ်အဖြစ် ဖော်ထုတ်လိုက်ပါတယ်။
Passive Smoking လို့ခေါ်တဲ့ သူများသောက်တဲ့ ဆေးလိပ်ငွေ့ ရှူရတာကြောင့် နှလုံးရောဂါနဲ့ အဆုတ်ကင်ဆာတို့ကို ဖြစ်စေနိုင်တယ် ဆိုတာကိုတော့ သိရှိခဲ့ကြပြီး ဖြစ်ပါတယ်။ တရုတ်နိုင်ငံမှာ ဆေးလိပ်သောက်သူ သန်းပေါင်း ၃၅၀ ကျော်ရှိပြီး ကမ္ဘာပေါ်မှာ ဆေးလိပ် အသောက်ဆုံးနိုင်ငံ ဖြစ်ပါတယ်။
အသက်အရွယ်ကြီးရင့်သူဦးရေ တိုပွားလာတာနဲ့အမျှ ဦးနှောက်ယိုယွင်းမှု ဝေဒနာရှင်လည်း အများဆုံးရှိတဲ့နိုင်ငံပါ။ လန်ဒန် King's ကောလိပ်နဲ့ Anhui ဆေးတက္ကသိုလ်တို့က သုတေသီတွေဟာ တရုတ်နိုင်ငံ၊ နယ်ငါးခုက အသက် ၆၀ ကျော် လူ ၆ ထောင်လောက်အတွက် သူတို့ရဲ့ ဆေးလိပ် သောက်သုံးမှု၊ ဆေးလိပ်အငွေ့ ရှူရှိုက်ရမှုနဲ့ ဦးနှောက်ယိုယွင်းမှု အခြေအနေတို့ကို စိစစ်မေးမြန်းခဲ့ကြတာဖြစ်ပါတယ်။
လူတွေအတွက် ဆေးလိပ်ငွေ့ကနေ အကာအကွယ်ပေးဖို့ လိုအပ်ကြောင်း ဒီလေ့လာချက် က ဖော်ပြနေတယ်လို့ အဖွဲ့ခေါင်းဆောင် ဒေါက်တာ ရိုလင်းချဲန်းက ဆိုပါတယ်။ ကမ္ဘာ့လူဦးရေရဲ့ ၁၁ % လောက်ပဲ လူစုလူဝေးထဲမှာ ဆေးလိပ်သောက်ဖို့ ပိတ်ပင်ထားတဲ့နိုင်ငံတွေ မှာ နေနေကြတာ ဖြစ်တယ်လို့ ကမ္ဘာ့ကျန်းမာရေးအဖွဲ့ကနေ ထုတ်ပြန်ထားပါတယ်။
Ref: ဗွီအိုအေ
Read More...
Collapse...
09.01.2013
ဗီယက်နမ်နိုင်ငံမှာ ကွန်မြူနစ် အစိုးရက ဖြုတ်ချဖို့ ကြံစည်မှုနဲ့ အပြစ်ရှိကြောင်း ဆုံးဖြတ်ပြီး တက်ကြွလှုပ်ရှားသူ ၁၄ ယောက်ကို တရားရုံးက နှစ်ရှည်ထောင်ဒဏ်တွေ ချမှတ်လိုက်ပါတယ်။
၂ ရက်ကြာ အကျဉ်းရုံး ကြားနာစစ်ဆေးပြီးနောက် ဗုဒ္ဓဟူးနေ့မှာပဲ တရားရုံးက ထောင်ဒဏ် ၃ နှစ်ကနေ ၁၃ နှစ်အထိ အသီးသီး ချမှတ်ခဲ့တာပါ။ ဒီအထဲက တယောက်ကိုတော့ နေအိမ် အကျယ်ချုပ် ၃ နှစ် အပြစ်ပေးခဲ့ပါတယ်။
ပြစ်ဒဏ်စီရင်ခံခဲ့ရသူတွေကိုတော့ အမေရိကန် ပြည်ထောင်စုမှာ အခြေစိုက်ထားပြီး ဗီယက်နမ်အစိုးရက အကြမ်းဖက်အဖွဲ့အစည်းအဖြစ် သတ်မှတ်ထားတဲ့ အတိုက်အခံ Viet Tan အဖွဲ့နဲ့ ဆက်နွယ်မှု ရှိတယ်ဆိုပြီး နိုင်ငံ မြောက်ပိုင်းမှာရှိတဲ့ Nghe An ပြည်နယ်က တရားရုံးတခုမှာ စစ်ဆေး အရေးယူခဲ့တာပါ။
Viet Tan အဖွဲ့ကတော့ လူမှုအသိုင်းအ၀ိုင်းကြား တရားမျှတမှုရရှိရေး ကြိုးစားပမ်းစား ဆောင်ရွက်နေသူတွေ၊ တာဝန်သိ သတင်းဖြန့် ချီနေသူတွေနဲ့ ငြိမ်းငြိမ်းချမ်းချမ်း ဆန္ဒပြကြတဲ့ သူတွေကို မတရားသဖြင့် အပြစ်ပေးတဲ့ လုပ်ရပ်အဖြစ်နဲ့ ရှုတ်ချကြောင်း ကြေညာချက် တစောင် ထုတ်ပြန်ခဲ့ပါတယ်။
ဗီယက်နမ်မှာရှိတဲ့ အမေရိကန် သံရုံးကလည်း စီရင်ချက်နဲ့ ပတ်သက်လို့ စိတ်အနှောက် အယှက် ဖြစ်ရတဲ့အကြောင်း ပြောဆိုခဲ့သလို ဗီယက်နမ်နိုင်ငံရဲ့လူ့အခွင့်အရေး အခြေအနေနိမ့်ကျမှုကို ပြသနေတဲ့လုပ်ရပ်တခု ဖြစ်တာကြောင့် ဒီလူတွေကို ချက်ခြင်းပြန်လွှတ် ပေးဖို့လည်း တောင်းဆိုခဲ့တာပါ။
တက်ကြွသူတွေဖက်က ခုခံလျှောက်လဲပေးတဲ့ ရှေ့နေတယောက်ကတော့ ကယ်လီဖိုးနီးယား ပြည်နယ် အခြေစိုက် အတိုက်အခံအဖွဲ့ဝင်တွေ ဖြစ်တယ်ဆိုတဲ့ စွပ်စွဲချက်နဲ့ ပတ်သက်လို့ အထောက်အထားလည်း မပြနိုင်သလို တရားခွင်မှာ လုပ်ထုံးလုပ်နည်း ချိုးဖောက်တာတွေလည်း ရှိခဲ့တယ်လို့ ပြောပါတယ်။
Ref: ဗွီအိုအေ
Read More...
Collapse...
ကိုဇော်ဝင်းလှိုင်
09.01.2013
မြန်မာနိုင်ငံကိုရောက်နေတဲ့ အမေရိကန် ကုဋေကြွယ်သူဌေးကြီး George Soros ဟာ ဒီကနေ့ သမ္မတ ဦးသိန်းစိန်နဲ့တွေ့ဆုံပြီး မြန်မာနိုင်ငံ အတွင်း လတ်တလော လုပ်ဆောင်နေ တဲ့ ပြုပြင်ပြောင်းလဲရေး အစီအစဉ်တွေနဲ့ ပတ်သက်လို့ ဆွေးနွေးခဲ့ကြတယ်လို့ သမ္မတရဲ့ ပြောခွင့် ရပုဂ္ဂိုလ်က ပြောပါတယ်။ Mr. Soros ဟာ နေ့လည်ပိုင်းမှာ ပြန်ကြားရေးနဲ့ ဘဏ္ဍာရေးစတဲ့ ၀န်ကြီးဌာနတွေက ပြည်ထောင်စုဝန်ကြီး တွေနဲ့လည်း တွေ့ဆုံပြီး ၀န်ကြီးဌာနအလိုက် ပြုလုပ်နေတဲ့ ပြုပြင်ပြောင်းလဲရေးကိစ္စတွေကို ဆွေးနွေးခဲ့ပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။
မြန်မာနိုင်ငံကို ဇန်န၀ါရီလ ၅ ရက်နေ့ကတည်းက ရောက်ရှိနေတဲ့ အမေရိကန် ကုဋေကြွယ်သူဌေးကြီး George Soros ဟာ ဒီကနေ့ မနက်ပိုင်းက နေပြည်တော်မှာ သမ္မတ ဦးသိန်းစိန်နဲ့ တွေ့ဆုံပြီး လက်ရှိ လုပ်ဆောင်နေတဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေနဲ့ ပတ်သက်လို့ ဆွေးနွေးခဲ့ကြတယ်လို့ ပြန်ကြားရေးဝန်ကြီးဌာန ဒုတိယ၀န်ကြီးလည်းဖြစ်၊ သမ္မတရဲ့ ပြောရေးဆိုခွင့်ရှိသူအဖြစ် အသစ်ခန့်အပ် တာဝန်ပေး ခံထားရသူလည်းဖြစ်တဲ့ ဦးရဲထွဋ်က ဗွီအိုအေ မြန်မာပိုင်းကို ပြောပြပါတယ်။
“သမ္မတကြီးနဲ့ ဂျော့၊ ဆိုးရော့စ် တွေ့ပါတယ်ခင်ဗျာ။ ကျနော်တို့ကတော့ အဲဒီအထဲကို မဝင်ရလို့ အသေးစိတ်တော့ မသိပါဘူးခင်ဗျာ။ အကြမ်းဖျဉ်းအားဖြင့်တော့ မြန်မာနိုင်ငံရဲ့ လုပ်နေတဲ့ စီးပွားရေး ပြုပြင်ပြောင်းလဲမှု အခြေအနေတွေရယ်၊ နောက်တခါ ပြန်ကြားရေး ဆိုင်ရာအပါအဝင် ကျန်တဲ့ ပြုပြင်ပြောင်းလဲနေတဲ့ ကိစ္စရပ်တွေနဲ့ ပတ်သက်ပြီးတော့မှ ဆွေးနွေးမယ်လို့ အကြမ်းဖျဉ်းသိထားပါတယ်။ အခု သမ္မတကြီးလုပ်နေတဲ့ နိုင်ငံရေး၊ စီးပွားရေး ပြုပြင်ပြောင်းလဲမှုဆိုင်ရာ ကိစ္စရပ်တွေနဲ့ ပတ်သက်လို့ ဆွေးနွေးကြပါတယ်။ ပြီးရင် ဂျော့၊ ဆိုးရော့စ် ဘက်က သူ့အဖွဲ့အစည်းတွေဘက်က ဆောင်ရွက်ပေးနိုင်မယ့် အခြေအနေတွေလည်း ဆွေးနွေးသွားတယ်လို့ သိရပါတယ်ခင်ဗျ။”
နိုင်ငံတော်သမ္မတနဲ့ မစ္စတာ ဆိုးရော့စ်တို့တွေ့ဆုံစဉ်မှာ သူ့တက်ရောက်ခွင့် မရှိခဲ့ပေမယ့်လည်း နောက်ပိုင်း မနက် ၁၁ နာရီကျော်ကျော် လောက်မှာ ပြန်ကြားရေးနဲ့ ဘဏ္ဍာရေးဝန်ကြီးဌာန ပြည်ထောင်စုဝန်ကြီးတွေနဲ့ ပြုလုပ်တဲ့ တွေ့ဆုံပွဲကိုတော့ သူတက်ရောက်ခဲ့တယ်လို့ ဦးရဲထွဋ်က ပြောပါတယ်။
“ပြန်ကြားရေးဌာန၊ ပြည်ထောင်စုဝန်ကြီးရယ်၊ ဘဏ္ဍာရေးဌာန ပြည်ထောင်စုဝန်ကြီးတွေရယ်နဲ့ တွေ့တဲ့အချိန်မှာတော့ ကျနော်လည်း တက်ရောက်ခွင့် ရပါတယ်။ ပြန်ကြားရေးကဏ္ဍနဲ့ပတ်သက်လို့ရှိရင်တော့ ကျနော်တို့ ပြန်ကြားရေးဝန်ကြီးဌာနက ပြောင်းလဲနေတဲ့ နိုင်ငံပိုင် မီဒီယာတွေကို အများပြည်သူ ဝန်ဆောင်မှု မီဒီယာအဖြစ်နဲ့ ပြောင်းတဲ့အခါမှာ လိုအပ်တဲ့လေ့ကျင့်ရေးကိစ္စတွေနဲ့ပတ်သက်လို့ Open Society ဘက်ကနေပြီးတော့မှ အကူအညီ ပေးနိုင်မယ့် ကိစ္စတွေကို ကျနော်တို့ဆွေးနွေးခဲ့ပါသေးတယ်။ ဒုတိယအနေနဲ့ကတော့ ကျနော်တို့ စာပေဗိမာန်ကို အရင်တုန်းက ၁၉၇၂ ခုနှစ် မတိုင်မီက ရှိခဲ့တဲ့ စာပေဗိမာန်နဲ့ မြန်မာနိုင်ငံ ဘာသာပြန် စာပေအသင်းလိုမျိုး ပြန်ပြီးတော့မှ ဖွဲ့စည်းနိုင်အောင်၊ စာအုပ်စာပေတွေကို နိုင်ငံတကာစာပေတွေကို မြန်မာဘာသာအပြင် တိုင်းရင်းသားဘာသာတွေနဲ့ပါ ဘာသာပြန်ဆိုပြီး တော့ ပြည်သူတွေလက်ထဲကို အဖိုးနှုန်း ချိုသာစွာနဲ့ ဖြန့်ဝေနိုင်အောင် ကျနော်တို့ လုပ်မယ့်ကိစ္စတွေ-အဲဒါတွေကို ဆွေးနွေးခဲ့ပါတယ်။
အဲဒီကိစ္စမှာလည်း Open Society ဘက်ကနေပြီး ကျွမ်းကျင်တဲ့ပညာရှင်တွေ လာရောက်တွဲဖက်ပြီးတော့ အကူအညီပေးဖို့ အသေးစိတ် ကိစ္စတွေ ကိုတော့ ကျနော်တို့တွေ ဆက်ပြီးဆွေးနွေးဖို့ ဆိုပြီးတော့မှ သဘောတူခဲ့ကြပါတယ်ခင်ဗျ။ သာသနာရေးဝန်ကြီးဌာနနဲ့ကတော့ဗျာ - လက်တွေ့ ကျင့်သုံးနေတဲ့ ဘဏ္ဍာရေးနဲ့ ငွေရေးကြေးရေး ပေါ်လစီ (မူဝါဒ) တွေအပေါ်မှာ သူ့ရဲ့အမြင်တွေ၊ နောက် သူ့ရဲ့ အကြံပြုချက် တွေ - အဲဒါတွေကို ဆွေးနွေးပါတယ်လို့ပဲ သိရပါတယ်ခင်ဗျ။ ”
ပြန်ကြားရေးဝန်ကြီးဌာန ဒုတိယ၀န်ကြီးလည်းဖြစ်၊ သမ္မတရဲ့ ပြောရေးဆိုခွင့်ရှိသူအဖြစ် အသစ်ခန့်အပ် တာဝန်ပေးခံထားရသူလည်းဖြစ်တဲ့ ဦးရဲထွဋ် ပြောပြခဲ့တာပါ။
George Soros ဟာ မနေ့တုန်းကတော့ ၈၈ မျိုးဆက် ကျောင်းသားခေါင်းဆောင်တွေ၊ NLD ပါတီက ခေါင်းဆောင်တွေ အပါအ၀င် နယ်ပယ်စုံက ပုဂ္ဂိုလ်တွေနဲ့ ရန်ကုန်မြို့မှာ တွေ့ဆုံပြီး မြန်မာနိုင်ငံမှာ လက်ရှိ လုပ်ဆောင်နေတဲ့ နိုင်ငံရေး၊ စီးပွားရေး၊ လူမှုရေးနဲ့ မီဒီယာကိစ္စတွေကို ဆွေးနွေးခဲ့တာပါ။
George Soros ဟာ မနက်ဖြန်မှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ရှိတယ်လို့ သိရပါတယ်။
မစ္စတာ ဆိုးရော့စ်ဟာ ကမ္ဘာတ၀ှမ်း ဖိနှိပ်ခံ လူ့အဖွဲ့အစည်းတွေ တိုးတက်မြင့်မားရေးအတွက် သူ့ကိုယ်ပိုင် ငွေကြေးကို စိုက်ထုတ်ပြီး Open Society Institute လို့ခေါ်တဲ့ ပွင့်လင်း လူမှုအဖွဲ့အစည်းကတဆင့် ကူညီ ဆောင်ရွက်ပေးနေတာ ဖြစ်ပါတယ်။ OSI လို့ လူသိများတဲ့ ဒီ Open Society Institute ဟာ ၁၉၉၄ ခုနှစ်ကစလို့ မြန်မာနိုင်ငံ ဒီမိုကရေစီတိုးတက်ရေးနဲ့ ပညာရေးဆိုင်ရာ အထောက်အကူတွေကို ဆောင်ရွက် ပေးနေတာ ဖြစ်ပါတယ်။
အသက် ၈၃ နှစ်ရှိပြီဖြစ်တဲ့ မစ္စတာ ဆိုးရော့စ်ဟာ လွန်ခဲ့တဲ့ တနှစ်ကျော်လောက်တုန်းကလည်း မြန်မာနိုင်ငံကို ပထမအကြိမ်အဖြစ် ၈ ရက်ကြာ သွားရောက် လည်ပတ်ခဲ့ပါသေးတယ်။ သူ့ရဲ့ အဲဒီ မြန်မာပြည်ခရီးစဉ်အတွင်း မစ္စတာ ဆိုးရော့စ်ဟာ သမ္မတ ဦးသိန်းစိန်၊ ဒေါ်အောင်ဆန်းစုကြည် တို့နဲ့လည်း တွေ့ဆုံခဲ့တာပါ။ အဲဒီခရီးစဉ်အတွင်း သမ္မတနဲ့ တွေ့ဆုံပြီးနောက် လူမှုရေးလုပ်ငန်းတွေ လုပ်ဆောင် နေတဲ့ သူ့အဖွဲ့ရဲ့ ရုံးခွဲ မြန်မာနိုင်ငံမှာ ဖွင့်မယ်လို့ ပြောကြားခဲ့ပါတယ်။
Ref: ဗွီအိုအေ
Read More...
Collapse...
မနန္ဒာချမ်း
09.01.2013
KIA ကချင်လွတ်မြောက်ရေးတပ်မတော် ဌာနချုပ်ရှိရာ ကချင်ပြည်နယ် လိုင်ဇာဒေသကို မြန်မာ အစိုးရတပ်တွေဘက်က ဒီကနေ့ ဆက်လက် ထိုးစစ်ဆင် တိုက်ခိုက်နေဆဲဖြစ်ပါတယ်။ စစ်ရေး ဗျူဟာအရ အရေးပါတဲ့ KIA ထိန်းချုပ်ရာ အမာခံရှေ့တန်းနေရာ တခုဖြစ်တဲ့ ဖွန်ပြန် ဘွမ်တောင် ကို မြန်မာတပ်တွေဘက်က သိမ်းပိုက်ဖို့ ကြိုးစားနေပေမဲ့ အခုထိတော့ မအောင်မြင်သေးဘူးလို့ KIA တပ်ဖွဲ့နဲ့အတူ ပူးပေါင်း စစ်ဆင်နေတဲ့ မြန်မာနိုင်ငံလုံး ဆိုင်ရာ ကျောင်းသားများ ဒီမို ကရက်တစ်တပ်ဦး ABSDF မြောက်ပိုင်းအဖွဲ့က ပြောပါတယ်။ နောက်ဆုံး သိရတဲ့သတင်းတွေ အရ - ဖွန်ပြန်ဘွန်တောင်အနီးမှာရှိတဲ့ တိုက်ကြက်ကုန်းကနေတော့ KIA ရော၊ ABSDF မြောက် ပိုင်းတပ်တွေပါ ဆုတ် ခွာပေးခဲ့ရပြီး - ဒီကနေ့ ထူးခြားချက်မှာတော့ မြန်မာ စစ်တပ်ဘက် ကနေ ပြည်သူ့စစ်တွေ ပါဝင်လာတယ်လို့ ABSDF က ပြောပါတယ်။ ဒီလိုနောက်ဆုံး အခြေအနေတွေကို စုံစမ်းထားတဲ့ မနန္ဒာချမ်းက တင်ပြပေးထားပါတယ်။
ဒီကနေ့တရက်တည်းမှာပဲ မြန်မာအစိုးရဘက်က KIA ထိန်းချုပ်ထားတဲ့ ဖွန်ပြန်ဘွမ်တောင် ကိုရော - အဲ့ဒီရဲ့ တဘက်မှာရှိနေတဲ့ လုံရော့ခ် တောင် ကိုပါ မြန်မာအစိုးရတပ်တွေဘက်က တနေကုန် ထိုးစစ်ဆင် တိုက်ခိုက်ခဲ့တယ်လို့ ABSDF မြောက်ပိုင်းအဖွဲ့က ပြောပါ တယ်။ လေကြောင်းနဲ့ လက်နက်ကြီး အကူမပါဘဲ မြေပြင်ကနေသာ ထိုးစစ်ဆင်တိုက်ခိုက်ခဲ့ တာဖြစ်ပြီး အခုထိတော့ သိမ်းပိုက်နိုင်ခြင်း မရှိသေး ဘူးလို့ သိရပါတယ်။ ဒါပေမဲ့လည်း KIA တပ်မဟာ-၂ နဲ့ ABSDF လက်အောက်မှာ ရှိနေတဲ့ တိုက်ကြက်ကုန်းကနေတော့ ဒီညပိုင်းမှာ ဆုတ် ခွာပေးခဲ့ရပြီး - ဒီကနေ့ တိုက်ပွဲမှာ မြန်မာစစ်တပ်တွေ ဘက်ကနေ ပြည်သူ့စစ်တွေ ပါဝင်လာတာ သိရတယ်လို့ ABSDF မြောက်ပိုင်းရဲ့ နိုင်ငံရေးနဲ့ စည်းရုံးရေးတာဝန်ခံ ကိုကျော်ကျော် က ဗွီအိုအေကို ပြောပြခဲ့ပါတယ်။
“ဒီကနေ့ ကျနော်တို့ အဲ့ဒီ စိုးမိုးကုန်းတခုဖြစ်တဲ့ ဖွန်းပြန်ဘွန်ကို သူတို့ မနက်ကတည်း ကနေ စပြီးတော့ ထိုးနေတာဗျ။ အခု ၄ နာရီရှိပြီ။ ၄ နာရီအထိ တိုက်နေတုန်းပဲ။ ဖွန်းပြန်ဘွန်နဲ့ တဘက် တချက်မှာရှိနေတဲ့ လုံရော့ခ် ကုန်းကနေပြီးတော့ ဒီဘက် တောင်ကြောမှာရှိတဲ့ တိုက်ကြက်ကုန်း ကိုလည်း သူတို့ ထိုးစစ်ဆင်တယ်။ ထိုးစစ်ဆင်တဲ့အခါကျတော့ တိုက်ကြက်ကုန်းကတော့ ကျနော်တို့ စစ်ရေးအရ အချက်အခြာမကျတဲ့ နေရာဖြစ်တဲ့အတွက် အဲ့ဒီကနေပြီး ခေတ္တ ယာယီ ပြန်ဆုတ်ပေးတယ်။ ဒါပေမဲ့ ဒီကနေ့ တိုက်ပွဲမှာ ထူးခြားတာက ပြည်သူ့စစ်တွေ၊ ရဲတွေပါ ပါလာတာ ကျနော်တို့ သတင်းရတယ်။”
လောလောဆယ်အထိတော့ နှစ်ဘက် ထိခိုက်သေဆုံးမှုနဲ့ပတ်သက်လို့ မသိရသေးဘူးလို့ ကိုကျော်ကျော် က ပြောဆိုခဲ့ပါတယ်။ တနင်္လာ နေ့ကစလို့ ဒီကနေ့အထိ မြန်မာတပ်တွေဘက် က တောက်လျှောက် ထိုးစစ်ဆင်ပြီး KIA လက်ထက်ကနေ သိမ်းပိုက်နိုင်ဖို့ ကြိုးစားနေတဲ့ ဖွန်ပြန်ဘွန်တောင်ဟာ မြစ်ကြီးနားကားလမ်းနဲ့လည်း နီးပြီး - လဂျားယန်ကုန်သွယ်ရေး စခန်းနဲ့လည်း မနီးမဝေးမှာ တည်ရှိတဲ့အပြင် - စစ်ဗျူဟာအရ အရေးပါတဲ့ တောင်တတောင် လည်း ဖြစ်တာကြောင့် - ဒီဖွန်ပြန်ဘွတာင် ကျခဲ့ရင် - လိုင်ဇာကို ခြိမ်းခြောက်နိုင်တဲ့ အခြေအနေမှာ ရှိတယ်လို့လည်း ABSDF က ပြောပါတယ်။ ဒါ့အပြင် ဒီကနေ့မှာပဲ လိုင်ဇာဒေသမှာရှိတဲ့ နမ့်ဆန်ယန်ရွာကို မြန်မာအစိုးရ တပ်ပိုင် တိုက်လေယာဉ် ၂ စင်းကနေ ပစ်ခတ်ခဲ့တဲ့အတွက် ဒေသခံတွေ ကြောက်လန့်တကြား ထွက်ပြေးခဲ့ကြရတယ်လို့လည်း ကိုကျော် ကျော် က ဆက်ပြောပြပါတယ်။
“နမ်ဆန်ယန်ရွာကို ဒီကနေ့ နေ့လည်ပိုင်းမှာ လေယာဉ်နဲ့ ပစ်ခတ်သွားတယ်။ နမ်ဆန်ယန်ရွာ ကျတော့ အဲ့ဒီမှာ ရွာသားတချို့ ရှိကြတယ်။ မနေ့က လဂျားယန်ကို ပစ်သလိုမျိုးပေါ့နော်။ ဒီကနေ့က ရွာတွေကို ပစ်သွားတယ်။ လူထုအထိအခိုက်တို့၊ ကျေးရွာအထိအခိုက်တို့ကတော့ အခုထက်ထိ ကျနော်တို့ ဘာမှ မကြားရသေးဘူး”
အခုလို အစိုးရတပ်တွေဘက်က ဒေသခံရွာတွေကိုပါ တိုက်ခိုက်လာနေတာကြောင့် မနေ့က ဆိုရင် မြန်မာစစ်တပ်ဘက်က ဒုံးကျည်နဲ့ ပစ်ခတ်ခဲ့တဲ့ လဂျားယန်ရွာ အပါအ၀င် အနီးနားတ၀ိုက် ရွာတွေက အရပ်သားပြည်သူတွေဟာ လိုင်ဇာဒုက္ခသည်စခန်းဆီ ထပ်မံထွက်ပြေး လာတဲ့အတွက် ဒီမနက်မှာ ရာနဲ့ချီ ရောက်ရှိလာတယ်လို့ ကချင်ဒုက္ခသည်ရေးရာကော်မတီ တာဝန်ခံ ဦးဒွဲပီဆာ က ပြောပါတယ်။
“ဒီလိုင်ဇာမြို့ ပတ်ဝန်းကျင်ကပေါ့လေ ဒုက္ခသည်တွေတော့ ရာဂဏန်းလောက်တော့ တိုးလာ ပါတယ်။ ဒီမနက်လောက်ကပဲ ၀င်လာတာ။ အမျိုးသမီးများတယ်။ သူတို့ရွာတွေမှာ လက်နက်ကြီး ကျည်ဆန်တွေရောက်တော့ လုံခြုံမှု မရှိလို့ ထွက်ပြေးလာကြတာ ပါ။ ဖြစ်အောင်တော့ စီစဉ်နေကြတာပဲ။ တဲတွေလည်း ထပ်ဆောက်ပေးရမှာပဲ။ စားရေးသောက်ရေးကတော့ ကော်မတီက စီစဉ်ထားတဲ့အတိုင်း ထပ်တိုးလာရင် လည်း ကျနော်တို့က တာဝန်ယူရတာပဲ။ (ဒုက္ခသည်တွေအတွက်) လိုအပ်တာတော့ အများကြီး လိုအပ်တာပေါ့။ ရနိုင်မလား၊ မရနိုင်ဘူး လားဆိုတာတော့ မပြောတတ်ဘူးလေ”
ဒါ့အပြင် ဒုက္ခသည်စခန်းတွေအတွင်းမှာလည်း ကဒုတ်ကျင်းတွေ တူးထားရပြီး - စစ်ပြေး ဒုက္ခသည်တွေအနေနဲ့ လေယာဉ်သံကြားရင် ကတုတ်ကျင်းတွေထဲ ပြေးဝင်ပုန်းအောင်းကြ ရတယ် လို့ ဦးဒွဲပီဆာ က ပြောပါတယ်။ ဒုက္ခသည်တွေရဲ့ လုံခြုံရေးအတွက် ညွှန်ကြားချက် တွေကိုလည်း ဒုက္ခသည် စခန်းအတွင်း ထုတ်ပြန်ထားပြီး - လောလောဆယ် အနီးပတ်ဝန်းကျင်မှာ တိုက်ပွဲတွေ ဖြစ်ပွားနေတဲ့အတွက် ဒုက္ခသည်တွေအနေနဲ့ အပြင်ကို မထွက်ကြဖို့၊ စခန်းတွင်းမှာပဲ သတိထားနေကြဖို့ မှာကြားထားတယ်လို့လည်း သူက ပြောဆိုခဲ့ပါတယ်။
တခါ ရှမ်းပြည် မြောက်ပိုင်းဘက်မှာလည်း အခုရက်ပိုင်းအတွင်း အစိုးရတပ်တွေဘက်က စစ်ကြောင်းတွေ အလုံအရင်းနဲ့ ၀င်ရောက်လာ တာကြောင့် အဲ့ဒီမှာရှိတဲ့ ရာနဲ့ချီတဲ့ ဒေသခံတွေ ဟာ ကွတ်ခိုင်မြို့ဘက်ကို ထွက်ပြေးတာတွေ ရှိနေတယ်လို့ KIO က ပြောပါတယ်။ KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ ဒီစစ်ပွဲတွေ စတင်ကတည်းက ကချင်ပြည်နယ်တွင်းမှာ လူ့အခွင့်အရေးချိုးဖောက်မှုတွေ ဖြစ်ပေါ်နေပြီး၊ စစ်ပြေးဒုက္ခသည်ဦးရေဟာလည်း ၁ သိန်း ကျော်သွားပြီ လို့ ဒုက္ခသည်အရေး ဆောင်ရွက်သူတွေက ပြောဆိုထားကြပါတယ်ရှင်။
Ref: ဗွီအိုအေ
Read More...
Collapse...
09.01.2013
မြန်မာနိုင်ငံက ဘတ်စကတ်ဘော အားကစားသမားတွေရဲ့ အမေရိကန်ပြည်ထောင်စု ချစ်ကြည်ရေး ခရီးစဉ် ပထမနေ့အဖြစ် ဗုဒ္ဓဟူးနေ့ မှာတော့ ၀ါရှင်တန်မြို့တော်နဲ့ အနီးတ၀ိုက်မှာရှိတဲ့ အမေရိကန် ကိုယ်လက်ကြံ့ခိုင်ရေး လှုပ်ရှားမှုတွေ၊ မသန်မစွမ်း အားကစား သမားတွေရဲ့ လေ့ကျင့်မှုတွေ အပါအ၀င် အားကစား အထောက်အကူပြု အစီအစဉ်တွေကို သွားရောက် လေ့လာကြပါတယ်။
မြန်မာ့ အားကစား ဖွံ့ဖြိုးတိုးတက်ရေး အစီအစဉ် တစိတ်တပိုင်းအဖြစ် မြန်မာလူငယ် ဘတ်စကတ်ဘော ကစားသမားတွေ သီတင်း နှစ်ပတ်ကြာ ရောက်ရှိလာကြတာပါ။ လေ့လာမှုတွေ အတွင်း အတွေ့အကြုံတွေကို မြန်မာနိုင်ငံမှာ ပြန်လည်ဝေငှနိုင်ဖို့ ရည်ရွယ် ထား တယ်လို့လည်း ဘတ်စကတ်ဘော အဖွဲ့ချုပ်ရဲ့ အတွင်းရေးမှူး ဦးကျော်ကျော်ဝင်းက ဗွီအိုအေကို ပြောပါတယ်။
အခုခရီးစဉ်အတွင်းမှာတော့ အမေရိကန် အားကစားသမားတွေရဲ့ အတွေ့အကြုံတွေ ရနိုင်ဖို့ သာမက နာမည်ကျော် NBA ဘတ်စကတ်ဘော အသင်းတသင်းဖြစ်တဲ့ Washington Wizards ရဲ့ကစားပွဲကို သွားရောက် လေ့လာဦးမှာ ဖြစ်သလို မြောက် ကယ်ရိုလိုင်းနားပြည်နယ် Charlotte မြို့က Bobcats အသင်းရဲ့ ကစားနည်းတွေကိုလည်း လေ့လာမှာဖြစ်တယ်လို့ အသင်း တာဝန်ရှိသူတွေက ပြောပါတယ်။
Ref: ဗွီအိုအေ
Read More...
Collapse...
ခင်ဦးသာ
January 8, 2013
ကချင်လွတ်လပ်ရေး တပ်မတော် (KIA) ကို အစိုးရ စစ်တပ်က ထိုးစစ်ဆင်နေမှုအား ရပ်ဆိုင်းရေးနှင့် နိုင်ငံရေးဆွေးနွေးပွဲများ ဖြစ်ပေါ် လာရေးတွက် နည်းလမ်းရှာဖွေရန် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) က ကြိုးပမ်းနေကြောင်း သိရသည်။
“ကချင်စစ်ပွဲ ရပ်ဆိုင်းရေးအတွက် အဓိက တောင်းဆိုမယ်။ စစ်ပွဲတွေ ရပ်စဲသွားရင် ရှေ့ဆက်ဆွေးနွေးမယ့် နိုင်ငံရေး လမ်းစဉ်တွေအတွက် နည်းလမ်းတွေ ရှာဖွေဖို့ ကိစ္စတွေအတွက် ဒီအစည်းအဝေးကို ကျင်းပတာပါ” ဟု UNFC ၏ တွဲဘက်အတွင်းရေးမှူးနှင့် ပအို့ဝ်အမျိုးသား လွတ်မြောက်ရေးအဖွဲ့ (PNLO) ခေါင်းဆောင် ဦးခွန်ဥက္ကာက ဧရာဝတီသို့ ပြောသည်။
UNFC ၏ ညီလာခံကို ထိုင်းနိုင်ငံအတွင်းရှိ လွတ်မြောက်နယ်မြေတခု၌ ဇန်န၀ါရီလ ၇ ရက်နေ့ မှ ၁၀ ရက် နေ့အထိ ကျင်းပနေကြောင်း၊ ထိုညီလာခံမှ ကချင်အရေးကိစ္စနှင့် တိုင်းရင်းသား အရေးကိစ္စများကို ကျယ်ကျယ်ပြန့်ပြန့် ဆွေးနွေးသွားမည် ဖြစ်ကြောင်း ချင်းအမျိုး သားတပ်ဦး (CNF) အဖွဲ့မှအပ ကျန်အဖွဲ့ ၁၀ ဖွဲ့ တက်ရောက်ကြောင်း သိရသည်။
UNFC တွင် ကချင်လွတ်လပ်ရေးအဖွဲ့ (KIO)၊ ကရင်အမျိုးသား အစည်းအရုံး (KNU)၊ ကရင်နီ ပြည်သူ့ တိုးတက်ရေးပါတီ (KPP)၊ ချင်း အမျိုးသားတပ်ဦး (CNF)၊ မွန်ပြည်သစ်ပါတီ (NMSP)၊ ရှမ်းပြည်တိုးတက်ရေးပါတီ (SSPP)၊ ပအို့ဝ်အမျိုးသား လွတ်မြောက်ရေးအဖွဲ (PNLO)၊ ပလောင်ပြည် လွတ်မြောက်ရေးတပ်ဦး (PSLF)၊ ရခိုင် အမျိုးသားကောင်စီ (ANC)၊ လားဟူဒီမိုကရက်တစ် သမဂ္ဂ (LDU)၊ ‘၀’ အမျိုးသား အဖွဲ့ချုပ် (WNO) ဟူ၍ တိုင်းရင်းသား အဖွဲ့ ၁၁ ဖွဲ့ ပါဝင်သည်။
UNFC ဆွေးနွေးပွဲသို့ နိပွန်ဖောင်ဒေးရှင်း ဥက္ကဋ္ဌ တက်ရောက်ပြီး နယ်စပ်ဒေသများရှိ တိုင်းရင်းသား စစ်ပြေးဒုက္ခသည်များ ကူညီပေးရေး ကိစ္စများကို ပါဝင်ဆွေးနွေးသွားကြောင်း၊ ဒုက္ခသည်များအတွက် ကူညီပေးမည့် ကိစ္စများကို ပြောဆို ကတိပေးသွားကြောင်း ဦးခွန်ဥက္ကာထံမှ သိရသည်။
UNFC အဖွဲ့ဝင်များသည် ၂၀၁၂ ခုနှစ် အောက်တိုဘာလ အတွင်း ဂျပန်နိုင်ငံသို့ သွားရောက် လေ့လာစဉ်က ၎င်းတို့ ထိန်းချုပ်ရာ ဒေသများရှိ စစ်ပြေးတိုင်းရင်းသား ဒုက္ခသည်များကို ကီူညီရေး နိပွန်ဖောင်ဒေးရှင်းက ဒေါ်လာ ၃ သန်း ကူညီပေးရန် သဘောတူညီမှု ရရှိထားသည်။
၎ ရက်ကြာကျင်းပသည့် UNFC ဆွေးနွေးပွဲမှ ရလဒ်များကို ထုတ်ပြန်ကြေညာသွားမည် ဖြစ်ပြီး အစိုးရနှင့် ရှေ့ဆက် ဆောင်ရွက်မည့် နိုင်ငံရေးနှင့် ငြိမ်းချမ်းရေး လုပ်ငန်းစဉ်များကို အစိုးရထံ တင်ပြ၍ နိုင်ငံရေး ပြဿနာကို နိုင်ငံရေး နည်းလမ်းဖြင့်သာ ဆွေးနွေးရန် တွန်း အားပေးသွားမည်ဟုလည်း သိရသည်။
Ref: ဧရာဝတီ
Read More...
Collapse...
ကြယ်ပြာ
January 9, 2013
ကယားပြည်နယ်၏ မူလနာမည် ဖြစ်သော ကရင်နီပြည်နယ် အဖြစ် ပြန်လည် သုံးစွဲ ခေါ်ဝေါ်ရန် ဒေသခံများက တောင်းဆိုလျက်ရှိပြီး ယင်းသို့ ခေါ်ဝေါ်ရေး သဘောတူ ထောက်ခံ လက်မှတ်များ စုဆောင်းနေကြောင်း သိရသည်။
ယင်းလှုပ်ရှားမှုကို ကယားပြည်နယ် ၈၈ မျိုးဆက် လူမှု အကျိုးပြု ကွန်ယက်က ဦးဆောင် ဆောင်ရွက်နေခြင်းဖြစ်ပြီး တိုင်းရင်းသား လူမျိုးများရေးရာ ကော်မတီထံသို့ နာမည်ပြောင်းလဲပေးရန် ၂၀၁၂ ခုနှစ် ဒီဇင်ဘာလ အတွင်း စာဖြင့် နှစ်ကြိမ် တင်ပြထားသည်။
“နာမည် ပြောင်းချင်တာက ပြည်နယ် ခွဲထွက်ခွင့်ရဲ့ ပထမအဆင့် မဟုတ်ပါဘူး။ လူမျိုးစု အားလုံးကို ကိုယ်စားပြုတဲ့ မူလနာမည် ပြန်ရချင်ရုံ သက်သက်ပါ။ တန်းတူညီမျှ အခွင့်အရေး ကိုတော့ လိုချင်တာပေါ့” ဟု ယင်းအဖွဲ့မှ ဒေါက်တာ ဒေါ်ခင်စည်သူက ပြောသည်။
လွိုင်ကော်မြို့ ဥတ္တရာရုံ ဘုန်းကြီး ကျောင်း၌ ပြီးခဲ့သည့်နှစ် ဒီဇင်ဘာ ၂၉ ရက်နေ့က ကျင်းပခဲ့သည့် နိုင်ငံရေး မြန်မာပြည် အကျဉ်းသား ဟောင်းများနှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) အဖွဲ့များ တွေ့ဆုံခဲ့ပြီးနောက် ယခုကဲ့သို့ လက်မှတ်များ စုဆောင်းခဲ့ခြင်း ဖြစ်ကြောင်း၊ ယင်း တနေ့တည်း၌ပင် လတ်မှတ်ထိုးသူ ၈၀ ကျော် ရရှိခဲ့ကြောင်းနှင့် ယခုလ အတွင်း ကျေးရွာများသို့ ဆင်း၍ လတ်မှတ်များ ကောက်ခံမည် ဖြစ်ကြောင်း သိရသည်။
၂၀၀၈ ခုနှစ် ဖွဲ့စည်းပုံ အခြေခံဥပဒေ အပိုဒ် ၉ (ဂ) အရ ပြည်နယ် အမည်ပြောင်းလဲလိုပါက အများပြည်သူ၏ သဘောထား ခံယူ၍ လွတ်တော်တွင် မဲခွဲ ဆုံးဖြတ်နိုင်သည်ဟု ပါရှိသည်။
ရှေးမြန်မာဘုရင်များ လက်ထက်မှ စ၍ လွတ်လပ်ရေး ရခဲ့သည့် ၁၉၄၈ ခုနှစ် အထိ ကရင်နီပြည်နယ် အဖြစ် ရှိခဲ့သော်လည်း ၁၉၅၁ ခုနှစ်တွင် ကယားပြည်နယ် အဖြစ်သတ်မှတ်ရန် အဆိုတင်သွင်းခဲ့ရာ ၁၉၅၂ ခုနှစ် ဇန်န၀ါရီ ၁၅ ရက်နေ့တွင် အတည်ပြုခဲ့ခြင်းကြောင့် ဇန်န၀ါရီလ ၁၅ ရက်နေ့သည် ကယားပြည်နယ်နေ့ အဖြစ် ရှိနေဆဲ ဖြစ်သည်။
“ပြည်နယ် နာမည်ပြောင်းခဲ့တာ ဆိုးကျိုးတွေပဲ ဖြစ်ခဲ့တယ်။ အစိုးရက ကယားပြည်နယ် ဆိုတော့ ကယားတွေပဲ အဓိကလို့ သတ်မှတ်ပြီး ခွဲခြား ဆက်ဆံတော့ လူမျိုးစုချင်း ပြဿနာတွေ ဖြစ်ခဲ့ရတယ်” ဟု တိုင်းရင်းသား လက်နက်ကိုင် အဖွဲ့အစည်း တခုဖြစ်သော ကယန်း ပြည်သစ် ပါတီ တွဲဘက် အတွင်းရေးမှူး ၁ ဦးစောလွင်က ဆိုသည်။
၁၉၅၁ ခုနှစ်က ပြည်နယ် အမည်ပြောင်းရန် အစိုးရအဖွဲ့က နာမည်ပြောင်းလဲရေး စုံစမ်း စစ်ဆေးရေး ကော်မရှင်တခု ဖွဲ့စည်းခဲ့ သော်လည်း ဒေသခံများ၏ သဘောထားကို ထည့်သွင်း ကောက်ခံခဲ့ခြင်း မရှိဟု ၎င်းက ဆက်ပြောသည်။
ကယားပြည်နယ် ၈၈ မျိုးဆက် လူမှုအကျိုးပြု ကွန်ယက်အဖွဲ့ဝင်၊ နိုင်ငံရေး အကျဉ်းသားဟောင်း တဦးဖြစ်သူ ဦးဖိုးခွားက တချို့သော ကယားတိုင်းရင်းသားများမှာ နာမည်ပြောင်းလိုက်ပါက ၎င်းတို့အား ဘေးဖယ်ခံထားရမည် ဆိုသောအမြင်ဖြင့် ကျေနပ်မှု မရှိကြသေး ကြောင်း၊ သို့ရာတွင် တခြား လူမျိုးစု ခေါင်းဆောင်များ၊ လက်နက်ကိုင် အဖွဲ့အစည်းများနှင့် သဘော တူညီချက်များ ရထားပြီ ဖြစ်ကြောင်း ပြောသည်။
“ကရင်နီပြည်နယ် ဆိုတာကမှ လူမျိုးစု အားလုံးကို ကိုယ်စားပြု ပေးနိုင်တာပါ။ ဒီနာမည်ရဲ့ အောက်မှာ ငြိမ်းချမ်းမှုတွေ ရှိခဲ့တယ်” ဟု ဦးဖိုးခွားက ဆိုသည်။
ကယားပြည်နယ်ဟု သတ်မှတ်ထား သော်လည်း ကယားလူမျိုးမှာ အနည်းစု ဖြစ်ကာ ကယန်းလူမျိုး အများစုနှင့် ကယန်း (ယင်းဘော်၊ ဂေခို၊ ကခေါင်း၊ ဇယိမ်း)၊ ကယော၊ ပကူး (ကရင်)၊ ယင်းတလဲ၊ ဂေဘား၊ မနူမနော၊ ရှမ်း၊ ပအိုဝ်း၊ အင်းသား၊ ဗမာ အစရှိသော တိုင်းရင်းသား ပေါင်းစုံ စုပေါင်းနေ ထိုင်လျက်ရှိသည့် ပြည်နယ်ဖြစ်ပြီး အစိုးရ၏ သန်းခေါင် စာရင်းအရ ကယားပြည်နယ်၏ လူဦးရေ မှာ ၃ သိန်းခွဲခန့် ရှိသည်။
Ref: ဧရာဝတီ
Read More...
Collapse...
ရန်ပိုင်
January 9, 2013
တော်လှန်ရေးကောင်စီလက်ထက် ၁၉၆၄ ခုနှစ်က ဖျက်သိမ်းခံခဲ့ရသည့် ကင်းထောက်လူငယ်အဖွဲ့ကို ကလေးသူငယ်များ၏ စာရိတ္တနှင့် စိတ်ဓာတ်ပိုင်းဆိုင်ရာ မြှင့်တင်နိုင်ရေးအတွက် ပညာရေးဝန်ကြီးဌာနက ပြန်လည် ဖွဲ့စည်းလိုက်ကြောင်း သိရသည်။
Scout ဟုခေါ်သော ကင်းထောက်လူငယ်အဖွဲ့မှာ “အစဉ်အသင့်” (Always Prepared) ဆိုသည့် ဆောင်ပုဒ်နှင့်အညီ အများပြည်သူကို ကူညီနိုင်ရန် အင်္ဂလိပ် အစိုးရက ကျောင်းသားလူငယ်များဖြင့် ဖွဲ့စည်းပေးထားသည့် အဖွဲ့အစည်းဖြစ်ပြီး တော်လှန်ရေး ကောင်စီ လက်ထက်မှ စစ်အစိုးရ လက်ထက်တိုင် နှစ် ၅၀ နီးပါးကြာ ဖျက်သိမ်းခံထားရသည့် လူမှုအဖွဲ့အစည်း ဖြစ်သည်။
ယခုအခါ လူငယ်များကြား ပြည်သူနီတိနှင့် မြန်မာ့ဓလေ့ထုံးစံများ၊ စိတ်ဓာတ်နှင့် စာရိတ္တပိုင်း တိုးတက်စေရန်၊ ပြည်သူကို အကျိုးပြုနိုင်ရန် ကင်းထောက်အဖွဲ့ကို ပြန်လည် အသက်သွင်းခြင်း ဖြစ်ကြောင်း၊ ယခင်အစိုးရများ ဖွဲ့စည်းသည့် အဖွဲ့အစည်းများကဲ့သို့ စစ်ရေး၊ နိုင်ငံရေးတို့၌ ပတ်သက်စေမည် မဟုတ်ကြောင်း ကင်းထောက်သင်တန်း ကြီးကြပ်မှု ကော်မတီ ဥက္ကဋ္ဌအဖြစ် တာဝန်ယူနေသူ ပညာရေးဝန်ကြီးဌာန ညွန်ကြားရေးမှူးချုပ်ဟောင်း ဦးတင်ညိုက ဧရာဝတီသို့ ပြောသည်။
“ပညာရေးဝန်ကြီးဌာနက တာဝန်ယူဖွဲ့တယ် ဆိုပေမယ့်၊ ဟိုတုန်းက မြန်မာဆိုရှယ်လစ် လမ်းစဉ်ပါတီက ဖွဲ့ခဲ့တဲ့ လမ်းစဉ်လမ်းလူငယ်၊ ရှေ့ဆောင်လူငယ်၊ တေဇလူငယ်တို့၊ နောက်ဒီဘက်ခေတ် ကြံခိုင်ရေး ပါတီဝင်ခိုင်းတာမျိုးနဲ့တော့ မတူဘူး” ဟု ဆိုသည်။
နိုင်ငံတကာ ကင်းထောက်အဖွဲ့ချုပ်၏ ကင်းထောက်သည် ဂုဏ်သိက္ခာကို စိတ်ချရသည်၊ ကိုယ်စိတ်နှလုံး သုံးပါး ကြည်ဖြူသန့်ရှင်း ရ မည်ဆိုသော ကျင့်ဝတ်များနှင့်အညီ လုပ်ဆောင်သွားမည်ဖြစ်ပြီး၊ ကလေးသူငယ် အခွင့်အရေးဆိုင်ရာ သိသင့်သိထိုက်သည့် အချက် အလက်များ၊ ကျင့်ဝတ်သိက္ခာနှင့်အညီ သူတပါးကို ကူညီနိုင်ရေး ထည့်သွင်းသင်ကြားသွားမည်ဟု ဦးတင်ညိုက ပြောသည်။
ကင်းထောက်ယူနီဖောင်းမှာ ကာကီအင်္ကျီ၊ ဘောင်းဘီရှည်၊ လည်စည်းနီ၊ ကင်းထောက်တုတ်၊ ကတိသုံးပါးကို ဖော်ကျူးထားသည့် နိုင်ငံတကာ အမှတ်တံဆိပ်တို့ပင် ဖြစ်ပြီး ရှေးဦးသူနာပြုနည်း၊ ကြိုးချည်နည်း၊ တောစခန်းထွက်ခြင်း၊ စခန်းချနေထိုင်နည်း၊ သဘာဝကို စူးစမ်းလေ့လာခြင်းများကိုလည်း သင်ကြားပေးမည်ဟု သိရသည်။
အသက် ၁၂ နှစ်မှ ၁၅ နှစ်အရွယ် အခြေခံပညာကျောင်းသားများကို မူတည်ကာ ပြည်နယ်နှင့် တိုင်းဒေသကြီး ၁၈ ခုရှိ ကျောင်းပေါင်း ၁၈ ကျောင်းတွင် စတင်ဖွဲ့စည်းမည်ဟု သိရသည်။
လက်ရှိ ပညာရေးလောကတွင် ကျောင်းသားများမှာ အနားယူချိန်နည်းပါးကာ ကျောင်းသင်ခန်းစာဖြင့်သာ လုံးခြာလည်နေရပြီး မိဘများမှာလည်း စားဝတ်နေရေးကြောင့် သားသမီးများအား အချိန်ယူ ပြောဆိုနိုင်ခြင်း မရှိကြောင်း၊ ထို့အတွက် လှုပ်ရှားကစားရင်း ပညာယူနိုင်ရန် ထည့်သွင်းစဉ်းစားထားကြောင်း ဆရာကြီး ဦးတင်ညိုက ဆက်ပြောသည်။
ကနေဒါနိုင်ငံတွင် ကင်းထောက်ပညာနှင့် ပတ်သက်၍ တာဝန်ထမ်းဆောင်ဖူးသူ ဒေါက်တာ ခင်မောင်ကြွယ်ကလည်း ကင်းထောက် ဆိုသည်မှာ စစ်တပ်က ပို့ချသည့် ကင်းထောက်လှမ်းရေး မဟုတ်ဘဲ မျက်စိရှင်ခြင်း၊ ဖျတ်လတ်ခြင်း၊ သူတပါးကို ကူညီခြင်းဆိုသည့် အတတ်ပညာများသာ ဖြစ်ကြောင်း ယမန်နေ့ထုတ် ကြေးမုံသတင်းစာတွင် ဖော်ပြထားသည်။
ကမ္ဘာ့နိုင်ငံ ၁၉၀ တွင် ကင်းထောက် လူငယ်အဖွဲ့များကို ဖွဲ့စည်းထားရာ ယခုအခါ သန်း ၃၀ ခန့် ရှိပြီဖြစ်ပြီး ကင်းထောက် အခေါ်အဝေါ် များမှာ အသက် ၈ နှစ်မှ ၁၂ နှစ် အရွယ်ကို ၀ံပုလွေ၊ ၁၂ နှစ်မှ ၁၈ နှစ်အရွယ်ကို ကင်းထောက်၊ ၁၈ နှစ်ကျော်သူများကို လှည့်လည်သူ (Rover) ဟု ခေါ်ဆိုကြောင်း သိရသည်။
မြန်မာ့အိမ်နီးချင်း ထိုင်းနိုင်ငံတွင်လည်း ကာကီရောင်အင်္ကျီ၊ ဘောင်းဘီတို၊ လည်စည်းနီဖြင့် ကင်းထောက် ကျောင်းသားများမှာ အလှည့်ကျ တောစခန်းထွက်ခြင်း၊ လူမှုရေးလုပ်ငန်းများလုပ်ခြင်းများ ဆောင်ရွက်ကြသည်။
အင်္ဂလိပ်အစိုးရလက်ထက် ၁၉၁၆ ခုနှစ်တွင် စတင်ဖွဲ့စည်းခဲ့သည့် ကင်းထောက် (Scout) အဖွဲ့သည် ရပ်ရွာလူမှုရေး လုပ်ငန်းများတွင် ပါဝင်ခဲ့သည်သာမက ဒုတိယ ကမ္ဘာစစ်အတွင်း လေကြောင်းရန် ကာကွယ်ရေးတပ်ဖွဲ့၏ လုပ်ငန်းဆောင်တာ တချို့ကိုပါ ပူးတွဲတာဝန် ယူခဲ့သည်။
ဂျပန်ခေတ်တွင် ကင်းထောက်အဖွဲ့ ယာယီရပ်ဆိုင်းခဲ့ရပြီး လွတ်လပ်ရေးရပြီးနောက် ပြန်လည်ဖွဲ့စည်းခဲ့သည်။ သမ္မတကြီး စ၀်ရွှေသိုက်သည် မြန်မာနိုင်ငံ ကင်းထောက်အဖွဲ့၏ ဂုဏ်ထူးဆောင် နာယကအဖြစ် ပါဝင်ခဲ့ပြီး၊ ဗိုလ်ချုပ်အောင်ဆန်း၏ ဇနီး ဒေါ်ခင်ကြည် ကိုယ်တိုင် ကင်း ထောက်မင်းကြီးချုပ်အဖြစ် တာဝန်ယူခဲ့ဖူးသည်။
တော်လှန်ရေးကောင်စီ လက်ထက်တွင် ကင်းထောက်အဖွဲ့ ဖျက်သိမ်းခြင်းခံရသည်။
Ref: ဧရာဝတီ
Read More...
Collapse...
နန်းဆိုင်နွမ်
January 8, 2013
ထောင်ထဲတွင် ကျန်ရှိနေသေးသည့် နိုင်ငံရေး အကျဉ်းသား(နိုင်/ ကျဉ်း) များ စာရင်း အတိအကျနှင့် တမျိုးတစားတည်း ထွက်ပေါ် လာစေရန် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) နှင့် ၈၈ မျိုးဆက် ကျောင်းသားများ အဖွဲ့တို့ ပူးပေါင်း လုပ်ဆောင်သွားမည်ဟု သိရသည်။
ထိုင်းနိုင်ငံအခြေစိုက် AAPP ၏ အထွေထွေ အတွင်းရေးမှူး ကိုဘိုကြည်နှင့် ကိုတိတ်နိုင်တို့ မြန်မာပြည်သို့ ရောက်ရှိနေစဉ် ၈၈ မျိုးဆက် ကျောင်းသားများအဖွဲ့နှင့် ယမန်နေ့က တွေ့ဆုံကာ လက်ရှိ ထောင်ဒဏ် ကျခံနေရသည့် နိုင်ငံရေး အကျဉ်းသားများ စာရင်း တမျိုးတည်း ထွက်ပေါ်လာရေး၊ နိုင်ငံရေး အကျဉ်းသား၏ အဓိပ္ပာယ် ဖွင့်ဆိုနိုင်ရေးနှင့် နိုင်ငံရေး အကျဉ်းသား ဟောင်းများ၏ဘ၀ ပြန်လည်ပြုစု ပျိုးထောင်ရေးကိစ္စများ ဦးစားပေး လုပ်ဆောင်မည့် အကြောင်း ဆွေးနွေးခဲ့ကြခြင်း ဖြစ်သည်။
“ကျန်ရှိနေသေးတဲ့ နိုင်/ကျဉ်းတွေ အားလုံးလွှတ်မယ်ဆိုရင် မြန်မာ့နိုင်ငံရေး အခြေအနေက ပိုပြီး ပြောင်းလဲလာမယ်။ နိုင်ငံတကာကလည်း ရင်းနှီးမြှုပ်နှံမှုတွေနဲ့ ပတ်သတ်ပြီး တိုးတက်လာမယ်။ ဒါကြောင့် အစိုးရအနေနဲ့ အမြန် လွှတ်ပေးရင်တော့ အနာဂတ် ပိုချောမွေ့လာမှာပါ” ဟု ကိုဘိုကြည်က ၈၈ မျိုးဆက် ကျောင်းသားများအဖွဲ့ ရုံးခန်းတွင် မီဒီယာများနှင့် တွေ့ဆုံစဉ် ပြောဆိုသည်။
ဒီမိုကရေစီနိုင်ငံ တခု ပြောင်းလဲနေသည့် အချိန်တွင် လက်ရှိ ကျန်ရှိနေသေးသည့် နိုင်/ ကျဉ်းများကို လွှတ်ပေးသင့်ကြောင်း၊ နိုင်/ကျဉ်းဟု ဆိုကာ ဖမ်းဆီးမှုတွင် ပုဒ်မ မျိုးစုံ၊ ရာဇာဝတ်မှုမျိုးစုံ တပ်ထားသည်ကို တွေ့ရကြောင်း၊ ထို့ကြောင့် နိုင်/ကျဉ်း များ၏ စာရင်းကို အတိအကျ မတွက်နိုင်ခဲ့ကြောင်း၊ နိုင်/ကျဉ်းများအား လွှတ်ပေးရန် ပြောဆို၊ ညှိနှိုင်းသည့်အခါ အစိုးရဘက်က ပြတ်သားမှု မရှိသည့်အတွက် အငြင်း ပွားဖွယ်ရာ ဖြစ်ခဲ့သည်ဟု ၈၈ မျိုးဆက် ကျောင်းသားများ အဖွဲ့မှ ကိုဌေးကြွယ်က ပြောသည်။
“အခုဆိုရင် လွှတ်တော်ထဲမှာရော၊ သမ္မတရော၊ ပြောနေတဲ့ အချိန်မှာ နိုင်/ ကျဉ်းတွေ ဆက်ရှိနေသေးတယ် ဆိုတာ သိပ်ပြီး အဓိပ္ပာယ် မရှိသလိုပဲ။ ပုဒ်မမျိုးစုံ ရာဇ၀တ်မှုမျိုးစုံ တပ်တော့ နိုင်/ ကျဉ်း သားတွေ ဘယ်လောက် ရှိသေးလဲ ဆိုတာ အတိအကျမထွက်လာဘူး။ အခု ကျနော်တို့ အဖွဲ့က တမျိုး၊ AAPP က စာရင်းက တမျိုး၊ အမျိုးသားဒီမိုကရေစီ အဖွဲ့ချုပ် (NLD) က တမျိုး ဖြစ်နေတယ်။ စာရင်းတွေ ပြန်တူလာအောင်တော့ ညှိရမယ်” ဟု ၎င်းက ဆိုသည်။
ကျန်ရှိနေသေးသည့် နိုင်/ ကျဉ်းများ ပြန်လည် လွှတ်ပေးရန် လိုအပ်သကဲ့သို့ လွတ်မြောက်လာသည့် နိုင်/ ကျဉ်း ဟောင်းများ၏ ဘ၀များ ပျက်သုဉ်းကာ လုပ်ငန်းခွင် အခွင့်အလမ်းများ ဆုံးရှုံးခဲ့သည်ကို ပြန်လည်ထူထောင်နိုင်ရေးအတွက် နည်းလမ်းများ ရှာဖွေကာ ဆောင် ရွက်သွားမည်ဟု သိရသည်။
“ကျနော်တို့ ၈၈ မျိုးဆက်ကျောင်းသားများ အဖွဲ့နဲ့ AAPP က နိုင်/ ကျဉ်းဟောင်းတွေရဲ့ ဘ၀ ပြန်လည်တိုးတက်လာဖို့ ပြန်လည် ထူထောင်ရေးနဲ့ တိကျတဲ့ စာရင်းတခု ထွက်ပေါ်လာအောင် လက်တွဲဆောင်ရွက်မယ်” ဟု ကိုမင်းကိုနိုင်က ဆိုသည်။
ထောင်ထဲတွင် ကျဆုံးသွားသော နိုင်/ ကျဉ်း ၁၅၀ ကျော် အတွက်လည်း သမိုင်းတခု ရေးထိုးသွားမည် ဖြစ်ကြောင်း၊ သေးဆုံးသွားသူများ၏ မိသားစုဝင်များကိုလည်း လက်ရှိအချိန်အထိ ထိတွေ့ဆက်ဆံမှု မရှိသေးကြောင်း ကိုဌေးကြွယ်က ပြောသည်။
မြန်မာနိုင်ငံရှိ နိုင်ငံရေး အကျဉ်းသားဟောင်းများအဖွဲ့၏ စာရင်းအရ အကျဉ်းထောင်များတွင် နိုင်ငံရေးအကျဉ်းသား ၂၂၀ ကျော် ကျန်ရှိနေသည်ဟု သိရပြီး ထိုင်းနိုင်ငံအခြေစိုက် AAPP ကမူ လက်ရှိ ၃၁၁ ဦး ကျန်ရှိသည်ဟု ထုတ်ပြန်ထားသည်။
နိုင်/ ကျဉ်း အများစုမှာ နိုင်ငံရေးပုဒ်မများဖြင့် ဖမ်းဆီးခံရခြင်း မဟုတ်ဘဲ တခြား ရာဇ၀တ် ပုဒ်များဖြစ်သည့် မူးယစ်ဆေးဝါးမှု၊ ပိုင်နက် ကျူးလွန်မှု၊ အသရေဖျက်မှု၊ တာဝန် ၀တ္တရား နှောင့်ယှက်မှု၊ တရားမဝင် ထီ လောင်းကစားမှု စသည့် ပုဒ်မများ တပ်ကာ ဖမ်းဆီးခံရမှုများ ရှိကြောင်း နိုင်ငံရေး အကျဉ်းသားဟောင်း များက ဆိုသည်။
AAPP အနေဖြင့် ရာဇ၀တ် အကျဉ်းသားများ လွှတ်ပေးရေး တောင်းဆိုနေခြင်း မဟုတ်ကြောင်း၊ စစ်အစိုးရ အဆက်ဆက်က မတရား ညှဉ်းပမ်းနှိပ်စက်ပြီး အမှုဆင်ထားသည့် စာရွက်များပေါ် လက်မှတ်ထိုး ရယူထားသော ဖြောင့်ချက်များဖြင့် နိုင်ငံရေး ရည်ရွက်ချက်ရှိရှိ လုပ်ဆောင်ခံခဲ့ရသည့် နိုင်ငံရေးအကျဉ်းသားများအား လွှတ်ပေးရန်သာ တောင်းဆိုခြင်း ဖြစ်ကြောင်း သိရသည်။
AAPP သည် မြန်မာနိုင်ငံနှင့် ပတ်သက်သော ဆုံးဖြတ်ချက်များကို ကုလသမဂ္ဂ အထွေထွေ ညီလာခံသို့ နှစ်စဉ် တင်ပြပြီး နိုင်ငံရေး အကျဉ်းသားများ လွတ်မြောက်ရေး အတွက် နိုင်ငံတကာ အစိုးရများအနေဖြင့် မြန်မာအစိုးကို ဖိအားပေးရန် တိုက်တွန်း လျှက်ရှိသည်။
ထိုင်း – မြန်မာ နယ်စပ်တွင် ရောက်ရှိနေသော နိုင်ငံရေး အကျဉ်းသားဟောင်းများက ၂၀၀၀ ပြည့်နှစ် မတ်လ ၂၃ ရက်နေ့တွင် AAPP ကို ဖွဲ့စည်းတည်ထောင် ခဲ့သည်။
Ref: ဧရာဝတီ
Read More...
Collapse...
သန်းထိုက်ဦး
January 8, 2013
ထိုင်းနိုင်ငံတွင် အလုပ်သမားများကို တနေ့ လုပ်အားခ ဘတ်ငွေ ၃၀၀ ပေးရန် ထိုင်းအစိုးရက အတည်ပြုလိုက်ပြီးနောက် မြန်မာနိုင်ငံ သားများ အပါအ၀င် လာအိုနှင့် ကမ္ဘောဒီးယား နိုင်ငံသားတို့ နယ်စပ်ဖြတ်ကျော် ၀င်ရောက်မှု တိုးမြင့်လာရာ ယခုလ ဇန်န၀ါရီလ ၁ ရက်မှ ၄ ရက်နေ့ အတွင်း ထိုင်းတွင် ၂၀၀ ခန့် ဖမ်းဆီးခံရကြောင်း သိရသည်။
အဆိုပါ နိုင်ငံသားများသည် ထိုင်းနိုင်ငံ Buri Ram မြို့နယ်မှ တဆင့် ဘန်ကောက် မြို့သို့ သွားရန် ကြိုးစားရာတွင် ထိုင်း အာဏာပိုင်များ၏ စစ်ဆေး ဖမ်းဆီးမှုများကို ခံခဲ့ရခြင်းဖြစ်ကြောင်း ယမန်နေ့က ထိုင်းဘာသာဖြင့် ရေးသားထားသော Manager Online အင်တာနက် စာမျက်နှာတွင် ဖော်ပြထားသည်။
ထိုင်းအာဏာပိုင်များ ဖမ်းဆီးထားသည့် လူဦးရေ ၂၀၀ အထဲတွင် ကမ္ဘောဒီးယားနိုင်ငံသား အများဆုံးဖြစ်ကြောင်း သိရသည်။
ထိုင်း-မြန်မာ နယ်စပ် ကရင်ပြည်နယ် ဘုရားသုံးဆူမြို့ တဖက်ကမ်း စံခလဘူရီမြို့မှ တဆင့် ဘန်ကောက်သို့ သွားသည့် လမ်းကြောင်း တလျှောက် စစ်ဆေးရေး ဂိတ်များတွင် စစ်ဆေးမှုများကို ယခုရက်ပိုင်းတွင် ယခင်ထက် တင်းကျပ် ထားကြောင်း သိရှိရသည်။
တာခ့်ခရိုင် အုပ်ချုပ်ရေးမှူး Mr. Suriya Prasatbuntitya က တနေ့ လုပ်အားခ ၃၀၀ (ကျပ် ၈၀၀၀ ခန့်) ပေးမည်ဟု သတ်မှတ်ပြီးနောက်ပိုင်း မြန်မာနိုင်ငံသားများ ထိုင်းနိုင်ငံတွင် လာရောက် အလုပ်လုပ်ကိုင်မှု ပြန်မြင့်တက်လာသည်ဟု ပြောကြောင်း ထိုင်းသတင်းများတွင် ယနေ့ ဖော်ပြထားသည်။
“မြန်မာ အလုပ်သမားတွေ ထိုင်းနိုင်ငံမှာ အလုပ်လာလုပ်တဲ့သူတွေ ပိုများလာတယ်။ နယ်စပ်မှာရှိတဲ့ မြန်မာ အလုပ်သမားတွေ ကလည်း မြို့တွေမှာ သွားလုပ်ဖို့အထိ ကြိုးစားနေကြတယ်။ တရားဝင် လမ်းကြောင်းကနေပဲ ဖြစ်ဖြစ် တရားမ၀င် နည်းလမ်းနဲ့ပဲ ဖြစ်ဖြစ် သွားနေ ကြတယ်” ဟု Mr. Suriya က ဆိုသည်။
ထိုင်းနိုင်ငံတွင် အလုပ်သမားတဦး၏ အနည်းဆုံး တနေ့ လုပ်အားခအဖြစ် ယခုလ ဇန်န၀၀ါရီလ ၁ ရက်နေ့မှ စတင်၍ ဘတ်ငွေ ၃၀၀ ပေးရမည်ဟု ပြီးခဲ့သည့် ၂၀၁၂ ခုနှစ် ကုန်ပိုင်းတွင် ထိုင်းအစိုးရက ကြေညာခဲ့သည်။
ထိုင်း ဥပဒေနှင့် နိုင်ငံတကာ အလုပ်သမား ဥပဒေတို့တွင် ပြဌာန်းထားချက်အရ အလုပ်သမားဆိုင်ရာ ရပိုင်ခွင့်များသည် ထိုင်းနိုင်ငံသား များသာမက ထိုင်းတွင် ရောက်ရှိနေသော မြန်မာ၊ လာအို၊ ကမ္ဘောဒီးယား နိုင်ငံတို့မှ အလုပ်သမားများနှင့်လည်း အကျုံးဝင်ကြောင်း သိ ရသည်။
တရားဝင် လာရောက်လုပ်ကိုင်နေသည့် အလုပ်သမားများကို ဘန်ကောက်မြို့နှင့် တခြားသော မြို့ကြီးများတွင် လုပ်ငန်းပိုင်ရှင် တချို့က ယခုလဆန်ပိုင်းမှ စတင်၍ တနေ့ ၃၀၀ ပေးနေပြီဖြစ်ကြောင်း မြန်မာ အလုပ်သမားများက ပြောပြသည်။
မဲဆောက်မြို့ အခြေစိုက် ရောင်ခြည်ဦး အလုပ်သမား အဖွဲ့မှ ဦးမိုးဆွေက “တနေ့ လုပ်အားခ ၃၀၀ တရားဝင် သတ်မှတ်လိုက်ပေမယ့် ဒီမဲဆောက်မှာတော့ မရဘူး၊ ကျန်တဲ့ တခြား ဘန်ကောက်တို့လို တချို့ဒေသတွေမှာတော့ ရတယ်လို့ ကြားတယ်” ဟု ဧရာဝတီသို့ ပြောသည်။
မဲဆောက်မြို့နယ် အတွင်း လုပ်လုပ်ကိုင်နေသည့် မြန်မာနိုင်ငံသားများကို ထိုင်းလုပ်ငန်းရှင်များက ဘတ် ၃၀၀ မပေးသော်လည်း ယခင် တနေ့ ၁၀၀ ပေးနေသော အလုပ်သမားများကို ၁၇၀ အထိ တိုးပေးလာကြောင်း ၎င်းက ဆိုသည်။
“လက်မှတ်တွေရှိတဲ့ အလုပ်သမားတွေ အများစုက သူတို့ မဲဆောက်မှာ မနေတော့ဘူး။ အထူးသဖြင့် (ယာယီ) ပတ်စ်ပို့တွေရှိတဲ့ အလုပ် သမားတွေက ဒီမှာနေပြီးတော့ ၁၇၀၊ ၁၈၀ နဲ့ဆို သူတို့လည်း ဘယ်လိုမှ မလုပ်နိုင်တော့ ဘန်ကောက် တက်ကြတယ်၊ အခုလည်း တက် နေကြတယ်။ အဲဒီတော့ မဲဆောက်မှာ တရားမ၀င် အလုပ်သမား ပိုများလာမယ်။ အစိုးရက ဘယ်လောက်ပဲ ခြိမ်းခြောက် ခြိမ်းခြောက် အလုပ်ရှင်တွေနဲ့ နယ်မြေခံ အာဏာပိုင်တွေနဲ့ ပေါင်းပြီးတော့ တရားမ၀င် အလုပ်သမား ငှားရမ်မှုတွေ ပိုပြီးတော့ များလာမယ်။ တရားမ၀င် ခိုးပြီးတော့ ဘန်ကောက်ကို တက်တဲ့လူတွေကလည်း များလာမယ်။ များလာတဲ့အပေါ်မှာ အလုပ်သမား အခွင့်အရေး ချိုးဖောက်မှုတွေ၊ လူ့အခွင့်အရေး ချိုးဖောက်မှုတွေ ပိုပြီးများလာမယ့် အနေအထားရှိတယ်” ဟု ဦးမိုးဆွေက ဆက်ပြောသည်။
Ref: ဧရာဝတီ
Read More...
Collapse...
ခင်ဦးသာ
January 8, 2013
ရခိုင်ပြည်နယ် ဂွမြို့နယ်၊ ကမ်းသာယာ ပင်လယ်ကမ်းခြေတလျှောက်ရှိ အုန်းခြံများနှင့် လယ်မြေဧက ထောင်ချီ၍ အစိုးရ စစ်တပ်က အဓမ္မ သိမ်းယူထားသည်ကို စစ်ဆေးတွေ့ရှိကြောင်း သတင်းရရှိသည်။
ပြည်ထောင်စု လွှတ်တော်က ဖွဲ့စည်းထားသော လယ်ယာမြေနှင့် အခြားမြေများ သိမ်းဆည်းခံရမှု စုံစမ်းစစ်ဆေး ရေးကော်မရှင်အဖွဲ့သည် ရခိုင်ဒေသတွင်း လယ်ယာမြေ သိမ်းဆည်းခံရမှုများအား၂၀၁၂ ခုနှစ်၊ ဒီဇင်ဘာလ အတွင်းသွားရောက် စစ်ဆေးစဉ် ထိုသို့ တွေ့ရှိခဲ့ခြင်း ဖြစ်ကြောင်း သိရသည်။
“ပင်လယ်ကမ်းခြေ တလျှောက်မှာ ရှိတဲ့ အုန်းသီးခြံတွေကို ခလရ ၅၅ က သိမ်းယူထားတာ စစ်ဆေးတွေ့ရှိတယ်။ ဒေသခံ အုန်းခြံပိုင်ရှင်တွေ အားလုံးဟာ အလုပ်လက်မဲ့ ဖြစ်သွားပြီး မိမိနေရပ်ကို စွန့်ခွာသွားကြရတဲ့အထိ ၀မ်းနည်းစရာကောင်းတဲ့ ဖြစ်ရပ်တွေ မြင်တွေ့ခဲ့ရတယ်” ဟု စုံစမ်းရေး ကော်မရှင်အဖွဲ့ဝင်နှင့် ပြည်သူ့လွှတ်တော် ကိုယ်စားလှယ် ဦးဘရှိန်က ဧရာဝတီသို့ ပြောသည်။
ဂွမြို့နယ်၊ ကမ်းသာယာ ပင်လယ်ကမ်းခြေသည် ငပလီ ကမ်းခြေကဲ့သို့ သာယာလှပသည့် ကမ်းခြေတခုဖြစ်သော်လည်း လမ်းပန်း ဆက်သွယ်ရေး ခက်ခဲမှုကြောင့် ပြည်တွင်း၊ ပြည်ပ ခရီးသွား ဧည့်သည်များ လာရောက်လည်ပတ်မှု နည်းပါးပြီး ထင်ရှားမှု မရှိသည့် ကမ်းခြေတခုလည်း ဖြစ်သည်။
ခရီးသွားလုပ်ငန်းများကို မျှော်ကိုး၍ ကမ်းခြေတွင် ဆောက်လုပ်ထားသည့် ဟိုတယ် အသေးစား အများအပြားမှာ ပျက်စီးနေသည်ကို တွေ့ခဲ့ရကြောင်း၊ နောင်တချိန်တွင် ငပလီကဲ့သို့ အပန်ဖြေစခန်း ဖြစ်လာနိုင်၍ ကမ်းခြေ လယ်မြေများကို စစ်တပ်က ကြိုတင်လက်ဦးမှု ရယူထားခြင်း ဖြစ်နိုင်ကြောင်း ဦးဘရှိန်က ဆိုသည်။
ပင်လယ်ကမ်းခြေ တလျှောက်ရှိ မိုင်ပေါင်းများစွာ ရှည်လျှားသော အုန်းခြံများကို တွေ့ခဲ့ရကြောင်း၊ ထိုအုန်းခြံများ အားလုံးကို ယခုအခါ သံတွဲမြို့နယ်၊ ငပလီ အခြေစိုက် ခြေလျင်တပ်ရင်း (ခလရ) ၅၅ က သိမ်းယူထားကြောင်း၊ အလားတူ ဂွမြို့နယ်အတွင်းရှိ လယ်ယာမြေ ဧက တထောင်ကျော်ကိုလည်း စစ်တပ်က သိမ်းယူထားကြောင်း သိရသည်။
“ဥပမာ – သိမ်းထားတဲ့ လယ်မြေအမှု ၁၀ မှုရှိရင် ၈ မှုက စစ်တပ်က နည်းလမ်းစုံနဲ့ အဓမ္မ သိမ်းယူထားတာ တွေ့တယ်။ စစ်တပ်နဲ့နီးစပ်တဲ့ ဒေသဆိုင်ရာ အုပ်ချုပ်ရေး အာဏာပိုင်တွေ၊ သူတို့နဲ့နီးစပ်သူတွေက သိမ်းယူထားကြတာ တွေ့တယ်။ ရခိုင် စစ်တိုင်းမှူးဟောင်း ဒု ဗိုလ်ချုပ်ကြီး ခင်မောင်သန်း မိသားစုက သိမ်းထားတဲ့ အမှုတခုကိုလည်း သံတွဲ့မြို့မှာ စစ်ဆေးတွေ့ရှိခဲ့တယ်” ဟု စုံစမ်းရေးကော်မရှင် အဖွဲ့ဝင် ဦးဘရှိန်က ပြောသည်။
ရခိုင်ပြည်နယ်၏ လယ်ယာမြေ စုံစမ်းရေး ကော်မရှင်အဖွဲ့သည် ဒီဇင်ဘာလအတွင်း ကျောက်ဖြူ၊ ဂွ၊ သံတွဲ မြို့နယ် ၃ ခုကို စစ်ဆေးရာ အမှုအားလုံးနီးပါးသည် စစ်တပ်နှင့် အာဏာပိုင်တို့က အဓမ္မသိမ်း ယူထားသည့် အမှုများ ဖြစ်ကြောင်း သိရသည်။
ကျောက်ဖြူမြို့နယ်ရှိ လယ်မြေ အဓမ္မသိမ်းမှု ၈ ခုကို စစ်ဆေးရာတွင် ကျောက်ဖြူ အခြေစိုက် ဓည၀တီ ရေတပ် စခန်းဌာနချုပ်၊ ထောက် လှမ်းရေးတပ်၊ ခြေမြန်တပ်ရင်း (ခမရ) ၅၄၂၊ ဂက်စ် ပိုက်လိုင်းစီမံကိန်း စတင်ရာ မဒေးကျွန်းရှိ ရဲစခန်းမှူးနှင့် ရပ်ရွာအုပ်ချုပ်ရေးမှူး စသူတို့ သိမ်းယူသော အမှုမှာ ၇ မှုရှိပြီး၊ အာဏာပိုင်တို့နှင့် နီးစပ်သည့် ကုမ္ပဏီက သိမ်းယူမှု ၁ မှု ပါဝင်ကြောင်း ကော်မရှင်အဖွဲ့ထံမှ သိရသည်။ ကျောက်ဖြူဒေသ လယ်မြေသိမ်းမှုတွင် ရခိုင် စစ်တိုင်းမှူးဟောင်းနှင့် န၀တ အစိုးရလက်ထက် အတွင်းရေးမှူး (၃) ဒု ဗိုလ်ချုပ်ကြီး ၀င်းမြင့်၏ သမီးအမည်ဖြင့် သိမ်းထားသည့်အမှုလည်း ပါဝင်သည်။
ဂွမြို့နယ်ရှိ ကမ်းသာယာကမ်းခြေနှင့် တခြားလယ်ယာမြေသိမ်းထားသည့် အမှုအားလုံးသည် စစ်တပ်က သိမ်းယူထားခြင်းဖြစ်ကာ သံတွဲမြို့နယ်အမှုများတွင် ဒု ဗိုလ်ချုပ်ကြီး ခင်မောင်သန်း မိသားစု သိမ်းထားသည့်အမှု၊ ငပလီ အခြေစိုက် ခလရ ၅၅ က သိမ်းသည့်အမှု၊ သံတွဲအခြေစိုက် ရေတပ်က သိမ်းယူမှုနှင့် သံတွဲခရိုင် အုပ်ချုပ်ရေးမှူးဟောင်း သိမ်းယူထားသည့် အမှုတို့ကို စစ်ဆေးခဲ့ရကြောင်း၊ ၎င်းတို့ကို အစီရင်ခံစာ တစောင်ရေး၍ ယခုလတွင် ကျင်းပမည့် ပြည်ထောင်စု လွှတ်တော်၌ တင်သွင်းမည်ဟု ဦးဘရှိန်က ဆိုသည်။
ရခိုင်ပြည်နယ်အတွင်း လယ်မြေသိမ်းသည့် စစ်တပ်အာဏာပိုင်များတွင် ရခိုင်ဒေသ၌ တိုင်းမှူး တာဝန် ယူခဲ့ကြသော ဒုတိယ ဗိုလ်ချုပ်ကြီး ဟောင်း ၀င်းမြင့်၊ ဒု ဗိုလ်ချုပ်ကြီး ခင်မောင်သန်း၊ ဗိုလ်ချုပ် မောင်ဦး၊ ဗိုလ်ချုပ် သောင်းအေး၊ ဗိုလ်မှူးချုပ် သူရမောင်နီ၊ ပို့ဆောင်ရေး ၀န်ကြီးဟောင်း ဗိုလ်ချုပ်သိန်းဆွေ စသူတို့နှင့် ၎င်းတို့မိသားစုဝင်များ ပါဝင်ကြောင်း ရခိုင်ဒေသခံများက ပြောသည်။
မြန်မာတနိုင်ငံလုံးရှိ လယ်မြေ အဓမ္မသိမ်းယူမှုများကို စုံးစမ်းစစ်ဆေးရန် ပြည်နယ်နှင့် တိုင်းအလိုက် စုံစမ်းရေး ကော်မရှင် အဖွဲ့များကို ၂၀၁၂ ခုနှစ် ဇူလိုင်လတွင် ဖွဲ့စည်းပေးခဲ့သည်။ ရခိုင်ပြည်နယ်အတွက် စုံးစမ်းရေး ကော်မရှင်တွင် အမျိုးသားလွှတ်တော်နှင့် ပြည်သူ့ လွှတ်တော် ကိုယ်စားလှယ်များ ပါဝင်ပြီး စစ်တပ်လွှတ်တော် ကိုယ်စား လှယ် ဒု ဗိုလ်မှူးကြီး စိုးရွှေ ဦးဆောင်၍ ကွင်းဆင်းစစ်ဆေးခဲ့ကြောင်း သိရသည်။
ရခိုင်ဒေသ လယ်ယာမြေ သိမ်းယူမှု စုံစမ်းရေး ကော်မရှင်အဖွဲ့သည် ၂၀၁၂ ခုနှစ်၊ စက်တင်ဘာလတွင်လည်း မြောက်ဦး၊ မင်းပြား၊ မြေပုံ၊ ကျောက်တော်၊ ရသေ့တောင်၊ တောင်ကုတ်၊ ပုဏ္ဏားကျွန်း စစ်တွေ စသည့်မြို့နယ်များသို့ သွားရောက် စစ်ဆေးခဲ့ရာ၌ စစ်တပ်ကသိမ်း ထားသည့် လယ်မြေဧက ထောင်ပေါင်းများစွာရှိကြောင်း၊ ထို့အတူ ရမ်းဗြဲ၊ ပေါက်တော၊ မာန်အောင် စသည့်မြို့နယ်များတွင်လည်း စစ်တပ်က သိမ်းယူထားသည့် အမှု များကို စုံစမ်း စစ်ဆေးရန် ရှိသေးကြောင်း ကော်မရှင်အဖွဲ့ထံမှ သိရသည်။
Ref: ဧရာဝတီ
Read More...
Collapse...
သာလွန်ဇောင်းထက်
January 8, 2013
မြန်မာနိုင်ငံတွင် အစိုးရ၀န်ကြီးဌာနများ၊ လမ်းတံတားနှင့် မြို့ပြကျွမ်းကျင်ပညာရှင်များ၊ မော်တော်ယာဉ် ထုတ်လုပ်တင်သွင်း ရောင်းချသူ များ အပါအ၀င် နယ်ပယ်ပေါင်းစုံမှ ပညာရှင်များဖြင့် မော်တော်ကား မူဝါဒသစ်တခုကို မကြာမီ စတင် ရေးဆွဲတော့မည် ဖြစ်ကြောင်း သိ ရှိရသည်။
စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ဦးဆောင်ပြီး မော်တော်ယာဉ် ထုတ်တင်သွင်းရောင်းချသော ကုမ္ပဏီများ၊ လုပ်ငန်း ရှင်များ၊ သက်ဆိုင်ရာ ပြည်နယ် / တိုင်းဒေကြီး အစိုးရ ၀န်ကြီးဌာနများ အပါအ၀င် နယ်ပယ်ပေါင်းစုံမှ ကျွမ်းကျင်သူများ ပါဝင်မည်ဖြစ်ပြီး ယင်း ကားမူဝါဒရေးဆွဲပြီးပါက မော်တော်ကား တင်သွင်းမှု၊ ထုတ်လုပ်မှုများ၊ ရောင်းဝယ်မှုများကို ယင်းမူဝါဖြင့်ပင် ခွင့်ပြုသွားမည် ဖြစ် ကြောင်း၊ ကားမူဝါဒသစ် ရေးဆွဲမည် ဖြစ်သော်လည်း လက်ရှိတွင် မော်တော်ကား တင်သွင်းမှုများကို တစုံတရာ ပိတ်ပင်ရန်မရှိဘဲ ဆက် လက် ခွင့်ပြုထားဆဲဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ ဒုတိယညွှန်ကြားရေးမှူးချုပ် ဦးတိုးအောင်မြင့်က ဧရာဝတီသို့ ပြောသည်။
“နိုင်ငံတိုင်း နိုင်ငံတိုင်းမှာ သူ့နိုင်ငံရဲ့ အခြေအနေနဲ့လိုက်ပြီး မော်တော်ကား ပေါ်လစီဆိုတာ ရှိတယ်။ ကျနော်တို့ ဆီမှာ မရှိသေးဘူး။ တနိုင်ငံလုံးအတိုင်းအတာနဲ့ ကြည့်ရင် ရန်ကုန်က ကားအများဆုံးသုံးတယ်။ ကားပေါ်လစီက သူ့နေရာ သူ့ဒေသနဲ့ လိုက်ပြီး ရေးဆွဲတာ မျိုးပေါ့။ ဂျပန်မှာဆိုရင် တိုကျိုမြို့နဲ့ ပတ်သက်တဲ့ ကားပေါ်လစီက တမျိုး၊ အခြားမြို့တွေနဲ့ မတူဘူး။ မြို့အခြေအနေ၊ လမ်းအခြေအနေ ကိုလိုက်ပြီး ပေါ်လစီအမျိုးမျိုးရှိတယ်။ ဒီမှာလည်း အဲလိုမျိုး ဘက်ပေါင်းစုံက ပါဝင်ဆွေးနွေးညှိုနှိုင်းလို့ရတဲ့ ကားပေါ်လစီတခု ရေးဖို့ ပြင်ဆင်နေတယ်။ ပေါ်လစီရေးမယ် ဆိုပေမယ့် ကားတင်သွင်းတာ တွေပိတ်ပင်တာမျိုးမရှိပါဘူး” ဟု ဦးတိုးအောင်မြင့်က ရှင်းပြသည်။
ကားမူဝါဒသစ် ရေးဆွဲပြီးစီးမည့် အချိန်အတိုင်းအတာကို မသိရှိသေးသော်လည်း မော်တော်ကား ထုတ်လုပ်တင်သွင်းသူ၊ ၀ယ်ယူသုံးစွဲသူများ အဆင်ပြေစေရေး၊ မြို့ပြအင်္ဂါရပ်များနှင့် ကိုက်ညီရေး၊ အစိုးရ၀န်ကြီးဌာန၏ မူဝါဒများနှင့် သင့်တော်ကိုက်ညီရေးတို့ကို ထည့်သွင်းစဉ်းစား ရေးဆွဲသွားရန်ရှိသည်ဟု သိရှိရသည်။
“မူဝါဒတရပ် အချိန်တိုတိုနဲ့ ချက်ချင်းချရေး၊ ပြီးတော့ ပြန်ပြင် အဲလိုမျိုးမဖြစ်အောင် ဘက်ပေါင်းစုံပါဝင်ပြီး သင့်တဲ့မျှတဲ့ မူဝါဒဖြစ်အောင် ရေးဆွဲသွားမယ်” ၎င်းက ရှင်းပြသည်။
မော်တော်ယာဉ် တင်သွင်းရောင်းချလျက်ရှိသော လုပ်ငန်းရှင်တဦးဖြစ်သူ Farmer Auto မှ ဒေါက်တာ စိုးထွန်းက မော်တော်ကားမူဝါဒသစ် ရေးဆွဲမည့်အပေါ် ကြိုဆိုလိုက်ပြီး သင့်တင့်မျှတ အများလက်ခံသော မူဝါဒသစ်ဖြစ်လျှင် ပြုပြင်ရန် မလိုဘဲ ရေရှည်တည်တံ့မည်ဟု သုံး သပ်ပြောဆိုသည်။
“မူဝါဒဆိုတာ ရှိသင့်တယ်။ ပေါ်လစီမရှိဘဲနဲ့ အမျိုးမျိုး ပြောင်းလဲလုပ်ကိုင်နေရင် အလုပ်လုပ်တဲ့ သူတွေအတွက်လည်း ခက်တယ်။ သွင်းတဲ့သူတွေအတွက်လည်း ခက်တယ်။ ဖြစ်သင့်တဲ့ကိစ္စပဲ။ ဆွဲတဲ့နေရာမှာတော့ ဘက်ပေါင်းစုံက လူတွေ ထည့်နိုင်ရင် ပိုကောင်းတယ်။ တဖက်တည်းက ကြည့်ဆွဲရင်တော့ အမြင်က တဖက်တည်း။ ဥပမာ – သုံးစွဲသူအပိုင်းက ကြည့်ဆွဲရင်တော့တမျိုး၊ ရောင်းသူပိုင်းက ကြည့်ဆွဲရင် တမျိုးဖြစ်မှာပဲ။ ပေါ်လစီကို နောင်လည်း အများလက်ခံနိုင်အောင် ဆွဲသင့်တယ်” ဟု ဒေါက်တာ စိုးထွန်းက ဆိုသည်။
လတ်တလော ကားအရောင်းစင်တာ အများစုတွင် အရောင်းအ၀ယ် ကျဆင်းလျက်ရှိပြီး ရောင်းလိုအားက ၀ယ်လိုအားထက် လွန်စွာ များပြားလျက်ရှိကြောင်း၊ ၂၀၁၃ ခုနှစ်သည် ကားအရောင်း စင်တာများအတွက် သတိထားရမည့်နှစ်ဖြစ်ပြီး ရောင်းလိုအားနှင့် ၀ယ်လို အားကို ချိန်ဆ ကားတင်သွင်းမှသာလျှင် အရှုံးမပေါ်မည်ဖြစ်ကြောင်း ဒေါက်တာ စိုးထွန်းက ဆက်လက်ပြောသည်။
“လက်ရှိက သတိထားရမယ့် အခြေအနေဖြစ်နေတယ်။ ရောင်းလိုအားများပြီး ၀ယ်လိုအား နည်းနေတယ်။ လူတွေရဲ့ စီးပွားရေးက ထင် သလောက် တက်မလားဘူး။ သုံးစွဲနိုင်အား တက်မလာဘူး။ ၂၀၁၃မှာ ရောင်းအားနဲ့ သုံးစွဲအား ချိန်ပြီးမှ လုပ်သင့်တယ်ထင်တယ်။ မဟုတ်ရင်တော့ အရှုံးနဲ့ ရင်ဆိုင်ရမယ်” ဟု ဒေါက်တာ စိုးထွန်းက ဆိုသည်။
အစိုးရက ကားသစ်များ၏ CIF သင်္ဘောတင် ဈေးနှုန်းသစ်များ (Cost, Insurance and Freight) ထုတ်ပြန်ပြီးနောက် အမေရိကန်နှင့် ဥရောပနိုင်ငံများမှ တင်သွင်းထားသည့် မော်ဒယ်မြင့် ကားသစ်များ၏ ဈေးနှုန်းများ သိန်းနှစ်ရာမှ သုံးရာအထိ ကျဆင်းပြီး ဂျပန်ကား ဈေးနှုန်းများမှာမူ အ၀ယ်မရှိ၍ ငွေကျပ် ၁၀ သိန်းဝန်းကျင် ကျဆင်းကြောင်း သိရှိရသည်။
“ကားဈေးတွေ အဓိက ကျတာ အ၀ယ်ပျောက်နေလို့။ ကားဟောင်းရော၊ ကားသစ်ရော ဈေးကွက်ထဲမှာ ရောင်းမယ့်သူတွေ ပုံနေတယ်။ ပွဲစားတွေလည်း အရောင်းအ၀ယ် မဖြစ်တော့ တော်တော်စိတ်ညစ်နေကြတယ်” ဟု ဟံသာဝတီ ကားပွဲစားတန်းမှ အကျိုးဆောင် ပွဲစား တဦးက ပြောသည်။
စီးပွားရေးနှင့် ကူးသန်းရောင်းဝယ်ရေးဝန်ကြီး ဦးဝင်းမြင့်က အစိုးရသစ် လက်ထက်တွင် ကားဝယ်လျှင် အရှုံးပေါ်မည် ဖြစ်ကြောင်း ဧရာဝတီသတင်းဌာနနှင့် တွေ့ဆုံမေးမြန်းတခုတွင် သတိပေး ထုတ်ဖော်ပြောဆိုခဲ့သည်။
သမ္မတ၏ အမျိုးသားစီးပွားရေးနှင့် လူမှုရေးကောင်စီ အကြံပေးလည်းဖြစ်၊ ရန်ကုန်စီးပွားရေးတက္ကသိုလ် အငြိမ်းစားပါမောက္ခချုပ် လည်းဖြစ်သူ ဦးမော်သန်းကမူ မော်တော်ကား မူဝါဒ ရေးဆွဲရာတွင် အများပြည်သူ လုံခြုံမှု၊ ကားဟောင်း တင်သွင်းမှုကြောင့် နောက် ဆက်တွဲဖြစ်ပေါ်လာနိုင်သော ကျန်းမာရေး၊ ယာဉ်ကြောပိတ်ဆို့မှုများကို ထည့်သွင်းစဉ်းစားရန် အရေးကြီးကြောင်း ပြောသည်။
“ဂျပန်ကားတွေကို သက်တမ်းနဲ့ ပေးသွင်းခွင့်ပြုတာမျိုး။ အများပြည်သူ လုံခြုံမှုနဲ့ ကျန်းမာရေးကိုလည်း အဓိကထား စဉ်းစားတာမျိုး တွေလည်း ကားပေါ်လစီမှာ ပါသင့်တယ်။ နောက်ပြီး ကားဟောင်းတွေဖြစ်တဲ့ အခါကျတော့ ကိုယ့်နိုင်ငံက အမှိုက်ပုံလို ဖြစ်မှာမျိုးတွေ ကိုလည်း သေသေချာချာ စဉ်းစားရမယ်။ ဒါပေမယ့်လည်း အရမ်း တင်းကျပ်လွန်းရင်လည်း ကားဈေးတွေ တက်မှာလည်း စိုးတယ်” ဟု ဦးမော်သန်းက ဆိုသည်။
အစိုးရက ၁၉၉၇ ခုနှစ် ၂၀၁၃ ခုနှစ်ကားများ တင်သွင်းခွင့်ပြုထားသော်လည်း အများစုမှာ ဈေးသက်သာသော ဂျပန်ကားဟောင်းများကို အဓိကတင်သွင်းလျက်ရှိကြသည်။
Ref: ဧရာဝတီ
Read More...
Collapse...
ဖနိဒါ
ဇန်နဝါရီလ ၀၈ ရက် ၂၀၁၃ ခုနှစ်
ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့နှင့် ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီ UNFC တို့ ယခုလအတွင်း တွေ့ဆုံဖွယ်ရှိသည်ဟု မကြာမီက သမ္မတ ဦးသိန်းစိန်နှင့် တွေ့ဆုံခဲ့သော ကရင်အမျိုးသားအစည်းအရုံး KNU မှ တွဲဘက်အတွင်းရေးမှူး (၂) ပဒိုမန်းမန်း က ပြောသည်။
KNU ဥက္ကဋ္ဌ ဗိုလ်ချုပ်ကြီး မူတူးစေးဖိုး အပါအဝင် ခေါင်းဆောင် ငါးဦးတို့သည် ဇန်နဝါရီလ ၅ ရက်နှင့် ၆ ရက်နေ့များက သမ္မတ ဦးသိန်းစိန်နှင့် ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး မင်းအောင်လှိုင်တို့နှင့် နေပြည်တော်တွင် တွေ့ဆုံခဲ့ကြ
ခြင်း ဖြစ်သည်။
“နိုင်ငံရေး ဆွေးနွေးတဲ့အချိန်မှာလည်း တဖွဲ့ချင်းမဟုတ်ဘဲ UNFC နဲ့ တွေ့ဆုံဖို့ ကျနော် ညွန်းပြတယ်။ အဲဒီအပေါ်မှာ ဒီလအတွင်းမှာ UNFC နဲ့ တွေ့နိုင်ဖွယ်ရာ အလားအလာရှိပါတယ်။ မြန်မာအစိုးရ ငြိမ်းချမ်းရေးဖော်ဆောင်ရေး ကော်မတီနဲ့ပေါ့။ ဦးအောင်မင်း ပြောဆိုချက်အရ ပေါ့” ဟု ပဒိုမန်းမန်း က ပြောသည်။
ထိုသို့တွေ့ဆုံရာတွင် အပစ်အခတ် ရပ်စဲရေး ခိုင်မာရန်၊ နိုင်ငံရေးအဆင့် ဆွေးနွေးရန်နှင့် ကချင်လွတ်လပ်ရေးအဖွဲ့ KIO နှင့် ဖြစ်ပွားနေ သော တိုက်ပွဲများ ရပ်ဆိုင်းရေးတို့ကို ဆွေးနွေးခဲ့ကြ သည်။
KIO နှင့် တိုက်ခိုက်နေခြင်းသည် ငြိမ်းချမ်းရေးအတွက် အဟန့်အတား ဖြစ်စေနိုင်ကြောင်း KNU ခေါင်းဆောင်များက ထောက်ပြ ပြောဆိုခဲ့ သည်ဟု ပဒိုမန်းမန်းက မဇ္စျိမကို ပြောသည်။
သမ္မတ ဦးသိန်းစိန် က လက်နက်ကိုင် အဖွဲ့အစည်းများအနေဖြင့် နိုင်ငံရေး ဆွေးနွေးမည်ဆိုပါက လွှတ်တော်အတွင်း ဝင်ရောက်ပြီး ဖွဲ့စည်းပုံအခြေခံ ဥပဒေအား ပြင်ဆင်ရေးကိစ္စကို ထပ်လောင်း ပြောဆိုခဲ့သည်ဟု သိရသည်။
ဒု-ဗိုလ်ချုပ်မှူးကြီး မင်းအောင်လှိုင်ကလည်း တိုင်းရင်းသားအဖွဲ့အစည်းများနှင့် ငြိမ်းချမ်ရေးနှင့် အပစ်အခတ် ရပ်စဲရေးမှာ ၇၅ ရာခိုင်နှုန်း အောင်မြင်မှု ရရှိနေပြီ ဖြစ်ကြောင်းနှင့် ရာနှုန်းပြည့် အောင်မြင်ရေး ဆက်လက် ဆောင်ရွက်နေသည်ဟု ပြောဆိုခဲ့သည်ဟု ပဒိုမန်းမန်း က ပြောသည်။
အစိုးရအနေဖြင့် စစ်မှန်သည့် အပစ်အခတ် ရပ်စဲရေးခိုင်မာပါမှ နိုင်ငံရေးဆွေးနွေးမည့်အဆင့်သို့ ရောက်ရှိနိုင်မည် ဖြစ်ပြီး ထိုနိုင်ငံရေး ဆွေးနွေးမှု မပေါ်ပေါက်နိုင်ပါက အပစ်အခတ် ရပ်စဲရေးသည်လည်း ခိုင်မာမည် မဟုတ်ကြောင်း ပဒိုမန်းမန်းက သုံးသပ်သည်။
ဇန်နဝါရီလ ၇ ရက်နေ့က ထိုင်းနိုင်ငံ၊ ချင်းမိုင်မြို့တနေရာတွင် ကျင်းပနေသော UNFC ၏ ၂ နှစ်ပြည့် နှစ်ပတ်လည် အစည်းအဝေး ကျင်းပပြီးနောက် အစိုးရ ငြိမ်းချမ်းရေးအဖွဲ့နှင့် တွေ့ဆုံနိုင်ဖွယ်ရှိသည်ဟုလည်း သူက မဇ္စျိမကို ပြောသည်။
ထိုနှစ်ပတ်လည် အစည်းအဝေးတွင် အစိုးရနှင့် အပစ်အခတ် ရပ်စဲထားသည့် တွေ့ဆုံဆွေးနွေးမှု အခြေအနေများကို UNFC အထွေ ထွေ အတွင်းရေးမှူး၏ အစီရင်ခံစာနှင့် တဖွဲ့ချင်း အစီရင်ခံစာများကို တင်ပြဆွေးနွေးနေသည်ဟု UNFC တွဲဘက် အတွင်းရေးမှူး ဗိုလ်မှူးကြီး ခွန်ဥက္ကာ က ပြောသည်။
“နိုင်ငံရေးအရ တွေ့ဆုံဆွေးနွေးမှု ပြန်ရောက်အောင် ဘယ်လို ပုံစံနဲ့ ဘယ်လို အခင်းအကျဉ်း လုပ်မလဲဆိုတာတွေ၊ ကချင်ကိစ္စက အဓိက ပါတယ်။ ကချင်နဲ့ အပစ်မရပ်ဘဲ နိုင်ငံရေးဆွေးနွေးပွဲကို ခေါ်ဖို့ မဖြစ်သင့်ဘူး။ ကချင်ကိစ္စ မရပ်ဘဲ နိုင်ငံရေး ဆွေးနွေးပွဲက ကြည့်လို့ မကောင်းဘူး။ ကချင်နဲ့ အပစ်ရပ်ရေးကိုဘဲ နည်းလမ်းပေါင်းစုံရှာကြတာပေါ့” ဟု ဆိုသည်။
KIO နှင့် ဖြစ်ပွားနေသော ပဋိပက္ခများ ရပ်ဆိုင်းရန်အတွင်း တဖွဲ့ချင်း ဝိုင်းဝန်းတာဝန်ယူကြရန် မတူညီသော နည်းလမ်းများဖြင့် ဆက်လက် လုပ်ဆောင်သွားမည် ဖြစ်ကြောင်းလည်း ၎င်းက မဇ္စျိမကို ပြောသည်။
ထိုအစည်းအဝေးတွင် UNFC ဥက္ကဋ္ဌဖြစ်သည့် KIO မှ ဒု-ဗိုလ်ချုပ်ကြီး အင်ဘန်လ၊ ကရင်နီ အမျိုးသား တိုးတက်ရေး ပါတီ KNPP ဒု-ဥက္ကဋ္ဌ အေဘယ်တွိ ဦးဆောင်သောအဖွဲ့များ၊ KNU မှ ပဒိုဒေးဗစ်သာကဘော ဦးဆောင်သော အဖွဲ့များ၊ မွန်ပြည်သစ်ပါတီ NMSP မှ အတွင်းရေးမှူး နိုင်ဟံသာ၊ ရှမ်းပြည် တိုးတက်ရေးပါတီ SSPP မှ ခေါင်းဆောင် နှစ်ဦးတို့ အပါအဝင် စုစုပေါင်း ၄၅ ဦး တက်ရောက်နေသည်ဟု သိရသည်။
ချင်းအမျိုးသားတပ်ဦး CNF မှာမူ ၎င်းတို့၏ ဗဟိုကော်မတီ အစည်းအဝေး ကြိုတင် ကျင်းပရန် စီစဉ်ထားသဖြင့် အစည်းအဝေးကို မတက် ရောက်နိုင်ကြောင်း ခွင့်တောင်းစာ တင်ခဲ့သည်ဟု ဦးခွန်ဥက္ကာ က ပြောသည်။
Ref: မဇ္ဈိမ
Read More...
Collapse...
ခင်မျိုးသွယ်
ဇန်နဝါရီလ ၀၈ ရက် ၂၀၁၃ ခုနှစ်
အသားစားနွား မွေးမြူသူများ အနေဖြင့် ပြည်ပနိုင်ငံများသို့ နွားအရှင်များနှင့် အသားများကို တင်ပို့ ရောင်းချနိုင်ရန်အတွက် ဇန်နဝါရီ လဆန်းပိုင်းမှ စတင်၍ အထူးအဖွဲ့များဖြင့် စစ်ဆေးပေးမည်ဟု သိရသည်။
“နွားမွေးမြူသူတွေ အနေနဲ့ ပြည်ပ တင်ပို့ဖို့ စနစ်တကျ မွေးထားမယ်၊ ကျန်းမာရေး စောင့်ရှောက်မှုတွေ လုပ်ထားမယ်၊ ပြည်ပနိုင်ငံတွေက ဝယ်သူကိုလည်း ချိတ်ထားမယ်၊ ပြည်ပ တင်ပို့ရောင်းချဖို့ အသင့်ဖြစ်ပြီ ဆိုရင် မွေးမြူရေးနဲ့ ကုသရေး ဦးစီးဌာနက အထူးအဖွဲ့ ဖွဲ့ပြီး ဆောင်ရွက်ပေးမှာ ဖြစ်ပါတယ်” ဟု မွေးမြူရေးနှင့် ကုသရေး ဦးစီးဌာနမှ ဒုတိယ ညွှန်ကြားရေးမှူးချုပ် ဒေါက်တာအောင်ကြီး က မဇ္ဈိမကို ပြောသည်။
အထူးအဖွဲ့အနေဖြင့် တိရိစ္တာန် အစားအစာ ကျွေးမွေးမှု ပုံစံနှင့် ရောဂါ ကင်းမကင်းကို မသတ်ဖြတ်မီ စစ်ဆေးခြင်းတို့ ပြုလုပ်၍ ရောဂါကင်းရှင်းမှသာ သတ်ဖြတ်ခွင့်ပေးမည်ဟု ဆိုသည်။
“ပြည်တွင်းကော ပြည်ပပါ စစ်ဆေးပြီးမှ စားသုံးသင့် မသင့် ကျန်းမာရေး ထောက်ခံချက် ပေးတာမျိုးတွေကို ဆောင်ရွက်မှာပါ” ဟု ဦးအောင်ကြီး က ဆက်ပြောသည်။
မြန်မာနိုင်ငံမှ တရုတ်နိုင်ငံသို့ တင်ပို့ပေးနေသည့် အမဲသားတွင် ခွာနာလျှာနာ မကင်းကြောင်း စစ်ဆေးတွေ့ရှိသဖြင့် အမဲသား တင်ပို့ ပေးနေမှုကို ဇူလိုင် လလယ်ပိုင်းမှ စတင် ရပ်ဆိုင်းထားခဲ့သည်။ ထို့ကြောင့် ခွာနာလျှာနာ ကင်းရှင်းသည့် ဒေသများနှင့် ရောဂါကျရောက်မှု လုံးဝမဖြစ်သည့် ဒေသများမှ မွေးမြူရေး နွားများကို လက်ခံဝယ်ယူမည် ဆိုပါက ရောဂါကင်းရှင်းကြောင်း စစ်ဆေးပေးသွားမည် ဟု ဒေါက်တာအောင်ကြီး က ဆိုသည်။
၎င်းဌာနအနေဖြင့် တိရိစ္တာန်ရောဂါ ကာကွယ်ဆေး ထိုးထားပါကလည်း တပတ်အတွင်း စားသောက်ခွင့် မပြုဟု သတ်မှတ်ခြင်း၊ သတ်မှတ်ပြီး အသားစိမ်းများကို စစ်ဆေးပြီးမှ ရောင်းချခွင့်ပြုခြင်းများ ပြုလုပ်သွားမည်ဟု သိရသည်။
မြန်မာနိုင်ငံမှ ခိုင်းနွားများကို ပြည်ပသို့ တင်ပို့ခွင့် မပြုသော်လည်း မွေးမြူရေး နွားအရှင်များကို ကျောက်ဖြူ ရေနက်ဆိပ်ကမ်းမှ တဆင့် မလေးရှားနိုင်ငံသို့ ၂၀၀၄ ခုနှစ်မှ စ၍ သုံးနှစ် တင်ပို့ခဲ့သည်။
၂၀၀၈ ခုနှစ်တွင် အေးခဲအမဲသားကို တရုတ်နိုင်ငံနှင့် အရှေ့အလယ်ပိုင်း ဒေသများသို့ တင်ပို့ ရောင်းချခဲ့ပြီး သိုး၊ ဆိတ် အမဲအရှင်များကို ၂၀၁၁ ခုနှစ်အထိ မလေးရှားနိုင်ငံသို့ တင်ပို့ခဲ့ကြောင်း မွေးမြူရေးနှင့် ရေလုပ်ငန်း ဝန်ကြီးဌာန မှတ်တမ်းများအရ သိရသည်။
၂၀၁၁-၂၀၁၂ ဘဏ္ဍာရေးနှစ်တွင် အေးခဲ အမဲသား ပြည်ပတင်ပို့ခဲ့မှုမှ အမေရိကန် ဒေါ်လာ ၄၈ သန်းကျော် ရရှိခဲ့သည်။
Ref: မဇ္ဈိမ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88